𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍮2 – 𑌬𑌾𑌣𑌾𑌸𑍁𑌰𑌯𑍁𑌦𑍍𑌧𑌂 𑌤𑌥𑌾 𑌨𑍃𑌗𑌶𑌾𑌪𑌮𑍋𑌕𑍍𑌷𑌮𑍍

𑌪𑍍𑌰𑌦𑍍𑌯𑍁𑌮𑍍𑌨𑍋 𑌰𑍌𑌕𑍍𑌮𑌿𑌣𑍇𑌯𑌃 𑌸 𑌖𑌲𑍁 𑌤𑌵 𑌕𑌲𑌾 𑌶𑌂𑌬𑌰𑍇𑌣𑌾𑌹𑍃𑌤𑌸𑍍𑌤𑌂
𑌹𑌤𑍍𑌵𑌾 𑌰𑌤𑍍𑌯𑌾 𑌸𑌹𑌾𑌪𑍍𑌤𑍋 𑌨𑌿𑌜𑌪𑍁𑌰𑌮𑌹𑌰𑌦𑍍𑌰𑍁𑌕𑍍𑌮𑌿𑌕𑌨𑍍𑌯𑌾𑌂 𑌚 𑌧𑌨𑍍𑌯𑌾𑌮𑍍 ।
𑌤𑌤𑍍𑌪𑍁𑌤𑍍𑌰𑍋𑌽𑌥𑌾𑌨𑌿𑌰𑍁𑌦𑍍𑌧𑍋 𑌗𑍁𑌣𑌨𑌿𑌧𑌿𑌰𑌵𑌹𑌦𑍍𑌰𑍋𑌚𑌨𑌾𑌂 𑌰𑍁𑌕𑍍𑌮𑌿𑌪𑍌𑌤𑍍𑌰𑍀𑌂
𑌤𑌤𑍍𑌰𑍋𑌦𑍍𑌵𑌾𑌹𑍇 𑌗𑌤𑌸𑍍𑌤𑍍𑌵𑌂 𑌨𑍍𑌯𑌵𑌧𑌿 𑌮𑍁𑌸𑌲𑌿𑌨𑌾 𑌰𑍁𑌕𑍍𑌮𑍍𑌯𑌪𑌿 𑌦𑍍𑌯𑍂𑌤𑌵𑍈𑌰𑌾𑌤𑍍 ॥1॥

𑌬𑌾𑌣𑌸𑍍𑌯 𑌸𑌾 𑌬𑌲𑌿𑌸𑍁𑌤𑌸𑍍𑌯 𑌸𑌹𑌸𑍍𑌰𑌬𑌾𑌹𑍋-
𑌰𑍍𑌮𑌾𑌹𑍇𑌶𑍍𑌵𑌰𑌸𑍍𑌯 𑌮𑌹𑌿𑌤𑌾 𑌦𑍁𑌹𑌿𑌤𑌾 𑌕𑌿𑌲𑍋𑌷𑌾 ।
𑌤𑍍𑌵𑌤𑍍𑌪𑍌𑌤𑍍𑌰𑌮𑍇𑌨𑌮𑌨𑌿𑌰𑍁𑌦𑍍𑌧𑌮𑌦𑍃𑌷𑍍𑌟𑌪𑍂𑌰𑍍𑌵𑌂
𑌸𑍍𑌵𑌪𑍍𑌨𑍇𑌽𑌨𑍁𑌭𑍂𑌯 𑌭𑌗𑌵𑌨𑍍 𑌵𑌿𑌰𑌹𑌾𑌤𑍁𑌰𑌾𑌽𑌭𑍂𑌤𑍍 ॥2॥

𑌯𑍋𑌗𑌿𑌨𑍍𑌯𑌤𑍀𑌵 𑌕𑍁𑌶𑌲𑌾 𑌖𑌲𑍁 𑌚𑌿𑌤𑍍𑌰𑌲𑍇𑌖𑌾
𑌤𑌸𑍍𑌯𑌾𑌃 𑌸𑌖𑍀 𑌵𑌿𑌲𑌿𑌖𑌤𑍀 𑌤𑌰𑍁𑌣𑌾𑌨𑌶𑍇𑌷𑌾𑌨𑍍 ।
𑌤𑌤𑍍𑌰𑌾𑌨𑌿𑌰𑍁𑌦𑍍𑌧𑌮𑍁𑌷𑌯𑌾 𑌵𑌿𑌦𑌿𑌤𑌂 𑌨𑌿𑌶𑌾𑌯𑌾-
𑌮𑌾𑌨𑍇𑌷𑍍𑌟 𑌯𑍋𑌗𑌬𑌲𑌤𑍋 𑌭𑌵𑌤𑍋 𑌨𑌿𑌕𑍇𑌤𑌾𑌤𑍍 ॥3॥

𑌕𑌨𑍍𑌯𑌾𑌪𑍁𑌰𑍇 𑌦𑌯𑌿𑌤𑌯𑌾 𑌸𑍁𑌖𑌮𑌾𑌰𑌮𑌂𑌤𑌂
𑌚𑍈𑌨𑌂 𑌕𑌥𑌂𑌚𑌨 𑌬𑌬𑌂𑌧𑍁𑌷𑌿 𑌶𑌰𑍍𑌵𑌬𑌂𑌧𑍌 ।
𑌶𑍍𑌰𑍀𑌨𑌾𑌰𑌦𑍋𑌕𑍍𑌤𑌤𑌦𑍁𑌦𑌂𑌤𑌦𑍁𑌰𑌂𑌤𑌰𑍋𑌷𑍈-
𑌸𑍍𑌤𑍍𑌵𑌂 𑌤𑌸𑍍𑌯 𑌶𑍋𑌣𑌿𑌤𑌪𑍁𑌰𑌂 𑌯𑌦𑍁𑌭𑌿𑌰𑍍𑌨𑍍𑌯𑌰𑍁𑌂𑌧𑌾𑌃 ॥4॥

𑌪𑍁𑌰𑍀𑌪𑌾𑌲𑌶𑍍𑌶𑍈𑌲𑌪𑍍𑌰𑌿𑌯𑌦𑍁𑌹𑌿𑌤𑍃𑌨𑌾𑌥𑍋𑌽𑌸𑍍𑌯 𑌭𑌗𑌵𑌾𑌨𑍍
𑌸𑌮𑌂 𑌭𑍂𑌤𑌵𑍍𑌰𑌾𑌤𑍈𑌰𑍍𑌯𑌦𑍁𑌬𑌲𑌮𑌶𑌂𑌕𑌂 𑌨𑌿𑌰𑍁𑌰𑍁𑌧𑍇 ।
𑌮𑌹𑌾𑌪𑍍𑌰𑌾𑌣𑍋 𑌬𑌾𑌣𑍋 𑌝𑌟𑌿𑌤𑌿 𑌯𑍁𑌯𑍁𑌧𑌾𑌨𑍇𑌨𑌯𑍁𑌯𑍁𑌧𑍇
𑌗𑍁𑌹𑌃 𑌪𑍍𑌰𑌦𑍍𑌯𑍁𑌮𑍍𑌨𑍇𑌨 𑌤𑍍𑌵𑌮𑌪𑌿 𑌪𑍁𑌰𑌹𑌂𑌤𑍍𑌰𑌾 𑌜𑌘𑌟𑌿𑌷𑍇 ॥5॥

𑌨𑌿𑌰𑍁𑌦𑍍𑌧𑌾𑌶𑍇𑌷𑌾𑌸𑍍𑌤𑍍𑌰𑍇 𑌮𑍁𑌮𑍁𑌹𑍁𑌷𑌿 𑌤𑌵𑌾𑌸𑍍𑌤𑍍𑌰𑍇𑌣 𑌗𑌿𑌰𑌿𑌶𑍇
𑌦𑍍𑌰𑍁𑌤𑌾 𑌭𑍂𑌤𑌾 𑌭𑍀𑌤𑌾𑌃 𑌪𑍍𑌰𑌮𑌥𑌕𑍁𑌲𑌵𑍀𑌰𑌾𑌃 𑌪𑍍𑌰𑌮𑌥𑌿𑌤𑌾𑌃 ।
𑌪𑌰𑌾𑌸𑍍𑌕𑌂𑌦𑍍𑌤𑍍 𑌸𑍍𑌕𑌂𑌦𑌃 𑌕𑍁𑌸𑍁𑌮𑌶𑌰𑌬𑌾𑌣𑍈𑌶𑍍𑌚 𑌸𑌚𑌿𑌵𑌃
𑌸 𑌕𑍁𑌂𑌭𑌾𑌂𑌡𑍋 𑌭𑌾𑌂𑌡𑌂 𑌨𑌵𑌮𑌿𑌵 𑌬𑌲𑍇𑌨𑌾𑌶𑍁 𑌬𑌿𑌭𑌿𑌦𑍇 ॥6॥

𑌚𑌾𑌪𑌾𑌨𑌾𑌂 𑌪𑌂𑌚𑌶𑌤𑍍𑌯𑌾 𑌪𑍍𑌰𑌸𑌭𑌮𑍁𑌪𑌗𑌤𑍇 𑌛𑌿𑌨𑍍𑌨𑌚𑌾𑌪𑍇𑌽𑌥 𑌬𑌾𑌣𑍇
𑌵𑍍𑌯𑌰𑍍𑌥𑍇 𑌯𑌾𑌤𑍇 𑌸𑌮𑍇𑌤𑍋 𑌜𑍍𑌵𑌰𑌪𑌤𑌿𑌰𑌶𑌨𑍈𑌰𑌜𑍍𑌵𑌰𑌿 𑌤𑍍𑌵𑌜𑍍𑌜𑍍𑌵𑌰𑍇𑌣 ।
𑌜𑍍𑌞𑌾𑌨𑍀 𑌸𑍍𑌤𑍁𑌤𑍍𑌵𑌾𑌽𑌥 𑌦𑌤𑍍𑌵𑌾 𑌤𑌵 𑌚𑌰𑌿𑌤𑌜𑍁𑌷𑌾𑌂 𑌵𑌿𑌜𑍍𑌵𑌰𑌂 𑌸 𑌜𑍍𑌵𑌰𑍋𑌽𑌗𑌾𑌤𑍍
𑌪𑍍𑌰𑌾𑌯𑍋𑌽𑌂𑌤𑌰𑍍𑌜𑍍𑌞𑌾𑌨𑌵𑌂𑌤𑍋𑌽𑌪𑌿 𑌚 𑌬𑌹𑍁𑌤𑌮𑌸𑌾 𑌰𑍌𑌦𑍍𑌰𑌚𑍇𑌷𑍍𑌟𑌾 𑌹𑌿 𑌰𑍌𑌦𑍍𑌰𑌾𑌃 ॥𑍭॥

𑌬𑌾𑌣𑌂 𑌨𑌾𑌨𑌾𑌯𑍁𑌧𑍋𑌗𑍍𑌰𑌂 𑌪𑍁𑌨𑌰𑌭𑌿𑌪𑌤𑌿𑌤𑌂 𑌦𑌰𑍍𑌪𑌦𑍋𑌷𑌾𑌦𑍍𑌵𑌿𑌤𑌨𑍍𑌵𑌨𑍍
𑌨𑌿𑌰𑍍𑌲𑍂𑌨𑌾𑌶𑍇𑌷𑌦𑍋𑌷𑌂 𑌸𑌪𑌦𑌿 𑌬𑍁𑌬𑍁𑌧𑍁𑌷𑌾 𑌶𑌂𑌕𑌰𑍇𑌣𑍋𑌪𑌗𑍀𑌤𑌃 ।
𑌤𑌦𑍍𑌵𑌾𑌚𑌾 𑌶𑌿𑌷𑍍𑌟𑌬𑌾𑌹𑍁𑌦𑍍𑌵𑌿𑌤𑌯𑌮𑍁𑌭𑌯𑌤𑍋 𑌨𑌿𑌰𑍍𑌭𑌯𑌂 𑌤𑌤𑍍𑌪𑍍𑌰𑌿𑌯𑌂 𑌤𑌂
𑌮𑍁𑌕𑍍𑌤𑍍𑌵𑌾 𑌤𑌦𑍍𑌦𑌤𑍍𑌤𑌮𑌾𑌨𑍋 𑌨𑌿𑌜𑌪𑍁𑌰𑌮𑌗𑌮𑌃 𑌸𑌾𑌨𑌿𑌰𑍁𑌦𑍍𑌧𑌃 𑌸𑌹𑍋𑌷𑌃 ॥𑍮॥

𑌮𑍁𑌹𑍁𑌸𑍍𑌤𑌾𑌵𑌚𑍍𑌛𑌕𑍍𑌰𑌂 𑌵𑌰𑍁𑌣𑌮𑌜𑌯𑍋 𑌨𑌂𑌦𑌹𑌰𑌣𑍇
𑌯𑌮𑌂 𑌬𑌾𑌲𑌾𑌨𑍀𑌤𑍌 𑌦𑌵𑌦𑌹𑌨𑌪𑌾𑌨𑍇𑌽𑌨𑌿𑌲𑌸𑌖𑌮𑍍 ।
𑌵𑌿𑌧𑌿𑌂 𑌵𑌤𑍍𑌸𑌸𑍍𑌤𑍇𑌯𑍇 𑌗𑌿𑌰𑌿𑌶𑌮𑌿𑌹 𑌬𑌾𑌣𑌸𑍍𑌯 𑌸𑌮𑌰𑍇
𑌵𑌿𑌭𑍋 𑌵𑌿𑌶𑍍𑌵𑍋𑌤𑍍𑌕𑌰𑍍𑌷𑍀 𑌤𑌦𑌯𑌮𑌵𑌤𑌾𑌰𑍋 𑌜𑌯𑌤𑌿 𑌤𑍇 ॥𑍯॥

𑌦𑍍𑌵𑌿𑌜𑌰𑍁𑌷𑌾 𑌕𑍃𑌕𑌲𑌾𑌸𑌵𑌪𑍁𑌰𑍍𑌧𑌰𑌂 𑌨𑍃𑌗𑌨𑍃𑌪𑌂 𑌤𑍍𑌰𑌿𑌦𑌿𑌵𑌾𑌲𑌯𑌮𑌾𑌪𑌯𑌨𑍍 ।
𑌨𑌿𑌜𑌜𑌨𑍇 𑌦𑍍𑌵𑌿𑌜𑌭𑌕𑍍𑌤𑌿𑌮𑌨𑍁𑌤𑍍𑌤𑌮𑌾𑌮𑍁𑌪𑌦𑌿𑌶𑌨𑍍 𑌪𑌵𑌨𑍇𑌶𑍍𑌵𑌰𑍍 𑌪𑌾𑌹𑌿 𑌮𑌾𑌮𑍍 ॥10॥