𑌶𑌰𑌭𑍇𑌶𑌾𑌷𑍍𑌟𑌕𑌮𑍍

𑌶𑍍𑌰𑍀 𑌶𑌿𑌵 𑌉𑌵𑌾𑌚

𑌶𑍃𑌣𑍁 𑌦𑍇𑌵𑌿 𑌮𑌹𑌾𑌗𑍁𑌹𑍍𑌯𑌂 𑌪𑌰𑌂 𑌪𑍁𑌣𑍍𑌯𑌵𑌿𑌵𑌰𑍍𑌧𑌨𑌂 .
𑌶𑌰𑌭𑍇𑌶𑌾𑌷𑍍𑌟𑌕𑌂 𑌮𑌂𑌤𑍍𑌰𑌂 𑌵𑌕𑍍𑌷𑍍𑌯𑌾𑌮𑌿 𑌤𑌵 𑌤𑌤𑍍𑌤𑍍𑌵𑌤𑌃 ॥

𑌋𑌷𑌿𑌨𑍍𑌯𑌾𑌸𑌾𑌦𑌿𑌕𑌂 𑌯𑌤𑍍𑌤𑌤𑍍𑌸𑌰𑍍𑌵𑌪𑍂𑌰𑍍𑌵𑌵𑌦𑌾𑌚𑌰𑍇𑌤𑍍 .
𑌧𑍍𑌯𑌾𑌨𑌭𑍇𑌦𑌂 𑌵𑌿𑌶𑍇𑌷𑍇𑌣 𑌵𑌕𑍍𑌷𑍍𑌯𑌾𑌮𑍍𑌯𑌹𑌮𑌤𑌃 𑌶𑌿𑌵𑍇 ॥

𑌧𑍍𑌯𑌾𑌨𑌂

𑌜𑍍𑌵𑌲𑌨𑌕𑍁𑌟𑌿𑌲𑌕𑍇𑌶𑌂 𑌸𑍂𑌰𑍍𑌯𑌚𑌂𑌦𑍍𑌰𑌾𑌗𑍍𑌨𑌿𑌨𑍇𑌤𑍍𑌰𑌂
𑌨𑌿𑌶𑌿𑌤𑌤𑌰𑌨𑌖𑌾𑌗𑍍𑌰𑍋𑌦𑍍𑌧𑍂𑌤𑌹𑍇𑌮𑌾𑌭𑌦𑍇𑌹𑌮𑍍 ।
𑌶𑌰𑌭𑌮𑌥 𑌮𑍁𑌨𑍀𑌂𑌦𑍍𑌰𑍈𑌃 𑌸𑍇𑌵𑍍𑌯𑌮𑌾𑌨𑌂 𑌸𑌿𑌤𑌾𑌂𑌗𑌂
𑌪𑍍𑌰𑌣𑌤𑌭𑌯𑌵𑌿𑌨𑌾𑌶𑌂 𑌭𑌾𑌵𑌯𑍇𑌤𑍍𑌪𑌕𑍍𑌷𑌿𑌰𑌾𑌜𑌮𑍍 ॥

𑌅𑌥 𑌸𑍍𑌤𑍋𑌤𑍍𑌰𑌂

𑌦𑍇𑌵𑌾𑌦𑌿𑌦𑍇𑌵𑌾𑌯 𑌜𑌗𑌨𑍍𑌮𑌯𑌾𑌯 𑌶𑌿𑌵𑌾𑌯 𑌨𑌾𑌲𑍀𑌕𑌨𑌿𑌭𑌾𑌨𑌨𑌾𑌯 ।
𑌶𑌰𑍍𑌵𑌾𑌯 𑌭𑍀𑌮𑌾𑌯 𑌶𑌰𑌾𑌧𑌿𑌪𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 1 ॥

𑌹𑌰𑌾𑌯 𑌭𑍀𑌮𑌾𑌯 𑌹𑌰𑌿𑌪𑍍𑌰𑌿𑌯𑌾𑌯 𑌭𑌵𑌾𑌯 𑌶𑌾𑌂𑌤𑌾𑌯 𑌪𑌰𑌾𑌤𑍍𑌪𑌰𑌾𑌯 ।
𑌮𑍃𑌡𑌾𑌯 𑌰𑍁𑌦𑍍𑌰𑌾𑌯 𑌵𑌿𑌲𑍋𑌚𑌨𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 2 ॥

𑌶𑍀𑌤𑌾𑌂𑌶𑍁𑌚𑍂𑌡𑌾𑌯 𑌦𑌿𑌗𑌂𑌬𑌰𑌾𑌯 𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌧𑍍𑌵𑌂𑌸𑌨𑌕𑌾𑌰𑌣𑌾𑌯 ।
𑌜𑌟𑌾𑌕𑌲𑌾𑌪𑌾𑌯 𑌜𑌿𑌤𑍇𑌂𑌦𑍍𑌰𑌿𑌯𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 3 ॥

𑌕𑌲𑌂𑌕𑌕𑌂𑌠𑌾𑌯 𑌭𑌵𑌾𑌂𑌤𑌕𑌾𑌯 𑌕𑌪𑌾𑌲𑌶𑍂𑌲𑌾𑌤𑍍𑌤𑌕𑌰𑌾𑌂𑌬𑍁𑌜𑌾𑌯 ।
𑌭𑍁𑌜𑌂𑌗𑌭𑍂𑌷𑌾𑌯 𑌪𑍁𑌰𑌾𑌂𑌤𑌕𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 4 ॥

𑌶𑌮𑌾𑌦𑌿𑌷𑌟𑍍𑌕𑌾𑌯 𑌯𑌮𑌾𑌂𑌤𑌕𑌾𑌯 𑌯𑌮𑌾𑌦𑌿𑌯𑍋𑌗𑌾𑌷𑍍𑌟𑌕𑌸𑌿𑌦𑍍𑌧𑌿𑌦𑌾𑌯 ।
𑌉𑌮𑌾𑌧𑌿𑌨𑌾𑌥𑌾𑌯 𑌪𑍁𑌰𑌾𑌤𑌨𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 5 ॥

𑌘𑍃𑌣𑌾𑌦𑌿𑌪𑌾𑌶𑌾𑌷𑍍𑌟𑌕𑌵𑌰𑍍𑌜𑌿𑌤𑌾𑌯 𑌖𑌿𑌲𑍀𑌕𑍃𑌤𑌾𑌸𑍍𑌮𑌤𑍍𑌪𑌥𑌿 𑌪𑍂𑌰𑍍𑌵𑌗𑌾𑌯 ।
𑌗𑍁𑌣𑌾𑌦𑌿𑌹𑍀𑌨𑌾𑌯 𑌗𑍁𑌣𑌤𑍍𑌰𑌯𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 6 ॥

𑌕𑌾𑌲𑌾𑌯 𑌵𑍇𑌦𑌾𑌮𑍃𑌤𑌕𑌂𑌦𑌲𑌾𑌯 𑌕𑌲𑍍𑌯𑌾𑌣𑌕𑍌𑌤𑍂𑌹𑌲𑌕𑌾𑌰𑌣𑌾𑌯 ।
𑌸𑍍𑌥𑍂𑌲𑌾𑌯 𑌸𑍂𑌕𑍍𑌷𑍍𑌮𑌾𑌯 𑌸𑍍𑌵𑌰𑍂𑌪𑌗𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 𑍭 ॥

𑌪𑌂𑌚𑌾𑌨𑌨𑌾𑌯𑌾𑌨𑌿𑌲𑌭𑌾𑌸𑍍𑌕𑌰𑌾𑌯 𑌪𑌂𑌚𑌾𑌶𑌦𑌰𑍍𑌣𑌾𑌦𑍍𑌯𑌪𑌰𑌾𑌕𑍍𑌷𑌯𑌾𑌯 ।
𑌪𑌂𑌚𑌾𑌕𑍍𑌷𑌰𑍇𑌶𑌾𑌯 𑌜𑌗𑌦𑍍𑌧𑌿𑌤𑌾𑌯 𑌨𑌮𑍋𑌽𑌸𑍍𑌤𑍁 𑌤𑍁𑌭𑍍𑌯𑌂 𑌶𑌰𑌭𑍇𑌶𑍍𑌵𑌰𑌾𑌯 ॥ 𑍮 ॥

𑌇𑌤𑌿 𑌶𑍍𑌰𑍀 𑌶𑌰𑌭𑍇𑌶𑌾𑌷𑍍𑌟𑌕𑌮𑍍 ॥