𑌸𑌰𑌸𑍍𑌵𑌤𑍀 𑌕𑌵𑌚𑌮𑍍

(𑌬𑍍𑌰𑌹𑍍𑌮𑌵𑍈𑌵𑌰𑍍𑌤 𑌮𑌹𑌾𑌪𑍁𑌰𑌾𑌣𑌾𑌂𑌤𑌰𑍍𑌗𑌤𑌂)

𑌭𑍃𑌗𑍁𑌰𑍁𑌵𑌾𑌚 ।
𑌬𑍍𑌰𑌹𑍍𑌮𑌨𑍍𑌬𑍍𑌰𑌹𑍍𑌮𑌵𑌿𑌦𑌾𑌂𑌶𑍍𑌰𑍇𑌷𑍍𑌠 𑌬𑍍𑌰𑌹𑍍𑌮𑌜𑍍𑌞𑌾𑌨𑌵𑌿𑌶𑌾𑌰𑌦 ।
𑌸𑌰𑍍𑌵𑌜𑍍𑌞 𑌸𑌰𑍍𑌵𑌜𑌨𑌕 𑌸𑌰𑍍𑌵𑌪𑍂𑌜𑌕𑌪𑍂𑌜𑌿𑌤 ॥ 60

𑌸𑌰𑌸𑍍𑌵𑌤𑍍𑌯𑌾𑌶𑍍𑌚 𑌕𑌵𑌚𑌂 𑌬𑍍𑌰𑍂𑌹𑌿 𑌵𑌿𑌶𑍍𑌵𑌜𑌯𑌂 𑌪𑍍𑌰𑌭𑍋 ।
𑌅𑌯𑌾𑌤𑌯𑌾𑌮𑌮𑌂𑌤𑍍𑌰𑌾𑌣𑌾𑌂 𑌸𑌮𑍂𑌹𑍋 𑌯𑌤𑍍𑌰 𑌸𑌂𑌯𑍁𑌤𑌃 ॥ 61 ॥

𑌬𑍍𑌰𑌹𑍍𑌮𑍋𑌵𑌾𑌚 ।
𑌶𑍃𑌣𑍁 𑌵𑌤𑍍𑌸 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌕𑌵𑌚𑌂 𑌸𑌰𑍍𑌵𑌕𑌾𑌮𑌦𑌮𑍍 ।
𑌶𑍍𑌰𑍁𑌤𑌿𑌸𑌾𑌰𑌂 𑌶𑍍𑌰𑍁𑌤𑌿𑌸𑍁𑌖𑌂 𑌶𑍍𑌰𑍁𑌤𑍍𑌯𑍁𑌕𑍍𑌤𑌂 𑌶𑍍𑌰𑍁𑌤𑌿𑌪𑍂𑌜𑌿𑌤𑌮𑍍 ॥ 62 ॥

𑌉𑌕𑍍𑌤𑌂 𑌕𑍃𑌷𑍍𑌣𑍇𑌨 𑌗𑍋𑌲𑍋𑌕𑍇 𑌮𑌹𑍍𑌯𑌂 𑌵𑍃𑌂𑌦𑌾𑌵𑌨𑍇 𑌵𑌨𑍇 ।
𑌰𑌾𑌸𑍇𑌶𑍍𑌵𑌰𑍇𑌣 𑌵𑌿𑌭𑍁𑌨𑌾 𑌰𑌾𑌸𑍇 𑌵𑍈 𑌰𑌾𑌸𑌮𑌂𑌡𑌲𑍇 ॥ 63 ॥

𑌅𑌤𑍀𑌵 𑌗𑍋𑌪𑌨𑍀𑌯𑌂𑌚 𑌕𑌲𑍍𑌪𑌵𑍃𑌕𑍍𑌷𑌸𑌮𑌂 𑌪𑌰𑌮𑍍 ।
𑌅𑌶𑍍𑌰𑍁𑌤𑌾𑌦𑍍𑌭𑍁𑌤𑌮𑌂𑌤𑍍𑌰𑌾𑌣𑌾𑌂 𑌸𑌮𑍂𑌹𑍈𑌶𑍍𑌚 𑌸𑌮𑌨𑍍𑌵𑌿𑌤𑌮𑍍 ॥ 64 ॥

𑌯𑌦𑍍𑌧𑍃𑌤𑍍𑌵𑌾 𑌪𑌠𑌨𑌾𑌦𑍍𑌬𑍍𑌰𑌹𑍍𑌮𑌨𑍍𑌬𑍁𑌦𑍍𑌧𑌿𑌮𑌾𑌂𑌶𑍍𑌚 𑌬𑍃𑌹𑌸𑍍𑌪𑌤𑌿𑌃 ।
𑌯𑌦𑍍𑌧𑍃𑌤𑍍𑌵𑌾 𑌭𑌗𑌵𑌾𑌂𑌛𑍁𑌕𑍍𑌰𑌃 𑌸𑌰𑍍𑌵𑌦𑍈𑌤𑍍𑌯𑍇𑌷𑍁 𑌪𑍂𑌜𑌿𑌤𑌃 ॥ 65 ॥

𑌪𑌠𑌨𑌾𑌦𑍍𑌧𑌾𑌰𑌣𑌾𑌦𑍍𑌵𑌾𑌗𑍍𑌮𑍀 𑌕𑌵𑍀𑌂𑌦𑍍𑌰𑍋 𑌵𑌾𑌲𑍍𑌮𑌿𑌕𑍀 𑌮𑍁𑌨𑌿𑌃 ।
𑌸𑍍𑌵𑌾𑌯𑌂𑌭𑍁𑌵𑍋 𑌮𑌨𑍁𑌶𑍍𑌚𑍈𑌵 𑌯𑌦𑍍𑌧𑍃𑌤𑍍𑌵𑌾 𑌸𑌰𑍍𑌵𑌪𑍂𑌜𑌿𑌤𑌾𑌃 ॥ 66 ॥

𑌕𑌣𑌾𑌦𑍋 𑌗𑍌𑌤𑌮𑌃 𑌕𑌣𑍍𑌵𑌃 𑌪𑌾𑌣𑌿𑌨𑌿𑌃 𑌶𑌾𑌕𑌟𑌾𑌯𑌨𑌃 ।
𑌗𑍍𑌰𑌂𑌥𑌂 𑌚𑌕𑌾𑌰 𑌯𑌦𑍍𑌧𑍃𑌤𑍍𑌵𑌾 𑌦𑌕𑍍𑌷𑌃 𑌕𑌾𑌤𑍍𑌯𑌾𑌯𑌨𑌃 𑌸𑍍𑌵𑌯𑌮𑍍 ॥ 6𑍭 ॥

𑌧𑍃𑌤𑍍𑌵𑌾 𑌵𑍇𑌦𑌵𑌿𑌭𑌾𑌗𑌂𑌚 𑌪𑍁𑌰𑌾𑌣𑌾𑌨𑍍𑌯𑌖𑌿𑌲𑌾𑌨𑌿 𑌚 ।
𑌚𑌕𑌾𑌰 𑌲𑍀𑌲𑌾𑌮𑌾𑌤𑍍𑌰𑍇𑌣 𑌕𑍃𑌷𑍍𑌣𑌦𑍍𑌵𑍈𑌪𑌾𑌯𑌨𑌃 𑌸𑍍𑌵𑌯𑌮𑍍 ॥ 6𑍮 ॥

𑌶𑌾𑌤𑌾𑌤𑌪𑌶𑍍𑌚 𑌸𑌂𑌵𑌰𑍍𑌤𑍋 𑌵𑌸𑌿𑌷𑍍𑌠𑌶𑍍𑌚 𑌪𑌰𑌾𑌶𑌰𑌃 ।
𑌯𑌦𑍍𑌧𑍃𑌤𑍍𑌵𑌾 𑌪𑌠𑌨𑌾𑌦𑍍𑌗𑍍𑌰𑌂𑌥𑌂 𑌯𑌾𑌜𑍍𑌞𑌵𑌲𑍍𑌕𑍍𑌯𑌶𑍍𑌚𑌕𑌾𑌰 𑌸𑌃 ॥ 6𑍯 ॥

𑌋𑌷𑍍𑌯𑌶𑍃𑌂𑌗𑍋 𑌭𑌰𑌦𑍍𑌵𑌾𑌜𑌶𑍍𑌚𑌾𑌸𑍍𑌤𑍀𑌕𑍋 𑌦𑍇𑌵𑌲𑌸𑍍𑌤𑌥𑌾 ।
𑌜𑍈𑌗𑍀𑌷𑌵𑍍𑌯𑍋𑌽𑌥 𑌜𑌾𑌬𑌾𑌲𑌿𑌰𑍍𑌯𑌦𑍍𑌧𑍃𑌤𑍍𑌵𑌾 𑌸𑌰𑍍𑌵𑌪𑍂𑌜𑌿𑌤𑌃 ॥ 𑍭0 ॥

𑌕𑌵𑌚𑌸𑍍𑌯𑌾𑌸𑍍𑌯 𑌵𑌿𑌪𑍍𑌰𑍇𑌂𑌦𑍍𑌰 𑌋𑌷𑌿𑌰𑍇𑌷 𑌪𑍍𑌰𑌜𑌾𑌪𑌤𑌿𑌃 ।
𑌸𑍍𑌵𑌯𑌂 𑌬𑍃𑌹𑌸𑍍𑌪𑌤𑌿𑌶𑍍𑌛𑌂𑌦𑍋 𑌦𑍇𑌵𑍋 𑌰𑌾𑌸𑍇𑌶𑍍𑌵𑌰𑌃 𑌪𑍍𑌰𑌭𑍁𑌃 ॥ 𑍭1 ॥

𑌸𑌰𑍍𑌵𑌤𑌤𑍍𑌤𑍍𑌵𑌪𑌰𑌿𑌜𑍍𑌞𑌾𑌨𑍇 𑌸𑌰𑍍𑌵𑌾𑌰𑍍𑌥𑍇𑌽𑌪𑌿 𑌚 𑌸𑌾𑌧𑌨𑍇 ।
𑌕𑌵𑌿𑌤𑌾𑌸𑍁 𑌚 𑌸𑌰𑍍𑌵𑌾𑌸𑍁 𑌵𑌿𑌨𑌿𑌯𑍋𑌗𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ॥ 𑍭2 ॥

( 𑌕𑌵𑌚𑌂 )
𑌓𑌂 𑌹𑍍𑌰𑍀𑌂 𑌸𑌰𑌸𑍍𑌵𑌤𑍍𑌯𑍈 𑌸𑍍𑌵𑌾𑌹𑌾 𑌶𑌿𑌰𑍋 𑌮𑍇 𑌪𑌾𑌤𑍁 𑌸𑌰𑍍𑌵𑌤𑌃 ।
𑌶𑍍𑌰𑍀𑌂 𑌵𑌾𑌗𑍍𑌦𑍇𑌵𑌤𑌾𑌯𑍈 𑌸𑍍𑌵𑌾𑌹𑌾 𑌭𑌾𑌲𑌂 𑌮𑍇 𑌸𑌰𑍍𑌵𑌦𑌾𑌽𑌵𑌤𑍁 ॥ 𑍭3 ॥

𑌓𑌂 𑌹𑍍𑌰𑍀𑌂 𑌸𑌰𑌸𑍍𑌵𑌤𑍍𑌯𑍈 𑌸𑍍𑌵𑌾𑌹𑍇𑌤𑌿 𑌶𑍍𑌰𑍋𑌤𑍍𑌰𑍇 𑌪𑌾𑌤𑍁 𑌨𑌿𑌰𑌂𑌤𑌰𑌮𑍍 ।
𑌓𑌂 𑌶𑍍𑌰𑍀𑌂 𑌹𑍍𑌰𑍀𑌂 𑌭𑌗𑌵𑌤𑍍𑌯𑍈 𑌸𑌰𑌸𑍍𑌵𑌤𑍍𑌯𑍈 𑌸𑍍𑌵𑌾𑌹𑌾 𑌨𑍇𑌤𑍍𑌰𑌯𑍁𑌗𑍍𑌮𑌂 𑌸𑌦𑌾𑌽𑌵𑌤𑍁 ॥ 𑍭4 ॥

𑌐𑌂 𑌹𑍍𑌰𑍀𑌂 𑌵𑌾𑌗𑍍𑌵𑌾𑌦𑌿𑌨𑍍𑌯𑍈 𑌸𑍍𑌵𑌾𑌹𑌾 𑌨𑌾𑌸𑌾𑌂 𑌮𑍇 𑌸𑌰𑍍𑌵𑌦𑌾𑌽𑌵𑌤𑍁 ।
𑌹𑍍𑌰𑍀𑌂 𑌵𑌿𑌦𑍍𑌯𑌾𑌧𑌿𑌷𑍍𑌠𑌾𑌤𑍃𑌦𑍇𑌵𑍍𑌯𑍈 𑌸𑍍𑌵𑌾𑌹𑌾 𑌚𑍋𑌂𑌷𑍍𑌠 𑌸𑌦𑌾𑌽𑌵𑌤𑍁 ॥ 𑍭5 ॥

𑌓𑌂 𑌶𑍍𑌰𑍀𑌂 𑌹𑍍𑌰𑍀𑌂 𑌬𑍍𑌰𑌾𑌹𑍍𑌮𑍍𑌯𑍈 𑌸𑍍𑌵𑌾𑌹𑍇𑌤𑌿 𑌦𑌂𑌤𑌪𑌂𑌕𑍍𑌤𑌿𑌂 𑌸𑌦𑌾𑌽𑌵𑌤𑍁 ।
𑌐𑌮𑌿𑌤𑍍𑌯𑍇𑌕𑌾𑌕𑍍𑌷𑌰𑍋 𑌮𑌂𑌤𑍍𑌰𑍋 𑌮𑌮 𑌕𑌂𑌠𑌂 𑌸𑌦𑌾𑌽𑌵𑌤𑍁 ॥ 𑍭6 ॥

𑌓𑌂 𑌶𑍍𑌰𑍀𑌂 𑌹𑍍𑌰𑍀𑌂 𑌪𑌾𑌤𑍁 𑌮𑍇 𑌗𑍍𑌰𑍀𑌵𑌾𑌂 𑌸𑍍𑌕𑌂𑌧𑌂 𑌮𑍇 𑌶𑍍𑌰𑍀𑌂 𑌸𑌦𑌾𑌽𑌵𑌤𑍁 ।
𑌓𑌂 𑌹𑍍𑌰𑍀𑌂 𑌵𑌿𑌦𑍍𑌯𑌾𑌧𑌿𑌷𑍍𑌠𑌾𑌤𑍃𑌦𑍇𑌵𑍍𑌯𑍈 𑌸𑍍𑌵𑌾𑌹𑌾 𑌵𑌕𑍍𑌷𑌃 𑌸𑌦𑌾𑌽𑌵𑌤𑍁 ॥ 𑍭𑍭 ॥

𑌓𑌂 𑌹𑍍𑌰𑍀𑌂 𑌵𑌿𑌦𑍍𑌯𑌾𑌸𑍍𑌵𑌰𑍂𑌪𑌾𑌯𑍈 𑌸𑍍𑌵𑌾𑌹𑌾 𑌮𑍇 𑌪𑌾𑌤𑍁 𑌨𑌾𑌭𑌿𑌕𑌾𑌮𑍍 ।
𑌓𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌵𑌾𑌣𑍍𑌯𑍈 𑌸𑍍𑌵𑌾𑌹𑍇𑌤𑌿 𑌮𑌮 𑌪𑍃𑌷𑍍𑌠𑌂 𑌸𑌦𑌾𑌽𑌵𑌤𑍁 ॥ 𑍭𑍮 ॥

𑌓𑌂 𑌸𑌰𑍍𑌵𑌵𑌰𑍍𑌣𑌾𑌤𑍍𑌮𑌿𑌕𑌾𑌯𑍈 𑌪𑌾𑌦𑌯𑍁𑌗𑍍𑌮𑌂 𑌸𑌦𑌾𑌽𑌵𑌤𑍁 ।
𑌓𑌂 𑌰𑌾𑌗𑌾𑌧𑌿𑌷𑍍𑌠𑌾𑌤𑍃𑌦𑍇𑌵𑍍𑌯𑍈 𑌸𑌰𑍍𑌵𑌾𑌂𑌗𑌂 𑌮𑍇 𑌸𑌦𑌾𑌽𑌵𑌤𑍁 ॥ 𑍭𑍯 ॥

𑌓𑌂 𑌸𑌰𑍍𑌵𑌕𑌂𑌠𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾 𑌪𑍍𑌰𑌚𑍍𑌯𑌾𑌂 𑌸𑌦𑌾𑌽𑌵𑌤𑍁 ।
𑌓𑌂 𑌹𑍍𑌰𑍀𑌂 𑌜𑌿𑌹𑍍𑌵𑌾𑌗𑍍𑌰𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾𑌽𑌗𑍍𑌨𑌿𑌦𑌿𑌶𑌿 𑌰𑌕𑍍𑌷𑌤𑍁 ॥ 𑍮0 ॥

𑌓𑌂 𑌐𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌸𑌰𑌸𑍍𑌵𑌤𑍍𑌯𑍈 𑌬𑍁𑌧𑌜𑌨𑌨𑍍𑌯𑍈 𑌸𑍍𑌵𑌾𑌹𑌾 ।
𑌸𑌤𑌤𑌂 𑌮𑌂𑌤𑍍𑌰𑌰𑌾𑌜𑍋𑌽𑌯𑌂 𑌦𑌕𑍍𑌷𑌿𑌣𑍇 𑌮𑌾𑌂 𑌸𑌦𑌾𑌽𑌵𑌤𑍁 ॥ 𑍮1 ॥

𑌓𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌤𑍍𑌰𑍍𑌯𑌕𑍍𑌷𑌰𑍋 𑌮𑌂𑌤𑍍𑌰𑍋 𑌨𑍈𑌰𑍃𑌤𑍍𑌯𑌾𑌂 𑌮𑍇 𑌸𑌦𑌾𑌽𑌵𑌤𑍁 ।
𑌕𑌵𑌿𑌜𑌿𑌹𑍍𑌵𑌾𑌗𑍍𑌰𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾 𑌮𑌾𑌂 𑌵𑌾𑌰𑍁𑌣𑍇𑌽𑌵𑌤𑍁 ॥ 𑍮2 ॥

𑌓𑌂 𑌸𑌦𑌂𑌬𑌿𑌕𑌾𑌯𑍈 𑌸𑍍𑌵𑌾𑌹𑌾 𑌵𑌾𑌯𑌵𑍍𑌯𑍇 𑌮𑌾𑌂 𑌸𑌦𑌾𑌽𑌵𑌤𑍁 ।
𑌓𑌂 𑌗𑌦𑍍𑌯𑌪𑌦𑍍𑌯𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾 𑌮𑌾𑌮𑍁𑌤𑍍𑌤𑌰𑍇𑌽𑌵𑌤𑍁 ॥ 𑍮3 ॥

𑌓𑌂 𑌸𑌰𑍍𑌵𑌶𑌾𑌸𑍍𑌤𑍍𑌰𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑍈𑌶𑌾𑌨𑍍𑌯𑌾𑌂 𑌸𑌦𑌾𑌽𑌵𑌤𑍁 ।
𑌓𑌂 𑌹𑍍𑌰𑍀𑌂 𑌸𑌰𑍍𑌵𑌪𑍂𑌜𑌿𑌤𑌾𑌯𑍈 𑌸𑍍𑌵𑌾𑌹𑌾 𑌚𑍋𑌰𑍍𑌧𑍍𑌵𑌂 𑌸𑌦𑌾𑌽𑌵𑌤𑍁 ॥ 𑍮4 ॥

𑌐𑌂 𑌹𑍍𑌰𑍀𑌂 𑌪𑍁𑌸𑍍𑌤𑌕𑌵𑌾𑌸𑌿𑌨𑍍𑌯𑍈 𑌸𑍍𑌵𑌾𑌹𑌾𑌽𑌧𑍋 𑌮𑌾𑌂 𑌸𑌦𑌾𑌵𑌤𑍁 ।
𑌓𑌂 𑌗𑍍𑌰𑌂𑌥𑌬𑍀𑌜𑌰𑍂𑌪𑌾𑌯𑍈 𑌸𑍍𑌵𑌾𑌹𑌾 𑌮𑌾𑌂 𑌸𑌰𑍍𑌵𑌤𑍋𑌽𑌵𑌤𑍁 ॥ 𑍮5 ॥

𑌇𑌤𑌿 𑌤𑍇 𑌕𑌥𑌿𑌤𑌂 𑌵𑌿𑌪𑍍𑌰 𑌸𑌰𑍍𑌵𑌮𑌂𑌤𑍍𑌰𑍌𑌘𑌵𑌿𑌗𑍍𑌰𑌹𑌮𑍍 ।
𑌇𑌦𑌂 𑌵𑌿𑌶𑍍𑌵𑌜𑌯𑌂 𑌨𑌾𑌮 𑌕𑌵𑌚𑌂 𑌬𑍍𑌰𑌹𑍍𑌮𑌾𑌰𑍂𑌪𑌕𑌮𑍍 ॥ 𑍮6 ॥

𑌪𑍁𑌰𑌾 𑌶𑍍𑌰𑍁𑌤𑌂 𑌧𑌰𑍍𑌮𑌵𑌕𑍍𑌤𑍍𑌰𑌾𑌤𑍍𑌪𑌰𑍍𑌵𑌤𑍇 𑌗𑌂𑌧𑌮𑌾𑌦𑌨𑍇 ।
𑌤𑌵 𑌸𑍍𑌨𑍇𑌹𑌾𑌨𑍍𑌮𑌯𑌾𑌽𑌽𑌖𑍍𑌯𑌾𑌤𑌂 𑌪𑍍𑌰𑌵𑌕𑍍𑌤𑌵𑍍𑌯𑌂 𑌨 𑌕𑌸𑍍𑌯𑌚𑌿𑌤𑍍 ॥ 𑍮𑍭 ॥

𑌗𑍁𑌰𑍁𑌮𑌭𑍍𑌯𑌰𑍍𑌚𑍍𑌯 𑌵𑌿𑌧𑌿𑌵𑌦𑍍𑌵𑌸𑍍𑌤𑍍𑌰𑌾𑌲𑌂𑌕𑌾𑌰𑌚𑌂𑌦𑌨𑍈𑌃 ।
𑌪𑍍𑌰𑌣𑌮𑍍𑌯 𑌦𑌂𑌡𑌵𑌦𑍍𑌭𑍂𑌮𑍌 𑌕𑌵𑌚𑌂 𑌧𑌾𑌰𑌯𑍇𑌤𑍍𑌸𑍁𑌧𑍀𑌃 ॥ 𑍮𑍮 ॥

𑌪𑌂𑌚𑌲𑌕𑍍𑌷𑌜𑌪𑍇𑌨𑍈𑌵 𑌸𑌿𑌦𑍍𑌧𑌂 𑌤𑍁 𑌕𑌵𑌚𑌂 𑌭𑌵𑍇𑌤𑍍 ।
𑌯𑌦𑌿 𑌸𑍍𑌯𑌾𑌤𑍍𑌸𑌿𑌦𑍍𑌧𑌕𑌵𑌚𑍋 𑌬𑍃𑌹𑌸𑍍𑌪𑌤𑌿 𑌸𑌮𑍋 𑌭𑌵𑍇𑌤𑍍 ॥ 𑍮𑍯 ॥

𑌮𑌹𑌾𑌵𑌾𑌗𑍍𑌮𑍀 𑌕𑌵𑍀𑌂𑌦𑍍𑌰𑌶𑍍𑌚 𑌤𑍍𑌰𑍈𑌲𑍋𑌕𑍍𑌯𑌵𑌿𑌜𑌯𑍀 𑌭𑌵𑍇𑌤𑍍 ।
𑌶𑌕𑍍𑌨𑍋𑌤𑌿 𑌸𑌰𑍍𑌵𑌂 𑌜𑍇𑌤𑍁𑌂 𑌸 𑌕𑌵𑌚𑌸𑍍𑌯 𑌪𑍍𑌰𑌭𑌾𑌵𑌤𑌃 ॥ 𑍯0 ॥

𑌇𑌦𑌂 𑌤𑍇 𑌕𑌾𑌣𑍍𑌵𑌶𑌾𑌖𑍋𑌕𑍍𑌤𑌂 𑌕𑌥𑌿𑌤𑌂 𑌕𑌵𑌚𑌂 𑌮𑍁𑌨𑍇 ।
𑌸𑍍𑌤𑍋𑌤𑍍𑌰𑌂 𑌪𑍂𑌜𑌾𑌵𑌿𑌧𑌾𑌨𑌂 𑌚 𑌧𑍍𑌯𑌾𑌨𑌂 𑌵𑍈 𑌵𑌂𑌦𑌨𑌂 𑌤𑌥𑌾 ॥ 𑍯1 ॥

𑌇𑌤𑌿 𑌶𑍍𑌰𑍀 𑌬𑍍𑌰𑌹𑍍𑌮𑌵𑍈𑌵𑌰𑍍𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑍍𑌰𑌕𑍃𑌤𑌿𑌖𑌂𑌡𑍇 𑌨𑌾𑌰𑌦𑌨𑌾𑌰𑌾𑌯𑌣𑌸𑌂𑌵𑌾𑌦𑍇 𑌸𑌰𑌸𑍍𑌵𑌤𑍀𑌕𑌵𑌚𑌂 𑌨𑌾𑌮 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃 ।