𑌸𑌰𑌸𑍍𑌵𑌤𑍀 𑌸𑌹𑌸𑍍𑌰 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌧𑍍𑌯𑌾𑌨𑌮𑍍 ।
𑌶𑍍𑌰𑍀𑌮𑌚𑍍𑌚𑌂𑌦𑌨𑌚𑌰𑍍𑌚𑌿𑌤𑍋𑌜𑍍𑌜𑍍𑌵𑌲𑌵𑌪𑍁𑌃 𑌶𑍁𑌕𑍍𑌲𑌾𑌂𑌬𑌰𑌾 𑌮𑌲𑍍𑌲𑌿𑌕𑌾-
𑌮𑌾𑌲𑌾𑌲𑌾𑌲𑌿𑌤 𑌕𑍁𑌂𑌤𑌲𑌾 𑌪𑍍𑌰𑌵𑌿𑌲𑌸𑌨𑍍𑌮𑍁𑌕𑍍𑌤𑌾𑌵𑌲𑍀𑌶𑍋𑌭𑌨𑌾 ।
𑌸𑌰𑍍𑌵𑌜𑍍𑌞𑌾𑌨𑌨𑌿𑌧𑌾𑌨𑌪𑍁𑌸𑍍𑌤𑌕𑌧𑌰𑌾 𑌰𑍁𑌦𑍍𑌰𑌾𑌕𑍍𑌷𑌮𑌾𑌲𑌾𑌂𑌕𑌿𑌤𑌾
𑌵𑌾𑌗𑍍𑌦𑍇𑌵𑍀 𑌵𑌦𑌨𑌾𑌂𑌬𑍁𑌜𑍇 𑌵𑌸𑌤𑍁 𑌮𑍇 𑌤𑍍𑌰𑍈𑌲𑍋𑌕𑍍𑌯𑌮𑌾𑌤𑌾 𑌶𑍁𑌭𑌾 ॥

𑌶𑍍𑌰𑍀 𑌨𑌾𑌰𑌦 𑌉𑌵𑌾𑌚 –
𑌭𑌗𑌵𑌨𑍍𑌪𑌰𑌮𑍇𑌶𑌾𑌨 𑌸𑌰𑍍𑌵𑌲𑍋𑌕𑍈𑌕𑌨𑌾𑌯𑌕 ।
𑌕𑌥𑌂 𑌸𑌰𑌸𑍍𑌵𑌤𑍀 𑌸𑌾𑌕𑍍𑌷𑌾𑌤𑍍𑌪𑍍𑌰𑌸𑌨𑍍𑌨𑌾 𑌪𑌰𑌮𑍇𑌷𑍍𑌠𑌿𑌨𑌃 ॥ 2 ॥

𑌕𑌥𑌂 𑌦𑍇𑌵𑍍𑌯𑌾 𑌮𑌹𑌾𑌵𑌾𑌣𑍍𑌯𑌾𑌸𑍍𑌸𑌤𑌤𑍍𑌪𑍍𑌰𑌾𑌪 𑌸𑍁𑌦𑍁𑌰𑍍𑌲𑌭𑌮𑍍 ।
𑌏𑌤𑌨𑍍𑌮𑍇 𑌵𑌦 𑌤𑌤𑍍𑌤𑍍𑌵𑍇𑌨 𑌮𑌹𑌾𑌯𑍋𑌗𑍀𑌶𑍍𑌵𑌰 𑌪𑍍𑌰𑌭𑍋 ॥ 3 ॥

𑌶𑍍𑌰𑍀 𑌸𑌨𑌤𑍍𑌕𑍁𑌮𑌾𑌰 𑌉𑌵𑌾𑌚 –
𑌸𑌾𑌧𑍁 𑌪𑍃𑌷𑍍𑌟𑌂 𑌤𑍍𑌵𑌯𑌾 𑌬𑍍𑌰𑌹𑍍𑌮𑌨𑍍 𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌮𑌨𑍁𑌤𑍍𑌤𑌮𑌮𑍍 ।
𑌮𑌯𑌾𑌨𑍁𑌗𑍋𑌪𑌿𑌤𑌂 𑌯𑌤𑍍𑌨𑌾𑌦𑌿𑌦𑌾𑌨𑍀𑌂 𑌸𑌤𑍍𑌪𑍍𑌰𑌕𑌾𑌶𑍍𑌯𑌤𑍇 ॥ 4 ॥

𑌪𑍁𑌰𑌾 𑌪𑌿𑌤𑌾𑌮𑌹𑌂 𑌦𑍃𑌷𑍍𑌟𑍍𑌵𑌾 𑌜𑌗𑌤𑍍𑌸𑍍𑌥𑌾𑌵𑌰𑌜𑌂𑌗𑌮𑌮𑍍 ।
𑌨𑌿𑌰𑍍𑌵𑌿𑌕𑌾𑌰𑌂 𑌨𑌿𑌰𑌾𑌭𑌾𑌸𑌂 𑌸𑍍𑌤𑌂𑌭𑍀𑌭𑍂𑌤𑌮𑌚𑍇𑌤𑌸𑌮𑍍 ॥ 5 ॥

𑌸𑍃𑌷𑍍𑌟𑍍𑌵𑌾 𑌤𑍍𑌰𑍈𑌲𑍋𑌕𑍍𑌯𑌮𑌖𑌿𑌲𑌂 𑌵𑌾𑌗𑌭𑌾𑌵𑌾𑌤𑍍𑌤𑌥𑌾𑌵𑌿𑌧𑌮𑍍 ।
𑌆𑌧𑌿𑌕𑍍𑌯𑌾𑌭𑌾𑌵𑌤𑌃 𑌸𑍍𑌵𑌸𑍍𑌯 𑌪𑌰𑌮𑍇𑌷𑍍𑌠𑍀 𑌜𑌗𑌦𑍍𑌗𑍁𑌰𑍁𑌃 ॥ 6 ॥

𑌦𑌿𑌵𑍍𑌯𑌵𑌰𑍍𑌷𑌾𑌯𑍁𑌤𑌂 𑌤𑍇𑌨 𑌤𑌪𑍋 𑌦𑍁𑌷𑍍𑌕𑌰𑌮𑍁𑌤𑍍𑌤𑌮𑌮𑍍 ।
𑌤𑌤𑌃 𑌕𑌦𑌾𑌚𑌿𑌤𑍍𑌸𑌂𑌜𑌾𑌤𑌾 𑌵𑌾𑌣𑍀 𑌸𑌰𑍍𑌵𑌾𑌰𑍍𑌥𑌶𑍋𑌭𑌿𑌤𑌾 ॥ 𑍭 ॥

𑌅𑌹𑌮𑌸𑍍𑌮𑌿 𑌮𑌹𑌾𑌵𑌿𑌦𑍍𑌯𑌾 𑌸𑌰𑍍𑌵𑌵𑌾𑌚𑌾𑌮𑌧𑍀𑌶𑍍𑌵𑌰𑍀 ।
𑌮𑌮 𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌤𑍁 𑌉𑌪𑌦𑍇𑌕𑍍𑌷𑍍𑌯𑌾𑌮𑍍𑌯𑌨𑍁𑌤𑍍𑌤𑌮𑌮𑍍 ॥ 𑍮 ॥

𑌅𑌨𑍇𑌨 𑌸𑌂𑌸𑍍𑌤𑍁𑌤𑌾 𑌨𑌿𑌤𑍍𑌯𑌂 𑌪𑌤𑍍𑌨𑍀 𑌤𑌵 𑌭𑌵𑌾𑌮𑍍𑌯𑌹𑌮𑍍 ।
𑌤𑍍𑌵𑌯𑌾 𑌸𑍃𑌷𑍍𑌟𑌂 𑌜𑌗𑌤𑍍𑌸𑌰𑍍𑌵𑌂 𑌵𑌾𑌣𑍀𑌯𑍁𑌕𑍍𑌤𑌂 𑌭𑌵𑌿𑌷𑍍𑌯𑌤𑌿 ॥ 𑍯 ॥

𑌇𑌦𑌂 𑌰𑌹𑌸𑍍𑌯𑌂 𑌪𑌰𑌮𑌂 𑌮𑌮 𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌸𑌰𑍍𑌵𑌪𑌾𑌪𑍌𑌘𑌶𑌮𑌨𑌂 𑌮𑌹𑌾𑌸𑌾𑌰𑌸𑍍𑌵𑌤𑌪𑍍𑌰𑌦𑌮𑍍 ॥ 10 ॥

𑌮𑌹𑌾𑌕𑌵𑌿𑌤𑍍𑌵𑌦𑌂 𑌲𑍋𑌕𑍇 𑌵𑌾𑌗𑍀𑌶𑌤𑍍𑌵𑌪𑍍𑌰𑌦𑌾𑌯𑌕𑌮𑍍 ।
𑌤𑍍𑌵𑌂 𑌵𑌾 𑌪𑌰𑌃 𑌪𑍁𑌮𑌾𑌨𑍍𑌯𑌸𑍍𑌤𑍁 𑌸𑍍𑌤𑌵𑍇𑌨𑌾𑌽𑌨𑍇𑌨 𑌤𑍋𑌷𑌯𑍇𑌤𑍍 ॥ 11 ॥

𑌤𑌸𑍍𑌯𑌾𑌹𑌂 𑌕𑌿𑌂𑌕𑌰𑍀 𑌸𑌾𑌕𑍍𑌷𑌾𑌦𑍍𑌭𑌵𑌿𑌷𑍍𑌯𑌾𑌮𑌿 𑌨 𑌸𑌂𑌶𑌯𑌃 ।
𑌇𑌤𑍍𑌯𑍁𑌕𑍍𑌤𑍍𑌵𑌾𑌂𑌤𑌰𑍍𑌦𑌧𑍇 𑌵𑌾𑌣𑍀 𑌤𑌦𑌾𑌰𑌭𑍍𑌯 𑌪𑌿𑌤𑌾𑌮𑌹𑌃 ॥ 12 ॥

𑌸𑍍𑌤𑍁𑌤𑍍𑌵𑌾 𑌸𑍍𑌤𑍋𑌤𑍍𑌰𑍇𑌣 𑌦𑌿𑌵𑍍𑌯𑍇𑌨 𑌤𑌤𑍍𑌪𑌤𑌿𑌤𑍍𑌵𑌮𑌵𑌾𑌪𑍍𑌤𑌵𑌾𑌨𑍍 ।
𑌵𑌾𑌣𑍀𑌯𑍁𑌕𑍍𑌤𑌂 𑌜𑌗𑌤𑍍𑌸𑌰𑍍𑌵𑌂 𑌤𑌦𑌾𑌰𑌭𑍍𑌯𑌾𑌽𑌭𑌵𑌨𑍍𑌮𑍁𑌨𑍇 ॥ 13 ॥

𑌤𑌤𑍍𑌤𑍇𑌹𑌂 𑌸𑌂𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁 𑌯𑌤𑍍𑌨𑍇𑌨 𑌨𑌾𑌰𑌦 ।
𑌸𑌾𑌵𑌧𑌾𑌨𑌮𑌨𑌾 𑌭𑍂𑌤𑍍𑌵𑌾 𑌕𑍍𑌷𑌣𑌂 𑌶𑍁𑌦𑍍𑌧𑍋 𑌮𑍁𑌨𑍀𑌶𑍍𑌵𑌰𑌃 ॥ 14 ॥

[ 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌵𑌾𑌗𑍍𑌵𑌾𑌣𑍀 𑌵𑌰𑌦𑌾 𑌵𑌂𑌦𑍍𑌯𑌾 𑌵𑌰𑌾𑌰𑍋𑌹𑌾 𑌵𑌰𑌪𑍍𑌰𑌦𑌾 ।
𑌵𑍃𑌤𑍍𑌤𑌿𑌰𑍍𑌵𑌾𑌗𑍀𑌶𑍍𑌵𑌰𑍀 𑌵𑌾𑌰𑍍𑌤𑌾 𑌵𑌰𑌾 𑌵𑌾𑌗𑍀𑌶𑌵𑌲𑍍𑌲𑌭𑌾 ॥ 1 ॥

𑌵𑌿𑌶𑍍𑌵𑍇𑌶𑍍𑌵𑌰𑍀 𑌵𑌿𑌶𑍍𑌵𑌵𑌂𑌦𑍍𑌯𑌾 𑌵𑌿𑌶𑍍𑌵𑍇𑌶𑌪𑍍𑌰𑌿𑌯𑌕𑌾𑌰𑌿𑌣𑍀 ।
𑌵𑌾𑌗𑍍𑌵𑌾𑌦𑌿𑌨𑍀 𑌚 𑌵𑌾𑌗𑍍𑌦𑍇𑌵𑍀 𑌵𑍃𑌦𑍍𑌧𑌿𑌦𑌾 𑌵𑍃𑌦𑍍𑌧𑌿𑌕𑌾𑌰𑌿𑌣𑍀 ॥ 2 ॥

𑌵𑍃𑌦𑍍𑌧𑌿𑌰𑍍𑌵𑍃𑌦𑍍𑌧𑌾 𑌵𑌿𑌷𑌘𑍍𑌨𑍀 𑌚 𑌵𑍃𑌷𑍍𑌟𑌿𑌰𑍍𑌵𑍃𑌷𑍍𑌟𑌿𑌪𑍍𑌰𑌦𑌾𑌯𑌿𑌨𑍀 ।
𑌵𑌿𑌶𑍍𑌵𑌾𑌰𑌾𑌧𑍍𑌯𑌾 𑌵𑌿𑌶𑍍𑌵𑌮𑌾𑌤𑌾 𑌵𑌿𑌶𑍍𑌵𑌧𑌾𑌤𑍍𑌰𑍀 𑌵𑌿𑌨𑌾𑌯𑌕𑌾 ॥ 3 ॥

𑌵𑌿𑌶𑍍𑌵𑌶𑌕𑍍𑌤𑌿𑌰𑍍𑌵𑌿𑌶𑍍𑌵𑌸𑌾𑌰𑌾 𑌵𑌿𑌶𑍍𑌵𑌾 𑌵𑌿𑌶𑍍𑌵𑌵𑌿𑌭𑌾𑌵𑌰𑍀 ।
𑌵𑍇𑌦𑌾𑌂𑌤𑌵𑍇𑌦𑌿𑌨𑍀 𑌵𑍇𑌦𑍍𑌯𑌾 𑌵𑌿𑌤𑍍𑌤𑌾 𑌵𑍇𑌦𑌤𑍍𑌰𑌯𑌾𑌤𑍍𑌮𑌿𑌕𑌾 ॥ 4 ॥

𑌵𑍇𑌦𑌜𑍍𑌞𑌾 𑌵𑍇𑌦𑌜𑌨𑌨𑍀 𑌵𑌿𑌶𑍍𑌵𑌾 𑌵𑌿𑌶𑍍𑌵𑌵𑌿𑌭𑌾𑌵𑌰𑍀 ।
𑌵𑌰𑍇𑌣𑍍𑌯𑌾 𑌵𑌾𑌙𑍍𑌮𑌯𑍀 𑌵𑍃𑌦𑍍𑌧𑌾 𑌵𑌿𑌶𑌿𑌷𑍍𑌟𑌪𑍍𑌰𑌿𑌯𑌕𑌾𑌰𑌿𑌣𑍀 ॥ 5 ॥

𑌵𑌿𑌶𑍍𑌵𑌤𑍋𑌵𑌦𑌨𑌾 𑌵𑍍𑌯𑌾𑌪𑍍𑌤𑌾 𑌵𑍍𑌯𑌾𑌪𑌿𑌨𑍀 𑌵𑍍𑌯𑌾𑌪𑌕𑌾𑌤𑍍𑌮𑌿𑌕𑌾 ।
𑌵𑍍𑌯𑌾𑌳𑌘𑍍𑌨𑍀 𑌵𑍍𑌯𑌾𑌳𑌭𑍂𑌷𑌾𑌂𑌗𑍀 𑌵𑌿𑌰𑌜𑌾 𑌵𑍇𑌦𑌨𑌾𑌯𑌿𑌕𑌾 ॥ 6 ॥

𑌵𑍇𑌦𑌵𑍇𑌦𑌾𑌂𑌤𑌸𑌂𑌵𑍇𑌦𑍍𑌯𑌾 𑌵𑍇𑌦𑌾𑌂𑌤𑌜𑍍𑌞𑌾𑌨𑌰𑍂𑌪𑌿𑌣𑍀 ।
𑌵𑌿𑌭𑌾𑌵𑌰𑍀 𑌚 𑌵𑌿𑌕𑍍𑌰𑌾𑌂𑌤𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑌾 𑌵𑌿𑌧𑌿𑌪𑍍𑌰𑌿𑌯𑌾 ॥ 𑍭 ॥

𑌵𑌰𑌿𑌷𑍍𑌠𑌾 𑌵𑌿𑌪𑍍𑌰𑌕𑍃𑌷𑍍𑌟𑌾 𑌚 𑌵𑌿𑌪𑍍𑌰𑌵𑌰𑍍𑌯𑌪𑍍𑌰𑌪𑍂𑌜𑌿𑌤𑌾 ।
𑌵𑍇𑌦𑌰𑍂𑌪𑌾 𑌵𑍇𑌦𑌮𑌯𑍀 𑌵𑍇𑌦𑌮𑍂𑌰𑍍𑌤𑌿𑌶𑍍𑌚 𑌵𑌲𑍍𑌲𑌭𑌾 ॥ 𑍮 ॥

[ 𑌓𑌂 𑌹𑍍𑌰𑍀𑌂 𑌗𑍁𑌰𑍁𑌰𑍂𑌪𑍇 𑌮𑌾𑌂 𑌗𑍃𑌹𑍍𑌣 𑌗𑍃𑌹𑍍𑌣 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌗𑍌𑌰𑍀 𑌗𑍁𑌣𑌵𑌤𑍀 𑌗𑍋𑌪𑍍𑌯𑌾 𑌗𑌂𑌧𑌰𑍍𑌵𑌨𑌗𑌰𑌪𑍍𑌰𑌿𑌯𑌾 ।
𑌗𑍁𑌣𑌮𑌾𑌤𑌾 𑌗𑍁𑌣𑌾𑌂𑌤𑌸𑍍𑌥𑌾 𑌗𑍁𑌰𑍁𑌰𑍂𑌪𑌾 𑌗𑍁𑌰𑍁𑌪𑍍𑌰𑌿𑌯𑌾 ॥ 𑍯 ॥ [ 𑌗𑍁𑌹𑌾𑌂𑌤𑌸𑍍𑌥𑌾 ]

𑌗𑍁𑌰𑍁𑌵𑌿𑌦𑍍𑌯𑌾 𑌗𑌾𑌨𑌤𑍁𑌷𑍍𑌟𑌾 𑌗𑌾𑌯𑌕𑌪𑍍𑌰𑌿𑌯𑌕𑌾𑌰𑌿𑌣𑍀 । [ 𑌗𑌿𑌰𑌿𑌵𑌿𑌦𑍍𑌯𑌾 ]
𑌗𑌾𑌯𑌤𑍍𑌰𑍀 𑌗𑌿𑌰𑍀𑌶𑌾𑌰𑌾𑌧𑍍𑌯𑌾 𑌗𑍀𑌰𑍍𑌗𑌿𑌰𑍀𑌶𑌪𑍍𑌰𑌿𑌯𑌂𑌕𑌰𑍀 ॥ 10 ॥

𑌗𑌿𑌰𑌿𑌜𑍍𑌞𑌾 𑌜𑍍𑌞𑌾𑌨𑌵𑌿𑌦𑍍𑌯𑌾 𑌚 𑌗𑌿𑌰𑌿𑌰𑍂𑌪𑌾 𑌗𑌿𑌰𑍀𑌶𑍍𑌵𑌰𑍀 ।
𑌗𑍀𑌰𑍍𑌮𑌾𑌤𑌾 𑌗𑌣𑌸𑌂𑌸𑍍𑌤𑍁𑌤𑍍𑌯𑌾 𑌗𑌣𑌨𑍀𑌯𑌗𑍁𑌣𑌾𑌨𑍍𑌵𑌿𑌤𑌾 ॥ 11 ॥

𑌗𑍂𑌢𑌰𑍂𑌪𑌾 𑌗𑍁𑌹𑌾 𑌗𑍋𑌪𑍍𑌯𑌾 𑌗𑍋𑌰𑍂𑌪𑌾 𑌗𑍌𑌰𑍍𑌗𑍁𑌣𑌾𑌤𑍍𑌮𑌿𑌕𑌾 ।
𑌗𑍁𑌰𑍍𑌵𑍀 𑌗𑍁𑌰𑍍𑌵𑌂𑌬𑌿𑌕𑌾 𑌗𑍁𑌹𑍍𑌯𑌾 𑌗𑍇𑌯𑌜𑌾 𑌗𑍃𑌹𑌨𑌾𑌶𑌿𑌨𑍀 ॥ 12 ॥

𑌗𑍃𑌹𑌿𑌣𑍀 𑌗𑍃𑌹𑌦𑍋𑌷𑌘𑍍𑌨𑍀 𑌗𑌵𑌘𑍍𑌨𑍀 𑌗𑍁𑌰𑍁𑌵𑌤𑍍𑌸𑌲𑌾 ।
𑌗𑍃𑌹𑌾𑌤𑍍𑌮𑌿𑌕𑌾 𑌗𑍃𑌹𑌾𑌰𑌾𑌧𑍍𑌯𑌾 𑌗𑍃𑌹𑌬𑌾𑌧𑌾𑌵𑌿𑌨𑌾𑌶𑌿𑌨𑍀 ॥ 13 ॥

𑌗𑌂𑌗𑌾 𑌗𑌿𑌰𑌿𑌸𑍁𑌤𑌾 𑌗𑌮𑍍𑌯𑌾 𑌗𑌜𑌯𑌾𑌨𑌾 𑌗𑍁𑌹𑌸𑍍𑌤𑍁𑌤𑌾 ।
𑌗𑌰𑍁𑌡𑌾𑌸𑌨𑌸𑌂𑌸𑍇𑌵𑍍𑌯𑌾 𑌗𑍋𑌮𑌤𑍀 𑌗𑍁𑌣𑌶𑌾𑌲𑌿𑌨𑍀 ॥ 14 ॥

[ 𑌓𑌂 𑌐𑌂 𑌨𑌮𑌃 𑌶𑌾𑌰𑌦𑍇 𑌶𑍍𑌰𑍀𑌂 𑌶𑍁𑌦𑍍𑌧𑍇 𑌨𑌮𑌃 𑌶𑌾𑌰𑌦𑍇 𑌵𑌂 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌶𑌾𑌰𑌦𑌾 𑌶𑌾𑌶𑍍𑌵𑌤𑍀 𑌶𑍈𑌵𑍀 𑌶𑌾𑌂𑌕𑌰𑍀 𑌶𑌂𑌕𑌰𑌾𑌤𑍍𑌮𑌿𑌕𑌾 ।
𑌶𑍍𑌰𑍀𑌶𑍍𑌶𑌰𑍍𑌵𑌾𑌣𑍀 𑌶𑌤𑌘𑍍𑌨𑍀 𑌚 𑌶𑌰𑌚𑍍𑌚𑌂𑌦𑍍𑌰𑌨𑌿𑌭𑌾𑌨𑌨𑌾 ॥ 15 ॥

𑌶𑌰𑍍𑌮𑌿𑌷𑍍𑌠𑌾 𑌶𑌮𑌨𑌘𑍍𑌨𑍀 𑌚 𑌶𑌤𑌸𑌾𑌹𑌸𑍍𑌰𑌰𑍂𑌪𑌿𑌣𑍀 ।
𑌶𑌿𑌵𑌾 𑌶𑌂𑌭𑍁𑌪𑍍𑌰𑌿𑌯𑌾 𑌶𑍍𑌰𑌦𑍍𑌧𑌾 𑌶𑍍𑌰𑍁𑌤𑌿𑌰𑍂𑌪𑌾 𑌶𑍍𑌰𑍁𑌤𑌿𑌪𑍍𑌰𑌿𑌯𑌾 ॥ 16 ॥

𑌶𑍁𑌚𑌿𑌷𑍍𑌮𑌤𑍀 𑌶𑌰𑍍𑌮𑌕𑌰𑍀 𑌶𑍁𑌦𑍍𑌧𑌿𑌦𑌾 𑌶𑍁𑌦𑍍𑌧𑌿𑌰𑍂𑌪𑌿𑌣𑍀 ।
𑌶𑌿𑌵𑌾 𑌶𑌿𑌵𑌂𑌕𑌰𑍀 𑌶𑍁𑌦𑍍𑌧𑌾 𑌶𑌿𑌵𑌾𑌰𑌾𑌧𑍍𑌯𑌾 𑌶𑌿𑌵𑌾𑌤𑍍𑌮𑌿𑌕𑌾 ॥ 1𑍭 ॥

𑌶𑍍𑌰𑍀𑌮𑌤𑍀 𑌶𑍍𑌰𑍀𑌮𑌯𑍀 𑌶𑍍𑌰𑌾𑌵𑍍𑌯𑌾 𑌶𑍍𑌰𑍁𑌤𑌿𑌃 𑌶𑍍𑌰𑌵𑌣𑌗𑍋𑌚𑌰𑌾 ।
𑌶𑌾𑌂𑌤𑌿𑌶𑍍𑌶𑌾𑌂𑌤𑌿𑌕𑌰𑍀 𑌶𑌾𑌂𑌤𑌾 𑌶𑌾𑌂𑌤𑌾𑌚𑌾𑌰𑌪𑍍𑌰𑌿𑌯𑌂𑌕𑌰𑍀 ॥ 1𑍮 ॥

𑌶𑍀𑌲𑌲𑌭𑍍𑌯𑌾 𑌶𑍀𑌲𑌵𑌤𑍀 𑌶𑍍𑌰𑍀𑌮𑌾𑌤𑌾 𑌶𑍁𑌭𑌕𑌾𑌰𑌿𑌣𑍀 ।
𑌶𑍁𑌭𑌵𑌾𑌣𑍀 𑌶𑍁𑌦𑍍𑌧𑌵𑌿𑌦𑍍𑌯𑌾 𑌶𑍁𑌦𑍍𑌧𑌚𑌿𑌤𑍍𑌤𑌪𑍍𑌰𑌪𑍂𑌜𑌿𑌤𑌾 ॥ 1𑍯 ॥

𑌶𑍍𑌰𑍀𑌕𑌰𑍀 𑌶𑍍𑌰𑍁𑌤𑌪𑌾𑌪𑌘𑍍𑌨𑍀 𑌶𑍁𑌭𑌾𑌕𑍍𑌷𑍀 𑌶𑍁𑌚𑌿𑌵𑌲𑍍𑌲𑌭𑌾 ।
𑌶𑌿𑌵𑍇𑌤𑌰𑌘𑍍𑌨𑍀 𑌶𑌬𑌰𑍀 𑌶𑍍𑌰𑌵𑌣𑍀𑌯𑌗𑍁𑌣𑌾𑌨𑍍𑌵𑌿𑌤𑌾 ॥ 20 ॥ [𑌶𑌰𑍍𑌵𑌰𑍀]

𑌶𑌾𑌰𑍀 𑌶𑌿𑌰𑍀𑌷𑌪𑍁𑌷𑍍𑌪𑌾𑌭𑌾 𑌶𑌮𑌨𑌿𑌷𑍍𑌠𑌾 𑌶𑌮𑌾𑌤𑍍𑌮𑌿𑌕𑌾 ।
𑌶𑌮𑌾𑌨𑍍𑌵𑌿𑌤𑌾 𑌶𑌮𑌾𑌰𑌾𑌧𑍍𑌯𑌾 𑌶𑌿𑌤𑌿𑌕𑌂𑌠𑌪𑍍𑌰𑌪𑍂𑌜𑌿𑌤𑌾 ॥ 21 ॥

𑌶𑍁𑌦𑍍𑌧𑌿𑌃 𑌶𑍁𑌦𑍍𑌧𑌿𑌕𑌰𑍀 𑌶𑍍𑌰𑍇𑌷𑍍𑌠𑌾 𑌶𑍍𑌰𑍁𑌤𑌾𑌨𑌂𑌤𑌾 𑌶𑍁𑌭𑌾𑌵𑌹𑌾 ।
𑌸𑌰𑌸𑍍𑌵𑌤𑍀 𑌚 𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀 ॥ 22 ॥

[ 𑌓𑌂 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌸𑌰𑌸𑍍𑌵𑌤𑍀 𑌚 𑌸𑌾𑌵𑌿𑌤𑍍𑌰𑍀 𑌸𑌂𑌧𑍍𑌯𑌾 𑌸𑌰𑍍𑌵𑍇𑌪𑍍𑌸𑌿𑌤𑌪𑍍𑌰𑌦𑌾 ।
𑌸𑌰𑍍𑌵𑌾𑌰𑍍𑌤𑌿𑌘𑍍𑌨𑍀 𑌸𑌰𑍍𑌵𑌮𑌯𑍀 𑌸𑌰𑍍𑌵𑌵𑌿𑌦𑍍𑌯𑌾𑌪𑍍𑌰𑌦𑌾𑌯𑌿𑌨𑍀 ॥ 23 ॥

𑌸𑌰𑍍𑌵𑍇𑌶𑍍𑌵𑌰𑍀 𑌸𑌰𑍍𑌵𑌪𑍁𑌣𑍍𑌯𑌾 𑌸𑌰𑍍𑌗𑌸𑍍𑌥𑌿𑌤𑍍𑌯𑌂𑌤𑌕𑌾𑌰𑌿𑌣𑍀 ।
𑌸𑌰𑍍𑌵𑌾𑌰𑌾𑌧𑍍𑌯𑌾 𑌸𑌰𑍍𑌵𑌮𑌾𑌤𑌾 𑌸𑌰𑍍𑌵𑌦𑍇𑌵𑌨𑌿𑌷𑍇𑌵𑌿𑌤𑌾 ॥ 24 ॥

𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾 𑌸𑌤𑍍𑌯𑌾 𑌸𑌤𑍀 𑌸𑌤𑍍𑌵𑌗𑍁𑌣𑌾𑌶𑍍𑌰𑌯𑌾 ।
𑌸𑌰𑍍𑌵𑌕𑍍𑌰𑌮𑌪𑌦𑌾𑌕𑌾𑌰𑌾 𑌸𑌰𑍍𑌵𑌦𑍋𑌷𑌨𑌿𑌷𑍂𑌦𑌿𑌨𑍀 ॥ 25 ॥ [ 𑌸𑍍𑌵𑌰𑌕𑍍𑌰𑌮𑌪𑌦𑌾𑌕𑌾𑌰𑌾 ]

𑌸𑌹𑌸𑍍𑌰𑌾𑌕𑍍𑌷𑍀 𑌸𑌹𑌸𑍍𑌰𑌾𑌸𑍍𑌯𑌾 𑌸𑌹𑌸𑍍𑌰𑌪𑌦𑌸𑌂𑌯𑍁𑌤𑌾 ।
𑌸𑌹𑌸𑍍𑌰𑌹𑌸𑍍𑌤𑌾 𑌸𑌾𑌹𑌸𑍍𑌰𑌗𑍁𑌣𑌾𑌲𑌂𑌕𑍃𑌤𑌵𑌿𑌗𑍍𑌰𑌹𑌾 ॥ 26 ॥

𑌸𑌹𑌸𑍍𑌰𑌶𑍀𑌰𑍍𑌷𑌾 𑌸𑌦𑍍𑌰𑍂𑌪𑌾 𑌸𑍍𑌵𑌧𑌾 𑌸𑍍𑌵𑌾𑌹𑌾 𑌸𑍁𑌧𑌾𑌮𑌯𑍀 ।
𑌷𑌡𑍍𑌗𑍍𑌰𑌂𑌥𑌿𑌭𑍇𑌦𑌿𑌨𑍀 𑌸𑍇𑌵𑍍𑌯𑌾 𑌸𑌰𑍍𑌵𑌲𑍋𑌕𑍈𑌕𑌪𑍂𑌜𑌿𑌤𑌾 ॥ 2𑍭 ॥

𑌸𑍍𑌤𑍁𑌤𑍍𑌯𑌾 𑌸𑍍𑌤𑍁𑌤𑌿𑌮𑌯𑍀 𑌸𑌾𑌧𑍍𑌯𑌾 𑌸𑌵𑌿𑌤𑍃𑌪𑍍𑌰𑌿𑌯𑌕𑌾𑌰𑌿𑌣𑍀 ।
𑌸𑌂𑌶𑌯𑌚𑍍𑌛𑍇𑌦𑌿𑌨𑍀 𑌸𑌾𑌂𑌖𑍍𑌯𑌵𑍇𑌦𑍍𑌯𑌾 𑌸𑌂𑌖𑍍𑌯𑌾 𑌸𑌦𑍀𑌶𑍍𑌵𑌰𑍀 ॥ 2𑍮 ॥

𑌸𑌿𑌦𑍍𑌧𑌿𑌦𑌾 𑌸𑌿𑌦𑍍𑌧𑌸𑌂𑌪𑍂𑌜𑍍𑌯𑌾 𑌸𑌰𑍍𑌵𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀 ।
𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌶𑌕𑍍𑌤𑌿𑌶𑍍𑌚 𑌸𑌰𑍍𑌵𑌸𑌂𑌪𑌤𑍍𑌪𑍍𑌰𑌦𑌾𑌯𑌿𑌨𑍀 ॥ 2𑍯 ॥

𑌸𑌰𑍍𑌵𑌾𑌽𑌶𑍁𑌭𑌘𑍍𑌨𑍀 𑌸𑍁𑌖𑌦𑌾 𑌸𑍁𑌖𑌸𑌂𑌵𑌿𑌤𑍍𑌸𑍍𑌵𑌰𑍂𑌪𑌿𑌣𑍀 ।
𑌸𑌰𑍍𑌵𑌸𑌂𑌭𑌾𑌷𑌣𑍀 𑌸𑌰𑍍𑌵𑌜𑌗𑌤𑍍𑌸𑌮𑍍𑌮𑍋𑌹𑌿𑌨𑍀 𑌤𑌥𑌾 ॥ 30 ॥ [ 𑌸𑌰𑍍𑌵𑌸𑌂𑌭𑍀𑌷𑌣𑍀 ]

𑌸𑌰𑍍𑌵𑌪𑍍𑌰𑌿𑌯𑌂𑌕𑌰𑍀 𑌸𑌰𑍍𑌵𑌶𑍁𑌭𑌦𑌾 𑌸𑌰𑍍𑌵𑌮𑌂𑌗𑌳𑌾 ।
𑌸𑌰𑍍𑌵𑌮𑌂𑌤𑍍𑌰𑌮𑌯𑍀 𑌸𑌰𑍍𑌵𑌤𑍀𑌰𑍍𑌥𑌪𑍁𑌣𑍍𑌯𑌫𑌲𑌪𑍍𑌰𑌦𑌾 ॥ 31 ॥

𑌸𑌰𑍍𑌵𑌪𑍁𑌣𑍍𑌯𑌮𑌯𑍀 𑌸𑌰𑍍𑌵𑌵𑍍𑌯𑌾𑌧𑌿𑌘𑍍𑌨𑍀 𑌸𑌰𑍍𑌵𑌕𑌾𑌮𑌦𑌾 ।
𑌸𑌰𑍍𑌵𑌵𑌿𑌘𑍍𑌨𑌹𑌰𑍀 𑌸𑌰𑍍𑌵𑌵𑌂𑌦𑌿𑌤𑌾 𑌸𑌰𑍍𑌵𑌮𑌂𑌗𑌳𑌾 ॥ 32 ॥

𑌸𑌰𑍍𑌵𑌮𑌂𑌤𑍍𑌰𑌕𑌰𑍀 𑌸𑌰𑍍𑌵𑌲𑌕𑍍𑌷𑍍𑌮𑍀𑌃 𑌸𑌰𑍍𑌵𑌗𑍁𑌣𑌾𑌨𑍍𑌵𑌿𑌤𑌾 ।
𑌸𑌰𑍍𑌵𑌾𑌨𑌂𑌦𑌮𑌯𑍀 𑌸𑌰𑍍𑌵𑌜𑍍𑌞𑌾𑌨𑌦𑌾 𑌸𑌤𑍍𑌯𑌨𑌾𑌯𑌿𑌕𑌾 ॥ 33 ॥

𑌸𑌰𑍍𑌵𑌜𑍍𑌞𑌾𑌨𑌮𑌯𑍀 𑌸𑌰𑍍𑌵𑌰𑌾𑌜𑍍𑌯𑌦𑌾 𑌸𑌰𑍍𑌵𑌮𑍁𑌕𑍍𑌤𑌿𑌦𑌾 ।
𑌸𑍁𑌪𑍍𑌰𑌭𑌾 𑌸𑌰𑍍𑌵𑌦𑌾 𑌸𑌰𑍍𑌵𑌾 𑌸𑌰𑍍𑌵𑌲𑍋𑌕𑌵𑌶𑌂𑌕𑌰𑍀 ॥ 34 ॥

𑌸𑍁𑌭𑌗𑌾 𑌸𑍁𑌂𑌦𑌰𑍀 𑌸𑌿𑌦𑍍𑌧𑌾 𑌸𑌿𑌦𑍍𑌧𑌾𑌂𑌬𑌾 𑌸𑌿𑌦𑍍𑌧𑌮𑌾𑌤𑍃𑌕𑌾 ।
𑌸𑌿𑌦𑍍𑌧𑌮𑌾𑌤𑌾 𑌸𑌿𑌦𑍍𑌧𑌵𑌿𑌦𑍍𑌯𑌾 𑌸𑌿𑌦𑍍𑌧𑍇𑌶𑍀 𑌸𑌿𑌦𑍍𑌧𑌰𑍂𑌪𑌿𑌣𑍀 ॥ 35 ॥

𑌸𑍁𑌰𑍂𑌪𑌿𑌣𑍀 𑌸𑍁𑌖𑌮𑌯𑍀 𑌸𑍇𑌵𑌕𑌪𑍍𑌰𑌿𑌯𑌕𑌾𑌰𑌿𑌣𑍀 ।
𑌸𑍍𑌵𑌾𑌮𑌿𑌨𑍀 𑌸𑌰𑍍𑌵𑌦𑌾 𑌸𑍇𑌵𑍍𑌯𑌾 𑌸𑍍𑌥𑍂𑌲𑌸𑍂𑌕𑍍𑌷𑍍𑌮𑌾𑌪𑌰𑌾𑌂𑌬𑌿𑌕𑌾 ॥ 36 ॥

𑌸𑌾𑌰𑌰𑍂𑌪𑌾 𑌸𑌰𑍋𑌰𑍂𑌪𑌾 𑌸𑌤𑍍𑌯𑌭𑍂𑌤𑌾 𑌸𑌮𑌾𑌶𑍍𑌰𑌯𑌾 ।
𑌸𑌿𑌤𑌾𑌽𑌸𑌿𑌤𑌾 𑌸𑌰𑍋𑌜𑌾𑌕𑍍𑌷𑍀 𑌸𑌰𑍋𑌜𑌾𑌸𑌨𑌵𑌲𑍍𑌲𑌭𑌾 ॥ 3𑍭 ॥

𑌸𑌰𑍋𑌰𑍁𑌹𑌾𑌭𑌾 𑌸𑌰𑍍𑌵𑌾𑌂𑌗𑍀 𑌸𑍁𑌰𑍇𑌂𑌦𑍍𑌰𑌾𑌦𑌿𑌪𑍍𑌰𑌪𑍂𑌜𑌿𑌤𑌾 ।

[ 𑌓𑌂 𑌹𑍍𑌰𑍀𑌂 𑌐𑌂 𑌮𑌹𑌾𑌸𑌰𑌸𑍍𑌵𑌤𑌿 𑌸𑌾𑌰𑌸𑍍𑌵𑌤𑌪𑍍𑌰𑌦𑍇 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌮𑌹𑌾𑌦𑍇𑌵𑍀 𑌮𑌹𑍇𑌶𑌾𑌨𑍀 𑌮𑌹𑌾𑌸𑌾𑌰𑌸𑍍𑌵𑌤𑌪𑍍𑌰𑌦𑌾 ॥ 3𑍮 ॥

𑌮𑌹𑌾𑌸𑌰𑌸𑍍𑌵𑌤𑍀 𑌮𑍁𑌕𑍍𑌤𑌾 𑌮𑍁𑌕𑍍𑌤𑌿𑌦𑌾 𑌮𑍋𑌹𑌨𑌾𑌶𑌿𑌨𑍀 । [ 𑌮𑌲𑌨𑌾𑌶𑌿𑌨𑍀 ]
𑌮𑌹𑍇𑌶𑍍𑌵𑌰𑍀 𑌮𑌹𑌾𑌨𑌂𑌦𑌾 𑌮𑌹𑌾𑌮𑌂𑌤𑍍𑌰𑌮𑌯𑍀 𑌮𑌹𑍀 ॥ 3𑍯 ॥

𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌵𑌿𑌦𑍍𑌯𑌾 𑌮𑌾𑌤𑌾 𑌮𑌂𑌦𑌰𑌵𑌾𑌸𑌿𑌨𑍀 ।
𑌮𑌂𑌤𑍍𑌰𑌗𑌮𑍍𑌯𑌾 𑌮𑌂𑌤𑍍𑌰𑌮𑌾𑌤𑌾 𑌮𑌹𑌾𑌮𑌂𑌤𑍍𑌰𑌫𑌲𑌪𑍍𑌰𑌦𑌾 ॥ 40 ॥

𑌮𑌹𑌾𑌮𑍁𑌕𑍍𑌤𑌿𑌰𑍍𑌮𑌹𑌾𑌨𑌿𑌤𑍍𑌯𑌾 𑌮𑌹𑌾𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀 ।
𑌮𑌹𑌾𑌸𑌿𑌦𑍍𑌧𑌾 𑌮𑌹𑌾𑌮𑌾𑌤𑌾 𑌮𑌹𑌦𑌾𑌕𑌾𑌰𑌸𑌂𑌯𑍁𑌤𑌾 ॥ 41 ॥

𑌮𑌹𑍀 𑌮𑌹𑍇𑌶𑍍𑌵𑌰𑍀 𑌮𑍂𑌰𑍍𑌤𑌿𑌰𑍍𑌮𑍋𑌕𑍍𑌷𑌦𑌾 𑌮𑌣𑌿𑌭𑍂𑌷𑌣𑌾 ।
𑌮𑍇𑌨𑌕𑌾 𑌮𑌾𑌨𑌿𑌨𑍀 𑌮𑌾𑌨𑍍𑌯𑌾 𑌮𑍃𑌤𑍍𑌯𑍁𑌘𑍍𑌨𑍀 𑌮𑍇𑌰𑍁𑌰𑍂𑌪𑌿𑌣𑍀 ॥ 42 ॥

𑌮𑌦𑌿𑌰𑌾𑌕𑍍𑌷𑍀 𑌮𑌦𑌾𑌵𑌾𑌸𑌾 𑌮𑌖𑌰𑍂𑌪𑌾 𑌮𑌖𑍇𑌶𑍍𑌵𑌰𑍀 । [ 𑌮𑌹𑍇𑌶𑍍𑌵𑌰𑍀 ]
𑌮𑌹𑌾𑌮𑍋𑌹𑌾 𑌮𑌹𑌾𑌮𑌾𑌯𑌾 𑌮𑌾𑌤𑍄𑌣𑌾𑌂 𑌮𑍂𑌰𑍍𑌧𑍍𑌨𑌿𑌸𑌂𑌸𑍍𑌥𑌿𑌤𑌾 ॥ 43 ॥

𑌮𑌹𑌾𑌪𑍁𑌣𑍍𑌯𑌾 𑌮𑍁𑌦𑌾𑌵𑌾𑌸𑌾 𑌮𑌹𑌾𑌸𑌂𑌪𑌤𑍍𑌪𑍍𑌰𑌦𑌾𑌯𑌿𑌨𑍀 ।
𑌮𑌣𑌿𑌪𑍂𑌰𑍈𑌕𑌨𑌿𑌲𑌯𑌾 𑌮𑌧𑍁𑌰𑍂𑌪𑌾 𑌮𑌦𑍋𑌤𑍍𑌕𑌟𑌾 ॥ 44 ॥ [ 𑌮𑌹𑍋𑌤𑍍𑌕𑌟𑌾 ]

𑌮𑌹𑌾𑌸𑍂𑌕𑍍𑌷𑍍𑌮𑌾 𑌮𑌹𑌾𑌶𑌾𑌂𑌤𑌾 𑌮𑌹𑌾𑌶𑌾𑌂𑌤𑌿𑌪𑍍𑌰𑌦𑌾𑌯𑌿𑌨𑍀 ।
𑌮𑍁𑌨𑌿𑌸𑍍𑌤𑍁𑌤𑌾 𑌮𑍋𑌹𑌹𑌂𑌤𑍍𑌰𑍀 𑌮𑌾𑌧𑌵𑍀 𑌮𑌾𑌧𑌵𑌪𑍍𑌰𑌿𑌯𑌾 ॥ 45 ॥

𑌮𑌾 𑌮𑌹𑌾𑌦𑍇𑌵𑌸𑌂𑌸𑍍𑌤𑍁𑌤𑍍𑌯𑌾 𑌮𑌹𑌿𑌷𑍀𑌗𑌣𑌪𑍂𑌜𑌿𑌤𑌾 ।
𑌮𑍃𑌷𑍍𑌟𑌾𑌨𑍍𑌨𑌦𑌾 𑌚 𑌮𑌾𑌹𑍇𑌂𑌦𑍍𑌰𑍀 𑌮𑌹𑍇𑌂𑌦𑍍𑌰𑌪𑌦𑌦𑌾𑌯𑌿𑌨𑍀 ॥ 46 ॥

𑌮𑌤𑌿𑌰𑍍𑌮𑌤𑌿𑌪𑍍𑌰𑌦𑌾 𑌮𑍇𑌧𑌾 𑌮𑌰𑍍𑌤𑍍𑌯𑌲𑍋𑌕𑌨𑌿𑌵𑌾𑌸𑌿𑌨𑍀 ।
𑌮𑍁𑌖𑍍𑌯𑌾 𑌮𑌹𑌾𑌨𑌿𑌵𑌾𑌸𑌾 𑌚 𑌮𑌹𑌾𑌭𑌾𑌗𑍍𑌯𑌜𑌨𑌾𑌶𑍍𑌰𑌿𑌤𑌾 ॥ 4𑍭 ॥

𑌮𑌹𑌿𑌳𑌾 𑌮𑌹𑌿𑌮𑌾 𑌮𑍃𑌤𑍍𑌯𑍁𑌹𑌾𑌰𑍀 𑌮𑍇𑌧𑌾𑌪𑍍𑌰𑌦𑌾𑌯𑌿𑌨𑍀 ।
𑌮𑍇𑌧𑍍𑌯𑌾 𑌮𑌹𑌾𑌵𑍇𑌗𑌵𑌤𑍀 𑌮𑌹𑌾𑌮𑍋𑌕𑍍𑌷𑌫𑌲𑌪𑍍𑌰𑌦𑌾 ॥ 4𑍮 ॥

𑌮𑌹𑌾𑌪𑍍𑌰𑌭𑌾𑌭𑌾 𑌮𑌹𑌤𑍀 𑌮𑌹𑌾𑌦𑍇𑌵𑌪𑍍𑌰𑌿𑌯𑌂𑌕𑌰𑍀 ।
𑌮𑌹𑌾𑌪𑍋𑌷𑌾 𑌮𑌹𑌰𑍍𑌥𑌿𑌶𑍍𑌚 𑌮𑍁𑌕𑍍𑌤𑌾𑌹𑌾𑌰𑌵𑌿𑌭𑍂𑌷𑌣𑌾 ॥ 4𑍯 ॥ [ 𑌮𑌹𑌰𑍍𑌦𑍍𑌧𑌿𑌶𑍍𑌚 ]

𑌮𑌾𑌣𑌿𑌕𑍍𑌯𑌭𑍂𑌷𑌣𑌾 𑌮𑌂𑌤𑍍𑌰𑌾 𑌮𑍁𑌖𑍍𑌯𑌚𑌂𑌦𑍍𑌰𑌾𑌰𑍍𑌧𑌶𑍇𑌖𑌰𑌾 ।
𑌮𑌨𑍋𑌰𑍂𑌪𑌾 𑌮𑌨𑌶𑍍𑌶𑍁𑌦𑍍𑌧𑌿𑌃 𑌮𑌨𑌶𑍍𑌶𑍁𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀 ॥ 50 ॥

𑌮𑌹𑌾𑌕𑌾𑌰𑍁𑌣𑍍𑌯𑌸𑌂𑌪𑍂𑌰𑍍𑌣𑌾 𑌮𑌨𑍋𑌨𑌮𑌨𑌵𑌂𑌦𑌿𑌤𑌾 ।
𑌮𑌹𑌾𑌪𑌾𑌤𑌕𑌜𑌾𑌲𑌘𑍍𑌨𑍀 𑌮𑍁𑌕𑍍𑌤𑌿𑌦𑌾 𑌮𑍁𑌕𑍍𑌤𑌭𑍂𑌷𑌣𑌾 ॥ 51 ॥

𑌮𑌨𑍋𑌨𑍍𑌮𑌨𑍀 𑌮𑌹𑌾𑌸𑍍𑌥𑍂𑌲𑌾 𑌮𑌹𑌾𑌕𑍍𑌰𑌤𑍁𑌫𑌲𑌪𑍍𑌰𑌦𑌾 ।
𑌮𑌹𑌾𑌪𑍁𑌣𑍍𑌯𑌫𑌲𑌪𑍍𑌰𑌾𑌪𑍍𑌯𑌾 𑌮𑌾𑌯𑌾𑌤𑍍𑌰𑌿𑌪𑍁𑌰𑌨𑌾𑌶𑌿𑌨𑍀 ॥ 52 ॥

𑌮𑌹𑌾𑌨𑌸𑌾 𑌮𑌹𑌾𑌮𑍇𑌧𑌾 𑌮𑌹𑌾𑌮𑍋𑌦𑌾 𑌮𑌹𑍇𑌶𑍍𑌵𑌰𑍀 ।
𑌮𑌾𑌲𑌾𑌧𑌰𑍀 𑌮𑌹𑍋𑌪𑌾𑌯𑌾 𑌮𑌹𑌾𑌤𑍀𑌰𑍍𑌥𑌫𑌲𑌪𑍍𑌰𑌦𑌾 ॥ 53 ॥

𑌮𑌹𑌾𑌮𑌂𑌗𑌳𑌸𑌂𑌪𑍂𑌰𑍍𑌣𑌾 𑌮𑌹𑌾𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌿𑌨𑍀 ।
𑌮𑌹𑌾𑌮𑌖𑌾 𑌮𑌹𑌾𑌮𑍇𑌘𑌾 𑌮𑌹𑌾𑌕𑌾𑌳𑍀 𑌮𑌹𑌾𑌪𑍍𑌰𑌿𑌯𑌾 ॥ 54 ॥

𑌮𑌹𑌾𑌭𑍂𑌷𑌾 𑌮𑌹𑌾𑌦𑍇𑌹𑌾 𑌮𑌹𑌾𑌰𑌾𑌜𑍍𑌞𑍀 𑌮𑍁𑌦𑌾𑌲𑌯𑌾 ।

[ 𑌓𑌂 𑌹𑍍𑌰𑍀𑌂 𑌐𑌂 𑌨𑌮𑍋 𑌭𑌗𑌵𑌤𑌿 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌭𑍂𑌰𑌿𑌦𑌾 𑌭𑌾𑌗𑍍𑌯𑌦𑌾 𑌭𑍋𑌗𑍍𑌯𑌾 𑌭𑍋𑌗𑍍𑌯𑌦𑌾 𑌭𑍋𑌗𑌦𑌾𑌯𑌿𑌨𑍀 ॥ 55 ॥

𑌭𑌵𑌾𑌨𑍀 𑌭𑍂𑌤𑌿𑌦𑌾 𑌭𑍂𑌤𑌿𑌃 𑌭𑍂𑌮𑌿𑌰𑍍𑌭𑍂𑌮𑌿𑌸𑍁𑌨𑌾𑌯𑌿𑌕𑌾 ।
𑌭𑍂𑌤𑌧𑌾𑌤𑍍𑌰𑍀 𑌭𑌯𑌹𑌰𑍀 𑌭𑌕𑍍𑌤𑌸𑌾𑌰𑌸𑍍𑌵𑌤𑌪𑍍𑌰𑌦𑌾 ॥ 56 ॥

𑌭𑍁𑌕𑍍𑌤𑌿𑌰𑍍𑌭𑍁𑌕𑍍𑌤𑌿𑌪𑍍𑌰𑌦𑌾 𑌭𑍋𑌕𑍍𑌤𑍍𑌰𑍀 𑌭𑌕𑍍𑌤𑌿𑌰𑍍𑌭𑌕𑍍𑌤𑌿𑌪𑍍𑌰𑌦𑌾𑌯𑌿𑌨𑍀 । [𑌭𑍇𑌕𑍀]
𑌭𑌕𑍍𑌤𑌸𑌾𑌯𑍁𑌜𑍍𑌯𑌦𑌾 𑌭𑌕𑍍𑌤𑌸𑍍𑌵𑌰𑍍𑌗𑌦𑌾 𑌭𑌕𑍍𑌤𑌰𑌾𑌜𑍍𑌯𑌦𑌾 ॥ 5𑍭 ॥

𑌭𑌾𑌗𑍀𑌰𑌥𑍀 𑌭𑌵𑌾𑌰𑌾𑌧𑍍𑌯𑌾 𑌭𑌾𑌗𑍍𑌯𑌾𑌸𑌜𑍍𑌜𑌨𑌪𑍂𑌜𑌿𑌤𑌾 ।
𑌭𑌵𑌸𑍍𑌤𑍁𑌤𑍍𑌯𑌾 𑌭𑌾𑌨𑍁𑌮𑌤𑍀 𑌭𑌵𑌸𑌾𑌗𑌰𑌤𑌾𑌰𑌿𑌣𑍀 ॥ 5𑍮 ॥

𑌭𑍂𑌤𑌿𑌰𑍍𑌭𑍂𑌷𑌾 𑌚 𑌭𑍂𑌤𑍇𑌶𑍀 𑌭𑌾𑌲𑌲𑍋𑌚𑌨𑌪𑍂𑌜𑌿𑌤𑌾 । [ 𑌫𑌾𑌲𑌲𑍋𑌚𑌨𑌪𑍂𑌜𑌿𑌤𑌾 ]
𑌭𑍂𑌤𑌾 𑌭𑌵𑍍𑌯𑌾 𑌭𑌵𑌿𑌷𑍍𑌯𑌾 𑌚 𑌭𑌵𑌵𑌿𑌦𑍍𑌯𑌾 𑌭𑌵𑌾𑌤𑍍𑌮𑌿𑌕𑌾 ॥ 5𑍯 ॥

𑌬𑌾𑌧𑌾𑌪𑌹𑌾𑌰𑌿𑌣𑍀 𑌬𑌂𑌧𑍁𑌰𑍂𑌪𑌾 𑌭𑍁𑌵𑌨𑌪𑍂𑌜𑌿𑌤𑌾 ।
𑌭𑌵𑌘𑍍𑌨𑍀 𑌭𑌕𑍍𑌤𑌿𑌲𑌭𑍍𑌯𑌾 𑌚 𑌭𑌕𑍍𑌤𑌰𑌕𑍍𑌷𑌣𑌤𑌤𑍍𑌪𑌰𑌾 ॥ 60 ॥

𑌭𑌕𑍍𑌤𑌾𑌰𑍍𑌤𑌿𑌶𑌮𑌨𑍀 𑌭𑌾𑌗𑍍𑌯𑌾 𑌭𑍋𑌗𑌦𑌾𑌨𑌕𑍃𑌤𑍋𑌦𑍍𑌯𑌮𑌾 ।
𑌭𑍁𑌜𑌂𑌗𑌭𑍂𑌷𑌣𑌾 𑌭𑍀𑌮𑌾 𑌭𑍀𑌮𑌾𑌕𑍍𑌷𑍀 𑌭𑍀𑌮𑌰𑍂𑌪𑌿𑌣𑍀 ॥ 61 ॥

𑌭𑌾𑌵𑌿𑌨𑍀 𑌭𑍍𑌰𑌾𑌤𑍃𑌰𑍂𑌪𑌾 𑌚 𑌭𑌾𑌰𑌤𑍀 𑌭𑌵𑌨𑌾𑌯𑌿𑌕𑌾 ।
𑌭𑌾𑌷𑌾 𑌭𑌾𑌷𑌾𑌵𑌤𑍀 𑌭𑍀𑌷𑍍𑌮𑌾 𑌭𑍈𑌰𑌵𑍀 𑌭𑍈𑌰𑌵𑌪𑍍𑌰𑌿𑌯𑌾 ॥ 62 ॥

𑌭𑍂𑌤𑌿𑌰𑍍𑌭𑌾𑌸𑌿𑌤𑌸𑌰𑍍𑌵𑌾𑌂𑌗𑍀 𑌭𑍂𑌤𑌿𑌦𑌾 𑌭𑍂𑌤𑌿𑌨𑌾𑌯𑌿𑌕𑌾 ।
𑌭𑌾𑌸𑍍𑌵𑌤𑍀 𑌭𑌗𑌮𑌾𑌲𑌾 𑌚 𑌭𑌿𑌕𑍍𑌷𑌾𑌦𑌾𑌨𑌕𑍃𑌤𑍋𑌦𑍍𑌯𑌮𑌾 ॥ 63 ॥

𑌭𑌿𑌕𑍍𑌷𑍁𑌰𑍂𑌪𑌾 𑌭𑌕𑍍𑌤𑌿𑌕𑌰𑍀 𑌭𑌕𑍍𑌤𑌲𑌕𑍍𑌷𑍍𑌮𑍀𑌪𑍍𑌰𑌦𑌾𑌯𑌿𑌨𑍀 ।
𑌭𑍍𑌰𑌾𑌂𑌤𑌿𑌘𑍍𑌨𑌾 𑌭𑍍𑌰𑌾𑌂𑌤𑌿𑌰𑍂𑌪𑌾 𑌚 𑌭𑍂𑌤𑌿𑌦𑌾 𑌭𑍂𑌤𑌿𑌕𑌾𑌰𑌿𑌣𑍀 ॥ 64 ॥

𑌭𑌿𑌕𑍍𑌷𑌣𑍀𑌯𑌾 𑌭𑌿𑌕𑍍𑌷𑍁𑌮𑌾𑌤𑌾 𑌭𑌾𑌗𑍍𑌯𑌵𑌦𑍍𑌦𑍃𑌷𑍍𑌟𑌿𑌗𑍋𑌚𑌰𑌾 ।
𑌭𑍋𑌗𑌵𑌤𑍀 𑌭𑍋𑌗𑌰𑍂𑌪𑌾 𑌭𑍋𑌗𑌮𑍋𑌕𑍍𑌷𑌫𑌲𑌪𑍍𑌰𑌦𑌾 ॥ 65 ॥

𑌭𑍋𑌗𑌶𑍍𑌰𑌾𑌂𑌤𑌾 𑌭𑌾𑌗𑍍𑌯𑌵𑌤𑍀 𑌭𑌕𑍍𑌤𑌾𑌘𑍌𑌘𑌵𑌿𑌨𑌾𑌶𑌿𑌨𑍀 ।

[ 𑌓𑌂 𑌐𑌂 𑌕𑍍𑌲𑍀𑌂 𑌸𑍌𑌃 𑌬𑌾𑌲𑍇 𑌬𑍍𑌰𑌾𑌹𑍍𑌮𑍀 𑌬𑍍𑌰𑌹𑍍𑌮𑌪𑌤𑍍𑌨𑍀 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌬𑍍𑌰𑌾𑌹𑍍𑌮𑍀 𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌾 𑌚 𑌬𑍃𑌹𑌤𑍀 𑌬𑍍𑌰𑌹𑍍𑌮𑌵𑌲𑍍𑌲𑌭𑌾 ॥ 66 ॥

𑌬𑍍𑌰𑌹𑍍𑌮𑌦𑌾 𑌬𑍍𑌰𑌹𑍍𑌮𑌮𑌾𑌤𑌾 𑌚 𑌬𑍍𑌰𑌹𑍍𑌮𑌾𑌣𑍀 𑌬𑍍𑌰𑌹𑍍𑌮𑌦𑌾𑌯𑌿𑌨𑍀 ।
𑌬𑍍𑌰𑌹𑍍𑌮𑍇𑌶𑍀 𑌬𑍍𑌰𑌹𑍍𑌮𑌸𑌂𑌸𑍍𑌤𑍁𑌤𑍍𑌯𑌾 𑌬𑍍𑌰𑌹𑍍𑌮𑌵𑍇𑌦𑍍𑌯𑌾 𑌬𑍁𑌧𑌪𑍍𑌰𑌿𑌯𑌾 ॥ 6𑍭 ॥

𑌬𑌾𑌲𑍇𑌂𑌦𑍁𑌶𑍇𑌖𑌰𑌾 𑌬𑌾𑌲𑌾 𑌬𑌲𑌿𑌪𑍂𑌜𑌾𑌕𑌰𑌪𑍍𑌰𑌿𑌯𑌾 ।
𑌬𑌲𑌦𑌾 𑌬𑌿𑌂𑌦𑍁𑌰𑍂𑌪𑌾 𑌚 𑌬𑌾𑌲𑌸𑍂𑌰𑍍𑌯𑌸𑌮𑌪𑍍𑌰𑌭𑌾 ॥ 6𑍮 ॥

𑌬𑍍𑌰𑌹𑍍𑌮𑌰𑍂𑌪𑌾 𑌬𑍍𑌰𑌹𑍍𑌮𑌮𑌯𑍀 𑌬𑍍𑌰𑌧𑍍𑌨𑌮𑌂𑌡𑌲𑌮𑌧𑍍𑌯𑌗𑌾 ।
𑌬𑍍𑌰𑌹𑍍𑌮𑌾𑌣𑍀 𑌬𑍁𑌦𑍍𑌧𑌿𑌦𑌾 𑌬𑍁𑌦𑍍𑌧𑌿𑌰𑍍𑌬𑍁𑌦𑍍𑌧𑌿𑌰𑍂𑌪𑌾 𑌬𑍁𑌧𑍇𑌶𑍍𑌵𑌰𑍀 ॥ 6𑍯 ॥

𑌬𑌂𑌧𑌕𑍍𑌷𑌯𑌕𑌰𑍀 𑌬𑌾𑌧𑌾𑌨𑌾𑌶𑌿𑌨𑍀 𑌬𑌂𑌧𑍁𑌰𑍂𑌪𑌿𑌣𑍀 ।
𑌬𑌿𑌂𑌦𑍍𑌵𑌾𑌲𑌯𑌾 𑌬𑌿𑌂𑌦𑍁𑌭𑍂𑌷𑌾 𑌬𑌿𑌂𑌦𑍁𑌨𑌾𑌦𑌸𑌮𑌨𑍍𑌵𑌿𑌤𑌾 ॥ 𑍭0 ॥

𑌬𑍀𑌜𑌰𑍂𑌪𑌾 𑌬𑍀𑌜𑌮𑌾𑌤𑌾 𑌬𑍍𑌰𑌹𑍍𑌮𑌣𑍍𑌯𑌾 𑌬𑍍𑌰𑌹𑍍𑌮𑌕𑌾𑌰𑌿𑌣𑍀 ।
𑌬𑌹𑍁𑌰𑍂𑌪𑌾 𑌬𑌲𑌵𑌤𑍀 𑌬𑍍𑌰𑌹𑍍𑌮𑌜𑍍𑌞𑌾 𑌬𑍍𑌰𑌹𑍍𑌮𑌚𑌾𑌰𑌿𑌣𑍀 ॥ 𑍭1 ॥ [𑌬𑍍𑌰𑌹𑍍𑌮𑌜𑌾]

𑌬𑍍𑌰𑌹𑍍𑌮𑌸𑍍𑌤𑍁𑌤𑍍𑌯𑌾 𑌬𑍍𑌰𑌹𑍍𑌮𑌵𑌿𑌦𑍍𑌯𑌾 𑌬𑍍𑌰𑌹𑍍𑌮𑌾𑌂𑌡𑌾𑌧𑌿𑌪𑌵𑌲𑍍𑌲𑌭𑌾 ।
𑌬𑍍𑌰𑌹𑍍𑌮𑍇𑌶𑌵𑌿𑌷𑍍𑌣𑍁𑌰𑍂𑌪𑌾 𑌚 𑌬𑍍𑌰𑌹𑍍𑌮𑌵𑌿𑌷𑍍𑌣𑍍𑌵𑍀𑌶𑌸𑌂𑌸𑍍𑌥𑌿𑌤𑌾 ॥ 𑍭2 ॥

𑌬𑍁𑌦𑍍𑌧𑌿𑌰𑍂𑌪𑌾 𑌬𑍁𑌧𑍇𑌶𑌾𑌨𑍀 𑌬𑌂𑌧𑍀 𑌬𑌂𑌧𑌵𑌿𑌮𑍋𑌚𑌨𑍀 ।

[ 𑌓𑌂 𑌹𑍍𑌰𑍀𑌂 𑌐𑌂 𑌅𑌂 𑌆𑌂 𑌇𑌂 𑌈𑌂 𑌉𑌂 𑌊𑌂 𑌋𑌂 𑍠𑌂 ~𑌲𑍁𑌂 ~𑌲𑍂𑌂 𑌏𑌂 𑌐𑌂 𑌓𑌂 𑌔𑌂 𑌕𑌂 𑌖𑌂 𑌗𑌂 𑌘𑌂 𑌙𑌂 𑌚𑌂 𑌛𑌂 𑌜𑌂 𑌝𑌂 𑌞𑌂 𑌟𑌂 𑌠𑌂 𑌡𑌂 𑌢𑌂 𑌣𑌂 𑌤𑌂 𑌥𑌂 𑌦𑌂 𑌧𑌂 𑌨𑌂 𑌪𑌂 𑌫𑌂 𑌬𑌂 𑌭𑌂 𑌮𑌂 𑌯𑌂 𑌰𑌂 𑌲𑌂 𑌵𑌂 𑌶𑌂 𑌷𑌂 𑌸𑌂 𑌹𑌂 𑌳𑌂 𑌕𑍍𑌷𑌂 𑌅𑌕𑍍𑌷𑌮𑌾𑌲𑍇 𑌅𑌕𑍍𑌷𑌰𑌮𑌾𑌲𑌿𑌕𑌾 𑌸𑌮𑌲𑌂𑌕𑍃𑌤𑍇 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌅𑌕𑍍𑌷𑌮𑌾𑌲𑌾𑌽𑌕𑍍𑌷𑌰𑌾𑌕𑌾𑌰𑌾𑌽𑌕𑍍𑌷𑌰𑌾𑌽𑌕𑍍𑌷𑌰𑌫𑌲𑌪𑍍𑌰𑌦𑌾 ॥ 𑍭3 ॥

𑌅𑌨𑌂𑌤𑌾𑌽𑌨𑌂𑌦𑌸𑍁𑌖𑌦𑌾𑌽𑌨𑌂𑌤𑌚𑌂𑌦𑍍𑌰𑌨𑌿𑌭𑌾𑌨𑌨𑌾 ।
𑌅𑌨𑌂𑌤𑌮𑌹𑌿𑌮𑌾𑌽𑌘𑍋𑌰𑌾𑌨𑌂𑌤𑌗𑌂𑌭𑍀𑌰𑌸𑌮𑍍𑌮𑌿𑌤𑌾 ॥ 𑍭4 ॥

𑌅𑌦𑍃𑌷𑍍𑌟𑌾𑌽𑌦𑍃𑌷𑍍𑌟𑌦𑌾𑌽𑌨𑌂𑌤𑌾𑌦𑍃𑌷𑍍𑌟𑌭𑌾𑌗𑍍𑌯𑌫𑌲𑌪𑍍𑌰𑌦𑌾 । [ 𑌦𑍃𑌷𑍍𑌟𑌿𑌦𑌾 ]
𑌅𑌰𑍁𑌂𑌧𑌤𑍍𑌯𑌵𑍍𑌯𑌯𑍀𑌨𑌾𑌥𑌾𑌽𑌨𑍇𑌕𑌸𑌦𑍍𑌗𑍁𑌣𑌸𑌂𑌯𑍁𑌤𑌾 ॥ 𑍭5 ॥

𑌅𑌨𑍇𑌕𑌭𑍂𑌷𑌣𑌾𑌽𑌦𑍃𑌶𑍍𑌯𑌾𑌽𑌨𑍇𑌕𑌲𑍇𑌖𑌨𑌿𑌷𑍇𑌵𑌿𑌤𑌾 ।
𑌅𑌨𑌂𑌤𑌾𑌽𑌨𑌂𑌤𑌸𑍁𑌖𑌦𑌾𑌽𑌘𑍋𑌰𑌾𑌽𑌘𑍋𑌰𑌸𑍍𑌵𑌰𑍂𑌪𑌿𑌣𑍀 ॥ 𑍭6 ॥

𑌅𑌶𑍇𑌷𑌦𑍇𑌵𑌤𑌾𑌰𑍂𑌪𑌾𑌽𑌮𑍃𑌤𑌰𑍂𑌪𑌾𑌽𑌮𑍃𑌤𑍇𑌶𑍍𑌵𑌰𑍀 ।
𑌅𑌨𑌵𑌦𑍍𑌯𑌾𑌽𑌨𑍇𑌕𑌹𑌸𑍍𑌤𑌾𑌽𑌨𑍇𑌕𑌮𑌾𑌣𑌿𑌕𑍍𑌯𑌭𑍂𑌷𑌣𑌾 ॥ 𑍭𑍭 ॥

𑌅𑌨𑍇𑌕𑌵𑌿𑌘𑍍𑌨𑌸𑌂𑌹𑌰𑍍𑌤𑍍𑌰𑍀 𑌤𑍍𑌵𑌨𑍇𑌕𑌾𑌭𑌰𑌣𑌾𑌨𑍍𑌵𑌿𑌤𑌾 ।
𑌅𑌵𑌿𑌦𑍍𑌯𑌾𑌜𑍍𑌞𑌾𑌨𑌸𑌂𑌹𑌰𑍍𑌤𑍍𑌰𑍀 𑌹𑍍𑌯𑌵𑌿𑌦𑍍𑌯𑌾𑌜𑌾𑌲𑌨𑌾𑌶𑌿𑌨𑍀 ॥ 𑍭𑍮 ॥

𑌅𑌭𑌿𑌰𑍂𑌪𑌾𑌨𑌵𑌦𑍍𑌯𑌾𑌂𑌗𑍀 𑌹𑍍𑌯𑌪𑍍𑌰𑌤𑌰𑍍𑌕𑍍𑌯𑌗𑌤𑌿𑌪𑍍𑌰𑌦𑌾 ।
𑌅𑌕𑌳𑌂𑌕𑌰𑍂𑌪𑌿𑌣𑍀 𑌚 𑌹𑍍𑌯𑌨𑍁𑌗𑍍𑌰𑌹𑌪𑌰𑌾𑌯𑌣𑌾 ॥ 𑍭𑍯 ॥

𑌅𑌂𑌬𑌰𑌸𑍍𑌥𑌾𑌽𑌂𑌬𑌰𑌮𑌯𑌾𑌽𑌂𑌬𑌰𑌮𑌾𑌲𑌾𑌽𑌂𑌬𑍁𑌜𑍇𑌕𑍍𑌷𑌣𑌾 ।
𑌅𑌂𑌬𑌿𑌕𑌾𑌽𑌬𑍍𑌜𑌕𑌰𑌾𑌽𑌬𑍍𑌜𑌸𑍍𑌥𑌾𑌽𑌂𑌶𑍁𑌮𑌤𑍍𑌯𑌽𑌂𑌶𑍁𑌶𑌤𑌾𑌨𑍍𑌵𑌿𑌤𑌾 ॥ 𑍮0 ॥

𑌅𑌂𑌬𑍁𑌜𑌾𑌽𑌨𑌵𑌰𑌾𑌽𑌖𑌂𑌡𑌾𑌽𑌂𑌬𑍁𑌜𑌾𑌸𑌨𑌮𑌹𑌾𑌪𑍍𑌰𑌿𑌯𑌾 ।
𑌅𑌜𑌰𑌾𑌽𑌮𑌰𑌸𑌂𑌸𑍇𑌵𑍍𑌯𑌾𑌽𑌜𑌰𑌸𑍇𑌵𑌿𑌤𑌪𑌦𑍍𑌯𑍁𑌗𑌾 ॥ 𑍮1 ॥

𑌅𑌤𑍁𑌲𑌾𑌰𑍍𑌥𑌪𑍍𑌰𑌦𑌾𑌽𑌰𑍍𑌥𑍈𑌕𑍍𑌯𑌾𑌽𑌤𑍍𑌯𑍁𑌦𑌾𑌰𑌾𑌤𑍍𑌵𑌭𑌯𑌾𑌨𑍍𑌵𑌿𑌤𑌾 ।
𑌅𑌨𑌾𑌥𑌵𑌤𑍍𑌸𑌲𑌾𑌽𑌨𑌂𑌤𑌪𑍍𑌰𑌿𑌯𑌾𑌽𑌨𑌂𑌤𑍇𑌪𑍍𑌸𑌿𑌤𑌪𑍍𑌰𑌦𑌾 ॥ 𑍮2 ॥

𑌅𑌂𑌬𑍁𑌜𑌾𑌕𑍍𑌷𑍍𑌯𑌂𑌬𑍁𑌰𑍂𑌪𑌾𑌽𑌂𑌬𑍁𑌜𑌾𑌤𑍋𑌦𑍍𑌭𑌵𑌮𑌹𑌾𑌪𑍍𑌰𑌿𑌯𑌾 ।
𑌅𑌖𑌂𑌡𑌾 𑌤𑍍𑌵𑌮𑌰𑌸𑍍𑌤𑍁𑌤𑍍𑌯𑌾𑌽𑌮𑌰𑌨𑌾𑌯𑌕𑌪𑍂𑌜𑌿𑌤𑌾 ॥ 𑍮3 ॥

𑌅𑌜𑍇𑌯𑌾 𑌤𑍍𑌵𑌜𑌸𑌂𑌕𑌾𑌶𑌾𑌽𑌜𑍍𑌞𑌾𑌨𑌨𑌾𑌶𑌿𑌨𑍍𑌯𑌭𑍀𑌷𑍍𑌟𑌦𑌾 ।
𑌅𑌕𑍍𑌤𑌾𑌘𑌨𑍇𑌨 𑌚𑌾𑌽𑌸𑍍𑌤𑍍𑌰𑍇𑌶𑍀 𑌹𑍍𑌯𑌲𑌕𑍍𑌷𑍍𑌮𑍀𑌨𑌾𑌶𑌿𑌨𑍀 𑌤𑌥𑌾 ॥ 𑍮4 ॥

𑌅𑌨𑌂𑌤𑌸𑌾𑌰𑌾𑌽𑌨𑌂𑌤𑌶𑍍𑌰𑍀𑌰𑌨𑌂𑌤𑌵𑌿𑌧𑌿𑌪𑍂𑌜𑌿𑌤𑌾 ।
𑌅𑌭𑍀𑌷𑍍𑌟𑌾𑌮𑌰𑍍𑌤𑍍𑌯𑌸𑌂𑌪𑍂𑌜𑍍𑌯𑌾 𑌹𑍍𑌯𑌸𑍍𑌤𑍋𑌦𑌯𑌵𑌿𑌵𑌰𑍍𑌜𑌿𑌤𑌾 ॥ 𑍮5 ॥

𑌆𑌸𑍍𑌤𑌿𑌕𑌸𑍍𑌵𑌾𑌂𑌤𑌨𑌿𑌲𑌯𑌾𑌽𑌸𑍍𑌤𑍍𑌰𑌰𑍂𑌪𑌾𑌽𑌸𑍍𑌤𑍍𑌰𑌵𑌤𑍀 𑌤𑌥𑌾 ।
𑌅𑌸𑍍𑌖𑌲𑌤𑍍𑌯𑌸𑍍𑌖𑌲𑌦𑍍𑌰𑍂𑌪𑌾𑌽𑌸𑍍𑌖𑌲𑌦𑍍𑌵𑌿𑌦𑍍𑌯𑌾𑌪𑍍𑌰𑌦𑌾𑌯𑌿𑌨𑍀 ॥ 𑍮6 ॥

𑌅𑌸𑍍𑌖𑌲𑌤𑍍𑌸𑌿𑌦𑍍𑌧𑌿𑌦𑌾𑌽𑌽𑌨𑌂𑌦𑌾𑌽𑌂𑌬𑍁𑌜𑌾𑌤𑌾𑌽𑌽𑌮𑌰𑌨𑌾𑌯𑌿𑌕𑌾 ।
𑌅𑌮𑍇𑌯𑌾𑌽𑌶𑍇𑌷𑌪𑌾𑌪𑌘𑍍𑌨𑍍𑌯𑌕𑍍𑌷𑌯𑌸𑌾𑌰𑌸𑍍𑌵𑌤𑌪𑍍𑌰𑌦𑌾 ॥ 𑍮𑍭 ॥

[ 𑌓𑌂 𑌜𑍍𑌯𑌾𑌂 𑌹𑍍𑌰𑍀𑌂 𑌜𑌯 𑌜𑌯 𑌜𑌗𑌨𑍍𑌮𑌾𑌤𑌃 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌜𑌯𑌾 𑌜𑌯𑌂𑌤𑍀 𑌜𑌯𑌦𑌾 𑌜𑌨𑍍𑌮𑌕𑌰𑍍𑌮𑌵𑌿𑌵𑌰𑍍𑌜𑌿𑌤𑌾 ।
𑌜𑌗𑌤𑍍𑌪𑍍𑌰𑌿𑌯𑌾 𑌜𑌗𑌨𑍍𑌮𑌾𑌤𑌾 𑌜𑌗𑌦𑍀𑌶𑍍𑌵𑌰𑌵𑌲𑍍𑌲𑌭𑌾 ॥ 𑍮𑍮 ॥

𑌜𑌾𑌤𑌿𑌰𑍍𑌜𑌯𑌾 𑌜𑌿𑌤𑌾𑌮𑌿𑌤𑍍𑌰𑌾 𑌜𑌪𑍍𑌯𑌾 𑌜𑌪𑌨𑌕𑌾𑌰𑌿𑌣𑍀 ।
𑌜𑍀𑌵𑌨𑍀 𑌜𑍀𑌵𑌨𑌿𑌲𑌯𑌾 𑌜𑍀𑌵𑌾𑌖𑍍𑌯𑌾 𑌜𑍀𑌵𑌧𑌾𑌰𑌿𑌣𑍀 ॥ 𑍮𑍯 ॥

𑌜𑌾𑌹𑍍𑌨𑌵𑍀 𑌜𑍍𑌯𑌾 𑌜𑌪𑌵𑌤𑍀 𑌜𑌾𑌤𑌿𑌰𑍂𑌪𑌾 𑌜𑌯𑌪𑍍𑌰𑌦𑌾 ।
𑌜𑌨𑌾𑌰𑍍𑌦𑌨𑌪𑍍𑌰𑌿𑌯𑌕𑌰𑍀 𑌜𑍋𑌷𑌨𑍀𑌯𑌾 𑌜𑌗𑌤𑍍𑌸𑍍𑌥𑌿𑌤𑌾 ॥ 𑍯0 ॥

𑌜𑌗𑌜𑍍𑌜𑍍𑌯𑍇𑌷𑍍𑌠𑌾 𑌜𑌗𑌨𑍍𑌮𑌾𑌯𑌾 𑌜𑍀𑌵𑌨𑌤𑍍𑌰𑌾𑌣𑌕𑌾𑌰𑌿𑌣𑍀 ।
𑌜𑍀𑌵𑌾𑌤𑍁𑌲𑌤𑌿𑌕𑌾 𑌜𑍀𑌵𑌜𑌨𑍍𑌮𑍀 𑌜𑌨𑍍𑌮𑌨𑌿𑌬𑌰𑍍𑌹𑌣𑍀 ॥ 𑍯1 ॥

𑌜𑌾𑌡𑍍𑌯𑌵𑌿𑌧𑍍𑌵𑌂𑌸𑌨𑌕𑌰𑍀 𑌜𑌗𑌦𑍍𑌯𑍋𑌨𑌿𑌰𑍍𑌜𑌯𑌾𑌤𑍍𑌮𑌿𑌕𑌾 ।
𑌜𑌗𑌦𑌾𑌨𑌂𑌦𑌜𑌨𑌨𑍀 𑌜𑌂𑌬𑍂𑌶𑍍𑌚 𑌜𑌲𑌜𑍇𑌕𑍍𑌷𑌣𑌾 ॥ 𑍯2 ॥

𑌜𑌯𑌂𑌤𑍀 𑌜𑌂𑌗𑌪𑍂𑌗𑌘𑍍𑌨𑍀 𑌜𑌨𑌿𑌤𑌜𑍍𑌞𑌾𑌨𑌵𑌿𑌗𑍍𑌰𑌹𑌾 ।
𑌜𑌟𑌾 𑌜𑌟𑌾𑌵𑌤𑍀 𑌜𑌪𑍍𑌯𑌾 𑌜𑌪𑌕𑌰𑍍𑌤𑍃𑌪𑍍𑌰𑌿𑌯𑌂𑌕𑌰𑍀 ॥ 𑍯3 ॥

𑌜𑌪𑌕𑍃𑌤𑍍𑌪𑌾𑌪𑌸𑌂𑌹𑌰𑍍𑌤𑍍𑌰𑍀 𑌜𑌪𑌕𑍃𑌤𑍍𑌫𑌲𑌦𑌾𑌯𑌿𑌨𑍀 ।
𑌜𑌪𑌾𑌪𑍁𑌷𑍍𑌪𑌸𑌮𑌪𑍍𑌰𑌖𑍍𑌯𑌾 𑌜𑌪𑌾𑌕𑍁𑌸𑍁𑌮𑌧𑌾𑌰𑌿𑌣𑍀 ॥ 𑍯4 ॥

𑌜𑌨𑌨𑍀 𑌜𑌨𑍍𑌮𑌰𑌹𑌿𑌤𑌾 𑌜𑍍𑌯𑍋𑌤𑌿𑌰𑍍𑌵𑍃𑌤𑍍𑌯𑌭𑌿𑌦𑌾𑌯𑌿𑌨𑍀 ।
𑌜𑌟𑌾𑌜𑍂𑌟𑌨𑌚𑌂𑌦𑍍𑌰𑌾𑌰𑍍𑌧𑌾 𑌜𑌗𑌤𑍍𑌸𑍃𑌷𑍍𑌟𑌿𑌕𑌰𑍀 𑌤𑌥𑌾 ॥ 𑍯5 ॥

𑌜𑌗𑌤𑍍𑌤𑍍𑌰𑌾𑌣𑌕𑌰𑍀 𑌜𑌾𑌡𑍍𑌯𑌧𑍍𑌵𑌂𑌸𑌕𑌰𑍍𑌤𑍍𑌰𑍀 𑌜𑌯𑍇𑌶𑍍𑌵𑌰𑍀 ।
𑌜𑌗𑌦𑍍𑌬𑍀𑌜𑌾 𑌜𑌯𑌾𑌵𑌾𑌸𑌾 𑌜𑌨𑍍𑌮𑌭𑍂𑌰𑍍𑌜𑌨𑍍𑌮𑌨𑌾𑌶𑌿𑌨𑍀 ॥ 𑍯6 ॥

𑌜𑌨𑍍𑌮𑌾𑌂𑌤𑍍𑌯𑌰𑌹𑌿𑌤𑌾 𑌜𑍈𑌤𑍍𑌰𑍀 𑌜𑌗𑌦𑍍𑌯𑍋𑌨𑌿𑌰𑍍𑌜𑌪𑌾𑌤𑍍𑌮𑌿𑌕𑌾 ।
𑌜𑌯𑌲𑌕𑍍𑌷𑌣𑌸𑌂𑌪𑍂𑌰𑍍𑌣𑌾 𑌜𑌯𑌦𑌾𑌨𑌕𑍃𑌤𑍋𑌦𑍍𑌯𑌮𑌾 ॥ 𑍯𑍭 ॥

𑌜𑌂𑌭𑌰𑌾𑌦𑍍𑌯𑌾𑌦𑌿𑌸𑌂𑌸𑍍𑌤𑍁𑌤𑍍𑌯𑌾 𑌜𑌂𑌭𑌾𑌰𑌿𑌫𑌲𑌦𑌾𑌯𑌿𑌨𑍀 ।
𑌜𑌗𑌤𑍍𑌤𑍍𑌰𑌯𑌹𑌿𑌤𑌾 𑌜𑍍𑌯𑍇𑌷𑍍𑌠𑌾 𑌜𑌗𑌤𑍍𑌤𑍍𑌰𑌯𑌵𑌶𑌂𑌕𑌰𑍀 ॥ 𑍯𑍮 ॥

𑌜𑌗𑌤𑍍𑌤𑍍𑌰𑌯𑌾𑌂𑌬𑌾 𑌜𑌗𑌤𑍀 𑌜𑍍𑌵𑌾𑌲𑌾 𑌜𑍍𑌵𑌾𑌲𑌿𑌤𑌲𑍋𑌚𑌨𑌾 ।
𑌜𑍍𑌵𑌾𑌲𑌿𑌨𑍀 𑌜𑍍𑌵𑌲𑌨𑌾𑌭𑌾𑌸𑌾 𑌜𑍍𑌵𑌲𑌂𑌤𑍀 𑌜𑍍𑌵𑌲𑌨𑌾𑌤𑍍𑌮𑌿𑌕𑌾 ॥ 𑍯𑍯 ॥

𑌜𑌿𑌤𑌾𑌰𑌾𑌤𑌿𑌸𑍁𑌰𑌸𑍍𑌤𑍁𑌤𑍍𑌯𑌾 𑌜𑌿𑌤𑌕𑍍𑌰𑍋𑌧𑌾 𑌜𑌿𑌤𑍇𑌂𑌦𑍍𑌰𑌿𑌯𑌾 ।
𑌜𑌰𑌾𑌮𑌰𑌣𑌶𑍂𑌨𑍍𑌯𑌾 𑌚 𑌜𑌨𑌿𑌤𑍍𑌰𑍀 𑌜𑌨𑍍𑌮𑌨𑌾𑌶𑌿𑌨𑍀 ॥ 100 ॥

𑌜𑌲𑌜𑌾𑌭𑌾 𑌜𑌲𑌮𑌯𑍀 𑌜𑌲𑌜𑌾𑌸𑌨𑌵𑌲𑍍𑌲𑌭𑌾 ।
𑌜𑌲𑌜𑌸𑍍𑌥𑌾 𑌜𑌪𑌾𑌰𑌾𑌧𑍍𑌯𑌾 𑌜𑌨𑌮𑌂𑌗𑌳𑌕𑌾𑌰𑌿𑌣𑍀 ॥ 101 ॥

[ 𑌐𑌂 𑌕𑍍𑌲𑍀𑌂 𑌸𑍌𑌃 𑌕𑌲𑍍𑌯𑌾𑌣𑍀 𑌕𑌾𑌮𑌧𑌾𑌰𑌿𑌣𑍀 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌕𑌾𑌮𑌿𑌨𑍀 𑌕𑌾𑌮𑌰𑍂𑌪𑌾 𑌚 𑌕𑌾𑌮𑍍𑌯𑌾 𑌕𑌾𑌮𑍍𑌯𑌪𑍍𑌰𑌦𑌾𑌯𑌿𑌨𑍀 । [ 𑌕𑌾𑌮𑌪𑍍𑌰𑌦𑌾𑌯𑌿𑌨𑍀 ]
𑌕𑌮𑍌𑌳𑍀 𑌕𑌾𑌮𑌦𑌾 𑌕𑌰𑍍𑌤𑍍𑌰𑍀 𑌕𑍍𑌰𑌤𑍁𑌕𑌰𑍍𑌮𑌫𑌲𑌪𑍍𑌰𑌦𑌾 ॥ 102 ॥

𑌕𑍃𑌤𑌘𑍍𑌨𑌘𑍍𑌨𑍀 𑌕𑍍𑌰𑌿𑌯𑌾𑌰𑍂𑌪𑌾 𑌕𑌾𑌰𑍍𑌯𑌕𑌾𑌰𑌣𑌰𑍂𑌪𑌿𑌣𑍀 ।
𑌕𑌂𑌜𑌾𑌕𑍍𑌷𑍀 𑌕𑌰𑍁𑌣𑌾𑌰𑍂𑌪𑌾 𑌕𑍇𑌵𑌲𑌾𑌮𑌰𑌸𑍇𑌵𑌿𑌤𑌾 ॥ 103 ॥

𑌕𑌲𑍍𑌯𑌾𑌣𑌕𑌾𑌰𑌿𑌣𑍀 𑌕𑌾𑌂𑌤𑌾 𑌕𑌾𑌂𑌤𑌿𑌦𑌾 𑌕𑌾𑌂𑌤𑌿𑌰𑍂𑌪𑌿𑌣𑍀 ।
𑌕𑌮𑌲𑌾 𑌕𑌮𑌲𑌾𑌵𑌾𑌸𑌾 𑌕𑌮𑌲𑍋𑌤𑍍𑌪𑌲𑌮𑌾𑌲𑌿𑌨𑍀 ॥ 104 ॥

𑌕𑍁𑌮𑍁𑌦𑍍𑌵𑌤𑍀 𑌚 𑌕𑌲𑍍𑌯𑌾𑌣𑍀 𑌕𑌾𑌂𑌤𑌿𑌃 𑌕𑌾𑌮𑍇𑌶𑌵𑌲𑍍𑌲𑌭𑌾 । [ 𑌕𑌾𑌂𑌤𑌾 ]
𑌕𑌾𑌮𑍇𑌶𑍍𑌵𑌰𑍀 𑌕𑌮𑌲𑌿𑌨𑍀 𑌕𑌾𑌮𑌦𑌾 𑌕𑌾𑌮𑌬𑌂𑌧𑌿𑌨𑍀 ॥ 105 ॥

𑌕𑌾𑌮𑌧𑍇𑌨𑍁𑌃 𑌕𑌾𑌂𑌚𑌨𑌾𑌕𑍍𑌷𑍀 𑌕𑌾𑌂𑌚𑌨𑌾𑌭𑌾 𑌕𑌳𑌾𑌨𑌿𑌧𑌿𑌃 ।
𑌕𑍍𑌰𑌿𑌯𑌾 𑌕𑍀𑌰𑍍𑌤𑌿𑌕𑌰𑍀 𑌕𑍀𑌰𑍍𑌤𑌿𑌃 𑌕𑍍𑌰𑌤𑍁𑌶𑍍𑌰𑍇𑌷𑍍𑌠𑌾 𑌕𑍃𑌤𑍇𑌶𑍍𑌵𑌰𑍀 ॥ 106 ॥

𑌕𑍍𑌰𑌤𑍁𑌸𑌰𑍍𑌵𑌕𑍍𑌰𑌿𑌯𑌾𑌸𑍍𑌤𑍁𑌤𑍍𑌯𑌾 𑌕𑍍𑌰𑌤𑍁𑌕𑍃𑌤𑍍𑌪𑍍𑌰𑌿𑌯𑌕𑌾𑌰𑌿𑌣𑍀 ।
𑌕𑍍𑌲𑍇𑌶𑌨𑌾𑌶𑌕𑌰𑍀 𑌕𑌰𑍍𑌤𑍍𑌰𑍀 𑌕𑌰𑍍𑌮𑌦𑌾 𑌕𑌰𑍍𑌮𑌬𑌂𑌧𑌿𑌨𑍀 ॥ 10𑍭 ॥

𑌕𑌰𑍍𑌮𑌬𑌂𑌧𑌹𑌰𑍀 𑌕𑍃𑌷𑍍𑌟𑌾 𑌕𑍍𑌲𑌮𑌘𑍍𑌨𑍀 𑌕𑌂𑌜𑌲𑍋𑌚𑌨𑌾 ।
𑌕𑌂𑌦𑌰𑍍𑌪𑌜𑌨𑌨𑍀 𑌕𑌾𑌂𑌤𑌾 𑌕𑌰𑍁𑌣𑌾 𑌕𑌰𑍁𑌣𑌾𑌵𑌤𑍀 ॥ 10𑍮 ॥

𑌕𑍍𑌲𑍀𑌂𑌕𑌾𑌰𑌿𑌣𑍀 𑌕𑍃𑌪𑌾𑌕𑌾𑌰𑌾 𑌕𑍃𑌪𑌾𑌸𑌿𑌂𑌧𑍁𑌃 𑌕𑍃𑌪𑌾𑌵𑌤𑍀 ।
𑌕𑌰𑍁𑌣𑌾𑌰𑍍𑌦𑍍𑌰𑌾 𑌕𑍀𑌰𑍍𑌤𑌿𑌕𑌰𑍀 𑌕𑌲𑍍𑌮𑌷𑌘𑍍𑌨𑍀 𑌕𑍍𑌰𑌿𑌯𑌾𑌕𑌰𑍀 ॥ 10𑍯 ॥

𑌕𑍍𑌰𑌿𑌯𑌾𑌶𑌕𑍍𑌤𑌿𑌃 𑌕𑌾𑌮𑌰𑍂𑌪𑌾 𑌕𑌮𑌲𑍋𑌤𑍍𑌪𑌲𑌗𑌂𑌧𑌿𑌨𑍀 ।
𑌕𑌳𑌾 𑌕𑌳𑌾𑌵𑌤𑍀 𑌕𑍂𑌰𑍍𑌮𑍀 𑌕𑍂𑌟𑌸𑍍𑌥𑌾 𑌕𑌂𑌜𑌸𑌂𑌸𑍍𑌥𑌿𑌤𑌾 ॥ 110 ॥

𑌕𑌾𑌳𑌿𑌕𑌾 𑌕𑌲𑍍𑌮𑌷𑌘𑍍𑌨𑍀 𑌚 𑌕𑌮𑌨𑍀𑌯𑌜𑌟𑌾𑌨𑍍𑌵𑌿𑌤𑌾 ।
𑌕𑌰𑌪𑌦𑍍𑌮𑌾 𑌕𑌰𑌾𑌭𑍀𑌷𑍍𑌟𑌪𑍍𑌰𑌦𑌾 𑌕𑍍𑌰𑌤𑍁𑌫𑌲𑌪𑍍𑌰𑌦𑌾 ॥ 111 ॥

𑌕𑍌𑌶𑌿𑌕𑍀 𑌕𑍋𑌶𑌦𑌾 𑌕𑌾𑌵𑍍𑌯𑌾 𑌕𑌰𑍍𑌤𑍍𑌰𑍀 𑌕𑍋𑌶𑍇𑌶𑍍𑌵𑌰𑍀 𑌕𑍃𑌶𑌾 । [ 𑌕𑌨𑍍𑌯𑌾 ]
𑌕𑍂𑌰𑍍𑌮𑌯𑌾𑌨𑌾 𑌕𑌲𑍍𑌪𑌲𑌤𑌾 𑌕𑌾𑌲𑌕𑍂𑌟𑌵𑌿𑌨𑌾𑌶𑌿𑌨𑍀 ॥ 112 ॥

𑌕𑌲𑍍𑌪𑍋𑌦𑍍𑌯𑌾𑌨𑌵𑌤𑍀 𑌕𑌲𑍍𑌪𑌵𑌨𑌸𑍍𑌥𑌾 𑌕𑌲𑍍𑌪𑌕𑌾𑌰𑌿𑌣𑍀 ।
𑌕𑌦𑌂𑌬𑌕𑍁𑌸𑍁𑌮𑌾𑌭𑌾𑌸𑌾 𑌕𑌦𑌂𑌬𑌕𑍁𑌸𑍁𑌮𑌪𑍍𑌰𑌿𑌯𑌾 ॥ 113 ॥

𑌕𑌦𑌂𑌬𑍋𑌦𑍍𑌯𑌾𑌨𑌮𑌧𑍍𑌯𑌸𑍍𑌥𑌾 𑌕𑍀𑌰𑍍𑌤𑌿𑌦𑌾 𑌕𑍀𑌰𑍍𑌤𑌿𑌭𑍂𑌷𑌣𑌾 ।
𑌕𑍁𑌲𑌮𑌾𑌤𑌾 𑌕𑍁𑌲𑌾𑌵𑌾𑌸𑌾 𑌕𑍁𑌲𑌾𑌚𑌾𑌰𑌪𑍍𑌰𑌿𑌯𑌂𑌕𑌰𑍀 ॥ 114 ॥

𑌕𑍁𑌲𑌨𑌾𑌥𑌾 𑌕𑌾𑌮𑌕𑌳𑌾 𑌕𑌳𑌾𑌨𑌾𑌥𑌾 𑌕𑌳𑍇𑌶𑍍𑌵𑌰𑍀 ।
𑌕𑍁𑌂𑌦𑌮𑌂𑌦𑌾𑌰𑌪𑍁𑌷𑍍𑌪𑌾𑌭𑌾 𑌕𑌪𑌰𑍍𑌦𑌸𑍍𑌥𑌿𑌤𑌚𑌂𑌦𑍍𑌰𑌿𑌕𑌾 ॥ 115 ॥

𑌕𑌵𑌿𑌤𑍍𑌵𑌦𑌾 𑌕𑌾𑌮𑍍𑌯𑌮𑌾𑌤𑌾 𑌕𑌵𑌿𑌮𑌾𑌤𑌾 𑌕𑌳𑌾𑌪𑍍𑌰𑌦𑌾 । [𑌕𑌾𑌵𑍍𑌯𑌮𑌾𑌤𑌾]

[ 𑌓𑌂 𑌸𑍌𑌃 𑌕𑍍𑌲𑍀𑌂 𑌐𑌂 𑌤𑌤𑍋 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌤𑌰𑍁𑌣𑍀 𑌤𑌰𑍁𑌣𑍀𑌤𑌾𑌤𑌾 𑌤𑌾𑌰𑌾𑌧𑌿𑌪𑌸𑌮𑌾𑌨𑌨𑌾 ॥ 116 ॥

𑌤𑍃𑌪𑍍𑌤𑌿𑌸𑍍𑌤𑍃𑌪𑍍𑌤𑌿𑌪𑍍𑌰𑌦𑌾 𑌤𑌰𑍍𑌕𑍍𑌯𑌾 𑌤𑌪𑌨𑍀 𑌤𑌾𑌪𑌿𑌨𑍀 𑌤𑌥𑌾 ।
𑌤𑌰𑍍𑌪𑌣𑍀 𑌤𑍀𑌰𑍍𑌥𑌰𑍂𑌪𑌾 𑌚 𑌤𑍍𑌰𑌿𑌪𑌦𑌾 𑌤𑍍𑌰𑌿𑌦𑌶𑍇𑌶𑍍𑌵𑌰𑍀 ॥ 11𑍭 ॥ [ 𑌤𑍍𑌰𑌿𑌦𑌶𑌾 ]

𑌤𑍍𑌰𑌿𑌦𑌿𑌵𑍇𑌶𑍀 𑌤𑍍𑌰𑌿𑌜𑌨𑌨𑍀 𑌤𑍍𑌰𑌿𑌮𑌾𑌤𑌾 𑌤𑍍𑌰𑍍𑌯𑌂𑌬𑌕𑍇𑌶𑍍𑌵𑌰𑍀 ।
𑌤𑍍𑌰𑌿𑌪𑍁𑌰𑌾 𑌤𑍍𑌰𑌿𑌪𑍁𑌰𑍇𑌶𑌾𑌨𑍀 𑌤𑍍𑌰𑍍𑌯𑌂𑌬𑌕𑌾 𑌤𑍍𑌰𑌿𑌪𑍁𑌰𑌾𑌂𑌬𑌿𑌕𑌾 ॥ 11𑍮 ॥

𑌤𑍍𑌰𑌿𑌪𑍁𑌰𑌶𑍍𑌰𑍀𑌸𑍍𑌤𑍍𑌰𑌯𑍀𑌰𑍂𑌪𑌾 𑌤𑍍𑌰𑌯𑍀𑌵𑍇𑌦𑍍𑌯𑌾 𑌤𑍍𑌰𑌯𑍀𑌶𑍍𑌵𑌰𑍀 ।
𑌤𑍍𑌰𑌯𑍍𑌯𑌂𑌤𑌵𑍇𑌦𑌿𑌨𑍀 𑌤𑌾𑌮𑍍𑌰𑌾 𑌤𑌾𑌪𑌤𑍍𑌰𑌿𑌤𑌯𑌹𑌾𑌰𑌿𑌣𑍀 ॥ 11𑍯 ॥

𑌤𑌮𑌾𑌲𑌸𑌦𑍃𑌶𑍀 𑌤𑍍𑌰𑌾𑌤𑌾 𑌤𑌰𑍁𑌣𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑌾 ।
𑌤𑍍𑌰𑍈𑌲𑍋𑌕𑍍𑌯𑌵𑍍𑌯𑌾𑌪𑌿𑌨𑍀 𑌤𑍃𑌪𑍍𑌤𑌾 𑌤𑍃𑌪𑍍𑌤𑌿𑌕𑍃𑌤𑍍𑌤𑌤𑍍𑌤𑍍𑌵𑌰𑍂𑌪𑌿𑌣𑍀 ॥ 120 ॥

𑌤𑍁𑌰𑍍𑌯𑌾 𑌤𑍍𑌰𑍈𑌲𑍋𑌕𑍍𑌯𑌸𑌂𑌸𑍍𑌤𑍁𑌤𑍍𑌯𑌾 𑌤𑍍𑌰𑌿𑌗𑍁𑌣𑌾 𑌤𑍍𑌰𑌿𑌗𑍁𑌣𑍇𑌶𑍍𑌵𑌰𑍀 ।
𑌤𑍍𑌰𑌿𑌪𑍁𑌰𑌘𑍍𑌨𑍀 𑌤𑍍𑌰𑌿𑌮𑌾𑌤𑌾 𑌚 𑌤𑍍𑌰𑍍𑌯𑌂𑌬𑌕𑌾 𑌤𑍍𑌰𑌿𑌗𑍁𑌣𑌾𑌨𑍍𑌵𑌿𑌤𑌾 ॥ 121 ॥

𑌤𑍃𑌷𑍍𑌣𑌾𑌚𑍍𑌛𑍇𑌦𑌕𑌰𑍀 𑌤𑍃𑌪𑍍𑌤𑌾 𑌤𑍀𑌕𑍍𑌷𑍍𑌣𑌾 𑌤𑍀𑌕𑍍𑌷𑍍𑌣𑌸𑍍𑌵𑌰𑍂𑌪𑌿𑌣𑍀 ।
𑌤𑍁𑌲𑌾 𑌤𑍁𑌲𑌾𑌦𑌿𑌰𑌹𑌿𑌤𑌾 𑌤𑌤𑍍𑌤𑌦𑍍𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌿𑌣𑍀 ॥ 122 ॥

𑌤𑍍𑌰𑌾𑌣𑌕𑌰𑍍𑌤𑍍𑌰𑍀 𑌤𑍍𑌰𑌿𑌪𑌾𑌪𑌘𑍍𑌨𑍀 𑌤𑍍𑌰𑌿𑌦𑌶𑌾 𑌤𑍍𑌰𑌿𑌦𑌶𑌾𑌨𑍍𑌵𑌿𑌤𑌾 ।
𑌤𑌥𑍍𑌯𑌾 𑌤𑍍𑌰𑌿𑌶𑌕𑍍𑌤𑌿𑌸𑍍𑌤𑍍𑌰𑌿𑌪𑌦𑌾 𑌤𑍁𑌰𑍍𑌯𑌾 𑌤𑍍𑌰𑍈𑌲𑍋𑌕𑍍𑌯𑌸𑍁𑌂𑌦𑌰𑍀 ॥ 123 ॥

𑌤𑍇𑌜𑌸𑍍𑌕𑌰𑍀 𑌤𑍍𑌰𑌿𑌮𑍂𑌰𑍍𑌤𑍍𑌯𑌾𑌦𑍍𑌯𑌾 𑌤𑍇𑌜𑍋𑌰𑍂𑌪𑌾 𑌤𑍍𑌰𑌿𑌧𑌾𑌮𑌤𑌾 ।
𑌤𑍍𑌰𑌿𑌚𑌕𑍍𑌰𑌕𑌰𑍍𑌤𑍍𑌰𑍀 𑌤𑍍𑌰𑌿𑌭𑌗𑌾 𑌤𑍁𑌰𑍍𑌯𑌾𑌤𑍀𑌤𑌫𑌲𑌪𑍍𑌰𑌦𑌾 ॥ 124 ॥

𑌤𑍇𑌜𑌸𑍍𑌵𑌿𑌨𑍀 𑌤𑌾𑌪𑌹𑌾𑌰𑍀 𑌤𑌾𑌪𑍋𑌪𑌪𑍍𑌲𑌵𑌨𑌾𑌶𑌿𑌨𑍀 ।
𑌤𑍇𑌜𑍋𑌗𑌰𑍍𑌭𑌾 𑌤𑌪𑌸𑍍𑌸𑌾𑌰𑌾 𑌤𑍍𑌰𑌿𑌪𑍁𑌰𑌾𑌰𑌿𑌪𑍍𑌰𑌿𑌯𑌂𑌕𑌰𑍀 ॥ 125 ॥

𑌤𑌨𑍍𑌵𑍀 𑌤𑌾𑌪𑌸𑌸𑌂𑌤𑍁𑌷𑍍𑌟𑌾 𑌤𑌪𑌨𑌾𑌂𑌗𑌜𑌭𑍀𑌤𑌿𑌨𑍁𑌤𑍍 ।
𑌤𑍍𑌰𑌿𑌲𑍋𑌚𑌨𑌾 𑌤𑍍𑌰𑌿𑌮𑌾𑌰𑍍𑌗𑌾 𑌚 𑌤𑍃𑌤𑍀𑌯𑌾 𑌤𑍍𑌰𑌿𑌦𑌶𑌸𑍍𑌤𑍁𑌤𑌾 ॥ 126 ॥

𑌤𑍍𑌰𑌿𑌸𑍁𑌂𑌦𑌰𑍀 𑌤𑍍𑌰𑌿𑌪𑌥𑌗𑌾 𑌤𑍁𑌰𑍀𑌯𑌪𑌦𑌦𑌾𑌯𑌿𑌨𑍀 ।

[ 𑌓𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌕𑍍𑌲𑍀𑌂 𑌐𑌂 𑌨𑌮𑌶𑍍𑌶𑍁𑌦𑍍𑌧𑌫𑌲𑌦𑍇 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌶𑍁𑌭𑌾 𑌶𑍁𑌭𑌾𑌵𑌤𑍀 𑌶𑌾𑌂𑌤𑌾 𑌶𑌾𑌂𑌤𑌿𑌦𑌾 𑌶𑍁𑌭𑌦𑌾𑌯𑌿𑌨𑍀 ॥ 12𑍭 ॥

𑌶𑍀𑌤𑌲𑌾 𑌶𑍂𑌲𑌿𑌨𑍀 𑌶𑍀𑌤𑌾 𑌶𑍍𑌰𑍀𑌮𑌤𑍀 𑌚 𑌶𑍁𑌭𑌾𑌨𑍍𑌵𑌿𑌤𑌾 ।

[ 𑌓𑌂 𑌐𑌂 𑌯𑌾𑌂 𑌯𑍀𑌂 𑌯𑍂𑌂 𑌯𑍈𑌂 𑌯𑍌𑌂 𑌯𑌃 𑌐𑌂 𑌵𑌦 𑌵𑌦 𑌵𑌾𑌗𑍍𑌵𑌾𑌦𑌿𑌨𑍀 𑌸𑍍𑌵𑌾𑌹𑌾 ]

𑌯𑍋𑌗𑌸𑌿𑌦𑍍𑌧𑌿𑌪𑍍𑌰𑌦𑌾 𑌯𑍋𑌗𑍍𑌯𑌾 𑌯𑌜𑍍𑌞𑍇𑌨𑌪𑌰𑌿𑌪𑍂𑌰𑌿𑌤𑌾 ॥ 12𑍮 ॥

𑌯𑌜𑍍𑌞𑌾 𑌯𑌜𑍍𑌞𑌮𑌯𑍀 𑌯𑌕𑍍𑌷𑍀 𑌯𑌕𑍍𑌷𑌿𑌣𑍀 𑌯𑌕𑍍𑌷𑌿𑌵𑌲𑍍𑌲𑌭𑌾 ।
𑌯𑌜𑍍𑌞𑌪𑍍𑌰𑌿𑌯𑌾 𑌯𑌜𑍍𑌞𑌪𑍂𑌜𑍍𑌯𑌾 𑌯𑌜𑍍𑌞𑌤𑍁𑌷𑍍𑌟𑌾 𑌯𑌮𑌸𑍍𑌤𑍁𑌤𑌾 ॥ 12𑍯 ॥

𑌯𑌾𑌮𑌿𑌨𑍀𑌯𑌪𑍍𑌰𑌭𑌾 𑌯𑌾𑌮𑍍𑌯𑌾 𑌯𑌜𑌨𑍀𑌯𑌾 𑌯𑌶𑌸𑍍𑌕𑌰𑍀 ।
𑌯𑌜𑍍𑌞𑌕𑌰𑍍𑌤𑍍𑌰𑍀 𑌯𑌜𑍍𑌞𑌰𑍂𑌪𑌾 𑌯𑌶𑍋𑌦𑌾 𑌯𑌜𑍍𑌞𑌸𑌂𑌸𑍍𑌤𑍁𑌤𑌾 ॥ 130 ॥

𑌯𑌜𑍍𑌞𑍇𑌶𑍀 𑌯𑌜𑍍𑌞𑌫𑌲𑌦𑌾 𑌯𑍋𑌗𑌯𑍋𑌨𑌿𑌰𑍍𑌯𑌜𑍁𑌸𑍍𑌸𑍍𑌤𑍁𑌤𑌾 ।
𑌯𑌮𑌿𑌸𑍇𑌵𑍍𑌯𑌾 𑌯𑌮𑌾𑌰𑌾𑌧𑍍𑌯𑌾 𑌯𑌮𑌿𑌪𑍂𑌜𑍍𑌯𑌾 𑌯𑌮𑍀𑌶𑍍𑌵𑌰𑍀 ॥ 131 ॥

𑌯𑍋𑌗𑌿𑌨𑍀 𑌯𑍋𑌗𑌰𑍂𑌪𑌾 𑌚 𑌯𑍋𑌗𑌕𑌰𑍍𑌤𑍃𑌪𑍍𑌰𑌿𑌯𑌂𑌕𑌰𑍀 ।
𑌯𑍋𑌗𑌯𑍁𑌕𑍍𑌤𑌾 𑌯𑍋𑌗𑌮𑌯𑍀 𑌯𑍋𑌗𑌯𑍋𑌗𑍀𑌶𑍍𑌵𑌰𑌾𑌂𑌬𑌿𑌕𑌾 ॥ 132 ॥

𑌯𑍋𑌗𑌜𑍍𑌞𑌾𑌨𑌮𑌯𑍀 𑌯𑍋𑌨𑌿𑌰𑍍𑌯𑌮𑌾𑌦𑍍𑌯𑌷𑍍𑌟𑌾𑌂𑌗𑌯𑍋𑌗𑌤𑌾 ।
𑌯𑌂𑌤𑍍𑌰𑌿𑌤𑌾𑌘𑍌𑌘𑌸𑌂𑌹𑌾𑌰𑌾 𑌯𑌮𑌲𑍋𑌕𑌨𑌿𑌵𑌾𑌰𑌿𑌣𑍀 ॥ 133 ॥

𑌯𑌷𑍍𑌟𑌿𑌵𑍍𑌯𑌷𑍍𑌟𑍀𑌶𑌸𑌂𑌸𑍍𑌤𑍁𑌤𑍍𑌯𑌾 𑌯𑌮𑌾𑌦𑍍𑌯𑌷𑍍𑌟𑌾𑌂𑌗𑌯𑍋𑌗𑌯𑍁𑌕𑍍 ।
𑌯𑍋𑌗𑍀𑌶𑍍𑌵𑌰𑍀 𑌯𑍋𑌗𑌮𑌾𑌤𑌾 𑌯𑍋𑌗𑌸𑌿𑌦𑍍𑌧𑌾 𑌚 𑌯𑍋𑌗𑌦𑌾 ॥ 134 ॥

𑌯𑍋𑌗𑌾𑌰𑍂𑌢𑌾 𑌯𑍋𑌗𑌮𑌯𑍀 𑌯𑍋𑌗𑌰𑍂𑌪𑌾 𑌯𑌵𑍀𑌯𑌸𑍀 ।
𑌯𑌂𑌤𑍍𑌰𑌰𑍂𑌪𑌾 𑌚 𑌯𑌂𑌤𑍍𑌰𑌸𑍍𑌥𑌾 𑌯𑌂𑌤𑍍𑌰𑌪𑍂𑌜𑍍𑌯𑌾 𑌚 𑌯𑌂𑌤𑍍𑌰𑌿𑌕𑌾 ॥ 135 ॥ [ 𑌯𑌂𑌤𑍍𑌰𑌿𑌤𑌾 ]

𑌯𑍁𑌗𑌕𑌰𑍍𑌤𑍍𑌰𑍀 𑌯𑍁𑌗𑌮𑌯𑍀 𑌯𑍁𑌗𑌧𑌰𑍍𑌮𑌵𑌿𑌵𑌰𑍍𑌜𑌿𑌤𑌾 ।
𑌯𑌮𑍁𑌨𑌾 𑌯𑌾𑌮𑌿𑌨𑍀 𑌯𑌾𑌮𑍍𑌯𑌾 𑌯𑌮𑍁𑌨𑌾𑌜𑌲𑌮𑌧𑍍𑌯𑌗𑌾 ॥ 136 ॥ [ 𑌯𑌮𑌿𑌨𑍀 ]

𑌯𑌾𑌤𑌾𑌯𑌾𑌤𑌪𑍍𑌰𑌶𑌮𑌨𑍀 𑌯𑌾𑌤𑌨𑌾𑌨𑌾𑌂𑌨𑌿𑌕𑍃𑌂𑌤𑌨𑍀 ।
𑌯𑍋𑌗𑌾𑌵𑌾𑌸𑌾 𑌯𑍋𑌗𑌿𑌵𑌂𑌦𑍍𑌯𑌾 𑌯𑌤𑍍𑌤𑌚𑍍𑌛𑌬𑍍𑌦𑌸𑍍𑌵𑌰𑍂𑌪𑌿𑌣𑍀 ॥ 13𑍭 ॥

𑌯𑍋𑌗𑌕𑍍𑌷𑍇𑌮𑌮𑌯𑍀 𑌯𑌂𑌤𑍍𑌰𑌾 𑌯𑌾𑌵𑌦𑌕𑍍𑌷𑌰𑌮𑌾𑌤𑍃𑌕𑌾 ।
𑌯𑌾𑌵𑌤𑍍𑌪𑌦𑌮𑌯𑍀 𑌯𑌾𑌵𑌚𑍍𑌛𑌬𑍍𑌦𑌰𑍂𑌪𑌾 𑌯𑌥𑍇𑌶𑍍𑌵𑌰𑍀 ॥ 13𑍮 ॥

𑌯𑌤𑍍𑌤𑌦𑍀𑌯𑌾 𑌯𑌕𑍍𑌷𑌵𑌂𑌦𑍍𑌯𑌾 𑌯𑌦𑍍𑌵𑌿𑌦𑍍𑌯𑌾 𑌯𑌤𑌿𑌸𑌂𑌸𑍍𑌤𑍁𑌤𑌾 ।
𑌯𑌾𑌵𑌦𑍍𑌵𑌿𑌦𑍍𑌯𑌾𑌮𑌯𑍀 𑌯𑌾𑌵𑌦𑍍𑌵𑌿𑌦𑍍𑌯𑌾𑌬𑍃𑌂𑌦𑌸𑍁𑌵𑌂𑌦𑌿𑌤𑌾 ॥ 13𑍯 ॥

𑌯𑍋𑌗𑌿𑌹𑍃𑌤𑍍𑌪𑌦𑍍𑌮𑌨𑌿𑌲𑌯𑌾 𑌯𑍋𑌗𑌿𑌵𑌰𑍍𑌯𑌪𑍍𑌰𑌿𑌯𑌂𑌕𑌰𑍀 ।
𑌯𑍋𑌗𑌿𑌵𑌂𑌦𑍍𑌯𑌾 𑌯𑍋𑌗𑌿𑌮𑌾𑌤𑌾 𑌯𑍋𑌗𑍀𑌶𑌫𑌲𑌦𑌾𑌯𑌿𑌨𑍀 ॥ 140 ॥

𑌯𑌕𑍍𑌷𑌵𑌂𑌦𑍍𑌯𑌾 𑌯𑌕𑍍𑌷𑌪𑍂𑌜𑍍𑌯𑌾 𑌯𑌕𑍍𑌷𑌰𑌾𑌜𑌸𑍁𑌪𑍂𑌜𑌿𑌤𑌾 ।
𑌯𑌜𑍍𑌞𑌰𑍂𑌪𑌾 𑌯𑌜𑍍𑌞𑌤𑍁𑌷𑍍𑌟𑌾 𑌯𑌾𑌯𑌜𑍂𑌕𑌸𑍍𑌵𑌰𑍂𑌪𑌿𑌣𑍀 ॥ 141 ॥

𑌯𑌂𑌤𑍍𑌰𑌾𑌰𑌾𑌧𑍍𑌯𑌾 𑌯𑌂𑌤𑍍𑌰𑌮𑌧𑍍𑌯𑌾 𑌯𑌂𑌤𑍍𑌰𑌕𑌰𑍍𑌤𑍃𑌪𑍍𑌰𑌿𑌯𑌂𑌕𑌰𑍀 ।
𑌯𑌂𑌤𑍍𑌰𑌾𑌰𑍂𑌢𑌾 𑌯𑌂𑌤𑍍𑌰𑌪𑍂𑌜𑍍𑌯𑌾 𑌯𑍋𑌗𑌿𑌧𑍍𑌯𑌾𑌨𑌪𑌰𑌾𑌯𑌣𑌾 ॥ 142 ॥

𑌯𑌜𑌨𑍀𑌯𑌾 𑌯𑌮𑌸𑍍𑌤𑍁𑌤𑍍𑌯𑌾 𑌯𑍋𑌗𑌯𑍁𑌕𑍍𑌤𑌾 𑌯𑌶𑌸𑍍𑌕𑌰𑍀 ।
𑌯𑍋𑌗𑌬𑌦𑍍𑌧𑌾 𑌯𑌤𑌿𑌸𑍍𑌤𑍁𑌤𑍍𑌯𑌾 𑌯𑍋𑌗𑌜𑍍𑌞𑌾 𑌯𑍋𑌗𑌨𑌾𑌯𑌕𑍀 ॥ 143 ॥

𑌯𑍋𑌗𑌿𑌜𑍍𑌞𑌾𑌨𑌪𑍍𑌰𑌦𑌾 𑌯𑌕𑍍𑌷𑍀 𑌯𑌮𑌬𑌾𑌧𑌾𑌵𑌿𑌨𑌾𑌶𑌿𑌨𑍀 ।
𑌯𑍋𑌗𑌿𑌕𑌾𑌮𑍍𑌯𑌪𑍍𑌰𑌦𑌾𑌤𑍍𑌰𑍀 𑌚 𑌯𑍋𑌗𑌿𑌮𑍋𑌕𑍍𑌷𑌪𑍍𑌰𑌦𑌾𑌯𑌿𑌨𑍀 ॥ 144 ॥

𑌫𑌲𑌶𑍍𑌰𑍁𑌤𑌿𑌃
𑌇𑌤𑌿 𑌨𑌾𑌮𑍍𑌨𑌾𑌂 𑌸𑌰𑌸𑍍𑌵𑌤𑍍𑌯𑌾𑌃 𑌸𑌹𑌸𑍍𑌰𑌂 𑌸𑌮𑍁𑌦𑍀𑌰𑌿𑌤𑌮𑍍 ।
𑌮𑌂𑌤𑍍𑌰𑌾𑌤𑍍𑌮𑌕𑌂 𑌮𑌹𑌾𑌗𑍋𑌪𑍍𑌯𑌂 𑌮𑌹𑌾𑌸𑌾𑌰𑌸𑍍𑌵𑌤𑌪𑍍𑌰𑌦𑌮𑍍 ॥ 1 ॥

𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌭𑌕𑍍𑌤𑍍𑌯𑌾𑌤𑍍𑌤𑍍𑌰𑌿𑌕𑌾𑌲𑌂 𑌸𑌾𑌧𑌕𑌃 𑌪𑍁𑌮𑌾𑌨𑍍 ।
𑌸𑌰𑍍𑌵𑌵𑌿𑌦𑍍𑌯𑌾𑌨𑌿𑌧𑌿𑌃 𑌸𑌾𑌕𑍍𑌷𑌾𑌤𑍍 𑌸 𑌏𑌵 𑌭𑌵𑌤𑌿 𑌧𑍍𑌰𑍁𑌵𑌮𑍍 ॥ 2 ॥

𑌲𑌭𑌤𑍇 𑌸𑌂𑌪𑌦𑌃 𑌸𑌰𑍍𑌵𑌾𑌃 𑌪𑍁𑌤𑍍𑌰𑌪𑍌𑌤𑍍𑌰𑌾𑌦𑌿𑌸𑌂𑌯𑍁𑌤𑌾𑌃 ।
𑌮𑍂𑌕𑍋𑌽𑌪𑌿 𑌸𑌰𑍍𑌵𑌵𑌿𑌦𑍍𑌯𑌾𑌸𑍁 𑌚𑌤𑍁𑌰𑍍𑌮𑍁𑌖 𑌇𑌵𑌾𑌪𑌰𑌃 ॥ 3 ॥

𑌭𑍂𑌤𑍍𑌵𑌾 𑌪𑍍𑌰𑌾𑌪𑍍𑌨𑍋𑌤𑌿 𑌸𑌾𑌨𑍍𑌨𑌿𑌧𑍍𑌯𑌂 𑌅𑌂𑌤𑍇 𑌧𑌾𑌤𑍁𑌰𑍍𑌮𑍁𑌨𑍀𑌶𑍍𑌵𑌰 ।
𑌸𑌰𑍍𑌵𑌮𑌂𑌤𑍍𑌰𑌮𑌯𑌂 𑌸𑌰𑍍𑌵𑌵𑌿𑌦𑍍𑌯𑌾𑌮𑌾𑌨𑌫𑌲𑌪𑍍𑌰𑌦𑌮𑍍 ॥ 4 ॥

𑌮𑌹𑌾𑌕𑌵𑌿𑌤𑍍𑌵𑌦𑌂 𑌪𑍁𑌂𑌸𑌾𑌂 𑌮𑌹𑌾𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌕𑌮𑍍 ।
𑌕𑌸𑍍𑌮𑍈 𑌚𑌿𑌨𑍍𑌨 𑌪𑍍𑌰𑌦𑌾𑌤𑌵𑍍𑌯𑌂 𑌪𑍍𑌰𑌾𑌣𑍈𑌃 𑌕𑌂𑌠𑌗𑌤𑍈𑌰𑌪𑌿 ॥ 5 ॥

𑌮𑌹𑌾𑌰𑌹𑌸𑍍𑌯𑌂 𑌸𑌤𑌤𑌂 𑌵𑌾𑌣𑍀𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌸𑍁𑌸𑌿𑌦𑍍𑌧𑌮𑌸𑍍𑌮𑌦𑌾𑌦𑍀𑌨𑌾𑌂 𑌸𑍍𑌤𑍋𑌤𑍍𑌰𑌂 𑌤𑍇 𑌸𑌮𑍁𑌦𑍀𑌰𑌿𑌤𑌮𑍍 ॥ 6 ॥

𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦𑌪𑍁𑌰𑌾𑌣𑌾𑌂𑌤𑌰𑍍𑌗𑌤 𑌶𑍍𑌰𑍀𑌸𑌨𑌤𑍍𑌕𑍁𑌮𑌾𑌰 𑌸𑌂𑌹𑌿𑌤𑌾𑌯𑌾𑌂 𑌨𑌾𑌰𑌦 𑌸𑌨𑌤𑍍𑌕𑍁𑌮𑌾𑌰 𑌸𑌂𑌵𑌾𑌦𑍇 𑌶𑍍𑌰𑍀 𑌸𑌰𑌸𑍍𑌵𑌤𑍀 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥