𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍯1 – 𑌭𑌕𑍍𑌤𑌿𑌮𑌹𑌤𑍍𑌤𑍍𑌵𑌮𑍍

This Bhakti Granth document is presented in Grantha script, with the original script marks preserved.

𑌶𑍍𑌰𑍀𑌕𑍃𑌷𑍍𑌣 𑌤𑍍𑌵𑌤𑍍𑌪𑌦𑍋𑌪𑌾𑌸𑌨𑌮𑌭𑌯𑌤𑌮𑌂 𑌬𑌦𑍍𑌧𑌮𑌿𑌥𑍍𑌯𑌾𑌰𑍍𑌥𑌦𑍃𑌷𑍍𑌟𑍇-
𑌰𑍍𑌮𑌰𑍍𑌤𑍍𑌯𑌸𑍍𑌯𑌾𑌰𑍍𑌤𑌸𑍍𑌯 𑌮𑌨𑍍𑌯𑍇 𑌵𑍍𑌯𑌪𑌸𑌰𑌤𑌿 𑌭𑌯𑌂 𑌯𑍇𑌨 𑌸𑌰𑍍𑌵𑌾𑌤𑍍𑌮𑌨𑍈𑌵 ।
𑌯𑌤𑍍𑌤𑌾𑌵𑌤𑍍 𑌤𑍍𑌵𑌤𑍍𑌪𑍍𑌰𑌣𑍀𑌤𑌾𑌨𑌿𑌹 𑌭𑌜𑌨𑌵𑌿𑌧𑍀𑌨𑌾𑌸𑍍𑌥𑌿𑌤𑍋 𑌮𑍋𑌹𑌮𑌾𑌰𑍍𑌗𑍇
𑌧𑌾𑌵𑌨𑍍𑌨𑌪𑍍𑌯𑌾𑌵𑍃𑌤𑌾𑌕𑍍𑌷𑌃 𑌸𑍍𑌖𑌲𑌤𑌿 𑌨 𑌕𑍁𑌹𑌚𑌿𑌦𑍍𑌦𑍇𑌵𑌦𑍇𑌵𑌾𑌖𑌿𑌲𑌾𑌤𑍍𑌮𑌨𑍍 ॥1॥

𑌭𑍂𑌮𑌨𑍍 𑌕𑌾𑌯𑍇𑌨 𑌵𑌾𑌚𑌾 𑌮𑍁𑌹𑍁𑌰𑌪𑌿 𑌮𑌨𑌸𑌾 𑌤𑍍𑌵𑌦𑍍𑌬𑌲𑌪𑍍𑌰𑍇𑌰𑌿𑌤𑌾𑌤𑍍𑌮𑌾
𑌯𑌦𑍍𑌯𑌤𑍍 𑌕𑍁𑌰𑍍𑌵𑍇 𑌸𑌮𑌸𑍍𑌤𑌂 𑌤𑌦𑌿𑌹 𑌪𑌰𑌤𑌰𑍇 𑌤𑍍𑌵𑌯𑍍𑌯𑌸𑌾𑌵𑌰𑍍𑌪𑌯𑌾𑌮𑌿 ।
𑌜𑌾𑌤𑍍𑌯𑌾𑌪𑍀𑌹 𑌶𑍍𑌵𑌪𑌾𑌕𑌸𑍍𑌤𑍍𑌵𑌯𑌿 𑌨𑌿𑌹𑌿𑌤𑌮𑌨𑌃𑌕𑌰𑍍𑌮𑌵𑌾𑌗𑌿𑌂𑌦𑍍𑌰𑌿𑌯𑌾𑌰𑍍𑌥-
𑌪𑍍𑌰𑌾𑌣𑍋 𑌵𑌿𑌶𑍍𑌵𑌂 𑌪𑍁𑌨𑍀𑌤𑍇 𑌨 𑌤𑍁 𑌵𑌿𑌮𑍁𑌖𑌮𑌨𑌾𑌸𑍍𑌤𑍍𑌵𑌤𑍍𑌪𑌦𑌾𑌦𑍍𑌵𑌿𑌪𑍍𑌰𑌵𑌰𑍍𑌯𑌃 ॥2॥

𑌭𑍀𑌤𑌿𑌰𑍍𑌨𑌾𑌮 𑌦𑍍𑌵𑌿𑌤𑍀𑌯𑌾𑌦𑍍𑌭𑌵𑌤𑌿 𑌨𑌨𑍁 𑌮𑌨𑌃𑌕𑌲𑍍𑌪𑌿𑌤𑌂 𑌚 𑌦𑍍𑌵𑌿𑌤𑍀𑌯𑌂
𑌤𑍇𑌨𑍈𑌕𑍍𑌯𑌾𑌭𑍍𑌯𑌾𑌸𑌶𑍀𑌲𑍋 𑌹𑍃𑌦𑌯𑌮𑌿𑌹 𑌯𑌥𑌾𑌶𑌕𑍍𑌤𑌿 𑌬𑍁𑌦𑍍𑌧𑍍𑌯𑌾 𑌨𑌿𑌰𑍁𑌂𑌧𑍍𑌯𑌾𑌮𑍍 ।
𑌮𑌾𑌯𑌾𑌵𑌿𑌦𑍍𑌧𑍇 𑌤𑍁 𑌤𑌸𑍍𑌮𑌿𑌨𑍍 𑌪𑍁𑌨𑌰𑌪𑌿 𑌨 𑌤𑌥𑌾 𑌭𑌾𑌤𑌿 𑌮𑌾𑌯𑌾𑌧𑌿𑌨𑌾𑌥𑌂
𑌤𑌂 𑌤𑍍𑌵𑌾𑌂 𑌭𑌕𑍍𑌤𑍍𑌯𑌾 𑌮𑌹𑌤𑍍𑌯𑌾 𑌸𑌤𑌤𑌮𑌨𑍁𑌭𑌜𑌨𑍀𑌶 𑌭𑍀𑌤𑌿𑌂 𑌵𑌿𑌜𑌹𑍍𑌯𑌾𑌮𑍍 ॥3॥

𑌭𑌕𑍍𑌤𑍇𑌰𑍁𑌤𑍍𑌪𑌤𑍍𑌤𑌿𑌵𑍃𑌦𑍍𑌧𑍀 𑌤𑌵 𑌚𑌰𑌣𑌜𑍁𑌷𑌾𑌂 𑌸𑌂𑌗𑌮𑍇𑌨𑍈𑌵 𑌪𑍁𑌂𑌸𑌾-
𑌮𑌾𑌸𑌾𑌦𑍍𑌯𑍇 𑌪𑍁𑌣𑍍𑌯𑌭𑌾𑌜𑌾𑌂 𑌶𑍍𑌰𑌿𑌯 𑌇𑌵 𑌜𑌗𑌤𑌿 𑌶𑍍𑌰𑍀𑌮𑌤𑌾𑌂 𑌸𑌂𑌗𑌮𑍇𑌨 ।
𑌤𑌤𑍍𑌸𑌂𑌗𑍋 𑌦𑍇𑌵 𑌭𑍂𑌯𑌾𑌨𑍍𑌮𑌮 𑌖𑌲𑍁 𑌸𑌤𑌤𑌂 𑌤𑌨𑍍𑌮𑍁𑌖𑌾𑌦𑍁𑌨𑍍𑌮𑌿𑌷𑌦𑍍𑌭𑌿-
𑌸𑍍𑌤𑍍𑌵𑌨𑍍𑌮𑌾𑌹𑌾𑌤𑍍𑌮𑍍𑌯𑌪𑍍𑌰𑌕𑌾𑌰𑍈𑌰𑍍𑌭𑌵𑌤𑌿 𑌚 𑌸𑍁𑌦𑍃𑌢𑌾 𑌭𑌕𑍍𑌤𑌿𑌰𑍁𑌦𑍍𑌧𑍂𑌤𑌪𑌾𑌪𑌾 ॥4॥

𑌶𑍍𑌰𑍇𑌯𑍋𑌮𑌾𑌰𑍍𑌗𑍇𑌷𑍁 𑌭𑌕𑍍𑌤𑌾𑌵𑌧𑌿𑌕𑌬𑌹𑍁𑌮𑌤𑌿𑌰𑍍𑌜𑌨𑍍𑌮𑌕𑌰𑍍𑌮𑌾𑌣𑌿 𑌭𑍂𑌯𑍋
𑌗𑌾𑌯𑌨𑍍 𑌕𑍍𑌷𑍇𑌮𑌾𑌣𑌿 𑌨𑌾𑌮𑌾𑌨𑍍𑌯𑌪𑌿 𑌤𑌦𑍁𑌭𑌯𑌤𑌃 𑌪𑍍𑌰𑌦𑍍𑌰𑍁𑌤𑌂 𑌪𑍍𑌰𑌦𑍍𑌰𑍁𑌤𑌾𑌤𑍍𑌮𑌾 ।
𑌉𑌦𑍍𑌯𑌦𑍍𑌧𑌾𑌸𑌃 𑌕𑌦𑌾𑌚𑌿𑌤𑍍 𑌕𑍁𑌹𑌚𑌿𑌦𑌪𑌿 𑌰𑍁𑌦𑌨𑍍 𑌕𑍍𑌵𑌾𑌪𑌿 𑌗𑌰𑍍𑌜𑌨𑍍 𑌪𑍍𑌰𑌗𑌾𑌯-
𑌨𑍍𑌨𑍁𑌨𑍍𑌮𑌾𑌦𑍀𑌵 𑌪𑍍𑌰𑌨𑍃𑌤𑍍𑌯𑌨𑍍𑌨𑌯𑌿 𑌕𑍁𑌰𑍁 𑌕𑌰𑍁𑌣𑌾𑌂 𑌲𑍋𑌕𑌬𑌾𑌹𑍍𑌯𑌶𑍍𑌚𑌰𑍇𑌯𑌮𑍍 ॥5॥

𑌭𑍂𑌤𑌾𑌨𑍍𑌯𑍇𑌤𑌾𑌨𑌿 𑌭𑍂𑌤𑌾𑌤𑍍𑌮𑌕𑌮𑌪𑌿 𑌸𑌕𑌲𑌂 𑌪𑌕𑍍𑌷𑌿𑌮𑌤𑍍𑌸𑍍𑌯𑌾𑌨𑍍 𑌮𑍃𑌗𑌾𑌦𑍀𑌨𑍍
𑌮𑌰𑍍𑌤𑍍𑌯𑌾𑌨𑍍 𑌮𑌿𑌤𑍍𑌰𑌾𑌣𑌿 𑌶𑌤𑍍𑌰𑍂𑌨𑌪𑌿 𑌯𑌮𑌿𑌤𑌮𑌤𑌿𑌸𑍍𑌤𑍍𑌵𑌨𑍍𑌮𑌯𑌾𑌨𑍍𑌯𑌾𑌨𑌮𑌾𑌨𑌿 ।
𑌤𑍍𑌵𑌤𑍍𑌸𑍇𑌵𑌾𑌯𑌾𑌂 𑌹𑌿 𑌸𑌿𑌦𑍍𑌧𑍍𑌯𑍇𑌨𑍍𑌮𑌮 𑌤𑌵 𑌕𑍃𑌪𑌯𑌾 𑌭𑌕𑍍𑌤𑌿𑌦𑌾𑌰𑍍𑌢𑍍𑌯𑌂 𑌵𑌿𑌰𑌾𑌗-
𑌸𑍍𑌤𑍍𑌵𑌤𑍍𑌤𑌤𑍍𑌤𑍍𑌵𑌸𑍍𑌯𑌾𑌵𑌬𑍋𑌧𑍋𑌽𑌪𑌿 𑌚 𑌭𑍁𑌵𑌨𑌪𑌤𑍇 𑌯𑌤𑍍𑌨𑌭𑍇𑌦𑌂 𑌵𑌿𑌨𑍈𑌵 ॥6॥

𑌨𑍋 𑌮𑍁𑌹𑍍𑌯𑌨𑍍 𑌕𑍍𑌷𑍁𑌤𑍍𑌤𑍃𑌡𑌾𑌦𑍍𑌯𑍈𑌰𑍍𑌭𑌵𑌸𑌰𑌣𑌿𑌭𑌵𑍈𑌸𑍍𑌤𑍍𑌵𑌨𑍍𑌨𑌿𑌲𑍀𑌨𑌾𑌶𑌯𑌤𑍍𑌵𑌾-
𑌚𑍍𑌚𑌿𑌂𑌤𑌾𑌸𑌾𑌤𑌤𑍍𑌯𑌶𑌾𑌲𑍀 𑌨𑌿𑌮𑌿𑌷𑌲𑌵𑌮𑌪𑌿 𑌤𑍍𑌵𑌤𑍍𑌪𑌦𑌾𑌦𑌪𑍍𑌰𑌕𑌂𑌪𑌃 ।
𑌇𑌷𑍍𑌟𑌾𑌨𑌿𑌷𑍍𑌟𑍇𑌷𑍁 𑌤𑍁𑌷𑍍𑌟𑌿𑌵𑍍𑌯𑌸𑌨𑌵𑌿𑌰𑌹𑌿𑌤𑍋 𑌮𑌾𑌯𑌿𑌕𑌤𑍍𑌵𑌾𑌵𑌬𑍋𑌧𑌾-
𑌜𑍍𑌜𑍍𑌯𑍋𑌤𑍍𑌸𑍍𑌨𑌾𑌭𑌿𑌸𑍍𑌤𑍍𑌵𑌨𑍍𑌨𑌖𑍇𑌂𑌦𑍋𑌰𑌧𑌿𑌕𑌶𑌿𑌶𑌿𑌰𑌿𑌤𑍇𑌨𑌾𑌤𑍍𑌮𑌨𑌾 𑌸𑌂𑌚𑌰𑍇𑌯𑌮𑍍 ॥𑍭॥

𑌭𑍂𑌤𑍇𑌷𑍍𑌵𑍇𑌷𑍁 𑌤𑍍𑌵𑌦𑍈𑌕𑍍𑌯𑌸𑍍𑌮𑍃𑌤𑌿𑌸𑌮𑌧𑌿𑌗𑌤𑍌 𑌨𑌾𑌧𑌿𑌕𑌾𑌰𑍋𑌽𑌧𑍁𑌨𑌾 𑌚𑍇-
𑌤𑍍𑌤𑍍𑌵𑌤𑍍𑌪𑍍𑌰𑍇𑌮 𑌤𑍍𑌵𑌤𑍍𑌕𑌮𑍈𑌤𑍍𑌰𑍀 𑌜𑌡𑌮𑌤𑌿𑌷𑍁 𑌕𑍃𑌪𑌾 𑌦𑍍𑌵𑌿𑌟𑍍𑌸𑍁 𑌭𑍂𑌯𑌾𑌦𑍁𑌪𑍇𑌕𑍍𑌷𑌾 ।
𑌅𑌰𑍍𑌚𑌾𑌯𑌾𑌂 𑌵𑌾 𑌸𑌮𑌰𑍍𑌚𑌾𑌕𑍁𑌤𑍁𑌕𑌮𑍁𑌰𑍁𑌤𑌰𑌶𑍍𑌰𑌦𑍍𑌧𑌯𑌾 𑌵𑌰𑍍𑌧𑌤𑌾𑌂 𑌮𑍇
𑌤𑍍𑌵𑌤𑍍𑌸𑌂𑌸𑍇𑌵𑍀 𑌤𑌥𑌾𑌪𑌿 𑌦𑍍𑌰𑍁𑌤𑌮𑍁𑌪𑌲𑌭𑌤𑍇 𑌭𑌕𑍍𑌤𑌲𑍋𑌕𑍋𑌤𑍍𑌤𑌮𑌤𑍍𑌵𑌮𑍍 ॥𑍮॥

𑌆𑌵𑍃𑌤𑍍𑌯 𑌤𑍍𑌵𑌤𑍍𑌸𑍍𑌵𑌰𑍂𑌪𑌂 𑌕𑍍𑌷𑌿𑌤𑌿𑌜𑌲𑌮𑌰𑍁𑌦𑌾𑌦𑍍𑌯𑌾𑌤𑍍𑌮𑌨𑌾 𑌵𑌿𑌕𑍍𑌷𑌿𑌪𑌂𑌤𑍀
𑌜𑍀𑌵𑌾𑌨𑍍 𑌭𑍂𑌯𑌿𑌷𑍍𑌠𑌕𑌰𑍍𑌮𑌾𑌵𑌲𑌿𑌵𑌿𑌵𑌶𑌗𑌤𑍀𑌨𑍍 𑌦𑍁𑌃𑌖𑌜𑌾𑌲𑍇 𑌕𑍍𑌷𑌿𑌪𑌂𑌤𑍀 ।
𑌤𑍍𑌵𑌨𑍍𑌮𑌾𑌯𑌾 𑌮𑌾𑌭𑌿𑌭𑍂𑌨𑍍𑌮𑌾𑌮𑌯𑌿 𑌭𑍁𑌵𑌨𑌪𑌤𑍇 𑌕𑌲𑍍𑌪𑌤𑍇 𑌤𑌤𑍍𑌪𑍍𑌰𑌶𑌾𑌂𑌤𑍍𑌯𑍈
𑌤𑍍𑌵𑌤𑍍𑌪𑌾𑌦𑍇 𑌭𑌕𑍍𑌤𑌿𑌰𑍇𑌵𑍇𑌤𑍍𑌯𑌵𑌦𑌦𑌯𑌿 𑌵𑌿𑌭𑍋 𑌸𑌿𑌦𑍍𑌧𑌯𑍋𑌗𑍀 𑌪𑍍𑌰𑌬𑍁𑌦𑍍𑌧𑌃 ॥𑍯॥

𑌦𑍁𑌃𑌖𑌾𑌨𑍍𑌯𑌾𑌲𑍋𑌕𑍍𑌯 𑌜𑌂𑌤𑍁𑌷𑍍𑌵𑌲𑌮𑍁𑌦𑌿𑌤𑌵𑌿𑌵𑍇𑌕𑍋𑌽𑌹𑌮𑌾𑌚𑌾𑌰𑍍𑌯𑌵𑌰𑍍𑌯𑌾-
𑌲𑍍𑌲𑌬𑍍𑌧𑍍𑌵𑌾 𑌤𑍍𑌵𑌦𑍍𑌰𑍂𑌪𑌤𑌤𑍍𑌤𑍍𑌵𑌂 𑌗𑍁𑌣𑌚𑌰𑌿𑌤𑌕𑌥𑌾𑌦𑍍𑌯𑍁𑌦𑍍𑌭𑌵𑌦𑍍𑌭𑌕𑍍𑌤𑌿𑌭𑍂𑌮𑌾 ।
𑌮𑌾𑌯𑌾𑌮𑍇𑌨𑌾𑌂 𑌤𑌰𑌿𑌤𑍍𑌵𑌾 𑌪𑌰𑌮𑌸𑍁𑌖𑌮𑌯𑍇 𑌤𑍍𑌵𑌤𑍍𑌪𑌦𑍇 𑌮𑍋𑌦𑌿𑌤𑌾𑌹𑍇
𑌤𑌸𑍍𑌯𑌾𑌯𑌂 𑌪𑍂𑌰𑍍𑌵𑌰𑌂𑌗𑌃 𑌪𑌵𑌨𑌪𑍁𑌰𑌪𑌤𑍇 𑌨𑌾𑌶𑌯𑌾𑌶𑍇𑌷𑌰𑍋𑌗𑌾𑌨𑍍 ॥10॥

प्रायः पृष्टाः प्रश्नाः

What is 𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍯1 - 𑌭𑌕𑍍𑌤𑌿𑌮𑌹𑌤𑍍𑌤𑍍𑌵𑌮𑍍?

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍯1 - 𑌭𑌕𑍍𑌤𑌿𑌮𑌹𑌤𑍍𑌤𑍍𑌵𑌮𑍍 is a devotional text available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍯1 - 𑌭𑌕𑍍𑌤𑌿𑌮𑌹𑌤𑍍𑌤𑍍𑌵𑌮𑍍 online?

Yes. The imported text is available directly on this page for online reading and recitation.

Can I download 𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍯1 - 𑌭𑌕𑍍𑌤𑌿𑌮𑌹𑌤𑍍𑌤𑍍𑌵𑌮𑍍 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु