5 – 𑌪𑍍𑌰𑌵𑌰𑍍𑌗𑍍𑌯 𑌬𑍍𑌰𑌾𑌹𑍍𑌮𑌣𑌮𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 – 𑌦𑍇𑌵𑌾 𑌵𑍈 𑌸𑌤𑍍𑌰𑌮𑌾𑌸𑌤

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌪𑌞𑍍𑌚𑌮𑌃 𑌪𑍍𑌰𑌪𑌾𑌠𑌕𑌃 – 𑌪𑍍𑌰𑌵𑌰𑍍𑌗𑍍𑌯 𑌬𑍍𑌰𑌾𑌹𑍍𑌮𑌣𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1
𑌦𑍇॒𑌵𑌾 𑌵𑍈 𑌸॒𑌤𑍍𑌰𑌮𑌾॑𑌸𑌤 । 𑌋𑌦𑍍𑌧𑌿॑𑌪𑌰𑌿𑌮𑌿𑌤॒𑌮𑍍 𑌁𑌯𑌶॑𑌸𑍍𑌕𑌾𑌮𑌾𑌃 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌯𑌨𑍍𑌨𑌃॑ 𑌪𑍍𑌰𑌥॒𑌮𑌂-𑌯𑌁𑌶॑ 𑌋॒𑌚𑍍𑌛𑌾𑌤𑍍 । 𑌸𑌰𑍍𑌵𑍇॑𑌷𑌾-𑌨𑍍𑌨॒𑌸𑍍𑌤-𑌥𑍍𑌸॒𑌹𑌾𑌸॒𑌦𑌿𑌤𑌿॑ ।
𑌤𑍇𑌷𑌾᳚-𑌙𑍍𑌕𑍁𑌰𑍁𑌕𑍍𑌷𑍇॒𑌤𑍍𑌰𑌂-𑌵𑍇𑌁𑌦𑌿॑𑌰𑌾𑌸𑍀𑌤𑍍 । 𑌤𑌸𑍍𑌯𑍈॑ 𑌖𑌾𑌣𑍍𑌡॒𑌵𑍋 𑌦॑𑌕𑍍𑌷𑌿𑌣𑌾॒𑌰𑍍𑌧 𑌆॑𑌸𑍀𑌤𑍍 । 𑌤𑍂𑌰𑍍𑌘𑍍𑌨॑𑌮𑍁𑌤𑍍𑌤𑌰𑌾॒𑌰𑍍𑌧𑌃 । 𑌪॒𑌰𑍀॒𑌣𑌜𑍍𑌜॑𑌘𑌨𑌾॒𑌰𑍍𑌧𑌃 । 𑌮॒𑌰𑌵॑ 𑌉𑌤𑍍𑌕॒𑌰𑌃 ॥ 1 ॥

𑌤𑍇𑌷𑌾᳚-𑌮𑍍𑌮॒𑌖𑌂-𑌵𑍈𑌁᳚𑌷𑍍𑌣॒𑌵𑌂-𑌯𑌁𑌶॑ 𑌆𑌰𑍍𑌚𑍍𑌛𑌤𑍍 । 𑌤𑌨𑍍𑌨𑍍𑌯॑𑌕𑌾𑌮𑌯𑌤 । 𑌤𑍇𑌨𑌾𑌪𑌾᳚𑌕𑍍𑌰𑌾𑌮𑌤𑍍 । 𑌤-𑌨𑍍𑌦𑍇॒𑌵𑌾 𑌅𑌨𑍍𑌵𑌾॑𑌯𑌨𑍍𑌨𑍍 । 𑌯𑌶𑍋॑-𑌽𑌵॒𑌰𑍁𑌰𑍁॑𑌥𑍍𑌸𑌮𑌾𑌨𑌾𑌃 । 𑌤𑌸𑍍𑌯𑌾॒𑌨𑍍𑌵𑌾𑌗॑𑌤𑌸𑍍𑌯 ।
𑌸॒𑌵𑍍𑌯𑌾𑌦𑍍𑌧𑌨𑍁॒𑌰𑌜𑌾॑𑌯𑌤 । 𑌦𑌕𑍍𑌷𑌿॑𑌣𑌾॒𑌦𑌿𑌷॑𑌵𑌃 । 𑌤𑌸𑍍𑌮𑌾॑𑌦𑌿𑌷𑍁𑌧॒𑌨𑍍𑌵-𑌮𑍍𑌪𑍁𑌣𑍍𑌯॑𑌜𑌨𑍍𑌮 ।
𑌯॒𑌜𑍍𑌞𑌜॑𑌨𑍍𑌮𑌾॒ 𑌹𑌿 ॥ 2 ॥

𑌤𑌮𑍇𑌕॒𑌗𑍍𑌮𑍍॒ 𑌸𑌨𑍍𑌤᳚𑌮𑍍 । 𑌬॒𑌹𑌵𑍋॒ 𑌨𑌾𑌭𑍍𑌯॑𑌧𑍃𑌷𑍍𑌣𑍁𑌵𑌨𑍍𑌨𑍍 । 𑌤𑌸𑍍𑌮𑌾॒𑌦𑍇𑌕॑𑌮𑌿𑌷𑍁𑌧॒𑌨𑍍𑌵𑌿𑌨᳚𑌮𑍍 । 𑌬॒𑌹𑌵𑍋॑-𑌽𑌨𑌿𑌷𑍁𑌧॒𑌨𑍍𑌵𑌾 𑌨𑌾𑌭𑌿𑌧𑍃॑𑌷𑍍𑌣𑍁𑌵𑌨𑍍𑌤𑌿 । 𑌸𑍋᳚-𑌽𑌸𑍍𑌮𑌯𑌤 । 𑌏𑌕॑-𑌮𑍍𑌮𑌾॒ 𑌸𑌨𑍍𑌤॑-𑌮𑍍𑌬॒𑌹𑌵𑍋॒ 𑌨𑌾𑌭𑍍𑌯॑𑌧𑌰𑍍𑌷𑌿𑌷𑍁॒𑌰𑌿𑌤𑌿॑ ।
𑌤𑌸𑍍𑌯॑ 𑌸𑌿𑌷𑍍𑌮𑌿𑌯𑌾॒𑌣𑌸𑍍𑌯॒ 𑌤𑍇𑌜𑍋-𑌽𑌪𑌾᳚𑌕𑍍𑌰𑌾𑌮𑌤𑍍 । 𑌤-𑌦𑍍𑌦𑍇॒𑌵𑌾 𑌓𑌷॑𑌧𑍀𑌷𑍁॒ 𑌨𑍍𑌯॑𑌮𑍃𑌜𑍁𑌃 । 𑌤𑍇 𑌶𑍍𑌯𑌾॒𑌮𑌾𑌕𑌾॑ 𑌅𑌭𑌵𑌨𑍍𑌨𑍍 । 𑌸𑍍𑌮॒𑌯𑌾𑌕𑌾॒ 𑌵𑍈 𑌨𑌾𑌮𑍈॒𑌤𑍇 ॥ 3 ॥

𑌤-𑌥𑍍𑌸𑍍𑌮॒𑌯𑌾𑌕𑌾॑𑌨𑌾𑌗𑍍 𑌸𑍍𑌮𑌯𑌾𑌕॒𑌤𑍍𑌵𑌮𑍍 । 𑌤𑌸𑍍𑌮𑌾᳚-𑌦𑍍𑌦𑍀𑌕𑍍𑌷𑌿॒𑌤𑍇𑌨𑌾॑𑌪𑌿॒𑌗𑍃𑌹𑍍𑌯॑ 𑌸𑍍𑌮𑍇𑌤॒𑌵𑍍𑌯᳚𑌮𑍍 । 𑌤𑍇𑌜॑𑌸𑍋॒ 𑌧𑍃𑌤𑍍𑌯𑍈᳚ । 𑌸 𑌧𑌨𑍁𑌃॑ 𑌪𑍍𑌰𑌤𑌿॒𑌷𑍍𑌕𑌭𑍍𑌯𑌾॑𑌤𑌿𑌷𑍍𑌠𑌤𑍍 । 𑌤𑌾 𑌉॑𑌪॒𑌦𑍀𑌕𑌾॑ 𑌅𑌬𑍍𑌰𑍁𑌵॒𑌨𑍍-𑌵𑌰॑𑌮𑍍 𑌁𑌵𑍃𑌣𑌾𑌮𑌹𑍈 । 𑌅𑌥॑ 𑌵 𑌇॒𑌮𑌗𑍍𑌮𑍍 𑌰॑𑌨𑍍𑌧𑌯𑌾𑌮 ।
𑌯𑌤𑍍𑌰॒ 𑌕𑍍𑌵॑ 𑌚॒ 𑌖𑌨𑌾॑𑌮 । 𑌤𑌦॒𑌪𑍋॑-𑌽𑌭𑌿𑌤𑍃॑𑌣𑌦𑌾॒𑌮𑍇𑌤𑌿॑ ।
𑌤𑌸𑍍𑌮𑌾॑𑌦𑍁𑌪॒𑌦𑍀𑌕𑌾॒ 𑌯𑌤𑍍𑌰॒ 𑌕𑍍𑌵॑ 𑌚॒ 𑌖𑌨॑𑌨𑍍𑌤𑌿 । 𑌤𑌦॒𑌪𑍋॑-𑌽𑌭𑌿𑌤𑍃॑𑌨𑍍𑌦𑌨𑍍𑌤𑌿 ॥ 4 ॥

𑌵𑌾𑌰𑍇॑𑌵𑍃𑌤॒𑌗𑍍𑌗𑍍॒ 𑌹𑍍𑌯𑌾॑𑌸𑌾𑌮𑍍 । 𑌤𑌸𑍍𑌯॒ 𑌜𑍍𑌯𑌾𑌮𑌪𑍍𑌯𑌾॑𑌦𑌨𑍍𑌨𑍍 ।
𑌤𑌸𑍍𑌯॒ 𑌧𑌨𑍁॑𑌰𑍍𑌵𑌿॒𑌪𑍍𑌰𑌵॑𑌮𑌾𑌣॒𑌗𑍍𑌮𑍍॒ 𑌶𑌿𑌰॒ 𑌉𑌦॑𑌵𑌰𑍍𑌤𑌯𑌤𑍍 ।
𑌤-𑌦𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅𑌨𑍁॒𑌪𑍍𑌰𑌾𑌵॑𑌰𑍍𑌤𑌤 । 𑌯-𑌤𑍍𑌪𑍍𑌰𑌾𑌵॑𑌰𑍍𑌤𑌤 ।
𑌤-𑌤𑍍𑌪𑍍𑌰॑𑌵॒𑌰𑍍𑌗𑍍𑌯॑𑌸𑍍𑌯 𑌪𑍍𑌰𑌵𑌰𑍍𑌗𑍍𑌯॒𑌤𑍍𑌵𑌮𑍍 । 𑌯𑌦𑍍𑌘𑍍𑌰𑌾𑌁(4) 𑌇𑌤𑍍𑌯𑌪॑𑌤𑌤𑍍 ।
𑌤𑌦𑍍𑌧॒𑌰𑍍𑌮𑌸𑍍𑌯॑ 𑌘𑌰𑍍𑌮॒𑌤𑍍𑌵𑌮𑍍 ।
𑌮॒𑌹॒𑌤𑍋 𑌵𑍀॒𑌰𑍍𑌯॑𑌮𑌪𑌪𑍍𑌤॒𑌦𑌿𑌤𑌿॑ । 𑌤-𑌨𑍍𑌮॑𑌹𑌾𑌵𑍀॒𑌰𑌸𑍍𑌯॑ 𑌮𑌹𑌾𑌵𑍀𑌰॒𑌤𑍍𑌵𑌮𑍍 ॥ 5 ॥

𑌯𑌦॒𑌸𑍍𑌯𑌾-𑌸𑍍𑌸॒𑌮𑌭॑𑌰𑌨𑍍𑌨𑍍 । 𑌤-𑌥𑍍𑌸॒𑌮𑍍𑌰𑌾𑌜𑍍𑌞॑-𑌸𑍍𑌸𑌮𑍍𑌰𑌾॒𑌟𑍍𑌤𑍍𑌵𑌮𑍍 ।
𑌤𑌗𑍍𑌗𑍍 𑌸𑍍𑌤𑍃॒𑌤-𑌨𑍍𑌦𑍇॒𑌵𑌤𑌾᳚𑌸𑍍𑌤𑍍𑌰𑍇॒𑌧𑌾 𑌵𑍍𑌯॑𑌗𑍃𑌹𑍍𑌣𑌤 । 𑌅॒𑌗𑍍𑌨𑌿𑌃 𑌪𑍍𑌰𑌾॑𑌤𑌸𑍍𑌸𑌵॒𑌨𑌮𑍍 । 𑌇𑌨𑍍𑌦𑍍𑌰𑍋॒ 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍𑌮𑍍॒ 𑌸𑌵॑𑌨𑌮𑍍 । 𑌵𑌿𑌶𑍍𑌵𑍇॑ 𑌦𑍇॒𑌵𑌾𑌸𑍍𑌤𑍃॑𑌤𑍀𑌯𑌸𑌵॒𑌨𑌮𑍍 । 𑌤𑍇𑌨𑌾𑌪॑𑌶𑍀𑌰𑍍𑌷𑍍𑌣𑌾 𑌯॒𑌜𑍍𑌞𑍇𑌨॒ 𑌯𑌜॑𑌮𑌾𑌨𑌾𑌃 । 𑌨𑌾𑌶𑌿𑌷𑍋॒-𑌽𑌵𑌾𑌰𑍁॑𑌨𑍍𑌧𑌤 ।
𑌨 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॒𑌭𑍍𑌯॑𑌜𑌯𑌨𑍍𑌨𑍍 ।
𑌤𑍇 𑌦𑍇॒𑌵𑌾 𑌅॒𑌶𑍍𑌵𑌿𑌨𑌾॑𑌵𑌬𑍍𑌰𑍁𑌵𑌨𑍍𑌨𑍍 ॥ 6 ॥

𑌭𑌿॒𑌷𑌜𑍌॒ 𑌵𑍈 𑌸𑍍𑌥𑌃॑ । 𑌇॒𑌦𑌂-𑌯𑌁॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌧𑌤𑍍𑌤॒𑌮𑌿𑌤𑌿॑ । 𑌤𑌾𑌵॑𑌬𑍍𑌰𑍂𑌤𑌾𑌂॒-𑌵𑌁𑌰॑𑌮𑍍 𑌁𑌵𑍃𑌣𑌾𑌵𑌹𑍈 । 𑌗𑍍𑌰𑌹॑ 𑌏॒𑌵 𑌨𑌾॒𑌵𑌤𑍍𑌰𑌾𑌪𑌿॑ 𑌗𑍃𑌹𑍍𑌯𑌤𑌾॒𑌮𑌿𑌤𑌿॑ ।
𑌤𑌾𑌭𑍍𑌯𑌾॑-𑌮𑍇॒𑌤𑌮𑌾᳚𑌶𑍍𑌵𑌿॒𑌨-𑌮॑𑌗𑍃𑌹𑍍𑌣𑌨𑍍𑌨𑍍 ।
𑌤𑌾𑌵𑍇॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑍍𑌯॑𑌧𑌤𑍍𑌤𑌾𑌮𑍍 ।
𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌤𑍇𑌨॒ 𑌸𑌶𑍀᳚𑌰𑍍𑌷𑍍𑌣𑌾 𑌯॒𑌜𑍍𑌞𑍇𑌨॒ 𑌯𑌜॑𑌮𑌾𑌨𑌾𑌃 । 𑌅𑌵𑌾॒𑌶𑌿𑌷𑍋-𑌽𑌰𑍁॑𑌨𑍍𑌧𑌤 ।
𑌅॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॑𑌜𑌯𑌨𑍍𑌨𑍍 । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯॑-𑌮𑍍𑌪𑍍𑌰𑌵𑍃॒𑌣𑌕𑍍𑌤𑌿॑ । 𑌯॒𑌜𑍍𑌞𑌸𑍍𑌯𑍈॒𑌵 𑌤𑌚𑍍𑌛𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 ।
𑌤𑍇𑌨॒ 𑌸𑌶𑍀᳚𑌰𑍍𑌷𑍍𑌣𑌾 𑌯॒𑌜𑍍𑌞𑍇𑌨॒ 𑌯𑌜॑𑌮𑌾𑌨𑌃 ।
𑌅𑌵𑌾॒𑌶𑌿𑌷𑍋॑ 𑌰𑍁॒𑌨𑍍𑌧𑍇 । 𑌅॒𑌭𑌿 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 ।
𑌤𑌸𑍍𑌮𑌾॑𑌦𑍇॒𑌷 𑌆᳚𑌶𑍍𑌵𑌿॒𑌨𑌪𑍍𑌰॑𑌵𑌯𑌾 𑌇𑌵 । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ ॥ 𑍭 ॥
(𑌉॒𑌤𑍍𑌕॒𑌰𑍋 – 𑌹𑍍𑌯𑍇॑ – 𑌤𑍇 – 𑌤𑍃॑𑌨𑍍𑌦𑌨𑍍𑌤𑌿 – 𑌮𑌹𑌾𑌵𑍀𑌰॒𑌤𑍍𑌵 – 𑌮॑𑌬𑍍𑌰𑍁𑌵𑌨𑍍 – 𑌨𑌜𑌯𑌨𑍍-𑌥𑍍𑌸॒𑌪𑍍𑌤 𑌚॑) (𑌅. 1)

𑌅𑌨𑍁𑌵𑌾𑌕𑌂 2
𑌸𑌾॒𑌵𑌿॒𑌤𑍍𑌰-𑌞𑍍𑌜𑍁॑𑌹𑍋𑌤𑌿॒ 𑌪𑍍𑌰𑌸𑍂᳚𑌤𑍍𑌯𑍈 । 𑌚॒𑌤𑍁॒𑌰𑍍𑌗𑍃॒𑌹𑍀॒𑌤𑍇𑌨॑ 𑌜𑍁𑌹𑍋𑌤𑌿 ।
𑌚𑌤𑍁॑𑌷𑍍𑌪𑌾𑌦𑌃 𑌪॒𑌶𑌵𑌃॑ । 𑌪॒𑌶𑍂𑌨𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌚𑌤॑𑌸𑍍𑌰𑍋॒ 𑌦𑌿𑌶𑌃॑ । 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 ।
𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌦𑍇॒𑌵𑍇𑌭𑍍𑌯𑍋-𑌽𑌪𑌾᳚𑌕𑍍𑌰𑌾𑌮𑌨𑍍𑌨𑍍 ।
𑌨 𑌵𑍋॑-𑌽𑌭𑌾॒𑌗𑌾𑌨𑌿॑ 𑌹॒𑌵𑍍𑌯𑌂-𑌵𑌁॑𑌕𑍍𑌷𑍍𑌯𑌾𑌮॒ 𑌇𑌤𑌿॑ ।
𑌤𑍇𑌭𑍍𑌯॑ 𑌏॒𑌤-𑌚𑍍𑌚॑𑌤𑍁𑌰𑍍𑌗𑍃𑌹𑍀॒𑌤-𑌮॑𑌧𑌾𑌰𑌯𑌨𑍍𑌨𑍍 । 𑌪𑍁॒𑌰𑍋॒𑌨𑍁॒𑌵𑌾॒𑌕𑍍𑌯𑌾॑𑌯𑍈 𑌯𑌾॒𑌜𑍍𑌯𑌾॑𑌯𑍈 ॥ 𑍮 ॥

𑌦𑍇॒𑌵𑌤𑌾॑𑌯𑍈 𑌵𑌷𑌟𑍍𑌕𑌾॒𑌰𑌾𑌯॑ । 𑌯𑌚𑍍𑌚॑𑌤𑍁𑌰𑍍𑌗𑍃𑌹𑍀॒𑌤-𑌞𑍍𑌜𑍁॒𑌹𑍋𑌤𑌿॑ ।
𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌤-𑌤𑍍𑌪𑍍𑌰𑍀॑𑌣𑌾𑌤𑌿 । 𑌤𑌾𑌨𑍍𑌯॑𑌸𑍍𑌯 𑌪𑍍𑌰𑍀॒𑌤𑌾𑌨𑌿॑ 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁॑𑌹𑌨𑍍𑌤𑌿 । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌹𑍋॒𑌤॒𑌵𑍍𑌯॑-𑌨𑍍𑌦𑍀𑌕𑍍𑌷𑌿॒𑌤𑌸𑍍𑌯॑ 𑌗𑍃॒𑌹𑌾(3) 𑌇 𑌨 𑌹𑍋॑𑌤॒𑌵𑍍𑌯𑌾(3) 𑌮𑌿𑌤𑌿॑ । 𑌹॒𑌵𑌿𑌰𑍍𑌵𑍈 𑌦𑍀᳚𑌕𑍍𑌷𑌿॒𑌤𑌃 । 𑌯𑌜𑍍𑌜𑍁॑𑌹𑍁॒𑌯𑌾𑌤𑍍 । 𑌹॒𑌵𑌿𑌷𑍍𑌕𑍃॑𑌤𑌂॒-𑌯𑌁𑌜॑𑌮𑌾𑌨𑌮॒𑌗𑍍𑌨𑍌 𑌪𑍍𑌰𑌦॑𑌦𑍍𑌧𑍍𑌯𑌾𑌤𑍍 ।
𑌯𑌨𑍍𑌨 𑌜𑍁॑𑌹𑍁॒𑌯𑌾𑌤𑍍 ॥ 𑍯 ॥

𑌯॒𑌜𑍍𑌞॒𑌪॒𑌰𑍁𑌰॒𑌨𑍍𑌤𑌰𑌿॑𑌯𑌾𑌤𑍍 । 𑌯𑌜𑍁॑𑌰𑍇॒𑌵 𑌵॑𑌦𑍇𑌤𑍍 ।
𑌨 𑌹॒𑌵𑌿𑌷𑍍𑌕𑍃॑𑌤𑌂॒-𑌯𑌁𑌜॑𑌮𑌾𑌨𑌮॒𑌗𑍍𑌨𑍌 𑌪𑍍𑌰॒𑌦𑌧𑌾॑𑌤𑌿 । 𑌨 𑌯॑𑌜𑍍𑌞𑌪॒𑌰𑍁𑌰॒𑌨𑍍𑌤𑌰𑍇॑𑌤𑌿 । 𑌗𑌾॒𑌯॒𑌤𑍍𑌰𑍀 𑌛𑌨𑍍𑌦𑌾॒𑌗𑍍॒𑌸𑍍𑌯𑌤𑍍𑌯॑𑌮𑌨𑍍𑌯𑌤 ।
𑌤𑌸𑍍𑌯𑍈॑ 𑌵𑌷𑌟𑍍𑌕𑌾॒𑌰𑍋᳚-𑌽𑌭𑍍𑌯𑌯𑍍𑌯॒ 𑌶𑌿𑌰𑍋᳚-𑌽𑌚𑍍𑌛𑌿𑌨𑌤𑍍 ।
𑌤𑌸𑍍𑌯𑍈᳚ 𑌦𑍍𑌵𑍇॒𑌧𑌾 𑌰𑌸𑌃॒ 𑌪𑌰𑌾॑-𑌽𑌪𑌤𑌤𑍍 । 𑌪𑍃॒𑌥𑌿॒𑌵𑍀𑌮॒𑌰𑍍𑌧𑌃 𑌪𑍍𑌰𑌾𑌵𑌿॑𑌶𑌤𑍍 । 𑌪॒𑌶𑍂𑌨॒𑌰𑍍𑌧𑌃 । 𑌯𑌃 𑌪𑍃॑𑌥𑌿॒𑌵𑍀-𑌮𑍍𑌪𑍍𑌰𑌾𑌵𑌿॑𑌶𑌤𑍍 ॥ 10 ॥

𑌸 𑌖॑𑌦𑌿॒𑌰𑍋॑-𑌽𑌭𑌵𑌤𑍍 । 𑌯𑌃 𑌪॒𑌶𑍂𑌨𑍍 । 𑌸𑍋॑-𑌽𑌜𑌾𑌮𑍍 । 𑌯𑌤𑍍𑌖𑌾॑𑌦𑌿॒𑌰𑍍𑌯𑌭𑍍𑌰𑌿॒-𑌰𑍍𑌭𑌵॑𑌤𑌿 । 𑌛𑌨𑍍𑌦॑𑌸𑌾𑌮𑍇॒𑌵 𑌰𑌸𑍇॑𑌨 𑌯॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 । 𑌯𑌦𑍌𑌦𑍁॑𑌮𑍍𑌬𑌰𑍀 ।
𑌊𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰𑌃॑ । 𑌊॒𑌰𑍍𑌜𑍈𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 । 𑌯-𑌦𑍍𑌵𑍈॑𑌣॒𑌵𑍀 । 𑌤𑍇𑌜𑍋॒ 𑌵𑍈 𑌵𑍇𑌣𑍁𑌃॑ ॥ 11 ॥

𑌤𑍇𑌜॑𑌸𑍈॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 । 𑌯-𑌦𑍍𑌵𑍈𑌕॑𑌙𑍍𑌕𑌤𑍀 ।
𑌭𑌾 𑌏॒𑌵𑌾𑌵॑𑌰𑍁𑌨𑍍𑌧𑍇 । 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑍍𑌯𑌭𑍍𑌰𑌿॒𑌮𑌾𑌦॑𑌤𑍍𑌤𑍇॒ 𑌪𑍍𑌰𑌸𑍂᳚𑌤𑍍𑌯𑍈 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾॒𑌮𑌿𑌤𑍍𑌯𑌾॑𑌹 । 𑌅॒𑌶𑍍𑌵𑌿𑌨𑍌॒ 𑌹𑌿 𑌦𑍇॒𑌵𑌾𑌨𑌾॑𑌮𑌦𑍍𑌧𑍍𑌵॒𑌰𑍍𑌯𑍂 𑌆𑌸𑍍𑌤𑌾᳚𑌮𑍍 ।
𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌿𑌤𑍍𑌯𑌾𑌹॒ 𑌯𑌤𑍍𑌯𑍈᳚ । 𑌵𑌜𑍍𑌰॑ 𑌇𑌵॒ 𑌵𑌾 𑌏॒𑌷𑌾 । 𑌯𑌦𑌭𑍍𑌰𑌿𑌃॑ । 𑌅𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰॒𑌸𑍀𑌤𑍍𑌯𑌾॑𑌹॒ 𑌶𑌾𑌨𑍍𑌤𑍍𑌯𑍈᳚ ॥ 12 ॥

𑌅॒𑌦𑍍𑌧𑍍𑌵॒𑌰॒𑌕𑍃-𑌦𑍍𑌦𑍇॒𑌵𑍇𑌭𑍍𑌯॒ 𑌇𑌤𑍍𑌯𑌾॑𑌹 । 𑌯॒𑌜𑍍𑌞𑍋 𑌵𑌾 𑌅॑𑌦𑍍𑌧𑍍𑌵॒𑌰𑌃 । 𑌯॒𑌜𑍍𑌞॒𑌕𑍃-𑌦𑍍𑌦𑍇॒𑌵𑍇𑌭𑍍𑌯॒ 𑌇𑌤𑌿॒ 𑌵𑌾𑌵𑍈𑌤𑌦𑌾॑𑌹 । 𑌉𑌤𑍍𑌤𑌿॑𑌷𑍍𑌠 𑌬𑍍𑌰𑌹𑍍𑌮𑌣𑌸𑍍𑌪𑌤॒ 𑌇𑌤𑍍𑌯𑌾॑𑌹 ।
𑌬𑍍𑌰𑌹𑍍𑌮॑𑌣𑍈॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋-𑌽𑌚𑍍𑌛𑍈॑𑌤𑌿 ।
𑌪𑍍𑌰𑍈𑌤𑍁॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॒𑌰𑌿𑌤𑍍𑌯𑌾॑𑌹 । 𑌪𑍍𑌰𑍇𑌤𑍍𑌯𑍈॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋-𑌽𑌚𑍍𑌛𑍈॑𑌤𑌿 । 𑌪𑍍𑌰 𑌦𑍇॒𑌵𑍍𑌯𑍇॑𑌤𑍁 𑌸𑍂॒𑌨𑍃𑌤𑍇𑌤𑍍𑌯𑌾॑𑌹 ।
𑌯॒𑌜𑍍𑌞𑍋 𑌵𑍈 𑌸𑍂॒𑌨𑍃𑌤𑌾᳚ । 𑌅𑌚𑍍𑌛𑌾॑ 𑌵𑍀॒𑌰𑌨𑍍𑌨𑌰𑍍𑌯॑-𑌮𑍍𑌪॒𑌙𑍍𑌕𑍍𑌤𑌿𑌰𑌾॑𑌧𑌸॒𑌮𑌿𑌤𑍍𑌯𑌾॑𑌹 ॥ 13 ॥

𑌪𑌾𑌙𑍍𑌕𑍍𑌤𑍋॒ 𑌹𑌿 𑌯॒𑌜𑍍𑌞𑌃 । 𑌦𑍇॒𑌵𑌾 𑌯॒𑌜𑍍𑌞𑌨𑍍𑌨॑𑌯𑌨𑍍𑌤𑍁 𑌨॒ 𑌇𑌤𑍍𑌯𑌾॑𑌹 ।
𑌦𑍇॒𑌵𑌾𑌨𑍇॒𑌵 𑌯॑𑌜𑍍𑌞॒𑌨𑌿𑌯𑌃॑ 𑌕𑍁𑌰𑍁𑌤𑍇 । 𑌦𑍇𑌵𑍀᳚ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌅𑌨𑍁॑ 𑌮𑍇 𑌮𑌗𑍍𑌮𑍍𑌸𑌾𑌥𑌾॒𑌮𑌿𑌤𑍍𑌯𑌾॑𑌹 । 𑌆॒𑌭𑍍𑌯𑌾𑌮𑍇॒𑌵𑌾𑌨𑍁॑𑌮𑌤𑍋 𑌯॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 । 𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 𑌮॒𑌖𑌸𑍍𑌯॒ 𑌶𑌿𑌰॒ 𑌇𑌤𑍍𑌯𑌾॑𑌹 । 𑌯॒𑌜𑍍𑌞𑍋 𑌵𑍈 𑌮॒𑌖𑌃 ।
𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 𑌯॒𑌜𑍍𑌞𑌸𑍍𑌯॒ 𑌶𑌿𑌰॒ 𑌇𑌤𑌿॒ 𑌵𑌾𑌵𑍈𑌤𑌦𑌾॑𑌹 ।
𑌮॒𑌖𑌾𑌯॑ 𑌤𑍍𑌵𑌾 𑌮॒𑌖𑌸𑍍𑌯॑ 𑌤𑍍𑌵𑌾 𑌶𑍀॒𑌰𑍍𑌷𑍍𑌣 𑌇𑌤𑍍𑌯𑌾॑𑌹 ।
𑌨𑌿॒𑌰𑍍𑌦𑌿𑌶𑍍𑌯𑍈॒𑌵𑍈𑌨॑𑌦𑍍𑌧𑌰𑌤𑌿 ॥ 14 ॥

𑌤𑍍𑌰𑌿𑌰𑍍𑌹॑𑌰𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॑ 𑌯॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 । 𑌤𑍂॒𑌷𑍍𑌣𑍀-𑌞𑍍𑌚॑𑌤𑍁॒𑌰𑍍𑌥𑌗𑍍𑌮𑍍 𑌹॑𑌰𑌤𑌿 । 𑌅𑌪॑𑌰𑌿𑌮𑌿𑌤𑌾𑌦𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 ।
𑌮𑍃॒𑌤𑍍𑌖॒𑌨𑌾𑌦𑌗𑍍𑌰𑍇॑ 𑌹𑌰𑌤𑌿 । 𑌤𑌸𑍍𑌮𑌾᳚-𑌨𑍍𑌮𑍃𑌤𑍍𑌖॒𑌨𑌃 𑌕॑𑌰𑍁॒𑌣𑍍𑌯॑𑌤𑌮𑌃 । 𑌇𑌯॒𑌤𑍍𑌯𑌗𑍍𑌰॑ 𑌆𑌸𑍀॒𑌰𑌿𑌤𑍍𑌯𑌾॑𑌹 । 𑌅॒𑌸𑍍𑌯𑌾𑌮𑍇॒𑌵𑌾𑌛॑𑌮𑍍𑌬𑌟𑍍𑌕𑌾𑌰𑌂-𑌯𑌁॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 । 𑌊𑌰𑍍𑌜॒𑌮𑍍 𑌁𑌵𑌾 𑌏॒𑌤𑌗𑍍𑌮𑍍 𑌰𑌸॑-𑌮𑍍𑌪𑍃𑌥𑌿॒𑌵𑍍𑌯𑌾 𑌉॑𑌪॒𑌦𑍀𑌕𑌾॒ 𑌉𑌦𑍍𑌦𑌿॑𑌹𑌨𑍍𑌤𑌿 ॥ 15 ॥

𑌯-𑌦𑍍𑌵॒𑌲𑍍𑌮𑍀𑌕᳚𑌮𑍍 । 𑌯-𑌦𑍍𑌵॑𑌲𑍍𑌮𑍀𑌕𑌵॒𑌪𑌾 𑌸॑𑌮𑍍𑌭𑌾॒𑌰𑍋 𑌭𑌵॑𑌤𑌿 ।
𑌊𑌰𑍍𑌜॑𑌮𑍇॒𑌵 𑌰𑌸॑-𑌮𑍍𑌪𑍃𑌥𑌿॒𑌵𑍍𑌯𑌾 𑌅𑌵॑𑌰𑍁𑌨𑍍𑌧𑍇 । 𑌅𑌥𑍋॒ 𑌶𑍍𑌰𑍋𑌤𑍍𑌰॑𑌮𑍇॒𑌵 । 𑌶𑍍𑌰𑍋𑌤𑍍𑌰॒𑌗𑍍𑌗𑍍॒ 𑌹𑍍𑌯𑍇॑𑌤-𑌤𑍍𑌪𑍃॑𑌥𑌿॒𑌵𑍍𑌯𑌾𑌃 । 𑌯-𑌦𑍍𑌵॒𑌲𑍍𑌮𑍀𑌕𑌃॑ । 𑌅𑌬॑𑌧𑌿𑌰𑍋 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌾𑌯॒ 𑌵𑌜𑍍𑌰॒𑌮𑍁𑌦॑𑌯𑌚𑍍𑌛𑌤𑍍 ।
𑌸 𑌯𑌤𑍍𑌰॑𑌯𑌤𑍍𑌰 𑌪॒𑌰𑌾𑌕𑍍𑌰॑𑌮𑌤 ॥ 16 ॥

𑌤𑌨𑍍𑌨𑌾𑌦𑍍𑌧𑍍𑌰𑌿॑𑌯𑌤 । 𑌸 𑌪𑍂॑𑌤𑍀𑌕𑌸𑍍𑌤॒𑌮𑍍𑌬𑍇 𑌪𑌰𑌾᳚𑌕𑍍𑌰𑌮𑌤 । 𑌸𑍋᳚-𑌽𑌦𑍍𑌧𑍍𑌰𑌿𑌯𑌤 । 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌊॒𑌤𑌿𑌂-𑌵𑍈𑌁 𑌮𑍇॑ 𑌧𑌾॒ 𑌇𑌤𑌿॑ । 𑌤𑌦𑍂॒𑌤𑍀𑌕𑌾॑𑌨𑌾-𑌮𑍂𑌤𑍀𑌕॒𑌤𑍍𑌵𑌮𑍍 । 𑌯𑌦𑍂॒𑌤𑍀𑌕𑌾॒ 𑌭𑌵॑𑌨𑍍𑌤𑌿 ।
𑌯॒𑌜𑍍𑌞𑌾𑌯𑍈॒𑌵𑍋𑌤𑌿-𑌨𑍍𑌦॑𑌧𑌤𑌿 । 𑌅॒𑌗𑍍𑌨𑌿॒𑌜𑌾 𑌅॑𑌸𑌿 𑌪𑍍𑌰॒𑌜𑌾𑌪॑𑌤𑍇॒ 𑌰𑍇𑌤॒ 𑌇𑌤𑍍𑌯𑌾॑𑌹 । 𑌯 𑌏॒𑌵 𑌰𑌸𑌃॑ 𑌪॒𑌶𑍂-𑌨𑍍𑌪𑍍𑌰𑌾𑌵𑌿॑𑌶𑌤𑍍 ॥ 1𑍭 ॥

𑌤𑌮𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌪𑌞𑍍𑌚𑍈॒𑌤𑍇 𑌸॑𑌮𑍍𑌭𑌾॒𑌰𑌾 𑌭॑𑌵𑌨𑍍𑌤𑌿 । 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑌃 । 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌃 । 𑌤𑌸𑍍𑌯॒ 𑌶𑌿𑌰॒-𑌸𑍍𑌸𑌮𑍍𑌭॑𑌰𑌤𑌿 । 𑌯𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾𑌞𑍍𑌚𑌰𑍍𑌮॑𑌣𑌾 𑌸॒𑌮𑍍𑌭𑌰𑍇᳚𑌤𑍍 । 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑍇𑌤𑍍 । 𑌕𑍃॒𑌷𑍍𑌣𑌾॒𑌜𑌿॒𑌨𑍇𑌨॒ 𑌸𑌮𑍍𑌭॑𑌰𑌤𑌿 । 𑌆॒𑌰॒𑌣𑍍𑌯𑌾𑌨𑍇॒𑌵 𑌪॒𑌶𑍂𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑌤𑌿 । 𑌤𑌸𑍍𑌮𑌾᳚-𑌥𑍍𑌸॒𑌮𑌾𑌵॑𑌤𑍍-𑌪𑌶𑍂॒𑌨𑌾-𑌮𑍍𑌪𑍍𑌰॒𑌜𑌾𑌯॑𑌮𑌾𑌨𑌾𑌨𑌾𑌮𑍍 ॥ 1𑍮 ॥

𑌆॒𑌰॒𑌣𑍍𑌯𑌾𑌃 𑌪॒𑌶𑌵𑌃॒ 𑌕𑌨𑍀॑𑌯𑌾𑌗𑍍𑌮𑍍𑌸𑌃 । 𑌶𑍁॒𑌚𑌾 𑌹𑍍𑌯𑍃॑𑌤𑌾𑌃 ।
𑌲𑍋॒𑌮॒𑌤-𑌸𑍍𑌸𑌮𑍍𑌭॑𑌰𑌤𑌿 । 𑌅𑌤𑍋॒ 𑌹𑍍𑌯॑𑌸𑍍𑌯॒ 𑌮𑍇𑌦𑍍𑌧𑍍𑌯᳚𑌮𑍍 । 𑌪॒𑌰𑌿॒𑌗𑍃𑌹𑍍𑌯𑌾 𑌯॑𑌨𑍍𑌤𑌿 । 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 ।
𑌬॒𑌹𑌵𑍋॑ 𑌹𑌰𑌨𑍍𑌤𑌿 । 𑌅𑌪॑𑌚𑌿𑌤𑌿𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌤𑌿 ।
𑌉𑌦𑍍𑌧॑𑌤𑍇॒ 𑌸𑌿𑌕॑𑌤𑍋𑌪𑍋𑌪𑍍𑌤𑍇॒ 𑌪𑌰𑌿॑𑌶𑍍𑌰𑌿𑌤𑍇॒ 𑌨𑌿𑌦॑𑌧𑌤𑌿॒ 𑌶𑌾𑌨𑍍𑌤𑍍𑌯𑍈᳚ ।
𑌮𑌦॑𑌨𑍍𑌤𑍀𑌭𑌿॒𑌰𑍁𑌪॑ 𑌸𑍃𑌜𑌤𑌿 ॥ 1𑍯 ॥

𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 । 𑌮𑌧𑍁॑ 𑌤𑍍𑌵𑌾 𑌮𑌧𑍁॒𑌲𑌾 𑌕॑𑌰𑍋॒𑌤𑍍𑌵𑌿𑌤𑍍𑌯𑌾॑𑌹 । 𑌬𑍍𑌰𑌹𑍍𑌮॑𑌣𑍈॒𑌵𑌾𑌸𑍍𑌮𑌿॒𑌨𑍍 -𑌤𑍇𑌜𑍋॑ 𑌦𑌧𑌾𑌤𑌿 ।
𑌯𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾॒-𑌮𑍍𑌪𑌾𑌤𑍍𑌰𑌾॑𑌣𑌾-𑌙𑍍𑌕॒𑌪𑌾𑌲𑍈᳚-𑌸𑍍𑌸𑌗𑍍𑌮𑍍𑌸𑍃॒𑌜𑍇𑌤𑍍 ।
𑌗𑍍𑌰𑌾॒𑌮𑍍𑌯𑌾𑌣𑌿॒ 𑌪𑌾𑌤𑍍𑌰𑌾॑𑌣𑌿 𑌶𑍁॒𑌚𑌾-𑌽𑌰𑍍𑌪॑𑌯𑍇𑌤𑍍 । 𑌅॒𑌰𑍍𑌮॒𑌕॒𑌪𑌾॒𑌲𑍈-𑌸𑍍𑌸𑌗𑍍𑌮𑍍𑌸𑍃॑𑌜𑌤𑌿 । 𑌏॒𑌤𑌾𑌨𑌿॒ 𑌵𑌾 𑌅॑𑌨𑍁𑌪𑌜𑍀𑌵𑌨𑍀॒𑌯𑌾𑌨𑌿॑ । 𑌤𑌾𑌨𑍍𑌯𑍇॒𑌵 𑌶𑍁॒𑌚𑌾-𑌽𑌰𑍍𑌪॑𑌯𑌤𑌿 ।
𑌶𑌰𑍍𑌕॑𑌰𑌾𑌭𑌿॒-𑌸𑍍𑌸𑌗𑍍𑌮𑍍𑌸𑍃॑𑌜𑌤𑌿॒ 𑌧𑍃𑌤𑍍𑌯𑍈᳚ । 𑌅𑌥𑍋॑ 𑌶॒𑌨𑍍𑌤𑍍𑌵𑌾𑌯॑ । 𑌅॒𑌜॒𑌲𑍋॒𑌮𑍈-𑌸𑍍𑌸𑌗𑍍𑌮𑍍𑌸𑍃॑𑌜𑌤𑌿 । 𑌏॒𑌷𑌾 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌃 । 𑌯𑌦॒𑌜𑌾 । 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾॒ 𑌸𑌗𑍍𑌮𑍍𑌸𑍃॑𑌜𑌤𑌿 । 𑌅𑌥𑍋॒ 𑌤𑍇𑌜॑𑌸𑌾 । 𑌕𑍃॒𑌷𑍍𑌣𑌾॒𑌜𑌿॒𑌨𑌸𑍍𑌯॒ 𑌲𑍋𑌮॑𑌭𑌿॒-𑌸𑍍𑌸𑌗𑍍𑌮𑍍𑌸𑍃॑𑌜𑌤𑌿 । 𑌯॒𑌜𑍍𑌞𑍋 𑌵𑍈 𑌕𑍃॑𑌷𑍍𑌣𑌾𑌜𑌿॒𑌨𑌮𑍍 ।
𑌯॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞𑌗𑍍𑌮𑍍 𑌸𑌗𑍍𑌮𑍍𑌸𑍃॑𑌜𑌤𑌿 ॥ 20 ॥
(𑌯𑌾॒𑌜𑌾॑𑌯𑍈॒ – 𑌨 𑌜𑍁॑𑌹𑍁॒𑌯𑌾 – 𑌦𑌵𑌿॑𑌶॒-𑌦𑍍- 𑌵𑍇𑌣𑌃॒ – 𑌶𑌾𑌨𑍍𑌤𑍍𑌯𑍈॑ – 𑌪॒𑌙𑍍𑌕𑍍𑌤𑌿𑌰𑌾॑𑌧𑌸॒𑌮𑌿𑌤𑍍𑌯𑌾॑𑌹 – 𑌹𑌰𑌤𑌿 – 𑌦𑌿𑌹𑌨𑍍𑌤𑌿 – 𑌪॒𑌰𑌾𑌕𑍍𑌰॑𑌮॒ – 𑌤𑌾𑌵𑌿॑𑌶𑌤𑍍 – 𑌪𑍍𑌰॒𑌜𑌾𑌯॑𑌮𑌾𑌨𑌾𑌨𑌾𑌗𑍍𑌮𑍍 – 𑌸𑍃𑌜𑌤𑌿 – 𑌶॒𑌨𑍍𑌤𑍍𑌵𑌾𑌯𑌾॒ 𑌷𑍍𑌟𑍌 𑌚॑) (𑌅. 2)

𑌅𑌨𑍁𑌵𑌾𑌕𑌂 3
𑌪𑌰𑌿॑𑌶𑍍𑌰𑌿𑌤𑍇 𑌕𑌰𑍋𑌤𑌿 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌸𑍍𑌯॒ 𑌪𑌰𑌿॑𑌗𑍃𑌹𑍀𑌤𑍍𑌯𑍈 । 𑌨 𑌕𑍁॒𑌰𑍍𑌵𑌨𑍍𑌨॒𑌭𑌿 𑌪𑍍𑌰𑌾᳚𑌣𑍍𑌯𑌾𑌤𑍍 । 𑌯-𑌤𑍍𑌕𑍁॒𑌰𑍍𑌵𑌨𑍍𑌨॑𑌭𑌿 𑌪𑍍𑌰𑌾॒𑌣𑍍𑌯𑌾𑌤𑍍 । 𑌪𑍍𑌰𑌾॒𑌣𑌾𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑍇𑌤𑍍 । 𑌅॒𑌪॒𑌹𑌾𑌯॒ 𑌪𑍍𑌰𑌾𑌣𑌿॑𑌤𑌿 ।
𑌪𑍍𑌰𑌾॒𑌣𑌾𑌨𑌾᳚-𑌙𑍍𑌗𑍋𑌪𑍀॒𑌥𑌾𑌯॑ । 𑌨 𑌪𑍍𑌰॑𑌵॒𑌰𑍍𑌗𑍍𑌯॑𑌮𑍍-𑌚𑌾𑌦𑌿॒𑌤𑍍𑌯𑌮𑍍-𑌚𑌾॒𑌨𑍍𑌤𑌰𑍇॑𑌯𑌾𑌤𑍍 । 𑌯𑌦॑𑌨𑍍𑌤𑌰𑍇॒𑌯𑌾𑌤𑍍 । 𑌦𑍁॒𑌶𑍍𑌚𑌰𑍍𑌮𑌾᳚ 𑌸𑍍𑌯𑌾𑌤𑍍 ॥ 21 ॥

𑌤𑌸𑍍𑌮𑌾॒𑌨𑍍𑌨𑌾𑌨𑍍𑌤॒𑌰𑌾𑌯𑍍𑌯᳚𑌮𑍍 । 𑌆॒𑌤𑍍𑌮𑌨𑍋॑ 𑌗𑍋𑌪𑍀॒𑌥𑌾𑌯॑ । 𑌵𑍇𑌣𑍁॑𑌨𑌾 𑌕𑌰𑍋𑌤𑌿 । 𑌤𑍇𑌜𑍋॒ 𑌵𑍈 𑌵𑍇𑌣𑍁𑌃॑ । 𑌤𑍇𑌜𑌃॑ 𑌪𑍍𑌰𑌵॒𑌰𑍍𑌗𑍍𑌯𑌃॑ । 𑌤𑍇𑌜॑𑌸𑍈॒𑌵 𑌤𑍇𑌜॒-𑌸𑍍𑌸𑌮॑𑌰𑍍𑌧𑌯𑌤𑌿 । 𑌮॒𑌖𑌸𑍍𑌯॒ 𑌶𑌿𑌰𑍋॒-𑌽𑌸𑍀𑌤𑍍𑌯𑌾॑𑌹 । 𑌯॒𑌜𑍍𑌞𑍋 𑌵𑍈 𑌮॒𑌖𑌃 । 𑌤𑌸𑍍𑌯𑍈॒𑌤𑌚𑍍𑌛𑌿𑌰𑌃॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ ॥ 22 ॥

𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹 । 𑌯॒𑌜𑍍𑌞𑌸𑍍𑌯॑ 𑌪॒𑌦𑍇 𑌸𑍍𑌥॒ 𑌇𑌤𑍍𑌯𑌾॑𑌹 । 𑌯॒𑌜𑍍𑌞𑌸𑍍𑌯॒ 𑌹𑍍𑌯𑍇॑𑌤𑍇 𑌪॒𑌦𑍇 । 𑌅𑌥𑍋॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 । 𑌗𑌾॒𑌯॒𑌤𑍍𑌰𑍇𑌣॑ 𑌤𑍍𑌵𑌾॒ 𑌛𑌨𑍍𑌦॑𑌸𑌾 𑌕𑌰𑍋॒𑌮𑍀𑌤𑍍𑌯𑌾॑𑌹 ।
𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॑-𑌙𑍍𑌕𑌰𑍋𑌤𑌿 । 𑌤𑍍𑌰𑍍𑌯𑍁॑𑌦𑍍𑌧𑌿-𑌙𑍍𑌕𑌰𑍋𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌷𑌾𑌮𑍍 𑌁𑌲𑍋॒𑌕𑌾𑌨𑌾॒𑌮𑌾𑌪𑍍𑌤𑍍𑌯𑍈᳚ । 𑌛𑌨𑍍𑌦𑍋॑𑌭𑌿𑌃 𑌕𑌰𑍋𑌤𑌿 ॥ 23 ॥

𑌵𑍀॒𑌰𑍍𑌯॑𑌮𑍍 𑌁𑌵𑍈 𑌛𑌨𑍍𑌦𑌾𑌗𑍍𑌮𑍍॑𑌸𑌿 । 𑌵𑍀॒𑌰𑍍𑌯𑍇॑𑌣𑍈॒𑌵𑍈𑌨॑-𑌙𑍍𑌕𑌰𑍋𑌤𑌿 ।
𑌯𑌜𑍁॑𑌷𑌾॒ 𑌬𑌿𑌲॑-𑌙𑍍𑌕𑌰𑍋𑌤𑌿॒ 𑌵𑍍𑌯𑌾𑌵𑍃॑𑌯𑍈 । 𑌇𑌯॑𑌨𑍍𑌤-𑌙𑍍𑌕𑌰𑍋𑌤𑌿 ।
𑌪𑍍𑌰॒𑌜𑌾𑌪॑𑌤𑌿𑌨𑌾 𑌯𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤𑌮𑍍 । 𑌇𑌯॑𑌨𑍍𑌤-𑌙𑍍𑌕𑌰𑍋𑌤𑌿 ।
𑌯॒𑌜𑍍𑌞॒𑌪॒𑌰𑍁𑌷𑌾॒ 𑌸𑌮𑍍𑌮𑌿॑𑌤𑌮𑍍 । 𑌇𑌯॑𑌨𑍍𑌤-𑌙𑍍𑌕𑌰𑍋𑌤𑌿 ।
𑌏॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯᳚𑌮𑍍 । 𑌵𑍀॒𑌰𑍍𑌯॑𑌸𑌮𑍍𑌮𑌿𑌤𑌮𑍍 ॥ 24 ॥

𑌅𑌪॑𑌰𑌿𑌮𑌿𑌤-𑌙𑍍𑌕𑌰𑍋𑌤𑌿 । 𑌅𑌪॑𑌰𑌿𑌮𑌿𑌤॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 । 𑌪॒𑌰𑌿॒𑌗𑍍𑌰𑍀॒𑌵-𑌙𑍍𑌕॑𑌰𑍋𑌤𑌿॒ 𑌧𑍃𑌤𑍍𑌯𑍈᳚ । 𑌸𑍂𑌰𑍍𑌯॑𑌸𑍍𑌯॒ 𑌹𑌰॑𑌸𑌾 𑌶𑍍𑌰𑌾॒𑌯𑍇𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌅॒𑌶𑍍𑌵॒𑌶॒𑌕𑍇𑌨॑ 𑌧𑍂𑌪𑌯𑌤𑌿 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑌾 𑌅𑌶𑍍𑌵॑-𑌸𑍍𑌸𑌯𑍋𑌨𑌿॒𑌤𑍍𑌵𑌾𑌯॑ । 𑌵𑍃𑌷𑍍𑌣𑍋॒ 𑌅𑌶𑍍𑌵॑𑌸𑍍𑌯 𑌨𑌿॒𑌷𑍍𑌪𑌦॒𑌸𑍀𑌤𑍍𑌯𑌾॑𑌹 ।
𑌅॒𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋 𑌵𑍃𑌷𑌾-𑌽𑌶𑍍𑌵𑌃॑ । 𑌤𑌸𑍍𑌯॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌨𑌿॒𑌷𑍍𑌪𑌤𑍍 ॥ 25 ॥

𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॑-𑌨𑍍𑌧𑍂𑌪𑌯𑌤𑌿 । 𑌅॒𑌰𑍍𑌚𑌿𑌷𑍇᳚ 𑌤𑍍𑌵𑌾 𑌶𑍋॒𑌚𑌿𑌷𑍇॒ 𑌤𑍍𑌵𑍇𑌤𑍍𑌯𑌾॑𑌹 । 𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 । 𑌵𑌾॒𑌰𑍁॒𑌣𑍋॑-𑌽𑌭𑍀𑌦𑍍𑌧𑌃॑ । 𑌮𑍈॒𑌤𑍍𑌰𑌿𑌯𑍋𑌪𑍈॑𑌤𑌿॒ 𑌶𑌾𑌨𑍍𑌤𑍍𑌯𑍈᳚ । 𑌸𑌿𑌦𑍍𑌧𑍍𑌯𑍈॒ 𑌤𑍍𑌵𑍇𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋𑌦𑍍𑌵॑𑌪॒𑌤𑍍𑌵𑌿𑌤𑍍𑌯𑌾॑𑌹 ।
𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨॒-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌤𑌾॑𑌭𑌿॒𑌰𑍁𑌦𑍍𑌵॑𑌪𑌤𑌿 । 𑌅𑌪॑𑌦𑍍𑌯𑌮𑌾𑌨𑌃 𑌪𑍃𑌥𑌿॒𑌵𑍍𑌯𑌾𑌮𑌾𑌶𑌾॒ 𑌦𑌿𑌶॒ 𑌆𑌪𑍃॒𑌣𑍇𑌤𑍍𑌯𑌾॑𑌹 ॥ 26 ॥

𑌤𑌸𑍍𑌮𑌾॑𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌵𑌿𑌭𑌾॑𑌤𑌿 ।
𑌉𑌤𑍍𑌤𑌿॑𑌷𑍍𑌠 𑌬𑍃॒𑌹𑌨𑍍-𑌭॑𑌵𑍋॒𑌰𑍍𑌧𑍍𑌵𑌸𑍍𑌤𑌿॑𑌷𑍍𑌠 𑌧𑍍𑌰𑍁॒𑌵𑌸𑍍𑌤𑍍𑌵𑌮𑌿𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ।
𑌈॒𑌶𑍍𑌵॒𑌰𑍋 𑌵𑌾 𑌏॒𑌷𑍋᳚-𑌽𑌨𑍍𑌧𑍋 𑌭𑌵𑌿॑𑌤𑍋𑌃 ।
𑌯𑌃 𑌪𑍍𑌰॑𑌵॒𑌰𑍍𑌗𑍍𑌯॑𑌮॒𑌨𑍍𑌵𑍀𑌕𑍍𑌷॑𑌤𑍇 । 𑌸𑍂𑌰𑍍𑌯॑𑌸𑍍𑌯 𑌤𑍍𑌵𑌾॒ 𑌚𑌕𑍍𑌷𑍁॒𑌷𑌾-𑌽𑌨𑍍𑌵𑍀᳚𑌕𑍍𑌷॒ 𑌇𑌤𑍍𑌯𑌾॑𑌹 ।
𑌚𑌕𑍍𑌷𑍁॑𑌷𑍋 𑌗𑍋𑌪𑍀॒𑌥𑌾𑌯॑ । 𑌋॒𑌜𑌵𑍇᳚ 𑌤𑍍𑌵𑌾 𑌸𑌾॒𑌧𑌵𑍇᳚ 𑌤𑍍𑌵𑌾 𑌸𑍁𑌕𑍍𑌷𑌿॒𑌤𑍍𑌯𑍈 𑌤𑍍𑌵𑌾॒ 𑌭𑍂𑌤𑍍𑌯𑍈॒ 𑌤𑍍𑌵𑍇𑌤𑍍𑌯𑌾॑𑌹 । 𑌇॒𑌯𑌂-𑌵𑌾𑌁 𑌋॒𑌜𑍁𑌃 । 𑌅॒𑌨𑍍𑌤𑌰𑌿॑𑌕𑍍𑌷𑌗𑍍𑌮𑍍 𑌸𑌾॒𑌧𑍁 । 𑌅॒𑌸𑍌 𑌸𑍁॑𑌕𑍍𑌷𑌿॒𑌤𑌿𑌃 ॥ 2𑍭 ॥

𑌦𑌿𑌶𑍋॒ 𑌭𑍂𑌤𑌿𑌃॑ । 𑌇॒𑌮𑌾𑌨𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑌾𑌨𑍍 𑌕॑𑌲𑍍𑌪𑌯𑌤𑌿 । 𑌅𑌥𑍋॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 । 𑌇॒𑌦-𑌮॒𑌹-𑌮॒𑌮𑍁𑌮𑌾॑𑌮𑍁𑌷𑍍𑌯𑌾𑌯॒𑌣𑌮𑍍 𑌁𑌵𑌿॒𑌶𑌾 𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॒ 𑌪𑌰𑍍𑌯𑍂॑𑌹𑌾॒𑌮𑍀𑌤𑍍𑌯𑌾॑𑌹 ।
𑌵𑌿॒𑌶𑍈𑌵𑍈𑌨॑-𑌮𑍍𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॒ 𑌪𑌰𑍍𑌯𑍂॑𑌹𑌤𑌿 ।
𑌵𑌿॒𑌶𑍇𑌤𑌿॑ 𑌰𑌾𑌜॒𑌨𑍍𑌯॑𑌸𑍍𑌯 𑌬𑍍𑌰𑍂𑌯𑌾𑌤𑍍 । 𑌵𑌿॒𑌶𑍈𑌵𑍈𑌨॒-𑌮𑍍𑌪𑌰𑍍𑌯𑍂॑𑌹𑌤𑌿 । 𑌪॒𑌶𑍁𑌭𑌿॒𑌰𑌿𑌤𑌿॒ 𑌵𑍈𑌶𑍍𑌯॑𑌸𑍍𑌯 । 𑌪॒𑌶𑍁𑌭𑌿॑𑌰𑍇॒𑌵𑍈𑌨॒-𑌮𑍍𑌪𑌰𑍍𑌯𑍂॑𑌹𑌤𑌿 । 𑌅॒𑌸𑍁॒𑌰𑍍𑌯॑-𑌮𑍍𑌪𑌾𑌤𑍍𑌰॒𑌮𑌨𑌾᳚𑌚𑍍𑌛𑍃𑌣𑍍𑌣𑌮𑍍 ॥ 2𑍮 ॥

𑌆𑌚𑍍𑌛𑍃॑𑌣𑌤𑍍𑌤𑌿 । 𑌦𑍇॒𑌵॒𑌤𑍍𑌰𑌾-𑌽𑌕𑌃॑ । 𑌅॒𑌜॒𑌕𑍍𑌷𑍀॒𑌰𑍇𑌣𑌾𑌚𑍍𑌛𑍃॑𑌣𑌤𑍍𑌤𑌿 ।
𑌪॒𑌰॒𑌮𑌂-𑌵𑌾𑌁 𑌏॒𑌤-𑌤𑍍𑌪𑌯𑌃॑ । 𑌯𑌦॑𑌜𑌕𑍍𑌷𑍀॒𑌰𑌮𑍍 । 𑌪॒𑌰॒𑌮𑍇𑌣𑍈॒𑌵𑍈𑌨॒-𑌮𑍍𑌪𑌯॒𑌸𑌾-𑌽𑌽𑌚𑍍𑌛𑍃॑𑌣𑌤𑍍𑌤𑌿 ।
𑌯𑌜𑍁॑𑌷𑌾॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 । 𑌛𑌨𑍍𑌦𑍋॑𑌭𑌿॒𑌰𑌾𑌚𑍍𑌛𑍃॑𑌣𑌤𑍍𑌤𑌿 । 𑌛𑌨𑍍𑌦𑍋॑𑌭𑌿॒𑌰𑍍𑌵𑌾 𑌏॒𑌷 𑌕𑍍𑌰𑌿॑𑌯𑌤𑍇 । 𑌛𑌨𑍍𑌦𑍋॑𑌭𑌿𑌰𑍇॒𑌵 𑌛𑌨𑍍𑌦𑌾॒𑌗𑍍॒𑌸𑍍𑌯𑌾𑌚𑍍𑌛𑍃॑𑌣𑌤𑍍𑌤𑌿 । 𑌛𑍃॒𑌨𑍍𑌧𑌿 𑌵𑌾𑌚॒𑌮𑌿𑌤𑍍𑌯𑌾॑𑌹 ।
𑌵𑌾𑌚॑𑌮𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌛𑍃॒𑌨𑍍𑌧𑍍𑌯𑍂𑌰𑍍𑌜॒𑌮𑌿𑌤𑍍𑌯𑌾॑𑌹 । 𑌊𑌰𑍍𑌜॑𑌮𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌛𑍃॒𑌨𑍍𑌧𑌿 𑌹॒𑌵𑌿𑌰𑌿𑌤𑍍𑌯𑌾॑𑌹 । 𑌹॒𑌵𑌿𑌰𑍇॒𑌵𑌾𑌕𑌃॑ । 𑌦𑍇𑌵॑ 𑌪𑍁𑌰𑌶𑍍𑌚𑌰 𑌸॒𑌘𑍍𑌯𑌾𑌸॒𑌨𑍍𑌤𑍍𑌵𑍇𑌤𑍍𑌯𑌾॑𑌹 ।
𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 ॥ 2𑍯 ॥
(𑌸𑍍𑌯𑌾॒-𑌦𑍍𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ – 𑌛𑌨𑍍𑌦𑍋॑𑌭𑌿𑌃 𑌕𑌰𑍋𑌤𑌿 – 𑌵𑍀॒𑌰𑍍𑌯॑ 𑌸𑌮𑍍𑌮𑌿𑌤॒𑌮𑍍 – 𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌨𑌿॒𑌷𑍍𑌪𑌤𑍍 – 𑌪𑍃॒𑌣𑍇𑌤𑍍𑌯𑌾॑𑌹 – 𑌸𑍁𑌕𑍍𑌷𑌿॒𑌤𑌿 – 𑌰𑌨𑌾᳚𑌚𑍍𑌛𑍃𑌣𑍍𑌣॒𑌮𑍍 – 𑌛𑌨𑍍𑌦𑌾॒𑌗𑍍॒𑌸𑍍𑌯𑌾𑌚𑍍𑌛𑍃॑𑌣 𑌤𑍍𑌤𑍍𑌯॒𑌷𑍍𑌟𑍌 𑌚॑) (𑌅. 3)

𑌅𑌨𑍁𑌵𑌾𑌕𑌂 4
𑌬𑍍𑌰𑌹𑍍𑌮॒-𑌨𑍍𑌪𑍍𑌰𑌚॑𑌰𑌿𑌷𑍍𑌯𑌾𑌮𑍋॒ 𑌹𑍋𑌤॑-𑌰𑍍𑌘॒𑌰𑍍𑌮𑌮॒𑌭𑌿𑌷𑍍𑌟𑍁॒𑌹𑍀𑌤𑍍𑌯𑌾॑𑌹 ।
𑌏॒𑌷 𑌵𑌾 𑌏॒𑌤𑌰𑍍𑌹𑌿॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌯𑌦𑍍𑌬𑍍𑌰॒𑌹𑍍𑌮𑌾 ।
𑌤𑌸𑍍𑌮𑌾॑ 𑌏॒𑌵 𑌪𑍍𑌰॑𑌤𑌿॒𑌪𑍍𑌰𑍋𑌚𑍍𑌯॒ 𑌪𑍍𑌰𑌚॑𑌰𑌤𑌿 ।
𑌆॒𑌤𑍍𑌮𑌨𑍋-𑌽𑌨𑌾᳚𑌰𑍍𑌤𑍍𑌯𑍈 । 𑌯॒𑌮𑌾𑌯॑ 𑌤𑍍𑌵𑌾 𑌮॒𑌖𑌾𑌯॒ 𑌤𑍍𑌵𑍇𑌤𑍍𑌯𑌾॑𑌹 ।
𑌏॒𑌤𑌾 𑌵𑌾 𑌏॒𑌤𑌸𑍍𑌯॑ 𑌦𑍇॒𑌵𑌤𑌾𑌃᳚ । 𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌮𑍍॒ 𑌸𑌮॑𑌰𑍍𑌧𑌯𑌤𑌿 । 𑌮𑌦॑𑌨𑍍𑌤𑍀𑌭𑌿𑌃॒ 𑌪𑍍𑌰𑍋𑌕𑍍𑌷॑𑌤𑌿 । 𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 ॥ 30 ॥

𑌅॒𑌭𑌿॒𑌪𑍂॒𑌰𑍍𑌵-𑌮𑍍𑌪𑍍𑌰𑍋𑌕𑍍𑌷॑𑌤𑌿 । 𑌅॒𑌭𑌿॒𑌪𑍂॒𑌰𑍍𑌵-𑌮𑍇॒𑌵𑌾𑌸𑍍𑌮𑌿॒𑌨𑍍-𑌤𑍇𑌜𑍋॑ 𑌦𑌧𑌾𑌤𑌿 । 𑌤𑍍𑌰𑌿𑌃 𑌪𑍍𑌰𑍋𑌕𑍍𑌷॑𑌤𑌿 । 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑌃 । 𑌅𑌥𑍋॑ 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ । 𑌹𑍋𑌤𑌾-𑌽𑌨𑍍𑌵𑌾॑𑌹 । 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 । 𑌅𑌨॑𑌵𑌾𑌨𑌮𑍍 । 𑌪𑍍𑌰𑌾॒𑌣𑌾𑌨𑌾॒𑌗𑍍𑌮𑍍॒ 𑌸𑌨𑍍𑌤॑𑌤𑍍𑌯𑍈 ।
𑌤𑍍𑌰𑌿॒𑌷𑍍𑌟𑍁𑌭॑-𑌸𑍍𑌸॒𑌤𑍀-𑌰𑍍𑌗𑌾॑𑌯॒𑌤𑍍𑌰𑍀𑌰𑌿॒𑌵𑌾𑌨𑍍𑌵𑌾॑𑌹 ॥ 31 ॥

𑌗𑌾॒𑌯॒𑌤𑍍𑌰𑍋 𑌹𑌿 𑌪𑍍𑌰𑌾॒𑌣𑌃 । 𑌪𑍍𑌰𑌾॒𑌣𑌮𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌸𑌨𑍍𑌤॑𑌤॒𑌮𑌨𑍍𑌵𑌾॑𑌹 । 𑌪𑍍𑌰𑌾॒𑌣𑌾𑌨𑌾॑𑌮॒𑌨𑍍𑌨𑌾𑌦𑍍𑌯॑𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 । 𑌅𑌥𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 । 𑌯-𑌤𑍍𑌪𑌰𑌿॑𑌮𑌿𑌤𑌾 𑌅𑌨𑍁𑌬𑍍𑌰𑍂॒𑌯𑌾𑌤𑍍 । 𑌪𑌰𑌿॑𑌮𑌿𑌤॒𑌮𑌵॑𑌰𑍁𑌨𑍍𑌧𑍀𑌤 । 𑌅𑌪॑𑌰𑌿𑌮𑌿𑌤𑌾॒ 𑌅𑌨𑍍𑌵𑌾॑𑌹 ।
𑌅𑌪॑𑌰𑌿𑌮𑌿𑌤॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 । 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ ॥ 32 ॥

𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌊𑌂𑌰𑍍𑌮𑍁𑌞𑍍𑌜𑌾𑌃᳚ । 𑌯-𑌨𑍍𑌮𑍌॒𑌞𑍍𑌜𑍋 𑌵𑍇॒𑌦𑍋 𑌭𑌵॑𑌤𑌿 । 𑌊॒𑌰𑍍𑌜𑍈𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰॒-𑌸𑍍𑌸𑌮॑𑌰𑍍𑌧𑌯𑌤𑌿 । 𑌪𑍍𑌰𑌾॒𑌣𑌾॒𑌹𑍁॒𑌤𑍀-𑌰𑍍𑌜𑍁॑𑌹𑍋𑌤𑌿 । 𑌪𑍍𑌰𑌾॒𑌣𑌾𑌨𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌸॒𑌪𑍍𑌤 𑌜𑍁॑𑌹𑍋𑌤𑌿 । 𑌸॒𑌪𑍍𑌤 𑌵𑍈 𑌶𑍀॑𑌰𑍍𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾𑌃 । 𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 । 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨॒𑌕𑍍𑌤𑍍𑌵𑌿𑌤𑍍𑌯𑌾॑𑌹 ॥ 33 ॥

𑌤𑍇𑌜॑𑌸𑍈॒𑌵𑍈𑌨॑𑌮𑌨𑌕𑍍𑌤𑌿 । 𑌪𑍃॒𑌥𑌿॒𑌵𑍀-𑌨𑍍𑌤𑌪॑𑌸𑌸𑍍𑌤𑍍𑌰𑌾𑌯॒𑌸𑍍𑌵𑍇𑌤𑌿॒ 𑌹𑌿𑌰॑𑌣𑍍𑌯॒𑌮𑍁𑌪𑌾᳚𑌸𑍍𑌯𑌤𑌿 । 𑌅॒𑌸𑍍𑌯𑌾 𑌅𑌨॑𑌤𑌿𑌦𑌾𑌹𑌾𑌯 । 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌅॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ । 𑌪𑍍𑌰॒𑌲॒𑌵𑌾𑌨𑌾॒𑌦𑍀𑌪𑍍𑌯𑍋𑌪𑌾᳚𑌸𑍍𑌯𑌤𑌿 । 𑌦𑍇॒𑌵𑌤𑌾᳚𑌸𑍍𑌵𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 । 𑌅𑌪𑍍𑌰॑𑌤𑌿𑌶𑍀𑌰𑍍𑌣𑌾𑌗𑍍𑌰-𑌮𑍍𑌭𑌵𑌤𑌿 ।
𑌏॒𑌤-𑌦𑍍𑌬॑𑌰𑍍𑌹𑌿॒𑌰𑍍𑌹𑍍𑌯𑍇॑𑌷𑌃 ॥ 34 ॥

𑌅॒𑌰𑍍𑌚𑌿𑌰॑𑌸𑌿 𑌶𑍋॒𑌚𑌿𑌰॒𑌸𑍀𑌤𑍍𑌯𑌾॑𑌹 । 𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 । 𑌸𑌗𑍍𑌮𑍍𑌸𑍀॑𑌦𑌸𑍍𑌵 𑌮॒𑌹𑌾𑌗𑍍𑌮𑍍 𑌅॒𑌸𑍀𑌤𑍍𑌯𑌾॑𑌹 । 𑌮॒𑌹𑌾𑌨𑍍. 𑌹𑍍𑌯𑍇॑𑌷𑌃 । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 ।
𑌏॒𑌤𑍇 𑌵𑌾𑌵 𑌤 𑌋॒𑌤𑍍𑌵𑌿𑌜𑌃॑ । 𑌯𑍇 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑌯𑍋𑌃᳚ ।
𑌅𑌥॑ 𑌕॒𑌥𑌾 𑌹𑍋𑌤𑌾॒ 𑌯𑌜॑𑌮𑌾𑌨𑌾𑌯𑌾॒𑌶𑌿𑌷𑍋॒ 𑌨𑌾𑌶𑌾᳚𑌸𑍍𑌤॒ 𑌇𑌤𑌿॑ ।
𑌪𑍁॒𑌰𑌸𑍍𑌤𑌾॑𑌦𑌾𑌶𑍀𑌃॒ 𑌖𑌲𑍁॒ 𑌵𑌾 𑌅॒𑌨𑍍𑌯𑍋 𑌯॒𑌜𑍍𑌞𑌃 । 𑌉॒𑌪𑌰𑌿॑𑌷𑍍𑌟𑌾𑌦𑌾𑌶𑍀𑌰॒𑌨𑍍𑌯𑌃 ॥ 35 ॥

𑌅॒𑌨𑌾॒𑌧𑍃॒𑌷𑍍𑌯𑌾 𑌪𑍁॒𑌰𑌸𑍍𑌤𑌾॒𑌦𑌿𑌤𑌿॒ 𑌯𑌦𑍇॒𑌤𑌾𑌨𑌿॒ 𑌯𑌜𑍂॒𑌗𑍍॒𑌷𑍍𑌯𑌾𑌹॑ । 𑌶𑍀॒𑌰𑍍॒𑌷॒𑌤 𑌏॒𑌵 𑌯॒𑌜𑍍𑌞𑌸𑍍𑌯॒ 𑌯𑌜॑𑌮𑌾𑌨 𑌆॒𑌶𑌿𑌷𑍋-𑌽𑌵॑𑌰𑍁𑌨𑍍𑌧𑍇 । 𑌆𑌯𑍁𑌃॑ 𑌪𑍁॒𑌰𑌸𑍍𑌤𑌾॑𑌦𑌾𑌹 । 𑌪𑍍𑌰॒𑌜𑌾-𑌨𑍍𑌦॑𑌕𑍍𑌷𑌿𑌣॒𑌤𑌃 । 𑌪𑍍𑌰𑌾॒𑌣-𑌮𑍍𑌪॒𑌶𑍍𑌚𑌾𑌤𑍍 ।
𑌶𑍍𑌰𑍋𑌤𑍍𑌰॑𑌮𑍁𑌤𑍍𑌤𑌰॒𑌤𑌃 । 𑌵𑌿𑌧𑍃॑𑌤𑌿𑌮𑍁॒𑌪𑌰𑌿॑𑌷𑍍𑌟𑌾𑌤𑍍 । 𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌮𑍈॑ 𑌸॒𑌮𑍀𑌚𑍋॑ 𑌦𑌧𑌾𑌤𑌿 ।
𑌈॒𑌶𑍍𑌵॒𑌰𑍋 𑌵𑌾 𑌏॒𑌷 𑌦𑌿𑌶𑍋-𑌽𑌨𑍂𑌨𑍍𑌮॑𑌦𑌿𑌤𑍋𑌃 ।
𑌯𑌨𑍍𑌦𑌿𑌶𑍋-𑌽𑌨𑍁॑ 𑌵𑍍𑌯𑌾𑌸𑍍𑌥𑌾॒𑌪𑌯॑𑌨𑍍𑌤𑌿 ॥ 36 ॥

𑌮𑌨𑍋॒𑌰𑌶𑍍𑌵𑌾॑-𑌽𑌸𑌿॒ 𑌭𑍂𑌰𑌿॑𑌪𑍁॒𑌤𑍍𑌰𑍇𑌤𑍀॒𑌮𑌾-𑌮॒𑌭𑌿𑌮𑍃॑𑌶𑌤𑌿 ।
𑌇॒𑌯𑌂-𑌵𑍈𑌁 𑌮𑌨𑍋॒𑌰𑌶𑍍𑌵𑌾॒ 𑌭𑍂𑌰𑌿॑𑌪𑍁𑌤𑍍𑌰𑌾 । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠॒𑌤𑍍𑌯𑌨𑍁॑𑌨𑍍𑌮𑌾𑌦𑌾𑌯 । 𑌸𑍂॒𑌪॒𑌸𑌦𑌾॑ 𑌮𑍇 𑌭𑍂𑌯𑌾॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀॒𑌰𑌿𑌤𑍍𑌯𑌾॒𑌹𑌾𑌹𑌿𑌗𑍍𑌮𑍍॑𑌸𑌾𑌯𑍈 ।
𑌚𑌿𑌤॑-𑌸𑍍𑌸𑍍𑌥 𑌪𑌰𑌿॒𑌚𑌿𑌤॒ 𑌇𑌤𑍍𑌯𑌾॑𑌹 । 𑌅𑌪॑𑌚𑌿𑌤𑌿𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 । 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ ।
𑌅॒𑌸𑍌 𑌖𑌲𑍁॒ 𑌵𑌾 𑌆॑𑌦𑌿॒𑌤𑍍𑌯𑌃 𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌤𑌸𑍍𑌯॑ 𑌮॒𑌰𑍁𑌤𑍋॑ 𑌰॒𑌶𑍍𑌮𑌯𑌃॑ ॥ 3𑍭 ॥

𑌸𑍍𑌵𑌾𑌹𑌾॑ 𑌮॒𑌰𑍁𑌦𑍍𑌭𑌿𑌃॒ 𑌪𑌰𑌿॑𑌶𑍍𑌰𑌯॒𑌸𑍍𑌵𑍇𑌤𑍍𑌯𑌾॑𑌹 । 𑌅॒𑌮𑍁𑌮𑍇॒𑌵𑌾𑌦𑌿॒𑌤𑍍𑌯𑌗𑍍𑌮𑍍 𑌰॒𑌶𑍍𑌮𑌿𑌭𑌿𑌃॒ 𑌪𑌰𑍍𑌯𑍂॑𑌹𑌤𑌿 ।
𑌤𑌸𑍍𑌮𑌾॑-𑌦॒𑌸𑌾𑌵𑌾॑𑌦𑌿॒𑌤𑍍𑌯𑍋॑-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌰॒𑌶𑍍𑌮𑌿𑌭𑌿𑌃॒ 𑌪𑌰𑍍𑌯𑍂॑𑌢𑌃 । 𑌤𑌸𑍍𑌮𑌾॒-𑌦𑍍𑌰𑌾𑌜𑌾॑ 𑌵𑌿॒𑌶𑌾 𑌪𑌰𑍍𑌯𑍂॑𑌢𑌃 । 𑌤𑌸𑍍𑌮𑌾᳚-𑌦𑍍𑌗𑍍𑌰𑌾𑌮॒𑌣𑍀-𑌸𑍍𑌸॑𑌜𑌾॒𑌤𑍈𑌃 𑌪𑌰𑍍𑌯𑍂॑𑌢𑌃 । 𑌅॒𑌗𑍍𑌨𑍇-𑌸𑍍𑌸𑍃॒𑌷𑍍𑌟𑌸𑍍𑌯॑ 𑌯॒𑌤𑌃 । 𑌵𑌿𑌕॑𑌙𑍍𑌕𑌤॒-𑌮𑍍𑌭𑌾 𑌆᳚𑌰𑍍𑌚𑍍𑌛𑌤𑍍 ।
𑌯-𑌦𑍍𑌵𑍈𑌕॑𑌙𑍍𑌕𑌤𑌾𑌃 𑌪𑌰𑌿॒𑌧𑌯𑍋॒ 𑌭𑌵॑𑌨𑍍𑌤𑌿 ।
𑌭𑌾 𑌏॒𑌵𑌾𑌵॑𑌰𑍁𑌨𑍍𑌧𑍇 । 𑌦𑍍𑌵𑌾𑌦॑𑌶 𑌭𑌵𑌨𑍍𑌤𑌿 ॥ 3𑍮 ॥

𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑌃 । 𑌸𑌂॒𑌵𑌁॒𑌥𑍍𑌸॒𑌰𑌮𑍇॒𑌵𑌾𑌵॑𑌰𑍁𑌨𑍍𑌧𑍇 ।
𑌅𑌸𑍍𑌤𑌿॑ 𑌤𑍍𑌰𑌯𑍋𑌦॒𑌶𑍋 𑌮𑌾𑌸॒ 𑌇𑌤𑍍𑌯𑌾॑𑌹𑍁𑌃 । 𑌯-𑌤𑍍𑌤𑍍𑌰॑𑌯𑍋𑌦॒𑌶𑌃 𑌪॑𑌰𑌿॒𑌧𑌿𑌰𑍍𑌭𑌵॑𑌤𑌿 । 𑌤𑍇𑌨𑍈॒𑌵 𑌤𑍍𑌰॑𑌯𑍋𑌦॒𑌶-𑌮𑍍𑌮𑌾𑌸॒𑌮𑌵॑𑌰𑍁𑌨𑍍𑌧𑍇 । 𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯𑌾𑌨𑍍𑌤॒-𑌰𑍍𑌧𑌿𑌰॒𑌸𑍀𑌤𑍍𑌯𑌾॑𑌹॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 । 𑌦𑌿𑌵॒-𑌨𑍍𑌤𑌪॑𑌸𑌸𑍍𑌤𑍍𑌰𑌾𑌯॒𑌸𑍍𑌵𑍇-𑌤𑍍𑌯𑍁॒𑌪𑌰𑌿॑𑌷𑍍𑌟𑌾॒-𑌦𑍍𑌧𑌿𑌰॑𑌣𑍍𑌯॒𑌮𑌧𑌿॒ 𑌨𑌿𑌦॑𑌧𑌾𑌤𑌿 । 𑌅॒𑌮𑍁𑌷𑍍𑌯𑌾॒ 𑌅𑌨॑𑌤𑌿𑌦𑌾𑌹𑌾𑌯 । 𑌅𑌥𑍋॑ 𑌆॒𑌭𑍍𑌯𑌾𑌮𑍇॒𑌵𑍈𑌨॑𑌮𑍁𑌭॒𑌯𑌤𑌃॒ 𑌪𑌰𑌿॑𑌗𑍃𑌹𑍍𑌣𑌾𑌤𑌿 ।
𑌅𑌰𑍍𑌹॑-𑌨𑍍𑌬𑌿𑌭𑌰𑍍𑌷𑌿॒ 𑌸𑌾𑌯॑𑌕𑌾𑌨𑌿॒ 𑌧𑌨𑍍𑌵𑍇𑌤𑍍𑌯𑌾॑𑌹 ॥ 3𑍯 ॥

𑌸𑍍𑌤𑍌𑌤𑍍𑌯𑍇॒𑌵𑍈𑌨॑𑌮𑍇॒𑌤𑌤𑍍 । 𑌗𑌾॒𑌯॒𑌤𑍍𑌰𑌮॑𑌸𑌿॒ 𑌤𑍍𑌰𑍈𑌷𑍍𑌟𑍁॑𑌭𑌮𑌸𑌿॒ 𑌜𑌾𑌗॑𑌤𑌮॒𑌸𑍀𑌤𑌿॑ 𑌧॒𑌵𑌿𑌤𑍍𑌰𑌾॒𑌣𑍍𑌯𑌾𑌦॑𑌤𑍍𑌤𑍇 । 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨𑌾॒𑌨𑍍𑌯𑌾𑌦॑𑌤𑍍𑌤𑍇 । 𑌮𑌧𑍁॒ 𑌮𑌦𑍍𑌧𑍍𑌵𑌿𑌤𑌿॑ 𑌧𑍂𑌨𑍋𑌤𑌿 । 𑌪𑍍𑌰𑌾॒𑌣𑍋 𑌵𑍈 𑌮𑌧𑍁॑ । 𑌪𑍍𑌰𑌾॒𑌣𑌮𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌤𑍍𑌰𑌿𑌃 𑌪𑌰𑌿॑𑌯𑌨𑍍𑌤𑌿 । 𑌤𑍍𑌰𑌿॒𑌵𑍃𑌦𑍍𑌧𑌿 𑌪𑍍𑌰𑌾॒𑌣𑌃 ।
𑌤𑍍𑌰𑌿𑌃 𑌪𑌰𑌿॑𑌯𑌨𑍍𑌤𑌿 । 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑌃 ॥ 40 ॥
𑌅𑌥𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 । 𑌤𑍍𑌰𑌿𑌃 𑌪𑍁𑌨𑌃॒ 𑌪𑌰𑌿॑𑌯𑌨𑍍𑌤𑌿 ।
𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌨𑍍𑌤𑌿 । 𑌯𑍋 𑌵𑍈 𑌘॒𑌰𑍍𑌮𑌸𑍍𑌯॑ 𑌪𑍍𑌰𑌿॒𑌯𑌾𑌨𑍍-𑌤॒𑌨𑍁𑌵॑𑌮𑌾॒𑌕𑍍𑌰𑌾𑌮॑𑌤𑌿 । 𑌦𑍁॒𑌶𑍍𑌚𑌰𑍍𑌮𑌾॒ 𑌵𑍈 𑌸 𑌭॑𑌵𑌤𑌿 ।
𑌏॒𑌷 𑌹॒ 𑌵𑌾 𑌅॑𑌸𑍍𑌯 𑌪𑍍𑌰𑌿॒𑌯𑌾-𑌨𑍍𑌤॒𑌨𑍁𑌵॒𑌮𑌾𑌕𑍍𑌰𑌾॑𑌮𑌤𑌿 ।
𑌯 𑌸𑍍𑌤𑍍𑌰𑌿𑌃 𑌪॒𑌰𑍀𑌤𑍍𑌯॑ 𑌚𑌤𑍁॒𑌰𑍍𑌥-𑌮𑍍𑌪𑌰𑍍𑌯𑍇॑𑌤𑌿 ।
𑌏॒𑌤𑌾𑌗𑍍𑌮𑍍 𑌹॒ 𑌵𑌾 𑌅॑𑌸𑍍𑌯𑍋॒𑌗𑍍𑌰𑌦𑍇॑𑌵𑍋॒ 𑌰𑌾𑌜॑𑌨𑌿॒𑌰𑌾𑌚॑𑌕𑍍𑌰𑌾𑌮 ॥ 41 ॥

𑌤𑌤𑍋॒ 𑌵𑍈 𑌸 𑌦𑍁॒𑌶𑍍𑌚𑌰𑍍𑌮𑌾॑-𑌽𑌭𑌵𑌤𑍍 । 𑌤𑌸𑍍𑌮𑌾॒-𑌤𑍍𑌤𑍍𑌰𑌿𑌃 𑌪॒𑌰𑍀𑌤𑍍𑌯॒ 𑌨 𑌚॑𑌤𑍁॒𑌰𑍍𑌥-𑌮𑍍𑌪𑌰𑍀॑𑌯𑌾𑌤𑍍 । 𑌆॒𑌤𑍍𑌮𑌨𑍋॑ 𑌗𑍋𑌪𑍀॒𑌥𑌾𑌯॑ । 𑌪𑍍𑌰𑌾॒𑌣𑌾 𑌵𑍈 𑌧॒𑌵𑌿𑌤𑍍𑌰𑌾॑𑌣𑌿 । 𑌅𑌵𑍍𑌯॑𑌤𑌿𑌷𑌙𑍍𑌗-𑌨𑍍𑌧𑍂𑌨𑍍𑌵𑌨𑍍𑌤𑌿 ।
𑌪𑍍𑌰𑌾॒𑌣𑌾𑌨𑌾॒-𑌮𑌵𑍍𑌯॑𑌤𑌿𑌷𑌙𑍍𑌗𑌾𑌯॒ 𑌕𑍍𑌲𑍃𑌪𑍍𑌤𑍍𑌯𑍈᳚ । 𑌵𑌿॒𑌨𑌿॒𑌷𑌦𑍍𑌯॑ 𑌧𑍂𑌨𑍍𑌵𑌨𑍍𑌤𑌿 । 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌨𑍍𑌤𑌿 । 𑌊॒𑌰𑍍𑌧𑍍𑌵𑌨𑍍𑌧𑍂᳚𑌨𑍍𑌵𑌨𑍍𑌤𑌿 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 । 𑌸॒𑌰𑍍𑌵𑌤𑍋॑ 𑌧𑍂𑌨𑍍𑌵𑌨𑍍𑌤𑌿 ।
𑌤𑌸𑍍𑌮𑌾॑𑌦॒𑌯𑌗𑍍𑌮𑍍 𑌸॒𑌰𑍍𑌵𑌤𑌃॑ 𑌪𑌵𑌤𑍇 ॥ 42 ॥
(𑌦॒𑌧𑌾॒- 𑌤𑍀॒𑌵𑌾𑌨𑍍𑌵𑌾॑𑌹 – 𑌯॒𑌜𑍍𑌞 – 𑌸𑍍𑌯𑌾॑𑌹𑍈॒ – 𑌷 – 𑌉॒𑌪𑌰𑌿॑𑌷𑍍𑌟𑌾𑌦𑌾𑌶𑍀𑌰॒𑌨𑍍𑌯𑍋 – 𑌵𑍍𑌯𑌾᳚𑌸𑍍𑌥𑌾॒𑌪𑌯॑𑌨𑍍𑌤𑌿 – 𑌰॒𑌶𑍍𑌮𑌯𑍋॑ – 𑌭𑌵𑌨𑍍𑌤𑌿॒ – 𑌧𑌨𑍍𑌵𑍇𑌤𑍍𑌯𑌾॑𑌹 – 𑌯॒𑌜𑍍𑌞 – 𑌶𑍍𑌚॑𑌕𑍍𑌰𑌾𑌮॒ – 𑌸𑌮॑𑌷𑍍𑌟𑍍𑌯𑍈॒ 𑌦𑍍𑌵𑍇 𑌚॑) (𑌅. 4)

𑌅𑌨𑍁𑌵𑌾𑌕𑌂 5
𑌅॒𑌗𑍍𑌨𑌿𑌷𑍍𑌟𑍍𑌵𑌾॒ 𑌵𑌸𑍁॑𑌭𑌿𑌃 𑌪𑍁॒𑌰𑌸𑍍𑌤𑌾᳚-𑌦𑍍𑌰𑍋𑌚𑌯𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॒𑌸𑍇𑌤𑍍𑌯𑌾॑𑌹 । 𑌅॒𑌗𑍍𑌨𑌿𑌰𑍇॒𑌵𑍈𑌨𑌂॒-𑌵𑌁𑌸𑍁॑𑌭𑌿𑌃 𑌪𑍁॒𑌰𑌸𑍍𑌤𑌾᳚-𑌦𑍍𑌰𑍋𑌚𑌯𑌤𑌿 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾 । 𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚॒𑌯𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌇𑌨𑍍𑌦𑍍𑌰॑𑌸𑍍𑌤𑍍𑌵𑌾 𑌰𑍁॒𑌦𑍍𑌰𑍈-𑌰𑍍𑌦॑𑌕𑍍𑌷𑌿𑌣॒𑌤𑍋 𑌰𑍋॑𑌚𑌯𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒
𑌛𑌨𑍍𑌦॒𑌸𑍇𑌤𑍍𑌯𑌾॑𑌹 । 𑌇𑌨𑍍𑌦𑍍𑌰॑ 𑌏॒𑌵𑍈𑌨𑌗𑍍𑌮𑍍॑ 𑌰𑍁॒𑌦𑍍𑌰𑍈-𑌰𑍍𑌦॑𑌕𑍍𑌷𑌿𑌣॒𑌤𑍋 𑌰𑍋॑𑌚𑌯𑌤𑌿॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾 । 𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚॒𑌯𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌵𑌰𑍁॑𑌣𑌸𑍍𑌤𑍍𑌵𑌾-𑌽𑌽𑌦𑌿॒𑌤𑍍𑌯𑍈𑌃 𑌪॒𑌶𑍍𑌚𑌾-𑌦𑍍𑌰𑍋॑𑌚𑌯𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॒𑌸𑍇𑌤𑍍𑌯𑌾॑𑌹 । 𑌵𑌰𑍁॑𑌣 𑌏॒𑌵𑍈𑌨॑𑌮𑌾𑌦𑌿॒𑌤𑍍𑌯𑍈𑌃 𑌪॒𑌶𑍍𑌚𑌾-𑌦𑍍𑌰𑍋॑𑌚𑌯𑌤𑌿॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾 ॥ 43 ॥

𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚॒𑌯𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌦𑍍𑌯𑍁॒𑌤𑌾॒𑌨𑌸𑍍𑌤𑍍𑌵𑌾॑ 𑌮𑌾𑌰𑍁॒𑌤𑍋 𑌮॒𑌰𑍁𑌦𑍍𑌭𑌿॑𑌰𑍁𑌤𑍍𑌤𑌰॒𑌤𑍋 𑌰𑍋॑𑌚𑌯॒𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॒𑌸𑍇𑌤𑍍𑌯𑌾॑𑌹 ।
𑌦𑍍𑌯𑍁॒𑌤𑌾॒𑌨 𑌏॒𑌵𑍈𑌨॑-𑌮𑍍𑌮𑌾𑌰𑍁॒𑌤𑍋 𑌮॒𑌰𑍁𑌦𑍍𑌭𑌿॑𑌰𑍁𑌤𑍍𑌤𑌰॒𑌤𑍋 𑌰𑍋॑𑌚𑌯॒𑌤𑍍𑌯𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾 ।
𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚॒𑌯𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌬𑍃𑌹॒𑌸𑍍𑌪𑌤𑌿॑𑌸𑍍𑌤𑍍𑌵𑌾॒ 𑌵𑌿𑌶𑍍𑌵𑍈᳚-𑌰𑍍𑌦𑍇॒𑌵𑍈𑌰𑍁॒𑌪𑌰𑌿॑𑌷𑍍𑌟𑌾-𑌦𑍍𑌰𑍋𑌚𑌯𑌤𑍁॒ 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॒𑌸𑍇𑌤𑍍𑌯𑌾॑𑌹 ।
𑌬𑍃𑌹॒𑌸𑍍𑌪𑌤𑌿॑𑌰𑍇॒𑌵𑍈𑌨॒𑌮𑍍 𑌁𑌵𑌿𑌶𑍍𑌵𑍈᳚-𑌰𑍍𑌦𑍇॒𑌵𑍈𑌰𑍁॒𑌪𑌰𑌿॑𑌷𑍍𑌟𑌾-𑌦𑍍𑌰𑍋𑌚𑌯𑌤𑌿॒ 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॑𑌸𑌾 ।
𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚॒𑌯𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ॥ 44 ॥

𑌰𑍋॒𑌚𑌿॒𑌤𑌸𑍍𑌤𑍍𑌵-𑌨𑍍𑌦𑍇॑𑌵 𑌘𑌰𑍍𑌮 𑌦𑍇॒𑌵𑍇𑌷𑍍𑌵𑌸𑍀𑌤𑍍𑌯𑌾॑𑌹 । 𑌰𑍋॒𑌚𑌿॒𑌤𑍋 𑌹𑍍𑌯𑍇॑𑌷 𑌦𑍇॒𑌵𑍇𑌷𑍁॑ । 𑌰𑍋॒𑌚𑌿॒𑌷𑍀॒𑌯𑌾𑌹-𑌮𑍍𑌮॑𑌨𑍁॒𑌷𑍍𑌯𑍇᳚𑌷𑍍𑌵𑌿𑌤𑍍𑌯𑌾॑𑌹 । 𑌰𑍋𑌚॑𑌤 𑌏॒𑌵𑍈𑌷 𑌮॑𑌨𑍁॒𑌷𑍍𑌯𑍇॑𑌷𑍁 । 𑌸𑌮𑍍𑌰𑌾᳚𑌡𑍍 𑌘𑌰𑍍𑌮 𑌰𑍁𑌚𑌿॒𑌤𑌸𑍍𑌤𑍍𑌵-𑌨𑍍𑌦𑍇॒𑌵𑍇𑌷𑍍𑌵𑌾𑌯𑍁॑𑌷𑍍𑌮𑌾𑌗𑍍 𑌸𑍍𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍍𑌯॑𑌸𑍀𑌤𑍍𑌯𑌾॑𑌹 ।
𑌰𑍁॒𑌚𑌿॒𑌤𑍋 𑌹𑍍𑌯𑍇॑𑌷 𑌦𑍇॒𑌵𑍇𑌷𑍍𑌵𑌾𑌯𑍁॑𑌷𑍍𑌮𑌾𑌗𑍍 𑌸𑍍𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 ।
𑌰𑍁॒𑌚𑌿॒𑌤𑍋॑-𑌽𑌹-𑌮𑍍𑌮॑𑌨𑍁॒𑌷𑍍𑌯𑍇᳚𑌷𑍍𑌵𑌾𑌯𑍁॑𑌷𑍍𑌮𑌾𑌗𑍍 𑌸𑍍𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 𑌭𑍂॑𑌯𑌾𑌸॒𑌮𑌿𑌤𑍍𑌯𑌾॑𑌹 ।
𑌰𑍁॒𑌚𑌿॒𑌤 𑌏॒𑌵𑍈𑌷 𑌮॑𑌨𑍁॒𑌷𑍍𑌯𑍇᳚𑌷𑍍𑌵𑌾𑌯𑍁॑𑌷𑍍𑌮𑌾𑌗𑍍 𑌸𑍍𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 𑌭॑𑌵𑌤𑌿 । 𑌰𑍁𑌗॑𑌸𑌿॒ 𑌰𑍁𑌚॒-𑌮𑍍𑌮𑌯𑌿॑ 𑌧𑍇𑌹𑌿॒ 𑌮𑌯𑌿॒ 𑌰𑍁𑌗𑌿𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌤𑌂-𑌯𑌁𑌦𑍇॒𑌤𑍈-𑌰𑍍𑌯𑌜𑍁॑𑌰𑍍𑌭𑌿॒𑌰𑌰𑍋॑𑌚𑌯𑌿𑌤𑍍𑌵𑌾 । 𑌰𑍁॒𑌚𑌿॒𑌤𑍋 𑌘॒𑌰𑍍𑌮 𑌇𑌤𑌿॑ 𑌪𑍍𑌰𑌬𑍍𑌰𑍂॒𑌯𑌾𑌤𑍍 । 𑌅𑌰𑍋॑𑌚𑍁𑌕𑍋-𑌽𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸𑍍𑌯𑌾𑌤𑍍 ।
𑌅𑌰𑍋॑𑌚𑍁𑌕𑍋॒ 𑌯𑌜॑𑌮𑌾𑌨𑌃 । 𑌅𑌥॒ 𑌯𑌦𑍇॑𑌨𑌮𑍇॒𑌤𑍈𑌰𑍍𑌯𑌜𑍁॑𑌰𑍍𑌭𑍀 𑌰𑍋𑌚𑌯𑌿॒𑌤𑍍𑌵𑌾 । 𑌰𑍁॒𑌚𑌿॒𑌤𑍋 𑌘𑌰𑍍𑌮॒ 𑌇𑌤𑌿॒ 𑌪𑍍𑌰𑌾𑌹॑ । 𑌰𑍋𑌚𑍁॑𑌕𑍋-𑌽𑌦𑍍𑌧𑍍𑌵॒𑌰𑍍𑌯𑍁-𑌰𑍍𑌭𑌵॑𑌤𑌿 । 𑌰𑍋𑌚𑍁॑𑌕𑍋॒ 𑌯𑌜॑𑌮𑌾𑌨𑌃 ॥ 45 ॥
(𑌪॒𑌶𑍍𑌚𑌾-𑌦𑍍𑌰𑍋॑𑌚𑌯𑌤𑌿॒ 𑌜𑌗॑𑌤𑍇𑌨॒ 𑌛𑌨𑍍𑌦॑𑌸𑌾॒ – 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॑𑌸𑌾॒ 𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚॒𑌯𑍇𑌤𑍍𑌯𑌾॑𑌹𑌾॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 – 𑌶𑌾𑌸𑍍𑌤𑍇॒ 𑌽𑌷𑍍𑌟𑍌 𑌚॑) (𑌅. 5)

𑌅𑌨𑍁𑌵𑌾𑌕𑌂 6
𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌗𑍍𑌰𑍀॒𑌵𑌾 𑌉॑𑌪॒𑌸𑌦𑌃॑ । 𑌪𑍁॒𑌰𑌸𑍍𑌤𑌾॑𑌦𑍁𑌪॒𑌸𑌦𑌾᳚-𑌮𑍍𑌪𑍍𑌰𑌵॒𑌰𑍍𑌗𑍍𑌯॑-𑌮𑍍𑌪𑍍𑌰𑌵𑍃॑𑌣𑌕𑍍𑌤𑌿 । 𑌗𑍍𑌰𑍀॒𑌵𑌾𑌸𑍍𑌵𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 । 𑌤𑍍𑌰𑌿𑌃 𑌪𑍍𑌰𑌵𑍃॑𑌣𑌕𑍍𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॑ 𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋-𑌽𑌵॑𑌰𑍁𑌨𑍍𑌧𑍇 ।
𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ ॥ 46 ॥

𑌋॒𑌤𑍁𑌭𑍍𑌯॑ 𑌏॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋-𑌽𑌵॑𑌰𑍁𑌨𑍍𑌧𑍇 । 𑌦𑍍𑌵𑌾𑌦॑𑌶॒ 𑌕𑍃𑌤𑍍𑌵𑌃॒ 𑌪𑍍𑌰𑌵𑍃॑𑌣𑌕𑍍𑌤𑌿 । 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑌃 । 𑌸𑌂॒𑌵𑌁॒𑌥𑍍𑌸॒𑌰𑌾𑌦𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋-𑌽𑌵॑𑌰𑍁𑌨𑍍𑌧𑍇 । 𑌚𑌤𑍁॑𑌰𑍍𑌵𑌿𑌗𑍍𑌮𑍍𑌶𑌤𑌿॒-𑌸𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌚𑌤𑍁॑𑌰𑍍𑌵𑌿𑌗𑍍𑌮𑍍𑌶𑌤𑌿𑌰𑌰𑍍𑌧𑌮𑌾॒𑌸𑌾𑌃 ।
𑌅॒𑌰𑍍𑌧॒𑌮𑌾॒𑌸𑍇𑌭𑍍𑌯॑ 𑌏॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋-𑌽𑌵॑𑌰𑍁𑌨𑍍𑌧𑍇 । 𑌅𑌥𑍋॒ 𑌖𑌲𑍁॑ । 𑌸॒𑌕𑍃𑌦𑍇॒𑌵 𑌪𑍍𑌰॒𑌵𑍃𑌜𑍍𑌯𑌃॑ । 𑌏𑌕॒𑌗𑍍𑌮𑍍॒ 𑌹𑌿 𑌶𑌿𑌰𑌃॑ ॥ 4𑍭 ॥

𑌅॒𑌗𑍍𑌨𑌿॒𑌷𑍍𑌟𑍋॒𑌮𑍇 𑌪𑍍𑌰𑌵𑍃॑𑌣𑌕𑍍𑌤𑌿 । 𑌏॒𑌤𑌾𑌵𑌾॒𑌨𑍍॒. 𑌵𑍈 𑌯॒𑌜𑍍𑌞𑌃 । 𑌯𑌾𑌵𑌾॑𑌨𑌗𑍍𑌨𑌿𑌷𑍍𑌟𑍋॒𑌮𑌃 । 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌃 । 𑌤𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 । 𑌨𑍋𑌕𑍍𑌥𑍍𑌯𑍇᳚ 𑌪𑍍𑌰𑌵𑍃॑𑌞𑍍𑌜𑍍𑌯𑌾𑌤𑍍 ।
𑌪𑍍𑌰॒𑌜𑌾 𑌵𑍈 𑌪॒𑌶𑌵॑ 𑌉॒𑌕𑍍𑌥𑌾𑌨𑌿॑ । 𑌯𑌦𑍁॒𑌕𑍍𑌥𑍍𑌯𑍇᳚ 𑌪𑍍𑌰𑌵𑍃॒𑌞𑍍𑌜𑍍𑌯𑌾𑌤𑍍 ।
𑌪𑍍𑌰॒𑌜𑌾-𑌮𑍍𑌪॒𑌶𑍂𑌨॑𑌸𑍍𑌯॒ 𑌨𑌿𑌰𑍍𑌦॑𑌹𑍇𑌤𑍍 । 𑌵𑌿॒𑌶𑍍𑌵॒𑌜𑌿𑌤𑌿॒ 𑌸𑌰𑍍𑌵॑𑌪𑍃𑌷𑍍𑌠𑍇॒ 𑌪𑍍𑌰𑌵𑍃॑𑌣𑌕𑍍𑌤𑌿 ॥ 4𑍮 ॥

𑌪𑍃॒𑌷𑍍𑌠𑌾𑌨𑌿॒ 𑌵𑌾 𑌅𑌚𑍍𑌯𑍁॑𑌤𑌞𑍍𑌚𑍍𑌯𑌾𑌵𑌯𑌨𑍍𑌤𑌿 ।
𑌪𑍃॒𑌷𑍍𑌠𑍈𑌰𑍇॒𑌵𑌾𑌸𑍍𑌮𑌾॒ 𑌅𑌚𑍍𑌯𑍁॑𑌤𑌞𑍍𑌚𑍍𑌯𑌾𑌵𑌯𑌿॒𑌤𑍍𑌵𑌾-𑌽𑌵॑𑌰𑍁𑌨𑍍𑌧𑍇 । 𑌅𑌪॑𑌶𑍍𑌯-𑌙𑍍𑌗𑍋॒𑌪𑌾𑌮𑌿𑌤𑍍𑌯𑌾॑𑌹 । 𑌪𑍍𑌰𑌾॒𑌣𑍋 𑌵𑍈 𑌗𑍋॒𑌪𑌾𑌃 । 𑌪𑍍𑌰𑌾॒𑌣𑌮𑍇॒𑌵 𑌪𑍍𑌰॒𑌜𑌾𑌸𑍁॒ 𑌵𑌿𑌯𑌾॑𑌤𑌯𑌤𑌿 ।
𑌅𑌪॑𑌶𑍍𑌯-𑌙𑍍𑌗𑍋॒𑌪𑌾𑌮𑌿𑌤𑍍𑌯𑌾॑𑌹 । 𑌅॒𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋 𑌗𑍋॒𑌪𑌾𑌃 । 𑌸 𑌹𑍀𑌮𑌾𑌃 𑌪𑍍𑌰॒𑌜𑌾 𑌗𑍋॑𑌪𑌾॒𑌯𑌤𑌿॑ । 𑌤𑌮𑍇॒𑌵 𑌪𑍍𑌰॒𑌜𑌾𑌨𑌾᳚-𑌙𑍍𑌗𑍋॒𑌪𑍍𑌤𑌾𑌰॑-𑌙𑍍𑌕𑍁𑌰𑍁𑌤𑍇 । 𑌅𑌨𑌿॑𑌪𑌦𑍍𑌯𑌮𑌾𑌨॒𑌮𑌿𑌤𑍍𑌯𑌾॑𑌹 ॥ 4𑍯 ॥

𑌨 𑌹𑍍𑌯𑍇॑𑌷 𑌨𑌿॒𑌪𑌦𑍍𑌯॑𑌤𑍇 । 𑌆 𑌚॒ 𑌪𑌰𑌾॑ 𑌚 𑌪॒𑌥𑌿𑌭𑌿॒𑌶𑍍𑌚𑌰॑𑌨𑍍𑌤॒𑌮𑌿𑌤𑍍𑌯𑌾॑𑌹 । 𑌆 𑌚॒ 𑌹𑍍𑌯𑍇॑𑌷 𑌪𑌰𑌾॑ 𑌚 𑌪॒𑌥𑌿𑌭𑌿॒𑌶𑍍𑌚𑌰॑𑌤𑌿 । 𑌸 𑌸॒𑌦𑍍𑌧𑍍𑌰𑍀𑌚𑍀॒-𑌸𑍍𑌸 𑌵𑌿𑌷𑍂॑𑌚𑍀॒𑌰𑍍𑌵𑌸𑌾॑𑌨॒ 𑌇𑌤𑍍𑌯𑌾॑𑌹 । 𑌸॒𑌦𑍍𑌧𑍍𑌰𑍀𑌚𑍀᳚𑌶𑍍𑌚॒ 𑌹𑍍𑌯𑍇॑𑌷 𑌵𑌿𑌷𑍂॑𑌚𑍀𑌶𑍍𑌚॒ 𑌵𑌸𑌾॑𑌨𑌃 𑌪𑍍𑌰॒𑌜𑌾 𑌅॒𑌭𑌿 𑌵𑌿॒𑌪𑌶𑍍𑌯॑𑌤𑌿 । 𑌆 𑌵॑𑌰𑍀𑌵𑌰𑍍𑌤𑌿॒ 𑌭𑍁𑌵॑𑌨𑍇𑌷𑍍𑌵॒𑌨𑍍𑌤𑌰𑌿𑌤𑍍𑌯𑌾॑𑌹 । 𑌆 𑌹𑍍𑌯𑍇॑𑌷 𑌵॑𑌰𑍀॒𑌵𑌰𑍍𑌤𑌿॒ 𑌭𑍁𑌵॑𑌨𑍇𑌷𑍍𑌵॒𑌨𑍍𑌤𑌃 । 𑌅𑌤𑍍𑌰॑ 𑌪𑍍𑌰𑌾॒𑌵𑍀𑌰𑍍𑌮𑌧𑍁॒ 𑌮𑌾𑌦𑍍𑌧𑍍𑌵𑍀᳚𑌭𑍍𑌯𑌾॒-𑌮𑍍𑌮𑌧𑍁॒ 𑌮𑌾𑌧𑍂॑𑌚𑍀𑌭𑍍𑌯𑌾॒𑌮𑌿𑌤𑍍𑌯𑌾॑𑌹 ।
𑌵𑌾𑌸॑𑌨𑍍𑌤𑌿𑌕𑌾𑌵𑍇॒𑌵𑌾𑌸𑍍𑌮𑌾॑ 𑌋॒𑌤𑍂 𑌕॑𑌲𑍍𑌪𑌯𑌤𑌿 ।
𑌸𑌮॒𑌗𑍍𑌨𑌿𑌰॒𑌗𑍍𑌨𑌿𑌨𑌾॑ 𑌗॒𑌤𑍇𑌤𑍍𑌯𑌾॑𑌹 ॥ 50 ॥

𑌗𑍍𑌰𑍈𑌷𑍍𑌮𑌾॑𑌵𑍇॒𑌵𑌾𑌸𑍍𑌮𑌾॑ 𑌋॒𑌤𑍂 𑌕॑𑌲𑍍𑌪𑌯𑌤𑌿 । 𑌸𑌮॒𑌗𑍍𑌨𑌿𑌰॒𑌗𑍍𑌨𑌿𑌨𑌾॑ 𑌗॒𑌤𑍇𑌤𑍍𑌯𑌾॑𑌹 । 𑌅॒𑌗𑍍𑌨𑌿𑌰𑍍𑌹𑍍𑌯𑍇॑𑌵𑍈𑌷𑍋᳚-𑌽𑌗𑍍𑌨𑌿𑌨𑌾॑ 𑌸॒𑌙𑍍𑌗𑌚𑍍𑌛॑𑌤𑍇 । 𑌸𑍍𑌵𑌾𑌹𑌾॒ 𑌸𑌮॒𑌗𑍍𑌨𑌿𑌸𑍍𑌤𑌪॑𑌸𑌾 𑌗॒𑌤𑍇𑌤𑍍𑌯𑌾॑𑌹 ।
𑌪𑍂𑌰𑍍𑌵॑𑌮𑍇॒𑌵𑍋𑌦𑌿॒𑌤𑌮𑍍 । 𑌉𑌤𑍍𑌤॑𑌰𑍇𑌣𑌾॒𑌭𑌿𑌗𑍃॑𑌣𑌾𑌤𑌿 ।
𑌧॒𑌰𑍍𑌤𑌾 𑌦𑌿॒𑌵𑍋 𑌵𑌿𑌭𑌾॑𑌸𑌿॒ 𑌰𑌜॑𑌸𑌃 𑌪𑍃𑌥𑌿॒𑌵𑍍𑌯𑌾 𑌇𑌤𑍍𑌯𑌾॑𑌹 ।
𑌵𑌾𑌰𑍍𑌷𑌿॑𑌕𑌾𑌵𑍇॒𑌵𑌾𑌸𑍍𑌮𑌾॑ 𑌋॒𑌤𑍂 𑌕॑𑌲𑍍𑌪𑌯𑌤𑌿 ।
𑌹𑍃॒𑌦𑍇 𑌤𑍍𑌵𑌾॒ 𑌮𑌨॑𑌸𑍇॒ 𑌤𑍍𑌵𑍇𑌤𑍍𑌯𑌾॑𑌹 । 𑌶𑌾॒𑌰॒𑌦𑌾𑌵𑍇॒𑌵𑌾𑌸𑍍𑌮𑌾॑ 𑌋॒𑌤𑍂 𑌕॑𑌲𑍍𑌪𑌯𑌤𑌿 ॥ 51 ॥

𑌦𑌿॒𑌵𑌿 𑌦𑍇॒𑌵𑍇𑌷𑍁॒ 𑌹𑍋𑌤𑍍𑌰𑌾॑ 𑌯॒𑌚𑍍𑌛𑍇𑌤𑍍𑌯𑌾॑𑌹 । 𑌹𑍋𑌤𑍍𑌰𑌾॑𑌭𑌿𑌰𑍇॒𑌵𑍇𑌮𑌾𑌨𑍍 𑌁𑌲𑍋॒𑌕𑌾𑌨𑍍-𑌥𑍍𑌸-𑌨𑍍𑌦॑𑌧𑌾𑌤𑌿 । 𑌵𑌿𑌶𑍍𑌵𑌾॑𑌸𑌾-𑌮𑍍𑌭𑍁𑌵𑌾-𑌮𑍍𑌪𑌤॒ 𑌇𑌤𑍍𑌯𑌾॑𑌹 । 𑌹𑍈𑌮॑𑌨𑍍𑌤𑌿𑌕𑌾𑌵𑍇॒𑌵𑌾𑌸𑍍𑌮𑌾॑ 𑌋॒𑌤𑍂 𑌕॑𑌲𑍍𑌪𑌯𑌤𑌿 ।
𑌦𑍇॒𑌵॒𑌶𑍍𑌰𑍂𑌸𑍍𑌤𑍍𑌵-𑌨𑍍𑌦𑍇॑𑌵 𑌘𑌰𑍍𑌮 𑌦𑍇॒𑌵𑌾-𑌨𑍍𑌪𑌾॒𑌹𑍀𑌤𑍍𑌯𑌾॑𑌹 ।
𑌶𑍈॒𑌶𑌿॒𑌰𑌾𑌵𑍇॒𑌵𑌾𑌸𑍍𑌮𑌾॑ 𑌋॒𑌤𑍂 𑌕॑𑌲𑍍𑌪𑌯𑌤𑌿 ।
𑌤॒𑌪𑍋॒𑌜𑌾𑌂-𑌵𑌾𑌁𑌚॑𑌮॒𑌸𑍍𑌮𑍇 𑌨𑌿𑌯॑𑌚𑍍𑌛 𑌦𑍇𑌵𑌾॒𑌯𑍁𑌵॒𑌮𑌿𑌤𑍍𑌯𑌾॑𑌹 ।
𑌯𑌾 𑌵𑍈 𑌮𑍇𑌦𑍍𑌧𑍍𑌯𑌾॒ 𑌵𑌾𑌕𑍍 । 𑌸𑌾 𑌤॑𑌪𑍋॒𑌜𑌾𑌃 । 𑌤𑌾𑌮𑍇॒𑌵𑌾𑌵॑𑌰𑍁𑌨𑍍𑌧𑍇 ॥ 52 ॥

𑌗𑌰𑍍𑌭𑍋॑ 𑌦𑍇॒𑌵𑌾𑌨𑌾॒𑌮𑌿𑌤𑍍𑌯𑌾॑𑌹 । 𑌗𑌰𑍍𑌭𑍋॒ 𑌹𑍍𑌯𑍇॑𑌷 𑌦𑍇॒𑌵𑌾𑌨𑌾᳚𑌮𑍍 । 𑌪𑌿॒𑌤𑌾 𑌮॑𑌤𑍀॒𑌨𑌾𑌮𑌿𑌤𑍍𑌯𑌾॑𑌹 । 𑌪𑍍𑌰॒𑌜𑌾 𑌵𑍈 𑌮॒𑌤𑌯𑌃॑ । 𑌤𑌾𑌸𑌾॑𑌮𑍇॒𑌷 𑌏॒𑌵 𑌪𑌿॒𑌤𑌾 । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ ।
𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹 । 𑌪𑌤𑌿𑌃॑ 𑌪𑍍𑌰॒𑌜𑌾𑌨𑌾॒𑌮𑌿𑌤𑍍𑌯𑌾॑𑌹 । 𑌪𑌤𑌿॒𑌰𑍍𑌹𑍍𑌯𑍇॑𑌷 𑌪𑍍𑌰॒𑌜𑌾𑌨𑌾᳚𑌮𑍍 । 𑌮𑌤𑌿𑌃॑ 𑌕𑌵𑍀॒𑌨𑌾𑌮𑌿𑌤𑍍𑌯𑌾॑𑌹 ॥ 53 ॥

𑌮𑌤𑌿॒𑌰𑍍𑌹𑍍𑌯𑍇॑𑌷 𑌕॑𑌵𑍀॒𑌨𑌾𑌮𑍍 । 𑌸-𑌨𑍍𑌦𑍇॒𑌵𑍋 𑌦𑍇॒𑌵𑍇𑌨॑ 𑌸𑌵𑌿॒𑌤𑍍𑌰𑌾 𑌽𑌯॑𑌤𑌿𑌷𑍍𑌟॒ 𑌸𑌗𑍍𑌮𑍍 𑌸𑍂𑌰𑍍𑌯𑍇॑𑌣𑌾𑌰𑍁॒𑌕𑍍𑌤𑍇𑌤𑍍𑌯𑌾॑𑌹 ।
𑌅॒𑌮𑍁𑌞𑍍𑌚𑍈॒𑌵𑌾𑌦𑌿॒𑌤𑍍𑌯-𑌮𑍍𑌪𑍍𑌰॑𑌵॒𑌰𑍍𑌗𑍍𑌯॑𑌞𑍍𑌚॒ 𑌸𑌗𑍍𑌮𑍍𑌶𑌾᳚𑌸𑍍𑌤𑌿 ।
𑌆॒𑌯𑍁॒𑌰𑍍𑌦𑌾𑌸𑍍𑌤𑍍𑌵𑌮॒𑌸𑍍𑌮𑌭𑍍𑌯॑-𑌙𑍍𑌘𑌰𑍍𑌮 𑌵𑌰𑍍𑌚𑍋॒𑌦𑌾 𑌅॒𑌸𑍀𑌤𑍍𑌯𑌾॑𑌹 ।
𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 । 𑌪𑌿॒𑌤𑌾 𑌨𑍋॑-𑌽𑌸𑌿 𑌪𑌿॒𑌤𑌾 𑌨𑍋॑ 𑌬𑍋॒𑌧𑍇𑌤𑍍𑌯𑌾॑𑌹 । 𑌬𑍋॒𑌧𑌯॑𑌤𑍍𑌯𑍇॒𑌵𑍈𑌨᳚𑌮𑍍 । 𑌨 𑌵𑍈॒ 𑌤𑍇॑-𑌽𑌵𑌕𑌾॒𑌶𑌾 𑌭॑𑌵𑌨𑍍𑌤𑌿 । 𑌪𑌤𑍍𑌨𑌿॑𑌯𑍈 𑌦𑌶॒𑌮𑌃 ।
𑌨𑌵॒ 𑌵𑍈 𑌪𑍁𑌰𑍁॑𑌷𑍇 𑌪𑍍𑌰𑌾॒𑌣𑌾𑌃 ॥ 54 ॥

𑌨𑌾𑌭𑌿॑𑌰𑍍𑌦𑌶॒𑌮𑍀 । 𑌪𑍍𑌰𑌾॒𑌣𑌾𑌨𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌅𑌥𑍋॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌟𑍍 । 𑌅𑌨𑍍𑌨𑌂॑-𑌵𑌿𑌁॒𑌰𑌾𑌟𑍍 । 𑌵𑌿॒𑌰𑌾𑌜𑍈॒𑌵𑌾𑌨𑍍𑌨𑌾𑌦𑍍𑌯॒𑌮𑌵॑𑌰𑍁𑌨𑍍𑌧𑍇 । 𑌯॒𑌜𑍍𑌞𑌸𑍍𑌯॒ 𑌶𑌿𑌰𑍋᳚-𑌽𑌚𑍍𑌛𑌿𑌦𑍍𑌯𑌤 । 𑌤-𑌦𑍍𑌦𑍇॒𑌵𑌾 𑌹𑍋𑌤𑍍𑌰𑌾॑𑌭𑌿𑌃॒ 𑌪𑍍𑌰𑌤𑍍𑌯॑𑌦𑌧𑍁𑌃 । 𑌋॒𑌤𑍍𑌵𑌿𑌜𑍋-𑌽𑌵𑍇᳚𑌕𑍍𑌷𑌨𑍍𑌤𑍇 । 𑌏॒𑌤𑌾 𑌵𑍈 𑌹𑍋𑌤𑍍𑌰𑌾𑌃᳚ । 𑌹𑍋𑌤𑍍𑌰𑌾॑𑌭𑌿𑌰𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 ॥ 55 ॥

𑌰𑍁॒𑌚𑌿॒𑌤𑌮𑌵𑍇᳚𑌕𑍍𑌷𑌨𑍍𑌤𑍇 । 𑌰𑍁॒𑌚𑌿॒𑌤𑌾𑌦𑍍𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌪𑍍𑌰॒𑌜𑌾𑌨𑌾॒𑌗𑍍𑌮𑍍॒ 𑌸𑍃𑌷𑍍𑌟𑍍𑌯𑍈᳚ । 𑌰𑍁॒𑌚𑌿॒𑌤𑌮𑌵𑍇᳚𑌕𑍍𑌷𑌨𑍍𑌤𑍇 । 𑌰𑍁॒𑌚𑌿॒𑌤𑌾𑌦𑍍𑌵𑍈 𑌪॒𑌰𑍍𑌜𑌨𑍍𑌯𑍋॑ 𑌵𑌰𑍍𑌷𑌤𑌿 । 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑍋॑ 𑌭𑌵𑌤𑌿 । 𑌸-𑌮𑍍𑌪𑍍𑌰॒𑌜𑌾 𑌏॑𑌧𑌨𑍍𑌤𑍇 । 𑌰𑍁॒𑌚𑌿॒𑌤𑌮𑌵𑍇᳚𑌕𑍍𑌷𑌨𑍍𑌤𑍇 । 𑌰𑍁॒𑌚𑌿॒𑌤𑌮𑍍 𑌁𑌵𑍈 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑍍 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌿𑌨𑍋॑ 𑌭𑌵𑌨𑍍𑌤𑌿 ॥ 56 ॥

𑌅॒𑌧𑍀॒𑌯𑌨𑍍𑌤𑍋-𑌽𑌵𑍇᳚𑌕𑍍𑌷𑌨𑍍𑌤𑍇 । 𑌸𑌰𑍍𑌵॒𑌮𑌾𑌯𑍁॑𑌰𑍍𑌯𑌨𑍍𑌤𑌿 । 𑌨 𑌪𑌤𑍍𑌨𑍍𑌯𑌵𑍇᳚𑌕𑍍𑌷𑍇𑌤 । 𑌯-𑌤𑍍𑌪𑌨𑍍𑌤𑍍𑌯॒𑌵𑍇𑌕𑍍𑌷𑍇॑𑌤 । 𑌪𑍍𑌰𑌜𑌾॑𑌯𑍇𑌤 । 𑌪𑍍𑌰॒𑌜𑌾𑌨𑍍𑌤𑍍𑌵॑𑌸𑍍𑌯𑍈॒ 𑌨𑌿𑌰𑍍𑌦॑𑌹𑍇𑌤𑍍 । 𑌯𑌨𑍍𑌨𑌾𑌵𑍇𑌕𑍍𑌷𑍇॑𑌤 । 𑌨 𑌪𑍍𑌰𑌜𑌾॑𑌯𑍇𑌤 ।
𑌨𑌾𑌸𑍍𑌯𑍈᳚ 𑌪𑍍𑌰॒𑌜𑌾𑌨𑍍𑌨𑌿𑌰𑍍𑌦॑𑌹𑍇𑌤𑍍 । 𑌤𑌿॒𑌰॒𑌸𑍍𑌕𑍃𑌤𑍍𑌯॒ 𑌯𑌜𑍁॑-𑌰𑍍𑌵𑌾𑌚𑌯𑌤𑌿 । 𑌪𑍍𑌰𑌜𑌾॑𑌯𑌤𑍇 । 𑌨𑌾𑌸𑍍𑌯𑍈᳚ 𑌪𑍍𑌰॒𑌜𑌾𑌨𑍍𑌨𑌿𑌰𑍍𑌦॑𑌹𑌤𑌿 । 𑌤𑍍𑌵𑌷𑍍𑌟𑍀॑𑌮𑌤𑍀 𑌤𑍇 𑌸𑌪𑍇॒𑌯𑍇𑌤𑍍𑌯𑌾॑𑌹 । 𑌸𑌪𑌾॒𑌦𑍍𑌧𑌿 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇 ॥ 5𑍭 ॥
(𑌋॒𑌤𑌵𑍋॒ – 𑌹𑌿 𑌶𑌿𑌰𑌃॒ – 𑌸𑌰𑍍𑌵॑𑌪𑍃𑌷𑍍𑌠𑍇॒ 𑌪𑍍𑌰𑌵𑍃॑𑌣॒ – 𑌕𑍍𑌤𑍍𑌯𑌨𑌿॑𑌪𑌦𑍍𑌯𑌮𑌾𑌨॒𑌮𑌿𑌤𑍍𑌯𑌾॑𑌹 – 𑌗॒𑌤𑍇𑌤𑍍𑌯𑌾॑𑌹 – 𑌶𑌾𑌰॒𑌦𑌾𑌵𑍇॒𑌵𑌾𑌸𑍍𑌮𑌾॑ 𑌋॒𑌤𑍂 𑌕॑𑌲𑍍𑌪𑌯𑌤𑌿 – 𑌰𑍁𑌨𑍍𑌧𑍇 – 𑌕𑌵𑌿॒𑌨𑌾𑌮𑌿𑌤𑍍𑌯𑌾॑𑌹 – 𑌪𑍍𑌰𑌾॒𑌣𑌾𑌃 – 𑌪𑍍𑌰𑌤𑌿॑𑌦𑌧𑌾𑌤𑌿 – 𑌭𑌵𑌨𑍍𑌤𑌿 – 𑌵𑌾𑌚𑌯𑌤𑌿 𑌚॒𑌤𑍍𑌵𑌾𑌰𑌿॑ 𑌚) (𑌅. 6)
𑌅𑌨𑍁𑌵𑌾𑌕𑌂 𑍭
𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑌿॑ 𑌰𑌶॒𑌨𑌾𑌮𑌾𑌦॑𑌤𑍍𑌤𑍇॒ 𑌪𑍍𑌰𑌸𑍂᳚𑌤𑍍𑌯𑍈 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾॒𑌮𑌿𑌤𑍍𑌯𑌾॑𑌹 । 𑌅॒𑌶𑍍𑌵𑌿𑌨𑍌॒ 𑌹𑌿 𑌦𑍇॒𑌵𑌾𑌨𑌾॑𑌮𑌦𑍍𑌧𑍍𑌵॒𑌰𑍍𑌯𑍂 𑌆𑌸𑍍𑌤𑌾᳚𑌮𑍍 । 𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌿𑌤𑍍𑌯𑌾॑𑌹॒ 𑌯𑌤𑍍𑌯𑍈᳚ । 𑌆𑌦॒𑌦𑍇-𑌽𑌦𑌿॑𑌤𑍍𑌯𑍈॒ 𑌰𑌾𑌸𑍍𑌨𑌾॒-𑌽𑌸𑍀𑌤𑍍𑌯𑌾॑𑌹॒ 𑌯𑌜𑍁॑𑌷𑍍𑌕𑍃𑌤𑍍𑌯𑍈 । 𑌇𑌡॒ 𑌏𑌹𑍍𑌯𑌦𑌿॑𑌤॒ 𑌏𑌹𑌿॒ 𑌸𑌰॑𑌸𑍍𑌵॒𑌤𑍍𑌯𑍇𑌹𑍀𑌤𑍍𑌯𑌾॑𑌹 । 𑌏॒𑌤𑌾𑌨𑌿॒ 𑌵𑌾 𑌅॑𑌸𑍍𑌯𑍈 𑌦𑍇𑌵𑌨𑌾॒𑌮𑌾𑌨𑌿॑ ।
𑌦𑍇॒𑌵॒𑌨𑌾॒𑌮𑍈𑌰𑍇॒𑌵𑍈𑌨𑌾॒-𑌮𑌾𑌹𑍍𑌵॑𑌯𑌤𑌿 । 𑌅𑌸𑌾॒𑌵𑍇𑌹𑍍𑌯-𑌸𑌾॒𑌵𑍇𑌹𑍍𑌯-𑌸𑌾॒𑌵𑍇𑌹𑍀𑌤𑍍𑌯𑌾॑𑌹 । 𑌏॒𑌤𑌾𑌨𑌿॒ 𑌵𑌾 𑌅॑𑌸𑍍𑌯𑍈 𑌮𑌨𑍁𑌷𑍍𑌯𑌨𑌾॒𑌮𑌾𑌨𑌿॑ ॥ 5𑍮 ॥

𑌮॒𑌨𑍁॒𑌷𑍍𑌯॒𑌨𑌾॒𑌮𑍈𑌰𑍇॒𑌵𑍈𑌨𑌾॒𑌮𑌾𑌹𑍍𑌵॑𑌯𑌤𑌿 ।
𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ ।
𑌋॒𑌤𑍁𑌭𑌿॑𑌰𑍇॒𑌵𑍈𑌨𑌾॒𑌮𑌾𑌹𑍍𑌵॑𑌯𑌤𑌿 । 𑌅𑌦𑌿॑𑌤𑍍𑌯𑌾 𑌉॒𑌷𑍍𑌣𑍀𑌷॑𑌮॒𑌸𑍀𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 ।
𑌵𑌾॒𑌯𑍁𑌰॑𑌸𑍍𑌯𑍈॒𑌡 𑌇𑌤𑍍𑌯𑌾॑𑌹 । 𑌵𑌾॒𑌯𑍁॒𑌦𑍇॒𑌵॒𑌤𑍍𑌯𑍋॑ 𑌵𑍈 𑌵॒𑌥𑍍𑌸𑌃 ।
𑌪𑍂॒𑌷𑌾 𑌤𑍍𑌵𑍋॒𑌪𑌾𑌵॑𑌸𑍃𑌜॒𑌤𑍍𑌵𑌿𑌤𑍍𑌯𑌾॑𑌹 । 𑌪𑍌॒𑌷𑍍𑌣𑌾 𑌵𑍈 𑌦𑍇॒𑌵𑌤॑𑌯𑌾 𑌪॒𑌶𑌵𑌃॑ ॥ 5𑍯 ॥

𑌸𑍍𑌵𑌯𑍈॒𑌵𑍈𑌨॑-𑌨𑍍𑌦𑍇॒𑌵𑌤॑𑌯𑍋॒𑌪𑌾𑌵॑𑌸𑍃𑌜𑌤𑌿 । 𑌅॒𑌶𑍍𑌵𑌿𑌭𑍍𑌯𑌾॒-𑌮𑍍𑌪𑍍𑌰𑌦𑌾॑𑌪॒𑌯𑍇𑌤𑍍𑌯𑌾॑𑌹 । 𑌅॒𑌶𑍍𑌵𑌿𑌨𑍌॒ 𑌵𑍈 𑌦𑍇॒𑌵𑌾𑌨𑌾᳚-𑌮𑍍𑌭𑌿॒𑌷𑌜𑍌᳚ । 𑌤𑌾𑌭𑍍𑌯𑌾॑𑌮𑍇॒𑌵𑌾𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑌿 । 𑌯𑌸𑍍𑌤𑍇॒ 𑌸𑍍𑌤𑌨॑-𑌶𑍍𑌶𑌶॒𑌯 𑌇𑌤𑍍𑌯𑌾॑𑌹 । 𑌸𑍍𑌤𑍌𑌤𑍍𑌯𑍇॒𑌵𑍈𑌨𑌾᳚𑌮𑍍 । 𑌉𑌸𑍍𑌰॑ 𑌘॒𑌰𑍍𑌮𑌗𑍍𑌮𑍍 𑌶𑌿॒𑌗𑍍𑌮𑍍॒𑌷𑍋𑌸𑍍𑌰॑ 𑌘॒𑌰𑍍𑌮-𑌮𑍍𑌪𑌾॑𑌹𑌿 𑌘॒𑌰𑍍𑌮𑌾𑌯॑ 𑌶𑌿॒𑌗𑍍𑌮𑍍॒𑌷𑍇𑌤𑍍𑌯𑌾॑𑌹 । 𑌯𑌥𑌾᳚ 𑌬𑍍𑌰𑍂॒𑌯𑌾𑌦॒𑌮𑍁𑌷𑍍𑌮𑍈॑ 𑌦𑍇॒𑌹𑍀𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌬𑍃𑌹॒𑌸𑍍𑌪𑌤𑌿॒𑌸𑍍𑌤𑍍𑌵𑍋𑌪॑𑌸𑍀𑌦॒𑌤𑍍𑌵𑌿𑌤𑍍𑌯𑌾॑𑌹 ॥ 60 ॥

𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿𑌃॑ । 𑌬𑍍𑌰𑌹𑍍𑌮॑𑌣𑍈॒𑌵𑍈𑌨𑌾॒𑌮𑍁𑌪॑𑌸𑍀𑌦𑌤𑌿 ।
𑌦𑌾𑌨॑𑌵-𑌸𑍍𑌸𑍍𑌥॒ 𑌪𑍇𑌰॑𑌵॒ 𑌇𑌤𑍍𑌯𑌾॑𑌹 । 𑌮𑍇𑌦𑍍𑌧𑍍𑌯𑌾॑𑌨𑍇॒𑌵𑍈𑌨𑌾᳚𑌨𑍍𑌕𑌰𑍋𑌤𑌿 ।
𑌵𑌿॒𑌷𑍍𑌵॒𑌗𑍍𑌵𑍃𑌤𑍋॒ 𑌲𑍋𑌹𑌿॑𑌤𑍇॒𑌨𑍇𑌤𑍍𑌯𑌾॑𑌹॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 ।
𑌅॒𑌶𑍍𑌵𑌿𑌭𑍍𑌯𑌾᳚-𑌮𑍍𑌪𑌿𑌨𑍍𑌵𑌸𑍍𑌵॒ 𑌸𑌰॑𑌸𑍍𑌵𑌤𑍍𑌯𑍈 𑌪𑌿𑌨𑍍𑌵𑌸𑍍𑌵 𑌪𑍂॒𑌷𑍍𑌣𑍇 𑌪𑌿॑𑌨𑍍𑌵𑌸𑍍𑌵॒ 𑌬𑍃𑌹॒𑌸𑍍𑌪𑌤॑𑌯𑍇 𑌪𑌿𑌨𑍍𑌵॒𑌸𑍍𑌵𑍇𑌤𑍍𑌯𑌾॑𑌹 ।
𑌏॒𑌤𑌾𑌭𑍍𑌯𑍋॒ 𑌹𑍍𑌯𑍇॑𑌷𑌾 𑌦𑍇॒𑌵𑌤𑌾᳚𑌭𑍍𑌯𑌃॒ 𑌪𑌿𑌨𑍍𑌵॑𑌤𑍇 ।
𑌇𑌨𑍍𑌦𑍍𑌰𑌾॑𑌯 𑌪𑌿𑌨𑍍𑌵॒𑌸𑍍𑌵𑍇𑌨𑍍𑌦𑍍𑌰𑌾॑𑌯 𑌪𑌿𑌨𑍍𑌵॒𑌸𑍍𑌵𑍇𑌤𑍍𑌯𑌾॑𑌹 ।
𑌇𑌨𑍍𑌦𑍍𑌰॑𑌮𑍇॒𑌵 𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 । 𑌦𑍍𑌵𑌿𑌰𑌿𑌨𑍍𑌦𑍍𑌰𑌾॒𑌯𑍇𑌤𑍍𑌯𑌾॑𑌹 ॥ 61 ॥

𑌤𑌸𑍍𑌮𑌾॒𑌦𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॑𑌨𑌾-𑌮𑍍𑌭𑍂𑌯𑌿𑌷𑍍𑌠॒𑌭𑌾𑌕𑍍𑌤॑𑌮𑌃 ।
𑌗𑌾॒𑌯॒𑌤𑍍𑌰𑍋॑-𑌽𑌸𑌿॒ 𑌤𑍍𑌰𑍈𑌷𑍍𑌟𑍁॑𑌭𑍋-𑌽𑌸𑌿॒ 𑌜𑌾𑌗॑𑌤𑌮॒𑌸𑍀𑌤𑌿॑ 𑌶𑌫𑍋𑌪𑌯॒𑌮𑌾𑌨𑌾𑌦॑𑌤𑍍𑌤𑍇 ।
𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨𑌾॒𑌨𑌾𑌦॑𑌤𑍍𑌤𑍇 । 𑌸॒𑌹𑍋𑌰𑍍𑌜𑍋 𑌭𑌾॒𑌗𑍇𑌨𑍋𑌪॒𑌮𑍇𑌹𑍀𑌤𑍍𑌯𑌾॑𑌹 ।
𑌊॒𑌰𑍍𑌜 𑌏॒𑌵𑍈𑌨॑-𑌮𑍍𑌭𑌾॒𑌗𑌮॑𑌕𑌃 ।
𑌅॒𑌶𑍍𑌵𑌿𑌨𑍌॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॑ 𑌪𑍍𑌰𑌤𑌿॒𑌦𑌧॑𑌤𑌾𑌵𑌬𑍍𑌰𑍂𑌤𑌾𑌮𑍍 ।
𑌆॒𑌵𑌾𑌭𑍍𑌯𑌾॑𑌮𑍇॒𑌵 𑌪𑍂𑌰𑍍𑌵𑌾᳚𑌭𑍍𑌯𑌾𑌂॒-𑌵𑌁𑌷॑𑌟𑍍𑌕𑍍𑌰𑌿𑌯𑌾𑌤𑌾॒ 𑌇𑌤𑌿॑ ।
𑌇𑌨𑍍𑌦𑍍𑌰𑌾᳚𑌶𑍍𑌵𑌿𑌨𑌾॒ 𑌮𑌧𑍁॑𑌨-𑌸𑍍𑌸𑌾𑌰॒𑌘𑌸𑍍𑌯𑍇𑌤𑍍𑌯𑌾॑𑌹 ।
𑌅॒𑌶𑍍𑌵𑌿𑌭𑍍𑌯𑌾॑𑌮𑍇॒𑌵 𑌪𑍂𑌰𑍍𑌵𑌾᳚𑌭𑍍𑌯𑌾𑌂॒-𑌵𑌁𑌷॑𑌟𑍍𑌕𑌰𑍋𑌤𑌿 ।
𑌅𑌥𑍋॑ 𑌅॒𑌶𑍍𑌵𑌿𑌨𑌾॑𑌵𑍇॒𑌵 𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 ॥ 62 ॥

𑌘॒𑌰𑍍𑌮-𑌮𑍍𑌪𑌾॑𑌤 𑌵𑌸𑌵𑍋॒ 𑌯𑌜॑𑌤𑌾॒ 𑌵𑌡𑌿𑌤𑍍𑌯𑌾॑𑌹 ।
𑌵𑌸𑍂॑𑌨𑍇॒𑌵 𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 । 𑌯-𑌦𑍍𑌵॑𑌷𑌟𑍍𑌕𑍁॒𑌰𑍍𑌯𑌾𑌤𑍍 । 𑌯𑌾॒𑌤𑌯𑌾॑𑌮𑌾-𑌽𑌸𑍍𑌯 𑌵𑌷𑌟𑍍𑌕𑌾॒𑌰-𑌸𑍍𑌸𑍍𑌯𑌾᳚𑌤𑍍 ।
𑌯𑌨𑍍𑌨 𑌵॑𑌷𑌟𑍍𑌕𑍁॒𑌰𑍍𑌯𑌾𑌤𑍍 । 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌯॒𑌜𑍍𑌞𑌗𑍍𑌮𑍍 𑌹॑𑌨𑍍𑌯𑍁𑌃 । 𑌵𑌡𑌿𑌤𑍍𑌯𑌾॑𑌹 । 𑌪॒𑌰𑍋𑌕𑍍𑌷॑𑌮𑍇॒𑌵 𑌵𑌷॑𑌟𑍍𑌕𑌰𑍋𑌤𑌿 । 𑌨𑌾𑌸𑍍𑌯॑ 𑌯𑌾॒𑌤𑌯𑌾॑𑌮𑌾 𑌵𑌷𑌟𑍍𑌕𑌾॒𑌰𑍋 𑌭𑌵॑𑌤𑌿 ।
𑌨 𑌯॒𑌜𑍍𑌞𑌗𑍍𑌮𑍍 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌘𑍍𑌨𑌨𑍍𑌤𑌿 ॥ 63 ॥

𑌸𑍍𑌵𑌾𑌹𑌾᳚ 𑌤𑍍𑌵𑌾॒ 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌯𑍇॑ 𑌵𑍃𑌷𑍍𑌟𑌿॒𑌵𑌨॑𑌯𑍇 𑌜𑍁𑌹𑍋॒𑌮𑍀𑌤𑍍𑌯𑌾॑𑌹 । 𑌯𑍋 𑌵𑌾 𑌅॑𑌸𑍍𑌯॒ 𑌪𑍁𑌣𑍍𑌯𑍋॑ 𑌰॒𑌶𑍍𑌮𑌿𑌃 । 𑌸 𑌵𑍃॑𑌷𑍍𑌟𑌿॒𑌵𑌨𑌿𑌃॑ । 𑌤𑌸𑍍𑌮𑌾॑ 𑌏॒𑌵𑍈𑌨॑-𑌞𑍍𑌜𑍁𑌹𑍋𑌤𑌿 ।
𑌮𑌧𑍁॑ 𑌹॒𑌵𑌿𑌰॒𑌸𑍀𑌤𑍍𑌯𑌾॑𑌹 । 𑌸𑍍𑌵॒𑌦𑌯॑𑌤𑍍𑌯𑍇॒𑌵𑍈𑌨᳚𑌮𑍍 । 𑌸𑍂𑌰𑍍𑌯॑𑌸𑍍𑌯॒ 𑌤𑌪॑𑌸𑍍𑌤॒𑌪𑍇𑌤𑍍𑌯𑌾॑𑌹 ।
𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾᳚-𑌨𑍍𑌤𑍍𑌵𑌾॒ 𑌪𑌰𑌿॑𑌗𑍃𑌹𑍍𑌣𑌾॒𑌮𑍀𑌤𑍍𑌯𑌾॑𑌹 ।
𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑-𑌮𑍇॒𑌵𑍈𑌨॒-𑌮𑍍𑌪𑌰𑌿॑𑌗𑍃𑌹𑍍𑌣𑌾𑌤𑌿 ॥ 64 ॥

𑌅॒𑌨𑍍𑌤𑌰𑌿॑𑌕𑍍𑌷𑍇𑌣॒ 𑌤𑍍𑌵𑍋𑌪॑𑌯𑌚𑍍𑌛𑌾॒𑌮𑍀𑌤𑍍𑌯𑌾॑𑌹 । 𑌅॒𑌨𑍍𑌤𑌰𑌿॑𑌕𑍍𑌷𑍇𑌣𑍈॒𑌵𑍈𑌨॒-𑌮𑍁𑌪॑𑌯𑌚𑍍𑌛𑌤𑌿 ।
𑌨 𑌵𑌾 𑌏॒𑌤-𑌮𑍍𑌮॑𑌨𑍁॒𑌷𑍍𑌯𑍋॑ 𑌭𑌰𑍍𑌤𑍁॑𑌮𑌰𑍍𑌹𑌤𑌿 ।
𑌦𑍇॒𑌵𑌾𑌨𑌾᳚-𑌨𑍍𑌤𑍍𑌵𑌾 𑌪𑌿𑌤𑍃॒𑌣𑌾𑌮𑌨𑍁॑𑌮𑌤𑍋॒ 𑌭𑌰𑍍𑌤𑍁𑌗𑍍𑌮𑍍॑ 𑌶𑌕𑍇𑌯॒𑌮𑌿𑌤𑍍𑌯𑌾॑𑌹 । 𑌦𑍇॒𑌵𑍈𑌰𑍇॒𑌵𑍈𑌨॑-𑌮𑍍𑌪𑌿॒𑌤𑍃𑌭𑌿॒𑌰𑌨𑍁॑𑌮𑌤॒ 𑌆𑌦॑𑌤𑍍𑌤𑍇 । 𑌵𑌿 𑌵𑌾 𑌏॑𑌨𑌮𑍇॒𑌤𑌦॑𑌰𑍍𑌧𑌯𑌨𑍍𑌤𑌿 । 𑌯-𑌤𑍍𑌪॒𑌶𑍍𑌚𑌾-𑌤𑍍𑌪𑍍𑌰॒𑌵𑍃𑌜𑍍𑌯॑ 𑌪𑍁॒𑌰𑍋 𑌜𑍁𑌹𑍍𑌵॑𑌤𑌿 । 𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋-𑌽𑌨𑍁॒ 𑌪𑍍𑌰𑍇𑌹𑍀𑌤𑍍𑌯𑌾॑𑌹 । 𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 । 𑌦𑌿॒𑌵𑌿॒𑌸𑍍𑌪𑍃𑌮𑍍𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀-𑌰𑌨𑍍𑌤𑌰𑌿𑌕𑍍𑌷॒𑌸𑍍𑌪𑍃𑌮𑍍𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃
𑌪𑍃𑌥𑌿𑌵𑌿॒𑌸𑍍𑌪𑍃𑌮𑍍𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀॒𑌰𑌿𑌤𑍍𑌯𑌾॒𑌹𑌾𑌹𑌿𑌗𑍍𑌮𑍍॑𑌸𑌾𑌯𑍈 ॥ 65 ॥

𑌸𑍁𑌵॑𑌰𑌸𑌿॒ 𑌸𑍁𑌵॑𑌰𑍍𑌮𑍇 𑌯𑌚𑍍𑌛॒ 𑌦𑌿𑌵𑌂॑-𑌯𑌁𑌚𑍍𑌛 𑌦𑌿॒𑌵𑍋 𑌮𑌾॑ 𑌪𑌾॒𑌹𑍀𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 । 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ ।
𑌆॒𑌤𑍍𑌮𑌾 𑌵𑌾॒𑌯𑍁𑌃 । 𑌉॒𑌦𑍍𑌯𑌤𑍍𑌯॑ 𑌵𑌾𑌤𑌨𑌾॒𑌮𑌾𑌨𑍍𑌯𑌾॑𑌹 ।
𑌆॒𑌤𑍍𑌮𑌨𑍍𑌨𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 ।
𑌅𑌨॑𑌵𑌾𑌨𑌮𑍍 । 𑌪𑍍𑌰𑌾॒𑌣𑌾𑌨𑌾॒𑌗𑍍𑌮𑍍॒ 𑌸𑌨𑍍𑌤॑𑌤𑍍𑌯𑍈 । 𑌪𑌞𑍍𑌚𑌾॑𑌹 ॥ 66 ॥

𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑌃 । 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌃 । 𑌤𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 । 𑌅॒𑌗𑍍𑌨𑌯𑍇᳚ 𑌤𑍍𑌵𑌾॒ 𑌵𑌸𑍁॑𑌮𑌤𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌅॒𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌗𑍍𑌨𑌿-𑌰𑍍𑌵𑌸𑍁॑𑌮𑌾𑌨𑍍 । 𑌤𑌸𑍍𑌮𑌾॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌸𑍋𑌮𑌾॑𑌯 𑌤𑍍𑌵𑌾 𑌰𑍁॒𑌦𑍍𑌰𑌵॑𑌤𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌚॒𑌨𑍍𑌦𑍍𑌰𑌮𑌾॒ 𑌵𑍈 𑌸𑍋𑌮𑍋॑ 𑌰𑍁॒𑌦𑍍𑌰𑌵𑌾𑌨𑍍॑ । 𑌤𑌸𑍍𑌮𑌾॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌵𑌰𑍁॑𑌣𑌾𑌯 𑌤𑍍𑌵𑌾-𑌽𑌽𑌦𑌿॒𑌤𑍍𑌯𑌵॑𑌤𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ॥ 6𑍭 ॥

𑌅॒𑌫𑍍𑌸𑍁 𑌵𑍈 𑌵𑌰𑍁॑𑌣 𑌆𑌦𑌿॒𑌤𑍍𑌯𑌵𑌾𑌨𑍍॑ । 𑌤𑌸𑍍𑌮𑌾॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 ।
𑌬𑍃𑌹॒𑌸𑍍𑌪𑌤॑𑌯𑍇 𑌤𑍍𑌵𑌾 𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿𑌃॑ ।
𑌬𑍍𑌰𑌹𑍍𑌮॑𑌣 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 ।
𑌸॒𑌵𑌿॒𑌤𑍍𑌰𑍇 𑌤𑍍𑌵॑𑌰𑍍𑌭𑍁॒𑌮𑌤𑍇॑ 𑌵𑌿𑌭𑍁॒𑌮𑌤𑍇᳚ 𑌪𑍍𑌰𑌭𑍁॒𑌮𑌤𑍇॒ 𑌵𑌾𑌜॑𑌵𑌤𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌸𑌂॒𑌵𑌁॒𑌥𑍍𑌸॒𑌰𑍋 𑌵𑍈 𑌸॑𑌵𑌿॒𑌤𑌰𑍍𑌭𑍁॒𑌮𑌾𑌨𑍍. 𑌵𑌿॑𑌭𑍁॒𑌮𑌾-𑌨𑍍𑌪𑍍𑌰॑𑌭𑍁॒𑌮𑌾𑌨𑍍. 𑌵𑌾𑌜॑𑌵𑌾𑌨𑍍 । 𑌤𑌸𑍍𑌮𑌾॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌯॒𑌮𑌾𑌯॒ 𑌤𑍍𑌵𑌾-𑌽𑌙𑍍𑌗𑌿॑𑌰𑌸𑍍𑌵𑌤𑍇 𑌪𑌿𑌤𑍃॒𑌮𑌤𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌪𑍍𑌰𑌾॒𑌣𑍋 𑌵𑍈 𑌯॒𑌮𑍋-𑌽𑌙𑍍𑌗𑌿॑𑌰𑌸𑍍𑌵𑌾-𑌨𑍍𑌪𑌿𑌤𑍃॒𑌮𑌾𑌨𑍍 ॥ 6𑍮 ॥

𑌤𑌸𑍍𑌮𑌾॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌏॒𑌤𑌾𑌭𑍍𑌯॑ 𑌏॒𑌵𑍈𑌨॑-𑌨𑍍𑌦𑍇॒𑌵𑌤𑌾᳚𑌭𑍍𑌯𑍋 𑌜𑍁𑌹𑍋𑌤𑌿 । 𑌦𑌶॒ 𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌟𑍍 । 𑌅𑌨𑍍𑌨𑌂॑-𑌵𑌿𑌁॒𑌰𑌾𑌟𑍍 । 𑌵𑌿॒𑌰𑌾𑌜𑍈॒𑌵𑌾𑌨𑍍𑌨𑌾𑌦𑍍𑌯॒𑌮𑌵॑𑌰𑍁𑌨𑍍𑌧𑍇 । 𑌰𑍌॒𑌹𑌿॒𑌣𑌾𑌭𑍍𑌯𑌾𑌂॒-𑌵𑍈𑌁 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 । 𑌤-𑌦𑍍𑌰𑍌॑𑌹𑌿॒𑌣𑌯𑍋॑ 𑌰𑍌𑌹𑌿𑌣॒𑌤𑍍𑌵𑌮𑍍 । 𑌯-𑌦𑍍𑌰𑍌॑𑌹𑌿॒𑌣𑍌 𑌭𑌵॑𑌤𑌃 । 𑌰𑍌॒𑌹𑌿॒𑌣𑌾𑌭𑍍𑌯𑌾॑𑌮𑍇॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ।
𑌅𑌹॒𑌰𑍍𑌜𑍍𑌯𑍋𑌤𑌿𑌃॑ 𑌕𑍇॒𑌤𑍁𑌨𑌾॑ 𑌜𑍁𑌷𑌤𑌾𑌗𑍍𑌮𑍍 𑌸𑍁𑌜𑍍𑌯𑍋॒𑌤𑌿𑌰𑍍𑌜𑍍𑌯𑍋𑌤𑌿॑𑌷𑌾॒𑌗𑍍॒ 𑌸𑍍𑌵𑌾𑌹𑌾॒ 𑌰𑌾𑌤𑍍𑌰𑌿॒𑌰𑍍𑌜𑍍𑌯𑍋𑌤𑌿𑌃॑ 𑌕𑍇॒𑌤𑍁𑌨𑌾॑ 𑌜𑍁𑌷𑌤𑌾𑌗𑍍𑌮𑍍 𑌸𑍁𑌜𑍍𑌯𑍋॒𑌤𑌿𑌰𑍍𑌜𑍍𑌯𑍋𑌤𑌿॑𑌷𑌾॒𑌗𑍍॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌆॒𑌦𑌿॒𑌤𑍍𑌯𑌮𑍇॒𑌵 𑌤𑌦॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇-𑌽𑌹𑍍𑌨𑌾॑ 𑌪॒𑌰𑌸𑍍𑌤𑌾᳚-𑌦𑍍𑌦𑌾𑌧𑌾𑌰 । 𑌰𑌾𑌤𑍍𑌰𑌿॑𑌯𑌾 𑌅॒𑌵𑌸𑍍𑌤𑌾᳚𑌤𑍍 ।
𑌤𑌸𑍍𑌮𑌾॑𑌦॒𑌸𑌾𑌵𑌾॑𑌦𑌿॒𑌤𑍍𑌯𑍋॑ 𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇॑-𑌽𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾᳚-𑌨𑍍𑌧𑍃॒𑌤𑌃 ॥ 6𑍯 ॥
(𑌮॒𑌨𑍁॒𑌷𑍍𑌯॒𑌨𑌾॒𑌮𑌾𑌨𑌿॑ – 𑌪॒𑌶𑌵𑌃॑ – 𑌸𑍀𑌦॒𑌤𑍍𑌵𑌿𑌤𑍍𑌯𑌾॒ – 𑌹𑍇𑌨𑍍𑌦𑍍𑌰𑌾॒𑌯𑍇𑌤𑍍𑌯𑌾॑𑌹𑌾 – 𑌰𑍍𑌧𑌯𑌤𑌿 – 𑌘𑍍𑌨𑌨𑍍𑌤𑌿 – 𑌗𑍃𑌹𑍍𑌣𑌾॒ – 𑌤𑍍𑌯𑌹𑌿𑌗𑍍𑌮𑍍॑𑌸𑌾𑌯𑍈॒ – 𑌪𑌞𑍍𑌚𑌾॑𑌹𑌾 – 𑌦𑌿॒𑌤𑍍𑌯𑌵॑𑌤𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 – 𑌪𑌿𑌤𑍃॒𑌮𑌾 – 𑌨𑍇॑𑌤𑌿 𑌚॒𑌤𑍍𑌵𑌾𑌰𑌿॑ 𑌚) (𑌅. 𑍭)

𑌅𑌨𑍁𑌵𑌾𑌕𑌂 𑍮
𑌵𑌿𑌶𑍍𑌵𑌾॒ 𑌆𑌶𑌾॑ 𑌦𑌕𑍍𑌷𑌿𑌣॒𑌸𑌦𑌿𑌤𑍍𑌯𑌾॑𑌹 । 𑌵𑌿𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾-𑌨𑍍𑌪𑍍𑌰𑍀॑𑌣𑌾𑌤𑌿 । 𑌅𑌥𑍋॒ 𑌦𑍁𑌰𑌿॑𑌷𑍍𑌟𑍍𑌯𑌾 𑌏॒𑌵𑍈𑌨॑-𑌮𑍍𑌪𑌾𑌤𑌿 । 𑌵𑌿𑌶𑍍𑌵𑌾᳚-𑌨𑍍𑌦𑍇॒𑌵𑌾𑌨॑𑌯𑌾𑌡𑌿॒𑌹𑍇𑌤𑍍𑌯𑌾॑𑌹 । 𑌵𑌿𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾-𑌨𑍍𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 । 𑌸𑍍𑌵𑌾𑌹𑌾॑𑌕𑍃𑌤𑌸𑍍𑌯 𑌘॒𑌰𑍍𑌮𑌸𑍍𑌯॒ 𑌮𑌧𑍋𑌃᳚ 𑌪𑌿𑌬𑌤𑌮𑌶𑍍𑌵𑌿॒𑌨𑍇𑌤𑍍𑌯𑌾॑𑌹 ।
𑌅॒𑌶𑍍𑌵𑌿𑌨𑌾॑𑌵𑍇॒𑌵 𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 ।
𑌸𑍍𑌵𑌾𑌹𑌾॒-𑌽𑌗𑍍𑌨𑌯𑍇॑ 𑌯॒𑌜𑍍𑌞𑌿𑌯𑌾॑𑌯॒ 𑌶𑌂𑌯𑌁𑌜𑍁॑𑌰𑍍𑌭𑌿॒𑌰𑌿𑌤𑍍𑌯𑌾॑𑌹 । 𑌅॒𑌭𑍍𑌯𑍇॑𑌵𑍈𑌨॑-𑌙𑍍𑌘𑌾𑌰𑌯𑌤𑌿 । 𑌅𑌥𑍋॑ 𑌹॒𑌵𑌿𑌰𑍇॒𑌵𑌾𑌕𑌃॑ ॥ 𑍭0 ॥

𑌅𑌶𑍍𑌵𑌿॑𑌨𑌾 𑌘॒𑌰𑍍𑌮-𑌮𑍍𑌪𑌾॑𑌤𑌗𑍍𑌮𑍍 𑌹𑌾𑌰𑍍𑌦𑌿𑌵𑌾॒𑌨-𑌮𑌹॑𑌰𑍍𑌦𑌿॒𑌵𑌾𑌭𑌿॑-𑌰𑍂॒𑌤𑌿𑌭𑌿॒𑌰𑌿𑌤𑍍𑌯𑌾॑𑌹 । 𑌅॒𑌶𑍍𑌵𑌿𑌨𑌾॑𑌵𑍇॒𑌵 𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 । 𑌅𑌨𑍁॑ 𑌵𑌾॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌮𑌗𑍍𑌮𑍍॑𑌸𑌾𑌤𑌾॒𑌮𑌿𑌤𑍍𑌯𑌾॒𑌹𑌾𑌨𑍁॑𑌮𑌤𑍍𑌯𑍈 ।
𑌸𑍍𑌵𑌾𑌹𑍇𑌨𑍍𑌦𑍍𑌰𑌾॑𑌯॒ 𑌸𑍍𑌵𑌾𑌹𑍇𑌨𑍍𑌦𑍍𑌰𑌾॒ 𑌵𑌡𑌿𑌤𑍍𑌯𑌾॑𑌹 ।
𑌇𑌨𑍍𑌦𑍍𑌰𑌾॑𑌯॒ 𑌹𑌿 𑌪𑍁॒𑌰𑍋 𑌹𑍂॒𑌯𑌤𑍇᳚ । 𑌆॒𑌶𑍍𑌰𑌾𑌵𑍍𑌯𑌾॑𑌹 𑌘॒𑌰𑍍𑌮𑌸𑍍𑌯॑ 𑌯॒𑌜𑍇𑌤𑌿॑ । 𑌵𑌷॑𑌟𑍍𑌕𑍃𑌤𑍇 𑌜𑍁𑌹𑍋𑌤𑌿 । 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 । 𑌅𑌨𑍁॑𑌯𑌜𑌤𑌿 𑌸𑍍𑌵॒𑌗𑌾𑌕𑍃॑𑌤𑍍𑌯𑍈 ।
𑌘॒𑌰𑍍𑌮𑌮॑𑌪𑌾𑌤𑌮𑌶𑍍𑌵𑌿॒𑌨𑍇𑌤𑍍𑌯𑌾॑𑌹 ॥ 𑍭1 ॥

𑌪𑍂𑌰𑍍𑌵॑𑌮𑍇॒𑌵𑍋𑌦𑌿॒𑌤𑌮𑍍 । 𑌉𑌤𑍍𑌤॑𑌰𑍇𑌣𑌾॒𑌭𑌿𑌗𑍃॑𑌣𑌾𑌤𑌿 ।
𑌅𑌨𑍁॑ 𑌵𑌾॒𑌨𑍍-𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॑𑌮𑌗𑍍𑌮𑍍𑌸𑌾𑌤𑌾॒𑌮𑌿𑌤𑍍𑌯𑌾॒𑌹𑌾𑌨𑍁॑𑌮𑌤𑍍𑌯𑍈 ।
𑌤-𑌮𑍍𑌪𑍍𑌰𑌾॒𑌵𑍍𑌯॑𑌮𑍍 𑌁𑌯𑌥𑌾॒𑌵𑌣𑍍𑌣𑌮𑍋॑ 𑌦𑌿॒𑌵𑍇 𑌨𑌮𑌃॑ 𑌪𑍃𑌥𑌿॒𑌵𑍍𑌯𑌾 𑌇𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌦𑌿॒𑌵𑌿 𑌧𑌾॑ 𑌇॒𑌮𑌂-𑌯𑌁॒𑌜𑍍𑌞𑌂-𑌯𑌁॒𑌜𑍍𑌞𑌮𑌿॒𑌮-𑌨𑍍𑌦𑌿॒𑌵𑌿 𑌧𑌾॒ 𑌇𑌤𑍍𑌯𑌾॑𑌹 ।
𑌸𑍁॒𑌵॒𑌰𑍍𑌗𑌮𑍇॒𑌵𑍈𑌨॑𑌮𑍍 𑌁𑌲𑍋॒𑌕-𑌙𑍍𑌗॑𑌮𑌯𑌤𑌿 ।
𑌦𑌿𑌵॑-𑌙𑍍𑌗𑌚𑍍𑌛𑌾॒𑌨𑍍𑌤𑌰𑌿॑𑌕𑍍𑌷-𑌙𑍍𑌗𑌚𑍍𑌛 𑌪𑍃𑌥𑌿॒𑌵𑍀-𑌙𑍍𑌗॒𑌚𑍍𑌛𑍇𑌤𑍍𑌯𑌾॑𑌹 ।
𑌏॒𑌷𑍍𑌵𑍇॑𑌵𑍈𑌨॑𑌮𑍍 𑌁𑌲𑍋॒𑌕𑍇𑌷𑍁॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 । 𑌪𑌞𑍍𑌚॑ 𑌪𑍍𑌰॒𑌦𑌿𑌶𑍋॑ 𑌗॒𑌚𑍍𑌛𑍇𑌤𑍍𑌯𑌾॑𑌹 ॥ 𑍭2 ॥

𑌦𑌿॒𑌕𑍍𑌷𑍍𑌵𑍇॑𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ।
𑌦𑍇॒𑌵𑌾-𑌨𑍍𑌘॑𑌰𑍍𑌮॒𑌪𑌾-𑌨𑍍𑌗॑𑌚𑍍𑌛 𑌪𑌿॒𑌤𑍄-𑌨𑍍𑌘॑𑌰𑍍𑌮॒𑌪𑌾-𑌨𑍍𑌗॒𑌚𑍍𑌛𑍇𑌤𑍍𑌯𑌾॑𑌹 । 𑌉॒𑌭𑌯𑍇᳚𑌷𑍍𑌵𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 । 𑌯-𑌤𑍍𑌪𑌿𑌨𑍍𑌵॑𑌤𑍇 । 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑍋॑ 𑌭𑌵𑌤𑌿 । 𑌤𑌸𑍍𑌮𑌾॒-𑌤𑍍𑌪𑌿𑌨𑍍𑌵॑𑌮𑌾𑌨𑌃॒ 𑌪𑍁𑌣𑍍𑌯𑌃॑ । 𑌯-𑌤𑍍𑌪𑍍𑌰𑌾𑌮𑍍𑌪𑌿𑌨𑍍𑌵॑𑌤𑍇 । 𑌤-𑌦𑍍𑌦𑍇॒𑌵𑌾𑌨𑌾᳚𑌮𑍍 । 𑌯-𑌦𑍍𑌦॑𑌕𑍍𑌷𑌿॒𑌣𑌾 । 𑌤𑌤𑍍-𑌪𑌿॑𑌤𑍃॒𑌣𑌾𑌮𑍍 ॥ 𑍭3 ॥

𑌯-𑌤𑍍𑌪𑍍𑌰॒𑌤𑍍𑌯𑌕𑍍 । 𑌤-𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾𑌮𑍍 । 𑌯𑌦𑍁𑌦𑌙𑍍𑌙𑍍॑ । 𑌤-𑌦𑍍𑌰𑍁॒𑌦𑍍𑌰𑌾𑌣𑌾᳚𑌮𑍍 । 𑌪𑍍𑌰𑌾𑌞𑍍𑌚॒𑌮𑍁𑌦॑𑌞𑍍𑌚-𑌮𑍍𑌪𑌿𑌨𑍍𑌵𑌯𑌤𑌿 । 𑌦𑍇॒𑌵॒𑌤𑍍𑌰𑌾-𑌽𑌕𑌃॑ । 𑌅𑌥𑍋॒ 𑌖𑌲𑍁॑ । 𑌸𑌰𑍍𑌵𑌾॒ 𑌅𑌨𑍁॒ 𑌦𑌿𑌶𑌃॑ 𑌪𑌿𑌨𑍍𑌵𑌯𑌤𑌿 । 𑌸𑌰𑍍𑌵𑌾॒ 𑌦𑌿𑌶॒-𑌸𑍍𑌸𑌮𑍇॑𑌧𑌨𑍍𑌤𑍇 । 𑌅॒𑌨𑍍𑌤𑌃॒𑌪॒𑌰𑌿॒𑌧𑌿 𑌪𑌿॑𑌨𑍍𑌵𑌯𑌤𑌿 ॥ 𑍭4 ॥

𑌤𑍇𑌜॒𑌸𑍋-𑌽𑌸𑍍𑌕॑𑌨𑍍𑌦𑌾𑌯 । 𑌇॒𑌷𑍇 𑌪𑍀॑𑌪𑌿𑌹𑍍𑌯𑍂॒𑌰𑍍𑌜𑍇 𑌪𑍀॑𑌪𑌿॒𑌹𑍀𑌤𑍍𑌯𑌾॑𑌹 ।
𑌇𑌷॑𑌮𑍇॒𑌵𑍋𑌰𑍍𑌜𑌂॒-𑌯𑌁𑌜॑𑌮𑌾𑌨𑍇 𑌦𑌧𑌾𑌤𑌿 । 𑌯𑌜॑𑌮𑌾𑌨𑌾𑌯 𑌪𑍀𑌪𑌿॒𑌹𑍀𑌤𑍍𑌯𑌾॑𑌹 । 𑌯𑌜॑𑌮𑌾𑌨𑌾𑌯𑍈॒𑌵𑍈𑌤𑌾-𑌮𑌾॒𑌶𑌿𑌷॒𑌮𑌾𑌶𑌾᳚𑌸𑍍𑌤𑍇 ।
𑌮𑌹𑍍𑌯॒𑌞𑍍𑌜𑍍𑌯𑍈𑌷𑍍𑌠𑍍𑌯𑌾॑𑌯 𑌪𑍀𑌪𑌿॒𑌹𑍀𑌤𑍍𑌯𑌾॑𑌹 ।
𑌆॒𑌤𑍍𑌮𑌨॑ 𑌏॒𑌵𑍈𑌤𑌾𑌮𑌾॒𑌶𑌿𑌷॒𑌮𑌾𑌶𑌾᳚𑌸𑍍𑌤𑍇 ।
𑌤𑍍𑌵𑌿𑌷𑍍𑌯𑍈᳚ 𑌤𑍍𑌵𑌾 𑌦𑍍𑌯𑍁॒𑌮𑍍𑌨𑌾𑌯॑ 𑌤𑍍𑌵𑍇𑌨𑍍𑌦𑍍𑌰𑌿॒𑌯𑌾𑌯॑ 𑌤𑍍𑌵𑌾॒ 𑌭𑍂𑌤𑍍𑌯𑍈॒ 𑌤𑍍𑌵𑍇𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌧𑌰𑍍𑌮𑌾॑-𑌽𑌸𑌿 𑌸𑍁॒𑌧𑌰𑍍𑌮𑌾 𑌮𑍇᳚ 𑌨𑍍𑌯॒𑌸𑍍𑌮𑍇 𑌬𑍍𑌰𑌹𑍍𑌮𑌾॑𑌣𑌿 𑌧𑌾𑌰॒𑌯𑍇𑌤𑍍𑌯𑌾॑𑌹 ॥ 𑍭5 ॥

𑌬𑍍𑌰𑌹𑍍𑌮॑𑌨𑍍𑌨𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 । 𑌨𑍇𑌤𑍍𑌤𑍍𑌵𑌾॒ 𑌵𑌾𑌤॑-𑌸𑍍𑌸𑍍𑌕॒𑌨𑍍𑌦𑌯𑌾॒𑌦𑌿𑌤𑌿॒ 𑌯𑌦𑍍𑌯॑𑌭𑌿॒𑌚𑌰𑍇᳚𑌤𑍍 । 𑌅॒𑌮𑍁𑌷𑍍𑌯॑ 𑌤𑍍𑌵𑌾 𑌪𑍍𑌰𑌾॒𑌣𑍇 𑌸𑌾॑𑌦𑌯𑌾𑌮𑍍𑌯॒𑌮𑍁𑌨𑌾॑ 𑌸॒𑌹 𑌨𑌿॑𑌰॒𑌰𑍍𑌥-𑌙𑍍𑌗॒𑌚𑍍𑌛𑍇𑌤𑌿॑ 𑌬𑍍𑌰𑍂𑌯𑌾॒-𑌦𑍍𑌯-𑌨𑍍𑌦𑍍𑌵𑌿॒𑌷𑍍𑌯𑌾𑌤𑍍 । 𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॑ । 𑌤𑍇𑌨𑍈॑𑌨𑌗𑍍𑌮𑍍 𑌸॒𑌹 𑌨𑌿॑𑌰॒𑌰𑍍𑌥-𑌙𑍍𑌗॑𑌮𑌯𑌤𑌿 । 𑌪𑍂॒𑌷𑍍𑌣𑍇 𑌶𑌰॑𑌸𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌯𑌾 𑌏॒𑌵 𑌦𑍇॒𑌵𑌤𑌾॑ 𑌹𑍁॒𑌤𑌭𑌾॑𑌗𑌾𑌃 । 𑌤𑌾𑌭𑍍𑌯॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌗𑍍𑌰𑌾𑌵॑𑌭𑍍𑌯॒-𑌸𑍍𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌯𑌾 𑌏॒𑌵𑌾𑌨𑍍𑌤𑌰𑌿॑𑌕𑍍𑌷𑍇॒ 𑌵𑌾𑌚𑌃॑ ॥ 𑍭6 ॥

𑌤𑌾𑌭𑍍𑌯॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌪𑍍𑌰॒𑌤𑌿॒𑌰𑍇𑌭𑍍𑌯॒-𑌸𑍍𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌪𑍍𑌰𑌾॒𑌣𑌾 𑌵𑍈 𑌦𑍇॒𑌵𑌾𑌃 𑌪𑍍𑌰॑𑌤𑌿॒𑌰𑌾𑌃 । 𑌤𑍇𑌭𑍍𑌯॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॒𑌗𑍍॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑-𑌮𑍇॒𑌵𑍈𑌨॑𑌞𑍍𑌜𑍁𑌹𑍋𑌤𑌿 । 𑌪𑌿॒𑌤𑍃𑌭𑍍𑌯𑍋॑ 𑌘𑌰𑍍𑌮॒𑌪𑍇𑌭𑍍𑌯॒-𑌸𑍍𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌯𑍇 𑌵𑍈 𑌯𑌜𑍍𑌵𑌾॑𑌨𑌃 । 𑌤𑍇 𑌪𑌿॒𑌤𑌰𑍋॑ 𑌘𑌰𑍍𑌮॒𑌪𑌾𑌃 । 𑌤𑍇𑌭𑍍𑌯॑ 𑌏॒𑌵𑍈𑌨॑𑌞𑍍𑌜𑍁𑌹𑍋𑌤𑌿 ॥ 𑍭𑍭 ॥

𑌰𑍁॒𑌦𑍍𑌰𑌾𑌯॑ 𑌰𑍁॒𑌦𑍍𑌰𑌹𑍋᳚𑌤𑍍𑌰𑍇॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌰𑍁॒𑌦𑍍𑌰𑌮𑍇॒𑌵 𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 । 𑌸॒𑌰𑍍𑌵𑌤॒-𑌸𑍍𑌸𑌮॑𑌨𑌕𑍍𑌤𑌿 । 𑌸॒𑌰𑍍𑌵𑌤॑ 𑌏॒𑌵 𑌰𑍁॒𑌦𑍍𑌰𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌉𑌦॑𑌞𑍍𑌚॒𑌨𑍍𑌨𑌿𑌰॑𑌸𑍍𑌯𑌤𑌿 ।
𑌏॒𑌷𑌾 𑌵𑍈 𑌰𑍁॒𑌦𑍍𑌰𑌸𑍍𑌯॒ 𑌦𑌿𑌕𑍍 । 𑌸𑍍𑌵𑌾𑌯𑌾॑𑌮𑍇॒𑌵 𑌦𑌿॒𑌶𑌿 𑌰𑍁॒𑌦𑍍𑌰𑌨𑍍𑌨𑌿॒𑌰𑌵॑𑌦𑌯𑌤𑍇 । 𑌅॒𑌪 𑌉𑌪॑𑌸𑍍𑌪𑍃𑌶𑌤𑌿 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ । 𑌨𑌾𑌨𑍍𑌵𑍀᳚𑌕𑍍𑌷𑍇𑌤 । 𑌯𑌦॒𑌨𑍍𑌵𑍀𑌕𑍍𑌷𑍇॑𑌤 ॥ 𑍭𑍮 ॥

𑌚𑌕𑍍𑌷𑍁॑𑌰𑌸𑍍𑌯 𑌪𑍍𑌰॒𑌮𑌾𑌯𑍁॑𑌕𑌗𑍍𑌗𑍍 𑌸𑍍𑌯𑌾𑌤𑍍 । 𑌤𑌸𑍍𑌮𑌾॒𑌨𑍍𑌨𑌾𑌨𑍍𑌵𑍀𑌕𑍍𑌷𑍍𑌯𑌃॑ ।
𑌅𑌪𑍀॑𑌪𑌰𑍋॒ 𑌮𑌾-𑌽𑌹𑍍𑌨𑍋॒ 𑌰𑌾𑌤𑍍𑌰𑌿॑𑌯𑍈 𑌮𑌾 𑌪𑌾𑌹𑍍𑌯𑍇॒𑌷𑌾 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌤𑍍𑌤𑌯𑌾॒ 𑌸𑌮𑌿॑𑌦𑍍𑌧𑍍𑌯॒𑌸𑍍𑌵𑌾𑌯𑍁॑𑌰𑍍𑌮𑍇 𑌦𑌾॒ 𑌵𑌰𑍍𑌚॑𑌸𑌾 𑌮𑌾-𑌽𑌞𑍍𑌜𑍀॒𑌰𑌿𑌤𑍍𑌯𑌾॑𑌹 । 𑌆𑌯𑍁॑𑌰𑍇॒𑌵𑌾𑌸𑍍𑌮𑌿॒𑌨𑍍 𑌵𑌰𑍍𑌚𑍋॑ 𑌦𑌧𑌾𑌤𑌿 ।
𑌅𑌪𑍀॑𑌪𑌰𑍋 𑌮𑌾॒ 𑌰𑌾𑌤𑍍𑌰𑌿॑𑌯𑌾॒ 𑌅𑌹𑍍𑌨𑍋॑ 𑌮𑌾 𑌪𑌾𑌹𑍍𑌯𑍇॒𑌷𑌾 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌤𑍍𑌤𑌯𑌾॒ 𑌸𑌮𑌿॑𑌦𑍍𑌧𑍍𑌯॒𑌸𑍍𑌵𑌾𑌯𑍁॑𑌰𑍍𑌮𑍇 𑌦𑌾॒ 𑌵𑌰𑍍𑌚॑𑌸𑌾 𑌮𑌾-𑌽𑌞𑍍𑌜𑍀॒𑌰𑌿𑌤𑍍𑌯𑌾॑𑌹 । 𑌆𑌯𑍁॑𑌰𑍇॒𑌵𑌾𑌸𑍍𑌮𑌿॒𑌨𑍍 𑌵𑌰𑍍𑌚𑍋॑ 𑌦𑌧𑌾𑌤𑌿 ।
𑌅॒𑌗𑍍𑌨𑌿-𑌰𑍍𑌜𑍍𑌯𑍋𑌤𑌿॒-𑌰𑍍𑌜𑍍𑌯𑍋𑌤𑌿॑𑌰॒𑌗𑍍𑌨𑌿-𑌸𑍍𑌸𑍍𑌵𑌾𑌹𑌾॒ 𑌸𑍂𑌰𑍍𑌯𑍋॒ 𑌜𑍍𑌯𑍋𑌤𑌿॒𑌰𑍍𑌜𑍍𑌯𑍋𑌤𑌿॒-𑌸𑍍𑌸𑍂𑌰𑍍𑌯॒-𑌸𑍍𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌹𑍋॒𑌤॒𑌵𑍍𑌯॑𑌮𑌗𑍍𑌨𑌿𑌹𑍋॒𑌤𑍍𑌰𑌾(3) 𑌨𑍍𑌨 𑌹𑍋॑𑌤॒𑌵𑍍𑌯𑌾(3) 𑌮𑌿𑌤𑌿॑ ॥ 𑍭𑍯 ॥

𑌯-𑌦𑍍𑌯𑌜𑍁॑𑌷𑌾 𑌜𑍁𑌹𑍁॒𑌯𑌾𑌤𑍍 । 𑌅𑌯॑𑌥𑌾𑌪𑍂𑌰𑍍𑌵॒𑌮𑌾𑌹𑍁॑𑌤𑍀 𑌜𑍁𑌹𑍁𑌯𑌾𑌤𑍍 । 𑌯𑌨𑍍𑌨 𑌜𑍁॑𑌹𑍁॒𑌯𑌾𑌤𑍍 । 𑌅॒𑌗𑍍𑌨𑌿𑌃 𑌪𑌰𑌾॑𑌭𑌵𑍇𑌤𑍍 । 𑌭𑍂-𑌸𑍍𑌸𑍍𑌵𑌾𑌹𑍇𑌤𑍍𑌯𑍇॒𑌵 𑌹𑍋॑𑌤॒𑌵𑍍𑌯᳚𑌮𑍍 । 𑌯॒𑌥𑌾॒𑌪𑍂॒𑌰𑍍𑌵𑌮𑌾𑌹𑍁॑𑌤𑍀 𑌜𑍁॒𑌹𑍋𑌤𑌿॑ । 𑌨𑌾𑌗𑍍𑌨𑌿𑌃 𑌪𑌰𑌾॑𑌭𑌵𑌤𑌿 । 𑌹𑍁॒𑌤𑌗𑍍𑌮𑍍 𑌹॒𑌵𑌿𑌰𑍍𑌮𑌧𑍁॑ 𑌹॒𑌵𑌿𑌰𑌿𑌤𑍍𑌯𑌾॑𑌹 ।
𑌸𑍍𑌵॒𑌦𑌯॑𑌤𑍍𑌯𑍇॒𑌵𑍈𑌨᳚𑌮𑍍 । 𑌇𑌨𑍍𑌦𑍍𑌰॑𑌤𑌮𑍇॒-𑌽𑌗𑍍𑌨𑌾𑌵𑌿𑌤𑍍𑌯𑌾॑𑌹 ॥ 𑍮0 ॥

𑌪𑍍𑌰𑌾॒𑌣𑍋 𑌵𑌾 𑌇𑌨𑍍𑌦𑍍𑌰॑𑌤𑌮𑍋॒-𑌽𑌗𑍍𑌨𑌿𑌃 ।
𑌪𑍍𑌰𑌾॒𑌣 𑌏॒𑌵𑍈𑌨॒𑌮𑌿𑌨𑍍𑌦𑍍𑌰॑𑌤𑌮𑍇॒-𑌽𑌗𑍍𑌨𑍌 𑌜𑍁॑𑌹𑍋𑌤𑌿 ।
𑌪𑌿॒𑌤𑌾 𑌨𑍋॑-𑌽𑌸𑌿॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀॒𑌰𑌿𑌤𑍍𑌯𑌾॒𑌹𑌾𑌹𑌿𑌗𑍍𑌮𑍍॑𑌸𑌾𑌯𑍈 ।
𑌅॒𑌶𑍍𑌯𑌾𑌮॑ 𑌤𑍇 𑌦𑍇𑌵 𑌘𑌰𑍍𑌮॒ 𑌮𑌧𑍁॑𑌮𑌤𑍋॒ 𑌵𑌾𑌜॑𑌵𑌤𑌃 𑌪𑌿𑌤𑍁॒𑌮𑌤॒ 𑌇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌸𑍍𑌵॒𑌧𑌾॒𑌵𑌿𑌨𑍋॑-𑌽𑌶𑍀॒𑌮𑌹𑌿॑ 𑌤𑍍𑌵𑌾॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀॒-𑌰𑌿𑌤𑍍𑌯𑌾॒𑌹𑌾𑌹𑌿𑌗𑍍𑌮𑍍॑𑌸𑌾𑌯𑍈 । 𑌤𑍇𑌜॑𑌸𑌾॒ 𑌵𑌾 𑌏॒𑌤𑍇 𑌵𑍍𑌯𑍃॑𑌦𑍍𑌧𑍍𑌯𑌨𑍍𑌤𑍇 । 𑌯𑍇 𑌪𑍍𑌰॑𑌵॒𑌰𑍍𑌗𑍍𑌯𑍇॑𑌣॒ 𑌚𑌰॑𑌨𑍍𑌤𑌿 । 𑌪𑍍𑌰𑌾𑌶𑍍𑌞॑𑌨𑍍𑌤𑌿 ।
𑌤𑍇𑌜॑ 𑌏॒𑌵𑌾𑌤𑍍𑌮𑌨𑍍-𑌦॑𑌧𑌤𑍇 ॥ 𑍮1 ॥

𑌸𑌂॒𑌵𑌁॒𑌥𑍍𑌸॒𑌰𑌨𑍍𑌨 𑌮𑌾॒𑌗𑍍𑌮𑍍॒𑌸𑌮॑𑌶𑍍𑌞𑍀𑌯𑌾𑌤𑍍 । 𑌨 𑌰𑌾॒𑌮𑌾𑌮𑍁𑌪𑍇॑𑌯𑌾𑌤𑍍 । 𑌨 𑌮𑍃॒𑌨𑍍𑌮𑌯𑍇॑𑌨 𑌪𑌿𑌬𑍇𑌤𑍍 । 𑌨𑌾𑌸𑍍𑌯॑ 𑌰𑌾॒𑌮 𑌉𑌚𑍍𑌛𑌿॑𑌷𑍍𑌟-𑌮𑍍𑌪𑌿𑌬𑍇𑌤𑍍 । 𑌤𑍇𑌜॑ 𑌏॒𑌵 𑌤𑌥𑍍𑌸𑌗𑍍𑌮𑍍𑌶𑍍𑌯॑𑌤𑌿 ।
𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌤𑍇 𑌦𑍇॒𑌵𑌾 𑌵𑌿॑𑌜॒𑌯𑌮𑍁॑𑌪॒𑌯𑌨𑍍𑌤𑌃॑ । 𑌵𑌿॒𑌭𑍍𑌰𑌾𑌜𑌿॑ 𑌸𑍌॒𑌰𑍍𑌯𑍇 𑌬𑍍𑌰𑌹𑍍𑌮॒ 𑌸𑌨𑍍𑌨𑍍𑌯॑𑌦𑌧𑌤 । 𑌯-𑌤𑍍𑌕𑌿𑌞𑍍𑌚॑ 𑌦𑌿𑌵𑌾𑌕𑍀॒𑌰𑍍𑌤𑍍𑌯᳚𑌮𑍍 ।
𑌤𑌦𑍇॒𑌤𑍇𑌨𑍈॒𑌵 𑌵𑍍𑌰॒𑌤𑍇𑌨𑌾॑𑌗𑍋𑌪𑌾𑌯𑌤𑍍 । 𑌤𑌸𑍍𑌮𑌾॑𑌦𑍇॒𑌤-𑌦𑍍𑌵𑍍𑌰॒𑌤-𑌞𑍍𑌚𑌾॒𑌰𑍍𑌯᳚𑌮𑍍 । 𑌤𑍇𑌜॑𑌸𑍋 𑌗𑍋𑌪𑍀॒𑌥𑌾𑌯॑ । 𑌤𑌸𑍍𑌮𑌾॑𑌦𑍇॒𑌤𑌾𑌨𑌿॒ 𑌯𑌜𑍂𑌗𑍍𑌮𑍍॑𑌷𑌿 𑌵𑌿॒𑌭𑍍𑌰𑌾𑌜॑-𑌸𑍍𑌸𑍌॒𑌰𑍍𑌯𑌸𑍍𑌯𑍇𑌤𑍍𑌯𑌾॑𑌹𑍁𑌃 ।
𑌸𑍍𑌵𑌾𑌹𑌾᳚ 𑌤𑍍𑌵𑌾॒ 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑍍𑌯॒ 𑌇𑌤𑌿॑ 𑌪𑍍𑌰𑌾॒𑌤-𑌸𑍍𑌸𑌗𑍍𑌮𑍍𑌸𑌾॑𑌦𑌯𑌤𑌿 । 𑌸𑍍𑌵𑌾𑌹𑌾᳚ 𑌤𑍍𑌵𑌾॒ 𑌨𑌕𑍍𑌷॑𑌤𑍍𑌰𑍇𑌭𑍍𑌯॒ 𑌇𑌤𑌿॑ 𑌸𑌾॒𑌯𑌮𑍍 ।
𑌏॒𑌤𑌾 𑌵𑌾 𑌏॒𑌤𑌸𑍍𑌯॑ 𑌦𑍇॒𑌵𑌤𑌾𑌃᳚ । 𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌮𑍍॒ 𑌸𑌮॑𑌰𑍍𑌧𑌯𑌤𑌿 ॥ 𑍮2 ॥
(𑌅॒𑌕॒ – 𑌰॒𑌶𑍍𑌵𑌿॒𑌨𑍇𑌤𑍍𑌯𑌾॑𑌹 – 𑌪𑍍𑌰॒𑌦𑌿𑌶𑍋॑ 𑌗॒𑌚𑍍𑌛𑍇𑌤𑍍𑌯𑌾॑𑌹 – 𑌪𑌿𑌤𑍃॒𑌣𑌾 – 𑌮॑𑌨𑍍𑌤𑌃 𑌪𑌰𑌿॒𑌧𑌿 𑌪𑌿॑𑌨𑍍𑌵𑌯𑌤𑌿 – 𑌧𑌾𑌰॒𑌯𑍇𑌤𑍍𑌯𑌾॑𑌹॒ – 𑌵𑌾𑌚𑍋॑ – 𑌧𑌰𑍍𑌮॒𑌪𑌾 𑌸𑍍𑌤𑍇𑌭𑍍𑌯॑ 𑌏॒𑌵𑍈𑌨॑-𑌞𑍍𑌜𑍁𑌹𑍋 – 𑌤𑍍𑌯॒𑌨𑍍𑌵𑍀𑌕𑍍𑌷𑍇॑𑌤 – 𑌹𑍋𑌤॒𑌵𑍍𑌯𑌾 (3) 𑌮𑌿 – 𑌤𑍍𑌯॒𑌗𑍍𑌰𑌾𑌵𑌿𑌤𑍍𑌯𑌾॑𑌹 – 𑌦𑌧𑌤𑍇 – 𑌽𑌗𑍋𑌪𑌾𑌯-𑌥𑍍𑌸॒𑌪𑍍𑌤 𑌚॑) (𑌅. 𑍮)

𑌅𑌨𑍁𑌵𑌾𑌕𑌂 𑍯
𑌘𑌰𑍍𑌮॒ 𑌯𑌾 𑌤𑍇॑ 𑌦𑌿॒𑌵𑌿 𑌶𑍁𑌗𑌿𑌤𑌿॑ 𑌤𑌿॒𑌸𑍍𑌰 𑌆𑌹𑍁॑𑌤𑍀-𑌰𑍍𑌜𑍁𑌹𑍋𑌤𑌿 ।
𑌛𑌨𑍍𑌦𑍋॑𑌭𑌿𑌰𑍇॒𑌵𑌾𑌸𑍍𑌯𑍈॒𑌭𑍍𑌯𑍋 𑌲𑍋॒𑌕𑍇𑌭𑍍𑌯॒-𑌶𑍍𑌶𑍁𑌚॒𑌮𑌵॑ 𑌯𑌜𑌤𑍇 । 𑌇𑌯॒𑌤𑍍𑌯𑌗𑍍𑌰𑍇॑ 𑌜𑍁𑌹𑍋𑌤𑌿 । 𑌅𑌥𑍇𑌯॒𑌤𑍍𑌯𑌥𑍇𑌯॑𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 ।
𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯॒-𑌶𑍍𑌶𑍁𑌚॒𑌮𑌵॑ 𑌯𑌜𑌤𑍇 ।
𑌅𑌨𑍁॑ 𑌨𑍋॒-𑌽𑌦𑍍𑌯𑌾𑌨𑍁॑𑌮𑌤𑌿॒𑌰𑌿𑌤𑍍𑌯𑌾॒𑌹𑌾𑌨𑍁॑𑌮𑌤𑍍𑌯𑍈 । 𑌦𑌿॒𑌵𑌸𑍍𑌤𑍍𑌵𑌾॑ 𑌪𑌰॒𑌸𑍍𑌪𑌾𑌯𑌾॒ 𑌇𑌤𑍍𑌯𑌾॑𑌹 । 𑌦𑌿॒𑌵 𑌏॒𑌵𑍇𑌮𑌾𑌨𑍍 𑌁𑌲𑍋॒𑌕𑌾-𑌨𑍍𑌦𑌾॑𑌧𑌾𑌰 ।
𑌬𑍍𑌰𑌹𑍍𑌮॑𑌣𑌸𑍍𑌤𑍍𑌵𑌾 𑌪𑌰॒𑌸𑍍𑌪𑌾𑌯𑌾॒ 𑌇𑌤𑍍𑌯𑌾॑𑌹 ॥ 𑍮3 ॥

𑌏॒𑌷𑍍𑌵𑍇॑𑌵 𑌲𑍋॒𑌕𑍇𑌷𑍁॑ 𑌪𑍍𑌰॒𑌜𑌾 𑌦𑌾॑𑌧𑌾𑌰 । 𑌪𑍍𑌰𑌾॒𑌣𑌸𑍍𑌯॑ 𑌤𑍍𑌵𑌾 𑌪𑌰॒𑌸𑍍𑌪𑌾𑌯𑌾॒ 𑌇𑌤𑍍𑌯𑌾॑𑌹 । 𑌪𑍍𑌰॒𑌜𑌾𑌸𑍍𑌵𑍇॒𑌵 𑌪𑍍𑌰𑌾॒𑌣𑌾-𑌨𑍍𑌦𑌾॑𑌧𑌾𑌰 । 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌅॒𑌸𑍌 𑌖𑌲𑍁॒ 𑌵𑌾 𑌆॑𑌦𑌿॒𑌤𑍍𑌯𑌃 𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌤𑌂-𑌯𑌁-𑌦𑍍𑌦॑𑌕𑍍𑌷𑌿॒𑌣𑌾 𑌪𑍍𑌰॒𑌤𑍍𑌯𑌞𑍍𑌚॒-𑌮𑍁𑌦॑𑌞𑍍𑌚-𑌮𑍁𑌦𑍍𑌵𑌾॒𑌸𑌯𑍇᳚𑌤𑍍 ।
𑌜𑌿॒𑌹𑍍𑌮𑌂-𑌯𑌁॒𑌜𑍍𑌞𑌸𑍍𑌯॒ 𑌶𑌿𑌰𑍋॑ 𑌹𑌰𑍇𑌤𑍍 ।
𑌪𑍍𑌰𑌾𑌞𑍍𑌚॒𑌮𑍁𑌦𑍍𑌵𑌾॑𑌸𑌯𑌤𑌿 । 𑌪𑍁॒𑌰𑌸𑍍𑌤𑌾॑𑌦𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 ॥ 𑍮4 ॥

𑌪𑍍𑌰𑌾𑌞𑍍𑌚॒𑌮𑍁𑌦𑍍𑌵𑌾॑𑌸𑌯𑌤𑌿 । 𑌤𑌸𑍍𑌮𑌾॑𑌦॒𑌸𑌾𑌵𑌾॑𑌦𑌿॒𑌤𑍍𑌯𑌃 𑌪𑍁॒𑌰𑌸𑍍𑌤𑌾॒𑌦𑍁𑌦𑍇॑𑌤𑌿 । 𑌶॒𑌫𑍋॒𑌪॒𑌯॒𑌮𑌾𑌨𑍍𑌧॒𑌵𑌿𑌤𑍍𑌰𑌾॑𑌣𑌿॒ 𑌧𑍃𑌷𑍍𑌟𑍀॒ 𑌇𑌤𑍍𑌯॒𑌨𑍍𑌵𑌵॑𑌹𑌰𑌨𑍍𑌤𑌿 ।
𑌸𑌾𑌤𑍍𑌮𑌾॑𑌨𑌮𑍇॒𑌵𑍈𑌨॒𑌗𑍍𑌮𑍍॒ 𑌸𑌤॑𑌨𑍁-𑌙𑍍𑌕𑌰𑍋𑌤𑌿 । 𑌸𑌾𑌤𑍍𑌮𑌾॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿 ।
𑌯 𑌏॒𑌵𑌂-𑌵𑍇𑌁𑌦॑ । 𑌔𑌦𑍁॑𑌮𑍍𑌬𑌰𑌾𑌣𑌿 𑌭𑌵𑌨𑍍𑌤𑌿 । 𑌊𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰𑌃॑ । 𑌊𑌰𑍍𑌜॑𑌮𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌵𑌰𑍍𑌤𑍍𑌮॑𑌨𑌾॒ 𑌵𑌾 𑌅॒𑌨𑍍𑌵𑌿𑌤𑍍𑌯॑ ॥ 𑍮5 ॥

𑌯॒𑌜𑍍𑌞𑌗𑍍𑌮𑍍 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌜𑌿𑌘𑌾𑌗𑍍𑌮𑍍𑌸𑌨𑍍𑌤𑌿 । 𑌸𑌾𑌮𑍍𑌨𑌾᳚ 𑌪𑍍𑌰𑌸𑍍𑌤𑍋॒𑌤𑌾-𑌽𑌨𑍍𑌵𑌵𑍈॑𑌤𑌿 । 𑌸𑌾𑌮॒ 𑌵𑍈 𑌰॑𑌕𑍍𑌷𑍋॒𑌹𑌾 । 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 । 𑌤𑍍𑌰𑌿𑌰𑍍𑌨𑌿॒𑌧𑌨॒𑌮𑍁𑌪𑍈॑𑌤𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 । 𑌏॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॒ 𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑𑌹𑌨𑍍𑌤𑌿 । 𑌪𑍁𑌰𑍁॑𑌷𑌃𑌪𑍁𑌰𑍁𑌷𑍋 𑌨𑌿॒𑌧𑌨॒𑌮𑍁𑌪𑍈॑𑌤𑌿 । 𑌪𑍁𑌰𑍁॑𑌷𑌃𑌪𑍁𑌰𑍁𑌷𑍋॒ 𑌹𑌿 𑌰॑𑌕𑍍𑌷॒𑌸𑍍𑌵𑍀 । 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 ॥ 𑍮6 ॥

𑌯-𑌤𑍍𑌪𑍃॑𑌥𑌿॒𑌵𑍍𑌯𑌾𑌮𑍁॑𑌦𑍍𑌵𑌾॒𑌸𑌯𑍇᳚𑌤𑍍 । 𑌪𑍃॒𑌥𑌿॒𑌵𑍀𑌗𑍍𑌮𑍍 𑌶𑍁॒𑌚𑌾-𑌽𑌰𑍍𑌪॑𑌯𑍇𑌤𑍍 । 𑌯𑌦॒𑌫𑍍𑌸𑍁 । 𑌅॒𑌪-𑌶𑍍𑌶𑍁॒𑌚𑌾𑌰𑍍𑌪॑𑌯𑍇𑌤𑍍 । 𑌯𑌦𑍋𑌷॑𑌧𑍀𑌷𑍁 । 𑌓𑌷॑𑌧𑍀-𑌶𑍍𑌶𑍁॒𑌚𑌾-𑌽𑌰𑍍𑌪॑𑌯𑍇𑌤𑍍 ।
𑌯-𑌦𑍍𑌵𑌨॒𑌸𑍍𑌪𑌤𑌿॑𑌷𑍁 । 𑌵𑌨॒𑌸𑍍𑌪𑌤𑍀᳚𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑍇𑌤𑍍 । 𑌹𑌿𑌰॑𑌣𑍍𑌯𑌨𑍍𑌨𑌿॒𑌧𑌾𑌯𑍋𑌦𑍍𑌵𑌾॑𑌸𑌯𑌤𑌿 ।
𑌅॒𑌮𑍃𑌤𑌂॒-𑌵𑍈𑌁 𑌹𑌿𑌰॑𑌣𑍍𑌯𑌮𑍍 ॥ 𑍮𑍭 ॥

𑌅॒𑌮𑍃𑌤॑ 𑌏॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ।
𑌵॒𑌲𑍍𑌗𑍁𑌰॑𑌸𑌿 𑌶𑌂॒-𑌯𑍁𑌁𑌧𑌾॑𑌯𑌾॒ 𑌇𑌤𑌿॒ 𑌤𑍍𑌰𑌿𑌃 𑌪॑𑌰𑌿𑌷𑌿॒𑌞𑍍𑌚𑌨𑍍𑌪𑌰𑍍𑌯𑍇॑𑌤𑌿 । 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌃 । 𑌯𑌾𑌵𑌾॑𑌨𑍇॒𑌵𑌾𑌗𑍍𑌨𑌿𑌃 । 𑌤𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑌿 । 𑌤𑍍𑌰𑌿𑌃 𑌪𑍁𑌨𑌃॒ 𑌪𑌰𑍍𑌯𑍇॑𑌤𑌿 । 𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍁𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑌿 । 𑌚𑌤𑍁॑-𑌸𑍍𑌸𑍍𑌰𑌕𑍍𑌤𑌿॒𑌰𑍍𑌨𑌾𑌭𑌿॑𑌰𑍍-𑌋॒𑌤𑌸𑍍𑌯𑍇𑌤𑍍𑌯𑌾॑𑌹 ॥ 𑍮𑍮 ॥

𑌇॒𑌯𑌂-𑌵𑌾𑌁 𑌋॒𑌤𑌮𑍍 । 𑌤𑌸𑍍𑌯𑌾॑ 𑌏॒𑌷 𑌏॒𑌵 𑌨𑌾𑌭𑌿𑌃॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹 । 𑌸𑌦𑍋॑ 𑌵𑌿॒𑌶𑍍𑌵𑌾𑌯𑍁॒𑌰𑌿𑌤𑍍𑌯𑌾॑𑌹 । 𑌸𑌦𑍋॒ 𑌹𑍀𑌯𑌮𑍍 । 𑌅𑌪॒ 𑌦𑍍𑌵𑍇𑌷𑍋॒ 𑌅𑌪॒ 𑌹𑍍𑌵𑌰॒ 𑌇𑌤𑍍𑌯𑌾॑𑌹॒ 𑌭𑍍𑌰𑌾𑌤𑍃॑𑌵𑍍𑌯𑌾𑌪𑌨𑍁𑌤𑍍𑌤𑍍𑌯𑍈 । 𑌘𑌰𑍍𑌮𑍈॒𑌤𑌤𑍍𑌤𑍇-𑌽𑌨𑍍𑌨॑𑌮𑍇॒𑌤-𑌤𑍍𑌪𑍁𑌰𑍀॑𑌷॒𑌮𑌿𑌤𑌿॑ 𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣॑ 𑌪𑍂𑌰𑌯𑌤𑌿 ।
𑌊𑌰𑍍𑌗𑍍𑌵𑌾 𑌅॒𑌨𑍍𑌨𑌾𑌦𑍍𑌯॒𑌨𑍍𑌦𑌧𑌿॑ । 𑌊॒𑌰𑍍𑌜𑍈𑌵𑍈𑌨॑𑌮॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 ॥ 𑍮𑍯 ॥

𑌅𑌨॑𑌶𑌨𑌾𑌯𑍁𑌕𑍋 𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ।
𑌰𑌨𑍍𑌤𑌿॒𑌰𑍍𑌨𑌾𑌮𑌾॑𑌸𑌿 𑌦𑌿॒𑌵𑍍𑌯𑍋 𑌗॑𑌨𑍍𑌧॒𑌰𑍍𑌵 𑌇𑌤𑍍𑌯𑌾॑𑌹 ।
𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒-𑌤-𑌨𑍍𑌮॑𑌹𑌿॒𑌮𑌾𑌨॒𑌗𑍍𑌮𑍍॒ 𑌰𑌨𑍍𑌤𑌿॑-𑌮𑍍𑌬॒𑌨𑍍𑌧𑍁𑌤𑌾𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 । 𑌸𑌮॒𑌹𑌮𑌾𑌯𑍁॑𑌷𑌾॒ 𑌸-𑌮𑍍𑌪𑍍𑌰𑌾॒𑌣𑍇𑌨𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌵𑍍𑌯॑𑌸𑍌 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇𑌤𑍍𑌯𑌾॑𑌹 । 𑌅॒𑌭𑌿॒𑌚𑌾॒𑌰 𑌏॒𑌵𑌾𑌸𑍍𑌯𑍈॒𑌷𑌃 । 𑌅𑌚𑌿॑𑌕𑍍𑌰𑌦॒-𑌦𑍍𑌵𑍃𑌷𑌾॒ 𑌹𑌰𑌿॒𑌰𑌿𑌤𑍍𑌯𑌾॑𑌹 । 𑌵𑍃𑌷𑌾॒ 𑌹𑍍𑌯𑍇॑𑌷𑌃 ॥ 𑍯0 ॥

𑌵𑍃𑌷𑌾॒ 𑌹𑌰𑌿𑌃॑ । 𑌮॒𑌹𑌾-𑌨𑍍𑌮𑌿॒𑌤𑍍𑌰𑍋 𑌨 𑌦॑𑌰𑍍𑌶॒𑌤 𑌇𑌤𑍍𑌯𑌾॑𑌹 । 𑌸𑍍𑌤𑍌𑌤𑍍𑌯𑍇॒𑌵𑍈𑌨॑𑌮𑍇॒𑌤𑌤𑍍 । 𑌚𑌿𑌦॑𑌸𑌿 𑌸𑌮𑍁॒𑌦𑍍𑌰𑌯𑍋॑𑌨𑌿॒𑌰𑌿𑌤𑍍𑌯𑌾॑𑌹 । 𑌸𑍍𑌵𑌾𑌮𑍇॒𑌵𑍈𑌨𑌂॒-𑌯𑍋𑌁𑌨𑌿॑𑌙𑍍𑌗𑌮𑌯𑌤𑌿 ।
𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀॒𑌰𑌿𑌤𑍍𑌯𑌾॒𑌹𑌾𑌹𑌿𑌗𑍍𑌮𑍍॑𑌸𑌾𑌯𑍈 ।
𑌵𑌿॒𑌶𑍍𑌵𑌾𑌵॑𑌸𑍁𑌗𑍍𑌮𑍍 𑌸𑍋𑌮𑌗𑌨𑍍𑌧॒𑌰𑍍𑌵𑌮𑌿𑌤𑍍𑌯𑌾॑𑌹 । 𑌯𑌦𑍇॒𑌵𑌾𑌸𑍍𑌯॑ 𑌕𑍍𑌰𑌿॒𑌯𑌮𑌾॑𑌣𑌸𑍍𑌯𑌾𑌨𑍍𑌤॒𑌰𑍍𑌯𑌨𑍍𑌤𑌿॑ । 𑌤𑌦𑍇॒𑌵𑌾𑌸𑍍𑌯𑍈॒𑌤𑍇𑌨𑌾 𑌪𑍍𑌯𑌾॑𑌯𑌯𑌤𑌿 ।
𑌵𑌿॒𑌶𑍍𑌵𑌾𑌵॑𑌸𑍁𑌰॒𑌭𑌿 𑌤𑌨𑍍𑌨𑍋॑ 𑌗𑍃𑌣𑌾॒𑌤𑍍𑌵𑌿𑌤𑍍𑌯𑌾॑𑌹 ॥ 𑍯1 ॥

𑌪𑍂𑌰𑍍𑌵॑𑌮𑍇॒𑌵𑍋𑌦𑌿॒𑌤𑌮𑍍 । 𑌉𑌤𑍍𑌤॑𑌰𑍇𑌣𑌾॒𑌭𑌿𑌗𑍃॑𑌣𑌾𑌤𑌿 ।
𑌧𑌿𑌯𑍋॑ 𑌹𑌿𑌨𑍍𑌵𑌾॒𑌨𑍋 𑌧𑌿𑌯॒ 𑌇𑌨𑍍𑌨𑍋॑ 𑌅𑌵𑍍𑌯𑌾॒𑌦𑌿𑌤𑍍𑌯𑌾॑𑌹 । 𑌋॒𑌤𑍂𑌨𑍇॒𑌵𑌾𑌸𑍍𑌮𑍈॑ 𑌕𑌲𑍍𑌪𑌯𑌤𑌿 । 𑌪𑍍𑌰𑌾𑌸𑌾᳚-𑌙𑍍𑌗𑌨𑍍𑌧॒𑌰𑍍𑌵𑍋 𑌅॒𑌮𑍃𑌤𑌾॑𑌨𑌿 𑌵𑍋𑌚॒𑌦𑌿𑌤𑍍𑌯𑌾॑𑌹 । 𑌪𑍍𑌰𑌾॒𑌣𑌾 𑌵𑌾 𑌅॒𑌮𑍃𑌤𑌾𑌃᳚ ।
𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌮𑍈॑ 𑌕𑌲𑍍𑌪𑌯𑌤𑌿 । 𑌏॒𑌤𑌤𑍍𑌤𑍍𑌵𑌨𑍍𑌦𑍇॑𑌵 𑌘𑌰𑍍𑌮 𑌦𑍇॒𑌵𑍋 𑌦𑍇॒𑌵𑌾𑌨𑍁𑌪𑌾॑𑌗𑌾॒ 𑌇𑌤𑍍𑌯𑌾॑𑌹 । 𑌦𑍇॒𑌵𑍋 𑌹𑍍𑌯𑍇॑𑌷 𑌸𑌨𑍍𑌦𑍇॒𑌵𑌾𑌨𑍁॒𑌪𑍈𑌤𑌿॑ । 𑌇॒𑌦𑌮॒𑌹-𑌮𑍍𑌮॑𑌨𑍁॒𑌷𑍍𑌯𑍋॑ 𑌮𑌨𑍁॒𑌷𑍍𑌯𑌾॑𑌨𑌿𑌤𑍍𑌯𑌾॑𑌹 ॥ 𑍯2 ॥

𑌮॒𑌨𑍁॒𑌷𑍍𑌯𑍋॑ 𑌹𑌿 । 𑌏॒𑌷 𑌸-𑌨𑍍𑌮॑𑌨𑍁॒𑌷𑍍𑌯𑌾॑𑌨𑍁॒𑌪𑍈𑌤𑌿॑ ।
𑌈॒𑌶𑍍𑌵॒𑌰𑍋 𑌵𑍈 𑌪𑍍𑌰॑𑌵॒𑌰𑍍𑌗𑍍𑌯॑𑌮𑍁𑌦𑍍𑌵𑌾॒𑌸𑌯𑌨𑍍𑌨𑍍॑ । 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍-𑌥𑍍𑌸𑍋॑𑌮𑌪𑍀॒𑌥𑌮॑𑌨𑍂॒𑌦𑍍𑌵𑌾𑌸॒-𑌸𑍍𑌸𑍋𑌮॑𑌪𑍀॒𑌥𑌾𑌨𑍁॒𑌮𑍇𑌹𑌿॑ । 𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॒𑌣𑍇𑌤𑍍𑌯𑌾॑𑌹 । 𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑍍-𑌥𑍍𑌸𑍋॑𑌮𑌪𑍀॒𑌥𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇 । 𑌸𑍁॒𑌮𑌿॒𑌤𑍍𑌰𑌾 𑌨॒ 𑌆𑌪॒ 𑌓𑌷॑𑌧𑌯-𑌸𑍍𑌸॒𑌨𑍍𑌤𑍍𑌵𑌿𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌦𑍁॒𑌰𑍍𑌮𑌿॒𑌤𑍍𑌰𑌾𑌸𑍍𑌤𑌸𑍍𑌮𑍈॑ 𑌭𑍂𑌯𑌾𑌸𑍁॒-𑌰𑍍𑌯𑍋᳚-𑌽𑌸𑍍𑌮𑌾𑌨𑍍-𑌦𑍍𑌵𑍇𑌷𑍍𑌟𑌿॒ 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇𑌤𑍍𑌯𑌾॑𑌹 । 𑌅॒𑌭𑌿॒𑌚𑌾॒𑌰 𑌏॒𑌵𑌾𑌸𑍍𑌯𑍈॒𑌷𑌃 । 𑌪𑍍𑌰 𑌵𑌾 𑌏॒𑌷𑍋᳚-𑌽𑌸𑍍𑌮𑌾-𑌲𑍍𑌲𑍋॒𑌕𑌾𑌚𑍍𑌚𑍍𑌯॑𑌵𑌤𑍇 ।
𑌯𑌃 𑌪𑍍𑌰॑𑌵॒𑌰𑍍𑌗𑍍𑌯॑𑌮𑍁𑌦𑍍𑌵𑌾॒𑌸𑌯॑𑌤𑌿 । 𑌉𑌦𑍁॒ 𑌤𑍍𑌯-𑌞𑍍𑌚𑌿॒𑌤𑍍𑌰𑌮𑌿𑌤𑌿॑ 𑌸𑍌॒𑌰𑍀𑌭𑍍𑌯𑌾॑𑌮𑍃॒𑌗𑍍𑌭𑍍𑌯𑌾-𑌮𑍍𑌪𑍁𑌨॒𑌰𑍇𑌤𑍍𑌯॒ 𑌗𑌾𑌰𑍍𑌹॑𑌪𑌤𑍍𑌯𑍇 𑌜𑍁𑌹𑍋𑌤𑌿 ।
𑌅॒𑌯𑌮𑍍 𑌁𑌵𑍈 𑌲𑍋॒𑌕𑍋 𑌗𑌾𑌰𑍍𑌹॑𑌪𑌤𑍍𑌯𑌃 । 𑌅॒𑌸𑍍𑌮𑌿𑌨𑍍𑌨𑍇॒𑌵 𑌲𑍋॒𑌕𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 ।
𑌅॒𑌸𑍌 𑌖𑌲𑍁॒ 𑌵𑌾 𑌆॑𑌦𑌿॒𑌤𑍍𑌯-𑌸𑍍𑌸𑍁॑𑌵॒𑌰𑍍𑌗𑍋 𑌲𑍋॒𑌕𑌃 ।
𑌯-𑌥𑍍𑌸𑍌॒𑌰𑍀 𑌭𑌵॑𑌤𑌃 । 𑌤𑍇𑌨𑍈॒𑌵 𑌸𑍁॑𑌵॒𑌰𑍍𑌗𑌾-𑌲𑍍𑌲𑍋॒𑌕𑌾𑌨𑍍𑌨𑍈𑌤𑌿॑ ॥ 𑍯3 ॥
(𑌬𑍍𑌰𑌹𑍍𑌮॑𑌣𑌸𑍍𑌤𑍍𑌵𑌾 𑌪𑌰॒𑌸𑍍𑌪𑌾𑌯𑌾॒ 𑌇𑌤𑍍𑌯𑌾॑𑌹 – 𑌦𑌧𑌾 – 𑌤𑍍𑌯॒𑌨𑍍𑌵𑌿𑌤𑍍𑌯॑ – 𑌰𑌕𑍍𑌷॒𑌸𑍍𑌵𑍀 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ – 𑌵𑍈 𑌹𑌿𑌰॑𑌣𑍍𑌯 – 𑌮𑌾𑌹𑌾 – 𑌰𑍍𑌧𑌯𑌤𑌿॒ – 𑌹𑍍𑌯𑍇॑𑌷 – 𑌗𑍃॑𑌣𑌾॒𑌤𑍍𑌵𑌿𑌤𑍍𑌯𑌾॑𑌹 – 𑌮𑌨𑍁॒𑌷𑍍𑌯𑌾॑𑌨𑌿𑌤𑍍𑌯𑌾॑𑌹𑌾 – 𑌸𑍍𑌯𑍈॒𑌷𑍋᳚ 𑌽𑌷𑍍𑌟𑍌 𑌚॑) (𑌅. 𑍯)

𑌅𑌨𑍁𑌵𑌾𑌕𑌂 10
𑌪𑍍𑌰॒𑌜𑌾𑌪॑𑌤𑌿𑌂॒-𑌵𑍈𑌁 𑌦𑍇॒𑌵𑌾-𑌶𑍍𑌶𑍁॒𑌕𑍍𑌰-𑌮𑍍𑌪𑌯𑍋॑-𑌽𑌦𑍁𑌹𑍍𑌰𑌨𑍍𑌨𑍍 । 𑌤𑌦𑍇᳚𑌭𑍍𑌯𑍋॒ 𑌨 𑌵𑍍𑌯॑𑌭𑌵𑌤𑍍 । 𑌤𑌦॒𑌗𑍍𑌨𑌿𑌰𑍍𑌵𑍍𑌯॑𑌕𑌰𑍋𑌤𑍍 । 𑌤𑌾𑌨𑌿॒ 𑌶𑍁𑌕𑍍𑌰𑌿॑𑌯𑌾𑌣𑌿॒ 𑌸𑌾𑌮𑌾᳚𑌨𑍍𑌯𑌭𑌵𑌨𑍍𑌨𑍍 । 𑌤𑍇𑌷𑌾𑌂॒-𑌯𑍋𑌁 𑌰𑌸𑍋॒-𑌽𑌤𑍍𑌯𑌕𑍍𑌷॑𑌰𑌤𑍍 । 𑌤𑌾𑌨𑌿॑ 𑌶𑍁𑌕𑍍𑌰𑌯॒𑌜𑍂𑌗𑍍𑌷𑍍𑌯॑𑌭𑌵𑌨𑍍𑌨𑍍 ।
𑌶𑍁𑌕𑍍𑌰𑌿॑𑌯𑌾𑌣𑌾𑌂॒-𑌵𑌾𑌁 𑌏॒𑌤𑌾𑌨𑌿॒ 𑌶𑍁𑌕𑍍𑌰𑌿॑𑌯𑌾𑌣𑌿 । 𑌸𑌾॒𑌮॒𑌪॒𑌯॒𑌸𑌂𑌵𑌾𑌁 𑌏॒𑌤𑌯𑍋॑𑌰॒𑌨𑍍𑌯𑌤𑍍 ।
𑌦𑍇॒𑌵𑌾𑌨𑌾॑𑌮॒𑌨𑍍𑌯𑌤𑍍𑌪𑌯𑌃॑ । 𑌯𑌦𑍍𑌗𑍋𑌃 𑌪𑌯𑌃॑ ॥ 𑍯4 ॥

𑌤-𑌥𑍍𑌸𑌾𑌮𑍍𑌨𑌃॒ 𑌪𑌯𑌃॑ । 𑌯𑌦॒𑌜𑌾𑌯𑍈॒ 𑌪𑌯𑌃॑ । 𑌤-𑌦𑍍𑌦𑍇॒𑌵𑌾𑌨𑌾॒-𑌮𑍍𑌪𑌯𑌃॑ । 𑌤𑌸𑍍𑌮𑌾॒-𑌦𑍍𑌯𑌤𑍍𑌰𑍈॒𑌤𑍈-𑌰𑍍𑌯𑌜𑍁॑𑌰𑍍𑌭𑌿॒𑌶𑍍𑌚𑌰॑𑌨𑍍𑌤𑌿 । 𑌤-𑌤𑍍𑌪𑌯॑𑌸𑌾 𑌚𑌰𑌨𑍍𑌤𑌿 । 𑌪𑍍𑌰॒𑌜𑌾𑌪॑𑌤𑌿𑌮𑍇॒𑌵 𑌤-𑌦𑍍𑌦𑍇॒𑌵𑌾𑌨𑍍𑌪𑌯॑𑌸𑌾॒-𑌽𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮॑𑌰𑍍𑌧𑌯𑌨𑍍𑌤𑌿 । 𑌏॒𑌷 𑌹॒ 𑌤𑍍𑌵𑍈 𑌸𑌾॒𑌕𑍍𑌷𑌾-𑌤𑍍𑌪𑍍𑌰॑𑌵॒𑌰𑍍𑌗𑍍𑌯॑-𑌮𑍍𑌭𑌕𑍍𑌷𑌯𑌤𑌿 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑌃॑ 𑌪𑍍𑌰𑌵॒𑌰𑍍𑌗𑍍𑌯𑌃॑ 𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌉॒𑌤𑍍𑌤॒𑌰॒𑌵𑍇॒𑌦𑍍𑌯𑌾-𑌮𑍁𑌦𑍍𑌵𑌾॑𑌸𑌯𑍇॒𑌤𑍍-𑌤𑍇𑌜॑𑌸𑍍𑌕𑌾𑌮𑌸𑍍𑌯 । 𑌤𑍇𑌜𑍋॒ 𑌵𑌾 𑌉॑𑌤𑍍𑌤𑌰𑌵𑍇॒𑌦𑌿𑌃 ॥ 𑍯5 ॥

𑌤𑍇𑌜𑌃॑ 𑌪𑍍𑌰𑌵॒𑌰𑍍𑌗𑍍𑌯𑌃॑ । 𑌤𑍇𑌜॑𑌸𑍈॒𑌵 𑌤𑍇𑌜॒-𑌸𑍍𑌸𑌮॑𑌰𑍍𑌧𑌯𑌤𑌿 ।
𑌉॒𑌤𑍍𑌤॒𑌰॒𑌵𑍇॒𑌦𑍍𑌯𑌾-𑌮𑍁𑌦𑍍𑌵𑌾॑𑌸𑌯𑍇॒-𑌦𑌨𑍍𑌨॑𑌕𑌾𑌮𑌸𑍍𑌯 । 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌮𑍁𑌖॑𑌮𑍁𑌤𑍍𑌤𑌰𑌵𑍇॒𑌦𑌿𑌃 ।
𑌶𑍀॒𑌰𑍍𑌷𑍍𑌣𑍈𑌵 𑌮𑍁𑌖॒𑌗𑍍𑌮𑍍॒ 𑌸𑌨𑍍𑌦॑𑌧𑌾𑌤𑍍𑌯॒𑌨𑍍𑌨𑌾𑌦𑍍𑌯𑌾॑𑌯 । 𑌅॒𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿 । 𑌯𑌤𑍍𑌰॒ 𑌖𑌲𑍁॒ 𑌵𑌾 𑌏॒𑌤𑌮𑍁𑌦𑍍𑌵𑌾॑𑌸𑌿𑌤𑌂॒-𑌵𑌁𑌯𑌾𑌗𑍍𑌮𑍍॑𑌸𑌿 𑌪॒𑌰𑍍𑌯𑌾𑌸॑𑌤𑍇 । 𑌪𑌰𑌿॒ 𑌵𑍈 𑌤𑌾𑌗𑍍𑌮𑍍 𑌸𑌮𑌾᳚-𑌮𑍍𑌪𑍍𑌰॒𑌜𑌾 𑌵𑌯𑌾𑌗𑍍॑𑌸𑍍𑌯𑌾𑌸𑌤𑍇 ॥ 𑍯6 ॥

𑌤𑌸𑍍𑌮𑌾॑-𑌦𑍁𑌤𑍍𑌤𑌰𑌵𑍇॒𑌦𑍍𑌯𑌾-𑌮𑍇॒𑌵𑍋𑌦𑍍𑌵𑌾॑𑌸𑌯𑍇𑌤𑍍 । 𑌪𑍍𑌰॒𑌜𑌾𑌨𑌾᳚-𑌙𑍍𑌗𑍋𑌪𑍀॒𑌥𑌾𑌯॑ । 𑌪𑍁॒𑌰𑍋 𑌵𑌾॑ 𑌪॒𑌶𑍍𑌚𑌾𑌦𑍍𑌵𑍋𑌦𑍍𑌵𑌾॑𑌸𑌯𑍇𑌤𑍍 । 𑌪𑍁॒𑌰𑌸𑍍𑌤𑌾॒𑌦𑍍𑌵𑌾 𑌏॒𑌤𑌜𑍍𑌜𑍍𑌯𑍋𑌤𑌿॒𑌰𑍁𑌦𑍇॑𑌤𑌿 । 𑌤-𑌤𑍍𑌪॒𑌶𑍍𑌚𑌾𑌨𑍍𑌨𑌿𑌮𑍍𑌰𑍋॑𑌚𑌤𑌿 । 𑌸𑍍𑌵𑌾𑌮𑍇॒𑌵𑍈𑌨॒𑌮𑍍 𑌁𑌯𑍋𑌨𑌿॒𑌮𑌨𑍂𑌦𑍍𑌵𑌾॑𑌸𑌯𑌤𑌿 ।
𑌅॒𑌪𑌾-𑌮𑍍𑌮𑌦𑍍𑌧𑍍𑌯॒ 𑌉𑌦𑍍𑌵𑌾॑𑌸𑌯𑍇𑌤𑍍 । 𑌅॒𑌪𑌾𑌂-𑌵𑌾𑌁 𑌏॒𑌤𑌨𑍍𑌮𑌦𑍍𑌧𑍍𑌯𑌾॒-𑌜𑍍𑌜𑍍𑌯𑍋𑌤𑌿॑𑌰𑌜𑌾𑌯𑌤 । 𑌜𑍍𑌯𑍋𑌤𑌿𑌃॑ 𑌪𑍍𑌰𑌵॒𑌰𑍍𑌗𑍍𑌯𑌃॑ । 𑌸𑍍𑌵 𑌏॒𑌵𑍈𑌨𑌂॒-𑌯𑍋𑌁𑌨𑍌॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 𑍯𑍭 ॥

𑌯-𑌨𑍍𑌦𑍍𑌵𑌿॒𑌷𑍍𑌯𑌾𑌤𑍍 । 𑌯𑌤𑍍𑌰॒ 𑌸 𑌸𑍍𑌯𑌾𑌤𑍍 । 𑌤𑌸𑍍𑌯𑌾᳚-𑌨𑍍𑌦𑌿॒𑌶𑍍𑌯𑍁𑌦𑍍𑌵𑌾॑𑌸𑌯𑍇𑌤𑍍 ।
𑌏॒𑌷 𑌵𑌾 𑌅॒𑌗𑍍𑌨𑌿-𑌰𑍍𑌵𑍈᳚𑌶𑍍𑌵𑌾𑌨॒𑌰𑌃 । 𑌯𑌤𑍍-𑌪𑍍𑌰॑𑌵॒𑌰𑍍𑌗𑍍𑌯𑌃॑ ।
𑌅॒𑌗𑍍𑌨𑌿𑌨𑍈॒𑌵𑍈𑌨𑌂॑-𑌵𑍈𑌁𑌶𑍍𑌵𑌾𑌨॒𑌰𑍇𑌣𑌾॒𑌭𑌿 𑌪𑍍𑌰𑌵॑𑌰𑍍𑌤𑌯𑌤𑌿 ।
𑌔𑌦𑍁॑𑌮𑍍𑌬𑌰𑍍𑌯𑌾॒𑌗𑍍𑌮𑍍॒ 𑌶𑌾𑌖𑌾॑𑌯𑌾॒𑌮𑍁𑌦𑍍𑌵𑌾॑𑌸𑌯𑍇𑌤𑍍 ।
𑌊𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰𑌃॑ । 𑌅𑌨𑍍𑌨॑-𑌮𑍍𑌪𑍍𑌰𑌾॒𑌣𑌃 । 𑌶𑍁𑌗𑍍𑌘॒𑌰𑍍𑌮𑌃 ॥ 𑍯𑍮 ॥

𑌇॒𑌦𑌮॒𑌹-𑌮॒𑌮𑍁𑌷𑍍𑌯𑌾॑𑌮𑍁𑌷𑍍𑌯𑌾𑌯॒𑌣𑌸𑍍𑌯॑ 𑌶𑍁॒𑌚𑌾 𑌪𑍍𑌰𑌾॒𑌣𑌮𑌪𑌿॑ 𑌦𑌹𑌾॒𑌮𑍀𑌤𑍍𑌯𑌾॑𑌹 । 𑌶𑍁॒𑌚𑍈𑌵𑌾𑌸𑍍𑌯॑ 𑌪𑍍𑌰𑌾॒𑌣𑌮𑌪𑌿॑ 𑌦𑌹𑌤𑌿 । 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿 । 𑌯𑌤𑍍𑌰॑ 𑌦॒𑌰𑍍𑌭𑌾 𑌉॑𑌪॒𑌦𑍀𑌕॑𑌸𑌨𑍍𑌤𑌤𑌾॒-𑌸𑍍𑌸𑍍𑌯𑍁𑌃 । 𑌤𑌦𑍁𑌦𑍍𑌵𑌾॑𑌸𑌯𑍇॒-𑌦𑍍𑌵𑍃𑌷𑍍𑌟𑌿॑𑌕𑌾𑌮𑌸𑍍𑌯 । 𑌏॒𑌤𑌾 𑌵𑌾 𑌅॒𑌪𑌾𑌮॑𑌨𑍂॒𑌜𑍍𑌝𑌾𑌵॑𑌰𑍍𑌯𑍋॒ 𑌨𑌾𑌮॑ ।
𑌯-𑌦𑍍𑌦॒𑌰𑍍𑌭𑌾𑌃 । 𑌅॒𑌸𑍌 𑌖𑌲𑍁॒ 𑌵𑌾 𑌆॑𑌦𑌿॒𑌤𑍍𑌯 𑌇॒𑌤𑍋 𑌵𑍃𑌷𑍍𑌟𑌿॒𑌮𑍁𑌦𑍀॑𑌰𑌯𑌤𑌿 । 𑌅॒𑌸𑌾𑌵𑍇॒𑌵𑌾𑌸𑍍𑌮𑌾॑ 𑌆𑌦𑌿॒𑌤𑍍𑌯𑍋 𑌵𑍃𑌷𑍍𑌟𑌿॒𑌨𑍍𑌨𑌿𑌯॑𑌚𑍍𑌛𑌤𑌿 । 𑌤𑌾 𑌆𑌪𑍋॒ 𑌨𑌿𑌯॑𑌤𑌾॒ 𑌧𑌨𑍍𑌵॑𑌨𑌾 𑌯𑌨𑍍𑌤𑌿 ॥ 𑍯𑍯 ॥
(𑌗𑍋𑌃 𑌪𑌯॑ – 𑌉𑌤𑍍𑌤𑌰𑌵𑍇॒𑌦𑌿 – 𑌰𑌾॑𑌸𑌤𑍇 – 𑌸𑍍𑌥𑌾𑌪𑌯𑌤𑌿 – 𑌘॒𑌰𑍍𑌮𑍋 – 𑌯॑𑌨𑍍𑌤𑌿) (𑌅. 10)

𑌅𑌨𑍁𑌵𑌾𑌕𑌂 11
𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌮𑍍𑌭𑍍𑌰𑌿॒𑌯𑌮𑌾॑𑌣𑌃 । 𑌸॒𑌮𑍍𑌰𑌾𑌟𑍍-𑌥𑍍𑌸𑌮𑍍𑌭𑍃॑𑌤𑌃 । 𑌘॒𑌰𑍍𑌮𑌃 𑌪𑍍𑌰𑌵𑍃॑𑌕𑍍𑌤𑌃 । 𑌮॒𑌹𑌾॒𑌵𑍀॒𑌰 𑌉𑌦𑍍𑌵𑌾॑𑌸𑌿𑌤𑌃 । 𑌅॒𑌸𑍌 𑌖𑌲𑍁॒ 𑌵𑌾𑌵𑍈𑌷 𑌆॑𑌦𑌿॒𑌤𑍍𑌯𑌃 । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ ।
𑌸 𑌏॒𑌤𑌾𑌨𑌿॒ 𑌨𑌾𑌮𑌾᳚𑌨𑍍𑌯𑌕𑍁𑌰𑍁𑌤 । 𑌯 𑌏॒𑌵𑌂-𑌵𑍇𑌁𑌦॑ । 𑌵𑌿॒𑌦𑍁𑌰𑍇॑𑌨॒𑌨𑍍𑌨𑌾𑌮𑍍𑌨𑌾᳚ । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 ॥ 100 ॥

𑌯𑍋 𑌵𑍈 𑌵𑌸𑍀॑𑌯𑌾𑌗𑍍𑌮𑍍 𑌸𑌂𑌯𑌁𑌥𑌾𑌨𑌾॒𑌮𑌮𑍁॑𑌪॒𑌚𑌰॑𑌤𑌿 ।
𑌪𑍁𑌣𑍍𑌯𑌾᳚𑌰𑍍𑌤𑌿𑌂॒-𑌵𑍈𑌁 𑌸 𑌤𑌸𑍍𑌮𑍈॑ 𑌕𑌾𑌮𑌯𑌤𑍇 । 𑌪𑍁𑌣𑍍𑌯𑌾᳚𑌰𑍍𑌤𑌿𑌮𑌸𑍍𑌮𑍈 𑌕𑌾𑌮𑌯𑌨𑍍𑌤𑍇 । 𑌯 𑌏॒𑌵𑌂-𑌵𑍇𑌁𑌦॑ । 𑌤𑌸𑍍𑌮𑌾॑𑌦𑍇॒𑌵𑌂-𑌵𑌿𑌁॒𑌦𑍍𑌵𑌾𑌨𑍍 । 𑌘॒𑌰𑍍𑌮 𑌇𑌤𑌿॒ 𑌦𑌿𑌵𑌾-𑌽𑌽𑌚॑𑌕𑍍𑌷𑍀𑌤 । 𑌸॒𑌮𑍍𑌰𑌾𑌡𑌿𑌤𑌿॒ 𑌨𑌕𑍍𑌤᳚𑌮𑍍 । 𑌏॒𑌤𑍇 𑌵𑌾 𑌏॒𑌤𑌸𑍍𑌯॑ 𑌪𑍍𑌰𑌿॒𑌯𑍇 𑌤॒𑌨𑍁𑌵𑍌᳚ । 𑌏॒𑌤𑍇 𑌅॑𑌸𑍍𑌯 𑌪𑍍𑌰𑌿॒𑌯𑍇 𑌨𑌾𑌮॑𑌨𑍀 । 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾᳚ ॥ 101 ॥

𑌪𑍍𑌰𑌿॒𑌯𑍇𑌣॒ 𑌨𑌾𑌮𑍍𑌨𑌾॒ 𑌸𑌮॑𑌰𑍍𑌧𑌯𑌤𑌿 । 𑌕𑍀॒𑌰𑍍𑌤𑌿𑌰॑𑌸𑍍𑌯॒ 𑌪𑍂𑌰𑍍𑌵𑌾 𑌗॑𑌚𑍍𑌛𑌤𑌿 𑌜॒𑌨𑌤𑌾॑𑌮𑌾𑌯॒𑌤𑌃 । 𑌗𑌾॒𑌯॒𑌤𑍍𑌰𑍀 𑌦𑍇॒𑌵𑍇𑌭𑍍𑌯𑍋-𑌽𑌪𑌾᳚𑌕𑍍𑌰𑌾𑌮𑌤𑍍 । 𑌤𑌾𑌨𑍍𑌦𑍇॒𑌵𑌾𑌃 𑌪𑍍𑌰॑𑌵॒𑌰𑍍𑌗𑍍𑌯𑍇॑𑌣𑍈॒𑌵𑌾𑌨𑍁॒ 𑌵𑍍𑌯॑𑌭𑌵𑌨𑍍𑌨𑍍 ।
𑌪𑍍𑌰॒𑌵॒𑌰𑍍𑌗𑍍𑌯𑍇॑𑌣𑌾𑌪𑍍𑌨𑍁𑌵𑌨𑍍𑌨𑍍 । 𑌯𑌚𑍍𑌚॑𑌤𑍁𑌰𑍍𑌵𑌿𑌗𑍍𑌮𑍍𑌶𑌤𑌿𑌃॒ 𑌕𑍃𑌤𑍍𑌵𑌃॑ 𑌪𑍍𑌰𑌵॒𑌰𑍍𑌗𑍍𑌯॑-𑌮𑍍𑌪𑍍𑌰𑌵𑍃॒𑌣𑌕𑍍𑌤𑌿॑ । 𑌗𑌾॒𑌯॒𑌤𑍍𑌰𑍀𑌮𑍇॒𑌵 𑌤𑌦𑌨𑍁॒ 𑌵𑌿𑌭॑𑌵𑌤𑌿 । 𑌗𑌾॒𑌯॒𑌤𑍍𑌰𑍀𑌮𑌾᳚𑌪𑍍𑌨𑍋𑌤𑌿 । 𑌪𑍂𑌰𑍍𑌵𑌾᳚-𑌽𑌸𑍍𑌯॒ 𑌜𑌨𑌂॑-𑌯𑌁॒𑌤𑌃 𑌕𑍀॒𑌰𑍍𑌤𑌿𑌰𑍍𑌗॑𑌚𑍍𑌛𑌤𑌿 । 𑌵𑍈॒𑌶𑍍𑌵॒𑌦𑍇॒𑌵-𑌸𑍍𑌸𑌗𑍍𑌮𑍍𑌸॑𑌨𑍍𑌨𑌃 ॥ 102 ॥

𑌵𑌸॑𑌵𑌃॒ 𑌪𑍍𑌰𑌵𑍃॑𑌕𑍍𑌤𑌃 । 𑌸𑍋𑌮𑍋॑-𑌽𑌭𑌿𑌕𑍀॒𑌰𑍍𑌯𑌮𑌾॑𑌣𑌃 । 𑌆॒𑌶𑍍𑌵𑌿॒𑌨𑌃 𑌪𑌯॑𑌸𑍍𑌯𑌾𑌨𑍀॒𑌯𑌮𑌾॑𑌨𑍇 ।
𑌮𑌾𑌰𑍁॒𑌤𑌃 𑌕𑍍𑌵𑌥𑌨𑍍𑌨𑍍॑ । 𑌪𑍌॒𑌷𑍍𑌣 𑌉𑌦॑𑌨𑍍𑌤𑌃 । 𑌸𑌾॒𑌰॒𑌸𑍍𑌵॒𑌤𑍋 𑌵𑌿॒𑌷𑍍𑌯𑌨𑍍𑌦॑𑌮𑌾𑌨𑌃 । 𑌮𑍈॒𑌤𑍍𑌰-𑌶𑍍𑌶𑌰𑍋॑ 𑌗𑍃𑌹𑍀𑌤𑌃 । 𑌤𑍇𑌜॒ 𑌉𑌦𑍍𑌯॑𑌤𑍋 𑌵𑌾॒𑌯𑍁𑌃 । 𑌹𑍍𑌰𑌿॒𑌯𑌮𑌾॑𑌣𑌃 𑌪𑍍𑌰॒𑌜𑌾𑌪॑𑌤𑌿𑌃 ।
𑌹𑍂॒𑌯𑌮𑌾॑𑌨𑍋॒ 𑌵𑌾𑌘𑍁॒𑌤𑌃 ॥ 103 ॥

𑌅॒𑌸𑍌 𑌖𑌲𑍁॒ 𑌵𑌾𑌵𑍈𑌷 𑌆॑𑌦𑌿॒𑌤𑍍𑌯𑌃 । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ ।
𑌸 𑌏॒𑌤𑌾𑌨𑌿॒ 𑌨𑌾𑌮𑌾᳚𑌨𑍍𑌯𑌕𑍁𑌰𑍁𑌤 । 𑌯 𑌏॒𑌵𑌂-𑌵𑍇𑌁𑌦॑ । 𑌵𑌿॒𑌦𑍁𑌰𑍇॑𑌨॒𑌨𑍍𑌨𑌾𑌮𑍍𑌨𑌾᳚ । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 ।
𑌯𑌨𑍍𑌮𑍃॒𑌨𑍍𑌮𑌯॒-𑌮𑌾𑌹𑍁॑𑌤𑌿॒𑌨𑍍𑌨𑌾𑌶𑍍𑌞𑍁॒𑌤𑍇-𑌽𑌥॑ । 𑌕𑌸𑍍𑌮𑌾॑𑌦𑍇॒𑌷𑍋᳚-𑌽𑌶𑍍𑌞𑍁𑌤॒ 𑌇𑌤𑌿॑ । 𑌵𑌾𑌗𑍇॒𑌷 𑌇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌵𑌾॒𑌚𑍍𑌯𑍇॑𑌵 𑌵𑌾𑌚॑-𑌨𑍍𑌦𑌧𑌾𑌤𑌿 ॥ 104 ॥

𑌤𑌸𑍍𑌮𑌾॑𑌦𑌶𑍍𑌞𑍁𑌤𑍇 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌦𑍍𑌵𑌾॑𑌦𑌶॒𑌧𑌾 𑌵𑌿𑌹𑌿॑𑌤𑌃 । 𑌯-𑌤𑍍𑌪𑍍𑌰॑𑌵॒𑌰𑍍𑌗𑍍𑌯𑌃॑ । 𑌯-𑌤𑍍𑌪𑍍𑌰𑌾𑌗॑𑌵𑌕𑌾॒𑌶𑍇𑌭𑍍𑌯𑌃॑ । 𑌤𑍇𑌨॑ 𑌪𑍍𑌰॒𑌜𑌾 𑌅॑𑌸𑍃𑌜𑌤 । 𑌅॒𑌵॒𑌕𑌾॒𑌶𑍈-𑌰𑍍𑌦𑍇॑𑌵𑌾𑌸𑍁॒𑌰𑌾𑌨॑𑌸𑍃𑌜𑌤 । 𑌯𑌦𑍂॒𑌰𑍍𑌧𑍍𑌵𑌮॑𑌵𑌕𑌾॒𑌶𑍇𑌭𑍍𑌯𑌃॑ ।
𑌤𑍇𑌨𑌾𑌨𑍍𑌨॑𑌮𑌸𑍃𑌜𑌤 । 𑌅𑌨𑍍𑌨॑-𑌮𑍍𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾𑌵𑍈𑌷𑌃 ॥ 105 ॥
(𑌵॒𑌦॒𑌨𑍍𑌤𑌿॒ – 𑌤॒𑌨𑍁𑌵𑌾॒ – 𑌸𑌗𑍍𑌮𑍍𑌸॑𑌨𑍍𑌨𑍋 – 𑌹𑍂॒𑌯𑌮𑌾॑𑌨𑍋॒ 𑌵𑌾𑌘𑍁॒𑌤𑍋 – 𑌦॑𑌧𑌾 – 𑌤𑍍𑌯𑍇॒𑌷𑌃) (𑌅. 11)

𑌅𑌨𑍁𑌵𑌾𑌕𑌂 12
𑌸॒𑌵𑌿॒𑌤𑌾 𑌭𑍂॒𑌤𑍍𑌵𑌾 𑌪𑍍𑌰॑𑌥॒𑌮𑍇-𑌽𑌹॒-𑌨𑍍𑌪𑍍𑌰𑌵𑍃॑𑌜𑍍𑌯𑌤𑍇 । 𑌤𑍇𑌨॒ 𑌕𑌾𑌮𑌾𑌗𑍍𑌮𑍍॑ 𑌏𑌤𑌿 । 𑌯-𑌦𑍍𑌦𑍍𑌵𑌿॒𑌤𑍀𑌯𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌅॒𑌗𑍍𑌨𑌿-𑌰𑍍𑌭𑍂॒𑌤𑍍𑌵𑌾 𑌦𑍇॒𑌵𑌾𑌨𑍇॑𑌤𑌿 । 𑌯𑌤𑍍-𑌤𑍃॒𑌤𑍀𑌯𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌵𑌾॒𑌯𑍁-𑌰𑍍𑌭𑍂॒𑌤𑍍𑌵𑌾 𑌪𑍍𑌰𑌾॒𑌣𑌾𑌨𑍇॑𑌤𑌿 ।
𑌯𑌚𑍍𑌚॑𑌤𑍁॒𑌰𑍍𑌥𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌆॒𑌦𑌿॒𑌤𑍍𑌯𑍋 𑌭𑍂॒𑌤𑍍𑌵𑌾 𑌰॒𑌶𑍍𑌮𑍀𑌨𑍇॑𑌤𑌿 । 𑌯-𑌤𑍍𑌪॑𑌞𑍍𑌚॒𑌮𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌚॒𑌨𑍍𑌦𑍍𑌰𑌮𑌾॑ 𑌭𑍂॒𑌤𑍍𑌵𑌾 𑌨𑌕𑍍𑌷॑𑌤𑍍𑌰𑌾𑌣𑍍𑌯𑍇𑌤𑌿 ॥ 106 ॥

𑌯-𑌥𑍍𑌷॒𑌷𑍍𑌠𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌋॒𑌤𑍁-𑌰𑍍𑌭𑍂॒𑌤𑍍𑌵𑌾 𑌸𑌂॑𑌵𑌁𑌥𑍍𑌸॒𑌰𑌮𑍇॑𑌤𑌿 । 𑌯-𑌥𑍍𑌸॑𑌪𑍍𑌤॒𑌮𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌧𑌾॒𑌤𑌾 𑌭𑍂॒𑌤𑍍𑌵𑌾 𑌶𑌕𑍍𑌵॑𑌰𑍀𑌮𑍇𑌤𑌿 । 𑌯𑌦॑𑌷𑍍𑌟॒𑌮𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌬𑍃𑌹॒𑌸𑍍𑌪𑌤𑌿॑-𑌰𑍍𑌭𑍂॒𑌤𑍍𑌵𑌾 𑌗𑌾॑𑌯॒𑌤𑍍𑌰𑍀𑌮𑍇॑𑌤𑌿 ।
𑌯-𑌨𑍍𑌨॑𑌵॒𑌮𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌮𑌿॒𑌤𑍍𑌰𑍋 𑌭𑍂॒𑌤𑍍𑌵𑌾 𑌤𑍍𑌰𑌿॒𑌵𑍃𑌤॑ 𑌇॒𑌮𑌾𑌨𑍍 𑌁𑌲𑍋॒𑌕𑌾𑌨𑍇॑𑌤𑌿 । 𑌯-𑌦𑍍𑌦॑𑌶॒𑌮𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌵𑌰𑍁॑𑌣𑍋 𑌭𑍂॒𑌤𑍍𑌵𑌾 𑌵𑌿॒𑌰𑌾𑌜॑𑌮𑍇𑌤𑌿 ॥ 10𑍭 ॥

𑌯𑌦𑍇॑𑌕𑌾𑌦॒𑌶𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌇𑌨𑍍𑌦𑍍𑌰𑍋॑ 𑌭𑍂॒𑌤𑍍𑌵𑌾 𑌤𑍍𑌰𑌿॒𑌷𑍍𑌟𑍁𑌭॑𑌮𑍇𑌤𑌿 । 𑌯-𑌦𑍍𑌦𑍍𑌵𑌾॑𑌦॒𑌶𑍇-𑌽𑌹॑𑌨𑍍-𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌸𑍋𑌮𑍋॑ 𑌭𑍂॒𑌤𑍍𑌵𑌾 𑌸𑍁॒𑌤𑍍𑌯𑌾𑌮𑍇॑𑌤𑌿 । 𑌯𑌤𑍍-𑌪𑍁॒𑌰𑌸𑍍𑌤𑌾॑𑌦𑍁𑌪॒𑌸𑌦𑌾᳚-𑌮𑍍𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌤𑌸𑍍𑌮𑌾॑𑌦𑌿॒𑌤𑌃 𑌪𑌰𑌾𑌂॑𑌅॒𑌮𑍂𑌂-𑌲𑍋𑌁॒𑌕𑌾𑌗𑍍𑌸𑍍𑌤𑌪॑𑌨𑍍𑌨𑍇𑌤𑌿 । 𑌯𑌦𑍁॒𑌪𑌰𑌿॑𑌷𑍍𑌟𑌾-𑌦𑍁𑌪॒𑌸𑌦𑌾᳚-𑌮𑍍𑌪𑍍𑌰𑌵𑍃॒𑌜𑍍𑌯𑌤𑍇᳚ । 𑌤𑌸𑍍𑌮𑌾॑𑌦॒𑌮𑍁𑌤𑍋॒-𑌽𑌰𑍍𑌵𑌾𑌂𑌇॒𑌮𑌾𑌂-𑌲𑍋𑌁॒𑌕𑌾𑌗𑍍𑌸𑍍𑌤𑌪॑𑌨𑍍𑌨𑍇𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ।
𑌐𑌵 𑌤॑𑌪𑌤𑌿 ॥ 10𑍮 ॥
(𑌨𑌕𑍍𑌷॑𑌤𑍍𑌰𑌾𑌣𑍍𑌯𑍇𑌤𑌿 – 𑌵𑌿॒𑌰𑌾𑌜॑𑌮𑍇𑌤𑌿 – 𑌤𑌪𑌤𑌿) (𑌅. 12)

𑌦𑍇॒𑌵𑌾 𑌵𑍈 𑌸॒𑌤𑍍𑌰𑌗𑍍𑌮𑍍 – 𑌸𑌾॑𑌵𑌿॒𑌤𑍍𑌰𑌮𑍍 – 𑌪𑌰𑌿॑𑌶𑍍𑌰𑌿𑌤𑍇॒ – 𑌬𑍍𑌰𑌹𑍍𑌮॒-𑌨𑍍𑌪𑍍𑌰𑌚॑𑌰𑌿𑌷𑍍𑌯𑌾𑌮𑍋॒ – 𑌽𑌗𑍍𑌨𑌿𑌷𑍍𑌟𑍍𑌵𑌾॒ – 𑌶𑌿𑌰𑍋᳚ 𑌗𑍍𑌰𑍀॒𑌵𑌾 – 𑌦𑍇॒𑌵𑌸𑍍𑌯॑ 𑌰𑌶॒𑌨𑌾𑌂 – 𑌁𑌵𑌿𑌶𑍍𑌵𑌾॒ 𑌆𑌶𑌾॒ – 𑌧𑌰𑍍𑌮॒ 𑌯𑌾 𑌤᳚ – 𑌪𑍍𑌰॒𑌜𑌾𑌪॑𑌤𑌿𑌗𑍍𑌮𑍍 𑌶𑍁॒𑌕𑍍𑌰𑌮𑍍 – 𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌮𑍍𑌭𑍍𑌰𑌿॒𑌯𑌮𑌾॑𑌣𑌃 –
𑌸𑌵𑌿॒𑌤𑌾 𑌭𑍂॒𑌤𑍍𑌵𑌾 𑌦𑍍𑌵𑌾𑌦॑𑌶)

(𑌦𑍇॒𑌵𑌾 𑌵𑍈 𑌸॒𑌤𑍍𑌰𑌗𑍍𑌮𑍍 – 𑌸 𑌖॑𑌦𑌿॒𑌰𑌃 – 𑌪𑌰𑌿॑𑌶𑍍𑌰𑌿𑌤𑍇 – 𑌽𑌭𑌿𑌪𑍂॒𑌰𑍍𑌵 – 𑌮𑌥𑍋॒ 𑌰𑌕𑍍𑌷॑𑌸𑌾॒𑌮𑍍 – 𑌗𑍍𑌰𑍈𑌷𑍍𑌮𑌾॑𑌵𑍇॒𑌵𑌾𑌸𑍍𑌮𑍈॒ – 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒ – 𑌮𑌶𑍍𑌵𑌿॑𑌨𑌾 𑌘॒𑌰𑍍𑌮-𑌮𑍍𑌪𑌾॑𑌤𑌮𑍍 – 𑌪𑍍𑌰𑌾॒𑌣𑍋 𑌵𑍈 – 𑌵𑍃𑌷𑌾॒ 𑌹𑌰𑌿॒–𑌰𑍍 𑌯𑍋 𑌵𑍈 𑌵𑌸𑍀॑𑌯𑌾𑌗𑍍𑌮𑍍 𑌸𑌂𑌯𑌁𑌥𑌾𑌨𑌾॒𑌮
𑌮॒𑌷𑍍𑌟𑍋𑌤𑍍𑌤॑𑌰𑌶॒𑌤𑌮𑍍)

(𑌦𑍇॒𑌵𑌾 𑌵𑍈 𑌸॒𑌤𑍍𑌰 – 𑌮𑍈𑌵 𑌤॑𑌪𑌤𑌿)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌪𑌞𑍍𑌚𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

प्रायः पृष्टाः प्रश्नाः

What is 5 - 𑌪𑍍𑌰𑌵𑌰𑍍𑌗𑍍𑌯 𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌦𑍇𑌵𑌾 𑌵𑍈 𑌸𑌤𑍍𑌰𑌮𑌾𑌸𑌤?

5 - 𑌪𑍍𑌰𑌵𑌰𑍍𑌗𑍍𑌯 𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌦𑍇𑌵𑌾 𑌵𑍈 𑌸𑌤𑍍𑌰𑌮𑌾𑌸𑌤 is a Sri Krishna Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 5 - 𑌪𑍍𑌰𑌵𑌰𑍍𑌗𑍍𑌯 𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌦𑍇𑌵𑌾 𑌵𑍈 𑌸𑌤𑍍𑌰𑌮𑌾𑌸𑌤 online?

Yes. The imported text is available directly on this page for online reading and recitation.

Can I download 5 - 𑌪𑍍𑌰𑌵𑌰𑍍𑌗𑍍𑌯 𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌦𑍇𑌵𑌾 𑌵𑍈 𑌸𑌤𑍍𑌰𑌮𑌾𑌸𑌤 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु