2.6 – 𑌸𑍌𑌤𑍍𑌰𑌾𑌮𑌣𑌿𑌃 𑌕𑍌𑌕𑌿𑌲𑍀 𑌹𑍋𑌤𑍍𑌰𑌂 𑌚 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 – 𑌸𑍍𑌵𑌾𑌦𑍍𑌵𑍀𑌂 𑌤𑍍𑌵𑌾

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕𑌃 – 𑌸𑍌𑌤𑍍𑌰𑌾𑌮𑌣𑌿𑌃 𑌕𑍌𑌕𑌿𑌲𑍀 𑌹𑍋𑌤𑍍𑌰-𑌞𑍍𑌚

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 – 𑌗𑍍𑌰𑌹𑌾𑌃
𑌸𑍍𑌵𑌾॒𑌦𑍍𑌵𑍀-𑌨𑍍𑌤𑍍𑌵𑌾᳚ 𑌸𑍍𑌵𑌾॒𑌦𑍁𑌨𑌾᳚ । 𑌤𑍀॒𑌵𑍍𑌰𑌾-𑌨𑍍𑌤𑍀॒𑌵𑍍𑌰𑍇𑌣॑ । 𑌅॒𑌮𑍃𑌤𑌾॑-𑌮॒𑌮𑍃𑌤𑍇॑𑌨 । 𑌮𑌧𑍁॑𑌮𑌤𑍀॒-𑌮𑍍𑌮𑌧𑍁॑𑌮𑌤𑌾 । 𑌸𑍃॒𑌜𑌾𑌮𑌿॒ 𑌸𑌗𑍍𑌮𑍍 𑌸𑍋𑌮𑍇॑𑌨 । 𑌸𑍋𑌮𑍋᳚-𑌽𑌸𑍍𑌯॒𑌶𑍍𑌵𑌿𑌭𑍍𑌯𑌾᳚-𑌮𑍍𑌪𑌚𑍍𑌯𑌸𑍍𑌵 । 𑌸𑌰॑𑌸𑍍𑌵𑌤𑍍𑌯𑍈 𑌪𑌚𑍍𑌯𑌸𑍍𑌵 । 𑌇𑌨𑍍𑌦𑍍𑌰𑌾॑𑌯 𑌸𑍁॒𑌤𑍍𑌰𑌾𑌮𑍍𑌣𑍇॑ 𑌪𑌚𑍍𑌯𑌸𑍍𑌵 ॥ 𑌪𑌰𑍀॒𑌤𑍋𑌷𑌿॑𑌞𑍍𑌚𑌤𑌾 𑌸𑍁॒𑌤𑌮𑍍 । 𑌸𑍋𑌮𑍋॒ 𑌯 𑌉॑𑌤𑍍𑌤॒𑌮𑌗𑍍𑌮𑍍 𑌹॒𑌵𑌿𑌃 ॥ 1 ॥

𑌦॒𑌧॒𑌨𑍍𑌵𑌾 𑌯𑍋 𑌨𑌰𑍍𑌯𑍋॑ 𑌅॒𑌫𑍍𑌸𑍍𑌵॑𑌨𑍍𑌤𑌰𑌾 । 𑌸𑍁॒𑌷𑌾𑌵॒ 𑌸𑍋𑌮॒𑌮𑌦𑍍𑌰𑌿॑𑌭𑌿𑌃 ॥ 𑌪𑍁॒𑌨𑌾𑌤𑍁॑ 𑌤𑍇 𑌪𑌰𑌿॒𑌸𑍍𑌰𑍁𑌤᳚𑌮𑍍 । 𑌸𑍋𑌮॒𑌗𑍍𑌮𑍍॒ 𑌸𑍂𑌰𑍍𑌯॑𑌸𑍍𑌯 𑌦𑍁𑌹𑌿॒𑌤𑌾 । 𑌵𑌾𑌰𑍇॑𑌣॒ 𑌶𑌶𑍍𑌵॑𑌤𑌾॒ 𑌤𑌨𑌾᳚ । 𑌵𑌾॒𑌯𑍁𑌃 𑌪𑍂॒𑌤𑌃 𑌪॒𑌵𑌿𑌤𑍍𑌰𑍇॑𑌣 । 𑌪𑍍𑌰𑌾𑌙𑍍𑌖𑍍𑌸𑍋𑌮𑍋॒ 𑌅𑌤𑌿॑𑌦𑍍𑌰𑍁𑌤𑌃 । 𑌇𑌨𑍍𑌦𑍍𑌰॑𑌸𑍍𑌯॒ 𑌯𑍁𑌜𑍍𑌯॒-𑌸𑍍𑌸𑌖𑌾᳚ ॥ 𑌵𑌾॒𑌯𑍁𑌃 𑌪𑍂॒𑌤𑌃 𑌪॒𑌵𑌿𑌤𑍍𑌰𑍇॑𑌣 । 𑌪𑍍𑌰॒𑌤𑍍𑌯𑌙𑍍𑌖𑍍𑌸𑍋𑌮𑍋॒ 𑌅𑌤𑌿॑𑌦𑍍𑌰𑍁𑌤𑌃 ॥ 2 ॥

𑌇𑌨𑍍𑌦𑍍𑌰॑𑌸𑍍𑌯॒ 𑌯𑍁𑌜𑍍𑌯॒-𑌸𑍍𑌸𑌖𑌾᳚ ॥ 𑌬𑍍𑌰𑌹𑍍𑌮॑ 𑌕𑍍𑌷॒𑌤𑍍𑌰-𑌮𑍍𑌪॑𑌵𑌤𑍇॒ 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌸𑍁𑌰॑𑌯𑌾॒ 𑌸𑍋𑌮॑-𑌸𑍍𑌸𑍁॒𑌤 𑌆𑌸𑍁॑𑌤𑍋॒ 𑌮𑌦𑌾॑𑌯 । 𑌶𑍁॒𑌕𑍍𑌰𑍇𑌣॑ 𑌦𑍇𑌵 𑌦𑍇॒𑌵𑌤𑌾𑌃᳚ 𑌪𑌿𑌪𑍃𑌗𑍍𑌧𑌿 । 𑌰𑌸𑍇॒𑌨𑌾𑌨𑍍𑌨𑌂॒-𑌯𑌁𑌜॑𑌮𑌾𑌨𑌾𑌯 𑌧𑍇𑌹𑌿 ॥ 𑌕𑍁॒𑌵𑌿𑌦॒𑌙𑍍𑌗 𑌯𑌵॑𑌮𑌨𑍍𑌤𑍋॒ 𑌯𑌵॑-𑌞𑍍𑌚𑌿𑌤𑍍 । 𑌯𑌥𑌾॒ 𑌦𑌾𑌨𑍍𑌤𑍍𑌯॑𑌨𑍁𑌪𑍂॒𑌰𑍍𑌵𑌂-𑌵𑌿𑌁॒𑌯𑍂𑌯॑ । 𑌇॒𑌹𑍇𑌹𑍈॑𑌷𑌾-𑌙𑍍𑌕𑍃𑌣𑍁𑌤॒ 𑌭𑍋𑌜॑𑌨𑌾𑌨𑌿 । 𑌯𑍇 𑌬॒𑌰॒𑌃𑌇𑌷𑍋॒ 𑌨𑌮𑍋॑𑌵𑍃𑌕𑍍𑌤𑌿॒-𑌨𑍍𑌨 𑌜॒𑌗𑍍𑌮𑍁𑌃 ॥ 𑌉॒𑌪॒𑌯𑌾॒𑌮-𑌗𑍃॑𑌹𑍀𑌤𑍋-𑌽𑌸𑍍𑌯॒𑌶𑍍𑌵𑌿𑌭𑍍𑌯𑌾᳚-𑌨𑍍𑌤𑍍𑌵𑌾॒ 𑌜𑍁𑌷𑍍𑌟॑-𑌙𑍍𑌗𑍃𑌹𑍍𑌣𑌾𑌮𑌿 ॥ 3 ॥

𑌸𑌰॑𑌸𑍍𑌵𑌤𑍍𑌯𑌾॒ 𑌇𑌨𑍍𑌦𑍍𑌰𑌾॑𑌯 𑌸𑍁॒𑌤𑍍𑌰𑌾𑌮𑍍𑌣𑍇᳚ ॥ 𑌏॒𑌷 𑌤𑍇॒ 𑌯𑍋𑌨𑌿॒𑌸𑍍𑌤𑍇𑌜॑𑌸𑍇 𑌤𑍍𑌵𑌾 । 𑌵𑍀॒𑌰𑍍𑌯𑌾॑𑌯 𑌤𑍍𑌵𑌾॒ 𑌬𑌲𑌾॑𑌯 𑌤𑍍𑌵𑌾 ॥ 𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋॒ 𑌮𑌯𑌿॑ 𑌧𑍇𑌹𑌿 । 𑌵𑍀॒𑌰𑍍𑌯॑𑌮𑌸𑌿 𑌵𑍀॒𑌰𑍍𑌯॑-𑌮𑍍𑌮𑌯𑌿॑ 𑌧𑍇𑌹𑌿 । 𑌬𑌲॑𑌮𑌸𑌿॒ 𑌬𑌲॒-𑌮𑍍𑌮𑌯𑌿॑ 𑌧𑍇𑌹𑌿 ॥ 𑌨𑌾𑌨𑌾॒ 𑌹𑌿 𑌵𑌾᳚-𑌨𑍍𑌦𑍇॒𑌵𑌹𑌿॑𑌤॒𑌗𑍍𑌮𑍍॒ 𑌸𑌦𑌃॑ 𑌕𑍃॒𑌤𑌮𑍍 । 𑌮𑌾 𑌸𑌗𑍍𑌮𑍍𑌸𑍃॑𑌕𑍍𑌷𑌾𑌥𑌾-𑌮𑍍𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸𑍁𑌰𑌾॒ 𑌤𑍍𑌵𑌮𑌸𑌿॑ 𑌶𑍁॒𑌷𑍍𑌮𑌿𑌣𑍀॒ 𑌸𑍋𑌮॑ 𑌏॒𑌷𑌃 । 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀॒-𑌸𑍍𑌸𑍍𑌵𑌾𑌂-𑌯𑍋𑌁𑌨𑌿॑𑌮𑌾𑌵𑌿॒𑌶𑌨𑍍𑌨𑍍 ॥ 4 ॥

𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯𑌾𑌶𑍍𑌵𑌿॒𑌨-𑌨𑍍𑌤𑍇𑌜𑌃॑ । 𑌸𑌾॒𑌰॒𑌸𑍍𑌵॒𑌤𑌂-𑌵𑍀𑌁॒𑌰𑍍𑌯᳚𑌮𑍍 । 𑌐॒𑌨𑍍𑌦𑍍𑌰-𑌮𑍍𑌬𑌲᳚𑌮𑍍 ॥ 𑌏॒𑌷 𑌤𑍇॒ 𑌯𑍋𑌨𑌿॒𑌰𑍍𑌮𑍋𑌦𑌾॑𑌯 𑌤𑍍𑌵𑌾 । 𑌆॒𑌨॒𑌨𑍍𑌦𑌾𑌯॑ 𑌤𑍍𑌵𑌾॒ 𑌮𑌹॑𑌸𑍇 𑌤𑍍𑌵𑌾 ॥ 𑌓𑌜𑍋॒-𑌽𑌸𑍍𑌯𑍋𑌜𑍋॒ 𑌮𑌯𑌿॑ 𑌧𑍇𑌹𑌿 । 𑌮॒𑌨𑍍𑌯𑍁𑌰॑𑌸𑌿 𑌮॒𑌨𑍍𑌯𑍁-𑌮𑍍𑌮𑌯𑌿॑ 𑌧𑍇𑌹𑌿 । 𑌮𑌹𑍋॑-𑌽𑌸𑌿॒ 𑌮𑌹𑍋॒ 𑌮𑌯𑌿॑ 𑌧𑍇𑌹𑌿 । 𑌸𑌹𑍋॑-𑌽𑌸𑌿॒ 𑌸𑌹𑍋॒ 𑌮𑌯𑌿॑ 𑌧𑍇𑌹𑌿 ॥ 𑌯𑌾 𑌵𑍍𑌯𑌾॒𑌘𑍍𑌰𑌂-𑌵𑌿𑌁𑌷𑍂॑𑌚𑌿𑌕𑌾 । 𑌉॒𑌭𑍌 𑌵𑍃𑌕॑-𑌞𑍍𑌚॒ 𑌰𑌕𑍍𑌷॑𑌤𑌿 । 𑌶𑍍𑌯𑍇॒𑌨-𑌮𑍍𑌪॑𑌤॒𑌤𑍍𑌰𑌿𑌣𑌗𑍍𑌮𑍍॑ 𑌸𑌿॒𑌗𑍍𑌮𑍍॒𑌹𑌮𑍍 । 𑌸𑍇𑌮-𑌮𑍍𑌪𑌾॒𑌤𑍍𑌵𑌗𑍍𑌮𑍍𑌹॑𑌸𑌃 ॥ 𑌸॒-𑌮𑍍𑌪𑍃𑌚॑-𑌸𑍍𑌸𑍍𑌥॒ 𑌸-𑌮𑍍𑌮𑌾॑ 𑌭॒𑌦𑍍𑌰𑍇𑌣॑ 𑌪𑍃𑌙𑍍𑌕𑍍𑌤 । 𑌵𑌿॒𑌪𑍃𑌚॑-𑌸𑍍𑌸𑍍𑌥॒ 𑌵𑌿 𑌮𑌾॑ 𑌪𑌾॒𑌪𑍍𑌮𑌨𑌾॑ 𑌪𑍃𑌙𑍍𑌕𑍍𑌤 ॥ 5 ॥
(𑌹॒𑌵𑌿𑌃 – 𑌪𑍍𑌰॒𑌤𑍍𑌯𑌙𑍍𑌖𑍍𑌸𑍋𑌮𑍋॒ 𑌆𑌤𑌿॑𑌦𑍍𑌰𑍁𑌤𑍋 – 𑌗𑍃𑌹𑍍𑌣𑌾 – 𑌮𑍍𑌯𑌾𑌵𑌿॒𑌶𑌨𑍍 – 𑌵𑌿𑌷𑍂॑𑌚𑌿𑌕𑌾॒ 𑌪𑌞𑍍𑌚॑ 𑌚) (𑌅. 1)

𑌅𑌨𑍁𑌵𑌾𑌕𑌂 2 – 𑌗𑍍𑌰𑌹𑍋𑌪𑌸𑍍𑌥𑌾𑌨𑌮𑍍
𑌸𑍋𑌮𑍋॒ 𑌰𑌾𑌜𑌾॒-𑌽𑌮𑍃𑌤𑌗𑍍𑌮𑍍॑ 𑌸𑍁॒𑌤𑌃 । 𑌋॒𑌜𑍀॒𑌷𑍇𑌣𑌾॑𑌜𑌹𑌾𑌨𑍍𑌮𑍃॒𑌤𑍍𑌯𑍁𑌮𑍍 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌵𑌿𑌪𑌾𑌨𑌗𑍍𑌮𑍍॑ 𑌶𑍁॒𑌕𑍍𑌰𑌮𑌨𑍍𑌧॑𑌸𑌃 । 𑌇𑌨𑍍𑌦𑍍𑌰॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌮𑍍 । 𑌇॒𑌦-𑌮𑍍𑌪𑌯𑍋॒-𑌽𑌮𑍃𑌤॒-𑌮𑍍𑌮𑌧𑍁॑ ॥ 𑌸𑍋𑌮॑𑌮॒𑌦𑍍𑌭𑍍𑌯𑍋 𑌵𑍍𑌯॑𑌪𑌿𑌬𑌤𑍍 । 𑌛𑌨𑍍𑌦॑𑌸𑌾 𑌹॒𑌗𑍍𑌮𑍍॒𑌸-𑌶𑍍𑌶𑍁॑𑌚𑌿॒𑌷𑌤𑍍 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌅॒𑌦𑍍𑌭𑍍𑌯𑌃, 𑌕𑍍𑌷𑍀॒𑌰𑌂-𑌵𑍍𑌯𑌁॑𑌪𑌿𑌬𑌤𑍍 ॥ 6 ॥

𑌕𑍍𑌰𑍁𑌙𑍍𑌙𑌾᳚𑌙𑍍𑌗𑌿𑌰॒𑌸𑍋 𑌧𑌿॒𑌯𑌾 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌅𑌨𑍍𑌨𑌾᳚-𑌤𑍍𑌪𑌰𑌿॒𑌸𑍍𑌰𑍁𑌤𑍋॒ 𑌰𑌸᳚𑌮𑍍 । 𑌬𑍍𑌰𑌹𑍍𑌮॑𑌣𑌾॒ 𑌵𑍍𑌯॑𑌪𑌿𑌬-𑌤𑍍𑌕𑍍𑌷॒𑌤𑍍𑌰𑌮𑍍 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 ॥ 𑌰𑍇𑌤𑍋॒ 𑌮𑍂𑌤𑍍𑌰𑌂॒-𑌵𑌿𑌁𑌜॑𑌹𑌾𑌤𑌿 । 𑌯𑍋𑌨𑌿॑-𑌮𑍍𑌪𑍍𑌰𑌵𑌿॒𑌶𑌦𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌗𑌰𑍍𑌭𑍋॑ 𑌜॒𑌰𑌾𑌯𑍁॒𑌣𑌾-𑌽𑌽𑌵𑍃॑𑌤𑌃 । 𑌉𑌲𑍍𑌬॑-𑌞𑍍𑌜𑌹𑌾𑌤𑌿॒ 𑌜𑌨𑍍𑌮॑𑌨𑌾 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 ॥ 𑍭 ॥

𑌵𑍇𑌦𑍇॑𑌨 𑌰𑍂॒𑌪𑍇 𑌵𑍍𑌯॑𑌕𑌰𑍋𑌤𑍍 । 𑌸॒𑌤𑌾॒𑌸॒𑌤𑍀 𑌪𑍍𑌰॒𑌜𑌾𑌪॑𑌤𑌿𑌃 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 ॥ 𑌸𑍋𑌮𑍇॑𑌨॒ 𑌸𑍋𑌮𑍌॒ 𑌵𑍍𑌯॑𑌪𑌿𑌬𑌤𑍍 । 𑌸𑍁॒𑌤𑌾॒𑌸𑍁॒𑌤𑍌 𑌪𑍍𑌰॒𑌜𑌾𑌪॑𑌤𑌿𑌃 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌦𑍃॒𑌷𑍍𑌟𑍍𑌵𑌾 𑌰𑍂॒𑌪𑍇 𑌵𑍍𑌯𑌾𑌕॑𑌰𑍋𑌤𑍍 । 𑌸॒𑌤𑍍𑌯𑌾॒𑌨𑍃॒𑌤𑍇 𑌪𑍍𑌰॒𑌜𑌾𑌪॑𑌤𑌿𑌃 । 𑌅𑌶𑍍𑌰॑𑌦𑍍𑌧𑌾॒-𑌮𑌨𑍃॒𑌤𑍇-𑌽𑌦॑𑌧𑌾𑌤𑍍 । 𑌶𑍍𑌰॒𑌦𑍍𑌧𑌾𑌗𑍍𑌮𑍍 𑌸॒𑌤𑍍𑌯𑍇 𑌪𑍍𑌰॒𑌜𑌾𑌪॑𑌤𑌿𑌃 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 ॥ 𑌦𑍃॒𑌷𑍍𑌟𑍍𑌵𑌾 𑌪॑𑌰𑌿॒𑌸𑍍𑌰𑍁𑌤𑍋॒ 𑌰𑌸᳚𑌮𑍍 । 𑌶𑍁॒𑌕𑍍𑌰𑍇𑌣॑ 𑌶𑍁॒𑌕𑍍𑌰𑌂-𑌵𑍍𑌯𑌁॑𑌪𑌿𑌬𑌤𑍍 । 𑌪𑌯॒-𑌸𑍍𑌸𑍋𑌮॑-𑌮𑍍𑌪𑍍𑌰॒𑌜𑌾𑌪॑𑌤𑌿𑌃 । 𑌋॒𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌵𑌿𑌪𑌾𑌨𑌗𑍍𑌮𑍍॑ 𑌶𑍁॒𑌕𑍍𑌰𑌮𑌨𑍍𑌧॑𑌸𑌃 । 𑌇𑌨𑍍𑌦𑍍𑌰॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑌮𑍍 । 𑌇॒𑌦-𑌮𑍍𑌪𑌯𑍋॒-𑌽𑌮𑍃𑌤॒-𑌮𑍍𑌮𑌧𑍁॑ ॥ 𑍮 ॥
(𑌅॒𑌦𑍍𑌭𑍍𑌯𑌃, 𑌕𑍍𑌷𑍀॒𑌰𑌂-𑌵𑍍𑌯𑌁॑𑌪𑌿𑌬॒ – 𑌜𑍍𑌜𑌨𑍍𑌮॑𑌨॒𑌰𑍍𑌤𑍇𑌨॑ 𑌸॒𑌤𑍍𑌯𑌮𑌿॑𑌨𑍍𑌦𑍍𑌰𑌿॒𑌯𑌗𑍍𑌗𑍍 – 𑌶𑍍𑌰॒𑌦𑍍𑌧𑌾𑌗𑍍𑌮𑍍 𑌸॒𑌤𑍍𑌯𑍇 𑌪𑍍𑌰॒𑌜𑌾𑌪॑𑌤𑌿𑌰॒𑌷𑍍𑌟𑍌 𑌚॑) (𑌅. 2)

(𑌸𑍋𑌮𑍋॒ 𑌰𑌾𑌜𑌾॒ 𑌵𑌿𑌪𑌾𑌨॒𑌗𑍍𑌮𑍍॒ 𑌸𑍋𑌮॑𑌮॒𑌦𑍍𑌭𑍍𑌯𑍋-𑌽𑌨𑍍𑌨𑌾॒-𑌦𑍍𑌰𑍇𑌤𑍋॒ 𑌮𑍂𑌤𑍍𑌰𑌂॒-𑌵𑍇𑌁𑌦𑍇॑𑌨 𑌸𑌤𑌾𑌸॒𑌤𑍀 𑌸𑍋𑌮𑍇॑𑌨 𑌸𑍁𑌤𑌾𑌸𑍁॒𑌤𑍌 𑌦𑍃॒𑌷𑍍𑌟𑍍𑌵𑌾 𑌰𑍂॒𑌪𑍇 𑌦𑍃॒𑌷𑍍𑌟𑍍𑌵𑌾 𑌪॑𑌰𑌿॒𑌸𑍍𑌰𑍁𑌤𑍋॒ 𑌰𑌸𑌂॒-𑌵𑌿𑌁𑌪𑌾𑌨॒-𑌨𑍍𑌦𑌶॑ )

𑌅𑌨𑍁𑌵𑌾𑌕𑌂 3 – 𑌗𑍍𑌰𑌹𑌹𑍋𑌮𑌃
𑌸𑍁𑌰𑌾॑𑌵𑌨𑍍𑌤-𑌮𑍍𑌬𑌰𑍍𑌹𑌿॒𑌷𑌦𑌗𑍍𑌮𑍍॑ 𑌸𑍁॒𑌵𑍀𑌰᳚𑌮𑍍 । 𑌯॒𑌜𑍍𑌞𑌗𑍍𑌮𑍍 𑌹𑌿॑𑌨𑍍𑌵𑌨𑍍𑌤𑌿 𑌮𑌹𑌿॒𑌷𑌾 𑌨𑌮𑍋॑𑌭𑌿𑌃 । 𑌦𑌧𑌾॑𑌨𑌾॒-𑌸𑍍𑌸𑍋𑌮॑-𑌨𑍍𑌦𑌿॒𑌵𑌿 𑌦𑍇॒𑌵𑌤𑌾॑𑌸𑍁 । 𑌮𑌦𑍇॒𑌮𑍇𑌨𑍍𑌦𑍍𑌰𑌂॒-𑌯𑌁𑌜॑𑌮𑌾𑌨𑌾-𑌸𑍍𑌸𑍍𑌵॒𑌰𑍍𑌕𑌾𑌃 ॥ 𑌯𑌸𑍍𑌤𑍇॒ 𑌰𑌸॒-𑌸𑍍𑌸𑌮𑍍𑌭𑍃॑𑌤॒ 𑌓𑌷॑𑌧𑍀𑌷𑍁 । 𑌸𑍋𑌮॑𑌸𑍍𑌯॒ 𑌶𑍁𑌷𑍍𑌮॒-𑌸𑍍𑌸𑍁𑌰॑𑌯𑌾 𑌸𑍁॒𑌤𑌸𑍍𑌯॑ । 𑌤𑍇𑌨॑ 𑌜𑌿𑌨𑍍𑌵॒ 𑌯𑌜॑𑌮𑌾𑌨॒-𑌮𑍍𑌮𑌦𑍇॑𑌨 । 𑌸𑌰॑𑌸𑍍𑌵𑌤𑍀-𑌮॒𑌶𑍍𑌵𑌿𑌨𑌾॒-𑌵𑌿𑌨𑍍𑌦𑍍𑌰॑-𑌮॒𑌗𑍍𑌨𑌿𑌮𑍍 ॥ 𑌯𑌮॒𑌶𑍍𑌵𑌿𑌨𑌾॒ 𑌨𑌮𑍁॑𑌚𑍇𑌰𑌾𑌸𑍁॒𑌰𑌾𑌦𑌧𑌿॑ । 𑌸𑌰॑𑌸𑍍𑌵॒𑌤𑍍𑌯𑌸॑𑌨𑍋𑌦𑌿𑌨𑍍𑌦𑍍𑌰𑌿॒𑌯𑌾𑌯॑ ॥ 𑍯 ॥

𑌇॒𑌮-𑌨𑍍𑌤𑌗𑍍𑌮𑍍 𑌶𑍁॒𑌕𑍍𑌰-𑌮𑍍𑌮𑌧𑍁॑𑌮𑌨𑍍𑌤॒-𑌮𑌿𑌨𑍍𑌦𑍁᳚𑌮𑍍 । 𑌸𑍋𑌮॒𑌗𑍍𑌮𑍍॒ 𑌰𑌾𑌜𑌾॑𑌨𑌮𑌿॒𑌹 𑌭॑𑌕𑍍𑌷𑌯𑌾𑌮𑌿 ॥ 𑌯𑌦𑌤𑍍𑌰॑ 𑌰𑌿॒𑌪𑍍𑌤𑌗𑍍𑌮𑍍 𑌰॒𑌸𑌿𑌨॑-𑌸𑍍𑌸𑍁॒𑌤𑌸𑍍𑌯॑ । 𑌯𑌦𑌿𑌨𑍍𑌦𑍍𑌰𑍋॒ 𑌅𑌪𑌿॑𑌬॒𑌚𑍍𑌛𑌚𑍀॑𑌭𑌿𑌃 । 𑌅॒𑌹-𑌨𑍍𑌤𑌦॑𑌸𑍍𑌯॒ 𑌮𑌨॑𑌸𑌾 𑌶𑌿॒𑌵𑍇𑌨॑ । 𑌸𑍋𑌮॒𑌗𑍍𑌮𑍍॒ 𑌰𑌾𑌜𑌾॑𑌨𑌮𑌿॒𑌹 𑌭॑𑌕𑍍𑌷𑌯𑌾𑌮𑌿 ॥ 𑌪𑌿॒𑌤𑍃𑌭𑍍𑌯॑-𑌸𑍍𑌸𑍍𑌵𑌧𑌾॒𑌵𑌿𑌭𑍍𑌯॑-𑌸𑍍𑌸𑍍𑌵॒𑌧𑌾 𑌨𑌮𑌃॑ । 𑌪𑌿॒𑌤𑌾॒𑌮॒𑌹𑍇𑌭𑍍𑌯॑-𑌸𑍍𑌸𑍍𑌵𑌧𑌾॒𑌵𑌿𑌭𑍍𑌯॑-𑌸𑍍𑌸𑍍𑌵॒𑌧𑌾 𑌨𑌮𑌃॑ । 𑌪𑍍𑌰𑌪𑌿॑𑌤𑌾𑌮𑌹𑍇𑌭𑍍𑌯-𑌸𑍍𑌸𑍍𑌵𑌧𑌾॒𑌵𑌿𑌭𑍍𑌯॑-𑌸𑍍𑌸𑍍𑌵॒𑌧𑌾 𑌨𑌮𑌃॑ । 𑌅𑌕𑍍𑌷॑-𑌨𑍍𑌪𑌿॒𑌤𑌰𑌃॑ ॥ 10 ॥

𑌅𑌮𑍀॑𑌮𑌦𑌨𑍍𑌤 𑌪𑌿॒𑌤𑌰𑌃॑ । 𑌅𑌤𑍀॑𑌤𑍃𑌪𑌨𑍍𑌤 𑌪𑌿॒𑌤𑌰𑌃॑ । 𑌅𑌮𑍀॑𑌮𑍃𑌜𑌨𑍍𑌤 𑌪𑌿॒𑌤𑌰𑌃॑ । 𑌪𑌿𑌤॑𑌰॒-𑌶𑍍𑌶𑍁𑌨𑍍𑌧॑𑌦𑍍𑌧𑍍𑌵𑌮𑍍 ॥ 𑌪𑍁॒𑌨𑌨𑍍𑌤𑍁॑ 𑌮𑌾 𑌪𑌿॒𑌤𑌰॑-𑌸𑍍𑌸𑍋॒𑌮𑍍𑌯𑌾𑌸𑌃॑ । 𑌪𑍁॒𑌨𑌨𑍍𑌤𑍁॑ 𑌮𑌾 𑌪𑌿𑌤𑌾𑌮॒𑌹𑌾𑌃 । 𑌪𑍁॒𑌨𑌨𑍍𑌤𑍁॒ 𑌪𑍍𑌰𑌪𑌿॑𑌤𑌾𑌮𑌹𑌾𑌃 । 𑌪॒𑌵𑌿𑌤𑍍𑌰𑍇॑𑌣 𑌶॒𑌤𑌾𑌯𑍁॑𑌷𑌾 । 𑌪𑍁॒𑌨𑌨𑍍𑌤𑍁॑ 𑌮𑌾 𑌪𑌿𑌤𑌾𑌮॒𑌹𑌾𑌃 । 𑌪𑍁॒𑌨𑌨𑍍𑌤𑍁॒ 𑌪𑍍𑌰𑌪𑌿॑𑌤𑌾𑌮𑌹𑌾𑌃 ॥ 11 ॥

𑌪॒𑌵𑌿𑌤𑍍𑌰𑍇॑𑌣 𑌶॒𑌤𑌾𑌯𑍁॑𑌷𑌾 ॥ 𑌵𑌿𑌶𑍍𑌵॒𑌮𑌾𑌯𑍁॒-𑌰𑍍𑌵𑍍𑌯॑𑌶𑍍𑌨𑌵𑍈 । 𑌅𑌗𑍍𑌨॒ 𑌆𑌯𑍂𑌗𑍍𑌮𑍍॑𑌷𑌿 𑌪𑌵𑌸॒ 𑌆 𑌸𑍁॒𑌵𑍋𑌰𑍍𑌜॒𑌮𑌿𑌷॑-𑌞𑍍𑌚 𑌨𑌃 । 𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌅𑌗𑍍𑌨𑍇॒ 𑌪𑌵॑𑌸𑍍𑌵॒ 𑌸𑍍𑌵𑌪𑌾॑ 𑌅॒𑌸𑍍𑌮𑍇 𑌵𑌰𑍍𑌚॑-𑌸𑍍𑌸𑍁॒𑌵𑍀𑌰𑍍𑌯᳚𑌮𑍍 । 𑌦𑌧॒-𑌤𑍍𑌪𑍋𑌷𑌗𑍍𑌮𑍍॑ 𑌰॒𑌯𑌿-𑌮𑍍𑌮𑌯𑌿॑ ॥। 𑌪𑌵॑𑌮𑌾𑌨॒-𑌸𑍍𑌸𑍁𑌵॒𑌰𑍍𑌜𑌨𑌃॑ । 𑌪॒𑌵𑌿𑌤𑍍𑌰𑍇॑𑌣॒ 𑌵𑌿𑌚॑𑌰𑍍𑌷𑌣𑌿𑌃 । 𑌯𑌃 𑌪𑍋𑌤𑌾॒ 𑌸 𑌪𑍁॑𑌨𑌾𑌤𑍁 𑌮𑌾 ॥ 𑌪𑍁॒𑌨𑌨𑍍𑌤𑍁॑ 𑌮𑌾 𑌦𑍇𑌵𑌜॒𑌨𑌾𑌃 । 𑌪𑍁॒𑌨𑌨𑍍𑌤𑍁॒ 𑌮𑌨॑ 𑌵𑍋 𑌧𑌿॒𑌯𑌾 । 𑌪𑍁॒𑌨𑌨𑍍𑌤𑍁॒ 𑌵𑌿𑌶𑍍𑌵॑ 𑌆॒𑌯𑌵𑌃॑ ॥। 𑌜𑌾𑌤॑𑌵𑍇𑌦𑌃 𑌪॒𑌵𑌿𑌤𑍍𑌰॑𑌵𑌤𑍍 । 𑌪॒𑌵𑌿𑌤𑍍𑌰𑍇॑𑌣 𑌪𑍁𑌨𑌾𑌹𑌿 𑌮𑌾 । 𑌶𑍁॒𑌕𑍍𑌰𑍇𑌣॑ 𑌦𑍇𑌵॒ 𑌦𑍀𑌦𑍍𑌯॑𑌤𑍍 । 𑌅𑌗𑍍𑌨𑍇॒ 𑌕𑍍𑌰𑌤𑍍𑌵𑌾॒ 𑌕𑍍𑌰𑌤𑍂॒𑌗𑍍𑌮𑍍॒𑌰𑌨𑍁॑ ॥ 𑌯𑌤𑍍𑌤𑍇॑ 𑌪॒𑌵𑌿𑌤𑍍𑌰॑-𑌮॒𑌰𑍍𑌚𑌿𑌷𑌿॑ । 𑌅𑌗𑍍𑌨𑍇॒ 𑌵𑌿𑌤॑𑌤𑌮𑌨𑍍𑌤॒𑌰𑌾 । 𑌬𑍍𑌰𑌹𑍍𑌮॒ 𑌤𑍇𑌨॑ 𑌪𑍁𑌨𑍀𑌮𑌹𑍇 ॥। 𑌉॒𑌭𑌾𑌭𑍍𑌯𑌾᳚-𑌨𑍍𑌦𑍇𑌵 𑌸𑌵𑌿𑌤𑌃 । 𑌪॒𑌵𑌿𑌤𑍍𑌰𑍇॑𑌣 𑌸॒𑌵𑍇𑌨॑ 𑌚 । 𑌇॒𑌦-𑌮𑍍𑌬𑍍𑌰𑌹𑍍𑌮॑ 𑌪𑍁𑌨𑍀𑌮𑌹𑍇 ॥ 𑌵𑍈॒𑌶𑍍𑌵॒𑌦𑍇॒𑌵𑍀 𑌪𑍁॑𑌨॒𑌤𑍀 𑌦𑍇॒𑌵𑍍𑌯𑌾𑌗𑌾᳚𑌤𑍍 । 𑌯𑌸𑍍𑌯𑍈॑ 𑌬॒𑌹𑍍𑌵𑍀-𑌸𑍍𑌤॒𑌨𑍁𑌵𑍋॑ 𑌵𑍀॒𑌤𑌪𑍃॑𑌷𑍍𑌠𑌾𑌃 । 𑌤𑌯𑌾॒ 𑌮𑌦॑𑌨𑍍𑌤-𑌸𑍍𑌸𑌧॒𑌮𑌾𑌦𑍍𑌯𑍇॑𑌷𑍁 । 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥॥ 𑌯𑍇 𑌸॑𑌮𑌾॒𑌨𑌾-𑌸𑍍𑌸𑌮॑𑌨𑌸𑌃 । 𑌪𑌿॒𑌤𑌰𑍋॑ 𑌯𑌮॒𑌰𑌾𑌜𑍍𑌯𑍇᳚ । 𑌤𑍇𑌷𑌾𑌂᳚-𑌲𑍋𑌁॒𑌕-𑌸𑍍𑌸𑍍𑌵॒𑌧𑌾 𑌨𑌮𑌃॑ । 𑌯॒𑌜𑍍𑌞𑍋 𑌦𑍇॒𑌵𑍇𑌷𑍁॑ 𑌕𑌲𑍍𑌪𑌤𑌾𑌮𑍍 ॥ 12 ॥

𑌯𑍇 𑌸॑𑌜𑌾॒𑌤𑌾-𑌸𑍍𑌸𑌮॑𑌨𑌸𑌃 । 𑌜𑍀॒𑌵𑌾 𑌜𑍀॒𑌵𑍇𑌷𑍁॑ 𑌮𑌾𑌮॒𑌕𑌾𑌃 । 𑌤𑍇𑌷𑌾॒𑌗𑍍॒ 𑌶𑍍𑌰𑍀𑌰𑍍𑌮𑌯𑌿॑ 𑌕𑌲𑍍𑌪𑌤𑌾𑌮𑍍 । 𑌅॒𑌸𑍍𑌮𑌿𑌲𑍍 𑌁𑌲𑍋॒𑌕𑍇 𑌶॒𑌤𑌗𑍍𑌮𑍍 𑌸𑌮𑌾𑌃᳚ ॥ 𑌦𑍍𑌵𑍇 𑌸𑍍𑌰𑍁॒𑌤𑍀 𑌅॑𑌶𑍃𑌣𑌵-𑌮𑍍𑌪𑌿𑌤𑍃॒𑌣𑌾𑌮𑍍 । 𑌅॒𑌹-𑌨𑍍𑌦𑍇॒𑌵𑌾𑌨𑌾॑𑌮𑍁॒𑌤 𑌮𑌰𑍍𑌤𑍍𑌯𑌾॑𑌨𑌾𑌮𑍍 । 𑌯𑌾𑌭𑍍𑌯𑌾॑𑌮𑌿॒𑌦𑌂-𑌵𑌿𑌁𑌶𑍍𑌵॒𑌮𑍇𑌜॒-𑌥𑍍𑌸𑌮𑍇॑𑌤𑌿 । 𑌯𑌦॑𑌨𑍍𑌤॒𑌰𑌾 𑌪𑌿॒𑌤𑌰॑-𑌮𑍍𑌮𑌾॒𑌤𑌰॑-𑌞𑍍𑌚 ॥ 𑌇॒𑌦𑌗𑍍𑌮𑍍 𑌹॒𑌵𑌿𑌃 𑌪𑍍𑌰॒𑌜𑌨॑𑌨-𑌮𑍍𑌮𑍇 𑌅𑌸𑍍𑌤𑍁 । 𑌦𑌶॑𑌵𑍀𑌰𑌗𑍍𑌮𑍍 𑌸॒𑌰𑍍𑌵𑌗॑𑌣𑌗𑍍𑌗𑍍 𑌸𑍍𑌵॒𑌸𑍍𑌤𑌯𑍇᳚ । 𑌆॒𑌤𑍍𑌮॒𑌸𑌨𑌿॑ 𑌪𑍍𑌰𑌜𑌾॒𑌸𑌨𑌿॑ । 𑌪॒𑌶𑍁॒𑌸𑌨𑍍𑌯॑𑌭𑌯॒𑌸𑌨𑌿॑ 𑌲𑍋𑌕॒𑌸𑌨𑌿॑ । 𑌅॒𑌗𑍍𑌨𑌿𑌃 𑌪𑍍𑌰॒𑌜𑌾-𑌮𑍍𑌬॑𑌹𑍁॒𑌲𑌾-𑌮𑍍𑌮𑍇॑ 𑌕𑌰𑍋𑌤𑍁 । 𑌅𑌨𑍍𑌨॒-𑌮𑍍𑌪𑌯𑍋॒ 𑌰𑍇𑌤𑍋॑ 𑌅॒𑌸𑍍𑌮𑌾𑌸𑍁॑ 𑌧𑌤𑍍𑌤 । 𑌰𑌾॒𑌯𑌸𑍍𑌪𑍋𑌷॒-𑌮𑌿𑌷॒𑌮𑍂𑌰𑍍𑌜॑𑌮॒𑌸𑍍𑌮𑌾𑌸𑍁॑ 𑌦𑍀𑌧𑌰॒-𑌥𑍍𑌸𑍍𑌵𑌾𑌹𑌾᳚ ॥ 13 ॥
(𑌇॒𑌨𑍍𑌦𑍍𑌰𑌿॒𑌯𑌾𑌯॑ – 𑌪𑌿॒𑌤𑌰𑌃॑ – 𑌶॒𑌤𑌾𑌯𑍁॑𑌷𑌾 𑌪𑍁॒𑌨𑌨𑍍𑌤𑍁॑ 𑌮𑌾 𑌪𑌿𑌤𑌾𑌮॒𑌹𑌾𑌃 𑌪𑍁॒𑌨𑌨𑍍𑌤𑍁॒ 𑌪𑍍𑌰𑌪𑌿॑𑌤𑌾𑌮𑌹𑌾𑌃-𑌕𑌲𑍍𑌪𑌤𑌾𑌗𑍍-𑌸𑍍𑌵॒𑌸𑍍𑌤𑌯𑍇॒ 𑌪𑌞𑍍𑌚॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 – 𑌉𑌪𑌹𑍋𑌮𑌾𑌃
𑌸𑍀𑌸𑍇॑𑌨॒ 𑌤𑌨𑍍𑌤𑍍𑌰॒-𑌮𑍍𑌮𑌨॑𑌸𑌾 𑌮𑌨𑍀॒𑌷𑌿𑌣𑌃॑ । 𑌊॒𑌰𑍍𑌣𑌾॒𑌸𑍂॒𑌤𑍍𑌰𑍇𑌣॑ 𑌕॒𑌵𑌯𑍋॑ 𑌵𑌯𑌨𑍍𑌤𑌿 । 𑌅॒𑌶𑍍𑌵𑌿𑌨𑌾॑ 𑌯॒𑌜𑍍𑌞𑌗𑍍𑌮𑍍 𑌸॑𑌵𑌿॒𑌤𑌾 𑌸𑌰॑𑌸𑍍𑌵𑌤𑍀 । 𑌇𑌨𑍍𑌦𑍍𑌰॑𑌸𑍍𑌯 𑌰𑍂॒𑌪𑌂-𑌵𑌁𑌰𑍁॑𑌣𑍋 𑌭𑌿𑌷॒𑌜𑍍𑌯𑌨𑍍𑌨𑍍 ॥ 𑌤𑌦॑𑌸𑍍𑌯 𑌰𑍂॒𑌪𑌮॒𑌮𑍃𑌤॒𑌗𑍍𑌮𑍍॒ 𑌶𑌚𑍀॑𑌭𑌿𑌃 । 𑌤𑌿॒𑌸𑍍𑌰𑍋 𑌦॑𑌧𑍁𑌰𑍍𑌦𑍇॒𑌵𑌤𑌾᳚-𑌸𑍍𑌸𑌗𑍍𑌮𑍍𑌰𑌰𑌾॒𑌣𑌾𑌃 । 𑌲𑍋𑌮𑌾॑𑌨𑌿॒ 𑌶𑌷𑍍𑌪𑍈᳚-𑌰𑍍𑌬𑌹𑍁॒𑌧𑌾 𑌨 𑌤𑍋𑌕𑍍𑌮॑𑌭𑌿𑌃 । 𑌤𑍍𑌵𑌗॑𑌸𑍍𑌯 𑌮𑌾॒𑌗𑍍𑌮𑍍॒𑌸𑌮॑𑌭𑌵॒𑌨𑍍𑌨 𑌲𑌾॒𑌜𑌾𑌃 ॥ 𑌤𑌦॒𑌶𑍍𑌵𑌿𑌨𑌾॑ 𑌭𑌿॒𑌷𑌜𑌾॑ 𑌰𑍁॒𑌦𑍍𑌰𑌵॑𑌰𑍍𑌤𑌨𑍀 । 𑌸𑌰॑𑌸𑍍𑌵𑌤𑍀 𑌵𑌯𑌤𑌿॒ 𑌪𑍇𑌶𑍋॒ 𑌅𑌨𑍍𑌤॑𑌰𑌃 ॥ 14 ॥

𑌅𑌸𑍍𑌥𑌿॑ 𑌮॒𑌜𑍍𑌜𑌾𑌨॒-𑌮𑍍𑌮𑌾𑌸॑𑌰𑍈𑌃 । 𑌕𑌾॒𑌰𑍋॒𑌤॒𑌰𑍇𑌣॒ 𑌦𑌧॑𑌤𑍋॒ 𑌗𑌵𑌾᳚-𑌨𑍍𑌤𑍍𑌵॒𑌚𑌿 ॥ 𑌸𑌰॑𑌸𑍍𑌵𑌤𑍀॒ 𑌮𑌨॑𑌸𑌾 𑌪𑍇𑌶॒𑌲𑌂-𑌵𑌁𑌸𑍁॑ । 𑌨𑌾𑌸॑𑌤𑍍𑌯𑌾𑌭𑍍𑌯𑌾𑌂-𑌵𑌁𑌯𑌤𑌿 𑌦𑌰𑍍𑌶॒𑌤𑌂-𑌵𑌁𑌪𑍁𑌃॑ । 𑌰𑌸॑-𑌮𑍍𑌪𑌰𑌿॒𑌸𑍍𑌰𑍁𑌤𑌾॒ 𑌨 𑌰𑍋𑌹𑌿॑𑌤𑌮𑍍 । 𑌨॒𑌗𑍍𑌨𑌹𑍁॒𑌰𑍍𑌧𑍀𑌰॒𑌸𑍍𑌤𑌸॑𑌰॒-𑌨𑍍𑌨 𑌵𑍇𑌮॑ ॥ 𑌪𑌯॑𑌸𑌾 𑌶𑍁॒𑌕𑍍𑌰𑌮॒𑌮𑍃𑌤॑-𑌞𑍍𑌜॒𑌨𑌿𑌤𑍍𑌰᳚𑌮𑍍 । 𑌸𑍁𑌰॑𑌯𑌾॒ 𑌮𑍂𑌤𑍍𑌰𑌾᳚𑌜𑍍𑌜𑌨𑌯𑌨𑍍𑌤𑌿॒ 𑌰𑍇𑌤𑌃॑ । 𑌅𑌪𑌾𑌮॑𑌤𑌿-𑌨𑍍𑌦𑍁𑌰𑍍𑌮॒𑌤𑌿-𑌮𑍍𑌬𑌾𑌧॑𑌮𑌾𑌨𑌾𑌃 । 𑌊𑌵॑𑌦𑍍𑌧𑍍𑌯𑌂॒-𑌵𑌾𑌁𑌤𑌗𑍍𑌮𑍍॑ 𑌸॒𑌬𑍁𑌵॒-𑌨𑍍𑌤𑌦𑌾॒𑌰𑌾𑌤𑍍 ॥ 15 ॥

𑌇𑌨𑍍𑌦𑍍𑌰॑-𑌸𑍍𑌸𑍁॒𑌤𑍍𑌰𑌾𑌮𑌾॒ 𑌹𑍃𑌦॑𑌯𑍇𑌨 𑌸॒𑌤𑍍𑌯𑌮𑍍 । 𑌪𑍁॒𑌰𑍋॒𑌡𑌾𑌶𑍇॑𑌨 𑌸𑌵𑌿॒𑌤𑌾 𑌜॑𑌜𑌾𑌨 । 𑌯𑌕𑍃॑-𑌤𑍍𑌕𑍍𑌲𑍋॒𑌮𑌾𑌨𑌂॒-𑌵𑌁𑌰𑍁॑𑌣𑍋 𑌭𑌿𑌷॒𑌜𑍍𑌯𑌨𑍍𑌨𑍍 । 𑌮𑌤॑𑌸𑍍𑌨𑍇 𑌵𑌾𑌯॒𑌵𑍍𑌯𑍈᳚𑌰𑍍𑌨 𑌮𑌿॑𑌨𑌾𑌤𑌿 𑌪𑌿॒𑌤𑍍𑌤𑌮𑍍 ॥ 𑌆॒𑌨𑍍𑌤𑍍𑌰𑌾𑌣𑌿॑ 𑌸𑍍𑌥𑌾॒𑌲𑍀 𑌮𑌧𑍁॒ 𑌪𑌿𑌨𑍍𑌵॑𑌮𑌾𑌨𑌾 । 𑌗𑍁𑌦𑌾॒ 𑌪𑌾𑌤𑍍𑌰𑌾॑𑌣𑌿 𑌸𑍁॒𑌦𑍁𑌘𑌾॒ 𑌨 𑌧𑍇॒𑌨𑍁𑌃 । 𑌶𑍍𑌯𑍇॒𑌨𑌸𑍍𑌯॒ 𑌪𑌤𑍍𑌰॒-𑌨𑍍𑌨 𑌪𑍍𑌲𑍀॒𑌹𑌾 𑌶𑌚𑍀॑𑌭𑌿𑌃 । 𑌆॒𑌸॒𑌨𑍍𑌦𑍀 𑌨𑌾𑌭𑌿॑𑌰𑍁॒𑌦𑌰॒-𑌨𑍍𑌨 𑌮𑌾॒𑌤𑌾 ॥ 𑌕𑍁॒𑌮𑍍𑌭𑍋 𑌵॑𑌨𑌿॒𑌷𑍍𑌠𑍁𑌰𑍍𑌜॑𑌨𑌿॒𑌤𑌾 𑌶𑌚𑍀॑𑌭𑌿𑌃 । 𑌯𑌸𑍍𑌮𑌿॒𑌨𑍍𑌨𑌗𑍍𑌰𑍇॒ 𑌯𑍋𑌨𑍍𑌯𑌾॒-𑌙𑍍𑌗𑌰𑍍𑌭𑍋॑ 𑌅॒𑌨𑍍𑌤𑌃 ॥ 16 ॥

𑌪𑍍𑌲𑌾॒𑌶𑍀𑌰𑍍𑌵𑍍𑌯॑𑌕𑍍𑌤-𑌶𑍍𑌶॒𑌤𑌧𑌾॑𑌰॒ 𑌉𑌥𑍍𑌸𑌃॑ । 𑌦𑍁॒𑌹𑍇 𑌨 𑌕𑍁॒𑌮𑍍𑌭𑍀𑌗𑍍 𑌸𑍍𑌵॒𑌧𑌾-𑌮𑍍𑌪𑌿॒𑌤𑍃𑌭𑍍𑌯𑌃॑ ॥ 𑌮𑍁𑌖॒𑌗𑍍𑌮𑍍॒ 𑌸𑌦॑𑌸𑍍𑌯॒ 𑌶𑌿𑌰॒ 𑌇𑌥𑍍𑌸𑌦𑍇॑𑌨 । 𑌜𑌿॒𑌹𑍍𑌵𑌾 𑌪॒𑌵𑌿𑌤𑍍𑌰॑𑌮॒𑌶𑍍𑌵𑌿𑌨𑌾॒ 𑌸𑌗𑍍𑌮𑍍 𑌸𑌰॑𑌸𑍍𑌵𑌤𑍀 । 𑌚𑌪𑍍𑌪॒-𑌨𑍍𑌨 𑌪𑌾॒𑌯𑍁𑌰𑍍𑌭𑌿॒𑌷𑌗॑𑌸𑍍𑌯॒ 𑌵𑌾𑌲𑌃॑ । 𑌵॒𑌸𑍍𑌤𑌿𑌰𑍍𑌨 𑌶𑍇𑌪𑍋॒ 𑌹𑌰॑𑌸𑌾 𑌤𑌰॒𑌸𑍍𑌵𑍀 ॥ 𑌅॒𑌶𑍍𑌵𑌿𑌭𑍍𑌯𑌾॒-𑌞𑍍𑌚𑌕𑍍𑌷𑍁॑𑌰॒𑌮𑍃𑌤॒-𑌙𑍍𑌗𑍍𑌰𑌹𑌾᳚𑌭𑍍𑌯𑌾𑌮𑍍 । 𑌛𑌾𑌗𑍇॑𑌨॒ 𑌤𑍇𑌜𑍋॑ 𑌹॒𑌵𑌿𑌷𑌾॑ 𑌶𑍃॒𑌤𑍇𑌨॑ । 𑌪𑌕𑍍𑌷𑍍𑌮𑌾॑𑌣𑌿 𑌗𑍋॒𑌧𑍂𑌮𑍈𑌃॒ 𑌕𑍍𑌵॑𑌲𑍈𑌰𑍁॒𑌤𑌾𑌨𑌿॑ । 𑌪𑍇𑌶𑍋॒ 𑌨 𑌶𑍁॒𑌕𑍍𑌲𑌮𑌸𑌿॑𑌤𑌂-𑌵𑌁𑌸𑌾𑌤𑍇 ॥ 1𑍭 ॥

𑌅𑌵𑌿॒𑌰𑍍𑌨 𑌮𑍇॒𑌷𑍋 𑌨॒𑌸𑌿 𑌵𑍀॒𑌰𑍍𑌯𑌾॑𑌯 । 𑌪𑍍𑌰𑌾॒𑌣𑌸𑍍𑌯॒ 𑌪𑌨𑍍𑌥𑌾॑ 𑌅॒𑌮𑍃𑌤𑍋॒ 𑌗𑍍𑌰𑌹𑌾᳚𑌭𑍍𑌯𑌾𑌮𑍍 । 𑌸𑌰॑𑌸𑍍𑌵॒𑌤𑍍𑌯𑍁𑌪॒𑌵𑌾𑌕𑍈᳚𑌰𑍍𑌵𑍍𑌯𑌾॒𑌨𑌮𑍍 । 𑌨𑌸𑍍𑌯𑌾॑𑌨𑌿 𑌬॒𑌰॒𑌃𑌇-𑌰𑍍𑌬𑌦॑𑌰𑍈-𑌰𑍍𑌜𑌜𑌾𑌨 ॥ 𑌇𑌨𑍍𑌦𑍍𑌰॑𑌸𑍍𑌯 𑌰𑍂॒𑌪𑌮𑍃॑𑌷॒𑌭𑍋 𑌬𑌲𑌾॑𑌯 । 𑌕𑌰𑍍𑌣𑌾᳚𑌭𑍍𑌯𑌾॒𑌗𑍍॒ 𑌶𑍍𑌰𑍋𑌤𑍍𑌰॑𑌮॒𑌮𑍃𑌤॒-𑌙𑍍𑌗𑍍𑌰𑌹𑌾᳚𑌭𑍍𑌯𑌾𑌮𑍍 । 𑌯𑌵𑌾॒ 𑌨 𑌬॒𑌰॒𑌃𑌇-𑌰𑍍𑌭𑍍𑌰𑍁॒𑌵𑌿 𑌕𑍇𑌸॑𑌰𑌾𑌣𑌿 । 𑌕॒𑌰𑍍𑌕𑌨𑍍𑌧𑍁॑ 𑌜𑌜𑍍𑌞𑍇॒ 𑌮𑌧𑍁॑ 𑌸𑌾𑌰॒𑌘-𑌮𑍍𑌮𑍁𑌖𑌾᳚𑌤𑍍 ॥ 𑌆॒𑌤𑍍𑌮𑌨𑍍𑌨𑍁॒𑌪𑌸𑍍𑌥𑍇॒ 𑌨 𑌵𑍃𑌕॑𑌸𑍍𑌯॒ 𑌲𑍋𑌮॑ । 𑌮𑍁𑌖𑍇॒ 𑌶𑍍𑌮𑌶𑍍𑌰𑍂॑𑌣𑌿॒ 𑌨 𑌵𑍍𑌯𑌾᳚𑌘𑍍𑌰𑌲𑍋॒𑌮𑌮𑍍 ॥ 1𑍮 ॥

𑌕𑍇𑌶𑌾॒ 𑌨 𑌶𑍀॒𑌰॒.𑌷𑌨𑍍. 𑌯𑌶॑𑌸𑍇 𑌶𑍍𑌰𑌿॒𑌯𑍈 𑌶𑌿𑌖𑌾᳚ । 𑌸𑌿॒𑌗𑍍𑌮𑍍॒𑌹𑌸𑍍𑌯॒ 𑌲𑍋𑌮॒ 𑌤𑍍𑌵𑌿𑌷𑌿॑-𑌰𑌿𑌨𑍍𑌦𑍍𑌰𑌿॒𑌯𑌾𑌣𑌿॑ ॥ 𑌅𑌙𑍍𑌗𑌾᳚𑌨𑍍𑌯𑌾॒𑌤𑍍𑌮𑌨𑍍-𑌭𑌿॒𑌷𑌜𑌾॒ 𑌤𑌦॒𑌶𑍍𑌵𑌿𑌨𑌾᳚ । 𑌆॒𑌤𑍍𑌮𑌾𑌨॒𑌮𑌙𑍍𑌗𑍈॒-𑌸𑍍𑌸𑌮॑𑌧𑌾॒-𑌥𑍍𑌸𑌰॑𑌸𑍍𑌵𑌤𑍀 । 𑌇𑌨𑍍𑌦𑍍𑌰॑𑌸𑍍𑌯 𑌰𑍂॒𑌪𑌗𑍍𑌮𑍍 𑌶॒𑌤𑌮𑌾॑𑌨॒𑌮𑌾𑌯𑍁𑌃॑ । 𑌚॒𑌨𑍍𑌦𑍍𑌰𑍇𑌣॒ 𑌜𑍍𑌯𑍋𑌤𑌿॑𑌰॒𑌮𑍃𑌤॒-𑌨𑍍𑌦𑌧𑌾॑𑌨𑌾 ॥ 𑌸𑌰॑𑌸𑍍𑌵𑌤𑍀॒ 𑌯𑍋𑌨𑍍𑌯𑌾॒-𑌙𑍍𑌗𑌰𑍍𑌭॑𑌮॒𑌨𑍍𑌤𑌃 । 𑌅॒𑌶𑍍𑌵𑌿𑌭𑍍𑌯𑌾॒-𑌮𑍍𑌪𑌤𑍍𑌨𑍀॒ 𑌸𑍁𑌕𑍃॑𑌤-𑌮𑍍𑌬𑌿𑌭𑌰𑍍𑌤𑌿 । 𑌅॒𑌪𑌾𑌗𑍍𑌮𑍍 𑌰𑌸𑍇॑𑌨॒ 𑌵𑌰𑍁॑𑌣𑍋॒ 𑌨 𑌸𑌾𑌮𑍍𑌨𑌾᳚ । 𑌇𑌨𑍍𑌦𑍍𑌰𑌗𑍍𑌗𑍍॑ 𑌶𑍍𑌰𑌿॒𑌯𑍈 𑌜॒𑌨𑌯॑𑌨𑍍𑌨॒𑌫𑍍𑌸𑍁 𑌰𑌾𑌜𑌾᳚ ॥ 𑌤𑍇𑌜𑌃॑ 𑌪𑌶𑍂॒𑌨𑌾𑌗𑍍𑌮𑍍 𑌹॒𑌵𑌿𑌰𑌿॑𑌨𑍍𑌦𑍍𑌰𑌿॒𑌯𑌾𑌵॑𑌤𑍍 । 𑌪॒𑌰𑌿॒𑌸𑍍𑌰𑍁𑌤𑌾॒ 𑌪𑌯॑𑌸𑌾 𑌸𑌾𑌰॒𑌘-𑌮𑍍𑌮𑌧𑍁॑ । 𑌅॒𑌶𑍍𑌵𑌿𑌭𑍍𑌯𑌾᳚-𑌨𑍍𑌦𑍁॒𑌗𑍍𑌧-𑌮𑍍𑌭𑌿॒𑌷𑌜𑌾॒ 𑌸𑌰॑𑌸𑍍𑌵𑌤𑍍𑌯𑌾 𑌸𑍁𑌤𑌾𑌸𑍁॒𑌤𑌾𑌭𑍍𑌯𑌾᳚𑌮𑍍 । 𑌅॒𑌮𑍃𑌤॒-𑌸𑍍𑌸𑍋𑌮॒ 𑌇𑌨𑍍𑌦𑍁𑌃॑ ॥ 1𑍯 ॥
(𑌅𑌨𑍍𑌤॑𑌰 – 𑌆॒𑌰𑌾 – 𑌦॒𑌨𑍍𑌤–𑌰𑍍 𑌵॑𑌸𑌾𑌤𑍇 – 𑌵𑍍𑌯𑌾𑌘𑍍𑌰𑌲𑍋॒𑌮𑌗𑍍𑌮𑍍 – 𑌰𑌾𑌜𑌾॑ 𑌚॒𑌤𑍍𑌵𑌾𑌰𑌿॑ 𑌚) (𑌅. 4)

𑌅𑌨𑍁𑌵𑌾𑌕𑌂 5 – 𑌅𑌭𑌿𑌷𑍇𑌕𑌃
𑌮𑌿॒𑌤𑍍𑌰𑍋॑-𑌽𑌸𑌿॒ 𑌵𑌰𑍁॑𑌣𑍋-𑌽𑌸𑌿 । 𑌸𑌮॒𑌹𑌂-𑌵𑌿𑌁𑌶𑍍𑌵𑍈᳚𑌰𑍍𑌦𑍇॒𑌵𑍈𑌃 ॥ 𑌕𑍍𑌷॒𑌤𑍍𑌰𑌸𑍍𑌯॒ 𑌨𑌾𑌭𑌿॑𑌰𑌸𑌿 । 𑌕𑍍𑌷॒𑌤𑍍𑌰𑌸𑍍𑌯॒ 𑌯𑍋𑌨𑌿॑𑌰𑌸𑌿 ॥ 𑌸𑍍𑌯𑍋॒𑌨𑌾𑌮𑌾𑌸𑍀॑𑌦 । 𑌸𑍁॒𑌷𑌦𑌾॒𑌮𑌾𑌸𑍀॑𑌦 । 𑌮𑌾 𑌤𑍍𑌵𑌾॑ 𑌹𑌿𑌗𑍍𑌮𑍍𑌸𑍀𑌤𑍍 । 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌤𑍍 ॥ 𑌨𑌿𑌷॑𑌸𑌾𑌦 𑌧𑍃॒𑌤𑌵𑍍𑌰॑𑌤𑍋॒ 𑌵𑌰𑍁॑𑌣𑌃 । 𑌪॒𑌸𑍍𑌤𑍍𑌯𑌾᳚𑌸𑍍𑌵𑌾 ॥ 20 ॥

𑌸𑌾𑌮𑍍𑌰𑌾᳚𑌜𑍍𑌯𑌾𑌯 𑌸𑍁॒𑌕𑍍𑌰𑌤𑍁𑌃॑ ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 । 𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾𑌮𑍍 । 𑌅॒𑌶𑍍𑌵𑌿𑌨𑍋॒-𑌰𑍍𑌭𑍈𑌷॑𑌜𑍍𑌯𑍇𑌨 । 𑌤𑍇𑌜॑𑌸𑍇 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌾𑌯𑌾॒𑌭𑌿𑌷𑌿॑𑌞𑍍𑌚𑌾𑌮𑌿 ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 । 𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾𑌮𑍍 । 𑌸𑌰॑𑌸𑍍𑌵𑌤𑍍𑌯𑍈॒ 𑌭𑍈𑌷॑𑌜𑍍𑌯𑍇𑌨 ॥ 21 ॥

𑌵𑍀॒𑌰𑍍𑌯𑌾॑𑌯𑌾॒𑌨𑍍𑌨𑌾𑌦𑍍𑌯𑌾॑𑌯𑌾॒𑌭𑌿𑌷𑌿॑𑌞𑍍𑌚𑌾𑌮𑌿 ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 । 𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾𑌮𑍍 । 𑌇𑌨𑍍𑌦𑍍𑌰॑𑌸𑍍𑌯𑍇𑌨𑍍𑌦𑍍𑌰𑌿॒𑌯𑍇𑌣॑ । 𑌶𑍍𑌰𑌿॒𑌯𑍈 𑌯𑌶॑𑌸𑍇॒ 𑌬𑌲𑌾॑𑌯𑌾॒𑌭𑌿𑌷𑌿॑𑌞𑍍𑌚𑌾𑌮𑌿 ॥ 𑌕𑍋॑-𑌽𑌸𑌿 𑌕𑌤॒𑌮𑍋॑-𑌽𑌸𑌿 । 𑌕𑌸𑍍𑌮𑍈᳚ 𑌤𑍍𑌵𑌾॒ 𑌕𑌾𑌯॑ 𑌤𑍍𑌵𑌾 ॥ 𑌸𑍁𑌶𑍍𑌲𑍋॒𑌕𑌾𑌁(4) 𑌸𑍁𑌮॑𑌡𑍍𑌗॒𑌲𑌾𑌁(4) 𑌸𑌤𑍍𑌯॑𑌰𑌾॒𑌜𑌾(3)𑌨𑍍 ॥ 𑌶𑌿𑌰𑍋॑ 𑌮𑍇॒ 𑌶𑍍𑌰𑍀𑌃 ॥ 22 ॥

𑌯𑌶𑍋॒ 𑌮𑍁𑌖᳚𑌮𑍍 । 𑌤𑍍𑌵𑌿𑌷𑌿𑌃॒ 𑌕𑍇𑌶𑌾᳚𑌶𑍍𑌚॒ 𑌶𑍍𑌮𑌶𑍍𑌰𑍂॑𑌣𑌿 । 𑌰𑌾𑌜𑌾॑ 𑌮𑍇 𑌪𑍍𑌰𑌾॒𑌣𑍋॑-𑌽𑌮𑍃𑌤᳚𑌮𑍍 । 𑌸॒𑌮𑍍𑌰𑌾𑌟𑍍 𑌚𑌕𑍍𑌷𑍁𑌃॑ । 𑌵𑌿॒𑌰𑌾𑌟𑍍𑌛𑍍𑌰𑍋𑌤𑍍𑌰᳚𑌮𑍍 । 𑌜𑌿॒𑌹𑍍𑌵𑌾 𑌮𑍇॑ 𑌭॒𑌦𑍍𑌰𑌮𑍍 । 𑌵𑌾𑌮𑍍𑌮𑌹𑌃॑ । 𑌮𑌨𑍋॑ 𑌮॒𑌨𑍍𑌯𑍁𑌃 । 𑌸𑍍𑌵॒𑌰𑌾𑌡𑍍𑌭𑌾𑌮𑌃॑ । 𑌮𑍋𑌦𑌾𑌃᳚ 𑌪𑍍𑌰𑌮𑍋॒𑌦𑌾 𑌅॒𑌙𑍍𑌗𑍁𑌲𑍀॒𑌰𑌙𑍍𑌗𑌾॑𑌨𑌿 ॥ 23 ॥

𑌚𑌿॒𑌤𑍍𑌤-𑌮𑍍𑌮𑍇॒ 𑌸𑌹𑌃॑ । 𑌬𑌾॒𑌹𑍂 𑌮𑍇॒ 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌮𑍍 । 𑌹𑌸𑍍𑌤𑍌॑ 𑌮𑍇॒ 𑌕𑌰𑍍𑌮॑ 𑌵𑍀॒𑌰𑍍𑌯᳚𑌮𑍍 । 𑌆॒𑌤𑍍𑌮𑌾 𑌕𑍍𑌷॒𑌤𑍍𑌰𑌮𑍁𑌰𑍋॒ 𑌮𑌮॑ । 𑌪𑍃॒𑌷𑍍𑌟𑍀𑌰𑍍𑌮𑍇॑ 𑌰𑌾॒𑌷𑍍𑌟𑍍𑌰𑌮𑍁॒𑌦𑌰॒𑌮𑌗𑍍𑌮𑍍𑌸𑍌᳚ । 𑌗𑍍𑌰𑍀॒𑌵𑌾𑌶𑍍𑌚॒ 𑌶𑍍𑌰𑍋𑌣𑍍𑌯𑍌᳚ । 𑌊॒𑌰𑍂 𑌅॑𑌰॒𑌤𑍍𑌨𑍀 𑌜𑌾𑌨𑍁॑𑌨𑍀 । 𑌵𑌿𑌶𑍋॒ 𑌮𑍇-𑌽𑌙𑍍𑌗𑌾॑𑌨𑌿 𑌸॒𑌰𑍍𑌵𑌤𑌃॑ । 𑌨𑌾𑌭𑌿॑𑌰𑍍𑌮𑍇 𑌚𑌿॒𑌤𑍍𑌤𑌂-𑌵𑌿𑌁॒𑌜𑍍𑌞𑌾𑌨᳚𑌮𑍍 । 𑌪𑌾॒𑌯𑍁𑌰𑍍𑌮𑍇-𑌽𑌪॑𑌚𑌿𑌤𑌿𑌰𑍍𑌭॒𑌸𑌤𑍍 ॥ 24 ॥

𑌆॒𑌨॒𑌨𑍍𑌦॒𑌨॒𑌨𑍍𑌦𑌾𑌵𑌾॒𑌣𑍍𑌡𑍌 𑌮𑍇᳚ । 𑌭𑌗॒-𑌸𑍍𑌸𑍌𑌭𑌾᳚𑌗𑍍𑌯॒-𑌮𑍍𑌪𑌸𑌃॑ ॥ 𑌜𑌙𑍍𑌘𑌾᳚𑌭𑍍𑌯𑌾-𑌮𑍍𑌪॒𑌦𑍍𑌭𑍍𑌯𑌾-𑌨𑍍𑌧𑌰𑍍𑌮𑍋᳚-𑌽𑌸𑍍𑌮𑌿 । 𑌵𑌿॒𑌶𑌿 𑌰𑌾𑌜𑌾॒ 𑌪𑍍𑌰𑌤𑌿॑𑌷𑍍𑌠𑌿𑌤𑌃 ॥ 𑌪𑍍𑌰𑌤𑌿॑ 𑌕𑍍𑌷॒𑌤𑍍𑌰𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌾𑌮𑌿 𑌰𑌾॒𑌷𑍍𑌟𑍍𑌰𑍇 । 𑌪𑍍𑌰𑌤𑍍𑌯𑌶𑍍𑌵𑍇॑𑌷𑍁॒ 𑌪𑍍𑌰𑌤𑌿॑𑌤𑌿𑌷𑍍𑌠𑌾𑌮𑌿॒ 𑌗𑍋𑌷𑍁॑ । 𑌪𑍍𑌰𑌤𑍍𑌯𑌙𑍍𑌗𑍇॑𑌷𑍁॒ 𑌪𑍍𑌰𑌤𑌿॑𑌤𑌿𑌷𑍍𑌠𑌾𑌮𑍍𑌯𑌾॒𑌤𑍍𑌮𑌨𑍍𑌨𑍍 । 𑌪𑍍𑌰𑌤𑌿॑ 𑌪𑍍𑌰𑌾॒𑌣𑍇𑌷𑍁॒ 𑌪𑍍𑌰𑌤𑌿॑𑌤𑌿𑌷𑍍𑌠𑌾𑌮𑌿 𑌪𑍁॒𑌷𑍍𑌟𑍇 । 𑌪𑍍𑌰𑌤𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌃 । 𑌪𑍍𑌰𑌤𑌿𑌤𑌿॑𑌷𑍍𑌠𑌾𑌮𑌿 𑌯॒𑌜𑍍𑌞𑍇 ॥ 25 ॥

𑌤𑍍𑌰॒𑌯𑌾 𑌦𑍇॒𑌵𑌾 𑌏𑌕𑌾॑𑌦𑌶 । 𑌤𑍍𑌰॒𑌯॒𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌾-𑌸𑍍𑌸𑍁॒𑌰𑌾𑌧॑𑌸𑌃 । 𑌬𑍃𑌹॒𑌸𑍍𑌪𑌤𑌿॑ 𑌪𑍁𑌰𑍋𑌹𑌿𑌤𑌾𑌃 । 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁-𑌸𑍍𑌸॒𑌵𑍇 । 𑌦𑍇॒𑌵𑌾 𑌦𑍇॒𑌵𑍈𑌰॑𑌵𑌨𑍍𑌤𑍁 𑌮𑌾 । 𑌪𑍍𑌰॒𑌥॒𑌮𑌾 𑌦𑍍𑌵𑌿॒𑌤𑍀𑌯𑍈𑌃᳚ । 𑌦𑍍𑌵𑌿॒𑌤𑍀𑌯𑌾᳚𑌸𑍍𑌤𑍃॒𑌤𑍀𑌯𑍈𑌃᳚ । 𑌤𑍃॒𑌤𑍀𑌯𑌾᳚-𑌸𑍍𑌸॒𑌤𑍍𑌯𑍇𑌨॑ । 𑌸॒𑌤𑍍𑌯𑌂-𑌯𑌁॒𑌜𑍍𑌞𑍇𑌨॑ ।𑌯॒𑌜𑍍𑌞𑍋 𑌯𑌜𑍁॑𑌰𑍍𑌭𑌿𑌃 ॥ 26 ॥

𑌯𑌜𑍂𑌗𑍍𑌮𑍍॑𑌷𑌿॒ 𑌸𑌾𑌮॑𑌭𑌿𑌃 । 𑌸𑌾𑌮𑌾᳚𑌨𑍍𑌯𑍃॒𑌗𑍍𑌭𑌿𑌃 । 𑌋𑌚𑍋॑ 𑌯𑌾॒𑌜𑍍𑌯𑌾॑𑌭𑌿𑌃 । 𑌯𑌾॒𑌜𑍍𑌯𑌾॑ 𑌵𑌷𑌟𑍍𑌕𑌾॒𑌰𑍈𑌃 । 𑌵॒𑌷॒𑌟𑍍𑌕𑌾॒𑌰𑌾 𑌆𑌹𑍁॑𑌤𑌿𑌭𑌿𑌃 । 𑌆𑌹𑍁॑𑌤𑌯𑍋 𑌮𑍇॒ 𑌕𑌾𑌮𑌾॒𑌨𑍍-𑌥𑍍𑌸𑌮॑𑌰𑍍𑌧𑌯𑌨𑍍𑌤𑍁 ॥ 𑌭𑍂-𑌸𑍍𑌸𑍍𑌵𑌾𑌹𑌾᳚ ॥ 𑌲𑍋𑌮𑌾॑𑌨𑌿॒ 𑌪𑍍𑌰𑌯॑𑌤𑌿॒𑌰𑍍𑌮𑌮॑ । 𑌤𑍍𑌵𑌮𑍍𑌮॒ 𑌆𑌨॑𑌤𑌿॒𑌰𑌾𑌗॑𑌤𑌿𑌃 । 𑌮𑌾॒𑌗𑍍𑌮𑍍॒𑌸-𑌮𑍍𑌮॒ 𑌉𑌪॑𑌨𑌤𑌿𑌃 । 𑌵 𑌸𑍍𑌵𑌸𑍍𑌥𑌿॑ । 𑌮॒𑌜𑍍𑌜𑌾 𑌮॒ 𑌆𑌨॑𑌤𑌿𑌃 ॥ 2𑍭 ॥
(𑌪॒𑌸𑍍𑌤𑍍𑌯𑌾᳚𑌸𑍍𑌵𑌾 – 𑌸𑌰॑𑌸𑍍𑌵𑌤𑍍𑌯𑍈॒ 𑌭𑍈𑌷॑𑌜𑍍𑌯𑍇𑌨॒ – 𑌶𑍍𑌰𑍀 – 𑌰𑌙𑍍𑌗𑌾॑𑌨𑌿 – 𑌭॒𑌸–𑌦𑍍𑌯॒𑌜𑍍𑌞𑍇 – 𑌯॒𑌜𑍍𑌞𑍋 𑌯𑌜𑍁॑𑌰𑍍𑌭𑌿॒ – 𑌰𑍁𑌪॑𑌨𑌤𑌿॒𑌰𑍍𑌦𑍍𑌵𑍇 𑌚॑) (𑌅. 5)

𑌅𑌨𑍁𑌵𑌾𑌕𑌂 6 – 𑌅𑌵𑌭𑍃𑌥𑌃
𑌯-𑌦𑍍𑌦𑍇॑𑌵𑌾 𑌦𑍇𑌵॒𑌹𑍇𑌡॑𑌨𑌮𑍍 । 𑌦𑍇𑌵𑌾॑𑌸𑌶𑍍𑌚𑌕𑍃॒𑌮𑌾 𑌵॒𑌯𑌮𑍍 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 । 𑌵𑌿𑌶𑍍𑌵𑌾᳚-𑌨𑍍𑌮𑍁𑌞𑍍𑌚॒𑌤𑍍𑌵𑌗𑍍𑌮𑍍𑌹॑𑌸𑌃 ॥ 𑌯𑌦𑌿॒ 𑌦𑌿𑌵𑌾॒ 𑌯𑌦𑌿॒ 𑌨𑌕𑍍𑌤᳚𑌮𑍍 । 𑌏𑌨𑌾𑌗𑍍𑌮𑍍॑𑌸𑌿 𑌚𑌕𑍃॒𑌮𑌾 𑌵॒𑌯𑌮𑍍 । 𑌵𑌾॒𑌯𑍁𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 । 𑌵𑌿𑌶𑍍𑌵𑌾᳚-𑌨𑍍𑌮𑍁𑌞𑍍𑌚॒𑌤𑍍𑌵𑌗𑍍𑌮𑍍𑌹॑𑌸𑌃 ॥ 𑌯𑌦𑌿॒ 𑌜𑌾𑌗𑍍𑌰॒-𑌦𑍍𑌯𑌦𑌿॒ 𑌸𑍍𑌵𑌪𑍍𑌨𑍇᳚ । 𑌏𑌨𑌾𑌗𑍍𑌮𑍍॑𑌸𑌿 𑌚𑌕𑍃॒𑌮𑌾 𑌵॒𑌯𑌮𑍍 ॥ 2𑍮 ॥

𑌸𑍂𑌰𑍍𑌯𑍋॑ 𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 । 𑌵𑌿𑌶𑍍𑌵𑌾᳚-𑌨𑍍𑌮𑍁𑌞𑍍𑌚॒𑌤𑍍𑌵𑌗𑍍𑌮𑍍𑌹॑𑌸𑌃 ॥ 𑌯𑌦𑍍𑌗𑍍𑌰𑌾𑌮𑍇॒ 𑌯𑌦𑌰॑𑌣𑍍𑌯𑍇 । 𑌯-𑌥𑍍𑌸॒𑌭𑌾𑌯𑌾𑌂॒-𑌯𑌁𑌦𑌿॑𑌨𑍍𑌦𑍍𑌰𑌿॒𑌯𑍇 । 𑌯𑌚𑍍𑌛𑍂॒𑌦𑍍𑌰𑍇 𑌯𑌦॒𑌰𑍍𑌯𑍇᳚ । 𑌏𑌨॑𑌶𑍍𑌚𑌕𑍃॒𑌮𑌾 𑌵॒𑌯𑌮𑍍 । 𑌯𑌦𑍇𑌕॒𑌸𑍍𑌯𑌾𑌧𑌿॒ 𑌧𑌰𑍍𑌮॑𑌣𑌿 । 𑌤𑌸𑍍𑌯𑌾॑𑌵॒𑌯𑌜॑𑌨𑌮𑌸𑌿 ॥ 𑌯𑌦𑌾𑌪𑍋॒ 𑌅𑌘𑍍𑌨𑌿॑𑌯𑌾॒ 𑌵𑌰𑍁॒𑌣𑍇𑌤𑌿॒ 𑌶𑌪𑌾॑𑌮𑌹𑍇 । 𑌤𑌤𑍋॑ 𑌵𑌰𑍁𑌣 𑌨𑍋 𑌮𑍁𑌞𑍍𑌚 ॥ 2𑍯 ॥

𑌅𑌵॑𑌭𑍃𑌥 𑌨𑌿𑌚𑌙𑍍𑌕𑍁𑌣 𑌨𑌿𑌚𑍇॒𑌰𑍁𑌰॑𑌸𑌿 𑌨𑌿𑌚𑌙𑍍𑌕𑍁𑌣 । 𑌅𑌵॑ 𑌦𑍇॒𑌵𑍈-𑌰𑍍𑌦𑍇॒𑌵𑌕𑍃॑𑌤॒𑌮𑍇𑌨𑍋॑-𑌽𑌯𑌾𑌟𑍍 । 𑌅𑌵॒ 𑌮𑌰𑍍𑌤𑍍𑌯𑍈॒𑌰𑍍𑌮𑌰𑍍𑌤𑍍𑌯॑𑌕𑍃𑌤𑌮𑍍 । 𑌉॒𑌰𑍋𑌰𑌾 𑌨𑍋॑ 𑌦𑍇𑌵 𑌰𑌿॒𑌷𑌸𑍍𑌪𑌾॑𑌹𑌿 ॥ 𑌸𑍁॒𑌮𑌿॒𑌤𑍍𑌰𑌾 𑌨॒ 𑌆𑌪॒ 𑌓𑌷॑𑌧𑌯-𑌸𑍍𑌸𑌨𑍍𑌤𑍁 । 𑌦𑍁॒𑌰𑍍𑌮𑌿॒𑌤𑍍𑌰𑌾𑌸𑍍𑌤𑌸𑍍𑌮𑍈॑ 𑌭𑍂𑌯𑌾𑌸𑍁𑌃 । 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ । 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑌦𑍍𑌰𑍁॒𑌪॒𑌦𑌾𑌦𑌿॒𑌵𑍇-𑌨𑍍𑌮𑍁॑𑌮𑍁𑌚𑌾॒𑌨𑌃 । 𑌸𑍍𑌵𑌿॒𑌨𑍍𑌨-𑌸𑍍𑌸𑍍𑌨𑌾॒𑌤𑍍𑌵𑍀 𑌮𑌲𑌾॑𑌦𑌿𑌵 ॥ 30 ॥

𑌪𑍂॒𑌤-𑌮𑍍𑌪॒𑌵𑌿𑌤𑍍𑌰𑍇॑𑌣𑍇॒𑌵𑌾𑌜𑍍𑌯᳚𑌮𑍍 । 𑌆𑌪॑-𑌶𑍍𑌶𑍁𑌨𑍍𑌧𑌨𑍍𑌤𑍁॒ 𑌮𑍈𑌨॑𑌸𑌃 ॥ 𑌉𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑌿॑ । 𑌪𑌶𑍍𑌯॑𑌨𑍍𑌤𑍋॒ 𑌜𑍍𑌯𑍋𑌤𑌿॒𑌰𑍁𑌤𑍍𑌤॑𑌰𑌮𑍍 । 𑌦𑍇॒𑌵-𑌨𑍍𑌦𑍇॑𑌵॒𑌤𑍍𑌰𑌾 𑌸𑍂𑌰𑍍𑌯᳚𑌮𑍍 । 𑌅𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌮𑍍 ॥ 𑌪𑍍𑌰𑌤𑌿॑𑌯𑍁𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶𑌃॑ । 𑌪𑍍𑌰𑌤𑍍𑌯॑𑌸𑍍𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶𑌃॑ ॥ 𑌏𑌧𑍋᳚-𑌽𑌸𑍍𑌯𑍇𑌧𑌿𑌷𑍀॒𑌮𑌹𑌿॑ । 𑌸॒𑌮𑌿𑌦॑𑌸𑌿 ॥ 31 ॥

𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋॒ 𑌮𑌯𑌿॑ 𑌧𑍇𑌹𑌿 ॥ 𑌅॒𑌪𑍋 𑌅𑌨𑍍𑌵॑𑌚𑌾𑌰𑌿𑌷𑌮𑍍 । 𑌰𑌸𑍇॑𑌨॒ 𑌸𑌮॑𑌸𑍃𑌕𑍍𑌷𑍍𑌮𑌹𑌿 । 𑌪𑌯॑𑌸𑍍𑌵𑌾𑌗𑍍𑌮𑍍 𑌅𑌗𑍍𑌨॒ 𑌆-𑌽𑌗॑𑌮𑌮𑍍 । 𑌤-𑌮𑍍𑌮𑌾॒ 𑌸𑌗𑍍𑌮𑍍𑌸𑍃॑𑌜॒ 𑌵𑌰𑍍𑌚॑𑌸𑌾 । 𑌪𑍍𑌰॒𑌜𑌯𑌾॑ 𑌚॒ 𑌧𑌨𑍇॑𑌨 𑌚 ॥ 𑌸॒𑌮𑌾𑌵॑𑌵𑌰𑍍𑌤𑌿 𑌪𑍃𑌥𑌿॒𑌵𑍀 । 𑌸𑌮𑍁॒𑌷𑌾𑌃 । 𑌸𑌮𑍁॒ 𑌸𑍂𑌰𑍍𑌯𑌃॑ । 𑌸𑌮𑍁॒ 𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌵𑍈॒𑌶𑍍𑌵𑌾॒𑌨॒𑌰 𑌜𑍍𑌯𑍋॑𑌤𑌿-𑌰𑍍𑌭𑍂𑌯𑌾𑌸𑌮𑍍 । 𑌵𑌿॒𑌭𑍁-𑌙𑍍𑌕𑌾𑌮𑌂॒-𑌵𑍍𑌯𑌁॑𑌶𑍍𑌨𑌵𑍈 ॥ 𑌭𑍂-𑌸𑍍𑌸𑍍𑌵𑌾𑌹𑌾᳚ ॥ 32 ॥
(𑌸𑍍𑌵𑌪𑍍𑌨॒ 𑌏𑌨𑌾𑌗𑍍𑌮𑍍॑𑌸𑌿 𑌚𑌕𑍃॒𑌮𑌾 𑌵॒𑌯𑌂 – 𑌮𑍁॑𑌞𑍍𑌚॒ – 𑌮𑌲𑌾॑𑌦𑌿𑌵 – 𑌸॒𑌮𑌿𑌦॑𑌸𑌿॒ – 𑌜𑌗॒-𑌤𑍍𑌤𑍍𑌰𑍀𑌣𑌿॑ 𑌚) (𑌅. 6)

𑌅𑌨𑍁𑌵𑌾𑌕𑌂 𑍭 – 𑌐𑌨𑍍𑌦𑍍𑌰𑍇 𑌪𑍍𑌰𑌶𑍍𑌨𑍌 𑌪𑍍𑌰𑌯𑌾𑌜𑌾𑌨𑌾𑌮𑍇𑌕𑌾𑌦𑌶 𑌮𑍈𑌤𑍍𑌰𑌾𑌵𑌰𑍁𑌣𑌪𑍍𑌰𑍈𑌷𑌾𑌃
𑌹𑍋𑌤𑌾॑ 𑌯𑌕𑍍𑌷-𑌥𑍍𑌸॒𑌮𑌿𑌧𑍇𑌨𑍍𑌦𑍍𑌰॑-𑌮𑌿॒𑌡𑌸𑍍𑌪॒𑌦𑍇 । 𑌨𑌾𑌭𑌾॑ 𑌪𑍃𑌥𑌿॒𑌵𑍍𑌯𑌾 𑌅𑌧𑌿॑ । 𑌦𑌿॒𑌵𑍋 𑌵𑌰𑍍𑌷𑍍𑌮॒𑌨𑍍-𑌥𑍍𑌸𑌮𑌿॑𑌦𑍍𑌧𑍍𑌯𑌤𑍇 । 𑌓𑌜𑌿॑𑌷𑍍𑌠𑌶𑍍𑌚𑌰𑍍𑌷𑌣𑍀॒𑌸𑌹𑌾𑌨𑍍॑ । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌤𑍍𑌤𑌨𑍂॒𑌨𑌪𑌾॑𑌤𑌮𑍍 । 𑌊॒𑌤𑌿𑌭𑌿॒-𑌰𑍍𑌜𑍇𑌤𑌾॑𑌰॒-𑌮𑌪॑𑌰𑌾𑌜𑌿𑌤𑌮𑍍 । 𑌇𑌨𑍍𑌦𑍍𑌰॑-𑌨𑍍𑌦𑍇॒𑌵𑌗𑍍𑌮𑍍 𑌸𑍁॑𑌵॒𑌰𑍍𑌵𑌿𑌦᳚𑌮𑍍 । 𑌪॒𑌥𑌿𑌭𑌿॒-𑌰𑍍𑌮𑌧𑍁॑𑌮𑌤𑍍𑌤𑌮𑍈𑌃 । 𑌨𑌰𑌾॒𑌶𑌗𑍍𑌮𑍍𑌸𑍇॑𑌨॒ 𑌤𑍇𑌜॑𑌸𑌾 ॥ 33 ॥

𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌦𑌿𑌡𑌾॑𑌭𑌿॒-𑌰𑌿𑌨𑍍𑌦𑍍𑌰॑-𑌮𑍀𑌡𑌿॒𑌤𑌮𑍍 । 𑌆॒𑌜𑍁𑌹𑍍𑌵𑌾॑𑌨॒-𑌮𑌮॑𑌰𑍍𑌤𑍍𑌯𑌮𑍍 । 𑌦𑍇॒𑌵𑍋 𑌦𑍇॒𑌵𑍈-𑌸𑍍𑌸𑌵𑍀᳚𑌰𑍍𑌯𑌃 । 𑌵𑌜𑍍𑌰॑𑌹𑌸𑍍𑌤𑌃 𑌪𑍁𑌰𑌨𑍍𑌦॒𑌰𑌃 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌦𑍍𑌬॒𑌰॒𑌃𑌇𑌷𑍀𑌨𑍍𑌦𑍍𑌰॑-𑌨𑍍𑌨𑌿𑌷𑌦𑍍𑌵॒𑌰𑌮𑍍 । 𑌵𑍃॒𑌷॒𑌭-𑌨𑍍𑌨𑌰𑍍𑌯𑌾॑𑌪𑌸𑌮𑍍 । 𑌵𑌸𑍁॑𑌭𑍀 𑌰𑍁॒𑌦𑍍𑌰𑍈𑌰𑌾॑𑌦𑌿॒𑌤𑍍𑌯𑍈𑌃 । 𑌸॒𑌯𑍁𑌗𑍍𑌭𑌿॑-𑌰𑍍𑌬॒𑌰॒𑌃𑌇𑌰𑌾 𑌽𑌸॑𑌦𑌤𑍍 ॥ 34 ॥

𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌦𑍋𑌜𑍋॒ 𑌨 𑌵𑍀॒𑌰𑍍𑌯᳚𑌮𑍍 । 𑌸𑌹𑍋॒ 𑌦𑍍𑌵𑌾𑌰॒ 𑌇𑌨𑍍𑌦𑍍𑌰॑𑌮𑌵𑌰𑍍𑌧𑌯𑌨𑍍𑌨𑍍 । 𑌸𑍁॒𑌪𑍍𑌰𑌾॒𑌯॒𑌣𑌾 𑌵𑌿𑌶𑍍𑌰॑𑌯𑌨𑍍𑌤𑌾𑌮𑍃𑌤𑌾॒𑌵𑍃𑌧𑌃॑ । 𑌦𑍍𑌵𑌾𑌰॒ 𑌇𑌨𑍍𑌦𑍍𑌰𑌾॑𑌯 𑌮𑍀॒𑌢𑍁𑌷𑍇᳚ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷𑌦𑍁॒𑌷𑍇 𑌇𑌨𑍍𑌦𑍍𑌰॑𑌸𑍍𑌯 𑌧𑍇॒𑌨𑍂 । 𑌸𑍁॒𑌦𑍁𑌘𑍇॑ 𑌮𑌾॒𑌤𑌰𑍌॑ 𑌮॒𑌹𑍀 । 𑌸𑌵𑌾॒𑌤𑌰𑍌॒ 𑌨 𑌤𑍇𑌜॑𑌸𑍀 । 𑌵॒𑌥𑍍𑌸𑌮𑌿𑌨𑍍𑌦𑍍𑌰॑-𑌮𑌵𑌰𑍍𑌧𑌤𑌾𑌮𑍍 ॥ 35 ॥

𑌵𑍀॒𑌤𑌾𑌮𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 । 𑌭𑌿॒𑌷𑌜𑌾॒ 𑌸𑌖𑌾॑𑌯𑌾 । 𑌹॒𑌵𑌿𑌷𑍇𑌨𑍍𑌦𑍍𑌰॑-𑌮𑍍𑌭𑌿𑌷𑌜𑍍𑌯𑌤𑌃 । 𑌕॒𑌵𑍀 𑌦𑍇॒𑌵𑍌 𑌪𑍍𑌰𑌚𑍇॑𑌤𑌸𑍌 । 𑌇𑌨𑍍𑌦𑍍𑌰𑌾॑𑌯 𑌧𑌤𑍍𑌤 𑌇𑌨𑍍𑌦𑍍𑌰𑌿॒𑌯𑌮𑍍 । 𑌵𑍀॒𑌤𑌾𑌮𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷𑌤𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌃 । 𑌤𑍍𑌰𑌯॑𑌸𑍍𑌤𑍍𑌰𑌿॒𑌧𑌾𑌤॑𑌵𑍋॒-𑌽𑌪𑌸𑌃॑ । 𑌇𑌡𑌾॒ 𑌸𑌰॑𑌸𑍍𑌵𑌤𑍀॒ 𑌭𑌾𑌰॑𑌤𑍀 ॥ 36 ॥

𑌮॒𑌹𑍀𑌨𑍍𑌦𑍍𑌰॑𑌪𑌤𑍍𑌨𑍀𑌰𑍍-𑌹॒𑌵𑌿𑌷𑍍𑌮॑𑌤𑍀𑌃 । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌤𑍍𑌤𑍍𑌵𑌷𑍍𑌟𑌾॑𑌰॒-𑌮𑌿𑌨𑍍𑌦𑍍𑌰॑-𑌨𑍍𑌦𑍇॒𑌵𑌮𑍍 । 𑌭𑌿॒𑌷𑌜𑌗𑍍𑌮𑍍॑ 𑌸𑍁॒𑌯𑌜॑-𑌙𑍍𑌘𑍃𑌤॒𑌶𑍍𑌰𑌿𑌯᳚𑌮𑍍 । 𑌪𑍁॒𑌰𑍁॒𑌰𑍂𑌪𑌗𑍍𑌮𑍍॑ 𑌸𑍁॒𑌰𑍇𑌤॑𑌸-𑌮𑍍𑌮॒𑌘𑍋𑌨𑌿᳚𑌮𑍍 । 𑌇𑌨𑍍𑌦𑍍𑌰𑌾॑𑌯॒ 𑌤𑍍𑌵𑌷𑍍𑌟𑌾॒ 𑌦𑌧॑𑌦𑌿𑌨𑍍𑌦𑍍𑌰𑌿॒𑌯𑌾𑌣𑌿॑ । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌵𑌨॒𑌸𑍍𑌪𑌤𑌿᳚𑌮𑍍 । 𑌶॒𑌮𑌿॒𑌤𑌾𑌰𑌗𑍍𑌮𑍍॑ 𑌶॒𑌤𑌕𑍍𑌰॑𑌤𑍁𑌮𑍍 । 𑌧𑌿॒𑌯𑍋 𑌜𑍋॒𑌷𑍍𑌟𑌾𑌰॑-𑌮𑌿𑌨𑍍𑌦𑍍𑌰𑌿॒𑌯𑌮𑍍 ॥ 3𑍭 ॥

𑌮𑌦𑍍𑌧𑍍𑌵𑌾॑ 𑌸𑌮॒𑌞𑍍𑌜𑌨𑍍𑌪॒𑌥𑌿𑌭𑌿॑-𑌸𑍍𑌸𑍁॒𑌗𑍇𑌭𑌿𑌃॑ । 𑌸𑍍𑌵𑌦𑌾॑𑌤𑌿 𑌹॒𑌵𑍍𑌯-𑌮𑍍𑌮𑌧𑍁॑𑌨𑌾 𑌘𑍃॒𑌤𑍇𑌨॑ । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌦𑌿𑌨𑍍𑌦𑍍𑌰॒𑌗𑍍𑌗𑍍॒ 𑌸𑍍𑌵𑌾𑌹𑌾-𑌽𑌽𑌜𑍍𑌯॑𑌸𑍍𑌯 । 𑌸𑍍𑌵𑌾𑌹𑌾॒ 𑌮𑍇𑌦॑𑌸𑌃 । 𑌸𑍍𑌵𑌾𑌹𑌾᳚ 𑌸𑍍𑌤𑍋॒𑌕𑌾𑌨𑌾᳚𑌮𑍍 । 𑌸𑍍𑌵𑌾𑌹𑌾॒ 𑌸𑍍𑌵𑌾𑌹𑌾॑𑌕𑍃𑌤𑍀𑌨𑌾𑌮𑍍 । 𑌸𑍍𑌵𑌾𑌹𑌾॑ 𑌹॒𑌵𑍍𑌯𑌸𑍂᳚𑌕𑍍𑌤𑍀𑌨𑌾𑌮𑍍 । 𑌸𑍍𑌵𑌾𑌹𑌾॑ 𑌦𑍇॒𑌵𑌾𑌗𑍍𑌮𑍍 𑌆᳚𑌜𑍍𑌯॒𑌪𑌾𑌨𑍍 । 𑌸𑍍𑌵𑌾𑌹𑍇𑌨𑍍𑌦𑍍𑌰𑌗𑍍𑌮𑍍॑ 𑌹𑍋॒𑌤𑍍𑌰𑌾𑌜𑍍𑌜𑍁॑𑌷𑌾॒𑌣𑌾𑌃 । 𑌇𑌨𑍍𑌦𑍍𑌰॒ 𑌆𑌜𑍍𑌯॑𑌸𑍍𑌯 𑌵𑌿𑌯𑌨𑍍𑌤𑍁 । 𑌹𑍋𑌤॒𑌰𑍍𑌯𑌜॑ ॥ 3𑍮 ॥
(𑌤𑍇𑌜॑𑌸𑌾-𑌽𑌸𑌦-𑌦𑌵𑌰𑍍𑌧𑌤𑌾𑌂॒-𑌭𑌾𑌰॑𑌤𑍀-𑌨𑍍𑌦𑍍𑌰𑌿॒𑌯𑌂-𑌜𑍁॑𑌷𑌾॒𑌣𑌾 𑌦𑍍𑌵𑍇 𑌚॑) (𑌅. 𑍭)

(𑌸॒𑌮𑌿𑌧𑍇𑌨𑍍𑌦𑍍𑌰॒-𑌨𑍍𑌤𑌨𑍂॒𑌨𑌪𑌾॑𑌤॒𑌮𑌿𑌡𑌾॑𑌭𑌿-𑌰𑍍𑌬॒𑌰𑍍॒𑌹𑌿𑌷𑍍𑌯𑍋𑌜॑ 𑌉॒𑌷𑍇 𑌦𑍈𑌵𑍍𑌯𑌾॑ 𑌤𑌿॒𑌸𑍍𑌰𑌸𑍍𑌤𑍍𑌵𑌷𑍍𑌟𑌾॑𑌰𑌂॒-𑌵𑌁𑌨॒𑌸𑍍𑌪𑌤𑌿॒𑌮𑌿𑌨𑍍𑌦𑍍𑌰᳚𑌮𑍍 । 𑌸॒𑌮𑌿𑌧𑍇𑌨𑍍𑌦𑍍𑌰॑-𑌞𑍍𑌚॒𑌤𑍁𑌰𑍍𑌵𑍇𑌤𑍍𑌵𑍇𑌕𑍋॑ 𑌵𑌿॒𑌯𑌨𑍍𑌤𑍁॒ 𑌦𑍍𑌵𑌿𑌰𑍍𑌵𑍀॒𑌤𑌾𑌮𑍇𑌕𑍋॑ 𑌵𑌿॒𑌯𑌨𑍍𑌤𑍁॒ 𑌦𑍍𑌵𑌿𑌰𑍍𑌵𑍇𑌤𑍍𑌵𑍇𑌕𑍋॑ 𑌵𑌿॒𑌯𑌨𑍍𑌤𑍁॒ 𑌹𑍋𑌤॒𑌰𑍍𑌯𑌜॑ )

𑌅𑌨𑍁𑌵𑌾𑌕𑌂 𑍮 – 𑌐𑌨𑍍𑌦𑍍𑌰𑍇 𑌪𑍍𑌰𑌶𑍍𑌨𑍌 𑌪𑍍𑌰𑌯𑌾𑌜𑌯𑌾𑌜𑍍𑌯𑌾𑌃
𑌸𑌮𑌿॑𑌦𑍍𑌧॒ 𑌇𑌨𑍍𑌦𑍍𑌰॑ 𑌉॒𑌷𑌸𑌾॒𑌮𑌨𑍀॑𑌕𑍇 । 𑌪𑍁॒𑌰𑍋॒𑌰𑍁𑌚𑌾॑ 𑌪𑍂𑌰𑍍𑌵॒𑌕𑍃𑌦𑍍𑌵𑌾॑𑌵𑍃𑌧𑌾॒𑌨𑌃 । 𑌤𑍍𑌰𑌿॒𑌭𑌿𑌰𑍍𑌦𑍇॒𑌵𑍈𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌤𑌾॒ 𑌵𑌜𑍍𑌰॑𑌬𑌾𑌹𑍁𑌃 । 𑌜॒𑌘𑌾𑌨॑ 𑌵𑍃॒𑌤𑍍𑌰𑌂-𑌵𑌿𑌁 𑌦𑍁𑌰𑍋॑ 𑌵𑌵𑌾𑌰 ॥ 𑌨𑌰𑌾॒𑌶𑌗𑍍𑌮𑍍𑌸𑌃॒ 𑌪𑍍𑌰𑌤𑌿॒ 𑌶𑍂𑌰𑍋॒ 𑌮𑌿𑌮𑌾॑𑌨𑌃 । 𑌤𑌨𑍂॒𑌨𑌪𑌾॒𑌤𑍍-𑌪𑍍𑌰𑌤𑌿॑ 𑌯॒𑌜𑍍𑌞𑌸𑍍𑌯॒ 𑌧𑌾𑌮॑ । 𑌗𑍋𑌭𑌿॑-𑌰𑍍𑌵॒𑌪𑌾𑌵𑌾॒-𑌨𑍍𑌮𑌧𑍁॑𑌨𑌾 𑌸𑌮॒𑌞𑍍𑌜𑌨𑍍𑌨𑍍 । 𑌹𑌿𑌰॑𑌣𑍍𑌯𑍈𑌶𑍍𑌚॒𑌨𑍍𑌦𑍍𑌰𑍀 𑌯॑𑌜𑌤𑌿॒ 𑌪𑍍𑌰𑌚𑍇॑𑌤𑌾𑌃 ॥ 𑌈॒𑌡𑌿॒𑌤𑍋 𑌦𑍇॒𑌵𑍈𑌰𑍍𑌹𑌰𑌿॑𑌵𑌾𑌗𑍍𑌮𑍍 𑌅𑌭𑌿॒𑌷𑍍𑌟𑌿𑌃 । 𑌆॒𑌜𑍁𑌹𑍍𑌵𑌾॑𑌨𑍋 𑌹॒𑌵𑌿𑌷𑌾॒ 𑌶𑌰𑍍𑌧॑𑌮𑌾𑌨𑌃 ॥ 3𑍯 ॥

𑌪𑍁॒𑌰॒𑌦𑌂॒𑌰𑍋 𑌮॒𑌘𑌵𑌾॒𑌨𑍍॒. 𑌵𑌜𑍍𑌰॑𑌬𑌾𑌹𑍁𑌃 । 𑌆𑌯𑌾॑𑌤𑍁 𑌯॒𑌜𑍍𑌞𑌮𑍁𑌪॑ 𑌨𑍋 𑌜𑍁𑌷𑌾॒𑌣𑌃 ॥ 𑌜𑍁॒𑌷𑌾॒𑌣𑍋 𑌬॒𑌰॒𑌃𑌇𑌰𑍍𑌹𑌰𑌿॑𑌵𑌾𑌨𑍍𑌨॒ 𑌇𑌨𑍍𑌦𑍍𑌰𑌃॑ । 𑌪𑍍𑌰𑌾॒𑌚𑍀𑌨𑌗𑍍𑌮𑍍॑ 𑌸𑍀𑌦𑌤𑍍𑌪𑍍𑌰॒𑌦𑌿𑌶𑌾॑ 𑌪𑍃𑌥𑌿॒𑌵𑍍𑌯𑌾𑌃 । 𑌉॒𑌰𑍁॒𑌵𑍍𑌯𑌚𑌾𑌃॒ 𑌪𑍍𑌰𑌥॑𑌮𑌾𑌨𑌗𑍍𑌗𑍍 𑌸𑍍𑌯𑍋॒𑌨𑌮𑍍 । 𑌆॒𑌦𑌿॒𑌤𑍍𑌯𑍈𑌰॒𑌕𑍍𑌤𑌂-𑌵𑌁𑌸𑍁॑𑌭𑌿-𑌸𑍍𑌸॒𑌜𑍋𑌷𑌾𑌃᳚ ॥ 𑌇𑌨𑍍𑌦𑍍𑌰॒-𑌨𑍍𑌦𑍁𑌰𑌃॑ 𑌕𑌵॒𑌷𑍍𑌯𑍋॑ 𑌧𑌾𑌵॑𑌮𑌾𑌨𑌾𑌃 । 𑌵𑍃𑌷𑌾॑𑌣𑌂-𑌯𑌁𑌨𑍍𑌤𑍁॒ 𑌜𑌨॑𑌯-𑌸𑍍𑌸𑍁॒𑌪𑌤𑍍𑌨𑍀𑌃᳚ । 𑌦𑍍𑌵𑌾𑌰𑍋॑ 𑌦𑍇॒𑌵𑍀𑌰॒𑌭𑌿𑌤𑍋॒ 𑌵𑌿𑌶𑍍𑌰॑𑌯𑌨𑍍𑌤𑌾𑌮𑍍 । 𑌸𑍁॒𑌵𑍀𑌰𑌾॑ 𑌵𑍀॒𑌰-𑌮𑍍𑌪𑍍𑌰𑌥॑𑌮𑌾𑌨𑌾॒ 𑌮𑌹𑍋॑𑌭𑌿𑌃 ॥ 40 ॥

𑌉॒𑌷𑌾𑌸𑌾॒ 𑌨𑌕𑍍𑌤𑌾॑ 𑌬𑍃𑌹॒𑌤𑍀 𑌬𑍃॒𑌹𑌨𑍍𑌤᳚𑌮𑍍 । 𑌪𑌯॑𑌸𑍍𑌵𑌤𑍀 𑌸𑍁॒𑌦𑍁𑌘𑍇॒ 𑌶𑍂𑌰॒𑌮𑌿𑌨𑍍𑌦𑍍𑌰᳚𑌮𑍍 । 𑌪𑍇𑌶॑𑌸𑍍𑌵𑌤𑍀॒ 𑌤𑌨𑍍𑌤𑍁॑𑌨𑌾 𑌸𑌂॒𑌵𑍍𑌯𑌁𑌯॑𑌨𑍍𑌤𑍀 । 𑌦𑍇॒𑌵𑌾𑌨𑌾᳚-𑌨𑍍𑌦𑍇॒𑌵𑌂-𑌯𑌁॑𑌜𑌤-𑌸𑍍𑌸𑍁𑌰𑍁॒𑌕𑍍𑌮𑍇 ॥ 𑌦𑍈𑌵𑍍𑌯𑌾॒ 𑌮𑌿𑌮𑌾॑𑌨𑌾॒ 𑌮𑌨॑𑌸𑌾 𑌪𑍁𑌰𑍁॒𑌤𑍍𑌰𑌾 । 𑌹𑍋𑌤𑌾॑𑌰𑌾॒𑌵𑌿𑌨𑍍𑌦𑍍𑌰॑-𑌮𑍍𑌪𑍍𑌰𑌥॒𑌮𑌾 𑌸𑍁॒𑌵𑌾𑌚𑌾᳚ । 𑌮𑍂॒𑌰𑍍𑌧𑌨𑍍. 𑌯॒𑌜𑍍𑌞𑌸𑍍𑌯॒ 𑌮𑌧𑍁॑𑌨𑌾॒ 𑌦𑌧𑌾॑𑌨𑌾 । 𑌪𑍍𑌰𑌾॒𑌚𑍀𑌨॒-𑌞𑍍𑌜𑍍𑌯𑍋𑌤𑌿॑𑌰𑍍𑌹॒𑌵𑌿𑌷𑌾॑ 𑌵𑍃𑌧𑌾𑌤𑌃 ॥ 𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑍍𑌹॒𑌵𑌿𑌷𑌾॒ 𑌵𑌰𑍍𑌧॑𑌮𑌾𑌨𑌾𑌃 । 𑌇𑌨𑍍𑌦𑍍𑌰॑-𑌞𑍍𑌜𑍁𑌷𑌾॒𑌣𑌾 𑌵𑍃𑌷॑𑌣॒-𑌨𑍍𑌨 𑌪𑌤𑍍𑌨𑍀𑌃᳚ ॥ 41 ॥

𑌅𑌚𑍍𑌛𑌿॑𑌨𑍍𑌨॒-𑌨𑍍𑌤𑌨𑍍𑌤𑍁॒-𑌮𑍍𑌪𑌯॑𑌸𑌾॒ 𑌸𑌰॑𑌸𑍍𑌵𑌤𑍀 । 𑌇𑌡𑌾॑ 𑌦𑍇॒𑌵𑍀 𑌭𑌾𑌰॑𑌤𑍀 𑌵𑌿॒𑌶𑍍𑌵𑌤𑍂᳚𑌰𑍍𑌤𑌿𑌃 ॥ 𑌤𑍍𑌵𑌷𑍍𑌟𑌾॒ 𑌦𑌧॒𑌦𑌿𑌨𑍍𑌦𑍍𑌰𑌾॑𑌯॒ 𑌶𑍁𑌷𑍍𑌮᳚𑌮𑍍 । 𑌅𑌪𑌾॒𑌕𑍋-𑌽𑌚𑌿॑𑌷𑍍𑌟𑍁𑌰𑍍𑌯॒𑌶𑌸𑍇॑ 𑌪𑍁॒𑌰𑍂𑌣𑌿॑ । 𑌵𑍃𑌷𑌾॒ 𑌯𑌜॒𑌨𑍍 𑌵𑍃𑌷॑𑌣॒-𑌮𑍍𑌭𑍂𑌰𑌿॑𑌰𑍇𑌤𑌾𑌃 । 𑌮𑍂॒𑌰𑍍𑌧𑌨𑍍. 𑌯॒𑌜𑍍𑌞𑌸𑍍𑌯॒ 𑌸𑌮॑𑌨𑌕𑍍𑌤𑍁 𑌦𑍇॒𑌵𑌾𑌨𑍍 ॥ 𑌵𑌨॒𑌸𑍍𑌪𑌤𑌿॒-𑌰𑌵॑𑌸𑍃𑌷𑍍𑌟𑍋॒ 𑌨 𑌪𑌾𑌶𑍈𑌃᳚ । 𑌤𑍍𑌮𑌨𑍍𑌯𑌾॑ 𑌸𑌮॒𑌞𑍍𑌜𑌞𑍍𑌛॑𑌮𑌿॒𑌤𑌾 𑌨 𑌦𑍇॒𑌵𑌃 । 𑌇𑌨𑍍𑌦𑍍𑌰॑𑌸𑍍𑌯 𑌹॒𑌵𑍍𑌯𑍈𑌰𑍍𑌜॒𑌠𑌰॑-𑌮𑍍𑌪𑍃𑌣𑌾॒𑌨𑌃 । 𑌸𑍍𑌵𑌦𑌾॑𑌤𑌿 𑌹॒𑌵𑍍𑌯-𑌮𑍍𑌮𑌧𑍁॑𑌨𑌾 𑌘𑍃॒𑌤𑍇𑌨॑ ॥ 𑌸𑍍𑌤𑍋॒𑌕𑌾𑌨𑌾॒𑌮𑌿𑌨𑍍𑌦𑍁॒-𑌮𑍍𑌪𑍍𑌰𑌤𑌿॒ 𑌶𑍂𑌰॒ 𑌇𑌨𑍍𑌦𑍍𑌰𑌃॑ । 𑌵𑍃॒𑌷𑌾॒𑌯𑌮𑌾॑𑌣𑍋 𑌵𑍃𑌷॒𑌭-𑌸𑍍𑌤𑍁॑𑌰𑌾॒𑌷𑌾𑌟𑍍 । 𑌘𑍃॒𑌤॒𑌪𑍍𑌰𑍁𑌷𑌾॒ 𑌮𑌧𑍁॑𑌨𑌾 𑌹॒𑌵𑍍𑌯𑌮𑍁॒𑌨𑍍𑌦𑌨𑍍𑌨𑍍 । 𑌮𑍂॒𑌰𑍍𑌧𑌨𑍍. 𑌯॒𑌜𑍍𑌞𑌸𑍍𑌯॑ 𑌜𑍁𑌷𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ ॥ 42 ॥
(𑌶𑌰𑍍𑌧॑𑌮𑌾𑌨𑍋॒ – 𑌮𑌹𑍋॑𑌭𑌿𑌃॒ – 𑌪𑌤𑍍𑌨𑍀᳚–𑌰𑍍 𑌘𑍃॒𑌤𑍇𑌨॑ 𑌚॒𑌤𑍍𑌵𑌾𑌰𑌿॑ 𑌚) (𑌅. 𑍮)

𑌅𑌨𑍁𑌵𑌾𑌕𑌂 𑍯 – 𑌐𑌨𑍍𑌦𑍍𑌰𑍇 𑌪𑍍𑌰𑌶𑍍𑌨𑍌 𑌵𑌪𑌾𑌦𑍀𑌨𑌾𑌂-𑌯𑌾𑌁𑌜𑍍𑌯𑌾𑌨𑍁𑌵𑌾𑌕𑍍𑌯𑌾𑌃
𑌆𑌚॑𑌰𑍍𑌷𑌣𑌿॒𑌪𑍍𑌰𑌾 𑌵𑍃॑𑌷॒𑌭𑍋 𑌜𑌨𑌾॑𑌨𑌾𑌮𑍍 । 𑌰𑌾𑌜𑌾॑ 𑌕𑍃𑌷𑍍𑌟𑍀॒𑌨𑌾-𑌮𑍍𑌪𑍁॑𑌰𑍁𑌹𑍂॒𑌤 𑌇𑌨𑍍𑌦𑍍𑌰𑌃॑ । 𑌸𑍍𑌤𑍁॒𑌤-𑌶𑍍𑌶𑍍𑌰॑𑌵॒𑌸𑍍𑌯𑌨𑍍𑌨𑌵॒𑌸𑍋𑌪॑𑌮॒𑌦𑍍𑌰𑌿𑌕𑍍 । 𑌯𑍁॒𑌕𑍍𑌤𑍍𑌵𑌾 𑌹𑌰𑍀॒ 𑌵𑍃𑌷॒𑌣𑌾 𑌽𑌽𑌯𑌾᳚𑌹𑍍𑌯॒𑌰𑍍𑌵𑌾𑌮𑍍 ॥, 𑌵𑌿॒𑌵𑍇𑌷॒ 𑌯𑌨𑍍𑌮𑌾॑ 𑌧𑌿॒𑌷𑌣𑌾॑ 𑌜॒𑌜𑌾𑌨॒ 𑌸𑍍𑌤𑌵𑍈॑ 𑌪𑍁॒𑌰𑌾 𑌪𑌾𑌰𑍍𑌯𑌾॒𑌦𑌿𑌨𑍍𑌦𑍍𑌰॒ 𑌮𑌹𑍍𑌨𑌃॑ । 𑌅𑌗𑍍𑌮𑍍𑌹॑𑌸𑍋॒ 𑌯𑌤𑍍𑌰॑ 𑌪𑍀॒𑌪𑌰॒𑌦𑍍𑌯𑌥𑌾॑ 𑌨𑍋 𑌨𑌾॒𑌵𑍇𑌵॒ 𑌯𑌾𑌨𑍍𑌤॑ 𑌮𑍁॒𑌭𑌯𑍇॑ 𑌹𑌵𑌨𑍍𑌤𑍇 ॥॥ 𑌤𑌗𑍍𑌮𑍍 𑌸॒𑌧𑍍𑌰𑍀𑌚𑍀॑𑌰𑍂॒𑌤𑌯𑍋॒ 𑌵𑍃𑌷𑍍𑌣𑌿॑𑌯𑌾𑌨𑌿 । 𑌪𑍌𑌗𑍍𑌗𑍍𑌸𑍍𑌯𑌾॑𑌨𑌿 𑌨𑌿॒𑌯𑍁𑌤॑-𑌸𑍍𑌸𑌶𑍍𑌚𑍁॒𑌰𑌿𑌨𑍍𑌦𑍍𑌰᳚𑌮𑍍 । 𑌸॒𑌮𑍁॒𑌦𑍍𑌰-𑌨𑍍𑌨 𑌸𑌿𑌨𑍍𑌧॑𑌵 𑌉॒𑌕𑍍𑌥𑌶𑍁॑𑌷𑍍𑌮𑌾𑌃 । 𑌉॒𑌰𑍁॒𑌵𑍍𑌯𑌚॑𑌸॒𑌗𑌿𑌂𑌰॒ 𑌆𑌵𑌿॑𑌶𑌨𑍍𑌤𑌿 ॥॥ 𑌸॒𑌤𑍍𑌯𑌮𑌿𑌤𑍍𑌤𑌨𑍍𑌨 𑌤𑍍𑌵𑌾𑌵𑌾𑌗𑍍𑌮𑍍॑ 𑌅॒𑌨𑍍𑌯𑍋 𑌅𑌸𑍍𑌤𑌿॑ । 𑌇𑌨𑍍𑌦𑍍𑌰॑ 𑌦𑍇॒𑌵𑍋 𑌨 𑌮𑌰𑍍𑌤𑍍𑌯𑍋॒ 𑌜𑍍𑌯𑌾𑌯𑌾𑌨𑍍॑ । 𑌅𑌹॒𑌨𑍍𑌨𑌹𑌿॑-𑌮𑍍𑌪𑌰𑌿॒𑌶𑌯𑌾॑𑌨॒𑌮𑌰𑍍𑌣𑌃॑ । 𑌅𑌵𑌾॑𑌸𑍃𑌜𑍋॒-𑌽𑌪𑍋 𑌅𑌚𑍍𑌛𑌾॑ 𑌸𑌮𑍁॒𑌦𑍍𑌰𑌮𑍍 ॥ 𑌪𑍍𑌰𑌸॑𑌸𑌾𑌹𑌿𑌷𑍇 𑌪𑍁𑌰𑍁𑌹𑍂𑌤॒ 𑌶𑌤𑍍𑌰𑍂𑌨𑍍॑ । 𑌜𑍍𑌯𑍇𑌷𑍍𑌠॑𑌸𑍍𑌤𑍇॒ 𑌶𑍁𑌷𑍍𑌮॑ 𑌇॒𑌹 𑌰𑌾॒𑌤𑌿𑌰॑𑌸𑍍𑌤𑍁 । 𑌇𑌨𑍍𑌦𑍍𑌰𑌾𑌭॑𑌰॒ 𑌦𑌕𑍍𑌷𑌿॑𑌣𑍇𑌨𑌾॒ 𑌵𑌸𑍂॑𑌨𑌿 । 𑌪𑌤𑌿॒-𑌸𑍍𑌸𑌿𑌨𑍍𑌧𑍂॑𑌨𑌾𑌮𑌸𑌿 𑌰𑍇॒𑌵𑌤𑍀॑𑌨𑌾𑌮𑍍 ॥ 𑌸 𑌶𑍇𑌵𑍃॑𑌧॒𑌮𑌧𑌿॑𑌧𑌾 𑌦𑍍𑌯𑍁॒𑌮𑍍𑌨𑌮॒𑌸𑍍𑌮𑍇 । 𑌮𑌹𑌿॑ 𑌕𑍍𑌷॒𑌤𑍍𑌰-𑌞𑍍𑌜॑𑌨𑌾॒𑌷𑌾𑌡𑌿॑𑌨𑍍𑌦𑍍𑌰॒ 𑌤𑌵𑍍𑌯᳚𑌮𑍍 । 𑌰𑌕𑍍𑌷𑌾॑ 𑌚 𑌨𑍋 𑌮॒𑌘𑍋𑌨𑌃॑ 𑌪𑌾॒𑌹𑌿 𑌸𑍂॒𑌰𑍀𑌨𑍍 । 𑌰𑌾॒𑌯𑍇 𑌚॑ 𑌨-𑌸𑍍𑌸𑍍𑌵𑌪॒𑌤𑍍𑌯𑌾 𑌇॒𑌷𑍇 𑌧𑌾𑌃᳚ ॥ 43 ॥
(𑌰𑍇॒𑌵𑌤𑍀॑𑌨𑌾-𑌞𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 𑍯)

𑌅𑌨𑍁𑌵𑌾𑌕𑌂 10 – 𑌐𑌨𑍍𑌦𑍍𑌰𑍇 𑌪𑍍𑌰𑌶𑍍𑌨𑍌 𑌅𑌨𑍁𑌯𑌾𑌜𑌾𑌨𑌾𑌮𑍇𑌕𑌾𑌦𑌶 𑌮𑍈𑌤𑍍𑌰𑌾𑌵𑌰𑍁𑌣𑌪𑍍𑌰𑍈𑌷𑌾𑌃
𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑌿𑌨𑍍𑌦𑍍𑌰𑌗𑍍𑌮𑍍॑ 𑌸𑍁𑌦𑍇॒𑌵-𑌨𑍍𑌦𑍇॒𑌵𑍈𑌃 । 𑌵𑍀॒𑌰𑌵॑-𑌥𑍍𑌸𑍍𑌤𑍀॒𑌰𑍍𑌣𑌂-𑌵𑍇𑌁𑌦𑍍𑌯𑌾॑𑌮𑌵𑌰𑍍𑌧𑌯𑌤𑍍 । 𑌵𑌸𑍍𑌤𑍋᳚𑌰𑍍𑌵𑍃॒𑌤-𑌮𑍍𑌪𑍍𑌰𑌾𑌕𑍍𑌤𑍋᳚𑌰𑍍𑌭𑍃॒𑌤𑌮𑍍 । 𑌰𑌾॒𑌯𑌾 𑌬॒𑌰𑍍॒𑌹𑌿𑌷𑍍𑌮॒𑌤𑍋-𑌽𑌤𑍍𑌯॑𑌗𑌾𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵𑍀𑌰𑍍𑌦𑍍𑌵𑌾𑌰॒ 𑌇𑌨𑍍𑌦𑍍𑌰𑌗𑍍𑌮𑍍॑ 𑌸𑌙𑍍𑌘𑌾॒𑌤𑍇 । 𑌵𑌿॒𑌡𑍍𑌵𑍀𑌰𑍍𑌯𑌾𑌮॑𑌨𑍍𑌨𑌵𑌰𑍍𑌧𑌯𑌨𑍍𑌨𑍍 । 𑌆 𑌵॒𑌥𑍍𑌸𑍇𑌨॒ 𑌤𑌰𑍁॑𑌣𑍇𑌨 𑌕𑍁𑌮𑌾॒𑌰𑍇𑌣॑ 𑌚 𑌮𑍀𑌵𑌿॒𑌤𑌾 𑌅𑌪𑌾𑌰𑍍𑌵𑌾॑𑌣𑌮𑍍 । 𑌰𑍇॒𑌣𑍁𑌕॑𑌕𑌾𑌟-𑌨𑍍𑌨𑍁𑌦𑌨𑍍𑌤𑌾𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 44 ॥

𑌦𑍇॒𑌵𑍀 𑌉॒𑌷𑌾𑌸𑌾॒ 𑌨𑌕𑍍𑌤𑌾᳚ । 𑌇𑌨𑍍𑌦𑍍𑌰𑌂॑-𑌯𑌁॒𑌜𑍍𑌞𑍇 𑌪𑍍𑌰॑𑌯॒𑌤𑍍𑌯॑𑌹𑍍𑌵𑍇𑌤𑌾𑌮𑍍 । 𑌦𑍈𑌵𑍀॒𑌰𑍍𑌵𑌿𑌶𑌃॒ 𑌪𑍍𑌰𑌾𑌯𑌾॑𑌸𑌿𑌷𑍍𑌟𑌾𑌮𑍍 । 𑌸𑍁𑌪𑍍𑌰𑍀॑𑌤𑍇॒ 𑌸𑍁𑌧𑌿॑𑌤𑍇 𑌅𑌭𑍂𑌤𑌾𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀॒ 𑌵𑌸𑍁॑𑌧𑌿𑌤𑍀 । 𑌦𑍇॒𑌵𑌮𑌿𑌨𑍍𑌦𑍍𑌰॑𑌮𑌵𑌰𑍍𑌧𑌤𑌾𑌮𑍍 । 𑌅𑌯𑌾᳚𑌵𑍍𑌯॒𑌨𑍍𑌯𑌾-𑌽𑌘𑌾 𑌦𑍍𑌵𑍇𑌷𑌾𑌗𑍍𑌮𑍍॑𑌸𑌿 । 𑌆-𑌽𑌨𑍍𑌯𑌾 𑌵𑌾᳚𑌕𑍍𑌷𑍀॒-𑌦𑍍𑌵𑌸𑍁॒ 𑌵𑌾𑌰𑍍𑌯𑌾॑𑌣𑌿 । 𑌯𑌜॑𑌮𑌾𑌨𑌾𑌯 𑌶𑌿𑌕𑍍𑌷𑌿॒𑌤𑍇 ॥ 45 ॥

𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀॒ 𑌦𑍁𑌘𑍇॑ 𑌸𑍁॒𑌦𑍁𑌘𑍇᳚ । 𑌪𑌯॒𑌸𑍇𑌨𑍍𑌦𑍍𑌰॑𑌮𑌵𑌰𑍍𑌧𑌤𑌾𑌮𑍍 । 𑌇𑌷॒𑌮𑍂𑌰𑍍𑌜॑𑌮॒𑌨𑍍𑌯𑌾 𑌽𑌵𑌾᳚𑌕𑍍𑌷𑍀𑌤𑍍 । 𑌸𑌗𑍍𑌧𑌿॒𑌗𑍍𑌮𑍍॒ 𑌸𑌪𑍀॑𑌤𑌿𑌮॒𑌨𑍍𑌯𑌾 । 𑌨𑌵𑍇॑𑌨॒ 𑌪𑍂𑌰𑍍𑌵॒-𑌨𑍍𑌦𑌯॑𑌮𑌾𑌨𑍇 । 𑌪𑍁॒𑌰𑌾॒𑌣𑍇𑌨॒ 𑌨𑌵᳚𑌮𑍍 । 𑌅𑌧𑌾॑𑌤𑌾॒-𑌮𑍂𑌰𑍍𑌜॑𑌮𑍂॒𑌰𑍍𑌜𑌾𑌹𑍁॑𑌤𑍀॒ 𑌵𑌸𑍁॒ 𑌵𑌾𑌰𑍍𑌯𑌾॑𑌣𑌿 । 𑌯𑌜॑𑌮𑌾𑌨𑌾𑌯 𑌶𑌿𑌕𑍍𑌷𑌿॒𑌤𑍇 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 46 ॥

𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 । 𑌦𑍇॒𑌵𑌮𑌿𑌨𑍍𑌦𑍍𑌰॑𑌮𑌵𑌰𑍍𑌧𑌤𑌾𑌮𑍍 । 𑌹॒𑌤𑌾𑌘॑𑌶𑌗𑍍𑌮𑍍 𑌸𑌾॒𑌵𑌾𑌭𑌾᳚𑌰𑍍𑌷𑍍𑌟𑌾𑌂॒-𑌵𑌁𑌸𑍁॒ 𑌵𑌾𑌰𑍍𑌯𑌾॑𑌣𑌿 । 𑌯𑌜॑𑌮𑌾𑌨𑌾𑌯 𑌶𑌿𑌕𑍍𑌷𑌿॒𑌤𑍌 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 𑌦𑍇॒𑌵𑍀𑌸𑍍𑌤𑌿॒𑌸𑍍𑌰𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌃 । 𑌪𑌤𑌿॒𑌮𑌿𑌨𑍍𑌦𑍍𑌰॑𑌮𑌵𑌰𑍍𑌧𑌯𑌨𑍍𑌨𑍍 । 𑌅𑌸𑍍𑌪𑍃॑𑌕𑍍𑌷॒𑌦𑍍𑌭𑌾𑌰॑𑌤𑍀॒ 𑌦𑌿𑌵᳚𑌮𑍍 । 𑌰𑍁॒𑌦𑍍𑌰𑍈𑌰𑍍𑌯॒𑌜𑍍𑌞𑌗𑍍𑌮𑍍 𑌸𑌰॑𑌸𑍍𑌵𑌤𑍀 । 𑌇𑌡𑌾॒ 𑌵𑌸𑍁॑𑌮𑌤𑍀 𑌗𑍃॒𑌹𑌾𑌨𑍍 ॥ 4𑍭 ॥

𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌨𑌰𑌾॒𑌶𑌗𑍍𑌮𑍍𑌸𑌃॑ । 𑌤𑍍𑌰𑌿॒𑌵॒𑌰𑍂॒𑌥-𑌸𑍍𑌤𑍍𑌰𑌿॑𑌵𑌨𑍍𑌧𑍁॒𑌰𑌃 । 𑌦𑍇॒𑌵𑌮𑌿𑌨𑍍𑌦𑍍𑌰॑𑌮𑌵𑌰𑍍𑌧𑌯𑌤𑍍 । 𑌶॒𑌤𑍇𑌨॑ 𑌶𑌿𑌤𑌿𑌪𑍃॒𑌷𑍍𑌠𑌾𑌨𑌾॒𑌮𑌾𑌹𑌿॑𑌤𑌃 । 𑌸॒𑌹𑌸𑍍𑌰𑍇॑𑌣॒ 𑌪𑍍𑌰𑌵॑𑌰𑍍𑌤𑌤𑍇 । 𑌮𑌿॒𑌤𑍍𑌰𑌾𑌵𑌰𑍁॒𑌣𑍇𑌦॑𑌸𑍍𑌯 𑌹𑍋॒𑌤𑍍𑌰𑌮𑌰𑍍𑌹॑𑌤𑌃 । 𑌬𑍃𑌹॒𑌸𑍍𑌪𑌤𑌿॑-𑌸𑍍𑌸𑍍𑌤𑍋॒𑌤𑍍𑌰𑌮𑍍 । 𑌅॒𑌶𑍍𑌵𑌿𑌨𑌾-𑌽𑌽𑌦𑍍𑌧𑍍𑌵॑𑌰𑍍𑌯𑌵𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 4𑍮 ॥

𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌵𑌨॒𑌸𑍍𑌪𑌤𑌿𑌃॑ । 𑌹𑌿𑌰॑𑌣𑍍𑌯𑌪𑌰𑍍𑌣𑍋॒ 𑌮𑌧𑍁॑𑌶𑌾𑌖-𑌸𑍍𑌸𑍁𑌪𑌿𑌪𑍍𑌪॒𑌲𑌃 । 𑌦𑍇॒𑌵𑌮𑌿𑌨𑍍𑌦𑍍𑌰॑𑌮𑌵𑌰𑍍𑌧𑌯𑌤𑍍 । 𑌦𑌿𑌵॒𑌮𑌗𑍍𑌰𑍇॑𑌣𑌾𑌪𑍍𑌰𑌾𑌤𑍍 । 𑌆-𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌥𑌿॒𑌵𑍀𑌮॑𑌦𑍃𑌗𑍍𑌮𑍍𑌹𑍀𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵-𑌮𑍍𑌬॒𑌰॒𑌃𑌇𑌰𑍍𑌵𑌾𑌰𑌿॑𑌤𑍀𑌨𑌾𑌮𑍍 । 𑌦𑍇॒𑌵𑌮𑌿𑌨𑍍𑌦𑍍𑌰॑𑌮𑌵𑌰𑍍𑌧𑌯𑌤𑍍 । 𑌸𑍍𑌵𑌾॒𑌸॒𑌸𑍍𑌥-𑌮𑌿𑌨𑍍𑌦𑍍𑌰𑍇॒𑌣𑌾𑌸॑𑌨𑍍𑌨𑌮𑍍 । 𑌅॒𑌨𑍍𑌯𑌾 𑌬॒𑌰𑍍॒𑌹𑍀𑌗𑍍𑌷𑍍𑌯॒𑌭𑍍𑌯॑𑌭𑍂𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍍 । 𑌦𑍇॒𑌵𑌮𑌿𑌨𑍍𑌦𑍍𑌰॑𑌮𑌵𑌰𑍍𑌧𑌯𑌤𑍍 । 𑌸𑍍𑌵𑌿॑𑌷𑍍𑌟-𑌙𑍍𑌕𑍁॒𑌰𑍍𑌵𑌨𑍍-𑌥𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍍 । 𑌸𑍍𑌵𑌿॑𑌷𑍍𑌟𑌮॒𑌦𑍍𑌯 𑌕॑𑌰𑍋𑌤𑍁 𑌨𑌃 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 4𑍯 ॥
(𑌵𑌿॒𑌯॒𑌨𑍍𑌤𑍁॒ 𑌯𑌜॑ – 𑌶𑌿𑌕𑍍𑌷𑌿॒𑌤𑍇 – 𑌶𑌿॑𑌕𑍍𑌷𑌿॒𑌤𑍇 𑌵॑𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑-𑌗𑍃॒𑌹𑌾𑌨𑍍.-𑌵𑍇॑𑌤𑍁॒ 𑌯𑌜𑌾॑-𑌭𑍂॒-𑌥𑍍𑌷𑌟𑍍𑌚॑) (𑌅. 10)

𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌰𑍍𑌦𑍇॒𑌵𑍀𑌰𑍍𑌦𑍍𑌵𑌾𑌰𑍋॑ 𑌦𑍇॒𑌵𑍀 𑌉॒𑌷𑌾𑌸𑌾॒ 𑌨𑌕𑍍𑌤𑌾॑ 𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀॑ 𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀 𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌶𑌿𑌕𑍍𑌷𑌿॒𑌤𑍌 𑌦𑍇॒𑌵𑍀𑌸𑍍𑌤𑌿॒𑌸𑍍𑌰𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌃 𑌪𑌤𑌿॑-𑌨𑍍𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌨𑌰𑌾॒𑌶𑌗𑍍𑌮𑍍𑌸𑍋॑ 𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌵𑌨॒𑌸𑍍𑌪𑌤𑌿॑-𑌰𑍍𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾-𑌨𑍍𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃-𑌦𑍍𑌦𑍇॒𑌵𑌮𑍍 । 𑌵𑍇॒𑌤𑍁॒ 𑌵𑌿॒𑌯॒𑌨𑍍𑌤𑍁॒ 𑌚॒𑌤𑍁𑌰𑍍𑌵𑍀॑𑌤𑌾॒𑌮𑍇𑌕𑍋॑ 𑌵𑌿𑌯𑌨𑍍𑌤𑍁 𑌚॒𑌤𑍁𑌰𑍍𑌵𑍇॑𑌤𑍁 । 𑌅॒𑌵॒𑌰𑍍𑌧॒𑌯॒𑌦॒𑌵॒𑌰𑍍𑌧॒𑌯॒-𑌨𑍍𑌤𑍍𑌰𑌿𑌰॑𑌵𑌰𑍍𑌧𑌤𑌾॒𑌮𑍇𑌕𑍋॑ 𑌽𑌵𑌰𑍍𑌧𑌯𑌗𑍍𑌗𑍍 𑌶𑍍𑌚॒𑌤𑍁𑌰॑𑌵𑌰𑍍𑌧𑌯𑌤𑍍 । 𑌵𑌸𑍍𑌤𑍋॒𑌰𑌾 𑌵॒𑌥𑍍𑌸𑍇𑌨॒ 𑌦𑍈𑌵𑍀॒𑌰𑌯𑌾॒𑌵𑍀𑌷𑌗𑍍𑌮𑍍॑ 𑌹॒𑌤𑌾𑌸𑍍𑌪𑍃॑𑌕𑍍𑌷𑌚𑍍𑌛॒𑌤𑍇𑌨॒ 𑌦𑌿𑌵॒𑌮𑌿𑌨𑍍𑌦𑍍𑌰𑌗𑍍𑌗𑍍॑ 𑌸𑍍𑌵𑌾𑌸॒𑌸𑍍𑌥𑌗𑍍𑌗𑍍 𑌸𑍍𑌵𑌿॑𑌷𑍍𑌟𑌮𑍍 । 𑌶𑌿𑌕𑍍𑌷𑌿॒𑌤𑍇 𑌶𑌿॑𑌕𑍍𑌷𑌿॒𑌤𑍇 𑌶𑌿॑𑌕𑍍𑌷𑌿॒𑌤𑍌 ।

𑌅𑌨𑍁𑌵𑌾𑌕𑌂 11 – 𑌪𑌶𑍁𑌤𑍍𑌰𑌯𑍇 𑌪𑍍𑌰𑌯 𑌜𑌾𑌰𑍍𑌥𑌾 𑌮𑍈𑌤𑍍𑌰𑌾𑌵𑌰𑍁𑌣𑌪𑍍𑌰𑍈𑌷𑌾𑌃
𑌹𑍋𑌤𑌾॑ 𑌯𑌕𑍍𑌷-𑌥𑍍𑌸॒𑌮𑌿𑌧𑌾॒-𑌽𑌗𑍍𑌨𑌿-𑌮𑌿॒𑌡𑌸𑍍𑌪॒𑌦𑍇 । 𑌅॒𑌶𑍍𑌵𑌿𑌨𑍇𑌨𑍍𑌦𑍍𑌰॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍀𑌮𑍍 । 𑌅॒𑌜𑍋 𑌧𑍂॒𑌮𑍍𑌰𑍋 𑌨 𑌗𑍋॒𑌧𑍂𑌮𑍈𑌃॒ 𑌕𑍍𑌵॑𑌲𑍈𑌰𑍍𑌭𑍇𑌷॒𑌜𑌮𑍍 । 𑌮𑌧𑍁॒ 𑌶𑌷𑍍𑌪𑍈॒𑌰𑍍𑌨 𑌤𑍇𑌜॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌤𑍍𑌤𑌨𑍂॒𑌨𑌪𑌾॒-𑌥𑍍𑌸𑌰॑𑌸𑍍𑌵𑌤𑍀 । 𑌅𑌵𑌿॑𑌰𑍍𑌮𑍇॒𑌷𑍋 𑌨 𑌭𑍇॑𑌷॒𑌜𑌮𑍍 । 𑌪॒𑌥𑌾 𑌮𑌧𑍁॑𑌮॒𑌤𑌾 𑌽𑌽𑌭॑𑌰𑌨𑍍𑌨𑍍 । 𑌅॒𑌶𑍍𑌵𑌿𑌨𑍇𑌨𑍍𑌦𑍍𑌰𑌾॑𑌯 𑌵𑍀॒𑌰𑍍𑌯᳚𑌮𑍍 ॥ 50 ॥

𑌬𑌦॑𑌰𑍈𑌰𑍁𑌪॒𑌵𑌾𑌕𑌾॑𑌭𑌿-𑌰𑍍𑌭𑍇𑌷॒𑌜-𑌨𑍍𑌤𑍋𑌕𑍍𑌮॑𑌭𑌿𑌃 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌨𑍍𑌨𑌰𑌾॒𑌶𑌗𑍍𑌮𑍍𑌸॒𑌨-𑌨𑍍𑌨॒𑌗𑍍𑌨𑌹𑍁᳚𑌮𑍍 । 𑌪𑌤𑌿॒𑌗𑍍𑌮𑍍॒ 𑌸𑍁𑌰𑌾॑𑌯𑍈 𑌭𑍇𑌷॒𑌜𑌮𑍍 । 𑌮𑍇॒𑌷-𑌸𑍍𑌸𑌰॑𑌸𑍍𑌵𑌤𑍀 𑌭𑌿॒𑌷𑌕𑍍 । 𑌰𑌥𑍋॒ 𑌨 𑌚॒𑌨𑍍𑌦𑍍𑌰𑍍𑌯॑𑌶𑍍𑌵𑌿𑌨𑍋᳚𑌰𑍍𑌵॒𑌪𑌾 𑌇𑌨𑍍𑌦𑍍𑌰॑𑌸𑍍𑌯 𑌵𑍀॒𑌰𑍍𑌯᳚𑌮𑍍 । 𑌬𑌦॑𑌰𑍈𑌰𑍁𑌪॒𑌵𑌾𑌕𑌾॑𑌭𑌿-𑌰𑍍𑌭𑍇𑌷॒𑌜-𑌨𑍍𑌤𑍋𑌕𑍍𑌮॑𑌭𑌿𑌃 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 51 ॥

𑌹𑍋𑌤𑌾॑ 𑌯𑌕𑍍𑌷𑌦𑌿॒𑌡𑍇𑌡𑌿॒𑌤 𑌆॒𑌜𑍁𑌹𑍍𑌵𑌾॑𑌨॒-𑌸𑍍𑌸𑌰॑𑌸𑍍𑌵𑌤𑍀𑌮𑍍 । 𑌇𑌨𑍍𑌦𑍍𑌰॒-𑌮𑍍𑌬𑌲𑍇॑𑌨 𑌵॒𑌰𑍍𑌧𑌯𑌨𑍍𑌨𑍍॑ । 𑌋॒𑌷॒𑌭𑍇𑌣॒ 𑌗𑌵𑍇᳚𑌨𑍍𑌦𑍍𑌰𑌿॒𑌯𑌮𑍍 । 𑌅॒𑌶𑍍𑌵𑌿𑌨𑍇𑌨𑍍𑌦𑍍𑌰𑌾॑𑌯 𑌵𑍀॒𑌰𑍍𑌯᳚𑌮𑍍 । 𑌯𑌵𑍈𑌃᳚ 𑌕॒𑌰𑍍𑌕𑌨𑍍𑌧𑍁॑𑌭𑌿𑌃 । 𑌮𑌧𑍁॑ 𑌲𑌾॒𑌜𑍈𑌰𑍍𑌨 𑌮𑌾𑌸॑𑌰𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌦𑍍𑌬॒𑌰॒𑌃𑌇-𑌸𑍍𑌸𑍁॒𑌷𑍍𑌟𑌰𑍀॒𑌮𑍋-𑌽𑌰𑍍𑌣॑𑌮𑍍𑌰𑌦𑌾𑌃 । 𑌭𑌿॒𑌷𑌨𑍍𑌨𑌾𑌸॑𑌤𑍍𑌯𑌾 ॥ 52 ॥

𑌭𑌿॒𑌷𑌜𑌾॒-𑌽𑌶𑍍𑌵𑌿𑌨𑌾-𑌽𑌶𑍍𑌵𑌾॒ 𑌶𑌿𑌶𑍁॑𑌮𑌤𑍀 । 𑌭𑌿॒𑌷𑌗𑍍𑌧𑍇॒𑌨𑍁-𑌸𑍍𑌸𑌰॑𑌸𑍍𑌵𑌤𑍀 । 𑌭𑌿॒𑌷𑌗𑍍𑌦𑍁॒𑌹 𑌇𑌨𑍍𑌦𑍍𑌰𑌾॑𑌯 𑌭𑍇𑌷॒𑌜𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌦𑍍𑌦𑍁𑌰𑍋॒ 𑌦𑌿𑌶𑌃॑ । 𑌕॒𑌵॒𑌷𑍍𑌯𑍋॑ 𑌨 𑌵𑍍𑌯𑌚॑𑌸𑍍𑌵𑌤𑍀𑌃 । 𑌅॒𑌶𑍍𑌵𑌿𑌭𑍍𑌯𑌾॒-𑌨𑍍𑌨 𑌦𑍁𑌰𑍋॒ 𑌦𑌿𑌶𑌃॑ । 𑌇𑌨𑍍𑌦𑍍𑌰𑍋॒ 𑌨 𑌰𑍋𑌦॑𑌸𑍀॒ 𑌦𑍁𑌘𑍇᳚ । 𑌦𑍁॒𑌹𑍇 𑌕𑌾𑌮𑌾॒𑌨𑍍-𑌥𑍍𑌸𑌰॑𑌸𑍍𑌵𑌤𑍀 ॥ 53 ॥

𑌅॒𑌶𑍍𑌵𑌿𑌨𑍇𑌨𑍍𑌦𑍍𑌰𑌾॑𑌯 𑌭𑍇𑌷॒𑌜𑌮𑍍 । 𑌶𑍁॒𑌕𑍍𑌰-𑌨𑍍𑌨 𑌜𑍍𑌯𑍋𑌤𑌿॑𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌥𑍍𑌸𑍁॒𑌪𑍇𑌶॑𑌸𑍋॒𑌷𑍇 𑌨𑌕𑍍𑌤॒-𑌨𑍍𑌦𑌿𑌵𑌾᳚ । 𑌅॒𑌶𑍍𑌵𑌿𑌨𑌾॑ 𑌸𑌞𑍍𑌜𑌾𑌨𑌾॒𑌨𑍇 । 𑌸𑌮॑𑌞𑍍𑌜𑌾𑌤𑍇॒ 𑌸𑌰॑𑌸𑍍𑌵𑌤𑍍𑌯𑌾 । 𑌤𑍍𑌵𑌿𑌷𑌿॒𑌮𑌿𑌨𑍍𑌦𑍍𑌰𑍇॒ 𑌨 𑌭𑍇॑𑌷॒𑌜𑌮𑍍 । 𑌶𑍍𑌯𑍇॒𑌨𑍋 𑌨 𑌰𑌜॑𑌸𑌾 𑌹𑍃॒𑌦𑌾 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ ॥ 54 ॥

𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌦𑍍𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌭𑌿॒𑌷𑌜𑌾॒-𑌽𑌶𑍍𑌵𑌿𑌨𑌾᳚ । 𑌇𑌨𑍍𑌦𑍍𑌰॒-𑌨𑍍𑌨 𑌜𑌾𑌗𑍃॑𑌵𑍀॒ 𑌦𑌿𑌵𑌾॒ 𑌨𑌕𑍍𑌤॒-𑌨𑍍𑌨 𑌭𑍇॑𑌷॒𑌜𑍈𑌃 । 𑌶𑍂𑌷॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍀 𑌭𑌿॒𑌷𑌕𑍍 । 𑌸𑍀𑌸𑍇॑𑌨 𑌦𑍁𑌹 𑌇𑌨𑍍𑌦𑍍𑌰𑌿॒𑌯𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌤𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑍍𑌨 𑌭𑍇॑𑌷॒𑌜𑌮𑍍 । 𑌤𑍍𑌰𑌯॑𑌸𑍍𑌤𑍍𑌰𑌿॒𑌧𑌾𑌤॑𑌵𑍋॒-𑌽𑌪𑌸𑌃॑ । 𑌰𑍂॒𑌪𑌮𑌿𑌨𑍍𑌦𑍍𑌰𑍇॑ 𑌹𑌿𑌰॒𑌣𑍍𑌯𑌯᳚𑌮𑍍 ॥ 55 ॥

𑌅॒𑌶𑍍𑌵𑌿𑌨𑍇𑌡𑌾॒ 𑌨 𑌭𑌾𑌰॑𑌤𑍀 । 𑌵𑌾॒𑌚𑌾 𑌸𑌰॑𑌸𑍍𑌵𑌤𑍀 । 𑌮𑌹॒ 𑌇𑌨𑍍𑌦𑍍𑌰𑌾॑𑌯 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌤𑍍𑌤𑍍𑌵𑌷𑍍𑌟𑌾॑𑌰॒-𑌮𑌿𑌨𑍍𑌦𑍍𑌰॑𑌮॒𑌶𑍍𑌵𑌿𑌨𑌾᳚ । 𑌭𑌿॒𑌷𑌜॒-𑌨𑍍𑌨 𑌸𑌰॑𑌸𑍍𑌵𑌤𑍀𑌮𑍍 । 𑌓𑌜𑍋॒ 𑌨 𑌜𑍂॒𑌤𑌿𑌰𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌵𑍃𑌕𑍋॒ 𑌨 𑌰॑𑌭॒𑌸𑍋 𑌭𑌿॒𑌷𑌕𑍍 । 𑌯𑌶॒-𑌸𑍍𑌸𑍁𑌰॑𑌯𑌾 𑌭𑍇𑌷॒𑌜𑌮𑍍 ॥ 56 ॥

𑌶𑍍𑌰𑌿॒𑌯𑌾 𑌨 𑌮𑌾𑌸॑𑌰𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌵𑌨॒𑌸𑍍𑌪𑌤𑌿᳚𑌮𑍍 । 𑌶॒𑌮𑌿॒𑌤𑌾𑌰𑌗𑍍𑌮𑍍॑ 𑌶॒𑌤𑌕𑍍𑌰॑𑌤𑍁𑌮𑍍 । 𑌭𑍀॒𑌮-𑌨𑍍𑌨 𑌮॒𑌨𑍍𑌯𑍁𑌗𑍍𑌮𑍍 𑌰𑌾𑌜𑌾॑𑌨𑌂-𑌵𑍍𑌯𑌾𑌁॒𑌘𑍍𑌰-𑌨𑍍𑌨𑌮॑𑌸𑌾॒-𑌽𑌶𑍍𑌵𑌿𑌨𑌾॒ 𑌭𑌾𑌮᳚𑌮𑍍 । 𑌸𑌰॑𑌸𑍍𑌵𑌤𑍀 𑌭𑌿॒𑌷𑌕𑍍 । 𑌇𑌨𑍍𑌦𑍍𑌰𑌾॑𑌯 𑌦𑍁𑌹 𑌇𑌨𑍍𑌦𑍍𑌰𑌿॒𑌯𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 5𑍭 ॥

𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌗𑍍𑌗𑍍 𑌸𑍍𑌵𑌾𑌹𑌾-𑌽𑌽𑌜𑍍𑌯॑𑌸𑍍𑌯 𑌸𑍍𑌤𑍋॒𑌕𑌾𑌨𑌾᳚𑌮𑍍 । 𑌸𑍍𑌵𑌾𑌹𑌾॒ 𑌮𑍇𑌦॑𑌸𑌾॒-𑌮𑍍𑌪𑍃𑌥॑𑌕𑍍 । 𑌸𑍍𑌵𑌾𑌹𑌾॒ 𑌛𑌾𑌗॑𑌮॒𑌶𑍍𑌵𑌿𑌭𑍍𑌯𑌾᳚𑌮𑍍 । 𑌸𑍍𑌵𑌾𑌹𑌾॑ 𑌮𑍇॒𑌷𑌗𑍍𑌮𑍍 𑌸𑌰॑𑌸𑍍𑌵𑌤𑍍𑌯𑍈 । 𑌸𑍍𑌵𑌾𑌹𑌾॑𑌰𑍍𑌷॒𑌭-𑌮𑌿𑌨𑍍𑌦𑍍𑌰𑌾॑𑌯 𑌸𑌿॒𑌗𑍍𑌮𑍍॒𑌹𑌾𑌯॒ 𑌸𑌹॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌸𑍍𑌵𑌾𑌹𑌾॒-𑌽𑌗𑍍𑌨𑌿-𑌨𑍍𑌨 𑌭𑍇॑𑌷॒𑌜𑌮𑍍 । 𑌸𑍍𑌵𑌾𑌹𑌾॒ 𑌸𑍋𑌮॑𑌮𑌿𑌨𑍍𑌦𑍍𑌰𑌿॒𑌯𑌮𑍍 । 𑌸𑍍𑌵𑌾𑌹𑍇𑌨𑍍𑌦𑍍𑌰𑌗𑍍𑌮𑍍॑ 𑌸𑍁॒𑌤𑍍𑌰𑌾𑌮𑌾॑𑌣𑌗𑍍𑌮𑍍 𑌸𑌵𑌿॒𑌤𑌾𑌰𑌂॒-𑌵𑌁𑌰𑍁॑𑌣-𑌮𑍍𑌭𑌿॒𑌷𑌜𑌾॒-𑌮𑍍𑌪𑌤𑌿᳚𑌮𑍍 । 𑌸𑍍𑌵𑌾𑌹𑌾॒ 𑌵𑌨॒𑌸𑍍𑌪𑌤𑌿॑-𑌮𑍍𑌪𑍍𑌰𑌿॒𑌯-𑌮𑍍𑌪𑌾𑌥𑍋॒ 𑌨 𑌭𑍇॑𑌷॒𑌜𑌮𑍍 । 𑌸𑍍𑌵𑌾𑌹𑌾॑ 𑌦𑍇॒𑌵𑌾𑌗𑍍𑌮𑍍 𑌆᳚𑌜𑍍𑌯॒𑌪𑌾𑌨𑍍 ॥ 5𑍮 ॥

𑌸𑍍𑌵𑌾𑌹𑌾॒-𑌽𑌗𑍍𑌨𑌿𑌗𑍍𑌮𑍍 𑌹𑍋॒𑌤𑍍𑌰𑌾𑌜𑍍𑌜𑍁॑𑌷𑌾॒𑌣𑍋 𑌅॒𑌗𑍍𑌨𑌿-𑌰𑍍𑌭𑍇॑𑌷॒𑌜𑌮𑍍 । 𑌪𑌯॒-𑌸𑍍𑌸𑍋𑌮𑌃॑ 𑌪𑌰𑌿॒𑌸𑍍𑌰𑍁𑌤𑌾॑ 𑌘𑍃॒𑌤-𑌮𑍍𑌮𑌧𑍁॑ । 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷𑌦॒𑌶𑍍𑌵𑌿𑌨𑌾॒ 𑌸𑌰॑𑌸𑍍𑌵𑌤𑍀॒𑌮𑌿𑌨𑍍𑌦𑍍𑌰𑌗𑍍𑌮𑍍॑ 𑌸𑍁॒𑌤𑍍𑌰𑌾𑌮𑌾॑𑌣𑌮𑍍 । 𑌇॒𑌮𑍇 𑌸𑍋𑌮𑌾᳚-𑌸𑍍𑌸𑍁॒𑌰𑌾𑌮𑌾॑𑌣𑌃 । 𑌛𑌾𑌗𑍈॒𑌰𑍍𑌨 𑌮𑍇॒𑌷𑍈𑌰𑍍-𑌋॑𑌷॒𑌭𑍈-𑌸𑍍𑌸𑍁॒𑌤𑌾𑌃 । 𑌶𑌷𑍍𑌪𑍈॒𑌰𑍍𑌨 𑌤𑍋𑌕𑍍𑌮॑𑌭𑌿𑌃 । 𑌲𑌾॒𑌜𑍈𑌰𑍍𑌮𑌹॑𑌸𑍍𑌵𑌨𑍍𑌤𑌃 । 𑌮𑌦𑌾॒ 𑌮𑌾𑌸॑𑌰𑍇𑌣॒ 𑌪𑌰𑌿॑𑌷𑍍𑌕𑍃𑌤𑌾𑌃 । 𑌶𑍁॒𑌕𑍍𑌰𑌾𑌃 𑌪𑌯॑𑌸𑍍𑌵𑌨𑍍𑌤𑍋॒-𑌽𑌮𑍃𑌤𑌾𑌃᳚ । 𑌪𑍍𑌰𑌸𑍍𑌥𑌿॑𑌤𑌾 𑌵𑍋 𑌮𑌧𑍁॒𑌶𑍍𑌚𑍁𑌤𑌃॑ । 𑌤𑌾𑌨॒𑌶𑍍𑌵𑌿𑌨𑌾॒ 𑌸𑌰॑𑌸𑍍𑌵॒𑌤𑍀𑌨𑍍𑌦𑍍𑌰॑-𑌸𑍍𑌸𑍁॒𑌤𑍍𑌰𑌾𑌮𑌾॑ 𑌵𑍃𑌤𑍍𑌰॒𑌹𑌾 । 𑌜𑍁॒𑌷𑌨𑍍𑌤𑌾𑌗𑍍𑌮𑍍॑ 𑌸𑍌॒𑌮𑍍𑌯-𑌮𑍍𑌮𑌧𑍁॑ । 𑌪𑌿𑌬॑𑌨𑍍𑌤𑍁॒ 𑌮𑌦॑𑌨𑍍𑌤𑍁 𑌵𑌿॒𑌯𑌨𑍍𑌤𑍁॒ 𑌸𑍋𑌮᳚𑌮𑍍 । 𑌹𑍋𑌤॒𑌰𑍍𑌯𑌜॑ ॥ 5𑍯 ॥
(𑌵𑍀॒𑌰𑍍𑌯𑌂 – 𑌁𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॒ – 𑌨𑌾𑌸॑𑌤𑍍𑌯𑌾॒ – 𑌸𑌰॑𑌸𑍍𑌵𑌤𑍀॒ – 𑌮𑌧𑍁॑ – 𑌹𑌿𑌰॒𑌣𑍍𑌯𑌯𑌂॑ – 𑌭𑍇𑌷॒𑌜𑌂 – 𑌁𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜𑌾᳚ – 𑌜𑍍𑌯॒𑌪𑌾 – 𑌨॒𑌮𑍃𑌤𑌾𑌃॒ 𑌪𑌞𑍍𑌚॑ 𑌚) (𑌅. 11)

𑌸॒𑌮𑌿𑌧𑌾॒-𑌽𑌗𑍍𑌨𑌿𑌗𑍍𑌮𑍍 𑌷𑌟𑍍 । 𑌤𑌨𑍂॒𑌨𑌪𑌾᳚-𑌥𑍍𑌸॒𑌪𑍍𑌤 । 𑌨𑌰𑌾॒𑌶𑌗𑍍𑌮𑍍𑌸॒𑌮𑍃𑌷𑌿𑌃॑ । 𑌇॒𑌡𑍇𑌡𑌿॒𑌤𑍋 𑌯𑌵𑍈॑𑌰॒𑌷𑍍𑌟𑍌 । 𑌬॒𑌰𑍍॒𑌹𑌿-𑌸𑍍𑌸॒𑌪𑍍𑌤 । 𑌦𑍁𑌰𑍋॒-𑌽𑌶𑍍𑌵𑌿𑌨𑌾॑ 𑌶𑍁॒𑌕𑍍𑌰𑌨𑍍𑌨𑌵॑ । 𑌸𑍁॒𑌪𑍇𑌶॑𑌸𑍋॒𑌷𑍇 𑌨𑌕𑍍𑌤॒𑌮𑍃𑌷𑌿𑌃॑। 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾॒ 𑌸𑍀𑌸𑍇॑𑌨॒ 𑌰𑌸𑌃॑ । 𑌤𑌿॒𑌸𑍍𑌰𑌸𑍍𑌤𑍍𑌵𑌷𑍍𑌟𑌾॑𑌰𑌮॒𑌷𑍍𑌟𑌾𑌵॑𑌷𑍍𑌟𑍌 । 𑌵𑌨॒𑌸𑍍𑌪𑌤𑌿॒𑌮𑍃𑌷𑌿𑌃॑ । 𑌅॒𑌗𑍍𑌨𑌿-𑌨𑍍𑌤𑍍𑌰𑌯𑍋॑𑌦𑌶 । 𑌅॒𑌶𑍍𑌵𑌿𑌨𑌾॒ 𑌦𑍍𑌵𑌾𑌦॑𑌶॒ 𑌤𑍍𑌰𑌯𑍋॑𑌦𑌶 । 𑌸॒𑌮𑌿𑌧𑌾॒-𑌽𑌗𑍍𑌨𑌿-𑌮𑍍𑌬𑌦॑𑌰𑍈॒-𑌰𑍍𑌬𑌦॑𑌰𑍈॒-𑌰𑍍𑌯𑌵𑍈॑𑌰॒𑌶𑍍𑌵𑌿𑌨𑌾॒ 𑌤𑍍𑌵𑌿𑌷𑌿॑𑌮॒𑌶𑍍𑌵𑌿𑌨𑌾॒ 𑌨 𑌭𑍇॑𑌷॒𑌜𑌗𑍍𑌮𑍍 𑌰𑍂॒𑌪𑌮॒𑌶𑍍𑌵𑌿𑌨𑌾॑ 𑌭𑍀॒𑌮-𑌮𑍍𑌭𑌾𑌮᳚𑌮𑍍 ।

𑌅𑌨𑍁𑌵𑌾𑌕𑌂 12 – 𑌪𑌶𑍁𑌤𑍍𑌰𑌯𑍇 𑌪𑍍𑌰𑌯𑌾𑌜𑌯𑌾𑌜𑍍𑌯𑌾 𑌆𑌪𑍍𑌰𑌿𑌯𑌃
𑌸𑌮𑌿॑𑌦𑍍𑌧𑍋 𑌅॒𑌗𑍍𑌨𑌿𑌰॑𑌶𑍍𑌵𑌿𑌨𑌾 । 𑌤॒𑌪𑍍𑌤𑍋 𑌘॒𑌰𑍍𑌮𑍋 𑌵𑌿॒𑌰𑌾𑌟𑍍-𑌥𑍍𑌸𑍁॒𑌤𑌃 । 𑌦𑍁॒𑌹𑍇 𑌧𑍇॒𑌨𑍁-𑌸𑍍𑌸𑌰॑𑌸𑍍𑌵𑌤𑍀 । 𑌸𑍋𑌮𑌗𑍍𑌮𑍍॑ 𑌶𑍁॒𑌕𑍍𑌰𑌮𑌿॒𑌹𑍇𑌨𑍍𑌦𑍍𑌰𑌿॒𑌯𑌮𑍍 ॥ 𑌤॒𑌨𑍂॒𑌪𑌾 𑌭𑌿॒𑌷𑌜𑌾॑ 𑌸𑍁॒𑌤𑍇 । 𑌅॒𑌶𑍍𑌵𑌿𑌨𑍋॒𑌭𑌾 𑌸𑌰॑𑌸𑍍𑌵𑌤𑍀 । 𑌮𑌦𑍍𑌧𑍍𑌵𑌾॒ 𑌰𑌜𑌾𑌗𑍍𑌮𑍍॑𑌸𑍀𑌨𑍍𑌦𑍍𑌰𑌿॒𑌯𑌮𑍍 । 𑌇𑌨𑍍𑌦𑍍𑌰𑌾॑𑌯 𑌪॒𑌥𑌿𑌭𑌿॑-𑌰𑍍𑌵𑌹𑌾𑌨𑍍 ॥ 𑌇𑌨𑍍𑌦𑍍𑌰𑌾॒𑌯𑍇𑌨𑍍𑌦𑍁॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍀 । 𑌨𑌰𑌾॒𑌶𑌗𑍍𑌮𑍍𑌸𑍇॑𑌨 𑌨॒𑌗𑍍𑌨𑌹𑍁𑌃॑ ॥ 60 ॥

𑌅𑌧𑌾॑𑌤𑌾𑌮॒𑌶𑍍𑌵𑌿𑌨𑌾॒ 𑌮𑌧𑍁॑ । 𑌭𑍇॒𑌷॒𑌜-𑌮𑍍𑌭𑌿॒𑌷𑌜𑌾॑ 𑌸𑍁॒𑌤𑍇 ॥ 𑌆॒𑌜𑍁𑌹𑍍𑌵𑌾॑𑌨𑌾॒ 𑌸𑌰॑𑌸𑍍𑌵𑌤𑍀 । 𑌇𑌨𑍍𑌦𑍍𑌰𑌾॑𑌯𑍇𑌨𑍍𑌦𑍍𑌰𑌿॒𑌯𑌾𑌣𑌿॑ 𑌵𑍀॒𑌰𑍍𑌯᳚𑌮𑍍 । 𑌇𑌡𑌾॑𑌭𑌿𑌰𑌶𑍍𑌵𑌿𑌨𑌾॒𑌵𑌿𑌷᳚𑌮𑍍 । 𑌸𑌮𑍂𑌰𑍍𑌜॒𑌗𑍍𑌮𑍍॒ 𑌸𑌗𑍍𑌮𑍍 𑌰॒𑌯𑌿-𑌨𑍍𑌦॑𑌧𑍁𑌃 ॥ 𑌅𑌶𑍍𑌵𑌿॑𑌨𑌾॒ 𑌨𑌮𑍁॑𑌚𑍇-𑌸𑍍𑌸𑍁॒𑌤𑌮𑍍 । 𑌸𑍋𑌮𑌗𑍍𑌮𑍍॑ 𑌶𑍁॒𑌕𑍍𑌰-𑌮𑍍𑌪॑𑌰𑌿॒𑌸𑍍𑌰𑍁𑌤𑌾᳚ । 𑌸𑌰॑𑌸𑍍𑌵𑌤𑍀॒ 𑌤𑌮𑌾𑌭॑𑌰𑌤𑍍 । 𑌬॒𑌰𑍍॒𑌹𑌿𑌷𑍇𑌨𑍍𑌦𑍍𑌰𑌾॑𑌯॒ 𑌪𑌾𑌤॑𑌵𑍇 ॥ 61 ॥

𑌕॒𑌵॒𑌷𑍍𑌯𑍋॑ 𑌨 𑌵𑍍𑌯𑌚॑𑌸𑍍𑌵𑌤𑍀𑌃 । 𑌅॒𑌶𑍍𑌵𑌿𑌭𑍍𑌯𑌾॒-𑌨𑍍𑌨 𑌦𑍁𑌰𑍋॒ 𑌦𑌿𑌶𑌃॑ । 𑌇𑌨𑍍𑌦𑍍𑌰𑍋॒ 𑌨 𑌰𑍋𑌦॑𑌸𑍀॒ 𑌦𑍁𑌘𑍇᳚ । 𑌦𑍁॒𑌹𑍇 𑌕𑌾𑌮𑌾॒𑌨𑍍-𑌥𑍍𑌸𑌰॑𑌸𑍍𑌵𑌤𑍀 ॥ 𑌉॒𑌷𑌾𑌸𑌾॒ 𑌨𑌕𑍍𑌤॑𑌮𑌶𑍍𑌵𑌿𑌨𑌾 । 𑌦𑌿𑌵𑍇𑌨𑍍𑌦𑍍𑌰𑌗𑍍𑌮𑍍॑ 𑌸𑌾॒𑌯𑌮𑌿॑𑌨𑍍𑌦𑍍𑌰𑌿॒𑌯𑍈𑌃 । 𑌸॒𑌜𑌾॒𑌨𑍍𑌨𑌾॒𑌨𑍇 𑌸𑍁॒𑌪𑍇𑌶॑𑌸𑌾 । 𑌸𑌮॑𑌞𑍍𑌜𑌾𑌤𑍇॒ 𑌸𑌰॑𑌸𑍍𑌵𑌤𑍍𑌯𑌾 ॥ 𑌪𑌾॒𑌤-𑌨𑍍𑌨𑍋॑ 𑌅𑌶𑍍𑌵𑌿𑌨𑌾॒ 𑌦𑌿𑌵𑌾᳚ । 𑌪𑌾॒𑌹𑌿 𑌨𑌕𑍍𑌤𑌗𑍍𑌮𑍍॑ 𑌸𑌰𑌸𑍍𑌵𑌤𑌿 ॥ 62 ॥

𑌦𑍈𑌵𑍍𑌯𑌾॑ 𑌹𑍋𑌤𑌾𑌰𑌾 𑌭𑌿𑌷𑌜𑌾 । 𑌪𑌾॒𑌤𑌮𑌿𑌨𑍍𑌦𑍍𑌰॒𑌗𑍍𑌮𑍍॒ 𑌸𑌚𑌾॑ 𑌸𑍁॒𑌤𑍇 ॥ 𑌤𑌿॒𑌸𑍍𑌰𑌸𑍍𑌤𑍍𑌰𑍇॒𑌧𑌾 𑌸𑌰॑𑌸𑍍𑌵𑌤𑍀 । 𑌅॒𑌶𑍍𑌵𑌿𑌨𑌾॒ 𑌭𑌾𑌰॒𑌤𑍀𑌡𑌾᳚ । 𑌤𑍀॒𑌵𑍍𑌰-𑌮𑍍𑌪॑𑌰𑌿॒𑌸𑍍𑌰𑍁𑌤𑌾॒ 𑌸𑍋𑌮᳚𑌮𑍍 । 𑌇𑌨𑍍𑌦𑍍𑌰𑌾॑𑌯 𑌸𑍁𑌷𑌵𑍁॒𑌰𑍍𑌮𑌦᳚𑌮𑍍 ॥ 𑌅𑌶𑍍𑌵𑌿॑𑌨𑌾 𑌭𑍇𑌷॒𑌜-𑌮𑍍𑌮𑌧𑍁॑ । 𑌭𑍇॒𑌷॒𑌜-𑌨𑍍𑌨॒-𑌸𑍍𑌸𑌰॑𑌸𑍍𑌵𑌤𑍀 । 𑌇𑌨𑍍𑌦𑍍𑌰𑍇॒ 𑌤𑍍𑌵𑌷𑍍𑌟𑌾॒ 𑌯𑌶॒-𑌶𑍍𑌶𑍍𑌰𑌿𑌯᳚𑌮𑍍 । 𑌰𑍂॒𑌪𑌗𑍍𑌮𑍍 𑌰𑍂॑𑌪𑌮𑌧𑍁-𑌸𑍍𑌸𑍁॒𑌤𑍇 ॥ 𑌋॒𑌤𑍁॒𑌥𑍇𑌨𑍍𑌦𑍍𑌰𑍋॒ 𑌵𑌨॒𑌸𑍍𑌪𑌤𑌿𑌃॑ । 𑌶॒𑌶॒𑌮𑌾॒𑌨𑌃 𑌪॑𑌰𑌿॒𑌸𑍍𑌰𑍁𑌤𑌾᳚ । 𑌕𑍀॒𑌲𑌾𑌲॑𑌮॒𑌶𑍍𑌵𑌿𑌭𑍍𑌯𑌾॒-𑌮𑍍𑌮𑌧𑍁॑ । 𑌦𑍁॒𑌹𑍇 𑌧𑍇॒𑌨𑍁-𑌸𑍍𑌸𑌰॑𑌸𑍍𑌵𑌤𑍀 ॥ 𑌗𑍋𑌭𑌿॒𑌰𑍍𑌨 𑌸𑍋𑌮॑𑌮𑌶𑍍𑌵𑌿𑌨𑌾 । 𑌮𑌾𑌸॑𑌰𑍇𑌣 𑌪𑌰𑌿॒𑌷𑍍𑌕𑍃𑌤𑌾᳚ । 𑌸𑌮॑𑌧𑌾𑌤𑌾॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍍𑌯𑌾 । 𑌸𑍍𑌵𑌾𑌹𑍇𑌨𑍍𑌦𑍍𑌰𑍇॑ 𑌸𑍁॒𑌤-𑌮𑍍𑌮𑌧𑍁॑ ॥ 63 ॥
(𑌨॒𑌗𑍍𑌨𑌹𑍁𑌃॒ – 𑌪𑌾𑌤॑𑌵𑍇 – 𑌸𑌰𑌸𑍍𑌵 – 𑌤𑍍𑌯𑌧𑍁-𑌸𑍍𑌸𑍁॒𑌤𑍇᳚-𑌽𑌷𑍍𑌟𑍌 𑌚॑) (𑌅. 12)

𑌅𑌨𑍁𑌵𑌾𑌕𑌂 13 – 𑌪𑌶𑍁𑌤𑍍𑌰𑌯𑍇 𑌵𑌪𑌾𑌦𑍀𑌨𑌾𑌂-𑌯𑌾𑌁𑌜𑍍𑌯𑌾𑌨𑍁𑌵𑌾𑌕𑍍𑌯𑌾𑌃
𑌅॒𑌶𑍍𑌵𑌿𑌨𑌾॑ 𑌹॒𑌵𑌿𑌰𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌨𑌮𑍁॑𑌚𑍇𑌰𑍍𑌧𑌿॒𑌯𑌾 𑌸𑌰॑𑌸𑍍𑌵𑌤𑍀 । 𑌆 𑌶𑍁॒𑌕𑍍𑌰𑌮𑌾॑𑌸𑍁॒𑌰𑌾𑌦𑍍𑌵॒𑌸𑍁 । 𑌮॒𑌘𑌮𑌿𑌨𑍍𑌦𑍍𑌰𑌾॑𑌯 𑌜𑌭𑍍𑌰𑌿𑌰𑍇 ॥ 𑌯𑌮॒𑌶𑍍𑌵𑌿𑌨𑌾॒ 𑌸𑌰॑𑌸𑍍𑌵𑌤𑍀 । 𑌹॒𑌵𑌿𑌷𑍇𑌨𑍍𑌦𑍍𑌰॒-𑌮𑌵॑𑌰𑍍𑌧𑌯𑌨𑍍𑌨𑍍 । 𑌸 𑌬𑌿॑𑌭𑍇𑌦 𑌬॒𑌲𑌂 (𑌵॒𑌲𑌂) 𑌮॒𑌘𑌮𑍍 । 𑌨𑌮𑍁॑𑌚𑌾𑌵𑌾𑌸𑍁॒𑌰𑍇 𑌸𑌚𑌾᳚ । 𑌤𑌮𑌿𑌨𑍍𑌦𑍍𑌰॑-𑌮𑍍𑌪॒𑌶𑌵॒-𑌸𑍍𑌸𑌚𑌾᳚ ॥ 𑌅॒𑌶𑍍𑌵𑌿𑌨𑍋॒𑌭𑌾 𑌸𑌰॑𑌸𑍍𑌵𑌤𑍀 ॥ 64 ॥

𑌦𑌧𑌾॑𑌨𑌾 𑌅॒𑌭𑍍𑌯॑𑌨𑍂𑌷𑌤 । 𑌹॒𑌵𑌿𑌷𑌾॑ 𑌯॒𑌜𑍍𑌞𑌮𑌿॑𑌨𑍍𑌦𑍍𑌰𑌿॒𑌯𑌮𑍍 ॥ 𑌯 𑌇𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॒𑌧𑍁𑌃 । 𑌸॒𑌵𑌿॒𑌤𑌾 𑌵𑌰𑍁॑𑌣𑍋॒ 𑌭𑌗𑌃॑ । 𑌸 𑌸𑍁॒𑌤𑍍𑌰𑌾𑌮𑌾॑ 𑌹॒𑌵𑌿𑌷𑍍𑌪॑𑌤𑌿𑌃 । 𑌯𑌜॑𑌮𑌾𑌨𑌾𑌯 𑌸𑌶𑍍𑌚𑌤 ॥ 𑌸॒𑌵𑌿॒𑌤𑌾 𑌵𑌰𑍁॑𑌣𑍋॒ 𑌦𑌧॑𑌤𑍍 । 𑌯𑌜॑𑌮𑌾𑌨𑌾𑌯 𑌦𑌾॒𑌶𑍁𑌷𑍇᳚ । 𑌆𑌦॑𑌤𑍍𑌤॒ 𑌨𑌮𑍁॑𑌚𑍇॒𑌰𑍍𑌵𑌸𑍁॑ । 𑌸𑍁॒𑌤𑍍𑌰𑌾𑌮𑌾॒ 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌮𑍍 ॥ 65 ॥

𑌵𑌰𑍁॑𑌣𑌃, 𑌕𑍍𑌷॒𑌤𑍍𑌰𑌮𑌿॑𑌨𑍍𑌦𑍍𑌰𑌿॒𑌯𑌮𑍍 । 𑌭𑌗𑍇॑𑌨 𑌸𑌵𑌿॒𑌤𑌾 𑌶𑍍𑌰𑌿𑌯᳚𑌮𑍍 । 𑌸𑍁॒𑌤𑍍𑌰𑌾𑌮𑌾॒ 𑌯𑌶॑𑌸𑌾॒ 𑌬𑌲᳚𑌮𑍍 । 𑌦𑌧𑌾॑𑌨𑌾 𑌯॒𑌜𑍍𑌞𑌮𑌾॑𑌶𑌤 ॥ 𑌅𑌶𑍍𑌵𑌿॑𑌨𑌾॒ 𑌗𑍋𑌭𑌿॑𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌅𑌶𑍍𑌵𑍇॑𑌭𑌿-𑌰𑍍𑌵𑍀॒𑌰𑍍𑌯॑-𑌮𑍍𑌬𑌲᳚𑌮𑍍 । 𑌹॒𑌵𑌿𑌷𑍇𑌨𑍍𑌦𑍍𑌰॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍀 । 𑌯𑌜॑𑌮𑌾𑌨-𑌮𑌵𑌰𑍍𑌧𑌯𑌨𑍍𑌨𑍍 ॥ 𑌤𑌾 𑌨𑌾𑌸॑𑌤𑍍𑌯𑌾 𑌸𑍁॒𑌪𑍇𑌶॑𑌸𑌾 । 𑌹𑌿𑌰॑𑌣𑍍𑌯𑌵𑌰𑍍𑌤𑌨𑍀॒ 𑌨𑌰𑌾᳚ । 𑌸𑌰॑𑌸𑍍𑌵𑌤𑍀 𑌹॒𑌵𑌿𑌷𑍍𑌮॑𑌤𑍀 । 𑌇𑌨𑍍𑌦𑍍𑌰॒ 𑌕𑌮॑𑌰𑍍𑌸𑍁 𑌨𑍋-𑌽𑌵𑌤 ॥ 𑌤𑌾 𑌭𑌿॒𑌷𑌜𑌾॑ 𑌸𑍁॒𑌕𑌰𑍍𑌮॑𑌣𑌾 । 𑌸𑌾 𑌸𑍁॒𑌦𑍁𑌘𑌾॒ 𑌸𑌰॑𑌸𑍍𑌵𑌤𑍀 । 𑌸 𑌵𑍃॑𑌤𑍍𑌰॒𑌹𑌾 𑌶॒𑌤𑌕𑍍𑌰॑𑌤𑍁𑌃 । 𑌇𑌨𑍍𑌦𑍍𑌰𑌾॑𑌯 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 ॥ 66 ॥
(𑌉॒𑌭𑌾 𑌸𑌰॑𑌸𑍍𑌵𑌤𑍀॒ – 𑌬𑌲॑𑌮𑌿𑌨𑍍𑌦𑍍𑌰𑌿॒𑌯𑌂 – 𑌨𑌰𑌾॒ 𑌷𑌟𑍍𑌚॑) (𑌅. 13)

𑌅𑌨𑍁𑌵𑌾𑌕𑌂 14 – 𑌪𑌶𑍁𑌤𑍍𑌰𑌯𑍇 𑌅𑌨𑍂𑌯𑌾𑌜𑌪𑍍𑌰𑍈𑌷𑌾𑌃
𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌸𑍍𑌸𑌰॑𑌸𑍍𑌵𑌤𑍀 । 𑌸𑍁॒𑌦𑍇॒𑌵𑌮𑌿𑌨𑍍𑌦𑍍𑌰𑍇॑ 𑌅॒𑌶𑍍𑌵𑌿𑌨𑌾᳚ । 𑌤𑍇𑌜𑍋॒ 𑌨 𑌚𑌕𑍍𑌷𑍁॑𑌰॒𑌕𑍍𑌷𑍍𑌯𑍋𑌃 । 𑌬॒𑌰𑍍॒𑌹𑌿𑌷𑌾॑ 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵𑍀𑌰𑍍𑌦𑍍𑌵𑌾𑌰𑍋॑ 𑌅॒𑌶𑍍𑌵𑌿𑌨𑌾᳚ । 𑌭𑌿॒𑌷𑌜𑍇𑌨𑍍𑌦𑍍𑌰𑍇॒ 𑌸𑌰॑𑌸𑍍𑌵𑌤𑍀 । 𑌪𑍍𑌰𑌾॒𑌣-𑌨𑍍𑌨 𑌵𑍀॒𑌰𑍍𑌯॑-𑌨𑍍𑌨॒𑌸𑌿 । 𑌦𑍍𑌵𑌾𑌰𑍋॑ 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 6𑍭 ॥

𑌦𑍇॒𑌵𑍀 𑌉॒𑌷𑌾𑌸𑌾॑𑌵॒𑌶𑍍𑌵𑌿𑌨𑌾᳚ । 𑌭𑌿॒𑌷𑌜𑍇𑌨𑍍𑌦𑍍𑌰𑍇॒ 𑌸𑌰॑𑌸𑍍𑌵𑌤𑍀 । 𑌬𑌲॒-𑌨𑍍𑌨 𑌵𑌾𑌚॑𑌮𑌾॒𑌸𑍍𑌯𑍇᳚ । 𑌉॒𑌷𑌾𑌭𑍍𑌯𑌾᳚-𑌨𑍍𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀॑ 𑌅॒𑌶𑍍𑌵𑌿𑌨𑌾᳚ । 𑌸𑍁॒𑌤𑍍𑌰𑌾𑌮𑍇𑌨𑍍𑌦𑍍𑌰𑍇॒ 𑌸𑌰॑𑌸𑍍𑌵𑌤𑍀 । 𑌶𑍍𑌰𑍋𑌤𑍍𑌰॒-𑌨𑍍𑌨 𑌕𑌰𑍍𑌣॑𑌯𑍋॒𑌰𑍍𑌯𑌶𑌃॑ । 𑌜𑍋𑌷𑍍𑌟𑍍𑌰𑍀᳚𑌭𑍍𑌯𑌾-𑌨𑍍𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 6𑍮 ॥

𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀॒ 𑌦𑍁𑌘𑍇॑ 𑌸𑍁॒𑌦𑍁𑌘𑍇᳚ । 𑌪𑌯॒𑌸𑍇𑌨𑍍𑌦𑍍𑌰॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍍𑌯॒𑌶𑍍𑌵𑌿𑌨𑌾॑ 𑌭𑌿॒𑌷𑌜𑌾॑-𑌽𑌵𑌤 । 𑌶𑍁॒𑌕𑍍𑌰-𑌨𑍍𑌨 𑌜𑍍𑌯𑍋𑌤𑌿॒-𑌸𑍍𑌸𑍍𑌤𑌨॑𑌯𑍋॒𑌰𑌾𑌹𑍁॑𑌤𑍀 𑌧𑌤𑍍𑌤 𑌇𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵𑌾 𑌦𑍇॒𑌵𑌾𑌨𑌾᳚-𑌮𑍍𑌭𑌿॒𑌷𑌜𑌾᳚ । 𑌹𑍋𑌤𑌾॑𑌰𑌾॒𑌵𑌿𑌨𑍍𑌦𑍍𑌰॑-𑌮॒𑌶𑍍𑌵𑌿𑌨𑌾᳚ । 𑌵॒𑌷॒𑌟𑍍𑌕𑌾॒𑌰𑍈-𑌸𑍍𑌸𑌰॑𑌸𑍍𑌵𑌤𑍀 । 𑌤𑍍𑌵𑌿𑌷𑌿॒-𑌨𑍍𑌨 𑌹𑍃𑌦॑𑌯𑍇 𑌮॒𑌤𑌿𑌮𑍍 । 𑌹𑍋𑌤𑍃॑𑌭𑍍𑌯𑌾-𑌨𑍍𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 6𑍯 ॥

𑌦𑍇॒𑌵𑍀-𑌸𑍍𑌤𑌿॒𑌸𑍍𑌰-𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌃 । 𑌸𑌰॑𑌸𑍍𑌵𑌤𑍍𑌯॒𑌶𑍍𑌵𑌿𑌨𑌾॒ 𑌭𑌾𑌰॒𑌤𑍀𑌡𑌾᳚ । 𑌶𑍂𑌷॒-𑌨𑍍𑌨 𑌮𑌦𑍍𑌧𑍍𑌯𑍇॒ 𑌨𑌾𑌭𑍍𑌯𑌾᳚𑌮𑍍 । 𑌇𑌨𑍍𑌦𑍍𑌰𑌾॑𑌯 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌨𑌰𑌾॒𑌶𑌗𑍍𑌮𑍍𑌸𑌃॑ । 𑌤𑍍𑌰𑌿॒𑌵॒𑌰𑍂॒𑌥-𑌸𑍍𑌸𑌰॑𑌸𑍍𑌵𑌤𑍍𑌯𑌾॒ 𑌽𑌶𑍍𑌵𑌿𑌭𑍍𑌯𑌾॑𑌮𑍀𑌯𑌤𑍇॒ 𑌰𑌥𑌃॑ । 𑌰𑍇𑌤𑍋॒ 𑌨 𑌰𑍂॒𑌪𑌮॒𑌮𑍃𑌤॑-𑌞𑍍𑌜॒𑌨𑌿𑌤𑍍𑌰᳚𑌮𑍍 । 𑌇𑌨𑍍𑌦𑍍𑌰𑌾॑𑌯॒ 𑌤𑍍𑌵𑌷𑍍𑌟𑌾॒ 𑌦𑌧॑𑌦𑌿𑌨𑍍𑌦𑍍𑌰𑌿॒𑌯𑌾𑌣𑌿॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑍭0 ॥

𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌵𑌨॒𑌸𑍍𑌪𑌤𑌿𑌃॑ । 𑌹𑌿𑌰॑𑌣𑍍𑌯𑌪𑌰𑍍𑌣𑍋 𑌅॒𑌶𑍍𑌵𑌿𑌭𑍍𑌯𑌾᳚𑌮𑍍 । 𑌸𑌰॑𑌸𑍍𑌵𑌤𑍍𑌯𑌾-𑌸𑍍𑌸𑍁𑌪𑌿𑌪𑍍𑌪॒𑌲𑌃 । 𑌇𑌨𑍍𑌦𑍍𑌰𑌾॑𑌯 𑌪𑌚𑍍𑌯𑌤𑍇॒ 𑌮𑌧𑍁॑ । 𑌓𑌜𑍋॒ 𑌨 𑌜𑍂॒𑌤𑌿𑌮𑍃॑𑌷॒𑌭𑍋 𑌨 𑌭𑌾𑌮᳚𑌮𑍍 । 𑌵𑌨॒𑌸𑍍𑌪𑌤𑌿॑𑌰𑍍𑌨𑍋॒ 𑌦𑌧॑𑌦𑌿𑌨𑍍𑌦𑍍𑌰𑌿॒𑌯𑌾𑌣𑌿॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾𑌮𑍍 । 𑌅॒𑌦𑍍𑌧𑍍𑌵॒𑌰𑍇 𑌸𑍍𑌤𑍀॒𑌰𑍍𑌣𑌮॒𑌶𑍍𑌵𑌿𑌭𑍍𑌯𑌾᳚𑌮𑍍 । 𑌊𑌰𑍍𑌣॑𑌮𑍍𑌰𑌦𑌾॒-𑌸𑍍𑌸𑌰॑𑌸𑍍𑌵𑌤𑍍𑌯𑌾𑌃 ॥ 𑍭1 ॥

𑌸𑍍𑌯𑍋॒𑌨𑌮𑌿॑𑌨𑍍𑌦𑍍𑌰 𑌤𑍇॒ 𑌸𑌦𑌃॑ । 𑌈॒𑌶𑌾𑌯𑍈॑ 𑌮॒𑌨𑍍𑌯𑍁𑌗𑍍𑌮𑍍 𑌰𑌾𑌜𑌾॑𑌨-𑌮𑍍𑌬॒𑌰𑍍॒𑌹𑌿𑌷𑌾॑ 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍍 । 𑌦𑍇॒𑌵𑌾𑌨𑍍.𑌯॑𑌕𑍍𑌷-𑌦𑍍𑌯𑌥𑌾𑌯॒𑌥𑌮𑍍 । 𑌹𑍋𑌤𑌾॑𑌰𑌾॒-𑌵𑌿𑌨𑍍𑌦𑍍𑌰॑𑌮॒𑌶𑍍𑌵𑌿𑌨𑌾᳚ । 𑌵𑌾॒𑌚𑌾 𑌵𑌾𑌚॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍀𑌮𑍍 । 𑌅॒𑌗𑍍𑌨𑌿𑌗𑍍𑌮𑍍 𑌸𑍋𑌮𑌗𑍍𑌗𑍍॑ 𑌸𑍍𑌵𑌿𑌷𑍍𑌟॒𑌕𑍃𑌤𑍍 । 𑌸𑍍𑌵𑌿॑𑌷𑍍𑌟॒ 𑌇𑌨𑍍𑌦𑍍𑌰॑-𑌸𑍍𑌸𑍁॒𑌤𑍍𑌰𑌾𑌮𑌾॑ 𑌸𑌵𑌿॒𑌤𑌾 𑌵𑌰𑍁॑𑌣𑍋 𑌭𑌿॒𑌷𑌕𑍍 । 𑌇॒𑌷𑍍𑌟𑍋 𑌦𑍇॒𑌵𑍋 𑌵𑌨॒𑌸𑍍𑌪𑌤𑌿𑌃॑ । 𑌸𑍍𑌵𑌿॑𑌷𑍍𑌟𑌾 𑌦𑍇॒𑌵𑌾 𑌆᳚𑌜𑍍𑌯॒𑌪𑌾𑌃 । 𑌇॒𑌷𑍍𑌟𑍋 𑌅॒𑌗𑍍𑌨𑌿𑌰॒𑌗𑍍𑌨𑌿𑌨𑌾᳚ । 𑌹𑍋𑌤𑌾॑ 𑌹𑍋॒𑌤𑍍𑌰𑍇 𑌸𑍍𑌵𑌿॑𑌷𑍍𑌟॒𑌕𑍃𑌤𑍍 । 𑌯𑌶𑍋॒ 𑌨 𑌦𑌧॑𑌦𑌿𑌨𑍍𑌦𑍍𑌰𑌿॒𑌯𑌮𑍍 । 𑌊𑌰𑍍𑌜॒𑌮𑌪॑𑌚𑌿𑌤𑌿𑌗𑍍𑌗𑍍 𑌸𑍍𑌵॒𑌧𑌾𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑍭2 ॥
(𑌦𑍍𑌵𑌾𑌰𑍋॑ 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌂-𑌵𑌁॑𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॒ – 𑌜𑍋𑌷𑍍𑌟𑍍𑌰𑍀᳚𑌭𑍍𑌯𑌾-𑌨𑍍𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌂-𑌵𑌁॑𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॒ -𑌹𑍋𑌤𑍃॑𑌭𑍍𑌯𑌾-𑌨𑍍𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌂-𑌵𑌁॑𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜𑍇᳚ – 𑌨𑍍𑌦𑍍𑌰𑌿॒𑌯𑌾𑌣𑌿॑ 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॒ – 𑌸𑌰॑𑌸𑍍𑌵𑌤𑍍𑌯𑌾॒ – 𑌵𑌨॒𑌸𑍍𑌪𑌤𑌿॒-𑌷𑍍𑌷𑌟𑍍𑌚॑) (𑌅. 14)

(𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌰𑍍𑌦𑍇॒𑌵𑍀-𑌰𑍍𑌦𑍍𑌵𑌾𑌰𑍋॑ 𑌦𑍇॒𑌵𑍀 𑌉॒𑌷𑌾𑌸𑌾॑𑌵॒𑌶𑍍𑌵𑌿𑌨𑌾॑ 𑌦𑍇॒𑌵𑍀 𑌜𑍋𑌷𑍍𑌟𑍍𑌰॑ 𑌦𑍇॒𑌵𑍀 𑌊॒𑌰𑍍𑌜𑌾𑌹𑍂॑𑌤𑍀 𑌦𑍇॒𑌵𑌾 𑌦𑍇॒𑌵𑌾𑌨𑌾᳚-𑌮𑍍𑌭𑌿॒𑌷𑌜𑌾॑ 𑌵𑌷𑌟𑍍𑌕𑌾॒𑌰𑍈-𑌰𑍍𑌦𑍇॒𑌵𑍀𑌸𑍍𑌤𑌿𑌸𑍍𑌰𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀-𑌸𑍍𑌸𑌰॑𑌸𑍍𑌵𑌤𑍀 𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌨𑌰𑌾॒𑌶𑌗𑍍𑌮𑍍𑌸𑍋॑ 𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌵𑌨॒𑌸𑍍𑌪𑌤𑌿॑𑌰𑍍𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾-𑌨𑍍𑌦𑍇॒𑌵𑍋𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃-𑌦𑍍𑌦𑍇॒𑌵𑌾𑌨𑍍) ।

(𑌸॒𑌮𑌿𑌧𑌾॒-𑌽𑌗𑍍𑌨𑌿-𑌨𑍍𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌸𑍍𑌸𑌰॑𑌸𑍍𑌵𑌤𑍍𑌯𑌾॒𑌶𑍍𑌵𑌿𑌨𑌾॒ 𑌸𑌰𑍍𑌵𑌂॑-𑌵𑌿𑌁𑌯𑌨𑍍𑌤𑍁 । 𑌦𑍍𑌵𑌾𑌰॑𑌸𑍍𑌤𑌿॒𑌸𑍍𑌰-𑌸𑍍𑌸𑌂𑌰𑍍𑌵॑ 𑌵𑌿𑌯𑌨𑍍𑌤𑍁 । 𑌅॒𑌜 𑌇𑌨𑍍𑌦𑍍𑌰॒𑌮𑍋𑌜𑍋॒-𑌽𑌗𑍍𑌨𑌿-𑌮𑍍𑌪𑌰॒-𑌸𑍍𑌸𑌰॑𑌸𑍍𑌵𑌤𑍀𑌮𑍍 । 𑌨𑌕𑍍𑌤॒𑌮𑍍𑌪𑍂𑌰𑍍𑌵॒-𑌸𑍍𑌸𑌰॑𑌸𑍍𑌵𑌤𑌿 । 𑌅॒𑌨𑍍𑌯𑌤𑍍𑌰॒ 𑌸𑌰॑𑌸𑍍𑌵𑌤𑌿 । 𑌭𑌿॒𑌷-𑌕𑍍𑌪𑍂𑌰𑍍𑌵॑-𑌨𑍍𑌦𑍁𑌹 𑌇𑌨𑍍𑌦𑍍𑌰𑌿॒𑌯𑌮𑍍 । 𑌅॒𑌨𑍍𑌯𑌤𑍍𑌰॑ 𑌦𑌧𑍁𑌰𑌿𑌨𑍍𑌦𑍍𑌰𑌿॒𑌯𑌮𑍍 । 𑌸𑍌॒𑌤𑍍𑌰𑌾॒𑌮॒𑌣𑍍𑌯𑌾𑌗𑍍𑌮𑍍 𑌸𑍁॑𑌤𑌾𑌸𑍁॒𑌤𑍀 । 𑌅॒𑌞𑍍𑌜𑌨𑍍𑌤𑍍𑌯॒𑌯𑌂-𑌯𑌁𑌜॑𑌮𑌾𑌨𑌃)

𑌅𑌨𑍁𑌵𑌾𑌕𑌂 15 – 𑌸𑍂𑌕𑍍𑌤𑌵𑌾𑌕𑌪𑍍𑌰𑍈𑌷𑌃
𑌅॒𑌗𑍍𑌨𑌿𑌮॒𑌦𑍍𑌯 𑌹𑍋𑌤𑌾॑𑌰𑌮𑌵𑍃𑌣𑍀𑌤 । 𑌅॒𑌯𑌗𑍍𑌮𑍍 𑌸𑍁॑𑌤𑌾𑌸𑍁॒𑌤𑍀 𑌯𑌜॑𑌮𑌾𑌨𑌃 । 𑌪𑌚॑-𑌨𑍍𑌪॒𑌕𑍍𑌤𑍀𑌃 । 𑌪𑌚॑-𑌨𑍍𑌪𑍁𑌰𑍋॒𑌡𑌾𑌶𑌾𑌨𑍍॑ । 𑌗𑍃॒𑌹𑍍𑌣-𑌨𑍍𑌗𑍍𑌰𑌹𑌾𑌨𑍍॑ । 𑌬॒𑌦𑍍𑌧𑍍𑌨𑌨𑍍𑌨॒𑌶𑍍𑌵𑌿𑌭𑍍𑌯𑌾॒-𑌞𑍍𑌛𑌾𑌗॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍍𑌯𑌾॒ 𑌇𑌨𑍍𑌦𑍍𑌰𑌾॑𑌯 । 𑌬॒𑌦𑍍𑌧𑍍𑌨𑌨𑍍-𑌥𑍍𑌸𑌰॑𑌸𑍍𑌵𑌤𑍍𑌯𑍈 𑌮𑍇॒𑌷𑌮𑌿𑌨𑍍𑌦𑍍𑌰𑌾॑𑌯𑌾॒𑌶𑍍𑌵𑌿𑌭𑍍𑌯𑌾᳚𑌮𑍍 । 𑌬॒𑌦𑍍𑌧𑍍𑌨𑌨𑍍𑌨𑌿𑌨𑍍𑌦𑍍𑌰𑌾॑𑌯𑌰𑍍𑌷॒𑌭-𑌮॒𑌶𑍍𑌵𑌿𑌭𑍍𑌯𑌾॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍍𑌯𑍈 । 𑌸𑍂॒𑌪॒𑌸𑍍𑌥𑌾 𑌅॒𑌦𑍍𑌯 𑌦𑍇॒𑌵𑍋 𑌵𑌨॒𑌸𑍍𑌪𑌤𑌿॑𑌰𑌭𑌵𑌤𑍍 । 𑌅॒𑌶𑍍𑌵𑌿𑌭𑍍𑌯𑌾॒-𑌞𑍍𑌛𑌾𑌗𑍇॑𑌨॒ 𑌸𑌰॑𑌸𑍍𑌵𑌤𑍍𑌯𑌾॒ 𑌇𑌨𑍍𑌦𑍍𑌰𑌾॑𑌯 ॥ 𑍭3 ॥

𑌸𑌰॑𑌸𑍍𑌵𑌤𑍍𑌯𑍈 𑌮𑍇॒𑌷𑍇𑌣𑍇𑌨𑍍𑌦𑍍𑌰𑌾॑𑌯𑌾॒𑌶𑍍𑌵𑌿𑌭𑍍𑌯𑌾᳚𑌮𑍍 । 𑌇𑌨𑍍𑌦𑍍𑌰𑌾॑𑌯𑌰𑍍𑌷॒𑌭𑍇𑌣𑌾॒𑌶𑍍𑌵𑌿𑌭𑍍𑌯𑌾॒𑌗𑍍𑌮𑍍॒ 𑌸𑌰॑𑌸𑍍𑌵𑌤𑍍𑌯𑍈 । 𑌅𑌕𑍍𑌷॒𑌗𑍍𑌗𑍍॒𑌸𑍍𑌤𑌾𑌨𑍍𑌮𑍇॑𑌦॒𑌸𑍍𑌤𑌃 𑌪𑍍𑌰𑌤𑌿॑ 𑌪𑌚॒𑌤𑌾-𑌽𑌗𑍍𑌰॑𑌭𑍀𑌷𑍁𑌃 । 𑌅𑌵𑍀॑𑌵𑍃𑌧𑌨𑍍𑌤॒ 𑌗𑍍𑌰𑌹𑍈𑌃᳚ । 𑌅𑌪𑌾॑𑌤𑌾𑌮॒𑌶𑍍𑌵𑌿𑌨𑌾॒ 𑌸𑌰॑𑌸𑍍𑌵॒𑌤𑍀𑌨𑍍𑌦𑍍𑌰॑-𑌸𑍍𑌸𑍁॒𑌤𑍍𑌰𑌾𑌮𑌾॑ 𑌵𑍃𑌤𑍍𑌰॒𑌹𑌾 । 𑌸𑍋𑌮𑌾᳚𑌨𑍍-𑌥𑍍𑌸𑍁॒𑌰𑌾𑌮𑍍𑌣𑌃॑ । 𑌉𑌪𑍋॑ 𑌉𑌕𑍍𑌥𑌾𑌮॒𑌦𑌾-𑌶𑍍𑌶𑍍𑌰𑍌॒𑌦𑍍𑌵𑌿𑌮𑌦𑌾॑ 𑌅𑌦𑌨𑍍𑌨𑍍 । 𑌅𑌵𑍀॑𑌵𑍃𑌧-𑌨𑍍𑌤𑌾𑌙𑍍𑌗𑍂॒𑌷𑍈𑌃 । 𑌤𑍍𑌵𑌾𑌮॒𑌦𑍍𑌯𑌰𑍍𑌷॑ 𑌆𑌰𑍍𑌷𑍇𑌯𑌰𑍍𑌷𑍀𑌣𑌾-𑌨𑍍𑌨𑌪𑌾𑌦𑌵𑍃𑌣𑍀𑌤 । 𑌅॒𑌯𑌗𑍍𑌮𑍍 𑌸𑍁॑𑌤𑌾𑌸𑍁॒𑌤𑍀 𑌯𑌜॑𑌮𑌾𑌨𑌃 । 𑌬॒𑌹𑍁𑌭𑍍𑌯॒ 𑌆𑌸𑌙𑍍𑌗॑𑌤𑍇𑌭𑍍𑌯𑌃 । 𑌏॒𑌷 𑌮𑍇॑ 𑌦𑍇॒𑌵𑍇𑌷𑍁॒ 𑌵𑌸𑍁॒ 𑌵𑌾𑌰𑍍𑌯𑌾 𑌯॑𑌕𑍍𑌷𑍍𑌯𑌤॒ 𑌇𑌤𑌿॑ । 𑌤𑌾 𑌯𑌾 𑌦𑍇॒𑌵𑌾 𑌦𑍇॑𑌵॒𑌦𑌾𑌨𑌾॒𑌨𑍍𑌯𑌦𑍁𑌃॑ । 𑌤𑌾𑌨𑍍𑌯॑𑌸𑍍𑌮𑌾॒ 𑌆 𑌚॒ 𑌶𑌾𑌸𑍍𑌵॑ । 𑌆 𑌚॑ 𑌗𑍁𑌰𑌸𑍍𑌵 । 𑌇॒𑌷𑌿॒𑌤𑌶𑍍𑌚॑ 𑌹𑍋𑌤॒𑌰𑌸𑌿॑ 𑌭𑌦𑍍𑌰॒𑌵𑌾𑌚𑍍𑌯𑌾॑𑌯॒ 𑌪𑍍𑌰𑍇𑌷𑌿॑𑌤𑍋॒ 𑌮𑌾𑌨𑍁॑𑌷𑌃 । 𑌸𑍂॒𑌕𑍍𑌤॒𑌵𑌾॒𑌕𑌾𑌯॑ 𑌸𑍂॒𑌕𑍍𑌤𑌾 𑌬𑍍𑌰𑍂॑𑌹𑌿 ॥ 𑍭4 ॥
(𑌇𑌨𑍍𑌦𑍍𑌰𑌾॑𑌯॒ – 𑌯𑌜॑𑌮𑌾𑌨-𑌸𑍍𑌸॒𑌪𑍍𑌤 𑌚॑) (𑌅. 15)

𑌅𑌨𑍁𑌵𑌾𑌕𑌂 16 – 𑌪𑌿𑌤𑍃𑌯𑌜𑍍𑌞𑌯𑌾𑌜𑍍𑌯𑌾𑌨𑍁𑌵𑌾𑌕𑍍𑌯𑌾𑌃
𑌉॒𑌶𑌨𑍍𑌤॑𑌸𑍍𑌤𑍍𑌵𑌾 𑌹𑌵𑌾𑌮𑌹 𑌉॒𑌶𑌨𑍍𑌤॒-𑌸𑍍𑌸𑌮𑌿॑𑌧𑍀𑌮𑌹𑌿 । 𑌉॒𑌶𑌨𑍍𑌨𑍁॑𑌶॒𑌤 𑌆 𑌵॑𑌹 𑌪𑌿॒𑌤𑍄𑌨𑍍 𑌹॒𑌵𑌿𑌷𑍇॒ 𑌅𑌤𑍍𑌤॑𑌵𑍇 ॥, 𑌆 𑌨𑍋॑ 𑌅𑌗𑍍𑌨𑍇 𑌸𑍁𑌕𑍇॒𑌤𑍁𑌨𑌾᳚ । 𑌰॒𑌯𑌿𑌂-𑌵𑌿𑌁॒𑌶𑍍𑌵𑌾𑌯𑍁॑𑌪𑍋𑌷𑌸𑌮𑍍 । 𑌮𑌾॒𑌰𑍍𑌡𑍀॒𑌕-𑌨𑍍𑌧𑍇॑𑌹𑌿 𑌜𑍀॒𑌵𑌸𑍇᳚ ॥। 𑌤𑍍𑌵𑌗𑍍𑌮𑍍 𑌸𑍋॑𑌮 𑌮॒𑌹𑍇 𑌭𑌗᳚𑌮𑍍 । 𑌤𑍍𑌵𑌂-𑌯𑍂𑌁𑌨॑ 𑌋𑌤𑌾𑌯॒𑌤𑍇 । 𑌦𑌕𑍍𑌷॑-𑌨𑍍𑌦𑌧𑌾𑌸𑌿 𑌜𑍀॒𑌵𑌸𑍇᳚ ॥,𑌤𑍍𑌵𑌗𑍍𑌮𑍍 𑌸𑍋॑𑌮॒ 𑌪𑍍𑌰𑌚𑌿॑𑌕𑌿𑌤𑍋 𑌮𑌨𑍀॒𑌷𑌾 𑌤𑍍𑌵𑌗𑍍𑌮𑍍 𑌰𑌜𑌿॑𑌷𑍍𑌠॒𑌮𑌨𑍁॑ 𑌨𑍇𑌷𑌿॒ 𑌪𑌨𑍍𑌥𑌾᳚𑌮𑍍 । 𑌤𑌵॒ 𑌪𑍍𑌰𑌣𑍀॑𑌤𑍀 𑌪𑌿॒𑌤𑌰𑍋॑ 𑌨 𑌇𑌨𑍍𑌦𑍋 𑌦𑍇॒𑌵𑍇𑌷𑍁॒ 𑌰𑌤𑍍𑌨॑𑌮 𑌭𑌜𑌨𑍍𑌤॒ 𑌧𑍀𑌰𑌾𑌃᳚ ॥। 𑌤𑍍𑌵𑌯𑌾॒ 𑌹𑌿 𑌨𑌃॑ 𑌪𑌿॒𑌤𑌰॑-𑌸𑍍𑌸𑍋𑌮॒ 𑌪𑍂𑌰𑍍𑌵𑍇॒ 𑌕𑌰𑍍𑌮𑌾॑𑌣𑌿 𑌚॒𑌕𑍍𑌰𑍁𑌃 𑌪॑𑌵𑌮𑌾𑌨॒ 𑌧𑍀𑌰𑌾𑌃᳚ । 𑌵॒𑌨𑍍𑌵𑌨𑍍𑌨𑌵𑌾॑𑌤𑌃 𑌪𑌰𑌿॒𑌧𑍀𑌗𑍍𑌮𑍍 𑌰𑌪𑍋᳚𑌰𑍍𑌣𑍁 𑌵𑍀॒𑌰𑍇𑌭𑌿॒𑌰𑌶𑍍𑌵𑍈᳚𑌰𑍍𑌮॒𑌘𑌵𑌾॑ 𑌭𑌵𑌾 𑌨𑌃 ॥, 𑌤𑍍𑌵𑌗𑍍𑌮𑍍 𑌸𑍋॑𑌮 𑌪𑌿॒𑌤𑍃𑌭𑌿॑-𑌸𑍍𑌸𑌂𑌵𑌿𑌁𑌦𑌾॒𑌨𑍋-𑌽𑌨𑍁॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌆 𑌤॑𑌤𑌨𑍍𑌥 । 𑌤𑌸𑍍𑌮𑍈॑ 𑌤 𑌇𑌨𑍍𑌦𑍋 𑌹॒𑌵𑌿𑌷𑌾॑ 𑌵𑌿𑌧𑍇𑌮 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ । 𑌬𑌰𑍍𑌹𑌿॑𑌷𑌦𑌃 𑌪𑌿𑌤𑌰 𑌊॒𑌤𑍍𑌯॑𑌰𑍍𑌵𑌾𑌗𑌿॒𑌮𑌾 𑌵𑍋॑ 𑌹॒𑌵𑍍𑌯𑌾 𑌚॑𑌕𑍃𑌮𑌾 𑌜𑍁॒𑌷𑌧𑍍𑌵᳚𑌮𑍍 । 𑌤 𑌆 𑌗॒𑌤𑌾-𑌽𑌵॑𑌸𑌾॒ 𑌶-𑌨𑍍𑌤॑𑌮𑍇॒𑌨𑌾𑌥𑌾॒𑌸𑍍𑌮𑌭𑍍𑌯॒𑌗𑍍𑌮𑍍॒ 𑌶𑌂-𑌯𑍋𑌁𑌰॑𑌰॒𑌪𑍋 𑌦॑𑌧𑌾𑌤 ॥, 𑌆-𑌽𑌹-𑌮𑍍𑌪𑌿॒𑌤𑍄𑌨𑍍-𑌥𑍍𑌸𑍁॑𑌵𑌿॒𑌦𑌤𑍍𑌰𑌾𑌗𑍍𑌮𑍍॑ 𑌅𑌵𑌿𑌥𑍍𑌸𑌿॒ 𑌨𑌪𑌾॑𑌤-𑌞𑍍𑌚 𑌵𑌿॒𑌕𑍍𑌰𑌮॑𑌣-𑌞𑍍𑌚॒ 𑌵𑌿𑌷𑍍𑌣𑍋𑌃᳚ । 𑌬॒𑌰𑍍𑌹𑌿॒𑌷𑌦𑍋॒ 𑌯𑍇 𑌸𑍍𑌵॒𑌧𑌯𑌾॑ 𑌸𑍁॒𑌤𑌸𑍍𑌯॒ 𑌭𑌜॑𑌨𑍍𑌤 𑌪𑌿॒𑌤𑍍𑌵𑌸𑍍𑌤 𑌇॒𑌹𑌾-𑌽𑌽 𑌗॑𑌮𑌿𑌷𑍍𑌠𑌾𑌃 ॥ । 𑌉𑌪॑𑌹𑍂𑌤𑌾𑌃 𑌪𑌿॒𑌤𑌰॑-𑌸𑍍𑌸𑍋॒𑌮𑍍𑌯𑌾𑌸𑍋॑ 𑌬𑌰𑍍𑌹𑌿॒𑌷𑍍𑌯𑍇॑𑌷𑍁 𑌨𑌿॒𑌧𑌿𑌷𑍁॑ 𑌪𑍍𑌰𑌿॒𑌯𑍇𑌷𑍁॑ । 𑌤 𑌆 𑌗॑𑌮𑌨𑍍𑌤𑍁॒ 𑌤 𑌇॒𑌹 𑌶𑍍𑌰𑍁॑𑌵॒𑌨𑍍𑌤𑍍𑌵𑌧𑌿॑ 𑌬𑍍𑌰𑍁𑌵𑌨𑍍𑌤𑍁॒ 𑌤𑍇 𑌅॑𑌵𑌨𑍍𑌤𑍍𑌵॒𑌸𑍍𑌮𑌾𑌨𑍍 ॥, 𑌅𑌗𑍍𑌨𑌿॑𑌷𑍍𑌵𑌾𑌤𑍍𑌤𑌾𑌃 𑌪𑌿𑌤𑌰॒ 𑌏𑌹 𑌗॑𑌚𑍍𑌛𑌤॒ 𑌸𑌦॑-𑌸𑍍𑌸𑌦-𑌸𑍍𑌸𑌦𑌤 𑌸𑍁𑌪𑍍𑌰𑌣𑍀𑌤𑌯𑌃 । 𑌅॒𑌤𑍍𑌤𑌾 𑌹॒𑌵𑍀𑌗𑍍𑌮𑍍𑌷𑌿॒ 𑌪𑍍𑌰𑌯॑𑌤𑌾𑌨𑌿 𑌬॒𑌰𑍍॒𑌹𑌿𑌷𑍍𑌯𑌥𑌾॑ 𑌰॒𑌯𑌿𑌗𑍍𑌮𑍍 𑌸𑌰𑍍𑌵॑𑌵𑍀𑌰-𑌨𑍍𑌦𑌧𑌾𑌤𑌨 ॥ ॥ 𑌅॒𑌗𑍍𑌨𑌿॒𑌷𑍍𑌵𑌾॒𑌤𑍍𑌤𑌾𑌨𑍃॑𑌤𑍁॒𑌮𑌤𑍋॑ 𑌹𑌵𑌾𑌮𑌹𑍇 । 𑌨𑌰𑌾॒𑌶𑌗𑍍𑌮𑍍𑌸𑍇॑ 𑌸𑍋𑌮𑌪𑍀॒𑌥𑌂-𑌯𑌁 𑌆॒𑌶𑍁𑌃 । 𑌤𑍇 𑌨𑍋॒ 𑌅𑌰𑍍𑌵॑𑌨𑍍𑌤-𑌸𑍍𑌸𑍁॒𑌹𑌵𑌾॑ 𑌭𑌵𑌨𑍍𑌤𑍁 । 𑌶-𑌨𑍍𑌨𑍋॑ 𑌭𑌵𑌨𑍍𑌤𑍁 𑌦𑍍𑌵𑌿॒𑌪𑌦𑍇॒ 𑌶-𑌞𑍍𑌚𑌤𑍁॑𑌷𑍍𑌪𑌦𑍇 ॥ 𑌯𑍇 𑌅॑𑌗𑍍𑌨𑌿𑌷𑍍𑌵𑌾॒𑌤𑍍𑌤𑌾 𑌯𑍇-𑌽𑌨॑𑌗𑍍𑌨𑌿𑌷𑍍𑌵𑌾𑌤𑍍𑌤𑌾𑌃 ॥ 𑍭5 ॥

𑌅॒𑌗𑍍𑌮𑍍॒𑌹𑍋॒𑌮𑍁𑌚𑌃॑ 𑌪𑌿॒𑌤𑌰॑-𑌸𑍍𑌸𑍋॒𑌮𑍍𑌯𑌾𑌸𑌃॑ । 𑌪𑌰𑍇-𑌽𑌵॑𑌰𑍇॒-𑌽𑌮𑍃𑌤𑌾॑𑌸𑍋॒ 𑌭𑌵॑𑌨𑍍𑌤𑌃 । 𑌅𑌧𑌿॑𑌬𑍍𑌰𑍁𑌵𑌨𑍍𑌤𑍁॒ 𑌤𑍇 𑌅॑𑌵𑌨𑍍𑌤𑍍𑌵॒𑌸𑍍𑌮𑌾𑌨𑍍 ॥ 𑌵𑌾॒𑌨𑍍𑌯𑌾॑𑌯𑍈 𑌦𑍁॒𑌗𑍍𑌧𑍇 𑌜𑍁॒𑌷𑌮𑌾॑𑌣𑌾𑌃 𑌕𑌰॒𑌮𑍍𑌭𑌮𑍍 । 𑌉॒𑌦𑍀𑌰𑌾॑𑌣𑌾॒ 𑌅𑌵॑𑌰𑍇॒ 𑌪𑌰𑍇॑ 𑌚 । 𑌅॒𑌗𑍍𑌨𑌿॒𑌷𑍍𑌵𑌾॒𑌤𑍍𑌤𑌾 𑌋॒𑌤𑍁𑌭𑌿॑-𑌸𑍍𑌸𑌂𑌵𑌿𑌁𑌦𑌾॒𑌨𑌾𑌃 । 𑌇𑌨𑍍𑌦𑍍𑌰॑𑌵𑌨𑍍𑌤𑍋 𑌹॒𑌵𑌿𑌰𑌿॒𑌦-𑌞𑍍𑌜𑍁॑𑌷𑌨𑍍𑌤𑌾𑌮𑍍 ॥ 𑌯𑌦॑𑌗𑍍𑌨𑍇 𑌕𑌵𑍍𑌯𑌵𑌾𑌹𑌨 𑌪𑌿॒𑌤𑍄𑌨𑍍 𑌯𑌕𑍍𑌷𑍍𑌯𑍃॑𑌤𑌾॒𑌵𑍃𑌧𑌃॑ । 𑌪𑍍𑌰 𑌚॑ 𑌹॒𑌵𑍍𑌯𑌾𑌨𑌿॑ 𑌵𑌕𑍍𑌷𑍍𑌯𑌸𑌿 𑌦𑍇॒𑌵𑍇𑌭𑍍𑌯॑𑌶𑍍𑌚 𑌪𑌿॒𑌤𑍃𑌭𑍍𑌯॒ 𑌆 ॥, 𑌤𑍍𑌵𑌮॑𑌗𑍍𑌨 𑌈𑌡𑌿॒𑌤𑍋 𑌜𑌾॑𑌤𑌵𑍇॒𑌦𑍋-𑌽𑌵𑌾᳚𑌡𑍍𑌢॒𑌵𑍍𑌯𑌾𑌨𑌿॑ 𑌸𑍁𑌰॒𑌭𑍀𑌣𑌿॑ 𑌕𑍃॒𑌤𑍍𑌵𑌾 । 𑌪𑍍𑌰𑌾𑌦𑌾𑌃᳚ 𑌪𑌿॒𑌤𑍃𑌭𑍍𑌯॑-𑌸𑍍𑌸𑍍𑌵॒𑌧𑌯𑌾॒ 𑌤𑍇 𑌅॑𑌕𑍍𑌷𑌨𑍍𑌨॒𑌦𑍍𑌧𑌿 𑌤𑍍𑌵-𑌨𑍍𑌦𑍇॑𑌵॒ 𑌪𑍍𑌰𑌯॑𑌤𑌾 𑌹॒𑌵𑍀𑌗𑍍𑌮𑍍𑌷𑌿॑ । । 𑌮𑌾𑌤॑𑌲𑍀 𑌕॒𑌵𑍍𑌯𑍈𑌰𑍍𑌯॒𑌮𑍋 𑌅𑌙𑍍𑌗𑌿॑𑌰𑍋𑌭𑌿॒ 𑌰𑍍𑌬𑍃𑌹॒𑌸𑍍𑌪𑌤𑌿॒𑌰𑍍-𑌋𑌕𑍍𑌵॑𑌭𑌿 𑌰𑍍𑌵𑌾𑌵𑍃𑌧𑌾॒𑌨𑌃 । 𑌯𑌾𑌗𑍍𑌶𑍍𑌚॑ 𑌦𑍇॒𑌵𑌾 𑌵𑌾॑𑌵𑍃॒𑌧𑍁𑌰𑍍𑌯𑍇 𑌚॑ 𑌦𑍇॒𑌵𑌾𑌨𑍍-𑌥𑍍𑌸𑍍𑌵𑌾𑌹𑌾॒-𑌽𑌨𑍍𑌯𑍇 𑌸𑍍𑌵॒𑌧𑌯𑌾॒-𑌽𑌨𑍍𑌯𑍇 𑌮॑𑌦𑌨𑍍𑌤𑌿 ॥ ॥ 𑌯𑍇 𑌤𑌾॑𑌤𑍃॒𑌪𑍁𑌰𑍍𑌦𑍇॑𑌵॒𑌤𑍍𑌰𑌾 𑌜𑍇𑌹॑𑌮𑌾𑌨𑌾𑌃 । 𑌹𑍋॒𑌤𑍍𑌰𑌾॒𑌵𑍃𑌧॒-𑌸𑍍𑌸𑍍𑌤𑍋𑌮॑𑌤𑌷𑍍𑌟𑌾𑌸𑍋 𑌅॒𑌰𑍍𑌕𑍈𑌃 । 𑌆-𑌽𑌗𑍍𑌨𑍇॑ 𑌯𑌾𑌹𑌿 𑌸𑍁𑌵𑌿॒𑌦𑌤𑍍𑌰𑍇॑𑌭𑌿𑌰॒𑌰𑍍𑌵𑌾𑌮𑍍 । 𑌸॒𑌤𑍍𑌯𑍈𑌃 𑌕॒𑌵𑍍𑌯𑍈𑌃 𑌪𑌿॒𑌤𑍃𑌭𑌿॑-𑌰𑍍𑌘𑌰𑍍𑌮॒𑌸𑌦𑍍𑌭𑌿𑌃॑ ॥ 𑌹॒𑌵𑍍𑌯॒𑌵𑌾𑌹॑𑌮॒𑌜𑌰॑-𑌮𑍍𑌪𑍁𑌰𑍁𑌪𑍍𑌰𑌿॒𑌯𑌮𑍍 । 𑌅॒𑌗𑍍𑌨𑌿-𑌙𑍍𑌘𑍃॒𑌤𑍇𑌨॑ 𑌹॒𑌵𑌿𑌷𑌾॑ 𑌸𑌪॒𑌰𑍍𑌯𑌨𑍍𑌨𑍍 । 𑌉𑌪𑌾॑𑌸𑌦-𑌙𑍍𑌕𑌵𑍍𑌯॒𑌵𑌾𑌹॑-𑌮𑍍𑌪𑌿𑌤𑍃॒𑌣𑌾𑌮𑍍 । 𑌸 𑌨𑌃॑ 𑌪𑍍𑌰॒𑌜𑌾𑌂-𑌵𑍀𑌁॒𑌰𑌵॑𑌤𑍀॒𑌗𑍍𑌮𑍍॒ 𑌸𑌮𑍃॑𑌣𑍍𑌵𑌤𑍁 ॥ 𑍭6 ॥
(𑌅𑌨॑𑌗𑍍𑌨𑌿𑌷𑍍𑌵𑌾𑌤𑍍𑌤𑌾॒ – 𑌜𑍇𑌹॑𑌮𑌾𑌨𑌾-𑌸𑍍𑌸॒𑌪𑍍𑌤 𑌚॑) (𑌅. 16)

𑌅𑌨𑍁𑌵𑌾𑌕𑌂 1𑍭 – 𑌐𑌨𑍍𑌦𑍍𑌰𑍋 𑌪𑌶𑍌 𑌏𑌕𑌾𑌦𑌶 𑌪𑍍𑌰𑌯𑌾𑌜𑌾𑌃
𑌹𑍋𑌤𑌾॑ 𑌯𑌕𑍍𑌷𑌦𑌿॒𑌡𑌸𑍍𑌪॒𑌦𑍇 । 𑌸॒𑌮𑌿॒𑌧𑌾॒𑌨-𑌮𑍍𑌮॒𑌹𑌦𑍍𑌯𑌶𑌃॑ । 𑌸𑍁𑌷॑𑌮𑌿𑌦𑍍𑌧𑌂॒-𑌵𑌁𑌰𑍇᳚𑌣𑍍𑌯𑌮𑍍 । 𑌅॒𑌗𑍍𑌨𑌿𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌗𑌾॒𑌯॒𑌤𑍍𑌰𑍀-𑌞𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌤𑍍𑌰𑍍𑌯𑌵𑌿॒-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒𑌚𑍍𑌛𑍁𑌚𑌿॑𑌵𑍍𑌰𑌤𑌮𑍍 । 𑌤𑌨𑍂॒𑌨𑌪𑌾॑𑌤𑌮𑍁॒𑌦𑍍𑌭𑌿𑌦᳚𑌮𑍍 । 𑌯-𑌙𑍍𑌗𑌰𑍍𑌭॒𑌮𑌦𑌿॑𑌤𑌿𑌰𑍍𑌦॒𑌧𑍇 ॥ 𑍭𑍭 ॥

𑌶𑍁𑌚𑌿॒𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌉॒𑌷𑍍𑌣𑌿𑌹॒-𑌞𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌦𑌿॒𑌤𑍍𑌯॒𑌵𑌾𑌹॒-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷𑌦𑍀॒𑌡𑍇𑌨𑍍𑌯᳚𑌮𑍍 । 𑌈॒𑌡𑌿॒𑌤𑌂-𑌵𑍃𑌁॑𑌤𑍍𑌰॒𑌹𑌨𑍍𑌤॑𑌮𑌮𑍍 । 𑌇𑌡𑌾॑𑌭𑌿॒𑌰𑍀𑌡𑍍𑌯॒𑌗𑍍𑌮𑍍॒ 𑌸𑌹𑌃॑ । 𑌸𑍋𑌮॒𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌅॒𑌨𑍁॒𑌷𑍍𑌟𑍁𑌭॒-𑌞𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌤𑍍𑌰𑌿॒𑌵॒𑌥𑍍𑌸-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 ॥ 𑍭𑍮 ॥

𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌥𑍍𑌸𑍁𑌬𑌰𑍍𑌹𑌿॒𑌷𑌦᳚𑌮𑍍 । 𑌪𑍂॒𑌷॒𑌣𑍍𑌵𑌨𑍍𑌤॒-𑌮𑌮॑𑌰𑍍𑌤𑍍𑌯𑌮𑍍 । 𑌸𑍀𑌦॑𑌨𑍍𑌤-𑌮𑍍𑌬॒𑌰𑍍॒𑌹𑌿𑌷𑌿॑ 𑌪𑍍𑌰𑌿॒𑌯𑍇 । 𑌅॒𑌮𑍃𑌤𑍇𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌬𑍃॒𑌹॒𑌤𑍀-𑌞𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌪𑌞𑍍𑌚𑌾॑𑌵𑌿॒-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌵𑍍𑌯𑌚॑𑌸𑍍𑌵𑌤𑍀𑌃 । 𑌸𑍁॒𑌪𑍍𑌰𑌾॒𑌯॒𑌣𑌾 𑌋॑𑌤𑌾॒𑌵𑍃𑌧𑌃॑ ॥ 𑍭𑍯 ॥

𑌦𑍍𑌵𑌾𑌰𑍋॑ 𑌦𑍇॒𑌵𑍀𑌰𑍍𑌹𑌿॑𑌰॒𑌣𑍍𑌯𑌯𑍀𑌃᳚ । 𑌬𑍍𑌰॒𑌹𑍍𑌮𑌾𑌣॒ 𑌇𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌪॒𑌙𑍍𑌕𑍍𑌤𑌿-𑌞𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌤𑍁॒𑌰𑍍𑌯॒𑌵𑌾𑌹॒-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌥𑍍𑌸𑍁॒𑌪𑍇𑌶॑𑌸𑍇 । 𑌸𑍁॒𑌶𑌿॒𑌲𑍍𑌪𑍇 𑌬𑍃॑𑌹॒𑌤𑍀 𑌉॒𑌭𑍇 । 𑌨𑌕𑍍𑌤𑍋॒𑌷𑌾𑌸𑌾॒ 𑌨 𑌦॑𑌰𑍍𑌶॒𑌤𑍇 । 𑌵𑌿𑌶𑍍𑌵॒𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌤𑍍𑌰𑌿॒𑌷𑍍𑌟𑍁𑌭॒-𑌞𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 ॥ 𑍮0 ॥

𑌪॒𑌷𑍍𑌠॒𑌵𑌾𑌹॒-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒-𑌤𑍍𑌪𑍍𑌰𑌚𑍇॑𑌤𑌸𑌾 । 𑌦𑍇॒𑌵𑌾𑌨𑌾॑𑌮𑍁𑌤𑍍𑌤॒𑌮𑌂-𑌯𑌁𑌶𑌃॑ । 𑌹𑍋𑌤𑌾॑𑌰𑌾॒ 𑌦𑍈𑌵𑍍𑌯𑌾॑ 𑌕॒𑌵𑍀 । 𑌸॒𑌯𑍁𑌜𑍇𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌜𑌗॑𑌤𑍀॒-𑌞𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌅॒𑌨॒𑌡𑍍𑌵𑌾𑌹॒-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒-𑌤𑍍𑌪𑍇𑌶॑𑌸𑍍𑌵𑌤𑍀𑌃 ॥ 𑍮1 ॥

𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑍍𑌹𑌿॑𑌰॒𑌣𑍍𑌯𑌯𑍀𑌃᳚ । 𑌭𑌾𑌰॑𑌤𑍀-𑌰𑍍𑌬𑍃𑌹॒𑌤𑍀𑌰𑍍𑌮॒𑌹𑍀𑌃 । 𑌪𑌤𑌿॒𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌵𑌿॒𑌰𑌾𑌜॒-𑌞𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌧𑍇॒𑌨𑍁-𑌙𑍍𑌗𑌾-𑌨𑍍𑌨 𑌵𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌥𑍍𑌸𑍁॒𑌰𑍇𑌤॑𑌸𑌮𑍍 । 𑌤𑍍𑌵𑌷𑍍𑌟𑌾॑𑌰-𑌮𑍍𑌪𑍁𑌷𑍍𑌟𑌿॒𑌵𑌰𑍍𑌧॑𑌨𑌮𑍍 । 𑌰𑍂॒𑌪𑌾𑌣𑌿॒ 𑌬𑌿𑌭𑍍𑌰॑𑌤॒-𑌮𑍍𑌪𑍃𑌥॑𑌕𑍍 । 𑌪𑍁𑌷𑍍𑌟𑌿॒𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 ॥ 𑍮2 ॥

𑌦𑍍𑌵𑌿॒𑌪𑌦॒-𑌞𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌉॒𑌕𑍍𑌷𑌾𑌣॒-𑌙𑍍𑌗𑌾-𑌨𑍍𑌨 𑌵𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷𑌚𑍍𑌛॒𑌤𑌕𑍍𑌰॑𑌤𑍁𑌮𑍍 । 𑌹𑌿𑌰॑𑌣𑍍𑌯𑌪𑌰𑍍𑌣-𑌮𑍁॒𑌕𑍍𑌥𑌿𑌨᳚𑌮𑍍 । 𑌰॒𑌶॒𑌨𑌾-𑌮𑍍𑌬𑌿𑌭𑍍𑌰॑𑌤𑌂-𑌵𑌁॒𑌶𑌿𑌮𑍍 । 𑌭𑌗॒𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌕॒𑌕𑍁𑌭॒-𑌞𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌶𑌾𑌂-𑌵𑍇𑌁॒𑌹𑌤॒-𑌙𑍍𑌗𑌾-𑌨𑍍𑌨 𑌵𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷॒-𑌥𑍍𑌸𑍍𑌵𑌾𑌹𑌾॑𑌕𑍃𑌤𑍀𑌃 । 𑌅॒𑌗𑍍𑌨𑌿-𑌙𑍍𑌗𑍃॒𑌹𑌪॑𑌤𑌿॒-𑌮𑍍𑌪𑍃𑌥॑𑌕𑍍 । 𑌵𑌰𑍁॑𑌣-𑌮𑍍𑌭𑍇𑌷॒𑌜-𑌙𑍍𑌕॒𑌵𑌿𑌮𑍍 । 𑌕𑍍𑌷॒𑌤𑍍𑌰𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌅𑌤𑌿॑𑌚𑍍𑌛𑌨𑍍𑌦𑌸॒-𑌞𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌬𑍃॒𑌹𑌦𑍃॑𑌷॒𑌭-𑌙𑍍𑌗𑌾𑌂-𑌵𑌁𑌯𑍋॒ 𑌦𑌧॑𑌤𑍍 । 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑍮3 ॥
(𑌦॒𑌧𑍇 – 𑌦𑌧॑-𑌦𑍍- 𑌋𑌤𑌾॒𑌵𑍃𑌧॑ – 𑌇𑌨𑍍𑌦𑍍𑌰𑌿॒𑌯𑌂 – 𑌪𑍇𑌶॑𑌸𑍍𑌵𑌤𑍀–𑌰𑍍 𑌵𑌯𑍋॒𑌧𑌸𑌂॒ – 𑌁𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ 𑌸॒𑌪𑍍𑌤 𑌚॑) (𑌅. 1𑍭)

𑌇॒𑌡𑌸𑍍𑌪॒𑌦𑍇᳚-𑌽𑌗𑍍𑌨𑌿-𑌙𑍍𑌗𑌾॑𑌯॒𑌤𑍍𑌰𑍀-𑌨𑍍𑌤𑍍𑌰𑍍𑌯𑌵𑌿᳚𑌮𑍍 । 𑌶𑍁𑌚𑌿॑𑌵𑍍𑌰𑌤॒𑌗𑍍𑌮𑍍॒ 𑌶𑍁𑌚𑌿॑𑌮𑍁॒𑌷𑍍𑌣𑌿𑌹॑-𑌨𑍍𑌦𑌿𑌤𑍍𑌯॒𑌵𑌾𑌹᳚𑌮𑍍 । 𑌈॒𑌡𑍇𑌨𑍍𑌯॒𑌗𑍍𑌮𑍍॒ 𑌸𑍋𑌮॑-𑌮𑌨॒𑌷𑍍𑌟𑍁𑌭॑-𑌨𑍍𑌤𑍍𑌰𑌿𑌵॒𑌥𑍍𑌸𑌮𑍍 । 𑌸𑍁॒𑌬॒𑌰॒𑌃𑌇॒𑌷𑌦॑𑌮॒𑌮𑍃𑌤𑍇𑌨𑍍𑌦𑍍𑌰॑-𑌮𑍍𑌬𑍃𑌹॒𑌤𑍀-𑌮𑍍𑌪𑌞𑍍𑌚𑌾॑𑌵𑌿𑌮𑍍 । 𑌵𑍍𑌯𑌚॑𑌸𑍍𑌵𑌤𑍀-𑌸𑍍𑌸𑍁𑌪𑍍𑌰𑌾𑌯॒𑌣𑌾 𑌦𑍍𑌵𑌾𑌰𑍋᳚ 𑌬𑍍𑌰𑌾॒𑌹𑍍𑌮𑌾𑌣𑌃॑ 𑌪𑌾॒𑌙𑍍𑌕𑍍𑌤𑌿𑌮𑌿॒𑌹 𑌤𑍁॑𑌰𑍍𑌯॒𑌵𑌾𑌹᳚𑌮𑍍 । 𑌸𑍁॒𑌪𑍇𑌶॑𑌸𑍇॒ 𑌵𑌿𑌶𑍍𑌵॒𑌮𑌿𑌨𑍍𑌦𑍍𑌰॑-𑌨𑍍𑌤𑍍𑌰𑌿॒𑌷𑍍𑌟𑍁𑌭॑-𑌮𑍍𑌪𑌷𑍍𑌠॒𑌵𑌾𑌹᳚𑌮𑍍 । 𑌪𑍍𑌰𑌚𑍇॑𑌤𑌸𑌾 𑌸॒𑌯𑍁𑌜𑍇𑌨𑍍𑌦𑍍𑌰॒-𑌞𑍍𑌜𑌗॑𑌤𑍀𑌮𑌿॒𑌹𑌾𑌨॒𑌡𑍍𑌵𑌾𑌹᳚𑌮𑍍 । 𑌪𑍇𑌶॑𑌸𑍍𑌵𑌤𑍀𑌸𑍍𑌤𑌿॒𑌸𑍍𑌤𑍍𑌰𑍋 𑌭𑌾𑌰॑𑌤𑍀𑌃॒ 𑌪𑌤𑌿𑌂॑-𑌵𑌿𑌁॒𑌰𑌾𑌜॑𑌮𑌿॒𑌹 𑌧𑍇॒𑌨𑍁-𑌨𑍍𑌨 । 𑌸𑍁॒𑌰𑍇𑌤॑𑌸॒-𑌨𑍍𑌤𑍍𑌵𑌷𑍍𑌟𑌾॑𑌰॒-𑌮𑍍𑌪𑍁𑌷𑍍𑌟𑌿॑-𑌨𑍍𑌦𑍍𑌵𑌿॒𑌪𑌦॑𑌮𑌿॒𑌹𑍋𑌕𑍍𑌷𑌾𑌣॒-𑌨𑍍𑌨 । 𑌶॒𑌤𑌕𑍍𑌰॑𑌤𑍁॒-𑌮𑍍𑌭𑌗॒𑌮𑌿𑌨𑍍𑌦𑍍𑌰॑-𑌙𑍍𑌕॒𑌕𑍁𑌭॑𑌮𑌿॒𑌹 𑌵॒𑌶𑌾𑌂-𑌵𑍇𑌁॒𑌹𑌤॒-𑌙𑍍𑌗𑌾-𑌨𑍍𑌨 । 𑌸𑍍𑌵𑌾𑌹𑌾॑𑌕𑍃𑌤𑍀𑌃, 𑌕𑍍𑌷॒𑌤𑍍𑌰𑌮𑌤𑌿॑𑌚𑍍𑌛𑌨𑍍𑌦𑌸-𑌮𑍍𑌬𑍃॒𑌹𑌦𑍃॑𑌷॒𑌭-𑌙𑍍𑌗𑌾𑌂-𑌵𑌁𑌯𑌃॑ । 𑌇॒𑌨𑍍𑌦𑍍𑌰𑌿॒𑌯𑌮𑍁𑌷𑌿॑𑌵𑌸𑍁॒𑌨𑌵॑𑌦॒𑌶𑍇𑌹𑍇᳚𑌨𑍍𑌦𑍍𑌰𑌿𑌯॒𑌮𑌷𑍍𑌟॑ 𑌨𑌵 𑌦𑌶॒ 𑌗𑌾-𑌨𑍍𑌨 𑌵𑌯𑍋॒ 𑌦𑌧॒-𑌥𑍍𑌸𑌰𑍍𑌵॑𑌵𑍇𑌤𑍁 ।

𑌅𑌨𑍁𑌵𑌾𑌕𑌂 1𑍮 – 𑌐𑌨𑍍𑌦𑍍𑌰𑍋 𑌪𑌶𑍌 𑌪𑍍𑌰𑌯𑌾𑌜𑌯𑌾𑌜𑍍𑌯𑌾𑌃
𑌸𑌮𑌿॑𑌦𑍍𑌧𑍋 𑌅॒𑌗𑍍𑌨𑌿-𑌸𑍍𑌸॒𑌮𑌿𑌧𑌾᳚ । 𑌸𑍁𑌷॑𑌮𑌿𑌦𑍍𑌧𑍋॒ 𑌵𑌰𑍇᳚𑌣𑍍𑌯𑌃 । 𑌗𑌾॒𑌯॒𑌤𑍍𑌰𑍀 𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌤𑍍𑌰𑍍𑌯𑌵𑌿॒𑌰𑍍𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑌤𑌨𑍂॒𑌨𑌪𑌾॒-𑌚𑍍𑌛𑍁𑌚𑌿॑𑌵𑍍𑌰𑌤𑌃 । 𑌤॒𑌨𑍂॒𑌨𑌪𑌾𑌚𑍍𑌚॒ (𑌤॒𑌨𑍂॒𑌪𑌾𑌚𑍍𑌚) 𑌸𑌰॑𑌸𑍍𑌵𑌤𑍀 । 𑌉॒𑌷𑍍𑌣𑌿𑌕𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌦𑌿॒𑌤𑍍𑌯॒𑌵𑌾𑌡𑍍𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑌇𑌡𑌾॑𑌭𑌿𑌰॒𑌗𑍍𑌨𑌿𑌰𑍀𑌡𑍍𑌯𑌃॑ । 𑌸𑍋𑌮𑍋॑ 𑌦𑍇॒𑌵𑍋 𑌅𑌮॑𑌰𑍍𑌤𑍍𑌯𑌃 ॥ 𑍮4 ॥

𑌅॒𑌨𑍁॒𑌷𑍍𑌟𑍁𑌪𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌤𑍍𑌰𑌿॒𑌵॒𑌥𑍍𑌸𑍋 𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑌸𑍁॒𑌬॒𑌰𑍍॒𑌹𑌿𑌰॒𑌗𑍍𑌨𑌿𑌃 𑌪𑍂॑𑌷॒𑌣𑍍𑌵𑌾𑌨𑍍 । 𑌸𑍍𑌤𑍀॒𑌰𑍍𑌣-𑌬॑𑌰𑍍𑌹𑌿॒𑌰𑌮॑𑌰𑍍𑌤𑍍𑌯𑌃 । 𑌬𑍃॒𑌹॒𑌤𑍀 𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌪𑌞𑍍𑌚𑌾॑𑌵𑌿॒-𑌰𑍍𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑌦𑍁𑌰𑍋॑ 𑌦𑍇॒𑌵𑍀𑌰𑍍𑌦𑌿𑌶𑍋॑ 𑌮॒𑌹𑍀𑌃 । 𑌬𑍍𑌰॒𑌹𑍍𑌮𑌾 𑌦𑍇॒𑌵𑍋 𑌬𑍃𑌹॒𑌸𑍍𑌪𑌤𑌿𑌃॑ । 𑌪॒𑌙𑍍𑌕𑍍𑌤𑌿-𑌶𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌤𑍁॒𑌰𑍍𑌯॒𑌵𑌾𑌡𑍍 𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑍮5 ॥

𑌉॒𑌷𑍇 𑌯॒𑌹𑍍𑌵𑍀 𑌸𑍁॒𑌪𑍇𑌶॑𑌸𑌾 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌅𑌮॑𑌰𑍍𑌤𑍍𑌯𑌾𑌃 । 𑌤𑍍𑌰𑌿॒𑌷𑍍𑌟𑍁-𑌪𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌪॒𑌷𑍍𑌠॒𑌵𑌾𑌦𑍍𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑌦𑍈𑌵𑍍𑌯𑌾॑ 𑌹𑍋𑌤𑌾𑌰𑌾 𑌭𑌿𑌷𑌜𑌾 । 𑌇𑌨𑍍𑌦𑍍𑌰𑍇॑𑌣 𑌸॒𑌯𑍁𑌜𑌾॑ 𑌯𑍁॒𑌜𑌾 । 𑌜𑌗॑𑌤𑍀॒ 𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌅॒𑌨॒𑌡𑍍𑌵𑌾𑌨𑍍-𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑌤𑌿॒𑌸𑍍𑌰 𑌇𑌡𑌾॒ 𑌸𑌰॑𑌸𑍍𑌵𑌤𑍀 । 𑌭𑌾𑌰॑𑌤𑍀 𑌮॒𑌰𑍁𑌤𑍋॒ 𑌵𑌿𑌶𑌃॑ ॥ 𑍮6 ॥

𑌵𑌿॒𑌰𑌾𑌟𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌧𑍇॒𑌨𑍁𑌰𑍍𑌗𑍌𑌰𑍍𑌨 𑌵𑌯𑍋॑ 𑌦𑌧𑍁𑌃 ॥ 𑌤𑍍𑌵𑌷𑍍𑌟𑌾॑ 𑌤𑍁॒𑌰𑍀𑌪𑍋॒ 𑌅𑌦𑍍𑌭𑍁॑𑌤𑌃 । 𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌪𑍁॑𑌷𑍍𑌟𑌿॒𑌵𑌰𑍍𑌧॑𑌨𑌾 । 𑌦𑍍𑌵𑌿॒𑌪𑌾𑌚𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌉॒𑌕𑍍𑌷𑌾 𑌗𑍌𑌰𑍍𑌨 𑌵𑌯𑍋॑ 𑌦𑌧𑍁𑌃 ॥ 𑌶॒𑌮𑌿॒𑌤𑌾 𑌨𑍋॒ 𑌵𑌨॒𑌸𑍍𑌪𑌤𑌿𑌃॑ । 𑌸॒𑌵𑌿॒𑌤𑌾 𑌪𑍍𑌰॑𑌸𑍁॒𑌵𑌨𑍍𑌭𑌗᳚𑌮𑍍 । 𑌕॒𑌕𑍁𑌚𑍍𑌛𑌨𑍍𑌦॑ 𑌇॒𑌹𑍇𑌨𑍍𑌦𑍍𑌰𑌿॒𑌯𑌮𑍍 । 𑌵॒𑌶𑌾 𑌵𑍇॒𑌹𑌦𑍍𑌗𑍌𑌰𑍍𑌨 𑌵𑌯𑍋॑ 𑌦𑌧𑍁𑌃 ॥ 𑌸𑍍𑌵𑌾𑌹𑌾॑ 𑌯॒𑌜𑍍𑌞𑌂-𑌵𑌁𑌰𑍁॑𑌣𑌃 । 𑌸𑍁॒𑌕𑍍𑌷॒𑌤𑍍𑌰𑍋 𑌭𑍇॑𑌷॒𑌜-𑌙𑍍𑌕॑𑌰𑌤𑍍 । 𑌅𑌤𑌿॑-𑌶𑍍𑌛𑌨𑍍𑌦𑌾॒-𑌶𑍍𑌛𑌨𑍍𑌦॑ 𑌇𑌨𑍍𑌦𑍍𑌰𑌿॒𑌯𑌮𑍍 । 𑌬𑍃॒𑌹𑌦𑍃॑𑌷॒𑌭𑍋 𑌗𑍌𑌰𑍍𑌵𑌯𑍋॑ 𑌦𑌧𑍁𑌃 ॥ 𑍮𑍭 ॥
(𑌅𑌮॑𑌰𑍍𑌤𑍍𑌯 – 𑌸𑍍𑌤𑍁𑌰𑍍𑌯॒𑌵𑌾𑌡𑍍𑌗𑍌𑌰𑍍𑌵𑌯𑍋॑ 𑌦𑌧𑍁॒–𑌰𑍍 𑌵𑌿𑌶𑍋॑ – 𑌵॒𑌶𑌾 𑌵𑍇॒𑌹𑌦𑍍𑌗𑍌𑌰𑍍𑌨 𑌵𑌯𑍋॑ 𑌦𑌧𑍁𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 1𑍮)

𑌅𑌨𑍁𑌵𑌾𑌕𑌂 1𑍯 – 𑌐𑌨𑍍𑌦𑍍𑌰𑍋 𑌪𑌶𑍌 𑌵𑌪𑌾𑌦𑍀𑌨𑌾𑌂-𑌯𑌁𑌜𑍍𑌯𑌾𑌨𑍁𑌵𑌾𑌕𑍍𑌯𑌾𑌃
𑌵॒𑌸॒𑌨𑍍𑌤𑍇𑌨॒𑌰𑍍𑌤𑍁𑌨𑌾॑ 𑌦𑍇॒𑌵𑌾𑌃 । 𑌵𑌸॑𑌵𑌸𑍍𑌤𑍍𑌰𑌿॒𑌵𑍃𑌤𑌾᳚ 𑌸𑍍𑌤𑍁॒𑌤𑌮𑍍 । 𑌰॒𑌥॒𑌨𑍍𑌤॒𑌰𑍇𑌣॒ 𑌤𑍇𑌜॑𑌸𑌾 । 𑌹॒𑌵𑌿𑌰𑌿𑌨𑍍𑌦𑍍𑌰𑍇॒ 𑌵𑌯𑍋॑ 𑌦𑌧𑍁𑌃 ॥ 𑌗𑍍𑌰𑍀॒𑌷𑍍𑌮𑍇𑌣॑ 𑌦𑍇॒𑌵𑌾 𑌋॒𑌤𑍁𑌨𑌾᳚ । 𑌰𑍁॒𑌦𑍍𑌰𑌾𑌃 𑌪॑𑌞𑍍𑌚𑌦॒𑌶𑍇 𑌸𑍍𑌤𑍁॒𑌤𑌮𑍍 । 𑌬𑍃॒𑌹॒𑌤𑌾 𑌯𑌶॑𑌸𑌾॒ 𑌬𑌲᳚𑌮𑍍 । 𑌹॒𑌵𑌿𑌰𑌿𑌨𑍍𑌦𑍍𑌰𑍇॒ 𑌵𑌯𑍋॑ 𑌦𑌧𑍁𑌃 ॥ 𑌵॒𑌰॒.𑌷𑌾𑌭𑌿॑𑌰𑍍-𑌋॒𑌤𑍁𑌨𑌾॑-𑌽𑌽𑌦𑌿॒𑌤𑍍𑌯𑌾𑌃 । 𑌸𑍍𑌤𑍋𑌮𑍇॑ 𑌸𑌪𑍍𑌤𑌦॒𑌶𑍇 𑌸𑍍𑌤𑍁॒𑌤𑌮𑍍 ॥ 𑍮𑍮 ॥

𑌵𑍈॒𑌰𑍂॒𑌪𑍇𑌣॑ 𑌵𑌿॒𑌶𑍌𑌜॑𑌸𑌾 । 𑌹॒𑌵𑌿𑌰𑌿𑌨𑍍𑌦𑍍𑌰𑍇॒ 𑌵𑌯𑍋॑ 𑌦𑌧𑍁𑌃 ॥ 𑌶𑌾॒𑌰॒𑌦𑍇𑌨॒𑌰𑍍𑌤𑍁𑌨𑌾॑ 𑌦𑍇॒𑌵𑌾𑌃 । 𑌏॒𑌕॒𑌵𑌿॒𑌗𑍍𑌮𑍍॒𑌶 𑌋॒𑌭𑌵॑-𑌸𑍍𑌸𑍍𑌤𑍁॒𑌤𑌮𑍍 । 𑌵𑍈॒𑌰𑌾॒𑌜𑍇𑌨॑ 𑌶𑍍𑌰𑌿॒𑌯𑌾 𑌶𑍍𑌰𑌿𑌯᳚𑌮𑍍 । 𑌹॒𑌵𑌿𑌰𑌿𑌨𑍍𑌦𑍍𑌰𑍇॒ 𑌵𑌯𑍋॑ 𑌦𑌧𑍁𑌃 ॥ 𑌹𑍇॒𑌮॒𑌨𑍍𑌤𑍇𑌨॒𑌰𑍍𑌤𑍁𑌨𑌾॑ 𑌦𑍇॒𑌵𑌾𑌃 । 𑌮॒𑌰𑍁𑌤॑𑌸𑍍𑌤𑍍𑌰𑌿𑌣॒𑌵𑍇 𑌸𑍍𑌤𑍁॒𑌤𑌮𑍍 । 𑌬𑌲𑍇॑𑌨॒ 𑌶𑌕𑍍𑌵॑𑌰𑍀॒-𑌸𑍍𑌸𑌹𑌃॑ । 𑌹॒𑌵𑌿𑌰𑌿𑌨𑍍𑌦𑍍𑌰𑍇॒ 𑌵𑌯𑍋॑ 𑌦𑌧𑍁𑌃 ॥ 𑌶𑍈॒𑌶𑌿॒𑌰𑍇𑌣॒𑌰𑍍𑌤𑍁𑌨𑌾॑ 𑌦𑍇॒𑌵𑌾𑌃 । 𑌤𑍍𑌰॒𑌯॒𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑍇॑ 𑌽𑌮𑍃𑌤𑌗𑍍𑌗𑍍॑ 𑌸𑍍𑌤𑍁॒𑌤𑌮𑍍 । 𑌸॒𑌤𑍍𑌯𑍇𑌨॑ 𑌰𑍇॒𑌵𑌤𑍀𑌃᳚, 𑌕𑍍𑌷॒𑌤𑍍𑌰𑌮𑍍 । 𑌹॒𑌵𑌿𑌰𑌿𑌨𑍍𑌦𑍍𑌰𑍇॒ 𑌵𑌯𑍋॑ 𑌦𑌧𑍁𑌃 ॥ 𑍮𑍯 ॥
(𑌸𑍍𑌤𑍋𑌮𑍇॑ 𑌸𑌪𑍍𑌤𑌦॒𑌶𑍇 𑌸𑍍𑌤𑍁॒𑌤𑌗𑍍𑌮𑍍 – 𑌸𑌹𑍋॑ 𑌹॒𑌵𑌿𑌰𑌿𑌨𑍍𑌦𑍍𑌰𑍇॒ 𑌵𑌯𑍋॑ 𑌦𑌧𑍁𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 1𑍯)

(𑌵॒𑌸॒𑌨𑍍𑌤𑍇𑌨॑ 𑌗𑍍𑌰𑍀॒𑌷𑍍𑌮𑍇𑌣॑ 𑌵॒𑌰𑍍॒𑌷𑌾𑌭𑌿॑-𑌶𑍍𑌶𑌾𑌰॒𑌦𑍇𑌨॑ 𑌹𑍇𑌮॒𑌨𑍍𑌤𑍇𑌨॑ 𑌶𑍈𑌶𑌿॒𑌰𑍇𑌣॒ 𑌷𑌟𑍍 )

𑌅𑌨𑍁𑌵𑌾𑌕𑌂 20 – 𑌐𑌨𑍍𑌦𑍍𑌰𑍋 𑌪𑌶𑍌 𑌅𑌨𑍂𑌯𑌾𑌜𑌾𑌨𑌾-𑌮𑍍𑌮𑍈𑌤𑍍𑌰𑌾𑌵𑌰𑌿𑌣𑌪𑍍𑌰𑍈𑌷𑌾𑌃
𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵-𑌨𑍍𑌦𑍇॒𑌵𑌮॑𑌵𑌰𑍍𑌧𑌯𑌤𑍍 । 𑌗𑌾॒𑌯॒𑌤𑍍𑌰𑌿॒𑌯𑌾 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌤𑍇𑌜॒ 𑌇𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵𑍀𑌰𑍍𑌦𑍍𑌵𑌾𑌰𑍋॑ 𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑍀𑌰𑍍𑌦𑍇॒𑌵-𑌮॑𑌵𑌰𑍍𑌧𑌯𑌨𑍍𑌨𑍍 । 𑌉॒𑌷𑍍𑌣𑌿𑌹𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌪𑍍𑌰𑌾॒𑌣𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑍯0 ॥

𑌦𑍇॒𑌵𑍀 𑌦𑍇॒𑌵𑌂-𑌵𑌁॑𑌯𑍋॒𑌧𑌸᳚𑌮𑍍 । 𑌉॒𑌷𑍇 𑌇𑌨𑍍𑌦𑍍𑌰॑𑌮𑌵𑌰𑍍𑌧𑌤𑌾𑌮𑍍 । 𑌅॒𑌨𑍁॒𑌷𑍍𑌟𑍁𑌭𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌵𑌾𑌚॒𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀॑ 𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑍀 𑌦𑍇॒𑌵𑌮॑𑌵𑌰𑍍𑌧𑌤𑌾𑌮𑍍 । 𑌬𑍃॒𑌹॒𑌤𑍍𑌯𑌾 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌶𑍍𑌰𑍋𑌤𑍍𑌰॒𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 𑍯1 ॥

𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀 𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑍀 𑌦𑍇॒𑌵𑌮॑𑌵𑌰𑍍𑌧𑌤𑌾𑌮𑍍 । 𑌪॒𑌙𑍍𑌕𑍍𑌤𑍍𑌯𑌾 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌶𑍁॒𑌕𑍍𑌰𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑌾 𑌦𑍇॒𑌵𑌮॑𑌵𑌰𑍍𑌧𑌤𑌾𑌮𑍍 । 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌤𑍍𑌵𑌿𑌷𑌿॒𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥ 𑍯2 ॥

𑌦𑍇॒𑌵𑍀-𑌸𑍍𑌤𑌿॒𑌸𑍍𑌰-𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑍍𑌵॑𑌯𑍋॒𑌧𑌸᳚𑌮𑍍 । 𑌪𑌤𑌿॒𑌮𑌿𑌨𑍍𑌦𑍍𑌰॑-𑌮𑌵𑌰𑍍𑌧𑌯𑌨𑍍𑌨𑍍 । 𑌜𑌗॑𑌤𑍍𑌯𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌬𑌲॒𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵𑍋 𑌨𑌰𑌾॒𑌶𑌗𑍍𑌮𑍍𑌸𑍋॑ 𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑍋 𑌦𑍇॒𑌵𑌮॑𑌵𑌰𑍍𑌧𑌯𑌤𑍍 । 𑌵𑌿॒𑌰𑌾𑌜𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌰𑍇𑌤॒ 𑌇𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑍯3 ॥

𑌦𑍇॒𑌵𑍋 𑌵𑌨॒𑌸𑍍𑌪𑌤𑌿॑-𑌰𑍍𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑍋 𑌦𑍇॒𑌵𑌮॑𑌵𑌰𑍍𑌧𑌯𑌤𑍍 । 𑌦𑍍𑌵𑌿॒𑌪𑌦𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌭𑌗॒𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾-𑌨𑍍𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑍋 (𑌦𑍇॒𑌵𑌂) 𑌦𑍇॒𑌵𑌮॑𑌵𑌰𑍍𑌧𑌯𑌤𑍍 । 𑌕॒𑌕𑍁𑌭𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌯𑌶॒ 𑌇𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃-𑌦𑍍𑌦𑍇॒𑌵𑌮𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸᳚𑌮𑍍 । 𑌦𑍇॒𑌵𑍋 𑌦𑍇॒𑌵𑌮॑𑌵𑌰𑍍𑌧𑌯𑌤𑍍 । 𑌅𑌤𑌿॑𑌚𑍍𑌛𑌨𑍍𑌦𑌸𑌾॒ 𑌛𑌨𑍍𑌦॑𑌸𑍇𑌨𑍍𑌦𑍍𑌰𑌿॒𑌯𑌮𑍍 । 𑌕𑍍𑌷॒𑌤𑍍𑌰𑌮𑌿𑌨𑍍𑌦𑍍𑌰𑍇॒ 𑌵𑌯𑍋॒ 𑌦𑌧॑𑌤𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑍯4 ॥
(𑌵𑌿॒𑌯॒𑌨𑍍𑌤𑍁॒ 𑌯𑌜॑ – 𑌵𑍀𑌤𑌾𑌂॒-𑌯𑌁𑌜॑-𑌵𑍀𑌤𑌾𑌂॒-𑌯𑌁𑌜॑-𑌵𑍇𑌤𑍁॒ 𑌯𑌜॑-𑌵𑍇𑌤𑍁॒ 𑌯𑌜॒ 𑌪𑌞𑍍𑌚॑ 𑌚) (𑌅. 20)

(𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌰𑍍𑌗𑌾॑𑌯𑌤𑍍𑌰𑌿॒𑌯𑌾 𑌤𑍇𑌜𑌃॑ । 𑌦𑍇॒𑌵𑍀𑌰𑍍𑌦𑍍𑌵𑌾𑌰॑ 𑌉॒𑌷𑍍𑌣𑌿𑌹𑌾᳚ 𑌪𑍍𑌰𑌾॒𑌣𑌮𑍍 । 𑌦𑍇॒𑌵𑍀 𑌦𑍇॒𑌵𑌮𑍁॒𑌷𑍇 𑌅॑𑌨𑍁॒𑌷𑍍𑌟𑍁𑌭𑌾॒ 𑌵𑌾𑌚᳚𑌮𑍍 । 𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀॑ 𑌬𑍃𑌹॒𑌤𑍍𑌯𑌾 𑌶𑍍𑌰𑍋𑌤𑍍𑌰᳚𑌮𑍍 । 𑌦𑍇॒𑌵𑍀 𑌊॒𑌰𑍍𑌜𑌾𑌹𑍂॑𑌤𑍀 𑌪॒𑌙𑍍𑌕𑍍𑌤𑍍𑌯𑌾 𑌶𑍁॒𑌕𑍍𑌰𑌮𑍍 । 𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌤𑍍𑌵𑌿𑌷𑌿᳚𑌮𑍍 । 𑌦𑍇॒𑌵𑍀𑌸𑍍𑌤𑌿॒𑌸𑍍𑌰𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌃 𑌪𑌤𑌿॒-𑌞𑍍𑌜𑌗॑𑌤𑍍𑌯𑌾॒ 𑌬𑌲᳚𑌮𑍍 । 𑌦𑍇॒𑌵𑍋 𑌨𑌰𑌾॒𑌶𑌗𑍍𑌮𑍍𑌸𑍋॑ 𑌵𑌿॒𑌰𑌾𑌜𑌾॒ 𑌰𑍇𑌤𑌃॑ । 𑌦𑍇॒𑌵𑍋 𑌵𑌨॒𑌸𑍍𑌪𑌤𑌿॑-𑌰𑍍𑌦𑍍𑌵𑌿॒𑌪𑌦𑌾॒ 𑌭𑌗᳚𑌮𑍍 । 𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌰𑍍𑌵𑌾𑌰𑌿॑𑌤𑍀𑌨𑌾-𑌙𑍍𑌕॒𑌕𑍁𑌭𑌾॒ 𑌯𑌶𑌃॑ । 𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌦𑌤𑌿॑𑌚𑍍𑌛𑌨𑍍𑌦𑌸𑌾 𑌕𑍍𑌷॒𑌤𑍍𑌰𑌮𑍍 । 𑌵𑍇॒𑌤𑍁॒ 𑌵𑌿॒𑌯॒𑌨𑍍𑌤𑍁॒ 𑌚॒𑌤𑍁-𑌰𑍍𑌵𑍀॑𑌤𑌾॒𑌮𑍇𑌕𑍋॑ 𑌵𑌿𑌯𑌨𑍍𑌤𑍁 𑌚॒𑌤𑍁𑌰𑍍𑌵𑍇॑𑌤𑍁 । 𑌅॒𑌵॒𑌰𑍍𑌧॒𑌯॒𑌦॒𑌵॒𑌰𑍍𑌧॒𑌯॒𑌗𑍍𑌗𑍍॒ 𑌶𑍍𑌚॒𑌤𑍁𑌰॑𑌵𑌰𑍍𑌧𑌤𑌾॒𑌮𑍇𑌕𑍋॑ 𑌽𑌵𑌰𑍍𑌧𑌯𑌗𑍍𑌗𑍍 𑌶𑍍𑌚॒𑌤𑍁𑌰॑𑌵𑌰𑍍𑌧𑌯𑌤𑍍 ।)

(𑌸𑍍𑌵𑌾॒𑌦𑍍𑌵𑍀-𑌨𑍍𑌤𑍍𑌵𑌾॒ – 𑌸𑍋𑌮𑌃॒ – 𑌸𑍁𑌰𑌾॑𑌵𑌨𑍍𑌤॒𑌗𑍍𑌮𑍍॒ – 𑌸𑍀𑌸𑍇॑𑌨 – 𑌮𑌿॒𑌤𑍍𑌰𑍋॑-𑌽𑌸𑌿॒ – 𑌯-𑌦𑍍𑌦𑍇॑𑌵𑌾॒ – 𑌹𑍋𑌤𑌾॑ 𑌯𑌕𑍍𑌷-𑌥𑍍𑌸॒𑌮𑌿𑌧𑍇𑌨𑍍𑌦𑍍𑌰॒𑌗𑍍𑌮𑍍॒ – 𑌸𑌮𑌿॑𑌦𑍍𑌧॒ 𑌇𑌨𑍍𑌦𑍍𑌰॒ – 𑌆𑌚॑𑌰𑍍𑌷𑌣𑌿॒𑌪𑍍𑌰𑌾 – 𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑌿𑌨𑍍𑌦𑍍𑌰𑌗𑍍𑌮𑍍॑ 𑌸𑍁𑌦𑍇॒𑌵𑌗𑍍𑌮𑍍 – 𑌹𑍋𑌤𑌾॑ 𑌯𑌕𑍍𑌷-𑌥𑍍𑌸॒𑌮𑌿𑌧𑌾॒-𑌽𑌗𑍍𑌨𑌿𑌗𑍍𑌮𑍍 – 𑌸𑌮𑌿॑𑌦𑍍𑌧𑍋 𑌅॒𑌗𑍍𑌨𑌿𑌰॑𑌶𑍍𑌵𑌿𑌨𑌾॒ – 𑌽𑌶𑍍𑌵𑌿𑌨𑌾॑ 𑌹॒𑌵𑌿𑌰𑌿॑𑌨𑍍𑌦𑍍𑌰𑌿॒𑌯𑌂 – 𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌸𑍍𑌸𑌰॑𑌸𑍍𑌵 – 𑌤𑍍𑌯𑌾॒𑌗𑍍𑌨𑌿𑌮॒ – 𑌦𑍍𑌯𑍋𑌶𑌨𑍍𑌤𑍋॒ – 𑌹𑍋𑌤𑌾॑ 𑌯𑌕𑍍𑌷𑌦𑌿॒𑌡𑌸𑍍𑌪॒𑌦𑍇 – 𑌸𑌮𑌿॑𑌦𑍍𑌧𑍋 𑌅॒𑌗𑍍𑌨𑌿-𑌸𑍍𑌸॒𑌮𑌿𑌧𑌾॑ – 𑌵𑌸॒𑌨𑍍𑌤𑍇𑌨॑ – 𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑌿𑌨𑍍𑌦𑍍𑌰𑌂॑-𑌵𑌁𑌯𑍋॒𑌧𑌸𑌂॑-𑌵𑌿𑌁𑌗𑍍𑌮𑍍𑌶॒𑌤𑌿𑌃)

(𑌸𑍍𑌵𑌾॒𑌦𑍍𑌵𑍀-𑌨𑍍𑌤𑍍𑌵𑌾-𑌽 – 𑌮𑍀॑ 𑌮𑌦𑌨𑍍𑌤 𑌪𑌿॒𑌤𑌰𑌃॒ – 𑌸𑌾𑌮𑍍𑌰𑌾᳚𑌜𑍍𑌯𑌾𑌯 – 𑌪𑍂॒𑌤-𑌮𑍍𑌪॒𑌵𑌿𑌤𑍍𑌰𑍇॑𑌣𑍇॒ 𑌵𑌾𑌜𑍍𑌯॑ – 𑌮𑍁॒𑌷𑌾𑌸𑌾॒𑌨𑌕𑍍𑌤𑌾॒ – 𑌬𑌦॑𑌰𑍈॒ – 𑌰𑌧𑌾॑𑌤𑌾𑌮॒𑌶𑍍𑌵𑌿𑌨𑌾॑ – 𑌦𑍇॒𑌵 𑌇𑌨𑍍𑌦𑍍𑌰𑍋॒ 𑌵𑌨॒𑌸𑍍𑌪𑌤𑌿𑌃॑ – 𑌪𑌷𑍍𑌠॒𑌵𑌾𑌹॒-𑌙𑍍𑌗𑌾𑌂 – 𑌦𑍇॒𑌵𑍀 𑌦𑍇॒𑌵𑌂-𑌵𑌁॑𑌯𑍋॒𑌧𑌸॒-𑌞𑍍𑌚𑌤𑍁॑𑌰𑍍𑌨𑌵𑌤𑌿𑌃 )

(𑌸𑍍𑌵𑌾॒𑌦𑍍𑌵𑍀𑌨𑍍𑌤𑍍𑌵𑌾॑ – 𑌵𑍇𑌤𑍁॒ 𑌯𑌜॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

प्रायः पृष्टाः प्रश्नाः

What is 2.6 - 𑌸𑍌𑌤𑍍𑌰𑌾𑌮𑌣𑌿𑌃 𑌕𑍌𑌕𑌿𑌲𑍀 𑌹𑍋𑌤𑍍𑌰𑌂 𑌚 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌸𑍍𑌵𑌾𑌦𑍍𑌵𑍀𑌂 𑌤𑍍𑌵𑌾?

2.6 - 𑌸𑍌𑌤𑍍𑌰𑌾𑌮𑌣𑌿𑌃 𑌕𑍌𑌕𑌿𑌲𑍀 𑌹𑍋𑌤𑍍𑌰𑌂 𑌚 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌸𑍍𑌵𑌾𑌦𑍍𑌵𑍀𑌂 𑌤𑍍𑌵𑌾 is a Sri Krishna Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 2.6 - 𑌸𑍌𑌤𑍍𑌰𑌾𑌮𑌣𑌿𑌃 𑌕𑍌𑌕𑌿𑌲𑍀 𑌹𑍋𑌤𑍍𑌰𑌂 𑌚 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌸𑍍𑌵𑌾𑌦𑍍𑌵𑍀𑌂 𑌤𑍍𑌵𑌾 online?

Yes. The imported text is available directly on this page for online reading and recitation.

Can I download 2.6 - 𑌸𑍌𑌤𑍍𑌰𑌾𑌮𑌣𑌿𑌃 𑌕𑍌𑌕𑌿𑌲𑍀 𑌹𑍋𑌤𑍍𑌰𑌂 𑌚 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌸𑍍𑌵𑌾𑌦𑍍𑌵𑍀𑌂 𑌤𑍍𑌵𑌾 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु