5.5 – 𑌯𑌦𑍇𑌕𑍇𑌨 𑌸𑌗𑍍𑌗𑍍​𑌸𑍍𑌥𑌾𑌪𑌯𑌤𑌿 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨𑌃 – 𑌵𑌾𑌯𑌵𑍍𑌯𑌪𑌶𑍍𑌵𑌾𑌦𑍍𑌯𑌾𑌨-𑌨𑍍𑌨𑌿𑌰𑍂𑌪𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌯𑌦𑍇𑌕𑍇॑𑌨 𑌸𑌗𑍍𑌗𑍍​ 𑌸𑍍𑌥𑌾॒𑌪𑌯॑𑌤𑌿 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑌾॒ 𑌅𑌵𑌿॑𑌚𑍍𑌛𑍇𑌦𑌾𑌯𑍈॒𑌨𑍍𑌦𑍍𑌰𑌾𑌃 𑌪॒𑌶𑌵𑍋॒ 𑌯𑍇 𑌮𑍁॑𑌷𑍍𑌕॒𑌰𑌾 𑌯𑌦𑍈॒𑌨𑍍𑌦𑍍𑌰𑌾-𑌸𑍍𑌸𑌨𑍍𑌤𑍋॒-𑌽𑌗𑍍𑌨𑌿𑌭𑍍𑌯॑ 𑌆𑌲॒𑌭𑍍𑌯𑌨𑍍𑌤𑍇॑ 𑌦𑍇॒𑌵𑌤𑌾᳚𑌭𑍍𑌯-𑌸𑍍𑌸॒𑌮𑌦॑-𑌨𑍍𑌦𑌧𑌾𑌤𑍍𑌯𑌾𑌗𑍍𑌨𑍇॒𑌯𑍀-𑌸𑍍𑌤𑍍𑌰𑌿॒𑌷𑍍𑌟𑍁𑌭𑍋॑ 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑌾𑌃᳚ 𑌕𑍁𑌰𑍍𑌯𑌾॒-𑌦𑍍𑌯𑌦𑌾᳚𑌗𑍍𑌨𑍇॒𑌯𑍀𑌸𑍍𑌤𑍇𑌨𑌾᳚ 𑌽𑌽𑌗𑍍𑌨𑍇॒𑌯𑌾 𑌯-𑌤𑍍𑌤𑍍𑌰𑌿॒𑌷𑍍𑌟𑍁𑌭॒-𑌸𑍍𑌤𑍇𑌨𑍈॒𑌨𑍍𑌦𑍍𑌰𑌾-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌨 𑌦𑍇॒𑌵𑌤𑌾᳚𑌭𑍍𑌯-𑌸𑍍𑌸॒𑌮𑌦॑-𑌨𑍍𑌦𑌧𑌾𑌤𑌿 𑌵𑌾॒𑌯𑌵𑍇॑ 𑌨𑌿॒𑌯𑍁𑌤𑍍𑌵॑𑌤𑍇 𑌤𑍂𑌪॒𑌰𑌮𑌾 𑌲॑𑌭𑌤𑍇॒ 𑌤𑍇𑌜𑍋॒-𑌽𑌗𑍍𑌨𑍇𑌰𑍍𑌵𑌾॒𑌯𑍁𑌸𑍍𑌤𑍇𑌜॑𑌸 𑌏॒𑌷 𑌆 𑌲॑𑌭𑍍𑌯𑌤𑍇॒ 𑌤𑌸𑍍𑌮𑌾᳚-𑌦𑍍𑌯॒𑌦𑍍𑌰𑌿𑌯॑𑌙𑍍 𑌵𑌾॒𑌯𑍁- [𑌵𑌾॒𑌯𑍁𑌃, 𑌵𑌾𑌤𑌿॑] 1

-𑌰𑍍𑌵𑌾𑌤𑌿॑ 𑌤॒𑌦𑍍𑌰𑌿𑌯॑𑌙𑍍𑌙॒-𑌗𑍍𑌨𑌿-𑌰𑍍𑌦॑𑌹𑌤𑌿॒ 𑌸𑍍𑌵𑌮𑍇॒𑌵 𑌤-𑌤𑍍𑌤𑍇𑌜𑍋-𑌽𑌨𑍍𑌵𑍇॑𑌤𑌿॒ 𑌯𑌨𑍍𑌨 𑌨𑌿॒𑌯𑍁𑌤𑍍𑌵॑𑌤𑍇॒ 𑌸𑍍𑌯𑌾𑌦𑍁𑌨𑍍𑌮𑌾᳚𑌦𑍍𑌯𑍇॒-𑌦𑍍𑌯𑌜॑𑌮𑌾𑌨𑍋 𑌨𑌿॒𑌯𑍁𑌤𑍍𑌵॑𑌤𑍇 𑌭𑌵𑌤𑌿॒ 𑌯𑌜॑𑌮𑌾𑌨॒𑌸𑍍𑌯𑌾-𑌽𑌨𑍁॑𑌨𑍍𑌮𑌾𑌦𑌾𑌯 𑌵𑌾𑌯𑍁॒𑌮𑌤𑍀᳚ 𑌶𑍍𑌵𑍇॒𑌤𑌵॑𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤-𑌸𑍍𑌸𑌤𑍇𑌜॒𑌸𑍍𑌤𑍍𑌵𑌾𑌯॑ 𑌹𑌿𑌰𑌣𑍍𑌯𑌗॒𑌰𑍍𑌭-𑌸𑍍𑌸𑌮॑𑌵𑌰𑍍𑌤॒𑌤𑌾𑌗𑍍𑌰॒ 𑌇𑌤𑍍𑌯𑌾॑𑌘𑌾॒𑌰𑌮𑌾 𑌘𑌾॑𑌰𑌯𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌹𑌿॑𑌰𑌣𑍍𑌯𑌗॒𑌰𑍍𑌭𑌃 𑌪𑍍𑌰॒𑌜𑌾𑌪॑𑌤𑍇-𑌰𑌨𑍁𑌰𑍂𑌪॒𑌤𑍍𑌵𑌾𑌯॒ 𑌸𑌰𑍍𑌵𑌾॑𑌣𑌿॒ 𑌵𑌾 𑌏॒𑌷 𑌰𑍂॒𑌪𑌾𑌣𑌿॑ 𑌪𑌶𑍂॒𑌨𑌾-𑌮𑍍𑌪𑍍𑌰𑌤𑍍𑌯𑌾 𑌲॑𑌭𑍍𑌯𑌤𑍇॒ 𑌯𑌚𑍍𑌛𑍍𑌮॑𑌶𑍍𑌰𑍁॒𑌣𑌸𑍍𑌤- [𑌯𑌚𑍍𑌛𑍍𑌮॑𑌶𑍍𑌰𑍁॒𑌣𑌸𑍍𑌤𑌤𑍍, 𑌪𑍁𑌰𑍁॑𑌷𑌾𑌣𑌾𑌗𑍍​𑌮𑍍] 2

-𑌤𑍍𑌪𑍁𑌰𑍁॑𑌷𑌾𑌣𑌾𑌗𑍍​𑌮𑍍 𑌰𑍂॒𑌪𑌂-𑌯𑌁-𑌤𑍍𑌤𑍂॑𑌪॒𑌰𑌸𑍍𑌤-𑌦𑌶𑍍𑌵𑌾॑𑌨𑌾𑌂॒-𑌯𑌁𑌦॒𑌨𑍍𑌯𑌤𑍋॑𑌦॒-𑌨𑍍𑌤-𑌦𑍍𑌗𑌵𑌾𑌂॒-𑌯𑌁𑌦𑌵𑍍𑌯𑌾॑ 𑌇𑌵 𑌶॒𑌫𑌾𑌸𑍍𑌤𑌦𑌵𑍀॑𑌨𑌾𑌂॒-𑌯𑌁𑌦॒𑌜𑌸𑍍𑌤𑌦॒𑌜𑌾𑌨𑌾𑌂᳚-𑌵𑌾𑌁॒𑌯𑍁𑌰𑍍𑌵𑍈 𑌪॑𑌶𑍂॒𑌨𑌾-𑌮𑍍𑌪𑍍𑌰𑌿॒𑌯-𑌨𑍍𑌧𑌾𑌮॒ 𑌯-𑌦𑍍𑌵𑌾॑𑌯॒𑌵𑍍𑌯𑍋॑ 𑌭𑌵॑𑌤𑍍𑌯𑍇॒𑌤-𑌮𑍇॒𑌵𑍈𑌨॑𑌮॒𑌭𑌿 𑌸॑𑌞𑍍𑌜𑌾𑌨𑌾॒𑌨𑌾𑌃 𑌪॒𑌶𑌵॒ 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 𑌵𑌾𑌯॒𑌵𑍍𑌯𑌃॑ 𑌕𑌾॒𑌰𑍍𑌯𑌾(3)𑌃 𑌪𑍍𑌰𑌾॑𑌜𑌾𑌪॒𑌤𑍍𑌯𑌾(3) 𑌇𑌤𑍍𑌯𑌾॑𑌹𑍁॒-𑌰𑍍𑌯-𑌦𑍍𑌵𑌾॑𑌯॒𑌵𑍍𑌯॑-𑌙𑍍𑌕𑍁॒𑌰𑍍𑌯𑌾-𑌤𑍍𑌪𑍍𑌰॒𑌜𑌾𑌪॑𑌤𑍇-𑌰𑌿𑌯𑌾॒𑌦𑍍𑌯-𑌤𑍍𑌪𑍍𑌰𑌾॑𑌜𑌾𑌪॒𑌤𑍍𑌯-𑌙𑍍𑌕𑍁॒𑌰𑍍𑌯𑌾-𑌦𑍍𑌵𑌾॒𑌯𑍋- [-𑌦𑍍𑌵𑌾॒𑌯𑍋𑌃, 𑌇॒𑌯𑌾॒𑌦𑍍𑌯-] 3

-𑌰𑌿॑𑌯𑌾॒𑌦𑍍𑌯-𑌦𑍍𑌵𑌾॑𑌯॒𑌵𑍍𑌯𑌃॑ 𑌪॒𑌶𑍁𑌰𑍍𑌭𑌵॑𑌤𑌿॒ 𑌤𑍇𑌨॑ 𑌵𑌾॒𑌯𑍋𑌰𑍍𑌨𑍈𑌤𑌿॒ 𑌯-𑌤𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑌃 𑌪𑍁॑𑌰𑍋॒𑌡𑌾𑌶𑍋॒ 𑌭𑌵॑𑌤𑌿॒ 𑌤𑍇𑌨॑ 𑌪𑍍𑌰॒𑌜𑌾𑌪॑𑌤𑍇॒𑌰𑍍𑌨𑍈𑌤𑌿॒ 𑌯-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲॒𑌸𑍍𑌤𑍇𑌨॑ 𑌵𑍈𑌶𑍍𑌵𑌾𑌨॒𑌰𑌾𑌨𑍍𑌨𑍈𑌤𑍍𑌯𑌾᳚𑌗𑍍𑌨𑌾 𑌵𑍈𑌷𑍍𑌣॒𑌵𑌮𑍇𑌕𑌾॑𑌦𑌶-𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 𑌦𑍀𑌕𑍍𑌷𑌿॒𑌷𑍍𑌯𑌮𑌾॑𑌣𑍋-॒-𑌽𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍋 𑌦𑍇॒𑌵𑌤𑌾᳚𑌶𑍍𑌚𑍈॒𑌵 𑌯॒𑌜𑍍𑌞-𑌞𑍍𑌚𑌾-𑌽𑌽 𑌰॑𑌭𑌤𑍇॒-𑌽𑌗𑍍𑌨𑌿𑌰॑𑌵॒𑌮𑍋 𑌦𑍇॒𑌵𑌤𑌾॑𑌨𑌾𑌂॒-𑌵𑌿𑌁𑌷𑍍𑌣𑍁𑌃॑ 𑌪𑌰॒𑌮𑍋 𑌯𑌦𑌾᳚𑌗𑍍𑌨𑌾-𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲-𑌨𑍍𑌨𑌿॒𑌰𑍍𑌵𑌪𑌤𑌿 𑌦𑍇॒𑌵𑌤𑌾॑ [𑌦𑍇॒𑌵𑌤𑌾𑌃᳚, 𑌏॒𑌵𑍋𑌭॒𑌯𑌤𑌃॑] 4

𑌏॒𑌵𑍋𑌭॒𑌯𑌤𑌃॑ 𑌪𑌰𑌿॒𑌗𑍃𑌹𑍍𑌯॒ 𑌯𑌜॑𑌮𑌾॒𑌨𑍋-𑌽𑌵॑ 𑌰𑍁𑌨𑍍𑌧𑍇 𑌪𑍁𑌰𑍋॒𑌡𑌾𑌶𑍇॑𑌨॒ 𑌵𑍈 𑌦𑍇॒𑌵𑌾 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌆᳚𑌰𑍍𑌧𑍍𑌨𑍁𑌵𑌨𑍍 𑌚॒𑌰𑍁𑌣𑌾॒-𑌽𑌸𑍍𑌮𑌿𑌨𑍍. 𑌯𑌃 𑌕𑌾॒𑌮𑌯𑍇॑𑌤𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌋॑𑌦𑍍𑌧𑍍𑌨𑍁𑌯𑌾॒𑌮𑌿𑌤𑌿॒ 𑌸 𑌪𑍁॑𑌰𑍋॒𑌡𑌾𑌶॑-𑌙𑍍𑌕𑍁𑌰𑍍𑌵𑍀𑌤𑌾॒-𑌽𑌮𑍁𑌷𑍍𑌮𑌿॑𑌨𑍍𑌨𑍇॒𑌵 𑌲𑍋॒𑌕 𑌋॑𑌦𑍍𑌧𑍍𑌨𑍋𑌤𑌿॒ 𑌯𑌦॒𑌷𑍍𑌟𑌾𑌕॑𑌪𑌾𑌲॒-𑌸𑍍𑌤𑍇𑌨𑌾᳚-𑌽𑌽𑌗𑍍𑌨𑍇॒𑌯𑍋 𑌯-𑌤𑍍𑌤𑍍𑌰𑌿॑𑌕𑌪𑌾॒𑌲𑌸𑍍𑌤𑍇𑌨॑ 𑌵𑍈𑌷𑍍𑌣॒𑌵-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌯𑌃 𑌕𑌾॒𑌮𑌯𑍇॑𑌤𑌾॒𑌸𑍍𑌮𑌿𑌨𑍍 𑌁𑌲𑍋॒𑌕 𑌋॑𑌦𑍍𑌧𑍍𑌨𑍁𑌯𑌾॒𑌮𑌿𑌤𑌿॒ 𑌸 𑌚॒𑌰𑍁-𑌙𑍍𑌕𑍁॑𑌰𑍍𑌵𑍀𑌤𑌾॒𑌗𑍍𑌨𑍇𑌰𑍍𑌘𑍃॒𑌤𑌂-𑌵𑌿𑌁𑌷𑍍𑌣𑍋᳚-𑌸𑍍𑌤𑌣𑍍𑌡𑍁॒𑌲𑌾-𑌸𑍍𑌤𑌸𑍍𑌮𑌾᳚ [-𑌸𑍍𑌤𑌸𑍍𑌮𑌾᳚𑌤𑍍, 𑌚॒𑌰𑍁𑌃 𑌕𑌾॒𑌰𑍍𑌯𑍋᳚-𑌽𑌸𑍍𑌮𑌿𑌨𑍍𑌨𑍇॒𑌵] 5

-𑌚𑍍𑌚॒𑌰𑍁𑌃 𑌕𑌾॒𑌰𑍍𑌯𑍋᳚-𑌽𑌸𑍍𑌮𑌿𑌨𑍍𑌨𑍇॒𑌵 𑌲𑍋॒𑌕 𑌋॑𑌦𑍍𑌧𑍍𑌨𑍋𑌤𑍍𑌯𑌾𑌦𑌿॒𑌤𑍍𑌯𑍋 𑌭॑𑌵𑌤𑍀॒ 𑌯𑌂-𑌵𑌾𑌁 𑌅𑌦𑌿॑𑌤𑌿𑌰॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠॒𑌤𑍍𑌯𑌥𑍋॑ 𑌅॒𑌸𑍍𑌯𑌾𑌮𑍇॒𑌵𑌾𑌧𑌿॑ 𑌯॒𑌜𑍍𑌞-𑌨𑍍𑌤॑𑌨𑍁𑌤𑍇॒ 𑌯𑍋 𑌵𑍈 𑌸𑌂॑​𑌵𑌁𑌥𑍍𑌸॒𑌰𑌮𑍁𑌖𑍍𑌯॒-𑌮𑌭𑍃॑𑌤𑍍𑌵𑌾॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯𑌥𑌾॑ 𑌸𑌾॒𑌮𑌿 𑌗𑌰𑍍𑌭𑍋॑-𑌽𑌵॒𑌪𑌦𑍍𑌯॑𑌤𑍇 𑌤𑌾॒𑌦𑍃𑌗𑍇॒𑌵 𑌤𑌦𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇᳚-𑌦𑍍𑌵𑍈𑌶𑍍𑌵𑌾𑌨॒𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌮𑍍𑌪𑍁॒𑌰𑌸𑍍𑌤𑌾॒𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌂​𑌵𑌁𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿-𑌰𑍍𑌵𑍈᳚𑌶𑍍𑌵𑌾𑌨॒𑌰𑍋 𑌯𑌥𑌾॑ 𑌸𑌂​𑌵𑌁𑌥𑍍𑌸॒𑌰𑌮𑌾॒𑌪𑍍𑌤𑍍𑌵𑌾 [ ] 6

𑌕𑌾॒𑌲 𑌆𑌗॑𑌤𑍇 𑌵𑌿॒𑌜𑌾𑌯॑𑌤 𑌏॒𑌵𑌮𑍇॒𑌵 𑌸𑌂॑​𑌵𑌁𑌥𑍍𑌸॒𑌰𑌮𑌾॒𑌪𑍍𑌤𑍍𑌵𑌾 𑌕𑌾॒𑌲 𑌆𑌗॑𑌤𑍇॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑍇॒𑌷𑌾 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌰𑍍𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰𑌃 𑌪𑍍𑌰𑌿॒𑌯𑌾𑌮𑍇॒𑌵𑌾𑌸𑍍𑌯॑ 𑌤॒𑌨𑍁𑌵॒𑌮𑌵॑ 𑌰𑍁𑌨𑍍𑌧𑍇॒ 𑌤𑍍𑌰𑍀𑌣𑍍𑌯𑍇॒𑌤𑌾𑌨𑌿॑ 𑌹॒𑌵𑍀𑌗𑍍​𑌮𑍍𑌷𑌿॑ 𑌭𑌵𑌨𑍍𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒𑌗𑍍​𑌮𑍍॒ 𑌰𑍋𑌹𑌾॑𑌯 ॥ 𑍭 ॥
(𑌯॒𑌦𑍍𑌰𑌿𑌯𑌂॑-𑌵𑌾𑌁॒𑌯𑍁 – 𑌰𑍍𑌯𑌚𑍍𑌛𑍍𑌮॑𑌶𑍍𑌰𑍁॒𑌣𑌸𑍍𑌤-𑌦𑍍- 𑌵𑌾॒𑌯𑍋 – 𑌰𑍍𑌨𑌿॒𑌰𑍍𑌵𑌪॑𑌤𑌿 𑌦𑍇॒𑌵𑌤𑌾॒ – 𑌸𑍍𑌤𑌸𑍍𑌮𑌾॑ – 𑌦𑌾॒𑌪𑍍𑌤𑍍𑌵𑌾 – 𑌷𑍍𑌟𑌾𑌤𑍍𑌰𑌿𑌗𑍍​𑌮𑍍॑𑌶𑌚𑍍𑌚 ) (𑌅. 1)

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾-𑌸𑍍𑌸𑍃॒𑌷𑍍𑌟𑍍𑌵𑌾 𑌪𑍍𑌰𑍇॒𑌣𑌾-𑌽𑌨𑍁॒ 𑌪𑍍𑌰𑌾𑌵𑌿॑𑌶॒-𑌤𑍍𑌤𑌾𑌭𑍍𑌯𑌃॒ 𑌪𑍁𑌨॒-𑌸𑍍𑌸𑌮𑍍𑌭॑𑌵𑌿𑌤𑍁॒-𑌨𑍍𑌨𑌾𑌶॑𑌕𑍍𑌨𑍋॒-𑌥𑍍𑌸𑍋᳚-𑌽𑌬𑍍𑌰𑌵𑍀𑌦𑍃॒𑌦𑍍𑌧𑍍𑌨𑌵॒𑌦𑌿-𑌥𑍍𑌸 𑌯𑍋 𑌮𑍇॒𑌤𑌃 𑌪𑍁𑌨॑-𑌸𑍍𑌸𑌞𑍍𑌚𑌿॒𑌨𑌵॒𑌦𑌿𑌤𑌿॒ 𑌤-𑌨𑍍𑌦𑍇॒𑌵𑌾-𑌸𑍍𑌸𑌮॑𑌚𑌿𑌨𑍍𑌵॒-𑌨𑍍𑌤𑌤𑍋॒ 𑌵𑍈 𑌤 𑌆᳚𑌰𑍍𑌧𑍍𑌨𑍁𑌵॒𑌨𑍍॒ 𑌯-𑌥𑍍𑌸॒𑌮𑌚𑌿॑𑌨𑍍𑌵॒-𑌨𑍍𑌤𑌚𑍍𑌚𑌿𑌤𑍍𑌯॑𑌸𑍍𑌯 𑌚𑌿𑌤𑍍𑌯॒𑌤𑍍𑌵𑌂-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤 𑌋॒𑌦𑍍𑌧𑍍𑌨𑍋𑌤𑍍𑌯𑍇॒𑌵 𑌕𑌸𑍍𑌮𑍈॒ 𑌕𑌮॒𑌗𑍍𑌨𑌿𑌶𑍍𑌚𑍀॑𑌯𑌤॒ 𑌇𑌤𑍍𑌯𑌾॑𑌹𑍁𑌰𑌗𑍍𑌨𑌿॒𑌵𑌾- [𑌇𑌤𑍍𑌯𑌾॑𑌹𑍁𑌰𑌗𑍍𑌨𑌿॒𑌵𑌾𑌨𑍍, 𑌅॒𑌸𑌾॒𑌨𑍀𑌤𑌿॒ 𑌵𑌾] 𑍮

-𑌨॑𑌸𑌾॒𑌨𑍀𑌤𑌿॒ 𑌵𑌾 𑌅॒𑌗𑍍𑌨𑌿𑌶𑍍𑌚𑍀॑𑌯𑌤𑍇 𑌽𑌗𑍍𑌨𑌿॒𑌵𑌾𑌨𑍇॒𑌵 𑌭॑𑌵𑌤𑌿॒ 𑌕𑌸𑍍𑌮𑍈॒ 𑌕𑌮॒𑌗𑍍𑌨𑌿𑌶𑍍𑌚𑍀॑𑌯𑌤॒ 𑌇𑌤𑍍𑌯𑌾॑𑌹𑍁𑌰𑍍𑌦𑍇॒𑌵𑌾 𑌮𑌾॑ 𑌵𑍇𑌦॒𑌨𑍍𑌨𑌿𑌤𑌿॒ 𑌵𑌾 𑌅॒𑌗𑍍𑌨𑌿𑌶𑍍𑌚𑍀॑𑌯𑌤𑍇 𑌵𑌿॒𑌦𑍁𑌰𑍇॑𑌨-𑌨𑍍𑌦𑍇॒𑌵𑌾𑌃 𑌕𑌸𑍍𑌮𑍈॒ 𑌕𑌮॒𑌗𑍍𑌨𑌿𑌶𑍍𑌚𑍀॑𑌯𑌤॒ 𑌇𑌤𑍍𑌯𑌾॑𑌹𑍁𑌰𑍍𑌗𑍃॒𑌹𑍍𑌯॑𑌸𑌾॒𑌨𑍀𑌤𑌿॒ 𑌵𑌾 𑌅॒𑌗𑍍𑌨𑌿𑌶𑍍𑌚𑍀॑𑌯𑌤𑍇 𑌗𑍃॒𑌹𑍍𑌯𑍇॑𑌵 𑌭॑𑌵𑌤𑌿॒ 𑌕𑌸𑍍𑌮𑍈॒ 𑌕𑌮॒𑌗𑍍𑌨𑌿𑌶𑍍𑌚𑍀॑𑌯𑌤॒ 𑌇𑌤𑍍𑌯𑌾॑𑌹𑍁𑌃 𑌪𑌶𑍁॒𑌮𑌾𑌨॑𑌸𑌾॒𑌨𑍀𑌤𑌿॒ 𑌵𑌾 𑌅॒𑌗𑍍𑌨𑌿- [𑌵𑌾 𑌅॒𑌗𑍍𑌨𑌿𑌃, 𑌚𑍀॒𑌯॒𑌤𑍇॒ 𑌪॒𑌶𑍁॒𑌮𑌾𑌨𑍇॒𑌵] 𑍯

-𑌶𑍍𑌚𑍀॑𑌯𑌤𑍇 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿॒ 𑌕𑌸𑍍𑌮𑍈॒ 𑌕𑌮॒𑌗𑍍𑌨𑌿𑌶𑍍𑌚𑍀॑𑌯𑌤॒ 𑌇𑌤𑍍𑌯𑌾॑𑌹𑍁-𑌸𑍍𑌸॒𑌪𑍍𑌤 𑌮𑌾॒ 𑌪𑍁𑌰𑍁॑𑌷𑌾॒ 𑌉𑌪॑ 𑌜𑍀𑌵𑌾॒𑌨𑌿𑌤𑌿॒ 𑌵𑌾 𑌅॒𑌗𑍍𑌨𑌿𑌶𑍍𑌚𑍀॑𑌯𑌤𑍇॒ 𑌤𑍍𑌰𑌯𑌃॒ 𑌪𑍍𑌰𑌾𑌞𑍍𑌚॒𑌸𑍍𑌤𑍍𑌰𑌯𑌃॑ 𑌪𑍍𑌰॒𑌤𑍍𑌯𑌞𑍍𑌚॑ 𑌆॒𑌤𑍍𑌮𑌾 𑌸॑𑌪𑍍𑌤॒𑌮 𑌏॒𑌤𑌾𑌵॑𑌨𑍍𑌤 𑌏॒𑌵𑍈𑌨॑𑌮॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌉𑌪॑ 𑌜𑍀𑌵𑌨𑍍𑌤𑌿 𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿𑌮॑𑌚𑌿𑌕𑍀𑌷𑌤॒ 𑌤-𑌮𑍍𑌪𑍃॑𑌥𑌿॒𑌵𑍍𑌯॑𑌬𑍍𑌰𑌵𑍀॒𑌨𑍍𑌨 𑌮𑌯𑍍𑌯॒𑌗𑍍𑌨𑌿-𑌞𑍍𑌚𑍇᳚𑌷𑍍𑌯॒𑌸𑍇-𑌽𑌤𑌿॑ 𑌮𑌾 𑌧𑌕𑍍𑌷𑍍𑌯𑌤𑌿॒ 𑌸𑌾 𑌤𑍍𑌵𑌾॑-𑌽𑌤𑌿𑌦॒𑌹𑍍𑌯𑌮𑌾॑𑌨𑌾॒ 𑌵𑌿 𑌧॑𑌵𑌿𑌷𑍍𑌯𑍇॒ [𑌵𑌿 𑌧॑𑌵𑌿𑌷𑍍𑌯𑍇, 𑌸 𑌪𑌾𑌪𑍀॑𑌯𑌾-] 10

𑌸 𑌪𑌾𑌪𑍀॑𑌯𑌾-𑌨𑍍𑌭𑌵𑌿𑌷𑍍𑌯॒𑌸𑍀𑌤𑌿॒ 𑌸𑍋᳚-𑌽𑌬𑍍𑌰𑌵𑍀॒-𑌤𑍍𑌤𑌥𑌾॒ 𑌵𑌾 𑌅॒𑌹-𑌙𑍍𑌕॑𑌰𑌿𑌷𑍍𑌯𑌾𑌮𑌿॒ 𑌯𑌥𑌾᳚ 𑌤𑍍𑌵𑌾॒ 𑌨𑌾𑌤𑌿॑𑌧॒𑌕𑍍𑌷𑍍𑌯𑌤𑍀𑌤𑌿॒ 𑌸 𑌇॒𑌮𑌾𑌮॒𑌭𑍍𑌯॑𑌮𑍃𑌶-𑌤𑍍𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॒𑌦𑍇𑌤𑍀॒𑌮𑌾𑌮𑍇॒𑌵𑍇𑌷𑍍𑌟॑𑌕𑌾-𑌙𑍍𑌕𑍃॒𑌤𑍍𑌵𑍋𑌪𑌾॑-𑌧॒𑌤𑍍𑌤𑌾-𑌨॑𑌤𑌿𑌦𑌾𑌹𑌾𑌯॒ 𑌯-𑌤𑍍𑌪𑍍𑌰𑌤𑍍𑌯॒𑌗𑍍𑌨𑌿-𑌞𑍍𑌚𑌿॑𑌨𑍍𑌵𑍀॒𑌤 𑌤𑌦॒𑌭𑌿 𑌮𑍃॑𑌶𑍇-𑌤𑍍𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॒𑌦𑍇- [-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦, 𑌇𑌤𑍀॒𑌮𑌾𑌮𑍇॒𑌵𑍇𑌷𑍍𑌟॑𑌕𑌾] 11

-𑌤𑍀॒𑌮𑌾𑌮𑍇॒𑌵𑍇𑌷𑍍𑌟॑𑌕𑌾-𑌙𑍍𑌕𑍃॒𑌤𑍍𑌵𑍋𑌪॑ 𑌧॒𑌤𑍍𑌤𑍇-𑌽𑌨॑𑌤𑌿𑌦𑌾𑌹𑌾𑌯 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॒ 𑌸 𑌏॒𑌤𑌮𑍁𑌖𑍍𑌯॑𑌮𑌪𑌶𑍍𑌯॒-𑌤𑍍𑌤𑌗𑍍​𑌮𑍍 𑌸𑌂॑​𑌵𑌁𑌥𑍍𑌸॒𑌰𑌮॑𑌬𑌿𑌭॒𑌸𑍍𑌤𑌤𑍋॒ 𑌵𑍈 𑌸 𑌪𑍍𑌰𑌾𑌜𑌾॑𑌯𑌤॒ 𑌤𑌸𑍍𑌮𑌾᳚-𑌥𑍍𑌸𑌂​𑌵𑌁𑌥𑍍𑌸॒𑌰-𑌮𑍍𑌭𑌾॒𑌰𑍍𑌯𑌃॑ 𑌪𑍍𑌰𑍈𑌵 𑌜𑌾॑𑌯𑌤𑍇॒ 𑌤𑌂-𑌵𑌁𑌸॑𑌵𑍋-𑌽𑌬𑍍𑌰𑍁𑌵॒-𑌨𑍍𑌪𑍍𑌰 𑌤𑍍𑌵𑌮॑𑌜𑌨𑌿𑌷𑍍𑌠𑌾 𑌵॒𑌯-𑌮𑍍𑌪𑍍𑌰𑌜𑌾॑𑌯𑌾𑌮𑌹𑌾॒ 𑌇𑌤𑌿॒ 𑌤𑌂-𑌵𑌁𑌸𑍁॑𑌭𑍍𑌯𑌃॒ 𑌪𑍍𑌰𑌾𑌯॑𑌚𑍍𑌛॒-𑌤𑍍𑌤-𑌨𑍍𑌤𑍍𑌰𑍀𑌣𑍍𑌯𑌹𑌾᳚𑌨𑍍𑌯𑌬𑌿𑌭𑌰𑍁॒-𑌸𑍍𑌤𑍇𑌨॒ [-𑌸𑍍𑌤𑍇𑌨॑, 𑌤𑍍𑌰𑍀𑌣𑌿॑] 12

𑌤𑍍𑌰𑍀𑌣𑌿॑ 𑌚 𑌶॒𑌤𑌾𑌨𑍍𑌯𑌸𑍃॑𑌜𑌨𑍍𑌤॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌤-𑌞𑍍𑌚॒ 𑌤𑌸𑍍𑌮𑌾᳚-𑌤𑍍𑌤𑍍𑌰𑍍𑌯॒𑌹-𑌮𑍍𑌭𑌾॒𑌰𑍍𑌯𑌃॑ 𑌪𑍍𑌰𑍈𑌵 𑌜𑌾॑𑌯𑌤𑍇॒ 𑌤𑌾-𑌨𑍍𑌰𑍁॒𑌦𑍍𑌰𑌾 𑌅॑𑌬𑍍𑌰𑍁𑌵॒-𑌨𑍍𑌪𑍍𑌰 𑌯𑍂॒𑌯𑌮॑𑌜𑌨𑌿𑌢𑍍𑌵𑌂-𑌵𑌁॒𑌯-𑌮𑍍𑌪𑍍𑌰𑌜𑌾॑𑌯𑌾𑌮𑌹𑌾॒ 𑌇𑌤𑌿॒ 𑌤𑌗𑍍​𑌮𑍍 𑌰𑍁॒𑌦𑍍𑌰𑍇𑌭𑍍𑌯𑌃॒ 𑌪𑍍𑌰𑌾𑌯॑𑌚𑍍𑌛॒-𑌨𑍍𑌤𑌗𑍍​𑌮𑍍 𑌷𑌡𑌹𑌾᳚𑌨𑍍𑌯𑌬𑌿𑌭𑌰𑍁॒𑌸𑍍𑌤𑍇𑌨॒ 𑌤𑍍𑌰𑍀𑌣𑌿॑ 𑌚 𑌶॒𑌤𑌾𑌨𑍍𑌯𑌸𑍃॑𑌜𑌨𑍍𑌤॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌤-𑌞𑍍𑌚॒ 𑌤𑌸𑍍𑌮𑌾᳚-𑌥𑍍𑌷𑌡॒𑌹-𑌮𑍍𑌭𑌾॒𑌰𑍍𑌯𑌃॑ 𑌪𑍍𑌰𑍈𑌵 𑌜𑌾॑𑌯𑌤𑍇॒ 𑌤𑌾𑌨𑌾॑𑌦𑌿॒𑌤𑍍𑌯𑌾 𑌅॑𑌬𑍍𑌰𑍁𑌵॒-𑌨𑍍𑌪𑍍𑌰 𑌯𑍂॒𑌯𑌮॑𑌜𑌨𑌿𑌢𑍍𑌵𑌂-𑌵𑌁॒𑌯- [-𑌁𑌵॒𑌯𑌮𑍍, 𑌪𑍍𑌰 𑌜𑌾॑𑌯𑌾𑌮𑌹𑌾॒] 13

-𑌮𑍍𑌪𑍍𑌰 𑌜𑌾॑𑌯𑌾𑌮𑌹𑌾॒ 𑌇𑌤𑌿॒ 𑌤𑌮𑌾॑𑌦𑌿॒𑌤𑍍𑌯𑍇𑌭𑍍𑌯𑌃॒ 𑌪𑍍𑌰𑌾𑌯॑𑌚𑍍𑌛॒-𑌨𑍍𑌤-𑌨𑍍𑌦𑍍𑌵𑌾𑌦॒𑌶𑌾𑌹𑌾᳚𑌨𑍍𑌯𑌬𑌿𑌭𑌰𑍁॒𑌸𑍍𑌤𑍇𑌨॒ 𑌤𑍍𑌰𑍀𑌣𑌿॑ 𑌚 𑌶॒𑌤𑌾𑌨𑍍𑌯𑌸𑍃॑𑌜𑌨𑍍𑌤॒ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌤-𑌞𑍍𑌚॒ 𑌤𑌸𑍍𑌮𑌾᳚-𑌦𑍍𑌦𑍍𑌵𑌾𑌦𑌶𑌾॒𑌹-𑌮𑍍𑌭𑌾॒𑌰𑍍𑌯𑌃॑ 𑌪𑍍𑌰𑍈𑌵 𑌜𑌾॑𑌯𑌤𑍇॒ 𑌤𑍇𑌨॒ 𑌵𑍈 𑌤𑍇 𑌸॒𑌹𑌸𑍍𑌰॑𑌮𑌸𑍃𑌜𑌨𑍍𑌤𑍋॒𑌖𑌾𑌗𑍍​𑌮𑍍 𑌸॑𑌹𑌸𑍍𑌰𑌤॒𑌮𑍀𑌂-𑌯𑌁 𑌏॒𑌵𑌮𑍁𑌖𑍍𑌯𑌗𑍍​𑌮𑍍॑ 𑌸𑌾𑌹॒𑌸𑍍𑌰𑌂-𑌵𑍇𑌁𑌦॒ 𑌪𑍍𑌰 𑌸॒𑌹𑌸𑍍𑌰॑-𑌮𑍍𑌪॒𑌶𑍂𑌨𑌾᳚𑌪𑍍𑌨𑍋𑌤𑌿 ॥ 14 ॥
(𑌅॒𑌗𑍍𑌨𑌿॒𑌵𑌾𑌨𑍍 – 𑌪॑𑌶𑍁॒𑌮𑌾𑌨॑𑌸𑌾॒𑌨𑍀𑌤𑌿॒ 𑌵𑌾 𑌅॒𑌗𑍍𑌨𑌿 – 𑌰𑍍𑌧॑𑌵𑌿𑌷𑍍𑌯𑍇 – 𑌮𑍃𑌶𑍇-𑌤𑍍𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵 𑌧𑍍𑌰𑍁॒𑌵𑌾 𑌸𑍀॑𑌦॒ – 𑌤𑍇𑌨॒ – 𑌤𑌾𑌨𑌾॑𑌦𑌿॒𑌤𑍍𑌯𑌾 𑌅॑𑌬𑍍𑌰𑍁𑌵॒-𑌨𑍍𑌪𑍍𑌰 𑌯𑍂॒𑌯𑌮॑𑌜𑌨𑌿𑌢𑍍𑌵𑌂-𑌵𑌁॒𑌯𑌂 – 𑌚॑𑌤𑍍𑌵𑌾𑌰𑌿॒𑌗𑍍​𑌮𑍍॒𑌶𑌚𑍍𑌚॑) (𑌅. 2)

𑌯𑌜𑍁॑𑌷𑌾॒ 𑌵𑌾 𑌏॒𑌷𑌾 𑌕𑍍𑌰𑌿॑𑌯𑌤𑍇॒ 𑌯𑌜𑍁॑𑌷𑌾 𑌪𑌚𑍍𑌯𑌤𑍇॒ 𑌯𑌜𑍁॑𑌷𑌾॒ 𑌵𑌿 𑌮𑍁॑𑌚𑍍𑌯𑌤𑍇॒ 𑌯𑌦𑍁॒𑌖𑌾 𑌸𑌾 𑌵𑌾 𑌏॒𑌷𑍈𑌤𑌰𑍍​𑌹𑌿॑ 𑌯𑌾॒𑌤𑌯𑌾᳚𑌮𑍍𑌨𑍀॒ 𑌸𑌾 𑌨 𑌪𑍁𑌨𑌃॑ 𑌪𑍍𑌰॒𑌯𑍁𑌜𑍍𑌯𑍇𑌤𑍍𑌯𑌾॑𑌹𑍁॒𑌰𑌗𑍍𑌨𑍇॑ 𑌯𑍁॒𑌕𑍍𑌷𑍍𑌵𑌾 𑌹𑌿 𑌯𑍇 𑌤𑌵॑ 𑌯𑍁॒𑌕𑍍𑌷𑍍𑌵𑌾 𑌹𑌿 𑌦𑍇॑𑌵॒𑌹𑍂𑌤॑𑌮𑌾॒𑌗𑍍​𑌮𑍍॒ 𑌇𑌤𑍍𑌯𑍁॒𑌖𑌾𑌯𑌾᳚-𑌞𑍍𑌜𑍁𑌹𑍋𑌤𑌿॒ 𑌤𑍇𑌨𑍈॒𑌵𑍈𑌨𑌾॒-𑌮𑍍𑌪𑍁𑌨𑌃॒ 𑌪𑍍𑌰𑌯𑍁॑𑌙𑍍𑌕𑍍𑌤𑍇॒ 𑌤𑍇𑌨𑌾𑌯𑌾॑𑌤𑌯𑌾𑌮𑍍𑌨𑍀॒ 𑌯𑍋 𑌵𑌾 𑌅॒𑌗𑍍𑌨𑌿𑌂-𑌯𑍋𑌁𑌗॒ 𑌆𑌗॑𑌤𑍇 𑌯𑍁॒𑌨𑌕𑍍𑌤𑌿॑ 𑌯𑍁॒𑌙𑍍𑌕𑍍𑌤𑍇 𑌯𑍁॑𑌞𑍍𑌜𑌾॒𑌨𑍇𑌷𑍍𑌵𑌗𑍍𑌨𑍇॑ [𑌯𑍁॑𑌞𑍍𑌜𑌾॒𑌨𑍇𑌷𑍍𑌵𑌗𑍍𑌨𑍇᳚, 𑌯𑍁॒𑌕𑍍𑌷𑍍𑌵𑌾 𑌹𑌿] 15

𑌯𑍁॒𑌕𑍍𑌷𑍍𑌵𑌾 𑌹𑌿 𑌯𑍇 𑌤𑌵॑ 𑌯𑍁॒𑌕𑍍𑌷𑍍𑌵𑌾 𑌹𑌿 𑌦𑍇॑𑌵॒𑌹𑍂𑌤॑𑌮𑌾॒𑌗𑍍​𑌮𑍍॒ 𑌇𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇𑌰𑍍𑌯𑍋𑌗॒𑌸𑍍𑌤𑍇𑌨𑍈॒𑌵𑍈𑌨𑌂॑-𑌯𑍁𑌁𑌨𑌕𑍍𑌤𑌿 𑌯𑍁॒𑌙𑍍𑌕𑍍𑌤𑍇 𑌯𑍁॑𑌞𑍍𑌜𑌾॒𑌨𑍇𑌷𑍁॑ 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌨𑍍𑌯॑𑌙𑍍𑌙॒𑌗𑍍𑌨𑌿𑌶𑍍𑌚𑍇॑𑌤॒𑌵𑍍𑌯𑌾(3) 𑌉॑𑌤𑍍𑌤𑌾॒𑌨𑌾(3) 𑌇𑌤𑌿॒ 𑌵𑌯॑𑌸𑌾𑌂॒-𑌵𑌾𑌁 𑌏॒𑌷 𑌪𑍍𑌰॑𑌤𑌿॒𑌮𑌯𑌾॑ 𑌚𑍀𑌯𑌤𑍇॒ 𑌯𑌦॒𑌗𑍍𑌨𑌿𑌰𑍍𑌯𑌨𑍍𑌨𑍍𑌯॑𑌞𑍍𑌚-𑌞𑍍𑌚𑌿𑌨𑍁॒𑌯𑌾-𑌤𑍍𑌪𑍃॑𑌷𑍍𑌟𑌿॒𑌤 𑌏॑𑌨॒𑌮𑌾𑌹𑍁॑𑌤𑌯 𑌋𑌚𑍍𑌛𑍇𑌯𑍁॒𑌰𑍍𑌯𑌦𑍁॑𑌤𑍍𑌤𑌾॒𑌨-𑌨𑍍𑌨 𑌪𑌤𑌿॑𑌤𑍁𑌗𑍍​𑌮𑍍 𑌶𑌕𑍍𑌨𑍁𑌯𑌾॒𑌦𑌸𑍁॑𑌵𑌰𑍍𑌗𑍍𑌯𑍋-𑌽𑌸𑍍𑌯 𑌸𑍍𑌯𑌾-𑌤𑍍𑌪𑍍𑌰𑌾॒𑌚𑍀𑌨॑-𑌮𑍁𑌤𑍍𑌤𑌾॒𑌨- [-𑌮𑍁𑌤𑍍𑌤𑌾॒𑌨𑌮𑍍, 𑌪𑍁॒𑌰𑍁॒𑌷॒𑌶𑍀॒𑌰𑍍॒𑌷𑌮𑍁𑌪॑ 𑌦𑌧𑌾𑌤𑌿] 16

-𑌮𑍍𑌪𑍁॑𑌰𑍁𑌷𑌶𑍀॒𑌰𑍍॒𑌷𑌮𑍁𑌪॑ 𑌦𑌧𑌾𑌤𑌿 𑌮𑍁𑌖॒𑌤 𑌏॒𑌵𑍈𑌨॒𑌮𑌾𑌹𑍁॑𑌤𑌯 𑌋𑌚𑍍𑌛𑌨𑍍𑌤𑌿॒ 𑌨𑍋𑌤𑍍𑌤𑌾॒𑌨-𑌞𑍍𑌚𑌿॑𑌨𑍁𑌤𑍇 𑌸𑍁𑌵॒𑌰𑍍𑌗𑍍𑌯𑍋᳚-𑌽𑌸𑍍𑌯 𑌭𑌵𑌤𑌿 𑌸𑍌॒𑌰𑍍𑌯𑌾 𑌜𑍁॑𑌹𑍋𑌤𑌿॒ 𑌚𑌕𑍍𑌷𑍁॑𑌰𑍇॒𑌵𑌾𑌸𑍍𑌮𑌿॒-𑌨𑍍𑌪𑍍𑌰𑌤𑌿॑ 𑌦𑌧𑌾𑌤𑌿॒ 𑌦𑍍𑌵𑌿𑌰𑍍𑌜𑍁॑𑌹𑍋𑌤𑌿॒ 𑌦𑍍𑌵𑍇 𑌹𑌿 𑌚𑌕𑍍𑌷𑍁॑𑌷𑍀 𑌸𑌮𑌾॒𑌨𑍍𑌯𑌾 𑌜𑍁॑𑌹𑍋𑌤𑌿 𑌸𑌮𑌾॒𑌨𑌗𑍍​𑌮𑍍 𑌹𑌿 𑌚𑌕𑍍𑌷𑍁॒-𑌸𑍍𑌸𑌮𑍃॑𑌦𑍍𑌧𑍍𑌯𑍈 𑌦𑍇𑌵𑌾𑌸𑍁॒𑌰𑌾-𑌸𑍍𑌸𑌂​𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌵𑌾॒𑌮𑌂-𑌵𑌁𑌸𑍁॒ 𑌸-𑌨𑍍𑌨𑍍𑌯॑𑌦𑌧𑌤॒ 𑌤𑌦𑍍𑌦𑍇॒𑌵𑌾 𑌵𑌾॑𑌮॒𑌭𑍃𑌤𑌾॑-𑌽𑌵𑍃𑌞𑍍𑌜𑌤॒ 𑌤𑌦𑍍𑌵𑌾॑𑌮॒𑌭𑍃𑌤𑍋॑ 𑌵𑌾𑌮𑌭𑍃॒𑌤𑍍𑌤𑍍𑌵𑌂-𑌯𑌁𑌦𑍍𑌵𑌾॑𑌮॒𑌭𑍃𑌤॑ 𑌮𑍁𑌪॒𑌦𑌧𑌾॑𑌤𑌿 𑌵𑌾॒𑌮𑌮𑍇॒𑌵 𑌤𑌯𑌾॒ 𑌵𑌸𑍁॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇॒ 𑌹𑌿𑌰॑𑌣𑍍𑌯𑌮𑍂𑌰𑍍𑌧𑍍𑌨𑍀 𑌭𑌵𑌤𑌿॒ 𑌜𑍍𑌯𑍋𑌤𑌿॒𑌰𑍍𑌵𑍈 𑌹𑌿𑌰॑𑌣𑍍𑌯॒-𑌞𑍍𑌜𑍍𑌯𑍋𑌤𑌿॑𑌰𑍍𑌵𑌾॒𑌮-𑌞𑍍𑌜𑍍𑌯𑍋𑌤𑌿॑𑌷𑍈॒𑌵𑌾𑌸𑍍𑌯॒ 𑌜𑍍𑌯𑍋𑌤𑌿॑𑌰𑍍𑌵𑌾॒𑌮𑌂-𑌵𑍃𑌁॑𑌙𑍍𑌕𑍍𑌤𑍇 𑌦𑍍𑌵𑌿𑌯॒𑌜𑍁𑌰𑍍𑌭॑𑌵𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 1𑍭 ॥
(𑌯𑍁॒𑌞𑍍𑌜𑌾॒𑌨𑍇𑌷𑍍𑌵𑌗𑍍𑌨𑍇᳚-𑌪𑍍𑌰𑌾॒𑌚𑍀𑌨॑𑌮𑍁𑌤𑍍𑌤𑌾॒𑌨𑌂 – 𑌁𑌵𑌾॑𑌮॒𑌭𑍃𑌤𑌂॒ – 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 3)

𑌆𑌪𑍋॒ 𑌵𑌰𑍁॑𑌣𑌸𑍍𑌯॒ 𑌪𑌤𑍍𑌨॑𑌯 𑌆𑌸॒-𑌨𑍍𑌤𑌾 𑌅॒𑌗𑍍𑌨𑌿𑌰॒𑌭𑍍𑌯॑𑌦𑍍𑌧𑍍𑌯𑌾𑌯॒-𑌤𑍍𑌤𑌾-𑌸𑍍𑌸𑌮॑𑌭𑌵॒-𑌤𑍍𑌤𑌸𑍍𑌯॒ 𑌰𑍇𑌤𑌃॒ 𑌪𑌰𑌾॑-𑌽𑌪𑌤॒-𑌤𑍍𑌤𑌦𑌿॒𑌯𑌮॑𑌭𑌵॒𑌦𑍍𑌯-𑌦𑍍𑌦𑍍𑌵𑌿॒𑌤𑍀𑌯॑-𑌮𑍍𑌪॒𑌰𑌾-𑌽𑌪॑𑌤॒-𑌤𑍍𑌤𑌦॒𑌸𑌾𑌵॑𑌭𑌵𑌦𑌿॒𑌯𑌂-𑌵𑍈𑌁 𑌵𑌿॒𑌰𑌾𑌡॒𑌸𑍌 𑌸𑍍𑌵॒𑌰𑌾𑌡𑍍 𑌯-𑌦𑍍𑌵𑌿॒𑌰𑌾𑌜𑌾॑𑌵𑍁𑌪॒𑌦𑌧𑌾॑𑌤𑍀॒𑌮𑍇 𑌏॒𑌵𑍋𑌪॑ 𑌧𑌤𑍍𑌤𑍇॒ 𑌯𑌦𑍍𑌵𑌾 𑌅॒𑌸𑍌 𑌰𑍇𑌤॑-𑌸𑍍𑌸𑌿॒𑌞𑍍𑌚𑌤𑌿॒ 𑌤𑌦॒𑌸𑍍𑌯𑌾-𑌮𑍍𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌤-𑌤𑍍𑌪𑍍𑌰 𑌜𑌾॑𑌯𑌤𑍇॒ 𑌤𑌾 𑌓𑌷॑𑌧𑌯𑍋 [𑌓𑌷॑𑌧𑌯𑌃, 𑌵𑍀॒𑌰𑍁𑌧𑍋॑] 1𑍮

𑌵𑍀॒𑌰𑍁𑌧𑍋॑ 𑌭𑌵𑌨𑍍𑌤𑌿॒ 𑌤𑌾 𑌅॒𑌗𑍍𑌨𑌿𑌰॑𑌤𑍍𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑍈𑌵 𑌜𑌾॑𑌯𑌤𑍇-𑌽𑌨𑍍𑌨𑌾॒𑌦𑍋 𑌭॑𑌵𑌤𑌿॒ 𑌯𑍋 𑌰𑍇॑𑌤॒𑌸𑍍𑌵𑍀 𑌸𑍍𑌯𑌾-𑌤𑍍𑌪𑍍𑌰॑𑌥॒𑌮𑌾𑌯𑌾॒-𑌨𑍍𑌤𑌸𑍍𑌯॒ 𑌚𑌿𑌤𑍍𑌯𑌾॑𑌮𑍁॒𑌭𑍇 𑌉𑌪॑ 𑌦𑌦𑍍𑌧𑍍𑌯𑌾𑌦𑌿॒𑌮𑍇 𑌏॒𑌵𑌾𑌸𑍍𑌮𑍈॑ 𑌸॒𑌮𑍀𑌚𑍀॒ 𑌰𑍇𑌤॑-𑌸𑍍𑌸𑌿𑌞𑍍𑌚𑌤𑍋॒ 𑌯-𑌸𑍍𑌸𑌿॒𑌕𑍍𑌤𑌰𑍇॑𑌤𑌾॒-𑌸𑍍𑌸𑍍𑌯𑌾-𑌤𑍍𑌪𑍍𑌰॑𑌥॒𑌮𑌾𑌯𑌾॒-𑌨𑍍𑌤𑌸𑍍𑌯॒ 𑌚𑌿𑌤𑍍𑌯𑌾॑𑌮॒𑌨𑍍𑌯𑌾𑌮𑍁𑌪॑ 𑌦𑌦𑍍𑌧𑍍𑌯𑌾𑌦𑍁𑌤𑍍𑌤॒𑌮𑌾𑌯𑌾॑𑌮॒𑌨𑍍𑌯𑌾𑌗𑍍​𑌮𑍍 𑌰𑍇𑌤॑ 𑌏॒𑌵𑌾𑌸𑍍𑌯॑ 𑌸𑌿॒𑌕𑍍𑌤𑌮𑌾॒𑌭𑍍𑌯𑌾𑌮𑍁॑𑌭॒𑌯𑌤𑌃॒ 𑌪𑌰𑌿॑ 𑌗𑍃𑌹𑍍𑌣𑌾𑌤𑌿 𑌸𑌂​𑌵𑌁𑌥𑍍𑌸॒𑌰-𑌨𑍍𑌨 𑌕- [𑌸𑌂​𑌵𑌁𑌥𑍍𑌸॒𑌰-𑌨𑍍𑌨 𑌕𑌮𑍍, 𑌚॒𑌨 𑌪𑍍𑌰॒𑌤𑍍𑌯𑌵॑𑌰𑍋𑌹𑍇॒𑌨𑍍𑌨] 1𑍯

-𑌞𑍍𑌚॒𑌨 𑌪𑍍𑌰॒𑌤𑍍𑌯𑌵॑𑌰𑍋𑌹𑍇॒𑌨𑍍𑌨 𑌹𑍀𑌮𑍇 𑌕𑌞𑍍𑌚॒𑌨 𑌪𑍍𑌰॑𑌤𑍍𑌯𑌵॒𑌰𑍋𑌹॑𑌤॒𑌸𑍍𑌤𑌦𑍇॑𑌨𑌯𑍋𑌰𑍍𑌵𑍍𑌰॒𑌤𑌂-𑌯𑍋𑌁 𑌵𑌾 𑌅𑌪॑ 𑌶𑍀𑌰𑍍​𑌷𑌾𑌣𑌮॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇-𑌽𑌪॑𑌶𑍀𑌰𑍍​𑌷𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌯-𑌸𑍍𑌸𑌶𑍀॑𑌰𑍍​𑌷𑌾𑌣-𑌞𑍍𑌚𑌿𑌨𑍁॒𑌤𑍇 𑌸𑌶𑍀॑𑌰𑍍​𑌷𑌾॒ 𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌚𑌿𑌤𑍍𑌤𑌿॑-𑌞𑍍𑌜𑍁𑌹𑍋𑌮𑌿॒ 𑌮𑌨॑𑌸𑌾 𑌘𑍃॒𑌤𑍇𑌨॒ 𑌯𑌥𑌾॑ 𑌦𑍇॒𑌵𑌾 𑌇॒𑌹𑌾-𑌽𑌽𑌗𑌮॑𑌨𑍍 𑌵𑍀॒𑌤𑌿𑌹𑍋᳚𑌤𑍍𑌰𑌾 𑌋𑌤𑌾॒𑌵𑍃𑌧॑-𑌸𑍍𑌸𑌮𑍁॒𑌦𑍍𑌰𑌸𑍍𑌯॑ 𑌵॒𑌯𑍁𑌨॑𑌸𑍍𑌯॒ 𑌪𑌤𑍍𑌮॑𑌨𑍍 𑌜𑍁॒𑌹𑍋𑌮𑌿॑ 𑌵𑌿॒𑌶𑍍𑌵𑌕॑𑌰𑍍𑌮𑌣𑍇॒ 𑌵𑌿𑌶𑍍𑌵𑌾-𑌽𑌹𑌾-𑌽𑌮॑𑌰𑍍𑌤𑍍𑌯𑌗𑍍​𑌮𑍍 𑌹॒𑌵𑌿𑌰𑌿𑌤𑌿॑ 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾𑌮𑍁॑𑌪॒𑌧𑌾𑌯॑ 𑌜𑍁𑌹𑍋- [𑌜𑍁𑌹𑍋𑌤𑌿, 𑌏॒𑌤𑌦𑍍𑌵𑌾] 20

-𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇-𑌶𑍍𑌶𑌿𑌰॒-𑌸𑍍𑌸𑌶𑍀॑𑌰𑍍​𑌷𑌾𑌣𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌸𑌶𑍀॑𑌰𑍍​𑌷𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ 𑌸𑍁𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯॑ 𑌚𑍀𑌯𑌤𑍇॒ 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯॒ 𑌯𑌦𑌯॑𑌥𑌾𑌪𑍂𑌰𑍍𑌵-𑌙𑍍𑌕𑍍𑌰𑌿॒𑌯𑌤𑍇 𑌽𑌸𑍁॑𑌵𑌰𑍍𑌗𑍍𑌯𑌮𑌸𑍍𑌯॒ 𑌤-𑌥𑍍𑌸𑍁॑𑌵॒𑌰𑍍𑌗𑍍𑌯𑍋᳚ 𑌽𑌗𑍍𑌨𑌿𑌶𑍍𑌚𑌿𑌤𑌿॑𑌮𑍁𑌪॒𑌧𑌾𑌯𑌾॒𑌭𑌿 𑌮𑍃॑𑌶𑍇॒𑌚𑍍𑌚𑌿𑌤𑍍𑌤𑌿॒𑌮𑌚𑌿॑𑌤𑍍𑌤𑌿-𑌞𑍍𑌚𑌿𑌨𑌵॒𑌦𑍍𑌵𑌿 𑌵𑌿॒𑌦𑍍𑌵𑌾-𑌨𑍍𑌪𑍃॒𑌷𑍍𑌠𑍇𑌵॑ 𑌵𑍀॒𑌤𑌾 𑌵𑍃॑𑌜𑌿॒𑌨𑌾 𑌚॒ 𑌮𑌰𑍍𑌤𑌾᳚-𑌨𑍍𑌰𑌾॒𑌯𑍇 𑌚॑ 𑌨-𑌸𑍍𑌸𑍍𑌵𑌪॒𑌤𑍍𑌯𑌾𑌯॑ 𑌦𑍇𑌵॒ 𑌦𑌿𑌤𑌿॑-𑌞𑍍𑌚॒ 𑌰𑌾𑌸𑍍𑌵𑌾-𑌦𑌿॑𑌤𑌿𑌮𑍁𑌰𑍁॒𑌷𑍍𑌯𑍇𑌤𑌿॑ 𑌯𑌥𑌾𑌪𑍂॒𑌰𑍍𑌵𑌮𑍇॒𑌵𑍈𑌨𑌾॒𑌮𑍁𑌪॑ 𑌧𑌤𑍍𑌤𑍇॒ 𑌪𑍍𑌰𑌾𑌞𑍍𑌚॑𑌮𑍇𑌨-𑌞𑍍𑌚𑌿𑌨𑍁𑌤𑍇 𑌸𑍁𑌵॒𑌰𑍍𑌗𑍍𑌯𑍋᳚-𑌽𑌸𑍍𑌯 𑌭𑌵𑌤𑌿 ॥ 21 ॥
(𑌓𑌷॑𑌧𑌯𑌃॒ – 𑌕𑌂 – 𑌜𑍁॑𑌹𑍋𑌤𑌿 – 𑌸𑍍𑌵𑌪॒𑌤𑍍𑌯𑌾𑌯𑌾॒ – 𑌷𑍍𑌟𑌾𑌦॑𑌶 𑌚) (𑌅. 4)

𑌵𑌿॒𑌶𑍍𑌵𑌕॑𑌰𑍍𑌮𑌾 𑌦𑌿॒𑌶𑌾-𑌮𑍍𑌪𑌤𑌿॒-𑌸𑍍𑌸 𑌨𑌃॑ 𑌪॒𑌶𑍂-𑌨𑍍𑌪𑌾॑𑌤𑍁॒ 𑌸𑍋᳚-𑌽𑌸𑍍𑌮𑌾-𑌨𑍍𑌪𑌾॑𑌤𑍁॒ 𑌤𑌸𑍍𑌮𑍈॒ 𑌨𑌮𑌃॑ 𑌪𑍍𑌰॒𑌜𑌾𑌪॑𑌤𑍀 𑌰𑍁॒𑌦𑍍𑌰𑍋 𑌵𑌰𑍁॑𑌣𑍋॒ 𑌽𑌗𑍍𑌨𑌿𑌰𑍍𑌦𑌿॒𑌶𑌾-𑌮𑍍𑌪𑌤𑌿॒-𑌸𑍍𑌸 𑌨𑌃॑ 𑌪॒𑌶𑍂-𑌨𑍍𑌪𑌾॑𑌤𑍁॒ 𑌸𑍋᳚-𑌽𑌸𑍍𑌮𑌾-𑌨𑍍𑌪𑌾॑𑌤𑍁॒ 𑌤𑌸𑍍𑌮𑍈॒ 𑌨𑌮॑ 𑌏॒𑌤𑌾 𑌵𑍈 𑌦𑍇॒𑌵𑌤𑌾॑ 𑌏॒𑌤𑍇𑌷𑌾᳚-𑌮𑍍𑌪𑌶𑍂॒𑌨𑌾-𑌮𑌧𑌿॑𑌪𑌤𑌯॒-𑌸𑍍𑌤𑌾𑌭𑍍𑌯𑍋॒ 𑌵𑌾 𑌏॒𑌷 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌯𑌃 𑌪॑𑌶𑍁𑌶𑍀॒𑌰𑍍॒𑌷𑌾𑌣𑍍𑌯𑍁॑𑌪॒ 𑌦𑌧𑌾॑𑌤𑌿 𑌹𑌿𑌰𑌣𑍍𑌯𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑍍𑌯𑍇॒𑌤𑌾𑌭𑍍𑌯॑ 𑌏॒𑌵 𑌦𑍇॒𑌵𑌤𑌾᳚𑌭𑍍𑌯𑍋॒ 𑌨𑌮॑𑌸𑍍𑌕𑌰𑍋𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ [𑌬𑍍𑌰𑌹𑍍𑌮𑌵𑌾॒𑌦𑌿𑌨𑌃॑, 𑌵॒𑌦॒𑌨𑍍𑌤𑍍𑌯॒𑌗𑍍𑌨𑍌 𑌗𑍍𑌰𑌾॒𑌮𑍍𑌯𑌾-] 22

𑌵𑌦𑌨𑍍𑌤𑍍𑌯॒𑌗𑍍𑌨𑍌 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂-𑌨𑍍𑌪𑍍𑌰 𑌦॑𑌧𑌾𑌤𑌿 𑌶𑍁॒𑌚𑌾-𑌽𑌽𑌰॒𑌣𑍍𑌯𑌾𑌨॑𑌰𑍍𑌪𑌯𑌤𑌿॒ 𑌕𑌿-𑌨𑍍𑌤𑌤॒ 𑌉𑌚𑍍𑌛𑌿𑌗𑍍​𑌮𑍍॑𑌷॒𑌤𑍀𑌤𑌿॒ 𑌯𑌦𑍍𑌧𑌿॑𑌰𑌣𑍍𑌯𑍇𑌷𑍍𑌟॒𑌕𑌾 𑌉॑𑌪॒𑌦𑌧𑌾᳚𑌤𑍍𑌯॒𑌮𑍃𑌤𑌂॒-𑌵𑍈𑌁 𑌹𑌿𑌰॑𑌣𑍍𑌯𑌮॒𑌮𑍃𑌤𑍇॑𑌨𑍈॒𑌵 𑌗𑍍𑌰𑌾॒𑌮𑍍𑌯𑍇𑌭𑍍𑌯𑌃॑ 𑌪॒𑌶𑍁𑌭𑍍𑌯𑍋॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑌿॒ 𑌨𑍈𑌨𑌾𑌨𑍍॑ 𑌹𑌿𑌨𑌸𑍍𑌤𑌿 𑌪𑍍𑌰𑌾॒𑌣𑍋 𑌵𑍈 𑌪𑍍𑌰॑𑌥॒𑌮𑌾 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌵𑍍𑌯𑌾॒𑌨𑍋 𑌦𑍍𑌵𑌿॒𑌤𑍀𑌯𑌾॑-𑌽𑌪𑌾॒𑌨𑌸𑍍𑌤𑍃॒𑌤𑍀𑌯𑌾-𑌽𑌨𑍁॒ 𑌪𑍍𑌰𑌾-𑌽𑌣𑍍𑌯𑌾᳚-𑌤𑍍𑌪𑍍𑌰𑌥॒𑌮𑌾𑌗𑍍​ 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾𑌮𑍁॑𑌪॒𑌧𑌾𑌯॑ 𑌪𑍍𑌰𑌾॒𑌣𑍇𑌨𑍈॒𑌵 𑌪𑍍𑌰𑌾॒𑌣𑌗𑍍​𑌮𑍍 𑌸𑌮॑𑌰𑍍𑌧𑌯𑌤𑌿॒ 𑌵𑍍𑌯॑𑌨𑍍𑌯𑌾- [𑌸𑌮॑𑌰𑍍𑌧𑌯𑌤𑌿॒ 𑌵𑍍𑌯॑𑌨𑍍𑌯𑌾𑌤𑍍, 𑌦𑍍𑌵𑌿॒𑌤𑍀𑌯𑌾॑𑌮𑍁𑌪॒𑌧𑌾𑌯॑] 23

-𑌦𑍍𑌦𑍍𑌵𑌿॒𑌤𑍀𑌯𑌾॑𑌮𑍁𑌪॒𑌧𑌾𑌯॑ 𑌵𑍍𑌯𑌾॒𑌨𑍇𑌨𑍈॒𑌵 𑌵𑍍𑌯𑌾॒𑌨𑌗𑍍​𑌮𑍍 𑌸𑌮॑𑌰𑍍𑌧𑌯॒𑌤𑍍𑌯𑌪𑌾᳚𑌨𑍍 𑌯𑌾𑌤𑍍𑌤𑍃॒𑌤𑍀𑌯𑌾॑𑌮𑍁𑌪॒𑌧𑌾𑌯𑌾॑-𑌪𑌾॒𑌨𑍇𑌨𑍈॒𑌵𑌾𑌪𑌾॒𑌨𑌗𑍍​𑌮𑍍 𑌸𑌮॑𑌰𑍍𑌧𑌯॒𑌤𑍍𑌯𑌥𑍋᳚ 𑌪𑍍𑌰𑌾॒𑌣𑍈𑌰𑍇॒𑌵𑍈𑌨॒𑌗𑍍​𑌮𑍍॒ 𑌸𑌮𑌿॑𑌨𑍍𑌧𑍇॒ 𑌭𑍂𑌰𑍍𑌭𑍁𑌵॒-𑌸𑍍𑌸𑍁𑌵॒𑌰𑌿𑌤𑌿॑ 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌉𑌪॑ 𑌦𑌧𑌾𑌤𑍀॒𑌮𑍇 𑌵𑍈 𑌲𑍋॒𑌕𑌾-𑌸𑍍𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 𑌏॒𑌤𑌾𑌭𑌿𑌃॒ 𑌖𑌲𑍁॒𑌵𑍈 𑌵𑍍𑌯𑌾𑌹𑍃॑𑌤𑍀𑌭𑌿𑌃 𑌪𑍍𑌰॒𑌜𑌾𑌪॑𑌤𑌿𑌃॒ 𑌪𑍍𑌰𑌾-𑌽𑌜𑌾॑𑌯𑌤॒ 𑌯𑌦𑍇॒𑌤𑌾𑌭𑌿॒𑌰𑍍𑌵𑍍𑌯𑌾𑌹𑍃॑𑌤𑍀𑌭𑌿-𑌸𑍍𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌉॑𑌪॒𑌦𑌧𑌾॑𑌤𑍀॒𑌮𑌾𑌨𑍇॒𑌵 𑌲𑍋॒𑌕𑌾𑌨𑍁॑𑌪॒𑌧𑌾𑌯𑍈॒𑌷𑍁 [ ] 24

𑌲𑍋॒𑌕𑍇𑌷𑍍𑌵𑌧𑌿॒ 𑌪𑍍𑌰𑌜𑌾॑𑌯𑌤𑍇 𑌪𑍍𑌰𑌾॒𑌣𑌾𑌯॑ 𑌵𑍍𑌯𑌾॒𑌨𑌾𑌯𑌾॑𑌪𑌾॒𑌨𑌾𑌯॑ 𑌵𑌾॒𑌚𑍇 𑌤𑍍𑌵𑌾॒ 𑌚𑌕𑍍𑌷𑍁॑𑌷𑍇 𑌤𑍍𑌵𑌾॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦𑌾॒𑌗𑍍𑌨𑌿𑌨𑌾॒ 𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॑𑌜𑌿𑌗𑌾𑌗𑍍​𑌮𑍍𑌸॒-𑌨𑍍𑌤𑍇𑌨॒ 𑌪𑌤𑌿॑𑌤𑍁॒-𑌨𑍍𑌨𑌾𑌶॑𑌕𑍍𑌨𑍁𑌵॒-𑌨𑍍𑌤 𑌏॒𑌤𑌾𑌶𑍍𑌚𑌤॑𑌸𑍍𑌰-𑌸𑍍𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌅॑𑌪𑌶𑍍𑌯॒-𑌨𑍍𑌤𑌾 𑌦𑌿॒𑌕𑍍𑌷𑍂𑌪𑌾॑𑌦𑌧𑌤॒ 𑌤𑍇𑌨॑ 𑌸॒𑌰𑍍𑌵𑌤॑𑌶𑍍𑌚𑌕𑍍𑌷𑍁𑌷𑌾 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒𑌨𑍍॒ 𑌯𑌚𑍍𑌚𑌤॑𑌸𑍍𑌰-𑌸𑍍𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌦𑌿॒𑌕𑍍𑌷𑍂॑𑌪॒𑌦𑌧𑌾॑𑌤𑌿 𑌸॒𑌰𑍍𑌵𑌤॑𑌶𑍍𑌚𑌕𑍍𑌷𑍁𑌷𑍈॒𑌵 𑌤𑌦॒𑌗𑍍𑌨𑌿𑌨𑌾॒ 𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 25 ॥
(𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॒ – 𑌵𑍍𑌯॑𑌨𑍍𑌯𑌾 – 𑌦𑍇॒𑌷𑍁 – 𑌯𑌜॑𑌮𑌾𑌨॒ – 𑌸𑍍𑌤𑍍𑌰𑍀𑌣𑌿॑ 𑌚) (𑌅. 5)

𑌅𑌗𑍍𑌨॒ 𑌆 𑌯𑌾॑𑌹𑌿 𑌵𑍀॒𑌤𑌯॒ 𑌇𑌤𑍍𑌯𑌾॒𑌹𑌾-𑌹𑍍𑌵॑𑌤𑍈॒𑌵𑍈𑌨॑-𑌮॒𑌗𑍍𑌨𑌿-𑌨𑍍𑌦𑍂॒𑌤𑌂-𑌵𑍃𑌁॑𑌣𑍀𑌮𑌹॒ 𑌇𑌤𑍍𑌯𑌾॑𑌹 𑌹𑍂॒𑌤𑍍𑌵𑍈𑌵𑍈𑌨𑌂॑-𑌵𑍃𑌁𑌣𑍀𑌤𑍇॒ 𑌽𑌗𑍍𑌨𑌿𑌨𑌾॒-𑌽𑌗𑍍𑌨𑌿-𑌸𑍍𑌸𑌮𑌿॑𑌦𑍍𑌧𑍍𑌯𑌤॒ 𑌇𑌤𑍍𑌯𑌾॑𑌹॒ 𑌸𑌮𑌿॑𑌨𑍍𑌧 𑌏॒𑌵𑍈𑌨॑𑌮॒𑌗𑍍𑌨𑌿𑌰𑍍𑌵𑍃॒𑌤𑍍𑌰𑌾𑌣𑌿॑ 𑌜𑌙𑍍𑌘𑌨॒𑌦𑌿𑌤𑍍𑌯𑌾॑𑌹॒ 𑌸𑌮𑌿॑𑌦𑍍𑌧 𑌏॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑍍𑌯॒𑌗𑍍𑌨𑍇-𑌸𑍍𑌸𑍍𑌤𑍋𑌮॑-𑌮𑍍𑌮𑌨𑌾𑌮𑌹॒ 𑌇𑌤𑍍𑌯𑌾॑𑌹 𑌮𑌨𑍁॒𑌤 𑌏॒𑌵𑍈𑌨॑𑌮𑍇॒𑌤𑌾𑌨𑌿॒ 𑌵𑌾 𑌅𑌹𑍍𑌨𑌾𑌗𑍍​𑌮𑍍॑ 𑌰𑍂॒𑌪𑌾- [𑌰𑍂॒𑌪𑌾𑌣𑌿॑, 𑌅॒𑌨𑍍𑌵॒𑌹𑌮𑍇॒𑌵𑍈𑌨॑-] 26

-𑌣𑍍𑌯॑𑌨𑍍𑌵॒𑌹𑌮𑍇॒𑌵𑍈𑌨॑-𑌞𑍍𑌚𑌿𑌨𑍁॒𑌤𑍇 𑌽𑌵𑌾𑌹𑍍𑌨𑌾𑌗𑍍​𑌮𑍍॑ 𑌰𑍂॒𑌪𑌾𑌣𑌿॑ 𑌰𑍁𑌨𑍍𑌧𑍇 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌕𑌸𑍍𑌮𑌾᳚-𑌥𑍍𑌸॒𑌤𑍍𑌯𑌾𑌦𑍍𑌯𑌾॒𑌤𑌯𑌾᳚𑌮𑍍𑌨𑍀𑌰॒𑌨𑍍𑌯𑌾 𑌇𑌷𑍍𑌟॑𑌕𑌾॒ 𑌅𑌯𑌾॑𑌤𑌯𑌾𑌮𑍍𑌨𑍀 𑌲𑍋𑌕-𑌮𑍍𑌪𑍃॒𑌣𑍇𑌤𑍍𑌯𑍈᳚𑌨𑍍𑌦𑍍𑌰𑌾॒𑌗𑍍𑌨𑍀 𑌹𑌿 𑌬𑌾॑𑌰𑍍​𑌹𑌸𑍍𑌪॒𑌤𑍍𑌯𑍇𑌤𑌿॑ 𑌬𑍍𑌰𑍂𑌯𑌾𑌦𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌚॒ 𑌹𑌿 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌶𑍍𑌚𑌾-𑌯𑌾॑𑌤𑌯𑌾𑌮𑌾𑌨𑍋 𑌽𑌨𑍁𑌚॒𑌰𑌵॑𑌤𑍀 𑌭𑌵॒𑌤𑍍𑌯𑌜𑌾॑𑌮𑌿𑌤𑍍𑌵𑌾𑌯𑌾 -𑌨𑍁॒𑌷𑍍𑌟𑍁𑌭𑌾-𑌽𑌨𑍁॑ 𑌚𑌰𑌤𑍍𑌯𑌾॒𑌤𑍍𑌮𑌾 𑌵𑍈 𑌲𑍋॑𑌕-𑌮𑍍𑌪𑍃॒𑌣𑌾 𑌪𑍍𑌰𑌾॒𑌣𑍋॑ 𑌽𑌨𑍁॒𑌷𑍍𑌟𑍁-𑌪𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣-𑌸𑍍𑌸𑌰𑍍𑌵𑌾॒𑌣𑍍𑌯𑌙𑍍𑌗𑌾॒𑌨𑍍𑌯𑌨𑍁॑ 𑌚𑌰𑌤𑌿॒ 𑌤𑌾 𑌅॑𑌸𑍍𑌯॒ 𑌸𑍂𑌦॑𑌦𑍋𑌹𑌸॒ [𑌸𑍂𑌦॑𑌦𑍋𑌹𑌸𑌃, 𑌇𑌤𑍍𑌯𑌾॑𑌹॒] 2𑍭

𑌇𑌤𑍍𑌯𑌾॑𑌹॒ 𑌤𑌸𑍍𑌮𑌾॒-𑌤𑍍𑌪𑌰𑍁॑𑌷𑌿𑌪𑌰𑍁𑌷𑌿॒ 𑌰𑌸॒-𑌸𑍍𑌸𑍋𑌮𑌗𑍍𑌗𑍍॑ 𑌶𑍍𑌰𑍀𑌣𑌨𑍍𑌤𑌿॒ 𑌪𑍃𑌶𑍍𑌞॑𑌯॒ 𑌇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌪𑍃𑌶𑍍𑌞𑍍𑌯𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒-𑌽𑌰𑍍𑌕𑍋 𑌵𑌾 𑌅॒𑌗𑍍𑌨𑌿𑌰॒𑌰𑍍𑌕𑍋-𑌽𑌨𑍍𑌨॒𑌮𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌜𑌨𑍍𑌮॑-𑌨𑍍𑌦𑍇॒𑌵𑌾𑌨𑌾𑌂॒-𑌵𑌿𑌁𑌶॑𑌸𑍍𑌤𑍍𑌰𑌿॒𑌷𑍍𑌵𑌾 𑌰𑍋॑𑌚॒𑌨𑍇 𑌦𑌿॒𑌵 𑌇𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑌾𑌨𑍍 𑌜𑍍𑌯𑍋𑌤𑌿॑𑌷𑍍𑌮𑌤𑌃 𑌕𑌰𑍋𑌤𑌿॒ 𑌯𑍋 𑌵𑌾 𑌇𑌷𑍍𑌟॑𑌕𑌾𑌨𑌾-𑌮𑍍𑌪𑍍𑌰𑌤𑌿॒𑌷𑍍𑌠𑌾𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॒𑌦𑍇𑌤𑍍𑌯𑌾॑𑌹𑍈॒𑌷𑌾 𑌵𑌾 𑌇𑌷𑍍𑌟॑𑌕𑌾𑌨𑌾-𑌮𑍍𑌪𑍍𑌰𑌤𑌿॒𑌷𑍍𑌠𑌾 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵𑌤𑌿॑𑌷𑍍𑌠𑌤𑌿 ॥ 2𑍮 ॥
(𑌰𑍂॒𑌪𑌾𑌣𑌿॒ – 𑌸𑍂𑌦॑𑌦𑍋𑌹𑌸॒ – 𑌸𑍍𑌤𑌯𑌾॒ – 𑌷𑍋𑌡॑𑌶 𑌚) (𑌅. 6)

𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯॑ 𑌚𑍀𑌯𑌤𑍇॒ 𑌯𑌦॒𑌗𑍍𑌨𑌿𑌰𑍍𑌵𑌜𑍍𑌰॑ 𑌏𑌕𑌾𑌦॒𑌶𑌿𑌨𑍀॒ 𑌯𑌦॒𑌗𑍍𑌨𑌾𑌵𑍇॑𑌕𑌾𑌦॒𑌶𑌿𑌨𑍀᳚-𑌮𑍍𑌮𑌿𑌨𑍁॒𑌯𑌾-𑌦𑍍𑌵𑌜𑍍𑌰𑍇॑𑌣𑍈𑌨𑌗𑍍​𑌮𑍍 𑌸𑍁𑌵॒𑌰𑍍𑌗𑌾𑌲𑍍𑌲𑍋॒𑌕𑌾𑌦॒𑌨𑍍𑌤𑌰𑍍𑌦॑𑌦𑍍𑌧𑍍𑌯𑌾॒𑌦𑍍𑌯𑌨𑍍𑌨 𑌮𑌿॑𑌨𑍁॒𑌯𑌾-𑌥𑍍𑌸𑍍𑌵𑌰𑍁॑𑌭𑌿𑌃 𑌪॒𑌶𑍂𑌨𑍍 𑌵𑍍𑌯॑𑌰𑍍𑌧𑌯𑍇𑌦𑍇𑌕𑌯𑍂॒𑌪-𑌮𑍍𑌮𑌿॑𑌨𑍋𑌤𑌿॒ 𑌨𑍈𑌨𑌂॒-𑌵𑌁𑌜𑍍𑌰𑍇॑𑌣 𑌸𑍁𑌵॒𑌰𑍍𑌗𑌾𑌲𑍍𑌲𑍋॒𑌕𑌾𑌦॑𑌨𑍍𑌤॒𑌰𑍍𑌦𑌧𑌾॑𑌤𑌿॒ 𑌨 𑌸𑍍𑌵𑌰𑍁॑𑌭𑌿𑌃 𑌪॒𑌶𑍂𑌨𑍍 𑌵𑍍𑌯॑𑌰𑍍𑌧𑌯𑌤𑌿॒ 𑌵𑌿 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣𑌰𑍍𑌧𑍍𑌯𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌨𑍍𑌵-𑌨𑍍𑌨॑𑌧𑌿॒𑌕𑍍𑌰𑌾𑌮॑𑌤𑍍𑌯𑍈𑌨𑍍𑌦𑍍𑌰𑌿॒𑌯- [-𑌨𑍍𑌨॑𑌧𑌿॒𑌕𑍍𑌰𑌾𑌮॑𑌤𑍍𑌯𑍈𑌨𑍍𑌦𑍍𑌰𑌿॒𑌯𑌾, 𑌋॒𑌚𑌾 𑌽𑌽𑌕𑍍𑌰𑌮॑𑌣॒-] 2𑍯

-𑌰𑍍𑌚𑌾 𑌽𑌽𑌕𑍍𑌰𑌮॑𑌣॒-𑌮𑍍𑌪𑍍𑌰𑌤𑍀𑌷𑍍𑌟॑𑌕𑌾॒𑌮𑍁𑌪॑ 𑌦𑌦𑍍𑌧𑍍𑌯𑌾॒𑌨𑍍𑌨𑍇𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣॒ 𑌵𑍍𑌯𑍃॑𑌦𑍍𑌧𑍍𑌯𑌤𑍇 𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯॑ 𑌤𑌿॒𑌸𑍍𑌰-𑌶𑍍𑌶॑𑌰॒𑌵𑍍𑌯𑌾𑌃᳚ 𑌪𑍍𑌰॒𑌤𑍀𑌚𑍀॑ 𑌤𑌿॒𑌰𑌶𑍍𑌚𑍍𑌯॒𑌨𑍂𑌚𑍀॒ 𑌤𑌾𑌭𑍍𑌯𑍋॒ 𑌵𑌾 𑌏॒𑌷 𑌆 𑌵𑍃॑𑌶𑍍𑌚𑍍𑌯𑌤𑍇॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇᳚ 𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌤𑌿॑𑌸𑍃𑌧॒𑌨𑍍𑌵𑌮𑌯𑌾॑𑌚𑌿𑌤-𑌮𑍍𑌬𑍍𑌰𑌾𑌹𑍍𑌮॒𑌣𑌾𑌯॑ 𑌦𑌦𑍍𑌯𑌾॒-𑌤𑍍𑌤𑌾𑌭𑍍𑌯॑ 𑌏॒𑌵 𑌨𑌮॑𑌸𑍍𑌕𑌰𑍋॒𑌤𑍍𑌯𑌥𑍋॒ 𑌤𑌾𑌭𑍍𑌯॑ 𑌏॒𑌵𑌾-𑌽𑌽𑌤𑍍𑌮𑌾𑌨॒-𑌨𑍍𑌨𑌿𑌷𑍍𑌕𑍍𑌰𑍀॑𑌣𑍀𑌤𑍇॒ 𑌯𑌤𑍍𑌤𑍇॑ 𑌰𑍁𑌦𑍍𑌰 𑌪𑍁॒𑌰𑍋 [𑌰𑍁𑌦𑍍𑌰 𑌪𑍁॒𑌰𑌃, 𑌧𑌨𑍁॒𑌸𑍍𑌤-𑌦𑍍𑌵𑌾𑌤𑍋॒] 30

𑌧𑌨𑍁॒𑌸𑍍𑌤-𑌦𑍍𑌵𑌾𑌤𑍋॒ 𑌅𑌨𑍁॑ 𑌵𑌾𑌤𑍁 𑌤𑍇॒ 𑌤𑌸𑍍𑌮𑍈 𑌤𑍇॑ 𑌰𑍁𑌦𑍍𑌰 𑌸𑌂​𑌵𑌁𑌥𑍍𑌸॒𑌰𑍇𑌣॒ 𑌨𑌮॑𑌸𑍍𑌕𑌰𑍋𑌮𑌿॒ 𑌯𑌤𑍍𑌤𑍇॑ 𑌰𑍁𑌦𑍍𑌰 𑌦𑌕𑍍𑌷𑌿॒𑌣𑌾 𑌧𑌨𑍁॒𑌸𑍍𑌤-𑌦𑍍𑌵𑌾𑌤𑍋॒ 𑌅𑌨𑍁॑ 𑌵𑌾𑌤𑍁 𑌤𑍇॒ 𑌤𑌸𑍍𑌮𑍈॑ 𑌤𑍇 𑌰𑍁𑌦𑍍𑌰 𑌪𑌰𑌿𑌵𑌥𑍍𑌸॒𑌰𑍇𑌣॒ 𑌨𑌮॑𑌸𑍍𑌕𑌰𑍋𑌮𑌿॒ 𑌯𑌤𑍍𑌤𑍇॑ 𑌰𑍁𑌦𑍍𑌰 𑌪॒𑌶𑍍𑌚𑌾𑌦𑍍𑌧𑌨𑍁॒𑌸𑍍𑌤-𑌦𑍍𑌵𑌾𑌤𑍋॒ 𑌅𑌨𑍁॑ 𑌵𑌾𑌤𑍁 𑌤𑍇॒ 𑌤𑌸𑍍𑌮𑍈॑ 𑌤𑍇 𑌰𑍁𑌦𑍍𑌰𑍇𑌦𑌾𑌵𑌥𑍍𑌸॒𑌰𑍇𑌣॒ 𑌨𑌮॑𑌸𑍍𑌕𑌰𑍋𑌮𑌿॒ 𑌯𑌤𑍍𑌤𑍇॑ 𑌰𑍁𑌦𑍍𑌰𑍋𑌤𑍍𑌤॒𑌰𑌾-𑌦𑍍𑌧𑌨𑍁॒𑌸𑍍𑌤- [𑌦𑍍𑌧𑌨𑍁॒𑌸𑍍𑌤𑌤𑍍, 𑌵𑌾𑌤𑍋॒] 31

-𑌦𑍍𑌵𑌾𑌤𑍋॒ 𑌅𑌨𑍁॑ 𑌵𑌾𑌤𑍁 𑌤𑍇॒ 𑌤𑌸𑍍𑌮𑍈॑ 𑌤𑍇 𑌰𑍁𑌦𑍍𑌰𑍇𑌦𑍁𑌵𑌥𑍍𑌸॒𑌰𑍇𑌣॒ 𑌨𑌮॑𑌸𑍍𑌕𑌰𑍋𑌮𑌿॒ 𑌯𑌤𑍍𑌤𑍇॑ 𑌰𑍁𑌦𑍍𑌰𑍋॒𑌪𑌰𑌿॒ 𑌧𑌨𑍁॒𑌸𑍍𑌤-𑌦𑍍𑌵𑌾𑌤𑍋॒ 𑌅𑌨𑍁॑ 𑌵𑌾𑌤𑍁 𑌤𑍇॒ 𑌤𑌸𑍍𑌮𑍈॑ 𑌤𑍇 𑌰𑍁𑌦𑍍𑌰 𑌵𑌥𑍍𑌸॒𑌰𑍇𑌣॒ 𑌨𑌮॑𑌸𑍍𑌕𑌰𑍋𑌮𑌿 𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿-𑌸𑍍𑌸 𑌯𑌥𑌾᳚ 𑌵𑍍𑌯𑌾॒𑌘𑍍𑌰𑌃 𑌕𑍍𑌰𑍁॒𑌦𑍍𑌧-𑌸𑍍𑌤𑌿𑌷𑍍𑌠॑𑌤𑍍𑌯𑍇॒𑌵𑌂-𑌵𑌾𑌁 𑌏॒𑌷 𑌏॒𑌤𑌰𑍍​𑌹𑌿॒ 𑌸𑌞𑍍𑌚𑌿॑𑌤𑌮𑍇॒𑌤𑍈𑌰𑍁𑌪॑ 𑌤𑌿𑌷𑍍𑌠𑌤𑍇 𑌨𑌮𑌸𑍍𑌕𑌾॒𑌰𑍈-𑌰𑍇॒𑌵𑍈𑌨𑌗𑍍​𑌮𑍍॑ 𑌶𑌮𑌯𑌤𑌿॒ 𑌯𑍇᳚-𑌽𑌗𑍍𑌨𑌯𑌃॑ – [𑌯𑍇᳚-𑌽𑌗𑍍𑌨𑌯𑌃॑, 𑌪𑍁॒𑌰𑍀॒𑌷𑍍𑌯𑌾𑌃᳚] 32

𑌪𑍁𑌰𑍀॒𑌷𑍍𑌯𑌾𑌃᳚ 𑌪𑍍𑌰𑌵𑌿॑𑌷𑍍𑌟𑌾𑌃 𑌪𑍃𑌥𑌿॒𑌵𑍀𑌮𑌨𑍁॑ । 𑌤𑍇𑌷𑌾॒-𑌨𑍍𑌤𑍍𑌵𑌮॑𑌸𑍍𑌯𑍁𑌤𑍍𑌤॒𑌮𑌃 𑌪𑍍𑌰𑌣𑍋॑ 𑌜𑍀॒𑌵𑌾𑌤॑𑌵𑍇 𑌸𑍁𑌵 ॥ 𑌆𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇॒ 𑌮𑌨॒𑌸𑌾 𑌽𑌽𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇॒ 𑌤𑌪॒𑌸𑌾 𑌽𑌽𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌦𑍀॒𑌕𑍍𑌷𑌯𑌾 𑌽𑌽𑌪॑-𑌨𑍍𑌤𑍍𑌵𑌾-𑌽𑌗𑍍𑌨 𑌉𑌪॒𑌸𑌦𑍍𑌭𑌿॒𑌰𑌾𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌸𑍁॒𑌤𑍍𑌯𑌯𑌾-𑌽𑌽𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇॒ 𑌦𑌕𑍍𑌷𑌿॑𑌣𑌾𑌭𑌿॒𑌰𑌾𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌽𑌵𑌭𑍃॒𑌥𑍇𑌨𑌾𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌵॒𑌶𑌯𑌾 𑌽𑌽𑌪॑-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌸𑍍𑌵𑌗𑌾𑌕𑌾॒𑌰𑍇𑌣𑍇𑌤𑍍𑌯𑌾॑𑌹𑍈॒ 𑌷𑌾 𑌵𑌾 𑌅॒𑌗𑍍𑌨𑍇𑌰𑌾𑌪𑍍𑌤𑌿॒𑌸𑍍𑌤𑌯𑍈॒𑌵𑍈𑌨॑𑌮𑌾𑌪𑍍𑌨𑍋𑌤𑌿 ॥ 33 ॥
(𑌐॒𑌨𑍍𑌦𑍍𑌰𑌿॒𑌯𑌾 – 𑌪𑍁॒𑌰 – 𑌉॑𑌤𑍍𑌤॒𑌰𑌾𑌦𑍍𑌧𑌨𑍁॒𑌸𑍍𑌤- 𑌦॒𑌗𑍍𑌨𑌯॑ – 𑌆𑌹𑌾॒ – 𑌷𑍍𑌟𑍌 𑌚॑) (𑌅. 𑍭)

𑌗𑌾॒𑌯॒𑌤𑍍𑌰𑍇𑌣॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌤𑌿𑌷𑍍𑌠𑌤𑍇 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 𑌬𑍃𑌹-𑌦𑍍𑌰𑌥𑌨𑍍𑌤॒𑌰𑌾𑌭𑍍𑌯𑌾᳚-𑌮𑍍𑌪॒𑌕𑍍𑌷𑌾𑌵𑍋𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑍍𑌯𑍃𑌤𑍁॒𑌸𑍍𑌥𑌾𑌯॑𑌜𑍍𑌞𑌾-𑌯॒𑌜𑍍𑌞𑌿𑌯𑍇॑𑌨॒ 𑌪𑍁𑌚𑍍𑌛॑𑌮𑍃॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌪𑍃॒𑌷𑍍𑌠𑍈𑌰𑍁𑌪॑ 𑌤𑌿𑌷𑍍𑌠𑌤𑍇॒ 𑌤𑍇𑌜𑍋॒ 𑌵𑍈 𑌪𑍃॒𑌷𑍍𑌠𑌾𑌨𑌿॒ 𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿𑌮॑𑌸𑍃𑌜𑌤॒ 𑌸𑍋᳚-𑌽𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌃 𑌪𑌰𑌾𑌂॑𑌐॒-𑌤𑍍𑌤𑌂-𑌵𑌾𑌁॑𑌰𑌵॒𑌨𑍍𑌤𑍀𑌯𑍇॑𑌨𑌾-𑌵𑌾𑌰𑌯𑌤॒ 𑌤-𑌦𑍍𑌵𑌾॑𑌰𑌵॒𑌨𑍍𑌤𑍀𑌯॑𑌸𑍍𑌯 𑌵𑌾𑌰𑌵𑌨𑍍𑌤𑍀𑌯॒𑌤𑍍𑌵𑌗𑍍𑌗𑍍​ 𑌶𑍍𑌯𑍈॒𑌤𑍇𑌨॑ 𑌶𑍍𑌯𑍇॒𑌤𑍀 𑌅॑𑌕𑍁𑌰𑍁𑌤॒ 𑌤𑌚𑍍𑌛𑍍𑌯𑍈॒𑌤𑌸𑍍𑌯॑ 𑌶𑍍𑌯𑍈𑌤॒𑌤𑍍𑌵𑌂- [𑌶𑍍𑌯𑍈𑌤॒𑌤𑍍𑌵𑌮𑍍, 𑌯-𑌦𑍍𑌵𑌾॑𑌰𑌵॒𑌨𑍍𑌤𑍀𑌯𑍇॑𑌨𑍋𑌪॒𑌤𑌿𑌷𑍍𑌠॑𑌤𑍇] 34

-𑌁𑌯-𑌦𑍍𑌵𑌾॑𑌰𑌵॒𑌨𑍍𑌤𑍀𑌯𑍇॑𑌨𑍋𑌪॒𑌤𑌿𑌷𑍍𑌠॑𑌤𑍇 𑌵𑌾॒𑌰𑌯॑𑌤 𑌏॒𑌵𑍈𑌨𑌗𑍍𑌗𑍍॑ 𑌶𑍍𑌯𑍈॒𑌤𑍇𑌨॑ 𑌶𑍍𑌯𑍇॒𑌤𑍀 𑌕𑍁॑𑌰𑍁𑌤𑍇 𑌪𑍍𑌰॒𑌜𑌾𑌪॑𑌤𑍇॒𑌰𑍍​𑌹𑍃𑌦॑𑌯𑍇𑌨𑌾-𑌪𑌿𑌪॒𑌕𑍍𑌷-𑌮𑍍𑌪𑍍𑌰𑌤𑍍𑌯𑍁𑌪॑ 𑌤𑌿𑌷𑍍𑌠𑌤𑍇 𑌪𑍍𑌰𑍇॒𑌮𑌾𑌣॑𑌮𑍇॒𑌵𑌾𑌸𑍍𑌯॑ 𑌗𑌚𑍍𑌛𑌤𑌿॒ 𑌪𑍍𑌰𑌾𑌚𑍍𑌯𑌾᳚ 𑌤𑍍𑌵𑌾 𑌦𑌿॒𑌶𑌾 𑌸𑌾॑𑌦𑌯𑌾𑌮𑌿 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾॒-𑌽𑌗𑍍𑌨𑌿𑌨𑌾॑ 𑌦𑍇॒𑌵𑌤॑𑌯𑌾॒-𑌽𑌗𑍍𑌨𑍇-𑌶𑍍𑌶𑍀॒𑌰𑍍​𑌷𑍍𑌣𑌾𑌗𑍍𑌨𑍇-𑌶𑍍𑌶𑌿𑌰॒ 𑌉𑌪॑ 𑌦𑌧𑌾𑌮𑌿॒ 𑌦𑌕𑍍𑌷𑌿॑𑌣𑌯𑌾 𑌤𑍍𑌵𑌾 𑌦𑌿॒𑌶𑌾 𑌸𑌾॑𑌦𑌯𑌾𑌮𑌿॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॒𑌸𑍇𑌨𑍍𑌦𑍍𑌰𑍇॑𑌣 𑌦𑍇॒𑌵𑌤॑𑌯𑌾॒-𑌽𑌗𑍍𑌨𑍇𑌃 𑌪॒𑌕𑍍𑌷𑍇𑌣𑌾॒𑌗𑍍𑌨𑍇𑌃 𑌪॒𑌕𑍍𑌷𑌮𑍁𑌪॑ 𑌦𑌧𑌾𑌮𑌿 𑌪𑍍𑌰॒𑌤𑍀𑌚𑍍𑌯𑌾᳚ 𑌤𑍍𑌵𑌾 𑌦𑌿॒𑌶𑌾 𑌸𑌾॑𑌦𑌯𑌾𑌮𑌿॒ [𑌦𑌿॒𑌶𑌾 𑌸𑌾॑𑌦𑌯𑌾𑌮𑌿, 𑌜𑌾𑌗॑𑌤𑍇𑌨॒] 35

𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾 𑌸𑌵𑌿॒𑌤𑍍𑌰𑌾 𑌦𑍇॒𑌵𑌤॑𑌯𑌾॒-𑌽𑌗𑍍𑌨𑍇𑌃 𑌪𑍁𑌚𑍍𑌛𑍇॑𑌨𑌾॒𑌗𑍍𑌨𑍇𑌃 𑌪𑍁𑌚𑍍𑌛॒𑌮𑍁𑌪॑ 𑌦𑌧𑌾॒𑌮𑍍𑌯𑍁𑌦𑍀᳚𑌚𑍍𑌯𑌾 𑌤𑍍𑌵𑌾 𑌦𑌿॒𑌶𑌾 𑌸𑌾॑𑌦𑌯𑌾॒𑌮𑍍𑌯𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾 𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌭𑍍𑌯𑌾𑌂 𑌏॒𑌵𑌤॑𑌯𑌾॒-𑌽𑌗𑍍𑌨𑍇𑌃 𑌪॒𑌕𑍍𑌷𑍇𑌣𑌾॒𑌗𑍍𑌨𑍇𑌃 𑌪॒𑌕𑍍𑌷𑌮𑍁𑌪॑ 𑌦𑌧𑌾𑌮𑍍𑌯𑍂॒𑌰𑍍𑌧𑍍𑌵𑌯𑌾᳚ 𑌤𑍍𑌵𑌾 𑌦𑌿॒𑌶𑌾 𑌸𑌾॑𑌦𑌯𑌾𑌮𑌿॒ 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॑𑌸𑌾॒ 𑌬𑍃𑌹॒𑌸𑍍𑌪𑌤𑌿॑𑌨𑌾 𑌦𑍇॒𑌵𑌤॑𑌯𑌾॒-𑌽𑌗𑍍𑌨𑍇𑌃 𑌪𑍃॒𑌷𑍍𑌠𑍇𑌨𑌾॒𑌗𑍍𑌨𑍇𑌃 𑌪𑍃॒𑌷𑍍𑌠𑌮𑍁𑌪॑ 𑌦𑌧𑌾𑌮𑌿॒ 𑌯𑍋 𑌵𑌾 𑌅𑌪𑌾᳚𑌤𑍍𑌮𑌾𑌨𑌮॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇-𑌽𑌪𑌾᳚𑌤𑍍𑌮𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌯-𑌸𑍍𑌸𑌾𑌤𑍍𑌮𑌾॑𑌨-𑌞𑍍𑌚𑌿𑌨𑍁॒𑌤𑍇 𑌸𑌾𑌤𑍍𑌮𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑍍𑌯𑌾𑌤𑍍𑌮𑍇𑌷𑍍𑌟॒𑌕𑌾 𑌉𑌪॑ 𑌦𑌧𑌾𑌤𑍍𑌯𑍇॒𑌷 𑌵𑌾 𑌅॒𑌗𑍍𑌨𑍇𑌰𑌾॒𑌤𑍍𑌮𑌾 𑌸𑌾𑌤𑍍𑌮𑌾॑𑌨𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌸𑌾𑌤𑍍𑌮𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ ॥ 36 ॥
(𑌶𑍍𑌯𑍈॒𑌤॒𑌤𑍍𑌵𑌂 – 𑌪𑍍𑌰॒𑌤𑍀𑌚𑍍𑌯𑌾᳚ 𑌤𑍍𑌵𑌾 𑌦𑌿॒𑌶𑌾 𑌸𑌾॑𑌦𑌯𑌾𑌮𑌿॒ – 𑌯-𑌸𑍍𑌸𑌾𑌤𑍍𑌮𑌾॑𑌨-𑌞𑍍𑌚𑌿𑌨𑍁॒𑌤𑍇 – 𑌦𑍍𑌵𑌾𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 𑍮)

𑌅𑌗𑍍𑌨॑ 𑌉𑌦𑌧𑍇॒ 𑌯𑌾 𑌤॒ 𑌇𑌷𑍁॑𑌰𑍍𑌯𑍁॒𑌵𑌾 𑌨𑌾𑌮॒ 𑌤𑌯𑌾॑ 𑌨𑍋 𑌮𑍃𑌡॒ 𑌤𑌸𑍍𑌯𑌾᳚𑌸𑍍𑌤𑍇॒ 𑌨𑌮॒𑌸𑍍𑌤𑌸𑍍𑌯𑌾᳚𑌸𑍍𑌤॒ 𑌉𑌪॒ 𑌜𑍀𑌵॑𑌨𑍍𑌤𑍋 𑌭𑍂𑌯𑌾॒𑌸𑍍𑌮𑌾𑌗𑍍𑌨𑍇॑ 𑌦𑍁𑌦𑍍𑌧𑍍𑌰 𑌗𑌹𑍍𑌯 𑌕𑌿𑌗𑍍​𑌮𑍍𑌶𑌿𑌲 𑌵𑌨𑍍𑌯॒ 𑌯𑌾 𑌤॒ 𑌇𑌷𑍁॑𑌰𑍍𑌯𑍁॒𑌵𑌾 𑌨𑌾𑌮॒ 𑌤𑌯𑌾॑ 𑌨𑍋 𑌮𑍃𑌡॒ 𑌤𑌸𑍍𑌯𑌾᳚𑌸𑍍𑌤𑍇॒ 𑌨𑌮॒𑌸𑍍𑌤𑌸𑍍𑌯𑌾᳚𑌸𑍍𑌤॒ 𑌉𑌪॒ 𑌜𑍀𑌵॑𑌨𑍍𑌤𑍋 𑌭𑍂𑌯𑌾𑌸𑍍𑌮॒ 𑌪𑌞𑍍𑌚॒ 𑌵𑌾 𑌏॒𑌤𑍇᳚-𑌽𑌗𑍍𑌨𑌯𑍋॒ 𑌯𑌚𑍍𑌚𑌿𑌤॑𑌯 𑌉𑌦॒𑌧𑌿𑌰𑍇॒𑌵 𑌨𑌾𑌮॑ 𑌪𑍍𑌰𑌥॒𑌮𑍋 𑌦𑍁॒𑌦𑍍𑌧𑍍𑌰𑍋 [𑌦𑍁॒𑌦𑍍𑌧𑍍𑌰𑌃, 𑌦𑍍𑌵𑌿॒𑌤𑍀𑌯𑍋॒] 3𑍭

𑌦𑍍𑌵𑌿॒𑌤𑍀𑌯𑍋॒ 𑌗𑌹𑍍𑌯॑𑌸𑍍𑌤𑍃॒𑌤𑍀𑌯𑌃॑ 𑌕𑌿𑌗𑍍​𑌮𑍍𑌶𑌿॒𑌲𑌶𑍍𑌚॑𑌤𑍁॒𑌰𑍍𑌥𑍋 𑌵𑌨𑍍𑌯𑌃॑ 𑌪𑌞𑍍𑌚॒𑌮𑌸𑍍𑌤𑍇𑌭𑍍𑌯𑍋॒ 𑌯𑌦𑌾𑌹𑍁॑𑌤𑍀॒𑌰𑍍𑌨 𑌜𑍁॑𑌹𑍁॒𑌯𑌾𑌦॑𑌦𑍍𑌧𑍍𑌵॒𑌰𑍍𑌯𑍁-𑌞𑍍𑌚॒ 𑌯𑌜॑𑌮𑌾𑌨-𑌞𑍍𑌚॒ 𑌪𑍍𑌰 𑌦॑𑌹𑍇𑌯𑍁॒𑌰𑍍𑌯𑌦𑍇॒𑌤𑌾 𑌆𑌹𑍁॑𑌤𑍀𑌰𑍍𑌜𑍁॒𑌹𑍋𑌤𑌿॑ 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌾᳚𑌞𑍍𑌛𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨𑍋॒ 𑌵𑌾𑌮𑍍𑌮॑ 𑌆॒𑌸-𑌨𑍍𑌨॒𑌸𑍋𑌃 𑌪𑍍𑌰𑌾॒𑌣𑍋᳚-𑌽𑌕𑍍𑌷𑍍𑌯𑍋𑌶𑍍𑌚𑌕𑍍𑌷𑍁𑌃॒ 𑌕𑌰𑍍𑌣॑𑌯𑍋॒-𑌶𑍍𑌶𑍍𑌰𑍋𑌤𑍍𑌰॑-𑌮𑍍𑌬𑌾𑌹𑍁॒𑌵𑍋𑌰𑍍𑌬𑌲॑-𑌮𑍂𑌰𑍁॒𑌵𑍋𑌰𑍋𑌜𑍋-𑌽𑌰𑌿॑𑌷𑍍𑌟𑌾॒ 𑌵𑌿𑌶𑍍𑌵𑌾॒𑌨𑍍𑌯𑌙𑍍𑌗𑌾॑𑌨𑌿 𑌤॒𑌨𑍂- [𑌤॒𑌨𑍂𑌃, 𑌤॒𑌨𑍁𑌵𑌾॑ 𑌮𑍇] 3𑍮

-𑌸𑍍𑌤॒𑌨𑍁𑌵𑌾॑ 𑌮𑍇 𑌸॒𑌹 𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍​𑌮𑍍𑌸𑍀॒𑌰𑌪॒ 𑌵𑌾 𑌏॒𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣𑌾𑌃 𑌕𑍍𑌰𑌾॑𑌮𑌨𑍍𑌤𑌿॒ 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌨𑍍𑌵𑌨𑍍𑌨॑𑌧𑌿॒ 𑌕𑍍𑌰𑌾𑌮॑𑌤𑌿॒ 𑌵𑌾𑌮𑍍𑌮॑ 𑌆॒𑌸-𑌨𑍍𑌨॒𑌸𑍋𑌃 𑌪𑍍𑌰𑌾॒𑌣 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾𑌨𑍇॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌯𑍋 𑌰𑍁॒𑌦𑍍𑌰𑍋 𑌅॒𑌗𑍍𑌨𑍌 𑌯𑍋 𑌅॒𑌫𑍍𑌸𑍁 𑌯 𑌓𑌷॑𑌧𑍀𑌷𑍁॒ 𑌯𑍋 𑌰𑍁॒𑌦𑍍𑌰𑍋 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾-𑌽𑌽𑌵𑌿॒𑌵𑍇𑌶॒ 𑌤𑌸𑍍𑌮𑍈॑ 𑌰𑍁॒𑌦𑍍𑌰𑌾𑌯॒ 𑌨𑌮𑍋॑ 𑌅॒𑌸𑍍𑌤𑍍𑌵𑌾𑌹𑍁॑𑌤𑌿𑌭𑌾𑌗𑌾॒ 𑌵𑌾 𑌅॒𑌨𑍍𑌯𑍇 𑌰𑍁॒𑌦𑍍𑌰𑌾 𑌹॒𑌵𑌿𑌰𑍍𑌭𑌾॑𑌗𑌾 [𑌰𑍁॒𑌦𑍍𑌰𑌾 𑌹॒𑌵𑌿𑌰𑍍𑌭𑌾॑𑌗𑌾𑌃, 𑌅॒𑌨𑍍𑌯𑍇 𑌶॑𑌤𑌰𑍁॒𑌦𑍍𑌰𑍀𑌯𑌗𑍍​𑌮𑍍॑] 3𑍯

𑌅॒𑌨𑍍𑌯𑍇 𑌶॑𑌤𑌰𑍁॒𑌦𑍍𑌰𑍀𑌯𑌗𑍍​𑌮𑍍॑ 𑌹𑍁॒𑌤𑍍𑌵𑌾 𑌗𑌾॑𑌵𑍀𑌧𑍁॒𑌕-𑌞𑍍𑌚॒𑌰𑍁𑌮𑍇॒𑌤𑍇𑌨॒ 𑌯𑌜𑍁॑𑌷𑌾 𑌚𑌰॒𑌮𑌾𑌯𑌾॒𑌮𑌿𑌷𑍍𑌟॑𑌕𑌾𑌯𑌾॒-𑌨𑍍𑌨𑌿 𑌦॑𑌦𑍍𑌧𑍍𑌯𑌾-𑌦𑍍𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌗𑍍​𑌮𑍍॑ 𑌶𑌮𑌯𑌤𑌿॒ 𑌤𑌸𑍍𑌯॒ 𑌤𑍍𑌵𑍈 𑌶॑𑌤𑌰𑍁॒𑌦𑍍𑌰𑍀𑌯𑌗𑍍​𑌮𑍍॑ 𑌹𑍁॒𑌤𑌮𑌿𑌤𑍍𑌯𑌾॑𑌹𑍁॒𑌰𑍍𑌯𑌸𑍍𑌯𑍈॒𑌤𑌦॒𑌗𑍍𑌨𑍌 𑌕𑍍𑌰𑌿॒𑌯𑌤॒ 𑌇𑌤𑌿॒ 𑌵𑌸॑𑌵𑌸𑍍𑌤𑍍𑌵𑌾 𑌰𑍁॒𑌦𑍍𑌰𑍈𑌃 𑌪𑍁॒𑌰𑌸𑍍𑌤𑌾᳚-𑌤𑍍𑌪𑌾𑌨𑍍𑌤𑍁 𑌪𑌿॒𑌤𑌰॑𑌸𑍍𑌤𑍍𑌵𑌾 𑌯॒𑌮𑌰𑌾॑𑌜𑌾𑌨𑌃 𑌪𑌿॒𑌤𑍃𑌭𑌿॑𑌰𑍍𑌦𑌕𑍍𑌷𑌿𑌣॒𑌤𑌃 𑌪𑌾᳚𑌨𑍍𑌤𑍍𑌵𑌾𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॒ 𑌵𑌿𑌶𑍍𑌵𑍈᳚𑌰𑍍𑌦𑍇॒𑌵𑍈𑌃 𑌪॒𑌶𑍍𑌚𑌾-𑌤𑍍𑌪𑌾᳚𑌨𑍍𑌤𑍁 𑌦𑍍𑌯𑍁𑌤𑌾॒𑌨𑌸𑍍𑌤𑍍𑌵𑌾॑ 𑌮𑌾𑌰𑍁॒𑌤𑍋 𑌮॒𑌰𑍁𑌦𑍍𑌭𑌿॑𑌰𑍁𑌤𑍍𑌤𑌰॒𑌤𑌃 𑌪𑌾॑𑌤𑍁 [ ] 40

𑌦𑍇॒𑌵𑌾𑌸𑍍𑌤𑍍𑌵𑍇𑌨𑍍𑌦𑍍𑌰॑𑌜𑍍𑌯𑍇𑌷𑍍𑌠𑌾॒ 𑌵𑌰𑍁॑𑌣𑌰𑌾𑌜𑌾𑌨𑍋॒ 𑌽𑌧𑌸𑍍𑌤𑌾᳚𑌚𑍍𑌚𑍋॒-𑌪𑌰𑌿॑𑌷𑍍𑌟𑌾𑌚𑍍𑌚 𑌪𑌾𑌨𑍍𑌤𑍁॒ 𑌨 𑌵𑌾 𑌏॒𑌤𑍇𑌨॑ 𑌪𑍂॒𑌤𑍋 𑌨 𑌮𑍇𑌦𑍍𑌧𑍍𑌯𑍋॒ 𑌨 𑌪𑍍𑌰𑍋𑌕𑍍𑌷𑌿॑𑌤𑍋॒ 𑌯𑌦𑍇॑𑌨॒𑌮𑌤𑌃॑ 𑌪𑍍𑌰𑌾॒𑌚𑍀𑌨॑-𑌮𑍍𑌪𑍍𑌰𑍋॒𑌕𑍍𑌷𑌤𑌿॒ 𑌯-𑌥𑍍𑌸𑌞𑍍𑌚𑌿॑𑌤॒𑌮𑌾𑌜𑍍𑌯𑍇॑𑌨 𑌪𑍍𑌰𑍋॒𑌕𑍍𑌷𑌤𑌿॒ 𑌤𑍇𑌨॑ 𑌪𑍂॒𑌤𑌸𑍍𑌤𑍇𑌨॒ 𑌮𑍇𑌦𑍍𑌧𑍍𑌯॒𑌸𑍍𑌤𑍇𑌨॒ 𑌪𑍍𑌰𑍋𑌕𑍍𑌷𑌿॑𑌤𑌃 ॥ 41 ॥
(𑌦𑍁॒𑌧𑍍𑌰 – 𑌸𑍍𑌤॒𑌨𑍂 – 𑌰𑍍​𑌹॒𑌵𑌿𑌰𑍍𑌭𑌾॑𑌗𑌾𑌃 – 𑌪𑌾𑌤𑍁॒ – 𑌦𑍍𑌵𑌾𑌤𑍍𑌰𑌿𑌗𑍍​𑌮𑍍॑𑌶𑌚𑍍𑌚) (𑌅. 𑍯)

𑌸॒𑌮𑍀𑌚𑍀॒ 𑌨𑌾𑌮𑌾॑𑌸𑌿॒ 𑌪𑍍𑌰𑌾𑌚𑍀॒ 𑌦𑌿𑌕𑍍𑌤𑌸𑍍𑌯𑌾᳚𑌸𑍍𑌤𑍇॒ 𑌽𑌗𑍍𑌨𑌿𑌰𑌧𑌿॑𑌪𑌤𑌿 𑌰𑌸𑌿॒𑌤𑍋 𑌰॑𑌕𑍍𑌷𑌿॒𑌤𑌾 𑌯𑌶𑍍𑌚𑌾𑌧𑌿॑𑌪𑌤𑌿॒ 𑌰𑍍𑌯𑌶𑍍𑌚॑ 𑌗𑍋॒𑌪𑍍𑌤𑌾 𑌤𑌾𑌭𑍍𑌯𑌾॒-𑌨𑍍𑌨𑌮॒𑌸𑍍𑌤𑍌𑌨𑍋॑ 𑌮𑍃𑌡𑌯𑌤𑌾॒-𑌨𑍍𑌤𑍇 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌯𑌶𑍍𑌚॑ 𑌨𑍋॒ 𑌦𑍍𑌵𑍇𑌷𑍍𑌟𑌿॒ 𑌤𑌂-𑌵𑌾𑌁॒-𑌞𑍍𑌜𑌮𑍍𑌭𑍇॑ 𑌦𑌧𑌾𑌮𑍍𑌯𑍋𑌜॒𑌸𑍍𑌵𑌿𑌨𑍀॒ 𑌨𑌾𑌮𑌾॑𑌸𑌿 𑌦𑌕𑍍𑌷𑌿॒𑌣𑌾 𑌦𑌿-𑌕𑍍𑌤𑌸𑍍𑌯𑌾᳚𑌸𑍍𑌤॒ 𑌇𑌨𑍍𑌦𑍍𑌰𑍋-𑌽𑌧𑌿॑𑌪𑌤𑌿𑌃॒ 𑌪𑍃𑌦𑌾॑𑌕𑍁𑌃॒ 𑌪𑍍𑌰𑌾𑌚𑍀॒ 𑌨𑌾𑌮𑌾॑𑌸𑌿 𑌪𑍍𑌰॒𑌤𑍀𑌚𑍀॒ 𑌦𑌿-𑌕𑍍𑌤𑌸𑍍𑌯𑌾᳚𑌸𑍍𑌤𑍇॒ [𑌦𑌿-𑌕𑍍𑌤𑌸𑍍𑌯𑌾᳚𑌸𑍍𑌤𑍇, 𑌸𑍋𑌮𑍋-𑌽𑌧𑌿॑𑌪𑌤𑌿-] 42

𑌸𑍋𑌮𑍋-𑌽𑌧𑌿॑𑌪𑌤𑌿-𑌸𑍍𑌸𑍍𑌵॒𑌜𑍋॑ 𑌽𑌵॒𑌸𑍍𑌥𑌾𑌵𑌾॒ 𑌨𑌾𑌮𑌾॒-𑌸𑍍𑌯𑍁𑌦𑍀॑𑌚𑍀॒ 𑌦𑌿-𑌕𑍍𑌤𑌸𑍍𑌯𑌾᳚𑌸𑍍𑌤𑍇॒ 𑌵𑌰𑍁॒𑌣𑍋-𑌽𑌧𑌿॑𑌪𑌤𑌿-𑌸𑍍𑌤𑌿॒𑌰𑌶𑍍𑌚॑ 𑌰𑌾𑌜𑌿॒-𑌰𑌧𑌿॑𑌪𑌤𑍍𑌨𑍀॒ 𑌨𑌾𑌮𑌾॑𑌸𑌿 𑌬𑍃𑌹॒𑌤𑍀 𑌦𑌿-𑌕𑍍𑌤𑌸𑍍𑌯𑌾᳚𑌸𑍍𑌤𑍇॒ 𑌬𑍃𑌹॒𑌸𑍍𑌪𑌤𑌿॒-𑌰𑌧𑌿॑𑌪𑌤𑌿-𑌶𑍍𑌶𑍍𑌵𑌿॒𑌤𑍍𑌰𑍋 𑌵॒𑌶𑌿𑌨𑍀॒ 𑌨𑌾𑌮𑌾॑𑌸𑍀॒𑌯-𑌨𑍍𑌦𑌿-𑌕𑍍𑌤𑌸𑍍𑌯𑌾᳚𑌸𑍍𑌤𑍇 𑌯॒𑌮𑍋-𑌽𑌧𑌿॑𑌪𑌤𑌿𑌃 𑌕॒𑌲𑍍𑌮𑌾𑌷॑ 𑌗𑍍𑌰𑍀𑌵𑍋 𑌰𑌕𑍍𑌷𑌿॒𑌤𑌾 𑌯𑌶𑍍𑌚𑌾𑌧𑌿॑𑌪𑌤𑌿॒ 𑌰𑍍𑌯𑌶𑍍𑌚॑ 𑌗𑍋॒𑌪𑍍𑌤𑌾 𑌤𑌾𑌭𑍍𑌯𑌾॒-𑌨𑍍𑌨𑌮॒𑌸𑍍𑌤𑍌 𑌨𑍋॑ 𑌮𑍃𑌡𑌯𑌤𑌾॒-𑌨𑍍𑌤𑍇 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌯𑌶𑍍𑌚॑ [ ] 43

𑌨𑍋॒ 𑌦𑍍𑌵𑍇𑌷𑍍𑌟𑌿॒ 𑌤𑌂-𑌵𑌾𑌁॒-𑌞𑍍𑌜𑌮𑍍𑌭𑍇॑ 𑌦𑌧𑌾𑌮𑍍𑌯𑍇॒𑌤𑌾 𑌵𑍈 𑌦𑍇॒𑌵𑌤𑌾॑ 𑌅॒𑌗𑍍𑌨𑌿-𑌞𑍍𑌚𑌿॒𑌤𑌗𑍍​𑌮𑍍 𑌰॑𑌕𑍍𑌷𑌨𑍍𑌤𑌿॒ 𑌤𑌾𑌭𑍍𑌯𑍋॒ 𑌯𑌦𑌾𑌹𑍁॑𑌤𑍀॒𑌰𑍍𑌨 𑌜𑍁॑𑌹𑍁॒𑌯𑌾-𑌦॑𑌦𑍍𑌧𑍍𑌵॒𑌰𑍍𑌯𑍁-𑌞𑍍𑌚॒ 𑌯𑌜॑𑌮𑌾𑌨-𑌞𑍍𑌚 𑌧𑍍𑌯𑌾𑌯𑍇𑌯𑍁॒𑌰𑍍𑌯𑌦𑍇॒𑌤𑌾 𑌆𑌹𑍁॑𑌤𑍀𑌰𑍍𑌜𑍁॒𑌹𑍋𑌤𑌿॑ 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌾᳚-𑌞𑍍𑌛𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒-𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨𑍋 𑌹𑍇॒𑌤𑌯𑍋॒ 𑌨𑌾𑌮॑ 𑌸𑍍𑌥॒ 𑌤𑍇𑌷𑌾𑌂᳚-𑌵𑌃 𑌁𑌪𑍁॒𑌰𑍋 𑌗𑍃॒𑌹𑌾 𑌅॒𑌗𑍍𑌨𑌿𑌰𑍍𑌵॒ 𑌇𑌷॑𑌵-𑌸𑍍𑌸𑌲𑌿॒𑌲𑍋 𑌨𑌿॑𑌲𑌿॒𑌪𑌾-𑌨𑍍𑌨𑌾𑌮॑ [ ] 44

𑌸𑍍𑌥॒ 𑌤𑍇𑌷𑌾𑌂᳚-𑌵𑍋𑌁 𑌦𑌕𑍍𑌷𑌿॒𑌣𑌾 𑌗𑍃॒𑌹𑌾𑌃 𑌪𑌿॒𑌤𑌰𑍋॑ 𑌵॒ 𑌇𑌷॑𑌵॒-𑌸𑍍𑌸𑌗॑𑌰𑍋 𑌵॒𑌜𑍍𑌰𑌿𑌣𑍋॒ 𑌨𑌾𑌮॑ 𑌸𑍍𑌥॒ 𑌤𑍇𑌷𑌾𑌂᳚-𑌵𑌃 𑌁𑌪॒𑌶𑍍𑌚𑌾-𑌦𑍍𑌗𑍃॒𑌹𑌾-𑌸𑍍𑌸𑍍𑌵𑌪𑍍𑌨𑍋॑ 𑌵॒ 𑌇𑌷॑𑌵𑍋॒ 𑌗𑌹𑍍𑌵॑𑌰𑍋 𑌽𑌵॒𑌸𑍍𑌥𑌾𑌵𑌾॑𑌨𑍋॒ 𑌨𑌾𑌮॑ 𑌸𑍍𑌥॒ 𑌤𑍇𑌷𑌾𑌂᳚-𑌵𑌁 𑌉𑌤𑍍𑌤॒𑌰𑌾-𑌦𑍍𑌗𑍃॒𑌹𑌾 𑌆𑌪𑍋॑ 𑌵॒ 𑌇𑌷॑𑌵-𑌸𑍍𑌸𑌮𑍁॒𑌦𑍍𑌰𑍋-𑌽𑌧𑌿॑𑌪𑌤𑌯𑍋॒ 𑌨𑌾𑌮॑ 𑌸𑍍𑌥॒ 𑌤𑍇𑌷𑌾𑌂᳚-𑌵𑌁 𑌉॒𑌪𑌰𑌿॑ 𑌗𑍃॒𑌹𑌾 𑌵॒𑌰𑍍॒𑌷𑌂-𑌵𑌁॒ 𑌇𑌷॒𑌵𑍋-𑌽𑌵॑𑌸𑍍𑌵𑌾𑌨𑍍 𑌕𑍍𑌰॒𑌵𑍍𑌯𑌾 𑌨𑌾𑌮॑ 𑌸𑍍𑌥॒ 𑌪𑌾𑌰𑍍𑌥𑌿॑𑌵𑌾॒-𑌸𑍍𑌤𑍇𑌷𑌾𑌂᳚-𑌵𑌁 𑌇॒𑌹 𑌗𑍃॒𑌹𑌾 [𑌗𑍃॒𑌹𑌾𑌃, 𑌅𑌨𑍍𑌨𑌂॑-𑌵𑌁॒] 45

𑌅𑌨𑍍𑌨𑌂॑-𑌵𑌁॒ 𑌇𑌷॑𑌵𑍋 𑌽𑌨𑌿𑌮𑌿॒𑌷𑍋 𑌵𑌾॑𑌤𑌨𑌾॒𑌮-𑌨𑍍𑌤𑍇𑌭𑍍𑌯𑍋॑ 𑌵𑍋॒ 𑌨𑌮॒𑌸𑍍𑌤𑍇 𑌨𑍋॑ 𑌮𑍃𑌡𑌯𑌤॒ 𑌤𑍇 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌯𑌶𑍍𑌚॑ 𑌨𑍋॒ 𑌦𑍍𑌵𑍇𑌷𑍍𑌟𑌿॒ 𑌤𑌂-𑌵𑍋𑌁॒ 𑌜𑌮𑍍𑌭𑍇॑ 𑌦𑌧𑌾𑌮𑌿 𑌹𑍁॒𑌤𑌾𑌦𑍋॒ 𑌵𑌾 𑌅॒𑌨𑍍𑌯𑍇 𑌦𑍇॒𑌵𑌾 𑌅॑𑌹𑍁॒𑌤𑌾𑌦𑍋॒-𑌽𑌨𑍍𑌯𑍇 𑌤𑌾𑌨॑𑌗𑍍𑌨𑌿॒𑌚𑌿𑌦𑍇॒𑌵𑍋𑌭𑌯𑌾᳚-𑌨𑍍𑌪𑍍𑌰𑍀𑌣𑌾𑌤𑌿 𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣𑍈॒𑌤𑌾 𑌆𑌹𑍁॑𑌤𑍀𑌰𑍍𑌜𑍁𑌹𑍋𑌤𑌿 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌾᳚-𑌨𑍍𑌪𑍍𑌰𑍀𑌣𑌾॒𑌤𑍍𑌯𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑌿𑌷𑍍𑌟॑𑌕𑌾॒ 𑌵𑍈 𑌦𑍇॒𑌵𑌾 𑌅॑𑌹𑍁॒𑌤𑌾𑌦॒ 𑌇- [𑌅॑𑌹𑍁॒𑌤𑌾𑌦॒ 𑌇𑌤𑌿॑, 𑌅॒𑌨𑍁॒𑌪॒𑌰𑌿॒𑌕𑍍𑌰𑌾𑌮॑-] 46

-𑌤𑍍𑌯॑𑌨𑍁𑌪𑌰𑌿॒𑌕𑍍𑌰𑌾𑌮॑-𑌞𑍍𑌜𑍁𑌹𑍋॒𑌤𑍍𑌯𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌾᳚-𑌨𑍍𑌪𑍍𑌰𑍀𑌣𑌾𑌤𑍀॒𑌮𑌗𑍍𑌗𑍍​ 𑌸𑍍𑌤𑌨॒𑌮𑍂𑌰𑍍𑌜॑𑌸𑍍𑌵𑌨𑍍𑌤-𑌨𑍍𑌧𑌯𑌾॒𑌪𑌾-𑌮𑍍𑌪𑍍𑌰𑌪𑍍𑌯𑌾॑𑌤𑌮𑌗𑍍𑌨𑍇 𑌸𑌰𑌿॒𑌰𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌉𑌥𑍍𑌸॑-𑌞𑍍𑌜𑍁𑌷𑌸𑍍𑌵॒ 𑌮𑌧𑍁॑𑌮𑌨𑍍𑌤𑌮𑍂𑌰𑍍𑌵 𑌸𑌮𑍁॒𑌦𑍍𑌰𑌿𑌯॒𑌗𑍍​𑌮𑍍॒ 𑌸𑌦॑𑌨॒𑌮𑌾 𑌵𑌿॑𑌶𑌸𑍍𑌵 ॥ 𑌯𑍋 𑌵𑌾 𑌅॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜𑍍𑌯॒ 𑌨 𑌵𑌿॑𑌮𑍁॒𑌞𑍍𑌚𑌤𑌿॒ 𑌯𑌥𑌾-𑌽𑌶𑍍𑌵𑍋॑ 𑌯𑍁॒𑌕𑍍𑌤𑍋-𑌽𑌵𑌿॑𑌮𑍁𑌚𑍍𑌯𑌮𑌾𑌨𑌃॒, 𑌕𑍍𑌷𑍁𑌦𑍍𑌧𑍍𑌯॑-𑌨𑍍𑌪𑌰𑌾॒𑌭𑌵॑𑌤𑍍𑌯𑍇॒𑌵𑌮॑𑌸𑍍𑌯𑌾॒𑌗𑍍𑌨𑌿𑌃 𑌪𑌰𑌾॑ 𑌭𑌵𑌤𑌿॒ 𑌤-𑌮𑍍𑌪॑𑌰𑌾॒𑌭𑌵॑𑌨𑍍𑌤𑌂॒-𑌯𑌁𑌜॑𑌮𑌾॒𑌨𑍋-𑌽𑌨𑍁॒ 𑌪𑌰𑌾॑ 𑌭𑌵𑌤𑌿॒ 𑌸𑍋᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌲𑍂॒𑌕𑍍𑌷𑍋 [𑌲𑍂॒𑌕𑍍𑌷𑌃, 𑌭॒𑌵॒𑌤𑍀॒𑌮𑌗𑍍𑌗𑍍​ 𑌸𑍍𑌤𑌨॒] 4𑍭

𑌭॑𑌵𑌤𑍀॒𑌮𑌗𑍍𑌗𑍍​ 𑌸𑍍𑌤𑌨॒-𑌮𑍂𑌰𑍍𑌜॑𑌸𑍍𑌵𑌨𑍍𑌤-𑌨𑍍𑌧𑌯𑌾॒𑌪𑌾𑌮𑌿𑌤𑍍𑌯𑌾𑌜𑍍𑌯॑𑌸𑍍𑌯 𑌪𑍂॒𑌰𑍍𑌣𑌾𑌗𑍍​ 𑌸𑍍𑌰𑍁𑌚॑-𑌞𑍍𑌜𑍁𑌹𑍋𑌤𑍍𑌯𑍇॒𑌷 𑌵𑌾 𑌅॒𑌗𑍍𑌨𑍇𑌰𑍍𑌵𑌿॑𑌮𑍋॒𑌕𑍋 𑌵𑌿॒𑌮𑍁𑌚𑍍𑌯𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌪𑌿॑ 𑌦𑌧𑌾𑌤𑌿॒ 𑌤𑌸𑍍𑌮𑌾॑𑌦𑌾𑌹𑍁॒𑌰𑍍𑌯𑌶𑍍𑌚𑍈॒𑌵𑌂-𑌵𑍇𑌁𑌦॒ 𑌯𑌶𑍍𑌚॒ 𑌨 𑌸𑍁॒𑌧𑌾𑌯𑌗𑍍​𑌮𑍍॑ 𑌹॒ 𑌵𑍈 𑌵𑌾॒𑌜𑍀 𑌸𑍁𑌹𑌿॑𑌤𑍋 𑌦𑌧𑌾॒𑌤𑍀𑌤𑍍𑌯॒𑌗𑍍𑌨𑌿𑌰𑍍𑌵𑌾𑌵 𑌵𑌾॒𑌜𑍀 𑌤𑌮𑍇॒𑌵 𑌤-𑌤𑍍𑌪𑍍𑌰𑍀॑𑌣𑌾𑌤𑌿॒ 𑌸 𑌏॑𑌨-𑌮𑍍𑌪𑍍𑌰𑍀॒𑌤𑌃 𑌪𑍍𑌰𑍀॑𑌣𑌾𑌤𑌿॒ 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ॥ 4𑍮 ॥
(𑌪𑍍𑌰॒𑌤𑍀𑌚𑍀॒ 𑌦𑌿𑌕𑍍𑌤𑌸𑍍𑌯𑌾᳚𑌸𑍍𑌤𑍇-𑌦𑍍𑌵𑌿॒𑌷𑍍𑌮𑍋 𑌯𑌶𑍍𑌚॑-𑌨𑌿𑌲𑌿॒𑌮𑍍𑌪𑌾 𑌨𑌾-𑌮𑍇॒ 𑌹 𑌗𑍃॒𑌹𑌾-𑌇𑌤𑌿॑-𑌲𑍂॒𑌕𑍍𑌷𑍋-𑌵𑌸𑍀॑𑌯𑌾-𑌨𑍍𑌭𑌵𑌤𑌿) (𑌅. 10)

𑌇𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॑ 𑌸𑍂𑌕॒𑌰𑍋 𑌵𑌰𑍁॑𑌣𑌾𑌯॒ 𑌰𑌾𑌜𑍍𑌞𑍇॒ 𑌕𑍃𑌷𑍍𑌣𑍋॑ 𑌯॒𑌮𑌾𑌯॒ 𑌰𑌾𑌜𑍍𑌞॒ 𑌋𑌶𑍍𑌯॑ 𑌋𑌷॒𑌭𑌾𑌯॒ 𑌰𑌾𑌜𑍍𑌞𑍇॑ 𑌗𑌵॒𑌯-𑌶𑍍𑌶𑌾᳚𑌰𑍍𑌦𑍂॒𑌲𑌾𑌯॒ 𑌰𑌾𑌜𑍍𑌞𑍇॑ 𑌗𑍌॒𑌰𑌃 𑌪𑍁॑𑌰𑍁𑌷𑌰𑌾॒𑌜𑌾𑌯॑ 𑌮॒𑌰𑍍𑌕𑌟𑌃॑, 𑌕𑍍𑌷𑌿𑌪𑍍𑌰𑌶𑍍𑌯𑍇॒𑌨𑌸𑍍𑌯॒ 𑌵𑌰𑍍𑌤𑌿॑𑌕𑌾॒ 𑌨𑍀𑌲॑𑌙𑍍𑌗𑍋𑌃॒ 𑌕𑍍𑌰𑌿𑌮𑌿॒-𑌸𑍍𑌸𑍋𑌮॑𑌸𑍍𑌯॒ 𑌰𑌾𑌜𑍍𑌞𑌃॑ 𑌕𑍁𑌲𑍁॒𑌙𑍍𑌗-𑌸𑍍𑌸𑌿𑌨𑍍𑌧𑍋᳚-𑌶𑍍𑌶𑌿𑌗𑍍​𑌮𑍍𑌶𑍁॒𑌮𑌾𑌰𑍋॑ 𑌹𑌿॒𑌮𑌵॑𑌤𑍋 𑌹॒𑌸𑍍𑌤𑍀 ॥ 4𑍯
(𑌇𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॒-𑌽𑌷𑍍𑌟𑌾𑌵𑌿𑌗𑍍​𑌮𑍍॑𑌶𑌤𑌿𑌃) (𑌅. 11)

𑌮॒𑌯𑍁𑌃 𑌪𑍍𑌰𑌾॑𑌜𑌾𑌪॒𑌤𑍍𑌯 𑌊॒𑌲𑍋 𑌹𑌲𑍀᳚𑌕𑍍𑌷𑍍𑌣𑍋 𑌵𑍃𑌷𑌦॒𑌗𑍍​𑌮𑍍॒𑌶𑌸𑍍𑌤𑍇 𑌧𑌾॒𑌤𑍁-𑌸𑍍𑌸𑌰॑𑌸𑍍𑌵𑌤𑍍𑌯𑍈॒ 𑌶𑌾𑌰𑌿॑-𑌶𑍍𑌶𑍍𑌯𑍇॒𑌤𑌾 𑌪𑍁॑𑌰𑍁𑌷॒𑌵𑌾-𑌖𑍍𑌸𑌰॑𑌸𑍍𑌵𑌤𑍇॒ 𑌶𑍁𑌕॑-𑌶𑍍𑌶𑍍𑌯𑍇॒𑌤𑌃 𑌪𑍁॑𑌰𑍁𑌷॒𑌵𑌾𑌗𑌾॑𑌰॒𑌣𑍍𑌯𑍋॑-𑌽𑌜𑍋 𑌨॑𑌕𑍁॒𑌲-𑌶𑍍𑌶𑌕𑌾॒ 𑌤𑍇 𑌪𑍌॒𑌷𑍍𑌣𑌾 𑌵𑌾॒𑌚𑍇 𑌕𑍍𑌰𑍌॒𑌞𑍍𑌚𑌃 ॥ 50 ॥
(𑌮॒𑌯𑍁 – 𑌸𑍍𑌤𑍍𑌰𑌯𑍋॑𑌵𑌿𑌗𑍍​𑌮𑍍𑌶𑌤𑌿𑌃) (𑌅. 12)

𑌅॒𑌪𑌾-𑌨𑍍𑌨𑌪𑍍𑌤𑍍𑌰𑍇॑ 𑌜॒𑌷𑍋 𑌨𑌾॒𑌕𑍍𑌰𑍋 𑌮𑌕॑𑌰𑌃 𑌕𑍁𑌲𑍀॒𑌕𑌯॒𑌸𑍍𑌤𑍇-𑌽𑌕𑍂॑𑌪𑌾𑌰𑌸𑍍𑌯 𑌵𑌾॒𑌚𑍇 𑌪𑍈᳚𑌙𑍍𑌗𑌰𑌾॒𑌜𑍋 𑌭𑌗𑌾॑𑌯 𑌕𑍁॒𑌷𑍀𑌤॑𑌕 𑌆॒𑌤𑍀 𑌵𑌾॑𑌹॒𑌸𑍋 𑌦𑌰𑍍𑌵𑌿॑𑌦𑌾॒ 𑌤𑍇 𑌵𑌾॑𑌯॒𑌵𑍍𑌯𑌾॑ 𑌦𑌿॒𑌗𑍍𑌭𑍍𑌯𑌶𑍍𑌚॑𑌕𑍍𑌰𑌵𑌾॒𑌕𑌃 ॥ 51 ॥
(𑌅॒𑌪𑌾 – 𑌮𑍇𑌕𑌾॒𑌨𑍍𑌨𑌵𑌿𑌗𑍍​𑌮𑍍॑𑌶॒𑌤𑌿𑌃) (𑌅. 13)

𑌬𑌲𑌾॑𑌯𑌾𑌜𑌗॒𑌰 𑌆॒𑌖𑍁-𑌸𑍍𑌸𑍃॑𑌜॒𑌯𑌾 𑌶॒𑌯𑌣𑍍𑌡॑𑌕॒𑌸𑍍𑌤𑍇 𑌮𑍈॒𑌤𑍍𑌰𑌾 𑌮𑍃॒𑌤𑍍𑌯𑌵𑍇॑-𑌽𑌸𑌿॒𑌤𑍋 𑌮॒𑌨𑍍𑌯𑌵𑍇᳚ 𑌸𑍍𑌵॒𑌜𑌃 𑌕𑍁𑌂॑𑌭𑍀॒𑌨𑌸𑌃॑ 𑌪𑍁𑌷𑍍𑌕𑌰𑌸𑌾॒𑌦𑍋 𑌲𑍋॑𑌹𑌿𑌤𑌾॒𑌹𑌿𑌸𑍍𑌤𑍇 𑌤𑍍𑌵𑌾॒𑌷𑍍𑌟𑍍𑌰𑌾𑌃 𑌪𑍍𑌰॑𑌤𑌿॒𑌶𑍍𑌰𑍁𑌤𑍍𑌕𑌾॑𑌯𑍈 𑌵𑌾𑌹॒𑌸𑌃 ॥ 52 ॥
(𑌬𑌲𑌾॑𑌯𑌾॒ – 𑌷𑍍𑌟𑌾𑌦॑𑌶) (𑌅. 14)

𑌪𑍁॒𑌰𑍁॒𑌷॒𑌮𑍃॒𑌗𑌶𑍍𑌚॒𑌨𑍍𑌦𑍍𑌰𑌮॑𑌸𑍇 𑌗𑍋॒𑌧𑌾 𑌕𑌾𑌲॑𑌕𑌾 𑌦𑌾𑌰𑍍𑌵𑌾𑌘𑌾॒𑌟𑌸𑍍𑌤𑍇 𑌵𑌨॒𑌸𑍍𑌪𑌤𑍀॑𑌨𑌾𑌮𑍇॒𑌣𑍍𑌯𑌹𑍍𑌨𑍇॒ 𑌕𑍃𑌷𑍍𑌣𑍋॒ 𑌰𑌾𑌤𑍍𑌰𑌿॑𑌯𑍈 𑌪𑌿॒𑌕𑌃, 𑌕𑍍𑌷𑍍𑌵𑌿𑌙𑍍𑌕𑌾॒ 𑌨𑍀𑌲॑𑌶𑍀𑌰𑍍​𑌷𑍍𑌣𑍀॒ 𑌤𑍇᳚-𑌽𑌰𑍍𑌯॒𑌮𑍍𑌣𑍇 𑌧𑌾॒𑌤𑍁𑌃 𑌕॑𑌤𑍍𑌕॒𑌟𑌃 ॥ 53 ॥
(𑌪𑍁॒𑌰𑍁॒𑌷॒𑌮𑍃॒𑌗𑍋᳚-𑌽𑌷𑍍𑌟𑌾𑌦॑𑌶) (𑌅. 15)

𑌸𑍌॒𑌰𑍀 𑌬॒𑌲𑌾𑌕𑌰𑍍​𑌶𑍍𑌯𑍋॑ 𑌮॒𑌯𑍂𑌰॑-𑌶𑍍𑌶𑍍𑌯𑍇॒𑌨𑌸𑍍𑌤𑍇 𑌗॑𑌨𑍍𑌧॒𑌰𑍍𑌵𑌾𑌣𑌾𑌂॒-𑌵𑌁𑌸𑍂॑𑌨𑌾-𑌙𑍍𑌕॒𑌪𑌿𑌞𑍍𑌜॑𑌲𑍋 𑌰𑍁॒𑌦𑍍𑌰𑌾𑌣𑌾᳚-𑌨𑍍𑌤𑌿𑌤𑍍𑌤𑌿॒𑌰𑍀 𑌰𑍋॒𑌹𑌿-𑌤𑍍𑌕𑍁॑𑌣𑍍𑌡𑍃॒𑌣𑌾𑌚𑍀॑ 𑌗𑍋॒𑌲𑌤𑍍𑌤𑌿॑𑌕𑌾॒ 𑌤𑌾 𑌅॑𑌫𑍍𑌸॒𑌰𑌸𑌾॒-𑌮𑌰॑𑌣𑍍𑌯𑌾𑌯 𑌸𑍃𑌮॒𑌰𑌃 ॥ 54 ॥
(𑌸𑍌॒-𑌰𑍍𑌯॑𑌷𑍍𑌟𑌾𑌦॑𑌶) (𑌅. 16)

𑌪𑍃॒𑌷॒𑌤𑍋 𑌵𑍈᳚𑌶𑍍𑌵𑌦𑍇॒𑌵𑌃 𑌪𑌿॒𑌤𑍍𑌵𑍋 𑌨𑍍𑌯𑌙𑍍𑌕𑍁𑌃॒ 𑌕𑌶॒𑌸𑍍𑌤𑍇-𑌽𑌨𑍁॑𑌮𑌤𑍍𑌯𑌾 𑌅𑌨𑍍𑌯𑌵𑌾॒𑌪𑍋᳚-𑌽𑌰𑍍𑌧𑌮𑌾॒𑌸𑌾𑌨𑌾᳚-𑌮𑍍𑌮𑌾॒𑌸𑌾-𑌙𑍍𑌕॒𑌶𑍍𑌯𑌪𑌃॒ 𑌕𑍍𑌵𑌯𑌿𑌃॑ 𑌕𑍁॒𑌟𑌰𑍁॑𑌰𑍍𑌦𑌾𑌤𑍍𑌯𑍌॒𑌹𑌸𑍍𑌤𑍇 𑌸𑌿॑𑌨𑍀𑌵𑌾॒𑌲𑍍𑌯𑍈 𑌬𑍃𑌹॒𑌸𑍍𑌪𑌤॑𑌯𑍇 𑌶𑌿𑌤𑍍𑌪𑍁॒𑌟𑌃 ॥ 55 ॥
(𑌪𑍃॒𑌷𑌤𑌾᳚- 𑌽𑌷𑍍𑌟𑌾𑌦॑𑌶) (𑌅. 1𑍭)

𑌶𑌕𑌾॑ 𑌭𑍌॒𑌮𑍀 𑌪𑌾॒𑌨𑍍𑌤𑍍𑌰𑌃 𑌕𑌶𑍋॑ 𑌮𑌾𑌨𑍍𑌥𑍀॒𑌲𑌵॒𑌸𑍍𑌤𑍇 𑌪𑌿॑𑌤𑍃॒𑌣𑌾-𑌮𑍃॑𑌤𑍂॒𑌨𑌾-𑌞𑍍𑌜𑌹॑𑌕𑌾 𑌸𑌂​𑌵𑌁𑌥𑍍𑌸॒𑌰𑌾𑌯॒ 𑌲𑍋𑌪𑌾॑ 𑌕॒𑌪𑍋𑌤॒ 𑌉𑌲𑍂॑𑌕-𑌶𑍍𑌶॒𑌶𑌸𑍍𑌤𑍇 𑌨𑍈𑌰𑍍॑​𑌋॒𑌤𑌾𑌃 𑌕𑍃॑𑌕॒𑌵𑌾𑌕𑍁॑-𑌸𑍍𑌸𑌾𑌵𑌿॒𑌤𑍍𑌰𑌃 ॥ 56 ॥
(𑌶𑌕𑌾॒ – 𑌽𑌷𑍍𑌟𑌾𑌦॑𑌶 ) (𑌅. 1𑍮)

𑌰𑍁𑌰𑍂॑ 𑌰𑍌॒𑌦𑍍𑌰𑌃 𑌕𑍃॑𑌕𑌲𑌾॒𑌸-𑌶𑍍𑌶॒𑌕𑍁𑌨𑌿𑌃॒ 𑌪𑌿𑌪𑍍𑌪॑𑌕𑌾॒ 𑌤𑍇 𑌶॑𑌰॒𑌵𑍍𑌯𑌾॑𑌯𑍈 𑌹𑌰𑌿॒𑌣𑍋 𑌮𑌾॑𑌰𑍁॒𑌤𑍋 𑌬𑍍𑌰𑌹𑍍𑌮॑𑌣𑍇 𑌶𑌾॒𑌰𑍍𑌗𑌸𑍍𑌤॒𑌰𑌕𑍍𑌷𑍁𑌃॑ 𑌕𑍃॒𑌷𑍍𑌣-𑌶𑍍𑌶𑍍𑌵𑌾 𑌚॑𑌤𑍁𑌰॒𑌕𑍍𑌷𑍋 𑌗॑𑌰𑍍𑌦॒𑌭𑌸𑍍𑌤 𑌇॑𑌤𑌰𑌜॒𑌨𑌾𑌨𑌾॑𑌮॒𑌗𑍍𑌨𑌯𑍇॒ 𑌧𑍂𑌙𑍍𑌕𑍍𑌷𑍍𑌣𑌾᳚ ॥ 5𑍭 ॥
(𑌰𑍁𑌰𑍁॑ – 𑌰𑍍𑌵𑌿𑌗𑍍​𑌮𑍍𑌶॒𑌤𑌿𑌃) (𑌅. 1𑍯)

𑌅॒𑌲॒𑌜 𑌆᳚𑌨𑍍𑌤𑌰𑌿॒𑌕𑍍𑌷 𑌉॒𑌦𑍍𑌰𑍋 𑌮॒𑌦𑍍𑌗𑍁𑌃 𑌪𑍍𑌲॒𑌵𑌸𑍍𑌤𑍇॑-𑌽𑌪𑌾𑌮𑌦𑌿॑𑌤𑍍𑌯𑍈 𑌹𑌗𑍍​𑌮𑍍𑌸॒𑌸𑌾𑌚𑌿॑𑌰𑌿𑌨𑍍𑌦𑍍𑌰𑌾॒𑌣𑍍𑌯𑍈 𑌕𑍀𑌰𑍍​𑌶𑌾॒ 𑌗𑍃𑌦𑍍𑌧𑍍𑌰॑-𑌶𑍍𑌶𑌿𑌤𑌿𑌕॒𑌕𑍍𑌷𑍀 𑌵𑌾᳚𑌰𑍍𑌧𑍍𑌰𑌾𑌣॒𑌸𑌸𑍍𑌤𑍇 𑌦𑌿॒𑌵𑍍𑌯𑌾 𑌦𑍍𑌯𑌾॑𑌵𑌾𑌪𑍃𑌥𑌿॒𑌵𑍍𑌯𑌾᳚ 𑌶𑍍𑌵𑌾॒𑌵𑌿𑌤𑍍 ॥ 5𑍮 ॥
(𑌅॒𑌲॒𑌜𑍋᳚ – 𑌽𑌷𑍍𑌟𑌾𑌦॑𑌶 ) (𑌅. 20)

𑌸𑍁॒𑌪॒𑌰𑍍𑌣𑌃 𑌪𑌾᳚𑌰𑍍𑌜॒𑌨𑍍𑌯𑍋 𑌹॒𑌗𑍍​𑌮𑍍॒𑌸𑍋 𑌵𑍃𑌕𑍋॑ 𑌵𑍃𑌷𑌦॒𑌗𑍍​𑌮𑍍॒𑌶𑌸𑍍𑌤 𑌐॒𑌨𑍍𑌦𑍍𑌰𑌾 𑌅॒𑌪𑌾𑌮𑍁॒𑌦𑍍𑌰𑍋᳚ 𑌽𑌰𑍍𑌯॒𑌮𑍍𑌣𑍇 𑌲𑍋॑𑌪𑌾॒𑌶-𑌸𑍍𑌸𑌿॒𑌗𑍍​𑌮𑍍॒𑌹𑍋 𑌨॑𑌕𑍁॒𑌲𑍋 𑌵𑍍𑌯𑌾॒𑌘𑍍𑌰𑌸𑍍𑌤𑍇 𑌮॑𑌹𑍇॒𑌨𑍍𑌦𑍍𑌰𑌾𑌯॒ 𑌕𑌾𑌮𑌾॑𑌯॒ 𑌪𑌰॑𑌸𑍍𑌵𑌾𑌨𑍍 ॥ 5𑍯 ॥
(𑌸𑍁॒𑌪॒𑌣𑍋᳚ – 𑌽𑌷𑍍𑌟𑌾𑌦॑𑌶) (𑌅. 21)

𑌆॒𑌗𑍍𑌨𑍇॒𑌯𑌃 𑌕𑍃॒𑌷𑍍𑌣𑌗𑍍𑌰𑍀॑𑌵-𑌸𑍍𑌸𑌾𑌰𑌸𑍍𑌵॒𑌤𑍀 𑌮𑍇॒𑌷𑍀 𑌬॒𑌭𑍍𑌰𑍁-𑌸𑍍𑌸𑍌॒𑌮𑍍𑌯𑌃 𑌪𑍌॒𑌷𑍍𑌣-𑌶𑍍𑌶𑍍𑌯𑌾॒𑌮-𑌶𑍍𑌶𑌿॑𑌤𑌿𑌪𑍃॒𑌷𑍍𑌠𑍋 𑌬𑌾॑𑌰𑍍​𑌹𑌸𑍍𑌪॒𑌤𑍍𑌯-𑌶𑍍𑌶𑌿॒𑌲𑍍𑌪𑍋 𑌵𑍈᳚𑌶𑍍𑌵𑌦𑍇॒𑌵 𑌐॒𑌨𑍍𑌦𑍍𑌰𑍋॑-𑌽𑌰𑍁॒𑌣𑍋 𑌮𑌾॑𑌰𑍁॒𑌤𑌃 𑌕॒𑌲𑍍𑌮𑌾𑌷॑ 𑌐𑌨𑍍𑌦𑍍𑌰𑌾॒𑌗𑍍𑌨-𑌸𑍍𑌸𑌗𑍍​𑌮𑍍॑𑌹𑌿॒𑌤𑍋॑ 𑌽𑌧𑍋𑌰𑌾॑𑌮-𑌸𑍍𑌸𑌾𑌵𑌿॒𑌤𑍍𑌰𑍋 𑌵𑌾॑𑌰𑍁॒𑌣𑌃 𑌪𑍇𑌤𑍍𑌵𑌃॑ ॥ 60 ॥
(𑌆॒𑌗𑍍𑌨𑍇॒𑌯𑍋 – 𑌦𑍍𑌵𑌾𑌵𑌿𑌗𑍍​𑌮𑍍॑𑌶𑌤𑌿𑌃) (𑌅. 22)

𑌅𑌶𑍍𑌵॑𑌸𑍍𑌤𑍂𑌪॒𑌰𑍋 𑌗𑍋॑𑌮𑍃॒𑌗𑌸𑍍𑌤𑍇 𑌪𑍍𑌰𑌾॑𑌜𑌾𑌪॒𑌤𑍍𑌯𑌾 𑌆᳚𑌗𑍍𑌨𑍇॒𑌯𑍌 𑌕𑍃॒𑌷𑍍𑌣𑌗𑍍𑌰𑍀॑𑌵𑍌 𑌤𑍍𑌵𑌾॒𑌷𑍍𑌟𑍍𑌰𑍌 𑌲𑍋॑𑌮𑌶𑌸॒𑌕𑍍𑌥𑍌 𑌶𑌿॑𑌤𑌿𑌪𑍃॒𑌷𑍍𑌠𑍌 𑌬𑌾॑𑌰𑍍​𑌹𑌸𑍍𑌪॒𑌤𑍍𑌯𑍌 𑌧𑌾॒𑌤𑍍𑌰𑍇 𑌪𑍃॑𑌷𑍋𑌦॒𑌰-𑌸𑍍𑌸𑍌॒𑌰𑍍𑌯𑍋 𑌬॒𑌲𑌕𑍍𑌷𑌃॒ 𑌪𑍇𑌤𑍍𑌵𑌃॑ ॥ 61 ॥
(𑌅𑌶𑍍𑌵𑌃॒ – 𑌷𑍋𑌡॑𑌶) (𑌅. 23)

𑌅॒𑌗𑍍𑌨𑌯𑍇-𑌽𑌨𑍀॑𑌕𑌵𑌤𑍇॒ 𑌰𑍋𑌹𑌿॑𑌤𑌾𑌞𑍍𑌜𑌿-𑌰𑌨॒𑌡𑍍𑌵𑌾-𑌨॒𑌧𑍋𑌰𑌾॑𑌮𑍌 𑌸𑌾𑌵𑌿॒𑌤𑍍𑌰𑍌 𑌪𑍌॒𑌷𑍍𑌣𑍌 𑌰॑𑌜॒𑌤𑌨𑌾॑𑌭𑍀 𑌵𑍈𑌶𑍍𑌵𑌦𑍇॒𑌵𑍌 𑌪𑌿॒𑌶𑌙𑍍𑌗𑍌॑ 𑌤𑍂𑌪॒𑌰𑍌 𑌮𑌾॑𑌰𑍁॒𑌤𑌃 𑌕॒𑌲𑍍𑌮𑌾𑌷॑ 𑌆𑌗𑍍𑌨𑍇॒𑌯𑌃 𑌕𑍃॒𑌷𑍍𑌣𑍋॑-𑌽𑌜-𑌸𑍍𑌸𑌾॑𑌰𑌸𑍍𑌵॒𑌤𑍀 𑌮𑍇॒𑌷𑍀 𑌵𑌾॑𑌰𑍁॒𑌣𑌃 𑌕𑍃॒𑌷𑍍𑌣 𑌏𑌕॑𑌶𑌿𑌤𑌿𑌪𑌾॒-𑌤𑍍𑌪𑍇𑌤𑍍𑌵𑌃॑ ॥ 62 ॥
(𑌅॒𑌗𑍍𑌨𑌯𑍇॒ – 𑌦𑍍𑌵𑌾𑌵𑌿𑌗𑍍​𑌮𑍍॑𑌶𑌤𑌿𑌃) (𑌅. 24)

(𑌯𑌦𑍇𑌕𑍇॑𑌨 – 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑍇॒𑌣𑌾-𑌽𑌨𑍁॒ – 𑌯𑌜𑍁॒𑌷𑌾 – 𑌽𑌽𑌪𑍋॑ – 𑌵𑌿॒𑌶𑍍𑌵𑌕॒𑌰𑍍𑌮𑌾 – 𑌽𑌗𑍍𑌨॒ 𑌆 𑌯𑌾॑𑌹𑌿 – 𑌸𑍁𑌵॒𑌰𑍍𑌗𑌾𑌯॒ 𑌵𑌜𑍍𑌰𑍋॑ – 𑌗𑌾𑌯॒𑌤𑍍𑌰𑍇𑌣𑌾 – 𑌗𑍍𑌨॑ 𑌉𑌦𑌧𑍇 – 𑌸॒𑌮𑍀𑌚𑍀 – 𑌨𑍍𑌦𑍍𑌰𑌾॑𑌯 – 𑌮॒𑌯𑍁 – 𑌰॒𑌪𑌾𑌂 – 𑌬𑌲𑌾॑𑌯 – 𑌪𑍁𑌰𑍁𑌷𑌮𑍃॒𑌗𑌃 – 𑌸𑍌॒𑌰𑍀 – 𑌪𑍃॑𑌷॒𑌤𑌃 – 𑌶𑌕𑌾॒ – 𑌰𑍁𑌰𑍁॑ – 𑌰𑌲॒𑌜𑌃 – 𑌸𑍁॑𑌪॒𑌰𑍍𑌣 – 𑌆᳚𑌗𑍍𑌨𑍇॒𑌯𑍋 – 𑌽𑌶𑍍𑌵𑍋॒ – 𑌽𑌗𑍍𑌨𑌯𑍇-𑌽𑌨𑍀॑𑌕𑌵𑌤𑍇॒ – 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿𑌃)

(𑌯𑌦𑍇𑌕𑍇॑𑌨॒ – 𑌸 𑌪𑌾𑌪𑍀॑𑌯𑌾 – 𑌨𑍇॒𑌤𑌦𑍍𑌵𑌾 𑌅॒𑌗𑍍𑌨𑍇 – 𑌰𑍍𑌧𑌨𑍁॒𑌸𑍍𑌤-𑌦𑍍- 𑌦𑍇॒𑌵𑌾𑌸𑍍𑌤𑍍𑌵𑍇𑌨𑍍𑌦𑍍𑌰॑𑌜𑍍𑌯𑍇𑌷𑍍𑌠𑌾 – 𑌅॒𑌪𑌾-𑌨𑍍𑌨𑌪𑍍𑌤𑍍𑌰𑍇 – 𑌽𑌶𑍍𑌵॑𑌸𑍍𑌤𑍂𑌪॒𑌰𑍋 – 𑌦𑍍𑌵𑌿𑌷॑𑌷𑍍𑌟𑌿𑌃)

(𑌯𑌦𑍇𑌕𑍇॒, 𑌨𑍈𑌕॑𑌶𑌿𑌤𑌿𑌪𑌾॒-𑌤𑍍𑌪𑍇𑌤𑍍𑌵𑌃॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥