𑌮𑌹𑌾 𑌗𑌣𑌪𑌤𑌿 𑌮𑍂𑌲 𑌮𑌂𑌤𑍍𑌰𑌾𑌃 (𑌪𑌾𑌦 𑌮𑌾𑌲𑌾 𑌸𑍍𑌤𑍋𑌤𑍍𑌰𑌮𑍍)

॥ 𑌮𑍂𑌲𑌮𑌂𑌤𑍍𑌰𑌮𑍍 ॥
॥ 𑌓𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌕𑍍𑌲𑍀𑌂 𑌗𑍍𑌲𑍌𑌂 𑌗𑌂 𑌗𑌣𑌪𑌤𑌯𑍇 𑌵𑌰𑌵𑌰𑌦
𑌸𑌰𑍍𑌵𑌜𑌨𑌂 𑌮𑍇 𑌵𑌶𑌮𑌾𑌨𑌯 𑌸𑍍𑌵𑌾𑌹𑌾 ॥

॥ 𑌅𑌥 𑌸𑍍𑌤𑍋𑌤𑍍𑌰𑌮𑍍॥
𑌓𑌂 𑌇𑌤𑍍𑌯𑍇𑌤𑌦𑌜𑌸𑍍𑌯 𑌕𑌂𑌠𑌵𑌿𑌵𑌰𑌂 𑌭𑌿𑌤𑍍𑌵𑌾 𑌬𑌹𑌿𑌰𑍍𑌨𑌿𑌰𑍍𑌗𑌤𑌂
𑌹𑍍𑌯𑍋𑌮𑌿𑌤𑍍𑌯𑍇𑌵 𑌸𑌮𑌸𑍍𑌤𑌕𑌰𑍍𑌮 𑌋𑌷𑌿𑌭𑌿𑌃 𑌪𑍍𑌰𑌾𑌰𑌭𑍍𑌯𑌤𑍇 𑌮𑌾𑌨𑍁𑌷𑍈𑌃 ।
𑌓𑌮𑌿𑌤𑍍𑌯𑍇𑌵 𑌸𑌦𑌾 𑌜𑌪𑌂𑌤𑌿 𑌯𑌤𑌯𑌃 𑌸𑍍𑌵𑌾𑌤𑌮𑍈𑌕𑌨𑌿𑌷𑍍𑌠𑌾𑌃 𑌪𑌰𑌂
𑌹𑍍𑌯𑍋𑌂𑌕𑌾𑌰𑌾𑌕𑍃𑌤𑌿𑌵𑌕𑍍𑌤𑍍𑌰𑌮𑌿𑌂𑌦𑍁𑌨𑌿𑌟𑌿𑌲𑌂 𑌵𑌿𑌘𑍍𑌨𑍇𑌶𑍍𑌵𑌰𑌂 𑌭𑌵𑌾𑌯𑍇 ॥ 1॥

𑌶𑍍𑌰𑍀𑌂𑌬𑍀𑌜𑌂 𑌶𑍍𑌰𑌮𑌦𑍁𑌃𑌖𑌜𑌨𑍍𑌮𑌮𑌰𑌣𑌵𑍍𑌯𑌾𑌧𑍍𑌯𑌾𑌧𑌿𑌭𑍀𑌨𑌾𑌶𑌕𑌂
𑌮𑍃𑌤𑍍𑌯𑍁𑌕𑍍𑌰𑍋𑌧𑌨𑌶𑌾𑌂𑌤𑌿𑌬𑌿𑌂𑌦𑍁𑌵𑌿𑌲𑌸𑌦𑍍𑌵𑌰𑍍𑌣𑌾𑌕𑍃𑌤𑌿𑌶𑍍𑌰𑍀𑌪𑍍𑌰𑌦𑌮𑍍 ।
𑌸𑍍𑌵𑌾𑌂𑌤𑌃𑌸𑍍𑌵𑌾𑌤𑍍𑌮𑌶𑌰𑌸𑍍𑌯 𑌲𑌕𑍍𑌷𑍍𑌯𑌮𑌜𑌰𑌸𑍍𑌵𑌾𑌤𑍍𑌮𑌾𑌵𑌬𑍋𑌧𑌪𑍍𑌰𑌦𑌂
𑌶𑍍𑌰𑍀𑌶𑍍𑌰𑍀𑌨𑌾𑌯𑌕𑌸𑍇𑌵𑌿𑌤𑍇 𑌭𑌵𑌦𑌨𑌪𑍍𑌰𑍇𑌮𑌾𑌸𑍍𑌪𑌦𑌂 𑌭𑌾𑌵𑌯𑍇 ॥ 2॥

𑌹𑍍𑌰𑍀𑌂𑌬𑍀𑌜𑌂 𑌹𑍃𑌦𑌯𑌤𑍍𑌰𑌿𑌕𑍋𑌣𑌵𑌿𑌲𑌸𑌨𑍍𑌮𑌧𑍍𑌯𑌾𑌸𑌨𑌸𑍍𑌥𑌂 𑌸𑌦𑌾
𑌚𑌾𑌕𑌾𑌶𑌾𑌨𑌲𑌵𑌾𑌮𑌲𑍋𑌚𑌨𑌨𑌿𑌶𑌾𑌨𑌾𑌥𑌾𑌰𑍍𑌧𑌵𑌰𑍍𑌣𑌾𑌤𑍍𑌮𑌕𑌮𑍍 ।
𑌮𑌾𑌯𑌾𑌕𑌾𑌰𑍍𑌯𑌜𑌗𑌤𑍍𑌪𑍍𑌰𑌕𑌾𑌶𑌕𑌮𑍁𑌮𑌾𑌰𑍂𑌪𑌂 𑌸𑍍𑌵𑌶𑌕𑍍𑌤𑌿𑌪𑍍𑌰𑌦𑌂
𑌮𑌾𑌯𑌾𑌤𑍀𑌤𑌪𑌦𑌪𑍍𑌰𑌦𑌂 𑌹𑍃𑌦𑌿 𑌭𑌜𑍇 𑌲𑍋𑌕𑍇𑌶𑍍𑌵𑌰𑌾𑌰𑌾𑌧𑌿𑌤𑌮𑍍 ॥ 3॥

𑌕𑍍𑌲𑍀𑌂𑌬𑍀𑌜𑌂 𑌕𑌲𑌿𑌧𑌾𑌤𑍁𑌵𑌤𑍍𑌕𑌲𑌯𑌤𑌾𑌂 𑌸𑌰𑍍𑌵𑍇𑌷𑍍𑌟𑌦𑌂 𑌦𑍇𑌹𑌿𑌨𑌾𑌂
𑌧𑌾𑌤𑍃𑌕𑍍𑌷𑍍𑌮𑌾𑌯𑍁𑌤𑌶𑌾𑌂𑌤𑌿𑌬𑌿𑌂𑌦𑍁𑌵𑌿𑌲𑌸𑌦𑍍𑌵𑌰𑍍𑌣𑌾𑌤𑍍𑌮𑌕𑌂 𑌕𑌾𑌮𑌦𑌮𑍍 ।
𑌶𑍍𑌰𑍀𑌕𑍃𑌷𑍍𑌣𑌪𑍍𑌰𑌿𑌯𑌮𑌿𑌂𑌦𑌿𑌰𑌾𑌸𑍁𑌤𑌮𑌨𑌃𑌪𑍍𑌰𑍀𑌤𑍍𑌯𑍇𑌕𑌹𑍇𑌤𑍁𑌂 𑌪𑌰𑌂
𑌹𑍃𑌤𑍍𑌪𑌦𑍍𑌮𑍇 𑌕𑌲𑌯𑍇 𑌸𑌦𑌾 𑌕𑌲𑌿𑌹𑌰𑌂 𑌕𑌾𑌲𑌾𑌰𑌿𑌪𑍁𑌤𑍍𑌰𑌪𑍍𑌰𑌿𑌯𑌮𑍍 ॥ 4॥

𑌗𑍍𑌲𑍌𑌂𑌬𑍀𑌜𑌂 𑌗𑍁𑌣𑌰𑍂𑌪𑌨𑌿𑌰𑍍𑌗𑍁𑌣𑌪𑌰𑌬𑍍𑌰𑌹𑍍𑌮𑌾𑌦𑌿𑌶𑌕𑍍𑌤𑍇𑌰𑍍𑌮𑌹𑌾-
𑌹𑌂𑌕𑌾𑌰𑌾𑌕𑍃𑌤𑌿𑌦𑌂𑌡𑌿𑌨𑍀𑌪𑍍𑌰𑌿𑌯𑌮𑌜𑌶𑍍𑌰𑍀𑌨𑌾𑌥𑌰𑍁𑌦𑍍𑌰𑍇𑌷𑍍𑌟𑌦𑌮𑍍 ।
𑌸𑌰𑍍𑌵𑌾𑌕𑌰𑍍𑌷𑌿𑌣𑌿𑌦𑍇𑌵𑌰𑌾𑌜𑌭𑍁𑌵𑌨𑌾𑌰𑍍𑌣𑍇𑌂𑌦𑍍𑌵𑌾𑌤𑍍𑌮𑌕𑌂 𑌶𑍍𑌰𑍀𑌕𑌰𑌂
𑌚𑌿𑌤𑍍𑌤𑍇 𑌵𑌿𑌘𑍍𑌨𑌨𑌿𑌵𑌾𑌰𑌣𑌾𑌯 𑌗𑌿𑌰𑌿𑌜𑌜𑌾𑌤𑌪𑍍𑌰𑌿𑌯𑌂 𑌭𑌾𑌵𑌯𑍇 ॥ 5॥

𑌗𑌂𑌗𑌾𑌸𑍁𑌤𑌂 𑌗𑌂𑌧𑌮𑍁𑌖𑍋𑌪𑌚𑌾𑌰𑌪𑍍𑌰𑌿𑌯𑌂 𑌖𑌗𑌾𑌰𑍋𑌹𑌣𑌭𑌾𑌗𑌿𑌨𑍇𑌯𑌮𑍍 ।
𑌗𑌂𑌗𑌾𑌸𑍁𑌤𑌾𑌦𑍍𑌯𑌂 𑌵𑌰𑌗𑌂𑌧𑌤𑌤𑍍𑌤𑍍𑌵𑌮𑍂𑌲𑌾𑌂𑌬𑍁𑌜𑌸𑍍𑌥𑌂 𑌹𑍃𑌦𑌿 𑌭𑌾𑌵𑌯𑍇𑌽𑌹𑌮𑍍 ॥ 6॥

𑌗𑌣𑌪𑌤𑌯𑍇 𑌵𑌰𑌗𑍁𑌣𑌨𑌿𑌧𑌯𑍇 𑌸𑍁𑌰𑌗𑌣𑌪𑌤𑌯𑍇 𑌨𑌤𑌜𑌨𑌤𑌤𑌯𑍇 ।
𑌮𑌣𑌿𑌗𑌣𑌭𑍂𑌷𑌿𑌤𑌚𑌰𑌣𑌯𑍁𑌗𑌾𑌶𑍍𑌰𑌿𑌤𑌮𑌲𑌹𑌰𑌣𑍇 𑌚𑌣 𑌤𑍇 𑌨𑌮𑌃 ॥ 𑍭॥

𑌵𑌰𑌾𑌭𑌯𑍇 𑌮𑍋𑌦𑌕𑌮𑍇𑌕𑌦𑌂𑌤𑌂 𑌕𑌰𑌾𑌂𑌬𑍁𑌜𑌾𑌤𑍈𑌃 𑌸𑌤𑌤𑌂 𑌧𑌰𑌂𑌤𑌮𑍍 ।
𑌵𑌰𑌾𑌂𑌗𑌚𑌂𑌦𑍍𑌰𑌂 𑌪𑌰𑌭𑌕𑍍𑌤𑌿𑌸𑌾𑌂𑌦𑍍𑌰𑍈𑌰𑍍𑌜𑌨𑍈𑌰𑍍𑌭𑌜𑌂𑌤𑌂 𑌕𑌲𑌯𑍇 𑌸𑌦𑌾𑌽𑌂𑌤𑌃 ॥ 𑍮॥

𑌵𑌰𑌦 𑌨𑌤𑌜𑌨𑌾𑌨𑌾𑌂 𑌸𑌂𑌤𑌤𑌂 𑌵𑌕𑍍𑌰𑌤𑍁𑌂𑌡
𑌸𑍍𑌵𑌰𑌮𑌯𑌨𑌿𑌜𑌗𑌾𑌤𑍍𑌰 𑌸𑍍𑌵𑌾𑌤𑍍𑌮𑌬𑍋𑌧𑍈𑌕𑌹𑍇𑌤𑍋 ।
𑌕𑌰𑌲𑌸𑌦𑌮𑍃𑌤𑌾𑌂𑌭𑍋𑌪𑍂𑌰𑍍𑌣𑌪𑌤𑍍𑌰𑌾𑌦𑍍𑌯 𑌮𑌹𑍍𑌯𑌂
𑌗𑌰𑌗𑌲𑌸𑍁𑌤 𑌶𑍀𑌘𑍍𑌰𑌂 𑌦𑍇𑌹𑌿 𑌮𑌦𑍍𑌬𑍋𑌧𑌮𑍀𑌡𑍍𑌯𑌮𑍍 ॥ 𑍯॥

𑌸𑌰𑍍𑌵𑌜𑌨𑌂 𑌪𑌰𑌿𑌪𑌾𑌲𑌯 𑌶𑌰𑍍𑌵𑌜
𑌪𑌰𑍍𑌵𑌸𑍁𑌧𑌾𑌕𑌰𑌗𑌰𑍍𑌵𑌹𑌰 ।
𑌪𑌰𑍍𑌵𑌤𑌨𑌾𑌥𑌸𑍁𑌤𑌾𑌸𑍁𑌤 𑌪𑌾𑌲𑌯
𑌖𑌰𑍍𑌵𑌂 𑌮𑌾 𑌕𑍁𑌰𑍁 𑌦𑍀𑌨𑌮𑌿𑌮𑌮𑍍 ॥ 10 ॥

𑌮𑍇𑌦𑍋𑌽𑌸𑍍𑌥𑌿𑌮𑌾𑌂𑌸𑌰𑍁𑌧𑌿𑌰𑌾𑌂𑌤𑍍𑌰𑌮𑌯𑍇 𑌶𑌰𑍀𑌰𑍇
𑌮𑍇𑌦𑌿𑌨𑍍𑌯𑌬𑌗𑍍𑌨𑌿𑌮𑌰𑍁𑌦𑌂𑌬𑌰𑌲𑌾𑌸𑍍𑌯𑌮𑌾𑌨𑍇 ।
𑌮𑍇 𑌦𑌾𑌰𑍁𑌣𑌂 𑌮𑌦𑌮𑍁𑌖𑌾𑌘𑌮𑍁𑌮𑌾𑌜 𑌹𑍃𑌤𑍍𑌵𑌾
𑌮𑍇𑌧𑌾𑌹𑍍𑌵𑌯𑌾𑌸𑌨𑌵𑌰𑍇 𑌵𑌸 𑌦𑌂𑌤𑌿𑌵𑌕𑍍𑌤𑍍𑌰 ॥ 11॥

𑌵𑌶𑌂 𑌕𑍁𑌰𑍁 𑌤𑍍𑌵𑌂 𑌶𑌿𑌵𑌜𑌾𑌤 𑌮𑌾𑌂 𑌤𑍇 𑌵𑌶𑍀𑌕𑍃𑌤𑌾𑌶𑍇𑌷𑌸𑌮𑌸𑍍𑌤𑌲𑍋𑌕 ।
𑌵𑌸𑌾𑌰𑍍𑌣𑌸𑌂𑌶𑍋𑌭𑌿𑌤𑌮𑍂𑌲𑌪𑌦𑍍𑌮𑌲𑌸𑌚𑍍𑌛𑍍𑌰𑌿𑌯𑌾𑌽𑌲𑌿𑌙𑍍𑌤𑌵𑌾𑌰𑌣𑌾𑌸𑍍𑌯 ॥ 12॥

𑌆𑌨𑌯𑌾𑌶𑍁𑌪𑌦𑌵𑌾𑌰𑌿𑌜𑌾𑌂𑌤𑌿𑌕𑌂 𑌮𑌾𑌂 𑌨𑌯𑌾𑌦𑌿𑌗𑍁𑌣𑌵𑌰𑍍𑌜𑌿𑌤𑌂 𑌤𑌵 ।
𑌹𑌾𑌨𑌿𑌹𑍀𑌨𑌪𑌦𑌜𑌾𑌮𑍃𑌤𑌸𑍍𑌯 𑌤𑍇 𑌪𑌾𑌨𑌯𑍋𑌗𑍍𑌯𑌮𑌿𑌭𑌵𑌕𑍍𑌤𑍍𑌰 𑌮𑌾𑌂 𑌕𑍁𑌰𑍁 ॥ 13॥

𑌸𑍍𑌵𑌾𑌹𑌾𑌸𑍍𑌵𑌰𑍂𑌪𑍇𑌣 𑌵𑌿𑌰𑌾𑌜𑌸𑍇 𑌤𑍍𑌵𑌂 𑌸𑍁𑌧𑌾𑌶𑌨𑌾𑌨𑌾𑌂 𑌪𑍍𑌰𑌿𑌯𑌕𑌰𑍍𑌮𑌣𑍀𑌡𑍍𑌯𑌮𑍍 ।
𑌸𑍍𑌵𑌧𑌾𑌸𑍍𑌵𑌰𑍂𑌪𑍇𑌣 𑌤𑍁 𑌪𑌿𑌤𑍍𑌰𑍍𑌯𑌕𑌰𑍍𑌮𑌣𑍍𑌯𑍁𑌮𑌾𑌸𑍁𑌤𑍇𑌜𑍍𑌯𑌾𑌮𑌯𑌵𑌿𑌶𑍍𑌵𑌮𑍂𑌰𑍍𑌤𑍇 ॥ 14॥

𑌅𑌷𑍍𑌟𑌾𑌵𑌿𑌂𑌶𑌤𑌿𑌵𑌰𑍍𑌣𑌪𑌤𑍍𑌰𑌲𑌸𑌿𑌤𑌂 𑌹𑌾𑌰𑌂 𑌗𑌣𑍇𑌶𑌪𑍍𑌰𑌿𑌯𑌂
𑌕𑌷𑍍𑌟𑌾𑌽𑌨𑌿𑌷𑍍𑌟𑌹𑌰𑌂 𑌚𑌤𑍁𑌰𑍍𑌦𑌶𑌪𑌦𑍈𑌃 𑌪𑍁𑌷𑍍𑌪𑍈𑌰𑍍𑌮𑌨𑍋𑌹𑌾𑌰𑌕𑌮𑍍 ।
𑌤𑍁𑌷𑍍𑌟𑍍𑌯𑌾𑌦𑌿𑌪𑍍𑌰𑌦𑌸𑌦𑍍𑌗𑍁𑌰𑍁𑌤𑍍𑌤𑌮𑌪𑌦𑌾𑌂𑌭𑍋𑌜𑍇 𑌚𑌿𑌦𑌾𑌨𑌂𑌦𑌦𑌂
𑌶𑌿𑌷𑍍𑌟𑍇𑌷𑍍𑌟𑍋𑌽𑌹𑌮𑌨𑌂𑌤𑌸𑍂𑌤𑍍𑌰𑌹𑍃𑌦𑌯𑌾𑌽𑌽𑌬𑌦𑍍𑌧𑌂 𑌸𑍁𑌭𑌕𑍍𑌤𑍍𑌯𑌾𑌽𑌰𑍍𑌪𑌯𑍇 ॥ 15॥

॥ 𑌇𑌤𑌿 𑌶𑍍𑌰𑍀𑌅𑌨𑌂𑌤𑌾𑌨𑌂𑌦𑌕𑍃𑌤𑌂 𑌶𑍍𑌰𑍀𑌗𑍁𑌰𑍁𑌚𑌿𑌦𑌾𑌨𑌂𑌦𑌨𑌾𑌥𑌸𑌮𑌰𑍍𑌪𑌿𑌤𑌂
𑌶𑍍𑌰𑍀𑌮𑌹𑌾𑌗𑌣𑌪𑌤𑌿𑌮𑍂𑌲𑌮𑌂𑌤𑍍𑌰𑌮𑌾𑌲𑌾𑌸𑍍𑌤𑍋𑌤𑍍𑌰𑌮𑍍 ॥