𑌮𑍂𑌕 𑌪𑌂𑌚 𑌶𑌤𑌿 1 – 𑌆𑌰𑍍𑌯 𑌶𑌤𑌕𑌮𑍍

This Bhakti Granth document is presented in Grantha script, with the original script marks preserved.

𑌕𑌾𑌰𑌣𑌪𑌰𑌚𑌿𑌦𑍍𑌰𑍂𑌪𑌾 𑌕𑌾𑌂𑌚𑍀𑌪𑍁𑌰𑌸𑍀𑌮𑍍𑌨𑌿 𑌕𑌾𑌮𑌪𑍀𑌠𑌗𑌤𑌾 ।
𑌕𑌾𑌚𑌨 𑌵𑌿𑌹𑌰𑌤𑌿 𑌕𑌰𑍁𑌣𑌾 𑌕𑌾𑌶𑍍𑌮𑍀𑌰𑌸𑍍𑌤𑌬𑌕𑌕𑍋𑌮𑌲𑌾𑌂𑌗𑌲𑌤𑌾 ॥1॥

𑌕𑌂𑌚𑌨 𑌕𑌾𑌂𑌚𑍀𑌨𑌿𑌲𑌯𑌂 𑌕𑌰𑌧𑍃𑌤𑌕𑍋𑌦𑌂𑌡𑌬𑌾𑌣𑌸𑍃𑌣𑌿𑌪𑌾𑌶𑌮𑍍 ।
𑌕𑌠𑌿𑌨𑌸𑍍𑌤𑌨𑌭𑌰𑌨𑌮𑍍𑌰𑌂 𑌕𑍈𑌵𑌲𑍍𑌯𑌾𑌨𑌂𑌦𑌕𑌂𑌦𑌮𑌵𑌲𑌂𑌬𑍇 ॥2॥

𑌚𑌿𑌂𑌤𑌿𑌤𑌫𑌲𑌪𑌰𑌿𑌪𑍋𑌷𑌣𑌚𑌿𑌂𑌤𑌾𑌮𑌣𑌿𑌰𑍇𑌵 𑌕𑌾𑌂𑌚𑌿𑌨𑌿𑌲𑌯𑌾 𑌮𑍇 ।
𑌚𑌿𑌰𑌤𑌰𑌸𑍁𑌚𑌰𑌿𑌤𑌸𑍁𑌲𑌭𑌾 𑌚𑌿𑌤𑍍𑌤𑌂 𑌶𑌿𑌶𑌿𑌰𑌯𑌤𑍁 𑌚𑌿𑌤𑍍𑌸𑍁𑌖𑌾𑌧𑌾𑌰𑌾 ॥3॥

𑌕𑍁𑌟𑌿𑌲𑌕𑌚𑌂 𑌕𑌠𑌿𑌨𑌕𑍁𑌚𑌂 𑌕𑍁𑌂𑌦𑌸𑍍𑌮𑌿𑌤𑌕𑌾𑌂𑌤𑌿 𑌕𑍁𑌂𑌕𑍁𑌮𑌚𑍍𑌛𑌾𑌯𑌮𑍍 ।
𑌕𑍁𑌰𑍁𑌤𑍇 𑌵𑌿𑌹𑍃𑌤𑌿𑌂 𑌕𑌾𑌂𑌚𑍍𑌯𑌾𑌂 𑌕𑍁𑌲𑌪𑌰𑍍𑌵𑌤𑌸𑌾𑌰𑍍𑌵𑌭𑍌𑌮𑌸𑌰𑍍𑌵𑌸𑍍𑌵𑌮𑍍 ॥4॥

𑌪𑌂𑌚𑌶𑌰𑌶𑌾𑌸𑍍𑌤𑍍𑌰𑌬𑍋𑌧𑌨𑌪𑌰𑌮𑌾𑌚𑌾𑌰𑍍𑌯𑍇𑌣 𑌦𑍃𑌷𑍍𑌟𑌿𑌪𑌾𑌤𑍇𑌨 ।
𑌕𑌾𑌂𑌚𑍀𑌸𑍀𑌮𑍍𑌨𑌿 𑌕𑍁𑌮𑌾𑌰𑍀 𑌕𑌾𑌚𑌨 𑌮𑍋𑌹𑌯𑌤𑌿 𑌕𑌾𑌮𑌜𑍇𑌤𑌾𑌰𑌮𑍍 ॥5॥

𑌪𑌰𑌯𑌾 𑌕𑌾𑌂𑌚𑍀𑌪𑍁𑌰𑌯𑌾 𑌪𑌰𑍍𑌵𑌤𑌪𑌰𑍍𑌯𑌾𑌯𑌪𑍀𑌨𑌕𑍁𑌚𑌭𑌰𑌯𑌾 ।
𑌪𑌰𑌤𑌂𑌤𑍍𑌰𑌾 𑌵𑌯𑌮𑌨𑌯𑌾 𑌪𑌂𑌕𑌜𑌸𑌬𑍍𑌰𑌹𑍍𑌮𑌚𑌾𑌰𑌿𑌲𑍋𑌚𑌨𑌯𑌾 ॥6॥

𑌐𑌶𑍍𑌵𑌰𑍍𑌯𑌮𑌿𑌂𑌦𑍁𑌮𑍌𑌲𑍇𑌰𑍈𑌕𑌤𑍍𑌮𑍍𑌯𑌪𑍍𑌰𑌕𑍃𑌤𑌿 𑌕𑌾𑌂𑌚𑌿𑌮𑌧𑍍𑌯𑌗𑌤𑌮𑍍 ।
𑌐𑌂𑌦𑌵𑌕𑌿𑌶𑍋𑌰𑌶𑍇𑌖𑌰𑌮𑍈𑌦𑌂𑌪𑌰𑍍𑌯𑌂 𑌚𑌕𑌾𑌸𑍍𑌤𑌿 𑌨𑌿𑌗𑌮𑌾𑌨𑌾𑌮𑍍 ॥𑍭॥

𑌶𑍍𑌰𑌿𑌤𑌕𑌂𑌪𑌸𑍀𑌮𑌾𑌨𑌂 𑌶𑌿𑌥𑌿𑌲𑌿𑌤𑌪𑌰𑌮𑌶𑌿𑌵𑌧𑍈𑌰𑍍𑌯𑌮𑌹𑌿𑌮𑌾𑌨𑌮𑍍 ।
𑌕𑌲𑌯𑍇 𑌪𑌟𑌲𑌿𑌮𑌾𑌨𑌂 𑌕𑌂𑌚𑌨 𑌕𑌂𑌚𑍁𑌕𑌿𑌤𑌭𑍁𑌵𑌨𑌭𑍂𑌮𑌾𑌨𑌮𑍍 ॥𑍮॥

𑌆𑌦𑍃𑌤𑌕𑌾𑌂𑌚𑍀𑌨𑌿𑌲𑌯𑌮𑌾𑌦𑍍𑌯𑌾𑌮𑌾𑌰𑍂𑌢𑌯𑍌𑌵𑌨𑌾𑌟𑍋𑌪𑌾𑌮𑍍 ।
𑌆𑌗𑌮𑌵𑌤𑌂𑌸𑌕𑌲𑌿𑌕𑌾𑌮𑌾𑌨𑌂𑌦𑌾𑌦𑍍𑌵𑍈𑌤𑌕𑌂𑌦𑌲𑍀𑌂 𑌵𑌂𑌦𑍇 ॥𑍯॥

𑌤𑍁𑌂𑌗𑌾𑌭𑌿𑌰𑌾𑌮𑌕𑍁𑌚𑌭𑌰𑌶𑍃𑌂𑌗𑌾𑌰𑌿𑌤𑌮𑌾𑌶𑍍𑌰𑌯𑌾𑌮𑌿 𑌕𑌾𑌂𑌚𑌿𑌗𑌤𑌮𑍍 ।
𑌗𑌂𑌗𑌾𑌧𑌰𑌪𑌰𑌤𑌂𑌤𑍍𑌰𑌂 𑌶𑍃𑌂𑌗𑌾𑌰𑌾𑌦𑍍𑌵𑍈𑌤𑌤𑌂𑌤𑍍𑌰𑌸𑌿𑌦𑍍𑌧𑌾𑌂𑌤𑌮𑍍 ॥10॥

𑌕𑌾𑌂𑌚𑍀𑌰𑌤𑍍𑌨𑌵𑌿𑌭𑍂𑌷𑌾𑌂 𑌕𑌾𑌮𑌪𑌿 𑌕𑌂𑌦𑌰𑍍𑌪𑌸𑍂𑌤𑌿𑌕𑌾𑌪𑌾𑌂𑌗𑍀𑌮𑍍 ।
𑌪𑌰𑌮𑌾𑌂 𑌕𑌲𑌾𑌮𑍁𑌪𑌾𑌸𑍇 𑌪𑌰𑌶𑌿𑌵𑌵𑌾𑌮𑌾𑌂𑌕𑌪𑍀𑌠𑌿𑌕𑌾𑌸𑍀𑌨𑌾𑌮𑍍 ॥11॥

𑌕𑌂𑌪𑌾𑌤𑍀𑌚𑌰𑌾𑌣𑌾𑌂 𑌕𑌰𑍁𑌣𑌾𑌕𑍋𑌰𑌕𑌿𑌤𑌦𑍃𑌷𑍍𑌟𑌿𑌪𑌾𑌤𑌾𑌨𑌾𑌮𑍍 ।
𑌕𑍇𑌲𑍀𑌵𑌨𑌂 𑌮𑌨𑍋 𑌮𑍇 𑌕𑍇𑌷𑌾𑌂𑌚𑌿𑌦𑍍𑌭𑌵𑌤𑍁 𑌚𑌿𑌦𑍍𑌵𑌿𑌲𑌾𑌸𑌾𑌨𑌾𑌮𑍍 ॥12॥

𑌆𑌮𑍍𑌰𑌤𑌰𑍁𑌮𑍂𑌲𑌵𑌸𑌤𑍇𑌰𑌾𑌦𑌿𑌮𑌪𑍁𑌰𑍁𑌷𑌸𑍍𑌯 𑌨𑌯𑌨𑌪𑍀𑌯𑍂𑌷𑌮𑍍 ।
𑌆𑌰𑌬𑍍𑌧𑌯𑍌𑌵𑌨𑍋𑌤𑍍𑌸𑌵𑌮𑌾𑌮𑍍𑌨𑌾𑌯𑌰𑌹𑌸𑍍𑌯𑌮𑌂𑌤𑌰𑌵𑌲𑌂𑌬𑍇 ॥13॥

𑌅𑌧𑌿𑌕𑌾𑌂𑌚𑌿 𑌪𑌰𑌮𑌯𑍋𑌗𑌿𑌭𑌿𑌰𑌾𑌦𑌿𑌮𑌪𑌰𑌪𑍀𑌠𑌸𑍀𑌮𑍍𑌨𑌿 𑌦𑍃𑌶𑍍𑌯𑍇𑌨 ।
𑌅𑌨𑍁𑌬𑌦𑍍𑌧𑌂 𑌮𑌮 𑌮𑌾𑌨𑌸𑌮𑌰𑍁𑌣𑌿𑌮𑌸𑌰𑍍𑌵𑌸𑍍𑌵𑌸𑌂𑌪𑍍𑌰𑌦𑌾𑌯𑍇𑌨 ॥14॥

𑌅𑌂𑌕𑌿𑌤𑌶𑌂𑌕𑌰𑌦𑍇𑌹𑌾𑌮𑌂𑌕𑍁𑌰𑌿𑌤𑍋𑌰𑍋𑌜𑌕𑌂𑌕𑌣𑌾𑌶𑍍𑌲𑍇𑌷𑍈𑌃 ।
𑌅𑌧𑌿𑌕𑌾𑌂𑌚𑌿 𑌨𑌿𑌤𑍍𑌯𑌤𑌰𑍁𑌣𑍀𑌮𑌦𑍍𑌰𑌾𑌕𑍍𑌷𑌂 𑌕𑌾𑌂𑌚𑌿𑌦𑌦𑍍𑌭𑍁𑌤𑌾𑌂 𑌬𑌾𑌲𑌾𑌮𑍍 ॥15॥

𑌮𑌧𑍁𑌰𑌧𑌨𑍁𑌷𑌾 𑌮𑌹𑍀𑌧𑌰𑌜𑌨𑍁𑌷𑌾 𑌨𑌂𑌦𑌾𑌮𑌿 𑌸𑍁𑌰𑌭𑌿𑌬𑌾𑌣𑌜𑍁𑌷𑌾 ।
𑌚𑌿𑌦𑍍𑌵𑌪𑍁𑌷𑌾 𑌕𑌾𑌂𑌚𑌿𑌪𑍁𑌰𑍇 𑌕𑍇𑌲𑌿𑌜𑍁𑌷𑌾 𑌬𑌂𑌧𑍁𑌜𑍀𑌵𑌕𑌾𑌂𑌤𑌿𑌮𑍁𑌷𑌾 ॥16॥

𑌮𑌧𑍁𑌰𑌸𑍍𑌮𑌿𑌤𑍇𑌨 𑌰𑌮𑌤𑍇 𑌮𑌾𑌂𑌸𑌲𑌕𑍁𑌚𑌭𑌾𑌰𑌮𑌂𑌦𑌗𑌮𑌨𑍇𑌨 ।
𑌮𑌧𑍍𑌯𑍇𑌕𑌾𑌂𑌚𑌿 𑌮𑌨𑍋 𑌮𑍇 𑌮𑌨𑌸𑌿𑌜𑌸𑌾𑌮𑍍𑌰𑌾𑌜𑍍𑌯𑌗𑌰𑍍𑌵𑌬𑍀𑌜𑍇𑌨 ॥1𑍭॥

𑌧𑌰𑌣𑌿𑌮𑌯𑍀𑌂 𑌤𑌰𑌣𑌿𑌮𑌯𑍀𑌂 𑌪𑌵𑌨𑌮𑌯𑍀𑌂 𑌗𑌗𑌨𑌦𑌹𑌨𑌹𑍋𑌤𑍃𑌮𑌯𑍀𑌮𑍍 ।
𑌅𑌂𑌬𑍁𑌮𑌯𑍀𑌮𑌿𑌂𑌦𑍁𑌮𑌯𑍀𑌮𑌂𑌬𑌾𑌮𑌨𑍁𑌕𑌂𑌪𑌮𑌾𑌦𑌿𑌮𑌾𑌮𑍀𑌕𑍍𑌷𑍇 ॥1𑍮॥

𑌲𑍀𑌨𑌸𑍍𑌥𑌿𑌤𑌿 𑌮𑍁𑌨𑌿𑌹𑍃𑌦𑌯𑍇 𑌧𑍍𑌯𑌾𑌨𑌸𑍍𑌤𑌿𑌮𑌿𑌤𑌂 𑌤𑌪𑌸𑍍𑌯𑌦𑍁𑌪𑌕𑌂𑌪𑌮𑍍 ।
𑌪𑍀𑌨𑌸𑍍𑌤𑌨𑌭𑌰𑌮𑍀𑌡𑍇 𑌮𑍀𑌨𑌧𑍍𑌵𑌜𑌤𑌂𑌤𑍍𑌰𑌪𑌰𑌮𑌤𑌾𑌤𑍍𑌪𑌰𑍍𑌯𑌮𑍍 ॥1𑍯॥

𑌶𑍍𑌵𑍇𑌤𑌾 𑌮𑌂𑌥𑌰𑌹𑌸𑌿𑌤𑍇 𑌶𑌾𑌤𑌾 𑌮𑌧𑍍𑌯𑍇 𑌚 𑌵𑌾𑌡𑍍𑌭𑌨𑍋𑌽𑌤𑍀𑌤𑌾 ।
𑌶𑍀𑌤𑌾 𑌲𑍋𑌚𑌨𑌪𑌾𑌤𑍇 𑌸𑍍𑌫𑍀𑌤𑌾 𑌕𑍁𑌚𑌸𑍀𑌮𑍍𑌨𑌿 𑌶𑌾𑌶𑍍𑌵𑌤𑍀 𑌮𑌾𑌤𑌾 ॥20॥

𑌪𑍁𑌰𑌤𑌃 𑌕𑌦𑌾 𑌨 𑌕𑌰𑌵𑍈 𑌪𑍁𑌰𑌵𑍈𑌰𑌿𑌵𑌿𑌮𑌰𑍍𑌦𑌪𑍁𑌲𑌕𑌿𑌤𑌾𑌂𑌗𑌲𑌤𑌾𑌮𑍍 ।
𑌪𑍁𑌨𑌤𑍀𑌂 𑌕𑌾𑌂𑌚𑍀𑌦𑍇𑌶𑌂 𑌪𑍁𑌷𑍍𑌪𑌾𑌯𑍁𑌧𑌵𑍀𑌰𑍍𑌯𑌸𑌰𑌸𑌪𑌰𑌿𑌪𑌾𑌟𑍀𑌮𑍍 ॥21॥

𑌪𑍁𑌣𑍍𑌯𑌾 𑌕𑌾𑌽𑌪𑌿 𑌪𑍁𑌰𑌂𑌧𑍍𑌰𑍀 𑌪𑍁𑌂𑌖𑌿𑌤𑌕𑌂𑌦𑌰𑍍𑌪𑌸𑌂𑌪𑌦𑌾 𑌵𑌪𑍁𑌷𑌾 ।
𑌪𑍁𑌲𑌿𑌨𑌚𑌰𑍀 𑌕𑌂𑌪𑌾𑌯𑌾𑌃 𑌪𑍁𑌰𑌮𑌥𑌨𑌂 𑌪𑍁𑌲𑌕𑌨𑌿𑌚𑍁𑌲𑌿𑌤𑌂 𑌕𑍁𑌰𑍁𑌤𑍇 ॥22॥

𑌤𑌨𑌿𑌮𑌾𑌦𑍍𑌵𑍈𑌤𑌵𑌲𑌗𑍍𑌨𑌂 𑌤𑌰𑍁𑌣𑌾𑌰𑍁𑌣𑌸𑌂𑌪𑍍𑌰𑌦𑌾𑌯𑌤𑌨𑍁𑌲𑍇𑌖𑌮𑍍 ।
𑌤𑌟𑌸𑍀𑌮𑌨𑌿 𑌕𑌂𑌪𑌾𑌯𑌾𑌸𑍍𑌤𑌰𑍁𑌣𑌿𑌮𑌸𑌰𑍍𑌵𑌸𑍍𑌵𑌮𑌾𑌦𑍍𑌯𑌮𑌦𑍍𑌰𑌾𑌕𑍍𑌷𑌮𑍍 ॥23॥

𑌪𑍌𑌷𑍍𑌟𑌿𑌕𑌕𑌰𑍍𑌮𑌵𑌿𑌪𑌾𑌕𑌂 𑌪𑍌𑌷𑍍𑌪𑌶𑌰𑌂 𑌸𑌵𑌿𑌧𑌸𑍀𑌮𑍍𑌨𑌿 𑌕𑌂𑌪𑌾𑌯𑌾𑌃 ।
𑌅𑌦𑍍𑌰𑌾𑌕𑍍𑌷𑌮𑌾𑌤𑍍𑌤𑌯𑍌𑌵𑌨𑌮𑌭𑍍𑌯𑍁𑌦𑌯𑌂 𑌕𑌂𑌚𑌿𑌦𑌰𑍍𑌧𑌶𑌶𑌿𑌮𑍌𑌲𑍈𑌃 ॥24॥

𑌸𑌂𑌶𑍍𑌰𑌿𑌤𑌕𑌾𑌂𑌚𑍀𑌦𑍇𑌶𑍇 𑌸𑌰𑌸𑌿𑌜𑌦𑍌𑌰𑍍𑌭𑌾𑌗𑍍𑌯𑌜𑌾𑌗𑍍𑌰𑌦𑍁𑌤𑍍𑌤𑌂𑌸𑍇 ।
𑌸𑌂𑌵𑌿𑌨𑍍𑌮𑌯𑍇 𑌵𑌿𑌲𑍀𑌯𑍇 𑌸𑌾𑌰𑌸𑍍𑌵𑌤𑌪𑍁𑌰𑍁𑌷𑌕𑌾𑌰𑌸𑌾𑌮𑍍𑌰𑌾𑌜𑍍𑌯𑍇 ॥25॥

𑌮𑍋𑌦𑌿𑌤𑌮𑌧𑍁𑌕𑌰𑌵𑌿𑌶𑌿𑌖𑌂 𑌸𑍍𑌵𑌾𑌦𑌿𑌮𑌸𑌮𑍁𑌦𑌾𑌯𑌸𑌾𑌰𑌕𑍋𑌦𑌂𑌡𑌮𑍍 ।
𑌆𑌦𑍃𑌤𑌕𑌾𑌂𑌚𑍀𑌖𑍇𑌲𑌨𑌮𑌾𑌦𑌿𑌮𑌮𑌾𑌰𑍁𑌣𑍍𑌯𑌭𑍇𑌦𑌮𑌾𑌕𑌲𑌯𑍇 ॥26॥

𑌉𑌰𑌰𑍀𑌕𑍃𑌤𑌕𑌾𑌂𑌚𑌿𑌪𑍁𑌰𑍀𑌮𑍁𑌪𑌨𑌿𑌷𑌦𑌰𑌵𑌿𑌂𑌦𑌕𑍁𑌹𑌰𑌮𑌧𑍁𑌧𑌾𑌰𑌾𑌮𑍍 ।
𑌉𑌨𑍍𑌨𑌮𑍍𑌰𑌸𑍍𑌤𑌨𑌕𑌲𑌶𑍀𑌮𑍁𑌤𑍍𑌸𑌵𑌲𑌹𑌰𑍀𑌮𑍁𑌪𑌾𑌸𑍍𑌮𑌹𑍇 𑌶𑌂𑌭𑍋𑌃 ॥2𑍭॥

𑌏𑌣𑌶𑌿𑌶𑍁𑌦𑍀𑌰𑍍𑌘𑌲𑍋𑌚𑌨𑌮𑍇𑌨𑌃𑌪𑌰𑌿𑌪𑌂𑌥𑌿 𑌸𑌂𑌤𑌤𑌂 𑌭𑌜𑌤𑌾𑌮𑍍 ।
𑌏𑌕𑌾𑌮𑍍𑌰𑌨𑌾𑌥𑌜𑍀𑌵𑌿𑌤𑌮𑍇𑌵𑌂𑌪𑌦𑌦𑍂𑌰𑌮𑍇𑌕𑌮𑌵𑌲𑌂𑌬𑍇 ॥2𑍮॥

𑌸𑍍𑌮𑌯𑌮𑌾𑌨𑌮𑍁𑌖𑌂 𑌕𑌾𑌂𑌚𑍀𑌭𑌯𑌮𑌾𑌨𑌂 𑌕𑌮𑌪𑌿 𑌦𑍇𑌵𑌤𑌾𑌭𑍇𑌦𑌮𑍍 ।
𑌦𑌯𑌮𑌾𑌨𑌂 𑌵𑍀𑌕𑍍𑌷𑍍𑌯 𑌮𑍁𑌹𑍁𑌰𑍍𑌵𑌯𑌮𑌾𑌨𑌂𑌦𑌾𑌮𑍃𑌤𑌾𑌂𑌬𑍁𑌧𑍌 𑌮𑌗𑍍𑌨𑌾𑌃 ॥2𑍯॥

𑌕𑍁𑌤𑍁𑌕𑌜𑍁𑌷𑌿 𑌕𑌾𑌂𑌚𑌿𑌦𑍇𑌶𑍇 𑌕𑍁𑌮𑍁𑌦𑌤𑌪𑍋𑌰𑌾𑌶𑌿𑌪𑌾𑌕𑌶𑍇𑌖𑌰𑌿𑌤𑍇 ।
𑌕𑍁𑌰𑍁𑌤𑍇 𑌮𑌨𑍋𑌵𑌿𑌹𑌾𑌰𑌂 𑌕𑍁𑌲𑌗𑌿𑌰𑌿𑌪𑌰𑌿𑌬𑍃𑌢𑌕𑍁𑌲𑍈𑌕𑌮𑌣𑌿𑌦𑍀𑌪𑍇 ॥30॥

𑌵𑍀𑌕𑍍𑌷𑍇𑌮𑌹𑌿 𑌕𑌾𑌂𑌚𑌿𑌪𑍁𑌰𑍇 𑌵𑌿𑌪𑍁𑌲𑌸𑍍𑌤𑌨𑌕𑌲𑌶𑌗𑌰𑌿𑌮𑌪𑌰𑌵𑌶𑌿𑌤𑌮𑍍 ।
𑌵𑌿𑌦𑍍𑌰𑍁𑌮𑌸𑌹𑌚𑌰𑌦𑍇𑌹𑌂 𑌵𑌿𑌭𑍍𑌰𑌮𑌸𑌮𑌵𑌾𑌯𑌸𑌾𑌰𑌸𑌨𑍍𑌨𑌾𑌹𑌮𑍍 ॥31॥

𑌕𑍁𑌰𑍁𑌵𑌿𑌂𑌦𑌗𑍋𑌤𑍍𑌰𑌗𑌾𑌤𑍍𑌰𑌂 𑌕𑍂𑌲𑌚𑌰𑌂 𑌕𑌮𑌪𑌿 𑌨𑍌𑌮𑌿 𑌕𑌂𑌪𑌾𑌯𑌾𑌃 ।
𑌕𑍂𑌲𑌂𑌕𑌷𑌕𑍁𑌚𑌕𑍁𑌂𑌭𑌂 𑌕𑍁𑌸𑍁𑌮𑌾𑌯𑍁𑌧𑌵𑍀𑌰𑍍𑌯𑌸𑌾𑌰𑌸𑌂𑌰𑌂𑌭𑌮𑍍 ॥32॥

𑌕𑍁𑌡𑍂𑌮𑌲𑌿𑌤𑌕𑍁𑌚𑌕𑌿𑌶𑍋𑌰𑍈𑌃 𑌕𑍁𑌰𑍍𑌵𑌾𑌣𑍈𑌃 𑌕𑌾𑌂𑌚𑌿𑌦𑍇𑌶𑌸𑍌𑌹𑌾𑌰𑍍𑌦𑌮𑍍 ।
𑌕𑍁𑌂𑌕𑍁𑌮𑌶𑍋𑌣𑍈𑌰𑍍𑌨𑌿𑌚𑌿𑌤𑌂 𑌕𑍁𑌶𑌲𑌪𑌥𑌂 𑌶𑌂𑌭𑍁𑌸𑍁𑌕𑍃𑌤𑌸𑌂𑌭𑌾𑌰𑍈𑌃 ॥33॥

𑌅𑌂𑌕𑌿𑌤𑌕𑌚𑍇𑌨 𑌕𑍇𑌨𑌚𑌿𑌦𑌂𑌧𑌂𑌕𑌰𑌣𑍌𑌷𑌧𑍇𑌨 𑌕𑌮𑌲𑌾𑌨𑌾𑌮𑍍 ।
𑌅𑌂𑌤𑌃𑌪𑍁𑌰𑍇𑌣 𑌶𑌂𑌭𑍋𑌰𑌲𑌂𑌕𑍍𑌰𑌿𑌯𑌾 𑌕𑌾𑌽𑌪𑌿 𑌕𑌲𑍍𑌪𑍍𑌯𑌤𑍇 𑌕𑌾𑌂𑌚𑍍𑌯𑌾𑌮𑍍 ॥34॥

𑌊𑌰𑍀𑌕𑌰𑍋𑌮𑌿 𑌸𑌂𑌤𑌤𑌮𑍂𑌷𑍍𑌮𑌲𑌫𑌾𑌲𑍇𑌨 𑌲𑌲𑌿𑌤𑌂 𑌪𑍁𑌂𑌸𑌾 ।
𑌉𑌪𑌕𑌂𑌪𑌮𑍁𑌚𑌿𑌤𑌖𑍇𑌲𑌨𑌮𑍁𑌰𑍍𑌵𑍀𑌧𑌰𑌵𑌂𑌶𑌸𑌂𑌪𑌦𑍁𑌨𑍍𑌮𑍇𑌷𑌮𑍍 ॥35॥

𑌅𑌂𑌕𑍁𑌰𑌿𑌤𑌸𑍍𑌤𑌨𑌕𑍋𑌰𑌕𑌮𑌂𑌕𑌾𑌲𑌂𑌕𑌾𑌰𑌮𑍇𑌕𑌚𑍂𑌤𑌪𑌤𑍇𑌃 ।
𑌆𑌲𑍋𑌕𑍇𑌮𑌹𑌿 𑌕𑍋𑌮𑌲𑌮𑌾𑌗𑌮𑌸𑌂𑌲𑌾𑌪𑌸𑌾𑌰𑌯𑌾𑌥𑌾𑌰𑍍𑌥𑍍𑌯𑌮𑍍 ॥36॥

𑌪𑍁𑌂𑌜𑌿𑌤𑌕𑌰𑍁𑌣𑌮𑍁𑌦𑌂𑌚𑌿𑌤𑌶𑌿𑌂𑌜𑌿𑌤𑌮𑌣𑌿𑌕𑌾𑌂𑌚𑌿 𑌕𑌿𑌮𑌪𑌿 𑌕𑌾𑌂𑌚𑌿𑌪𑍁𑌰𑍇 ।
𑌮𑌂𑌜𑌰𑌿𑌤𑌮𑍃𑌦𑍁𑌲𑌹𑌾𑌸𑌂 𑌪𑌿𑌂𑌜𑌰𑌤𑌨𑍁𑌰𑍁𑌚𑌿 𑌪𑌿𑌨𑌾𑌕𑌿𑌮𑍂𑌲𑌧𑌨𑌮𑍍 ॥3𑍭॥

𑌲𑍋𑌲𑌹𑍃𑌦𑌯𑍋𑌽𑌸𑍍𑌤𑌿 𑌶𑌂𑌭𑍋𑌰𑍍𑌲𑍋𑌚𑌨𑌯𑍁𑌗𑌲𑍇𑌨 𑌲𑍇𑌹𑍍𑌯𑌮𑌾𑌨𑌾𑌯𑌾𑌮𑍍 ।
𑌲𑌲𑌿𑌤𑌪𑌰𑌮𑌶𑌿𑌵𑌾𑌯𑌾𑌂 𑌲𑌾𑌵𑌣𑍍𑌯𑌾𑌮𑍃𑌤𑌤𑌰𑌂𑌗𑌮𑌾𑌲𑌾𑌯𑌾𑌮𑍍 ॥3𑍮॥

𑌮𑌧𑍁𑌕𑌰𑌸𑌹𑌚𑌰𑌚𑌿𑌕𑍁𑌰𑍈𑌰𑍍𑌮𑌦𑌨𑌾𑌗𑌮𑌸𑌮𑌯𑌦𑍀𑌕𑍍𑌷𑌿𑌤𑌕𑌟𑌾𑌕𑍍𑌷𑍈𑌃 ।
𑌮𑌂𑌡𑌿𑌤𑌕𑌂𑌪𑌾𑌤𑍀𑌰𑍈𑌰𑍍𑌮𑌂𑌗𑌲𑌕𑌂𑌦𑍈𑌰𑍍𑌮𑌮𑌾𑌸𑍍𑌤𑍁 𑌸𑌾𑌰𑍂𑌪𑍍𑌯𑌮𑍍 ॥3𑍯॥

𑌵𑌦𑌨𑌾𑌰𑌵𑌿𑌂𑌦𑌵𑌕𑍍𑌷𑍋𑌵𑌾𑌮𑌾𑌂𑌕𑌤𑌟𑍀𑌵𑌶𑌂𑌵𑌦𑍀𑌭𑍂𑌤𑌾 ।
𑌪𑍂𑌰𑍁𑌷𑌤𑍍𑌰𑌿𑌤𑌯𑍇 𑌤𑍍𑌰𑍇𑌧𑌾 𑌪𑍁𑌰𑌂𑌧𑍍𑌰𑌿𑌰𑍂𑌪𑌾 𑌤𑍍𑌵𑌮𑍇𑌵 𑌕𑌾𑌮𑌾𑌕𑍍𑌷𑌿 ॥40॥

𑌬𑌾𑌧𑌾𑌕𑌰𑍀𑌂 𑌭𑌵𑌾𑌬𑍍𑌧𑍇𑌰𑌾𑌧𑌾𑌰𑌾𑌦𑍍𑌯𑌂𑌬𑍁𑌜𑍇𑌷𑍁 𑌵𑌿𑌚𑌰𑌂𑌤𑍀𑌮𑍍 ।
𑌆𑌧𑌾𑌰𑍀𑌕𑍃𑌤𑌕𑌾𑌂𑌚𑍀 𑌬𑍋𑌧𑌾𑌮𑍃𑌤𑌵𑍀𑌚𑌿𑌮𑍇𑌵 𑌵𑌿𑌮𑍃𑌶𑌾𑌮𑌃 ॥41॥

𑌕𑌲𑌯𑌾𑌮𑍍𑌯𑌂𑌤𑌃 𑌶𑌶𑌧𑌰𑌕𑌲𑌯𑌾𑌽𑌂𑌕𑌿𑌤𑌮𑍌𑌲𑌿𑌮𑌮𑌲𑌚𑌿𑌦𑍍𑌵𑌲𑌯𑌾𑌮𑍍 ।
𑌅𑌲𑌯𑌾𑌮𑌾𑌗𑌮𑌪𑍀𑌠𑍀𑌨𑌿𑌲𑌯𑌾𑌂 𑌵𑌲𑌯𑌾𑌂𑌕𑌸𑍁𑌂𑌦𑌰𑍀𑌮𑌂𑌬𑌾𑌮𑍍 ॥42॥

𑌶𑌰𑍍𑌵𑌾𑌦𑌿𑌪𑌰𑌮𑌸𑌾𑌧𑌕𑌗𑍁𑌰𑍍𑌵𑌾𑌨𑍀𑌤𑌾𑌯 𑌕𑌾𑌮𑌪𑍀𑌠𑌜𑍁𑌷𑍇 ।
𑌸𑌰𑍍𑌵𑌾𑌕𑍃𑌤𑌯𑍇 𑌶𑍋𑌣𑌿𑌮𑌗𑌰𑍍𑌵𑌾𑌯𑌾𑌸𑍍𑌮𑍈 𑌸𑌮𑌰𑍍𑌪𑍍𑌯𑌤𑍇 𑌹𑍃𑌦𑌯𑌮𑍍 ॥43॥

𑌸𑌮𑌯𑌾 𑌸𑌾𑌂𑌧𑍍𑌯𑌮𑌯𑍂𑌖𑍈𑌃 𑌸𑌮𑌯𑌾 𑌬𑍁𑌦𑍍𑌧𑌯𑌾 𑌸𑌦𑍈𑌵 𑌶𑍀𑌲𑌿𑌤𑌯𑌾 ।
𑌉𑌮𑌯𑌾 𑌕𑌾𑌂𑌚𑍀𑌰𑌤𑌯𑌾 𑌨 𑌮𑌯𑌾 𑌲𑌭𑍍𑌯𑌤𑍇 𑌕𑌿𑌂 𑌨𑍁 𑌤𑌾𑌦𑌾𑌤𑍍𑌮𑍍𑌯𑌮𑍍 ॥44॥

𑌜𑌂𑌤𑍋𑌸𑍍𑌤𑌵 𑌪𑌦𑌪𑍂𑌜𑌨𑌸𑌂𑌤𑍋𑌷𑌤𑌰𑌂𑌗𑌿𑌤𑌸𑍍𑌯 𑌕𑌾𑌮𑌾𑌕𑍍𑌷𑌿 ।
𑌵𑌂𑌧𑍋 𑌯𑌦𑌿 𑌭𑌵𑌤𑌿 𑌪𑍁𑌨𑌃 𑌸𑌿𑌂𑌧𑍋𑌰𑌂𑌭𑌸𑍍𑌸𑍁 𑌬𑌂𑌭𑍍𑌰𑌮𑍀𑌤𑌿 𑌶𑌿𑌲𑌾 ॥45॥

𑌕𑍁𑌂𑌡𑌲𑌿 𑌕𑍁𑌮𑌾𑌰𑌿 𑌕𑍁𑌟𑌿𑌲𑍇 𑌚𑌂𑌡𑌿 𑌚𑌰𑌾𑌚𑌰𑌸𑌵𑌿𑌤𑍍𑌰𑌿 𑌚𑌾𑌮𑍁𑌂𑌡𑍇 ।
𑌗𑍁𑌣𑌿𑌨𑌿 𑌗𑍁𑌹𑌾𑌰𑌿𑌣𑌿 𑌗𑍁𑌹𑍍𑌯𑍇 𑌗𑍁𑌰𑍁𑌮𑍂𑌰𑍍𑌤𑍇 𑌤𑍍𑌵𑌾𑌂 𑌨𑌮𑌾𑌮𑌿 𑌕𑌾𑌮𑌾𑌕𑍍𑌷𑌿 ॥46॥

𑌅𑌭𑌿𑌦𑌾𑌕𑍃𑌤𑌿𑌰𑍍𑌭𑌿𑌦𑌾𑌕𑍃𑌤𑌿𑌰𑌚𑌿𑌦𑌾𑌕𑍃𑌤𑌿𑌰𑌪𑌿 𑌚𑌿𑌦𑌾𑌕𑍃𑌤𑌿𑌰𑍍𑌮𑌾𑌤𑌃 ।
𑌅𑌨𑌹𑌂𑌤𑌾 𑌤𑍍𑌵𑌮𑌹𑌂𑌤𑌾 𑌭𑍍𑌰𑌮𑌯𑌸𑌿 𑌕𑌾𑌮𑌾𑌕𑍍𑌷𑌿 𑌶𑌾𑌶𑍍𑌵𑌤𑍀 𑌵𑌿𑌶𑍍𑌵𑌮𑍍 ॥4𑍭॥

𑌶𑌿𑌵 𑌶𑌿𑌵 𑌪𑌶𑍍𑌯𑌂𑌤𑌿 𑌸𑌮𑌂 𑌶𑍍𑌰𑍀𑌕𑌾𑌮𑌾𑌕𑍍𑌷𑍀𑌕𑌟𑌾𑌕𑍍𑌷𑌿𑌤𑌾𑌃 𑌪𑍁𑌰𑍁𑌷𑌾𑌃 ।
𑌵𑌿𑌪𑌿𑌨𑌂 𑌭𑌵𑌨𑌮𑌮𑌿𑌤𑍍𑌰𑌂 𑌮𑌿𑌤𑍍𑌰𑌂 𑌲𑍋𑌷𑍍𑌟𑌂 𑌚 𑌯𑍁𑌵𑌤𑌿𑌬𑌿𑌂𑌬𑍋𑌷𑍍𑌠𑌮𑍍 ॥4𑍮॥

𑌕𑌾𑌮𑌪𑌰𑌿𑌪𑌂𑌥𑌿𑌕𑌾𑌮𑌿𑌨𑌿 𑌕𑌾𑌮𑍇𑌶𑍍𑌵𑌰𑌿 𑌕𑌾𑌮𑌪𑍀𑌠𑌮𑌧𑍍𑌯𑌗𑌤𑍇 ।
𑌕𑌾𑌮𑌦𑍁𑌘𑌾 𑌭𑌵 𑌕𑌮𑌲𑍇 𑌕𑌾𑌮𑌕𑌲𑍇 𑌕𑌾𑌮𑌕𑍋𑌟𑌿 𑌕𑌾𑌮𑌾𑌕𑍍𑌷𑌿 ॥4𑍯॥

𑌮𑌧𑍍𑌯𑍇𑌹𑍃𑌦𑌯𑌂 𑌮𑌧𑍍𑌯𑍇𑌨𑌿𑌟𑌿𑌲𑌂 𑌮𑌧𑍍𑌯𑍇𑌶𑌿𑌰𑍋𑌽𑌪𑌿 𑌵𑌾𑌸𑍍𑌤𑌵𑍍𑌯𑌾𑌮𑍍 ।
𑌚𑌂𑌡𑌕𑌰𑌶𑌕𑍍𑌰𑌕𑌾𑌰𑍍𑌮𑍁𑌕𑌚𑌂𑌦𑍍𑌰𑌸𑌮𑌾𑌭𑌾𑌂 𑌨𑌮𑌾𑌮𑌿 𑌕𑌾𑌮𑌾𑌕𑍍𑌷𑍀𑌮𑍍 ॥50॥

𑌅𑌧𑌿𑌕𑌾𑌂𑌚𑌿 𑌕𑍇𑌲𑌿𑌲𑍋𑌲𑍈𑌰𑌖𑌿𑌲𑌾𑌗𑌮𑌯𑌂𑌤𑍍𑌰𑌤𑌂𑌤𑍍𑌰𑌮𑌯𑍈𑌃 ।
𑌅𑌤𑌿𑌶𑍀𑌤𑌂 𑌮𑌮 𑌮𑌾𑌨𑌸𑌮𑌸𑌮𑌶𑌰𑌦𑍍𑌰𑍋𑌹𑌿𑌜𑍀𑌵𑌨𑍋𑌪𑌾𑌯𑍈𑌃 ॥51॥

𑌨𑌂𑌦𑌤𑌿 𑌮𑌮 𑌹𑍃𑌦𑌿 𑌕𑌾𑌚𑌨 𑌮𑌂𑌦𑌿𑌰𑌯𑌂𑌤𑍀 𑌨𑌿𑌰𑌂𑌤𑌰𑌂 𑌕𑌾𑌂𑌚𑍀𑌮𑍍 ।
𑌇𑌂𑌦𑍁𑌰𑌵𑌿𑌮𑌂𑌡𑌲𑌕𑍁𑌚𑌾 𑌬𑌿𑌂𑌦𑍁𑌵𑌿𑌯𑌨𑍍𑌨𑌾𑌦𑌪𑌰𑌿𑌣𑌤𑌾 𑌤𑌰𑍁𑌣𑍀 ॥52॥

𑌶𑌂𑌪𑌾𑌲𑌤𑌾𑌸𑌵𑌰𑍍𑌣𑌂 𑌸𑌂𑌪𑌾𑌦𑌯𑌿𑌤𑍁𑌂 𑌭𑌵𑌜𑍍𑌵𑌰𑌚𑌿𑌕𑌿𑌤𑍍𑌸𑌾𑌮𑍍 ।
𑌲𑌿𑌂𑌪𑌾𑌮𑌿 𑌮𑌨𑌸𑌿 𑌕𑌿𑌂𑌚𑌨 𑌕𑌂𑌪𑌾𑌤𑌟𑌰𑍋𑌹𑌿 𑌸𑌿𑌦𑍍𑌧𑌭𑍈𑌷𑌜𑍍𑌯𑌮𑍍 ॥53॥

𑌅𑌨𑍁𑌮𑌿𑌤𑌕𑍁𑌚𑌕𑌾𑌠𑌿𑌨𑍍𑌯𑌾𑌮𑌧𑌿𑌵𑌕𑍍𑌷𑌃𑌪𑍀𑌠𑌮𑌂𑌗𑌜𑌨𑍍𑌮𑌰𑌿𑌪𑍋𑌃 ।
𑌆𑌨𑌂𑌦𑌦𑌾𑌂 𑌭𑌜𑍇 𑌤𑌾𑌮𑌾𑌨𑌂𑌗𑌬𑍍𑌰𑌹𑍍𑌮𑌤𑌤𑍍𑌵𑌬𑍋𑌧𑌸𑌿𑌰𑌾𑌮𑍍 ॥54॥

𑌐𑌕𑍍𑌷𑌿𑌷𑌿 𑌪𑌾𑌶𑌾𑌂𑌕𑍁𑌶𑌧𑌰𑌹𑌸𑍍𑌤𑌾𑌂𑌤𑌂 𑌵𑌿𑌸𑍍𑌮𑌯𑌾𑌰𑍍𑌹𑌵𑍃𑌤𑍍𑌤𑌾𑌂𑌤𑌮𑍍 ।
𑌅𑌧𑌿𑌕𑌾𑌂𑌚𑌿 𑌨𑌿𑌗𑌮𑌵𑌾𑌚𑌾𑌂 𑌸𑌿𑌦𑍍𑌧𑌾𑌂𑌤𑌂 𑌶𑍂𑌲𑌪𑌾𑌣𑌿𑌶𑍁𑌦𑍍𑌧𑌾𑌂𑌤𑌮𑍍 ॥55॥

𑌆𑌹𑌿𑌤𑌵𑌿𑌲𑌾𑌸𑌭𑌂𑌗𑍀𑌮𑌾𑌬𑍍𑌰𑌹𑍍𑌮𑌸𑍍𑌤𑌂𑌬𑌶𑌿𑌲𑍍𑌪𑌕𑌲𑍍𑌪𑌨𑌯𑌾 ।
𑌆𑌶𑍍𑌰𑌿𑌤𑌕𑌾𑌂𑌚𑍀𑌮𑌤𑍁𑌲𑌾𑌮𑌾𑌦𑍍𑌯𑌾𑌂 𑌵𑌿𑌸𑍍𑌫𑍂𑌰𑍍𑌤𑌿𑌮𑌾𑌦𑍍𑌰𑌿𑌯𑍇 𑌵𑌿𑌦𑍍𑌯𑌾𑌮𑍍 ॥56॥

𑌮𑍂𑌕𑍋𑌽𑌪𑌿 𑌜𑌟𑌿𑌲𑌦𑍁𑌰𑍍𑌗𑌤𑌿𑌶𑍋𑌕𑍋𑌽𑌪𑌿 𑌸𑍍𑌮𑌰𑌤𑌿 𑌯𑌃 𑌕𑍍𑌷𑌣𑌂 𑌭𑌵𑌤𑍀𑌮𑍍 ।
𑌏𑌕𑍋 𑌭𑌵𑌤𑌿 𑌸 𑌜𑌂𑌤𑍁𑌰𑍍𑌲𑍋𑌕𑍋𑌤𑍍𑌤𑌰𑌕𑍀𑌰𑍍𑌤𑌿𑌰𑍇𑌵 𑌕𑌾𑌮𑌾𑌕𑍍𑌷𑌿 ॥5𑍭॥

𑌪𑌂𑌚𑌦𑌶𑌵𑌰𑍍𑌣𑌰𑍂𑌪𑌂 𑌕𑌂𑌚𑌨 𑌕𑌾𑌂𑌚𑍀𑌵𑌿𑌹𑌾𑌰𑌧𑍌𑌰𑍇𑌯𑌮𑍍 ।
𑌪𑌂𑌚𑌶𑌰𑍀𑌯𑌂 𑌶𑌂𑌭𑍋𑌰𑍍𑌵𑌂𑌚𑌨𑌵𑍈𑌦𑌗𑍍𑌧𑍍𑌯𑌮𑍂𑌲𑌮𑌵𑌲𑌂𑌬𑍇 ॥5𑍮॥

𑌪𑌰𑌿𑌣𑌤𑌿𑌮𑌤𑍀𑌂 𑌚𑌤𑍁𑌰𑍍𑌧𑌾 𑌪𑌦𑌵𑍀𑌂 𑌸𑍁𑌧𑌿𑌯𑌾𑌂 𑌸𑌮𑍇𑌤𑍍𑌯 𑌸𑍌𑌷𑍁𑌮𑍍𑌨𑍀𑌮𑍍 ।
𑌪𑌂𑌚𑌾𑌶𑌦𑌰𑍍𑌣𑌕𑌲𑍍𑌪𑌿𑌤𑌮𑌦𑌶𑌿𑌲𑍍𑌪𑌾𑌂 𑌤𑍍𑌵𑌾𑌂 𑌨𑌮𑌾𑌮𑌿 𑌕𑌾𑌮𑌾𑌕𑍍𑌷𑌿 ॥5𑍯॥

𑌆𑌦𑌿𑌕𑍍𑌷𑌨𑍍𑌮𑌮 𑌗𑍁𑌰𑍁𑌰𑌾𑌡𑌾𑌦𑌿𑌕𑍍𑌷𑌾𑌂𑌤𑌾𑌕𑍍𑌷𑌰𑌾𑌤𑍍𑌮𑌿𑌕𑌾𑌂 𑌵𑌿𑌦𑍍𑌯𑌾𑌮𑍍 ।
𑌸𑍍𑌵𑌾𑌦𑌿𑌷𑍍𑌠𑌚𑌾𑌪𑌦𑌂𑌡𑌾𑌂 𑌨𑍇𑌦𑌿𑌷𑍍𑌠𑌾𑌮𑍇𑌵 𑌕𑌾𑌮𑌪𑍀𑌠𑌗𑌤𑌾𑌮𑍍 ॥60॥

𑌤𑍁𑌷𑍍𑌯𑌾𑌮𑌿 𑌹𑌰𑍍𑌷𑌿𑌤𑌸𑍍𑌮𑌰𑌶𑌾𑌸𑌨𑌯𑌾 𑌕𑌾𑌂𑌚𑌿𑌪𑍁𑌰𑌕𑍃𑌤𑌾𑌸𑌨𑌯𑌾 ।
𑌸𑍍𑌵𑌾𑌸𑌨𑌯𑌾 𑌸𑌕𑌲𑌜𑌗𑌦𑍍𑌭𑌾𑌸𑌨𑌯𑌾 𑌕𑌲𑌿𑌤𑌶𑌂𑌬𑌰𑌾𑌸𑌨𑌯𑌾 ॥61॥

𑌪𑍍𑌰𑍇𑌮𑌵𑌤𑍀 𑌕𑌂𑌪𑌾𑌯𑌾𑌂 𑌸𑍍𑌥𑍇𑌮𑌵𑌤𑍀 𑌯𑌤𑌿𑌮𑌨𑌸𑍍𑌸𑍁 𑌭𑍂𑌮𑌵𑌤𑍀 ।
𑌸𑌾𑌮𑌵𑌤𑍀 𑌨𑌿𑌤𑍍𑌯𑌗𑌿𑌰𑌾 𑌸𑍋𑌮𑌵𑌤𑍀 𑌶𑌿𑌰𑌸𑌿 𑌭𑌾𑌤𑌿 𑌹𑍈𑌮𑌵𑌤𑍀 ॥62॥

𑌕𑍌𑌤𑍁𑌕𑌿𑌨𑌾 𑌕𑌂𑌪𑌾𑌯𑌾𑌂 𑌕𑍌𑌸𑍁𑌮𑌚𑌾𑌪𑍇𑌨 𑌕𑍀𑌲𑌿𑌤𑍇𑌨𑌾𑌂𑌤𑌃 ।
𑌕𑍁𑌲𑌦𑍈𑌵𑌤𑍇𑌨 𑌮𑌹𑌤𑌾 𑌕𑍁𑌡𑍍𑌮𑌲𑌮𑍁𑌦𑍍𑌰𑌾𑌂 𑌧𑍁𑌨𑍋𑌤𑍁 𑌨𑌃𑌪𑍍𑌰𑌤𑌿𑌭𑌾 ॥63॥

𑌯𑍂𑌨𑌾 𑌕𑍇𑌨𑌾𑌪𑌿 𑌮𑌿𑌲𑌦𑍍𑌦𑍇𑌹𑌾 𑌸𑍍𑌵𑌾𑌹𑌾𑌸𑌹𑌾𑌯𑌤𑌿𑌲𑌕𑍇𑌨 ।
𑌸𑌹𑌕𑌾𑌰𑌮𑍂𑌲𑌦𑍇𑌶𑍇 𑌸𑌂𑌵𑌿𑌦𑍍𑌰𑍂𑌪𑌾 𑌕𑍁𑌟𑍁𑌂𑌬𑌿𑌨𑍀 𑌰𑌮𑌤𑍇 ॥64॥

𑌕𑍁𑌸𑍁𑌮𑌶𑌰𑌗𑌰𑍍𑌵𑌸𑌂𑌪𑌤𑍍𑌕𑍋𑌶𑌗𑍃𑌹𑌂 𑌭𑌾𑌤𑌿 𑌕𑌾𑌂𑌚𑌿𑌦𑍇𑌶𑌗𑌤𑌮𑍍 ।
𑌸𑍍𑌥𑌾𑌪𑌿𑌤𑌮𑌸𑍍𑌮𑌿𑌨𑍍𑌕𑌥𑌮𑌪𑌿 𑌗𑍋𑌪𑌿𑌤𑌮𑌂𑌤𑌰𑍍𑌮𑌯𑌾 𑌮𑌨𑍋𑌰𑌤𑍍𑌨𑌮𑍍 ॥65॥

𑌦𑌗𑍍𑌧𑌷𑌡𑌧𑍍𑌵𑌾𑌰𑌣𑍍𑌯𑌂 𑌦𑌰𑌦𑌲𑌿𑌤𑌕𑍁𑌸𑍁𑌂𑌭𑌸𑌂𑌭𑍃𑌤𑌾𑌰𑍁𑌣𑍍𑌯𑌮𑍍 ।
𑌕𑌲𑌯𑍇 𑌨𑌵𑌤𑌾𑌰𑍁𑌣𑍍𑌯𑌂 𑌕𑌂𑌪𑌾𑌤𑌟𑌸𑍀𑌮𑍍𑌨𑌿 𑌕𑌿𑌮𑌪𑌿 𑌕𑌾𑌰𑍁𑌣𑍍𑌯𑌮𑍍 ॥66॥

𑌅𑌧𑌿𑌕𑌾𑌂𑌚𑌿 𑌵𑌰𑍍𑌧𑌮𑌾𑌨𑌾𑌮𑌤𑍁𑌲𑌾𑌂 𑌕𑌰𑌵𑌾𑌣𑌿 𑌪𑌾𑌰𑌣𑌾𑌮𑌕𑍍𑌷𑍍𑌣𑍋𑌃 ।
𑌆𑌨𑌂𑌦𑌪𑌾𑌕𑌭𑍇𑌦𑌾𑌮𑌰𑍁𑌣𑌿𑌮𑌪𑌰𑌿𑌣𑌾𑌮𑌗𑌰𑍍𑌵𑌪𑌲𑍍𑌲𑌵𑌿𑌤𑌾𑌮𑍍 ॥6𑍭॥

𑌬𑌾𑌣𑌸𑍃𑌣𑌿𑌪𑌾𑌶𑌕𑌾𑌰𑍍𑌮𑍁𑌕𑌪𑌾𑌣𑌿𑌮𑌮𑍁𑌂 𑌕𑌮𑌪𑌿 𑌕𑌾𑌮𑌪𑍀𑌠𑌗𑌤𑌮𑍍 ।
𑌏𑌣𑌧𑌰𑌕𑍋𑌣𑌚𑍂𑌡𑌂 𑌶𑍋𑌣𑌿𑌮𑌪𑌰𑌿𑌪𑌾𑌕𑌭𑍇𑌦𑌮𑌾𑌕𑌲𑌯𑍇 ॥6𑍮॥

𑌕𑌿𑌂 𑌵𑌾 𑌫𑌲𑌤𑌿 𑌮𑌮𑌾𑌨𑍍𑌯𑍌𑌰𑍍𑌬𑌿𑌂𑌬𑌾𑌧𑌰𑌚𑍁𑌂𑌬𑌿𑌮𑌂𑌦𑌹𑌾𑌸𑌮𑍁𑌖𑍀 ।
𑌸𑌂𑌬𑌾𑌧𑌕𑌰𑍀 𑌤𑌮𑌸𑌾𑌮𑌂𑌬𑌾 𑌜𑌾𑌗𑌰𑍍𑌤𑌿 𑌮𑌨𑌸𑌿 𑌕𑌾𑌮𑌾𑌕𑍍𑌷𑍀 ॥6𑍯॥

𑌮𑌂𑌚𑍇 𑌸𑌦𑌾𑌶𑌿𑌵𑌮𑌯𑍇 𑌪𑌰𑌿𑌶𑌿𑌵𑌮𑌯𑌲𑌲𑌿𑌤𑌪𑍌𑌷𑍍𑌪𑌪𑌰𑍍𑌯𑌂𑌕𑍇 ।
𑌅𑌧𑌿𑌚𑌕𑍍𑌰𑌮𑌧𑍍𑌯𑌮𑌾𑌸𑍍𑌤𑍇 𑌕𑌾𑌮𑌾𑌕𑍍𑌷𑍀 𑌨𑌾𑌮 𑌕𑌿𑌮𑌪𑌿 𑌮𑌮 𑌭𑌾𑌗𑍍𑌯𑌮𑍍 ॥𑍭0॥

𑌰𑌕𑍍𑌷𑍍𑌯𑍋𑌽𑌸𑍍𑌮𑌿 𑌕𑌾𑌮𑌪𑍀𑌠𑍀𑌲𑌾𑌸𑌿𑌕𑌯𑌾 𑌘𑌨𑌕𑍃𑌪𑌾𑌂𑌬𑍁𑌰𑌾𑌶𑌿𑌕𑌯𑌾 ।
𑌶𑍍𑌰𑍁𑌤𑌿𑌯𑍁𑌵𑌤𑌿𑌕𑍁𑌂𑌤𑌲𑍀𑌮𑌣𑌿𑌮𑌾𑌲𑌿𑌕𑌯𑌾 𑌤𑍁𑌹𑌿𑌨𑌶𑍈𑌲𑌬𑌾𑌲𑌿𑌕𑌯𑌾 ॥𑍭1॥

𑌲𑍀𑌯𑍇 𑌪𑍁𑌰𑌹𑌰𑌜𑌾𑌯𑍇 𑌮𑌾𑌯𑍇 𑌤𑌵 𑌤𑌰𑍁𑌣𑌪𑌲𑍍𑌲𑌵𑌚𑍍𑌛𑌾𑌯𑍇 ।
𑌚𑌰𑌣𑍇 𑌚𑌂𑌦𑍍𑌰𑌾𑌭𑌰𑌣𑍇 𑌕𑌾𑌂𑌚𑍀𑌶𑌰𑌣𑍇 𑌨𑌤𑌾𑌰𑍍𑌤𑌿𑌸𑌂𑌹𑌰𑌣𑍇 ॥𑍭2॥

𑌮𑍂𑌰𑍍𑌤𑌿𑌮𑌤𑌿 𑌮𑍁𑌕𑍍𑌤𑌿𑌬𑍀𑌜𑍇 𑌮𑍂𑌰𑍍𑌧𑍍𑌨𑌿 𑌸𑍍𑌤𑌬𑌕𑌿𑌤𑌚𑌕𑍋𑌰𑌸𑌾𑌮𑍍𑌰𑌾𑌜𑍍𑌯𑍇 ।
𑌮𑍋𑌦𑌿𑌤𑌕𑌂𑌪𑌾𑌕𑍂𑌲𑍇 𑌮𑍁𑌹𑍁𑌰𑍍𑌮𑍁𑌹𑍁𑌰𑍍𑌮𑌨𑌸𑌿 𑌮𑍁𑌮𑍁𑌦𑌿𑌷𑌾𑌽𑌸𑍍𑌮𑌾𑌕𑌮𑍍 ॥𑍭3॥

𑌵𑍇𑌦𑌮𑌯𑍀𑌂 𑌨𑌾𑌦𑌮𑌯𑍀𑌂 𑌬𑌿𑌂𑌦𑍁𑌮𑌯𑍀𑌂 𑌪𑌰𑌪𑌦𑍋𑌦𑍍𑌯𑌦𑌿𑌂𑌦𑍁𑌮𑌯𑍀𑌮𑍍 ।
𑌮𑌂𑌤𑍍𑌰𑌮𑌯𑍀𑌂 𑌤𑌂𑌤𑍍𑌰𑌮𑌯𑍀𑌂 𑌪𑍍𑌰𑌕𑍃𑌤𑌿𑌮𑌯𑍀𑌂 𑌨𑍌𑌮𑌿 𑌵𑌿𑌶𑍍𑌵𑌵𑌿𑌕𑍃𑌤𑌿𑌮𑌯𑍀𑌮𑍍 ॥𑍭4॥

𑌪𑍁𑌰𑌮𑌥𑌨𑌪𑍁𑌣𑍍𑌯𑌕𑍋𑌟𑍀 𑌪𑍁𑌂𑌜𑌿𑌤𑌕𑌵𑌿𑌲𑍋𑌕𑌸𑍂𑌕𑍍𑌤𑌿𑌰𑌸𑌧𑌾𑌟𑍀 ।
𑌮𑌨𑌸𑌿 𑌮𑌮 𑌕𑌾𑌮𑌕𑍋𑌟𑍀 𑌵𑌿𑌹𑌰𑌤𑍁 𑌕𑌰𑍁𑌣𑌾𑌵𑌿𑌪𑌾𑌕𑌪𑌰𑌿𑌪𑌾𑌟𑍀 ॥𑍭5॥

𑌕𑍁𑌟𑌿𑌲𑌂 𑌚𑌟𑍁𑌲𑌂 𑌪𑍃𑌥𑍁𑌲𑌂 𑌮𑍃𑌦𑍁𑌲𑌂 𑌕𑌚𑌨𑌯𑌨𑌜𑌘𑌨𑌚𑌰𑌣𑍇𑌷𑍁 ।
𑌅𑌵𑌲𑍋𑌕𑌿𑌤𑌮𑌵𑌲𑌂𑌬𑌿𑌤𑌮𑌧𑌿𑌕𑌂𑌪𑌾𑌤𑌟𑌮𑌮𑍇𑌯𑌮𑌸𑍍𑌮𑌾𑌭𑌿𑌃 ॥𑍭6॥

𑌪𑍍𑌰𑌤𑍍𑌯𑌙𑍍𑌮𑍁𑌖𑍍𑌯𑌾 𑌦𑍃𑌷𑍍𑌟𑌯𑌾 𑌪𑍍𑌰𑌸𑌾𑌦𑌦𑍀𑌪𑌾𑌂𑌕𑍁𑌰𑍇𑌣 𑌕𑌾𑌮𑌾𑌕𑍍𑌷𑍍𑌯𑌾𑌃 ।
𑌪𑌶𑍍𑌯𑌾𑌮𑌿 𑌨𑌿𑌸𑍍𑌤𑍁𑌲𑌮𑌹𑍋 𑌪𑌚𑍇𑌲𑌿𑌮𑌂 𑌕𑌮𑌪𑌿 𑌪𑌰𑌶𑌿𑌵𑍋𑌲𑍍𑌲𑌾𑌸𑌮𑍍 ॥𑍭𑍭॥

𑌵𑌿𑌦𑍍𑌯𑍇 𑌵𑌿𑌧𑌾𑌤𑍃𑌵𑌿𑌷𑌯𑍇 𑌕𑌾𑌤𑍍𑌯𑌾𑌯𑌨𑌿 𑌕𑌾𑌲𑌿 𑌕𑌾𑌮𑌕𑍋𑌟𑌿𑌕𑌲𑍇 ।
𑌭𑌾𑌰𑌤𑌿 𑌭𑍈𑌰𑌵𑌿 𑌭𑌦𑍍𑌰𑍇 𑌶𑌾𑌕𑌿𑌨𑌿 𑌶𑌾𑌂𑌭𑌵𑌿 𑌶𑌿𑌵𑍇 𑌸𑍍𑌤𑍁𑌵𑍇 𑌭𑌵𑌤𑍀𑌮𑍍 ॥𑍭𑍮॥

𑌮𑌾𑌲𑌿𑌨𑌿 𑌮𑌹𑍇𑌶𑌚𑌾𑌲𑌿𑌨𑌿 𑌕𑌾𑌂𑌚𑍀𑌖𑍇𑌲𑌿𑌨𑌿 𑌵𑌿𑌪𑌕𑍍𑌷𑌕𑌾𑌲𑌿𑌨𑌿 𑌤𑍇 ।
𑌶𑍂𑌲𑌿𑌨𑌿 𑌵𑌿𑌦𑍍𑌰𑍁𑌮𑌶𑌾𑌲𑌿𑌨𑌿 𑌸𑍁𑌰𑌜𑌨𑌪𑌾𑌲𑌿𑌨𑌿 𑌕𑌪𑌾𑌲𑌿𑌨𑌿 𑌨𑌮𑍋𑌽𑌸𑍍𑌤𑍁 ॥𑍭𑍯॥

𑌦𑍇𑌶𑌿𑌕 𑌇𑌤𑌿 𑌕𑌿𑌂 𑌶𑌂𑌕𑍇 𑌤𑌤𑍍𑌤𑌾𑌦𑍃𑌕𑍍𑌤𑌵 𑌨𑍁 𑌤𑌰𑍁𑌣𑌿𑌮𑍋𑌨𑍍𑌮𑍇𑌷𑌃 ।
𑌕𑌾𑌮𑌾𑌕𑍍𑌷𑌿 𑌶𑍂𑌲𑌪𑌾𑌣𑍇𑌃 𑌕𑌾𑌮𑌾𑌗𑌮𑌸𑌮𑌯𑌦𑍀𑌕𑍍𑌷𑌾𑌯𑌾𑌮𑍍 ॥𑍮0॥

𑌵𑍇𑌤𑌂𑌡𑌕𑍁𑌂𑌭𑌡𑌂𑌬𑌰𑌵𑍈𑌤𑌂𑌡𑌿𑌕𑌕𑍁𑌚𑌭𑌰𑌾𑌰𑍍𑌤𑌮𑌧𑍍𑌯𑌾𑌯 ।
𑌕𑍁𑌂𑌕𑍁𑌮𑌰𑍁𑌚𑍇 𑌨𑌮𑌸𑍍𑌯𑌾𑌂 𑌶𑌂𑌕𑌰𑌨𑌯𑌨𑌾𑌮𑍃𑌤𑌾𑌯 𑌰𑌚𑌯𑌾𑌮𑌃 ॥𑍮1॥

𑌅𑌧𑌿𑌕𑌾𑌂𑌚𑌿𑌤𑌮𑌣𑌿𑌕𑌾𑌂𑌚𑌨𑌕𑌾𑌂𑌚𑍀𑌮𑌧𑌿𑌕𑌾𑌂𑌚𑌿 𑌕𑌾𑌂𑌚𑌿𑌦𑌦𑍍𑌰𑌾𑌕𑍍𑌷𑌮𑍍 ।
𑌅𑌵𑌨𑌤𑌜𑌨𑌾𑌨𑍁𑌕𑌂𑌪𑌾𑌮𑌨𑍁𑌕𑌂𑌪𑌾𑌕𑍂𑌲𑌮𑌸𑍍𑌮𑌦𑌨𑍁𑌕𑍂𑌲𑌾𑌮𑍍 ॥𑍮2॥

𑌪𑌰𑌿𑌚𑌿𑌤𑌕𑌂𑌪𑌾𑌤𑍀𑌰𑌂 𑌪𑌰𑍍𑌵𑌤𑌰𑌾𑌜𑌨𑍍𑌯𑌸𑍁𑌕𑍃𑌤𑌸𑌨𑍍𑌨𑌾𑌹𑌮𑍍 ।
𑌪𑌰𑌗𑍁𑌰𑍁𑌕𑍃𑌪𑌯𑌾 𑌵𑍀𑌕𑍍𑌷𑍇 𑌪𑌰𑌮𑌶𑌿𑌵𑍋𑌤𑍍𑌸𑌂𑌗𑌮𑌂𑌗𑌲𑌾𑌭𑌰𑌣𑌮𑍍 ॥𑍮3॥

𑌦𑌗𑍍𑌧𑌮𑌦𑌨𑌸𑍍𑌯 𑌶𑌂𑌭𑍋𑌃 𑌪𑍍𑌰𑌥𑍀𑌯𑌸𑍀𑌂 𑌬𑍍𑌰𑌹𑍍𑌮𑌚𑌰𑍍𑌯𑌵𑍈𑌦𑌗𑍍𑌧𑍀𑌮𑍍 ।
𑌤𑌵 𑌦𑍇𑌵𑌿 𑌤𑌰𑍁𑌣𑌿𑌮𑌶𑍍𑌰𑍀𑌚𑌤𑍁𑌰𑌿𑌮𑌪𑌾𑌕𑍋 𑌨 𑌚𑌕𑍍𑌷𑌮𑍇 𑌮𑌾𑌤𑌃 ॥𑍮4॥

𑌮𑌦𑌜𑌲𑌤𑌮𑌾𑌲𑌪𑌤𑍍𑌰𑌾 𑌵𑌸𑌨𑌿𑌤𑌪𑌤𑍍𑌰𑌾 𑌕𑌰𑌾𑌦𑍃𑌤𑌖𑌾𑌨𑌿𑌤𑍍𑌰𑌾 ।
𑌵𑌿𑌹𑌰𑌤𑌿 𑌪𑍁𑌲𑌿𑌂𑌦𑌯𑍋𑌷𑌾 𑌗𑍁𑌂𑌜𑌾𑌭𑍂𑌷𑌾 𑌫𑌣𑍀𑌂𑌦𑍍𑌰𑌕𑍃𑌤𑌵𑍇𑌷𑌾 ॥𑍮5॥

𑌅𑌂𑌕𑍇 𑌶𑍁𑌕𑌿𑌨𑍀 𑌗𑍀𑌤𑍇 𑌕𑍌𑌤𑍁𑌕𑌿𑌨𑍀 𑌪𑌰𑌿𑌸𑌰𑍇 𑌚 𑌗𑌾𑌯𑌕𑌿𑌨𑍀 ।
𑌜𑌯𑌸𑌿 𑌸𑌵𑌿𑌧𑍇𑌽𑌂𑌬 𑌭𑍈𑌰𑌵𑌮𑌂𑌡𑌲𑌿𑌨𑍀 𑌶𑍍𑌰𑌵𑌸𑌿 𑌶𑌂𑌖𑌕𑍁𑌨𑍍𑌡𑌲𑌿𑌨𑍀 ॥𑍮6॥

𑌪𑍍𑌰𑌣𑌤𑌜𑌨𑌤𑌾𑌪𑌵𑌰𑍍𑌗𑌾 𑌕𑍃𑌤𑌬𑌹𑍁𑌸𑌰𑍍𑌗𑌾 𑌸𑌸𑌿𑌂𑌹𑌸𑌂𑌸𑌰𑍍𑌗𑌾 ।
𑌕𑌾𑌮𑌾𑌕𑍍𑌷𑌿 𑌮𑍁𑌦𑌿𑌤𑌭𑌰𑍍𑌗𑌾 𑌹𑌤𑌰𑌿𑌪𑍁𑌵𑌰𑍍𑌗𑌾 𑌤𑍍𑌵𑌮𑍇𑌵 𑌸𑌾 𑌦𑍁𑌰𑍍𑌗𑌾 ॥𑍮𑍭॥

𑌶𑍍𑌰𑌵𑌣𑌚𑌲𑌦𑍍𑌵𑍇𑌤𑌂𑌡𑌾 𑌸𑌮𑌰𑍋𑌦𑍍𑌦𑌂𑌡𑌾 𑌧𑍁𑌤𑌾𑌸𑍁𑌰𑌶𑌿𑌖𑌂𑌡𑌾 ।
𑌦𑍇𑌵𑌿 𑌕𑌲𑌿𑌤𑌾𑌂𑌤𑍍𑌰𑌷𑌂𑌡𑌾 𑌧𑍃𑌤𑌨𑌰𑌮𑍁𑌂𑌡𑌾 𑌤𑍍𑌵𑌮𑍇𑌵 𑌚𑌾𑌮𑍁𑌂𑌡𑌾 ॥𑍮𑍮॥

𑌉𑌰𑍍𑌵𑍀𑌧𑌰𑍇𑌂𑌦𑍍𑌰𑌕𑌨𑍍𑌯𑍇 𑌦𑌰𑍍𑌵𑍀𑌭𑌰𑌿𑌤𑍇𑌨 𑌭𑌕𑍍𑌤𑌪𑍂𑌰𑍇𑌣 ।
𑌗𑍁𑌰𑍍𑌵𑍀𑌮𑌕𑌿𑌂𑌚𑌨𑌾𑌰𑍍𑌤𑌿 𑌖𑌰𑍍𑌵𑍀𑌕𑍁𑌰𑍁𑌷𑍇 𑌤𑍍𑌵𑌮𑍇𑌵 𑌕𑌾𑌮𑌾𑌕𑍍𑌷𑌿 ॥𑍮𑍯॥

𑌤𑌾𑌡𑌿𑌤𑌰𑌿𑌪𑍁𑌪𑌰𑌿𑌪𑍀𑌡𑌨𑌭𑌯𑌹𑌰𑌣 𑌨𑌿𑌪𑍁𑌣𑌹𑌲𑌮𑍁𑌸𑌲𑌾 ।
𑌕𑍍𑌰𑍋𑌡𑌪𑌤𑌿𑌭𑍀𑌷𑌣𑌮𑍁𑌖𑍀 𑌕𑍍𑌰𑍀𑌡𑌸𑌿 𑌜𑌗𑌤𑌿 𑌤𑍍𑌵𑌮𑍇𑌵 𑌕𑌾𑌮𑌾𑌕𑍍𑌷𑌿 ॥𑍯0॥

𑌸𑍍𑌮𑌰𑌮𑌥𑌨𑌵𑌰𑌣𑌲𑍋𑌲𑌾 𑌮𑌨𑍍𑌮𑌥𑌹𑍇𑌲𑌾𑌵𑌿𑌲𑌾𑌸𑌮𑌣𑌿𑌶𑌾𑌲𑌾 ।
𑌕𑌨𑌕𑌰𑍁𑌚𑌿𑌚𑍌𑌰𑍍𑌯𑌶𑍀𑌲𑌾 𑌤𑍍𑌵𑌮𑌂𑌬 𑌬𑌾𑌲𑌾 𑌕𑌰𑌾𑌬𑍍𑌜𑌧𑍃𑌤𑌮𑌾𑌲𑌾 ॥𑍯1॥

𑌵𑌿𑌮𑌲𑌪𑌟𑍀 𑌕𑌮𑌲𑌕𑍁𑌟𑍀 𑌪𑍁𑌸𑍍𑌤𑌕𑌰𑍁𑌦𑍍𑌰𑌾𑌕𑍍𑌷𑌶𑌸𑍍𑌤𑌹𑌸𑍍𑌤𑌪𑍁𑌟𑍀 ।
𑌕𑌾𑌮𑌾𑌕𑍍𑌷𑌿 𑌪𑌕𑍍𑌷𑍍𑌮𑌲𑌾𑌕𑍍𑌷𑍀 𑌕𑌲𑌿𑌤𑌵𑌿𑌪𑌂𑌚𑍀 𑌵𑌿𑌭𑌾𑌸𑌿 𑌵𑍈𑌰𑌿𑌂𑌚𑍀 ॥𑍯2॥

𑌕𑍁𑌂𑌕𑍁𑌮𑌰𑍁𑌚𑌿𑌪𑌿𑌂𑌗𑌮𑌸𑍃𑌕𑍍𑌪𑌂𑌕𑌿𑌲𑌮𑍁𑌂𑌡𑌾𑌲𑌿𑌮𑌂𑌡𑌿𑌤𑌂 𑌮𑌾𑌤𑌃 ।
𑌶𑍍𑌰𑍀𑌕𑌾𑌮𑌾𑌕𑍍𑌷𑌿 𑌤𑌦𑍀𑌯𑌸𑌂𑌗𑌮𑌕𑌲𑌾𑌮𑌂𑌦𑍀𑌭𑌵𑌤𑍍𑌕𑍌𑌤𑍁𑌕𑌃
𑌜𑌯𑌤𑌿 𑌤𑌵 𑌰𑍂𑌪𑌧𑍇𑌯𑌂 𑌜𑌪𑌪𑌟𑌪𑍁𑌸𑍍𑌤𑌕𑌵𑌰𑌾𑌭𑌯𑌕𑌰𑌾𑌬𑍍𑌜𑌮𑍍 ॥𑍯3॥

𑌕𑌨𑌕𑌮𑌣𑌿𑌕𑌲𑌿𑌤𑌭𑍂𑌷𑌾𑌂 𑌕𑌾𑌲𑌾𑌯𑌸𑌕𑌲𑌹𑌶𑍀𑌲𑌕𑌾𑌂𑌤𑌿𑌕𑌲𑌾𑌮𑍍 ।
𑌕𑌾𑌮𑌾𑌕𑍍𑌷𑌿 𑌶𑍀𑌲𑌯𑍇 𑌤𑍍𑌵𑌾𑌂 𑌕𑌪𑌾𑌲𑌶𑍂𑌲𑌾𑌭𑌿𑌰𑌾𑌮𑌕𑌰𑌕𑌮𑌲𑌾𑌮𑍍 ॥𑍯4॥

𑌲𑍋𑌹𑌿𑌤𑌿𑌮𑌪𑍁𑌂𑌜𑌮𑌧𑍍𑌯𑍇 𑌮𑍋𑌹𑌿𑌤𑌭𑍁𑌵𑌨𑍇 𑌮𑍁𑌦𑌾 𑌨𑌿𑌰𑍀𑌕𑍍𑌷𑌂𑌤𑍇 ।
𑌵𑌦𑌨𑌂 𑌤𑌵 𑌕𑍁𑌵𑌯𑍁𑌗𑌲𑌂 𑌕𑌾𑌂𑌚𑍀𑌸𑍀𑌮𑌾𑌂 𑌚 𑌕𑍇𑌽𑌪𑌿 𑌕𑌾𑌮𑌾𑌕𑍍𑌷𑌿 ॥𑍯5॥

𑌜𑌲𑌧𑌿𑌦𑍍𑌵𑌿𑌗𑍁𑌣𑌿𑌤𑌹𑍁𑌤𑌬𑌹𑌦𑌿𑌶𑌾𑌦𑌿𑌨𑍇𑌶𑍍𑌵𑌰𑌕𑌲𑌾𑌶𑍍𑌵𑌿𑌨𑍇𑌯𑌦𑌲𑍈𑌃 ।
𑌨𑌲𑌿𑌨𑍈𑌰𑍍𑌮𑌹𑍇𑌶𑌿 𑌗𑌚𑍍𑌛𑌸𑌿 𑌸𑌰𑍍𑌵𑍋𑌤𑍍𑌤𑌰𑌕𑌰𑌕𑌮𑌲𑌦𑌲𑌮𑌮𑌲𑌮𑍍 ॥𑍯6॥

𑌸𑌤𑍍𑌕𑍃𑌤𑌦𑍇𑌶𑌿𑌕𑌚𑌰𑌣𑌾𑌃 𑌸𑌬𑍀𑌜𑌨𑌿𑌰𑍍𑌬𑍀𑌜𑌯𑍋𑌗𑌨𑌿𑌶𑍍𑌰𑍇𑌣𑍍𑌯𑌾 ।
𑌅𑌪𑌵𑌰𑍍𑌗𑌸𑍌𑌧𑌵𑌲𑌭𑍀𑌮𑌾𑌰𑍋𑌹𑌂𑌤𑍍𑌯𑌂𑌬 𑌕𑍇𑌽𑌪𑌿 𑌤𑌵 𑌕𑍃𑌪𑌯𑌾 ॥𑍯𑍭॥

𑌅𑌂𑌤𑌰𑌪𑌿 𑌬𑌹𑌿𑌰𑌪𑌿 𑌤𑍍𑌵𑌂 𑌜𑌂𑌤𑍁𑌤𑌤𑍇𑌰𑌂𑌤𑌕𑌾𑌂𑌤𑌕𑍃𑌦𑌹𑌂𑌤𑍇 ।
𑌚𑌿𑌂𑌤𑌿𑌤𑌸𑌂𑌤𑌾𑌨𑌵𑌤𑌾𑌂 𑌸𑌂𑌤𑌤𑌮𑌪𑌿 𑌤𑌂𑌤𑌨𑍀𑌷𑌿 𑌮𑌹𑌿𑌮𑌾𑌨𑌮𑍍 ॥𑍯𑍮॥

𑌕𑌲𑌮𑌂𑌜𑍁𑌲𑌵𑌾𑌗𑌨𑍁𑌮𑌿𑌤𑌗𑌲𑌪𑌂𑌜𑌰𑌗𑌤𑌶𑍁𑌕𑌗𑍍𑌰𑌹𑍌𑌤𑍍𑌕𑌂𑌠𑍍𑌯𑌾𑌤𑍍 ।
𑌅𑌂𑌬 𑌰𑌦𑌨𑌾𑌂𑌬𑌰𑌂 𑌤𑍇 𑌬𑌿𑌂𑌬𑌫𑌲𑌂 𑌶𑌂𑌬𑌰𑌾𑌰𑌿𑌣𑌾 𑌨𑍍𑌯𑌸𑍍𑌤𑌮𑍍 ॥𑍯𑍯॥

𑌜𑌯 𑌜𑌯 𑌜𑌗𑌦𑌂𑌬 𑌶𑌿𑌵𑍇 𑌜𑌯 𑌜𑌯 𑌕𑌾𑌮𑌾𑌕𑍍𑌷𑌿 𑌜𑌯 𑌜𑌯𑌾𑌦𑍍𑌰𑌿𑌸𑍁𑌤𑍇 ।
𑌜𑌯 𑌜𑌯 𑌮𑌹𑍇𑌶𑌦𑌯𑌿𑌤𑍇 𑌜𑌯 𑌜𑌯 𑌚𑌿𑌦𑍍𑌗𑌗𑌨𑌕𑍌𑌮𑍁𑌦𑍀𑌧𑌾𑌰𑍇 ॥100॥

𑌆𑌰𑍍𑌯𑌾𑌶𑌤𑌕𑌂 𑌭𑌕𑍍𑌤𑍍𑌯𑌾 𑌪𑌠𑌤𑌾𑌮𑌾𑌰𑍍𑌯𑌾𑌕𑌟𑌾𑌕𑍍𑌷𑍇𑌣 ।
𑌨𑌿𑌸𑍍𑌸𑌰𑌤𑌿 𑌵𑌦𑌨𑌕𑌮𑌲𑌾𑌦𑍍𑌵𑌾𑌣𑍀 𑌪𑍀𑌯𑍂𑌷𑌧𑍋𑌰𑌣𑍀 𑌦𑌿𑌵𑍍𑌯𑌾 ॥101॥

॥ 𑌇𑌤𑌿 𑌆𑌰𑍍𑌯𑌾𑌶𑌤𑌕𑌂 𑌸𑌂𑌪𑍂𑌰𑍍𑌣𑌮𑍍 ॥

प्रायः पृष्टाः प्रश्नाः

What is 𑌮𑍂𑌕 𑌪𑌂𑌚 𑌶𑌤𑌿 1 - 𑌆𑌰𑍍𑌯 𑌶𑌤𑌕𑌮𑍍?

𑌮𑍂𑌕 𑌪𑌂𑌚 𑌶𑌤𑌿 1 - 𑌆𑌰𑍍𑌯 𑌶𑌤𑌕𑌮𑍍 is a devotional text available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌮𑍂𑌕 𑌪𑌂𑌚 𑌶𑌤𑌿 1 - 𑌆𑌰𑍍𑌯 𑌶𑌤𑌕𑌮𑍍 online?

Yes. The imported text is available directly on this page for online reading and recitation.

Can I download 𑌮𑍂𑌕 𑌪𑌂𑌚 𑌶𑌤𑌿 1 - 𑌆𑌰𑍍𑌯 𑌶𑌤𑌕𑌮𑍍 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु