𑌶𑍍𑌰𑍀 𑌹𑌰𑌿 𑌵𑌾𑌯𑍁 𑌸𑍍𑌤𑍁𑌤𑌿

This Bhakti Granth document is presented in Grantha script, with the original script marks preserved.

𑌅𑌥 𑌨𑌖𑌸𑍍𑌤𑍁𑌤𑌿𑌃
𑌪𑌾𑌂𑌤𑍍𑌵𑌸𑍍𑌮𑌾𑌨𑍍 𑌪𑍁𑌰𑍁𑌹𑍂𑌤𑌵𑍈𑌰𑌿𑌬𑌲𑌵𑌨𑍍𑌮𑌾𑌤𑌂𑌗𑌮𑌾𑌦𑍍𑌯𑌦𑍍𑌘𑌟𑌾-
-𑌕𑍁𑌂𑌭𑍋𑌚𑍍𑌚𑌾𑌦𑍍𑌰𑌿𑌵𑌿𑌪𑌾𑌟𑌨𑌾𑌧𑌿𑌕𑌪𑌟𑍁 𑌪𑍍𑌰𑌤𑍍𑌯𑍇𑌕 𑌵𑌜𑍍𑌰𑌾𑌯𑌿𑌤𑌾𑌃 ।
𑌶𑍍𑌰𑍀𑌮𑌤𑍍𑌕𑌂𑌠𑍀𑌰𑌵𑌾𑌸𑍍𑌯𑌪𑍍𑌰𑌤𑌤𑌸𑍁𑌨𑌖𑌰𑌾 𑌦𑌾𑌰𑌿𑌤𑌾𑌰𑌾𑌤𑌿𑌦𑍂𑌰-
-𑌪𑍍𑌰𑌧𑍍𑌵𑌸𑍍𑌤𑌧𑍍𑌵𑌾𑌂𑌤𑌶𑌾𑌂𑌤𑌪𑍍𑌰𑌵𑌿𑌤𑌤𑌮𑌨𑌸𑌾 𑌭𑌾𑌵𑌿𑌤𑌾 𑌭𑍂𑌰𑌿𑌭𑌾𑌗𑍈𑌃 ॥ 1 ॥

𑌲𑌕𑍍𑌷𑍍𑌮𑍀𑌕𑌾𑌂𑌤 𑌸𑌮𑌂𑌤𑌤𑍋𑌽𑌪𑌿 𑌕𑌲𑌯𑌨𑍍 𑌨𑍈𑌵𑍇𑌶𑌿𑌤𑍁𑌸𑍍𑌤𑍇 𑌸𑌮𑌂
𑌪𑌶𑍍𑌯𑌾𑌮𑍍𑌯𑍁𑌤𑍍𑌤𑌮𑌵𑌸𑍍𑌤𑍁 𑌦𑍂𑌰𑌤𑌰𑌤𑍋𑌪𑌾𑌸𑍍𑌤𑌂 𑌰𑌸𑍋 𑌯𑍋𑌽𑌷𑍍𑌟𑌮𑌃 ।
𑌯𑌦𑍍𑌰𑍋𑌷𑍋𑌤𑍍𑌕𑌰 𑌦𑌕𑍍𑌷 𑌨𑍇𑌤𑍍𑌰 𑌕𑍁𑌟𑌿𑌲 𑌪𑍍𑌰𑌾𑌂𑌤𑍋𑌤𑍍𑌥𑌿𑌤𑌾𑌗𑍍𑌨𑌿 𑌸𑍍𑌫𑍁𑌰𑌤𑍍
𑌖𑌦𑍍𑌯𑍋𑌤𑍋𑌪𑌮 𑌵𑌿𑌸𑍍𑌫𑍁𑌲𑌿𑌂𑌗𑌭𑌸𑌿𑌤𑌾 𑌬𑍍𑌰𑌹𑍍𑌮𑍇𑌶𑌶𑌕𑍍𑌰𑍋𑌤𑍍𑌕𑌰𑌾𑌃 ॥ 2 ॥

𑌅𑌥 𑌵𑌾𑌯𑍁𑌸𑍍𑌤𑍁𑌤𑌿𑌃
𑌶𑍍𑌰𑍀𑌮𑌦𑍍𑌵𑌿𑌷𑍍𑌣𑍍𑌵𑌂𑌘𑍍𑌰𑌿𑌨𑌿𑌷𑍍𑌠𑌾𑌤𑌿𑌗𑍁𑌣𑌗𑍁𑌰𑍁𑌤𑌮𑌶𑍍𑌰𑍀𑌮𑌦𑌾𑌨𑌂𑌦𑌤𑍀𑌰𑍍𑌥-
-𑌤𑍍𑌰𑍈𑌲𑍋𑌕𑍍𑌯𑌾𑌚𑌾𑌰𑍍𑌯𑌪𑌾𑌦𑍋𑌜𑍍𑌜𑍍𑌵𑌲𑌜𑌲𑌜𑌲𑌸𑌤𑍍𑌪𑌾𑌂𑌸𑌵𑍋𑌽𑌸𑍍𑌮𑌾𑌨𑍍 𑌪𑍁𑌨𑌂𑌤𑍁 ।
𑌵𑌾𑌚𑌾𑌂 𑌯𑌤𑍍𑌰 𑌪𑍍𑌰𑌣𑍇𑌤𑍍𑌰𑍀 𑌤𑍍𑌰𑌿𑌭𑍁𑌵𑌨𑌮𑌹𑌿𑌤𑌾 𑌶𑌾𑌰𑌦𑌾 𑌶𑌾𑌰𑌦𑍇𑌂𑌦𑍁-
-𑌜𑍍𑌯𑍋𑌤𑍍𑌸𑍍𑌨𑌾𑌭𑌦𑍍𑌰𑌸𑍍𑌮𑌿𑌤𑌶𑍍𑌰𑍀𑌧𑌵𑌳𑌿𑌤𑌕𑌕𑍁𑌭𑌾 𑌪𑍍𑌰𑍇𑌮𑌭𑌾𑌰𑌂 𑌬𑌭𑌾𑌰 ॥ 1 ॥

𑌉𑌤𑍍𑌕𑌂𑌠𑌾𑌕𑍁𑌂𑌠𑌕𑍋𑌲𑌾𑌹𑌲𑌜𑌵𑌵𑌿𑌜𑌿𑌤𑌾𑌜𑌸𑍍𑌰𑌸𑍇𑌵𑌾𑌨𑍁𑌵𑍃𑌦𑍍𑌧-
-𑌪𑍍𑌰𑌾𑌜𑍍𑌞𑌾𑌤𑍍𑌮𑌜𑍍𑌞𑌾𑌨𑌧𑍂𑌤𑌾𑌂𑌧𑌤𑌮𑌸𑌸𑍁𑌮𑌨𑍋𑌮𑍌𑌲𑌿𑌰𑌤𑍍𑌨𑌾𑌵𑌳𑍀𑌨𑌾𑌮𑍍 ।
𑌭𑌕𑍍𑌤𑍍𑌯𑍁𑌦𑍍𑌰𑍇𑌕𑌾𑌵𑌗𑌾𑌢𑌪𑍍𑌰𑌘𑌟𑌨𑌸𑌧𑌟𑌾𑌤𑍍𑌕𑌾𑌰𑌸𑌂𑌘𑍃𑌷𑍍𑌯𑌮𑌾𑌣-
𑌪𑍍𑌰𑌾𑌂𑌤𑌪𑍍𑌰𑌾𑌗𑍍𑌰𑍍𑌯𑌾𑌂𑌘𑍍𑌰𑌿𑌪𑍀𑌠𑍋𑌤𑍍𑌥𑌿𑌤𑌕𑌨𑌕𑌰𑌜𑌃𑌪𑌿𑌂𑌜𑌰𑌾𑌰𑌂𑌜𑌿𑌤𑌾𑌶𑌾𑌃 ॥ 2 ॥

𑌜𑌨𑍍𑌮𑌾𑌧𑌿𑌵𑍍𑌯𑌾𑌧𑍍𑌯𑍁𑌪𑌾𑌧𑌿𑌪𑍍𑌰𑌤𑌿𑌹𑌤𑌿𑌵𑌿𑌰𑌹𑌪𑍍𑌰𑌾𑌪𑌕𑌾𑌣𑌾𑌂 𑌗𑍁𑌣𑌾𑌨𑌾𑌂
𑌅𑌗𑍍𑌰𑍍𑌯𑌾𑌣𑌾𑌮𑌰𑍍𑌪𑌕𑌾𑌣𑌾𑌂 𑌚𑌿𑌰𑌮𑍁𑌦𑌿𑌤𑌚𑌿𑌦𑌾𑌨𑌂𑌦𑌸𑌂𑌦𑍋𑌹𑌦𑌾𑌨𑌾𑌮𑍍 ।
𑌏𑌤𑍇𑌷𑌾𑌮𑍇𑌷 𑌦𑍋𑌷𑌪𑍍𑌰𑌮𑍁𑌷𑌿𑌤𑌮𑌨𑌸𑌾𑌂 𑌦𑍍𑌵𑍇𑌷𑌿𑌣𑌾𑌂 𑌦𑍂𑌷𑌕𑌾𑌣𑌾𑌂
𑌦𑍈𑌤𑍍𑌯𑌾𑌨𑌾𑌮𑌾𑌰𑍍𑌤𑌿𑌮𑌂𑌧𑍇 𑌤𑌮𑌸𑌿 𑌵𑌿𑌦𑌧𑌤𑌾𑌂 𑌸𑌂𑌸𑍍𑌤𑌵𑍇 𑌨𑌾𑌸𑍍𑌮𑌿 𑌶𑌕𑍍𑌤𑌃 ॥ 3 ॥

𑌅𑌸𑍍𑌯𑌾𑌵𑌿𑌷𑍍𑌕𑌰𑍍𑌤𑍁𑌕𑌾𑌮𑌂 𑌕𑌲𑌿𑌮𑌲𑌕𑌲𑍁𑌷𑍇𑌽𑌸𑍍𑌮𑌿𑌨𑍍 𑌜𑌨𑍇 𑌜𑍍𑌞𑌾𑌨𑌮𑌾𑌰𑍍𑌗𑌂
𑌵𑌂𑌦𑍍𑌯𑌂 𑌚𑌂𑌦𑍍𑌰𑍇𑌂𑌦𑍍𑌰𑌰𑍁𑌦𑍍𑌰𑌦𑍍𑌯𑍁𑌮𑌣𑌿𑌫𑌣𑌿𑌵𑌯𑍋𑌨𑌾𑌯𑌕𑌾𑌦𑍍𑌯𑍈𑌰𑌿𑌹𑌾𑌦𑍍𑌯 ।
𑌮𑌧𑍍𑌵𑌾𑌖𑍍𑌯𑌂 𑌮𑌂𑌤𑍍𑌰𑌸𑌿𑌦𑍍𑌧𑌂 𑌕𑌿𑌮𑍁𑌤 𑌕𑍃𑌤𑌵𑌤𑍋 𑌮𑌾𑌰𑍁𑌤𑌸𑍍𑌯𑌾𑌵𑌤𑌾𑌰𑌂
𑌪𑌾𑌤𑌾𑌰𑌂 𑌪𑌾𑌰𑌮𑍇𑌷𑍍𑌟𑍍𑌯𑌂 𑌪𑌦𑌮𑌪𑌵𑌿𑌪𑌦𑌃 𑌪𑍍𑌰𑌾𑌪𑍍𑌤𑍁𑌰𑌾𑌪𑌨𑍍𑌨𑌪𑍁𑌂𑌸𑌾𑌮𑍍 ॥ 4 ॥

𑌉𑌦𑍍𑌯𑌦𑍍𑌵𑌿𑌦𑍍𑌯𑍁𑌤𑍍𑌪𑍍𑌰𑌚𑌂𑌡𑌾𑌂 𑌨𑌿𑌜𑌰𑍁𑌚𑌿𑌨𑌿𑌕𑌰𑌵𑍍𑌯𑌾𑌪𑍍𑌤𑌲𑍋𑌕𑌾𑌵𑌕𑌾𑌶𑍋
𑌬𑌿𑌭𑍍𑌰𑌦𑍍𑌭𑍀𑌮𑍋 𑌭𑍁𑌜𑍇 𑌯𑍋𑌽𑌭𑍍𑌯𑍁𑌦𑌿𑌤𑌦𑌿𑌨𑌕𑌰𑌾𑌭𑌾𑌂𑌗𑌦𑌾𑌢𑍍𑌯 𑌪𑍍𑌰𑌕𑌾𑌂𑌡𑍇 ।
𑌵𑍀𑌰𑍍𑌯𑍋𑌦𑍍𑌧𑌾𑌰𑍍𑌯𑌾𑌂 𑌗𑌦𑌾𑌗𑍍𑌰𑍍𑌯𑌾𑌮𑌯𑌮𑌿𑌹 𑌸𑍁𑌮𑌤𑌿𑌂 𑌵𑌾𑌯𑍁𑌦𑍇𑌵𑍋 𑌵𑌿𑌦𑌧𑍍𑌯𑌾𑌤𑍍
𑌅𑌧𑍍𑌯𑌾𑌤𑍍𑌮𑌜𑍍𑌞𑌾𑌨𑌨𑍇𑌤𑌾 𑌯𑌤𑌿𑌵𑌰𑌮𑌹𑌿𑌤𑍋 𑌭𑍂𑌮𑌿𑌭𑍂𑌷𑌾𑌮𑌣𑌿𑌰𑍍𑌮𑍇 ॥ 5 ॥

𑌸𑌂𑌸𑌾𑌰𑍋𑌤𑍍𑌤𑌾𑌪𑌨𑌿𑌤𑍍𑌯𑍋𑌪𑌶𑌮𑌦𑌸𑌦𑌯𑌸𑍍𑌨𑍇𑌹𑌹𑌾𑌸𑌾𑌂𑌬𑍁𑌪𑍂𑌰-
-𑌪𑍍𑌰𑍋𑌦𑍍𑌯𑌦𑍍𑌵𑌿𑌦𑍍𑌯𑌾𑌨𑌵𑌦𑍍𑌯𑌦𑍍𑌯𑍁𑌤𑌿𑌮𑌣𑌿𑌕𑌿𑌰𑌣𑌶𑍍𑌰𑍇𑌣𑌿𑌸𑌂𑌪𑍂𑌰𑌿𑌤𑌾𑌶𑌃 ।
𑌶𑍍𑌰𑍀𑌵𑌤𑍍𑌸𑌾𑌂𑌕𑌾𑌧𑌿𑌵𑌾𑌸𑍋𑌚𑌿𑌤𑌤𑌰𑌸𑌰𑌳𑌶𑍍𑌰𑍀𑌮𑌦𑌾𑌨𑌂𑌦𑌤𑍀𑌰𑍍𑌥-
-𑌕𑍍𑌷𑍀𑌰𑌾𑌂𑌭𑍋𑌧𑌿𑌰𑍍𑌵𑌿𑌭𑌿𑌂𑌦𑍍𑌯𑌾𑌦𑍍𑌭𑌵𑌦𑌨𑌭𑌿𑌮𑌤𑌂 𑌭𑍂𑌰𑌿 𑌮𑍇 𑌭𑍂𑌤𑌿𑌹𑍇𑌤𑍁𑌃 ॥ 6 ॥

𑌮𑍂𑌰𑍍𑌧𑌨𑍍𑌯𑍇𑌷𑍋𑌽𑌂𑌜𑌲𑌿𑌰𑍍𑌮𑍇 𑌦𑍃𑌢𑌤𑌰𑌮𑌿𑌹 𑌤𑍇 𑌬𑌧𑍍𑌯𑌤𑍇 𑌬𑌂𑌧𑌪𑌾𑌶-
-𑌚𑍍𑌛𑍇𑌤𑍍𑌰𑍇 𑌦𑌾𑌤𑍍𑌰𑍇 𑌸𑍁𑌖𑌾𑌨𑌾𑌂 𑌭𑌜𑌤𑌿 𑌭𑍁𑌵𑌿 𑌭𑌵𑌿𑌷𑍍𑌯𑌦𑍍𑌵𑌿𑌧𑌾𑌤𑍍𑌰𑍇 𑌦𑍍𑌯𑍁𑌭𑌰𑍍𑌤𑍍𑌰𑍇 ।
𑌅𑌤𑍍𑌯𑌂𑌤𑌂 𑌸𑌂𑌤𑌤𑌂 𑌤𑍍𑌵𑌂 𑌪𑍍𑌰𑌦𑌿𑌶 𑌪𑌦𑌯𑍁𑌗𑍇 𑌹𑌂𑌤 𑌸𑌂𑌤𑌾𑌪𑌭𑌾𑌜𑌾-
-𑌮𑌸𑍍𑌮𑌾𑌕𑌂 𑌭𑌕𑍍𑌤𑌿𑌮𑍇𑌕𑌾𑌂 𑌭𑌗𑌵𑌤 𑌉𑌤 𑌤𑍇 𑌮𑌾𑌧𑌵𑌸𑍍𑌯𑌾𑌥 𑌵𑌾𑌯𑍋𑌃 ॥ 𑍭 ॥

𑌸𑌾𑌭𑍍𑌰𑍋𑌷𑍍𑌣𑌾𑌭𑍀𑌶𑍁𑌶𑍁𑌭𑍍𑌰𑌪𑍍𑌰𑌭𑌮𑌭𑌯 𑌨𑌭𑍋 𑌭𑍂𑌰𑌿𑌭𑍂𑌭𑍃𑌦𑍍𑌵𑌿𑌭𑍂𑌤𑌿-
-𑌭𑍍𑌰𑌾𑌜𑌿𑌷𑍍𑌣𑍁𑌰𑍍𑌭𑍂𑌰𑍃𑌭𑍂𑌣𑌾𑌂 𑌭𑌵𑌨𑌮𑌪𑌿 𑌵𑌿𑌭𑍋𑌽𑌭𑍇𑌦𑌿 𑌬𑌭𑍍𑌰𑍇 𑌬𑌭𑍂𑌵𑍇 ।
𑌯𑍇𑌨 𑌭𑍍𑌰𑍂𑌵𑌿𑌭𑍍𑌰𑌮𑌸𑍍𑌤𑍇 𑌭𑍍𑌰𑌮𑌯𑌤𑍁 𑌸𑍁𑌭𑍃𑌶𑌂 𑌬𑌭𑍍𑌰𑍁𑌵𑌦𑍍𑌦𑍁𑌰𑍍𑌭𑍃𑌤𑌾𑌶𑌾𑌨𑍍
𑌭𑍍𑌰𑌾𑌂𑌤𑌿𑌰𑍍𑌭𑍇𑌦𑌾𑌵𑌭𑌾𑌸𑌸𑍍𑌤𑍍𑌵𑌿𑌤𑌿 𑌭𑌯𑌮𑌭𑌿𑌭𑍂𑌰𑍍𑌭𑍋𑌕𑍍𑌷𑍍𑌯𑌤𑍋 𑌮𑌾𑌯𑌿𑌭𑌿𑌕𑍍𑌷𑍂𑌨𑍍 ॥ 𑍮 ॥

𑌯𑍇𑌽𑌮𑍁𑌂 𑌭𑌾𑌵𑌂 𑌭𑌜𑌂𑌤𑍇 𑌸𑍁𑌰𑌮𑍁𑌖𑌸𑍁𑌜𑌨𑌾𑌰𑌾𑌧𑌿𑌤𑌂 𑌤𑍇 𑌤𑍃𑌤𑍀𑌯𑌂
𑌭𑌾𑌸𑌂𑌤𑍇 𑌭𑌾𑌸𑍁𑌰𑍈𑌸𑍍𑌤𑍇 𑌸𑌹𑌚𑌰𑌚𑌲𑌿𑌤𑍈𑌶𑍍𑌚𑌾𑌮𑌰𑍈𑌶𑍍𑌚𑌾𑌰𑍁𑌵𑍇𑌷𑌾𑌃 ।
𑌵𑍈𑌕𑍁𑌂𑌠𑍇 𑌕𑌂𑌠𑌲𑌗𑍍𑌨𑌸𑍍𑌥𑌿𑌰𑌶𑍁𑌚𑌿𑌵𑌿𑌲𑌸𑌤𑍍𑌕𑌾𑌂𑌤𑌿𑌤𑌾𑌰𑍁𑌣𑍍𑌯𑌲𑍀𑌲𑌾-
𑌲𑌾𑌵𑌣𑍍𑌯𑌾𑌪𑍂𑌰𑍍𑌣𑌕𑌾𑌂𑌤𑌾𑌕𑍁𑌚𑌭𑌰𑌸𑍁𑌲𑌭𑌾𑌶𑍍𑌲𑍇𑌷𑌸𑌮𑍍𑌮𑍋𑌦𑌸𑌾𑌂𑌦𑍍𑌰𑌾𑌃 ॥ 𑍯 ॥

𑌆𑌨𑌂𑌦𑌾𑌨𑍍𑌮𑌂𑌦𑌮𑌂𑌦𑌾 𑌦𑌦𑌤𑌿 𑌹𑌿 𑌮𑌰𑍁𑌤𑌃 𑌕𑍁𑌂𑌦𑌮𑌂𑌦𑌾𑌰𑌨𑌂𑌦𑍍𑌯𑌾-
-𑌵𑌰𑍍𑌤𑌾𑌮𑍋𑌦𑌾𑌨𑍍 𑌦𑌧𑌾𑌨𑌾 𑌮𑍃𑌦𑍁𑌪𑌦𑌮𑍁𑌦𑌿𑌤𑍋𑌦𑍍𑌗𑍀𑌤𑌕𑍈𑌃 𑌸𑍁𑌂𑌦𑌰𑍀𑌣𑌾𑌮𑍍 ।
𑌵𑍃𑌂𑌦𑍈𑌰𑌾𑌵𑌂𑌦𑍍𑌯𑌮𑍁𑌕𑍍𑌤𑍇𑌂𑌦𑍍𑌵𑌹𑌿𑌮𑌗𑍁𑌮𑌦𑌨𑌾𑌹𑍀𑌂𑌦𑍍𑌰𑌦𑍇𑌵𑍇𑌂𑌦𑍍𑌰𑌸𑍇𑌵𑍍𑌯𑍇
𑌮𑍌𑌕𑍁𑌂𑌦𑍇 𑌮𑌂𑌦𑌿𑌰𑍇𑌽𑌸𑍍𑌮𑌿𑌨𑍍𑌨𑌵𑌿𑌰𑌤𑌮𑍁𑌦𑌯𑌨𑍍𑌮𑍋𑌦𑌿𑌨𑌾𑌂 𑌦𑍇𑌵𑌦𑍇𑌵 ॥ 10 ॥

𑌉𑌤𑍍𑌤𑌪𑍍𑌤𑌾𑌽𑌤𑍍𑌯𑍁𑌤𑍍𑌕𑌟𑌤𑍍𑌵𑌿𑌟𑍍 𑌪𑍍𑌰𑌕𑌟𑌕𑌟𑌕𑌟𑌧𑍍𑌵𑌾𑌨𑌸𑌂𑌘𑌟𑍍𑌟𑌨𑍋𑌦𑍍𑌯-
-𑌦𑍍𑌵𑌿𑌦𑍍𑌯𑍁𑌦𑍍𑌵𑍍𑌯𑍂𑌢𑌸𑍍𑌫𑍁𑌲𑌿𑌂𑌗𑌪𑍍𑌰𑌕𑌰𑌵𑌿𑌕𑌿𑌰𑌣𑍋𑌤𑍍𑌕𑍍𑌵𑌾𑌥𑌿𑌤𑍇 𑌬𑌾𑌧𑌿𑌤𑌾𑌂𑌗𑌾𑌨𑍍 ।
𑌉𑌦𑍍𑌗𑌾𑌢𑌂 𑌪𑌾𑌤𑍍𑌯𑌮𑌾𑌨𑌾 𑌤𑌮𑌸𑌿 𑌤𑌤 𑌇𑌤𑌃 𑌕𑌿𑌂𑌕𑌰𑍈𑌃 𑌪𑌂𑌕𑌿𑌲𑍇 𑌤𑍇
𑌪𑌂𑌕𑍍𑌤𑌿𑌰𑍍𑌗𑍍𑌰𑌾𑌵𑍍𑌣𑌾𑌂 𑌗𑌰𑌿𑌮𑍍𑌣𑌾 𑌗𑍍𑌲𑌪𑌯𑌤𑌿 𑌹𑌿 𑌭𑌵𑌦𑍍𑌵𑍇𑌷𑌿𑌣𑍋 𑌵𑌿𑌦𑍍𑌵𑌦𑌾𑌦𑍍𑌯 ॥ 11 ॥

𑌅𑌸𑍍𑌮𑌿𑌨𑍍𑌨𑌸𑍍𑌮𑌦𑍍𑌗𑍁𑌰𑍂𑌣𑌾𑌂 𑌹𑌰𑌿𑌚𑌰𑌣𑌚𑌿𑌰𑌧𑍍𑌯𑌾𑌨𑌸𑌨𑍍𑌮𑌂𑌗𑌲𑌾𑌨𑌾𑌂
𑌯𑍁𑌷𑍍𑌮𑌾𑌕𑌂 𑌪𑌾𑌰𑍍𑌶𑍍𑌵𑌭𑍂𑌮𑌿𑌂 𑌧𑍃𑌤𑌰𑌣𑌰𑌣𑌿𑌕𑌸𑍍𑌵𑌰𑍍𑌗𑌿𑌸𑍇𑌵𑍍𑌯𑌾𑌂 𑌪𑍍𑌰𑌪𑌨𑍍𑌨𑌃 ।
𑌯𑌸𑍍𑌤𑍂𑌦𑌾𑌸𑍍𑌤𑍇 𑌸 𑌆𑌸𑍍𑌤𑍇𑌽𑌧𑌿𑌭𑌵𑌮𑌸𑍁𑌲𑌭𑌕𑍍𑌲𑍇𑌶𑌨𑌿𑌰𑍍𑌮𑍂𑌕𑌮𑌸𑍍𑌤-
-𑌪𑍍𑌰𑌾𑌯𑌾𑌨𑌂𑌦𑌂 𑌕𑌥𑌂𑌚𑌿𑌨𑍍𑌨 𑌵𑌸𑌤𑌿 𑌸𑌤𑌤𑌂 𑌪𑌂𑌚𑌕𑌷𑍍𑌟𑍇𑌽𑌤𑌿𑌕𑌷𑍍𑌟𑍇 ॥ 12 ॥

𑌕𑍍𑌷𑍁𑌤𑍍 𑌕𑍍𑌷𑌾𑌮𑌾𑌨𑍍 𑌰𑍂𑌕𑍍𑌷𑌰𑌕𑍍𑌷𑍋𑌰𑌦𑌖𑌰𑌨𑌖𑌰𑌕𑍍𑌷𑍁𑌣𑍍𑌣𑌵𑌿𑌕𑍍𑌷𑍋𑌭𑌿𑌤𑌾𑌕𑍍𑌷𑌾-
-𑌨𑌾𑌮𑌗𑍍𑌨𑌾𑌨𑌾𑌂𑌧𑌕𑍂𑌪𑍇 𑌕𑍍𑌷𑍁𑌰𑌮𑍁𑌖𑌮𑍁𑌖𑌰𑍈𑌃 𑌪𑌕𑍍𑌷𑌿𑌭𑌿𑌰𑍍𑌵𑌿𑌕𑍍𑌷𑌤𑌾𑌂𑌗𑌾𑌨𑍍 ।
𑌪𑍂𑌯𑌾𑌸𑍃𑌙𑍍𑌮𑍂𑌤𑍍𑌰𑌵𑌿𑌷𑍍𑌠𑌾𑌕𑍃𑌮𑌿𑌕𑍁𑌲𑌕𑌲𑌿𑌲𑍇 𑌤𑌤𑍍𑌕𑍍𑌷𑌣𑌕𑍍𑌷𑌿𑌪𑍍𑌤𑌶𑌕𑍍𑌤𑍍𑌯𑌾-
-𑌦𑍍𑌯𑌸𑍍𑌤𑍍𑌰𑌵𑍍𑌰𑌾𑌤𑌾𑌰𑍍𑌦𑌿𑌤𑌾𑌂𑌸𑍍𑌤𑍍𑌵𑌦𑍍𑌦𑍍𑌵𑌿𑌷 𑌉𑌪𑌜𑌿𑌹𑌤𑍇 𑌵𑌜𑍍𑌰𑌕𑌲𑍍𑌪𑌾 𑌜𑌲𑍂𑌕𑌾𑌃 ॥ 13 ॥

𑌮𑌾𑌤𑌰𑍍𑌮𑍇 𑌮𑌾𑌤𑌰𑌿𑌶𑍍𑌵𑌨𑍍 𑌪𑌿𑌤𑌰𑌤𑍁𑌲𑌗𑍁𑌰𑍋 𑌭𑍍𑌰𑌾𑌤𑌰𑌿𑌷𑍍𑌟𑌾𑌪𑍍𑌤𑌬𑌂𑌧𑍋
𑌸𑍍𑌵𑌾𑌮𑌿𑌨𑍍 𑌸𑌰𑍍𑌵𑌾𑌂𑌤𑌰𑌾𑌤𑍍𑌮𑌨𑍍𑌨𑌜𑌰 𑌜𑌰𑌯𑌿𑌤𑌰𑍍𑌜𑌨𑍍𑌮𑌮𑍃𑌤𑍍𑌯𑌾𑌮𑌯𑌾𑌨𑌾𑌮𑍍 ।
𑌗𑍋𑌵𑌿𑌂𑌦𑍇 𑌦𑍇𑌹𑌿 𑌭𑌕𑍍𑌤𑌿𑌂 𑌭𑌵𑌤𑌿 𑌚 𑌭𑌗𑌵𑌨𑍍𑌨𑍂𑌰𑍍𑌜𑌿𑌤𑌾𑌂 𑌨𑌿𑌰𑍍𑌨𑌿𑌮𑌿𑌤𑍍𑌤𑌾𑌂
𑌨𑌿𑌰𑍍𑌵𑍍𑌯𑌾𑌜𑌾𑌂 𑌨𑌿𑌶𑍍𑌚𑌲𑌾𑌂 𑌸𑌦𑍍𑌗𑍁𑌣𑌗𑌣𑌬𑍃𑌹𑌤𑍀𑌂 𑌶𑌾𑌶𑍍𑌵𑌤𑍀𑌮𑌾𑌶𑍁 𑌦𑍇𑌵 ॥ 14 ॥

𑌵𑌿𑌷𑍍𑌣𑍋𑌰𑌤𑍍𑌤𑍍𑌯𑍁𑌤𑍍𑌤𑌮𑌤𑍍𑌵𑌾𑌦𑌖𑌿𑌲𑌗𑍁𑌣𑌗𑌣𑍈𑌸𑍍𑌤𑌤𑍍𑌰 𑌭𑌕𑍍𑌤𑌿𑌂 𑌗𑌰𑌿𑌷𑍍𑌠𑌾𑌂
𑌆𑌶𑍍𑌲𑌿𑌷𑍍𑌟𑍇 𑌶𑍍𑌰𑍀𑌧𑌰𑌾𑌭𑍍𑌯𑌾𑌮𑌮𑍁𑌮𑌥 𑌪𑌰𑌿𑌵𑌾𑌰𑌾𑌤𑍍𑌮𑌨𑌾 𑌸𑍇𑌵𑌕𑍇𑌷𑍁 ।
𑌯𑌃 𑌸𑌂𑌧𑌤𑍍𑌤𑍇 𑌵𑌿𑌰𑌿𑌂𑌚𑌶𑍍𑌵𑌸𑌨𑌵𑌿𑌹𑌗𑌪𑌾𑌨𑌂𑌤𑌰𑍁𑌦𑍍𑌰𑍇𑌂𑌦𑍍𑌰𑌪𑍂𑌰𑍍𑌵𑍇-
-𑌷𑍍𑌵𑌾𑌧𑍍𑌯𑌾𑌯𑌂𑌸𑍍𑌤𑌾𑌰𑌤𑌮𑍍𑌯𑌂 𑌸𑍍𑌫𑍁𑌟𑌮𑌵𑌤𑌿 𑌸𑌦𑌾 𑌵𑌾𑌯𑍁𑌰𑌸𑍍𑌮𑌦𑍍𑌗𑍁𑌰𑍁𑌸𑍍𑌤𑌮𑍍 ॥ 15 ॥

𑌤𑌤𑍍𑌤𑍍𑌵𑌜𑍍𑌞𑌾𑌨𑍍 𑌮𑍁𑌕𑍍𑌤𑌿𑌭𑌾𑌜𑌃 𑌸𑍁𑌖𑌯𑌿𑌸𑌿 𑌹𑌿 𑌗𑍁𑌰𑍋 𑌯𑍋𑌗𑍍𑌯𑌤𑌾𑌤𑌾𑌰𑌤𑌮𑍍𑌯𑌾-
-𑌦𑌾𑌧𑌤𑍍𑌸𑍇 𑌮𑌿𑌶𑍍𑌰𑌬𑍁𑌦𑍍𑌧𑌿𑌂𑌸𑍍𑌤𑍍𑌰𑌿𑌦𑌿𑌵𑌨𑌿𑌰𑌯𑌭𑍂𑌗𑍋𑌚𑌰𑌾𑌨𑍍 𑌨𑌿𑌤𑍍𑌯𑌬𑌦𑍍𑌧𑌾𑌨𑍍 ।
𑌤𑌾𑌮𑌿𑌸𑍍𑌰𑌾𑌂𑌧𑌾𑌦𑌿𑌕𑌾𑌖𑍍𑌯𑍇 𑌤𑌮𑌸𑌿 𑌸𑍁𑌬𑌹𑍁𑌲𑌂 𑌦𑍁𑌃𑌖𑌯𑌸𑍍𑌯𑌨𑍍𑌯𑌥𑌾𑌜𑍍𑌞𑌾𑌨𑍍
𑌵𑌿𑌷𑍍𑌣𑍋𑌰𑌾𑌜𑍍𑌞𑌾𑌭𑌿𑌰𑌿𑌤𑍍𑌥𑌂 𑌶𑍃𑌤𑌿𑌶𑌤𑌮𑌿𑌤𑌿𑌹𑌾𑌸𑌾𑌦𑌿 𑌚𑌾𑌕𑌰𑍍𑌣𑌯𑌾𑌮𑌃 ॥ 16 ॥

𑌵𑌂𑌦𑍇𑌽𑌹𑌂 𑌤𑌂 𑌹𑌨𑍂𑌮𑌾𑌨𑌿𑌤𑌿 𑌮𑌹𑌿𑌤𑌮𑌹𑌾𑌪𑍌𑌰𑍁𑌷𑍋 𑌬𑌾𑌹𑍁𑌶𑌾𑌲𑍀
𑌖𑍍𑌯𑌾𑌤𑌸𑍍𑌤𑍇𑌽𑌗𑍍𑌰𑍍𑌯𑍋𑌽𑌵𑌤𑌾𑌰𑌃 𑌸𑌹𑌿𑌤 𑌇𑌹 𑌬𑌹𑍁𑌬𑍍𑌰𑌹𑍍𑌮𑌚𑌰𑍍𑌯𑌾𑌦𑌿𑌧𑌰𑍍𑌮𑍈𑌃 ।
𑌸𑌸𑍍𑌨𑍇𑌹𑌾𑌨𑌾𑌂 𑌸𑌹𑌸𑍍𑌵𑌾𑌨𑌹𑌰𑌹𑌰𑌹𑌿𑌤𑌂 𑌨𑌿𑌰𑍍𑌦𑌹𑌨𑍍 𑌦𑍇𑌹𑌭𑌾𑌜𑌾𑌂
𑌅𑌂𑌹𑍋𑌮𑍋𑌹𑌾𑌪𑌹𑍋 𑌯𑌃 𑌸𑍍𑌪𑍃𑌹𑌯𑌤𑌿 𑌮𑌹𑌤𑍀𑌂 𑌭𑌕𑍍𑌤𑌿𑌮𑌦𑍍𑌯𑌾𑌪𑌿 𑌰𑌾𑌮𑍇 ॥ 1𑍭 ॥

𑌪𑍍𑌰𑌾𑌕𑍍𑌪𑌂𑌚𑌾𑌶𑌤𑍍𑌸𑌹𑌸𑍍𑌰𑍈𑌰𑍍𑌵𑍍𑌯𑌵𑌹𑌿𑌤𑌮𑌹𑌿𑌤𑌂 𑌯𑍋𑌜𑌨𑍈𑌃 𑌪𑌰𑍍𑌵𑌤𑌂 𑌤𑍍𑌵𑌂
𑌯𑌾𑌵𑌤𑍍𑌸𑌂𑌜𑍀𑌵𑌨𑌾𑌦𑍍𑌯𑍌𑌷𑌧𑌨𑌿𑌧𑌿𑌮𑌧𑌿𑌕𑌪𑍍𑌰𑌾𑌣 𑌲𑌂𑌕𑌾𑌮𑌨𑍈𑌷𑌿𑌃 ।
𑌅𑌦𑍍𑌰𑌾𑌕𑍍𑌷𑍀𑌦𑍁𑌤𑍍𑌪𑌤𑌂𑌤𑌂 𑌤𑌤 𑌉𑌤 𑌗𑌿𑌰𑌿𑌮𑍁𑌤𑍍𑌪𑌾𑌟𑌯𑌂𑌤𑌂 𑌗𑍃𑌹𑍀𑌤𑍍𑌵𑌾
𑌯𑌾𑌂𑌤𑌂 𑌖𑍇 𑌰𑌾𑌘𑌵𑌾𑌂𑌘𑍍𑌰𑍌 𑌪𑍍𑌰𑌣𑌤𑌮𑌪𑌿 𑌤𑌦𑍈𑌕𑌕𑍍𑌷𑌣𑍇 𑌤𑍍𑌵𑌾𑌂 𑌹𑌿 𑌲𑍋𑌕𑌃 ॥ 1𑍮 ॥

𑌕𑍍𑌷𑌿𑌪𑍍𑌤𑌃 𑌪𑌶𑍍𑌚𑌾𑌤𑍍𑌸𑌤𑍍𑌸𑌲𑍀𑌲𑌂 𑌶𑌤𑌮𑌤𑍁𑌲𑌮𑌤𑍇 𑌯𑍋𑌜𑌨𑌾𑌨𑌾𑌂 𑌸 𑌉𑌚𑍍𑌚-
-𑌸𑍍𑌤𑌾𑌵𑌦𑍍𑌵𑌿𑌸𑍍𑌤𑌾𑌰𑌵𑌂𑌶𑍍𑌚𑌾𑌪𑍍𑌯𑍁𑌪𑌲𑌲𑌵 𑌇𑌵 𑌵𑍍𑌯𑌗𑍍𑌰𑌬𑍁𑌦𑍍𑌧𑍍𑌯𑌾 𑌤𑍍𑌵𑌯𑌾𑌽𑌤𑌃 ।
𑌸𑍍𑌵𑌸𑍍𑌵𑌸𑍍𑌥𑌾𑌨𑌸𑍍𑌥𑌿𑌤𑌾𑌤𑌿𑌸𑍍𑌥𑌿𑌰𑌶𑌕𑌲𑌶𑌿𑌲𑌾𑌜𑌾𑌲𑌸𑌂𑌶𑍍𑌲𑍇𑌷𑌨𑌷𑍍𑌟-
-𑌛𑍍𑌛𑍇𑌦𑌾𑌂𑌕𑌃 𑌪𑍍𑌰𑌾𑌗𑌿𑌵𑌾𑌭𑍂𑌤𑍍 𑌕𑌪𑌿𑌵𑌰𑌵𑌪𑍁𑌷𑌸𑍍𑌤𑍇 𑌨𑌮𑌃 𑌕𑍌𑌶𑌲𑌾𑌯 ॥ 1𑍯 ॥

𑌦𑍃𑌷𑍍𑌟𑍍𑌵𑌾 𑌦𑍁𑌷𑍍𑌟𑌾𑌧𑌿𑌪𑍋𑌰𑌃 𑌸𑍍𑌫𑍁𑌟𑌿𑌤𑌕𑌨𑌕𑌸𑌦𑍍𑌵𑌰𑍍𑌮 𑌘𑍃𑌷𑍍𑌟𑌾𑌸𑍍𑌥𑌿𑌕𑍂𑌟𑌂
𑌨𑌿𑌷𑍍𑌪𑌿𑌷𑍍𑌟𑌂 𑌹𑌾𑌟𑌕𑌾𑌦𑍍𑌰𑌿𑌪𑍍𑌰𑌕𑌟𑌤𑌟𑌤𑌟𑌾𑌕𑌾𑌤𑌿𑌶𑌂𑌕𑍋 𑌜𑌨𑍋𑌽𑌭𑍂𑌤𑍍 ।
𑌯𑍇𑌨𑌾𑌽𑌜𑍌 𑌰𑌾𑌵𑌣𑌾𑌰𑌿𑌪𑍍𑌰𑌿𑌯𑌨𑌟𑌨𑌪𑌟𑍁𑌰𑍍𑌮𑍁𑌷𑍍𑌟𑌿𑌰𑌿𑌷𑍍𑌟𑌂 𑌪𑍍𑌰𑌦𑍇𑌷𑍍𑌟𑍁𑌂
𑌕𑌿𑌂 𑌨𑍇𑌷𑍍𑌟𑍇 𑌮𑍇 𑌸 𑌤𑍇𑌽𑌷𑍍𑌟𑌾𑌪𑌦𑌕𑌟𑌕𑌤𑌟𑌿𑌤𑍍𑌕𑍋𑌟𑌿𑌭𑌾𑌮𑍃𑌷𑍍𑌟𑌕𑌾𑌷𑍍𑌠𑌃 ॥ 20 ॥

𑌦𑍇𑌵𑍍𑌯𑌾𑌦𑍇𑌶𑌪𑍍𑌰𑌣𑍀𑌤𑌿𑌦𑍃𑌹𑌿𑌣𑌹𑌰𑌵𑌰𑌾𑌵𑌧𑍍𑌯𑌰𑌕𑍍𑌷𑍋𑌵𑌿𑌘𑌾𑌤𑌾-
-𑌦𑍍𑌯𑌾𑌸𑍇𑌵𑍋𑌦𑍍𑌯𑌦𑍍𑌦𑌯𑌾𑌰𑍍𑌦𑍍𑌰𑌃 𑌸𑌹𑌭𑍁𑌜𑌮𑌕𑌰𑍋𑌦𑍍𑌰𑌾𑌮𑌨𑌾𑌮𑌾 𑌮𑍁𑌕𑍁𑌂𑌦𑌃 ।
𑌦𑍁𑌷𑍍𑌪𑍍𑌰𑌾𑌪𑍇 𑌪𑌾𑌰𑌮𑍇𑌷𑍍𑌠𑍍𑌯𑍇 𑌕𑌰𑌤𑌲𑌮𑌤𑍁𑌲𑌂 𑌮𑍂𑌰𑍍𑌧𑌿𑌵𑌿𑌨𑍍𑌯𑌸𑍍𑌯 𑌧𑌨𑍍𑌯𑌂
𑌤𑌨𑍍𑌵𑌨𑍍𑌭𑍂𑌯𑌃 𑌪𑍍𑌰𑌭𑍂𑌤𑌪𑍍𑌰𑌣𑌯𑌵𑌿𑌕𑌸𑌿𑌤𑌾𑌬𑍍𑌜𑍇𑌕𑍍𑌷𑌣𑌸𑍍𑌤𑍍𑌵𑍇𑌕𑍍𑌷𑌮𑌾𑌣𑌃 ॥ 21 ॥

𑌜𑌘𑍍𑌨𑍇 𑌨𑌿𑌘𑍍𑌨𑍇𑌨 𑌵𑌿𑌘𑍍𑌨𑍋 𑌬𑌹𑍁𑌲𑌬𑌲𑌬𑌕𑌧𑍍𑌵𑌂𑌸𑌨𑌾𑌦𑍍𑌯𑍇𑌨 𑌶𑍋𑌚-
-𑌦𑍍𑌵𑌿𑌪𑍍𑌰𑌾𑌨𑍁𑌕𑍍𑌰𑍋𑌶𑌪𑌾𑌶𑍈𑌰𑌸𑍁𑌵𑌿𑌧𑍃𑌤𑌿𑌸𑍁𑌖𑌸𑍍𑌯𑍈𑌕𑌚𑌕𑍍𑌰𑌾𑌜𑌨𑌾𑌨𑌾𑌮𑍍 ।
𑌤𑌸𑍍𑌮𑍈 𑌤𑍇 𑌦𑍇𑌵 𑌕𑍁𑌰𑍍𑌮𑌃 𑌕𑍁𑌰𑍁𑌕𑍁𑌲𑌪𑌤𑌯𑍇 𑌕𑌰𑍍𑌮𑌣𑌾 𑌚 𑌪𑍍𑌰𑌣𑌾𑌮𑌾𑌨𑍍
𑌕𑌿𑌰𑍍𑌮𑍀𑌰𑌂 𑌦𑍁𑌰𑍍𑌮𑌤𑍀𑌨𑌾𑌂 𑌪𑍍𑌰𑌥𑌮𑌮𑌥 𑌚 𑌯𑍋 𑌨𑌰𑍍𑌮𑌣𑌾 𑌨𑌿𑌰𑍍𑌮𑌮𑌾𑌥 ॥ 22 ॥

𑌨𑌿𑌰𑍍𑌮𑍃𑌦𑍍𑌨𑌨𑍍𑌨𑌤𑍍𑌯𑌯𑌤𑍍𑌨𑌂 𑌵𑌿𑌜𑌰𑌵𑌰 𑌜𑌰𑌾𑌸𑌂𑌧𑌕𑌾𑌯𑌾𑌸𑍍𑌥𑌿𑌸𑌂𑌧𑍀𑌨𑍍
𑌯𑍁𑌦𑍍𑌧𑍇 𑌤𑍍𑌵𑌂 𑌸𑍍𑌵𑌧𑍍𑌵𑌰𑍇 𑌵𑌾 𑌪𑌶𑍁𑌮𑌿𑌵 𑌦𑌮𑌯𑌨𑍍 𑌵𑌿𑌷𑍍𑌣𑍁𑌪𑌕𑍍𑌷𑌦𑍍𑌵𑌿𑌡𑍀𑌶𑌮𑍍 ।
𑌯𑌾𑌵𑌤𑍍𑌪𑍍𑌰𑌤𑍍𑌯𑌕𑍍𑌷𑌭𑍂𑌤𑌂 𑌨𑌿𑌖𑌿𑌲𑌮𑌖𑌭𑍁𑌜𑌂 𑌤𑌰𑍍𑌪𑌯𑌾𑌮𑌾𑌸𑌿𑌥𑌾𑌸𑍌
𑌤𑌾𑌵𑌤𑍍𑌯𑌾𑌽𑌯𑍋𑌜𑌿 𑌤𑍃𑌪𑍍𑌤𑍍𑌯𑌾 𑌕𑌿𑌮𑍁 𑌵𑌦 𑌭𑌗𑌵𑌨𑍍 𑌰𑌾𑌜𑌸𑍂𑌯𑌾𑌶𑍍𑌵𑌮𑍇𑌧𑍇 ॥ 23 ॥

𑌕𑍍𑌷𑍍𑌵𑍇𑌲𑌾𑌕𑍍𑌷𑍀𑌣𑌾𑌟𑍍𑌟𑌹𑌾𑌸𑌂 𑌤𑌵 𑌰𑌣𑌮𑌰𑌿𑌹𑌨𑍍𑌨𑍁𑌦𑍍𑌗𑌦𑍋𑌦𑍍𑌦𑌾𑌮𑌬𑌾𑌹𑍋𑌃
𑌬𑌹𑍍𑌵𑌕𑍍𑌷𑍌𑌹𑌿𑌣𑍍𑌯𑌨𑍀𑌕𑌕𑍍𑌷𑌪𑌣𑌸𑍁𑌨𑌿𑌪𑍁𑌣𑌂 𑌯𑌸𑍍𑌯 𑌸𑌰𑍍𑌵𑍋𑌤𑍍𑌤𑌮𑌸𑍍𑌯 ।
𑌶𑍁𑌶𑍍𑌰𑍂𑌷𑌾𑌰𑍍𑌥𑌂 𑌚𑌕𑌰𑍍𑌥 𑌸𑍍𑌵𑌯𑌮𑌯𑌮𑌥 𑌸𑌂𑌵𑌕𑍍𑌤𑍁𑌮𑌾𑌨𑌂𑌦𑌤𑍀𑌰𑍍𑌥-
-𑌶𑍍𑌰𑍀𑌮𑌨𑍍𑌨𑌾𑌮𑌨𑍍𑌸𑌮𑌰𑍍𑌥𑌸𑍍𑌤𑍍𑌵𑌮𑌪𑌿 𑌹𑌿 𑌯𑍁𑌵𑌯𑍋𑌃 𑌪𑌾𑌦𑌪𑌦𑍍𑌮𑌂 𑌪𑍍𑌰𑌪𑌦𑍍𑌯𑍇 ॥ 24 ॥

𑌦𑍃𑌹𑍍𑌯𑌂𑌤𑍀𑌂 𑌹𑍃𑌦𑍃𑌹𑌂 𑌮𑌾𑌂 𑌦𑍃𑌤𑌮𑌨𑌿𑌲 𑌬𑌲𑌾𑌦𑍍𑌦𑍍𑌰𑌾𑌵𑌯𑌂𑌤𑍀𑌮𑌵𑌿𑌦𑍍𑌯𑌾-
-𑌨𑌿𑌦𑍍𑌰𑌾𑌂 𑌵𑌿𑌦𑍍𑌰𑌾𑌵𑍍𑌯 𑌸𑌦𑍍𑌯𑍋𑌰𑌚𑌨𑌪𑌟𑍁𑌮𑌥𑌾𑌽𑌪𑌾𑌦𑍍𑌯 𑌵𑌿𑌦𑍍𑌯𑌾𑌸𑌮𑍁𑌦𑍍𑌰 ।
𑌵𑌾𑌗𑍍𑌦𑍇𑌵𑍀 𑌸𑌾 𑌸𑍁𑌵𑌿𑌦𑍍𑌯𑌾𑌦𑍍𑌰𑌵𑌿𑌣𑌦 𑌵𑌿𑌦𑌿𑌤𑌾 𑌦𑍍𑌰𑍌𑌪𑌦𑍀 𑌰𑍁𑌦𑍍𑌰𑌪𑌤𑍍𑌨𑍍𑌯𑌾-
-𑌦𑍁𑌦𑍍𑌰𑌿𑌕𑍍𑌤𑌾 𑌦𑍍𑌰𑌾𑌗𑌭𑌦𑍍𑌰𑌾𑌦𑍍𑌰𑌹𑌯𑌤𑍁 𑌦𑌯𑌿𑌤𑌾 𑌪𑍂𑌰𑍍𑌵𑌭𑍀𑌮𑌾𑌽𑌜𑍍𑌞𑌯𑌾 𑌤𑍇 ॥ 25 ॥

𑌯𑌾𑌭𑍍𑌯𑌾𑌂 𑌶𑍁𑌶𑍍𑌰𑍂𑌷𑍁𑌰𑌾𑌸𑍀𑌃 𑌕𑍁𑌰𑍁𑌕𑍁𑌲𑌜𑌨𑌨𑍇 𑌕𑍍𑌷𑌤𑍍𑌰𑌵𑌿𑌪𑍍𑌰𑍋𑌦𑌿𑌤𑌾𑌭𑍍𑌯𑌾𑌂
𑌬𑍍𑌰𑌹𑍍𑌮𑌭𑍍𑌯𑌾𑌂 𑌬𑍃𑌂𑌹𑌿𑌤𑌾𑌭𑍍𑌯𑌾𑌂 𑌚𑌿𑌤𑌸𑍁𑌖𑌵𑌪𑍁𑌷𑌾 𑌕𑍃𑌷𑍍𑌣𑌨𑌾𑌮𑌾𑌸𑍍𑌪𑌦𑌾𑌭𑍍𑌯𑌾𑌮𑍍 ।
𑌨𑌿𑌰𑍍𑌭𑍇𑌦𑌾𑌭𑍍𑌯𑌾𑌂 𑌵𑌿𑌶𑍇𑌷𑌾𑌦𑍍𑌵𑌿𑌵𑌚𑌨𑌵𑌿𑌷𑌯𑌾𑌭𑍍𑌯𑌾𑌮𑌮𑍂𑌭𑍍𑌯𑌾𑌮𑍁𑌭𑌾𑌭𑍍𑌯𑌾𑌂
𑌤𑍁𑌭𑍍𑌯𑌂 𑌚 𑌕𑍍𑌷𑍇𑌮𑌦𑍇𑌭𑍍𑌯𑌃 𑌸𑌰𑌿𑌸𑌿𑌜𑌵𑌿𑌲𑌸𑌲𑍍𑌲𑍋𑌚𑌨𑍇𑌭𑍍𑌯𑍋 𑌨𑌮𑍋𑌽𑌸𑍍𑌤𑍁 ॥ 26 ॥

𑌗𑌚𑍍𑌛𑌨𑍍 𑌸𑍌𑌗𑌂𑌧𑌿𑌕𑌾𑌰𑍍𑌥𑌂 𑌪𑌥𑌿 𑌸 𑌹𑌨𑍁𑌮𑌤𑌃 𑌪𑍁𑌚𑍍𑌛𑌮𑌚𑍍𑌛𑌸𑍍𑌯 𑌭𑍀𑌮𑌃
𑌪𑍍𑌰𑍋𑌦𑍍𑌧𑌰𑍍𑌤𑍁𑌂 𑌨𑌾𑌶𑌕𑌤𑍍𑌸 𑌤𑍍𑌵𑌮𑍁𑌮𑍁𑌰𑍁𑌵𑌪𑍁𑌷𑌾 𑌭𑍀𑌷𑌯𑌾𑌮𑌾𑌸 𑌚𑍇𑌤𑌿 ।
𑌪𑍂𑌰𑍍𑌣𑌜𑍍𑌞𑌾𑌨𑍌𑌜𑌸𑍋𑌸𑍍𑌤𑍇 𑌗𑍁𑌰𑍁𑌤𑌮 𑌵𑌪𑍁𑌷𑍋𑌃 𑌶𑍍𑌰𑍀𑌮𑌦𑌾𑌨𑌂𑌦𑌤𑍀𑌰𑍍𑌥
𑌕𑍍𑌰𑍀𑌡𑌾𑌮𑌾𑌤𑍍𑌰𑌂 𑌤𑌦𑍇𑌤𑌤𑍍 𑌪𑍍𑌰𑌮𑌦𑌦 𑌸𑍁𑌧𑌿𑌯𑌾𑌂 𑌮𑍋𑌹𑌕 𑌦𑍍𑌵𑍇𑌷𑌭𑌾𑌜𑌾𑌮𑍍 ॥ 2𑍭 ॥

𑌬𑌹𑍍𑌵𑍀𑌃 𑌕𑍋𑌟𑍀𑌰𑌟𑍀𑌕𑌃 𑌕𑍁𑌟𑌲𑌕𑌟𑍁𑌮𑌤𑍀𑌨𑍁𑌤𑍍𑌕𑌟𑌾𑌟𑍋𑌪𑌕𑍋𑌪𑌾𑌨𑍍
𑌦𑍍𑌰𑌾𑌕𑍍𑌚 𑌤𑍍𑌵𑌂 𑌸𑌤𑍍𑌵𑌰𑌤𑍍𑌵𑌾𑌚𑍍𑌚𑌰𑌣𑌦 𑌗𑌦𑌯𑌾 𑌪𑍋𑌥𑌯𑌾𑌮𑌾𑌸𑌿𑌥𑌾𑌰𑍀𑌨𑍍 ।
𑌉𑌨𑍍𑌮𑌥𑍍𑌯𑌾𑌤𑌥𑍍𑌯𑌮𑌿𑌥𑍍𑌯𑌾𑌤𑍍𑌵𑌵𑌚𑌨𑌵𑌚𑌨𑌾𑌨𑍁𑌤𑍍𑌪𑌥𑌸𑍍𑌥𑌾𑌂𑌸𑍍𑌤𑌥𑌾𑌽𑌨𑍍𑌯𑌾𑌨𑍍
𑌪𑍍𑌰𑌾𑌯𑌚𑍍𑌛𑌃 𑌸𑍍𑌵𑌪𑍍𑌰𑌿𑌯𑌾𑌯𑍈 𑌪𑍍𑌰𑌿𑌯𑌤𑌮𑌕𑍁𑌸𑍁𑌮𑌂 𑌪𑍍𑌰𑌾𑌣 𑌤𑌸𑍍𑌮𑍈 𑌨𑌮𑌸𑍍𑌤𑍇 ॥ 2𑍮 ॥

𑌦𑍇𑌹𑌾𑌦𑍁𑌤𑍍𑌕𑍍𑌰𑌾𑌮𑌿𑌤𑌾𑌨𑌾𑌮𑌧𑌿𑌪𑌤𑌿𑌰𑌸𑌤𑌾𑌮𑌕𑍍𑌰𑌮𑌾𑌦𑍍𑌵𑌕𑍍𑌰𑌬𑍁𑌦𑍍𑌧𑌿𑌃
𑌕𑍍𑌰𑍁𑌦𑍍𑌧𑌃 𑌕𑍍𑌰𑍋𑌧𑍈𑌕𑌵𑌶𑍍𑌯𑌃 𑌕𑍍𑌰𑌿𑌮𑌿𑌰𑌿𑌵 𑌮𑌣𑌿𑌮𑌾𑌨𑍍 𑌦𑍁𑌷𑍍𑌕𑍃𑌤𑍀 𑌨𑌿𑌷𑍍𑌕𑍍𑌰𑌿𑌯𑌾𑌰𑍍𑌥𑌮𑍍 ।
𑌚𑌕𑍍𑌰𑍇 𑌭𑍂𑌚𑌕𑍍𑌰𑌮𑍇𑌤𑍍𑌯 𑌕𑍍𑌰𑌕𑌚𑌮𑌿𑌵 𑌸𑌤𑌾𑌂 𑌚𑍇𑌤𑌸𑌃 𑌕𑌷𑍍𑌟𑌶𑌾𑌸𑍍𑌤𑍍𑌰𑌂
𑌦𑍁𑌸𑍍𑌤𑌰𑍍𑌕𑌂 𑌚𑌕𑍍𑌰𑌪𑌾𑌣𑍇𑌰𑍍𑌗𑍁𑌣𑌗𑌣𑌵𑌿𑌰𑌹𑌂 𑌜𑍀𑌵𑌤𑌾𑌂 𑌚𑌾𑌧𑌿𑌕𑍃𑌤𑍍𑌯 ॥ 2𑍯 ॥

𑌤𑌦𑍍𑌦𑍁𑌷𑍍𑌪𑍍𑌰𑍇𑌕𑍍𑌷𑌾𑌨𑍁𑌸𑌾𑌰𑌾𑌤𑍍𑌕𑌤𑌿𑌪𑌯𑌕𑍁𑌨𑌰𑍈𑌰𑌾𑌦𑍃𑌤𑍋𑌽𑌨𑍍𑌯𑍈𑌰𑍍𑌵𑌿𑌸𑍃𑌷𑍍𑌟𑍋
𑌬𑍍𑌰𑌹𑍍𑌮𑌾𑌽𑌹𑌂 𑌨𑌿𑌰𑍍𑌗𑍁𑌣𑍋𑌽𑌹𑌂 𑌵𑌿𑌤𑌥𑌮𑌿𑌦𑌮𑌿𑌤𑌿 𑌹𑍍𑌯𑍇𑌷 𑌪𑌾𑌷𑌂𑌡𑌵𑌾𑌦𑌃 ।
𑌤𑌦𑍍𑌯𑍁𑌕𑍍𑌤𑍍𑌯𑌾𑌭𑌾𑌸𑌜𑌾𑌲𑌪𑍍𑌰𑌸𑌰𑌵𑌿𑌷𑌤𑌰𑍂𑌦𑍍𑌦𑌾𑌹𑌦𑌕𑍍𑌷𑌪𑍍𑌰𑌮𑌾𑌣-
-𑌜𑍍𑌵𑌾𑌲𑌾𑌮𑌾𑌲𑌾𑌧𑌰𑌾𑌗𑍍𑌨𑌿𑌃 𑌪𑌵𑌨 𑌵𑌿𑌜𑌯𑌤𑍇 𑌤𑍇𑌽𑌵𑌤𑌾𑌰𑌸𑍍𑌤𑍃𑌤𑍀𑌯𑌃 ॥ 30 ॥

𑌆𑌕𑍍𑌰𑍋𑌶𑌂𑌤𑍋 𑌨𑌿𑌰𑌾𑌶𑌾 𑌭𑌯𑌭𑌰𑌵𑌿𑌵𑌶𑌸𑍍𑌵𑌾𑌶𑌯𑌾𑌶𑍍𑌛𑌿𑌨𑍍𑌨𑌦𑌰𑍍𑌪𑌾
𑌵𑌾𑌶𑌂𑌤𑍋 𑌦𑍇𑌶𑌨𑌾𑌶𑌸𑍍𑌵𑌿𑌤𑌿 𑌬𑌤 𑌕𑍁𑌧𑌿𑌯𑌾𑌂 𑌨𑌾𑌶𑌮𑌾𑌶𑌾𑌦𑌶𑌾𑌽𑌶𑍁 ।
𑌧𑌾𑌵𑌂𑌤𑍋𑌽𑌶𑍍𑌲𑍀𑌲𑌶𑍀𑌲𑌾 𑌵𑌿𑌤𑌥𑌶𑌪𑌥𑌶𑌾𑌪𑌾𑌶𑌿𑌵𑌾𑌃 𑌶𑌾𑌂𑌤𑌶𑍌𑌰𑍍𑌯𑌾-
-𑌸𑍍𑌤𑍍𑌵𑌦𑍍𑌵𑍍𑌯𑌾𑌖𑍍𑌯𑌾𑌸𑌿𑌂𑌹𑌨𑌾𑌦𑍇 𑌸𑌪𑌦𑌿 𑌦𑌦𑍃𑌶𑌿𑌰𑍇 𑌮𑌾𑌯𑌿𑌗𑍋𑌮𑌾𑌯𑌵𑌸𑍍𑌤𑍇 ॥ 31 ॥

𑌤𑍍𑌰𑌿𑌷𑍍𑌵𑌪𑍍𑌯𑍇𑌵𑌾𑌵𑌤𑌾𑌰𑍇𑌷𑍍𑌵𑌰𑌿𑌭𑌿𑌰𑌪𑌘𑍃𑌣𑌂 𑌹𑌿𑌂𑌸𑌿𑌤𑍋 𑌨𑌿𑌰𑍍𑌵𑌿𑌕𑌾𑌰𑌃
𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌶𑌕𑍍𑌤𑌿𑌃 𑌸𑌕𑌲𑌗𑍁𑌣𑌗𑌣𑌾𑌪𑍂𑌰𑍍𑌣𑌰𑍂𑌪𑌪𑍍𑌰𑌗𑌲𑍍𑌭𑌃 ।
𑌸𑍍𑌵𑌚𑍍𑌛𑌃 𑌸𑍍𑌵𑌚𑍍𑌛𑌂𑌦𑌮𑍃𑌤𑍍𑌯𑍁𑌃 𑌸𑍁𑌖𑌯𑌸𑌿 𑌸𑍁𑌜𑌨𑌂 𑌦𑍇𑌵 𑌕𑌿𑌂 𑌚𑌿𑌤𑍍𑌰𑌮𑌤𑍍𑌰
𑌤𑍍𑌰𑌾𑌤𑌾 𑌯𑌸𑍍𑌯 𑌤𑍍𑌰𑌿𑌧𑌾𑌮𑌾 𑌜𑌗𑌦𑍁𑌤 𑌵𑌶𑌗𑌂 𑌕𑌿𑌂𑌕𑌰𑌾𑌃 𑌶𑌂𑌕𑌰𑌾𑌦𑍍𑌯𑌾𑌃 ॥ 32 ॥

𑌉𑌦𑍍𑌯𑌨𑍍𑌮𑌂𑌦𑌸𑍍𑌮𑌿𑌤𑌶𑍍𑌰𑍀𑌮𑍃𑌦𑍁 𑌮𑌧𑍁𑌮𑌧𑍁𑌰𑌾𑌲𑌾𑌪𑌪𑍀𑌯𑍂𑌷𑌧𑌾𑌰𑌾-
-𑌪𑍂𑌰𑌾𑌸𑍇𑌕𑍋𑌪𑌶𑌾𑌂𑌤𑌾𑌸𑍁𑌖𑌸𑍁𑌜𑌨𑌮𑌨𑍋𑌲𑍋𑌚𑌨𑌾𑌪𑍀𑌯𑌮𑌾𑌨𑌮𑍍 ।
𑌸𑌂𑌦𑍍𑌰𑌕𑍍𑌷𑍍𑌯𑍇 𑌸𑍁𑌂𑌦𑌰𑌂 𑌸𑌂𑌦𑍁𑌹𑌦𑌿𑌹 𑌮𑌹𑌦𑌾𑌨𑌂𑌦𑌮𑌾𑌨𑌂𑌦𑌤𑍀𑌰𑍍𑌥
𑌶𑍍𑌰𑍀𑌮𑌦𑍍𑌵𑌕𑍍𑌤𑍍𑌰𑍇𑌂𑌦𑍁𑌬𑌿𑌂𑌬𑌂 𑌦𑍁𑌰𑌤𑌨𑍁𑌦𑍁𑌦𑌿𑌤𑌂 𑌨𑌿𑌤𑍍𑌯𑌦𑌾𑌽𑌹𑌂 𑌕𑌦𑌾 𑌨𑍁 ॥ 33 ॥

𑌪𑍍𑌰𑌾𑌚𑍀𑌨𑌾𑌚𑍀𑌰𑍍𑌣𑌪𑍁𑌣𑍍𑌯𑍋𑌚𑍍𑌚𑌯𑌚𑌤𑍁𑌰𑌤𑌰𑌾𑌚𑌾𑌰𑌤𑌶𑍍𑌚𑌾𑌰𑍁𑌚𑌿𑌤𑍍𑌤𑌾-
-𑌨𑌤𑍍𑌯𑍁𑌚𑍍𑌚𑌾𑌂 𑌰𑍋𑌚𑌯𑌂𑌤𑍀𑌂 𑌶𑍍𑌰𑍁𑌤𑌿𑌚𑌿𑌤𑌵𑌚𑌨𑌾𑌂 𑌶𑍍𑌰𑌾𑌵𑌕𑌾𑌂𑌶𑍍𑌚𑍋𑌦𑍍𑌯𑌚𑍁𑌂𑌚𑍂𑌨𑍍 ।
𑌵𑍍𑌯𑌾𑌖𑍍𑌯𑌾𑌮𑍁𑌤𑍍𑌖𑌾𑌤𑌦𑍁𑌃𑌖𑌾𑌂 𑌚𑌿𑌰𑌮𑍁𑌚𑌿𑌤𑌮𑌹𑌾𑌚𑌾𑌰𑍍𑌯 𑌚𑌿𑌂𑌤𑌾𑌰𑌤𑌾𑌂𑌸𑍍𑌤𑍇
𑌚𑌿𑌤𑍍𑌰𑌾𑌂 𑌸𑌚𑍍𑌛𑌾𑌸𑍍𑌤𑍍𑌰𑌕𑌰𑍍𑌤𑌾𑌶𑍍𑌚𑌰𑌣𑌪𑌰𑌿𑌚𑌰𑌾𑌂𑌛𑍍𑌰𑌾𑌵𑌯𑌾𑌸𑍍𑌮𑌾𑌂𑌶𑍍𑌚 𑌕𑌿𑌂𑌚𑌿𑌤𑍍 ॥ 34 ॥

𑌪𑍀𑌠𑍇 𑌰𑌤𑍍𑌨𑍋𑌕𑌪𑌕𑍍𑌲𑍃𑌪𑍍𑌤𑍇 𑌰𑍁𑌚𑌿𑌰𑌰𑍁𑌚𑌿𑌮𑌣𑌿𑌜𑍍𑌯𑍋𑌤𑌿𑌷𑌾 𑌸𑌨𑍍𑌨𑌿𑌷𑌣𑍍𑌣𑌂
𑌬𑍍𑌰𑌹𑍍𑌮𑌾𑌣𑌂 𑌭𑌾𑌵𑌿𑌨𑌂 𑌤𑍍𑌵𑌾𑌂 𑌜𑍍𑌵𑌲𑌤𑌿 𑌨𑌿𑌜𑌪𑌦𑍇 𑌵𑍈𑌦𑌿𑌕𑌾𑌦𑍍𑌯𑌾 𑌹𑌿 𑌵𑌿𑌦𑍍𑌯𑌾𑌃 ।
𑌸𑍇𑌵𑌂𑌤𑍇 𑌮𑍂𑌰𑍍𑌤𑌿𑌮𑌤𑍍𑌯𑌃 𑌸𑍁𑌚𑌰𑌿𑌤 𑌚𑌰𑌿𑌤𑌂 𑌭𑌾𑌤𑌿 𑌗𑌂𑌧𑌰𑍍𑌵 𑌗𑍀𑌤𑌂
𑌪𑍍𑌰𑌤𑍍𑌯𑍇𑌕𑌂 𑌦𑍇𑌵𑌸𑌂𑌸𑌤𑍍𑌸𑍍𑌵𑌪𑌿 𑌤𑌵 𑌭𑌗𑌵𑌨𑍍𑌨𑌰𑍍𑌤𑌿𑌤𑌦𑍍𑌯𑍋𑌵𑌧𑍂𑌷𑍁 ॥ 35 ॥

𑌸𑌾𑌨𑍁𑌕𑍍𑌰𑍋𑌶𑍈𑌰𑌜𑌸𑍍𑌰𑌂 𑌜𑌨𑌿𑌮𑍃𑌤𑌿𑌨𑌿𑌰𑌯𑌾𑌦𑍍𑌯𑍂𑌰𑍍𑌮𑌿𑌮𑌾𑌲𑌾𑌵𑌿𑌲𑍇𑌽𑌸𑍍𑌮𑌿𑌨𑍍
𑌸𑌂𑌸𑌾𑌰𑌾𑌬𑍍𑌧𑍌 𑌨𑌿𑌮𑌗𑍍𑌨𑌾𑌨𑍍 𑌶𑌰𑌣𑌮𑌶𑌰𑌣𑌾𑌨𑌿𑌚𑍍𑌛𑌤𑍋 𑌵𑍀𑌕𑍍𑌷𑍍𑌯 𑌜𑌂𑌤𑍂𑌨𑍍 ।
𑌯𑍁𑌷𑍍𑌮𑌾𑌭𑌿𑌃 𑌪𑍍𑌰𑌾𑌰𑍍𑌥𑌿𑌤𑌃 𑌸𑌨𑍍 𑌜𑌲𑌨𑌿𑌧𑌿𑌶𑌯𑌨𑌃 𑌸𑌤𑍍𑌯𑌵𑌤𑍍𑌯𑌾𑌂 𑌮𑌹𑌰𑍍𑌷𑍇-
-𑌰𑍍𑌵𑍍𑌯𑌕𑍍𑌤𑌶𑍍𑌚𑌿𑌨𑍍𑌮𑌾𑌤𑍍𑌰𑌮𑍂𑌰𑍍𑌤𑌿𑌰𑍍𑌨 𑌖𑌲𑍁 𑌭𑌗𑌵𑌤𑌃 𑌪𑍍𑌰𑌾𑌕𑍃𑌤𑍋 𑌜𑌾𑌤𑍁 𑌦𑍇𑌹𑌃 ॥ 36 ॥

𑌅𑌸𑍍𑌤𑌵𑍍𑌯𑌸𑍍𑌤𑌂 𑌸𑌮𑌸𑍍𑌤𑌶𑍍𑌰𑍁𑌤𑌿𑌗𑌤𑌮𑌧𑌮𑍈 𑌰𑌤𑍍𑌨𑌪𑍂𑌗𑌂 𑌯𑌥𑌾𑌽𑌂𑌧𑍈-
-𑌰𑌰𑍍𑌥𑌂 𑌲𑍋𑌕𑍋𑌪𑌕𑍃𑌤𑍍𑌯𑍈 𑌗𑍁𑌣𑌗𑌣𑌨𑌿𑌲𑌯𑌃 𑌸𑍂𑌤𑍍𑌰𑌯𑌾𑌮𑌾𑌸 𑌕𑍃𑌤𑍍𑌸𑍍𑌨𑌮𑍍 ।
𑌯𑍋𑌽𑌸𑍌 𑌵𑍍𑌯𑌾𑌸𑌾𑌭𑌿𑌧𑌾𑌨𑌸𑍍𑌤𑌮𑌹𑌮𑌹𑌰𑌹𑌰𑍍𑌭𑌕𑍍𑌤𑌿𑌤𑌸𑍍𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌤𑍍
𑌸𑌦𑍍𑌯𑍋 𑌵𑌿𑌦𑍍𑌯𑍋𑌪𑌲𑌬𑍍𑌧𑍍𑌯𑍈 𑌗𑍁𑌰𑍁𑌤𑌮𑌮𑌗𑍁𑌰𑍁𑌂 𑌦𑍇𑌵𑌦𑍇𑌵𑌂 𑌨𑌮𑌾𑌮𑌿 ॥ 3𑍭 ॥

𑌆𑌜𑍍𑌞𑌾𑌮𑌨𑍍𑌯𑍈𑌰𑌧𑌾𑌰𑍍𑌯𑌾𑌂 𑌶𑌿𑌰𑌸𑌿 𑌪𑌰𑌿𑌸𑌰𑌦𑍍𑌰𑌶𑍍𑌮𑌿𑌕𑍋𑌟𑍀𑌰𑌕𑍋𑌟𑍌
𑌕𑍃𑌷𑍍𑌣𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌾 𑌦𑌧𑌦𑌨𑍁𑌸𑌰𑌾𑌣𑌾𑌦𑌰𑍍𑌥𑌿𑌤𑍋 𑌦𑍇𑌵𑌸𑌂𑌘𑍈𑌃 ।
𑌭𑍂𑌮𑌾𑌵𑌾𑌗𑌤𑍍𑌯 𑌭𑍂𑌮𑌨𑍍𑌨𑌸𑍁𑌕𑌰𑌮𑌕𑌰𑍋𑌰𑍍𑌬𑍍𑌰𑌹𑍍𑌮𑌸𑍂𑌤𑍍𑌰𑌸𑍍𑌯 𑌭𑌾𑌷𑍍𑌯𑌂
𑌦𑍁𑌰𑍍𑌭𑌾𑌷𑍍𑌯𑌂 𑌵𑍍𑌯𑌸𑍍𑌯 𑌦𑌸𑍍𑌯𑍋𑌰𑍍𑌮𑌣𑌿𑌮𑌤 𑌉𑌦𑌿𑌤𑌂 𑌵𑍇𑌦𑌸𑌦𑍍𑌯𑍁𑌕𑍍𑌤𑌿𑌭𑌿𑌸𑍍𑌤𑍍𑌵𑌮𑍍 ॥ 3𑍮 ॥

𑌭𑍂𑌤𑍍𑌵𑌾 𑌕𑍍𑌷𑍇𑌤𑍍𑌰𑍇 𑌵𑌿𑌶𑍁𑌦𑍍𑌧𑍇 𑌦𑍍𑌵𑌿𑌜𑌗𑌣𑌨𑌿𑌲𑌯𑍇 𑌰𑍌𑌪𑍍𑌯𑌪𑍀𑌠𑌾𑌭𑌿𑌧𑌾𑌨𑍇
𑌤𑌤𑍍𑌰𑌾𑌪𑌿 𑌬𑍍𑌰𑌹𑍍𑌮𑌜𑌾𑌤𑌿𑌸𑍍𑌤𑍍𑌰𑌿𑌭𑍁𑌵𑌨𑌵𑌿𑌶𑌦𑍇 𑌮𑌧𑍍𑌯𑌗𑍇𑌹𑌾𑌖𑍍𑌯𑌗𑍇𑌹𑍇 ।
𑌪𑌾𑌰𑌿𑌵𑍍𑌰𑌾𑌜𑍍𑌯𑌾𑌧𑌿𑌰𑌾𑌜𑌃 𑌪𑍁𑌨𑌰𑌪𑌿 𑌬𑌦𑌰𑍀𑌂 𑌪𑍍𑌰𑌾𑌪𑍍𑌯 𑌕𑍃𑌷𑍍𑌣𑌂 𑌚 𑌨𑌤𑍍𑌵𑌾
𑌕𑍃𑌤𑍍𑌵𑌾 𑌭𑌾𑌷𑍍𑌯𑌾𑌣𑌿 𑌸𑌮𑍍𑌯𑌗𑍍 𑌵𑍍𑌯𑌤𑌨𑍁𑌤 𑌚 𑌭𑌵𑌾𑌨𑍍 𑌭𑌾𑌰𑌤𑌾𑌰𑍍𑌥𑌪𑍍𑌰𑌕𑌾𑌶𑌮𑍍 ॥ 3𑍯 ॥

𑌵𑌂𑌦𑍇 𑌤𑌂 𑌤𑍍𑌵𑌾𑌂 𑌸𑍁𑌪𑍂𑌰𑍍𑌣𑌪𑍍𑌰𑌮𑌤𑌿𑌮𑌨𑍁𑌦𑌿𑌨𑌾𑌸𑍇𑌵𑌿𑌤𑌂 𑌦𑍇𑌵𑌵𑍃𑌂𑌦𑍈𑌃
𑌵𑌂𑌦𑍇 𑌵𑌂𑌦𑌾𑌰𑍁𑌮𑍀𑌶𑍇 𑌶𑍍𑌰𑌿𑌯 𑌉𑌤 𑌨𑌿𑌯𑌤𑌂 𑌶𑍍𑌰𑍀𑌮𑌦𑌾𑌨𑌂𑌦𑌤𑍀𑌰𑍍𑌥𑌮𑍍 ।
𑌵𑌂𑌦𑍇 𑌮𑌂𑌦𑌾𑌕𑌿𑌨𑍀𑌸𑌤𑍍𑌸𑌰𑌿𑌦𑌮𑌲𑌜𑌲𑌾𑌸𑍇𑌕𑌸𑌾𑌧𑌿𑌕𑍍𑌯𑌸𑌂𑌗𑌂
𑌵𑌂𑌦𑍇𑌽𑌹𑌂 𑌦𑍇𑌵 𑌭𑌕𑍍𑌤𑍍𑌯𑌾 𑌭𑌵𑌭𑌯𑌦𑌹𑌨𑌂 𑌸𑌜𑍍𑌜𑌨𑌾𑌨𑍍𑌮𑍋𑌦𑌯𑌂𑌤𑌮𑍍 ॥ 40 ॥

𑌸𑍁𑌬𑍍𑌰𑌹𑍍𑌮𑌣𑍍𑌯𑌾𑌖𑍍𑌯𑌸𑍂𑌰𑍇𑌃 𑌸𑍁𑌤 𑌇𑌤𑌿 𑌸𑍁𑌭𑍃𑌶𑌂 𑌕𑍇𑌶𑌵𑌾𑌨𑌂𑌦𑌤𑍀𑌰𑍍𑌥-
𑌶𑍍𑌰𑍀𑌮𑌤𑍍𑌪𑌾𑌦𑌾𑌬𑍍𑌜𑌭𑌕𑍍𑌤𑌃 𑌸𑍍𑌤𑍁𑌤𑌿𑌮𑌕𑍃𑌤 𑌹𑌰𑍇𑌰𑍍𑌵𑌾𑌯𑍁𑌦𑍇𑌵𑌸𑍍𑌯 𑌚𑌾𑌸𑍍𑌯 ।
𑌤𑌤𑍍𑌪𑌾𑌦𑌾𑌰𑍍𑌚𑌾𑌦𑌰𑍇𑌣 𑌗𑍍𑌰𑌥𑌿𑌤𑌪𑌦𑌲𑌸𑌨𑍍𑌮𑌾𑌲𑌯𑌾 𑌤𑍍𑌵𑍇𑌤𑌯𑌾 𑌯𑍇
𑌸𑌂𑌰𑌾𑌧𑍍𑌯𑌾𑌮𑍂 𑌨𑌮𑌂𑌤𑌿 𑌪𑍍𑌰𑌤𑌤𑌮𑌤𑌿𑌗𑍁𑌣𑌾 𑌮𑍁𑌕𑍍𑌤𑌿𑌮𑍇𑌤𑍇 𑌵𑍍𑌰𑌜𑌂𑌤𑌿 ॥ 41 ॥

𑌅𑌥 𑌶𑍍𑌰𑍀𑌨𑌖𑌸𑍍𑌤𑍁𑌤𑌿𑌃
𑌪𑌾𑌂𑌤𑍍𑌵𑌸𑍍𑌮𑌾𑌨𑍍 𑌪𑍁𑌰𑍁𑌹𑍂𑌤𑌵𑍈𑌰𑌿𑌬𑌲𑌵𑌨𑍍𑌮𑌾𑌤𑌂𑌗𑌮𑌾𑌦𑍍𑌯𑌦𑍍𑌘𑌟𑌾
𑌕𑍁𑌂𑌭𑍋𑌚𑍍𑌚𑌾𑌦𑍍𑌰𑌿𑌵𑌿𑌪𑌾𑌟𑌨𑌾𑌧𑌿𑌕𑌪𑌟𑍁𑌪𑍍𑌰𑌤𑍍𑌯𑍇𑌕𑌵𑌜𑍍𑌰𑌾𑌯𑌿𑌤𑌾𑌃 ।
𑌶𑍍𑌰𑍀𑌮𑌤𑍍𑌕𑌂𑌠𑍀𑌰𑌵𑌾𑌸𑍍𑌯 𑌪𑍍𑌰𑌤𑌤 𑌸𑍁𑌨𑌖𑌰𑌾 𑌦𑌾𑌰𑌿𑌤𑌾𑌰𑌾𑌤𑌿𑌦𑍂𑌰-
𑌪𑍍𑌰𑌧𑍍𑌵𑌸𑍍𑌤𑌧𑍍𑌵𑌾𑌂𑌤𑌶𑌾𑌂𑌤𑌪𑍍𑌰𑌵𑌿𑌤𑌤𑌮𑌨𑌸𑌾 𑌭𑌾𑌵𑌿𑌤𑌾 𑌨𑌾𑌕𑌿𑌵𑍃𑌂𑌦𑍈𑌃 ॥ 1 ॥

𑌲𑌕𑍍𑌷𑍍𑌮𑍀𑌕𑌾𑌂𑌤 𑌸𑌮𑌂𑌤𑌤𑍋𑌽𑌵𑌿𑌕𑌲𑌯𑌨𑍍 𑌨𑍈𑌵𑍇𑌶𑌿𑌤𑍁𑌸𑍍𑌤𑍇 𑌸𑌮𑌂
𑌪𑌶𑍍𑌯𑌾𑌮𑍍𑌯𑍁𑌤𑍍𑌤𑌮𑌵𑌸𑍍𑌤𑍁 𑌦𑍂𑌰𑌤𑌰𑌤𑍋𑌽𑌪𑌾𑌸𑍍𑌤𑌂 𑌰𑌸𑍋 𑌯𑍋𑌽𑌷𑍍𑌟𑌮𑌃 ।
𑌯𑌦𑍍𑌰𑍋𑌷𑍋𑌤𑍍𑌕𑌰𑌦𑌕𑍍𑌷𑌨𑍇𑌤𑍍𑌰𑌕𑍁𑌟𑌿𑌲𑌪𑍍𑌰𑌾𑌂𑌤𑍋𑌤𑍍𑌥𑌿𑌤𑌾𑌗𑍍𑌨𑌿𑌸𑍍𑌫𑍁𑌰𑌤𑍍
𑌖𑌦𑍍𑌯𑍋𑌤𑍋𑌪𑌮𑌵𑌿𑌸𑍍𑌫𑍁𑌲𑌿𑌂𑌗𑌭𑌸𑌿𑌤𑌾 𑌬𑍍𑌰𑌹𑍍𑌮𑍇𑌶𑌶𑌕𑍍𑌰𑍋𑌤𑍍𑌕𑌰𑌾𑌃 ॥ 2 ॥

𑌇𑌤𑌿 𑌶𑍍𑌰𑍀𑌤𑍍𑌰𑌿𑌵𑌿𑌕𑍍𑌰𑌮𑌪𑌂𑌡𑌿𑌤𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌾 𑌵𑌾𑌯𑍁𑌸𑍍𑌤𑍁𑌤𑌿𑌃 𑌸𑌮𑌾𑌪𑍍𑌤𑌾 ॥

प्रायः पृष्टाः प्रश्नाः

What is 𑌶𑍍𑌰𑍀 𑌹𑌰𑌿 𑌵𑌾𑌯𑍁 𑌸𑍍𑌤𑍁𑌤𑌿?

𑌶𑍍𑌰𑍀 𑌹𑌰𑌿 𑌵𑌾𑌯𑍁 𑌸𑍍𑌤𑍁𑌤𑌿 is a devotional text available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌶𑍍𑌰𑍀 𑌹𑌰𑌿 𑌵𑌾𑌯𑍁 𑌸𑍍𑌤𑍁𑌤𑌿 online?

Yes. The imported text is available directly on this page for online reading and recitation.

Can I download 𑌶𑍍𑌰𑍀 𑌹𑌰𑌿 𑌵𑌾𑌯𑍁 𑌸𑍍𑌤𑍁𑌤𑌿 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु