𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌥𑌿 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌅𑌸𑍍𑌯 𑌶𑍍𑌰𑍀𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌸𑍍𑌯 𑌬𑍍𑌰𑌹𑍍𑌮𑌾 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 𑌶𑍍𑌰𑍀𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌰𑍍𑌦𑍇𑌵𑌤𑌾 𑌓𑌂 𑌬𑍀𑌜𑌂 𑌸𑍍𑌵𑌾𑌹𑌾 𑌶𑌕𑍍𑌤𑌿𑌃 𑌨𑌮𑌃 𑌕𑍀𑌲𑌕𑌂 𑌮𑍇𑌧𑌾𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌹𑍍𑌰𑌾𑌮𑌿𑌤𑍍𑌯𑌾𑌦𑌿𑌨𑌾 𑌨𑍍𑌯𑌾𑌸𑌃 ॥

𑌧𑍍𑌯𑌾𑌨𑌂
𑌸𑌿𑌦𑍍𑌧𑌿𑌤𑍋𑌯𑌨𑌿𑌧𑍇𑌰𑍍𑌮𑌧𑍍𑌯𑍇 𑌰𑌤𑍍𑌨𑌗𑍍𑌰𑍈𑌵𑍇 𑌮𑌨𑍋𑌰𑌮𑍇 ।
𑌕𑌦𑌂𑌬𑌵𑌨𑌿𑌕𑌾𑌮𑌧𑍍𑌯𑍇 𑌶𑍍𑌰𑍀𑌮𑌦𑍍𑌵𑌟𑌤𑌰𑍋𑌰𑌧𑌃 ॥ 1 ॥

𑌆𑌸𑍀𑌨𑌮𑌾𑌦𑍍𑌯𑌂 𑌪𑍁𑌰𑍁𑌷𑌮𑌾𑌦𑌿𑌮𑌧𑍍𑌯𑌾𑌂𑌤𑌵𑌰𑍍𑌜𑌿𑌤𑌮𑍍 ।
𑌶𑍁𑌦𑍍𑌧𑌸𑍍𑌫𑌟𑌿𑌕𑌗𑍋𑌕𑍍𑌷𑍀𑌰𑌶𑌰𑌤𑍍𑌪𑍂𑌰𑍍𑌣𑍇𑌂𑌦𑍁𑌶𑍇𑌖𑌰𑌮𑍍 ॥ 2 ॥

𑌦𑌕𑍍𑌷𑌿𑌣𑍇 𑌚𑌾𑌕𑍍𑌷𑌮𑌾𑌲𑌾𑌂 𑌚 𑌵𑌹𑍍𑌨𑌿𑌂 𑌵𑍈 𑌵𑌾𑌮𑌹𑌸𑍍𑌤𑌕𑍇 ।
𑌜𑌟𑌾𑌮𑌂𑌡𑌲𑌸𑌂𑌲𑌗𑍍𑌨𑌶𑍀𑌤𑌾𑌂𑌶𑍁𑌕𑌰𑌮𑌂𑌡𑌿𑌤𑌮𑍍 ॥ 3 ॥

𑌨𑌾𑌗𑌹𑌾𑌰𑌧𑌰𑌂 𑌚𑌾𑌰𑍁𑌕𑌂𑌕𑌣𑍈𑌃 𑌕𑌟𑌿𑌸𑍂𑌤𑍍𑌰𑌕𑍈𑌃 ।
𑌵𑌿𑌰𑌾𑌜𑌮𑌾𑌨𑌵𑍃𑌷𑌭𑌂 𑌵𑍍𑌯𑌾𑌘𑍍𑌰𑌚𑌰𑍍𑌮𑌾𑌂𑌬𑌰𑌾𑌵𑍃𑌤𑌮𑍍 ॥ 4 ॥

𑌚𑌿𑌂𑌤𑌾𑌮𑌣𑌿𑌮𑌹𑌾𑌬𑍃𑌂𑌦𑍈𑌃 𑌕𑌲𑍍𑌪𑌕𑍈𑌃 𑌕𑌾𑌮𑌧𑍇𑌨𑍁𑌭𑌿𑌃 ।
𑌚𑌤𑍁𑌃𑌷𑌷𑍍𑌟𑌿𑌕𑌲𑌾𑌵𑌿𑌦𑍍𑌯𑌾𑌮𑍂𑌰𑍍𑌤𑌿𑌭𑌿𑌃 𑌶𑍍𑌰𑍁𑌤𑌿𑌮𑌸𑍍𑌤𑌕𑍈𑌃 ॥ 5 ॥

𑌰𑌤𑍍𑌨𑌸𑌿𑌂𑌹𑌾𑌸𑌨𑍇 𑌸𑌾𑌧𑍁𑌦𑍍𑌵𑍀𑌪𑌿𑌚𑌰𑍍𑌮𑌸𑌮𑌾𑌯𑍁𑌤𑍇 ।
𑌤𑌤𑍍𑌰𑌾𑌷𑍍𑌟𑌦𑌳𑌪𑌦𑍍𑌮𑌸𑍍𑌯 𑌕𑌰𑍍𑌣𑌿𑌕𑌾𑌯𑌾𑌂 𑌸𑍁𑌶𑍋𑌭𑌨𑍇 ॥ 6 ॥

𑌵𑍀𑌰𑌾𑌸𑌨𑍇 𑌸𑌮𑌾𑌸𑍀𑌨𑌂 𑌲𑌂𑌬𑌦𑌕𑍍𑌷𑌪𑌦𑌾𑌂𑌬𑍁𑌜𑌮𑍍 ।
𑌜𑍍𑌞𑌾𑌨𑌮𑍁𑌦𑍍𑌰𑌾𑌂 𑌪𑍁𑌸𑍍𑌤𑌕𑌂 𑌚 𑌵𑌰𑌾𑌭𑍀𑌤𑌿𑌧𑌰𑌂 𑌹𑌰𑌮𑍍 ॥ 𑍭 ॥

𑌪𑌾𑌦𑌮𑍂𑌲𑌸𑌮𑌾𑌕𑍍𑌰𑌾𑌂𑌤𑌮𑌹𑌾𑌪𑌸𑍍𑌮𑌾𑌰𑌵𑍈𑌭𑌵𑌮𑍍 ।
𑌰𑍁𑌦𑍍𑌰𑌾𑌕𑍍𑌷𑌮𑌾𑌲𑌾𑌭𑌰𑌣𑌭𑍂𑌷𑌿𑌤𑌂 𑌭𑍂𑌤𑌿𑌭𑌾𑌸𑍁𑌰𑌮𑍍 ॥ 𑍮 ॥

𑌗𑌜𑌚𑌰𑍍𑌮𑍋𑌤𑍍𑌤𑌰𑍀𑌯𑌂 𑌚 𑌮𑌂𑌦𑌸𑍍𑌮𑌿𑌤𑌮𑍁𑌖𑌾𑌂𑌬𑍁𑌜𑌮𑍍 ।
𑌸𑌿𑌦𑍍𑌧𑌬𑍃𑌂𑌦𑍈𑌰𑍍𑌯𑍋𑌗𑌿𑌬𑍃𑌂𑌦𑍈𑌰𑍍𑌮𑍁𑌨𑌿𑌬𑍃𑌂𑌦𑍈𑌰𑍍𑌨𑌿𑌷𑍇𑌵𑌿𑌤𑌮𑍍 ॥ 𑍯 ॥

𑌆𑌰𑌾𑌧𑍍𑌯𑌮𑌾𑌨𑌵𑍃𑌷𑌭𑌮𑌗𑍍𑌨𑍀𑌂𑌦𑍁𑌰𑌵𑌿𑌲𑍋𑌚𑌨𑌮𑍍 ।
𑌪𑍂𑌰𑌯𑌂𑌤𑌂 𑌕𑍃𑌪𑌾𑌦𑍃𑌷𑍍𑌟𑍍𑌯𑌾 𑌪𑍁𑌮𑌰𑍍𑌥𑌾𑌨𑌾𑌶𑍍𑌰𑌿𑌤𑍇 𑌜𑌨𑍇 ॥ 10 ॥

𑌏𑌵𑌂 𑌵𑌿𑌭𑌾𑌵𑌯𑍇𑌦𑍀𑌶𑌂 𑌸𑌰𑍍𑌵𑌵𑌿𑌦𑍍𑌯𑌾𑌕𑌳𑌾𑌨𑌿𑌧𑌿𑌮𑍍 ॥ 11 ॥

𑌲𑌮𑌿𑌤𑍍𑌯𑌾𑌦𑌿 𑌪𑌂𑌚𑍋𑌪𑌚𑌾𑌰𑌾𑌃 ॥

𑌸𑍍𑌤𑍋𑌤𑍍𑌰𑌂
𑌓𑌮𑍍 । 𑌦𑍇𑌵𑌦𑍇𑌵𑍋 𑌮𑌹𑌾𑌦𑍇𑌵𑍋 𑌦𑍇𑌵𑌾𑌨𑌾𑌮𑌪𑌿 𑌦𑍇𑌶𑌿𑌕𑌃 ।
𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿𑌰𑍀𑌶𑌾𑌨𑍋 𑌦𑌯𑌾𑌪𑍂𑌰𑌿𑌤𑌦𑌿𑌙𑍍𑌮𑍁𑌖𑌃 ॥ 1 ॥

𑌕𑍈𑌲𑌾𑌸𑌶𑌿𑌖𑌰𑍋𑌤𑍍𑌤𑍁𑌂𑌗𑌕𑌮𑌨𑍀𑌯𑌨𑌿𑌜𑌾𑌕𑍃𑌤𑌿𑌃 ।
𑌵𑌟𑌦𑍍𑌰𑍁𑌮𑌤𑌟𑍀𑌦𑌿𑌵𑍍𑌯𑌕𑌨𑌕𑌾𑌸𑌨𑌸𑌂𑌸𑍍𑌥𑌿𑌤𑌃 ॥ 2 ॥

𑌕𑌟𑍀𑌤𑌟𑌪𑌟𑍀𑌭𑍂𑌤𑌕𑌰𑌿𑌚𑌰𑍍𑌮𑍋𑌜𑍍𑌜𑍍𑌵𑌲𑌾𑌕𑍃𑌤𑌿𑌃 ।
𑌪𑌾𑌟𑍀𑌰𑌪𑌾𑌂𑌡𑍁𑌰𑌾𑌕𑌾𑌰𑌪𑌰𑌿𑌪𑍂𑌰𑍍𑌣𑌸𑍁𑌧𑌾𑌧𑌿𑌪𑌃 ।3 ॥

𑌜𑌟𑌾𑌕𑍋𑌟𑍀𑌰𑌘𑌟𑌿𑌤𑌸𑍁𑌧𑌾𑌕𑌰𑌸𑍁𑌧𑌾𑌪𑍍𑌲𑍁𑌤𑌃 ।
𑌪𑌶𑍍𑌯𑌲𑍍𑌲𑌲𑌾𑌟𑌸𑍁𑌭𑌗𑌸𑍁𑌂𑌦𑌰𑌭𑍍𑌰𑍂𑌵𑌿𑌲𑌾𑌸𑌵𑌾𑌨𑍍 ॥ 4 ॥

𑌕𑌟𑌾𑌕𑍍𑌷𑌸𑌰𑌣𑍀𑌨𑌿𑌰𑍍𑌯𑌤𑍍𑌕𑌰𑍁𑌣𑌾𑌪𑍂𑌰𑍍𑌣𑌲𑍋𑌚𑌨𑌃 ।
𑌕𑌰𑍍𑌣𑌾𑌲𑍋𑌲𑌤𑌟𑌿𑌦𑍍𑌵𑌰𑍍𑌣𑌕𑍁𑌂𑌡𑌲𑍋𑌜𑍍𑌜𑍍𑌵𑌲𑌗𑌂𑌡𑌭𑍂𑌃 ॥ 5 ॥

𑌤𑌿𑌲𑌪𑍍𑌰𑌸𑍂𑌨𑌸𑌂𑌕𑌾𑌶𑌨𑌾𑌸𑌿𑌕𑌾𑌪𑍁𑌟𑌭𑌾𑌸𑍁𑌰𑌃 ।
𑌮𑌂𑌦𑌸𑍍𑌮𑌿𑌤𑌸𑍍𑌫𑍁𑌰𑌨𑍍𑌮𑍁𑌗𑍍𑌧𑌮𑌹𑌨𑍀𑌯𑌮𑍁𑌖𑌾𑌂𑌬𑍁𑌜𑌃 ॥ 6 ॥

𑌕𑍁𑌂𑌦𑌕𑍁𑌡𑍍𑌮𑌲𑌸𑌂𑌸𑍍𑌪𑌰𑍍𑌧𑌿𑌦𑌂𑌤𑌪𑌂𑌕𑍍𑌤𑌿𑌵𑌿𑌰𑌾𑌜𑌿𑌤𑌃 ।
𑌸𑌿𑌂𑌦𑍂𑌰𑌾𑌰𑍁𑌣𑌸𑍁𑌸𑍍𑌨𑌿𑌗𑍍𑌧𑌕𑍋𑌮𑌲𑌾𑌧𑌰𑌪𑌲𑍍𑌲𑌵𑌃 ॥ 𑍭 ॥

𑌶𑌂𑌖𑌾𑌟𑍋𑌪𑌗𑌲𑌦𑍍𑌦𑌿𑌵𑍍𑌯𑌗𑌳𑌵𑍈𑌭𑌵𑌮𑌂𑌜𑍁𑌲𑌃 ।
𑌕𑌰𑌕𑌂𑌦𑌲𑌿𑌤𑌜𑍍𑌞𑌾𑌨𑌮𑍁𑌦𑍍𑌰𑌾𑌰𑍁𑌦𑍍𑌰𑌾𑌕𑍍𑌷𑌮𑌾𑌲𑌿𑌕𑌃 ॥ 𑍮 ॥

𑌅𑌨𑍍𑌯𑌹𑌸𑍍𑌤𑌤𑌲𑌨𑍍𑌯𑌸𑍍𑌤𑌵𑍀𑌣𑌾𑌪𑍁𑌸𑍍𑌤𑍋𑌲𑍍𑌲𑌸𑌦𑍍𑌵𑌪𑍁𑌃 ।
𑌵𑌿𑌶𑌾𑌲𑌰𑍁𑌚𑌿𑌰𑍋𑌰𑌸𑍍𑌕𑌵𑌲𑌿𑌮𑌤𑍍𑌪𑌲𑍍𑌲𑌵𑍋𑌦𑌰𑌃 ॥ 𑍯 ॥

𑌬𑍃𑌹𑌤𑍍𑌕𑌟𑌿𑌨𑌿𑌤𑌂𑌬𑌾𑌢𑍍𑌯𑌃 𑌪𑍀𑌵𑌰𑍋𑌰𑍁𑌦𑍍𑌵𑌯𑌾𑌨𑍍𑌵𑌿𑌤𑌃 ।
𑌜𑌂𑌘𑌾𑌵𑌿𑌜𑌿𑌤𑌤𑍂𑌣𑍀𑌰𑌸𑍍𑌤𑍁𑌂𑌗𑌗𑍁𑌲𑍍𑌫𑌯𑍁𑌗𑍋𑌜𑍍𑌜𑍍𑌵𑌲𑌃 ॥ 10 ॥

𑌮𑍃𑌦𑍁𑌪𑌾𑌟𑌲𑌪𑌾𑌦𑌾𑌬𑍍𑌜𑌶𑍍𑌚𑌂𑌦𑍍𑌰𑌾𑌭𑌨𑌖𑌦𑍀𑌧𑌿𑌤𑌿𑌃 ।
𑌅𑌪𑌸𑌵𑍍𑌯𑍋𑌰𑍁𑌵𑌿𑌨𑍍𑌯𑌸𑍍𑌤𑌸𑌵𑍍𑌯𑌪𑌾𑌦𑌸𑌰𑍋𑌰𑍁𑌹𑌃 ॥ 11 ॥

𑌘𑍋𑌰𑌾𑌪𑌸𑍍𑌮𑌾𑌰𑌨𑌿𑌕𑍍𑌷𑌿𑌪𑍍𑌤𑌧𑍀𑌰𑌦𑌕𑍍𑌷𑌪𑌦𑌾𑌂𑌬𑍁𑌜𑌃 ।
𑌸𑌨𑌕𑌾𑌦𑌿𑌮𑍁𑌨𑌿𑌧𑍍𑌯𑍇𑌯𑌃 𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑌃 ॥ 12 ॥

𑌦𑌿𑌵𑍍𑌯𑌚𑌂𑌦𑌨𑌲𑌿𑌪𑍍𑌤𑌾𑌂𑌗𑌶𑍍𑌚𑌾𑌰𑍁𑌹𑌾𑌸𑌪𑌰𑌿𑌷𑍍𑌕𑍃𑌤𑌃 ।
𑌕𑌰𑍍𑌪𑍂𑌰𑌧𑌵𑌳𑌾𑌕𑌾𑌰𑌃 𑌕𑌂𑌦𑌰𑍍𑌪𑌶𑌤𑌸𑍁𑌂𑌦𑌰𑌃 ॥ 13 ॥

𑌕𑌾𑌤𑍍𑌯𑌾𑌯𑌨𑍀𑌪𑍍𑌰𑍇𑌮𑌨𑌿𑌧𑌿𑌃 𑌕𑌰𑍁𑌣𑌾𑌰𑌸𑌵𑌾𑌰𑌿𑌧𑌿𑌃 ।
𑌕𑌾𑌮𑌿𑌤𑌾𑌰𑍍𑌥𑌪𑍍𑌰𑌦𑌃 𑌶𑍍𑌰𑍀𑌮𑌤𑍍𑌕𑌮𑌲𑌾𑌵𑌲𑍍𑌲𑌭𑌪𑍍𑌰𑌿𑌯𑌃 ॥ 14 ॥

𑌕𑌟𑌾𑌕𑍍𑌷𑌿𑌤𑌾𑌤𑍍𑌮𑌵𑌿𑌜𑍍𑌞𑌾𑌨𑌃 𑌕𑍈𑌵𑌲𑍍𑌯𑌾𑌨𑌂𑌦𑌕𑌂𑌦𑌲𑌃 ।
𑌮𑌂𑌦𑌹𑌾𑌸𑌸𑌮𑌾𑌨𑍇𑌂𑌦𑍁𑌶𑍍𑌛𑌿𑌨𑍍𑌨𑌾𑌜𑍍𑌞𑌾𑌨𑌤𑌮𑌸𑍍𑌤𑌤𑌿𑌃 ॥ 15 ॥

𑌸𑌂𑌸𑌾𑌰𑌾𑌨𑌲𑌸𑌂𑌤𑌪𑍍𑌤𑌜𑌨𑌤𑌾𑌮𑍃𑌤𑌸𑌾𑌗𑌰𑌃 ।
𑌗𑌂𑌭𑍀𑌰𑌹𑍃𑌦𑌯𑌾𑌂𑌭𑍋𑌜𑌨𑌭𑍋𑌮𑌣𑌿𑌨𑌿𑌭𑌾𑌕𑍃𑌤𑌿𑌃 ॥ 16 ॥

𑌨𑌿𑌶𑌾𑌕𑌰𑌕𑌰𑌾𑌕𑌾𑌰𑌵𑌶𑍀𑌕𑍃𑌤𑌜𑌗𑌤𑍍𑌤𑍍𑌰𑌯𑌃 ।
𑌤𑌾𑌪𑌸𑌾𑌰𑌾𑌧𑍍𑌯𑌪𑌾𑌦𑌾𑌬𑍍𑌜𑌸𑍍𑌤𑌰𑍁𑌣𑌾𑌨𑌂𑌦𑌵𑌿𑌗𑍍𑌰𑌹𑌃 ॥ 1𑍭 ॥

𑌭𑍂𑌤𑌿𑌭𑍂𑌷𑌿𑌤𑌸𑌰𑍍𑌵𑌾𑌂𑌗𑍋 𑌭𑍂𑌤𑌾𑌧𑌿𑌪𑌤𑌿𑌰𑍀𑌶𑍍𑌵𑌰𑌃 ।
𑌵𑌦𑌨𑍇𑌂𑌦𑍁𑌸𑍍𑌮𑌿𑌤𑌜𑍍𑌯𑍋𑌤𑍍𑌸𑍍𑌨𑌾𑌨𑌿𑌲𑍀𑌨𑌤𑍍𑌰𑌿𑌪𑍁𑌰𑌾𑌕𑍃𑌤𑌿𑌃 ॥ 1𑍮 ॥

𑌤𑌾𑌪𑌤𑍍𑌰𑌯𑌤𑌮𑍋𑌭𑌾𑌨𑍁𑌃 𑌪𑌾𑌪𑌾𑌰𑌣𑍍𑌯𑌦𑌵𑌾𑌨𑌲𑌃 ।
𑌸𑌂𑌸𑌾𑌰𑌸𑌾𑌗𑌰𑍋𑌦𑍍𑌧𑌰𑍍𑌤𑌾 𑌹𑌂𑌸𑌾𑌗𑍍𑌰𑍍𑌯𑍋𑌪𑌾𑌸𑍍𑌯𑌵𑌿𑌗𑍍𑌰𑌹𑌃 ॥ 1𑍯 ॥

𑌲𑌲𑌾𑌟𑌹𑍁𑌤𑌭𑍁𑌗𑍍𑌦𑌗𑍍𑌧𑌮𑌨𑍋𑌭𑌵𑌶𑍁𑌭𑌾𑌕𑍃𑌤𑌿𑌃 ।
𑌤𑍁𑌚𑍍𑌛𑍀𑌕𑍃𑌤𑌜𑌗𑌜𑍍𑌜𑌾𑌲𑌸𑍍𑌤𑍁𑌷𑌾𑌰𑌕𑌰𑌶𑍀𑌤𑌲𑌃 ॥ 20 ॥

𑌅𑌸𑍍𑌤𑌂𑌗𑌤𑌸𑌮𑌸𑍍𑌤𑍇𑌚𑍍𑌛𑍋 𑌨𑌿𑌸𑍍𑌤𑍁𑌲𑌾𑌨𑌂𑌦𑌮𑌂𑌥𑌰𑌃 ।
𑌧𑍀𑌰𑍋𑌦𑌾𑌤𑍍𑌤𑌗𑍁𑌣𑌾𑌧𑌾𑌰 𑌉𑌦𑌾𑌰𑌵𑌰𑌵𑍈𑌭𑌵𑌃 ॥ 21 ॥

𑌅𑌪𑌾𑌰𑌕𑌰𑍁𑌣𑌾𑌮𑍂𑌰𑍍𑌤𑌿𑌰𑌜𑍍𑌞𑌾𑌨𑌧𑍍𑌵𑌾𑌂𑌤𑌭𑌾𑌸𑍍𑌕𑌰𑌃 ।
𑌭𑌕𑍍𑌤𑌮𑌾𑌨𑌸𑌹𑌂𑌸𑌾𑌗𑍍𑌰𑍍𑌯𑍋 𑌭𑌵𑌾𑌮𑌯𑌭𑌿𑌷𑌕𑍍𑌤𑌮𑌃 ॥ 22 ॥

𑌯𑍋𑌗𑍀𑌂𑌦𑍍𑌰𑌪𑍂𑌜𑍍𑌯𑌪𑌾𑌦𑌾𑌬𑍍𑌜𑍋 𑌯𑍋𑌗𑌪𑌟𑍍𑌟𑍋𑌲𑍍𑌲𑌸𑌤𑍍𑌕𑌟𑌿𑌃 ।
𑌶𑍁𑌦𑍍𑌧𑌸𑍍𑌫𑌟𑌿𑌕𑌸𑌂𑌕𑌾𑌶𑍋 𑌬𑌦𑍍𑌧𑌪𑌨𑍍𑌨𑌗𑌭𑍂𑌷𑌣𑌃 ॥ 23 ॥

𑌨𑌾𑌨𑌾𑌮𑍁𑌨𑌿𑌸𑌮𑌾𑌕𑍀𑌰𑍍𑌣𑍋 𑌨𑌾𑌸𑌾𑌗𑍍𑌰𑌨𑍍𑌯𑌸𑍍𑌤𑌲𑍋𑌚𑌨𑌃 ।
𑌵𑍇𑌦𑌮𑍂𑌰𑍍𑌧𑍈𑌕𑌸𑌂𑌵𑍇𑌦𑍍𑌯𑍋 𑌨𑌾𑌦𑌧𑍍𑌯𑌾𑌨𑌪𑌰𑌾𑌯𑌣𑌃 ॥ 24 ॥

𑌧𑌰𑌾𑌧𑌰𑍇𑌂𑌦𑍁𑌰𑌾𑌨𑌂𑌦𑌸𑌂𑌦𑍋𑌹𑌰𑌸𑌸𑌾𑌗𑌰𑌃 ।
𑌦𑍍𑌵𑍈𑌤𑌬𑍃𑌂𑌦𑌵𑌿𑌮𑍋𑌹𑌾𑌂𑌧𑍍𑌯𑌪𑌰𑌾𑌕𑍃𑌤𑌦𑍃𑌗𑌦𑍍𑌭𑍁𑌤𑌃 ॥ 25 ॥

𑌪𑍍𑌰𑌤𑍍𑌯𑌗𑌾𑌤𑍍𑌮𑌾 𑌪𑌰𑌂𑌜𑍍𑌯𑍋𑌤𑌿𑌃 𑌪𑍁𑌰𑌾𑌣𑌃 𑌪𑌰𑌮𑍇𑌶𑍍𑌵𑌰𑌃 ।
𑌪𑍍𑌰𑌪𑌂𑌚𑍋𑌪𑌶𑌮𑌃 𑌪𑍍𑌰𑌾𑌜𑍍𑌞𑌃 𑌪𑍁𑌣𑍍𑌯𑌕𑍀𑌰𑍍𑌤𑌿𑌃 𑌪𑍁𑌰𑌾𑌤𑌨𑌃 ॥ 26 ॥

𑌸𑌰𑍍𑌵𑌾𑌧𑌿𑌷𑍍𑌠𑌾𑌨𑌸𑌨𑍍𑌮𑌾𑌤𑍍𑌰𑌃 𑌸𑍍𑌵𑌾𑌤𑍍𑌮𑌬𑌂𑌧𑌹𑌰𑍋 𑌹𑌰𑌃 ।
𑌸𑌰𑍍𑌵𑌪𑍍𑌰𑍇𑌮𑌨𑌿𑌜𑌾𑌹𑌾𑌸𑌃 𑌸𑌰𑍍𑌵𑌾𑌨𑍁𑌗𑍍𑌰𑌹𑌕𑍃𑌚𑍍𑌛𑌿𑌵𑌃 ॥ 2𑍭 ॥

𑌸𑌰𑍍𑌵𑍇𑌂𑌦𑍍𑌰𑌿𑌯𑌗𑍁𑌣𑌾𑌭𑌾𑌸𑌃 𑌸𑌰𑍍𑌵𑌭𑍂𑌤𑌗𑍁𑌣𑌾𑌶𑍍𑌰𑌯𑌃 ।
𑌸𑌚𑍍𑌚𑌿𑌦𑌾𑌨𑌂𑌦𑌪𑍂𑌰𑍍𑌣𑌾𑌤𑍍𑌮𑌾 𑌸𑌰𑍍𑌵𑌭𑍂𑌤𑌗𑍁𑌣𑌾𑌶𑍍𑌰𑌯𑌃 ॥ 2𑍮 ॥

𑌸𑌰𑍍𑌵𑌭𑍂𑌤𑌾𑌂𑌤𑌰𑌃 𑌸𑌾𑌕𑍍𑌷𑍀 𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌕𑌾𑌮𑌦𑌃 ।
𑌸𑌨𑌕𑌾𑌦𑌿𑌮𑌹𑌾𑌯𑍋𑌗𑌿𑌸𑌮𑌾𑌰𑌾𑌧𑌿𑌤𑌪𑌾𑌦𑍁𑌕𑌃 ॥ 2𑍯 ॥

𑌆𑌦𑌿𑌦𑍇𑌵𑍋 𑌦𑌯𑌾𑌸𑌿𑌂𑌧𑍁𑌃 𑌶𑌿𑌕𑍍𑌷𑌿𑌤𑌾𑌸𑍁𑌰𑌵𑌿𑌗𑍍𑌰𑌹𑌃 ।
𑌯𑌕𑍍𑌷𑌕𑌿𑌨𑍍𑌨𑌰𑌗𑌂𑌧𑌰𑍍𑌵𑌸𑍍𑌤𑍂𑌯𑌮𑌾𑌨𑌾𑌤𑍍𑌮𑌵𑍈𑌭𑌵𑌃 ॥ 30 ॥

𑌬𑍍𑌰𑌹𑍍𑌮𑌾𑌦𑌿𑌦𑍇𑌵𑌵𑌿𑌨𑍁𑌤𑍋 𑌯𑍋𑌗𑌮𑌾𑌯𑌾𑌨𑌿𑌯𑍋𑌜𑌕𑌃 ।
𑌶𑌿𑌵𑌯𑍋𑌗𑍀 𑌶𑌿𑌵𑌾𑌨𑌂𑌦𑌃 𑌶𑌿𑌵𑌭𑌕𑍍𑌤𑌸𑌮𑍁𑌦𑍍𑌧𑌰𑌃 ॥ 31 ॥

𑌵𑍇𑌦𑌾𑌂𑌤𑌸𑌾𑌰𑌸𑌂𑌦𑍋𑌹𑌃 𑌸𑌰𑍍𑌵𑌸𑌤𑍍𑌤𑍍𑌵𑌾𑌵𑌲𑌂𑌬𑌨𑌃 ।
𑌵𑌟𑌮𑍂𑌲𑌾𑌶𑍍𑌰𑌯𑍋 𑌵𑌾𑌗𑍍𑌮𑍀 𑌮𑌾𑌨𑍍𑌯𑍋 𑌮𑌲𑌯𑌜𑌪𑍍𑌰𑌿𑌯𑌃 ॥ 32 ॥

𑌸𑍁𑌶𑍀𑌲𑍋 𑌵𑌾𑌂𑌛𑌿𑌤𑌾𑌰𑍍𑌥𑌜𑍍𑌞𑌃 𑌪𑍍𑌰𑌸𑌨𑍍𑌨𑌵𑌦𑌨𑍇𑌕𑍍𑌷𑌣𑌃 ।
𑌨𑍃𑌤𑍍𑌤𑌗𑍀𑌤𑌕𑌲𑌾𑌭𑌿𑌜𑍍𑌞𑌃 𑌕𑌰𑍍𑌮𑌵𑌿𑌤𑍍𑌕𑌰𑍍𑌮𑌮𑍋𑌚𑌕𑌃 ॥ 33 ॥

𑌕𑌰𑍍𑌮𑌸𑌾𑌕𑍍𑌷𑍀 𑌕𑌰𑍍𑌮𑌮𑌯𑌃 𑌕𑌰𑍍𑌮𑌣𑌾𑌂 𑌚 𑌫𑌲𑌪𑍍𑌰𑌦𑌃 ।
𑌜𑍍𑌞𑌾𑌨𑌦𑌾𑌤𑌾 𑌸𑌦𑌾𑌚𑌾𑌰𑌃 𑌸𑌰𑍍𑌵𑍋𑌪𑌦𑍍𑌰𑌵𑌮𑍋𑌚𑌕𑌃 ॥ 34 ॥

𑌅𑌨𑌾𑌥𑌨𑌾𑌥𑍋 𑌭𑌗𑌵𑌾𑌨𑌾𑌶𑍍𑌰𑌿𑌤𑌾𑌮𑌰𑌪𑌾𑌦𑌪𑌃 ।
𑌵𑌰𑌪𑍍𑌰𑌦𑌃 𑌪𑍍𑌰𑌕𑌾𑌶𑌾𑌤𑍍𑌮𑌾 𑌸𑌰𑍍𑌵𑌭𑍂𑌤𑌹𑌿𑌤𑍇 𑌰𑌤𑌃 ॥ 35 ॥

𑌵𑍍𑌯𑌾𑌘𑍍𑌰𑌚𑌰𑍍𑌮𑌾𑌸𑌨𑌾𑌸𑍀𑌨 𑌆𑌦𑌿𑌕𑌰𑍍𑌤𑌾 𑌮𑌹𑍇𑌶𑍍𑌵𑌰𑌃 ।
𑌸𑍁𑌵𑌿𑌕𑍍𑌰𑌮𑌃 𑌸𑌰𑍍𑌵𑌗𑌤𑍋 𑌵𑌿𑌶𑌿𑌷𑍍𑌟𑌜𑌨𑌵𑌤𑍍𑌸𑌲𑌃 ॥ 36 ॥

𑌚𑌿𑌂𑌤𑌾𑌶𑍋𑌕𑌪𑍍𑌰𑌶𑌮𑌨𑍋 𑌜𑌗𑌦𑌾𑌨𑌂𑌦𑌕𑌾𑌰𑌕𑌃 ।
𑌰𑌶𑍍𑌮𑌿𑌮𑌾𑌨𑍍 𑌭𑍁𑌵𑌨𑍇𑌶𑌶𑍍𑌚 𑌦𑍇𑌵𑌾𑌸𑍁𑌰𑌸𑍁𑌪𑍂𑌜𑌿𑌤𑌃 ॥ 3𑍭 ॥

𑌮𑍃𑌤𑍍𑌯𑍁𑌂𑌜𑌯𑍋 𑌵𑍍𑌯𑍋𑌮𑌕𑍇𑌶𑌃 𑌷𑌟𑍍𑌤𑍍𑌰𑌿𑌂𑌶𑌤𑍍𑌤𑌤𑍍𑌤𑍍𑌵𑌸𑌂𑌗𑍍𑌰𑌹𑌃 ।
𑌅𑌜𑍍𑌞𑌾𑌤𑌸𑌂𑌭𑌵𑍋 𑌭𑌿𑌕𑍍𑌷𑍁𑌰𑌦𑍍𑌵𑌿𑌤𑍀𑌯𑍋 𑌦𑌿𑌗𑌂𑌬𑌰𑌃 ॥ 3𑍮 ॥

𑌸𑌮𑌸𑍍𑌤𑌦𑍇𑌵𑌤𑌾𑌮𑍂𑌰𑍍𑌤𑌿𑌃 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌃 ।
𑌸𑌰𑍍𑌵𑌸𑌾𑌮𑍍𑌰𑌾𑌜𑍍𑌯𑌨𑌿𑌪𑍁𑌣𑍋 𑌧𑌰𑍍𑌮𑌮𑌾𑌰𑍍𑌗𑌪𑍍𑌰𑌵𑌰𑍍𑌤𑌕𑌃 ॥ 3𑍯 ॥

𑌵𑌿𑌶𑍍𑌵𑌾𑌧𑌿𑌕𑌃 𑌪𑌶𑍁𑌪𑌤𑌿𑌃 𑌪𑌶𑍁𑌪𑌾𑌶𑌵𑌿𑌮𑍋𑌚𑌕𑌃 ।
𑌅𑌷𑍍𑌟𑌮𑍂𑌰𑍍𑌤𑌿𑌰𑍍𑌦𑍀𑌪𑍍𑌤𑌮𑍂𑌰𑍍𑌤𑌿𑌰𑍍𑌨𑌾𑌮𑍋𑌚𑍍𑌚𑌾𑌰𑌣𑌮𑍁𑌕𑍍𑌤𑌿𑌦𑌃 ॥ 40 ॥

𑌸𑌹𑌸𑍍𑌰𑌾𑌦𑌿𑌤𑍍𑌯𑌸𑌂𑌕𑌾𑌶𑌃 𑌸𑌦𑌾𑌷𑍋𑌡𑌶𑌵𑌾𑌰𑍍𑌷𑌿𑌕𑌃 ।
𑌦𑌿𑌵𑍍𑌯𑌕𑍇𑌲𑍀𑌸𑌮𑌾𑌯𑍁𑌕𑍍𑌤𑍋 𑌦𑌿𑌵𑍍𑌯𑌮𑌾𑌲𑍍𑌯𑌾𑌂𑌬𑌰𑌾𑌵𑍃𑌤𑌃 ॥ 41 ॥

𑌅𑌨𑌰𑍍𑌘𑌰𑌤𑍍𑌨𑌸𑌂𑌪𑍂𑌰𑍍𑌣𑍋 𑌮𑌲𑍍𑌲𑌿𑌕𑌾𑌕𑍁𑌸𑍁𑌮𑌪𑍍𑌰𑌿𑌯𑌃 ।
𑌤𑌪𑍍𑌤𑌚𑌾𑌮𑍀𑌕𑌰𑌾𑌕𑌾𑌰𑍋 𑌜𑌿𑌤𑌦𑌾𑌵𑌾𑌨𑌲𑌾𑌕𑍃𑌤𑌿𑌃 ॥ 42 ॥

𑌨𑌿𑌰𑌂𑌜𑌨𑍋 𑌨𑌿𑌰𑍍𑌵𑌿𑌕𑌾𑌰𑍋 𑌨𑌿𑌜𑌾𑌵𑌾𑌸𑍋 𑌨𑌿𑌰𑌾𑌕𑍃𑌤𑌿𑌃 ।
𑌜𑌗𑌦𑍍𑌗𑍁𑌰𑍁𑌰𑍍𑌜𑌗𑌤𑍍𑌕𑌰𑍍𑌤𑌾 𑌜𑌗𑌦𑍀𑌶𑍋 𑌜𑌗𑌤𑍍𑌪𑌤𑌿𑌃 ॥ 43 ॥

𑌕𑌾𑌮𑌹𑌂𑌤𑌾 𑌕𑌾𑌮𑌮𑍂𑌰𑍍𑌤𑌿𑌃 𑌕𑌳𑍍𑌯𑌾𑌣𑌵𑍃𑌷𑌵𑌾𑌹𑌨𑌃 ।
𑌗𑌂𑌗𑌾𑌧𑌰𑍋 𑌮𑌹𑌾𑌦𑍇𑌵𑍋 𑌦𑍀𑌨𑌬𑌂𑌧𑌵𑌿𑌮𑍋𑌚𑌕𑌃 ॥ 44 ॥

𑌧𑍂𑌰𑍍𑌜𑌟𑌿𑌃 𑌖𑌂𑌡𑌪𑌰𑌶𑍁𑌃 𑌸𑌦𑍍𑌗𑍁𑌣𑍋 𑌗𑌿𑌰𑌿𑌜𑌾𑌸𑌖𑌃 ।
𑌅𑌵𑍍𑌯𑌯𑍋 𑌭𑍂𑌤𑌸𑍇𑌨𑍇𑌶𑌃 𑌪𑌾𑌪𑌘𑍍𑌨𑌃 𑌪𑍁𑌣𑍍𑌯𑌦𑌾𑌯𑌕𑌃 ॥ 45 ॥

𑌉𑌪𑌦𑍇𑌷𑍍𑌟𑌾 𑌦𑍃𑌢𑌪𑍍𑌰𑌜𑍍𑌞𑍋 𑌰𑍁𑌦𑍍𑌰𑍋 𑌰𑍋𑌗𑌵𑌿𑌨𑌾𑌶𑌨𑌃 ।
𑌨𑌿𑌤𑍍𑌯𑌾𑌨𑌂𑌦𑍋 𑌨𑌿𑌰𑌾𑌧𑌾𑌰𑍋 𑌹𑌰𑍋 𑌦𑍇𑌵𑌶𑌿𑌖𑌾𑌮𑌣𑌿𑌃 ॥ 46 ॥

𑌪𑍍𑌰𑌣𑌤𑌾𑌰𑍍𑌤𑌿𑌹𑌰𑌃 𑌸𑍋𑌮𑌃 𑌸𑌾𑌂𑌦𑍍𑌰𑌾𑌨𑌂𑌦𑍋 𑌮𑌹𑌾𑌮𑌤𑌿𑌃 ।
𑌆𑌶𑍍𑌚𑌰𑍍𑌯𑌵𑍈𑌭𑌵𑍋 𑌦𑍇𑌵𑌃 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌕𑌃 ॥ 4𑍭 ॥

𑌯𑌜𑍍𑌞𑍇𑌶𑍋 𑌰𑌾𑌜𑌰𑌾𑌜𑍇𑌶𑍋 𑌭𑌸𑍍𑌮𑌰𑍁𑌦𑍍𑌰𑌾𑌕𑍍𑌷𑌲𑌾𑌂𑌛𑌨𑌃 ।
𑌅𑌨𑌂𑌤𑌸𑍍𑌤𑌾𑌰𑌕𑌃 𑌸𑍍𑌥𑌾𑌣𑍁𑌃 𑌸𑌰𑍍𑌵𑌵𑌿𑌦𑍍𑌯𑍇𑌶𑍍𑌵𑌰𑍋 𑌹𑌰𑌿𑌃 ॥ 4𑍮 ॥

𑌵𑌿𑌶𑍍𑌵𑌰𑍂𑌪𑍋 𑌵𑌿𑌰𑍂𑌪𑌾𑌕𑍍𑌷𑌃 𑌪𑍍𑌰𑌭𑍁𑌃 𑌪𑌰𑌿𑌬𑍃𑌢𑍋 𑌦𑍃𑌢𑌃 ।
𑌭𑌵𑍍𑌯𑍋 𑌜𑌿𑌤𑌾𑌰𑌿𑌷𑌡𑍍𑌵𑌰𑍍𑌗𑍋 𑌮𑌹𑍋𑌦𑌾𑌰𑍋 𑌵𑌿𑌷𑌾𑌶𑌨𑌃 ॥ 4𑍯 ॥

𑌸𑍁𑌕𑍀𑌰𑍍𑌤𑌿𑌰𑌾𑌦𑌿𑌪𑍁𑌰𑍁𑌷𑍋 𑌜𑌰𑌾𑌮𑌰𑌣𑌵𑌰𑍍𑌜𑌿𑌤𑌃 ।
𑌪𑍍𑌰𑌮𑌾𑌣𑌭𑍂𑌤𑍋 𑌦𑍁𑌰𑍍𑌜𑍍𑌞𑍇𑌯𑌃 𑌪𑍁𑌣𑍍𑌯𑌃 𑌪𑌰𑌪𑍁𑌰𑌂𑌜𑌯𑌃 ॥ 50 ॥

𑌗𑍁𑌣𑌾𑌕𑌰𑍋 𑌗𑍁𑌣𑌶𑍍𑌰𑍇𑌷𑍍𑌠𑌃 𑌸𑌚𑍍𑌚𑌿𑌦𑌾𑌨𑌂𑌦𑌵𑌿𑌗𑍍𑌰𑌹𑌃 ।
𑌸𑍁𑌖𑌦𑌃 𑌕𑌾𑌰𑌣𑌂 𑌕𑌰𑍍𑌤𑌾 𑌭𑌵𑌬𑌂𑌧𑌵𑌿𑌮𑍋𑌚𑌕𑌃 ॥ 51 ॥

𑌅𑌨𑌿𑌰𑍍𑌵𑌿𑌣𑍍𑌣𑍋 𑌗𑍁𑌣𑌗𑍍𑌰𑌾𑌹𑍀 𑌨𑌿𑌷𑍍𑌕𑌳𑌂𑌕𑌃 𑌕𑌳𑌂𑌕𑌹𑌾 ।
𑌪𑍁𑌰𑍁𑌷𑌃 𑌶𑌾𑌶𑍍𑌵𑌤𑍋 𑌯𑍋𑌗𑍀 𑌵𑍍𑌯𑌕𑍍𑌤𑌾𑌵𑍍𑌯𑌕𑍍𑌤𑌃 𑌸𑌨𑌾𑌤𑌨𑌃 ॥ 52 ॥

𑌚𑌰𑌾𑌚𑌰𑌾𑌤𑍍𑌮𑌾 𑌸𑍂𑌕𑍍𑌷𑍍𑌮𑌾𑌤𑍍𑌮𑌾 𑌵𑌿𑌶𑍍𑌵𑌕𑌰𑍍𑌮𑌾 𑌤𑌮𑍋𑌪𑌹𑍃𑌤𑍍 ।
𑌭𑍁𑌜𑌂𑌗𑌭𑍂𑌷𑌣𑍋 𑌭𑌰𑍍𑌗𑌸𑍍𑌤𑌰𑍁𑌣𑌃 𑌕𑌰𑍁𑌣𑌾𑌲𑌯𑌃 ॥ 53 ॥

𑌅𑌣𑌿𑌮𑌾𑌦𑌿𑌗𑍁𑌣𑍋𑌪𑍇𑌤𑍋 𑌲𑍋𑌕𑌵𑌶𑍍𑌯𑌵𑌿𑌧𑌾𑌯𑌕𑌃 ।
𑌯𑍋𑌗𑌪𑌟𑍍𑌟𑌧𑌰𑍋 𑌮𑍁𑌕𑍍𑌤𑍋 𑌮𑍁𑌕𑍍𑌤𑌾𑌨𑌾𑌂 𑌪𑌰𑌮𑌾 𑌗𑌤𑌿𑌃 ॥ 54 ॥

𑌗𑍁𑌰𑍁𑌰𑍂𑌪𑌧𑌰𑌃 𑌶𑍍𑌰𑍀𑌮𑌤𑍍𑌪𑌰𑌮𑌾𑌨𑌂𑌦𑌸𑌾𑌗𑌰𑌃 ।
𑌸𑌹𑌸𑍍𑌰𑌬𑌾𑌹𑍁𑌃 𑌸𑌰𑍍𑌵𑍇𑌶𑌃 𑌸𑌹𑌸𑍍𑌰𑌾𑌵𑌯𑌵𑌾𑌨𑍍𑌵𑌿𑌤𑌃 ॥ 55 ॥

𑌸𑌹𑌸𑍍𑌰𑌮𑍂𑌰𑍍𑌧𑌾 𑌸𑌰𑍍𑌵𑌾𑌤𑍍𑌮𑌾 𑌸𑌹𑌸𑍍𑌰𑌾𑌕𑍍𑌷𑌃 𑌸𑌹𑌸𑍍𑌰𑌪𑌾𑌤𑍍 ।
𑌨𑌿𑌰𑌾𑌭𑌾𑌸𑌃 𑌸𑍂𑌕𑍍𑌷𑍍𑌮𑌤𑌨𑍁𑌰𑍍𑌹𑍃𑌦𑌿 𑌜𑍍𑌞𑌾𑌤𑌃 𑌪𑌰𑌾𑌤𑍍𑌪𑌰𑌃 ॥ 56 ॥

𑌸𑌰𑍍𑌵𑌾𑌤𑍍𑌮𑌗𑌃 𑌸𑌰𑍍𑌵𑌸𑌾𑌕𑍍𑌷𑍀 𑌨𑌿𑌃𑌸𑌂𑌗𑍋 𑌨𑌿𑌰𑍁𑌪𑌦𑍍𑌰𑌵𑌃 ।
𑌨𑌿𑌷𑍍𑌕𑌳𑌃 𑌸𑌕𑌲𑌾𑌧𑍍𑌯𑌕𑍍𑌷𑌶𑍍𑌚𑌿𑌨𑍍𑌮𑌯𑌸𑍍𑌤𑌮𑌸𑌃 𑌪𑌰𑌃 ॥ 5𑍭 ॥

𑌜𑍍𑌞𑌾𑌨𑌵𑍈𑌰𑌾𑌗𑍍𑌯𑌸𑌂𑌪𑌨𑍍𑌨𑍋 𑌯𑍋𑌗𑌾𑌨𑌂𑌦𑌮𑌯𑌃 𑌶𑌿𑌵𑌃 ।
𑌶𑌾𑌶𑍍𑌵𑌤𑍈𑌶𑍍𑌵𑌰𑍍𑌯𑌸𑌂𑌪𑍂𑌰𑍍𑌣𑍋 𑌮𑌹𑌾𑌯𑍋𑌗𑍀𑌶𑍍𑌵𑌰𑍇𑌶𑍍𑌵𑌰𑌃 ॥ 5𑍮 ॥

𑌸𑌹𑌸𑍍𑌰𑌶𑌕𑍍𑌤𑌿𑌸𑌂𑌯𑍁𑌕𑍍𑌤𑌃 𑌪𑍁𑌣𑍍𑌯𑌕𑌾𑌯𑍋 𑌦𑍁𑌰𑌾𑌸𑌦𑌃 ।
𑌤𑌾𑌰𑌕𑌬𑍍𑌰𑌹𑍍𑌮𑌸𑌂𑌪𑍂𑌰𑍍𑌣𑌸𑍍𑌤𑌪𑌸𑍍𑌵𑌿𑌜𑌨𑌸𑌂𑌵𑍃𑌤𑌃 ॥ 5𑍯 ॥

𑌵𑌿𑌧𑍀𑌂𑌦𑍍𑌰𑌾𑌮𑌰𑌸𑌂𑌪𑍂𑌜𑍍𑌯𑍋 𑌜𑍍𑌯𑍋𑌤𑌿𑌷𑌾𑌂 𑌜𑍍𑌯𑍋𑌤𑌿𑌰𑍁𑌤𑍍𑌤𑌮𑌃 ।
𑌨𑌿𑌰𑌕𑍍𑌷𑌰𑍋 𑌨𑌿𑌰𑌾𑌲𑌂𑌬𑌃 𑌸𑍍𑌵𑌾𑌤𑍍𑌮𑌾𑌰𑌾𑌮𑍋 𑌵𑌿𑌕𑌰𑍍𑌤𑌨𑌃 ॥ 60 ॥

𑌨𑌿𑌰𑌵𑌦𑍍𑌯𑍋 𑌨𑌿𑌰𑌾𑌤𑌂𑌕𑍋 𑌭𑍀𑌮𑍋 𑌭𑍀𑌮𑌪𑌰𑌾𑌕𑍍𑌰𑌮𑌃 ।
𑌵𑍀𑌰𑌭𑌦𑍍𑌰𑌃 𑌪𑍁𑌰𑌾𑌰𑌾𑌤𑌿𑌰𑍍𑌜𑌲𑌂𑌧𑌰𑌶𑌿𑌰𑍋𑌹𑌰𑌃 ॥ 61 ॥

𑌅𑌂𑌧𑌕𑌾𑌸𑍁𑌰𑌸𑌂𑌹𑌰𑍍𑌤𑌾 𑌭𑌗𑌨𑍇𑌤𑍍𑌰𑌭𑌿𑌦𑌦𑍍𑌭𑍁𑌤𑌃 ।
𑌵𑌿𑌶𑍍𑌵𑌗𑍍𑌰𑌾𑌸𑍋𑌽𑌧𑌰𑍍𑌮𑌶𑌤𑍍𑌰𑍁𑌰𑍍𑌬𑍍𑌰𑌹𑍍𑌮𑌜𑍍𑌞𑌾𑌨𑍈𑌕𑌮𑌂𑌥𑌰𑌃 ॥ 62 ॥

𑌅𑌗𑍍𑌰𑍇𑌸𑌰𑌸𑍍𑌤𑍀𑌰𑍍𑌥𑌭𑍂𑌤𑌃 𑌸𑌿𑌤𑌭𑌸𑍍𑌮𑌾𑌵𑌕𑍁𑌂𑌠𑌨𑌃 ।
𑌅𑌕𑍁𑌂𑌠𑌮𑍇𑌧𑌾𑌃 𑌶𑍍𑌰𑍀𑌕𑌂𑌠𑍋 𑌵𑍈𑌕𑍁𑌂𑌠𑌪𑌰𑌮𑌪𑍍𑌰𑌿𑌯𑌃 ॥ 63 ॥

𑌲𑌲𑌾𑌟𑍋𑌜𑍍𑌜𑍍𑌵𑌲𑌨𑍇𑌤𑍍𑌰𑌾𑌬𑍍𑌜𑌸𑍍𑌤𑍁𑌷𑌾𑌰𑌕𑌰𑌶𑍇𑌖𑌰𑌃 ।
𑌗𑌜𑌾𑌸𑍁𑌰𑌶𑌿𑌰𑌶𑍍𑌛𑍇𑌤𑍍𑌤𑌾 𑌗𑌂𑌗𑍋𑌦𑍍𑌭𑌾𑌸𑌿𑌤𑌮𑍂𑌰𑍍𑌧𑌜𑌃 ॥ 64 ॥

𑌕𑌳𑍍𑌯𑌾𑌣𑌾𑌚𑌲𑌕𑍋𑌦𑌂𑌡𑌃 𑌕𑌮𑌲𑌾𑌪𑌤𑌿𑌸𑌾𑌯𑌕𑌃 ।
𑌵𑌾𑌰𑌾𑌂𑌶𑍇𑌵𑌧𑌿𑌤𑍂𑌣𑍀𑌰𑌃 𑌸𑌰𑍋𑌜𑌾𑌸𑌨𑌸𑌾𑌰𑌥𑌿𑌃 ॥ 65 ॥

𑌤𑍍𑌰𑌯𑍀𑌤𑍁𑌰𑌂𑌗𑌸𑌂𑌕𑍍𑌰𑌾𑌂𑌤𑍋 𑌵𑌾𑌸𑍁𑌕𑌿𑌜𑍍𑌯𑌾𑌵𑌿𑌰𑌾𑌜𑌿𑌤𑌃 ।
𑌰𑌵𑍀𑌂𑌦𑍁𑌚𑌰𑌣𑌾𑌚𑌾𑌰𑌿𑌧𑌰𑌾𑌰𑌥𑌵𑌿𑌰𑌾𑌜𑌿𑌤𑌃 ॥ 66 ॥

𑌤𑍍𑌰𑌯𑍍𑌯𑌂𑌤𑌪𑍍𑌰𑌗𑍍𑌰𑌹𑍋𑌦𑌾𑌰𑌚𑌾𑌰𑍁𑌘𑌂𑌟𑌾𑌰𑌵𑍋𑌜𑍍𑌜𑍍𑌵𑌲𑌃 ।
𑌉𑌤𑍍𑌤𑌾𑌨𑌪𑌰𑍍𑌵𑌲𑍋𑌮𑌾𑌢𑍍𑌯𑍋 𑌲𑍀𑌲𑌾𑌵𑌿𑌜𑌿𑌤𑌮𑌨𑍍𑌮𑌥𑌃 ॥ 6𑍭 ॥

𑌜𑌾𑌤𑍁𑌪𑍍𑌰𑌪𑌨𑍍𑌨𑌜𑌨𑌤𑌾𑌜𑍀𑌵𑌨𑍋𑌪𑌾𑌯𑌨𑍋𑌤𑍍𑌸𑍁𑌕𑌃 ।
𑌸𑌂𑌸𑌾𑌰𑌾𑌰𑍍𑌣𑌵𑌨𑌿𑌰𑍍𑌮𑌗𑍍𑌨𑌸𑌮𑍁𑌦𑍍𑌧𑌰𑌣𑌪𑌂𑌡𑌿𑌤𑌃 ॥ 6𑍮 ॥

𑌮𑌦𑌦𑍍𑌵𑌿𑌰𑌦𑌧𑌿𑌕𑍍𑌕𑌾𑌰𑌿𑌗𑌤𑌿𑌮𑌂𑌜𑍁𑌲𑌵𑍈𑌭𑌵𑌃 ।
𑌮𑌤𑍍𑌤𑌕𑍋𑌕𑌿𑌲𑌮𑌾𑌧𑍁𑌰𑍍𑌯𑌰𑌸𑌨𑌿𑌰𑍍𑌭𑌰𑌗𑍀𑌰𑍍𑌗𑌣𑌃 ॥ 6𑍯 ॥

𑌕𑍈𑌵𑌲𑍍𑌯𑍋𑌦𑌧𑌿𑌕𑌲𑍍𑌲𑍋𑌲𑌲𑍀𑌲𑌾𑌤𑌾𑌂𑌡𑌵𑌪𑌂𑌡𑌿𑌤𑌃 ।
𑌵𑌿𑌷𑍍𑌣𑍁𑌰𑍍𑌜𑌿𑌷𑍍𑌣𑍁𑌰𑍍𑌵𑌾𑌸𑍁𑌦𑍇𑌵𑌃 𑌪𑍍𑌰𑌭𑌵𑌿𑌷𑍍𑌣𑍁𑌃 𑌪𑍁𑌰𑌾𑌤𑌨𑌃 ॥ 𑍭0 ॥

𑌵𑌰𑍍𑌧𑌿𑌷𑍍𑌣𑍁𑌰𑍍𑌵𑌰𑌦𑍋 𑌵𑍈𑌦𑍍𑌯𑍋 𑌹𑌰𑌿𑌰𑍍𑌨𑌾𑌰𑌾𑌯𑌣𑍋𑌽𑌚𑍍𑌯𑍁𑌤𑌃 ।
𑌅𑌜𑍍𑌞𑌾𑌨𑌵𑌨𑌦𑌾𑌵𑌾𑌗𑍍𑌨𑌿𑌃 𑌪𑍍𑌰𑌜𑍍𑌞𑌾𑌪𑍍𑌰𑌾𑌸𑌾𑌦𑌭𑍂𑌪𑌤𑌿𑌃 ॥ 𑍭1 ॥

𑌸𑌰𑍍𑌪𑌭𑍂𑌷𑌿𑌤𑌸𑌰𑍍𑌵𑌾𑌂𑌗𑌃 𑌕𑌰𑍍𑌪𑍂𑌰𑍋𑌜𑍍𑌜𑍍𑌵𑌲𑌿𑌤𑌾𑌕𑍃𑌤𑌿𑌃 ।
𑌅𑌨𑌾𑌦𑌿𑌮𑌧𑍍𑌯𑌨𑌿𑌧𑌨𑍋 𑌗𑌿𑌰𑍀𑌶𑍋 𑌗𑌿𑌰𑌿𑌜𑌾𑌪𑌤𑌿𑌃 ॥ 𑍭2 ॥

𑌵𑍀𑌤𑌰𑌾𑌗𑍋 𑌵𑌿𑌨𑍀𑌤𑌾𑌤𑍍𑌮𑌾 𑌤𑌪𑌸𑍍𑌵𑍀 𑌭𑍂𑌤𑌭𑌾𑌵𑌨𑌃 ।
𑌦𑍇𑌵𑌾𑌸𑍁𑌰𑌗𑍁𑌰𑍁𑌧𑍍𑌯𑍇𑌯𑍋 𑌦𑍇𑌵𑌾𑌸𑍁𑌰𑌨𑌮𑌸𑍍𑌕𑍃𑌤𑌃 ॥ 𑍭3 ॥

𑌦𑍇𑌵𑌾𑌦𑌿𑌦𑍇𑌵𑍋 𑌦𑍇𑌵𑌰𑍍𑌷𑌿𑌰𑍍𑌦𑍇𑌵𑌾𑌸𑍁𑌰𑌵𑌰𑌪𑍍𑌰𑌦𑌃 ।
𑌸𑌰𑍍𑌵𑌦𑍇𑌵𑌮𑌯𑍋𑌽𑌚𑌿𑌂𑌤𑍍𑌯𑍋 𑌦𑍇𑌵𑌾𑌤𑍍𑌮𑌾 𑌚𑌾𑌤𑍍𑌮𑌸𑌂𑌭𑌵𑌃 ॥ 𑍭4 ॥

𑌨𑌿𑌰𑍍𑌲𑍇𑌪𑍋 𑌨𑌿𑌷𑍍𑌪𑍍𑌰𑌪𑌂𑌚𑌾𑌤𑍍𑌮𑌾 𑌨𑌿𑌰𑍍𑌵𑌿𑌘𑍍𑌨𑍋 𑌵𑌿𑌘𑍍𑌨𑌨𑌾𑌶𑌕𑌃 ।
𑌏𑌕𑌜𑍍𑌯𑍋𑌤𑌿𑌰𑍍𑌨𑌿𑌰𑌾𑌤𑌂𑌕𑍋 𑌵𑍍𑌯𑌾𑌪𑍍𑌤𑌮𑍂𑌰𑍍𑌤𑌿𑌰𑌨𑌾𑌕𑍁𑌲𑌃 ॥ 𑍭5 ॥

𑌨𑌿𑌰𑌵𑌦𑍍𑌯𑌪𑌦𑍋𑌪𑌾𑌧𑌿𑌰𑍍𑌵𑌿𑌦𑍍𑌯𑌾𑌰𑌾𑌶𑌿𑌰𑌨𑍁𑌤𑍍𑌤𑌮𑌃 ।
𑌨𑌿𑌤𑍍𑌯𑌾𑌨𑌂𑌦𑌃 𑌸𑍁𑌰𑌾𑌧𑍍𑌯𑌕𑍍𑌷𑍋 𑌨𑌿𑌃𑌸𑌂𑌕𑌲𑍍𑌪𑍋 𑌨𑌿𑌰𑌂𑌜𑌨𑌃 ॥ 𑍭6 ॥

𑌨𑌿𑌷𑍍𑌕𑌳𑌂𑌕𑍋 𑌨𑌿𑌰𑌾𑌕𑌾𑌰𑍋 𑌨𑌿𑌷𑍍𑌪𑍍𑌰𑌪𑌂𑌚𑍋 𑌨𑌿𑌰𑌾𑌮𑌯𑌃 ।
𑌵𑌿𑌦𑍍𑌯𑌾𑌧𑌰𑍋 𑌵𑌿𑌯𑌤𑍍𑌕𑍇𑌶𑍋 𑌮𑌾𑌰𑍍𑌕𑌂𑌡𑍇𑌯𑌵𑌰𑌪𑍍𑌰𑌦𑌃 ॥ 𑍭𑍭 ॥

𑌭𑍈𑌰𑌵𑍋 𑌭𑍈𑌰𑌵𑍀𑌨𑌾𑌥𑌃 𑌕𑌾𑌮𑌦𑌃 𑌕𑌮𑌲𑌾𑌸𑌨𑌃 ।
𑌵𑍇𑌦𑌵𑍇𑌦𑍍𑌯𑌃 𑌸𑍁𑌰𑌾𑌨𑌂𑌦𑍋 𑌲𑌸𑌜𑍍𑌜𑍍𑌯𑍋𑌤𑌿𑌃 𑌪𑍍𑌰𑌭𑌾𑌕𑌰𑌃 ॥ 𑍭𑍮 ॥

𑌚𑍂𑌡𑌾𑌮𑌣𑌿𑌃 𑌸𑍁𑌰𑌾𑌧𑍀𑌶𑍋 𑌯𑌜𑍍𑌞𑌗𑍇𑌯𑍋 𑌹𑌰𑌿𑌪𑍍𑌰𑌿𑌯𑌃 ।
𑌨𑌿𑌰𑍍𑌲𑍇𑌪𑍋 𑌨𑍀𑌤𑌿𑌮𑌾𑌨𑍍 𑌸𑍂𑌤𑍍𑌰𑍀 𑌶𑍍𑌰𑍀𑌹𑌾𑌲𑌾𑌹𑌲𑌸𑍁𑌂𑌦𑌰𑌃 ॥ 𑍭𑍯 ॥

𑌧𑌰𑍍𑌮𑌦𑌕𑍍𑌷𑍋 𑌮𑌹𑌾𑌰𑌾𑌜𑌃 𑌕𑌿𑌰𑍀𑌟𑍀 𑌵𑌂𑌦𑌿𑌤𑍋 𑌗𑍁𑌹𑌃 ।
𑌮𑌾𑌧𑌵𑍋 𑌯𑌾𑌮𑌿𑌨𑍀𑌨𑌾𑌥𑌃 𑌶𑌂𑌬𑌰𑌃 𑌶𑌬𑌰𑍀𑌪𑍍𑌰𑌿𑌯𑌃 ॥ 𑍮0 ॥

𑌸𑌂𑌗𑍀𑌤𑌵𑍇𑌤𑍍𑌤𑌾 𑌲𑍋𑌕𑌜𑍍𑌞𑌃 𑌶𑌾𑌂𑌤𑌃 𑌕𑌲𑌶𑌸𑌂𑌭𑌵𑌃 ।
𑌬𑍍𑌰𑌹𑍍𑌮𑌣𑍍𑌯𑍋 𑌵𑌰𑌦𑍋 𑌨𑌿𑌤𑍍𑌯𑌃 𑌶𑍂𑌲𑍀 𑌗𑍁𑌰𑍁𑌵𑌰𑍋 𑌹𑌰𑌃 ॥ 𑍮1 ॥

𑌮𑌾𑌰𑍍𑌤𑌾𑌂𑌡𑌃 𑌪𑍁𑌂𑌡𑌰𑍀𑌕𑌾𑌕𑍍𑌷𑍋 𑌲𑍋𑌕𑌨𑌾𑌯𑌕𑌵𑌿𑌕𑍍𑌰𑌮𑌃 ।
𑌮𑍁𑌕𑍁𑌂𑌦𑌾𑌰𑍍𑌚𑍍𑌯𑍋 𑌵𑍈𑌦𑍍𑌯𑌨𑌾𑌥𑌃 𑌪𑍁𑌰𑌂𑌦𑌰𑌵𑌰𑌪𑍍𑌰𑌦𑌃 ॥ 𑍮2 ॥

𑌭𑌾𑌷𑌾𑌵𑌿𑌹𑍀𑌨𑍋 𑌭𑌾𑌷𑌾𑌜𑍍𑌞𑍋 𑌵𑌿𑌘𑍍𑌨𑍇𑌶𑍋 𑌵𑌿𑌘𑍍𑌨𑌨𑌾𑌶𑌨𑌃 ।
𑌕𑌿𑌨𑍍𑌨𑌰𑍇𑌶𑍋 𑌬𑍃𑌹𑌦𑍍𑌭𑌾𑌨𑍁𑌃 𑌶𑍍𑌰𑍀𑌨𑌿𑌵𑌾𑌸𑌃 𑌕𑌪𑌾𑌲𑌭𑍃𑌤𑍍 ॥ 𑍮3 ॥

𑌵𑌿𑌜𑌯𑍋 𑌭𑍂𑌤𑌭𑌾𑌵𑌜𑍍𑌞𑍋 𑌭𑍀𑌮𑌸𑍇𑌨𑍋 𑌦𑌿𑌵𑌾𑌕𑌰𑌃 ।
𑌬𑌿𑌲𑍍𑌵𑌪𑍍𑌰𑌿𑌯𑍋 𑌵𑌸𑌿𑌷𑍍𑌠𑍇𑌶𑌃 𑌸𑌰𑍍𑌵𑌮𑌾𑌰𑍍𑌗𑌪𑍍𑌰𑌵𑌰𑍍𑌤𑌕𑌃 ॥ 𑍮4 ॥

𑌓𑌷𑌧𑍀𑌶𑍋 𑌵𑌾𑌮𑌦𑍇𑌵𑍋 𑌗𑍋𑌵𑌿𑌂𑌦𑍋 𑌨𑍀𑌲𑌲𑍋𑌹𑌿𑌤𑌃 ।
𑌷𑌡𑌰𑍍𑌧𑌨𑌯𑌨𑌃 𑌶𑍍𑌰𑍀𑌮𑌨𑍍𑌮𑌹𑌾𑌦𑍇𑌵𑍋 𑌵𑍃𑌷𑌧𑍍𑌵𑌜𑌃 ॥ 𑍮5 ॥

𑌕𑌰𑍍𑌪𑍂𑌰𑌦𑍀𑌪𑌿𑌕𑌾𑌲𑍋𑌲𑌃 𑌕𑌰𑍍𑌪𑍂𑌰𑌰𑌸𑌚𑌰𑍍𑌚𑌿𑌤𑌃 ।
𑌅𑌵𑍍𑌯𑌾𑌜𑌕𑌰𑍁𑌣𑌾𑌮𑍂𑌰𑍍𑌤𑌿𑌸𑍍𑌤𑍍𑌯𑌾𑌗𑌰𑌾𑌜𑌃 𑌕𑍍𑌷𑌪𑌾𑌕𑌰𑌃 ॥ 𑍮6 ॥

𑌆𑌶𑍍𑌚𑌰𑍍𑌯𑌵𑌿𑌗𑍍𑌰𑌹𑌃 𑌸𑍂𑌕𑍍𑌷𑍍𑌮𑌃 𑌸𑌿𑌦𑍍𑌧𑍇𑌶𑌃 𑌸𑍍𑌵𑌰𑍍𑌣𑌭𑍈𑌰𑌵𑌃 ।
𑌦𑍇𑌵𑌰𑌾𑌜𑌃 𑌕𑍃𑌪𑌾𑌸𑌿𑌂𑌧𑍁𑌰𑌦𑍍𑌵𑌯𑍋𑌽𑌮𑌿𑌤𑌵𑌿𑌕𑍍𑌰𑌮𑌃 ॥ 𑍮𑍭 ॥

𑌨𑌿𑌰𑍍𑌭𑍇𑌦𑍋 𑌨𑌿𑌤𑍍𑌯𑌸𑌤𑍍𑌵𑌸𑍍𑌥𑍋 𑌨𑌿𑌰𑍍𑌯𑍋𑌗𑌕𑍍𑌷𑍇𑌮 𑌆𑌤𑍍𑌮𑌵𑌾𑌨𑍍 ।
𑌨𑌿𑌰𑌪𑌾𑌯𑍋 𑌨𑌿𑌰𑌾𑌸𑌂𑌗𑍋 𑌨𑌿𑌃𑌶𑌬𑍍𑌦𑍋 𑌨𑌿𑌰𑍁𑌪𑌾𑌧𑌿𑌕𑌃 ॥ 𑍮𑍮 ॥

𑌭𑌵𑌃 𑌸𑌰𑍍𑌵𑍇𑌶𑍍𑌵𑌰𑌃 𑌸𑍍𑌵𑌾𑌮𑍀 𑌭𑌵𑌭𑍀𑌤𑌿𑌵𑌿𑌭𑌂𑌜𑌨𑌃 ।
𑌦𑌾𑌰𑌿𑌦𑍍𑌰𑍍𑌯𑌤𑍃𑌣𑌕𑍂𑌟𑌾𑌗𑍍𑌨𑌿𑌰𑍍𑌦𑌾𑌰𑌿𑌤𑌾𑌸𑍁𑌰𑌸𑌂𑌤𑌤𑌿𑌃 ॥ 𑍮𑍯 ॥

𑌮𑍁𑌕𑍍𑌤𑌿𑌦𑍋 𑌮𑍁𑌦𑌿𑌤𑍋𑌽𑌕𑍁𑌬𑍍𑌜𑍋 𑌧𑌾𑌰𑍍𑌮𑌿𑌕𑍋 𑌭𑌕𑍍𑌤𑌵𑌤𑍍𑌸𑌲𑌃 ।
𑌅𑌭𑍍𑌯𑌾𑌸𑌾𑌤𑌿𑌶𑌯𑌜𑍍𑌞𑍇𑌯𑌶𑍍𑌚𑌂𑌦𑍍𑌰𑌮𑍌𑌳𑌿𑌃 𑌕𑌳𑌾𑌧𑌰𑌃 ॥ 𑍯0 ॥

𑌮𑌹𑌾𑌬𑌲𑍋 𑌮𑌹𑌾𑌵𑍀𑌰𑍍𑌯𑍋 𑌵𑌿𑌭𑍁𑌃 𑌶𑍍𑌰𑍀𑌶𑌃 𑌶𑍁𑌭𑌪𑍍𑌰𑌦𑌃 ।
𑌸𑌿𑌦𑍍𑌧𑌃 𑌪𑍁𑌰𑌾𑌣𑌪𑍁𑌰𑍁𑌷𑍋 𑌰𑌣𑌮𑌂𑌡𑌲𑌭𑍈𑌰𑌵𑌃 ॥ 𑍯1 ॥

𑌸𑌦𑍍𑌯𑍋𑌜𑌾𑌤𑍋 𑌵𑌟𑌾𑌰𑌣𑍍𑌯𑌵𑌾𑌸𑍀 𑌪𑍁𑌰𑍁𑌷𑌵𑌲𑍍𑌲𑌭𑌃 ।
𑌹𑌰𑌿𑌕𑍇𑌶𑍋 𑌮𑌹𑌾𑌤𑍍𑌰𑌾𑌤𑌾 𑌨𑍀𑌲𑌗𑍍𑌰𑍀𑌵𑌃 𑌸𑍁𑌮𑌂𑌗𑌳𑌃 ॥ 𑍯2 ॥

𑌹𑌿𑌰𑌣𑍍𑌯𑌬𑌾𑌹𑍁𑌸𑍍𑌤𑍀𑌕𑍍𑌷𑍍𑌣𑌾𑌂𑌶𑍁𑌃 𑌕𑌾𑌮𑍇𑌶𑌃 𑌸𑍋𑌮𑌵𑌿𑌗𑍍𑌰𑌹𑌃 ।
𑌸𑌰𑍍𑌵𑌾𑌤𑍍𑌮𑌾 𑌸𑌰𑍍𑌵𑌕𑌰𑍍𑌤𑌾 𑌚 𑌤𑌾𑌂𑌡𑌵𑍋 𑌮𑍁𑌂𑌡𑌮𑌾𑌲𑌿𑌕𑌃 ॥ 𑍯3 ॥

𑌅𑌗𑍍𑌰𑌗𑌣𑍍𑌯𑌃 𑌸𑍁𑌗𑌂𑌭𑍀𑌰𑍋 𑌦𑍇𑌶𑌿𑌕𑍋 𑌵𑍈𑌦𑌿𑌕𑍋𑌤𑍍𑌤𑌮𑌃 ।
𑌪𑍍𑌰𑌸𑌨𑍍𑌨𑌦𑍇𑌵𑍋 𑌵𑌾𑌗𑍀𑌶𑌶𑍍𑌚𑌿𑌂𑌤𑌾𑌤𑌿𑌮𑌿𑌰𑌭𑌾𑌸𑍍𑌕𑌰𑌃 ॥ 𑍯4 ॥

𑌗𑍌𑌰𑍀𑌪𑌤𑌿𑌸𑍍𑌤𑍁𑌂𑌗𑌮𑍌𑌳𑌿𑌰𑍍𑌮𑌖𑌰𑌾𑌜𑍋 𑌮𑌹𑌾𑌕𑌵𑌿𑌃 ।
𑌶𑍍𑌰𑍀𑌧𑌰𑌃 𑌸𑌰𑍍𑌵𑌸𑌿𑌦𑍍𑌧𑍇𑌶𑍋 𑌵𑌿𑌶𑍍𑌵𑌨𑌾𑌥𑍋 𑌦𑌯𑌾𑌨𑌿𑌧𑌿𑌃 ॥ 𑍯5 ॥

𑌅𑌂𑌤𑌰𑍍𑌮𑍁𑌖𑍋 𑌬𑌹𑌿𑌰𑍍𑌦𑍃𑌷𑍍𑌟𑌿𑌃 𑌸𑌿𑌦𑍍𑌧𑌵𑍇𑌷𑌮𑌨𑍋𑌹𑌰𑌃 ।
𑌕𑍃𑌤𑍍𑌤𑌿𑌵𑌾𑌸𑌾𑌃 𑌕𑍃𑌪𑌾𑌸𑌿𑌂𑌧𑍁𑌰𑍍𑌮𑌂𑌤𑍍𑌰𑌸𑌿𑌦𑍍𑌧𑍋 𑌮𑌤𑌿𑌪𑍍𑌰𑌦𑌃 ॥ 𑍯6 ॥

𑌮𑌹𑍋𑌤𑍍𑌕𑍃𑌷𑍍𑌟𑌃 𑌪𑍁𑌣𑍍𑌯𑌕𑌰𑍋 𑌜𑌗𑌤𑍍𑌸𑌾𑌕𑍍𑌷𑍀 𑌸𑌦𑌾𑌶𑌿𑌵𑌃 ।
𑌮𑌹𑌾𑌕𑍍𑌰𑌤𑍁𑌰𑍍𑌮𑌹𑌾𑌯𑌜𑍍𑌵𑌾 𑌵𑌿𑌶𑍍𑌵𑌕𑌰𑍍𑌮𑌾 𑌤𑌪𑍋𑌨𑌿𑌧𑌿𑌃 ॥ 𑍯𑍭 ॥

𑌛𑌂𑌦𑍋𑌮𑌯𑍋 𑌮𑌹𑌾𑌜𑍍𑌞𑌾𑌨𑍀 𑌸𑌰𑍍𑌵𑌜𑍍𑌞𑍋 𑌦𑍇𑌵𑌵𑌂𑌦𑌿𑌤𑌃 ।
𑌸𑌾𑌰𑍍𑌵𑌭𑍌𑌮𑌃 𑌸𑌦𑌾𑌨𑌂𑌦𑌃 𑌕𑌰𑍁𑌣𑌾𑌮𑍃𑌤𑌵𑌾𑌰𑌿𑌧𑌿𑌃 ॥ 𑍯𑍮 ॥

𑌕𑌾𑌲𑌕𑌾𑌲𑌃 𑌕𑌲𑌿𑌧𑍍𑌵𑌂𑌸𑍀 𑌜𑌰𑌾𑌮𑌰𑌣𑌨𑌾𑌶𑌕𑌃 ।
𑌶𑌿𑌤𑌿𑌕𑌂𑌠𑌶𑍍𑌚𑌿𑌦𑌾𑌨𑌂𑌦𑍋 𑌯𑍋𑌗𑌿𑌨𑍀𑌗𑌣𑌸𑍇𑌵𑌿𑌤𑌃 ॥ 𑍯𑍯 ॥

𑌚𑌂𑌡𑍀𑌶𑌃 𑌶𑍁𑌕𑌸𑌂𑌵𑍇𑌦𑍍𑌯𑌃 𑌪𑍁𑌣𑍍𑌯𑌶𑍍𑌲𑍋𑌕𑍋 𑌦𑌿𑌵𑌸𑍍𑌪𑌤𑌿𑌃 ।
𑌸𑍍𑌥𑌾𑌯𑍀 𑌸𑌕𑌲𑌤𑌤𑍍𑌤𑍍𑌵𑌾𑌤𑍍𑌮𑌾 𑌸𑌦𑌾𑌸𑍇𑌵𑌕𑌵𑌰𑍍𑌧𑌨𑌃 ॥ 100 ॥

𑌰𑍋𑌹𑌿𑌤𑌾𑌶𑍍𑌵𑌃 𑌕𑍍𑌷𑌮𑌾𑌰𑍂𑌪𑍀 𑌤𑌪𑍍𑌤𑌚𑌾𑌮𑍀𑌕𑌰𑌪𑍍𑌰𑌭𑌃 ।
𑌤𑍍𑌰𑌿𑌯𑌂𑌬𑌕𑍋 𑌵𑌰𑌰𑍁𑌚𑌿𑌰𑍍𑌦𑍇𑌵𑌦𑍇𑌵𑌶𑍍𑌚𑌤𑍁𑌰𑍍𑌭𑍁𑌜𑌃 ॥ 101 ॥

𑌵𑌿𑌶𑍍𑌵𑌂𑌭𑌰𑍋 𑌵𑌿𑌚𑌿𑌤𑍍𑌰𑌾𑌂𑌗𑍋 𑌵𑌿𑌧𑌾𑌤𑌾 𑌪𑍁𑌰𑌶𑌾𑌸𑌨𑌃 ।
𑌸𑍁𑌬𑍍𑌰𑌹𑍍𑌮𑌣𑍍𑌯𑍋 𑌜𑌗𑌤𑍍𑌸𑍍𑌵𑌾𑌮𑍀 𑌰𑍋𑌹𑌿𑌤𑌾𑌕𑍍𑌷𑌃 𑌶𑌿𑌵𑍋𑌤𑍍𑌤𑌮𑌃 ॥ 102 ॥

𑌨𑌕𑍍𑌷𑌤𑍍𑌰𑌮𑌾𑌲𑌾𑌭𑌰𑌣𑍋 𑌮𑌘𑌵𑌾𑌨𑍍 𑌅𑌘𑌨𑌾𑌶𑌨𑌃 ।
𑌵𑌿𑌧𑌿𑌕𑌰𑍍𑌤𑌾 𑌵𑌿𑌧𑌾𑌨𑌜𑍍𑌞𑌃 𑌪𑍍𑌰𑌧𑌾𑌨𑌪𑍁𑌰𑍁𑌷𑍇𑌶𑍍𑌵𑌰𑌃 ॥ 103 ॥

𑌚𑌿𑌂𑌤𑌾𑌮𑌣𑌿𑌃 𑌸𑍁𑌰𑌗𑍁𑌰𑍁𑌰𑍍𑌧𑍍𑌯𑍇𑌯𑍋 𑌨𑍀𑌰𑌾𑌜𑌨𑌪𑍍𑌰𑌿𑌯𑌃 ।
𑌗𑍋𑌵𑌿𑌂𑌦𑍋 𑌰𑌾𑌜𑌰𑌾𑌜𑍇𑌶𑍋 𑌬𑌹𑍁𑌪𑍁𑌷𑍍𑌪𑌾𑌰𑍍𑌚𑌨𑌪𑍍𑌰𑌿𑌯𑌃 ॥ 104 ॥

𑌸𑌰𑍍𑌵𑌾𑌨𑌂𑌦𑍋 𑌦𑌯𑌾𑌰𑍂𑌪𑍀 𑌶𑍈𑌲𑌜𑌾𑌸𑍁𑌮𑌨𑍋𑌹𑌰𑌃 ।
𑌸𑍁𑌵𑌿𑌕𑍍𑌰𑌮𑌃 𑌸𑌰𑍍𑌵𑌗𑌤𑍋 𑌹𑍇𑌤𑍁𑌸𑌾𑌧𑌨𑌵𑌰𑍍𑌜𑌿𑌤𑌃 ॥ 105 ॥

𑌵𑍃𑌷𑌾𑌂𑌕𑍋 𑌰𑌮𑌣𑍀𑌯𑌾𑌂𑌗𑌃 𑌸𑌦𑌂𑌘𑍍𑌰𑌿𑌃 𑌸𑌾𑌮𑌪𑌾𑌰𑌗𑌃 ।
𑌮𑌂𑌤𑍍𑌰𑌾𑌤𑍍𑌮𑌾 𑌕𑍋𑌟𑌿𑌕𑌂𑌦𑌰𑍍𑌪𑌸𑍌𑌂𑌦𑌰𑍍𑌯𑌰𑌸𑌵𑌾𑌰𑌿𑌧𑌿𑌃 ॥ 106 ॥

𑌯𑌜𑍍𑌞𑍇𑌶𑍋 𑌯𑌜𑍍𑌞𑌪𑍁𑌰𑍁𑌷𑌃 𑌸𑍃𑌷𑍍𑌟𑌿𑌸𑍍𑌥𑌿𑌤𑍍𑌯𑌂𑌤𑌕𑌾𑌰𑌣𑌮𑍍 ।
𑌪𑌰𑌹𑌂𑌸𑍈𑌕𑌜𑌿𑌜𑍍𑌞𑌾𑌸𑍍𑌯𑌃 𑌸𑍍𑌵𑌪𑍍𑌰𑌕𑌾𑌶𑌸𑍍𑌵𑌰𑍂𑌪𑌵𑌾𑌨𑍍 ॥ 10𑍭 ॥

𑌮𑍁𑌨𑌿𑌮𑍃𑌗𑍍𑌯𑍋 𑌦𑍇𑌵𑌮𑍃𑌗𑍍𑌯𑍋 𑌮𑍃𑌗𑌹𑌸𑍍𑌤𑍋 𑌮𑍃𑌗𑍇𑌶𑍍𑌵𑌰𑌃 ।
𑌮𑍃𑌗𑍇𑌂𑌦𑍍𑌰𑌚𑌰𑍍𑌮𑌵𑌸𑌨𑍋 𑌨𑌰𑌸𑌿𑌂𑌹𑌨𑌿𑌪𑌾𑌤𑌨𑌃 ॥ 10𑍮 ॥

𑌮𑍁𑌨𑌿𑌵𑌂𑌦𑍍𑌯𑍋 𑌮𑍁𑌨𑌿𑌶𑍍𑌰𑍇𑌷𑍍𑌠𑍋 𑌮𑍁𑌨𑌿𑌬𑍃𑌂𑌦𑌨𑌿𑌷𑍇𑌵𑌿𑌤𑌃 ।
𑌦𑍁𑌷𑍍𑌟𑌮𑍃𑌤𑍍𑌯𑍁𑌰𑌦𑍁𑌷𑍍𑌟𑍇𑌹𑍋 𑌮𑍃𑌤𑍍𑌯𑍁𑌹𑌾 𑌮𑍃𑌤𑍍𑌯𑍁𑌪𑍂𑌜𑌿𑌤𑌃 ॥ 10𑍯 ॥

𑌅𑌵𑍍𑌯𑌕𑍍𑌤𑍋𑌽𑌂𑌬𑍁𑌜𑌜𑌨𑍍𑌮𑌾𑌦𑌿𑌕𑍋𑌟𑌿𑌕𑍋𑌟𑌿𑌸𑍁𑌪𑍂𑌜𑌿𑌤𑌃 ।
𑌲𑌿𑌂𑌗𑌮𑍂𑌰𑍍𑌤𑌿𑌰𑌲𑌿𑌂𑌗𑌾𑌤𑍍𑌮𑌾 𑌲𑌿𑌂𑌗𑌾𑌤𑍍𑌮𑌾 𑌲𑌿𑌂𑌗𑌵𑌿𑌗𑍍𑌰𑌹𑌃 ॥ 110 ॥

𑌯𑌜𑍁𑌰𑍍𑌮𑍂𑌰𑍍𑌤𑌿𑌃 𑌸𑌾𑌮𑌮𑍂𑌰𑍍𑌤𑌿𑌰𑍃𑌙𑍍𑌮𑍂𑌰𑍍𑌤𑌿𑌰𑍍𑌮𑍂𑌰𑍍𑌤𑌿𑌵𑌰𑍍𑌜𑌿𑌤𑌃 ।
𑌵𑌿𑌶𑍍𑌵𑍇𑌶𑍋 𑌗𑌜𑌚𑌰𑍍𑌮𑍈𑌕𑌚𑍇𑌲𑌾𑌂𑌚𑌿𑌤𑌕𑌟𑍀𑌤𑌟𑌃 ॥ 111 ॥

𑌪𑌾𑌵𑌨𑌾𑌂𑌤𑍇𑌵𑌸𑌦𑍍𑌯𑍋𑌗𑌿𑌜𑌨𑌸𑌾𑌰𑍍𑌥𑌸𑍁𑌧𑌾𑌕𑌰𑌃 ।
𑌅𑌨𑌂𑌤𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌮𑌂𑌡𑌲𑌪𑍍𑌰𑌤𑌿𑌮𑌪𑍍𑌰𑌭𑌃 ॥ 112 ॥

𑌚𑌿𑌂𑌤𑌾𑌶𑍋𑌕𑌪𑍍𑌰𑌶𑌮𑌨𑌃 𑌸𑌰𑍍𑌵𑌵𑌿𑌦𑍍𑌯𑌾𑌵𑌿𑌶𑌾𑌰𑌦𑌃 ।
𑌭𑌕𑍍𑌤𑌵𑌿𑌜𑍍𑌞𑌪𑍍𑌤𑌿𑌸𑌂𑌧𑌾𑌤𑌾 𑌕𑌰𑍍𑌤𑌾 𑌗𑌿𑌰𑌿𑌵𑌰𑌾𑌕𑍃𑌤𑌿𑌃 ॥ 113 ॥

𑌜𑍍𑌞𑌾𑌨𑌪𑍍𑌰𑌦𑍋 𑌮𑌨𑍋𑌵𑌾𑌸𑌃 𑌕𑍍𑌷𑍇𑌮𑍍𑌯𑍋 𑌮𑍋𑌹𑌵𑌿𑌨𑌾𑌶𑌨𑌃 ।
𑌸𑍁𑌰𑍋𑌤𑍍𑌤𑌮𑌶𑍍𑌚𑌿𑌤𑍍𑌰𑌭𑌾𑌨𑍁𑌃 𑌸𑌦𑌾𑌵𑍈𑌭𑌵𑌤𑌤𑍍𑌪𑌰𑌃 ॥ 114 ॥

𑌸𑍁𑌹𑍃𑌦𑌗𑍍𑌰𑍇𑌸𑌰𑌃 𑌸𑌿𑌦𑍍𑌧𑌜𑍍𑌞𑌾𑌨𑌮𑍁𑌦𑍍𑌰𑍋 𑌗𑌣𑌾𑌧𑌿𑌪𑌃 ।
𑌆𑌗𑌮𑌶𑍍𑌚𑌰𑍍𑌮𑌵𑌸𑌨𑍋 𑌵𑌾𑌂𑌛𑌿𑌤𑌾𑌰𑍍𑌥𑌫𑌲𑌪𑍍𑌰𑌦𑌃 ॥ 115 ॥

𑌅𑌂𑌤𑌰𑍍𑌹𑌿𑌤𑍋𑌽𑌸𑌮𑌾𑌨𑌶𑍍𑌚 𑌦𑍇𑌵𑌸𑌿𑌂𑌹𑌾𑌸𑌨𑌾𑌧𑌿𑌪𑌃 ।
𑌵𑌿𑌵𑌾𑌦𑌹𑌂𑌤𑌾 𑌸𑌰𑍍𑌵𑌾𑌤𑍍𑌮𑌾 𑌕𑌾𑌲𑌃 𑌕𑌾𑌲𑌵𑌿𑌵𑌰𑍍𑌜𑌿𑌤𑌃 ॥ 116 ॥

𑌵𑌿𑌶𑍍𑌵𑌾𑌤𑍀𑌤𑍋 𑌵𑌿𑌶𑍍𑌵𑌕𑌰𑍍𑌤𑌾 𑌵𑌿𑌶𑍍𑌵𑍇𑌶𑍋 𑌵𑌿𑌶𑍍𑌵𑌕𑌾𑌰𑌣𑌮𑍍 ।
𑌯𑍋𑌗𑌿𑌧𑍍𑌯𑍇𑌯𑍋 𑌯𑍋𑌗𑌨𑌿𑌷𑍍𑌠𑍋 𑌯𑍋𑌗𑌾𑌤𑍍𑌮𑌾 𑌯𑍋𑌗𑌵𑌿𑌤𑍍𑌤𑌮𑌃 ॥ 11𑍭 ॥

𑌓𑌂𑌕𑌾𑌰𑌰𑍂𑌪𑍋 𑌭𑌗𑌵𑌾𑌨𑍍 𑌬𑌿𑌂𑌦𑍁𑌨𑌾𑌦𑌮𑌯𑌃 𑌶𑌿𑌵𑌃 ।
𑌚𑌤𑍁𑌰𑍍𑌮𑍁𑌖𑌾𑌦𑌿𑌸𑌂𑌸𑍍𑌤𑍁𑌤𑍍𑌯𑌶𑍍𑌚𑌤𑍁𑌰𑍍𑌵𑌰𑍍𑌗𑌫𑌲𑌪𑍍𑌰𑌦𑌃 ॥ 11𑍮 ॥

𑌸𑌹𑍍𑌯𑌾𑌚𑌲𑌗𑍁𑌹𑌾𑌵𑌾𑌸𑍀 𑌸𑌾𑌕𑍍𑌷𑌾𑌨𑍍𑌮𑍋𑌕𑍍𑌷𑌰𑌸𑌾𑌮𑍃𑌤𑌃 ।
𑌦𑌕𑍍𑌷𑌾𑌧𑍍𑌵𑌰𑌸𑌮𑍁𑌚𑍍𑌛𑍇𑌤𑍍𑌤𑌾 𑌪𑌕𑍍𑌷𑌪𑌾𑌤𑌵𑌿𑌵𑌰𑍍𑌜𑌿𑌤𑌃 ॥ 11𑍯 ॥

𑌓𑌂𑌕𑌾𑌰𑌵𑌾𑌚𑌕𑌃 𑌶𑌂𑌭𑍁𑌃 𑌶𑌂𑌕𑌰𑌃 𑌶𑌶𑌿𑌶𑍀𑌤𑌲𑌃 ।
𑌪𑌂𑌕𑌜𑌾𑌸𑌨𑌸𑌂𑌸𑍇𑌵𑍍𑌯𑌃 𑌕𑌿𑌂𑌕𑌰𑌾𑌮𑌰𑌵𑌤𑍍𑌸𑌲𑌃 ॥ 120 ॥

𑌨𑌤𑌦𑍌𑌰𑍍𑌭𑌾𑌗𑍍𑌯𑌤𑍂𑌲𑌾𑌗𑍍𑌨𑌿𑌃 𑌕𑍃𑌤𑌕𑍌𑌤𑍁𑌕𑌮𑌂𑌗𑌳𑌃 ।
𑌤𑍍𑌰𑌿𑌲𑍋𑌕𑌮𑍋𑌹𑌨𑌃 𑌶𑍍𑌰𑍀𑌮𑌤𑍍𑌤𑍍𑌰𑌿𑌪𑍁𑌂𑌡𑍍𑌰𑌾𑌂𑌕𑌿𑌤𑌮𑌸𑍍𑌤𑌕𑌃 ॥ 121 ॥

𑌕𑍍𑌰𑍌𑌂𑌚𑌾𑌰𑌿𑌜𑌨𑌕𑌃 𑌶𑍍𑌰𑍀𑌮𑌦𑍍𑌗𑌣𑌨𑌾𑌥𑌸𑍁𑌤𑌾𑌨𑍍𑌵𑌿𑌤𑌃 ।
𑌅𑌦𑍍𑌭𑍁𑌤𑌾𑌨𑌂𑌤𑌵𑌰𑌦𑍋𑌽𑌪𑌰𑌿𑌚𑍍𑌛𑌿𑌨𑌾𑌤𑍍𑌮𑌵𑍈𑌭𑌵𑌃 ॥ 122 ॥

𑌇𑌷𑍍𑌟𑌾𑌪𑍂𑌰𑍍𑌤𑌪𑍍𑌰𑌿𑌯𑌃 𑌶𑌰𑍍𑌵 𑌏𑌕𑌵𑍀𑌰𑌃 𑌪𑍍𑌰𑌿𑌯𑌂𑌵𑌦𑌃 ।
𑌊𑌹𑌾𑌪𑍋𑌹𑌵𑌿𑌨𑌿𑌰𑍍𑌮𑍁𑌕𑍍𑌤 𑌓𑌂𑌕𑌾𑌰𑍇𑌶𑍍𑌵𑌰𑌪𑍂𑌜𑌿𑌤𑌃 ॥ 123 ॥

𑌰𑍁𑌦𑍍𑌰𑌾𑌕𑍍𑌷𑌵𑌕𑍍𑌷𑌾 𑌰𑍁𑌦𑍍𑌰𑌾𑌕𑍍𑌷𑌰𑍂𑌪𑍋 𑌰𑍁𑌦𑍍𑌰𑌾𑌕𑍍𑌷𑌪𑌕𑍍𑌷𑌕𑌃 ।
𑌭𑍁𑌜𑌗𑍇𑌂𑌦𑍍𑌰𑌲𑌸𑌤𑍍𑌕𑌂𑌠𑍋 𑌭𑍁𑌜𑌂𑌗𑌾𑌭𑌰𑌣𑌪𑍍𑌰𑌿𑌯𑌃 ॥ 124 ॥

𑌕𑌳𑍍𑌯𑌾𑌣𑌰𑍂𑌪𑌃 𑌕𑌳𑍍𑌯𑌾𑌣𑌃 𑌕𑌳𑍍𑌯𑌾𑌣𑌗𑍁𑌣𑌸𑌂𑌶𑍍𑌰𑌯𑌃 ।
𑌸𑍁𑌂𑌦𑌰𑌭𑍍𑌰𑍂𑌃 𑌸𑍁𑌨𑌯𑌨𑌃 𑌸𑍁𑌲𑌲𑌾𑌟𑌃 𑌸𑍁𑌕𑌂𑌧𑌰𑌃 ॥ 125 ॥

𑌵𑌿𑌦𑍍𑌵𑌜𑍍𑌜𑌨𑌾𑌶𑍍𑌰𑌯𑍋 𑌵𑌿𑌦𑍍𑌵𑌜𑍍𑌜𑌨𑌸𑍍𑌤𑌵𑍍𑌯𑌪𑌰𑌾𑌕𑍍𑌰𑌮𑌃 ।
𑌵𑌿𑌨𑍀𑌤𑌵𑌤𑍍𑌸𑌲𑍋 𑌨𑍀𑌤𑌿𑌸𑍍𑌵𑌰𑍂𑌪𑍋 𑌨𑍀𑌤𑌿𑌸𑌂𑌶𑍍𑌰𑌯𑌃 ॥ 126 ॥

𑌅𑌤𑌿𑌰𑌾𑌗𑍀 𑌵𑍀𑌤𑌰𑌾𑌗𑍀 𑌰𑌾𑌗𑌹𑍇𑌤𑍁𑌰𑍍𑌵𑌿𑌰𑌾𑌗𑌵𑌿𑌤𑍍 ।
𑌰𑌾𑌗𑌹𑌾 𑌰𑌾𑌗𑌶𑌮𑌨𑍋 𑌰𑌾𑌗𑌦𑍋 𑌰𑌾𑌗𑌿𑌰𑌾𑌗𑌵𑌿𑌤𑍍 ॥ 12𑍭 ॥

𑌮𑌨𑍋𑌨𑍍𑌮𑌨𑍋 𑌮𑌨𑍋𑌰𑍂𑌪𑍋 𑌬𑌲𑌪𑍍𑌰𑌮𑌥𑌨𑍋 𑌬𑌲𑌃 ।
𑌵𑌿𑌦𑍍𑌯𑌾𑌕𑌰𑍋 𑌮𑌹𑌾𑌵𑌿𑌦𑍍𑌯𑍋 𑌵𑌿𑌦𑍍𑌯𑌾𑌵𑌿𑌦𑍍𑌯𑌾𑌵𑌿𑌶𑌾𑌰𑌦𑌃 ॥ 12𑍮 ॥

𑌵𑌸𑌂𑌤𑌕𑍃𑌦𑍍𑌵𑌸𑌂𑌤𑌾𑌤𑍍𑌮𑌾 𑌵𑌸𑌂𑌤𑍇𑌶𑍋 𑌵𑌸𑌂𑌤𑌦𑌃 ।
𑌪𑍍𑌰𑌾𑌵𑍃𑌟𑍍𑌕𑍃𑌤𑍍 𑌪𑍍𑌰𑌾𑌵𑍃𑌡𑌾𑌕𑌾𑌰𑌃 𑌪𑍍𑌰𑌾𑌵𑍃𑌟𑍍𑌕𑌾𑌲𑌪𑍍𑌰𑌵𑌰𑍍𑌤𑌕𑌃 ॥ 12𑍯 ॥

𑌶𑌰𑌨𑍍𑌨𑌾𑌥𑍋 𑌶𑌰𑌤𑍍𑌕𑌾𑌲𑌨𑌾𑌶𑌕𑌃 𑌶𑌰𑌦𑌾𑌶𑍍𑌰𑌯𑌃 ।
𑌕𑍁𑌂𑌦𑌮𑌂𑌦𑌾𑌰𑌪𑍁𑌷𑍍𑌪𑍌𑌘𑌲𑌸𑌦𑍍𑌵𑌾𑌯𑍁𑌨𑌿𑌷𑍇𑌵𑌿𑌤𑌃 ॥ 130 ॥

𑌦𑌿𑌵𑍍𑌯𑌦𑍇𑌹𑌪𑍍𑌰𑌭𑌾𑌕𑍂𑌟𑌸𑌂𑌦𑍀𑌪𑌿𑌤𑌦𑌿𑌗𑌂𑌤𑌰𑌃 ।
𑌦𑍇𑌵𑌾𑌸𑍁𑌰𑌗𑍁𑌰𑍁𑌸𑍍𑌤𑌵𑍍𑌯𑍋 𑌦𑍇𑌵𑌾𑌸𑍁𑌰𑌨𑌮𑌸𑍍𑌕𑍃𑌤𑌃 ॥ 131 ॥

𑌵𑌾𑌮𑌾𑌂𑌗𑌭𑌾𑌗𑌵𑌿𑌲𑌸𑌚𑍍𑌛𑍍𑌯𑌾𑌮𑌲𑌾𑌵𑍀𑌕𑍍𑌷𑌣𑌪𑍍𑌰𑌿𑌯𑌃 ।
𑌕𑍀𑌰𑍍𑌤𑍍𑌯𑌾𑌧𑌾𑌰𑌃 𑌕𑍀𑌰𑍍𑌤𑌿𑌕𑌰𑌃 𑌕𑍀𑌰𑍍𑌤𑌿𑌹𑍇𑌤𑍁𑌰𑌹𑍇𑌤𑍁𑌕𑌃 ॥ 132 ॥

𑌶𑌰𑌣𑌾𑌗𑌤𑌦𑍀𑌨𑌾𑌰𑍍𑌤𑌪𑌰𑌿𑌤𑍍𑌰𑌾𑌣𑌪𑌰𑌾𑌯𑌣𑌃 ।
𑌮𑌹𑌾𑌪𑍍𑌰𑍇𑌤𑌾𑌸𑌨𑌾𑌸𑍀𑌨𑍋 𑌜𑌿𑌤𑌸𑌰𑍍𑌵𑌪𑌿𑌤𑌾𑌮𑌹𑌃 ॥ 133 ॥

𑌮𑍁𑌕𑍍𑌤𑌾𑌦𑌾𑌮𑌪𑌰𑍀𑌤𑌾𑌂𑌗𑍋 𑌨𑌾𑌨𑌾𑌗𑌾𑌨𑌵𑌿𑌶𑌾𑌰𑌦𑌃 ।
𑌵𑌿𑌷𑍍𑌣𑍁𑌬𑍍𑌰𑌹𑍍𑌮𑌾𑌦𑌿𑌵𑌂𑌦𑍍𑌯𑌾𑌂𑌘𑍍𑌰𑌿𑌰𑍍𑌨𑌾𑌨𑌾𑌦𑍇𑌶𑍈𑌕𑌨𑌾𑌯𑌕𑌃 ॥ 134 ॥

𑌧𑍀𑌰𑍋𑌦𑌾𑌤𑍍𑌤𑍋 𑌮𑌹𑌾𑌧𑍀𑌰𑍋 𑌧𑍈𑌰𑍍𑌯𑌦𑍋 𑌧𑍈𑌰𑍍𑌯𑌵𑌰𑍍𑌧𑌕𑌃 ।
𑌵𑌿𑌜𑍍𑌞𑌾𑌨𑌮𑌯 𑌆𑌨𑌂𑌦𑌮𑌯𑌃 𑌪𑍍𑌰𑌾𑌣𑌮𑌯𑍋𑌽𑌨𑍍𑌨𑌦𑌃 ॥ 135 ॥

𑌭𑌵𑌾𑌬𑍍𑌧𑌿𑌤𑌰𑌣𑍋𑌪𑌾𑌯𑌃 𑌕𑌵𑌿𑌰𑍍𑌦𑍁𑌃𑌸𑍍𑌵𑌪𑍍𑌨𑌨𑌾𑌶𑌨𑌃 ।
𑌗𑍌𑌰𑍀𑌵𑌿𑌲𑌾𑌸𑌸𑌦𑌨𑌃 𑌪𑌿𑌶𑌚𑌾𑌨𑍁𑌚𑌰𑌾𑌵𑍃𑌤𑌃 ॥ 136 ॥

𑌦𑌕𑍍𑌷𑌿𑌣𑌾𑌪𑍍𑌰𑍇𑌮𑌸𑌂𑌤𑍁𑌷𑍍𑌟𑍋 𑌦𑌾𑌰𑌿𑌦𑍍𑌰𑍍𑌯𑌵𑌡𑌵𑌾𑌨𑌲𑌃 ।
𑌅𑌦𑍍𑌭𑍁𑌤𑌾𑌨𑌂𑌤𑌸𑌂𑌗𑍍𑌰𑌾𑌮𑍋 𑌢𑌕𑍍𑌕𑌾𑌵𑌾𑌦𑌨𑌤𑌤𑍍𑌪𑌰𑌃 ॥ 13𑍭 ॥

𑌪𑍍𑌰𑌾𑌚𑍍𑌯𑌾𑌤𑍍𑌮𑌾 𑌦𑌕𑍍𑌷𑌿𑌣𑌾𑌕𑌾𑌰𑌃 𑌪𑍍𑌰𑌤𑍀𑌚𑍍𑌯𑌾𑌤𑍍𑌮𑍋𑌤𑍍𑌤𑌰𑌾𑌕𑍃𑌤𑌿𑌃 ।
𑌊𑌰𑍍𑌧𑍍𑌵𑌾𑌦𑍍𑌯𑌨𑍍𑌯𑌦𑌿𑌗𑌾𑌕𑌾𑌰𑍋 𑌮𑌰𑍍𑌮𑌜𑍍𑌞𑌃 𑌸𑌰𑍍𑌵𑌶𑌿𑌕𑍍𑌷𑌕𑌃 ॥ 13𑍮 ॥

𑌯𑍁𑌗𑌾𑌵𑌹𑍋 𑌯𑍁𑌗𑌾𑌧𑍀𑌶𑍋 𑌯𑍁𑌗𑌾𑌤𑍍𑌮𑌾 𑌯𑍁𑌗𑌨𑌾𑌯𑌕𑌃 ।
𑌜𑌂𑌗𑌮𑌃 𑌸𑍍𑌥𑌾𑌵𑌰𑌾𑌕𑌾𑌰𑌃 𑌕𑍈𑌲𑌾𑌸𑌶𑌿𑌖𑌰𑌪𑍍𑌰𑌿𑌯𑌃 ॥ 13𑍯 ॥

𑌹𑌸𑍍𑌤𑌰𑌾𑌜𑌤𑍍𑌪𑍁𑌂𑌡𑌰𑍀𑌕𑌃 𑌪𑍁𑌂𑌡𑌰𑍀𑌕𑌨𑌿𑌭𑍇𑌕𑍍𑌷𑌣𑌃 ।
𑌲𑍀𑌲𑌾𑌵𑌿𑌡𑌂𑌬𑌿𑌤𑌵𑌪𑍁𑌰𑍍𑌭𑌕𑍍𑌤𑌮𑌾𑌨𑌸𑌮𑌂𑌡𑌿𑌤𑌃 ॥ 140 ॥

𑌬𑍃𑌂𑌦𑌾𑌰𑌕𑌪𑍍𑌰𑌿𑌯𑌤𑌮𑍋 𑌬𑍃𑌂𑌦𑌾𑌰𑌕𑌵𑌰𑌾𑌰𑍍𑌚𑌿𑌤𑌃 ।
𑌨𑌾𑌨𑌾𑌵𑌿𑌧𑌾𑌨𑍇𑌕𑌰𑌤𑍍𑌨𑌲𑌸𑌤𑍍𑌕𑍁𑌂𑌡𑌲𑌮𑌂𑌡𑌿𑌤𑌃 ॥ 141 ॥

𑌨𑌿𑌃𑌸𑍀𑌮𑌮𑌹𑌿𑌮𑌾 𑌨𑌿𑌤𑍍𑌯𑌲𑍀𑌲𑌾𑌵𑌿𑌗𑍍𑌰𑌹𑌰𑍂𑌪𑌧𑍃𑌤𑍍 ।
𑌚𑌂𑌦𑌨𑌦𑍍𑌰𑌵𑌦𑌿𑌗𑍍𑌧𑌾𑌂𑌗𑌶𑍍𑌚𑌾𑌂𑌪𑍇𑌯𑌕𑍁𑌸𑍁𑌮𑌾𑌰𑍍𑌚𑌿𑌤𑌃 ॥ 142 ॥

𑌸𑌮𑌸𑍍𑌤𑌭𑌕𑍍𑌤𑌸𑍁𑌖𑌦𑌃 𑌪𑌰𑌮𑌾𑌣𑍁𑌰𑍍𑌮𑌹𑌾𑌹𑍍𑌰𑌦𑌃 ।
𑌅𑌲𑍌𑌕𑌿𑌕𑍋 𑌦𑍁𑌷𑍍𑌪𑍍𑌰𑌧𑌰𑍍𑌷𑌃 𑌕𑌪𑌿𑌲𑌃 𑌕𑌾𑌲𑌕𑌂𑌧𑌰𑌃 ॥ 143 ॥

𑌕𑌰𑍍𑌪𑍂𑌰𑌗𑍌𑌰𑌃 𑌕𑍁𑌶𑌲𑌃 𑌸𑌤𑍍𑌯𑌸𑌂𑌧𑍋 𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌶𑌾𑌶𑍍𑌵𑌤𑍈𑌶𑍍𑌵𑌰𑍍𑌯𑌵𑌿𑌭𑌵𑌃 𑌪𑍋𑌷𑌕𑌃 𑌸𑍁𑌸𑌮𑌾𑌹𑌿𑌤𑌃 ॥ 144 ॥

𑌮𑌹𑌰𑍍𑌷𑌿𑌨𑌾𑌥𑌿𑌤𑍋 𑌬𑍍𑌰𑌹𑍍𑌮𑌯𑍋𑌨𑌿𑌃 𑌸𑌰𑍍𑌵𑍋𑌤𑍍𑌤𑌮𑍋𑌤𑍍𑌤𑌮𑌃 ।
𑌭𑍂𑌮𑌿𑌭𑌾𑌰𑌾𑌰𑍍𑌤𑌿𑌸𑌂𑌹𑌰𑍍𑌤𑌾 𑌷𑌡𑍂𑌰𑍍𑌮𑌿𑌰𑌹𑌿𑌤𑍋 𑌮𑍃𑌡𑌃 ॥ 145 ॥

𑌤𑍍𑌰𑌿𑌵𑌿𑌷𑍍𑌟𑌪𑍇𑌶𑍍𑌵𑌰𑌃 𑌸𑌰𑍍𑌵𑌹𑍃𑌦𑌯𑌾𑌂𑌬𑍁𑌜𑌮𑌧𑍍𑌯𑌗𑌃 ।
𑌸𑌹𑌸𑍍𑌰𑌦𑌳𑌪𑌦𑍍𑌮𑌸𑍍𑌥𑌃 𑌸𑌰𑍍𑌵𑌵𑌰𑍍𑌣𑍋𑌪𑌶𑍋𑌭𑌿𑌤𑌃 ॥ 146 ॥

𑌪𑍁𑌣𑍍𑌯𑌮𑍂𑌰𑍍𑌤𑌿𑌃 𑌪𑍁𑌣𑍍𑌯𑌲𑌭𑍍𑌯𑌃 𑌪𑍁𑌣𑍍𑌯𑌶𑍍𑌰𑌵𑌣𑌕𑍀𑌰𑍍𑌤𑌨𑌃 ।
𑌸𑍂𑌰𑍍𑌯𑌮𑌂𑌡𑌲𑌮𑌧𑍍𑌯𑌸𑍍𑌥𑌶𑍍𑌚𑌂𑌦𑍍𑌰𑌮𑌂𑌡𑌲𑌮𑌧𑍍𑌯𑌗𑌃 ॥ 14𑍭 ॥

𑌸𑌦𑍍𑌭𑌕𑍍𑌤𑌧𑍍𑌯𑌾𑌨𑌨𑌿𑌗𑌲𑌃 𑌶𑌰𑌣𑌾𑌗𑌤𑌪𑌾𑌲𑌕𑌃 ।
𑌶𑍍𑌵𑍇𑌤𑌾𑌤𑌪𑌤𑍍𑌰𑌰𑍁𑌚𑌿𑌰𑌃 𑌶𑍍𑌵𑍇𑌤𑌚𑌾𑌮𑌰𑌵𑍀𑌜𑌿𑌤𑌃 ॥ 14𑍮 ॥

𑌸𑌰𑍍𑌵𑌾𑌵𑌯𑌵𑌸𑌂𑌪𑍂𑌰𑍍𑌣𑌃 𑌸𑌰𑍍𑌵𑌲𑌕𑍍𑌷𑌣𑌲𑌕𑍍𑌷𑌿𑌤𑌃 ।
𑌸𑌰𑍍𑌵𑌮𑌂𑌗𑌳𑌮𑌾𑌂𑌗𑌳𑍍𑌯𑌃 𑌸𑌰𑍍𑌵𑌕𑌾𑌰𑌣𑌕𑌾𑌰𑌣𑌃 ॥ 14𑍯 ॥

𑌆𑌮𑍋𑌦𑍋 𑌮𑍋𑌦𑌜𑌨𑌕𑌃 𑌸𑌰𑍍𑌪𑌰𑌾𑌜𑍋𑌤𑍍𑌤𑌰𑍀𑌯𑌕𑌃 ।
𑌕𑌪𑌾𑌲𑍀 𑌕𑍋𑌵𑌿𑌦𑌃 𑌸𑌿𑌦𑍍𑌧𑌕𑌾𑌂𑌤𑌿𑌸𑌂𑌵𑌲𑌿𑌤𑌾𑌨𑌨𑌃 ॥ 150 ॥

𑌸𑌰𑍍𑌵𑌸𑌦𑍍𑌗𑍁𑌰𑍁𑌸𑌂𑌸𑍇𑌵𑍍𑌯𑍋 𑌦𑌿𑌵𑍍𑌯𑌚𑌂𑌦𑌨𑌚𑌰𑍍𑌚𑌿𑌤𑌃 ।
𑌵𑌿𑌲𑌾𑌸𑌿𑌨𑍀𑌕𑍃𑌤𑍋𑌲𑍍𑌲𑌾𑌸 𑌇𑌚𑍍𑌛𑌾𑌶𑌕𑍍𑌤𑌿𑌨𑌿𑌷𑍇𑌵𑌿𑌤𑌃 ॥ 151 ॥

𑌅𑌨𑌂𑌤𑌾𑌨𑌂𑌦𑌸𑍁𑌖𑌦𑍋 𑌨𑌂𑌦𑌨𑌃 𑌶𑍍𑌰𑍀𑌨𑌿𑌕𑍇𑌤𑌨𑌃 ।
𑌅𑌮𑍃𑌤𑌾𑌬𑍍𑌧𑌿𑌕𑍃𑌤𑌾𑌵𑌾𑌸𑍋 𑌨𑌿𑌤𑍍𑌯𑌕𑍍𑌲𑍀𑌬𑍋 𑌨𑌿𑌰𑌾𑌮𑌯𑌃 ॥ 152 ॥

𑌅𑌨𑌪𑌾𑌯𑍋𑌽𑌨𑌂𑌤𑌦𑍃𑌷𑍍𑌟𑌿𑌰𑌪𑍍𑌰𑌮𑍇𑌯𑍋𑌽𑌜𑌰𑍋𑌽𑌮𑌰𑌃 ।
𑌤𑌮𑍋𑌮𑍋𑌹𑌪𑍍𑌰𑌤𑌿𑌹𑌤𑌿𑌰𑌪𑍍𑌰𑌤𑌰𑍍𑌕𑍍𑌯𑍋𑌽𑌮𑍃𑌤𑍋𑌽𑌕𑍍𑌷𑌰𑌃 ॥ 153 ॥

𑌅𑌮𑍋𑌘𑌬𑍁𑌦𑍍𑌧𑌿𑌰𑌾𑌧𑌾𑌰 𑌆𑌧𑌾𑌰𑌾𑌧𑍇𑌯𑌵𑌰𑍍𑌜𑌿𑌤𑌃 ।
𑌈𑌷𑌣𑌾𑌤𑍍𑌰𑌯𑌨𑌿𑌰𑍍𑌮𑍁𑌕𑍍𑌤 𑌇𑌹𑌾𑌮𑍁𑌤𑍍𑌰𑌵𑌿𑌵𑌰𑍍𑌜𑌿𑌤𑌃 ॥ 154 ॥

𑌋𑌗𑍍𑌯𑌜𑍁𑌃𑌸𑌾𑌮𑌨𑌯𑌨𑍋 𑌬𑍁𑌦𑍍𑌧𑌿𑌸𑌿𑌦𑍍𑌧𑌿𑌸𑌮𑍃𑌦𑍍𑌧𑌿𑌦𑌃 ।
𑌔𑌦𑌾𑌰𑍍𑌯𑌨𑌿𑌧𑌿𑌰𑌾𑌪𑍂𑌰𑍍𑌣 𑌐𑌹𑌿𑌕𑌾𑌮𑍁𑌷𑍍𑌮𑌿𑌕𑌪𑍍𑌰𑌦𑌃 ॥ 155 ॥

𑌶𑍁𑌦𑍍𑌧𑌸𑌨𑍍𑌮𑌾𑌤𑍍𑌰𑌸𑌂𑌵𑌿𑌦𑍍𑌧𑍀𑌸𑍍𑌵𑌰𑍂𑌪𑌸𑍁𑌖𑌵𑌿𑌗𑍍𑌰𑌹𑌃 ।
𑌦𑌰𑍍𑌶𑌨𑌪𑍍𑌰𑌥𑌮𑌾𑌭𑌾𑌸𑍋 𑌦𑍃𑌷𑍍𑌟𑌿𑌦𑍃𑌶𑍍𑌯𑌵𑌿𑌵𑌰𑍍𑌜𑌿𑌤𑌃 ॥ 156 ॥

𑌅𑌗𑍍𑌰𑌗𑌣𑍍𑌯𑍋𑌽𑌚𑌿𑌂𑌤𑍍𑌯𑌰𑍂𑌪𑌃 𑌕𑌲𑌿𑌕𑌲𑍍𑌮𑌷𑌨𑌾𑌶𑌨𑌃 ।
𑌵𑌿𑌮𑌰𑍍𑌶𑌰𑍂𑌪𑍋 𑌵𑌿𑌮𑌲𑍋 𑌨𑌿𑌤𑍍𑌯𑌰𑍂𑌪𑍋 𑌨𑌿𑌰𑌾𑌶𑍍𑌰𑌯𑌃 ॥ 15𑍭 ॥

𑌨𑌿𑌤𑍍𑌯𑌶𑍁𑌦𑍍𑌧𑍋 𑌨𑌿𑌤𑍍𑌯𑌬𑍁𑌦𑍍𑌧𑍋 𑌨𑌿𑌤𑍍𑌯𑌮𑍁𑌕𑍍𑌤𑍋𑌽𑌪𑌰𑌾𑌕𑍃𑌤𑌃 ।
𑌮𑍈𑌤𑍍𑌰𑍍𑌯𑌾𑌦𑌿𑌵𑌾𑌸𑌨𑌾𑌲𑌭𑍍𑌯𑍋 𑌮𑌹𑌾𑌪𑍍𑌰𑌳𑌯𑌸𑌂𑌸𑍍𑌥𑌿𑌤𑌃 ॥ 15𑍮 ॥

𑌮𑌹𑌾𑌕𑍈𑌲𑌾𑌸𑌨𑌿𑌲𑌯𑌃 𑌪𑍍𑌰𑌜𑍍𑌞𑌾𑌨𑌘𑌨𑌵𑌿𑌗𑍍𑌰𑌹𑌃 ।
𑌶𑍍𑌰𑍀𑌮𑌾𑌨𑍍 𑌵𑍍𑌯𑌾𑌘𑍍𑌰𑌪𑍁𑌰𑌾𑌵𑌾𑌸𑍋 𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌾𑌯𑌕𑌃 ॥ 15𑍯 ॥

𑌜𑌗𑌦𑍍𑌯𑍋𑌨𑌿𑌰𑍍𑌜𑌗𑌤𑍍𑌸𑌾𑌕𑍍𑌷𑍀 𑌜𑌗𑌦𑍀𑌶𑍋 𑌜𑌗𑌨𑍍𑌮𑌯𑌃 ।
𑌜𑌪𑍋 𑌜𑌪𑌪𑌰𑍋 𑌜𑌪𑍍𑌯𑍋 𑌵𑌿𑌦𑍍𑌯𑌾𑌸𑌿𑌂𑌹𑌾𑌸𑌨𑌪𑍍𑌰𑌭𑍁𑌃 ॥ 160 ॥

𑌤𑌤𑍍𑌤𑍍𑌵𑌾𑌨𑌾𑌂 𑌪𑍍𑌰𑌕𑍃𑌤𑌿𑌸𑍍𑌤𑌤𑍍𑌤𑍍𑌵𑌂 𑌤𑌤𑍍𑌤𑍍𑌵𑌂𑌪𑌦𑌨𑌿𑌰𑍂𑌪𑌿𑌤𑌃 ।
𑌦𑌿𑌕𑍍𑌕𑌾𑌲𑌾𑌦𑍍𑌯𑌨𑌵𑌚𑍍𑌛𑌿𑌨𑍍𑌨𑌃 𑌸𑌹𑌜𑌾𑌨𑌂𑌦𑌸𑌾𑌗𑌰𑌃 ॥ 161 ॥

𑌪𑍍𑌰𑌕𑍃𑌤𑌿𑌃 𑌪𑍍𑌰𑌾𑌕𑍃𑌤𑌾𑌤𑍀𑌤𑍋 𑌵𑌿𑌜𑍍𑌞𑌾𑌨𑍈𑌕𑌰𑌸𑌾𑌕𑍃𑌤𑌿𑌃 ।
𑌨𑌿𑌃𑌶𑌂𑌕𑌮𑌤𑌿𑌦𑍂𑌰𑌸𑍍𑌥𑌶𑍍𑌚𑍈𑌤𑍍𑌯𑌚𑍇𑌤𑌨𑌚𑌿𑌂𑌤𑌨𑌃 ॥ 162 ॥

𑌤𑌾𑌰𑌕𑌾𑌨𑌾𑌂 𑌹𑍃𑌦𑌂𑌤𑌸𑍍𑌥𑌸𑍍𑌤𑌾𑌰𑌕𑌸𑍍𑌤𑌾𑌰𑌕𑌾𑌂𑌤𑌕𑌃 ।
𑌧𑍍𑌯𑌾𑌨𑍈𑌕𑌪𑍍𑌰𑌕𑌟𑍋 𑌧𑍍𑌯𑍇𑌯𑍋 𑌧𑍍𑌯𑌾𑌨𑍀 𑌧𑍍𑌯𑌾𑌨𑌵𑌿𑌭𑍂𑌷𑌣𑌃 ॥ 163 ॥

𑌪𑌰𑌂 𑌵𑍍𑌯𑍋𑌮 𑌪𑌰𑌂 𑌧𑌾𑌮 𑌪𑌰𑌮𑌾𑌤𑍍𑌮𑌾 𑌪𑌰𑌂 𑌪𑌦𑌮𑍍 ।
𑌪𑍂𑌰𑍍𑌣𑌾𑌨𑌂𑌦𑌃 𑌸𑌦𑌾𑌨𑌂𑌦𑍋 𑌨𑌾𑌦𑌮𑌧𑍍𑌯𑌪𑍍𑌰𑌤𑌿𑌷𑍍𑌠𑌿𑌤𑌃 ॥ 164 ॥

𑌪𑍍𑌰𑌮𑌾𑌵𑌿𑌪𑌰𑍍𑌯𑌯𑌾𑌤𑍀𑌤𑌃 𑌪𑍍𑌰𑌣𑌤𑌾𑌜𑍍𑌞𑌾𑌨𑌨𑌾𑌶𑌕𑌃 ।
𑌬𑌾𑌣𑌾𑌰𑍍𑌚𑌿𑌤𑌾𑌂𑌘𑍍𑌰𑌿𑌰𑍍𑌬𑌹𑍁𑌦𑍋 𑌬𑌾𑌲𑌕𑍇𑌳𑌿𑌕𑍁𑌤𑍂𑌹𑌲𑍀 ॥ 165 ॥

𑌬𑍍𑌰𑌹𑍍𑌮𑌰𑍂𑌪𑍀 𑌬𑍍𑌰𑌹𑍍𑌮𑌪𑌦𑌂 𑌬𑍍𑌰𑌹𑍍𑌮𑌵𑌿𑌦𑍍𑌬𑍍𑌰𑌾𑌹𑍍𑌮𑌣𑌪𑍍𑌰𑌿𑌯𑌃 ।
𑌭𑍂𑌕𑍍𑌷𑍇𑌪𑌦𑌤𑍍𑌤𑌲𑌕𑍍𑌷𑍍𑌮𑍀𑌕𑍋 𑌭𑍍𑌰𑍂𑌮𑌧𑍍𑌯𑌧𑍍𑌯𑌾𑌨𑌲𑌕𑍍𑌷𑌿𑌤𑌃 ॥ 166 ॥

𑌯𑌶𑌸𑍍𑌕𑌰𑍋 𑌰𑌤𑍍𑌨𑌗𑌰𑍍𑌭𑍋 𑌮𑌹𑌾𑌰𑌾𑌜𑍍𑌯𑌸𑍁𑌖𑌪𑍍𑌰𑌦𑌃 ।
𑌶𑌬𑍍𑌦𑌬𑍍𑌰𑌹𑍍𑌮 𑌶𑌮𑌪𑍍𑌰𑌾𑌪𑍍𑌯𑍋 𑌲𑌾𑌭𑌕𑍃𑌲𑍍𑌲𑍋𑌕𑌵𑌿𑌶𑍍𑌰𑍁𑌤𑌃 ॥ 16𑍭 ॥

𑌶𑌾𑌸𑍍𑌤𑌾 𑌶𑌿𑌵𑌾𑌦𑍍𑌰𑌿𑌨𑌿𑌲𑌯𑌃 𑌶𑌰𑌣𑍍𑌯𑍋 𑌯𑌾𑌜𑌕𑌪𑍍𑌰𑌿𑌯𑌃 ।
𑌸𑌂𑌸𑌾𑌰𑌵𑍈𑌦𑍍𑌯𑌃 𑌸𑌰𑍍𑌵𑌜𑍍𑌞𑌃 𑌸𑌭𑍇𑌷𑌜𑌵𑌿𑌭𑍇𑌷𑌜𑌃 ॥ 16𑍮 ॥

𑌮𑌨𑍋𑌵𑌚𑍋𑌭𑌿𑌰𑌗𑍍𑌰𑌾𑌹𑍍𑌯𑌃 𑌪𑌂𑌚𑌕𑍋𑌶𑌵𑌿𑌲𑌕𑍍𑌷𑌣𑌃 ।
𑌅𑌵𑌸𑍍𑌥𑌾𑌤𑍍𑌰𑌯𑌨𑌿𑌰𑍍𑌮𑍁𑌕𑍍𑌤𑌸𑍍𑌤𑍍𑌵𑌵𑌸𑍍𑌥𑌾𑌸𑌾𑌕𑍍𑌷𑌿𑌤𑍁𑌰𑍍𑌯𑌕𑌃 ॥ 16𑍯 ॥

𑌪𑌂𑌚𑌭𑍂𑌤𑌾𑌦𑌿𑌦𑍂𑌰𑌸𑍍𑌥𑌃 𑌪𑍍𑌰𑌤𑍍𑌯𑌗𑍇𑌕𑌰𑌸𑍋𑌽𑌵𑍍𑌯𑌯𑌃 ।
𑌷𑌟𑍍𑌚𑌕𑍍𑌰𑌾𑌂𑌤𑌰𑍍𑌗𑌤𑍋𑌲𑍍𑌲𑌾𑌸𑍀 𑌷𑌡𑍍𑌵𑌿𑌕𑌾𑌰𑌵𑌿𑌵𑌰𑍍𑌜𑌿𑌤𑌃 ॥ 1𑍭0 ॥

𑌵𑌿𑌜𑍍𑌞𑌾𑌨𑌘𑌨𑌸𑌂𑌪𑍂𑌰𑍍𑌣𑍋 𑌵𑍀𑌣𑌾𑌵𑌾𑌦𑌨𑌤𑌤𑍍𑌪𑌰𑌃 ।
𑌨𑍀𑌹𑌾𑌰𑌾𑌕𑌾𑌰𑌗𑍌𑌰𑌾𑌂𑌗𑍋 𑌮𑌹𑌾𑌲𑌾𑌵𑌣𑍍𑌯𑌵𑌾𑌰𑌿𑌧𑌿𑌃 ॥ 1𑍭1 ॥

𑌪𑌰𑌾𑌭𑌿𑌚𑌾𑌰𑌶𑌮𑌨𑌃 𑌷𑌡𑌧𑍍𑌵𑍋𑌪𑌰𑌿𑌸𑌂𑌸𑍍𑌥𑌿𑌤𑌃 ।
𑌸𑍁𑌷𑍁𑌮𑍍𑌨𑌾𑌮𑌾𑌰𑍍𑌗𑌸𑌂𑌚𑌾𑌰𑍀 𑌬𑌿𑌸𑌤𑌂𑌤𑍁𑌨𑌿𑌭𑌾𑌕𑍃𑌤𑌿𑌃 ॥ 1𑍭2 ॥

𑌪𑌿𑌨𑌾𑌕𑍀 𑌲𑌿𑌂𑌗𑌰𑍂𑌪𑌶𑍍𑌰𑍀𑌃 𑌮𑌂𑌗𑌳𑌾𑌵𑌯𑌵𑍋𑌜𑍍𑌜𑍍𑌵𑌲𑌃 ।
𑌕𑍍𑌷𑍇𑌤𑍍𑌰𑌾𑌧𑌿𑌪𑌃 𑌸𑍁𑌸𑌂𑌵𑍇𑌦𑍍𑌯𑌃 𑌶𑍍𑌰𑍀𑌪𑍍𑌰𑌦𑍋 𑌵𑌿𑌭𑌵𑌪𑍍𑌰𑌦𑌃 ॥ 1𑍭3 ॥

𑌸𑌰𑍍𑌵𑌵𑌶𑍍𑌯𑌕𑌰𑌃 𑌸𑌰𑍍𑌵𑌦𑍋𑌷𑌹𑌾 𑌪𑍁𑌤𑍍𑌰𑌪𑍌𑌤𑍍𑌰𑌦𑌃 ।
𑌤𑍈𑌲𑌦𑍀𑌪𑌪𑍍𑌰𑌿𑌯𑌸𑍍𑌤𑍈𑌲𑌪𑌕𑍍𑌵𑌾𑌨𑍍𑌨𑌪𑍍𑌰𑍀𑌤𑌮𑌾𑌨𑌸𑌃 ॥ 1𑍭4 ॥

𑌤𑍈𑌲𑌾𑌭𑌿𑌷𑍇𑌕𑌸𑌂𑌤𑍁𑌷𑍍𑌟𑌸𑍍𑌤𑌿𑌲𑌭𑌕𑍍𑌷𑌣𑌤𑌤𑍍𑌪𑌰𑌃 ।
𑌆𑌪𑌾𑌦𑌕𑌣𑌿𑌕𑌾𑌮𑍁𑌕𑍍𑌤𑌾𑌭𑍂𑌷𑌾𑌶𑌤𑌮𑌨𑍋𑌹𑌰𑌃 ॥ 1𑍭5 ॥

𑌶𑌾𑌣𑍋𑌲𑍍𑌲𑍀𑌢𑌮𑌣𑌿𑌶𑍍𑌰𑍇𑌣𑍀𑌰𑌮𑍍𑌯𑌾𑌂𑌘𑍍𑌰𑌿𑌨𑌖𑌮𑌂𑌡𑌲𑌃 ।
𑌮𑌣𑌿𑌮𑌂𑌜𑍀𑌰𑌕𑌿𑌰𑌣𑌕𑌿𑌂𑌜𑌲𑍍𑌕𑌿𑌤𑌪𑌦𑌾𑌂𑌬𑍁𑌜𑌃 ॥ 1𑍭6 ॥

𑌅𑌪𑌸𑍍𑌮𑌾𑌰𑍋𑌪𑌰𑌿𑌨𑍍𑌯𑌸𑍍𑌤𑌸𑌵𑍍𑌯𑌪𑌾𑌦𑌸𑌰𑍋𑌰𑍁𑌹𑌃 ।
𑌕𑌂𑌦𑌰𑍍𑌪𑌤𑍂𑌣𑌾𑌭𑌜𑌂𑌘𑍋 𑌗𑍁𑌲𑍍𑌫𑍋𑌦𑌂𑌚𑌿𑌤𑌨𑍂𑌪𑍁𑌰𑌃 ॥ 1𑍭𑍭 ॥

𑌕𑌰𑌿𑌹𑌸𑍍𑌤𑍋𑌪𑌮𑍇𑌯𑍋𑌰𑍁𑌰𑌾𑌦𑌰𑍍𑌶𑍋𑌜𑍍𑌜𑍍𑌵𑌲𑌜𑌾𑌨𑍁𑌭𑍃𑌤𑍍 ।
𑌵𑌿𑌶𑌂𑌕𑌟𑌕𑌟𑌿𑌨𑍍𑌯𑌸𑍍𑌤𑌵𑌾𑌚𑌾𑌲𑌮𑌣𑌿𑌮𑍇𑌖𑌲𑌃 ॥ 1𑍭𑍮 ॥

𑌆𑌵𑌰𑍍𑌤𑌨𑌾𑌭𑌿𑌰𑍋𑌮𑌾𑌲𑌿𑌵𑌲𑌿𑌮𑌤𑍍𑌪𑌲𑍍𑌲𑌵𑍋𑌦𑌰𑌃 ।
𑌮𑍁𑌕𑍍𑌤𑌾𑌹𑌾𑌰𑌲𑌸𑌤𑍍𑌤𑍁𑌂𑌗𑌵𑌿𑌪𑍁𑌲𑍋𑌰𑌸𑍍𑌕𑌰𑌂𑌜𑌿𑌤𑌃 ॥ 1𑍭𑍯 ॥

𑌵𑍀𑌰𑌾𑌸𑌨𑌸𑌮𑌾𑌸𑍀𑌨𑍋 𑌵𑍀𑌣𑌾𑌪𑍁𑌸𑍍𑌤𑍋𑌲𑍍𑌲𑌸𑌤𑍍𑌕𑌰𑌃 ।
𑌅𑌕𑍍𑌷𑌮𑌾𑌲𑌾𑌲𑌸𑌤𑍍𑌪𑌾𑌣𑌿𑌶𑍍𑌚𑌿𑌨𑍍𑌮𑍁𑌦𑍍𑌰𑌿𑌤𑌕𑌰𑌾𑌂𑌬𑍁𑌜𑌃 ॥ 1𑍮0 ॥

𑌮𑌾𑌣𑌿𑌕𑍍𑌯𑌕𑌂𑌕𑌣𑍋𑌲𑍍𑌲𑌾𑌸𑌿𑌕𑌰𑌾𑌂𑌬𑍁𑌜𑌵𑌿𑌰𑌾𑌜𑌿𑌤𑌃 ।
𑌅𑌨𑌰𑍍𑌘𑌰𑌤𑍍𑌨𑌗𑍍𑌰𑍈𑌵𑍇𑌯𑌵𑌿𑌲𑌸𑌤𑍍𑌕𑌂𑌬𑍁𑌕𑌂𑌧𑌰𑌃 ॥ 1𑍮1 ॥

𑌅𑌨𑌾𑌕𑌲𑌿𑌤𑌸𑌾𑌦𑍃𑌶𑍍𑌯𑌚𑌿𑌬𑍁𑌕𑌶𑍍𑌰𑍀𑌵𑌿𑌰𑌾𑌜𑌿𑌤𑌃 ।
𑌮𑍁𑌗𑍍𑌧𑌸𑍍𑌮𑌿𑌤𑌪𑌰𑍀𑌪𑌾𑌕𑌪𑍍𑌰𑌕𑌾𑌶𑌿𑌤𑌰𑌦𑌾𑌂𑌕𑍁𑌰𑌃 ॥ 1𑍮2 ॥

𑌚𑌾𑌰𑍁𑌚𑌾𑌂𑌪𑍇𑌯𑌪𑍁𑌷𑍍𑌪𑌾𑌭𑌨𑌾𑌸𑌿𑌕𑌾𑌪𑍁𑌟𑌰𑌂𑌜𑌿𑌤𑌃 ।
𑌵𑌰𑌵𑌜𑍍𑌰𑌶𑌿𑌲𑌾𑌦𑌰𑍍𑌶𑌪𑌰𑌿𑌭𑌾𑌵𑌿𑌕𑌪𑍋𑌲𑌭𑍂𑌃 ॥ 1𑍮3 ॥

𑌕𑌰𑍍𑌣𑌦𑍍𑌵𑌯𑍋𑌲𑍍𑌲𑌸𑌦𑍍𑌦𑌿𑌵𑍍𑌯𑌮𑌣𑌿𑌕𑍁𑌂𑌡𑌲𑌮𑌂𑌡𑌿𑌤𑌃 ।
𑌕𑌰𑍁𑌣𑌾𑌲𑌹𑌰𑍀𑌪𑍂𑌰𑍍𑌣𑌕𑌰𑍍𑌣𑌾𑌂𑌤𑌾𑌯𑌤𑌲𑍋𑌚𑌨𑌃 ॥ 1𑍮4 ॥

𑌅𑌰𑍍𑌧𑌚𑌂𑌦𑍍𑌰𑌾𑌭𑌨𑌿𑌟𑌿𑌲𑌪𑌾𑌟𑍀𑌰𑌤𑌿𑌲𑌕𑍋𑌜𑍍𑌜𑍍𑌵𑌲𑌃 ।
𑌚𑌾𑌰𑍁𑌚𑌾𑌮𑍀𑌕𑌰𑌾𑌕𑌾𑌰𑌜𑌟𑌾𑌚𑌰𑍍𑌚𑌿𑌤𑌚𑌂𑌦𑌨𑌃 ।
𑌕𑍈𑌲𑌾𑌸𑌶𑌿𑌖𑌰𑌸𑍍𑌫𑌰𑍍𑌧𑌿𑌕𑌮𑌨𑍀𑌯𑌨𑌿𑌜𑌾𑌕𑍃𑌤𑌿𑌃 ॥ 1𑍮5 ॥

𑌇𑌤𑌿 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ॥