𑌪𑍍𑌰𑌶𑍍𑌨𑍋𑌪𑌨𑌿𑌷𑌦𑍍 – 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨𑌃

𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨𑌃

𑌅𑌥 𑌹𑍈𑌨𑌂 𑌭𑌾𑌰𑍍𑌗𑌵𑍋 𑌵𑍈𑌦𑌰𑍍𑌭𑌿𑌃 𑌪𑌪𑍍𑌰𑌚𑍍𑌛।
𑌭𑌗𑌵𑌨𑍍 𑌕𑌤𑍍𑌯𑍇𑌵 𑌦𑍇𑌵𑌾𑌃 𑌪𑍍𑌰𑌜𑌾𑌂-𑌵𑌿𑌁𑌧𑌾𑌰𑌯𑌂𑌤𑍇 𑌕𑌤𑌰 𑌏𑌤𑌤𑍍𑌪𑍍𑌰𑌕𑌾𑌶𑌯𑌂𑌤𑍇 𑌕𑌃 𑌪𑍁𑌨𑌰𑍇𑌷𑌾𑌂-𑌵𑌁𑌰𑌿𑌷𑍍𑌠𑌃 𑌇𑌤𑌿 ॥1॥

𑌤𑌸𑍍𑌮𑍈 𑌸 𑌹𑍋𑌵𑌾𑌚𑌾𑌕𑌾𑌶𑍋 𑌹 𑌵𑌾 𑌏𑌷 𑌦𑍇𑌵𑍋 𑌵𑌾𑌯𑍁𑌰𑌗𑍍𑌨𑌿𑌰𑌾𑌪𑌃 𑌪𑍃𑌥𑌿𑌵𑍀 𑌵𑌾𑌙𑍍𑌮𑌨𑌶𑍍𑌚𑌕𑍍𑌷𑍁𑌃 𑌶𑍍𑌰𑍋𑌤𑍍𑌰𑌂 𑌚।
𑌤𑍇 𑌪𑍍𑌰𑌕𑌾𑌶𑍍𑌯𑌾𑌭𑌿𑌵𑌦𑌂𑌤𑌿 𑌵𑌯𑌮𑍇𑌤𑌦𑍍𑌬𑌾𑌣𑌮𑌵𑌷𑍍𑌟𑌭𑍍𑌯 𑌵𑌿𑌧𑌾𑌰𑌯𑌾𑌮𑌃 ॥2॥

𑌤𑌾𑌨𑍍 𑌵𑌰𑌿𑌷𑍍𑌠𑌃 𑌪𑍍𑌰𑌾𑌣 𑌉𑌵𑌾𑌚।
𑌮𑌾 𑌮𑍋𑌹𑌮𑌾𑌪𑌦𑍍𑌯𑌥 𑌅𑌹𑌮𑍇𑌵𑍈𑌤𑌤𑍍𑌪𑌂𑌚𑌧𑌾𑌤𑍍𑌮𑌾𑌨𑌂 𑌪𑍍𑌰𑌵𑌿𑌭𑌜𑍍𑌯𑍈𑌤𑌦𑍍𑌬𑌾𑌣𑌮𑌵𑌷𑍍𑌟𑌭𑍍𑌯 𑌵𑌿𑌧𑌾𑌰𑌯𑌾𑌮𑍀𑌤𑌿 𑌤𑍇𑌽𑌶𑍍𑌰𑌦𑍍𑌦𑌧𑌾𑌨𑌾 𑌬𑌭𑍂𑌵𑍁𑌃 ॥3॥

𑌸𑍋𑌽𑌭𑌿𑌮𑌾𑌨𑌾𑌦𑍂𑌰𑍍𑌧𑍍𑌵𑌮𑍁𑌤𑍍𑌕𑍍𑌰𑌾𑌮𑌤 𑌇𑌵 𑌤𑌸𑍍𑌮𑌿𑌨𑍍𑌨𑍁𑌤𑍍𑌕𑍍𑌰𑌾𑌮𑌤𑍍𑌯𑌥𑍇𑌤𑌰𑍇 𑌸𑌰𑍍𑌵 𑌏𑌵𑍋𑌤𑍍𑌕𑍍𑌰𑌾𑌮𑌂𑌤𑍇 𑌤𑌸𑍍𑌮𑌿𑌂𑌶𑍍𑌚 𑌪𑍍𑌰𑌤𑌿𑌷𑍍𑌠𑌮𑌾𑌨𑍇 𑌸𑌰𑍍𑌵 𑌏𑌵 𑌪𑍍𑌰𑌾𑌤𑌿𑌷𑍍𑌠𑌂𑌤𑍇।
𑌤𑌦𑍍𑌯𑌥𑌾 𑌮𑌕𑍍𑌷𑌿𑌕𑌾 𑌮𑌧𑍁𑌕𑌰𑌰𑌾𑌜𑌾𑌨𑌮𑍁𑌤𑍍𑌕𑍍𑌰𑌾𑌮𑌂𑌤𑌂 𑌸𑌰𑍍𑌵 𑌏𑌵𑍋𑌤𑍍𑌕𑍍𑌰𑌾𑌮𑌂𑌤𑍇 𑌤𑌸𑍍𑌮𑌿𑌂𑌶𑍍𑌚 𑌪𑍍𑌰𑌤𑌿𑌷𑍍𑌠𑌮𑌾𑌨𑍇 𑌸𑌰𑍍𑌵 𑌏𑌵 𑌪𑍍𑌰𑌾𑌤𑌿𑌷𑍍𑌠𑌂𑌤 𑌏𑌵𑌂-𑌵𑌾𑌁𑌙𑍍𑌮𑌨𑌷𑍍𑌚𑌕𑍍𑌷𑍁𑌃 𑌶𑍍𑌰𑍋𑌤𑍍𑌰𑌂 𑌚 𑌤𑍇 𑌪𑍍𑌰𑍀𑌤𑌾𑌃 𑌪𑍍𑌰𑌾𑌣𑌂 𑌸𑍍𑌤𑍁𑌨𑍍𑌵𑌂𑌤𑌿 ॥4॥

𑌏𑌷𑍋𑌽𑌗𑍍𑌨𑌿𑌸𑍍𑌤𑌪𑌤𑍍𑌯𑍇𑌷 𑌸𑍂𑌰𑍍𑌯 𑌏𑌷 𑌪𑌰𑍍𑌜𑌨𑍍𑌯𑍋 𑌮𑌘𑌵𑌾𑌨𑍇𑌷 𑌵𑌾𑌯𑍁𑌃।
𑌏𑌷 𑌪𑍃𑌥𑌿𑌵𑍀 𑌰𑌯𑌿𑌰𑍍𑌦𑍇𑌵𑌃 𑌸𑌦𑌸𑌚𑍍𑌚𑌾𑌮𑍃𑌤𑌂 𑌚 𑌯𑌤𑍍 ॥5॥

𑌅𑌰𑌾 𑌇𑌵 𑌰𑌥𑌨𑌾𑌭𑍌 𑌪𑍍𑌰𑌾𑌣𑍇 𑌸𑌰𑍍𑌵𑌂 𑌪𑍍𑌰𑌤𑌿𑌷𑍍𑌠𑌿𑌤𑌮𑍍।
𑌋𑌚𑍋 𑌯𑌜𑍂𑌂𑌷𑌿 𑌸𑌾𑌮𑌾𑌨𑌿 𑌯𑌜𑍍𑌞𑌃 𑌕𑍍𑌷𑌤𑍍𑌰𑌂 𑌬𑍍𑌰𑌹𑍍𑌮 𑌚 ॥6॥

𑌪𑍍𑌰𑌜𑌾𑌪𑌤𑌿𑌶𑍍𑌚𑌰𑌸𑌿 𑌗𑌰𑍍𑌭𑍇 𑌤𑍍𑌵𑌮𑍇𑌵 𑌪𑍍𑌰𑌤𑌿𑌜𑌾𑌯𑌸𑍇।
𑌤𑍁𑌭𑍍𑌯𑌂 𑌪𑍍𑌰𑌾𑌣 𑌪𑍍𑌰𑌜𑌾𑌸𑍍𑌤𑍍𑌵𑌿𑌮𑌾 𑌬𑌲𑌿𑌂 𑌹𑌰𑌂𑌤𑌿 𑌯𑌃 𑌪𑍍𑌰𑌾𑌣𑍈𑌃 𑌪𑍍𑌰𑌤𑌿𑌤𑌿𑌷𑍍𑌠𑌸𑌿 ॥𑍭॥

𑌦𑍇𑌵𑌾𑌨𑌾𑌮𑌸𑌿 𑌵𑌹𑍍𑌨𑌿𑌤𑌮𑌃 𑌪𑌿𑌤𑍃𑌣𑌾𑌂 𑌪𑍍𑌰𑌥𑌮𑌾 𑌸𑍍𑌵𑌧𑌾।
𑌋𑌷𑍀𑌣𑌾𑌂 𑌚𑌰𑌿𑌤𑌂 𑌸𑌤𑍍𑌯𑌮𑌥𑌰𑍍𑌵𑌾𑌂𑌗𑌿𑌰𑌸𑌾𑌮𑌸𑌿 ॥𑍮॥

𑌇𑌂𑌦𑍍𑌰𑌸𑍍𑌤𑍍𑌵𑌂 𑌪𑍍𑌰𑌾𑌣 𑌤𑍇𑌜𑌸𑌾 𑌰𑍁𑌦𑍍𑌰𑍋𑌽𑌸𑌿 𑌪𑌰𑌿𑌰𑌕𑍍𑌷𑌿𑌤𑌾।
𑌤𑍍𑌵𑌮𑌂𑌤𑌰𑌿𑌕𑍍𑌷𑍇 𑌚𑌰𑌸𑌿 𑌸𑍂𑌰𑍍𑌯𑌸𑍍𑌤𑍍𑌵𑌂 𑌜𑍍𑌯𑍋𑌤𑌿𑌷𑌾𑌂 𑌪𑌤𑌿𑌃 ॥𑍯॥

𑌯𑌦𑌾 𑌤𑍍𑌵𑌮𑌭𑌿𑌵𑌰𑍍​𑌷𑌸𑍍𑌯𑌥𑍇𑌮𑌾𑌃 𑌪𑍍𑌰𑌾𑌣 𑌤𑍇 𑌪𑍍𑌰𑌜𑌾𑌃।
𑌆𑌨𑌂𑌦𑌰𑍂𑌪𑌾𑌸𑍍𑌤𑌿𑌷𑍍𑌠𑌂𑌤𑌿 𑌕𑌾𑌮𑌾𑌯𑌾𑌨𑍍𑌨𑌂 𑌭𑌵𑌿𑌷𑍍𑌯𑌤𑍀𑌤𑌿 ॥10॥

𑌵𑍍𑌰𑌾𑌤𑍍𑌯𑌸𑍍𑌤𑍍𑌵𑌂 𑌪𑍍𑌰𑌾𑌣𑍈𑌕𑌰𑍍​𑌷𑌿𑌰𑌤𑍍𑌤𑌾 𑌵𑌿𑌶𑍍𑌵𑌸𑍍𑌯 𑌸𑌤𑍍𑌪𑌤𑌿𑌃।
𑌵𑌯𑌮𑌾𑌦𑍍𑌯𑌸𑍍𑌯 𑌦𑌾𑌤𑌾𑌰𑌃 𑌪𑌿𑌤𑌾 𑌤𑍍𑌵𑌂 𑌮𑌾𑌤𑌰𑌿𑌶𑍍𑌵 𑌨𑌃 ॥11॥

𑌯𑌾 𑌤𑍇 𑌤𑌨𑍂𑌰𑍍𑌵𑌾𑌚𑌿 𑌪𑍍𑌰𑌤𑌿𑌷𑍍𑌠𑌿𑌤𑌾 𑌯𑌾 𑌶𑍍𑌰𑍋𑌤𑍍𑌰𑍇 𑌯𑌾 𑌚 𑌚𑌕𑍍𑌷𑍁𑌷𑌿।
𑌯𑌾 𑌚 𑌮𑌨𑌸𑌿 𑌸𑌂𑌤𑌤𑌾 𑌶𑌿𑌵𑌾𑌂 𑌤𑌾𑌂 𑌕𑍁𑌰𑍁 𑌮𑍋𑌤𑍍𑌕𑍍𑌰𑌮𑍀𑌃 ॥12॥

𑌪𑍍𑌰𑌾𑌣𑌸𑍍𑌯𑍇𑌦𑌂-𑌵𑌁𑌶𑍇 𑌸𑌰𑍍𑌵𑌂 𑌤𑍍𑌰𑌿𑌦𑌿𑌵𑍇 𑌯𑌤𑍍 𑌪𑍍𑌰𑌤𑌿𑌷𑍍𑌠𑌿𑌤𑌮𑍍।
𑌮𑌾𑌤𑍇𑌵 𑌪𑍁𑌤𑍍𑌰𑌾𑌨𑍍 𑌰𑌕𑍍𑌷𑌸𑍍𑌵 𑌶𑍍𑌰𑍀𑌶𑍍𑌚 𑌪𑍍𑌰𑌜𑍍𑌞𑌾𑌂 𑌚 𑌵𑌿𑌧𑍇𑌹𑌿 𑌨 𑌇𑌤𑌿 ॥13॥