2.2 – 𑌹𑍋𑌤𑍃𑌬𑍍𑌰𑌾𑌹𑍍𑌮𑌣𑌮𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 – 𑌪𑍍𑌰𑌜𑌾𑌪𑌤𑌿𑌰𑌕𑌾𑌮𑌯𑌤 𑌪𑍍𑌰𑌜𑌾𑌃

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌪𑌾𑌠𑌕𑌃 – 𑌹𑍋𑌤𑍃𑌬𑍍𑌰𑌾𑌹𑍍𑌮𑌣𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 – 𑌦𑌶𑌹𑍋𑌤𑍃𑌮𑌨𑍍𑌤𑍍𑌰𑌸𑍍𑌯 𑌕𑍍𑌰𑌤𑍍𑌵𑌰𑍍𑌥𑌪𑍁𑌰𑍁𑌷𑌾𑌰𑍍𑌥𑌪𑍍𑌰𑌯𑍋𑌗𑍌

𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 𑌪𑍍𑌰॒𑌜𑌾-𑌸𑍍𑌸𑍃॑𑌜𑍇॒𑌯𑍇𑌤𑌿॑ । 𑌸 𑌏॒𑌤-𑌨𑍍𑌦𑌶॑𑌹𑍋𑌤𑌾𑌰-𑌮𑌪𑌶𑍍𑌯𑌤𑍍 । 𑌤-𑌮𑍍𑌮𑌨॑𑌸𑌾 𑌽𑌨𑍁॒𑌦𑍍𑌰𑍁𑌤𑍍𑌯॑ 𑌦𑌰𑍍𑌭𑌸𑍍𑌤॒𑌮𑍍𑌬𑍇॑-𑌽𑌜𑍁𑌹𑍋𑌤𑍍 । 𑌤𑌤𑍋॒ 𑌵𑍈 𑌸 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌾 𑌅॑𑌸𑍍𑌮𑌾𑌥𑍍𑌸𑍃॒𑌷𑍍𑌟𑌾 𑌅𑌪𑌾᳚𑌕𑍍𑌰𑌾𑌮𑌨𑍍𑌨𑍍 । 𑌤𑌾 𑌗𑍍𑌰𑌹𑍇॑𑌣𑌾𑌗𑍃𑌹𑍍𑌣𑌾𑌤𑍍 । 𑌤𑌦𑍍𑌗𑍍𑌰𑌹॑𑌸𑍍𑌯 𑌗𑍍𑌰𑌹॒𑌤𑍍𑌵𑌮𑍍 । 𑌯𑌃 𑌕𑌾॒𑌮𑌯𑍇॑𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌦𑌶॑𑌹𑍋𑌤𑌾𑌰॒-𑌮𑍍𑌮𑌨॑𑌸𑌾 𑌽𑌨𑍁॒𑌦𑍍𑌰𑍁𑌤𑍍𑌯॑ 𑌦𑌰𑍍𑌭𑌸𑍍𑌤॒𑌮𑍍𑌬𑍇 𑌜𑍁॑𑌹𑍁𑌯𑌾𑌤𑍍 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌦𑌶॑𑌹𑍋𑌤𑌾 ॥ 1 ॥

𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵 𑌭𑍂॒𑌤𑍍𑌵𑌾 𑌪𑍍𑌰 𑌜𑌾॑𑌯𑌤𑍇 ॥ 𑌮𑌨॑𑌸𑌾 𑌜𑍁𑌹𑍋𑌤𑌿 । 𑌮𑌨॑ 𑌇𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈᳚ ॥ 𑌪𑍂॒𑌰𑍍𑌣𑌯𑌾॑ 𑌜𑍁𑌹𑍋𑌤𑌿 । 𑌪𑍂॒𑌰𑍍𑌣 𑌇॑𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈᳚ ॥ 𑌨𑍍𑌯𑍂॑𑌨𑌯𑌾 𑌜𑍁𑌹𑍋𑌤𑌿 । 𑌨𑍍𑌯𑍂॑𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅𑌸𑍃॑𑌜𑌤 । 𑌪𑍍𑌰॒𑌜𑌾𑌨𑌾॒𑌗𑍍𑌮𑍍॒ 𑌸𑍃𑌷𑍍𑌟𑍍𑌯𑍈᳚ ॥ 2 ॥

𑌦॒𑌰𑍍𑌭॒𑌸𑍍𑌤॒𑌮𑍍𑌬𑍇 𑌜𑍁॑𑌹𑍋𑌤𑌿 । 𑌏॒𑌤𑌸𑍍𑌮𑌾॒𑌦𑍍𑌵𑍈 𑌯𑍋𑌨𑍇𑌃᳚ 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌯𑌸𑍍𑌮𑌾॑𑌦𑍇॒𑌵 𑌯𑍋𑌨𑍇𑌃᳚ 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅𑌸𑍃॑𑌜𑌤 । 𑌤𑌸𑍍𑌮𑌾॑𑌦𑍇॒𑌵 𑌯𑍋𑌨𑍇𑌃॒ 𑌪𑍍𑌰 𑌜𑌾॑𑌯𑌤𑍇 ॥ 𑌬𑍍𑌰𑌾॒𑌹𑍍𑌮॒𑌣𑍋 𑌦॑𑌕𑍍𑌷𑌿𑌣॒𑌤 𑌉𑌪𑌾᳚𑌸𑍍𑌤𑍇 । 𑌬𑍍𑌰𑌾॒𑌹𑍍𑌮॒𑌣𑍋 𑌵𑍈 𑌪𑍍𑌰॒𑌜𑌾𑌨𑌾॑-𑌮𑍁𑌪𑌦𑍍𑌰॒𑌷𑍍𑌟𑌾 । 𑌉॒𑌪॒𑌦𑍍𑌰॒𑌷𑍍𑌟𑍁॒𑌮𑌤𑍍𑌯𑍇॒𑌵 𑌪𑍍𑌰 𑌜𑌾॑𑌯𑌤𑍇 ॥ 𑌗𑍍𑌰𑌹𑍋॑ 𑌭𑌵𑌤𑌿 । 𑌪𑍍𑌰॒𑌜𑌾𑌨𑌾𑌗𑍍𑌮𑍍॑ 𑌸𑍃॒𑌷𑍍𑌟𑌾𑌨𑌾॒-𑌨𑍍𑌧𑍃𑌤𑍍𑌯𑍈᳚ ॥ 𑌯-𑌮𑍍𑌬𑍍𑌰𑌾᳚𑌹𑍍𑌮॒𑌣𑌂-𑌵𑌿𑌁॒𑌦𑍍𑌯𑌾𑌂-𑌵𑌿𑌁॒𑌦𑍍𑌵𑌾𑌗𑍍𑌮𑍍𑌸𑌂॒-𑌯𑌁𑌶𑍋॒ 𑌨𑌰𑍍𑌚𑍍𑌛𑍇𑌤𑍍 ॥ 3 ॥

𑌸𑍋-𑌽𑌰॑𑌣𑍍𑌯-𑌮𑍍𑌪॒𑌰𑍇𑌤𑍍𑌯॑ । 𑌦॒𑌰𑍍𑌭॒𑌸𑍍𑌤॒𑌮𑍍𑌬-𑌮𑍁॒𑌦𑍍𑌗𑍍𑌰𑌤𑍍𑌥𑍍𑌯॑ । 𑌬𑍍𑌰𑌾॒𑌹𑍍𑌮॒𑌣-𑌨𑍍𑌦॑𑌕𑍍𑌷𑌿𑌣॒𑌤𑍋 𑌨𑌿॒𑌷𑌾𑌦𑍍𑌯॑ । 𑌚𑌤𑍁॑𑌰𑍍𑌹𑍋𑌤𑍄॒𑌨𑍍 𑌵𑍍𑌯𑌾𑌚॑𑌕𑍍𑌷𑍀𑌤 । 𑌏॒𑌤𑌦𑍍𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌪𑌰॒𑌮-𑌙𑍍𑌗𑍁𑌹𑍍𑌯॒-𑌮𑍍𑌬𑍍𑌰𑌹𑍍𑌮॑ । 𑌯𑌚𑍍𑌚𑌤𑍁॑𑌰𑍍𑌹𑍋𑌤𑌾𑌰𑌃 । 𑌤𑌦𑍇॒𑌵 𑌪𑍍𑌰॑𑌕𑌾॒𑌶-𑌙𑍍𑌗॑𑌮𑌯𑌤𑌿 । 𑌤𑌦𑍇॑𑌨-𑌮𑍍𑌪𑍍𑌰𑌕𑌾॒𑌶-𑌙𑍍𑌗॒𑌤𑌮𑍍 । 𑌪𑍍𑌰॒𑌕𑌾॒𑌶-𑌮𑍍𑌪𑍍𑌰॒𑌜𑌾𑌨𑌾᳚-𑌙𑍍𑌗𑌮𑌯𑌤𑌿 ॥ 𑌦॒𑌰𑍍𑌭॒𑌸𑍍𑌤॒𑌮𑍍𑌬-𑌮𑍁॒𑌦𑍍𑌗𑍍𑌰𑌤𑍍𑌥𑍍𑌯॒ 𑌵𑍍𑌯𑌾𑌚॑𑌷𑍍𑌟𑍇 ॥ 4 ॥

𑌅॒𑌗𑍍𑌨𑌿॒𑌵𑌾𑌨𑍍. 𑌵𑍈 𑌦॑𑌰𑍍𑌭𑌸𑍍𑌤॒𑌮𑍍𑌬𑌃 । 𑌅॒𑌗𑍍𑌨𑌿॒𑌵𑌤𑍍𑌯𑍇॒𑌵 𑌵𑍍𑌯𑌾𑌚॑𑌷𑍍𑌟𑍇 ॥ 𑌬𑍍𑌰𑌾॒𑌹𑍍𑌮॒𑌣𑍋 𑌦॑𑌕𑍍𑌷𑌿𑌣॒𑌤 𑌉𑌪𑌾᳚𑌸𑍍𑌤𑍇 । 𑌬𑍍𑌰𑌾॒𑌹𑍍𑌮॒𑌣𑍋 𑌵𑍈 𑌪𑍍𑌰॒𑌜𑌾𑌨𑌾॑-𑌮𑍁𑌪𑌦𑍍𑌰॒𑌷𑍍𑌟𑌾 । 𑌉॒𑌪॒𑌦𑍍𑌰॒𑌷𑍍𑌟𑍁॒-𑌮𑌤𑍍𑌯𑍇॒𑌵𑍈𑌨𑌂॒-𑌯𑌁𑌶॑ 𑌋𑌚𑍍𑌛𑌤𑌿 ॥ 𑌈॒𑌶𑍍𑌵॒𑌰-𑌨𑍍𑌤𑌂-𑌯𑌁𑌶𑍋-𑌽𑌰𑍍𑌤𑍋॒𑌰𑌿𑌤𑍍𑌯𑌾॑𑌹𑍁𑌃 । 𑌯𑌸𑍍𑌯𑌾𑌨𑍍𑌤𑍇᳚ 𑌵𑍍𑌯𑌾॒𑌚𑌷𑍍𑌟॒ 𑌇𑌤𑌿॑ । 𑌵𑌰॒𑌸𑍍𑌤𑌸𑍍𑌮𑍈॒ 𑌦𑍇𑌯𑌃॑ । 𑌯𑌦𑍇॒𑌵𑍈𑌨॒-𑌨𑍍𑌤𑌤𑍍𑌰𑍋॑𑌪॒ 𑌨𑌮॑𑌤𑌿 । 𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇 ॥ 5 ॥

𑌅॒𑌗𑍍𑌨𑌿𑌮𑌾॒𑌦𑌧𑌾॑𑌨𑍋॒ 𑌦𑌶॑𑌹𑍋𑌤𑍍𑌰𑌾॒ 𑌽𑌰𑌣𑌿॒𑌮𑌵॑𑌦𑌦𑍍𑌧𑍍𑌯𑌾𑌤𑍍 । 𑌪𑍍𑌰𑌜𑌾॑𑌤𑌮𑍇॒𑌵𑍈𑌨॒-𑌮𑌾𑌧॑𑌤𑍍𑌤𑍇 । 𑌤𑍇𑌨𑍈॒𑌵𑍋𑌦𑍍𑌦𑍍𑌰𑍁𑌤𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁॑𑌹𑍁𑌯𑌾𑌤𑍍 । 𑌪𑍍𑌰𑌜𑌾॑𑌤𑌮𑍇॒𑌵𑍈𑌨॑𑌜𑍍𑌜𑍁𑌹𑍋𑌤𑌿 । 𑌹॒𑌵𑌿𑌰𑍍𑌨𑌿॑𑌰𑍍𑌵॒𑌫𑍍𑌸𑍍𑌯𑌨𑍍-𑌦𑌶॑𑌹𑍋𑌤𑌾𑌰𑌂॒-𑌵𑍍𑌯𑌾𑌁𑌚॑𑌕𑍍𑌷𑍀𑌤 । 𑌪𑍍𑌰𑌜𑌾॑𑌤𑌮𑍇॒𑌵𑍈𑌨॒-𑌨𑍍𑌨𑌿𑌰𑍍𑌵॑𑌪𑌤𑌿 । 𑌸𑌾॒𑌮𑌿॒𑌧𑍇॒𑌨𑍀-𑌰॑𑌨𑍁𑌵॒𑌕𑍍𑌷𑍍𑌯𑌨𑍍-𑌦𑌶॑𑌹𑍋𑌤𑌾𑌰𑌂॒-𑌵𑍍𑌯𑌾𑌁𑌚॑𑌕𑍍𑌷𑍀𑌤 । 𑌸𑌾॒𑌮𑌿॒𑌧𑍇॒𑌨𑍀𑌰𑍇॒𑌵 𑌸𑍃॒𑌷𑍍𑌟𑍍𑌵𑌾-𑌽𑌽𑌰𑌭𑍍𑌯॒ 𑌪𑍍𑌰 𑌤॑𑌨𑍁𑌤𑍇 । 𑌅𑌥𑍋॑ 𑌯॒𑌜𑍍𑌞𑍋 𑌵𑍈 𑌦𑌶॑𑌹𑍋𑌤𑌾 । 𑌯॒𑌜𑍍𑌞𑌮𑍇॒𑌵 𑌤॑𑌨𑍁𑌤𑍇 ॥ 6 ॥

𑌅॒𑌭𑌿॒𑌚𑌰॒𑌨𑍍-𑌦𑌶॑𑌹𑍋𑌤𑌾𑌰-𑌞𑍍𑌜𑍁𑌹𑍁𑌯𑌾𑌤𑍍 । 𑌨𑌵॒ 𑌵𑍈 𑌪𑍁𑌰𑍁॑𑌷𑍇 𑌪𑍍𑌰𑌾॒𑌣𑌾𑌃 । 𑌨𑌾𑌭𑌿॑𑌰𑍍𑌦𑌶॒𑌮𑍀 । 𑌸𑌪𑍍𑌰𑌾॑𑌣𑌮𑍇॒𑌵𑍈𑌨॑-𑌮॒𑌭𑌿𑌚॑𑌰𑌤𑌿 । 𑌏॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑌸𑍍𑌯॒ 𑌸𑍍𑌵𑌮𑍍 । 𑌯𑌾𑌵॑-𑌤𑍍𑌪𑍍𑌰𑌾॒𑌣𑌾𑌃 । 𑌯𑌾𑌵॑𑌦𑍇॒𑌵𑌾𑌸𑍍𑌯𑌾𑌸𑍍𑌤𑌿॑ । 𑌤𑌦॒𑌭𑌿𑌚॑𑌰𑌤𑌿 ॥ 𑌸𑍍𑌵𑌕𑍃॑𑌤॒ 𑌇𑌰𑌿॑𑌣𑍇 𑌜𑍁𑌹𑍋𑌤𑌿 𑌪𑍍𑌰𑌦॒𑌰𑍇 𑌵𑌾᳚ । 𑌏॒𑌤𑌦𑍍𑌵𑌾 𑌅॒𑌸𑍍𑌯𑍈 𑌨𑌿𑌰𑍍-𑌋॑𑌤𑌿𑌗𑍃𑌹𑍀𑌤𑌮𑍍 । 𑌨𑌿𑌰𑍍-𑌋॑𑌤𑌿 𑌗𑍃𑌹𑍀𑌤 𑌏॒𑌵𑍈𑌨॒-𑌨𑍍𑌨𑌿𑌰𑍍-𑌋॑𑌤𑍍𑌯𑌾 𑌗𑍍𑌰𑌾𑌹𑌯𑌤𑌿 ॥ 𑌯-𑌦𑍍𑌵𑌾॒𑌚𑌃 𑌕𑍍𑌰𑍂॒𑌰𑌮𑍍 । 𑌤𑍇𑌨॒ 𑌵𑌷॑𑌟𑍍𑌕𑌰𑍋𑌤𑌿 । 𑌵𑌾॒𑌚 𑌏॒𑌵𑍈𑌨॑-𑌙𑍍𑌕𑍍𑌰𑍂॒𑌰𑍇𑌣॒ 𑌪𑍍𑌰 𑌵𑍃॑𑌶𑍍𑌚𑌤𑌿 । 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 ॥ 𑍭 ॥
(𑌦𑌶॑𑌹𑍋𑌤𑌾॒ – 𑌸𑍃𑌷𑍍𑌟𑍍𑌯𑌾॑ – 𑌋॒𑌚𑍍𑌛𑍇-𑌦𑍍- 𑌵𑍍𑌯𑌾𑌚॑𑌷𑍍𑌟𑍇 – 𑌰𑍁𑌨𑍍𑌧 – 𑌏॒𑌵 𑌤॑𑌨𑍁𑌤𑍇॒ – 𑌨𑌿𑌰𑍍-𑌋॑𑌤𑌿𑌗𑍃𑌹𑍀𑌤॒-𑌮𑍍𑌪𑌞𑍍𑌚॑ 𑌚) (𑌅. 1)

𑌅𑌨𑍁𑌵𑌾𑌕𑌂 2 – 𑌚𑌤𑍁𑌰𑍍𑌹𑍋𑌤𑍍𑌰𑌾𑌦𑌿𑌮𑌨𑍍𑌤𑍍𑌰𑌾𑌣𑌾-𑌙𑍍𑌕𑍍𑌰𑌤𑍍𑌵𑌰𑍍𑌥𑌪𑍍𑌰𑌯𑍋𑌗𑌃
𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑍌 𑌸𑍃॑𑌜𑍇॒𑌯𑍇𑌤𑌿॑ । 𑌸 𑌏॒𑌤-𑌞𑍍𑌚𑌤𑍁॑𑌰𑍍𑌹𑍋𑌤𑌾𑌰-𑌮𑌪𑌶𑍍𑌯𑌤𑍍 । 𑌤-𑌮𑍍𑌮𑌨॑𑌸𑌾-𑌽𑌨𑍁॒𑌦𑍍𑌰𑍁𑌤𑍍𑌯𑌾॑ 𑌹𑌵॒𑌨𑍀𑌯𑍇॑-𑌽𑌜𑍁𑌹𑍋𑌤𑍍 । 𑌤𑌤𑍋॒ 𑌵𑍈 𑌸 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑌾𑌵॑𑌸𑍃𑌜𑌤 । 𑌤𑌾𑌵॑𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌾𑌵𑌪𑌾᳚𑌕𑍍𑌰𑌾𑌮𑌤𑌾𑌮𑍍 । 𑌤𑍌 𑌗𑍍𑌰𑌹𑍇॑𑌣𑌾 𑌗𑍃𑌹𑍍𑌣𑌾𑌤𑍍 । 𑌤𑌦𑍍𑌗𑍍𑌰𑌹॑𑌸𑍍𑌯 𑌗𑍍𑌰𑌹॒𑌤𑍍𑌵𑌮𑍍 । 𑌦॒𑌰𑍍॒𑌶॒𑌪𑍂॒𑌰𑍍𑌣॒𑌮𑌾॒𑌸𑌾-𑌵𑌾॒𑌲𑌭॑𑌮𑌾𑌨𑌃 । 𑌚𑌤𑍁॑𑌰𑍍𑌹𑍋𑌤𑌾𑌰॒-𑌮𑍍𑌮𑌨॑𑌸𑌾-𑌽𑌨𑍁॒𑌦𑍍𑌰𑍁𑌤𑍍𑌯𑌾॑-𑌹𑌵॒𑌨𑍀𑌯𑍇॑ 𑌜𑍁𑌹𑍁𑌯𑌾𑌤𑍍 । 𑌦॒𑌰𑍍॒𑌶॒𑌪𑍂॒𑌰𑍍𑌣॒𑌮𑌾॒𑌸𑌾𑌵𑍇॒𑌵 𑌸𑍃॒𑌷𑍍𑌟𑍍𑌵𑌾-𑌽𑌽𑌰𑌭𑍍𑌯॒ 𑌪𑍍𑌰 𑌤॑𑌨𑍁𑌤𑍇 ॥ 𑍮 ॥

𑌗𑍍𑌰𑌹𑍋॑ 𑌭𑌵𑌤𑌿 । 𑌦॒𑌰𑍍॒𑌶॒𑌪𑍂॒𑌰𑍍𑌣॒𑌮𑌾॒𑌸𑌯𑍋᳚-𑌸𑍍𑌸𑍃॒𑌷𑍍𑌟𑌯𑍋॒𑌰𑍍𑌧𑍃𑌤𑍍𑌯𑍈᳚ ॥ 𑌸𑍋॑-𑌽𑌕𑌾𑌮𑌯𑌤 𑌚𑌾𑌤𑍁𑌰𑍍𑌮𑌾॒𑌸𑍍𑌯𑌾𑌨𑌿॑ 𑌸𑍃𑌜𑍇॒𑌯𑍇𑌤𑌿॑ । 𑌸 𑌏॒𑌤-𑌮𑍍𑌪𑌞𑍍𑌚॑𑌹𑍋𑌤𑌾𑌰-𑌮𑌪𑌶𑍍𑌯𑌤𑍍 । 𑌤-𑌮𑍍𑌮𑌨॑𑌸𑌾-𑌽𑌨𑍁॒𑌦𑍍𑌰𑍁𑌤𑍍𑌯𑌾॑ 𑌹𑌵॒𑌨𑍀𑌯𑍇॑-𑌽𑌜𑍁𑌹𑍋𑌤𑍍 । 𑌤𑌤𑍋॒ 𑌵𑍈 𑌸 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑌾𑌨𑍍𑌯॑𑌸𑍃𑌜𑌤 । 𑌤𑌾𑌨𑍍𑌯॑𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌾𑌨𑍍𑌯𑌪𑌾᳚𑌕𑍍𑌰𑌾𑌮𑌨𑍍𑌨𑍍 । 𑌤𑌾𑌨𑌿॒ 𑌗𑍍𑌰𑌹𑍇॑𑌣𑌾𑌗𑍃𑌹𑍍𑌣𑌾𑌤𑍍 । 𑌤𑌦𑍍𑌗𑍍𑌰𑌹॑𑌸𑍍𑌯 𑌗𑍍𑌰𑌹॒𑌤𑍍𑌵𑌮𑍍 । 𑌚𑌾॒𑌤𑍁॒𑌰𑍍𑌮𑌾॒𑌸𑍍𑌯𑌾𑌨𑍍𑌯𑌾॒𑌲𑌭॑𑌮𑌾𑌨𑌃 ॥ 𑍯 ॥

𑌪𑌞𑍍𑌚॑𑌹𑍋𑌤𑌾𑌰॒-𑌮𑍍𑌮𑌨॑𑌸𑌾-𑌽𑌨𑍁॒𑌦𑍍𑌰𑍁𑌤𑍍𑌯𑌾॑ 𑌹𑌵॒𑌨𑍀𑌯𑍇॑ 𑌜𑍁𑌹𑍁𑌯𑌾𑌤𑍍 । 𑌚𑌾॒𑌤𑍁॒𑌰𑍍𑌮𑌾॒𑌸𑍍𑌯𑌾𑌨𑍍𑌯𑍇॒𑌵 𑌸𑍃॒𑌷𑍍𑌟𑍍𑌵𑌾-𑌽𑌽𑌰𑌭𑍍𑌯॒ 𑌪𑍍𑌰 𑌤॑𑌨𑍁𑌤𑍇 । 𑌗𑍍𑌰𑌹𑍋॑ 𑌭𑌵𑌤𑌿 । 𑌚𑌾॒𑌤𑍁॒𑌰𑍍𑌮𑌾॒𑌸𑍍𑌯𑌾𑌨𑌾𑌗𑍍𑌮𑍍॑ 𑌸𑍃॒𑌷𑍍𑌟𑌾𑌨𑌾॒-𑌨𑍍𑌧𑍃𑌤𑍍𑌯𑍈᳚ ॥ 𑌸𑍋॑-𑌽𑌕𑌾𑌮𑌯𑌤 𑌪𑌶𑍁𑌬॒𑌨𑍍𑌧𑌗𑍍𑌮𑍍 𑌸𑍃॑𑌜𑍇॒𑌯𑍇𑌤𑌿॑ । 𑌸 𑌏॒𑌤𑌗𑍍𑌮𑍍 𑌷𑌡𑍍𑌢𑍋॑𑌤𑌾𑌰-𑌮𑌪𑌶𑍍𑌯𑌤𑍍 । 𑌤-𑌮𑍍𑌮𑌨॑𑌸𑌾-𑌽𑌨𑍁॒𑌦𑍍𑌰𑍁𑌤𑍍𑌯𑌾॑ 𑌹𑌵॒𑌨𑍀𑌯𑍇॑-𑌽𑌜𑍁𑌹𑍋𑌤𑍍 । 𑌤𑌤𑍋॒ 𑌵𑍈 𑌸 𑌪॑𑌶𑍁𑌬॒𑌨𑍍𑌧𑌮॑𑌸𑍃𑌜𑌤 । 𑌸𑍋᳚-𑌽𑌸𑍍𑌮𑌾-𑌥𑍍𑌸𑍃॒𑌷𑍍𑌟𑍋 𑌽𑌪𑌾᳚𑌕𑍍𑌰𑌾𑌮𑌤𑍍 । 𑌤-𑌙𑍍𑌗𑍍𑌰𑌹𑍇॑𑌣𑌾𑌗𑍃𑌹𑍍𑌣𑌾𑌤𑍍 ॥ 10 ॥

𑌤𑌦𑍍𑌗𑍍𑌰𑌹॑𑌸𑍍𑌯 𑌗𑍍𑌰𑌹॒𑌤𑍍𑌵𑌮𑍍 । 𑌪॒𑌶𑍁॒𑌬॒𑌨𑍍𑌧𑍇𑌨॑ 𑌯॒𑌕𑍍𑌷𑍍𑌯𑌮𑌾॑𑌣𑌃 । 𑌷𑌡𑍍𑌢𑍋॑𑌤𑌾𑌰॒-𑌮𑍍𑌮𑌨॑𑌸𑌾 𑌽𑌨𑍁॒𑌦𑍍𑌰𑍁𑌤𑍍𑌯𑌾॑ 𑌹𑌵॒𑌨𑍀𑌯𑍇॑ 𑌜𑍁𑌹𑍁𑌯𑌾𑌤𑍍 । 𑌪॒𑌶𑍁॒𑌬॒𑌨𑍍𑌧𑌮𑍇॒𑌵 𑌸𑍃॒𑌷𑍍𑌟𑍍𑌵𑌾-𑌽𑌽𑌰𑌭𑍍𑌯॒ 𑌪𑍍𑌰 𑌤॑𑌨𑍁𑌤𑍇 । 𑌗𑍍𑌰𑌹𑍋॑ 𑌭𑌵𑌤𑌿 । 𑌪॒𑌶𑍁॒𑌬॒𑌨𑍍𑌧𑌸𑍍𑌯॑ 𑌸𑍃॒𑌷𑍍𑌟𑌸𑍍𑌯॒ 𑌧𑍃𑌤𑍍𑌯𑍈᳚ ॥ 𑌸𑍋॑-𑌽𑌕𑌾𑌮𑌯𑌤 𑌸𑍌॒𑌮𑍍𑌯-𑌮॑𑌦𑍍𑌧𑍍𑌵॒𑌰𑌗𑍍𑌮𑍍 𑌸𑍃॑𑌜𑍇॒𑌯𑍇𑌤𑌿॑ । 𑌸 𑌏॒𑌤𑌗𑍍𑌮𑍍 𑌸॒𑌪𑍍𑌤𑌹𑍋॑𑌤𑌾𑌰-𑌮𑌪𑌶𑍍𑌯𑌤𑍍 । 𑌤-𑌮𑍍𑌮𑌨॑𑌸𑌾-𑌽𑌨𑍁॒𑌦𑍍𑌰𑍁𑌤𑍍𑌯𑌾॑ 𑌹𑌵॒𑌨𑍀𑌯𑍇॑ 𑌽𑌜𑍁𑌹𑍋𑌤𑍍 । 𑌤𑌤𑍋॒ 𑌵𑍈 𑌸 𑌸𑍌॒𑌮𑍍𑌯-𑌮॑𑌦𑍍𑌧𑍍𑌵॒𑌰-𑌮॑𑌸𑍃𑌜𑌤 ॥ 11 ॥

𑌸𑍋᳚-𑌽𑌸𑍍𑌮𑌾-𑌥𑍍𑌸𑍃॒𑌷𑍍𑌟𑍋-𑌽𑌪𑌾᳚𑌕𑍍𑌰𑌾𑌮𑌤𑍍 । 𑌤-𑌙𑍍𑌗𑍍𑌰𑌹𑍇॑𑌣𑌾𑌗𑍃𑌹𑍍𑌣𑌾𑌤𑍍 । 𑌤𑌦𑍍𑌗𑍍𑌰𑌹॑𑌸𑍍𑌯 𑌗𑍍𑌰𑌹॒𑌤𑍍𑌵𑌮𑍍 । 𑌦𑍀॒𑌕𑍍𑌷𑌿॒𑌷𑍍𑌯𑌮𑌾॑𑌣𑌃 । 𑌸॒𑌪𑍍𑌤𑌹𑍋॑𑌤𑌾𑌰॒-𑌮𑍍𑌮𑌨॑𑌸𑌾-𑌽𑌨𑍁॒𑌦𑍍𑌰𑍁𑌤𑍍𑌯𑌾॑ 𑌹𑌵॒𑌨𑍀𑌯𑍇॑ 𑌜𑍁𑌹𑍁𑌯𑌾𑌤𑍍 । 𑌸𑍌॒𑌮𑍍𑌯𑌮𑍇॒𑌵𑌾𑌦𑍍𑌧𑍍𑌵॒𑌰𑌗𑍍𑌮𑍍 𑌸𑍃॒𑌷𑍍𑌟𑍍𑌵𑌾-𑌽𑌽𑌰𑌭𑍍𑌯॒ 𑌪𑍍𑌰 𑌤॑𑌨𑍁𑌤𑍇 । 𑌗𑍍𑌰𑌹𑍋॑ 𑌭𑌵𑌤𑌿 । 𑌸𑍌॒𑌮𑍍𑌯𑌸𑍍𑌯𑌾᳚-𑌦𑍍𑌧𑍍𑌵॒𑌰𑌸𑍍𑌯॑ 𑌸𑍃॒𑌷𑍍𑌟𑌸𑍍𑌯॒ 𑌧𑍃𑌤𑍍𑌯𑍈᳚ ॥ 𑌦𑍇॒𑌵𑍇𑌭𑍍𑌯𑍋॒ 𑌵𑍈 𑌯॒𑌜𑍍𑌞𑍋 𑌨 𑌪𑍍𑌰𑌾𑌭॑𑌵𑌤𑍍 । 𑌤𑌮𑍇॑𑌤𑌾𑌵॒𑌚𑍍𑌛-𑌸𑍍𑌸𑌮॑𑌭𑌰𑌨𑍍𑌨𑍍 ॥ 12 ॥

𑌯-𑌥𑍍𑌸॑𑌭𑌾𑌂॒𑌰𑌾𑌃 । 𑌤𑌤𑍋॒ 𑌵𑍈 𑌤𑍇𑌭𑍍𑌯𑍋॑ 𑌯॒𑌜𑍍𑌞𑌃 𑌪𑍍𑌰𑌾𑌭॑𑌵𑌤𑍍 । 𑌯-𑌥𑍍𑌸॑𑌭𑌾𑌂॒𑌰𑌾 𑌭𑌵॑𑌨𑍍𑌤𑌿 । 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌭𑍂᳚𑌤𑍍𑌯𑍈 ॥ 𑌆॒𑌤𑌿॒𑌤𑍍𑌥𑍍𑌯𑌮𑌾॒𑌸𑌾𑌦𑍍𑌯॒ 𑌵𑍍𑌯𑌾𑌚॑𑌷𑍍𑌟𑍇 । 𑌯॒𑌜𑍍𑌞॒𑌮𑍁॒𑌖𑌂-𑌵𑌾𑌁 𑌆॑𑌤𑌿॒𑌥𑍍𑌯𑌮𑍍 । 𑌮𑍁॒𑌖॒𑌤 𑌏॒𑌵 𑌯॒𑌜𑍍𑌞𑌗𑍍𑌮𑍍 𑌸॒𑌭𑍃𑌨𑍍𑌤𑍍𑌯॒ 𑌪𑍍𑌰 𑌤॑𑌨𑍁𑌤𑍇 ॥ 𑌅𑌯॑𑌜𑍍𑌞𑍋॒ 𑌵𑌾 𑌏॒𑌷𑌃 । 𑌯𑍋॑-𑌽𑌪॒𑌤𑍍𑌨𑍀𑌕𑌃॑ । 𑌨 𑌪𑍍𑌰॒𑌜𑌾𑌃 𑌪𑍍𑌰 𑌜𑌾॑𑌯𑍇𑌰𑌨𑍍𑌨𑍍 । 𑌪𑌤𑍍𑌨𑍀॒𑌰𑍍𑌵𑍍𑌯𑌾𑌚॑𑌷𑍍𑌟𑍇 । 𑌯॒𑌜𑍍𑌞𑌮𑍇॒𑌵𑌾𑌕𑌃॑ । 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰॒𑌜𑌨॑𑌨𑌾𑌯 ॥ 𑌉॒𑌪॒𑌸𑌥𑍍𑌸𑍁॒ 𑌵𑍍𑌯𑌾𑌚॑𑌷𑍍𑌟𑍇 । 𑌏॒𑌤𑌦𑍍𑌵𑍈 𑌪𑌤𑍍𑌨𑍀॑𑌨𑌾-𑌮𑌾॒𑌯𑌤॑𑌨𑌮𑍍 । 𑌸𑍍𑌵 𑌏॒𑌵𑍈𑌨𑌾॑ 𑌆॒𑌯𑌤॒𑌨𑍇-𑌽𑌵॑ 𑌕𑌲𑍍𑌪𑌯𑌤𑌿 ॥ 13 ॥
(𑌤॒𑌨𑍁॒𑌤॒ – 𑌆॒𑌲𑌭॑𑌮𑌾𑌨𑍋 – 𑌽𑌗𑍃𑌹𑍍𑌣𑌾 – 𑌦𑌸𑍃𑌜 – 𑌤𑌾𑌭𑌰 – 𑌞𑍍𑌜𑌾𑌯𑍇𑌰॒𑌨𑍍-𑌥𑍍𑌷𑌟𑍍𑌚॑) (𑌅. 2)

𑌅𑌨𑍁𑌵𑌾𑌕𑌂 3 – 𑌚𑌤𑍁𑌰𑍍𑌹𑍋𑌤𑍃𑌪𑌞𑍍𑌚𑌹𑍋𑌤𑍃𑌮𑌨𑍍𑌤𑍍𑌰𑌗𑍍𑌰𑌹𑌭𑌾𑌗𑌯𑍋𑌃 𑌪𑍁𑌰𑍁𑌷𑌾𑌰𑍍𑌥 𑌪𑍍𑌰𑌯𑍋𑌗𑌃

𑌪𑍍𑌰॒𑌜𑌾𑌪॑𑌤𑌿-𑌰𑌕𑌾𑌮𑌯𑌤॒ 𑌪𑍍𑌰 𑌜𑌾॑𑌯𑍇॒𑌯𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑍍𑌰𑌿॒𑌵𑍃𑌤॒𑌗𑍍𑌗𑍍॒ 𑌸𑍍𑌤𑍋𑌮॑-𑌮𑌸𑍃𑌜𑌤 । 𑌤-𑌮𑍍𑌪॑𑌞𑍍𑌚𑌦॒𑌶𑌸𑍍𑌤𑍋𑌮𑍋॑ 𑌮𑌦𑍍𑌧𑍍𑌯॒𑌤 𑌉𑌦॑𑌤𑍃𑌣𑌤𑍍 । 𑌤𑍌 𑌪𑍂᳚𑌰𑍍𑌵𑌪॒𑌕𑍍𑌷𑌶𑍍𑌚𑌾॑𑌪𑌰𑌪॒𑌕𑍍𑌷𑌶𑍍𑌚𑌾॑𑌭𑌵𑌤𑌾𑌮𑍍 । 𑌪𑍂॒𑌰𑍍𑌵॒𑌪॒𑌕𑍍𑌷-𑌨𑍍𑌦𑍇॒𑌵𑌾 𑌅𑌨𑍍𑌵𑌸𑍃॑𑌜𑍍𑌯𑌨𑍍𑌤 । 𑌅॒𑌪॒𑌰॒𑌪॒𑌕𑍍𑌷-𑌮𑌨𑍍𑌵𑌸𑍁॑𑌰𑌾𑌃 । 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵𑌨𑍍𑌨𑍍 । 𑌪𑌰𑌾-𑌽𑌸𑍁॑𑌰𑌾𑌃 । 𑌯-𑌙𑍍𑌕𑌾॒𑌮𑌯𑍇॑𑌤॒ 𑌵𑌸𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ ॥ 14 ॥

𑌤-𑌮𑍍𑌪𑍂᳚𑌰𑍍𑌵𑌪॒𑌕𑍍𑌷𑍇 𑌯𑌾॑𑌜𑌯𑍇𑌤𑍍 । 𑌵𑌸𑍀॑𑌯𑌾𑌨𑍇॒𑌵 𑌭॑𑌵𑌤𑌿 । 𑌯-𑌙𑍍𑌕𑌾॒𑌮𑌯𑍇॑𑌤॒ 𑌪𑌾𑌪𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ । 𑌤𑌮॑𑌪𑌰𑌪॒𑌕𑍍𑌷𑍇 𑌯𑌾॑𑌜𑌯𑍇𑌤𑍍 । 𑌪𑌾𑌪𑍀॑𑌯𑌾𑌨𑍇॒𑌵 𑌭॑𑌵𑌤𑌿 । 𑌤𑌸𑍍𑌮𑌾᳚-𑌤𑍍𑌪𑍂𑌰𑍍𑌵𑌪॒𑌕𑍍𑌷𑍋॑ ¶𑌪॒𑌕𑍍𑌷𑌾𑌤𑍍-𑌕॑𑌰𑍁॒𑌣𑍍𑌯॑𑌤𑌰𑌃 ॥ 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌦𑌶॑𑌹𑍋𑌤𑌾 । 𑌚𑌤𑍁॑𑌰𑍍𑌹𑍋𑌤𑌾॒ 𑌪𑌞𑍍𑌚॑𑌹𑍋𑌤𑌾 । 𑌷𑌡𑍍𑌢𑍋॑𑌤𑌾 𑌸॒𑌪𑍍𑌤𑌹𑍋॑𑌤𑌾 । 𑌋॒𑌤𑌵॑-𑌸𑍍𑌸𑌂𑌵𑌁𑌥𑍍𑌸॒𑌰𑌃 ॥ 15 ॥

𑌪𑍍𑌰॒𑌜𑌾𑌃 𑌪॒𑌶𑌵॑ 𑌇॒𑌮𑍇 𑌲𑍋॒𑌕𑌾𑌃 । 𑌯 𑌏॒𑌵-𑌮𑍍𑌪𑍍𑌰॒𑌜𑌾𑌪॑𑌤𑌿-𑌮𑍍𑌬॒𑌹𑍋𑌰𑍍𑌭𑍂𑌯𑌾𑌗𑍍𑌮𑍍॑𑌸𑌂॒-𑌵𑍇𑌁𑌦॑ । 𑌬॒𑌹𑍋𑌰𑍇॒𑌵 𑌭𑍂𑌯𑌾᳚-𑌨𑍍𑌭𑌵𑌤𑌿 ॥ 𑌪𑍍𑌰॒𑌜𑌾𑌪॑𑌤𑌿-𑌰𑍍𑌦𑍇𑌵𑌾𑌸𑍁॒𑌰𑌾𑌨॑𑌸𑍃𑌜𑌤 । 𑌸 𑌇𑌨𑍍𑌦𑍍𑌰॒𑌮𑌪𑌿॒ 𑌨𑌾𑌸𑍃॑𑌜𑌤 । 𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵𑌨𑍍𑌨𑍍 । 𑌇𑌨𑍍𑌦𑍍𑌰॑-𑌨𑍍𑌨𑍋 𑌜𑌨॒𑌯𑍇𑌤𑌿॑ । 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌯𑌥𑌾॒ 𑌽𑌹𑌂-𑌯𑍁𑌁॒𑌷𑍍𑌮𑌾𑌗𑍍 𑌸𑍍𑌤𑌪॒𑌸𑌾 𑌽𑌸𑍃॑𑌕𑍍𑌷𑌿 । 𑌏॒𑌵𑌮𑌿𑌨𑍍𑌦𑍍𑌰॑-𑌞𑍍𑌜𑌨𑌯𑌦𑍍𑌧𑍍𑌵॒𑌮𑌿𑌤𑌿॑ ॥ 16 ॥

𑌤𑍇 𑌤𑌪𑍋॑-𑌽𑌤𑌪𑍍𑌯𑌨𑍍𑌤 । 𑌤 𑌆॒𑌤𑍍𑌮𑌨𑍍𑌨𑌿𑌨𑍍𑌦𑍍𑌰॑-𑌮𑌪𑌶𑍍𑌯𑌨𑍍𑌨𑍍 । 𑌤𑌮॑𑌬𑍍𑌰𑍁𑌵𑌨𑍍𑌨𑍍 । 𑌜𑌾𑌯॒𑌸𑍍𑌵𑍇𑌤𑌿॑ । 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌕𑌿-𑌮𑍍𑌭𑌾॑𑌗॒𑌧𑍇𑌯॑-𑌮॒𑌭𑌿𑌜॑𑌨𑌿𑌷𑍍𑌯॒ 𑌇𑌤𑌿॑ । 𑌋॒𑌤𑍂𑌨𑍍-𑌥𑍍𑌸𑌂॑𑌵𑌁𑌥𑍍𑌸॒𑌰𑌮𑍍 । 𑌪𑍍𑌰॒𑌜𑌾𑌃 𑌪॒𑌶𑍂𑌨𑍍 । 𑌇॒𑌮𑌾𑌲𑍍 𑌁𑌲𑍋॒𑌕𑌾𑌨𑌿𑌤𑍍𑌯॑𑌬𑍍𑌰𑍁𑌵𑌨𑍍𑌨𑍍 । 𑌤𑌂-𑌵𑍈𑌁 𑌮𑌾-𑌽𑌽𑌹𑍁॑𑌤𑍍𑌯𑌾॒ 𑌪𑍍𑌰𑌜॑𑌨𑌯॒𑌤𑍇𑌤𑍍𑌯॑𑌬𑍍𑌰𑌵𑍀𑌤𑍍 ॥ 1𑍭 ॥

𑌤-𑌞𑍍𑌚𑌤𑍁॑𑌰𑍍𑌹𑍋𑌤𑍍𑌰𑌾॒ 𑌪𑍍𑌰𑌾𑌜॑𑌨𑌯𑌨𑍍𑌨𑍍 ॥ 𑌯𑌃 𑌕𑌾॒𑌮𑌯𑍇॑𑌤 𑌵𑍀॒𑌰𑍋 𑌮॒ 𑌆 𑌜𑌾॑𑌯𑍇॒𑌤𑍇𑌤𑌿॑ । 𑌸 𑌚𑌤𑍁॑𑌰𑍍𑌹𑍋𑌤𑌾𑌰-𑌞𑍍𑌜𑍁𑌹𑍁𑌯𑌾𑌤𑍍 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌚𑌤𑍁॑𑌰𑍍𑌹𑍋𑌤𑌾 । 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵 𑌭𑍂॒𑌤𑍍𑌵𑌾 𑌪𑍍𑌰𑌜𑌾॑𑌯𑌤𑍇 । 𑌜॒𑌜𑌨॒𑌦𑌿𑌨𑍍𑌦𑍍𑌰॑-𑌮𑌿𑌨𑍍𑌦𑍍𑌰𑌿॒𑌯𑌾𑌯॒ 𑌸𑍍𑌵𑌾𑌹𑍇𑌤𑌿॒ 𑌗𑍍𑌰𑌹𑍇॑𑌣 𑌜𑍁𑌹𑍋𑌤𑌿 । 𑌆-𑌽𑌸𑍍𑌯॑ 𑌵𑍀॒𑌰𑍋 𑌜𑌾॑𑌯𑌤𑍇 । 𑌵𑍀॒𑌰𑌗𑍍𑌮𑍍 𑌹𑌿 𑌦𑍇॒𑌵𑌾 𑌏॒𑌤𑌯𑌾 𑌽𑌽𑌹𑍁॑𑌤𑍍𑌯𑌾॒ 𑌪𑍍𑌰𑌾𑌜॑𑌨𑌯𑌨𑍍𑌨𑍍 ॥ 𑌆॒𑌦𑌿॒𑌤𑍍𑌯𑌾𑌶𑍍𑌚𑌾𑌙𑍍𑌗𑌿॑𑌰𑌸𑌶𑍍𑌚 𑌸𑍁𑌵॒𑌰𑍍𑌗𑍇 𑌲𑍋॒𑌕𑍇᳚ 𑌽𑌸𑍍𑌪𑌰𑍍𑌧𑌨𑍍𑌤 । 𑌵॒𑌯-𑌮𑍍𑌪𑍂𑌰𑍍𑌵𑍇॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑌿॑𑌯𑌾𑌮 𑌵॒𑌯-𑌮𑍍𑌪𑍂𑌰𑍍𑌵॒ 𑌇𑌤𑌿॑ ॥ 1𑍮 ॥

𑌤 𑌆॑𑌦𑌿॒𑌤𑍍𑌯𑌾 𑌏॒𑌤-𑌮𑍍𑌪𑌞𑍍𑌚॑𑌹𑍋𑌤𑌾𑌰-𑌮𑌪𑌶𑍍𑌯𑌨𑍍𑌨𑍍 । 𑌤-𑌮𑍍𑌪𑍁॒𑌰𑌾 𑌪𑍍𑌰𑌾॑𑌤𑌰𑌨𑍁𑌵𑌾॒𑌕𑌾𑌦𑌾𑌗𑍍𑌨𑍀᳚𑌦𑍍𑌧𑍍𑌰𑍇 𑌽𑌜𑍁𑌹𑌵𑍁𑌃 । 𑌤𑌤𑍋॒ 𑌵𑍈 𑌤𑍇 𑌪𑍂𑌰𑍍𑌵𑍇॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 । 𑌯-𑌸𑍍𑌸𑍁॑𑌵॒𑌰𑍍𑌗𑌕𑌾॑𑌮॒-𑌸𑍍𑌸𑍍𑌯𑌾𑌤𑍍 । 𑌸 𑌪𑌞𑍍𑌚॑𑌹𑍋𑌤𑌾𑌰-𑌮𑍍𑌪𑍁॒𑌰𑌾 𑌪𑍍𑌰𑌾॑𑌤𑌰𑌨𑍁𑌵𑌾॒𑌕𑌾𑌦𑌾𑌗𑍍𑌨𑍀᳚𑌦𑍍𑌧𑍍𑌰𑍇 𑌜𑍁𑌹𑍁𑌯𑌾𑌤𑍍 । 𑌸𑌂॒𑌵𑌁॒𑌥𑍍𑌸॒𑌰𑍋 𑌵𑍈 𑌪𑌞𑍍𑌚॑𑌹𑍋𑌤𑌾 । 𑌸𑌂॒𑌵𑌁॒𑌥𑍍𑌸॒𑌰-𑌸𑍍𑌸𑍁॑𑌵॒𑌰𑍍𑌗𑍋 𑌲𑍋॒𑌕𑌃 । 𑌸𑌂॒𑌵𑌁॒𑌥𑍍𑌸॒𑌰 𑌏॒𑌵𑌰𑍍𑌤𑍁𑌷𑍁॑ 𑌪𑍍𑌰𑌤𑌿॒𑌷𑍍𑌠𑌾𑌯॑ । 𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 𑌤𑍇᳚𑌬𑍍𑌰𑍁𑌵॒-𑌨𑍍𑌨𑌙𑍍𑌗𑌿॑𑌰𑌸 𑌆𑌦𑌿॒𑌤𑍍𑌯𑌾𑌨𑍍 ॥ 1𑍯 ॥

𑌕𑍍𑌵॑ 𑌸𑍍𑌥 । 𑌕𑍍𑌵॑ 𑌵-𑌸𑍍𑌸॒𑌦𑍍𑌭𑍍𑌯𑍋 𑌹॒𑌵𑍍𑌯𑌂-𑌵𑌁॑𑌕𑍍𑌷𑍍𑌯𑌾𑌮॒ 𑌇𑌤𑌿॑ । 𑌛𑌨𑍍𑌦॒-𑌸𑍍𑌸𑍍𑌵𑌿𑌤𑍍𑌯॑𑌬𑍍𑌰𑍁𑌵𑌨𑍍𑌨𑍍 । 𑌗𑌾॒𑌯॒𑌤𑍍𑌰𑌿॒𑌯𑌾-𑌨𑍍𑌤𑍍𑌰𑌿॒𑌷𑍍𑌟𑍁𑌭𑌿॒-𑌜𑌗॑𑌤𑍍𑌯𑌾॒𑌮𑌿𑌤𑌿॑ । 𑌤𑌸𑍍𑌮𑌾॒𑌚𑍍𑌛𑌨𑍍𑌦॑-𑌸𑍍𑌸𑍁 𑌸॒𑌦𑍍𑌭𑍍𑌯 𑌆॑𑌦𑌿॒𑌤𑍍𑌯𑍇𑌭𑍍𑌯𑌃॑ । 𑌆॒𑌙𑍍𑌗𑍀॒𑌰॒𑌸𑍀𑌃 𑌪𑍍𑌰॒𑌜𑌾 𑌹॒𑌵𑍍𑌯𑌂-𑌵𑌁॑𑌹𑌨𑍍𑌤𑌿 । 𑌵𑌹॑𑌨𑍍𑌤𑍍𑌯𑌸𑍍𑌮𑍈 𑌪𑍍𑌰॒𑌜𑌾 𑌬॒𑌲𑌿𑌮𑍍 । 𑌐𑌨॒𑌮𑌪𑍍𑌰॑𑌤𑌿𑌖𑍍𑌯𑌾𑌤-𑌙𑍍𑌗𑌚𑍍𑌛𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵𑌃॑ । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌅॒𑌸𑌾𑌵𑌾॑𑌦𑌿॒𑌤𑍍𑌯 𑌏॑𑌕𑌵𑌿॒𑌗𑍍𑌮𑍍॒𑌶𑌃 । 𑌏॒𑌤𑌸𑍍𑌮𑌿॒𑌨𑍍 𑌵𑌾 𑌏॒𑌷 𑌶𑍍𑌰𑌿॒𑌤𑌃 । 𑌏॒𑌤𑌸𑍍𑌮𑌿॒𑌨𑍍-𑌪𑍍𑌰𑌤𑌿॑𑌷𑍍𑌠𑌿𑌤𑌃 । 𑌯 𑌏॒𑌵𑌮𑍇॒𑌤𑌗𑍍𑌗𑍍 𑌶𑍍𑌰𑌿॒𑌤-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑌂॒-𑌵𑍇𑌁𑌦॑ । 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 ॥ 20 ॥
(𑌸𑍍𑌯𑌾॒𑌦𑌿𑌤𑌿॑ – 𑌸𑌂𑌵𑌁𑌥𑍍𑌸॒𑌰𑍋 – 𑌜॑𑌨𑌯𑌦𑍍𑌧𑍍𑌵॒𑌮𑌿𑌤𑍀 – 𑌤𑍍𑌯॑𑌬𑍍𑌰𑌵𑍀॒𑌤𑍍 – 𑌪𑍂𑌰𑍍𑌵॒ 𑌇𑌤𑍍𑌯𑌾॑ – 𑌦𑌿॒𑌤𑍍𑌯𑌾𑌨𑍍 – 𑌋॒𑌤𑌵॒-𑌷𑍍𑌷𑌟𑍍𑌚॑) (𑌅. 3)

𑌅𑌨𑍁𑌵𑌾𑌕𑌂 4 – 𑌜𑌗-𑌥𑍍𑌸𑍃𑌷𑍍𑌟𑌿𑌕𑌥𑌨𑌮𑍁𑌖𑍇𑌨 𑌹𑍋𑌤𑍃𑌮𑌨𑍍𑌤𑍍𑌰𑌪𑍍𑌰𑌶𑌂𑌸𑌾
𑌪𑍍𑌰॒𑌜𑌾𑌪॑𑌤𑌿-𑌰𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌏॒𑌤-𑌨𑍍𑌦𑌶॑𑌹𑍋𑌤𑌾𑌰-𑌮𑌪𑌶𑍍𑌯𑌤𑍍 । 𑌤𑍇𑌨॑ 𑌦𑌶॒𑌧𑌾 𑌽𑌽𑌤𑍍𑌮𑌾𑌨𑌂॑-𑌵𑌿𑌁॒𑌧𑌾𑌯॑ । 𑌦𑌶॑𑌹𑍋𑌤𑍍𑌰𑌾 𑌽𑌤𑌪𑍍𑌯𑌤 । 𑌤𑌸𑍍𑌯॒ 𑌚𑌿𑌤𑍍𑌤𑌿॒-𑌸𑍍𑌸𑍍𑌰𑍁𑌗𑌾𑌸𑍀᳚𑌤𑍍 । 𑌚𑌿॒𑌤𑍍𑌤𑌮𑌾𑌜𑍍𑌯᳚𑌮𑍍 । 𑌤𑌸𑍍𑌯𑍈॒𑌤𑌾𑌵𑍍॑𑌅𑌤𑍍𑌯𑍇॒𑌵 𑌵𑌾𑌗𑌾𑌸𑍀᳚𑌤𑍍 । 𑌏॒𑌤𑌾𑌵𑌾𑌨𑍍॑. 𑌯𑌜𑍍𑌞𑌕𑍍𑌰॒𑌤𑍁𑌃 ॥ 𑌸 𑌚𑌤𑍁॑𑌰𑍍𑌹𑍋𑌤𑌾𑌰-𑌮𑌸𑍃𑌜𑌤 । 𑌸𑍋॑-𑌽𑌨𑌨𑍍𑌦𑌤𑍍 ॥ 21 ॥

𑌅𑌸𑍃॑𑌕𑍍𑌷𑌿॒ 𑌵𑌾 𑌇॒𑌮𑌮𑌿𑌤𑌿॑ । 𑌤𑌸𑍍𑌯॒ 𑌸𑍋𑌮𑍋॑ 𑌹॒𑌵𑌿𑌰𑌾𑌸𑍀᳚𑌤𑍍 । 𑌸 𑌚𑌤𑍁॑𑌰𑍍𑌹𑍋𑌤𑍍𑌰𑌾 𑌽𑌤𑌪𑍍𑌯𑌤 । 𑌸𑍋॑-𑌽𑌤𑌾𑌮𑍍𑌯𑌤𑍍 । 𑌸 𑌭𑍂𑌰𑌿𑌤𑌿॒ 𑌵𑍍𑌯𑌾𑌹॑𑌰𑌤𑍍 । 𑌸 𑌭𑍂𑌮𑌿॑𑌮𑌸𑍃𑌜𑌤 । 𑌅॒𑌗𑍍𑌨𑌿॒𑌹𑍋॒𑌤𑍍𑌰-𑌨𑍍𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑍌 𑌯𑌜𑍂𑌗𑍍𑌮𑍍॑𑌷𑌿 । 𑌸 𑌦𑍍𑌵𑌿॒𑌤𑍀𑌯॑𑌮𑌤𑌪𑍍𑌯𑌤 । 𑌸𑍋॑-𑌽𑌤𑌾𑌮𑍍𑌯𑌤𑍍 । 𑌸 𑌭𑍁𑌵॒ 𑌇𑌤𑌿॒ 𑌵𑍍𑌯𑌾𑌹॑𑌰𑌤𑍍 ॥ 22 ॥

𑌸𑍋᳚-𑌽𑌨𑍍𑌤𑌰𑌿॑𑌕𑍍𑌷-𑌮𑌸𑍃𑌜𑌤 । 𑌚𑌾॒𑌤𑍁॒𑌰𑍍𑌮𑌾॒𑌸𑍍𑌯𑌾𑌨𑌿॒ 𑌸𑌾𑌮𑌾॑𑌨𑌿 । 𑌸 𑌤𑍃॒𑌤𑍀𑌯॑𑌮𑌤𑌪𑍍𑌯𑌤 । 𑌸𑍋॑-𑌽𑌤𑌾𑌮𑍍𑌯𑌤𑍍 । 𑌸 𑌸𑍁𑌵॒𑌰𑌿𑌤𑌿॒ 𑌵𑍍𑌯𑌾𑌹॑𑌰𑌤𑍍 । 𑌸 𑌦𑌿𑌵॑𑌮𑌸𑍃𑌜𑌤 । 𑌅॒𑌗𑍍𑌨𑌿॒𑌷𑍍𑌟𑍋॒𑌮-𑌮𑍁॒𑌕𑍍𑌥𑍍𑌯॑-𑌮𑌤𑌿𑌰𑌾॒𑌤𑍍𑌰𑌮𑍃𑌚𑌃॑ । 𑌏॒𑌤𑌾 𑌵𑍈 𑌵𑍍𑌯𑌾𑌹𑍃॑𑌤𑌯 𑌇॒𑌮𑍇 𑌲𑍋॒𑌕𑌾𑌃 । 𑌇॒𑌮𑌾-𑌨𑍍𑌖𑌲𑍁॒ 𑌵𑍈 𑌲𑍋॒𑌕𑌾𑌨𑌨𑍁॑ 𑌪𑍍𑌰॒𑌜𑌾𑌃 𑌪॒𑌶𑌵॒𑌶𑍍𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌪𑍍𑌰𑌾𑌜𑌾॑𑌯𑌨𑍍𑌤 । 𑌯 𑌏॒𑌵𑌮𑍇॒𑌤𑌾𑌃 𑌪𑍍𑌰॒𑌜𑌾𑌪॑𑌤𑍇𑌃 𑌪𑍍𑌰𑌥॒𑌮𑌾 𑌵𑍍𑌯𑌾𑌹𑍃॑𑌤𑍀𑌃॒ 𑌪𑍍𑌰𑌜𑌾॑𑌤𑌾॒ 𑌵𑍇𑌦॑ ॥ 23 ॥

𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇 ॥ 𑌸 𑌪𑌞𑍍𑌚॑𑌹𑍋𑌤𑌾𑌰-𑌮𑌸𑍃𑌜𑌤 । 𑌸 𑌹॒𑌵𑌿𑌰𑍍𑌨𑌾-𑌵𑌿॑𑌨𑍍𑌦𑌤 । 𑌤𑌸𑍍𑌮𑍈॒ 𑌸𑍋𑌮॑-𑌸𑍍𑌤॒𑌨𑍁𑌵॒-𑌮𑍍𑌪𑍍𑌰𑌾𑌯॑𑌚𑍍𑌛𑌤𑍍 । 𑌏॒𑌤-𑌤𑍍𑌤𑍇॑ 𑌹॒𑌵𑌿𑌰𑌿𑌤𑌿॑ । 𑌸 𑌪𑌞𑍍𑌚॑𑌹𑍋𑌤𑍍𑌰𑌾 𑌽𑌤𑌪𑍍𑌯𑌤 । 𑌸𑍋॑-𑌽𑌤𑌾𑌮𑍍𑌯𑌤𑍍 । 𑌸 𑌪𑍍𑌰॒𑌤𑍍𑌯𑌙𑍍𑌙॑𑌬𑌾𑌧𑌤 । 𑌸𑍋-𑌽𑌸𑍁॑𑌰𑌾-𑌨𑌸𑍃𑌜𑌤 । 𑌤𑌦॒𑌸𑍍𑌯𑌾 𑌪𑍍𑌰𑌿॑𑌯𑌮𑌾𑌸𑍀𑌤𑍍 ॥ 24 ॥

𑌤-𑌦𑍍𑌦𑍁॒𑌰𑍍𑌵𑌰𑍍𑌣॒𑌗𑍍𑌮𑍍॒ 𑌹𑌿𑌰॑𑌣𑍍𑌯𑌮𑌭𑌵𑌤𑍍 । 𑌤-𑌦𑍍𑌦𑍁॒𑌰𑍍𑌵𑌰𑍍𑌣॑𑌸𑍍𑌯॒ 𑌹𑌿𑌰॑𑌣𑍍𑌯𑌸𑍍𑌯॒ 𑌜𑌨𑍍𑌮॑ । 𑌸 𑌦𑍍𑌵𑌿॒𑌤𑍀𑌯॑𑌮𑌤𑌪𑍍𑌯𑌤 । 𑌸𑍋॑-𑌽𑌤𑌾𑌮𑍍𑌯𑌤𑍍 । 𑌸 𑌪𑍍𑌰𑌾𑌂𑌅॑𑌬𑌾𑌧𑌤 । 𑌸 𑌦𑍇॒𑌵𑌾𑌨॑𑌸𑍃𑌜𑌤 । 𑌤𑌦॑𑌸𑍍𑌯 𑌪𑍍𑌰𑌿॒𑌯𑌮𑌾॑𑌸𑍀𑌤𑍍 । 𑌤-𑌥𑍍𑌸𑍁॒𑌵𑌰𑍍𑌣॒𑌗𑍍𑌮𑍍॒ 𑌹𑌿𑌰॑𑌣𑍍𑌯𑌮𑌭𑌵𑌤𑍍 । 𑌤-𑌥𑍍𑌸𑍁॒𑌵𑌰𑍍𑌣॑𑌸𑍍𑌯॒ 𑌹𑌿𑌰॑𑌣𑍍𑌯𑌸𑍍𑌯॒ 𑌜𑌨𑍍𑌮॑ । 𑌯 𑌏॒𑌵𑌗𑍍𑌮𑍍 𑌸𑍁॒𑌵𑌰𑍍𑌣॑𑌸𑍍𑌯॒ 𑌹𑌿𑌰॑𑌣𑍍𑌯𑌸𑍍𑌯॒ 𑌜𑌨𑍍𑌮॒ 𑌵𑍇𑌦॑ ॥ 25 ॥

𑌸𑍁॒𑌵𑌰𑍍𑌣॑ 𑌆॒𑌤𑍍𑌮𑌨𑌾॑ 𑌭𑌵𑌤𑌿 । 𑌦𑍁॒𑌰𑍍𑌵𑌰𑍍𑌣𑍋᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑌃 । 𑌤𑌸𑍍𑌮𑌾᳚-𑌥𑍍𑌸𑍁॒𑌵𑌰𑍍𑌣॒𑌗𑍍𑌮𑍍॒ 𑌹𑌿𑌰॑𑌣𑍍𑌯-𑌮𑍍𑌭𑌾॒𑌰𑍍𑌯᳚𑌮𑍍 । 𑌸𑍁॒𑌵𑌰𑍍𑌣॑ 𑌏॒𑌵 𑌭॑𑌵𑌤𑌿 । 𑌐𑌨॑-𑌮𑍍𑌪𑍍𑌰𑌿॒𑌯-𑌙𑍍𑌗॑𑌚𑍍𑌛𑌤𑌿॒ 𑌨𑌾𑌪𑍍𑌰𑌿॑𑌯𑌮𑍍 ॥ 𑌸 𑌸॒𑌪𑍍𑌤𑌹𑍋॑𑌤𑌾𑌰-𑌮𑌸𑍃𑌜𑌤 । 𑌸 𑌸॒𑌪𑍍𑌤𑌹𑍋᳚𑌤𑍍𑌰𑍈॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍈᳚𑌤𑍍 ॥ 𑌤𑍍𑌰𑌿॒𑌣॒𑌵𑍇𑌨॒ 𑌸𑍍𑌤𑍋𑌮𑍇॑𑌨𑍈॒𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋-𑌽𑌸𑍁॑𑌰𑌾॒-𑌨𑍍𑌪𑍍𑌰𑌾𑌣𑍁॑𑌦𑌤 । 𑌤𑍍𑌰॒𑌯॒𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑍇𑌨॒ 𑌪𑍍𑌰𑌤𑍍𑌯॑𑌤𑌿𑌷𑍍𑌠𑌤𑍍 । 𑌏॒𑌕॒𑌵𑌿॒𑌗𑍍𑌮𑍍॒𑌶𑍇𑌨॒ 𑌰𑍁𑌚॑𑌮𑌧𑌤𑍍𑌤 ॥ 26 ॥

𑌸॒𑌪𑍍𑌤॒𑌦॒𑌶𑍇𑌨॒ 𑌪𑍍𑌰𑌾𑌜𑌾॑𑌯𑌤 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑍋𑌮𑍇॑𑌨॒ 𑌯𑌜॑𑌤𑍇 । 𑌸॒𑌪𑍍𑌤𑌹𑍋᳚𑌤𑍍𑌰𑍈॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 । 𑌤𑍍𑌰𑌿॒𑌣॒𑌵𑍇𑌨॒ 𑌸𑍍𑌤𑍋𑌮𑍇॑𑌨𑍈॒𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑍍-𑌪𑍍𑌰𑌣𑍁॑𑌦𑌤𑍇 । 𑌤𑍍𑌰॒𑌯॒𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑍇𑌨॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 । 𑌏॒𑌕॒𑌵𑌿॒𑌗𑍍𑌮𑍍॒𑌶𑍇𑌨॒ 𑌰𑍁𑌚॑-𑌨𑍍𑌧𑌤𑍍𑌤𑍇 । 𑌸॒𑌪𑍍𑌤॒𑌦॒𑌶𑍇𑌨॒ 𑌪𑍍𑌰𑌜𑌾॑𑌯𑌤𑍇 । 𑌤𑌸𑍍𑌮𑌾᳚-𑌥𑍍𑌸𑌪𑍍𑌤𑌦॒𑌶-𑌸𑍍𑌸𑍍𑌤𑍋𑌮𑍋॒ 𑌨 𑌨𑌿॒𑌰𑍍॒𑌹𑍃𑌤𑍍𑌯𑌃॑ । 𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌵𑍈 𑌸॑𑌪𑍍𑌤𑌦॒𑌶𑌃 । 𑌪𑍍𑌰॒𑌜𑌾𑌪॑𑌤𑌿𑌮𑍇॒𑌵 𑌮॑𑌦𑍍𑌧𑍍𑌯॒𑌤𑍋 𑌧॑𑌤𑍍𑌤𑍇॒ 𑌪𑍍𑌰𑌜𑌾᳚𑌤𑍍𑌯𑍈 ॥ 2𑍭 ॥
(𑌅॒𑌨॒𑌨𑍍𑌦॒-𑌦𑍍- 𑌭𑍁𑌵॒ 𑌇𑌤𑌿॒ 𑌵𑍍𑌯𑌾𑌹॑𑌰॒-𑌦𑍍- 𑌵𑍇𑌦𑌾॑ – 𑌸𑍀॒-𑌦𑍍- 𑌵𑍇𑌦𑌾॑ – 𑌧𑌤𑍍𑌤॒ – 𑌪𑍍𑌰𑌜𑌾᳚𑌤𑍍𑌯𑍈) (𑌅. 4)

𑌅𑌨𑍁𑌵𑌾𑌕𑌂 5 – 𑌦𑌕𑍍𑌷𑌿𑌣𑌾𑌪𑍍𑌰𑌤𑌿𑌗𑍍𑌰𑌹𑌮𑌨𑍍𑌤𑍍𑌰𑌵𑍍𑌯𑌾𑌖𑍍𑌯𑌾𑌨𑌮𑍍
𑌦𑍇॒𑌵𑌾 𑌵𑍈 𑌵𑌰𑍁॑𑌣𑌮𑌯𑌾𑌜𑌯𑌨𑍍𑌨𑍍 । 𑌸 𑌯𑌸𑍍𑌯𑍈॑ 𑌯𑌸𑍍𑌯𑍈 𑌦𑍇॒𑌵𑌤𑌾॑𑌯𑍈॒ 𑌦𑌕𑍍𑌷𑌿॑𑌣𑌾॒𑌮𑌨॑𑌯𑌤𑍍 । 𑌤𑌾𑌮॑𑌵𑍍𑌲𑍀𑌨𑌾𑌤𑍍 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌵𑍍𑌯𑌾॒𑌵𑍃𑌤𑍍𑌯॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌮 । 𑌤𑌥𑌾॑ 𑌨𑍋॒ 𑌦𑌕𑍍𑌷𑌿॑𑌣𑌾॒ 𑌨 𑌵𑍍𑌲𑍇᳚𑌷𑍍𑌯॒𑌤𑍀𑌤𑌿॑ । 𑌤𑍇 𑌵𑍍𑌯𑌾॒𑌵𑍃𑌤𑍍𑌯॒ 𑌪𑍍𑌰𑌤𑍍𑌯॑𑌗𑍃𑌹𑍍𑌣𑌨𑍍𑌨𑍍 । 𑌤𑌤𑍋॒ 𑌵𑍈 𑌤𑌾-𑌨𑍍𑌦𑌕𑍍𑌷𑌿॑𑌣𑌾॒ 𑌨𑌾𑌵𑍍𑌲𑍀॑𑌨𑌾𑌤𑍍 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍 𑌵𑍍𑌯𑌾॒𑌵𑍃𑌤𑍍𑌯॒ 𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ । 𑌨𑍈𑌨॒-𑌨𑍍𑌦𑌕𑍍𑌷𑌿॑𑌣𑌾 𑌵𑍍𑌲𑍀𑌨𑌾𑌤𑌿 ॥ 2𑍮 ॥

𑌰𑌾𑌜𑌾᳚ 𑌤𑍍𑌵𑌾॒ 𑌵𑌰𑍁॑𑌣𑍋 𑌨𑌯𑌤𑍁 𑌦𑍇𑌵𑌿 𑌦𑌕𑍍𑌷𑌿𑌣𑍇॒-𑌽𑌗𑍍𑌨𑌯𑍇॒ 𑌹𑌿𑌰॑𑌣𑍍𑌯॒𑌮𑌿𑌤𑍍𑌯𑌾॑𑌹 । 𑌆॒𑌗𑍍𑌨𑍇॒𑌯𑌂-𑌵𑍈𑌁 𑌹𑌿𑌰॑𑌣𑍍𑌯𑌮𑍍 । 𑌸𑍍𑌵𑌯𑍈॒𑌵𑍈𑌨॑-𑌦𑍍𑌦𑍇॒𑌵𑌤॑𑌯𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌸𑍋𑌮𑌾॑𑌯॒ 𑌵𑌾𑌸॒ 𑌇𑌤𑍍𑌯𑌾॑𑌹 । 𑌸𑍌॒𑌮𑍍𑌯𑌂-𑌵𑍈𑌁 𑌵𑌾𑌸𑌃॑ । 𑌸𑍍𑌵𑌯𑍈॒𑌵𑍈𑌨॑-𑌦𑍍𑌦𑍇॒𑌵𑌤॑𑌯𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌰𑍁॒𑌦𑍍𑌰𑌾𑌯॒ 𑌗𑌾𑌮𑌿𑌤𑍍𑌯𑌾॑𑌹 । 𑌰𑍌॒𑌦𑍍𑌰𑍀 𑌵𑍈 𑌗𑍌𑌃 । 𑌸𑍍𑌵𑌯𑍈॒𑌵𑍈𑌨𑌾᳚-𑌨𑍍𑌦𑍇॒𑌵𑌤॑𑌯𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌵𑌰𑍁॑𑌣𑌾॒𑌯𑌾𑌶𑍍𑌵॒𑌮𑌿𑌤𑍍𑌯𑌾॑𑌹 ॥ 2𑍯 ॥

𑌵𑌾॒𑌰𑍁॒𑌣𑍋 𑌵𑌾 𑌅𑌶𑍍𑌵𑌃॑ । 𑌸𑍍𑌵𑌯𑍈॒𑌵𑍈𑌨॑-𑌨𑍍𑌦𑍇॒𑌵𑌤॑𑌯𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌪𑍍𑌰॒𑌜𑌾𑌪॑𑌤𑌯𑍇॒ 𑌪𑍁𑌰𑍁॑𑌷॒𑌮𑌿𑌤𑍍𑌯𑌾॑𑌹 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑍈 𑌪𑍁𑌰𑍁॑𑌷𑌃 । 𑌸𑍍𑌵𑌯𑍈॒𑌵𑍈𑌨॑-𑌨𑍍𑌦𑍇॒𑌵𑌤॑𑌯𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌮𑌨॑𑌵𑍇॒ 𑌤𑌲𑍍𑌪॒𑌮𑌿𑌤𑍍𑌯𑌾॑𑌹 । 𑌮𑌾॒𑌨॒𑌵𑍋 𑌵𑍈 𑌤𑌲𑍍𑌪𑌃॑ । 𑌸𑍍𑌵𑌯𑍈॒𑌵𑍈𑌨॑-𑌨𑍍𑌦𑍇॒𑌵𑌤॑𑌯𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌉॒𑌤𑍍𑌤𑌾॒𑌨𑌾𑌯𑌾᳚𑌙𑍍𑌗𑍀𑌰॒𑌸𑌾𑌯𑌾𑌨॒ 𑌇𑌤𑍍𑌯𑌾॑𑌹 । 𑌇॒𑌯𑌂-𑌵𑌾𑌁 𑌉॑𑌤𑍍𑌤𑌾॒𑌨 𑌆᳚𑌙𑍍𑌗𑍀𑌰॒𑌸𑌃 ॥ 30 ॥

𑌅॒𑌨𑌯𑍈॒𑌵𑍈𑌨॒𑌤𑍍-𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 ॥ 𑌵𑍈॒𑌶𑍍𑌵𑌾॒𑌨॒𑌰𑍍𑌯𑌰𑍍𑌚𑌾 𑌰𑌥॒-𑌮𑍍𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 । 𑌵𑍈॒𑌶𑍍𑌵𑌾॒𑌨॒𑌰𑍋 𑌵𑍈 𑌦𑍇॒𑌵𑌤॑𑌯𑌾॒ 𑌰𑌥𑌃॑ । 𑌸𑍍𑌵𑌯𑍈॒𑌵𑍈𑌨॑-𑌨𑍍𑌦𑍇॒𑌵𑌤॑𑌯𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 ॥ 𑌤𑍇𑌨𑌾॑𑌮𑍃𑌤॒𑌤𑍍𑌵𑌮॑𑌶𑍍𑌯𑌾॒-𑌮𑌿𑌤𑍍𑌯𑌾॑𑌹 । 𑌅॒𑌮𑍃𑌤॑𑌮𑍇॒𑌵𑌾𑌤𑍍𑌮𑌨𑍍-𑌧॑𑌤𑍍𑌤𑍇 ॥ 𑌵𑌯𑍋॑ 𑌦𑌾॒𑌤𑍍𑌰 𑌇𑌤𑍍𑌯𑌾॑𑌹 । 𑌵𑌯॑ 𑌏॒𑌵𑍈𑌨॑-𑌙𑍍𑌕𑍃॒𑌤𑍍𑌵𑌾 । 𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 ॥ 𑌮𑌯𑍋॒ 𑌮𑌹𑍍𑌯॑𑌮𑌸𑍍𑌤𑍁 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰 𑌇𑌤𑍍𑌯𑌾॑𑌹 ॥ 31 ॥

𑌯𑌦𑍍𑌵𑍈 𑌶𑌿॒𑌵𑌮𑍍 । 𑌤𑌨𑍍𑌮𑌯𑌃॑ । 𑌆॒𑌤𑍍𑌮𑌨॑ 𑌏॒𑌵𑍈𑌷𑌾 𑌪𑌰𑍀᳚𑌤𑍍𑌤𑌿𑌃 ॥ 𑌕 𑌇॒𑌦-𑌙𑍍𑌕𑌸𑍍𑌮𑌾॑ 𑌅𑌦𑌾॒𑌦𑌿𑌤𑍍𑌯𑌾॑𑌹 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌕𑌃 । 𑌸 𑌪𑍍𑌰॒𑌜𑌾𑌪॑𑌤𑌯𑍇 𑌦𑌦𑌾𑌤𑌿 ॥ 𑌕𑌾𑌮𑌃॒ 𑌕𑌾𑌮𑌾॒𑌯𑍇𑌤𑍍𑌯𑌾॑𑌹 । 𑌕𑌾𑌮𑍇॑𑌨॒ 𑌹𑌿 𑌦𑌦𑌾॑𑌤𑌿 । 𑌕𑌾𑌮𑍇॑𑌨 𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ ॥ 𑌕𑌾𑌮𑍋॑ 𑌦𑌾॒𑌤𑌾 𑌕𑌾𑌮𑌃॑ 𑌪𑍍𑌰𑌤𑌿 𑌗𑍍𑌰𑌹𑍀॒𑌤𑍇𑌤𑍍𑌯𑌾॑𑌹 ॥ 32 ॥

𑌕𑌾𑌮𑍋॒ 𑌹𑌿 𑌦𑌾॒𑌤𑌾 । 𑌕𑌾𑌮𑌃॑ 𑌪𑍍𑌰𑌤𑌿 𑌗𑍍𑌰𑌹𑍀॒𑌤𑌾 ॥ 𑌕𑌾𑌮𑌗𑍍𑌮𑍍॑ 𑌸𑌮𑍁॒𑌦𑍍𑌰-𑌮𑌾𑌵𑌿॒𑌶𑍇𑌤𑍍𑌯𑌾॑𑌹 । 𑌸॒𑌮𑍁॒𑌦𑍍𑌰 𑌇॑𑌵॒ 𑌹𑌿 𑌕𑌾𑌮𑌃॑ । 𑌨𑍇𑌵॒ 𑌹𑌿 𑌕𑌾𑌮॒𑌸𑍍𑌯𑌾𑌨𑍍𑌤𑍋-𑌽𑌸𑍍𑌤𑌿॑ । 𑌨 𑌸॑𑌮𑍁॒𑌦𑍍𑌰𑌸𑍍𑌯॑ ॥ 𑌕𑌾𑌮𑍇॑𑌨 𑌤𑍍𑌵𑌾॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑌾॒𑌮𑍀𑌤𑍍𑌯𑌾॑𑌹 । 𑌯𑍇𑌨॒ 𑌕𑌾𑌮𑍇॑𑌨 𑌪𑍍𑌰𑌤𑌿 𑌗𑍃॒𑌹𑍍𑌣𑌾𑌤𑌿॑ । 𑌸 𑌏॒𑌵𑍈𑌨॑𑌮॒𑌮𑍁𑌷𑍍𑌮𑌿॑𑌲𑍍 𑌁𑌲𑍋॒𑌕𑍇 𑌕𑌾𑌮॒ 𑌆𑌗॑𑌚𑍍𑌛𑌤𑌿 ॥ 𑌕𑌾𑌮𑍈॒𑌤𑌤𑍍𑌤॑ 𑌏॒𑌷𑌾 𑌤𑍇॑ 𑌕𑌾𑌮॒ 𑌦𑌕𑍍𑌷𑌿॒𑌣𑍇𑌤𑍍𑌯𑌾॑𑌹 । 𑌕𑌾𑌮॑ 𑌏॒𑌵 𑌤-𑌦𑍍𑌯𑌜॑𑌮𑌾𑌨𑍋॒-𑌽𑌮𑍁𑌷𑍍𑌮𑌿॑𑌲𑍍 𑌁𑌲𑍋॒𑌕𑍇 𑌦𑌕𑍍𑌷𑌿॑𑌣𑌾𑌮𑌿𑌚𑍍𑌛𑌤𑌿 । 𑌨 𑌪𑍍𑌰॑𑌤𑌿𑌗𑍍𑌰𑌹𑍀॒𑌤𑌰𑌿॑ ॥ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॑ । 𑌅॒𑌨𑍃॒𑌣𑌾𑌮𑍇॒𑌵𑍈𑌨𑌾॒-𑌮𑍍𑌪𑍍𑌰𑌤𑌿॑ 𑌗𑍃𑌹𑍍𑌣𑌾𑌤𑌿 ॥ 33 ॥
(𑌵𑍍𑌲𑍀॒𑌨𑌾॒𑌤𑍍𑌯 – 𑌶𑍍𑌵॒𑌮𑌿𑌤𑍍𑌯𑌾॑𑌹𑌾 – 𑌙𑍍𑌗𑌿𑌰॒𑌸𑌃 – 𑌪𑍍𑌰॑𑌤𑌿𑌗𑍍𑌰𑌹𑍀॒𑌤𑍍𑌰 𑌇𑌤𑍍𑌯𑌾॑𑌹 – 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍇𑌤𑍍𑌯𑌾॑𑌹॒ – 𑌦𑌕𑍍𑌷𑌿॒𑌣𑍇𑌤𑍍𑌯𑌾॑𑌹 𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌅𑌨𑍁𑌵𑌾𑌕𑌂 6 – 𑌦𑍍𑌵𑌾𑌦𑌶𑌾𑌹𑌦𑌶𑌮𑍇-𑌽𑌹𑌨𑌿 𑌹𑍋𑌤𑍃𑌮𑌨𑍍𑌤𑍍𑌰𑌾𑌃
𑌅𑌨𑍍𑌤𑍋॒ 𑌵𑌾 𑌏॒𑌷 𑌯॒𑌜𑍍𑌞𑌸𑍍𑌯॑ । 𑌯-𑌦𑍍𑌦॑𑌶॒𑌮𑌮𑌹𑌃॑ । 𑌦॒𑌶॒𑌮𑍇-𑌽𑌹᳚𑌨𑍍-𑌥𑍍𑌸𑌰𑍍𑌪𑌰𑌾॒𑌜𑍍𑌞𑌿𑌯𑌾॑ 𑌋॒𑌗𑍍𑌭𑌿-𑌸𑍍𑌸𑍍𑌤𑍁॑𑌵𑌨𑍍𑌤𑌿 । 𑌯॒𑌜𑍍𑌞𑌸𑍍𑌯𑍈॒𑌵𑌾𑌨𑍍𑌤॑-𑌙𑍍𑌗॒𑌤𑍍𑌵𑌾 । 𑌅॒𑌨𑍍𑌨𑌾𑌦𑍍𑌯॒𑌮𑌵॑𑌰𑍁𑌨𑍍𑌧𑌤𑍇 ॥ 𑌤𑌿॒𑌸𑍃𑌭𑌿॑-𑌸𑍍𑌸𑍍𑌤𑍁𑌵𑌨𑍍𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॒-𑌽𑌨𑍍𑌨𑌾𑌦𑍍𑌯॒𑌮𑌵॑𑌰𑍁𑌨𑍍𑌧𑌤𑍇 । 𑌪𑍃𑌶𑍍𑌨𑌿॑𑌵𑌤𑍀-𑌰𑍍𑌭𑌵𑌨𑍍𑌤𑌿 । 𑌅𑌨𑍍𑌨𑌂॒-𑌵𑍈𑌁 𑌪𑍃𑌶𑍍𑌨𑌿॑ ॥ 34 ॥

𑌅𑌨𑍍𑌨॑𑌮𑍇॒𑌵𑌾𑌵॑-𑌰𑍁𑌨𑍍𑌧𑌤𑍇 ॥ 𑌮𑌨॑𑌸𑌾॒ 𑌪𑍍𑌰𑌸𑍍𑌤𑍌॑𑌤𑌿 । 𑌮𑌨॒𑌸𑍋𑌦𑍍𑌗𑌾॑𑌯𑌤𑌿 । 𑌮𑌨॑𑌸𑌾॒ 𑌪𑍍𑌰𑌤𑌿॑ 𑌹𑌰𑌤𑌿 । 𑌮𑌨॑ 𑌇𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈᳚ ॥ 𑌦𑍇॒𑌵𑌾 𑌵𑍈 𑌸॒𑌰𑍍𑌪𑌾𑌃 । 𑌤𑍇𑌷𑌾॑𑌮𑌿॒𑌯𑌗𑍍𑌮𑍍 𑌰𑌾𑌜𑍍𑌞𑍀᳚ । 𑌯-𑌥𑍍𑌸॑𑌰𑍍𑌪𑌰𑌾॒𑌜𑍍𑌞𑌿𑌯𑌾॑ 𑌋॒𑌗𑍍𑌭𑌿-𑌸𑍍𑌸𑍍𑌤𑍁॒𑌵𑌨𑍍𑌤𑌿॑ । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 ॥ 35 ॥

𑌚𑌤𑍁॑𑌰𑍍𑌹𑍋𑌤𑍄॒𑌨𑍍॒. 𑌹𑍋𑌤𑌾॒ 𑌵𑍍𑌯𑌾𑌚॑𑌷𑍍𑌟𑍇 । 𑌸𑍍𑌤𑍁॒𑌤𑌮𑌨𑍁॑𑌶𑌗𑍍𑌮𑍍𑌸𑌤𑌿॒ 𑌶𑌾𑌨𑍍𑌤𑍍𑌯𑍈᳚ ॥ 𑌅𑌨𑍍𑌤𑍋॒ 𑌵𑌾 𑌏॒𑌷 𑌯॒𑌜𑍍𑌞𑌸𑍍𑌯॑ । 𑌯-𑌦𑍍𑌦॑𑌶॒𑌮𑌮𑌹𑌃॑ । 𑌏॒𑌤-𑌤𑍍𑌖𑌲𑍁॒ 𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌪𑌰॒𑌮-𑌙𑍍𑌗𑍁𑌹𑍍𑌯॒-𑌮𑍍𑌬𑍍𑌰𑌹𑍍𑌮॑ । 𑌯𑌚𑍍𑌚𑌤𑍁॑𑌰𑍍𑌹𑍋𑌤𑌾𑌰𑌃 । 𑌦॒𑌶॒𑌮𑍇-𑌽𑌹॒𑌗𑍍𑌗𑍍॒-𑌶𑍍𑌚𑌤𑍁॑𑌰𑍍𑌹𑍋𑌤𑍄॒𑌨𑍍 𑌵𑍍𑌯𑌾𑌚॑𑌷𑍍𑌟𑍇 । 𑌯॒𑌜𑍍𑌞𑌸𑍍𑌯𑍈॒𑌵𑌾𑌨𑍍𑌤॑-𑌙𑍍𑌗॒𑌤𑍍𑌵𑌾 । 𑌪॒𑌰॒𑌮-𑌨𑍍𑌦𑍇॒𑌵𑌾𑌨𑌾॒-𑌙𑍍𑌗𑍁𑌹𑍍𑌯॒-𑌮𑍍𑌬𑍍𑌰𑌹𑍍𑌮𑌾𑌵॑𑌰𑍁𑌨𑍍𑌧𑍇 । 𑌤𑌦𑍇॒𑌵 𑌪𑍍𑌰॑𑌕𑌾॒𑌶-𑌙𑍍𑌗॑𑌮𑌯𑌤𑌿 ॥ 36 ॥

𑌤𑌦𑍇॑𑌨-𑌮𑍍𑌪𑍍𑌰𑌕𑌾॒𑌶-𑌙𑍍𑌗॒𑌤𑌮𑍍 । 𑌪𑍍𑌰॒𑌕𑌾॒𑌶-𑌮𑍍𑌪𑍍𑌰॒𑌜𑌾𑌨𑌾᳚-𑌙𑍍𑌗𑌮𑌯𑌤𑌿 ॥ 𑌵𑌾𑌚𑌂॑-𑌯𑌁𑌚𑍍𑌛𑌤𑌿 । 𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑍈᳚ ॥ 𑌯॒𑌜॒𑌮𑌾॒𑌨॒𑌦𑍇॒𑌵॒𑌤𑍍𑌯𑌂॑-𑌵𑌾𑌁 𑌅𑌹𑌃॑ । 𑌭𑍍𑌰𑌾॒𑌤𑍃॒𑌵𑍍𑌯॒𑌦𑍇॒𑌵॒𑌤𑍍𑌯𑌾॑ 𑌰𑌾𑌤𑍍𑌰𑌿𑌃॑ । 𑌅𑌹𑍍𑌨𑌾॒ 𑌰𑌾𑌤𑍍𑌰𑌿॑-𑌨𑍍𑌧𑍍𑌯𑌾𑌯𑍇𑌤𑍍 । 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯𑍈॒𑌵 𑌤𑌲𑍍𑌲𑍋॒𑌕𑌂-𑌵𑍃𑌁॑𑌙𑍍𑌕𑍍𑌤𑍇 । 𑌯𑌦𑍍𑌦𑌿𑌵𑌾॒ 𑌵𑌾𑌚𑌂॑-𑌵𑌿𑌁𑌸𑍃॒𑌜𑍇𑌤𑍍 । 𑌅𑌹॒𑌰𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌯𑍋𑌚𑍍𑌛𑌿𑌗𑍍𑌮𑍍॑𑌷𑍇𑌤𑍍 । 𑌯𑌨𑍍𑌨𑌕𑍍𑌤𑌂॑-𑌵𑌿𑌁𑌸𑍃॒𑌜𑍇𑌤𑍍 । 𑌰𑌾𑌤𑍍𑌰𑌿॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌯𑍋𑌚𑍍𑌛𑌿𑌗𑍍𑌮𑍍॑𑌷𑍇𑌤𑍍 । 𑌅॒𑌧𑌿॒𑌵𑍃॒𑌕𑍍𑌷॒𑌸𑍂॒𑌰𑍍𑌯𑍇 𑌵𑌾𑌚𑌂॒-𑌵𑌿𑌁𑌸𑍃॑𑌜𑌤𑌿 । 𑌏॒𑌤𑌾𑌵॑𑌨𑍍𑌤𑌮𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑌮𑍁𑌚𑍍𑌛𑌿𑌗𑍍𑌮𑍍॑𑌷𑌤𑌿 । 𑌯𑌾𑌵॑𑌦𑌾𑌦𑌿॒𑌤𑍍𑌯𑍋᳚-𑌽𑌸𑍍𑌤॒𑌮𑍇𑌤𑌿॑ ॥ 3𑍭 ॥
(𑌪𑍃𑌶𑍍𑌨𑌿॑ – 𑌤𑌿𑌷𑍍𑌠𑌨𑍍𑌤𑌿 – 𑌗𑌮𑌯𑌤𑌿 – 𑌶𑌿𑌗𑍍𑌮𑍍𑌷𑍇॒-𑌤𑍍𑌪𑌞𑍍𑌚॑ 𑌚) (𑌅. 6)

𑌅𑌨𑍁𑌵𑌾𑌕𑌂 𑍭 – 𑌸𑌪𑍍𑌤𑌹𑍋𑌤𑍃𑌮𑌨𑍍𑌤𑍍𑌰𑌸𑌾𑌧𑍍𑌯𑌯𑌜𑍍𑌞𑌪𑍍𑌰𑌶𑌂𑌸𑌾
𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌾-𑌸𑍍𑌸𑍃॒𑌷𑍍𑌟𑌾-𑌸𑍍𑌸𑌮॑𑌶𑍍𑌲𑌿𑌷𑍍𑌯𑌨𑍍𑌨𑍍 । 𑌤𑌾 𑌰𑍂॒𑌪𑍇𑌣𑌾𑌨𑍁॒ 𑌪𑍍𑌰𑌾𑌵𑌿॑𑌶𑌤𑍍 । 𑌤𑌸𑍍𑌮𑌾॑𑌦𑌾𑌹𑍁𑌃 । 𑌰𑍂॒𑌪𑌂-𑌵𑍈𑌁 𑌪𑍍𑌰॒𑌜𑌾𑌪॑𑌤𑌿॒𑌰𑌿𑌤𑌿॑ । 𑌤𑌾 𑌨𑌾𑌮𑍍𑌨𑌾-𑌽𑌨𑍁॒ 𑌪𑍍𑌰𑌾𑌵𑌿॑𑌶𑌤𑍍 । 𑌤𑌸𑍍𑌮𑌾॑𑌦𑌾𑌹𑍁𑌃 । 𑌨𑌾𑌮॒ 𑌵𑍈 𑌪𑍍𑌰॒𑌜𑌾𑌪॑𑌤𑌿॒𑌰𑌿𑌤𑌿॑ । 𑌤𑌸𑍍𑌮𑌾॒𑌦𑌪𑍍𑌯𑌾॑ 𑌽𑌮𑌿॒𑌤𑍍𑌰𑍌 𑌸॒𑌗𑌨𑍍𑌤𑍍𑌯॑ । 𑌨𑌾𑌮𑍍𑌨𑌾॒ 𑌚𑍇𑌦𑍍𑌧𑍍𑌵𑌯𑍇॑𑌤𑍇 ॥ 3𑍮 ॥

𑌮𑌿॒𑌤𑍍𑌰𑌮𑍇॒𑌵 𑌭॑𑌵𑌤𑌃 ॥ 𑌪𑍍𑌰॒𑌜𑌾𑌪॑𑌤𑌿-𑌰𑍍𑌦𑍇𑌵𑌾𑌸𑍁॒𑌰𑌾𑌨॑𑌸𑍃𑌜𑌤 । 𑌸 𑌇𑌨𑍍𑌦𑍍𑌰॒𑌮𑌪𑌿॒ 𑌨𑌾𑌸𑍃॑𑌜𑌤 । 𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵𑌨𑍍𑌨𑍍 । 𑌇𑌨𑍍𑌦𑍍𑌰॑-𑌨𑍍𑌨𑍋 𑌜𑌨॒𑌯𑍇𑌤𑌿॑ । 𑌸 𑌆॒𑌤𑍍𑌮-𑌨𑍍𑌨𑌿𑌨𑍍𑌦𑍍𑌰॑-𑌮𑌪𑌶𑍍𑌯𑌤𑍍 । 𑌤𑌮॑𑌸𑍃𑌜𑌤 । 𑌤-𑌨𑍍𑌤𑍍𑌰𑌿॒𑌷𑍍𑌟𑍁𑌗𑍍-𑌵𑍀॒𑌰𑍍𑌯॑-𑌮𑍍𑌭𑍂॒𑌤𑍍𑌵𑌾-𑌽𑌨𑍁॒ 𑌪𑍍𑌰𑌾𑌵𑌿॑𑌶𑌤𑍍 । 𑌤𑌸𑍍𑌯॒ 𑌵𑌜𑍍𑌰𑌃॑ 𑌪𑌞𑍍𑌚𑌦॒𑌶𑍋 𑌹𑌸𑍍𑌤॒ 𑌆𑌪॑𑌦𑍍𑌯𑌤 । 𑌤𑍇𑌨𑍋॒𑌦𑌯𑍍𑌯𑌾𑌸𑍁॑𑌰𑌾𑌨॒𑌭𑍍𑌯॑ 𑌭𑌵𑌤𑍍 ॥ 3𑍯 ॥

𑌯 𑌏॒𑌵𑌂-𑌵𑍇𑌁𑌦॑ । 𑌅॒𑌭𑌿 𑌭𑍍𑌰𑌾𑌤𑍃॑𑌵𑍍𑌯𑌾-𑌨𑍍𑌭𑌵𑌤𑌿 ॥ 𑌤𑍇 𑌦𑍇॒𑌵𑌾 𑌅𑌸𑍁॑𑌰𑍈-𑌰𑍍𑌵𑌿॒𑌜𑌿𑌤𑍍𑌯॑ । 𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 । 𑌤𑍇॑-𑌽𑌮𑍁𑌷𑍍𑌮𑌿॑𑌲𑍍 𑌁𑌲𑍋॒𑌕𑍇 𑌵𑍍𑌯॑𑌕𑍍𑌷𑍁𑌦𑍍𑌧𑍍𑌯𑌨𑍍𑌨𑍍 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌅॒𑌮𑍁𑌤𑌃॑ 𑌪𑍍𑌰𑌦𑌾𑌨𑌂॒-𑌵𑌾𑌁 𑌉𑌪॑𑌜𑌿𑌜𑍀𑌵𑌿॒𑌮𑍇𑌤𑌿॑ । 𑌤𑍇 𑌸॒𑌪𑍍𑌤𑌹𑍋॑𑌤𑌾𑌰𑌂-𑌯𑌁॒𑌜𑍍𑌞𑌂-𑌵𑌿𑌁॒𑌧𑌾𑌯𑌾॒𑌯𑌾𑌸𑍍𑌯᳚𑌮𑍍 । 𑌆॒𑌙𑍍𑌗𑍀॒𑌰॒𑌸-𑌮𑍍𑌪𑍍𑌰𑌾𑌹𑌿॑𑌣𑍍𑌵𑌨𑍍𑌨𑍍 । 𑌏॒𑌤𑍇𑌨𑌾॒𑌮𑍁𑌤𑍍𑌰॑ 𑌕𑌲𑍍𑌪॒𑌯𑍇𑌤𑌿॑ ॥ 40 ॥

𑌤𑌸𑍍𑌯॒ 𑌵𑌾 𑌇॒𑌯-𑌙𑍍𑌕𑍍𑌲𑍃𑌪𑍍𑌤𑌿𑌃॑ । 𑌯𑌦𑌿॒𑌦-𑌙𑍍𑌕𑌿-𑌞𑍍𑌚॑ । 𑌯 𑌏॒𑌵𑌂-𑌵𑍇𑌁𑌦॑ । 𑌕𑌲𑍍𑌪॑𑌤𑍇-𑌽𑌸𑍍𑌮𑍈 । 𑌸 𑌵𑌾 𑌅॒𑌯-𑌮𑍍𑌮॑𑌨𑍁॒𑌷𑍍𑌯𑍇॑𑌷𑍁 𑌯॒𑌜𑍍𑌞-𑌸𑍍𑌸॒𑌪𑍍𑌤𑌹𑍋॑𑌤𑌾 । 𑌅॒𑌮𑍁𑌤𑍍𑌰॑ 𑌸॒𑌦𑍍𑌭𑍍𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁॑𑌹𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌉𑌪𑍈॑𑌨𑌂-𑌯𑌁॒𑌜𑍍𑌞𑍋 𑌨॑𑌮𑌤𑌿 ॥ 𑌸𑍋॑-𑌽𑌮𑌨𑍍𑌯𑌤 । 𑌅॒𑌭𑌿 𑌵𑌾 𑌇॒𑌮𑍇᳚-𑌽𑌸𑍍𑌮𑌾-𑌲𑍍𑌲𑍋॒𑌕𑌾𑌦॒𑌮𑍁𑌂𑌲𑍋𑌁॒𑌕-𑌙𑍍𑌕॑𑌮𑌿𑌷𑍍𑌯𑌨𑍍𑌤॒ 𑌇𑌤𑌿॑ । 𑌸 𑌵𑌾𑌚॑𑌸𑍍𑌪𑌤𑍇॒ 𑌹𑍃𑌦𑌿𑌤𑌿॒ 𑌵𑍍𑌯𑌾𑌹॑𑌰𑌤𑍍 । 𑌤𑌸𑍍𑌮𑌾᳚-𑌤𑍍𑌪𑍁॒𑌤𑍍𑌰𑍋 𑌹𑍃𑌦॑𑌯𑌮𑍍 । 𑌤𑌸𑍍𑌮𑌾॑𑌦॒𑌸𑍍𑌮𑌾-𑌲𑍍𑌲𑍋॒𑌕𑌾𑌦॒𑌮𑍁𑌂-𑌲𑍋𑌁॒𑌕-𑌨𑍍𑌨𑌾𑌭𑌿𑌕𑌾॑𑌮𑌯𑌨𑍍𑌤𑍇 । 𑌪𑍁॒𑌤𑍍𑌰𑍋 𑌹𑌿 𑌹𑍃𑌦॑𑌯𑌮𑍍 ॥ 41 ॥
(𑌹𑍍𑌵𑌯𑍇॑𑌤 – 𑌅𑌭𑌵𑌤𑍍 – 𑌕𑌲𑍍𑌪॒𑌯𑍇 – 𑌤𑍀𑌤𑌿॑ 𑌚॒𑌤𑍍𑌵𑌾𑌰𑌿॑ 𑌚) (𑌅. 𑍭)

𑌅𑌨𑍁𑌵𑌾𑌕𑌂 𑍮 – 𑌹𑍋𑌤𑍃𑌮𑌨𑍍𑌤𑍍𑌰𑌾𑌣𑌾𑌂 𑌸𑍋𑌮𑌯𑌾𑌗𑌾𑌙𑍍𑌗𑌤𑍍𑌵𑌮𑍍
𑌦𑍇॒𑌵𑌾 𑌵𑍈 𑌚𑌤𑍁॑𑌰𑍍𑌹𑍋𑌤𑍃𑌭𑌿-𑌰𑍍𑌯॒𑌜𑍍𑌞𑌮॑𑌤𑌨𑍍𑌵𑌤 । 𑌤𑍇 𑌵𑌿 𑌪𑌾॒𑌪𑍍𑌮𑌨𑌾॒ 𑌭𑍍𑌰𑌾𑌤𑍃॑𑌵𑍍𑌯𑍇॒𑌣𑌾𑌜॑𑌯𑌨𑍍𑌤 । 𑌅॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॑𑌜𑌯𑌨𑍍𑌨𑍍 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍-𑌶𑍍𑌚𑌤𑍁॑𑌰𑍍𑌹𑍋𑌤𑍃𑌭𑌿𑌰𑍍𑌯॒𑌜𑍍𑌞-𑌨𑍍𑌤॑𑌨𑍁॒𑌤𑍇 । 𑌵𑌿 𑌪𑌾॒𑌪𑍍𑌮𑌨𑌾॒ 𑌭𑍍𑌰𑌾𑌤𑍃॑𑌵𑍍𑌯𑍇𑌣 𑌜𑌯𑌤𑍇 । 𑌅॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 ॥ 𑌷𑌡𑍍𑌢𑍋᳚𑌤𑍍𑌰𑌾 𑌪𑍍𑌰𑌾𑌯॒𑌣𑍀𑌯॒𑌮𑌾𑌸𑌾॑𑌦𑌯𑌤𑌿 । 𑌅॒𑌮𑍁𑌷𑍍𑌮𑍈॒ 𑌵𑍈 𑌲𑍋॒𑌕𑌾𑌯॒ 𑌷𑌡𑍍𑌢𑍋॑𑌤𑌾 । 𑌘𑍍𑌨𑌨𑍍𑌤𑌿॒ 𑌖𑌲𑍁॒ 𑌵𑌾 𑌏॒𑌤-𑌥𑍍𑌸𑍋𑌮᳚𑌮𑍍 । 𑌯𑌦॑𑌭𑌿𑌷𑍁॒𑌣𑍍𑌵𑌨𑍍𑌤𑌿॑ ॥ 42 ॥

𑌋॒𑌜𑍁॒𑌧𑍈𑌵𑍈𑌨॑𑌮॒𑌮𑍁𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 । 𑌚𑌤𑍁॑𑌰𑍍𑌹𑍋𑌤𑍍𑌰𑌾 𑌽𑌽𑌤𑌿॒𑌤𑍍𑌥𑍍𑌯𑌮𑍍 । 𑌯𑌶𑍋॒ 𑌵𑍈 𑌚𑌤𑍁॑𑌰𑍍𑌹𑍋𑌤𑌾 । 𑌯𑌶॑ 𑌏॒𑌵𑌾𑌤𑍍𑌮𑌨𑍍-𑌧॑𑌤𑍍𑌤𑍇 । 𑌪𑌞𑍍𑌚॑𑌹𑍋𑌤𑍍𑌰𑌾 𑌪॒𑌶𑍁𑌮𑍁𑌪॑ 𑌸𑌾𑌦𑌯𑌤𑌿 । 𑌸𑍁॒𑌵॒𑌰𑍍𑌗𑍍𑌯𑍋॑ 𑌵𑍈 𑌪𑌞𑍍𑌚॑𑌹𑍋𑌤𑌾 । 𑌯𑌜॑𑌮𑌾𑌨𑌃 𑌪॒𑌶𑍁𑌃 । 𑌯𑌜॑𑌮𑌾𑌨𑌮𑍇॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 । 𑌗𑍍𑌰𑌹𑌾᳚𑌨𑍍-𑌗𑍃𑌹𑍀॒𑌤𑍍𑌵𑌾 𑌸॒𑌪𑍍𑌤𑌹𑍋॑𑌤𑌾𑌰-𑌞𑍍𑌜𑍁𑌹𑍋𑌤𑌿 । 𑌇॒𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌸॒𑌪𑍍𑌤𑌹𑍋॑𑌤𑌾 ॥ 43 ॥

𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌤𑍍𑌮𑌨𑍍-𑌧॑𑌤𑍍𑌤𑍇 ॥ 𑌯𑍋 𑌵𑍈 𑌚𑌤𑍁॑𑌰𑍍𑌹𑍋𑌤𑍄-𑌨𑌨𑍁𑌸𑌵॒𑌨-𑌨𑍍𑌤॒𑌰𑍍𑌪𑌯॑𑌤𑌿 । 𑌤𑍃𑌪𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ । 𑌉𑌪𑍈॑𑌨𑌗𑍍𑌮𑍍 𑌸𑍋𑌮𑌪𑍀॒𑌥𑍋 𑌨॑𑌮𑌤𑌿 । 𑌬॒𑌹𑌿॒𑌷𑍍𑌪𑌵॒𑌮𑌾॒𑌨𑍇 𑌦𑌶॑𑌹𑍋𑌤𑌾𑌰𑌂॒-𑌵𑍍𑌯𑌾𑌁𑌚॑𑌕𑍍𑌷𑍀𑌤 । 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌪𑌵॑𑌮𑌾𑌨𑍇॒ 𑌚𑌤𑍁॑𑌰𑍍𑌹𑍋𑌤𑌾𑌰𑌮𑍍 । 𑌆𑌰𑍍𑌭॑𑌵𑍇॒ 𑌪𑌵॑𑌮𑌾𑌨𑍇॒ 𑌪𑌞𑍍𑌚॑𑌹𑍋𑌤𑌾𑌰𑌮𑍍 । 𑌪𑌿॒𑌤𑍃॒𑌯॒𑌜𑍍𑌞𑍇 𑌷𑌡𑍍𑌢𑍋॑𑌤𑌾𑌰𑌮𑍍 । 𑌯॒𑌜𑍍𑌞𑌾॒𑌯॒𑌜𑍍𑌞𑌿𑌯॑𑌸𑍍𑌯 𑌸𑍍𑌤𑍋॒𑌤𑍍𑌰𑍇 𑌸॒𑌪𑍍𑌤𑌹𑍋॑𑌤𑌾𑌰𑌮𑍍 । 𑌅॒𑌨𑍁॒𑌸॒𑌵॒𑌨𑌮𑍇॒𑌵𑍈𑌨𑌾𑌗𑍍॑ 𑌸𑍍𑌤𑌰𑍍𑌪𑌯𑌤𑌿 ॥ 44 ॥

𑌤𑍃𑌪𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ । 𑌉𑌪𑍈॑𑌨𑌗𑍍𑌮𑍍 𑌸𑍋𑌮𑌪𑍀॒𑌥𑍋 𑌨॑𑌮𑌤𑌿 ॥ 𑌦𑍇॒𑌵𑌾 𑌵𑍈 𑌚𑌤𑍁॑𑌰𑍍𑌹𑍋𑌤𑍃𑌭𑌿-𑌸𑍍𑌸॒𑌤𑍍𑌰𑌮𑌾॑𑌸𑌤 । 𑌋𑌦𑍍𑌧𑌿॑𑌪𑌰𑌿𑌮𑌿𑌤𑌂॒-𑌯𑌁𑌶॑𑌸𑍍𑌕𑌾𑌮𑌾𑌃 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌯𑌨𑍍𑌨𑌃॑ 𑌪𑍍𑌰𑌥॒𑌮𑌂-𑌯𑌁𑌶॑ 𑌋॒𑌚𑍍𑌛𑌾𑌤𑍍 । 𑌸𑌰𑍍𑌵𑍇॑𑌷𑌾-𑌨𑍍𑌨॒𑌸𑍍𑌤-𑌥𑍍𑌸॒𑌹𑌾𑌸॒𑌦𑌿𑌤𑌿॑ । 𑌸𑍋𑌮॒𑌶𑍍𑌚𑌤𑍁॑𑌰𑍍𑌹𑍋𑌤𑍍𑌰𑌾 । 𑌅॒𑌗𑍍𑌨𑌿𑌃 𑌪𑌞𑍍𑌚॑𑌹𑍋𑌤𑍍𑌰𑌾 । 𑌧𑌾॒𑌤𑌾 𑌷𑌡𑍍𑌢𑍋᳚𑌤𑍍𑌰𑌾 ॥ 45 ॥

𑌇𑌨𑍍𑌦𑍍𑌰॑-𑌸𑍍𑌸॒𑌪𑍍𑌤𑌹𑍋᳚𑌤𑍍𑌰𑌾 । 𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌦𑌶॑𑌹𑍋𑌤𑍍𑌰𑌾 । 𑌤𑍇𑌷𑌾॒𑌗𑍍𑌮𑍍॒ 𑌸𑍋𑌮॒𑌗𑍍𑌮𑍍॒ 𑌰𑌾𑌜𑌾॑𑌨𑌂॒-𑌯𑌁𑌶॑ 𑌆𑌰𑍍𑌚𑍍𑌛𑌤𑍍 ॥ 𑌤𑌨𑍍𑌨𑍍𑌯॑𑌕𑌾𑌮𑌯𑌤 । 𑌤𑍇𑌨𑌾𑌪𑌾᳚𑌕𑍍𑌰𑌾𑌮𑌤𑍍 । 𑌤𑍇𑌨॑ 𑌪𑍍𑌰॒𑌲𑌾𑌯॑𑌮𑌚𑌰𑌤𑍍 । 𑌤-𑌨𑍍𑌦𑍇॒𑌵𑌾𑌃 𑌪𑍍𑌰𑍈॒𑌷𑍈𑌃 𑌪𑍍𑌰𑍈𑌷॑𑌮𑍈𑌚𑍍𑌛𑌨𑍍𑌨𑍍 । 𑌤𑌤𑍍-𑌪𑍍𑌰𑍈॒𑌷𑌾𑌣𑌾᳚-𑌮𑍍𑌪𑍍𑌰𑍈𑌷॒𑌤𑍍𑌵𑌮𑍍 । 𑌨𑌿॒𑌵𑌿𑌦𑍍𑌭𑌿॒𑌰𑍍𑌨𑍍𑌯॑𑌵𑍇𑌦𑌯𑌨𑍍𑌨𑍍 । 𑌤𑌨𑍍𑌨𑌿॒𑌵𑌿𑌦𑌾᳚-𑌨𑍍𑌨𑌿𑌵𑌿॒𑌤𑍍𑌤𑍍𑌵𑌮𑍍 ॥ 46 ॥

𑌆॒𑌪𑍍𑌰𑍀𑌭𑌿॑𑌰𑌾𑌪𑍍𑌨𑍁𑌵𑌨𑍍𑌨𑍍 । 𑌤𑌦𑌾॒𑌪𑍍𑌰𑍀𑌣𑌾॑𑌮𑌾𑌪𑍍𑌰𑌿॒𑌤𑍍𑌵𑌮𑍍 । 𑌤𑌮॑𑌘𑍍𑌨𑌨𑍍𑌨𑍍 । 𑌤𑌸𑍍𑌯॒ 𑌯𑌶𑍋॒ 𑌵𑍍𑌯॑𑌗𑍃𑌹𑍍𑌣𑌤 । 𑌤𑍇 𑌗𑍍𑌰𑌹𑌾॑ 𑌅𑌭𑌵𑌨𑍍𑌨𑍍 । 𑌤𑌦𑍍𑌗𑍍𑌰𑌹𑌾॑𑌣𑌾-𑌙𑍍𑌗𑍍𑌰𑌹॒𑌤𑍍𑌵𑌮𑍍 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋॒ 𑌗𑍍𑌰𑌹𑌾॑ 𑌗𑍃॒𑌹𑍍𑌯𑌨𑍍𑌤𑍇᳚ । 𑌤𑌸𑍍𑌯॒ 𑌤𑍍𑌵𑍇॑𑌵 𑌗𑍃॑𑌹𑍀॒𑌤𑌾𑌃 ॥ 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌯𑍋 𑌵𑍈 𑌨॒-𑌶𑍍𑌶𑍍𑌰𑍇𑌷𑍍𑌠𑍋-𑌽𑌭𑍂᳚𑌤𑍍 ॥ 4𑍭 ॥

𑌤𑌮॑𑌵𑌧𑌿𑌷𑍍𑌮 । 𑌪𑍁𑌨॑𑌰𑌿॒𑌮𑌗𑍍𑌮𑍍 𑌸𑍁॑𑌵𑌾𑌮𑌹𑌾॒ 𑌇𑌤𑌿॑ । 𑌤-𑌞𑍍𑌛𑌨𑍍𑌦𑍋॑𑌭𑌿-𑌰𑌸𑍁𑌵𑌨𑍍𑌤 । 𑌤𑌚𑍍𑌛𑌨𑍍𑌦॑𑌸𑌾-𑌞𑍍𑌛𑌨𑍍𑌦॒𑌸𑍍𑌤𑍍𑌵𑌮𑍍 । 𑌸𑌾𑌮𑍍𑌨𑌾॒ 𑌸𑌮𑌾𑌨॑𑌯𑌨𑍍𑌨𑍍 । 𑌤-𑌥𑍍𑌸𑌾𑌮𑍍𑌨॑-𑌸𑍍𑌸𑌾𑌮॒𑌤𑍍𑌵𑌮𑍍 । 𑌉॒𑌕𑍍𑌥𑍈-𑌰𑍁𑌦॑𑌸𑍍𑌥𑌾𑌪𑌯𑌨𑍍𑌨𑍍 । 𑌤𑌦𑍁॒𑌕𑍍𑌥𑌾𑌨𑌾॑-𑌮𑍁𑌕𑍍𑌥॒𑌤𑍍𑌵𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 ॥ 4𑍮 ॥

𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 ॥ 𑌸𑍋𑌮𑍋॒ 𑌵𑍈 𑌯𑌶𑌃॑ । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑍋𑌮॑𑌮𑌾॒𑌗𑌚𑍍𑌛॑𑌤𑌿 । 𑌯𑌶॑ 𑌏॒𑌵𑍈𑌨॑𑌮𑍃𑌚𑍍𑌛𑌤𑌿 । 𑌤𑌸𑍍𑌮𑌾॑𑌦𑌾𑌹𑍁𑌃 । 𑌯𑌶𑍍𑌚𑍈॒𑌵𑌂-𑌵𑍇𑌁𑌦॒ 𑌯𑌶𑍍𑌚॒ 𑌨 । 𑌤𑌾𑌵𑍁॒𑌭𑍌 𑌸𑍋𑌮॒-𑌮𑌾𑌗॑𑌚𑍍𑌛𑌤𑌃 । 𑌸𑍋𑌮𑍋॒ 𑌹𑌿 𑌯𑌶𑌃॑ । 𑌤-𑌨𑍍𑌤𑍍𑌵𑌾-𑌽𑌵 𑌯𑌶॑ 𑌋𑌚𑍍𑌛॒𑌤𑍀𑌤𑍍𑌯𑌾॑𑌹𑍁𑌃 । 𑌯-𑌸𑍍𑌸𑍋𑌮𑍇॒ 𑌸𑍋𑌮॒-𑌮𑍍𑌪𑍍𑌰𑌾𑌹𑍇𑌤𑌿॑ । 𑌤𑌸𑍍𑌮𑌾॒-𑌥𑍍𑌸𑍋𑌮𑍇॒ 𑌸𑍋𑌮𑌃॒ 𑌪𑍍𑌰𑍋𑌚𑍍𑌯𑌃॑ । 𑌯𑌶॑ 𑌏॒𑌵𑍈𑌨॑𑌮𑍃𑌚𑍍𑌛𑌤𑌿 ॥ 4𑍯 ॥
(𑌅॒𑌭𑌿॒𑌷𑍁॒𑌣𑍍𑌵𑌨𑍍𑌤𑌿॑ – 𑌸॒𑌪𑍍𑌤𑌹𑍋॑𑌤𑌾 – 𑌤𑌰𑍍𑌪𑌯𑌤𑌿॒ – 𑌷𑌡𑍍𑌢𑍋᳚𑌤𑍍𑌰𑌾 – 𑌨𑌿𑌵𑌿॒𑌤𑍍𑌤𑍍𑌵 – 𑌮𑌭𑍂᳚𑌤𑍍 – 𑌤𑌿𑌷𑍍𑌠𑌤𑌿॒ – 𑌪𑍍𑌰𑌾𑌹𑍇𑌤𑌿॒ 𑌦𑍍𑌵𑍇 𑌚॑) (𑌅. 𑍮)

𑌅𑌨𑍁𑌵𑌾𑌕𑌂 𑍯 – 𑌹𑍋𑌤𑍃𑌮𑌨𑍍𑌤𑍍𑌰𑍋𑌤𑍍𑌪𑌤𑍍𑌤𑌿𑌕𑌥𑌨𑌪𑍍𑌰𑌸𑌙𑍍𑌗𑍇𑌨 𑌜𑌗-𑌥𑍍𑌸𑍃𑌷𑍍𑌟𑌿𑌃
𑌇॒𑌦𑌂-𑌵𑌾𑌁 𑌅𑌗𑍍𑌰𑍇॒ 𑌨𑍈𑌵 𑌕𑌿𑌞𑍍𑌚॒𑌨𑌾𑌸𑍀᳚𑌤𑍍 । 𑌨 𑌦𑍍𑌯𑍌𑌰𑌾॑𑌸𑍀𑌤𑍍 । 𑌨 𑌪𑍃॑𑌥𑌿॒𑌵𑍀 । 𑌨𑌾𑌨𑍍𑌤𑌰𑌿॑𑌕𑍍𑌷𑌮𑍍 । 𑌤𑌦𑌸॑𑌦𑍇॒𑌵 𑌸𑌨𑍍𑌮𑌨𑍋॑ 𑌽𑌕𑍁𑌰𑍁𑌤॒ 𑌸𑍍𑌯𑌾𑌮𑌿𑌤𑌿॑ । 𑌤𑌦॑𑌤𑌪𑍍𑌯𑌤 । 𑌤𑌸𑍍𑌮𑌾᳚𑌤𑍍-𑌤𑍇𑌪𑌾॒𑌨𑌾𑌦𑍍𑌧𑍂॒𑌮𑍋॑-𑌽𑌜𑌾𑌯𑌤 । 𑌤-𑌦𑍍𑌭𑍂𑌯𑍋॑-𑌽𑌤𑌪𑍍𑌯𑌤 । 𑌤𑌸𑍍𑌮𑌾᳚𑌤𑍍-𑌤𑍇𑌪𑌾॒𑌨𑌾𑌦॒𑌗𑍍𑌨𑌿-𑌰॑𑌜𑌾𑌯𑌤 । 𑌤-𑌦𑍍𑌭𑍂𑌯𑍋॑-𑌽𑌤𑌪𑍍𑌯𑌤 ॥ 50 ॥

𑌤𑌸𑍍𑌮𑌾᳚𑌤𑍍-𑌤𑍇𑌪𑌾॒𑌨𑌾𑌜𑍍𑌜𑍍𑌯𑍋𑌤𑌿॑-𑌰𑌜𑌾𑌯𑌤 । 𑌤-𑌦𑍍𑌭𑍂𑌯𑍋॑-𑌽𑌤𑌪𑍍𑌯𑌤 । 𑌤𑌸𑍍𑌮𑌾᳚𑌤𑍍-𑌤𑍇𑌪𑌾॒𑌨𑌾𑌦॒𑌰𑍍𑌚𑌿-𑌰॑𑌜𑌾𑌯𑌤 । 𑌤-𑌦𑍍𑌭𑍂𑌯𑍋॑-𑌽𑌤𑌪𑍍𑌯𑌤 । 𑌤𑌸𑍍𑌮𑌾᳚𑌤𑍍-𑌤𑍇𑌪𑌾॒𑌨𑌾𑌨𑍍𑌮𑌰𑍀॑𑌚𑌯𑍋-𑌽𑌜𑌾𑌯𑌨𑍍𑌤 । 𑌤-𑌦𑍍𑌭𑍂𑌯𑍋॑-𑌽𑌤𑌪𑍍𑌯𑌤 । 𑌤𑌸𑍍𑌮𑌾᳚𑌤𑍍-𑌤𑍇𑌪𑌾॒𑌨𑌾𑌦𑍁॑𑌦𑌾॒𑌰𑌾 𑌅॑𑌜𑌾𑌯𑌨𑍍𑌤 । 𑌤-𑌦𑍍𑌭𑍂𑌯𑍋॑-𑌽𑌤𑌪𑍍𑌯𑌤 । 𑌤𑌦॒𑌭𑍍𑌰𑌮𑌿॑𑌵॒ 𑌸𑌮॑𑌹𑌨𑍍𑌯𑌤 ॥ 𑌤-𑌦𑍍𑌵॒𑌸𑍍𑌤𑌿𑌮॑𑌭𑌿𑌨𑌤𑍍 ॥ 51 ॥

𑌸 𑌸॑𑌮𑍁॒𑌦𑍍𑌰𑍋॑-𑌽𑌭𑌵𑌤𑍍 । 𑌤𑌸𑍍𑌮𑌾᳚-𑌥𑍍𑌸𑌮𑍁॒𑌦𑍍𑌰𑌸𑍍𑌯॒ 𑌨 𑌪𑌿॑𑌬𑌨𑍍𑌤𑌿 । 𑌪𑍍𑌰॒𑌜𑌨॑𑌨𑌮𑌿𑌵॒ 𑌹𑌿 𑌮𑌨𑍍𑌯॑𑌨𑍍𑌤𑍇 । 𑌤𑌸𑍍𑌮𑌾᳚-𑌤𑍍𑌪॒𑌶𑍋-𑌰𑍍𑌜𑌾𑌯॑𑌮𑌾𑌨𑌾॒𑌦𑌾𑌪𑌃॑ 𑌪𑍁॒𑌰𑌸𑍍𑌤𑌾᳚-𑌦𑍍𑌯𑌨𑍍𑌤𑌿 ॥ 𑌤-𑌦𑍍𑌦𑌶॑𑌹𑍋॒𑌤𑌾-𑌽𑌨𑍍𑌵॑𑌸𑍃𑌜𑍍𑌯𑌤 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌦𑌶॑ 𑌹𑍋𑌤𑌾 ॥ 𑌯 𑌏॒𑌵-𑌨𑍍𑌤𑌪॑𑌸𑍋 𑌵𑍀॒𑌰𑍍𑌯𑌂॑-𑌵𑌿𑌁॒𑌦𑍍𑌵𑌾𑌗𑍍𑌸𑍍𑌤𑌪𑍍𑌯॑𑌤𑍇 । 𑌭𑌵॑𑌤𑍍𑌯𑍇॒𑌵 ॥ 𑌤𑌦𑍍𑌵𑌾 𑌇॒𑌦𑌮𑌾𑌪॑-𑌸𑍍𑌸𑌲𑌿॒𑌲-𑌮𑌾॑𑌸𑍀𑌤𑍍 । 𑌸𑍋॑-𑌽𑌰𑍋𑌦𑍀𑌤𑍍-𑌪𑍍𑌰॒𑌜𑌾𑌪॑𑌤𑌿𑌃 ॥ 52 ॥

𑌸 𑌕𑌸𑍍𑌮𑌾॑ 𑌅𑌜𑍍𑌞𑌿 । 𑌯-𑌦𑍍𑌯॒𑌸𑍍𑌯𑌾 𑌅𑌪𑍍𑌰॑𑌤𑌿𑌷𑍍𑌠𑌾𑌯𑌾॒ 𑌇𑌤𑌿॑ । 𑌯𑌦॒𑌫𑍍𑌸𑍍𑌵॑-𑌵𑌾𑌪॑𑌦𑍍𑌯𑌤 । 𑌸𑌾 𑌪𑍃॑𑌥𑌿॒𑌵𑍍𑌯॑𑌭𑌵𑌤𑍍 । 𑌯𑌦𑍍𑌵𑍍𑌯𑌮𑍃॑𑌷𑍍𑌟 । 𑌤𑌦॒𑌨𑍍𑌤𑌰𑌿॑𑌕𑍍𑌷-𑌮𑌭𑌵𑌤𑍍 । 𑌯𑌦𑍂॒𑌰𑍍𑌧𑍍𑌵-𑌮𑍁॒𑌦𑌮𑍃॑𑌷𑍍𑌟 । 𑌸𑌾 𑌦𑍍𑌯𑍌𑌰॑𑌭𑌵𑌤𑍍 । 𑌯𑌦𑌰𑍋॑𑌦𑍀𑌤𑍍 । 𑌤𑌦॒𑌨𑌯𑍋॑ 𑌰𑍋𑌦॒𑌸𑍍𑌤𑍍𑌵𑌮𑍍 ॥ 53 ॥

𑌯 𑌏॒𑌵𑌂-𑌵𑍇𑌁𑌦॑ । 𑌨𑌾𑌸𑍍𑌯॑ 𑌗𑍃॒𑌹𑍇 𑌰𑍁॑𑌦𑌨𑍍𑌤𑌿 । 𑌏॒𑌤𑌦𑍍𑌵𑌾 𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒-𑌞𑍍𑌜𑌨𑍍𑌮॑ । 𑌯 𑌏॒𑌵𑌮𑍇॒𑌷𑌾𑌂-𑌲𑍋𑌁॒𑌕𑌾𑌨𑌾॒-𑌞𑍍𑌜𑌨𑍍𑌮॒ 𑌵𑍇𑌦॑ । 𑌨𑍈𑌷𑍁 𑌲𑍋॒𑌕𑍇-𑌷𑍍𑌵𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌸 𑌇॒𑌮𑌾-𑌮𑍍𑌪𑍍𑌰॑𑌤𑌿॒𑌷𑍍𑌠𑌾-𑌮॑𑌵𑌿𑌨𑍍𑌦𑌤 ॥ 𑌸 𑌇॒𑌮𑌾-𑌮𑍍𑌪𑍍𑌰॑𑌤𑌿॒𑌷𑍍𑌠𑌾𑌂-𑌵𑌿𑌁॒𑌤𑍍𑌤𑍍𑌵𑌾 𑌽𑌕𑌾॑𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸𑍋᳚-𑌽𑌨𑍍𑌤𑌰𑍍𑌵𑌾॑𑌨𑌭𑌵𑌤𑍍 । 𑌸 𑌜॒𑌘𑌨𑌾॒𑌦𑌸𑍁॑𑌰𑌾-𑌨𑌸𑍃𑌜𑌤 ॥ 54 ॥

𑌤𑍇𑌭𑍍𑌯𑍋॑ 𑌮𑍃॒𑌨𑍍𑌮𑌯𑍇॒ 𑌪𑌾𑌤𑍍𑌰𑍇-𑌽𑌨𑍍𑌨॑𑌮𑌦𑍁𑌹𑌤𑍍 । 𑌯𑌾-𑌽𑌸𑍍𑌯॒ 𑌸𑌾 𑌤॒𑌨𑍂𑌰𑌾𑌸𑍀᳚𑌤𑍍 । 𑌤𑌾𑌮𑌪𑌾॑𑌹𑌤 । 𑌸𑌾 𑌤𑌮𑌿॑𑌸𑍍𑌰𑌾-𑌽𑌭𑌵𑌤𑍍 ॥ 𑌸𑍋॑-𑌽𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸𑍋᳚-𑌽𑌨𑍍𑌤𑌰𑍍𑌵𑌾॑-𑌨𑌭𑌵𑌤𑍍 । 𑌸 𑌪𑍍𑌰॒𑌜𑌨॑𑌨𑌾𑌦𑍇॒𑌵 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌸𑍍𑌮𑌾॑𑌦𑌿॒𑌮𑌾 𑌭𑍂𑌯𑌿॑𑌷𑍍𑌠𑌾𑌃 । 𑌪𑍍𑌰॒𑌜𑌨॑𑌨𑌾॒𑌦𑍍𑌧𑍍𑌯𑍇॑𑌨𑌾॒ 𑌅𑌸𑍃॑𑌜𑌤 ॥ 55 ॥

𑌤𑌾𑌭𑍍𑌯𑍋॑ 𑌦𑌾𑌰𑍁॒𑌮𑌯𑍇॒ 𑌪𑌾𑌤𑍍𑌰𑍇॒ 𑌪𑌯𑍋॑-𑌽𑌦𑍁𑌹𑌤𑍍 । 𑌯𑌾-𑌽𑌸𑍍𑌯॒ 𑌸𑌾 𑌤॒𑌨𑍂𑌰𑌾𑌸𑍀᳚𑌤𑍍 । 𑌤𑌾𑌮𑌪𑌾॑𑌹𑌤 । 𑌸𑌾 𑌜𑍋𑌥𑍍𑌸𑍍𑌨𑌾॑ 𑌽𑌭𑌵𑌤𑍍 ॥ 𑌸𑍋॑-𑌽𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸𑌤𑌪𑍋॑-𑌽𑌤𑌪𑍍𑌯𑌤 । 𑌸𑍋᳚-𑌽𑌨𑍍𑌤𑌰𑍍𑌵𑌾॑-𑌨𑌭𑌵𑌤𑍍 । 𑌸 𑌉॑𑌪𑌪॒𑌕𑍍𑌷𑌾𑌭𑍍𑌯𑌾॑-𑌮𑍇॒𑌵𑌰𑍍𑌤𑍂𑌨॑𑌸𑍃𑌜𑌤 । 𑌤𑍇𑌭𑍍𑌯𑍋॑ 𑌰𑌜॒𑌤𑍇 𑌪𑌾𑌤𑍍𑌰𑍇॑ 𑌘𑍃॒𑌤𑌮॑𑌦𑍁𑌹𑌤𑍍 । 𑌯𑌾-𑌽𑌸𑍍𑌯॒ 𑌸𑌾 𑌤॒𑌨𑍂𑌰𑌾𑌸𑍀᳚𑌤𑍍 ॥ 56 ॥

𑌤𑌾𑌮𑌪𑌾॑𑌹𑌤 । 𑌸𑍋॑-𑌽𑌹𑍋𑌰𑌾॒𑌤𑍍𑌰𑌯𑍋᳚-𑌸𑍍𑌸॒𑌨𑍍𑌧𑌿-𑌰॑𑌭𑌵𑌤𑍍 ॥ 𑌸𑍋॑-𑌽𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸𑍋᳚-𑌽𑌨𑍍𑌤𑌰𑍍𑌵𑌾॑-𑌨𑌭𑌵𑌤𑍍 । 𑌸 𑌮𑍁𑌖𑌾᳚-𑌦𑍍𑌦𑍇॒𑌵𑌾-𑌨॑𑌸𑍃𑌜𑌤 । 𑌤𑍇𑌭𑍍𑌯𑍋॒ 𑌹𑌰𑌿॑𑌤𑍇॒ 𑌪𑌾𑌤𑍍𑌰𑍇॒ 𑌸𑍋𑌮॑𑌮𑌦𑍁𑌹𑌤𑍍 । 𑌯𑌾-𑌽𑌸𑍍𑌯॒ 𑌸𑌾 𑌤॒𑌨𑍂𑌰𑌾𑌸𑍀᳚𑌤𑍍 । 𑌤𑌾𑌮𑌪𑌾॑𑌹𑌤 । 𑌤𑌦𑌹॑𑌰𑌭𑌵𑌤𑍍 ॥ 5𑍭 ॥

𑌏॒𑌤𑍇 𑌵𑍈 𑌪𑍍𑌰॒𑌜𑌾𑌪॑𑌤𑍇॒𑌰𑍍𑌦𑍋𑌹𑌾𑌃᳚ । 𑌯 𑌏॒𑌵𑌂-𑌵𑍇𑌁𑌦॑ । 𑌦𑍁॒𑌹 𑌏॒𑌵 𑌪𑍍𑌰॒𑌜𑌾𑌃 ॥ 𑌦𑌿𑌵𑌾॒ 𑌵𑍈 𑌨𑍋॑-𑌽𑌭𑍂॒𑌦𑌿𑌤𑌿॑ । 𑌤-𑌦𑍍𑌦𑍇॒𑌵𑌾𑌨𑌾᳚-𑌨𑍍𑌦𑍇𑌵॒𑌤𑍍𑌵𑌮𑍍 । 𑌯 𑌏॒𑌵-𑌨𑍍𑌦𑍇॒𑌵𑌾𑌨𑌾᳚-𑌨𑍍𑌦𑍇𑌵॒𑌤𑍍𑌵𑌂-𑌵𑍇𑌁𑌦॑ । 𑌦𑍇॒𑌵𑌵𑌾॑𑌨𑍇॒𑌵 𑌭॑𑌵𑌤𑌿 ॥ 𑌏॒𑌤𑌦𑍍𑌵𑌾 𑌅॑𑌹𑍋𑌰𑌾॒𑌤𑍍𑌰𑌾𑌣𑌾॒-𑌞𑍍𑌜𑌨𑍍𑌮॑ । 𑌯 𑌏॒𑌵𑌮॑𑌹𑍋𑌰𑌾॒𑌤𑍍𑌰𑌾𑌣𑌾॒-𑌞𑍍𑌜𑌨𑍍𑌮॒ 𑌵𑍇𑌦॑ । 𑌨𑌾𑌹𑍋॑𑌰𑌾॒𑌤𑍍𑌰𑍇𑌷𑍍𑌵𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 ॥ 5𑍮 ॥

𑌅𑌸॒𑌤𑍋-𑌽𑌧𑌿॒ 𑌮𑌨𑍋॑-𑌽𑌸𑍃𑌜𑍍𑌯𑌤 । 𑌮𑌨𑌃॑ 𑌪𑍍𑌰॒𑌜𑌾𑌪॑𑌤𑌿-𑌮𑌸𑍃𑌜𑌤 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌦𑍍𑌵𑌾 𑌇॒𑌦-𑌮𑍍𑌮𑌨॑𑌸𑍍𑌯𑍇॒𑌵 𑌪॑𑌰॒𑌮-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 । 𑌯𑌦𑌿॒𑌦-𑌙𑍍𑌕𑌿𑌞𑍍𑌚॑ । 𑌤𑌦𑍇॒𑌤𑌚𑍍𑌛𑍍𑌵𑍋॑𑌵𑌸𑍍𑌯॒ 𑌸𑌨𑍍𑌨𑌾𑌮॒ 𑌬𑍍𑌰𑌹𑍍𑌮॑ ॥ 𑌵𑍍𑌯𑍁॒𑌚𑍍𑌛𑌨𑍍𑌤𑍀᳚ 𑌵𑍍𑌯𑍁𑌚𑍍𑌛𑌨𑍍𑌤𑍍𑌯𑌸𑍍𑌮𑍈॒ 𑌵𑌸𑍍𑌯॑𑌸𑍀 𑌵𑌸𑍍𑌯𑌸𑍀॒ 𑌵𑍍𑌯𑍁॑𑌚𑍍𑌛𑌤𑌿 । 𑌪𑍍𑌰𑌜𑌾॑𑌯𑌤𑍇 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ । 𑌪𑍍𑌰 𑌪॑𑌰𑌮𑍇॒𑌷𑍍𑌠𑌿𑌨𑍋॒ 𑌮𑌾𑌤𑍍𑌰𑌾॑-𑌮𑌾𑌪𑍍𑌨𑍋𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 5𑍯 ॥
(𑌅॒𑌗𑍍𑌨𑌿𑌰॑𑌜𑌾𑌯𑌤॒ 𑌤𑌦𑍍𑌭𑍂𑌯𑍋॑-𑌽𑌤𑌪𑍍𑌯𑌤𑌾 – 𑌭𑌿𑌨𑌦 – 𑌰𑍋𑌦𑍀-𑌤𑍍𑌪𑍍𑌰॒𑌜𑌾𑌪॑𑌤𑍀 – 𑌰𑍋𑌦॒𑌸𑍍𑌤𑍍𑌵 – 𑌮॑𑌸𑍃𑌜॒ – 𑌤𑌾𑌸𑍃॑𑌜𑌤 – 𑌘𑍃॒𑌤𑌮॑𑌦𑍁𑌹॒𑌦𑍍𑌯𑌾-𑌽𑌸𑍍𑌯॒ 𑌸𑌾 𑌤॒𑌨𑍂𑌰𑌾𑌸𑍀॒ – 𑌦𑌹॑𑌰𑌭𑌵-𑌦𑍍- 𑌋𑌚𑍍𑌛𑌤𑌿॒ – 𑌵𑍇𑌦॑) (𑌅. 𑍯)

(𑌇॒𑌦-𑌨𑍍𑌧𑍂॒𑌮𑍋᳚ 𑌽𑌗𑍍𑌨𑌿-𑌰𑍍𑌜𑍍𑌯𑍋𑌤𑌿॑ 𑌰॒𑌰𑍍𑌚𑌿-𑌰𑍍𑌮𑌰𑍀॑𑌚𑌯 𑌉𑌦𑌾॒𑌰𑌾 𑌸𑍍𑌤𑌦॒𑌭𑍍𑌰𑌗𑍍𑌮𑍍 /
𑌸 𑌜॒𑌘𑌨𑌾॒-𑌥𑍍𑌸𑌾 𑌤𑌮𑌿॑𑌸𑍍𑌰𑌾॒ 𑌸 𑌪𑍍𑌰॒𑌜𑌨॑𑌨𑌾॒-𑌥𑍍𑌸𑌾 𑌜𑍋𑌥𑍍𑌸𑍍𑌨𑌾॒ 𑌸 𑌉॑𑌪𑌪॒𑌕𑍍𑌷𑌾𑌭𑍍𑌯𑌾॒𑌗𑍍𑌮𑍍॒ 𑌸𑍋॑ 𑌽𑌹𑍋𑌰𑌾॒𑌤𑍍𑌰𑌯𑍋᳚-𑌸𑍍𑌸॒𑌨𑍍𑌧𑌿-𑌸𑍍𑌸𑌮𑍁𑌖𑌾॒-𑌤𑍍𑌤𑌦𑌹॑-𑌰𑍍𑌦𑍇॒𑌵𑌵𑌾᳚𑌨𑍍 / 𑌮𑍃॒𑌨𑍍𑌮𑌯𑍇॑ 𑌦𑌾𑌰𑍁॒𑌮𑌯𑍇॑ 𑌰𑌜॒𑌤𑍇 𑌹𑌰𑌿॑𑌤𑍇॒ 𑌤𑍇𑌭𑍍𑌯॒𑌸𑍍𑌤𑌾𑌭𑍍𑌯𑍋॒ 𑌦𑍍𑌵𑍇 𑌤𑍇𑌭𑍍𑌯𑍋-𑌽𑌨𑍍𑌨॒-𑌮𑍍𑌪𑌯𑍋॑
𑌘𑍃॒𑌤𑌗𑍍𑌮𑍍 𑌸𑍋𑌮᳚𑌮𑍍)

𑌅𑌨𑍁𑌵𑌾𑌕𑌂 10 – 𑌦𑍇𑌵𑌸𑍃𑌷𑍍𑌟𑌿𑌮𑌧𑍍𑌯𑍇-𑌽𑌵𑌸𑍍𑌥𑌿𑌤𑌸𑍍𑌯𑍇𑌨𑍍𑌦𑍍𑌰𑌸𑍍𑌯 𑌦𑍇𑌵𑌤𑌾𑌧𑌿𑌪𑌤𑌿𑌤𑍍𑌵𑌮𑍍
𑌪𑍍𑌰॒𑌜𑌾𑌪॑𑌤𑌿॒-𑌰𑌿𑌨𑍍𑌦𑍍𑌰॑𑌮𑌸𑍃𑌜-𑌤𑌾𑌨𑍁𑌜𑌾𑌵॒𑌰-𑌨𑍍𑌦𑍇॒𑌵𑌾𑌨𑌾᳚𑌮𑍍 । 𑌤-𑌮𑍍𑌪𑍍𑌰𑌾𑌹𑌿॑𑌣𑍋𑌤𑍍 । 𑌪𑌰𑍇॑𑌹𑌿 । 𑌏॒𑌤𑍇𑌷𑌾᳚-𑌨𑍍𑌦𑍇॒𑌵𑌾𑌨𑌾॒-𑌮𑌧𑌿॑𑌪𑌤𑌿𑌰𑍇॒𑌧𑍀𑌤𑌿॑ । 𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵𑌨𑍍𑌨𑍍 । 𑌕𑌸𑍍𑌤𑍍𑌵𑌮𑌸𑌿॑ । 𑌵॒𑌯𑌂-𑌵𑍈𑌁 𑌤𑍍𑌵𑌚𑍍𑌛𑍍𑌰𑍇𑌯𑌾𑌗𑍍𑌮𑍍॑𑌸-𑌸𑍍𑌸𑍍𑌮॒ 𑌇𑌤𑌿॑ । 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌕𑌸𑍍𑌤𑍍𑌵𑌮𑌸𑌿॑ 𑌵॒𑌯𑌂-𑌵𑍈𑌁 𑌤𑍍𑌵𑌚𑍍𑌛𑍍𑌰𑍇𑌯𑌾𑌗𑍍𑌮𑍍॑𑌸-𑌸𑍍𑌸𑍍𑌮॒ 𑌇𑌤𑌿॑ 𑌮𑌾 𑌦𑍇॒𑌵𑌾 𑌅॑𑌵𑍋𑌚॒𑌨𑍍𑌨𑌿𑌤𑌿॑ ॥ 𑌅𑌥॒ 𑌵𑌾 𑌇॒𑌦-𑌨𑍍𑌤𑌰𑍍𑌹𑌿॑ 𑌪𑍍𑌰॒𑌜𑌾𑌪॑𑌤𑍌॒ 𑌹𑌰॑ 𑌆𑌸𑍀𑌤𑍍 ॥ 60 ॥

𑌯𑌦॒𑌸𑍍𑌮𑌿𑌨𑍍𑌨𑌾॑𑌦𑌿॒𑌤𑍍𑌯𑍇 । 𑌤𑌦𑍇॑𑌨𑌮𑌬𑍍𑌰𑌵𑍀𑌤𑍍 । 𑌏॒𑌤𑌨𑍍𑌮𑍇॒ 𑌪𑍍𑌰𑌯॑𑌚𑍍𑌛 । 𑌅𑌥𑌾॒𑌹𑌮𑍇॒𑌤𑍇𑌷𑌾᳚-𑌨𑍍𑌦𑍇॒𑌵𑌾𑌨𑌾॒-𑌮𑌧𑌿॑𑌪𑌤𑌿-𑌰𑍍𑌭𑌵𑌿𑌷𑍍𑌯𑌾॒𑌮𑍀𑌤𑌿॑ । 𑌕𑍋॑𑌹𑌗𑍍𑌗𑍍-𑌸𑍍𑌯𑌾॒𑌮𑌿𑌤𑍍𑌯॑𑌬𑍍𑌰𑌵𑍀𑌤𑍍 । 𑌏॒𑌤-𑌤𑍍𑌪𑍍𑌰॒𑌦𑌾𑌯𑍇𑌤𑌿॑ । 𑌏॒𑌤-𑌥𑍍𑌸𑍍𑌯𑌾॒ 𑌇𑌤𑍍𑌯॑𑌬𑍍𑌰𑌵𑍀𑌤𑍍 । 𑌯𑌦𑍇॒𑌤𑌦𑍍𑌬𑍍𑌰𑌵𑍀॒𑌷𑍀𑌤𑌿॑ । 𑌕𑍋 𑌹॒ 𑌵𑍈 𑌨𑌾𑌮॑ 𑌪𑍍𑌰॒𑌜𑌾𑌪॑𑌤𑌿𑌃 । 𑌯 𑌏॒𑌵𑌂-𑌵𑍇𑌁𑌦॑ ॥ 61 ॥

𑌵𑌿॒𑌦𑍁𑌰𑍇॑𑌨॒-𑌨𑍍𑌨𑌾𑌮𑍍𑌨𑌾᳚ । 𑌤𑌦॑𑌸𑍍𑌮𑍈 𑌰𑍁॒𑌕𑍍𑌮-𑌙𑍍𑌕𑍃॒𑌤𑍍𑌵𑌾 𑌪𑍍𑌰𑌤𑍍𑌯॑𑌮𑍁𑌞𑍍𑌚𑌤𑍍 । 𑌤𑌤𑍋॒ 𑌵𑌾 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌾𑌨𑌾॒-𑌮𑌧𑌿॑𑌪𑌤𑌿-𑌰𑌭𑌵𑌤𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌅𑌧𑌿॑𑌪𑌤𑌿𑌰𑍇॒𑌵 𑌸॑𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿 ॥ 𑌸𑍋॑-𑌽𑌮𑌨𑍍𑌯𑌤 । 𑌕𑌿-𑌙𑍍𑌕𑌿𑌂॒-𑌵𑌾𑌁 𑌅॑𑌕𑌰॒𑌮𑌿𑌤𑌿॑ । 𑌸 𑌚॒𑌨𑍍𑌦𑍍𑌰-𑌮𑍍𑌮॒ 𑌆𑌹॒𑌰𑍇𑌤𑌿॒ 𑌪𑍍𑌰𑌾𑌲॑𑌪𑌤𑍍 । 𑌤𑌚𑍍𑌚॒𑌨𑍍𑌦𑍍𑌰𑌮॑𑌸-𑌶𑍍𑌚𑌨𑍍𑌦𑍍𑌰𑌮॒𑌸𑍍𑌤𑍍𑌵𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ ॥ 62 ॥

𑌚॒𑌨𑍍𑌦𑍍𑌰𑌵𑌾॑𑌨𑍇॒𑌵 𑌭॑𑌵𑌤𑌿 ॥ 𑌤-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵𑌨𑍍𑌨𑍍 । 𑌸𑍁॒𑌵𑍀𑌰𑍍𑌯𑍋॑ 𑌽𑌮𑌰𑍍𑌯𑌾॒ 𑌯𑌥𑌾॑ 𑌗𑍋𑌪𑌾॒𑌯𑌤॒ 𑌇𑌤𑌿॑ । 𑌤-𑌥𑍍𑌸𑍂𑌰𑍍𑌯॑𑌸𑍍𑌯 𑌸𑍂𑌰𑍍𑌯॒𑌤𑍍𑌵𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌨𑍈𑌨॑-𑌨𑍍𑌦𑌭𑍍𑌨𑍋𑌤𑌿 ॥ 𑌕𑌶𑍍𑌚॒ 𑌨𑌾𑌸𑍍𑌮𑌿॒𑌨𑍍𑌵𑌾 𑌇॒𑌦𑌮𑌿॑𑌨𑍍𑌦𑍍𑌰𑌿॒𑌯-𑌮𑍍𑌪𑍍𑌰𑌤𑍍𑌯॑𑌸𑍍𑌥𑌾॒𑌦𑌿𑌤𑌿॑ । 𑌤𑌦𑌿𑌨𑍍𑌦𑍍𑌰॑-𑌸𑍍𑌯𑍇𑌨𑍍𑌦𑍍𑌰॒𑌤𑍍𑌵𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌇॒𑌨𑍍𑌦𑍍𑌰𑌿॒𑌯𑌾॒𑌵𑍍𑌯𑍇॑𑌵 𑌭॑𑌵𑌤𑌿 ॥ 63 ॥

𑌅॒𑌯𑌂-𑌵𑌾𑌁 𑌇॒𑌦-𑌮𑍍𑌪॑𑌰॒𑌮𑍋॑-𑌽𑌭𑍂॒𑌦𑌿𑌤𑌿॑ । 𑌤𑌤𑍍-𑌪॑𑌰𑌮𑍇॒𑌷𑍍𑌠𑌿𑌨𑌃॑ 𑌪𑌰𑌮𑍇𑌷𑍍𑌠𑌿॒𑌤𑍍𑌵𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌪॒𑌰॒𑌮𑌾𑌮𑍇॒𑌵 𑌕𑌾𑌷𑍍𑌠𑌾᳚-𑌙𑍍𑌗𑌚𑍍𑌛𑌤𑌿 ॥ 𑌤-𑌨𑍍𑌦𑍇॒𑌵𑌾-𑌸𑍍𑌸॑𑌮॒𑌨𑍍𑌤-𑌮𑍍𑌪𑌰𑍍𑌯॑𑌵𑌿𑌶𑌨𑍍𑌨𑍍 । 𑌵𑌸॑𑌵𑌃 𑌪𑍁॒𑌰𑌸𑍍𑌤𑌾᳚𑌤𑍍 । 𑌰𑍁॒𑌦𑍍𑌰𑌾 𑌦॑𑌕𑍍𑌷𑌿𑌣॒𑌤𑌃 । 𑌆॒𑌦𑌿॒𑌤𑍍𑌯𑌾𑌃 𑌪॒𑌶𑍍𑌚𑌾𑌤𑍍 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌉॑𑌤𑍍𑌤𑌰॒𑌤𑌃 । 𑌅𑌙𑍍𑌗𑌿॑𑌰𑌸𑌃 𑌪𑍍𑌰॒𑌤𑍍𑌯𑌞𑍍𑌚᳚𑌮𑍍 ॥ 64 ॥

𑌸𑌾॒𑌦𑍍𑌧𑍍𑌯𑌾𑌃 𑌪𑌰𑌾᳚𑌞𑍍𑌚𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌉𑌪𑍈॑𑌨𑌗𑍍𑌮𑍍 𑌸𑌮𑌾॒𑌨𑌾-𑌸𑍍𑌸𑌂-𑌵𑌿𑌁॑𑌶𑌨𑍍𑌤𑌿 ॥ 𑌸 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵 𑌭𑍂॒𑌤𑍍𑌵𑌾 𑌪𑍍𑌰॒𑌜𑌾 𑌆𑌵॑𑌯𑌤𑍍 । 𑌤𑌾 𑌅॑𑌸𑍍𑌮𑍈॒ 𑌨𑌾𑌤𑌿॑𑌷𑍍𑌠𑌨𑍍𑌤𑌾॒𑌨𑍍𑌨𑌾𑌦𑍍𑌯𑌾॑𑌯 । 𑌤𑌾 𑌮𑍁𑌖॑-𑌮𑍍𑌪𑍁॒𑌰𑌸𑍍𑌤𑌾॒𑌤𑍍-𑌪𑌶𑍍𑌯॑𑌨𑍍𑌤𑍀𑌃 । 𑌦॒𑌕𑍍𑌷𑌿॒𑌣॒𑌤𑌃 𑌪𑌰𑍍𑌯𑌾॑𑌯𑌨𑍍𑌨𑍍 । 𑌸 𑌦॑𑌕𑍍𑌷𑌿𑌣॒𑌤𑌃 𑌪𑌰𑍍𑌯॑𑌵𑌰𑍍𑌤𑌯𑌤 । 𑌤𑌾 𑌮𑍁𑌖॑-𑌮𑍍𑌪𑍁॒𑌰𑌸𑍍𑌤𑌾॒𑌤𑍍-𑌪𑌶𑍍𑌯॑𑌨𑍍𑌤𑍀𑌃 । 𑌮𑍁𑌖॑-𑌨𑍍𑌦𑌕𑍍𑌷𑌿𑌣॒𑌤𑌃 ॥ 65 ॥

𑌪॒𑌶𑍍𑌚𑌾𑌤𑍍-𑌪𑌰𑍍𑌯𑌾॑𑌯𑌨𑍍𑌨𑍍 । 𑌸 𑌪॒𑌶𑍍𑌚𑌾𑌤𑍍-𑌪𑌰𑍍𑌯॑𑌵𑌰𑍍𑌤𑌯𑌤 । 𑌤𑌾 𑌮𑍁𑌖॑-𑌮𑍍𑌪𑍁॒𑌰𑌸𑍍𑌤𑌾॒𑌤𑍍-𑌪𑌶𑍍𑌯॑𑌨𑍍𑌤𑍀𑌃 । 𑌮𑍁𑌖॑-𑌨𑍍𑌦𑌕𑍍𑌷𑌿𑌣॒𑌤𑌃 । 𑌮𑍁𑌖॑-𑌮𑍍𑌪॒𑌶𑍍𑌚𑌾𑌤𑍍 । 𑌉॒𑌤𑍍𑌤॒𑌰॒𑌤𑌃 𑌪𑌰𑍍𑌯𑌾॑𑌯𑌨𑍍𑌨𑍍 । 𑌸 𑌉॑𑌤𑍍𑌤𑌰॒𑌤𑌃 𑌪𑌰𑍍𑌯॑𑌵𑌰𑍍𑌤𑌯𑌤 । 𑌤𑌾 𑌮𑍁𑌖॑-𑌮𑍍𑌪𑍁॒𑌰𑌸𑍍𑌤𑌾॒𑌤𑍍-𑌪𑌶𑍍𑌯॑𑌨𑍍𑌤𑍀𑌃 । 𑌮𑍁𑌖॑-𑌨𑍍𑌦𑌕𑍍𑌷𑌿𑌣॒𑌤𑌃 । 𑌮𑍁𑌖॑-𑌮𑍍𑌪॒𑌶𑍍𑌚𑌾𑌤𑍍 ॥ 66 ॥

𑌮𑍁𑌖॑𑌮𑍁𑌤𑍍𑌤𑌰॒𑌤𑌃 । 𑌊॒𑌰𑍍𑌧𑍍𑌵𑌾 𑌉𑌦𑌾॑𑌯𑌨𑍍𑌨𑍍 । 𑌸 𑌉॒𑌪𑌰𑌿॑𑌷𑍍𑌟𑌾॒𑌨𑍍𑌨𑍍𑌯॑-𑌵𑌰𑍍𑌤𑌯𑌤 । 𑌤𑌾-𑌸𑍍𑌸॒𑌰𑍍𑌵𑌤𑍋॑𑌮𑍁𑌖𑍋 𑌭𑍂॒𑌤𑍍𑌵𑌾 𑌽𑌽𑌵॑𑌯𑌤𑍍 । 𑌤𑌤𑍋॒ 𑌵𑍈 𑌤𑌸𑍍𑌮𑍈᳚ 𑌪𑍍𑌰॒𑌜𑌾 𑌅𑌤𑌿॑𑌷𑍍𑌠𑌨𑍍𑌤𑌾॒𑌨𑍍𑌨𑌾𑌦𑍍𑌯𑌾॑𑌯 ॥ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌪𑌰𑌿॑ 𑌚 𑌵॒𑌰𑍍𑌤𑌯॑𑌤𑍇॒ 𑌨𑌿 𑌚॑ । 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵 𑌭𑍂॒𑌤𑍍𑌵𑌾 𑌪𑍍𑌰॒𑌜𑌾 𑌅॑𑌤𑍍𑌤𑌿 । 𑌤𑌿𑌷𑍍𑌠॑𑌨𑍍𑌤𑍇-𑌽𑌸𑍍𑌮𑍈 𑌪𑍍𑌰॒𑌜𑌾 𑌅॒𑌨𑍍𑌨𑌾𑌦𑍍𑌯𑌾॑𑌯 । 𑌅॒𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿 ॥ 6𑍭 ॥
(𑌆॒𑌸𑍀॒-𑌦𑍍- 𑌵𑍇𑌦॑ – 𑌚𑌨𑍍𑌦𑍍𑌰𑌮॒𑌸𑍍𑌤𑍍𑌵𑌂-𑌯𑌁 𑌏॒𑌵𑌂-𑌵𑍇𑌁𑌦𑍇᳚ – 𑌨𑍍𑌦𑍍𑌰𑌿𑌯𑌾॒𑌵𑍍𑌯𑍇॑𑌵 𑌭॑𑌵𑌤𑌿 – 𑌪𑍍𑌰॒𑌤𑍍𑌯𑌞𑍍𑌚॒ – 𑌮𑍁𑌖॑-𑌨𑍍𑌦𑌕𑍍𑌷𑌿𑌣॒𑌤𑍋 – 𑌮𑍁𑌖॑-𑌮𑍍𑌪॒𑌶𑍍𑌚𑌾𑌨𑍍 – +𑌨𑌵॑ 𑌚) (𑌆10 )

𑌅𑌨𑍁𑌵𑌾𑌕𑌂 11 – 𑌹𑍋𑌤𑍃𑌮𑌨𑍍𑌤𑍍𑌰𑌾𑌣𑌾-𑌮𑍍𑌪𑍁𑌰𑍁𑌷𑌾𑌰𑍍𑌥𑌪𑍍𑌰𑌯𑍋𑌗𑌃
𑌪𑍍𑌰॒𑌜𑌾𑌪॑𑌤𑌿-𑌰𑌕𑌾𑌮𑌯𑌤 𑌬॒𑌹𑍋𑌰𑍍𑌭𑍂𑌯𑌾᳚𑌨𑍍-𑌥𑍍𑌸𑍍𑌯𑌾॒𑌮𑌿𑌤𑌿॑ । 𑌸 𑌏॒𑌤-𑌨𑍍𑌦𑌶॑𑌹𑍋𑌤𑌾𑌰-𑌮𑌪𑌶𑍍𑌯𑌤𑍍 । 𑌤-𑌮𑍍𑌪𑍍𑌰𑌾𑌯𑍁॑𑌙𑍍𑌕𑍍𑌤 । 𑌤𑌸𑍍𑌯॒ 𑌪𑍍𑌰𑌯𑍁॑𑌕𑍍𑌤𑌿 𑌬॒𑌹𑍋𑌰𑍍𑌭𑍂𑌯𑌾॑𑌨𑌭𑌵𑌤𑍍 । 𑌯𑌃 𑌕𑌾॒𑌮𑌯𑍇॑𑌤 𑌬॒𑌹𑍋𑌰𑍍𑌭𑍂𑌯𑌾᳚𑌨𑍍-𑌥𑍍𑌸𑍍𑌯𑌾॒𑌮𑌿𑌤𑌿॑ । 𑌸 𑌦𑌶॑𑌹𑍋𑌤𑌾𑌰॒-𑌮𑍍𑌪𑍍𑌰𑌯𑍁॑𑌞𑍍𑌜𑍀𑌤 । 𑌬॒𑌹𑍋𑌰𑍇॒𑌵 𑌭𑍂𑌯𑌾᳚𑌨𑍍-𑌭𑌵𑌤𑌿 ॥ 𑌸𑍋॑-𑌽𑌕𑌾𑌮𑌯𑌤 𑌵𑍀॒𑌰𑍋 𑌮॒ 𑌆𑌜𑌾॑𑌯𑍇॒𑌤𑍇𑌤𑌿॑ । 𑌸 𑌦𑌶॑𑌹𑍋𑌤𑍁॒𑌶𑍍𑌚𑌤𑍁॑𑌰𑍍𑌹𑍋𑌤𑌾𑌰॒-𑌨𑍍𑌨𑌿𑌰॑𑌮𑌿𑌮𑍀𑌤 । 𑌤-𑌮𑍍𑌪𑍍𑌰𑌾𑌯𑍁॑𑌙𑍍𑌕𑍍𑌤 ॥ 6𑍮 ॥

𑌤𑌸𑍍𑌯॒ 𑌪𑍍𑌰𑌯𑍁॒𑌕𑍍𑌤𑍀𑌨𑍍𑌦𑍍𑌰𑍋॑ 𑌽𑌜𑌾𑌯𑌤 । 𑌯𑌃 𑌕𑌾॒𑌮𑌯𑍇॑𑌤 𑌵𑍀॒𑌰𑍋 𑌮॒ 𑌆𑌜𑌾॑𑌯𑍇॒𑌤𑍇𑌤𑌿॑ । 𑌸 𑌚𑌤𑍁॑𑌰𑍍𑌹𑍋𑌤𑌾𑌰॒-𑌮𑍍𑌪𑍍𑌰𑌯𑍁॑𑌞𑍍𑌜𑍀𑌤 । 𑌆-𑌽𑌸𑍍𑌯॑ 𑌵𑍀॒𑌰𑍋 𑌜𑌾॑𑌯𑌤𑍇 ॥ 𑌸𑍋॑-𑌽𑌕𑌾𑌮𑌯𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌮𑌿𑌤𑌿॑ । 𑌸 𑌚𑌤𑍁॑𑌰𑍍𑌹𑍋𑌤𑍁𑌃॒ 𑌪𑌞𑍍𑌚॑𑌹𑍋𑌤𑌾𑌰॒-𑌨𑍍𑌨𑌿𑌰॑𑌮𑌿𑌮𑍀𑌤 । 𑌤-𑌮𑍍𑌪𑍍𑌰𑌾𑌯𑍁॑𑌙𑍍𑌕𑍍𑌤 । 𑌤𑌸𑍍𑌯॒ 𑌪𑍍𑌰𑌯𑍁॑𑌕𑍍𑌤𑌿 𑌪𑌶𑍁॒𑌮𑌾𑌨॑𑌭𑌵𑌤𑍍 । 𑌯𑌃 𑌕𑌾॒𑌮𑌯𑍇॑𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌮𑌿𑌤𑌿॑ । 𑌸 𑌪𑌞𑍍𑌚॑𑌹𑍋𑌤𑌾𑌰॒-𑌮𑍍𑌪𑍍𑌰𑌯𑍁॑𑌞𑍍𑌜𑍀𑌤 ॥ 6𑍯 ॥

𑌪॒𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 ॥ 𑌸𑍋॑-𑌽𑌕𑌾𑌮𑌯𑌤॒𑌰𑍍𑌤𑌵𑍋॑ 𑌮𑍇 𑌕𑌲𑍍𑌪𑍇𑌰॒𑌨𑍍𑌨𑌿𑌤𑌿॑ । 𑌸 𑌪𑌞𑍍𑌚॑𑌹𑍋𑌤𑍁॒-𑌷𑍍𑌷𑌡𑍍𑌢𑍋॑𑌤𑌾𑌰॒-𑌨𑍍𑌨𑌿𑌰॑𑌮𑌿𑌮𑍀𑌤 । 𑌤-𑌮𑍍𑌪𑍍𑌰𑌾𑌯𑍁॑𑌙𑍍𑌕𑍍𑌤 । 𑌤𑌸𑍍𑌯॒ 𑌪𑍍𑌰𑌯𑍁॑𑌕𑍍𑌤𑍍𑌯𑍃॒𑌤𑌵𑍋᳚-𑌽𑌸𑍍𑌮𑌾 𑌅𑌕𑌲𑍍𑌪𑌨𑍍𑌤 । 𑌯𑌃 𑌕𑌾॒𑌮𑌯𑍇॑𑌤॒𑌰𑍍𑌤𑌵𑍋॑ 𑌮𑍇 𑌕𑌲𑍍𑌪𑍇𑌰॒𑌨𑍍𑌨𑌿𑌤𑌿॑ । 𑌸 𑌷𑌡𑍍𑌢𑍋॑𑌤𑌾𑌰॒-𑌮𑍍𑌪𑍍𑌰𑌯𑍁॑𑌞𑍍𑌜𑍀𑌤 । 𑌕𑌲𑍍𑌪॑𑌨𑍍𑌤𑍇-𑌽𑌸𑍍𑌮𑌾 𑌋॒𑌤𑌵𑌃॑ ॥ 𑌸𑍋॑-𑌽𑌕𑌾𑌮𑌯𑌤 𑌸𑍋𑌮॒𑌪-𑌸𑍍𑌸𑍋॑𑌮𑌯𑌾॒𑌜𑍀 𑌸𑍍𑌯𑌾᳚𑌮𑍍 । 𑌆 𑌮𑍇॑ 𑌸𑍋𑌮॒𑌪-𑌸𑍍𑌸𑍋॑𑌮𑌯𑌾॒𑌜𑍀 𑌜𑌾॑𑌯𑍇॒𑌤𑍇𑌤𑌿॑ ॥ 𑍭0 ॥

𑌸 𑌷𑌡𑍍𑌢𑍋॑𑌤𑍁-𑌸𑍍𑌸॒𑌪𑍍𑌤𑌹𑍋॑𑌤𑌾𑌰॒-𑌨𑍍𑌨𑌿𑌰॑𑌮𑌿𑌮𑍀𑌤 । 𑌤-𑌮𑍍𑌪𑍍𑌰𑌾𑌯𑍁॑𑌙𑍍𑌕𑍍𑌤 । 𑌤𑌸𑍍𑌯॒ 𑌪𑍍𑌰𑌯𑍁॑𑌕𑍍𑌤𑌿 𑌸𑍋𑌮॒𑌪-𑌸𑍍𑌸𑍋॑𑌮𑌯𑌾॒𑌜𑍍𑌯॑𑌭𑌵𑌤𑍍 । 𑌆-𑌽𑌸𑍍𑌯॑ 𑌸𑍋𑌮॒𑌪-𑌸𑍍𑌸𑍋॑𑌮𑌯𑌾॒𑌜𑍍𑌯॑𑌜𑌾𑌯𑌤 । 𑌯𑌃 𑌕𑌾॒𑌮𑌯𑍇॑𑌤 𑌸𑍋𑌮॒𑌪-𑌸𑍍𑌸𑍋॑𑌮𑌯𑌾॒𑌜𑍀 𑌸𑍍𑌯𑌾᳚𑌮𑍍 । 𑌆 𑌮𑍇॑ 𑌸𑍋𑌮॒𑌪-𑌸𑍍𑌸𑍋॑𑌮𑌯𑌾॒𑌜𑍀 𑌜𑌾॑𑌯𑍇॒𑌤𑍇𑌤𑌿॑ । 𑌸 𑌸॒𑌪𑍍𑌤𑌹𑍋॑𑌤𑌾𑌰॒-𑌮𑍍𑌪𑍍𑌰𑌯𑍁॑𑌞𑍍𑌜𑍀𑌤 । 𑌸𑍋॒𑌮॒𑌪 𑌏॒𑌵 𑌸𑍋॑𑌮𑌯𑌾॒𑌜𑍀 𑌭॑𑌵𑌤𑌿 । 𑌆-𑌽𑌸𑍍𑌯॑ 𑌸𑍋𑌮॒𑌪-𑌸𑍍𑌸𑍋॑𑌮𑌯𑌾॒𑌜𑍀 𑌜𑌾॑𑌯𑌤𑍇 ॥ 𑌸 𑌵𑌾 𑌏॒𑌷 𑌪॒𑌶𑍁𑌃 𑌪॑𑌞𑍍𑌚॒𑌧𑌾 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 𑍭1 ॥

𑌪॒𑌦𑍍𑌭𑌿𑌰𑍍𑌮𑍁𑌖𑍇॑𑌨 ॥ 𑌤𑍇 𑌦𑍇॒𑌵𑌾𑌃 𑌪॒𑌶𑍂𑌨𑍍. 𑌵𑌿॒𑌤𑍍𑌤𑍍𑌵𑌾 । 𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 ॥ 𑌤𑍇॑-𑌽𑌮𑍁𑌷𑍍𑌮𑌿॑𑌲𑍍 𑌁𑌲𑍋॒𑌕𑍇 𑌵𑍍𑌯॑𑌕𑍍𑌷𑍁𑌦𑍍𑌧𑍍𑌯𑌨𑍍𑌨𑍍 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌅॒𑌮𑍁𑌤𑌃॑ 𑌪𑍍𑌰𑌦𑌾𑌨𑌂॒-𑌵𑌾𑌁 𑌉𑌪॑𑌜𑌿𑌜𑍀𑌵𑌿॒𑌮𑍇𑌤𑌿॑ । 𑌤𑍇 𑌸॒𑌪𑍍𑌤𑌹𑍋॑𑌤𑌾𑌰𑌂-𑌯𑌁॒𑌜𑍍𑌞𑌂-𑌵𑌿𑌁॒𑌧𑌾𑌯𑌾॒𑌯𑌾𑌸𑍍𑌯᳚𑌮𑍍 । 𑌆॒𑌙𑍍𑌗𑍀॒𑌰॒𑌸-𑌮𑍍𑌪𑍍𑌰𑌾𑌹𑌿॑𑌣𑍍𑌵𑌨𑍍𑌨𑍍 । 𑌏॒𑌤𑍇𑌨𑌾॒𑌮𑍁𑌤𑍍𑌰॑ 𑌕𑌲𑍍𑌪॒𑌯𑍇𑌤𑌿॑ । 𑌤𑌸𑍍𑌯॒ 𑌵𑌾 𑌇॒𑌯-𑌙𑍍𑌕𑍍𑌲𑍃𑌪𑍍𑌤𑌿𑌃॑ ॥ 𑍭2 ॥

𑌯𑌦𑌿॒𑌦-𑌙𑍍𑌕𑌿𑌞𑍍𑌚॑ । 𑌯 𑌏॒𑌵𑌂-𑌵𑍇𑌁𑌦॑ । 𑌕𑌲𑍍𑌪॑𑌤𑍇-𑌽𑌸𑍍𑌮𑍈 । 𑌸 𑌵𑌾 𑌅॒𑌯-𑌮𑍍𑌮॑𑌨𑍁॒𑌷𑍍𑌯𑍇॑𑌷𑍁 𑌯॒𑌜𑍍𑌞-𑌸𑍍𑌸॒𑌪𑍍𑌤𑌹𑍋॑𑌤𑌾 । 𑌅॒𑌮𑍁𑌤𑍍𑌰॑ 𑌸॒𑌦𑍍𑌭𑍍𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁॑𑌹𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌉𑌪𑍈॑𑌨𑌂-𑌯𑌁॒𑌜𑍍𑌞𑍋 𑌨॑𑌮𑌤𑌿 ॥ 𑌯𑍋 𑌵𑍈 𑌚𑌤𑍁॑𑌰𑍍𑌹𑍋𑌤𑍃𑌣𑌾-𑌨𑍍𑌨𑌿॒𑌦𑌾𑌨𑌂॒-𑌵𑍇𑌁𑌦॑ । 𑌨𑌿॒𑌦𑌾𑌨॑𑌵𑌾-𑌨𑍍𑌭𑌵𑌤𑌿 । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑌂-𑌵𑍈𑌁 𑌦𑌶॑𑌹𑍋𑌤𑍁𑌰𑍍𑌨𑌿॒𑌦𑌾𑌨᳚𑌮𑍍 । 𑌦॒𑌰𑍍॒𑌶॒𑌪𑍂॒𑌰𑍍𑌣॒𑌮𑌾॒𑌸𑍌 𑌚𑌤𑍁॑𑌰𑍍𑌹𑍋𑌤𑍁𑌃 । 𑌚𑌾॒𑌤𑍁॒𑌰𑍍𑌮𑌾॒𑌸𑍍𑌯𑌾𑌨𑌿॒ 𑌪𑌞𑍍𑌚॑ 𑌹𑍋𑌤𑍁𑌃 । 𑌪॒𑌶𑍁॒𑌬॒𑌨𑍍𑌧-𑌷𑍍𑌷𑌡𑍍𑌢𑍋॑𑌤𑍁𑌃 । 𑌸𑍌॒𑌮𑍍𑌯𑍋᳚-𑌽𑌦𑍍𑌧𑍍𑌵॒𑌰-𑌸𑍍𑌸॒𑌪𑍍𑌤𑌹𑍋॑𑌤𑍁𑌃 । 𑌏॒𑌤𑌦𑍍𑌵𑍈 𑌚𑌤𑍁॑𑌰𑍍𑌹𑍋𑌤𑍃𑌣𑌾-𑌨𑍍𑌨𑌿॒𑌦𑌾𑌨᳚𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌨𑌿॒𑌦𑌾𑌨॑𑌵𑌾-𑌨𑍍𑌭𑌵𑌤𑌿 ॥ 𑍭3 ॥
(𑌅॒𑌮𑌿॒𑌮𑍀॒𑌤॒ 𑌤-𑌮𑍍𑌪𑍍𑌰𑌾𑌯𑍁॑𑌙𑍍𑌕𑍍𑌤॒ – 𑌪𑌞𑍍𑌚॑𑌹𑍋𑌤𑌾𑌰॒-𑌮𑍍𑌪𑍍𑌰𑌯𑍁॑𑌞𑍍𑌜𑌿𑌤 – 𑌜𑌾𑌯𑍇॒𑌤𑍇𑌤𑌿॑ – 𑌤𑌿𑌷𑍍𑌠𑌤𑌿॒ – 𑌕𑍍𑌲𑍃𑌪𑍍𑌤𑌿॒–𑌰𑍍 𑌦𑌶॑𑌹𑍋𑌤𑍁-𑌰𑍍𑌨𑌿॒𑌦𑌾𑌨𑌗𑍍𑌮𑍍॑ 𑌸॒𑌪𑍍𑌤 𑌚॑ ) (𑌅. 11)

(𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 𑌪𑍍𑌰॒𑌜𑌾-𑌸𑍍𑌸𑍃॑𑌜𑍇॒𑌯𑍇𑌤𑌿॑ – 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑍌 𑌸𑍃॑𑌜𑍇॒𑌯𑍇𑌤𑌿॑ – 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॒ 𑌸 𑌤𑌪॒-𑌸𑍍𑌸 𑌤𑍍𑌰𑌿॒𑌵𑍃𑌤𑌂॑ – 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤॒ 𑌦𑌶॑𑌹𑍋𑌤𑌾𑌰॒-𑌨𑍍𑌤𑍇𑌨॑ 𑌦𑌶॒𑌧𑌾-𑌽𑌽𑌤𑍍𑌮𑌾𑌨𑌂॑ – 𑌦𑍇॒𑌵𑌾 𑌵𑍈 𑌵𑌰𑍁॑𑌣॒ – 𑌮𑌨𑍍𑌤𑍋॒ 𑌵𑍈 – 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌾-𑌸𑍍𑌸𑍃॒𑌷𑍍𑌟𑌾-𑌸𑍍𑌸𑌮॑𑌶𑍍𑌲𑌿𑌷𑍍𑌯𑌨𑍍 – 𑌦𑍇॒𑌵𑌾 𑌵𑍈 𑌚𑌤𑍁॑𑌰𑍍𑌹𑍋𑌤𑍃𑌭𑌿 – 𑌰𑌿॒𑌦𑌂-𑌵𑌾𑌁 𑌅𑌗𑍍𑌰𑍇᳚ – 𑌪𑍍𑌰॒𑌜𑌾𑌪॑𑌤𑌿॒𑌰𑌿𑌨𑍍𑌦𑍍𑌰𑌂॑ – 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 𑌬॒𑌹𑍋𑌰𑍍𑌭𑍂𑌯𑌾॒𑌨𑍇𑌕𑌾॑𑌦𑌶)

(𑌪𑍍𑌰॒𑌜𑌾𑌪॑𑌤𑌿॒ – 𑌸𑍍𑌤𑌦𑍍𑌗𑍍𑌰𑌹॑𑌸𑍍𑌯 – 𑌪𑍍𑌰॒𑌜𑌾॑𑌪𑌤𑌿𑌰𑌕𑌾𑌮𑌯𑌤𑌾॒ – 𑌨𑌯𑍈॒𑌵𑍈𑌨॒𑌤𑍍 – 𑌤𑌸𑍍𑌯॒ 𑌵𑌾 𑌇॒𑌯-𑌙𑍍𑌕𑍍𑌲𑍃𑌪𑍍𑌤𑌿॒ – 𑌸𑍍𑌤𑌸𑍍𑌮𑌾᳚-𑌤𑍍𑌤𑍇𑌪𑌾॒𑌨𑌾𑌜𑍍𑌜𑍍𑌯𑍋𑌤𑌿॒–𑌰𑍍 𑌯𑌦॒𑌸𑍍𑌮𑌿𑌨𑍍𑌨𑌾॑𑌦𑌿॒𑌤𑍍𑌯𑍇 -𑌸𑌷𑌡𑍍𑌢𑍋॑𑌤𑍁-𑌸𑍍𑌸॒𑌪𑍍𑌤𑌹𑍋॑𑌤𑌾𑌰॒-𑌨𑍍𑌤𑍍𑌰𑌿𑌸॑𑌪𑍍𑌤𑌤𑌿𑌃)

(𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤 – 𑌨𑌿॒𑌦𑌾𑌨॑𑌵𑌾𑌨𑍍𑌭𑌵𑌤𑌿)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

प्रायः पृष्टाः प्रश्नाः

What is 2.2 - 𑌹𑍋𑌤𑍃𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌪𑍍𑌰𑌜𑌾𑌪𑌤𑌿𑌰𑌕𑌾𑌮𑌯𑌤 𑌪𑍍𑌰𑌜𑌾𑌃?

2.2 - 𑌹𑍋𑌤𑍃𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌪𑍍𑌰𑌜𑌾𑌪𑌤𑌿𑌰𑌕𑌾𑌮𑌯𑌤 𑌪𑍍𑌰𑌜𑌾𑌃 is a Sri Krishna Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 2.2 - 𑌹𑍋𑌤𑍃𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌪𑍍𑌰𑌜𑌾𑌪𑌤𑌿𑌰𑌕𑌾𑌮𑌯𑌤 𑌪𑍍𑌰𑌜𑌾𑌃 online?

Yes. The imported text is available directly on this page for online reading and recitation.

Can I download 2.2 - 𑌹𑍋𑌤𑍃𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌪𑍍𑌰𑌜𑌾𑌪𑌤𑌿𑌰𑌕𑌾𑌮𑌯𑌤 𑌪𑍍𑌰𑌜𑌾𑌃 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु