𑌵𑌾𑌰𑌾𑌹𑍀 𑌕𑌵𑌚𑌮𑍍

𑌅𑌸𑍍𑌯 𑌶𑍍𑌰𑍀𑌵𑌾𑌰𑌾𑌹𑍀𑌕𑌵𑌚𑌸𑍍𑌯 𑌤𑍍𑌰𑌿𑌲𑍋𑌚𑌨 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃, 𑌶𑍍𑌰𑍀𑌵𑌾𑌰𑌾𑌹𑍀 𑌦𑍇𑌵𑌤𑌾, 𑌓𑌂 𑌬𑍀𑌜𑌂, 𑌗𑍍𑌲𑍌𑌂 𑌶𑌕𑍍𑌤𑌿𑌃, 𑌸𑍍𑌵𑌾𑌹𑍇𑌤𑌿 𑌕𑍀𑌲𑌕𑌂, 𑌮𑌮 𑌸𑌰𑍍𑌵𑌶𑌤𑍍𑌰𑍁𑌨𑌾𑌶𑌨𑌾𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌧𑍍𑌯𑌾𑌨𑌮𑍍 ।
𑌧𑍍𑌯𑌾𑌤𑍍𑌵𑍇𑌂𑌦𑍍𑌰𑌨𑍀𑌲𑌵𑌰𑍍𑌣𑌾𑌭𑌾𑌂 𑌚𑌂𑌦𑍍𑌰𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌾𑌮𑍍 ।
𑌵𑌿𑌧𑌿𑌵𑌿𑌷𑍍𑌣𑍁𑌹𑌰𑍇𑌂𑌦𑍍𑌰𑌾𑌦𑌿 𑌮𑌾𑌤𑍃𑌭𑍈𑌰𑌵𑌸𑍇𑌵𑌿𑌤𑌾𑌮𑍍 ॥ 1 ॥

𑌜𑍍𑌵𑌲𑌨𑍍𑌮𑌣𑌿𑌗𑌣𑌪𑍍𑌰𑍋𑌕𑍍𑌤𑌮𑌕𑍁𑌟𑌾𑌮𑌾𑌵𑌿𑌲𑌂𑌬𑌿𑌤𑌾𑌮𑍍 ।
𑌅𑌸𑍍𑌤𑍍𑌰𑌶𑌸𑍍𑌤𑍍𑌰𑌾𑌣𑌿 𑌸𑌰𑍍𑌵𑌾𑌣𑌿 𑌤𑌤𑍍𑌤𑌤𑍍𑌕𑌾𑌰𑍍𑌯𑍋𑌚𑌿𑌤𑌾𑌨𑌿 𑌚 ॥ 2 ॥

𑌏𑌤𑍈𑌃 𑌸𑌮𑌸𑍍𑌤𑍈𑌰𑍍𑌵𑌿𑌵𑌿𑌧𑌂 𑌬𑌿𑌭𑍍𑌰𑌤𑍀𑌂 𑌮𑍁𑌸𑌲𑌂 𑌹𑌲𑌮𑍍 ।
𑌪𑌾𑌤𑍍𑌵𑌾 𑌹𑌿𑌂𑌸𑍍𑌰𑌾𑌨𑍍 𑌹𑌿 𑌕𑌵𑌚𑌂 𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌫𑌲𑌪𑍍𑌰𑌦𑌮𑍍 ॥ 3 ॥

𑌪𑌠𑍇𑌤𑍍𑌤𑍍𑌰𑌿𑌸𑌂𑌧𑍍𑌯𑌂 𑌰𑌕𑍍𑌷𑌾𑌰𑍍𑌥𑌂 𑌘𑍋𑌰𑌶𑌤𑍍𑌰𑍁𑌨𑌿𑌵𑍃𑌤𑍍𑌤𑌿𑌦𑌮𑍍 ।
𑌵𑌾𑌰𑍍𑌤𑌾𑌲𑍀 𑌮𑍇 𑌶𑌿𑌰𑌃 𑌪𑌾𑌤𑍁 𑌘𑍋𑌰𑌾𑌹𑍀 𑌫𑌾𑌲𑌮𑍁𑌤𑍍𑌤𑌮𑌮𑍍 ॥ 4 ॥

𑌨𑍇𑌤𑍍𑌰𑍇 𑌵𑌰𑌾𑌹𑌵𑌦𑌨𑌾 𑌪𑌾𑌤𑍁 𑌕𑌰𑍍𑌣𑍌 𑌤𑌥𑌾𑌂𑌜𑌨𑍀 ।
𑌘𑍍𑌰𑌾𑌣𑌂 𑌮𑍇 𑌰𑍁𑌂𑌧𑌿𑌨𑍀 𑌪𑌾𑌤𑍁 𑌮𑍁𑌖𑌂 𑌮𑍇 𑌪𑌾𑌤𑍁 𑌜𑌂𑌭𑌿𑌨𑍀 ॥ 5 ॥

𑌪𑌾𑌤𑍁 𑌮𑍇 𑌮𑍋𑌹𑌿𑌨𑍀 𑌜𑌿𑌹𑍍𑌵𑌾𑌂 𑌸𑍍𑌤𑌂𑌭𑌿𑌨𑍀 𑌕𑌂𑌠𑌮𑌾𑌦𑌰𑌾𑌤𑍍 ।
𑌸𑍍𑌕𑌂𑌧𑍌 𑌮𑍇 𑌪𑌂𑌚𑌮𑍀 𑌪𑌾𑌤𑍁 𑌭𑍁𑌜𑍌 𑌮𑌹𑌿𑌷𑌵𑌾𑌹𑌨𑌾 ॥ 6 ॥

𑌸𑌿𑌂𑌹𑌾𑌰𑍂𑌢𑌾 𑌕𑌰𑍌 𑌪𑌾𑌤𑍁 𑌕𑍁𑌚𑍌 𑌕𑍃𑌷𑍍𑌣𑌮𑍃𑌗𑌾𑌂𑌚𑌿𑌤𑌾 ।
𑌨𑌾𑌭𑌿𑌂 𑌚 𑌶𑌂𑌖𑌿𑌨𑍀 𑌪𑌾𑌤𑍁 𑌪𑍃𑌷𑍍𑌠𑌦𑍇𑌶𑍇 𑌤𑍁 𑌚𑌕𑍍𑌰𑌿𑌣𑌿 ॥ 𑍭 ॥

𑌖𑌡𑍍𑌗𑌂 𑌪𑌾𑌤𑍁 𑌚 𑌕𑌟𑍍𑌯𑌾𑌂 𑌮𑍇 𑌮𑍇𑌢𑍍𑌰𑌂 𑌪𑌾𑌤𑍁 𑌚 𑌖𑍇𑌦𑌿𑌨𑍀 ।
𑌗𑍁𑌦𑌂 𑌮𑍇 𑌕𑍍𑌰𑍋𑌧𑌿𑌨𑍀 𑌪𑌾𑌤𑍁 𑌜𑌘𑌨𑌂 𑌸𑍍𑌤𑌂𑌭𑌿𑌨𑍀 𑌤𑌥𑌾 ॥ 𑍮 ॥

𑌚𑌂𑌡𑍋𑌚𑍍𑌚𑌂𑌡𑌶𑍍𑌚𑍋𑌰𑍁𑌯𑍁𑌗𑍍𑌮𑌂 𑌜𑌾𑌨𑍁𑌨𑍀 𑌶𑌤𑍍𑌰𑍁𑌮𑌰𑍍𑌦𑌿𑌨𑍀 ।
𑌜𑌂𑌘𑌾𑌦𑍍𑌵𑌯𑌂 𑌭𑌦𑍍𑌰𑌕𑌾𑌳𑍀 𑌮𑌹𑌾𑌕𑌾𑌳𑍀 𑌚 𑌗𑍁𑌲𑍍𑌫𑌯𑍋𑌃 ॥ 𑍯 ॥

𑌪𑌾𑌦𑌾𑌦𑍍𑌯𑌂𑌗𑍁𑌳𑌿𑌪𑌰𑍍𑌯𑌂𑌤𑌂 𑌪𑌾𑌤𑍁 𑌚𑍋𑌨𑍍𑌮𑌤𑍍𑌤𑌭𑍈𑌰𑌵𑍀 ।
𑌸𑌰𑍍𑌵𑌾𑌂𑌗𑌂 𑌮𑍇 𑌸𑌦𑌾 𑌪𑌾𑌤𑍁 𑌕𑌾𑌲𑌸𑌂𑌕𑌰𑍍𑌷𑌣𑍀 𑌤𑌥𑌾 ॥ 10 ॥

𑌯𑍁𑌕𑍍𑌤𑌾𑌯𑍁𑌕𑍍𑌤𑌸𑍍𑌥𑌿𑌤𑌂 𑌨𑌿𑌤𑍍𑌯𑌂 𑌸𑌰𑍍𑌵𑌪𑌾𑌪𑌾𑌤𑍍𑌪𑍍𑌰𑌮𑍁𑌚𑍍𑌯𑌤𑍇 ।
𑌸𑌰𑍍𑌵𑍇 𑌸𑌮𑌰𑍍𑌥𑍍𑌯 𑌸𑌂𑌯𑍁𑌕𑍍𑌤𑌂 𑌭𑌕𑍍𑌤𑌰𑌕𑍍𑌷𑌣𑌤𑌤𑍍𑌪𑌰𑌮𑍍 ॥ 11 ॥

𑌸𑌮𑌸𑍍𑌤𑌦𑍇𑌵𑌤𑌾 𑌸𑌰𑍍𑌵𑌂 𑌸𑌵𑍍𑌯𑌂 𑌵𑌿𑌷𑍍𑌣𑍋𑌃 𑌪𑍁𑌰𑌾𑌰𑍍𑌧𑌨𑍇 ।
𑌸𑌰𑍍𑌵𑌶𑌤𑍍𑌰𑍁𑌵𑌿𑌨𑌾𑌶𑌾𑌯 𑌶𑍂𑌲𑌿𑌨𑌾 𑌨𑌿𑌰𑍍𑌮𑌿𑌤𑌂 𑌪𑍁𑌰𑌾 ॥ 12 ॥

𑌸𑌰𑍍𑌵𑌭𑌕𑍍𑌤𑌜𑌨𑌾𑌶𑍍𑌰𑌿𑌤𑍍𑌯 𑌸𑌰𑍍𑌵𑌵𑌿𑌦𑍍𑌵𑍇𑌷𑌸𑌂𑌹𑌤𑌿𑌃 ।
𑌵𑌾𑌰𑌾𑌹𑍀 𑌕𑌵𑌚𑌂 𑌨𑌿𑌤𑍍𑌯𑌂 𑌤𑍍𑌰𑌿𑌸𑌂𑌧𑍍𑌯𑌂 𑌯𑌃 𑌪𑌠𑍇𑌨𑍍𑌨𑌰𑌃 ॥ 13 ॥

𑌤𑌥𑌾 𑌵𑌿𑌧𑌂 𑌭𑍂𑌤𑌗𑌣𑌾 𑌨 𑌸𑍍𑌪𑍃𑌶𑌂𑌤𑌿 𑌕𑌦𑌾𑌚𑌨 ।
𑌆𑌪𑌦𑌃 𑌶𑌤𑍍𑌰𑍁𑌚𑍋𑌰𑌾𑌦𑌿 𑌗𑍍𑌰𑌹𑌦𑍋𑌷𑌾𑌶𑍍𑌚 𑌸𑌂𑌭𑌵𑌾𑌃 ॥ 14 ॥

𑌮𑌾𑌤𑌾 𑌪𑍁𑌤𑍍𑌰𑌂 𑌯𑌥𑌾 𑌵𑌤𑍍𑌸𑌂 𑌧𑍇𑌨𑍁𑌃 𑌪𑌕𑍍𑌷𑍍𑌮𑍇𑌵 𑌲𑍋𑌚𑌨𑌮𑍍 ।
𑌤𑌥𑌾𑌂𑌗𑌮𑍇𑌵 𑌵𑌾𑌰𑌾𑌹𑍀 𑌰𑌕𑍍𑌷𑌾 𑌰𑌕𑍍𑌷𑌾𑌤𑌿 𑌸𑌰𑍍𑌵𑌦𑌾 ॥ 15 ॥

𑌇𑌤𑌿 𑌶𑍍𑌰𑍀𑌰𑍁𑌦𑍍𑌰𑌯𑌾𑌮𑌲𑌤𑌂𑌤𑍍𑌰𑍇 𑌶𑍍𑌰𑍀 𑌵𑌾𑌰𑌾𑌹𑍀 𑌕𑌵𑌚𑌮𑍍 ॥