3.10 – 𑌸𑌾𑌵𑌿𑌤𑍍𑌰𑌚𑌯𑌨𑌮𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌕𑌾𑌠 𑌪𑍍𑌰𑌶𑍍𑌨𑌃 𑌪𑌾𑌠𑌃 – 𑌸𑌞𑍍𑌜𑍍𑌞𑌾𑌨𑌂 𑌵𑌿𑌜𑍍𑌞𑌾𑌨𑌂

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌕𑌾𑌠𑌕𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃 – 𑌸𑌾𑌵𑌿𑌤𑍍𑌰𑌚𑌯𑌨𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌸॒𑌞𑍍𑌜𑍍𑌞𑌾𑌨𑌂॑-𑌵𑌿𑌁॒𑌜𑍍𑌞𑌾𑌨॑-𑌮𑍍𑌪𑍍𑌰॒𑌜𑍍𑌞𑌾𑌨॑-𑌞𑍍𑌜𑌾॒𑌨𑌦॑𑌭𑌿𑌜𑌾॒𑌨𑌤𑍍 । 𑌸॒𑌕𑌂𑌲𑍍𑌪𑌁॑𑌮𑌾𑌨-𑌮𑍍𑌪𑍍𑌰॒𑌕𑌲𑍍𑌪॑𑌮𑌾𑌨-𑌮𑍁𑌪॒𑌕𑌲𑍍𑌪॑𑌮𑌾𑌨॒-𑌮𑍁𑌪॑𑌕𑍍𑌲𑍃𑌪𑍍𑌤-𑌙𑍍𑌕𑍍𑌲𑍃॒𑌪𑍍𑌤𑌮𑍍 ।
𑌶𑍍𑌰𑍇𑌯𑍋॒ 𑌵𑌸𑍀॑𑌯 𑌆॒𑌯𑌥𑍍𑌸𑌮𑍍𑌭𑍂॑𑌤-𑌮𑍍𑌭𑍂॒𑌤𑌮𑍍 ॥
𑌚𑌿॒𑌤𑍍𑌰𑌃 𑌕𑍇॒𑌤𑍁𑌃 𑌪𑍍𑌰॒𑌭𑌾𑌨𑌾॒𑌭𑌾𑌨𑍍-𑌥𑍍𑌸॒𑌭𑌾𑌨𑍍𑌨𑍍 ।
𑌜𑍍𑌯𑍋𑌤𑌿॑𑌷𑍍𑌮𑌾॒𑌗𑍍॒-𑌸𑍍𑌤𑍇𑌜॑𑌸𑍍𑌵𑌾𑌨𑌾॒𑌤𑌪॒𑌗𑍍𑌗𑍍॒-𑌸𑍍𑌤𑌪॑𑌨𑍍𑌨𑌭𑌿॒𑌤𑌪𑌨𑍍𑌨𑍍॑ ।
𑌰𑍋॒𑌚॒𑌨𑍋 𑌰𑍋𑌚॑𑌮𑌾𑌨𑌃-𑌶𑍋𑌭॒𑌨𑌃-𑌶𑍋𑌭॑𑌮𑌾𑌨𑌃 𑌕॒𑌲𑍍𑌯𑌾𑌣𑌃॑ ॥ 𑌦𑌰𑍍𑌶𑌾॑ 𑌦𑍃॒𑌷𑍍𑌟𑌾 𑌦॑𑌰𑍍𑌶॒𑌤𑌾 𑌵𑌿॒𑌶𑍍𑌵𑌰𑍂॑𑌪𑌾 𑌸𑍁𑌦𑌰𑍍𑌶॒𑌨𑌾 । 𑌆॒𑌪𑍍𑌯𑌾𑌯॑𑌮𑌾𑌨𑌾॒ 𑌪𑍍𑌯𑌾𑌯॑𑌮𑌾𑌨𑌾॒-𑌪𑍍𑌯𑌾𑌯𑌾॑ 𑌸𑍂॒𑌨𑍃𑌤𑍇𑌰𑌾᳚ ।
𑌆॒𑌪𑍂𑌰𑍍𑌯॑𑌮𑌾𑌣𑌾॒ 𑌪𑍂𑌰𑍍𑌯॑𑌮𑌾𑌣𑌾 𑌪𑍂॒𑌰𑌯॑𑌨𑍍𑌤𑍀 𑌪𑍂॒𑌰𑍍𑌣𑌾 𑌪𑍌᳚𑌰𑍍𑌣𑌮𑌾॒𑌸𑍀 ॥ 𑌦𑌾॒𑌤𑌾 𑌪𑍍𑌰॑𑌦𑌾॒𑌤𑌾-𑌽𑌽𑌨॒𑌨𑍍𑌦𑍋 𑌮𑍋𑌦𑌃॑ 𑌪𑍍𑌰𑌮𑍋॒𑌦𑌃 ॥ 1 ॥

𑌆॒𑌵𑍇॒𑌶𑌯॑-𑌨𑍍𑌨𑌿𑌵𑍇॒𑌶𑌯𑌨𑍍᳚𑌥𑍍𑌸𑌂॒𑌵𑍇𑌁𑌶॑𑌨॒-𑌸𑍍𑌸𑌗𑍍𑌗𑍍𑌶𑌾᳚𑌨𑍍𑌤-𑌶𑍍𑌶𑌾॒𑌨𑍍𑌤𑌃 । 𑌆॒𑌭𑌵॑-𑌨𑍍𑌪𑍍𑌰॒𑌭𑌵𑌨𑍍᳚-𑌥𑍍𑌸॒𑌭𑌂𑌵𑌁॒𑌨𑍍-𑌥𑍍𑌸𑌮𑍍𑌭𑍂॑𑌤𑍋 𑌭𑍂॒𑌤𑌃 ॥
𑌪𑍍𑌰𑌸𑍍𑌤𑍁॑𑌤𑌂॒-𑌵𑌿𑌁𑌷𑍍𑌟𑍁॑𑌤॒𑌗𑍍𑌮𑍍॒ 𑌸𑌗𑍍𑌗𑍍𑌸𑍍𑌤𑍁॑𑌤-𑌙𑍍𑌕॒𑌲𑍍𑌯𑌾𑌣𑌂॑-𑌵𑌿𑌁॒𑌶𑍍𑌵𑌰𑍂॑𑌪𑌮𑍍 । 𑌶𑍁॒𑌕𑍍𑌰𑌮॒𑌮𑍃𑌤॑-𑌨𑍍𑌤𑍇𑌜॒𑌸𑍍𑌵𑌿 𑌤𑍇𑌜॒-𑌸𑍍𑌸𑌮𑌿॑𑌦𑍍𑌧𑌮𑍍 । 𑌅॒𑌰𑍁॒𑌣-𑌮𑍍𑌭𑌾॑𑌨𑍁॒𑌮-𑌨𑍍𑌮𑌰𑍀॑𑌚𑌿𑌮𑌦𑌭𑌿॒𑌤𑌪॒-𑌤𑍍𑌤𑌪॑𑌸𑍍𑌵𑌤𑍍 ॥ 𑌸॒𑌵𑌿॒𑌤𑌾 𑌪𑍍𑌰॑𑌸𑌵𑌿॒𑌤𑌾 𑌦𑍀॒𑌪𑍍𑌤𑍋 𑌦𑍀॒𑌪𑌯॒-𑌨𑍍𑌦𑍀𑌪𑍍𑌯॑𑌮𑌾𑌨𑌃 । 𑌜𑍍𑌵𑌲॑-𑌞𑍍𑌜𑍍𑌵𑌲𑌿॒𑌤𑌾 𑌤𑌪॑𑌨𑍍 𑌵𑌿॒𑌤𑌪𑌨𑍍᳚-𑌥𑍍𑌸॒𑌨𑍍𑌤𑌪𑌨𑍍𑌨𑍍॑ । 𑌰𑍋॒𑌚॒𑌨𑍋 𑌰𑍋𑌚॑𑌮𑌾𑌨-𑌶𑍍𑌶𑍁॒𑌭𑍂𑌂-𑌶𑍍𑌶𑍁𑌮𑍍𑌭॑𑌮𑌾𑌨𑍋 𑌵𑌾॒𑌮𑌃 ॥
𑌸𑍁॒𑌤𑌾 𑌸𑍁॑𑌨𑍍𑌵॒𑌤𑍀 𑌪𑍍𑌰𑌸𑍁॑𑌤𑌾 𑌸𑍂॒𑌯𑌮𑌾॑𑌨𑌾 𑌽𑌭𑌿𑌷𑍂॒𑌯𑌮𑌾॑𑌣𑌾 । 𑌪𑍀𑌤𑍀᳚ 𑌪𑍍𑌰॒𑌪𑌾 𑌸॒𑌪𑌾-𑌨𑍍𑌤𑍃𑌪𑍍𑌤𑌿॑-𑌸𑍍𑌤॒𑌰𑍍𑌪𑌯॑𑌨𑍍𑌤𑍀 ॥ 2 ॥

𑌕𑌾॒𑌨𑍍𑌤𑌾 𑌕𑌾॒𑌮𑍍𑌯𑌾 𑌕𑌾॒𑌮𑌜𑌾॒𑌤𑌾 𑌽𑌽𑌯𑍁॑𑌷𑍍𑌮𑌤𑍀 𑌕𑌾𑌮॒𑌦𑍁𑌘𑌾᳚ ॥ 𑌅॒𑌭𑌿॒𑌶𑌾॒𑌸𑍍𑌤𑌾 𑌽𑌨𑍁॑𑌮॒𑌨𑍍𑌤𑌾-𑌽𑌽𑌨॒𑌨𑍍𑌦𑍋 𑌮𑍋𑌦𑌃॑ 𑌪𑍍𑌰𑌮𑍋॒𑌦𑌃 । 𑌆॒𑌸𑌾॒𑌦𑌯॑-𑌨𑍍𑌨𑌿𑌷𑌾॒𑌦𑌯𑌨𑍍᳚-𑌥𑍍𑌸॒𑌗𑍍𑌮𑍍॒𑌸𑌾𑌦॑𑌨॒-𑌸𑍍𑌸𑌗𑍍𑌮𑍍𑌸॑𑌨𑍍𑌨-𑌸𑍍𑌸॒𑌨𑍍𑌨𑌃 ।
𑌆॒𑌭𑍂 𑌰𑍍𑌵𑌿॒𑌭𑍂𑌃 𑌪𑍍𑌰॒𑌭𑍂-𑌶𑍍𑌶॒𑌭𑍂𑌂 𑌰𑍍𑌭𑍁𑌵𑌃॑ ॥
𑌪॒𑌵𑌿𑌤𑍍𑌰॑-𑌮𑍍𑌪𑌵𑌯𑌿॒𑌷𑍍𑌯-𑌨𑍍𑌪𑍂॒𑌤𑍋 𑌮𑍇𑌦𑍍𑌧𑍍𑌯𑌃॑ ।
𑌯𑌶𑍋॒ 𑌯𑌶॑𑌸𑍍𑌵𑌾-𑌨𑌾॒𑌯𑍁𑌰॒𑌮𑍃𑌤𑌃॑ । 𑌜𑍀॒𑌵𑍋 𑌜𑍀॑𑌵𑌿॒𑌷𑍍𑌯-𑌨𑍍𑌥𑍍𑌸𑍍𑌵॒𑌰𑍍𑌗𑍋 𑌲𑍋॒𑌕𑌃 ॥ 𑌸𑌹॑𑌸𑍍𑌵𑌾॒-𑌨𑍍𑌥𑍍𑌸𑌹𑍀॑𑌯𑌾॒-𑌨𑍋𑌜॑𑌸𑍍𑌵𑌾॒-𑌨𑍍𑌥𑍍𑌸𑌹॑𑌮𑌾𑌨𑌃 । 𑌜𑌯॑𑌨𑍍𑌨-𑌭𑌿॒𑌜𑌯𑌨𑍍᳚-𑌥𑍍𑌸𑍁॒𑌦𑍍𑌰𑌵𑌿॑𑌣𑍋 𑌦𑍍𑌰𑌵𑌿𑌣𑍋॒𑌦𑌾𑌃 । 𑌆॒𑌰𑍍𑌦𑍍𑌰𑌪॑𑌵𑌿𑌤𑍍𑌰𑍋॒ 𑌹𑌰𑌿॑𑌕𑍇𑌶𑍋॒ 𑌮𑍋𑌦𑌃॑ 𑌪𑍍𑌰𑌮𑍋॒𑌦𑌃 ॥ 3 ॥

𑌅॒𑌰𑍁॒𑌣𑍋॑ 𑌽𑌰𑍁॒𑌣𑌰॑𑌜𑌾𑌃 𑌪𑍁॒𑌣𑍍𑌡𑌰𑍀॑𑌕𑍋 𑌵𑌿𑌶𑍍𑌵॒𑌜𑌿𑌦॑-𑌭𑌿॒𑌜𑌿𑌤𑍍 । 𑌆॒𑌰𑍍𑌦𑍍𑌰𑌃 𑌪𑌿𑌨𑍍𑌵॑𑌮𑌾॒𑌨𑍋 𑌽𑌨𑍍𑌨॑𑌵𑌾॒𑌨𑍍-𑌰𑌸॑𑌵𑌾॒-𑌨𑌿𑌰𑌾॑𑌵𑌾𑌨𑍍 ।
𑌸॒𑌰𑍍𑌵𑍌॒𑌷॒𑌧-𑌸𑍍𑌸॑𑌭𑌂॒𑌰𑍋 𑌮𑌹॑𑌸𑍍𑌵𑌾𑌨𑍍 ॥ 𑌏॒𑌜॒𑌤𑍍𑌕𑌾 𑌜𑍋॑𑌵॒𑌤𑍍𑌕𑌾𑌃 । 𑌕𑍍𑌷𑍁॒𑌲𑍍𑌲॒𑌕𑌾-𑌶𑍍𑌶𑌿॑𑌪𑌿𑌵𑌿𑌷𑍍𑌟॒𑌕𑌾𑌃 ।
𑌸॒𑌰𑌿॒𑌸𑍍𑌤𑍍𑌰॒𑌰𑌾-𑌸𑍍𑌸𑍁॒𑌶𑍇𑌰॑𑌵𑌃 । 𑌅॒𑌜𑌿॒𑌰𑌾𑌸𑍋॑ 𑌗𑌮𑌿॒𑌷𑍍𑌣𑌵𑌃॑ ॥ 𑌇॒𑌦𑌾𑌨𑍀᳚-𑌨𑍍𑌤॒𑌦𑌾𑌨𑍀॑-𑌮𑍇॒𑌤𑌰𑍍𑌹𑌿॑ 𑌕𑍍𑌷𑌿॒𑌪𑍍𑌰𑌮॑𑌜𑌿॒𑌰𑌮𑍍 । 𑌆॒𑌶𑍁 𑌰𑍍𑌨𑌿॑𑌮𑍇॒𑌷𑌃 𑌫॒𑌣𑍋 𑌦𑍍𑌰𑌵॑𑌨𑍍𑌨𑌤𑌿॒-𑌦𑍍𑌰𑌵𑌨𑍍𑌨𑍍॑ । 𑌤𑍍𑌵𑌰॒𑌗𑍍𑌗𑍍॒ 𑌸𑍍𑌤𑍍𑌵𑌰॑𑌮𑌾𑌣 𑌆॒𑌶𑍁𑌰𑌾𑌶𑍀॑𑌯𑌾𑌞𑍍𑌜॒𑌵𑌃 {𑌆॒𑌶𑍁𑌰𑌾𑌶𑍀॑𑌯𑌾𑌨𑍍 𑌜॒𑌵𑌃} ॥
𑌅॒𑌗𑍍𑌨𑌿॒𑌷𑍍𑌟𑍋॒𑌮 𑌉॒𑌕𑍍𑌥𑍍𑌯𑍋॑ 𑌽𑌤𑌿𑌰𑌾॒𑌤𑍍𑌰𑍋 𑌦𑍍𑌵𑌿॑𑌰𑌾॒𑌤𑍍𑌰-𑌸𑍍𑌤𑍍𑌰𑌿॑𑌰𑌾॒𑌤𑍍𑌰-𑌶𑍍𑌚॑𑌤𑍂𑌰𑌾॒𑌤𑍍𑌰𑌃 । 𑌅॒𑌗𑍍𑌨𑌿𑌰𑍍-𑌋॒𑌤𑍁-𑌸𑍍𑌸𑍂𑌰𑍍𑌯॑ 𑌋॒𑌤𑍁𑌶𑍍𑌚॒𑌨𑍍𑌦𑍍𑌰𑌮𑌾॑ 𑌋॒𑌤𑍁𑌃 ॥ 𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌂𑌵𑌁𑌥𑍍𑌸॒𑌰𑍋 𑌮॒𑌹𑌾𑌨𑍍𑌕𑌃 ॥ 4 ॥
(𑌪𑍍𑌰॒𑌮𑍋॒𑌦 – 𑌸𑍍𑌤॒𑌰𑍍𑌪𑌯॑𑌨𑍍𑌤𑍀 – 𑌪𑍍𑌰𑌮𑍋॒𑌦𑍋 – 𑌜॒𑌵𑌸𑍍𑌤𑍍𑌰𑍀𑌣𑌿॑ 𑌚) (𑌅. 1)

𑌅𑌨𑍁𑌵𑌾𑌕𑌂 2 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂
𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌭𑍂𑌰॒𑌗𑍍𑌨𑌿-𑌞𑍍𑌚॑ 𑌪𑍃𑌥𑌿॒𑌵𑍀-𑌞𑍍𑌚॒ 𑌮𑌾-𑌞𑍍𑌚॑ ।
𑌤𑍍𑌰𑍀𑌗𑍍𑌶𑍍𑌚॑ 𑌲𑍋॒𑌕𑌾-𑌨𑍍𑌥𑍍𑌸𑌂॑𑌵𑌁𑌥𑍍𑌸॒𑌰-𑌞𑍍𑌚॑ ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾 𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥
𑌭𑍁𑌵𑍋॑ 𑌵𑌾॒𑌯𑍁-𑌞𑍍𑌚𑌾॒𑌨𑍍𑌤𑌰𑌿॑𑌕𑍍𑌷-𑌞𑍍𑌚॒ 𑌮𑌾-𑌞𑍍𑌚॑ । 𑌤𑍍𑌰𑍀𑌗𑍍𑌶𑍍𑌚॑ 𑌲𑍋॒𑌕𑌾-𑌨𑍍𑌥𑍍𑌸𑌂॑𑌵𑌁𑌥𑍍𑌸॒𑌰-𑌞𑍍𑌚॑ ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽 𑌙𑍍𑌗𑌿𑌂𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 । 𑌸𑍍𑌵॑𑌰𑌾𑌦𑌿॒𑌤𑍍𑌯-𑌞𑍍𑌚॒ 𑌦𑌿𑌵॑-𑌞𑍍𑌚॒ 𑌮𑌾-𑌞𑍍𑌚॑ । 𑌤𑍍𑌰𑍀𑌗𑍍𑌶𑍍𑌚॑ 𑌲𑍋॒𑌕𑌾-𑌨𑍍𑌥𑍍𑌸𑌂॑𑌵𑌁𑌥𑍍𑌸॒𑌰-𑌞𑍍𑌚॑ । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾 𑌽𑌙𑍍𑌗𑌿𑌂𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 । 𑌭𑍂𑌰𑍍𑌭𑍁𑌵॒-𑌸𑍍𑌸𑍍𑌵॑-𑌶𑍍𑌚॒𑌨𑍍𑌦𑍍𑌰𑌮॑𑌸-𑌞𑍍𑌚॒ 𑌦𑌿𑌶॑𑌶𑍍𑌚॒ 𑌮𑌾-𑌞𑍍𑌚॑ ।
𑌤𑍍𑌰𑍀𑌗𑍍𑌶𑍍𑌚॑ 𑌲𑍋॒𑌕𑌾-𑌨𑍍𑌥𑍍𑌸॑𑌵𑌨𑍍𑌥𑍍𑌸॒𑌰-𑌞𑍍𑌚॑ । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾 𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 5 ॥
(𑌸𑌂॒𑌵𑌁॒𑌥𑍍𑌸॒𑌰॒-𑌞𑍍𑌚॒ 𑌷𑌟𑍍 𑌚॑)(𑌆2)

𑌅𑌨𑍁𑌵𑌾𑌕𑌂 3 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌤𑍍𑌵𑌮𑍇॒𑌵 𑌤𑍍𑌵𑌾𑌂-𑌵𑍇𑌁᳚𑌤𑍍𑌥॒ 𑌯𑍋॑-𑌽𑌸𑌿॒ 𑌸𑍋-𑌽𑌸𑌿॑ । 𑌤𑍍𑌵𑌮𑍇॒𑌵 𑌤𑍍𑌵𑌾𑌮॑𑌚𑍈𑌷𑍀𑌃 । 𑌚𑌿॒𑌤𑌶𑍍𑌚𑌾𑌸𑌿॒ 𑌸𑌞𑍍𑌚𑌿॑𑌤-𑌶𑍍𑌚𑌾𑌸𑍍𑌯𑌗𑍍𑌨𑍇 । 𑌏॒𑌤𑌾𑌵𑌾॒𑌗𑍍॒𑌶𑍍𑌚𑌾𑌸𑌿॒ 𑌭𑍂𑌯𑌾𑌗𑍍॑𑌶𑍍𑌚𑌾𑌸𑍍𑌯𑌗𑍍𑌨𑍇 ।
𑌯𑌤𑍍𑌤𑍇॑ 𑌅𑌗𑍍𑌨𑍇॒ 𑌨𑍍𑌯𑍂॑𑌨𑌂॒-𑌯𑌁𑌦𑍁॒ 𑌤𑍇-𑌽𑌤𑌿॑𑌰𑌿𑌕𑍍𑌤𑌮𑍍 । 𑌆॒𑌦𑌿॒𑌤𑍍𑌯𑌾-𑌸𑍍𑌤𑌦𑌂𑌙𑍍𑌗𑌿॑𑌰𑌸-𑌶𑍍𑌚𑌿𑌨𑍍𑌵𑌨𑍍𑌤𑍁 ।
𑌵𑌿𑌶𑍍𑌵𑍇॑ 𑌤𑍇 𑌦𑍇॒𑌵𑌾𑌶𑍍𑌚𑌿𑌤𑌿॒-𑌮𑌾𑌪𑍂॑𑌰𑌯𑌨𑍍𑌤𑍁 । 𑌚𑌿॒𑌤𑌶𑍍𑌚𑌾𑌸𑌿॒ 𑌸𑌞𑍍𑌚𑌿॑𑌤-𑌶𑍍𑌚𑌾𑌸𑍍𑌯𑌗𑍍𑌨𑍇 । 𑌏॒𑌤𑌾𑌵𑌾॒𑌗𑍍॒𑌶𑍍𑌚𑌾𑌸𑌿॒ 𑌭𑍂𑌯𑌾𑌗𑍍॑𑌶𑍍𑌚𑌾𑌸𑍍𑌯𑌗𑍍𑌨𑍇 । 𑌮𑌾 𑌤𑍇॑ 𑌅𑌗𑍍𑌨𑍇 𑌽𑌚॒𑌯𑍇𑌨॒ 𑌮𑌾-𑌽𑌤𑌿॑ 𑌚॒ 𑌯𑍇𑌨𑌾𑌯𑍁॒𑌰𑌾𑌵𑍃॑𑌕𑍍𑌷𑌿 । 𑌸𑌵॑𑌰𑍍𑌷𑌾॒-𑌞𑍍𑌜𑍍𑌯𑍋𑌤𑌿॑𑌷𑌾॒-𑌞𑍍𑌜𑍍𑌯𑍋𑌤𑌿॒ 𑌰𑍍𑌯𑌦॒𑌦𑌾𑌵𑍁॒𑌦𑍇𑌤𑌿॑ । 𑌤𑌪॑𑌸𑍋 𑌜𑌾॒𑌤𑌮𑌨𑌿॑-𑌭𑍃𑌷𑍍𑌟॒𑌮𑍋𑌜𑌃॑ । 𑌤𑌤𑍍𑌤𑍇॒ 𑌜𑍍𑌯𑍋𑌤𑌿॑𑌰𑌿𑌷𑍍𑌟𑌕𑍇 । 𑌤𑍇𑌨॑ 𑌮𑍇 𑌤𑌪 । 𑌤𑍇𑌨॑ 𑌮𑍇 𑌜𑍍𑌵𑌲 । 𑌤𑍇𑌨॑ 𑌮𑍇 𑌦𑍀𑌦𑌿𑌹𑌿 ।
𑌯𑌾𑌵॑𑌦𑍍𑌦𑍇॒𑌵𑌾𑌃 । 𑌯𑌾𑌵॒𑌦𑌸𑌾॑𑌤𑌿॒ 𑌸𑍂𑌰𑍍𑌯𑌃॑ । 𑌯𑌾𑌵॑𑌦𑍁॒𑌤𑌾𑌪𑌿॒ 𑌬𑍍𑌰𑌹𑍍𑌮॑ ॥ 6 ॥
(𑌆𑌵𑍃॑𑌕𑍍𑌷𑌿॒ 𑌨𑌵॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌸𑌂॒𑌵𑌁॒𑌥𑍍𑌸॒𑌰𑍋॑-𑌽𑌸𑌿 𑌪𑌰𑌿𑌵𑌥𑍍𑌸॒𑌰𑍋॑-𑌽𑌸𑌿 । 𑌇॒𑌦𑌾॒𑌵॒𑌥𑍍𑌸॒𑌰𑍋॑-𑌽𑌸𑍀-𑌦𑍁𑌵𑌥𑍍𑌸॒𑌰𑍋॑-𑌽𑌸𑌿 ।
𑌇॒𑌦𑍍𑌵॒𑌥𑍍𑌸॒𑌰𑍋॑-𑌽𑌸𑌿 𑌵𑌥𑍍𑌸॒𑌰𑍋॑-𑌽𑌸𑌿 । 𑌤𑌸𑍍𑌯॑ 𑌤𑍇 𑌵𑌸॒𑌨𑍍𑌤-𑌶𑍍𑌶𑌿𑌰𑌃॑ । 𑌗𑍍𑌰𑍀॒𑌷𑍍𑌮𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌵॒𑌰॒.𑌷𑌾𑌃 𑌪𑍁𑌚𑍍𑌛᳚𑌮𑍍 । 𑌶॒𑌰𑌦𑍁𑌤𑍍𑌤॑𑌰𑌃 𑌪॒𑌕𑍍𑌷𑌃 ।
𑌹𑍇॒𑌮॒𑌨𑍍𑌤𑍋 𑌮𑌦𑍍𑌧𑍍𑌯᳚𑌮𑍍 । 𑌪𑍂॒𑌰𑍍𑌵॒𑌪॒𑌕𑍍𑌷𑌾𑌶𑍍𑌚𑌿𑌤॑𑌯𑌃 । 𑌅॒𑌪॒𑌰॒𑌪॒𑌕𑍍𑌷𑌾𑌃 𑌪𑍁𑌰𑍀॑𑌷𑌮𑍍 ॥ 𑍭 ॥

𑌅॒𑌹𑍋॒𑌰𑌾॒𑌤𑍍𑌰𑌾-𑌣𑍀𑌷𑍍𑌟॑𑌕𑌾𑌃 । 𑌋॒𑌷॒𑌭𑍋॑-𑌽𑌸𑌿 𑌸𑍍𑌵॒𑌰𑍍𑌗𑍋 𑌲𑍋॒𑌕𑌃 । 𑌯𑌸𑍍𑌯𑌾᳚-𑌨𑍍𑌦𑌿॒𑌶𑌿 𑌮॒𑌹𑍀𑌯॑𑌸𑍇 । 𑌤𑌤𑍋॑ 𑌨𑍋॒ 𑌮𑌹॒ 𑌆𑌵॑𑌹 । 𑌵𑌾॒𑌯𑍁 𑌰𑍍𑌭𑍂॒𑌤𑍍𑌵𑌾 𑌸𑌰𑍍𑌵𑌾॒ 𑌦𑌿𑌶॒ 𑌆𑌵𑌾॑𑌹𑌿 । 𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌵𑌿𑌵𑌾॑𑌹𑌿 । 𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌸𑌂𑌵𑌾𑌁॑𑌹𑌿 । 𑌚𑌿𑌤𑍍𑌤𑍍𑌯𑌾॒ 𑌚𑌿𑌤𑌿॒-𑌮𑌾𑌪𑍃॑𑌣 । 𑌅𑌚𑌿॑𑌤𑍍𑌤𑍍𑌯𑌾॒ 𑌚𑌿𑌤𑌿॒-𑌮𑌾𑌪𑍃॑𑌣 । 𑌚𑌿𑌦॑𑌸𑌿 𑌸𑌮𑍁॒𑌦𑍍𑌰𑌯𑍋॑𑌨𑌿𑌃 ॥ 𑍮 ॥

𑌇𑌨𑍍𑌦𑍁॒ 𑌰𑍍𑌦𑌕𑍍𑌷॑-𑌶𑍍𑌶𑍍𑌯𑍇॒𑌨 𑌋॒𑌤𑌾𑌵𑌾᳚ । 𑌹𑌿𑌰॑𑌣𑍍𑌯𑌪𑌕𑍍𑌷-𑌶𑍍𑌶𑌕𑍁॒𑌨𑍋 𑌭𑍁॑𑌰॒𑌣𑍍𑌯𑍁𑌃 । 𑌮॒𑌹𑌾-𑌨𑍍𑌥𑍍𑌸॒𑌧𑌸𑍍𑌥𑍇᳚ 𑌧𑍍𑌰𑍁॒𑌵 𑌆𑌨𑌿𑌷॑𑌤𑍍𑌤𑌃 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 । 𑌏𑌤𑌿॒ 𑌪𑍍𑌰𑍇𑌤𑌿॒ 𑌵𑍀𑌤𑌿॒ 𑌸𑌮𑌿𑌤𑍍𑌯𑍁𑌦𑌿𑌤𑌿॑ । 𑌦𑌿𑌵॑-𑌮𑍍𑌮𑍇 𑌯𑌚𑍍𑌛 । 𑌅॒𑌨𑍍𑌤𑌰𑌿॑𑌕𑍍𑌷-𑌮𑍍𑌮𑍇 𑌯𑌚𑍍𑌛 । 𑌪𑍃॒𑌥𑌿॒𑌵𑍀-𑌮𑍍𑌮𑍇॑ 𑌯𑌚𑍍𑌛 ।
𑌪𑍃॒𑌥𑌿॒𑌵𑍀-𑌮𑍍𑌮𑍇॑ 𑌯𑌚𑍍𑌛 । 𑌅॒𑌨𑍍𑌤𑌰𑌿॑𑌕𑍍𑌷-𑌮𑍍𑌮𑍇 𑌯𑌚𑍍𑌛 । 𑌦𑌿𑌵॑-𑌮𑍍𑌮𑍇 𑌯𑌚𑍍𑌛 । 𑌅𑌹𑍍𑌨𑌾॒ 𑌪𑍍𑌰𑌸𑌾॑𑌰𑌯 । 𑌰𑌾𑌤𑍍𑌰𑍍𑌯𑌾॒ 𑌸𑌮॑𑌚 । 𑌰𑌾𑌤𑍍𑌰𑍍𑌯𑌾॒ 𑌪𑍍𑌰𑌸𑌾॑𑌰𑌯 । 𑌅𑌹𑍍𑌨𑌾॒ 𑌸𑌮॑𑌚 ।
𑌕𑌾𑌮॒-𑌮𑍍𑌪𑍍𑌰𑌸𑌾॑𑌰𑌯 । 𑌕𑌾𑌮॒𑌗𑍍𑌮𑍍॒ 𑌸𑌮॑𑌚 ॥ 𑍯 ॥
(𑌪𑍁𑌰𑍀॑𑌷𑌗𑍍𑌮𑍍 – 𑌸𑌮𑍁॒𑌦𑍍𑌰𑌯𑍋॑𑌨𑌿𑌃 – 𑌪𑍃𑌥𑌿॒𑌵𑍀-𑌮𑍍𑌮𑍇॑ 𑌯𑌚𑍍𑌛𑌾॒𑌨𑍍𑌤𑌰𑌿॑𑌕𑍍𑌷-𑌮𑍍𑌮𑍇 𑌯𑌚𑍍𑌛 𑌸॒𑌪𑍍𑌤 𑌚॑) (𑌅. 4)

𑌅𑌨𑍁𑌵𑌾𑌕𑌂 5 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂
𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌭𑍂𑌰𑍍𑌭𑍁𑌵॒-𑌸𑍍𑌸𑍍𑌵𑌃॑ । 𑌓𑌜𑍋॒ 𑌬𑌲᳚𑌮𑍍 । 𑌬𑍍𑌰𑌹𑍍𑌮॑ 𑌕𑍍𑌷॒𑌤𑍍𑌰𑌮𑍍 । 𑌯𑌶𑍋॑ 𑌮॒𑌹𑌤𑍍 । 𑌸॒𑌤𑍍𑌯-𑌨𑍍𑌤𑌪𑍋॒ 𑌨𑌾𑌮॑ । 𑌰𑍂॒𑌪-𑌮॒𑌮𑍃𑌤᳚𑌮𑍍 । 𑌚𑌕𑍍𑌷𑍁॒-𑌶𑍍𑌶𑍍𑌰𑍋𑌤𑍍𑌰᳚𑌮𑍍 । 𑌮𑌨॒ 𑌆𑌯𑍁𑌃॑ ।
𑌵𑌿𑌶𑍍𑌵𑌂॒-𑌯𑌁𑌶𑍋॑ 𑌮॒𑌹𑌃 । 𑌸॒𑌮-𑌨𑍍𑌤𑌪𑍋॒ 𑌹𑌰𑍋॒ 𑌭𑌾𑌃 । 𑌜𑌾॒𑌤𑌵𑍇॑𑌦𑌾॒ 𑌯𑌦𑌿॑ 𑌵𑌾 𑌪𑌾𑌵॒𑌕𑍋-𑌽𑌸𑌿॑ । 𑌵𑍈॒𑌶𑍍𑌵𑌾॒𑌨॒𑌰𑍋 𑌯𑌦𑌿॑ 𑌵𑌾 𑌵𑍈𑌦𑍍𑌯𑍁॒𑌤𑍋-𑌽𑌸𑌿॑ । 𑌶-𑌮𑍍𑌪𑍍𑌰॒𑌜𑌾𑌭𑍍𑌯𑍋॒ 𑌯𑌜॑𑌮𑌾𑌨𑌾𑌯 𑌲𑍋॒𑌕𑌮𑍍 । 𑌊𑌰𑍍𑌜॒-𑌮𑍍𑌪𑍁𑌷𑍍𑌟𑌿॒-𑌨𑍍𑌦𑌦॑-𑌦॒𑌭𑍍𑌯𑌾𑌵॑𑌵𑍃𑌥𑍍𑌸𑍍𑌵 ॥ 10 ॥
(𑌭𑌾𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌅𑌨𑍁𑌵𑌾𑌕𑌂 6 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂
𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌰𑌾𑌜𑍍𑌞𑍀॑ 𑌵𑌿𑌰𑌾𑌜𑍍𑌞𑍀᳚ । 𑌸॒𑌮𑍍𑌰𑌾𑌜𑍍𑌞𑍀᳚ 𑌸𑍍𑌵॒𑌰𑌾𑌜𑍍𑌞𑍀᳚ । 𑌅॒𑌰𑍍𑌚𑌿-𑌶𑍍𑌶𑍋॒𑌚𑌿𑌃 । 𑌤𑌪𑍋॒ 𑌹𑌰𑍋॒ 𑌭𑌾𑌃 । 𑌅॒𑌗𑍍𑌨𑌿-𑌰𑌿𑌨𑍍𑌦𑍍𑌰𑍋॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 ।
𑌤𑍇 𑌮𑌾॒ 𑌸𑌰𑍍𑌵𑍇॒ 𑌯𑌶॑𑌸𑌾॒ 𑌸𑌗𑍍𑌮𑍍𑌸𑍃॑𑌜𑌨𑍍𑌤𑍁 ॥ 11 ॥
(𑌰𑌾𑌜𑍍𑌞𑍀𑌨𑍍𑌦𑍍𑌰𑍋॑ 𑌮𑌾 𑌸॒𑌪𑍍𑌤 (𑌅. 6)

𑌅𑌨𑍁𑌵𑌾𑌕𑌂 𑍭 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌅𑌸॑𑌵𑍇॒ 𑌸𑍍𑌵𑌾𑌹𑌾॒ 𑌵𑌸॑𑌵𑍇॒ 𑌸𑍍𑌵𑌾𑌹𑌾᳚ । 𑌵𑌿𑌭𑍁॑𑌵𑍇॒ 𑌸𑍍𑌵𑌾𑌹𑌾॒ 𑌵𑌿𑌵॑𑌸𑍍𑌵𑌤𑍇॒ 𑌸𑍍𑌵𑌾𑌹𑌾᳚ । 𑌅॒𑌭𑌿॒𑌭𑍁𑌵𑍇॒ 𑌸𑍍𑌵𑌾𑌹𑌾-𑌽𑌧𑌿॑𑌪𑌤𑌯𑍇॒ 𑌸𑍍𑌵𑌾𑌹𑌾᳚ । 𑌦𑌿॒𑌵𑌾𑌮𑍍𑌪𑌤॑𑌯𑍇॒ 𑌸𑍍𑌵𑌾𑌹𑌾 𑌽𑌗𑍍𑌮𑍍॑𑌹𑌸𑍍𑌪॒𑌤𑍍𑌯𑌾𑌯॒ 𑌸𑍍𑌵𑌾𑌹𑌾᳚ । 𑌚𑌾॒𑌕𑍍𑌷𑍁॒𑌷𑍍𑌮॒𑌤𑍍𑌯𑌾𑌯॒ 𑌸𑍍𑌵𑌾𑌹𑌾᳚ 𑌜𑍍𑌯𑍋𑌤𑌿𑌷𑍍𑌮॒𑌤𑍍𑌯𑌾𑌯॒ 𑌸𑍍𑌵𑌾𑌹𑌾᳚ । 𑌰𑌾𑌜𑍍𑌞𑍇॒ 𑌸𑍍𑌵𑌾𑌹𑌾॑ 𑌵𑌿॒𑌰𑌾𑌜𑍍𑌞𑍇॒ 𑌸𑍍𑌵𑌾𑌹𑌾᳚ । 𑌸॒𑌮𑍍𑌰𑌾𑌜𑍍𑌞𑍇॒ 𑌸𑍍𑌵𑌾𑌹𑌾᳚ 𑌸𑍍𑌵॒𑌰𑌾𑌜𑍍𑌞𑍇॒ 𑌸𑍍𑌵𑌾𑌹𑌾᳚ ।
𑌶𑍂𑌷𑌾॑𑌯॒ 𑌸𑍍𑌵𑌾𑌹𑌾॒ 𑌸𑍂𑌰𑍍𑌯𑌾॑𑌯॒ 𑌸𑍍𑌵𑌾𑌹𑌾᳚ । 𑌚॒𑌨𑍍𑌦𑍍𑌰𑌮॑𑌸𑍇॒ 𑌸𑍍𑌵𑌾𑌹𑌾॒ 𑌜𑍍𑌯𑍋𑌤𑌿॑𑌷𑍇॒ 𑌸𑍍𑌵𑌾𑌹𑌾᳚ ।
𑌸॒𑌗𑍍𑌮𑍍॒𑌸𑌰𑍍𑌪𑌾॑𑌯॒ 𑌸𑍍𑌵𑌾𑌹𑌾॑ 𑌕॒𑌲𑍍𑌯𑌾𑌣𑌾॑𑌯॒ 𑌸𑍍𑌵𑌾𑌹𑌾᳚ ।
𑌅𑌰𑍍𑌜𑍁॑𑌨𑌾𑌯॒ 𑌸𑍍𑌵𑌾𑌹𑌾᳚ ॥ 12 ॥
(𑌕॒𑌲𑍍𑌯𑌾𑌣𑌾॑𑌯॒ 𑌸𑍍𑌵𑌾𑌹𑍈𑌕॑-𑌞𑍍𑌚) (𑌅. 𑍭)

𑌅𑌨𑍁𑌵𑌾𑌕𑌂 𑍮 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌵𑌿॒𑌪॒𑌶𑍍𑌚𑌿𑌤𑍇॒ 𑌪𑌵॑𑌮𑌾𑌨𑌾𑌯 𑌗𑌾𑌯𑌤 । 𑌮॒𑌹𑍀 𑌨 𑌧𑌾𑌰𑌾 𑌽𑌤𑍍𑌯𑌨𑍍𑌧𑍋॑ 𑌅𑌰𑍍𑌷𑌤𑌿 । 𑌅𑌹𑌿॑𑌰𑍍𑌹 𑌜𑍀॒𑌰𑍍𑌣𑌾𑌮𑌤𑌿॑𑌸𑌰𑍍𑌪𑌤𑌿॒ 𑌤𑍍𑌵𑌚᳚𑌮𑍍 । 𑌅𑌤𑍍𑌯𑍋॒ 𑌨 𑌕𑍍𑌰𑍀𑌡॑𑌨𑍍𑌨 𑌸𑌰॒𑌦𑍍𑌵𑍃𑌷𑌾॒ 𑌹𑌰𑌿𑌃॑ ।
𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌮𑍃॒𑌤𑍍𑌯𑌵𑍇᳚ 𑌤𑍍𑌵𑌾॒ 𑌜𑍁𑌷𑍍𑌟॑-𑌙𑍍𑌗𑍃𑌹𑍍𑌣𑌾𑌮𑌿 । 𑌏॒𑌷 𑌤𑍇॒ 𑌯𑍋𑌨𑌿॑𑌰𑍍𑌮𑍃॒𑌤𑍍𑌯𑌵𑍇᳚ 𑌤𑍍𑌵𑌾 ॥ 𑌅𑌪॑ 𑌮𑍃॒𑌤𑍍𑌯𑍁-𑌮𑌪॒𑌕𑍍𑌷𑍁𑌧᳚𑌮𑍍 । 𑌅𑌪𑍇॒𑌤-𑌶𑍍𑌶॒𑌪𑌥॑-𑌞𑍍𑌜𑌹𑌿 ।
𑌅𑌧𑌾॑ 𑌨𑍋 𑌅𑌗𑍍𑌨॒ 𑌆𑌵॑𑌹 । 𑌰𑌾॒𑌯𑌸𑍍𑌪𑍋𑌷𑌗𑍍𑌮𑍍॑ 𑌸𑌹॒𑌸𑍍𑌰𑌿𑌣᳚𑌮𑍍 ॥ 13 ॥

𑌯𑍇 𑌤𑍇॑ 𑌸॒𑌹𑌸𑍍𑌰॑𑌮॒𑌯𑍁𑌤॒-𑌮𑍍𑌪𑌾𑌶𑌾𑌃᳚ । 𑌮𑍃𑌤𑍍𑌯𑍋॒ 𑌮𑌰𑍍𑌤𑍍𑌯𑌾॑𑌯॒ 𑌹𑌨𑍍𑌤॑𑌵𑍇 । 𑌤𑌾𑌨𑍍. 𑌯॒𑌜𑍍𑌞𑌸𑍍𑌯॑ 𑌮𑌾॒𑌯𑌯𑌾᳚ । 𑌸𑌰𑍍𑌵𑌾॒𑌨𑌵॑ 𑌯𑌜𑌾𑌮𑌹𑍇 ॥ 𑌭॒𑌕𑍍𑌷𑍋᳚ 𑌽𑌸𑍍𑌯𑌮𑍃𑌤 𑌭॒𑌕𑍍𑌷𑌃 । 𑌤𑌸𑍍𑌯॑ 𑌤𑍇 𑌮𑍃॒𑌤𑍍𑌯𑍁-𑌪𑍀॑𑌤𑌸𑍍𑌯𑌾॒-𑌮𑍃𑌤॑𑌵𑌤𑌃 ।
𑌸𑍍𑌵॒𑌗𑌾-𑌕𑍃॑𑌤𑌸𑍍𑌯॒ 𑌮𑌧𑍁॑𑌮𑌤𑌃 ।
𑌉𑌪॑𑌹𑍂𑌤॒𑌸𑍍𑌯𑍋-𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑌿 ॥
𑌮॒𑌨𑍍𑌦𑍍𑌰𑌾 𑌽𑌭𑌿𑌭𑍂॑𑌤𑌿𑌃 𑌕𑍇॒𑌤𑍁 𑌰𑍍𑌯॒𑌜𑍍𑌞𑌾𑌨𑌾𑌂॒-𑌵𑌾𑌁𑌕𑍍 । 𑌅𑌸𑌾॒𑌵𑍇𑌹𑌿॑ ॥ 14 ॥

𑌅॒𑌨𑍍𑌧𑍋 𑌜𑌾𑌗𑍃॑𑌵𑌿𑌃 𑌪𑍍𑌰𑌾𑌣 । 𑌅𑌸𑌾॒𑌵𑍇𑌹𑌿॑ । 𑌬॒𑌧𑌿॒𑌰 𑌆᳚𑌕𑍍𑌰𑌨𑍍𑌦𑌯𑌿𑌤-𑌰𑌪𑌾𑌨 । 𑌅𑌸𑌾॒𑌵𑍇𑌹𑌿॑ । 𑌅॒𑌹॒𑌸𑍍𑌤𑍋𑌸𑍍𑌤𑍍𑌵𑌾॒ 𑌚𑌕𑍍𑌷𑍁𑌃॑ । 𑌅𑌸𑌾॒𑌵𑍇𑌹𑌿॑ । 𑌅॒𑌪𑌾॒𑌦𑌾𑌶𑍋॒ 𑌮𑌨𑌃॑ ।
𑌅𑌸𑌾॒𑌵𑍇𑌹𑌿॑ । 𑌕𑌵𑍇॒ 𑌵𑌿𑌪𑍍𑌰॑𑌚𑌿𑌤𑍍𑌤𑍇॒ 𑌶𑍍𑌰𑍋𑌤𑍍𑌰॑ । 𑌅𑌸𑌾॒𑌵𑍇𑌹𑌿॑ ॥ 15 ॥

𑌸𑍁॒𑌹॒𑌸𑍍𑌤-𑌸𑍍𑌸𑍁॑𑌵𑌾॒𑌸𑌾𑌃 । 𑌶𑍂॒𑌷𑍋 𑌨𑌾𑌮𑌾᳚𑌸𑍍𑌯॒-𑌮𑍃𑌤𑍋॒ 𑌮𑌰𑍍𑌤𑍍𑌯𑍇॑𑌷𑍁 । 𑌤𑌨𑍍𑌤𑍍𑌵𑌾॒-𑌽𑌹-𑌨𑍍𑌤𑌥𑌾॒ 𑌵𑍇𑌦॑ । 𑌅𑌸𑌾॒𑌵𑍇𑌹𑌿॑ । 𑌅॒𑌗𑍍𑌨𑌿𑌰𑍍𑌮𑍇॑ 𑌵𑌾॒𑌚𑌿 𑌶𑍍𑌰𑌿॒𑌤𑌃 । 𑌵𑌾𑌘𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 । 𑌵𑌾॒𑌯𑍁𑌰𑍍𑌮𑍇᳚ 𑌪𑍍𑌰𑌾॒𑌣𑍇 𑌶𑍍𑌰𑌿॒𑌤𑌃 ॥ 16 ॥

𑌪𑍍𑌰𑌾॒𑌣𑍋 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌸𑍂𑌰𑍍𑌯𑍋॑ 𑌮𑍇॒ 𑌚𑌕𑍍𑌷𑍁॑𑌷𑌿 𑌶𑍍𑌰𑌿॒𑌤𑌃 ।
𑌚𑌕𑍍𑌷𑍁॒𑌰𑍍॒ 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌚॒𑌨𑍍𑌦𑍍𑌰𑌮𑌾॑ 𑌮𑍇॒ 𑌮𑌨॑𑌸𑌿 𑌶𑍍𑌰𑌿॒𑌤𑌃 ॥ 1𑍭 ॥

𑌮𑌨𑍋॒ 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌦𑌿𑌶𑍋॑ 𑌮𑍇॒ 𑌶𑍍𑌰𑍋𑌤𑍍𑌰𑍇᳚ 𑌶𑍍𑌰𑌿॒𑌤𑌾𑌃 । 𑌶𑍍𑌰𑍋𑌤𑍍𑌰॒𑌗𑍍𑌮𑍍॒ 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ ।
𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 । 𑌆𑌪𑍋॑ 𑌮𑍇॒ 𑌰𑍇𑌤॑𑌸𑌿 𑌶𑍍𑌰𑌿॒𑌤𑌾𑌃 ॥ 1𑍮 ॥

𑌰𑍇𑌤𑍋॒ 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ ।
𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌪𑍃॒𑌥𑌿॒𑌵𑍀 𑌮𑍇॒ 𑌶𑌰𑍀॑𑌰𑍇 𑌶𑍍𑌰𑌿॒𑌤𑌾 ।
𑌶𑌰𑍀॑𑌰॒𑌗𑍍𑌮𑍍॒ 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 । 𑌓॒𑌷॒𑌧𑌿॒𑌵॒𑌨॒𑌸𑍍𑌪॒𑌤𑌯𑍋॑ 𑌮𑍇॒ 𑌲𑍋𑌮॑𑌸𑍁 𑌶𑍍𑌰𑌿॒𑌤𑌾𑌃 ॥ 1𑍯 ॥

𑌲𑍋𑌮𑌾॑𑌨𑌿॒ 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌇𑌨𑍍𑌦𑍍𑌰𑍋॑ 𑌮𑍇॒ 𑌬𑌲𑍇᳚ 𑌶𑍍𑌰𑌿॒𑌤𑌃 । 𑌬𑌲॒𑌗𑍍𑌮𑍍॒ 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ ।
𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 । 𑌪॒𑌰𑍍𑌜𑌨𑍍𑌯𑍋॑ 𑌮𑍇 𑌮𑍂॒𑌰𑍍𑌧𑍍𑌨𑌿 𑌶𑍍𑌰𑌿॒𑌤𑌃 ॥ 20 ॥

𑌮𑍂॒𑌦𑍍𑌰𑍍𑌧𑌾 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌈𑌶𑌾॑𑌨𑍋 𑌮𑍇 𑌮॒𑌨𑍍𑌯𑍌 𑌶𑍍𑌰𑌿॒𑌤𑌃 । 𑌮॒𑌨𑍍𑌯𑍁𑌰𑍍-𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ ।
𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌆॒𑌤𑍍𑌮𑌾 𑌮॑ 𑌆॒𑌤𑍍𑌮𑌨𑌿॑ 𑌶𑍍𑌰𑌿॒𑌤𑌃( ) ॥ 21 ॥

𑌆॒𑌤𑍍𑌮𑌾 𑌹𑍃𑌦॑𑌯𑍇 । 𑌹𑍃𑌦॑𑌯॒-𑌮𑍍𑌮𑌯𑌿॑ । 𑌅॒𑌹𑌮॒𑌮𑍃𑌤𑍇᳚ । 𑌅॒𑌮𑍃𑌤॒-𑌮𑍍𑌬𑍍𑌰𑌹𑍍𑌮॑𑌣𑌿 ।
𑌪𑍁𑌨॑𑌰𑍍𑌮 𑌆॒𑌤𑍍𑌮𑌾 𑌪𑍁𑌨॒𑌰𑌾𑌯𑍁॒𑌰𑌾𑌗𑌾᳚𑌤𑍍 । 𑌪𑍁𑌨𑌃॑ 𑌪𑍍𑌰𑌾॒𑌣𑌃 𑌪𑍁𑌨॒𑌰𑌾𑌕𑍂॑𑌤॒-𑌮𑌾𑌗𑌾᳚𑌤𑍍 ।
𑌵𑍈॒𑌶𑍍𑌵𑌾॒𑌨॒𑌰𑍋 𑌰॒𑌶𑍍𑌮𑌿𑌭𑌿॑ 𑌰𑍍𑌵𑌾𑌵𑍃𑌧𑌾॒𑌨𑌃 । 𑌅॒𑌨𑍍𑌤𑌸𑍍𑌤𑌿॑𑌷𑍍𑌠𑌤𑍍𑌵॒𑌮𑍃𑌤॑𑌸𑍍𑌯 𑌗𑍋॒𑌪𑌾𑌃 ॥ 22 ॥
(𑌸॒𑌹॒𑌸𑍍𑌰𑌿𑌣॑ – 𑌮𑌿𑌹𑌿॒ – 𑌶𑍍𑌰𑍋𑌤𑍍𑌰𑌾𑌸𑌾॒𑌵𑍇𑌹𑌿॑ – 𑌪𑍍𑌰𑌾॒𑌣𑍇 𑌶𑍍𑌰𑌿॒𑌤𑍋 – 𑌮𑌨॑𑌸𑌿 𑌶𑍍𑌰𑌿॒𑌤𑍋 – 𑌰𑍇𑌤॑𑌸𑌿 𑌶𑍍𑌰𑌿॒𑌤𑌾 – 𑌲𑍋𑌮॑𑌸𑍁 𑌶𑍍𑌰𑌿॒𑌤𑌾 – 𑌮𑍂॒𑌰𑍍𑌧𑍍𑌨𑌿 𑌶𑍍𑌰𑌿॒𑌤 – 𑌆॒𑌤𑍍𑌮𑌨𑌿॑ 𑌶𑍍𑌰𑌿॒𑌤𑍋᳚ – +-𑌽𑌷𑍍𑌟𑍌 𑌚॑) (𑌅. 𑍮)

(𑌅॒𑌗𑍍𑌨𑌿-𑌰𑍍𑌵𑌾॒𑌯𑍁-𑌸𑍍𑌸𑍂𑌰𑍍𑌯॑ 𑌶𑍍𑌚॒𑌨𑍍𑌦𑍍𑌰𑌮𑌾॒ 𑌦𑌿𑌶॒ 𑌆𑌪𑌃॑ 𑌪𑍃𑌥𑌿॒ 𑌵𑍍𑌯𑍋॑𑌷𑌧𑌿𑌵𑌨𑌸𑍍𑌪॒𑌤𑌯॒ 𑌇𑌨𑍍𑌦𑍍𑌰𑌃॑ 𑌪॒𑌰𑍍𑌜𑌨𑍍𑌯॒ 𑌈𑌶𑌾॑𑌨 𑌆॒𑌤𑍍𑌮𑌾 𑌪𑍁𑌨॑𑌰𑍍𑌮𑍇॒ 𑌤𑍍𑌰𑌯𑍋॑𑌦𑌶)

𑌅𑌨𑍁𑌵𑌾𑌕𑌂 𑍯 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌪𑍍𑌰॒𑌜𑌾𑌪॑𑌤𑌿 𑌰𑍍𑌦𑍇॒𑌵𑌾𑌨॑𑌸𑍃𑌜𑌤 । 𑌤𑍇 𑌪𑌾॒𑌪𑍍𑌮𑌨𑌾॒ 𑌸𑌨𑍍𑌦𑌿॑𑌤𑌾 𑌅𑌜𑌾𑌯𑌨𑍍𑌤 । 𑌤𑌾𑌨𑍍 𑌵𑍍𑌯॑𑌦𑍍𑌯𑌤𑍍 । 𑌯-𑌦𑍍𑌵𑍍𑌯॒𑌦𑍍𑌯𑌤𑍍 । 𑌤𑌸𑍍𑌮𑌾᳚-𑌦𑍍𑌵𑌿॒𑌦𑍍𑌯𑍁𑌤𑍍 । 𑌤𑌮॑𑌵𑍃𑌶𑍍𑌚𑌤𑍍 । 𑌯𑌦𑌵𑍃॑𑌶𑍍𑌚𑌤𑍍 । 𑌤𑌸𑍍𑌮𑌾॒-𑌦𑍍𑌵𑍃𑌷𑍍𑌟𑌿𑌃॑ । 𑌤𑌸𑍍𑌮𑌾॒-𑌦𑍍𑌯𑌤𑍍𑌰𑍈॒𑌤𑍇 𑌦𑍇॒𑌵𑌤𑍇॑ 𑌅𑌭𑌿॒𑌪𑍍𑌰𑌾𑌪𑍍𑌨𑍁॑𑌤𑌃 ।
𑌵𑌿𑌚॑ 𑌹𑍈॒𑌵𑌾𑌸𑍍𑌯॒ 𑌤𑌤𑍍𑌰॑ 𑌪𑌾॒𑌪𑍍𑌮𑌾𑌨॒𑌨𑍍𑌦𑍍𑌯𑌤𑌃॑ ॥ 23 ॥

𑌵𑍃॒𑌶𑍍𑌚𑌤॑𑌶𑍍𑌚 ॥ 𑌸𑍈𑌷𑌾 𑌮𑍀॑𑌮𑌾॒𑌗𑍍𑌮𑍍॒𑌸𑌾-𑌽𑌗𑍍𑌨𑌿॑𑌹𑍋॒𑌤𑍍𑌰 𑌏॒𑌵 𑌸॑𑌪𑌨𑍍𑌨𑍍𑌨𑌾 । 𑌅𑌥𑍋॑ 𑌆𑌹𑍁𑌃 ।
𑌸𑌰𑍍𑌵𑍇॑𑌷𑍁 𑌯𑌜𑍍𑌞𑌕𑍍𑌰॒𑌤𑍁𑌷𑍍𑌵𑌿𑌤𑌿॑ ॥
𑌹𑍋𑌷𑍍𑌯॑𑌨𑍍𑌨॒𑌪 𑌉𑌪॑𑌸𑍍𑌪𑍃𑌶𑍇𑌤𑍍 ।
𑌵𑌿𑌦𑍍𑌯𑍁॑𑌦𑌸𑌿॒ 𑌵𑌿𑌦𑍍𑌯॑𑌮𑍇 𑌪𑌾॒𑌪𑍍𑌮𑌾𑌨॒𑌮𑌿𑌤𑌿॑ ।
𑌅𑌥॑ 𑌹𑍁॒𑌤𑍍𑌵𑍋𑌪॑𑌸𑍍𑌪𑍃𑌶𑍇𑌤𑍍 ।
𑌵𑍃𑌷𑍍𑌟𑌿॑𑌰𑌸𑌿॒ 𑌵𑍃𑌶𑍍𑌚॑ 𑌮𑍇 𑌪𑌾॒𑌪𑍍𑌮𑌾𑌨॒𑌮𑌿𑌤𑌿॑ ।
𑌯॒𑌕𑍍𑌷𑍍𑌯𑌮𑌾॑𑌣𑍋 𑌵𑍇॒𑌷𑍍𑌟𑍍𑌵𑌾 𑌵𑌾᳚ । 𑌵𑌿 𑌚॑ 𑌹𑍈॒𑌵𑌾𑌸𑍍𑌯𑍈॒𑌤𑍇 𑌦𑍇॒𑌵𑌤𑍇॑ 𑌪𑌾॒𑌪𑍍𑌮𑌾𑌨॒-𑌨𑍍𑌦𑍍𑌯𑌤𑌃॑ ॥ 24 ॥

𑌵𑍃॒𑌶𑍍𑌚𑌤॑𑌶𑍍𑌚 ॥ 𑌅॒𑌤𑍍𑌯॒𑌗𑍍𑌮𑍍॒𑌹𑍋 𑌹𑌾𑌰𑍁॑𑌣𑌿𑌃 । 𑌬𑍍𑌰॒𑌹𑍍𑌮॒𑌚𑌾॒𑌰𑌿𑌣𑍇᳚ 𑌪𑍍𑌰॒𑌶𑍍𑌨𑌾-𑌨𑍍𑌪𑍍𑌰𑍋𑌚𑍍𑌯॒ 𑌪𑍍𑌰𑌜𑌿॑𑌘𑌾𑌯 ।
𑌪𑌰𑍇॑𑌹𑌿 । 𑌪𑍍𑌲॒𑌕𑍍𑌷-𑌨𑍍𑌦𑍈𑌯𑌾𑌂᳚ (𑌦𑍈𑌯𑍍𑌯𑌾𑌂᳚) 𑌪𑌾𑌤𑌿-𑌮𑍍𑌪𑍃𑌚𑍍𑌛 । 𑌵𑍇𑌤𑍍𑌥॑ 𑌸𑌾𑌵𑌿॒𑌤𑍍𑌰𑌾𑌂(3) 𑌨 𑌵𑍇॒𑌤𑍍𑌥𑌾(3) 𑌇𑌤𑌿॑ ।
𑌤𑌮𑌾॒𑌗𑌤𑍍𑌯॑ 𑌪𑌪𑍍𑌰𑌚𑍍𑌛 । 𑌆॒𑌚𑌾𑌰𑍍𑌯𑍋॑ 𑌮𑌾॒ 𑌪𑍍𑌰𑌾𑌹𑍈॑𑌷𑍀𑌤𑍍 ।
𑌵𑍇𑌤𑍍𑌥॑ 𑌸𑌾𑌵𑌿॒𑌤𑍍𑌰𑌾𑌂(3) 𑌨 𑌵𑍇॒𑌤𑍍𑌥𑌾(3) 𑌇𑌤𑌿॑ । 𑌸𑌹𑍋॑𑌵𑌾𑌚॒ 𑌵𑍇𑌦𑍇𑌤𑌿॑ ॥ 25 ॥

𑌸 𑌕𑌸𑍍𑌮𑌿॒-𑌨𑍍𑌪𑍍𑌰𑌤𑌿॑𑌷𑍍𑌠𑌿𑌤॒ 𑌇𑌤𑌿॑ । 𑌪॒𑌰𑍋𑌰॑𑌜॒𑌸𑍀𑌤𑌿॑ ।
𑌕𑌸𑍍𑌤𑌦𑍍𑌯-𑌤𑍍𑌪॒𑌰𑍋𑌰॑𑌜𑌾॒ 𑌇𑌤𑌿॑ । 𑌏॒𑌷 𑌵𑌾𑌵 𑌸 𑌪॒𑌰𑍋𑌰॑𑌜𑌾॒ 𑌇𑌤𑌿॑ 𑌹𑍋𑌵𑌾𑌚 । 𑌯 𑌏॒𑌷 𑌤𑌪॑𑌤𑌿 ।
𑌏॒𑌷𑍋᳚ 𑌽𑌰𑍍𑌵𑌾𑌗𑍍𑌰॑𑌜𑌾॒ 𑌇𑌤𑌿॑ । 𑌸 𑌕𑌸𑍍𑌮𑌿॑-𑌨𑍍𑌤𑍍𑌵𑍇॒𑌷 𑌇𑌤𑌿॑ । 𑌸॒𑌤𑍍𑌯 𑌇𑌤𑌿॑ । 𑌕𑌿-𑌨𑍍𑌤𑌥𑍍𑌸॒𑌤𑍍𑌯𑌮𑌿𑌤𑌿॑ । 𑌤𑌪॒ 𑌇𑌤𑌿॑ ॥ 26 ॥

𑌕𑌸𑍍𑌮𑌿॒𑌨𑍍𑌨𑍁 𑌤𑌪॒ 𑌇𑌤𑌿॑ । 𑌬𑌲॒ 𑌇𑌤𑌿॑ ।
𑌕𑌿-𑌨𑍍𑌤-𑌦𑍍𑌬॒𑌲𑌮𑌿𑌤𑌿॑ । 𑌪𑍍𑌰𑌾॒𑌣 𑌇𑌤𑌿॑ ।
𑌮𑌾𑌸𑍍𑌮॑ 𑌪𑍍𑌰𑌾॒𑌣𑌮𑌤𑌿॑ 𑌪𑍃𑌚𑍍𑌛॒ 𑌇𑌤𑌿॑ 𑌮𑌾-𑌽𑌽𑌚𑌾॒𑌰𑍍𑌯𑍋᳚ 𑌽𑌬𑍍𑌰𑌵𑍀॒𑌦𑌿𑌤𑌿॑ 𑌹𑍋𑌵𑌾𑌚 𑌬𑍍𑌰𑌹𑍍𑌮𑌚𑌾॒𑌰𑍀 ॥
𑌸𑌹𑍋॑𑌵𑌾𑌚 𑌪𑍍𑌲॒𑌕𑍍𑌷𑍋 𑌦𑍈𑌯𑌾𑌂᳚ (𑌦𑍈𑌯𑍍𑌯𑌾𑌂᳚) 𑌪𑌾𑌤𑌿𑌃 ।
𑌯𑌦𑍍𑌵𑍈 𑌬𑍍𑌰॑𑌹𑍍𑌮𑌚𑌾𑌰𑌿-𑌨𑍍𑌪𑍍𑌰𑌾॒𑌣𑌮𑌤𑍍𑌯॑𑌪𑍍𑌰𑌕𑍍𑌷𑍍𑌯𑌃 । 𑌮𑍂॒𑌦𑍍𑌰𑍍𑌧𑌾 𑌤𑍇॒ 𑌵𑍍𑌯𑌪॑𑌤𑌿𑌷𑍍𑌯𑌤𑍍 ।
𑌅॒𑌹𑌮𑍁॑𑌤 𑌆𑌚𑌾॒𑌰𑍍𑌯𑌾-𑌚𑍍𑌛𑍍𑌰𑍇𑌯𑌾᳚-𑌨𑍍𑌭𑌵𑌿𑌷𑍍𑌯𑌾𑌮𑌿 ।
𑌯𑍋 𑌮𑌾॑ 𑌸𑌾𑌵𑌿॒𑌤𑍍𑌰𑍇 𑌸॒𑌮𑌵𑌾॑𑌦𑌿॒𑌷𑍍𑌟𑍇𑌤𑌿॑ ॥ 2𑍭 ॥

𑌤𑌸𑍍𑌮𑌾᳚-𑌥𑍍𑌸𑌾𑌵𑌿॒𑌤𑍍𑌰𑍇 𑌨 𑌸𑌂𑌵𑌁॑𑌦𑍇𑌤 ॥
𑌸 𑌯𑍋 𑌹॒𑌵𑍈 𑌸𑌾॑𑌵𑌿॒𑌤𑍍𑌰𑌂-𑌵𑌿𑌁॒𑌦𑍁𑌷𑌾॑ 𑌸𑌾𑌵𑌿॒𑌤𑍍𑌰𑍇 𑌸𑌂॒𑌵𑌁𑌦॑𑌤𑍇 । 𑌸𑌹𑌾᳚𑌸𑍍𑌮𑌿॒-𑌞𑍍𑌛𑍍𑌰𑌿𑌯॑-𑌨𑍍𑌦𑌧𑌾𑌤𑌿 ।
𑌅𑌨𑍁॑ 𑌹॒𑌵𑌾 𑌅॑𑌸𑍍𑌮𑌾 𑌅॒𑌸𑍌 𑌤𑌪॒𑌞𑍍𑌛𑍍𑌰𑌿𑌯॑-𑌮𑍍𑌮𑌨𑍍𑌯𑌤𑍇 ।
𑌅𑌨𑍍𑌵॑𑌸𑍍𑌮𑍈॒ 𑌶𑍍𑌰𑍀𑌸𑍍𑌤𑌪𑍋॑ 𑌮𑌨𑍍𑌯𑌤𑍇 । 𑌅𑌨𑍍𑌵॑𑌸𑍍𑌮𑍈॒ 𑌤𑌪𑍋॒ 𑌬𑌲॑-𑌮𑍍𑌮𑌨𑍍𑌯𑌤𑍇 । 𑌅𑌨𑍍𑌵॑𑌸𑍍𑌮𑍈॒ 𑌬𑌲॑-𑌮𑍍𑌪𑍍𑌰𑌾॒𑌣-𑌮𑍍𑌮॑𑌨𑍍𑌯𑌤𑍇 ॥ 𑌸 𑌯𑌦𑌾𑌹॑ ।
𑌸॒𑌜𑍍𑌞𑌾𑌨𑍍𑌨𑌂॑-𑌵𑌿𑌁॒𑌜𑍍𑌞𑌾𑌨॒-𑌨𑍍𑌦𑌰𑍍𑌶𑌾॑ 𑌦𑍃॒𑌷𑍍𑌟𑍇𑌤𑌿॑ । 𑌏॒𑌷 𑌏॒𑌵 𑌤𑌤𑍍 ॥ 2𑍮 ॥

𑌅𑌥॒ 𑌯𑌦𑌾𑌹॑ । 𑌪𑍍𑌰𑌸𑍍𑌤𑍁॑𑌤𑌂॒-𑌵𑌿𑌁𑌷𑍍𑌟𑍁॑𑌤𑌗𑍍𑌮𑍍 𑌸𑍁॒𑌤𑌾 𑌸𑍁॑𑌨𑍍𑌵॒𑌤𑍀𑌤𑌿॑ । 𑌏॒𑌷 𑌏॒𑌵 𑌤𑌤𑍍 ॥ 𑌏॒𑌷 𑌹𑍍𑌯𑍇॑𑌵 𑌤𑌾𑌨𑍍𑌯𑌹𑌾॑𑌨𑌿 । 𑌏॒𑌷 𑌰𑌾𑌤𑍍𑌰॑𑌯𑌃 ॥ 𑌅𑌥॒ 𑌯𑌦𑌾𑌹॑ ।
𑌚𑌿॒𑌤𑍍𑌰𑌃 𑌕𑍇॒𑌤𑍁 𑌰𑍍𑌦𑌾॒𑌤𑌾 𑌪𑍍𑌰॑𑌦𑌾॒𑌤𑌾 𑌸॑𑌵𑌿॒𑌤𑌾 𑌪𑍍𑌰॑𑌸𑌵𑌿॒𑌤𑌾 𑌽𑌭𑌿॑𑌶𑌾॒𑌸𑍍𑌤𑌾 𑌽𑌨𑍁॑𑌮॒𑌨𑍍𑌤𑍇𑌤𑌿॑ । 𑌏॒𑌷 𑌏॒𑌵 𑌤𑌤𑍍 । 𑌏॒𑌷 𑌹𑍍𑌯𑍇॑𑌵 𑌤𑍇-𑌽𑌹𑍍𑌨𑍋॑ 𑌮𑍁𑌹𑍂॒𑌰𑍍𑌤𑌾𑌃 । 𑌏॒𑌷 𑌰𑌾𑌤𑍍𑌰𑍇𑌃᳚ ॥ 2𑍯 ॥

𑌅𑌥॒ 𑌯𑌦𑌾𑌹॑ । 𑌪॒𑌵𑌿𑌤𑍍𑌰॑-𑌮𑍍𑌪𑌵𑌯𑌿॒𑌷𑍍𑌯𑌨𑍍-𑌥𑍍𑌸𑌹॑𑌸𑍍𑌵𑌾॒𑌨𑍍-𑌥𑍍𑌸𑌹𑍀॑𑌯𑌾𑌨𑌰𑍁॒𑌣𑍋॑
-𑌽𑌰𑍁॒𑌣𑌰॑𑌜𑌾॒ 𑌇𑌤𑌿॑ । 𑌏॒𑌷 𑌏॒𑌵 𑌤𑌤𑍍 । 𑌏॒𑌷 𑌹𑍍𑌯𑍇॑𑌵 𑌤𑍇᳚ 𑌽𑌦𑍍𑌰𑍍𑌧𑌮𑌾॒𑌸𑌾𑌃 । 𑌏॒𑌷 𑌮𑌾𑌸𑌾𑌃᳚ ॥ 𑌅𑌥॒ 𑌯𑌦𑌾𑌹॑ ।
𑌅॒𑌗𑍍𑌨𑌿॒𑌷𑍍𑌟𑍋॒𑌮 𑌉॒𑌕𑍍𑌥𑍍𑌯𑍋᳚-𑌽𑌗𑍍𑌨𑌿𑌰𑍍-𑌋॒𑌤𑍁𑌃 𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌂𑌵𑌁𑌥𑍍𑌸॒𑌰 𑌇𑌤𑌿॑ । 𑌏॒𑌷 𑌏॒𑌵 𑌤𑌤𑍍 । 𑌏॒𑌷 𑌹𑍍𑌯𑍇॑𑌵 𑌤𑍇 𑌯॑𑌜𑍍𑌞𑌕𑍍𑌰॒𑌤𑌵𑌃॑ । 𑌏॒𑌷 𑌋॒𑌤𑌵𑌃॑ ॥ 30 ॥

𑌏॒𑌷 𑌸𑌂॑𑌵𑌁𑌥𑍍𑌸॒𑌰𑌃 ॥ 𑌅𑌥॒ 𑌯𑌦𑌾𑌹॑ । 𑌇॒𑌦𑌾𑌨𑍀᳚-𑌨𑍍𑌤॒𑌦𑌾𑌨𑍀॒𑌮𑌿𑌤𑌿॑ । 𑌏॒𑌷 𑌏॒𑌵 𑌤𑌤𑍍 । 𑌏॒𑌷 𑌹𑍍𑌯𑍇॑𑌵 𑌤𑍇 𑌮𑍁॑𑌹𑍂॒𑌰𑍍𑌤𑌾𑌨𑌾᳚-𑌮𑍍𑌮𑍁𑌹𑍂॒𑌰𑍍𑌤𑌾𑌃 ॥ 𑌜॒𑌨॒𑌕𑍋 𑌹॒ 𑌵𑍈 𑌦𑍇॑𑌹𑌃 । 𑌅॒𑌹𑍋॒𑌰𑌾॒𑌤𑍍𑌰𑍈-𑌸𑍍𑌸॒𑌮𑌾𑌜॑𑌗𑌾𑌮 । 𑌤𑌗𑍍𑌮𑍍 𑌹𑍋॑𑌚𑍁𑌃 । 𑌯𑍋 𑌵𑌾 𑌅॒𑌸𑍍𑌮𑌾𑌨𑍍. 𑌵𑍇𑌦॑ । 𑌵𑌿॒𑌜𑌹॑𑌤𑍍-𑌪𑌾॒𑌪𑍍𑌮𑌾𑌨॑𑌮𑍇𑌤𑌿 ॥ 31 ॥

𑌸𑌰𑍍𑌵॒-𑌮𑌾𑌯𑍁॑𑌰𑍇𑌤𑌿 । 𑌅॒𑌭𑌿 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 ।
𑌨𑌾𑌸𑍍𑌯𑌾॒-𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇-𑌽𑌨𑍍𑌨॑-𑌙𑍍𑌕𑍍𑌷𑍀𑌯𑌤॒ 𑌇𑌤𑌿॑ ॥ 𑌵𑌿॒𑌜𑌹॑𑌦𑍍𑌧॒ 𑌵𑍈 𑌪𑌾॒𑌪𑍍𑌮𑌾𑌨॑𑌮𑍇𑌤𑌿 ।
𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 । 𑌅॒𑌭𑌿 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 ।
𑌨𑌾𑌸𑍍𑌯𑌾॒-𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌽𑌨𑍍𑌨॑-𑌙𑍍𑌕𑍍𑌷𑍀𑌯𑌤𑍇 ।
𑌯 𑌏॒𑌵𑌂-𑌵𑍇𑌁𑌦॑ ॥ 𑌅𑌹𑍀॑𑌨𑌾॒ 𑌹𑌾𑌶𑍍𑌵॑𑌤𑍍𑌥𑍍𑌯𑌃 । 𑌸𑌾॒𑌵𑌿॒𑌤𑍍𑌰𑌂-𑌵𑌿𑌁॒𑌦𑌾-𑌞𑍍𑌚॑𑌕𑌾𑌰 ॥ 32 ॥

𑌸 𑌹॑ 𑌹॒𑌗𑍍𑌮𑍍॒𑌸𑍋 𑌹𑌿॑𑌰॒𑌣𑍍𑌮𑌯𑍋॑ 𑌭𑍂॒𑌤𑍍𑌵𑌾 । 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑌿॑𑌯𑌾𑌯 । 𑌆॒𑌦𑌿॒𑌤𑍍𑌯𑌸𑍍𑌯॒ 𑌸𑌾𑌯𑍁॑𑌜𑍍𑌯𑌮𑍍 ॥ 𑌹॒𑌗𑍍𑌮𑍍॒𑌸𑍋 𑌹॒𑌵𑍈 𑌹𑌿॑𑌰॒𑌣𑍍𑌮𑌯𑍋॑ 𑌭𑍂॒𑌤𑍍𑌵𑌾 ।
𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 । 𑌆॒𑌦𑌿॒𑌤𑍍𑌯𑌸𑍍𑌯॒ 𑌸𑌾𑌯𑍁॑𑌜𑍍𑌯𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌦𑍇॒𑌵॒𑌭𑌾॒𑌗𑍋 𑌹॑ 𑌶𑍍𑌰𑍌𑌤॒𑌰𑍍॒𑌷𑌃 । 𑌸𑌾॒𑌵𑌿॒𑌤𑍍𑌰𑌂-𑌵𑌿𑌁॒𑌦𑌾-𑌞𑍍𑌚॑𑌕𑌾𑌰 ।
𑌤𑌗𑍍𑌮𑍍 𑌹॒ 𑌵𑌾𑌗𑌦𑍃॑𑌶𑍍𑌯𑌮𑌾॒𑌨𑌾 𑌽𑌭𑍍𑌯𑍁॑𑌵𑌾𑌚 ॥ 33 ॥

𑌸𑌰𑍍𑌵॑𑌮𑍍𑌬𑌤 𑌗𑍌𑌤॒𑌮𑍋 𑌵𑍇॑𑌦 । 𑌯-𑌸𑍍𑌸𑌾॑𑌵𑌿॒𑌤𑍍𑌰𑌂-𑌵𑍇𑌁𑌦𑍇𑌤𑌿॑ । 𑌸 𑌹𑍋॑𑌵𑌾𑌚 । 𑌕𑍈𑌷𑌾 𑌵𑌾𑌗॒𑌸𑍀𑌤𑌿॑ । 𑌅॒𑌯𑌮॒𑌹𑌗𑍍𑌮𑍍 𑌸𑌾॑𑌵𑌿॒𑌤𑍍𑌰𑌃 । 𑌦𑍇॒𑌵𑌾𑌨𑌾॑-𑌮𑍁𑌤𑍍𑌤॒𑌮𑍋 𑌲𑍋॒𑌕𑌃 । 𑌗𑍁𑌹𑍍𑌯॒-𑌮𑍍𑌮𑌹𑍋॒ 𑌬𑌿𑌭𑍍𑌰॒𑌦𑌿𑌤𑌿॑ । 𑌏॒𑌤𑌾𑌵॑𑌤𑌿 𑌹 𑌗𑍌𑌤॒𑌮𑌃 ।
𑌯॒𑌜𑍍𑌞𑍋॒𑌪॒𑌵𑍀॒𑌤-𑌙𑍍𑌕𑍃॒𑌤𑍍𑌵𑌾-𑌽𑌧𑍋 𑌨𑌿𑌪॑𑌪𑌾𑌤 ।
𑌨𑌮𑍋॒ 𑌨𑌮॒ 𑌇𑌤𑌿॑ ॥ 34 ॥

𑌸 𑌹𑍋॑𑌵𑌾𑌚 । 𑌮𑌾 𑌭𑍈॑𑌷𑍀 𑌰𑍍𑌗𑍌𑌤𑌮 । 𑌜𑌿॒𑌤𑍋 𑌵𑍈 𑌤𑍇॑ 𑌲𑍋॒𑌕 𑌇𑌤𑌿॑ ॥ 𑌤𑌸𑍍𑌮𑌾॒𑌦𑍍𑌯𑍇 𑌕𑍇 𑌚॑ 𑌸𑌾𑌵𑌿॒𑌤𑍍𑌰𑌂-𑌵𑌿𑌁॒𑌦𑍁𑌃 । 𑌸𑌰𑍍𑌵𑍇॒ 𑌤𑍇 𑌜𑌿॒𑌤𑌲𑍋॑𑌕𑌾𑌃 ॥ 𑌸 𑌯𑍋 𑌹॒𑌵𑍈 𑌸𑌾॑𑌵𑌿॒𑌤𑍍𑌰-𑌸𑍍𑌯𑌾॒𑌷𑍍𑌟𑌾𑌕𑍍𑌷॑𑌰-𑌮𑍍𑌪॒𑌦𑌗𑍍𑌗𑍍 𑌶𑍍𑌰𑌿॒𑌯𑌾 𑌽𑌭𑌿𑌷𑌿॑𑌕𑍍𑌤𑌂॒-𑌵𑍇𑌁𑌦॑ । 𑌶𑍍𑌰𑌿॒𑌯𑌾 𑌹𑍈॒𑌵𑌾𑌭𑌿𑌷𑌿॑𑌚𑍍𑌯𑌤𑍇 । 𑌘𑍃𑌣𑌿॒𑌰𑌿𑌤𑌿॒ 𑌦𑍍𑌵𑍇 𑌅॒𑌕𑍍𑌷𑌰𑍇᳚ । 𑌸𑍂𑌰𑍍𑌯॒ 𑌇𑌤𑌿॒ 𑌤𑍍𑌰𑍀𑌣𑌿॑ । 𑌆॒𑌦𑌿॒𑌤𑍍𑌯 𑌇𑌤𑌿॒ 𑌤𑍍𑌰𑍀𑌣𑌿॑ ॥ 35 ॥

𑌏॒𑌤𑌦𑍍𑌵𑍈 𑌸𑌾॑𑌵𑌿॒𑌤𑍍𑌰-𑌸𑍍𑌯𑌾॒𑌷𑍍𑌟𑌾𑌕𑍍𑌷॑𑌰-𑌮𑍍𑌪॒𑌦𑌗𑍍𑌗𑍍 𑌶𑍍𑌰𑌿॒𑌯𑌾𑌭𑌿𑌷𑌿॑𑌕𑍍𑌤𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ ।
𑌶𑍍𑌰𑌿॒𑌯𑌾 𑌹𑍈॒𑌵𑌾𑌭𑌿𑌷𑌿॑𑌚𑍍𑌯𑌤𑍇 ॥ 𑌤𑌦𑍇॒-𑌤𑌦𑍃॒𑌚𑌾-𑌽𑌭𑍍𑌯𑍁॑𑌕𑍍𑌤𑌮𑍍 । 𑌋॒𑌚𑍋 𑌅॒𑌕𑍍𑌷𑌰𑍇॑ 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ।
𑌯𑌸𑍍𑌮𑌿॑-𑌨𑍍𑌦𑍇॒𑌵𑌾 𑌅𑌧𑌿॒ 𑌵𑌿𑌶𑍍𑌵𑍇॑ 𑌨𑌿𑌷𑍇॒𑌦𑍁𑌃 ।
𑌯𑌸𑍍𑌤𑌨𑍍𑌨 𑌵𑍇𑌦॒ 𑌕𑌿𑌮𑍃॒𑌚𑌾 𑌕॑𑌰𑌿𑌷𑍍𑌯𑌤𑌿 । 𑌯 𑌇-𑌤𑍍𑌤𑌦𑍍𑌵𑌿॒𑌦𑍁𑌸𑍍𑌤 𑌇॒𑌮𑍇 𑌸𑌮𑌾॑𑌸𑌤॒ 𑌇𑌤𑌿॑ ॥ 𑌨 𑌹॒𑌵𑌾 𑌏॒𑌤𑌸𑍍𑌯॒𑌰𑍍𑌚𑌾 𑌨 𑌯𑌜𑍁॑𑌷𑌾॒ 𑌨 𑌸𑌾𑌮𑍍𑌨𑌾-𑌽𑌰𑍍𑌥𑍋᳚-𑌽𑌸𑍍𑌤𑌿 ।
𑌯-𑌸𑍍𑌸𑌾॑𑌵𑌿॒𑌤𑍍𑌰𑌂-𑌵𑍇𑌁𑌦॑ ॥ 36 ॥

𑌤𑌦𑍇॒𑌤-𑌤𑍍𑌪॑𑌰𑌿॒ 𑌯𑌦𑍍𑌦𑍇॑𑌵𑌚॒𑌕𑍍𑌰𑌮𑍍 ।
𑌆॒𑌰𑍍𑌦𑍍𑌰-𑌮𑍍𑌪𑌿𑌨𑍍𑌵॑𑌮𑌾𑌨𑌗𑍍𑌗𑍍 𑌸𑍍𑌵॒𑌰𑍍𑌗𑍇 𑌲𑍋॒𑌕 𑌏॑𑌤𑌿 ।
𑌵𑌿॒𑌜𑌹॒-𑌦𑍍𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ 𑌸॒𑌪𑌂𑌶𑍍𑌯॑𑌤𑍍 ॥
𑌆॒𑌰𑍍𑌦𑍍𑌰𑍋 𑌹॒ 𑌵𑍈 𑌪𑌿𑌨𑍍𑌵॑𑌮𑌾𑌨-𑌸𑍍𑌸𑍍𑌵॒𑌰𑍍𑌗𑍇 𑌲𑍋॒𑌕 𑌏॑𑌤𑌿 ।
𑌵𑌿॒𑌜𑌹॒𑌨𑍍 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ 𑌸॒𑌪𑌂𑌶𑍍𑌯𑌨𑍍𑌨𑍍॑ । 𑌯 𑌏॒𑌵𑌂-𑌵𑍇𑌁𑌦॑ ॥ 𑌶𑍂॒𑌷𑍋 𑌹॒𑌵𑍈 𑌵𑌾᳚𑌰𑍍𑌷𑍍𑌣𑍇॒𑌯𑌃 । 𑌆॒𑌦𑌿॒𑌤𑍍𑌯𑍇𑌨॑ 𑌸॒𑌮𑌾𑌜॑𑌗𑌾𑌮 । 𑌤𑌗𑍍𑌮𑍍 𑌹𑍋॑𑌵𑌾𑌚 ।
𑌏𑌹𑌿॑ 𑌸𑌾𑌵𑌿॒𑌤𑍍𑌰𑌂-𑌵𑌿𑌁॑𑌦𑍍𑌧𑌿 । 𑌅॒𑌯𑌂-𑌵𑍈𑌁 𑌸𑍍𑌵॒𑌰𑍍𑌗𑍍𑌯𑍋᳚-𑌽𑌗𑍍𑌨𑌿𑌃 𑌪𑌾॑𑌰𑌯𑌿॒𑌷𑍍𑌣𑍁-𑌰॒𑌮𑍃𑌤𑌾॒-𑌥𑍍𑌸𑌮𑍍𑌭𑍂॑𑌤॒ 𑌇𑌤𑌿॑ । 𑌏॒𑌷 𑌵𑌾𑌵 𑌸 𑌸𑌾॑𑌵𑌿॒𑌤𑍍𑌰𑌃 ।
𑌯 𑌏॒𑌷 𑌤𑌪॑𑌤𑌿 । 𑌏𑌹𑌿॒ 𑌮𑌾𑌂-𑌵𑌿𑌁॑𑌦𑍍𑌧𑌿 । 𑌇𑌤𑌿॑ 𑌹𑍈॒𑌵𑍈𑌨॒-𑌨𑍍𑌤𑌦𑍁॑𑌵𑌾𑌚 ॥ 3𑍭 ॥
(𑌦𑍍𑌯𑌤𑍋॒ – 𑌦𑍍𑌯𑌤𑍋॒ – 𑌵𑍇𑌦𑍇𑌤𑌿॒ – 𑌤𑌪॒ 𑌇𑌤𑌿॑ – 𑌸॒𑌮𑌵𑌾॑𑌦𑌿॒𑌷𑍍𑌟𑍇𑌤𑌿॒ – 𑌤-𑌦𑍍- 𑌰𑌾𑌤𑍍𑌰𑍇𑌰𑍍॑. – 𑌋॒𑌤𑌵𑌃॑ – 𑌏𑌤𑌿 – 𑌚𑌕𑌾𑌰𑍋 – 𑌵𑌾𑌚॒ – 𑌨𑌮॒ 𑌇𑌤𑍍𑌯𑌾॑ – 𑌦𑌿॒𑌤𑍍𑌯 𑌇𑌤𑌿॒ 𑌤𑍍𑌰𑍀𑌣𑌿॑ – 𑌸𑌾𑌵𑌿॒𑌤𑍍𑌰𑌂-𑌵𑍇𑌁𑌦॑ – 𑌵𑌿𑌦𑍍𑌧𑌿॒ 𑌪𑌞𑍍𑌚॑ 𑌚) (𑌅. 𑍯)

(𑌪𑍍𑌰॒𑌜𑌾𑌪॑𑌤𑌿𑌰𑍍𑌦𑍇॒𑌵𑌾𑌨𑍍 𑌸॒𑌜𑍍𑌞𑌾𑌨𑍍𑌨॒-𑌮𑍍𑌪𑍍𑌰𑌸𑍍𑌤𑍁॑𑌤॒-𑌨𑍍𑌤𑌾𑌨𑍍𑌯𑌹𑌾᳚𑌨𑍍𑌯𑍇॒𑌷 𑌰𑌾𑌤𑍍𑌰॑𑌯𑌾𑌸𑍍𑌚𑌿॒𑌤𑍍𑌰 𑌕𑍇॒𑌤𑍁𑌸𑍍𑌤𑍇-𑌽𑌹𑍍𑌨𑍋॑ 𑌮𑍁𑌹𑍂॒𑌰𑍍𑌤𑍋 𑌰𑌾𑌤𑍍𑌰𑍇𑌃᳚ 𑌪॒𑌵𑌿𑌤𑍍𑌰॒-𑌨𑍍𑌤𑍇᳚-𑌽𑌰𑍍𑌧 𑌮𑌾॒𑌸𑌾 𑌅॑𑌗𑍍𑌨𑌿𑌷𑍍𑌟𑍋॒𑌮𑍋 𑌯॑𑌜𑍍𑌞𑌕𑍍𑌰॒𑌤𑌵॑ 𑌇॒𑌦𑌾𑌨𑍀᳚-𑌮𑍍𑌮𑍁𑌹𑍂॒𑌰𑍍𑌤𑌾𑌨𑌾᳚-𑌞𑍍𑌜𑌨॒𑌕𑍋-𑌽𑌹𑍀॑𑌨𑌾 𑌦𑍇𑌵𑌭𑌾॒𑌗𑌃 𑌕𑍈𑌷𑌾 𑌵𑌾𑌮𑍍𑌮 𑌶𑍂॒𑌷𑍋 𑌹॒ 𑌵𑍈 𑌷𑍋𑌡॑𑌶)

𑌅𑌨𑍁𑌵𑌾𑌕𑌂 10 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇

𑌇॒𑌯𑌂-𑌵𑌾𑌁𑌵 𑌸॒𑌰𑌘𑌾᳚ । 𑌤𑌸𑍍𑌯𑌾॑ 𑌅॒𑌗𑍍𑌨𑌿𑌰𑍇॒𑌵 𑌸𑌾॑𑌰॒𑌘-𑌮𑍍𑌮𑌧𑍁॑ । 𑌯𑌾 𑌏॒𑌤𑌾𑌃 𑌪𑍂᳚𑌰𑍍𑌵𑌪𑌕𑍍𑌷𑌾-𑌪𑌰𑌪॒𑌕𑍍𑌷𑌯𑍋॒ 𑌰𑌾𑌤𑍍𑌰॑𑌯𑌃 । 𑌤𑌾 𑌮॑𑌧𑍁॒𑌕𑍃𑌤𑌃॑ ।
𑌯𑌾𑌨𑍍𑌯𑌹𑌾॑𑌨𑌿 । 𑌤𑍇 𑌮॑𑌧𑍁𑌵𑍃॒𑌷𑌾𑌃 ।
𑌸 𑌯𑍋 𑌹॒ 𑌵𑌾 𑌏॒𑌤𑌾 𑌮॑𑌧𑍁॒𑌕𑍃𑌤॑𑌶𑍍𑌚 𑌮𑌧𑍁𑌵𑍃॒𑌷𑌾𑌗𑍍𑌶𑍍𑌚॒ 𑌵𑍇𑌦॑ ।
𑌕𑍁॒𑌰𑍍𑌵𑌨𑍍𑌤𑌿॑ 𑌹𑌾𑌸𑍍𑌯𑍈॒𑌤𑌾 𑌅॒𑌗𑍍𑌨𑍌 𑌮𑌧𑍁॑ । 𑌨𑌾𑌸𑍍𑌯𑍇᳚𑌷𑍍𑌟𑌾𑌪𑍂॒𑌰𑍍𑌤-𑌨𑍍𑌧॑𑌯𑌨𑍍𑌤𑌿 ॥
𑌅𑌥॒ 𑌯𑍋 𑌨 𑌵𑍇𑌦॑ ॥ 3𑍮 ॥
𑌨 𑌹𑌾᳚𑌸𑍍𑌯𑍈॒𑌤𑌾 𑌅॒𑌗𑍍𑌨𑍌 𑌮𑌧𑍁॑ 𑌕𑍁𑌰𑍍𑌵𑌨𑍍𑌤𑌿 । 𑌧𑌯॑𑌨𑍍𑌤𑍍𑌯𑌸𑍍𑌯𑍇𑌷𑍍𑌟𑌾𑌪𑍂॒𑌰𑍍𑌤𑌮𑍍 ॥
𑌯𑍋 𑌹॒ 𑌵𑌾 𑌅॑𑌹𑍋𑌰𑌾॒𑌤𑍍𑌰𑌾𑌣𑌾᳚-𑌨𑍍𑌨𑌾𑌮॒𑌧𑍇𑌯𑌾॑𑌨𑌿॒ 𑌵𑍇𑌦॑ ।
𑌨𑌾𑌹𑍋॑𑌰𑌾॒𑌤𑍍𑌰𑍇𑌷𑍍𑌵𑌾-𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌸॒𑌜𑍍𑌞𑌾𑌨𑍍𑌨𑌂॑-𑌵𑌿𑌁॒𑌜𑍍𑌞𑌾𑌨॒-𑌨𑍍𑌦𑌰𑍍𑌶𑌾॑ 𑌦𑍃॒𑌷𑍍𑌟𑍇𑌤𑌿॑ ।
𑌏॒𑌤𑌾-𑌵॑𑌨𑍁𑌵𑌾॒𑌕𑍌 𑌪𑍂᳚𑌰𑍍𑌵𑌪॒𑌕𑍍𑌷𑌸𑍍𑌯𑌾॑-𑌹𑍋𑌰𑌾॒𑌤𑍍𑌰𑌾𑌣𑌾᳚-𑌨𑍍𑌨𑌾𑌮॒𑌧𑍇𑌯𑌾॑𑌨𑌿 । 𑌪𑍍𑌰𑌸𑍍𑌤𑍁॑𑌤𑌂॒-𑌵𑌿𑌁𑌷𑍍𑌟𑍁॑𑌤𑌗𑍍𑌮𑍍 𑌸𑍁॒𑌤𑌾 𑌸𑍁॑𑌨𑍍𑌵॒𑌤𑍀𑌤𑌿॑ । 𑌏॒𑌤𑌾𑌵॑𑌨𑍁-𑌵𑌾॒𑌕𑌾𑌵॑-𑌪𑌰𑌪॒𑌕𑍍𑌷𑌸𑍍𑌯𑌾॑-𑌹𑍋𑌰𑌾॒𑌤𑍍𑌰𑌾𑌣𑌾᳚-𑌨𑍍𑌨𑌾𑌮॒𑌧𑍇𑌯𑌾॑𑌨𑌿 ।
𑌨𑌾𑌹𑍋॑𑌰𑌾॒𑌤𑍍𑌰𑍇𑌷𑍍𑌵𑌾-𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 3𑍯 ॥

𑌯𑍋 𑌹॒ 𑌵𑍈 𑌮𑍁॑𑌹𑍂॒𑌰𑍍𑌤𑌾𑌨𑌾᳚-𑌨𑍍𑌨𑌾𑌮॒𑌧𑍇𑌯𑌾॑𑌨𑌿॒ 𑌵𑍇𑌦॑ । 𑌨 𑌮𑍁॑𑌹𑍂॒𑌰𑍍𑌤𑍇𑌷𑍍𑌵𑌾-𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌚𑌿॒𑌤𑍍𑌰𑌃 𑌕𑍇॒𑌤𑍁 𑌰𑍍𑌦𑌾॒𑌤𑌾 𑌪𑍍𑌰॑𑌦𑌾॒𑌤𑌾 𑌸॑𑌵𑌿॒𑌤𑌾 𑌪𑍍𑌰॑𑌸𑌵𑌿॒𑌤𑌾 𑌽𑌭𑌿॑𑌶𑌾॒𑌸𑍍𑌤𑌾 𑌽𑌨𑍁॑𑌮॒𑌨𑍍𑌤𑍇𑌤𑌿॑ । 𑌏॒𑌤𑍇॑-𑌽𑌨𑍁𑌵𑌾॒𑌕𑌾 𑌮𑍁॑𑌹𑍂॒𑌰𑍍𑌤𑌾𑌨𑌾᳚-𑌨𑍍𑌨𑌾𑌮॒𑌧𑍇𑌯𑌾॑𑌨𑌿 । 𑌨 𑌮𑍁॑𑌹𑍂॒𑌰𑍍𑌤𑍇𑌷𑍍𑌵𑌾-𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌯𑍋 𑌹॒ 𑌵𑌾 𑌅॑𑌦𑍍𑌰𑍍𑌧𑌮𑌾॒𑌸𑌾-𑌨𑌾᳚𑌞𑍍𑌚॒ 𑌮𑌾𑌸𑌾॑𑌨𑌾𑌞𑍍𑌚 𑌨𑌾𑌮॒𑌧𑍇𑌯𑌾॑𑌨𑌿॒ 𑌵𑍇𑌦॑ ।
𑌨𑌾𑌦𑍍𑌰𑍍𑌧॑𑌮𑌾॒𑌸𑍇𑌷𑍁॒ 𑌨 𑌮𑌾𑌸𑍇॒𑌷𑍍𑌵𑌾-𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 ।
𑌪॒𑌵𑌿𑌤𑍍𑌰॑-𑌮𑍍𑌪𑌵𑌯𑌿॒𑌷𑍍𑌯𑌨𑍍-𑌥𑍍𑌸𑌹॑𑌸𑍍𑌵𑌾॒𑌨𑍍-𑌥𑍍𑌸𑌹𑍀॑𑌯𑌾𑌨𑌰𑍁॒𑌣𑍋॑ 𑌽𑌰𑍁॒𑌣𑌰॑𑌜𑌾॒ 𑌇𑌤𑌿॑ ।
𑌏॒𑌤𑍇॑-𑌽𑌨𑍁𑌵𑌾॒𑌕𑌾 𑌅॑𑌦𑍍𑌰𑍍𑌧𑌮𑌾॒𑌸𑌾𑌨𑌾᳚𑌞𑍍𑌚॒ 𑌮𑌾𑌸𑌾॑𑌨𑌾𑌞𑍍𑌚 𑌨𑌾𑌮॒𑌧𑍇𑌯𑌾॑𑌨𑌿 ॥ 40 ॥

𑌨𑌾𑌦𑍍𑌰𑍍𑌧॑𑌮॒𑌸𑍇𑌷𑍁॒ 𑌨 𑌮𑌾𑌸𑍇॒𑌷𑍍𑌵𑌾-𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥
𑌯𑍋 𑌹॒ 𑌵𑍈 𑌯॑𑌜𑍍𑌞𑌕𑍍𑌰𑌤𑍂॒𑌨𑌾-𑌞𑍍𑌚॑𑌰𑍍𑌤𑍂॒𑌨𑌾-𑌞𑍍𑌚॑ 𑌸𑌂𑌵𑌁𑌥𑍍𑌸॒𑌰𑌸𑍍𑌯॑ 𑌚 𑌨𑌾𑌮॒𑌧𑍇𑌯𑌾॑𑌨𑌿॒ 𑌵𑍇𑌦॑ ।
𑌨 𑌯॑𑌜𑍍𑌞𑌕𑍍𑌰॒𑌤𑍁𑌷𑍁॒ 𑌨𑌰𑍍𑌤𑍁𑌷𑍁॒ 𑌨 𑌸𑌂॑𑌵𑌁𑌥𑍍𑌸॒𑌰 𑌆𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌅॒𑌗𑍍𑌨𑌿॒𑌷𑍍𑌟𑍋॒𑌮 𑌉॒𑌕𑍍𑌥𑍍𑌯𑍋᳚-𑌽𑌗𑍍𑌨𑌿𑌰𑍍-𑌋॒𑌤𑍁𑌃 𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌂𑌵𑌁𑌥𑍍𑌸॒𑌰 𑌇𑌤𑌿॑ ।
𑌏॒𑌤𑍇॑ 𑌽𑌨𑍁𑌵𑌾॒𑌕𑌾 𑌯॑𑌜𑍍𑌞𑌕𑍍𑌰𑌤𑍂॒𑌨𑌾-𑌞𑍍𑌚॑𑌰𑍍𑌤𑍂॒𑌨𑌾-𑌞𑍍𑌚॑ 𑌸𑌂𑌵𑌁𑌥𑍍𑌸॒𑌰𑌸𑍍𑌯॑ 𑌚 𑌨𑌾𑌮॒𑌧𑍇𑌯𑌾॑𑌨𑌿 ।
𑌨 𑌯॑𑌜𑍍𑌞𑌕𑍍𑌰॒𑌤𑍁𑌷𑍁॒ 𑌨𑌰𑍍𑌤𑍁𑌷𑍁॒ 𑌨 𑌸𑌂॑𑌵𑌁𑌥𑍍𑌸॒𑌰 𑌆𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥
𑌯𑍋 𑌹॒ 𑌵𑍈 𑌮𑍁॑𑌹𑍂॒𑌰𑍍𑌤𑌾𑌨𑌾᳚-𑌮𑍍𑌮𑍁𑌹𑍂॒𑌰𑍍𑌤𑌾𑌨𑍍. 𑌵𑍇𑌦॑ ।
𑌨 𑌮𑍁॑𑌹𑍂॒𑌰𑍍𑌤𑌾𑌨𑌾᳚-𑌮𑍍𑌮𑍁𑌹𑍂॒𑌰𑍍𑌤𑍇𑌷𑍍𑌵𑌾𑌰𑍍𑌤𑌿॒ 𑌮𑌾𑌰𑍍𑌚𑍍𑌛॑𑌤𑌿 ॥ 41 ॥

𑌇॒𑌦𑌾𑌨𑍀᳚-𑌨𑍍𑌤॒𑌦𑌾𑌨𑍀॒𑌮𑌿𑌤𑌿॑ । 𑌏॒𑌤𑍇 𑌵𑍈 𑌮𑍁॑𑌹𑍂॒𑌰𑍍𑌤𑌾𑌨𑌾᳚-𑌮𑍍𑌮𑍁𑌹𑍂॒𑌰𑍍𑌤𑌾𑌃 । 𑌨 𑌮𑍁॑𑌹𑍂॒𑌰𑍍𑌤𑌾𑌨𑌾᳚-𑌮𑍍𑌮𑍁𑌹𑍂॒𑌰𑍍𑌤𑍇𑌷𑍍𑌵𑌾𑌰𑍍𑌤𑌿॒-𑌮𑌾𑌰𑍍𑌚𑍍𑌛॑𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥
𑌅𑌥𑍋॒ 𑌯𑌥𑌾᳚ 𑌕𑍍𑌷𑍇𑌤𑍍𑌰॒𑌜𑍍𑌞𑍋 𑌭𑍂॒𑌤𑍍𑌵𑌾 𑌽𑌨𑍁॑ 𑌪𑍍𑌰॒𑌵𑌿𑌶𑍍𑌯𑌾𑌨𑍍𑌨॒-𑌮𑌤𑍍𑌤𑌿॑ । 𑌏॒𑌵𑌮𑍇॒𑌵𑍈𑌤𑌾𑌨𑍍 𑌕𑍍𑌷𑍇᳚𑌤𑍍𑌰॒𑌜𑍍𑌞𑍋 𑌭𑍂॒𑌤𑍍𑌵𑌾 𑌽𑌨𑍁॑ 𑌪𑍍𑌰॒𑌵𑌿𑌶𑍍𑌯𑌾-𑌨𑍍𑌨॑𑌮𑌤𑍍𑌤𑌿 । 𑌸 𑌏॒𑌤𑍇𑌷𑌾॑𑌮𑍇॒𑌵 𑌸॑𑌲𑍋॒𑌕𑌤𑌾॒𑌗𑍍𑌮𑍍॒ 𑌸𑌾𑌯𑍁॑𑌜𑍍𑌯-𑌮𑌶𑍍𑌨𑍁𑌤𑍇 ।
𑌅𑌪॑ 𑌪𑍁𑌨𑌰𑍍𑌮𑍃॒𑌤𑍍𑌯𑍁-𑌞𑍍𑌜॑𑌯𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 42 ॥
(𑌨 𑌵𑍇𑌦𑍈॒ – 𑌵𑌂-𑌵𑍇𑌁𑌦𑌾॑ – 𑌨𑍁𑌵𑌾॒𑌕𑌾 𑌅॑𑌦𑍍𑌰𑍍𑌧𑌮𑌾॒𑌸𑌾𑌨𑌾᳚-𑌞𑍍𑌚॒ 𑌮𑌸𑌾॑𑌨𑌾-𑌞𑍍𑌚 𑌨𑌾𑌮॒𑌧𑍇𑌯𑌾॑𑌨𑌿 – 𑌮𑍁𑌹𑍂॒𑌰𑍍𑌤𑍇𑌷𑍍𑌵𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ – +𑌨𑌵॑ 𑌚) (𑌅. 10)

(𑌇॒𑌯𑌮॑𑌹𑍋𑌰𑌾॒𑌤𑍍𑌰𑌾𑌣𑌾𑌗𑍍𑌮𑍍॑ 𑌸॒𑌜𑍍𑌞𑌾𑌨𑍍𑌨॑-𑌮𑍍𑌪𑍂𑌰𑍍𑌵𑌪॒𑌕𑍍𑌷𑌸𑍍𑌯॒ 𑌪𑍍𑌰𑌸𑍍𑌤𑍁॑𑌤𑌮𑌪𑌰𑌪॒𑌕𑍍𑌷𑌸𑍍𑌯॑ 𑌮𑍁𑌹𑍂॒𑌰𑍍𑌤𑌾𑌨𑌾᳚-𑌞𑍍𑌚𑌿॒𑌤𑍍𑌰𑌃 𑌕𑍇॒𑌤𑍁𑌰॑𑌦𑍍𑌰𑍍𑌧𑌮𑌾॒𑌸𑌾𑌨𑌾᳚-𑌮𑍍𑌪॒𑌵𑌿𑌤𑍍𑌰𑌂॑-𑌯𑌁𑌜𑍍𑌞𑌕𑍍𑌰𑌤𑍂॒𑌨𑌾𑌮॑𑌗𑍍𑌨𑌿𑌷𑍍𑌟𑍋॒𑌮𑍋 𑌯॑𑌜𑍍𑌞𑌕𑍍𑌰𑌤𑍂॒𑌨𑌾𑌮𑌿॒𑌦𑌾𑌨𑍀᳚-𑌮𑍍𑌮𑍁𑌹𑍂॒𑌰𑍍𑌤𑌾𑌨𑌾᳚-𑌮𑍍𑌮𑍁𑌹𑍂॒𑌰𑍍𑌤𑌾𑌨𑍍. 𑌵𑍇॒𑌦𑍇𑌦𑌾𑌨𑍀॒𑌮𑌥𑍋॒ 𑌦𑍍𑌵𑌾𑌦॑𑌶)

𑌅𑌨𑍁𑌵𑌾𑌕𑌂 11 – 𑌅𑌨𑍁𑌵𑌾𑌕𑍇𑌷𑍁 𑌨𑌵𑌸𑍁 𑌲𑍇𑌖𑌾𑌸𑍁 𑌨𑌾𑌭𑍍𑌯𑌾-𑌞𑍍𑌚𑍇𑌷𑍍𑌟𑌕𑍋𑌪𑌧𑌾𑌨𑌂 𑌸𑍍𑌵𑌯𑌮𑌾𑌤𑍃𑌣𑍍𑌣𑍋𑌪𑌧𑌾𑌨-𑌞𑍍𑌚𑍋𑌚𑍍𑌯𑌤𑍇
𑌕𑌶𑍍𑌚𑌿॑𑌦𑍍𑌧॒𑌵𑌾 𑌅॒𑌸𑍍𑌮𑌾-𑌲𑍍𑌲𑍋॒𑌕𑌾-𑌤𑍍𑌪𑍍𑌰𑍇𑌤𑍍𑌯॑ । 𑌆॒𑌤𑍍𑌮𑌾𑌨𑌂॑-𑌵𑍇𑌁𑌦 । 𑌅॒𑌯-𑌮॒𑌹-𑌮॒𑌸𑍍𑌮𑍀𑌤𑌿॑ । 𑌕𑌶𑍍𑌚𑌿॒𑌥𑍍𑌸𑍍𑌵𑌂-𑌲𑍋𑌁॒𑌕-𑌨𑍍𑌨 𑌪𑍍𑌰𑌤𑌿॒ 𑌪𑍍𑌰𑌜𑌾॑𑌨𑌾𑌤𑌿 ॥ 𑌅॒𑌗𑍍𑌨𑌿𑌮𑍁॑𑌗𑍍𑌧𑍋 𑌹𑍈॒𑌵 𑌧𑍁॒𑌮𑌤𑌾᳚𑌨𑍍𑌤𑌃 । 𑌸𑍍𑌵𑌂-𑌲𑍋𑌁॒𑌕-𑌨𑍍𑌨 𑌪𑍍𑌰𑌤𑌿॒ 𑌪𑍍𑌰𑌜𑌾॑𑌨𑌾𑌤𑌿 ।
𑌅𑌥॒ 𑌯𑍋 𑌹𑍈॒𑌵𑍈𑌤-𑌮॒𑌗𑍍𑌨𑌿𑌗𑍍𑌮𑍍 𑌸𑌾॑𑌵𑌿॒𑌤𑍍𑌰𑌂-𑌵𑍇𑌁𑌦॑ ।
𑌸 𑌏॒𑌵𑌾𑌸𑍍𑌮𑌾 𑌲𑍍𑌲𑍋॒𑌕𑌾-𑌤𑍍𑌪𑍍𑌰𑍇𑌤𑍍𑌯॑ । 𑌆॒𑌤𑍍𑌮𑌾𑌨𑌂॑-𑌵𑍇𑌁𑌦 ।
𑌅॒𑌯-𑌮॒𑌹-𑌮॒𑌸𑍍𑌮𑍀𑌤𑌿॑ ॥ 43 ॥

𑌸 𑌸𑍍𑌵𑌂-𑌲𑍋𑌁॒𑌕-𑌮𑍍𑌪𑍍𑌰𑌤𑌿॒ 𑌪𑍍𑌰𑌜𑌾॑𑌨𑌾𑌤𑌿 ॥ 𑌏॒𑌷 𑌉॑ 𑌵𑍇॒𑌵𑍈𑌨॒-𑌨𑍍𑌤𑌥𑍍𑌸𑌾॑𑌵𑌿॒𑌤𑍍𑌰𑌃 । 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌮॒𑌭𑌿𑌵॑𑌹𑌤𑌿 ॥ 𑌅॒𑌹𑍋॒𑌰𑌾॒𑌤𑍍𑌰𑍈 𑌰𑍍𑌵𑌾 𑌇𑌦𑌗𑍍𑌮𑍍 𑌸॒𑌯𑍁𑌗𑍍𑌭𑌿𑌃॑ 𑌕𑍍𑌰𑌿𑌯𑌤𑍇 । 𑌇॒𑌤𑌿॒ 𑌰𑌾॒𑌤𑍍𑌰𑌾𑌯𑌾॑ 𑌦𑍀𑌕𑍍𑌷𑌿𑌷𑌤 । 𑌇॒𑌤𑌿॒ 𑌰𑌾॒𑌤𑍍𑌰𑌾𑌯॑ 𑌵𑍍𑌰॒𑌤-𑌮𑍁𑌪𑌾॑𑌗𑍁॒𑌰𑌿𑌤𑌿॑ । 𑌤𑌾𑌨𑌿॒ 𑌹𑌾𑌨𑍇॑𑌵𑌂-𑌵𑌿𑌁॒𑌦𑍁𑌷𑌃॑ । 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌶𑍇॑𑌵॒𑌧𑌿-𑌨𑍍𑌧॑𑌯𑌨𑍍𑌤𑌿 ।
𑌧𑍀॒𑌤𑌗𑍍𑌮𑍍 𑌹𑍈॒𑌵 𑌸 𑌶𑍇॑𑌵॒𑌧𑌿-𑌮𑌨𑍁॒𑌪𑌰𑍈॑𑌤𑌿 ॥
𑌅𑌥॒ 𑌯𑍋 𑌹𑍈॒𑌵𑍈𑌤𑌮॒𑌗𑍍𑌨𑌿𑌗𑍍𑌮𑍍 𑌸𑌾॑𑌵𑌿॒𑌤𑍍𑌰𑌂-𑌵𑍇𑌁𑌦॑ ॥ 44 ॥

𑌤𑌸𑍍𑌯॑ 𑌹𑍈॒𑌵𑌾-𑌹𑍋॑𑌰𑌾॒𑌤𑍍𑌰𑌾𑌣𑌿॑ । 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌶𑍇॑𑌵॒𑌧𑌿-𑌨𑍍𑌨 𑌧॑𑌯𑌨𑍍𑌤𑌿 ।
𑌅𑌧𑍀॑𑌤𑌗𑍍𑌮𑍍 𑌹𑍈॒𑌵 𑌸 𑌶𑍇॑𑌵॒𑌧𑌿-𑌮𑌨𑍁॒𑌪𑌰𑍈॑𑌤𑌿 ॥
𑌭॒𑌰𑌦𑍍𑌵𑌾॑𑌜𑍋 𑌹 𑌤𑍍𑌰𑌿॒𑌭𑌿𑌰𑌾𑌯𑍁॑𑌰𑍍𑌭𑌿 𑌰𑍍𑌬𑍍𑌰𑌹𑍍𑌮॒𑌚𑌰𑍍𑌯॑𑌮𑍁𑌵𑌾𑌸 ।
𑌤𑌗𑍍𑌮𑍍 𑌹॒ 𑌜𑍀𑌰𑍍𑌣𑌿॒𑌗𑍍𑌗𑍍॒ 𑌸𑍍𑌥𑌵𑌿॑𑌰॒𑌗𑍍𑌮𑍍॒ 𑌶𑌯𑌾॑𑌨𑌮𑍍 ।
𑌇𑌨𑍍𑌦𑍍𑌰॑ 𑌉𑌪॒𑌵𑍍𑌰𑌜𑍍𑌯𑍋॑ 𑌵𑌾𑌚 । 𑌭𑌰॑𑌦𑍍𑌵𑌾𑌜 । 𑌯𑌤𑍍𑌤𑍇॑ 𑌚𑌤𑍁॒𑌰𑍍𑌥𑌮𑌾𑌯𑍁॑𑌰𑍍𑌦॒𑌦𑍍𑌯𑌾𑌮𑍍 । 𑌕𑌿𑌮𑍇॑𑌨𑍇𑌨 𑌕𑍁𑌰𑍍𑌯𑌾॒ 𑌇𑌤𑌿॑ । 𑌬𑍍𑌰॒𑌹𑍍𑌮॒𑌚𑌰𑍍𑌯॑𑌮𑍇॒𑌵𑍈𑌨𑍇॑𑌨 𑌚𑌰𑍇𑌯॒𑌮𑌿𑌤𑌿॑ 𑌹𑍋𑌵𑌾𑌚 ॥ 45 ॥

𑌤𑌗𑍍𑌮𑍍 𑌹॒ 𑌤𑍍𑌰𑍀-𑌨𑍍𑌗𑌿॒𑌰𑌿-𑌰𑍂॑𑌪𑌾॒𑌨 𑌵𑌿॑𑌜𑍍𑌞𑌾𑌤𑌾𑌨𑌿𑌵 𑌦𑌰𑍍𑌶॒𑌯𑌾-𑌞𑍍𑌚॑𑌕𑌾𑌰 । 𑌤𑍇𑌷𑌾॒𑌗𑍍𑌮𑍍॒ 𑌹𑍈𑌕𑍈॑𑌕𑌸𑍍𑌮𑌾-𑌨𑍍𑌮𑍁॒𑌷𑍍𑌟𑌿𑌨𑌾-𑌽𑌽𑌦॑𑌦𑍇 । 𑌸 𑌹𑍋॑𑌵𑌾𑌚 ।
𑌭𑌰॑𑌦𑍍𑌵𑌾॒𑌜𑍇𑌤𑍍𑌯𑌾॒𑌮𑌨𑍍𑌤𑍍𑌰𑍍𑌯॑ । 𑌵𑍇𑌦𑌾॒ 𑌵𑌾 𑌏॒𑌤𑍇 । 𑌅॒𑌨॒𑌨𑍍𑌤𑌾 𑌵𑍈 𑌵𑍇𑌦𑌾𑌃᳚ । 𑌏॒𑌤𑌦𑍍𑌵𑌾 𑌏॒𑌤𑍈 𑌸𑍍𑌤𑍍𑌰𑌿॒𑌭𑌿-𑌰𑌾𑌯𑍁॑𑌰𑍍𑌭𑌿॒-𑌰𑌨𑍍𑌵॑𑌵𑍋𑌚𑌥𑌾𑌃 । 𑌅𑌥॑ 𑌤॒ 𑌇𑌤॑𑌰॒-𑌦𑌨॑𑌨𑍂𑌕𑍍𑌤𑌮𑍇॒𑌵 । 𑌏𑌹𑍀॒𑌮𑌂-𑌵𑌿𑌁॑𑌦𑍍𑌧𑌿 । 𑌅॒𑌯𑌂-𑌵𑍈𑌁 𑌸॑𑌰𑍍𑌵 𑌵𑌿॒𑌦𑍍𑌯𑍇𑌤𑌿॑ ॥ 46 ॥

𑌤𑌸𑍍𑌮𑍈॑ 𑌹𑍈॒𑌤𑌮॒𑌗𑍍𑌨𑌿𑌗𑍍𑌮𑍍 𑌸𑌾॑𑌵𑌿॒𑌤𑍍𑌰𑌮𑍁॑𑌵𑌾𑌚 । 𑌤𑌗𑍍𑌮𑍍 𑌸 𑌵𑌿॑𑌦𑌿॒𑌤𑍍𑌵𑌾 । 𑌅॒𑌮𑍃𑌤𑍋॑ 𑌭𑍂॒𑌤𑍍𑌵𑌾 । 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑌿॑𑌯𑌾𑌯 । 𑌆॒𑌦𑌿॒𑌤𑍍𑌯𑌸𑍍𑌯॒ 𑌸𑌾𑌯𑍁॑𑌜𑍍𑌯𑌮𑍍 ॥
𑌅॒𑌮𑍃𑌤𑍋॑ 𑌹𑍈॒𑌵 𑌭𑍂॒𑌤𑍍𑌵𑌾 । 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 । 𑌆॒𑌦𑌿॒𑌤𑍍𑌯𑌸𑍍𑌯॒ 𑌸𑌾𑌯𑍁॑𑌜𑍍𑌯𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌏॒𑌷𑍋 𑌏॒𑌵 𑌤𑍍𑌰𑌯𑍀॑ 𑌵𑌿॒𑌦𑍍𑌯𑌾 ॥ 4𑍭 ॥

𑌯𑌾𑌵॑𑌨𑍍𑌤𑌗𑍍𑌮𑍍 𑌹॒ 𑌵𑍈 𑌤𑍍𑌰॒𑌯𑍍𑌯𑌾 𑌵𑌿॒𑌦𑍍𑌯𑌯𑌾॑ 𑌲𑍋॒𑌕-𑌞𑍍𑌜॑𑌯𑌤𑌿 । 𑌤𑌾𑌵॑𑌨𑍍𑌤𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌅॒𑌗𑍍𑌨𑍇 𑌰𑍍𑌵𑌾 𑌏॒𑌤𑌾𑌨𑌿॑ 𑌨𑌾𑌮॒𑌧𑍇𑌯𑌾॑𑌨𑌿 ।
𑌅॒𑌗𑍍𑌨𑍇𑌰𑍇॒𑌵 𑌸𑌾𑌯𑍁॑𑌜𑍍𑌯𑌗𑍍𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 ।
𑌯 𑌏॒𑌵𑌂-𑌵𑍇𑌁𑌦॑ । 𑌵𑌾॒𑌯𑍋 𑌰𑍍𑌵𑌾 𑌏॒𑌤𑌾𑌨𑌿॑ 𑌨𑌾𑌮॒𑌧𑍇𑌯𑌾॑𑌨𑌿 । 𑌵𑌾॒𑌯𑍋𑌰𑍇॒𑌵 𑌸𑌾𑌯𑍁॑𑌜𑍍𑌯𑌗𑍍𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌇𑌨𑍍𑌦𑍍𑌰॑𑌸𑍍𑌯॒ 𑌵𑌾 𑌏॒𑌤𑌾𑌨𑌿॑ 𑌨𑌾𑌮॒𑌧𑍇𑌯𑌾॑𑌨𑌿 ॥ 4𑍮 ॥

𑌇𑌨𑍍𑌦𑍍𑌰॑𑌸𑍍𑌯𑍈॒𑌵 𑌸𑌾𑌯𑍁॑𑌜𑍍𑌯𑌗𑍍𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ।
𑌬𑍃𑌹॒𑌸𑍍𑌪𑌤𑍇॒ 𑌰𑍍𑌵𑌾 𑌏॒𑌤𑌾𑌨𑌿॑ 𑌨𑌾𑌮॒𑌧𑍇𑌯𑌾॑𑌨𑌿 ।
𑌬𑍃𑌹॒𑌸𑍍𑌪𑌤𑍇॑𑌰𑍇॒𑌵 𑌸𑌾𑌯𑍁॑𑌜𑍍𑌯𑌗𑍍𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 ।
𑌯 𑌏॒𑌵𑌂-𑌵𑍇𑌁𑌦॑ । 𑌪𑍍𑌰॒𑌜𑌾𑌪॑𑌤𑍇॒ 𑌰𑍍𑌵𑌾 𑌏॒𑌤𑌾𑌨𑌿॑ 𑌨𑌾𑌮॒𑌧𑍇𑌯𑌾॑𑌨𑌿 । 𑌪𑍍𑌰॒𑌜𑌾𑌪॑𑌤𑍇𑌰𑍇॒𑌵 𑌸𑌾𑌯𑍁॑𑌜𑍍𑌯𑌗𑍍𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ।
𑌬𑍍𑌰𑌹𑍍𑌮॑𑌣𑍋॒ 𑌵𑌾 𑌏॒𑌤𑌾𑌨𑌿॑ 𑌨𑌾𑌮॒𑌧𑍇𑌯𑌾॑𑌨𑌿 ।
𑌬𑍍𑌰𑌹𑍍𑌮॑𑌣 𑌏॒𑌵 𑌸𑌾𑌯𑍁॑𑌜𑍍𑌯𑌗𑍍𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 ।
𑌯 𑌏॒𑌵𑌂-𑌵𑍇𑌁𑌦॑ ॥ 𑌸 𑌵𑌾 𑌏॒𑌷𑍋᳚-𑌽𑌗𑍍𑌨𑌿-𑌰॑𑌪𑌕𑍍𑌷𑌪𑍁॒𑌚𑍍𑌛𑍋 𑌵𑌾॒𑌯𑍁𑌰𑍇॒𑌵 ।
𑌤𑌸𑍍𑌯𑌾॒𑌗𑍍𑌨𑌿 𑌰𑍍𑌮𑍁𑌖᳚𑌮𑍍 । 𑌅॒𑌸𑌾𑌵𑌾॑𑌦𑌿॒𑌤𑍍𑌯-𑌶𑍍𑌶𑌿𑌰𑌃॑ ।
𑌸 𑌯𑌦𑍇॒𑌤𑍇 𑌦𑍇॒𑌵𑌤𑍇॒ 𑌅𑌨𑍍𑌤॑𑌰𑍇𑌣 ।
𑌤𑌥𑍍𑌸𑌰𑍍𑌵𑌗𑍍𑌮𑍍॑ 𑌸𑍀𑌵𑍍𑌯𑌤𑌿 । 𑌤𑌸𑍍𑌮𑌾᳚-𑌥𑍍𑌸𑌾𑌵𑌿॒𑌤𑍍𑌰𑌃 ॥ 4𑍯 ॥
(𑌅॒𑌯𑌮॒𑌹𑌮॒𑌸𑍍𑌮𑍀𑌤𑌿॒ – 𑌵𑍇𑌦॑ – 𑌹𑍋𑌵𑌾𑌚 – 𑌸𑌰𑍍𑌵𑌵𑌿॒𑌦𑍍𑌯𑍇𑌤𑌿॑ – 𑌵𑌿॒𑌦𑍍𑌯𑍇 – 𑌨𑍍𑌦𑍍𑌰॑𑌸𑍍𑌯॒ 𑌵𑌾 𑌏॒𑌤𑌾𑌨𑌿॑ 𑌨𑌾𑌮॒𑌧𑍇𑌯𑌾॑𑌨𑌿॒ – 𑌬𑍍𑌰𑌹𑍍𑌮॑𑌣 𑌏॒𑌵 𑌸𑌾𑌯𑍁॑𑌜𑍍𑌯𑌗𑍍𑌮𑍍 𑌸𑌲𑍋॒𑌕𑌤𑌾॑𑌮𑌾𑌪𑍍𑌨𑍋𑌤𑌿 𑌸॒𑌪𑍍𑌤 𑌚॑) । (𑌅. 11)

(𑌅॒𑌗𑍍𑌨𑍇𑌰𑍍𑌵𑌾॒𑌯𑍋𑌰𑌿𑌨𑍍𑌦𑍍𑌰॑𑌸𑍍𑌯॒ 𑌬𑍃𑌹॒𑌸𑍍𑌪𑌤𑍇𑌃᳚ 𑌪𑍍𑌰॒𑌜𑌾𑌪॑𑌤𑍇॒-𑌰𑍍𑌬𑍍𑌰𑌹𑍍𑌮॑𑌣॒-𑌸𑍍𑌸 𑌵𑍈 𑌸॒𑌪𑍍𑌤)

(𑌸॒𑌞𑍍𑌜𑍍𑌞𑌾𑌨𑌂॒ – 𑌭𑍂 – 𑌸𑍍𑌤𑍍𑌵𑌮𑍇॒𑌵 – 𑌸𑌂॑𑌵𑌁𑌥𑍍𑌸॒𑌰𑍋॑-𑌽𑌸𑌿॒ – 𑌭𑍂 – 𑌰𑌾𑌜𑍍𑌞𑍍𑌯 – 𑌸॑𑌵-𑌵𑌿𑌪॒𑌶𑍍𑌚𑌿𑌤𑍇᳚ – 𑌪𑍍𑌰॒𑌜𑌾𑌪॑𑌤𑌿-𑌰𑍍𑌦𑍇॒𑌵𑌾 – 𑌨𑌿॒𑌯𑌂-𑌵𑌾𑌁𑌵 𑌸॒𑌰𑌘𑌾॒ – 𑌕𑌶𑍍𑌚𑌿॒𑌦𑍍𑌧𑍈𑌕𑌾॑𑌦𑌶)

(𑌸॒𑌞𑍍𑌜𑍍𑌞𑌾𑌨॒𑌗𑍍𑌮𑍍॒ – 𑌰𑌾𑌜𑍍𑌞𑍀॑ – 𑌮𑍂॒𑌦𑍍𑌰𑍍𑌧𑌾 𑌹𑍃𑌦॑𑌯 – 𑌏॒𑌷 𑌸𑌂॑𑌵𑌁𑌥𑍍𑌸॒𑌰𑍋 – 𑌨𑌾𑌦𑍍𑌰𑍍𑌧॑𑌮𑌾॒𑌸𑍇𑌷𑍁॒ 𑌨𑌵॑𑌚𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍)

(𑌸॒𑌞𑍍𑌜𑍍𑌞𑌾𑌨𑌗𑍍𑌮𑍍॑ – 𑌸𑌾𑌵𑌿॒𑌤𑍍𑌰𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌇𑌤𑌿 𑌤𑍈𑌤𑍍𑌤𑌰𑍀𑌯 𑌯𑌜𑍁𑌬𑍍𑌰𑌾𑌹𑍍𑌮𑌣𑍇 𑌕𑌾𑌠𑌕𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
++++++++++++++++++++++++++++++++++++++++++

प्रायः पृष्टाः प्रश्नाः

What is 3.10 - 𑌸𑌾𑌵𑌿𑌤𑍍𑌰𑌚𑌯𑌨𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌕𑌾𑌠 𑌪𑍍𑌰𑌶𑍍𑌨𑌃 𑌪𑌾𑌠𑌃 - 𑌸𑌞𑍍𑌜𑍍𑌞𑌾𑌨𑌂 𑌵𑌿𑌜𑍍𑌞𑌾𑌨𑌂?

3.10 - 𑌸𑌾𑌵𑌿𑌤𑍍𑌰𑌚𑌯𑌨𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌕𑌾𑌠 𑌪𑍍𑌰𑌶𑍍𑌨𑌃 𑌪𑌾𑌠𑌃 - 𑌸𑌞𑍍𑌜𑍍𑌞𑌾𑌨𑌂 𑌵𑌿𑌜𑍍𑌞𑌾𑌨𑌂 is a Sri Krishna Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 3.10 - 𑌸𑌾𑌵𑌿𑌤𑍍𑌰𑌚𑌯𑌨𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌕𑌾𑌠 𑌪𑍍𑌰𑌶𑍍𑌨𑌃 𑌪𑌾𑌠𑌃 - 𑌸𑌞𑍍𑌜𑍍𑌞𑌾𑌨𑌂 𑌵𑌿𑌜𑍍𑌞𑌾𑌨𑌂 online?

Yes. The imported text is available directly on this page for online reading and recitation.

Can I download 3.10 - 𑌸𑌾𑌵𑌿𑌤𑍍𑌰𑌚𑌯𑌨𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌕𑌾𑌠 𑌪𑍍𑌰𑌶𑍍𑌨𑌃 𑌪𑌾𑌠𑌃 - 𑌸𑌞𑍍𑌜𑍍𑌞𑌾𑌨𑌂 𑌵𑌿𑌜𑍍𑌞𑌾𑌨𑌂 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु