𑌮𑌾𑌂𑌗𑌲𑍍𑌯 𑌸𑍍𑌤𑌵𑌃

This Bhakti Granth document is presented in Grantha script, with the original script marks preserved.

𑌦𑌾𑌲𑍍𑌭𑍍𑌯𑌃
𑌕𑌾𑌰𑍍𑌯𑌾𑌰𑌂𑌭𑍇𑌷𑍁 𑌸𑌰𑍍𑌵𑍇𑌷𑍁 𑌦𑍁𑌃𑌸𑍍𑌵𑌪𑍍𑌨𑍇𑌷𑍁 𑌚 𑌸𑌤𑍍𑌤𑌮 ।
𑌅𑌮𑌾𑌂𑌗𑌲𑍍𑌯𑍇𑌷𑍁 𑌦𑍃𑌷𑍍𑌟𑍇𑌷𑍁 𑌯𑌜𑍍𑌜𑌪𑍍𑌤𑌵𑍍𑌯𑌂 𑌤𑌦𑍁𑌚𑍍𑌯𑌤𑌾𑌮𑍍 ॥ 1 ॥

𑌯𑍇𑌨𑌾𑌰𑌂𑌭𑌾𑌶𑍍𑌚 𑌸𑌿𑌦𑍍𑌧𑍍𑌯𑌂𑌤𑌿 𑌦𑍁𑌃𑌸𑍍𑌵𑌪𑍍𑌨𑌶𑍍𑌚𑍋𑌪𑌶𑌾𑌮𑍍𑌯𑌤𑌿 ।
𑌅𑌮𑌂𑌗𑌲𑌾𑌨𑌾𑌂 𑌦𑍃𑌷𑍍𑌟𑌾𑌨𑌾𑌂 𑌪𑌰𑌿𑌹𑌾𑌰𑌶𑍍𑌚 𑌜𑌾𑌯𑌤𑍇 ॥ 2 ॥

𑌶𑍍𑌰𑍀 𑌪𑍁𑌲𑌸𑍍𑌤𑍍𑌯𑌃:
𑌜𑌨𑌾𑌰𑍍𑌦𑌨𑌂 𑌭𑍂𑌤𑌪𑌤𑌿𑌂 𑌜𑌗𑌦𑍍𑌗𑍁𑌰𑍁𑌂 𑌸𑍍𑌮𑌰𑌨𑍍 𑌮𑌨𑍁𑌷𑍍𑌯𑌃 𑌸𑌤𑌤𑌂 𑌮𑌹𑌾𑌮𑍁𑌨𑍇 ।
𑌦𑍁𑌷𑍍𑌟𑌾𑌨𑍍𑌯𑌶𑍇𑌷𑌣𑍍𑌯𑌪𑌹𑌂𑌤𑌿 𑌸𑌾𑌧𑌯𑌤𑌿 𑌅𑌶𑍇𑌷𑌕𑌾𑌰𑍍𑌯𑌾𑌣𑌿 𑌚 𑌯𑌾𑌨𑍍𑌯𑌭𑍀𑌪𑍍𑌸𑌤𑌿 ॥ 3 ॥

𑌶𑍃𑌣𑍁𑌷𑍍𑌵 𑌚𑌾𑌨𑍍𑌯𑌤𑍍 𑌗𑌦𑌤𑍋 𑌮𑌮𑌾𑌖𑌿𑌲𑌂 𑌵𑌦𑌾𑌮𑌿 𑌯𑌤𑍍 𑌤𑍇 𑌦𑍍𑌵𑌿𑌜𑌵𑌰𑍍𑌯! 𑌮𑌂𑌗𑌲𑌮𑍍 ।
𑌸𑌰𑍍𑌵𑌾𑌰𑍍𑌥𑌸𑌿𑌦𑍍𑌧𑌿𑌂 𑌪𑍍𑌰𑌦𑌦𑌾𑌤𑌿 𑌯𑌤𑍍 𑌸𑌦𑌾 𑌨𑌿𑌹𑌂𑌤𑍍𑌯𑍍𑌶𑍇𑌷𑌾𑌣𑌿 𑌚 𑌪𑌾𑌤𑌕𑌾𑌨𑌿 ॥ 4 ॥

𑌪𑍍𑌰𑌤𑌿𑌷𑍍𑌟𑌿𑌤𑌂 𑌯𑌤𑍍𑌰 𑌜𑌗𑌚𑍍𑌚𑌰𑌾𑌚𑌰𑌂 𑌜𑌗𑌤𑍍𑌤𑍍𑌰𑌯𑍇 𑌯𑍋 𑌜𑌗𑌤𑌶𑍍𑌚 𑌹𑍇𑌤𑍁𑌃 ।
𑌜𑌗𑌚𑍍𑌚 𑌪𑌾𑌤𑍍𑌯𑌤𑍍𑌤𑌿 𑌚 𑌯𑌃 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 5 ॥

𑌵𑍍𑌯𑍋𑌮𑌾𑌂𑌬𑍁𑌵𑌾𑌯𑍍𑌵𑌗𑍍𑌨𑌿𑌮𑌹𑍀𑌸𑍍𑌵𑌰𑍂𑌪𑍈𑌃 𑌵𑌿𑌸𑍍𑌤𑌾𑌰𑌵𑌾𑌨𑍍 𑌯𑍋𑌽𑌣𑍁𑌤𑌰𑍋𑌽𑌣𑍁𑌭𑌾𑌵𑌾𑌤𑍍 ।
𑌅𑌸𑍍𑌥𑍂𑌲𑌸𑍂𑌕𑍍𑌷𑍍𑌮𑌃 𑌸𑌤𑌤𑌂 𑌪𑌰𑍇𑌶𑍍𑌵𑌰𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 6 ॥

𑌯𑌸𑍍𑌮𑌾𑌤𑍍 𑌪𑌰𑌸𑍍𑌮𑌾𑌤𑍍 𑌪𑍁𑌰𑍁𑌷𑌾𑌦𑌨𑌂𑌤𑌾𑌤𑍍 𑌅𑌨𑌾𑌦𑌿𑌮𑌧𑍍𑌯𑌾𑌦𑌧𑌿𑌕𑌂 𑌨 𑌕𑌿𑌂𑌚𑌿𑌤𑍍 ।
𑌸 𑌹𑍇𑌤𑍁𑌹𑍇𑌤𑍁𑌃 𑌪𑌰𑌮𑍇𑌶𑍍𑌵𑌰𑍇𑌶𑍍𑌵𑌰𑌃 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 𑍭 ॥

𑌹𑌿𑌰𑌣𑍍𑌯𑌗𑌰𑍍𑌭𑌾𑌚𑍍𑌯𑍁𑌤𑌰𑍁𑌦𑍍𑌰𑌰𑍂𑌪𑍀 𑌸𑍃𑌜𑌤𑍍𑌯𑌶𑍇𑌷𑌂 𑌪𑌰𑌿𑌪𑌾𑌤𑌿 𑌹𑌂𑌤𑌿 ।
𑌗𑍁𑌣𑌾𑌗𑍍𑌰𑌣𑍀𑌰𑍍𑌯𑍋 𑌭𑌗𑌵𑌾𑌨𑍍 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 𑍮 ॥

𑌪𑌰𑌃 𑌸𑍁𑌰𑌾𑌣𑌾𑌂 𑌪𑌰𑌮𑍋𑌽𑌸𑍁𑌰𑌾𑌣𑌾𑌂 𑌪𑌰𑍋 𑌯𑌤𑍀𑌨𑌾𑌂 𑌪𑌰𑌮𑍋 𑌮𑍁𑌨𑍀𑌨𑌾𑌮𑍍 ।
𑌪𑌰𑌃 𑌸𑌮𑌸𑍍𑌤𑌸𑍍𑌯 𑌚 𑌯𑌃 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 𑍯 ॥

𑌧𑍍𑌯𑌾𑌤𑍋 𑌮𑍁𑌨𑍀𑌨𑌾𑌮𑌪𑌕𑌲𑍍𑌮𑌷𑍈𑌰𑍍𑌯𑍋 𑌦𑌦𑌾𑌤𑌿 𑌮𑍁𑌕𑍍𑌤𑌿𑌂 𑌪𑌰𑌮𑍇𑌶𑍍𑌵𑌰𑍇𑌶𑍍𑌵𑌰𑌃 ।
𑌮𑌨𑍋𑌭𑌿𑌰𑌾𑌮𑌃 𑌪𑍁𑌰𑍁𑌷𑌃 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 10 ॥

𑌸𑍁𑌰𑍇𑌂𑌦𑍍𑌰𑌵𑍈𑌵𑌸𑍍𑌵𑌤𑌵𑌿𑌤𑍍𑌤𑌪𑌾𑌂𑌬𑍁𑌪𑌸𑍍𑌵𑌰𑍂𑌪𑌰𑍂𑌪𑍀 𑌪𑌰𑌿𑌪𑌾𑌤𑌿 𑌯𑍋 𑌜𑌗𑌤𑍍 ।
𑌸 𑌶𑍁𑌦𑍍𑌧𑌶𑍁𑌦𑍍𑌧𑌃 𑌪𑌰𑌮𑍇𑌶𑍍𑌵𑌰𑍇𑌶𑍍𑌵𑌰𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 11 ॥

𑌯𑌨𑍍𑌨𑌾𑌮𑌸𑌂𑌕𑍀𑌰𑍍𑌤𑌨𑌤𑍋 𑌵𑌿𑌮𑍁𑌚𑍍𑌯𑌤𑍇 𑌹𑍍𑌯𑌨𑍇𑌕𑌜𑌨𑍍𑌮𑌾𑌰𑍍𑌜𑌿𑌤𑌪𑌾𑌪𑌸𑌂𑌚𑌯𑌾𑌤𑍍 ।
𑌪𑌾𑌪𑍇𑌂𑌧𑌨𑌾𑌗𑍍𑌨𑌿𑌃 𑌸 𑌸𑌦𑍈𑌵 𑌨𑌿𑌰𑍍𑌮𑌲𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 12 ॥

𑌯𑍇𑌨𑍋𑌦𑍍𑌧𑍃𑌤𑍇𑌯𑌂 𑌧𑌰𑌣𑍀 𑌰𑌸𑌾𑌤𑌲𑌾𑌤𑍍 𑌅𑌶𑍇𑌷𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌕𑌾𑌰𑌣𑌾𑌦𑌿𑌕𑌮𑍍 ।
𑌬𑌿𑌭𑌰𑍍𑌤𑌿 𑌵𑌿𑌶𑍍𑌵𑌂 𑌜𑌗𑌤𑌃 𑌸 𑌮𑍂𑌲𑌂 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 13 ॥

𑌪𑌾𑌦𑍇𑌷𑍁 𑌵𑍇𑌦𑌾 𑌜𑌠𑌰𑍇 𑌚𑌰𑌾𑌚𑌰𑌂 𑌰𑍋𑌮𑌸𑍍𑌵𑌶𑍇𑌷𑌾 𑌮𑍁𑌨𑌯𑍋 𑌮𑍁𑌖𑍇 𑌮𑌖𑌾𑌃 ।
𑌯𑌸𑍍𑌯𑍇𑌶𑍍𑌵𑌰𑍇𑌶𑌸𑍍𑌯 𑌸 𑌸𑌰𑍍𑌵𑌦𑌾 𑌪𑍍𑌰𑌭𑍁𑌃 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 14 ॥

𑌸𑌮𑌸𑍍𑌤 𑌯𑌜𑍍𑌞𑌾𑌂𑌗𑌮𑌯𑌂 𑌵𑌪𑍁𑌃 𑌪𑍍𑌰𑌭𑍋𑌃 𑌯𑌸𑍍𑌯𑌾𑌂𑌗𑌮𑍀𑌶𑍇𑌶𑍍𑌵𑌰𑌸𑌂𑌸𑍍𑌤𑍁𑌤𑌸𑍍𑌯 ।
𑌵𑌰𑌾𑌹𑌰𑍂𑌪𑍀 𑌭𑌗𑌵𑌾𑌨𑍍 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 15 ॥

𑌵𑌿𑌕𑍍𑌷𑍋𑌭𑍍𑌯 𑌸𑌰𑍍𑌵𑍋𑌦𑌧𑌿𑌤𑍋𑌯𑌸𑌂𑌭𑌵𑌂 𑌦𑌧𑌾𑌰 𑌧𑌾𑌤𑍍𑌰𑍀𑌂 𑌜𑌗𑌤𑌶𑍍𑌚 𑌯𑍋 𑌭𑍁𑌵𑌮𑍍 ।
𑌯𑌜𑍍𑌞𑍇𑌶𑍍𑌵𑌰𑍋 𑌯𑌜𑍍𑌞𑌪𑍁𑌮𑌾𑌨𑍍 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 16 ॥

𑌪𑌾𑌤𑌾𑌲𑌮𑍂𑌲𑍇𑌶𑍍𑌵𑌰𑌭𑍋𑌗𑌿𑌸𑌂𑌹𑌤𑍋 𑌵𑌿𑌨𑍍𑌯𑌸𑍍𑌯 𑌪𑌾𑌦𑍌 𑌪𑍃𑌤𑌿𑌵𑍀𑌂 𑌚 𑌬𑌿𑌭𑍍𑌰𑌤𑌃 ।
𑌯𑌸𑍍𑌯𑍋𑌪𑌮𑌾𑌨𑌂 𑌨 𑌬𑌭𑍂𑌵 𑌸𑍋𑌽𑌚𑍍𑌯𑍁𑌤𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 1𑍭 ॥

𑌸𑌘𑌰𑍍𑌘𑌰𑌂 𑌯𑌸𑍍𑌯 𑌚 𑌬𑍃𑌂𑌹𑌿𑌤𑌂 𑌮𑍁𑌹𑍁𑌃 𑌸𑌨𑌂𑌦𑌨𑌾𑌦𑍍𑌯𑍈𑌰𑍍𑌜𑌨𑌲𑍋𑌕𑌸𑌂𑌶𑍍𑌰𑌿𑌤𑍈𑌃 ।
𑌶𑍍𑌰𑍁𑌤𑌂 𑌜𑌯𑍇𑌤𑍍𑌯𑍁𑌕𑍍𑌤𑌿𑌪𑌰𑍈𑌃 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 1𑍮 ॥

𑌏𑌕𑌾𑌰𑍍𑌣𑌵𑌾𑌦𑍍 𑌯𑌸𑍍𑌯 𑌮𑌹𑍀𑌯𑌸𑍌 𑌮𑌹𑍀𑌂 𑌆𑌦𑌾𑌯 𑌵𑍇𑌗𑍇𑌨 𑌖𑌮𑍁𑌤𑍍𑌪𑌤𑌿𑌷𑍍𑌯𑌤𑌃 ।
𑌨𑌤𑌂 𑌵𑌪𑍁𑌰𑍍𑌯𑍋𑌗𑌿𑌵𑌰𑍈𑌃 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 1𑍯 ॥

𑌹𑌤𑍋 𑌹𑌿𑌰𑌣𑍍𑌯𑌾𑌕𑍍𑌷𑌮𑌹𑌾𑌸𑍁𑌰𑌃 𑌪𑍁𑌰𑌾 𑌪𑍁𑌰𑌾𑌣𑌪𑍁𑌂𑌸𑌾 𑌪𑌰𑌮𑍇𑌣 𑌯𑍇𑌨 ।
𑌵𑌰𑌾𑌹𑌰𑍂𑌪𑌃 𑌸 𑌪𑌤𑌿𑌃 𑌪𑍍𑌰𑌜𑌾𑌪𑌤𑌿𑌃 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 20 ॥

𑌦𑌂𑌷𑍍𑌟𑍍𑌰𑌾𑌕𑌰𑌾𑌲𑌂 𑌸𑍁𑌰𑌭𑍀𑌤𑌿𑌨𑌾𑌶𑌕𑌂 𑌕𑍃𑌤𑌂 𑌵𑌪𑍁𑌰𑍍𑌦𑌿𑌵𑍍𑌯𑌨𑍃𑌸𑌿𑌂𑌹𑌰𑍂𑌪𑌿𑌣𑌾 ।
𑌤𑍍𑌰𑌾𑌤𑍁𑌂 𑌜𑌗𑌤𑍍 𑌯𑍇𑌨 𑌸 𑌸𑌰𑍍𑌵𑌦𑌾 𑌪𑍍𑌰𑌭𑍁𑌃 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 21 ॥

𑌦𑍈𑌤𑍍𑌯𑍇𑌂𑌦𑍍𑌰𑌵𑌕𑍍𑌷𑌃𑌸𑍍𑌥𑌲𑌦𑌾𑌰𑌦𑌾𑌰𑍁𑌣𑍈𑌃
𑌕𑌰𑍇𑌰𑍁𑌹𑍈𑌰𑍍𑌯𑌃 𑌕𑍍𑌰𑌕𑌚𑌾𑌨𑍁𑌕𑌾𑌰𑌿𑌭𑌿𑌃 ।
𑌵𑌿𑌚𑍍𑌛𑍇𑌦 𑌲𑍋𑌕𑌸𑍍𑌯 𑌭𑌯𑌾𑌨𑌿 𑌸𑍋𑌽𑌚𑍍𑌯𑍁𑌤𑍋
𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 22 ॥

𑌦𑌂𑌤𑌾𑌂𑌤𑌦𑍀𑌪𑍍𑌤𑌦𑍍𑌯𑍁𑌤𑌿𑌨𑌿𑌰𑍍𑌮𑌲𑌾𑌨𑌿 𑌯𑌃 𑌚𑌕𑌾𑌰 𑌸𑌰𑍍𑌵𑌾𑌣𑌿 𑌦𑌿𑌶𑌾𑌂 𑌮𑍁𑌖𑌾𑌨𑌿 ।
𑌨𑌿𑌨𑌾𑌦𑌵𑌿𑌤𑍍𑌰𑌾𑌸𑌿𑌤𑌦𑌾𑌨𑌵𑍋 𑌹𑍍𑌯𑌸𑍌 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 23 ॥

𑌯𑌨𑍍𑌨𑌾𑌮𑌸𑌂𑌕𑍀𑌰𑍍𑌤𑌨𑌤𑍋 𑌮𑌹𑌾𑌭𑌯𑌾𑌤𑍍 𑌵𑌿𑌮𑍋𑌕𑍍𑌷𑌮𑌾𑌪𑍍𑌨𑍋𑌤𑌿 𑌨 𑌸𑌂𑌶𑌯𑌂 𑌨𑌰𑌃 ।
𑌸 𑌸𑌰𑍍𑌵𑌲𑍋𑌕𑌾𑌰𑍍𑌤𑌿𑌹𑌰𑍋 𑌨𑍃𑌕𑍇𑌸𑌰𑍀 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 24 ॥

𑌸𑌟𑌾𑌕𑌰𑌾𑌲𑌭𑍍𑌰𑌮𑌣𑌾𑌨𑌿𑌲𑌾𑌹𑌤𑌾𑌃 𑌸𑍍𑌫𑍁𑌟𑌂𑌤𑌿 𑌯𑌸𑍍𑌯𑌾𑌂𑌬𑍁𑌧𑌰𑌾𑌃 𑌸𑌮𑌂𑌤𑌤𑌃 ।
𑌸 𑌦𑌿𑌵𑍍𑌯𑌸𑌿𑌂𑌹𑌃 𑌸𑍍𑌫𑍁𑌰𑌿𑌤𑌾𑌨𑌲𑍇𑌕𑍍𑌷𑌣𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 25 ॥

𑌯𑌦𑍀𑌕𑍍𑌷𑌣𑌜𑍍𑌯𑍋𑌤𑌿𑌷𑌿 𑌰𑌶𑍍𑌮𑌿𑌮𑌂𑌡𑌲𑌂 𑌪𑍍𑌰𑌲𑍀𑌨𑌮𑍀𑌷𑌨𑍍𑌨 𑌰𑌰𑌾𑌜 𑌭𑌾𑌸𑍍𑌵𑌤𑌃 ।
𑌕𑍁𑌤𑌃 𑌶𑌶𑌾𑌂𑌕𑌸𑍍𑌯 𑌸 𑌦𑌿𑌵𑍍𑌯𑌰𑍂𑌪𑌧𑍃𑌕𑍍 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 26 ॥

𑌅𑌶𑍇𑌷𑌦𑍇𑌵𑍇𑌶𑌨𑌰𑍇𑌶𑍍𑌵𑌰𑍇𑌶𑍍𑌵𑌰𑍈𑌃 𑌸𑌦𑌾 𑌸𑍍𑌤𑍁𑌤𑌂 𑌯𑌚𑍍𑌚𑌰𑌿𑌤𑌂 𑌮𑌹𑌾𑌦𑍍𑌭𑍁𑌤𑌮𑍍 ।
𑌸 𑌸𑌰𑍍𑌵𑌲𑍋𑌕𑌾𑌰𑍍𑌤𑌿𑌹𑌰𑍋 𑌮𑌹𑌾𑌹𑌰𑌿𑌃 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 2𑍭 ॥

𑌦𑍍𑌰𑌵𑌂𑌤𑌿 𑌦𑍈𑌤𑍍𑌯𑌾𑌃 𑌪𑍍𑌰𑌣𑌮𑌂𑌤𑌿 𑌦𑍇𑌵𑌤𑌾𑌃 𑌨𑌶𑍍𑌯𑌂𑌤𑌿 𑌰𑌕𑍍𑌷𑌾𑌂𑌸𑌿 𑌅𑌪𑌯𑌾𑌂𑌤𑌿 𑌚𑌾𑌰𑌯𑌃 ।
𑌯𑌤𑍍𑌕𑍀𑌰𑍍𑌤𑌨𑌾𑌤𑍍 𑌸𑍋𑌽𑌦𑍍𑌭𑍁𑌤𑌰𑍂𑌪𑌕𑍇𑌸𑌰𑍀 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 2𑍮 ॥

𑌋𑌕𑍍𑌪𑌾𑌵𑌿𑌤𑌂 𑌯𑍋 𑌯𑌜𑍁𑌷𑌾 𑌹𑌿 𑌶𑍍𑌰𑍀𑌮𑌤𑍍 𑌸𑌾𑌮𑌧𑍍𑌵𑌨𑌿𑌧𑍍𑌵𑌸𑍍𑌤𑌸𑌮𑌸𑍍𑌤𑌪𑌾𑌤𑌕𑌮𑍍 ।
𑌚𑌕𑍍𑌰𑍇 𑌜𑌗𑌤𑍍 𑌵𑌾𑌮𑌨𑌕𑌃 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 2𑍯 ॥

𑌯𑌤𑍍𑌪𑌾𑌦𑌵𑌿𑌨𑍍𑌯𑌾𑌸𑌪𑌵𑌿𑌤𑍍𑌰𑌤𑌾𑌂 𑌮𑌹𑍀 𑌯𑌯𑍌 𑌵𑌿𑌯𑌚𑍍𑌚𑌰𑍍𑌗𑍍𑌯𑌜𑍁𑌷𑌾𑌮𑍁𑌦𑍀𑌰𑌣𑌾𑌤𑍍 ।
𑌸 𑌵𑌾𑌮𑌨𑍋 𑌦𑌿𑌵𑍍𑌯𑌶𑌰𑍀𑌰𑌰𑍂𑌪𑌦𑍃𑌂 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 30 ॥

𑌯𑌸𑍍𑌮𑌿𑌨𑍍 𑌪𑍍𑌰𑌯𑌾𑌤𑍇𑌽𑌸𑍁𑌰𑌭𑍂𑌭𑍃𑌤𑍋𑌽𑌧𑍍𑌵𑌰𑌾𑌤𑍍 𑌨𑌨𑌾𑌮 𑌖𑍇𑌦𑌾𑌦𑌵𑌨𑌿𑌃 𑌸𑌸𑌾𑌗𑌰𑌾 ।
𑌸 𑌵𑌾𑌮𑌨𑌃 𑌸𑌰𑍍𑌵𑌜𑌗𑌨𑍍𑌮𑌯𑌃 𑌸𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 31 ॥

𑌮𑌹𑌾𑌦𑍍𑌭𑍁𑌤𑍇 𑌦𑍈𑌤𑍍𑌯𑌪𑌤𑍇𑌰𑍍𑌮𑌹𑌾𑌧𑍍𑌵𑌰𑍇 𑌯𑌸𑍍𑌮𑌿𑌨𑍍 𑌪𑍍𑌰𑌵𑌿𑌷𑍍𑌟𑍇 𑌕𑍍𑌷𑍁𑌭𑌿𑌤𑌂 𑌮𑌹𑌾𑌸𑍁𑌰𑍈𑌃 ।
𑌸 𑌵𑌾𑌮𑌨𑍋𑌽𑌂𑌤𑌸𑍍𑌥𑌿𑌤𑌸𑌪𑍍𑌤𑌲𑍋𑌕𑌧𑍃𑌂 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 32 ॥

𑌸𑌂𑌘𑍈𑌃 𑌸𑍁𑌰𑌾𑌣𑌾𑌂 𑌦𑌿𑌵𑌿 𑌭𑍂𑌤𑌲𑌸𑍍𑌥𑌿𑌤𑍈𑌃 𑌤𑌥𑌾 𑌮𑌨𑍁𑌷𑍍𑌯𑍈𑌰𑍍𑌗𑌗𑌨𑍇 𑌚 𑌖𑍇𑌚𑌰𑍈𑌃 ।
𑌸𑍍𑌤𑍁𑌤𑌃 𑌕𑍍𑌰𑌮𑌾𑌦𑍍 𑌯𑌃 𑌪𑍍𑌰𑌚𑍍𑌚𑌾𑌰 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 33 ॥

𑌕𑍍𑌰𑌾𑌂𑌤𑍍𑌵𑌾 𑌧𑌰𑌿𑌤𑍍𑌰𑍀𑌂 𑌗𑌗𑌨𑌂 𑌤𑌥𑌾 𑌦𑌿𑌵𑌂 𑌮𑌰𑍁𑌤𑍍𑌪𑌤𑍇𑌰𑍍𑌯𑌃 𑌪𑍍𑌰𑌦𑌦𑍌 𑌤𑍍𑌰𑌿𑌵𑌿𑌷𑍍𑌟𑌪𑌮𑍍 ।
𑌸 𑌦𑍇𑌵𑌦𑍇𑌵𑍋 𑌭𑍁𑌵𑌨𑍇𑌶𑍍𑌵𑌰𑍇𑌶𑍍𑌵𑌰𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 34 ॥

𑌅𑌨𑍁𑌗𑍍𑌰𑌹𑌂 𑌚𑌾𑌪𑌿 𑌬𑌲𑍇𑌰𑌨𑍁𑌤𑍍𑌤𑍍𑌮𑌂 𑌚𑌕𑌾𑌰 𑌯𑌶𑍍𑌚𑍇𑌂𑌦𑍍𑌰𑌪𑌦𑍋𑌪𑌮𑌂 𑌕𑍍𑌷𑌣𑌾𑌤𑍍 ।
𑌸𑍁𑌰𑌾𑌂𑌶𑍍𑌚 𑌯𑌜𑍍𑌞𑌾𑌂𑌶𑌭𑍁𑌜𑌃 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 35 ॥

𑌰𑌸𑌾𑌤𑌲𑌾𑌦𑍍 𑌯𑍇𑌨 𑌪𑍁𑌰𑌾 𑌸𑌮𑌾𑌹𑍃𑌤𑌾𑌃 𑌸𑌮𑌸𑍍𑌤𑌵𑍇𑌦𑌾 𑌜𑌲𑌚𑌾𑌰𑌰𑌿𑌰𑍂𑌪𑌿𑌣𑌾 ।
𑌸 𑌕𑍈𑌟𑌭𑌾𑌰𑌿𑌮𑌧𑍁𑌹𑌾𑌽𑌂𑌬𑍁𑌶𑌾𑌯𑍀 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 36 ॥

𑌨𑌿𑌃𑌕𑍍𑌷𑌤𑍍𑌰𑌿𑌯𑌂 𑌯𑌶𑍍𑌚 𑌚𑌕𑌾𑌰 𑌮𑍇𑌦𑌿𑌨𑍀𑌂 𑌅𑌨𑍇𑌕𑌶𑍋 𑌬𑌾𑌹𑍁𑌵𑌨𑌂 𑌤𑌥𑌾𑌽𑌚𑍍𑌛𑌿𑌨𑌤𑍍 ।
𑌯𑌃 𑌕𑌾𑌰𑍍𑌤𑌵𑍀𑌰𑍍𑌯𑌸𑍍𑌯 𑌸 𑌭𑌾𑌰𑍍𑌗𑌵𑍋𑌤𑍍𑌤𑌮𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 3𑍭 ॥

𑌨𑌿𑌹𑌤𑍍𑌯 𑌯𑍋 𑌵𑌾𑌲𑌿𑌨𑌮𑍁𑌗𑍍𑌰𑌵𑌿𑌕𑍍𑌰𑌮𑌂
𑌨𑌿𑌬𑌦𑍍𑌧𑍍𑌯 𑌸𑍇𑌤𑍁𑌂 𑌜𑌲𑌧𑍌 𑌦𑌶𑌾𑌨𑌨𑌮𑍍 ।
𑌜𑌘𑌾𑌨 𑌚𑌾𑌨𑍍𑌯𑌾𑌨𑍍 𑌰𑌜𑌨𑍀𑌚𑌰𑌾𑌨𑍍 𑌅𑌸𑍌
𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 3𑍮 ॥

𑌚𑌿𑌕𑍍𑌷𑍇𑌪 𑌬𑌾𑌲𑌃 𑌶𑌕𑌟𑌂, 𑌬𑌭𑌂𑌜 𑌯𑍋 𑌯𑌮𑌾𑌰𑍍𑌜𑍁𑌨𑌂, 𑌕𑌂𑌸𑌮𑌰𑌿𑌂 𑌜𑌘𑌾𑌨 𑌚 ।
𑌮𑌮𑌰𑍍𑌦 𑌚𑌾𑌣𑍂𑌰𑌮𑍁𑌖𑌾𑌨𑍍 𑌸 𑌸𑌰𑍍𑌵𑌦𑌾 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 3𑍯 ॥

𑌪𑍍𑌰𑌾𑌤𑌃 𑌸𑌹𑌸𑍍𑌰𑌾𑌂𑌶𑍁𑌮𑌰𑍀𑌚𑌿𑌨𑌿𑌰𑍍𑌮𑌲𑌂 𑌕𑌰𑍇𑌣 𑌬𑌿𑌭𑍍𑌰𑌤𑍍 𑌭𑌗𑌵𑌾𑌨𑍍 𑌸𑍁𑌦𑌰𑍍𑌶𑌨𑌮𑍍 ।
𑌕𑍌𑌮𑍋𑌦𑌕𑍀 𑌚𑌾𑌪𑌿 𑌗𑌦𑌾𑌮𑌨𑌂𑌤𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 40 ॥

𑌹𑌿𑌮𑍇𑌂𑌦𑍁𑌕𑍁𑌂𑌦𑌸𑍍𑌫𑌟𑌿𑌕𑌾𑌭𑌨𑌿𑌰𑍍𑌮𑌲𑌂 𑌮𑍁𑌖𑌾𑌨𑌿𑌲𑌾𑌪𑍂𑌰𑌿𑌤𑌮𑍀𑌶𑍍𑌵𑌰𑍇𑌶𑍍𑌵𑌰𑌃 ।
𑌮𑌧𑍍𑌯𑌾𑌹𑍍𑌨𑌕𑌾𑌲𑍇𑌽𑌪𑌿 𑌸 𑌶𑌨𑍍𑌖𑌮𑍁𑌦𑍍𑌵𑌹𑌨𑍍 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 41 ॥

𑌤𑌥𑌾𑌪𑌰𑌾𑌹𑍍𑌣𑍇 𑌪𑍍𑌰𑌵𑌿𑌕𑌾𑌸𑌿 𑌪𑌂𑌕𑌜𑌂 𑌵𑌕𑍍𑌷𑌸𑍍𑌥𑌲𑍇𑌨 𑌶𑍍𑌰𑌿𑌯𑌮𑍁𑌦𑍍𑌵𑌹𑌨𑍍 𑌹𑌰𑌿𑌃 ।
𑌵𑌿𑌸𑍍𑌤𑌾𑌰𑌿𑌪𑌦𑍍𑌮𑌾𑌯𑌤𑌪𑌤𑍍𑌰𑌲𑍋𑌚𑌨𑍋 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 42 ॥

𑌸𑌰𑍍𑌵𑍇𑌷𑍁 𑌕𑌾𑌲𑍇𑌷𑍁 𑌸𑌮𑌸𑍍𑌤𑌦𑍇𑌶𑍇𑌷𑍁 𑌅𑌶𑍇𑌷𑌕𑌾𑌰𑍍𑌯𑍇𑌷𑍁 𑌤𑌥𑍇𑌶𑍍𑌵𑌰𑍇𑌶𑍍𑌵𑌰𑌃 ।
𑌸𑌰𑍍𑌵𑍈𑌃 𑌸𑍍𑌵𑌰𑍂𑌪𑍈𑌰𑍍𑌭𑌗𑌵𑌾𑌨𑍍 𑌅𑌨𑌾𑌦𑌿𑌮𑌾𑌨𑍍 𑌮𑌮𑌾𑌸𑍍𑌤𑍁 𑌮𑌾𑌂𑌗𑌲𑍍𑌯𑌵𑌿𑌵𑍃𑌦𑍍𑌧𑌯𑍇 𑌹𑌰𑌿𑌃 ॥ 43 ॥

𑌏𑌤𑌤𑍍 𑌪𑌠𑌨𑍍 𑌦𑌾𑌲𑍍𑌭𑍍𑌯 𑌸𑌮𑌸𑍍𑌤𑌪𑌾𑌪𑍈𑌃
𑌵𑌿𑌮𑍁𑌚𑍍𑌯𑌤𑍇 𑌵𑌿𑌷𑍍𑌣𑍁𑌪𑌰𑍋 𑌮𑌨𑍁𑌷𑍍𑌯𑌃 ।
𑌸𑌿𑌦𑍍𑌧𑍍𑌯𑌂𑌤𑌿 𑌕𑌾𑌰𑍍𑌯𑌾𑌣𑌿 𑌤𑌥𑌾𑌽𑌸𑍍𑌯 𑌸𑌰𑍍𑌵𑌾𑌨𑍍
𑌅𑌰𑍍𑌥𑌾𑌨𑌵𑌾𑌪𑍍𑌨𑍋𑌤𑌿 𑌯𑌥𑍇𑌚𑍍𑌛𑌤𑍇 𑌤𑌾𑌨𑍍 ॥ 44 ॥

𑌦𑍁𑌃𑌸𑍍𑌵𑌪𑍍𑌨𑌃 𑌪𑍍𑌰𑌶𑌮𑌮𑍁𑌪𑍈𑌤𑌿 𑌪𑌠𑍍𑌯𑌮𑌾𑌨𑍇
𑌸𑍍𑌤𑍋𑌤𑍍𑌰𑍇𑌽𑌸𑍍𑌮𑌿𑌨𑍍 𑌶𑍍𑌰𑌵𑌣𑌵𑌿𑌧𑍌 𑌸𑌦𑍋𑌦𑍍𑌯𑌤𑌸𑍍𑌯 ।
𑌪𑍍𑌰𑌾𑌰𑌂𑌭𑍋 𑌦𑍍𑌰𑍁𑌤𑌮𑍁𑌪𑌯𑌾𑌤𑌿 𑌸𑌿𑌦𑍍𑌧𑌿𑌮𑍀𑌶𑌃
𑌪𑌾𑌪𑌾𑌨𑌿 𑌕𑍍𑌷𑌪𑌯𑌤𑌿 𑌚𑌾𑌸𑍍𑌯 𑌦𑍇𑌵𑌦𑍇𑌵𑌃 ॥ 45 ॥

𑌮𑌾𑌂𑌗𑌲𑍍𑌯𑌂 𑌪𑌰𑌮𑌪𑌦𑌂 𑌸𑌦𑌾𑌽𑌰𑍍𑌥𑌸𑌿𑌦𑍍𑌧𑌿𑌂
𑌨𑌿𑌰𑍍𑌵𑌿𑌘𑍍𑌨𑌾𑌮𑌧𑌿𑌕𑌫𑌲𑌾𑌂 𑌶𑍍𑌰𑌿𑌯𑌂 𑌦𑌦𑌾𑌤𑌿 ।
𑌕𑌿𑌂 𑌲𑍋𑌕𑍇 𑌤𑌦𑌿𑌹 𑌪𑌰𑌤𑍍𑌰 𑌚𑌾𑌪𑌿 𑌪𑍁𑌂𑌸𑌾𑌂
𑌯𑌦𑍍𑌵𑌿𑌷𑍍𑌣𑍁𑌪𑍍𑌰𑌵𑌣𑌧𑌿𑌯𑌾𑌂 𑌨 𑌦𑌾𑌲𑍍𑌭𑍍𑌯! 𑌸𑌾𑌧𑍍𑌯𑌮𑍍 ॥ 46 ॥

𑌦𑍇𑌵𑍇𑌂𑌦𑍍𑌰𑌸𑍍𑌤𑍍𑌰𑌿𑌭𑍁𑌵𑌨𑌮𑌰𑍍𑌥𑌮𑍇𑌕𑌪𑌿𑌂𑌗𑌃
𑌸𑌂𑌸𑌿𑌦𑍍𑌧𑌿𑌂 𑌤𑍍𑌰𑌿𑌭𑍁𑌵𑌨𑌗𑌾𑌂 𑌚 𑌕𑌾𑌰𑍍𑌤𑌵𑍀𑌰𑍍𑌯𑌃 ।
𑌵𑍈𑌦𑍇𑌹𑌃 𑌪𑌰𑌮𑌪𑌦𑌂 𑌪𑍍𑌰𑌸𑌾𑌦𑍍𑌯 𑌵𑌿𑌷𑍍𑌣𑍁𑌂
𑌸𑌂𑌪𑍍𑌰𑌾𑌪𑍍𑌤𑌾𑌃 𑌸𑌕𑌲𑌫𑌲𑌪𑍍𑌰𑌦𑍋 𑌹𑌿 𑌵𑌿𑌷𑍍𑌣𑍁𑌃 ॥ 4𑍭 ॥

𑌸𑌰𑍍𑌵𑌾𑌰𑌂𑌭𑍇𑌷𑍁 𑌦𑌾𑌲𑍍𑌭𑍍𑌯𑍈𑌤𑌦𑍍 𑌦𑍁𑌃𑌸𑍍𑌵𑌪𑍍𑌨𑍇𑌷𑍁 𑌚 𑌪𑌂𑌡𑌿𑌤𑌃 ।
𑌜𑌪𑍇𑌦𑍇𑌕𑌮𑌨𑌾 𑌵𑌿𑌷𑍍𑌣𑍌 𑌤𑌥𑌾𑌽𑌮𑌂𑌗𑌲𑍍𑌯𑌦𑌰𑍍𑌶𑌨𑍇 ॥ 4𑍮 ॥

𑌶𑌮𑌂 𑌪𑍍𑌰𑌯𑌾𑌂𑌤𑌿 𑌦𑍁𑌷𑍍𑌟𑌾𑌨𑌿 𑌗𑍍𑌰𑌹𑌪𑍀𑌡𑌾𑌶𑍍𑌚 𑌦𑌾𑌰𑍁𑌣𑌾𑌃 ।
𑌕𑌰𑍍𑌮𑌾𑌰𑌂𑌭𑌾𑌶𑍍𑌚 𑌸𑌿𑌦𑍍𑌧𑍍𑌯𑌂𑌤𑌿 𑌪𑍁𑌣𑍍𑌯𑌮𑌾𑌪𑍍𑌨𑍋𑌤𑌿 𑌚𑍋𑌤𑍍𑌤𑌮𑌮𑍍 ॥ 4𑍯 ॥

𑌹𑌰𑌿𑌰𑍍𑌦𑌦𑌾𑌤𑌿 𑌭𑌦𑍍𑌰𑌾𑌣𑌿 𑌮𑌂𑌗𑌲𑍍𑌯𑌸𑍍𑌤𑍁𑌤𑌿𑌸𑌂𑌸𑍍𑌤𑍁𑌤𑌃 ।
𑌕𑌰𑍋𑌤𑍍𑌯𑌖𑌿𑌲𑌰𑍂𑌪𑍈𑌸𑍍𑌤𑍁 𑌰𑌕𑍍𑌷𑌾𑌮𑌕𑍍𑌷𑌤𑌶𑌕𑍍𑌤𑌿𑌭𑍃𑌤𑍍 ॥ 50 ॥

॥ 𑌶𑍍𑌰𑍀𑌵𑌿𑌷𑍍𑌣𑍁𑌧𑌰𑍍𑌮𑍋𑌤𑍍𑌤𑌰𑌾𑌂𑌤𑌰𑍍𑌗𑌤𑌃 𑌮𑌾𑌂𑌗𑌲𑍍𑌯𑌸𑍍𑌤𑌵𑌃 𑌸𑌂𑌪𑍂𑌰𑍍𑌣𑌃 ॥

प्रायः पृष्टाः प्रश्नाः

What is 𑌮𑌾𑌂𑌗𑌲𑍍𑌯 𑌸𑍍𑌤𑌵𑌃?

𑌮𑌾𑌂𑌗𑌲𑍍𑌯 𑌸𑍍𑌤𑌵𑌃 is a devotional text available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌮𑌾𑌂𑌗𑌲𑍍𑌯 𑌸𑍍𑌤𑌵𑌃 online?

Yes. The imported text is available directly on this page for online reading and recitation.

Can I download 𑌮𑌾𑌂𑌗𑌲𑍍𑌯 𑌸𑍍𑌤𑌵𑌃 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु