1.6 – 𑌰𑌾𑌜𑌸𑍂𑌯𑌾𑌨𑍁𑌬𑍍𑌰𑌾𑌹𑍍𑌮𑌣𑌂 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 – 𑌅𑌨𑍁𑌮𑌤𑍍𑌯𑍈 𑌪𑍁𑌰𑍋𑌡𑌾𑌶𑌮𑍍

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕𑌃 – 𑌰𑌾𑌜𑌸𑍂𑌯𑌾𑌨𑍁𑌬𑍍𑌰𑌾𑌹𑍍𑌮𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 – 𑌅𑌨𑍁𑌮𑌤𑍍𑌯𑌾𑌦𑍍𑌯𑌾 𑌇𑌷𑍍𑌟𑌯𑌃

𑌅𑌨𑍁॑𑌮𑌤𑍍𑌯𑍈 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 । 𑌯𑍇 𑌪𑍍𑌰॒𑌤𑍍𑌯𑌞𑍍𑌚॒-𑌶𑍍𑌶𑌮𑍍𑌯𑌾॑𑌯𑌾 𑌅𑌵॒𑌶𑍀𑌯॑𑌨𑍍𑌤𑍇 । 𑌤𑌨𑍍𑌨𑍈𑌰𑍍॑𑌋॒𑌤-𑌮𑍇𑌕॑𑌕𑌪𑌾𑌲𑌮𑍍 । 𑌇॒𑌯𑌂-𑌵𑌾𑌁 𑌅𑌨𑍁॑𑌮𑌤𑌿𑌃 । 𑌇॒𑌯-𑌨𑍍𑌨𑌿𑌰𑍍-𑌋॑𑌤𑌿𑌃 । 𑌨𑍈॒𑌰𑍍॒𑌋॒𑌤𑍇𑌨॒ 𑌪𑍂𑌰𑍍𑌵𑍇॑𑌣॒ 𑌪𑍍𑌰𑌚॑𑌰𑌤𑌿 । 𑌪𑌾॒𑌪𑍍𑌮𑌾𑌨॑𑌮𑍇॒𑌵 𑌨𑌿𑌰𑍍-𑌋॑𑌤𑌿॒-𑌮𑍍𑌪𑍂𑌰𑍍𑌵𑌾᳚-𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌏𑌕॑ 𑌕𑌪𑌾𑌲𑍋 𑌭𑌵𑌤𑌿 । 𑌏॒𑌕॒𑌧𑍈𑌵 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌯𑌦𑌹𑍁॑𑌤𑍍𑌵𑌾॒ 𑌗𑌾𑌰𑍍𑌹॑𑌪𑌤𑍍𑌯 𑌈॒𑌯𑍁𑌃 ॥ 1 ॥

𑌰𑍁॒𑌦𑍍𑌰𑍋 𑌭𑍂॒𑌤𑍍𑌵𑌾-𑌽𑌗𑍍𑌨𑌿𑌰॑𑌨𑍂॒𑌤𑍍𑌥𑌾𑌯॑ । 𑌅॒𑌦𑍍𑌧𑍍𑌵॒𑌰𑍍𑌯𑍁-𑌞𑍍𑌚॒ 𑌯𑌜॑𑌮𑌾𑌨-𑌞𑍍𑌚 𑌹𑌨𑍍𑌯𑌾𑌤𑍍 । 𑌵𑍀𑌹𑌿॒ 𑌸𑍍𑌵𑌾𑌹𑌾 𑌽𑌽𑌹𑍁॑𑌤𑌿-𑌞𑍍𑌜𑍁𑌷𑌾॒𑌣 𑌇𑌤𑍍𑌯𑌾॑𑌹 । 𑌆𑌹𑍁॑𑌤𑍍𑌯𑍈॒𑌵𑍈𑌨𑌗𑍍𑌮𑍍॑ 𑌶𑌮𑌯𑌤𑌿 । 𑌨𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑-𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨𑌃 । 𑌏॒𑌕𑍋॒𑌲𑍍𑌮𑍁॒𑌕𑍇𑌨॑ 𑌯𑌨𑍍𑌤𑌿 । 𑌤𑌦𑍍𑌧𑌿 𑌨𑌿𑌰𑍍-𑌋॑𑌤𑍍𑌯𑍈 𑌭𑌾𑌗॒𑌧𑍇𑌯᳚𑌮𑍍 । 𑌇॒𑌮𑌾-𑌨𑍍𑌦𑌿𑌶𑌂॑-𑌯𑌁𑌨𑍍𑌤𑌿 । 𑌏॒𑌷𑌾 𑌵𑍈 𑌨𑌿𑌰𑍍-𑌋॑𑌤𑍍𑌯𑍈॒ 𑌦𑌿𑌕𑍍 । 𑌸𑍍𑌵𑌾𑌯𑌾॑𑌮𑍇॒𑌵 𑌦𑌿॒𑌶𑌿 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤𑍇 ॥ 2 ॥

𑌸𑍍𑌵𑌕𑍃॑𑌤॒ 𑌇𑌰𑌿॑𑌣𑍇 𑌜𑍁𑌹𑍋𑌤𑌿 𑌪𑍍𑌰𑌦॒𑌰𑍇 𑌵𑌾᳚ । 𑌏॒𑌤𑌦𑍍𑌵𑍈 𑌨𑌿𑌰𑍍-𑌋॑𑌤𑍍𑌯𑌾 𑌆॒𑌯𑌤॑𑌨𑌮𑍍 । 𑌸𑍍𑌵 𑌏॒𑌵𑌾𑌯𑌤॑𑌨𑍇॒ 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌏॒𑌷 𑌤𑍇॑ 𑌨𑌿𑌰𑍍-𑌋𑌤𑍇 𑌭𑌾॒𑌗 𑌇𑌤𑍍𑌯𑌾॑𑌹 । 𑌨𑌿𑌰𑍍𑌦𑌿॑𑌶𑌤𑍍𑌯𑍇॒𑌵𑍈𑌨𑌾᳚𑌮𑍍 । 𑌭𑍂𑌤𑍇॑ 𑌹॒𑌵𑌿𑌷𑍍𑌮॑𑌤𑍍𑌯॒𑌸𑍀𑌤𑍍𑌯𑌾॑𑌹 । 𑌭𑍂𑌤𑌿॑𑌮𑍇॒𑌵𑍋𑌪𑌾𑌵॑𑌰𑍍𑌤𑌤𑍇 । 𑌮𑍁॒𑌞𑍍𑌚𑍇𑌮𑌮𑌗𑍍𑌮𑍍𑌹॑𑌸॒ 𑌇𑌤𑍍𑌯𑌾॑𑌹 । 𑌅𑌗𑍍𑌮𑍍𑌹॑𑌸 𑌏॒𑌵𑍈𑌨॑-𑌮𑍍𑌮𑍁𑌞𑍍𑌚𑌤𑌿 । 𑌅॒𑌙𑍍𑌗𑍁॒𑌷𑍍𑌠𑌾𑌭𑍍𑌯𑌾᳚-𑌞𑍍𑌜𑍁𑌹𑍋𑌤𑌿 ॥ 3 ॥

𑌅॒𑌨𑍍𑌤॒𑌤 𑌏॒𑌵 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌕𑍃॒𑌷𑍍𑌣𑌂-𑌵𑌾𑌁𑌸𑌃॑ 𑌕𑍃॒𑌷𑍍𑌣𑌤𑍂॑𑌷॒-𑌨𑍍𑌦𑌕𑍍𑌷𑌿॑𑌣𑌾 । 𑌏॒𑌤-𑌦𑍍𑌵𑍈 𑌨𑌿𑌰𑍍-𑌋॑𑌤𑍍𑌯𑍈 𑌰𑍂॒𑌪𑌮𑍍 । 𑌰𑍂॒𑌪𑍇𑌣𑍈॒𑌵 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌅𑌪𑍍𑌰॑𑌤𑍀𑌕𑍍𑌷॒𑌮𑌾𑌯॑𑌨𑍍𑌤𑌿 । 𑌨𑌿𑌰𑍍-𑌋॑𑌤𑍍𑌯𑌾 𑌅॒𑌨𑍍𑌤𑌰𑍍𑌹𑌿॑𑌤𑍍𑌯𑍈 । 𑌸𑍍𑌵𑌾𑌹𑌾॒ 𑌨𑌮𑍋॒ 𑌯 𑌇॒𑌦-𑌞𑍍𑌚॒𑌕𑌾𑌰𑍇𑌤𑌿॒ 𑌪𑍁𑌨॒𑌰𑍇𑌤𑍍𑌯॒ 𑌗𑌾𑌰𑍍𑌹॑𑌪𑌤𑍍𑌯𑍇 𑌜𑍁𑌹𑍋𑌤𑌿 । 𑌆𑌹𑍁॑𑌤𑍍𑌯𑍈॒𑌵 𑌨॑𑌮॒𑌸𑍍𑌯𑌨𑍍𑌤𑍋॒ 𑌗𑌾𑌰𑍍𑌹॑𑌪𑌤𑍍𑌯-𑌮𑍁॒𑌪𑌾𑌵॑𑌰𑍍𑌤𑌨𑍍𑌤𑍇 । 𑌆॒𑌨𑍁॒𑌮॒𑌤𑍇𑌨॒ 𑌪𑍍𑌰𑌚॑𑌰𑌤𑌿 । 𑌇॒𑌯𑌂-𑌵𑌾𑌁 𑌅𑌨𑍁॑𑌮𑌤𑌿𑌃 ॥ 4 ॥

𑌇॒𑌯𑌮𑍇॒𑌵𑌾𑌸𑍍𑌮𑍈॑ 𑌰𑌾॒𑌜𑍍𑌯𑌮𑌨𑍁॑𑌮𑌨𑍍𑌯𑌤𑍇 । 𑌧𑍇॒𑌨𑍁-𑌰𑍍𑌦𑌕𑍍𑌷𑌿॑𑌣𑌾 । 𑌇॒𑌮𑌾𑌮𑍇॒𑌵 𑌧𑍇॒𑌨𑍁-𑌙𑍍𑌕𑍁॑𑌰𑍁𑌤𑍇 । 𑌆॒𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑌤𑌿 । 𑌉॒𑌭𑌯𑍀᳚𑌷𑍍𑌵𑍇॒𑌵 𑌪𑍍𑌰॒𑌜𑌾𑌸𑍍𑌵॒𑌭𑌿𑌷𑌿॑𑌚𑍍𑌯𑌤𑍇 । 𑌦𑍈𑌵𑍀॑𑌷𑍁 𑌚॒ 𑌮𑌾𑌨𑍁॑𑌷𑍀𑌷𑍁 𑌚 । 𑌵𑌰𑍋॒ 𑌦𑌕𑍍𑌷𑌿॑𑌣𑌾 । 𑌵𑌰𑍋॒ 𑌹𑌿 𑌰𑌾॒𑌜𑍍𑌯𑌗𑍍𑌮𑍍 𑌸𑌮𑍃॑𑌦𑍍𑌧𑍍𑌯𑍈 । 𑌆॒𑌗𑍍𑌨𑌾॒𑌵𑍈॒𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 । 𑌅॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ ॥ 5 ॥

𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑌃 । 𑌦𑍇॒𑌵𑌤𑌾᳚𑌶𑍍𑌚𑍈॒𑌵 𑌯॒𑌜𑍍𑌞-𑌞𑍍𑌚𑌾𑌵॑ 𑌰𑍁𑌨𑍍𑌧𑍇 । 𑌵𑌾॒𑌮॒𑌨𑍋 𑌵॒𑌹𑍀 𑌦𑌕𑍍𑌷𑌿॑𑌣𑌾 । 𑌯-𑌦𑍍𑌵॒𑌹𑍀 । 𑌤𑍇𑌨𑌾᳚𑌗𑍍𑌨𑍇॒𑌯𑌃 । 𑌯-𑌦𑍍𑌵𑌾॑𑌮॒𑌨𑌃 । 𑌤𑍇𑌨॑ 𑌵𑍈𑌷𑍍𑌣॒𑌵-𑌸𑍍𑌸𑌮𑍃॑𑌦𑍍𑌧𑍍𑌯𑍈 । 𑌅॒𑌗𑍍𑌨𑍀॒𑌷𑍋॒𑌮𑍀𑌯॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 । 𑌅॒𑌗𑍍𑌨𑍀𑌷𑍋𑌮𑌾᳚𑌭𑍍𑌯𑌾𑌂॒-𑌵𑌾𑌁 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒𑌨𑍍𑌨𑌿𑌤𑌿॑ । 𑌯𑌦॑𑌗𑍍𑌨𑍀𑌷𑍋॒𑌮𑍀𑌯॒-𑌮𑍇𑌕𑌾॑𑌦𑌶𑌕𑌪𑌾𑌲-𑌨𑍍𑌨𑌿॒𑌰𑍍𑌵𑌪॑𑌤𑌿 ॥ 6 ॥

𑌵𑌾𑌰𑍍𑌤𑍍𑌰॑𑌘𑍍𑌨𑌮𑍇॒𑌵 𑌵𑌿𑌜𑌿॑𑌤𑍍𑌯𑍈 । 𑌹𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑌾॒ 𑌸𑌮𑍃॑𑌦𑍍𑌧𑍍𑌯𑍈 । 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌗𑍍𑌮𑍍 𑌹॒𑌤𑍍𑌵𑌾 । 𑌦𑍇॒𑌵𑌤𑌾॑𑌭𑌿𑌶𑍍𑌚𑍇𑌨𑍍𑌦𑍍𑌰𑌿॒𑌯𑍇𑌣॑ 𑌚॒ 𑌵𑍍𑌯𑌾᳚𑌰𑍍𑌧𑍍𑌯𑌤 । 𑌸 𑌏॒𑌤𑌮𑍈᳚𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲-𑌮𑌪𑌶𑍍𑌯𑌤𑍍 । 𑌤𑌨𑍍𑌨𑌿𑌰॑𑌵𑌪𑌤𑍍 । 𑌤𑍇𑌨॒ 𑌵𑍈 𑌸 𑌦𑍇॒𑌵𑌤𑌾᳚𑌶𑍍𑌚𑍇𑌨𑍍𑌦𑍍𑌰𑌿॒𑌯-𑌞𑍍𑌚𑌾𑌵𑌾॑𑌰𑍁𑌨𑍍𑌧 । 𑌯𑌦𑍈᳚𑌨𑍍𑌦𑍍𑌰𑌾॒𑌗𑍍𑌨-𑌮𑍇𑌕𑌾॑𑌦𑌶𑌕𑌪𑌾𑌲-𑌨𑍍𑌨𑌿॒𑌰𑍍𑌵𑌪॑𑌤𑌿 । 𑌦𑍇॒𑌵𑌤𑌾᳚𑌶𑍍𑌚𑍈॒𑌵 𑌤𑍇𑌨𑍇᳚𑌨𑍍𑌦𑍍𑌰𑌿॒𑌯-𑌞𑍍𑌚॒ 𑌯𑌜॑𑌮𑌾॒𑌨𑍋-𑌽𑌵॑ 𑌰𑍁𑌨𑍍𑌧𑍇 । 𑌋॒𑌷॒𑌭𑍋 𑌵॒𑌹𑍀 𑌦𑌕𑍍𑌷𑌿॑𑌣𑌾 ॥ 𑍭 ॥

𑌯-𑌦𑍍𑌵॒𑌹𑍀 । 𑌤𑍇𑌨𑌾᳚𑌗𑍍𑌨𑍇॒𑌯𑌃 । 𑌯𑌦𑍃॑𑌷॒𑌭𑌃 । 𑌤𑍇𑌨𑍈॒𑌨𑍍𑌦𑍍𑌰-𑌸𑍍𑌸𑌮𑍃॑𑌦𑍍𑌧𑍍𑌯𑍈 । 𑌆॒𑌗𑍍𑌨𑍇॒𑌯𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 । 𑌐॒𑌨𑍍𑌦𑍍𑌰-𑌨𑍍𑌦𑌧𑌿॑ । 𑌯𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑌿 । 𑌅॒𑌗𑍍𑌨𑌿𑌰𑍍𑌵𑍈 𑌯॑𑌜𑍍𑌞𑌮𑍁॒𑌖𑌮𑍍 । 𑌯॒𑌜𑍍𑌞॒𑌮𑍁॒𑌖𑌮𑍇॒𑌵𑌰𑍍𑌧𑌿॑-𑌮𑍍𑌪𑍁॒𑌰𑌾𑌸𑍍𑌤𑌾᳚𑌦𑍍𑌧𑌤𑍍𑌤𑍇 । 𑌯𑌦𑍈॒𑌨𑍍𑌦𑍍𑌰-𑌨𑍍𑌦𑌧𑌿॑ ॥ 𑍮 ॥

𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 । 𑌋॒𑌷॒𑌭𑍋 𑌵॒𑌹𑍀 𑌦𑌕𑍍𑌷𑌿॑𑌣𑌾 । 𑌯𑌦𑍍𑌵॒𑌹𑍀 । 𑌤𑍇𑌨𑌾᳚𑌗𑍍𑌨𑍇॒𑌯𑌃 । 𑌯𑌦𑍃॑𑌷॒𑌭𑌃 । 𑌤𑍇𑌨𑍈॒𑌨𑍍𑌦𑍍𑌰-𑌸𑍍𑌸𑌮𑍃॑𑌦𑍍𑌧𑍍𑌯𑍈 । 𑌯𑌾𑌵॑𑌤𑍀॒𑌰𑍍𑌵𑍈 𑌪𑍍𑌰॒𑌜𑌾 𑌓𑌷॑𑌧𑍀𑌨𑌾॒-𑌮𑌹𑍁॑𑌤𑌾𑌨𑌾॒-𑌮𑌾𑌶𑍍𑌞𑌨𑍍𑌨𑍍॑ । 𑌤𑌾𑌃 𑌪𑌰𑌾॑-𑌽𑌭𑌵𑌨𑍍𑌨𑍍 । 𑌆॒𑌗𑍍𑌰॒𑌯॒𑌣-𑌮𑍍𑌭॑𑌵𑌤𑌿 𑌹𑍁॒𑌤𑌾𑌦𑍍𑌯𑌾॑𑌯 । 𑌯𑌜॑𑌮𑌾𑌨॒𑌸𑍍𑌯𑌾𑌪॑𑌰𑌾𑌭𑌾𑌵𑌾𑌯 ॥ 𑍯 ॥

𑌦𑍇॒𑌵𑌾 𑌵𑌾 𑌓𑌷॑𑌧𑍀𑌷𑍍𑌵𑌾॒𑌜𑌿𑌮॑𑌯𑍁𑌃 । 𑌤𑌾 𑌇॑𑌨𑍍𑌦𑍍𑌰𑌾॒𑌗𑍍𑌨𑍀 𑌉𑌦॑𑌜𑌯𑌤𑌾𑌮𑍍 । 𑌤𑌾𑌵𑍇॒𑌤𑌮𑍈᳚𑌨𑍍𑌦𑍍𑌰𑌾॒𑌗𑍍𑌨-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌨𑍍𑌨𑌿𑌰॑𑌵𑍃𑌣𑌾𑌤𑌾𑌮𑍍 । 𑌯𑌦𑍈᳚𑌨𑍍𑌦𑍍𑌰𑌾॒𑌗𑍍𑌨𑍋 𑌭𑌵॒𑌤𑍍𑌯𑍁𑌜𑍍𑌜𑌿॑𑌤𑍍𑌯𑍈 । 𑌦𑍍𑌵𑌾𑌦॑𑌶𑌕𑌪𑌾𑌲𑍋 𑌭𑌵𑌤𑌿 । 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑌃 । 𑌸𑌂॒𑌵𑌁॒𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌵॑𑌰𑍁𑌨𑍍𑌧𑍇 । 𑌵𑍈॒𑌶𑍍𑌵॒𑌦𑍇॒𑌵𑌶𑍍𑌚॒𑌰𑍁-𑌰𑍍𑌭॑𑌵𑌤𑌿 । 𑌵𑍈॒𑌶𑍍𑌵॒𑌦𑍇॒𑌵𑌂-𑌵𑌾𑌁 𑌅𑌨𑍍𑌨᳚𑌮𑍍 । 𑌅𑌨𑍍𑌨॑𑌮𑍇॒𑌵𑌾𑌸𑍍𑌮𑍈᳚ 𑌸𑍍𑌵𑌦𑌯𑌤𑌿 ॥ 10 ॥

𑌪𑍍𑌰॒𑌥॒𑌮॒𑌜𑍋 𑌵॒𑌥𑍍𑌸𑍋 𑌦𑌕𑍍𑌷𑌿॑𑌣𑌾॒ 𑌸𑌮𑍃॑𑌦𑍍𑌧𑍍𑌯𑍈 । 𑌸𑍌॒𑌮𑍍𑌯𑌗𑍍𑌗𑍍 𑌶𑍍𑌯𑌾॑𑌮𑌾॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑌤𑌿 । 𑌸𑍋𑌮𑍋॒ 𑌵𑌾 𑌅॑𑌕𑍃𑌷𑍍𑌟𑌪॒𑌚𑍍𑌯𑌸𑍍𑌯॒ 𑌰𑌾𑌜𑌾᳚ । 𑌅॒𑌕𑍃॒𑌷𑍍𑌟॒𑌪॒𑌚𑍍𑌯𑌮𑍇॒𑌵𑌾𑌸𑍍𑌮𑍈᳚ 𑌸𑍍𑌵𑌦𑌯𑌤𑌿 । 𑌵𑌾𑌸𑍋॒ 𑌦𑌕𑍍𑌷𑌿॑𑌣𑌾 । 𑌸𑍌॒𑌮𑍍𑌯𑌗𑍍𑌮𑍍𑌹𑌿 𑌦𑍇॒𑌵𑌤॑𑌯𑌾॒ 𑌵𑌾𑌸॒-𑌸𑍍𑌸𑌮𑍃॑𑌦𑍍𑌧𑍍𑌯𑍈 । 𑌸𑌰॑𑌸𑍍𑌵𑌤𑍍𑌯𑍈 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑌤𑌿 । 𑌸𑌰॑𑌸𑍍𑌵𑌤𑍇 𑌚॒𑌰𑍁𑌮𑍍 । 𑌮𑌿॒𑌥𑍁॒𑌨𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 । 𑌮𑌿॒𑌥𑍁॒𑌨𑍌 𑌗𑌾𑌵𑍌॒ 𑌦𑌕𑍍𑌷𑌿॑𑌣𑌾॒ 𑌸𑌮𑍃॑𑌦𑍍𑌧𑍍𑌯𑍈 । 𑌏𑌤𑌿॒ 𑌵𑌾 𑌏॒𑌷 𑌯॑𑌜𑍍𑌞𑌮𑍁॒𑌖𑌾𑌦𑍃𑌦𑍍𑌧𑍍𑌯𑌾𑌃᳚ । 𑌯𑍋᳚-𑌽𑌗𑍍𑌨𑍇𑌰𑍍𑌦𑍇॒𑌵𑌤𑌾॑𑌯𑌾॒ 𑌏𑌤𑌿॑ । 𑌅॒𑌷𑍍𑌟𑌾𑌵𑍇॒𑌤𑌾𑌨𑌿॑ 𑌹॒𑌵𑍀𑌗𑍍𑌮𑍍𑌷𑌿॑ 𑌭𑌵𑌨𑍍𑌤𑌿 । 𑌅॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 । 𑌗𑌾॒𑌯॒𑌤𑍍𑌰𑍋᳚-𑌽𑌗𑍍𑌨𑌿𑌃 । 𑌤𑍇𑌨𑍈॒𑌵 𑌯॑𑌜𑍍𑌞𑌮𑍁॒𑌖𑌾𑌦𑍃𑌦𑍍𑌧𑍍𑌯𑌾॑ 𑌅॒𑌗𑍍𑌨𑍇𑌰𑍍𑌦𑍇॒𑌵𑌤𑌾॑𑌯𑍈॒ 𑌨𑍈𑌤𑌿॑ ॥ 11 ॥
(𑌈॒𑌯𑍁–𑌰𑍍 𑌨𑌿॒𑌰𑌵॑𑌦𑌯𑌤𑍇 – 𑌽𑌙𑍍𑌗𑍁॒𑌷𑍍𑌠𑌾𑌭𑍍𑌯𑌾᳚-𑌞𑍍𑌜𑍁𑌹𑍋॒ – 𑌤𑍍𑌯𑌨𑍁॑𑌮𑌤𑌿–𑌰𑍍 𑌦𑍇॒𑌵𑌤𑌾॑ – 𑌨𑌿॒𑌰𑍍𑌵𑌪॑𑌤𑌿 – 𑌵॒𑌹𑍀 𑌦𑌕𑍍𑌷𑌿॑𑌣𑌾॒ – 𑌯𑌦𑍈॒𑌨𑍍𑌦𑍍𑌰-𑌨𑍍𑌦 – 𑌧𑍍𑌯𑌪॑𑌰𑌾𑌭𑌾𑌵𑌾𑌯 – 𑌸𑍍𑌵𑌦𑌯𑌤𑌿॒ – 𑌗𑌾𑌵𑍌॒ 𑌦𑌕𑍍𑌷𑌿॑𑌣𑌾॒ 𑌸𑌮𑍃॑𑌦𑍍𑌧𑍍𑌯𑍈॒ 𑌷𑌟𑍍𑌚॑) (𑌅. 1)

𑌅𑌨𑍁𑌵𑌾𑌕𑌂 2 – 𑌚𑌾𑌤𑍁𑌰𑍍𑌮𑌾𑌸𑍍𑌯𑍇 𑌵𑍈𑌶𑍍𑌵𑌦𑍇𑌵𑌹𑌵𑍀𑌂𑌷𑌿
𑌵𑍈॒𑌶𑍍𑌵॒𑌦𑍇॒𑌵𑍇𑌨॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌾-𑌸𑍍𑌸𑍃॒𑌷𑍍𑌟𑌾 𑌨 𑌪𑍍𑌰𑌾𑌜𑌾॑𑌯𑌨𑍍𑌤 । 𑌸𑍋᳚-𑌽𑌗𑍍𑌨𑌿𑌰॑𑌕𑌾𑌮𑌯𑌤 । 𑌅॒𑌹𑌮𑌿॒𑌮𑌾𑌃 𑌪𑍍𑌰𑌜॑𑌨𑌯𑍇𑌯॒𑌮𑌿𑌤𑌿॑ । 𑌸 𑌪𑍍𑌰॒𑌜𑌾𑌪॑𑌤𑌯𑍇॒ 𑌶𑍁𑌚॑𑌮𑌦𑌧𑌾𑌤𑍍 । 𑌸𑍋॑-𑌽𑌶𑍋𑌚𑌤𑍍-𑌪𑍍𑌰॒𑌜𑌾𑌮𑌿॒𑌚𑍍𑌛𑌮𑌾॑𑌨𑌃 । 𑌤𑌸𑍍𑌮𑌾॒𑌦𑍍𑌯-𑌞𑍍𑌚॑ 𑌪𑍍𑌰॒𑌜𑌾 𑌭𑍁॒𑌨𑌕𑍍𑌤𑌿॒ 𑌯-𑌞𑍍𑌚॒ 𑌨 । 𑌤𑌾𑌵𑍁॒𑌭𑍌 𑌶𑍋॑𑌚𑌤𑌃 𑌪𑍍𑌰॒𑌜𑌾𑌮𑌿॒𑌚𑍍𑌛𑌮𑌾॑𑌨𑍌 । 𑌤𑌾𑌸𑍍𑌵॒𑌗𑍍𑌨𑌿𑌮𑌪𑍍𑌯॑ 𑌸𑍃𑌜𑌤𑍍 । 𑌤𑌾 𑌅॒𑌗𑍍𑌨𑌿𑌰𑌦𑍍𑌧𑍍𑌯𑍈᳚𑌤𑍍 ॥ 12 ॥

𑌸𑍋𑌮𑍋॒ 𑌰𑍇𑌤𑍋॑-𑌽𑌦𑌧𑌾𑌤𑍍 । 𑌸॒𑌵𑌿॒𑌤𑌾 𑌪𑍍𑌰𑌾𑌜॑𑌨𑌯𑌤𑍍 । 𑌸𑌰॑𑌸𑍍𑌵𑌤𑍀॒ 𑌵𑌾𑌚॑𑌮𑌦𑌧𑌾𑌤𑍍 । 𑌪𑍂॒𑌷𑌾 𑌽𑌪𑍋॑𑌷𑌯𑌤𑍍 । 𑌤𑍇 𑌵𑌾 𑌏॒𑌤𑍇 𑌤𑍍𑌰𑌿-𑌸𑍍𑌸𑌂॑𑌵𑌁𑌥𑍍𑌸॒𑌰𑌸𑍍𑌯॒ 𑌪𑍍𑌰𑌯𑍁॑𑌜𑍍𑌯𑌨𑍍𑌤𑍇 । 𑌯𑍇 𑌦𑍇॒𑌵𑌾𑌃 𑌪𑍁𑌷𑍍𑌟𑌿॑𑌪𑌤𑌯𑌃 । 𑌸𑌂॒𑌵𑌁॒𑌥𑍍𑌸॒𑌰𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 । 𑌸𑌂॒𑌵𑌁॒𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰𑌾𑌜॑𑌨𑌯𑌤𑍍 । 𑌤𑌾𑌃 𑌪𑍍𑌰॒𑌜𑌾 𑌜𑌾॒𑌤𑌾 𑌮॒𑌰𑍁𑌤𑍋᳚ 𑌘𑍍𑌨𑌨𑍍𑌨𑍍 । 𑌅॒𑌸𑍍𑌮𑌾𑌨𑌪𑌿॒ 𑌨 𑌪𑍍𑌰𑌾𑌯𑍁॑𑌕𑍍𑌷॒𑌤𑍇𑌤𑌿॑ ॥ 13 ॥

𑌸 𑌏॒𑌤-𑌮𑍍𑌪𑍍𑌰॒𑌜𑌾𑌪॑𑌤𑌿𑌰𑍍𑌮𑌾𑌰𑍁॒𑌤𑌗𑍍𑌮𑍍 𑌸॒𑌪𑍍𑌤𑌕॑𑌪𑌾𑌲-𑌮𑌪𑌶𑍍𑌯𑌤𑍍 । 𑌤-𑌨𑍍𑌨𑌿𑌰॑𑌵𑌪𑌤𑍍 । 𑌤𑌤𑍋॒ 𑌵𑍈 𑌪𑍍𑌰॒𑌜𑌾𑌭𑍍𑌯𑍋॑𑌕𑌲𑍍𑌪𑌤 । 𑌯𑌨𑍍𑌮𑌾॑𑌰𑍁॒𑌤𑍋 𑌨𑌿॑𑌰𑍁॒𑌪𑍍𑌯𑌤𑍇᳚ । 𑌯॒𑌜𑍍𑌞𑌸𑍍𑌯॒ 𑌕𑍍𑌲𑍃𑌪𑍍𑌤𑍍𑌯𑍈᳚ । 𑌪𑍍𑌰॒𑌜𑌾𑌨𑌾॒-𑌮𑌘𑌾॑𑌤𑌾𑌯 । 𑌸॒𑌪𑍍𑌤𑌕॑𑌪𑌾𑌲𑍋 𑌭𑌵𑌤𑌿 । 𑌸॒𑌪𑍍𑌤𑌗॑𑌣𑌾॒ 𑌵𑍈 𑌮॒𑌰𑍁𑌤𑌃॑ । 𑌗॒𑌣॒𑌶 𑌏॒𑌵𑌾𑌸𑍍𑌮𑍈॒ 𑌵𑌿𑌶॑-𑌙𑍍𑌕𑌲𑍍𑌪𑌯𑌤𑌿 । 𑌸 𑌪𑍍𑌰॒𑌜𑌾𑌪॑𑌤𑌿-𑌰𑌶𑍋𑌚𑌤𑍍 ॥ 14 ॥

𑌯𑌾𑌃 𑌪𑍂𑌰𑍍𑌵𑌾𑌃᳚ 𑌪𑍍𑌰॒𑌜𑌾 𑌅𑌸𑍃॑𑌕𑍍𑌷𑌿 । 𑌮॒𑌰𑍁𑌤॒𑌸𑍍𑌤𑌾 𑌅॑𑌵𑌧𑌿𑌷𑍁𑌃 । 𑌕॒𑌥𑌮𑌪॑𑌰𑌾-𑌸𑍍𑌸𑍃𑌜𑍇॒𑌯𑍇𑌤𑌿॑ । 𑌤𑌸𑍍𑌯॒ 𑌶𑍁𑌷𑍍𑌮॑ 𑌆॒𑌣𑍍𑌡-𑌮𑍍𑌭𑍂॒𑌤-𑌨𑍍𑌨𑌿𑌰॑𑌵𑌰𑍍𑌤𑌤 । 𑌤𑌦𑍍𑌵𑍍𑌯𑍁𑌦॑𑌹𑌰𑌤𑍍 । 𑌤𑌦॑𑌪𑍋𑌷𑌯𑌤𑍍 । 𑌤-𑌤𑍍𑌪𑍍𑌰𑌾𑌜𑌾॑𑌯𑌤 । 𑌆॒𑌣𑍍𑌡𑌸𑍍𑌯॒ 𑌵𑌾 𑌏॒𑌤-𑌦𑍍𑌰𑍂॒𑌪𑌮𑍍 । 𑌯𑌦𑌾॒𑌮𑌿𑌕𑍍𑌷𑌾᳚ । 𑌯𑌦𑍍𑌵𑍍𑌯𑍁॒𑌦𑍍𑌧𑌰॑𑌤𑌿 ॥ 15 ॥

𑌪𑍍𑌰॒𑌜𑌾 𑌏॒𑌵 𑌤-𑌦𑍍𑌯𑌜॑𑌮𑌾𑌨𑌃 𑌪𑍋𑌷𑌯𑌤𑌿 । 𑌵𑍈॒𑌶𑍍𑌵॒𑌦𑍇॒𑌵𑍍𑌯𑌾॑𑌮𑌿𑌕𑍍𑌷𑌾॑ 𑌭𑌵𑌤𑌿 । 𑌵𑍈॒𑌶𑍍𑌵॒𑌦𑍇॒𑌵𑍍𑌯𑍋॑ 𑌵𑍈 𑌪𑍍𑌰॒𑌜𑌾𑌃 । 𑌪𑍍𑌰॒𑌜𑌾 𑌏॒𑌵𑌾𑌸𑍍𑌮𑍈॒ 𑌪𑍍𑌰𑌜॑𑌨𑌯𑌤𑌿 । 𑌵𑌾𑌜𑌿॑𑌨॒𑌮𑌾𑌨॑𑌯𑌤𑌿 । 𑌪𑍍𑌰॒𑌜𑌾𑌸𑍍𑌵𑍇॒𑌵 𑌪𑍍𑌰𑌜𑌾॑𑌤𑌾𑌸𑍁॒ 𑌰𑍇𑌤𑍋॑ 𑌦𑌧𑌾𑌤𑌿 । 𑌦𑍍𑌯𑌾॒𑌵𑌾॒𑌪𑍃॒𑌥𑌿॒𑌵𑍍𑌯॑ 𑌏𑌕॑𑌕𑌪𑌾𑌲𑍋 𑌭𑌵𑌤𑌿 । 𑌪𑍍𑌰॒𑌜𑌾 𑌏॒𑌵 𑌪𑍍𑌰𑌜𑌾॑𑌤𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑-𑌮𑍁𑌭॒𑌯𑌤𑌃॒ 𑌪𑌰𑌿॑ 𑌗𑍃𑌹𑍍𑌣𑌾𑌤𑌿 । 𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌸𑌾᳚-𑌽𑌗𑍍𑌨𑌿𑌰॑𑌬𑍍𑌰𑌵𑍀𑌤𑍍 ॥ 16 ॥

𑌮𑌾𑌮𑌗𑍍𑌰𑍇॑ 𑌯𑌜𑌤 । 𑌮𑌯𑌾॒ 𑌮𑍁𑌖𑍇॒𑌨𑌾𑌸𑍁॑𑌰𑌾-𑌞𑍍𑌜𑍇𑌷𑍍𑌯॒𑌥𑍇𑌤𑌿॑ । 𑌮𑌾-𑌨𑍍𑌦𑍍𑌵𑌿॒𑌤𑍀𑌯॒𑌮𑌿𑌤𑌿॒ 𑌸𑍋𑌮𑍋᳚-𑌽𑌬𑍍𑌰𑌵𑍀𑌤𑍍 । 𑌮𑌯𑌾॒ 𑌰𑌾𑌜𑍍𑌞𑌾॑ 𑌜𑍇𑌷𑍍𑌯॒𑌥𑍇𑌤𑌿॑ । 𑌮𑌾-𑌨𑍍𑌤𑍃॒𑌤𑍀𑌯॒𑌮𑌿𑌤𑌿॑ 𑌸𑌵𑌿॒𑌤𑌾 । 𑌮𑌯𑌾॒ 𑌪𑍍𑌰𑌸𑍂॑𑌤𑌾 𑌜𑍇𑌷𑍍𑌯॒𑌥𑍇𑌤𑌿॑ । 𑌮𑌾-𑌞𑍍𑌚॑𑌤𑍁॒𑌰𑍍𑌥𑍀𑌮𑌿𑌤𑌿॒ 𑌸𑌰॑𑌸𑍍𑌵𑌤𑍀 । 𑌇॒𑌨𑍍𑌦𑍍𑌰𑌿॒𑌯𑌂-𑌵𑍋𑌁॒-𑌽𑌹-𑌨𑍍𑌧𑌾᳚𑌸𑍍𑌯𑌾॒𑌮𑍀𑌤𑌿॑ । 𑌮𑌾-𑌮𑍍𑌪॑𑌞𑍍𑌚॒𑌮𑌮𑌿𑌤𑌿॑ 𑌪𑍂॒𑌷𑌾 । 𑌮𑌯𑌾᳚ 𑌪𑍍𑌰𑌤𑌿॒𑌷𑍍𑌠𑌯𑌾॑ 𑌜𑍇𑌷𑍍𑌯॒𑌥𑍇𑌤𑌿॑ ॥ 1𑍭 ॥

𑌤𑍇᳚-𑌽𑌗𑍍𑌨𑌿𑌨𑌾॒ 𑌮𑍁𑌖𑍇॒𑌨𑌾𑌸𑍁॑𑌰𑌾𑌨𑌜𑌯𑌨𑍍𑌨𑍍 । 𑌸𑍋𑌮𑍇॑𑌨॒ 𑌰𑌾𑌜𑍍𑌞𑌾᳚ । 𑌸॒𑌵𑌿॒𑌤𑍍𑌰𑌾 𑌪𑍍𑌰𑌸𑍂॑𑌤𑌾𑌃 । 𑌸𑌰॑𑌸𑍍𑌵𑌤𑍀𑌨𑍍𑌦𑍍𑌰𑌿॒𑌯-𑌮॑𑌦𑌧𑌾𑌤𑍍 । 𑌪𑍂॒𑌷𑌾 𑌪𑍍𑌰॑𑌤𑌿॒𑌷𑍍𑌠𑌾 𑌽𑌽𑌸𑍀᳚𑌤𑍍 । 𑌤𑌤𑍋॒ 𑌵𑍈 𑌦𑍇॒𑌵𑌾 𑌵𑍍𑌯॑𑌜𑌯𑌨𑍍𑌤 । 𑌯𑌦𑍇॒𑌤𑌾𑌨𑌿॑ 𑌹॒𑌵𑍀𑌗𑍍𑌮𑍍𑌷𑌿॑ 𑌨𑌿𑌰𑍁॒𑌪𑍍𑌯𑌨𑍍𑌤𑍇॒ 𑌵𑌿𑌜𑌿॑𑌤𑍍𑌯𑍈 । 𑌨𑍋𑌤𑍍𑌤॑𑌰𑌵𑍇॒𑌦𑌿𑌮𑍁𑌪॑- 𑌵𑌪𑌤𑌿 । 𑌪॒𑌶𑌵𑍋॒ 𑌵𑌾 𑌉॑𑌤𑍍𑌤𑌰𑌵𑍇॒𑌦𑌿𑌃 । 𑌅𑌜𑌾॑𑌤𑌾 𑌇𑌵॒ 𑌹𑍍𑌯𑍇॑𑌤𑌰𑍍𑌹𑌿॑ 𑌪॒𑌶𑌵𑌃॑ ॥ 1𑍮 ॥
(𑌐॒-𑌦𑍍- 𑌇𑌤𑍍𑌯॑ – 𑌶𑍋𑌚-𑌦𑍍- 𑌵𑍍𑌯𑍁॒𑌦𑍍𑌧𑌰॑ – 𑌤𑍍𑌯𑌬𑍍𑌰𑌵𑍀𑌤𑍍 – 𑌪𑍍𑌰𑌤𑌿॒𑌷𑍍𑌠𑌯𑌾॑ 𑌜𑍇𑌷𑍍𑌯॒𑌥𑍇 ॒ 𑌤𑍍𑌯𑍇॒𑌤𑌰𑌃𑌇॑ 𑌪॒𑌶𑌵𑌃॑) (𑌅. 2)

𑌅𑌨𑍁𑌵𑌾𑌕𑌂 3 – 𑌵𑍈𑌶𑍍𑌵𑌦𑍇𑌵𑌪𑌰𑍍𑌗𑌤𑌾𑌨𑌿 𑌵𑌿𑌶𑍍𑌵𑍇𑌷𑌾𑌙𑍍𑌗𑌾𑌨𑌿
𑌤𑍍𑌰𑌿॒𑌵𑍃-𑌦𑍍𑌬॒𑌰𑍍॒𑌹𑌿-𑌰𑍍𑌭॑𑌵𑌤𑌿 । 𑌮𑌾॒𑌤𑌾 𑌪𑌿॒𑌤𑌾 𑌪𑍁॒𑌤𑍍𑌰𑌃 । 𑌤𑌦𑍇॒𑌵 𑌤-𑌨𑍍𑌮𑌿॑𑌥𑍁॒𑌨𑌮𑍍 । 𑌉𑌲𑍍𑌬॒-𑌙𑍍𑌗𑌰𑍍𑌭𑍋॑ 𑌜॒𑌰𑌾𑌯𑍁॑ । 𑌤𑌦𑍇॒𑌵 𑌤-𑌨𑍍𑌮𑌿॑𑌥𑍁॒𑌨𑌮𑍍 । 𑌤𑍍𑌰𑍇॒𑌧𑌾 𑌬॒𑌰𑍍॒𑌹𑌿-𑌸𑍍𑌸𑌨𑍍𑌨॑𑌦𑍍𑌧-𑌮𑍍𑌭𑌵𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌷𑍍𑌵𑍇॑𑌵 𑌲𑍋॒𑌕𑍇𑌷𑍁॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 । 𑌏॒𑌕॒𑌧𑌾 𑌪𑍁𑌨॒-𑌸𑍍𑌸𑌨𑍍𑌨॑𑌦𑍍𑌧-𑌮𑍍𑌭𑌵𑌤𑌿 । 𑌏𑌕॑ 𑌇𑌵॒ 𑌹𑍍𑌯॑𑌯𑌂-𑌲𑍋𑌁॒𑌕𑌃 ॥ 1𑍯 ॥

𑌅॒𑌸𑍍𑌮𑌿𑌨𑍍𑌨𑍇॒𑌵 𑌤𑍇𑌨॑ 𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 । 𑌪𑍍𑌰॒𑌸𑍁𑌵𑍋॑ 𑌭𑌵𑌨𑍍𑌤𑌿 । 𑌪𑍍𑌰॒𑌥॒𑌮॒𑌜𑌾𑌮𑍇॒𑌵 𑌪𑍁𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇 । 𑌪𑍍𑌰॒𑌥॒𑌮॒𑌜𑍋 𑌵॒𑌥𑍍𑌸𑍋 𑌦𑌕𑍍𑌷𑌿॑𑌣𑌾॒ 𑌸𑌮𑍃॑𑌦𑍍𑌧𑍍𑌯𑍈 । 𑌪𑍃॒𑌷॒𑌦𑌾॒𑌜𑍍𑌯-𑌙𑍍𑌗𑍃॑𑌹𑍍𑌣𑌾𑌤𑌿 । 𑌪॒𑌶𑌵𑍋॒ 𑌵𑍈 𑌪𑍃॑𑌷𑌦𑌾॒𑌜𑍍𑌯𑌮𑍍 । 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 । 𑌪॒𑌞𑍍𑌚॒𑌗𑍃॒𑌹𑍀॒𑌤-𑌮𑍍𑌭॑𑌵𑌤𑌿 । 𑌪𑌾𑌙𑍍𑌕𑍍𑌤𑌾॒ 𑌹𑌿 𑌪॒𑌶𑌵𑌃॑ । 𑌬॒𑌹𑍁॒𑌰𑍂॒𑌪-𑌮𑍍𑌭॑𑌵𑌤𑌿 ॥ 20 ॥

𑌬॒𑌹𑍁॒𑌰𑍂॒𑌪𑌾 𑌹𑌿 𑌪॒𑌶𑌵॒-𑌸𑍍𑌸𑌮𑍃॑𑌦𑍍𑌧𑍍𑌯𑍈 । 𑌅॒𑌗𑍍𑌨𑌿-𑌮𑍍𑌮॑𑌨𑍍𑌥𑌨𑍍𑌤𑌿 । 𑌅॒𑌗𑍍𑌨𑌿𑌮𑍁॑𑌖𑌾॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌯𑌦॒𑌗𑍍𑌨𑌿-𑌮𑍍𑌮𑌨𑍍𑌥॑𑌨𑍍𑌤𑌿 । 𑌅॒𑌗𑍍𑌨𑌿𑌮𑍁॑𑌖𑌾 𑌏॒𑌵 𑌤-𑌤𑍍𑌪𑍍𑌰॒𑌜𑌾 𑌯𑌜॑𑌮𑌾𑌨-𑌸𑍍𑌸𑍃𑌜𑌤𑍇 । 𑌨𑌵॑ 𑌪𑍍𑌰𑌯𑌾॒𑌜𑌾 𑌇॑𑌜𑍍𑌯𑌨𑍍𑌤𑍇 । 𑌨𑌵𑌾॑𑌨𑍂𑌯𑌾॒𑌜𑌾𑌃 । 𑌅॒𑌷𑍍𑌟𑍌 𑌹॒𑌵𑍀𑌗𑍍𑌮𑍍𑌷𑌿॑ । 𑌦𑍍𑌵𑌾𑌵𑌾॑𑌘𑌾॒𑌰𑍌 । 𑌦𑍍𑌵𑌾𑌵𑌾𑌜𑍍𑌯॑𑌭𑌾𑌗𑍌 ॥ 21 ॥

𑌤𑍍𑌰𑌿॒𑌗𑍍𑌮𑍍॒𑌶-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌤𑍍𑌰𑌿॒𑌗𑍍𑌮𑍍॒𑌶𑌦॑𑌕𑍍𑌷𑌰𑌾 𑌵𑌿॒𑌰𑌾𑌟𑍍 । 𑌅𑌨𑍍𑌨𑌂॑-𑌵𑌿𑌁॒𑌰𑌾𑌟𑍍 । 𑌵𑌿॒𑌰𑌾𑌜𑍈॒𑌵𑌾𑌨𑍍𑌨𑌾𑌦𑍍𑌯॒𑌮𑌵॑ 𑌰𑍁𑌨𑍍𑌧𑍇 । 𑌯𑌜॑𑌮𑌾𑌨𑍋॒ 𑌵𑌾 𑌏𑌕॑𑌕𑌪𑌾𑌲𑌃 । 𑌤𑍇𑌜॒ 𑌆𑌜𑍍𑌯᳚𑌮𑍍 । 𑌯𑌦𑍇𑌕॑𑌕𑌪𑌾𑌲॒ 𑌆𑌜𑍍𑌯॑𑌮𑌾॒𑌨𑌯॑𑌤𑌿 । 𑌯𑌜॑𑌮𑌾𑌨𑌮𑍇॒𑌵 𑌤𑍇𑌜॑𑌸𑌾॒ 𑌸𑌮॑𑌰𑍍𑌧𑌯𑌤𑌿 । 𑌯𑌜॑𑌮𑌾𑌨𑍋॒ 𑌵𑌾 𑌏𑌕॑𑌕𑌪𑌾𑌲𑌃 । 𑌪॒𑌶𑌵॒ 𑌆𑌜𑍍𑌯᳚𑌮𑍍 ॥ 22 ॥

𑌯𑌦𑍇𑌕॑𑌕𑌪𑌾𑌲॒ 𑌆𑌜𑍍𑌯॑𑌮𑌾॒𑌨𑌯॑𑌤𑌿 । 𑌯𑌜॑𑌮𑌾𑌨𑌮𑍇॒𑌵 𑌪॒𑌶𑍁𑌭𑌿॒-𑌸𑍍𑌸𑌮॑𑌰𑍍𑌧𑌯𑌤𑌿 । 𑌯𑌦𑌲𑍍𑌪॑𑌮𑌾॒𑌨𑌯𑍇᳚𑌤𑍍 । 𑌅𑌲𑍍𑌪𑌾॑ 𑌏𑌨-𑌮𑍍𑌪॒𑌶𑌵𑍋॑ 𑌭𑍁॒𑌞𑍍𑌜𑌨𑍍𑌤॒ 𑌉𑌪॑𑌤𑌿𑌷𑍍𑌠𑍇𑌰𑌨𑍍𑌨𑍍 । 𑌯-𑌦𑍍𑌬॒𑌹𑍍𑌵𑌾॑𑌨𑌯𑍇᳚𑌤𑍍 । 𑌬॒𑌹𑌵॑ 𑌏𑌨-𑌮𑍍𑌪॒𑌶𑌵𑍋 𑌭𑍁॑𑌞𑍍𑌜𑌨𑍍𑌤॒ 𑌉𑌪॑𑌤𑌿𑌷𑍍𑌠𑍇𑌰𑌨𑍍𑌨𑍍 । 𑌬॒𑌹𑍍𑌵𑌾॑𑌨𑍀𑌯𑌾॒𑌵𑌿𑌃 𑌪𑍃॑𑌷𑍍𑌠-𑌙𑍍𑌕𑍁𑌰𑍍𑌯𑌾𑌤𑍍 । 𑌬॒𑌹𑌵॑ 𑌏॒𑌵𑍈𑌨॑-𑌮𑍍𑌪॒𑌶𑌵𑍋॑ 𑌭𑍁॒𑌞𑍍𑌜𑌨𑍍𑌤॒ 𑌉𑌪॑𑌤𑌿𑌷𑍍𑌠𑌨𑍍𑌤𑍇 । 𑌯𑌜॑𑌮𑌾𑌨𑍋॒ 𑌵𑌾 𑌏𑌕॑𑌕𑌪𑌾𑌲𑌃 । 𑌯𑌦𑍇𑌕॑𑌕𑌪𑌾𑌲𑌸𑍍𑌯𑌾𑌵॒𑌦𑍍𑌯𑍇𑌤𑍍 ॥ 23 ॥

𑌯𑌜॑𑌮𑌾𑌨॒𑌸𑍍𑌯𑌾𑌵॑𑌦𑍍𑌯𑍇𑌤𑍍 । 𑌉𑌦𑍍𑌵𑌾॒ 𑌮𑌾𑌦𑍍𑌯𑍇॒-𑌦𑍍𑌯𑌜॑𑌮𑌾𑌨𑌃 । 𑌪𑍍𑌰 𑌵𑌾॑ 𑌮𑍀𑌯𑍇𑌤 । 𑌸॒𑌕𑍃𑌦𑍇॒𑌵 𑌹𑍋॑𑌤॒𑌵𑍍𑌯𑌃॑ । 𑌸॒𑌕𑍃𑌦𑌿॑𑌵॒ 𑌹𑌿 𑌸𑍁॑𑌵॒𑌰𑍍𑌗𑍋 𑌲𑍋॒𑌕𑌃 । 𑌹𑍁॒𑌤𑍍𑌵𑌾-𑌽𑌭𑌿 𑌜𑍁॑𑌹𑍋𑌤𑌿 । 𑌯𑌜॑𑌮𑌾𑌨𑌮𑍇॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌿॒𑌤𑍍𑌵𑌾 । 𑌤𑍇𑌜॑𑌸𑌾॒ 𑌸𑌮॑𑌰𑍍𑌧𑌯𑌤𑌿 । 𑌯𑌜॑𑌮𑌾𑌨𑍋॒ 𑌵𑌾 𑌏𑌕॑𑌕𑌪𑌾𑌲𑌃 । 𑌸𑍁॒𑌵॒𑌰𑍍𑌗𑍋 𑌲𑍋॒𑌕 𑌆॑𑌹𑌵॒𑌨𑍀𑌯𑌃॑ ॥ 24 ॥

𑌯𑌦𑍇𑌕॑𑌕𑌪𑌾𑌲-𑌮𑌾𑌹𑌵॒𑌨𑍀𑌯𑍇॑ 𑌜𑍁॒𑌹𑍋𑌤𑌿॑ । 𑌯𑌜॑𑌮𑌾𑌨𑌮𑍇॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 । 𑌯𑌦𑍍𑌧𑌸𑍍𑌤𑍇॑𑌨 𑌜𑍁𑌹𑍁॒𑌯𑌾𑌤𑍍 । 𑌸𑍁॒𑌵॒𑌰𑍍𑌗𑌾-𑌲𑍍𑌲𑍋॒𑌕𑌾-𑌦𑍍𑌯𑌜॑𑌮𑌾𑌨॒-𑌮𑌵॑𑌵𑌿𑌦𑍍𑌧𑍍𑌯𑍇𑌤𑍍 । 𑌸𑍍𑌰𑍁॒𑌚𑌾 𑌜𑍁॑𑌹𑍋𑌤𑌿 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 । 𑌯-𑌤𑍍𑌪𑍍𑌰𑌾𑌮𑍍𑌪𑌦𑍍𑌯𑍇॑𑌤 । 𑌦𑍇॒𑌵॒𑌲𑍋॒𑌕𑌮॒𑌭𑌿 𑌜॑𑌯𑍇𑌤𑍍 । 𑌯-𑌦𑍍𑌦॑𑌕𑍍𑌷𑌿॒𑌣𑌾 𑌪𑌿॑𑌤𑍃𑌲𑍋॒𑌕𑌮𑍍 । 𑌯-𑌤𑍍𑌪𑍍𑌰॒𑌤𑍍𑌯𑌕𑍍 ॥ 25 ॥

𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌯॒𑌜𑍍𑌞𑌗𑍍𑌮𑍍 𑌹॑𑌨𑍍𑌯𑍁𑌃 । 𑌯𑌦𑍁𑌦𑌙𑍍𑌙𑍍॑ । 𑌮॒𑌨𑍁॒𑌷𑍍𑌯॒𑌲𑍋॒𑌕-𑌮॒𑌭𑌿𑌜॑𑌯𑍇𑌤𑍍 । 𑌪𑍍𑌰𑌤𑌿॑𑌷𑍍𑌠𑌿𑌤𑍋 𑌹𑍋𑌤॒𑌵𑍍𑌯𑌃॑ । 𑌏𑌕॑𑌕𑌪𑌾𑌲𑌂॒-𑌵𑍈𑌁 𑌪𑍍𑌰॑𑌤𑌿॒𑌤𑌿𑌷𑍍𑌠॑𑌨𑍍𑌤॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅𑌨𑍁॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌃 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌋॒𑌤𑌵𑌃॑ । 𑌋॒𑌤𑍂𑌨𑍍. 𑌯॒𑌜𑍍𑌞𑌃 । 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑌃 । 𑌯𑌜॑𑌮𑌾𑌨-𑌮𑍍𑌪𑍍𑌰॒𑌜𑌾𑌃 । 𑌤𑌸𑍍𑌮𑌾॒𑌤𑍍-𑌪𑍍𑌰𑌤𑌿॑𑌷𑍍𑌠𑌿𑌤𑍋 𑌹𑍋𑌤॒𑌵𑍍𑌯𑌃॑ ॥ 26 ॥

𑌵𑌾॒𑌜𑌿𑌨𑍋॑ 𑌯𑌜𑌤𑌿 । 𑌅॒𑌗𑍍𑌨𑌿𑌰𑍍𑌵𑌾॒𑌯𑍁-𑌸𑍍𑌸𑍂𑌰𑍍𑌯𑌃॑ । 𑌤𑍇 𑌵𑍈 𑌵𑌾॒𑌜𑌿𑌨𑌃॑ । 𑌤𑌾𑌨𑍇॒𑌵 𑌤-𑌦𑍍𑌯॑𑌜𑌤𑌿 । 𑌅𑌥𑍋॒ 𑌖𑌲𑍍𑌵𑌾॑𑌹𑍁𑌃 । 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌵𑍈 𑌵𑌾॒𑌜𑌿𑌨॒ 𑌇𑌤𑌿॑ । 𑌤𑌾𑌨𑍍𑌯𑍇॒𑌵 𑌤-𑌦𑍍𑌯॑𑌜𑌤𑌿 । 𑌋॒𑌖𑍍𑌸𑌾॒𑌮𑍇 𑌵𑌾 𑌇𑌨𑍍𑌦𑍍𑌰॑𑌸𑍍𑌯॒ 𑌹𑌰𑍀॑ 𑌸𑍋𑌮॒𑌪𑌾𑌨𑍌᳚ । 𑌤𑌯𑍋𑌃᳚ 𑌪𑌰𑌿॒𑌧𑌯॑ 𑌆॒𑌧𑌾𑌨᳚𑌮𑍍 । 𑌵𑌾𑌜𑌿॑𑌨-𑌮𑍍𑌭𑌾𑌗॒𑌧𑍇𑌯᳚𑌮𑍍 ॥ 2𑍭 ॥

𑌯𑌦𑌪𑍍𑌰॑𑌹𑍃𑌤𑍍𑌯 𑌪𑌰𑌿॒𑌧𑍀𑌞𑍍𑌜𑍁॑𑌹𑍁॒𑌯𑌾𑌤𑍍 । 𑌅॒𑌨𑍍𑌤𑌰𑌾॑𑌧𑌾𑌨𑌾𑌭𑍍𑌯𑌾-𑌙𑍍𑌘𑌾॒𑌸-𑌮𑍍𑌪𑍍𑌰𑌯॑𑌚𑍍𑌛𑍇𑌤𑍍 । 𑌪𑍍𑌰॒𑌹𑍃𑌤𑍍𑌯॑ 𑌪𑌰𑌿॒𑌧𑍀𑌞𑍍𑌜𑍁॑𑌹𑍋𑌤𑌿 । 𑌨𑌿𑌰𑌾॑𑌧𑌾𑌨𑌾𑌭𑍍𑌯𑌾𑌮𑍇॒𑌵 𑌘𑌾॒𑌸-𑌮𑍍𑌪𑍍𑌰𑌯॑𑌚𑍍𑌛𑌤𑌿 । 𑌬॒𑌰𑍍॒𑌹𑌿𑌷𑌿॑ 𑌵𑌿𑌷𑌿॒𑌞𑍍𑌚𑌨𑍍𑌵𑌾𑌜𑌿॑𑌨॒-𑌮𑌾𑌨॑𑌯𑌤𑌿 । 𑌪𑍍𑌰॒𑌜𑌾 𑌵𑍈 𑌬॒𑌰॒𑌃𑌇𑌃 । 𑌰𑍇𑌤𑍋॒ 𑌵𑌾𑌜𑌿॑𑌨𑌮𑍍 । 𑌪𑍍𑌰॒𑌜𑌾𑌸𑍍𑌵𑍇॒𑌵 𑌰𑍇𑌤𑍋॑ 𑌦𑌧𑌾𑌤𑌿 । 𑌸॒𑌮𑍁॒𑌪॒𑌹𑍂𑌯॑ 𑌭𑌕𑍍𑌷𑌯𑌨𑍍𑌤𑌿 । 𑌏॒𑌤-𑌥𑍍𑌸𑍋॑𑌮𑌪𑍀𑌥𑌾॒ 𑌹𑍍𑌯𑍇॑𑌤𑍇 । 𑌅𑌥𑍋॑ 𑌆॒𑌤𑍍𑌮𑌨𑍍𑌨𑍇॒𑌵 𑌰𑍇𑌤𑍋॑ 𑌦𑌧𑌤𑍇 । 𑌯𑌜॑𑌮𑌾𑌨 𑌉𑌤𑍍𑌤॒𑌮𑍋 𑌭॑𑌕𑍍𑌷𑌯𑌤𑌿 । 𑌪॒𑌶𑌵𑍋॒ 𑌵𑍈 𑌵𑌾𑌜𑌿॑𑌨𑌮𑍍 । 𑌯𑌜॑𑌮𑌾𑌨 𑌏॒𑌵 𑌪॒𑌶𑍂-𑌨𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌨𑍍𑌤𑌿 ॥ 2𑍮 ॥
(𑌲𑍋॒𑌕𑍋 – 𑌬॑𑌹𑍁𑌰𑍂॒𑌪-𑌮𑍍𑌭॑𑌵॒ – 𑌤𑍍𑌯𑌾𑌜𑍍𑌯॑𑌭𑌾𑌗𑍌 – 𑌪॒𑌶𑌵॒ 𑌆𑌜𑍍𑌯॑ – 𑌮𑌵॒𑌦𑍍𑌯𑍇 – 𑌦𑌾॑𑌹𑌵॒𑌨𑍀𑌯𑌃॑ – 𑌪𑍍𑌰॒𑌤𑍍𑌯𑌕𑍍 – 𑌤𑌸𑍍𑌮𑌾॒-𑌤𑍍𑌪𑍍𑌰𑌤𑌿॑𑌷𑍍𑌠𑌿𑌤𑍋 𑌹𑍋𑌤॒𑌵𑍍𑌯𑍋॑ – 𑌭𑌾𑌗॒𑌧𑍇𑌯॑ – 𑌮𑍇॒𑌤𑍇 𑌚॒𑌤𑍍𑌵𑌾𑌰𑌿॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 – 𑌵𑌰𑍁𑌣𑌪𑍍𑌰𑌘𑌾𑌸𑌾𑌃
𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌵𑌿॒𑌤𑌾 𑌭𑍂॒𑌤𑍍𑌵𑌾 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌾 𑌏॑𑌨॒𑌮𑌤𑍍𑌯॑𑌮𑌨𑍍𑌯𑌨𑍍𑌤 । 𑌤𑌾 𑌅॑𑌸𑍍𑌮𑌾॒𑌦𑌪𑌾᳚𑌕𑍍𑌰𑌾𑌮𑌨𑍍𑌨𑍍 । 𑌤𑌾 𑌵𑌰𑍁॑𑌣𑍋 𑌭𑍂॒𑌤𑍍𑌵𑌾 𑌪𑍍𑌰॒𑌜𑌾 𑌵𑌰𑍁॑𑌣𑍇𑌨𑌾𑌗𑍍𑌰𑌾𑌹𑌯𑌤𑍍 । 𑌤𑌾𑌃 𑌪𑍍𑌰॒𑌜𑌾 𑌵𑌰𑍁॑𑌣𑌗𑍃𑌹𑍀𑌤𑌾𑌃 । 𑌪𑍍𑌰॒𑌜𑌾𑌪॑𑌤𑌿॒-𑌮𑍍𑌪𑍁𑌨॒𑌰𑍁𑌪𑌾॑𑌧𑌾𑌵𑌨𑍍𑌨𑌾॒𑌥-𑌮𑌿॒𑌚𑍍𑌛𑌮𑌾॑𑌨𑌾𑌃 । 𑌸 𑌏॒𑌤𑌾𑌨𑍍-𑌪𑍍𑌰॒𑌜𑌾𑌪॑𑌤𑌿-𑌰𑍍𑌵𑌰𑍁𑌣 𑌪𑍍𑌰𑌘𑌾॒𑌸𑌾𑌨॑𑌪𑌶𑍍𑌯𑌤𑍍 । 𑌤𑌾𑌨𑍍𑌨𑌿𑌰॑𑌵𑌪𑌤𑍍 । 𑌤𑍈𑌰𑍍𑌵𑍈 𑌸 𑌪𑍍𑌰॒𑌜𑌾 𑌵॑𑌰𑍁𑌣-𑌪𑌾॒𑌶𑌾𑌦॑𑌮𑍁𑌞𑍍𑌚𑌤𑍍 । 𑌯-𑌦𑍍𑌵॑𑌰𑍁𑌣-𑌪𑍍𑌰𑌘𑌾॒𑌸𑌾 𑌨𑌿॑𑌰𑍁॒𑌪𑍍𑌯𑌨𑍍𑌤𑍇᳚ ॥ 2𑍯 ॥

𑌪𑍍𑌰॒𑌜𑌾𑌨𑌾॒𑌮𑌵॑𑌰𑍁𑌣𑌗𑍍𑌰𑌾𑌹𑌾𑌯 । 𑌤𑌾𑌸𑌾॒-𑌨𑍍𑌦𑌕𑍍𑌷𑌿॑𑌣𑍋 𑌬𑌾॒𑌹𑍁-𑌰𑍍𑌨𑍍𑌯॑𑌕𑍍𑌨॒ 𑌆𑌸𑍀᳚𑌤𑍍 । 𑌸॒𑌵𑍍𑌯𑌃 𑌪𑍍𑌰𑌸𑍃॑𑌤𑌃 । 𑌸 𑌏॒𑌤𑌾-𑌨𑍍𑌦𑍍𑌵𑌿॒𑌤𑍀𑌯𑌾᳚-𑌨𑍍𑌦𑌕𑍍𑌷𑌿𑌣॒𑌤𑍋 𑌵𑍇𑌦𑌿॒𑌮𑍁𑌦॑𑌹𑌨𑍍𑌨𑍍 । 𑌤𑌤𑍋॒ 𑌵𑍈 𑌸 𑌪𑍍𑌰॒𑌜𑌾𑌨𑌾॒-𑌨𑍍𑌦𑌕𑍍𑌷𑌿॑𑌣-𑌮𑍍𑌬𑌾॒𑌹𑍁-𑌮𑍍𑌪𑍍𑌰𑌾𑌸𑌾॑𑌰𑌯𑌤𑍍 । 𑌯-𑌦𑍍𑌦𑍍𑌵𑌿॒𑌤𑍀𑌯𑌾᳚-𑌨𑍍𑌦𑌕𑍍𑌷𑌿𑌣॒𑌤𑍋 𑌵𑍇𑌦𑌿॑𑌮𑍁॒𑌦𑍍𑌧𑌨𑍍𑌤𑌿॑ । 𑌪𑍍𑌰॒𑌜𑌾𑌨𑌾॑𑌮𑍇॒𑌵 𑌤-𑌦𑍍𑌯𑌜॑𑌮𑌾𑌨𑍋॒ 𑌦𑌕𑍍𑌷𑌿॑𑌣-𑌮𑍍𑌬𑌾॒𑌹𑍁-𑌮𑍍𑌪𑍍𑌰𑌸𑌾॑𑌰𑌯𑌤𑌿 । 𑌤𑌸𑍍𑌮𑌾᳚𑌚𑍍𑌚𑌾𑌤𑍁𑌰𑍍𑌮𑌾𑌸𑍍𑌯𑌯𑌾॒𑌜𑍍𑌯॑𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌉॑𑌭॒𑌯𑌾𑌬𑌾॑𑌹𑍁𑌃 । 𑌯॒𑌜𑍍𑌞𑌾𑌭𑌿॑𑌜𑌿𑌤॒𑌗𑍍𑌗𑍍॒ 𑌹𑍍𑌯॑𑌸𑍍𑌯 । 𑌪𑍃॒𑌥॒𑌮𑌾॒𑌤𑍍𑌰𑌾-𑌦𑍍𑌵𑍇𑌦𑍀॒ 𑌅𑌸॑𑌭𑌿𑌨𑍍𑌨𑍍𑌨𑍇 𑌭𑌵𑌤𑌃 ॥ 30 ॥

𑌤𑌸𑍍𑌮𑌾᳚𑌤𑍍-𑌪𑍃𑌥𑌮𑌾॒𑌤𑍍𑌰𑌂-𑌵𑍍𑌯𑌁𑌗𑍍𑌮𑍍𑌸𑍌᳚ । 𑌉𑌤𑍍𑌤॑𑌰𑌸𑍍𑌯𑌾𑌂॒-𑌵𑍇𑌁𑌦𑍍𑌯𑌾॑𑌮𑍁𑌤𑍍𑌤𑌰𑌵𑍇॒𑌦𑌿𑌮𑍁𑌪॑ 𑌵𑌪𑌤𑌿 । 𑌪॒𑌶𑌵𑍋॒ 𑌵𑌾 𑌉॑𑌤𑍍𑌤𑌰𑌵𑍇॒𑌦𑌿𑌃 । 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 । 𑌅𑌥𑍋॑ 𑌯𑌜𑍍𑌞𑌪॒𑌰𑍁𑌷𑍋-𑌽𑌨॑𑌨𑍍𑌤𑌰𑌿𑌤𑍍𑌯𑍈 । 𑌏॒𑌤-𑌦𑍍𑌬𑍍𑌰𑌾᳚𑌹𑍍𑌮𑌣𑌾𑌨𑍍𑌯𑍇॒𑌵 𑌪𑌞𑍍𑌚॑ 𑌹॒𑌵𑍀𑌗𑍍𑌮𑍍𑌷𑌿॑ । 𑌅𑌥𑍈॒𑌷 𑌐᳚𑌨𑍍𑌦𑍍𑌰𑌾॒𑌗𑍍𑌨𑍋 𑌭॑𑌵𑌤𑌿 । 𑌪𑍍𑌰𑌾॒𑌣𑌾॒𑌪𑌾॒𑌨𑍌 𑌵𑌾 𑌏॒𑌤𑍌 𑌦𑍇॒𑌵𑌾𑌨𑌾᳚𑌮𑍍 । 𑌯𑌦𑌿॑𑌨𑍍𑌦𑍍𑌰𑌾॒𑌗𑍍𑌨𑍀 । 𑌯𑌦𑍈᳚𑌨𑍍𑌦𑍍𑌰𑌾॒𑌗𑍍𑌨𑍋 𑌭𑌵॑𑌤𑌿 ॥ 31 ॥

𑌪𑍍𑌰𑌾॒𑌣𑌾॒𑌪𑌾॒𑌨𑌾𑌵𑍇॒𑌵𑌾𑌵॑ 𑌰𑍁𑌨𑍍𑌧𑍇 । 𑌓𑌜𑍋॒ 𑌬𑌲𑌂॒-𑌵𑌾𑌁 𑌏॒𑌤𑍌 𑌦𑍇॒𑌵𑌾𑌨𑌾᳚𑌮𑍍 । 𑌯𑌦𑌿॑𑌨𑍍𑌦𑍍𑌰𑌾॒𑌗𑍍𑌨𑍀 । 𑌯𑌦𑍈᳚𑌨𑍍𑌦𑍍𑌰𑌾॒𑌗𑍍𑌨𑍋 𑌭𑌵॑𑌤𑌿 । 𑌓𑌜𑍋॒ 𑌬𑌲॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 । 𑌮𑌾॒𑌰𑍁॒𑌤𑍍𑌯𑌾॑𑌮𑌿𑌕𑍍𑌷𑌾॑ 𑌭𑌵𑌤𑌿 । 𑌵𑌾॒𑌰𑍁॒𑌣𑍍𑌯𑌾॑𑌮𑌿𑌕𑍍𑌷𑌾᳚ । 𑌮𑍇॒𑌷𑍀 𑌚॑ 𑌮𑍇॒𑌷𑌶𑍍𑌚॑ 𑌭𑌵𑌤𑌃 । 𑌮𑌿॒𑌥𑍁॒𑌨𑌾 𑌏॒𑌵 𑌪𑍍𑌰॒𑌜𑌾 𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 । 𑌲𑍋॒𑌮॒𑌶𑍌 𑌭॑𑌵𑌤𑍋 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ ॥ 32 ॥

𑌶॒𑌮𑍀॒𑌪॒𑌰𑍍𑌣𑌾𑌨𑍍𑌯𑍁𑌪॑ 𑌵𑌪𑌤𑌿 । 𑌘𑌾॒𑌸𑌮𑍇॒𑌵𑌾𑌭𑍍𑌯𑌾॒𑌮𑌪𑌿॑ 𑌯𑌚𑍍𑌛𑌤𑌿 । 𑌪𑍍𑌰॒𑌜𑌾𑌪॑𑌤𑌿𑌮॒𑌨𑍍𑌨𑌾𑌦𑍍𑌯॒-𑌨𑍍𑌨𑍋𑌪𑌾॑𑌨𑌮𑌤𑍍 । 𑌸 𑌏॒𑌤𑍇𑌨॑ 𑌶॒𑌤𑍇𑌦𑍍𑌧𑍍𑌮𑍇॑𑌨 𑌹॒𑌵𑌿𑌷𑌾॒ 𑌽𑌨𑍍𑌨𑌾𑌦𑍍𑌯॒𑌮-𑌵𑌾॑𑌰𑍁𑌨𑍍𑌧 । 𑌯-𑌤𑍍𑌪॑𑌰-𑌶𑍍𑌶॒𑌤𑌾𑌨𑌿॑ 𑌶𑌮𑍀𑌪॒𑌰𑍍𑌣𑌾𑌨𑌿॒ 𑌭𑌵॑𑌨𑍍𑌤𑌿 । 𑌅॒𑌨𑍍𑌨𑌾𑌦𑍍𑌯॒𑌸𑍍𑌯𑌾𑌵॑-𑌰𑍁𑌦𑍍𑌧𑍍𑌯𑍈 । 𑌸𑍌॒𑌮𑍍𑌯𑌾𑌨𑌿॒ 𑌵𑍈 𑌕॒𑌰𑍀𑌰𑌾॑𑌣𑌿 । 𑌸𑍌॒𑌮𑍍𑌯𑌾 𑌖𑌲𑍁॒ 𑌵𑌾 𑌆𑌹𑍁॑𑌤𑌿-𑌰𑍍𑌦𑌿॒𑌵𑍋 𑌵𑍃𑌷𑍍𑌟𑌿॑-𑌞𑍍𑌚𑍍𑌯𑌾𑌵𑌯𑌤𑌿 । 𑌯𑌤𑍍-𑌕॒𑌰𑍀𑌰𑌾॑𑌣𑌿॒ 𑌭𑌵॑𑌨𑍍𑌤𑌿 । 𑌸𑍌॒𑌮𑍍𑌯𑌯𑍈॒𑌵𑌾𑌹𑍁॑𑌤𑍍𑌯𑌾 𑌦𑌿॒𑌵𑍋 𑌵𑍃𑌷𑍍𑌟𑌿॒𑌮𑌵॑ 𑌰𑍁𑌨𑍍𑌧𑍇 । 𑌕𑌾॒𑌯 𑌏𑌕॑𑌕𑌪𑌾𑌲𑍋 𑌭𑌵𑌤𑌿 । 𑌪𑍍𑌰॒𑌜𑌾𑌨𑌾᳚-𑌙𑍍𑌕॒𑌤𑍍𑌵𑌾𑌂𑌯𑌁॑ । 𑌪𑍍𑌰॒𑌤𑌿॒𑌪𑍂॒𑌰𑍁॒𑌷-𑌙𑍍𑌕॑𑌰𑌮𑍍𑌭 𑌪𑌾॒𑌤𑍍𑌰𑌾𑌣𑌿॑ 𑌭𑌵𑌨𑍍𑌤𑌿 । 𑌜𑌾॒𑌤𑌾 𑌏॒𑌵 𑌪𑍍𑌰॒𑌜𑌾 𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 । 𑌏𑌕॒-𑌮𑌤𑌿॑𑌰𑌿𑌕𑍍𑌤𑌮𑍍 । 𑌜॒𑌨𑌿॒𑌷𑍍𑌯𑌮𑌾॑𑌣𑌾 𑌏॒𑌵 𑌪𑍍𑌰॒𑌜𑌾 𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 ॥ 33 ॥
(𑌨𑌿॒𑌰𑍁॒𑌪𑍍𑌯𑌨𑍍𑌤𑍇॑- 𑌭𑌵𑌤𑍋॒ – 𑌭𑌵॑𑌤𑌿 – 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ – 𑌰𑍁𑌨𑍍𑌧𑍇॒ 𑌷𑌟𑍍𑌚॑) (𑌅. 4)

𑌅𑌨𑍁𑌵𑌾𑌕𑌂 5 – 𑌤𑌚𑍍𑌛𑍇𑌷𑌃
𑌉𑌤𑍍𑌤॑𑌰𑌸𑍍𑌯𑌾𑌂॒-𑌵𑍇𑌁𑌦𑍍𑌯𑌾॑𑌮॒𑌨𑍍𑌯𑌾𑌨𑌿॑ 𑌹॒𑌵𑍀𑌗𑍍𑌮𑍍𑌷𑌿॑ 𑌸𑌾𑌦𑌯𑌤𑌿 । 𑌦𑌕𑍍𑌷𑌿॑𑌣𑌾𑌯𑌾-𑌮𑍍𑌮𑌾𑌰𑍁॒𑌤𑍀𑌮𑍍 । 𑌅॒𑌪॒𑌧𑍁॒𑌰𑌮𑍇॒𑌵𑍈𑌨𑌾॑ 𑌯𑍁𑌨𑌕𑍍𑌤𑌿 । 𑌅𑌥𑍋॒ 𑌓𑌜॑ 𑌏॒𑌵𑌾𑌸𑌾॒𑌮𑌵॑𑌹𑌰𑌤𑌿 । 𑌤𑌸𑍍𑌮𑌾॒-𑌦𑍍𑌬𑍍𑌰𑌹𑍍𑌮॑𑌣𑌶𑍍𑌚 𑌕𑍍𑌷॒𑌤𑍍𑌰𑌾𑌚𑍍𑌚॒ 𑌵𑌿𑌶𑍋᳚-𑌽𑌨𑍍𑌯𑌤𑍋-𑌽𑌪𑌕𑍍𑌰॒𑌮𑌿𑌣𑍀𑌃᳚ । 𑌮𑌾॒𑌰𑍁॒𑌤𑍍𑌯𑌾 𑌪𑍂𑌰𑍍𑌵॑𑌯𑌾॒ 𑌪𑍍𑌰𑌚॑𑌰𑌤𑌿 । 𑌅𑌨𑍃॑𑌤𑌮𑍇॒𑌵𑌾𑌵॑ 𑌯𑌜𑌤𑍇 । 𑌵𑌾॒𑌰𑍁॒𑌣𑍍𑌯𑍋𑌤𑍍𑌤॑𑌰𑌯𑌾 । 𑌅॒𑌨𑍍𑌤॒𑌤 𑌏॒𑌵 𑌵𑌰𑍁॑𑌣॒𑌮𑌵॑-𑌯𑌜𑌤𑍇 । 𑌯𑌦𑍇॒𑌵𑌾𑌦𑍍𑌧𑍍𑌵॒𑌰𑍍𑌯𑍁𑌃 𑌕॒𑌰𑍋𑌤𑌿॑ ॥ 34 ॥

𑌤-𑌤𑍍𑌪𑍍𑌰॑𑌤𑌿𑌪𑍍𑌰𑌸𑍍𑌥𑌾॒𑌤𑌾 𑌕॑𑌰𑍋𑌤𑌿 । 𑌤𑌸𑍍𑌮𑌾॒-𑌦𑍍𑌯𑌚𑍍𑌛𑍍𑌰𑍇𑌯𑌾᳚𑌨𑍍-𑌕॒𑌰𑍋𑌤𑌿॑ । 𑌤-𑌤𑍍𑌪𑌾𑌪𑍀॑𑌯𑌾𑌨𑍍-𑌕𑌰𑍋𑌤𑌿 । 𑌪𑌤𑍍𑌨𑍀𑌂᳚ 𑌁𑌵𑌾𑌚𑌯𑌤𑌿 । 𑌮𑍇𑌦𑍍𑌧𑍍𑌯𑌾॑𑌮𑍇॒𑌵𑍈𑌨𑌾᳚-𑌙𑍍𑌕𑌰𑍋𑌤𑌿 । 𑌅𑌥𑍋॒ 𑌤𑌪॑ 𑌏॒𑌵𑍈𑌨𑌾॒𑌮𑍁𑌪॑ 𑌨𑌯𑌤𑌿 । 𑌯𑌜𑍍𑌜𑌾॒𑌰𑌗𑍍𑌮𑍍 𑌸𑌨𑍍𑌤॒-𑌨𑍍𑌨 𑌪𑍍𑌰॑𑌬𑍍𑌰𑍂॒𑌯𑌾𑌤𑍍 । 𑌪𑍍𑌰𑌿॒𑌯-𑌞𑍍𑌜𑍍𑌞𑌾॒𑌤𑌿𑌗𑍍𑌮𑍍 𑌰𑍁॑𑌨𑍍𑌧𑍍𑌯𑌾𑌤𑍍 । 𑌅॒𑌸𑍌 𑌮𑍇॑ 𑌜𑌾॒𑌰 𑌇𑌤𑌿॒ 𑌨𑌿𑌰𑍍𑌦𑌿॑𑌶𑍇𑌤𑍍 । 𑌨𑌿॒𑌰𑍍𑌦𑌿𑌶𑍍𑌯𑍈॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑍇𑌨॑ 𑌗𑍍𑌰𑌾𑌹𑌯𑌤𑌿 ॥ 35 ॥

𑌪𑍍𑌰॒𑌘𑌾॒𑌸𑍍𑌯𑌾𑌨𑍍॑. 𑌹𑌵𑌾𑌮𑌹॒ 𑌇𑌤𑌿॒ 𑌪𑌤𑍍𑌨𑍀॑-𑌮𑍁॒𑌦𑌾𑌨॑𑌯𑌤𑌿 । 𑌅𑌹𑍍𑌵॑𑌤𑍈॒𑌵𑍈𑌨𑌾᳚𑌮𑍍 । 𑌯𑌤𑍍-𑌪𑌤𑍍𑌨𑍀॑ 𑌪𑍁𑌰𑍋𑌨𑍁𑌵𑌾॒𑌕𑍍𑌯𑌾॑𑌮𑌨𑍁 𑌬𑍍𑌰𑍂॒𑌯𑌾𑌤𑍍 । 𑌨𑌿𑌰𑍍𑌵𑍀᳚𑌰𑍍𑌯𑍋॒ 𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 । 𑌯𑌜॑𑌮𑌾॒𑌨𑍋 𑌽𑌨𑍍𑌵𑌾॑𑌹 । 𑌆॒𑌤𑍍𑌮𑌨𑍍𑌨𑍇॒𑌵 𑌵𑍀॒𑌰𑍍𑌯॑-𑌨𑍍𑌧𑌤𑍍𑌤𑍇 । 𑌉॒𑌭𑍌 𑌯𑌾॒𑌜𑍍𑌯𑌾𑌗𑍍𑌮𑍍॑ 𑌸𑌵𑍀𑌰𑍍𑌯॒𑌤𑍍𑌵𑌾𑌯॑ । 𑌯𑌦𑍍𑌗𑍍𑌰𑌾𑌮𑍇॒ 𑌯𑌦𑌰॑𑌣𑍍𑌯॒ 𑌇𑌤𑍍𑌯𑌾॑𑌹 । 𑌯॒𑌥𑍋॒𑌦𑌿॒𑌤𑌮𑍇॒𑌵 𑌵𑌰𑍁॑𑌣॒𑌮𑌵॑ 𑌯𑌜𑌤𑍇 । 𑌯॒𑌜॒𑌮𑌾॒𑌨॒𑌦𑍇॒𑌵॒𑌤𑍍𑌯𑍋॑ 𑌵𑌾 𑌆॑𑌹𑌵॒𑌨𑍀𑌯𑌃॑ ॥ 36 ॥

𑌭𑍍𑌰𑌾॒𑌤𑍃॒𑌵𑍍𑌯॒ 𑌦𑍇॒𑌵॒𑌤𑍍𑌯𑍋॑ 𑌦𑌕𑍍𑌷𑌿॑𑌣𑌃 । 𑌯𑌦𑌾॑𑌹𑌵॒𑌨𑍀𑌯𑍇॑ 𑌜𑍁𑌹𑍁॒𑌯𑌾𑌤𑍍 । 𑌯𑌜॑𑌮𑌾𑌨𑌂-𑌵𑌁𑌰𑍁𑌣𑌪𑌾॒𑌶𑍇𑌨॑ 𑌗𑍍𑌰𑌾𑌹𑌯𑍇𑌤𑍍 । 𑌦𑌕𑍍𑌷𑌿॑𑌣𑍇॒ 𑌽𑌗𑍍𑌨𑍌 𑌜𑍁॑𑌹𑍋𑌤𑌿 । 𑌭𑍍𑌰𑌾𑌤𑍃॑𑌵𑍍𑌯𑌮𑍇॒𑌵 𑌵॑𑌰𑍁𑌣𑌪𑌾॒𑌶𑍇𑌨॑ 𑌗𑍍𑌰𑌾𑌹𑌯𑌤𑌿 । 𑌶𑍂𑌰𑍍𑌪𑍇॑𑌣 𑌜𑍁𑌹𑍋𑌤𑌿 । 𑌅𑌨𑍍𑌯॑𑌮𑍇॒𑌵 𑌵𑌰𑍁॑𑌣॒𑌮𑌵॑𑌯𑌜𑌤𑍇 । 𑌶𑍀॒𑌰𑍍॒𑌷𑌨𑍍𑌨॑𑌧𑌿 𑌨𑌿॒𑌧𑌾𑌯॑ 𑌜𑍁𑌹𑍋𑌤𑌿 । 𑌶𑍀॒𑌰𑍍॒𑌷॒𑌤 𑌏॒𑌵 𑌵𑌰𑍁॑𑌣॒𑌮𑌵॑ 𑌯𑌜𑌤𑍇 । 𑌪𑍍𑌰॒𑌤𑍍𑌯𑌨𑍍𑌤𑌿𑌷𑍍𑌠॑𑌞𑍍𑌜𑍁𑌹𑍋𑌤𑌿 ॥ 3𑍭 ॥

𑌪𑍍𑌰॒𑌤𑍍𑌯𑌙𑍍𑌙𑍇॒𑌵 𑌵॑𑌰𑍁𑌣𑌪𑌾॒𑌶𑌾-𑌨𑍍𑌨𑌿𑌰𑍍𑌮𑍁॑𑌚𑍍𑌯𑌤𑍇 । 𑌅𑌕𑍍𑌰॒𑌨𑍍𑌕𑌰𑍍𑌮॑ 𑌕𑌰𑍍𑌮॒𑌕𑍃𑌤॒ 𑌇𑌤𑍍𑌯𑌾॑𑌹 । 𑌦𑍇॒𑌵𑌾𑌨𑍃॒𑌣-𑌨𑍍𑌨𑌿॑𑌰𑌵॒𑌦𑌾𑌯॑ । 𑌅॒𑌨𑍃॒𑌣𑌾 𑌗𑍃॒𑌹𑌾𑌨𑍁𑌪॒-𑌪𑍍𑌰𑍇𑌤𑍇𑌤𑌿॒ 𑌵𑌾𑌵𑍈𑌤𑌦𑌾॑𑌹 । 𑌵𑌰𑍁॑𑌣 𑌗𑍃𑌹𑍀𑌤𑌂॒-𑌵𑌾𑌁 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯-𑌦𑍍𑌯𑌜𑍁॑𑌷𑌾 𑌗𑍃𑌹𑍀॒𑌤𑌸𑍍𑌯𑌾॑𑌤𑌿॒𑌰𑌿𑌚𑍍𑌯॑𑌤𑍇 । 𑌤𑍁𑌷𑌾᳚𑌶𑍍𑌚 𑌨𑌿𑌷𑍍𑌕𑌾॒𑌸𑌶𑍍𑌚॑ । 𑌤𑍁𑌷𑍈᳚𑌶𑍍𑌚 𑌨𑌿𑌷𑍍𑌕𑌾॒𑌸𑍇𑌨॑ 𑌚𑌾𑌵𑌭𑍃॒𑌥𑌮𑌵𑍈॑𑌤𑌿 । 𑌵𑌰𑍁॑𑌣-𑌗𑍃𑌹𑍀𑌤𑍇𑌨𑍈॒𑌵 𑌵𑌰𑍁॑𑌣॒𑌮𑌵॑𑌯𑌜𑌤𑍇 । 𑌅॒𑌪𑍋॑-𑌽𑌵𑌭𑍃॒𑌥𑌮𑌵𑍈॑𑌤𑌿 ॥ 3𑍮 ॥

𑌅॒𑌫𑍍𑌸𑍁 𑌵𑍈 𑌵𑌰𑍁॑𑌣𑌃 । 𑌸𑌾॒𑌕𑍍𑌷𑌾𑌦𑍇॒𑌵 𑌵𑌰𑍁॑𑌣॒𑌮𑌵॑ 𑌯𑌜𑌤𑍇 । 𑌪𑍍𑌰𑌤𑌿॑𑌯𑍁𑌤𑍋॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶॒ 𑌇𑌤𑍍𑌯𑌾॑𑌹 । 𑌵॒𑌰𑍁॒𑌣॒𑌪𑌾॒𑌶𑌾𑌦𑍇॒𑌵 𑌨𑌿𑌰𑍍𑌮𑍁॑𑌚𑍍𑌯𑌤𑍇 । 𑌅𑌪𑍍𑌰॑𑌤𑍀𑌕𑍍𑌷॒-𑌮𑌾𑌯॑𑌨𑍍𑌤𑌿 । 𑌵𑌰𑍁॑𑌣𑌸𑍍𑌯𑌾॒𑌨𑍍𑌤𑌰𑍍𑌹𑌿॑𑌤𑍍𑌯𑍈 । 𑌏𑌧𑍋᳚-𑌽𑌸𑍍𑌯𑍇𑌧𑌿𑌷𑍀॒𑌮𑌹𑍀𑌤𑍍𑌯𑌾॑𑌹 । 𑌸॒𑌮𑌿𑌧𑍈॒𑌵𑌾𑌗𑍍𑌨𑌿-𑌨𑍍𑌨॑𑌮॒𑌸𑍍𑌯𑌨𑍍𑌤॑ 𑌉॒𑌪𑌾𑌯॑𑌨𑍍𑌤𑌿 । 𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋॒ 𑌮𑌯𑌿॑ 𑌧𑍇॒𑌹𑍀𑌤𑍍𑌯𑌾॑𑌹 । 𑌤𑍇𑌜॑ 𑌏॒𑌵𑌾𑌤𑍍𑌮𑌨𑍍𑌧॑𑌤𑍍𑌤𑍇 ॥ 3𑍯 ॥
(𑌕॒𑌰𑍋𑌤𑌿॑ – 𑌗𑍍𑌰𑌾𑌹𑌯 – 𑌤𑍍𑌯𑌾𑌹𑌵॒𑌨𑍀𑌯॒ – 𑌸𑍍𑌤𑌿𑌷𑍍𑌠॑𑌞𑍍𑌜𑍁𑌹𑍋 – 𑌤𑍍𑌯॒𑌪𑍋॑-𑌽𑌵𑌭𑍃॒𑌥𑌮𑌵𑍈॑𑌤𑌿 – 𑌧𑌤𑍍𑌤𑍇) (𑌅. 5)

𑌅𑌨𑍁𑌵𑌾𑌕𑌂 6 – 𑌸𑌾𑌕𑌮𑍇𑌧𑌾𑌃
𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌸𑍋᳚-𑌽𑌗𑍍𑌨𑌿𑌰॑𑌬𑍍𑌰𑌵𑍀𑌤𑍍 । 𑌮𑌮𑍇॒𑌯-𑌮𑌨𑍀॑𑌕𑌵𑌤𑍀 𑌤॒𑌨𑍂𑌃 । 𑌤𑌾-𑌮𑍍𑌪𑍍𑌰𑍀॑𑌣𑍀𑌤 । 𑌅𑌥𑌾𑌸𑍁॑𑌰𑌾𑌨॒𑌭𑌿 𑌭॑𑌵𑌿𑌷𑍍𑌯॒𑌥𑍇𑌤𑌿॑ । 𑌤𑍇 𑌦𑍇॒𑌵𑌾 𑌅॒𑌗𑍍𑌨𑌯𑍇-𑌽𑌨𑍀॑𑌕𑌵𑌤𑍇 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰॑𑌵𑌪𑌨𑍍𑌨𑍍 । 𑌸𑍋᳚-𑌽𑌗𑍍𑌨𑌿𑌰𑌨𑍀॑𑌕𑌵𑌾॒𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨 𑌪𑍍𑌰𑍀॒𑌤𑌃 । 𑌚॒𑌤𑍁॒𑌰𑍍𑌧𑌾 𑌽𑌨𑍀॑𑌕𑌾-𑌨𑍍𑌯𑌜𑌨𑌯𑌤 । 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵𑌨𑍍𑌨𑍍 । 𑌪𑌰𑌾 𑌽𑌸𑍁॑𑌰𑌾𑌃 ॥ 40 ॥

𑌯𑌦॒𑌗𑍍𑌨𑌯𑍇-𑌽𑌨𑍀॑𑌕𑌵𑌤𑍇 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲-𑌨𑍍𑌨𑌿॒𑌰𑍍𑌵𑌪॑𑌤𑌿 । 𑌅॒𑌗𑍍𑌨𑌿𑌮𑍇॒𑌵𑌾𑌨𑍀॑𑌕𑌵𑌨𑍍𑌤॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨 𑌪𑍍𑌰𑍀𑌣𑌾𑌤𑌿 । 𑌸𑍋᳚-𑌽𑌗𑍍𑌨𑌿𑌰𑌨𑍀॑𑌕𑌵𑌾॒𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॑𑌨 𑌪𑍍𑌰𑍀॒𑌤𑌃 । 𑌚॒𑌤𑍁॒𑌰𑍍𑌧𑌾 𑌽𑌨𑍀॑𑌕𑌾𑌨𑌿 𑌜𑌨𑌯𑌤𑍇 । 𑌅॒𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌗𑍍𑌨𑌿-𑌰𑌨𑍀॑𑌕𑌵𑌾𑌨𑍍 । 𑌤𑌸𑍍𑌯॑ 𑌰॒𑌶𑍍𑌮𑌯𑍋-𑌽𑌨𑍀॑𑌕𑌾𑌨𑌿 । 𑌸𑌾॒𑌕𑌗𑍍𑌮𑍍 𑌸𑍂𑌰𑍍𑌯𑍇॑𑌣𑍋𑌦𑍍𑌯॒𑌤𑌾 𑌨𑌿𑌰𑍍𑌵॑𑌪𑌤𑌿 । 𑌸𑌾॒𑌕𑍍𑌷𑌾𑌦𑍇॒𑌵𑌾𑌸𑍍𑌮𑌾॒ 𑌅𑌨𑍀॑𑌕𑌾𑌨𑌿 𑌜𑌨𑌯𑌤𑌿 । 𑌤𑍇-𑌽𑌸𑍁॑𑌰𑌾𑌃॒ 𑌪𑌰𑌾॑𑌜𑌿𑌤𑌾॒ 𑌯𑌨𑍍𑌤𑌃॑ । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌉𑌪𑌾᳚𑌶𑍍𑌰𑌯𑌨𑍍𑌨𑍍 ॥ 41 ॥

𑌤𑍇 𑌦𑍇॒𑌵𑌾 𑌮॒𑌰𑍁𑌦𑍍𑌭𑍍𑌯॑-𑌸𑍍𑌸𑌾𑌨𑍍𑌤𑌪॒𑌨𑍇𑌭𑍍𑌯॑𑌶𑍍𑌚॒𑌰𑍁-𑌨𑍍𑌨𑌿𑌰॑𑌵𑌪𑌨𑍍𑌨𑍍 । 𑌤𑌾-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑-𑌮𑍇॒𑌵𑍋𑌭॒𑌯𑌤॒-𑌸𑍍𑌸𑌮॑𑌤𑌪𑌨𑍍𑌨𑍍 । 𑌯𑌨𑍍𑌮॒𑌰𑍁𑌦𑍍𑌭𑍍𑌯॑-𑌸𑍍𑌸𑌾𑌨𑍍𑌤𑌪॒𑌨𑍇𑌭𑍍𑌯॑𑌶𑍍𑌚॒𑌰𑍁-𑌨𑍍𑌨𑌿॒𑌰𑍍𑌵𑌪॑𑌤𑌿 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑𑌮𑍇॒𑌵 𑌤𑌦𑍁॑𑌭॒𑌯𑌤𑍋॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑍍-𑌥𑍍𑌸𑌨𑍍𑌤॑𑌪𑌤𑌿 । 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇॒ 𑌨𑌿𑌰𑍍𑌵॑𑌪𑌤𑌿 । 𑌤𑌰𑍍𑌹𑌿॒ 𑌹𑌿 𑌤𑍇-𑌽𑌕𑍍𑌷𑍍𑌣𑌿॑𑌷𑍍𑌠॒-𑌨𑍍𑌤𑌪॑𑌤𑌿 । 𑌚॒𑌰𑍁𑌰𑍍𑌭॑𑌵𑌤𑌿 । 𑌸॒𑌰𑍍𑌵𑌤॑ 𑌏॒𑌵𑍈𑌨𑌾॒𑌨𑍍-𑌥𑍍𑌸𑌨𑍍𑌤॑𑌪𑌤𑌿 । 𑌤𑍇 𑌦𑍇॒𑌵𑌾-𑌶𑍍𑌶𑍍𑌵𑍋॑ 𑌵𑌿𑌜॒𑌯𑌿𑌨॒-𑌸𑍍𑌸𑌨𑍍𑌤𑌃॑ । 𑌸𑌰𑍍𑌵𑌾॑𑌸𑌾-𑌨𑍍𑌦𑍁॒𑌗𑍍𑌧𑍇 𑌗𑍃॑𑌹𑌮𑍇॒𑌧𑍀𑌯॑-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪𑌨𑍍𑌨𑍍 ॥ 42 ॥

𑌆𑌶𑌿॑𑌤𑌾 𑌏॒𑌵𑌾𑌦𑍍𑌯𑍋𑌪॑𑌵𑌸𑌾𑌮 । 𑌕𑌸𑍍𑌯॒ 𑌵𑌾-𑌽𑌹𑍇॒𑌦𑌮𑍍 । 𑌕𑌸𑍍𑌯॑ 𑌵𑌾॒ 𑌶𑍍𑌵𑍋 𑌭॑𑌵𑌿॒𑌤𑍇𑌤𑌿॑ । 𑌸 𑌶𑍃॒𑌤𑍋॑-𑌽𑌭𑌵𑌤𑍍 । 𑌤𑌸𑍍𑌯𑌾𑌹𑍁॑𑌤𑌸𑍍𑌯॒ 𑌨𑌾𑌶𑍍𑌞𑌨𑍍𑌨𑍍॑ । 𑌨 𑌹𑌿 𑌦𑍇॒𑌵𑌾 𑌅𑌹𑍁॑𑌤𑌸𑍍𑌯𑌾॒𑌶𑍍𑌞𑌨𑍍𑌤𑌿॑ । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌕𑌸𑍍𑌮𑌾॑ 𑌇॒𑌮𑌗𑍍𑌮𑍍 𑌹𑍋᳚𑌷𑍍𑌯𑌾𑌮॒ 𑌇𑌤𑌿॑ । 𑌮॒𑌰𑍁𑌦𑍍𑌭𑍍𑌯𑍋॑ 𑌗𑍃𑌹𑌮𑍇॒𑌧𑌿𑌭𑍍𑌯॒ 𑌇𑌤𑍍𑌯॑𑌬𑍍𑌰𑍁𑌵𑌨𑍍𑌨𑍍 । 𑌤-𑌮𑍍𑌮॒𑌰𑍁𑌦𑍍𑌭𑍍𑌯𑍋॑ 𑌗𑍃𑌹𑌮𑍇॒𑌧𑌿𑌭𑍍𑌯𑍋॑-𑌽𑌜𑍁𑌹𑌵𑍁𑌃 ॥ 43 ॥

𑌤𑌤𑍋॑ 𑌦𑍇॒𑌵𑌾 𑌅𑌭॑𑌵𑌨𑍍𑌨𑍍 । 𑌪𑌰𑌾-𑌽𑌸𑍁॑𑌰𑌾𑌃 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋॑ 𑌮॒𑌰𑍁𑌦𑍍𑌭𑍍𑌯𑍋॑ 𑌗𑍃𑌹𑌮𑍇॒𑌧𑌿𑌭𑍍𑌯𑍋॑ 𑌗𑍃॒𑌹𑍇 𑌜𑍁𑌹𑍍𑌵॑𑌤𑌿 । 𑌭𑌵॑𑌤𑍍𑌯𑌾॒𑌤𑍍𑌮𑌨𑌾᳚ । 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 । 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯॑ 𑌪𑌾𑌕॒𑌤𑍍𑌰𑌾 𑌕𑍍𑌰𑌿॒𑌯𑌤𑍇᳚ । 𑌪॒𑌶॒𑌵𑍍𑌯॑-𑌨𑍍𑌤𑌤𑍍 । 𑌪𑌾॒𑌕॒𑌤𑍍𑌰𑌾 𑌵𑌾 𑌏॒𑌤𑌤𑍍𑌕𑍍𑌰𑌿॑𑌯𑌤𑍇 । 𑌯𑌨𑍍𑌨𑍇𑌦𑍍𑌧𑍍𑌮𑌾𑌬॒𑌰𑍍॒𑌹𑌿-𑌰𑍍𑌭𑌵॑𑌤𑌿 । 𑌨 𑌸𑌾॑𑌮𑌿𑌧𑍇॒𑌨𑍀-𑌰॒𑌨𑍍𑌵𑌾𑌹॑ ॥ 44 ॥

𑌨 𑌪𑍍𑌰॑𑌯𑌾॒𑌜𑌾 𑌇॒𑌜𑍍𑌯𑌨𑍍𑌤𑍇᳚ । 𑌨𑌾𑌨𑍂॑𑌯𑌾॒𑌜𑌾𑌃 । 𑌯 𑌏॒𑌵𑌂-𑌵𑍇𑌁𑌦॑ । 𑌪॒𑌶𑍁॒𑌮𑌾-𑌨𑍍𑌭॑𑌵𑌤𑌿 । 𑌆𑌜𑍍𑌯॑𑌭𑌾𑌗𑍌 𑌯𑌜𑌤𑌿 । 𑌯॒𑌜𑍍𑌞𑌸𑍍𑌯𑍈॒𑌵 𑌚𑌕𑍍𑌷𑍁॑𑌷𑍀॒ 𑌨𑌾𑌨𑍍𑌤𑌰𑍇॑𑌤𑌿 । 𑌮॒𑌰𑍁𑌤𑍋॑ 𑌗𑍃𑌹𑌮𑍇॒𑌧𑌿𑌨𑍋॑ 𑌯𑌜𑌤𑌿 । 𑌭𑌾॒𑌗॒𑌧𑍇𑌯𑍇॑-𑌨𑍈॒𑌵𑍈𑌨𑌾॒𑌨𑍍-𑌥𑍍𑌸𑌮॑𑌰𑍍𑌧𑌯𑌤𑌿 । 𑌅॒𑌗𑍍𑌨𑌿𑌗𑍍𑌗𑍍 𑌸𑍍𑌵𑌿॑𑌷𑍍𑌟॒𑌕𑍃𑌤𑌂॑-𑌯𑌁𑌜𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 । 𑌇𑌡𑌾᳚𑌨𑍍𑌤𑍋 𑌭𑌵𑌤𑌿 । 𑌪॒𑌶𑌵𑍋॒ 𑌵𑌾 𑌇𑌡𑌾᳚ । 𑌪॒𑌶𑍁𑌷𑍍𑌵𑍇॒𑌵𑍋𑌪𑌰𑌿॑𑌷𑍍𑌟𑌾॒-𑌤𑍍𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 45 ॥
(𑌅𑌸𑍁॑𑌰𑌾 – 𑌅𑌶𑍍𑌰𑌯𑌨𑍍 – 𑌗𑍃𑌹𑌮𑍇॒𑌧𑍀𑌯𑌂॑ 𑌚॒𑌰𑍁-𑌨𑍍𑌨𑌿𑌰॑𑌵𑌪𑌨𑍍 – 𑌨𑌜𑍁𑌹𑌵𑍁 – 𑌰॒𑌨𑍍𑌵𑌾 – 𑌹𑍇𑌡𑌾᳚𑌨𑍍𑌤𑍋 𑌭𑌵𑌤𑌿॒ 𑌦𑍍𑌵𑍇 𑌚॑) (𑌅. 6)

𑌅𑌨𑍁𑌵𑌾𑌕𑌂 𑍭 – 𑌤𑌚𑍍𑌛𑍇𑌷𑌃
𑌯𑌤𑍍𑌪𑌤𑍍𑌨𑍀॑ 𑌗𑍃𑌹𑌮𑍇॒𑌧𑍀𑌯॑-𑌸𑍍𑌯𑌾𑌶𑍍𑌞𑍀॒𑌯𑌾𑌤𑍍 । 𑌗𑍃॒𑌹॒𑌮𑍇॒𑌦𑍍𑌧𑍍𑌯𑍇॑𑌵 𑌸𑍍𑌯𑌾᳚𑌤𑍍 । 𑌵𑌿 𑌤𑍍𑌵॑𑌸𑍍𑌯 𑌯॒𑌜𑍍𑌞 𑌋॑𑌧𑍍𑌯𑍇𑌤 । 𑌯𑌨𑍍𑌨𑌾𑌶𑍍𑌞𑍀॒𑌯𑌾𑌤𑍍 । 𑌅𑌗𑍃॑𑌹𑌮𑍇𑌧𑍀 𑌸𑍍𑌯𑌾𑌤𑍍 । 𑌨𑌾𑌸𑍍𑌯॑ 𑌯॒𑌜𑍍𑌞𑍋 𑌵𑍍𑌯𑍃॑𑌦𑍍𑌧𑍍𑌯𑍇𑌤 । 𑌪𑍍𑌰𑌤𑌿॑𑌵𑍇𑌶-𑌮𑍍𑌪𑌚𑍇𑌯𑍁𑌃 । 𑌤𑌸𑍍𑌯𑌾᳚𑌶𑍍𑌞𑍀𑌯𑌾𑌤𑍍 । 𑌗𑍃॒𑌹॒𑌮𑍇॒𑌦𑍍𑌧𑍍𑌯𑍇॑𑌵 𑌭॑𑌵𑌤𑌿 । 𑌨𑌾𑌸𑍍𑌯॑ 𑌯॒𑌜𑍍𑌞𑍋 𑌵𑍍𑌯𑍃॑𑌦𑍍𑌧𑍍𑌯𑌤𑍇 ॥ 46 ॥

𑌤𑍇 𑌦𑍇॒𑌵𑌾 𑌗𑍃॑𑌹𑌮𑍇॒𑌧𑍀𑌯𑍇॑𑌨𑍇॒𑌷𑍍𑌟𑍍𑌵𑌾 । 𑌆𑌶𑌿॑𑌤𑌾 𑌅𑌭𑌵𑌨𑍍𑌨𑍍 । 𑌆𑌞𑍍𑌜॑𑌤𑌾॒𑌭𑍍𑌯॑𑌞𑍍𑌜𑌤 । 𑌅𑌨𑍁॑ 𑌵॒𑌥𑍍𑌸𑌾-𑌨॑𑌵𑌾𑌸𑌯𑌨𑍍𑌨𑍍 । 𑌤𑍇𑌭𑍍𑌯𑍋-𑌽𑌸𑍁॑𑌰𑌾𑌃॒, 𑌕𑍍𑌷𑍁𑌧॒-𑌮𑍍𑌪𑍍𑌰𑌾𑌹𑌿॑𑌣𑍍𑌵𑌨𑍍𑌨𑍍 । 𑌸𑌾 𑌦𑍇॒𑌵𑍇𑌷𑍁॑ 𑌲𑍋॒𑌕𑌮𑌵𑌿॑𑌤𑍍𑌤𑍍𑌵𑌾 । 𑌅𑌸𑍁॑𑌰𑌾॒𑌨𑍍-𑌪𑍁𑌨॑𑌰𑌗𑌚𑍍𑌛𑌤𑍍 । 𑌗𑍃॒𑌹॒𑌮𑍇॒𑌧𑍀𑌯𑍇॑𑌨𑍇॒𑌷𑍍𑌟𑍍𑌵𑌾 । 𑌆𑌶𑌿॑𑌤𑌾 𑌭𑌵𑌨𑍍𑌤𑌿 । 𑌆𑌞𑍍𑌜॑𑌤𑍇॒-𑌽𑌭𑍍𑌯॑𑌞𑍍𑌜𑌤𑍇 ॥ 4𑍭 ॥

𑌅𑌨𑍁॑ 𑌵॒𑌥𑍍𑌸𑌾𑌨𑍍. 𑌵𑌾॑𑌸𑌯𑌨𑍍𑌤𑌿 । 𑌭𑍍𑌰𑌾𑌤𑍃॑𑌵𑍍𑌯𑌾𑌯𑍈॒𑌵 𑌤-𑌦𑍍𑌯𑌜॑𑌮𑌾𑌨𑌃॒, 𑌕𑍍𑌷𑍁𑌧॒-𑌮𑍍𑌪𑍍𑌰𑌹𑌿॑𑌣𑍋𑌤𑌿 । 𑌤𑍇 𑌦𑍇॒𑌵𑌾 𑌗𑍃॑𑌹𑌮𑍇॒𑌧𑍀𑌯𑍇॑𑌨𑍇॒𑌷𑍍𑌟𑍍𑌵𑌾 । 𑌇𑌨𑍍𑌦𑍍𑌰𑌾॑𑌯 𑌨𑌿𑌷𑍍𑌕𑌾॒𑌸-𑌨𑍍𑌨𑍍𑌯॑𑌦𑌧𑍁𑌃 । 𑌅॒𑌸𑍍𑌮𑌾𑌨𑍇॒𑌵 𑌶𑍍𑌵 𑌇𑌨𑍍𑌦𑍍𑌰𑍋॒ 𑌨𑌿𑌹𑌿॑𑌤𑌭𑌾𑌗 𑌉𑌪𑌾𑌵𑌰𑍍𑌤𑌿॒𑌤𑍇𑌤𑌿॑ । 𑌤𑌾𑌨𑌿𑌨𑍍𑌦𑍍𑌰𑍋॒ 𑌨𑌿𑌹𑌿॑𑌤𑌭𑌾𑌗 𑌉॒𑌪𑌾𑌵॑𑌰𑍍𑌤𑌤 । 𑌗𑍃॒𑌹॒𑌮𑍇॒𑌧𑍀𑌯𑍇॑𑌨𑍇॒𑌷𑍍𑌟𑍍𑌵𑌾 । 𑌇𑌨𑍍𑌦𑍍𑌰𑌾॑𑌯 𑌨𑌿𑌷𑍍𑌕𑌾॒𑌸-𑌨𑍍𑌨𑌿𑌦॑𑌦𑍍𑌧𑍍𑌯𑌾𑌤𑍍 । 𑌇𑌨𑍍𑌦𑍍𑌰॑ 𑌏॒𑌵𑍈𑌨॒-𑌨𑍍𑌨𑌿𑌹𑌿॑𑌤𑌭𑌾𑌗 𑌉॒𑌪𑌾𑌵॑𑌰𑍍𑌤𑌤𑍇 । 𑌗𑌾𑌰𑍍𑌹॑𑌪𑌤𑍍𑌯𑍇 𑌜𑍁𑌹𑍋𑌤𑌿 ॥ 4𑍮 ॥

𑌭𑌾॒𑌗॒𑌧𑍇𑌯𑍇॑𑌨𑍇॒𑌵𑍈𑌨॒𑌗𑍍𑌮𑍍॒ 𑌸𑌮॑𑌰𑍍𑌧𑌯𑌤𑌿 । 𑌋॒𑌷॒𑌭𑌮𑌾𑌹𑍍𑌵॑𑌯𑌤𑌿 । 𑌵॒𑌷॒𑌟𑍍𑌕𑌾॒𑌰 𑌏॒𑌵𑌾𑌸𑍍𑌯॒ 𑌸𑌃 । 𑌅𑌥𑍋॑ 𑌇𑌨𑍍𑌦𑍍𑌰𑌿॒𑌯𑌮𑍇॒𑌵 𑌤-𑌦𑍍𑌵𑍀॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌵𑍃𑌙𑍍𑌕𑍍𑌤𑍇 । 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌗𑍍𑌮𑍍 𑌹॒𑌤𑍍𑌵𑌾 । 𑌪𑌰𑌾᳚-𑌮𑍍𑌪𑌰𑌾॒𑌵𑌤॑-𑌮𑌗𑌚𑍍𑌛𑌤𑍍 । 𑌅𑌪𑌾॑𑌰𑌾𑌧॒𑌮𑌿𑌤𑌿॒ 𑌮𑌨𑍍𑌯॑𑌮𑌾𑌨𑌃 । 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌕 𑌇॒𑌦𑌂-𑌵𑍇𑌁॑𑌦𑌿𑌷𑍍𑌯॒𑌤𑍀𑌤𑌿॑ । 𑌤𑍇᳚-𑌽𑌬𑍍𑌰𑍁𑌵-𑌨𑍍𑌮॒𑌰𑍁𑌤𑍋॒ 𑌵𑌰𑌂॑-𑌵𑍃𑌁𑌣𑌾𑌮𑌹𑍈 ॥ 4𑍯 ॥

𑌅𑌥॑ 𑌵॒𑌯𑌂-𑌵𑍇𑌁॑𑌦𑌾𑌮 । 𑌅॒𑌸𑍍𑌮𑌭𑍍𑌯॑𑌮𑍇॒𑌵 𑌪𑍍𑌰॑𑌥॒𑌮𑌗𑍍𑌮𑍍 𑌹॒𑌵𑌿𑌰𑍍𑌨𑌿𑌰𑍁॑𑌪𑍍𑌯𑌾𑌤𑌾॒ 𑌇𑌤𑌿॑ । 𑌤 𑌏॑𑌨॒𑌮𑌦𑍍𑌧𑍍𑌯॑-𑌕𑍍𑌰𑍀𑌡𑌨𑍍𑌨𑍍 । 𑌤𑌤𑍍𑌕𑍍𑌰𑍀॒𑌡𑌿𑌨𑌾᳚-𑌙𑍍𑌕𑍍𑌰𑍀𑌡𑌿॒𑌤𑍍𑌵𑌮𑍍 । 𑌯-𑌨𑍍𑌮॒𑌰𑍁𑌦𑍍𑌭𑍍𑌯𑌃॑ 𑌕𑍍𑌰𑍀॒𑌡𑌿𑌭𑍍𑌯𑌃॑ 𑌪𑍍𑌰𑌥॒𑌮𑌗𑍍𑌮𑍍 𑌹॒𑌵𑌿𑌰𑍍𑌨𑌿॑𑌰𑍁॒𑌪𑍍𑌯𑌤𑍇॒ 𑌵𑌿𑌜𑌿॑𑌤𑍍𑌯𑍈 । 𑌸𑌾॒𑌕𑌗𑍍𑌮𑍍 𑌸𑍂𑌰𑍍𑌯𑍇॑𑌣𑍋𑌦𑍍𑌯॒𑌤𑌾 𑌨𑌿𑌰𑍍𑌵॑𑌪𑌤𑌿 । 𑌏॒𑌤𑌸𑍍𑌮𑌿॒𑌨𑍍 𑌵𑍈 𑌲𑍋॒𑌕 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒𑌨𑍍-𑌥𑍍𑌸𑌮𑍃॑𑌦𑍍𑌧𑍍𑌯𑍈 । 𑌏॒𑌤-𑌦𑍍𑌬𑍍𑌰𑌾᳚𑌹𑍍𑌮𑌣𑌾𑌨𑍍𑌯𑍇॒𑌵 𑌪𑌞𑍍𑌚॑ 𑌹॒𑌵𑍀𑌗𑍍𑌮𑍍𑌷𑌿॑ । 𑌏॒𑌤-𑌦𑍍𑌬𑍍𑌰𑌾᳚𑌹𑍍𑌮𑌣 𑌐𑌨𑍍𑌦𑍍𑌰𑌾॒𑌗𑍍𑌨𑌃 । 𑌅𑌥𑍈॒𑌷 𑌐॒𑌨𑍍𑌦𑍍𑌰𑌶𑍍𑌚॒𑌰𑍁-𑌰𑍍𑌭॑𑌵𑌤𑌿 ॥ 50 ॥

𑌉॒𑌦𑍍𑌧𑌾॒𑌰𑌂-𑌵𑌾𑌁 𑌏॒𑌤𑌮𑌿𑌨𑍍𑌦𑍍𑌰॒ 𑌉𑌦॑𑌹𑌰𑌤 । 𑌵𑍃॒𑌤𑍍𑌰𑌗𑍍𑌮𑍍 𑌹॒𑌤𑍍𑌵𑌾 । 𑌅॒𑌨𑍍𑌯𑌾𑌸𑍁॑ 𑌦𑍇॒𑌵𑌤𑌾॒𑌸𑍍𑌵𑌧𑌿॑ । 𑌯𑌦𑍇॒𑌷 𑌐॒𑌨𑍍𑌦𑍍𑌰-𑌶𑍍𑌚॒𑌰𑍁-𑌰𑍍𑌭𑌵॑𑌤𑌿 । 𑌉॒𑌦𑍍𑌧𑌾॒𑌰𑌮𑍇॒𑌵 𑌤𑌂-𑌯𑌁𑌜॑𑌮𑌾𑌨॒ 𑌉𑌦𑍍𑌧॑𑌰𑌤𑍇 । 𑌅॒𑌨𑍍𑌯𑌾𑌸𑍁॑ 𑌪𑍍𑌰॒𑌜𑌾𑌸𑍍𑌵𑌧𑌿॑ । 𑌵𑍈॒𑌶𑍍𑌵॒𑌕॒𑌰𑍍𑌮॒𑌣 𑌏𑌕॑𑌕𑌪𑌾𑌲𑍋 𑌭𑌵𑌤𑌿 । 𑌵𑌿𑌶𑍍𑌵𑌾᳚𑌨𑍍𑌯𑍇॒𑌵 𑌤𑍇𑌨॒ 𑌕𑌰𑍍𑌮𑌾॑𑌣𑌿॒ 𑌯𑌜॑𑌮𑌾॒𑌨𑍋 𑌽𑌵॑𑌰𑍁𑌨𑍍𑌧𑍇 ॥ 51 ॥
(𑌋॒𑌦𑍍𑌧𑍍𑌯॒𑌤𑍇॒-𑌽-𑌭𑍍𑌯॑𑌞𑍍𑌜𑌤𑍇-𑌜𑍁𑌹𑍋𑌤𑌿-𑌵𑍃𑌣𑌾𑌮𑌹𑍈-𑌭𑌵𑌤𑍍𑌯॒- +𑌷𑍍𑌟𑍌 𑌚॑) (𑌅. 𑍭)

𑌅𑌨𑍁𑌵𑌾𑌕𑌂 𑍮 – 𑌪𑌿𑌤𑍃𑌯𑌜𑍍𑌞𑌃
𑌵𑍈॒𑌶𑍍𑌵॒𑌦𑍇॒𑌵𑍇𑌨॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌤𑌾 𑌵॑𑌰𑍁𑌣-𑌪𑍍𑌰𑌘𑌾॒𑌸𑍈-𑌰𑍍𑌵॑𑌰𑍁𑌣𑌪𑌾॒𑌶𑌾𑌦॑𑌮𑍁𑌞𑍍𑌚𑌤𑍍 । 𑌸𑌾॒𑌕॒𑌮𑍇॒𑌧𑍈𑌃 𑌪𑍍𑌰𑌤𑍍𑌯॑𑌸𑍍𑌥𑌾𑌪𑌯𑌤𑍍 । 𑌤𑍍𑌰𑍍𑌯॑𑌮𑍍𑌬𑌕𑍈 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵𑌾॑𑌦𑌯𑌤 । 𑌪𑌿॒𑌤𑍃॒𑌯॒𑌜𑍍𑌞𑍇𑌨॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮॑𑌗𑌮𑌯𑌤𑍍 । 𑌯-𑌦𑍍𑌵𑍈᳚𑌶𑍍𑌵𑌦𑍇॒𑌵𑍇𑌨॒ 𑌯𑌜॑𑌤𑍇 । 𑌪𑍍𑌰॒𑌜𑌾 𑌏॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍃𑌜𑌤𑍇 । 𑌤𑌾 𑌵॑𑌰𑍁𑌣-𑌪𑍍𑌰𑌘𑌾॒𑌸𑍈-𑌰𑍍𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 । 𑌸𑌾॒𑌕॒𑌮𑍇॒𑌧𑍈𑌃 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 । 𑌤𑍍𑌰𑍍𑌯॑𑌮𑍍𑌬𑌕𑍈𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 ॥ 52 ॥

𑌪𑌿॒𑌤𑍃॒𑌯॒𑌜𑍍𑌞𑍇𑌨॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 । 𑌦॒𑌕𑍍𑌷𑌿॒𑌣॒𑌤𑌃 𑌪𑍍𑌰𑌾॑𑌚𑍀𑌨𑌾𑌵𑍀॒𑌤𑍀 𑌨𑌿𑌰𑍍𑌵॑𑌪𑌤𑌿 । 𑌦॒𑌕𑍍𑌷𑌿॒𑌣𑌾𑌵𑍃॒𑌦𑍍𑌧𑌿 𑌪𑌿॑𑌤𑍃॒𑌣𑌾𑌮𑍍 । 𑌅𑌨𑌾॑𑌦𑍃𑌤𑍍𑌯॒ 𑌤𑌤𑍍 । 𑌉॒𑌤𑍍𑌤॒𑌰॒𑌤 𑌏॒𑌵𑍋𑌪॒𑌵𑍀𑌯॒ 𑌨𑌿𑌰𑍍𑌵॑𑌪𑍇𑌤𑍍 । 𑌉॒𑌭𑌯𑍇॒ 𑌹𑌿 𑌦𑍇॒𑌵𑌾𑌶𑍍𑌚॑ 𑌪𑌿॒𑌤𑌰॑𑌶𑍍𑌚𑍇॒𑌜𑍍𑌯𑌨𑍍𑌤𑍇᳚ । 𑌅𑌥𑍋॒ 𑌯𑌦𑍇॒𑌵 𑌦॑𑌕𑍍𑌷𑌿𑌣𑌾॒𑌰𑍍𑌧𑍇॑-𑌽𑌧𑌿॒ 𑌶𑍍𑌰𑌯॑𑌤𑌿 । 𑌤𑍇𑌨॑ 𑌦𑌕𑍍𑌷𑌿॒𑌣𑌾𑌵𑍃॑𑌤𑍍 । 𑌸𑍋𑌮𑌾॑𑌯 𑌪𑌿𑌤𑍃॒𑌮𑌤𑍇॑ 𑌪𑍁𑌰𑍋॒𑌡𑌾𑌶॒𑌗𑍍𑌮𑍍॒ 𑌷𑌟𑍍𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑌤𑌿 । 𑌸𑌂॒𑌵𑌁॒𑌥𑍍𑌸॒𑌰𑍋 𑌵𑍈 𑌸𑍋𑌮𑌃॑ 𑌪𑌿𑌤𑍃॒𑌮𑌾𑌨𑍍 ॥ 53 ॥

𑌸𑌂॒𑌵𑌁॒𑌥𑍍𑌸॒𑌰𑌮𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌪𑌿॒𑌤𑍃𑌭𑍍𑌯𑍋॑ 𑌬𑌰𑍍𑌹𑌿॒𑌷𑌦𑍍𑌭𑍍𑌯𑍋॑ 𑌧𑌾॒𑌨𑌾𑌃 । 𑌮𑌾𑌸𑌾॒ 𑌵𑍈 𑌪𑌿॒𑌤𑌰𑍋॑ 𑌬𑌰𑍍𑌹𑌿॒𑌷𑌦𑌃॑ । 𑌮𑌾𑌸𑌾॑𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌯𑌸𑍍𑌮𑌿॒𑌨𑍍 𑌵𑌾 𑌋॒𑌤𑍌 𑌪𑍁𑌰𑍁॑𑌷𑌃 𑌪𑍍𑌰॒𑌮𑍀𑌯॑𑌤𑍇 । 𑌸𑍋᳚-𑌽𑌸𑍍𑌯𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿 । 𑌬॒𑌹𑍁॒𑌰𑍂॒𑌪𑌾 𑌧𑌾॒𑌨𑌾 𑌭॑𑌵𑌨𑍍𑌤𑌿 । 𑌅॒𑌹𑍋॒𑌰𑌾॒𑌤𑍍𑌰𑌾𑌣𑌾॑-𑌮॒𑌭𑌿𑌜𑌿॑𑌤𑍍𑌯𑍈 । 𑌪𑌿॒𑌤𑍃𑌭𑍍𑌯𑍋᳚ 𑌽𑌗𑍍𑌨𑌿𑌷𑍍𑌵𑌾॒𑌤𑍍𑌤𑍇𑌭𑍍𑌯𑍋॑ 𑌮॒𑌨𑍍𑌥𑌮𑍍 । 𑌅॒𑌰𑍍𑌧॒𑌮𑌾॒𑌸𑌾 𑌵𑍈 𑌪𑌿॒𑌤𑌰𑍋᳚-𑌽𑌗𑍍𑌨𑌿𑌷𑍍𑌵𑌾॒𑌤𑍍𑌤𑌾𑌃 ॥ 54 ॥

𑌅॒𑌰𑍍𑌧॒𑌮𑌾॒𑌸𑌾𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌅॒𑌭𑌿॒𑌵𑌾॒𑌨𑍍𑌯𑌾॑𑌯𑍈 𑌦𑍁॒𑌗𑍍𑌧𑍇 𑌭॑𑌵𑌤𑌿 । 𑌸𑌾 𑌹𑌿 𑌪𑌿॑𑌤𑍃𑌦𑍇𑌵॒𑌤𑍍𑌯॑-𑌨𑍍𑌦𑍁॒𑌹𑍇 । 𑌯-𑌤𑍍𑌪𑍂॒𑌰𑍍𑌣𑌮𑍍 । 𑌤-𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾𑌮𑍍 । 𑌉॒𑌪॒𑌰𑍍𑌯॒𑌰𑍍𑌧𑍋 𑌦𑍇॒𑌵𑌾𑌨𑌾᳚𑌮𑍍 । 𑌅॒𑌰𑍍𑌧𑌃 𑌪𑌿॑𑌤𑍃॒𑌣𑌾𑌮𑍍 । 𑌅॒𑌰𑍍𑌧 𑌉𑌪॑𑌮𑌨𑍍𑌥𑌤𑌿 । 𑌅॒𑌰𑍍𑌧𑍋 𑌹𑌿 𑌪𑌿॑𑌤𑍃॒𑌣𑌾𑌮𑍍 । 𑌏𑌕॒𑌯𑍋𑌪॑𑌮𑌨𑍍𑌥𑌤𑌿 ॥ 55 ॥

𑌏𑌕𑌾॒ 𑌹𑌿 𑌪𑌿॑𑌤𑍃॒𑌣𑌾𑌮𑍍 । 𑌦॒𑌕𑍍𑌷𑌿॒𑌣𑍋𑌪॑𑌮𑌨𑍍𑌥𑌤𑌿 । 𑌦॒𑌕𑍍𑌷𑌿॒𑌣𑌾 𑌵𑍃॒𑌦𑍍𑌧𑌿 𑌪𑌿॑𑌤𑍃॒𑌣𑌾𑌮𑍍 । 𑌅𑌨𑌾॑𑌰॒𑌭𑍍𑌯𑍋𑌪॑𑌮𑌨𑍍𑌥𑌤𑌿 । 𑌤𑌦𑍍𑌧𑌿 𑌪𑌿॒𑌤𑍄𑌨𑍍-𑌗𑌚𑍍𑌛॑𑌤𑌿 । 𑌇॒𑌮𑌾-𑌨𑍍𑌦𑌿𑌶𑌂॒-𑌵𑍇𑌁𑌦𑌿॒𑌮𑍁𑌦𑍍𑌧॑𑌨𑍍𑌤𑌿 । 𑌉॒𑌭𑌯𑍇॒ 𑌹𑌿 𑌦𑍇॒𑌵𑌾𑌶𑍍𑌚॑ 𑌪𑌿॒𑌤𑌰॑𑌶𑍍𑌚𑍇॒𑌜𑍍𑌯𑌨𑍍𑌤𑍇᳚ । 𑌚𑌤𑍁॑-𑌸𑍍𑌸𑍍𑌰𑌕𑍍𑌤𑌿𑌰𑍍𑌭𑌵𑌤𑌿 । 𑌸𑌰𑍍𑌵𑌾॒ 𑌹𑍍𑌯𑌨𑍁॒ 𑌦𑌿𑌶𑌃॑ 𑌪𑌿॒𑌤𑌰𑌃॑ । 𑌅𑌖𑌾॑𑌤𑌾 𑌭𑌵𑌤𑌿 ॥ 56 ॥

𑌖𑌾॒𑌤𑌾 𑌹𑌿 𑌦𑍇॒𑌵𑌾𑌨𑌾᳚𑌮𑍍 । 𑌮॒𑌦𑍍𑌧𑍍𑌯॒𑌤𑍋᳚ 𑌽𑌗𑍍𑌨𑌿𑌰𑌾𑌧𑍀॑𑌯𑌤𑍇 । 𑌅॒𑌨𑍍𑌤॒𑌤𑍋 𑌹𑌿 𑌦𑍇॒𑌵𑌾𑌨𑌾॑-𑌮𑌾𑌧𑍀॒𑌯𑌤𑍇᳚ । 𑌵𑌰𑍍𑌷𑍀॑𑌯𑌾𑌨𑌿॒𑌦𑍍𑌧𑍍𑌮 𑌇॒𑌦𑍍𑌧𑍍𑌮𑌾-𑌦𑍍𑌭॑𑌵𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 । 𑌪𑌰𑌿॑ 𑌶𑍍𑌰𑌯𑌤𑌿 । 𑌅॒𑌨𑍍𑌤𑌰𑍍𑌹𑌿॑𑌤𑍋॒ 𑌹𑌿 𑌪𑌿॑𑌤𑍃𑌲𑍋॒𑌕𑍋 𑌮॑𑌨𑍁𑌷𑍍𑌯𑌲𑍋॒𑌕𑌾𑌤𑍍 । 𑌯𑌤𑍍-𑌪𑌰𑍁॑𑌷𑌿 𑌦𑌿॒𑌨𑌮𑍍 । 𑌤-𑌦𑍍𑌦𑍇॒𑌵𑌾𑌨𑌾᳚𑌮𑍍 । 𑌯𑌦॑𑌨𑍍𑌤॒𑌰𑌾 । 𑌤-𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾𑌮𑍍 ॥ 5𑍭 ॥

𑌯-𑌥𑍍𑌸𑌮𑍂॑𑌲𑌮𑍍 । 𑌤-𑌤𑍍𑌪𑌿॑𑌤𑍃॒𑌣𑌾𑌮𑍍 । 𑌸𑌮𑍂॑𑌲-𑌮𑍍𑌬॒𑌰𑍍॒𑌹𑌿-𑌰𑍍𑌭॑𑌵𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 । 𑌦॒𑌕𑍍𑌷𑌿॒𑌣𑌾 𑌸𑍍𑌤𑍃॑𑌣𑌾𑌤𑌿 । 𑌦॒𑌕𑍍𑌷𑌿॒𑌣𑌾 𑌵𑍃॒𑌦𑍍𑌧𑌿 𑌪𑌿॑𑌤𑍃॒𑌣𑌾𑌮𑍍 । 𑌤𑍍𑌰𑌿𑌃 𑌪𑌰𑍍𑌯𑍇॑𑌤𑌿 । 𑌤𑍃॒𑌤𑍀𑌯𑍇॒ 𑌵𑌾 𑌇॒𑌤𑍋 𑌲𑍋॒𑌕𑍇 𑌪𑌿॒𑌤𑌰𑌃॑ । 𑌤𑌾𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌤𑍍𑌰𑌿𑌃 𑌪𑍁𑌨𑌃॒ 𑌪𑌰𑍍𑌯𑍇॑𑌤𑌿 । 𑌷𑌟𑍍𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 ॥ 5𑍮 ॥

𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌯-𑌤𑍍𑌪𑍍𑌰॑𑌸𑍍𑌤॒𑌰𑌂-𑌯𑌁𑌜𑍁॑𑌷𑌾 𑌗𑍃𑌹𑍍𑌣𑍀॒𑌯𑌾𑌤𑍍 । 𑌪𑍍𑌰॒𑌮𑌾𑌯𑍁॑𑌕𑍋॒ 𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 । 𑌯𑌨𑍍𑌨 𑌗𑍃॑𑌹𑍍𑌣𑍀॒𑌯𑌾𑌤𑍍 । 𑌅॒𑌨𑌾॒𑌯॒𑌤॒𑌨-𑌸𑍍𑌸𑍍𑌯𑌾᳚𑌤𑍍 । 𑌤𑍂॒𑌷𑍍𑌣𑍀𑌮𑍇॒𑌵 𑌨𑍍𑌯॑𑌸𑍍𑌯𑍇𑌤𑍍 । 𑌨 𑌪𑍍𑌰॒𑌮𑌾𑌯𑍁॑𑌕𑍋॒ 𑌭𑌵॑𑌤𑌿 । 𑌨𑌾𑌨𑌾॑𑌯𑌤॒𑌨𑌃 । 𑌯𑌤𑍍-𑌤𑍍𑌰𑍀𑌨𑍍-𑌪॑𑌰𑌿॒𑌧𑍀-𑌨𑍍𑌪॑𑌰𑌿𑌦॒𑌦𑍍𑌧𑍍𑌯𑌾𑌤𑍍 ॥ 5𑍯 ॥

𑌮𑍃॒𑌤𑍍𑌯𑍁𑌨𑌾॒ 𑌯𑌜॑𑌮𑌾𑌨॒-𑌮𑍍𑌪𑌰𑌿॑ 𑌗𑍃𑌹𑍍𑌣𑍀𑌯𑌾𑌤𑍍 । 𑌯𑌨𑍍𑌨 𑌪॑𑌰𑌿-𑌦॒𑌦𑍍𑌧𑍍𑌯𑌾𑌤𑍍 । 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌯॒𑌜𑍍𑌞𑌗𑍍𑌮𑍍 𑌹॑𑌨𑍍𑌯𑍁𑌃 । 𑌦𑍍𑌵𑍌 𑌪॑𑌰𑌿॒𑌧𑍀 𑌪𑌰𑌿॑𑌦𑌧𑌾𑌤𑌿 । 𑌰𑌕𑍍𑌷॑𑌸𑌾॒-𑌮𑌪॑𑌹𑌤𑍍𑌯𑍈 । 𑌅𑌥𑍋॑ 𑌮𑍃॒𑌤𑍍𑌯𑍋𑌰𑍇॒𑌵 𑌯𑌜॑𑌮𑌾𑌨॒-𑌮𑍁𑌥𑍍𑌸𑍃॑𑌜𑌤𑌿 । 𑌯-𑌤𑍍𑌤𑍍𑌰𑍀𑌣𑌿॑ 𑌤𑍍𑌰𑍀𑌣𑌿 𑌹॒𑌵𑍀𑌗𑍍𑌷𑍍𑌯𑍁॑𑌦𑌾॒𑌹𑌰𑍇॑𑌯𑍁𑌃 । 𑌤𑍍𑌰𑌯॑𑌸𑍍𑌤𑍍𑌰𑌯 𑌏𑌷𑌾𑌗𑍍𑌮𑍍 𑌸𑌾॒𑌕-𑌮𑍍𑌪𑍍𑌰𑌮𑍀॑𑌯𑍇𑌰𑌨𑍍𑌨𑍍 । 𑌏𑌕𑍈॑𑌕-𑌮𑌨𑍂॒𑌚𑍀𑌨𑌾᳚-𑌨𑍍𑌯𑍁॒𑌦𑌾𑌹॑𑌰𑌨𑍍𑌤𑌿 । 𑌏𑌕𑍈॑𑌕 𑌏॒𑌵𑍈𑌷𑌾॑𑌮॒𑌨𑍍𑌵𑌞𑍍𑌚𑌃॒ 𑌪𑍍𑌰𑌮𑍀॑𑌯𑌤𑍇 । 𑌕॒𑌶𑌿𑌪𑍁॑ 𑌕𑌶𑌿𑌪॒𑌵𑍍𑌯𑌾॑𑌯 । 𑌉॒𑌪॒𑌬𑌰𑍍𑌹॑𑌣-𑌮𑍁𑌪𑌬𑌰𑍍𑌹॒𑌣𑍍𑌯𑌾॑𑌯 । 𑌆𑌞𑍍𑌜॑𑌨-𑌮𑌾𑌞𑍍𑌜॒𑌨𑍍𑌯𑌾॑𑌯 । 𑌅॒𑌭𑍍𑌯𑌞𑍍𑌜॑𑌨-𑌮𑌭𑍍𑌯𑌞𑍍𑌜॒𑌨𑍍𑌯𑌾॑𑌯 । 𑌯॒𑌥𑌾॒𑌭𑌾॒𑌗𑌮𑍇॒𑌵𑍈𑌨𑌾᳚-𑌨𑍍𑌪𑍍𑌰𑍀𑌣𑌾𑌤𑌿 ॥ 60 ॥

(𑌨𑌿॒𑌰𑌵॑𑌦𑌯𑌤𑍇 – 𑌪𑌿𑌤𑍃॒𑌮𑌾 – 𑌨॑𑌗𑍍𑌨𑌿𑌷𑍍𑌵𑌾॒𑌤𑍍𑌤𑌾 – 𑌏𑌕॒𑌯𑍋𑌪॑ 𑌮𑌨𑍍𑌥॒ – 𑌤𑍍𑌯𑌖𑌾॑𑌤𑌾 𑌭𑌵𑌤𑌿-𑌮𑌨𑍁॒𑌷𑍍𑌯𑌾॑𑌣𑌾𑌂 – 𑌪𑌦𑍍𑌯𑌨𑍍𑌤𑍇 – 𑌪𑌰𑌿𑌦॒𑌦𑍍𑌧𑍍𑌯𑌾𑌨𑍍 – 𑌮𑍀॑𑌯𑌤𑍇॒ 𑌪𑌞𑍍𑌚॑ 𑌚) (𑌅. 𑍮)

𑌅𑌨𑍁𑌵𑌾𑌕𑌂 𑍯 – 𑌤𑌚𑍍𑌛𑍇𑌷𑌃
𑌅॒𑌗𑍍𑌨𑌯𑍇॑ 𑌦𑍇॒𑌵𑍇𑌭𑍍𑌯𑌃॑ 𑌪𑌿॒𑌤𑍃𑌭𑍍𑌯॑-𑌸𑍍𑌸𑌮𑌿॒𑌦𑍍𑌧𑍍𑌯𑌮𑌾॑𑌨𑌾॒𑌯𑌾𑌨𑍁॑𑌬𑍍𑌰𑍂॒𑌹𑍀𑌤𑍍𑌯𑌾॑𑌹 ।
𑌉॒𑌭𑌯𑍇॒ 𑌹𑌿 𑌦𑍇॒𑌵𑌾𑌶𑍍𑌚॑ 𑌪𑌿॒𑌤𑌰॑𑌶𑍍𑌚𑍇॒𑌜𑍍𑌯𑌨𑍍𑌤𑍇᳚ । 𑌏𑌕𑌾॒𑌮𑌨𑍍𑌵𑌾॑𑌹 । 𑌏𑌕𑌾॒ 𑌹𑌿 𑌪𑌿॑𑌤𑍃॒𑌣𑌾𑌮𑍍 । 𑌤𑍍𑌰𑌿𑌰𑌨𑍍𑌵𑌾॑𑌹 । 𑌤𑍍𑌰𑌿𑌰𑍍𑌹𑌿 𑌦𑍇॒𑌵𑌾𑌨𑌾᳚𑌮𑍍 । 𑌆॒𑌘𑌾॒𑌰𑌾𑌵𑌾𑌘𑌾॑𑌰𑌯𑌤𑌿 । 𑌯॒𑌜𑍍𑌞॒ 𑌪॒𑌰𑍁𑌷𑍋॒𑌰𑌨॑𑌨𑍍𑌤𑌰𑌿𑌤𑍍𑌯𑍈 । 𑌨𑌾𑌰𑍍𑌷𑍇॒𑌯𑌂-𑌵𑍃𑌁॑𑌣𑍀𑌤𑍇 । 𑌨 𑌹𑍋𑌤𑌾॑𑌰𑌮𑍍 ॥ 61 ॥

𑌯𑌦𑌾॑𑌰𑍍𑌷𑍇॒𑌯𑌂-𑌵𑍃𑌁॑𑌣𑍀॒𑌤 । 𑌯𑌦𑍍𑌧𑍋𑌤𑌾॑𑌰𑌮𑍍 । 𑌪𑍍𑌰॒𑌮𑌾𑌯𑍁॑𑌕𑍋॒ 𑌯𑌜॑𑌮𑌾𑌨-𑌸𑍍𑌸𑍍𑌯𑌾𑌤𑍍 । 𑌪𑍍𑌰॒𑌮𑌾𑌯𑍁॑𑌕𑍋॒ 𑌹𑍋𑌤𑌾᳚ । 𑌤𑌸𑍍𑌮𑌾॒𑌨𑍍𑌨 𑌵𑍃॑𑌣𑍀𑌤𑍇 । 𑌯𑌜॑𑌮𑌾𑌨𑌸𑍍𑌯॒ 𑌹𑍋𑌤𑍁॑-𑌰𑍍𑌗𑍋𑌪𑍀॒𑌥𑌾𑌯॑ । 𑌅𑌪॑𑌬𑌰𑍍𑌹𑌿𑌷𑌃 𑌪𑍍𑌰𑌯𑌾॒𑌜𑌾𑌨𑍍.-𑌯॑𑌜𑌤𑌿 । 𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 । 𑌪𑍍𑌰॒𑌜𑌾 𑌏॒𑌵 𑌮𑍃॒𑌤𑍍𑌯𑍋𑌰𑍁𑌥𑍍𑌸𑍃॑𑌜𑌤𑌿 । 𑌆𑌜𑍍𑌯॑𑌭𑌾𑌗𑍌 𑌯𑌜𑌤𑌿 ॥ 62 ॥

𑌯॒𑌜𑍍𑌞𑌸𑍍𑌯𑍈॒𑌵 𑌚𑌕𑍍𑌷𑍁॑𑌷𑍀॒ 𑌨𑌾𑌨𑍍𑌤𑌰𑍇॑𑌤𑌿 । 𑌪𑍍𑌰𑌾॒𑌚𑍀॒𑌨𑌾॒𑌵𑍀॒𑌤𑍀 𑌸𑍋𑌮𑌂॑-𑌯𑌁𑌜𑌤𑌿 । 𑌪𑌿॒𑌤𑍃॒𑌦𑍇॒𑌵॒𑌤𑍍𑌯𑌾॑ 𑌹𑌿 । 𑌏॒𑌷𑌾 𑌽𑌽𑌹𑍁॑𑌤𑌿𑌃 । 𑌪𑌞𑍍𑌚॒ 𑌕𑍃𑌤𑍍𑌵𑍋-𑌽𑌵॑𑌦𑍍𑌯𑌤𑌿 । 𑌪𑌞𑍍𑌚॒ 𑌹𑍍𑌯𑍇॑𑌤𑌾 𑌦𑍇॒𑌵𑌤𑌾𑌃᳚ । 𑌦𑍍𑌵𑍇 𑌪𑍁॑𑌰𑍋-𑌽𑌨𑍁𑌵𑌾॒𑌕𑍍𑌯𑍇᳚ । 𑌯𑌾॒𑌜𑍍𑌯𑌾॑ 𑌦𑍇॒𑌵𑌤𑌾॑ 𑌵𑌷𑌟𑍍𑌕𑌾॒𑌰𑌃 । 𑌤𑌾 𑌏॒𑌵 𑌪𑍍𑌰𑍀॑𑌣𑌾𑌤𑌿 । 𑌸𑌨𑍍𑌤॑𑌤॒𑌮𑌵॑ 𑌦𑍍𑌯𑌤𑌿 ॥ 63 ॥

𑌋॒𑌤𑍂॒𑌨𑌾𑌗𑍍𑌮𑍍 𑌸𑌨𑍍𑌤॑𑌤𑍍𑌯𑍈 । 𑌪𑍍𑌰𑍈𑌵𑍈𑌭𑍍𑌯𑌃॒ 𑌪𑍂𑌰𑍍𑌵॑𑌯𑌾 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯॑𑌯𑌾 𑌽𑌽𑌹 । 𑌪𑍍𑌰𑌣॑𑌯𑌤𑌿 𑌦𑍍𑌵𑌿॒𑌤𑍀𑌯॑𑌯𑌾 । 𑌗॒𑌮𑌯॑𑌤𑌿 𑌯𑌾॒𑌜𑍍𑌯॑𑌯𑌾 । 𑌤𑍃॒𑌤𑍀𑌯𑍇॒ 𑌵𑌾 𑌇॒𑌤𑍋 𑌲𑍋॒𑌕𑍇 𑌪𑌿॒𑌤𑌰𑌃॑ । 𑌅𑌹𑍍𑌨॑ 𑌏॒𑌵𑍈𑌨𑌾॒-𑌨𑍍𑌪𑍂𑌰𑍍𑌵॑𑌯𑌾 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯॑𑌯𑌾॒ 𑌽𑌤𑍍𑌯𑌾𑌨॑𑌯𑌤𑌿 । 𑌰𑌾𑌤𑍍𑌰𑌿॑𑌯𑍈 𑌦𑍍𑌵𑌿॒𑌤𑍀𑌯॑𑌯𑌾 । 𑌐𑌵𑍈𑌨𑌾𑌨𑍍॑. 𑌯𑌾॒𑌜𑍍𑌯॑𑌯𑌾 𑌗𑌮𑌯𑌤𑌿 । 𑌦॒𑌕𑍍𑌷𑌿॒𑌣॒𑌤𑍋॑-𑌽𑌵॒𑌦𑌾𑌯॑ । 𑌉𑌦॒𑌙𑍍𑌙𑌤𑌿॑ 𑌕𑍍𑌰𑌾𑌮𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 ॥ 64 ॥

𑌆 𑌸𑍍𑌵॒𑌧𑍇𑌤𑍍𑌯𑌾-𑌶𑍍𑌰𑌾॑𑌵𑌯𑌤𑌿 । 𑌅𑌸𑍍𑌤𑍁॑ 𑌸𑍍𑌵॒𑌧𑍇𑌤𑌿॑ 𑌪𑍍𑌰॒𑌤𑍍𑌯𑌾𑌶𑍍𑌰𑌾॑𑌵𑌯𑌤𑌿 । 𑌸𑍍𑌵॒𑌧𑌾 𑌨𑌮॒ 𑌇𑌤𑌿॒ 𑌵𑌷॑𑌟𑍍𑌕𑌰𑍋𑌤𑌿 । 𑌸𑍍𑌵॒𑌧𑌾॒𑌕𑌾॒𑌰𑍋 𑌹𑌿 𑌪𑌿॑𑌤𑍃॒𑌣𑌾𑌮𑍍 । 𑌸𑍋𑌮॒𑌮𑌗𑍍𑌰𑍇॑ 𑌯𑌜𑌤𑌿 । 𑌸𑍋𑌮॑ 𑌪𑍍𑌰𑌯𑌾𑌜𑌾॒ 𑌹𑌿 𑌪𑌿॒𑌤𑌰𑌃॑ । 𑌸𑍋𑌮॑-𑌮𑍍𑌪𑌿𑌤𑍃॒𑌮𑌨𑍍𑌤𑌂॑-𑌯𑌁𑌜𑌤𑌿 । 𑌸𑌂॒𑌵𑌁॒𑌥𑍍𑌸॒𑌰𑍋 𑌵𑍈 𑌸𑍋𑌮𑌃॑ 𑌪𑌿𑌤𑍃॒𑌮𑌾𑌨𑍍 । 𑌸𑌂॒𑌵𑌁॒𑌥𑍍𑌸॒𑌰𑌮𑍇॒𑌵 𑌤-𑌦𑍍𑌯॑𑌜𑌤𑌿 । 𑌪𑌿॒𑌤𑍄𑌨𑍍-𑌬॑𑌰𑍍𑌹𑌿॒𑌷𑌦𑍋॑ 𑌯𑌜𑌤𑌿 ॥ 65 ॥

𑌯𑍇 𑌵𑍈 𑌯𑌜𑍍𑌵𑌾॑𑌨𑌃 । 𑌤𑍇 𑌪𑌿॒𑌤𑌰𑍋॑ 𑌬𑌰𑍍𑌹𑌿॒𑌷𑌦𑌃॑ । 𑌤𑌾𑌨𑍇॒𑌵 𑌤-𑌦𑍍𑌯॑𑌜𑌤𑌿 । 𑌪𑌿॒𑌤𑍄𑌨॑𑌗𑍍𑌨𑌿𑌷𑍍𑌵𑌾॒𑌤𑍍𑌤𑌾𑌨𑍍. 𑌯॑𑌜𑌤𑌿 । 𑌯𑍇 𑌵𑌾 𑌅𑌯॑𑌜𑍍𑌵𑌾𑌨𑍋 𑌗𑍃𑌹𑌮𑍇॒𑌧𑌿𑌨𑌃॑ । 𑌤𑍇 𑌪𑌿॒𑌤𑌰𑍋᳚-𑌽𑌗𑍍𑌨𑌿𑌷𑍍𑌵𑌾॒𑌤𑍍𑌤𑌾𑌃 । 𑌤𑌾𑌨𑍇॒𑌵 𑌤-𑌦𑍍𑌯॑𑌜𑌤𑌿 । 𑌅॒𑌗𑍍𑌨𑌿-𑌙𑍍𑌕॑𑌵𑍍𑌯॒𑌵𑌾𑌹॑𑌨𑌂-𑌯𑌁𑌜𑌤𑌿 । 𑌯 𑌏॒𑌵 𑌪𑌿॑𑌤𑍃॒𑌣𑌾𑌮॒𑌗𑍍𑌨𑌿𑌃 । 𑌤𑌮𑍇॒𑌵 𑌤-𑌦𑍍𑌯॑𑌜𑌤𑌿 ॥ 66 ॥

𑌅𑌥𑍋॒ 𑌯𑌥𑌾॒-𑌽𑌗𑍍𑌨𑌿𑌗𑍍𑌗𑍍 𑌸𑍍𑌵𑌿॑𑌷𑍍𑌟॒𑌕𑍃𑌤𑌂॒-𑌯𑌁𑌜॑𑌤𑌿 । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌏॒𑌤𑌤𑍍𑌤𑍇॑ 𑌤𑌤॒ 𑌯𑍇 𑌚॒ 𑌤𑍍𑌵𑌾𑌮𑌨𑍍𑌵𑌿𑌤𑌿॑ 𑌤𑌿॒𑌸𑍃𑌷𑍁॑ 𑌸𑍍𑌰॒𑌕𑍍𑌤𑍀𑌷𑍁॒ 𑌨𑌿𑌦॑𑌧𑌾𑌤𑌿 । 𑌤𑌸𑍍𑌮𑌾॒𑌦𑌾 𑌤𑍃॒𑌤𑍀𑌯𑌾॒-𑌤𑍍𑌪𑍁𑌰𑍁॑𑌷𑌾॒𑌨𑍍𑌨𑌾𑌮॒ 𑌨 𑌗𑍃॑𑌹𑍍𑌣𑌨𑍍𑌤𑌿 । 𑌏॒𑌤𑌾𑌵॑𑌨𑍍𑌤𑍋॒ 𑌹𑍀𑌜𑍍𑌯𑌨𑍍𑌤𑍇᳚ । 𑌅𑌤𑍍𑌰॑ 𑌪𑌿𑌤𑌰𑍋 𑌯𑌥𑌾𑌭𑌾॒𑌗-𑌮𑍍𑌮॑𑌨𑍍𑌦𑌦𑍍𑌧𑍍𑌵॒𑌮𑌿𑌤𑍍𑌯𑌾॑𑌹 । 𑌹𑍍𑌲𑍀𑌕𑌾॒ 𑌹𑌿 𑌪𑌿॒𑌤𑌰𑌃॑ । 𑌉𑌦॑𑌞𑍍𑌚𑍋॒ 𑌨𑌿𑌷𑍍𑌕𑍍𑌰𑌾॑𑌮𑌨𑍍𑌤𑌿 । 𑌏॒𑌷𑌾 𑌵𑍈 𑌮॑𑌨𑍁॒𑌷𑍍𑌯𑌾॑𑌣𑌾॒-𑌨𑍍𑌦𑌿𑌕𑍍 । 𑌸𑍍𑌵𑌾𑌮𑍇॒𑌵 𑌤-𑌦𑍍𑌦𑌿𑌶॒𑌮𑌨𑍁॒ 𑌨𑌿𑌷𑍍𑌕𑍍𑌰𑌾॑𑌮𑌨𑍍𑌤𑌿 ॥ 6𑍭 ॥

𑌆॒𑌹॒𑌵॒𑌨𑍀𑌯॒-𑌮𑍁𑌪॑𑌤𑌿𑌷𑍍𑌠𑌨𑍍𑌤𑍇 । 𑌨𑍍𑌯𑍇॑𑌵𑌾𑌸𑍍𑌮𑍈॒ 𑌤𑌦𑍍𑌧𑍍𑌨𑍁॑𑌵𑌤𑍇 । 𑌯𑌥𑍍𑌸॒𑌤𑍍𑌯𑌾॑𑌹𑌵॒𑌨𑍀𑌯𑍇᳚ । 𑌅𑌥𑌾॒𑌨𑍍𑌯𑌤𑍍𑌰॒ 𑌚𑌰॑𑌨𑍍𑌤𑌿 । 𑌆𑌤𑌮𑌿॑𑌤𑍋॒𑌰𑍁𑌪॑𑌤𑌿𑌷𑍍𑌠𑌨𑍍𑌤𑍇 । 𑌅॒𑌗𑍍𑌨𑌿𑌮𑍇॒𑌵𑍋𑌪॑𑌦𑍍𑌰॒𑌷𑍍𑌟𑌾𑌰॑-𑌙𑍍𑌕𑍃॒𑌤𑍍𑌵𑌾 । 𑌪𑌿॒𑌤𑍄-𑌨𑍍𑌨𑌿॒𑌰𑌵॑𑌦𑌯𑌨𑍍𑌤𑍇 । 𑌅𑌨𑍍𑌤𑌂॒-𑌵𑌾𑌁 𑌏॒𑌤𑍇 𑌪𑍍𑌰𑌾॒𑌣𑌾𑌨𑌾᳚-𑌙𑍍𑌗𑌚𑍍𑌛𑌨𑍍𑌤𑌿 । 𑌯 𑌆𑌤𑌮𑌿॑𑌤𑍋𑌰𑍁𑌪॒𑌤𑌿𑌷𑍍𑌠॑𑌨𑍍𑌤𑍇 । 𑌸𑍁॒𑌸॒𑌨𑍍𑌦𑍃𑌶॑-𑌨𑍍𑌤𑍍𑌵𑌾 𑌵॒𑌯𑌮𑌿𑌤𑍍𑌯𑌾॑𑌹 ॥ 6𑍮 ॥

𑌪𑍍𑌰𑌾॒𑌣𑍋 𑌵𑍈 𑌸𑍁॑𑌸॒𑌨𑍍𑌦𑍃𑌕𑍍 । 𑌪𑍍𑌰𑌾॒𑌣𑌮𑍇॒𑌵𑌾𑌤𑍍𑌮𑌨𑍍-𑌦॑𑌧𑌤𑍇 । 𑌯𑍋𑌜𑌾॒ 𑌨𑍍𑌵𑌿॑𑌨𑍍𑌦𑍍𑌰 𑌤𑍇॒ 𑌹𑌰𑍀॒ 𑌇𑌤𑍍𑌯𑌾॑𑌹 । 𑌪𑍍𑌰𑌾॒𑌣𑌮𑍇॒𑌵 𑌪𑍁𑌨॑𑌰𑌯𑍁𑌕𑍍𑌤 । 𑌅𑌕𑍍𑌷॒𑌨𑍍𑌨𑌮𑍀॑𑌮𑌦𑌨𑍍𑌤॒ 𑌹𑍀𑌤𑌿॒ 𑌗𑌾𑌰𑍍𑌹॑𑌪𑌤𑍍𑌯॒-𑌮𑍁𑌪॑𑌤𑌿𑌷𑍍𑌠𑌨𑍍𑌤𑍇 । 𑌅𑌕𑍍𑌷॒𑌨𑍍𑌨𑌮𑍀॑𑌮𑌦॒𑌨𑍍𑌤𑌾𑌥॒ 𑌤𑍍𑌵𑍋𑌪॑𑌤𑌿𑌷𑍍𑌠𑌾𑌮𑌹॒ 𑌇𑌤𑌿॒ 𑌵𑌾𑌵𑍈𑌤𑌦𑌾॑𑌹 । 𑌅𑌮𑍀॑𑌮𑌦𑌨𑍍𑌤 𑌪𑌿॒𑌤𑌰॑-𑌸𑍍𑌸𑍋॒𑌮𑍍𑌯𑌾 𑌇𑌤𑍍𑌯॒𑌭𑌿 𑌪𑍍𑌰𑌪॑𑌦𑍍𑌯𑌨𑍍𑌤𑍇 । 𑌅𑌮𑍀॑𑌮𑌦𑌨𑍍𑌤 𑌪𑌿॒𑌤𑌰𑍋-𑌽𑌥॑ 𑌤𑍍𑌵𑌾॒-𑌽𑌭𑌿 𑌪𑍍𑌰𑌪॑𑌦𑍍𑌯𑌾𑌮𑌹॒ 𑌇𑌤𑌿॒ 𑌵𑌾𑌵𑍈𑌤𑌦𑌾॑𑌹 । 𑌅॒𑌪𑌃 𑌪𑌰𑌿॑𑌷𑌿𑌞𑍍𑌚𑌤𑌿 । 𑌮𑌾॒𑌰𑍍𑌜𑌯॑𑌤𑍍𑌯𑍇॒𑌵𑍈𑌨𑌾𑌨𑍍॑ ॥ 6𑍯 ॥

𑌅𑌥𑍋॑ 𑌤॒𑌰𑍍𑌪𑌯॑𑌤𑍍𑌯𑍇॒𑌵 । 𑌤𑍃𑌪𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ । 𑌯 𑌏॒𑌵𑌂-𑌵𑍇𑌁𑌦॑ । 𑌅𑌪॑ 𑌬𑌰𑍍𑌹𑌿𑌷𑌾𑌵𑌨𑍂𑌯𑌾॒𑌜𑍌 𑌯॑𑌜𑌤𑌿 । 𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 । 𑌪𑍍𑌰॒𑌜𑌾 𑌏॒𑌵 𑌮𑍃॒𑌤𑍍𑌯𑍋𑌰𑍁𑌥𑍍𑌸𑍃॑𑌜𑌤𑌿 । 𑌚॒𑌤𑍁𑌰𑌃॑ 𑌪𑍍𑌰𑌯𑌾॒𑌜𑌾𑌨𑍍. 𑌯॑𑌜𑌤𑌿 । 𑌦𑍍𑌵𑌾𑌵॑𑌨𑍂𑌯𑌾॒𑌜𑍌 । 𑌷𑌟𑍍𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ ॥ 𑍭0 ॥

𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌨 𑌪𑌤𑍍𑌨𑍍𑌯𑌨𑍍𑌵𑌾᳚𑌸𑍍𑌤𑍇 । 𑌨 𑌸𑌂𑌯𑌾𑌁॑𑌜𑌯𑌨𑍍𑌤𑌿 । 𑌯𑌤𑍍𑌪𑌤𑍍𑌨𑍍𑌯॒𑌨𑍍𑌵𑌾𑌸𑍀॑𑌤 । 𑌯𑌥𑍍𑌸𑌂॑𑌯𑌾𑌁॒𑌜𑌯𑍇॑𑌯𑍁𑌃 । 𑌪𑍍𑌰॒𑌮𑌾𑌯𑍁॑𑌕𑌾 𑌸𑍍𑌯𑌾𑌤𑍍 । 𑌤𑌸𑍍𑌮𑌾॒𑌨𑍍𑌨𑌾𑌨𑍍𑌵𑌾᳚𑌸𑍍𑌤𑍇 । 𑌨 𑌸𑌂𑌯𑌾𑌁॑𑌜𑌯𑌨𑍍𑌤𑌿 । 𑌪𑌤𑍍𑌨𑌿॑𑌯𑍈 𑌗𑍋𑌪𑍀॒𑌥𑌾𑌯॑ ॥ 𑍭1 ॥
(𑌹𑍋𑌤𑌾॑𑌰॒ – 𑌮𑌾𑌜𑍍𑌯॑𑌭𑌾𑌗𑍌 𑌯𑌜𑌤𑌿॒ – 𑌸𑌨𑍍𑌤॑𑌤॒𑌮𑌵॑𑌦𑍍𑌯𑌤𑌿॒ – 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 – 𑌬𑌰𑍍𑌹𑌿॒𑌷𑌦𑍋॑ 𑌯𑌜𑌤𑌿॒ – 𑌤𑌮𑍇॒𑌵 𑌤-𑌦𑍍𑌯॑𑌜॒- 𑌤𑍍𑌯𑌨𑍁॒ 𑌨𑌿𑌷𑍍𑌕𑍍𑌰𑌾॑𑌮𑌨𑍍𑌤𑍍𑌯𑌾 – 𑌹𑍈 – 𑌨𑌾𑌨𑍍 – 𑌋॒𑌤𑌵𑍋॒ – +𑌨𑌵॑ 𑌚) (𑌅. 𑍯)

𑌅𑌨𑍁𑌵𑌾𑌕𑌂 10 – 𑌤𑍍𑌰𑍍𑌯𑌮𑍍𑌬𑌕𑌹𑌵𑍀𑌂𑌷𑌿
𑌪𑍍𑌰॒𑌤𑌿॒𑌪𑍂॒𑌰𑍁॒𑌷𑌮𑍇𑌕॑𑌕𑌪𑌾𑌲𑌾॒-𑌨𑍍𑌨𑌿𑌰𑍍𑌵॑𑌪𑌤𑌿 । 𑌜𑌾॒𑌤𑌾 𑌏॒𑌵 𑌪𑍍𑌰॒𑌜𑌾 𑌰𑍁॒𑌦𑍍𑌰𑌾𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌏𑌕॒𑌮𑌤𑌿॑𑌰𑌿𑌕𑍍𑌤𑌮𑍍 । 𑌜॒𑌨𑌿॒𑌷𑍍𑌯𑌮𑌾॑𑌣𑌾 𑌏॒𑌵 𑌪𑍍𑌰॒𑌜𑌾 𑌰𑍁॒𑌦𑍍𑌰𑌾𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌏𑌕॑𑌕𑌪𑌾𑌲𑌾 𑌭𑌵𑌨𑍍𑌤𑌿 । 𑌏॒𑌕॒𑌧𑍈𑌵 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌨𑌾𑌭𑌿𑌘𑌾॑𑌰𑌯𑌤𑌿 । 𑌯𑌦॑𑌭𑌿𑌘𑌾॒𑌰𑌯𑍇᳚𑌤𑍍 । 𑌅॒𑌨𑍍𑌤॒𑌰॒𑌵॒𑌚𑌾॒𑌰𑌿𑌣𑌗𑍍𑌮𑍍॑ 𑌰𑍁॒𑌦𑍍𑌰-𑌙𑍍𑌕𑍁॑𑌰𑍍𑌯𑌾𑌤𑍍 । 𑌏॒𑌕𑍋॒𑌲𑍍𑌮𑍁॒𑌕𑍇𑌨॑ 𑌯𑌨𑍍𑌤𑌿 ॥ 𑍭2 ॥

𑌤𑌦𑍍𑌧𑌿 𑌰𑍁॒𑌦𑍍𑌰𑌸𑍍𑌯॑ 𑌭𑌾𑌗॒𑌧𑍇𑌯᳚𑌮𑍍 । 𑌇॒𑌮𑌾-𑌨𑍍𑌦𑌿𑌶𑌂॑-𑌯𑌁𑌨𑍍𑌤𑌿 । 𑌏॒𑌷𑌾 𑌵𑍈 𑌰𑍁॒𑌦𑍍𑌰𑌸𑍍𑌯॒ 𑌦𑌿𑌕𑍍 । 𑌸𑍍𑌵𑌾𑌯𑌾॑𑌮𑍇॒𑌵 𑌦𑌿॒𑌶𑌿 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌰𑍁॒𑌦𑍍𑌰𑍋 𑌵𑌾 𑌅॑𑌪॒𑌶𑍁𑌕𑌾॑𑌯𑌾॒ 𑌆𑌹𑍁॑𑌤𑍍𑌯𑍈॒ 𑌨𑌾𑌤𑌿॑𑌷𑍍𑌠𑌤 । 𑌅॒𑌸𑍌 𑌤𑍇॑ 𑌪॒𑌶𑍁𑌰𑌿𑌤𑌿॒ 𑌨𑌿𑌰𑍍𑌦𑌿॑𑌶𑍇॒𑌦𑍍𑌯-𑌨𑍍𑌦𑍍𑌵𑌿॒𑌷𑍍𑌯𑌾𑌤𑍍 । 𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॑ । 𑌤𑌮॑𑌸𑍍𑌮𑍈 𑌪॒𑌶𑍁-𑌨𑍍𑌨𑌿𑌰𑍍𑌦𑌿॑𑌶𑌤𑌿 । 𑌯𑌦𑌿॒ 𑌨 𑌦𑍍𑌵𑌿॒𑌷𑍍𑌯𑌾𑌤𑍍 । 𑌆॒𑌖𑍁𑌸𑍍𑌤𑍇॑ 𑌪॒𑌶𑍁𑌰𑌿𑌤𑌿॑ 𑌬𑍍𑌰𑍂𑌯𑌾𑌤𑍍 ॥ 𑍭3 ॥

𑌨 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌨𑍍. 𑌹𑌿॒𑌨𑌸𑍍𑌤𑌿॑ । 𑌨𑌾𑌰॒𑌣𑍍𑌯𑌾𑌨𑍍 । 𑌚॒𑌤𑍁॒𑌷𑍍𑌪॒𑌥𑍇 𑌜𑍁॑𑌹𑍋𑌤𑌿 । 𑌏॒𑌷 𑌵𑌾 𑌅॑𑌗𑍍𑌨𑍀॒𑌨𑌾-𑌮𑍍𑌪𑌡𑍍𑌬𑍀॑𑌶𑍋॒ 𑌨𑌾𑌮॑ । 𑌅॒𑌗𑍍𑌨𑌿॒𑌵𑌤𑍍𑌯𑍇॒𑌵 𑌜𑍁॑𑌹𑍋𑌤𑌿 । 𑌮॒𑌦𑍍𑌧𑍍𑌯॒𑌮𑍇𑌨॑ 𑌪॒𑌰𑍍𑌣𑍇𑌨॑ 𑌜𑍁𑌹𑍋𑌤𑌿 । 𑌸𑍍𑌰𑍁𑌗𑍍𑌘𑍍𑌯𑍇॑𑌷𑌾 । 𑌅𑌥𑍋॒ 𑌖𑌲𑍁॑ । 𑌅॒𑌨𑍍𑌤॒𑌮𑍇𑌨𑍈॒𑌵 𑌹𑍋॑𑌤॒𑌵𑍍𑌯᳚𑌮𑍍 । 𑌅॒𑌨𑍍𑌤॒𑌤 𑌏॒𑌵 𑌰𑍁॒𑌦𑍍𑌰-𑌨𑍍𑌨𑌿॒𑌰𑌵॑𑌦𑌯𑌤𑍇 ॥ 𑍭4 ॥

𑌏॒𑌷 𑌤𑍇॑ 𑌰𑍁𑌦𑍍𑌰 𑌭𑌾॒𑌗-𑌸𑍍𑌸॒𑌹 𑌸𑍍𑌵𑌸𑍍𑌰𑌾-𑌽𑌮𑍍𑌬𑌿॑𑌕॒𑌯𑍇𑌤𑍍𑌯𑌾॑𑌹 । 𑌶॒𑌰𑌦𑍍𑌵𑌾 𑌅॒𑌸𑍍𑌯𑌾𑌮𑍍𑌬𑌿॑𑌕𑌾॒ 𑌸𑍍𑌵𑌸𑌾᳚ । 𑌤𑌯𑌾॒ 𑌵𑌾 𑌏॒𑌷 𑌹𑌿॑𑌨𑌸𑍍𑌤𑌿 । 𑌯𑌗𑍍𑌮𑍍 𑌹𑌿॒𑌨𑌸𑍍𑌤𑌿॑ । 𑌤𑌯𑍈॒𑌵𑍈𑌨𑌗𑍍𑌮𑍍॑ 𑌸॒𑌹 𑌶॑𑌮𑌯𑌤𑌿 । 𑌭𑍇॒𑌷॒𑌜-𑌙𑍍𑌗𑌵॒ 𑌇𑌤𑍍𑌯𑌾॑𑌹 । 𑌯𑌾𑌵॑𑌨𑍍𑌤 𑌏॒𑌵 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑌃॑ । 𑌤𑍇𑌭𑍍𑌯𑍋॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑌿 । 𑌅𑌵𑌾᳚𑌮𑍍𑌬 𑌰𑍁॒𑌦𑍍𑌰𑌮॑𑌦𑌿𑌮॒𑌹𑍀𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ॥ 𑍭5 ॥

𑌤𑍍𑌰𑍍𑌯॑𑌮𑍍𑌬𑌕𑌂-𑌯𑌁𑌜𑌾𑌮𑌹॒ 𑌇𑌤𑍍𑌯𑌾॑𑌹 । 𑌮𑍃॒𑌤𑍍𑌯𑍋-𑌰𑍍𑌮𑍁॑𑌕𑍍𑌷𑍀𑌯॒ 𑌮𑌾 𑌽𑌮𑍃𑌤𑌾॒𑌦𑌿𑌤𑌿॒ 𑌵𑌾𑌵𑍈𑌤𑌦𑌾॑𑌹 । 𑌉𑌤𑍍𑌕𑌿॑𑌰𑌨𑍍𑌤𑌿 । 𑌭𑌗॑𑌸𑍍𑌯 𑌲𑍀𑌫𑍍𑌸𑌨𑍍𑌤𑍇 । 𑌮𑍂𑌤𑍇॑ 𑌕𑍃॒𑌤𑍍𑌵𑌾-𑌽𑌽𑌸॑𑌜𑌨𑍍𑌤𑌿 । 𑌯𑌥𑌾॒ 𑌜𑌨𑌂॑-𑌯𑌁॒𑌤𑍇॑-𑌽𑌵॒𑌸-𑌙𑍍𑌕॒𑌰𑍋𑌤𑌿॑ । 𑌤𑌾॒𑌦𑍃𑌗𑍇॒𑌵𑌤𑌤𑍍 । 𑌏॒𑌷 𑌤𑍇॑ 𑌰𑍁𑌦𑍍𑌰 𑌭𑌾॒𑌗 𑌇𑌤𑍍𑌯𑌾॑𑌹 𑌨𑌿॒𑌰𑌵॑𑌤𑍍𑌤𑍍𑌯𑍈 । 𑌅𑌪𑍍𑌰॑𑌤𑍀𑌕𑍍𑌷॒𑌮𑌾𑌯॑𑌨𑍍𑌤𑌿 । 𑌅॒𑌪𑌃 𑌪𑌰𑌿॑𑌷𑌿𑌞𑍍𑌚𑌤𑌿 । 𑌰𑍁॒𑌦𑍍𑌰𑌸𑍍𑌯𑌾॒𑌨𑍍𑌤𑌰𑍍𑌹𑌿॑𑌤𑍍𑌯𑍈 । 𑌪𑍍𑌰 𑌵𑌾 𑌏॒𑌤𑍇᳚-𑌽𑌸𑍍𑌮𑌾-𑌲𑍍𑌲𑍋॒𑌕𑌾𑌚𑍍𑌚𑍍𑌯॑𑌵𑌨𑍍𑌤𑍇 । 𑌯𑍇 𑌤𑍍𑌰𑍍𑌯॑𑌮𑍍𑌬𑌕𑍈॒𑌶𑍍𑌚𑌰॑𑌨𑍍𑌤𑌿 । 𑌆॒𑌦𑌿॒𑌤𑍍𑌯-𑌞𑍍𑌚॒𑌰𑍁-𑌮𑍍𑌪𑍁𑌨॒𑌰𑍇𑌤𑍍𑌯॒ 𑌨𑌿𑌰𑍍𑌵॑𑌪𑌤𑌿 । 𑌇॒𑌯𑌂-𑌵𑌾𑌁 𑌅𑌦𑌿॑𑌤𑌿𑌃 । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 ॥ 𑍭6 ॥
(𑌯॒𑌨𑍍𑌤𑌿॒ – 𑌬𑍍𑌰𑍂॒𑌯𑌾॒𑌨𑍍 – 𑌨𑌿॒𑌰𑌵॑𑌦𑌯𑌤𑍇 – 𑌶𑌾𑌸𑍍𑌤𑍇 – 𑌸𑌿𑌞𑍍𑌚𑌤𑌿॒ 𑌷𑌟𑍍𑌚॑) (𑌅. 10)

(𑌅𑌨𑍁॑𑌮𑌤𑍍𑌯𑍈 – 𑌵𑍈𑌶𑍍𑌵𑌦𑍇॒𑌵𑍇𑌨॒ 𑌤𑌾-𑌸𑍍𑌸𑍃॒𑌷𑍍𑌟𑌾 – 𑌸𑍍𑌤𑍍𑌰𑌿॒𑌵𑍃𑌤𑍍 – 𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌵𑌿॒ – 𑌤𑍋𑌤𑍍𑌤॑𑌰𑌸𑍍𑌯𑌾𑌂 – 𑌦𑍇𑌵𑌾𑌸𑍁॒𑌰𑌾-𑌸𑍍𑌸𑍋᳚-𑌽𑌗𑍍𑌨𑌿–𑌰𑍍 𑌯-𑌤𑍍𑌪𑌤𑍍𑌨𑍀॑ -𑌵𑍈𑌶𑍍𑌵𑌦𑍇॒𑌵𑍇𑌨॒ 𑌤𑌾 𑌵॑𑌰𑍁𑌣𑌪𑍍𑌰𑌘𑌾॒𑌸𑍈 – 𑌰॒𑌗𑍍𑌨𑌯𑍇॑ 𑌦𑍇॒𑌵𑍇𑌭𑍍𑌯𑌃॑ – 𑌪𑍍𑌰𑌤𑌿𑌪𑍂𑌰𑍁॒𑌷-𑌨𑍍𑌦𑌶॑)

(𑌅𑌨𑍁॑𑌮𑌤𑍍𑌯𑍈 – 𑌪𑍍𑌰𑌥𑌮॒𑌜𑍋 𑌵॒𑌥𑍍𑌸𑍋 – 𑌬॑𑌹𑍁𑌰𑍂॒𑌪𑌾 𑌹𑌿 𑌪॒𑌶𑌵॒ – 𑌸𑍍𑌤𑌸𑍍𑌮𑌾᳚-𑌤𑍍𑌪𑍃𑌥𑌮𑌾॒𑌤𑍍𑌰𑌂 – 𑌁𑌯𑌦॒𑌗𑍍𑌨𑌯𑍇-𑌽𑌨𑍀॑𑌕𑌵𑌤 – 𑌉𑌦𑍍𑌧𑌾॒𑌰𑌂-𑌵𑌾𑌁 – 𑌅॒𑌗𑍍𑌨𑌯𑍇॑ 𑌦𑍇॒𑌵𑍇𑌭𑍍𑌯॑ – 𑌋॒𑌤𑍂𑌨𑍇॒𑌵 𑌷𑌟𑍍𑌥𑍍𑌸॑𑌪𑍍𑌤𑌤𑌿𑌃)

(𑌅𑌨𑍁॑𑌮𑌤𑍍𑌯𑍈॒ – 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

प्रायः पृष्टाः प्रश्नाः

What is 1.6 - 𑌰𑌾𑌜𑌸𑍂𑌯𑌾𑌨𑍁𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌅𑌨𑍁𑌮𑌤𑍍𑌯𑍈 𑌪𑍁𑌰𑍋𑌡𑌾𑌶𑌮𑍍?

1.6 - 𑌰𑌾𑌜𑌸𑍂𑌯𑌾𑌨𑍁𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌅𑌨𑍁𑌮𑌤𑍍𑌯𑍈 𑌪𑍁𑌰𑍋𑌡𑌾𑌶𑌮𑍍 is a Sri Krishna Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 1.6 - 𑌰𑌾𑌜𑌸𑍂𑌯𑌾𑌨𑍁𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌅𑌨𑍁𑌮𑌤𑍍𑌯𑍈 𑌪𑍁𑌰𑍋𑌡𑌾𑌶𑌮𑍍 online?

Yes. The imported text is available directly on this page for online reading and recitation.

Can I download 1.6 - 𑌰𑌾𑌜𑌸𑍂𑌯𑌾𑌨𑍁𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌅𑌨𑍁𑌮𑌤𑍍𑌯𑍈 𑌪𑍁𑌰𑍋𑌡𑌾𑌶𑌮𑍍 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु