𑌶𑍍𑌰𑍀 𑌰𑌾𑌧𑌾 𑌕𑍃𑌪𑌾 𑌕𑌟𑌾𑌕𑍍𑌷 𑌸𑍍𑌤𑍋𑌤𑍍𑌰𑌮𑍍

This Bhakti Granth document is presented in Grantha script, with the original script marks preserved.

𑌮𑍁𑌨𑍀𑌂𑌦𑍍𑌰–𑌵𑍃𑌂𑌦–𑌵𑌂𑌦𑌿𑌤𑍇 𑌤𑍍𑌰𑌿𑌲𑍋𑌕–𑌶𑍋𑌕–𑌹𑌾𑌰𑌿𑌣𑌿
𑌪𑍍𑌰𑌸𑌨𑍍𑌨-𑌵𑌕𑍍𑌤𑍍𑌰-𑌪𑌣𑍍𑌕𑌜𑍇 𑌨𑌿𑌕𑍁𑌂𑌜-𑌭𑍂-𑌵𑌿𑌲𑌾𑌸𑌿𑌨𑌿
𑌵𑍍𑌰𑌜𑍇𑌂𑌦𑍍𑌰–𑌭𑌾𑌨𑍁–𑌨𑌂𑌦𑌿𑌨𑌿 𑌵𑍍𑌰𑌜𑍇𑌂𑌦𑍍𑌰–𑌸𑍂𑌨𑍁–𑌸𑌂𑌗𑌤𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥1॥

𑌅𑌶𑍋𑌕–𑌵𑍃𑌕𑍍𑌷–𑌵𑌲𑍍𑌲𑌰𑍀 𑌵𑌿𑌤𑌾𑌨–𑌮𑌂𑌡𑌪–𑌸𑍍𑌥𑌿𑌤𑍇
𑌪𑍍𑌰𑌵𑌾𑌲𑌬𑌾𑌲–𑌪𑌲𑍍𑌲𑌵 𑌪𑍍𑌰𑌭𑌾𑌰𑍁𑌣𑌾𑌂𑌘𑍍𑌰𑌿–𑌕𑍋𑌮𑌲𑍇 ।
𑌵𑌰𑌾𑌭𑌯𑌸𑍍𑌫𑍁𑌰𑌤𑍍𑌕𑌰𑍇 𑌪𑍍𑌰𑌭𑍂𑌤𑌸𑌂𑌪𑌦𑌾𑌲𑌯𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥2॥

𑌅𑌨𑌂𑌗-𑌰𑌣𑍍𑌗 𑌮𑌂𑌗𑌲-𑌪𑍍𑌰𑌸𑌂𑌗-𑌭𑌂𑌗𑍁𑌰-𑌭𑍍𑌰𑍁𑌵𑌾𑌂
𑌸𑌵𑌿𑌭𑍍𑌰𑌮𑌂 𑌸𑌸𑌂𑌭𑍍𑌰𑌮𑌂 𑌦𑍃𑌗𑌂𑌤–𑌬𑌾𑌣𑌪𑌾𑌤𑌨𑍈𑌃 ।
𑌨𑌿𑌰𑌂𑌤𑌰𑌂 𑌵𑌶𑍀𑌕𑍃𑌤𑌪𑍍𑌰𑌤𑍀𑌤𑌨𑌂𑌦𑌨𑌂𑌦𑌨𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥3॥

𑌤𑌡𑌿𑌤𑍍–𑌸𑍁𑌵𑌰𑍍𑌣–𑌚𑌂𑌪𑌕 –𑌪𑍍𑌰𑌦𑍀𑌪𑍍𑌤–𑌗𑍌𑌰–𑌵𑌿𑌗𑍍𑌰𑌹𑍇
𑌮𑍁𑌖–𑌪𑍍𑌰𑌭𑌾–𑌪𑌰𑌾𑌸𑍍𑌤–𑌕𑍋𑌟𑌿–𑌶𑌾𑌰𑌦𑍇𑌂𑌦𑍁𑌮𑌂𑌡𑌲𑍇 ।
𑌵𑌿𑌚𑌿𑌤𑍍𑌰-𑌚𑌿𑌤𑍍𑌰 𑌸𑌂𑌚𑌰𑌚𑍍𑌚𑌕𑍋𑌰-𑌶𑌾𑌵-𑌲𑍋𑌚𑌨𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥4॥

𑌮𑌦𑍋𑌨𑍍𑌮𑌦𑌾𑌤𑌿–𑌯𑍌𑌵𑌨𑍇 𑌪𑍍𑌰𑌮𑍋𑌦–𑌮𑌾𑌨–𑌮𑌂𑌡𑌿𑌤𑍇
𑌪𑍍𑌰𑌿𑌯𑌾𑌨𑍁𑌰𑌾𑌗–𑌰𑌂𑌜𑌿𑌤𑍇 𑌕𑌲𑌾–𑌵𑌿𑌲𑌾𑌸 – 𑌪𑌂𑌡𑌿𑌤𑍇 ।
𑌅𑌨𑌨𑍍𑌯𑌧𑌨𑍍𑌯–𑌕𑍁𑌂𑌜𑌰𑌾𑌜𑍍𑌯–𑌕𑌾𑌮𑌕𑍇𑌲𑌿–𑌕𑍋𑌵𑌿𑌦𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥5॥

𑌅𑌶𑍇𑌷–𑌹𑌾𑌵𑌭𑌾𑌵–𑌧𑍀𑌰𑌹𑍀𑌰𑌹𑌾𑌰–𑌭𑍂𑌷𑌿𑌤𑍇
𑌪𑍍𑌰𑌭𑍂𑌤𑌶𑌾𑌤𑌕𑍁𑌂𑌭–𑌕𑍁𑌂𑌭𑌕𑍁𑌂𑌭𑌿–𑌕𑍁𑌂𑌭𑌸𑍁𑌸𑍍𑌤𑌨𑌿 ।
𑌪𑍍𑌰𑌶𑌸𑍍𑌤𑌮𑌂𑌦–𑌹𑌾𑌸𑍍𑌯𑌚𑍂𑌰𑍍𑌣 𑌪𑍂𑌰𑍍𑌣𑌸𑍌𑌖𑍍𑌯 –𑌸𑌾𑌗𑌰𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥6॥

𑌮𑍃𑌣𑌾𑌲-𑌵𑌾𑌲-𑌵𑌲𑍍𑌲𑌰𑍀 𑌤𑌰𑌂𑌗-𑌰𑌂𑌗-𑌦𑍋𑌰𑍍𑌲𑌤𑍇
𑌲𑌤𑌾𑌗𑍍𑌰–𑌲𑌾𑌸𑍍𑌯–𑌲𑍋𑌲–𑌨𑍀𑌲–𑌲𑍋𑌚𑌨𑌾𑌵𑌲𑍋𑌕𑌨𑍇 ।
𑌲𑌲𑌲𑍍𑌲𑍁𑌲𑌨𑍍𑌮𑌿𑌲𑌨𑍍𑌮𑌨𑍋𑌜𑍍𑌞–𑌮𑍁𑌗𑍍𑌧–𑌮𑍋𑌹𑌿𑌨𑌾𑌶𑍍𑌰𑌿𑌤𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥𑍭॥

𑌸𑍁𑌵𑌰𑍍𑌣𑌮𑌲𑌿𑌕𑌾𑌂𑌚𑌿𑌤 –𑌤𑍍𑌰𑌿𑌰𑍇𑌖–𑌕𑌂𑌬𑍁–𑌕𑌂𑌠𑌗𑍇
𑌤𑍍𑌰𑌿𑌸𑍂𑌤𑍍𑌰–𑌮𑌂𑌗𑌲𑍀-𑌗𑍁𑌣–𑌤𑍍𑌰𑌿𑌰𑌤𑍍𑌨-𑌦𑍀𑌪𑍍𑌤𑌿–𑌦𑍀𑌧𑌿𑌤𑍇 ।
𑌸𑌲𑍋𑌲–𑌨𑍀𑌲𑌕𑍁𑌂𑌤𑌲–𑌪𑍍𑌰𑌸𑍂𑌨–𑌗𑍁𑌚𑍍𑌛–𑌗𑍁𑌂𑌫𑌿𑌤𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥𑍮॥

𑌨𑌿𑌤𑌂𑌬–𑌬𑌿𑌂𑌬–𑌲𑌂𑌬𑌮𑌾𑌨–𑌪𑍁𑌷𑍍𑌪𑌮𑍇𑌖𑌲𑌾𑌗𑍁𑌣𑍇
𑌪𑍍𑌰𑌶𑌸𑍍𑌤𑌰𑌤𑍍𑌨-𑌕𑌿𑌂𑌕𑌿𑌣𑍀-𑌕𑌲𑌾𑌪-𑌮𑌧𑍍𑌯 𑌮𑌂𑌜𑍁𑌲𑍇 ।
𑌕𑌰𑍀𑌂𑌦𑍍𑌰–𑌶𑍁𑌂𑌡𑌦𑌂𑌡𑌿𑌕𑌾–𑌵𑌰𑍋𑌹𑌸𑍌𑌭𑌗𑍋𑌰𑍁𑌕𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥𑍯॥

𑌅𑌨𑍇𑌕–𑌮𑌂𑌤𑍍𑌰𑌨𑌾𑌦–𑌮𑌂𑌜𑍁 𑌨𑍂𑌪𑍁𑌰𑌾𑌰𑌵–𑌸𑍍𑌖𑌲𑌤𑍍
𑌸𑌮𑌾𑌜–𑌰𑌾𑌜𑌹𑌂𑌸–𑌵𑌂𑌶–𑌨𑌿𑌕𑍍𑌵𑌣𑌾𑌤𑌿–𑌗𑍌𑌰𑌵𑍇 ।
𑌵𑌿𑌲𑍋𑌲𑌹𑍇𑌮–𑌵𑌲𑍍𑌲𑌰𑍀–𑌵𑌿𑌡𑌂𑌬𑌿𑌚𑌾𑌰𑍁–𑌚𑌂𑌕𑍍𑌰𑌮𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥10॥

𑌅𑌨𑌂𑌤–𑌕𑍋𑌟𑌿–𑌵𑌿𑌷𑍍𑌣𑍁𑌲𑍋𑌕–𑌨𑌮𑍍𑌰–𑌪𑌦𑍍𑌮𑌜𑌾𑌰𑍍𑌚𑌿𑌤𑍇
𑌹𑌿𑌮𑌾𑌦𑍍𑌰𑌿𑌜𑌾–𑌪𑍁𑌲𑍋𑌮𑌜𑌾–𑌵𑌿𑌰𑌿𑌂𑌚𑌜𑌾-𑌵𑌰𑌪𑍍𑌰𑌦𑍇 ।
𑌅𑌪𑌾𑌰–𑌸𑌿𑌦𑍍𑌧𑌿–𑌋𑌦𑍍𑌧𑌿–𑌦𑌿𑌗𑍍𑌧–𑌸𑌤𑍍𑌪𑌦𑌾𑌂𑌗𑍁𑌲𑍀-𑌨𑌖𑍇
𑌕𑌦𑌾 𑌕𑌰𑌿𑌷𑍍𑌯𑌸𑍀𑌹 𑌮𑌾𑌂 𑌕𑍃𑌪𑌾𑌕𑌟𑌾𑌕𑍍𑌷–𑌭𑌾𑌜𑌨𑌮𑍍 ॥11॥

𑌮𑌖𑍇𑌶𑍍𑌵𑌰𑌿 𑌕𑍍𑌰𑌿𑌯𑍇𑌶𑍍𑌵𑌰𑌿 𑌸𑍍𑌵𑌧𑍇𑌶𑍍𑌵𑌰𑌿 𑌸𑍁𑌰𑍇𑌶𑍍𑌵𑌰𑌿
𑌤𑍍𑌰𑌿𑌵𑍇𑌦–𑌭𑌾𑌰𑌤𑍀𑌶𑍍𑌵𑌰𑌿 𑌪𑍍𑌰𑌮𑌾𑌣–𑌶𑌾𑌸𑌨𑍇𑌶𑍍𑌵𑌰𑌿 ।
𑌰𑌮𑍇𑌶𑍍𑌵𑌰𑌿 𑌕𑍍𑌷𑌮𑍇𑌶𑍍𑌵𑌰𑌿 𑌪𑍍𑌰𑌮𑍋𑌦–𑌕𑌾𑌨𑌨𑍇𑌶𑍍𑌵𑌰𑌿
𑌵𑍍𑌰𑌜𑍇𑌶𑍍𑌵𑌰𑌿 𑌵𑍍𑌰𑌜𑌾𑌧𑌿𑌪𑍇 𑌶𑍍𑌰𑍀𑌰𑌾𑌧𑌿𑌕𑍇 𑌨𑌮𑍋𑌸𑍍𑌤𑍁𑌤𑍇 ॥12॥

𑌇𑌤𑍀 𑌮𑌮𑌦𑍍𑌭𑍁𑌤𑌂-𑌸𑍍𑌤𑌵𑌂 𑌨𑌿𑌶𑌮𑍍𑌯 𑌭𑌾𑌨𑍁𑌨𑌂𑌦𑌿𑌨𑍀
𑌕𑌰𑍋𑌤𑍁 𑌸𑌂𑌤𑌤𑌂 𑌜𑌨𑌂 𑌕𑍃𑌪𑌾𑌕𑌟𑌾𑌕𑍍𑌷-𑌭𑌾𑌜𑌨𑌮𑍍 ।
𑌭𑌵𑍇𑌤𑍍𑌤𑌦𑍈𑌵 𑌸𑌂𑌚𑌿𑌤 𑌤𑍍𑌰𑌿𑌰𑍂𑌪–𑌕𑌰𑍍𑌮 𑌨𑌾𑌶𑌨𑌂
𑌲𑌭𑍇𑌤𑍍𑌤𑌦𑌾 𑌵𑍍𑌰𑌜𑍇𑌂𑌦𑍍𑌰–𑌸𑍂𑌨𑍁–𑌮𑌂𑌡𑌲–𑌪𑍍𑌰𑌵𑍇𑌶𑌨𑌮𑍍 ॥13॥

𑌰𑌾𑌕𑌾𑌯𑌾𑌂 𑌚 𑌸𑌿𑌤𑌾𑌷𑍍𑌟𑌮𑍍𑌯𑌾𑌂 𑌦𑌶𑌮𑍍𑌯𑌾𑌂 𑌚 𑌵𑌿𑌶𑍁𑌦𑍍𑌧𑌧𑍀𑌃 ।
𑌏𑌕𑌾𑌦𑌶𑍍𑌯𑌾𑌂 𑌤𑍍𑌰𑌯𑍋𑌦𑌶𑍍𑌯𑌾𑌂 𑌯𑌃 𑌪𑌠𑍇𑌤𑍍𑌸𑌾𑌧𑌕𑌃 𑌸𑍁𑌧𑍀𑌃 ॥14॥

𑌯𑌂 𑌯𑌂 𑌕𑌾𑌮𑌯𑌤𑍇 𑌕𑌾𑌮𑌂 𑌤𑌂 𑌤𑌮𑌾𑌪𑍍𑌨𑍋𑌤𑌿 𑌸𑌾𑌧𑌕𑌃 ।
𑌰𑌾𑌧𑌾𑌕𑍃𑌪𑌾𑌕𑌟𑌾𑌕𑍍𑌷𑍇𑌣 𑌭𑌕𑍍𑌤𑌿𑌃𑌸𑍍𑌯𑌾𑌤𑍍 𑌪𑍍𑌰𑍇𑌮𑌲𑌕𑍍𑌷𑌣𑌾 ॥15॥

𑌊𑌰𑍁𑌦𑌘𑍍𑌨𑍇 𑌨𑌾𑌭𑌿𑌦𑌘𑍍𑌨𑍇 𑌹𑍃𑌦𑍍𑌦𑌘𑍍𑌨𑍇 𑌕𑌂𑌠𑌦𑌘𑍍𑌨𑌕𑍇 ।
𑌰𑌾𑌧𑌾𑌕𑍁𑌂𑌡𑌜𑌲𑍇 𑌸𑍍𑌥𑌿𑌤𑌾 𑌯𑌃 𑌪𑌠𑍇𑌤𑍍 𑌸𑌾𑌧𑌕𑌃 𑌶𑌤𑌮𑍍 ॥16॥

𑌤𑌸𑍍𑌯 𑌸𑌰𑍍𑌵𑌾𑌰𑍍𑌥 𑌸𑌿𑌦𑍍𑌧𑌿𑌃 𑌸𑍍𑌯𑌾𑌦𑍍 𑌵𑌾𑌕𑍍𑌸𑌾𑌮𑌰𑍍𑌥𑍍𑌯𑌂 𑌤𑌥𑌾 𑌲𑌭𑍇𑌤𑍍 ।
𑌐𑌶𑍍𑌵𑌰𑍍𑌯𑌂 𑌚 𑌲𑌭𑍇𑌤𑍍 𑌸𑌾𑌕𑍍𑌷𑌾𑌦𑍍𑌦𑍃𑌶𑌾 𑌪𑌶𑍍𑌯𑌤𑌿 𑌰𑌾𑌧𑌿𑌕𑌾𑌮𑍍 ॥1𑍭॥

𑌤𑍇𑌨 𑌸 𑌤𑌤𑍍𑌕𑍍𑌷𑌣𑌾𑌦𑍇𑌵 𑌤𑍁𑌷𑍍𑌟𑌾 𑌦𑌤𑍍𑌤𑍇 𑌮𑌹𑌾𑌵𑌰𑌮𑍍 ।
𑌯𑍇𑌨 𑌪𑌶𑍍𑌯𑌤𑌿 𑌨𑍇𑌤𑍍𑌰𑌾𑌭𑍍𑌯𑌾𑌂 𑌤𑌤𑍍 𑌪𑍍𑌰𑌿𑌯𑌂 𑌶𑍍𑌯𑌾𑌮𑌸𑍁𑌂𑌦𑌰𑌮𑍍 ॥1𑍮॥

𑌨𑌿𑌤𑍍𑌯𑌲𑍀𑌲𑌾–𑌪𑍍𑌰𑌵𑍇𑌶𑌂 𑌚 𑌦𑌦𑌾𑌤𑌿 𑌶𑍍𑌰𑍀-𑌵𑍍𑌰𑌜𑌾𑌧𑌿𑌪𑌃 ।
𑌅𑌤𑌃 𑌪𑌰𑌤𑌰𑌂 𑌪𑍍𑌰𑌾𑌰𑍍𑌥𑍍𑌯𑌂 𑌵𑍈𑌷𑍍𑌣𑌵𑌸𑍍𑌯 𑌨 𑌵𑌿𑌦𑍍𑌯𑌤𑍇 ॥1𑍯॥

॥ 𑌇𑌤𑌿 𑌶𑍍𑌰𑍀𑌮𑌦𑍂𑌰𑍍𑌧𑍍𑌵𑌾𑌮𑍍𑌨𑌾𑌯𑍇 𑌶𑍍𑌰𑍀𑌰𑌾𑌧𑌿𑌕𑌾𑌯𑌾𑌃 𑌕𑍃𑌪𑌾𑌕𑌟𑌾𑌕𑍍𑌷𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥

प्रायः पृष्टाः प्रश्नाः

What is 𑌶𑍍𑌰𑍀 𑌰𑌾𑌧𑌾 𑌕𑍃𑌪𑌾 𑌕𑌟𑌾𑌕𑍍𑌷 𑌸𑍍𑌤𑍋𑌤𑍍𑌰𑌮𑍍?

𑌶𑍍𑌰𑍀 𑌰𑌾𑌧𑌾 𑌕𑍃𑌪𑌾 𑌕𑌟𑌾𑌕𑍍𑌷 𑌸𑍍𑌤𑍋𑌤𑍍𑌰𑌮𑍍 is a devotional text available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌶𑍍𑌰𑍀 𑌰𑌾𑌧𑌾 𑌕𑍃𑌪𑌾 𑌕𑌟𑌾𑌕𑍍𑌷 𑌸𑍍𑌤𑍋𑌤𑍍𑌰𑌮𑍍 online?

Yes. The imported text is available directly on this page for online reading and recitation.

Can I download 𑌶𑍍𑌰𑍀 𑌰𑌾𑌧𑌾 𑌕𑍃𑌪𑌾 𑌕𑌟𑌾𑌕𑍍𑌷 𑌸𑍍𑌤𑍋𑌤𑍍𑌰𑌮𑍍 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु