𑌶𑍍𑌰𑍀 𑌲𑌲𑌿𑌤𑌾 𑌸𑌹𑌸𑍍𑌰 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌓𑌮𑍍 ॥

𑌅𑌸𑍍𑌯 𑌶𑍍𑌰𑍀 𑌲𑌲𑌿𑌤𑌾 𑌦𑌿𑌵𑍍𑌯 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯, 𑌵𑌶𑌿𑌨𑍍𑌯𑌾𑌦𑌿 𑌵𑌾𑌗𑍍𑌦𑍇𑌵𑌤𑌾 𑌋𑌷𑌯𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃, 𑌶𑍍𑌰𑍀 𑌲𑌲𑌿𑌤𑌾 𑌪𑌰𑌾𑌭𑌟𑍍𑌟𑌾𑌰𑌿𑌕𑌾 𑌮𑌹𑌾 𑌤𑍍𑌰𑌿𑌪𑍁𑌰 𑌸𑍁𑌂𑌦𑌰𑍀 𑌦𑍇𑌵𑌤𑌾, 𑌐𑌂 𑌬𑍀𑌜𑌂, 𑌕𑍍𑌲𑍀𑌂 𑌶𑌕𑍍𑌤𑌿𑌃, 𑌸𑍌𑌃 𑌕𑍀𑌲𑌕𑌂, 𑌮𑌮 𑌧𑌰𑍍𑌮𑌾𑌰𑍍𑌥 𑌕𑌾𑌮 𑌮𑍋𑌕𑍍𑌷 𑌚𑌤𑍁𑌰𑍍𑌵𑌿𑌧 𑌫𑌲𑌪𑍁𑌰𑍁𑌷𑌾𑌰𑍍𑌥 𑌸𑌿𑌦𑍍𑌧𑍍𑌯𑌰𑍍𑌥𑍇 𑌲𑌲𑌿𑌤𑌾 𑌤𑍍𑌰𑌿𑌪𑍁𑌰𑌸𑍁𑌂𑌦𑌰𑍀 𑌪𑌰𑌾𑌭𑌟𑍍𑌟𑌾𑌰𑌿𑌕𑌾 𑌸𑌹𑌸𑍍𑌰 𑌨𑌾𑌮 𑌜𑌪𑍇 𑌵𑌿𑌨𑌿𑌯𑍋𑌗𑌃

𑌕𑌰𑌨𑍍𑌯𑌾𑌸𑌃
𑌐𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃, 𑌕𑍍𑌲𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃, 𑌸𑍌𑌃 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃, 𑌸𑍌𑌃 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃, 𑌕𑍍𑌲𑍀𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃, 𑌐𑌂 𑌕𑌰𑌤𑌲 𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃

𑌅𑌂𑌗𑌨𑍍𑌯𑌾𑌸𑌃
𑌐𑌂 𑌹𑍃𑌦𑌯𑌾𑌯 𑌨𑌮𑌃, 𑌕𑍍𑌲𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾, 𑌸𑍌𑌃 𑌶𑌿𑌖𑌾𑌯𑍈 𑌵𑌷𑌟𑍍, 𑌸𑍌𑌃 𑌕𑌵𑌚𑌾𑌯 𑌹𑍁𑌂, 𑌕𑍍𑌲𑍀𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍, 𑌐𑌂 𑌅𑌸𑍍𑌤𑍍𑌰𑌾𑌯𑌫𑌟𑍍, 𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌂𑌧𑌃

𑌧𑍍𑌯𑌾𑌨𑌂
𑌅𑌰𑍁𑌣𑌾𑌂 𑌕𑌰𑍁𑌣𑌾 𑌤𑌰𑌂𑌗𑌿𑌤𑌾𑌕𑍍𑌷𑍀𑌂 𑌧𑍃𑌤𑌪𑌾𑌶𑌾𑌂𑌕𑍁𑌶 𑌪𑍁𑌷𑍍𑌪𑌬𑌾𑌣𑌚𑌾𑌪𑌾𑌮𑍍 ।
𑌅𑌣𑌿𑌮𑌾𑌦𑌿𑌭𑌿 𑌰𑌾𑌵𑍃𑌤𑌾𑌂 𑌮𑌯𑍂𑌖𑍈𑌃 𑌅𑌹𑌮𑌿𑌤𑍍𑌯𑍇𑌵 𑌵𑌿𑌭𑌾𑌵𑌯𑍇 𑌭𑌵𑌾𑌨𑍀𑌮𑍍 ॥ 1 ॥

𑌧𑍍𑌯𑌾𑌯𑍇𑌤𑍍 𑌪𑌦𑍍𑌮𑌾𑌸𑌨𑌸𑍍𑌥𑌾𑌂 𑌵𑌿𑌕𑌸𑌿𑌤𑌵𑌦𑌨𑌾𑌂 𑌪𑌦𑍍𑌮 𑌪𑌤𑍍𑌰𑌾𑌯𑌤𑌾𑌕𑍍𑌷𑍀𑌂
𑌹𑍇𑌮𑌾𑌭𑌾𑌂 𑌪𑍀𑌤𑌵𑌸𑍍𑌤𑍍𑌰𑌾𑌂 𑌕𑌰𑌕𑌲𑌿𑌤 𑌲𑌸𑌦𑍍𑌧𑍇𑌮𑌪𑌦𑍍𑌮𑌾𑌂 𑌵𑌰𑌾𑌂𑌗𑍀𑌮𑍍 ।
𑌸𑌰𑍍𑌵𑌾𑌲𑌂𑌕𑌾𑌰𑌯𑍁𑌕𑍍𑌤𑌾𑌂 𑌸𑌕𑌲𑌮𑌭𑌯𑌦𑌾𑌂 𑌭𑌕𑍍𑌤𑌨𑌮𑍍𑌰𑌾𑌂 𑌭𑌵𑌾𑌨𑍀𑌂
𑌶𑍍𑌰𑍀 𑌵𑌿𑌦𑍍𑌯𑌾𑌂 𑌶𑌾𑌂𑌤𑌮𑍂𑌰𑍍𑌤𑌿𑌂 𑌸𑌕𑌲 𑌸𑍁𑌰𑌨𑍁𑌤𑌾𑌂 𑌸𑌰𑍍𑌵𑌸𑌂𑌪𑌤𑍍-𑌪𑍍𑌰𑌦𑌾𑌤𑍍𑌰𑍀𑌮𑍍 ॥ 2 ॥

𑌸𑌕𑍁𑌂𑌕𑍁𑌮 𑌵𑌿𑌲𑍇𑌪𑌨𑌾 𑌮𑌳𑌿𑌕𑌚𑍁𑌂𑌬𑌿 𑌕𑌸𑍍𑌤𑍂𑌰𑌿𑌕𑌾𑌂
𑌸𑌮𑌂𑌦 𑌹𑌸𑌿𑌤𑍇𑌕𑍍𑌷𑌣𑌾𑌂 𑌸𑌶𑌰𑌚𑌾𑌪 𑌪𑌾𑌶𑌾𑌂𑌕𑍁𑌶𑌾𑌮𑍍 ।
𑌅𑌶𑍇𑌷 𑌜𑌨𑌮𑍋𑌹𑌿𑌨𑍀 𑌮𑌰𑍁𑌣𑌮𑌾𑌲𑍍𑌯 𑌭𑍂𑌷𑍋𑌜𑍍𑌜𑍍𑌵𑌲𑌾𑌂
𑌜𑌪𑌾𑌕𑍁𑌸𑍁𑌮 𑌭𑌾𑌸𑍁𑌰𑌾𑌂 𑌜𑌪𑌵𑌿𑌧𑍌 𑌸𑍍𑌮𑌰𑍇 𑌦𑌂𑌬𑌿𑌕𑌾𑌮𑍍 ॥ 3 ॥

𑌸𑌿𑌂𑌧𑍂𑌰𑌾𑌰𑍁𑌣 𑌵𑌿𑌗𑍍𑌰𑌹𑌾𑌂 𑌤𑍍𑌰𑌿𑌣𑌯𑌨𑌾𑌂 𑌮𑌾𑌣𑌿𑌕𑍍𑌯 𑌮𑍌𑌳𑌿𑌸𑍍𑌫𑍁𑌰-
𑌤𑍍𑌤𑌾𑌰𑌾𑌨𑌾𑌯𑌕 𑌶𑍇𑌖𑌰𑌾𑌂 𑌸𑍍𑌮𑌿𑌤𑌮𑍁𑌖𑍀 𑌮𑌾𑌪𑍀𑌨 𑌵𑌕𑍍𑌷𑍋𑌰𑍁𑌹𑌾𑌮𑍍 ।
𑌪𑌾𑌣𑌿𑌭𑍍𑌯𑌾 𑌮𑌲𑌿𑌪𑍂𑌰𑍍𑌣 𑌰𑌤𑍍𑌨 𑌚𑌷𑌕𑌂 𑌰𑌕𑍍𑌤𑍋𑌤𑍍𑌪𑌲𑌂 𑌬𑌿𑌭𑍍𑌰𑌤𑍀𑌂
𑌸𑍌𑌮𑍍𑌯𑌾𑌂 𑌰𑌤𑍍𑌨𑌘𑌟𑌸𑍍𑌥 𑌰𑌕𑍍𑌤 𑌚𑌰𑌣𑌾𑌂 𑌧𑍍𑌯𑌾𑌯𑍇𑌤𑍍𑌪𑌰𑌾𑌮𑌂𑌬𑌿𑌕𑌾𑌮𑍍 ॥ 4 ॥

𑌲𑌮𑌿𑌤𑍍𑌯𑌾𑌦𑌿 𑌪𑌂𑌚𑌪𑍂𑌜𑌾𑌂 𑌵𑌿𑌭𑌾𑌵𑌯𑍇𑌤𑍍

𑌲𑌂 𑌪𑍃𑌥𑌿𑌵𑍀 𑌤𑌤𑍍𑌤𑍍𑌵𑌾𑌤𑍍𑌮𑌿𑌕𑌾𑌯𑍈 𑌶𑍍𑌰𑍀 𑌲𑌲𑌿𑌤𑌾𑌦𑍇𑌵𑍍𑌯𑍈 𑌗𑌂𑌧𑌂 𑌪𑌰𑌿𑌕𑌲𑍍𑌪𑌯𑌾𑌮𑌿
𑌹𑌂 𑌆𑌕𑌾𑌶 𑌤𑌤𑍍𑌤𑍍𑌵𑌾𑌤𑍍𑌮𑌿𑌕𑌾𑌯𑍈 𑌶𑍍𑌰𑍀 𑌲𑌲𑌿𑌤𑌾𑌦𑍇𑌵𑍍𑌯𑍈 𑌪𑍁𑌷𑍍𑌪𑌂 𑌪𑌰𑌿𑌕𑌲𑍍𑌪𑌯𑌾𑌮𑌿
𑌯𑌂 𑌵𑌾𑌯𑍁 𑌤𑌤𑍍𑌤𑍍𑌵𑌾𑌤𑍍𑌮𑌿𑌕𑌾𑌯𑍈 𑌶𑍍𑌰𑍀 𑌲𑌲𑌿𑌤𑌾𑌦𑍇𑌵𑍍𑌯𑍈 𑌧𑍂𑌪𑌂 𑌪𑌰𑌿𑌕𑌲𑍍𑌪𑌯𑌾𑌮𑌿
𑌰𑌂 𑌵𑌹𑍍𑌨𑌿 𑌤𑌤𑍍𑌤𑍍𑌵𑌾𑌤𑍍𑌮𑌿𑌕𑌾𑌯𑍈 𑌶𑍍𑌰𑍀 𑌲𑌲𑌿𑌤𑌾𑌦𑍇𑌵𑍍𑌯𑍈 𑌦𑍀𑌪𑌂 𑌪𑌰𑌿𑌕𑌲𑍍𑌪𑌯𑌾𑌮𑌿
𑌵𑌂 𑌅𑌮𑍃𑌤 𑌤𑌤𑍍𑌤𑍍𑌵𑌾𑌤𑍍𑌮𑌿𑌕𑌾𑌯𑍈 𑌶𑍍𑌰𑍀 𑌲𑌲𑌿𑌤𑌾𑌦𑍇𑌵𑍍𑌯𑍈 𑌅𑌮𑍃𑌤 𑌨𑍈𑌵𑍇𑌦𑍍𑌯𑌂 𑌪𑌰𑌿𑌕𑌲𑍍𑌪𑌯𑌾𑌮𑌿
𑌸𑌂 𑌸𑌰𑍍𑌵 𑌤𑌤𑍍𑌤𑍍𑌵𑌾𑌤𑍍𑌮𑌿𑌕𑌾𑌯𑍈 𑌶𑍍𑌰𑍀 𑌲𑌲𑌿𑌤𑌾𑌦𑍇𑌵𑍍𑌯𑍈 𑌤𑌾𑌂𑌬𑍂𑌲𑌾𑌦𑌿 𑌸𑌰𑍍𑌵𑍋𑌪𑌚𑌾𑌰𑌾𑌨𑍍 𑌪𑌰𑌿𑌕𑌲𑍍𑌪𑌯𑌾𑌮𑌿

𑌗𑍁𑌰𑍁𑌰𑍍𑌬𑍍𑌰𑌹𑍍𑌮𑌾 𑌗𑍁𑌰𑍁𑌰𑍍𑌵𑌿𑌷𑍍𑌣𑍁𑌃 𑌗𑍁𑌰𑍁𑌰𑍍𑌦𑍇𑌵𑍋 𑌮𑌹𑍇𑌶𑍍𑌵𑌰𑌃 ।
𑌗𑍁𑌰𑍁𑌸𑍍𑌸𑌾𑌕𑍍𑌷𑌾𑌤𑍍 𑌪𑌰𑌬𑍍𑌰𑌹𑍍𑌮 𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑌵𑍇 𑌨𑌮𑌃 ॥

𑌹𑌰𑌿𑌃 𑌓𑌂

𑌶𑍍𑌰𑍀𑌮𑌾𑌤𑌾, 𑌶𑍍𑌰𑍀𑌮𑌹𑌾𑌰𑌾𑌜𑍍𑌞𑍀, 𑌶𑍍𑌰𑍀𑌮𑌤𑍍-𑌸𑌿𑌂𑌹𑌾𑌸𑌨𑍇𑌶𑍍𑌵𑌰𑍀 ।
𑌚𑌿𑌦𑌗𑍍𑌨𑌿-𑌕𑍁𑌂𑌡-𑌸𑌂𑌭𑍂𑌤𑌾, 𑌦𑍇𑌵𑌕𑌾𑌰𑍍𑌯-𑌸𑌮𑍁𑌦𑍍𑌯𑌤𑌾 ॥ 1 ॥

𑌉𑌦𑍍𑌯𑌦𑍍𑌭𑌾𑌨𑍁-𑌸𑌹𑌸𑍍𑌰𑌾𑌭𑌾, 𑌚𑌤𑍁𑌰𑍍𑌬𑌾𑌹𑍁-𑌸𑌮𑌨𑍍𑌵𑌿𑌤𑌾 ।
𑌰𑌾𑌗𑌸𑍍𑌵𑌰𑍂𑌪-𑌪𑌾𑌶𑌾𑌢𑍍𑌯𑌾, 𑌕𑍍𑌰𑍋𑌧𑌾𑌕𑌾𑌰𑌾𑌂𑌕𑍁𑌶𑍋𑌜𑍍𑌜𑍍𑌵𑌲𑌾 ॥ 2 ॥

𑌮𑌨𑍋𑌰𑍂𑌪𑍇𑌕𑍍𑌷𑍁-𑌕𑍋𑌦𑌂𑌡𑌾, 𑌪𑌂𑌚𑌤𑌨𑍍𑌮𑌾𑌤𑍍𑌰-𑌸𑌾𑌯𑌕𑌾 ।
𑌨𑌿𑌜𑌾𑌰𑍁𑌣 𑌪𑍍𑌰𑌭𑌾𑌪𑍂𑌰 𑌮𑌜𑍍𑌜𑌦𑍍-𑌬𑍍𑌰𑌹𑍍𑌮𑌾𑌂𑌡𑌮𑌂𑌡𑌲𑌾 ॥ 3 ॥

𑌚𑌂𑌪𑌕𑌾𑌶𑍋𑌕 𑌪𑍁𑌨𑍍𑌨𑌾𑌗 𑌸𑍌𑌗𑌂𑌧𑌿𑌕 𑌲𑌸𑌤𑍍𑌕𑌚𑌾
𑌕𑍁𑌰𑍁𑌵𑌿𑌂𑌦 𑌮𑌣𑌿𑌶𑍍𑌰𑍇𑌣𑍀 𑌕𑌨𑌤𑍍𑌕𑍋𑌟𑍀𑌰 𑌮𑌂𑌡𑌿𑌤𑌾 ॥ 4 ॥

𑌅𑌷𑍍𑌟𑌮𑍀 𑌚𑌂𑌦𑍍𑌰 𑌵𑌿𑌭𑍍𑌰𑌾𑌜 𑌦𑌳𑌿𑌕𑌸𑍍𑌥𑌲 𑌶𑍋𑌭𑌿𑌤𑌾 ।
𑌮𑍁𑌖𑌚𑌂𑌦𑍍𑌰 𑌕𑌳𑌂𑌕𑌾𑌭 𑌮𑍃𑌗𑌨𑌾𑌭𑌿 𑌵𑌿𑌶𑍇𑌷𑌕𑌾 ॥ 5 ॥

𑌵𑌦𑌨𑌸𑍍𑌮𑌰 𑌮𑌾𑌂𑌗𑌲𑍍𑌯 𑌗𑍃𑌹𑌤𑍋𑌰𑌣 𑌚𑌿𑌲𑍍𑌲𑌿𑌕𑌾 ।
𑌵𑌕𑍍𑌤𑍍𑌰𑌲𑌕𑍍𑌷𑍍𑌮𑍀 𑌪𑌰𑍀𑌵𑌾𑌹 𑌚𑌲𑌨𑍍𑌮𑍀𑌨𑌾𑌭 𑌲𑍋𑌚𑌨𑌾 ॥ 6 ॥

𑌨𑌵𑌚𑌂𑌪𑌕 𑌪𑍁𑌷𑍍𑌪𑌾𑌭 𑌨𑌾𑌸𑌾𑌦𑌂𑌡 𑌵𑌿𑌰𑌾𑌜𑌿𑌤𑌾 ।
𑌤𑌾𑌰𑌾𑌕𑌾𑌂𑌤𑌿 𑌤𑌿𑌰𑌸𑍍𑌕𑌾𑌰𑌿 𑌨𑌾𑌸𑌾𑌭𑌰𑌣 𑌭𑌾𑌸𑍁𑌰𑌾 ॥ 𑍭 ॥

𑌕𑌦𑌂𑌬 𑌮𑌂𑌜𑌰𑍀𑌕𑍢𑌪𑍍𑌤 𑌕𑌰𑍍𑌣𑌪𑍂𑌰 𑌮𑌨𑍋𑌹𑌰𑌾 ।
𑌤𑌾𑌟𑌂𑌕 𑌯𑍁𑌗𑌳𑍀𑌭𑍂𑌤 𑌤𑌪𑌨𑍋𑌡𑍁𑌪 𑌮𑌂𑌡𑌲𑌾 ॥ 𑍮 ॥

𑌪𑌦𑍍𑌮𑌰𑌾𑌗 𑌶𑌿𑌲𑌾𑌦𑌰𑍍𑌶 𑌪𑌰𑌿𑌭𑌾𑌵𑌿 𑌕𑌪𑍋𑌲𑌭𑍂𑌃 ।
𑌨𑌵𑌵𑌿𑌦𑍍𑌰𑍁𑌮 𑌬𑌿𑌂𑌬𑌶𑍍𑌰𑍀 𑌨𑍍𑌯𑌕𑍍𑌕𑌾𑌰𑌿 𑌰𑌦𑌨𑌚𑍍𑌛𑌦𑌾 ॥ 𑍯 ॥

𑌶𑍁𑌦𑍍𑌧 𑌵𑌿𑌦𑍍𑌯𑌾𑌂𑌕𑍁𑌰𑌾𑌕𑌾𑌰 𑌦𑍍𑌵𑌿𑌜𑌪𑌂𑌕𑍍𑌤𑌿 𑌦𑍍𑌵𑌯𑍋𑌜𑍍𑌜𑍍𑌵𑌲𑌾 ।
𑌕𑌰𑍍𑌪𑍂𑌰𑌵𑍀𑌟𑌿 𑌕𑌾𑌮𑍋𑌦 𑌸𑌮𑌾𑌕𑌰𑍍𑌷𑌦𑍍𑌦𑌿𑌗𑌂𑌤𑌰𑌾 ॥ 10 ॥

𑌨𑌿𑌜𑌸𑌲𑍍𑌲𑌾𑌪 𑌮𑌾𑌧𑍁𑌰𑍍𑌯 𑌵𑌿𑌨𑌿𑌰𑍍𑌭𑌰𑍍𑌤𑍍𑌸𑌿𑌤 𑌕𑌚𑍍𑌛𑌪𑍀 ।
𑌮𑌂𑌦𑌸𑍍𑌮𑌿𑌤 𑌪𑍍𑌰𑌭𑌾𑌪𑍂𑌰 𑌮𑌜𑍍𑌜𑌤𑍍-𑌕𑌾𑌮𑍇𑌶 𑌮𑌾𑌨𑌸𑌾 ॥ 11 ॥

𑌅𑌨𑌾𑌕𑌲𑌿𑌤 𑌸𑌾𑌦𑍃𑌶𑍍𑌯 𑌚𑍁𑌬𑍁𑌕 𑌶𑍍𑌰𑍀 𑌵𑌿𑌰𑌾𑌜𑌿𑌤𑌾 । [𑌚𑌿𑌬𑍁𑌕]
𑌕𑌾𑌮𑍇𑌶𑌬𑌦𑍍𑌧 𑌮𑌾𑌂𑌗𑌲𑍍𑌯 𑌸𑍂𑌤𑍍𑌰𑌶𑍋𑌭𑌿𑌤 𑌕𑌂𑌧𑌰𑌾 ॥ 12 ॥

𑌕𑌨𑌕𑌾𑌂𑌗𑌦 𑌕𑍇𑌯𑍂𑌰 𑌕𑌮𑌨𑍀𑌯 𑌭𑍁𑌜𑌾𑌨𑍍𑌵𑌿𑌤𑌾 ।
𑌰𑌤𑍍𑌨𑌗𑍍𑌰𑍈𑌵𑍇𑌯 𑌚𑌿𑌂𑌤𑌾𑌕 𑌲𑍋𑌲𑌮𑍁𑌕𑍍𑌤𑌾 𑌫𑌲𑌾𑌨𑍍𑌵𑌿𑌤𑌾 ॥ 13 ॥

𑌕𑌾𑌮𑍇𑌶𑍍𑌵𑌰 𑌪𑍍𑌰𑍇𑌮𑌰𑌤𑍍𑌨 𑌮𑌣𑌿 𑌪𑍍𑌰𑌤𑌿𑌪𑌣𑌸𑍍𑌤𑌨𑍀।
𑌨𑌾𑌭𑍍𑌯𑌾𑌲𑌵𑌾𑌲 𑌰𑍋𑌮𑌾𑌳𑌿 𑌲𑌤𑌾𑌫𑌲 𑌕𑍁𑌚𑌦𑍍𑌵𑌯𑍀 ॥ 14 ॥

𑌲𑌕𑍍𑌷𑍍𑌯𑌰𑍋𑌮𑌲𑌤𑌾 𑌧𑌾𑌰𑌤𑌾 𑌸𑌮𑍁𑌨𑍍𑌨𑍇𑌯 𑌮𑌧𑍍𑌯𑌮𑌾 ।
𑌸𑍍𑌤𑌨𑌭𑌾𑌰 𑌦𑌳𑌨𑍍-𑌮𑌧𑍍𑌯 𑌪𑌟𑍍𑌟𑌬𑌂𑌧 𑌵𑌳𑌿𑌤𑍍𑌰𑌯𑌾 ॥ 15 ॥

𑌅𑌰𑍁𑌣𑌾𑌰𑍁𑌣 𑌕𑍌𑌸𑍁𑌂𑌭 𑌵𑌸𑍍𑌤𑍍𑌰 𑌭𑌾𑌸𑍍𑌵𑌤𑍍-𑌕𑌟𑍀𑌤𑌟𑍀 ।
𑌰𑌤𑍍𑌨𑌕𑌿𑌂𑌕𑌿𑌣𑌿 𑌕𑌾𑌰𑌮𑍍𑌯 𑌰𑌶𑌨𑌾𑌦𑌾𑌮 𑌭𑍂𑌷𑌿𑌤𑌾 ॥ 16 ॥

𑌕𑌾𑌮𑍇𑌶 𑌜𑍍𑌞𑌾𑌤 𑌸𑍌𑌭𑌾𑌗𑍍𑌯 𑌮𑌾𑌰𑍍𑌦𑌵𑍋𑌰𑍁 𑌦𑍍𑌵𑌯𑌾𑌨𑍍𑌵𑌿𑌤𑌾 ।
𑌮𑌾𑌣𑌿𑌕𑍍𑌯 𑌮𑌕𑍁𑌟𑌾𑌕𑌾𑌰 𑌜𑌾𑌨𑍁𑌦𑍍𑌵𑌯 𑌵𑌿𑌰𑌾𑌜𑌿𑌤𑌾 ॥ 1𑍭 ॥

𑌇𑌂𑌦𑍍𑌰𑌗𑍋𑌪 𑌪𑌰𑌿𑌕𑍍𑌷𑌿𑌪𑍍𑌤 𑌸𑍍𑌮𑌰 𑌤𑍂𑌣𑌾𑌭 𑌜𑌂𑌘𑌿𑌕𑌾 ।
𑌗𑍂𑌢𑌗𑍁𑌲𑍍𑌫𑌾 𑌕𑍂𑌰𑍍𑌮𑌪𑍃𑌷𑍍𑌠 𑌜𑌯𑌿𑌷𑍍𑌣𑍁 𑌪𑍍𑌰𑌪𑌦𑌾𑌨𑍍𑌵𑌿𑌤𑌾 ॥ 1𑍮 ॥

𑌨𑌖𑌦𑍀𑌧𑌿𑌤𑌿 𑌸𑌂𑌛𑌨𑍍𑌨 𑌨𑌮𑌜𑍍𑌜𑌨 𑌤𑌮𑍋𑌗𑍁𑌣𑌾 ।
𑌪𑌦𑌦𑍍𑌵𑌯 𑌪𑍍𑌰𑌭𑌾𑌜𑌾𑌲 𑌪𑌰𑌾𑌕𑍃𑌤 𑌸𑌰𑍋𑌰𑍁𑌹𑌾 ॥ 1𑍯 ॥

𑌶𑌿𑌂𑌜𑌾𑌨 𑌮𑌣𑌿𑌮𑌂𑌜𑍀𑌰 𑌮𑌂𑌡𑌿𑌤 𑌶𑍍𑌰𑍀 𑌪𑌦𑌾𑌂𑌬𑍁𑌜𑌾 ।
𑌮𑌰𑌾𑌳𑍀 𑌮𑌂𑌦𑌗𑌮𑌨𑌾, 𑌮𑌹𑌾𑌲𑌾𑌵𑌣𑍍𑌯 𑌶𑍇𑌵𑌧𑌿𑌃 ॥ 20 ॥

𑌸𑌰𑍍𑌵𑌾𑌰𑍁𑌣𑌾𑌽𑌨𑌵𑌦𑍍𑌯𑌾𑌂𑌗𑍀 𑌸𑌰𑍍𑌵𑌾𑌭𑌰𑌣 𑌭𑍂𑌷𑌿𑌤𑌾 ।
𑌶𑌿𑌵𑌕𑌾𑌮𑍇𑌶𑍍𑌵𑌰𑌾𑌂𑌕𑌸𑍍𑌥𑌾, 𑌶𑌿𑌵𑌾, 𑌸𑍍𑌵𑌾𑌧𑍀𑌨 𑌵𑌲𑍍𑌲𑌭𑌾 ॥ 21 ॥

𑌸𑍁𑌮𑍇𑌰𑍁 𑌮𑌧𑍍𑌯𑌶𑍃𑌂𑌗𑌸𑍍𑌥𑌾, 𑌶𑍍𑌰𑍀𑌮𑌨𑍍𑌨𑌗𑌰 𑌨𑌾𑌯𑌿𑌕𑌾 ।
𑌚𑌿𑌂𑌤𑌾𑌮𑌣𑌿 𑌗𑍃𑌹𑌾𑌂𑌤𑌸𑍍𑌥𑌾, 𑌪𑌂𑌚𑌬𑍍𑌰𑌹𑍍𑌮𑌾𑌸𑌨𑌸𑍍𑌥𑌿𑌤𑌾 ॥ 22 ॥

𑌮𑌹𑌾𑌪𑌦𑍍𑌮𑌾𑌟𑌵𑍀 𑌸𑌂𑌸𑍍𑌥𑌾, 𑌕𑌦𑌂𑌬 𑌵𑌨𑌵𑌾𑌸𑌿𑌨𑍀 ।
𑌸𑍁𑌧𑌾𑌸𑌾𑌗𑌰 𑌮𑌧𑍍𑌯𑌸𑍍𑌥𑌾, 𑌕𑌾𑌮𑌾𑌕𑍍𑌷𑍀 𑌕𑌾𑌮𑌦𑌾𑌯𑌿𑌨𑍀 ॥ 23 ॥

𑌦𑍇𑌵𑌰𑍍𑌷𑌿 𑌗𑌣𑌸𑌂𑌘𑌾𑌤 𑌸𑍍𑌤𑍂𑌯𑌮𑌾𑌨𑌾𑌤𑍍𑌮 𑌵𑍈𑌭𑌵𑌾 ।
𑌭𑌂𑌡𑌾𑌸𑍁𑌰 𑌵𑌧𑍋𑌦𑍍𑌯𑍁𑌕𑍍𑌤 𑌶𑌕𑍍𑌤𑌿𑌸𑍇𑌨𑌾 𑌸𑌮𑌨𑍍𑌵𑌿𑌤𑌾 ॥ 24 ॥

𑌸𑌂𑌪𑌤𑍍𑌕𑌰𑍀 𑌸𑌮𑌾𑌰𑍂𑌢 𑌸𑌿𑌂𑌧𑍁𑌰 𑌵𑍍𑌰𑌜𑌸𑍇𑌵𑌿𑌤𑌾 ।
𑌅𑌶𑍍𑌵𑌾𑌰𑍂𑌢𑌾𑌧𑌿𑌷𑍍𑌠𑌿𑌤𑌾𑌶𑍍𑌵 𑌕𑍋𑌟𑌿𑌕𑍋𑌟𑌿 𑌭𑌿𑌰𑌾𑌵𑍃𑌤𑌾 ॥ 25 ॥

𑌚𑌕𑍍𑌰𑌰𑌾𑌜 𑌰𑌥𑌾𑌰𑍂𑌢 𑌸𑌰𑍍𑌵𑌾𑌯𑍁𑌧 𑌪𑌰𑌿𑌷𑍍𑌕𑍃𑌤𑌾 ।
𑌗𑍇𑌯𑌚𑌕𑍍𑌰 𑌰𑌥𑌾𑌰𑍂𑌢 𑌮𑌂𑌤𑍍𑌰𑌿𑌣𑍀 𑌪𑌰𑌿𑌸𑍇𑌵𑌿𑌤𑌾 ॥ 26 ॥

𑌕𑌿𑌰𑌿𑌚𑌕𑍍𑌰 𑌰𑌥𑌾𑌰𑍂𑌢 𑌦𑌂𑌡𑌨𑌾𑌥𑌾 𑌪𑍁𑌰𑌸𑍍𑌕𑍃𑌤𑌾 ।
𑌜𑍍𑌵𑌾𑌲𑌾𑌮𑌾𑌲𑌿𑌨𑌿 𑌕𑌾𑌕𑍍𑌷𑌿𑌪𑍍𑌤 𑌵𑌹𑍍𑌨𑌿𑌪𑍍𑌰𑌾𑌕𑌾𑌰 𑌮𑌧𑍍𑌯𑌗𑌾 ॥ 2𑍭 ॥

𑌭𑌂𑌡𑌸𑍈𑌨𑍍𑌯 𑌵𑌧𑍋𑌦𑍍𑌯𑍁𑌕𑍍𑌤 𑌶𑌕𑍍𑌤𑌿 𑌵𑌿𑌕𑍍𑌰𑌮𑌹𑌰𑍍𑌷𑌿𑌤𑌾 ।
𑌨𑌿𑌤𑍍𑌯𑌾 𑌪𑌰𑌾𑌕𑍍𑌰𑌮𑌾𑌟𑍋𑌪 𑌨𑌿𑌰𑍀𑌕𑍍𑌷𑌣 𑌸𑌮𑍁𑌤𑍍𑌸𑍁𑌕𑌾 ॥ 2𑍮 ॥

𑌭𑌂𑌡𑌪𑍁𑌤𑍍𑌰 𑌵𑌧𑍋𑌦𑍍𑌯𑍁𑌕𑍍𑌤 𑌬𑌾𑌲𑌾𑌵𑌿𑌕𑍍𑌰𑌮 𑌨𑌂𑌦𑌿𑌤𑌾 ।
𑌮𑌂𑌤𑍍𑌰𑌿𑌣𑍍𑌯𑌂𑌬𑌾 𑌵𑌿𑌰𑌚𑌿𑌤 𑌵𑌿𑌷𑌂𑌗 𑌵𑌧𑌤𑍋𑌷𑌿𑌤𑌾 ॥ 2𑍯 ॥ [𑌵𑌿𑌶𑍁𑌕𑍍𑌰]

𑌵𑌿𑌶𑍁𑌕𑍍𑌰 𑌪𑍍𑌰𑌾𑌣𑌹𑌰𑌣 𑌵𑌾𑌰𑌾𑌹𑍀 𑌵𑍀𑌰𑍍𑌯𑌨𑌂𑌦𑌿𑌤𑌾 । [𑌵𑌿𑌷𑌂𑌗]
𑌕𑌾𑌮𑍇𑌶𑍍𑌵𑌰 𑌮𑍁𑌖𑌾𑌲𑍋𑌕 𑌕𑌲𑍍𑌪𑌿𑌤 𑌶𑍍𑌰𑍀 𑌗𑌣𑍇𑌶𑍍𑌵𑌰𑌾 ॥ 30 ॥

𑌮𑌹𑌾𑌗𑌣𑍇𑌶 𑌨𑌿𑌰𑍍𑌭𑌿𑌨𑍍𑌨 𑌵𑌿𑌘𑍍𑌨𑌯𑌂𑌤𑍍𑌰 𑌪𑍍𑌰𑌹𑌰𑍍𑌷𑌿𑌤𑌾 ।
𑌭𑌂𑌡𑌾𑌸𑍁𑌰𑍇𑌂𑌦𑍍𑌰 𑌨𑌿𑌰𑍍𑌮𑍁𑌕𑍍𑌤 𑌶𑌸𑍍𑌤𑍍𑌰 𑌪𑍍𑌰𑌤𑍍𑌯𑌸𑍍𑌤𑍍𑌰 𑌵𑌰𑍍𑌷𑌿𑌣𑍀 ॥ 31 ॥

𑌕𑌰𑌾𑌂𑌗𑍁𑌳𑌿 𑌨𑌖𑍋𑌤𑍍𑌪𑌨𑍍𑌨 𑌨𑌾𑌰𑌾𑌯𑌣 𑌦𑌶𑌾𑌕𑍃𑌤𑌿𑌃 ।
𑌮𑌹𑌾𑌪𑌾𑌶𑍁𑌪𑌤𑌾𑌸𑍍𑌤𑍍𑌰𑌾𑌗𑍍𑌨𑌿 𑌨𑌿𑌰𑍍𑌦𑌗𑍍𑌧𑌾𑌸𑍁𑌰 𑌸𑍈𑌨𑌿𑌕𑌾 ॥ 32 ॥

𑌕𑌾𑌮𑍇𑌶𑍍𑌵𑌰𑌾𑌸𑍍𑌤𑍍𑌰 𑌨𑌿𑌰𑍍𑌦𑌗𑍍𑌧 𑌸𑌭𑌂𑌡𑌾𑌸𑍁𑌰 𑌶𑍂𑌨𑍍𑌯𑌕𑌾 ।
𑌬𑍍𑌰𑌹𑍍𑌮𑍋𑌪𑍇𑌂𑌦𑍍𑌰 𑌮𑌹𑍇𑌂𑌦𑍍𑌰𑌾𑌦𑌿 𑌦𑍇𑌵𑌸𑌂𑌸𑍍𑌤𑍁𑌤 𑌵𑍈𑌭𑌵𑌾 ॥ 33 ॥

𑌹𑌰𑌨𑍇𑌤𑍍𑌰𑌾𑌗𑍍𑌨𑌿 𑌸𑌂𑌦𑌗𑍍𑌧 𑌕𑌾𑌮 𑌸𑌂𑌜𑍀𑌵𑌨𑍌𑌷𑌧𑌿𑌃 ।
𑌶𑍍𑌰𑍀𑌮𑌦𑍍𑌵𑌾𑌗𑍍𑌭𑌵 𑌕𑍂𑌟𑍈𑌕 𑌸𑍍𑌵𑌰𑍂𑌪 𑌮𑍁𑌖𑌪𑌂𑌕𑌜𑌾 ॥ 34 ॥

𑌕𑌂𑌠𑌾𑌧𑌃 𑌕𑌟𑌿𑌪𑌰𑍍𑌯𑌂𑌤 𑌮𑌧𑍍𑌯𑌕𑍂𑌟 𑌸𑍍𑌵𑌰𑍂𑌪𑌿𑌣𑍀 ।
𑌶𑌕𑍍𑌤𑌿𑌕𑍂𑌟𑍈𑌕 𑌤𑌾𑌪𑌨𑍍𑌨 𑌕𑌟𑍍𑌯𑌧𑍋𑌭𑌾𑌗 𑌧𑌾𑌰𑌿𑌣𑍀 ॥ 35 ॥

𑌮𑍂𑌲𑌮𑌂𑌤𑍍𑌰𑌾𑌤𑍍𑌮𑌿𑌕𑌾, 𑌮𑍂𑌲𑌕𑍂𑌟 𑌤𑍍𑌰𑌯 𑌕𑌳𑍇𑌵𑌰𑌾 ।
𑌕𑍁𑌳𑌾𑌮𑍃𑌤𑍈𑌕 𑌰𑌸𑌿𑌕𑌾, 𑌕𑍁𑌳𑌸𑌂𑌕𑍇𑌤 𑌪𑌾𑌲𑌿𑌨𑍀 ॥ 36 ॥

𑌕𑍁𑌳𑌾𑌂𑌗𑌨𑌾, 𑌕𑍁𑌳𑌾𑌂𑌤𑌃𑌸𑍍𑌥𑌾, 𑌕𑍌𑌳𑌿𑌨𑍀, 𑌕𑍁𑌳𑌯𑍋𑌗𑌿𑌨𑍀 ।
𑌅𑌕𑍁𑌳𑌾, 𑌸𑌮𑌯𑌾𑌂𑌤𑌃𑌸𑍍𑌥𑌾, 𑌸𑌮𑌯𑌾𑌚𑌾𑌰 𑌤𑌤𑍍𑌪𑌰𑌾 ॥ 3𑍭 ॥

𑌮𑍂𑌲𑌾𑌧𑌾𑌰𑍈𑌕 𑌨𑌿𑌲𑌯𑌾, 𑌬𑍍𑌰𑌹𑍍𑌮𑌗𑍍𑌰𑌂𑌥𑌿 𑌵𑌿𑌭𑍇𑌦𑌿𑌨𑍀 ।
𑌮𑌣𑌿𑌪𑍂𑌰𑌾𑌂𑌤 𑌰𑍁𑌦𑌿𑌤𑌾, 𑌵𑌿𑌷𑍍𑌣𑍁𑌗𑍍𑌰𑌂𑌥𑌿 𑌵𑌿𑌭𑍇𑌦𑌿𑌨𑍀 ॥ 3𑍮 ॥

𑌆𑌜𑍍𑌞𑌾 𑌚𑌕𑍍𑌰𑌾𑌂𑌤𑌰𑌾𑌳𑌸𑍍𑌥𑌾, 𑌰𑍁𑌦𑍍𑌰𑌗𑍍𑌰𑌂𑌥𑌿 𑌵𑌿𑌭𑍇𑌦𑌿𑌨𑍀 ।
𑌸𑌹𑌸𑍍𑌰𑌾𑌰𑌾𑌂𑌬𑍁𑌜𑌾 𑌰𑍂𑌢𑌾, 𑌸𑍁𑌧𑌾𑌸𑌾𑌰𑌾𑌭𑌿 𑌵𑌰𑍍𑌷𑌿𑌣𑍀 ॥ 3𑍯 ॥

𑌤𑌟𑌿𑌲𑍍𑌲𑌤𑌾 𑌸𑌮𑌰𑍁𑌚𑌿𑌃, 𑌷𑌟𑍍-𑌚𑌕𑍍𑌰𑍋𑌪𑌰𑌿 𑌸𑌂𑌸𑍍𑌥𑌿𑌤𑌾 । [𑌤𑌡𑌿𑌲𑍍𑌲𑌤𑌾]
𑌮𑌹𑌾𑌶𑌕𑍍𑌤𑌿𑌃, 𑌕𑍁𑌂𑌡𑌲𑌿𑌨𑍀, 𑌬𑌿𑌸𑌤𑌂𑌤𑍁 𑌤𑌨𑍀𑌯𑌸𑍀 ॥ 40 ॥

𑌭𑌵𑌾𑌨𑍀, 𑌭𑌾𑌵𑌨𑌾𑌗𑌮𑍍𑌯𑌾, 𑌭𑌵𑌾𑌰𑌣𑍍𑌯 𑌕𑍁𑌠𑌾𑌰𑌿𑌕𑌾 ।
𑌭𑌦𑍍𑌰𑌪𑍍𑌰𑌿𑌯𑌾, 𑌭𑌦𑍍𑌰𑌮𑍂𑌰𑍍𑌤𑌿, 𑌰𑍍𑌭𑌕𑍍𑌤𑌸𑍌𑌭𑌾𑌗𑍍𑌯 𑌦𑌾𑌯𑌿𑌨𑍀 ॥ 41 ॥

𑌭𑌕𑍍𑌤𑌿𑌪𑍍𑌰𑌿𑌯𑌾, 𑌭𑌕𑍍𑌤𑌿𑌗𑌮𑍍𑌯𑌾, 𑌭𑌕𑍍𑌤𑌿𑌵𑌶𑍍𑌯𑌾, 𑌭𑌯𑌾𑌪𑌹𑌾 ।
𑌶𑌾𑌂𑌭𑌵𑍀, 𑌶𑌾𑌰𑌦𑌾𑌰𑌾𑌧𑍍𑌯𑌾, 𑌶𑌰𑍍𑌵𑌾𑌣𑍀, 𑌶𑌰𑍍𑌮𑌦𑌾𑌯𑌿𑌨𑍀 ॥ 42 ॥

𑌶𑌾𑌂𑌕𑌰𑍀, 𑌶𑍍𑌰𑍀𑌕𑌰𑍀, 𑌸𑌾𑌧𑍍𑌵𑍀, 𑌶𑌰𑌚𑍍𑌚𑌂𑌦𑍍𑌰𑌨𑌿𑌭𑌾𑌨𑌨𑌾 ।
𑌶𑌾𑌤𑍋𑌦𑌰𑍀, 𑌶𑌾𑌂𑌤𑌿𑌮𑌤𑍀, 𑌨𑌿𑌰𑌾𑌧𑌾𑌰𑌾, 𑌨𑌿𑌰𑌂𑌜𑌨𑌾 ॥ 43 ॥

𑌨𑌿𑌰𑍍𑌲𑍇𑌪𑌾, 𑌨𑌿𑌰𑍍𑌮𑌲𑌾, 𑌨𑌿𑌤𑍍𑌯𑌾, 𑌨𑌿𑌰𑌾𑌕𑌾𑌰𑌾, 𑌨𑌿𑌰𑌾𑌕𑍁𑌲𑌾 ।
𑌨𑌿𑌰𑍍𑌗𑍁𑌣𑌾, 𑌨𑌿𑌷𑍍𑌕𑌳𑌾, 𑌶𑌾𑌂𑌤𑌾, 𑌨𑌿𑌷𑍍𑌕𑌾𑌮𑌾, 𑌨𑌿𑌰𑍁𑌪𑌪𑍍𑌲𑌵𑌾 ॥ 44 ॥

𑌨𑌿𑌤𑍍𑌯𑌮𑍁𑌕𑍍𑌤𑌾, 𑌨𑌿𑌰𑍍𑌵𑌿𑌕𑌾𑌰𑌾, 𑌨𑌿𑌷𑍍𑌪𑍍𑌰𑌪𑌂𑌚𑌾, 𑌨𑌿𑌰𑌾𑌶𑍍𑌰𑌯𑌾 ।
𑌨𑌿𑌤𑍍𑌯𑌶𑍁𑌦𑍍𑌧𑌾, 𑌨𑌿𑌤𑍍𑌯𑌬𑍁𑌦𑍍𑌧𑌾, 𑌨𑌿𑌰𑌵𑌦𑍍𑌯𑌾, 𑌨𑌿𑌰𑌂𑌤𑌰𑌾 ॥ 45 ॥

𑌨𑌿𑌷𑍍𑌕𑌾𑌰𑌣𑌾, 𑌨𑌿𑌷𑍍𑌕𑌳𑌂𑌕𑌾, 𑌨𑌿𑌰𑍁𑌪𑌾𑌧𑌿, 𑌰𑍍𑌨𑌿𑌰𑍀𑌶𑍍𑌵𑌰𑌾 ।
𑌨𑍀𑌰𑌾𑌗𑌾, 𑌰𑌾𑌗𑌮𑌥𑌨𑍀, 𑌨𑌿𑌰𑍍𑌮𑌦𑌾, 𑌮𑌦𑌨𑌾𑌶𑌿𑌨𑍀 ॥ 46 ॥

𑌨𑌿𑌶𑍍𑌚𑌿𑌂𑌤𑌾, 𑌨𑌿𑌰𑌹𑌂𑌕𑌾𑌰𑌾, 𑌨𑌿𑌰𑍍𑌮𑍋𑌹𑌾, 𑌮𑍋𑌹𑌨𑌾𑌶𑌿𑌨𑍀 ।
𑌨𑌿𑌰𑍍𑌮𑌮𑌾, 𑌮𑌮𑌤𑌾𑌹𑌂𑌤𑍍𑌰𑍀, 𑌨𑌿𑌷𑍍𑌪𑌾𑌪𑌾, 𑌪𑌾𑌪𑌨𑌾𑌶𑌿𑌨𑍀 ॥ 4𑍭 ॥

𑌨𑌿𑌷𑍍𑌕𑍍𑌰𑍋𑌧𑌾, 𑌕𑍍𑌰𑍋𑌧𑌶𑌮𑌨𑍀, 𑌨𑌿𑌰𑍍𑌲𑍋𑌭𑌾, 𑌲𑍋𑌭𑌨𑌾𑌶𑌿𑌨𑍀 ।
𑌨𑌿𑌃𑌸𑌂𑌶𑌯𑌾, 𑌸𑌂𑌶𑌯𑌘𑍍𑌨𑍀, 𑌨𑌿𑌰𑍍𑌭𑌵𑌾, 𑌭𑌵𑌨𑌾𑌶𑌿𑌨𑍀 ॥ 4𑍮 ॥

𑌨𑌿𑌰𑍍𑌵𑌿𑌕𑌲𑍍𑌪𑌾, 𑌨𑌿𑌰𑌾𑌬𑌾𑌧𑌾, 𑌨𑌿𑌰𑍍𑌭𑍇𑌦𑌾, 𑌭𑍇𑌦𑌨𑌾𑌶𑌿𑌨𑍀 ।
𑌨𑌿𑌰𑍍𑌨𑌾𑌶𑌾, 𑌮𑍃𑌤𑍍𑌯𑍁𑌮𑌥𑌨𑍀, 𑌨𑌿𑌷𑍍𑌕𑍍𑌰𑌿𑌯𑌾, 𑌨𑌿𑌷𑍍𑌪𑌰𑌿𑌗𑍍𑌰𑌹𑌾 ॥ 4𑍯 ॥

𑌨𑌿𑌸𑍍𑌤𑍁𑌲𑌾, 𑌨𑍀𑌲𑌚𑌿𑌕𑍁𑌰𑌾, 𑌨𑌿𑌰𑌪𑌾𑌯𑌾, 𑌨𑌿𑌰𑌤𑍍𑌯𑌯𑌾 ।
𑌦𑍁𑌰𑍍𑌲𑌭𑌾, 𑌦𑍁𑌰𑍍𑌗𑌮𑌾, 𑌦𑍁𑌰𑍍𑌗𑌾, 𑌦𑍁𑌃𑌖𑌹𑌂𑌤𑍍𑌰𑍀, 𑌸𑍁𑌖𑌪𑍍𑌰𑌦𑌾 ॥ 50 ॥

𑌦𑍁𑌷𑍍𑌟𑌦𑍂𑌰𑌾, 𑌦𑍁𑌰𑌾𑌚𑌾𑌰 𑌶𑌮𑌨𑍀, 𑌦𑍋𑌷𑌵𑌰𑍍𑌜𑌿𑌤𑌾 ।
𑌸𑌰𑍍𑌵𑌜𑍍𑌞𑌾, 𑌸𑌾𑌂𑌦𑍍𑌰𑌕𑌰𑍁𑌣𑌾, 𑌸𑌮𑌾𑌨𑌾𑌧𑌿𑌕𑌵𑌰𑍍𑌜𑌿𑌤𑌾 ॥ 51 ॥

𑌸𑌰𑍍𑌵𑌶𑌕𑍍𑌤𑌿𑌮𑌯𑍀, 𑌸𑌰𑍍𑌵𑌮𑌂𑌗𑌳𑌾, 𑌸𑌦𑍍𑌗𑌤𑌿𑌪𑍍𑌰𑌦𑌾 ।
𑌸𑌰𑍍𑌵𑍇𑌶𑍍𑌵𑌰𑍀, 𑌸𑌰𑍍𑌵𑌮𑌯𑍀, 𑌸𑌰𑍍𑌵𑌮𑌂𑌤𑍍𑌰 𑌸𑍍𑌵𑌰𑍂𑌪𑌿𑌣𑍀 ॥ 52 ॥

𑌸𑌰𑍍𑌵𑌯𑌂𑌤𑍍𑌰𑌾𑌤𑍍𑌮𑌿𑌕𑌾, 𑌸𑌰𑍍𑌵𑌤𑌂𑌤𑍍𑌰𑌰𑍂𑌪𑌾, 𑌮𑌨𑍋𑌨𑍍𑌮𑌨𑍀 ।
𑌮𑌾𑌹𑍇𑌶𑍍𑌵𑌰𑍀, 𑌮𑌹𑌾𑌦𑍇𑌵𑍀, 𑌮𑌹𑌾𑌲𑌕𑍍𑌷𑍍𑌮𑍀, 𑌰𑍍𑌮𑍃𑌡𑌪𑍍𑌰𑌿𑌯𑌾 ॥ 53 ॥

𑌮𑌹𑌾𑌰𑍂𑌪𑌾, 𑌮𑌹𑌾𑌪𑍂𑌜𑍍𑌯𑌾, 𑌮𑌹𑌾𑌪𑌾𑌤𑌕 𑌨𑌾𑌶𑌿𑌨𑍀 ।
𑌮𑌹𑌾𑌮𑌾𑌯𑌾, 𑌮𑌹𑌾𑌸𑌤𑍍𑌤𑍍𑌵𑌾, 𑌮𑌹𑌾𑌶𑌕𑍍𑌤𑌿 𑌰𑍍𑌮𑌹𑌾𑌰𑌤𑌿𑌃 ॥ 54 ॥

𑌮𑌹𑌾𑌭𑍋𑌗𑌾, 𑌮𑌹𑍈𑌶𑍍𑌵𑌰𑍍𑌯𑌾, 𑌮𑌹𑌾𑌵𑍀𑌰𑍍𑌯𑌾, 𑌮𑌹𑌾𑌬𑌲𑌾 ।
𑌮𑌹𑌾𑌬𑍁𑌦𑍍𑌧𑌿, 𑌰𑍍𑌮𑌹𑌾𑌸𑌿𑌦𑍍𑌧𑌿, 𑌰𑍍𑌮𑌹𑌾𑌯𑍋𑌗𑍇𑌶𑍍𑌵𑌰𑍇𑌶𑍍𑌵𑌰𑍀 ॥ 55 ॥

𑌮𑌹𑌾𑌤𑌂𑌤𑍍𑌰𑌾, 𑌮𑌹𑌾𑌮𑌂𑌤𑍍𑌰𑌾, 𑌮𑌹𑌾𑌯𑌂𑌤𑍍𑌰𑌾, 𑌮𑌹𑌾𑌸𑌨𑌾 ।
𑌮𑌹𑌾𑌯𑌾𑌗 𑌕𑍍𑌰𑌮𑌾𑌰𑌾𑌧𑍍𑌯𑌾, 𑌮𑌹𑌾𑌭𑍈𑌰𑌵 𑌪𑍂𑌜𑌿𑌤𑌾 ॥ 56 ॥

𑌮𑌹𑍇𑌶𑍍𑌵𑌰 𑌮𑌹𑌾𑌕𑌲𑍍𑌪 𑌮𑌹𑌾𑌤𑌾𑌂𑌡𑌵 𑌸𑌾𑌕𑍍𑌷𑌿𑌣𑍀 ।
𑌮𑌹𑌾𑌕𑌾𑌮𑍇𑌶 𑌮𑌹𑌿𑌷𑍀, 𑌮𑌹𑌾𑌤𑍍𑌰𑌿𑌪𑍁𑌰 𑌸𑍁𑌂𑌦𑌰𑍀 ॥ 5𑍭 ॥

𑌚𑌤𑍁𑌃𑌷𑌷𑍍𑌟𑍍𑌯𑍁𑌪𑌚𑌾𑌰𑌾𑌢𑍍𑌯𑌾, 𑌚𑌤𑍁𑌷𑍍𑌷𑌷𑍍𑌟𑌿 𑌕𑌳𑌾𑌮𑌯𑍀 ।
𑌮𑌹𑌾 𑌚𑌤𑍁𑌷𑍍𑌷𑌷𑍍𑌟𑌿 𑌕𑍋𑌟𑌿 𑌯𑍋𑌗𑌿𑌨𑍀 𑌗𑌣𑌸𑍇𑌵𑌿𑌤𑌾 ॥ 5𑍮 ॥

𑌮𑌨𑍁𑌵𑌿𑌦𑍍𑌯𑌾, 𑌚𑌂𑌦𑍍𑌰𑌵𑌿𑌦𑍍𑌯𑌾, 𑌚𑌂𑌦𑍍𑌰𑌮𑌂𑌡𑌲𑌮𑌧𑍍𑌯𑌗𑌾 ।
𑌚𑌾𑌰𑍁𑌰𑍂𑌪𑌾, 𑌚𑌾𑌰𑍁𑌹𑌾𑌸𑌾, 𑌚𑌾𑌰𑍁𑌚𑌂𑌦𑍍𑌰 𑌕𑌳𑌾𑌧𑌰𑌾 ॥ 5𑍯 ॥

𑌚𑌰𑌾𑌚𑌰 𑌜𑌗𑌨𑍍𑌨𑌾𑌥𑌾, 𑌚𑌕𑍍𑌰𑌰𑌾𑌜 𑌨𑌿𑌕𑍇𑌤𑌨𑌾 ।
𑌪𑌾𑌰𑍍𑌵𑌤𑍀, 𑌪𑌦𑍍𑌮𑌨𑌯𑌨𑌾, 𑌪𑌦𑍍𑌮𑌰𑌾𑌗 𑌸𑌮𑌪𑍍𑌰𑌭𑌾 ॥ 60 ॥

𑌪𑌂𑌚𑌪𑍍𑌰𑍇𑌤𑌾𑌸𑌨𑌾𑌸𑍀𑌨𑌾, 𑌪𑌂𑌚𑌬𑍍𑌰𑌹𑍍𑌮 𑌸𑍍𑌵𑌰𑍂𑌪𑌿𑌣𑍀 ।
𑌚𑌿𑌨𑍍𑌮𑌯𑍀, 𑌪𑌰𑌮𑌾𑌨𑌂𑌦𑌾, 𑌵𑌿𑌜𑍍𑌞𑌾𑌨 𑌘𑌨𑌰𑍂𑌪𑌿𑌣𑍀 ॥ 61 ॥

𑌧𑍍𑌯𑌾𑌨𑌧𑍍𑌯𑌾𑌤𑍃 𑌧𑍍𑌯𑍇𑌯𑌰𑍂𑌪𑌾, 𑌧𑌰𑍍𑌮𑌾𑌧𑌰𑍍𑌮 𑌵𑌿𑌵𑌰𑍍𑌜𑌿𑌤𑌾 ।
𑌵𑌿𑌶𑍍𑌵𑌰𑍂𑌪𑌾, 𑌜𑌾𑌗𑌰𑌿𑌣𑍀, 𑌸𑍍𑌵𑌪𑌂𑌤𑍀, 𑌤𑍈𑌜𑌸𑌾𑌤𑍍𑌮𑌿𑌕𑌾 ॥ 62 ॥

𑌸𑍁𑌪𑍍𑌤𑌾, 𑌪𑍍𑌰𑌾𑌜𑍍𑌞𑌾𑌤𑍍𑌮𑌿𑌕𑌾, 𑌤𑍁𑌰𑍍𑌯𑌾, 𑌸𑌰𑍍𑌵𑌾𑌵𑌸𑍍𑌥𑌾 𑌵𑌿𑌵𑌰𑍍𑌜𑌿𑌤𑌾 ।
𑌸𑍃𑌷𑍍𑌟𑌿𑌕𑌰𑍍𑌤𑍍𑌰𑍀, 𑌬𑍍𑌰𑌹𑍍𑌮𑌰𑍂𑌪𑌾, 𑌗𑍋𑌪𑍍𑌤𑍍𑌰𑍀, 𑌗𑍋𑌵𑌿𑌂𑌦𑌰𑍂𑌪𑌿𑌣𑍀 ॥ 63 ॥

𑌸𑌂𑌹𑌾𑌰𑌿𑌣𑍀, 𑌰𑍁𑌦𑍍𑌰𑌰𑍂𑌪𑌾, 𑌤𑌿𑌰𑍋𑌧𑌾𑌨𑌕𑌰𑍀𑌶𑍍𑌵𑌰𑍀 ।
𑌸𑌦𑌾𑌶𑌿𑌵𑌾𑌨𑍁𑌗𑍍𑌰𑌹𑌦𑌾, 𑌪𑌂𑌚𑌕𑍃𑌤𑍍𑌯 𑌪𑌰𑌾𑌯𑌣𑌾 ॥ 64 ॥

𑌭𑌾𑌨𑍁𑌮𑌂𑌡𑌲 𑌮𑌧𑍍𑌯𑌸𑍍𑌥𑌾, 𑌭𑍈𑌰𑌵𑍀, 𑌭𑌗𑌮𑌾𑌲𑌿𑌨𑍀 ।
𑌪𑌦𑍍𑌮𑌾𑌸𑌨𑌾, 𑌭𑌗𑌵𑌤𑍀, 𑌪𑌦𑍍𑌮𑌨𑌾𑌭 𑌸𑌹𑍋𑌦𑌰𑍀 ॥ 65 ॥

𑌉𑌨𑍍𑌮𑍇𑌷 𑌨𑌿𑌮𑌿𑌷𑍋𑌤𑍍𑌪𑌨𑍍𑌨 𑌵𑌿𑌪𑌨𑍍𑌨 𑌭𑍁𑌵𑌨𑌾𑌵𑌳𑌿𑌃 ।
𑌸𑌹𑌸𑍍𑌰𑌶𑍀𑌰𑍍𑌷𑌵𑌦𑌨𑌾, 𑌸𑌹𑌸𑍍𑌰𑌾𑌕𑍍𑌷𑍀, 𑌸𑌹𑌸𑍍𑌰𑌪𑌾𑌤𑍍 ॥ 66 ॥

𑌆𑌬𑍍𑌰𑌹𑍍𑌮 𑌕𑍀𑌟𑌜𑌨𑌨𑍀, 𑌵𑌰𑍍𑌣𑌾𑌶𑍍𑌰𑌮 𑌵𑌿𑌧𑌾𑌯𑌿𑌨𑍀 ।
𑌨𑌿𑌜𑌾𑌜𑍍𑌞𑌾𑌰𑍂𑌪𑌨𑌿𑌗𑌮𑌾, 𑌪𑍁𑌣𑍍𑌯𑌾𑌪𑍁𑌣𑍍𑌯 𑌫𑌲𑌪𑍍𑌰𑌦𑌾 ॥ 6𑍭 ॥

𑌶𑍍𑌰𑍁𑌤𑌿 𑌸𑍀𑌮𑌂𑌤 𑌸𑌿𑌂𑌧𑍂𑌰𑍀𑌕𑍃𑌤 𑌪𑌾𑌦𑌾𑌬𑍍𑌜𑌧𑍂𑌳𑌿𑌕𑌾 ।
𑌸𑌕𑌲𑌾𑌗𑌮 𑌸𑌂𑌦𑍋𑌹 𑌶𑍁𑌕𑍍𑌤𑌿𑌸𑌂𑌪𑍁𑌟 𑌮𑍌𑌕𑍍𑌤𑌿𑌕𑌾 ॥ 6𑍮 ॥

𑌪𑍁𑌰𑍁𑌷𑌾𑌰𑍍𑌥𑌪𑍍𑌰𑌦𑌾, 𑌪𑍂𑌰𑍍𑌣𑌾, 𑌭𑍋𑌗𑌿𑌨𑍀, 𑌭𑍁𑌵𑌨𑍇𑌶𑍍𑌵𑌰𑍀 ।
𑌅𑌂𑌬𑌿𑌕𑌾,𑌽𑌨𑌾𑌦𑌿 𑌨𑌿𑌧𑌨𑌾, 𑌹𑌰𑌿𑌬𑍍𑌰𑌹𑍍𑌮𑍇𑌂𑌦𑍍𑌰 𑌸𑍇𑌵𑌿𑌤𑌾 ॥ 6𑍯 ॥

𑌨𑌾𑌰𑌾𑌯𑌣𑍀, 𑌨𑌾𑌦𑌰𑍂𑌪𑌾, 𑌨𑌾𑌮𑌰𑍂𑌪 𑌵𑌿𑌵𑌰𑍍𑌜𑌿𑌤𑌾 ।
𑌹𑍍𑌰𑍀𑌂𑌕𑌾𑌰𑍀, 𑌹𑍍𑌰𑍀𑌮𑌤𑍀, 𑌹𑍃𑌦𑍍𑌯𑌾, 𑌹𑍇𑌯𑍋𑌪𑌾𑌦𑍇𑌯 𑌵𑌰𑍍𑌜𑌿𑌤𑌾 ॥ 𑍭0 ॥

𑌰𑌾𑌜𑌰𑌾𑌜𑌾𑌰𑍍𑌚𑌿𑌤𑌾, 𑌰𑌾𑌜𑍍𑌞𑍀, 𑌰𑌮𑍍𑌯𑌾, 𑌰𑌾𑌜𑍀𑌵𑌲𑍋𑌚𑌨𑌾 ।
𑌰𑌂𑌜𑌨𑍀, 𑌰𑌮𑌣𑍀, 𑌰𑌸𑍍𑌯𑌾, 𑌰𑌣𑌤𑍍𑌕𑌿𑌂𑌕𑌿𑌣𑌿 𑌮𑍇𑌖𑌲𑌾 ॥ 𑍭1 ॥

𑌰𑌮𑌾, 𑌰𑌾𑌕𑍇𑌂𑌦𑍁𑌵𑌦𑌨𑌾, 𑌰𑌤𑌿𑌰𑍂𑌪𑌾, 𑌰𑌤𑌿𑌪𑍍𑌰𑌿𑌯𑌾 ।
𑌰𑌕𑍍𑌷𑌾𑌕𑌰𑍀, 𑌰𑌾𑌕𑍍𑌷𑌸𑌘𑍍𑌨𑍀, 𑌰𑌾𑌮𑌾, 𑌰𑌮𑌣𑌲𑌂𑌪𑌟𑌾 ॥ 𑍭2 ॥

𑌕𑌾𑌮𑍍𑌯𑌾, 𑌕𑌾𑌮𑌕𑌳𑌾𑌰𑍂𑌪𑌾, 𑌕𑌦𑌂𑌬 𑌕𑍁𑌸𑍁𑌮𑌪𑍍𑌰𑌿𑌯𑌾 ।
𑌕𑌳𑍍𑌯𑌾𑌣𑍀, 𑌜𑌗𑌤𑍀𑌕𑌂𑌦𑌾, 𑌕𑌰𑍁𑌣𑌾𑌰𑌸 𑌸𑌾𑌗𑌰𑌾 ॥ 𑍭3 ॥

𑌕𑌳𑌾𑌵𑌤𑍀, 𑌕𑌳𑌾𑌲𑌾𑌪𑌾, 𑌕𑌾𑌂𑌤𑌾, 𑌕𑌾𑌦𑌂𑌬𑌰𑍀𑌪𑍍𑌰𑌿𑌯𑌾 ।
𑌵𑌰𑌦𑌾, 𑌵𑌾𑌮𑌨𑌯𑌨𑌾, 𑌵𑌾𑌰𑍁𑌣𑍀𑌮𑌦𑌵𑌿𑌹𑍍𑌵𑌲𑌾 ॥ 𑍭4 ॥

𑌵𑌿𑌶𑍍𑌵𑌾𑌧𑌿𑌕𑌾, 𑌵𑍇𑌦𑌵𑍇𑌦𑍍𑌯𑌾, 𑌵𑌿𑌂𑌧𑍍𑌯𑌾𑌚𑌲 𑌨𑌿𑌵𑌾𑌸𑌿𑌨𑍀 ।
𑌵𑌿𑌧𑌾𑌤𑍍𑌰𑍀, 𑌵𑍇𑌦𑌜𑌨𑌨𑍀, 𑌵𑌿𑌷𑍍𑌣𑍁𑌮𑌾𑌯𑌾, 𑌵𑌿𑌲𑌾𑌸𑌿𑌨𑍀 ॥ 𑍭5 ॥

𑌕𑍍𑌷𑍇𑌤𑍍𑌰𑌸𑍍𑌵𑌰𑍂𑌪𑌾, 𑌕𑍍𑌷𑍇𑌤𑍍𑌰𑍇𑌶𑍀, 𑌕𑍍𑌷𑍇𑌤𑍍𑌰 𑌕𑍍𑌷𑍇𑌤𑍍𑌰𑌜𑍍𑌞 𑌪𑌾𑌲𑌿𑌨𑍀 ।
𑌕𑍍𑌷𑌯𑌵𑍃𑌦𑍍𑌧𑌿 𑌵𑌿𑌨𑌿𑌰𑍍𑌮𑍁𑌕𑍍𑌤𑌾, 𑌕𑍍𑌷𑍇𑌤𑍍𑌰𑌪𑌾𑌲 𑌸𑌮𑌰𑍍𑌚𑌿𑌤𑌾 ॥ 𑍭6 ॥

𑌵𑌿𑌜𑌯𑌾, 𑌵𑌿𑌮𑌲𑌾, 𑌵𑌂𑌦𑍍𑌯𑌾, 𑌵𑌂𑌦𑌾𑌰𑍁 𑌜𑌨𑌵𑌤𑍍𑌸𑌲𑌾 ।
𑌵𑌾𑌗𑍍𑌵𑌾𑌦𑌿𑌨𑍀, 𑌵𑌾𑌮𑌕𑍇𑌶𑍀, 𑌵𑌹𑍍𑌨𑌿𑌮𑌂𑌡𑌲 𑌵𑌾𑌸𑌿𑌨𑍀 ॥ 𑍭𑍭 ॥

𑌭𑌕𑍍𑌤𑌿𑌮𑌤𑍍-𑌕𑌲𑍍𑌪𑌲𑌤𑌿𑌕𑌾, 𑌪𑌶𑍁𑌪𑌾𑌶 𑌵𑌿𑌮𑍋𑌚𑌨𑍀 ।
𑌸𑌂𑌹𑍃𑌤𑌾𑌶𑍇𑌷 𑌪𑌾𑌷𑌂𑌡𑌾, 𑌸𑌦𑌾𑌚𑌾𑌰 𑌪𑍍𑌰𑌵𑌰𑍍𑌤𑌿𑌕𑌾 ॥ 𑍭𑍮 ॥

𑌤𑌾𑌪𑌤𑍍𑌰𑌯𑌾𑌗𑍍𑌨𑌿 𑌸𑌂𑌤𑌪𑍍𑌤 𑌸𑌮𑌾𑌹𑍍𑌲𑌾𑌦𑌨 𑌚𑌂𑌦𑍍𑌰𑌿𑌕𑌾 ।
𑌤𑌰𑍁𑌣𑍀, 𑌤𑌾𑌪𑌸𑌾𑌰𑌾𑌧𑍍𑌯𑌾, 𑌤𑌨𑍁𑌮𑌧𑍍𑌯𑌾, 𑌤𑌮𑍋𑌽𑌪𑌹𑌾 ॥ 𑍭𑍯 ॥

𑌚𑌿𑌤𑌿, 𑌸𑍍𑌤𑌤𑍍𑌪𑌦𑌲𑌕𑍍𑌷𑍍𑌯𑌾𑌰𑍍𑌥𑌾, 𑌚𑌿𑌦𑍇𑌕 𑌰𑌸𑌰𑍂𑌪𑌿𑌣𑍀 ।
𑌸𑍍𑌵𑌾𑌤𑍍𑌮𑌾𑌨𑌂𑌦𑌲𑌵𑍀𑌭𑍂𑌤 𑌬𑍍𑌰𑌹𑍍𑌮𑌾𑌦𑍍𑌯𑌾𑌨𑌂𑌦 𑌸𑌂𑌤𑌤𑌿𑌃 ॥ 𑍮0 ॥

𑌪𑌰𑌾, 𑌪𑍍𑌰𑌤𑍍𑌯𑌕𑍍𑌚𑌿𑌤𑍀 𑌰𑍂𑌪𑌾, 𑌪𑌶𑍍𑌯𑌂𑌤𑍀, 𑌪𑌰𑌦𑍇𑌵𑌤𑌾 ।
𑌮𑌧𑍍𑌯𑌮𑌾, 𑌵𑍈𑌖𑌰𑍀𑌰𑍂𑌪𑌾, 𑌭𑌕𑍍𑌤𑌮𑌾𑌨𑌸 𑌹𑌂𑌸𑌿𑌕𑌾 ॥ 𑍮1 ॥

𑌕𑌾𑌮𑍇𑌶𑍍𑌵𑌰 𑌪𑍍𑌰𑌾𑌣𑌨𑌾𑌡𑍀, 𑌕𑍃𑌤𑌜𑍍𑌞𑌾, 𑌕𑌾𑌮𑌪𑍂𑌜𑌿𑌤𑌾 ।
𑌶𑍃𑌂𑌗𑌾𑌰 𑌰𑌸𑌸𑌂𑌪𑍂𑌰𑍍𑌣𑌾, 𑌜𑌯𑌾, 𑌜𑌾𑌲𑌂𑌧𑌰𑌸𑍍𑌥𑌿𑌤𑌾 ॥ 𑍮2 ॥

𑌓𑌡𑍍𑌯𑌾𑌣 𑌪𑍀𑌠𑌨𑌿𑌲𑌯𑌾, 𑌬𑌿𑌂𑌦𑍁𑌮𑌂𑌡𑌲 𑌵𑌾𑌸𑌿𑌨𑍀 ।
𑌰𑌹𑍋𑌯𑌾𑌗 𑌕𑍍𑌰𑌮𑌾𑌰𑌾𑌧𑍍𑌯𑌾, 𑌰𑌹𑌸𑍍𑌤𑌰𑍍𑌪𑌣 𑌤𑌰𑍍𑌪𑌿𑌤𑌾 ॥ 𑍮3 ॥

𑌸𑌦𑍍𑌯𑌃 𑌪𑍍𑌰𑌸𑌾𑌦𑌿𑌨𑍀, 𑌵𑌿𑌶𑍍𑌵𑌸𑌾𑌕𑍍𑌷𑌿𑌣𑍀, 𑌸𑌾𑌕𑍍𑌷𑌿𑌵𑌰𑍍𑌜𑌿𑌤𑌾 ।
𑌷𑌡𑌂𑌗𑌦𑍇𑌵𑌤𑌾 𑌯𑍁𑌕𑍍𑌤𑌾, 𑌷𑌾𑌡𑍍𑌗𑍁𑌣𑍍𑌯 𑌪𑌰𑌿𑌪𑍂𑌰𑌿𑌤𑌾 ॥ 𑍮4 ॥

𑌨𑌿𑌤𑍍𑌯𑌕𑍍𑌲𑌿𑌨𑍍𑌨𑌾, 𑌨𑌿𑌰𑍁𑌪𑌮𑌾, 𑌨𑌿𑌰𑍍𑌵𑌾𑌣 𑌸𑍁𑌖𑌦𑌾𑌯𑌿𑌨𑍀 ।
𑌨𑌿𑌤𑍍𑌯𑌾, 𑌷𑍋𑌡𑌶𑌿𑌕𑌾𑌰𑍂𑌪𑌾, 𑌶𑍍𑌰𑍀𑌕𑌂𑌠𑌾𑌰𑍍𑌧 𑌶𑌰𑍀𑌰𑌿𑌣𑍀 ॥ 𑍮5 ॥

𑌪𑍍𑌰𑌭𑌾𑌵𑌤𑍀, 𑌪𑍍𑌰𑌭𑌾𑌰𑍂𑌪𑌾, 𑌪𑍍𑌰𑌸𑌿𑌦𑍍𑌧𑌾, 𑌪𑌰𑌮𑍇𑌶𑍍𑌵𑌰𑍀 ।
𑌮𑍂𑌲𑌪𑍍𑌰𑌕𑍃𑌤𑌿 𑌰𑌵𑍍𑌯𑌕𑍍𑌤𑌾, 𑌵𑍍𑌯𑌕𑍍𑌤𑌾𑌽𑌵𑍍𑌯𑌕𑍍𑌤 𑌸𑍍𑌵𑌰𑍂𑌪𑌿𑌣𑍀 ॥ 𑍮6 ॥

𑌵𑍍𑌯𑌾𑌪𑌿𑌨𑍀, 𑌵𑌿𑌵𑌿𑌧𑌾𑌕𑌾𑌰𑌾, 𑌵𑌿𑌦𑍍𑌯𑌾𑌽𑌵𑌿𑌦𑍍𑌯𑌾 𑌸𑍍𑌵𑌰𑍂𑌪𑌿𑌣𑍀 ।
𑌮𑌹𑌾𑌕𑌾𑌮𑍇𑌶 𑌨𑌯𑌨𑌾 𑌕𑍁𑌮𑍁𑌦𑌾𑌹𑍍𑌲𑌾𑌦 𑌕𑍌𑌮𑍁𑌦𑍀 ॥ 𑍮𑍭 ॥

𑌭𑌕𑍍𑌤𑌹𑌾𑌰𑍍𑌦 𑌤𑌮𑍋𑌭𑍇𑌦 𑌭𑌾𑌨𑍁𑌮𑌦𑍍-𑌭𑌾𑌨𑍁𑌸𑌂𑌤𑌤𑌿𑌃 ।
𑌶𑌿𑌵𑌦𑍂𑌤𑍀, 𑌶𑌿𑌵𑌾𑌰𑌾𑌧𑍍𑌯𑌾, 𑌶𑌿𑌵𑌮𑍂𑌰𑍍𑌤𑌿, 𑌶𑍍𑌶𑌿𑌵𑌂𑌕𑌰𑍀 ॥ 𑍮𑍮 ॥

𑌶𑌿𑌵𑌪𑍍𑌰𑌿𑌯𑌾, 𑌶𑌿𑌵𑌪𑌰𑌾, 𑌶𑌿𑌷𑍍𑌟𑍇𑌷𑍍𑌟𑌾, 𑌶𑌿𑌷𑍍𑌟𑌪𑍂𑌜𑌿𑌤𑌾 ।
𑌅𑌪𑍍𑌰𑌮𑍇𑌯𑌾, 𑌸𑍍𑌵𑌪𑍍𑌰𑌕𑌾𑌶𑌾, 𑌮𑌨𑍋𑌵𑌾𑌚𑌾𑌮 𑌗𑍋𑌚𑌰𑌾 ॥ 𑍮𑍯 ॥

𑌚𑌿𑌚𑍍𑌛𑌕𑍍𑌤𑌿, 𑌶𑍍𑌚𑍇𑌤𑌨𑌾𑌰𑍂𑌪𑌾, 𑌜𑌡𑌶𑌕𑍍𑌤𑌿, 𑌰𑍍𑌜𑌡𑌾𑌤𑍍𑌮𑌿𑌕𑌾 ।
𑌗𑌾𑌯𑌤𑍍𑌰𑍀, 𑌵𑍍𑌯𑌾𑌹𑍃𑌤𑌿, 𑌸𑍍𑌸𑌂𑌧𑍍𑌯𑌾, 𑌦𑍍𑌵𑌿𑌜𑌬𑍃𑌂𑌦 𑌨𑌿𑌷𑍇𑌵𑌿𑌤𑌾 ॥ 𑍯0 ॥ [𑌦𑍍𑌵𑌿𑌜𑌵𑍃𑌂𑌦]

𑌤𑌤𑍍𑌤𑍍𑌵𑌾𑌸𑌨𑌾, 𑌤𑌤𑍍𑌤𑍍𑌵𑌮𑌯𑍀, 𑌪𑌂𑌚𑌕𑍋𑌶𑌾𑌂𑌤𑌰𑌸𑍍𑌥𑌿𑌤𑌾 ।
𑌨𑌿𑌸𑍍𑌸𑍀𑌮𑌮𑌹𑌿𑌮𑌾, 𑌨𑌿𑌤𑍍𑌯𑌯𑍌𑌵𑌨𑌾, 𑌮𑌦𑌶𑌾𑌲𑌿𑌨𑍀 ॥ 𑍯1 ॥

𑌮𑌦𑌘𑍂𑌰𑍍𑌣𑌿𑌤 𑌰𑌕𑍍𑌤𑌾𑌕𑍍𑌷𑍀, 𑌮𑌦𑌪𑌾𑌟𑌲 𑌗𑌂𑌡𑌭𑍂𑌃 ।
𑌚𑌂𑌦𑌨 𑌦𑍍𑌰𑌵𑌦𑌿𑌗𑍍𑌧𑌾𑌂𑌗𑍀, 𑌚𑌾𑌂𑌪𑍇𑌯 𑌕𑍁𑌸𑍁𑌮 𑌪𑍍𑌰𑌿𑌯𑌾 ॥ 𑍯2 ॥

𑌕𑍁𑌶𑌲𑌾, 𑌕𑍋𑌮𑌲𑌾𑌕𑌾𑌰𑌾, 𑌕𑍁𑌰𑍁𑌕𑍁𑌳𑍍𑌳𑌾, 𑌕𑍁𑌲𑍇𑌶𑍍𑌵𑌰𑍀 ।
𑌕𑍁𑌳𑌕𑍁𑌂𑌡𑌾𑌲𑌯𑌾, 𑌕𑍌𑌳 𑌮𑌾𑌰𑍍𑌗𑌤𑌤𑍍𑌪𑌰 𑌸𑍇𑌵𑌿𑌤𑌾 ॥ 𑍯3 ॥

𑌕𑍁𑌮𑌾𑌰 𑌗𑌣𑌨𑌾𑌥𑌾𑌂𑌬𑌾, 𑌤𑍁𑌷𑍍𑌟𑌿𑌃, 𑌪𑍁𑌷𑍍𑌟𑌿, 𑌰𑍍𑌮𑌤𑌿, 𑌰𑍍𑌧𑍃𑌤𑌿𑌃 ।
𑌶𑌾𑌂𑌤𑌿𑌃, 𑌸𑍍𑌵𑌸𑍍𑌤𑌿𑌮𑌤𑍀, 𑌕𑌾𑌂𑌤𑌿, 𑌰𑍍𑌨𑌂𑌦𑌿𑌨𑍀, 𑌵𑌿𑌘𑍍𑌨𑌨𑌾𑌶𑌿𑌨𑍀 ॥ 𑍯4 ॥

𑌤𑍇𑌜𑍋𑌵𑌤𑍀, 𑌤𑍍𑌰𑌿𑌨𑌯𑌨𑌾, 𑌲𑍋𑌲𑌾𑌕𑍍𑌷𑍀 𑌕𑌾𑌮𑌰𑍂𑌪𑌿𑌣𑍀 ।
𑌮𑌾𑌲𑌿𑌨𑍀, 𑌹𑌂𑌸𑌿𑌨𑍀, 𑌮𑌾𑌤𑌾, 𑌮𑌲𑌯𑌾𑌚𑌲 𑌵𑌾𑌸𑌿𑌨𑍀 ॥ 𑍯5 ॥

𑌸𑍁𑌮𑍁𑌖𑍀, 𑌨𑌳𑌿𑌨𑍀, 𑌸𑍁𑌭𑍍𑌰𑍂𑌃, 𑌶𑍋𑌭𑌨𑌾, 𑌸𑍁𑌰𑌨𑌾𑌯𑌿𑌕𑌾 ।
𑌕𑌾𑌲𑌕𑌂𑌠𑍀, 𑌕𑌾𑌂𑌤𑌿𑌮𑌤𑍀, 𑌕𑍍𑌷𑍋𑌭𑌿𑌣𑍀, 𑌸𑍂𑌕𑍍𑌷𑍍𑌮𑌰𑍂𑌪𑌿𑌣𑍀 ॥ 𑍯6 ॥

𑌵𑌜𑍍𑌰𑍇𑌶𑍍𑌵𑌰𑍀, 𑌵𑌾𑌮𑌦𑍇𑌵𑍀, 𑌵𑌯𑍋𑌽𑌵𑌸𑍍𑌥𑌾 𑌵𑌿𑌵𑌰𑍍𑌜𑌿𑌤𑌾 ।
𑌸𑌿𑌦𑍍𑌧𑍇𑌶𑍍𑌵𑌰𑍀, 𑌸𑌿𑌦𑍍𑌧𑌵𑌿𑌦𑍍𑌯𑌾, 𑌸𑌿𑌦𑍍𑌧𑌮𑌾𑌤𑌾, 𑌯𑌶𑌸𑍍𑌵𑌿𑌨𑍀 ॥ 𑍯𑍭 ॥

𑌵𑌿𑌶𑍁𑌦𑍍𑌧𑌿 𑌚𑌕𑍍𑌰𑌨𑌿𑌲𑌯𑌾,𑌽𑌽𑌰𑌕𑍍𑌤𑌵𑌰𑍍𑌣𑌾, 𑌤𑍍𑌰𑌿𑌲𑍋𑌚𑌨𑌾 ।
𑌖𑌟𑍍𑌵𑌾𑌂𑌗𑌾𑌦𑌿 𑌪𑍍𑌰𑌹𑌰𑌣𑌾, 𑌵𑌦𑌨𑍈𑌕 𑌸𑌮𑌨𑍍𑌵𑌿𑌤𑌾 ॥ 𑍯𑍮 ॥

𑌪𑌾𑌯𑌸𑌾𑌨𑍍𑌨𑌪𑍍𑌰𑌿𑌯𑌾, 𑌤𑍍𑌵𑌕𑍍​𑌸𑍍𑌥𑌾, 𑌪𑌶𑍁𑌲𑍋𑌕 𑌭𑌯𑌂𑌕𑌰𑍀 ।
𑌅𑌮𑍃𑌤𑌾𑌦𑌿 𑌮𑌹𑌾𑌶𑌕𑍍𑌤𑌿 𑌸𑌂𑌵𑍃𑌤𑌾, 𑌡𑌾𑌕𑌿𑌨𑍀𑌶𑍍𑌵𑌰𑍀 ॥ 𑍯𑍯 ॥

𑌅𑌨𑌾𑌹𑌤𑌾𑌬𑍍𑌜 𑌨𑌿𑌲𑌯𑌾, 𑌶𑍍𑌯𑌾𑌮𑌾𑌭𑌾, 𑌵𑌦𑌨𑌦𑍍𑌵𑌯𑌾 ।
𑌦𑌂𑌷𑍍𑌟𑍍𑌰𑍋𑌜𑍍𑌜𑍍𑌵𑌲𑌾,𑌽𑌕𑍍𑌷𑌮𑌾𑌲𑌾𑌦𑌿𑌧𑌰𑌾, 𑌰𑍁𑌧𑌿𑌰 𑌸𑌂𑌸𑍍𑌥𑌿𑌤𑌾 ॥ 100 ॥

𑌕𑌾𑌳𑌰𑌾𑌤𑍍𑌰𑍍𑌯𑌾𑌦𑌿 𑌶𑌕𑍍𑌤𑍍𑌯𑍌𑌘𑌵𑍃𑌤𑌾, 𑌸𑍍𑌨𑌿𑌗𑍍𑌧𑍌𑌦𑌨𑌪𑍍𑌰𑌿𑌯𑌾 ।
𑌮𑌹𑌾𑌵𑍀𑌰𑍇𑌂𑌦𑍍𑌰 𑌵𑌰𑌦𑌾, 𑌰𑌾𑌕𑌿𑌣𑍍𑌯𑌂𑌬𑌾 𑌸𑍍𑌵𑌰𑍂𑌪𑌿𑌣𑍀 ॥ 101 ॥

𑌮𑌣𑌿𑌪𑍂𑌰𑌾𑌬𑍍𑌜 𑌨𑌿𑌲𑌯𑌾, 𑌵𑌦𑌨𑌤𑍍𑌰𑌯 𑌸𑌂𑌯𑍁𑌤𑌾 ।
𑌵𑌜𑍍𑌰𑌾𑌦𑌿𑌕𑌾𑌯𑍁𑌧𑍋𑌪𑍇𑌤𑌾, 𑌡𑌾𑌮𑌰𑍍𑌯𑌾𑌦𑌿𑌭𑌿 𑌰𑌾𑌵𑍃𑌤𑌾 ॥ 102 ॥

𑌰𑌕𑍍𑌤𑌵𑌰𑍍𑌣𑌾, 𑌮𑌾𑌂𑌸𑌨𑌿𑌷𑍍𑌠𑌾, 𑌗𑍁𑌡𑌾𑌨𑍍𑌨 𑌪𑍍𑌰𑍀𑌤𑌮𑌾𑌨𑌸𑌾 ।
𑌸𑌮𑌸𑍍𑌤 𑌭𑌕𑍍𑌤𑌸𑍁𑌖𑌦𑌾, 𑌲𑌾𑌕𑌿𑌨𑍍𑌯𑌂𑌬𑌾 𑌸𑍍𑌵𑌰𑍂𑌪𑌿𑌣𑍀 ॥ 103 ॥

𑌸𑍍𑌵𑌾𑌧𑌿𑌷𑍍𑌠𑌾𑌨𑌾𑌂𑌬𑍁𑌜𑌗𑌤𑌾, 𑌚𑌤𑍁𑌰𑍍𑌵𑌕𑍍𑌤𑍍𑌰 𑌮𑌨𑍋𑌹𑌰𑌾 ।
𑌶𑍂𑌲𑌾𑌦𑍍𑌯𑌾𑌯𑍁𑌧 𑌸𑌂𑌪𑌨𑍍𑌨𑌾, 𑌪𑍀𑌤𑌵𑌰𑍍𑌣𑌾,𑌽𑌤𑌿𑌗𑌰𑍍𑌵𑌿𑌤𑌾 ॥ 104 ॥

𑌮𑍇𑌦𑍋𑌨𑌿𑌷𑍍𑌠𑌾, 𑌮𑌧𑍁𑌪𑍍𑌰𑍀𑌤𑌾, 𑌬𑌂𑌦𑌿𑌨𑍍𑌯𑌾𑌦𑌿 𑌸𑌮𑌨𑍍𑌵𑌿𑌤𑌾 । [𑌬𑌂𑌧𑌿𑌨𑍍𑌯𑌾𑌦𑌿]
𑌦𑌧𑍍𑌯𑌨𑍍𑌨𑌾𑌸𑌕𑍍𑌤 𑌹𑍃𑌦𑌯𑌾, 𑌕𑌾𑌕𑌿𑌨𑍀-𑌰𑍂𑌪𑌧𑌾𑌰𑌿𑌣𑍀 ॥ 105 ॥

𑌮𑍂𑌲𑌾𑌧𑌾𑌰𑌾𑌂𑌬𑍁𑌜𑌾𑌰𑍂𑌢𑌾, 𑌪𑌂𑌚𑌵𑌕𑍍𑌤𑍍𑌰𑌾,𑌽𑌸𑍍𑌥𑌿𑌸𑌂𑌸𑍍𑌥𑌿𑌤𑌾 ।
𑌅𑌂𑌕𑍁𑌶𑌾𑌦𑌿 𑌪𑍍𑌰𑌹𑌰𑌣𑌾, 𑌵𑌰𑌦𑌾𑌦𑌿 𑌨𑌿𑌷𑍇𑌵𑌿𑌤𑌾 ॥ 106 ॥

𑌮𑍁𑌦𑍍𑌗𑍌𑌦𑌨𑌾𑌸𑌕𑍍𑌤 𑌚𑌿𑌤𑍍𑌤𑌾, 𑌸𑌾𑌕𑌿𑌨𑍍𑌯𑌂𑌬𑌾𑌸𑍍𑌵𑌰𑍂𑌪𑌿𑌣𑍀 ।
𑌆𑌜𑍍𑌞𑌾 𑌚𑌕𑍍𑌰𑌾𑌬𑍍𑌜𑌨𑌿𑌲𑌯𑌾, 𑌶𑍁𑌕𑍍𑌲𑌵𑌰𑍍𑌣𑌾, 𑌷𑌡𑌾𑌨𑌨𑌾 ॥ 10𑍭 ॥

𑌮𑌜𑍍𑌜𑌾𑌸𑌂𑌸𑍍𑌥𑌾, 𑌹𑌂𑌸𑌵𑌤𑍀-𑌮𑍁𑌖𑍍𑌯𑌶𑌕𑍍𑌤𑌿-𑌸𑌮𑌨𑍍𑌵𑌿𑌤𑌾 ।
𑌹𑌰𑌿𑌦𑍍𑌰𑌾𑌨𑍍𑌨𑍈𑌕 𑌰𑌸𑌿𑌕𑌾, 𑌹𑌾𑌕𑌿𑌨𑍀-𑌰𑍂𑌪𑌧𑌾𑌰𑌿𑌣𑍀 ॥ 10𑍮 ॥

𑌸𑌹𑌸𑍍𑌰𑌦𑌳 𑌪𑌦𑍍𑌮𑌸𑍍𑌥𑌾, 𑌸𑌰𑍍𑌵𑌵𑌰𑍍𑌣𑍋𑌪 𑌶𑍋𑌭𑌿𑌤𑌾 ।
𑌸𑌰𑍍𑌵𑌾𑌯𑍁𑌧𑌧𑌰𑌾, 𑌶𑍁𑌕𑍍𑌲 𑌸𑌂𑌸𑍍𑌥𑌿𑌤𑌾, 𑌸𑌰𑍍𑌵𑌤𑍋𑌮𑍁𑌖𑍀 ॥ 10𑍯 ॥

𑌸𑌰𑍍𑌵𑍌𑌦𑌨 𑌪𑍍𑌰𑍀𑌤𑌚𑌿𑌤𑍍𑌤𑌾, 𑌯𑌾𑌕𑌿𑌨𑍍𑌯𑌂𑌬𑌾 𑌸𑍍𑌵𑌰𑍂𑌪𑌿𑌣𑍀 ।
𑌸𑍍𑌵𑌾𑌹𑌾, 𑌸𑍍𑌵𑌧𑌾,𑌽𑌮𑌤𑌿, 𑌰𑍍𑌮𑍇𑌧𑌾, 𑌶𑍍𑌰𑍁𑌤𑌿𑌃, 𑌸𑍍𑌮𑍃𑌤𑌿, 𑌰𑌨𑍁𑌤𑍍𑌤𑌮𑌾 ॥ 110 ॥

𑌪𑍁𑌣𑍍𑌯𑌕𑍀𑌰𑍍𑌤𑌿𑌃, 𑌪𑍁𑌣𑍍𑌯𑌲𑌭𑍍𑌯𑌾, 𑌪𑍁𑌣𑍍𑌯𑌶𑍍𑌰𑌵𑌣 𑌕𑍀𑌰𑍍𑌤𑌨𑌾 ।
𑌪𑍁𑌲𑍋𑌮𑌜𑌾𑌰𑍍𑌚𑌿𑌤𑌾, 𑌬𑌂𑌧𑌮𑍋𑌚𑌨𑍀, 𑌬𑌂𑌧𑍁𑌰𑌾𑌲𑌕𑌾 ॥ 111 ॥

𑌵𑌿𑌮𑌰𑍍𑌶𑌰𑍂𑌪𑌿𑌣𑍀, 𑌵𑌿𑌦𑍍𑌯𑌾, 𑌵𑌿𑌯𑌦𑌾𑌦𑌿 𑌜𑌗𑌤𑍍𑌪𑍍𑌰𑌸𑍂𑌃 ।
𑌸𑌰𑍍𑌵𑌵𑍍𑌯𑌾𑌧𑌿 𑌪𑍍𑌰𑌶𑌮𑌨𑍀, 𑌸𑌰𑍍𑌵𑌮𑍃𑌤𑍍𑌯𑍁 𑌨𑌿𑌵𑌾𑌰𑌿𑌣𑍀 ॥ 112 ॥

𑌅𑌗𑍍𑌰𑌗𑌣𑍍𑌯𑌾,𑌽𑌚𑌿𑌂𑌤𑍍𑌯𑌰𑍂𑌪𑌾, 𑌕𑌲𑌿𑌕𑌲𑍍𑌮𑌷 𑌨𑌾𑌶𑌿𑌨𑍀 ।
𑌕𑌾𑌤𑍍𑌯𑌾𑌯𑌨𑍀, 𑌕𑌾𑌲𑌹𑌂𑌤𑍍𑌰𑍀, 𑌕𑌮𑌲𑌾𑌕𑍍𑌷 𑌨𑌿𑌷𑍇𑌵𑌿𑌤𑌾 ॥ 113 ॥

𑌤𑌾𑌂𑌬𑍂𑌲 𑌪𑍂𑌰𑌿𑌤 𑌮𑍁𑌖𑍀, 𑌦𑌾𑌡𑌿𑌮𑍀 𑌕𑍁𑌸𑍁𑌮𑌪𑍍𑌰𑌭𑌾 ।
𑌮𑍃𑌗𑌾𑌕𑍍𑌷𑍀, 𑌮𑍋𑌹𑌿𑌨𑍀, 𑌮𑍁𑌖𑍍𑌯𑌾, 𑌮𑍃𑌡𑌾𑌨𑍀, 𑌮𑌿𑌤𑍍𑌰𑌰𑍂𑌪𑌿𑌣𑍀 ॥ 114 ॥

𑌨𑌿𑌤𑍍𑌯𑌤𑍃𑌪𑍍𑌤𑌾, 𑌭𑌕𑍍𑌤𑌨𑌿𑌧𑌿, 𑌰𑍍𑌨𑌿𑌯𑌂𑌤𑍍𑌰𑍀, 𑌨𑌿𑌖𑌿𑌲𑍇𑌶𑍍𑌵𑌰𑍀 ।
𑌮𑍈𑌤𑍍𑌰𑍍𑌯𑌾𑌦𑌿 𑌵𑌾𑌸𑌨𑌾𑌲𑌭𑍍𑌯𑌾, 𑌮𑌹𑌾𑌪𑍍𑌰𑌳𑌯 𑌸𑌾𑌕𑍍𑌷𑌿𑌣𑍀 ॥ 115 ॥

𑌪𑌰𑌾𑌶𑌕𑍍𑌤𑌿𑌃, 𑌪𑌰𑌾𑌨𑌿𑌷𑍍𑌠𑌾, 𑌪𑍍𑌰𑌜𑍍𑌞𑌾𑌨 𑌘𑌨𑌰𑍂𑌪𑌿𑌣𑍀 ।
𑌮𑌾𑌧𑍍𑌵𑍀𑌪𑌾𑌨𑌾𑌲𑌸𑌾, 𑌮𑌤𑍍𑌤𑌾, 𑌮𑌾𑌤𑍃𑌕𑌾 𑌵𑌰𑍍𑌣 𑌰𑍂𑌪𑌿𑌣𑍀 ॥ 116 ॥

𑌮𑌹𑌾𑌕𑍈𑌲𑌾𑌸 𑌨𑌿𑌲𑌯𑌾, 𑌮𑍃𑌣𑌾𑌲 𑌮𑍃𑌦𑍁𑌦𑍋𑌰𑍍𑌲𑌤𑌾 ।
𑌮𑌹𑌨𑍀𑌯𑌾, 𑌦𑌯𑌾𑌮𑍂𑌰𑍍𑌤𑌿, 𑌰𑍍𑌮𑌹𑌾𑌸𑌾𑌮𑍍𑌰𑌾𑌜𑍍𑌯𑌶𑌾𑌲𑌿𑌨𑍀 ॥ 11𑍭 ॥

𑌆𑌤𑍍𑌮𑌵𑌿𑌦𑍍𑌯𑌾, 𑌮𑌹𑌾𑌵𑌿𑌦𑍍𑌯𑌾, 𑌶𑍍𑌰𑍀𑌵𑌿𑌦𑍍𑌯𑌾, 𑌕𑌾𑌮𑌸𑍇𑌵𑌿𑌤𑌾 ।
𑌶𑍍𑌰𑍀𑌷𑍋𑌡𑌶𑌾𑌕𑍍𑌷𑌰𑍀 𑌵𑌿𑌦𑍍𑌯𑌾, 𑌤𑍍𑌰𑌿𑌕𑍂𑌟𑌾, 𑌕𑌾𑌮𑌕𑍋𑌟𑌿𑌕𑌾 ॥ 11𑍮 ॥

𑌕𑌟𑌾𑌕𑍍𑌷𑌕𑌿𑌂𑌕𑌰𑍀 𑌭𑍂𑌤 𑌕𑌮𑌲𑌾 𑌕𑍋𑌟𑌿𑌸𑍇𑌵𑌿𑌤𑌾 ।
𑌶𑌿𑌰𑌃𑌸𑍍𑌥𑌿𑌤𑌾, 𑌚𑌂𑌦𑍍𑌰𑌨𑌿𑌭𑌾, 𑌫𑌾𑌲𑌸𑍍𑌥𑍇𑌂𑌦𑍍𑌰 𑌧𑌨𑍁𑌃𑌪𑍍𑌰𑌭𑌾 ॥ 11𑍯 ॥ [𑌭𑌾𑌲𑌸𑍍𑌥𑍇𑌂𑌦𑍍𑌰]

𑌹𑍃𑌦𑌯𑌸𑍍𑌥𑌾, 𑌰𑌵𑌿𑌪𑍍𑌰𑌖𑍍𑌯𑌾, 𑌤𑍍𑌰𑌿𑌕𑍋𑌣𑌾𑌂𑌤𑌰 𑌦𑍀𑌪𑌿𑌕𑌾 ।
𑌦𑌾𑌕𑍍𑌷𑌾𑌯𑌣𑍀, 𑌦𑍈𑌤𑍍𑌯𑌹𑌂𑌤𑍍𑌰𑍀, 𑌦𑌕𑍍𑌷𑌯𑌜𑍍𑌞 𑌵𑌿𑌨𑌾𑌶𑌿𑌨𑍀 ॥ 120 ॥

𑌦𑌰𑌾𑌂𑌦𑍋𑌳𑌿𑌤 𑌦𑍀𑌰𑍍𑌘𑌾𑌕𑍍𑌷𑍀, 𑌦𑌰𑌹𑌾𑌸𑍋𑌜𑍍𑌜𑍍𑌵𑌲𑌨𑍍𑌮𑍁𑌖𑍀 ।
𑌗𑍁𑌰𑍁𑌮𑍂𑌰𑍍𑌤𑌿, 𑌰𑍍𑌗𑍁𑌣𑌨𑌿𑌧𑌿, 𑌰𑍍𑌗𑍋𑌮𑌾𑌤𑌾, 𑌗𑍁𑌹𑌜𑌨𑍍𑌮𑌭𑍂𑌃 ॥ 121 ॥

𑌦𑍇𑌵𑍇𑌶𑍀, 𑌦𑌂𑌡𑌨𑍀𑌤𑌿𑌸𑍍𑌥𑌾, 𑌦𑌹𑌰𑌾𑌕𑌾𑌶 𑌰𑍂𑌪𑌿𑌣𑍀 ।
𑌪𑍍𑌰𑌤𑌿𑌪𑌨𑍍𑌮𑍁𑌖𑍍𑌯 𑌰𑌾𑌕𑌾𑌂𑌤 𑌤𑌿𑌥𑌿𑌮𑌂𑌡𑌲 𑌪𑍂𑌜𑌿𑌤𑌾 ॥ 122 ॥

𑌕𑌳𑌾𑌤𑍍𑌮𑌿𑌕𑌾, 𑌕𑌳𑌾𑌨𑌾𑌥𑌾, 𑌕𑌾𑌵𑍍𑌯𑌾𑌲𑌾𑌪 𑌵𑌿𑌨𑍋𑌦𑌿𑌨𑍀 ।
𑌸𑌚𑌾𑌮𑌰 𑌰𑌮𑌾𑌵𑌾𑌣𑍀 𑌸𑌵𑍍𑌯𑌦𑌕𑍍𑌷𑌿𑌣 𑌸𑍇𑌵𑌿𑌤𑌾 ॥ 123 ॥

𑌆𑌦𑌿𑌶𑌕𑍍𑌤𑌿, 𑌰𑌮𑍇𑌯𑌾,𑌽𑌽𑌤𑍍𑌮𑌾, 𑌪𑌰𑌮𑌾, 𑌪𑌾𑌵𑌨𑌾𑌕𑍃𑌤𑌿𑌃 ।
𑌅𑌨𑍇𑌕𑌕𑍋𑌟𑌿 𑌬𑍍𑌰𑌹𑍍𑌮𑌾𑌂𑌡 𑌜𑌨𑌨𑍀, 𑌦𑌿𑌵𑍍𑌯𑌵𑌿𑌗𑍍𑌰𑌹𑌾 ॥ 124 ॥

𑌕𑍍𑌲𑍀𑌂𑌕𑌾𑌰𑍀, 𑌕𑍇𑌵𑌲𑌾, 𑌗𑍁𑌹𑍍𑌯𑌾, 𑌕𑍈𑌵𑌲𑍍𑌯 𑌪𑌦𑌦𑌾𑌯𑌿𑌨𑍀 ।
𑌤𑍍𑌰𑌿𑌪𑍁𑌰𑌾, 𑌤𑍍𑌰𑌿𑌜𑌗𑌦𑍍𑌵𑌂𑌦𑍍𑌯𑌾, 𑌤𑍍𑌰𑌿𑌮𑍂𑌰𑍍𑌤𑌿, 𑌸𑍍𑌤𑍍𑌰𑌿𑌦𑌶𑍇𑌶𑍍𑌵𑌰𑍀 ॥ 125 ॥

𑌤𑍍𑌰𑍍𑌯𑌕𑍍𑌷𑌰𑍀, 𑌦𑌿𑌵𑍍𑌯𑌗𑌂𑌧𑌾𑌢𑍍𑌯𑌾, 𑌸𑌿𑌂𑌧𑍂𑌰 𑌤𑌿𑌲𑌕𑌾𑌂𑌚𑌿𑌤𑌾 ।
𑌉𑌮𑌾, 𑌶𑍈𑌲𑍇𑌂𑌦𑍍𑌰𑌤𑌨𑌯𑌾, 𑌗𑍌𑌰𑍀, 𑌗𑌂𑌧𑌰𑍍𑌵 𑌸𑍇𑌵𑌿𑌤𑌾 ॥ 126 ॥

𑌵𑌿𑌶𑍍𑌵𑌗𑌰𑍍𑌭𑌾, 𑌸𑍍𑌵𑌰𑍍𑌣𑌗𑌰𑍍𑌭𑌾,𑌽𑌵𑌰𑌦𑌾 𑌵𑌾𑌗𑌧𑍀𑌶𑍍𑌵𑌰𑍀 ।
𑌧𑍍𑌯𑌾𑌨𑌗𑌮𑍍𑌯𑌾,𑌽𑌪𑌰𑌿𑌚𑍍𑌛𑍇𑌦𑍍𑌯𑌾, 𑌜𑍍𑌞𑌾𑌨𑌦𑌾, 𑌜𑍍𑌞𑌾𑌨𑌵𑌿𑌗𑍍𑌰𑌹𑌾 ॥ 12𑍭 ॥

𑌸𑌰𑍍𑌵𑌵𑍇𑌦𑌾𑌂𑌤 𑌸𑌂𑌵𑍇𑌦𑍍𑌯𑌾, 𑌸𑌤𑍍𑌯𑌾𑌨𑌂𑌦 𑌸𑍍𑌵𑌰𑍂𑌪𑌿𑌣𑍀 ।
𑌲𑍋𑌪𑌾𑌮𑍁𑌦𑍍𑌰𑌾𑌰𑍍𑌚𑌿𑌤𑌾, 𑌲𑍀𑌲𑌾𑌕𑍢𑌪𑍍𑌤 𑌬𑍍𑌰𑌹𑍍𑌮𑌾𑌂𑌡𑌮𑌂𑌡𑌲𑌾 ॥ 12𑍮 ॥

𑌅𑌦𑍃𑌶𑍍𑌯𑌾, 𑌦𑍃𑌶𑍍𑌯𑌰𑌹𑌿𑌤𑌾, 𑌵𑌿𑌜𑍍𑌞𑌾𑌤𑍍𑌰𑍀, 𑌵𑍇𑌦𑍍𑌯𑌵𑌰𑍍𑌜𑌿𑌤𑌾 ।
𑌯𑍋𑌗𑌿𑌨𑍀, 𑌯𑍋𑌗𑌦𑌾, 𑌯𑍋𑌗𑍍𑌯𑌾, 𑌯𑍋𑌗𑌾𑌨𑌂𑌦𑌾, 𑌯𑍁𑌗𑌂𑌧𑌰𑌾 ॥ 12𑍯 ॥

𑌇𑌚𑍍𑌛𑌾𑌶𑌕𑍍𑌤𑌿 𑌜𑍍𑌞𑌾𑌨𑌶𑌕𑍍𑌤𑌿 𑌕𑍍𑌰𑌿𑌯𑌾𑌶𑌕𑍍𑌤𑌿 𑌸𑍍𑌵𑌰𑍂𑌪𑌿𑌣𑍀 ।
𑌸𑌰𑍍𑌵𑌾𑌧𑌾𑌰𑌾, 𑌸𑍁𑌪𑍍𑌰𑌤𑌿𑌷𑍍𑌠𑌾, 𑌸𑌦𑌸𑌦𑍍-𑌰𑍂𑌪𑌧𑌾𑌰𑌿𑌣𑍀 ॥ 130 ॥

𑌅𑌷𑍍𑌟𑌮𑍂𑌰𑍍𑌤𑌿, 𑌰𑌜𑌾𑌜𑍈𑌤𑍍𑌰𑍀, 𑌲𑍋𑌕𑌯𑌾𑌤𑍍𑌰𑌾 𑌵𑌿𑌧𑌾𑌯𑌿𑌨𑍀 ।
𑌏𑌕𑌾𑌕𑌿𑌨𑍀, 𑌭𑍂𑌮𑌰𑍂𑌪𑌾, 𑌨𑌿𑌰𑍍𑌦𑍍𑌵𑍈𑌤𑌾, 𑌦𑍍𑌵𑍈𑌤𑌵𑌰𑍍𑌜𑌿𑌤𑌾 ॥ 131 ॥

𑌅𑌨𑍍𑌨𑌦𑌾, 𑌵𑌸𑍁𑌦𑌾, 𑌵𑍃𑌦𑍍𑌧𑌾, 𑌬𑍍𑌰𑌹𑍍𑌮𑌾𑌤𑍍𑌮𑍈𑌕𑍍𑌯 𑌸𑍍𑌵𑌰𑍂𑌪𑌿𑌣𑍀 ।
𑌬𑍃𑌹𑌤𑍀, 𑌬𑍍𑌰𑌾𑌹𑍍𑌮𑌣𑍀, 𑌬𑍍𑌰𑌾𑌹𑍍𑌮𑍀, 𑌬𑍍𑌰𑌹𑍍𑌮𑌾𑌨𑌂𑌦𑌾, 𑌬𑌲𑌿𑌪𑍍𑌰𑌿𑌯𑌾 ॥ 132 ॥

𑌭𑌾𑌷𑌾𑌰𑍂𑌪𑌾, 𑌬𑍃𑌹𑌤𑍍𑌸𑍇𑌨𑌾, 𑌭𑌾𑌵𑌾𑌭𑌾𑌵 𑌵𑌿𑌵𑌰𑍍𑌜𑌿𑌤𑌾 ।
𑌸𑍁𑌖𑌾𑌰𑌾𑌧𑍍𑌯𑌾, 𑌶𑍁𑌭𑌕𑌰𑍀, 𑌶𑍋𑌭𑌨𑌾 𑌸𑍁𑌲𑌭𑌾𑌗𑌤𑌿𑌃 ॥ 133 ॥

𑌰𑌾𑌜𑌰𑌾𑌜𑍇𑌶𑍍𑌵𑌰𑍀, 𑌰𑌾𑌜𑍍𑌯𑌦𑌾𑌯𑌿𑌨𑍀, 𑌰𑌾𑌜𑍍𑌯𑌵𑌲𑍍𑌲𑌭𑌾 ।
𑌰𑌾𑌜𑌤𑍍-𑌕𑍃𑌪𑌾, 𑌰𑌾𑌜𑌪𑍀𑌠 𑌨𑌿𑌵𑍇𑌶𑌿𑌤 𑌨𑌿𑌜𑌾𑌶𑍍𑌰𑌿𑌤𑌾 ॥ 134 ॥

𑌰𑌾𑌜𑍍𑌯𑌲𑌕𑍍𑌷𑍍𑌮𑍀𑌃, 𑌕𑍋𑌶𑌨𑌾𑌥𑌾, 𑌚𑌤𑍁𑌰𑌂𑌗 𑌬𑌲𑍇𑌶𑍍𑌵𑌰𑍀 ।
𑌸𑌾𑌮𑍍𑌰𑌾𑌜𑍍𑌯𑌦𑌾𑌯𑌿𑌨𑍀, 𑌸𑌤𑍍𑌯𑌸𑌂𑌧𑌾, 𑌸𑌾𑌗𑌰𑌮𑍇𑌖𑌲𑌾 ॥ 135 ॥

𑌦𑍀𑌕𑍍𑌷𑌿𑌤𑌾, 𑌦𑍈𑌤𑍍𑌯𑌶𑌮𑌨𑍀, 𑌸𑌰𑍍𑌵𑌲𑍋𑌕 𑌵𑌶𑌂𑌕𑌰𑍀 ।
𑌸𑌰𑍍𑌵𑌾𑌰𑍍𑌥𑌦𑌾𑌤𑍍𑌰𑍀, 𑌸𑌾𑌵𑌿𑌤𑍍𑌰𑍀, 𑌸𑌚𑍍𑌚𑌿𑌦𑌾𑌨𑌂𑌦 𑌰𑍂𑌪𑌿𑌣𑍀 ॥ 136 ॥

𑌦𑍇𑌶𑌕𑌾𑌲𑌾𑌽𑌪𑌰𑌿𑌚𑍍𑌛𑌿𑌨𑍍𑌨𑌾, 𑌸𑌰𑍍𑌵𑌗𑌾, 𑌸𑌰𑍍𑌵𑌮𑍋𑌹𑌿𑌨𑍀 ।
𑌸𑌰𑌸𑍍𑌵𑌤𑍀, 𑌶𑌾𑌸𑍍𑌤𑍍𑌰𑌮𑌯𑍀, 𑌗𑍁𑌹𑌾𑌂𑌬𑌾, 𑌗𑍁𑌹𑍍𑌯𑌰𑍂𑌪𑌿𑌣𑍀 ॥ 13𑍭 ॥

𑌸𑌰𑍍𑌵𑍋𑌪𑌾𑌧𑌿 𑌵𑌿𑌨𑌿𑌰𑍍𑌮𑍁𑌕𑍍𑌤𑌾, 𑌸𑌦𑌾𑌶𑌿𑌵 𑌪𑌤𑌿𑌵𑍍𑌰𑌤𑌾 ।
𑌸𑌂𑌪𑍍𑌰𑌦𑌾𑌯𑍇𑌶𑍍𑌵𑌰𑍀, 𑌸𑌾𑌧𑍍𑌵𑍀, 𑌗𑍁𑌰𑍁𑌮𑌂𑌡𑌲 𑌰𑍂𑌪𑌿𑌣𑍀 ॥ 13𑍮 ॥

𑌕𑍁𑌲𑍋𑌤𑍍𑌤𑍀𑌰𑍍𑌣𑌾, 𑌭𑌗𑌾𑌰𑌾𑌧𑍍𑌯𑌾, 𑌮𑌾𑌯𑌾, 𑌮𑌧𑍁𑌮𑌤𑍀, 𑌮𑌹𑍀 ।
𑌗𑌣𑌾𑌂𑌬𑌾, 𑌗𑍁𑌹𑍍𑌯𑌕𑌾𑌰𑌾𑌧𑍍𑌯𑌾, 𑌕𑍋𑌮𑌲𑌾𑌂𑌗𑍀, 𑌗𑍁𑌰𑍁𑌪𑍍𑌰𑌿𑌯𑌾 ॥ 13𑍯 ॥

𑌸𑍍𑌵𑌤𑌂𑌤𑍍𑌰𑌾, 𑌸𑌰𑍍𑌵𑌤𑌂𑌤𑍍𑌰𑍇𑌶𑍀, 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌰𑍂𑌪𑌿𑌣𑍀 ।
𑌸𑌨𑌕𑌾𑌦𑌿 𑌸𑌮𑌾𑌰𑌾𑌧𑍍𑌯𑌾, 𑌶𑌿𑌵𑌜𑍍𑌞𑌾𑌨 𑌪𑍍𑌰𑌦𑌾𑌯𑌿𑌨𑍀 ॥ 140 ॥

𑌚𑌿𑌤𑍍𑌕𑌳𑌾,𑌽𑌽𑌨𑌂𑌦𑌕𑌲𑌿𑌕𑌾, 𑌪𑍍𑌰𑍇𑌮𑌰𑍂𑌪𑌾, 𑌪𑍍𑌰𑌿𑌯𑌂𑌕𑌰𑍀 ।
𑌨𑌾𑌮𑌪𑌾𑌰𑌾𑌯𑌣 𑌪𑍍𑌰𑍀𑌤𑌾, 𑌨𑌂𑌦𑌿𑌵𑌿𑌦𑍍𑌯𑌾, 𑌨𑌟𑍇𑌶𑍍𑌵𑌰𑍀 ॥ 141 ॥

𑌮𑌿𑌥𑍍𑌯𑌾 𑌜𑌗𑌦𑌧𑌿𑌷𑍍𑌠𑌾𑌨𑌾 𑌮𑍁𑌕𑍍𑌤𑌿𑌦𑌾, 𑌮𑍁𑌕𑍍𑌤𑌿𑌰𑍂𑌪𑌿𑌣𑍀 ।
𑌲𑌾𑌸𑍍𑌯𑌪𑍍𑌰𑌿𑌯𑌾, 𑌲𑌯𑌕𑌰𑍀, 𑌲𑌜𑍍𑌜𑌾, 𑌰𑌂𑌭𑌾𑌦𑌿 𑌵𑌂𑌦𑌿𑌤𑌾 ॥ 142 ॥

𑌭𑌵𑌦𑌾𑌵 𑌸𑍁𑌧𑌾𑌵𑍃𑌷𑍍𑌟𑌿𑌃, 𑌪𑌾𑌪𑌾𑌰𑌣𑍍𑌯 𑌦𑌵𑌾𑌨𑌲𑌾 ।
𑌦𑍌𑌰𑍍𑌭𑌾𑌗𑍍𑌯𑌤𑍂𑌲 𑌵𑌾𑌤𑍂𑌲𑌾, 𑌜𑌰𑌾𑌧𑍍𑌵𑌾𑌂𑌤 𑌰𑌵𑌿𑌪𑍍𑌰𑌭𑌾 ॥ 143 ॥

𑌭𑌾𑌗𑍍𑌯𑌾𑌬𑍍𑌧𑌿𑌚𑌂𑌦𑍍𑌰𑌿𑌕𑌾, 𑌭𑌕𑍍𑌤𑌚𑌿𑌤𑍍𑌤𑌕𑍇𑌕𑌿 𑌘𑌨𑌾𑌘𑌨𑌾 ।
𑌰𑍋𑌗𑌪𑌰𑍍𑌵𑌤 𑌦𑌂𑌭𑍋𑌳𑌿, 𑌰𑍍𑌮𑍃𑌤𑍍𑌯𑍁𑌦𑌾𑌰𑍁 𑌕𑍁𑌠𑌾𑌰𑌿𑌕𑌾 ॥ 144 ॥

𑌮𑌹𑍇𑌶𑍍𑌵𑌰𑍀, 𑌮𑌹𑌾𑌕𑌾𑌳𑍀, 𑌮𑌹𑌾𑌗𑍍𑌰𑌾𑌸𑌾, 𑌮𑌹𑌾𑌽𑌶𑌨𑌾 ।
𑌅𑌪𑌰𑍍𑌣𑌾, 𑌚𑌂𑌡𑌿𑌕𑌾, 𑌚𑌂𑌡𑌮𑍁𑌂𑌡𑌾𑌽𑌸𑍁𑌰 𑌨𑌿𑌷𑍂𑌦𑌿𑌨𑍀 ॥ 145 ॥

𑌕𑍍𑌷𑌰𑌾𑌕𑍍𑌷𑌰𑌾𑌤𑍍𑌮𑌿𑌕𑌾, 𑌸𑌰𑍍𑌵𑌲𑍋𑌕𑍇𑌶𑍀, 𑌵𑌿𑌶𑍍𑌵𑌧𑌾𑌰𑌿𑌣𑍀 ।
𑌤𑍍𑌰𑌿𑌵𑌰𑍍𑌗𑌦𑌾𑌤𑍍𑌰𑍀, 𑌸𑍁𑌭𑌗𑌾, 𑌤𑍍𑌰𑍍𑌯𑌂𑌬𑌕𑌾, 𑌤𑍍𑌰𑌿𑌗𑍁𑌣𑌾𑌤𑍍𑌮𑌿𑌕𑌾 ॥ 146 ॥

𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌦𑌾, 𑌶𑍁𑌦𑍍𑌧𑌾, 𑌜𑌪𑌾𑌪𑍁𑌷𑍍𑌪 𑌨𑌿𑌭𑌾𑌕𑍃𑌤𑌿𑌃 ।
𑌓𑌜𑍋𑌵𑌤𑍀, 𑌦𑍍𑌯𑍁𑌤𑌿𑌧𑌰𑌾, 𑌯𑌜𑍍𑌞𑌰𑍂𑌪𑌾, 𑌪𑍍𑌰𑌿𑌯𑌵𑍍𑌰𑌤𑌾 ॥ 14𑍭 ॥

𑌦𑍁𑌰𑌾𑌰𑌾𑌧𑍍𑌯𑌾, 𑌦𑍁𑌰𑌾𑌧𑌰𑍍𑌷𑌾, 𑌪𑌾𑌟𑌲𑍀 𑌕𑍁𑌸𑍁𑌮𑌪𑍍𑌰𑌿𑌯𑌾 ।
𑌮𑌹𑌤𑍀, 𑌮𑍇𑌰𑍁𑌨𑌿𑌲𑌯𑌾, 𑌮𑌂𑌦𑌾𑌰 𑌕𑍁𑌸𑍁𑌮𑌪𑍍𑌰𑌿𑌯𑌾 ॥ 14𑍮 ॥

𑌵𑍀𑌰𑌾𑌰𑌾𑌧𑍍𑌯𑌾, 𑌵𑌿𑌰𑌾𑌡𑍍𑌰𑍂𑌪𑌾, 𑌵𑌿𑌰𑌜𑌾, 𑌵𑌿𑌶𑍍𑌵𑌤𑍋𑌮𑍁𑌖𑍀 ।
𑌪𑍍𑌰𑌤𑍍𑌯𑌗𑍍𑌰𑍂𑌪𑌾, 𑌪𑌰𑌾𑌕𑌾𑌶𑌾, 𑌪𑍍𑌰𑌾𑌣𑌦𑌾, 𑌪𑍍𑌰𑌾𑌣𑌰𑍂𑌪𑌿𑌣𑍀 ॥ 14𑍯 ॥

𑌮𑌾𑌰𑍍𑌤𑌾𑌂𑌡 𑌭𑍈𑌰𑌵𑌾𑌰𑌾𑌧𑍍𑌯𑌾, 𑌮𑌂𑌤𑍍𑌰𑌿𑌣𑍀 𑌨𑍍𑌯𑌸𑍍𑌤𑌰𑌾𑌜𑍍𑌯𑌧𑍂𑌃 ।
𑌤𑍍𑌰𑌿𑌪𑍁𑌰𑍇𑌶𑍀, 𑌜𑌯𑌤𑍍𑌸𑍇𑌨𑌾, 𑌨𑌿𑌸𑍍𑌤𑍍𑌰𑍈𑌗𑍁𑌣𑍍𑌯𑌾, 𑌪𑌰𑌾𑌪𑌰𑌾 ॥ 150 ॥

𑌸𑌤𑍍𑌯𑌜𑍍𑌞𑌾𑌨𑌾𑌽𑌨𑌂𑌦𑌰𑍂𑌪𑌾, 𑌸𑌾𑌮𑌰𑌸𑍍𑌯 𑌪𑌰𑌾𑌯𑌣𑌾 ।
𑌕𑌪𑌰𑍍𑌦𑌿𑌨𑍀, 𑌕𑌲𑌾𑌮𑌾𑌲𑌾, 𑌕𑌾𑌮𑌧𑍁𑌕𑍍,𑌕𑌾𑌮𑌰𑍂𑌪𑌿𑌣𑍀 ॥ 151 ॥

𑌕𑌳𑌾𑌨𑌿𑌧𑌿𑌃, 𑌕𑌾𑌵𑍍𑌯𑌕𑌳𑌾, 𑌰𑌸𑌜𑍍𑌞𑌾, 𑌰𑌸𑌶𑍇𑌵𑌧𑌿𑌃 ।
𑌪𑍁𑌷𑍍𑌟𑌾, 𑌪𑍁𑌰𑌾𑌤𑌨𑌾, 𑌪𑍂𑌜𑍍𑌯𑌾, 𑌪𑍁𑌷𑍍𑌕𑌰𑌾, 𑌪𑍁𑌷𑍍𑌕𑌰𑍇𑌕𑍍𑌷𑌣𑌾 ॥ 152 ॥

𑌪𑌰𑌂𑌜𑍍𑌯𑍋𑌤𑌿𑌃, 𑌪𑌰𑌂𑌧𑌾𑌮, 𑌪𑌰𑌮𑌾𑌣𑍁𑌃, 𑌪𑌰𑌾𑌤𑍍𑌪𑌰𑌾 ।
𑌪𑌾𑌶𑌹𑌸𑍍𑌤𑌾, 𑌪𑌾𑌶𑌹𑌂𑌤𑍍𑌰𑍀, 𑌪𑌰𑌮𑌂𑌤𑍍𑌰 𑌵𑌿𑌭𑍇𑌦𑌿𑌨𑍀 ॥ 153 ॥

𑌮𑍂𑌰𑍍𑌤𑌾,𑌽𑌮𑍂𑌰𑍍𑌤𑌾,𑌽𑌨𑌿𑌤𑍍𑌯𑌤𑍃𑌪𑍍𑌤𑌾, 𑌮𑍁𑌨𑌿 𑌮𑌾𑌨𑌸 𑌹𑌂𑌸𑌿𑌕𑌾 ।
𑌸𑌤𑍍𑌯𑌵𑍍𑌰𑌤𑌾, 𑌸𑌤𑍍𑌯𑌰𑍂𑌪𑌾, 𑌸𑌰𑍍𑌵𑌾𑌂𑌤𑌰𑍍𑌯𑌾𑌮𑌿𑌨𑍀, 𑌸𑌤𑍀 ॥ 154 ॥

𑌬𑍍𑌰𑌹𑍍𑌮𑌾𑌣𑍀, 𑌬𑍍𑌰𑌹𑍍𑌮𑌜𑌨𑌨𑍀, 𑌬𑌹𑍁𑌰𑍂𑌪𑌾, 𑌬𑍁𑌧𑌾𑌰𑍍𑌚𑌿𑌤𑌾 ।
𑌪𑍍𑌰𑌸𑌵𑌿𑌤𑍍𑌰𑍀, 𑌪𑍍𑌰𑌚𑌂𑌡𑌾𑌽𑌽𑌜𑍍𑌞𑌾, 𑌪𑍍𑌰𑌤𑌿𑌷𑍍𑌠𑌾, 𑌪𑍍𑌰𑌕𑌟𑌾𑌕𑍃𑌤𑌿𑌃 ॥ 155 ॥

𑌪𑍍𑌰𑌾𑌣𑍇𑌶𑍍𑌵𑌰𑍀, 𑌪𑍍𑌰𑌾𑌣𑌦𑌾𑌤𑍍𑌰𑍀, 𑌪𑌂𑌚𑌾𑌶𑌤𑍍-𑌪𑍀𑌠𑌰𑍂𑌪𑌿𑌣𑍀 ।
𑌵𑌿𑌶𑍃𑌂𑌖𑌲𑌾, 𑌵𑌿𑌵𑌿𑌕𑍍𑌤𑌸𑍍𑌥𑌾, 𑌵𑍀𑌰𑌮𑌾𑌤𑌾, 𑌵𑌿𑌯𑌤𑍍𑌪𑍍𑌰𑌸𑍂𑌃 ॥ 156 ॥

𑌮𑍁𑌕𑍁𑌂𑌦𑌾, 𑌮𑍁𑌕𑍍𑌤𑌿 𑌨𑌿𑌲𑌯𑌾, 𑌮𑍂𑌲𑌵𑌿𑌗𑍍𑌰𑌹 𑌰𑍂𑌪𑌿𑌣𑍀 ।
𑌭𑌾𑌵𑌜𑍍𑌞𑌾, 𑌭𑌵𑌰𑍋𑌗𑌘𑍍𑌨𑍀 𑌭𑌵𑌚𑌕𑍍𑌰 𑌪𑍍𑌰𑌵𑌰𑍍𑌤𑌿𑌨𑍀 ॥ 15𑍭 ॥

𑌛𑌂𑌦𑌸𑍍𑌸𑌾𑌰𑌾, 𑌶𑌾𑌸𑍍𑌤𑍍𑌰𑌸𑌾𑌰𑌾, 𑌮𑌂𑌤𑍍𑌰𑌸𑌾𑌰𑌾, 𑌤𑌲𑍋𑌦𑌰𑍀 ।
𑌉𑌦𑌾𑌰𑌕𑍀𑌰𑍍𑌤𑌿, 𑌰𑍁𑌦𑍍𑌦𑌾𑌮𑌵𑍈𑌭𑌵𑌾, 𑌵𑌰𑍍𑌣𑌰𑍂𑌪𑌿𑌣𑍀 ॥ 15𑍮 ॥

𑌜𑌨𑍍𑌮𑌮𑍃𑌤𑍍𑌯𑍁 𑌜𑌰𑌾𑌤𑌪𑍍𑌤 𑌜𑌨 𑌵𑌿𑌶𑍍𑌰𑌾𑌂𑌤𑌿 𑌦𑌾𑌯𑌿𑌨𑍀 ।
𑌸𑌰𑍍𑌵𑍋𑌪𑌨𑌿𑌷-𑌦𑍁𑌦𑍍𑌘𑍁𑌷𑍍𑌟𑌾, 𑌶𑌾𑌂𑌤𑍍𑌯𑌤𑍀𑌤 𑌕𑌳𑌾𑌤𑍍𑌮𑌿𑌕𑌾 ॥ 15𑍯 ॥

𑌗𑌂𑌭𑍀𑌰𑌾, 𑌗𑌗𑌨𑌾𑌂𑌤𑌃𑌸𑍍𑌥𑌾, 𑌗𑌰𑍍𑌵𑌿𑌤𑌾, 𑌗𑌾𑌨𑌲𑍋𑌲𑍁𑌪𑌾 ।
𑌕𑌲𑍍𑌪𑌨𑌾𑌰𑌹𑌿𑌤𑌾, 𑌕𑌾𑌷𑍍𑌠𑌾,𑌽𑌕𑌾𑌂𑌤𑌾, 𑌕𑌾𑌂𑌤𑌾𑌰𑍍𑌧 𑌵𑌿𑌗𑍍𑌰𑌹𑌾 ॥ 160 ॥

𑌕𑌾𑌰𑍍𑌯𑌕𑌾𑌰𑌣 𑌨𑌿𑌰𑍍𑌮𑍁𑌕𑍍𑌤𑌾, 𑌕𑌾𑌮𑌕𑍇𑌳𑌿 𑌤𑌰𑌂𑌗𑌿𑌤𑌾 ।
𑌕𑌨𑌤𑍍-𑌕𑌨𑌕𑌤𑌾𑌟𑌂𑌕𑌾, 𑌲𑍀𑌲𑌾𑌵𑌿𑌗𑍍𑌰𑌹 𑌧𑌾𑌰𑌿𑌣𑍀 ॥ 161 ॥

𑌅𑌜𑌾𑌕𑍍𑌷𑌯 𑌵𑌿𑌨𑌿𑌰𑍍𑌮𑍁𑌕𑍍𑌤𑌾, 𑌮𑍁𑌗𑍍𑌧𑌾 𑌕𑍍𑌷𑌿𑌪𑍍𑌰𑌪𑍍𑌰𑌸𑌾𑌦𑌿𑌨𑍀 ।
𑌅𑌂𑌤𑌰𑍍𑌮𑍁𑌖 𑌸𑌮𑌾𑌰𑌾𑌧𑍍𑌯𑌾, 𑌬𑌹𑌿𑌰𑍍𑌮𑍁𑌖 𑌸𑍁𑌦𑍁𑌰𑍍𑌲𑌭𑌾 ॥ 162 ॥

𑌤𑍍𑌰𑌯𑍀, 𑌤𑍍𑌰𑌿𑌵𑌰𑍍𑌗 𑌨𑌿𑌲𑌯𑌾, 𑌤𑍍𑌰𑌿𑌸𑍍𑌥𑌾, 𑌤𑍍𑌰𑌿𑌪𑍁𑌰𑌮𑌾𑌲𑌿𑌨𑍀 ।
𑌨𑌿𑌰𑌾𑌮𑌯𑌾, 𑌨𑌿𑌰𑌾𑌲𑌂𑌬𑌾, 𑌸𑍍𑌵𑌾𑌤𑍍𑌮𑌾𑌰𑌾𑌮𑌾, 𑌸𑍁𑌧𑌾𑌸𑍃𑌤𑌿𑌃 ॥ 163 ॥

𑌸𑌂𑌸𑌾𑌰𑌪𑌂𑌕 𑌨𑌿𑌰𑍍𑌮𑌗𑍍𑌨 𑌸𑌮𑍁𑌦𑍍𑌧𑌰𑌣 𑌪𑌂𑌡𑌿𑌤𑌾 ।
𑌯𑌜𑍍𑌞𑌪𑍍𑌰𑌿𑌯𑌾, 𑌯𑌜𑍍𑌞𑌕𑌰𑍍𑌤𑍍𑌰𑍀, 𑌯𑌜𑌮𑌾𑌨 𑌸𑍍𑌵𑌰𑍂𑌪𑌿𑌣𑍀 ॥ 164 ॥

𑌧𑌰𑍍𑌮𑌾𑌧𑌾𑌰𑌾, 𑌧𑌨𑌾𑌧𑍍𑌯𑌕𑍍𑌷𑌾, 𑌧𑌨𑌧𑌾𑌨𑍍𑌯 𑌵𑌿𑌵𑌰𑍍𑌧𑌿𑌨𑍀 ।
𑌵𑌿𑌪𑍍𑌰𑌪𑍍𑌰𑌿𑌯𑌾, 𑌵𑌿𑌪𑍍𑌰𑌰𑍂𑌪𑌾, 𑌵𑌿𑌶𑍍𑌵𑌭𑍍𑌰𑌮𑌣 𑌕𑌾𑌰𑌿𑌣𑍀 ॥ 165 ॥

𑌵𑌿𑌶𑍍𑌵𑌗𑍍𑌰𑌾𑌸𑌾, 𑌵𑌿𑌦𑍍𑌰𑍁𑌮𑌾𑌭𑌾, 𑌵𑍈𑌷𑍍𑌣𑌵𑍀, 𑌵𑌿𑌷𑍍𑌣𑍁𑌰𑍂𑌪𑌿𑌣𑍀 ।
𑌅𑌯𑍋𑌨𑌿, 𑌰𑍍𑌯𑍋𑌨𑌿𑌨𑌿𑌲𑌯𑌾, 𑌕𑍂𑌟𑌸𑍍𑌥𑌾, 𑌕𑍁𑌲𑌰𑍂𑌪𑌿𑌣𑍀 ॥ 166 ॥

𑌵𑍀𑌰𑌗𑍋𑌷𑍍𑌠𑍀𑌪𑍍𑌰𑌿𑌯𑌾, 𑌵𑍀𑌰𑌾, 𑌨𑍈𑌷𑍍𑌕𑌰𑍍𑌮𑍍𑌯𑌾, 𑌨𑌾𑌦𑌰𑍂𑌪𑌿𑌣𑍀 ।
𑌵𑌿𑌜𑍍𑌞𑌾𑌨 𑌕𑌲𑌨𑌾, 𑌕𑌲𑍍𑌯𑌾 𑌵𑌿𑌦𑌗𑍍𑌧𑌾, 𑌬𑍈𑌂𑌦𑌵𑌾𑌸𑌨𑌾 ॥ 16𑍭 ॥

𑌤𑌤𑍍𑌤𑍍𑌵𑌾𑌧𑌿𑌕𑌾, 𑌤𑌤𑍍𑌤𑍍𑌵𑌮𑌯𑍀, 𑌤𑌤𑍍𑌤𑍍𑌵𑌮𑌰𑍍𑌥 𑌸𑍍𑌵𑌰𑍂𑌪𑌿𑌣𑍀 ।
𑌸𑌾𑌮𑌗𑌾𑌨𑌪𑍍𑌰𑌿𑌯𑌾, 𑌸𑍌𑌮𑍍𑌯𑌾, 𑌸𑌦𑌾𑌶𑌿𑌵 𑌕𑍁𑌟𑍁𑌂𑌬𑌿𑌨𑍀 ॥ 16𑍮 ॥

𑌸𑌵𑍍𑌯𑌾𑌪𑌸𑌵𑍍𑌯 𑌮𑌾𑌰𑍍𑌗𑌸𑍍𑌥𑌾, 𑌸𑌰𑍍𑌵𑌾𑌪𑌦𑍍𑌵𑌿 𑌨𑌿𑌵𑌾𑌰𑌿𑌣𑍀 ।
𑌸𑍍𑌵𑌸𑍍𑌥𑌾, 𑌸𑍍𑌵𑌭𑌾𑌵𑌮𑌧𑍁𑌰𑌾, 𑌧𑍀𑌰𑌾, 𑌧𑍀𑌰 𑌸𑌮𑌰𑍍𑌚𑌿𑌤𑌾 ॥ 16𑍯 ॥

𑌚𑍈𑌤𑌨𑍍𑌯𑌾𑌰𑍍𑌘𑍍𑌯 𑌸𑌮𑌾𑌰𑌾𑌧𑍍𑌯𑌾, 𑌚𑍈𑌤𑌨𑍍𑌯 𑌕𑍁𑌸𑍁𑌮𑌪𑍍𑌰𑌿𑌯𑌾 ।
𑌸𑌦𑍋𑌦𑌿𑌤𑌾, 𑌸𑌦𑌾𑌤𑍁𑌷𑍍𑌟𑌾, 𑌤𑌰𑍁𑌣𑌾𑌦𑌿𑌤𑍍𑌯 𑌪𑌾𑌟𑌲𑌾 ॥ 1𑍭0 ॥

𑌦𑌕𑍍𑌷𑌿𑌣𑌾, 𑌦𑌕𑍍𑌷𑌿𑌣𑌾𑌰𑌾𑌧𑍍𑌯𑌾, 𑌦𑌰𑌸𑍍𑌮𑍇𑌰 𑌮𑍁𑌖𑌾𑌂𑌬𑍁𑌜𑌾 ।
𑌕𑍌𑌳𑌿𑌨𑍀 𑌕𑍇𑌵𑌲𑌾,𑌽𑌨𑌰𑍍𑌘𑍍𑌯𑌾 𑌕𑍈𑌵𑌲𑍍𑌯 𑌪𑌦𑌦𑌾𑌯𑌿𑌨𑍀 ॥ 1𑍭1 ॥

𑌸𑍍𑌤𑍋𑌤𑍍𑌰𑌪𑍍𑌰𑌿𑌯𑌾, 𑌸𑍍𑌤𑍁𑌤𑌿𑌮𑌤𑍀, 𑌶𑍍𑌰𑍁𑌤𑌿𑌸𑌂𑌸𑍍𑌤𑍁𑌤 𑌵𑍈𑌭𑌵𑌾 ।
𑌮𑌨𑌸𑍍𑌵𑌿𑌨𑍀, 𑌮𑌾𑌨𑌵𑌤𑍀, 𑌮𑌹𑍇𑌶𑍀, 𑌮𑌂𑌗𑌳𑌾𑌕𑍃𑌤𑌿𑌃 ॥ 1𑍭2 ॥

𑌵𑌿𑌶𑍍𑌵𑌮𑌾𑌤𑌾, 𑌜𑌗𑌦𑍍𑌧𑌾𑌤𑍍𑌰𑍀, 𑌵𑌿𑌶𑌾𑌲𑌾𑌕𑍍𑌷𑍀, 𑌵𑌿𑌰𑌾𑌗𑌿𑌣𑍀।
𑌪𑍍𑌰𑌗𑌲𑍍𑌭𑌾, 𑌪𑌰𑌮𑍋𑌦𑌾𑌰𑌾, 𑌪𑌰𑌾𑌮𑍋𑌦𑌾, 𑌮𑌨𑍋𑌮𑌯𑍀 ॥ 1𑍭3 ॥

𑌵𑍍𑌯𑍋𑌮𑌕𑍇𑌶𑍀, 𑌵𑌿𑌮𑌾𑌨𑌸𑍍𑌥𑌾, 𑌵𑌜𑍍𑌰𑌿𑌣𑍀, 𑌵𑌾𑌮𑌕𑍇𑌶𑍍𑌵𑌰𑍀 ।
𑌪𑌂𑌚𑌯𑌜𑍍𑌞𑌪𑍍𑌰𑌿𑌯𑌾, 𑌪𑌂𑌚𑌪𑍍𑌰𑍇𑌤 𑌮𑌂𑌚𑌾𑌧𑌿𑌶𑌾𑌯𑌿𑌨𑍀 ॥ 1𑍭4 ॥

𑌪𑌂𑌚𑌮𑍀, 𑌪𑌂𑌚𑌭𑍂𑌤𑍇𑌶𑍀, 𑌪𑌂𑌚 𑌸𑌂𑌖𑍍𑌯𑍋𑌪𑌚𑌾𑌰𑌿𑌣𑍀 ।
𑌶𑌾𑌶𑍍𑌵𑌤𑍀, 𑌶𑌾𑌶𑍍𑌵𑌤𑍈𑌶𑍍𑌵𑌰𑍍𑌯𑌾, 𑌶𑌰𑍍𑌮𑌦𑌾, 𑌶𑌂𑌭𑍁𑌮𑍋𑌹𑌿𑌨𑍀 ॥ 1𑍭5 ॥

𑌧𑌰𑌾, 𑌧𑌰𑌸𑍁𑌤𑌾, 𑌧𑌨𑍍𑌯𑌾, 𑌧𑌰𑍍𑌮𑌿𑌣𑍀, 𑌧𑌰𑍍𑌮𑌵𑌰𑍍𑌧𑌿𑌨𑍀 ।
𑌲𑍋𑌕𑌾𑌤𑍀𑌤𑌾, 𑌗𑍁𑌣𑌾𑌤𑍀𑌤𑌾, 𑌸𑌰𑍍𑌵𑌾𑌤𑍀𑌤𑌾, 𑌶𑌮𑌾𑌤𑍍𑌮𑌿𑌕𑌾 ॥ 1𑍭6 ॥

𑌬𑌂𑌧𑍂𑌕 𑌕𑍁𑌸𑍁𑌮 𑌪𑍍𑌰𑌖𑍍𑌯𑌾, 𑌬𑌾𑌲𑌾, 𑌲𑍀𑌲𑌾𑌵𑌿𑌨𑍋𑌦𑌿𑌨𑍀 ।
𑌸𑍁𑌮𑌂𑌗𑌳𑍀, 𑌸𑍁𑌖𑌕𑌰𑍀, 𑌸𑍁𑌵𑍇𑌷𑌾𑌢𑍍𑌯𑌾, 𑌸𑍁𑌵𑌾𑌸𑌿𑌨𑍀 ॥ 1𑍭𑍭 ॥

𑌸𑍁𑌵𑌾𑌸𑌿𑌨𑍍𑌯𑌰𑍍𑌚𑌨𑌪𑍍𑌰𑍀𑌤𑌾,𑌽𑌽𑌶𑍋𑌭𑌨𑌾, 𑌶𑍁𑌦𑍍𑌧 𑌮𑌾𑌨𑌸𑌾 ।
𑌬𑌿𑌂𑌦𑍁 𑌤𑌰𑍍𑌪𑌣 𑌸𑌂𑌤𑍁𑌷𑍍𑌟𑌾, 𑌪𑍂𑌰𑍍𑌵𑌜𑌾, 𑌤𑍍𑌰𑌿𑌪𑍁𑌰𑌾𑌂𑌬𑌿𑌕𑌾 ॥ 1𑍭𑍮 ॥

𑌦𑌶𑌮𑍁𑌦𑍍𑌰𑌾 𑌸𑌮𑌾𑌰𑌾𑌧𑍍𑌯𑌾, 𑌤𑍍𑌰𑌿𑌪𑍁𑌰𑌾 𑌶𑍍𑌰𑍀𑌵𑌶𑌂𑌕𑌰𑍀 ।
𑌜𑍍𑌞𑌾𑌨𑌮𑍁𑌦𑍍𑌰𑌾, 𑌜𑍍𑌞𑌾𑌨𑌗𑌮𑍍𑌯𑌾, 𑌜𑍍𑌞𑌾𑌨𑌜𑍍𑌞𑍇𑌯 𑌸𑍍𑌵𑌰𑍂𑌪𑌿𑌣𑍀 ॥ 1𑍭𑍯 ॥

𑌯𑍋𑌨𑌿𑌮𑍁𑌦𑍍𑌰𑌾, 𑌤𑍍𑌰𑌿𑌖𑌂𑌡𑍇𑌶𑍀, 𑌤𑍍𑌰𑌿𑌗𑍁𑌣𑌾𑌂𑌬𑌾, 𑌤𑍍𑌰𑌿𑌕𑍋𑌣𑌗𑌾 ।
𑌅𑌨𑌘𑌾𑌦𑍍𑌭𑍁𑌤 𑌚𑌾𑌰𑌿𑌤𑍍𑌰𑌾, 𑌵𑌾𑌂𑌛𑌿𑌤𑌾𑌰𑍍𑌥 𑌪𑍍𑌰𑌦𑌾𑌯𑌿𑌨𑍀 ॥ 1𑍮0 ॥

𑌅𑌭𑍍𑌯𑌾𑌸𑌾𑌤𑌿 𑌶𑌯𑌜𑍍𑌞𑌾𑌤𑌾, 𑌷𑌡𑌧𑍍𑌵𑌾𑌤𑍀𑌤 𑌰𑍂𑌪𑌿𑌣𑍀 ।
𑌅𑌵𑍍𑌯𑌾𑌜 𑌕𑌰𑍁𑌣𑌾𑌮𑍂𑌰𑍍𑌤𑌿, 𑌰𑌜𑍍𑌞𑌾𑌨𑌧𑍍𑌵𑌾𑌂𑌤 𑌦𑍀𑌪𑌿𑌕𑌾 ॥ 1𑍮1 ॥

𑌆𑌬𑌾𑌲𑌗𑍋𑌪 𑌵𑌿𑌦𑌿𑌤𑌾, 𑌸𑌰𑍍𑌵𑌾𑌨𑍁𑌲𑍍𑌲𑌂𑌘𑍍𑌯 𑌶𑌾𑌸𑌨𑌾 ।
𑌶𑍍𑌰𑍀 𑌚𑌕𑍍𑌰𑌰𑌾𑌜𑌨𑌿𑌲𑌯𑌾, 𑌶𑍍𑌰𑍀𑌮𑌤𑍍𑌤𑍍𑌰𑌿𑌪𑍁𑌰 𑌸𑍁𑌂𑌦𑌰𑍀 ॥ 1𑍮2 ॥

𑌶𑍍𑌰𑍀 𑌶𑌿𑌵𑌾, 𑌶𑌿𑌵𑌶𑌕𑍍𑌤𑍍𑌯𑍈𑌕𑍍𑌯 𑌰𑍂𑌪𑌿𑌣𑍀, 𑌲𑌲𑌿𑌤𑌾𑌂𑌬𑌿𑌕𑌾 ।
𑌏𑌵𑌂 𑌶𑍍𑌰𑍀𑌲𑌲𑌿𑌤𑌾𑌦𑍇𑌵𑍍𑌯𑌾 𑌨𑌾𑌮𑍍𑌨𑌾𑌂 𑌸𑌾𑌹𑌸𑍍𑌰𑌕𑌂 𑌜𑌗𑍁𑌃 ॥ 1𑍮3 ॥

॥ 𑌇𑌤𑌿 𑌶𑍍𑌰𑍀 𑌬𑍍𑌰𑌹𑍍𑌮𑌾𑌂𑌡𑌪𑍁𑌰𑌾𑌣𑍇, 𑌉𑌤𑍍𑌤𑌰𑌖𑌂𑌡𑍇, 𑌶𑍍𑌰𑍀 𑌹𑌯𑌗𑍍𑌰𑍀𑌵𑌾𑌗𑌸𑍍𑌤𑍍𑌯 𑌸𑌂𑌵𑌾𑌦𑍇, 𑌶𑍍𑌰𑍀 𑌲𑌲𑌿𑌤𑌾 𑌰𑌹𑌸𑍍𑌯𑌨𑌾𑌮 𑌸𑌾𑌹𑌸𑍍𑌰𑌸𑍍𑌤𑍋𑌤𑍍𑌰 𑌕𑌥𑌨𑌂 𑌨𑌾𑌮 𑌦𑍍𑌵𑌿𑌤𑍀𑌯𑍋𑌽𑌧𑍍𑌯𑌾𑌯𑌃 ॥