𑌶𑍍𑌰𑍀 𑌮𑌹𑌾 𑌕𑌾𑌲𑌭𑍈𑌰𑌵 𑌕𑌵𑌚𑌂

𑌶𑍍𑌰𑍀𑌦𑍇𑌵𑍍𑌯𑍁𑌵𑌾𑌚 ।
𑌦𑍇𑌵𑌦𑍇𑌵 𑌮𑌹𑌾𑌬𑌾𑌹𑍋 𑌭𑌕𑍍𑌤𑌾𑌨𑌾𑌂 𑌸𑍁𑌖𑌵𑌰𑍍𑌧𑌨 ।
𑌕𑍇𑌨 𑌸𑌿𑌦𑍍𑌧𑌿𑌂 𑌦𑌦𑌾𑌤𑍍𑌯𑌾𑌶𑍁 𑌕𑌾𑌲𑍀 𑌤𑍍𑌰𑍈𑌲𑍋𑌕𑍍𑌯𑌮𑍋𑌹𑌨 ॥ 1॥

𑌤𑌨𑍍𑌮𑍇 𑌵𑌦 𑌦𑌯𑌾𑌽𑌽𑌧𑌾𑌰 𑌸𑌾𑌧𑌕𑌾𑌭𑍀𑌷𑍍𑌟𑌸𑌿𑌦𑍍𑌧𑌯𑍇 ।
𑌕𑍃𑌪𑌾𑌂 𑌕𑍁𑌰𑍁 𑌜𑌗𑌨𑍍𑌨𑌾𑌥 𑌵𑌦 𑌵𑍇𑌦𑌵𑌿𑌦𑌾𑌂 𑌵𑌰 ॥ 2॥

𑌶𑍍𑌰𑍀𑌭𑍈𑌰𑌵 𑌉𑌵𑌾𑌚 ।
𑌗𑍋𑌪𑌨𑍀𑌯𑌂 𑌪𑍍𑌰𑌯𑌤𑍍𑌨𑍇𑌨 𑌤𑌤𑍍𑌤𑍍𑌵𑌾𑌤𑍍 𑌤𑌤𑍍𑌤𑍍𑌵𑌂 𑌪𑌰𑌾𑌤𑍍𑌪𑌰𑌮𑍍 ।
𑌏𑌷 𑌸𑌿𑌦𑍍𑌧𑌿𑌕𑌰𑌃 𑌸𑌮𑍍𑌯𑌕𑍍 𑌕𑌿𑌮𑌥𑍋 𑌕𑌥𑌯𑌾𑌮𑍍𑌯𑌹𑌮𑍍 ॥ 3॥

𑌮𑌹𑌾𑌕𑌾𑌲𑌮𑌹𑌂 𑌵𑌂𑌦𑍇 𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌕𑌮𑍍 ।
𑌦𑍇𑌵𑌦𑌾𑌨𑌵𑌗𑌂𑌧𑌰𑍍𑌵𑌕𑌿𑌨𑍍𑌨𑌰𑌪𑌰𑌿𑌸𑍇𑌵𑌿𑌤𑌮𑍍 ॥ 4॥

𑌕𑌵𑌚𑌂 𑌤𑌤𑍍𑌤𑍍𑌵𑌦𑍇𑌵𑌸𑍍𑌯 𑌪𑌠𑌨𑌾𑌦𑍍 𑌘𑍋𑌰𑌦𑌰𑍍𑌶𑌨𑍇 ।
𑌸𑌤𑍍𑌯𑌂 𑌭𑌵𑌤𑌿 𑌸𑌾𑌨𑍍𑌨𑌿𑌧𑍍𑌯𑌂 𑌕𑌵𑌚𑌸𑍍𑌤𑌵𑌨𑌾𑌂𑌤𑌰𑌾𑌤𑍍 ॥ 5॥

𑌸𑌿𑌦𑍍𑌧𑌿𑌂 𑌦𑌦𑌾𑌤𑌿 𑌸𑌾 𑌤𑍁𑌷𑍍𑌟𑌾 𑌕𑍃𑌤𑍍𑌵𑌾 𑌕𑌵𑌚𑌮𑍁𑌤𑍍𑌤𑌮𑌮𑍍 ।
𑌸𑌾𑌮𑍍𑌰𑌾𑌜𑍍𑌯𑌤𑍍𑌵𑌂 𑌪𑍍𑌰𑌿𑌯𑌂 𑌦𑌤𑍍𑌵𑌾 𑌪𑍁𑌤𑍍𑌰𑌵𑌤𑍍 𑌪𑌰𑌿𑌪𑌾𑌲𑌯𑍇𑌤𑍍 ॥ 6॥

𑌕𑌵𑌚𑌸𑍍𑌯 𑌋𑌷𑌿𑌰𑍍𑌦𑍇𑌵𑍀 𑌕𑌾𑌲𑌿𑌕𑌾 𑌦𑌕𑍍𑌷𑌿𑌣𑌾 𑌤𑌥𑌾
𑌵𑌿𑌰𑌾𑌟𑍍𑌛𑌂𑌦𑌃 𑌸𑍁𑌵𑌿𑌜𑍍𑌞𑍇𑌯𑌂 𑌮𑌹𑌾𑌕𑌾𑌲𑌸𑍍𑌤𑍁 𑌦𑍇𑌵𑌤𑌾 ।
𑌕𑌾𑌲𑌿𑌕𑌾 𑌸𑌾𑌧𑌨𑍇 𑌚𑍈𑌵 𑌵𑌿𑌨𑌿𑌯𑍋𑌗𑌃 𑌪𑍍𑌰𑌕𑍀𑌰𑍍𑌤𑍍𑌤𑌿𑌤𑌃 ॥ 𑍭॥

𑌓𑌂 𑌶𑍍𑌮𑌶𑌾𑌨𑌸𑍍𑌥𑍋 𑌮𑌹𑌾𑌰𑍁𑌦𑍍𑌰𑍋 𑌮𑌹𑌾𑌕𑌾𑌲𑍋 𑌦𑌿𑌗𑌂𑌬𑌰𑌃 ।
𑌕𑌪𑌾𑌲𑌕𑌰𑍍𑌤𑍃𑌕𑌾 𑌵𑌾𑌮𑍇 𑌶𑍂𑌲𑌂 𑌖𑌟𑍍𑌵𑌾𑌂𑌗𑌂 𑌦𑌕𑍍𑌷𑌿𑌣𑍇 ॥ 𑍮॥

𑌭𑍁𑌜𑌂𑌗𑌭𑍂𑌷𑌿𑌤𑍇 𑌦𑍇𑌵𑌿 𑌭𑌸𑍍𑌮𑌾𑌸𑍍𑌥𑌿𑌮𑌣𑌿𑌮𑌂𑌡𑌿𑌤𑌃 ।
𑌜𑍍𑌵𑌲𑌤𑍍𑌪𑌾𑌵𑌕𑌮𑌧𑍍𑌯𑌸𑍍𑌥𑍋 𑌭𑌸𑍍𑌮𑌶𑌯𑍍𑌯𑌾𑌵𑍍𑌯𑌵𑌸𑍍𑌥𑌿𑌤𑌃 ॥ 𑍯॥

𑌵𑌿𑌪𑌰𑍀𑌤𑌰𑌤𑌾𑌂 𑌤𑌤𑍍𑌰 𑌕𑌾𑌲𑌿𑌕𑌾𑌂 𑌹𑍃𑌦𑌯𑍋𑌪𑌰𑌿 ।
𑌪𑍇𑌯𑌂 𑌖𑌾𑌦𑍍𑌯𑌂 𑌚 𑌚𑍋𑌷𑍍𑌯𑌂 𑌚 𑌤𑍌 𑌕𑍃𑌤𑍍𑌵𑌾 𑌤𑍁 𑌪𑌰𑌸𑍍𑌪𑌰𑌮𑍍 ।
𑌏𑌵𑌂 𑌭𑌕𑍍𑌤𑍍𑌯𑌾 𑌯𑌜𑍇𑌦𑍍 𑌦𑍇𑌵𑌂 𑌸𑌰𑍍𑌵𑌸𑌿𑌦𑍍𑌧𑌿𑌃 𑌪𑍍𑌰𑌜𑌾𑌯𑌤𑍇 ॥ 10॥

𑌪𑍍𑌰𑌣𑌵𑌂 𑌪𑍂𑌰𑍍𑌵𑌮𑍁𑌚𑍍𑌚𑌾𑌰𑍍𑌯 𑌮𑌹𑌾𑌕𑌾𑌲𑌾𑌯 𑌤𑌤𑍍𑌪𑌦𑌮𑍍 ।
𑌨𑌮𑌃 𑌪𑌾𑌤𑍁 𑌮𑌹𑌾𑌮𑌂𑌤𑍍𑌰𑌃 𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌰𑍍𑌥𑌪𑌾𑌰𑌗𑌃 ॥ 11॥

𑌅𑌷𑍍𑌟𑌕𑍍𑌷𑌰𑍋 𑌮𑌹𑌾 𑌮𑌂𑌤𑍍𑌰𑌃 𑌸𑌰𑍍𑌵𑌾𑌶𑌾𑌪𑌰𑌿𑌪𑍂𑌰𑌕𑌃 ।
𑌸𑌰𑍍𑌵𑌪𑌾𑌪𑌕𑍍𑌷𑌯𑌂 𑌯𑌾𑌤𑌿 𑌗𑍍𑌰𑌹𑌣𑍇 𑌭𑌕𑍍𑌤𑌵𑌤𑍍𑌸𑌲𑍇 ॥ 12॥

𑌕𑍂𑌰𑍍𑌚𑌦𑍍𑌵𑌂𑌦𑍍𑌵𑌂 𑌮𑌹𑌾𑌕𑌾𑌲 𑌪𑍍𑌰𑌸𑍀𑌦𑍇𑌤𑌿 𑌪𑌦𑌦𑍍𑌵𑌯𑌮𑍍 ।
𑌲𑌜𑍍𑌜𑌾𑌯𑍁𑌗𑍍𑌮𑌂 𑌵𑌹𑍍𑌨𑌿𑌜𑌾𑌯𑌾 𑌸 𑌤𑍁 𑌰𑌾𑌜𑍇𑌶𑍍𑌵𑌰𑍋 𑌮𑌹𑌾𑌨𑍍 ॥ 13॥

𑌮𑌂𑌤𑍍𑌰𑌗𑍍𑌰𑌹𑌣𑌮𑌾𑌤𑍍𑌰𑍇𑌣 𑌭𑌵𑍇𑌤 𑌸𑌤𑍍𑌯𑌂 𑌮𑌹𑌾𑌕𑌵𑌿𑌃 ।
𑌗𑌦𑍍𑌯𑌪𑌦𑍍𑌯𑌮𑌯𑍀 𑌵𑌾𑌣𑍀 𑌗𑌂𑌗𑌾𑌨𑌿𑌰𑍍𑌝𑌰𑌿𑌤𑌾 𑌤𑌥𑌾 ॥ 14॥

𑌤𑌸𑍍𑌯 𑌨𑌾𑌮 𑌤𑍁 𑌦𑍇𑌵𑍇𑌶𑌿 𑌦𑍇𑌵𑌾 𑌗𑌾𑌯𑌂𑌤𑌿 𑌭𑌾𑌵𑍁𑌕𑌾𑌃 ।
𑌶𑌕𑍍𑌤𑌿𑌬𑍀𑌜𑌦𑍍𑌵𑌯𑌂 𑌦𑌤𑍍𑌵𑌾 𑌕𑍂𑌰𑍍𑌚𑌂 𑌸𑍍𑌯𑌾𑌤𑍍 𑌤𑌦𑌨𑌂𑌤𑌰𑌮𑍍 ॥ 15॥

𑌮𑌹𑌾𑌕𑌾𑌲𑌪𑌦𑌂 𑌦𑌤𑍍𑌵𑌾 𑌮𑌾𑌯𑌾𑌬𑍀𑌜𑌯𑍁𑌗𑌂 𑌤𑌥𑌾 ।
𑌕𑍂𑌰𑍍𑌚𑌮𑍇𑌕𑌂 𑌸𑌮𑍁𑌦𑍍𑌧𑍃𑌤𑍍𑌯 𑌮𑌹𑌾𑌮𑌂𑌤𑍍𑌰𑍋 𑌦𑌶𑌾𑌕𑍍𑌷𑌰𑌃 ॥ 16॥

𑌰𑌾𑌜𑌸𑍍𑌥𑌾𑌨𑍇 𑌦𑍁𑌰𑍍𑌗𑌮𑍇 𑌚 𑌪𑌾𑌤𑍁 𑌮𑌾𑌂 𑌸𑌰𑍍𑌵𑌤𑍋 𑌮𑍁𑌦𑌾 ।
𑌵𑍇𑌦𑌾𑌦𑌿𑌬𑍀𑌜𑌮𑌾𑌦𑌾𑌯 𑌭𑌗𑌮𑌾𑌨𑍍 𑌤𑌦𑌨𑌂𑌤𑌰𑌮𑍍 ॥ 1𑍭॥

𑌮𑌹𑌾𑌕𑌾𑌲𑌾𑌯 𑌸𑌂𑌪𑍍𑌰𑍋𑌚𑍍𑌯 𑌕𑍂𑌰𑍍𑌚𑌂 𑌦𑌤𑍍𑌵𑌾 𑌚 𑌠𑌦𑍍𑌵𑌯𑌮𑍍 ।
𑌹𑍍𑌰𑍀𑌂𑌕𑌾𑌰𑌪𑍂𑌰𑍍𑌵𑌮𑍁𑌦𑍍𑌧𑍃𑌤𑍍𑌯 𑌵𑍇𑌦𑌾𑌦𑌿𑌸𑍍𑌤𑌦𑌨𑌂𑌤𑌰𑌮𑍍 ॥ 1𑍮॥

𑌮𑌹𑌾𑌕𑌾𑌲𑌸𑍍𑌯𑌾𑌂𑌤𑌭𑌾𑌗𑍇 𑌸𑍍𑌵𑌾𑌹𑌾𑌂𑌤𑌮𑌨𑍁𑌮𑍁𑌤𑍍𑌤𑌮𑌮𑍍 ।
𑌧𑌨𑌂 𑌪𑍁𑌤𑍍𑌰𑌂 𑌸𑌦𑌾 𑌪𑌾𑌤𑍁 𑌬𑌂𑌧𑍁𑌦𑌾𑌰𑌾𑌨𑌿𑌕𑍇𑌤𑌨𑌮𑍍 ॥ 1𑍯॥

𑌪𑌿𑌂𑌗𑌲𑌾𑌕𑍍𑌷𑍋 𑌮𑌂𑌜𑍁𑌯𑍁𑌦𑍍𑌧𑍇 𑌯𑍁𑌦𑍍𑌧𑍇 𑌨𑌿𑌤𑍍𑌯𑌂 𑌜𑌯𑌪𑍍𑌰𑌦𑌃 ।
𑌸𑌂𑌭𑌾𑌵𑍍𑌯𑌃 𑌸𑌰𑍍𑌵𑌦𑍁𑌷𑍍𑌟𑌘𑍍𑌨𑌃 𑌪𑌾𑌤𑍁 𑌸𑍍𑌵𑌸𑍍𑌥𑌾𑌨𑌵𑌲𑍍𑌲𑌭𑌃 ॥ 20॥

𑌇𑌤𑌿 𑌤𑍇 𑌕𑌥𑌿𑌤𑌂 𑌤𑍁𑌭𑍍𑌯𑌂 𑌦𑍇𑌵𑌾𑌨𑌾𑌮𑌪𑌿 𑌦𑍁𑌰𑍍𑌲𑌭𑌮𑍍 ।
𑌅𑌨𑍇𑌨 𑌪𑌠𑌨𑌾𑌦𑍍 𑌦𑍇𑌵𑌿 𑌵𑌿𑌘𑍍𑌨𑌨𑌾𑌶𑍋 𑌯𑌥𑌾 𑌭𑌵𑍇𑌤𑍍 ॥ 21॥

𑌸𑌂𑌪𑍂𑌜𑌕𑌃 𑌶𑍁𑌚𑌿𑌸𑍍𑌨𑌾𑌤𑌃 𑌭𑌕𑍍𑌤𑌿𑌯𑍁𑌕𑍍𑌤𑌃 𑌸𑌮𑌾𑌹𑌿𑌤𑌃 ।
𑌸𑌰𑍍𑌵𑌵𑍍𑌯𑌾𑌧𑌿𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌵𑍈𑌰𑌿𑌮𑌧𑍍𑌯𑍇 𑌵𑌿𑌶𑍇𑌷𑌤𑌃 ॥ 22॥

𑌮𑌹𑌾𑌭𑍀𑌮𑌃 𑌸𑌦𑌾 𑌪𑌾𑌤𑍁 𑌸𑌰𑍍𑌵𑌸𑍍𑌥𑌾𑌨 𑌵𑌲𑍍𑌲𑌭𑌮𑍍 । ?
𑌕𑌾𑌲𑍀𑌪𑌾𑌰𑍍𑌶𑍍𑌵𑌸𑍍𑌥𑌿𑌤𑍋 𑌦𑍇𑌵𑌃 𑌸𑌰𑍍𑌵𑌦𑌾 𑌪𑌾𑌤𑍁 𑌮𑍇 𑌮𑍁𑌖𑍇 ॥ 23॥

॥ 𑌫𑌲 𑌶𑍍𑌰𑍁𑌤𑌿॥

𑌪𑌠𑌨𑌾𑌤𑍍 𑌕𑌾𑌲𑌿𑌕𑌾𑌦𑍇𑌵𑍀 𑌪𑌠𑍇𑌤𑍍 𑌕𑌵𑌚𑌮𑍁𑌤𑍍𑌤𑌮𑌮𑍍 ।
𑌶𑍍𑌰𑍁𑌣𑍁𑌯𑌾𑌦𑍍 𑌵𑌾 𑌪𑍍𑌰𑌯𑌤𑍍𑌨𑍇𑌨 𑌸𑌦𑌾𑌽𑌽𑌨𑌂𑌦𑌮𑌯𑍋 𑌭𑌵𑍇𑌤𑍍 ॥ 1॥

𑌶𑍍𑌰𑌦𑍍𑌧𑌯𑌾𑌽𑌶𑍍𑌰𑌦𑍍𑌧𑌯𑌾 𑌵𑌾𑌪𑌿 𑌪𑌠𑌨𑌾𑌤𑍍 𑌕𑌵𑌚𑌸𑍍𑌯 𑌯𑌤𑍍 ।
𑌸𑌰𑍍𑌵𑌸𑌿𑌦𑍍𑌧𑌿𑌮𑌵𑌾𑌪𑍍𑌨𑍋𑌤𑌿 𑌯𑌦𑍍𑌯𑌨𑍍𑌮𑌨𑌸𑌿 𑌵𑌰𑍍𑌤𑌤𑍇 ॥ 2॥

𑌬𑌿𑌲𑍍𑌵𑌮𑍂𑌲𑍇 𑌪𑌠𑍇𑌦𑍍 𑌯𑌸𑍍𑌤𑍁 𑌪𑌠𑌨𑌾𑌦𑍍 𑌕𑌵𑌚𑌸𑍍𑌯 𑌯𑌤𑍍 ।
𑌤𑍍𑌰𑌿𑌸𑌂𑌧𑍍𑌯𑌂 𑌪𑌠𑌨𑌾𑌦𑍍 𑌦𑍇𑌵𑌿 𑌭𑌵𑍇𑌨𑍍𑌨𑌿𑌤𑍍𑌯𑌂 𑌮𑌹𑌾𑌕𑌵𑌿𑌃 ॥ 3॥

𑌕𑍁𑌮𑌾𑌰𑍀𑌂 𑌪𑍂𑌜𑌯𑌿𑌤𑍍𑌵𑌾 𑌤𑍁 𑌯𑌃 𑌪𑌠𑍇𑌦𑍍 𑌭𑌾𑌵𑌤𑌤𑍍𑌪𑌰𑌃 ।
𑌨 𑌕𑌿𑌂𑌚𑌿𑌦𑍍 𑌦𑍁𑌰𑍍𑌲𑌭𑌂 𑌤𑌸𑍍𑌯 𑌦𑌿𑌵𑌿 𑌵𑌾 𑌭𑍁𑌵𑌿 𑌮𑍋𑌦𑌤𑍇 ॥ 4॥

𑌦𑍁𑌰𑍍𑌭𑌿𑌕𑍍𑌷𑍇 𑌰𑌾𑌜𑌪𑍀𑌡𑌾𑌯𑌾𑌂 𑌗𑍍𑌰𑌾𑌮𑍇 𑌵𑌾 𑌵𑍈𑌰𑌿𑌮𑌧𑍍𑌯𑌕𑍇 ।
𑌯𑌤𑍍𑌰 𑌯𑌤𑍍𑌰 𑌭𑌯𑌂 𑌪𑍍𑌰𑌾𑌪𑍍𑌤𑌃 𑌸𑌰𑍍𑌵𑌤𑍍𑌰 𑌪𑍍𑌰𑌪𑌠𑍇𑌨𑍍𑌨𑌰𑌃 ॥ 5॥

𑌤𑌤𑍍𑌰 𑌤𑌤𑍍𑌰𑌾𑌭𑌯𑌂 𑌤𑌸𑍍𑌯 𑌭𑌵𑌤𑍍𑌯𑍇𑌵 𑌨 𑌸𑌂𑌶𑌯𑌃 ।
𑌵𑌾𑌮𑌪𑌾𑌰𑍍𑌶𑍍𑌵𑍇 𑌸𑌮𑌾𑌨𑍀𑌯 𑌶𑍋𑌭𑌿𑌤𑌾𑌂 𑌵𑌰𑌕𑌾𑌮𑌿𑌨𑍀𑌮𑍍 ॥ 6॥

𑌶𑍍𑌰𑌦𑍍𑌧𑌯𑌾𑌽𑌶𑍍𑌰𑌦𑍍𑌧𑌯𑌾 𑌵𑌾𑌪𑌿 𑌪𑌠𑌨𑌾𑌤𑍍 𑌕𑌵𑌚𑌸𑍍𑌯 𑌤𑍁 ।
𑌪𑍍𑌰𑌯𑌤𑍍𑌨𑌤𑌃 𑌪𑌠𑍇𑌦𑍍 𑌯𑌸𑍍𑌤𑍁 𑌤𑌸𑍍𑌯 𑌸𑌿𑌦𑍍𑌧𑌿𑌃 𑌕𑌰𑍇 𑌸𑍍𑌥𑌿𑌤𑌾 ॥ 𑍭॥

𑌇𑌦𑌂 𑌕𑌵𑌚𑌮𑌜𑍍𑌞𑌾𑌤𑍍𑌵𑌾 𑌕𑌾𑌲𑌂 𑌯𑍋 𑌭𑌜𑌤𑍇 𑌨𑌰𑌃 ।
𑌨𑍈𑌵 𑌸𑌿𑌦𑍍𑌧𑌿𑌰𑍍𑌭𑌵𑍇𑌤𑍍 𑌤𑌸𑍍𑌯 𑌵𑌿𑌘𑍍𑌨𑌸𑍍𑌤𑌸𑍍𑌯 𑌪𑌦𑍇 𑌪𑌦𑍇 ।
𑌆𑌦𑍌 𑌵𑌰𑍍𑌮 𑌪𑌠𑌿𑌤𑍍𑌵𑌾 𑌤𑍁 𑌤𑌸𑍍𑌯 𑌸𑌿𑌦𑍍𑌧𑌿𑌰𑍍𑌭𑌵𑌿𑌷𑍍𑌯𑌤𑌿 ॥ 𑍮॥

॥ 𑌇𑌤𑌿 𑌰𑍁𑌦𑍍𑌰𑌯𑌾𑌮𑌲𑍇 𑌮𑌹𑌾𑌤𑌂𑌤𑍍𑌰𑍇 𑌮𑌹𑌾𑌕𑌾𑌲𑌭𑍈𑌰𑌵𑌕𑌵𑌚𑌂 𑌸𑌂𑌪𑍂𑌰𑍍𑌣𑌮𑍍॥