𑌶𑍍𑌰𑍀 𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

॥ 𑌪𑍂𑌰𑍍𑌵𑌪𑍀𑌠𑌿𑌕𑌾 ॥

𑌮𑌾𑌰𑍍𑌕𑌂𑌡𑍇𑌯 𑌉𑌵𑌾𑌚 ।
𑌏𑌵𑌂 𑌯𑍁𑌦𑍍𑌧𑌮𑌭𑍂𑌦𑍍𑌘𑍋𑌰𑌂 𑌰𑍌𑌦𑍍𑌰𑌂 𑌦𑍈𑌤𑍍𑌯𑌬𑌲𑍈𑌃 𑌸𑌹 ।
𑌨𑍃𑌸𑌿𑌂𑌹𑌸𑍍𑌯𑌾𑌂𑌗𑌸𑌂𑌭𑍂𑌤𑍈𑌰𑍍𑌨𑌾𑌰𑌸𑌿𑌂𑌹𑍈𑌰𑌨𑍇𑌕𑌶𑌃 ॥ 1 ॥

𑌦𑍈𑌤𑍍𑌯𑌕𑍋𑌟𑌿𑌰𑍍𑌹𑌤𑌾𑌸𑍍𑌤𑌤𑍍𑌰 𑌕𑍇𑌚𑌿𑌦𑍍𑌭𑍀𑌤𑌾𑌃 𑌪𑌲𑌾𑌯𑌿𑌤𑌾𑌃 ।
𑌤𑌂 𑌦𑍃𑌷𑍍𑌟𑍍𑌵𑌾𑌤𑍀𑌵 𑌸𑌂𑌕𑍍𑌰𑍁𑌦𑍍𑌧𑍋 𑌹𑌿𑌰𑌣𑍍𑌯𑌕𑌶𑌿𑌪𑍁𑌃 𑌸𑍍𑌵𑌯𑌮𑍍 ॥ 2 ॥

𑌭𑍂𑌤𑌪𑍂𑌰𑍍𑌵𑍈𑌰𑌮𑍃𑌤𑍍𑌯𑍁𑌰𑍍𑌮𑍇 𑌇𑌤𑌿 𑌬𑍍𑌰𑌹𑍍𑌮𑌵𑌰𑍋𑌦𑍍𑌧𑌤𑌃 ।
𑌵𑌵𑌰𑍍𑌷 𑌶𑌰𑌵𑌰𑍍𑌷𑍇𑌣 𑌨𑌾𑌰𑌸𑌿𑌂𑌹𑍋 𑌭𑍃𑌶𑌂 𑌬𑌲𑍀 ॥ 3 ॥

𑌦𑍍𑌵𑌂𑌦𑍍𑌵𑌯𑍁𑌦𑍍𑌧𑌮𑌭𑍂𑌦𑍁𑌗𑍍𑌰𑌂 𑌦𑌿𑌵𑍍𑌯𑌵𑌰𑍍𑌷𑌸𑌹𑌸𑍍𑌰𑌕𑌮𑍍 ।
𑌦𑍈𑌤𑍍𑌯𑍇𑌂𑌦𑍍𑌰𑍇 𑌸𑌾𑌹𑌸𑌂 𑌦𑍃𑌷𑍍𑌟𑍍𑌵𑌾 𑌦𑍇𑌵𑌾𑌶𑍍𑌚𑍇𑌂𑌦𑍍𑌰𑌪𑍁𑌰𑍋𑌗𑌮𑌾𑌃 ॥ 4 ॥

𑌶𑍍𑌰𑍇𑌯𑌃 𑌕𑌸𑍍𑌯 𑌭𑌵𑍇𑌦𑌤𑍍𑌰 𑌇𑌤𑌿 𑌚𑌿𑌂𑌤𑌾𑌪𑌰𑌾 𑌭𑌵𑌨𑍍 ।
𑌤𑌦𑌾 𑌕𑍍𑌰𑍁𑌦𑍍𑌧𑍋 𑌨𑍃𑌸𑌿𑌂𑌹𑌸𑍍𑌤𑍁 𑌦𑍈𑌤𑍍𑌯𑍇𑌂𑌦𑍍𑌰𑌪𑍍𑌰𑌹𑌿𑌤𑌾𑌨𑍍𑌯𑌪𑌿 ॥ 5 ॥

𑌵𑌿𑌷𑍍𑌣𑍁𑌚𑌕𑍍𑌰𑌂 𑌮𑌹𑌾𑌚𑌕𑍍𑌰𑌂 𑌕𑌾𑌲𑌚𑌕𑍍𑌰𑌂 𑌤𑍁 𑌵𑍈𑌷𑍍𑌣𑌵𑌮𑍍 ।
𑌰𑍌𑌦𑍍𑌰𑌂 𑌪𑌾𑌶𑍁𑌪𑌤𑌂 𑌬𑍍𑌰𑌾𑌹𑍍𑌮𑌂 𑌕𑍌𑌬𑍇𑌰𑌂 𑌕𑍁𑌲𑌿𑌶𑌾𑌸𑌨𑌮𑍍 ॥ 6 ॥

𑌆𑌗𑍍𑌨𑍇𑌯𑌂 𑌵𑌾𑌰𑍁𑌣𑌂 𑌸𑍌𑌮𑍍𑌯𑌂 𑌮𑍋𑌹𑌨𑌂 𑌸𑍌𑌰𑌪𑌾𑌰𑍍𑌵𑌤𑌮𑍍 ।
𑌭𑌾𑌰𑍍𑌗𑌵𑌾𑌦𑌿 𑌬𑌹𑍂𑌨𑍍𑌯𑌸𑍍𑌤𑍍𑌰𑌾𑌣𑍍𑌯𑌭𑌕𑍍𑌷𑌯𑌤 𑌕𑍋𑌪𑌨𑌃 ॥ 𑍭 ॥

𑌸𑌂𑌧𑍍𑌯𑌾𑌕𑌾𑌲𑍇 𑌸𑌭𑌾𑌦𑍍𑌵𑌾𑌰𑍇 𑌸𑍍𑌵𑌾𑌂𑌕𑍇 𑌨𑌿𑌕𑍍𑌷𑌿𑌪𑍍𑌯 𑌭𑍈𑌰𑌵𑌃 ।
𑌤𑌤𑌃 𑌖𑌡𑍍𑌗𑌧𑌰𑌂 𑌦𑍈𑌤𑍍𑌯𑌂 𑌜𑌗𑍍𑌰𑌾𑌹 𑌨𑌰𑌕𑍇𑌸𑌰𑍀 ॥ 𑍮 ॥

𑌹𑌿𑌰𑌣𑍍𑌯𑌕𑌶𑌿𑌪𑍋𑌰𑍍𑌵𑌕𑍍𑌷𑍋 𑌵𑌿𑌦𑌾𑌰𑍍𑌯𑌾𑌤𑍀𑌵 𑌰𑍋𑌷𑌿𑌤𑌃 ।
𑌉𑌦𑍍𑌧𑍃𑌤𑍍𑌯 𑌚𑌾𑌂𑌤𑍍𑌰𑌮𑌾𑌲𑌾𑌨𑌿 𑌨𑌖𑍈𑌰𑍍𑌵𑌜𑍍𑌰𑌸𑌮𑌪𑍍𑌰𑌭𑍈𑌃 ॥ 𑍯 ॥

𑌮𑍇𑌨𑍇 𑌕𑍃𑌤𑌾𑌰𑍍𑌥𑌮𑌾𑌤𑍍𑌮𑌾𑌨𑌂 𑌸𑌰𑍍𑌵𑌤𑌃 𑌪𑌰𑍍𑌯𑌵𑍈𑌕𑍍𑌷𑌤 ।
𑌹𑌰𑍍𑌷𑌿𑌤𑌾 𑌦𑍇𑌵𑌤𑌾𑌃 𑌸𑌰𑍍𑌵𑌾𑌃 𑌪𑍁𑌷𑍍𑌪𑌵𑍃𑌷𑍍𑌟𑌿𑌮𑌵𑌾𑌕𑌿𑌰𑌨𑍍 ॥ 10 ॥

𑌦𑍇𑌵𑌦𑍁𑌂𑌦𑍁𑌭𑌯𑍋 𑌨𑍇𑌦𑍁𑌰𑍍𑌵𑌿𑌮𑌲𑌾𑌶𑍍𑌚 𑌦𑌿𑌶𑍋𑌽𑌭𑌵𑌨𑍍 ।
𑌨𑌰𑌸𑌿𑌂𑌹𑌮𑌤𑍀𑌵𑍋𑌗𑍍𑌰𑌂 𑌵𑌿𑌕𑍀𑌰𑍍𑌣𑌵𑌦𑌨𑌂 𑌭𑍃𑌶𑌮𑍍 ॥ 11 ॥

𑌲𑍇𑌲𑌿𑌹𑌾𑌨𑌂 𑌚 𑌗𑌰𑍍𑌜𑌂𑌤𑌂 𑌕𑌾𑌲𑌾𑌨𑌲𑌸𑌮𑌪𑍍𑌰𑌭𑌮𑍍 ।
𑌅𑌤𑌿𑌰𑍌𑌦𑍍𑌰𑌂 𑌮𑌹𑌾𑌕𑌾𑌯𑌂 𑌮𑌹𑌾𑌦𑌂𑌷𑍍𑌟𑍍𑌰𑌂 𑌮𑌹𑌾𑌰𑍁𑌤𑌮𑍍 ॥ 12 ॥

𑌮𑌹𑌾𑌸𑌿𑌂𑌹𑌂 𑌮𑌹𑌾𑌰𑍂𑌪𑌂 𑌦𑍃𑌷𑍍𑌟𑍍𑌵𑌾 𑌸𑌂𑌕𑍍𑌷𑍁𑌭𑌿𑌤𑌂 𑌜𑌗𑌤𑍍 ।
𑌸𑌰𑍍𑌵𑌦𑍇𑌵𑌗𑌣𑍈𑌃 𑌸𑌾𑌰𑍍𑌥𑌂 𑌤𑌤𑍍𑌰𑌾𑌗𑌤𑍍𑌯 𑌪𑌿𑌤𑌾𑌮𑌹𑌃 ॥ 13 ॥

𑌆𑌗𑌂𑌤𑍁𑌕𑍈𑌰𑍍𑌭𑍂𑌤𑌪𑍂𑌰𑍍𑌵𑍈𑌰𑍍𑌵𑌰𑍍𑌤𑌮𑌾𑌨𑍈𑌰𑌨𑍁𑌤𑍍𑌤𑌮𑍈𑌃 ।
𑌗𑍁𑌣𑍈𑌰𑍍𑌨𑌾𑌮𑌸𑌹𑌸𑍍𑌰𑍇𑌣 𑌤𑍁𑌷𑍍𑌟𑌾𑌵 𑌶𑍍𑌰𑍁𑌤𑌿𑌸𑌮𑍍𑌮𑌤𑍈𑌃 ॥ 14 ॥

𑌓𑌂 𑌨𑌮𑌃 𑌶𑍍𑌰𑍀𑌮𑌦𑍍𑌦𑌿𑌵𑍍𑌯𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌮𑌹𑌾𑌮𑌂𑌤𑍍𑌰𑌸𑍍𑌯 𑌬𑍍𑌰𑌹𑍍𑌮𑌾 𑌋𑌷𑌿𑌃, 𑌶𑍍𑌰𑍀𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹𑍋 𑌦𑍇𑌵𑌤𑌾, 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃, 𑌶𑍍𑌰𑍀𑌨𑍃𑌸𑌿𑌂𑌹𑌃 𑌪𑌰𑌮𑌾𑌤𑍍𑌮𑌾 𑌬𑍀𑌜𑌂, 𑌲𑌕𑍍𑌷𑍍𑌮𑍀𑌰𑍍𑌮𑌾𑌯𑌾 𑌶𑌕𑍍𑌤𑌿𑌃, 𑌜𑍀𑌵𑍋 𑌬𑍀𑌜𑌂, 𑌬𑍁𑌦𑍍𑌧𑌿𑌃 𑌶𑌕𑍍𑌤𑌿𑌃, 𑌉𑌦𑌾𑌨𑌵𑌾𑌯𑍁𑌃 𑌬𑍀𑌜𑌂, 𑌸𑌰𑌸𑍍𑌵𑌤𑍀 𑌶𑌕𑍍𑌤𑌿𑌃, 𑌵𑍍𑌯𑌂𑌜𑌨𑌾𑌨𑌿 𑌬𑍀𑌜𑌾𑌨𑌿, 𑌸𑍍𑌵𑌰𑌾𑌃 𑌶𑌕𑍍𑌤𑌯𑌃, 𑌓𑌂 𑌕𑍍𑌷𑍍𑌰𑍌𑌂 𑌹𑍍𑌰𑍀𑌂 𑌇𑌤𑌿 𑌬𑍀𑌜𑌾𑌨𑌿, 𑌓𑌂 𑌶𑍍𑌰𑍀𑌂
𑌅𑌂 𑌆𑌂 𑌇𑌤𑌿 𑌶𑌕𑍍𑌤𑌯𑌃, 𑌵𑌿𑌕𑍀𑌰𑍍𑌣𑌨𑌖𑌦𑌂𑌷𑍍𑌟𑍍𑌰𑌾𑌯𑍁𑌧𑌾𑌯𑍇𑌤𑌿 𑌕𑍀𑌲𑌕𑌂, 𑌅𑌕𑌾𑌰𑌾𑌦𑌿𑌤𑌿 𑌬𑍋𑌧𑌕𑌂, 𑌶𑍍𑌰𑍀𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹 𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌶𑍍𑌰𑍀𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰 𑌮𑌂𑌤𑍍𑌰𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌨𑍍𑌯𑌾𑌸𑌃 –
𑌓𑌂 𑌶𑍍𑌰𑍀𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹𑌾𑌯 𑌨𑌮𑌃 – 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌵𑌜𑍍𑌰𑌨𑌖𑌾𑌯 𑌨𑌮𑌃 – 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌮𑌹𑌾𑌰𑍁𑌦𑍍𑌰𑌾𑌯 𑌨𑌮𑌃 – 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌸𑌰𑍍𑌵𑌤𑍋𑌮𑍁𑌖𑌾𑌯 𑌨𑌮𑌃 – 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌵𑌿𑌕𑌟𑌾𑌸𑍍𑌯𑌾𑌯 𑌨𑌮𑌃 – 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌵𑍀𑌰𑌾𑌯 𑌨𑌮𑌃 – 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌏𑌵𑌂 𑌹𑍃𑌦𑌯𑌾𑌦𑌿𑌨𑍍𑌯𑌾𑌸𑌃 ।

𑌦𑌿𑌗𑍍𑌬𑌂𑌧𑌃 –
𑌓𑌂 𑌐𑌂𑌦𑍍𑌰𑍀𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌆𑌗𑍍𑌨𑍇𑌯𑍀𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌯𑌾𑌮𑍍𑌯𑌾𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌨𑍈𑌰𑍃𑌤𑌿𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌵𑌾𑌰𑍁𑌣𑍀𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌵𑌾𑌯𑌵𑍀𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌕𑍌𑌬𑍇𑌰𑍀𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌈𑌶𑌾𑌨𑍀𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌊𑌰𑍍𑌧𑍍𑌵𑌾𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌅𑌧𑌸𑍍𑌤𑌾𑌦𑍍𑌦𑌿𑌶𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌅𑌂𑌤𑌰𑌿𑌕𑍍𑌷𑌾𑌂 𑌦𑌿𑌶𑌂 𑌸𑍁𑌦𑌰𑍍𑌶𑌨𑍇𑌨 𑌬𑌧𑍍𑌨𑌾𑌮𑌿 𑌨𑌮𑌶𑍍𑌚𑌕𑍍𑌰𑌾𑌯 𑌸𑍍𑌵𑌾𑌹𑌾 ।

𑌅𑌥 𑌧𑍍𑌯𑌾𑌨𑌮𑍍 ।
𑌸𑌤𑍍𑌯𑌜𑍍𑌞𑌾𑌨𑌸𑍁𑌖𑌸𑍍𑌵𑌰𑍂𑌪𑌮𑌮𑌲𑌂 𑌕𑍍𑌷𑍀𑌰𑌾𑌬𑍍𑌧𑌿𑌮𑌧𑍍𑌯𑍇 𑌸𑍍𑌥𑌿𑌤𑌂
𑌯𑍋𑌗𑌾𑌰𑍂𑌢𑌮𑌤𑌿𑌪𑍍𑌰𑌸𑌨𑍍𑌨𑌵𑌦𑌨𑌂 𑌭𑍂𑌷𑌾𑌸𑌹𑌸𑍍𑌰𑍋𑌜𑍍𑌵𑌲𑌮𑍍 ।
𑌤𑍍𑌰𑍍𑌯𑌕𑍍𑌷𑌂 𑌚𑌕𑍍𑌰𑌪𑌿𑌨𑌾𑌕𑌸𑌾𑌭𑌯𑌕𑌰𑌾𑌨𑍍 𑌬𑌿𑌭𑍍𑌰𑌾𑌣𑌮𑌰𑍍𑌕𑌚𑍍𑌛𑌵𑌿𑌂
𑌛𑌤𑍍𑌰𑍀𑌭𑍂𑌤𑌫𑌣𑍀𑌂𑌦𑍍𑌰𑌮𑌿𑌂𑌦𑍁𑌧𑌵𑌲𑌂 𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹𑌂 𑌭𑌜𑍇 ॥ 1 ॥

𑌉𑌪𑌾𑌸𑍍𑌮𑌹𑍇 𑌨𑍃𑌸𑌿𑌂𑌹𑌾𑌖𑍍𑌯𑌂 𑌬𑍍𑌰𑌹𑍍𑌮 𑌵𑍇𑌦𑌾𑌂𑌤𑌗𑍋𑌚𑌰𑌮𑍍 ।
𑌭𑍂𑌯𑍋𑌲𑌾𑌲𑌿𑌤𑌸𑌂𑌸𑌾𑌰𑌚𑍍𑌛𑍇𑌦𑌹𑍇𑌤𑍁𑌂 𑌜𑌗𑌦𑍍𑌗𑍁𑌰𑍁𑌮𑍍 ॥ 2 ॥

𑌅𑌥 𑌸𑍍𑌤𑍋𑌤𑍍𑌰𑌮𑍍 ।
𑌬𑍍𑌰𑌹𑍍𑌮𑍋𑌵𑌾𑌚 ।
𑌓𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌐𑌂 𑌕𑍍𑌷𑍍𑌰𑍌𑌮𑍍 ॥
𑌓𑌂 𑌨𑌮𑍋 𑌨𑌾𑌰𑌸𑌿𑌂𑌹𑌾𑌯 𑌵𑌜𑍍𑌰𑌦𑌂𑌷𑍍𑌟𑍍𑌰𑌾𑌯 𑌵𑌜𑍍𑌰𑌿𑌣𑍇 ।
𑌵𑌜𑍍𑌰𑌦𑍇𑌹𑌾𑌯 𑌵𑌜𑍍𑌰𑌾𑌯 𑌨𑌮𑍋 𑌵𑌜𑍍𑌰𑌨𑌖𑌾𑌯 𑌚 ॥ 1 ॥

𑌵𑌾𑌸𑍁𑌦𑍇𑌵𑌾𑌯 𑌵𑌂𑌦𑍍𑌯𑌾𑌯 𑌵𑌰𑌦𑌾𑌯 𑌵𑌰𑌾𑌤𑍍𑌮𑌨𑍇 ।
𑌵𑌰𑌦𑌾𑌭𑌯𑌹𑌸𑍍𑌤𑌾𑌯 𑌵𑌰𑌾𑌯 𑌵𑌰𑌰𑍂𑌪𑌿𑌣𑍇 ॥ 2 ॥

𑌵𑌰𑍇𑌣𑍍𑌯𑌾𑌯 𑌵𑌰𑌿𑌷𑍍𑌠𑌾𑌯 𑌶𑍍𑌰𑍀𑌵𑌰𑌾𑌯 𑌨𑌮𑍋 𑌨𑌮𑌃 ।
𑌪𑍍𑌰𑌹𑍍𑌲𑌾𑌦𑌵𑌰𑌦𑌾𑌯𑍈𑌵 𑌪𑍍𑌰𑌤𑍍𑌯𑌕𑍍𑌷𑌵𑌰𑌦𑌾𑌯 𑌚 ॥ 3 ॥

𑌪𑌰𑌾𑌤𑍍𑌪𑌰𑌪𑌰𑍇𑌶𑌾𑌯 𑌪𑌵𑌿𑌤𑍍𑌰𑌾𑌯 𑌪𑌿𑌨𑌾𑌕𑌿𑌨𑍇 ।
𑌪𑌾𑌵𑌨𑌾𑌯 𑌪𑍍𑌰𑌸𑌨𑍍𑌨𑌾𑌯 𑌪𑌾𑌶𑌿𑌨𑍇 𑌪𑌾𑌪𑌹𑌾𑌰𑌿𑌣𑍇 ॥ 4 ॥

𑌪𑍁𑌰𑍁𑌷𑍍𑌟𑍁𑌤𑌾𑌯 𑌪𑍁𑌣𑍍𑌯𑌾𑌯 𑌪𑍁𑌰𑍁𑌹𑍂𑌤𑌾𑌯 𑌤𑍇 𑌨𑌮𑌃 ।
𑌤𑌤𑍍𑌪𑍁𑌰𑍁𑌷𑌾𑌯 𑌤𑌥𑍍𑌯𑌾𑌯 𑌪𑍁𑌰𑌾𑌣𑌪𑍁𑌰𑍁𑌷𑌾𑌯 𑌚 ॥ 5 ॥

𑌪𑍁𑌰𑍋𑌧𑌸𑍇 𑌪𑍂𑌰𑍍𑌵𑌜𑌾𑌯 𑌪𑍁𑌷𑍍𑌕𑌰𑌾𑌕𑍍𑌷𑌾𑌯 𑌤𑍇 𑌨𑌮𑌃 ।
𑌪𑍁𑌷𑍍𑌪𑌹𑌾𑌸𑌾𑌯 𑌹𑌾𑌸𑌾𑌯 𑌮𑌹𑌾𑌹𑌾𑌸𑌾𑌯 𑌶𑌾𑌰𑌂𑌗𑌿𑌣𑍇 ॥ 6 ॥

𑌸𑌿𑌂𑌹𑌾𑌯 𑌸𑌿𑌂𑌹𑌰𑌾𑌜𑌾𑌯 𑌜𑌗𑌦𑍍𑌵𑌶𑍍𑌯𑌾𑌯 𑌤𑍇 𑌨𑌮𑌃 ।
𑌅𑌟𑍍𑌟𑌹𑌾𑌸𑌾𑌯 𑌰𑍋𑌷𑌾𑌯 𑌜𑌲𑌵𑌾𑌸𑌾𑌯 𑌤𑍇 𑌨𑌮𑌃 ॥ 𑍭 ॥

𑌭𑍂𑌤𑌾𑌵𑌾𑌸𑌾𑌯 𑌭𑌾𑌸𑌾𑌯 𑌶𑍍𑌰𑍀𑌨𑌿𑌵𑌾𑌸𑌾𑌯 𑌖𑌡𑍍𑌗𑌿𑌨𑍇 ।
𑌖𑌡𑍍𑌗𑌜𑌿𑌹𑍍𑌵𑌾𑌯 𑌸𑌿𑌂𑌹𑌾𑌯 𑌖𑌡𑍍𑌗𑌵𑌾𑌸𑌾𑌯 𑌤𑍇 𑌨𑌮𑌃 ॥ 𑍮 ॥

𑌨𑌮𑍋 𑌮𑍂𑌲𑌾𑌧𑌿𑌵𑌾𑌸𑌾𑌯 𑌧𑌰𑍍𑌮𑌵𑌾𑌸𑌾𑌯 𑌧𑌨𑍍𑌵𑌿𑌨𑍇 ।
𑌧𑌨𑌂𑌜𑌯𑌾𑌯 𑌧𑌨𑍍𑌯𑌾𑌯 𑌨𑌮𑍋 𑌮𑍃𑌤𑍍𑌯𑍁𑌂𑌜𑌯𑌾𑌯 𑌚 ॥ 𑍯 ॥

𑌶𑍁𑌭𑌂𑌜𑌯𑌾𑌯 𑌸𑍂𑌤𑍍𑌰𑌾𑌯 𑌨𑌮𑌃 𑌶𑌤𑍍𑌰𑍁𑌂𑌜𑌯𑌾𑌯 𑌚 ।
𑌨𑌿𑌰𑌂𑌜𑌨𑌾𑌯 𑌨𑍀𑌰𑌾𑌯 𑌨𑌿𑌰𑍍𑌗𑍁𑌣𑌾𑌯 𑌗𑍁𑌣𑌾𑌯 𑌚 ॥ 10 ॥

𑌨𑌿𑌷𑍍𑌪𑍍𑌰𑌪𑌂𑌚𑌾𑌯 𑌨𑌿𑌰𑍍𑌵𑌾𑌣𑌪𑍍𑌰𑌦𑌾𑌯 𑌨𑌿𑌬𑌿𑌡𑌾𑌯 𑌚 ।
𑌨𑌿𑌰𑌾𑌲𑌂𑌬𑌾𑌯 𑌨𑍀𑌲𑌾𑌯 𑌨𑌿𑌷𑍍𑌕𑌲𑌾𑌯 𑌕𑌲𑌾𑌯 𑌚 ॥ 11 ॥

𑌨𑌿𑌮𑍇𑌷𑌾𑌯 𑌨𑌿𑌬𑌂𑌧𑌾𑌯 𑌨𑌿𑌮𑍇𑌷𑌗𑌮𑌨𑌾𑌯 𑌚 ।
𑌨𑌿𑌰𑍍𑌦𑍍𑌵𑌂𑌦𑍍𑌵𑌾𑌯 𑌨𑌿𑌰𑌾𑌶𑌾𑌯 𑌨𑌿𑌶𑍍𑌚𑌯𑌾𑌯 𑌨𑌿𑌰𑌾𑌯 𑌚 ॥ 12 ॥

𑌨𑌿𑌰𑍍𑌮𑌲𑌾𑌯 𑌨𑌿𑌬𑌂𑌧𑌾𑌯 𑌨𑌿𑌰𑍍𑌮𑍋𑌹𑌾𑌯 𑌨𑌿𑌰𑌾𑌕𑍃𑌤𑍇 ।
𑌨𑌮𑍋 𑌨𑌿𑌤𑍍𑌯𑌾𑌯 𑌸𑌤𑍍𑌯𑌾𑌯 𑌸𑌤𑍍𑌕𑌰𑍍𑌮𑌨𑌿𑌰𑌤𑌾𑌯 𑌚 ॥ 13 ॥

𑌸𑌤𑍍𑌯𑌧𑍍𑌵𑌜𑌾𑌯 𑌮𑍁𑌂𑌜𑌾𑌯 𑌮𑍁𑌂𑌜𑌕𑍇𑌶𑌾𑌯 𑌕𑍇𑌶𑌿𑌨𑍇 ।
𑌹𑌰𑍀𑌶𑌾𑌯 𑌚 𑌶𑍇𑌷𑌾𑌯 𑌗𑍁𑌡𑌾𑌕𑍇𑌶𑌾𑌯 𑌵𑍈 𑌨𑌮𑌃 ॥ 14 ॥

𑌸𑍁𑌕𑍇𑌶𑌾𑌯𑍋𑌰𑍍𑌧𑍍𑌵𑌕𑍇𑌶𑌾𑌯 𑌕𑍇𑌶𑌿𑌸𑌂𑌹𑌾𑌰𑌕𑌾𑌯 𑌚 ।
𑌜𑌲𑍇𑌶𑌾𑌯 𑌸𑍍𑌥𑌲𑍇𑌶𑌾𑌯 𑌪𑌦𑍍𑌮𑍇𑌶𑌾𑌯𑍋𑌗𑍍𑌰𑌰𑍂𑌪𑌿𑌣𑍇 ॥ 15 ॥

𑌕𑍁𑌶𑍇𑌶𑌯𑌾𑌯 𑌕𑍂𑌲𑌾𑌯 𑌕𑍇𑌶𑌵𑌾𑌯 𑌨𑌮𑍋 𑌨𑌮𑌃 ।
𑌸𑍂𑌕𑍍𑌤𑌿𑌕𑌰𑍍𑌣𑌾𑌯 𑌸𑍂𑌕𑍍𑌤𑌾𑌯 𑌰𑌕𑍍𑌤𑌜𑌿𑌹𑍍𑌵𑌾𑌯 𑌰𑌾𑌗𑌿𑌣𑍇 ॥ 16 ॥

𑌦𑍀𑌪𑍍𑌤𑌰𑍂𑌪𑌾𑌯 𑌦𑍀𑌪𑍍𑌤𑌾𑌯 𑌪𑍍𑌰𑌦𑍀𑌪𑍍𑌤𑌾𑌯 𑌪𑍍𑌰𑌲𑍋𑌭𑌿𑌨𑍇 ।
𑌪𑍍𑌰𑌚𑍍𑌛𑌿𑌨𑍍𑌨𑌾𑌯 𑌪𑍍𑌰𑌬𑍋𑌧𑌾𑌯 𑌪𑍍𑌰𑌭𑌵𑍇 𑌵𑌿𑌭𑌵𑍇 𑌨𑌮𑌃 ॥ 1𑍭 ॥

𑌪𑍍𑌰𑌭𑌂𑌜𑌨𑌾𑌯 𑌪𑌾𑌂𑌥𑌾𑌯 𑌪𑍍𑌰𑌮𑌾𑌯𑌾𑌪𑍍𑌰𑌮𑌿𑌤𑌾𑌯 𑌚 ।
𑌪𑍍𑌰𑌕𑌾𑌶𑌾𑌯 𑌪𑍍𑌰𑌤𑌾𑌪𑌾𑌯 𑌪𑍍𑌰𑌜𑍍𑌵𑌲𑌾𑌯𑍋𑌜𑍍𑌜𑍍𑌵𑌲𑌾𑌯 𑌚 ॥ 1𑍮 ॥

𑌜𑍍𑌵𑌾𑌲𑌾𑌮𑌾𑌲𑌾𑌸𑍍𑌵𑌰𑍂𑌪𑌾𑌯 𑌜𑍍𑌵𑌲𑌜𑍍𑌜𑌿𑌹𑍍𑌵𑌾𑌯 𑌜𑍍𑌵𑌾𑌲𑌿𑌨𑍇 ।
𑌮𑌹𑍋𑌜𑍍𑌜𑍍𑌵𑌲𑌾𑌯 𑌕𑌾𑌲𑌾𑌯 𑌕𑌾𑌲𑌮𑍂𑌰𑍍𑌤𑌿𑌧𑌰𑌾𑌯 𑌚 ॥ 1𑍯 ॥

𑌕𑌾𑌲𑌾𑌂𑌤𑌕𑌾𑌯 𑌕𑌲𑍍𑌪𑌾𑌯 𑌕𑌲𑌨𑌾𑌯 𑌕𑍃𑌤𑍇 𑌨𑌮𑌃 ।
𑌕𑌾𑌲𑌚𑌕𑍍𑌰𑌾𑌯 𑌶𑌕𑍍𑌰𑌾𑌯 𑌵𑌷𑌟𑍍𑌚𑌕𑍍𑌰𑌾𑌯 𑌚𑌕𑍍𑌰𑌿𑌣𑍇 ॥ 20 ॥

𑌅𑌕𑍍𑌰𑍂𑌰𑌾𑌯 𑌕𑍃𑌤𑌾𑌂𑌤𑌾𑌯 𑌵𑌿𑌕𑍍𑌰𑌮𑌾𑌯 𑌕𑍍𑌰𑌮𑌾𑌯 𑌚 ।
𑌕𑍃𑌤𑍍𑌤𑌿𑌨𑍇 𑌕𑍃𑌤𑍍𑌤𑌿𑌵𑌾𑌸𑌾𑌯 𑌕𑍃𑌤𑌘𑍍𑌨𑌾𑌯 𑌕𑍃𑌤𑌾𑌤𑍍𑌮𑌨𑍇 ॥ 21 ॥

𑌸𑌂𑌕𑍍𑌰𑌮𑌾𑌯 𑌚 𑌕𑍍𑌰𑍁𑌦𑍍𑌧𑌾𑌯 𑌕𑍍𑌰𑌾𑌂𑌤𑌲𑍋𑌕𑌤𑍍𑌰𑌯𑌾𑌯 𑌚 ।
𑌅𑌰𑍂𑌪𑌾𑌯 𑌸𑍍𑌵𑌰𑍂𑌪𑌾𑌯 𑌹𑌰𑌯𑍇 𑌪𑌰𑌮𑌾𑌤𑍍𑌮𑌨𑍇 ॥ 22 ॥

𑌅𑌜𑌯𑌾𑌯𑌾𑌦𑌿𑌦𑍇𑌵𑌾𑌯 𑌅𑌕𑍍𑌷𑌯𑌾𑌯 𑌕𑍍𑌷𑌯𑌾𑌯 𑌚 ।
𑌅𑌘𑍋𑌰𑌾𑌯 𑌸𑍁𑌘𑍋𑌰𑌾𑌯 𑌘𑍋𑌰𑌘𑍋𑌰𑌤𑌰𑌾𑌯 𑌚 ॥ 23 ॥

𑌨𑌮𑍋𑌽𑌸𑍍𑌤𑍍𑌵𑌘𑍋𑌰𑌵𑍀𑌰𑍍𑌯𑌾𑌯 𑌲𑌸𑌦𑍍𑌘𑍋𑌰𑌾𑌯 𑌤𑍇 𑌨𑌮𑌃 ।
𑌘𑍋𑌰𑌾𑌧𑍍𑌯𑌕𑍍𑌷𑌾𑌯 𑌦𑌕𑍍𑌷𑌾𑌯 𑌦𑌕𑍍𑌷𑌿𑌣𑌾𑌽𑌽𑌰𑍍𑌯𑌾𑌯 𑌶𑌂𑌭𑌵𑍇 ॥ 24 ॥

𑌅𑌮𑍋𑌘𑌾𑌯 𑌗𑍁𑌣𑍌𑌘𑌾𑌯 𑌅𑌨𑌘𑌾𑌯𑌾𑌽𑌘𑌹𑌾𑌰𑌿𑌣𑍇 ।
𑌮𑍇𑌘𑌨𑌾𑌦𑌾𑌯 𑌨𑌾𑌦𑌾𑌯 𑌤𑍁𑌭𑍍𑌯𑌂 𑌮𑍇𑌘𑌾𑌤𑍍𑌮𑌨𑍇 𑌨𑌮𑌃 ॥ 25 ॥

𑌮𑍇𑌘𑌵𑌾𑌹𑌨𑌰𑍂𑌪𑌾𑌯 𑌮𑍇𑌘𑌶𑍍𑌯𑌾𑌮𑌾𑌯 𑌮𑌾𑌲𑌿𑌨𑍇 ।
𑌵𑍍𑌯𑌾𑌲𑌯𑌜𑍍𑌞𑍋𑌪𑌵𑍀𑌤𑌾𑌯 𑌵𑍍𑌯𑌾𑌘𑍍𑌰𑌦𑍇𑌹𑌾𑌯 𑌵𑍈 𑌨𑌮𑌃 ॥ 26 ॥

𑌵𑍍𑌯𑌾𑌘𑍍𑌰𑌪𑌾𑌦𑌾𑌯 𑌚 𑌵𑍍𑌯𑌾𑌘𑍍𑌰𑌕𑌰𑍍𑌮𑌿𑌣𑍇 𑌵𑍍𑌯𑌾𑌪𑌕𑌾𑌯 𑌚 ।
𑌵𑌿𑌕𑌟𑌾𑌸𑍍𑌯𑌾𑌯 𑌵𑍀𑌰𑌾𑌯 𑌵𑌿𑌷𑍍𑌟𑌰𑌶𑍍𑌰𑌵𑌸𑍇 𑌨𑌮𑌃 ॥ 2𑍭 ॥

𑌵𑌿𑌕𑍀𑌰𑍍𑌣𑌨𑌖𑌦𑌂𑌷𑍍𑌟𑍍𑌰𑌾𑌯 𑌨𑌖𑌦𑌂𑌷𑍍𑌟𑍍𑌰𑌾𑌯𑍁𑌧𑌾𑌯 𑌚 ।
𑌵𑌿𑌷𑍍𑌵𑌕𑍍𑌸𑍇𑌨𑌾𑌯 𑌸𑍇𑌨𑌾𑌯 𑌵𑌿𑌹𑍍𑌵𑌲𑌾𑌯 𑌬𑌲𑌾𑌯 𑌚 ॥ 2𑍮 ॥

𑌵𑌿𑌰𑍂𑌪𑌾𑌕𑍍𑌷𑌾𑌯 𑌵𑍀𑌰𑌾𑌯 𑌵𑌿𑌶𑍇𑌷𑌾𑌕𑍍𑌷𑌾𑌯 𑌸𑌾𑌕𑍍𑌷𑌿𑌣𑍇 ।
𑌵𑍀𑌤𑌶𑍋𑌕𑌾𑌯 𑌵𑌿𑌸𑍍𑌤𑍀𑌰𑍍𑌣𑌵𑌦𑌨𑌾𑌯 𑌨𑌮𑍋 𑌨𑌮𑌃 ॥ 2𑍯 ॥

𑌵𑌿𑌧𑌾𑌨𑌾𑌯 𑌵𑌿𑌧𑍇𑌯𑌾𑌯 𑌵𑌿𑌜𑌯𑌾𑌯 𑌜𑌯𑌾𑌯 𑌚 ।
𑌵𑌿𑌬𑍁𑌧𑌾𑌯 𑌵𑌿𑌭𑌾𑌵𑌾𑌯 𑌨𑌮𑍋 𑌵𑌿𑌶𑍍𑌵𑌂𑌭𑌰𑌾𑌯 𑌚 ॥ 30 ॥

𑌵𑍀𑌤𑌰𑌾𑌗𑌾𑌯 𑌵𑌿𑌪𑍍𑌰𑌾𑌯 𑌵𑌿𑌟𑌂𑌕𑌨𑌯𑌨𑌾𑌯 𑌚 ।
𑌵𑌿𑌪𑍁𑌲𑌾𑌯 𑌵𑌿𑌨𑍀𑌤𑌾𑌯 𑌵𑌿𑌶𑍍𑌵𑌯𑍋𑌨𑍇 𑌨𑌮𑍋 𑌨𑌮𑌃 ॥ 31 ॥

𑌵𑌿𑌡𑌂𑌬𑌨𑌾𑌯 𑌵𑌿𑌤𑍍𑌤𑌾𑌯 𑌵𑌿𑌶𑍍𑌰𑍁𑌤𑌾𑌯 𑌵𑌿𑌯𑍋𑌨𑌯𑍇 । [𑌚𑌿𑌦𑌂𑌬𑌰𑌾𑌯]
𑌵𑌿𑌹𑍍𑌵𑌲𑌾𑌯 𑌵𑌿𑌵𑌾𑌦𑌾𑌯 𑌨𑌮𑍋 𑌵𑍍𑌯𑌾𑌹𑍃𑌤𑌯𑍇 𑌨𑌮𑌃 ॥ 32 ॥

𑌵𑌿𑌲𑌾𑌸𑌾𑌯 𑌵𑌿𑌕𑌲𑍍𑌪𑌾𑌯 𑌮𑌹𑌾𑌕𑌲𑍍𑌪𑌾𑌯 𑌤𑍇 𑌨𑌮𑌃 ।
𑌬𑌹𑍁𑌕𑌲𑍍𑌪𑌾𑌯 𑌕𑌲𑍍𑌪𑌾𑌯 𑌕𑌲𑍍𑌪𑌾𑌤𑍀𑌤𑌾𑌯 𑌶𑌿𑌲𑍍𑌪𑌿𑌨𑍇 ॥ 33 ॥

𑌕𑌲𑍍𑌪𑌨𑌾𑌯 𑌸𑍍𑌵𑌰𑍂𑌪𑌾𑌯 𑌫𑌣𑌿𑌤𑌲𑍍𑌪𑌾𑌯 𑌵𑍈 𑌨𑌮𑌃 ।
𑌤𑌟𑌿𑌤𑍍𑌪𑍍𑌰𑌭𑌾𑌯 𑌤𑌾𑌰𑍍𑌕𑍍𑌷𑍍𑌯𑌾𑌯 𑌤𑌰𑍁𑌣𑌾𑌯 𑌤𑌰𑌸𑍍𑌵𑌿𑌨𑍇 ॥ 34 ॥

𑌤𑌪𑌨𑌾𑌯 𑌤𑌰𑌕𑍍𑌷𑌾𑌯 𑌤𑌾𑌪𑌤𑍍𑌰𑌯𑌹𑌰𑌾𑌯 𑌚 ।
𑌤𑌾𑌰𑌕𑌾𑌯 𑌤𑌮𑍋𑌘𑍍𑌨𑌾𑌯 𑌤𑌤𑍍𑌤𑍍𑌵𑌾𑌯 𑌚 𑌤𑌪𑌸𑍍𑌵𑌿𑌨𑍇 ॥ 35 ॥

𑌤𑌕𑍍𑌷𑌕𑌾𑌯 𑌤𑌨𑍁𑌤𑍍𑌰𑌾𑌯 𑌤𑌟𑌿𑌨𑍇 𑌤𑌰𑌲𑌾𑌯 𑌚 ।
𑌶𑌤𑌰𑍂𑌪𑌾𑌯 𑌶𑌾𑌂𑌤𑌾𑌯 𑌶𑌤𑌧𑌾𑌰𑌾𑌯 𑌤𑍇 𑌨𑌮𑌃 ॥ 36 ॥

𑌶𑌤𑌪𑌤𑍍𑌰𑌾𑌯𑌤𑌾𑌕𑍍𑌷𑌾𑌯 𑌸𑍍𑌥𑌿𑌤𑌯𑍇 𑌶𑌤𑌮𑍂𑌰𑍍𑌤𑌯𑍇 ।
𑌶𑌤𑌕𑍍𑌰𑌤𑍁𑌸𑍍𑌵𑌰𑍂𑌪𑌾𑌯 𑌶𑌾𑌶𑍍𑌵𑌤𑌾𑌯 𑌶𑌤𑌾𑌤𑍍𑌮𑌨𑍇 ॥ 3𑍭 ॥

𑌨𑌮𑌃 𑌸𑌹𑌸𑍍𑌰𑌶𑌿𑌰𑌸𑍇 𑌸𑌹𑌸𑍍𑌰𑌵𑌦𑌨𑌾𑌯 𑌚 ।
𑌸𑌹𑌸𑍍𑌰𑌾𑌕𑍍𑌷𑌾𑌯 𑌦𑍇𑌵𑌾𑌯 𑌦𑌿𑌶𑌶𑍍𑌰𑍋𑌤𑍍𑌰𑌾𑌯 𑌤𑍇 𑌨𑌮𑌃 ॥ 3𑍮 ॥

𑌨𑌮𑌃 𑌸𑌹𑌸𑍍𑌰𑌜𑌿𑌹𑍍𑌵𑌾𑌯 𑌮𑌹𑌾𑌜𑌿𑌹𑍍𑌵𑌾𑌯 𑌤𑍇 𑌨𑌮𑌃 ।
𑌸𑌹𑌸𑍍𑌰𑌨𑌾𑌮𑌧𑍇𑌯𑌾𑌯 𑌸𑌹𑌸𑍍𑌰𑌾𑌕𑍍𑌷𑌿𑌧𑌰𑌾𑌯 𑌚 ॥ 3𑍯 ॥

𑌸𑌹𑌸𑍍𑌰𑌬𑌾𑌹𑌵𑍇 𑌤𑍁𑌭𑍍𑌯𑌂 𑌸𑌹𑌸𑍍𑌰𑌚𑌰𑌣𑌾𑌯 𑌚 ।
𑌸𑌹𑌸𑍍𑌰𑌾𑌰𑍍𑌕𑌪𑍍𑌰𑌕𑌾𑌶𑌾𑌯 𑌸𑌹𑌸𑍍𑌰𑌾𑌯𑍁𑌧𑌧𑌾𑌰𑌿𑌣𑍇 ॥ 40 ॥

𑌨𑌮𑌃 𑌸𑍍𑌥𑍂𑌲𑌾𑌯 𑌸𑍂𑌕𑍍𑌷𑍍𑌮𑌾𑌯 𑌸𑍁𑌸𑍂𑌕𑍍𑌷𑍍𑌮𑌾𑌯 𑌨𑌮𑍋 𑌨𑌮𑌃 ।
𑌸𑍁𑌕𑍍𑌷𑍁𑌣𑍍𑌣𑌾𑌯 𑌸𑍁𑌭𑌿𑌕𑍍𑌷𑌾𑌯 𑌸𑍁𑌰𑌾𑌧𑍍𑌯𑌕𑍍𑌷𑌾𑌯 𑌶𑍌𑌰𑌿𑌣𑍇 ॥ 41 ॥

𑌧𑌰𑍍𑌮𑌾𑌧𑍍𑌯𑌕𑍍𑌷𑌾𑌯 𑌧𑌰𑍍𑌮𑌾𑌯 𑌲𑍋𑌕𑌾𑌧𑍍𑌯𑌕𑍍𑌷𑌾𑌯 𑌵𑍈 𑌨𑌮𑌃 ।
𑌪𑍍𑌰𑌜𑌾𑌧𑍍𑌯𑌕𑍍𑌷𑌾𑌯 𑌶𑌿𑌕𑍍𑌷𑌾𑌯 𑌵𑌿𑌪𑌕𑍍𑌷𑌕𑍍𑌷𑌯𑌮𑍂𑌰𑍍𑌤𑌯𑍇 ॥ 42 ॥

𑌕𑌾𑌲𑌾𑌧𑍍𑌯𑌕𑍍𑌷𑌾𑌯 𑌤𑍀𑌕𑍍𑌷𑍍𑌣𑌾𑌯 𑌮𑍂𑌲𑌾𑌧𑍍𑌯𑌕𑍍𑌷𑌾𑌯 𑌤𑍇 𑌨𑌮𑌃 ।
𑌅𑌧𑍋𑌕𑍍𑌷𑌜𑌾𑌯 𑌮𑌿𑌤𑍍𑌰𑌾𑌯 𑌸𑍁𑌮𑌿𑌤𑍍𑌰𑌵𑌰𑍁𑌣𑌾𑌯 𑌚 ॥ 43 ॥

𑌶𑌤𑍍𑌰𑍁𑌘𑍍𑌨𑌾𑌯 𑌅𑌵𑌿𑌘𑍍𑌨𑌾𑌯 𑌵𑌿𑌘𑍍𑌨𑌕𑍋𑌟𑌿𑌹𑌰𑌾𑌯 𑌚 ।
𑌰𑌕𑍍𑌷𑍋𑌘𑍍𑌨𑌾𑌯 𑌤𑌮𑍋𑌘𑍍𑌨𑌾𑌯 𑌭𑍂𑌤𑌘𑍍𑌨𑌾𑌯 𑌨𑌮𑍋 𑌨𑌮𑌃 ॥ 44 ॥

𑌭𑍂𑌤𑌪𑌾𑌲𑌾𑌯 𑌭𑍂𑌤𑌾𑌯 𑌭𑍂𑌤𑌾𑌵𑌾𑌸𑌾𑌯 𑌭𑍂𑌤𑌿𑌨𑍇 ।
𑌭𑍂𑌤𑌵𑍇𑌤𑌾𑌳𑌘𑌾𑌤𑌾𑌯 𑌭𑍂𑌤𑌾𑌧𑌿𑌪𑌤𑌯𑍇 𑌨𑌮𑌃 ॥ 45 ॥

𑌭𑍂𑌤𑌗𑍍𑌰𑌹𑌵𑌿𑌨𑌾𑌶𑌾𑌯 𑌭𑍂𑌤𑌸𑌂𑌯𑌮𑌤𑍇 𑌨𑌮𑌃 ।
𑌮𑌹𑌾𑌭𑍂𑌤𑌾𑌯 𑌭𑍃𑌗𑌵𑍇 𑌸𑌰𑍍𑌵𑌭𑍂𑌤𑌾𑌤𑍍𑌮𑌨𑍇 𑌨𑌮𑌃 ॥ 46 ॥

𑌸𑌰𑍍𑌵𑌾𑌰𑌿𑌷𑍍𑌟𑌵𑌿𑌨𑌾𑌶𑌾𑌯 𑌸𑌰𑍍𑌵𑌸𑌂𑌪𑌤𑍍𑌕𑌰𑌾𑌯 𑌚 ।
𑌸𑌰𑍍𑌵𑌾𑌧𑌾𑌰𑌾𑌯 𑌶𑌰𑍍𑌵𑌾𑌯 𑌸𑌰𑍍𑌵𑌾𑌰𑍍𑌤𑌿𑌹𑌰𑌯𑍇 𑌨𑌮𑌃 ॥ 4𑍭 ॥

𑌸𑌰𑍍𑌵𑌦𑍁𑌃𑌖𑌪𑍍𑌰𑌶𑌾𑌂𑌤𑌾𑌯 𑌸𑌰𑍍𑌵𑌸𑍌𑌭𑌾𑌗𑍍𑌯𑌦𑌾𑌯𑌿𑌨𑍇 ।
𑌸𑌰𑍍𑌵𑌜𑍍𑌞𑌾𑌯𑌾𑌪𑍍𑌯𑌨𑌂𑌤𑌾𑌯 𑌸𑌰𑍍𑌵𑌶𑌕𑍍𑌤𑌿𑌧𑌰𑌾𑌯 𑌚 ॥ 4𑍮 ॥

𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌤𑍍𑌰𑍇 𑌚 𑌸𑌰𑍍𑌵𑌕𑌾𑌰𑍍𑌯𑌵𑌿𑌧𑌾𑌯𑌿𑌨𑍇 ।
𑌸𑌰𑍍𑌵𑌜𑍍𑌵𑌰𑌵𑌿𑌨𑌾𑌶𑌾𑌯 𑌸𑌰𑍍𑌵𑌰𑍋𑌗𑌾𑌪𑌹𑌾𑌰𑌿𑌣𑍇 ॥ 4𑍯 ॥

𑌸𑌰𑍍𑌵𑌾𑌭𑌿𑌚𑌾𑌰𑌹𑌂𑌤𑍍𑌰𑍇 𑌚 𑌸𑌰𑍍𑌵𑍈𑌶𑍍𑌵𑌰𑍍𑌯𑌵𑌿𑌧𑌾𑌯𑌿𑌨𑍇 ।
𑌪𑌿𑌂𑌗𑌾𑌕𑍍𑌷𑌾𑌯𑍈𑌕𑌶𑍃𑌂𑌗𑌾𑌯 𑌦𑍍𑌵𑌿𑌶𑍃𑌂𑌗𑌾𑌯 𑌮𑌰𑍀𑌚𑌯𑍇 ॥ 50 ॥

𑌬𑌹𑍁𑌶𑍃𑌂𑌗𑌾𑌯 𑌲𑌿𑌂𑌗𑌾𑌯 𑌮𑌹𑌾𑌶𑍃𑌂𑌗𑌾𑌯 𑌤𑍇 𑌨𑌮𑌃 ।
𑌮𑌾𑌂𑌗𑌳𑍍𑌯𑌾𑌯 𑌮𑌨𑍋𑌜𑍍𑌞𑌾𑌯 𑌮𑌂𑌤𑌵𑍍𑌯𑌾𑌯 𑌮𑌹𑌾𑌤𑍍𑌮𑌨𑍇 ॥ 51 ॥

𑌮𑌹𑌾𑌦𑍇𑌵𑌾𑌯 𑌦𑍇𑌵𑌾𑌯 𑌮𑌾𑌤𑍁𑌲𑌿𑌂𑌗𑌧𑌰𑌾𑌯 𑌚 ।
𑌮𑌹𑌾𑌮𑌾𑌯𑌾𑌪𑍍𑌰𑌸𑍂𑌤𑌾𑌯 𑌪𑍍𑌰𑌸𑍍𑌤𑍁𑌤𑌾𑌯 𑌚 𑌮𑌾𑌯𑌿𑌨𑍇 ॥ 52 ॥

𑌅𑌨𑌂𑌤𑌾𑌨𑌂𑌤𑌰𑍂𑌪𑌾𑌯 𑌮𑌾𑌯𑌿𑌨𑍇 𑌜𑌲𑌶𑌾𑌯𑌿𑌨𑍇 ।
𑌮𑌹𑍋𑌦𑌰𑌾𑌯 𑌮𑌂𑌦𑌾𑌯 𑌮𑌦𑌦𑌾𑌯 𑌮𑌦𑌾𑌯 𑌚 ॥ 53 ॥

𑌮𑌧𑍁𑌕𑍈𑌟𑌭𑌹𑌂𑌤𑍍𑌰𑍇 𑌚 𑌮𑌾𑌧𑌵𑌾𑌯 𑌮𑍁𑌰𑌾𑌰𑌯𑍇 ।
𑌮𑌹𑌾𑌵𑍀𑌰𑍍𑌯𑌾𑌯 𑌧𑍈𑌰𑍍𑌯𑌾𑌯 𑌚𑌿𑌤𑍍𑌰𑌵𑍀𑌰𑍍𑌯𑌾𑌯 𑌤𑍇 𑌨𑌮𑌃 ॥ 54 ॥

𑌚𑌿𑌤𑍍𑌰𑌕𑍂𑌰𑍍𑌮𑌾𑌯 𑌚𑌿𑌤𑍍𑌰𑌾𑌯 𑌨𑌮𑌸𑍍𑌤𑍇 𑌚𑌿𑌤𑍍𑌰𑌭𑌾𑌨𑌵𑍇 ।
𑌮𑌾𑌯𑌾𑌤𑍀𑌤𑌾𑌯 𑌮𑌾𑌯𑌾𑌯 𑌮𑌹𑌾𑌵𑍀𑌰𑌾𑌯 𑌤𑍇 𑌨𑌮𑌃 ॥ 55 ॥

𑌮𑌹𑌾𑌤𑍇𑌜𑌾𑌯 𑌬𑍀𑌜𑌾𑌯 𑌤𑍇𑌜𑍋𑌧𑌾𑌮𑍍𑌨𑍇 𑌚 𑌬𑍀𑌜𑌿𑌨𑍇 ।
𑌤𑍇𑌜𑍋𑌮𑌯𑌨𑍃𑌸𑌿𑌂𑌹𑌾𑌯 𑌨𑌮𑌸𑍍𑌤𑍇 𑌚𑌿𑌤𑍍𑌰𑌭𑌾𑌨𑌵𑍇 ॥ 56 ॥

𑌮𑌹𑌾𑌦𑌂𑌷𑍍𑌟𑍍𑌰𑌾𑌯 𑌤𑍁𑌷𑍍𑌟𑌾𑌯 𑌨𑌮𑌃 𑌪𑍁𑌷𑍍𑌟𑌿𑌕𑌰𑌾𑌯 𑌚 ।
𑌶𑌿𑌪𑌿𑌵𑌿𑌷𑍍𑌟𑌾𑌯 𑌹𑍃𑌷𑍍𑌟𑌾𑌯 𑌪𑍁𑌷𑍍𑌟𑌾𑌯 𑌪𑌰𑌮𑍇𑌷𑍍𑌠𑌿𑌨𑍇 ॥ 5𑍭 ॥

𑌵𑌿𑌶𑌿𑌷𑍍𑌟𑌾𑌯 𑌚 𑌶𑌿𑌷𑍍𑌟𑌾𑌯 𑌗𑌰𑌿𑌷𑍍𑌠𑌾𑌯𑍇𑌷𑍍𑌟𑌦𑌾𑌯𑌿𑌨𑍇 ।
𑌨𑌮𑍋 𑌜𑍍𑌯𑍇𑌷𑍍𑌠𑌾𑌯 𑌶𑍍𑌰𑍇𑌷𑍍𑌠𑌾𑌯 𑌤𑍁𑌷𑍍𑌟𑌾𑌯𑌾𑌮𑌿𑌤𑌤𑍇𑌜𑌸𑍇 ॥ 5𑍮 ॥

𑌅𑌷𑍍𑌟𑌾𑌂𑌗𑌨𑍍𑌯𑌸𑍍𑌤𑌰𑍂𑌪𑌾𑌯 𑌸𑌰𑍍𑌵𑌦𑍁𑌷𑍍𑌟𑌾𑌂𑌤𑌕𑌾𑌯 𑌚 ।
𑌵𑍈𑌕𑍁𑌂𑌠𑌾𑌯 𑌵𑌿𑌕𑍁𑌂𑌠𑌾𑌯 𑌕𑍇𑌶𑌿𑌕𑌂𑌠𑌾𑌯 𑌤𑍇 𑌨𑌮𑌃 ॥ 5𑍯 ॥

𑌕𑌂𑌠𑍀𑌰𑌵𑌾𑌯 𑌲𑍁𑌂𑌠𑌾𑌯 𑌨𑌿𑌶𑍍𑌶𑌠𑌾𑌯 𑌹𑌠𑌾𑌯 𑌚 ।
𑌸𑌤𑍍𑌵𑍋𑌦𑍍𑌰𑌿𑌕𑍍𑌤𑌾𑌯 𑌰𑍁𑌦𑍍𑌰𑌾𑌯 𑌋𑌗𑍍𑌯𑌜𑍁𑌸𑍍𑌸𑌾𑌮𑌗𑌾𑌯 𑌚 ॥ 60 ॥

𑌋𑌤𑍁𑌧𑍍𑌵𑌜𑌾𑌯 𑌵𑌜𑍍𑌰𑌾𑌯 𑌮𑌂𑌤𑍍𑌰𑌰𑌾𑌜𑌾𑌯 𑌮𑌂𑌤𑍍𑌰𑌿𑌣𑍇 ।
𑌤𑍍𑌰𑌿𑌨𑍇𑌤𑍍𑌰𑌾𑌯 𑌤𑍍𑌰𑌿𑌵𑌰𑍍𑌗𑌾𑌯 𑌤𑍍𑌰𑌿𑌧𑌾𑌮𑍍𑌨𑍇 𑌚 𑌤𑍍𑌰𑌿𑌶𑍂𑌲𑌿𑌨𑍇 ॥ 61 ॥

𑌤𑍍𑌰𑌿𑌕𑌾𑌲𑌜𑍍𑌞𑌾𑌨𑌰𑍂𑌪𑌾𑌯 𑌤𑍍𑌰𑌿𑌦𑍇𑌹𑌾𑌯 𑌤𑍍𑌰𑌿𑌧𑌾𑌤𑍍𑌮𑌨𑍇 ।
𑌨𑌮𑌸𑍍𑌤𑍍𑌰𑌿𑌮𑍂𑌰𑍍𑌤𑌿𑌵𑌿𑌦𑍍𑌯𑌾𑌯 𑌤𑍍𑌰𑌿𑌤𑌤𑍍𑌤𑍍𑌵𑌜𑍍𑌞𑌾𑌨𑌿𑌨𑍇 𑌨𑌮𑌃 ॥ 62 ॥

𑌅𑌕𑍍𑌷𑍋𑌭𑍍𑌯𑌾𑌯𑌾𑌨𑌿𑌰𑍁𑌦𑍍𑌧𑌾𑌯 𑌅𑌪𑍍𑌰𑌮𑍇𑌯𑌾𑌯 𑌭𑌾𑌨𑌵𑍇 ।
𑌅𑌮𑍃𑌤𑌾𑌯 𑌅𑌨𑌂𑌤𑌾𑌯 𑌅𑌮𑌿𑌤𑌾𑌯𑌾𑌮𑌿𑌤𑍌𑌜𑌸𑍇 ॥ 63 ॥

𑌅𑌪𑌮𑍃𑌤𑍍𑌯𑍁𑌵𑌿𑌨𑌾𑌶𑌾𑌯 𑌅𑌪𑌸𑍍𑌮𑌾𑌰𑌵𑌿𑌘𑌾𑌤𑌿𑌨𑍇 ।
𑌅𑌨𑍍𑌨𑌦𑌾𑌯𑌾𑌨𑍍𑌨𑌰𑍂𑌪𑌾𑌯 𑌅𑌨𑍍𑌨𑌾𑌯𑌾𑌨𑍍𑌨𑌭𑍁𑌜𑍇 𑌨𑌮𑌃 ॥ 64 ॥

𑌨𑌾𑌦𑍍𑌯𑌾𑌯 𑌨𑌿𑌰𑌵𑌦𑍍𑌯𑌾𑌯 𑌵𑌿𑌦𑍍𑌯𑌾𑌯𑌾𑌦𑍍𑌭𑍁𑌤𑌕𑌰𑍍𑌮𑌣𑍇 ।
𑌸𑌦𑍍𑌯𑍋𑌜𑌾𑌤𑌾𑌯 𑌸𑌂𑌘𑌾𑌯 𑌵𑍈𑌦𑍍𑌯𑍁𑌤𑌾𑌯 𑌨𑌮𑍋 𑌨𑌮𑌃 ॥ 65 ॥

𑌅𑌧𑍍𑌵𑌾𑌤𑍀𑌤𑌾𑌯 𑌸𑌤𑍍𑌤𑍍𑌵𑌾𑌯 𑌵𑌾𑌗𑌤𑍀𑌤𑌾𑌯 𑌵𑌾𑌗𑍍𑌮𑌿𑌨𑍇 ।
𑌵𑌾𑌗𑍀𑌶𑍍𑌵𑌰𑌾𑌯 𑌗𑍋𑌪𑌾𑌯 𑌗𑍋𑌹𑌿𑌤𑌾𑌯 𑌗𑌵𑌾𑌂 𑌪𑌤𑍇 ॥ 66 ॥

𑌗𑌂𑌧𑌰𑍍𑌵𑌾𑌯 𑌗𑌭𑍀𑌰𑌾𑌯 𑌗𑌰𑍍𑌜𑌿𑌤𑌾𑌯𑍋𑌰𑍍𑌜𑌿𑌤𑌾𑌯 𑌚 ।
𑌪𑌰𑍍𑌜𑌨𑍍𑌯𑌾𑌯 𑌪𑍍𑌰𑌬𑍁𑌦𑍍𑌧𑌾𑌯 𑌪𑍍𑌰𑌧𑌾𑌨𑌪𑍁𑌰𑍁𑌷𑌾𑌯 𑌚 ॥ 6𑍭 ॥

𑌪𑌦𑍍𑌮𑌾𑌭𑌾𑌯 𑌸𑍁𑌨𑌾𑌭𑌾𑌯 𑌪𑌦𑍍𑌮𑌨𑌾𑌭𑌾𑌯 𑌮𑌾𑌨𑌿𑌨𑍇 ।
𑌪𑌦𑍍𑌮𑌨𑍇𑌤𑍍𑌰𑌾𑌯 𑌪𑌦𑍍𑌮𑌾𑌯 𑌪𑌦𑍍𑌮𑌾𑌯𑌾𑌃 𑌪𑌤𑌯𑍇 𑌨𑌮𑌃 ॥ 6𑍮 ॥

𑌪𑌦𑍍𑌮𑍋𑌦𑌰𑌾𑌯 𑌪𑍂𑌤𑌾𑌯 𑌪𑌦𑍍𑌮𑌕𑌲𑍍𑌪𑍋𑌦𑍍𑌭𑌵𑌾𑌯 𑌚 ।
𑌨𑌮𑍋 𑌹𑍃𑌤𑍍𑌪𑌦𑍍𑌮𑌵𑌾𑌸𑌾𑌯 𑌭𑍂𑌪𑌦𑍍𑌮𑍋𑌦𑍍𑌧𑌰𑌣𑌾𑌯 𑌚 ॥ 6𑍯 ॥

𑌶𑌬𑍍𑌦𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌾𑌯 𑌬𑍍𑌰𑌹𑍍𑌮𑌰𑍂𑌪𑌧𑌰𑌾𑌯 𑌚 ।
𑌬𑍍𑌰𑌹𑍍𑌮𑌣𑍇 𑌬𑍍𑌰𑌹𑍍𑌮𑌰𑍂𑌪𑌾𑌯 𑌪𑌦𑍍𑌮𑌨𑍇𑌤𑍍𑌰𑌾𑌯 𑌤𑍇 𑌨𑌮𑌃 ॥ 𑍭0 ॥

𑌬𑍍𑌰𑌹𑍍𑌮𑌦𑌾𑌯 𑌬𑍍𑌰𑌾𑌹𑍍𑌮𑌣𑌾𑌯 𑌬𑍍𑌰𑌹𑍍𑌮𑌬𑍍𑌰𑌹𑍍𑌮𑌾𑌤𑍍𑌮𑌨𑍇 𑌨𑌮𑌃 ।
𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌯 𑌦𑍇𑌵𑌾𑌯 𑌬𑍍𑌰𑌹𑍍𑌮𑌣𑍍𑌯𑌾𑌯 𑌤𑍍𑌰𑌿𑌵𑍇𑌦𑌿𑌨𑍇 ॥ 𑍭1 ॥

𑌪𑌰𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌾𑌯 𑌪𑌂𑌚𑌬𑍍𑌰𑌹𑍍𑌮𑌾𑌤𑍍𑌮𑌨𑍇 𑌨𑌮𑌃 ।
𑌨𑌮𑌸𑍍𑌤𑍇 𑌬𑍍𑌰𑌹𑍍𑌮𑌶𑌿𑌰𑌸𑍇 𑌤𑌥𑌾𑌽𑌶𑍍𑌵𑌶𑌿𑌰𑌸𑍇 𑌨𑌮𑌃 ॥ 𑍭2 ॥

𑌅𑌥𑌰𑍍𑌵𑌶𑌿𑌰𑌸𑍇 𑌨𑌿𑌤𑍍𑌯𑌮𑌶𑌨𑌿𑌪𑍍𑌰𑌮𑌿𑌤𑌾𑌯 𑌚 ।
𑌨𑌮𑌸𑍍𑌤𑍇 𑌤𑍀𑌕𑍍𑌷𑍍𑌣𑌦𑌂𑌷𑍍𑌟𑍍𑌰𑌾𑌯 𑌲𑍋𑌲𑌾𑌯 𑌲𑌲𑌿𑌤𑌾𑌯 𑌚 ॥ 𑍭3 ॥

𑌲𑌾𑌵𑌣𑍍𑌯𑌾𑌯 𑌲𑌵𑌿𑌤𑍍𑌰𑌾𑌯 𑌨𑌮𑌸𑍍𑌤𑍇 𑌭𑌾𑌸𑌕𑌾𑌯 𑌚 ।
𑌲𑌕𑍍𑌷𑌣𑌜𑍍𑌞𑌾𑌯 𑌲𑌕𑍍𑌷𑌾𑌯 𑌲𑌕𑍍𑌷𑌣𑌾𑌯 𑌨𑌮𑍋 𑌨𑌮𑌃 ॥ 𑍭4 ॥

𑌲𑌸𑌦𑍍𑌦𑍀𑌪𑍍𑌤𑌾𑌯 𑌲𑌿𑌪𑍍𑌤𑌾𑌯 𑌵𑌿𑌷𑍍𑌣𑌵𑍇 𑌪𑍍𑌰𑌭𑌵𑌿𑌷𑍍𑌣𑌵𑍇 ।
𑌵𑍃𑌷𑍍𑌣𑌿𑌮𑍂𑌲𑌾𑌯 𑌕𑍃𑌷𑍍𑌣𑌾𑌯 𑌶𑍍𑌰𑍀𑌮𑌹𑌾𑌵𑌿𑌷𑍍𑌣𑌵𑍇 𑌨𑌮𑌃 ॥ 𑍭5 ॥

𑌪𑌶𑍍𑌯𑌾𑌮𑌿 𑌤𑍍𑌵𑌾𑌂 𑌮𑌹𑌾𑌸𑌿𑌂𑌹𑌂 𑌹𑌾𑌰𑌿𑌣𑌂 𑌵𑌨𑌮𑌾𑌲𑌿𑌨𑌮𑍍 ।
𑌕𑌿𑌰𑍀𑌟𑌿𑌨𑌂 𑌕𑍁𑌂𑌡𑌲𑌿𑌨𑌂 𑌸𑌰𑍍𑌵𑌾𑌂𑌗𑌂 𑌸𑌰𑍍𑌵𑌤𑍋𑌮𑍁𑌖𑌮𑍍 ॥ 𑍭6 ॥

𑌸𑌰𑍍𑌵𑌤𑌃 𑌪𑌾𑌣𑌿𑌪𑌾𑌦𑍋𑌰𑌃 𑌸𑌰𑍍𑌵𑌤𑍋𑌽𑌕𑍍𑌷𑌿𑌶𑌿𑌰𑍋𑌮𑍁𑌖𑌮𑍍 ।
𑌸𑌰𑍍𑌵𑍇𑌶𑍍𑌵𑌰𑌂 𑌸𑌦𑌾𑌤𑍁𑌷𑍍𑌟𑌂 𑌸𑌮𑌰𑍍𑌥𑌂 𑌸𑌮𑌰𑌪𑍍𑌰𑌿𑌯𑌮𑍍 ॥ 𑍭𑍭 ॥

𑌬𑌹𑍁𑌯𑍋𑌜𑌨𑌵𑌿𑌸𑍍𑌤𑍀𑌰𑍍𑌣𑌂 𑌬𑌹𑍁𑌯𑍋𑌜𑌨𑌮𑌾𑌯𑌤𑌮𑍍 ।
𑌬𑌹𑍁𑌯𑍋𑌜𑌨𑌹𑌸𑍍𑌤𑌾𑌂𑌘𑍍𑌰𑌿𑌂 𑌬𑌹𑍁𑌯𑍋𑌜𑌨𑌨𑌾𑌸𑌿𑌕𑌮𑍍 ॥ 𑍭𑍮 ॥

𑌮𑌹𑌾𑌰𑍂𑌪𑌂 𑌮𑌹𑌾𑌵𑌕𑍍𑌤𑍍𑌰𑌂 𑌮𑌹𑌾𑌦𑌂𑌷𑍍𑌟𑍍𑌰𑌂 𑌮𑌹𑌾𑌭𑍁𑌜𑌮𑍍 ।
𑌮𑌹𑌾𑌨𑌾𑌦𑌂 𑌮𑌹𑌾𑌰𑍌𑌦𑍍𑌰𑌂 𑌮𑌹𑌾𑌕𑌾𑌯𑌂 𑌮𑌹𑌾𑌬𑌲𑌮𑍍 ॥ 𑍭𑍯 ॥

𑌆𑌨𑌾𑌭𑍇𑌰𑍍𑌬𑍍𑌰𑌹𑍍𑌮𑌣𑍋 𑌰𑍂𑌪𑌮𑌾𑌗𑌲𑌾𑌦𑍍𑌵𑍈𑌷𑍍𑌣𑌵𑌂 𑌤𑌥𑌾 ।
𑌆𑌶𑍀𑌰𑍍𑌷𑌾𑌦𑍍𑌰𑍁𑌦𑍍𑌰𑌮𑍀𑌶𑌾𑌨𑌂 𑌤𑌦𑌗𑍍𑌰𑍇 𑌸𑌰𑍍𑌵𑌤𑌃 𑌶𑌿𑌵𑌮𑍍 ॥ 𑍮0 ॥

𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌨𑌾𑌰𑌸𑌿𑌂𑌹
𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌵𑍀𑌰𑌸𑌿𑌂𑌹 ।
𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌕𑍍𑌰𑍂𑌰𑌸𑌿𑌂𑌹
𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌦𑌿𑌵𑍍𑌯𑌸𑌿𑌂𑌹 ॥ 𑍮1 ॥

𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌵𑍍𑌯𑌾𑌘𑍍𑌰𑌸𑌿𑌂𑌹
𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌪𑍁𑌚𑍍𑌛𑌸𑌿𑌂𑌹 ।
𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌪𑍂𑌰𑍍𑌣𑌸𑌿𑌂𑌹
𑌨𑌮𑍋𑌽𑌸𑍍𑌤𑍁 𑌨𑌾𑌰𑌾𑌯𑌣𑌰𑍌𑌦𑍍𑌰𑌸𑌿𑌂𑌹 ॥ 𑍮2 ॥

𑌨𑌮𑍋 𑌨𑌮𑍋 𑌭𑍀𑌷𑌣𑌭𑌦𑍍𑌰𑌸𑌿𑌂𑌹
𑌨𑌮𑍋 𑌨𑌮𑍋 𑌵𑌿𑌹𑍍𑌵𑌲𑌨𑍇𑌤𑍍𑌰𑌸𑌿𑌂𑌹 ।
𑌨𑌮𑍋 𑌨𑌮𑍋 𑌬𑍃𑌂𑌹𑌿𑌤𑌭𑍂𑌤𑌸𑌿𑌂𑌹
𑌨𑌮𑍋 𑌨𑌮𑍋 𑌨𑌿𑌰𑍍𑌮𑌲𑌚𑌿𑌤𑍍𑌰𑌸𑌿𑌂𑌹 ॥ 𑍮3 ॥

𑌨𑌮𑍋 𑌨𑌮𑍋 𑌨𑌿𑌰𑍍𑌜𑌿𑌤𑌕𑌾𑌲𑌸𑌿𑌂𑌹
𑌨𑌮𑍋 𑌨𑌮𑌃 𑌕𑌲𑍍𑌪𑌿𑌤𑌕𑌲𑍍𑌪𑌸𑌿𑌂𑌹 ।
𑌨𑌮𑍋 𑌨𑌮𑍋 𑌕𑌾𑌮𑌦𑌕𑌾𑌮𑌸𑌿𑌂𑌹
𑌨𑌮𑍋 𑌨𑌮𑌸𑍍𑌤𑍇 𑌭𑍁𑌵𑌨𑍈𑌕𑌸𑌿𑌂𑌹 ॥ 𑍮4 ॥

𑌦𑍍𑌯𑌾𑌵𑌾𑌪𑍃𑌥𑌿𑌵𑍍𑌯𑍋𑌰𑌿𑌦𑌮𑌂𑌤𑌰𑌂 𑌹𑌿
𑌵𑍍𑌯𑌾𑌪𑍍𑌤𑌂 𑌤𑍍𑌵𑌯𑍈𑌕𑍇𑌨 𑌦𑌿𑌶𑌶𑍍𑌚 𑌸𑌰𑍍𑌵𑌾𑌃 ।
𑌦𑍃𑌷𑍍𑌟𑍍𑌵𑌾𑌦𑍍𑌭𑍁𑌤𑌂 𑌰𑍂𑌪𑌮𑍁𑌗𑍍𑌰𑌂 𑌤𑌵𑍇𑌦𑌂
𑌲𑍋𑌕𑌤𑍍𑌰𑌯𑌂 𑌪𑍍𑌰𑌵𑍍𑌯𑌥𑌿𑌤𑌂 𑌮𑌹𑌾𑌤𑍍𑌮𑌨𑍍 ॥ 𑍮5 ॥

𑌅𑌮𑍀 𑌹𑌿𑌤𑍍𑌵𑌾 𑌸𑍁𑌰𑌸𑌂𑌘𑌾 𑌵𑌿𑌶𑌂𑌤𑌿
𑌕𑍇𑌚𑌿𑌦𑍍𑌭𑍀𑌤𑌾𑌃 𑌪𑍍𑌰𑌾𑌂𑌜𑌲𑌯𑍋 𑌗𑍃𑌣𑌂𑌤𑌿 ।
𑌸𑍍𑌵𑌸𑍍𑌤𑍀𑌤𑍍𑌯𑍁𑌕𑍍𑌤𑍍𑌵𑌾 𑌮𑍁𑌨𑌯𑌃 𑌸𑌿𑌦𑍍𑌧𑌸𑌂𑌘𑌾𑌃
𑌸𑍍𑌤𑍁𑌵𑌂𑌤𑌿 𑌤𑍍𑌵𑌾𑌂 𑌸𑍍𑌤𑍁𑌤𑌿𑌭𑌿𑌃 𑌪𑍁𑌷𑍍𑌕𑌲𑌾𑌭𑌿𑌃 ॥ 𑍮6 ॥

𑌰𑍁𑌦𑍍𑌰𑌾𑌦𑌿𑌤𑍍𑌯𑌾𑌵𑌸𑌵𑍋 𑌯𑍇 𑌚 𑌸𑌾𑌧𑍍𑌯𑌾
𑌵𑌿𑌶𑍍𑌵𑍇𑌦𑍇𑌵𑌾 𑌮𑌰𑍁𑌤𑌶𑍍𑌚𑍋𑌷𑍍𑌮𑌪𑌾𑌶𑍍𑌚 ।
𑌗𑌂𑌧𑌰𑍍𑌵𑌯𑌕𑍍𑌷𑌾𑌸𑍁𑌰𑌸𑌿𑌦𑍍𑌧𑌸𑌂𑌘𑌾
𑌵𑍀𑌕𑍍𑌷𑌂𑌤𑌿 𑌤𑍍𑌵𑌾𑌂 𑌵𑌿𑌸𑍍𑌮𑌿𑌤𑌾𑌶𑍍𑌚𑍈𑌵 𑌸𑌰𑍍𑌵𑍇 ॥ 𑍮𑍭 ॥

𑌲𑍇𑌲𑌿𑌹𑍍𑌯𑌸𑍇 𑌗𑍍𑌰𑌸𑌮𑌾𑌨𑌃 𑌸𑌮𑌂𑌤𑌾-
-𑌲𑍍𑌲𑍋𑌕𑌾𑌨𑍍 𑌸𑌮𑌗𑍍𑌰𑌾𑌨𑍍𑌵𑌦𑌨𑍈𑌰𑍍𑌜𑍍𑌵𑌲𑌦𑍍𑌭𑌿𑌃 ।
𑌤𑍇𑌜𑍋𑌭𑌿𑌰𑌾𑌪𑍂𑌰𑍍𑌯 𑌜𑌗𑌤𑍍𑌸𑌮𑌗𑍍𑌰𑌂
𑌭𑌾𑌸𑌸𑍍𑌤𑌵𑍋𑌗𑍍𑌰𑌾𑌃 𑌪𑍍𑌰𑌤𑌪𑌂𑌤𑌿 𑌵𑌿𑌷𑍍𑌣𑍋 ॥ 𑍮𑍮 ॥

𑌭𑌵𑌿𑌷𑍍𑌣𑍁𑌸𑍍𑌤𑍍𑌵𑌂 𑌸𑌹𑌿𑌷𑍍𑌣𑍁𑌸𑍍𑌤𑍍𑌵𑌂 𑌭𑍍𑌰𑌾𑌜𑌿𑌷𑍍𑌣𑍁𑌰𑍍𑌜𑌿𑌷𑍍𑌣𑍁𑌰𑍇𑌵 𑌚 ।
𑌪𑍃𑌥𑌿𑌵𑍀𑌮𑌂𑌤𑌰𑌿𑌕𑍍𑌷𑌂 𑌤𑍍𑌵𑌂 𑌪𑌰𑍍𑌵𑌤𑌾𑌰𑌣𑍍𑌯𑌮𑍇𑌵 𑌚 ॥ 𑍮𑍯 ॥

𑌕𑌲𑌾𑌕𑌾𑌷𑍍𑌠𑌾𑌵𑌿𑌲𑌿𑌪𑍍𑌤𑌸𑍍𑌤𑍍𑌵𑌂 𑌮𑍁𑌹𑍂𑌰𑍍𑌤𑌪𑍍𑌰𑌹𑌰𑌾𑌦𑌿𑌕𑌮𑍍 ।
𑌅𑌹𑍋𑌰𑌾𑌤𑍍𑌰𑌂 𑌤𑍍𑌰𑌿𑌸𑌂𑌧𑍍𑌯𑌾 𑌚 𑌪𑌕𑍍𑌷𑌮𑌾𑌸𑌰𑍍𑌤𑍁𑌵𑌤𑍍𑌸𑌰𑌾𑌃 ॥ 𑍯0 ॥

𑌯𑍁𑌗𑌾𑌦𑌿𑌰𑍍𑌯𑍁𑌗𑌭𑍇𑌦𑌸𑍍𑌤𑍍𑌵𑌂 𑌸𑌂𑌯𑍁𑌗𑍋 𑌯𑍁𑌗𑌸𑌂𑌧𑌯𑌃 ।
𑌨𑌿𑌤𑍍𑌯𑌂 𑌨𑍈𑌮𑌿𑌤𑍍𑌤𑌿𑌕𑌂 𑌦𑍈𑌨𑌂 𑌮𑌹𑌾𑌪𑍍𑌰𑌲𑌯𑌮𑍇𑌵 𑌚 ॥ 𑍯1 ॥

𑌕𑌰𑌣𑌂 𑌕𑌾𑌰𑌣𑌂 𑌕𑌰𑍍𑌤𑌾 𑌭𑌰𑍍𑌤𑌾 𑌹𑌰𑍍𑌤𑌾 𑌤𑍍𑌵𑌮𑍀𑌶𑍍𑌵𑌰𑌃 ।
𑌸𑌤𑍍𑌕𑌰𑍍𑌤𑌾 𑌸𑌤𑍍𑌕𑍃𑌤𑌿𑌰𑍍𑌗𑍋𑌪𑍍𑌤𑌾 𑌸𑌚𑍍𑌚𑌿𑌦𑌾𑌨𑌂𑌦𑌵𑌿𑌗𑍍𑌰𑌹𑌃 ॥ 𑍯2 ॥

𑌪𑍍𑌰𑌾𑌣𑌸𑍍𑌤𑍍𑌵𑌂 𑌪𑍍𑌰𑌾𑌣𑌿𑌨𑌾𑌂 𑌪𑍍𑌰𑌤𑍍𑌯𑌗𑌾𑌤𑍍𑌮𑌾 𑌤𑍍𑌵𑌂 𑌸𑌰𑍍𑌵𑌦𑍇𑌹𑌿𑌨𑌾𑌮𑍍 ।
𑌸𑍁𑌜𑍍𑌯𑍋𑌤𑌿𑌸𑍍𑌤𑍍𑌵𑌂 𑌪𑌰𑌂𑌜𑍍𑌯𑍋𑌤𑌿𑌰𑌾𑌤𑍍𑌮𑌜𑍍𑌯𑍋𑌤𑌿𑌃 𑌸𑌨𑌾𑌤𑌨𑌃 ॥ 𑍯3 ॥

𑌜𑍍𑌯𑍋𑌤𑌿𑌰𑍍𑌲𑍋𑌕𑌸𑍍𑌵𑌰𑍂𑌪𑌸𑍍𑌤𑍍𑌵𑌂 𑌜𑍍𑌞𑍋 𑌜𑍍𑌯𑍋𑌤𑌿𑌰𑍍𑌜𑍍𑌯𑍋𑌤𑌿𑌷𑌾𑌂 𑌪𑌤𑌿𑌃 । [𑌜𑍍𑌯𑍋𑌤𑌿𑌰𑍍𑌜𑍍𑌞𑍋]
𑌸𑍍𑌵𑌾𑌹𑌾𑌕𑌾𑌰𑌃 𑌸𑍍𑌵𑌧𑌾𑌕𑌾𑌰𑍋 𑌵𑌷𑌟𑍍𑌕𑌾𑌰𑌃 𑌕𑍃𑌪𑌾𑌕𑌰𑌃 ॥ 𑍯4 ॥

𑌹𑌂𑌤𑌕𑌾𑌰𑍋 𑌨𑌿𑌰𑌾𑌕𑌾𑌰𑍋 𑌵𑍇𑌗𑌾𑌕𑌾𑌰𑌶𑍍𑌚 𑌶𑌂𑌕𑌰𑌃 ।
𑌅𑌕𑌾𑌰𑌾𑌦𑌿𑌹𑌕𑌾𑌰𑌾𑌂𑌤 𑌓𑌂𑌕𑌾𑌰𑍋 𑌲𑍋𑌕𑌕𑌾𑌰𑌕𑌃 ॥ 𑍯5 ॥

𑌏𑌕𑌾𑌤𑍍𑌮𑌾 𑌤𑍍𑌵𑌮𑌨𑍇𑌕𑌾𑌤𑍍𑌮𑌾 𑌚𑌤𑍁𑌰𑌾𑌤𑍍𑌮𑌾 𑌚𑌤𑍁𑌰𑍍𑌭𑍁𑌜𑌃 ।
𑌚𑌤𑍁𑌰𑍍𑌮𑍂𑌰𑍍𑌤𑌿𑌶𑍍𑌚𑌤𑍁𑌰𑍍𑌦𑌂𑌷𑍍𑌟𑍍𑌰𑌶𑍍𑌚𑌤𑍁𑌰𑍍𑌵𑍇𑌦𑌮𑌯𑍋𑌤𑍍𑌤𑌮𑌃 ॥ 𑍯6 ॥

𑌲𑍋𑌕𑌪𑍍𑌰𑌿𑌯𑍋 𑌲𑍋𑌕𑌗𑍁𑌰𑍁𑌰𑍍𑌲𑍋𑌕𑍇𑌶𑍋 𑌲𑍋𑌕𑌨𑌾𑌯𑌕𑌃 ।
𑌲𑍋𑌕𑌸𑌾𑌕𑍍𑌷𑍀 𑌲𑍋𑌕𑌪𑌤𑌿𑌰𑍍𑌲𑍋𑌕𑌾𑌤𑍍𑌮𑌾 𑌲𑍋𑌕𑌲𑍋𑌚𑌨𑌃 ॥ 𑍯𑍭 ॥

𑌲𑍋𑌕𑌾𑌧𑌾𑌰𑍋 𑌬𑍃𑌹𑌲𑍍𑌲𑍋𑌕𑍋 𑌲𑍋𑌕𑌾𑌲𑍋𑌕𑌮𑌯𑍋 𑌵𑌿𑌭𑍁𑌃 ।
𑌲𑍋𑌕𑌕𑌰𑍍𑌤𑌾 𑌵𑌿𑌶𑍍𑌵𑌕𑌰𑍍𑌤𑌾 𑌕𑍃𑌤𑌾𑌵𑌰𑍍𑌤𑌃 𑌕𑍃𑌤𑌾𑌗𑌮𑌃 ॥ 𑍯𑍮 ॥

𑌅𑌨𑌾𑌦𑌿𑌸𑍍𑌤𑍍𑌵𑌮𑌨𑌂𑌤𑌸𑍍𑌤𑍍𑌵𑌮𑌭𑍂𑌤𑍋 𑌭𑍂𑌤𑌵𑌿𑌗𑍍𑌰𑌹𑌃 ।
𑌸𑍍𑌤𑍁𑌤𑌿𑌃 𑌸𑍍𑌤𑍁𑌤𑍍𑌯𑌃 𑌸𑍍𑌤𑌵𑌪𑍍𑌰𑍀𑌤𑌃 𑌸𑍍𑌤𑍋𑌤𑌾 𑌨𑍇𑌤𑌾 𑌨𑌿𑌯𑌾𑌮𑌕𑌃 ॥ 𑍯𑍯 ॥

𑌤𑍍𑌵𑌂 𑌗𑌤𑌿𑌸𑍍𑌤𑍍𑌵𑌂 𑌮𑌤𑌿𑌰𑍍𑌮𑌹𑍍𑌯𑌂 𑌪𑌿𑌤𑌾 𑌮𑌾𑌤𑌾 𑌗𑍁𑌰𑍁𑌃 𑌸𑌖𑌾 ।
𑌸𑍁𑌹𑍃𑌦𑌶𑍍𑌚𑌾𑌤𑍍𑌮𑌰𑍂𑌪𑌸𑍍𑌤𑍍𑌵𑌂 𑌤𑍍𑌵𑌾𑌂 𑌵𑌿𑌨𑌾 𑌨𑌾𑌸𑍍𑌤𑌿 𑌮𑍇 𑌗𑌤𑌿𑌃 ॥ 100 ॥

𑌨𑌮𑌸𑍍𑌤𑍇 𑌮𑌂𑌤𑍍𑌰𑌰𑍂𑌪𑌾𑌯 𑌅𑌸𑍍𑌤𑍍𑌰𑌰𑍂𑌪𑌾𑌯 𑌤𑍇 𑌨𑌮𑌃 ।
𑌬𑌹𑍁𑌰𑍂𑌪𑌾𑌯 𑌰𑍂𑌪𑌾𑌯 𑌪𑌂𑌚𑌰𑍂𑌪𑌧𑌰𑌾𑌯 𑌚 ॥ 101 ॥

𑌭𑌦𑍍𑌰𑌰𑍂𑌪𑌾𑌯 𑌰𑍂𑌢𑌾𑌯 𑌯𑍋𑌗𑌰𑍂𑌪𑌾𑌯 𑌯𑍋𑌗𑌿𑌨𑍇 ।
𑌸𑌮𑌰𑍂𑌪𑌾𑌯 𑌯𑍋𑌗𑌾𑌯 𑌯𑍋𑌗𑌪𑍀𑌠𑌸𑍍𑌥𑌿𑌤𑌾𑌯 𑌚 ॥ 102 ॥

𑌯𑍋𑌗𑌗𑌮𑍍𑌯𑌾𑌯 𑌸𑍌𑌮𑍍𑌯𑌾𑌯 𑌧𑍍𑌯𑌾𑌨𑌗𑌮𑍍𑌯𑌾𑌯 𑌧𑍍𑌯𑌾𑌯𑌿𑌨𑍇 ।
𑌧𑍍𑌯𑍇𑌯𑌗𑌮𑍍𑌯𑌾𑌯 𑌧𑌾𑌮𑍍𑌨𑍇 𑌚 𑌧𑌾𑌮𑌾𑌧𑌿𑌪𑌤𑌯𑍇 𑌨𑌮𑌃 ॥ 103 ॥

𑌧𑌰𑌾𑌧𑌰𑌾𑌯 𑌧𑌰𑍍𑌮𑌾𑌯 𑌧𑌾𑌰𑌣𑌾𑌭𑌿𑌰𑌤𑌾𑌯 𑌚 ।
𑌨𑌮𑍋 𑌧𑌾𑌤𑍍𑌰𑍇 𑌚 𑌸𑌂𑌧𑌾𑌤𑍍𑌰𑍇 𑌵𑌿𑌧𑌾𑌤𑍍𑌰𑍇 𑌚 𑌧𑌰𑌾𑌯 𑌚 ॥ 104 ॥

𑌦𑌾𑌮𑍋𑌦𑌰𑌾𑌯 𑌦𑌾𑌂𑌤𑌾𑌯 𑌦𑌾𑌨𑌵𑌾𑌂𑌤𑌕𑌰𑌾𑌯 𑌚 ।
𑌨𑌮𑌃 𑌸𑌂𑌸𑌾𑌰𑌵𑍈𑌦𑍍𑌯𑌾𑌯 𑌭𑍇𑌷𑌜𑌾𑌯 𑌨𑌮𑍋 𑌨𑌮𑌃 ॥ 105 ॥

𑌸𑍀𑌰𑌧𑍍𑌵𑌜𑌾𑌯 𑌶𑍀𑌤𑌾𑌯 𑌵𑌾𑌤𑌾𑌯𑌾𑌪𑍍𑌰𑌮𑌿𑌤𑌾𑌯 𑌚 ।
𑌸𑌾𑌰𑌸𑍍𑌵𑌤𑌾𑌯 𑌸𑌂𑌸𑌾𑌰𑌨𑌾𑌶𑌨𑌾𑌯𑌾𑌕𑍍𑌷𑌮𑌾𑌲𑌿𑌨𑍇 ॥ 106 ॥

𑌅𑌸𑌿𑌚𑌰𑍍𑌮𑌧𑌰𑌾𑌯𑍈𑌵 𑌷𑌟𑍍𑌕𑌰𑍍𑌮𑌨𑌿𑌰𑌤𑌾𑌯 𑌚 ।
𑌵𑌿𑌕𑌰𑍍𑌮𑌾𑌯 𑌸𑍁𑌕𑌰𑍍𑌮𑌾𑌯 𑌪𑌰𑌕𑌰𑍍𑌮𑌵𑌿𑌧𑌾𑌯𑌿𑌨𑍇 ॥ 10𑍭 ॥

𑌸𑍁𑌶𑌰𑍍𑌮𑌣𑍇 𑌮𑌨𑍍𑌮𑌥𑌾𑌯 𑌨𑌮𑍋 𑌵𑌰𑍍𑌮𑌾𑌯 𑌵𑌰𑍍𑌮𑌿𑌣𑍇 ।
𑌕𑌰𑌿𑌚𑌰𑍍𑌮𑌵𑌸𑌾𑌨𑌾𑌯 𑌕𑌰𑌾𑌲𑌵𑌦𑌨𑌾𑌯 𑌚 ॥ 10𑍮 ॥

𑌕𑌵𑌯𑍇 𑌪𑌦𑍍𑌮𑌗𑌰𑍍𑌭𑌾𑌯 𑌭𑍂𑌤𑌗𑌰𑍍𑌭 𑌘𑍃𑌣𑌾𑌨𑌿𑌧𑍇 ।
𑌬𑍍𑌰𑌹𑍍𑌮𑌗𑌰𑍍𑌭𑌾𑌯 𑌗𑌰𑍍𑌭𑌾𑌯 𑌬𑍃𑌹𑌦𑍍𑌗𑌰𑍍𑌭𑌾𑌯 𑌧𑍂𑌰𑍍𑌜𑌟𑍇 ॥ 10𑍯 ॥

𑌨𑌮𑌸𑍍𑌤𑍇 𑌵𑌿𑌶𑍍𑌵𑌗𑌰𑍍𑌭𑌾𑌯 𑌶𑍍𑌰𑍀𑌗𑌰𑍍𑌭𑌾𑌯 𑌜𑌿𑌤𑌾𑌰𑌯𑍇 ।
𑌨𑌮𑍋 𑌹𑌿𑌰𑌣𑍍𑌯𑌗𑌰𑍍𑌭𑌾𑌯 𑌹𑌿𑌰𑌣𑍍𑌯𑌕𑌵𑌚𑌾𑌯 𑌚 ॥ 110 ॥

𑌹𑌿𑌰𑌣𑍍𑌯𑌵𑌰𑍍𑌣𑌦𑍇𑌹𑌾𑌯 𑌹𑌿𑌰𑌣𑍍𑌯𑌾𑌕𑍍𑌷𑌵𑌿𑌨𑌾𑌶𑌿𑌨𑍇 ।
𑌹𑌿𑌰𑌣𑍍𑌯𑌕𑌶𑌿𑌪𑍋𑌰𑍍𑌹𑌂𑌤𑍍𑌰𑍇 𑌹𑌿𑌰𑌣𑍍𑌯𑌨𑌯𑌨𑌾𑌯 𑌚 ॥ 111 ॥

𑌹𑌿𑌰𑌣𑍍𑌯𑌰𑍇𑌤𑌸𑍇 𑌤𑍁𑌭𑍍𑌯𑌂 𑌹𑌿𑌰𑌣𑍍𑌯𑌵𑌦𑌨𑌾𑌯 𑌚 ।
𑌨𑌮𑍋 𑌹𑌿𑌰𑌣𑍍𑌯𑌶𑍃𑌂𑌗𑌾𑌯 𑌨𑌿𑌃𑌶𑍃𑌂𑌗𑌾𑌯 𑌚 𑌶𑍃𑌂𑌗𑌿𑌣𑍇 ॥ 112 ॥

𑌭𑍈𑌰𑌵𑌾𑌯 𑌸𑍁𑌕𑍇𑌶𑌾𑌯 𑌭𑍀𑌷𑌣𑌾𑌯𑌾𑌂𑌤𑍍𑌰𑌮𑌾𑌲𑌿𑌨𑍇 ।
𑌚𑌂𑌡𑌾𑌯 𑌰𑍁𑌂𑌡𑌮𑌾𑌲𑌾𑌯 𑌨𑌮𑍋 𑌦𑌂𑌡𑌧𑌰𑌾𑌯 𑌚 ॥ 113 ॥

𑌅𑌖𑌂𑌡𑌤𑌤𑍍𑌤𑍍𑌵𑌰𑍂𑌪𑌾𑌯 𑌕𑌮𑌂𑌡𑌲𑍁𑌧𑌰𑌾𑌯 𑌚 ।
𑌨𑌮𑌸𑍍𑌤𑍇 𑌖𑌂𑌡𑌸𑌿𑌂𑌹𑌾𑌯 𑌸𑌤𑍍𑌯𑌸𑌿𑌂𑌹𑌾𑌯 𑌤𑍇 𑌨𑌮𑌃 ॥ 114 ॥

𑌨𑌮𑌸𑍍𑌤𑍇 𑌶𑍍𑌵𑍇𑌤𑌸𑌿𑌂𑌹𑌾𑌯 𑌪𑍀𑌤𑌸𑌿𑌂𑌹𑌾𑌯 𑌤𑍇 𑌨𑌮𑌃 ।
𑌨𑍀𑌲𑌸𑌿𑌂𑌹𑌾𑌯 𑌨𑍀𑌲𑌾𑌯 𑌰𑌕𑍍𑌤𑌸𑌿𑌂𑌹𑌾𑌯 𑌤𑍇 𑌨𑌮𑌃 ॥ 115 ॥

𑌨𑌮𑍋 𑌹𑌾𑌰𑌿𑌦𑍍𑌰𑌸𑌿𑌂𑌹𑌾𑌯 𑌧𑍂𑌮𑍍𑌰𑌸𑌿𑌂𑌹𑌾𑌯 𑌤𑍇 𑌨𑌮𑌃 ।
𑌮𑍂𑌲𑌸𑌿𑌂𑌹𑌾𑌯 𑌮𑍂𑌲𑌾𑌯 𑌬𑍃𑌹𑌤𑍍𑌸𑌿𑌂𑌹𑌾𑌯 𑌤𑍇 𑌨𑌮𑌃 ॥ 116 ॥

𑌪𑌾𑌤𑌾𑌲𑌸𑍍𑌥𑌿𑌤𑌸𑌿𑌂𑌹𑌾𑌯 𑌨𑌮𑌃 𑌪𑌰𑍍𑌵𑌤𑌵𑌾𑌸𑌿𑌨𑍇 ।
𑌨𑌮𑍋 𑌜𑌲𑌸𑍍𑌥𑌸𑌿𑌂𑌹𑌾𑌯 𑌅𑌂𑌤𑌰𑌿𑌕𑍍𑌷𑌸𑍍𑌥𑌿𑌤𑌾𑌯 𑌚 ॥ 11𑍭 ॥

𑌕𑌾𑌲𑌾𑌗𑍍𑌨𑌿𑌰𑍁𑌦𑍍𑌰𑌸𑌿𑌂𑌹𑌾𑌯 𑌚𑌂𑌡𑌸𑌿𑌂𑌹𑌾𑌯 𑌤𑍇 𑌨𑌮𑌃 ।
𑌅𑌨𑌂𑌤𑌸𑌿𑌂𑌹𑌸𑌿𑌂𑌹𑌾𑌯 𑌅𑌨𑌂𑌤𑌗𑌤𑌯𑍇 𑌨𑌮𑌃 ॥ 11𑍮 ॥

𑌨𑌮𑍋 𑌵𑌿𑌚𑌿𑌤𑍍𑌰𑌸𑌿𑌂𑌹𑌾𑌯 𑌬𑌹𑍁𑌸𑌿𑌂𑌹𑌸𑍍𑌵𑌰𑍂𑌪𑌿𑌣𑍇 ।
𑌅𑌭𑌯𑌂𑌕𑌰𑌸𑌿𑌂𑌹𑌾𑌯 𑌨𑌰𑌸𑌿𑌂𑌹𑌾𑌯 𑌤𑍇 𑌨𑌮𑌃 ॥ 11𑍯 ॥

𑌨𑌮𑍋𑌽𑌸𑍍𑌤𑍁 𑌸𑌿𑌂𑌹𑌰𑌾𑌜𑌾𑌯 𑌨𑌾𑌰𑌸𑌿𑌂𑌹𑌾𑌯 𑌤𑍇 𑌨𑌮𑌃 ।
𑌸𑌪𑍍𑌤𑌾𑌬𑍍𑌧𑌿𑌮𑍇𑌖𑌲𑌾𑌯𑍈𑌵 𑌸𑌤𑍍𑌯𑌸𑌤𑍍𑌯𑌸𑍍𑌵𑌰𑍂𑌪𑌿𑌣𑍇 ॥ 120 ॥

𑌸𑌪𑍍𑌤𑌲𑍋𑌕𑌾𑌂𑌤𑌰𑌸𑍍𑌥𑌾𑌯 𑌸𑌪𑍍𑌤𑌸𑍍𑌵𑌰𑌮𑌯𑌾𑌯 𑌚 ।
𑌸𑌪𑍍𑌤𑌾𑌰𑍍𑌚𑍀𑌰𑍂𑌪𑌦𑌂𑌷𑍍𑌟𑍍𑌰𑌾𑌯 𑌸𑌪𑍍𑌤𑌾𑌶𑍍𑌵𑌰𑌥𑌰𑍂𑌪𑌿𑌣𑍇 ॥ 121 ॥

𑌸𑌪𑍍𑌤𑌵𑌾𑌯𑍁𑌸𑍍𑌵𑌰𑍂𑌪𑌾𑌯 𑌸𑌪𑍍𑌤𑌚𑍍𑌛𑌂𑌦𑍋𑌮𑌯𑌾𑌯 𑌚 ।
𑌸𑍍𑌵𑌚𑍍𑌛𑌾𑌯 𑌸𑍍𑌵𑌚𑍍𑌛𑌰𑍂𑌪𑌾𑌯 𑌸𑍍𑌵𑌚𑍍𑌛𑌂𑌦𑌾𑌯 𑌚 𑌤𑍇 𑌨𑌮𑌃 ॥ 122 ॥

𑌶𑍍𑌰𑍀𑌵𑌤𑍍𑌸𑌾𑌯 𑌸𑍁𑌵𑍇𑌷𑌾𑌯 𑌶𑍍𑌰𑍁𑌤𑌯𑍇 𑌶𑍍𑌰𑍁𑌤𑌿𑌮𑍂𑌰𑍍𑌤𑌯𑍇 ।
𑌶𑍁𑌚𑌿𑌶𑍍𑌰𑌵𑌾𑌯 𑌶𑍂𑌰𑌾𑌯 𑌸𑍁𑌪𑍍𑌰𑌭𑌾𑌯 𑌸𑍁𑌧𑌨𑍍𑌵𑌿𑌨𑍇 ॥ 123 ॥

𑌶𑍁𑌭𑍍𑌰𑌾𑌯 𑌸𑍁𑌰𑌨𑌾𑌥𑌾𑌯 𑌸𑍁𑌪𑍍𑌰𑌭𑌾𑌯 𑌶𑍁𑌭𑌾𑌯 𑌚 ।
𑌸𑍁𑌦𑌰𑍍𑌶𑌨𑌾𑌯 𑌸𑍂𑌕𑍍𑌷𑍍𑌮𑌾𑌯 𑌨𑌿𑌰𑍁𑌕𑍍𑌤𑌾𑌯 𑌨𑌮𑍋 𑌨𑌮𑌃 ॥ 124 ॥

𑌸𑍁𑌪𑍍𑌰𑌭𑌾𑌯 𑌸𑍍𑌵𑌭𑌾𑌵𑌾𑌯 𑌭𑌵𑌾𑌯 𑌵𑌿𑌭𑌵𑌾𑌯 𑌚 ।
𑌸𑍁𑌶𑌾𑌖𑌾𑌯 𑌵𑌿𑌶𑌾𑌖𑌾𑌯 𑌸𑍁𑌮𑍁𑌖𑌾𑌯 𑌮𑍁𑌖𑌾𑌯 𑌚 ॥ 125 ॥

𑌸𑍁𑌨𑌖𑌾𑌯 𑌸𑍁𑌦𑌂𑌷𑍍𑌟𑍍𑌰𑌾𑌯 𑌸𑍁𑌰𑌥𑌾𑌯 𑌸𑍁𑌧𑌾𑌯 𑌚 ।
𑌸𑌾𑌂𑌖𑍍𑌯𑌾𑌯 𑌸𑍁𑌰𑌮𑍁𑌖𑍍𑌯𑌾𑌯 𑌪𑍍𑌰𑌖𑍍𑌯𑌾𑌤𑌾𑌯 𑌪𑍍𑌰𑌭𑌾𑌯 𑌚 ॥ 126 ॥

𑌨𑌮𑌃 𑌖𑌟𑍍𑌵𑌾𑌂𑌗𑌹𑌸𑍍𑌤𑌾𑌯 𑌖𑍇𑌟𑌮𑍁𑌦𑍍𑌗𑌰𑌪𑌾𑌣𑌯𑍇 ।
𑌖𑌗𑍇𑌂𑌦𑍍𑌰𑌾𑌯 𑌮𑍃𑌗𑍇𑌂𑌦𑍍𑌰𑌾𑌯 𑌨𑌾𑌗𑍇𑌂𑌦𑍍𑌰𑌾𑌯 𑌦𑍃𑌢𑌾𑌯 𑌚 ॥ 12𑍭 ॥

𑌨𑌾𑌗𑌕𑍇𑌯𑍂𑌰𑌹𑌾𑌰𑌾𑌯 𑌨𑌾𑌗𑍇𑌂𑌦𑍍𑌰𑌾𑌯𑌾𑌘𑌮𑌰𑍍𑌦𑌿𑌨𑍇 ।
𑌨𑌦𑍀𑌵𑌾𑌸𑌾𑌯 𑌨𑌗𑍍𑌨𑌾𑌯 𑌨𑌾𑌨𑌾𑌰𑍂𑌪𑌧𑌰𑌾𑌯 𑌚 ॥ 12𑍮 ॥

𑌨𑌾𑌗𑍇𑌶𑍍𑌵𑌰𑌾𑌯 𑌨𑌾𑌗𑌾𑌯 𑌨𑌮𑌿𑌤𑌾𑌯 𑌨𑌰𑌾𑌯 𑌚 ।
𑌨𑌾𑌗𑌾𑌂𑌤𑌕𑌰𑌥𑌾𑌯𑍈𑌵 𑌨𑌰𑌨𑌾𑌰𑌾𑌯𑌣𑌾𑌯 𑌚 ॥ 12𑍯 ॥

𑌨𑌮𑍋 𑌮𑌤𑍍𑌸𑍍𑌯𑌸𑍍𑌵𑌰𑍂𑌪𑌾𑌯 𑌕𑌚𑍍𑌛𑌪𑌾𑌯 𑌨𑌮𑍋 𑌨𑌮𑌃 ।
𑌨𑌮𑍋 𑌯𑌜𑍍𑌞𑌵𑌰𑌾𑌹𑌾𑌯 𑌨𑌰𑌸𑌿𑌂𑌹𑌾𑌯 𑌤𑍇 𑌨𑌮𑌃 ॥ 130 ॥

𑌵𑌿𑌕𑍍𑌰𑌮𑌾𑌕𑍍𑌰𑌾𑌂𑌤𑌲𑍋𑌕𑌾𑌯 𑌵𑌾𑌮𑌨𑌾𑌯 𑌮𑌹𑍌𑌜𑌸𑍇 ।
𑌨𑌮𑍋 𑌭𑌾𑌰𑍍𑌗𑌵𑌰𑌾𑌮𑌾𑌯 𑌰𑌾𑌵𑌣𑌾𑌂𑌤𑌕𑌰𑌾𑌯 𑌚 ॥ 131 ॥

𑌨𑌮𑌸𑍍𑌤𑍇 𑌬𑌲𑌰𑌾𑌮𑌾𑌯 𑌕𑌂𑌸𑌪𑍍𑌰𑌧𑍍𑌵𑌂𑌸𑌕𑌾𑌰𑌿𑌣𑍇 ।
𑌬𑍁𑌦𑍍𑌧𑌾𑌯 𑌬𑍁𑌦𑍍𑌧𑌰𑍂𑌪𑌾𑌯 𑌤𑍀𑌕𑍍𑌷𑍍𑌣𑌰𑍂𑌪𑌾𑌯 𑌕𑌲𑍍𑌕𑌿𑌨𑍇 ॥ 132 ॥

𑌆𑌤𑍍𑌰𑍇𑌯𑌾𑌯𑌾𑌗𑍍𑌨𑌿𑌨𑍇𑌤𑍍𑌰𑌾𑌯 𑌕𑌪𑌿𑌲𑌾𑌯 𑌦𑍍𑌵𑌿𑌜𑌾𑌯 𑌚 ।
𑌕𑍍𑌷𑍇𑌤𑍍𑌰𑌾𑌯 𑌪𑌶𑍁𑌪𑌾𑌲𑌾𑌯 𑌪𑌶𑍁𑌵𑌕𑍍𑌤𑍍𑌰𑌾𑌯 𑌤𑍇 𑌨𑌮𑌃 ॥ 133 ॥

𑌗𑍃𑌹𑌸𑍍𑌥𑌾𑌯 𑌵𑌨𑌸𑍍𑌥𑌾𑌯 𑌯𑌤𑌯𑍇 𑌬𑍍𑌰𑌹𑍍𑌮𑌚𑌾𑌰𑌿𑌣𑍇 ।
𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌦𑌾𑌤𑍍𑌰𑍇 𑌚 𑌤𑌦𑍍𑌭𑍋𑌕𑍍𑌤𑍍𑌰𑍇 𑌚 𑌮𑍁𑌮𑍁𑌕𑍍𑌷𑌵𑍇 ॥ 134 ॥

𑌶𑌾𑌲𑌗𑍍𑌰𑌾𑌮𑌨𑌿𑌵𑌾𑌸𑌾𑌯 𑌕𑍍𑌷𑍀𑌰𑌾𑌬𑍍𑌧𑌿𑌶𑌯𑌨𑌾𑌯 𑌚 ।
𑌶𑍍𑌰𑍀𑌶𑍈𑌲𑌾𑌦𑍍𑌰𑌿𑌨𑌿𑌵𑌾𑌸𑌾𑌯 𑌶𑌿𑌲𑌾𑌵𑌾𑌸𑌾𑌯 𑌤𑍇 𑌨𑌮𑌃 ॥ 135 ॥

𑌯𑍋𑌗𑌿𑌹𑍃𑌤𑍍𑌪𑌦𑍍𑌮𑌵𑌾𑌸𑌾𑌯 𑌮𑌹𑌾𑌹𑌾𑌸𑌾𑌯 𑌤𑍇 𑌨𑌮𑌃 ।
𑌗𑍁𑌹𑌾𑌵𑌾𑌸𑌾𑌯 𑌗𑍁𑌹𑍍𑌯𑌾𑌯 𑌗𑍁𑌪𑍍𑌤𑌾𑌯 𑌗𑍁𑌰𑌵𑍇 𑌨𑌮𑌃 ॥ 136 ॥

𑌨𑌮𑍋 𑌮𑍂𑌲𑌾𑌧𑌿𑌵𑌾𑌸𑌾𑌯 𑌨𑍀𑌲𑌵𑌸𑍍𑌤𑍍𑌰𑌧𑌰𑌾𑌯 𑌚 ।
𑌪𑍀𑌤𑌵𑌸𑍍𑌤𑍍𑌰𑌾𑌯 𑌶𑌸𑍍𑌤𑍍𑌰𑌾𑌯 𑌰𑌕𑍍𑌤𑌵𑌸𑍍𑌤𑍍𑌰𑌧𑌰𑌾𑌯 𑌚 ॥ 13𑍭 ॥

𑌰𑌕𑍍𑌤𑌮𑌾𑌲𑌾𑌵𑌿𑌭𑍂𑌷𑌾𑌯 𑌰𑌕𑍍𑌤𑌗𑌂𑌧𑌾𑌨𑍁𑌲𑍇𑌪𑌿𑌨𑍇 ।
𑌧𑍁𑌰𑌂𑌧𑌰𑌾𑌯 𑌧𑍂𑌰𑍍𑌤𑌾𑌯 𑌦𑍁𑌰𑍍𑌧𑌰𑌾𑌯 𑌧𑌰𑌾𑌯 𑌚 ॥ 13𑍮 ॥

𑌦𑍁𑌰𑍍𑌮𑌦𑌾𑌯 𑌦𑍁𑌰𑌂𑌤𑌾𑌯 𑌦𑍁𑌰𑍍𑌧𑌰𑌾𑌯 𑌨𑌮𑍋 𑌨𑌮𑌃 ।
𑌦𑍁𑌰𑍍𑌨𑌿𑌰𑍀𑌕𑍍𑌷𑍍𑌯𑌾𑌯 𑌨𑌿𑌷𑍍𑌠𑌾𑌯 𑌦𑍁𑌰𑍍𑌦𑌰𑍍𑌶𑌾𑌯 𑌦𑍍𑌰𑍁𑌮𑌾𑌯 𑌚 ॥ 13𑍯 ॥

𑌦𑍁𑌰𑍍𑌭𑍇𑌦𑌾𑌯 𑌦𑍁𑌰𑌾𑌶𑌾𑌯 𑌦𑍁𑌰𑍍𑌲𑌭𑌾𑌯 𑌨𑌮𑍋 𑌨𑌮𑌃 ।
𑌦𑍃𑌪𑍍𑌤𑌾𑌯 𑌦𑍃𑌪𑍍𑌤𑌵𑌕𑍍𑌤𑍍𑌰𑌾𑌯 𑌅𑌦𑍃𑌪𑍍𑌤𑌨𑌯𑌨𑌾𑌯 𑌚 ॥ 140 ॥

𑌉𑌨𑍍𑌮𑌤𑍍𑌤𑌾𑌯 𑌪𑍍𑌰𑌮𑌤𑍍𑌤𑌾𑌯 𑌨𑌮𑍋 𑌦𑍈𑌤𑍍𑌯𑌾𑌰𑌯𑍇 𑌨𑌮𑌃 ।
𑌰𑌸𑌜𑍍𑌞𑌾𑌯 𑌰𑌸𑍇𑌶𑌾𑌯 𑌆𑌰𑌕𑍍𑌤𑌰𑌸𑌨𑌾𑌯 𑌚 ॥ 141 ॥

𑌪𑌥𑍍𑌯𑌾𑌯 𑌪𑌰𑌿𑌤𑍋𑌷𑌾𑌯 𑌰𑌥𑍍𑌯𑌾𑌯 𑌰𑌸𑌿𑌕𑌾𑌯 𑌚 ।
𑌊𑌰𑍍𑌧𑍍𑌵𑌕𑍇𑌶𑍋𑌰𑍍𑌧𑍍𑌵𑌰𑍂𑌪𑌾𑌯 𑌨𑌮𑌸𑍍𑌤𑍇 𑌚𑍋𑌰𑍍𑌧𑍍𑌵𑌰𑍇𑌤𑌸𑍇 ॥ 142 ॥

𑌊𑌰𑍍𑌧𑍍𑌵𑌸𑌿𑌂𑌹𑌾𑌯 𑌸𑌿𑌂𑌹𑌾𑌯 𑌨𑌮𑌸𑍍𑌤𑍇 𑌚𑍋𑌰𑍍𑌧𑍍𑌵𑌬𑌾𑌹𑌵𑍇 ।
𑌪𑌰𑌪𑍍𑌰𑌧𑍍𑌵𑌂𑌸𑌕𑌾𑌯𑍈𑌵 𑌶𑌂𑌖𑌚𑌕𑍍𑌰𑌧𑌰𑌾𑌯 𑌚 ॥ 143 ॥

𑌗𑌦𑌾𑌪𑌦𑍍𑌮𑌧𑌰𑌾𑌯𑍈𑌵 𑌪𑌂𑌚𑌬𑌾𑌣𑌧𑌰𑌾𑌯 𑌚 ।
𑌕𑌾𑌮𑍇𑌶𑍍𑌵𑌰𑌾𑌯 𑌕𑌾𑌮𑌾𑌯 𑌕𑌾𑌮𑌪𑌾𑌲𑌾𑌯 𑌕𑌾𑌮𑌿𑌨𑍇 ॥ 144 ॥

𑌨𑌮𑌃 𑌕𑌾𑌮𑌵𑌿𑌹𑌾𑌰𑌾𑌯 𑌕𑌾𑌮𑌰𑍂𑌪𑌧𑌰𑌾𑌯 𑌚 ।
𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌨𑍇𑌤𑍍𑌰𑌾𑌯 𑌸𑍋𑌮𑌪𑌾𑌯 𑌨𑌮𑍋 𑌨𑌮𑌃 ॥ 145 ॥

𑌨𑌮𑌃 𑌸𑍋𑌮𑌾𑌯 𑌵𑌾𑌮𑌾𑌯 𑌵𑌾𑌮𑌦𑍇𑌵𑌾𑌯 𑌤𑍇 𑌨𑌮𑌃 ।
𑌸𑌾𑌮𑌸𑍍𑌵𑌨𑌾𑌯 𑌸𑍌𑌮𑍍𑌯𑌾𑌯 𑌭𑌕𑍍𑌤𑌿𑌗𑌮𑍍𑌯𑌾𑌯 𑌵𑍈 𑌨𑌮𑌃 ॥ 146 ॥

𑌕𑍂𑌷𑍍𑌮𑌾𑌂𑌡𑌗𑌣𑌨𑌾𑌥𑌾𑌯 𑌸𑌰𑍍𑌵𑌶𑍍𑌰𑍇𑌯𑌸𑍍𑌕𑌰𑌾𑌯 𑌚 ।
𑌭𑍀𑌷𑍍𑌮𑌾𑌯 𑌭𑍀𑌷𑌦𑌾𑌯𑍈𑌵 𑌭𑍀𑌮𑌵𑌿𑌕𑍍𑌰𑌮𑌣𑌾𑌯 𑌚 ॥ 14𑍭 ॥

𑌮𑍃𑌗𑌗𑍍𑌰𑍀𑌵𑌾𑌯 𑌜𑍀𑌵𑌾𑌯 𑌜𑌿𑌤𑌾𑌯𑌾𑌜𑌿𑌤𑌕𑌾𑌰𑌿𑌣𑍇 ।
𑌜𑌟𑌿𑌨𑍇 𑌜𑌾𑌮𑌦𑌗𑍍𑌨𑍍𑌯𑌾𑌯 𑌨𑌮𑌸𑍍𑌤𑍇 𑌜𑌾𑌤𑌵𑍇𑌦𑌸𑍇 ॥ 14𑍮 ॥

𑌜𑌪𑌾𑌕𑍁𑌸𑍁𑌮𑌵𑌰𑍍𑌣𑌾𑌯 𑌜𑌪𑍍𑌯𑌾𑌯 𑌜𑌪𑌿𑌤𑌾𑌯 𑌚 ।
𑌜𑌰𑌾𑌯𑍁𑌜𑌾𑌯𑌾𑌂𑌡𑌜𑌾𑌯 𑌸𑍍𑌵𑍇𑌦𑌜𑌾𑌯𑍋𑌦𑍍𑌭𑌿𑌜𑌾𑌯 𑌚 ॥ 14𑍯 ॥

𑌜𑌨𑌾𑌰𑍍𑌦𑌨𑌾𑌯 𑌰𑌾𑌮𑌾𑌯 𑌜𑌾𑌹𑍍𑌨𑌵𑍀𑌜𑌨𑌕𑌾𑌯 𑌚 ।
𑌜𑌰𑌾𑌜𑌨𑍍𑌮𑌾𑌦𑌿𑌦𑍂𑌰𑌾𑌯 𑌪𑍍𑌰𑌦𑍍𑌯𑍁𑌮𑍍𑌨𑌾𑌯 𑌪𑍍𑌰𑌮𑍋𑌦𑌿𑌨𑍇 ॥ 150 ॥

𑌜𑌿𑌹𑍍𑌵𑌾𑌰𑍌𑌦𑍍𑌰𑌾𑌯 𑌰𑍁𑌦𑍍𑌰𑌾𑌯 𑌵𑍀𑌰𑌭𑌦𑍍𑌰𑌾𑌯 𑌤𑍇 𑌨𑌮𑌃 ।
𑌚𑌿𑌦𑍍𑌰𑍂𑌪𑌾𑌯 𑌸𑌮𑍁𑌦𑍍𑌰𑌾𑌯 𑌕𑌦𑍍𑌰𑍁𑌦𑍍𑌰𑌾𑌯 𑌪𑍍𑌰𑌚𑍇𑌤𑌸𑍇 ॥ 151 ॥

𑌇𑌂𑌦𑍍𑌰𑌿𑌯𑌾𑌯𑍇𑌂𑌦𑍍𑌰𑌿𑌯𑌜𑍍𑌞𑌾𑌯 𑌨𑌮𑍋𑌽𑌸𑍍𑌤𑍍𑌵𑌿𑌂𑌦𑍍𑌰𑌾𑌨𑍁𑌜𑌾𑌯 𑌚 ।
𑌅𑌤𑍀𑌂𑌦𑍍𑌰𑌿𑌯𑌾𑌯 𑌸𑌾𑌰𑌾𑌯 𑌇𑌂𑌦𑌿𑌰𑌾𑌪𑌤𑌯𑍇 𑌨𑌮𑌃 ॥ 152 ॥

𑌈𑌶𑌾𑌨𑌾𑌯 𑌚 𑌈𑌡𑍍𑌯𑌾𑌯 𑌈𑌶𑌿𑌤𑌾𑌯 𑌇𑌨𑌾𑌯 𑌚 ।
𑌵𑍍𑌯𑍋𑌮𑌾𑌤𑍍𑌮𑌨𑍇 𑌚 𑌵𑍍𑌯𑍋𑌮𑍍𑌨𑍇 𑌚 𑌨𑌮𑌸𑍍𑌤𑍇 𑌵𑍍𑌯𑍋𑌮𑌕𑍇𑌶𑌿𑌨𑍇 ॥ 153 ॥

𑌵𑍍𑌯𑍋𑌮𑌾𑌧𑌾𑌰𑌾𑌯 𑌚 𑌵𑍍𑌯𑍋𑌮𑌵𑌕𑍍𑌤𑍍𑌰𑌾𑌯𑌾𑌸𑍁𑌰𑌘𑌾𑌤𑌿𑌨𑍇 ।
𑌨𑌮𑌸𑍍𑌤𑍇 𑌵𑍍𑌯𑍋𑌮𑌦𑌂𑌷𑍍𑌟𑍍𑌰𑌾𑌯 𑌵𑍍𑌯𑍋𑌮𑌵𑌾𑌸𑌾𑌯 𑌤𑍇 𑌨𑌮𑌃 ॥ 154 ॥

𑌸𑍁𑌕𑍁𑌮𑌾𑌰𑌾𑌯 𑌰𑌾𑌮𑌾𑌯 𑌶𑍁𑌭𑌾𑌚𑌾𑌰𑌾𑌯 𑌵𑍈 𑌨𑌮𑌃 ।
𑌵𑌿𑌶𑍍𑌵𑌾𑌯 𑌵𑌿𑌶𑍍𑌵𑌰𑍂𑌪𑌾𑌯 𑌨𑌮𑍋 𑌵𑌿𑌶𑍍𑌵𑌾𑌤𑍍𑌮𑌕𑌾𑌯 𑌚 ॥ 155 ॥

𑌜𑍍𑌞𑌾𑌨𑌾𑌤𑍍𑌮𑌕𑌾𑌯 𑌜𑍍𑌞𑌾𑌨𑌾𑌯 𑌵𑌿𑌶𑍍𑌵𑍇𑌶𑌾𑌯 𑌪𑌰𑌾𑌤𑍍𑌮𑌨𑍇 ।
𑌏𑌕𑌾𑌤𑍍𑌮𑌨𑍇 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌸𑍍𑌤𑍇 𑌦𑍍𑌵𑌾𑌦𑌶𑌾𑌤𑍍𑌮𑌨𑍇 ॥ 156 ॥

𑌚𑌤𑍁𑌰𑍍𑌵𑌿𑌂𑌶𑌤𑌿𑌰𑍂𑌪𑌾𑌯 𑌪𑌂𑌚𑌵𑌿𑌂𑌶𑌤𑌿𑌮𑍂𑌰𑍍𑌤𑌯𑍇 ।
𑌷𑌡𑍍𑌵𑌿𑌂𑌶𑌕𑌾𑌤𑍍𑌮𑌨𑍇 𑌨𑌿𑌤𑍍𑌯𑌂 𑌸𑌪𑍍𑌤𑌵𑌿𑌂𑌶𑌤𑌿𑌕𑌾𑌤𑍍𑌮𑌨𑍇 ॥ 15𑍭 ॥

𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑌾𑌯 𑌵𑌿𑌰𑌕𑍍𑌤𑌾𑌯 𑌨𑌮𑍋 𑌨𑌮𑌃 ।
𑌭𑌾𑌵𑌶𑍁𑌦𑍍𑌧𑌾𑌯 𑌸𑌿𑌦𑍍𑌧𑌾𑌯 𑌸𑌾𑌧𑍍𑌯𑌾𑌯 𑌶𑌰𑌭𑌾𑌯 𑌚 ॥ 15𑍮 ॥

𑌪𑍍𑌰𑌬𑍋𑌧𑌾𑌯 𑌸𑍁𑌬𑍋𑌧𑌾𑌯 𑌨𑌮𑍋 𑌬𑍁𑌦𑍍𑌧𑌿𑌪𑍍𑌰𑌿𑌯𑌾𑌯 𑌚 ।
𑌸𑍍𑌨𑌿𑌗𑍍𑌧𑌾𑌯 𑌚 𑌵𑌿𑌦𑌗𑍍𑌧𑌾𑌯 𑌮𑍁𑌗𑍍𑌧𑌾𑌯 𑌮𑍁𑌨𑌯𑍇 𑌨𑌮𑌃 ॥ 15𑍯 ॥

𑌪𑍍𑌰𑌿𑌯𑌂𑌵𑌦𑌾𑌯 𑌶𑍍𑌰𑌵𑍍𑌯𑌾𑌯 𑌸𑍍𑌰𑍁𑌕𑍍𑌸𑍍𑌰𑍁𑌵𑌾𑌯 𑌶𑍍𑌰𑌿𑌤𑌾𑌯 𑌚 ।
𑌗𑍃𑌹𑍇𑌶𑌾𑌯 𑌮𑌹𑍇𑌶𑌾𑌯 𑌬𑍍𑌰𑌹𑍍𑌮𑍇𑌶𑌾𑌯 𑌨𑌮𑍋 𑌨𑌮𑌃 ॥ 160 ॥

𑌶𑍍𑌰𑍀𑌧𑌰𑌾𑌯 𑌸𑍁𑌤𑍀𑌰𑍍𑌥𑌾𑌯 𑌹𑌯𑌗𑍍𑌰𑍀𑌵𑌾𑌯 𑌤𑍇 𑌨𑌮𑌃 ।
𑌉𑌗𑍍𑌰𑌾𑌯 𑌉𑌗𑍍𑌰𑌵𑍇𑌗𑌾𑌯 𑌉𑌗𑍍𑌰𑌕𑌰𑍍𑌮𑌰𑌤𑌾𑌯 𑌚 ॥ 161 ॥

𑌉𑌗𑍍𑌰𑌨𑍇𑌤𑍍𑌰𑌾𑌯 𑌵𑍍𑌯𑌗𑍍𑌰𑌾𑌯 𑌸𑌮𑌗𑍍𑌰𑌗𑍁𑌣𑌶𑌾𑌲𑌿𑌨𑍇 ।
𑌬𑌾𑌲𑌗𑍍𑌰𑌹𑌵𑌿𑌨𑌾𑌶𑌾𑌯 𑌪𑌿𑌶𑌾𑌚𑌗𑍍𑌰𑌹𑌘𑌾𑌤𑌿𑌨𑍇 ॥ 162 ॥

𑌦𑍁𑌷𑍍𑌟𑌗𑍍𑌰𑌹𑌨𑌿𑌹𑌂𑌤𑍍𑌰𑍇 𑌚 𑌨𑌿𑌗𑍍𑌰𑌹𑌾𑌨𑍁𑌗𑍍𑌰𑌹𑌾𑌯 𑌚 ।
𑌵𑍃𑌷𑌧𑍍𑌵𑌜𑌾𑌯 𑌵𑍃𑌷𑍍𑌣𑍍𑌯𑌾𑌯 𑌵𑍃𑌷𑌾𑌯 𑌵𑍃𑌷𑌭𑌾𑌯 𑌚 ॥ 163 ॥

𑌉𑌗𑍍𑌰𑌶𑍍𑌰𑌵𑌾𑌯 𑌶𑌾𑌂𑌤𑌾𑌯 𑌨𑌮𑌃 𑌶𑍍𑌰𑍁𑌤𑌿𑌧𑌰𑌾𑌯 𑌚 ।
𑌨𑌮𑌸𑍍𑌤𑍇 𑌦𑍇𑌵𑌦𑍇𑌵𑍇𑌶 𑌨𑌮𑌸𑍍𑌤𑍇 𑌮𑌧𑍁𑌸𑍂𑌦𑌨 ॥ 164 ॥

𑌨𑌮𑌸𑍍𑌤𑍇 𑌪𑍁𑌂𑌡𑌰𑍀𑌕𑌾𑌕𑍍𑌷 𑌨𑌮𑌸𑍍𑌤𑍇 𑌦𑍁𑌰𑌿𑌤𑌕𑍍𑌷𑌯 ।
𑌨𑌮𑌸𑍍𑌤𑍇 𑌕𑌰𑍁𑌣𑌾𑌸𑌿𑌂𑌧𑍋 𑌨𑌮𑌸𑍍𑌤𑍇 𑌸𑌮𑌿𑌤𑌿𑌂𑌜𑌯 ॥ 165 ॥

𑌨𑌮𑌸𑍍𑌤𑍇 𑌨𑌰𑌸𑌿𑌂𑌹𑌾𑌯 𑌨𑌮𑌸𑍍𑌤𑍇 𑌗𑌰𑍁𑌡𑌧𑍍𑌵𑌜 ।
𑌯𑌜𑍍𑌞𑌨𑍇𑌤𑍍𑌰 𑌨𑌮𑌸𑍍𑌤𑍇𑌽𑌸𑍍𑌤𑍁 𑌕𑌾𑌲𑌧𑍍𑌵𑌜 𑌜𑌯𑌧𑍍𑌵𑌜 ॥ 166 ॥

𑌅𑌗𑍍𑌨𑌿𑌨𑍇𑌤𑍍𑌰 𑌨𑌮𑌸𑍍𑌤𑍇𑌽𑌸𑍍𑌤𑍁 𑌨𑌮𑌸𑍍𑌤𑍇 𑌹𑍍𑌯𑌮𑌰𑌪𑍍𑌰𑌿𑌯 ।
𑌮𑌹𑌾𑌨𑍇𑌤𑍍𑌰 𑌨𑌮𑌸𑍍𑌤𑍇𑌽𑌸𑍍𑌤𑍁 𑌨𑌮𑌸𑍍𑌤𑍇 𑌭𑌕𑍍𑌤𑌵𑌤𑍍𑌸𑌲 ॥ 16𑍭 ॥

𑌧𑌰𑍍𑌮𑌨𑍇𑌤𑍍𑌰 𑌨𑌮𑌸𑍍𑌤𑍇𑌽𑌸𑍍𑌤𑍁 𑌨𑌮𑌸𑍍𑌤𑍇 𑌕𑌰𑍁𑌣𑌾𑌕𑌰 ।
𑌪𑍁𑌣𑍍𑌯𑌨𑍇𑌤𑍍𑌰 𑌨𑌮𑌸𑍍𑌤𑍇𑌽𑌸𑍍𑌤𑍁 𑌨𑌮𑌸𑍍𑌤𑍇𑌽𑌭𑍀𑌷𑍍𑌟𑌦𑌾𑌯𑌕 ॥ 16𑍮 ॥

𑌨𑌮𑍋 𑌨𑌮𑌸𑍍𑌤𑍇 𑌜𑌯𑌸𑌿𑌂𑌹𑌰𑍂𑌪
𑌨𑌮𑍋 𑌨𑌮𑌸𑍍𑌤𑍇 𑌨𑌰𑌸𑌿𑌂𑌹𑌰𑍂𑌪 ।
𑌨𑌮𑍋 𑌨𑌮𑌸𑍍𑌤𑍇 𑌰𑌣𑌸𑌿𑌂𑌹𑌰𑍂𑌪
𑌨𑌮𑍋 𑌨𑌮𑌸𑍍𑌤𑍇 𑌨𑌰𑌸𑌿𑌂𑌹𑌰𑍂𑌪 ॥ 16𑍯 ॥

𑌉𑌦𑍍𑌧𑍃𑌤𑍍𑌯 𑌗𑌰𑍍𑌵𑌿𑌤𑌂 𑌦𑍈𑌤𑍍𑌯𑌂 𑌨𑌿𑌹𑌤𑍍𑌯𑌾𑌜𑍌 𑌸𑍁𑌰𑌦𑍍𑌵𑌿𑌷𑌮𑍍 ।
𑌦𑍇𑌵𑌕𑌾𑌰𑍍𑌯𑌂 𑌮𑌹𑌤𑍍𑌕𑍃𑌤𑍍𑌵𑌾 𑌗𑌰𑍍𑌜𑌸𑍇 𑌸𑍍𑌵𑌾𑌤𑍍𑌮𑌤𑍇𑌜𑌸𑌾 ॥ 1𑍭0 ॥

𑌅𑌤𑌿𑌰𑍌𑌦𑍍𑌰𑌮𑌿𑌦𑌂 𑌰𑍂𑌪𑌂 𑌦𑍁𑌸𑍍𑌸𑌹𑌂 𑌦𑍁𑌰𑌤𑌿𑌕𑍍𑌰𑌮𑌮𑍍 ।
𑌦𑍃𑌷𑍍𑌟𑍍𑌵𑌾 𑌤𑍁 𑌶𑌂𑌕𑌿𑌤𑌾𑌃 𑌸𑌰𑍍𑌵𑌾 𑌦𑍇𑌵𑌤𑌾𑌸𑍍𑌤𑍍𑌵𑌾𑌮𑍁𑌪𑌾𑌗𑌤𑌾𑌃 ॥ 1𑍭1 ॥

𑌏𑌤𑌾𑌨𑍍𑌪𑌶𑍍𑌯 𑌮𑌹𑍇𑌶𑌾𑌨𑌂 𑌬𑍍𑌰𑌹𑍍𑌮𑌾𑌣𑌂 𑌮𑌾𑌂 𑌶𑌚𑍀𑌪𑌤𑌿𑌮𑍍 ।
𑌦𑌿𑌕𑍍𑌪𑌾𑌲𑌾𑌨𑍍 𑌦𑍍𑌵𑌾𑌦𑌶𑌾𑌦𑌿𑌤𑍍𑌯𑌾𑌨𑍍 𑌰𑍁𑌦𑍍𑌰𑌾𑌨𑍁𑌰𑌗𑌰𑌾𑌕𑍍𑌷𑌸𑌾𑌨𑍍 ॥ 1𑍭2 ॥

𑌸𑌰𑍍𑌵𑌾𑌨𑍍 𑌋𑌷𑌿𑌗𑌣𑌾𑌨𑍍 𑌸𑌪𑍍𑌤𑌮𑌾𑌤𑍃𑌰𑍍𑌗𑍌𑌰𑍀𑌂 𑌸𑌰𑌸𑍍𑌵𑌤𑍀𑌮𑍍 ।
𑌲𑌕𑍍𑌷𑍍𑌮𑍀𑌂 𑌨𑌦𑍀𑌶𑍍𑌚 𑌤𑍀𑌰𑍍𑌥𑌾𑌨𑌿 𑌰𑌤𑌿𑌂 𑌭𑍂𑌤𑌗𑌣𑌾𑌨𑍍𑌯𑌪𑌿 ॥ 1𑍭3 ॥

𑌪𑍍𑌰𑌸𑍀𑌦 𑌤𑍍𑌵𑌂 𑌮𑌹𑌾𑌸𑌿𑌂𑌹 𑌉𑌗𑍍𑌰𑌭𑌾𑌵𑌮𑌿𑌮𑌂 𑌤𑍍𑌯𑌜 ।
𑌪𑍍𑌰𑌕𑍃𑌤𑌿𑌸𑍍𑌥𑍋 𑌭𑌵 𑌤𑍍𑌵𑌂 𑌹𑌿 𑌶𑌾𑌂𑌤𑌿𑌭𑌾𑌵𑌂 𑌚 𑌧𑌾𑌰𑌯 ॥ 1𑍭4 ॥

𑌇𑌤𑍍𑌯𑍁𑌕𑍍𑌤𑍍𑌵𑌾 𑌦𑌂𑌡𑌵𑌦𑍍𑌭𑍂𑌮𑍌 𑌪𑌪𑌾𑌤 𑌸 𑌪𑌿𑌤𑌾𑌮𑌹𑌃 ।
𑌪𑍍𑌰𑌸𑍀𑌦 𑌤𑍍𑌵𑌂 𑌪𑍍𑌰𑌸𑍀𑌦 𑌤𑍍𑌵𑌂 𑌪𑍍𑌰𑌸𑍀𑌦𑍇𑌤𑌿 𑌪𑍁𑌨𑌃 𑌪𑍁𑌨𑌃 ॥ 1𑍭5 ॥

𑌮𑌾𑌰𑍍𑌕𑌂𑌡𑍇𑌯 𑌉𑌵𑌾𑌚 ।
𑌦𑍃𑌷𑍍𑌟𑍍𑌵𑌾 𑌤𑍁 𑌦𑍇𑌵𑌤𑌾𑌃 𑌸𑌰𑍍𑌵𑌾𑌃 𑌶𑍍𑌰𑍁𑌤𑍍𑌵𑌾 𑌤𑌾𑌂 𑌬𑍍𑌰𑌹𑍍𑌮𑌣𑍋 𑌗𑌿𑌰𑌮𑍍 ।
𑌸𑍍𑌤𑍋𑌤𑍍𑌰𑍇𑌣𑌾𑌪𑌿 𑌚 𑌸𑌂𑌹𑍃𑌷𑍍𑌟𑌃 𑌸𑍌𑌮𑍍𑌯𑌭𑌾𑌵𑌮𑌧𑌾𑌰𑌯𑌤𑍍 ॥ 1𑍭6 ॥

𑌅𑌬𑍍𑌰𑌵𑍀𑌨𑍍𑌨𑌾𑌰𑌸𑌿𑌂𑌹𑌸𑍍𑌤𑍁 𑌵𑍀𑌕𑍍𑌷𑍍𑌯 𑌸𑌰𑍍𑌵𑌾𑌨𑍍 𑌸𑍁𑌰𑍋𑌤𑍍𑌤𑌮𑌾𑌨𑍍 ।
𑌸𑌂𑌤𑍍𑌰𑌸𑍍𑌤𑌾𑌨𑍍 𑌭𑌯𑌸𑌂𑌵𑌿𑌗𑍍𑌨𑌾𑌨𑍍 𑌶𑌰𑌣𑌂 𑌸𑌮𑍁𑌪𑌾𑌗𑌤𑌾𑌨𑍍 ॥ 1𑍭𑍭 ॥

𑌶𑍍𑌰𑍀𑌨𑍃𑌸𑌿𑌂𑌹 𑌉𑌵𑌾𑌚 ।
𑌭𑍋 𑌭𑍋 𑌦𑍇𑌵𑌵𑌰𑌾𑌃 𑌸𑌰𑍍𑌵𑍇 𑌪𑌿𑌤𑌾𑌮𑌹𑌪𑍁𑌰𑍋𑌗𑌮𑌾𑌃 ।
𑌶𑍃𑌣𑍁𑌧𑍍𑌵𑌂 𑌮𑌮 𑌵𑌾𑌕𑍍𑌯𑌂 𑌚 𑌭𑌵𑌂𑌤𑍁 𑌵𑌿𑌗𑌤𑌜𑍍𑌵𑌰𑌾𑌃 ॥ 1𑍭𑍮 ॥

𑌯𑌦𑍍𑌧𑌿𑌤𑌂 𑌭𑌵𑌤𑌾𑌂 𑌨𑍂𑌨𑌂 𑌤𑌤𑍍𑌕𑌰𑌿𑌷𑍍𑌯𑌾𑌮𑌿 𑌸𑌾𑌂𑌪𑍍𑌰𑌤𑌮𑍍 ।
𑌏𑌵𑌂 𑌨𑌾𑌮𑌸𑌹𑌸𑍍𑌰𑌂 𑌮𑍇 𑌤𑍍𑌰𑌿𑌸𑌂𑌧𑍍𑌯𑌂 𑌯𑌃 𑌪𑌠𑍇𑌤𑍍 𑌶𑍁𑌚𑌿𑌃 ॥ 1𑍭𑍯 ॥

𑌶𑍃𑌣𑍋𑌤𑌿 𑌵𑌾 𑌶𑍍𑌰𑌾𑌵𑌯𑌤𑌿 𑌪𑍂𑌜𑌾𑌂𑌤𑍇 𑌭𑌕𑍍𑌤𑌿𑌸𑌂𑌯𑍁𑌤𑌃 ।
𑌸𑌰𑍍𑌵𑌾𑌨𑍍 𑌕𑌾𑌮𑌾𑌨𑌵𑌾𑌪𑍍𑌨𑍋𑌤𑌿 𑌜𑍀𑌵𑍇𑌚𑍍𑌚 𑌶𑌰𑌦𑌾𑌂 𑌶𑌤𑌮𑍍 ॥ 1𑍮0 ॥

𑌯𑍋 𑌨𑌾𑌮𑌭𑌿𑌰𑍍𑌨𑍃𑌸𑌿𑌂𑌹𑌾𑌦𑍍𑌯𑍈𑌰𑌰𑍍𑌚𑌯𑍇𑌤𑍍𑌕𑍍𑌰𑌮𑌶𑍋 𑌮𑌮 ।
𑌸𑌰𑍍𑌵𑌤𑍀𑌰𑍍𑌥𑍇𑌷𑍁 𑌯𑌤𑍍𑌪𑍁𑌣𑍍𑌯𑌂 𑌸𑌰𑍍𑌵𑌤𑍀𑌰𑍍𑌥𑍇𑌷𑍁 𑌯𑌤𑍍𑌫𑌲𑌮𑍍 ॥ 1𑍮1 ॥

𑌸𑌰𑍍𑌵𑌪𑍂𑌜𑌾𑌸𑍁 𑌯𑌤𑍍𑌪𑍍𑌰𑍋𑌕𑍍𑌤𑌂 𑌤𑌤𑍍𑌸𑌰𑍍𑌵𑌂 𑌲𑌭𑌤𑍇 𑌭𑍃𑌶𑌮𑍍 ।
𑌜𑌾𑌤𑌿𑌸𑍍𑌮𑌰𑌤𑍍𑌵𑌂 𑌲𑌭𑌤𑍇 𑌬𑍍𑌰𑌹𑍍𑌮𑌜𑍍𑌞𑌾𑌨𑌂 𑌸𑌨𑌾𑌤𑌨𑌮𑍍 ॥ 1𑍮2 ॥

𑌸𑌰𑍍𑌵𑌪𑌾𑌪𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌤𑌦𑍍𑌵𑌿𑌷𑍍𑌣𑍋𑌃 𑌪𑌰𑌮𑌂 𑌪𑌦𑌮𑍍 ।
𑌮𑌨𑍍𑌨𑌾𑌮𑌕𑌵𑌚𑌂 𑌬𑌧𑍍𑌵𑌾 𑌵𑌿𑌚𑌰𑍇𑌦𑍍𑌵𑌿𑌗𑌤𑌜𑍍𑌵𑌰𑌃 ॥ 1𑍮3 ॥

𑌭𑍂𑌤𑌭𑍇𑌤𑌾𑌲𑌕𑍂𑌷𑍍𑌮𑌾𑌂𑌡 𑌪𑌿𑌶𑌾𑌚𑌬𑍍𑌰𑌹𑍍𑌮𑌰𑌾𑌕𑍍𑌷𑌸𑌾𑌃 ।
𑌶𑌾𑌕𑌿𑌨𑍀𑌡𑌾𑌕𑌿𑌨𑍀𑌜𑍍𑌯𑍇𑌷𑍍𑌠𑌾 𑌨𑍀𑌲𑍀 𑌬𑌾𑌲𑌗𑍍𑌰𑌹𑌾𑌦𑌿𑌕𑌾𑌃 ॥ 1𑍮4 ॥

𑌦𑍁𑌷𑍍𑌟𑌗𑍍𑌰𑌹𑌾𑌶𑍍𑌚 𑌨𑌶𑍍𑌯𑌂𑌤𑌿 𑌯𑌕𑍍𑌷𑌰𑌾𑌕𑍍𑌷𑌸𑌪𑌨𑍍𑌨𑌗𑌾𑌃 ।
𑌯𑍇 𑌚 𑌸𑌂𑌧𑍍𑌯𑌾𑌗𑍍𑌰𑌹𑌾𑌃 𑌸𑌰𑍍𑌵𑍇 𑌚𑌾𑌂𑌡𑌾𑌲𑌗𑍍𑌰𑌹𑌸𑌂𑌜𑍍𑌞𑌿𑌕𑌾𑌃 ॥ 1𑍮5 ॥

𑌨𑌿𑌶𑌾𑌚𑌰𑌗𑍍𑌰𑌹𑌾𑌃 𑌸𑌰𑍍𑌵𑍇 𑌪𑍍𑌰𑌣𑌶𑍍𑌯𑌂𑌤𑌿 𑌚 𑌦𑍂𑌰𑌤𑌃 ।
𑌕𑍁𑌕𑍍𑌷𑌿𑌰𑍋𑌗𑌂 𑌚 𑌹𑍃𑌦𑍍𑌰𑍋𑌗𑌂 𑌶𑍂𑌲𑌾𑌪𑌸𑍍𑌮𑌾𑌰𑌮𑍇𑌵 𑌚 ॥ 1𑍮6 ॥

𑌐𑌕𑌾𑌹𑌿𑌕𑌂 𑌦𑍍𑌵𑍍𑌯𑌾𑌹𑌿𑌕𑌂 𑌚 𑌚𑌾𑌤𑍁𑌰𑍍𑌥𑌿𑌕𑌮𑌥 𑌜𑍍𑌵𑌰𑌮𑍍 ।
𑌆𑌧𑌯𑍋 𑌵𑍍𑌯𑌾𑌧𑌯𑌃 𑌸𑌰𑍍𑌵𑍇 𑌰𑍋𑌗𑌾 𑌰𑍋𑌗𑌾𑌧𑌿𑌦𑍇𑌵𑌤𑌾𑌃 ॥ 1𑍮𑍭 ॥

𑌶𑍀𑌘𑍍𑌰𑌂 𑌨𑌶𑍍𑌯𑌂𑌤𑌿 𑌤𑍇 𑌸𑌰𑍍𑌵𑍇 𑌨𑍃𑌸𑌿𑌂𑌹𑌸𑍍𑌮𑌰𑌣𑌾𑌤𑍍 𑌸𑍁𑌰𑌾𑌃 ।
𑌰𑌾𑌜𑌾𑌨𑍋 𑌦𑌾𑌸𑌤𑌾𑌂 𑌯𑌾𑌂𑌤𑌿 𑌶𑌤𑍍𑌰𑌵𑍋 𑌯𑌾𑌂𑌤𑌿 𑌮𑌿𑌤𑍍𑌰𑌤𑌾𑌮𑍍 ॥ 1𑍮𑍮 ॥

𑌜𑌲𑌾𑌨𑌿 𑌸𑍍𑌥𑌲𑌤𑌾𑌂 𑌯𑌾𑌂𑌤𑌿 𑌵𑌹𑍍𑌨𑌯𑍋 𑌯𑌾𑌂𑌤𑌿 𑌶𑍀𑌤𑌤𑌾𑌮𑍍 ।
𑌵𑌿𑌷𑌾𑌣𑍍𑌯𑌪𑍍𑌯𑌮𑍃𑌤𑌾 𑌯𑌾𑌂𑌤𑌿 𑌨𑍃𑌸𑌿𑌂𑌹𑌸𑍍𑌮𑌰𑌣𑌾𑌤𑍍𑌸𑍁𑌰𑌾𑌃 ॥ 1𑍮𑍯 ॥

𑌰𑌾𑌜𑍍𑌯𑌕𑌾𑌮𑍋 𑌲𑌭𑍇𑌦𑍍𑌰𑌾𑌜𑍍𑌯𑌂 𑌧𑌨𑌕𑌾𑌮𑍋 𑌲𑌭𑍇𑌦𑍍𑌧𑌨𑌮𑍍 ।
𑌵𑌿𑌦𑍍𑌯𑌾𑌕𑌾𑌮𑍋 𑌲𑌭𑍇𑌦𑍍𑌵𑌿𑌦𑍍𑌯𑌾𑌂 𑌬𑌦𑍍𑌧𑍋 𑌮𑍁𑌚𑍍𑌯𑍇𑌤 𑌬𑌂𑌧𑌨𑌾𑌤𑍍 ॥ 1𑍯0 ॥

𑌵𑍍𑌯𑌾𑌲𑌵𑍍𑌯𑌾𑌘𑍍𑌰𑌭𑌯𑌂 𑌨𑌾𑌸𑍍𑌤𑌿 𑌚𑍋𑌰𑌸𑌰𑍍𑌪𑌾𑌦𑌿𑌕𑌂 𑌤𑌥𑌾 ।
𑌅𑌨𑍁𑌕𑍂𑌲𑌾 𑌭𑌵𑍇𑌦𑍍𑌭𑌾𑌰𑍍𑌯𑌾 𑌲𑍋𑌕𑍈𑌶𑍍𑌚 𑌪𑍍𑌰𑌤𑌿𑌪𑍂𑌜𑍍𑌯𑌤𑍇 ॥ 1𑍯1 ॥

𑌸𑍁𑌪𑍁𑌤𑍍𑌰𑌂 𑌧𑌨𑌧𑌾𑌨𑍍𑌯𑌂 𑌚 𑌭𑌵𑌂𑌤𑌿 𑌵𑌿𑌗𑌤𑌜𑍍𑌵𑌰𑌾𑌃 ।
𑌏𑌤𑌤𑍍𑌸𑌰𑍍𑌵𑌂 𑌸𑌮𑌾𑌪𑍍𑌨𑍋𑌤𑌿 𑌨𑍃𑌸𑌿𑌂𑌹𑌸𑍍𑌯 𑌪𑍍𑌰𑌸𑌾𑌦𑌤𑌃 ॥ 1𑍯2 ॥

𑌜𑌲𑌸𑌂𑌤𑌰𑌣𑍇 𑌚𑍈𑌵 𑌪𑌰𑍍𑌵𑌤𑌾𑌰𑌣𑍍𑌯𑌮𑍇𑌵 𑌚 ।
𑌵𑌨𑍇𑌽𑌪𑌿 𑌵𑌿𑌚𑌿𑌰𑌨𑍍𑌮𑌰𑍍𑌤𑍍𑌯𑍋 𑌦𑍁𑌰𑍍𑌗𑌮𑍇 𑌵𑌿𑌷𑌮𑍇 𑌪𑌥𑌿 ॥ 1𑍯3 ॥

𑌬𑌿𑌲𑌪𑍍𑌰𑌵𑍇𑌶𑌨𑍇 𑌚𑌾𑌪𑌿 𑌨𑌾𑌰𑌸𑌿𑌂𑌹𑌂 𑌨 𑌵𑌿𑌸𑍍𑌮𑌰𑍇𑌤𑍍 ।
𑌬𑍍𑌰𑌹𑍍𑌮𑌘𑍍𑌨𑌶𑍍𑌚 𑌪𑌶𑍁𑌘𑍍𑌨𑌶𑍍𑌚 𑌭𑍍𑌰𑍂𑌣𑌹𑌾 𑌗𑍁𑌰𑍁𑌤𑌲𑍍𑌪𑌗𑌃 ॥ 1𑍯4 ॥

𑌮𑍁𑌚𑍍𑌯𑌤𑍇 𑌸𑌰𑍍𑌵𑌪𑌾𑌪𑍇𑌭𑍍𑌯𑌃 𑌕𑍃𑌤𑌘𑍍𑌨𑌃 𑌸𑍍𑌤𑍍𑌰𑍀𑌵𑌿𑌘𑌾𑌤𑌕𑌃 ।
𑌵𑍇𑌦𑌾𑌨𑌾𑌂 𑌦𑍂𑌷𑌕𑌶𑍍𑌚𑌾𑌪𑌿 𑌮𑌾𑌤𑌾𑌪𑌿𑌤𑍃𑌵𑌿𑌨𑌿𑌂𑌦𑌕𑌃 ॥ 1𑍯5 ॥

𑌅𑌸𑌤𑍍𑌯𑌸𑍍𑌤𑍁 𑌤𑍇𑌥𑌾 𑌯𑌜𑍍𑌞𑌨𑌿𑌂𑌦𑌕𑍋 𑌲𑍋𑌕𑌨𑌿𑌂𑌦𑌕𑌃 ।
𑌸𑍍𑌮𑍃𑌤𑍍𑌵𑌾 𑌸𑌕𑍃𑌨𑍍𑌨𑍃𑌸𑌿𑌂𑌹𑌂 𑌤𑍁 𑌮𑍁𑌚𑍍𑌯𑌤𑍇 𑌸𑌰𑍍𑌵𑌕𑌿𑌲𑍍𑌬𑌿𑌷𑍈𑌃 ॥ 1𑍯6 ॥

𑌬𑌹𑍁𑌨𑌾𑌤𑍍𑌰 𑌕𑌿𑌮𑍁𑌕𑍍𑌤𑍇𑌨 𑌸𑍍𑌮𑍃𑌤𑍍𑌵𑌾 𑌮𑌾𑌂 𑌶𑍁𑌦𑍍𑌧𑌮𑌾𑌨𑌸𑌃 ।
𑌯𑌤𑍍𑌰 𑌯𑌤𑍍𑌰 𑌚𑌰𑍇𑌨𑍍𑌮𑌰𑍍𑌤𑍍𑌯𑍋 𑌨𑍃𑌸𑌿𑌂𑌹𑌸𑍍𑌤𑌤𑍍𑌰 𑌰𑌕𑍍𑌷𑌤𑌿 ॥ 1𑍯𑍭 ॥

𑌗𑌚𑍍𑌛𑌨𑍍 𑌤𑌿𑌷𑍍𑌠𑌨𑍍 𑌸𑍍𑌵𑌪𑌨𑍍 𑌭𑍁𑌂𑌜𑌨𑍍 𑌜𑌾𑌗𑍍𑌰𑌨𑍍𑌨𑌪𑌿 𑌹𑌸𑌨𑍍𑌨𑌪𑌿 ।
𑌨𑍃𑌸𑌿𑌂𑌹𑍇𑌤𑌿 𑌨𑍃𑌸𑌿𑌂𑌹𑍇𑌤𑌿 𑌨𑍃𑌸𑌿𑌂𑌹𑍇𑌤𑌿 𑌸𑌦𑌾 𑌸𑍍𑌮𑌰𑌨𑍍 ॥ 1𑍯𑍮 ॥

𑌪𑍁𑌮𑌾𑌨𑍍𑌨 𑌲𑌿𑌪𑍍𑌯𑌤𑍇 𑌪𑌾𑌪𑍈𑌰𑍍𑌭𑍁𑌕𑍍𑌤𑌿𑌂 𑌮𑍁𑌕𑍍𑌤𑌿𑌂 𑌚 𑌵𑌿𑌂𑌦𑌤𑌿 ।
𑌨𑌾𑌰𑍀 𑌸𑍁𑌭𑌗𑌤𑌾𑌮𑍇𑌤𑌿 𑌸𑍌𑌭𑌾𑌗𑍍𑌯𑌂 𑌚 𑌸𑍍𑌵𑌰𑍂𑌪𑌤𑌾𑌮𑍍 ॥ 1𑍯𑍯 ॥

𑌭𑌰𑍍𑌤𑍁𑌃 𑌪𑍍𑌰𑌿𑌯𑌤𑍍𑌵𑌂 𑌲𑌭𑌤𑍇 𑌨 𑌵𑍈𑌧𑌵𑍍𑌯𑌂 𑌚 𑌵𑌿𑌂𑌦𑌤𑌿 ।
𑌨 𑌸𑌪𑌤𑍍𑌨𑍀𑌂 𑌚 𑌜𑌨𑍍𑌮𑌾𑌂𑌤𑍇 𑌸𑌮𑍍𑌯𑌕𑍍 𑌜𑍍𑌞𑌾𑌨𑍀 𑌭𑌵𑍇𑌦𑍍𑌵𑌿𑌜𑌃 ॥ 200 ॥

𑌭𑍂𑌮𑌿𑌪𑍍𑌰𑌦𑌕𑍍𑌷𑌿𑌣𑌾𑌨𑍍𑌮𑌰𑍍𑌤𑍍𑌯𑍋 𑌯𑌤𑍍𑌫𑌲𑌂 𑌲𑌭𑌤𑍇 𑌚𑌿𑌰𑌾𑌤𑍍 ।
𑌤𑌤𑍍𑌫𑌲𑌂 𑌲𑌭𑌤𑍇 𑌨𑌾𑌰𑌸𑌿𑌂𑌹𑌮𑍂𑌰𑍍𑌤𑌿𑌪𑍍𑌰𑌦𑌕𑍍𑌷𑌿𑌣𑌾𑌤𑍍 ॥ 201 ॥

𑌮𑌾𑌰𑍍𑌕𑌂𑌡𑍇𑌯 𑌉𑌵𑌾𑌚 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌦𑍇𑌵𑌦𑍇𑌵𑍇𑌶𑍋 𑌲𑌕𑍍𑌷𑍍𑌮𑍀𑌮𑌾𑌲𑌿𑌂𑌗𑍍𑌯 𑌲𑍀𑌲𑌯𑌾 ।
𑌪𑍍𑌰𑌹𑍍𑌲𑌾𑌦𑌸𑍍𑌯𑌾𑌭𑌿𑌷𑍇𑌕𑌂 𑌤𑍁 𑌬𑍍𑌰𑌹𑍍𑌮𑌣𑍇 𑌚𑍋𑌪𑌦𑌿𑌷𑍍𑌟𑌵𑌾𑌨𑍍 ॥ 202 ॥

𑌶𑍍𑌰𑍀𑌶𑍈𑌲𑌸𑍍𑌯 𑌪𑍍𑌰𑌸𑌾𑌦𑍇 𑌤𑍁 𑌲𑍋𑌕𑌾𑌨𑌾𑌂 𑌚 𑌹𑌿𑌤𑌾𑌯 𑌵𑍈 ।
𑌸𑍍𑌵𑌰𑍂𑌪𑌂 𑌸𑍍𑌥𑌾𑌪𑌯𑌾𑌮𑌾𑌸 𑌪𑍍𑌰𑌕𑍃𑌤𑌿𑌸𑍍𑌥𑍋𑌽𑌭𑌵𑌤𑍍𑌤𑌦𑌾 ॥ 203 ॥

𑌬𑍍𑌰𑌹𑍍𑌮𑌾𑌪𑌿 𑌦𑍈𑌤𑍍𑌯𑌰𑌾𑌜𑌾𑌨𑌂 𑌪𑍍𑌰𑌹𑍍𑌲𑌾𑌦𑌮𑌭𑍍𑌯𑌷𑍇𑌚𑌯𑌤𑍍 ।
𑌦𑍈𑌵𑌤𑍈𑌃 𑌸𑌹 𑌸𑍁𑌪𑍍𑌰𑍀𑌤𑍋 𑌹𑍍𑌯𑌾𑌤𑍍𑌮𑌲𑍋𑌕𑌂 𑌯𑌯𑍌 𑌸𑍍𑌵𑌯𑌮𑍍 ॥ 204 ॥

𑌹𑌿𑌰𑌣𑍍𑌯𑌕𑌶𑌿𑌪𑍋𑌰𑍍𑌭𑍀𑌤𑍍𑌯𑌾 𑌪𑍍𑌰𑌪𑌲𑌾𑌯𑍍𑌯 𑌶𑌚𑍀𑌪𑌤𑌿𑌃 ।
𑌸𑍍𑌵𑌰𑍍𑌗𑌰𑌾𑌜𑍍𑌯𑌪𑌰𑌿𑌭𑍍𑌰𑌷𑍍𑌟𑍋 𑌯𑍁𑌗𑌾𑌨𑌾𑌮𑍇𑌕𑌵𑌿𑌂𑌶𑌤𑌿𑌮𑍍 ॥ 205 ॥

𑌨𑍃𑌸𑌿𑌂𑌹𑍇𑌨 𑌹𑌤𑍇 𑌦𑍈𑌤𑍍𑌯𑍇 𑌸𑍍𑌵𑌰𑍍𑌗𑌲𑍋𑌕𑌮𑌵𑌾𑌪 𑌸𑌃 ।
𑌦𑌿𑌕𑍍𑌪𑌾𑌲𑌾𑌶𑍍𑌚 𑌸𑍁𑌸𑌂𑌪𑍍𑌰𑌾𑌪𑍍𑌤𑌃 𑌸𑍍𑌵𑌸𑍍𑌵𑌸𑍍𑌥𑌾𑌨𑌮𑌨𑍁𑌤𑍍𑌤𑌮𑌮𑍍 ॥ 206 ॥

𑌧𑌰𑍍𑌮𑍇 𑌮𑌤𑌿𑌃 𑌸𑌮𑌸𑍍𑌤𑌾𑌨𑌾𑌂 𑌪𑍍𑌰𑌜𑌾𑌨𑌾𑌮𑌭𑌵𑌤𑍍𑌤𑌦𑌾 ।
𑌏𑌵𑌂 𑌨𑌾𑌮𑌸𑌹𑌸𑍍𑌰𑌂 𑌮𑍇 𑌬𑍍𑌰𑌹𑍍𑌮𑌣𑌾 𑌨𑌿𑌰𑍍𑌮𑌿𑌤𑌂 𑌪𑍁𑌰𑌾 ॥ 20𑍭 ॥

𑌪𑍁𑌤𑍍𑌰𑌾𑌨𑌧𑍍𑌯𑌾𑌪𑌯𑌾𑌮𑌾𑌸 𑌸𑌨𑌕𑌾𑌦𑍀𑌨𑍍𑌮𑌹𑌾𑌮𑌤𑌿𑌃 ।
𑌊𑌚𑍁𑌸𑍍𑌤𑍇 𑌚 𑌤𑌤𑌃 𑌸𑌰𑍍𑌵𑌲𑍋𑌕𑌾𑌨𑌾𑌂 𑌹𑌿𑌤𑌕𑌾𑌮𑍍𑌯𑌯𑌾 ॥ 20𑍮 ॥

𑌦𑍇𑌵𑌤𑌾 𑌋𑌷𑌯𑌃 𑌸𑌿𑌦𑍍𑌧𑌾 𑌯𑌕𑍍𑌷𑌵𑌿𑌦𑍍𑌯𑌾𑌧𑌰𑍋𑌰𑌗𑌾𑌃 ।
𑌗𑌂𑌧𑌰𑍍𑌵𑌾𑌶𑍍𑌚 𑌮𑌨𑍁𑌷𑍍𑌯𑌾𑌶𑍍𑌚 𑌇𑌹𑌾𑌮𑍁𑌤𑍍𑌰𑌫𑌲𑍈𑌷𑌿𑌣𑌃 ॥ 20𑍯 ॥

𑌯𑌸𑍍𑌯 𑌸𑍍𑌤𑍋𑌤𑍍𑌰𑌸𑍍𑌯 𑌪𑌾𑌠𑌾𑌦𑍍𑌧𑌿 𑌵𑌿𑌶𑍁𑌦𑍍𑌧𑌮𑌨𑌸𑍋𑌽𑌭𑌵𑌨𑍍 ।
𑌸𑌨𑌤𑍍𑌕𑍁𑌮𑌾𑌰𑌃 𑌸𑌂𑌪𑍍𑌰𑌾𑌪𑍍𑌤𑍋 𑌭𑌾𑌰𑌦𑍍𑌵𑌾𑌜𑍋 𑌮𑌹𑌾𑌮𑌤𑌿𑌃 ॥ 210 ॥

𑌤𑌸𑍍𑌮𑌾𑌦𑌾𑌂𑌗𑌿𑌰𑌸𑌃 𑌪𑍍𑌰𑌾𑌪𑍍𑌤𑌸𑍍𑌤𑌸𑍍𑌮𑌾𑌤𑍍𑌪𑍍𑌰𑌾𑌪𑍍𑌤𑍋 𑌮𑌹𑌾𑌕𑍍𑌰𑌤𑍁𑌃 ।
𑌜𑌗𑍍𑌰𑌾𑌹 𑌭𑌾𑌰𑍍𑌗𑌵𑌸𑍍𑌤𑌸𑍍𑌮𑌾𑌦𑌗𑍍𑌨𑌿𑌮𑌿𑌤𑍍𑌰𑌾𑌯 𑌸𑍋𑌽𑌬𑍍𑌰𑌵𑍀𑌤𑍍 ॥ 211।

𑌜𑍈𑌗𑍀𑌷𑌵𑍍𑌯𑌾𑌯 𑌸 𑌪𑍍𑌰𑌾𑌹 𑌸𑍋𑌽𑌬𑍍𑌰𑌵𑍀𑌚𑍍𑌚𑍍𑌯𑌵𑌨𑌾𑌯 𑌚 ।
𑌤𑌸𑍍𑌮𑌾 𑌉𑌵𑌾𑌚 𑌶𑌾𑌂𑌡𑌿𑌲𑍍𑌯𑍋 𑌗𑌰𑍍𑌗𑌾𑌯 𑌪𑍍𑌰𑌾𑌹 𑌵𑍈 𑌮𑍁𑌨𑌿𑌃 ॥ 212 ॥

𑌕𑍍𑌰𑌤𑍁𑌂𑌜𑌯𑌾𑌯 𑌸 𑌪𑍍𑌰𑌾𑌹 𑌜𑌤𑍁𑌕𑌰𑍍𑌣𑍍𑌯𑌾𑌯 𑌸𑌂𑌯𑌮𑍀 ।
𑌵𑌿𑌷𑍍𑌣𑍁𑌵𑍃𑌦𑍍𑌧𑌾𑌯 𑌸𑍋𑌽𑌪𑍍𑌯𑌾𑌹 𑌸𑍋𑌽𑌪𑌿 𑌬𑍋𑌧𑌾𑌯𑌨𑌾𑌯 𑌚 ॥ 213 ॥

𑌕𑍍𑌰𑌮𑌾𑌤𑍍𑌸 𑌵𑌿𑌷𑍍𑌣𑌵𑍇 𑌪𑍍𑌰𑌾𑌹 𑌸 𑌪𑍍𑌰𑌾𑌹𑍋𑌦𑍍𑌧𑌾𑌮𑌕𑍁𑌕𑍍𑌷𑌯𑍇 ।
𑌸𑌿𑌂𑌹𑌤𑍇𑌜𑌾𑌶𑍍𑌚 𑌤𑌸𑍍𑌮𑌾𑌚𑍍𑌚 𑌶𑍍𑌰𑍀𑌪𑍍𑌰𑌿𑌯𑌾𑌯 𑌦𑌦𑍌 𑌚 𑌨𑌃 ॥ 214 ॥ [𑌸𑌃]

𑌉𑌪𑌦𑌿𑌷𑍍𑌟𑍋𑌽𑌸𑍍𑌮𑌿 𑌤𑍇𑌨𑌾𑌹𑌮𑌿𑌦𑌂 𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌤𑌤𑍍𑌪𑍍𑌰𑌸𑌾𑌦𑌾𑌦𑌮𑍃𑌤𑍍𑌯𑍁𑌰𑍍𑌮𑍇 𑌯𑌸𑍍𑌮𑌾𑌤𑍍𑌕𑌸𑍍𑌮𑌾𑌦𑍍𑌭𑌯𑌂 𑌨 𑌹𑌿 ॥ 215 ॥

𑌮𑌯𑌾 𑌚 𑌕𑌥𑌿𑌤𑌂 𑌨𑌾𑌰𑌸𑌿𑌂𑌹𑌸𑍍𑌤𑍋𑌤𑍍𑌰𑌮𑌿𑌦𑌂 𑌤𑌵 ।
𑌤𑍍𑌵𑌂 𑌹𑌿 𑌨𑌿𑌤𑍍𑌯𑌂 𑌶𑍁𑌚𑌿𑌰𑍍𑌭𑍂𑌤𑍍𑌵𑌾 𑌤𑌮𑌾𑌰𑌾𑌧𑌯 𑌶𑌾𑌶𑍍𑌵𑌤𑌮𑍍 ॥ 216 ॥

𑌸𑌰𑍍𑌵𑌭𑍂𑌤𑌾𑌶𑍍𑌰𑌯𑌂 𑌦𑍇𑌵𑌂 𑌨𑍃𑌸𑌿𑌂𑌹𑌂 𑌭𑌕𑍍𑌤𑌵𑌤𑍍𑌸𑌲𑌮𑍍 ।
𑌪𑍂𑌜𑌯𑌿𑌤𑍍𑌵𑌾 𑌸𑍍𑌤𑌵𑌂 𑌜𑌪𑍍𑌤𑍍𑌵𑌾 𑌹𑍁𑌤𑍍𑌵𑌾 𑌨𑌿𑌶𑍍𑌚𑌲𑌮𑌾𑌨𑌸𑌃 ॥ 21𑍭 ॥

𑌪𑍍𑌰𑌾𑌪𑍍𑌯𑌸𑍇 𑌮𑌹𑌤𑍀𑌂 𑌸𑌿𑌦𑍍𑌧𑌿𑌂 𑌸𑌰𑍍𑌵𑌾𑌨𑍍 𑌕𑌾𑌮𑌾𑌨𑍍𑌵𑌰𑍋𑌤𑍍𑌤𑌮𑌾𑌨𑍍 ।
𑌅𑌯𑌮𑍇𑌵 𑌪𑌰𑍋𑌧𑌰𑍍𑌮𑌸𑍍𑌤𑍍𑌵𑌿𑌦𑌮𑍇𑌵 𑌪𑌰𑌂 𑌤𑌪𑌃 ॥ 21𑍮 ॥

𑌇𑌦𑌮𑍇𑌵 𑌪𑌰𑌂 𑌜𑍍𑌞𑌾𑌨𑌮𑌿𑌦𑌮𑍇𑌵 𑌮𑌹𑌦𑍍𑌵𑍍𑌰𑌤𑌮𑍍 ।
𑌅𑌯𑌮𑍇𑌵 𑌸𑌦𑌾𑌚𑌾𑌰𑌸𑍍𑌤𑍍𑌵𑌯𑌮𑍇𑌵 𑌸𑌦𑌾 𑌮𑌖𑌃 ॥ 21𑍯 ॥

𑌇𑌦𑌮𑍇𑌵 𑌤𑍍𑌰𑌯𑍋 𑌵𑍇𑌦𑌾𑌃 𑌸𑌚𑍍𑌛𑌾𑌸𑍍𑌤𑍍𑌰𑌾𑌣𑍍𑌯𑌾𑌗𑌮𑌾𑌨𑌿 𑌚 ।
𑌨𑍃𑌸𑌿𑌂𑌹𑌮𑌂𑌤𑍍𑌰𑌾𑌦𑌨𑍍𑌯𑌚𑍍𑌚 𑌵𑍈𑌦𑌿𑌕𑌂 𑌤𑍁 𑌨 𑌵𑌿𑌦𑍍𑌯𑌤𑍇 ॥ 220 ॥

𑌯𑌦𑌿𑌹𑌾𑌸𑍍𑌤𑌿 𑌤𑌦𑌨𑍍𑌯𑌤𑍍𑌰 𑌯𑌨𑍍𑌨𑍇𑌹𑌾𑌸𑍍𑌤𑌿 𑌨 𑌤𑌤𑍍𑌕𑍍𑌵𑌚𑌿𑌤𑍍 ।
𑌕𑌥𑌿𑌤𑌂 𑌤𑍇 𑌨𑍃𑌸𑌿𑌂𑌹𑌸𑍍𑌯 𑌚𑌰𑌿𑌤𑌂 𑌪𑌾𑌪𑌨𑌾𑌶𑌨𑌮𑍍 ॥ 221 ॥

𑌸𑌰𑍍𑌵𑌮𑌂𑌤𑍍𑌰𑌮𑌯𑌂 𑌤𑌾𑌪𑌤𑍍𑌰𑌯𑍋𑌪𑌶𑌮𑌨𑌂 𑌪𑌰𑌮𑍍 ।
𑌸𑌰𑍍𑌵𑌾𑌰𑍍𑌥𑌸𑌾𑌧𑌨𑌂 𑌦𑌿𑌵𑍍𑌯𑌂 𑌕𑌿𑌂 𑌭𑍂𑌯𑌃 𑌶𑍍𑌰𑍋𑌤𑍁𑌮𑌿𑌚𑍍𑌛𑌸𑌿 ॥ 222 ॥

𑌇𑌤𑌿 𑌶𑍍𑌰𑍀𑌨𑍃𑌸𑌿𑌂𑌹𑌪𑍁𑌰𑌾𑌣𑍇 𑌨𑍃𑌸𑌿𑌂𑌹𑌪𑍍𑌰𑌾𑌦𑍁𑌰𑍍𑌭𑌾𑌵𑍇 𑌶𑍍𑌰𑍀𑌮𑌦𑍍𑌦𑌿𑌵𑍍𑌯 𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ॥