𑌶𑍍𑌰𑍀 𑌸𑍂𑌰𑍍𑌯 𑌶𑌤𑌕𑌮𑍍

॥ 𑌸𑍂𑌰𑍍𑌯𑌶𑌤𑌕𑌮𑍍 ॥
𑌮𑌹𑌾𑌕𑌵𑌿𑌶𑍍𑌰𑍀𑌮𑌯𑍂𑌰𑌪𑍍𑌰𑌣𑍀𑌤𑌮𑍍

॥ 𑌶𑍍𑌰𑍀 𑌗𑌣𑍇𑌶𑌾𑌯 𑌨𑌮𑌃 ॥

𑌜𑌂𑌭𑌾𑌰𑌾𑌤𑍀𑌭𑌕𑍁𑌂𑌭𑍋𑌦𑍍𑌭𑌵𑌮𑌿𑌵 𑌦𑌧𑌤𑌃 𑌸𑌾𑌂𑌦𑍍𑌰𑌸𑌿𑌂𑌦𑍂𑌰𑌰𑍇𑌣𑍁𑌂
𑌰𑌕𑍍𑌤𑌾𑌃 𑌸𑌿𑌕𑍍𑌤𑌾 𑌇𑌵𑍌𑌘𑍈𑌰𑍁𑌦𑌯𑌗𑌿𑌰𑌿𑌤𑌟𑍀𑌧𑌾𑌤𑍁𑌧𑌾𑌰𑌾𑌦𑍍𑌰𑌵𑌸𑍍𑌯 । 𑌵𑌰𑍍 𑌸𑌕𑍍𑌤𑍈𑌃
𑌆𑌯𑌾𑌂𑌤𑍍𑌯𑌾 𑌤𑍁𑌲𑍍𑌯𑌕𑌾𑌲𑌂 𑌕𑌮𑌲𑌵𑌨𑌰𑍁𑌚𑍇𑌵𑌾𑌰𑍁𑌣𑌾 𑌵𑍋 𑌵𑌿𑌭𑍂𑌤𑍍𑌯𑍈
𑌭𑍂𑌯𑌾𑌸𑍁𑌰𑍍𑌭𑌾𑌸𑌯𑌂𑌤𑍋 𑌭𑍁𑌵𑌨𑌮𑌭𑌿𑌨𑌵𑌾 𑌭𑌾𑌨𑌵𑍋 𑌭𑌾𑌨𑌵𑍀𑌯𑌾𑌃 ॥ 1 ॥

𑌭𑌕𑍍𑌤𑌿𑌪𑍍𑌰𑌹𑍍𑌵𑌾𑌯 𑌦𑌾𑌤𑍁𑌂 𑌮𑍁𑌕𑍁𑌲𑌪𑍁𑌟𑌕𑍁𑌟𑍀𑌕𑍋𑌟𑌰𑌕𑍍𑌰𑍋𑌡𑌲𑍀𑌨𑌾𑌂
𑌲𑌕𑍍𑌷𑍍𑌮𑍀𑌮𑌾𑌕𑍍𑌰𑌷𑍍𑌟𑍁𑌕𑌾𑌮𑌾 𑌇𑌵 𑌕𑌮𑌲𑌵𑌨𑍋𑌦𑍍𑌧𑌾𑌟𑌨𑌂 𑌕𑍁𑌰𑍍𑌵𑌤𑍇 𑌯𑍇 ।
𑌕𑌾𑌲𑌾𑌕𑌾𑌰𑌾𑌂𑌧𑌕𑌾𑌰𑌾𑌨𑌨𑌪𑌤𑌿𑌤𑌜𑌗𑌤𑍍𑌸𑌾𑌧𑍍𑌵𑌸𑌧𑍍𑌵𑌂𑌸𑌕𑌲𑍍𑌯𑌾𑌃
𑌕𑌲𑍍𑌯𑌾𑌣𑌂 𑌵𑌃 𑌕𑍍𑌰𑌿𑌯𑌾𑌸𑍁𑌃 𑌕𑌿𑌸𑌲𑌯𑌰𑍁𑌚𑌯𑌸𑍍𑌤𑍇 𑌕𑌰𑌾 𑌭𑌾𑌸𑍍𑌕𑌰𑌸𑍍𑌯 ॥ 2 ॥

𑌗𑌰𑍍𑌭𑍇𑌷𑍍𑌵𑌂𑌭𑍋𑌰𑍁𑌹𑌾𑌣𑌾𑌂 𑌶𑌿𑌖𑌰𑌿𑌷𑍁 𑌚 𑌶𑌿𑌤𑌾𑌗𑍍𑌰𑍇𑌷𑍁 𑌤𑍁𑌲𑍍𑌯𑌂 𑌪𑌤𑌂𑌤𑌃
𑌪𑍍𑌰𑌾𑌰𑌂𑌭𑍇 𑌵𑌾𑌸𑌰𑌸𑍍𑌯 𑌵𑍍𑌯𑍁𑌪𑌰𑌤𑌿𑌸𑌮𑌯𑍇 𑌚𑍈𑌕𑌰𑍂𑌪𑌾𑌸𑍍𑌤𑌥𑍈𑌵 ।
𑌨𑌿𑌷𑍍𑌪𑌰𑍍𑌯𑌾𑌯𑌂 𑌪𑍍𑌰𑌵𑍃𑌤𑍍𑌤𑌾𑌸𑍍𑌤𑍍𑌰𑌿𑌭𑍁𑌵𑌨𑌭𑌵𑌨𑌪𑍍𑌰𑌾𑌂𑌗𑌣𑍇 𑌪𑌾𑌂𑌤𑍁 𑌯𑍁𑌷𑍍𑌮𑌾-
𑌨𑍂𑌷𑍍𑌮𑌾𑌣𑌂 𑌸𑌂𑌤𑌤𑌾𑌧𑍍𑌵𑌶𑍍𑌰𑌮𑌜𑌮𑌿𑌵 𑌭𑍃𑌶𑌂 𑌬𑌿𑌭𑍍𑌰𑌤𑍋 𑌬𑍍𑌰𑌧𑍍𑌨𑌪𑌾𑌦𑌾𑌃 ॥ 3 ॥

𑌪𑍍𑌰𑌭𑍍𑌰𑌶𑍍𑌯𑌤𑍍𑌯𑍁𑌤𑍍𑌤𑌰𑍀𑌯𑌤𑍍𑌵𑌿𑌷𑌿 𑌤𑌮𑌸𑌿 𑌸𑌮𑍁𑌦𑍍𑌦𑍀𑌕𑍍𑌷𑍍𑌯 𑌵𑍀𑌤𑌾𑌵𑍃𑌤𑍀𑌨𑍍𑌪𑍍𑌰𑌾-
𑌗𑍍𑌜𑌂𑌤𑍂𑌂𑌸𑍍𑌤𑌂𑌤𑍂𑌨𑍍𑌯𑌥𑌾 𑌯𑌾𑌨𑌤𑌨𑍁 𑌵𑌿𑌤𑌨𑍁𑌤𑍇 𑌤𑌿𑌗𑍍𑌮𑌰𑍋𑌚𑌿𑌰𑍍𑌮𑌰𑍀𑌚𑍀𑌨𑍍 ।
𑌤𑍇 𑌸𑌾𑌂𑌦𑍍𑌰𑍀𑌭𑍂𑌯 𑌸𑌦𑍍𑌯𑌃 𑌕𑍍𑌰𑌮𑌵𑌿𑌶𑌦𑌦𑌶𑌾𑌶𑌾𑌦𑌶𑌾𑌲𑍀𑌵𑌿𑌶𑌾𑌲𑌂
𑌶𑌶𑍍𑌵𑌤𑍍𑌸𑌂𑌪𑌾𑌦𑌯𑌂𑌤𑍋𑌽𑌂𑌬𑌰𑌮𑌮𑌲𑌮𑌲𑌂 𑌮𑌂𑌗𑌲𑌂 𑌵𑍋 𑌦𑌿𑌶𑌂𑌤𑍁 ॥ 4 ॥

𑌨𑍍𑌯𑌕𑍍𑌕𑍁𑌰𑍍𑌵𑌨𑍍𑌨𑍋𑌷𑌧𑍀𑌶𑍇 𑌮𑍁𑌷𑌿𑌤𑌰𑍁𑌚𑌿 𑌶𑍁𑌚𑍇𑌵𑍌𑌷𑌧𑍀𑌃 𑌪𑍍𑌰𑍋𑌷𑌿𑌤𑌾𑌭𑌾
𑌭𑌾𑌸𑍍𑌵𑌦𑍍𑌗𑍍𑌰𑌾𑌵𑍋𑌦𑍍𑌗𑌤𑍇𑌨 𑌪𑍍𑌰𑌥𑌮𑌮𑌿𑌵 𑌕𑍃𑌤𑌾𑌭𑍍𑌯𑍁𑌦𑍍𑌗𑌤𑌿𑌃 𑌪𑌾𑌵𑌕𑍇𑌨 ।
𑌪𑌕𑍍𑌷𑌚𑍍𑌛𑍇𑌦𑌵𑍍𑌰𑌣𑌾𑌸𑍃𑌕𑍍𑌸𑍍𑌰𑍁𑌤 𑌇𑌵 𑌦𑍃𑌷𑌦𑍋 𑌦𑌰𑍍𑌶𑌯𑌨𑍍𑌪𑍍𑌰𑌾𑌤𑌰𑌦𑍍𑌰𑍇-
𑌰𑌾𑌤𑌾𑌮𑍍𑌰𑌸𑍍𑌤𑍀𑌵𑍍𑌰𑌭𑌾𑌨𑍋𑌰𑌨𑌭𑌿𑌮𑌤𑌨𑍁𑌦𑍇 𑌸𑍍𑌤𑌾𑌦𑍍𑌗𑌭𑌸𑍍𑌤𑍍𑌯𑍁𑌦𑍍𑌗𑌮𑍋 𑌵𑌃 ॥ 5 ॥

𑌶𑍀𑌰𑍍𑌣𑌘𑍍𑌰𑌾𑌣𑌾𑌂𑌘𑍍𑌰𑌿𑌪𑌾𑌣𑍀𑌨𑍍𑌵𑍍𑌰𑌣𑌿𑌭𑌿𑌰𑌪𑌘𑌨𑍈𑌰𑍍𑌘𑌰𑍍𑌘𑌰𑌾𑌵𑍍𑌯𑌕𑍍𑌤𑌘𑍋𑌷𑌾𑌨𑍍
𑌦𑍀𑌰𑍍𑌘𑌾𑌘𑍍𑌰𑌾𑌤𑌾𑌨𑌘𑍌𑌘𑍈 𑌪𑍁𑌨𑌰𑌪𑌿 𑌘𑌟𑌯𑌤𑍍𑌯𑍇𑌕 𑌉𑌲𑍍𑌲𑌾𑌘𑌯𑌨𑍍 𑌯𑌃 ।
𑌘𑌰𑍍𑌮𑌾𑌂𑌶𑍋𑌸𑍍𑌤𑌸𑍍𑌯 𑌵𑍋𑌽𑌂𑌤𑌰𑍍𑌦𑍍𑌵𑌿𑌗𑍁𑌣𑌘𑌨𑌘𑍃𑌣𑌾𑌨𑌿𑌘𑍍𑌨𑌨𑌿𑌰𑍍𑌵𑌿𑌘𑍍𑌨𑌵𑍃𑌤𑍍𑌤𑍇-
𑌰𑍍𑌦𑌤𑍍𑌤𑌾𑌰𑍍𑌘𑌾𑌃 𑌸𑌿𑌦𑍍𑌧𑌸𑌂𑌘𑍈𑌰𑍍𑌵𑌿𑌦𑌧𑌤𑍁 𑌘𑍃𑌣𑌯𑌃 𑌶𑍀𑌘𑍍𑌰𑌮𑌂𑌹𑍋𑌵𑌿𑌧𑌾𑌤𑌮𑍍 ॥ 6 ॥

𑌬𑌿𑌭𑍍𑌰𑌾𑌣𑌾 𑌵𑌾𑌮𑌨𑌤𑍍𑌵𑌂 𑌪𑍍𑌰𑌥𑌮𑌮𑌥 𑌤𑌥𑍈𑌵𑌾𑌂𑌶𑌵𑌃 𑌪𑍍𑌰𑌾𑌂𑌶𑌵𑍋 𑌵𑌃
𑌕𑍍𑌰𑌾𑌂𑌤𑌾𑌕𑌾𑌶𑌾𑌂𑌤𑌰𑌾𑌲𑌾𑌸𑍍𑌤𑌦𑌨𑍁 𑌦𑌶𑌦𑌿𑌶𑌃 𑌪𑍂𑌰𑌯𑌂𑌤𑌸𑍍𑌤𑌤𑍋𑌽𑌪𑌿 ।
𑌧𑍍𑌵𑌾𑌂𑌤𑌾𑌦𑌾𑌚𑍍𑌛𑌿𑌦𑍍𑌯 𑌦𑍇𑌵𑌦𑍍𑌵𑌿𑌷 𑌇𑌵 𑌬𑌲𑌿𑌤𑍋 𑌵𑌿𑌶𑍍𑌵𑌮𑌾𑌶𑍍𑌵𑌶𑍍𑌨𑍁𑌵𑌾𑌨𑌾𑌃 𑌵𑌰𑍍 𑌦𑍇𑌵𑌦𑍍𑌰𑍁𑌹
𑌕𑍃𑌚𑍍𑌛𑍍𑌰𑌾𑌣𑍍𑌯𑍁𑌚𑍍𑌛𑍍𑌰𑌾𑌯𑌹𑍇𑌲𑍋𑌪𑌹𑌸𑌿𑌤𑌹𑌰𑌯𑍋 𑌹𑌾𑌰𑌿𑌦𑌶𑍍𑌵𑌾 𑌹𑌰𑌂𑌤𑍁 ॥ 𑍭 ॥

𑌉𑌦𑍍𑌗𑌾𑌢𑍇𑌨𑌾𑌰𑍁𑌣𑌿𑌮𑍍𑌨𑌾 𑌵𑌿𑌦𑌧𑌤𑌿 𑌬𑌹𑍁𑌲𑌂 𑌯𑍇𑌽𑌰𑍁𑌣𑌸𑍍𑌯𑌾𑌰𑍁𑌣𑌤𑍍𑌵𑌂
𑌮𑍂𑌰𑍍𑌧𑍋𑌦𑍍𑌧𑍂𑌤𑍌 𑌖𑌲𑍀𑌨𑌕𑍍𑌷𑌤𑌰𑍁𑌧𑌿𑌰𑌰𑍁𑌚𑍋 𑌯𑍇 𑌰𑌥𑌾𑌶𑍍𑌵𑌾𑌨𑌨𑍇𑌷𑍁 ।
𑌶𑍈𑌲𑌾𑌨𑌾𑌂 𑌶𑍇𑌖𑌰𑌤𑍍𑌵𑌂 𑌶𑍍𑌰𑌿𑌤𑌶𑌿𑌖𑌰𑌿𑌶𑌿𑌖𑌾𑌸𑍍𑌤𑌨𑍍𑌵𑌤𑍇 𑌯𑍇 𑌦𑌿𑌶𑌂𑌤𑍁 𑌵𑌰𑍍 𑌶𑌿𑌖𑌰𑌶𑌿𑌖𑌾𑌃
𑌪𑍍𑌰𑍇𑌂𑌖𑌂𑌤𑌃 𑌖𑍇 𑌖𑌰𑌾𑌂𑌶𑍋𑌃 𑌖𑌚𑌿𑌤𑌦𑌿𑌨𑌮𑍁𑌖𑌾𑌸𑍍𑌤𑍇 𑌮𑌯𑍂𑌖𑌾𑌃 𑌸𑍁𑌖𑌂 𑌵𑌃 ॥ 𑍮 ॥

𑌦𑌤𑍍𑌤𑌾𑌨𑌂𑌦𑌾𑌃 𑌪𑍍𑌰𑌜𑌾𑌨𑌾𑌂 𑌸𑌮𑍁𑌚𑌿𑌤𑌸𑌮𑌯𑌾𑌕𑍃𑌷𑍍𑌟𑌸𑍃𑌷𑍍𑌟𑍈𑌃 𑌪𑌯𑍋𑌭𑌿𑌃 𑌵𑌰𑍍 𑌅𑌕𑍍𑌲𑌿𑌷𑍍𑌟𑌸𑍃𑌷𑍍𑌟𑍈𑌃
𑌪𑍂𑌰𑍍𑌵𑌾𑌹𑍍𑌣𑍇 𑌵𑌿𑌪𑍍𑌰𑌕𑍀𑌰𑍍𑌣𑌾 𑌦𑌿𑌶𑌿 𑌦𑌿𑌶𑌿 𑌵𑌿𑌰𑌮𑌤𑍍𑌯𑌹𑍍𑌨𑌿 𑌸𑌂𑌹𑌾𑌰𑌭𑌾𑌜𑌃 ।
𑌦𑍀𑌪𑍍𑌤𑌾𑌂𑌶𑍋𑌰𑍍𑌦𑍀𑌰𑍍𑌘𑌦𑍁𑌃𑌖𑌪𑍍𑌰𑌭𑌵𑌭𑌵𑌭𑌯𑍋𑌦𑌨𑍍𑌵𑌦𑍁𑌤𑍍𑌤𑌾𑌰𑌨𑌾𑌵𑍋
𑌗𑌾𑌵𑍋 𑌵𑌃 𑌪𑌾𑌵𑌨𑌾𑌨𑌾𑌂 𑌪𑌰𑌮𑌪𑌰𑌿𑌮𑌿𑌤𑌾𑌂 𑌪𑍍𑌰𑍀𑌤𑌿𑌮𑍁𑌤𑍍𑌪𑌾𑌦𑌯𑌂𑌤𑍁 ॥ 𑍯 ॥

𑌬𑌂𑌧𑌧𑍍𑌵𑌂𑌸𑍈𑌕𑌹𑍇𑌤𑍁𑌂 𑌶𑌿𑌰𑌸𑌿 𑌨𑌤𑌿𑌰𑌸𑌾𑌬𑌦𑍍𑌧𑌸𑌂𑌧𑍍𑌯𑌾𑌂𑌜𑌲𑍀𑌨𑌾𑌂
𑌲𑍋𑌕𑌾𑌨𑌾𑌂 𑌯𑍇 𑌪𑍍𑌰𑌬𑍋𑌧𑌂 𑌵𑌿𑌦𑌧𑌤𑌿 𑌵𑌿𑌪𑍁𑌲𑌾𑌂𑌭𑍋𑌜𑌖𑌂𑌡𑌾𑌶𑌯𑍇𑌵 ।
𑌯𑍁𑌷𑍍𑌮𑌾𑌕𑌂 𑌤𑍇 𑌸𑍍𑌵𑌚𑌿𑌤𑍍𑌤𑌪𑍍𑌰𑌥𑌿𑌤𑌪𑍃𑌥𑍁𑌤𑌰𑌪𑍍𑌰𑌾𑌰𑍍𑌥𑌨𑌾𑌕𑌲𑍍𑌪𑌵𑍃𑌕𑍍𑌷𑌾𑌃 𑌵𑌰𑍍 𑌪𑍍𑌰𑌥𑌿𑌮
𑌕𑌲𑍍𑌪𑌂𑌤𑌾𑌂 𑌨𑌿𑌰𑍍𑌵𑌿𑌕𑌲𑍍𑌪𑌂 𑌦𑌿𑌨𑌕𑌰𑌕𑌿𑌰𑌣𑌾𑌃 𑌕𑍇𑌤𑌵𑌃 𑌕𑌲𑍍𑌮𑌷𑌸𑍍𑌯 ॥ 10 ॥

𑌧𑌾𑌰𑌾 𑌰𑌾𑌯𑍋 𑌧𑌨𑌾𑌯𑌾𑌪𑌦𑌿 𑌸𑌪𑌦𑌿 𑌕𑌰𑌾𑌲𑌂𑌬𑌭𑍂𑌤𑌾𑌃 𑌪𑍍𑌰𑌪𑌾𑌤𑍇
𑌤𑌤𑍍𑌤𑍍𑌵𑌾𑌲𑍋𑌕𑍈𑌕𑌦𑍀𑌪𑌾𑌸𑍍𑌤𑍍𑌰𑌿𑌦𑌶𑌪𑌤𑌿𑌪𑍁𑌰𑌪𑍍𑌰𑌸𑍍𑌥𑌿𑌤𑍌 𑌵𑍀𑌥𑍍𑌯 𑌏𑌵 ।
𑌨𑌿𑌰𑍍𑌵𑌾𑌣𑍋𑌦𑍍𑌯𑍋𑌗𑌿𑌯𑍋𑌗𑌿𑌪𑍍𑌰𑌗𑌮𑌨𑌿𑌜𑌤𑌨𑍁𑌦𑍍𑌵𑌾𑌰𑌿 𑌵𑍇𑌤𑍍𑌰𑌾𑌯𑌮𑌾𑌣𑌾-
𑌸𑍍𑌤𑍍𑌰𑌾𑌯𑌂𑌤𑌾𑌂 𑌤𑍀𑌵𑍍𑌰𑌭𑌾𑌨𑍋𑌰𑍍𑌦𑌿𑌵𑌸𑌮𑍁𑌖𑌸𑍁𑌖𑌾 𑌰𑌶𑍍𑌮𑌯𑌃 𑌕𑌲𑍍𑌮𑌷𑌾𑌦𑍍𑌵𑌃 ॥ 11 ॥

𑌵𑌰𑍍 𑌤𑍀𑌵𑍍𑌰𑌭𑌾𑌸𑌃 𑌵𑌰𑍍 𑌕𑌶𑍍𑌮𑌲𑌾𑌦𑍍𑌵𑌃

𑌪𑍍𑌰𑌾𑌚𑌿 𑌪𑍍𑌰𑌾𑌗𑌾𑌚𑌰𑌂𑌤𑍍𑌯𑍋𑌽𑌨𑌤𑌿𑌚𑌿𑌰𑌮𑌚𑌲𑍇 𑌚𑌾𑌰𑍁𑌚𑍂𑌡𑌾𑌮𑌣𑌿𑌤𑍍𑌵𑌂
𑌮𑍁𑌂𑌚𑌂𑌤𑍍𑌯𑍋 𑌰𑍋𑌚𑌨𑌾𑌂𑌭𑌃 𑌪𑍍𑌰𑌚𑍁𑌰𑌮𑌿𑌵 𑌦𑌿𑌶𑌾𑌮𑍁𑌚𑍍𑌚𑌕𑍈𑌶𑍍𑌚𑌰𑍍𑌚𑌨𑌾𑌯 ।
𑌚𑌾𑌟𑍂𑌤𑍍𑌕𑍈𑌶𑍍𑌚𑌕𑍍𑌰𑌨𑌾𑌮𑍍𑌨𑌾𑌂 𑌚𑌤𑍁𑌰𑌮𑌵𑌿𑌚𑌲𑍈𑌰𑍍𑌲𑍋𑌚𑌨𑍈𑌰𑌰𑍍𑌚𑍍𑌯𑌮𑌾𑌨𑌾- 𑌵𑌰𑍍 𑌸𑍁𑌚𑌿𑌰𑌂
𑌶𑍍𑌚𑍇𑌷𑍍𑌟𑌂𑌤𑌾𑌂 𑌚𑌿𑌂𑌤𑌿𑌤𑌾𑌨𑌾𑌮𑍁𑌚𑌿𑌤𑌮𑌚𑌰𑌮𑌾𑌶𑍍𑌚𑌂𑌡𑌰𑍋𑌚𑍀𑌰𑍁𑌚𑍋 𑌵𑌃 ॥ 12 ॥

𑌏𑌕𑌂 𑌜𑍍𑌯𑍋𑌤𑌿𑌰𑍍𑌦𑍃𑌶𑍌 𑌦𑍍𑌵𑍇 𑌤𑍍𑌰𑌿𑌜𑌗𑌤𑌿 𑌗𑌦𑌿𑌤𑌾𑌨𑍍𑌯𑌬𑍍𑌜𑌜𑌾𑌸𑍍𑌯𑍈𑌶𑍍𑌚𑌤𑍁𑌰𑍍𑌭𑌿-
𑌰𑍍𑌭𑍂𑌤𑌾𑌨𑌾𑌂 𑌪𑌂𑌚𑌮𑌂 𑌯𑌾𑌨𑍍𑌯𑌲𑌮𑍃𑌤𑍁𑌷𑍁 𑌤𑌥𑌾 𑌷𑌟𑍍𑌸𑍁 𑌨𑌾𑌨𑌾𑌵𑌿𑌧𑌾𑌨𑌿 ।
𑌯𑍁𑌷𑍍𑌮𑌾𑌕𑌂 𑌤𑌾𑌨𑌿 𑌸𑌪𑍍𑌤𑌤𑍍𑌰𑌿𑌦𑌶𑌮𑍁𑌨𑌿𑌨𑍁𑌤𑌾𑌨𑍍𑌯𑌷𑍍𑌟𑌦𑌿𑌗𑍍𑌭𑌾𑌂𑌜𑌿 𑌭𑌾𑌨𑍋-
𑌰𑍍𑌯𑌾𑌂𑌤𑌿 𑌪𑍍𑌰𑌾𑌹𑍍𑌣𑍇 𑌨𑌵𑌤𑍍𑌵𑌂 𑌦𑌶 𑌦𑌧𑌤𑍁 𑌶𑌿𑌵𑌂 𑌦𑍀𑌧𑌿𑌤𑍀𑌨𑌾𑌂 𑌶𑌤𑌾𑌨𑌿 ॥ 13 ॥ 𑌵𑌰𑍍 𑌦𑌦𑌤𑍁

𑌆𑌵𑍃𑌤𑍍𑌤𑌿𑌭𑍍𑌰𑌾𑌂𑌤𑌵𑌿𑌶𑍍𑌵𑌾𑌃 𑌶𑍍𑌰𑌮𑌮𑌿𑌵 𑌦𑌧𑌤𑌃 𑌶𑍋𑌷𑌿𑌣𑌃 𑌸𑍍𑌵𑍋𑌷𑍍𑌮𑌣𑍇𑌵
𑌗𑍍𑌰𑍀𑌷𑍍𑌮𑍇 𑌦𑌾𑌵𑌾𑌗𑍍𑌨𑌿𑌤𑌪𑍍𑌤𑌾 𑌇𑌵 𑌰𑌸𑌮𑌸𑌕𑍃𑌦𑍍𑌯𑍇 𑌧𑌰𑌿𑌤𑍍𑌰𑍍𑌯𑌾 𑌧𑌯𑌂𑌤𑌿 ।
𑌤𑍇 𑌪𑍍𑌰𑌾𑌵𑍃𑌷𑍍𑌯𑌾𑌤𑍍𑌤𑌪𑌾𑌨𑌾𑌤𑌿𑌶𑌯𑌰𑍁𑌜 𑌇𑌵𑍋𑌦𑍍𑌵𑌾𑌂𑌤𑌤𑍋𑌯𑌾 𑌹𑌿𑌮𑌰𑍍𑌤𑍌
𑌮𑌾𑌰𑍍𑌤𑌂𑌡𑌸𑍍𑌯𑌾𑌪𑍍𑌰𑌚𑌂𑌡𑌾𑌶𑍍𑌚𑌿𑌰𑌮𑌶𑍁𑌭𑌭𑌿𑌦𑍇𑌽𑌭𑍀𑌷𑌵𑍋 𑌵𑍋 𑌭𑌵𑌂𑌤𑍁 ॥ 14 ॥

𑌤𑌨𑍍𑌵𑌾𑌨𑌾 𑌦𑌿𑌗𑍍𑌵𑌧𑍂𑌨𑌾𑌂 𑌸𑌮𑌧𑌿𑌕𑌮𑌧𑍁𑌰𑌾𑌲𑍋𑌕𑌰𑌮𑍍𑌯𑌾𑌮𑌵𑌸𑍍𑌥𑌾-
𑌮𑌾𑌰𑍁𑌢𑌪𑍍𑌰𑍌𑌢𑌿𑌲𑍇𑌶𑍋𑌤𑍍𑌕𑌲𑌿𑌤𑌕𑌪𑌿𑌲𑌿𑌮𑌾𑌲𑌂𑌕𑍃𑌤𑌿𑌃 𑌕𑍇𑌵𑌲𑍈𑌵 ।
𑌉𑌜𑍍𑌜𑍃𑌂𑌭𑌾𑌂𑌭𑍋𑌜𑌨𑍇𑌤𑍍𑌰𑌦𑍍𑌯𑍁𑌤𑌿𑌨𑌿 𑌦𑌿𑌨𑌮𑍁𑌖𑍇 𑌕𑌿𑌂𑌚𑌿𑌦𑍁𑌦𑍍𑌭𑌿𑌦𑍍𑌯𑌮𑌾𑌨𑌾
𑌶𑍍𑌮𑌶𑍍𑌰𑍁𑌶𑍍𑌰𑍇𑌣𑍀𑌵 𑌭𑌾𑌸𑌾𑌂 𑌦𑌿𑌶𑌤𑍁 𑌦𑌶𑌶𑌤𑍀 𑌶𑌰𑍍𑌮 𑌘𑌰𑍍𑌮𑌤𑍍𑌵𑌿𑌷𑍋 𑌵𑌃 ॥ 15 ॥

𑌮𑍌𑌲𑍀𑌂𑌦𑍋𑌰𑍍𑌮𑍈𑌷 𑌮𑍋𑌷𑍀𑌦𑍍𑌦𑍍𑌯𑍁𑌤𑌿𑌮𑌿𑌤𑌿 𑌵𑍃𑌷𑌭𑌾𑌂𑌕𑍇𑌨 𑌯𑌃 𑌶𑌂𑌕𑌿𑌨𑍇𑌵
𑌪𑍍𑌰𑌤𑍍𑌯𑌗𑍍𑌰𑍋𑌦𑍍𑌘𑌾𑌟𑌿𑌤𑌾𑌂𑌭𑍋𑌰𑍁𑌹𑌕𑍁𑌹𑌰𑌗𑍁𑌹𑌾𑌸𑍁𑌸𑍍𑌥𑌿𑌤𑍇𑌨𑍇𑌵 𑌧𑌾𑌤𑍍𑌰𑌾 ।
𑌕𑍃𑌷𑍍𑌣𑍇𑌨 𑌧𑍍𑌵𑌾𑌂𑌤𑌕𑍃𑌷𑍍𑌣𑌸𑍍𑌵𑌤𑌨𑍁𑌪𑌰𑌿𑌭𑌵𑌤𑍍𑌰𑌸𑍍𑌨𑍁𑌨𑍇𑌵 𑌸𑍍𑌤𑍁𑌤𑍋𑌽𑌲𑌂
𑌤𑍍𑌰𑌾𑌣𑌾𑌯 𑌸𑍍𑌤𑌾𑌤𑍍𑌤𑌨𑍀𑌯𑌾𑌨𑌪𑌿 𑌤𑌿𑌮𑌿𑌰𑌰𑌿𑌪𑍋𑌃 𑌸 𑌤𑍍𑌵𑌿𑌷𑌾𑌮𑍁𑌦𑍍𑌗𑌮𑍋 𑌵𑌃 ॥ 16 ॥

𑌵𑌿𑌸𑍍𑌤𑍀𑌰𑍍𑌣𑌂 𑌵𑍍𑌯𑍋𑌮 𑌦𑍀𑌰𑍍𑌘𑌾𑌃 𑌸𑌪𑌦𑌿 𑌦𑌶 𑌦𑌿𑌶𑍋 𑌵𑍍𑌯𑌸𑍍𑌤𑌵𑍇𑌲𑌾𑌂𑌭𑌸𑍋𑌽𑌬𑍍𑌧𑍀𑌨𑍍
𑌕𑍁𑌰𑍍𑌵𑌦𑍍𑌭𑌿𑌰𑍍𑌦𑍃𑌶𑍍𑌯𑌨𑌾𑌨𑌾𑌨𑌗𑌨𑌗𑌰𑌨𑌗𑌾𑌭𑍋𑌗𑌪𑍃𑌥𑍍𑌵𑍀𑌂 𑌚 𑌪𑍃𑌥𑍍𑌵𑍀𑌮𑍍 ।
𑌪𑌦𑍍𑌮𑌿𑌨𑍍𑌯𑍁𑌚𑍍𑌛𑍍𑌵𑌾𑌸𑍍𑌯𑌤𑍇 𑌯𑍈𑌰𑍁𑌷𑌸𑌿 𑌜𑌗𑌦𑌪𑌿 𑌧𑍍𑌵𑌂𑌸𑌯𑌿𑌤𑍍𑌵𑌾 𑌤𑌮𑌿𑌸𑍍𑌰𑌾-
𑌮𑍁𑌸𑍍𑌰𑌾 𑌵𑌿𑌸𑍍𑌰𑌂𑌸𑌯𑌂𑌤𑍁 𑌦𑍍𑌰𑍁𑌤𑌮𑌨𑌭𑌿𑌮𑌤𑌂 𑌤𑍇 𑌸𑌹𑌸𑍍𑌰𑌤𑍍𑌵𑌿𑌷𑍋 𑌵𑌃 ॥ 1𑍭 ॥ 𑌵𑌰𑍍 𑌵𑌿𑌸𑍍𑌰𑌾𑌵𑌯𑌂𑌤𑍁

𑌅𑌸𑍍𑌤𑌵𑍍𑌯𑌸𑍍𑌤𑌤𑍍𑌵𑌶𑍂𑌨𑍍𑌯𑍋 𑌨𑌿𑌜𑌰𑍁𑌚𑌿𑌰𑌨𑌿𑌶𑌾𑌨𑌶𑍍𑌵𑌰𑌃 𑌕𑌰𑍍𑌤𑍁𑌮𑍀𑌶𑍋
𑌵𑌿𑌶𑍍𑌵𑌂 𑌵𑍇𑌶𑍍𑌮𑍇𑌵 𑌦𑍀𑌪𑌃 𑌪𑍍𑌰𑌤𑌿𑌹𑌤𑌤𑌿𑌮𑌿𑌰𑌂 𑌯𑌃 𑌪𑍍𑌰𑌦𑍇𑌶𑌸𑍍𑌥𑌿𑌤𑍋𑌽𑌪𑌿 ।
𑌦𑌿𑌕𑍍𑌕𑌾𑌲𑌾𑌪𑍇𑌕𑍍𑌷𑌯𑌾𑌸𑍌 𑌤𑍍𑌰𑌿𑌭𑍁𑌵𑌨𑌮𑌟𑌤𑌸𑍍𑌤𑌿𑌗𑍍𑌮𑌭𑌾𑌨𑍋𑌰𑍍𑌨𑌵𑌾𑌖𑍍𑌯𑌾𑌂
𑌯𑌾𑌤𑌃 𑌶𑌾𑌤𑌕𑍍𑌰𑌤𑌵𑍍𑌯𑌾𑌂 𑌦𑌿𑌶𑌿 𑌦𑌿𑌶𑌤𑍁 𑌶𑌿𑌵𑌂 𑌸𑍋𑌽𑌰𑍍𑌚𑌿𑌷𑌾𑌮𑍁𑌦𑍍𑌗𑌮𑍋 𑌵𑌃 ॥ 1𑍮 ॥

𑌮𑌾𑌗𑌾𑌨𑍍𑌮𑍍𑌲𑌾𑌨𑌿𑌂 𑌮𑍃𑌣𑌾𑌲𑍀 𑌮𑍃𑌦𑍁𑌰𑌿𑌤𑌿 𑌦𑌯𑌯𑍇𑌵𑌾𑌪𑍍𑌰𑌵𑌿𑌷𑍍𑌟𑍋𑌽𑌹𑌿𑌲𑍋𑌕𑌂
𑌲𑍋𑌕𑌾𑌲𑍋𑌕𑌸𑍍𑌯 𑌪𑌾𑌰𑍍𑌶𑍍𑌵𑌂 𑌪𑍍𑌰𑌤𑌪𑌤𑌿 𑌨 𑌪𑌰𑌂 𑌯𑌸𑍍𑌤𑌦𑌾𑌖𑍍𑌯𑌾𑌰𑍍𑌥𑌮𑍇𑌵 ।
𑌊𑌰𑍍𑌧𑍍𑌵𑌂 𑌬𑍍𑌰𑌹𑍍𑌮𑌾𑌂𑌡𑌖𑌂𑌡𑌸𑍍𑌫𑍁𑌟𑌨𑌭𑌯𑌪𑌰𑌿𑌤𑍍𑌯𑌕𑍍𑌤𑌦𑍈𑌰𑍍𑌘𑍍𑌯𑍋 𑌦𑍍𑌯𑍁𑌸𑍀𑌮𑍍𑌨𑌿
𑌸𑍍𑌵𑍇𑌛𑌾𑌵𑌶𑍍𑌯𑌾𑌵𑌕𑌾𑌶𑌾𑌵𑌧𑌿𑌰𑌵𑌤𑍁 𑌸 𑌵𑌸𑍍𑌤𑌾𑌪𑌨𑍋 𑌰𑍋𑌚𑌿𑌰𑍋𑌘𑌃 ॥ 1𑍯 ॥

𑌅𑌶𑍍𑌯𑌾𑌮𑌃 𑌕𑌾𑌲 𑌏𑌕𑍋 𑌨 𑌭𑌵𑌤𑌿 𑌭𑍁𑌵𑌨𑌾𑌂𑌤𑍋𑌽𑌪𑌿 𑌵𑍀𑌤𑍇𑌽𑌂𑌧𑌕𑌾𑌰𑍇 𑌵𑌰𑍍 𑌵𑍀𑌤𑌾𑌂𑌧𑌕𑌾𑌰𑌃
𑌸𑌦𑍍𑌯𑌃 𑌪𑍍𑌰𑌾𑌲𑍇𑌯𑌪𑌾𑌦𑍋 𑌨 𑌵𑌿𑌲𑌯𑌮𑌚𑌲𑌶𑍍𑌚𑌂𑌦𑍍𑌰𑌮𑌾 𑌅𑌪𑍍𑌯𑍁𑌪𑍈𑌤𑌿 ।
𑌬𑌂𑌧𑌃 𑌸𑌿𑌦𑍍𑌧𑌾𑌂𑌜𑌲𑍀𑌨𑌾𑌂 𑌨 𑌹𑌿 𑌕𑍁𑌮𑍁𑌦𑌵𑌨𑌸𑍍𑌯𑌾𑌪𑌿 𑌯𑌤𑍍𑌰𑍋𑌜𑍍𑌜𑌿𑌹𑌾𑌨𑍇
𑌤𑌤𑍍𑌪𑍍𑌰𑌾𑌤𑌃 𑌪𑍍𑌰𑍇𑌕𑍍𑌷𑌣𑍀𑌯𑌂 𑌦𑌿𑌶𑌤𑍁 𑌦𑌿𑌨𑌪𑌤𑍇𑌰𑍍𑌧𑌾𑌮 𑌕𑌾𑌮𑌾𑌧𑌿𑌕𑌂 𑌵𑌃 ॥ 20 ॥

𑌯𑌤𑍍𑌕𑌾𑌂𑌤𑌿𑌂 𑌪𑌂𑌕𑌜𑌾𑌨𑌾𑌂 𑌨 𑌹𑌰𑌤𑌿 𑌕𑍁𑌰𑍁𑌤𑍇 𑌪𑍍𑌰𑌤𑍍𑌯𑍁𑌤𑌾𑌧𑌿𑌕𑍍𑌯𑌰𑌮𑍍𑌯𑌾𑌂 𑌵𑌰𑍍 𑌪𑍍𑌰𑌤𑍍𑌯𑍁𑌤𑌾𑌤𑍀𑌵 𑌰𑌮𑍍𑌯𑌾𑌂
𑌨𑍋 𑌧𑌤𑍍𑌤𑍇 𑌤𑌾𑌰𑌕𑌾𑌭𑌾𑌂 𑌤𑌿𑌰𑌯𑌤𑌿 𑌨𑌿𑌤𑌰𑌾𑌮𑌾𑌶𑍁 𑌯𑌨𑍍𑌨𑌿𑌤𑍍𑌯𑌮𑍇𑌵 । 𑌵𑌰𑍍 𑌨𑌾𑌧𑌤𑍍𑌤𑍇
𑌕𑌰𑍍𑌤𑍁𑌂 𑌨𑌾𑌲𑌂 𑌨𑌿𑌮𑍇𑌷𑌂 𑌦𑌿𑌵𑌸𑌮𑌪𑌿 𑌪𑌰𑌂 𑌯𑌤𑍍𑌤𑌦𑍇𑌕𑌂 𑌤𑍍𑌰𑌿𑌲𑍋𑌕𑍍𑌯𑌾-
𑌶𑍍𑌚𑌕𑍍𑌷𑍁𑌃 𑌸𑌾𑌮𑌾𑌨𑍍𑌯𑌚𑌕𑍍𑌷𑍁𑌰𑍍𑌵𑌿𑌸𑌦𑍃𑌶𑌮𑌘𑌭𑌿𑌦𑍍𑌭𑌾𑌸𑍍𑌵𑌤𑌸𑍍𑌤𑌾𑌨𑍍𑌮𑌹𑍋 𑌵𑌃 ॥ 21 ॥

𑌕𑍍𑌷𑍍𑌮𑌾𑌂 𑌕𑍍𑌷𑍇𑌪𑍀𑌯𑌃 𑌕𑍍𑌷𑌪𑌾𑌂𑌭𑌃𑌶𑌿𑌶𑌿𑌰𑌤𑌰𑌜𑌲𑌸𑍍𑌪𑌰𑍍𑌶𑌤𑌰𑍍𑌷𑌾𑌦𑍃𑌤𑍇𑌵
𑌦𑍍𑌰𑌾𑌗𑌾𑌶𑌾 𑌨𑍇𑌤𑍁𑌮𑌾𑌶𑌾𑌦𑍍𑌵𑌿𑌰𑌦𑌕𑌰𑌸𑌰𑌃𑌪𑍁𑌷𑍍𑌕𑌰𑌾𑌣𑍀𑌵 𑌬𑍋𑌧𑌮𑍍 ।
𑌪𑍍𑌰𑌾𑌤𑌃 𑌪𑍍𑌰𑍋𑌲𑍍𑌲𑌂𑌘𑍍𑌯 𑌵𑌿𑌷𑍍𑌣𑍋𑌃 𑌪𑌦𑌮𑌪𑌿 𑌘𑍃𑌣𑌯𑍇𑌵𑌾𑌤𑌿𑌵𑍇𑌗𑌾𑌦𑍍𑌦𑌵𑍀𑌯-
𑌸𑍍𑌯𑍁𑌦𑍍𑌦𑌾𑌮 𑌦𑍍𑌯𑍋𑌤𑌮𑌾𑌨𑌾 𑌦𑌹𑌤𑍁 𑌦𑌿𑌨𑌪𑌤𑍇𑌰𑍍𑌦𑍁𑌰𑍍𑌨𑌿𑌮𑌿𑌤𑍍𑌤𑌂 𑌦𑍍𑌯𑍁𑌤𑌿𑌰𑍍𑌵𑌃 ॥ 22 ॥

𑌨𑍋 𑌕𑌲𑍍𑌪𑌾𑌪𑌾𑌯𑌵𑌾𑌯𑍋𑌰𑌦𑌯𑌰𑌯𑌦𑌲𑌤𑍍𑌕𑍍𑌷𑍍𑌮𑌾𑌧𑌰𑌸𑍍𑌯𑌾𑌪𑌿 𑌗𑌮𑍍𑌯𑌾 𑌵𑌰𑍍 𑌶𑌮𑍍𑌯𑌾
𑌗𑌾𑌢𑍋𑌦𑍍𑌗𑍀𑌰𑍍𑌣𑍋𑌜𑍍𑌜𑍍𑌵𑌲𑌶𑍍𑌰𑍀𑌰𑌹𑌨𑌿 𑌨 𑌰𑌹𑌿𑌤𑌾 𑌨𑍋 𑌤𑌮𑌃𑌕𑌜𑍍𑌜𑌲𑍇𑌨 ।
𑌪𑍍𑌰𑌾𑌪𑍍𑌤𑍋𑌤𑍍𑌪𑌤𑍍𑌤𑌿𑌃 𑌪𑌤𑌂𑌗𑌾𑌨𑍍𑌨 𑌪𑍁𑌨𑌰𑍁𑌪𑌗𑌤𑌾 𑌮𑍋𑌷𑌮𑍁𑌷𑍍𑌣𑌤𑍍𑌵𑌿𑌷𑍋 𑌵𑍋
𑌵𑌰𑍍𑌤𑌿𑌃 𑌸𑍈𑌵𑌾𑌨𑍍𑌯𑌰𑍂𑌪𑌾 𑌸𑍁𑌖𑌯𑌤𑍁 𑌨𑌿𑌖𑌿𑌲𑌦𑍍𑌵𑍀𑌪𑌦𑍀𑌪𑌸𑍍𑌯 𑌦𑍀𑌪𑍍𑌤𑌿𑌃 ॥ 23 ॥

𑌨𑌿𑌃𑌶𑍇𑌷𑌾𑌶𑌾𑌵𑌪𑍂𑌰𑌪𑍍𑌰𑌵𑌣𑌗𑍁𑌰𑍁𑌗𑍁𑌣𑌶𑍍𑌲𑌾𑌘𑌨𑍀𑌯𑌸𑍍𑌵𑌰𑍂𑌪𑌾
𑌪𑌰𑍍𑌯𑌾𑌪𑍍𑌤𑌂 𑌨𑍋𑌦𑌯𑌾𑌦𑍌 𑌦𑌿𑌨𑌗𑌮𑌸𑌮𑌯𑍋𑌪𑌪𑍍𑌲𑌵𑍇𑌽𑌪𑍍𑌯𑍁𑌨𑍍𑌨𑌤𑍈𑌵 ।
𑌅𑌤𑍍𑌯𑌂𑌤𑌂 𑌯𑌾𑌨𑌭𑌿𑌜𑍍𑌞𑌾 𑌕𑍍𑌷𑌣𑌮𑌪𑌿 𑌤𑌮𑌸𑌾 𑌸𑌾𑌕𑌮𑍇𑌕𑌤𑍍𑌰 𑌵𑌸𑍍𑌤𑍁𑌂
𑌬𑍍𑌰𑌧𑍍𑌨𑌸𑍍𑌯𑍇𑌦𑍍𑌧𑌾 𑌰𑍁𑌚𑌿𑌰𑍍𑌵𑍋 𑌰𑍁𑌚𑌿𑌰𑌿𑌵 𑌰𑍁𑌚𑌿𑌤𑌸𑍍𑌯𑌾𑌪𑍍𑌤𑌯𑍇 𑌵𑌸𑍍𑌤𑍁𑌨𑍋𑌸𑍍𑌤𑍁 ॥ 24 ॥ 𑌵𑌰𑍍 𑌚𑌿𑌰𑍁𑌰𑌸𑍍𑌯, 𑌰𑍁𑌚𑌿𑌰𑌸𑍍𑌯

𑌵𑌿𑌭𑍍𑌰𑌾𑌣𑌃 𑌶𑌕𑍍𑌤𑌿𑌮𑌾𑌶𑍁 𑌪𑍍𑌰𑌶𑌮𑌿𑌤𑌬𑌲𑌵𑌤𑍍𑌤𑌾𑌰𑌕𑍌𑌰𑍍𑌜𑌿𑌤𑍍𑌯𑌗𑍁𑌰𑍍𑌵𑍀𑌂
𑌕𑍁𑌰𑍍𑌵𑌾𑌣𑍋 𑌲𑍀𑌲𑌯𑌾𑌧𑌃 𑌶𑌿𑌖𑌿𑌨𑌮𑌪𑌿 𑌲𑌸𑌚𑍍𑌚𑌂𑌦𑍍𑌰𑌕𑌾𑌂𑌤𑌾𑌵𑌭𑌾𑌸𑌮𑍍 ।
𑌆𑌦𑌧𑍍𑌯𑌾𑌦𑌂𑌧𑌕𑌾𑌰𑍇 𑌰𑌤𑌿𑌮𑌤𑌿𑌶𑌯𑌿𑌨𑍀𑌮𑌾𑌵𑌹𑌨𑍍𑌵𑍀𑌕𑍍𑌷𑌣𑌾𑌨𑌾𑌂 𑌵𑌰𑍍 𑌆𑌦𑍇𑌯𑌾𑌦𑍀𑌕𑍍𑌷𑌣𑌾𑌨𑌾𑌂
𑌬𑌾𑌲𑍋 𑌲𑌕𑍍𑌷𑍍𑌮𑍀𑌮𑌪𑌾𑌰𑌾𑌮𑌪𑌰 𑌇𑌵 𑌗𑍁𑌹𑍋𑌽𑌹𑌰𑍍𑌪𑌤𑍇𑌰𑌾𑌤𑌪𑍋 𑌵𑌃 ॥ 25 ॥

𑌜𑍍𑌯𑍋𑌤𑍍𑌸𑍍𑌨𑌾𑌂𑌶𑌾𑌕𑌰𑍍𑌷𑌪𑌾𑌂𑌡𑍁𑌦𑍍𑌯𑍁𑌤𑌿 𑌤𑌿𑌮𑌿𑌰𑌮𑌷𑍀𑌶𑍇𑌷𑌕𑌲𑍍𑌮𑌾𑌷𑌮𑍀𑌷-
𑌜𑍍𑌜𑍃𑌂𑌭𑍋𑌦𑍍𑌭𑍂𑌤𑍇𑌨 𑌪𑌿𑌂𑌗𑌂 𑌸𑌰𑌸𑌿𑌜𑌰𑌜𑌸𑌾 𑌸𑌂𑌧𑍍𑌯𑌯𑌾 𑌶𑍋𑌣𑌶𑍋𑌚𑌿𑌃 ।
𑌪𑍍𑌰𑌾𑌤𑌃𑌪𑍍𑌰𑌾𑌰𑌂𑌭𑌕𑌾𑌲𑍇 𑌸𑌕𑌲𑌮𑌪𑌿 𑌜𑌗𑌚𑍍𑌚𑌿𑌤𑍍𑌰𑌮𑍁𑌨𑍍𑌮𑍀𑌲𑌯𑌂𑌤𑍀
𑌕𑌾𑌂𑌤𑌿𑌸𑍍𑌤𑍀𑌕𑍍𑌷𑍍𑌣𑌤𑍍𑌵𑌿𑌷𑍋𑌽𑌕𑍍𑌷𑍍𑌣𑌾𑌂 𑌮𑍁𑌦𑌮𑍁𑌪𑌨𑌯𑌤𑌾𑌤𑍍𑌤𑍂𑌲𑌿𑌕𑍇𑌵𑌾𑌤𑍁𑌲𑌾𑌂 𑌵𑌃 ॥ 26 ॥

𑌆𑌯𑌾𑌂𑌤𑍀 𑌕𑌿𑌂 𑌸𑍁𑌮𑍇𑌰𑍋𑌃 𑌸𑌰𑌣𑌿𑌰𑌰𑍁𑌣𑌿𑌤𑌾 𑌪𑌾𑌦𑍍𑌮𑌰𑌾𑌗𑍈𑌃 𑌪𑌰𑌾𑌗𑍈-
𑌰𑌾𑌹𑍋𑌸𑍍𑌵𑌿𑌤𑍍𑌸𑍍𑌵𑌸𑍍𑌯 𑌮𑌾𑌹𑌾𑌰𑌜𑌨𑌵𑌿𑌰𑌚𑌿𑌤𑌾 𑌵𑍈𑌜𑌯𑌂𑌤𑍀 𑌰𑌥𑌸𑍍𑌯 ।
𑌮𑌾𑌂𑌜𑌿𑌷𑍍𑌠𑍀 𑌪𑍍𑌰𑌷𑍍𑌠𑌵𑌾𑌹𑌾𑌵𑌲𑌿𑌵𑌿𑌧𑍁𑌤𑌶𑌿𑌰𑌶𑍍𑌚𑌾𑌮𑌰𑌾𑌲𑍀 𑌨𑍁 𑌲𑍋𑌕𑍈- 𑌵𑌰𑍍 𑌚𑌾𑌮𑌰𑌾𑌲𑍀𑌵
𑌰𑌾𑌶𑌂𑌕𑍍𑌯𑌾𑌲𑍋𑌕𑌿𑌤𑍈𑌵𑌂 𑌸𑌵𑌿𑌤𑍁𑌰𑌘𑌨𑍁𑌦𑍇 𑌸𑍍𑌤𑌾𑌤𑍍𑌪𑍍𑌰𑌭𑌾𑌤𑌪𑍍𑌰𑌭𑌾 𑌵𑌃 ॥ 2𑍭 ॥

𑌧𑍍𑌵𑌾𑌂𑌤𑌧𑍍𑌵𑌂𑌸𑌂 𑌵𑌿𑌧𑌤𑍍𑌤𑍇 𑌨 𑌤𑌪𑌤𑌿 𑌰𑍁𑌚𑌿𑌮𑌨𑍍𑌨𑌾𑌤𑌿𑌰𑍂𑌪𑌂 𑌵𑍍𑌯𑌨𑌕𑍍𑌤𑌿
𑌨𑍍𑌯𑌕𑍍𑌤𑍍𑌵𑌂 𑌨𑍀𑌤𑍍𑌵𑌾𑌪𑌿 𑌨𑌕𑍍𑌤𑌂 𑌨 𑌵𑌿𑌤𑌰𑌤𑌿𑌤𑌰𑌾𑌂 𑌤𑌾𑌵𑌦𑌹𑍍𑌨𑌸𑍍𑌤𑍍𑌵𑌿𑌷𑌂 𑌯𑌃 । 𑌵𑌰𑍍 𑌨𑍍𑌯𑌕𑍍𑌤𑌾𑌮𑌹𑍍𑌨𑌿
𑌸 𑌪𑍍𑌰𑌾𑌤𑌰𑍍𑌮𑌾 𑌵𑌿𑌰𑌂𑌸𑍀𑌦𑌸𑌕𑌲𑌪𑌟𑌿𑌮𑌾 𑌪𑍂𑌰𑌯𑌨𑍍𑌯𑍁𑌷𑍍𑌮𑌦𑌾𑌶𑌾-
𑌮𑌾𑌶𑌾𑌕𑌾𑌶𑌾𑌵𑌕𑌾𑌶𑌾𑌵𑌤𑌰𑌣𑌤𑌰𑍁𑌣𑌪𑍍𑌰𑌕𑍍𑌰𑌮𑍋𑌽𑌰𑍍𑌕𑌪𑍍𑌰𑌕𑌾𑌶𑌃 ॥ 2𑍮 ॥

𑌤𑍀𑌵𑍍𑌰𑌂 𑌨𑌿𑌰𑍍𑌵𑌾𑌣𑌹𑍇𑌤𑍁𑌰𑍍𑌯𑌦𑌪𑌿 𑌚 𑌵𑌿𑌪𑍁𑌲𑌂 𑌯𑌤𑍍𑌪𑍍𑌰𑌕𑌰𑍍𑌷𑍇𑌣 𑌚𑌾𑌣𑍁
𑌪𑍍𑌰𑌤𑍍𑌯𑌕𑍍𑌷𑌂 𑌯𑌤𑍍𑌪𑌰𑍋𑌕𑍍𑌷𑌂 𑌯𑌦𑌿𑌹 𑌯𑌦𑌪𑌰𑌂 𑌨𑌶𑍍𑌵𑌰𑌂 𑌶𑌾𑌶𑍍𑌵𑌤𑌂 𑌚 ।
𑌯𑌤𑍍𑌸𑌰𑍍𑌵𑌸𑍍𑌯 𑌪𑍍𑌰𑌸𑌿𑌦𑍍𑌧𑌂 𑌜𑌗𑌤𑌿 𑌕𑌤𑌿𑌪𑌯𑍇 𑌯𑍋𑌗𑌿𑌨𑍋 𑌯𑌦𑍍𑌵𑌿𑌦𑌂𑌤𑌿
𑌜𑍍𑌯𑍋𑌤𑌿𑌸𑍍𑌤𑌦𑍍𑌦𑍍𑌵𑌿𑌪𑍍𑌰𑌕𑌾𑌰𑌂 𑌸𑌵𑌿𑌤𑍁𑌰𑌵𑌤𑍁 𑌵𑍋 𑌬𑌾𑌹𑍍𑌯𑌮𑌾𑌭𑍍𑌯𑌂𑌤𑌰𑌂 𑌚 ॥ 2𑍯 ॥

𑌰𑌤𑍍𑌨𑌾𑌨𑌾𑌂 𑌮𑌂𑌡𑌨𑌾𑌯 𑌪𑍍𑌰𑌭𑌵𑌤𑌿 𑌨𑌿𑌯𑌤𑍋𑌦𑍍𑌦𑍇𑌶𑌲𑌬𑍍𑌧𑌾𑌵𑌕𑌾𑌶𑌂
𑌵𑌹𑍍𑌨𑍇𑌰𑍍𑌦𑌾𑌰𑍍𑌵𑌾𑌦𑌿 𑌦𑌗𑍍𑌧𑍁𑌂 𑌨𑌿𑌜𑌜𑌡𑌿𑌮𑌤𑌯𑌾 𑌕𑌰𑍍𑌤𑍁𑌮𑌾𑌨𑌂𑌦𑌮𑌿𑌂𑌦𑍋𑌃 ।
𑌯𑌚𑍍𑌚 𑌤𑍍𑌰𑍈𑌲𑍋𑌕𑍍𑌯𑌭𑍂𑌷𑌾𑌵𑌿𑌧𑌿𑌰𑌘𑌦𑌹𑌨𑌂 𑌹𑍍𑌲𑌾𑌦𑌿 𑌵𑍃𑌷𑍍𑌟𑍍𑌯𑌾𑌶𑍁 𑌤𑌦𑍍𑌵𑍋 𑌵𑌰𑍍 𑌯𑌤𑍍𑌤𑍁
𑌬𑌾𑌹𑍁𑌲𑍍𑌯𑍋𑌤𑍍𑌪𑌾𑌦𑍍𑌯𑌕𑌾𑌰𑍍𑌯𑌾𑌧𑌿𑌕𑌤𑌰𑌮𑌵𑌤𑌾𑌦𑍇𑌕𑌮𑍇𑌵𑌾𑌰𑍍𑌕𑌤𑍇𑌜𑌃 ॥ 30 ॥

𑌮𑍀𑌲𑌚𑍍𑌚𑌕𑍍𑌷𑍁𑌰𑍍𑌵𑌿𑌜𑌿𑌹𑍍𑌮𑌶𑍍𑌰𑍁𑌤𑌿 𑌜𑌡𑌰𑌸𑌨𑌂 𑌨𑌿𑌘𑍍𑌨𑌿𑌤𑌘𑍍𑌰𑌾𑌣𑌵𑍃𑌤𑍍𑌤𑌿
𑌸𑍍𑌵𑌵𑍍𑌯𑌾𑌪𑌾𑌰𑌾𑌕𑍍𑌷𑌮𑌤𑍍𑌵𑌕𑍍𑌪𑌰𑌿𑌮𑍁𑌷𑌿𑌤𑌮𑌨𑌃 𑌶𑍍𑌵𑌾𑌸𑌮𑌾𑌤𑍍𑌰𑌾𑌵𑌶𑍇𑌷𑌮𑍍 ।
𑌵𑌿𑌸𑍍𑌰𑌸𑍍𑌤𑌾𑌂𑌗𑌂 𑌪𑌤𑌿𑌤𑍍𑌵𑌾 𑌸𑍍𑌵𑌪𑌦𑌪𑌹𑌰𑌤𑌾𑌦𑌶𑍍𑌰𑌿𑌯𑌂 𑌵𑍋𑌽𑌰𑍍𑌕𑌜𑌨𑍍𑌮𑌾 𑌵𑌰𑍍 𑌅𑌪𑍍𑌰𑌿𑌯𑌂
𑌕𑌾𑌲𑌵𑍍𑌯𑌾𑌲𑌾𑌵𑌲𑍀𑌢𑌂 𑌜𑌗𑌦𑌗𑌦 𑌇𑌵𑍋𑌤𑍍𑌥𑌾𑌪𑌯𑌨𑍍𑌪𑍍𑌰𑌾𑌕𑍍𑌪𑍍𑌰𑌤𑌾𑌪𑌃 ॥ 31 ॥

𑌨𑌿𑌃𑌶𑍇𑌷𑌂 𑌨𑍈𑌶𑌮𑌂𑌭𑌃 𑌪𑍍𑌰𑌸𑌭𑌮𑌪𑌨𑍁𑌦𑌨𑍍𑌨𑌶𑍍𑌰𑍁𑌲𑍇𑌶𑌾𑌨𑍁𑌕𑌾𑌰𑌿
𑌸𑍍𑌤𑍋𑌕𑌸𑍍𑌤𑍋𑌕𑌾𑌪𑌨𑍀𑌤𑌾𑌰𑍁𑌣𑌰𑍁𑌚𑌿𑌰𑌚𑌿𑌰𑌾𑌦𑌸𑍍𑌤𑌦𑍋𑌷𑌾𑌨𑍁𑌷𑌂𑌗𑌃 ।
𑌦𑌾𑌤𑌾 𑌦𑍃𑌷𑍍𑌟𑌿𑌂 𑌪𑍍𑌰𑌸𑌨𑍍𑌨𑌾𑌂 𑌤𑍍𑌰𑌿𑌭𑍁𑌵𑌨𑌨𑌯𑌨𑌸𑍍𑌯𑌾𑌶𑍁 𑌯𑍁𑌷𑍍𑌮𑌦𑍍𑌵𑌿𑌰𑍁𑌦𑍍𑌧𑌂
𑌵𑌧𑍍𑌯𑌾𑌦𑍍𑌬𑍍𑌰𑌧𑍍𑌨𑌸𑍍𑌯 𑌸𑌿𑌦𑍍𑌧𑌾𑌂𑌜𑌨𑌵𑌿𑌧𑌿𑌰𑌪𑌰𑌃 𑌪𑍍𑌰𑌾𑌕𑍍𑌤𑌨𑍋𑌽𑌰𑍍𑌚𑌿𑌃𑌪𑍍𑌰𑌚𑌾𑌰𑌃 ॥ 32 ॥

𑌭𑍂𑌤𑍍𑌵𑌾 𑌜𑌂𑌭𑌸𑍍𑌯 𑌭𑍇𑌤𑍍𑌤𑍁𑌃 𑌕𑌕𑍁𑌭𑌿 𑌪𑌰𑌿𑌭𑌵𑌾𑌰𑌂𑌭𑌭𑍂𑌃 𑌶𑍁𑌭𑍍𑌰𑌭𑌾𑌨𑍋- 𑌵𑌰𑍍 𑌸𑍍𑌥𑌿𑌤𑍍𑌵𑌾
𑌰𑍍𑌬𑌿𑌭𑍍𑌰𑌾𑌣𑌾 𑌬𑌭𑍍𑌰𑍁𑌭𑌾𑌵𑌂 𑌪𑍍𑌰𑌸𑌭𑌮𑌭𑌿𑌨𑌵𑌾𑌂𑌭𑍋𑌜𑌜𑍃𑌂𑌭𑌾𑌪𑍍𑌰𑌗𑌲𑍍𑌭𑌾 ।
𑌭𑍂𑌷𑌾 𑌭𑍂𑌯𑌿𑌷𑍍𑌠𑌶𑍋𑌭𑌾 𑌤𑍍𑌰𑌿𑌭𑍁𑌵𑌨𑌭𑌵𑌨𑌸𑍍𑌯𑌾𑌸𑍍𑌯 𑌵𑍈𑌭𑌾𑌕𑌰𑍀 𑌪𑍍𑌰𑌾𑌗𑍍-
𑌵𑌿𑌭𑍍𑌰𑌾𑌂𑌤𑌾 𑌭𑍍𑌰𑌾𑌜𑌮𑌾𑌨𑌾 𑌵𑌿𑌭𑌵𑌤𑍁 𑌵𑌿𑌭𑌵𑍋𑌦𑍍𑌭𑍂𑌤𑌯𑍇 𑌸𑌾 𑌵𑌿𑌭𑌾 𑌵𑌃 ॥ 33 ॥ 𑌵𑌰𑍍 𑌨𑌿𑌰𑍍𑌭𑌾𑌂𑌤𑌿, 𑌵𑌿𑌭𑍍𑌰𑌾𑌂𑌤𑌿

𑌸𑌂𑌸𑌕𑍍𑌤𑌂 𑌸𑌿𑌕𑍍𑌤𑌮𑍂𑌲𑌾𑌦𑌭𑌿𑌨𑌵𑌭𑍁𑌵𑌨𑍋𑌦𑍍𑌯𑌾𑌨𑌕𑍌𑌤𑍂𑌹𑌲𑌿𑌨𑍍𑌯𑌾
𑌯𑌾𑌮𑌿𑌨𑍍𑌯𑌾 𑌕𑌨𑍍𑌯𑌯𑍇𑌵𑌾𑌮𑍃𑌤𑌕𑌰𑌕𑌲𑌶𑌾𑌵𑌰𑍍𑌜𑌿𑌤𑍇𑌨𑌾𑌮𑍃𑌤𑍇𑌨 ।
𑌅𑌰𑍍𑌕𑌾𑌲𑍋𑌕𑌃 𑌕𑍍𑌰𑌿𑌯𑌾𑌦𑍍𑌵𑍋 𑌮𑍁𑌦𑌮𑍁𑌦𑌯𑌶𑌿𑌰𑌶𑍍𑌚𑌕𑍍𑌰𑌵𑌾𑌲𑌾𑌲𑌵𑌾𑌲𑌾-
𑌦𑍁𑌦𑍍𑌯𑌨𑍍𑌬𑌾𑌲𑌪𑍍𑌰𑌵𑌾𑌲𑌪𑍍𑌰𑌤𑌿𑌮𑌰𑍁𑌚𑌿𑌰𑌹𑌃𑌪𑌾𑌦𑌪𑌪𑍍𑌰𑌾𑌕𑍍𑌪𑍍𑌰𑌰𑍋𑌹𑌃 ॥ 34 ॥

𑌭𑌿𑌨𑍍𑌨𑌂 𑌭𑌾𑌸𑌾𑌰𑍁𑌣𑌸𑍍𑌯 𑌕𑍍𑌵𑌚𑌿𑌦𑌭𑌿𑌨𑌵𑌯𑌾 𑌵𑌿𑌦𑍍𑌰𑍁𑌮𑌾𑌣𑌾𑌂 𑌤𑍍𑌵𑌿𑌷𑍇𑌵
𑌤𑍍𑌵𑌙𑍍𑌨𑍍𑌨𑌕𑍍𑌷𑌤𑍍𑌰𑌰𑌤𑍍𑌨𑌦𑍍𑌯𑍁𑌤𑌿𑌨𑌿𑌕𑌰𑌕𑌰𑌾𑌲𑌾𑌂𑌤𑌰𑌾𑌲𑌂 𑌕𑍍𑌵𑌚𑌿𑌚𑍍𑌚 ।
𑌨𑌾𑌂𑌤𑌰𑍍𑌨𑌿𑌃𑌶𑍇𑌷𑌕𑍃𑌷𑍍𑌣𑌶𑍍𑌰𑌿𑌯𑌮𑍁𑌦𑌧𑌿𑌮𑌿𑌵 𑌧𑍍𑌵𑌾𑌂𑌤𑌰𑌾𑌶𑌿𑌂 𑌪𑌿𑌬𑌨𑍍𑌸𑍍𑌤𑌾-
𑌦𑍌𑌰𑍍𑌵𑌃 𑌪𑍂𑌰𑍍𑌵𑍋𑌽𑌪𑍍𑌯𑌪𑍂𑌰𑍍𑌵𑍋𑌽𑌗𑍍𑌨𑌿𑌰𑌿𑌵 𑌭𑌵𑌦𑌘𑌪𑍍𑌲𑍁𑌷𑍍𑌟𑌯𑍇𑌽𑌰𑍍𑌕𑌾𑌵𑌭𑌾𑌸𑌃 ॥ 35 ॥

𑌗𑌂𑌧𑌰𑍍𑌵𑍈𑌰𑍍𑌗𑌦𑍍𑌯𑌪𑌦𑍍𑌯𑌵𑍍𑌯𑌤𑌿𑌕𑌰𑌿𑌤𑌵𑌚𑍋𑌹𑍃𑌦𑍍𑌯𑌮𑌾𑌤𑍋𑌦𑍍𑌯𑌵𑌾𑌦𑍍𑌯𑍈-
𑌰𑌾𑌦𑍍𑌯𑍈𑌰𑍍𑌯𑍋 𑌨𑌾𑌰𑌦𑌾𑌦𑍍𑌯𑍈𑌰𑍍𑌮𑍁𑌨𑌿𑌭𑌿𑌰𑌭𑌿𑌨𑍁𑌤𑍋 𑌵𑍇𑌦𑌵𑍇𑌦𑍍𑌯𑍈𑌰𑍍𑌵𑌿𑌭𑌿𑌦𑍍𑌯 ।
𑌵𑌰𑍍 𑌵𑍀𑌤𑌵𑍇𑌦𑍍𑌯𑍈𑌰𑍍𑌵𑌿𑌵𑌿𑌦𑍍𑌯, 𑌵𑍇𑌦𑌵𑌿𑌦𑍍𑌭𑌿𑌰𑍍𑌵𑌿𑌭𑌿𑌦𑍍𑌯
𑌆𑌸𑌾𑌦𑍍𑌯𑌾𑌪𑌦𑍍𑌯𑌤𑍇 𑌯𑌂 𑌪𑍁𑌨𑌰𑌪𑌿 𑌚 𑌜𑌗𑌦𑍍𑌯𑍌𑌵𑌨𑌂 𑌸𑌦𑍍𑌯 𑌉𑌦𑍍𑌯-
𑌨𑍍𑌨𑍁𑌦𑍍𑌦𑍍𑌯𑍋𑌤𑍋 𑌦𑍍𑌯𑍋𑌤𑌿𑌤𑌦𑍍𑌯𑍌𑌰𑍍𑌦𑍍𑌯𑌤𑍁 𑌦𑌿𑌵𑌸𑌕𑍃𑌤𑍋𑌽𑌸𑌾𑌵𑌵𑌦𑍍𑌯𑌾𑌨𑌿 𑌵𑍋𑌽𑌦𑍍𑌯 ॥ 36 ॥

𑌆𑌵𑌾𑌨𑍈𑌶𑍍𑌚𑌂𑌦𑍍𑌰𑌕𑌾𑌂𑌤𑍈𑌶𑍍𑌚𑍍𑌯𑍁𑌤𑌤𑌿𑌮𑌿𑌰𑌤𑌯𑌾 𑌤𑌾𑌨𑌵𑌾𑌤𑍍𑌤𑌾𑌰𑌕𑌾𑌣𑌾- 𑌵𑌰𑍍 𑌆𑌵𑌾𑌂𑌤𑍈𑌃
𑌮𑍇𑌣𑌾𑌂𑌕𑌾𑌲𑍋𑌕𑌲𑍋𑌪𑌾𑌦𑍁𑌪𑌹𑌤𑌮𑌹𑌸𑌾𑌮𑍋𑌷𑌧𑍀𑌨𑌾𑌂 𑌲𑌯𑍇𑌨 ।
𑌆𑌰𑌾𑌦𑍁𑌤𑍍𑌪𑍍𑌰𑍇𑌕𑍍𑌷𑍍𑌯𑌮𑌾𑌣𑌾 𑌕𑍍𑌷𑌣𑌮𑍁𑌦𑌯𑌤𑌟𑌾𑌂𑌤𑌰𑍍𑌹𑌿𑌤𑌸𑍍𑌯𑌾𑌹𑌿𑌮𑌾𑌂𑌶𑍋-
𑌰𑌾𑌭𑌾 𑌪𑍍𑌰𑌾𑌭𑌾𑌤𑌿𑌕𑍀 𑌵𑍋𑌽𑌵𑌤𑍁 𑌨 𑌤𑍁 𑌨𑌿𑌤𑌰𑌾𑌂 𑌤𑌾𑌵𑌦𑌾𑌵𑌿𑌰𑍍𑌭𑌵𑌂𑌤𑍀 ॥ 3𑍭 ॥

𑌸𑌾𑌨𑍌 𑌸𑌾 𑌨𑍌𑌦𑌯𑍇 𑌨𑌾𑌰𑍁𑌣𑌿𑌤𑌦𑌲𑌪𑍁𑌨𑌰𑍍𑌯𑍌𑌵𑌨𑌾𑌨𑌾𑌂 𑌵𑌨𑌾𑌨𑌾- 𑌵𑌰𑍍 𑌲𑌸𑌦𑍍𑌯𑍌𑌵𑌨𑌾𑌨𑌾𑌂
𑌮𑌾𑌲𑍀𑌮𑌾𑌲𑍀𑌢𑌪𑍂𑌰𑍍𑌵𑌾 𑌪𑌰𑌿𑌹𑍃𑌤𑌕𑍁𑌹𑌰𑍋𑌪𑌾𑌂𑌤𑌨𑌿𑌮𑍍𑌨𑌾 𑌤𑌨𑌿𑌮𑍍𑌨𑌾 ।
𑌭𑌾 𑌵𑍋𑌽𑌭𑌾𑌵𑍋𑌪𑌶𑌾𑌂𑌤𑌿𑌂 𑌦𑌿𑌶𑌤𑍁 𑌦𑌿𑌨𑌪𑌤𑍇𑌰𑍍𑌭𑌾𑌸𑌮𑌾𑌨𑌾 𑌸𑌮𑌾𑌨𑌾-
𑌰𑌾𑌜𑍀 𑌰𑌾𑌜𑍀𑌵𑌰𑍇𑌣𑍋𑌃 𑌸𑌮𑌸𑌮𑌯𑌮𑍁𑌦𑍇𑌤𑍀𑌵 𑌯𑌸𑍍𑌯𑌾 𑌵𑌯𑌸𑍍𑌯𑌾 ॥ 3𑍮 ॥

𑌉𑌜𑍍𑌜𑍃𑌂𑌭𑌾𑌂𑌭𑍋𑌰𑍁𑌹𑌾𑌣𑌾𑌂 𑌪𑍍𑌰𑌭𑌵𑌤𑌿 𑌪𑌯𑌸𑌾𑌂 𑌯𑌾 𑌶𑍍𑌰𑌿𑌯𑍇 𑌨𑍋𑌷𑍍𑌣𑌤𑌾𑌯𑍈
𑌪𑍁𑌷𑍍𑌣𑌾𑌤𑍍𑌯𑌾𑌲𑍋𑌕𑌮𑌾𑌤𑍍𑌰𑌂 𑌨 𑌤𑍁 𑌦𑌿𑌶𑌤𑌿 𑌦𑍃𑌶𑌾𑌂 𑌦𑍃𑌶𑍍𑌯𑌮𑌾𑌨𑌾 𑌵𑌿𑌧𑌾𑌤𑌮𑍍 ।
𑌪𑍂𑌰𑍍𑌵𑌾𑌦𑍍𑌰𑍇𑌰𑍇𑌵 𑌪𑍂𑌰𑍍𑌵𑌂 𑌦𑌿𑌵𑌮𑌨𑍁 𑌚 𑌪𑍁𑌨𑌃 𑌪𑌾𑌵𑌨𑍀 𑌦𑌿𑌙𑍍𑌮𑍁𑌖𑌾𑌨𑌾- 𑌵𑌰𑍍 𑌤𑌤𑌃
𑌮𑍇𑌨𑌾𑌂𑌸𑍍𑌯𑍈𑌨𑍀 𑌵𑌿𑌭𑌾𑌸𑍌 𑌨𑍁𑌦𑌤𑍁 𑌨𑍁𑌤𑌿𑌪𑌦𑍈𑌕𑌾𑌸𑍍𑌪𑌦𑌂 𑌪𑍍𑌰𑌾𑌕𑍍𑌤𑌨𑍀 𑌵𑌃 ॥ 3𑍯 ॥

𑌵𑌾𑌚𑌾𑌂 𑌵𑌾𑌚𑌸𑍍𑌪𑌤𑍇𑌰𑌪𑍍𑌯𑌚𑌲𑌭𑌿𑌦𑍁𑌚𑌿𑌤𑌾𑌚𑌾𑌰𑍍𑌯𑌕𑌾𑌣𑌾𑌂 𑌪𑍍𑌰𑌪𑌂𑌚𑍈-
𑌰𑍍𑌵𑍈𑌰𑌂𑌚𑌾𑌨𑌾𑌂 𑌤𑌥𑍋𑌚𑍍𑌚𑌾𑌰𑌿𑌤𑌚𑌤𑍁𑌰𑍃𑌚𑌾𑌂 𑌚𑌾𑌨𑌨𑌾𑌨𑌾𑌂 𑌚𑌤𑍁𑌰𑍍𑌣𑌾𑌮𑍍 । 𑌵𑌰𑍍 𑌰𑍁𑌚𑌿𑌰
𑌉𑌚𑍍𑌯𑍇𑌤𑌾𑌰𑍍𑌚𑌾𑌸𑍁 𑌵𑌾𑌚𑍍𑌯𑌚𑍍𑌯𑍁𑌤𑌿𑌶𑍁𑌚𑌿𑌚𑌰𑌿𑌤𑌂 𑌯𑌸𑍍𑌯 𑌨𑍋𑌚𑍍𑌚𑍈𑌰𑍍𑌵𑌿𑌵𑌿𑌚𑍍𑌯 𑌵𑌰𑍍 𑌅𑌰𑍍𑌚𑌾𑌸𑍍𑌵𑌵𑌾𑌚𑍍𑌯
𑌪𑍍𑌰𑌾𑌚𑍍𑌯𑌂 𑌵𑌰𑍍𑌚𑌶𑍍𑌚𑌕𑌾𑌸𑌚𑍍𑌚𑌿𑌰𑌮𑍁𑌪𑌚𑌿𑌨𑍁𑌤𑌾𑌤𑍍𑌤𑌸𑍍𑌯 𑌚𑌂𑌡𑌾𑌰𑍍𑌚𑌿𑌷𑍋 𑌵𑌃 ॥ 40 ॥ 𑌵𑌰𑍍 𑌶𑍍𑌰𑌿𑌯𑌂

𑌮𑍂𑌰𑍍𑌧𑍍𑌨𑍍𑌯𑌦𑍍𑌰𑍇𑌰𑍍𑌧𑌾𑌤𑍁𑌰𑌾𑌗𑌸𑍍𑌤𑌰𑍁𑌷𑍁 𑌕𑌿𑌸𑌲𑌯𑍋 𑌵𑌿𑌦𑍍𑌰𑍁𑌮𑍌𑌘𑌃 𑌸𑌮𑍁𑌦𑍍𑌰𑍇
𑌵𑌰𑍍 – 𑌕𑌿𑌸𑌲𑌯𑌾𑌦𑍍𑌵𑌿𑌦𑍍𑌰𑍁𑌮𑍌𑌘𑌾𑌤𑍍𑌸𑌮𑍁𑌦𑍍𑌰𑍇
𑌦𑌿𑌙𑍍𑌮𑌾𑌤𑌂𑌗𑍋𑌤𑍍𑌤𑌮𑌾𑌂𑌗𑍇𑌷𑍍𑌵𑌭𑌿𑌨𑌵𑌨𑌿𑌹𑌿𑌤𑌃 𑌸𑌾𑌂𑌦𑍍𑌰𑌸𑌿𑌂𑌦𑍂𑌰𑌰𑍇𑌣𑍁𑌃 ।
𑌵𑌰𑍍 𑌵𑌿𑌹𑌿𑌤𑌃, 𑌨𑌿𑌹𑌿𑌤𑌾𑌤𑍍𑌸𑌂𑌦𑍍𑌰𑌸𑌿𑌂𑌦𑍂𑌰𑌰𑍇𑌣𑍋𑌃
𑌸𑍀𑌮𑍍𑌨𑌿 𑌵𑍍𑌯𑍋𑌮𑍍𑌨𑌶𑍍𑌚 𑌹𑍇𑌮𑍍𑌨𑌃 𑌸𑍁𑌰𑌶𑌿𑌖𑌰𑌿𑌭𑍁𑌵𑍋 𑌜𑌾𑌯𑌤𑍇 𑌯𑌃 𑌪𑍍𑌰𑌕𑌾𑌶𑌃
𑌶𑍋𑌣𑌿𑌮𑍍𑌨𑌾𑌸𑍌 𑌖𑌰𑌾𑌂𑌶𑍋𑌰𑍁𑌷𑌸𑌿 𑌦𑌿𑌶𑌤𑍁 𑌵𑌃 𑌶𑌰𑍍𑌮 𑌶𑍋𑌭𑍈𑌕𑌦𑍇𑌶𑌃 ॥ 41 ॥

𑌅𑌸𑍍𑌤𑌾𑌦𑍍𑌰𑍀𑌶𑍋𑌤𑍍𑌤𑌮𑌾𑌂𑌗𑍇 𑌶𑍍𑌰𑌿𑌤𑌶𑌶𑌿𑌨𑌿 𑌤𑌮𑌃𑌕𑌾𑌲𑌕𑍂𑌟𑍇 𑌨𑌿𑌪𑍀𑌤𑍇
𑌯𑌾𑌤𑌿 𑌵𑍍𑌯𑌕𑍍𑌤𑌿𑌂 𑌪𑍁𑌰𑌸𑍍𑌤𑌾𑌦𑌰𑍁𑌣𑌕𑌿𑌸𑌲𑌯𑍇 𑌪𑍍𑌰𑌤𑍍𑌯𑍁𑌷𑌃𑌪𑌾𑌰𑌿𑌜𑌾𑌤𑍇 ।
𑌉𑌦𑍍𑌯𑌂𑌤𑍍𑌯𑌾𑌰𑌕𑍍𑌤𑌪𑍀𑌤𑌾𑌂𑌬𑌰𑌵𑌿𑌶𑌦𑌤𑌰𑍋𑌦𑍍𑌵𑍀𑌕𑍍𑌷𑌿𑌤𑌾 𑌤𑍀𑌕𑍍𑌷𑍍𑌣𑌭𑌾𑌨𑍋-
𑌵𑌰𑍍 𑌰𑍁𑌚𑌿𑌰𑌤𑌰𑍋𑌦𑍍𑌵𑍀𑌕𑍍𑌷𑌿𑌤𑌾 𑌵𑌰𑍍 𑌤𑍀𑌵𑍍𑌰𑌭𑌾𑌸𑌃
𑌰𑍍𑌲𑌕𑍍𑌷𑍍𑌮𑍀𑌰𑍍𑌲𑌕𑍍𑌷𑍍𑌮𑍀𑌰𑌿𑌵𑌾𑌸𑍍𑌤𑍁 𑌸𑍍𑌫𑍁𑌟𑌕𑌮𑌲𑌪𑍁𑌟𑌾𑌪𑌾𑌶𑍍𑌰𑌯𑌾 𑌶𑍍𑌰𑍇𑌯𑌸𑍇 𑌵𑌃 ॥ 42 ॥ 𑌵𑌰𑍍 𑌪𑍁𑌟𑍋𑌪𑌾𑌶𑍍𑌰𑌯

𑌨𑍋𑌦𑌨𑍍𑌵𑌾𑌂𑌜𑌨𑍍𑌮𑌭𑍂𑌮𑌿𑌰𑍍𑌨 𑌤𑌦𑍁𑌦𑌰𑌭𑍁𑌵𑍋 𑌬𑌾𑌂𑌧𑌵𑌾𑌃 𑌕𑍌𑌸𑍍𑌤𑍁𑌭𑌾𑌦𑍍𑌯𑌾
𑌯𑌸𑍍𑌯𑌾𑌃 𑌪𑌦𑍍𑌮𑌂 𑌨 𑌪𑌾𑌣𑍌 𑌨 𑌚 𑌨𑌰𑌕𑌰𑌿𑌪𑍂𑌰𑌃𑌸𑍍𑌥𑌲𑍀 𑌵𑌾𑌸𑌵𑍇𑌶𑍍𑌮 ।
𑌤𑍇𑌜𑍋𑌰𑍂𑌪𑌾𑌪𑌰𑍈𑌵 𑌤𑍍𑌰𑌿𑌷𑍁 𑌭𑍁𑌵𑌨𑌤𑌲𑍇𑌷𑍍𑌵𑌾𑌦𑌧𑌾𑌨𑌾 𑌵𑍍𑌯𑌵𑌸𑍍𑌥𑌾𑌂 𑌵𑌰𑍍 𑌤𑍍𑌰𑌿𑌭𑍁𑌵𑌨𑌭𑌵𑌨𑍇
𑌸𑌾 𑌶𑍍𑌰𑍀𑌃 𑌶𑍍𑌰𑍇𑌯𑌾𑌂𑌸𑌿 𑌦𑌿𑌶𑍍𑌯𑌾𑌦𑌶𑌿𑌶𑌿𑌰𑌮𑌹𑌸𑍋 𑌮𑌂𑌡𑌲𑌾𑌗𑍍𑌰𑍋𑌦𑍍𑌗𑌤𑌾 𑌵𑌃 ॥ 43 ॥

॥ 𑌇𑌤𑌿 𑌦𑍍𑌯𑍁𑌤𑌿𑌵𑌰𑍍𑌣𑌨𑌮𑍍 ॥ 𑌵𑌰𑍍 𑌤𑍇𑌜𑍋𑌵𑌰𑍍𑌣𑌨𑌮𑍍

॥ 𑌅𑌥 𑌅𑌶𑍍𑌵𑌵𑌰𑍍𑌣𑌨𑌮𑍍 ॥

𑌰𑌕𑍍𑌷𑌂𑌤𑍍𑌵𑌕𑍍𑌷𑍁𑌣𑍍𑌣𑌹𑍇𑌮𑍋𑌪𑌲𑌪𑌟𑌲𑌮𑌲𑌂 𑌲𑌾𑌘𑌵𑌾𑌦𑍁𑌤𑍍𑌪𑌤𑌂𑌤𑌃
𑌪𑌾𑌤𑌂𑌗𑌾𑌃 𑌪𑌂𑌗𑍍𑌵𑌵𑌜𑍍𑌞𑌾𑌜𑌿𑌤𑌪𑌵𑌨𑌜𑌵𑌾 𑌵𑌾𑌜𑌿𑌨𑌸𑍍𑌤𑍇 𑌜𑌗𑌂𑌤𑌿 ।
𑌯𑍇𑌷𑌾𑌂 𑌵𑍀𑌤𑌾𑌨𑍍𑌯𑌚𑌿𑌹𑍍𑌨𑍋𑌨𑍍𑌨𑌯𑌮𑌪𑌿 𑌵𑌹𑌤𑌾𑌂 𑌮𑌾𑌰𑍍𑌗𑌮𑌾𑌖𑍍𑌯𑌾𑌤𑌿 𑌮𑍇𑌰𑌾-
𑌵𑍁𑌦𑍍𑌯𑌨𑍍𑌨𑍁𑌦𑍍𑌦𑌾𑌮𑌦𑍀𑌪𑍍𑌤𑌿𑌰𑍍𑌦𑍍𑌯𑍁𑌮𑌣𑌿𑌮𑌣𑌿𑌶𑌿𑌲𑌾𑌵𑍇𑌦𑌿𑌕𑌾𑌜𑌾𑌤𑌵𑍇𑌦𑌾𑌃 ॥ 44 ॥

𑌪𑍍𑌲𑍁𑌷𑍍𑌟𑌾𑌃 𑌪𑍃𑌷𑍍𑌠𑍇𑌂𑌽𑌶𑍁𑌪𑌾𑌤𑍈𑌰𑌤𑌿𑌨𑌿𑌕𑌟𑌤𑌯𑌾 𑌦𑌤𑍍𑌤𑌦𑌾𑌹𑌾𑌤𑌿𑌰𑍇𑌕𑍈-
𑌰𑍇𑌕𑌾𑌹𑌾𑌕𑍍𑌰𑌾𑌂𑌤𑌕𑍃𑌤𑍍𑌸𑍍𑌨𑌤𑍍𑌰𑌿𑌦𑌿𑌵𑌪𑌥𑌪𑍃𑌥𑍁𑌶𑍍𑌵𑌾𑌸𑌶𑍋𑌷𑌾𑌃 𑌶𑍍𑌰𑌮𑍇𑌣 ।
𑌤𑍀𑌵𑍍𑌰𑍋𑌦𑌨𑍍𑌯𑌾𑌸𑍍𑌤𑍍𑌵𑌰𑌂𑌤𑌾𑌮𑌹𑌿𑌤𑌵𑌿𑌹𑌤𑌯𑍇 𑌸𑌪𑍍𑌤𑌯𑌃 𑌸𑌪𑍍𑌤𑌸𑌪𑍍𑌤𑍇-
𑌰𑌭𑍍𑌯𑌾𑌶𑌾𑌕𑌾𑌶𑌗𑌂𑌗𑌾𑌜𑌲𑌸𑌰𑌲𑌗𑌲𑌾𑌵𑌾𑌙𑍍𑌨𑌤𑌾𑌗𑍍𑌰𑌾𑌨𑌨𑌾 𑌵𑌃 ॥ 45 ॥ 𑌵𑌰𑍍 𑌗𑌲𑌵𑌰𑍍𑌜𑌿𑌤𑌾𑌗𑍍𑌰𑌾𑌨𑌨𑌾𑌃

𑌮𑌤𑍍𑌵𑌾𑌨𑍍𑌯𑌾𑌨𑍍𑌪𑌾𑌰𑍍𑌶𑍍𑌵𑌤𑍋𑌽𑌶𑍍𑌵𑌾𑌨𑍍 𑌸𑍍𑌫𑌟𑌿𑌕𑌤𑌟𑌦𑍃𑌷𑌦𑍍𑌦𑍃𑌷𑍍𑌟𑌦𑍇𑌹𑌾 𑌦𑍍𑌰𑌵𑌂𑌤𑍀
𑌵𑍍𑌯𑌸𑍍𑌤𑍇𑌽𑌹𑌨𑍍𑌯𑌸𑍍𑌤𑌸𑌂𑌧𑍍𑌯𑍇𑌯𑌮𑌿𑌤𑌿 𑌮𑍃𑌦𑍁𑌪𑌦𑌾 𑌪𑌦𑍍𑌮𑌰𑌾𑌗𑍋𑌪𑌲𑍇𑌷𑍁 ।
𑌸𑌾𑌦𑍃𑌶𑍍𑌯𑌾𑌦𑍃𑌶𑍍𑌯𑌮𑍂𑌰𑍍𑌤𑌿𑌰𑍍𑌮𑌰𑌕𑌤𑌕𑌟𑌕𑍇 𑌕𑍍𑌲𑌿𑌷𑍍𑌟𑌸𑍂𑌤𑌾 𑌸𑍁𑌮𑍇𑌰𑍋-
𑌰𑍍𑌮𑍂𑌰𑍍𑌧𑌨𑍍𑌯𑌾𑌵𑍃𑌤𑍍𑌤𑌿𑌲𑌬𑍍𑌧𑌧𑍍𑌰𑍁𑌵𑌗𑌤𑌿𑌰𑌵𑌤𑍁 𑌬𑍍𑌰𑌧𑍍𑌨𑌵𑌾𑌹𑌾𑌵𑌲𑌿𑌰𑍍𑌵𑌃 ॥ 46 ॥ 𑌵𑌰𑍍 𑌦𑍍𑌰𑍁𑌤

𑌹𑍇𑌲𑌾𑌲𑍋𑌲𑌂 𑌵𑌹𑌂𑌤𑍀 𑌵𑌿𑌷𑌧𑌰𑌦𑌮𑌨𑌸𑍍𑌯𑌾𑌗𑍍𑌰𑌜𑍇𑌨𑌾𑌵𑌕𑍃𑌷𑍍𑌟𑌾
𑌸𑍍𑌵𑌰𑍍𑌵𑌾𑌹𑌿𑌨𑍍𑌯𑌾𑌃 𑌸𑍁𑌦𑍂𑌰𑌂 𑌜𑌨𑌿𑌤𑌜𑌵𑌜𑌯𑌾 𑌸𑍍𑌯𑌂𑌦𑌨𑌸𑍍𑌯 𑌸𑍍𑌯𑌦𑍇𑌨 ।
𑌨𑌿𑌰𑍍𑌵𑍍𑌯𑌾𑌜𑌂 𑌤𑌾𑌯𑌮𑌾𑌨𑍇 𑌹𑌰𑌿𑌤𑌿𑌮𑌨𑌿 𑌨𑌿𑌜𑍇 𑌸𑍍𑌫𑍀𑌤𑌫𑍇𑌨𑌾𑌹𑌿𑌤𑌶𑍍𑌰𑍀- 𑌵𑌰𑍍 𑌸𑍍𑌫𑍀𑌤𑌫𑍇𑌨𑌾𑌸𑍍𑌮𑌿𑌤𑌶𑍍𑌰𑍀𑌃
𑌰𑌶𑍍𑌰𑍇𑌯𑌾𑌂𑌸𑍍𑌯𑌶𑍍𑌵𑌪𑌂𑌕𑍍𑌤𑌿𑌃 𑌶𑌮𑌯𑌤𑍁 𑌯𑌮𑍁𑌨𑍇𑌵𑌾𑌪𑌰𑌾 𑌤𑌾𑌪𑌨𑍀 𑌵𑌃 ॥ 4𑍭 ॥

𑌮𑌾𑌰𑍍𑌗𑍋𑌪𑌾𑌂𑌤𑍇 𑌸𑍁𑌮𑍇𑌰𑍋𑌰𑍍𑌨𑍁𑌵𑌤𑌿 𑌕𑍃𑌤𑌨𑌤𑍌 𑌨𑌾𑌕𑌧𑌾𑌮𑍍𑌨𑌾𑌂 𑌨𑌿𑌕𑌾𑌯𑍇
𑌵𑍀𑌕𑍍𑌷𑍍𑌯 𑌵𑍍𑌰𑍀𑌡𑌾𑌨𑌤𑌾𑌨𑌾𑌂 𑌪𑍍𑌰𑌤𑌿𑌕𑍁𑌹𑌰𑌮𑍁𑌖𑌂 𑌕𑌿𑌂𑌨𑌰𑍀𑌣𑌾𑌂 𑌮𑍁𑌖𑌾𑌨𑌿 ।
𑌸𑍂𑌤𑍇𑌽𑌸𑍂𑌯𑌤𑍍𑌯𑌪𑍀𑌷𑌜𑍍𑌜𑌡𑌗𑌤𑌿 𑌵𑌹𑌤𑌾𑌂 𑌕𑌂𑌧𑌰𑌾𑌰𑍍𑌧𑍈𑌰𑍍𑌵𑌲𑌦𑍍𑌭𑌿- 𑌵𑌰𑍍 𑌕𑌂𑌧𑌰𑌾𑌗𑍍𑌰𑍈𑌃
𑌰𑍍𑌵𑌾𑌹𑌾𑌨𑌾𑌂 𑌵𑍍𑌯𑌸𑍍𑌯𑌤𑌾𑌦𑍍𑌵𑌃 𑌸𑌮𑌮𑌸𑌮𑌹𑌰𑍇𑌰𑍍𑌹𑍇𑌷𑌿𑌤𑌂 𑌕𑌲𑍍𑌮𑌷𑌾𑌣𑌿 ॥ 4𑍮 ॥

𑌧𑍁𑌨𑍍𑌵𑌂𑌤𑍋 𑌨𑍀𑌰𑌦𑌾𑌲𑍀𑌰𑍍𑌨𑌿𑌜𑌰𑍁𑌚𑌿𑌹𑌰𑌿𑌤𑌾𑌃 𑌪𑌾𑌰𑍍𑌶𑍍𑌵𑌯𑍋𑌃 𑌪𑌕𑍍𑌷𑌤𑍁𑌲𑍍𑌯𑌾-
𑌸𑍍𑌤𑌾𑌲𑍂𑌤𑍍𑌤𑌾𑌨𑍈𑌃 𑌖𑌲𑍀𑌨𑍈𑌃 𑌖𑌚𑌿𑌤𑌮𑍁𑌖𑌰𑍁𑌚𑌶𑍍𑌚𑍍𑌯𑍋𑌤𑌤𑌾 𑌲𑍋𑌹𑌿𑌤𑍇𑌨 ।
𑌉𑌡𑍍𑌡𑍀𑌯𑍇𑌵 𑌵𑍍𑌰𑌜𑌂𑌤𑍋 𑌵𑌿𑌯𑌤𑌿 𑌗𑌤𑌿𑌵𑌶𑌾𑌦𑌰𑍍𑌕𑌵𑌾𑌹𑌾𑌃 𑌕𑍍𑌰𑌿𑌯𑌾𑌸𑍁𑌃
𑌕𑍍𑌷𑍇𑌮𑌂 𑌹𑍇𑌮𑌾𑌦𑍍𑌰𑌿𑌹𑍃𑌦𑍍𑌯𑌦𑍍𑌰𑍁𑌮𑌶𑌿𑌖𑌰𑌶𑌿𑌰𑌃𑌶𑍍𑌰𑍇𑌣𑌿𑌶𑌾𑌖𑌾𑌶𑍁𑌕𑌾 𑌵𑌃 ॥ 4𑍯 ॥

॥ 𑌇𑌤𑍍𑌯𑌶𑍍𑌵𑌵𑌰𑍍𑌣𑌨𑌮𑍍 ॥

॥ 𑌅𑌥 𑌅𑌰𑍁𑌣𑌵𑌰𑍍𑌣𑌨𑌮𑍍 ॥

𑌪𑍍𑌰𑌾𑌤𑌃 𑌶𑍈𑌲𑌾𑌗𑍍𑌰𑌰𑌂𑌗𑍇 𑌰𑌜𑌨𑌿𑌜𑌵𑌨𑌿𑌕𑌾𑌪𑌾𑌯𑌸𑌂𑌲𑌕𑍍𑌷𑍍𑌯𑌲𑌕𑍍𑌷𑍍𑌮𑍀-
𑌰𑍍𑌵𑌿𑌕𑍍𑌷𑌿𑌪𑍍𑌤𑌾𑌪𑍂𑌰𑍍𑌵𑌪𑍁𑌷𑍍𑌪𑌾𑌂𑌜𑌲𑌿𑌮𑍁𑌡𑍁𑌨𑌿𑌕𑌰𑌂 𑌸𑍂𑌤𑍍𑌰𑌧𑌾𑌰𑌾𑌯𑌮𑌾𑌣𑌃 ।
𑌯𑌾𑌮𑍇𑌷𑍍𑌵𑌂𑌕𑍇𑌷𑍍𑌵𑌿𑌵𑌾𑌹𑍍𑌨𑌃 𑌕𑍃𑌤𑌰𑍁𑌚𑌿𑌷𑍁 𑌚𑌤𑍁𑌰𑍍𑌷𑍍𑌵𑍇𑌵 𑌜𑌾𑌤𑌪𑍍𑌰𑌤𑌿𑌷𑍍𑌠𑌾- 𑌵𑌰𑍍 𑌯𑌾𑌤𑌃 𑌪𑍍𑌰𑌤𑌿𑌷𑍍𑌠𑌾𑌂
𑌮𑌵𑍍𑌯𑌾𑌤𑍍𑌪𑍍𑌰𑌸𑍍𑌤𑌾𑌵𑌯𑌨𑍍𑌵𑍋 𑌜𑌗𑌦𑌟𑌨𑌮𑌹𑌾𑌨𑌾𑌟𑌿𑌕𑌾𑌂 𑌸𑍂𑌰𑍍𑌯𑌸𑍂𑌤𑌃 ॥ 50 ॥

𑌆𑌕𑍍𑌰𑌾𑌂𑌤𑍍𑌯𑌾 𑌵𑌾𑌹𑍍𑌯𑌮𑌾𑌨𑌂 𑌪𑌶𑍁𑌮𑌿𑌵 𑌹𑌰𑌿𑌣𑌾 𑌵𑌾𑌹𑌕𑍋𑌽𑌗𑍍𑌰𑍍𑌯𑍋 𑌹𑌰𑍀𑌣𑌾𑌂
𑌭𑍍𑌰𑌾𑌮𑍍𑌯𑌂𑌤𑌂 𑌪𑌕𑍍𑌷𑌪𑌾𑌤𑌾𑌜𑍍𑌜𑌗𑌤𑌿 𑌸𑌮𑌰𑍁𑌚𑌿𑌃 𑌸𑌰𑍍𑌵𑌕𑌰𑍍𑌮𑍈𑌕𑌸𑌾𑌕𑍍𑌷𑍀 ।
𑌶𑌤𑍍𑌰𑍁𑌂 𑌨𑍇𑌤𑍍𑌰𑌶𑍍𑌰𑍁𑌤𑍀𑌨𑌾𑌮𑌵𑌜𑌯𑌤𑌿 𑌵𑌯𑍋𑌜𑍍𑌯𑍇𑌷𑍍𑌠𑌭𑌾𑌵𑍇 𑌸𑌮𑍇𑌽𑌪𑌿
𑌸𑍍𑌥𑌾𑌮𑍍𑌨𑌾𑌂 𑌧𑌾𑌮𑍍𑌨𑌾𑌂 𑌨𑌿𑌧𑌿𑌰𑍍𑌯𑌃 𑌸 𑌭𑌵𑌦𑌘𑌨𑍁𑌦𑍇 𑌨𑍂𑌤𑌨𑌃 𑌸𑍍𑌤𑌾𑌦𑌨𑍂𑌰𑍁𑌃 ॥ 51 ॥

𑌦𑌤𑍍𑌤𑌾𑌰𑍍𑌘𑍈𑌰𑍍𑌦𑍂𑌰𑌨𑌮𑍍𑌰𑍈𑌰𑍍𑌵𑌿𑌯𑌤𑌿 𑌵𑌿𑌨𑌯𑌤𑍋 𑌵𑍀𑌕𑍍𑌷𑌿𑌤𑌃 𑌸𑌿𑌦𑍍𑌧𑌸𑌾𑌰𑍍𑌥𑍈𑌃 𑌵𑌰𑍍 𑌸𑌿𑌦𑍍𑌧𑌸𑌾𑌧𑍍𑌯𑍈𑌃
𑌸𑌾𑌨𑌾𑌥𑍍𑌯𑌂 𑌸𑌾𑌰𑌥𑌿𑌰𑍍𑌵𑌃 𑌸 𑌦𑌶𑌶𑌤𑌰𑍁𑌚𑍇𑌃 𑌸𑌾𑌤𑌿𑌰𑍇𑌕𑌂 𑌕𑌰𑍋𑌤𑍁 ।
𑌆𑌪𑍀𑌯 𑌪𑍍𑌰𑌾𑌤𑌰𑍇𑌵 𑌪𑍍𑌰𑌤𑌤𑌹𑌿𑌮𑌪𑌯𑌃𑌸𑍍𑌯𑌂𑌦𑌿𑌨𑍀𑌰𑌿𑌂𑌦𑍁𑌭𑌾𑌸𑍋
𑌯𑌃 𑌕𑌾𑌷𑍍𑌠𑌾𑌦𑍀𑌪𑌨𑍋𑌽𑌗𑍍𑌰𑍇 𑌜𑌡𑌿𑌤 𑌇𑌵 𑌭𑍃𑌶𑌂 𑌸𑍇𑌵𑌤𑍇 𑌪𑍃𑌷𑍍𑌠𑌤𑍋𑌽𑌰𑍍𑌕𑌮𑍍 ॥ 52 ॥

𑌮𑍁𑌂𑌚𑌨𑍍𑌰𑌶𑍍𑌮𑍀𑌂𑌦𑌿𑌨𑌾𑌦𑍌 𑌦𑌿𑌨𑌗𑌮𑌸𑌮𑌯𑍇 𑌸𑌂𑌹𑌰𑌂𑌶𑍍𑌚 𑌸𑍍𑌵𑌤𑌂𑌤𑍍𑌰-
𑌸𑍍𑌤𑍋𑌤𑍍𑌰𑌪𑍍𑌰𑌖𑍍𑌯𑌾𑌤𑌵𑍀𑌰𑍍𑌯𑍋𑌽𑌵𑌿𑌰𑌤𑌹𑌰𑌿𑌪𑌦𑌾𑌕𑍍𑌰𑌾𑌂𑌤𑌿𑌬𑌦𑍍𑌧𑌾𑌭𑌿𑌯𑍋𑌗𑌃 । 𑌵𑌰𑍍 𑌵𑌿𑌤𑌤
𑌕𑌾𑌲𑍋𑌤𑍍𑌕𑌰𑍍𑌷𑌾𑌲𑍍𑌲𑌘𑍁𑌤𑍍𑌵𑌂 𑌪𑍍𑌰𑌸𑌭𑌮𑌧𑌿𑌪𑌤𑍌 𑌯𑍋𑌜𑌯𑌨𑍍𑌯𑍋 𑌦𑍍𑌵𑌿𑌜𑌾𑌨𑌾𑌂
𑌸𑍇𑌵𑌾𑌪𑍍𑌰𑍀𑌤𑍇𑌨 𑌪𑍂𑌷𑍍𑌣𑌾𑌤𑍍𑌮𑌸𑌮 𑌇𑌵 𑌕𑍃𑌤𑌸𑍍𑌤𑍍𑌰𑌾𑌯𑌤𑌾𑌂 𑌸𑍋𑌽𑌰𑍁𑌣𑍋 𑌵𑌃 ॥ 53 ॥ 𑌵𑌰𑍍 𑌸𑍍𑌵𑌸𑌮

𑌶𑌾𑌤𑌃 𑌶𑍍𑌯𑌾𑌮𑌾𑌲𑌤𑌾𑌯𑌾𑌃 𑌪𑌰𑌶𑍁𑌰𑌿𑌵 𑌤𑌮𑍋𑌽𑌰𑌣𑍍𑌯𑌵𑌹𑍍𑌨𑍇𑌰𑌿𑌵𑌾𑌰𑍍𑌚𑌿𑌃 𑌵𑌰𑍍 𑌦𑌾𑌹𑍇 𑌦𑌵𑌾𑌭𑌃
𑌪𑍍𑌰𑌾𑌚𑍍𑌯𑍇𑌵𑌾𑌗𑍍𑌰𑍇 𑌗𑍍𑌰𑌹𑍀𑌤𑍁𑌂 𑌗𑍍𑌰𑌹𑌕𑍁𑌮𑍁𑌦𑌵𑌨𑌂 𑌪𑍍𑌰𑌾𑌗𑍁𑌦𑌸𑍍𑌤𑍋𑌽𑌗𑍍𑌰𑌹𑌸𑍍𑌤𑌃 ।
𑌵𑌰𑍍 𑌪𑍍𑌰𑌾𑌚𑍀𑌵𑌾𑌗𑍍𑌰𑍇, 𑌗𑍍𑌰𑌹𑌕𑍁𑌮𑍁𑌦𑌰𑍁𑌚𑌿𑌂
𑌐𑌕𑍍𑌯𑌂 𑌭𑌿𑌂𑌦𑌂𑌦𑍍𑌯𑍁𑌭𑍂𑌮𑍍𑌯𑍋𑌰𑌵𑌧𑌿𑌰𑌿𑌵 𑌵𑌿𑌧𑌾𑌤𑍇𑌵 𑌵𑌿𑌶𑍍𑌵𑌪𑍍𑌰𑌬𑍋𑌧𑍇
𑌵𑌾𑌹𑌾𑌨𑌾𑌂 𑌵𑍋 𑌵𑌿𑌨𑍇𑌤𑌾 𑌵𑍍𑌯𑌪𑌨𑌯𑌤𑍁 𑌵𑌿𑌪𑌨𑍍𑌨𑌾𑌮 𑌧𑌾𑌮𑌾𑌧𑌿𑌪𑌸𑍍𑌯 ॥ 54 ॥

𑌪𑍌𑌰𑌸𑍍𑌤𑍍𑌯𑌸𑍍𑌤𑍋𑌯𑌦𑌰𑍍𑌤𑍋𑌃 𑌪𑌵𑌨 𑌇𑌵 𑌪𑌤𑌤𑍍𑌪𑌾𑌵𑌕𑌸𑍍𑌯𑍇𑌵 𑌧𑍂𑌮𑍋 𑌵𑌰𑍍 𑌪𑌤𑌨𑍍
𑌵𑌿𑌶𑍍𑌵𑌸𑍍𑌯𑍇𑌵𑌾𑌦𑌿𑌸𑌰𑍍𑌗𑌃 𑌪𑍍𑌰𑌣𑌵 𑌇𑌵 𑌪𑌰𑌂 𑌪𑌾𑌵𑌨𑍋 𑌵𑍇𑌦𑌰𑌾𑌶𑍇𑌃
𑌸𑌂𑌧𑍍𑌯𑌾𑌨𑍃𑌤𑍍𑌯𑍋𑌤𑍍𑌸𑌵𑍇𑌚𑍍𑌛𑍋𑌰𑌿𑌵 𑌮𑌦𑌨𑌰𑌿𑌪𑍋𑌰𑍍𑌨𑌂𑌦𑌿𑌨𑌾𑌂𑌦𑍀𑌨𑌿𑌨𑌾𑌦𑌃
𑌸𑍌𑌰𑌸𑍍𑌯𑌾𑌗𑍍𑌰𑍇 𑌸𑍁𑌖𑌂 𑌵𑍋 𑌵𑌿𑌤𑌰𑌤𑍁 𑌵𑌿𑌨𑌤𑌾𑌨𑌂𑌦𑌨𑌃 𑌸𑍍𑌯𑌂𑌦𑌨𑌸𑍍𑌯 ॥ 55 ॥ 𑌵𑌰𑍍 𑌸𑍍𑌯𑌂𑌦𑌨𑍋 𑌵𑌃

𑌪𑌰𑍍𑌯𑌾𑌪𑍍𑌤𑌂 𑌤𑌪𑍍𑌤𑌚𑌾𑌮𑍀𑌕𑌰𑌕𑌟𑌕𑌤𑌟𑍇 𑌶𑍍𑌲𑌿𑌷𑍍𑌟𑌶𑍀𑌤𑍇𑌤𑌰𑌾𑌂𑌶𑌾-
𑌵𑌾𑌸𑍀𑌦𑌤𑍍𑌸𑍍𑌯𑌂𑌦𑌨𑌾𑌶𑍍𑌵𑌾𑌨𑍁𑌕𑍃𑌤𑌿𑌮𑌰𑌕𑌤𑍇 𑌪𑌦𑍍𑌮𑌰𑌾𑌗𑌾𑌯𑌮𑌾𑌣𑌃 । 𑌵𑌰𑍍 𑌅𑌶𑍍𑌵𑌾𑌨𑍁𑌕𑍃𑌤𑌮𑌰𑌕𑌤𑍇
𑌯𑌃 𑌸𑍋𑌤𑍍𑌕𑌰𑍍𑌷𑌾𑌂 𑌵𑌿𑌭𑍂𑌷𑌾𑌂 𑌕𑍁𑌰𑍁𑌤 𑌇𑌵 𑌕𑍁𑌲𑌕𑍍𑌷𑍍𑌮𑌾𑌭𑍃𑌦𑍀𑌶𑌸𑍍𑌯 𑌮𑍇𑌰𑍋-
𑌰𑍇𑌨𑌾𑌂𑌸𑍍𑌯𑌹𑍍𑌨𑌾𑌯 𑌦𑍂𑌰𑌂 𑌗𑌮𑌯𑌤𑍁 𑌸 𑌗𑍁𑌰𑍁𑌃 𑌕𑌾𑌦𑍍𑌰𑌵𑍇𑌯𑌦𑍍𑌵𑌿𑌷𑍋 𑌵𑌃 ॥ 56 ॥

𑌨𑍀𑌤𑍍𑌵𑌾𑌶𑍍𑌵𑌾𑌨𑍍𑌸𑌪𑍍𑌤 𑌕𑌕𑍍𑌷𑌾 𑌇𑌵 𑌨𑌿𑌯𑌮𑌵𑌶𑌂 𑌵𑍇𑌤𑍍𑌰𑌕𑌲𑍍𑌪𑌪𑍍𑌰𑌤𑍋𑌦- 𑌵𑌰𑍍 𑌕𑌕𑍍𑌷𑍍𑌯𑌾
𑌸𑍍𑌤𑍂𑌰𑍍𑌣𑌂 𑌧𑍍𑌵𑌾𑌂𑌤𑌸𑍍𑌯 𑌰𑌾𑌶𑌾𑌵𑌿𑌤𑌰𑌜𑌨 𑌇𑌵𑍋𑌤𑍍𑌸𑌾𑌰𑌿𑌤𑍇 𑌦𑍂𑌰𑌭𑌾𑌜𑌿 ।
𑌪𑍂𑌰𑍍𑌵𑌂 𑌪𑍍𑌰𑌷𑍍𑌠𑍋 𑌰𑌥𑌸𑍍𑌯 𑌕𑍍𑌷𑌿𑌤𑌿𑌭𑍃𑌦𑌧𑌿𑌪𑌤𑍀𑌂𑌦𑌰𑍍𑌶𑌯𑌂𑌸𑍍𑌤𑍍𑌰𑌾𑌯𑌤𑌾𑌂 𑌵-
𑌸𑍍𑌤𑍍𑌰𑍈𑌲𑍋𑌕𑍍𑌯𑌾𑌸𑍍𑌥𑌾𑌨𑌦𑌾𑌨𑍋𑌦𑍍𑌯𑌤𑌦𑌿𑌵𑌸𑌪𑌤𑍇𑌃 𑌪𑍍𑌰𑌾𑌕𑍍𑌪𑍍𑌰𑌤𑍀𑌹𑌾𑌰𑌪𑌾𑌲𑌃 ॥ 5𑍭 ॥

𑌵𑌜𑍍𑌰𑌿𑌂𑌜𑌾𑌤𑌂 𑌵𑌿𑌕𑌾𑌸𑍀𑌕𑍍𑌷𑌣𑌕𑌮𑌲𑌵𑌨𑌂 𑌭𑌾𑌸𑌿 𑌨𑌾𑌭𑌾𑌸𑌿 𑌵𑌹𑍍𑌨𑍇! 𑌵𑌰𑍍 𑌨𑍋 𑌭𑌾𑌸𑌿
𑌤𑌾𑌤𑌂 𑌨𑌤𑍍𑌵𑌾𑌶𑍍𑌵𑌪𑌾𑌰𑍍𑌶𑍍𑌵𑌾𑌨𑍍𑌨𑌯 𑌯𑌮! 𑌮𑌹𑌿𑌷𑌂 𑌰𑌾𑌕𑍍𑌷𑌸𑌾 𑌵𑍀𑌕𑍍𑌷𑌿𑌤𑌾𑌃 𑌸𑍍𑌥 ।
𑌸𑌪𑍍𑌤𑍀𑌨𑍍𑌸𑌿𑌂𑌚 𑌪𑍍𑌰𑌚𑍇𑌤𑌃! 𑌪𑌵𑌨! 𑌭𑌜 𑌜𑌵𑌂 𑌵𑌿𑌤𑍍𑌤𑌪𑌾𑌵𑍇𑌦𑌿𑌤𑌸𑍍𑌤𑍍𑌵𑌂
𑌵𑌂𑌦𑍇 𑌶𑌰𑍍𑌵𑍇𑌤𑌿 𑌜𑌲𑍍𑌪𑌨𑍍𑌪𑍍𑌰𑌤𑌿𑌦𑌿𑌶𑌮𑌧𑌿𑌪𑌾𑌨𑍍𑌪𑌾𑌤𑍁 𑌪𑍂𑌷𑍍𑌣𑍋𑌽𑌗𑍍𑌰𑌣𑍀𑌰𑍍𑌵𑌃 ॥ 5𑍮 ॥

𑌪𑌾𑌶𑌾𑌨𑌾𑌶𑌾𑌂𑌤𑌪𑌾𑌲𑌾𑌦𑌰𑍁𑌣 𑌵𑌰𑍁𑌣𑌤𑍋 𑌮𑌾 𑌗𑍍𑌰𑌹𑍀𑌃 𑌪𑍍𑌰𑌗𑍍𑌰𑌹𑌾𑌰𑍍𑌥𑌂
𑌤𑍃𑌷𑍍𑌣𑌾𑌂 𑌕𑍃𑌷𑍍𑌣𑌸𑍍𑌯 𑌚𑌕𑍍𑌰𑍇 𑌜𑌹𑌿𑌹𑌿 𑌨𑌹𑌿 𑌰𑌥𑍋 𑌯𑌾𑌤𑌿 𑌮𑍇 𑌨𑍈𑌕𑌚𑌕𑍍𑌰𑌃 ।
𑌯𑍋𑌕𑍍𑌤𑍁𑌂 𑌯𑍁𑌗𑍍𑌯𑌂 𑌕𑌿𑌮𑍁𑌚𑍍𑌚𑍈𑌃𑌶𑍍𑌰𑌵𑌸𑌮𑌭𑌿𑌲𑌷𑌸𑍍𑌯𑌷𑍍𑌟𑌮𑌂 𑌵𑍃𑌤𑍍𑌰𑌶𑌤𑍍𑌰𑍋- 𑌵𑌰𑍍 𑌤𑍍𑌵𑌾𑌷𑍍𑌟𑍍𑌰𑌶𑌤𑍍𑌰𑍋𑌃
𑌸𑍍𑌤𑍍𑌯𑌕𑍍𑌤𑌾𑌨𑍍𑌯𑌾𑌪𑍇𑌕𑍍𑌷𑌵𑌿𑌶𑍍𑌵𑍋𑌪𑌕𑍃𑌤𑌿𑌰𑌿𑌵 𑌰𑌵𑌿𑌃 𑌶𑌾𑌸𑍍𑌤𑌿 𑌯𑌂 𑌸𑍋𑌽𑌵𑌤𑌾𑌦𑍍𑌵𑌃 ॥ 5𑍯 ॥

𑌨𑍋 𑌮𑍂𑌰𑍍𑌚𑍍𑌛𑌾𑌚𑍍𑌛𑌿𑌨𑍍𑌨𑌵𑌾𑌂𑌛𑌃 𑌶𑍍𑌰𑌮𑌵𑌿𑌵𑌶𑌵𑌪𑍁𑌰𑍍𑌨𑍈𑌵 𑌨𑌾𑌪𑍍𑌯𑌾𑌸𑍍𑌯𑌶𑍋𑌷𑍀
𑌪𑌾𑌂𑌥𑌃 𑌪𑌥𑍍𑌯𑍇𑌤𑌰𑌾𑌣𑌿 𑌕𑍍𑌷𑌪𑌯𑌤𑍁 𑌭𑌵𑌤𑌾𑌂 𑌭𑌾𑌸𑍍𑌵𑌤𑍋𑌽𑌗𑍍𑌰𑍇𑌸𑌰𑌃 𑌸𑌃 ।
𑌯𑌃 𑌸𑌂𑌶𑍍𑌰𑌿𑌤𑍍𑌯 𑌤𑍍𑌰𑌿𑌲𑍋𑌕𑍀𑌮𑌟𑌤𑌿 𑌪𑌟𑍁𑌤𑌰𑍈𑌸𑍍𑌤𑌾𑌪𑍍𑌯𑌮𑌾𑌨𑍋 𑌮𑌯𑍂𑌖𑍈-
𑌰𑌾𑌰𑌾𑌦𑌾𑌰𑌾𑌮𑌲𑍇𑌖𑌾𑌮𑌿𑌵 𑌹𑌰𑌿𑌤𑌮𑌣𑌿𑌶𑍍𑌯𑌾𑌮𑌲𑌾𑌮𑌶𑍍𑌵𑌪𑌂𑌕𑍍𑌤𑌿𑌮𑍍 ॥ 60 ॥ 𑌵𑌰𑍍 𑌹𑌰𑌿𑌤𑌤𑍃𑌣

𑌸𑍀𑌦𑌂𑌤𑍋𑌽𑌂𑌤𑌰𑍍𑌨𑌿𑌮𑌜𑍍𑌜𑌜𑍍𑌜𑌡𑌖𑍁𑌰𑌮𑍁𑌸𑌲𑌾𑌃 𑌸𑍈𑌕𑌤𑍇 𑌨𑌾𑌕𑌨𑌦𑍍𑌯𑌾𑌃
𑌸𑍍𑌕𑌂𑌦𑌂𑌤𑌃 𑌕𑌂𑌦𑌰𑌾𑌲𑍀𑌃 𑌕𑌨𑌕𑌶𑌿𑌖𑌰𑌿𑌣𑍋 𑌮𑍇𑌖𑌲𑌾𑌸𑍁 𑌸𑍍𑌖𑌲𑌂𑌤𑌃 ।
𑌦𑍂𑌰𑌂 𑌦𑍂𑌰𑍍𑌵𑌾𑌸𑍍𑌥𑌲𑍋𑌤𑍍𑌕𑌾 𑌮𑌰𑌕𑌤𑌦𑍃𑌷𑌦𑌿 𑌸𑍍𑌥𑌾𑌸𑍍𑌨𑌵𑍋 𑌯𑌨𑍍𑌨 𑌯𑌾𑌤𑌾𑌃
𑌪𑍂𑌷𑍍𑌣𑍋𑌽𑌶𑍍𑌵𑌾𑌃 𑌪𑍂𑌰𑌯𑌂𑌸𑍍𑌤𑍈𑌸𑍍𑌤𑌦𑌵𑌤𑍁 𑌜𑌵𑌨𑍈𑌰𑍍𑌹𑍁𑌂𑌕𑍃𑌤𑍇𑌨𑌾𑌗𑍍𑌰𑌗𑍋 𑌵𑌃 ॥ 61 ॥ 𑌵𑌰𑍍 𑌪𑍍𑌰𑍇𑌰𑌯𑌨𑍍 𑌹𑍁𑌂𑌕𑍃𑌤𑍈𑌰𑌗𑍍𑌰𑌣𑍀𑌃

॥ 𑌇𑌤𑍍𑌯𑌰𑍁𑌣𑌵𑌰𑍍𑌣𑌨𑌮𑍍 ॥ 𑌵𑌰𑍍 𑌸𑍂𑌤𑌵𑌰𑍍𑌣𑌨𑌮𑍍

॥ 𑌅𑌥 𑌰𑌥𑌵𑌰𑍍𑌣𑌨𑌮𑍍 ॥

𑌪𑍀𑌨𑍋𑌰𑌃𑌪𑍍𑌰𑍇𑌰𑌿𑌤𑌾𑌭𑍍𑌰𑍈𑌶𑍍𑌚𑌰𑌮𑌖𑍁𑌰𑌪𑍁𑌟𑌾𑌗𑍍𑌰𑌸𑍍𑌥𑌿𑌤𑍈𑌃 𑌪𑍍𑌰𑌾𑌤𑌰𑌦𑍍𑌰𑌾-
𑌵𑌾𑌦𑍀𑌰𑍍𑌘𑌾𑌂𑌗𑍈𑌰𑍁𑌦𑌸𑍍𑌤𑍋 𑌹𑌰𑌿𑌭𑌿𑌰𑌪𑌗𑌤𑌾𑌸𑌂𑌗𑌨𑌿𑌃𑌶𑌬𑍍𑌦𑌚𑌕𑍍𑌰𑌃 ।
𑌉𑌤𑍍𑌤𑌾𑌨𑌾𑌨𑍂𑌰𑍁𑌮𑍂𑌰𑍍𑌧𑌾𑌵𑌨𑌤𑌿𑌹𑌠𑌭𑌵𑌦𑍍𑌵𑌿𑌪𑍍𑌰𑌤𑍀𑌪𑌪𑍍𑌰𑌣𑌾𑌮𑌃
𑌪𑍍𑌰𑌾𑌹𑍍𑌣𑍇 𑌶𑍍𑌰𑍇𑌯𑍋 𑌵𑌿𑌧𑌤𑍍𑌤𑌾𑌂 𑌸𑌵𑌿𑌤𑍁𑌰𑌵𑌤𑌰𑌨𑍍𑌵𑍍𑌯𑍋𑌮𑌵𑍀𑌥𑍀𑌂 𑌰𑌥𑍋 𑌵𑌃 ॥ 62 ॥ 𑌵𑌰𑍍 𑌪𑍍𑌰𑍇𑌯𑍋

𑌧𑍍𑌵𑌾𑌂𑌤𑍌𑌘𑌧𑍍𑌵𑌂𑌸𑌦𑍀𑌕𑍍𑌷𑌾𑌵𑌿𑌧𑌿𑌪𑌟𑍁 𑌵𑌹𑌤𑌾 𑌪𑍍𑌰𑌾𑌕𑍍𑌸𑌹𑌸𑍍𑌰𑌂 𑌕𑌰𑌾𑌣𑌾- 𑌵𑌰𑍍 𑌵𑌿𑌧𑌿𑌗𑍁𑌰𑍁 𑌦𑍍𑌰𑌾𑌕𑍍𑌸𑌹𑌸𑍍𑌰𑌂
𑌮𑌰𑍍𑌯𑌮𑍍𑌣𑌾 𑌯𑍋 𑌗𑌰𑌿𑌮𑍍𑌣𑌃 𑌪𑌦𑌮𑌤𑍁𑌲𑌮𑍁𑌪𑌾𑌨𑍀𑌯𑌤𑌾𑌧𑍍𑌯𑌾𑌸𑌨𑍇𑌨 ।
𑌸 𑌶𑍍𑌰𑌾𑌂𑌤𑌾𑌨𑌾𑌂 𑌨𑌿𑌤𑌾𑌂𑌤𑌂 𑌭𑌰𑌮𑌿𑌵 𑌮𑌰𑍁𑌤𑌾𑌮𑌕𑍍𑌷𑌮𑌾𑌣𑌾𑌂 𑌵𑌿𑌸𑍋𑌢𑍁𑌂
𑌸𑍍𑌕𑌂𑌧𑌾𑌤𑍍𑌸𑍍𑌕𑌂𑌧𑌂 𑌵𑍍𑌰𑌜𑌨𑍍𑌵𑍋 𑌵𑍃𑌜𑌿𑌨𑌵𑌿𑌜𑌿𑌤𑌯𑍇 𑌭𑌾𑌸𑍍𑌵𑌤𑌃 𑌸𑍍𑌯𑌂𑌦𑌨𑍋𑌽𑌸𑍍𑌤𑍁 ॥ 63 ॥

𑌯𑍋𑌕𑍍𑌤𑍍𑌰𑍀𑌭𑍂𑌤𑌾𑌨𑍍𑌯𑍁𑌗𑌸𑍍𑌯 𑌗𑍍𑌰𑌸𑌿𑌤𑍁𑌮𑌿𑌵 𑌪𑍁𑌰𑍋 𑌦𑌂𑌦𑌶𑍂𑌕𑌾𑌂𑌦𑌧𑌾𑌨𑍋
𑌦𑍍𑌵𑍇𑌧𑌾𑌵𑍍𑌯𑌸𑍍𑌤𑌾𑌂𑌬𑍁𑌵𑌾𑌹𑌾𑌵𑌲𑌿𑌵𑌿𑌹𑌿𑌤𑌬𑍃𑌹𑌤𑍍𑌪𑌕𑍍𑌷𑌵𑌿𑌕𑍍𑌷𑍇𑌪𑌶𑍋𑌭𑌃 ।
𑌸𑌾𑌵𑌿𑌤𑍍𑌰𑌃 𑌸𑍍𑌯𑌂𑌦𑌨𑍋𑌽𑌸𑍌 𑌨𑌿𑌰𑌤𑌿𑌶𑌯𑌰𑌯𑌪𑍍𑌰𑍀𑌣𑌿𑌤𑌾𑌨𑍂𑌰𑍁𑌰𑍇𑌨𑌃-
𑌕𑍍𑌷𑍇𑌪𑍀𑌯𑍋 𑌵𑍋 𑌗𑌰𑍁𑌤𑍍𑌮𑌾𑌨𑌿𑌵 𑌹𑌰𑌤𑍁 𑌹𑌰𑍀𑌚𑍍𑌛𑌾𑌵𑌿𑌧𑍇𑌯𑌪𑍍𑌰𑌚𑌾𑌰𑌃 ॥ 64 ॥

𑌏𑌕𑌾𑌹𑍇𑌨𑍈𑌵 𑌦𑍀𑌰𑍍𑌘𑌾𑌂 𑌤𑍍𑌰𑌿𑌭𑍁𑌵𑌨𑌪𑌦𑌵𑍀𑌂 𑌲𑌂𑌘𑌯𑌨𑍍 𑌯𑍋 𑌲𑌘𑌿𑌷𑍍𑌠𑌃 𑌵𑌰𑍍 𑌕𑍃𑌸𑍍𑌤𑍍𑌨𑌾𑌂
𑌪𑍃𑌷𑍍𑌠𑍇 𑌮𑍇𑌰𑍋𑌰𑍍𑌗𑌰𑍀𑌯𑌾𑌨𑍍 𑌦𑌲𑌿𑌤𑌮𑌣𑌿𑌦𑍃𑌷𑌤𑍍𑌤𑍍𑌵𑌿𑌂𑌷𑌿 𑌪𑌿𑌂𑌷𑌞𑍍𑌶𑌿𑌰𑌾𑌂𑌸𑌿 ।
𑌸𑌰𑍍𑌵𑌸𑍍𑌯𑍈𑌵𑍋𑌪𑌰𑌿𑌷𑍍𑌟𑌾𑌦𑌥 𑌚 𑌪𑍁𑌨𑌰𑌧𑌸𑍍𑌤𑌾𑌦𑌿𑌵𑌾𑌸𑍍𑌤𑌾𑌦𑍍𑌰𑌿𑌮𑍂𑌰𑌂𑌧𑌿
𑌬𑍍𑌰𑌧𑍍𑌨𑌸𑍍𑌯𑌾𑌵𑍍𑌯𑌾𑌤𑍍𑌸 𑌏𑌵𑌂 𑌦𑍁𑌰𑌧𑌿𑌗𑌮𑌪𑌰𑌿𑌸𑍍𑌪𑌂𑌦𑌨𑌃 𑌸𑍍𑌯𑌂𑌦𑌨𑍋 𑌵𑌃 ॥ 65 ॥

𑌧𑍂𑌰𑍍𑌧𑍍𑌵𑌸𑍍𑌤𑌾𑌗𑍍𑌰𑍍𑌯𑌗𑍍𑌰𑌹𑌾𑌣𑌿 𑌧𑍍𑌵𑌜𑌪𑌟𑌪𑌵𑌨𑌾𑌂𑌦𑍋𑌲𑌿𑌤𑍇𑌂𑌦𑍂𑌨𑌿 𑌦𑍂𑌰𑌂 𑌵𑌰𑍍 𑌦𑍂𑌰𑌾𑌤𑍍
𑌰𑌾𑌹𑍌 𑌗𑍍𑌰𑌾𑌸𑌾𑌭𑌿𑌲𑌾𑌷𑌾𑌦𑌨𑍁𑌸𑌰𑌤𑌿 𑌪𑍁𑌨𑌰𑍍𑌦𑌤𑍍𑌤𑌚𑌕𑍍𑌰𑌵𑍍𑌯𑌥𑌾𑌨𑌿 ।
𑌶𑍍𑌰𑌾𑌂𑌤𑌾𑌶𑍍𑌵𑌶𑍍𑌵𑌾𑌸𑌹𑍇𑌲𑌾𑌧𑍁𑌤𑌵𑌿𑌬𑍁𑌧𑌧𑍁𑌨𑍀𑌨𑌿𑌰𑍍𑌝𑌰𑌾𑌂𑌭𑌾𑌂𑌸𑌿 𑌭𑌦𑍍𑌰𑌂
𑌦𑍇𑌯𑌾𑌸𑍁𑌰𑍍𑌵𑍋 𑌦𑌵𑍀𑌯𑍋 𑌦𑌿𑌵𑌿 𑌦𑌿𑌵𑌸𑌪𑌤𑍇𑌃 𑌸𑍍𑌯𑌂𑌦𑌨𑌪𑍍𑌰𑌸𑍍𑌥𑌿𑌤𑌾𑌨𑌿 ॥ 66 ॥

𑌅𑌕𑍍𑌷𑍇 𑌰𑌕𑍍𑌷𑌾𑌂 𑌨𑌿𑌬𑌧𑍍𑌯 𑌪𑍍𑌰𑌤𑌿𑌸𑌰𑌵𑌲𑌯𑍈𑌰𑍍𑌯𑍋𑌜𑌯𑌂𑌤𑍍𑌯𑍋 𑌯𑍁𑌗𑌾𑌗𑍍𑌰𑌂
𑌧𑍂𑌃𑌸𑍍𑌤𑌂𑌭𑍇 𑌦𑌗𑍍𑌧𑌧𑍂𑌪𑌾𑌃 𑌪𑍍𑌰𑌹𑌿𑌤𑌸𑍁𑌮𑌨𑌸𑍋 𑌗𑍋𑌚𑌰𑍇 𑌕𑍂𑌬𑌰𑌸𑍍𑌯 ।
𑌚𑌰𑍍𑌚𑌾𑌶𑍍𑌚𑌕𑍍𑌰𑍇 𑌚𑌰𑌂𑌤𑍍𑌯𑍋 𑌮𑌲𑌯𑌜𑌪𑌯𑌸𑌾 𑌸𑌿𑌦𑍍𑌧𑌵𑌧𑍍𑌵𑌸𑍍𑌤𑍍𑌰𑌿𑌸𑌂𑌧𑍍𑌯𑌂 𑌵𑌰𑍍 𑌚𑌰𑍍𑌚𑌾𑌂
𑌵𑌂𑌦𑌂𑌤𑍇 𑌯𑌂 𑌦𑍍𑌯𑍁𑌮𑌾𑌰𑍍𑌗𑍇 𑌸 𑌨𑍁𑌦𑌤𑍁 𑌦𑍁𑌰𑌿𑌤𑌾𑌨𑍍𑌯𑌂𑌶𑍁𑌮𑌤𑍍𑌸𑍍𑌯𑌂𑌦𑌨𑍋 𑌵𑌃 ॥ 6𑍭 ॥

𑌉𑌤𑍍𑌕𑍀𑌰𑍍𑌣𑌸𑍍𑌵𑌰𑍍𑌣𑌰𑍇𑌣𑍁𑌦𑍍𑌰𑍁𑌤𑌖𑍁𑌰𑌦𑌲𑌿𑌤𑌾 𑌪𑌾𑌰𑍍𑌶𑍍𑌵𑌯𑍋𑌃 𑌶𑌶𑍍𑌵𑌦𑌶𑍍𑌵𑍈- 𑌵𑌰𑍍 𑌰𑍇𑌣𑍁𑌰𑍍𑌦𑍍𑌰𑍁𑌤
𑌰𑌶𑍍𑌰𑌾𑌂𑌤𑌭𑍍𑌰𑌾𑌂𑌤𑌚𑌕𑍍𑌰𑌕𑍍𑌰𑌮𑌨𑌿𑌖𑌿𑌲𑌮𑌿𑌲𑌨𑍍𑌨𑍇𑌮𑌿𑌨𑌿𑌮𑍍𑌨𑌾 𑌭𑌰𑍇𑌣 ।
𑌮𑍇𑌰𑍋𑌰𑍍𑌮𑍂𑌰𑍍𑌧𑌨𑍍𑌯𑌘𑌂 𑌵𑍋 𑌵𑌿𑌘𑌟𑌯𑌤𑍁 𑌰𑌵𑍇𑌰𑍇𑌕𑌵𑍀𑌥𑍀 𑌰𑌥𑌸𑍍𑌯
𑌸𑍍𑌵𑍋𑌷𑍍𑌮𑍋𑌦𑌕𑍍𑌤𑌾𑌂𑌬𑍁𑌰𑌿𑌕𑍍𑌤𑌪𑍍𑌰𑌕𑌟𑌿𑌤𑌪𑍁𑌲𑌿𑌨𑍋𑌦𑍍𑌧𑍂𑌸𑌰𑌾 𑌸𑍍𑌵𑌰𑍍𑌧𑍁𑌨𑍀𑌵 ॥ 6𑍮 ॥ 𑌵𑌰𑍍 𑌸𑍍𑌵𑍋𑌷𑍍𑌮𑍋𑌦𑌸𑍍𑌤𑌾𑌂𑌬𑍁

𑌨𑌂𑌤𑍁𑌂 𑌨𑌾𑌕𑌾𑌲𑌯𑌾𑌨𑌾𑌮𑌨𑌿𑌶𑌮𑌨𑍁𑌯𑌤𑌾𑌂 𑌪𑌦𑍍𑌧𑌤𑌿𑌃 𑌪𑌂𑌕𑍍𑌤𑌿𑌰𑍇𑌵 𑌵𑌰𑍍 𑌉𑌪𑌯𑌤𑌾𑌂
𑌕𑍍𑌷𑍋𑌦𑍋 𑌨𑌕𑍍𑌷𑌤𑍍𑌰𑌰𑌾𑌶𑍇𑌰𑌦𑌯𑌰𑌯𑌮𑌿𑌲𑌚𑍍𑌚𑌕𑍍𑌰𑌪𑌿𑌷𑍍𑌟𑌸𑍍𑌯 𑌧𑍂𑌲𑌿𑌃 ।
𑌹𑍇𑌷𑌹𑍍𑌲𑌾𑌦𑍋 𑌹𑌰𑍀𑌣𑌾𑌂 𑌸𑍁𑌰𑌶𑌿𑌖𑌰𑌿𑌦𑌰𑍀𑌃 𑌪𑍂𑌰𑌯𑌨𑍍𑌨𑍇𑌮𑌿𑌨𑌾𑌦𑍋 𑌵𑌰𑍍 𑌨𑌾𑌦𑍋
𑌯𑌸𑍍𑌯𑌾𑌵𑍍𑌯𑌾𑌤𑍍𑌤𑍀𑌵𑍍𑌰𑌭𑌾𑌨𑍋𑌃 𑌸 𑌦𑌿𑌵𑌿 𑌭𑍁𑌵𑌿 𑌯𑌥𑌾 𑌵𑍍𑌯𑌕𑍍𑌤𑌚𑌿𑌹𑍍𑌨𑍋 𑌰𑌥𑍋 𑌵𑌃 ॥ 6𑍯 ॥

𑌨𑌿𑌃𑌸𑍍𑌪𑌂𑌦𑌾𑌨𑌾𑌂 𑌵𑌿𑌮𑌾𑌨𑌾𑌵𑌲𑌿𑌵𑌿𑌤𑌤𑌦𑌿𑌵𑌾𑌂 𑌦𑍇𑌵𑌵𑍃𑌂𑌦𑌾𑌰𑌕𑌾𑌣𑌾𑌂 𑌵𑌰𑍍 𑌵𑌲𑌿𑌤𑌦𑌿𑌶𑌾
𑌵𑍃𑌂𑌦𑍈𑌰𑌾𑌨𑌂𑌦𑌸𑌾𑌂𑌦𑍍𑌰𑍋𑌦𑍍𑌯𑌮𑌮𑌪𑌿 𑌵𑌹𑌤𑌾𑌂 𑌵𑌿𑌂𑌦𑌤𑌾𑌂 𑌵𑌂𑌦𑌿𑌤𑍁𑌂 𑌨𑍋 ।
𑌮𑌂𑌦𑌾𑌕𑌿𑌨𑍍𑌯𑌾𑌮𑌮𑌂𑌦𑌃 𑌪𑍁𑌲𑌿𑌨𑌭𑍃𑌤𑌿 𑌮𑍃𑌦𑍁𑌰𑍍𑌮𑌂𑌦𑌰𑍇 𑌮𑌂𑌦𑌿𑌰𑌾𑌭𑍇 𑌵𑌰𑍍 𑌮𑌂𑌦𑌰𑌾𑌭𑍇
𑌮𑌂𑌦𑌾𑌰𑍈𑌰𑍍𑌮𑌂𑌡𑌿𑌤𑌾𑌰𑌂 𑌦𑌧𑌦𑌰𑌿 𑌦𑌿𑌨𑌕𑍃𑌤𑍍𑌸𑍍𑌯𑌂𑌦𑌨𑌃 𑌸𑍍𑌤𑌾𑌨𑍍𑌮𑍁𑌦𑍇 𑌵𑌃 ॥ 𑍭0 ॥

𑌚𑌕𑍍𑌰𑍀 𑌚𑌕𑍍𑌰𑌾𑌰𑌪𑌂𑌕𑍍𑌤𑌿𑌂 𑌹𑌰𑌿𑌰𑌪𑌿 𑌚 𑌹𑌰𑍀𑌨𑍍 𑌧𑍂𑌰𑍍𑌜𑌟𑌿𑌰𑍍𑌧𑍂𑌰𑍍𑌧𑍍𑌵𑌜𑌾𑌂𑌤𑌾-
𑌨𑌕𑍍𑌷𑌂 𑌨𑌕𑍍𑌷𑌤𑍍𑌰𑌨𑌾𑌥𑍋𑌽𑌰𑍁𑌣𑌮𑌪𑌿 𑌵𑌰𑍁𑌣𑌃 𑌕𑍂𑌬𑌰𑌾𑌗𑍍𑌰𑌂 𑌕𑍁𑌬𑍇𑌰𑌃 ।
𑌰𑌂𑌹𑌃 𑌸𑌂𑌘𑌃 𑌸𑍁𑌰𑌾𑌣𑌾𑌂 𑌜𑌗𑌦𑍁𑌪𑌕𑍃𑌤𑌯𑍇 𑌨𑌿𑌤𑍍𑌯𑌯𑍁𑌕𑍍𑌤𑌸𑍍𑌯 𑌯𑌸𑍍𑌯
𑌸𑍍𑌤𑍌𑌤𑌿 𑌪𑍍𑌰𑍀𑌤𑌿𑌪𑍍𑌰𑌸𑌨𑍍𑌨𑍋𑌽𑌨𑍍𑌵𑌹𑌮𑌹𑌿𑌮𑌰𑍁𑌚𑍇𑌃 𑌸𑍋𑌽𑌵𑌤𑌾𑌤𑍍𑌸𑍍𑌯𑌂𑌦𑌨𑍋 𑌵𑌃 ॥ 𑍭1 ॥ 𑌵𑌰𑍍 𑌰𑍁𑌚

𑌨𑍇𑌤𑍍𑌰𑌾𑌹𑍀𑌨𑍇𑌨 𑌮𑍂𑌲𑍇 𑌵𑌿𑌹𑌿𑌤𑌪𑌰𑌿𑌕𑌰𑌃 𑌸𑌿𑌦𑍍𑌧𑌸𑌾𑌧𑍍𑌯𑍈𑌰𑍍𑌮𑌰𑍁𑌦𑍍𑌭𑌿𑌃
𑌪𑌾𑌦𑍋𑌪𑌾𑌂𑌤𑍇 𑌸𑍍𑌤𑍁𑌤𑍋𑌽𑌲𑌂 𑌬𑌲𑌿𑌹𑌰𑌿𑌰𑌭𑌸𑌾𑌕𑌰𑍍𑌷𑌣𑌾𑌬𑌦𑍍𑌧𑌵𑍇𑌗𑌃 ।
𑌭𑍍𑌰𑌾𑌮𑍍𑌯𑌨𑍍𑌵𑍍𑌯𑍋𑌮𑌾𑌂𑌬𑍁𑌰𑌾𑌶𑌾𑌵𑌶𑌿𑌶𑌿𑌰𑌕𑌿𑌰𑌣𑌸𑍍𑌯𑌂𑌦𑌨𑌃 𑌸𑌂𑌤𑌤𑌂 𑌵𑍋
𑌦𑌿𑌶𑍍𑌯𑌾𑌲𑍍𑌲𑌕𑍍𑌷𑍍𑌮𑍀𑌮𑌪𑌾𑌰𑌾𑌮𑌤𑍁𑌲𑌿𑌤𑌮𑌹𑌿𑌮𑍇𑌵𑌾𑌪𑌰𑍋 𑌮𑌂𑌦𑌰𑌾𑌦𑍍𑌰𑌿𑌃 ॥ 𑍭2 ॥ 𑌵𑌰𑍍 𑌅𑌤𑍁𑌲𑍍𑌯𑌾𑌂

॥ 𑌇𑌤𑌿 𑌰𑌥𑌵𑌰𑍍𑌣𑌨𑌮𑍍 ॥

॥ 𑌅𑌥 𑌮𑌂𑌡𑌲𑌵𑌰𑍍𑌣𑌨𑌮𑍍 ॥

𑌯𑌜𑍍𑌜𑍍𑌯𑌾𑌯𑍋 𑌬𑍀𑌜𑌮𑌹𑍍𑌨𑌾𑌮𑌪𑌹𑌤𑌤𑌿𑌮𑌿𑌰𑌂 𑌚𑌕𑍍𑌷𑍁𑌷𑌾𑌮𑌂𑌜𑌨𑌂 𑌯- 𑌵𑌰𑍍 𑌜𑍍𑌯𑌾𑌯𑍋 𑌯𑌦𑍍𑌬𑍀𑌜𑌮𑌹𑍍𑌨𑌾𑌮𑌪𑌹𑍃𑌤
𑌦𑍍𑌦𑍍𑌵𑌾𑌰𑌂 𑌯𑌨𑍍𑌮𑍁𑌕𑍍𑌤𑌿𑌭𑌾𑌜𑌾𑌂 𑌯𑌦𑌖𑌿𑌲𑌭𑍁𑌵𑌨𑌜𑍍𑌯𑍋𑌤𑌿𑌷𑌾𑌮𑍇𑌕𑌮𑍋𑌕𑌃 ।
𑌯𑌦𑍍𑌵𑍃𑌷𑍍𑌟𑍍𑌯𑌂𑌭𑍋𑌨𑌿𑌧𑌾𑌨𑌂 𑌧𑌰𑌣𑌿𑌰𑌸𑌸𑍁𑌧𑌾𑌪𑌾𑌨𑌪𑌾𑌤𑍍𑌰𑌂 𑌮𑌹𑌦𑍍𑌯-
𑌦𑍍𑌦𑌿𑌶𑍍𑌯𑌾𑌦𑍀𑌶𑌸𑍍𑌯 𑌭𑌾𑌸𑌾𑌂 𑌤𑌦𑌧𑍀𑌕𑌲𑌮𑌲𑌂 𑌮𑌂𑌗𑌲𑌂 𑌮𑌂𑌡𑌲𑌂 𑌵𑌃 ॥ 𑍭3 ॥ 𑌵𑌰𑍍 𑌦𑍇𑌵𑌸𑍍𑌯
𑌭𑌾𑌨𑍋𑌃 𑌤𑌦𑌧𑌿𑌕𑌮𑌮𑌲𑌂 𑌮𑌂𑌡𑌲𑌂 𑌮𑌂𑌗𑌲𑌂

𑌵𑍇𑌲𑌾𑌵𑌰𑍍𑌧𑌿𑌷𑍍𑌣𑍁 𑌸𑌿𑌂𑌧𑍋𑌃 𑌪𑌯 𑌇𑌵 𑌖𑌮𑌿𑌵𑌾𑌰𑍍𑌧𑍋𑌦𑍍𑌗𑌤𑌾𑌗𑍍𑌯𑍍𑌰𑌗𑍍𑌰𑌹𑍋𑌡𑍁
𑌸𑍍𑌤𑍋𑌕𑍋𑌦𑍍𑌭𑌿𑌨𑍍𑌨𑌸𑍍𑌵𑌚𑌿𑌹𑍍𑌨𑌪𑍍𑌰𑌸𑌵𑌮𑌿𑌵 𑌮𑌧𑍋𑌰𑌾𑌸𑍍𑌯𑌮𑌸𑍍𑌯𑌨𑍍𑌮𑌨𑌾𑌂𑌸𑌿 । 𑌵𑌰𑍍 𑌮𑌹𑌾𑌂𑌸𑌿
𑌪𑍍𑌰𑌾𑌤𑌃 𑌪𑍂𑌷𑍍𑌣𑍋𑌽𑌶𑍁𑌭𑌾𑌨𑌿 𑌪𑍍𑌰𑌶𑌮𑌯𑌤𑍁 𑌶𑌿𑌰𑌃𑌶𑍇𑌖𑌰𑍀𑌭𑍂𑌤𑌮𑌦𑍍𑌰𑍇𑌃
𑌪𑍌𑌰𑌸𑍍𑌤𑍍𑌯𑌸𑍍𑌯𑍋𑌦𑍍𑌗𑌭𑌸𑍍𑌤𑌿𑌸𑍍𑌤𑌿𑌮𑌿𑌤𑌤𑌮𑌤𑌮𑌃𑌖𑌂𑌡𑌨𑌂 𑌮𑌂𑌡𑌲𑌂 𑌵𑌃 ॥ 𑍭4 ॥

𑌪𑍍𑌰𑌤𑍍𑌯𑍁𑌪𑍍𑌤𑌸𑍍𑌤𑌪𑍍𑌤𑌹𑍇𑌮𑍋𑌜𑍍𑌜𑍍𑌵𑌲𑌰𑍁𑌚𑌿𑌰𑌚𑌲𑌃 𑌪𑌦𑍍𑌮𑌰𑌾𑌗𑍇𑌣 𑌯𑍇𑌨
𑌜𑍍𑌯𑌾𑌯𑌃 𑌕𑌿𑌂𑌜𑌲𑍍𑌕𑌪𑍁𑌂𑌜𑍋 𑌯𑌦𑌲𑌿𑌕𑍁𑌲𑌶𑌿𑌤𑍇𑌰𑌂𑌬𑌰𑍇𑌂𑌦𑍀𑌵𑌰𑌸𑍍𑌯 ।
𑌕𑌾𑌲𑌵𑍍𑌯𑌾𑌲𑌸𑍍𑌯 𑌚𑌿𑌹𑍍𑌨𑌂 𑌮𑌹𑌿𑌤𑌤𑌮𑌮𑌹𑍋𑌮𑍂𑌰𑌂𑌧𑌿 𑌰𑌤𑍍𑌨𑌂 𑌮𑌹𑌦𑍍𑌯-
𑌦𑍍𑌦𑍀𑌪𑍍𑌤𑌾𑌂𑌶𑍋𑌃 𑌪𑍍𑌰𑌾𑌤𑌰𑌵𑍍𑌯𑌾𑌤𑍍𑌤𑌦𑌵𑌿𑌕𑌲𑌜𑌗𑌨𑍍𑌮𑌂𑌡𑌨𑌂 𑌮𑌂𑌡𑌲𑌂 𑌵𑌃 ॥ 𑍭5 ॥

𑌕𑌸𑍍𑌤𑍍𑌰𑌾𑌤𑌾 𑌤𑌾𑌰𑌕𑌾𑌣𑌾𑌂 𑌪𑌤𑌤𑌿 𑌤𑌨𑍁𑌰𑌵𑌶𑍍𑌯𑌾𑌯𑌬𑌿𑌂𑌦𑍁𑌰𑍍𑌯𑌥𑍇𑌂𑌦𑍁-
𑌰𑍍𑌵𑌿𑌦𑍍𑌰𑌾𑌣𑌾 𑌦𑍃𑌕𑍍𑌸𑍍𑌮𑌰𑌾𑌰𑍇𑌰𑍁𑌰𑌸𑌿 𑌮𑍁𑌰𑌰𑌿𑌪𑍋𑌃 𑌕𑍌𑌸𑍍𑌤𑍁𑌭𑍋 𑌨𑍋𑌦𑍍𑌗𑌭𑌸𑍍𑌤𑌿𑌃 ।
𑌵𑌹𑍍𑌨𑍇𑌃 𑌸𑌾𑌪𑌹𑍍𑌨𑌵𑍇𑌵 𑌦𑍍𑌯𑍁𑌤𑌿𑌰𑍁𑌦𑌯𑌗𑌤𑍇 𑌯𑌤𑍍𑌰 𑌤𑌨𑍍𑌮𑌂𑌡𑌲𑌂 𑌵𑍋
𑌮𑌾𑌰𑍍𑌤𑌂𑌡𑍀𑌯𑌂 𑌪𑍁𑌨𑍀𑌤𑌾𑌦𑍍𑌦𑌿𑌵𑌿 𑌭𑍁𑌵𑌿 𑌚 𑌤𑌮𑌾𑌂𑌸𑍀𑌵 𑌮𑍃𑌷𑍍𑌣𑌨𑍍𑌮𑌹𑌾𑌂𑌸𑌿 ॥ 𑍭6 ॥

𑌯𑌤𑍍𑌪𑍍𑌰𑌾𑌚𑍍𑌯𑌾𑌂 𑌪𑍍𑌰𑌾𑌕𑍍𑌚𑌕𑌾𑌸𑍍𑌤𑌿 𑌪𑍍𑌰𑌭𑌵𑌤𑌿 𑌚 𑌯𑌤𑌃 𑌪𑍍𑌰𑌾𑌚𑍍𑌯𑌸𑌾𑌵𑍁𑌜𑍍𑌜𑌿𑌹𑌾𑌨𑌾-
𑌦𑌿𑌦𑍍𑌧𑌂 𑌮𑌧𑍍𑌯𑍇 𑌯𑌦𑌹𑍍𑌨𑍋 𑌭𑌵𑌤𑌿 𑌤𑌤𑌰𑍁𑌚𑌾 𑌯𑍇𑌨 𑌚𑍋𑌤𑍍𑌪𑌾𑌦𑍍𑌯𑌤𑍇𑌽𑌹𑌃 ।
𑌯𑌤𑍍𑌪𑌰𑍍𑌯𑌾𑌯𑍇𑌣 𑌲𑍋𑌕𑌾𑌨𑌵𑌤𑌿 𑌚 𑌜𑌗𑌤𑌾𑌂 𑌜𑍀𑌵𑌿𑌤𑌂 𑌯𑌚𑍍𑌚 𑌤𑌦𑍍𑌵𑍋
𑌵𑌿𑌶𑍍𑌵𑌾𑌨𑍁𑌗𑍍𑌰𑌾𑌹𑌿 𑌵𑌿𑌶𑍍𑌵𑌂 𑌸𑍃𑌜𑌦𑌪𑌿 𑌚 𑌰𑌵𑍇𑌰𑍍𑌮𑌂𑌡𑌲𑌂 𑌮𑍁𑌕𑍍𑌤𑌯𑍇𑌽𑌸𑍍𑌤𑍁 ॥ 𑍭𑍭 ॥

𑌶𑍁𑌷𑍍𑌯𑌂𑌤𑍍𑌯𑍂𑌢𑌾𑌨𑍁𑌕𑌾𑌰𑌾 𑌮𑌕𑌰𑌵𑌸𑌤𑌯𑍋 𑌮𑌾𑌰𑌵𑍀𑌣𑌾𑌂 𑌸𑍍𑌥𑌲𑍀𑌨𑌾𑌂
𑌯𑍇𑌨𑍋𑌤𑍍𑌤𑌪𑍍𑌤𑌾𑌃 𑌸𑍍𑌫𑍁𑌟𑌂𑌤𑌸𑍍𑌤𑌡𑌿𑌤𑌿 𑌤𑌿𑌲𑌤𑍁𑌲𑌾𑌂 𑌯𑌾𑌂𑌤𑍍𑌯𑌗𑍇𑌂𑌦𑍍𑌰𑌾 𑌯𑍁𑌗𑌾𑌂𑌤𑍇 । 𑌵𑌰𑍍 𑌚𑌟𑌿𑌤𑌿
𑌤𑌚𑍍𑌚𑌂𑌡𑌾𑌂𑌶𑍋𑌰𑌕𑌾𑌂𑌡𑌤𑍍𑌰𑌿𑌭𑍁𑌵𑌨𑌦𑌹𑌨𑌾𑌶𑌂𑌕𑌯𑌾 𑌧𑌾𑌮 𑌕𑍃𑌚𑍍𑌛𑌾𑌤𑍍 𑌵𑌰𑍍 𑌕𑍃𑌤𑍍𑌸𑍍𑌨𑌂
𑌸𑌂𑌹𑍃𑌤𑍍𑌯𑌾𑌲𑍋𑌕𑌮𑌾𑌤𑍍𑌰𑌂 𑌪𑍍𑌰𑌲𑌘𑍁 𑌵𑌿𑌦𑌧𑌤𑌃 𑌸𑍍𑌤𑌾𑌨𑍍𑌮𑍁𑌦𑍇 𑌮𑌂𑌡𑌲𑌂 𑌵𑌃 ॥ 𑍭𑍮 ॥ 𑌵𑌰𑍍 𑌆𑌹𑍃𑌤𑍍𑌯𑌾𑌲𑍋𑌕𑌮𑌾𑌤𑍍𑌰𑌂 𑌪𑍍𑌰𑌤𑌨𑍁

𑌉𑌦𑍍𑌯𑌦𑍍𑌦𑍍𑌯𑍂𑌦𑍍𑌯𑌾𑌨𑌵𑌾𑌪𑍍𑌯𑌾𑌂 𑌬𑌹𑍁𑌲𑌤𑌮𑌤𑌮𑌃𑌪𑌂𑌕𑌪𑍂𑌰𑌂 𑌵𑌿𑌦𑌾𑌰𑍍𑌯 𑌵𑌰𑍍 𑌬𑌹𑌲
𑌪𑍍𑌰𑍋𑌦𑍍𑌭𑌿𑌨𑍍𑌨𑌂 𑌪𑌤𑍍𑌰𑌪𑌾𑌰𑍍𑌶𑍍𑌵𑍇𑌷𑍍𑌵𑌵𑌿𑌰𑌲𑌮𑌰𑍁𑌣𑌚𑍍𑌛𑌾𑌯𑌯𑌾 𑌵𑌿𑌸𑍍𑌫𑍁𑌰𑌂𑌤𑍍𑌯𑌾 ।
𑌕𑌲𑍍𑌯𑌾𑌣𑌾𑌨𑌿 𑌕𑍍𑌰𑌿𑌯𑌾𑌦𑍍𑌵𑌃 𑌕𑌮𑌲𑌮𑌿𑌵 𑌮𑌹𑌨𑍍𑌮𑌂𑌡𑌲𑌂 𑌚𑌂𑌡𑌭𑌾𑌨𑍋- 𑌵𑌰𑍍 𑌚𑌂𑌡𑌰𑌶𑍍𑌮𑍇𑌃
𑌰𑌨𑍍𑌵𑍀𑌤𑌂 𑌤𑍃𑌪𑍍𑌤𑌿𑌹𑍇𑌤𑍋𑌰𑌸𑌕𑍃𑌦𑌲𑌿𑌕𑍁𑌲𑌾𑌕𑌾𑌰𑌿𑌣𑌾 𑌰𑌾𑌹𑍁𑌣𑌾 𑌯𑌤𑍍 ॥ 𑍭𑍯 ॥

𑌚𑌕𑍍𑌷𑍁𑌰𑍍𑌦𑌕𑍍𑌷𑌦𑍍𑌵𑌿𑌷𑍋 𑌯𑌨𑍍𑌨 𑌤𑍁 𑌦𑌹𑌤𑌿 𑌪𑍁𑌰𑌃 𑌪𑍂𑌰𑌯𑌤𑍍𑌯𑍇𑌵 𑌕𑌾𑌮𑌂 𑌵𑌰𑍍 𑌨 𑌦𑌹𑌤𑌿 𑌨𑌿𑌤𑌰𑌾𑌂 𑌪𑍁𑌨𑌃
𑌨𑌾𑌸𑍍𑌤𑌂 𑌜𑍁𑌷𑍍𑌟𑌂 𑌮𑌰𑍁𑌦𑍍𑌭𑌿𑌰𑍍𑌯𑌦𑌿𑌹 𑌨𑌿𑌯𑌮𑌿𑌨𑌾𑌂 𑌯𑌾𑌨𑌪𑌾𑌤𑍍𑌰𑌂 𑌭𑌵𑌾𑌬𑍍𑌧𑍌 ।
𑌯𑌦𑍍𑌵𑍀𑌤𑌶𑍍𑌰𑌾𑌂𑌤𑌿 𑌶𑌶𑍍𑌵𑌦𑍍𑌭𑍍𑌰𑌮𑌦𑌪𑌿 𑌜𑌗𑌤𑌾𑌂 𑌭𑍍𑌰𑌾𑌂𑌤𑌿𑌮𑌭𑍍𑌰𑌾𑌂𑌤𑌿 𑌹𑌂𑌤𑌿
𑌬𑍍𑌰𑌧𑍍𑌨𑌸𑍍𑌯𑌾𑌖𑍍𑌯𑌾𑌦𑍍𑌵𑌿𑌰𑍁𑌦𑍍𑌧𑌕𑍍𑌰𑌿𑌯𑌮𑌥 𑌚 𑌹𑌿𑌤𑌾𑌧𑌾𑌯𑌿 𑌤𑌨𑍍𑌮𑌂𑌡𑌲𑌂 𑌵𑌃 ॥ 𑍮0 ॥

॥ 𑌇𑌤𑌿 𑌮𑌂𑌡𑌲𑌵𑌰𑍍𑌣𑌨𑌮𑍍 ॥

॥ 𑌅𑌥 𑌸𑍂𑌰𑍍𑌯𑌵𑌰𑍍𑌣𑌨𑌮𑍍 ।

𑌸𑌿𑌦𑍍𑌧𑍈𑌃 𑌸𑌿𑌦𑍍𑌧𑌾𑌂𑌤𑌮𑌿𑌶𑍍𑌰𑌂 𑌶𑍍𑌰𑌿𑌤𑌵𑌿𑌧𑌿 𑌵𑌿𑌬𑍁𑌧𑍈𑌶𑍍𑌚𑌾𑌰𑌣𑍈𑌶𑍍𑌚𑌾𑌟𑍁𑌗𑌰𑍍𑌭𑌂
𑌗𑍀𑌤𑍍𑌯𑌾 𑌗𑌂𑌧𑌰𑍍𑌵𑌮𑍁𑌖𑍍𑌯𑍈𑌰𑍍𑌮𑍁𑌹𑍁𑌰𑌹𑌿𑌪𑌤𑌿𑌭𑌿𑌰𑍍𑌯𑌾𑌤𑍁𑌧𑌾𑌨𑍈𑌰𑍍𑌯𑌤𑌾𑌤𑍍𑌮 ।
𑌸𑌾𑌰𑍍𑌧𑌂 𑌸𑌾𑌧𑍍𑌯𑍈𑌰𑍍𑌮𑍁𑌨𑍀𑌂𑌦𑍍𑌰𑍈𑌰𑍍𑌮𑍁𑌦𑌿𑌤𑌮𑌤𑌮𑌨𑍋 𑌮𑍋𑌕𑍍𑌷𑌿𑌭𑌿𑌃 𑌪𑌕𑍍𑌷𑌪𑌾𑌤𑌾- 𑌵𑌰𑍍 𑌮𑍋𑌕𑍍𑌷𑍁𑌭𑌿𑌃
𑌤𑍍𑌪𑍍𑌰𑌾𑌤𑌃 𑌪𑍍𑌰𑌾𑌰𑌭𑍍𑌯𑌮𑌾𑌣𑌸𑍍𑌤𑍁𑌤𑌿𑌰𑌵𑌤𑍁 𑌰𑌵𑌿𑌰𑍍𑌵𑌿𑌶𑍍𑌵𑌵𑌂𑌦𑍍𑌯𑍋𑌦𑌯𑍋 𑌵𑌃 ॥ 𑍮1 ॥

𑌭𑌾𑌸𑌾𑌮𑌾𑌸𑌨𑍍𑌨𑌭𑌾𑌵𑌾𑌦𑌧𑌿𑌕𑌤𑌰𑌪𑌟𑍋𑌶𑍍𑌚𑌕𑍍𑌰𑌵𑌾𑌲𑌸𑍍𑌯 𑌤𑌾𑌪𑌾-
𑌚𑍍𑌛𑍇𑌦𑌾𑌦𑌚𑍍𑌛𑌿𑌨𑍍𑌨𑌗𑌚𑍍𑌛𑌤𑍍𑌤𑍁𑌰𑌗𑌖𑍁𑌰𑌪𑍁𑌟𑌨𑍍𑌯𑌾𑌸𑌨𑌿𑌃𑌶𑌂𑌕𑌟𑌂𑌕𑍈𑌃 । 𑌵𑌰𑍍 𑌨𑍍𑌯𑌸𑍍𑌤
𑌨𑌿𑌃𑌸𑌂𑌗𑌸𑍍𑌯𑌂𑌦𑌨𑌾𑌂𑌗𑌭𑍍𑌰𑌮𑌣𑌨𑌿𑌕𑌷𑌣𑌾𑌤𑍍𑌪𑌾𑌤𑍁 𑌵𑌸𑍍𑌤𑍍𑌰𑌿𑌪𑍍𑌰𑌕𑌾𑌰𑌂 𑌵𑌰𑍍 𑌤𑍍𑌰𑌿𑌪𑍍𑌰𑌕𑌾𑌰𑍈𑌃
𑌤𑌪𑍍𑌤𑌾𑌂𑌶𑍁𑌸𑍍𑌤𑌤𑍍𑌪𑌰𑍀𑌕𑍍𑌷𑌾𑌪𑌰 𑌇𑌵 𑌪𑌰𑌿𑌤𑌃 𑌪𑌰𑍍𑌯𑌟𑌨𑍍𑌹𑌾𑌟𑌕𑌾𑌦𑍍𑌰𑌿𑌮𑍍 ॥ 𑍮2 ॥

𑌨𑍋 𑌶𑍁𑌷𑍍𑌕𑌂 𑌨𑌾𑌕𑌨𑌦𑍍𑌯𑌾 𑌵𑌿𑌕𑌸𑌿𑌤𑌕𑌨𑌕𑌾𑌂𑌭𑍋𑌜𑌯𑌾 𑌭𑍍𑌰𑌾𑌜𑌿𑌤𑌂 𑌤𑍁 𑌵𑌰𑍍 𑌕𑌨𑌕𑌾𑌂𑌭𑍋𑌰𑍁𑌹𑌾
𑌪𑍍𑌲𑍁𑌷𑍍𑌟𑌾 𑌨𑍈𑌵𑍋𑌪𑌭𑍋𑌗𑍍𑌯𑌾 𑌭𑌵𑌤𑌿 𑌭𑍃𑌶𑌤𑌰𑌂 𑌨𑌂𑌦𑌨𑍋𑌦𑍍𑌯𑌾𑌨𑌲𑌕𑍍𑌷𑍍𑌮𑍀𑌃 ।
𑌨𑍋 𑌶𑍃𑌂𑌗𑌾𑌣𑌿 𑌦𑍍𑌰𑍁𑌤𑌾𑌨𑌿 𑌦𑍍𑌰𑍁𑌤𑌮𑌮𑌰𑌗𑌿𑌰𑍇𑌃 𑌕𑌾𑌲𑌧𑍌𑌤𑌾𑌨𑌿 𑌧𑍌𑌤𑌾-
𑌨𑍀𑌦𑍍𑌧𑌂 𑌧𑌾𑌮 𑌦𑍍𑌯𑍁𑌮𑌾𑌰𑍍𑌗𑍇 𑌮𑍍𑌰𑌦𑌯𑌤𑌿 𑌦𑌯𑌯𑌾 𑌯𑌤𑍍𑌰 𑌸𑍋𑌽𑌰𑍍𑌕𑍋𑌽𑌵𑌤𑌾𑌦𑍍𑌵𑌃 ॥ 𑍮3 ॥

𑌧𑍍𑌵𑌾𑌂𑌤𑌸𑍍𑌯𑍈𑌵𑌾𑌂𑌤𑌹𑍇𑌤𑍁𑌰𑍍𑌨 𑌭𑌵𑌤𑌿 𑌮𑌲𑌿𑌨𑍈𑌕𑌾𑌤𑍍𑌮𑌨𑌃 𑌪𑌾𑌪𑍍𑌮𑌨𑍋𑌽𑌪𑌿
𑌪𑍍𑌰𑌾𑌕𑍍𑌪𑌾𑌦𑍋𑌪𑌾𑌂𑌤𑌭𑌾𑌜𑌾𑌂 𑌜𑌨𑌯𑌤𑌿 𑌨 𑌪𑌰𑌂 𑌪𑌂𑌕𑌜𑌾𑌨𑌾𑌂 𑌪𑍍𑌰𑌬𑍋𑌧𑌮𑍍 ।
𑌕𑌰𑍍𑌤𑌾 𑌨𑌿𑌃𑌶𑍍𑌰𑍇𑌯𑌸𑌾𑌨𑌾𑌮𑌪𑌿 𑌨 𑌤𑍁 𑌖𑌲𑍁 𑌯𑌃 𑌕𑍇𑌵𑌲𑌂 𑌵𑌾𑌸𑌰𑌾𑌣𑌾𑌂
𑌸𑍋𑌽𑌵𑍍𑌯𑌾𑌦𑍇𑌕𑍋𑌦𑍍𑌯𑌮𑍇𑌚𑍍𑌛𑌾𑌵𑌿𑌹𑌿𑌤𑌬𑌹𑍁𑌬𑍃𑌹𑌦𑍍𑌵𑌿𑌶𑍍𑌵𑌕𑌾𑌰𑍍𑌯𑍋𑌽𑌰𑍍𑌯𑌮𑌾 𑌵𑌃 ॥ 𑍮4 ॥

𑌲𑍋𑌟𑌁𑌲𑍍𑌲𑍋𑌷𑍍𑌟𑌾𑌵𑌿𑌚𑍇𑌷𑍍𑌟𑌃 𑌶𑍍𑌰𑌿𑌤𑌶𑌯𑌨𑌤𑌲𑍋 𑌨𑌿𑌃𑌸𑌹𑍀𑌭𑍂𑌤𑌦𑍇𑌹𑌃
𑌸𑌂𑌦𑍇𑌹𑍀 𑌪𑍍𑌰𑌾𑌣𑌿𑌤𑌵𑍍𑌯𑍇 𑌸𑌪𑌦𑌿 𑌦𑌶 𑌦𑌿𑌶𑌃 𑌪𑍍𑌰𑍇𑌕𑍍𑌷𑌮𑌾𑌣𑍋𑌽𑌂𑌧𑌕𑌾𑌰𑌾𑌃 ।
𑌨𑌿𑌃𑌶𑍍𑌵𑌾𑌸𑌾𑌯𑌾𑌸𑌨𑌿𑌷𑍍𑌠𑌃 𑌪𑌰𑌮𑌪𑌰𑌵𑌶𑍋 𑌜𑌾𑌯𑌤𑍇 𑌜𑍀𑌵𑌲𑍋𑌕𑌃 𑌵𑌰𑍍 𑌚𑌿𑌰𑌤𑌰𑌵𑌶𑍋
𑌶𑍋𑌕𑍇𑌨𑍇𑌵𑌾𑌨𑍍𑌯𑌲𑍋𑌕𑌾𑌨𑍁𑌦𑌯𑌕𑍃𑌤𑌿 𑌗𑌤𑍇 𑌯𑌤𑍍𑌰 𑌸𑍋𑌽𑌰𑍍𑌕𑍋𑌽𑌵𑌤𑌾𑌦𑍍𑌵𑌃 ॥ 𑍮5 ॥ 𑌵𑌰𑍍 𑌲𑍋𑌕𑌾𑌭𑍍𑌯𑍁𑌦𑌯

𑌕𑍍𑌰𑌾𑌮𑌁𑌲𑍍𑌲𑍋𑌲𑍋𑌽𑌪𑌿 𑌲𑍋𑌕𑌾𑌁𑌸𑍍𑌤𑌦𑍁𑌪𑌕𑍃𑌤𑌿𑌕𑍃𑌤𑌾𑌵𑌾𑌶𑍍𑌰𑌿𑌤𑌃 𑌸𑍍𑌥𑍈𑌰𑍍𑌯𑌕𑍋𑌟𑌿𑌂
𑌨𑍄𑌣𑌾𑌂 𑌦𑍃𑌷𑍍𑌟𑌿𑌂 𑌵𑌿𑌜𑌿𑌹𑍍𑌮𑌾𑌂 𑌵𑌿𑌦𑌧𑌦𑌪𑌿 𑌕𑌰𑍋𑌤𑍍𑌯𑌂𑌤𑌰𑌤𑍍𑌯𑌂𑌤𑌭𑌦𑍍𑌰𑌾𑌮𑍍 ।
𑌯𑌸𑍍𑌤𑌾𑌪𑌸𑍍𑌯𑌾𑌪𑌿 𑌹𑍇𑌤𑍁𑌰𑍍𑌭𑌵𑌤𑌿 𑌨𑌿𑌯𑌮𑌿𑌨𑌾𑌮𑍇𑌕𑌨𑌿𑌰𑍍𑌵𑌾𑌣𑌦𑌾𑌯𑍀
𑌭𑍂𑌯𑌾𑌤𑍍𑌸 𑌪𑍍𑌰𑌾𑌗𑌵𑌸𑍍𑌥𑌾𑌧𑌿𑌕𑌤𑌰𑌪𑌰𑌿𑌣𑌾𑌮𑍋𑌦𑌯𑍋𑌽𑌰𑍍𑌕𑌃 𑌶𑍍𑌰𑌿𑌯𑍇 𑌵𑌃 ॥ 𑍮6 ॥

𑌵𑍍𑌯𑌾𑌪𑌨𑍍𑌨𑌰𑍍𑌤𑍁𑌰𑍍𑌨 𑌕𑌾𑌲𑍋 𑌵𑍍𑌯𑌭𑌿𑌚𑌰𑌤𑌿 𑌫𑌲𑌂 𑌨𑍌𑌷𑌧𑍀𑌰𑍍𑌵𑍃𑌷𑍍𑌟𑌿𑌰𑌿𑌷𑍍𑌟𑌾
𑌨𑍈𑌷𑍍𑌟𑍈𑌸𑍍𑌤𑍃𑌪𑍍𑌯𑌂𑌤𑌿 𑌦𑍇𑌵𑌾 𑌨 𑌹𑌿 𑌵𑌹𑌤𑌿 𑌮𑌰𑍁𑌨𑍍𑌨𑌿𑌰𑍍𑌮𑌲𑌾𑌭𑌾𑌨𑌿 𑌭𑌾𑌨𑌿 ।
𑌆𑌶𑌾𑌃 𑌶𑌾𑌂𑌤𑌾 𑌨 𑌭𑌿𑌂𑌦𑌂𑌤𑍍𑌯𑌵𑌧𑌿𑌮𑍁𑌦𑌧𑌯𑍋 𑌬𑌿𑌭𑍍𑌰𑌤𑌿 𑌕𑍍𑌷𑍍𑌮𑌾𑌭𑍃𑌤𑌃 𑌕𑍍𑌷𑍍𑌮𑌾𑌂
𑌯𑌸𑍍𑌮𑌿𑌂𑌸𑍍𑌤𑍍𑌰𑍈𑌲𑍋𑌕𑍍𑌯𑌮𑍇𑌵𑌂 𑌨 𑌚𑌲𑌤𑌿 𑌤𑌪𑌤𑌿 𑌸𑍍𑌤𑌾𑌤𑍍𑌸 𑌸𑍂𑌰𑍍𑌯𑌃 𑌶𑍍𑌰𑌿𑌯𑍇 𑌵𑌃 ॥ 𑍮𑍭 ॥

𑌕𑍈𑌲𑌾𑌸𑍇 𑌕𑍃𑌤𑍍𑌤𑌿𑌵𑌾𑌸𑌾 𑌵𑌿𑌹𑌰𑌤𑌿 𑌵𑌿𑌰𑌹𑌤𑍍𑌰𑌾𑌸𑌦𑍇𑌹𑍋𑌢𑌕𑌾𑌂𑌤𑌃
𑌶𑍍𑌰𑌾𑌂𑌤𑌃 𑌶𑍇𑌤𑍇 𑌮𑌹𑌾𑌹𑌾𑌵𑌧𑌿𑌜𑌲𑌧𑌿 𑌵𑌿𑌨𑌾 𑌛𑌦𑍍𑌮𑌨𑌾 𑌪𑌦𑍍𑌮𑌨𑌾𑌭𑌃 ।
𑌯𑍋𑌗𑍋𑌦𑍍𑌯𑍋𑌗𑍈𑌕𑌤𑌾𑌨𑍋 𑌗𑌮𑌯𑌤𑌿 𑌸𑌕𑌲𑌂 𑌵𑌾𑌸𑌰𑌂 𑌸𑍍𑌵𑌂 𑌸𑍍𑌵𑌯𑌂𑌭𑍂-
𑌰𑍍𑌭𑍂𑌰𑌿𑌤𑍍𑌰𑍈𑌲𑍋𑌕𑍍𑌯𑌾𑌚𑌿𑌂𑌤𑌾𑌭𑍃𑌤𑌿 𑌭𑍁𑌵𑌨𑌵𑌿𑌭𑍌 𑌯𑌤𑍍𑌰 𑌭𑌾𑌸𑍍𑌵𑌾𑌨𑍍𑌸 𑌵𑍋𑌽𑌵𑍍𑌯𑌾𑌤𑍍 ॥ 𑍮𑍮 ॥

𑌏𑌤𑌦𑍍𑌯𑌨𑍍𑌮𑌂𑌡𑌲𑌂 𑌖𑍇 𑌤𑌪𑌤𑌿 𑌦𑌿𑌨𑌕𑍃𑌤𑌸𑍍𑌤𑌾 𑌋𑌚𑍋𑌽𑌰𑍍𑌚𑍀𑌂𑌷𑌿 𑌯𑌾𑌨𑌿
𑌦𑍍𑌯𑍋𑌤𑌂𑌤𑍇 𑌤𑌾𑌨𑌿 𑌸𑌾𑌮𑌾𑌨𑍍𑌯𑌯𑌮𑌪𑌿 𑌪𑍁𑌰𑍁𑌷𑍋 𑌮𑌂𑌡𑌲𑍇𑌽𑌣𑍁𑌰𑍍𑌯𑌜𑍂𑌂𑌷𑌿 ।
𑌏𑌵𑌂 𑌯𑌂 𑌵𑍇𑌦 𑌵𑍇𑌦𑌤𑍍𑌰𑌿𑌤𑌯𑌮𑌯𑌮𑌯𑌂 𑌵𑍇𑌦𑌵𑍇𑌦𑍀 𑌸𑌮𑌗𑍍𑌰𑍋
𑌵𑌰𑍍𑌗𑌃 𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌪𑍍𑌰𑌕𑍃𑌤𑌿𑌰𑌵𑌿𑌕𑍃𑌤𑌿𑌃 𑌸𑍋𑌽𑌸𑍍𑌤𑍁 𑌸𑍂𑌰𑍍𑌯𑌃 𑌶𑍍𑌰𑌿𑌯𑍇 𑌵𑌃 ॥ 𑍮𑍯 ॥

𑌨𑌾𑌕𑍌𑌕𑌃𑌪𑍍𑌰𑌤𑍍𑌯𑌨𑍀𑌕𑌕𑍍𑌷𑌤𑌿𑌪𑌟𑍁𑌮𑌹𑌸𑌾𑌂 𑌵𑌾𑌸𑌵𑌾𑌗𑍍𑌰𑍇𑌸𑌰𑌾𑌣𑌾𑌂
𑌸𑌰𑍍𑌵𑍇𑌷𑌾𑌂 𑌸𑌾𑌧𑍁 𑌪𑌾𑌤𑌾𑌂 𑌜𑌗𑌦𑌿𑌦𑌮𑌦𑌿𑌤𑍇𑌰𑌾𑌤𑍍𑌮𑌜𑌤𑍍𑌵𑍇 𑌸𑌮𑍇𑌽𑌪𑌿 ।
𑌯𑍇𑌨𑌾𑌦𑌿𑌤𑍍𑌯𑌾𑌭𑌿𑌧𑌾𑌨𑌂 𑌨𑌿𑌰𑌤𑌿𑌶𑌯𑌗𑍁𑌣𑍈𑌰𑌾𑌤𑍍𑌮𑌨𑌿 𑌨𑍍𑌯𑌸𑍍𑌤𑌮𑌸𑍍𑌤𑍁 𑌵𑌰𑍍 𑌗𑍁𑌣𑍇𑌨𑌾𑌤𑍍𑌮𑌨𑌿
𑌸𑍍𑌤𑍁𑌤𑍍𑌯𑌸𑍍𑌤𑍍𑌰𑍈𑌲𑍋𑌕𑍍𑌯𑌵𑌂𑌦𑍍𑌯𑍈𑌸𑍍𑌤𑍍𑌰𑌿𑌦𑌶𑌮𑍁𑌨𑌿𑌗𑌣𑍈𑌃 𑌸𑍋𑌂𑌽𑌶𑍁𑌮𑌾𑌨𑍍 𑌶𑍍𑌰𑍇𑌯𑌸𑍇 𑌵𑌃 ॥ 𑍯0 ॥

𑌭𑍂𑌮𑌿𑌂 𑌧𑌾𑌮𑍍𑌨𑍋𑌽𑌭𑌿𑌵𑍃𑌷𑍍𑌟𑍍𑌯𑌾 𑌜𑌗𑌤𑌿 𑌜𑌲𑌮𑌯𑍀𑌂 𑌪𑌾𑌵𑌨𑍀𑌂 𑌸𑌂𑌸𑍍𑌮𑍃𑌤𑌾𑌵- 𑌵𑌰𑍍 𑌧𑌾𑌮𑍍𑌨𑍋𑌽𑌥
𑌪𑍍𑌯𑌾𑌗𑍍𑌨𑍇𑌯𑍀𑌂 𑌦𑌾𑌹𑌶𑌕𑍍𑌤𑍍𑌯𑌾 𑌮𑍁𑌹𑍁𑌰𑌪𑌿 𑌯𑌜𑌮𑌾𑌨𑌾𑌂 𑌯𑌥𑌾𑌪𑍍𑌰𑌾𑌰𑍍𑌥𑌿𑌤𑌾𑌰𑍍𑌥𑍈𑌃 । 𑌵𑌰𑍍 𑌯𑌜𑌮𑌾𑌨𑌾𑌤𑍍𑌮𑌿𑌕𑌾𑌂
𑌲𑍀𑌨𑌾𑌮𑌾𑌕𑌾𑌶 𑌏𑌵𑌾𑌮𑍃𑌤𑌕𑌰𑌘𑌟𑌿𑌤𑌾𑌂 𑌧𑍍𑌵𑌾𑌂𑌤𑌪𑌕𑍍𑌷𑌸𑍍𑌯 𑌪𑌰𑍍𑌵-
𑌣𑍍𑌵𑍇𑌵𑌂 𑌸𑍂𑌰𑍍𑌯𑍋𑌽𑌷𑍍𑌟𑌭𑍇𑌦𑌾𑌂 𑌭𑌵 𑌇𑌵 𑌭𑌵𑌤𑌃 𑌪𑌾𑌤𑍁 𑌬𑌿𑌭𑍍𑌰𑌤𑍍𑌸𑍍𑌵𑌮𑍂𑌰𑍍𑌤𑌿𑌮𑍍 ॥ 𑍯1 ॥

𑌪𑍍𑌰𑌾𑌕𑍍𑌕𑌾𑌲𑍋𑌨𑍍𑌨𑌿𑌦𑍍𑌰𑌪𑌦𑍍𑌮𑌾𑌕𑌰𑌪𑌰𑌿𑌮𑌲𑌨𑌾𑌵𑌿𑌰𑍍𑌭𑌵𑌤𑍍𑌪𑌾𑌦𑌶𑍋𑌭𑍋
𑌭𑌕𑍍𑌤𑍍𑌯𑌾 𑌤𑍍𑌯𑌕𑍍𑌤𑍋𑌰𑍁𑌖𑍇𑌦𑍋𑌦𑍍𑌗𑌤𑌿 𑌦𑌿𑌵𑌿 𑌵𑌿𑌨𑌤𑌾𑌸𑍂𑌨𑍁𑌨𑌾 𑌨𑍀𑌯𑌮𑌾𑌨𑌃 ।
𑌸𑌪𑍍𑌤𑌾𑌶𑍍𑌵𑌾𑌪𑍍𑌤𑌾𑌪𑌰𑌾𑌂𑌤𑌾𑌨𑍍𑌯𑌧𑌿𑌕𑌮𑌧𑌰𑌯𑌨𑍍𑌯𑍋 𑌜𑌗𑌂𑌤𑌿 𑌸𑍍𑌤𑍁𑌤𑍋𑌽𑌲𑌂
𑌦𑍇𑌵𑍈𑌰𑍍𑌦𑍇𑌵𑌃 𑌸 𑌪𑌾𑌯𑌾𑌦𑌪𑌰 𑌇𑌵 𑌮𑍁𑌰𑌾𑌰𑌾𑌤𑌿𑌰𑌹𑍍𑌨𑌾𑌂 𑌪𑌤𑌿𑌰𑍍𑌵𑌃 ॥ 𑍯2 ॥

𑌯𑌃 𑌸𑍍𑌰𑌷𑍍𑌟𑌾𑌽𑌪𑌾𑌂 𑌪𑍁𑌰𑌸𑍍𑌤𑌾𑌦𑌚𑌲𑌵𑌰𑌸𑌮𑌭𑍍𑌯𑍁𑌨𑍍𑌨𑌤𑍇𑌰𑍍𑌹𑍇𑌤𑍁𑌰𑍇𑌕𑍋
𑌲𑍋𑌕𑌾𑌨𑌾𑌂 𑌯𑌸𑍍𑌤𑍍𑌰𑌯𑌾𑌣𑌾𑌂 𑌸𑍍𑌥𑌿𑌤 𑌉𑌪𑌰𑌿 𑌪𑌰𑌂 𑌦𑍁𑌰𑍍𑌵𑌿𑌲𑌂𑌘𑍍𑌯𑍇𑌨 𑌧𑌾𑌮𑍍𑌨𑌾 । 𑌵𑌰𑍍 𑌚 𑌤𑍍𑌰𑌯𑌾𑌣𑌾𑌂
𑌸𑌦𑍍𑌯𑌃 𑌸𑌿𑌦𑍍𑌧𑍍𑌯𑍈 𑌪𑍍𑌰𑌸𑌨𑍍𑌨𑌦𑍍𑌯𑍁𑌤𑌿𑌶𑍁𑌭𑌚𑌤𑍁𑌰𑌾𑌶𑌾𑌮𑍁𑌖𑌃 𑌸𑍍𑌤𑌾𑌦𑍍𑌵𑌿𑌭𑌕𑍍𑌤𑍋 𑌵𑌰𑍍 𑌶𑍁𑌚𑌿
𑌦𑍍𑌵𑍇𑌧𑌾 𑌵𑍇𑌧𑌾 𑌇𑌵𑌾𑌵𑌿𑌷𑍍𑌕𑍃𑌤𑌕𑌮𑌲𑌰𑍁𑌚𑌿𑌃 𑌸𑍋𑌽𑌰𑍍𑌚𑌿𑌷𑌾𑌮𑌾𑌕𑌰𑍋 𑌵𑌃 ॥ 𑍯3 ॥

𑌸𑌾𑌦𑍍𑌰𑌿𑌦𑍍𑌯𑍂𑌰𑍍𑌵𑍀𑌨𑌦𑍀𑌶𑌾 𑌦𑌿𑌶𑌤𑌿 𑌦𑌶 𑌦𑌿𑌶𑍋 𑌦𑌰𑍍𑌶𑌯𑌨𑍍𑌪𑍍𑌰𑌾𑌗𑍍𑌦𑍃𑌶𑍋 𑌯𑌃 𑌵𑌰𑍍 𑌦𑍍𑌰𑌾𑌕𑍍 𑌦𑍃𑌶𑍋
𑌸𑌾𑌦𑍃𑌶𑍍𑌯𑌂 𑌦𑍃𑌶𑍍𑌯𑌤𑍇 𑌨𑍋 𑌸𑌦𑌶𑌶𑌤𑌦𑍃𑌶𑌿 𑌤𑍍𑌰𑍈𑌦𑌶𑍇 𑌯𑌸𑍍𑌯 𑌦𑍇𑌶𑍇 ।
𑌦𑍀𑌪𑍍𑌤𑌾𑌂𑌶𑍁𑌰𑍍𑌵𑌃 𑌸 𑌦𑌿𑌶𑍍𑌯𑌾𑌦𑌶𑌿𑌵𑌯𑍁𑌗𑌦𑌶𑌾𑌦𑌰𑍍𑌶𑌿𑌤𑌦𑍍𑌵𑌾𑌦𑌶𑌾𑌤𑍍𑌮𑌾
𑌶𑌂 𑌶𑌾𑌸𑍍𑌤𑍍𑌯𑌶𑍍𑌵𑌾𑌂𑌶𑍍𑌚 𑌯𑌸𑍍𑌯𑌾𑌶𑌯𑌵𑌿𑌦𑌤𑌿𑌶𑌯𑌾𑌦𑍍𑌦𑌂𑌦𑌶𑍂𑌕𑌾𑌶𑌨𑌾𑌦𑍍𑌯𑌃 ॥ 𑍯4 ॥

𑌤𑍀𑌰𑍍𑌥𑌾𑌨𑌿 𑌵𑍍𑌯𑌰𑍍𑌥𑌕𑌾𑌨𑌿 𑌹𑍃𑌦𑌨𑌦𑌸𑌰𑌸𑍀𑌨𑌿𑌰𑍍𑌝𑌰𑌾𑌂𑌭𑍋𑌜𑌿𑌨𑍀𑌨𑌾𑌂
𑌨𑍋𑌦𑌨𑍍𑌵𑌂𑌤𑍋 𑌨𑍁𑌦𑌂𑌤𑌿 𑌪𑍍𑌰𑌤𑌿𑌭𑌯𑌮𑌶𑍁𑌭𑌶𑍍𑌵𑌭𑍍𑌰𑌪𑌾𑌤𑌾𑌨𑍁𑌬𑌂𑌧𑌿 ।
𑌆𑌪𑍋 𑌨𑌾𑌕𑌾𑌪𑌗𑌾𑌯𑌾 𑌅𑌪𑌿 𑌕𑌲𑍁𑌷𑌮𑍁𑌷𑍋 𑌮𑌜𑍍𑌜𑌤𑌾𑌂 𑌨𑍈𑌵 𑌯𑌤𑍍𑌰 𑌵𑌰𑍍 𑌸𑍍𑌵𑌰𑍍𑌗𑌾𑌪𑌗𑌾𑌯𑌾𑌃
𑌤𑍍𑌰𑌾𑌤𑍁𑌂 𑌯𑌾𑌤𑍇𑌽𑌨𑍍𑌯𑌲𑍋𑌕𑌾𑌨𑍍 𑌸 𑌦𑌿𑌶𑌤𑍁 𑌦𑌿𑌵𑌸𑌸𑍍𑌯𑍈𑌕𑌹𑍇𑌤𑍁𑌰𑍍𑌹𑌿𑌤𑌂 𑌵𑌃 ॥ 𑍯5 ॥ 𑌵𑌰𑍍 𑌲𑍋𑌕𑌂

𑌏𑌤𑌤𑍍𑌪𑌾𑌤𑌾𑌲𑌪𑌂𑌕𑌪𑍍𑌲𑍁𑌤𑌮𑌿𑌵 𑌤𑌮𑌸𑍈𑌵𑍈𑌕𑌮𑍁𑌦𑍍𑌗𑌾𑌢𑌮𑌾𑌸𑍀-
𑌦𑌪𑍍𑌰𑌜𑍍𑌞𑌾𑌤𑌾𑌪𑍍𑌰𑌤𑌰𑍍𑌕𑍍𑌯𑌂 𑌨𑌿𑌰𑌵𑌗𑌤𑌿 𑌤𑌥𑌾𑌲𑌕𑍍𑌷𑌣𑌂 𑌸𑍁𑌪𑍍𑌤𑌮𑌂𑌤𑌃 ।
𑌯𑌾𑌦𑍃𑌕𑍍𑌸𑍃𑌷𑍍𑌟𑍇𑌃 𑌪𑍁𑌰𑌸𑍍𑌤𑌾𑌨𑍍𑌨𑌿𑌶𑌿 𑌨𑌿𑌶𑌿 𑌸𑌕𑌲𑌂 𑌜𑌾𑌯𑌤𑍇 𑌤𑌾𑌦𑍃𑌗𑍇𑌵
𑌤𑍍𑌰𑍈𑌲𑍋𑌕𑍍𑌯𑌂 𑌯𑌦𑍍𑌵𑌿𑌯𑍋𑌗𑌾𑌦𑌵𑌤𑍁 𑌰𑌵𑌿𑌰𑌸𑍌 𑌸𑌰𑍍𑌗𑌤𑍁𑌲𑍍𑌯𑍋𑌦𑌯𑍋 𑌵𑌃 ॥ 𑍯6 ॥

𑌦𑍍𑌵𑍀𑌪𑍇 𑌯𑍋𑌽𑌸𑍍𑌤𑌾𑌚𑌲𑍋𑌽𑌸𑍍𑌮𑌿𑌨𑍍𑌭𑌵𑌤𑌿 𑌖𑌲𑍁 𑌸 𑌏𑌵𑌾𑌪𑌰𑌤𑍍𑌰𑍋𑌦𑌯𑌾𑌦𑍍𑌰𑌿-
𑌰𑍍𑌯𑌾 𑌯𑌾𑌮𑌿𑌨𑍍𑌯𑍁𑌜𑍍𑌜𑍍𑌵𑌲𑍇𑌂𑌦𑍁𑌦𑍍𑌯𑍁𑌤𑌿𑌰𑌿𑌹 𑌦𑌿𑌵𑌸𑍋𑌽𑌨𑍍𑌯𑌤𑍍𑌰 𑌤𑍀𑌵𑍍𑌰𑌾𑌤𑌪𑌃 𑌸𑌾 ।
𑌯𑌦𑍍𑌵𑌶𑍍𑌯𑍌 𑌦𑍇𑌶𑌕𑌾𑌲𑌾𑌵𑌿𑌤𑌿 𑌨𑌿𑌯𑌮𑌯𑌤𑍋 𑌨𑍋 𑌤𑍁 𑌯𑌂 𑌦𑍇𑌶𑌕𑌾𑌲𑌾- 𑌵𑌰𑍍 𑌨𑍁
𑌵𑌵𑍍𑌯𑌾𑌤𑍍𑌸 𑌸𑍍𑌵𑌪𑍍𑌰𑌭𑍁𑌤𑍍𑌵𑌾𑌹𑌿𑌤𑌭𑍁𑌵𑌨𑌹𑌿𑌤𑍋 𑌹𑍇𑌤𑍁𑌰𑌹𑍍𑌨𑌾𑌮𑌿𑌨𑍋 𑌵𑌃 ॥ 𑍯𑍭 ॥

𑌵𑍍𑌯𑌗𑍍𑌰𑍈𑌰𑌗𑍍𑌰𑍍𑌯𑌗𑍍𑌰𑌹𑍇𑌂𑌦𑍁𑌗𑍍𑌰𑌸𑌨𑌗𑍁𑌰𑍁 𑌭𑌰𑍈𑌰𑍍𑌨𑍋 𑌸𑌮𑌗𑍍𑌰𑍈𑌰𑍁𑌦𑌗𑍍𑌰𑍈𑌃 𑌵𑌰𑍍 𑌗𑍁𑌰𑍁𑌤𑌰𑍈𑌃
𑌪𑍍𑌰𑌤𑍍𑌯𑌗𑍍𑌰𑍈𑌰𑍀𑌷𑌦𑍁𑌗𑍍𑌰𑍈𑌰𑍁𑌦𑌯𑌗𑌿𑌰𑌿𑌗𑌤𑍋 𑌗𑍋𑌗𑌣𑍈𑌰𑍍𑌗𑍌𑌰𑌯𑌨𑍍 𑌗𑌾𑌮𑍍 ।
𑌉𑌦𑍍𑌗𑌾𑌢𑌾𑌰𑍍𑌚𑌿𑌰𑍍𑌵𑌿𑌲𑍀𑌨𑌾𑌮𑌰𑌨𑌗𑌰𑌨𑌗𑌗𑍍𑌰𑌾𑌵𑌗𑌰𑍍𑌭𑌾𑌮𑌿𑌵𑌾𑌹𑍍𑌨𑌾-
𑌮𑌗𑍍𑌰𑍇 𑌶𑍍𑌰𑍇𑌯𑍋 𑌵𑌿𑌧𑌤𑍍𑌤𑍇 𑌗𑍍𑌲𑌪𑌯𑌤𑍁 𑌗𑌹𑌨𑌂 𑌸 𑌗𑍍𑌰𑌹𑌗𑍍𑌰𑌾𑌮𑌣𑍀𑌰𑍍𑌵𑌃 ॥ 𑍯𑍮 ॥

𑌯𑍋𑌨𑌿𑌃 𑌸𑌾𑌮𑍍𑌨𑌾𑌂 𑌵𑌿𑌧𑌾𑌤𑌾 𑌮𑌧𑍁𑌰𑌿𑌪𑍁𑌰𑌜𑌿𑌤𑍋 𑌧𑍂𑌰𑍍𑌜𑌟𑌿𑌃 𑌶𑌂𑌕𑌰𑍋𑌽𑌸𑍌
𑌮𑍃𑌤𑍍𑌯𑍁𑌃 𑌕𑌾𑌲𑍋𑌽𑌲𑌕𑌾𑌯𑌾𑌃 𑌪𑌤𑌿𑌰𑌪𑌿 𑌧𑌨𑌦𑌃 𑌪𑌾𑌵𑌕𑍋 𑌜𑌾𑌤𑌵𑍇𑌦𑌾𑌃 ।
𑌇𑌤𑍍𑌥𑌂 𑌸𑌂𑌜𑍍𑌞𑌾 𑌡𑌵𑌿𑌤𑍍𑌥𑌾𑌦𑌿𑌵𑌦𑌮𑍃𑌤𑌭𑍁𑌜𑌾𑌂 𑌯𑌾 𑌯𑌦𑍃𑌚𑍍𑌛𑌾𑌪𑍍𑌰𑌵𑍃𑌤𑍍𑌤𑌾-
𑌸𑍍𑌤𑌾𑌸𑌾𑌮𑍇𑌕𑍋𑌽𑌭𑌿𑌧𑍇𑌯𑌸𑍍𑌤𑌦𑌨𑍁𑌗𑍁𑌣𑌗𑍁𑌣𑍈𑌰𑍍𑌯𑌃 𑌸 𑌸𑍂𑌰𑍍𑌯𑍋𑌽𑌵𑌤𑌾𑌦𑍍𑌵𑌃 ॥ 𑍯𑍯 ॥ 𑌵𑌰𑍍 𑌗𑌣𑍈𑌃

𑌦𑍇𑌵𑌃 𑌕𑌿𑌂 𑌬𑌾𑌂𑌧𑌵𑌃 𑌸𑍍𑌯𑌾𑌤𑍍𑌪𑍍𑌰𑌿𑌯𑌸𑍁𑌹𑍃𑌦𑌥𑌵𑌾𑌽𑌽𑌚𑌾𑌰𑍍𑌯 𑌆𑌹𑍋𑌸𑍍𑌵𑌿𑌦𑌰𑍍𑌯𑍋 𑌵𑌰𑍍 𑌆𑌰𑍍𑌯𑌃
𑌰𑌕𑍍𑌷𑌾 𑌚𑌕𑍍𑌷𑍁𑌰𑍍𑌨𑍁 𑌦𑍀𑌪𑍋 𑌗𑍁𑌰𑍁𑌰𑍁𑌤 𑌜𑌨𑌕𑍋 𑌜𑍀𑌵𑌿𑌤𑌂 𑌬𑍀𑌜𑌮𑍋𑌜𑌃 ।
𑌏𑌵𑌂 𑌨𑌿𑌰𑍍𑌣𑍀𑌯𑌤𑍇 𑌯𑌃 𑌕 𑌇𑌵 𑌨 𑌜𑌗𑌤𑌾𑌂 𑌸𑌰𑍍𑌵𑌥𑌾 𑌸𑌰𑍍𑌵𑌦𑌾𑌽𑌸𑍌 𑌵𑌰𑍍 𑌸𑌰𑍍𑌵𑌦𑌾𑌃
𑌸𑌰𑍍𑌵𑌾𑌕𑌾𑌰𑍋𑌪𑌕𑌾𑌰𑍀 𑌦𑌿𑌶𑌤𑍁 𑌦𑌶𑌶𑌤𑌾𑌭𑍀𑌷𑍁𑌰𑌭𑍍𑌯𑌰𑍍𑌥𑌿𑌤𑌂 𑌵𑌃 ॥ 100 ॥

𑌶𑍍𑌲𑍋𑌕𑌾 𑌲𑍋𑌕𑌸𑍍𑌯 𑌭𑍂𑌤𑍍𑌯𑍈 𑌶𑌤𑌮𑌿𑌤𑌿 𑌰𑌚𑌿𑌤𑌾𑌃 𑌶𑍍𑌰𑍀𑌮𑌯𑍂𑌰𑍇𑌣 𑌭𑌕𑍍𑌤𑍍𑌯𑌾
𑌯𑍁𑌕𑍍𑌤𑌶𑍍𑌚𑍈𑌤𑌾𑌨𑍍𑌪𑌠𑍇𑌦𑍍𑌯𑌃 𑌸𑌕𑍃𑌦𑌪𑌿 𑌪𑍁𑌰𑍁𑌷𑌃 𑌸𑌰𑍍𑌵𑌪𑌾𑌪𑍈𑌰𑍍𑌵𑌿𑌮𑍁𑌕𑍍𑌤𑌃 ।
𑌆𑌰𑍋𑌗𑍍𑌯𑌂 𑌸𑌤𑍍𑌕𑌵𑌿𑌤𑍍𑌵𑌂 𑌮𑌤𑌿𑌮𑌤𑍁𑌲𑌬𑌲𑌂 𑌕𑌾𑌂𑌤𑌿𑌮𑌾𑌯𑍁𑌃𑌪𑍍𑌰𑌕𑌰𑍍𑌷𑌂
𑌵𑌿𑌦𑍍𑌯𑌾𑌮𑍈𑌶𑍍𑌵𑌰𑍍𑌯𑌮𑌰𑍍𑌥𑌂 𑌸𑍁𑌤𑌮𑌪𑌿 𑌲𑌭𑌤𑍇 𑌸𑍋𑌽𑌤𑍍𑌰 𑌸𑍂𑌰𑍍𑌯𑌪𑍍𑌰𑌸𑌾𑌦𑌾𑌤𑍍 ॥ 101 ॥

𑌇𑌤𑌿 𑌶𑍍𑌰𑍀𑌮𑌯𑍂𑌰𑌕𑌵𑌿𑌪𑍍𑌰𑌣𑍀𑌤𑌂 𑌸𑍂𑌰𑍍𑌯𑌶𑌤𑌕𑌂 𑌸𑌮𑌾𑌪𑍍𑌤𑌮𑍍 ।