3.𑍭 – 𑌅𑌚𑍍𑌛𑌿𑌦𑍍𑌰𑌂 𑌕𑌾𑌣𑍍𑌡𑌂 𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 – 𑌸𑌰𑍍𑌵𑌾𑌨𑍍 𑌵𑌾 𑌏𑌷𑍋𑌽𑌗𑍍𑌨𑍌

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌸𑌪𑍍𑌤𑌮𑌃 𑌪𑍍𑌰𑌪𑌾𑌠𑌕𑌃 – 𑌅𑌚𑍍𑌛𑌿𑌦𑍍𑌰-𑌙𑍍𑌕𑌾𑌣𑍍𑌡-𑌮𑍍𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌚𑍍𑌛𑌿𑌦𑍍𑌰-𑌙𑍍𑌕𑌾𑌣𑍍𑌡-𑌮𑍍𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑍇𑌨 𑌮𑌨𑍍𑌤𑍍𑌰𑍈𑌶𑍍𑌚 𑌯𑌜𑍍𑌞𑌚𑍍𑌛𑌿𑌦𑍍𑌰𑌪𑍂𑌰𑌣𑌾𑌦𑌚𑍍𑌛𑌿𑌦𑍍𑌰𑌮𑍁𑌚𑍍𑌯𑌤𑍇

𑌅𑌨𑍁𑌵𑌾𑌕𑌂 1 – 𑌦𑌰𑍍​𑌶𑌪𑍂𑌰𑍍𑌣𑌮𑌾𑌸𑍇𑌷𑍍𑌟𑌿𑌵𑌿𑌷𑌯𑌾𑌣𑌿 𑌕𑌾𑌨𑌿 𑌚𑌿𑌤𑍍𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌾𑌨𑌿

𑌸𑌰𑍍𑌵𑌾॒𑌨𑍍॒. 𑌵𑌾 𑌏॒𑌷𑍋᳚-𑌽𑌗𑍍𑌨𑍌 𑌕𑌾𑌮𑌾॒-𑌨𑍍𑌪𑍍𑌰𑌵𑍇॑𑌶𑌯𑌤𑌿 ।
𑌯𑍋᳚-𑌽𑌗𑍍𑌨𑍀𑌨॑𑌨𑍍𑌵𑌾॒𑌧𑌾𑌯॑ 𑌵𑍍𑌰॒𑌤𑌮𑍁॒𑌪𑍈𑌤𑌿॑ ।
𑌸 𑌯𑌦𑌨𑌿॑𑌷𑍍𑌟𑍍𑌵𑌾 𑌪𑍍𑌰𑌯𑌾॒𑌯𑌾𑌤𑍍 । 𑌅𑌕𑌾॑𑌮𑌪𑍍𑌰𑍀𑌤𑌾 𑌏𑌨॒-𑌙𑍍𑌕𑌾𑌮𑌾॒ 𑌨𑌾𑌨𑍁॒ 𑌪𑍍𑌰𑌯𑌾॑𑌯𑍁𑌃 । 𑌅॒𑌤𑍇॒𑌜𑌾 𑌅॑𑌵𑍀॒𑌰𑍍𑌯॑-𑌸𑍍𑌸𑍍𑌯𑌾𑌤𑍍 ।
𑌸 𑌜𑍁॑𑌹𑍁𑌯𑌾𑌤𑍍 । 𑌤𑍁𑌭𑍍𑌯॒-𑌨𑍍𑌤𑌾 𑌅॑𑌙𑍍𑌗𑌿𑌰𑌸𑍍𑌤𑌮 ।
𑌵𑌿𑌶𑍍𑌵𑌾᳚-𑌸𑍍𑌸𑍁𑌕𑍍𑌷𑌿॒𑌤𑌯𑌃॒ 𑌪𑍃𑌥॑𑌕𑍍 ।
𑌅𑌗𑍍𑌨𑍇॒ 𑌕𑌾𑌮𑌾॑𑌯 𑌯𑍇𑌮𑌿𑌰॒ 𑌇𑌤𑌿॑ ।
𑌕𑌾𑌮𑌾॑𑌨𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 ॥ 1 ॥

𑌕𑌾𑌮॑𑌪𑍍𑌰𑍀𑌤𑌾 𑌏𑌨॒-𑌙𑍍𑌕𑌾𑌮𑌾॒ 𑌅𑌨𑍁॒𑌪𑍍𑌰𑌯𑌾᳚𑌨𑍍𑌤𑌿 ।
𑌤𑍇॒𑌜॒𑌸𑍍𑌵𑍀 𑌵𑍀॒𑌰𑍍𑌯𑌾॑𑌵𑌾-𑌨𑍍𑌭𑌵𑌤𑌿 ॥
𑌸𑌨𑍍𑌤॑𑌤𑌿॒𑌰𑍍𑌵𑌾 𑌏॒𑌷𑌾 𑌯॒𑌜𑍍𑌞𑌸𑍍𑌯॑ ।
𑌯𑍋᳚-𑌽𑌗𑍍𑌨𑍀𑌨॑𑌨𑍍𑌵𑌾॒𑌧𑌾𑌯॑ 𑌵𑍍𑌰॒𑌤𑌮𑍁॒𑌪𑍈𑌤𑌿॑ ।
𑌸 𑌯𑌦𑍁॒𑌦𑍍𑌵𑌾𑌯॑𑌤𑌿 । 𑌵𑌿𑌚𑍍𑌛𑌿॑𑌤𑍍𑌤𑌿-𑌰𑍇॒𑌵𑌾𑌸𑍍𑌯॒ 𑌸𑌾 ॥
𑌤-𑌮𑍍𑌪𑍍𑌰𑌾𑌞𑍍𑌚॑𑌮𑍁॒𑌦𑍍𑌧𑍃𑌤𑍍𑌯॑ ।
𑌮𑌨॒𑌸𑍋𑌪॑𑌤𑌿𑌷𑍍𑌠𑍇𑌤 । 𑌮𑌨𑍋॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 ।
𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌯॒𑌜𑍍𑌞𑌃 ॥ 2 ॥

𑌮𑌨॑𑌸𑍈॒𑌵 𑌯॒𑌜𑍍𑌞𑌗𑍍​𑌮𑍍 𑌸𑌨𑍍𑌤॑𑌨𑍋𑌤𑌿 । 𑌭𑍂𑌰𑌿𑌤𑍍𑌯𑌾॑𑌹 । 𑌭𑍂॒𑌤𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 । 𑌭𑍂𑌤𑌿॑𑌮𑍇॒𑌵𑍋𑌪𑍈॑𑌤𑌿 ॥
𑌵𑌿 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣𑌰𑍍𑌧𑍍𑌯𑌤𑍇 ।
𑌯𑌸𑍍𑌯𑌾-𑌹𑌿॑𑌤𑌾𑌗𑍍𑌨𑍇-𑌰॒𑌗𑍍𑌨𑌿𑌰॑𑌪॒𑌕𑍍𑌷𑌾𑌯॑𑌤𑌿 । 𑌯𑌾𑌵॒𑌚𑍍𑌛𑌮𑍍𑌯॑𑌯𑌾 𑌪𑍍𑌰॒𑌵𑌿𑌦𑍍𑌧𑍍𑌯𑍇᳚𑌤𑍍 ।
𑌯𑌦𑌿॒ 𑌤𑌾𑌵॑𑌦𑌪॒𑌕𑍍𑌷𑌾𑌯𑍇᳚𑌤𑍍 । 𑌤𑌗𑍍​𑌮𑍍 𑌸𑌮𑍍𑌭॑𑌰𑍇𑌤𑍍 ।
𑌇॒𑌦-𑌨𑍍𑌤॒ 𑌏𑌕॑-𑌮𑍍𑌪॒𑌰 𑌉॑𑌤॒ 𑌏𑌕᳚𑌮𑍍 ॥ 3 ॥

𑌤𑍃॒𑌤𑍀𑌯𑍇॑𑌨॒ 𑌜𑍍𑌯𑍋𑌤𑌿॑𑌷𑌾॒ 𑌸𑌂​𑌵𑌿𑌁॑𑌶𑌸𑍍𑌵 । 𑌸𑌂॒​𑌵𑍇𑌁𑌶॑𑌨𑌸𑍍𑌤॒𑌨𑍁𑌵𑍈॒ 𑌚𑌾𑌰𑍁॑𑌰𑍇𑌧𑌿 ।
𑌪𑍍𑌰𑌿॒𑌯𑍇 𑌦𑍇॒𑌵𑌾𑌨𑌾᳚-𑌮𑍍𑌪𑌰॒𑌮𑍇 𑌜॒𑌨𑌿𑌤𑍍𑌰॒ 𑌇𑌤𑌿॑ । 𑌬𑍍𑌰𑌹𑍍𑌮॑𑌣𑍈॒𑌵𑍈𑌨॒𑌗𑍍​𑌮𑍍॒ 𑌸𑌮𑍍𑌭॑𑌰𑌤𑌿 ।
𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 । 𑌯𑌦𑌿॑ 𑌪𑌰𑌸𑍍𑌤॒-𑌰𑌾𑌮॑𑌪॒𑌕𑍍𑌷𑌾𑌯𑍇᳚𑌤𑍍 । 𑌅॒𑌨𑍁॒ 𑌪𑍍𑌰॒𑌯𑌾𑌯𑌾𑌵॑𑌸𑍍𑌯𑍇𑌤𑍍 ।
𑌸𑍋 𑌏॒𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥
𑌓𑌷॑𑌧𑍀॒𑌰𑍍𑌵𑌾 𑌏॒𑌤𑌸𑍍𑌯॑ 𑌪॒𑌶𑍂-𑌨𑍍𑌪𑌯𑌃॒ 𑌪𑍍𑌰𑌵𑌿॑𑌶𑌤𑌿 ।
𑌯𑌸𑍍𑌯॑ 𑌹॒𑌵𑌿𑌷𑍇॑ 𑌵॒𑌥𑍍𑌸𑌾 𑌅॒𑌪𑌾𑌕𑍃॑𑌤𑌾॒ 𑌧𑌯॑𑌨𑍍𑌤𑌿 ॥ 4 ॥

𑌤𑌾𑌨𑍍. 𑌯𑌦𑍍𑌦𑍁॒𑌹𑍍𑌯𑌾𑌤𑍍 । 𑌯𑌾॒𑌤𑌯𑌾᳚𑌮𑍍𑌨𑌾 𑌹॒𑌵𑌿𑌷𑌾॑ 𑌯𑌜𑍇𑌤 । 𑌯𑌨𑍍𑌨 𑌦𑍁॒𑌹𑍍𑌯𑌾𑌤𑍍 । 𑌯॒𑌜𑍍𑌞॒𑌪॒𑌰𑍁-𑌰॒𑌨𑍍𑌤𑌰𑌿॑𑌯𑌾𑌤𑍍 । 𑌵𑌾॒𑌯॒𑌵𑍍𑌯𑌾𑌂᳚-𑌯𑌁𑌵𑌾॒𑌗𑍂-𑌨𑍍𑌨𑌿𑌰𑍍𑌵॑𑌪𑍇𑌤𑍍 ।
𑌵𑌾॒𑌯𑍁𑌰𑍍𑌵𑍈 𑌪𑌯॑𑌸𑌃 𑌪𑍍𑌰𑌦𑌾𑌪𑌯𑌿॒𑌤𑌾 । 𑌸 𑌏॒𑌵𑌾𑌸𑍍𑌮𑍈॒ 𑌪𑌯𑌃॒ 𑌪𑍍𑌰𑌦𑌾॑𑌪𑌯𑌤𑌿 । 𑌪𑌯𑍋॒ 𑌵𑌾 𑌓𑌷॑𑌧𑌯𑌃 ।
𑌪𑌯𑌃॒ 𑌪𑌯𑌃॑ ।
𑌪𑌯॑𑌸𑍈॒𑌵𑌾𑌸𑍍𑌮𑍈॒ 𑌪𑌯𑍋-𑌽𑌵॑𑌰𑍁𑌨𑍍𑌧𑍇 ॥ 5 ॥

𑌅𑌥𑍋𑌤𑍍𑌤॑𑌰𑌸𑍍𑌮𑍈 𑌹॒𑌵𑌿𑌷𑍇॑ 𑌵॒𑌥𑍍𑌸𑌾𑌨॒𑌪𑌾 𑌕𑍁॑𑌰𑍍𑌯𑌾𑌤𑍍 ।
𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑌅॒𑌨𑍍𑌯॒𑌤॒𑌰𑌾𑌨𑍍. 𑌵𑌾 𑌏॒𑌷 𑌦𑍇॒𑌵𑌾-𑌨𑍍𑌭𑌾॑𑌗॒𑌧𑍇𑌯𑍇॑𑌨॒ 𑌵𑍍𑌯॑𑌰𑍍𑌧𑌯𑌤𑌿 ।
𑌯𑍇 𑌯𑌜॑𑌮𑌾𑌨𑌸𑍍𑌯 𑌸𑌾॒𑌯-𑌙𑍍𑌗𑍃॒𑌹𑌮𑌾॒-𑌗𑌚𑍍𑌛॑𑌨𑍍𑌤𑌿 ।
𑌯𑌸𑍍𑌯॑ 𑌸𑌾𑌯-𑌨𑍍𑌦𑍁॒𑌗𑍍𑌧𑌗𑍍​𑌮𑍍 𑌹॒𑌵𑌿𑌰𑌾𑌰𑍍𑌤𑌿॑-𑌮𑌾॒𑌰𑍍𑌚𑍍𑌛𑌤𑌿॑ ।
𑌇𑌨𑍍𑌦𑍍𑌰𑌾॑𑌯 𑌵𑍍𑌰𑍀॒𑌹𑍀𑌨𑍍𑌨𑌿॒-𑌰𑍁𑌪𑍍𑌯𑍋-𑌪॑𑌵𑌸𑍇𑌤𑍍 । 𑌪𑌯𑍋॒ 𑌵𑌾 𑌓𑌷॑𑌧𑌯𑌃 । 𑌪𑌯॑ 𑌏॒𑌵𑌾𑌰𑌭𑍍𑌯॑ 𑌗𑍃𑌹𑍀॒𑌤𑍍𑌵𑍋-𑌪॑𑌵𑌸𑌤𑌿 । 𑌯𑌤𑍍𑌪𑍍𑌰𑌾॒𑌤-𑌸𑍍𑌸𑍍𑌯𑌾𑌤𑍍 । 𑌤𑌚𑍍𑌛𑍃॒𑌤-𑌙𑍍𑌕𑍁॑𑌰𑍍𑌯𑌾𑌤𑍍 ॥ 6 ॥

𑌅𑌥𑍇𑌤॑𑌰 𑌐॒𑌨𑍍𑌦𑍍𑌰𑌃 𑌪𑍁॑𑌰𑍋॒𑌡𑌾𑌶॑-𑌸𑍍𑌸𑍍𑌯𑌾𑌤𑍍 ।
𑌇॒𑌨𑍍𑌦𑍍𑌰𑌿॒𑌯𑍇 𑌏॒𑌵𑌾𑌸𑍍𑌮𑍈॑ 𑌸॒𑌮𑍀𑌚𑍀॑ 𑌦𑌧𑌾𑌤𑌿 ।
𑌪𑌯𑍋॒ 𑌵𑌾 𑌓𑌷॑𑌧𑌯𑌃 । 𑌪𑌯𑌃॒ 𑌪𑌯𑌃॑ । 𑌪𑌯॑𑌸𑍈॒𑌵𑌾𑌸𑍍𑌮𑍈॒ 𑌪𑌯𑍋-𑌽𑌵॑𑌰𑍁𑌨𑍍𑌧𑍇 ।
𑌅𑌥𑍋𑌤𑍍𑌤॑𑌰𑌸𑍍𑌮𑍈 𑌹॒𑌵𑌿𑌷𑍇॑ 𑌵॒𑌥𑍍𑌸𑌾𑌨॒𑌪𑌾 𑌕𑍁॑𑌰𑍍𑌯𑌾𑌤𑍍 ।
𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑌉॒𑌭𑌯𑌾॒𑌨𑍍॒. 𑌵𑌾 𑌏॒𑌷 𑌦𑍇॒𑌵𑌾-𑌨𑍍𑌭𑌾॑𑌗॒𑌧𑍇𑌯𑍇॑𑌨॒ 𑌵𑍍𑌯॑𑌰𑍍𑌧𑌯𑌤𑌿 ।
𑌯𑍇 𑌯𑌜॑𑌮𑌾𑌨𑌸𑍍𑌯 𑌸𑌾॒𑌯-𑌞𑍍𑌚॑ 𑌪𑍍𑌰𑌾॒𑌤𑌶𑍍𑌚॑ 𑌗𑍃॒𑌹𑌮𑌾॒-𑌗𑌚𑍍𑌛॑𑌨𑍍𑌤𑌿 । 𑌯𑌸𑍍𑌯𑍋॒𑌭𑌯𑌗𑍍​𑌮𑍍॑ 𑌹॒𑌵𑌿𑌰𑌾𑌰𑍍𑌤𑌿॑-𑌮𑌾॒𑌰𑍍𑌚𑍍𑌛𑌤𑌿॑ ॥ 𑍭 ॥

𑌐॒𑌨𑍍𑌦𑍍𑌰-𑌮𑍍𑌪𑌞𑍍𑌚॑𑌶𑌰𑌾𑌵-𑌮𑍋𑌦॒𑌨-𑌨𑍍𑌨𑌿𑌰𑍍𑌵॑𑌪𑍇𑌤𑍍 ।
𑌅॒𑌗𑍍𑌨𑌿-𑌨𑍍𑌦𑍇॒𑌵𑌤𑌾॑𑌨𑌾-𑌮𑍍𑌪𑍍𑌰𑌥॒𑌮𑌂-𑌯𑌁॑𑌜𑍇𑌤𑍍 ।
𑌅॒𑌗𑍍𑌨𑌿𑌮𑍁॑𑌖𑌾 𑌏॒𑌵 𑌦𑍇॒𑌵𑌤𑌾𑌃᳚ 𑌪𑍍𑌰𑍀𑌣𑌾𑌤𑌿 ।
𑌅॒𑌗𑍍𑌨𑌿𑌂-𑌵𑌾𑌁 𑌅𑌨𑍍𑌵॒𑌨𑍍𑌯𑌾 𑌦𑍇॒𑌵𑌤𑌾𑌃᳚ ।
𑌇𑌨𑍍𑌦𑍍𑌰॒𑌮𑌨𑍍𑌵॒𑌨𑍍𑌯𑌾𑌃 । 𑌤𑌾 𑌏॒𑌵𑍋𑌭𑌯𑍀𑌃᳚ 𑌪𑍍𑌰𑍀𑌣𑌾𑌤𑌿 ।
𑌪𑌯𑍋॒ 𑌵𑌾 𑌓𑌷॑𑌧𑌯𑌃 ।
𑌪𑌯𑌃॒ 𑌪𑌯𑌃॑ । 𑌪𑌯॑𑌸𑍈॒𑌵𑌾𑌸𑍍𑌮𑍈॒ 𑌪𑌯𑍋-𑌽𑌵॑𑌰𑍁𑌨𑍍𑌧𑍇 ।
𑌅𑌥𑍋𑌤𑍍𑌤॑𑌰𑌸𑍍𑌮𑍈 𑌹॒𑌵𑌿𑌷𑍇॑ 𑌵॒𑌥𑍍𑌸𑌾𑌨॒𑌪𑌾 𑌕𑍁॑𑌰𑍍𑌯𑌾𑌤𑍍 ॥ 𑍮 ॥

𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑌅॒𑌰𑍍𑌧𑍋 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞𑌸𑍍𑌯॑ 𑌮𑍀𑌯𑌤𑍇 ।
𑌯𑌸𑍍𑌯॒ 𑌵𑍍𑌰𑌤𑍍𑌯𑍇-𑌽𑌹॒-𑌨𑍍𑌪𑌤𑍍𑌨𑍍𑌯॑𑌨𑌾-𑌲𑌮𑍍𑌭𑍁॒𑌕𑌾 𑌭𑌵॑𑌤𑌿 । 𑌤𑌾𑌮॑𑌪॒𑌰𑍁𑌦𑍍𑌧𑍍𑌯॑ 𑌯𑌜𑍇𑌤 ।
𑌸𑌰𑍍𑌵𑍇॑𑌣𑍈॒𑌵 𑌯॒𑌜𑍍𑌞𑍇𑌨॑ 𑌯𑌜𑌤𑍇 ।
𑌤𑌾𑌮𑌿॒𑌷𑍍𑌟𑍍𑌵𑍋-𑌪॑𑌹𑍍𑌵𑌯𑍇𑌤 । 𑌅𑌮𑍂॒𑌹𑌮॑𑌸𑍍𑌮𑌿 ।
𑌸𑌾 𑌤𑍍𑌵𑌮𑍍 । 𑌦𑍍𑌯𑍌𑌰॒𑌹𑌮𑍍 । 𑌪𑍃॒𑌥𑌿॒𑌵𑍀 𑌤𑍍𑌵𑌮𑍍 । 𑌸𑌾𑌮𑌾॒𑌹𑌮𑍍 । 𑌋𑌕𑍍𑌤𑍍𑌵𑌮𑍍 । 𑌤𑌾𑌵𑍇𑌹𑌿॒ 𑌸𑌮𑍍𑌭॑𑌵𑌾𑌵 । 𑌸॒𑌹 𑌰𑍇𑌤𑍋॑ 𑌦𑌧𑌾𑌵𑌹𑍈 । 𑌪𑍁॒𑌗𑍍​𑌮𑍍॒𑌸𑍇 𑌪𑍁॒𑌤𑍍𑌰𑌾𑌯॒ 𑌵𑍇𑌤𑍍𑌤॑𑌵𑍈 ।
𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॒𑌯𑍇𑌤𑌿॑ ।
𑌅॒𑌰𑍍𑌧 𑌏॒𑌵𑍈𑌨𑌾॒𑌮𑍁-𑌪॑𑌹𑍍𑌵𑌯𑌤𑍇 ।
𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑍯 ॥
(𑌦॒𑌧𑌾॒𑌤𑌿॒ – 𑌯॒𑌜𑍍𑌞 – 𑌉॑𑌤॒ 𑌏𑌕𑌂॒ – 𑌧𑌯॑𑌨𑍍𑌤𑌿 – 𑌰𑍁𑌨𑍍𑌧𑍇 – 𑌕𑍁𑌰𑍍𑌯𑌾 – 𑌦𑌾॒𑌰𑍍𑌛 – 𑌤𑍍𑌯॒𑌪𑌾𑌕𑍁॑𑌰𑍍𑌯𑌾𑌤𑍍 – 𑌪𑍃𑌥𑌿॒𑌵𑍀 𑌤𑍍𑌵𑌮॒𑌷𑍍𑌟𑍌 𑌚॑) (𑌅. 1)

(𑌸𑌰𑍍𑌵𑌾॒𑌨𑍍॒. 𑌵𑌿 𑌵𑍈 𑌯𑌦𑌿॑ 𑌪𑌰𑌸𑍍𑌤॒𑌰𑌾𑌮𑍋𑌷॑𑌧𑍀𑌰𑌨𑍍 𑌯𑌤॒𑌰𑌾𑌨𑍁॒𑌭𑌯𑌾॑𑌨॒𑌰𑍍𑌧𑍋 𑌵𑍈 )

𑌅𑌨𑍁𑌵𑌾𑌕𑌂 2 – 𑌅𑌗𑍍𑌨𑌿𑌹𑍋𑌤𑍍𑌰𑌸𑌾𑌮𑍍𑌨𑌾𑌯𑍍𑌯𑌸𑌾𑌧𑌾𑌰𑌣𑌾𑌨𑌿 𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌾𑌨𑌿
3.𑍭.2.1
𑌯𑌦𑍍𑌵𑌿-𑌷𑍍𑌷॑𑌣𑍍𑌣𑍇𑌨 𑌜𑍁𑌹𑍁॒𑌯𑌾𑌤𑍍 ।
𑌅𑌪𑍍𑌰॑𑌜𑌾 𑌅𑌪॒𑌶𑍁𑌰𑍍𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 ।
𑌯𑌦𑌨𑌾॑𑌯𑌤𑌨𑍇 𑌨𑌿॒𑌨𑌯𑍇᳚𑌤𑍍 । 𑌅॒𑌨𑌾॒𑌯॒𑌤॒𑌨-𑌸𑍍𑌸𑍍𑌯𑌾᳚𑌤𑍍 ।
𑌪𑍍𑌰𑌾॒𑌜𑌾॒𑌪॒𑌤𑍍𑌯𑌯॒𑌰𑍍𑌚𑌾 𑌵॑𑌲𑍍𑌮𑍀𑌕-𑌵॒𑌪𑌾𑌯𑌾॒𑌮-𑌵॑𑌨𑌯𑍇𑌤𑍍 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑍈 𑌵॒𑌲𑍍𑌮𑍀𑌕𑌃॑ । 𑌯॒𑌜𑍍𑌞𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑌾𑌵𑍇॒𑌵 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ।
𑌭𑍂𑌰𑌿𑌤𑍍𑌯𑌾॑𑌹 । 𑌭𑍂॒𑌤𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 ॥ 10 ॥

𑌭𑍂𑌤𑌿॑𑌮𑍇॒𑌵𑍋𑌪𑍈॑𑌤𑌿 । 𑌤-𑌤𑍍𑌕𑍃॒𑌤𑍍𑌵𑌾 । 𑌅॒𑌨𑍍𑌯𑌾-𑌨𑍍𑌦𑍁॒𑌗𑍍𑌧𑍍𑌵𑌾 𑌪𑍁𑌨॑𑌰𑍍-𑌹𑍋𑌤॒𑌵𑍍𑌯᳚𑌮𑍍 । 𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑌯𑌤𑍍𑌕𑍀॒𑌟𑌾-𑌵॑𑌪𑌨𑍍𑌨𑍇𑌨 𑌜𑍁𑌹𑍁॒𑌯𑌾𑌤𑍍 ।
𑌅𑌪𑍍𑌰॑𑌜𑌾 𑌅𑌪॒𑌶𑍁-𑌰𑍍𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 ।
𑌯𑌦𑌨𑌾॑𑌯𑌤𑌨𑍇 𑌨𑌿॒𑌨𑌯𑍇᳚𑌤𑍍 । 𑌅॒𑌨𑌾॒𑌯॒𑌤॒𑌨-𑌸𑍍𑌸𑍍𑌯𑌾᳚𑌤𑍍 ।
𑌮॒𑌦𑍍𑌧𑍍𑌯॒𑌮𑍇𑌨॑ 𑌪॒𑌰𑍍𑌣𑍇𑌨॑ 𑌦𑍍𑌯𑌾𑌵𑌾-𑌪𑍃𑌥𑌿॒𑌵𑍍𑌯॑-𑌯॒𑌰𑍍𑌚𑌾-𑌽𑌨𑍍𑌤𑌃॑ 𑌪𑌰𑌿॒𑌧𑌿 𑌨𑌿𑌨॑𑌯𑍇𑌤𑍍 ।
𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋-𑌰𑍇॒𑌵𑍈𑌨॒𑌤𑍍-𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 11 ॥

𑌤𑌤𑍍𑌕𑍃॒𑌤𑍍𑌵𑌾 । 𑌅॒𑌨𑍍𑌯𑌾-𑌨𑍍𑌦𑍁॒𑌗𑍍𑌧𑍍𑌵𑌾 𑌪𑍁𑌨॑𑌰𑍍-𑌹𑍋𑌤॒𑌵𑍍𑌯᳚𑌮𑍍 । 𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 𑌯𑌦𑌵॑𑌵𑍃𑌷𑍍𑌟𑍇𑌨 𑌜𑍁𑌹𑍁॒𑌯𑌾𑌤𑍍 । 𑌅𑌪॑𑌰𑍂𑌪-𑌮𑌸𑍍𑌯𑌾॒𑌤𑍍𑌮-𑌞𑍍𑌜𑌾॑𑌯𑍇𑌤 ।
𑌕𑌿॒𑌲𑌾𑌸𑍋॑ 𑌵𑌾॒ 𑌸𑍍𑌯𑌾𑌦॑𑌰𑍍​𑌶॒𑌸𑍋 𑌵𑌾᳚ । 𑌯-𑌤𑍍𑌪𑍍𑌰𑌤𑍍𑌯𑍇॒𑌯𑌾𑌤𑍍 । 𑌯॒𑌜𑍍𑌞𑌂-𑌵𑌿𑌁𑌚𑍍𑌛𑌿॑𑌨𑍍𑌦𑍍𑌯𑌾𑌤𑍍 । 𑌸 𑌜𑍁॑𑌹𑍁𑌯𑌾𑌤𑍍 ।
𑌮𑌿॒𑌤𑍍𑌰𑍋 𑌜𑌨𑌾᳚𑌨𑍍 𑌕𑌲𑍍𑌪𑌯𑌤𑌿 𑌪𑍍𑌰𑌜𑌾॒𑌨𑌨𑍍𑌨𑍍 ॥ 12 ॥

𑌮𑌿॒𑌤𑍍𑌰𑍋 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌮𑍍 । 𑌮𑌿॒𑌤𑍍𑌰𑌃 𑌕𑍃॒𑌷𑍍𑌟𑍀𑌰-𑌨𑌿॑𑌮𑌿𑌷𑌾॒ 𑌽𑌭𑌿𑌚॑𑌷𑍍𑌟𑍇 ।
𑌸॒𑌤𑍍𑌯𑌾𑌯॑ 𑌹॒𑌵𑍍𑌯-𑌙𑍍𑌘𑍃॒𑌤𑌵॑-𑌜𑍍𑌜𑍁𑌹𑍋॒𑌤𑍇𑌤𑌿॑ । 𑌮𑌿॒𑌤𑍍𑌰𑍇𑌣𑍈॒𑌵𑍈𑌨॑-𑌤𑍍𑌕𑌲𑍍𑌪𑌯𑌤𑌿 । 𑌤𑌤𑍍𑌕𑍃॒𑌤𑍍𑌵𑌾 । 𑌅॒𑌨𑍍𑌯𑌾-𑌨𑍍𑌦𑍁॒𑌗𑍍𑌧𑍍𑌵𑌾 𑌪𑍁𑌨॑𑌰𑍍​𑌹𑍋𑌤॒𑌵𑍍𑌯᳚𑌮𑍍 ।
𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥
𑌯-𑌤𑍍𑌪𑍂𑌰𑍍𑌵॑𑌸𑍍𑌯𑌾॒-𑌮𑌾𑌹𑍁॑𑌤𑍍𑌯𑌾𑌗𑍍​𑌮𑍍 𑌹𑍁॒𑌤𑌾𑌯𑌾॒-𑌮𑍁𑌤𑍍𑌤॒𑌰𑌾-𑌽𑌽𑌹𑍁॑𑌤𑌿॒-𑌸𑍍𑌸𑍍𑌕𑌨𑍍𑌦𑍇᳚𑌤𑍍 ।
𑌦𑍍𑌵𑌿॒𑌪𑌾𑌦𑍍𑌭𑌿𑌃॑ 𑌪॒𑌶𑍁𑌭𑌿॒-𑌰𑍍𑌯𑌜॑𑌮𑌾𑌨𑍋॒ 𑌵𑍍𑌯𑍃॑॑𑌦𑍍𑌧𑍍𑌯𑍇𑌤 ।
𑌯𑌦𑍁𑌤𑍍𑌤॑𑌰𑌯𑌾॒ 𑌽𑌭𑌿𑌜𑍁॑𑌹𑍁॒𑌯𑌾𑌤𑍍 ॥ 13 ॥

𑌚𑌤𑍁॑𑌷𑍍𑌪𑌾𑌦𑍍𑌭𑌿𑌃 𑌪॒𑌶𑍁𑌭𑌿॒-𑌰𑍍𑌯𑌜॑𑌮𑌾𑌨𑍋॒ 𑌵𑍍𑌯𑍃॑𑌦𑍍𑌧𑍍𑌯𑍇𑌤 ।
𑌯𑌤𑍍𑌰॒ 𑌵𑍇𑌤𑍍𑌥॑ 𑌵𑌨𑌸𑍍𑌪𑌤𑍇 𑌦𑍇॒𑌵𑌾𑌨𑌾॒-𑌙𑍍𑌗𑍁𑌹𑍍𑌯𑌾॒ 𑌨𑌾𑌮𑌾॑𑌨𑌿 ।
𑌤𑌤𑍍𑌰॑ 𑌹॒𑌵𑍍𑌯𑌾𑌨𑌿॑ 𑌗𑌾𑌮॒𑌯𑍇𑌤𑌿॑ 𑌵𑌾𑌨𑌸𑍍𑌪॒𑌤𑍍𑌯-𑌯॒𑌰𑍍𑌚𑌾 𑌸॒𑌮𑌿𑌧॑-𑌮𑌾॒𑌧𑌾𑌯॑ । 𑌤𑍂॒𑌷𑍍𑌣𑍀𑌮𑍇॒𑌵 𑌪𑍁𑌨॑-𑌰𑍍𑌜𑍁𑌹𑍁𑌯𑌾𑌤𑍍 ।
𑌵𑌨॒𑌸𑍍𑌪𑌤𑌿॑𑌨𑍈॒𑌵 𑌯॒𑌜𑍍𑌞𑌸𑍍𑌯𑌾𑌰𑍍𑌤𑌾॒-𑌞𑍍𑌚𑌾𑌨𑌾᳚𑌰𑍍𑌤𑌾॒-𑌞𑍍𑌚𑌾𑌹𑍁॑𑌤𑍀॒ 𑌵𑌿𑌦𑌾॑𑌧𑌾𑌰 । 𑌤𑌤𑍍𑌕𑍃॒𑌤𑍍𑌵𑌾 । 𑌅॒𑌨𑍍𑌯𑌾-𑌨𑍍𑌦𑍁॒𑌗𑍍𑌧𑍍𑌵𑌾 𑌪𑍁𑌨॑𑌰𑍍-𑌹𑍋𑌤॒𑌵𑍍𑌯᳚𑌮𑍍 । 𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥
𑌯𑌤𑍍𑌪𑍁॒𑌰𑌾 𑌪𑍍𑌰॑𑌯𑌾॒𑌜𑍇𑌭𑍍𑌯𑌃॒ 𑌪𑍍𑌰𑌾𑌂𑌅𑌙𑍍𑌗𑌾॑𑌰॒-𑌸𑍍𑌸𑍍𑌕𑌨𑍍𑌦𑍇᳚𑌤𑍍 ।
𑌅॒𑌦𑍍𑌧𑍍𑌵॒𑌰𑍍𑌯𑌵𑍇॑ 𑌚॒ 𑌯𑌜॑𑌮𑌾𑌨𑌾𑌯॒ 𑌚𑌾𑌕𑌗𑍍𑌗𑍍॑ 𑌸𑍍𑌯𑌾𑌤𑍍 ॥ 14 ॥

𑌯-𑌦𑍍𑌦॑𑌕𑍍𑌷𑌿॒𑌣𑌾 । 𑌬𑍍𑌰॒𑌹𑍍𑌮𑌣𑍇॑ 𑌚॒ 𑌯𑌜॑𑌮𑌾𑌨𑌾𑌯॒ 𑌚𑌾𑌕𑌗𑍍𑌗𑍍॑ 𑌸𑍍𑌯𑌾𑌤𑍍 । 𑌯-𑌤𑍍𑌪𑍍𑌰॒𑌤𑍍𑌯𑌕𑍍 ।
𑌹𑍋𑌤𑍍𑌰𑍇॑ 𑌚॒ 𑌪𑌤𑍍𑌨𑌿॑𑌯𑍈 𑌚॒ 𑌯𑌜॑𑌮𑌾𑌨𑌾𑌯॒ 𑌚𑌾𑌕𑌗𑍍𑌗𑍍॑ 𑌸𑍍𑌯𑌾𑌤𑍍 ।
𑌯𑌦𑍁𑌦𑌂॑ । 𑌅॒𑌗𑍍𑌨𑍀𑌧𑍇॑ 𑌚 𑌪॒𑌶𑍁𑌭𑍍𑌯॑𑌶𑍍𑌚॒ 𑌯𑌜॑𑌮𑌾𑌨𑌾𑌯॒ 𑌚𑌾𑌕𑌗𑍍𑌗𑍍॑ 𑌸𑍍𑌯𑌾𑌤𑍍 । 𑌯𑌦॑𑌭𑌿𑌜𑍁𑌹𑍁॒𑌯𑌾𑌤𑍍 । 𑌰𑍁॒𑌦𑍍𑌰𑍋᳚-𑌽𑌸𑍍𑌯 𑌪॒𑌶𑍂-𑌨𑍍𑌘𑌾𑌤𑍁॑𑌕-𑌸𑍍𑌸𑍍𑌯𑌾𑌤𑍍 ।
𑌯𑌨𑍍𑌨𑌾𑌭𑌿॑ 𑌜𑍁𑌹𑍁॒𑌯𑌾𑌤𑍍 । 𑌅𑌶𑌾᳚𑌨𑍍𑌤𑌃॒ 𑌪𑍍𑌰𑌹𑍍𑌰𑌿॑𑌯𑍇𑌤 ॥ 15 ॥

𑌸𑍍𑌰𑍁॒𑌵𑌸𑍍𑌯॒ 𑌬𑍁𑌦𑍍𑌧𑍍𑌨𑍇॑𑌨𑌾𑌭𑌿॒ 𑌨𑌿𑌦॑𑌦𑍍𑌧𑍍𑌯𑌾𑌤𑍍 ।
𑌮𑌾 𑌤॑𑌮𑍋॒ 𑌮𑌾 𑌯॒𑌜𑍍𑌞𑌸𑍍𑌤॑𑌮॒𑌨𑍍𑌮𑌾 𑌯𑌜॑𑌮𑌾𑌨-𑌸𑍍𑌤𑌮𑌤𑍍 ।
𑌨𑌮॑𑌸𑍍𑌤𑍇 𑌅𑌸𑍍𑌤𑍍𑌵𑌾𑌯॒𑌤𑍇 । 𑌨𑌮𑍋॑ 𑌰𑍁𑌦𑍍𑌰 𑌪𑌰𑌾𑌯॒𑌤𑍇 ।
𑌨𑌮𑍋॒ 𑌯𑌤𑍍𑌰॑ 𑌨𑌿॒𑌷𑍀𑌦॑𑌸𑌿 ।
𑌅॒𑌮𑍁-𑌮𑍍𑌮𑌾 𑌹𑌿𑌗𑍍​𑌮𑍍॑𑌸𑍀𑌰॒𑌮𑍁-𑌮𑍍𑌮𑌾 𑌹𑌿𑌗𑍍​𑌮𑍍॑𑌸𑍀॒𑌰𑌿𑌤𑌿॒ 𑌯𑍇𑌨॒ 𑌸𑍍𑌕𑌨𑍍𑌦𑍇᳚𑌤𑍍 ॥ 𑌤-𑌮𑍍𑌪𑍍𑌰𑌹॑𑌰𑍇𑌤𑍍 ।
𑌸॒𑌹𑌸𑍍𑌰॑𑌶𑍃𑌙𑍍𑌗𑍋 𑌵𑍃𑌷॒𑌭𑍋 𑌜𑌾॒𑌤𑌵𑍇॑𑌦𑌾𑌃 । 𑌸𑍍𑌤𑍋𑌮॑𑌪𑍃𑌷𑍍𑌠𑍋 𑌘𑍃॒𑌤𑌵𑌾᳚𑌨𑍍-𑌥𑍍𑌸𑍁॒𑌪𑍍𑌰𑌤𑍀॑𑌕𑌃 ।
𑌮𑌾 𑌨𑍋॑ 𑌹𑌾𑌸𑍀𑌨𑍍𑌮𑍇𑌤𑍍𑌥𑌿॒𑌤𑍋 (𑌹𑌾𑌸𑍀𑌰𑍍𑌮𑍇𑌤𑍍𑌥𑌿॒𑌤𑍋) 𑌨𑍇𑌤𑍍𑌤𑍍𑌵𑌾॒ 𑌜𑌹𑌾॑𑌮 ।
𑌗𑍋॒𑌪𑍋॒𑌷-𑌨𑍍𑌨𑍋॑ 𑌵𑍀𑌰𑌪𑍋॒𑌷-𑌞𑍍𑌚॑ 𑌯॒𑌚𑍍𑌛𑍇𑌤𑌿॑ ।
𑌬𑍍𑌰𑌹𑍍𑌮॑𑌣𑍈॒𑌵𑍈𑌨॒-𑌮𑍍𑌪𑍍𑌰𑌹॑𑌰𑌤𑌿 । 𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 ॥ 16 ॥
(𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 – 𑌸𑍍𑌥𑌾𑌪𑌯𑌤𑌿 – 𑌪𑍍𑌰𑌜𑌾॒𑌨𑌨𑍍 – 𑌨॒𑌭𑌿𑌜𑍁॑𑌹𑍁॒𑌯𑌾𑌥𑍍 – 𑌸𑍍𑌯𑌾᳚-𑌦𑍍- 𑌧𑍍𑌰𑌿𑌯𑍇𑌤॒ – 𑌜𑌹𑌾॑𑌮॒ 𑌤𑍍𑌰𑌿𑌣𑌿॑ 𑌚) (𑌅. 2)

(𑌯𑌦𑍍𑌵𑌿𑌸𑍍𑌷॑𑌣𑍍𑌣𑍇𑌨 𑌪𑍍𑌰𑌾𑌜𑌾𑌪॒𑌤𑍍𑌯𑌯𑌾॒ 𑌯-𑌤𑍍𑌕𑍀॒𑌟𑌾 𑌮॑𑌦𑍍𑌧𑍍𑌯॒𑌮𑍇𑌨॒ 𑌯𑌦𑌵॑𑌵𑍃𑌷𑍍𑌟𑍇𑌨॒ 𑌯-𑌤𑍍𑌪𑍂𑌰𑍍𑌵॑𑌸𑍍𑌯𑌾𑌂॒-𑌯𑌁-𑌤𑍍𑌪𑍁॒𑌰𑌾 𑌪𑍍𑌰॑𑌯𑌾॒𑌜𑍇𑌭𑍍𑌯॒ 𑌪𑍍𑌰𑌂𑌙𑍍𑌗𑌾॑𑌰𑍋॒ 𑌯-𑌦𑍍𑌦॑𑌕𑍍𑌷𑌿॒𑌣𑌾 𑌯-𑌤𑍍𑌪𑍍𑌰॒𑌤𑍍𑌯𑌗𑍍𑌯𑌦𑍁𑌦𑌙𑍍𑌙𑍍॑)

𑌅𑌨𑍁𑌵𑌾𑌕𑌂 3 – 𑌮𑍁𑌖𑍍𑌯𑌾𑌗𑍍𑌨𑍍𑌯𑌸𑌮𑍍𑌭𑌵𑍇-𑌽𑌨𑍁𑌕𑌲𑍍𑌪𑌾𑌃 𑌹𑍋𑌮𑌾𑌧𑌾𑌰𑌾𑌃
𑌵𑌿 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣𑌰𑍍𑌧𑍍𑌯𑌤𑍇 ।
𑌯𑌸𑍍𑌯𑌾-𑌹𑌿॑𑌤𑌾𑌗𑍍𑌨𑍇-𑌰॒𑌗𑍍𑌨𑌿-𑌰𑍍𑌮॒𑌥𑍍𑌯𑌮𑌾॑𑌨𑍋॒ 𑌨 𑌜𑌾𑌯॑𑌤𑍇 । 𑌯𑌤𑍍𑌰𑌾॒𑌨𑍍𑌯-𑌮𑍍𑌪𑌶𑍍𑌯𑍇᳚𑌤𑍍 । 𑌤𑌤॑ 𑌆॒𑌹𑍃𑌤𑍍𑌯॑ 𑌹𑍋𑌤॒𑌵𑍍𑌯᳚𑌮𑍍 ।
𑌅॒𑌗𑍍𑌨𑌾-𑌵𑍇॒𑌵𑌾𑌸𑍍𑌯𑌾᳚-𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥
𑌯𑌦𑍍𑌯॒𑌨𑍍𑌯-𑌨𑍍𑌨 𑌵𑌿॒𑌨𑍍𑌦𑍇𑌤𑍍 । 𑌅॒𑌜𑌾𑌯𑌾𑌗𑍍​𑌮𑍍॑ 𑌹𑍋𑌤॒𑌵𑍍𑌯᳚𑌮𑍍 । 𑌆॒𑌗𑍍𑌨𑍇॒𑌯𑍀 𑌵𑌾 𑌏॒𑌷𑌾 । 𑌯𑌦॒𑌜𑌾 । 𑌅॒𑌗𑍍𑌨𑌾-𑌵𑍇॒𑌵𑌾𑌸𑍍𑌯𑌾᳚-𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 1𑍭 ॥

𑌅॒𑌜𑌸𑍍𑌯॒ 𑌤𑍁 𑌨𑌾𑌶𑍍𑌞𑍀॑𑌯𑌾𑌤𑍍 । 𑌯𑌦॒𑌜𑌸𑍍𑌯𑌾᳚-𑌶𑍍𑌞𑍀॒𑌯𑌾𑌤𑍍 ।
𑌯𑌾𑌮𑍇॒𑌵𑌾𑌗𑍍𑌨𑌾-𑌵𑌾𑌹𑍁॑𑌤𑌿-𑌞𑍍𑌜𑍁𑌹𑍁॒𑌯𑌾𑌤𑍍 । 𑌤𑌾𑌮॑𑌦𑍍𑌯𑌾𑌤𑍍 । 𑌤𑌸𑍍𑌮𑌾॑𑌦॒𑌜𑌸𑍍𑌯॒ 𑌨𑌾𑌶𑍍𑌯᳚𑌮𑍍 ॥ 𑌯𑌦𑍍𑌯॒𑌜𑌾-𑌨𑍍𑌨 𑌵𑌿॒𑌨𑍍𑌦𑍇𑌤𑍍 । 𑌬𑍍𑌰𑌾॒𑌹𑍍𑌮॒𑌣𑌸𑍍𑌯॒ 𑌦𑌕𑍍𑌷𑌿॑𑌣𑍇॒ 𑌹𑌸𑍍𑌤𑍇॑ 𑌹𑍋𑌤॒𑌵𑍍𑌯᳚𑌮𑍍 ।
𑌏॒𑌷 𑌵𑌾 𑌅॒𑌗𑍍𑌨𑌿 𑌰𑍍𑌵𑍈᳚𑌶𑍍𑌵𑌾𑌨॒𑌰𑌃 । 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌃 ।
𑌅॒𑌗𑍍𑌨𑌾-𑌵𑍇॒𑌵𑌾𑌸𑍍𑌯𑌾᳚-𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 1𑍮 ॥

𑌬𑍍𑌰𑌾॒𑌹𑍍𑌮॒𑌣-𑌨𑍍𑌤𑍁 𑌵॑𑌸॒𑌤𑍍𑌯𑍈॑ 𑌨𑌾𑌪॑𑌰𑍁𑌨𑍍𑌧𑍍𑌯𑌾𑌤𑍍 । 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌂-𑌵𑌁॑𑌸॒𑌤𑍍𑌯𑌾 𑌅॑𑌪𑌰𑍁॒𑌨𑍍𑌧𑍍𑌯𑌾𑌤𑍍 ।
𑌯𑌸𑍍𑌮𑌿॑𑌨𑍍𑌨𑍇॒-𑌵𑌾𑌗𑍍𑌨𑌾𑌵𑌾𑌹𑍁॑𑌤𑌿-𑌞𑍍𑌜𑍁𑌹𑍁॒𑌯𑌾𑌤𑍍 । 𑌤-𑌮𑍍𑌭𑌾॑𑌗॒𑌧𑍇𑌯𑍇॑𑌨॒ 𑌵𑍍𑌯॑𑌰𑍍𑌧𑌯𑍇𑌤𑍍 ।
𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑍋 𑌵॑𑌸॒𑌤𑍍𑌯𑍈॑ 𑌨𑌾𑌪॒𑌰𑍁𑌦𑍍𑌧𑍍𑌯𑌃॑ ॥ 𑌯𑌦𑌿॑ 𑌬𑍍𑌰𑌾𑌹𑍍𑌮॒𑌣-𑌨𑍍𑌨 𑌵𑌿॒𑌨𑍍𑌦𑍇𑌤𑍍 ।
𑌦॒𑌰𑍍𑌭॒𑌸𑍍𑌤॒𑌬𑍇𑌂 𑌹𑍋॑𑌤॒𑌵𑍍𑌯᳚𑌮𑍍 ।
𑌅॒𑌗𑍍𑌨𑌿॒𑌵𑌾𑌨𑍍. 𑌵𑍈 𑌦॑𑌰𑍍𑌭𑌸𑍍𑌤॒𑌬𑌂𑌃 ।
𑌅॒𑌗𑍍𑌨𑌾𑌵𑍇॒-𑌵𑌾𑌸𑍍𑌯𑌾᳚-𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ।
𑌦॒𑌰𑍍𑌭𑌾𑌗𑍍​𑌸𑍍𑌤𑍁 𑌨𑌾𑌦𑍍𑌧𑍍𑌯𑌾॑𑌸𑍀𑌤 ॥ 1𑍯 ॥

𑌯𑌦𑍍𑌦॒𑌰𑍍𑌭𑌾𑌨॒𑌦𑍍𑌧𑍍𑌯𑌾𑌸𑍀॑𑌤 । 𑌯𑌾𑌮𑍇॒𑌵𑌾𑌗𑍍𑌨𑌾-𑌵𑌾𑌹𑍁॑𑌤𑌿-𑌞𑍍𑌜𑍁𑌹𑍁॒𑌯𑌾𑌤𑍍 । 𑌤𑌾𑌮𑌦𑍍𑌧𑍍𑌯𑌾॑𑌸𑍀𑌤 ।
𑌤𑌸𑍍𑌮𑌾᳚-𑌦𑍍𑌦॒𑌰𑍍𑌭𑌾 𑌨𑌾𑌦𑍍𑌧𑍍𑌯𑌾॑𑌸𑌿𑌤॒𑌵𑍍𑌯𑌾𑌃᳚ ॥
𑌯𑌦𑌿॑ 𑌦॒𑌰𑍍𑌭𑌾𑌨𑍍𑌨 𑌵𑌿॒𑌨𑍍𑌦𑍇𑌤𑍍 । 𑌅॒𑌫𑍍𑌸𑍁 𑌹𑍋॑𑌤॒𑌵𑍍𑌯᳚𑌮𑍍 ।
𑌆𑌪𑍋॒ 𑌵𑍈 𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ ।
𑌦𑍇॒𑌵𑌤𑌾᳚𑌸𑍍𑌵𑍇॒ 𑌵𑌾𑌸𑍍𑌯𑌾᳚-𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ।
𑌆𑌪॒𑌸𑍍𑌤𑍁 𑌨 𑌪𑌰𑌿॑𑌚𑌕𑍍𑌷𑍀𑌤 । 𑌯𑌦𑌾𑌪𑌃॑ 𑌪𑌰𑌿॒𑌚𑌕𑍍𑌷𑍀॑𑌤 ॥ 20 ॥

𑌯𑌾 𑌮𑍇॒𑌵𑌾𑌫𑍍𑌸𑍍𑌵𑌾𑌹𑍁॑𑌤𑌿-𑌞𑍍𑌜𑍁𑌹𑍁॒𑌯𑌾𑌤𑍍 । 𑌤𑌾-𑌮𑍍𑌪𑌰𑌿॑𑌚𑌕𑍍𑌷𑍀𑌤 ।
𑌤𑌸𑍍𑌮𑌾॒𑌦𑌾𑌪𑍋॒ 𑌨 𑌪॑𑌰𑌿॒𑌚𑌕𑍍𑌷𑍍𑌯𑌾𑌃᳚ ॥
𑌮𑍇𑌦𑍍𑌧𑍍𑌯𑌾॑ 𑌚॒ 𑌵𑌾 𑌏॒𑌤𑌸𑍍𑌯𑌾॑𑌮𑍇॒𑌦𑍍𑌧𑍍𑌯𑌾 𑌚॑ 𑌤॒𑌨𑍁𑌵𑍌॒ 𑌸𑌗𑍍​𑌮𑍍𑌸𑍃॑𑌜𑍍𑌯𑍇𑌤𑍇 । 𑌯𑌸𑍍𑌯𑌾-𑌹𑌿॑𑌤𑌾𑌗𑍍𑌨𑍇-𑌰॒𑌨𑍍𑌯𑍈𑌰॒𑌗𑍍𑌨𑌿𑌭𑌿॑-𑌰॒𑌗𑍍𑌨𑌯॑-𑌸𑍍𑌸𑌗𑍍​𑌮𑍍𑌸𑍃॒𑌜𑍍𑌯𑌨𑍍𑌤𑍇᳚ । 𑌅॒𑌗𑍍𑌨𑌯𑍇॒ 𑌵𑌿𑌵𑌿॑𑌚𑌯𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌤𑍍 ।
𑌮𑍇𑌦𑍍𑌧𑍍𑌯𑌾᳚-𑌞𑍍𑌚𑍈॒𑌵𑌾𑌸𑍍𑌯𑌾॑-𑌮𑍇॒𑌦𑍍𑌧𑍍𑌯𑌾-𑌞𑍍𑌚॑ 𑌤॒𑌨𑍁𑌵𑍌॒ 𑌵𑍍𑌯𑌾𑌵॑𑌰𑍍𑌤𑌯𑌤𑌿 ॥ 𑌅॒𑌗𑍍𑌨𑌯𑍇᳚ 𑌵𑍍𑌰॒𑌤𑌪॑𑌤𑌯𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌤𑍍 । 𑌅॒𑌗𑍍𑌨𑌿𑌮𑍇॒𑌵 𑌵𑍍𑌰॒𑌤𑌪॑𑌤𑌿॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒-𑌨𑍋𑌪॑𑌧𑌾𑌵𑌤𑌿 ।
𑌸 𑌏॒𑌵𑍈𑌨𑌂॑-𑌵𑍍𑌰𑌁॒𑌤𑌮𑌾-𑌲॑𑌭𑌂​𑌯𑌁𑌤𑌿 ॥ 21 ॥

𑌗𑌰𑍍𑌭॒𑌗𑍍𑌗𑍍॒ 𑌸𑍍𑌰𑌵॑𑌨𑍍𑌤𑌮𑌗॒𑌦𑌮॑𑌕𑌃 । 𑌅॒𑌗𑍍𑌨𑌿-𑌰𑌿𑌨𑍍𑌦𑍍𑌰॒-𑌸𑍍𑌤𑍍𑌵𑌷𑍍𑌟𑌾॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌪𑍃॒𑌥𑌿॒𑌵𑍍𑌯𑌾-𑌮𑌵॑𑌚𑍁𑌶𑍍𑌚𑍋-𑌤𑍈॒𑌤𑌤𑍍 । 𑌨𑌾𑌭𑌿-𑌪𑍍𑌰𑌾𑌪𑍍𑌨𑍋॑𑌤𑌿॒ 𑌨𑌿𑌰𑍍-𑌋॑𑌤𑌿-𑌮𑍍𑌪𑌰𑌾॒𑌚𑍈𑌃 ॥
𑌰𑍇𑌤𑍋॒ 𑌵𑌾 𑌏॒𑌤𑌦𑍍𑌵𑌾𑌜𑌿॑𑌨॒-𑌮𑌾𑌹𑌿॑𑌤𑌾𑌗𑍍𑌨𑍇𑌃 । 𑌯𑌦॑𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌤𑌦𑍍𑌯𑌥𑍍𑌸𑍍𑌰𑌵𑍇᳚𑌤𑍍 ।
𑌰𑍇𑌤𑍋᳚-𑌽𑌸𑍍𑌯॒ 𑌵𑌾𑌜𑌿॑𑌨𑌗𑍍𑌗𑍍​ 𑌸𑍍𑌰𑌵𑍇𑌤𑍍 । 𑌗𑌰𑍍𑌭॒𑌗𑍍𑌗𑍍॒ 𑌸𑍍𑌰𑌵॑𑌨𑍍𑌤𑌮-𑌗॒𑌦𑌮॑𑌕॒-𑌰𑌿𑌤𑍍𑌯𑌾॑𑌹 ।
𑌰𑍇𑌤॑ 𑌏॒𑌵𑌾𑌸𑍍𑌮𑌿॒𑌨𑍍 𑌵𑌾𑌜𑌿॑𑌨-𑌨𑍍𑌦𑌧𑌾𑌤𑌿 ॥ 22 ॥

𑌅॒𑌗𑍍𑌨𑌿𑌰𑌿𑌤𑍍𑌯𑌾॑𑌹 । 𑌅॒𑌗𑍍𑌨𑌿𑌰𑍍𑌵𑍈 𑌰𑍇॑𑌤𑍋॒𑌧𑌾𑌃 । 𑌰𑍇𑌤॑ 𑌏॒𑌵 𑌤𑌦𑍍𑌦॑𑌧𑌾𑌤𑌿 । 𑌇𑌨𑍍𑌦𑍍𑌰॒ 𑌇𑌤𑍍𑌯𑌾॑𑌹 । 𑌇॒𑌨𑍍𑌦𑍍𑌰𑌿॒𑌯-𑌮𑍇॒𑌵𑌾𑌸𑍍𑌮𑌿॑𑌨𑍍-𑌦𑌧𑌾𑌤𑌿 । 𑌤𑍍𑌵𑌷𑍍𑌟𑍇𑌤𑍍𑌯𑌾॑𑌹 । 𑌤𑍍𑌵𑌷𑍍𑌟𑌾॒ 𑌵𑍈 𑌪॑𑌶𑍂॒𑌨𑌾-𑌮𑍍𑌮𑌿॑𑌥𑍁॒𑌨𑌾𑌨𑌾𑌗𑍍​𑌮𑍍॑ 𑌰𑍂𑌪॒𑌕𑍃𑌤𑍍 । 𑌰𑍂॒𑌪𑌮॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿 । 𑌬𑍃𑌹॒𑌸𑍍𑌪𑌤𑌿॒𑌰𑌿𑌤𑍍𑌯𑌾॑𑌹 ।
𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿𑌃॑ । 𑌬𑍍𑌰𑌹𑍍𑌮॑𑌣𑍈॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰𑌜॑𑌨𑌯𑌤𑌿 ॥
𑌪𑍃॒𑌥𑌿॒𑌵𑍍𑌯𑌾-𑌮𑌵॑𑌚𑍁𑌶𑍍𑌚𑍋𑌤𑍈॒𑌤-𑌦𑌿𑌤𑍍𑌯𑌾॑𑌹 ।
𑌅॒𑌸𑍍𑌯𑌾-𑌮𑍇॒𑌵𑍈𑌨॒-𑌤𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥
𑌨𑌾𑌭𑌿 𑌪𑍍𑌰𑌾𑌪𑍍𑌨𑍋॑𑌤𑌿॒ 𑌨𑌿𑌰𑍍-𑌋॑𑌤𑌿-𑌮𑍍𑌪𑌰𑌾॒𑌚𑍈𑌰𑌿𑌤𑍍𑌯𑌾॑𑌹 ।
𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 ॥ 23 ॥
(𑌅॒𑌜𑌾-𑌽𑌗𑍍𑌨𑌾𑌵𑍇॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 – 𑌭𑌵 – 𑌤𑍍𑌯𑌾𑌸𑍀𑌤 – 𑌪𑌰𑌿॒𑌚𑌕𑍍𑌷𑍀॑𑌤 – 𑌲𑌮𑍍𑌭𑌯𑌤𑌿 – 𑌦𑌧𑌾𑌤𑌿 – 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿𑌃॒ 𑌪𑌞𑍍𑌚॑ 𑌚) (𑌅. 3)

(𑌵𑌿 𑌵𑍈 𑌯-𑌦𑍍𑌯॒𑌨𑍍𑌯𑌮॒𑌜𑌾𑌯𑌾᳚-𑌮𑍍𑌬𑍍𑌰𑌾𑌹𑍍𑌮॒𑌣𑌸𑍍𑌯॑ 𑌦𑌰𑍍𑌭𑌸𑍍𑌤॒𑌮𑍍𑌬𑍇᳚-𑌽𑌫𑍍𑌸𑍁 𑌹𑍋॑𑌤॒𑌵𑍍𑌯᳚𑌮𑍍)

𑌅𑌨𑍁𑌵𑌾𑌕𑌂 4 – 𑌐𑌷𑍍𑌟𑌿𑌕𑌯𑌾𑌜𑌮𑌾𑌨𑌮𑌨𑍍𑌤𑍍𑌰𑌾𑌃
𑌯𑌾𑌃 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌸𑍍𑌰𑌵॑𑌨𑍍𑌤𑌿 । 𑌉॒𑌪𑌰𑌿॑𑌷𑍍𑌟𑌾-𑌥𑍍𑌸॒𑌰𑍍𑌵𑌤॑𑌶𑍍𑌚॒ 𑌯𑌾𑌃 । 𑌤𑌾𑌭𑍀॑ 𑌰॒𑌶𑍍𑌮𑌿𑌪॑𑌵𑌿𑌤𑍍𑌰𑌾𑌭𑌿𑌃 । 𑌶𑍍𑌰॒𑌦𑍍𑌧𑌾𑌂-𑌯𑌁॒𑌜𑍍𑌞𑌮𑌾𑌰॑𑌭𑍇 ॥ 𑌦𑍇𑌵𑌾॑ 𑌗𑌾𑌤𑍁𑌵𑌿𑌦𑌃 ।
𑌗𑌾॒𑌤𑍁𑌂-𑌯𑌁॒𑌜𑍍𑌞𑌾𑌯॑ 𑌵𑌿𑌨𑍍𑌦𑌤 । 𑌮𑌨॑𑌸॒𑌸𑍍𑌪𑌤𑌿॑𑌨𑌾 𑌦𑍇॒𑌵𑍇𑌨॑ । 𑌵𑌾𑌤𑌾᳚-𑌦𑍍𑌯॒𑌜𑍍𑌞𑌃 𑌪𑍍𑌰𑌯𑍁॑𑌜𑍍𑌯𑌤𑌾𑌮𑍍 ॥ 𑌤𑍃॒𑌤𑍀𑌯॑𑌸𑍍𑌯𑍈 𑌦𑌿॒𑌵𑌃 । 𑌗𑌾॒𑌯॒𑌤𑍍𑌰𑌿॒𑌯𑌾 𑌸𑍋𑌮॒ 𑌆𑌭𑍃॑𑌤𑌃 ॥ 24 ॥

𑌸𑍋॒𑌮॒𑌪𑍀॒𑌥𑌾𑌯॒ 𑌸𑌨𑍍𑌨॑𑌯𑌿𑌤𑍁𑌮𑍍 । 𑌵𑌕॑𑌲॒-𑌮𑌨𑍍𑌤॑𑌰॒𑌮𑌾𑌦॑𑌦𑍇 ॥ 𑌆𑌪𑍋॑ 𑌦𑍇𑌵𑍀-𑌶𑍍𑌶𑍁॒𑌦𑍍𑌧𑌾-𑌸𑍍𑌸𑍍𑌥॑ । 𑌇॒𑌮𑌾 𑌪𑌾𑌤𑍍𑌰𑌾॑𑌣𑌿 𑌶𑍁𑌨𑍍𑌧𑌤 । 𑌉॒𑌪𑌾॒𑌤॒𑌙𑍍𑌕𑍍𑌯𑌾॑𑌯 𑌦𑍇॒𑌵𑌾𑌨𑌾᳚𑌮𑍍 । 𑌪॒𑌰𑍍𑌣॒𑌵॒𑌲𑍍𑌕𑌮𑍁॒𑌤 𑌶𑍁॑𑌨𑍍𑌧𑌤 ॥
𑌪𑌯𑍋॑ 𑌗𑍃॒𑌹𑍇𑌷𑍁॒ 𑌪𑌯𑍋॑ 𑌅𑌘𑍍𑌨𑌿॒𑌯𑌾𑌸𑍁॑ ।
𑌪𑌯𑍋॑ 𑌵॒𑌥𑍍𑌸𑍇𑌷𑍁॒ 𑌪𑌯॒ 𑌇𑌨𑍍𑌦𑍍𑌰𑌾॑𑌯 𑌹॒𑌵𑌿𑌷𑍇᳚ 𑌧𑍍𑌰𑌿𑌯𑌸𑍍𑌵 । 𑌗𑌾॒𑌯॒𑌤𑍍𑌰𑍀 𑌪॑𑌰𑍍𑌣𑌵॒𑌲𑍍𑌕𑍇𑌨॑ । 𑌪𑌯-𑌸𑍍𑌸𑍋𑌮॑-𑌙𑍍𑌕𑌰𑍋𑌤𑍍𑌵𑌿॒𑌮𑌮𑍍 ॥ 25 ॥
𑌅॒𑌗𑍍𑌨𑌿-𑌙𑍍𑌗𑍃॑𑌹𑍍𑌣𑌾𑌮𑌿 𑌸𑍁॒𑌰𑌥𑌂॒-𑌯𑍋𑌁 𑌮॑𑌯𑍋॒ 𑌭𑍂𑌃 ।
𑌯 𑌉॒𑌦𑍍𑌯𑌨𑍍𑌤॑𑌮𑌾॒ 𑌰𑍋𑌹॑𑌤𑌿॒ 𑌸𑍂𑌰𑍍𑌯॒𑌮𑌹𑍍𑌨𑍇᳚ ।
𑌆॒𑌦𑌿॒𑌤𑍍𑌯-𑌞𑍍𑌜𑍍𑌯𑍋𑌤𑌿॑𑌷𑌾॒-𑌞𑍍𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌮𑍍 ।
𑌶𑍍𑌵𑍋 𑌯॒𑌜𑍍𑌞𑌾𑌯॑ 𑌰𑌮𑌤𑌾-𑌨𑍍𑌦𑍇॒𑌵𑌤𑌾᳚𑌭𑍍𑌯𑌃 ॥
𑌵𑌸𑍂᳚-𑌨𑍍𑌰𑍁॒𑌦𑍍𑌰𑌾𑌨𑌾॑𑌦𑌿॒𑌤𑍍𑌯𑌾𑌨𑍍 । 𑌇𑌨𑍍𑌦𑍍𑌰𑍇॑𑌣 𑌸॒𑌹 𑌦𑍇॒𑌵𑌤𑌾𑌃᳚ । 𑌤𑌾𑌃 𑌪𑍂𑌰𑍍𑌵𑌃॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿 । 𑌸𑍍𑌵 𑌆॒𑌯𑌤॑𑌨𑍇 𑌮𑌨𑍀॒𑌷𑌯𑌾᳚ ॥ 𑌇॒𑌮𑌾𑌮𑍂𑌰𑍍𑌜॑-𑌮𑍍𑌪𑌞𑍍𑌚𑌦॒𑌶𑍀𑌂-𑌯𑍇𑌁 𑌪𑍍𑌰𑌵𑌿॑𑌷𑍍𑌟𑌾𑌃 । 𑌤𑌾𑌨𑍍𑌦𑍇॒𑌵𑌾-𑌨𑍍𑌪𑌰𑌿॑𑌗𑍃𑌹𑍍𑌣𑌾𑌮𑌿॒ 𑌪𑍂𑌰𑍍𑌵𑌃॑ ॥ 26 ॥

𑌅॒𑌗𑍍𑌨𑌿𑌰𑍍-𑌹॑𑌵𑍍𑌯॒𑌵𑌾𑌡𑌿॒𑌹 𑌤𑌾𑌨𑌾𑌵॑𑌹𑌤𑍁 । 𑌪𑍌॒𑌰𑍍𑌣॒𑌮𑌾॒𑌸𑌗𑍍​𑌮𑍍 𑌹॒𑌵𑌿𑌰𑌿॒𑌦𑌮𑍇॑𑌷𑌾॒-𑌮𑍍𑌮𑌯𑌿॑ ।
𑌆॒𑌮𑌾॒𑌵𑌾॒𑌸𑍍𑌯𑌗𑍍​𑌮𑍍॑ 𑌹॒𑌵𑌿𑌰𑌿॒𑌦𑌮𑍇॑𑌷𑌾॒-𑌮𑍍𑌮𑌯𑌿॑ ॥ 𑌅॒𑌨𑍍𑌤॒𑌰𑌾-𑌽𑌗𑍍𑌨𑍀 𑌪॒𑌶𑌵𑌃॑ । 𑌦𑍇॒𑌵॒𑌸॒𑌗𑍍​𑌮𑍍॒ 𑌸𑌦॒𑌮𑌾𑌗॑𑌮𑌨𑍍𑌨𑍍 । 𑌤𑌾-𑌨𑍍𑌪𑍂𑌰𑍍𑌵𑌃॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿 ।
𑌸𑍍𑌵 𑌆॒𑌯𑌤॑𑌨𑍇 𑌮𑌨𑍀॒𑌷𑌯𑌾᳚ ॥ 𑌇॒𑌹 𑌪𑍍𑌰॒𑌜𑌾 𑌵𑌿॒𑌶𑍍𑌵𑌰𑍂॑𑌪𑌾 𑌰𑌮𑌨𑍍𑌤𑌾𑌮𑍍 । 𑌅॒𑌗𑍍𑌨𑌿-𑌙𑍍𑌗𑍃॒𑌹𑌪॑𑌤𑌿𑌮॒𑌭𑌿 𑌸𑌂॒​𑌵𑌁𑌸𑌾॑𑌨𑌾𑌃 । 𑌤𑌾𑌃 𑌪𑍂𑌰𑍍𑌵𑌃॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿 ॥ 2𑍭 ॥

𑌸𑍍𑌵 𑌆॒𑌯𑌤॑𑌨𑍇 𑌮𑌨𑍀॒𑌷𑌯𑌾᳚ ॥
𑌇॒𑌹 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾 𑌰𑌮𑌨𑍍𑌤𑌾𑌮𑍍 ।
𑌅॒𑌗𑍍𑌨𑌿-𑌙𑍍𑌗𑍃॒𑌹𑌪॑𑌤𑌿𑌮॒𑌭𑌿 𑌸𑌂॒​𑌵𑌁𑌸𑌾॑𑌨𑌾𑌃 ।
𑌤𑌾-𑌨𑍍𑌪𑍂𑌰𑍍𑌵𑌃॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿 । 𑌸𑍍𑌵 𑌆॒𑌯𑌤॑𑌨𑍇 𑌮𑌨𑍀॒𑌷𑌯𑌾᳚ ॥ 𑌅॒𑌯-𑌮𑍍𑌪𑌿॑𑌤𑍃॒𑌣𑌾𑌮॒𑌗𑍍𑌨𑌿𑌃 ।
𑌅𑌵𑌾᳚𑌡𑍍𑌢॒𑌵𑍍𑌯𑌾 𑌪𑌿॒𑌤𑍃𑌭𑍍𑌯॒ 𑌆 । 𑌤-𑌮𑍍𑌪𑍂𑌰𑍍𑌵𑌃॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿 । 𑌅𑌵𑌿॑𑌷-𑌨𑍍𑌨𑌃 𑌪𑌿॒𑌤𑍁-𑌙𑍍𑌕॑𑌰𑌤𑍍 ॥ 𑌅𑌜॑𑌸𑍍𑌰॒-𑌨𑍍𑌤𑍍𑌵𑌾𑌗𑍍​𑌮𑍍 𑌸॑𑌭𑌾𑌪𑌾॒𑌲𑌾𑌃 ॥ 2𑍮 ॥
𑌵𑌿॒𑌜॒𑌯𑌭𑌾॑𑌗॒𑌗𑍍​𑌮𑍍॒ 𑌸𑌮𑌿॑𑌨𑍍𑌧𑌤𑌾𑌮𑍍 । 𑌅𑌗𑍍𑌨𑍇॑ 𑌦𑍀॒𑌦𑌾𑌯॑ 𑌮𑍇 𑌸𑌭𑍍𑌯 । 𑌵𑌿𑌜𑌿॑𑌤𑍍𑌯𑍈 𑌶॒𑌰𑌦॑-𑌶𑍍𑌶॒𑌤𑌮𑍍 ॥ 𑌅𑌨𑍍𑌨॑𑌮𑌾𑌵𑌸॒𑌥𑍀𑌯᳚𑌮𑍍 । 𑌅॒𑌭𑌿𑌹॑𑌰𑌾𑌣𑌿 𑌶॒𑌰𑌦॑-𑌶𑍍𑌶॒𑌤𑌮𑍍 । 𑌆॒𑌵॒𑌸॒𑌥𑍇 𑌶𑍍𑌰𑌿𑌯॒-𑌮𑍍𑌮𑌨𑍍𑌤𑍍𑌰᳚𑌮𑍍 । 𑌅𑌹𑌿॑𑌰𑍍𑌬𑍁॒𑌦𑍍𑌧𑍍𑌨𑌿𑌯𑍋॒ 𑌨𑌿𑌯॑𑌚𑍍𑌛𑌤𑍁 ॥ 𑌇॒𑌦𑌮॒𑌹-𑌮॒𑌗𑍍𑌨𑌿 𑌜𑍍𑌯𑍇᳚𑌷𑍍𑌠𑍇𑌭𑍍𑌯𑌃 । 𑌵𑌸𑍁॑𑌭𑍍𑌯𑍋 𑌯॒𑌜𑍍𑌞-𑌮𑍍𑌪𑍍𑌰𑌬𑍍𑌰॑𑌵𑍀𑌮𑌿 ।
𑌇॒𑌦𑌮॒𑌹-𑌮𑌿𑌨𑍍𑌦𑍍𑌰॑ 𑌜𑍍𑌯𑍇𑌷𑍍𑌠𑍇𑌭𑍍𑌯𑌃 ॥ 2𑍯 ॥

𑌰𑍁॒𑌦𑍍𑌰𑍇𑌭𑍍𑌯𑍋॑ 𑌯॒𑌜𑍍𑌞-𑌮𑍍𑌪𑍍𑌰𑌬𑍍𑌰॑𑌵𑍀𑌮𑌿 । 𑌇॒𑌦𑌮॒𑌹𑌂-𑌵𑌁𑌰𑍁॑𑌣-𑌜𑍍𑌯𑍇𑌷𑍍𑌠𑍇𑌭𑍍𑌯𑌃 । 𑌆॒𑌦𑌿॒𑌤𑍍𑌯𑍇𑌭𑍍𑌯𑍋॑ 𑌯॒𑌜𑍍𑌞-𑌮𑍍𑌪𑍍𑌰𑌬𑍍𑌰॑𑌵𑍀𑌮𑌿 ॥ 𑌪𑌯॑𑌸𑍍𑌵𑌤𑍀॒-𑌰𑍋𑌷॑𑌧𑌯𑌃 ।
𑌪𑌯॑𑌸𑍍𑌵𑌦𑍍𑌵𑍀॒𑌰𑍁𑌧𑌾॒-𑌮𑍍𑌪𑌯𑌃॑ । 𑌅॒𑌪𑌾-𑌮𑍍𑌪𑌯॑𑌸𑍋॒ 𑌯𑌤𑍍𑌪𑌯𑌃॑ । 𑌤𑍇𑌨॒ 𑌮𑌾𑌮𑌿॑𑌨𑍍𑌦𑍍𑌰॒ 𑌸𑌗𑍍​𑌮𑍍𑌸𑍃॑𑌜 ॥
𑌅𑌗𑍍𑌨𑍇᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤-𑌞𑍍𑌚॑𑌰𑌿𑌷𑍍𑌯𑌾𑌮𑌿 ।
𑌤𑌚𑍍𑌛॑𑌕𑍇𑌯॒-𑌨𑍍𑌤𑌨𑍍𑌮𑍇॑ 𑌰𑌾𑌦𑍍𑌧𑍍𑌯𑌤𑌾𑌮𑍍 ।
𑌵𑌾𑌯𑍋᳚ 𑌵𑍍𑌰𑌤𑌪𑌤॒ 𑌆𑌦𑌿॑𑌤𑍍𑌯 𑌵𑍍𑌰𑌤𑌪𑌤𑍇 ॥ 30 ॥

𑌵𑍍𑌰॒𑌤𑌾𑌨𑌾𑌂᳚-𑌵𑍍𑌰𑌁𑌤𑌪𑌤𑍇 𑌵𑍍𑌰॒𑌤-𑌞𑍍𑌚॑𑌰𑌿𑌷𑍍𑌯𑌾𑌮𑌿 । 𑌤𑌚𑍍𑌛॑𑌕𑍇𑌯॒-𑌨𑍍𑌤𑌨𑍍𑌮𑍇॑ 𑌰𑌾𑌦𑍍𑌧𑍍𑌯𑌤𑌾𑌮𑍍 ॥
𑌇॒𑌮𑌾-𑌮𑍍𑌪𑍍𑌰𑌾𑌚𑍀॒𑌮𑍁𑌦𑍀॑𑌚𑍀𑌮𑍍 । 𑌇𑌷॒𑌮𑍂𑌰𑍍𑌜॑𑌮॒𑌭𑌿 𑌸𑌗𑍍𑌗𑍍​𑌸𑍍𑌕𑍃॑𑌤𑌾𑌮𑍍 । 𑌬॒𑌹𑍁॒𑌪॒𑌰𑍍𑌣𑌾𑌮𑌶𑍁॑𑌷𑍍𑌕𑌾𑌗𑍍𑌰𑌾𑌮𑍍 ।
𑌹𑌰𑌾॑𑌮𑌿 𑌪𑌶𑍁॒𑌪𑌾𑌮॒𑌹𑌮𑍍 ॥ 𑌯𑌤𑍍𑌕𑍃𑌷𑍍𑌣𑍋॑ 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 । 𑌪𑍍𑌰𑌾𑌵𑌿॑𑌶॒𑌸𑍍𑌤𑍍𑌵𑌂-𑌵𑌁𑌨॒𑌸𑍍𑌪𑌤𑍀𑌨𑍍॑ ।
𑌤𑌤॒𑌸𑍍𑌤𑍍𑌵𑌾𑌮𑍇॑𑌕𑌵𑌿𑌗𑍍​𑌮𑍍𑌶𑌤𑌿॒𑌧𑌾 । 𑌸𑌮𑍍𑌭॑𑌰𑌾𑌮𑌿 𑌸𑍁𑌸॒𑌮𑍍𑌭𑍃𑌤𑌾᳚ ॥ 31 ॥

𑌤𑍍𑌰𑍀-𑌨𑍍𑌪॑𑌰𑌿॒𑌧𑍀𑌗𑍍​𑌸𑍍𑌤𑌿॒𑌸𑍍𑌰-𑌸𑍍𑌸॒𑌮𑌿𑌧𑌃॑ । 𑌯॒𑌜𑍍𑌞𑌾𑌯𑍁॑𑌰𑌨𑍁𑌸𑌞𑍍𑌚॒𑌰𑌾𑌨𑍍 ।
𑌉॒𑌪॒𑌵𑍇॒𑌷-𑌮𑍍𑌮𑍇𑌕𑍍𑌷॑𑌣॒-𑌨𑍍𑌧𑍃𑌷𑍍𑌟𑌿᳚𑌮𑍍 । 𑌸𑌮𑍍𑌭॑𑌰𑌾𑌮𑌿 𑌸𑍁𑌸॒𑌭𑍃𑌨𑍍𑌤𑌾᳚ ॥ 𑌯𑌾 𑌜𑌾॒𑌤𑌾 𑌓𑌷॑𑌧𑌯𑌃 । 𑌦𑍇॒𑌵𑍇𑌭𑍍𑌯॑ 𑌸𑍍𑌤𑍍𑌰𑌿𑌯𑍁॒𑌗-𑌮𑍍𑌪𑍁॒𑌰𑌾 । 𑌤𑌾𑌸𑌾॒-𑌮𑍍𑌪𑌰𑍍𑌵॑ 𑌰𑌾𑌦𑍍𑌧𑍍𑌯𑌾𑌸𑌮𑍍 । 𑌪॒𑌰𑌿॒𑌸𑍍𑌤॒𑌰-𑌮𑌾॒𑌹𑌰𑌨𑍍𑌨𑍍॑ ॥
𑌅॒𑌪𑌾-𑌮𑍍𑌮𑍇𑌦𑍍𑌧𑍍𑌯𑌂॑-𑌯𑌁॒𑌜𑍍𑌞𑌿𑌯᳚𑌮𑍍 ।
𑌸𑌦𑍇॑𑌵𑌗𑍍​𑌮𑍍 𑌶𑌿॒𑌵𑌮॑𑌸𑍍𑌤𑍁 𑌮𑍇 ॥ 32 ॥

𑌆॒𑌚𑍍𑌛𑍇॒𑌤𑍍𑌤𑌾 𑌵𑍋॒ 𑌮𑌾 𑌰𑌿॑𑌷𑌮𑍍 । 𑌜𑍀𑌵𑌾॑𑌨𑌿 𑌶॒𑌰𑌦॑-𑌶𑍍𑌶॒𑌤𑌮𑍍 ॥ 𑌅𑌪॑𑌰𑌿𑌮𑌿𑌤𑌾𑌨𑌾॒-𑌮𑍍𑌪𑌰𑌿॑𑌮𑌿𑌤𑌾𑌃 । 𑌸𑌨𑍍𑌨॑𑌹𑍍𑌯𑍇 𑌸𑍁𑌕𑍃॒𑌤𑌾𑌯॒𑌕𑌮𑍍 । 𑌏𑌨𑍋॒ 𑌮𑌾 𑌨𑌿𑌗𑌾᳚-𑌙𑍍𑌕𑌤॒𑌮𑌚𑍍𑌚॒ 𑌨𑌾𑌹𑌮𑍍 । 𑌪𑍁𑌨॑𑌰𑍁॒𑌤𑍍𑌥𑌾𑌯॑ 𑌬𑌹𑍁॒𑌲𑌾 𑌭॑𑌵𑌨𑍍𑌤𑍁 ॥ 𑌸॒𑌕𑍃॒𑌦𑌾॒𑌚𑍍𑌛𑌿॒𑌨𑍍𑌨-𑌮𑍍𑌬॒𑌰𑍍॒𑌹𑌿𑌰𑍂𑌰𑍍𑌣𑌾॑𑌮𑍃𑌦𑍁 ।
𑌸𑍍𑌯𑍋॒𑌨-𑌮𑍍𑌪𑌿॒𑌤𑍃𑌭𑍍𑌯॑𑌸𑍍𑌤𑍍𑌵𑌾 𑌭𑌰𑌾𑌮𑍍𑌯॒𑌹𑌮𑍍 । 𑌅॒𑌸𑍍𑌮𑌿-𑌨𑍍𑌥𑍍𑌸𑍀॑𑌦𑌨𑍍𑌤𑍁 𑌮𑍇 𑌪𑌿॒𑌤𑌰॑-𑌸𑍍𑌸𑍋॒𑌮𑍍𑌯𑌾𑌃 ।
𑌪𑌿॒𑌤𑌾॒𑌮॒𑌹𑌾𑌃 𑌪𑍍𑌰𑌪𑌿॑𑌤𑌾𑌮𑌹𑌾𑌶𑍍𑌚𑌾𑌨𑍁॒𑌗𑍈-𑌸𑍍𑌸॒𑌹 ॥ 33 ॥

𑌤𑍍𑌰𑌿॒𑌵𑍃-𑌤𑍍𑌪॑𑌲𑌾॒𑌶𑍇 𑌦॒𑌰𑍍𑌭𑌃 । 𑌇𑌯𑌾᳚-𑌨𑍍𑌪𑍍𑌰𑌾𑌦𑍇॒𑌶 𑌸॑𑌮𑌿𑌨𑍍𑌤𑌃 । 𑌯॒𑌜𑍍𑌞𑍇 𑌪॒𑌵𑌿𑌤𑍍𑌰॒-𑌮𑍍𑌪𑍋𑌤𑍃॑𑌤𑌮𑌮𑍍 । 𑌪𑌯𑍋॑ 𑌹॒𑌵𑍍𑌯-𑌙𑍍𑌕॑𑌰𑍋𑌤𑍁 𑌮𑍇 ॥ 𑌇॒𑌮𑍌 𑌪𑍍𑌰𑌾॑𑌣𑌾𑌪𑌾॒𑌨𑍌 ।
𑌯॒𑌜𑍍𑌞𑌸𑍍𑌯𑌾𑌙𑍍𑌗𑌾॑𑌨𑌿 𑌸𑌰𑍍𑌵॒𑌶𑌃 । 𑌆॒𑌪𑍍𑌯𑌾॒𑌯𑌯॑𑌨𑍍𑌤𑍌॒ 𑌸𑌞𑍍𑌚॑𑌰𑌤𑌾𑌮𑍍 । 𑌪॒𑌵𑌿𑌤𑍍𑌰𑍇॑ 𑌹𑌵𑍍𑌯॒𑌶𑍋𑌧॑𑌨𑍇 ॥
𑌪॒𑌵𑌿𑌤𑍍𑌰𑍇᳚ 𑌸𑍍𑌥𑍋 𑌵𑍈𑌷𑍍𑌣॒𑌵𑍀 । 𑌵𑌾॒𑌯𑍁𑌰𑍍𑌵𑌾॒-𑌮𑍍𑌮𑌨॑𑌸𑌾 𑌪𑍁𑌨𑌾𑌤𑍁 ॥ 34 ॥

𑌅॒𑌯-𑌮𑍍𑌪𑍍𑌰𑌾॒𑌣𑌶𑍍𑌚𑌾॑𑌪𑌾॒𑌨𑌶𑍍𑌚॑ । 𑌯𑌜॑𑌮𑌾𑌨॒-𑌮𑌪𑌿॑𑌗𑌚𑍍𑌛𑌤𑌾𑌮𑍍 । 𑌯॒𑌜𑍍𑌞𑍇 𑌹𑍍𑌯𑌭𑍂॑𑌤𑌾॒-𑌮𑍍𑌪𑍋𑌤𑌾॑𑌰𑍌 ।
𑌪॒𑌵𑌿𑌤𑍍𑌰𑍇॑ 𑌹𑌵𑍍𑌯॒𑌶𑍋𑌧॑𑌨𑍇 ॥ 𑌤𑍍𑌵𑌯𑌾॒ 𑌵𑍇𑌦𑌿𑌂॑-𑌵𑌿𑌁𑌵𑌿𑌦𑍁𑌃 𑌪𑍃𑌥𑌿॒𑌵𑍀𑌮𑍍 । 𑌤𑍍𑌵𑌯𑌾॑ 𑌯॒𑌜𑍍𑌞𑍋 𑌜𑌾॑𑌯𑌤𑍇 𑌵𑌿𑌶𑍍𑌵॒𑌦𑌾𑌨𑌿𑌃॑ । 𑌅𑌚𑍍𑌛𑌿॑𑌦𑍍𑌰𑌂-𑌯𑌁॒𑌜𑍍𑌞𑌮𑌨𑍍𑌵𑍇॑𑌷𑌿 𑌵𑌿॒𑌦𑍍𑌵𑌾𑌨𑍍 ।
𑌤𑍍𑌵𑌯𑌾॒ 𑌹𑍋𑌤𑌾॒ 𑌸𑌨𑍍𑌤॑𑌨𑍋𑌤𑍍𑌯𑌰𑍍𑌧𑌮𑌾॒𑌸𑌾𑌨𑍍 ॥ 𑌤𑍍𑌰॒𑌯॒𑌸𑍍𑌤𑍍𑌰𑌿॒𑌗𑍍​𑌮𑍍॒𑌶𑍋॑-𑌽𑌸𑌿॒ 𑌤𑌨𑍍𑌤𑍂॑𑌨𑌾𑌮𑍍 ।
𑌪॒𑌵𑌿𑌤𑍍𑌰𑍇॑𑌣 𑌸॒𑌹𑌾𑌗॑𑌹𑌿 ॥ 35 ॥

𑌶𑌿॒𑌵𑍇𑌯𑌗𑍍​𑌮𑍍 𑌰𑌜𑍍𑌜𑍁॑𑌰𑌭𑌿॒𑌧𑌾𑌨𑍀᳚ । 𑌅॒𑌘𑍍𑌨𑌿॒𑌯𑌾-𑌮𑍁𑌪॑𑌸𑍇𑌵𑌤𑌾𑌮𑍍 ॥ 𑌅𑌪𑍍𑌰॑𑌸𑍍𑌰𑌗𑍍​𑌮𑍍𑌸𑌾𑌯 𑌯॒𑌜𑍍𑌞𑌸𑍍𑌯॑ ।
𑌉॒𑌖𑍇 𑌉𑌪॑𑌦𑌧𑌾𑌮𑍍𑌯॒𑌹𑌮𑍍 । 𑌪॒𑌶𑍁𑌭𑌿॒-𑌸𑍍𑌸𑌨𑍍𑌨𑍀॑𑌤-𑌮𑍍𑌬𑌿𑌭𑍃𑌤𑌾𑌮𑍍 । 𑌇𑌨𑍍𑌦𑍍𑌰𑌾॑𑌯 𑌶𑍃॒𑌤-𑌨𑍍𑌦𑌧𑌿॑ ॥
𑌉॒𑌪॒𑌵𑍇॒𑌷𑍋॑-𑌽𑌸𑌿 𑌯॒𑌜𑍍𑌞𑌾𑌯॑ । 𑌤𑍍𑌵𑌾-𑌮𑍍𑌪॑𑌰𑌿𑌵𑍇॒𑌷-𑌮॑𑌧𑌾𑌰𑌯𑌨𑍍𑌨𑍍 । 𑌇𑌨𑍍𑌦𑍍𑌰𑌾॑𑌯 𑌹॒𑌵𑌿𑌃 𑌕𑍃॒𑌣𑍍𑌵𑌨𑍍𑌤𑌃॑ ।
𑌶𑌿॒𑌵-𑌶𑍍𑌶॒𑌗𑍍𑌮𑍋 𑌭॑𑌵𑌾𑌸𑌿 𑌨𑌃 ॥ 36 ॥

𑌅𑌮𑍃॑𑌨𑍍𑌮𑌯-𑌨𑍍𑌦𑍇𑌵𑌪𑌾॒𑌤𑍍𑌰𑌮𑍍 । 𑌯॒𑌜𑍍𑌞𑌸𑍍𑌯𑌾𑌯𑍁॑𑌷𑌿॒ 𑌪𑍍𑌰𑌯𑍁॑𑌜𑍍𑌯𑌤𑌾𑌮𑍍 । 𑌤𑌿॒𑌰𑌃॒ 𑌪॒𑌵𑌿॒𑌤𑍍𑌰𑌮𑌤𑌿॑𑌨𑍀𑌤𑌾𑌃 ।
𑌆𑌪𑍋॑ 𑌧𑌾𑌰𑌯॒ 𑌮𑌾-𑌽𑌤𑌿॑𑌗𑍁𑌃 ॥ 𑌦𑍇॒𑌵𑍇𑌨॑ 𑌸𑌵𑌿॒𑌤𑍍𑌰𑍋𑌤𑍍𑌪𑍂॑𑌤𑌾𑌃 । 𑌵𑌸𑍋॒-𑌸𑍍𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑌿𑌃॑ । 𑌗𑌾-𑌨𑍍𑌦𑍋॑𑌹𑌪𑌵𑌿॒𑌤𑍍𑌰𑍇 𑌰𑌜𑍍𑌜𑍁᳚𑌮𑍍 । 𑌸𑌰𑍍𑌵𑌾॒ 𑌪𑌾𑌤𑍍𑌰𑌾॑𑌣𑌿 𑌶𑍁𑌨𑍍𑌧𑌤 ॥ 𑌏॒𑌤𑌾 𑌆𑌚॑𑌰𑌨𑍍𑌤𑌿॒ 𑌮𑌧𑍁॑𑌮॒𑌦𑍍𑌦𑍁𑌹𑌾॑𑌨𑌾𑌃 ।
𑌪𑍍𑌰॒𑌜𑌾𑌵॑𑌤𑍀-𑌰𑍍𑌯॒𑌶𑌸𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 ॥ 3𑍭 ॥

𑌬॒𑌹𑍍𑌵𑍀 𑌰𑍍𑌭𑌵॑𑌨𑍍𑌤𑍀॒𑌰𑍁𑌪॒ 𑌜𑌾𑌯॑𑌮𑌾𑌨𑌾𑌃 । 𑌇॒𑌹 𑌵॒ 𑌇𑌨𑍍𑌦𑍍𑌰𑍋॑ 𑌰𑌮𑌯𑌤𑍁 𑌗𑌾𑌵𑌃 ॥ 𑌪𑍂॒𑌷𑌾 𑌸𑍍𑌥॑ ॥ 𑌅॒𑌯॒𑌕𑍍𑌷𑍍𑌮𑌾 𑌵𑌃॑ 𑌪𑍍𑌰॒𑌜𑌯𑌾॒ 𑌸𑌗𑍍​𑌮𑍍𑌸𑍃॑𑌜𑌾𑌮𑌿 ।
𑌰𑌾॒𑌯𑌸𑍍𑌪𑍋𑌷𑍇॑𑌣 𑌬𑌹𑍁॒𑌲𑌾 𑌭𑌵॑𑌨𑍍𑌤𑍀𑌃 । 𑌊𑌰𑍍𑌜॒-𑌮𑍍𑌪𑌯𑌃॒ 𑌪𑌿𑌨𑍍𑌵॑𑌮𑌾𑌨𑌾 𑌘𑍃॒𑌤-𑌞𑍍𑌚॑ ।
𑌜𑍀॒𑌵𑍋 𑌜𑍀𑌵॑𑌨𑍍𑌤𑍀॒𑌰𑍁𑌪॑ 𑌵-𑌸𑍍𑌸𑌦𑍇𑌯𑌮𑍍 ॥ 𑌦𑍍𑌯𑍌𑌶𑍍𑌚𑍇॒𑌮𑌂-𑌯𑌁॒𑌜𑍍𑌞-𑌮𑍍𑌪𑍃॑𑌥𑌿॒𑌵𑍀 𑌚॒ 𑌸𑌨𑍍𑌦𑍁॑𑌹𑌾𑌤𑌾𑌮𑍍 ।
𑌧𑌾॒𑌤𑌾 𑌸𑍋𑌮𑍇॑𑌨 𑌸॒𑌹 𑌵𑌾𑌤𑍇॑𑌨 𑌵𑌾॒𑌯𑍁𑌃 । 𑌯𑌜॑𑌮𑌾𑌨𑌾𑌯॒ 𑌦𑍍𑌰𑌵𑌿॑𑌣-𑌨𑍍𑌦𑌧𑌾𑌤𑍁 ॥ 3𑍮 ॥

𑌉𑌥𑍍𑌸॑-𑌨𑍍𑌦𑍁𑌹𑌨𑍍𑌤𑌿 𑌕॒𑌲𑌶॒-𑌞𑍍𑌚𑌤𑍁॑𑌰𑍍𑌬𑌿𑌲𑌮𑍍 । 𑌇𑌡𑌾᳚-𑌨𑍍𑌦𑍇॒𑌵𑍀-𑌮𑍍𑌮𑌧𑍁॑𑌮𑌤𑍀𑌗𑍍​𑌮𑍍 𑌸𑍁𑌵॒𑌰𑍍𑌵𑌿𑌦᳚𑌮𑍍 ।
𑌤𑌦𑌿॑𑌨𑍍𑌦𑍍𑌰𑌾॒𑌗𑍍𑌨𑍀 𑌜𑌿॑𑌨𑍍𑌵𑌤𑌗𑍍​𑌮𑍍 𑌸𑍂॒𑌨𑍃𑌤𑌾॑𑌵𑌤𑍍 । 𑌤-𑌦𑍍𑌯𑌜॑𑌮𑌾𑌨-𑌮𑌮𑍃𑌤॒𑌤𑍍𑌵𑍇 𑌦॑𑌧𑌾𑌤𑍁 ॥
𑌕𑌾𑌮॑𑌧𑍁𑌕𑍍𑌷𑌃॒ 𑌪𑍍𑌰𑌣𑍋᳚ 𑌬𑍍𑌰𑍂𑌹𑌿 । 𑌇𑌨𑍍𑌦𑍍𑌰𑌾॑𑌯 𑌹॒𑌵𑌿𑌰𑌿॑𑌨𑍍𑌦𑍍𑌰𑌿॒𑌯𑌮𑍍 ॥ 𑌅॒𑌮𑍂𑌂-𑌯𑌁𑌸𑍍𑌯𑌾᳚-𑌨𑍍𑌦𑍇॒𑌵𑌾𑌨𑌾᳚𑌮𑍍 ।
𑌮॒𑌨𑍁॒𑌷𑍍𑌯𑌾॑𑌣𑌾॒-𑌮𑍍𑌪𑌯𑍋॑ 𑌹𑌿॒𑌤𑌮𑍍 ॥ 𑌬॒𑌹𑍁 𑌦𑍁॒𑌗𑍍𑌧𑍀𑌨𑍍𑌦𑍍𑌰𑌾॑𑌯 𑌦𑍇॒𑌵𑍇𑌭𑍍𑌯𑌃॑ ।
𑌹॒𑌵𑍍𑌯-𑌮𑌾𑌪𑍍𑌯𑌾॑𑌯𑌤𑌾॒-𑌮𑍍𑌪𑍁𑌨𑌃॑ ॥ 3𑍯 ॥

𑌵॒𑌥𑍍𑌸𑍇𑌭𑍍𑌯𑍋॑ 𑌮𑌨𑍁॒𑌷𑍍𑌯𑍇᳚𑌭𑍍𑌯𑌃 । 𑌪𑍁॒𑌨॒𑌰𑍍𑌦𑍋॒𑌹𑌾𑌯॑ 𑌕𑌲𑍍𑌪𑌤𑌾𑌮𑍍 ॥ 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑌿𑌰𑌸𑌿 ।
𑌯॒𑌜𑍍𑌞𑌸𑍍𑌯॑ 𑌤𑍍𑌵𑌾॒ 𑌸𑌨𑍍𑌤॑𑌤𑌿॒𑌮𑌨𑍁॒𑌸𑌨𑍍𑌤॑𑌨𑍋𑌮𑌿 ॥ 𑌅𑌦॑𑌸𑍍𑌤𑌮𑌸𑌿॒ 𑌵𑌿𑌷𑍍𑌣॑𑌵𑍇 𑌤𑍍𑌵𑌾 ।
𑌯॒𑌜𑍍𑌞𑌾𑌯𑌾𑌪𑌿॑ 𑌦𑌧𑌾𑌮𑍍𑌯॒𑌹𑌮𑍍 । 𑌅॒𑌦𑍍𑌭𑌿𑌰𑌰𑌿॑𑌕𑍍𑌤𑍇𑌨॒ 𑌪𑌾𑌤𑍍𑌰𑍇॑𑌣 । 𑌯𑌾𑌃 𑌪𑍂॒𑌤𑌾𑌃 𑌪॑𑌰𑌿॒𑌶𑍇𑌰॑𑌤𑍇 ॥
𑌅॒𑌯-𑌮𑍍𑌪𑌯॒-𑌸𑍍𑌸𑍋𑌮॑-𑌙𑍍𑌕𑍃॒𑌤𑍍𑌵𑌾 । 𑌸𑍍𑌵𑌾𑌂-𑌯𑍋𑌁𑌨𑌿॒-𑌮𑌪𑌿॑𑌗𑌚𑍍𑌛𑌤𑍁 ॥ 40 ॥

𑌪॒𑌰𑍍𑌣॒𑌵॒𑌲𑍍𑌕𑌃 𑌪॒𑌵𑌿𑌤𑍍𑌰᳚𑌮𑍍 । 𑌸𑍌॒𑌮𑍍𑌯-𑌸𑍍𑌸𑍋𑌮𑌾॒𑌦𑍍𑌧𑌿 𑌨𑌿𑌰𑍍𑌮𑌿॑𑌤𑌃 ॥ 𑌇॒𑌮𑍌 𑌪॒𑌰𑍍𑌣-𑌞𑍍𑌚॑ 𑌦॒𑌰𑍍𑌭-𑌞𑍍𑌚॑ ।
𑌦𑍇॒𑌵𑌾𑌨𑌾𑌗𑍍​𑌮𑍍॑ 𑌹𑌵𑍍𑌯॒𑌶𑍋𑌧॑𑌨𑍌 । 𑌪𑍍𑌰𑌾॒𑌤॒𑌰𑍍𑌵𑍇॒𑌷𑌾𑌯॑ 𑌗𑍋𑌪𑌾𑌯 । 𑌵𑌿𑌷𑍍𑌣𑍋॑ 𑌹॒𑌵𑍍𑌯𑌗𑍍​𑌮𑍍 𑌹𑌿 𑌰𑌕𑍍𑌷॑𑌸𑌿 ॥
𑌉॒𑌭𑌾𑌵॒𑌗𑍍𑌨𑍀 𑌉॑𑌪𑌸𑍍𑌤𑍃𑌣॒𑌤𑍇 । 𑌦𑍇॒𑌵𑌤𑌾॒ 𑌉𑌪॑𑌵𑌸𑌨𑍍𑌤𑍁 𑌮𑍇 । 𑌅॒𑌹-𑌙𑍍𑌗𑍍𑌰𑌾॒𑌮𑍍𑌯𑌾-𑌨𑍁𑌪॑𑌵𑌸𑌾𑌮𑌿 ।
𑌮𑌹𑍍𑌯॒-𑌙𑍍𑌗𑍋𑌪॑𑌤𑌯𑍇 𑌪॒𑌶𑍂𑌨𑍍 ॥ 41 ॥
[𑌆𑌭𑍃॑𑌤 – 𑌇॒𑌮𑌂 – 𑌗𑍃॑𑌹𑍍𑌣𑌾𑌮𑌿॒ 𑌪𑍂𑌰𑍍𑌵॒ – 𑌸𑍍𑌤𑌾𑌃 𑌪𑍁𑌰𑍍𑌵𑌃॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿 – 𑌸𑌭𑌾𑌪𑌾॒𑌲𑌾 – 𑌇𑌨𑍍𑌦𑍍𑌰॑𑌜𑍍𑌯𑍇𑌷𑍍𑌠𑍇𑌭𑍍𑌯॒-𑌆𑌦𑌿॑𑌤𑍍𑌯 𑌵𑍍𑌰𑌤𑌪𑌤𑍇-𑌸𑍁𑌸॒𑌭𑍍𑌰𑍁𑌨𑍍𑌤𑌾॑ – 𑌮𑍇 – 𑌸॒𑌹 – 𑌪𑍁॑𑌨𑌾𑌤𑍁 – 𑌗𑌹𑌿 – 𑌨𑍋 – 𑌵𑌿॒𑌶𑍍𑌵𑌰𑍂॑𑌪𑌾 – 𑌦𑌧𑌾𑌤𑍁॒ – 𑌪𑍁𑌨॑–𑌰𑍍 𑌗𑌚𑍍𑌛𑌤𑍁 – 𑌪॒𑌶𑍁𑌨𑍍 ] (𑌅. 4)

𑌯𑌾𑌃 𑌪𑍁॒𑌰𑌸𑍍𑌤𑌾॑𑌦𑌿॒𑌮𑌾𑌮𑍂𑌰𑍍𑌜॑𑌮𑌿॒𑌹 𑌪𑍍𑌰॒𑌜𑌾 𑌇॒𑌹 𑌪॒𑌶𑌵𑍋॒-𑌽𑌯-𑌮𑍍𑌪𑌿॑𑌤𑍃॒𑌣𑌾𑌮॒𑌗𑍍𑌨𑌿𑌃

𑌅𑌨𑍁𑌵𑌾𑌕𑌂 5 – 𑌐𑌷𑍍𑌟𑌿𑌕𑌯𑌾𑌜𑌮𑌾𑌨𑌮𑌨𑍍𑌤𑍍𑌰𑌾𑌃
𑌦𑍇𑌵𑌾॑ 𑌦𑍇॒𑌵𑍇𑌷𑍁॒ 𑌪𑌰𑌾᳚𑌕𑍍𑌰𑌮𑌦𑍍𑌧𑍍𑌵𑌮𑍍 । 𑌪𑍍𑌰𑌥॑𑌮𑌾 𑌦𑍍𑌵𑌿॒𑌤𑍀𑌯𑍇॑𑌷𑍁 । 𑌦𑍍𑌵𑌿𑌤𑍀॑𑌯𑌾-𑌸𑍍𑌤𑍃॒𑌤𑍀𑌯𑍇॑𑌷𑍁 ।
𑌤𑍍𑌰𑌿𑌰𑍇॑𑌕𑌾𑌦𑌶𑌾 𑌇॒𑌹 𑌮𑌾॑-𑌽𑌵𑌤 । 𑌇॒𑌦𑌗𑍍​𑌮𑍍 𑌶॑𑌕𑍇𑌯𑌂॒-𑌯𑌁𑌦𑌿॒𑌦-𑌙𑍍𑌕॒𑌰𑍋𑌮𑌿॑ ।
𑌆॒𑌤𑍍𑌮𑌾 𑌕॑𑌰𑍋𑌤𑍍𑌵𑌾॒𑌤𑍍𑌮𑌨𑍇᳚ । 𑌇॒𑌦-𑌙𑍍𑌕॑𑌰𑌿𑌷𑍍𑌯𑍇 𑌭𑍇𑌷॒𑌜𑌮𑍍 । 𑌇॒𑌦-𑌮𑍍𑌮𑍇॑ 𑌵𑌿𑌶𑍍𑌵𑌭𑍇𑌷𑌜𑌾 ।
𑌅𑌶𑍍𑌵𑌿॑𑌨𑌾॒ 𑌪𑍍𑌰𑌾𑌵॑𑌤𑌂-𑌯𑍁𑌁॒𑌵𑌮𑍍 ॥ 𑌇॒𑌦𑌮॒𑌹𑌗𑍍​𑌮𑍍 𑌸𑍇𑌨𑌾॑𑌯𑌾 𑌅॒𑌭𑍀𑌤𑍍𑌵॑𑌰𑍍𑌯𑍈 ॥ 42 ॥

𑌮𑍁𑌖॒𑌮𑌪𑍋॑𑌹𑌾𑌮𑌿 ॥ 𑌸𑍂𑌰𑍍𑌯॑𑌜𑍍𑌯𑍋𑌤𑌿॒ 𑌰𑍍𑌵𑌿𑌭𑌾॑𑌹𑌿 । 𑌮॒𑌹॒𑌤 𑌇॑𑌨𑍍𑌦𑍍𑌰𑌿॒𑌯𑌾𑌯॑ ॥ 𑌆𑌪𑍍𑌯𑌾॑𑌯𑌤𑌾-𑌙𑍍𑌘𑍃॒𑌤𑌯𑍋॑𑌨𑌿𑌃 । 𑌅॒𑌗𑍍𑌨𑌿𑌰𑍍-𑌹॒𑌵𑍍𑌯𑌾-𑌽𑌨𑍁॑𑌮𑌨𑍍𑌯𑌤𑌾𑌮𑍍 ।
𑌖𑌮॑𑌙𑍍𑌕𑍍𑌷𑍍𑌵॒ 𑌤𑍍𑌵𑌚॑𑌮𑌙𑍍𑌕𑍍𑌷𑍍𑌵 । 𑌸𑍁॒𑌰𑍂॒𑌪-𑌨𑍍𑌤𑍍𑌵𑌾॑ 𑌵𑌸𑍁॒𑌵𑌿𑌦᳚𑌮𑍍 । 𑌪॒𑌶𑍂॒𑌨𑌾-𑌨𑍍𑌤𑍇𑌜॑𑌸𑌾 ।
𑌅॒𑌗𑍍𑌨𑌯𑍇॒ 𑌜𑍁𑌷𑍍𑌟॑-𑌮॒𑌭𑌿𑌘𑌾॑𑌰𑌯𑌾𑌮𑌿 ॥ 𑌸𑍍𑌯𑍋॒𑌨-𑌨𑍍𑌤𑍇॒ 𑌸𑌦॑𑌨-𑌙𑍍𑌕𑌰𑍋𑌮𑌿 ॥ 43 ॥

𑌘𑍃॒𑌤𑌸𑍍𑌯॒ 𑌧𑌾𑌰॑𑌯𑌾 𑌸𑍁॒𑌶𑍇𑌵॑-𑌙𑍍𑌕𑌲𑍍𑌪𑌯𑌾𑌮𑌿 ॥
𑌤𑌸𑍍𑌮𑌿᳚𑌨𑍍-𑌥𑍍𑌸𑍀𑌦𑌾॒𑌮𑍃𑌤𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠 ।
𑌵𑍍𑌰𑍀॒𑌹𑍀॒𑌣𑌾-𑌮𑍍𑌮𑍇॑𑌧 𑌸𑍁𑌮𑌨॒𑌸𑍍𑌯𑌮𑌾॑𑌨𑌃 ॥
𑌆॒𑌰𑍍𑌦𑍍𑌰𑌃 𑌪𑍍𑌰॑𑌥𑌸𑍍𑌨𑍁॒-𑌰𑍍𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 ।
𑌶𑍃॒𑌤 𑌉𑌥𑍍𑌸𑍍𑌨𑌾॑𑌤𑌿 𑌜𑌨𑌿॒𑌤𑌾 𑌮॑𑌤𑍀॒𑌨𑌾𑌮𑍍 ॥
𑌯𑌸𑍍𑌤॑ 𑌆॒𑌤𑍍𑌮𑌾 𑌪॒𑌶𑍁𑌷𑍁॒ 𑌪𑍍𑌰𑌵𑌿॑𑌷𑍍𑌟𑌃 ।
𑌦𑍇॒𑌵𑌾𑌨𑌾𑌂᳚-𑌵𑌿𑌁॒𑌷𑍍𑌠𑌾𑌮𑌨𑍁॒ 𑌯𑍋 𑌵𑌿॑𑌤॒𑌸𑍍𑌥𑍇 ।
𑌆॒𑌤𑍍𑌮॒𑌨𑍍𑌵𑌾-𑌨𑍍𑌥𑍍𑌸𑍋॑𑌮 𑌘𑍃॒𑌤𑌵𑌾॒𑌨𑍍॒. 𑌹𑌿 𑌭𑍂॒𑌤𑍍𑌵𑌾 ।
𑌦𑍇॒𑌵𑌾-𑌨𑍍𑌗॑𑌚𑍍𑌛॒ 𑌸𑍁𑌵॑𑌰𑍍𑌵𑌿𑌨𑍍𑌦॒ 𑌯𑌜॑𑌮𑌾𑌨𑌾𑌯॒ 𑌮𑌹𑍍𑌯᳚𑌮𑍍 ॥ 𑌇𑌰𑌾॒ 𑌭𑍂𑌤𑌿𑌃॑ 𑌪𑍃𑌥𑌿॒𑌵𑍍𑌯𑍈 𑌰𑌸𑍋॒ 𑌮𑍋𑌤𑍍𑌕𑍍𑌰॑𑌮𑍀𑌤𑍍 ॥ 44 ॥

𑌦𑍇𑌵𑌾𑌃᳚ 𑌪𑌿𑌤𑌰𑌃॒ 𑌪𑌿𑌤॑𑌰𑍋 𑌦𑍇𑌵𑌾𑌃 । 𑌯𑍋॑-𑌽𑌹𑌮॑𑌸𑍍𑌮𑌿॒ 𑌸 𑌸𑌨𑍍. 𑌯॑𑌜𑍇 । 𑌯𑌸𑍍𑌯𑌾᳚𑌸𑍍𑌮𑌿॒ 𑌨 𑌤𑌮॒𑌨𑍍𑌤𑌰𑍇॑𑌮𑌿 । 𑌸𑍍𑌵-𑌮𑍍𑌮॑ 𑌇॒𑌷𑍍𑌟𑌗𑍍𑌗𑍍​ 𑌸𑍍𑌵-𑌨𑍍𑌦॒𑌤𑍍𑌤𑌮𑍍 । 𑌸𑍍𑌵-𑌮𑍍𑌪𑍂॒𑌰𑍍𑌤𑌗𑍍𑌗𑍍​ 𑌸𑍍𑌵𑌗𑍍𑌗𑍍​ 𑌶𑍍𑌰𑌾॒𑌨𑍍𑌤𑌮𑍍 । 𑌸𑍍𑌵𑌗𑍍​𑌮𑍍 𑌹𑍁॒𑌤𑌮𑍍 । 𑌤𑌸𑍍𑌯॑ 𑌮𑍇॒-𑌽𑌗𑍍𑌨𑌿-𑌰𑍁॑𑌪𑌦𑍍𑌰॒𑌷𑍍𑌟𑌾 । 𑌵𑌾॒𑌯𑍁𑌰𑍁॑𑌪𑌶𑍍𑌰𑍋॒𑌤𑌾 ।
𑌆॒𑌦𑌿॒𑌤𑍍𑌯𑍋॑-𑌽𑌨𑍁𑌖𑍍𑌯𑌾॒𑌤𑌾 । 𑌦𑍍𑌯𑍌𑌃 𑌪𑌿॒𑌤𑌾 ॥ 45 ॥

𑌪𑍃॒𑌥𑌿॒𑌵𑍀 𑌮𑌾॒𑌤𑌾 । 𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌬𑌨𑍍𑌧𑍁𑌃॑ ।
𑌯 𑌏॒𑌵𑌾𑌸𑍍𑌮𑌿॒ 𑌸 𑌸𑌨𑍍. 𑌯॑𑌜𑍇 ॥ 𑌮𑌾 𑌭𑍇𑌰𑍍𑌮𑌾 𑌸𑌂​𑌵𑌿𑌁॑𑌕𑍍𑌥𑌾॒ 𑌮𑌾 𑌤𑍍𑌵𑌾॑ 𑌹𑌿𑌗𑍍​𑌮𑍍𑌸𑌿𑌷𑌮𑍍 । 𑌮𑌾 𑌤𑍇॒ 𑌤𑍇𑌜𑍋-𑌽𑌪॑𑌕𑍍𑌰𑌮𑍀𑌤𑍍 ।
𑌭॒𑌰॒𑌤𑌮𑍁𑌦𑍍𑌧॑𑌰𑍇॒ 𑌮𑌨𑍁॑𑌷𑌿𑌞𑍍𑌚 । 𑌅॒𑌵॒𑌦𑌾𑌨𑌾॑𑌨𑌿 𑌤𑍇 𑌪𑍍𑌰॒𑌤𑍍𑌯𑌵॑𑌦𑌾𑌸𑍍𑌯𑌾𑌮𑌿 ।
𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍​𑌮𑍍𑌸𑍀𑌃 ॥ 𑌯𑌦॑𑌵॒𑌦𑌾𑌨𑌾॑𑌨𑌿 𑌤𑍇-𑌽𑌵॒𑌦𑍍𑌯𑌨𑍍𑌨𑍍 । 𑌵𑌿𑌲𑍋॒𑌮𑌾𑌕𑌾॑𑌰𑍍​𑌷𑌮𑌾॒𑌤𑍍𑌮𑌨𑌃॑ ॥ 46 ॥

𑌆𑌜𑍍𑌯𑍇॑𑌨॒ 𑌪𑍍𑌰𑌤𑍍𑌯॑𑌨𑌜𑍍𑌮𑍍𑌯𑍇𑌨𑌤𑍍 । 𑌤𑌤𑍍𑌤॒ 𑌆𑌪𑍍𑌯𑌾॑𑌯𑌤𑌾॒-𑌮𑍍𑌪𑍁𑌨𑌃॑ ॥ 𑌅𑌜𑍍𑌯𑌾॑𑌯𑍋 𑌯𑌵𑌮𑌾॒𑌤𑍍𑌰𑌾𑌤𑍍 ।
𑌆॒𑌵𑍍𑌯𑌾॒𑌧𑌾-𑌤𑍍𑌕𑍃॑𑌤𑍍𑌯𑌤𑌾𑌮𑌿॒𑌦𑌮𑍍 । 𑌮𑌾 𑌰𑍂॑𑌰𑍁𑌪𑌾𑌮 𑌯॒𑌜𑍍𑌞𑌸𑍍𑌯॑ । 𑌶𑍁॒𑌦𑍍𑌧𑌗𑍍𑌗𑍍​ 𑌸𑍍𑌵𑌿॑𑌷𑍍𑌟𑌮𑌿॒𑌦𑌗𑍍​𑌮𑍍 𑌹॒𑌵𑌿𑌃 ॥ 𑌮𑌨𑍁॑𑌨𑌾 𑌦𑍃॒𑌷𑍍𑌟𑌾-𑌙𑍍𑌘𑍃॒𑌤𑌪॑𑌦𑍀𑌮𑍍 । 𑌮𑌿॒𑌤𑍍𑌰𑌾𑌵𑌰𑍁॑𑌣𑌸𑌮𑍀𑌰𑌿𑌤𑌾𑌮𑍍 । 𑌦॒𑌕𑍍𑌷𑌿॒𑌣𑌾॒𑌰𑍍𑌧𑌾𑌦𑌸॑𑌭𑌿𑌨𑍍𑌨𑍍𑌦𑌨𑍍𑌨𑍍 । 𑌅𑌵॑𑌦𑍍𑌯𑌾-𑌮𑍍𑌯𑍇𑌕॒𑌤𑍋 𑌮𑍁॑𑌖𑌾𑌮𑍍 ॥ 4𑍭 ॥

𑌇𑌡𑍇॑ 𑌭𑌾॒𑌗-𑌞𑍍𑌜𑍁॑𑌷𑌸𑍍𑌵 𑌨𑌃 । 𑌜𑌿𑌨𑍍𑌵॒ 𑌗𑌾 𑌜𑌿𑌨𑍍𑌵𑌾𑌰𑍍𑌵॑𑌤𑌃 । 𑌤𑌸𑍍𑌯𑌾᳚𑌸𑍍𑌤𑍇 𑌭𑌕𑍍𑌷𑌿॒𑌵𑌾𑌣॑-𑌸𑍍𑌸𑍍𑌯𑌾𑌮 । 𑌸॒𑌰𑍍𑌵𑌾𑌤𑍍𑌮𑌾॑𑌨-𑌸𑍍𑌸॒𑌰𑍍𑌵𑌗॑𑌣𑌾𑌃 ॥ 𑌬𑍍𑌰𑌦𑍍𑌧𑍍𑌨॒ 𑌪𑌿𑌨𑍍𑌵॑𑌸𑍍𑌵 ।
𑌦𑌦॑𑌤𑍋 𑌮𑍇॒ 𑌮𑌾 𑌕𑍍𑌷𑌾॑𑌯𑌿 । 𑌕𑍁॒𑌰𑍍𑌵॒𑌤𑍋 𑌮𑍇॒ 𑌮𑍋𑌪॑𑌦𑌸𑌤𑍍 । 𑌦𑌿॒𑌶𑌾-𑌙𑍍𑌕𑍍𑌲𑍃𑌪𑍍𑌤𑌿॑𑌰𑌸𑌿 । 𑌦𑌿𑌶𑍋॑ 𑌮𑍇 𑌕𑌲𑍍𑌪𑌨𑍍𑌤𑌾𑌮𑍍 । 𑌕𑌲𑍍𑌪॑𑌨𑍍𑌤𑌾-𑌮𑍍𑌮𑍇॒ 𑌦𑌿𑌶𑌃॑ ॥ 4𑍮 ॥

𑌦𑍈𑌵𑍀᳚𑌶𑍍𑌚॒ 𑌮𑌾𑌨𑍁॑𑌷𑍀𑌶𑍍𑌚 । 𑌅॒𑌹𑍋॒𑌰𑌾॒𑌤𑍍𑌰𑍇 𑌮𑍇॑ 𑌕𑌲𑍍𑌪𑍇𑌤𑌾𑌮𑍍 । 𑌅॒𑌰𑍍𑌧॒𑌮𑌾॒𑌸𑌾 𑌮𑍇॑ 𑌕𑌲𑍍𑌪𑌨𑍍𑌤𑌾𑌮𑍍 । 𑌮𑌾𑌸𑌾॑ 𑌮𑍇 𑌕𑌲𑍍𑌪𑌨𑍍𑌤𑌾𑌮𑍍 । 𑌋॒𑌤𑌵𑍋॑ 𑌮𑍇 𑌕𑌲𑍍𑌪𑌨𑍍𑌤𑌾𑌮𑍍 । 𑌸𑌂॒​𑌵𑌁॒𑌥𑍍𑌸॒𑌰𑍋 𑌮𑍇॑ 𑌕𑌲𑍍𑌪𑌤𑌾𑌮𑍍 ।
𑌕𑍍𑌲𑍃𑌪𑍍𑌤𑌿॑𑌰𑌸𑌿॒ 𑌕𑌲𑍍𑌪॑𑌤𑌾-𑌮𑍍𑌮𑍇 ॥
𑌆𑌶𑌾॑𑌨𑌾-𑌨𑍍𑌤𑍍𑌵𑌾-𑌽𑌽𑌶𑌾𑌪𑌾॒𑌲𑍇𑌭𑍍𑌯𑌃॑ ।
𑌚॒𑌤𑍁𑌰𑍍𑌭𑍍𑌯𑍋॑ 𑌅॒𑌮𑍃𑌤𑍇᳚𑌭𑍍𑌯𑌃 ।
𑌇॒𑌦-𑌮𑍍𑌭𑍂॒𑌤𑌸𑍍𑌯𑌾-𑌦𑍍𑌧𑍍𑌯॑𑌕𑍍𑌷𑍇𑌭𑍍𑌯𑌃 ॥ 4𑍯 ॥

𑌵𑌿॒𑌧𑍇𑌮॑ 𑌹॒𑌵𑌿𑌷𑌾॑ 𑌵॒𑌯𑌮𑍍 । 𑌭𑌜॑𑌤𑌾-𑌮𑍍𑌭𑌾॒𑌗𑍀 𑌭𑌾॒𑌗𑌮𑍍 । 𑌮𑌾-𑌽𑌭𑌾॒𑌗𑍋-𑌽𑌭॑𑌕𑍍𑌤 ।
𑌨𑌿𑌰॑𑌭𑌾॒𑌗-𑌮𑍍𑌭॑𑌜𑌾𑌮𑌃 । 𑌅॒𑌪𑌸𑍍𑌪𑌿॑𑌨𑍍𑌵 । 𑌓𑌷॑𑌧𑍀𑌰𑍍𑌜𑌿𑌨𑍍𑌵 । 𑌦𑍍𑌵𑌿॒𑌪𑌾𑌤𑍍𑌪𑌾॑𑌹𑌿 । 𑌚𑌤𑍁॑𑌷𑍍𑌪𑌾𑌦𑌵 । 𑌦𑌿॒𑌵𑍋 𑌵𑍃𑌷𑍍𑌟𑌿॒𑌮𑍇𑌰॑𑌯 । 𑌬𑍍𑌰𑌾॒𑌹𑍍𑌮॒𑌣𑌾𑌨𑌾॑-𑌮𑌿॒𑌦𑌗𑍍​𑌮𑍍 𑌹॒𑌵𑌿𑌃 ॥ 50 ॥

𑌸𑍋॒𑌮𑍍𑌯𑌾𑌨𑌾𑌗𑍍​𑌮𑍍॑ 𑌸𑍋𑌮𑌪𑍀॒𑌥𑌿𑌨𑌾᳚𑌮𑍍 । 𑌨𑌿𑌰𑍍𑌭॒𑌕𑍍𑌤𑍋 𑌬𑍍𑌰𑌾᳚𑌹𑍍𑌮𑌣𑌃 । 𑌨𑍇𑌹𑌾-𑌬𑍍𑌰𑌾᳚𑌹𑍍𑌮𑌣𑌸𑍍𑌯𑌾𑌸𑍍𑌤𑌿 ॥
𑌸𑌮॑𑌙𑍍𑌕𑍍𑌤𑌾-𑌮𑍍𑌬॒𑌰॒𑌃𑌇𑌰𑍍-𑌹॒𑌵𑌿𑌷𑌾॑ 𑌘𑍃॒𑌤𑍇𑌨॑ । 𑌸𑌮𑌾॑𑌦𑌿॒𑌤𑍍𑌯𑍈 𑌰𑍍𑌵𑌸𑍁॑𑌭𑌿॒-𑌸𑍍𑌸-𑌮𑍍𑌮॒𑌰𑍁𑌦𑍍𑌭𑌿𑌃॑ ।
𑌸𑌮𑌿𑌨𑍍𑌦𑍍𑌰𑍇॑𑌣॒ 𑌵𑌿𑌶𑍍𑌵𑍇॑𑌭𑌿 𑌰𑍍𑌦𑍇॒𑌵𑍇𑌭𑌿॑𑌰𑌙𑍍𑌕𑍍𑌤𑌾𑌮𑍍 ।
𑌦𑌿॒𑌵𑍍𑌯-𑌨𑍍𑌨𑌭𑍋॑ 𑌗𑌚𑍍𑌛𑌤𑍁॒ 𑌯-𑌥𑍍𑌸𑍍𑌵𑌾𑌹𑌾᳚ ॥
𑌇॒𑌨𑍍𑌦𑍍𑌰𑌾॒𑌣𑍀 𑌵𑌾॑ 𑌵𑌿𑌧॒𑌵𑌾 𑌭𑍂॑𑌯𑌾𑌸𑌮𑍍 । 𑌅𑌦𑌿॑𑌤𑌿𑌰𑌿𑌵 𑌸𑍁𑌪𑍁॒𑌤𑍍𑌰𑌾 ।
𑌅॒𑌸𑍍𑌥𑍂॒𑌰𑌿 𑌤𑍍𑌵𑌾॑ 𑌗𑌾𑌰𑍍​𑌹𑌪𑌤𑍍𑌯 ॥ 51 ॥

𑌉𑌪॒𑌨𑌿𑌷॑𑌦𑍇 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ ॥
𑌸-𑌮𑍍𑌪𑌤𑍍𑌨𑍀॒ 𑌪𑌤𑍍𑌯𑌾॑ 𑌸𑍁𑌕𑍃॒𑌤𑍇𑌨॑ 𑌗𑌚𑍍𑌛𑌤𑌾𑌮𑍍 ।
𑌯॒𑌜𑍍𑌞𑌸𑍍𑌯॑ 𑌯𑍁॒𑌕𑍍𑌤𑍌 𑌧𑍁𑌰𑍍𑌯𑌾॑𑌵𑌭𑍂𑌤𑌾𑌮𑍍 ।
𑌸॒𑌜𑌾॒𑌨𑍍𑌨𑌾॒𑌨𑍌 𑌵𑌿𑌜॑𑌹𑌤𑌾॒-𑌮𑌰𑌾॑𑌤𑍀𑌃 ।
𑌦𑌿॒𑌵𑌿 𑌜𑍍𑌯𑍋𑌤𑌿॑𑌰॒𑌜-𑌰॒𑌮𑌾𑌰॑𑌭𑍇𑌤𑌾𑌮𑍍 ॥
𑌦𑌶॑ 𑌤𑍇 𑌤॒𑌨𑍁𑌵𑍋॑ 𑌯𑌜𑍍𑌞 𑌯॒𑌜𑍍𑌞𑌿𑌯𑌾𑌃᳚ ।
𑌤𑌾𑌃 𑌪𑍍𑌰𑍀॑𑌣𑌾𑌤𑍁॒ 𑌯𑌜॑𑌮𑌾𑌨𑍋 𑌘𑍃॒𑌤𑍇𑌨॑ । 𑌨𑌾॒𑌰𑌿॒𑌷𑍍𑌠𑌯𑍋𑌃᳚ 𑌪𑍍𑌰॒𑌶𑌿𑌷॒𑌮𑍀𑌡॑𑌮𑌾𑌨𑌃 ।
𑌦𑍇॒𑌵𑌾𑌨𑌾॒-𑌨𑍍𑌦𑍈𑌵𑍍𑌯𑍇-𑌽𑌪𑌿॒ 𑌯𑌜॑𑌮𑌾𑌨𑍋॒-𑌽𑌮𑍃𑌤𑍋॑-𑌽𑌭𑍂𑌤𑍍 ॥
𑌯𑌂-𑌵𑌾𑌁᳚-𑌨𑍍𑌦𑍇॒𑌵𑌾 𑌅॑𑌕𑌲𑍍𑌪𑌯𑌨𑍍𑌨𑍍 ॥ 52 ॥

𑌊॒𑌰𑍍𑌜𑍋 𑌭𑌾॒𑌗𑌗𑍍​𑌮𑍍 𑌶॑𑌤𑌕𑍍𑌰𑌤𑍂 । 𑌏॒𑌤𑌦𑍍𑌵𑌾॒-𑌨𑍍𑌤𑍇𑌨॑ 𑌪𑍍𑌰𑍀𑌣𑌾𑌨𑌿 । 𑌤𑍇𑌨॑ 𑌤𑍃𑌪𑍍𑌯𑌤𑌮𑌗𑍍​𑌮𑍍𑌹𑌹𑍌 ॥ 𑌅॒𑌹-𑌨𑍍𑌦𑍇॒𑌵𑌾𑌨𑌾𑌗𑍍​𑌮𑍍॑ 𑌸𑍁॒𑌕𑍃𑌤𑌾॑𑌮𑌸𑍍𑌮𑌿 𑌲𑍋॒𑌕𑍇 ।
𑌮𑌮𑍇॒𑌦𑌮𑌿॒𑌷𑍍𑌟-𑌨𑍍𑌨 𑌮𑌿𑌥𑍁॑ 𑌰𑍍𑌭𑌵𑌾𑌤𑌿 । 𑌅॒𑌹-𑌨𑍍𑌨𑌾॑𑌰𑌿॒𑌷𑍍𑌠𑌾-𑌵𑌨𑍁॑𑌯𑌜𑌾𑌮𑌿 𑌵𑌿॒𑌦𑍍𑌵𑌾𑌨𑍍 ।
𑌯𑌦𑌾᳚𑌭𑍍𑌯𑌾॒-𑌮𑌿𑌨𑍍𑌦𑍍𑌰𑍋॒ 𑌅𑌦॑𑌧𑌾-𑌦𑍍𑌭𑌾𑌗॒𑌧𑍇𑌯᳚𑌮𑍍 ॥ 𑌅𑌦𑌾॑𑌰𑌸𑍃𑌦𑍍𑌭𑌵𑌤 𑌦𑍇𑌵 𑌸𑍋𑌮 ।
𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌮॑𑌰𑍁𑌤𑍋 𑌮𑍃𑌡𑌤𑌾 𑌨𑌃 ।
𑌮𑌾 𑌨𑍋॑ 𑌵𑌿𑌦𑌦॒𑌭𑌿 𑌭𑌾॒𑌮𑍋 𑌅𑌶॑𑌸𑍍𑌤𑌿𑌃 ॥ 53 ॥

𑌮𑌾 𑌨𑍋॑ 𑌵𑌿𑌦-𑌦𑍍𑌵॒𑌜𑌨𑌾॒ 𑌦𑍍𑌵𑍇𑌷𑍍𑌯𑌾॒ 𑌯𑌾 ॥
𑌋॒𑌷॒𑌭𑌂-𑌵𑌾𑌁॒𑌜𑌿𑌨𑌂॑-𑌵𑌁॒𑌯𑌮𑍍 ।
𑌪𑍂॒𑌰𑍍𑌣𑌮𑌾॑𑌸𑌂-𑌯𑌁𑌜𑌾𑌮𑌹𑍇 । 𑌸 𑌨𑍋॑ 𑌦𑍋𑌹𑌤𑌾𑌗𑍍​𑌮𑍍 𑌸𑍁॒𑌵𑍀𑌰𑍍𑌯᳚𑌮𑍍 । 𑌰𑌾॒𑌯𑌸𑍍𑌪𑍋𑌷𑌗𑍍​𑌮𑍍॑ 𑌸𑌹॒𑌸𑍍𑌰𑌿𑌣᳚𑌮𑍍 । 𑌪𑍍𑌰𑌾॒𑌣𑌾𑌯॑ 𑌸𑍁॒𑌰𑌾𑌧॑𑌸𑍇 । 𑌪𑍂॒𑌰𑍍𑌣𑌮𑌾॑𑌸𑌾𑌯॒ 𑌸𑍍𑌵𑌾𑌹𑌾᳚ ॥
𑌅॒𑌮𑌾॒𑌵𑌾॒𑌸𑍍𑌯𑌾॑ 𑌸𑍁॒𑌭𑌗𑌾॑ 𑌸𑍁॒𑌶𑍇𑌵𑌾᳚ । 𑌧𑍇॒𑌨𑍁𑌰𑌿॑𑌵॒ 𑌭𑍂𑌯॑ 𑌆॒𑌪𑍍𑌯𑌾𑌯॑𑌮𑌾𑌨𑌾 । 𑌸𑌾 𑌨𑍋॑ 𑌦𑍋𑌹𑌤𑌾𑌗𑍍​𑌮𑍍 𑌸𑍁॒𑌵𑍀𑌰𑍍𑌯᳚𑌮𑍍 । 𑌰𑌾॒𑌯𑌸𑍍𑌪𑍋𑌷𑌗𑍍​𑌮𑍍॑ 𑌸𑌹॒𑌸𑍍𑌰𑌿𑌣᳚𑌮𑍍 ।
𑌅॒𑌪𑌾॒𑌨𑌾𑌯॑ 𑌸𑍁॒𑌰𑌾𑌧॑𑌸𑍇 । 𑌅॒𑌮𑌾॒𑌵𑌾॒𑌸𑍍𑌯𑌾॑𑌯𑍈॒ 𑌸𑍍𑌵𑌾𑌹𑌾᳚ ॥ 𑌅॒𑌭𑌿𑌸𑍍𑌤𑍃॑𑌣𑍀𑌹𑌿॒ 𑌪𑌰𑌿॑𑌧𑍇𑌹𑌿॒ 𑌵𑍇𑌦𑌿᳚𑌮𑍍 ।
𑌜𑌾॒𑌮𑌿-𑌮𑍍𑌮𑌾 𑌹𑌿𑌗𑍍​𑌮𑍍॑𑌸𑍀𑌰𑌮𑍁॒𑌯𑌾 𑌶𑌯𑌾॑𑌨𑌾 ।
𑌹𑍋॒𑌤𑍃॒𑌷𑌦॑𑌨𑌾॒ 𑌹𑌰𑌿॑𑌤𑌾-𑌸𑍍𑌸𑍁॒𑌵𑌰𑍍𑌣𑌾𑌃᳚ । 𑌨𑌿॒𑌷𑍍𑌕𑌾 𑌇॒𑌮𑍇 𑌯𑌜॑𑌮𑌾𑌨𑌸𑍍𑌯 𑌬𑍍𑌰॒𑌦𑍍𑌧𑍍𑌨𑍇 ॥ 54 ॥
(𑌅॒𑌭𑍀𑌤𑍍𑌵॑𑌰𑍍𑌯𑍈 – 𑌕𑌰𑍋𑌮𑌿 – 𑌕𑍍𑌰𑌮𑍀𑌤𑍍 – 𑌪𑌿॒𑌤𑌾 – 𑌽𑌽𑌤𑍍𑌮𑌨॑ – 𑌏𑌕॒𑌤𑍋𑌮𑍁॑𑌖𑌾𑌂 – 𑌮𑍇॒ 𑌦𑌿𑌶𑍋 – 𑌽𑌧𑍍𑌯॑𑌕𑍍𑌷𑍇𑌭𑍍𑌯𑍋 – 𑌹॒𑌵𑌿–𑌰𑍍 𑌗𑌾॑𑌰𑍍​𑌹𑌪𑌤𑍍𑌯𑌾 – 𑌕𑌲𑍍𑌪𑌯॒ – 𑌨𑍍𑌨𑌶॑𑌸𑍍𑌤𑌿𑌃॒ – 𑌸𑌾 𑌨𑍋॑ 𑌦𑍋𑌹𑌤𑌾𑌗𑍍​𑌮𑍍 𑌸𑍁॒𑌵𑍀𑌰𑍍𑌯𑌗𑍍​𑌮𑍍॑ 𑌸॒𑌪𑍍𑌤 𑌚॑) (𑌅. 5)

𑌅𑌨𑍁𑌵𑌾𑌕𑌂 6 – 𑌐𑌷𑍍𑌟𑌿𑌕𑌯𑌾𑌜𑌮𑌾𑌨𑌮𑌨𑍍𑌤𑍍𑌰𑌾𑌃
𑌪𑌰𑌿॑𑌸𑍍𑌤𑍃𑌣𑍀𑌤॒ 𑌪𑌰𑌿॑𑌧𑌤𑍍𑌤𑌾॒𑌗𑍍𑌨𑌿𑌮𑍍 । 𑌪𑌰𑌿॑𑌹𑌿𑌤𑍋॒-𑌽𑌗𑍍𑌨𑌿 𑌰𑍍𑌯𑌜॑𑌮𑌾𑌨-𑌮𑍍𑌭𑍁𑌨𑌕𑍍𑌤𑍁 । 𑌅॒𑌪𑌾𑌗𑍍​𑌮𑍍 𑌰𑌸॒ 𑌓𑌷॑𑌧𑍀𑌨𑌾𑌗𑍍​𑌮𑍍 𑌸𑍁॒𑌵𑌰𑍍𑌣𑌃॑ । 𑌨𑌿॒𑌷𑍍𑌕𑌾 𑌇॒𑌮𑍇 𑌯𑌜॑𑌮𑌾𑌨𑌸𑍍𑌯 𑌸𑌨𑍍𑌤𑍁 𑌕𑌾𑌮॒𑌦𑍁𑌘𑌾𑌃᳚ । 𑌅॒𑌮𑍁𑌤𑍍𑌰𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 ॥
𑌭𑍂𑌪॑𑌤𑍇॒ 𑌭𑍁𑌵॑𑌨𑌪𑌤𑍇 । 𑌮॒𑌹॒𑌤𑍋 𑌭𑍂॒𑌤𑌸𑍍𑌯॑ 𑌪𑌤𑍇 । 𑌬𑍍𑌰॒𑌹𑍍𑌮𑌾𑌣॑-𑌨𑍍𑌤𑍍𑌵𑌾 𑌵𑍃𑌣𑍀𑌮𑌹𑍇 ॥
𑌅॒𑌹-𑌮𑍍𑌭𑍂𑌪॑𑌤𑌿𑌰॒𑌹-𑌮𑍍𑌭𑍁𑌵॑𑌨𑌪𑌤𑌿𑌃 ।
𑌅॒𑌹-𑌮𑍍𑌮॑𑌹॒𑌤𑍋 𑌭𑍂॒𑌤𑌸𑍍𑌯॒ 𑌪𑌤𑌿𑌃॑ ॥ 55 ॥

𑌦𑍇॒𑌵𑍇𑌨॑ 𑌸𑌵𑌿॒𑌤𑍍𑌰𑌾 𑌪𑍍𑌰𑌸𑍂॑𑌤॒ 𑌆𑌰𑍍𑌤𑍍𑌵𑌿॑𑌜𑍍𑌯-𑌙𑍍𑌕𑌰𑌿𑌷𑍍𑌯𑌾𑌮𑌿 । 𑌦𑍇𑌵॑ 𑌸𑌵𑌿𑌤𑌰𑍇॒𑌤-𑌨𑍍𑌤𑍍𑌵𑌾॑ 𑌵𑍃𑌣𑌤𑍇 ।
𑌬𑍃𑌹॒𑌸𑍍𑌪𑌤𑌿॒-𑌨𑍍𑌦𑍈𑌵𑍍𑌯॑-𑌮𑍍𑌬𑍍𑌰॒𑌹𑍍𑌮𑌾𑌣᳚𑌮𑍍 । 𑌤𑌦॒𑌹-𑌮𑍍𑌮𑌨॑𑌸𑍇॒ 𑌪𑍍𑌰𑌬𑍍𑌰॑𑌵𑍀𑌮𑌿 । 𑌮𑌨𑍋॑ 𑌗𑌾𑌯𑌤𑍍𑌰𑌿॒𑌯𑍈 ।
𑌗𑌾॒𑌯॒𑌤𑍍𑌰𑍀 𑌤𑍍𑌰𑌿॒𑌷𑍍𑌟𑍁𑌭𑍇᳚ । 𑌤𑍍𑌰𑌿॒𑌷𑍍𑌟𑍁-𑌬𑍍𑌜𑌗॑𑌤𑍍𑌯𑍈 । 𑌜𑌗॑𑌤𑍍𑌯𑌨𑍁॒𑌷𑍍𑌟𑍁𑌭𑍇᳚ । 𑌅॒𑌨𑍁॒𑌷𑍍𑌟𑍁-𑌕𑍍𑌪॒𑌙𑍍𑌕𑍍𑌤𑍍𑌯𑍈 । 𑌪॒𑌙𑍍𑌕𑍍𑌤𑌿𑌃 𑌪𑍍𑌰॒𑌜𑌾𑌪॑𑌤𑌯𑍇 ॥ 56 ॥

𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌵𑌿𑌶𑍍𑌵𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯𑌃॑ । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌬𑍃𑌹॒𑌸𑍍𑌪𑌤॑𑌯𑍇 । 𑌬𑍃𑌹॒𑌸𑍍𑌪𑌤𑌿॒-𑌰𑍍𑌬𑍍𑌰𑌹𑍍𑌮॑𑌣𑍇 ।
𑌬𑍍𑌰𑌹𑍍𑌮॒ 𑌭𑍂𑌰𑍍𑌭𑍁𑌵॒-𑌸𑍍𑌸𑍁𑌵𑌃॑ । 𑌬𑍃𑌹॒𑌸𑍍𑌪𑌤𑌿॑ 𑌰𑍍𑌦𑍇॒𑌵𑌾𑌨𑌾᳚-𑌮𑍍𑌬𑍍𑌰॒𑌹𑍍𑌮𑌾 । 𑌅॒𑌹-𑌮𑍍𑌮॑𑌨𑍁॒𑌷𑍍𑌯𑌾॑𑌣𑌾𑌮𑍍 । 𑌬𑍃𑌹॑𑌸𑍍𑌪𑌤𑍇 𑌯॒𑌜𑍍𑌞-𑌙𑍍𑌗𑍋॑𑌪𑌾𑌯 ॥ 𑌇॒𑌦-𑌨𑍍𑌤𑌸𑍍𑌮𑍈॑ 𑌹॒𑌰𑍍𑌮𑍍𑌯-𑌙𑍍𑌕॑𑌰𑍋𑌮𑌿 । 𑌯𑍋 𑌵𑍋॑ 𑌦𑍇𑌵𑌾॒𑌶𑍍𑌚𑌰॑𑌤𑌿 𑌬𑍍𑌰𑌹𑍍𑌮॒𑌚𑌰𑍍𑌯᳚𑌮𑍍 । 𑌮𑍇॒𑌧𑌾॒𑌵𑍀 𑌦𑌿॒𑌕𑍍𑌷𑍁 𑌮𑌨॑𑌸𑌾 𑌤𑌪॒𑌸𑍍𑌵𑍀 ॥ 5𑍭 ॥

𑌅॒𑌨𑍍𑌤𑌰𑍍𑌦𑍂॒𑌤𑌶𑍍𑌚॑𑌰𑌤𑌿॒ 𑌮𑌾𑌨𑍁॑𑌷𑍀𑌷𑍁 ॥
𑌚𑌤𑍁॑-𑌶𑍍𑌶𑌿𑌖𑌣𑍍𑌡𑌾 𑌯𑍁𑌵॒𑌤𑌿-𑌸𑍍𑌸𑍁॒𑌪𑍇𑌶𑌾𑌃᳚ ।
𑌘𑍃॒𑌤𑌪𑍍𑌰॑𑌤𑍀𑌕𑌾॒ 𑌭𑍁𑌵॑𑌨𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌮॒𑌰𑍍𑌮𑍃॒𑌜𑍍𑌯𑌮𑌾॑𑌨𑌾 𑌮𑌹॒𑌤𑍇 𑌸𑍌𑌭॑𑌗𑌾𑌯 ।
𑌮𑌹𑍍𑌯॑-𑌨𑍍𑌧𑍁𑌕𑍍𑌷𑍍𑌵॒ 𑌯𑌜॑𑌮𑌾𑌨𑌾𑌯॒ 𑌕𑌾𑌮𑌾𑌨𑍍॑ ॥
𑌭𑍂𑌮𑌿॑ 𑌰𑍍𑌭𑍂॒𑌤𑍍𑌵𑌾 𑌮॑𑌹𑌿॒𑌮𑌾𑌨॑-𑌮𑍍𑌪𑍁𑌪𑍋𑌷 ।
𑌤𑌤𑍋॑ 𑌦𑍇॒𑌵𑍀 𑌵॑𑌰𑍍𑌧𑌯𑌤𑍇॒ 𑌪𑌯𑌾𑌗𑍍​𑌮𑍍॑𑌸𑌿 ।
𑌯॒𑌜𑍍𑌞𑌿𑌯𑌾॑ 𑌯॒𑌜𑍍𑌞𑌂-𑌵𑌿𑌁𑌚॒𑌯𑌨𑍍𑌤𑌿॒ 𑌶𑌞𑍍𑌚॑ ।
𑌓𑌷॑𑌧𑍀॒𑌰𑌾𑌪॑ 𑌇॒𑌹 𑌶𑌕𑍍𑌵॑𑌰𑍀𑌶𑍍𑌚 ॥
𑌯𑍋 𑌮𑌾॑ 𑌹𑍃॒𑌦𑌾 𑌮𑌨॑𑌸𑌾॒ 𑌯𑌶𑍍𑌚॑ 𑌵𑌾॒𑌚𑌾 ॥ 5𑍮 ॥

𑌯𑍋 𑌬𑍍𑌰𑌹𑍍𑌮॑𑌣𑌾॒ 𑌕𑌰𑍍𑌮॑𑌣𑌾॒ 𑌦𑍍𑌵𑍇𑌷𑍍𑌟𑌿॑ 𑌦𑍇𑌵𑌾𑌃 ।
𑌯-𑌶𑍍𑌶𑍍𑌰𑍁॒𑌤𑍇𑌨॒ 𑌹𑍃𑌦॑𑌯𑍇𑌨𑍇𑌷𑍍𑌣॒𑌤𑌾 𑌚॑ ।
𑌤𑌸𑍍𑌯𑍇᳚𑌨𑍍𑌦𑍍𑌰॒ 𑌵𑌜𑍍𑌰𑍇॑𑌣॒ 𑌶𑌿𑌰॑𑌶𑍍𑌛𑌿𑌨𑌦𑍍𑌮𑌿 ॥
𑌊𑌰𑍍𑌣𑌾॑𑌮𑍃𑌦𑍁॒ 𑌪𑍍𑌰𑌥॑𑌮𑌾𑌨𑌗𑍍𑌗𑍍​ 𑌸𑍍𑌯𑍋॒𑌨𑌮𑍍 ।
𑌦𑍇॒𑌵𑍇𑌭𑍍𑌯𑍋॒ 𑌜𑍁𑌷𑍍𑌟॒𑌗𑍍​𑌮𑍍॒ 𑌸𑌦॑𑌨𑌾𑌯 𑌬॒𑌰𑍍॒𑌹𑌿𑌃 । 𑌸𑍁॒𑌵॒𑌰𑍍𑌗𑍇 𑌲𑍋॒𑌕𑍇 𑌯𑌜॑𑌮𑌾𑌨॒𑌗𑍍​𑌮𑍍॒ 𑌹𑌿 𑌧𑍇॒𑌹𑌿 ।
𑌮𑌾-𑌨𑍍𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑍇 𑌪॑𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥ 𑌚𑌤𑍁॑-𑌶𑍍𑌶𑌿𑌖𑌣𑍍𑌡𑌾 𑌯𑍁𑌵॒𑌤𑌿-𑌸𑍍𑌸𑍁॒𑌪𑍇𑌶𑌾𑌃᳚ ।
𑌘𑍃॒𑌤𑌪𑍍𑌰॑𑌤𑍀𑌕𑌾 𑌵॒𑌯𑍁𑌨𑌾॑𑌨𑌿 𑌵𑌸𑍍𑌤𑍇 ।
𑌸𑌾 𑌸𑍍𑌤𑍀॒𑌰𑍍𑌯𑌮𑌾॑𑌣𑌾 𑌮𑌹॒𑌤𑍇 𑌸𑍌𑌭॑𑌗𑌾𑌯 ॥ 5𑍯 ॥

𑌸𑌾 𑌮𑍇॑ 𑌧𑍁𑌕𑍍𑌷𑍍𑌵॒ 𑌯𑌜॑𑌮𑌾𑌨𑌾𑌯॒ 𑌕𑌾𑌮𑌾𑌨𑍍॑ ।
𑌶𑌿॒𑌵𑌾 𑌚॑ 𑌮𑍇 𑌶॒𑌗𑍍𑌮𑌾 𑌚𑍈॑𑌧𑌿 ।
𑌸𑍍𑌯𑍋॒𑌨𑌾 𑌚॑ 𑌮𑍇 𑌸𑍁॒𑌷𑌦𑌾॑ 𑌚𑍈𑌧𑌿 ।
𑌊𑌰𑍍𑌜॑𑌸𑍍𑌵𑌤𑍀 𑌚 𑌮𑍇॒ 𑌪𑌯॑𑌸𑍍𑌵𑌤𑍀 𑌚𑍈𑌧𑌿 ।
𑌇𑌷॒𑌮𑍂𑌰𑍍𑌜॑-𑌮𑍍𑌮𑍇 𑌪𑌿𑌨𑍍𑌵𑌸𑍍𑌵 । 𑌬𑍍𑌰𑌹𑍍𑌮॒ 𑌤𑍇𑌜𑍋॑ 𑌮𑍇 𑌪𑌿𑌨𑍍𑌵𑌸𑍍𑌵 । 𑌕𑍍𑌷॒𑌤𑍍𑌰𑌮𑍋𑌜𑍋॑ 𑌮𑍇 𑌪𑌿𑌨𑍍𑌵𑌸𑍍𑌵 ।
𑌵𑌿𑌶॒-𑌮𑍍𑌪𑍁𑌷𑍍𑌟𑌿॑-𑌮𑍍𑌮𑍇 𑌪𑌿𑌨𑍍𑌵𑌸𑍍𑌵 ।
𑌆𑌯𑍁॑𑌰॒𑌨𑍍𑌨𑌾𑌦𑍍𑌯॑-𑌮𑍍𑌮𑍇 𑌪𑌿𑌨𑍍𑌵𑌸𑍍𑌵 ।
𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌮𑍇॑ 𑌪𑌿𑌨𑍍𑌵𑌸𑍍𑌵 ॥ 60 ॥

𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞 𑌉𑌪॒ 𑌭𑍂𑌯॒ 𑌇𑌨𑍍𑌨𑍁 𑌮𑍇᳚ ।
𑌅𑌵𑌿॑𑌕𑍍𑌷𑍋𑌭𑌾𑌯 𑌪𑌰𑌿॒𑌧𑍀𑌨𑍍𑌦॑𑌧𑌾𑌮𑌿 ।
𑌧॒𑌰𑍍𑌤𑌾 𑌧॒𑌰𑍁𑌣𑍋॒ 𑌧𑌰𑍀॑𑌯𑌾𑌨𑍍 ।
𑌅॒𑌗𑍍𑌨𑌿 𑌰𑍍𑌦𑍍𑌵𑍇𑌷𑌾𑌗𑍍​𑌮𑍍॑𑌸𑌿॒ 𑌨𑌿𑌰𑌿॒𑌤𑍋 𑌨𑍁॑𑌦𑌾𑌤𑍈 ॥
𑌵𑌿𑌚𑍍𑌛𑌿॑𑌨𑌦𑍍𑌮𑌿॒ 𑌵𑌿𑌧𑍃॑𑌤𑍀𑌭𑍍𑌯𑌾𑌗𑍍​𑌮𑍍 𑌸॒𑌪𑌤𑍍𑌨𑌾𑌨𑍍॑ ।
𑌜𑌾॒𑌤𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑍍॒. 𑌯𑍇 𑌚॑ 𑌜𑌨𑌿॒𑌷𑍍𑌯𑌮𑌾॑𑌣𑌾𑌃 ।
𑌵𑌿॒𑌶𑍋 𑌯॒𑌨𑍍𑌤𑍍𑌰𑌾𑌭𑍍𑌯𑌾𑌂॒-𑌵𑌿𑌁𑌧॑𑌮𑌾𑌮𑍍𑌯𑍇𑌨𑌾𑌨𑍍 । 𑌅॒𑌹𑌗𑍍𑌗𑍍​𑌸𑍍𑌵𑌾𑌨𑌾॑-𑌮𑍁𑌤𑍍𑌤॒𑌮𑍋॑-𑌽𑌸𑌾𑌨𑌿 𑌦𑍇𑌵𑌾𑌃 ।
𑌵𑌿॒𑌶𑍋 𑌯॒𑌨𑍍𑌤𑍍𑌰𑍇 𑌨𑍁॒𑌦𑌮𑌾॑𑌨𑍇॒ 𑌅𑌰𑌾॑𑌤𑌿𑌮𑍍 । 𑌵𑌿𑌶𑍍𑌵॑-𑌮𑍍𑌪𑌾॒𑌪𑍍𑌮𑌾𑌨॒𑌮𑌮॑𑌤𑌿-𑌨𑍍𑌦𑍁𑌰𑍍𑌮𑌰𑌾॒𑌯𑍁𑌮𑍍 ॥ 61 ॥

𑌸𑍀𑌦॑𑌨𑍍𑌤𑍀 𑌦𑍇॒𑌵𑍀 𑌸𑍁॑𑌕𑍃॒𑌤𑌸𑍍𑌯॑ 𑌲𑍋॒𑌕𑍇 ।
𑌧𑍃𑌤𑍀᳚ 𑌸𑍍𑌥𑍋॒ 𑌵𑌿𑌧𑍃॑𑌤𑍀॒ 𑌸𑍍𑌵𑌧𑍃॑𑌤𑍀 ।
𑌪𑍍𑌰𑌾॒𑌣𑌾𑌨𑍍𑌮𑌯𑌿॑ 𑌧𑌾𑌰𑌯𑌤𑌮𑍍 । 𑌪𑍍𑌰॒𑌜𑌾-𑌮𑍍𑌮𑌯𑌿॑ 𑌧𑌾𑌰𑌯𑌤𑌮𑍍 । 𑌪॒𑌶𑍂𑌨𑍍𑌮𑌯𑌿॑ 𑌧𑌾𑌰𑌯𑌤𑌮𑍍 ॥
𑌅॒𑌯-𑌮𑍍𑌪𑍍𑌰॑𑌸𑍍𑌤॒𑌰 𑌉॒𑌭𑌯॑𑌸𑍍𑌯 𑌧॒𑌰𑍍𑌤𑌾 ।
𑌧॒𑌰𑍍𑌤𑌾 𑌪𑍍𑌰॑𑌯𑌾॒𑌜𑌾𑌨𑌾॑-𑌮𑍁॒𑌤𑌾𑌨𑍂॑𑌯𑌾॒𑌜𑌾𑌨𑌾᳚𑌮𑍍 ।
𑌸 𑌦𑌾॑𑌧𑌾𑌰 𑌸॒𑌮𑌿𑌧𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 ।
𑌤𑌸𑍍𑌮𑌿॒𑌨𑍍-𑌥𑍍𑌸𑍍𑌰𑍁𑌚𑍋॒ 𑌅𑌦𑍍𑌧𑍍𑌯𑌾𑌸𑌾॑𑌦𑌯𑌾𑌮𑌿 ॥
𑌆𑌰𑍋॑𑌹 𑌪॒𑌥𑍋 𑌜𑍁॑𑌹𑍁 𑌦𑍇𑌵॒𑌯𑌾𑌨𑌾𑌨𑍍॑ ॥ 62 ॥

𑌯𑌤𑍍𑌰𑌰𑍍​𑌷॑𑌯𑌃 𑌪𑍍𑌰𑌥𑌮॒𑌜𑌾 𑌯𑍇 𑌪𑍁॑𑌰𑌾॒𑌣𑌾𑌃 । 𑌹𑌿𑌰॑𑌣𑍍𑌯𑌪𑌕𑍍𑌷𑌾-𑌽𑌜𑌿॒𑌰𑌾 𑌸𑌮𑍍𑌭𑍃॑𑌤𑌾𑌙𑍍𑌗𑌾 ।
𑌵𑌹𑌾॑𑌸𑌿 𑌮𑌾 𑌸𑍁॒𑌕𑍃𑌤𑌾𑌂॒-𑌯𑌁𑌤𑍍𑌰॑ 𑌲𑍋॒𑌕𑌾𑌃 ॥
𑌅𑌵𑌾॒𑌹-𑌮𑍍𑌬𑌾॑𑌧 𑌉𑌪॒𑌭𑍃𑌤𑌾॑ 𑌸॒𑌪𑌤𑍍𑌨𑌾𑌨𑍍॑ ।
𑌜𑌾॒𑌤𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑍍॒. 𑌯𑍇 𑌚॑ 𑌜𑌨𑌿॒𑌷𑍍𑌯𑌮𑌾॑𑌣𑌾𑌃 । 𑌦𑍋𑌹𑍈॑ 𑌯॒𑌜𑍍𑌞𑌗𑍍​𑌮𑍍 𑌸𑍁॒𑌦𑍁𑌘𑌾॑𑌮𑌿𑌵 𑌧𑍇॒𑌨𑍁𑌮𑍍 ।
𑌅॒𑌹𑌮𑍁𑌤𑍍𑌤॑𑌰𑍋 𑌭𑍂𑌯𑌾𑌸𑌮𑍍 । 𑌅𑌧॑𑌰𑍇॒ 𑌮𑌥𑍍𑌸॒𑌪𑌤𑍍𑌨𑌾𑌃᳚ ॥
𑌯𑍋 𑌮𑌾॑ 𑌵𑌾॒𑌚𑌾 𑌮𑌨॑𑌸𑌾 𑌦𑍁𑌰𑍍𑌮𑌰𑌾॒𑌯𑍁𑌃 ।
𑌹𑍃॒𑌦𑌾-𑌽𑌰𑌾॑𑌤𑍀॒𑌯𑌾-𑌦॑𑌭𑌿॒𑌦𑌾𑌸॑-𑌦𑌗𑍍𑌨𑍇 ॥ 63 ॥

𑌇॒𑌦𑌮॑𑌸𑍍𑌯 𑌚𑌿॒𑌤𑍍𑌤𑌮𑌧॑𑌰-𑌨𑍍𑌧𑍍𑌰𑍁॒𑌵𑌾𑌯𑌾𑌃᳚ । 𑌅॒𑌹𑌮𑍁𑌤𑍍𑌤॑𑌰𑍋 𑌭𑍂𑌯𑌾𑌸𑌮𑍍 । 𑌅𑌧॑𑌰𑍇॒ 𑌮𑌥𑍍𑌸॒𑌪𑌤𑍍𑌨𑌾𑌃᳚ ॥
𑌋॒𑌷॒𑌭𑍋॑-𑌽𑌸𑌿 𑌶𑌾𑌕𑍍𑌵॒𑌰𑌃 । 𑌘𑍃॒𑌤𑌾𑌚𑍀॑𑌨𑌾𑌗𑍍​𑌮𑍍 𑌸𑍂॒𑌨𑍁𑌃 । 𑌪𑍍𑌰𑌿॒𑌯𑍇𑌣॒ 𑌨𑌾𑌮𑍍𑌨𑌾᳚ 𑌪𑍍𑌰𑌿॒𑌯𑍇 𑌸𑌦॑𑌸𑌿 𑌸𑍀𑌦 ॥
𑌸𑍍𑌯𑍋॒𑌨𑍋 𑌮𑍇॑ 𑌸𑍀𑌦 𑌸𑍁॒𑌷𑌦𑌃॑ 𑌪𑍃𑌥𑌿॒𑌵𑍍𑌯𑌾𑌮𑍍 ।
𑌪𑍍𑌰𑌥॑𑌯𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌸𑍍𑌸𑍁𑌵॒𑌰𑍍𑌗𑍇 𑌲𑍋॒𑌕𑍇 ।
𑌦𑌿॒𑌵𑌿 𑌸𑍀॑𑌦 𑌪𑍃𑌥𑌿॒𑌵𑍍𑌯𑌾-𑌮॒𑌨𑍍𑌤𑌰𑌿॑𑌕𑍍𑌷𑍇 ।
𑌅॒𑌹𑌮𑍁𑌤𑍍𑌤॑𑌰𑍋 𑌭𑍂𑌯𑌾𑌸𑌮𑍍 ॥ 64 ॥

𑌅𑌧॑𑌰𑍇॒ 𑌮𑌥𑍍𑌸॒𑌪𑌤𑍍𑌨𑌾𑌃᳚ ॥
𑌇॒𑌯𑌗𑍍𑌗𑍍​ 𑌸𑍍𑌥𑌾॒𑌲𑍀 𑌘𑍃॒𑌤𑌸𑍍𑌯॑ 𑌪𑍂॒𑌰𑍍𑌣𑌾 ।
𑌅𑌚𑍍𑌛𑌿॑𑌨𑍍𑌨𑌪𑌯𑌾-𑌶𑍍𑌶॒𑌤𑌧𑌾॑𑌰॒ 𑌉𑌥𑍍𑌸𑌃॑ ।
𑌮𑌾॒𑌰𑍁॒𑌤𑍇𑌨॒ 𑌶𑌰𑍍𑌮॑𑌣𑌾॒ 𑌦𑍈𑌵𑍍𑌯𑍇॑𑌨 ॥
𑌯॒𑌜𑍍𑌞𑍋॑-𑌽𑌸𑌿 𑌸॒𑌰𑍍𑌵𑌤॑-𑌶𑍍𑌶𑍍𑌰𑌿॒𑌤𑌃 । 𑌸॒𑌰𑍍𑌵𑌤𑍋॒ 𑌮𑌾-𑌮𑍍𑌭𑍂॒𑌤-𑌮𑍍𑌭॑𑌵𑌿॒𑌷𑍍𑌯-𑌚𑍍𑌛𑍍𑌰॑𑌯𑌤𑌾𑌮𑍍 । 𑌶॒𑌤-𑌮𑍍𑌮𑍇॑ 𑌸𑌨𑍍𑌤𑍍𑌵𑌾॒𑌶𑌿𑌷𑌃॑ । 𑌸॒𑌹𑌸𑍍𑌰॑-𑌮𑍍𑌮𑍇 𑌸𑌨𑍍𑌤𑍁 𑌸𑍂॒𑌨𑍃𑌤𑌾𑌃᳚ । 𑌇𑌰𑌾॑𑌵𑌤𑍀𑌃 𑌪𑌶𑍁॒𑌮𑌤𑍀𑌃᳚ । 𑌪𑍍𑌰॒𑌜𑌾𑌪॑𑌤𑌿𑌰𑌸𑌿 𑌸॒𑌰𑍍𑌵𑌤॑-𑌶𑍍𑌶𑍍𑌰𑌿॒𑌤𑌃 ॥ 65 ॥
𑌸॒𑌰𑍍𑌵𑌤𑍋॒ 𑌮𑌾-𑌮𑍍𑌭𑍂॒𑌤-𑌮𑍍𑌭॑𑌵𑌿॒𑌷𑍍𑌯-𑌚𑍍𑌛𑍍𑌰॑𑌯𑌤𑌾𑌮𑍍 । 𑌶॒𑌤-𑌮𑍍𑌮𑍇॑ 𑌸𑌨𑍍𑌤𑍍𑌵𑌾॒𑌶𑌿𑌷𑌃॑ ।
𑌸॒𑌹𑌸𑍍𑌰॑-𑌮𑍍𑌮𑍇 𑌸𑌨𑍍𑌤𑍁 𑌸𑍂॒𑌨𑍃𑌤𑌾𑌃᳚ । 𑌇𑌰𑌾॑𑌵𑌤𑍀𑌃 𑌪𑌶𑍁॒𑌮𑌤𑍀𑌃᳚ ॥ 𑌇॒𑌦𑌮𑌿॑𑌨𑍍𑌦𑍍𑌰𑌿॒𑌯-𑌮॒𑌮𑍃𑌤𑌂॑-𑌵𑍀𑌁॒𑌰𑍍𑌯᳚𑌮𑍍 । 𑌅॒𑌨𑍇𑌨𑍇𑌨𑍍𑌦𑍍𑌰𑌾॑𑌯 𑌪॒𑌶𑌵𑍋॑-𑌽𑌚𑌿𑌕𑌿𑌥𑍍𑌸𑌨𑍍𑌨𑍍 ।
𑌤𑍇𑌨॑ 𑌦𑍇𑌵𑌾 𑌅𑌵॒𑌤𑍋𑌪॒ 𑌮𑌾𑌮𑍍 । 𑌇॒𑌹𑍇𑌷॒𑌮𑍂𑌰𑍍𑌜𑌂॒-𑌯𑌁𑌶॒-𑌸𑍍𑌸𑌹॒ 𑌓𑌜॑-𑌸𑍍𑌸𑌨𑍇𑌯𑌮𑍍 । 𑌶𑍃॒𑌤-𑌮𑍍𑌮𑌯𑌿॑ 𑌶𑍍𑌰𑌯𑌤𑌾𑌮𑍍 ॥ 𑌯-𑌤𑍍𑌪𑍃॑𑌥𑌿॒𑌵𑍀-𑌮𑌚॑𑌰॒𑌤𑍍𑌤𑌤𑍍-𑌪𑍍𑌰𑌵𑌿॑𑌷𑍍𑌟𑌮𑍍 ॥ 66 ॥

𑌯𑍇𑌨𑌾𑌸𑌿॑𑌞𑍍𑌚॒-𑌦𑍍𑌬𑌲॒𑌮𑌿𑌨𑍍𑌦𑍍𑌰𑍇᳚ 𑌪𑍍𑌰॒𑌜𑌾𑌪॑𑌤𑌿𑌃 ।
𑌇॒𑌦-𑌨𑍍𑌤𑌚𑍍𑌛𑍁॒𑌕𑍍𑌰-𑌮𑍍𑌮𑌧𑍁॑ 𑌵𑌾॒𑌜𑌿𑌨𑍀॑𑌵𑌤𑍍 ।
𑌯𑍇𑌨𑍋॒-𑌪𑌰𑌿॑𑌷𑍍𑌟𑌾॒𑌦𑌧𑌿॑𑌨𑍋-𑌨𑍍𑌮𑌹𑍇॒𑌨𑍍𑌦𑍍𑌰𑌮𑍍 ।
𑌦𑌧𑌿॒ 𑌮𑌾-𑌨𑍍𑌧𑌿॑𑌨𑍋𑌤𑍁 ॥
𑌅॒𑌯𑌂-𑌵𑍇𑌁॒𑌦𑌃 𑌪𑍃॑𑌥𑌿॒𑌵𑍀-𑌮𑌨𑍍𑌵॑𑌵𑌿𑌨𑍍𑌦𑌤𑍍 ।
𑌗𑍁𑌹𑌾॑ 𑌸॒𑌤𑍀-𑌙𑍍𑌗𑌹॑𑌨𑍇॒ 𑌗𑌹𑍍𑌵॑𑌰𑍇𑌷𑍁 ।
𑌸 𑌵𑌿॑𑌨𑍍𑌦𑌤𑍁॒ 𑌯𑌜॑𑌮𑌾𑌨𑌾𑌯 𑌲𑍋॒𑌕𑌮𑍍 ।
𑌅𑌚𑍍𑌛𑌿॑𑌦𑍍𑌰𑌂-𑌯𑌁॒𑌜𑍍𑌞-𑌮𑍍𑌭𑍂𑌰𑌿॑𑌕𑌰𑍍𑌮𑌾 𑌕𑌰𑍋𑌤𑍁 ॥
𑌅॒𑌯𑌂-𑌯𑌁॒𑌜𑍍𑌞-𑌸𑍍𑌸𑌮॑𑌸𑌦𑌦𑍍𑌧॒𑌵𑌿𑌷𑍍𑌮𑌾𑌨𑍍॑ ।
𑌋॒𑌚𑌾 𑌸𑌾𑌮𑍍𑌨𑌾॒ 𑌯𑌜𑍁॑𑌷𑌾 𑌦𑍇॒𑌵𑌤𑌾॑𑌭𑌿𑌃 ॥ 6𑍭 ॥

𑌤𑍇𑌨॑ 𑌲𑍋॒𑌕𑌾𑌨𑍍-𑌥𑍍𑌸𑍂𑌰𑍍𑌯॑𑌵𑌤𑍋 𑌜𑌯𑍇𑌮 ।
𑌇𑌨𑍍𑌦𑍍𑌰॑𑌸𑍍𑌯 𑌸॒𑌖𑍍𑌯-𑌮॑𑌮𑍃𑌤॒𑌤𑍍𑌵-𑌮॑𑌶𑍍𑌯𑌾𑌮𑍍 ॥
𑌯𑍋 𑌨𑌃॒ 𑌕𑌨𑍀॑𑌯 𑌇॒𑌹 𑌕𑌾॒𑌮𑌯𑌾॑𑌤𑍈 ।
𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌯𑌜॑𑌮𑌾𑌨𑌾𑌯॒ 𑌮𑌹𑍍𑌯᳚𑌮𑍍 ।
𑌅𑌪॒ 𑌤𑌮𑌿॑𑌨𑍍𑌦𑍍𑌰𑌾॒𑌗𑍍𑌨𑍀 𑌭𑍁𑌵॑𑌨𑌾𑌨𑍍𑌨𑍁𑌦𑍇𑌤𑌾𑌮𑍍 ।
𑌅॒𑌹-𑌮𑍍𑌪𑍍𑌰॒𑌜𑌾𑌂-𑌵𑍀𑌁॒𑌰𑌵॑𑌤𑍀𑌂-𑌵𑌿𑌁𑌦𑍇𑌯 ॥
𑌅𑌗𑍍𑌨𑍇॑ 𑌵𑌾𑌜𑌜𑌿𑌤𑍍 । 𑌵𑌾𑌜॑-𑌨𑍍𑌤𑍍𑌵𑌾 𑌸𑌰𑌿॒𑌷𑍍𑌯𑌨𑍍𑌤᳚𑌮𑍍 ।
𑌵𑌾𑌜॑-𑌞𑍍𑌜𑍇॒𑌷𑍍𑌯𑌨𑍍𑌤᳚𑌮𑍍 । 𑌵𑌾॒𑌜𑌿𑌨𑌂॑-𑌵𑌾𑌁𑌜॒𑌜𑌿𑌤᳚𑌮𑍍 ॥ 6𑍮 ॥

𑌵𑌾॒𑌜॒𑌜𑌿॒𑌤𑍍𑌯𑌾𑌯𑍈॒ 𑌸𑌮𑍍𑌮𑌾᳚𑌰𑍍𑌜𑍍𑌮𑌿 । 𑌅॒𑌗𑍍𑌨𑌿𑌮॑𑌨𑍍𑌨𑌾॒-𑌦𑌮॒𑌨𑍍𑌨𑌾𑌦𑍍𑌯𑌾॑𑌯 ॥ 𑌉𑌪॑𑌹𑍂𑌤𑍋॒ 𑌦𑍍𑌯𑍌𑌃 𑌪𑌿॒𑌤𑌾 ।
𑌉𑌪॒ 𑌮𑌾-𑌨𑍍𑌦𑍍𑌯𑍌𑌃 𑌪𑌿॒𑌤𑌾 𑌹𑍍𑌵॑𑌯𑌤𑌾𑌮𑍍 । 𑌅॒𑌗𑍍𑌨𑌿-𑌰𑌾𑌗𑍍𑌨𑍀᳚𑌦𑍍𑌧𑍍𑌰𑌾𑌤𑍍 । 𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 । 𑌜𑍀॒𑌵𑌾𑌤𑍍𑌵𑍈 𑌪𑍁𑌣𑍍𑌯𑌾॑𑌯 । 𑌉𑌪॑𑌹𑍂𑌤𑌾 𑌪𑍃𑌥𑌿॒𑌵𑍀 𑌮𑌾॒𑌤𑌾 । 𑌉𑌪॒ 𑌮𑌾-𑌮𑍍𑌮𑌾॒𑌤𑌾 𑌪𑍃॑𑌥𑌿॒𑌵𑍀 𑌹𑍍𑌵॑𑌯𑌤𑌾𑌮𑍍 । 𑌅॒𑌗𑍍𑌨𑌿-𑌰𑌾𑌗𑍍𑌨𑍀᳚𑌦𑍍𑌧𑍍𑌰𑌾𑌤𑍍 ॥ 6𑍯 ॥

𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 । 𑌜𑍀॒𑌵𑌾𑌤𑍍𑌵𑍈 𑌪𑍁𑌣𑍍𑌯𑌾॑𑌯 ॥
𑌮𑌨𑍋॒ 𑌜𑍍𑌯𑍋𑌤𑌿॑ 𑌰𑍍𑌜𑍁𑌷𑌤𑌾॒𑌮𑌾𑌜𑍍𑌯᳚𑌮𑍍 ।
𑌵𑌿𑌚𑍍𑌛𑌿॑𑌨𑍍𑌨𑌂-𑌯𑌁॒𑌜𑍍𑌞𑌗𑍍​𑌮𑍍 𑌸𑌮𑌿॒𑌮-𑌨𑍍𑌦॑𑌧𑌾𑌤𑍁 । 𑌬𑍃𑌹॒𑌸𑍍𑌪𑌤𑌿॑-𑌸𑍍𑌤𑌨𑍁𑌤𑌾𑌮𑌿॒𑌮-𑌨𑍍𑌨𑌃॑ ।
𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇॒𑌹 𑌮𑌾॑𑌦𑌯𑌨𑍍𑌤𑌾𑌮𑍍 ॥
𑌯-𑌨𑍍𑌤𑍇॑ 𑌅𑌗𑍍𑌨 𑌆𑌵𑍃॒𑌶𑍍𑌚𑌾𑌮𑌿॑ । 𑌅॒𑌹𑌂-𑌵𑌾𑌁᳚ 𑌕𑍍𑌷𑌿𑌪𑌿॒𑌤𑌶𑍍𑌚𑌰𑌨𑍍𑌨𑍍॑ । 𑌪𑍍𑌰॒𑌜𑌾-𑌞𑍍𑌚॒ 𑌤𑌸𑍍𑌯॒ 𑌮𑍂𑌲॑-𑌞𑍍𑌚 ।
𑌨𑍀॒𑌚𑍈𑌰𑍍𑌦𑍇॑𑌵𑌾॒ 𑌨𑌿𑌵𑍃॑𑌶𑍍𑌚𑌤 ॥ 𑍭0 ॥

𑌅𑌗𑍍𑌨𑍇॒ 𑌯𑍋 𑌨𑍋॑-𑌽𑌭𑌿॒𑌦𑌾𑌸॑𑌤𑌿 । 𑌸॒𑌮𑌾॒𑌨𑍋 𑌯𑌶𑍍𑌚॒ 𑌨𑌿𑌷𑍍𑌟𑍍𑌯𑌃॑ । 𑌇॒𑌦𑍍𑌧𑍍𑌮𑌸𑍍𑌯𑍇॑𑌵 𑌪𑍍𑌰॒𑌕𑍍𑌷𑌾𑌯॑𑌤𑌃 ।
𑌮𑌾 𑌤𑌸𑍍𑌯𑍋𑌚𑍍𑌛𑍇॑𑌷𑌿॒ 𑌕𑌿𑌞𑍍𑌚॒𑌨 । 𑌯𑍋 𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ 𑌜𑌾𑌤𑌵𑍇𑌦𑌃 । 𑌯-𑌞𑍍𑌚𑌾॒𑌹-𑌨𑍍𑌦𑍍𑌵𑍇𑌷𑍍𑌮𑌿॒ 𑌯𑌶𑍍𑌚॒ 𑌮𑌾𑌮𑍍 । 𑌸𑌰𑍍𑌵𑌾॒𑌗𑍍॒𑌸𑍍𑌤𑌾𑌨॑𑌗𑍍𑌨𑍇॒ 𑌸𑌨𑍍𑌦॑𑌹 ।
𑌯𑌾𑌗𑍍​𑌶𑍍𑌚𑌾॒𑌹-𑌨𑍍𑌦𑍍𑌵𑍇𑌷𑍍𑌮𑌿॒ 𑌯𑍇 𑌚॒ 𑌮𑌾𑌮𑍍 ॥ 𑌅𑌗𑍍𑌨𑍇॑ 𑌵𑌾𑌜𑌜𑌿𑌤𑍍 ।
𑌵𑌾𑌜॑-𑌨𑍍𑌤𑍍𑌵𑌾 𑌸𑌸𑍃॒𑌵𑌾𑌗𑍍​𑌮𑍍𑌸᳚𑌮𑍍 ॥ 𑍭1 ॥

𑌵𑌾𑌜॑-𑌞𑍍𑌜𑌿𑌗𑌿॒𑌵𑌾𑌗𑍍​𑌮𑍍𑌸᳚𑌮𑍍 । 𑌵𑌾॒𑌜𑌿𑌨𑌂॑-𑌵𑌾𑌁𑌜॒𑌜𑌿𑌤᳚𑌮𑍍 । 𑌵𑌾॒𑌜॒𑌜𑌿॒𑌤𑍍𑌯𑌾𑌯𑍈॒ 𑌸𑌮𑍍𑌮𑌾᳚𑌰𑍍𑌜𑍍𑌮𑌿 । 𑌅॒𑌗𑍍𑌨𑌿-𑌮॑𑌨𑍍𑌨𑌾॒𑌦-𑌮॒𑌨𑍍𑌨𑌾𑌦𑍍𑌯𑌾॑𑌯 ॥ 𑌵𑍇𑌦𑌿॑ 𑌰𑍍𑌬॒𑌰॒𑌃𑌇-𑌶𑍍𑌶𑍃॒𑌤𑌗𑍍​𑌮𑍍 𑌹॒𑌵𑌿𑌃 ।
𑌇॒𑌦𑍍𑌧𑍍𑌮𑌃 𑌪॑𑌰𑌿॒𑌧𑌯॒-𑌸𑍍𑌸𑍍𑌰𑍁𑌚𑌃॑ । 𑌆𑌜𑍍𑌯𑌂॑-𑌯𑌁॒𑌜𑍍𑌞 𑌋𑌚𑍋॒ 𑌯𑌜𑍁𑌃॑ । 𑌯𑌾॒𑌜𑍍𑌯𑌾᳚𑌶𑍍𑌚 𑌵𑌷𑌟𑍍𑌕𑌾॒𑌰𑌾𑌃 । 𑌸-𑌮𑍍𑌮𑍇॒ 𑌸𑌨𑍍𑌨॑𑌤𑌯𑍋 𑌨𑌮𑌨𑍍𑌤𑌾𑌮𑍍 ।
𑌇॒𑌦𑍍𑌧𑍍𑌮॒𑌸𑌂॒-𑌨𑌹॑𑌨𑍇 𑌹𑍁॒𑌤𑍇 ॥ 𑍭2 ॥

𑌦𑌿॒𑌵𑌃 𑌖𑍀𑌲𑍋-𑌽𑌵॑𑌤𑌤𑌃 । 𑌪𑍃॒𑌥𑌿॒𑌵𑍍𑌯𑌾 𑌅𑌦𑍍𑌧𑍍𑌯𑍁𑌤𑍍𑌥𑌿॑𑌤𑌃 । 𑌤𑍇𑌨𑌾॑ 𑌸॒𑌹𑌸𑍍𑌰॑𑌕𑌾𑌣𑍍𑌡𑍇𑌨 । 𑌦𑍍𑌵𑌿॒𑌷𑌨𑍍𑌤𑌗𑍍​𑌮𑍍॑ 𑌶𑍋𑌚𑌯𑌾𑌮𑌸𑌿 । 𑌦𑍍𑌵𑌿॒𑌷𑌨𑍍𑌮𑍇॑ 𑌬॒𑌹𑍁 𑌶𑍋॑𑌚𑌤𑍁 ।
𑌓𑌷॑𑌧𑍇॒ 𑌮𑍋 𑌅॒𑌹𑌗𑍍​𑌮𑍍 𑌶𑍁॑𑌚𑌮𑍍 ॥ 𑌯𑌜𑍍𑌞॒ 𑌨𑌮॑𑌸𑍍𑌤𑍇 𑌯𑌜𑍍𑌞 । 𑌨𑌮𑍋॒ 𑌨𑌮॑𑌶𑍍𑌚 𑌤𑍇 𑌯𑌜𑍍𑌞 । 𑌶𑌿॒𑌵𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 । 𑌸𑍍𑌯𑍋॒𑌨𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 ॥ 𑍭3 ॥

𑌸𑍁॒𑌭𑍂॒𑌤𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 ।
𑌯॒𑌜𑍍𑌞𑌸𑍍𑌯𑌰𑍍𑌧𑌿॒𑌮𑌨𑍁॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 । 𑌉𑌪॑ 𑌤𑍇 𑌯𑌜𑍍𑌞॒ 𑌨𑌮𑌃॑ । 𑌉𑌪॑ 𑌤𑍇॒ 𑌨𑌮𑌃॑ ।
𑌉𑌪॑ 𑌤𑍇॒ 𑌨𑌮𑌃॑ ॥ 𑌤𑍍𑌰𑌿𑌷𑍍𑌫॒𑌲𑍀 𑌕𑍍𑌰𑌿॒𑌯𑌮𑌾॑𑌣𑌾𑌨𑌾𑌮𑍍 । 𑌯𑍋 𑌨𑍍𑌯॒𑌙𑍍𑌗𑍋 𑌅॑𑌵॒𑌶𑌿𑌷𑍍𑌯॑𑌤𑍇 ।
𑌰𑌕𑍍𑌷॑𑌸𑌾-𑌮𑍍𑌭𑌾𑌗॒𑌧𑍇𑌯᳚𑌮𑍍 । 𑌆𑌪॒𑌸𑍍𑌤-𑌤𑍍𑌪𑍍𑌰𑌵॑𑌹𑌤𑌾𑌦𑌿॒𑌤𑌃 ॥ 𑍭4 ॥

𑌉॒𑌲𑍂𑌖॑𑌲𑍇॒ 𑌮𑍁𑌸॑𑌲𑍇॒ 𑌯𑌚𑍍𑌚॒ 𑌶𑍂𑌰𑍍𑌪𑍇᳚ ।
𑌆॒𑌶𑌿॒𑌶𑍍𑌲𑍇𑌷॑ 𑌦𑍃॒𑌷𑌦𑌿॒ 𑌯𑌤𑍍𑌕॒𑌪𑌾𑌲𑍇᳚ ।
𑌅॒𑌵॒𑌪𑍍𑌰𑍁𑌷𑍋॑ 𑌵𑌿॒𑌪𑍍𑌰𑍁𑌷॒-𑌸𑍍𑌸𑌂​𑌯𑌁॑𑌜𑌾𑌮𑌿 ।
𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌹॒𑌵𑌿𑌰𑌿॒𑌦-𑌞𑍍𑌜𑍁॑𑌷𑌨𑍍𑌤𑌾𑌮𑍍 ।
𑌯॒𑌜𑍍𑌞𑍇 𑌯𑌾 𑌵𑌿॒𑌪𑍍𑌰𑍁𑌷॒-𑌸𑍍𑌸𑌨𑍍𑌤𑌿॑ 𑌬॒𑌹𑍍𑌵𑍀𑌃 ।
𑌅॒𑌗𑍍𑌨𑍌 𑌤𑌾-𑌸𑍍𑌸𑌰𑍍𑌵𑌾॒-𑌸𑍍𑌸𑍍𑌵𑌿॑𑌷𑍍𑌟𑌾॒-𑌸𑍍𑌸𑍁𑌹𑍁॑𑌤𑌾 𑌜𑍁𑌹𑍋𑌮𑌿 ॥ 𑌉॒𑌦𑍍𑌯𑌨𑍍𑌨॒𑌦𑍍𑌯 𑌮𑌿॑𑌤𑍍𑌰𑌮𑌹𑌃 ।
𑌸॒𑌪𑌤𑍍𑌨𑌾᳚𑌨𑍍𑌮𑍇 𑌅𑌨𑍀𑌨𑌶𑌃 । 𑌦𑌿𑌵𑍈॑𑌨𑌾𑌨𑍍. 𑌵𑌿॒𑌦𑍍𑌯𑍁𑌤𑌾॑ 𑌜𑌹𑌿 ।
𑌨𑌿॒𑌮𑍍𑌰𑍋𑌚॒𑌨𑍍𑌨𑌧॑𑌰𑌾𑌨𑍍 𑌕𑍃𑌧𑌿 ॥ 𑍭5 ॥

𑌉॒𑌦𑍍𑌯𑌨𑍍𑌨॒𑌦𑍍𑌯 𑌵𑌿 𑌨𑍋॑ 𑌭𑌜 । 𑌪𑌿॒𑌤𑌾 𑌪𑍁॒𑌤𑍍𑌰𑍇𑌭𑍍𑌯𑍋॒ 𑌯𑌥𑌾᳚ । 𑌦𑍀॒𑌰𑍍𑌘𑌾॒𑌯𑍁॒𑌤𑍍𑌵𑌸𑍍𑌯॑ 𑌹𑍇𑌶𑌿𑌷𑍇 । 𑌤𑌸𑍍𑌯॑ 𑌨𑍋 𑌦𑍇𑌹𑌿 𑌸𑍂𑌰𑍍𑌯 ॥ 𑌉॒𑌦𑍍𑌯𑌨𑍍𑌨॒𑌦𑍍𑌯 𑌮𑌿॑𑌤𑍍𑌰𑌮𑌹𑌃 । 𑌆॒𑌰𑍋𑌹॒𑌨𑍍𑌨𑍁𑌤𑍍𑌤॑𑌰𑌾॒-𑌨𑍍𑌦𑌿𑌵᳚𑌮𑍍 । 𑌹𑍃॒𑌦𑍍𑌰𑍋॒𑌗-𑌮𑍍𑌮𑌮॑ 𑌸𑍂𑌰𑍍𑌯 । 𑌹॒𑌰𑌿॒𑌮𑌾𑌣॑-𑌞𑍍𑌚 𑌨𑌾𑌶𑌯 ॥ 𑌶𑍁𑌕𑍇॑𑌷𑍁 𑌮𑍇 𑌹𑌰𑌿॒𑌮𑌾𑌣᳚𑌮𑍍 ।
𑌰𑍋॒𑌪॒𑌣𑌾𑌕𑌾॑𑌸𑍁 𑌦𑌦𑍍𑌧𑍍𑌮𑌸𑌿 ॥ 𑍭6 ॥

𑌅𑌥𑍋॑ 𑌹𑌾𑌰𑌿𑌦𑍍𑌰॒𑌵𑍇𑌷𑍁॑ 𑌮𑍇 । 𑌹॒𑌰𑌿॒𑌮𑌾𑌣॒-𑌨𑍍𑌨𑌿𑌦॑𑌦𑍍𑌧𑍍𑌮𑌸𑌿 ॥ 𑌉𑌦॑𑌗𑌾𑌦॒𑌯-𑌮𑌾॑𑌦𑌿॒𑌤𑍍𑌯𑌃 ।
𑌵𑌿𑌶𑍍𑌵𑍇॑𑌨॒ 𑌸𑌹॑𑌸𑌾 𑌸॒𑌹 । 𑌦𑍍𑌵𑌿॒𑌷𑌨𑍍𑌤॒-𑌮𑍍𑌮𑌮॑ 𑌰॒𑌨𑍍𑌧𑌯𑌨𑍍𑌨𑍍॑ । 𑌮𑍋 𑌅॒𑌹-𑌨𑍍𑌦𑍍𑌵𑌿॑𑌷॒𑌤𑍋 𑌰॑𑌧𑌮𑍍 ॥
𑌯𑍋 𑌨॒-𑌶𑍍𑌶𑌪𑌾॒𑌦𑌶॑𑌪𑌤𑌃 । 𑌯𑌶𑍍𑌚॑ 𑌨॒-𑌶𑍍𑌶𑌪॑𑌤॒-𑌶𑍍𑌶𑌪𑌾᳚𑌤𑍍 । 𑌉॒𑌷𑌾𑌶𑍍𑌚॒ 𑌤𑌸𑍍𑌮𑍈॑ 𑌨𑌿॒𑌮𑍍𑌰𑍁𑌕𑍍𑌚॑ । 𑌸𑌰𑍍𑌵॑-𑌮𑍍𑌪𑌾॒𑌪𑌗𑍍​𑌮𑍍 𑌸𑌮𑍂॑𑌹𑌤𑌾𑌮𑍍 ॥ 𑍭𑍭 ॥

𑌯𑍋 𑌨॑-𑌸𑍍𑌸॒𑌪𑌤𑍍𑌨𑍋॒ 𑌯𑍋 𑌰𑌣𑌃॑ । 𑌮𑌰𑍍𑌤𑍋॑-𑌽𑌭𑌿॒𑌦𑌾𑌸॑𑌤𑌿 𑌦𑍇𑌵𑌾𑌃। 𑌇॒𑌦𑍍𑌧𑍍𑌮𑌸𑍍𑌯𑍇॑𑌵 𑌪𑍍𑌰॒𑌕𑍍𑌷𑌾𑌯॑𑌤𑌃 ।
𑌮𑌾 𑌤𑌸𑍍𑌯𑍋𑌚𑍍𑌛𑍇॑𑌷𑌿॒ 𑌕𑌿𑌞𑍍𑌚॒𑌨 ॥ 𑌅𑌵॑𑌸𑍃𑌷𑍍𑌟𑌃॒ 𑌪𑌰𑌾॑𑌪𑌤 । 𑌶॒𑌰𑍋 𑌬𑍍𑌰𑌹𑍍𑌮॑𑌸𑌗𑍍​𑌮𑍍𑌶𑌿𑌤𑌃 ।
𑌗𑌚𑍍𑌛𑌾॒-𑌽𑌮𑌿𑌤𑍍𑌰𑌾॒-𑌨𑍍𑌪𑍍𑌰𑌵𑌿॑𑌶 । 𑌮𑍈𑌷𑌾॒-𑌙𑍍𑌕𑌞𑍍𑌚॒𑌨𑍋𑌚𑍍𑌛𑌿॑𑌷𑌃 ॥ 𑍭𑍮 ॥
(𑌪𑌤𑌿𑌃॑ – 𑌪𑍍𑌰॒𑌜𑌾𑌪॑𑌤𑌯𑍇 – 𑌤𑌪॒𑌸𑍍𑌵𑍀 – 𑌵𑌾॒𑌚𑌾 – 𑌸𑍌𑌭॑𑌗𑌾𑌯 – 𑌪॒𑌶𑍂𑌨𑍍𑌮𑍇॑ 𑌪𑌿𑌨𑍍𑌵𑌸𑍍𑌵 – 𑌦𑍁𑌰𑍍𑌮𑌰𑌾॒𑌯𑍁𑌂 – 𑌦𑍇॑𑌵॒𑌯𑌾𑌨𑌾॑ – 𑌨𑌗𑍍𑌨𑍇॒ – 𑌽𑌨𑍍𑌤𑌰𑌿॑𑌕𑍍𑌷𑍇॒-𑌽𑌹𑌮𑍁𑌤𑍍𑌤॑𑌰𑍋 𑌭𑍂𑌯𑌾𑌸𑌂 -𑌪𑍍𑌰॒𑌜𑌾𑌪॑𑌤𑌿𑌰𑌸𑌿 𑌸॒𑌰𑍍𑌵𑌤॑-𑌶𑍍𑌶𑍍𑌰𑌿॒𑌤𑌃 – 𑌪𑍍𑌰𑌵𑌿॑𑌷𑍍𑌟𑌂 – 𑌦𑍇॒𑌵𑌤𑌾॑𑌭𑌿–𑌰𑍍 𑌵𑌾𑌜॒𑌜𑌿𑌤𑌂॑ –
𑌪𑍃𑌥𑌿॒𑌵𑍀 𑌹𑍍𑌵॑𑌯𑌤𑌾𑌮॒𑌗𑍍𑌨𑌿𑌰𑌾𑌗𑍍𑌨𑍀᳚𑌦𑍍𑌧𑍍𑌰𑌾-𑌦𑍍- 𑌵𑍃𑌶𑍍𑌚𑌤 – 𑌸𑌸𑍃॒𑌵𑌾𑌗𑍍​𑌮𑍍𑌸𑌗𑍍​𑌮𑍍॑ – 𑌹𑍁॒𑌤𑍇 – 𑌸𑍍𑌯𑍋॒𑌨𑍇𑌨॑ 𑌮𑍇॒ 𑌸𑌮𑍍𑌤𑌿॑𑌷𑍍𑌠𑌸𑍍𑌵𑍇॒ – 𑌤𑌃 – 𑌕𑍃॑𑌧𑌿- 𑌦𑌧𑍍𑌮 – 𑌸𑍍𑌯𑍂𑌹𑌤𑌾 – +𑌮॒𑌷𑍍𑌟𑍌 𑌚॑) (𑌅. 6)

𑌅𑌨𑍁𑌵𑌾𑌕𑌂 𑍭 – 𑌸𑍋𑌮𑌾𑌙𑍍𑌗.𑌭𑍂𑌤𑍇𑌷𑍁 𑌮𑌨𑍍𑌤𑍍𑌰𑍇𑌷𑍁-𑌦𑍀𑌕𑍍𑌷𑌾𑌮𑌾𑌰𑌭𑍍𑌯𑌾𑌗𑍍𑌨𑍀𑌷𑍋𑌮𑌯𑌿 𑌪𑌶𑍁𑌪𑌰𑍍𑌯𑌨𑍍𑌤𑍇 𑌪𑍍𑌰𑌯𑍋𑌗𑍇 𑌶𑍇𑌷𑌭𑍂𑌤𑌾 𑌮𑌨𑍍𑌤𑍍𑌰𑌾𑌃
𑌸𑌕𑍍𑌷𑍇॒𑌦-𑌮𑍍𑌪॑𑌶𑍍𑌯 । 𑌵𑌿𑌧॑𑌰𑍍𑌤𑌰𑌿॒𑌦-𑌮𑍍𑌪॑𑌶𑍍𑌯 । 𑌨𑌾𑌕𑍇॒𑌦-𑌮𑍍𑌪॑𑌶𑍍𑌯 । 𑌰॒𑌮𑌤𑌿𑌃॒ 𑌪𑌨𑌿॑𑌷𑍍𑌠𑌾 ।
𑌋॒𑌤𑌂-𑌵𑌁𑌰𑍍​𑌷𑌿॑𑌷𑍍𑌠𑌮𑍍 । 𑌅॒𑌮𑍃𑌤𑌾॒ 𑌯𑌾𑌨𑍍𑌯𑌾॒𑌹𑍁𑌃 । 𑌸𑍂𑌰𑍍𑌯𑍋॒ 𑌵𑌰𑌿॑𑌷𑍍𑌠𑍋 𑌅॒𑌕𑍍𑌷𑌭𑌿॒𑌰𑍍𑌵𑌿𑌭𑌾॑𑌤𑌿 ।
𑌅𑌨॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌦𑍇॒𑌵𑌪𑍁॑𑌤𑍍𑌰𑍇 ॥ 𑌦𑍀॒𑌕𑍍𑌷𑌾-𑌽𑌸𑌿॒ 𑌤𑌪॑𑌸𑍋॒ 𑌯𑍋𑌨𑌿𑌃॑ । 𑌤𑌪𑍋॑-𑌽𑌸𑌿॒ 𑌬𑍍𑌰𑌹𑍍𑌮॑𑌣𑍋॒ 𑌯𑍋𑌨𑌿𑌃॑ ॥ 𑍭𑍯 ॥

𑌬𑍍𑌰𑌹𑍍𑌮𑌾॑𑌸𑌿 𑌕𑍍𑌷॒𑌤𑍍𑌰𑌸𑍍𑌯॒ 𑌯𑍋𑌨𑌿𑌃॑ । 𑌕𑍍𑌷॒𑌤𑍍𑌰𑌮॑𑌸𑍍𑌯𑍃॒𑌤𑌸𑍍𑌯॒ 𑌯𑍋𑌨𑌿𑌃॑ ।
𑌋॒𑌤𑌮॑𑌸𑌿॒ 𑌭𑍂𑌰𑌾𑌰॑𑌭𑍇 । 𑌶𑍍𑌰॒𑌦𑍍𑌧𑌾-𑌮𑍍𑌮𑌨॑𑌸𑌾 । 𑌦𑍀॒𑌕𑍍𑌷𑌾-𑌨𑍍𑌤𑌪॑𑌸𑌾 । 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨॒𑌸𑍍𑌯𑌾𑌧𑌿॑𑌪𑌤𑍍𑌨𑍀𑌮𑍍 । 𑌸𑌰𑍍𑌵𑍇॒ 𑌕𑌾𑌮𑌾॒ 𑌯𑌜॑𑌮𑌾𑌨𑌸𑍍𑌯 𑌸𑌨𑍍𑌤𑍁 ॥
𑌵𑌾𑌤॑-𑌮𑍍𑌪𑍍𑌰𑌾॒𑌣-𑌮𑍍𑌮𑌨॑𑌸𑌾॒-𑌽𑌨𑍍𑌵𑌾𑌰॑𑌭𑌾𑌮𑌹𑍇 । 𑌪𑍍𑌰॒𑌜𑌾𑌪॑𑌤𑌿𑌂॒-𑌯𑍋𑌁 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 ।
𑌸 𑌨𑍋॑ 𑌮𑍃॒𑌤𑍍𑌯𑍋𑌸𑍍𑌤𑍍𑌰𑌾॑𑌯𑌤𑌾॒-𑌮𑍍𑌪𑌾𑌤𑍍𑌵𑌗𑍍​𑌮𑍍𑌹॑𑌸𑌃 ॥ 𑍮0 ॥

𑌜𑍍𑌯𑍋𑌗𑍍𑌜𑍀॒𑌵𑌾 𑌜॒𑌰𑌾𑌮॑𑌶𑍀𑌮𑌹𑌿 ॥ 𑌇𑌨𑍍𑌦𑍍𑌰॑ 𑌶𑌾𑌕𑍍𑌵𑌰 𑌗𑌾𑌯॒𑌤𑍍𑌰𑍀-𑌮𑍍𑌪𑍍𑌰𑌪॑𑌦𑍍𑌯𑍇 । 𑌤𑌾-𑌨𑍍𑌤𑍇॑ 𑌯𑍁𑌨𑌜𑍍𑌮𑌿 । 𑌇𑌨𑍍𑌦𑍍𑌰॑ 𑌶𑌾𑌕𑍍𑌵𑌰 𑌤𑍍𑌰𑌿॒𑌷𑍍𑌟𑍁𑌭॒-𑌮𑍍𑌪𑍍𑌰𑌪॑𑌦𑍍𑌯𑍇 । 𑌤𑌾-𑌨𑍍𑌤𑍇॑ 𑌯𑍁𑌨𑌜𑍍𑌮𑌿 ।
𑌇𑌨𑍍𑌦𑍍𑌰॑ 𑌶𑌾𑌕𑍍𑌵𑌰॒ 𑌜𑌗॑𑌤𑍀॒-𑌮𑍍𑌪𑍍𑌰𑌪॑𑌦𑍍𑌯𑍇 । 𑌤𑌾-𑌨𑍍𑌤𑍇॑ 𑌯𑍁𑌨𑌜𑍍𑌮𑌿 ।
𑌇𑌨𑍍𑌦𑍍𑌰॑ 𑌶𑌾𑌕𑍍𑌵𑌰𑌾𑌨𑍁॒𑌷𑍍𑌟𑍁𑌭॒-𑌮𑍍𑌪𑍍𑌰𑌪॑𑌦𑍍𑌯𑍇 । 𑌤𑌾-𑌨𑍍𑌤𑍇॑ 𑌯𑍁𑌨𑌜𑍍𑌮𑌿 । 𑌇𑌨𑍍𑌦𑍍𑌰॑ 𑌶𑌾𑌕𑍍𑌵𑌰 𑌪॒𑌙𑍍𑌕𑍍𑌤𑌿-𑌮𑍍𑌪𑍍𑌰𑌪॑𑌦𑍍𑌯𑍇 ॥ 𑍮1 ॥

𑌤𑌾-𑌨𑍍𑌤𑍇॑ 𑌯𑍁𑌨𑌜𑍍𑌮𑌿 ॥ 𑌆-𑌽𑌹-𑌨𑍍𑌦𑍀॒𑌕𑍍𑌷𑌾𑌮॑𑌰𑍁𑌹-𑌮𑍃॒𑌤𑌸𑍍𑌯॒ 𑌪𑌤𑍍𑌨𑍀᳚𑌮𑍍 । 𑌗𑌾॒𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾॒ 𑌬𑍍𑌰𑌹𑍍𑌮॑𑌣𑌾 𑌚 । 𑌋॒𑌤𑌗𑍍​𑌮𑍍 𑌸॒𑌤𑍍𑌯𑍇॑-𑌽𑌧𑌾𑌯𑌿 । 𑌸॒𑌤𑍍𑌯𑌮𑍃॒𑌤𑍇॑-𑌽𑌧𑌾𑌯𑌿 ।
𑌋॒𑌤-𑌞𑍍𑌚॑ 𑌮𑍇 𑌸॒𑌤𑍍𑌯-𑌞𑍍𑌚𑌾॑𑌭𑍂𑌤𑌾𑌮𑍍 । 𑌜𑍍𑌯𑍋𑌤𑌿॑𑌰𑌭𑍂𑌵॒𑌗𑍍​𑌮𑍍॒ 𑌸𑍁𑌵॑𑌰𑌗𑌮𑌮𑍍 ।
𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕-𑌨𑍍𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑌮𑍍 । 𑌬𑍍𑌰॒𑌦𑍍𑌧𑍍𑌨𑌸𑍍𑌯॑ 𑌵𑌿॒𑌷𑍍𑌟𑌪॑𑌮𑌗𑌮𑌮𑍍 ॥
𑌪𑍃॒𑌥𑌿॒𑌵𑍀 𑌦𑍀॒𑌕𑍍𑌷𑌾 ॥ 𑍮2 ॥

𑌤𑌯𑌾॒-𑌽𑌗𑍍𑌨𑌿 𑌰𑍍𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 । 𑌯𑌯𑌾॒-𑌽𑌗𑍍𑌨𑌿 𑌰𑍍𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 । 𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾𑌮𑌿 । 𑌅॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍀॒𑌕𑍍𑌷𑌾 ।
𑌤𑌯𑌾॑ 𑌵𑌾॒𑌯𑍁 𑌰𑍍𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌯𑌯𑌾॑ 𑌵𑌾॒𑌯𑍁 𑌰𑍍𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾𑌮𑌿 । 𑌦𑍍𑌯𑍌 𑌰𑍍𑌦𑍀॒𑌕𑍍𑌷𑌾 ।
𑌤𑌯𑌾॑-𑌽𑌽𑌦𑌿॒𑌤𑍍𑌯𑍋 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌯𑌯𑌾॑-𑌽𑌽𑌦𑌿॒𑌤𑍍𑌯𑍋 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ॥ 𑍮3 ॥

𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾𑌮𑌿 । 𑌦𑌿𑌶𑍋॑ 𑌦𑍀॒𑌕𑍍𑌷𑌾 ।
𑌤𑌯𑌾॑ 𑌚॒𑌨𑍍𑌦𑍍𑌰𑌮𑌾॑ 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌯𑌯𑌾॑ 𑌚॒𑌨𑍍𑌦𑍍𑌰𑌮𑌾॑ 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾𑌮𑌿 ।
𑌆𑌪𑍋॑ 𑌦𑍀॒𑌕𑍍𑌷𑌾 । 𑌤𑌯𑌾॒ 𑌵𑌰𑍁॑𑌣𑍋॒ 𑌰𑌾𑌜𑌾॑ 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 । 𑌯𑌯𑌾॒ 𑌵𑌰𑍁॑𑌣𑍋॒ 𑌰𑌾𑌜𑌾॑ 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 । 𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾𑌮𑌿 ।
𑌓𑌷॑𑌧𑌯𑍋 𑌦𑍀॒𑌕𑍍𑌷𑌾 ॥ 𑍮4 ॥

𑌤𑌯𑌾॒ 𑌸𑍋𑌮𑍋॒ 𑌰𑌾𑌜𑌾॑ 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃। 𑌯𑌯𑌾॒ 𑌸𑍋𑌮𑍋॒ 𑌰𑌾𑌜𑌾॑ 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾𑌮𑌿 । 𑌵𑌾𑌗𑍍 𑌦𑍀॒𑌕𑍍𑌷𑌾 ।
𑌤𑌯𑌾᳚ 𑌪𑍍𑌰𑌾॒𑌣𑍋 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌯𑌯𑌾᳚ 𑌪𑍍𑌰𑌾॒𑌣𑍋 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤𑌃 ।
𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾𑌮𑌿 । 𑌪𑍃॒𑌥𑌿॒𑌵𑍀 𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌤𑌾𑌮𑍍 ।
𑌅॒𑌨𑍍𑌤𑌰𑌿॑𑌕𑍍𑌷-𑌨𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌤𑌾𑌮𑍍 ।
𑌦𑍍𑌯𑍌𑌸𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌤𑌾𑌮𑍍 ॥ 𑍮5 ॥

𑌦𑌿𑌶॑𑌸𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌨𑍍𑌤𑌾𑌮𑍍 । 𑌆𑌪॑𑌸𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌨𑍍𑌤𑌾𑌮𑍍 ।
𑌓𑌷॑𑌧𑌯𑌸𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌨𑍍𑌤𑌾𑌮𑍍 । 𑌵𑌾𑌕𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌤𑌾𑌮𑍍 ।
𑌋𑌚॑𑌸𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌨𑍍𑌤𑌾𑌮𑍍 । 𑌸𑌾𑌮𑌾॑𑌨𑌿 𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌨𑍍𑌤𑌾𑌮𑍍 ।
𑌯𑌜𑍂𑌗𑍍​𑌮𑍍॑𑌷𑌿 𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌨𑍍𑌤𑌾𑌮𑍍 । 𑌅𑌹॑𑌶𑍍𑌚॒ 𑌰𑌾𑌤𑍍𑌰𑌿॑𑌶𑍍𑌚 । 𑌕𑍃॒𑌷𑌿𑌶𑍍𑌚॒ 𑌵𑍃𑌷𑍍𑌟𑌿॑𑌶𑍍𑌚 । 𑌤𑍍𑌵𑌿𑌷𑌿॒𑌶𑍍𑌚𑌾-𑌪॑𑌚𑌿𑌤𑌿𑌶𑍍𑌚 ॥ 𑍮6 ॥

𑌆𑌪॒𑌶𑍍𑌚𑍌𑌷॑𑌧𑌯𑌶𑍍𑌚 । 𑌊𑌰𑍍𑌕𑍍𑌚॑ 𑌸𑍂॒𑌨𑍃𑌤𑌾॑ 𑌚 । 𑌤𑌾𑌸𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌨𑍍𑌤𑌾𑌮𑍍 ॥
𑌸𑍍𑌵𑍇 𑌦𑌕𑍍𑌷𑍇॒ 𑌦𑌕𑍍𑌷॑𑌪𑌿𑌤𑍇॒𑌹 𑌸𑍀॑𑌦 । 𑌦𑍇॒𑌵𑌾𑌨𑌾𑌗𑍍​𑌮𑍍॑ 𑌸𑍁॒𑌮𑍍𑌨𑍋 𑌮॑𑌹॒𑌤𑍇 𑌰𑌣𑌾॑𑌯 । 𑌸𑍍𑌵𑌾॒𑌸॒𑌸𑍍𑌥-𑌸𑍍𑌤॒𑌨𑍁𑌵𑌾॒ 𑌸𑌂​𑌵𑌿𑌁॑𑌶𑌸𑍍𑌵 । 𑌪𑌿॒𑌤𑍇𑌵𑍈॑𑌧𑌿 𑌸𑍂॒𑌨𑌵॒ 𑌆 𑌸𑍁॒𑌶𑍇𑌵𑌃॑ ।
𑌶𑌿॒𑌵𑍋 𑌮𑌾॑ 𑌶𑌿॒𑌵𑌮𑌾𑌵𑌿॑𑌶 । 𑌸॒𑌤𑍍𑌯-𑌮𑍍𑌮॑ 𑌆॒𑌤𑍍𑌮𑌾 । 𑌶𑍍𑌰॒𑌦𑍍𑌧𑌾 𑌮𑍇 𑌽𑌕𑍍𑌷𑌿॑𑌤𑌿𑌃 ॥ 𑍮𑍭 ॥

𑌤𑌪𑍋॑ 𑌮𑍇 𑌪𑍍𑌰𑌤𑌿॒𑌷𑍍𑌠𑌾 । 𑌸॒𑌵𑌿॒𑌤𑍃-𑌪𑍍𑌰॑𑌸𑍂𑌤𑌾 𑌮𑌾॒ 𑌦𑌿𑌶𑍋॑ 𑌦𑍀𑌕𑍍𑌷𑌯𑌨𑍍𑌤𑍁 । 𑌸॒𑌤𑍍𑌯𑌮॑𑌸𑍍𑌮𑌿 ॥ 𑌅॒𑌹-𑌨𑍍𑌤𑍍𑌵𑌦॑𑌸𑍍𑌮𑌿॒ 𑌮𑌦॑𑌸𑌿॒ 𑌤𑍍𑌵𑌮𑍇॒𑌤𑌤𑍍 । 𑌮𑌮𑌾॑𑌸𑌿॒ 𑌯𑍋𑌨𑌿॒𑌸𑍍𑌤𑌵॒ 𑌯𑍋𑌨𑌿॑𑌰𑌸𑍍𑌮𑌿 । 𑌮𑌮𑍈॒𑌵 𑌸𑌨𑍍𑌵𑌹॑ 𑌹॒𑌵𑍍𑌯𑌾𑌨𑍍𑌯॑𑌗𑍍𑌨𑍇 ।
𑌪𑍁॒𑌤𑍍𑌰𑌃 𑌪𑌿॒𑌤𑍍𑌰𑍇 𑌲𑍋॑𑌕॒𑌕𑍃-𑌜𑍍𑌜𑌾॑𑌤𑌵𑍇𑌦𑌃 ॥
𑌆॒𑌜𑍁𑌹𑍍𑌵𑌾॑𑌨-𑌸𑍍𑌸𑍁॒𑌪𑍍𑌰𑌤𑍀॑𑌕𑌃 𑌪𑍁॒𑌰𑌸𑍍𑌤𑌾᳚𑌤𑍍 ।
𑌅𑌗𑍍𑌨𑍇॒ 𑌸𑍍𑌵𑌾𑌂-𑌯𑍋𑌁𑌨𑌿॒𑌮𑌾𑌸𑍀॑𑌦 𑌸𑌾॒𑌦𑍍𑌧𑍍𑌯𑌾 ।
𑌅॒𑌸𑍍𑌮𑌿𑌨𑍍-𑌥𑍍𑌸॒𑌧𑌸𑍍𑌥𑍇॒ 𑌅𑌦𑍍𑌧𑍍𑌯𑍁𑌤𑍍𑌤॑𑌰𑌸𑍍𑌮𑌿𑌨𑍍𑌨𑍍 ॥ 𑍮𑍮 ॥

𑌵𑌿𑌶𑍍𑌵𑍇॑ 𑌦𑍇𑌵𑌾॒ 𑌯𑌜॑𑌮𑌾𑌨𑌶𑍍𑌚 𑌸𑍀𑌦𑌤 ॥
𑌏𑌕॑𑌮𑌿॒𑌷𑍇 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍍𑌵𑍇॑𑌤𑍁 ।
𑌦𑍍𑌵𑍇 𑌊॒𑌰𑍍𑌜𑍇 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍍𑌵𑍇॑𑌤𑍁 ।
𑌤𑍍𑌰𑍀𑌣𑌿॑ 𑌵𑍍𑌰॒𑌤𑌾𑌯॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍍𑌵𑍇॑𑌤𑍁 ।
𑌚॒𑌤𑍍𑌵𑌾𑌰𑌿॒ 𑌮𑌾𑌯𑍋॑ 𑌭𑌵𑌾𑌯॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍍𑌵𑍇॑𑌤𑍁 ।
𑌪𑌞𑍍𑌚॑ 𑌪॒𑌶𑍁𑌭𑍍𑌯𑍋॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍍𑌵𑍇॑𑌤𑍁 । 𑌷𑌡𑍍𑌰𑌾॒𑌯𑌸𑍍𑌪𑍋𑌷𑌾॑𑌯॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍍𑌵𑍇॑𑌤𑍁 ।
𑌸॒𑌪𑍍𑌤 𑌸॒𑌪𑍍𑌤𑌭𑍍𑌯𑍋॒ 𑌹𑍋𑌤𑍍𑌰𑌾᳚𑌭𑍍𑌯𑍋॒ 𑌵𑌿𑌷𑍍𑌣𑍁॒𑌸𑍍𑌤𑍍𑌵𑌾-𑌽𑌨𑍍𑌵𑍇॑𑌤𑍁 ॥
𑌸𑌖𑌾॑𑌯-𑌸𑍍𑌸॒𑌪𑍍𑌤𑌪॑𑌦𑌾 𑌅𑌭𑍂𑌮 । 𑌸॒𑌖𑍍𑌯-𑌨𑍍𑌤𑍇॑ 𑌗𑌮𑍇𑌯𑌮𑍍 ॥ 𑍮𑍯 ॥

𑌸॒𑌖𑍍𑌯𑌾𑌤𑍍𑌤𑍇॒ 𑌮𑌾 𑌯𑍋॑𑌷𑌮𑍍 । 𑌸॒𑌖𑍍𑌯𑌾𑌨𑍍𑌮𑍇॒ 𑌮𑌾 𑌯𑍋᳚𑌷𑍍𑌠𑌾𑌃 ॥ 𑌸𑌾-𑌽𑌸𑌿॑ 𑌸𑍁𑌬𑍍𑌰𑌹𑍍𑌮𑌣𑍍𑌯𑍇 ।
𑌤𑌸𑍍𑌯𑌾᳚𑌸𑍍𑌤𑍇 𑌪𑍃𑌥𑌿॒𑌵𑍀 𑌪𑌾𑌦𑌃॑ । 𑌸𑌾-𑌽𑌸𑌿॑ 𑌸𑍁𑌬𑍍𑌰𑌹𑍍𑌮𑌣𑍍𑌯𑍇 । 𑌤𑌸𑍍𑌯𑌾᳚𑌸𑍍𑌤𑍇॒-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌪𑌾𑌦𑌃॑ ।
𑌸𑌾-𑌽𑌸𑌿॑ 𑌸𑍁𑌬𑍍𑌰𑌹𑍍𑌮𑌣𑍍𑌯𑍇 । 𑌤𑌸𑍍𑌯𑌾᳚𑌸𑍍𑌤𑍇॒ 𑌦𑍍𑌯𑍌𑌃 𑌪𑌾𑌦𑌃॑ । 𑌸𑌾-𑌽𑌸𑌿॑ 𑌸𑍁𑌬𑍍𑌰𑌹𑍍𑌮𑌣𑍍𑌯𑍇 । 𑌤𑌸𑍍𑌯𑌾᳚𑌸𑍍𑌤𑍇॒ 𑌦𑌿𑌶𑌃॒ 𑌪𑌾𑌦𑌃॑ ॥ 𑍯0 ॥

𑌪॒𑌰𑍋 𑌰॑𑌜𑌾𑌸𑍍𑌤𑍇 𑌪𑌞𑍍𑌚॒𑌮𑌃 𑌪𑌾𑌦𑌃॑ । 𑌸𑌾 𑌨॒ 𑌇𑌷॒𑌮𑍂𑌰𑍍𑌜॑-𑌨𑍍𑌧𑍁𑌕𑍍𑌷𑍍𑌵 । 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸-𑌮॒𑌨𑍍𑌨𑌾𑌦𑍍𑌯᳚𑌮𑍍 ॥ 𑌵𑌿𑌮𑌿॑𑌮𑍇 𑌤𑍍𑌵𑌾॒ 𑌪𑌯॑𑌸𑍍𑌵𑌤𑍀𑌮𑍍 । 𑌦𑍇॒𑌵𑌾𑌨𑌾᳚-𑌨𑍍𑌧𑍇॒𑌨𑍁𑌗𑍍​𑌮𑍍 𑌸𑍁॒𑌦𑍁𑌘𑌾॒-𑌮𑌨॑𑌪-𑌸𑍍𑌫𑍁𑌰𑌨𑍍𑌤𑍀𑌮𑍍 । 𑌇𑌨𑍍𑌦𑍍𑌰॒-𑌸𑍍𑌸𑍋𑌮॑-𑌮𑍍𑌪𑌿𑌬𑌤𑍁 ।
𑌕𑍍𑌷𑍇𑌮𑍋॑ 𑌅𑌸𑍍𑌤𑍁 𑌨𑌃 ॥ 𑌇॒𑌮𑌾-𑌨𑍍𑌨॑𑌰𑌾𑌃 𑌕𑍃𑌣𑍁𑌤॒ 𑌵𑍇𑌦𑌿॒𑌮𑍇𑌤𑍍𑌯॑ । 𑌵𑌸𑍁॑𑌮𑌤𑍀𑌗𑍍​𑌮𑍍 𑌰𑍁॒𑌦𑍍𑌰𑌵॑𑌤𑍀-𑌮𑌾𑌦𑌿॒𑌤𑍍𑌯𑌵॑𑌤𑍀𑌮𑍍 ॥ 𑍯1 ॥

𑌵𑌰𑍍​𑌷𑍍𑌮॑𑌨𑍍𑌦𑌿॒𑌵𑌃 । 𑌨𑌾𑌭𑌾॑ 𑌪𑍃𑌥𑌿॒𑌵𑍍𑌯𑌾𑌃 ।
𑌯𑌥𑌾॒-𑌽𑌯𑌂-𑌯𑌁𑌜॑𑌮𑌾𑌨𑍋॒ 𑌨 𑌰𑌿𑌷𑍍𑌯𑍇᳚𑌤𑍍 ।
𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁-𑌸𑍍𑌸॒𑌵𑍇 ॥
𑌚𑌤𑍁॑-𑌶𑍍𑌶𑌿𑌖𑌣𑍍𑌡𑌾 𑌯𑍁𑌵॒𑌤𑌿-𑌸𑍍𑌸𑍁॒𑌪𑍇𑌶𑌾𑌃᳚ ।
𑌘𑍃॒𑌤𑌪𑍍𑌰॑𑌤𑍀𑌕𑌾॒ 𑌭𑍁𑌵॑𑌨𑌸𑍍𑌯॒ 𑌮𑌦𑍍𑌧𑍍𑌯𑍇᳚ ।
𑌤𑌸𑍍𑌯𑌾𑌗𑍍​𑌮𑍍॑ 𑌸𑍁𑌪॒𑌰𑍍𑌣𑌾𑌵𑌧𑌿॒ 𑌯𑍌 𑌨𑌿𑌵𑌿॑𑌷𑍍𑌟𑍌 ।
𑌤𑌯𑍋᳚ 𑌰𑍍𑌦𑍇॒𑌵𑌾𑌨𑌾॒𑌮𑌧𑌿॑ 𑌭𑌾𑌗॒𑌧𑍇𑌯᳚𑌮𑍍 ॥
𑌅𑌪॒ 𑌜𑌨𑍍𑌯॑-𑌮𑍍𑌭॒𑌯-𑌨𑍍𑌨𑍁॑𑌦 । 𑌅𑌪 𑌚॒𑌕𑍍𑌰𑌾𑌣𑌿॑ 𑌵𑌰𑍍𑌤𑌯 । 𑌗𑍃॒𑌹𑌗𑍍​𑌮𑍍 𑌸𑍋𑌮॑𑌸𑍍𑌯 𑌗𑌚𑍍𑌛𑌤𑌮𑍍 ॥
𑌨 𑌵𑌾 𑌉॑𑌵𑍇॒𑌤𑌨𑍍𑌮𑍍𑌰𑌿॑𑌯𑌸𑍇॒ 𑌨 𑌰𑌿॑𑌷𑍍𑌯𑌸𑌿 ।
𑌦𑍇॒𑌵𑌾𑌗𑍍​𑌮𑍍 𑌇𑌦𑍇॑𑌷𑌿 𑌪॒𑌥𑌿𑌭𑌿॑-𑌸𑍍𑌸𑍁॒𑌗𑍇𑌭𑌿𑌃॑ ।
𑌯𑌤𑍍𑌰॒ 𑌯𑌨𑍍𑌤𑌿॑ 𑌸𑍁॒𑌕𑍃𑌤𑍋॒ 𑌨𑌾𑌪𑌿॑ 𑌦𑍁॒𑌷𑍍𑌕𑍃𑌤𑌃॑ ।
𑌤𑌤𑍍𑌰॑ 𑌤𑍍𑌵𑌾 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌦॑𑌧𑌾𑌤𑍁 ॥ 𑍯2 ॥
(𑌬𑍍𑌰𑌹𑍍𑌮॑𑌣𑍋॒ 𑌯𑍋𑌨𑌿॒ – 𑌰𑌗𑍍​𑌮𑍍𑌹॑𑌸𑌃 – 𑌪॒𑌙𑍍𑌕𑍍𑌤𑌿-𑌮𑍍𑌪𑍍𑌰𑌪॑𑌦𑍍𑌯𑍇 – 𑌦𑍀॒𑌕𑍍𑌷𑌾 – 𑌯𑌯𑍋॑-𑌽𑌽𑌦𑌿॒𑌤𑍍𑌯𑍋 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌿॒𑌤 – 𑌸𑍍𑌤𑌯𑌾᳚ 𑌤𑍍𑌵𑌾 𑌦𑍀॒𑌕𑍍𑌷𑌯𑌾॑ 𑌦𑍀𑌕𑍍𑌷𑌯𑌾॒𑌮𑍍𑌯𑍋𑌷॑𑌧𑌯𑍋 𑌦𑍀॒𑌕𑍍𑌷𑌾 – 𑌦𑍍𑌯𑍌𑌸𑍍𑌤𑍍𑌵𑌾॒ 𑌦𑍀𑌕𑍍𑌷॑𑌮𑌾𑌣॒𑌮𑌨𑍁॑ 𑌦𑍀𑌕𑍍𑌷𑌤𑌾॒ – 𑌮𑌪॑𑌚𑌿𑌤𑌿॒𑌶𑍍𑌚𑌾 – 𑌕𑍍𑌷𑌿॑𑌤𑌿॒ – 𑌰𑍁𑌤𑍍𑌤॑𑌰𑌸𑍍𑌮𑌿𑌨𑍍 – 𑌗𑌮𑍇𑌯𑌂॒ – 𑌦𑌿𑌶𑌃॒ 𑌪𑌾𑌦॑ – 𑌆𑌦𑌿॒𑌤𑍍𑌯𑌵॑𑌤𑍀𑌂 – 𑌁𑌵𑌰𑍍𑌤𑌯॒ 𑌪𑌞𑍍𑌚॑ 𑌚) (𑌅. 𑍭)

𑌅𑌨𑍁𑌵𑌾𑌕𑌂 𑍮 – 𑌪𑌶𑍁𑌵𑌿𑌷𑌯𑌾 𑌅𑌚𑍍𑌛𑌿𑌦𑍍𑌰𑌮𑌨𑍍𑌤𑍍𑌰𑌾𑌃
𑌯𑌦॒𑌸𑍍𑌯 𑌪𑌾॒𑌰𑍇 𑌰𑌜॑𑌸𑌃 । 𑌶𑍁॒𑌕𑍍𑌰-𑌞𑍍𑌜𑍍𑌯𑍋𑌤𑌿॒-𑌰𑌜𑌾॑𑌯𑌤 । 𑌤𑌨𑍍𑌨𑌃॑ 𑌪𑌰𑍍​𑌷॒𑌦𑌤𑌿॒ 𑌦𑍍𑌵𑌿𑌷𑌃॑ ।
𑌅𑌗𑍍𑌨𑍇॑ 𑌵𑍈𑌶𑍍𑌵𑌾𑌨𑌰॒ 𑌸𑍍𑌵𑌾𑌹𑌾᳚ ॥ 𑌯𑌸𑍍𑌮𑌾᳚𑌦𑍍𑌭𑍀॒𑌷𑌾-𑌽𑌵𑌾॑𑌶𑌿𑌷𑍍𑌠𑌾𑌃 । 𑌤𑌤𑍋॑ 𑌨𑍋॒ 𑌅𑌭॑𑌯-𑌙𑍍𑌕𑍃𑌧𑌿 ।
𑌪𑍍𑌰॒𑌜𑌾𑌭𑍍𑌯॒-𑌸𑍍𑌸𑌰𑍍𑌵𑌾᳚𑌭𑍍𑌯𑍋 𑌮𑍃𑌡 । 𑌨𑌮𑍋॑ 𑌰𑍁॒𑌦𑍍𑌰𑌾𑌯॑ 𑌮𑍀॒𑌢𑍁𑌷𑍇᳚ ॥ 𑌯𑌸𑍍𑌮𑌾᳚𑌦𑍍𑌭𑍀॒𑌷𑌾 𑌨𑍍𑌯𑌷॑𑌦𑌃 ।
𑌤𑌤𑍋॑ 𑌨𑍋॒ 𑌅𑌭॑𑌯-𑌙𑍍𑌕𑍃𑌧𑌿 ॥ 𑍯3 ॥

𑌪𑍍𑌰॒𑌜𑌾𑌭𑍍𑌯॒-𑌸𑍍𑌸𑌰𑍍𑌵𑌾᳚𑌭𑍍𑌯𑍋 𑌮𑍃𑌡 । 𑌨𑌮𑍋॑ 𑌰𑍁॒𑌦𑍍𑌰𑌾𑌯॑ 𑌮𑍀॒𑌢𑍁𑌷𑍇᳚ ॥ 𑌉𑌦𑍁॑𑌸𑍍𑌰 𑌤𑌿𑌷𑍍𑌠॒ 𑌪𑍍𑌰𑌤𑌿॑𑌤𑌿𑌷𑍍𑌠॒ 𑌮𑌾 𑌰𑌿॑𑌷𑌃 । 𑌮𑍇𑌮𑌂-𑌯𑌁॒𑌜𑍍𑌞𑌂-𑌯𑌁𑌜॑𑌮𑌾𑌨-𑌞𑍍𑌚 𑌰𑍀𑌰𑌿𑌷𑌃 । 𑌸𑍁॒𑌵॒𑌰𑍍𑌗𑍇 𑌲𑍋॒𑌕𑍇 𑌯𑌜॑𑌮𑌾𑌨॒𑌗𑍍​𑌮𑍍॒ 𑌹𑌿 𑌧𑍇॒𑌹𑌿 । 𑌶-𑌨𑍍𑌨॑ 𑌏𑌧𑌿 𑌦𑍍𑌵𑌿॒𑌪𑌦𑍇॒ 𑌶-𑌞𑍍𑌚𑌤𑍁॑𑌷𑍍𑌪𑌦𑍇 ॥
𑌯𑌸𑍍𑌮𑌾᳚𑌦𑍍𑌭𑍀॒𑌷𑌾-𑌽𑌵𑍇॑𑌪𑌿𑌷𑍍𑌠𑌾𑌃 𑌪॒𑌲𑌾𑌯𑌿॑𑌷𑍍𑌠𑌾-𑌸𑍍𑌸॒𑌮𑌜𑍍𑌞𑌾᳚𑌸𑍍𑌥𑌾𑌃 । 𑌤𑌤𑍋॑ 𑌨𑍋॒ 𑌅𑌭॑𑌯-𑌙𑍍𑌕𑍃𑌧𑌿 ।
𑌪𑍍𑌰॒𑌜𑌾𑌭𑍍𑌯॒-𑌸𑍍𑌸𑌰𑍍𑌵𑌾᳚𑌭𑍍𑌯𑍋 𑌮𑍃𑌡 । 𑌨𑌮𑍋॑ 𑌰𑍁॒𑌦𑍍𑌰𑌾𑌯॑ 𑌮𑍀॒𑌢𑍁𑌷𑍇᳚ ॥ 𑍯4 ॥

𑌯 𑌇॒𑌦𑌮𑌕𑌃॑ । 𑌤𑌸𑍍𑌮𑍈॒ 𑌨𑌮𑌃॑ । 𑌤𑌸𑍍𑌮𑍈॒ 𑌸𑍍𑌵𑌾𑌹𑌾᳚ ॥
𑌨 𑌵𑌾 𑌉॑𑌵𑍇॒𑌤𑌨𑍍𑌮𑍍𑌰𑌿॑𑌯𑌸𑍇॒ 𑌨 𑌰𑌿॑𑌷𑍍𑌯𑌸𑌿 𑌦𑍇॒𑌵𑌾𑌗𑍍​𑌮𑍍 𑌇𑌦𑍇॑𑌷𑌿 𑌪॒𑌥𑌿𑌭𑌿॑-𑌸𑍍𑌸𑍁॒𑌗𑍇𑌭𑌿𑌃॑ । 𑌹𑌰𑍀॑ 𑌤𑍇॒ 𑌯𑍁𑌞𑍍𑌜𑌾॒ 𑌪𑍃𑌷॑𑌤𑍀 𑌅𑌭𑍂𑌤𑌾॒𑌮𑍁𑌪𑌾᳚𑌸𑍍𑌥𑌾-𑌦𑍍𑌵𑌾॒𑌜𑍀 𑌧𑍁॒𑌰𑌿 𑌰𑌾𑌸॑𑌭𑌸𑍍𑌯 ॥ । 𑌆𑌶𑌾॑𑌨𑌾-𑌨𑍍𑌤𑍍𑌵𑌾 𑌽𑌽𑌶𑌾𑌪𑌾॒𑌲𑍇𑌭𑍍𑌯𑌃॑ । 𑌚॒𑌤𑍁𑌰𑍍𑌭𑍍𑌯𑍋॑ 𑌅॒𑌮𑍃𑌤𑍇᳚𑌭𑍍𑌯𑌃 । 𑌇॒𑌦-𑌮𑍍𑌭𑍂॒𑌤𑌸𑍍𑌯𑌾𑌧𑍍𑌯॑𑌕𑍍𑌷𑍇𑌭𑍍𑌯𑌃 । 𑌵𑌿॒𑌧𑍇𑌮॑ 𑌹॒𑌵𑌿𑌷𑌾॑ 𑌵॒𑌯𑌮𑍍 ॥
𑌵𑌿𑌶𑍍𑌵𑌾॒ 𑌆𑌶𑌾॒ 𑌮𑌧𑍁॑𑌨𑌾॒ 𑌸𑌗𑍍​𑌮𑍍𑌸𑍃॑𑌜𑌾𑌮𑌿 । 𑌅॒𑌨॒𑌮𑍀॒𑌵𑌾 𑌆𑌪॒ 𑌓𑌷॑𑌧𑌯𑍋 𑌭𑌵𑌨𑍍𑌤𑍁 । 𑌅॒𑌯𑌂-𑌯𑌁𑌜॑𑌮𑌾𑌨𑍋॒ 𑌮𑍃𑌧𑍋॒ 𑌵𑍍𑌯॑𑌸𑍍𑌯𑌤𑌾𑌮𑍍 । 𑌅𑌗𑍃॑𑌭𑍀𑌤𑌾𑌃 𑌪॒𑌶𑌵॑-𑌸𑍍𑌸𑌨𑍍𑌤𑍁॒ 𑌸𑌰𑍍𑌵𑍇᳚ ॥ ॥ 𑌯॒𑌜𑍍𑌞𑌸𑍍𑌯॒ 𑌹𑌿 𑌸𑍍𑌥 𑌋॒𑌤𑍍𑌵𑌿𑌯𑍌᳚ ।
𑌇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌚𑍇𑌤॑𑌨𑌸𑍍𑌯 𑌚 । 𑌹𑍁॒𑌤𑌾॒𑌹𑍁॒𑌤𑌸𑍍𑌯॑ 𑌤𑍃𑌪𑍍𑌯𑌤𑌮𑍍 । 𑌅𑌹𑍁॑𑌤𑌸𑍍𑌯 𑌹𑍁॒𑌤𑌸𑍍𑌯॑ 𑌚 । 𑌹𑍁॒𑌤𑌸𑍍𑌯॒ 𑌚𑌾𑌹𑍁॑𑌤𑌸𑍍𑌯 𑌚 । 𑌅𑌹𑍁॑𑌤𑌸𑍍𑌯 𑌹𑍁॒𑌤𑌸𑍍𑌯॑ 𑌚 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌅॒𑌸𑍍𑌯 𑌸𑍋𑌮॑𑌸𑍍𑌯 । 𑌵𑍀॒𑌤-𑌮𑍍𑌪𑌿॑𑌬𑌤-𑌞𑍍𑌜𑍁॒𑌷𑍇𑌥𑌾᳚𑌮𑍍 ॥
𑌮𑌾 𑌯𑌜॑𑌮𑌾𑌨॒-𑌨𑍍𑌤𑌮𑍋॑ 𑌵𑌿𑌦𑌤𑍍 । 𑌮𑌰𑍍𑌤𑍍𑌵𑌿𑌜𑍋॒ 𑌮𑍋 𑌇॒𑌮𑌾𑌃 𑌪𑍍𑌰॒𑌜𑌾𑌃 । 𑌮𑌾 𑌯-𑌸𑍍𑌸𑍋𑌮॑𑌮𑌿॒𑌮-𑌮𑍍𑌪𑌿𑌬𑌾᳚𑌤𑍍 । 𑌸𑌗𑍍​𑌮𑍍𑌸𑍃॑𑌷𑍍𑌟𑌮𑍁॒𑌭𑌯॑-𑌙𑍍𑌕𑍃॒𑌤𑌮𑍍 ॥ 𑍯5 ॥
(𑌕𑍃॒𑌧𑌿॒ – 𑌮𑍀॒𑌢𑍁𑌷𑍇 – 𑌽𑌹𑍁॑𑌤𑌸𑍍𑌯 𑌚 𑌸॒𑌪𑍍𑌤 𑌚॑) (𑌅. 𑍮)

𑌅𑌨𑍁𑌵𑌾𑌕𑌂 𑍯 – 𑌉𑌪𑌾𑌂𑌶𑍍𑌵𑌭𑌿𑌷𑌵𑌾 𑌮𑌨𑍍𑌤𑍍𑌰𑌾𑌃
𑌅॒𑌨𑌾॒𑌗𑌸॑𑌸𑍍𑌤𑍍𑌵𑌾 𑌵॒𑌯𑌮𑍍 । 𑌇𑌨𑍍𑌦𑍍𑌰𑍇॑𑌣॒ 𑌪𑍍𑌰𑍇𑌷𑌿॑𑌤𑌾॒ 𑌉𑌪॑ । 𑌵𑌾॒𑌯𑍁𑌷𑍍𑌟𑍇॑ 𑌅𑌸𑍍𑌤𑍍𑌵𑌗𑍍​𑌮𑍍𑌶॒𑌭𑍂𑌃 । 𑌮𑌿॒𑌤𑍍𑌰𑌸𑍍𑌤𑍇॑ 𑌅𑌸𑍍𑌤𑍍𑌵𑌗𑍍​𑌮𑍍𑌶॒𑌭𑍂𑌃 । 𑌵𑌰𑍁॑𑌣𑌸𑍍𑌤𑍇 𑌅𑌸𑍍𑌤𑍍𑌵𑌗𑍍​𑌮𑍍𑌶॒𑌭𑍂𑌃 ॥
𑌅𑌪𑌾᳚-𑌙𑍍𑌕𑍍𑌷𑌯𑌾॒ 𑌋𑌤॑𑌸𑍍𑌯 𑌗𑌰𑍍𑌭𑌾𑌃 । 𑌭𑍁𑌵॑𑌨𑌸𑍍𑌯 𑌗𑍋𑌪𑌾॒-𑌶𑍍𑌶𑍍𑌯𑍇𑌨𑌾॑ 𑌅𑌤𑌿𑌥𑌯𑌃 । 𑌪𑌰𑍍𑌵॑𑌤𑌾𑌨𑌾-𑌙𑍍𑌕𑌕𑍁𑌭𑌃 𑌪𑍍𑌰॒𑌯𑍁𑌤𑍋॑ 𑌨𑌪𑌾𑌤𑌾𑌰𑌃 । 𑌵॒𑌗𑍍𑌨𑍁𑌨𑍇𑌨𑍍𑌦𑍍𑌰𑌗𑍍𑌗𑍍॑ 𑌹𑍍𑌵𑌯𑌤 ।
𑌘𑍋𑌷𑍇॒𑌣𑌾𑌮𑍀॑-𑌵𑌾𑌗𑍍​𑌶𑍍𑌚𑌾𑌤𑌯𑌤 ॥ 𑍯6 ॥

𑌯𑍁॒𑌕𑍍𑌤𑌾-𑌸𑍍𑌸𑍍𑌥॒ 𑌵𑌹॑𑌤 ॥ 𑌦𑍇॒𑌵𑌾 𑌗𑍍𑌰𑌾𑌵𑌾॑𑌣॒ 𑌇𑌨𑍍𑌦𑍁॒𑌰𑌿𑌨𑍍𑌦𑍍𑌰॒ 𑌇𑌤𑍍𑌯॑𑌵𑌾𑌦𑌿𑌷𑍁𑌃 । 𑌏𑌨𑍍𑌦𑍍𑌰॑𑌮𑌚𑍁𑌚𑍍𑌯𑌵𑍁𑌃 𑌪𑌰॒𑌮𑌸𑍍𑌯𑌾𑌃᳚ 𑌪𑌰𑌾॒𑌵𑌤𑌃॑ । 𑌆-𑌽𑌸𑍍𑌮𑌾-𑌥𑍍𑌸॒𑌧𑌸𑍍𑌥𑌾᳚𑌤𑍍 ।
𑌓𑌰𑍋𑌰॒𑌨𑍍𑌤𑌰𑌿॑𑌕𑍍𑌷𑌾𑌤𑍍 । 𑌆 𑌸𑍁॑𑌭𑍂॒𑌤𑌮॑𑌸𑍁𑌷𑌵𑍁𑌃 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸-𑌮𑍍𑌮॒ 𑌆-𑌽𑌸𑍁॑𑌷𑌵𑍁𑌃 ।
𑌸॒𑌮॒𑌰𑍇 𑌰𑌕𑍍𑌷𑌾𑌗𑍍॑𑌸𑍍𑌯𑌵𑌧𑌿𑌷𑍁𑌃 । 𑌅𑌪॑𑌹𑌤-𑌮𑍍𑌬𑍍𑌰𑌹𑍍𑌮॒𑌜𑍍𑌯𑌸𑍍𑌯॑ ॥ 𑌵𑌾𑌕𑍍𑌚॑ 𑌤𑍍𑌵𑌾॒ 𑌮𑌨॑𑌶𑍍𑌚 𑌶𑍍𑌰𑌿𑌣𑍀𑌤𑌾𑌮𑍍 ॥ 𑍯𑍭 ॥

𑌪𑍍𑌰𑌾॒𑌣𑌶𑍍𑌚॑ 𑌤𑍍𑌵𑌾-𑌽𑌪𑌾॒𑌨𑌶𑍍𑌚॑ 𑌶𑍍𑌰𑍀𑌣𑍀𑌤𑌾𑌮𑍍 ।
𑌚𑌕𑍍𑌷𑍁॑𑌶𑍍𑌚 𑌤𑍍𑌵𑌾॒ 𑌶𑍍𑌰𑍋𑌤𑍍𑌰॑-𑌞𑍍𑌚 𑌶𑍍𑌰𑍀𑌣𑍀𑌤𑌾𑌮𑍍 ।
𑌦𑌕𑍍𑌷॑𑌶𑍍𑌚 𑌤𑍍𑌵𑌾॒ 𑌬𑌲॑-𑌞𑍍𑌚 𑌶𑍍𑌰𑍀𑌣𑍀𑌤𑌾𑌮𑍍 । 𑌓𑌜॑𑌶𑍍𑌚 𑌤𑍍𑌵𑌾॒ 𑌸𑌹॑𑌶𑍍𑌚 𑌶𑍍𑌰𑍀𑌣𑍀𑌤𑌾𑌮𑍍 । 𑌆𑌯𑍁॑𑌶𑍍𑌚 𑌤𑍍𑌵𑌾 𑌜॒𑌰𑌾 𑌚॑ 𑌶𑍍𑌰𑍀𑌣𑍀𑌤𑌾𑌮𑍍 । 𑌆॒𑌤𑍍𑌮𑌾 𑌚॑ 𑌤𑍍𑌵𑌾 𑌤॒𑌨𑍂𑌶𑍍𑌚॑ 𑌶𑍍𑌰𑍀𑌣𑍀𑌤𑌾𑌮𑍍 । 𑌶𑍃॒𑌤𑍋॑-𑌽𑌸𑌿 𑌶𑍃॒𑌤-𑌙𑍍𑌕𑍃॑𑌤𑌃 । 𑌶𑍃॒𑌤𑌾𑌯॑ 𑌤𑍍𑌵𑌾 𑌶𑍃॒𑌤𑍇𑌭𑍍𑌯॑𑌸𑍍𑌤𑍍𑌵𑌾 ॥
𑌯𑌮𑌿𑌨𑍍𑌦𑍍𑌰॑𑌮𑌾॒𑌹𑍁 𑌰𑍍𑌵𑌰𑍁॑𑌣𑌂॒-𑌯𑌁𑌮𑌾॒𑌹𑍁𑌃 । 𑌯-𑌮𑍍𑌮𑌿॒𑌤𑍍𑌰𑌮𑌾॒𑌹𑍁-𑌰𑍍𑌯𑌮𑍁॑ 𑌸॒𑌤𑍍𑌯𑌮𑌾॒𑌹𑍁𑌃 ॥ 𑍯𑍮 ॥

𑌯𑍋 𑌦𑍇॒𑌵𑌾𑌨𑌾᳚-𑌨𑍍𑌦𑍇॒𑌵𑌤॑𑌮𑌸𑍍𑌤𑌪𑍋॒𑌜𑌾𑌃 । 𑌤𑌸𑍍𑌮𑍈᳚ 𑌤𑍍𑌵𑌾॒ 𑌤𑍇𑌭𑍍𑌯॑𑌸𑍍𑌤𑍍𑌵𑌾 ॥ 𑌮𑌯𑌿॒ 𑌤𑍍𑌯𑌦𑌿॑𑌨𑍍𑌦𑍍𑌰𑌿॒𑌯-𑌮𑍍𑌮॒𑌹𑌤𑍍 । 𑌮𑌯𑌿॒ 𑌦𑌕𑍍𑌷𑍋॒ 𑌮𑌯𑌿॒ 𑌕𑍍𑌰𑌤𑍁𑌃॑ । 𑌮𑌯𑌿॑ 𑌧𑌾𑌯𑌿 𑌸𑍁॒𑌵𑍀𑌰𑍍𑌯᳚𑌮𑍍 । 𑌤𑍍𑌰𑌿𑌶𑍁॑𑌗𑍍𑌘॒𑌰𑍍𑌮𑍋 𑌵𑌿𑌭𑌾॑𑌤𑍁 𑌮𑍇 । 𑌆𑌕𑍂᳚𑌤𑍍𑌯𑌾॒ 𑌮𑌨॑𑌸𑌾 𑌸॒𑌹 ।
𑌵𑌿॒𑌰𑌾𑌜𑌾॒ 𑌜𑍍𑌯𑍋𑌤𑌿॑𑌷𑌾 𑌸॒𑌹 । 𑌯॒𑌜𑍍𑌞𑍇𑌨॒ 𑌪𑌯॑𑌸𑌾 𑌸॒𑌹 ।
𑌤𑌸𑍍𑌯॒ 𑌦𑍋𑌹॑𑌮𑌶𑍀𑌮𑌹𑌿 ॥ 𑍯𑍯 ॥

𑌤𑌸𑍍𑌯॑ 𑌸𑍁॒𑌮𑍍𑌨𑌮॑𑌶𑍀𑌮𑌹𑌿 । 𑌤𑌸𑍍𑌯॑ 𑌭॒𑌕𑍍𑌷𑌮॑𑌶𑍀𑌮𑌹𑌿 ।
𑌵𑌾𑌗𑍍𑌜𑍁॑𑌷𑌾॒𑌣𑌾 𑌸𑍋𑌮॑𑌸𑍍𑌯 𑌤𑍃𑌪𑍍𑌯𑌤𑍁 ॥ 𑌮𑌿॒𑌤𑍍𑌰𑍋 𑌜𑌨𑌾𑌨𑍍॑ 𑌯𑌾𑌤𑌯𑌤𑌿 𑌪𑍍𑌰𑌜𑌾॒𑌨-𑌨𑍍𑌮𑌿॒𑌤𑍍𑌰𑍋 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌮𑍍 । 𑌮𑌿॒𑌤𑍍𑌰𑌃 𑌕𑍃॒𑌷𑍍𑌟𑍀𑌰𑌨𑌿॑𑌮𑌿𑌷𑌾॒-𑌽𑌭𑌿 𑌚॑𑌷𑍍𑌟𑍇 𑌸॒𑌤𑍍𑌯𑌾𑌯॑ 𑌹॒𑌵𑍍𑌯-𑌙𑍍𑌘𑍃॒𑌤𑌵॑-𑌦𑍍𑌵𑌿𑌧𑍇𑌮 ॥ 𑌪𑍍𑌰 𑌸 𑌮𑌿॑𑌤𑍍𑌰॒ 𑌮𑌰𑍍𑌤𑍋॑ 𑌅𑌸𑍍𑌤𑍁॒ 𑌪𑍍𑌰𑌯॑𑌸𑍍𑌵𑌾॒𑌨𑍍. 𑌯𑌸𑍍𑌤॑ 𑌆𑌦𑌿𑌤𑍍𑌯॒ 𑌶𑌿𑌕𑍍𑌷॑𑌤𑌿 𑌵𑍍𑌰॒𑌤𑍇𑌨॑ । 𑌨 𑌹॑𑌨𑍍𑌯𑌤𑍇॒ 𑌨 𑌜𑍀॑𑌯𑌤𑍇॒ 𑌤𑍍𑌵𑍋𑌤𑍋॒ 𑌨𑍈𑌨॒𑌮𑌗𑍍​𑌮𑍍𑌹𑍋॑ 𑌅𑌶𑍍𑌨𑍋॒𑌤𑍍𑌯𑌨𑍍𑌤𑌿॑𑌤𑍋॒ 𑌨 𑌦𑍂॒𑌰𑌾𑌤𑍍 ॥ ॥ 𑌯𑌸𑍍𑌮𑌾॒𑌨𑍍𑌨 𑌜𑌾॒𑌤𑌃 𑌪𑌰𑍋॑ 𑌅॒𑌨𑍍𑌯𑍋 𑌅𑌸𑍍𑌤𑌿॑ । 𑌯 𑌆॑𑌵𑌿॒𑌵𑍇𑌶॒ 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ ।
𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂​𑌵𑌿𑌁𑌦𑌾॒𑌨𑌃 ।
𑌤𑍍𑌰𑍀𑌣𑌿॒ 𑌜𑍍𑌯𑍋𑌤𑍀𑌗𑍍​𑌮𑍍॑𑌷𑌿 𑌸𑌚𑌤𑍇॒ 𑌸 𑌷𑍋॑𑌡॒𑌶𑍀 ॥
𑌏॒𑌷 𑌬𑍍𑌰॒𑌹𑍍𑌮𑌾 𑌯 𑌋॒𑌤𑍍𑌵𑌿𑌯𑌃॑ ।
𑌇𑌨𑍍𑌦𑍍𑌰𑍋॒ 𑌨𑌾𑌮॑ 𑌶𑍍𑌰𑍁॒𑌤𑍋 𑌗॒𑌣𑍇 ॥ 100 ॥

𑌪𑍍𑌰 𑌤𑍇॑ 𑌮॒𑌹𑍇 𑌵𑌿॒𑌦𑌥𑍇॑ 𑌽𑌶𑌗𑍍​𑌮𑍍𑌸𑌿𑌷॒𑌗𑍍​𑌮𑍍॒ 𑌹𑌰𑍀᳚ । 𑌯 𑌋॒𑌤𑍍𑌵𑌿𑌯𑌃॒ 𑌪𑍍𑌰 𑌤𑍇॑ 𑌵𑌨𑍍𑌵𑍇 ।
𑌵॒𑌨𑍁𑌷𑍋॑ 𑌹𑌰𑍍𑌯॒𑌤-𑌮𑍍𑌮𑌦᳚𑌮𑍍 ॥ 𑌇𑌨𑍍𑌦𑍍𑌰𑍋॒ 𑌨𑌾𑌮॑ 𑌘𑍃॒𑌤-𑌨𑍍𑌨 𑌯𑌃 । 𑌹𑌰𑌿॑𑌭𑌿॒𑌶𑍍𑌚𑌾𑌰𑍁॒ 𑌸𑍇𑌚॑𑌤𑍇 ।
𑌶𑍍𑌰𑍁॒𑌤𑍋 𑌗॒𑌣 𑌆 𑌤𑍍𑌵𑌾॑ 𑌵𑌿𑌶𑌨𑍍𑌤𑍁 । 𑌹𑌰𑌿॑𑌵𑌰𑍍𑌪𑌸॒𑌗𑌿𑌂𑌰𑌃॑ ॥
𑌇𑌨𑍍𑌦𑍍𑌰𑌾𑌧𑌿॑𑌪॒𑌤𑍇-𑌽𑌧𑌿॑𑌪𑌤𑌿॒𑌸𑍍𑌤𑍍𑌵-𑌨𑍍𑌦𑍇॒𑌵𑌾𑌨𑌾॑𑌮𑌸𑌿 । 𑌅𑌧𑌿॑𑌪𑌤𑌿॒-𑌮𑍍𑌮𑌾𑌮𑍍 । 𑌆𑌯𑍁॑𑌷𑍍𑌮𑌨𑍍𑌤𑌂॒-𑌵𑌁𑌰𑍍𑌚॑𑌸𑍍𑌵𑌨𑍍𑌤-𑌮𑍍𑌮𑌨𑍁॒𑌷𑍍𑌯𑍇॑𑌷𑍁 𑌕𑍁𑌰𑍁 ॥ 101 ॥

𑌇𑌨𑍍𑌦𑍍𑌰॑𑌶𑍍𑌚 𑌸॒𑌮𑍍𑌰𑌾-𑌡𑍍𑌵𑌰𑍁॑𑌣𑌶𑍍𑌚॒ 𑌰𑌾𑌜𑌾᳚ ।
𑌤𑍌 𑌤𑍇॑ 𑌭॒𑌕𑍍𑌷-𑌞𑍍𑌚॑𑌕𑍍𑌰𑌤𑍁॒𑌰𑌗𑍍𑌰॑ 𑌏॒𑌤𑌮𑍍 ।
𑌤𑌯𑍋॒𑌰𑌨𑍁॑ 𑌭॒𑌕𑍍𑌷-𑌮𑍍𑌭॑𑌕𑍍𑌷𑌯𑌾𑌮𑌿 ।
𑌵𑌾𑌗𑍍𑌜𑍁॑𑌷𑌾॒𑌣𑌾 𑌸𑍋𑌮॑𑌸𑍍𑌯 𑌤𑍃𑌪𑍍𑌯𑌤𑍁 ॥
𑌪𑍍𑌰॒𑌜𑌾𑌪॑𑌤𑌿 𑌰𑍍𑌵𑌿॒𑌶𑍍𑌵𑌕॑𑌰𑍍𑌮𑌾 । 𑌤𑌸𑍍𑌯॒ 𑌮𑌨𑍋॑ 𑌦𑍇॒𑌵𑌂-𑌯𑌁॒𑌜𑍍𑌞𑍇𑌨॑ 𑌰𑌾𑌦𑍍𑌧𑍍𑌯𑌾𑌸𑌮𑍍 । 𑌅॒𑌰𑍍𑌥𑍇॒ 𑌗𑌾 𑌅॒𑌸𑍍𑌯 𑌜॑𑌹𑌿𑌤𑌃 । 𑌅॒𑌵॒𑌸𑌾𑌨॑𑌪𑌤𑍇-𑌽𑌵॒𑌸𑌾𑌨॑-𑌮𑍍𑌮𑍇 𑌵𑌿𑌨𑍍𑌦 ॥
𑌨𑌮𑍋॑ 𑌰𑍁॒𑌦𑍍𑌰𑌾𑌯॑ 𑌵𑌾𑌸𑍍𑌤𑍋॒𑌷𑍍𑌪𑌤॑𑌯𑍇 ।
𑌆𑌯॑𑌨𑍇 𑌵𑌿॒𑌦𑍍𑌰𑌵॑𑌣𑍇 ॥ 102 ॥

𑌉॒𑌦𑍍𑌯𑌾𑌨𑍇॒ 𑌯𑌤𑍍𑌪॒𑌰𑌾𑌯॑𑌣𑍇 । 𑌆॒𑌵𑌰𑍍𑌤॑𑌨𑍇 𑌵𑌿॒𑌵𑌰𑍍𑌤॑𑌨𑍇 ।
𑌯𑍋 𑌗𑍋॑𑌪𑌾॒𑌯𑌤𑌿॒ 𑌤𑌗𑍍​𑌮𑍍 𑌹𑍁॑𑌵𑍇 ॥
𑌯𑌾𑌨𑍍𑌯॑𑌪𑌾॒𑌮𑌿𑌤𑍍𑌯𑌾॒-𑌨𑍍𑌯𑌪𑍍𑌰॑𑌤𑍀𑌤𑍍𑌤𑌾॒-𑌨𑍍𑌯𑌸𑍍𑌮𑌿॑ ।
𑌯॒𑌮𑌸𑍍𑌯॑ 𑌬॒𑌲𑌿𑌨𑌾॒ 𑌚𑌰𑌾॑𑌮𑌿 ।
𑌇॒𑌹𑍈𑌵 𑌸𑌨𑍍𑌤𑌃॒ 𑌪𑍍𑌰𑌤𑌿॒ 𑌤𑌦𑍍𑌯𑌾॑𑌤𑌯𑌾𑌮𑌃 ।
𑌜𑍀॒𑌵𑌾 𑌜𑍀॒𑌵𑍇𑌭𑍍𑌯𑍋॒ 𑌨𑌿𑌹॑𑌰𑌾𑌮 𑌏𑌨𑌤𑍍 ॥
𑌅॒𑌨𑍃॒𑌣𑌾 𑌅॒𑌸𑍍𑌮𑌿𑌨𑍍𑌨॑-𑌨𑍃॒𑌣𑌾𑌃 𑌪𑌰॑𑌸𑍍𑌮𑌿𑌨𑍍𑌨𑍍 ।
𑌤𑍃॒𑌤𑍀𑌯𑍇॑ 𑌲𑍋॒𑌕𑍇 𑌅॑𑌨𑍃॒𑌣𑌾-𑌸𑍍𑌸𑍍𑌯𑌾॑𑌮 ।
𑌯𑍇 𑌦𑍇॑𑌵॒𑌯𑌾𑌨𑌾॑ 𑌉॒𑌤 𑌪𑌿॑𑌤𑍃॒𑌯𑌾𑌣𑌾𑌃᳚ ॥ 103 ॥

𑌸𑌰𑍍𑌵𑌾᳚-𑌨𑍍𑌪॒𑌥𑍋 𑌅॑𑌨𑍃॒𑌣𑌾 𑌆𑌕𑍍𑌷𑍀॑𑌯𑍇𑌮 ॥
𑌇॒𑌦𑌮𑍂॒ 𑌨𑍁 𑌶𑍍𑌰𑍇𑌯𑍋॑-𑌽𑌵॒𑌸𑌾𑌨॒-𑌮𑌾𑌗॑𑌨𑍍𑌮 ।
𑌶𑌿॒𑌵𑍇 𑌨𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌉॒𑌭𑍇 𑌇॒𑌮𑍇 । 𑌗𑍋𑌮॒𑌦𑍍𑌧𑌨॑-𑌵॒𑌦𑌶𑍍𑌵॑𑌵॒-𑌦𑍂𑌰𑍍𑌜॑𑌸𑍍𑌵𑌤𑍍 ।
𑌸𑍁॒𑌵𑍀𑌰𑌾॑ 𑌵𑍀॒𑌰𑍈𑌰𑌨𑍁॒ 𑌸𑌞𑍍𑌚॑𑌰𑍇𑌮 ॥ 𑌅॒𑌰𑍍𑌕𑌃 𑌪॒𑌵𑌿𑌤𑍍𑌰॒𑌗𑍍​𑌮𑍍॒ 𑌰𑌜॑𑌸𑍋 𑌵𑌿॒𑌮𑌾𑌨𑌃॑ ।
𑌪𑍁॒𑌨𑌾𑌤𑌿॑ 𑌦𑍇॒𑌵𑌾𑌨𑌾॒-𑌮𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌪𑌯॑𑌸𑌾 𑌸𑌂​𑌵𑌿𑌁𑌦𑌾॒𑌨𑍇 ।
𑌘𑍃॒𑌤-𑌨𑍍𑌦𑍁॑𑌹𑌾𑌤𑍇 𑌅॒𑌮𑍃𑌤॒-𑌮𑍍𑌪𑍍𑌰𑌪𑍀॑𑌨𑍇 ॥ 𑌪॒𑌵𑌿𑌤𑍍𑌰॑𑌮॒𑌰𑍍𑌕𑍋 𑌰𑌜॑𑌸𑍋 𑌵𑌿॒𑌮𑌾𑌨𑌃॑ ।
𑌪𑍁॒𑌨𑌾𑌤𑌿॑ 𑌦𑍇॒𑌵𑌾𑌨𑌾॒-𑌮𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ ।
𑌸𑍁𑌵॒ 𑌰𑍍𑌜𑍍𑌯𑍋𑌤𑌿॒ 𑌰𑍍𑌯𑌶𑍋॑ 𑌮॒𑌹𑌤𑍍 ।
𑌅॒𑌶𑍀॒𑌮𑌹𑌿॑ 𑌗𑌾॒𑌧𑌮𑍁॒𑌤 𑌪𑍍𑌰॑𑌤𑌿॒𑌷𑍍𑌠𑌾𑌮𑍍 ॥ 104 ॥
(𑌚𑌾॒𑌤॒𑌯॒𑌤॒ – 𑌶𑍍𑌰𑍀॒𑌣𑍀॒𑌤𑌾॒𑌗𑍍​𑌮𑍍॒ – 𑌸॒𑌤𑍍𑌯𑌮𑌾॒𑌹𑍁 – 𑌰॑𑌶𑍀𑌮𑌹𑌿 – 𑌗॒𑌣𑍇 – 𑌕𑍁॑𑌰𑍁 – 𑌵𑌿॒𑌦𑍍𑌰𑌵॑𑌣𑍇 – 𑌪𑌿𑌤𑍃॒𑌯𑌾𑌣𑌾॑ – 𑌅॒𑌰𑍍𑌕𑍋 𑌰𑌜॑𑌸𑍋 𑌵𑌿॒𑌮𑌾𑌨॒𑌸𑍍𑌤𑍍𑌰𑍀𑌣𑌿॑ 𑌚) (𑌅. 𑍯)

𑌅𑌨𑍁𑌵𑌾𑌕𑌂 10 – 𑌸𑍌𑌮𑌿𑌕𑌪𑍍𑌰𑌾𑌯𑌾𑌶𑍍𑌚𑌿𑌤𑍍𑌤𑌮𑌨𑍍𑌤𑍍𑌰𑌾𑌃
𑌉𑌦॑𑌸𑍍𑌤𑌾𑌮𑍍𑌫𑍍𑌸𑍀-𑌥𑍍𑌸𑌵𑌿॒𑌤𑌾 𑌮𑌿॒𑌤𑍍𑌰𑍋 𑌅॑𑌰𑍍𑌯॒𑌮𑌾 ।
𑌸𑌰𑍍𑌵𑌾॑-𑌨॒𑌮𑌿𑌤𑍍𑌰𑌾॑-𑌨𑌵𑌧𑍀𑌦𑍍𑌯𑍁॒𑌗𑍇𑌨॑ ।
𑌬𑍃॒𑌹𑌨𑍍𑌤॒-𑌮𑍍𑌮𑌾𑌮॑𑌕𑌰-𑌦𑍍𑌵𑍀॒𑌰𑌵॑𑌨𑍍𑌤𑌮𑍍 । 𑌰॒𑌥॒𑌨𑍍𑌤॒𑌰𑍇 𑌶𑍍𑌰॑𑌯𑌸𑍍𑌵॒ 𑌸𑍍𑌵𑌾𑌹𑌾॑ 𑌪𑍃𑌥𑌿॒𑌵𑍍𑌯𑌾𑌮𑍍 ।
𑌵𑌾॒𑌮॒𑌦𑍇॒𑌵𑍍𑌯𑍇 𑌶𑍍𑌰॑𑌯𑌸𑍍𑌵॒ 𑌸𑍍𑌵𑌾𑌹𑌾॒-𑌽𑌨𑍍𑌤𑌰𑌿॑𑌕𑍍𑌷𑍇 । 𑌬𑍃॒𑌹॒𑌤𑌿 𑌶𑍍𑌰॑𑌯𑌸𑍍𑌵॒ 𑌸𑍍𑌵𑌾𑌹𑌾॑ 𑌦𑌿॒𑌵𑌿 ।
𑌬𑍃॒𑌹॒𑌤𑌾 𑌤𑍍𑌵𑍋𑌪॑𑌸𑍍𑌤𑌭𑍍𑌨𑍋𑌮𑌿 ॥
𑌆 𑌤𑍍𑌵𑌾॑ 𑌦𑌦𑍇॒ 𑌯𑌶॑𑌸𑍇 𑌵𑍀॒𑌰𑍍𑌯𑌾॑𑌯 𑌚 ।
𑌅॒𑌸𑍍𑌮𑌾𑌸𑍍𑌵॑-𑌘𑍍𑌨𑌿𑌯𑌾 𑌯𑍂॒𑌯-𑌨𑍍𑌦॑𑌧𑌾𑌥𑍇𑌨𑍍𑌦𑍍𑌰𑌿॒𑌯-𑌮𑍍𑌪𑌯𑌃॑ ॥ 𑌯𑌸𑍍𑌤𑍇᳚ 𑌦𑍍𑌰॒𑌫𑍍𑌸𑍋 𑌯𑌸𑍍𑌤॑ 𑌉𑌦॒𑌰𑍍॒𑌷𑌃 ॥ 105 ॥

𑌦𑍈𑌵𑍍𑌯𑌃॑ 𑌕𑍇॒𑌤𑍁 𑌰𑍍𑌵𑌿𑌶𑍍𑌵॒-𑌮𑍍𑌭𑍁𑌵॑𑌨-𑌮𑌾𑌵𑌿॒𑌵𑍇𑌶॑ ।
𑌸 𑌨𑌃॑ 𑌪𑌾॒𑌹𑍍𑌯𑌰𑌿॑𑌷𑍍𑌟𑍍𑌯𑍈॒ 𑌸𑍍𑌵𑌾𑌹𑌾᳚ ॥
𑌅𑌨𑍁॑ 𑌮𑌾॒ 𑌸𑌰𑍍𑌵𑍋॑ 𑌯॒𑌜𑍍𑌞𑍋॑-𑌽𑌯𑌮𑍇॑𑌤𑍁 ।
𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌮॒𑌰𑍁𑌤॒-𑌸𑍍𑌸𑌾𑌮𑌾॒𑌰𑍍𑌕𑌃 ।
𑌆॒𑌪𑍍𑌰𑌿𑌯॒ ॑00𑍭𑌆;𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌨𑌿॒𑌵𑌿𑌦𑍋॒ 𑌯𑌜𑍂𑌗𑍍​𑌮𑍍॑𑌷𑌿 । 𑌅॒𑌸𑍍𑌯𑍈 𑌪𑍃॑𑌥𑌿॒𑌵𑍍𑌯𑍈 𑌯𑌦𑍍𑌯॒𑌜𑍍𑌞𑌿𑌯᳚𑌮𑍍 ॥
𑌪𑍍𑌰॒𑌜𑌾𑌪॑𑌤𑍇 𑌰𑍍𑌵𑌰𑍍𑌤॒𑌨𑌿𑌮𑌨𑍁॑ 𑌵𑌰𑍍𑌤𑌸𑍍𑌵 ।
𑌅𑌨𑍁॑ 𑌵𑍀॒𑌰𑍈𑌰𑌨𑍁॑ 𑌰𑌾𑌦𑍍𑌧𑍍𑌯𑌾𑌮॒ 𑌗𑍋𑌭𑌿𑌃॑ ।
𑌅𑌨𑍍𑌵𑌶𑍍𑌵𑍈॒𑌰𑌨𑍁॒ 𑌸𑌰𑍍𑌵𑍈॑𑌰𑍁 𑌪𑍁॒𑌷𑍍𑌟𑍈𑌃 ।
𑌅𑌨𑍁॑ 𑌪𑍍𑌰॒𑌜𑌯𑌾-𑌽𑌨𑍍𑌵𑌿॑𑌨𑍍𑌦𑍍𑌰𑌿॒𑌯𑍇𑌣॑ ॥ 106 ॥

𑌦𑍇॒𑌵𑌾 𑌨𑍋॑ 𑌯॒𑌜𑍍𑌞-𑌮𑍃॑𑌜𑍁॒𑌧𑌾 𑌨॑𑌯𑌨𑍍𑌤𑍁 ॥
𑌪𑍍𑌰𑌤𑌿॑ 𑌕𑍍𑌷॒𑌤𑍍𑌰𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌾𑌮𑌿 𑌰𑌾॒𑌷𑍍𑌟𑍍𑌰𑍇 ।
𑌪𑍍𑌰𑌤𑍍𑌯𑌶𑍍𑌵𑍇॑𑌷𑍁॒ 𑌪𑍍𑌰𑌤𑌿॑𑌤𑌿𑌷𑍍𑌠𑌾𑌮𑌿॒ 𑌗𑍋𑌷𑍁॑ ।
𑌪𑍍𑌰𑌤𑌿॑ 𑌪𑍍𑌰॒𑌜𑌾𑌯𑌾॒-𑌮𑍍𑌪𑍍𑌰𑌤𑌿॑ 𑌤𑌿𑌷𑍍𑌠𑌾𑌮𑌿॒ 𑌭𑌵𑍍𑌯𑍇᳚ ।
𑌵𑌿𑌶𑍍𑌵॑𑌮॒𑌨𑍍𑌯𑌾-𑌽𑌭𑌿॑ 𑌵𑌾𑌵𑍃॒𑌧𑍇 । 𑌤𑌦॒𑌨𑍍𑌯𑌸𑍍𑌯𑌾॒-𑌮𑌧𑌿॑𑌶𑍍𑌰𑌿॒𑌤𑌮𑍍 । 𑌦𑌿॒𑌵𑍇 𑌚॑ 𑌵𑌿॒𑌶𑍍𑌵𑌕॑𑌰𑍍𑌮𑌣𑍇 ।
𑌪𑍃॒𑌥𑌿॒𑌵𑍍𑌯𑍈 𑌚𑌾॑𑌕𑌰॒-𑌨𑍍𑌨𑌮𑌃॑ ॥ 𑌅𑌸𑍍𑌕𑌾॒𑌨𑍍𑌦𑍍𑌯𑍌𑌃 𑌪𑍃॑𑌥𑌿॒𑌵𑍀𑌮𑍍 । 𑌅𑌸𑍍𑌕𑌾॑𑌨𑍃𑌷॒𑌭𑍋 𑌯𑍁𑌵𑌾॒ 𑌗𑌾𑌃 ॥ 10𑍭 ॥

𑌸𑍍𑌕॒𑌨𑍍𑌨𑍇𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾 । 𑌸𑍍𑌕॒𑌨𑍍𑌨𑍋 𑌯॒𑌜𑍍𑌞𑌃 𑌪𑍍𑌰𑌜॑𑌨𑌯𑌤𑍁 । 𑌅𑌸𑍍𑌕𑌾॒𑌨𑌜॑𑌨𑌿॒ 𑌪𑍍𑌰𑌾𑌜॑𑌨𑌿 ।
𑌆 𑌸𑍍𑌕॒𑌨𑍍𑌨𑌾𑌜𑍍𑌜𑌾॑𑌯𑌤𑍇॒ 𑌵𑍃𑌷𑌾᳚ । 𑌸𑍍𑌕॒𑌨𑍍𑌨𑌾-𑌤𑍍𑌪𑍍𑌰𑌜॑𑌨𑌿𑌷𑍀𑌮𑌹𑌿 ॥ 𑌯𑍇 𑌦𑍇॒𑌵𑌾 𑌯𑍇𑌷𑌾॑𑌮𑌿॒𑌦-𑌮𑍍𑌭𑌾॑𑌗॒𑌧𑍇𑌯॑-𑌮𑍍𑌬॒𑌭𑍂𑌵॑ । 𑌯𑍇𑌷𑌾᳚-𑌮𑍍𑌪𑍍𑌰𑌯𑌾॒𑌜𑌾 𑌉॒𑌤𑌾𑌨𑍂॑𑌯𑌾॒𑌜𑌾𑌃 । 𑌇𑌨𑍍𑌦𑍍𑌰॑𑌜𑍍𑌯𑍇𑌷𑍍𑌠𑍇𑌭𑍍𑌯𑍋॒ 𑌵𑌰𑍁॑𑌣𑌰𑌾𑌜𑌭𑍍𑌯𑌃 । 𑌅॒𑌗𑍍𑌨𑌿𑌹𑍋॑𑌤𑍃𑌭𑍍𑌯𑍋 𑌦𑍇॒𑌵𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ॥ 𑌉॒𑌤 𑌤𑍍𑌯𑌾 𑌨𑍋॒ 𑌦𑌿𑌵𑌾॑ 𑌮॒𑌤𑌿𑌃 ॥ 10𑍮 ॥

𑌅𑌦𑌿॑𑌤𑌿𑌰𑍂॒𑌤𑍍𑌯𑌾-𑌽𑌽𑌗॑𑌮𑌤𑍍 । 𑌸𑌾 𑌶𑌨𑍍𑌤𑌾॑𑌚𑍀॒ 𑌮𑌯॑𑌸𑍍𑌕𑌰𑌤𑍍 । 𑌅𑌪॒ 𑌸𑍍𑌰𑌿𑌧𑌃॑ ॥ 𑌉॒𑌤 𑌤𑍍𑌯𑌾 𑌦𑍈𑌵𑍍𑌯𑌾॑ 𑌭𑌿॒𑌷𑌜𑌾᳚ । 𑌶-𑌨𑍍𑌨॑𑌸𑍍𑌕𑌰𑌤𑍋 𑌅॒𑌶𑍍𑌵𑌿𑌨𑌾᳚ । 𑌯𑍂॒𑌯𑌾𑌤𑌾॑-𑌮॒𑌸𑍍𑌮𑌦𑍍𑌰𑌪𑌃॑ ।
𑌅𑌪॒ 𑌸𑍍𑌰𑌿𑌧𑌃॑ ॥ 𑌶𑌮॒𑌗𑍍𑌨𑌿-𑌰॒𑌗𑍍𑌨𑌿𑌭𑌿॑𑌸𑍍𑌕𑌰𑌤𑍍 । 𑌶-𑌨𑍍𑌨॑𑌸𑍍𑌤𑌪𑌤𑍁॒ 𑌸𑍂𑌰𑍍𑌯𑌃॑ । 𑌶𑌂-𑌵𑌾𑌁𑌤𑍋॑ 𑌵𑌾𑌤𑍍𑌵𑌰॒𑌪𑌾𑌃 ॥ 10𑍯 ॥

𑌅𑌪॒ 𑌸𑍍𑌰𑌿𑌧𑌃॑ ॥ 𑌤𑌦𑌿𑌤𑍍𑌪॒𑌦-𑌨𑍍𑌨 𑌵𑌿𑌚𑌿॑𑌕𑍇𑌤 𑌵𑌿॒𑌦𑍍𑌵𑌾𑌨𑍍 ।
𑌯𑌨𑍍𑌮𑍃॒𑌤𑌃 𑌪𑍁𑌨॑𑌰॒𑌪𑍍𑌯𑍇𑌤𑌿॑ 𑌜𑍀॒𑌵𑌾𑌨𑍍 । 𑌤𑍍𑌰𑌿॒𑌵𑍃𑌦𑍍𑌯-𑌦𑍍𑌭𑍁𑌵॑𑌨𑌸𑍍𑌯 𑌰𑌥॒𑌵𑍃𑌤𑍍 । 𑌜𑍀॒𑌵𑍋 𑌗𑌰𑍍𑌭𑍋॒ 𑌨 𑌮𑍃॒𑌤-𑌸𑍍𑌸 𑌜𑍀॑𑌵𑌾𑌤𑍍 ॥ 𑌪𑍍𑌰𑌤𑍍𑌯॑𑌸𑍍𑌮𑍈॒ 𑌪𑌿𑌪𑍀॑𑌷𑌤𑍇 । 𑌵𑌿॒𑌶𑍍𑌵𑌾॑𑌨𑌿 𑌵𑌿॒𑌦𑍁𑌷𑍇॑ 𑌭𑌰 । 𑌅॒𑌰॒-𑌙𑍍𑌗॒𑌮𑌾𑌯॒ 𑌜𑌗𑍍𑌮॑𑌵𑍇 ।
𑌅𑌪॑𑌶𑍍𑌚𑌾𑌦𑍍𑌦𑌧𑍍𑌵𑌨𑍇॒ 𑌨𑌰𑍇᳚ (𑌓-𑌰𑌪॑𑌶𑍍𑌚𑌾𑌦𑍍𑌦𑌘𑍍𑌵𑌨𑍇॒ 𑌨𑌰𑍇᳚) ॥ 𑌇𑌨𑍍𑌦𑍁॒𑌰𑌿𑌨𑍍𑌦𑍁॒𑌮-𑌵𑌾॑𑌗𑌾𑌤𑍍 ।
𑌇𑌨𑍍𑌦𑍋॒𑌰𑌿𑌨𑍍𑌦𑍍𑌰𑍋॑-𑌽𑌪𑌾𑌤𑍍 । 𑌤𑌸𑍍𑌯॑ 𑌤 𑌇𑌨𑍍𑌦॒𑌵𑌿𑌨𑍍𑌦𑍍𑌰॑-𑌪𑍀𑌤𑌸𑍍𑌯॒ 𑌮𑌧𑍁॑𑌮𑌤𑌃 । 𑌉𑌪॑𑌹𑍂𑌤॒𑌸𑍍𑌯𑍋𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑌿 ॥ 110 ॥
(𑌉॒𑌦॒𑌰𑍍॒𑌷 – 𑌇॑𑌨𑍍𑌦𑍍𑌰𑌿॒𑌯𑍇𑌣॒ – 𑌗𑌾 – 𑌮॒𑌤𑌿 – 𑌰॑𑌰॒𑌪𑌾 – 𑌅॑𑌗𑌾॒𑌤𑍍𑌰𑍀𑌣𑌿॑ 𑌚) (𑌅. 10)

𑌅𑌨𑍁𑌵𑌾𑌕𑌂 11 – 𑌦𑌰𑍍​𑌶𑌪𑍂𑌰𑍍𑌣𑌮𑌾𑌸𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑌨𑍍𑌤𑍍𑌰𑌾𑌃
𑌬𑍍𑌰𑌹𑍍𑌮॑ 𑌪𑍍𑌰𑌤𑌿॒𑌷𑍍𑌠𑌾 𑌮𑌨॑𑌸𑍋॒ 𑌬𑍍𑌰𑌹𑍍𑌮॑ 𑌵𑌾॒𑌚𑌃 । 𑌬𑍍𑌰𑌹𑍍𑌮॑ 𑌯॒𑌜𑍍𑌞𑌾𑌨𑌾𑌗𑍍​𑌮𑍍॑ 𑌹॒𑌵𑌿𑌷𑌾॒-𑌮𑌾𑌜𑍍𑌯॑𑌸𑍍𑌯 ।
𑌅𑌤𑌿॑𑌰𑌿𑌕𑍍𑌤॒-𑌙𑍍𑌕𑌰𑍍𑌮॑𑌣𑍋॒ 𑌯𑌚𑍍𑌚॑ 𑌹𑍀॒𑌨𑌮𑍍 । 𑌯॒𑌜𑍍𑌞𑌃 𑌪𑌰𑍍𑌵𑌾॑𑌣𑌿 𑌪𑍍𑌰𑌤𑌿॒𑌰𑌨𑍍𑌨𑍇॑𑌤𑌿 𑌕॒𑌲𑍍𑌪𑌯𑌨𑍍𑌨𑍍॑ ।
𑌸𑍍𑌵𑌾𑌹𑌾॑𑌕𑍃॒𑌤𑌾-𑌽𑌽𑌹𑍁॑𑌤𑌿𑌰𑍇𑌤𑍁 𑌦𑍇॒𑌵𑌾𑌨𑍍 ॥ 𑌆𑌶𑍍𑌰𑌾॑𑌵𑌿𑌤𑌮॒𑌤𑍍𑌯𑌾𑌶𑍍𑌰𑌾॑𑌵𑌿𑌤𑌮𑍍 ।
𑌵𑌷॑𑌟𑍍𑌕𑍃𑌤-𑌮॒𑌤𑍍𑌯𑌨𑍂᳚𑌕𑍍𑌤-𑌞𑍍𑌚 𑌯॒𑌜𑍍𑌞𑍇 ।
𑌅𑌤𑌿॑𑌰𑌿𑌕𑍍𑌤॒-𑌙𑍍𑌕𑌰𑍍𑌮॑𑌣𑍋॒ 𑌯𑌚𑍍𑌚॑ 𑌹𑍀॒𑌨𑌮𑍍 ।
𑌯॒𑌜𑍍𑌞𑌃 𑌪𑌰𑍍𑌵𑌾॑𑌣𑌿 𑌪𑍍𑌰𑌤𑌿॒𑌰𑌨𑍍𑌨𑍇॑𑌤𑌿 𑌕॒𑌲𑍍𑌪𑌯𑌨𑍍𑌨𑍍॑ ।
𑌸𑍍𑌵𑌾𑌹𑌾॑𑌕𑍃॒𑌤𑌾-𑌽𑌽𑌹𑍁॑𑌤𑌿𑌰𑍇𑌤𑍁 𑌦𑍇॒𑌵𑌾𑌨𑍍 ॥ 111 ॥

𑌯𑌦𑍍𑌵𑍋॑ 𑌦𑍇𑌵𑌾 𑌅𑌤𑌿𑌪𑌾॒𑌦𑌯𑌾॑𑌨𑌿 । 𑌵𑌾॒𑌚𑌾 𑌚𑌿॒𑌤𑍍𑌪𑍍𑌰𑌯॑𑌤-𑌨𑍍𑌦𑍇𑌵॒ 𑌹𑍇𑌡॑𑌨𑌮𑍍 । 𑌅॒𑌰𑌾॒𑌯𑍋 𑌅॒𑌸𑍍𑌮𑌾𑌗𑍍​𑌮𑍍 𑌅॒𑌭𑌿-𑌦𑍁॑𑌚𑍍𑌛𑍁𑌨𑌾॒𑌯𑌤𑍇᳚। 𑌅॒𑌨𑍍𑌯𑌤𑍍𑌰𑌾॒𑌸𑍍𑌮-𑌨𑍍𑌮॑𑌰𑍁𑌤॒𑌸𑍍𑌤-𑌨𑍍𑌨𑌿𑌧𑍇॑𑌤𑌨 ॥ 𑌤॒𑌤-𑌮𑍍𑌮॒ 𑌆𑌪॒𑌸𑍍𑌤𑌦𑍁॑ 𑌤𑌾𑌯𑌤॒ 𑌪𑍁𑌨𑌃॑ । 𑌸𑍍𑌵𑌾𑌦𑌿॑𑌷𑍍𑌠𑌾 𑌧𑍀॒𑌤𑌿𑌰𑍁॒𑌚𑌥𑌾॑𑌯 𑌶𑌸𑍍𑌯𑌤𑍇 ।
𑌅॒𑌯𑌗𑍍​𑌮𑍍 𑌸॑𑌮𑍁॒𑌦𑍍𑌰 𑌉॒𑌤 𑌵𑌿॒𑌶𑍍𑌵𑌭𑍇॑𑌷𑌜𑌃 ।
𑌸𑍍𑌵𑌾𑌹𑌾॑-𑌕𑍃𑌤𑌸𑍍𑌯॒ 𑌸𑌮𑍁॑𑌤𑍃𑌪𑍍𑌣𑍁𑌤 𑌰𑍍𑌭𑍁𑌵𑌃 ॥
𑌉𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑌿॒ 𑌪𑌶𑍍𑌯॑𑌨𑍍𑌤𑍋॒ 𑌜𑍍𑌯𑍋𑌤𑌿॒𑌰𑍁𑌤𑍍𑌤॑𑌰𑌮𑍍 । 𑌦𑍇॒𑌵-𑌨𑍍𑌦𑍇॑𑌵॒𑌤𑍍𑌰𑌾 𑌸𑍂𑌰𑍍𑌯॒𑌮𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌮𑍍 ॥ ।
𑌉𑌦𑍁॒ 𑌤𑍍𑌯-𑌞𑍍𑌜𑌾॒𑌤𑌵𑍇॑𑌦𑌸-𑌨𑍍𑌦𑍇॒𑌵𑌂-𑌵𑌁॑𑌹𑌨𑍍𑌤𑌿 𑌕𑍇॒𑌤𑌵𑌃॑ । 𑌦𑍃॒𑌶𑍇 𑌵𑌿𑌶𑍍𑌵𑌾॑𑌯॒ 𑌸𑍂𑌰𑍍𑌯᳚𑌮𑍍 ॥ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒-𑌮𑍁𑌦॑𑌗𑌾॒𑌦𑌨𑍀॑𑌕॒-𑌞𑍍𑌚𑌕𑍍𑌷𑍁॑-𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒-𑌽𑌗𑍍𑌨𑍇𑌃 । 𑌆-𑌽 𑌪𑍍𑌰𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷॒𑌗𑍍​𑌮𑍍॒ 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॑𑌶𑍍𑌚 ॥ ॥ 112 ॥

𑌇॒𑌮-𑌮𑍍𑌮𑍇॑ 𑌵𑌰𑍁𑌣 𑌶𑍍𑌰𑍁𑌧𑍀॒ 𑌹𑌵॑𑌮॒𑌦𑍍𑌯𑌾 𑌚॑ 𑌮𑍃𑌡𑌯 । 𑌤𑍍𑌵𑌾𑌮॑𑌵॒𑌸𑍍𑌯𑍁𑌰𑌾 𑌚॑𑌕𑍇 ॥ 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒-𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌧𑍍𑌯𑍁𑌰𑍁॑𑌶𑌗𑍍​𑌮𑍍𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ ।
𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒ 𑌵𑌰𑍁॑𑌣𑌸𑍍𑌯 𑌵𑌿॒𑌦𑍍𑌵𑌾-𑌨𑍍𑌦𑍇॒𑌵𑌸𑍍𑌯॒ 𑌹𑍇𑌡𑍋-𑌽𑌵॑ 𑌯𑌾𑌸𑌿 𑌸𑍀𑌷𑍍𑌠𑌾𑌃 । 𑌯𑌜𑌿॑𑌷𑍍𑌠𑍋॒ 𑌵𑌹𑍍𑌨𑌿॑ 𑌤𑌮॒-𑌶𑍍𑌶𑍋𑌶𑍁॑𑌚𑌾𑌨𑍋॒ 𑌵𑌿𑌶𑍍𑌵𑌾॒ 𑌦𑍍𑌵𑍇𑌷𑌾𑌗𑍍​𑌮𑍍॑𑌸𑌿॒ 𑌪𑍍𑌰𑌮𑍁॑𑌮𑍁𑌗𑍍𑌧𑍍𑌯॒𑌸𑍍𑌮𑌤𑍍 ॥
𑌸 𑌤𑍍𑌵𑌨𑍍𑌨𑍋॑ 𑌅𑌗𑍍𑌨𑍇-𑌽𑌵॒𑌮𑍋 𑌭॑𑌵𑍋॒𑌤𑍀 𑌨𑍇𑌦𑌿॑𑌷𑍍𑌠𑍋 𑌅॒𑌸𑍍𑌯𑌾 𑌉॒𑌷𑌸𑍋॒ 𑌵𑍍𑌯𑍁॑𑌷𑍍𑌟𑍌 । 𑌅𑌵॑ 𑌯𑌕𑍍𑌷𑍍𑌵 𑌨𑍋॒ 𑌵𑌰𑍁॑𑌣॒𑌗𑍍​𑌮𑍍॒ 𑌰𑌰𑌾॑𑌣𑍋 𑌵𑍀॒𑌹𑌿 𑌮𑍃॑𑌡𑍀॒𑌕𑌗𑍍​𑌮𑍍 𑌸𑍁॒𑌹𑌵𑍋॑ 𑌨 𑌏𑌧𑌿 ॥ । 𑌤𑍍𑌵𑌮॑𑌗𑍍𑌨𑍇 𑌅॒𑌯𑌾-𑌽𑌸𑌿॑ । 𑌅॒𑌯𑌾 𑌸𑌨𑍍𑌮𑌨॑𑌸𑌾 𑌹𑌿॒𑌤𑌃 । 𑌅॒𑌯𑌾 𑌸𑌨𑌃𑌅॒𑌵𑍍𑌯𑌮𑍂॑𑌹𑌿𑌷𑍇 । 𑌅॒𑌯𑌾 𑌨𑍋॑ 𑌧𑍇𑌹𑌿 𑌭𑍇𑌷॒𑌜𑌮𑍍 । 𑌇॒𑌷𑍍𑌟𑍋 𑌅॒𑌗𑍍𑌨𑌿𑌰𑌾𑌹𑍁॑𑌤𑌃 । 𑌸𑍍𑌵𑌾𑌹𑌾॑𑌕𑍃𑌤𑌃 𑌪𑌿𑌪𑌰𑍍𑌤𑍁 𑌨𑌃 । 𑌸𑍍𑌵॒𑌗𑌾 𑌦𑍇॒𑌵𑍇𑌭𑍍𑌯॑ 𑌇॒𑌦-𑌨𑍍𑌨𑌮𑌃॑ ॥ 𑌪𑍍𑌰𑌜𑌾॑𑌪𑌤𑍇॒ 𑌨 𑌤𑍍𑌵𑌦𑍇॒𑌤𑌾𑌨𑍍𑌯॒𑌨𑍍𑌯𑍋 𑌵𑌿𑌶𑍍𑌵𑌾॑ 𑌜𑌾॒𑌤𑌾𑌨𑌿॒ 𑌪𑌰𑌿॒ 𑌤𑌾 𑌬॑𑌭𑍂𑌵 । 𑌯𑌤𑍍𑌕𑌾॑𑌮𑌾𑌸𑍍𑌤𑍇 𑌜𑍁𑌹𑍁॒𑌮𑌸𑍍𑌤𑌨𑍍𑌨𑍋॑ 𑌅𑌸𑍍𑌤𑍁 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ ॥ 𑌇॒𑌮-𑌞𑍍𑌜𑍀॒𑌵𑍇𑌭𑍍𑌯𑌃॑ 𑌪𑌰𑌿॒𑌧𑌿-𑌨𑍍𑌦॑𑌧𑌾𑌮𑌿 । 𑌮𑍈𑌷𑌾-𑌨𑍍𑌨𑍁॑ 𑌗𑌾॒𑌦𑌪॑𑌰𑍋॒ 𑌅𑌰𑍍𑌧॑𑌮𑍇॒𑌤𑌮𑍍 । 𑌶॒𑌤-𑌞𑍍𑌜𑍀॑𑌵𑌨𑍍𑌤𑍁 𑌶॒𑌰𑌦𑌃॑ 𑌪𑍁𑌰𑍂॒𑌚𑍀𑌃 । 𑌤𑌿॒𑌰𑍋 𑌮𑍃॒𑌤𑍍𑌯𑍁-𑌨𑍍𑌦॑𑌧𑌤𑌾॒-𑌮𑍍𑌪𑌰𑍍𑌵॑𑌤𑍇𑌨 ॥
𑌇॒𑌷𑍍𑌟𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾॒ 𑌵𑌷॒𑌡𑌨𑌿॑𑌷𑍍𑌟𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌭𑍇॒𑌷॒𑌜-𑌨𑍍𑌦𑍁𑌰𑌿॑𑌷𑍍𑌟𑍍𑌯𑍈॒ 𑌸𑍍𑌵𑌾𑌹𑌾॒ 𑌨𑌿𑌷𑍍𑌕𑍃॑𑌤𑍍𑌯𑍈॒ 𑌸𑍍𑌵𑌾𑌹𑌾᳚ । 𑌦𑍌𑌰𑌾᳚𑌰𑍍𑌧𑍍𑌯𑍈॒ 𑌸𑍍𑌵𑌾𑌹𑌾॒ 𑌦𑍈𑌵𑍀᳚𑌭𑍍𑌯-𑌸𑍍𑌤॒𑌨𑍂𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ॥ 113 ॥

𑌋𑌦𑍍𑌧𑍍𑌯𑍈॒ 𑌸𑍍𑌵𑌾𑌹𑌾॒ 𑌸𑌮𑍃॑𑌦𑍍𑌧𑍍𑌯𑍈॒ 𑌸𑍍𑌵𑌾𑌹𑌾᳚ ॥
𑌯𑌤॑ 𑌇𑌨𑍍𑌦𑍍𑌰॒ 𑌭𑌯𑌾॑𑌮𑌹𑍇 ।
𑌤𑌤𑍋॑ 𑌨𑍋॒ 𑌅𑌭॑𑌯-𑌙𑍍𑌕𑍃𑌧𑌿 । 𑌮𑌘॑𑌵𑌞𑍍𑌛॒𑌗𑍍𑌧𑌿 𑌤𑌵॒ 𑌤𑌨𑍍𑌨॑ 𑌊॒𑌤𑌯𑍇᳚ । 𑌵𑌿 𑌦𑍍𑌵𑌿𑌷𑍋॒ 𑌵𑌿 𑌮𑍃𑌧𑍋॑ 𑌜𑌹𑌿 ॥ 𑌸𑍍𑌵॒𑌸𑍍𑌤𑌿॒𑌦𑌾 𑌵𑌿॒𑌶𑌸𑍍𑌪𑌤𑌿𑌃॑ । 𑌵𑍃॒𑌤𑍍𑌰॒𑌹𑌾 𑌵𑌿𑌮𑍃𑌧𑍋॑ 𑌵॒𑌶𑍀 । 𑌵𑍃𑌷𑍇𑌨𑍍𑌦𑍍𑌰𑌃॑ 𑌪𑍁॒𑌰 𑌏॑𑌤𑍁 𑌨𑌃 । 𑌸𑍍𑌵॒𑌸𑍍𑌤𑌿॒𑌦𑌾 𑌅॑𑌭𑌯-𑌙𑍍𑌕॒𑌰𑌃 ॥ 𑌆॒𑌭𑌿 𑌰𑍍𑌗𑍀॒𑌰𑍍𑌭𑌿 𑌰𑍍𑌯𑌦𑌤𑍋॑ 𑌨 𑌊॒𑌨𑌮𑍍 ॥ 114 ॥

𑌆𑌪𑍍𑌯𑌾॑𑌯𑌯 𑌹𑌰𑌿𑌵𑍋॒ 𑌵𑌰𑍍𑌧॑𑌮𑌾𑌨𑌃 ।
𑌯॒𑌦𑌾 𑌸𑍍𑌤𑍋॒𑌤𑍃𑌭𑍍𑌯𑍋॒ 𑌮𑌹𑌿॑ 𑌗𑍋॒𑌤𑍍𑌰𑌾 𑌰𑍁॒𑌜𑌾𑌸𑌿॑ ।
𑌭𑍂॒𑌯𑌿॒𑌷𑍍𑌠॒𑌭𑌾𑌜𑍋॒ 𑌅𑌧॑ 𑌤𑍇 𑌸𑍍𑌯𑌾𑌮 ॥ 𑌅𑌨𑌾᳚𑌜𑍍𑌞𑌾𑌤𑌂॒-𑌯𑌁𑌦𑌾𑌜𑍍𑌞𑌾॑𑌤𑌮𑍍 । 𑌯॒𑌜𑍍𑌞𑌸𑍍𑌯॑ 𑌕𑍍𑌰𑌿॒𑌯𑌤𑍇॒ 𑌮𑌿𑌥𑍁॑ । 𑌅𑌗𑍍𑌨𑍇॒ 𑌤𑌦॑𑌸𑍍𑌯 𑌕𑌲𑍍𑌪𑌯 । 𑌤𑍍𑌵𑌗𑍍​𑌮𑍍 𑌹𑌿 𑌵𑍇𑌤𑍍𑌥॑ 𑌯𑌥𑌾𑌤॒𑌥𑌮𑍍 ॥ 𑌪𑍁𑌰𑍁॑𑌷 𑌸𑌮𑍍𑌮𑌿𑌤𑍋 𑌯॒𑌜𑍍𑌞𑌃 । 𑌯॒𑌜𑍍𑌞𑌃 𑌪𑍁𑌰𑍁॑𑌷 𑌸𑌮𑍍𑌮𑌿𑌤𑌃 । 𑌅𑌗𑍍𑌨𑍇॒ 𑌤𑌦॑𑌸𑍍𑌯 𑌕𑌲𑍍𑌪𑌯 ।
𑌤𑍍𑌵𑌗𑍍​𑌮𑍍 𑌹𑌿 𑌵𑍇𑌤𑍍𑌥॑ 𑌯𑌥𑌾𑌤॒𑌥𑌮𑍍 ॥ 𑌯-𑌤𑍍𑌪𑌾॑𑌕॒𑌤𑍍𑌰𑌾 𑌮𑌨॑𑌸𑌾 𑌦𑍀॒𑌨𑌦॑𑌕𑍍𑌷𑌾॒ 𑌨 । 𑌯॒𑌜𑍍𑌞𑌸𑍍𑌯॑ 𑌮॒𑌨𑍍𑌵𑌤𑍇॒ 𑌮𑌰𑍍𑌤𑌾॑𑌸𑌃 । 𑌅॒𑌗𑍍𑌨𑌿𑌷𑍍𑌟𑌦𑍍𑌧𑍋𑌤𑌾᳚ 𑌕𑍃𑌤𑍁॒𑌵𑌿𑌦𑍍𑌵𑌿॑𑌜𑌾॒𑌨𑌨𑍍𑌨𑍍 ।
𑌯𑌜𑌿॑𑌷𑍍𑌠𑍋 𑌦𑍇॒𑌵𑌾𑌗𑍍​𑌮𑍍 𑌋॑𑌤𑍁॒𑌶𑍋 𑌯॑𑌜𑌾𑌤𑌿 ॥ 115 ॥
(𑌦𑍇॒𑌵𑌾𑌗𑍍​ – 𑌶𑍍𑌚𑌿॒𑌤𑍍𑌰𑌂 – 𑌤॒𑌨𑍂𑌭𑍍𑌯॒-𑌸𑍍𑌸𑍍𑌵𑌾𑌹𑍋॒ – 𑌨𑌂 – 𑌪𑍁𑌰𑍁॑𑌷𑌸𑌮𑍍𑌮𑌿॒𑌤𑍋-𑌽𑌗𑍍𑌨𑍇॒ 𑌤𑌦॑𑌸𑍍𑌯 𑌕𑌲𑍍𑌪𑌯॒ 𑌪𑌞𑍍𑌚॑ 𑌚) (𑌅. 11)

𑌅𑌨𑍁𑌵𑌾𑌕𑌂 12 – 𑌅𑌗𑍍𑌨𑌿𑌷𑍍𑌟𑍋𑌮𑌾𑌦𑍌 𑌯𑌜𑌮𑌾𑌨𑌜𑌪𑍍𑌯𑌾 𑌮𑌨𑍍𑌤𑍍𑌰𑌵𑌿𑌶𑍇𑌷𑌾𑌃
𑌯𑌦𑍍𑌦𑍇॑𑌵𑌾 𑌦𑍇𑌵॒𑌹𑍇𑌡॑𑌨𑌮𑍍 । 𑌦𑍇𑌵𑌾॑𑌸𑌶𑍍𑌚𑌕𑍃॒𑌮𑌾 𑌵॒𑌯𑌮𑍍 । 𑌆𑌦𑌿॑𑌤𑍍𑌯𑌾॒-𑌸𑍍𑌤𑌸𑍍𑌮𑌾᳚𑌨𑍍𑌮𑌾 𑌮𑍁𑌞𑍍𑌚𑌤 ।
𑌋॒𑌤𑌸𑍍𑌯॒𑌰𑍍𑌤𑍇𑌨॒ 𑌮𑌾𑌮𑍁॒𑌤 ॥ 𑌦𑍇𑌵𑌾॑ 𑌜𑍀𑌵𑌨𑌕𑌾॒𑌮𑍍𑌯𑌾 𑌯𑌤𑍍 । 𑌵𑌾॒𑌚𑌾-𑌽𑌨𑍃॑𑌤𑌮𑍂𑌦𑌿॒𑌮 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 । 𑌗𑌾𑌰𑍍​𑌹॑𑌪𑌤𑍍𑌯𑌃॒ 𑌪𑍍𑌰𑌮𑍁॑𑌞𑍍𑌚𑌤𑍁 । 𑌦𑍁॒𑌰𑌿॒𑌤𑌾 𑌯𑌾𑌨𑌿॑ 𑌚𑌕𑍃॒𑌮 । 𑌕॒𑌰𑍋𑌤𑍁॒ 𑌮𑌾𑌮॑𑌨𑍇॒ 𑌨𑌸᳚𑌮𑍍 ॥ 116 ॥
𑌋॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀 । 𑌋॒𑌤𑍇𑌨॒ 𑌤𑍍𑌵𑌗𑍍​𑌮𑍍 𑌸॑𑌰𑌸𑍍𑌵𑌤𑌿 । 𑌋॒𑌤𑌾𑌨𑍍𑌮𑌾॑ 𑌮𑍁𑌞𑍍𑌚॒𑌤𑌾𑌗𑍍​𑌮𑍍𑌹॑𑌸𑌃 । 𑌯𑌦॒𑌨𑍍𑌯 𑌕𑍃॑𑌤𑌮𑌾𑌰𑌿॒𑌮 ॥ 𑌸॒𑌜𑌾॒𑌤॒𑌶॒𑌗𑍍​𑌮𑍍॒𑌸𑌾𑌦𑍁॒𑌤 𑌵𑌾॑ 𑌜𑌾𑌮𑌿𑌶॒𑌗𑍍​𑌮𑍍॒𑌸𑌾𑌤𑍍 । 𑌜𑍍𑌯𑌾𑌯॑𑌸॒-𑌶𑍍𑌶𑌗𑍍​𑌮𑍍𑌸𑌾॑𑌦𑍁॒𑌤 𑌵𑌾॒ 𑌕𑌨𑍀॑𑌯𑌸𑌃 । 𑌅𑌨𑌾᳚𑌜𑍍𑌞𑌾𑌤-𑌨𑍍𑌦𑍇॒𑌵𑌕𑍃॑𑌤𑌂॒-𑌯𑌁𑌦𑍇𑌨𑌃॑ । 𑌤𑌸𑍍𑌮𑌾॒𑌤𑍍𑌤𑍍𑌵𑌮॒𑌸𑍍𑌮𑌾-𑌞𑍍𑌜𑌾॑𑌤𑌵𑍇𑌦𑍋 𑌮𑍁𑌮𑍁𑌗𑍍𑌧𑌿 ॥ 𑌯𑌦𑍍𑌵𑌾॒𑌚𑌾 𑌯𑌨𑍍𑌮𑌨॑𑌸𑌾 । 𑌬𑌾॒𑌹𑍁𑌭𑍍𑌯𑌾॑-𑌮𑍂॒𑌰𑍁𑌭𑍍𑌯𑌾॑-𑌮𑌷𑍍𑌠𑍀॒𑌵𑌦𑍍𑌭𑍍𑌯𑌾᳚𑌮𑍍 ॥ 11𑍭 ॥

𑌶𑌿॒𑌶𑍍𑌞𑍈 𑌰𑍍𑌯𑌦𑌨𑍃॑𑌤-𑌞𑍍𑌚𑌕𑍃॒𑌮𑌾 𑌵॒𑌯𑌮𑍍 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 𑌯𑌦𑍍𑌧𑌸𑍍𑌤𑌾᳚𑌭𑍍𑌯𑌾-𑌞𑍍𑌚॒𑌕𑌰॒ 𑌕𑌿𑌲𑍍𑌬𑌿॑𑌷𑌾𑌣𑌿 । 𑌅॒𑌕𑍍𑌷𑌾𑌣𑌾𑌂᳚-𑌵𑌁॒𑌗𑍍𑌨𑍁𑌮𑍁॑𑌪॒ 𑌜𑌿𑌘𑍍𑌨॑𑌮𑌾𑌨𑌃 । 𑌦𑍂॒𑌰𑍇॒𑌪॒𑌶𑍍𑌯𑌾 𑌚॑ 𑌰𑌾𑌷𑍍𑌟𑍍𑌰॒𑌭𑍃𑌚𑍍𑌚॑ । 𑌤𑌾𑌨𑍍𑌯॑𑌫𑍍𑌸॒𑌰𑌸𑌾॒-𑌵𑌨𑍁॑𑌦𑌤𑍍𑌤𑌾-𑌮𑍃॒𑌣𑌾𑌨𑌿॑ ॥
𑌅𑌦𑍀᳚𑌵𑍍𑌯𑌨𑍍𑌨𑍃॒𑌣𑌂-𑌯𑌁𑌦॒𑌹-𑌞𑍍𑌚॒𑌕𑌾𑌰॑ । 𑌯𑌦𑍍𑌵𑌾-𑌽𑌦𑌾᳚𑌸𑍍𑌯𑌨𑍍-𑌥𑍍𑌸𑌞𑍍𑌜॒𑌗𑌾𑌰𑌾॒ 𑌜𑌨𑍇᳚𑌭𑍍𑌯𑌃 ।
𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 𑌯𑌨𑍍𑌮𑌯𑌿॑ 𑌮𑌾॒𑌤𑌾 𑌗𑌰𑍍𑌭𑍇॑ 𑌸॒𑌤𑌿 ॥ 11𑍮 ॥

𑌏𑌨॑𑌶𑍍𑌚॒𑌕𑌾𑌰॒ 𑌯𑌤𑍍𑌪𑌿॒𑌤𑌾 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 𑌯𑌦𑌾॑ 𑌪𑌿॒𑌪𑍇𑌷॑ 𑌮𑌾॒𑌤𑌰॑-𑌮𑍍𑌪𑌿॒𑌤𑌰᳚𑌮𑍍 ।
𑌪𑍁॒𑌤𑍍𑌰𑌃 𑌪𑍍𑌰𑌮𑍁॑𑌦𑌿𑌤𑍋॒ 𑌧𑌯𑌨𑍍𑌨𑍍॑ । 𑌅𑌹𑌿𑌗𑍍​𑌮𑍍॑𑌸𑌿𑌤𑍌 𑌪𑌿॒𑌤𑌰𑍌॒ 𑌮𑌯𑌾॒ 𑌤𑌤𑍍 । 𑌤𑌦॑𑌗𑍍𑌨𑍇 𑌅𑌨𑍃॒𑌣𑍋 𑌭॑𑌵𑌾𑌮𑌿 ॥ 𑌯𑌦॒𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌮𑍍 ।
𑌯𑌨𑍍𑌮𑌾॒𑌤𑌰॑-𑌮𑍍𑌪𑌿॒𑌤𑌰𑌂॑-𑌵𑌾𑌁 𑌜𑌿𑌹𑌿𑌗𑍍​𑌮𑍍𑌸𑌿॒𑌮 ।
𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 𑌯𑌦𑌾॒𑌶𑌸𑌾॑ 𑌨𑌿॒𑌶𑌸𑌾॒ 𑌯𑌤𑍍𑌪॑𑌰𑌾॒𑌶𑌸𑌾᳚ ॥ 11𑍯 ॥

𑌯𑌦𑍇𑌨॑𑌶𑍍𑌚 𑌕𑍃॒𑌮𑌾 𑌨𑍂𑌤॑𑌨𑌂॒-𑌯𑌁𑌤𑍍𑌪𑍁॑𑌰𑌾॒𑌣𑌮𑍍 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 𑌅𑌤𑌿॑𑌕𑍍𑌰𑌾𑌮𑌾𑌮𑌿 𑌦𑍁𑌰𑌿॒𑌤𑌂-𑌯𑌁𑌦𑍇𑌨𑌃॑ । 𑌜𑌹𑌾॑𑌮𑌿 𑌰𑌿॒𑌪𑍍𑌰-𑌮𑍍𑌪॑𑌰॒𑌮𑍇 𑌸॒𑌧𑌸𑍍𑌥𑍇᳚ ।
𑌯𑌤𑍍𑌰॒ 𑌯𑌨𑍍𑌤𑌿॑ 𑌸𑍁॒𑌕𑍃𑌤𑍋॒ 𑌨𑌾𑌪𑌿॑ 𑌦𑍁॒𑌷𑍍𑌕𑍃𑌤𑌃॑ । 𑌤𑌮𑌾𑌰𑍋॑𑌹𑌾𑌮𑌿 𑌸𑍁॒𑌕𑍃𑌤𑌾॒-𑌨𑍍𑌨𑍁 𑌲𑍋॒𑌕𑌮𑍍 ॥
𑌤𑍍𑌰𑌿॒𑌤𑍇 𑌦𑍇॒𑌵𑌾 𑌅॑𑌮𑍃𑌜𑌤𑍈॒-𑌤𑌦𑍇𑌨𑌃॑ ।
𑌤𑍍𑌰𑌿॒𑌤 𑌏॒𑌤𑌨𑍍𑌮॑𑌨𑍁॒𑌷𑍍𑌯𑍇॑𑌷𑍁 𑌮𑌾𑌮𑍃𑌜𑍇 ।
𑌤𑌤𑍋॑ 𑌮𑌾॒ 𑌯𑌦𑌿॒ 𑌕𑌿𑌞𑍍𑌚𑌿॑𑌦𑌾𑌨॒𑌶𑍇 ।
𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 120 ॥

𑌗𑌾𑌰𑍍​𑌹॑𑌪𑌤𑍍𑌯𑌃॒ 𑌪𑍍𑌰𑌮𑍁॑𑌞𑍍𑌚𑌤𑍁 । 𑌦𑍁॒𑌰𑌿॒𑌤𑌾 𑌯𑌾𑌨𑌿॑ 𑌚𑌕𑍃॒𑌮 । 𑌕॒𑌰𑍋𑌤𑍁॒ 𑌮𑌾𑌮॑𑌨𑍇॒𑌨𑌸᳚𑌮𑍍 ॥ 𑌦𑌿॒𑌵𑌿 𑌜𑌾॒𑌤𑌾 𑌅॒𑌫𑍍𑌸𑍁 𑌜𑌾॒𑌤𑌾𑌃 । 𑌯𑌾 𑌜𑌾॒𑌤𑌾 𑌓𑌷॑𑌧𑍀𑌭𑍍𑌯𑌃 । 𑌅𑌥𑍋॒ 𑌯𑌾 𑌅॑𑌗𑍍𑌨𑌿॒𑌜𑌾 𑌆𑌪𑌃॑ । 𑌤𑌾 𑌨॑-𑌶𑍍𑌶𑍁𑌨𑍍𑌧𑌨𑍍𑌤𑍁॒ 𑌶𑍁𑌨𑍍𑌧॑𑌨𑍀𑌃 ॥
𑌯𑌦𑌾𑌪𑍋॒ 𑌨𑌕𑍍𑌤॑-𑌨𑍍𑌦𑍁𑌰𑌿॒𑌤-𑌞𑍍𑌚𑌰𑌾॑𑌮 ।
𑌯𑌦𑍍𑌵𑌾॒ 𑌦𑌿𑌵𑌾॒ 𑌨𑍂𑌤॑𑌨𑌂॒-𑌯𑌁𑌤𑍍𑌪𑍁॑𑌰𑌾॒𑌣𑌮𑍍 ।
𑌹𑌿𑌰॑𑌣𑍍𑌯-𑌵𑌰𑍍𑌣𑌾॒𑌸𑍍𑌤𑌤॒ 𑌉𑌤𑍍𑌪𑍁॑𑌨𑍀𑌤 𑌨𑌃 ॥
𑌇॒𑌮-𑌮𑍍𑌮𑍇॑ 𑌵𑌰𑍁𑌣 𑌶𑍍𑌰𑍁𑌧𑍀॒ 𑌹𑌵॑𑌮॒𑌦𑍍𑌯𑌾 𑌚॑ 𑌮𑍃𑌡𑌯 । 𑌤𑍍𑌵𑌾𑌮॑𑌵॒𑌸𑍍𑌯𑍁𑌰𑌾 𑌚॑𑌕𑍇 ॥
𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒-𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌧𑍍𑌯𑍁𑌰𑍁॑𑌶𑌗𑍍​𑌮𑍍𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ । 𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒ 𑌵𑌰𑍁॑𑌣𑌸𑍍𑌯 𑌵𑌿॒𑌦𑍍𑌵𑌾-𑌨𑍍𑌦𑍇॒𑌵𑌸𑍍𑌯॒ 𑌹𑍇𑌡𑍋-𑌽𑌵॑ 𑌯𑌾𑌸𑌿 𑌸𑍀𑌷𑍍𑌠𑌾𑌃 । 𑌯𑌜𑌿॑𑌷𑍍𑌠𑍋॒ 𑌵𑌹𑍍𑌨𑌿॑ 𑌤𑌮॒-𑌶𑍍𑌶𑍋𑌶𑍁॑𑌚𑌾𑌨𑍋॒ 𑌵𑌿𑌶𑍍𑌵𑌾॒ 𑌦𑍍𑌵𑍇𑌷𑌾𑌗𑍍​𑌮𑍍॑𑌸𑌿॒ 𑌪𑍍𑌰𑌮𑍁॑𑌮𑍁𑌗𑍍𑌧𑍍𑌯॒𑌸𑍍𑌮𑌤𑍍 ॥ 𑌸 𑌤𑍍𑌵𑌨𑍍𑌨𑍋॑ 𑌅𑌗𑍍𑌨𑍇-𑌽𑌵॒𑌮𑍋 𑌭॑𑌵𑍋॒𑌤𑍀 𑌨𑍇𑌦𑌿॑𑌷𑍍𑌠𑍋 𑌅॒𑌸𑍍𑌯𑌾 𑌉॒𑌷𑌸𑍋॒ 𑌵𑍍𑌯𑍁॑𑌷𑍍𑌟𑍌 । 𑌅𑌵॑ 𑌯𑌕𑍍𑌷𑍍𑌵 𑌨𑍋॒ 𑌵𑌰𑍁॑𑌣॒𑌗𑍍​𑌮𑍍॒ 𑌰𑌰𑌾॑𑌣𑍋 𑌵𑍀॒𑌹𑌿 𑌮𑍃॑𑌡𑍀॒𑌕𑌗𑍍​𑌮𑍍 𑌸𑍁॒𑌹𑌵𑍋॑ 𑌨 𑌏𑌧𑌿 ॥ । 𑌤𑍍𑌵𑌮॑𑌗𑍍𑌨𑍇 𑌅॒𑌯𑌾-𑌽𑌸𑌿॑ । 𑌅॒𑌯𑌾 𑌸𑌨𑍍𑌮𑌨॑𑌸𑌾 𑌹𑌿॒𑌤𑌃 । 𑌅॒𑌯𑌾 𑌸𑌨𑌃𑌅॒𑌵𑍍𑌯𑌮𑍂॑𑌹𑌿𑌷𑍇 । 𑌅॒𑌯𑌾 𑌨𑍋॑ 𑌧𑍇𑌹𑌿 𑌭𑍇𑌷॒𑌜𑌮𑍍 । 𑌇॒𑌷𑍍𑌟𑍋 𑌅॒𑌗𑍍𑌨𑌿𑌰𑌾𑌹𑍁॑𑌤𑌃 । 𑌸𑍍𑌵𑌾𑌹𑌾॑𑌕𑍃𑌤𑌃 𑌪𑌿𑌪𑌰𑍍𑌤𑍁 𑌨𑌃 । 𑌸𑍍𑌵॒𑌗𑌾 𑌦𑍇॒𑌵𑍇𑌭𑍍𑌯॑ 𑌇॒𑌦-𑌨𑍍𑌨𑌮𑌃॑ ॥ ॥ 121 ॥
(𑌅॒𑌨𑍇॒𑌨𑌸॑ – 𑌮𑌷𑍍𑌠𑍀॒𑌵𑌦𑍍𑌭𑍍𑌯𑌾𑌗𑍍​𑌮𑍍॑ – 𑌸॒𑌤𑌿 – 𑌪॑𑌰𑌾॒𑌶𑌸𑌾॑-𑌽𑌽𑌨॒𑌶𑍇᳚ – 𑌽𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 – 𑌪𑍁𑌨𑍀𑌤 𑌨॒𑌸𑍍𑌤𑍍𑌰𑍀𑌣𑌿॑ 𑌚) (𑌅. 12)

(𑌯-𑌦𑍍𑌦𑍇॑𑌵𑌾॒ 𑌗𑌾𑌰𑍍​𑌹॑𑌪𑌤𑍍𑌯𑍋॒ 𑌯𑌦𑍍𑌧𑌸𑍍𑌤𑌾᳚𑌭𑍍𑌯𑌾𑌂॒-𑌯𑌁𑌨𑍍𑌮𑌯𑌿॑ 𑌮𑌾॒𑌤𑌾 𑌯𑌦𑌾॑𑌪𑌿॒𑌪𑍇𑌷॒
𑌁𑌯𑌦॒𑌨𑍍𑌤𑌰𑌿॑𑌕𑍍𑌷𑌂॒-𑌯𑌁𑌦𑌾॒𑌶𑌸𑌾-𑌽𑌤𑌿॑𑌕𑍍𑌰𑌾𑌮𑌾𑌮𑌿 𑌤𑍍𑌰𑌿॒𑌤𑍇 𑌦𑍇॒𑌵𑌾 𑌦𑌿॒𑌵𑌿 𑌜𑌾॒𑌤𑌾 𑌅॒𑌫𑍍𑌸𑍁 𑌜𑌾॒𑌤𑌾 𑌯𑌦𑌾𑌪॑ 𑌇॒𑌮-𑌮𑍍𑌮𑍇॑ 𑌵𑌰𑍁𑌣𑌾॒ 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒ 𑌸 𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒ 𑌤𑍍𑌵𑌮॑𑌗𑍍𑌨𑍇 𑌅॒𑌯𑌾-𑌽𑌸𑌿॑)

𑌅𑌨𑍁𑌵𑌾𑌕𑌂 13 – 𑌅𑌵𑌭𑍃𑌥𑍇 𑌕𑌰𑍍𑌮𑌣𑌿 𑌋𑌜𑍀𑌷𑌪𑍍𑌰𑍋𑌕𑍍𑌷𑌣𑌮𑌨𑍍𑌤𑍍𑌰𑌾𑌃
𑌯𑌤𑍍𑌤𑍇॒ 𑌗𑍍𑌰𑌾𑌵𑍍.𑌣𑍍𑌣𑌾॑ 𑌚𑌿𑌚𑍍𑌛𑌿॒𑌦𑍁-𑌸𑍍𑌸𑍋॑𑌮 𑌰𑌾𑌜𑌨𑍍𑌨𑍍 ।
𑌪𑍍𑌰𑌿॒𑌯𑌾𑌣𑍍𑌯𑌙𑍍𑌗𑌾॑𑌨𑌿॒ 𑌸𑍍𑌵𑌧𑌿॑𑌤𑌾॒ 𑌪𑌰𑍂𑌗𑍍​𑌮𑍍॑𑌷𑌿 । 𑌤𑌥𑍍𑌸𑌨𑍍𑌧॒-𑌥𑍍𑌸𑍍𑌵𑌾𑌜𑍍𑌯𑍇॑𑌨𑍋॒𑌤 𑌵॑𑌰𑍍𑌧𑌯𑌸𑍍𑌵 ।
𑌅॒𑌨𑌾॒𑌗𑌸𑍋॒ 𑌅𑌧॒𑌮𑌿𑌥𑍍𑌸॒𑌕𑍍𑌷𑌂​𑌯𑍇𑌁॑𑌮 ॥ 𑌯𑌤𑍍𑌤𑍇॒ 𑌗𑍍𑌰𑌾𑌵𑌾॑ 𑌬𑌾॒𑌹𑍁𑌚𑍍𑌯𑍁॑𑌤𑍋॒ 𑌅𑌚𑍁॑𑌚𑍍𑌯𑌵𑍁𑌃 ।
𑌨𑌰𑍋॒ 𑌯𑌤𑍍𑌤𑍇॑ 𑌦𑍁𑌦𑍁॒𑌹𑍁 𑌰𑍍𑌦𑌕𑍍𑌷𑌿॑𑌣𑍇𑌨 ।
𑌤𑌤𑍍𑌤॒ 𑌆𑌪𑍍𑌯𑌾॑𑌯𑌤𑌾॒-𑌨𑍍𑌤𑌤𑍍𑌤𑍇᳚ । 𑌨𑌿𑌷𑍍𑌟𑍍𑌯𑌾॑𑌯𑌤𑌾-𑌨𑍍𑌦𑍇𑌵
𑌸𑍋𑌮 ॥ 𑌯𑌤𑍍𑌤𑍇॒ 𑌤𑍍𑌵𑌚॑-𑌮𑍍𑌬𑌿𑌭𑌿॒𑌦𑍁𑌰𑍍𑌯𑌚𑍍𑌚॒ 𑌯𑍋𑌨𑌿᳚𑌮𑍍 ।
𑌯𑌦𑌾॒𑌸𑍍𑌥𑌾𑌨𑌾॒-𑌤𑍍𑌪𑍍𑌰𑌚𑍍𑌯𑍁॑𑌤𑍋॒ 𑌵𑍇𑌨॑𑌸𑌿॒ 𑌤𑍍𑌮𑌨𑌾᳚ ॥ 122 ॥

𑌤𑍍𑌵𑌯𑌾॒ 𑌤𑌥𑍍𑌸𑍋॑𑌮 𑌗𑍁॒𑌪𑍍𑌤𑌮॑𑌸𑍍𑌤𑍁 𑌨𑌃 ।
𑌸𑌾 𑌨॑-𑌸𑍍𑌸॒𑌧𑌾𑌂-𑌽𑌸॑𑌤𑍍𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥
𑌅𑌹𑌾॒𑌚𑍍𑌛𑌰𑍀॑𑌰॒-𑌮𑍍𑌪𑌯॑𑌸𑌾 𑌸॒𑌮𑍇𑌤𑍍𑌯॑ । 𑌅॒𑌨𑍍𑌯𑍋᳚-𑌽𑌨𑍍𑌯𑍋 𑌭𑌵𑌤𑌿॒ 𑌵𑌰𑍍𑌣𑍋॑ 𑌅𑌸𑍍𑌯 । 𑌤𑌸𑍍𑌮𑌿॑𑌨𑍍 𑌵॒𑌯𑌮𑍁𑌪॑𑌹𑍂𑌤𑌾॒𑌸𑍍𑌤𑌵॑ 𑌸𑍍𑌮𑌃 । 𑌆 𑌨𑍋॑ 𑌭𑌜॒ 𑌸𑌦॑𑌸𑌿 𑌵𑌿॒𑌶𑍍𑌵𑌰𑍂॑𑌪𑍇 ॥
𑌨𑍃॒𑌚𑌕𑍍𑌷𑌾॒-𑌸𑍍𑌸𑍋𑌮॑ 𑌉॒𑌤 𑌶𑍁॒𑌶𑍍𑌰𑍁𑌗॑𑌸𑍍𑌤𑍁 ।
𑌮𑌾 𑌨𑍋॒ 𑌵𑌿𑌹𑌾॑𑌸𑍀॒𑌦𑍍𑌗𑌿𑌰॑ 𑌆𑌵𑍃𑌣𑌾॒𑌨𑌃 ।
𑌅𑌨𑌾॑𑌗𑌾-𑌸𑍍𑌤॒𑌨𑍁𑌵𑍋॑ 𑌵𑌾𑌵𑍃𑌧𑌾॒𑌨𑌃 ।
𑌆 𑌨𑍋॑ 𑌰𑍂॒𑌪𑌂-𑌵𑌁॑𑌹𑌤𑍁॒ 𑌜𑌾𑌯॑𑌮𑌾𑌨𑌃 ॥ 123 ॥

𑌉𑌪॑𑌕𑍍𑌷𑌰𑌨𑍍𑌤𑌿 𑌜𑍁॒𑌹𑍍𑌵𑍋॑ 𑌘𑍃॒𑌤𑍇𑌨॑ । 𑌪𑍍𑌰𑌿॒𑌯𑌾𑌣𑍍𑌯𑌙𑍍𑌗𑌾॑𑌨𑌿॒ 𑌤𑌵॑ 𑌵॒𑌰𑍍𑌧𑌯॑𑌨𑍍𑌤𑍀𑌃 । 𑌤𑌸𑍍𑌮𑍈॑ 𑌤𑍇 𑌸𑍋𑌮॒ 𑌨𑌮॒ 𑌇𑌦𑍍𑌵𑌷॑𑌟𑍍𑌚 । 𑌉𑌪॑ 𑌮𑌾 𑌰𑌾𑌜𑌨𑍍-𑌥𑍍𑌸𑍁𑌕𑍃॒𑌤𑍇 𑌹𑍍𑌵॑𑌯𑌸𑍍𑌵 ॥
𑌸-𑌮𑍍𑌪𑍍𑌰𑌾॑𑌣𑌾𑌪𑌾॒𑌨𑌾𑌭𑍍𑌯𑌾॒𑌗𑍍​𑌮𑍍॒ 𑌸𑌮𑍁॒ 𑌚𑌕𑍍𑌷𑍁॑𑌷𑌾॒ 𑌤𑍍𑌵𑌮𑍍 । 𑌸𑌗𑍍𑌗𑍍​ 𑌶𑍍𑌰𑍋𑌤𑍍𑌰𑍇॑𑌣 𑌗𑌚𑍍𑌛𑌸𑍍𑌵 𑌸𑍋𑌮 𑌰𑌾𑌜𑌨𑍍𑌨𑍍 ।
𑌯𑌤𑍍𑌤॒ 𑌆𑌸𑍍𑌥𑌿॑𑌤॒𑌗𑍍​𑌮𑍍॒ 𑌶𑌮𑍁॒ 𑌤𑌤𑍍𑌤𑍇॑ 𑌅𑌸𑍍𑌤𑍁 । 𑌜𑌾॒𑌨𑍀॒𑌤𑌾𑌨𑍍𑌨॑-𑌸𑍍𑌸॒𑌗𑌮𑍍𑌮॑𑌨𑍇 𑌪𑌥𑍀॒𑌨𑌾𑌮𑍍 ॥ 𑌏॒𑌤-𑌞𑍍𑌜𑌾॑𑌨𑍀𑌤𑌾𑌤𑍍𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌵𑍃𑌕𑌾᳚-𑌸𑍍𑌸𑌧𑌸𑍍𑌥𑌾 𑌵𑌿॒𑌦 𑌰𑍂॒𑌪𑌮॑𑌸𑍍𑌯 ॥ 124 ॥

𑌯𑌦𑌾॒𑌗𑌚𑍍𑌛𑌾᳚-𑌤𑍍𑌪॒𑌥𑌿𑌭𑌿॑ 𑌰𑍍𑌦𑍇𑌵॒𑌯𑌾𑌨𑍈𑌃᳚ । 𑌇॒𑌷𑍍𑌟𑌾॒𑌪𑍂॒𑌰𑍍𑌤𑍇 𑌕𑍃॑𑌣𑍁𑌤𑌾-𑌦𑌾॒𑌵𑌿𑌰॑𑌸𑍍𑌮𑍈 ॥
𑌅𑌰𑌿॑𑌷𑍍𑌟𑍋 𑌰𑌾𑌜𑌨𑍍𑌨𑌗॒𑌦𑌃 𑌪𑌰𑍇॑𑌹𑌿 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌚𑌕𑍍𑌷॑𑌸𑍇 𑌰𑌘𑍂𑌯॒𑌤𑍇 । 𑌨𑌾𑌕॒𑌮𑌾𑌰𑍋॑𑌹 𑌸॒𑌹 𑌯𑌜॑𑌮𑌾𑌨𑍇𑌨 । 𑌸𑍂𑌰𑍍𑌯॑-𑌙𑍍𑌗𑌚𑍍𑌛𑌤𑌾𑌤𑍍𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥
𑌅𑌭𑍂᳚𑌦𑍍𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌵𑌨𑍍𑌦𑍍𑌯𑍋॒ 𑌨𑍁 𑌨𑌃॑ । 𑌇॒𑌦𑌾𑌨𑍀॒𑌮𑌹𑍍𑌨॑ 𑌉𑌪॒𑌵𑌾𑌚𑍍𑌯𑍋॒ 𑌨𑍃𑌭𑌿𑌃॑ ।
𑌵𑌿 𑌯𑍋 𑌰𑌤𑍍𑌨𑌾॒ 𑌭𑌜॑𑌤𑌿 𑌮𑌾𑌨॒𑌵𑍇𑌭𑍍𑌯𑌃॑ । 𑌶𑍍𑌰𑍇𑌷𑍍𑌠॑-𑌨𑍍𑌨𑍋॒ 𑌅𑌤𑍍𑌰॒ 𑌦𑍍𑌰𑌵𑌿॑𑌣𑌂॒-𑌯𑌁𑌥𑌾॒ 𑌦𑌧॑𑌤𑍍 ॥
𑌉𑌪॑ 𑌨𑍋 𑌮𑌿𑌤𑍍𑌰𑌾𑌵𑌰𑍁𑌣𑌾-𑌵𑌿॒𑌹𑌾𑌵॑𑌤𑌮𑍍 । 𑌅॒𑌨𑍍𑌵𑌾𑌦𑍀᳚𑌦𑍍𑌧𑍍𑌯𑌾-𑌥𑌾𑌮𑌿॒𑌹 𑌨॑-𑌸𑍍𑌸𑌖𑌾𑌯𑌾 । 𑌆॒𑌦𑌿॒𑌤𑍍𑌯𑌾𑌨𑌾॒-𑌮𑍍𑌪𑍍𑌰𑌸𑌿॑𑌤𑌿𑌰𑍍-𑌹𑍇॒𑌤𑌿𑌃 । 𑌉॒𑌗𑍍𑌰𑌾 𑌶॒𑌤𑌾𑌪𑌾᳚𑌷𑍍𑌠𑌾 𑌘॒𑌵𑌿𑌷𑌾॒ 𑌪𑌰𑌿॑𑌣𑍋 𑌵𑍃𑌣𑌕𑍍𑌤𑍁 ॥
𑌆 𑌪𑍍𑌯𑌾॑𑌯𑌸𑍍𑌵॒ 𑌸𑌮𑍇॑𑌤𑍁 𑌤𑍇 𑌵𑌿॒𑌶𑍍𑌵𑌤॑-𑌸𑍍𑌸𑍋𑌮॒ 𑌵𑍃𑌷𑍍𑌣𑌿॑𑌯𑌮𑍍 । 𑌭𑌵𑌾॒ 𑌵𑌾𑌜॑𑌸𑍍𑌯 𑌸𑌙𑍍𑌗॒𑌥𑍇 ॥ 𑌸-𑌨𑍍𑌤𑍇॒ 𑌪𑌯𑌾𑌗𑍍​𑌮𑍍॑𑌸𑌿॒ 𑌸𑌮𑍁॑ 𑌯𑌨𑍍𑌤𑍁॒ 𑌵𑌾𑌜𑌾॒-𑌸𑍍𑌸𑌂-𑌵𑍃𑌁𑌷𑍍𑌣𑌿॑𑌯𑌾-𑌨𑍍𑌯𑌭𑌿𑌮𑌾𑌤𑌿॒𑌷𑌾𑌹𑌃॑ । 𑌆॒𑌪𑍍𑌯𑌾𑌯॑𑌮𑌾𑌨𑍋 𑌅॒𑌮𑍃𑌤𑌾॑𑌯 𑌸𑍋𑌮 𑌦𑌿॒𑌵𑌿 𑌶𑍍𑌰𑌵𑌾𑌗𑍍॑𑌸𑍍𑌯𑍁𑌤𑍍𑌤॒𑌮𑌾𑌨𑌿॑ 𑌧𑌿𑌷𑍍𑌵 ॥ ॥ 125 ॥
(𑌤𑍍𑌮𑌨𑌾॒ – 𑌜𑌾𑌯॑𑌮𑌾𑌨𑍋 – 𑌽𑌸𑍍𑌯॒ – 𑌦𑌧॒-𑌤𑍍𑌪𑌞𑍍𑌚॑ 𑌚) (𑌅. 13)

𑌅𑌨𑍁𑌵𑌾𑌕𑌂 14 – 𑌅𑌵𑌭𑍃𑌥𑍇 𑌕𑌰𑍍𑌮𑌣𑌿 𑌸𑍇𑌚𑌨𑌾𑌦𑌿𑌮𑌨𑍍𑌤𑍍𑌰𑌾𑌃
𑌯𑌦𑍍𑌦𑌿॑𑌦𑍀॒𑌕𑍍𑌷𑍇 𑌮𑌨॑𑌸𑌾॒ 𑌯𑌚𑍍𑌚॑ 𑌵𑌾॒𑌚𑌾 । 𑌯𑌦𑍍𑌵𑌾᳚ 𑌪𑍍𑌰𑌾॒𑌣𑍈𑌶𑍍𑌚𑌕𑍍𑌷𑍁॑𑌷𑌾॒ 𑌯𑌚𑍍𑌚॒ 𑌶𑍍𑌰𑍋𑌤𑍍𑌰𑍇॑𑌣 ।
𑌯𑌦𑍍𑌰𑍇𑌤॑𑌸𑌾 𑌮𑌿𑌥𑍁॒𑌨𑍇𑌨𑌾-𑌪𑍍𑌯𑌾॒𑌤𑍍𑌮𑌨𑌾᳚ ।
𑌅॒𑌦𑍍𑌭𑍍𑌯𑍋 𑌲𑍋॒𑌕𑌾 𑌦॑𑌧𑌿॒𑌰𑍇 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 ।
𑌶𑍁॒𑌕𑍍𑌰𑌾 𑌦𑍀॒𑌕𑍍𑌷𑌾𑌯𑍈॒ 𑌤𑌪॑𑌸𑍋 𑌵𑌿॒𑌮𑍋𑌚॑𑌨𑍀𑌃 ।
𑌆𑌪𑍋॑ 𑌵𑌿𑌮𑍋॒𑌕𑍍𑌤𑍍𑌰𑍀 𑌰𑍍𑌮𑌯𑌿॒ 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 ॥
𑌯𑌦𑍃॒𑌚𑌾 𑌸𑌾𑌮𑍍𑌨𑌾॒ 𑌯𑌜𑍁॑𑌷𑌾 । 𑌪॒𑌶𑍂॒𑌨𑌾-𑌞𑍍𑌚𑌰𑍍𑌮॑𑌨𑍍. 𑌹॒𑌵𑌿𑌷𑌾॑ 𑌦𑌿𑌦𑍀॒𑌕𑍍𑌷𑍇 ।
𑌯𑌚𑍍𑌛𑌨𑍍𑌦𑍋॑𑌭𑌿॒-𑌰𑍋𑌷॑𑌧𑍀𑌭𑌿॒-𑌰𑍍𑌵𑌨॒𑌸𑍍𑌪𑌤𑍌᳚ ।
𑌅॒𑌦𑍍𑌭𑍍𑌯𑍋 𑌲𑍋॒𑌕𑌾 𑌦॑𑌧𑌿॒𑌰𑍇 (𑌦॑𑌧𑌿𑌰𑍇॒) 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 ॥ 126 ॥

𑌶𑍁॒𑌕𑍍𑌰𑌾 𑌦𑍀॒𑌕𑍍𑌷𑌾𑌯𑍈॒ 𑌤𑌪॑𑌸𑍋 𑌵𑌿॒𑌮𑍋𑌚॑𑌨𑍀𑌃 ।
𑌆𑌪𑍋॑ 𑌵𑌿𑌮𑍋॒𑌕𑍍𑌤𑍍𑌰𑍀 𑌰𑍍𑌮𑌯𑌿॒ 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 ॥
𑌯𑍇𑌨॒ 𑌬𑍍𑌰𑌹𑍍𑌮॒ 𑌯𑍇𑌨॑ 𑌕𑍍𑌷॒𑌤𑍍𑌰𑌮𑍍 । 𑌯𑍇𑌨𑍇᳚𑌨𑍍𑌦𑍍𑌰𑌾॒𑌗𑍍𑌨𑍀 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑍋𑌮𑍋॒ 𑌵𑌰𑍁॑𑌣𑍋॒ 𑌯𑍇𑌨॒ 𑌰𑌾𑌜𑌾᳚ ।
𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌋𑌷॑𑌯𑍋॒ 𑌯𑍇𑌨॑ 𑌪𑍍𑌰𑌾॒𑌣𑌾𑌃 ।
𑌅॒𑌦𑍍𑌭𑍍𑌯𑍋 𑌲𑍋॒𑌕𑌾 𑌦॑𑌧𑌿𑌰𑍇॒ 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 ।
𑌶𑍁॒𑌕𑍍𑌰𑌾 𑌦𑍀॒𑌕𑍍𑌷𑌾𑌯𑍈॒ 𑌤𑌪॑𑌸𑍋 𑌵𑌿॒𑌮𑍋𑌚॑𑌨𑍀𑌃 ।
𑌆𑌪𑍋॑ 𑌵𑌿𑌮𑍋॒𑌕𑍍𑌤𑍍𑌰𑍀 𑌰𑍍𑌮𑌯𑌿॒ 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 ॥
𑌅॒𑌪𑌾-𑌮𑍍𑌪𑍁𑌷𑍍𑌪॑𑌮॒𑌸𑍍𑌯𑍋-𑌷॑𑌧𑍀𑌨𑌾॒𑌗𑍍​𑌮𑍍॒ 𑌰𑌸𑌃॑ । 𑌸𑍋𑌮॑𑌸𑍍𑌯 𑌪𑍍𑌰𑌿॒𑌯-𑌨𑍍𑌧𑌾𑌮॑ ॥ 12𑍭 ॥

𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌤॑𑌮𑌗𑍍​𑌮𑍍 𑌹॒𑌵𑌿-𑌸𑍍𑌸𑍍𑌵𑌾𑌹𑌾᳚ ॥ 𑌅॒𑌪𑌾-𑌮𑍍𑌪𑍁𑌷𑍍𑌪॑-𑌮॒𑌸𑍍𑌯𑍋𑌷॑𑌧𑍀𑌨𑌾॒𑌗𑍍​𑌮𑍍॒ 𑌰𑌸𑌃॑ ।
𑌸𑍋𑌮॑𑌸𑍍𑌯 𑌪𑍍𑌰𑌿॒𑌯-𑌨𑍍𑌧𑌾𑌮॑ । 𑌇𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌿॒𑌯𑌤॑𑌮𑌗𑍍​𑌮𑍍 𑌹॒𑌵𑌿-𑌸𑍍𑌸𑍍𑌵𑌾𑌹𑌾᳚ । 𑌅॒𑌪𑌾-𑌮𑍍𑌪𑍁𑌷𑍍𑌪॑𑌮॒𑌸𑍍𑌯𑍋-𑌷॑𑌧𑍀𑌨𑌾॒𑌗𑍍​𑌮𑍍॒ 𑌰𑌸𑌃॑ । 𑌸𑍋𑌮॑𑌸𑍍𑌯 𑌪𑍍𑌰𑌿॒𑌯-𑌨𑍍𑌧𑌾𑌮॑ ।
𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌿॒𑌯𑌤॑𑌮𑌗𑍍​𑌮𑍍 𑌹॒𑌵𑌿-𑌸𑍍𑌸𑍍𑌵𑌾𑌹𑌾᳚ ॥ 𑌵॒𑌯𑌗𑍍​𑌮𑍍 𑌸𑍋॑𑌮 𑌵𑍍𑌰॒𑌤𑍇 𑌤𑌵॑ ।
𑌮𑌨॑𑌸𑍍𑌤॒𑌨𑍂𑌷𑍁॒ 𑌪𑌿𑌪𑍍𑌰॑𑌤𑌃 । 𑌪𑍍𑌰॒𑌜𑌾𑌵॑𑌨𑍍𑌤𑍋 𑌅𑌶𑍀𑌮𑌹𑌿 ॥ 12𑍮 ॥

𑌦𑍇॒𑌵𑍇𑌭𑍍𑌯𑌃॑ 𑌪𑌿॒𑌤𑍃𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌸𑍋॒𑌮𑍍𑌯𑍇𑌭𑍍𑌯𑌃॑ 𑌪𑌿॒𑌤𑍃𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌕॒𑌵𑍍𑌯𑍇𑌭𑍍𑌯𑌃॑ 𑌪𑌿॒𑌤𑍃𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ॥ 𑌦𑍇𑌵𑌾॑𑌸 𑌇॒𑌹 𑌮𑌾॑𑌦𑌯𑌦𑍍𑌧𑍍𑌵𑌮𑍍 ।
𑌸𑍋𑌮𑍍𑌯𑌾॑𑌸 𑌇॒𑌹 𑌮𑌾॑𑌦𑌯𑌦𑍍𑌧𑍍𑌵𑌮𑍍 । 𑌕𑌵𑍍𑌯𑌾॑𑌸 𑌇॒𑌹 𑌮𑌾॑𑌦𑌯𑌦𑍍𑌧𑍍𑌵𑌮𑍍 ॥ 𑌅𑌨॑𑌨𑍍𑌤𑌰𑌿𑌤𑌾𑌃 𑌪𑌿॒𑌤𑌰॑-𑌸𑍍𑌸𑍋॒𑌮𑍍𑌯𑌾-𑌸𑍍𑌸𑍋॑𑌮𑌪𑍀॒𑌥𑌾𑌤𑍍 ॥ 𑌅𑌪𑍈॑𑌤𑍁 𑌮𑍃॒𑌤𑍍𑌯𑍁𑌰॒𑌮𑍃𑌤॑-𑌨𑍍𑌨॒ 𑌆𑌗𑌨𑍍𑌨𑍍॑ । 𑌵𑍈॒𑌵॒𑌸𑍍𑌵॒𑌤𑍋 𑌨𑍋॒ 𑌅𑌭॑𑌯-𑌙𑍍𑌕𑍃𑌣𑍋𑌤𑍁 ।
𑌪॒𑌰𑍍𑌣𑌂-𑌵𑌁𑌨॒𑌸𑍍𑌪𑌤𑍇॑𑌰𑌿𑌵 ॥ 12𑍯 ॥

𑌅॒𑌭𑌿 𑌨॑-𑌶𑍍𑌶𑍀𑌯𑌤𑌾𑌗𑍍​𑌮𑍍 𑌰॒𑌯𑌿𑌃 । 𑌸𑌚॑𑌤𑌾-𑌨𑍍𑌨॒-𑌶𑍍𑌶𑌚𑍀॒𑌪𑌤𑌿𑌃॑ ॥ 𑌪𑌰॑-𑌮𑍍𑌮𑍃𑌤𑍍𑌯𑍋॒ 𑌅𑌨𑍁॒𑌪𑌰𑍇॑𑌹𑌿॒ 𑌪𑌨𑍍𑌥𑌾᳚𑌮𑍍 । 𑌯𑌸𑍍𑌤𑍇॒ 𑌸𑍍𑌵 𑌇𑌤॑𑌰𑍋 𑌦𑍇𑌵॒𑌯𑌾𑌨𑌾᳚𑌤𑍍 । 𑌚𑌕𑍍𑌷𑍁॑𑌷𑍍𑌮𑌤𑍇 𑌶𑍃𑌣𑍍𑌵॒𑌤𑍇 𑌤𑍇᳚ 𑌬𑍍𑌰𑌵𑍀𑌮𑌿 । 𑌮𑌾 𑌨𑌃॑ 𑌪𑍍𑌰॒𑌜𑌾𑌗𑍍​𑌮𑍍 𑌰𑍀॑𑌰𑌿𑌷𑍋॒ 𑌮𑍋𑌤 𑌵𑍀॒𑌰𑌾𑌨𑍍 ॥ 𑌇॒𑌦𑌮𑍂॒ 𑌨𑍁 𑌶𑍍𑌰𑍇𑌯𑍋॑-𑌽𑌵॒𑌸𑌾𑌨॒-𑌮𑌾𑌗॑𑌨𑍍𑌮 । 𑌯𑌦𑍍𑌗𑍋॒𑌜𑌿-𑌦𑍍𑌧॑𑌨॒𑌜𑌿-𑌦॑𑌶𑍍𑌵॒𑌜𑌿𑌦𑍍𑌯𑌤𑍍 ।
𑌪॒𑌰𑍍𑌣𑌂-𑌵𑌁𑌨॒𑌸𑍍𑌪𑌤𑍇॑𑌰𑌿𑌵 । 𑌅॒𑌭𑌿 𑌨॑-𑌶𑍍𑌶𑍀𑌯𑌤𑌾𑌗𑍍​𑌮𑍍 𑌰॒𑌯𑌿𑌃 । 𑌸𑌚॑𑌤𑌾-𑌨𑍍𑌨॒-𑌶𑍍𑌶𑌚𑍀॒𑌪𑌤𑌿𑌃॑ ॥ 130 ॥
(𑌵𑌨॒𑌸𑍍𑌪𑌤𑌾॑𑌵॒𑌦𑍍𑌭𑍍𑌯𑍋 𑌲𑍋॒𑌕𑌾 𑌦॑𑌧𑌿𑌰𑍇॒ 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌧𑌾𑌮𑌾॑ – 𑌶𑍀𑌮𑌹𑍀 – 𑌵𑌾॒ – 𑌭𑌿 𑌨॑-𑌶𑍍𑌶𑍀𑌯𑌤𑌾𑌗𑍍​𑌮𑍍 𑌰॒𑌯𑌿𑌰𑍇𑌕॑-𑌞𑍍𑌚) (𑌅. 14)

(𑌸𑌰𑍍𑌵𑌾॒𑌨𑍍॒. – 𑌯-𑌦𑍍𑌵𑌿𑌷𑍍𑌷॑𑌣𑍍𑌣𑍇𑌨॒ – 𑌵𑌿 𑌵𑍈 – 𑌯𑌾𑌃 𑌪𑍁॒𑌰𑌸𑍍𑌤𑌾॒-𑌦𑍍- 𑌦𑍇𑌵𑌾॑ 𑌦𑍇॒𑌵𑍇𑌷𑍁॒ – 𑌪𑌰𑌿॑𑌸𑍍𑌤𑌣𑌿𑌤॒ – 𑌸𑌕𑍍𑌷𑍇॒𑌦𑌂 – 𑌁𑌯𑌦॒𑌸𑍍𑌯 𑌪𑌾॒𑌰𑍇॑ – 𑌽𑌨𑌾॒𑌗𑌸॒ – 𑌉𑌦॑𑌸𑍍𑌤𑌾-𑌮𑍍𑌫𑍍𑌸𑍀॒-𑌦𑍍- 𑌬𑍍𑌰𑌹𑍍𑌮॑ 𑌪𑍍𑌰𑌤𑌿॒𑌷𑍍𑌠𑌾 – 𑌯-𑌦𑍍𑌦𑍇॑𑌵॒ – 𑌯𑌤𑍍𑌤𑍇॒ 𑌗𑍍𑌰𑌾𑌵.𑌣𑍍𑌣𑌾॒ – 𑌯-𑌦𑍍𑌦𑌿॑𑌦𑍀॒𑌕𑍍𑌷𑍇 𑌚𑌤𑍁॑𑌰𑍍𑌦𑌶)

(𑌸𑌰𑍍𑌵𑌾॒𑌨𑍍 – 𑌭𑍂𑌤𑌿॑𑌮𑍇॒𑌵 – 𑌯𑌾𑌮𑍇॒𑌵𑌾𑌫𑍍𑌸𑍍𑌵𑌾𑌹𑍁॑𑌤𑌿𑌮𑍍 – 𑌁𑌵𑍍𑌰॒𑌤𑌾𑌨𑌾𑌂᳚ – 𑌪𑌰𑍍𑌣𑌵॒𑌲𑍍𑌕𑌃 – 𑌸𑍋॒𑌮𑍍𑌯𑌾𑌨𑌾॑ – 𑌮॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 – 𑌽𑌗𑍍𑌨𑍇॒ 𑌯𑍋 𑌨𑍋॒ – 𑌜𑍍𑌯𑍋𑌗𑍍𑌜𑍀॒𑌵𑌾𑌃 – 𑌪॒𑌰𑍋𑌰॑𑌜𑌾𑌸𑍍𑌤𑍇॒ – 𑌪𑍍𑌰 𑌤𑍇॑ 𑌮॒𑌹𑍇 – 𑌬𑍍𑌰𑌹𑍍𑌮॑ 𑌪𑍍𑌰𑌤𑌿॒𑌷𑍍𑌠𑌾 – 𑌗𑌾𑌰𑍍​𑌹॑𑌪𑌤𑍍𑌯𑌾 𑌸𑍍𑌤𑍍𑌰𑌿॒𑌗𑍍​𑌮𑍍॒𑌶𑌦𑍁॑𑌤𑍍𑌤𑌰𑌶॒𑌤𑌂)

(𑌸𑌰𑍍𑌵𑌾॒𑌨𑍍॒. 𑌵𑍈 – 𑌶𑌚𑍀॒𑌪𑌤𑌿𑌃॑)

॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌸𑌪𑍍𑌤𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥