𑌶𑍍𑌰𑍀 𑌨𑌰𑌸𑌿𑌂𑌹 𑌕𑌵𑌚𑌮𑍍

𑌨𑍃𑌸𑌿𑌂𑌹𑌕𑌵𑌚𑌂 𑌵𑌕𑍍𑌷𑍍𑌯𑍇 𑌪𑍍𑌰𑌹𑍍𑌲𑌾𑌦𑍇𑌨𑍋𑌦𑌿𑌤𑌂 𑌪𑍁𑌰𑌾 ।
𑌸𑌰𑍍𑌵𑌰𑌕𑍍𑌷𑌾𑌕𑌰𑌂 𑌪𑍁𑌣𑍍𑌯𑌂 𑌸𑌰𑍍𑌵𑍋𑌪𑌦𑍍𑌰𑌵𑌨𑌾𑌶𑌨𑌮𑍍 ॥ 1 ॥

𑌸𑌰𑍍𑌵𑌸𑌂𑌪𑌤𑍍𑌕𑌰𑌂 𑌚𑍈𑌵 𑌸𑍍𑌵𑌰𑍍𑌗𑌮𑍋𑌕𑍍𑌷𑌪𑍍𑌰𑌦𑌾𑌯𑌕𑌮𑍍 ।
𑌧𑍍𑌯𑌾𑌤𑍍𑌵𑌾 𑌨𑍃𑌸𑌿𑌂𑌹𑌂 𑌦𑍇𑌵𑍇𑌶𑌂 𑌹𑍇𑌮𑌸𑌿𑌂𑌹𑌾𑌸𑌨𑌸𑍍𑌥𑌿𑌤𑌮𑍍 ॥ 2 ॥

𑌵𑌿𑌵𑍃𑌤𑌾𑌸𑍍𑌯𑌂 𑌤𑍍𑌰𑌿𑌨𑌯𑌨𑌂 𑌶𑌰𑌦𑌿𑌂𑌦𑍁𑌸𑌮𑌪𑍍𑌰𑌭𑌮𑍍 ।
𑌲𑌕𑍍𑌷𑍍𑌮𑍍𑌯𑌾𑌲𑌿𑌂𑌗𑌿𑌤𑌵𑌾𑌮𑌾𑌂𑌗𑌂 𑌵𑌿𑌭𑍂𑌤𑌿𑌭𑌿𑌰𑍁𑌪𑌾𑌶𑍍𑌰𑌿𑌤𑌮𑍍 ॥ 3 ॥

𑌚𑌤𑍁𑌰𑍍𑌭𑍁𑌜𑌂 𑌕𑍋𑌮𑌲𑌾𑌂𑌗𑌂 𑌸𑍍𑌵𑌰𑍍𑌣𑌕𑍁𑌂𑌡𑌲𑌶𑍋𑌭𑌿𑌤𑌮𑍍 ।
𑌸𑌰𑍋𑌜𑌶𑍋𑌭𑌿𑌤𑍋𑌰𑌸𑍍𑌕𑌂 𑌰𑌤𑍍𑌨𑌕𑍇𑌯𑍂𑌰𑌮𑍁𑌦𑍍𑌰𑌿𑌤𑌮𑍍 ॥ 4 ॥ [𑌰𑌤𑍍𑌨𑌕𑍇𑌯𑍂𑌰𑌶𑍋𑌭𑌿𑌤𑌮𑍍]

𑌤𑌪𑍍𑌤𑌕𑌾𑌂𑌚𑌨𑌸𑌂𑌕𑌾𑌶𑌂 𑌪𑍀𑌤𑌨𑌿𑌰𑍍𑌮𑌲𑌵𑌾𑌸𑌨𑌮𑍍 ।
𑌇𑌂𑌦𑍍𑌰𑌾𑌦𑌿𑌸𑍁𑌰𑌮𑍌𑌳𑌿𑌸𑍍𑌥𑌸𑍍𑌫𑍁𑌰𑌨𑍍𑌮𑌾𑌣𑌿𑌕𑍍𑌯𑌦𑍀𑌪𑍍𑌤𑌿𑌭𑌿𑌃 ॥ 5 ॥

𑌵𑌿𑌰𑌾𑌜𑌿𑌤𑌪𑌦𑌦𑍍𑌵𑌂𑌦𑍍𑌵𑌂 𑌶𑌂𑌖𑌚𑌕𑍍𑌰𑌾𑌦𑌿𑌹𑍇𑌤𑌿𑌭𑌿𑌃 ।
𑌗𑌰𑍁𑌤𑍍𑌮𑌤𑌾 𑌸𑌵𑌿𑌨𑌯𑌂 𑌸𑍍𑌤𑍂𑌯𑌮𑌾𑌨𑌂 𑌮𑍁𑌦𑌾𑌨𑍍𑌵𑌿𑌤𑌮𑍍 ॥ 6 ॥

𑌸𑍍𑌵𑌹𑍃𑌤𑍍𑌕𑌮𑌲𑌸𑌂𑌵𑌾𑌸𑌂 𑌕𑍃𑌤𑍍𑌵𑌾 𑌤𑍁 𑌕𑌵𑌚𑌂 𑌪𑌠𑍇𑌤𑍍 ।
𑌨𑍃𑌸𑌿𑌂𑌹𑍋 𑌮𑍇 𑌶𑌿𑌰𑌃 𑌪𑌾𑌤𑍁 𑌲𑍋𑌕𑌰𑌕𑍍𑌷𑌾𑌤𑍍𑌮𑌸𑌂𑌭𑌵𑌃 ॥ 𑍭 ॥

𑌸𑌰𑍍𑌵𑌗𑍋𑌽𑌪𑌿 𑌸𑍍𑌤𑌂𑌭𑌵𑌾𑌸𑌃 𑌫𑌾𑌲𑌂 𑌮𑍇 𑌰𑌕𑍍𑌷𑌤𑍁 𑌧𑍍𑌵𑌨𑌿𑌮𑍍 ।
𑌨𑍃𑌸𑌿𑌂𑌹𑍋 𑌮𑍇 𑌦𑍃𑌶𑍌 𑌪𑌾𑌤𑍁 𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌲𑍋𑌚𑌨𑌃 ॥ 𑍮 ॥

𑌸𑍍𑌮𑍃𑌤𑌿𑌂 𑌮𑍇 𑌪𑌾𑌤𑍁 𑌨𑍃𑌹𑌰𑌿𑌰𑍍𑌮𑍁𑌨𑌿𑌵𑌰𑍍𑌯𑌸𑍍𑌤𑍁𑌤𑌿𑌪𑍍𑌰𑌿𑌯𑌃 ।
𑌨𑌾𑌸𑌾𑌂 𑌮𑍇 𑌸𑌿𑌂𑌹𑌨𑌾𑌸𑌸𑍍𑌤𑍁 𑌮𑍁𑌖𑌂 𑌲𑌕𑍍𑌷𑍍𑌮𑍀𑌮𑍁𑌖𑌪𑍍𑌰𑌿𑌯𑌃 ॥ 𑍯 ॥

𑌸𑌰𑍍𑌵𑌵𑌿𑌦𑍍𑌯𑌾𑌧𑌿𑌪𑌃 𑌪𑌾𑌤𑍁 𑌨𑍃𑌸𑌿𑌂𑌹𑍋 𑌰𑌸𑌨𑌾𑌂 𑌮𑌮 ।
𑌵𑌕𑍍𑌤𑍍𑌰𑌂 𑌪𑌾𑌤𑍍𑌵𑌿𑌂𑌦𑍁𑌵𑌦𑌨𑌃 𑌸𑌦𑌾 𑌪𑍍𑌰𑌹𑍍𑌲𑌾𑌦𑌵𑌂𑌦𑌿𑌤𑌃 ॥ 10 ॥

𑌨𑍃𑌸𑌿𑌂𑌹𑌃 𑌪𑌾𑌤𑍁 𑌮𑍇 𑌕𑌂𑌠𑌂 𑌸𑍍𑌕𑌂𑌧𑍌 𑌭𑍂𑌭𑌰𑌣𑌾𑌂𑌤𑌕𑍃𑌤𑍍 ।
𑌦𑌿𑌵𑍍𑌯𑌾𑌸𑍍𑌤𑍍𑌰𑌶𑍋𑌭𑌿𑌤𑌭𑍁𑌜𑍋 𑌨𑍃𑌸𑌿𑌂𑌹𑌃 𑌪𑌾𑌤𑍁 𑌮𑍇 𑌭𑍁𑌜𑍌 ॥ 11 ॥

𑌕𑌰𑍌 𑌮𑍇 𑌦𑍇𑌵𑌵𑌰𑌦𑍋 𑌨𑍃𑌸𑌿𑌂𑌹𑌃 𑌪𑌾𑌤𑍁 𑌸𑌰𑍍𑌵𑌤𑌃 ।
𑌹𑍃𑌦𑌯𑌂 𑌯𑍋𑌗𑌿𑌸𑌾𑌧𑍍𑌯𑌶𑍍𑌚 𑌨𑌿𑌵𑌾𑌸𑌂 𑌪𑌾𑌤𑍁 𑌮𑍇 𑌹𑌰𑌿𑌃 ॥ 12 ॥

𑌮𑌧𑍍𑌯𑌂 𑌪𑌾𑌤𑍁 𑌹𑌿𑌰𑌣𑍍𑌯𑌾𑌕𑍍𑌷𑌵𑌕𑍍𑌷𑌃𑌕𑍁𑌕𑍍𑌷𑌿𑌵𑌿𑌦𑌾𑌰𑌣𑌃 ।
𑌨𑌾𑌭𑌿𑌂 𑌮𑍇 𑌪𑌾𑌤𑍁 𑌨𑍃𑌹𑌰𑌿𑌃 𑌸𑍍𑌵𑌨𑌾𑌭𑌿 𑌬𑍍𑌰𑌹𑍍𑌮𑌸𑌂𑌸𑍍𑌤𑍁𑌤𑌃 ॥ 13 ॥

𑌬𑍍𑌰𑌹𑍍𑌮𑌾𑌂𑌡𑌕𑍋𑌟𑌯𑌃 𑌕𑌟𑍍𑌯𑌾𑌂 𑌯𑌸𑍍𑌯𑌾𑌸𑍌 𑌪𑌾𑌤𑍁 𑌮𑍇 𑌕𑌟𑌿𑌮𑍍 ।
𑌗𑍁𑌹𑍍𑌯𑌂 𑌮𑍇 𑌪𑌾𑌤𑍁 𑌗𑍁𑌹𑍍𑌯𑌾𑌨𑌾𑌂 𑌮𑌂𑌤𑍍𑌰𑌾𑌣𑌾𑌂 𑌗𑍁𑌹𑍍𑌯𑌰𑍂𑌪𑌧𑍃𑌕𑍍 ॥ 14 ॥

𑌊𑌰𑍂 𑌮𑌨𑍋𑌭𑌵𑌃 𑌪𑌾𑌤𑍁 𑌜𑌾𑌨𑍁𑌨𑍀 𑌨𑌰𑌰𑍂𑌪𑌧𑍃𑌕𑍍 ।
𑌜𑌂𑌘𑍇 𑌪𑌾𑌤𑍁 𑌧𑌰𑌾𑌭𑌾𑌰𑌹𑌰𑍍𑌤𑌾 𑌯𑍋𑌽𑌸𑍌 𑌨𑍃𑌕𑍇𑌸𑌰𑍀 ॥ 15 ॥

𑌸𑍁𑌰𑌰𑌾𑌜𑍍𑌯𑌪𑍍𑌰𑌦𑌃 𑌪𑌾𑌤𑍁 𑌪𑌾𑌦𑍌 𑌮𑍇 𑌨𑍃𑌹𑌰𑍀𑌶𑍍𑌵𑌰𑌃 ।
𑌸𑌹𑌸𑍍𑌰𑌶𑍀𑌰𑍍𑌷𑌾 𑌪𑍁𑌰𑍁𑌷𑌃 𑌪𑌾𑌤𑍁 𑌮𑍇 𑌸𑌰𑍍𑌵𑌶𑌸𑍍𑌤𑌨𑍁𑌮𑍍 ॥ 16 ॥

𑌮𑌹𑍋𑌗𑍍𑌰𑌃 𑌪𑍂𑌰𑍍𑌵𑌤𑌃 𑌪𑌾𑌤𑍁 𑌮𑌹𑌾𑌵𑍀𑌰𑌾𑌗𑍍𑌰𑌜𑍋𑌽𑌗𑍍𑌨𑌿𑌤𑌃 ।
𑌮𑌹𑌾𑌵𑌿𑌷𑍍𑌣𑍁𑌰𑍍𑌦𑌕𑍍𑌷𑌿𑌣𑍇 𑌤𑍁 𑌮𑌹𑌾𑌜𑍍𑌵𑌾𑌲𑌸𑍍𑌤𑍁 𑌨𑍈𑌰𑍃𑌤𑍌 ॥ 1𑍭 ॥

𑌪𑌶𑍍𑌚𑌿𑌮𑍇 𑌪𑌾𑌤𑍁 𑌸𑌰𑍍𑌵𑍇𑌶𑍋 𑌦𑌿𑌶𑌿 𑌮𑍇 𑌸𑌰𑍍𑌵𑌤𑍋𑌮𑍁𑌖𑌃 ।
𑌨𑍃𑌸𑌿𑌂𑌹𑌃 𑌪𑌾𑌤𑍁 𑌵𑌾𑌯𑌵𑍍𑌯𑌾𑌂 𑌸𑍌𑌮𑍍𑌯𑌾𑌂 𑌭𑍂𑌷𑌣𑌵𑌿𑌗𑍍𑌰𑌹𑌃 ॥ 1𑍮 ॥

𑌈𑌶𑌾𑌨𑍍𑌯𑌾𑌂 𑌪𑌾𑌤𑍁 𑌭𑌦𑍍𑌰𑍋 𑌮𑍇 𑌸𑌰𑍍𑌵𑌮𑌂𑌗𑌳𑌦𑌾𑌯𑌕𑌃 ।
𑌸𑌂𑌸𑌾𑌰𑌭𑌯𑌦𑌃 𑌪𑌾𑌤𑍁 𑌮𑍃𑌤𑍍𑌯𑍋𑌰𑍍𑌮𑍃𑌤𑍍𑌯𑍁𑌰𑍍𑌨𑍃𑌕𑍇𑌸𑌰𑍀 ॥ 1𑍯 ॥

𑌇𑌦𑌂 𑌨𑍃𑌸𑌿𑌂𑌹𑌕𑌵𑌚𑌂 𑌪𑍍𑌰𑌹𑍍𑌲𑌾𑌦𑌮𑍁𑌖𑌮𑌂𑌡𑌿𑌤𑌮𑍍 ।
𑌭𑌕𑍍𑌤𑌿𑌮𑌾𑌨𑍍𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤𑍇 ॥ 20 ॥

𑌪𑍁𑌤𑍍𑌰𑌵𑌾𑌨𑍍 𑌧𑌨𑌵𑌾𑌨𑍍 𑌲𑍋𑌕𑍇 𑌦𑍀𑌰𑍍𑌘𑌾𑌯𑍁𑌰𑍁𑌪𑌜𑌾𑌯𑌤𑍇 ।
𑌯𑌂 𑌯𑌂 𑌕𑌾𑌮𑌯𑌤𑍇 𑌕𑌾𑌮𑌂 𑌤𑌂 𑌤𑌂 𑌪𑍍𑌰𑌾𑌪𑍍𑌨𑍋𑌤𑍍𑌯𑌸𑌂𑌶𑌯𑌮𑍍 ॥ 21 ॥

𑌸𑌰𑍍𑌵𑌤𑍍𑌰 𑌜𑌯𑌮𑌾𑌪𑍍𑌨𑍋𑌤𑌿 𑌸𑌰𑍍𑌵𑌤𑍍𑌰 𑌵𑌿𑌜𑌯𑍀 𑌭𑌵𑍇𑌤𑍍 ।
𑌭𑍂𑌮𑍍𑌯𑌂𑌤𑌰𑌿𑌕𑍍𑌷𑌦𑌿𑌵𑍍𑌯𑌾𑌨𑌾𑌂 𑌗𑍍𑌰𑌹𑌾𑌣𑌾𑌂 𑌵𑌿𑌨𑌿𑌵𑌾𑌰𑌣𑌮𑍍 ॥ 22 ॥

𑌵𑍃𑌶𑍍𑌚𑌿𑌕𑍋𑌰𑌗𑌸𑌂𑌭𑍂𑌤𑌵𑌿𑌷𑌾𑌪𑌹𑌰𑌣𑌂 𑌪𑌰𑌮𑍍 ।
𑌬𑍍𑌰𑌹𑍍𑌮𑌰𑌾𑌕𑍍𑌷𑌸𑌯𑌕𑍍𑌷𑌾𑌣𑌾𑌂 𑌦𑍂𑌰𑍋𑌤𑍍𑌸𑌾𑌰𑌣𑌕𑌾𑌰𑌣𑌮𑍍 ॥ 23 ॥

𑌭𑍂𑌰𑍍𑌜𑍇 𑌵𑌾 𑌤𑌾𑌳𑌪𑌤𑍍𑌰𑍇 𑌵𑌾 𑌕𑌵𑌚𑌂 𑌲𑌿𑌖𑌿𑌤𑌂 𑌶𑍁𑌭𑌮𑍍 ।
𑌕𑌰𑌮𑍂𑌲𑍇 𑌧𑍃𑌤𑌂 𑌯𑍇𑌨 𑌸𑌿𑌧𑍍𑌯𑍇𑌯𑍁𑌃 𑌕𑌰𑍍𑌮𑌸𑌿𑌦𑍍𑌧𑌯𑌃 ॥ 24 ॥

𑌦𑍇𑌵𑌾𑌸𑍁𑌰𑌮𑌨𑍁𑌷𑍍𑌯𑍇𑌷𑍁 𑌸𑍍𑌵𑌂 𑌸𑍍𑌵𑌮𑍇𑌵 𑌜𑌯𑌂 𑌲𑌭𑍇𑌤𑍍 ।
𑌏𑌕𑌸𑌂𑌧𑍍𑌯𑌂 𑌤𑍍𑌰𑌿𑌸𑌂𑌧𑍍𑌯𑌂 𑌵𑌾 𑌯𑌃 𑌪𑌠𑍇𑌨𑍍𑌨𑌿𑌯𑌤𑍋 𑌨𑌰𑌃 ॥ 25 ॥

𑌸𑌰𑍍𑌵𑌮𑌂𑌗𑌳𑌮𑌾𑌂𑌗𑌳𑍍𑌯𑌂 𑌭𑍁𑌕𑍍𑌤𑌿𑌂 𑌮𑍁𑌕𑍍𑌤𑌿𑌂 𑌚 𑌵𑌿𑌂𑌦𑌤𑌿 ।
𑌦𑍍𑌵𑌾𑌤𑍍𑌰𑌿𑌂𑌶𑌤𑌿𑌸𑌹𑌸𑍍𑌰𑌾𑌣𑌿 𑌪𑌠𑍇𑌚𑍍𑌛𑍁𑌦𑍍𑌧𑌾𑌤𑍍𑌮𑌨𑌾𑌂 𑌨𑍃𑌣𑌾𑌮𑍍 ॥ 26 ॥

𑌕𑌵𑌚𑌸𑍍𑌯𑌾𑌸𑍍𑌯 𑌮𑌂𑌤𑍍𑌰𑌸𑍍𑌯 𑌮𑌂𑌤𑍍𑌰𑌸𑌿𑌦𑍍𑌧𑌿𑌃 𑌪𑍍𑌰𑌜𑌾𑌯𑌤𑍇 ।
𑌅𑌨𑍇𑌨 𑌮𑌂𑌤𑍍𑌰𑌰𑌾𑌜𑍇𑌨 𑌕𑍃𑌤𑍍𑌵𑌾 𑌭𑌸𑍍𑌮𑌾𑌭𑌿𑌮𑌂𑌤𑍍𑌰𑌣𑌮𑍍 ॥ 2𑍭 ॥

𑌤𑌿𑌲𑌕𑌂 𑌵𑌿𑌨𑍍𑌯𑌸𑍇𑌦𑍍𑌯𑌸𑍍𑌤𑍁 𑌤𑌸𑍍𑌯 𑌗𑍍𑌰𑌹𑌭𑌯𑌂 𑌹𑌰𑍇𑌤𑍍 ।
𑌤𑍍𑌰𑌿𑌵𑌾𑌰𑌂 𑌜𑌪𑌮𑌾𑌨𑌸𑍍𑌤𑍁 𑌦𑌤𑍍𑌤𑌂 𑌵𑌾𑌰𑍍𑌯𑌭𑌿𑌮𑌂𑌤𑍍𑌰𑍍𑌯 𑌚 ॥ 2𑍮 ॥

𑌪𑍍𑌰𑌾𑌶𑌯𑍇𑌦𑍍𑌯𑍋 𑌨𑌰𑍋 𑌮𑌂𑌤𑍍𑌰𑌂 𑌨𑍃𑌸𑌿𑌂𑌹𑌧𑍍𑌯𑌾𑌨𑌮𑌾𑌚𑌰𑍇𑌤𑍍 ।
𑌤𑌸𑍍𑌯 𑌰𑍋𑌗𑌾𑌃 𑌪𑍍𑌰𑌣𑌶𑍍𑌯𑌂𑌤𑌿 𑌯𑍇 𑌚 𑌸𑍍𑌯𑍁𑌃 𑌕𑍁𑌕𑍍𑌷𑌿𑌸𑌂𑌭𑌵𑌾𑌃 ॥ 2𑍯 ॥

𑌕𑌿𑌮𑌤𑍍𑌰 𑌬𑌹𑍁𑌨𑍋𑌕𑍍𑌤𑍇𑌨 𑌨𑍃𑌸𑌿𑌂𑌹𑌸𑌦𑍃𑌶𑍋 𑌭𑌵𑍇𑌤𑍍 ।
𑌮𑌨𑌸𑌾 𑌚𑌿𑌂𑌤𑌿𑌤𑌂 𑌯𑌤𑍍𑌤𑍁 𑌸 𑌤𑌚𑍍𑌚𑌾𑌪𑍍𑌨𑍋𑌤𑍍𑌯𑌸𑌂𑌶𑌯𑌮𑍍 ॥ 30 ॥

𑌗𑌰𑍍𑌜𑌂𑌤𑌂 𑌗𑌰𑍍𑌜𑌯𑌂𑌤𑌂 𑌨𑌿𑌜𑌭𑍁𑌜𑌪𑌟𑌲𑌂 𑌸𑍍𑌫𑍋𑌟𑌯𑌂𑌤𑌂 𑌹𑌠𑌂𑌤𑌂
𑌰𑍂𑌪𑍍𑌯𑌂𑌤𑌂 𑌤𑌾𑌪𑌯𑌂𑌤𑌂 𑌦𑌿𑌵𑌿 𑌭𑍁𑌵𑌿 𑌦𑌿𑌤𑌿𑌜𑌂 𑌕𑍍𑌷𑍇𑌪𑌯𑌂𑌤𑌂 𑌕𑍍𑌷𑌿𑌪𑌂𑌤𑌮𑍍 ।
𑌕𑍍𑌰𑌂𑌦𑌂𑌤𑌂 𑌰𑍋𑌷𑌯𑌂𑌤𑌂 𑌦𑌿𑌶𑌿 𑌦𑌿𑌶𑌿 𑌸𑌤𑌤𑌂 𑌸𑌂𑌹𑌰𑌂𑌤𑌂 𑌭𑌰𑌂𑌤𑌂
𑌵𑍀𑌕𑍍𑌷𑌂𑌤𑌂 𑌘𑍂𑌰𑍍𑌣𑌯𑌂𑌤𑌂 𑌶𑌰𑌨𑌿𑌕𑌰𑌶𑌤𑍈𑌰𑍍𑌦𑌿𑌵𑍍𑌯𑌸𑌿𑌂𑌹𑌂 𑌨𑌮𑌾𑌮𑌿 ॥

𑌇𑌤𑌿 𑌶𑍍𑌰𑍀𑌬𑍍𑌰𑌹𑍍𑌮𑌾𑌂𑌡𑌪𑍁𑌰𑌾𑌣𑍇 𑌪𑍍𑌰𑌹𑍍𑌲𑌾𑌦𑍋𑌕𑍍𑌤𑌂 𑌶𑍍𑌰𑍀 𑌨𑍃𑌸𑌿𑌂𑌹 𑌕𑌵𑌚𑌮𑍍 ।