𑌪𑍍𑌰𑌶𑍍𑌨𑍋𑌪𑌨𑌿𑌷𑌦𑍍 – 𑌤𑍍𑌰𑌿𑌤𑍀𑌯𑌃 𑌪𑍍𑌰𑌶𑍍𑌨𑌃

𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃

𑌅𑌥 𑌹𑍈𑌨𑌂 𑌕𑍌𑌶𑌲𑍍𑌯𑌶𑍍𑌚𑌾𑌶𑍍𑌵𑌲𑌾𑌯𑌨𑌃 𑌪𑌪𑍍𑌰𑌚𑍍𑌛।
𑌭𑌗𑌵𑌨𑍍 𑌕𑍁𑌤 𑌏𑌷 𑌪𑍍𑌰𑌾𑌣𑍋 𑌜𑌾𑌯𑌤𑍇 𑌕𑌥𑌮𑌾𑌯𑌾𑌤𑍍𑌯𑌸𑍍𑌮𑌿𑌞𑍍𑌶𑌰𑍀𑌰 𑌆𑌤𑍍𑌮𑌾𑌨𑌂-𑌵𑌾𑌁 𑌪𑍍𑌰𑌵𑌿𑌭𑌜𑍍𑌯 𑌕𑌥𑌂 𑌪𑍍𑌰𑌤𑌿𑌷𑍍𑌠𑌤𑍇 𑌕𑍇𑌨𑍋𑌤𑍍𑌕𑍍𑌰𑌮𑌤𑍇 𑌕𑌥𑌂 𑌬𑌾𑌹𑍍𑌯𑌮𑌭𑌿𑌧𑌤𑍍𑌤𑍇 𑌕𑌥𑌮𑌧𑍍𑌯𑌾𑌤𑍍𑌮𑌮𑌿𑌤𑌿 ॥1॥

𑌤𑌸𑍍𑌮𑍈 𑌸 𑌹𑍋𑌵𑌾𑌚𑌾𑌤𑌿𑌪𑍍𑌰𑌶𑍍𑌨𑌾𑌨𑍍 𑌪𑍃𑌚𑍍𑌛𑌸𑌿 𑌬𑍍𑌰𑌹𑍍𑌮𑌿𑌷𑍍𑌠𑍋𑌽𑌸𑍀𑌤𑌿 𑌤𑌸𑍍𑌮𑌾𑌤𑍍𑌤𑍇𑌽𑌹𑌂 𑌬𑍍𑌰𑌵𑍀𑌮𑌿 ॥2॥

𑌆𑌤𑍍𑌮𑌨 𑌏𑌷 𑌪𑍍𑌰𑌾𑌣𑍋 𑌜𑌾𑌯𑌤𑍇 𑌯𑌥𑍈𑌷𑌾 𑌪𑍁𑌰𑍁𑌷𑍇 𑌛𑌾𑌯𑍈𑌤𑌸𑍍𑌮𑌿𑌨𑍍𑌨𑍇𑌤𑌦𑌾𑌤𑌤𑌂 𑌮𑌨𑍋𑌕𑍃𑌤𑍇𑌨𑌾𑌯𑌾𑌤𑍍𑌯𑌸𑍍𑌮𑌿𑌞𑍍𑌶𑌰𑍀𑌰𑍇 ॥3॥

𑌯𑌥𑌾 𑌸𑌮𑍍𑌰𑌾𑌡𑍇𑌵𑌾𑌧𑌿𑌕𑍃𑌤𑌾𑌨𑍍 𑌵𑌿𑌨𑌿𑌯𑍁𑌂𑌕𑍍𑌤𑍇।
𑌏𑌤𑌾𑌨𑍍 𑌗𑍍𑌰𑌾𑌮𑌾𑌨𑍇𑌤𑌾𑌨𑍍 𑌗𑍍𑌰𑌾𑌮𑌾𑌨𑌧𑌿𑌤𑌿𑌷𑍍𑌠𑌸𑍍𑌵𑍇𑌤𑍍𑌯𑍇𑌵𑌮𑍇𑌵𑍈𑌷 𑌪𑍍𑌰𑌾𑌣 𑌇𑌤𑌰𑌾𑌨𑍍 𑌪𑍍𑌰𑌾𑌣𑌾𑌨𑍍 𑌪𑍃𑌥𑌕𑍍𑌪𑍃𑌥𑌗𑍇𑌵 𑌸𑌨𑍍𑌨𑌿𑌧𑌤𑍍𑌤𑍇 ॥4॥

𑌪𑌾𑌯𑍂𑌪𑌸𑍍𑌥𑍇𑌽𑌪𑌾𑌨𑌂 𑌚𑌕𑍍𑌷𑍁𑌃𑌶𑍍𑌰𑍋𑌤𑍍𑌰𑍇 𑌮𑍁𑌖𑌨𑌾𑌸𑌿𑌕𑌾𑌭𑍍𑌯𑌾𑌂 𑌪𑍍𑌰𑌾𑌣𑌃 𑌸𑍍𑌵𑌯𑌂 𑌪𑍍𑌰𑌾𑌤𑌿𑌷𑍍𑌠𑌤𑍇 𑌮𑌧𑍍𑌯𑍇 𑌤𑍁 𑌸𑌮𑌾𑌨𑌃।
𑌏𑌷 𑌹𑍍𑌯𑍇𑌤𑌦𑍍𑌧𑍁𑌤𑌮𑌨𑍍𑌨𑌂 𑌸𑌮𑌂 𑌨𑌯𑌤𑌿 𑌤𑌸𑍍𑌮𑌾𑌦𑍇𑌤𑌾𑌃 𑌸𑌪𑍍𑌤𑌾𑌰𑍍𑌚𑌿𑌷𑍋 𑌭𑌵𑌂𑌤𑌿 ॥5॥

𑌹𑍃𑌦𑌿 𑌹𑍍𑌯𑍇𑌷 𑌆𑌤𑍍𑌮𑌾।
𑌅𑌤𑍍𑌰𑍈𑌤𑌦𑍇𑌕𑌶𑌤𑌂 𑌨𑌾𑌡𑍀𑌨𑌾𑌂 𑌤𑌾𑌸𑌾𑌂 𑌶𑌤𑌂 𑌶𑌤𑌮𑍇𑌕𑍈𑌕𑌸𑍍𑌯𑌾 𑌦𑍍𑌵𑌾𑌸𑌪𑍍𑌤𑌤𑌿𑌰𑍍𑌦𑍍𑌵𑌾𑌸𑌪𑍍𑌤𑌤𑌿𑌃 𑌪𑍍𑌰𑌤𑌿𑌶𑌾𑌖𑌾𑌨𑌾𑌡𑍀𑌸𑌹𑌸𑍍𑌰𑌾𑌣𑌿 𑌭𑌵𑌂𑌤𑍍𑌯𑌾𑌸𑍁 𑌵𑍍𑌯𑌾𑌨𑌶𑍍𑌚𑌰𑌤𑌿 ॥6॥

𑌅𑌥𑍈𑌕𑌯𑍋𑌰𑍍𑌧𑍍𑌵 𑌉𑌦𑌾𑌨𑌃 𑌪𑍁𑌣𑍍𑌯𑍇𑌨 𑌪𑍁𑌣𑍍𑌯𑌂-𑌲𑍋𑌁𑌕𑌂 𑌨𑌯𑌤𑌿।
𑌪𑌾𑌪𑍇𑌨 𑌪𑌾𑌪𑌮𑍁𑌭𑌾𑌭𑍍𑌯𑌾𑌮𑍇𑌵 𑌮𑌨𑍁𑌷𑍍𑌯𑌲𑍋𑌕𑌮𑍍 ॥𑍭॥

𑌆𑌦𑌿𑌤𑍍𑌯𑍋 𑌹 𑌵𑍈 𑌬𑌾𑌹𑍍𑌯𑌃 𑌪𑍍𑌰𑌾𑌣 𑌉𑌦𑌯𑌤𑍍𑌯𑍇𑌷 𑌹𑍍𑌯𑍇𑌨𑌂 𑌚𑌾𑌕𑍍𑌷𑍁𑌷𑌂 𑌪𑍍𑌰𑌾𑌣𑌮𑌨𑍁𑌗𑍃𑌹𑍍𑌣𑌾𑌨𑌃।
𑌪𑍃𑌥𑌿𑌵𑍍𑌯𑌾𑌂-𑌯𑌾𑌁 𑌦𑍇𑌵𑌤𑌾 𑌸𑍈𑌷𑌾 𑌪𑍁𑌰𑍁𑌷𑌸𑍍𑌯𑌾𑌪𑌾𑌨𑌮𑌵𑌷𑍍𑌟𑌭𑍍𑌯𑌾𑌂𑌤𑌰𑌾 𑌯𑌦𑌾𑌕𑌾𑌶𑌃 𑌸 𑌸𑌮𑌾𑌨𑍋 𑌵𑌾𑌯𑍁𑌰𑍍𑌵𑍍𑌯𑌾𑌨𑌃 ॥𑍮॥

𑌤𑍇𑌜𑍋 𑌹 𑌵𑌾𑌵 𑌉𑌦𑌾𑌨𑌸𑍍𑌤𑌸𑍍𑌮𑌾𑌦𑍁𑌪𑌶𑌾𑌂𑌤𑌤𑍇𑌜𑌾𑌃 𑌪𑍁𑌨𑌰𑍍𑌭𑌵𑌮𑌿𑌂𑌦𑍍𑌰𑌿𑌯𑍈𑌰𑍍𑌮𑌨𑌸𑌿 𑌸𑌂𑌪𑌦𑍍𑌯𑌮𑌾𑌨𑍈𑌃 ॥𑍯॥

𑌯𑌚𑍍𑌚𑌿𑌤𑍍𑌤𑌸𑍍𑌤𑍇𑌨𑍈𑌷 𑌪𑍍𑌰𑌾𑌣𑌮𑌾𑌯𑌾𑌤𑌿 𑌪𑍍𑌰𑌾𑌣𑌸𑍍𑌤𑍇𑌜𑌸𑌾 𑌯𑍁𑌕𑍍𑌤𑌃।
𑌸𑌹𑌾𑌤𑍍𑌮𑌨𑌾 𑌯𑌥𑌾𑌸𑌂𑌕𑌲𑍍𑌪𑌿𑌤𑌂-𑌲𑍋𑌁𑌕𑌂 𑌨𑌯𑌤𑌿 ॥10॥

𑌯 𑌏𑌵𑌂-𑌵𑌿𑌁𑌦𑍍𑌵𑌾𑌨𑍍 𑌪𑍍𑌰𑌾𑌣𑌂-𑌵𑍇𑌁𑌦।
𑌨 𑌹𑌾𑌸𑍍𑌯 𑌪𑍍𑌰𑌜𑌾 𑌹𑍀𑌯𑌤𑍇𑌽𑌮𑍃𑌤𑍋 𑌭𑌵𑌤𑌿 𑌤𑌦𑍇𑌷𑌃 𑌶𑍍𑌲𑍋𑌕𑌃 ॥11॥

𑌉𑌤𑍍𑌪𑌤𑍍𑌤𑌿𑌮𑌾𑌯𑌤𑌿𑌂 𑌸𑍍𑌥𑌾𑌨𑌂-𑌵𑌿𑌁𑌭𑍁𑌤𑍍𑌵𑌂 𑌚𑍈𑌵 𑌪𑌂𑌚𑌧𑌾।
𑌅𑌧𑍍𑌯𑌾𑌤𑍍𑌮𑌂 𑌚𑍈𑌵 𑌪𑍍𑌰𑌾𑌣𑌸𑍍𑌯 𑌵𑌿𑌜𑍍𑌞𑌾𑌯𑌾𑌮𑍃𑌤𑌮𑌶𑍍𑌨𑍁𑌤𑍇 𑌵𑌿𑌜𑍍𑌞𑌾𑌯𑌾𑌮𑍃𑌤𑌮𑌶𑍍𑌨𑍁𑌤 𑌇𑌤𑌿 ॥12॥