𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌅𑌷𑍍𑌟𑌾𑌦𑌶𑍋𑌽𑌧𑍍𑌯𑌾𑌯𑌃

This Bhakti Granth document is presented in Grantha script, with the original script marks preserved.

𑌅𑌷𑍍𑌟𑌾𑌵𑌕𑍍𑌰 𑌉𑌵𑌾𑌚 ॥
𑌯𑌸𑍍𑌯 𑌬𑍋𑌧𑍋𑌦𑌯𑍇 𑌤𑌾𑌵𑌤𑍍𑌸𑍍𑌵𑌪𑍍𑌨𑌵𑌦𑍍 𑌭𑌵𑌤𑌿 𑌭𑍍𑌰𑌮𑌃 ।
𑌤𑌸𑍍𑌮𑍈 𑌸𑍁𑌖𑍈𑌕𑌰𑍂𑌪𑌾𑌯 𑌨𑌮𑌃 𑌶𑌾𑌂𑌤𑌾𑌯 𑌤𑍇𑌜𑌸𑍇 ॥ 1𑍮-1॥

𑌅𑌰𑍍𑌜𑌯𑌿𑌤𑍍𑌵𑌾𑌖𑌿𑌲𑌾𑌨𑍍 𑌅𑌰𑍍𑌥𑌾𑌨𑍍 𑌭𑍋𑌗𑌾𑌨𑌾𑌪𑍍𑌨𑍋𑌤𑌿 𑌪𑍁𑌷𑍍𑌕𑌲𑌾𑌨𑍍 ।
𑌨 𑌹𑌿 𑌸𑌰𑍍𑌵𑌪𑌰𑌿𑌤𑍍𑌯𑌾𑌗𑌮𑌂𑌤𑌰𑍇𑌣 𑌸𑍁𑌖𑍀 𑌭𑌵𑍇𑌤𑍍 ॥ 1𑍮-2॥

𑌕𑌰𑍍𑌤𑌵𑍍𑌯𑌦𑍁𑌃𑌖𑌮𑌾𑌰𑍍𑌤𑌂𑌡𑌜𑍍𑌵𑌾𑌲𑌾𑌦𑌗𑍍𑌧𑌾𑌂𑌤𑌰𑌾𑌤𑍍𑌮𑌨𑌃 ।
𑌕𑍁𑌤𑌃 𑌪𑍍𑌰𑌶𑌮𑌪𑍀𑌯𑍂𑌷𑌧𑌾𑌰𑌾𑌸𑌾𑌰𑌮𑍃𑌤𑍇 𑌸𑍁𑌖𑌮𑍍 ॥ 1𑍮-3॥

𑌭𑌵𑍋𑌽𑌯𑌂 𑌭𑌾𑌵𑌨𑌾𑌮𑌾𑌤𑍍𑌰𑍋 𑌨 𑌕𑌿𑌂𑌚𑌿𑌤𑍍 𑌪𑌰𑌮𑌾𑌰𑍍𑌥𑌤𑌃 ।
𑌨𑌾𑌸𑍍𑌤𑍍𑌯𑌭𑌾𑌵𑌃 𑌸𑍍𑌵𑌭𑌾𑌵𑌾𑌨𑌾𑌂 𑌭𑌾𑌵𑌾𑌭𑌾𑌵𑌵𑌿𑌭𑌾𑌵𑌿𑌨𑌾𑌮𑍍 ॥ 1𑍮-4॥

𑌨 𑌦𑍂𑌰𑌂 𑌨 𑌚 𑌸𑌂𑌕𑍋𑌚𑌾𑌲𑍍𑌲𑌬𑍍𑌧𑌮𑍇𑌵𑌾𑌤𑍍𑌮𑌨𑌃 𑌪𑌦𑌮𑍍 ।
𑌨𑌿𑌰𑍍𑌵𑌿𑌕𑌲𑍍𑌪𑌂 𑌨𑌿𑌰𑌾𑌯𑌾𑌸𑌂 𑌨𑌿𑌰𑍍𑌵𑌿𑌕𑌾𑌰𑌂 𑌨𑌿𑌰𑌂𑌜𑌨𑌮𑍍 ॥ 1𑍮-5॥

𑌵𑍍𑌯𑌾𑌮𑍋𑌹𑌮𑌾𑌤𑍍𑌰𑌵𑌿𑌰𑌤𑍌 𑌸𑍍𑌵𑌰𑍂𑌪𑌾𑌦𑌾𑌨𑌮𑌾𑌤𑍍𑌰𑌤𑌃 ।
𑌵𑍀𑌤𑌶𑍋𑌕𑌾 𑌵𑌿𑌰𑌾𑌜𑌂𑌤𑍇 𑌨𑌿𑌰𑌾𑌵𑌰𑌣𑌦𑍃𑌷𑍍𑌟𑌯𑌃 ॥ 1𑍮-6॥

𑌸𑌮𑌸𑍍𑌤𑌂 𑌕𑌲𑍍𑌪𑌨𑌾𑌮𑌾𑌤𑍍𑌰𑌮𑌾𑌤𑍍𑌮𑌾 𑌮𑍁𑌕𑍍𑌤𑌃 𑌸𑌨𑌾𑌤𑌨𑌃 ।
𑌇𑌤𑌿 𑌵𑌿𑌜𑍍𑌞𑌾𑌯 𑌧𑍀𑌰𑍋 𑌹𑌿 𑌕𑌿𑌮𑌭𑍍𑌯𑌸𑍍𑌯𑌤𑌿 𑌬𑌾𑌲𑌵𑌤𑍍 ॥ 1𑍮-𑍭॥

𑌆𑌤𑍍𑌮𑌾 𑌬𑍍𑌰𑌹𑍍𑌮𑍇𑌤𑌿 𑌨𑌿𑌶𑍍𑌚𑌿𑌤𑍍𑌯 𑌭𑌾𑌵𑌾𑌭𑌾𑌵𑍌 𑌚 𑌕𑌲𑍍𑌪𑌿𑌤𑍌 ।
𑌨𑌿𑌷𑍍𑌕𑌾𑌮𑌃 𑌕𑌿𑌂 𑌵𑌿𑌜𑌾𑌨𑌾𑌤𑌿 𑌕𑌿𑌂 𑌬𑍍𑌰𑍂𑌤𑍇 𑌚 𑌕𑌰𑍋𑌤𑌿 𑌕𑌿𑌮𑍍 ॥ 1𑍮-𑍮॥

𑌅𑌯𑌂 𑌸𑍋𑌽𑌹𑌮𑌯𑌂 𑌨𑌾𑌹𑌮𑌿𑌤𑌿 𑌕𑍍𑌷𑍀𑌣𑌾 𑌵𑌿𑌕𑌲𑍍𑌪𑌨𑌾 ।
𑌸𑌰𑍍𑌵𑌮𑌾𑌤𑍍𑌮𑍇𑌤𑌿 𑌨𑌿𑌶𑍍𑌚𑌿𑌤𑍍𑌯 𑌤𑍂𑌷𑍍𑌣𑍀𑌂𑌭𑍂𑌤𑌸𑍍𑌯 𑌯𑍋𑌗𑌿𑌨𑌃 ॥ 1𑍮-𑍯॥

𑌨 𑌵𑌿𑌕𑍍𑌷𑍇𑌪𑍋 𑌨 𑌚𑍈𑌕𑌾𑌗𑍍𑌰𑍍𑌯𑌂 𑌨𑌾𑌤𑌿𑌬𑍋𑌧𑍋 𑌨 𑌮𑍂𑌢𑌤𑌾 ।
𑌨 𑌸𑍁𑌖𑌂 𑌨 𑌚 𑌵𑌾 𑌦𑍁𑌃𑌖𑌮𑍁𑌪𑌶𑌾𑌂𑌤𑌸𑍍𑌯 𑌯𑍋𑌗𑌿𑌨𑌃 ॥ 1𑍮-10॥

𑌸𑍍𑌵𑌾𑌰𑌾𑌜𑍍𑌯𑍇 𑌭𑍈𑌕𑍍𑌷𑌵𑍃𑌤𑍍𑌤𑍌 𑌚 𑌲𑌾𑌭𑌾𑌲𑌾𑌭𑍇 𑌜𑌨𑍇 𑌵𑌨𑍇 ।
𑌨𑌿𑌰𑍍𑌵𑌿𑌕𑌲𑍍𑌪𑌸𑍍𑌵𑌭𑌾𑌵𑌸𑍍𑌯 𑌨 𑌵𑌿𑌶𑍇𑌷𑍋𑌽𑌸𑍍𑌤𑌿 𑌯𑍋𑌗𑌿𑌨𑌃 ॥ 1𑍮-11॥

𑌕𑍍𑌵 𑌧𑌰𑍍𑌮𑌃 𑌕𑍍𑌵 𑌚 𑌵𑌾 𑌕𑌾𑌮𑌃 𑌕𑍍𑌵 𑌚𑌾𑌰𑍍𑌥𑌃 𑌕𑍍𑌵 𑌵𑌿𑌵𑍇𑌕𑌿𑌤𑌾 ।
𑌇𑌦𑌂 𑌕𑍃𑌤𑌮𑌿𑌦𑌂 𑌨𑍇𑌤𑌿 𑌦𑍍𑌵𑌂𑌦𑍍𑌵𑍈𑌰𑍍𑌮𑍁𑌕𑍍𑌤𑌸𑍍𑌯 𑌯𑍋𑌗𑌿𑌨𑌃 ॥ 1𑍮-12॥

𑌕𑍃𑌤𑍍𑌯𑌂 𑌕𑌿𑌮𑌪𑌿 𑌨𑍈𑌵𑌾𑌸𑍍𑌤𑌿 𑌨 𑌕𑌾𑌪𑌿 𑌹𑍃𑌦𑌿 𑌰𑌂𑌜𑌨𑌾 ।
𑌯𑌥𑌾 𑌜𑍀𑌵𑌨𑌮𑍇𑌵𑍇𑌹 𑌜𑍀𑌵𑌨𑍍𑌮𑍁𑌕𑍍𑌤𑌸𑍍𑌯 𑌯𑍋𑌗𑌿𑌨𑌃 ॥ 1𑍮-13॥

𑌕𑍍𑌵 𑌮𑍋𑌹𑌃 𑌕𑍍𑌵 𑌚 𑌵𑌾 𑌵𑌿𑌶𑍍𑌵𑌂 𑌕𑍍𑌵 𑌤𑌦𑍍 𑌧𑍍𑌯𑌾𑌨𑌂 𑌕𑍍𑌵 𑌮𑍁𑌕𑍍𑌤𑌤𑌾 ।
𑌸𑌰𑍍𑌵𑌸𑌂𑌕𑌲𑍍𑌪𑌸𑍀𑌮𑌾𑌯𑌾𑌂 𑌵𑌿𑌶𑍍𑌰𑌾𑌂𑌤𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 1𑍮-14॥

𑌯𑍇𑌨 𑌵𑌿𑌶𑍍𑌵𑌮𑌿𑌦𑌂 𑌦𑍃𑌷𑍍𑌟𑌂 𑌸 𑌨𑌾𑌸𑍍𑌤𑍀𑌤𑌿 𑌕𑌰𑍋𑌤𑍁 𑌵𑍈 ।
𑌨𑌿𑌰𑍍𑌵𑌾𑌸𑌨𑌃 𑌕𑌿𑌂 𑌕𑍁𑌰𑍁𑌤𑍇 𑌪𑌶𑍍𑌯𑌨𑍍𑌨𑌪𑌿 𑌨 𑌪𑌶𑍍𑌯𑌤𑌿 ॥ 1𑍮-15॥

𑌯𑍇𑌨 𑌦𑍃𑌷𑍍𑌟𑌂 𑌪𑌰𑌂 𑌬𑍍𑌰𑌹𑍍𑌮 𑌸𑍋𑌽𑌹𑌂 𑌬𑍍𑌰𑌹𑍍𑌮𑍇𑌤𑌿 𑌚𑌿𑌂𑌤𑌯𑍇𑌤𑍍 ।
𑌕𑌿𑌂 𑌚𑌿𑌂𑌤𑌯𑌤𑌿 𑌨𑌿𑌶𑍍𑌚𑌿𑌂𑌤𑍋 𑌦𑍍𑌵𑌿𑌤𑍀𑌯𑌂 𑌯𑍋 𑌨 𑌪𑌶𑍍𑌯𑌤𑌿 ॥ 1𑍮-16॥

𑌦𑍃𑌷𑍍𑌟𑍋 𑌯𑍇𑌨𑌾𑌤𑍍𑌮𑌵𑌿𑌕𑍍𑌷𑍇𑌪𑍋 𑌨𑌿𑌰𑍋𑌧𑌂 𑌕𑍁𑌰𑍁𑌤𑍇 𑌤𑍍𑌵𑌸𑍌 ।
𑌉𑌦𑌾𑌰𑌸𑍍𑌤𑍁 𑌨 𑌵𑌿𑌕𑍍𑌷𑌿𑌪𑍍𑌤𑌃 𑌸𑌾𑌧𑍍𑌯𑌾𑌭𑌾𑌵𑌾𑌤𑍍𑌕𑌰𑍋𑌤𑌿 𑌕𑌿𑌮𑍍 ॥ 1𑍮-1𑍭॥

𑌧𑍀𑌰𑍋 𑌲𑍋𑌕𑌵𑌿𑌪𑌰𑍍𑌯𑌸𑍍𑌤𑍋 𑌵𑌰𑍍𑌤𑌮𑌾𑌨𑍋𑌽𑌪𑌿 𑌲𑍋𑌕𑌵𑌤𑍍 ।
𑌨 𑌸𑌮𑌾𑌧𑌿𑌂 𑌨 𑌵𑌿𑌕𑍍𑌷𑍇𑌪𑌂 𑌨 𑌲𑍋𑌪𑌂 𑌸𑍍𑌵𑌸𑍍𑌯 𑌪𑌶𑍍𑌯𑌤𑌿 ॥ 1𑍮-1𑍮॥

𑌭𑌾𑌵𑌾𑌭𑌾𑌵𑌵𑌿𑌹𑍀𑌨𑍋 𑌯𑌸𑍍𑌤𑍃𑌪𑍍𑌤𑍋 𑌨𑌿𑌰𑍍𑌵𑌾𑌸𑌨𑍋 𑌬𑍁𑌧𑌃 ।
𑌨𑍈𑌵 𑌕𑌿𑌂𑌚𑌿𑌤𑍍𑌕𑍃𑌤𑌂 𑌤𑍇𑌨 𑌲𑍋𑌕𑌦𑍃𑌷𑍍𑌟𑍍𑌯𑌾 𑌵𑌿𑌕𑍁𑌰𑍍𑌵𑌤𑌾 ॥ 1𑍮-1𑍯॥

𑌪𑍍𑌰𑌵𑍃𑌤𑍍𑌤𑍌 𑌵𑌾 𑌨𑌿𑌵𑍃𑌤𑍍𑌤𑍌 𑌵𑌾 𑌨𑍈𑌵 𑌧𑍀𑌰𑌸𑍍𑌯 𑌦𑍁𑌰𑍍𑌗𑍍𑌰𑌹𑌃 ।
𑌯𑌦𑌾 𑌯𑌤𑍍𑌕𑌰𑍍𑌤𑍁𑌮𑌾𑌯𑌾𑌤𑌿 𑌤𑌤𑍍𑌕𑍃𑌤𑍍𑌵𑌾 𑌤𑌿𑌷𑍍𑌠𑌤𑌃 𑌸𑍁𑌖𑌮𑍍 ॥ 1𑍮-20॥

𑌨𑌿𑌰𑍍𑌵𑌾𑌸𑌨𑍋 𑌨𑌿𑌰𑌾𑌲𑌂𑌬𑌃 𑌸𑍍𑌵𑌚𑍍𑌛𑌂𑌦𑍋 𑌮𑍁𑌕𑍍𑌤𑌬𑌂𑌧𑌨𑌃 ।
𑌕𑍍𑌷𑌿𑌪𑍍𑌤𑌃 𑌸𑌂𑌸𑍍𑌕𑌾𑌰𑌵𑌾𑌤𑍇𑌨 𑌚𑍇𑌷𑍍𑌟𑌤𑍇 𑌶𑍁𑌷𑍍𑌕𑌪𑌰𑍍𑌣𑌵𑌤𑍍 ॥ 1𑍮-21॥

𑌅𑌸𑌂𑌸𑌾𑌰𑌸𑍍𑌯 𑌤𑍁 𑌕𑍍𑌵𑌾𑌪𑌿 𑌨 𑌹𑌰𑍍𑌷𑍋 𑌨 𑌵𑌿𑌷𑌾𑌦𑌤𑌾 ।
𑌸 𑌶𑍀𑌤𑌲𑌮𑌨𑌾 𑌨𑌿𑌤𑍍𑌯𑌂 𑌵𑌿𑌦𑍇𑌹 𑌇𑌵 𑌰𑌾𑌜𑌤𑍇 ॥ 1𑍮-22॥

𑌕𑍁𑌤𑍍𑌰𑌾𑌪𑌿 𑌨 𑌜𑌿𑌹𑌾𑌸𑌾𑌸𑍍𑌤𑌿 𑌨𑌾𑌶𑍋 𑌵𑌾𑌪𑌿 𑌨 𑌕𑍁𑌤𑍍𑌰𑌚𑌿𑌤𑍍 ।
𑌆𑌤𑍍𑌮𑌾𑌰𑌾𑌮𑌸𑍍𑌯 𑌧𑍀𑌰𑌸𑍍𑌯 𑌶𑍀𑌤𑌲𑌾𑌚𑍍𑌛𑌤𑌰𑌾𑌤𑍍𑌮𑌨𑌃 ॥ 1𑍮-23॥

𑌪𑍍𑌰𑌕𑍃𑌤𑍍𑌯𑌾 𑌶𑍂𑌨𑍍𑌯𑌚𑌿𑌤𑍍𑌤𑌸𑍍𑌯 𑌕𑍁𑌰𑍍𑌵𑌤𑍋𑌽𑌸𑍍𑌯 𑌯𑌦𑍃𑌚𑍍𑌛𑌯𑌾 ।
𑌪𑍍𑌰𑌾𑌕𑍃𑌤𑌸𑍍𑌯𑍇𑌵 𑌧𑍀𑌰𑌸𑍍𑌯 𑌨 𑌮𑌾𑌨𑍋 𑌨𑌾𑌵𑌮𑌾𑌨𑌤𑌾 ॥ 1𑍮-24॥

𑌕𑍃𑌤𑌂 𑌦𑍇𑌹𑍇𑌨 𑌕𑌰𑍍𑌮𑍇𑌦𑌂 𑌨 𑌮𑌯𑌾 𑌶𑍁𑌦𑍍𑌧𑌰𑍂𑌪𑌿𑌣𑌾 ।
𑌇𑌤𑌿 𑌚𑌿𑌂𑌤𑌾𑌨𑍁𑌰𑍋𑌧𑍀 𑌯𑌃 𑌕𑍁𑌰𑍍𑌵𑌨𑍍𑌨𑌪𑌿 𑌕𑌰𑍋𑌤𑌿 𑌨 ॥ 1𑍮-25॥

𑌅𑌤𑌦𑍍𑌵𑌾𑌦𑍀𑌵 𑌕𑍁𑌰𑍁𑌤𑍇 𑌨 𑌭𑌵𑍇𑌦𑌪𑌿 𑌬𑌾𑌲𑌿𑌶𑌃 ।
𑌜𑍀𑌵𑌨𑍍𑌮𑍁𑌕𑍍𑌤𑌃 𑌸𑍁𑌖𑍀 𑌶𑍍𑌰𑍀𑌮𑌾𑌨𑍍 𑌸𑌂𑌸𑌰𑌨𑍍𑌨𑌪𑌿 𑌶𑍋𑌭𑌤𑍇 ॥ 1𑍮-26॥

𑌨𑌾𑌨𑌾𑌵𑌿𑌚𑌾𑌰𑌸𑍁𑌶𑍍𑌰𑌾𑌂𑌤𑍋 𑌧𑍀𑌰𑍋 𑌵𑌿𑌶𑍍𑌰𑌾𑌂𑌤𑌿𑌮𑌾𑌗𑌤𑌃 ।
𑌨 𑌕𑌲𑍍𑌪𑌤𑍇 𑌨 𑌜𑌾𑌨𑌾𑌤𑌿 𑌨 𑌶𑍃𑌣𑍋𑌤𑌿 𑌨 𑌪𑌶𑍍𑌯𑌤𑌿 ॥ 1𑍮-2𑍭॥

𑌅𑌸𑌮𑌾𑌧𑍇𑌰𑌵𑌿𑌕𑍍𑌷𑍇𑌪𑌾𑌨𑍍 𑌨 𑌮𑍁𑌮𑍁𑌕𑍍𑌷𑍁𑌰𑍍𑌨 𑌚𑍇𑌤𑌰𑌃 ।
𑌨𑌿𑌶𑍍𑌚𑌿𑌤𑍍𑌯 𑌕𑌲𑍍𑌪𑌿𑌤𑌂 𑌪𑌶𑍍𑌯𑌨𑍍 𑌬𑍍𑌰𑌹𑍍𑌮𑍈𑌵𑌾𑌸𑍍𑌤𑍇 𑌮𑌹𑌾𑌶𑌯𑌃 ॥ 1𑍮-2𑍮॥

𑌯𑌸𑍍𑌯𑌾𑌂𑌤𑌃 𑌸𑍍𑌯𑌾𑌦𑌹𑌂𑌕𑌾𑌰𑍋 𑌨 𑌕𑌰𑍋𑌤𑌿 𑌕𑌰𑍋𑌤𑌿 𑌸𑌃 ।
𑌨𑌿𑌰𑌹𑌂𑌕𑌾𑌰𑌧𑍀𑌰𑍇𑌣 𑌨 𑌕𑌿𑌂𑌚𑌿𑌦𑌕𑍃𑌤𑌂 𑌕𑍃𑌤𑌮𑍍 ॥ 1𑍮-2𑍯॥

𑌨𑍋𑌦𑍍𑌵𑌿𑌗𑍍𑌨𑌂 𑌨 𑌚 𑌸𑌂𑌤𑍁𑌷𑍍𑌟𑌮𑌕𑌰𑍍𑌤𑍃 𑌸𑍍𑌪𑌂𑌦𑌵𑌰𑍍𑌜𑌿𑌤𑌮𑍍 ।
𑌨𑌿𑌰𑌾𑌶𑌂 𑌗𑌤𑌸𑌂𑌦𑍇𑌹𑌂 𑌚𑌿𑌤𑍍𑌤𑌂 𑌮𑍁𑌕𑍍𑌤𑌸𑍍𑌯 𑌰𑌾𑌜𑌤𑍇 ॥ 1𑍮-30॥

𑌨𑌿𑌰𑍍𑌧𑍍𑌯𑌾𑌤𑍁𑌂 𑌚𑍇𑌷𑍍𑌟𑌿𑌤𑍁𑌂 𑌵𑌾𑌪𑌿 𑌯𑌚𑍍𑌚𑌿𑌤𑍍𑌤𑌂 𑌨 𑌪𑍍𑌰𑌵𑌰𑍍𑌤𑌤𑍇 ।
𑌨𑌿𑌰𑍍𑌨𑌿𑌮𑌿𑌤𑍍𑌤𑌮𑌿𑌦𑌂 𑌕𑌿𑌂𑌤𑍁 𑌨𑌿𑌰𑍍𑌧𑍍𑌯𑌾𑌯𑌤𑌿 𑌵𑌿𑌚𑍇𑌷𑍍𑌟𑌤𑍇 ॥ 1𑍮-31॥

𑌤𑌤𑍍𑌤𑍍𑌵𑌂 𑌯𑌥𑌾𑌰𑍍𑌥𑌮𑌾𑌕𑌰𑍍𑌣𑍍𑌯 𑌮𑌂𑌦𑌃 𑌪𑍍𑌰𑌾𑌪𑍍𑌨𑍋𑌤𑌿 𑌮𑍂𑌢𑌤𑌾𑌮𑍍 ।
𑌅𑌥𑌵𑌾 𑌯𑌾𑌤𑌿 𑌸𑌂𑌕𑍋𑌚𑌮𑌮𑍂𑌢𑌃 𑌕𑍋𑌽𑌪𑌿 𑌮𑍂𑌢𑌵𑌤𑍍 ॥ 1𑍮-32॥

𑌏𑌕𑌾𑌗𑍍𑌰𑌤𑌾 𑌨𑌿𑌰𑍋𑌧𑍋 𑌵𑌾 𑌮𑍂𑌢𑍈𑌰𑌭𑍍𑌯𑌸𑍍𑌯𑌤𑍇 𑌭𑍃𑌶𑌮𑍍 ।
𑌧𑍀𑌰𑌾𑌃 𑌕𑍃𑌤𑍍𑌯𑌂 𑌨 𑌪𑌶𑍍𑌯𑌂𑌤𑌿 𑌸𑍁𑌪𑍍𑌤𑌵𑌤𑍍𑌸𑍍𑌵𑌪𑌦𑍇 𑌸𑍍𑌥𑌿𑌤𑌾𑌃 ॥ 1𑍮-33॥

𑌅𑌪𑍍𑌰𑌯𑌤𑍍𑌨𑌾𑌤𑍍 𑌪𑍍𑌰𑌯𑌤𑍍𑌨𑌾𑌦𑍍 𑌵𑌾 𑌮𑍂𑌢𑍋 𑌨𑌾𑌪𑍍𑌨𑍋𑌤𑌿 𑌨𑌿𑌰𑍍𑌵𑍃𑌤𑌿𑌮𑍍 ।
𑌤𑌤𑍍𑌤𑍍𑌵𑌨𑌿𑌶𑍍𑌚𑌯𑌮𑌾𑌤𑍍𑌰𑍇𑌣 𑌪𑍍𑌰𑌾𑌜𑍍𑌞𑍋 𑌭𑌵𑌤𑌿 𑌨𑌿𑌰𑍍𑌵𑍃𑌤𑌃 ॥ 1𑍮-34॥

𑌶𑍁𑌦𑍍𑌧𑌂 𑌬𑍁𑌦𑍍𑌧𑌂 𑌪𑍍𑌰𑌿𑌯𑌂 𑌪𑍂𑌰𑍍𑌣𑌂 𑌨𑌿𑌷𑍍𑌪𑍍𑌰𑌪𑌂𑌚𑌂 𑌨𑌿𑌰𑌾𑌮𑌯𑌮𑍍 ।
𑌆𑌤𑍍𑌮𑌾𑌨𑌂 𑌤𑌂 𑌨 𑌜𑌾𑌨𑌂𑌤𑌿 𑌤𑌤𑍍𑌰𑌾𑌭𑍍𑌯𑌾𑌸𑌪𑌰𑌾 𑌜𑌨𑌾𑌃 ॥ 1𑍮-35॥

𑌨𑌾𑌪𑍍𑌨𑍋𑌤𑌿 𑌕𑌰𑍍𑌮𑌣𑌾 𑌮𑍋𑌕𑍍𑌷𑌂 𑌵𑌿𑌮𑍂𑌢𑍋𑌽𑌭𑍍𑌯𑌾𑌸𑌰𑍂𑌪𑌿𑌣𑌾 ।
𑌧𑌨𑍍𑌯𑍋 𑌵𑌿𑌜𑍍𑌞𑌾𑌨𑌮𑌾𑌤𑍍𑌰𑍇𑌣 𑌮𑍁𑌕𑍍𑌤𑌸𑍍𑌤𑌿𑌷𑍍𑌠𑌤𑍍𑌯𑌵𑌿𑌕𑍍𑌰𑌿𑌯𑌃 ॥ 1𑍮-36॥

𑌮𑍂𑌢𑍋 𑌨𑌾𑌪𑍍𑌨𑍋𑌤𑌿 𑌤𑌦𑍍 𑌬𑍍𑌰𑌹𑍍𑌮 𑌯𑌤𑍋 𑌭𑌵𑌿𑌤𑍁𑌮𑌿𑌚𑍍𑌛𑌤𑌿 ।
𑌅𑌨𑌿𑌚𑍍𑌛𑌨𑍍𑌨𑌪𑌿 𑌧𑍀𑌰𑍋 𑌹𑌿 𑌪𑌰𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌭𑌾𑌕𑍍 ॥ 1𑍮-3𑍭॥

𑌨𑌿𑌰𑌾𑌧𑌾𑌰𑌾 𑌗𑍍𑌰𑌹𑌵𑍍𑌯𑌗𑍍𑌰𑌾 𑌮𑍂𑌢𑌾𑌃 𑌸𑌂𑌸𑌾𑌰𑌪𑍋𑌷𑌕𑌾𑌃 ।
𑌏𑌤𑌸𑍍𑌯𑌾𑌨𑌰𑍍𑌥𑌮𑍂𑌲𑌸𑍍𑌯 𑌮𑍂𑌲𑌚𑍍𑌛𑍇𑌦𑌃 𑌕𑍃𑌤𑍋 𑌬𑍁𑌧𑍈𑌃 ॥ 1𑍮-3𑍮॥

𑌨 𑌶𑌾𑌂𑌤𑌿𑌂 𑌲𑌭𑌤𑍇 𑌮𑍂𑌢𑍋 𑌯𑌤𑌃 𑌶𑌮𑌿𑌤𑍁𑌮𑌿𑌚𑍍𑌛𑌤𑌿 ।
𑌧𑍀𑌰𑌸𑍍𑌤𑌤𑍍𑌤𑍍𑌵𑌂 𑌵𑌿𑌨𑌿𑌶𑍍𑌚𑌿𑌤𑍍𑌯 𑌸𑌰𑍍𑌵𑌦𑌾 𑌶𑌾𑌂𑌤𑌮𑌾𑌨𑌸𑌃 ॥ 1𑍮-3𑍯॥

𑌕𑍍𑌵𑌾𑌤𑍍𑌮𑌨𑍋 𑌦𑌰𑍍𑌶𑌨𑌂 𑌤𑌸𑍍𑌯 𑌯𑌦𑍍 𑌦𑍃𑌷𑍍𑌟𑌮𑌵𑌲𑌂𑌬𑌤𑍇 ।
𑌧𑍀𑌰𑌾𑌸𑍍𑌤𑌂 𑌤𑌂 𑌨 𑌪𑌶𑍍𑌯𑌂𑌤𑌿 𑌪𑌶𑍍𑌯𑌂𑌤𑍍𑌯𑌾𑌤𑍍𑌮𑌾𑌨𑌮𑌵𑍍𑌯𑌯𑌮𑍍 ॥ 1𑍮-40॥

𑌕𑍍𑌵 𑌨𑌿𑌰𑍋𑌧𑍋 𑌵𑌿𑌮𑍂𑌢𑌸𑍍𑌯 𑌯𑍋 𑌨𑌿𑌰𑍍𑌬𑌂𑌧𑌂 𑌕𑌰𑍋𑌤𑌿 𑌵𑍈 ।
𑌸𑍍𑌵𑌾𑌰𑌾𑌮𑌸𑍍𑌯𑍈𑌵 𑌧𑍀𑌰𑌸𑍍𑌯 𑌸𑌰𑍍𑌵𑌦𑌾𑌸𑌾𑌵𑌕𑍃𑌤𑍍𑌰𑌿𑌮𑌃 ॥ 1𑍮-41॥

𑌭𑌾𑌵𑌸𑍍𑌯 𑌭𑌾𑌵𑌕𑌃 𑌕𑌶𑍍𑌚𑌿𑌨𑍍 𑌨 𑌕𑌿𑌂𑌚𑌿𑌦𑍍 𑌭𑌾𑌵𑌕𑍋𑌪𑌰𑌃 ।
𑌉𑌭𑌯𑌾𑌭𑌾𑌵𑌕𑌃 𑌕𑌶𑍍𑌚𑌿𑌦𑍍 𑌏𑌵𑌮𑍇𑌵 𑌨𑌿𑌰𑌾𑌕𑍁𑌲𑌃 ॥ 1𑍮-42॥

𑌶𑍁𑌦𑍍𑌧𑌮𑌦𑍍𑌵𑌯𑌮𑌾𑌤𑍍𑌮𑌾𑌨𑌂 𑌭𑌾𑌵𑌯𑌂𑌤𑌿 𑌕𑍁𑌬𑍁𑌦𑍍𑌧𑌯𑌃 ।
𑌨 𑌤𑍁 𑌜𑌾𑌨𑌂𑌤𑌿 𑌸𑌂𑌮𑍋𑌹𑌾𑌦𑍍𑌯𑌾𑌵𑌜𑍍𑌜𑍀𑌵𑌮𑌨𑌿𑌰𑍍𑌵𑍃𑌤𑌾𑌃 ॥ 1𑍮-43॥

𑌮𑍁𑌮𑍁𑌕𑍍𑌷𑍋𑌰𑍍𑌬𑍁𑌦𑍍𑌧𑌿𑌰𑌾𑌲𑌂𑌬𑌮𑌂𑌤𑌰𑍇𑌣 𑌨 𑌵𑌿𑌦𑍍𑌯𑌤𑍇 ।
𑌨𑌿𑌰𑌾𑌲𑌂𑌬𑍈𑌵 𑌨𑌿𑌷𑍍𑌕𑌾𑌮𑌾 𑌬𑍁𑌦𑍍𑌧𑌿𑌰𑍍𑌮𑍁𑌕𑍍𑌤𑌸𑍍𑌯 𑌸𑌰𑍍𑌵𑌦𑌾 ॥ 1𑍮-44॥

𑌵𑌿𑌷𑌯𑌦𑍍𑌵𑍀𑌪𑌿𑌨𑍋 𑌵𑍀𑌕𑍍𑌷𑍍𑌯 𑌚𑌕𑌿𑌤𑌾𑌃 𑌶𑌰𑌣𑌾𑌰𑍍𑌥𑌿𑌨𑌃 ।
𑌵𑌿𑌶𑌂𑌤𑌿 𑌝𑌟𑌿𑌤𑌿 𑌕𑍍𑌰𑍋𑌡𑌂 𑌨𑌿𑌰𑍋𑌧𑍈𑌕𑌾𑌗𑍍𑌰𑌸𑌿𑌦𑍍𑌧𑌯𑍇 ॥ 1𑍮-45॥

𑌨𑌿𑌰𑍍𑌵𑌾𑌸𑌨𑌂 𑌹𑌰𑌿𑌂 𑌦𑍃𑌷𑍍𑌟𑍍𑌵𑌾 𑌤𑍂𑌷𑍍𑌣𑍀𑌂 𑌵𑌿𑌷𑌯𑌦𑌂𑌤𑌿𑌨𑌃 ।
𑌪𑌲𑌾𑌯𑌂𑌤𑍇 𑌨 𑌶𑌕𑍍𑌤𑌾𑌸𑍍𑌤𑍇 𑌸𑍇𑌵𑌂𑌤𑍇 𑌕𑍃𑌤𑌚𑌾𑌟𑌵𑌃 ॥ 1𑍮-46॥

𑌨 𑌮𑍁𑌕𑍍𑌤𑌿𑌕𑌾𑌰𑌿𑌕𑌾𑌂 𑌧𑌤𑍍𑌤𑍇 𑌨𑌿𑌃𑌶𑌂𑌕𑍋 𑌯𑍁𑌕𑍍𑌤𑌮𑌾𑌨𑌸𑌃 ।
𑌪𑌶𑍍𑌯𑌨𑍍 𑌶𑍃𑌣𑍍𑌵𑌨𑍍 𑌸𑍍𑌪𑍃𑌶𑌨𑍍 𑌜𑌿𑌘𑍍𑌰𑌨𑍍𑌨𑌶𑍍𑌨𑌨𑍍𑌨𑌾𑌸𑍍𑌤𑍇 𑌯𑌥𑌾𑌸𑍁𑌖𑌮𑍍 ॥ 1𑍮-4𑍭॥

𑌵𑌸𑍍𑌤𑍁𑌶𑍍𑌰𑌵𑌣𑌮𑌾𑌤𑍍𑌰𑍇𑌣 𑌶𑍁𑌦𑍍𑌧𑌬𑍁𑌦𑍍𑌧𑌿𑌰𑍍𑌨𑌿𑌰𑌾𑌕𑍁𑌲𑌃 ।
𑌨𑍈𑌵𑌾𑌚𑌾𑌰𑌮𑌨𑌾𑌚𑌾𑌰𑌮𑍌𑌦𑌾𑌸𑍍𑌯𑌂 𑌵𑌾 𑌪𑍍𑌰𑌪𑌶𑍍𑌯𑌤𑌿 ॥ 1𑍮-4𑍮॥

𑌯𑌦𑌾 𑌯𑌤𑍍𑌕𑌰𑍍𑌤𑍁𑌮𑌾𑌯𑌾𑌤𑌿 𑌤𑌦𑌾 𑌤𑌤𑍍𑌕𑍁𑌰𑍁𑌤𑍇 𑌋𑌜𑍁𑌃 ।
𑌶𑍁𑌭𑌂 𑌵𑌾𑌪𑍍𑌯𑌶𑍁𑌭𑌂 𑌵𑌾𑌪𑌿 𑌤𑌸𑍍𑌯 𑌚𑍇𑌷𑍍𑌟𑌾 𑌹𑌿 𑌬𑌾𑌲𑌵𑌤𑍍 ॥ 1𑍮-4𑍯॥

𑌸𑍍𑌵𑌾𑌤𑌂𑌤𑍍𑌰𑍍𑌯𑌾𑌤𑍍𑌸𑍁𑌖𑌮𑌾𑌪𑍍𑌨𑍋𑌤𑌿 𑌸𑍍𑌵𑌾𑌤𑌂𑌤𑍍𑌰𑍍𑌯𑌾𑌲𑍍𑌲𑌭𑌤𑍇 𑌪𑌰𑌮𑍍 ।
𑌸𑍍𑌵𑌾𑌤𑌂𑌤𑍍𑌰𑍍𑌯𑌾𑌨𑍍𑌨𑌿𑌰𑍍𑌵𑍃𑌤𑌿𑌂 𑌗𑌚𑍍𑌛𑍇𑌤𑍍𑌸𑍍𑌵𑌾𑌤𑌂𑌤𑍍𑌰𑍍𑌯𑌾𑌤𑍍 𑌪𑌰𑌮𑌂 𑌪𑌦𑌮𑍍 ॥ 1𑍮-50॥

𑌅𑌕𑌰𑍍𑌤𑍃𑌤𑍍𑌵𑌮𑌭𑍋𑌕𑍍𑌤𑍃𑌤𑍍𑌵𑌂 𑌸𑍍𑌵𑌾𑌤𑍍𑌮𑌨𑍋 𑌮𑌨𑍍𑌯𑌤𑍇 𑌯𑌦𑌾 ।
𑌤𑌦𑌾 𑌕𑍍𑌷𑍀𑌣𑌾 𑌭𑌵𑌂𑌤𑍍𑌯𑍇𑌵 𑌸𑌮𑌸𑍍𑌤𑌾𑌶𑍍𑌚𑌿𑌤𑍍𑌤𑌵𑍃𑌤𑍍𑌤𑌯𑌃 ॥ 1𑍮-51॥

𑌉𑌚𑍍𑌛𑍃𑌂𑌖𑌲𑌾𑌪𑍍𑌯𑌕𑍃𑌤𑌿𑌕𑌾 𑌸𑍍𑌥𑌿𑌤𑌿𑌰𑍍𑌧𑍀𑌰𑌸𑍍𑌯 𑌰𑌾𑌜𑌤𑍇 ।
𑌨 𑌤𑍁 𑌸𑌸𑍍𑌪𑍃𑌹𑌚𑌿𑌤𑍍𑌤𑌸𑍍𑌯 𑌶𑌾𑌂𑌤𑌿𑌰𑍍𑌮𑍂𑌢𑌸𑍍𑌯 𑌕𑍃𑌤𑍍𑌰𑌿𑌮𑌾 ॥ 1𑍮-52॥

𑌵𑌿𑌲𑌸𑌂𑌤𑌿 𑌮𑌹𑌾𑌭𑍋𑌗𑍈𑌰𑍍𑌵𑌿𑌶𑌂𑌤𑌿 𑌗𑌿𑌰𑌿𑌗𑌹𑍍𑌵𑌰𑌾𑌨𑍍 ।
𑌨𑌿𑌰𑌸𑍍𑌤𑌕𑌲𑍍𑌪𑌨𑌾 𑌧𑍀𑌰𑌾 𑌅𑌬𑌦𑍍𑌧𑌾 𑌮𑍁𑌕𑍍𑌤𑌬𑍁𑌦𑍍𑌧𑌯𑌃 ॥ 1𑍮-53॥

𑌶𑍍𑌰𑍋𑌤𑍍𑌰𑌿𑌯𑌂 𑌦𑍇𑌵𑌤𑌾𑌂 𑌤𑍀𑌰𑍍𑌥𑌮𑌂𑌗𑌨𑌾𑌂 𑌭𑍂𑌪𑌤𑌿𑌂 𑌪𑍍𑌰𑌿𑌯𑌮𑍍 ।
𑌦𑍃𑌷𑍍𑌟𑍍𑌵𑌾 𑌸𑌂𑌪𑍂𑌜𑍍𑌯 𑌧𑍀𑌰𑌸𑍍𑌯 𑌨 𑌕𑌾𑌪𑌿 𑌹𑍃𑌦𑌿 𑌵𑌾𑌸𑌨𑌾 ॥ 1𑍮-54॥

𑌭𑍃𑌤𑍍𑌯𑍈𑌃 𑌪𑍁𑌤𑍍𑌰𑍈𑌃 𑌕𑌲𑌤𑍍𑌰𑍈𑌶𑍍𑌚 𑌦𑍌𑌹𑌿𑌤𑍍𑌰𑍈𑌶𑍍𑌚𑌾𑌪𑌿 𑌗𑍋𑌤𑍍𑌰𑌜𑍈𑌃 ।
𑌵𑌿𑌹𑌸𑍍𑌯 𑌧𑌿𑌕𑍍𑌕𑍃𑌤𑍋 𑌯𑍋𑌗𑍀 𑌨 𑌯𑌾𑌤𑌿 𑌵𑌿𑌕𑍃𑌤𑌿𑌂 𑌮𑌨𑌾𑌕𑍍 ॥ 1𑍮-55॥

𑌸𑌂𑌤𑍁𑌷𑍍𑌟𑍋𑌽𑌪𑌿 𑌨 𑌸𑌂𑌤𑍁𑌷𑍍𑌟𑌃 𑌖𑌿𑌨𑍍𑌨𑍋𑌽𑌪𑌿 𑌨 𑌚 𑌖𑌿𑌦𑍍𑌯𑌤𑍇 ।
𑌤𑌸𑍍𑌯𑌾𑌶𑍍𑌚𑌰𑍍𑌯𑌦𑌶𑌾𑌂 𑌤𑌾𑌂 𑌤𑌾𑌂 𑌤𑌾𑌦𑍃𑌶𑌾 𑌏𑌵 𑌜𑌾𑌨𑌤𑍇 ॥ 1𑍮-56॥

𑌕𑌰𑍍𑌤𑌵𑍍𑌯𑌤𑍈𑌵 𑌸𑌂𑌸𑌾𑌰𑍋 𑌨 𑌤𑌾𑌂 𑌪𑌶𑍍𑌯𑌂𑌤𑌿 𑌸𑍂𑌰𑌯𑌃 ।
𑌶𑍂𑌨𑍍𑌯𑌾𑌕𑌾𑌰𑌾 𑌨𑌿𑌰𑌾𑌕𑌾𑌰𑌾 𑌨𑌿𑌰𑍍𑌵𑌿𑌕𑌾𑌰𑌾 𑌨𑌿𑌰𑌾𑌮𑌯𑌾𑌃 ॥ 1𑍮-5𑍭॥

𑌅𑌕𑍁𑌰𑍍𑌵𑌨𑍍𑌨𑌪𑌿 𑌸𑌂𑌕𑍍𑌷𑍋𑌭𑌾𑌦𑍍 𑌵𑍍𑌯𑌗𑍍𑌰𑌃 𑌸𑌰𑍍𑌵𑌤𑍍𑌰 𑌮𑍂𑌢𑌧𑍀𑌃 ।
𑌕𑍁𑌰𑍍𑌵𑌨𑍍𑌨𑌪𑌿 𑌤𑍁 𑌕𑍃𑌤𑍍𑌯𑌾𑌨𑌿 𑌕𑍁𑌶𑌲𑍋 𑌹𑌿 𑌨𑌿𑌰𑌾𑌕𑍁𑌲𑌃 ॥ 1𑍮-5𑍮॥

𑌸𑍁𑌖𑌮𑌾𑌸𑍍𑌤𑍇 𑌸𑍁𑌖𑌂 𑌶𑍇𑌤𑍇 𑌸𑍁𑌖𑌮𑌾𑌯𑌾𑌤𑌿 𑌯𑌾𑌤𑌿 𑌚 ।
𑌸𑍁𑌖𑌂 𑌵𑌕𑍍𑌤𑌿 𑌸𑍁𑌖𑌂 𑌭𑍁𑌂𑌕𑍍𑌤𑍇 𑌵𑍍𑌯𑌵𑌹𑌾𑌰𑍇𑌽𑌪𑌿 𑌶𑌾𑌂𑌤𑌧𑍀𑌃 ॥ 1𑍮-5𑍯॥

𑌸𑍍𑌵𑌭𑌾𑌵𑌾𑌦𑍍𑌯𑌸𑍍𑌯 𑌨𑍈𑌵𑌾𑌰𑍍𑌤𑌿𑌰𑍍𑌲𑍋𑌕𑌵𑌦𑍍 𑌵𑍍𑌯𑌵𑌹𑌾𑌰𑌿𑌣𑌃 ।
𑌮𑌹𑌾𑌹𑍍𑌰𑌦 𑌇𑌵𑌾𑌕𑍍𑌷𑍋𑌭𑍍𑌯𑍋 𑌗𑌤𑌕𑍍𑌲𑍇𑌶𑌃 𑌸𑍁𑌶𑍋𑌭𑌤𑍇 ॥ 1𑍮-60॥

𑌨𑌿𑌵𑍃𑌤𑍍𑌤𑌿𑌰𑌪𑌿 𑌮𑍂𑌢𑌸𑍍𑌯 𑌪𑍍𑌰𑌵𑍃𑌤𑍍𑌤𑌿-𑌰𑍁𑌪𑌜𑌾𑌯𑌤𑍇 ।
𑌪𑍍𑌰𑌵𑍃𑌤𑍍𑌤𑌿𑌰𑌪𑌿 𑌧𑍀𑌰𑌸𑍍𑌯 𑌨𑌿𑌵𑍃𑌤𑍍𑌤𑌿𑌫𑌲𑌭𑌾𑌗𑌿𑌨𑍀 ॥ 1𑍮-61॥

𑌪𑌰𑌿𑌗𑍍𑌰𑌹𑍇𑌷𑍁 𑌵𑍈𑌰𑌾𑌗𑍍𑌯𑌂 𑌪𑍍𑌰𑌾𑌯𑍋 𑌮𑍂𑌢𑌸𑍍𑌯 𑌦𑍃𑌶𑍍𑌯𑌤𑍇 ।
𑌦𑍇𑌹𑍇 𑌵𑌿𑌗𑌲𑌿𑌤𑌾𑌶𑌸𑍍𑌯 𑌕𑍍𑌵 𑌰𑌾𑌗𑌃 𑌕𑍍𑌵 𑌵𑌿𑌰𑌾𑌗𑌤𑌾 ॥ 1𑍮-62॥

𑌭𑌾𑌵𑌨𑌾𑌭𑌾𑌵𑌨𑌾𑌸𑌕𑍍𑌤𑌾 𑌦𑍃𑌷𑍍𑌟𑌿𑌰𑍍𑌮𑍂𑌢𑌸𑍍𑌯 𑌸𑌰𑍍𑌵𑌦𑌾 ।
𑌭𑌾𑌵𑍍𑌯𑌭𑌾𑌵𑌨𑌯𑌾 𑌸𑌾 𑌤𑍁 𑌸𑍍𑌵𑌸𑍍𑌥𑌸𑍍𑌯𑌾𑌦𑍃𑌷𑍍𑌟𑌿𑌰𑍂𑌪𑌿𑌣𑍀 ॥ 1𑍮-63॥

𑌸𑌰𑍍𑌵𑌾𑌰𑌂𑌭𑍇𑌷𑍁 𑌨𑌿𑌷𑍍𑌕𑌾𑌮𑍋 𑌯𑌶𑍍𑌚𑌰𑍇𑌦𑍍 𑌬𑌾𑌲𑌵𑌨𑍍 𑌮𑍁𑌨𑌿𑌃 ।
𑌨 𑌲𑍇𑌪𑌸𑍍𑌤𑌸𑍍𑌯 𑌶𑍁𑌦𑍍𑌧𑌸𑍍𑌯 𑌕𑍍𑌰𑌿𑌯𑌮𑌾𑌣𑍇𑌽𑌪𑌿 𑌕𑌰𑍍𑌮𑌣𑌿 ॥ 1𑍮-64॥

𑌸 𑌏𑌵 𑌧𑌨𑍍𑌯 𑌆𑌤𑍍𑌮𑌜𑍍𑌞𑌃 𑌸𑌰𑍍𑌵𑌭𑌾𑌵𑍇𑌷𑍁 𑌯𑌃 𑌸𑌮𑌃 ।
𑌪𑌶𑍍𑌯𑌨𑍍 𑌶𑍃𑌣𑍍𑌵𑌨𑍍 𑌸𑍍𑌪𑍃𑌶𑌨𑍍 𑌜𑌿𑌘𑍍𑌰𑌨𑍍𑌨𑍍 𑌅𑌶𑍍𑌨𑌨𑍍𑌨𑌿𑌸𑍍𑌤𑌰𑍍𑌷𑌮𑌾𑌨𑌸𑌃 ॥ 1𑍮-65॥

𑌕𑍍𑌵 𑌸𑌂𑌸𑌾𑌰𑌃 𑌕𑍍𑌵 𑌚𑌾𑌭𑌾𑌸𑌃 𑌕𑍍𑌵 𑌸𑌾𑌧𑍍𑌯𑌂 𑌕𑍍𑌵 𑌚 𑌸𑌾𑌧𑌨𑌮𑍍 ।
𑌆𑌕𑌾𑌶𑌸𑍍𑌯𑍇𑌵 𑌧𑍀𑌰𑌸𑍍𑌯 𑌨𑌿𑌰𑍍𑌵𑌿𑌕𑌲𑍍𑌪𑌸𑍍𑌯 𑌸𑌰𑍍𑌵𑌦𑌾 ॥ 1𑍮-66॥

𑌸 𑌜𑌯𑌤𑍍𑌯𑌰𑍍𑌥𑌸𑌂𑌨𑍍𑌯𑌾𑌸𑍀 𑌪𑍂𑌰𑍍𑌣𑌸𑍍𑌵𑌰𑌸𑌵𑌿𑌗𑍍𑌰𑌹𑌃 ।
𑌅𑌕𑍃𑌤𑍍𑌰𑌿𑌮𑍋𑌽𑌨𑌵𑌚𑍍𑌛𑌿𑌨𑍍𑌨𑍇 𑌸𑌮𑌾𑌧𑌿𑌰𑍍𑌯𑌸𑍍𑌯 𑌵𑌰𑍍𑌤𑌤𑍇 ॥ 1𑍮-6𑍭॥

𑌬𑌹𑍁𑌨𑌾𑌤𑍍𑌰 𑌕𑌿𑌮𑍁𑌕𑍍𑌤𑍇𑌨 𑌜𑍍𑌞𑌾𑌤𑌤𑌤𑍍𑌤𑍍𑌵𑍋 𑌮𑌹𑌾𑌶𑌯𑌃 ।
𑌭𑍋𑌗𑌮𑍋𑌕𑍍𑌷𑌨𑌿𑌰𑌾𑌕𑌾𑌂𑌕𑍍𑌷𑍀 𑌸𑌦𑌾 𑌸𑌰𑍍𑌵𑌤𑍍𑌰 𑌨𑍀𑌰𑌸𑌃 ॥ 1𑍮-6𑍮॥

𑌮𑌹𑌦𑌾𑌦𑌿 𑌜𑌗𑌦𑍍𑌦𑍍𑌵𑍈𑌤𑌂 𑌨𑌾𑌮𑌮𑌾𑌤𑍍𑌰𑌵𑌿𑌜𑍃𑌂𑌭𑌿𑌤𑌮𑍍 ।
𑌵𑌿𑌹𑌾𑌯 𑌶𑍁𑌦𑍍𑌧𑌬𑍋𑌧𑌸𑍍𑌯 𑌕𑌿𑌂 𑌕𑍃𑌤𑍍𑌯𑌮𑌵𑌶𑌿𑌷𑍍𑌯𑌤𑍇 ॥ 1𑍮-6𑍯॥

𑌭𑍍𑌰𑌮𑌭𑍂𑌤𑌮𑌿𑌦𑌂 𑌸𑌰𑍍𑌵𑌂 𑌕𑌿𑌂𑌚𑌿𑌨𑍍𑌨𑌾𑌸𑍍𑌤𑍀𑌤𑌿 𑌨𑌿𑌶𑍍𑌚𑌯𑍀 ।
𑌅𑌲𑌕𑍍𑌷𑍍𑌯𑌸𑍍𑌫𑍁𑌰𑌣𑌃 𑌶𑍁𑌦𑍍𑌧𑌃 𑌸𑍍𑌵𑌭𑌾𑌵𑍇𑌨𑍈𑌵 𑌶𑌾𑌮𑍍𑌯𑌤𑌿 ॥ 1𑍮-𑍭0॥

𑌶𑍁𑌦𑍍𑌧𑌸𑍍𑌫𑍁𑌰𑌣𑌰𑍂𑌪𑌸𑍍𑌯 𑌦𑍃𑌶𑍍𑌯𑌭𑌾𑌵𑌮𑌪𑌶𑍍𑌯𑌤𑌃 ।
𑌕𑍍𑌵 𑌵𑌿𑌧𑌿𑌃 𑌕𑍍𑌵 𑌚 𑌵𑍈𑌰𑌾𑌗𑍍𑌯𑌂 𑌕𑍍𑌵 𑌤𑍍𑌯𑌾𑌗𑌃 𑌕𑍍𑌵 𑌶𑌮𑍋𑌽𑌪𑌿 𑌵𑌾 ॥ 1𑍮-𑍭1॥

𑌸𑍍𑌫𑍁𑌰𑌤𑍋𑌽𑌨𑌂𑌤𑌰𑍂𑌪𑍇𑌣 𑌪𑍍𑌰𑌕𑍃𑌤𑌿𑌂 𑌚 𑌨 𑌪𑌶𑍍𑌯𑌤𑌃 ।
𑌕𑍍𑌵 𑌬𑌂𑌧𑌃 𑌕𑍍𑌵 𑌚 𑌵𑌾 𑌮𑍋𑌕𑍍𑌷𑌃 𑌕𑍍𑌵 𑌹𑌰𑍍𑌷𑌃 𑌕𑍍𑌵 𑌵𑌿𑌷𑌾𑌦𑌿𑌤𑌾 ॥ 1𑍮-𑍭2॥

𑌬𑍁𑌦𑍍𑌧𑌿𑌪𑌰𑍍𑌯𑌂𑌤𑌸𑌂𑌸𑌾𑌰𑍇 𑌮𑌾𑌯𑌾𑌮𑌾𑌤𑍍𑌰𑌂 𑌵𑌿𑌵𑌰𑍍𑌤𑌤𑍇 ।
𑌨𑌿𑌰𑍍𑌮𑌮𑍋 𑌨𑌿𑌰𑌹𑌂𑌕𑌾𑌰𑍋 𑌨𑌿𑌷𑍍𑌕𑌾𑌮𑌃 𑌶𑍋𑌭𑌤𑍇 𑌬𑍁𑌧𑌃 ॥ 1𑍮-𑍭3॥

𑌅𑌕𑍍𑌷𑌯𑌂 𑌗𑌤𑌸𑌂𑌤𑌾𑌪𑌮𑌾𑌤𑍍𑌮𑌾𑌨𑌂 𑌪𑌶𑍍𑌯𑌤𑍋 𑌮𑍁𑌨𑍇𑌃 ।
𑌕𑍍𑌵 𑌵𑌿𑌦𑍍𑌯𑌾 𑌚 𑌕𑍍𑌵 𑌵𑌾 𑌵𑌿𑌶𑍍𑌵𑌂 𑌕𑍍𑌵 𑌦𑍇𑌹𑍋𑌽𑌹𑌂 𑌮𑌮𑍇𑌤𑌿 𑌵𑌾 ॥ 1𑍮-𑍭4॥

𑌨𑌿𑌰𑍋𑌧𑌾𑌦𑍀𑌨𑌿 𑌕𑌰𑍍𑌮𑌾𑌣𑌿 𑌜𑌹𑌾𑌤𑌿 𑌜𑌡𑌧𑍀𑌰𑍍𑌯𑌦𑌿 ।
𑌮𑌨𑍋𑌰𑌥𑌾𑌨𑍍 𑌪𑍍𑌰𑌲𑌾𑌪𑌾𑌂𑌶𑍍𑌚 𑌕𑌰𑍍𑌤𑍁𑌮𑌾𑌪𑍍𑌨𑍋𑌤𑍍𑌯𑌤𑌤𑍍𑌕𑍍𑌷𑌣𑌾𑌤𑍍 ॥ 1𑍮-𑍭5॥

𑌮𑌂𑌦𑌃 𑌶𑍍𑌰𑍁𑌤𑍍𑌵𑌾𑌪𑌿 𑌤𑌦𑍍𑌵𑌸𑍍𑌤𑍁 𑌨 𑌜𑌹𑌾𑌤𑌿 𑌵𑌿𑌮𑍂𑌢𑌤𑌾𑌮𑍍 ।
𑌨𑌿𑌰𑍍𑌵𑌿𑌕𑌲𑍍𑌪𑍋 𑌬𑌹𑌿𑌰𑍍𑌯𑌤𑍍𑌨𑌾𑌦𑌂𑌤𑌰𑍍𑌵𑌿𑌷𑌯𑌲𑌾𑌲𑌸𑌃 ॥ 1𑍮-𑍭6॥

𑌜𑍍𑌞𑌾𑌨𑌾𑌦𑍍 𑌗𑌲𑌿𑌤𑌕𑌰𑍍𑌮𑌾 𑌯𑍋 𑌲𑍋𑌕𑌦𑍃𑌷𑍍𑌟𑍍𑌯𑌾𑌪𑌿 𑌕𑌰𑍍𑌮𑌕𑍃𑌤𑍍 ।
𑌨𑌾𑌪𑍍𑌨𑍋𑌤𑍍𑌯𑌵𑌸𑌰𑌂 𑌕𑌰𑍍𑌤𑍁𑌂 𑌵𑌕𑍍𑌤𑍁𑌮𑍇𑌵 𑌨 𑌕𑌿𑌂𑌚𑌨 ॥ 1𑍮-𑍭𑍭॥

𑌕𑍍𑌵 𑌤𑌮𑌃 𑌕𑍍𑌵 𑌪𑍍𑌰𑌕𑌾𑌶𑍋 𑌵𑌾 𑌹𑌾𑌨𑌂 𑌕𑍍𑌵 𑌚 𑌨 𑌕𑌿𑌂𑌚𑌨 ।
𑌨𑌿𑌰𑍍𑌵𑌿𑌕𑌾𑌰𑌸𑍍𑌯 𑌧𑍀𑌰𑌸𑍍𑌯 𑌨𑌿𑌰𑌾𑌤𑌂𑌕𑌸𑍍𑌯 𑌸𑌰𑍍𑌵𑌦𑌾 ॥ 1𑍮-𑍭𑍮॥

𑌕𑍍𑌵 𑌧𑍈𑌰𑍍𑌯𑌂 𑌕𑍍𑌵 𑌵𑌿𑌵𑍇𑌕𑌿𑌤𑍍𑌵𑌂 𑌕𑍍𑌵 𑌨𑌿𑌰𑌾𑌤𑌂𑌕𑌤𑌾𑌪𑌿 𑌵𑌾 ।
𑌅𑌨𑌿𑌰𑍍𑌵𑌾𑌚𑍍𑌯𑌸𑍍𑌵𑌭𑌾𑌵𑌸𑍍𑌯 𑌨𑌿𑌃𑌸𑍍𑌵𑌭𑌾𑌵𑌸𑍍𑌯 𑌯𑍋𑌗𑌿𑌨𑌃 ॥ 1𑍮-𑍭𑍯॥

𑌨 𑌸𑍍𑌵𑌰𑍍𑌗𑍋 𑌨𑍈𑌵 𑌨𑌰𑌕𑍋 𑌜𑍀𑌵𑌨𑍍𑌮𑍁𑌕𑍍𑌤𑌿𑌰𑍍𑌨 𑌚𑍈𑌵 𑌹𑌿 ।
𑌬𑌹𑍁𑌨𑌾𑌤𑍍𑌰 𑌕𑌿𑌮𑍁𑌕𑍍𑌤𑍇𑌨 𑌯𑍋𑌗𑌦𑍃𑌷𑍍𑌟𑍍𑌯𑌾 𑌨 𑌕𑌿𑌂𑌚𑌨 ॥ 1𑍮-𑍮0॥

𑌨𑍈𑌵 𑌪𑍍𑌰𑌾𑌰𑍍𑌥𑌯𑌤𑍇 𑌲𑌾𑌭𑌂 𑌨𑌾𑌲𑌾𑌭𑍇𑌨𑌾𑌨𑍁𑌶𑍋𑌚𑌤𑌿 ।
𑌧𑍀𑌰𑌸𑍍𑌯 𑌶𑍀𑌤𑌲𑌂 𑌚𑌿𑌤𑍍𑌤𑌮𑌮𑍃𑌤𑍇𑌨𑍈𑌵 𑌪𑍂𑌰𑌿𑌤𑌮𑍍 ॥ 1𑍮-𑍮1॥

𑌨 𑌶𑌾𑌂𑌤𑌂 𑌸𑍍𑌤𑍌𑌤𑌿 𑌨𑌿𑌷𑍍𑌕𑌾𑌮𑍋 𑌨 𑌦𑍁𑌷𑍍𑌟𑌮𑌪𑌿 𑌨𑌿𑌂𑌦𑌤𑌿 ।
𑌸𑌮𑌦𑍁𑌃𑌖𑌸𑍁𑌖𑌸𑍍𑌤𑍃𑌪𑍍𑌤𑌃 𑌕𑌿𑌂𑌚𑌿𑌤𑍍 𑌕𑍃𑌤𑍍𑌯𑌂 𑌨 𑌪𑌶𑍍𑌯𑌤𑌿 ॥ 1𑍮-𑍮2॥

𑌧𑍀𑌰𑍋 𑌨 𑌦𑍍𑌵𑍇𑌷𑍍𑌟𑌿 𑌸𑌂𑌸𑌾𑌰𑌮𑌾𑌤𑍍𑌮𑌾𑌨𑌂 𑌨 𑌦𑌿𑌦𑍃𑌕𑍍𑌷𑌤𑌿 ।
𑌹𑌰𑍍𑌷𑌾𑌮𑌰𑍍𑌷𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌨 𑌮𑍃𑌤𑍋 𑌨 𑌚 𑌜𑍀𑌵𑌤𑌿 ॥ 1𑍮-𑍮3॥

𑌨𑌿𑌃𑌸𑍍𑌨𑍇𑌹𑌃 𑌪𑍁𑌤𑍍𑌰𑌦𑌾𑌰𑌾𑌦𑍌 𑌨𑌿𑌷𑍍𑌕𑌾𑌮𑍋 𑌵𑌿𑌷𑌯𑍇𑌷𑍁 𑌚 ।
𑌨𑌿𑌶𑍍𑌚𑌿𑌂𑌤𑌃 𑌸𑍍𑌵𑌶𑌰𑍀𑌰𑍇𑌽𑌪𑌿 𑌨𑌿𑌰𑌾𑌶𑌃 𑌶𑍋𑌭𑌤𑍇 𑌬𑍁𑌧𑌃 ॥ 1𑍮-𑍮4॥

𑌤𑍁𑌷𑍍𑌟𑌿𑌃 𑌸𑌰𑍍𑌵𑌤𑍍𑌰 𑌧𑍀𑌰𑌸𑍍𑌯 𑌯𑌥𑌾𑌪𑌤𑌿𑌤𑌵𑌰𑍍𑌤𑌿𑌨𑌃 ।
𑌸𑍍𑌵𑌚𑍍𑌛𑌂𑌦𑌂 𑌚𑌰𑌤𑍋 𑌦𑍇𑌶𑌾𑌨𑍍 𑌯𑌤𑍍𑌰𑌸𑍍𑌤𑌮𑌿𑌤𑌶𑌾𑌯𑌿𑌨𑌃 ॥ 1𑍮-𑍮5॥

𑌪𑌤𑌤𑍂𑌦𑍇𑌤𑍁 𑌵𑌾 𑌦𑍇𑌹𑍋 𑌨𑌾𑌸𑍍𑌯 𑌚𑌿𑌂𑌤𑌾 𑌮𑌹𑌾𑌤𑍍𑌮𑌨𑌃 ।
𑌸𑍍𑌵𑌭𑌾𑌵𑌭𑍂𑌮𑌿𑌵𑌿𑌶𑍍𑌰𑌾𑌂𑌤𑌿𑌵𑌿𑌸𑍍𑌮𑍃𑌤𑌾𑌶𑍇𑌷𑌸𑌂𑌸𑍃𑌤𑍇𑌃 ॥ 1𑍮-𑍮6॥

𑌅𑌕𑌿𑌂𑌚𑌨𑌃 𑌕𑌾𑌮𑌚𑌾𑌰𑍋 𑌨𑌿𑌰𑍍𑌦𑍍𑌵𑌂𑌦𑍍𑌵𑌶𑍍𑌛𑌿𑌨𑍍𑌨𑌸𑌂𑌶𑌯𑌃 ।
𑌅𑌸𑌕𑍍𑌤𑌃 𑌸𑌰𑍍𑌵𑌭𑌾𑌵𑍇𑌷𑍁 𑌕𑍇𑌵𑌲𑍋 𑌰𑌮𑌤𑍇 𑌬𑍁𑌧𑌃 ॥ 1𑍮-𑍮𑍭॥

𑌨𑌿𑌰𑍍𑌮𑌮𑌃 𑌶𑍋𑌭𑌤𑍇 𑌧𑍀𑌰𑌃 𑌸𑌮𑌲𑍋𑌷𑍍𑌟𑌾𑌶𑍍𑌮𑌕𑌾𑌂𑌚𑌨𑌃 ।
𑌸𑍁𑌭𑌿𑌨𑍍𑌨𑌹𑍃𑌦𑌯𑌗𑍍𑌰𑌂𑌥𑌿𑌰𑍍𑌵𑌿𑌨𑌿𑌰𑍍𑌧𑍂𑌤𑌰𑌜𑌸𑍍𑌤𑌮𑌃 ॥ 1𑍮-𑍮𑍮॥

𑌸𑌰𑍍𑌵𑌤𑍍𑌰𑌾𑌨𑌵𑌧𑌾𑌨𑌸𑍍𑌯 𑌨 𑌕𑌿𑌂𑌚𑌿𑌦𑍍 𑌵𑌾𑌸𑌨𑌾 𑌹𑍃𑌦𑌿 ।
𑌮𑍁𑌕𑍍𑌤𑌾𑌤𑍍𑌮𑌨𑍋 𑌵𑌿𑌤𑍃𑌪𑍍𑌤𑌸𑍍𑌯 𑌤𑍁𑌲𑌨𑌾 𑌕𑍇𑌨 𑌜𑌾𑌯𑌤𑍇 ॥ 1𑍮-𑍮𑍯॥

𑌜𑌾𑌨𑌨𑍍𑌨𑌪𑌿 𑌨 𑌜𑌾𑌨𑌾𑌤𑌿 𑌪𑌶𑍍𑌯𑌨𑍍𑌨𑌪𑌿 𑌨 𑌪𑌶𑍍𑌯𑌤𑌿 ।
𑌬𑍍𑌰𑍁𑌵𑌨𑍍𑌨𑍍 𑌅𑌪𑌿 𑌨 𑌚 𑌬𑍍𑌰𑍂𑌤𑍇 𑌕𑍋𑌽𑌨𑍍𑌯𑍋 𑌨𑌿𑌰𑍍𑌵𑌾𑌸𑌨𑌾𑌦𑍃𑌤𑍇 ॥ 1𑍮-𑍯0॥

𑌭𑌿𑌕𑍍𑌷𑍁𑌰𑍍𑌵𑌾 𑌭𑍂𑌪𑌤𑌿𑌰𑍍𑌵𑌾𑌪𑌿 𑌯𑍋 𑌨𑌿𑌷𑍍𑌕𑌾𑌮𑌃 𑌸 𑌶𑍋𑌭𑌤𑍇 ।
𑌭𑌾𑌵𑍇𑌷𑍁 𑌗𑌲𑌿𑌤𑌾 𑌯𑌸𑍍𑌯 𑌶𑍋𑌭𑌨𑌾𑌶𑍋𑌭𑌨𑌾 𑌮𑌤𑌿𑌃 ॥ 1𑍮-𑍯1॥

𑌕𑍍𑌵 𑌸𑍍𑌵𑌾𑌚𑍍𑌛𑌂𑌦𑍍𑌯𑌂 𑌕𑍍𑌵 𑌸𑌂𑌕𑍋𑌚𑌃 𑌕𑍍𑌵 𑌵𑌾 𑌤𑌤𑍍𑌤𑍍𑌵𑌵𑌿𑌨𑌿𑌶𑍍𑌚𑌯𑌃 ।
𑌨𑌿𑌰𑍍𑌵𑍍𑌯𑌾𑌜𑌾𑌰𑍍𑌜𑌵𑌭𑍂𑌤𑌸𑍍𑌯 𑌚𑌰𑌿𑌤𑌾𑌰𑍍𑌥𑌸𑍍𑌯 𑌯𑍋𑌗𑌿𑌨𑌃 ॥ 1𑍮-𑍯2॥

𑌆𑌤𑍍𑌮𑌵𑌿𑌶𑍍𑌰𑌾𑌂𑌤𑌿𑌤𑍃𑌪𑍍𑌤𑍇𑌨 𑌨𑌿𑌰𑌾𑌶𑍇𑌨 𑌗𑌤𑌾𑌰𑍍𑌤𑌿𑌨𑌾 ।
𑌅𑌂𑌤𑌰𑍍𑌯𑌦𑌨𑍁𑌭𑍂𑌯𑍇𑌤 𑌤𑌤𑍍 𑌕𑌥𑌂 𑌕𑌸𑍍𑌯 𑌕𑌥𑍍𑌯𑌤𑍇 ॥ 1𑍮-𑍯3॥

𑌸𑍁𑌪𑍍𑌤𑍋𑌽𑌪𑌿 𑌨 𑌸𑍁𑌷𑍁𑌪𑍍𑌤𑍌 𑌚 𑌸𑍍𑌵𑌪𑍍𑌨𑍇𑌽𑌪𑌿 𑌶𑌯𑌿𑌤𑍋 𑌨 𑌚 ।
𑌜𑌾𑌗𑌰𑍇𑌽𑌪𑌿 𑌨 𑌜𑌾𑌗𑌰𑍍𑌤𑌿 𑌧𑍀𑌰𑌸𑍍𑌤𑍃𑌪𑍍𑌤𑌃 𑌪𑌦𑍇 𑌪𑌦𑍇 ॥ 1𑍮-𑍯4॥

𑌜𑍍𑌞𑌃 𑌸𑌚𑌿𑌂𑌤𑍋𑌽𑌪𑌿 𑌨𑌿𑌶𑍍𑌚𑌿𑌂𑌤𑌃 𑌸𑍇𑌂𑌦𑍍𑌰𑌿𑌯𑍋𑌽𑌪𑌿 𑌨𑌿𑌰𑌿𑌂𑌦𑍍𑌰𑌿𑌯𑌃 ।
𑌸𑍁𑌬𑍁𑌦𑍍𑌧𑌿𑌰𑌪𑌿 𑌨𑌿𑌰𑍍𑌬𑍁𑌦𑍍𑌧𑌿𑌃 𑌸𑌾𑌹𑌂𑌕𑌾𑌰𑍋𑌽𑌨𑌹𑌂𑌕𑍃𑌤𑌿𑌃 ॥ 1𑍮-𑍯5॥

𑌨 𑌸𑍁𑌖𑍀 𑌨 𑌚 𑌵𑌾 𑌦𑍁𑌃𑌖𑍀 𑌨 𑌵𑌿𑌰𑌕𑍍𑌤𑍋 𑌨 𑌸𑌂𑌗𑌵𑌾𑌨𑍍 ।
𑌨 𑌮𑍁𑌮𑍁𑌕𑍍𑌷𑍁𑌰𑍍𑌨 𑌵𑌾 𑌮𑍁𑌕𑍍𑌤𑍋 𑌨 𑌕𑌿𑌂𑌚𑌿𑌨𑍍𑌨 𑌚 𑌕𑌿𑌂𑌚𑌨 ॥ 1𑍮-𑍯6॥

𑌵𑌿𑌕𑍍𑌷𑍇𑌪𑍇𑌽𑌪𑌿 𑌨 𑌵𑌿𑌕𑍍𑌷𑌿𑌪𑍍𑌤𑌃 𑌸𑌮𑌾𑌧𑍌 𑌨 𑌸𑌮𑌾𑌧𑌿𑌮𑌾𑌨𑍍 ।
𑌜𑌾𑌡𑍍𑌯𑍇𑌽𑌪𑌿 𑌨 𑌜𑌡𑍋 𑌧𑌨𑍍𑌯𑌃 𑌪𑌾𑌂𑌡𑌿𑌤𑍍𑌯𑍇𑌽𑌪𑌿 𑌨 𑌪𑌂𑌡𑌿𑌤𑌃 ॥ 1𑍮-𑍯𑍭॥

𑌮𑍁𑌕𑍍𑌤𑍋 𑌯𑌥𑌾𑌸𑍍𑌥𑌿𑌤𑌿𑌸𑍍𑌵𑌸𑍍𑌥𑌃 𑌕𑍃𑌤𑌕𑌰𑍍𑌤𑌵𑍍𑌯𑌨𑌿𑌰𑍍𑌵𑍃𑌤𑌃 ।
𑌸𑌮𑌃 𑌸𑌰𑍍𑌵𑌤𑍍𑌰 𑌵𑍈𑌤𑍃𑌷𑍍𑌣𑍍𑌯𑌾𑌨𑍍𑌨 𑌸𑍍𑌮𑌰𑌤𑍍𑌯𑌕𑍃𑌤𑌂 𑌕𑍃𑌤𑌮𑍍 ॥ 1𑍮-𑍯𑍮॥

𑌨 𑌪𑍍𑌰𑍀𑌯𑌤𑍇 𑌵𑌂𑌦𑍍𑌯𑌮𑌾𑌨𑍋 𑌨𑌿𑌂𑌦𑍍𑌯𑌮𑌾𑌨𑍋 𑌨 𑌕𑍁𑌪𑍍𑌯𑌤𑌿 ।
𑌨𑍈𑌵𑍋𑌦𑍍𑌵𑌿𑌜𑌤𑌿 𑌮𑌰𑌣𑍇 𑌜𑍀𑌵𑌨𑍇 𑌨𑌾𑌭𑌿𑌨𑌂𑌦𑌤𑌿 ॥ 1𑍮-𑍯𑍯॥

𑌨 𑌧𑌾𑌵𑌤𑌿 𑌜𑌨𑌾𑌕𑍀𑌰𑍍𑌣𑌂 𑌨𑌾𑌰𑌣𑍍𑌯𑌮𑍁𑌪𑌶𑌾𑌂𑌤𑌧𑍀𑌃 ।
𑌯𑌥𑌾𑌤𑌥𑌾 𑌯𑌤𑍍𑌰𑌤𑌤𑍍𑌰 𑌸𑌮 𑌏𑌵𑌾𑌵𑌤𑌿𑌷𑍍𑌠𑌤𑍇 ॥ 1𑍮-100॥

प्रायः पृष्टाः प्रश्नाः

What is 𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌅𑌷𑍍𑌟𑌾𑌦𑌶𑍋𑌽𑌧𑍍𑌯𑌾𑌯𑌃?

𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌅𑌷𑍍𑌟𑌾𑌦𑌶𑍋𑌽𑌧𑍍𑌯𑌾𑌯𑌃 is a Bhagavad Gita available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌅𑌷𑍍𑌟𑌾𑌦𑌶𑍋𑌽𑌧𑍍𑌯𑌾𑌯𑌃 online?

Yes. The imported text is available directly on this page for online reading and recitation.

Can I download 𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌅𑌷𑍍𑌟𑌾𑌦𑌶𑍋𑌽𑌧𑍍𑌯𑌾𑌯𑌃 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु