𑌶𑍍𑌰𑍀 𑌗𑍁𑌰𑍁𑌗𑍀𑌤𑌾 𑌪𑍍𑌰𑌥𑌮𑍋𑌧𑍍𑌯𑌾𑌯𑌃

This Bhakti Granth document is presented in Grantha script, with the original script marks preserved.

𑌶𑍍𑌰𑍀𑌗𑍁𑌰𑍁𑌭𑍍𑌯𑍋 𑌨𑌮𑌃 ।
𑌹𑌰𑌿𑌃 𑌓𑌮𑍍 ।

𑌧𑍍𑌯𑌾𑌨𑌮𑍍
𑌹𑌂𑌸𑌾𑌭𑍍𑌯𑌾𑌂 𑌪𑌰𑌿𑌵𑍃𑌤𑍍𑌤𑌪𑌤𑍍𑌰𑌕𑌮𑌲𑍈𑌰𑍍𑌦𑌿𑌵𑍍𑌯𑍈𑌰𑍍𑌜𑌗𑌤𑍍𑌕𑌾𑌰𑌣𑌂
𑌵𑌿𑌶𑍍𑌵𑍋𑌤𑍍𑌕𑍀𑌰𑍍𑌣𑌮𑌨𑍇𑌕𑌦𑍇𑌹𑌨𑌿𑌲𑌯𑌂 𑌸𑍍𑌵𑌚𑍍𑌛𑌂𑌦𑌮𑌾𑌨𑌂𑌦𑌕𑌮𑍍 ।
𑌆𑌦𑍍𑌯𑌂𑌤𑍈𑌕𑌮𑌖𑌂𑌡𑌚𑌿𑌦𑍍𑌘𑌨𑌰𑌸𑌂 𑌪𑍂𑌰𑍍𑌣𑌂 𑌹𑍍𑌯𑌨𑌂𑌤𑌂 𑌶𑍁𑌭𑌂
𑌪𑍍𑌰𑌤𑍍𑌯𑌕𑍍𑌷𑌾𑌕𑍍𑌷𑌰𑌵𑌿𑌗𑍍𑌰𑌹𑌂 𑌗𑍁𑌰𑍁𑌪𑌦𑌂 𑌧𑍍𑌯𑌾𑌯𑍇𑌦𑍍𑌵𑌿𑌭𑍁𑌂 𑌶𑌾𑌶𑍍𑌵𑌤𑌮𑍍 ॥

𑌅𑌥 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃 ॥

𑌅𑌚𑌿𑌂𑌤𑍍𑌯𑌾𑌵𑍍𑌯𑌕𑍍𑌤𑌰𑍂𑌪𑌾𑌯 𑌨𑌿𑌰𑍍𑌗𑍁𑌣𑌾𑌯 𑌗𑌣𑌾𑌤𑍍𑌮𑌨𑍇 ।
𑌸𑌮𑌸𑍍𑌤𑌜𑌗𑌦𑌾𑌧𑌾𑌰𑌮𑍂𑌰𑍍𑌤𑌯𑍇 𑌬𑍍𑌰𑌹𑍍𑌮𑌣𑍇 𑌨𑌮𑌃 ॥ 1 ॥

𑌋𑌷𑌯 𑌊𑌚𑍁𑌃 ।
𑌸𑍂𑌤 𑌸𑍂𑌤 𑌮𑌹𑌾𑌪𑍍𑌰𑌾𑌜𑍍𑌞 𑌨𑌿𑌗𑌮𑌾𑌗𑌮𑌪𑌾𑌰𑌗 ।
𑌗𑍁𑌰𑍁𑌸𑍍𑌵𑌰𑍂𑌪𑌮𑌸𑍍𑌮𑌾𑌕𑌂 𑌬𑍍𑌰𑍂𑌹𑌿 𑌸𑌰𑍍𑌵𑌮𑌲𑌾𑌪𑌹𑌮𑍍 ॥ 2 ॥

𑌯𑌸𑍍𑌯 𑌶𑍍𑌰𑌵𑌣𑌮𑌾𑌤𑍍𑌰𑍇𑌣 𑌦𑍇𑌹𑍀 𑌦𑍁𑌃𑌖𑌾𑌦𑍍𑌵𑌿𑌮𑍁𑌚𑍍𑌯𑌤𑍇 ।
𑌯𑍇𑌨 𑌮𑌾𑌰𑍍𑌗𑍇𑌣 𑌮𑍁𑌨𑌯𑌃 𑌸𑌰𑍍𑌵𑌜𑍍𑌞𑌤𑍍𑌵𑌂 𑌪𑍍𑌰𑌪𑍇𑌦𑌿𑌰𑍇 ॥ 3 ॥

𑌯𑌤𑍍𑌪𑍍𑌰𑌾𑌪𑍍𑌯 𑌨 𑌪𑍁𑌨𑌰𑍍𑌯𑌾𑌤𑌿 𑌨𑌰𑌃 𑌸𑌂𑌸𑌾𑌰𑌬𑌂𑌧𑌨𑌮𑍍 ।
𑌤𑌥𑌾𑌵𑌿𑌧𑌂 𑌪𑌰𑌂 𑌤𑌤𑍍𑌤𑍍𑌵𑌂 𑌵𑌕𑍍𑌤𑌵𑍍𑌯𑌮𑌧𑍁𑌨𑌾 𑌤𑍍𑌵𑌯𑌾 ॥ 4 ॥

𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌮𑌂 𑌸𑌾𑌰𑌂 𑌗𑍁𑌰𑍁𑌗𑍀𑌤𑌾 𑌵𑌿𑌶𑍇𑌷𑌤𑌃 ।
𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌚𑍍𑌚 𑌶𑍍𑌰𑍋𑌤𑌵𑍍𑌯𑌾 𑌤𑌤𑍍𑌸𑌰𑍍𑌵𑌂 𑌬𑍍𑌰𑍂𑌹𑌿 𑌸𑍂𑌤 𑌨𑌃 ॥ 5 ॥

𑌇𑌤𑌿 𑌸𑌂𑌪𑍍𑌰𑌾𑌰𑍍𑌥𑌿𑌤𑌃 𑌸𑍂𑌤𑍋 𑌮𑍁𑌨𑌿𑌸𑌂𑌘𑍈𑌰𑍍𑌮𑍁𑌹𑍁𑌰𑍍𑌮𑍁𑌹𑍁𑌃 ॥

𑌕𑍁𑌤𑍂𑌹𑌲𑍇𑌨 𑌮𑌹𑌤𑌾 𑌪𑍍𑌰𑍋𑌵𑌾𑌚 𑌮𑌧𑍁𑌰𑌂 𑌵𑌚𑌃 ॥ 6 ॥

𑌸𑍂𑌤 𑌉𑌵𑌾𑌚 ।
𑌶𑍍𑌰𑍁𑌣𑍁𑌧𑍍𑌵𑌂 𑌮𑍁𑌨𑌯𑌃 𑌸𑌰𑍍𑌵𑍇 𑌶𑍍𑌰𑌦𑍍𑌧𑌯𑌾 𑌪𑌰𑌯𑌾 𑌮𑍁𑌦𑌾 ।
𑌵𑌦𑌾𑌮𑌿 𑌭𑌵𑌰𑍋𑌗𑌘𑍍𑌨𑍀𑌂 𑌗𑍀𑌤𑌾𑌂 𑌮𑌾𑌤𑍃𑌸𑍍𑌵𑌰𑍂𑌪𑌿𑌣𑍀𑌮𑍍 ॥ 𑍭 ॥

𑌪𑍁𑌰𑌾 𑌕𑍈𑌲𑌾𑌸𑌶𑌿𑌖𑌰𑍇 𑌸𑌿𑌦𑍍𑌧𑌗𑌂𑌧𑌰𑍍𑌵𑌸𑍇𑌵𑌿𑌤𑍇 ।
𑌤𑌤𑍍𑌰 𑌕𑌲𑍍𑌪𑌲𑌤𑌾𑌪𑍁𑌷𑍍𑌪𑌮𑌂𑌦𑌿𑌰𑍇𑌽𑌤𑍍𑌯𑌂𑌤𑌸𑍁𑌂𑌦𑌰𑍇 ॥ 𑍮 ॥

𑌵𑍍𑌯𑌾𑌘𑍍𑌰𑌾𑌜𑌿𑌨𑍇 𑌸𑌮𑌾𑌸𑍀𑌨𑌂 𑌶𑍁𑌕𑌾𑌦𑌿𑌮𑍁𑌨𑌿𑌵𑌂𑌦𑌿𑌤𑌮𑍍 ।
𑌬𑍋𑌧𑌯𑌂𑌤𑌂 𑌪𑌰𑌂 𑌤𑌤𑍍𑌤𑍍𑌵𑌂 𑌮𑌧𑍍𑌯𑍇 𑌮𑍁𑌨𑌿𑌗𑌣𑍇 𑌕𑍍𑌵𑌚𑌿𑌤𑍍 ॥ 𑍯 ॥

𑌪𑍍𑌰𑌣𑌮𑍍𑌰𑌵𑌦𑌨𑌾 𑌶𑌶𑍍𑌵𑌨𑍍𑌨𑌮𑌸𑍍𑌕𑍁𑌰𑍍𑌵𑌂𑌤𑌮𑌾𑌦𑌰𑌾𑌤𑍍 ।
𑌦𑍃𑌷𑍍𑌟𑍍𑌵𑌾 𑌵𑌿𑌸𑍍𑌮𑌯𑌮𑌾𑌪𑌨𑍍𑌨 𑌪𑌾𑌰𑍍𑌵𑌤𑍀 𑌪𑌰𑌿𑌪𑍃𑌚𑍍𑌛𑌤𑌿 ॥ 10 ॥

𑌪𑌾𑌰𑍍𑌵𑌤𑍍𑌯𑍁𑌵𑌾𑌚 ।
𑌓𑌂 𑌨𑌮𑍋 𑌦𑍇𑌵 𑌦𑍇𑌵𑍇𑌶 𑌪𑌰𑌾𑌤𑍍𑌪𑌰 𑌜𑌗𑌦𑍍𑌗𑍁𑌰𑍋 ।
𑌤𑍍𑌵𑌾𑌂 𑌨𑌮𑌸𑍍𑌕𑍁𑌰𑍍𑌵𑌤𑍇 𑌭𑌕𑍍𑌤𑍍𑌯𑌾 𑌸𑍁𑌰𑌾𑌸𑍁𑌰𑌨𑌰𑌾𑌃 𑌸𑌦𑌾 ॥ 11 ॥

𑌵𑌿𑌧𑌿𑌵𑌿𑌷𑍍𑌣𑍁𑌮𑌹𑍇𑌂𑌦𑍍𑌰𑌾𑌦𑍍𑌯𑍈𑌰𑍍𑌵𑌂𑌦𑍍𑌯𑌃 𑌖𑌲𑍁 𑌸𑌦𑌾 𑌭𑌵𑌾𑌨𑍍 ।
𑌨𑌮𑌸𑍍𑌕𑌰𑍋𑌷𑌿 𑌕𑌸𑍍𑌮𑍈 𑌤𑍍𑌵𑌂 𑌨𑌮𑌸𑍍𑌕𑌾𑌰𑌾𑌶𑍍𑌰𑌯𑌃 𑌕𑌿𑌲 ॥ 12 ॥

𑌦𑍃𑌷𑍍𑌟𑍍𑌵𑍈𑌤𑌤𑍍𑌕𑌰𑍍𑌮 𑌵𑌿𑌪𑍁𑌲𑌮𑌾𑌶𑍍𑌚𑌰𑍍𑌯 𑌪𑍍𑌰𑌤𑌿𑌭𑌾𑌤𑌿 𑌮𑍇 ।
𑌕𑌿𑌮𑍇𑌤𑌨𑍍𑌨 𑌵𑌿𑌜𑌾𑌨𑍇𑌽𑌹𑌂 𑌕𑍃𑌪𑌯𑌾 𑌵𑌦 𑌮𑍇 𑌪𑍍𑌰𑌭𑍋 ॥ 13 ॥

𑌭𑌗𑌵𑌨𑍍 𑌸𑌰𑍍𑌵𑌧𑌰𑍍𑌮𑌜𑍍𑌞 𑌵𑍍𑌰𑌤𑌾𑌨𑌾𑌂 𑌵𑍍𑌰𑌤𑌨𑌾𑌯𑌕𑌮𑍍 ।
𑌬𑍍𑌰𑍂𑌹𑌿 𑌮𑍇 𑌕𑍃𑌪𑌯𑌾 𑌶𑌂𑌭𑍋 𑌗𑍁𑌰𑍁𑌮𑌾𑌹𑌾𑌤𑍍𑌮𑍍𑌯𑌮𑍁𑌤𑍍𑌤𑌮𑌮𑍍 ॥ 14 ॥

𑌕𑍇𑌨 𑌮𑌾𑌰𑍍𑌗𑍇𑌣 𑌭𑍋 𑌸𑍍𑌵𑌾𑌮𑌿𑌨𑍍 𑌦𑍇𑌹𑍀 𑌬𑍍𑌰𑌹𑍍𑌮𑌮𑌯𑍋 𑌭𑌵𑍇𑌤𑍍 ।
𑌤𑌤𑍍𑌕𑍃𑌪𑌾𑌂 𑌕𑍁𑌰𑍁 𑌮𑍇 𑌸𑍍𑌵𑌾𑌮𑌿𑌨𑍍 𑌨𑌮𑌾𑌮𑌿 𑌚𑌰𑌣𑍌 𑌤𑌵 ॥ 15 ॥

𑌇𑌤𑌿 𑌸𑌂𑌪𑍍𑌰𑌾𑌰𑍍𑌥𑌿𑌤𑌃 𑌶𑌶𑍍𑌵𑌨𑍍𑌮𑌹𑌾𑌦𑍇𑌵𑍋 𑌮𑌹𑍇𑌶𑍍𑌵𑌰𑌃 ।
𑌆𑌨𑌂𑌦𑌭𑌰𑌿𑌤𑌃 𑌸𑍍𑌵𑌾𑌂𑌤𑍇 𑌪𑌾𑌰𑍍𑌵𑌤𑍀𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 16 ॥

𑌶𑍍𑌰𑍀 𑌮𑌹𑌾𑌦𑍇𑌵 𑌉𑌵𑌾𑌚 ।
𑌨 𑌵𑌕𑍍𑌤𑌵𑍍𑌯𑌮𑌿𑌦𑌂 𑌦𑍇𑌵𑌿 𑌰𑌹𑌸𑍍𑌯𑌾𑌤𑌿𑌰𑌹𑌸𑍍𑌯𑌕𑌮𑍍 ।
𑌨 𑌕𑌸𑍍𑌯𑌾𑌪𑌿 𑌪𑍁𑌰𑌾 𑌪𑍍𑌰𑍋𑌕𑍍𑌤𑌂 𑌤𑍍𑌵𑌦𑍍𑌭𑌕𑍍𑌤𑍍𑌯𑌰𑍍𑌥𑌂 𑌵𑌦𑌾𑌮𑌿 𑌤𑌤𑍍 ॥ 1𑍭 ॥

𑌮𑌮 𑌰𑍂𑌪𑌾𑌽𑌸𑌿 𑌦𑍇𑌵𑌿 𑌤𑍍𑌵𑌮𑌤𑌸𑍍𑌤𑌤𑍍𑌕𑌥𑌯𑌾𑌮𑌿 𑌤𑍇 ।
𑌲𑍋𑌕𑍋𑌪𑌕𑌾𑌰𑌕𑌃 𑌪𑍍𑌰𑌶𑍍𑌨𑍋 𑌨 𑌕𑍇𑌨𑌾𑌪𑌿 𑌕𑍃𑌤𑌃 𑌪𑍁𑌰𑌾 ॥ 1𑍮 ॥

𑌯𑌸𑍍𑌯 𑌦𑍇𑌵𑍇 𑌪𑌰𑌾 𑌭𑌕𑍍𑌤𑌿𑌰𑍍𑌯𑌥𑌾 𑌦𑍇𑌵𑍇 𑌤𑌥𑌾 𑌗𑍁𑌰𑍌 ।
𑌤𑌸𑍍𑌯𑍈𑌤𑍇 𑌕𑌥𑌿𑌤𑌾 𑌹𑍍𑌯𑌰𑍍𑌥𑌾𑌃 𑌪𑍍𑌰𑌕𑌾𑌶𑌂𑌤𑍇 𑌮𑌹𑌾𑌤𑍍𑌮𑌨𑌃 ॥ 1𑍯 ॥

𑌯𑍋 𑌗𑍁𑌰𑍁𑌃 𑌸 𑌶𑌿𑌵𑌃 𑌪𑍍𑌰𑍋𑌕𑍍𑌤𑍋 𑌯𑌃 𑌶𑌿𑌵𑌃 𑌸 𑌗𑍁𑌰𑍁𑌃 𑌸𑍍𑌮𑍃𑌤𑌃 ।
𑌵𑌿𑌕𑌲𑍍𑌪𑌂 𑌯𑌸𑍍𑌤𑍁 𑌕𑍁𑌰𑍍𑌵𑍀𑌤 𑌸 𑌨𑌰𑍋 𑌗𑍁𑌰𑍁𑌤𑌲𑍍𑌪𑌗𑌃 ॥ 20 ॥

𑌦𑍁𑌰𑍍𑌲𑌭𑌂 𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌤𑌚𑍍𑌛𑍃𑌣𑍁𑌷𑍍𑌵 𑌵𑌦𑌾𑌮𑍍𑌯𑌹𑌮𑍍 ।
𑌗𑍁𑌰𑍁𑌬𑍍𑌰𑌹𑍍𑌮 𑌵𑌿𑌨𑌾 𑌨𑌾𑌨𑍍𑌯𑌃 𑌸𑌤𑍍𑌯𑌂 𑌸𑌤𑍍𑌯𑌂 𑌵𑌰𑌾𑌨𑌨𑍇 ॥ 21 ॥

𑌵𑍇𑌦𑌶𑌾𑌸𑍍𑌤𑍍𑌰𑌪𑍁𑌰𑌾𑌣𑌾𑌨𑌿 𑌚𑍇𑌤𑌿𑌹𑌾𑌸𑌾𑌦𑌿𑌕𑌾𑌨𑌿 𑌚 ।
𑌮𑌂𑌤𑍍𑌰𑌯𑌂𑌤𑍍𑌰𑌾𑌦𑌿𑌵𑌿𑌦𑍍𑌯𑌾𑌨𑌾𑌂 𑌮𑍋𑌹𑌨𑍋𑌚𑍍𑌚𑌾𑌟𑌨𑌾𑌦𑌿𑌕𑌮𑍍 ॥ 22 ॥

𑌶𑍈𑌵𑌶𑌾𑌕𑍍𑌤𑌾𑌗𑌮𑌾𑌦𑍀𑌨𑌿 𑌹𑍍𑌯𑌨𑍍𑌯𑍇 𑌚 𑌬𑌹𑌵𑍋 𑌮𑌤𑌾𑌃 ।
𑌅𑌪𑌭𑍍𑌰𑌂𑌶𑌾𑌃 𑌸𑌮𑌸𑍍𑌤𑌾𑌨𑌾𑌂 𑌜𑍀𑌵𑌾𑌨𑌾𑌂 𑌭𑍍𑌰𑌾𑌂𑌤𑌚𑍇𑌤𑌸𑌾𑌮𑍍 ॥ 23 ॥

𑌜𑌪𑌸𑍍𑌤𑌪𑍋 𑌵𑍍𑌰𑌤𑌂 𑌤𑍀𑌰𑍍𑌥𑌂 𑌯𑌜𑍍𑌞𑍋 𑌦𑌾𑌨𑌂 𑌤𑌥𑍈𑌵 𑌚 ।
𑌗𑍁𑌰𑍁𑌤𑌤𑍍𑌤𑍍𑌵𑌮𑌵𑌿𑌜𑍍𑌞𑌾𑌯 𑌸𑌰𑍍𑌵𑌂 𑌵𑍍𑌯𑌰𑍍𑌥𑌂 𑌭𑌵𑍇𑌤𑍍𑌪𑍍𑌰𑌿𑌯𑍇 ॥ 24 ॥

𑌗𑍁𑌰𑍁𑌬𑍁𑌦𑍍𑌧𑍍𑌯𑌾𑌤𑍍𑌮𑌨𑍋 𑌨𑌾𑌨𑍍𑌯𑌤𑍍 𑌸𑌤𑍍𑌯𑌂 𑌸𑌤𑍍𑌯𑌂 𑌵𑌰𑌾𑌨𑌨𑍇 ।
𑌤𑌲𑍍𑌲𑌾𑌭𑌾𑌰𑍍𑌥𑌂 𑌪𑍍𑌰𑌯𑌤𑍍𑌨𑌸𑍍𑌤𑍁 𑌕𑌰𑍍𑌤𑌵𑍍𑌯𑌶𑍍𑌚 𑌮𑌨𑍀𑌷𑌿𑌭𑌿𑌃 ॥ 25 ॥

𑌗𑍂𑌢𑌾𑌵𑌿𑌦𑍍𑌯𑌾 𑌜𑌗𑌨𑍍𑌮𑌾𑌯𑌾 𑌦𑍇𑌹𑌶𑍍𑌚𑌾𑌜𑍍𑌞𑌾𑌨𑌸𑌂𑌭𑌵𑌃 ।
𑌵𑌿𑌜𑍍𑌞𑌾𑌨𑌂 𑌯𑌤𑍍𑌪𑍍𑌰𑌸𑌾𑌦𑍇𑌨 𑌗𑍁𑌰𑍁𑌶𑌬𑍍𑌦𑍇𑌨 𑌕𑌥𑍍𑌯𑌤𑍇 ॥ 26 ॥

𑌯𑌦𑌂𑌘𑍍𑌰𑌿𑌕𑌮𑌲𑌦𑍍𑌵𑌂𑌦𑍍𑌵𑌂 𑌦𑍍𑌵𑌂𑌦𑍍𑌵𑌤𑌾𑌪𑌨𑌿𑌵𑌾𑌰𑌕𑌮𑍍 ।
𑌤𑌾𑌰𑌕𑌂 𑌭𑌵𑌸𑌿𑌂𑌧𑍋𑌶𑍍𑌚 𑌤𑌂 𑌗𑍁𑌰𑍁𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 2𑍭 ॥

𑌦𑍇𑌹𑍀 𑌬𑍍𑌰𑌹𑍍𑌮 𑌭𑌵𑍇𑌦𑍍𑌯𑌸𑍍𑌮𑌾𑌤𑍍 𑌤𑍍𑌵𑌤𑍍𑌕𑍃𑌪𑌾𑌰𑍍𑌥𑌂 𑌵𑌦𑌾𑌮𑌿 𑌤𑌤𑍍 ।
𑌸𑌰𑍍𑌵𑌪𑌾𑌪𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌶𑍍𑌰𑍀𑌗𑍁𑌰𑍋𑌃 𑌪𑌾𑌦𑌸𑍇𑌵𑌨𑌾𑌤𑍍 ॥ 2𑍮 ॥

𑌸𑌰𑍍𑌵𑌤𑍀𑌰𑍍𑌥𑌾𑌵𑌗𑌾𑌹𑌸𑍍𑌯 𑌸𑌂𑌪𑍍𑌰𑌾𑌪𑍍𑌨𑍋𑌤𑌿 𑌫𑌲𑌂 𑌨𑌰𑌃 ।
𑌗𑍁𑌰𑍋𑌃 𑌪𑌾𑌦𑍋𑌦𑌕𑌂 𑌪𑍀𑌤𑍍𑌵𑌾 𑌶𑍇𑌷𑌂 𑌶𑌿𑌰𑌸𑌿 𑌧𑌾𑌰𑌯𑌨𑍍 ॥ 2𑍯 ॥

𑌶𑍋𑌷𑌣𑌂 𑌪𑌾𑌪𑌪𑌂𑌕𑌸𑍍𑌯 𑌦𑍀𑌪𑌨𑌂 𑌜𑍍𑌞𑌾𑌨𑌤𑍇𑌜𑌸𑌃 ।
𑌗𑍁𑌰𑍋𑌃 𑌪𑌾𑌦𑍋𑌦𑌕𑌂 𑌸𑌮𑍍𑌯𑌕𑍍 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌕𑌮𑍍 ॥ 30 ॥

𑌅𑌜𑍍𑌞𑌾𑌨𑌮𑍂𑌲𑌹𑌰𑌣𑌂 𑌜𑌨𑍍𑌮𑌕𑌰𑍍𑌮𑌨𑌿𑌵𑌾𑌰𑌕𑌮𑍍 ।
𑌜𑍍𑌞𑌾𑌨𑌵𑍈𑌰𑌾𑌗𑍍𑌯𑌸𑌿𑌦𑍍𑌧𑍍𑌯𑌰𑍍𑌥𑌂 𑌗𑍁𑌰𑍋𑌃 𑌪𑌾𑌦𑍋𑌦𑌕𑌂 𑌪𑌿𑌬𑍇𑌤𑍍 ॥ 31 ॥

𑌗𑍁𑌰𑍁𑌪𑌾𑌦𑍋𑌦𑌕𑌂 𑌪𑌾𑌨𑌂 𑌗𑍁𑌰𑍋𑌰𑍁𑌚𑍍𑌛𑌿𑌷𑍍𑌟𑌭𑍋𑌜𑌨𑌮𑍍 ।
𑌗𑍁𑌰𑍁𑌮𑍂𑌰𑍍𑌤𑍇𑌃 𑌸𑌦𑌾 𑌧𑍍𑌯𑌾𑌨𑌂 𑌗𑍁𑌰𑍋𑌰𑍍𑌨𑌾𑌮 𑌸𑌦𑌾 𑌜𑌪𑌃 ॥ 32 ॥

𑌸𑍍𑌵𑌦𑍇𑌶𑌿𑌕𑌸𑍍𑌯𑍈𑌵 𑌚 𑌨𑌾𑌮𑌕𑍀𑌰𑍍𑌤𑌨𑌂
𑌭𑌵𑍇𑌦𑌨𑌂𑌤𑌸𑍍𑌯 𑌶𑌿𑌵𑌸𑍍𑌯 𑌕𑍀𑌰𑍍𑌤𑌨𑌮𑍍 ।
𑌸𑍍𑌵𑌦𑍇𑌶𑌿𑌕𑌸𑍍𑌯𑍈𑌵 𑌚 𑌨𑌾𑌮𑌚𑌿𑌂𑌤𑌨𑌂
𑌭𑌵𑍇𑌦𑌨𑌂𑌤𑌸𑍍𑌯 𑌶𑌿𑌵𑌸𑍍𑌯 𑌚𑌿𑌂𑌤𑌨𑌮𑍍 ॥ 33 ॥

𑌯𑌤𑍍𑌪𑌾𑌦𑌾𑌂𑌬𑍁𑌜𑌰𑍇𑌣𑍁𑌰𑍍𑌵𑍈 𑌕𑍋𑌽𑌪𑌿 𑌸𑌂𑌸𑌾𑌰𑌵𑌾𑌰𑌿𑌧𑍌 ।
𑌸𑍇𑌤𑍁𑌬𑌂𑌧𑌾𑌯𑌤𑍇 𑌨𑌾𑌥𑌂 𑌦𑍇𑌶𑌿𑌕𑌂 𑌤𑌮𑍁𑌪𑌾𑌸𑍍𑌮𑌹𑍇 ॥ 34 ॥

𑌯𑌦𑌨𑍁𑌗𑍍𑌰𑌹𑌮𑌾𑌤𑍍𑌰𑍇𑌣 𑌶𑍋𑌕𑌮𑍋𑌹𑍌 𑌵𑌿𑌨𑌶𑍍𑌯𑌤𑌃 ।
𑌤𑌸𑍍𑌮𑍈 𑌶𑍍𑌰𑍀𑌦𑍇𑌶𑌿𑌕𑍇𑌂𑌦𑍍𑌰𑌾𑌯 𑌨𑌮𑍋𑌽𑌸𑍍𑌤𑍁 𑌪𑌰𑌮𑌾𑌤𑍍𑌮𑌨𑍇 ॥ 35 ॥

𑌯𑌸𑍍𑌮𑌾𑌦𑌨𑍁𑌗𑍍𑌰𑌹𑌂 𑌲𑌬𑍍𑌧𑍍𑌵𑌾 𑌮𑌹𑌦𑌜𑍍𑌞𑌾𑌨𑌮𑍁𑌤𑍍𑌸𑍃𑌜𑍇𑌤𑍍 ।
𑌤𑌸𑍍𑌮𑍈 𑌶𑍍𑌰𑍀𑌦𑍇𑌶𑌿𑌕𑍇𑌂𑌦𑍍𑌰𑌾𑌯 𑌨𑌮𑌶𑍍𑌚𑌾𑌭𑍀𑌷𑍍𑌟𑌸𑌿𑌦𑍍𑌧𑌯𑍇 ॥ 36 ॥

𑌕𑌾𑌶𑍀𑌕𑍍𑌷𑍇𑌤𑍍𑌰𑌂 𑌨𑌿𑌵𑌾𑌸𑌶𑍍𑌚 𑌜𑌾𑌹𑍍𑌨𑌵𑍀 𑌚𑌰𑌣𑍋𑌦𑌕𑌮𑍍 ।
𑌗𑍁𑌰𑍁𑌰𑍍𑌵𑌿𑌶𑍍𑌵𑍇𑌶𑍍𑌵𑌰𑌃 𑌸𑌾𑌕𑍍𑌷𑌾𑌤𑍍 𑌤𑌾𑌰𑌕𑌂 𑌬𑍍𑌰𑌹𑍍𑌮𑌨𑌿𑌶𑍍𑌚𑌯𑌃 ॥ 3𑍭 ॥

𑌗𑍁𑌰𑍁𑌸𑍇𑌵𑌾 𑌗𑌯𑌾 𑌪𑍍𑌰𑍋𑌕𑍍𑌤𑌾 𑌦𑍇𑌹𑌃 𑌸𑍍𑌯𑌾𑌦𑌕𑍍𑌷𑌯𑍋 𑌵𑌟𑌃 ।
𑌤𑌤𑍍𑌪𑌾𑌦𑌂 𑌵𑌿𑌷𑍍𑌣𑍁𑌪𑌾𑌦𑌂 𑌸𑍍𑌯𑌾𑌤𑍍 𑌤𑌤𑍍𑌰 𑌦𑌤𑍍𑌤𑌮𑌨𑌸𑍍𑌤𑌤𑌮𑍍 ॥ 3𑍮 ॥

𑌗𑍁𑌰𑍁𑌮𑍂𑌰𑍍𑌤𑌿𑌂 𑌸𑍍𑌮𑌰𑍇𑌨𑍍𑌨𑌿𑌤𑍍𑌯𑌂 𑌗𑍁𑌰𑍋𑌰𑍍𑌨𑌾𑌮 𑌸𑌦𑌾 𑌜𑌪𑍇𑌤𑍍 ।
𑌗𑍁𑌰𑍋𑌰𑌾𑌜𑍍𑌞𑌾𑌂 𑌪𑍍𑌰𑌕𑍁𑌰𑍍𑌵𑍀𑌤 𑌗𑍁𑌰𑍋𑌰𑌨𑍍𑌯𑌂 𑌨 𑌭𑌾𑌵𑌯𑍇𑌤𑍍 ॥ 3𑍯 ॥

𑌗𑍁𑌰𑍁𑌵𑌕𑍍𑌤𑍍𑌰𑍇 𑌸𑍍𑌥𑌿𑌤𑌂 𑌬𑍍𑌰𑌹𑍍𑌮 𑌪𑍍𑌰𑌾𑌪𑍍𑌯𑌤𑍇 𑌤𑌤𑍍𑌪𑍍𑌰𑌸𑌾𑌦𑌤𑌃 ।
𑌗𑍁𑌰𑍋𑌰𑍍𑌧𑍍𑌯𑌾𑌨𑌂 𑌸𑌦𑌾 𑌕𑍁𑌰𑍍𑌯𑌾𑌤𑍍 𑌕𑍁𑌲𑌸𑍍𑌤𑍍𑌰𑍀 𑌸𑍍𑌵𑌪𑌤𑌿𑌂 𑌯𑌥𑌾 ॥ 40 ॥

𑌸𑍍𑌵𑌾𑌶𑍍𑌰𑌮𑌂 𑌚 𑌸𑍍𑌵𑌜𑌾𑌤𑌿𑌂 𑌚 𑌸𑍍𑌵𑌕𑍀𑌰𑍍𑌤𑌿𑌂 𑌪𑍁𑌷𑍍𑌟𑌿𑌵𑌰𑍍𑌧𑌨𑌮𑍍 ।
𑌏𑌤𑌤𑍍𑌸𑌰𑍍𑌵𑌂 𑌪𑌰𑌿𑌤𑍍𑌯𑌜𑍍𑌯 𑌗𑍁𑌰𑍁𑌮𑍇𑌵 𑌸𑌮𑌾𑌶𑍍𑌰𑌯𑍇𑌤𑍍 ॥ 41 ॥

𑌅𑌨𑌨𑍍𑌯𑌾𑌶𑍍𑌚𑌿𑌂𑌤𑌯𑌂𑌤𑍋 𑌯𑍇 𑌸𑍁𑌲𑌭𑌂 𑌪𑌰𑌮𑌂 𑌸𑍁𑌖𑌮𑍍 ।
𑌤𑌸𑍍𑌮𑌾𑌤𑍍𑌸𑌰𑍍𑌵𑌪𑍍𑌰𑌯𑌤𑍍𑌨𑍇𑌨 𑌗𑍁𑌰𑍋𑌰𑌾𑌰𑌾𑌧𑌨𑌂 𑌕𑍁𑌰𑍁 ॥ 42 ॥

𑌗𑍁𑌰𑍁𑌵𑌕𑍍𑌤𑍍𑌰𑍇 𑌸𑍍𑌥𑌿𑌤𑌾 𑌵𑌿𑌦𑍍𑌯𑌾 𑌗𑍁𑌰𑍁𑌭𑌕𑍍𑌤𑍍𑌯𑌾 𑌚 𑌲𑌭𑍍𑌯𑌤𑍇 ।
𑌤𑍍𑌰𑍈𑌲𑍋𑌕𑍍𑌯𑍇 𑌸𑍍𑌫𑍁𑌟𑌵𑌕𑍍𑌤𑌾𑌰𑍋 𑌦𑍇𑌵𑌰𑍍𑌷𑌿𑌪𑌿𑌤𑍃𑌮𑌾𑌨𑌵𑌾𑌃 ॥ 43 ॥

𑌗𑍁𑌕𑌾𑌰𑌶𑍍𑌚𑌾𑌂𑌧𑌕𑌾𑌰𑍋 𑌹𑌿 𑌰𑍁𑌕𑌾𑌰𑌸𑍍𑌤𑍇𑌜 𑌉𑌚𑍍𑌯𑌤𑍇 ।
𑌅𑌜𑍍𑌞𑌾𑌨𑌗𑍍𑌰𑌾𑌸𑌕𑌂 𑌬𑍍𑌰𑌹𑍍𑌮 𑌗𑍁𑌰𑍁𑌰𑍇𑌵 𑌨 𑌸𑌂𑌶𑌯𑌃 ॥ 44 ॥

𑌗𑍁𑌕𑌾𑌰𑌶𑍍𑌚𑌾𑌂𑌧𑌕𑌾𑌰𑌸𑍍𑌤𑍁 𑌰𑍁𑌕𑌾𑌰𑌸𑍍𑌤𑌨𑍍𑌨𑌿𑌰𑍋𑌧𑌕𑍃𑌤𑍍 ।
𑌅𑌂𑌧𑌕𑌾𑌰𑌵𑌿𑌨𑌾𑌶𑌿𑌤𑍍𑌵𑌾𑌦𑍍𑌗𑍁𑌰𑍁𑌰𑌿𑌤𑍍𑌯𑌭𑌿𑌧𑍀𑌯𑌤𑍇 ॥

𑌗𑍁𑌕𑌾𑌰𑍋 𑌭𑌵𑌰𑍋𑌗𑌃 𑌸𑍍𑌯𑌾𑌤𑍍 𑌰𑍁𑌕𑌾𑌰𑌸𑍍𑌤𑌨𑍍𑌨𑌿𑌰𑍋𑌧𑌕𑍃𑌤𑍍 ।
𑌭𑌵𑌰𑍋𑌗𑌹𑌰𑌤𑍍𑌵𑌾𑌚𑍍𑌚 𑌗𑍁𑌰𑍁𑌰𑌿𑌤𑍍𑌯𑌭𑌿𑌧𑍀𑌯𑌤𑍇 ॥ 45 ॥

𑌗𑍁𑌕𑌾𑌰𑌶𑍍𑌚 𑌗𑍁𑌣𑌾𑌤𑍀𑌤𑍋 𑌰𑍂𑌪𑌾𑌤𑍀𑌤𑍋 𑌰𑍁𑌕𑌾𑌰𑌕𑌃 ।
𑌗𑍁𑌣𑌰𑍂𑌪𑌵𑌿𑌹𑍀𑌨𑌤𑍍𑌵𑌾𑌤𑍍 𑌗𑍁𑌰𑍁𑌰𑌿𑌤𑍍𑌯𑌭𑌿𑌧𑍀𑌯𑌤𑍇 ॥ 46 ॥

𑌗𑍁𑌕𑌾𑌰𑌃 𑌪𑍍𑌰𑌥𑌮𑍋 𑌵𑌰𑍍𑌣𑍋 𑌮𑌾𑌯𑌾𑌦𑌿𑌗𑍁𑌣𑌭𑌾𑌸𑌕𑌃 ।
𑌰𑍁𑌕𑌾𑌰𑍋𑌽𑌸𑍍𑌤𑌿 𑌪𑌰𑌂 𑌬𑍍𑌰𑌹𑍍𑌮 𑌮𑌾𑌯𑌾𑌭𑍍𑌰𑌾𑌂𑌤𑌿𑌵𑌿𑌮𑍋𑌚𑌕𑌮𑍍 ॥ 4𑍭 ॥

𑌏𑌵𑌂 𑌗𑍁𑌰𑍁𑌪𑌦𑌂 𑌶𑍍𑌰𑍇𑌷𑍍𑌠𑌂 𑌦𑍇𑌵𑌾𑌨𑌾𑌮𑌪𑌿 𑌦𑍁𑌰𑍍𑌲𑌭𑌮𑍍 ।
𑌹𑌾𑌹𑌾𑌹𑍂𑌹𑍂𑌗𑌣𑍈𑌶𑍍𑌚𑍈𑌵 𑌗𑌂𑌧𑌰𑍍𑌵𑌾𑌦𑍍𑌯𑍈𑌶𑍍𑌚 𑌪𑍂𑌜𑌿𑌤𑌮𑍍 ॥ 4𑍮 ॥

𑌧𑍍𑌰𑍁𑌵𑌂 𑌤𑍇𑌷𑌾𑌂 𑌚 𑌸𑌰𑍍𑌵𑍇𑌷𑌾𑌂 𑌨𑌾𑌸𑍍𑌤𑌿 𑌤𑌤𑍍𑌤𑍍𑌵𑌂 𑌗𑍁𑌰𑍋𑌃 𑌪𑌰𑌮𑍍 ।
𑌗𑍁𑌰𑍋𑌰𑌾𑌰𑌾𑌧𑌨𑌂 𑌕𑍁𑌰𑍍𑌯𑌾𑌤𑍍 𑌸𑍍𑌵𑌜𑍀𑌵𑌤𑍍𑌵𑌂 𑌨𑌿𑌵𑍇𑌦𑌯𑍇𑌤𑍍 ॥ 4𑍯 ॥

𑌆𑌸𑌨𑌂 𑌶𑌯𑌨𑌂 𑌵𑌸𑍍𑌤𑍍𑌰𑌂 𑌵𑌾𑌹𑌨𑌂 𑌭𑍂𑌷𑌣𑌾𑌦𑌿𑌕𑌮𑍍 ।
𑌸𑌾𑌧𑌕𑍇𑌨 𑌪𑍍𑌰𑌦𑌾𑌤𑌵𑍍𑌯𑌂 𑌗𑍁𑌰𑍁𑌸𑌂𑌤𑍋𑌷𑌕𑌾𑌰𑌣𑌮𑍍 ॥ 50 ॥

𑌕𑌰𑍍𑌮𑌣𑌾 𑌮𑌨𑌸𑌾 𑌵𑌾𑌚𑌾 𑌸𑌰𑍍𑌵𑌦𑌾𑌽𑌽𑌰𑌾𑌧𑌯𑍇𑌦𑍍𑌗𑍁𑌰𑍁𑌮𑍍 ।
𑌦𑍀𑌰𑍍𑌘𑌦𑌂𑌡𑌂 𑌨𑌮𑌸𑍍𑌕𑍃𑌤𑍍𑌯 𑌨𑌿𑌰𑍍𑌲𑌜𑍍𑌜𑍋 𑌗𑍁𑌰𑍁𑌸𑌨𑍍𑌨𑌿𑌧𑍌 ॥ 51 ॥

𑌶𑌰𑍀𑌰𑌮𑌿𑌂𑌦𑍍𑌰𑌿𑌯𑌂 𑌪𑍍𑌰𑌾𑌣𑌮𑌰𑍍𑌥𑌸𑍍𑌵𑌜𑌨𑌬𑌾𑌂𑌧𑌵𑌾𑌨𑍍 ।
𑌆𑌤𑍍𑌮𑌦𑌾𑌰𑌾𑌦𑌿𑌕𑌂 𑌸𑌰𑍍𑌵𑌂 𑌸𑌦𑍍𑌗𑍁𑌰𑍁𑌭𑍍𑌯𑍋 𑌨𑌿𑌵𑍇𑌦𑌯𑍇𑌤𑍍 ॥ 52 ॥

𑌗𑍁𑌰𑍁𑌰𑍇𑌕𑍋 𑌜𑌗𑌤𑍍𑌸𑌰𑍍𑌵𑌂 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌤𑍍𑌮𑌕𑌮𑍍 ।
𑌗𑍁𑌰𑍋𑌃 𑌪𑌰𑌤𑌰𑌂 𑌨𑌾𑌸𑍍𑌤𑌿 𑌤𑌸𑍍𑌮𑌾𑌤𑍍𑌸𑌂𑌪𑍂𑌜𑌯𑍇𑌦𑍍𑌗𑍁𑌰𑍁𑌮𑍍 ॥ 53 ॥

𑌸𑌰𑍍𑌵𑌶𑍍𑌰𑍁𑌤𑌿𑌶𑌿𑌰𑍋𑌰𑌤𑍍𑌨𑌵𑌿𑌰𑌾𑌜𑌿𑌤𑌪𑌦𑌾𑌂𑌬𑍁𑌜𑌮𑍍 ।
𑌵𑍇𑌦𑌾𑌂𑌤𑌾𑌰𑍍𑌥𑌪𑍍𑌰𑌵𑌕𑍍𑌤𑌾𑌰𑌂 𑌤𑌸𑍍𑌮𑌾𑌤𑍍 𑌸𑌂𑌪𑍂𑌜𑌯𑍇𑌦𑍍𑌗𑍁𑌰𑍁𑌮𑍍 ॥ 54 ॥

𑌯𑌸𑍍𑌯 𑌸𑍍𑌮𑌰𑌣𑌮𑌾𑌤𑍍𑌰𑍇𑌣 𑌜𑍍𑌞𑌾𑌨𑌮𑍁𑌤𑍍𑌪𑌦𑍍𑌯𑌤𑍇 𑌸𑍍𑌵𑌯𑌮𑍍 ।
𑌸 𑌏𑌵 𑌸𑌰𑍍𑌵𑌸𑌂𑌪𑌤𑍍𑌤𑌿𑌃 𑌤𑌸𑍍𑌮𑌾𑌤𑍍𑌸𑌂𑌪𑍂𑌜𑌯𑍇𑌦𑍍𑌗𑍁𑌰𑍁𑌮𑍍 ॥ 55 ॥

[𑌪𑌾𑌠𑌭𑍇𑌦𑌃 –
𑌕𑍃𑌮𑌿𑌕𑍋𑌟𑌿𑌭𑌿𑌰𑌾𑌵𑌿𑌷𑍍𑌟𑌂 𑌦𑍁𑌰𑍍𑌗𑌂𑌧𑌮𑌲𑌮𑍂𑌤𑍍𑌰𑌕𑌮𑍍 ।
𑌶𑍍𑌲𑍇𑌷𑍍𑌮𑌰𑌕𑍍𑌤𑌤𑍍𑌵𑌚𑌾𑌮𑌾𑌂𑌸𑍈𑌰𑍍𑌨𑌦𑍍𑌧𑌂 𑌚𑍈𑌤𑌦𑍍𑌵𑌰𑌾𑌨𑌨𑍇 ॥
]
𑌕𑍃𑌮𑌿𑌕𑍋𑌟𑌿𑌭𑌿𑌰𑌾𑌵𑌿𑌷𑍍𑌟𑌂 𑌦𑍁𑌰𑍍𑌗𑌂𑌧𑌕𑍁𑌲𑌦𑍂𑌷𑌿𑌤𑌮𑍍 ।
𑌅𑌨𑌿𑌤𑍍𑌯𑌂 𑌦𑍁𑌃𑌖𑌨𑌿𑌲𑌯𑌂 𑌦𑍇𑌹𑌂 𑌵𑌿𑌦𑍍𑌧𑌿 𑌵𑌰𑌾𑌨𑌨𑍇 ॥ 56 ॥

𑌸𑌂𑌸𑌾𑌰𑌵𑍃𑌕𑍍𑌷𑌮𑌾𑌰𑍂𑌢𑌾𑌃 𑌪𑌤𑌂𑌤𑌿 𑌨𑌰𑌕𑌾𑌰𑍍𑌣𑌵𑍇 ।
𑌯𑌸𑍍𑌤𑌾𑌨𑍁𑌦𑍍𑌧𑌰𑌤𑍇 𑌸𑌰𑍍𑌵𑌾𑌨𑍍 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 5𑍭 ॥

𑌗𑍁𑌰𑍁𑌰𑍍𑌬𑍍𑌰𑌹𑍍𑌮𑌾 𑌗𑍁𑌰𑍁𑌰𑍍𑌵𑌿𑌷𑍍𑌣𑍁𑌰𑍍𑌗𑍁𑌰𑍁𑌰𑍍𑌦𑍇𑌵𑍋 𑌮𑌹𑍇𑌶𑍍𑌵𑌰𑌃 ।
𑌗𑍁𑌰𑍁𑌸𑍍𑌸𑌾𑌕𑍍𑌷𑌾𑌤𑍍 𑌪𑌰𑌬𑍍𑌰𑌹𑍍𑌮 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 5𑍮 ॥

𑌅𑌜𑍍𑌞𑌾𑌨𑌤𑌿𑌮𑌿𑌰𑌾𑌂𑌧𑌸𑍍𑌯 𑌜𑍍𑌞𑌾𑌨𑌾𑌂𑌜𑌨𑌶𑌲𑌾𑌕𑌯𑌾 ।
𑌚𑌕𑍍𑌷𑍁𑌰𑍁𑌨𑍍𑌮𑍀𑌲𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 5𑍯 ॥

𑌅𑌖𑌂𑌡𑌮𑌂𑌡𑌲𑌾𑌕𑌾𑌰𑌂 𑌵𑍍𑌯𑌾𑌪𑍍𑌤𑌂 𑌯𑍇𑌨 𑌚𑌰𑌾𑌚𑌰𑌮𑍍 ।
𑌤𑌤𑍍𑌪𑌦𑌂 𑌦𑌰𑍍𑌶𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 60 ॥

𑌸𑍍𑌥𑌾𑌵𑌰𑌂 𑌜𑌂𑌗𑌮𑌂 𑌵𑍍𑌯𑌾𑌪𑍍𑌤𑌂 𑌯𑌤𑍍𑌕𑌿𑌂𑌚𑌿𑌤𑍍𑌸𑌚𑌰𑌾𑌚𑌰𑌮𑍍 ।
𑌤𑍍𑌵𑌂 𑌪𑌦𑌂 𑌦𑌰𑍍𑌶𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 61 ॥

𑌚𑌿𑌨𑍍𑌮𑌯𑌵𑍍𑌯𑌾𑌪𑌿𑌤𑌂 𑌸𑌰𑍍𑌵𑌂 𑌤𑍍𑌰𑍈𑌲𑍋𑌕𑍍𑌯𑌂 𑌸𑌚𑌰𑌾𑌚𑌰𑌮𑍍 ।
𑌅𑌸𑌿𑌤𑍍𑌵𑌂 𑌦𑌰𑍍𑌶𑌿𑌤𑌂 𑌯𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 62 ॥

𑌨𑌿𑌮𑌿𑌷𑌾𑌨𑍍𑌨𑌿𑌮𑌿𑌷𑌾𑌰𑍍𑌧𑌾𑌦𑍍𑌵𑌾 𑌯𑌦𑍍𑌵𑌾𑌕𑍍𑌯𑌾𑌦𑍍𑌵𑍈 𑌵𑌿𑌮𑍁𑌚𑍍𑌯𑌤𑍇 ।
𑌸𑍍𑌵𑌾𑌤𑍍𑌮𑌾𑌨𑌂 𑌶𑌿𑌵𑌮𑌾𑌲𑍋𑌕𑍍𑌯 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 63 ॥

𑌚𑍈𑌤𑌨𑍍𑌯𑌂 𑌶𑌾𑌶𑍍𑌵𑌤𑌂 𑌶𑌾𑌂𑌤𑌂 𑌵𑍍𑌯𑍋𑌮𑌾𑌤𑍀𑌤𑌂 𑌨𑌿𑌰𑌂𑌜𑌨𑌮𑍍 ।
𑌨𑌾𑌦𑌬𑌿𑌂𑌦𑍁𑌕𑌳𑌾𑌤𑍀𑌤𑌂 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 64 ॥

𑌨𑌿𑌰𑍍𑌗𑍁𑌣𑌂 𑌨𑌿𑌰𑍍𑌮𑌲𑌂 𑌶𑌾𑌂𑌤𑌂 𑌜𑌂𑌗𑌮𑌂 𑌸𑍍𑌥𑌿𑌰𑌮𑍇𑌵 𑌚 ।
𑌵𑍍𑌯𑌾𑌪𑍍𑌤𑌂 𑌯𑍇𑌨 𑌜𑌗𑌤𑍍𑌸𑌰𑍍𑌵𑌂 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 65 ॥

𑌸 𑌪𑌿𑌤𑌾 𑌸 𑌚 𑌮𑍇 𑌮𑌾𑌤𑌾 𑌸 𑌬𑌂𑌧𑍁𑌃 𑌸 𑌚 𑌦𑍇𑌵𑌤𑌾 ।
𑌸𑌂𑌸𑌾𑌰𑌮𑍋𑌹𑌨𑌾𑌶𑌾𑌯 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 66 ॥

𑌯𑌤𑍍𑌸𑌤𑍍𑌤𑍍𑌵𑍇𑌨 𑌜𑌗𑌤𑍍𑌸𑌤𑍍𑌤𑍍𑌵𑌂 𑌯𑌤𑍍𑌪𑍍𑌰𑌕𑌾𑌶𑍇𑌨 𑌭𑌾𑌤𑌿 𑌤𑌤𑍍 ।
𑌯𑌦𑌾𑌨𑌂𑌦𑍇𑌨 𑌨𑌂𑌦𑌂𑌤𑌿 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 6𑍭 ॥

𑌯𑌸𑍍𑌮𑌿𑌨𑍍 𑌸𑍍𑌥𑌿𑌤𑌮𑌿𑌦𑌂 𑌸𑌰𑍍𑌵𑌂 𑌭𑌾𑌤𑌿 𑌯𑌦𑍍𑌭𑌾𑌨𑌰𑍂𑌪𑌤𑌃 ।
𑌪𑍍𑌰𑌿𑌯𑌂 𑌪𑍁𑌤𑍍𑌰𑌾𑌦𑌿 𑌯𑌤𑍍𑌪𑍍𑌰𑍀𑌤𑍍𑌯𑌾 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 6𑍮 ॥

𑌯𑍇𑌨𑍇𑌦𑌂 𑌦𑌰𑍍𑌶𑌿𑌤𑌂 𑌤𑌤𑍍𑌤𑍍𑌵𑌂 𑌚𑌿𑌤𑍍𑌤𑌚𑍈𑌤𑍍𑌯𑌾𑌦𑌿𑌕𑌂 𑌤𑌥𑌾 ।
𑌜𑌾𑌗𑍍𑌰𑌤𑍍𑌸𑍍𑌵𑌪𑍍𑌨𑌸𑍁𑌷𑍁𑌪𑍍𑌤𑍍𑌯𑌾𑌦𑌿 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 6𑍯 ॥

𑌯𑌸𑍍𑌯 𑌜𑍍𑌞𑌾𑌨𑌮𑌿𑌦𑌂 𑌵𑌿𑌶𑍍𑌵𑌂 𑌨 𑌦𑍃𑌶𑍍𑌯𑌂 𑌭𑌿𑌨𑍍𑌨𑌭𑍇𑌦𑌤𑌃 ।
𑌸𑌦𑍈𑌕𑌰𑍂𑌪𑌰𑍂𑌪𑌾𑌯 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭0 ॥

𑌯𑌸𑍍𑌯 𑌜𑍍𑌞𑌾𑌤𑌂 𑌮𑌤𑌂 𑌤𑌸𑍍𑌯 𑌮𑌤𑌂 𑌯𑌸𑍍𑌯 𑌨 𑌵𑍇𑌦 𑌸𑌃 ।
𑌅𑌨𑌨𑍍𑌯𑌭𑌾𑌵𑌭𑌾𑌵𑌾𑌯 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭1 ॥

𑌯𑌸𑍍𑌮𑍈 𑌕𑌾𑌰𑌣𑌰𑍂𑌪𑌾𑌯 𑌕𑌾𑌰𑍍𑌯𑌰𑍂𑌪𑍇𑌣 𑌭𑌾𑌤𑌿 𑌯𑌤𑍍 ।
𑌕𑌾𑌰𑍍𑌯𑌕𑌾𑌰𑌣𑌰𑍂𑌪𑌾𑌯 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭2 ॥

𑌨𑌾𑌨𑌾𑌰𑍂𑌪𑌮𑌿𑌦𑌂 𑌵𑌿𑌶𑍍𑌵𑌂 𑌨 𑌕𑍇𑌨𑌾𑌪𑍍𑌯𑌸𑍍𑌤𑌿 𑌭𑌿𑌨𑍍𑌨𑌤𑌾 ।
𑌕𑌾𑌰𑍍𑌯𑌕𑌾𑌰𑌣𑌰𑍂𑌪𑌾𑌯 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭3 ॥

𑌜𑍍𑌞𑌾𑌨𑌶𑌕𑍍𑌤𑌿𑌸𑌮𑌾𑌰𑍂𑌢𑌤𑌤𑍍𑌤𑍍𑌵𑌮𑌾𑌲𑌾𑌵𑌿𑌭𑍂𑌷𑌿𑌣𑍇 ।
𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌾𑌤𑍍𑌰𑍇 𑌚 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭4 ॥

𑌅𑌨𑍇𑌕𑌜𑌨𑍍𑌮𑌸𑌂𑌪𑍍𑌰𑌾𑌪𑍍𑌤𑌕𑌰𑍍𑌮𑌬𑌂𑌧𑌵𑌿𑌦𑌾𑌹𑌿𑌨𑍇 ।
𑌜𑍍𑌞𑌾𑌨𑌾𑌨𑌲𑌪𑍍𑌰𑌭𑌾𑌵𑍇𑌨 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭5 ॥

𑌶𑍋𑌷𑌣𑌂 𑌭𑌵𑌸𑌿𑌂𑌧𑍋𑌶𑍍𑌚 𑌦𑍀𑌪𑌨𑌂 𑌕𑍍𑌷𑌰𑌸𑌂𑌪𑌦𑌾𑌮𑍍 ।
𑌗𑍁𑌰𑍋𑌃 𑌪𑌾𑌦𑍋𑌦𑌕𑌂 𑌯𑌸𑍍𑌯 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭6 ॥

𑌨 𑌗𑍁𑌰𑍋𑌰𑌧𑌿𑌕𑌂 𑌤𑌤𑍍𑌤𑍍𑌵𑌂 𑌨 𑌗𑍁𑌰𑍋𑌰𑌧𑌿𑌕𑌂 𑌤𑌪𑌃 ।
𑌨 𑌗𑍁𑌰𑍋𑌰𑌧𑌿𑌕𑌂 𑌜𑍍𑌞𑌾𑌨𑌂 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭𑍭 ॥

𑌮𑌨𑍍𑌨𑌾𑌥𑌃 𑌶𑍍𑌰𑍀𑌜𑌗𑌨𑍍𑌨𑌾𑌥𑍋 𑌮𑌦𑍍𑌗𑍁𑌰𑍁𑌃 𑌶𑍍𑌰𑍀𑌜𑌗𑌦𑍍𑌗𑍁𑌰𑍁𑌃 ।
𑌮𑌮𑌾𑌽𑌽𑌤𑍍𑌮𑌾 𑌸𑌰𑍍𑌵𑌭𑍂𑌤𑌾𑌤𑍍𑌮𑌾 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭𑍮 ॥

𑌗𑍁𑌰𑍁𑌰𑌾𑌦𑌿𑌰𑌨𑌾𑌦𑌿𑌶𑍍𑌚 𑌗𑍁𑌰𑍁𑌃 𑌪𑌰𑌮𑌦𑍈𑌵𑌤𑌮𑍍 ।
𑌗𑍁𑌰𑍁𑌮𑌂𑌤𑍍𑌰𑌸𑌮𑍋 𑌨𑌾𑌸𑍍𑌤𑌿 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍭𑍯 ॥

𑌏𑌕 𑌏𑌵 𑌪𑌰𑍋 𑌬𑌂𑌧𑍁𑌰𑍍𑌵𑌿𑌷𑌮𑍇 𑌸𑌮𑍁𑌪𑌸𑍍𑌥𑌿𑌤𑍇 ।
𑌗𑍁𑌰𑍁𑌃 𑌸𑌕𑌲𑌧𑌰𑍍𑌮𑌾𑌤𑍍𑌮𑌾 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍮0 ॥

𑌗𑍁𑌰𑍁𑌮𑌧𑍍𑌯𑍇 𑌸𑍍𑌥𑌿𑌤𑌂 𑌵𑌿𑌶𑍍𑌵𑌂 𑌵𑌿𑌶𑍍𑌵𑌮𑌧𑍍𑌯𑍇 𑌸𑍍𑌥𑌿𑌤𑍋 𑌗𑍁𑌰𑍁𑌃 ।
𑌗𑍁𑌰𑍁𑌰𑍍𑌵𑌿𑌶𑍍𑌵𑌂 𑌨 𑌚𑌾𑌨𑍍𑌯𑍋𑌽𑌸𑍍𑌤𑌿 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍮1 ॥

𑌭𑌵𑌾𑌰𑌣𑍍𑌯𑌪𑍍𑌰𑌵𑌿𑌷𑍍𑌟𑌸𑍍𑌯 𑌦𑌿𑌙𑍍𑌮𑍋𑌹𑌭𑍍𑌰𑌾𑌂𑌤𑌚𑍇𑌤𑌸𑌃 ।
𑌯𑍇𑌨 𑌸𑌂𑌦𑌰𑍍𑌶𑌿𑌤𑌃 𑌪𑌂𑌥𑌾𑌃 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍮2 ॥

𑌤𑌾𑌪𑌤𑍍𑌰𑌯𑌾𑌗𑍍𑌨𑌿𑌤𑌪𑍍𑌤𑌾𑌨𑌾𑌮𑌶𑌾𑌂𑌤𑌪𑍍𑌰𑌾𑌣𑌿𑌨𑌾𑌂 𑌮𑍁𑌦𑍇 ।
𑌗𑍁𑌰𑍁𑌰𑍇𑌵 𑌪𑌰𑌾 𑌗𑌂𑌗𑌾 𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥ 𑍮3 ॥

[𑌪𑌾𑌠𑌭𑍇𑌦𑌃 –
𑌅𑌜𑍍𑌞𑌾𑌨𑍇𑌨𑌾𑌹𑌿𑌨𑌾 𑌗𑍍𑌰𑌸𑍍𑌤𑌾𑌃 𑌪𑍍𑌰𑌾𑌣𑌿𑌨𑌸𑍍𑌤𑌾𑌨𑍍 𑌚𑌿𑌕𑌿𑌤𑍍𑌸𑌕𑌃 ।
𑌵𑌿𑌦𑍍𑌯𑌾𑌸𑍍𑌵𑌰𑍂𑌪𑍋 𑌭𑌗𑌵𑌾𑌂𑌸𑍍𑌤𑌸𑍍𑌮𑍈 𑌶𑍍𑌰𑍀𑌗𑍁𑌰𑌵𑍇 𑌨𑌮𑌃 ॥
]
𑌅𑌜𑍍𑌞𑌾𑌨𑌸𑌰𑍍𑌪𑌦𑌷𑍍𑌟𑌾𑌨𑌾𑌂 𑌪𑍍𑌰𑌾𑌣𑌿𑌨𑌾𑌂 𑌕𑌶𑍍𑌚𑌿𑌕𑌿𑌤𑍍𑌸𑌕𑌃 ।
𑌸𑌮𑍍𑌯𑌗𑍍𑌜𑍍𑌞𑌾𑌨𑌮𑌹𑌾𑌮𑌂𑌤𑍍𑌰𑌵𑍇𑌦𑌿𑌨𑌂 𑌸𑌦𑍍𑌗𑍁𑌰𑍁 𑌵𑌿𑌨𑌾 ॥ 𑍮4 ॥

𑌹𑍇𑌤𑌵𑍇 𑌜𑌗𑌤𑌾𑌮𑍇𑌵 𑌸𑌂𑌸𑌾𑌰𑌾𑌰𑍍𑌣𑌵𑌸𑍇𑌤𑌵𑍇 ।
𑌪𑍍𑌰𑌭𑌵𑍇 𑌸𑌰𑍍𑌵𑌵𑌿𑌦𑍍𑌯𑌾𑌨𑌾𑌂 𑌶𑌂𑌭𑌵𑍇 𑌗𑍁𑌰𑌵𑍇 𑌨𑌮𑌃 ॥ 𑍮5 ॥

𑌧𑍍𑌯𑌾𑌨𑌮𑍂𑌲𑌂 𑌗𑍁𑌰𑍋𑌰𑍍𑌮𑍂𑌰𑍍𑌤𑌿𑌃 𑌪𑍂𑌜𑌾𑌮𑍂𑌲𑌂 𑌗𑍁𑌰𑍋𑌃 𑌪𑌦𑌮𑍍 ।
𑌮𑌂𑌤𑍍𑌰𑌮𑍂𑌲𑌂 𑌗𑍁𑌰𑍋𑌰𑍍𑌵𑌾𑌕𑍍𑌯𑌂 𑌮𑍁𑌕𑍍𑌤𑌿𑌮𑍂𑌲𑌂 𑌗𑍁𑌰𑍋𑌃 𑌕𑍃𑌪𑌾 ॥ 𑍮6 ॥

𑌸𑌪𑍍𑌤𑌸𑌾𑌗𑌰𑌪𑌰𑍍𑌯𑌂𑌤𑌤𑍀𑌰𑍍𑌥𑌸𑍍𑌨𑌾𑌨𑌫𑌲𑌂 𑌤𑍁 𑌯𑌤𑍍 ।
𑌗𑍁𑌰𑍋𑌃 𑌪𑌾𑌦𑍋𑌦𑌬𑌿𑌂𑌦𑍋𑌶𑍍𑌚 𑌸𑌹𑌸𑍍𑌰𑌾𑌂𑌶𑍇 𑌨 𑌤𑌤𑍍𑌫𑌲𑌮𑍍 ॥ 𑍮𑍭 ॥

𑌶𑌿𑌵𑍇 𑌰𑍁𑌷𑍍𑌟𑍇 𑌗𑍁𑌰𑍁𑌸𑍍𑌤𑍍𑌰𑌾𑌤𑌾 𑌗𑍁𑌰𑍌 𑌰𑍁𑌷𑍍𑌟𑍇 𑌨 𑌕𑌶𑍍𑌚𑌨 ।
𑌲𑌬𑍍𑌧𑍍𑌵𑌾 𑌕𑍁𑌲𑌗𑍁𑌰𑍁𑌂 𑌸𑌮𑍍𑌯𑌗𑍍𑌗𑍁𑌰𑍁𑌮𑍇𑌵 𑌸𑌮𑌾𑌶𑍍𑌰𑌯𑍇𑌤𑍍 ॥ 𑍮𑍮 ॥

𑌮𑌧𑍁𑌲𑍁𑌬𑍍𑌧𑍋 𑌯𑌥𑌾 𑌭𑍃𑌂𑌗𑌃 𑌪𑍁𑌷𑍍𑌪𑌾𑌤𑍍𑌪𑍁𑌷𑍍𑌪𑌾𑌂𑌤𑌰𑌂 𑌵𑍍𑌰𑌜𑍇𑌤𑍍 ।
𑌜𑍍𑌞𑌾𑌨𑌲𑍁𑌬𑍍𑌧𑌸𑍍𑌤𑌥𑌾 𑌶𑌿𑌷𑍍𑌯𑍋 𑌗𑍁𑌰𑍋𑌰𑍍𑌗𑍁𑌰𑍍𑌵𑌂𑌤𑌰𑌂 𑌵𑍍𑌰𑌜𑍇𑌤𑍍 ॥ 𑍮𑍯 ॥

𑌵𑌂𑌦𑍇 𑌗𑍁𑌰𑍁𑌪𑌦𑌦𑍍𑌵𑌂𑌦𑍍𑌵𑌂 𑌵𑌾𑌙𑍍𑌮𑌨𑌾𑌤𑍀𑌤𑌗𑍋𑌚𑌰𑌮𑍍 ।
𑌶𑍍𑌵𑍇𑌤𑌰𑌕𑍍𑌤𑌪𑍍𑌰𑌭𑌾𑌭𑌿𑌨𑍍𑌨𑌂 𑌶𑌿𑌵𑌶𑌕𑍍𑌤𑍍𑌯𑌾𑌤𑍍𑌮𑌕𑌂 𑌪𑌰𑌮𑍍 ॥ 𑍯0 ॥

𑌗𑍁𑌕𑌾𑌰𑌂 𑌚 𑌗𑍁𑌣𑌾𑌤𑍀𑌤𑌂 𑌰𑍂𑌕𑌾𑌰𑌂 𑌰𑍂𑌪𑌵𑌰𑍍𑌜𑌿𑌤𑌮𑍍 ।
𑌗𑍁𑌣𑌾𑌤𑍀𑌤𑌮𑌰𑍂𑌪𑌂 𑌚 𑌯𑍋 𑌦𑌦𑍍𑌯𑌾𑌤𑍍𑌸 𑌗𑍁𑌰𑍁𑌃 𑌸𑍍𑌮𑍃𑌤𑌃 ॥ 𑍯1 ॥

𑌅𑌤𑍍𑌰𑌿𑌨𑍇𑌤𑍍𑌰𑌃 𑌶𑌿𑌵𑌃 𑌸𑌾𑌕𑍍𑌷𑌾𑌤𑍍 𑌦𑍍𑌵𑌿𑌬𑌾𑌹𑍁𑌶𑍍𑌚 𑌹𑌰𑌿𑌃 𑌸𑍍𑌮𑍃𑌤𑌃 ।
𑌯𑍋𑌽𑌚𑌤𑍁𑌰𑍍𑌵𑌦𑌨𑍋 𑌬𑍍𑌰𑌹𑍍𑌮𑌾 𑌶𑍍𑌰𑍀𑌗𑍁𑌰𑍁𑌃 𑌕𑌥𑌿𑌤𑌃 𑌪𑍍𑌰𑌿𑌯𑍇 ॥ 𑍯2 ॥

𑌅𑌯𑌂 𑌮𑌯𑌾𑌂𑌜𑌲𑌿𑌰𑍍𑌬𑌦𑍍𑌧𑍋 𑌦𑌯𑌾𑌸𑌾𑌗𑌰𑌸𑌿𑌦𑍍𑌧𑌯𑍇 ।
𑌯𑌦𑌨𑍁𑌗𑍍𑌰𑌹𑌤𑍋 𑌜𑌂𑌤𑍁𑌶𑍍𑌚𑌿𑌤𑍍𑌰𑌸𑌂𑌸𑌾𑌰𑌮𑍁𑌕𑍍𑌤𑌿𑌭𑌾𑌕𑍍 ॥ 𑍯3 ॥

𑌶𑍍𑌰𑍀𑌗𑍁𑌰𑍋𑌃 𑌪𑌰𑌮𑌂 𑌰𑍂𑌪𑌂 𑌵𑌿𑌵𑍇𑌕𑌚𑌕𑍍𑌷𑍁𑌰𑌗𑍍𑌰𑌤𑌃 ।
𑌮𑌂𑌦𑌭𑌾𑌗𑍍𑌯𑌾 𑌨 𑌪𑌶𑍍𑌯𑌂𑌤𑌿 𑌅𑌂𑌧𑌾𑌃 𑌸𑍂𑌰𑍍𑌯𑍋𑌦𑌯𑌂 𑌯𑌥𑌾 ॥ 𑍯4 ॥

𑌕𑍁𑌲𑌾𑌨𑌾𑌂 𑌕𑍁𑌲𑌕𑍋𑌟𑍀𑌨𑌾𑌂 𑌤𑌾𑌰𑌕𑌸𑍍𑌤𑌤𑍍𑌰 𑌤𑌤𑍍𑌕𑍍𑌷𑌣𑌾𑌤𑍍 ।
𑌅𑌤𑌸𑍍𑌤𑌂 𑌸𑌦𑍍𑌗𑍁𑌰𑍁𑌂 𑌜𑍍𑌞𑌾𑌤𑍍𑌵𑌾 𑌤𑍍𑌰𑌿𑌕𑌾𑌲𑌮𑌭𑌿𑌵𑌾𑌦𑌯𑍇𑌤𑍍 ॥ 𑍯5 ॥

𑌶𑍍𑌰𑍀𑌨𑌾𑌥𑌚𑌰𑌣𑌦𑍍𑌵𑌂𑌦𑍍𑌵𑌂 𑌯𑌸𑍍𑌯𑌾𑌂 𑌦𑌿𑌶𑌿 𑌵𑌿𑌰𑌾𑌜𑌤𑍇 ।
𑌤𑌸𑍍𑌯𑌾𑌂 𑌦𑌿𑌶𑌿 𑌨𑌮𑌸𑍍𑌕𑍁𑌰𑍍𑌯𑌾𑌤𑍍 𑌭𑌕𑍍𑌤𑍍𑌯𑌾 𑌪𑍍𑌰𑌤𑌿𑌦𑌿𑌨𑌂 𑌪𑍍𑌰𑌿𑌯𑍇 ॥ 𑍯6 ॥

𑌸𑌾𑌷𑍍𑌟𑌾𑌂𑌗𑌪𑍍𑌰𑌣𑌿𑌪𑌾𑌤𑍇𑌨 𑌸𑍍𑌤𑍁𑌵𑌨𑍍𑌨𑌿𑌤𑍍𑌯𑌂 𑌗𑍁𑌰𑍁𑌂 𑌭𑌜𑍇𑌤𑍍 ।
𑌭𑌜𑌨𑌾𑌤𑍍 𑌸𑍍𑌥𑍈𑌰𑍍𑌯𑌮𑌾𑌪𑍍𑌨𑍋𑌤𑌿 𑌸𑍍𑌵𑌸𑍍𑌵𑌰𑍂𑌪𑌮𑌯𑍋 𑌭𑌵𑍇𑌤𑍍 ॥ 𑍯𑍭 ॥

𑌦𑍋𑌰𑍍𑌭𑍍𑌯𑌾𑌂 𑌪𑌦𑍍𑌭𑍍𑌯𑌾𑌂 𑌚 𑌜𑌾𑌨𑍁𑌭𑍍𑌯𑌾𑌮𑍁𑌰𑌸𑌾 𑌶𑌿𑌰𑌸𑌾 𑌦𑍃𑌶𑌾 ।
𑌮𑌨𑌸𑌾 𑌵𑌚𑌸𑌾 𑌚𑍇𑌤𑌿 𑌪𑍍𑌰𑌣𑌾𑌮𑍋𑌽𑌷𑍍𑌟𑌾𑌂𑌗 𑌉𑌚𑍍𑌯𑌤𑍇 ॥ 𑍯𑍮 ॥

𑌤𑌸𑍍𑌯𑍈 𑌦𑌿𑌶𑍇 𑌸𑌤𑌤𑌮𑌂𑌜𑌲𑌿𑌰𑍇𑌷 𑌨𑌿𑌤𑍍𑌯𑌂
𑌪𑍍𑌰𑌕𑍍𑌷𑌿𑌪𑍍𑌯𑌤𑌾𑌂 𑌮𑍁𑌖𑌰𑌿𑌤𑍈𑌰𑍍𑌮𑌧𑍁𑌰𑍈𑌃 𑌪𑍍𑌰𑌸𑍂𑌨𑍈𑌃 ।
𑌜𑌾𑌗𑌰𑍍𑌤𑌿 𑌯𑌤𑍍𑌰 𑌭𑌗𑌵𑌾𑌨𑍍 𑌗𑍁𑌰𑍁𑌚𑌕𑍍𑌰𑌵𑌰𑍍𑌤𑍀
𑌵𑌿𑌶𑍍𑌵𑌸𑍍𑌥𑌿𑌤𑌿𑌪𑍍𑌰𑌳𑌯𑌨𑌾𑌟𑌕𑌨𑌿𑌤𑍍𑌯𑌸𑌾𑌕𑍍𑌷𑍀 ॥ 𑍯𑍯 ॥

𑌅𑌭𑍍𑌯𑌸𑍍𑌤𑍈𑌃 𑌕𑌿𑌮𑍁 𑌦𑍀𑌰𑍍𑌘𑌕𑌾𑌲𑌵𑌿𑌮𑌲𑍈𑌰𑍍𑌵𑍍𑌯𑌾𑌧𑌿𑌪𑍍𑌰𑌦𑍈𑌰𑍍𑌦𑍁𑌷𑍍𑌕𑌰𑍈𑌃
𑌪𑍍𑌰𑌾𑌣𑌾𑌯𑌾𑌮𑌶𑌤𑍈𑌰𑌨𑍇𑌕𑌕𑌰𑌣𑍈𑌰𑍍𑌦𑍁𑌃𑌖𑌾𑌤𑍍𑌮𑌕𑍈𑌰𑍍𑌦𑍁𑌰𑍍𑌜𑌯𑍈𑌃 ।
𑌯𑌸𑍍𑌮𑌿𑌨𑍍𑌨𑌭𑍍𑌯𑍁𑌦𑌿𑌤𑍇 𑌵𑌿𑌨𑌶𑍍𑌯𑌤𑌿 𑌬𑌲𑍀 𑌵𑌾𑌯𑍁𑌃 𑌸𑍍𑌵𑌯𑌂 𑌤𑌤𑍍𑌕𑍍𑌷𑌣𑌾𑌤𑍍
𑌪𑍍𑌰𑌾𑌪𑍍𑌤𑍁𑌂 𑌤𑌤𑍍𑌸𑌹𑌜𑌸𑍍𑌵𑌭𑌾𑌵𑌮𑌨𑌿𑌶𑌂 𑌸𑍇𑌵𑍇𑌤 𑌚𑍈𑌕𑌂 𑌗𑍁𑌰𑍁𑌮𑍍 ॥ 100 ॥

𑌜𑍍𑌞𑌾𑌨𑌂 𑌵𑌿𑌨𑌾 𑌮𑍁𑌕𑍍𑌤𑌿𑌪𑌦𑌂 𑌲𑌭𑍍𑌯𑌤𑍇 𑌗𑍁𑌰𑍁𑌭𑌕𑍍𑌤𑌿𑌤𑌃 ।
𑌗𑍁𑌰𑍋𑌸𑍍𑌸𑌮𑌾𑌨𑌤𑍋 𑌨𑌾𑌨𑍍𑌯𑌤𑍍 𑌸𑌾𑌧𑌨𑌂 𑌗𑍁𑌰𑍁𑌮𑌾𑌰𑍍𑌗𑌿𑌣𑌾𑌮𑍍 ॥ 101 ॥

𑌯𑌸𑍍𑌮𑌾𑌤𑍍𑌪𑌰𑌤𑌰𑌂 𑌨𑌾𑌸𑍍𑌤𑌿 𑌨𑍇𑌤𑌿 𑌨𑍇𑌤𑍀𑌤𑌿 𑌵𑍈 𑌶𑍍𑌰𑍁𑌤𑌿𑌃 ।
𑌮𑌨𑌸𑌾 𑌵𑌚𑌸𑌾 𑌚𑍈𑌵 𑌸𑌤𑍍𑌯𑌮𑌾𑌰𑌾𑌧𑌯𑍇𑌦𑍍𑌗𑍁𑌰𑍁𑌮𑍍 ॥ 102 ॥

𑌗𑍁𑌰𑍋𑌃 𑌕𑍃𑌪𑌾𑌪𑍍𑌰𑌸𑌾𑌦𑍇𑌨 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌮𑌹𑍇𑌶𑍍𑌵𑌰𑌾𑌃 ।
𑌸𑌾𑌮𑌰𑍍𑌥𑍍𑌯𑌮𑌭𑌜𑌨𑍍 𑌸𑌰𑍍𑌵𑍇 𑌸𑍃𑌷𑍍𑌟𑌿𑌸𑍍𑌥𑌿𑌤𑍍𑌯𑌂𑌤𑌕𑌰𑍍𑌮𑌣𑌿 ॥ 103 ॥

𑌦𑍇𑌵𑌕𑌿𑌨𑍍𑌨𑌰𑌗𑌂𑌧𑌰𑍍𑌵𑌾𑌃 𑌪𑌿𑌤𑍃𑌯𑌕𑍍𑌷𑌾𑌸𑍍𑌤𑍁 𑌤𑍁𑌂𑌬𑍁𑌰𑌃 ।
𑌮𑍁𑌨𑌯𑍋𑌽𑌪𑌿 𑌨 𑌜𑌾𑌨𑌂𑌤𑌿 𑌗𑍁𑌰𑍁𑌶𑍁𑌶𑍍𑌰𑍂𑌷𑌣𑍇 𑌵𑌿𑌧𑌿𑌮𑍍 ॥ 104 ॥

𑌤𑌾𑌰𑍍𑌕𑌿𑌕𑌾𑌶𑍍𑌛𑌾𑌂𑌦𑌸𑌾𑌶𑍍𑌚𑍈𑌵 𑌦𑍈𑌵𑌜𑍍𑌞𑌾𑌃 𑌕𑌰𑍍𑌮𑌠𑌾𑌃 𑌪𑍍𑌰𑌿𑌯𑍇 ।
𑌲𑍌𑌕𑌿𑌕𑌾𑌸𑍍𑌤𑍇 𑌨 𑌜𑌾𑌨𑌂𑌤𑌿 𑌗𑍁𑌰𑍁𑌤𑌤𑍍𑌤𑍍𑌵𑌂 𑌨𑌿𑌰𑌾𑌕𑍁𑌲𑌮𑍍 ॥ 105 ॥

𑌮𑌹𑌾𑌹𑌂𑌕𑌾𑌰𑌗𑌰𑍍𑌵𑍇𑌣 𑌤𑌤𑍋𑌵𑌿𑌦𑍍𑌯𑌾𑌬𑌲𑍇𑌨 𑌚 ।
𑌭𑍍𑌰𑌮𑌂𑌤𑌿 𑌚𑌾𑌸𑍍𑌮𑌿𑌨𑍍 𑌸𑌂𑌸𑌾𑌰𑍇 𑌘𑌟𑍀𑌯𑌂𑌤𑍍𑌰𑌂 𑌯𑌥𑌾 𑌪𑍁𑌨𑌃 ॥ 106 ॥

𑌯𑌜𑍍𑌞𑌿𑌨𑍋𑌽𑌪𑌿 𑌨 𑌮𑍁𑌕𑍍𑌤𑌾𑌃 𑌸𑍍𑌯𑍁𑌃 𑌨 𑌮𑍁𑌕𑍍𑌤𑌾 𑌯𑍋𑌗𑌿𑌨𑌸𑍍𑌤𑌥𑌾 ।
𑌤𑌾𑌪𑌸𑌾 𑌅𑌪𑌿 𑌨𑍋 𑌮𑍁𑌕𑍍𑌤𑌾 𑌗𑍁𑌰𑍁𑌤𑌤𑍍𑌤𑍍𑌵𑌾𑌤𑍍𑌪𑌰𑌾𑌙𑍍𑌮𑍁𑌖𑌾𑌃 ॥ 10𑍭 ॥

𑌨 𑌮𑍁𑌕𑍍𑌤𑌾𑌸𑍍𑌤𑍁 𑌚 𑌗𑌂𑌧𑌰𑍍𑌵𑌾𑌃 𑌪𑌿𑌤𑍃𑌯𑌕𑍍𑌷𑌾𑌸𑍍𑌤𑍁 𑌚𑌾𑌰𑌣𑌾𑌃 ।
𑌋𑌷𑌯𑌃 𑌸𑌿𑌦𑍍𑌧𑌦𑍇𑌵𑌾𑌦𑍍𑌯𑌾 𑌗𑍁𑌰𑍁𑌸𑍇𑌵𑌾𑌪𑌰𑌾𑌙𑍍𑌮𑍁𑌖𑌾𑌃 ॥ 10𑍮 ॥

𑌇𑌤𑌿 𑌶𑍍𑌰𑍀𑌸𑍍𑌕𑌂𑌦𑌪𑍁𑌰𑌾𑌣𑍇 𑌉𑌤𑍍𑌤𑌰𑌖𑌂𑌡𑍇 𑌉𑌮𑌾𑌮𑌹𑍇𑌶𑍍𑌵𑌰 𑌸𑌂𑌵𑌾𑌦𑍇
𑌶𑍍𑌰𑍀 𑌗𑍁𑌰𑍁𑌗𑍀𑌤𑌾𑌯𑌾𑌂 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃 ॥

प्रायः पृष्टाः प्रश्नाः

What is 𑌶𑍍𑌰𑍀 𑌗𑍁𑌰𑍁𑌗𑍀𑌤𑌾 𑌪𑍍𑌰𑌥𑌮𑍋𑌧𑍍𑌯𑌾𑌯𑌃?

𑌶𑍍𑌰𑍀 𑌗𑍁𑌰𑍁𑌗𑍀𑌤𑌾 𑌪𑍍𑌰𑌥𑌮𑍋𑌧𑍍𑌯𑌾𑌯𑌃 is a Bhagavad Gita available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌶𑍍𑌰𑍀 𑌗𑍁𑌰𑍁𑌗𑍀𑌤𑌾 𑌪𑍍𑌰𑌥𑌮𑍋𑌧𑍍𑌯𑌾𑌯𑌃 online?

Yes. The imported text is available directly on this page for online reading and recitation.

Can I download 𑌶𑍍𑌰𑍀 𑌗𑍁𑌰𑍁𑌗𑍀𑌤𑌾 𑌪𑍍𑌰𑌥𑌮𑍋𑌧𑍍𑌯𑌾𑌯𑌃 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु