4 – 𑌪𑍍𑌰𑌵𑌰𑍍𑌗𑍍𑌯 𑌮𑌨𑍍𑌤𑍍𑌰𑌾𑌃 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 – 𑌯𑍁𑌞𑍍𑌜𑌤𑍇 𑌮𑌨𑌃

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌚𑌤𑍁𑌰𑍍𑌥𑌃 𑌪𑍍𑌰𑌪𑌾𑌠𑌕𑌃 – 𑌪𑍍𑌰𑌵𑌰𑍍𑌗𑍍𑌯 𑌮𑌨𑍍𑌤𑍍𑌰𑌾𑌃

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1
𑌨𑌮𑍋॑ 𑌵𑌾॒𑌚𑍇 𑌯𑌾 𑌚𑍋॑𑌦𑌿॒𑌤𑌾 𑌯𑌾 𑌚𑌾𑌨𑍁॑𑌦𑌿𑌤𑌾॒ 𑌤𑌸𑍍𑌯𑍈॑ 𑌵𑌾॒𑌚𑍇 𑌨𑌮𑍋॒ 𑌨𑌮𑍋॑ 𑌵𑌾॒𑌚𑍇 𑌨𑌮𑍋॑ 𑌵𑌾॒𑌚𑌸𑍍𑌪𑌤॑𑌯𑍇॒ 𑌨𑌮॒ 𑌋𑌷𑌿॑𑌭𑍍𑌯𑍋 𑌮𑌨𑍍𑌤𑍍𑌰॒𑌕𑍃𑌦𑍍𑌭𑍍𑌯𑍋॒ 𑌮𑌨𑍍𑌤𑍍𑌰॑𑌪𑌤𑌿𑌭𑍍𑌯𑍋॒ 𑌮𑌾 𑌮𑌾𑌮𑍃𑌷॑𑌯𑍋 𑌮𑌨𑍍𑌤𑍍𑌰॒𑌕𑍃𑌤𑍋॑ 𑌮𑌨𑍍𑌤𑍍𑌰॒𑌪𑌤॑𑌯𑌃॒ 𑌪𑌰𑌾॑𑌦𑍁॒𑌰𑍍𑌮𑌾-𑌽𑌹𑌮𑍃𑌷𑍀᳚-𑌨𑍍𑌮𑌨𑍍𑌤𑍍𑌰॒𑌕𑍃𑌤𑍋॑ 𑌮𑌨𑍍𑌤𑍍𑌰॒𑌪𑌤𑍀॒-𑌨𑍍𑌪𑌰𑌾॑𑌦𑌾𑌂-𑌵𑍈𑌁𑌶𑍍𑌵𑌦𑍇॒𑌵𑍀𑌂-𑌵𑌾𑌁𑌚॑𑌮𑍁𑌦𑍍𑌯𑌾𑌸𑌗𑍍𑌮𑍍 𑌶𑌿॒𑌵𑌾𑌮𑌦॑𑌸𑍍𑌤𑌾॒-𑌞𑍍𑌜𑍁𑌷𑍍𑌟𑌾᳚-𑌨𑍍𑌦𑍇॒𑌵𑍇𑌭𑍍𑌯॒-𑌶𑍍𑌶𑌰𑍍𑌮॑ 𑌮𑍇॒ 𑌦𑍍𑌯𑍌-𑌶𑍍𑌶𑌰𑍍𑌮॑ 𑌪𑍃𑌥𑌿॒𑌵𑍀 𑌶𑌰𑍍𑌮॒ 𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 ।
𑌶𑌰𑍍𑌮॑ 𑌚॒𑌨𑍍𑌦𑍍𑌰𑌶𑍍𑌚॒ 𑌸𑍂𑌰𑍍𑌯॑𑌶𑍍𑌚॒ 𑌶𑌰𑍍𑌮॑ 𑌬𑍍𑌰𑌹𑍍𑌮𑌪𑍍𑌰𑌜𑌾𑌪॒𑌤𑍀 ॥
𑌭𑍂॒𑌤𑌂-𑌵𑌁॑𑌦𑌿𑌷𑍍𑌯𑍇॒ 𑌭𑍁𑌵॑𑌨𑌂-𑌵𑌁𑌦𑌿𑌷𑍍𑌯𑍇॒ 𑌤𑍇𑌜𑍋॑ 𑌵𑌦𑌿𑌷𑍍𑌯𑍇॒ 𑌯𑌶𑍋॑ 𑌵𑌦𑌿𑌷𑍍𑌯𑍇॒ 𑌤𑌪𑍋॑ 𑌵𑌦𑌿𑌷𑍍𑌯𑍇॒ 𑌬𑍍𑌰𑌹𑍍𑌮॑ 𑌵𑌦𑌿𑌷𑍍𑌯𑍇 𑌸॒𑌤𑍍𑌯𑌂-𑌵𑌁॑𑌦𑌿𑌷𑍍𑌯𑍇॒ 𑌤𑌸𑍍𑌮𑌾॑ 𑌅॒𑌹𑌮𑌿॒𑌦-𑌮𑍁॑𑌪॒𑌸𑍍𑌤𑌰॑𑌣॒-𑌮𑍁𑌪॑𑌸𑍍𑌤𑍃𑌣 𑌉𑌪॒𑌸𑍍𑌤𑌰॑𑌣-𑌮𑍍𑌮𑍇 𑌪𑍍𑌰॒𑌜𑌾𑌯𑍈॑ 𑌪𑌶𑍂॒𑌨𑌾-𑌮𑍍𑌭𑍂॑𑌯𑌾-𑌦𑍁𑌪॒𑌸𑍍𑌤𑌰॑𑌣𑌮॒𑌹-𑌮𑍍𑌪𑍍𑌰॒𑌜𑌾𑌯𑍈॑ 𑌪𑌶𑍂॒𑌨𑌾-𑌮𑍍𑌭𑍂॑𑌯𑌾𑌸॒-𑌮𑍍𑌪𑍍𑌰𑌾𑌣𑌾॑𑌪𑌾𑌨𑍌 𑌮𑍃॒𑌤𑍍𑌯𑍋𑌰𑍍𑌮𑌾॑ 𑌪𑌾𑌤॒-𑌮𑍍𑌪𑍍𑌰𑌾𑌣𑌾॑𑌪𑌾𑌨𑍌॒ 𑌮𑌾 𑌮𑌾॑ 𑌹𑌾𑌸𑌿𑌷𑍍𑌟॒-𑌮𑍍𑌮𑌧𑍁॑ 𑌮𑌨𑌿𑌷𑍍𑌯𑍇॒ 𑌮𑌧𑍁॑ 𑌜𑌨𑌿𑌷𑍍𑌯𑍇॒ 𑌮𑌧𑍁॑ 𑌵𑌕𑍍𑌷𑍍𑌯𑌾𑌮𑌿॒ 𑌮𑌧𑍁॑ 𑌵𑌦𑌿𑌷𑍍𑌯𑌾𑌮𑌿॒ 𑌮𑌧𑍁॑𑌮𑌤𑍀-𑌨𑍍𑌦𑍇॒𑌵𑍇𑌭𑍍𑌯𑍋॒ 𑌵𑌾𑌚॑𑌮𑍁𑌦𑍍𑌯𑌾𑌸𑌗𑍍𑌮𑍍 𑌶𑍁𑌶𑍍𑌰𑍂॒𑌷𑍇𑌣𑍍𑌯𑌾᳚-𑌮𑍍𑌮𑌨𑍁॒𑌷𑍍𑌯𑍇᳚𑌭𑍍𑌯॒𑌸𑍍𑌤-𑌮𑍍𑌮𑌾॑ 𑌦𑍇॒𑌵𑌾 𑌅॑𑌵𑌨𑍍𑌤𑍁 𑌶𑍋॒𑌭𑌾𑌯𑍈॑ 𑌪𑌿॒𑌤𑌰𑍋-𑌽𑌨𑍁॑𑌮𑌦𑌨𑍍𑌤𑍁 ॥
𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥ 1 ॥ (𑌅. 1)

𑌅𑌨𑍁𑌵𑌾𑌕𑌂 2
𑌯𑍁॒𑌞𑍍𑌜𑌤𑍇॒ 𑌮𑌨॑ 𑌉॒𑌤 𑌯𑍁॑𑌞𑍍𑌜𑌤𑍇॒ 𑌧𑌿𑌯𑌃॑ । 𑌵𑌿𑌪𑍍𑌰𑌾॒ 𑌵𑌿𑌪𑍍𑌰॑𑌸𑍍𑌯 𑌬𑍃𑌹॒𑌤𑍋 𑌵𑌿॑𑌪॒𑌶𑍍𑌚𑌿𑌤𑌃॑ । 𑌵𑌿 𑌹𑍋𑌤𑍍𑌰𑌾॑ 𑌦𑌧𑍇 𑌵𑌯𑍁𑌨𑌾॒𑌵𑌿𑌦𑍇𑌕॒ 𑌇𑌤𑍍 । 𑌮॒𑌹𑍀 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌃 𑌪𑌰𑌿॑𑌷𑍍𑌟𑍁𑌤𑌿𑌃 ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 ।
𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌾𑌦॑𑌦𑍇 ॥ 𑌅𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰𑌸𑌿 ।
𑌅॒𑌦𑍍𑌧𑍍𑌵॒𑌰॒𑌕𑍃-𑌦𑍍𑌦𑍇॒𑌵𑍇𑌭𑍍𑌯𑌃॑ । 𑌉𑌤𑍍𑌤𑌿॑𑌷𑍍𑌠 𑌬𑍍𑌰𑌹𑍍𑌮𑌣𑌸𑍍𑌪𑌤𑍇 ॥ 2 ॥

𑌦𑍇॒𑌵॒𑌯𑌨𑍍𑌤॑𑌸𑍍𑌤𑍍𑌵𑍇𑌮𑌹𑍇 । 𑌉𑌪॒ 𑌪𑍍𑌰𑌯॑𑌨𑍍𑌤𑍁 𑌮॒𑌰𑍁𑌤॑-𑌸𑍍𑌸𑍁॒𑌦𑌾𑌨॑𑌵𑌃 । 𑌇𑌨𑍍𑌦𑍍𑌰॑ 𑌪𑍍𑌰𑌾॒𑌶𑍂𑌰𑍍𑌭॑𑌵𑌾॒ 𑌸𑌚𑌾᳚ ॥ 𑌪𑍍𑌰𑍈𑌤𑍁॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿𑌃॑ । 𑌪𑍍𑌰 𑌦𑍇॒𑌵𑍍𑌯𑍇॑𑌤𑍁 𑌸𑍂॒𑌨𑍃𑌤𑌾᳚ ।
𑌅𑌚𑍍𑌛𑌾॑ 𑌵𑍀॒𑌰𑌨𑍍𑌨𑌰𑍍𑌯॑-𑌮𑍍𑌪॒𑌙𑍍𑌕𑍍𑌤𑌿𑌰𑌾॑𑌧𑌸𑌮𑍍 । 𑌦𑍇॒𑌵𑌾 𑌯॒𑌜𑍍𑌞𑌨𑍍𑌨॑𑌯𑌨𑍍𑌤𑍁 𑌨𑌃 ॥ 𑌦𑍇𑌵𑍀᳚ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌅𑌨𑍁॑ 𑌮𑍇 𑌮𑌗𑍍𑌮𑍍𑌸𑌾𑌥𑌾𑌮𑍍 । 𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 । 𑌮॒𑌖𑌸𑍍𑌯॒ 𑌶𑌿𑌰𑌃॑ ॥ 3 ॥

𑌮॒𑌖𑌾𑌯॑ 𑌤𑍍𑌵𑌾 । 𑌮॒𑌖𑌸𑍍𑌯॑ 𑌤𑍍𑌵𑌾 𑌶𑍀॒𑌰𑍍𑌷𑍍𑌣𑍇 ॥ 𑌇𑌯॒𑌤𑍍𑌯𑌗𑍍𑌰॑ 𑌆𑌸𑍀𑌃 ।
𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 । 𑌮॒𑌖𑌸𑍍𑌯॒ 𑌶𑌿𑌰𑌃॑ । 𑌮॒𑌖𑌾𑌯॑ 𑌤𑍍𑌵𑌾 । 𑌮॒𑌖𑌸𑍍𑌯॑ 𑌤𑍍𑌵𑌾 𑌶𑍀॒𑌰𑍍𑌷𑍍𑌣𑍇 ॥ 𑌦𑍇𑌵𑍀᳚-𑌰𑍍𑌵𑌮𑍍𑌰𑍀𑌰॒𑌸𑍍𑌯 𑌭𑍂॒𑌤𑌸𑍍𑌯॑ 𑌪𑍍𑌰𑌥𑌮𑌜𑌾 𑌋𑌤𑌾𑌵𑌰𑍀𑌃 ॥ 𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 । 𑌮॒𑌖𑌸𑍍𑌯॒ 𑌶𑌿𑌰𑌃॑ ॥ 4 ॥

𑌮॒𑌖𑌾𑌯॑ 𑌤𑍍𑌵𑌾 । 𑌮॒𑌖𑌸𑍍𑌯॑ 𑌤𑍍𑌵𑌾 𑌶𑍀॒𑌰𑍍𑌷𑍍𑌣𑍇 ॥ 𑌇𑌨𑍍𑌦𑍍𑌰॒𑌸𑍍𑌯𑍌𑌜𑍋॑-𑌽𑌸𑌿 ।
𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 । 𑌮॒𑌖𑌸𑍍𑌯॒ 𑌶𑌿𑌰𑌃॑ । 𑌮॒𑌖𑌾𑌯॑ 𑌤𑍍𑌵𑌾 । 𑌮॒𑌖𑌸𑍍𑌯॑ 𑌤𑍍𑌵𑌾 𑌶𑍀॒𑌰𑍍𑌷𑍍𑌣𑍇 ॥ 𑌅॒𑌗𑍍𑌨𑌿॒𑌜𑌾 𑌅॑𑌸𑌿 𑌪𑍍𑌰॒𑌜𑌾𑌪॑𑌤𑍇॒ 𑌰𑍇𑌤𑌃॑ । 𑌋॒𑌦𑍍𑌧𑍍𑌯𑌾𑌸॑𑌮॒𑌦𑍍𑌯 । 𑌮॒𑌖𑌸𑍍𑌯॒ 𑌶𑌿𑌰𑌃॑ ॥ 5 ॥

𑌮॒𑌖𑌾𑌯॑ 𑌤𑍍𑌵𑌾 । 𑌮॒𑌖𑌸𑍍𑌯॑ 𑌤𑍍𑌵𑌾 𑌶𑍀॒𑌰𑍍𑌷𑍍𑌣𑍇 ॥ 𑌆𑌯𑍁॑-𑌰𑍍𑌧𑍇𑌹𑌿 𑌪𑍍𑌰𑌾॒𑌣-𑌨𑍍𑌧𑍇॑𑌹𑌿 । 𑌅॒𑌪𑌾॒𑌨-𑌨𑍍𑌧𑍇॑𑌹𑌿 𑌵𑍍𑌯𑌾॒𑌨-𑌨𑍍𑌧𑍇॑𑌹𑌿 । 𑌚𑌕𑍍𑌷𑍁॑-𑌰𑍍𑌧𑍇𑌹𑌿॒ 𑌶𑍍𑌰𑍋𑌤𑍍𑌰॑-𑌨𑍍𑌧𑍇𑌹𑌿 । 𑌮𑌨𑍋॑ 𑌧𑍇𑌹𑌿॒ 𑌵𑌾𑌚॑-𑌨𑍍𑌧𑍇𑌹𑌿 । 𑌆॒𑌤𑍍𑌮𑌾𑌨॑-𑌨𑍍𑌧𑍇𑌹𑌿 𑌪𑍍𑌰𑌤𑌿॒𑌷𑍍𑌠𑌾-𑌨𑍍𑌧𑍇॑𑌹𑌿 ।
𑌮𑌾-𑌨𑍍𑌧𑍇॑𑌹𑌿॒ 𑌮𑌯𑌿॑ 𑌧𑍇𑌹𑌿 ॥ 𑌮𑌧𑍁॑ 𑌤𑍍𑌵𑌾 𑌮𑌧𑍁॒𑌲𑌾 𑌕॑𑌰𑍋𑌤𑍁 ।
𑌮॒𑌖𑌸𑍍𑌯॒ 𑌶𑌿𑌰𑍋॑-𑌽𑌸𑌿 ॥ 6 ॥

𑌯॒𑌜𑍍𑌞𑌸𑍍𑌯॑ 𑌪॒𑌦𑍇 𑌸𑍍𑌥𑌃॑ । 𑌗𑌾॒𑌯॒𑌤𑍍𑌰𑍇𑌣॑ 𑌤𑍍𑌵𑌾॒ 𑌛𑌨𑍍𑌦॑𑌸𑌾 𑌕𑌰𑍋𑌮𑌿 । 𑌤𑍍𑌰𑍈𑌷𑍍𑌟𑍁॑𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॑𑌸𑌾 𑌕𑌰𑍋𑌮𑌿 । 𑌜𑌾𑌗॑𑌤𑍇𑌨 𑌤𑍍𑌵𑌾॒ 𑌛𑌨𑍍𑌦॑𑌸𑌾 𑌕𑌰𑍋𑌮𑌿 ॥ 𑌮॒𑌖𑌸𑍍𑌯॒ 𑌰𑌾𑌸𑍍𑌨𑌾॑-𑌽𑌸𑌿 । 𑌅𑌦𑌿॑𑌤𑌿𑌸𑍍𑌤𑍇॒ 𑌬𑌿𑌲॑𑌙𑍍𑌗𑍃𑌹𑍍𑌣𑌾𑌤𑍁 । 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॑𑌸𑌾 ।
𑌸𑍂𑌰𑍍𑌯॑𑌸𑍍𑌯॒ 𑌹𑌰॑𑌸𑌾 𑌶𑍍𑌰𑌾𑌯 । 𑌮॒𑌖𑍋॑-𑌽𑌸𑌿 ॥ 𑍭 ॥
(𑌪॒𑌤𑍇॒ – 𑌶𑌿𑌰॑ – 𑌋𑌤𑌾𑌵𑌰𑍀𑌰𑍍-𑌋𑌦𑍍𑌧𑍍𑌯𑌾𑌸॑𑌮॒𑌦𑍍𑌯 𑌮॒𑌖𑌸𑍍𑌯॒ 𑌶𑌿𑌰𑌃॒ – 𑌶𑌿𑌰𑌃॒ – 𑌶𑌿𑌰𑍋॑-𑌽𑌸𑌿॒ – +𑌨𑌵॑ 𑌚) (𑌅. 2)

(𑌇𑌯॑𑌤𑌿॒ 𑌦𑍇𑌵𑍀॒𑌰𑌿𑌨𑍍𑌦𑍍𑌰॒𑌸𑍍𑌯𑍌𑌜𑍋᳚-𑌽𑌸𑍍𑌯𑌗𑍍𑌨𑌿॒𑌜𑌾 𑌅॒𑌸𑍍𑌯𑌾𑌯𑍁॑𑌰𑍍𑌧𑍇𑌹𑌿 𑌪𑍍𑌰𑌾॒𑌣-𑌮𑍍𑌪𑌞𑍍𑌚॑)

𑌅𑌨𑍁𑌵𑌾𑌕𑌂 3
𑌵𑍃𑌷𑍍𑌣𑍋॒ 𑌅𑌶𑍍𑌵॑𑌸𑍍𑌯 𑌨𑌿॒𑌷𑍍𑌪𑌦॑𑌸𑌿 । 𑌵𑌰𑍁॑𑌣𑌸𑍍𑌤𑍍𑌵𑌾 𑌧𑍃॒𑌤𑌵𑍍𑌰॑𑌤॒ 𑌆𑌧𑍂॑𑌪𑌯𑌤𑍁 । 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌰𑍍
𑌧𑍍𑌰𑍁॒𑌵𑍇𑌣॒ 𑌧𑌰𑍍𑌮॑𑌣𑌾 ॥ 𑌅॒𑌰𑍍𑌚𑌿𑌷𑍇᳚ 𑌤𑍍𑌵𑌾 । 𑌶𑍋॒𑌚𑌿𑌷𑍇᳚ 𑌤𑍍𑌵𑌾 ।
𑌜𑍍𑌯𑍋𑌤𑌿॑𑌷𑍇 𑌤𑍍𑌵𑌾 । 𑌤𑌪॑𑌸𑍇 𑌤𑍍𑌵𑌾 ॥ 𑌅॒𑌭𑍀𑌮-𑌮𑍍𑌮॑𑌹𑌿॒𑌨𑌾 𑌦𑌿𑌵᳚𑌮𑍍 ।
𑌮𑌿॒𑌤𑍍𑌰𑍋 𑌬॑𑌭𑍂𑌵 𑌸॒𑌪𑍍𑌰𑌥𑌾𑌃᳚ । 𑌉॒𑌤 𑌶𑍍𑌰𑌵॑𑌸𑌾 𑌪𑍃𑌥𑌿॒𑌵𑍀𑌮𑍍 ॥ 𑍮 ॥
𑌮𑌿॒𑌤𑍍𑌰𑌸𑍍𑌯॑ 𑌚𑌰𑍍𑌷𑌣𑍀॒𑌧𑍃𑌤𑌃॑ ।
𑌶𑍍𑌰𑌵𑍋॑ 𑌦𑍇॒𑌵𑌸𑍍𑌯॑ 𑌸𑌾𑌨॒𑌸𑌿𑌮𑍍 । 𑌦𑍍𑌯𑍁॒𑌮𑍍𑌨𑌞𑍍𑌚𑌿॒𑌤𑍍𑌰𑌶𑍍𑌰॑𑌵𑌸𑍍𑌤𑌮𑌮𑍍 ॥ 𑌸𑌿𑌦𑍍𑌧𑍍𑌯𑍈᳚ 𑌤𑍍𑌵𑌾 । 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋𑌦𑍍𑌵॑𑌪𑌤𑍁 ।
𑌸𑍁॒𑌪𑌾॒𑌣𑌿-𑌸𑍍𑌸𑍍𑌵॑𑌙𑍍𑌗𑍁॒𑌰𑌿𑌃 । 𑌸𑍁॒𑌬𑌾॒𑌹𑍁𑌰𑍁॒𑌤 𑌶𑌕𑍍𑌤𑍍𑌯𑌾᳚ ॥ 𑌅𑌪॑𑌦𑍍𑌯𑌮𑌾𑌨𑌃 𑌪𑍃𑌥𑌿॒𑌵𑍍𑌯𑌾𑌮𑍍 । 𑌆𑌶𑌾॒ 𑌦𑌿𑌶॒ 𑌆 𑌪𑍃॑𑌣 । 𑌉𑌤𑍍𑌤𑌿॑𑌷𑍍𑌠 𑌬𑍃॒𑌹-𑌨𑍍𑌭॑𑌵 ॥ 𑍯 ॥

𑌊॒𑌰𑍍𑌧𑍍𑌵𑌸𑍍𑌤𑌿॑𑌷𑍍𑌠 𑌧𑍍𑌰𑍁॒𑌵𑌸𑍍𑌤𑍍𑌵𑌮𑍍 ॥ 𑌸𑍂𑌰𑍍𑌯॑𑌸𑍍𑌯 𑌤𑍍𑌵𑌾॒ 𑌚𑌕𑍍𑌷𑍁॒𑌷𑌾-𑌽𑌨𑍍𑌵𑍀᳚𑌕𑍍𑌷𑍇 । 𑌋॒𑌜𑌵𑍇᳚ 𑌤𑍍𑌵𑌾 । 𑌸𑌾॒𑌧𑌵𑍇᳚ 𑌤𑍍𑌵𑌾 । 𑌸𑍁॒𑌕𑍍𑌷𑌿॒𑌤𑍍𑌯𑍈 𑌤𑍍𑌵𑌾॒ 𑌭𑍂𑌤𑍍𑌯𑍈᳚ 𑌤𑍍𑌵𑌾 ॥
𑌇॒𑌦𑌮॒𑌹𑌮॒𑌮𑍁𑌮𑌾॑𑌮𑍁𑌷𑍍𑌯𑌾𑌯॒𑌣𑌂-𑌵𑌿𑌁॒𑌶𑌾 𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॒ 𑌪𑌰𑍍𑌯𑍂॑𑌹𑌾𑌮𑌿 ।
𑌗𑌾॒𑌯॒𑌤𑍍𑌰𑍇𑌣॑ 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌚𑍍𑌛𑍃॑𑌣𑌦𑍍𑌮𑌿 । 𑌤𑍍𑌰𑍈𑌷𑍍𑌟𑍁॑𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌚𑍍𑌛𑍃॑𑌣𑌦𑍍𑌮𑌿 ।
𑌜𑌾𑌗॑𑌤𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌚𑍍𑌛𑍃॑𑌣𑌦𑍍𑌮𑌿 । 𑌛𑍃॒𑌣𑌤𑍍𑌤𑍁॑ 𑌤𑍍𑌵𑌾॒ 𑌵𑌾𑌕𑍍 । 𑌛𑍃॒𑌣𑌤𑍍𑌤𑍁॒ 𑌤𑍍𑌵𑍋𑌰𑍍𑌕𑍍 । 𑌛𑍃॒𑌣𑌤𑍍𑌤𑍁॑ 𑌤𑍍𑌵𑌾 𑌹॒𑌵𑌿𑌃 ।
𑌛𑍃॒𑌨𑍍𑌧𑌿 𑌵𑌾𑌚᳚𑌮𑍍 । 𑌛𑍃॒𑌨𑍍𑌧𑍍𑌯𑍂𑌰𑍍𑌜᳚𑌮𑍍 । 𑌛𑍃॒𑌨𑍍𑌧𑌿 𑌹॒𑌵𑌿𑌃 ॥
𑌦𑍇𑌵॑ 𑌪𑍁𑌰𑌶𑍍𑌚𑌰 𑌸॒𑌘𑍍𑌯𑌾𑌸॑𑌨𑍍𑌤𑍍𑌵𑌾 ॥ 10 ॥
(𑌪𑍃॒𑌥𑌿॒𑌵𑍀𑌮𑍍 – 𑌭॑𑌵॒ – 𑌵𑌾-𑌖𑍍𑌷𑌟𑍍𑌚॑) (𑌅. 3)

𑌅𑌨𑍁𑌵𑌾𑌕𑌂 4
𑌬𑍍𑌰𑌹𑍍𑌮॑-𑌨𑍍𑌪𑍍𑌰𑌵॒𑌰𑍍𑌗𑍍𑌯𑍇॑𑌣॒ 𑌪𑍍𑌰𑌚॑𑌰𑌿𑌷𑍍𑌯𑌾𑌮𑌃 ।
𑌹𑍋𑌤॑-𑌰𑍍𑌘॒𑌰𑍍𑌮𑌮॒𑌭𑌿𑌷𑍍𑌟𑍁॑𑌹𑌿 । 𑌅𑌗𑍍𑌨𑍀॒𑌦𑍍𑌰𑍌𑌹𑌿॑𑌣𑍌 𑌪𑍁𑌰𑍋॒𑌡𑌾𑌶𑌾॒𑌵𑌧𑌿॑𑌶𑍍𑌰𑌯 । 𑌪𑍍𑌰𑌤𑌿॑𑌪𑍍𑌰𑌸𑍍𑌥𑌾𑌤॒𑌰𑍍𑌵𑌿𑌹॑𑌰 ।
𑌪𑍍𑌰𑌸𑍍𑌤𑍋॑𑌤॒-𑌸𑍍𑌸𑌾𑌮𑌾॑𑌨𑌿 𑌗𑌾𑌯 ॥ 𑌯𑌜𑍁॑𑌰𑍍𑌯𑍁𑌕𑍍𑌤॒𑌗𑍍𑌮𑍍॒ 𑌸𑌾𑌮॑𑌭𑌿॒𑌰𑌾𑌕𑍍𑌤॑𑌖𑌨𑍍𑌤𑍍𑌵𑌾 । 𑌵𑌿𑌶𑍍𑌵𑍈᳚-𑌰𑍍𑌦𑍇॒𑌵𑍈𑌰𑌨𑍁॑𑌮𑌤-𑌮𑍍𑌮॒𑌰𑍁𑌦𑍍𑌭𑌿𑌃॑ । 𑌦𑌕𑍍𑌷𑌿॑𑌣𑌾𑌭𑌿𑌃॒ 𑌪𑍍𑌰𑌤॑𑌤-𑌮𑍍𑌪𑌾𑌰𑌯𑌿॒𑌷𑍍𑌣𑍁𑌮𑍍 ।
𑌸𑍍𑌤𑍁𑌭𑍋॑ 𑌵𑌹𑌨𑍍𑌤𑍁 𑌸𑍁𑌮𑌨॒𑌸𑍍𑌯𑌮𑌾॑𑌨𑌮𑍍 । 𑌸 𑌨𑍋॒ 𑌰𑍁𑌚॑𑌨𑍍𑌧𑍇॒𑌹𑍍𑌯𑌹𑍃॑𑌣𑍀𑌯𑌮𑌾𑌨𑌃 । 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ ।
𑌓𑌮𑌿𑌨𑍍𑌦𑍍𑌰॑𑌵𑌨𑍍𑌤𑌃॒ 𑌪𑍍𑌰𑌚॑𑌰𑌤 ॥ 11 ॥
(𑌅𑌹𑍃॑𑌣𑍀𑌯𑌮𑌾𑌨𑍋॒ 𑌦𑍍𑌵𑍇 𑌚॑) (𑌅. 4)

𑌅𑌨𑍁𑌵𑌾𑌕𑌂 5
𑌬𑍍𑌰𑌹𑍍𑌮॒-𑌨𑍍𑌪𑍍𑌰𑌚॑𑌰𑌿𑌷𑍍𑌯𑌾𑌮𑌃 । 𑌹𑍋𑌤॑-𑌰𑍍𑌘॒𑌰𑍍𑌮𑌮॒𑌭𑌿𑌷𑍍𑌟𑍁॑𑌹𑌿 ॥ 𑌯॒𑌮𑌾𑌯॑ 𑌤𑍍𑌵𑌾 𑌮॒𑌖𑌾𑌯॑ 𑌤𑍍𑌵𑌾 । 𑌸𑍂𑌰𑍍𑌯॑𑌸𑍍𑌯॒ 𑌹𑌰॑𑌸𑍇 𑌤𑍍𑌵𑌾 ॥ 𑌪𑍍𑌰𑌾॒𑌣𑌾𑌯॒ 𑌸𑍍𑌵𑌾𑌹𑌾᳚ 𑌵𑍍𑌯𑌾॒𑌨𑌾𑌯॒ 𑌸𑍍𑌵𑌾𑌹𑌾॑ 𑌽𑌪𑌾॒𑌨𑌾𑌯॒ 𑌸𑍍𑌵𑌾𑌹𑌾᳚ ।
𑌚𑌕𑍍𑌷𑍁॑𑌷𑍇॒ 𑌸𑍍𑌵𑌾𑌹𑌾॒ 𑌶𑍍𑌰𑍋𑌤𑍍𑌰𑌾॑𑌯॒ 𑌸𑍍𑌵𑌾𑌹𑌾᳚ । 𑌮𑌨॑𑌸𑍇॒ 𑌸𑍍𑌵𑌾𑌹𑌾॑ 𑌵𑌾॒𑌚𑍇 𑌸𑌰॑𑌸𑍍𑌵𑌤𑍍𑌯𑍈॒ 𑌸𑍍𑌵𑌾𑌹𑌾᳚ । 𑌦𑌕𑍍𑌷𑌾॑𑌯॒ 𑌸𑍍𑌵𑌾𑌹𑌾॒ 𑌕𑍍𑌰𑌤॑𑌵𑍇॒ 𑌸𑍍𑌵𑌾𑌹𑌾᳚ । 𑌓𑌜॑𑌸𑍇॒ 𑌸𑍍𑌵𑌾𑌹𑌾॒ 𑌬𑌲𑌾॑𑌯॒ 𑌸𑍍𑌵𑌾𑌹𑌾᳚ ॥
𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨𑌕𑍍𑌤𑍁 ॥ 12 ॥

𑌪𑍃॒𑌥𑌿॒𑌵𑍀-𑌨𑍍𑌤𑌪॑𑌸𑌸𑍍𑌤𑍍𑌰𑌾𑌯𑌸𑍍𑌵 । 𑌅॒𑌰𑍍𑌚𑌿𑌰॑𑌸𑌿 𑌶𑍋॒𑌚𑌿𑌰॑𑌸𑌿॒ 𑌜𑍍𑌯𑍋𑌤𑌿॑𑌰𑌸𑌿॒ 𑌤𑌪𑍋॑-𑌽𑌸𑌿 । 𑌸𑌗𑍍𑌮𑍍𑌸𑍀॑𑌦𑌸𑍍𑌵 𑌮॒𑌹𑌾𑌗𑍍𑌮𑍍 𑌅॑𑌸𑌿 । 𑌶𑍋𑌚॑𑌸𑍍𑌵 𑌦𑍇𑌵॒𑌵𑍀𑌤॑𑌮𑌃 । 𑌵𑌿 𑌧𑍂॒𑌮𑌮॑𑌗𑍍𑌨𑍇 𑌅𑌰𑍁॒𑌷-𑌮𑍍𑌮𑌿॑𑌯𑍇𑌦𑍍𑌧𑍍𑌯 । 𑌸𑍃॒𑌜 𑌪𑍍𑌰॑𑌶𑌸𑍍𑌤 𑌦𑌰𑍍𑌶॒𑌤𑌮𑍍 ॥
𑌅॒𑌞𑍍𑌜𑌨𑍍𑌤𑌿॒ 𑌯-𑌮𑍍𑌪𑍍𑌰॒𑌥𑌯॑𑌨𑍍𑌤𑍋॒ 𑌨 𑌵𑌿𑌪𑍍𑌰𑌾𑌃᳚ । 𑌵॒𑌪𑌾𑌵॑𑌨𑍍𑌤॒𑌨𑍍𑌨𑌾𑌗𑍍𑌨𑌿𑌨𑌾॒ 𑌤𑌪॑𑌨𑍍𑌤𑌃 ।
𑌪𑌿॒𑌤𑍁𑌰𑍍𑌨 𑌪𑍁॒𑌤𑍍𑌰 𑌉𑌪॑𑌸𑌿॒ 𑌪𑍍𑌰𑍇𑌷𑍍𑌠𑌃॑ । 𑌆 𑌘॒𑌰𑍍𑌮𑍋 𑌅॒𑌗𑍍𑌨𑌿𑌮𑍃॒𑌤𑌯॑𑌨𑍍𑌨𑌸𑌾𑌦𑍀𑌤𑍍 ॥ 13 ॥

𑌅॒𑌨𑌾॒𑌧𑍃॒𑌷𑍍𑌯𑌾 𑌪𑍁॒𑌰𑌸𑍍𑌤𑌾᳚𑌤𑍍 । 𑌅॒𑌗𑍍𑌨𑍇𑌰𑌾𑌧𑌿॑𑌪𑌤𑍍𑌯𑍇 ।
𑌆𑌯𑍁॑𑌰𑍍𑌮𑍇 𑌦𑌾𑌃 । 𑌪𑍁॒𑌤𑍍𑌰𑌵॑𑌤𑍀 𑌦𑌕𑍍𑌷𑌿𑌣॒𑌤𑌃 । 𑌇𑌨𑍍𑌦𑍍𑌰॒𑌸𑍍𑌯𑌾𑌧𑌿॑𑌪𑌤𑍍𑌯𑍇 । 𑌪𑍍𑌰॒𑌜𑌾-𑌮𑍍𑌮𑍇॑ 𑌦𑌾𑌃 । 𑌸𑍁॒𑌷𑌦𑌾॑ 𑌪॒𑌶𑍍𑌚𑌾𑌤𑍍 । 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌰𑌾𑌧𑌿॑𑌪𑌤𑍍𑌯𑍇 । 𑌪𑍍𑌰𑌾॒𑌣-𑌮𑍍𑌮𑍇॑ 𑌦𑌾𑌃 । 𑌆𑌶𑍍𑌰𑍁॑𑌤𑌿𑌰𑍁𑌤𑍍𑌤𑌰॒𑌤𑌃 ॥ 14 ॥

𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋॒𑌰𑌾𑌧𑌿॑𑌪𑌤𑍍𑌯𑍇 । 𑌶𑍍𑌰𑍋𑌤𑍍𑌰॑-𑌮𑍍𑌮𑍇 𑌦𑌾𑌃 । 𑌵𑌿𑌧𑍃॑𑌤𑌿𑌰𑍁॒𑌪𑌰𑌿॑𑌷𑍍𑌟𑌾𑌤𑍍 । 𑌬𑍃𑌹॒𑌸𑍍𑌪𑌤𑍇॒𑌰𑌾𑌧𑌿॑𑌪𑌤𑍍𑌯𑍇 ।
𑌬𑍍𑌰𑌹𑍍𑌮॑ 𑌮𑍇 𑌦𑌾𑌃, 𑌕𑍍𑌷॒𑌤𑍍𑌰-𑌮𑍍𑌮𑍇॑ 𑌦𑌾𑌃 । 𑌤𑍇𑌜𑍋॑ 𑌮𑍇 𑌧𑌾॒ 𑌵𑌰𑍍𑌚𑍋॑ 𑌮𑍇 𑌧𑌾𑌃 । 𑌯𑌶𑍋॑ 𑌮𑍇 𑌧𑌾॒ 𑌸𑍍𑌤𑌪𑍋॑ 𑌮𑍇 𑌧𑌾𑌃 ।
𑌮𑌨𑍋॑ 𑌮𑍇 𑌧𑌾𑌃 ॥ 𑌮𑌨𑍋॒𑌰𑌶𑍍𑌵𑌾॑-𑌽𑌸𑌿॒ 𑌭𑍂𑌰𑌿॑𑌪𑍁𑌤𑍍𑌰𑌾 ।
𑌵𑌿𑌶𑍍𑌵𑌾᳚𑌭𑍍𑌯𑍋 𑌮𑌾 𑌨𑌾॒𑌷𑍍𑌟𑍍𑌰𑌾𑌭𑍍𑌯𑌃॑ 𑌪𑌾𑌹𑌿 ॥ 15 ॥

𑌸𑍂॒𑌪॒𑌸𑌦𑌾॑ 𑌮𑍇 𑌭𑍂𑌯𑌾॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 ॥ 𑌤𑌪𑍋॒ 𑌷𑍍𑌵॑𑌗𑍍𑌨𑍇॒ 𑌅𑌨𑍍𑌤॑𑌰𑌾𑌗𑍍𑌮𑍍 𑌅॒𑌮𑌿𑌤𑍍𑌰𑌾𑌨𑍍॑ ।
𑌤𑌪𑌾॒𑌶𑌗𑍍𑌮𑍍𑌸॑𑌮𑌰॒𑌰𑍁𑌷𑌃॒ 𑌪𑌰॑𑌸𑍍𑌯 । 𑌤𑌪𑌾॑ 𑌵𑌸𑍋 𑌚𑌿𑌕𑌿𑌤𑌾॒𑌨𑍋 𑌅॒𑌚𑌿𑌤𑍍𑌤𑌾𑌨𑍍॑ । 𑌵𑌿 𑌤𑍇॑ 𑌤𑌿𑌷𑍍𑌠𑌨𑍍𑌤𑌾𑌮॒𑌜𑌰𑌾॑ 𑌅॒𑌯𑌾𑌸𑌃॑ ॥ 𑌚𑌿𑌤॑-𑌸𑍍𑌸𑍍𑌥 𑌪𑌰𑌿॒𑌚𑌿𑌤𑌃॑ । 𑌸𑍍𑌵𑌾𑌹𑌾॑ 𑌮॒𑌰𑍁𑌦𑍍𑌭𑌿𑌃॒ 𑌪𑌰𑌿॑𑌶𑍍𑌰𑌯𑌸𑍍𑌵 । 𑌮𑌾 𑌅॑𑌸𑌿 । 𑌪𑍍𑌰॒𑌮𑌾 𑌅॑𑌸𑌿 । 𑌪𑍍𑌰॒𑌤𑌿॒𑌮𑌾 𑌅॑𑌸𑌿 ॥ 16 ॥

𑌸॒𑌮𑍍𑌮𑌾 𑌅॑𑌸𑌿 । 𑌵𑌿॒𑌮𑌾 𑌅॑𑌸𑌿 । 𑌉॒𑌨𑍍𑌮𑌾 𑌅॑𑌸𑌿 । 𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯𑌾𑌨𑍍𑌤॒𑌰𑍍𑌧𑌿𑌰॑𑌸𑌿 ॥
𑌦𑌿𑌵॒𑌨𑍍𑌤𑌪॑𑌸𑌸𑍍𑌤𑍍𑌰𑌾𑌯𑌸𑍍𑌵 । 𑌆॒𑌭𑌿-𑌰𑍍𑌗𑍀॒𑌰𑍍𑌭𑌿-𑌰𑍍𑌯𑌦𑌤𑍋॑ 𑌨 𑌊॒𑌨𑌮𑍍 ।
𑌆𑌪𑍍𑌯𑌾॑𑌯𑌯 𑌹𑌰𑌿𑌵𑍋॒ 𑌵𑌰𑍍𑌧॑𑌮𑌾𑌨𑌃 । 𑌯॒𑌦𑌾 𑌸𑍍𑌤𑍋॒𑌤𑍃𑌭𑍍𑌯𑍋॒ 𑌮𑌹𑌿॑ 𑌗𑍋॒𑌤𑍍𑌰𑌾 𑌰𑍁॒𑌜𑌾𑌸𑌿॑ । 𑌭𑍂॒𑌯𑌿॒𑌷𑍍𑌠॒𑌭𑌾𑌜𑍋॒ 𑌅𑌧॑ 𑌤𑍇 𑌸𑍍𑌯𑌾𑌮 ॥ 𑌶𑍁॒𑌕𑍍𑌰𑌨𑍍𑌤𑍇॑ 𑌅॒𑌨𑍍𑌯-𑌦𑍍𑌯॑𑌜॒𑌤𑌨𑍍𑌤𑍇॑ 𑌅॒𑌨𑍍𑌯𑌤𑍍 ॥ 1𑍭 ॥

𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍌𑌰𑌿॑𑌵𑌾𑌸𑌿 । 𑌵𑌿𑌶𑍍𑌵𑌾॒ 𑌹𑌿 𑌮𑌾॒𑌯𑌾 𑌅𑌵॑𑌸𑌿 𑌸𑍍𑌵𑌧𑌾𑌵𑌃 । 𑌭॒𑌦𑍍𑌰𑌾 𑌤𑍇॑ 𑌪𑍂𑌷𑌨𑍍𑌨𑌿॒𑌹 𑌰𑌾॒𑌤𑌿𑌰॑𑌸𑍍𑌤𑍁 ॥ 𑌅𑌰𑍍𑌹॑-𑌨𑍍𑌬𑌿𑌭𑌰𑍍𑌷𑌿॒ 𑌸𑌾𑌯॑𑌕𑌾𑌨𑌿॒ 𑌧𑌨𑍍𑌵॑ । 𑌅𑌰𑍍𑌹॑𑌨𑍍𑌨𑌿॒𑌷𑍍𑌕𑌂-𑌯𑌁॑𑌜॒𑌤𑌂-𑌵𑌿𑌁॒𑌶𑍍𑌵𑌰𑍂॑𑌪𑌮𑍍 । 𑌅𑌰𑍍𑌹॑𑌨𑍍𑌨𑌿॒𑌦-𑌨𑍍𑌦॑𑌯𑌸𑍇॒ 𑌵𑌿𑌶𑍍𑌵॒-𑌮𑌬𑍍𑌭𑍁॑𑌵𑌮𑍍 । 𑌨 𑌵𑌾 𑌓𑌜𑍀॑𑌯𑍋 𑌰𑍁𑌦𑍍𑌰॒ 𑌤𑍍𑌵𑌦॑𑌸𑍍𑌤𑌿 ॥ 𑌗𑌾॒𑌯॒𑌤𑍍𑌰𑌮॑𑌸𑌿 । 𑌤𑍍𑌰𑍈𑌷𑍍𑌟𑍁॑𑌭𑌮𑌸𑌿 । 𑌜𑌾𑌗॑𑌤𑌮𑌸𑌿 । 𑌮𑌧𑍁॒ 𑌮𑌧𑍁॒ 𑌮𑌧𑍁॑ ॥ 1𑍮 ॥
(𑌅॒𑌨॒ – 𑌕𑍍𑌤𑍍𑌵॒𑌸𑌾॒𑌦𑍀॒ – 𑌦𑍁॒𑌤𑍍𑌤॒𑌰॒𑌤𑌃 – 𑌪𑌾॑𑌹𑌿 – 𑌪𑍍𑌰𑌤𑌿॒𑌮𑌾 𑌅॑𑌸𑌿 – 𑌯𑌜॒𑌤𑌨𑍍𑌤𑍇॑ 𑌅॒𑌨𑍍𑌯𑌜𑍍 – 𑌜𑌾𑌗॑𑌤𑌮॒𑌸𑍍𑌯𑍇𑌕॑-𑌞𑍍𑌚) (𑌅. 5)

𑌅𑌨𑍁𑌵𑌾𑌕𑌂 6
𑌦𑌶॒ 𑌪𑍍𑌰𑌾𑌚𑍀॒𑌰𑍍𑌦𑌶॑ 𑌭𑌾𑌸𑌿 𑌦𑌕𑍍𑌷𑌿॒𑌣𑌾 । 𑌦𑌶॑ 𑌪𑍍𑌰॒𑌤𑍀𑌚𑍀॒𑌰𑍍𑌦𑌶॑ 𑌭𑌾॒𑌸𑍍𑌯𑍁𑌦𑍀॑𑌚𑍀𑌃 । 𑌦𑌶𑍋॒𑌰𑍍𑌧𑍍𑌵𑌾 𑌭𑌾॑𑌸𑌿 𑌸𑍁𑌮𑌨॒𑌸𑍍𑌯𑌮𑌾॑𑌨𑌃 । 𑌸 𑌨𑍋॒ 𑌰𑍁𑌚॑𑌨𑍍𑌧𑍇॒𑌹𑍍𑌯𑌹𑍃॑𑌣𑍀𑌯𑌮𑌾𑌨𑌃 ॥
𑌅॒𑌗𑍍𑌨𑌿𑌷𑍍𑌟𑍍𑌵𑌾॒ 𑌵𑌸𑍁॑𑌭𑌿𑌃 𑌪𑍁॒𑌰𑌸𑍍𑌤𑌾᳚-𑌦𑍍𑌰𑍋𑌚𑌯𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾 । 𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚𑌯 ॥ 𑌇𑌨𑍍𑌦𑍍𑌰॑𑌸𑍍𑌤𑍍𑌵𑌾 𑌰𑍁॒𑌦𑍍𑌰𑍈-𑌰𑍍𑌦॑𑌕𑍍𑌷𑌿𑌣॒𑌤𑍋 𑌰𑍋॑𑌚𑌯𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾 ।
𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚𑌯 । 𑌵𑌰𑍁॑𑌣𑌸𑍍𑌤𑍍𑌵𑌾-𑌽𑌽𑌦𑌿॒𑌤𑍍𑌯𑍈𑌃 𑌪॒𑌶𑍍𑌚𑌾-𑌦𑍍𑌰𑍋॑𑌚𑌯𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾 ।
𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚𑌯 ॥ 1𑍯 ॥

𑌦𑍍𑌯𑍁॒𑌤𑌾॒𑌨𑌸𑍍𑌤𑍍𑌵𑌾॑ 𑌮𑌾𑌰𑍁॒𑌤𑍋 𑌮॒𑌰𑍁𑌦𑍍𑌭𑌿॑𑌰𑍁𑌤𑍍𑌤𑌰॒𑌤𑍋 𑌰𑍋॑𑌚𑌯॒𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾 । 𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚𑌯 । 𑌬𑍃𑌹॒𑌸𑍍𑌪𑌤𑌿॑𑌸𑍍𑌤𑍍𑌵𑌾॒ 𑌵𑌿𑌶𑍍𑌵𑍈᳚-𑌰𑍍𑌦𑍇॒𑌵𑍈𑌰𑍁॒𑌪𑌰𑌿॑𑌷𑍍𑌟𑌾-𑌦𑍍𑌰𑍋𑌚𑌯𑌤𑍁॒ 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॑𑌸𑌾 । 𑌸 𑌮𑌾॑ 𑌰𑍁𑌚𑌿॒𑌤𑍋 𑌰𑍋॑𑌚𑌯 ॥ 𑌰𑍋॒𑌚𑌿॒𑌤𑌸𑍍𑌤𑍍𑌵-𑌨𑍍𑌦𑍇॑𑌵 𑌘𑌰𑍍𑌮 𑌦𑍇॒𑌵𑍇𑌷𑍍𑌵𑌸𑌿॑ ।
𑌰𑍋॒𑌚𑌿॒𑌷𑍀॒𑌯𑌾𑌹-𑌮𑍍𑌮॑𑌨𑍁॒𑌷𑍍𑌯𑍇॑𑌷𑍁 ॥
𑌸𑌮𑍍𑌰𑌾᳚𑌡𑍍 𑌘𑌰𑍍𑌮 𑌰𑍁𑌚𑌿॒𑌤𑌸𑍍𑌤𑍍𑌵𑌂 𑌏॒𑌵𑍇𑌷𑍍𑌵𑌾𑌯𑍁॑𑌷𑍍𑌮𑌾𑌗𑍍𑌸𑍍𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍍𑌯॑𑌸𑌿 । 𑌰𑍁॒𑌚𑌿॒𑌤𑍋॑-𑌽𑌹-𑌮𑍍𑌮॑𑌨𑍁॒𑌷𑍍𑌯𑍇᳚𑌷𑍍𑌵𑌾𑌯𑍁॑𑌷𑍍𑌮𑌾𑌗𑍍-𑌸𑍍𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 𑌭𑍂॑𑌯𑌾𑌸𑌮𑍍 ॥ 𑌰𑍁𑌗॑𑌸𑌿 । 𑌰𑍁𑌚॒-𑌮𑍍𑌮𑌯𑌿॑ 𑌧𑍇𑌹𑌿 ॥ 20 ॥

𑌮𑌯𑌿॒ 𑌰𑍁𑌕𑍍 ॥ 𑌦𑌶॑ 𑌪𑍁॒𑌰𑌸𑍍𑌤𑌾᳚-𑌦𑍍𑌰𑍋𑌚𑌸𑍇 । 𑌦𑌶॑ 𑌦𑌕𑍍𑌷𑌿॒𑌣𑌾 । 𑌦𑌶॑ 𑌪𑍍𑌰॒𑌤𑍍𑌯𑌮𑍍𑌮𑍍 । 𑌦𑌶𑍋𑌦𑌙𑍍𑌙𑍍॑ । 𑌦𑌶𑍋॒𑌰𑍍𑌧𑍍𑌵𑍋 𑌭𑌾॑𑌸𑌿 𑌸𑍁𑌮𑌨॒𑌸𑍍𑌯𑌮𑌾॑𑌨𑌃 । 𑌸 𑌨॑-𑌸𑍍𑌸𑌮𑍍𑌰𑌾॒𑌡𑌿𑌷॒𑌮𑍂𑌰𑍍𑌜॑-𑌨𑍍𑌧𑍇𑌹𑌿 । 𑌵𑌾॒𑌜𑍀 𑌵𑌾॒𑌜𑌿𑌨𑍇॑ 𑌪𑌵𑌸𑍍𑌵 । 𑌰𑍋॒𑌚𑌿॒𑌤𑍋 𑌘॒𑌰𑍍𑌮𑍋 𑌰𑍁॑𑌚𑍀॒𑌯 ॥ 21 ॥
(𑌰𑍋॒𑌚॒𑌯॒ – 𑌧𑍇॒𑌹𑌿॒ – +𑌨𑌵॑ 𑌚) (𑌅. 6)

𑌅𑌨𑍁𑌵𑌾𑌕𑌂 𑍭
𑌅𑌪॑𑌶𑍍𑌯𑌙𑍍𑌗𑍋॒𑌪𑌾𑌮𑌨𑌿॑𑌪𑌦𑍍𑌯𑌮𑌾𑌨𑌮𑍍 । 𑌆 𑌚॒ 𑌪𑌰𑌾॑ 𑌚 𑌪॒𑌥𑌿𑌭𑌿॒𑌶𑍍𑌚𑌰॑𑌨𑍍𑌤𑌮𑍍 । 𑌸 𑌸॒𑌦𑍍𑌧𑍍𑌰𑍀𑌚𑍀॒-𑌸𑍍𑌸 𑌵𑌿𑌷𑍂॑𑌚𑍀॒𑌰𑍍𑌵𑌸𑌾॑𑌨𑌃 । 𑌆 𑌵॑𑌰𑍀𑌵𑌰𑍍𑌤𑌿॒ 𑌭𑍁𑌵॑𑌨𑍇𑌷𑍍𑌵॒𑌨𑍍𑌤𑌃 ॥ 𑌅𑌤𑍍𑌰॑ 𑌪𑍍𑌰𑌾॒𑌵𑍀𑌃 । 𑌮𑌧𑍁॒ 𑌮𑌾𑌦𑍍𑌧𑍍𑌵𑍀᳚𑌭𑍍𑌯𑌾॒-𑌮𑍍𑌮𑌧𑍁॒ 𑌮𑌾𑌧𑍂॑𑌚𑍀𑌭𑍍𑌯𑌾𑌮𑍍 । 𑌅𑌨𑍁॑ 𑌵𑌾-𑌨𑍍𑌦𑍇॒𑌵𑌵𑍀॑𑌤𑌯𑍇 ॥ 𑌸𑌮॒𑌗𑍍𑌨𑌿𑌰॒𑌗𑍍𑌨𑌿𑌨𑌾॑ 𑌗𑌤 । 𑌸-𑌨𑍍𑌦𑍇॒𑌵𑍇𑌨॑ 𑌸𑌵𑌿॒𑌤𑍍𑌰𑌾 । 𑌸𑌗𑍍𑌮𑍍 𑌸𑍂𑌰𑍍𑌯𑍇॑𑌣 𑌰𑍋𑌚𑌤𑍇 ॥ 22 ॥

𑌸𑍍𑌵𑌾𑌹𑌾॒ 𑌸𑌮॒𑌗𑍍𑌨𑌿𑌸𑍍𑌤𑌪॑𑌸𑌾 𑌗𑌤 । 𑌸-𑌨𑍍𑌦𑍇॒𑌵𑍇𑌨॑ 𑌸𑌵𑌿॒𑌤𑍍𑌰𑌾 ।
𑌸𑌗𑍍𑌮𑍍 𑌸𑍂𑌰𑍍𑌯𑍇॑𑌣𑌾𑌰𑍋𑌚𑌿𑌷𑍍𑌟 ॥ 𑌧॒𑌰𑍍𑌤𑌾 𑌦𑌿॒𑌵𑍋 𑌵𑌿𑌭𑌾॑𑌸𑌿॒ 𑌰𑌜॑𑌸𑌃 । 𑌪𑍃॒𑌥𑌿॒𑌵𑍍𑌯𑌾 𑌧॒𑌰𑍍𑌤𑌾 । 𑌉॒𑌰𑍋𑌰॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌧॒𑌰𑍍𑌤𑌾 । 𑌧॒𑌰𑍍𑌤𑌾 𑌦𑍇॒𑌵𑍋 𑌦𑍇॒𑌵𑌾𑌨𑌾᳚𑌮𑍍 । 𑌅𑌮॑𑌰𑍍𑌤𑍍𑌯𑌸𑍍𑌤𑌪𑍋॒𑌜𑌾𑌃 ॥ 𑌹𑍃॒𑌦𑍇 𑌤𑍍𑌵𑌾॒ 𑌮𑌨॑𑌸𑍇 𑌤𑍍𑌵𑌾 । 𑌦𑌿॒𑌵𑍇 𑌤𑍍𑌵𑌾॒ 𑌸𑍂𑌰𑍍𑌯𑌾॑𑌯 𑌤𑍍𑌵𑌾 ॥ 23 ॥

𑌊॒𑌰𑍍𑌧𑍍𑌵𑌮𑌿॒𑌮-𑌮॑𑌦𑍍𑌧𑍍𑌵॒𑌰𑌙𑍍𑌕𑍃॑𑌧𑌿 । 𑌦𑌿॒𑌵𑌿 𑌦𑍇॒𑌵𑍇𑌷𑍁॒ 𑌹𑍋𑌤𑍍𑌰𑌾॑ 𑌯𑌚𑍍𑌛 ॥ 𑌵𑌿𑌶𑍍𑌵𑌾॑𑌸𑌾-𑌮𑍍𑌭𑍁𑌵𑌾-𑌮𑍍𑌪𑌤𑍇 । 𑌵𑌿𑌶𑍍𑌵॑𑌸𑍍𑌯 𑌭𑍁𑌵𑌨𑌸𑍍𑌪𑌤𑍇 । 𑌵𑌿𑌶𑍍𑌵॑𑌸𑍍𑌯 𑌮𑌨𑌸𑌸𑍍𑌪𑌤𑍇 । 𑌵𑌿𑌶𑍍𑌵॑𑌸𑍍𑌯 𑌵𑌚𑌸𑌸𑍍𑌪𑌤𑍇 । 𑌵𑌿𑌶𑍍𑌵॑𑌸𑍍𑌯 𑌤𑌪𑌸𑌸𑍍𑌪𑌤𑍇 । 𑌵𑌿𑌶𑍍𑌵॑𑌸𑍍𑌯 𑌬𑍍𑌰𑌹𑍍𑌮𑌣𑌸𑍍𑌪𑌤𑍇 । 𑌦𑍇॒𑌵॒𑌶𑍍𑌰𑍂𑌸𑍍𑌤𑍍𑌵𑌨𑍍𑌦𑍇॑𑌵 𑌘𑌰𑍍𑌮 𑌦𑍇॒𑌵𑌾-𑌨𑍍𑌪𑌾॑𑌹𑌿 ॥ 𑌤॒𑌪𑍋॒𑌜𑌾𑌂-𑌵𑌾𑌁𑌚॑𑌮॒𑌸𑍍𑌮𑍇 𑌨𑌿𑌯॑𑌚𑍍𑌛 𑌦𑍇𑌵𑌾॒𑌯𑍁𑌵᳚𑌮𑍍 ॥ 24 ॥

𑌗𑌰𑍍𑌭𑍋॑ 𑌦𑍇॒𑌵𑌾𑌨𑌾᳚𑌮𑍍 ॥ 𑌪𑌿॒𑌤𑌾 𑌮॑𑌤𑍀॒𑌨𑌾𑌮𑍍 ॥
𑌪𑌤𑌿𑌃॑ 𑌪𑍍𑌰॒𑌜𑌾𑌨𑌾᳚𑌮𑍍 ॥ 𑌮𑌤𑌿𑌃॑ 𑌕𑌵𑍀॒𑌨𑌾𑌮𑍍 ॥
𑌸𑌨𑍍𑌦𑍇॒𑌵𑍋 𑌦𑍇॒𑌵𑍇𑌨॑ 𑌸𑌵𑌿॒𑌤𑍍𑌰𑌾-𑌽𑌯॑𑌤𑌿𑌷𑍍𑌟 । 𑌸𑌗𑍍𑌮𑍍 𑌸𑍂𑌰𑍍𑌯𑍇॑𑌣𑌾𑌰𑍁𑌕𑍍𑌤 ॥ 𑌆॒𑌯𑍁॒𑌰𑍍𑌦𑌾𑌸𑍍𑌤𑍍𑌵𑌮॒𑌸𑍍𑌮𑌭𑍍𑌯॑-𑌙𑍍𑌘𑌰𑍍𑌮 𑌵𑌰𑍍𑌚𑍋॒𑌦𑌾 𑌅॑𑌸𑌿 ॥ 𑌪𑌿॒𑌤𑌾 𑌨𑍋॑-𑌽𑌸𑌿 𑌪𑌿॒𑌤𑌾 𑌨𑍋॑ 𑌬𑍋𑌧 ॥ 𑌆॒𑌯𑍁॒𑌰𑍍𑌧𑌾𑌸𑍍𑌤॑𑌨𑍂॒𑌧𑌾𑌃 𑌪॑𑌯𑍋॒𑌧𑌾𑌃 ।
𑌵॒𑌰𑍍𑌚𑍋॒𑌦𑌾 𑌵॑𑌰𑌿𑌵𑍋॒𑌦𑌾 𑌦𑍍𑌰॑𑌵𑌿𑌣𑍋॒𑌦𑌾𑌃 ॥ 25 ॥

𑌅॒𑌨𑍍𑌤॒𑌰𑌿॒𑌕𑍍𑌷॒𑌪𑍍𑌰॒ 𑌉॒𑌰𑍋𑌰𑍍𑌵𑌰𑍀॑𑌯𑌾𑌨𑍍 । 𑌅॒𑌶𑍀॒𑌮𑌹𑌿॑ 𑌤𑍍𑌵𑌾॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 ॥ 𑌤𑍍𑌵𑌮॑𑌗𑍍𑌨𑍇 𑌗𑍃॒𑌹𑌪॑𑌤𑌿-𑌰𑍍𑌵𑌿॒𑌶𑌾𑌮॑𑌸𑌿 । 𑌵𑌿𑌶𑍍𑌵𑌾॑𑌸𑌾॒-𑌮𑍍𑌮𑌾𑌨𑍁॑𑌷𑍀𑌣𑌾𑌮𑍍 । 𑌶॒𑌤-𑌮𑍍𑌪𑍂॒𑌰𑍍𑌭𑌿𑌰𑍍𑌯॑𑌵𑌿𑌷𑍍𑌠 𑌪𑌾॒𑌹𑍍𑌯𑌗𑍍𑌮𑍍𑌹॑𑌸𑌃 । 𑌸॒𑌮𑍇॒𑌦𑍍𑌧𑌾𑌰𑌗𑍍𑌮𑍍॑ 𑌶॒𑌤𑌗𑍍𑌮𑍍 𑌹𑌿𑌮𑌾𑌃᳚ ।
𑌤॒-𑌨𑍍𑌦𑍍𑌰𑌾॒𑌵𑌿𑌣𑌗𑍍𑌮𑍍॑ 𑌹𑌾𑌰𑍍𑌦𑌿𑌵𑌾॒𑌨𑌮𑍍 । 𑌇॒𑌹𑍈𑌵 𑌰𑌾॒𑌤𑌯॑-𑌸𑍍𑌸𑌨𑍍𑌤𑍁 ॥ 𑌤𑍍𑌵𑌷𑍍𑌟𑍀॑𑌮𑌤𑍀 𑌤𑍇 𑌸𑌪𑍇𑌯 । 𑌸𑍁॒𑌰𑍇𑌤𑌾॒ 𑌰𑍇𑌤𑍋॒ 𑌦𑌧𑌾॑𑌨𑌾 ।
𑌵𑍀॒𑌰𑌂-𑌵𑌿𑌁॑𑌦𑍇𑌯॒ 𑌤𑌵॑ 𑌸॒𑌨𑍍𑌦𑍃𑌶𑌿॑ ।
𑌮𑌾-𑌽𑌹𑌗𑍍𑌮𑍍 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌵𑌿 𑌯𑍋॑𑌷𑌮𑍍 ॥ 26 ॥
(𑌰𑍋॒𑌚॒𑌤𑍇॒-𑌸𑍂𑌰𑍍𑌯॑𑌯 𑌤𑍍𑌵𑌾 – 𑌦𑍇𑌵𑌾॒𑌯𑍁𑌵𑌂॑ – 𑌦𑍍𑌰𑌵𑌿𑌣𑍋॒𑌦𑌾 – 𑌦𑌧𑌾॑𑌨𑌾॒ 𑌦𑍍𑌵𑍇 𑌚॑) (𑌅. 𑍭)

𑌅𑌨𑍁𑌵𑌾𑌕𑌂 𑍮
𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 ।
𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌾 𑌦॑𑌦𑍇 ॥ 𑌅𑌦𑌿॑𑌤𑍍𑌯𑍈॒ 𑌰𑌾𑌸𑍍𑌨𑌾॑-𑌽𑌸𑌿 । 𑌇𑌡॒ 𑌏𑌹𑌿॑ । 𑌅𑌦𑌿॑𑌤॒ 𑌏𑌹𑌿॑ । 𑌸𑌰॑𑌸𑍍𑌵॒𑌤𑍍𑌯𑍇𑌹𑌿॑ । 𑌅𑌸𑌾॒𑌵𑍇𑌹𑌿॑ ।
𑌅𑌸𑌾॒𑌵𑍇𑌹𑌿॑ । 𑌅𑌸𑌾॒𑌵𑍇𑌹𑌿॑ ॥ 2𑍭 ॥

𑌅𑌦𑌿॑𑌤𑍍𑌯𑌾 𑌉॒𑌷𑍍𑌣𑍀𑌷॑𑌮𑌸𑌿 । 𑌵𑌾॒𑌯𑍁𑌰॑𑌸𑍍𑌯𑍈॒𑌡𑌃 । 𑌪𑍂॒𑌷𑌾 𑌤𑍍𑌵𑍋॒𑌪𑌾𑌵॑𑌸𑍃𑌜𑌤𑍁 । 𑌅॒𑌶𑍍𑌵𑌿𑌭𑍍𑌯𑌾॒-𑌮𑍍𑌪𑍍𑌰 𑌦𑌾॑𑌪𑌯 । 𑌯𑌸𑍍𑌤𑍇॒ 𑌸𑍍𑌤𑌨॑-𑌶𑍍𑌶𑌶॒𑌯𑍋 𑌯𑍋 𑌮॑𑌯𑍋॒𑌭𑍂𑌃 । 𑌯𑍇𑌨॒ 𑌵𑌿𑌶𑍍𑌵𑌾॒ 𑌪𑍁𑌷𑍍𑌯॑𑌸𑌿॒ 𑌵𑌾𑌰𑍍𑌯𑌾॑𑌣𑌿 । 𑌯𑍋 𑌰॑𑌤𑍍𑌨॒𑌧𑌾 𑌵॑𑌸𑍁॒𑌵𑌿𑌦𑍍𑌯-𑌸𑍍𑌸𑍁॒𑌦𑌤𑍍𑌰𑌃॑ ।
𑌸𑌰॑𑌸𑍍𑌵𑌤𑌿॒ 𑌤𑌮𑌿॒𑌹 𑌧𑌾𑌤॑𑌵𑍇-𑌽𑌕𑌃 ॥ 𑌉𑌸𑍍𑌰॑ 𑌘॒𑌰𑍍𑌮𑌗𑍍𑌮𑍍 𑌶𑌿𑌗𑍍𑌮𑍍॑𑌷 । 𑌉𑌸𑍍𑌰॑ 𑌘॒𑌰𑍍𑌮-𑌮𑍍𑌪𑌾॑𑌹𑌿 ॥ 2𑍮 ॥

𑌘॒𑌰𑍍𑌮𑌾𑌯॑ 𑌶𑌿𑌗𑍍𑌮𑍍𑌷 । 𑌬𑍃𑌹॒𑌸𑍍𑌪𑌤𑌿॒𑌸𑍍𑌤𑍍𑌵𑍋𑌪॑𑌸𑍀𑌦𑌤𑍁 । 𑌦𑌾𑌨॑𑌵-𑌸𑍍𑌸𑍍𑌥॒ 𑌪𑍇𑌰॑𑌵𑌃 । 𑌵𑌿॒𑌷𑍍𑌵॒𑌗𑍍𑌵𑍃𑌤𑍋॒ 𑌲𑍋𑌹𑌿॑𑌤𑍇𑌨 । 𑌅॒𑌶𑍍𑌵𑌿𑌭𑍍𑌯𑌾᳚-𑌮𑍍𑌪𑌿𑌨𑍍𑌵𑌸𑍍𑌵 । 𑌸𑌰॑𑌸𑍍𑌵𑌤𑍍𑌯𑍈 𑌪𑌿𑌨𑍍𑌵𑌸𑍍𑌵 ।
𑌪𑍂॒𑌷𑍍𑌣𑍇 𑌪𑌿॑𑌨𑍍𑌵𑌸𑍍𑌵 । 𑌬𑍃𑌹॒𑌸𑍍𑌪𑌤॑𑌯𑍇 𑌪𑌿𑌨𑍍𑌵𑌸𑍍𑌵 । 𑌇𑌨𑍍𑌦𑍍𑌰𑌾॑𑌯 𑌪𑌿𑌨𑍍𑌵𑌸𑍍𑌵 । 𑌇𑌨𑍍𑌦𑍍𑌰𑌾॑𑌯 𑌪𑌿𑌨𑍍𑌵𑌸𑍍𑌵 ॥ 2𑍯 ॥

𑌗𑌾॒𑌯॒𑌤𑍍𑌰𑍋॑-𑌽𑌸𑌿 । 𑌤𑍍𑌰𑍈𑌷𑍍𑌟𑍁॑𑌭𑍋-𑌽𑌸𑌿 । 𑌜𑌾𑌗॑𑌤𑌮𑌸𑌿 । 𑌸॒𑌹𑍋𑌰𑍍𑌜𑍋 𑌭𑌾॒𑌗𑍇𑌨𑍋𑌪॒ 𑌮𑍇𑌹𑌿॑ । 𑌇𑌨𑍍𑌦𑍍𑌰𑌾᳚𑌶𑍍𑌵𑌿𑌨𑌾॒ 𑌮𑌧𑍁॑𑌨-𑌸𑍍𑌸𑌾𑌰॒𑌘𑌸𑍍𑌯॑ । 𑌘॒𑌰𑍍𑌮-𑌮𑍍𑌪𑌾॑𑌤 𑌵𑌸𑌵𑍋॒ 𑌯𑌜॑𑌤𑌾॒ 𑌵𑌟𑍍 । 𑌸𑍍𑌵𑌾𑌹𑌾᳚ 𑌤𑍍𑌵𑌾॒ 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌯𑍇॑ 𑌵𑍃𑌷𑍍𑌟𑌿॒𑌵𑌨॑𑌯𑍇 𑌜𑍁𑌹𑍋𑌮𑌿 । 𑌮𑌧𑍁॑ 𑌹॒𑌵𑌿𑌰॑𑌸𑌿 । 𑌸𑍂𑌰𑍍𑌯॑𑌸𑍍𑌯॒ 𑌤𑌪॑𑌸𑍍𑌤𑌪 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾᳚-𑌨𑍍𑌤𑍍𑌵𑌾॒ 𑌪𑌰𑌿॑𑌗𑍃𑌹𑍍𑌣𑌾𑌮𑌿 ॥ 30 ॥

𑌅॒𑌨𑍍𑌤𑌰𑌿॑𑌕𑍍𑌷𑍇𑌣॒ 𑌤𑍍𑌵𑍋𑌪॑𑌯𑌚𑍍𑌛𑌾𑌮𑌿 । 𑌦𑍇॒𑌵𑌾𑌨𑌾᳚-𑌨𑍍𑌤𑍍𑌵𑌾 𑌪𑌿𑌤𑍃॒𑌣𑌾𑌮𑌨𑍁॑𑌮𑌤𑍋॒ 𑌭𑌰𑍍𑌤𑍁𑌗𑍍𑌮𑍍॑ 𑌶𑌕𑍇𑌯𑌮𑍍 । 𑌤𑍇𑌜𑍋॑-𑌽𑌸𑌿 ।
𑌤𑍇𑌜𑍋-𑌽𑌨𑍁॒𑌪𑍍𑌰𑍇𑌹𑌿॑ । 𑌦𑌿॒𑌵𑌿॒𑌸𑍍𑌪𑍃𑌮𑍍𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 ।
𑌅॒𑌨𑍍𑌤॒𑌰𑌿॒𑌕𑍍𑌷॒𑌸𑍍𑌪𑍃𑌮𑍍𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 । 𑌪𑍃॒𑌥𑌿॒𑌵𑌿॒𑌸𑍍𑌪𑍃𑌮𑍍𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 ।
𑌸𑍁𑌵॑𑌰𑌸𑌿॒ 𑌸𑍁𑌵॑𑌰𑍍𑌮𑍇 𑌯𑌚𑍍𑌛 ।
𑌦𑌿𑌵𑌂॑-𑌯𑌁𑌚𑍍𑌛 𑌦𑌿॒𑌵𑍋 𑌮𑌾॑ 𑌪𑌾𑌹𑌿 ॥ 31 ॥
(𑌏𑌹𑌿॑ – 𑌪𑌾𑌹𑌿 – 𑌪𑌿𑌨𑍍𑌵𑌸𑍍𑌵 – 𑌗𑍃𑌹𑍍𑌣𑌾𑌮𑌿॒ – +𑌨𑌵॑ 𑌚) (𑌅. 𑍮)

𑌅𑌨𑍁𑌵𑌾𑌕𑌂 𑍯
𑌸॒𑌮𑍁॒𑌦𑍍𑌰𑌾𑌯॑ 𑌤𑍍𑌵𑌾॒ 𑌵𑌾𑌤𑌾॑𑌯॒ 𑌸𑍍𑌵𑌾𑌹𑌾᳚ । 𑌸॒𑌲𑌿॒𑌲𑌾𑌯॑ 𑌤𑍍𑌵𑌾॒ 𑌵𑌾𑌤𑌾॑𑌯॒ 𑌸𑍍𑌵𑌾𑌹𑌾᳚ । 𑌅॒𑌨𑌾॒𑌧𑍃॒𑌷𑍍𑌯𑌾𑌯॑ 𑌤𑍍𑌵𑌾॒ 𑌵𑌾𑌤𑌾॑𑌯॒ 𑌸𑍍𑌵𑌾𑌹𑌾᳚ । 𑌅॒𑌪𑍍𑌰॒𑌤𑌿॒𑌧𑍃॒𑌷𑍍𑌯𑌾𑌯॑ 𑌤𑍍𑌵𑌾॒ 𑌵𑌾𑌤𑌾॑𑌯॒ 𑌸𑍍𑌵𑌾𑌹𑌾᳚ ।
𑌅॒𑌵॒𑌸𑍍𑌯𑌵𑍇᳚ 𑌤𑍍𑌵𑌾॒ 𑌵𑌾𑌤𑌾॑𑌯॒ 𑌸𑍍𑌵𑌾𑌹𑌾᳚ । 𑌦𑍁𑌵॑𑌸𑍍𑌵𑌤𑍇 𑌤𑍍𑌵𑌾॒ 𑌵𑌾𑌤𑌾॑𑌯॒ 𑌸𑍍𑌵𑌾𑌹𑌾᳚ । 𑌶𑌿𑌮𑌿॑𑌦𑍍𑌵𑌤𑍇 𑌤𑍍𑌵𑌾॒ 𑌵𑌾𑌤𑌾॑𑌯॒ 𑌸𑍍𑌵𑌾𑌹𑌾᳚ । 𑌅॒𑌗𑍍𑌨𑌯𑍇᳚ 𑌤𑍍𑌵𑌾॒ 𑌵𑌸𑍁॑𑌮𑌤𑍇॒ 𑌸𑍍𑌵𑌾𑌹𑌾᳚ ।
𑌸𑍋𑌮𑌾॑𑌯 𑌤𑍍𑌵𑌾 𑌰𑍁॒𑌦𑍍𑌰𑌵॑𑌤𑍇॒ 𑌸𑍍𑌵𑌾𑌹𑌾᳚ ।
𑌵𑌰𑍁॑𑌣𑌾𑌯 𑌤𑍍𑌵𑌾-𑌽𑌽𑌦𑌿॒𑌤𑍍𑌯𑌵॑𑌤𑍇॒ 𑌸𑍍𑌵𑌾𑌹𑌾᳚ ॥ 32 ॥

𑌬𑍃𑌹॒𑌸𑍍𑌪𑌤॑𑌯𑍇 𑌤𑍍𑌵𑌾 𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍇॒ 𑌸𑍍𑌵𑌾𑌹𑌾᳚ ।
𑌸॒𑌵𑌿॒𑌤𑍍𑌰𑍇 𑌤𑍍𑌵॑𑌰𑍍𑌭𑍁॒𑌮𑌤𑍇॑ 𑌵𑌿𑌭𑍁॒𑌮𑌤𑍇᳚ 𑌪𑍍𑌰𑌭𑍁॒𑌮𑌤𑍇॒ 𑌵𑌾𑌜॑𑌵𑌤𑍇॒ 𑌸𑍍𑌵𑌾𑌹𑌾᳚ । 𑌯॒𑌮𑌾𑌯॒ 𑌤𑍍𑌵𑌾-𑌽𑌙𑍍𑌗𑌿॑𑌰𑌸𑍍𑌵𑌤𑍇 𑌪𑌿𑌤𑍃॒𑌮𑌤𑍇॒ 𑌸𑍍𑌵𑌾𑌹𑌾᳚ ॥ 𑌵𑌿𑌶𑍍𑌵𑌾॒ 𑌆𑌶𑌾॑ 𑌦𑌕𑍍𑌷𑌿𑌣॒𑌸𑌤𑍍 । 𑌵𑌿𑌶𑍍𑌵𑌾᳚-𑌨𑍍𑌦𑍇॒𑌵𑌾𑌨॑𑌯𑌾𑌡𑌿॒𑌹 । 𑌸𑍍𑌵𑌾𑌹𑌾॑𑌕𑍃𑌤𑌸𑍍𑌯 𑌘॒𑌰𑍍𑌮𑌸𑍍𑌯॑ । 𑌮𑌧𑍋𑌃᳚ 𑌪𑌿𑌬𑌤𑌮𑌶𑍍𑌵𑌿𑌨𑌾 ।
𑌸𑍍𑌵𑌾𑌹𑌾॒-𑌽𑌗𑍍𑌨𑌯𑍇॑ 𑌯॒𑌜𑍍𑌞𑌿𑌯𑌾॑𑌯 । 𑌶𑌂-𑌯𑌁𑌜𑍁॑𑌰𑍍𑌭𑌿𑌃 ॥
𑌅𑌶𑍍𑌵𑌿॑𑌨𑌾 𑌘॒𑌰𑍍𑌮-𑌮𑍍𑌪𑌾॑𑌤𑌗𑍍𑌮𑍍 𑌹𑌾𑌰𑍍𑌦𑌿𑌵𑌾॒𑌨𑌮𑍍 ॥ 33 ॥

𑌅𑌹॑-𑌰𑍍𑌦𑌿॒𑌵𑌾𑌭𑌿॑-𑌰𑍂॒𑌤𑌿𑌭𑌿𑌃॑ । 𑌅𑌨𑍁॑ 𑌵𑌾॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌮𑌗𑍍𑌮𑍍॑𑌸𑌾𑌤𑌾𑌮𑍍 । 𑌸𑍍𑌵𑌾𑌹𑍇𑌨𑍍𑌦𑍍𑌰𑌾॑𑌯 ॥ 𑌸𑍍𑌵𑌾𑌹𑍇𑌨𑍍𑌦𑍍𑌰𑌾॒𑌵𑌟𑍍 । 𑌘॒𑌰𑍍𑌮𑌮॑𑌪𑌾𑌤𑌮𑌶𑍍𑌵𑌿𑌨𑌾 𑌹𑌾𑌰𑍍𑌦𑌿𑌵𑌾॒𑌨𑌮𑍍 ।
𑌅𑌹॑-𑌰𑍍𑌦𑌿॒𑌵𑌾𑌭𑌿॑𑌰𑍂॒𑌤𑌿𑌭𑌿𑌃॑ । 𑌅𑌨𑍁॑ 𑌵𑌾॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॑𑌮𑌗𑍍𑌮𑍍𑌸𑌾𑌤𑌾𑌮𑍍 । 𑌤-𑌮𑍍𑌪𑍍𑌰𑌾॒𑌵𑍍𑌯𑌂॑-𑌯𑌁𑌥𑌾॒ 𑌵𑌟𑍍 । 𑌨𑌮𑍋॑ 𑌦𑌿॒𑌵𑍇 । 𑌨𑌮𑌃॑ 𑌪𑍃𑌥𑌿॒𑌵𑍍𑌯𑍈 ॥ 34 ॥

𑌦𑌿॒𑌵𑌿 𑌧𑌾॑ 𑌇॒𑌮𑌂-𑌯𑌁॒𑌜𑍍𑌞𑌮𑍍 । 𑌯॒𑌜𑍍𑌞𑌮𑌿॒𑌮-𑌨𑍍𑌦𑌿॒𑌵𑌿 𑌧𑌾𑌃᳚ । 𑌦𑌿𑌵॑𑌙𑍍𑌗𑌚𑍍𑌛 । 𑌅॒𑌨𑍍𑌤𑌰𑌿॑𑌕𑍍𑌷𑌙𑍍𑌗𑌚𑍍𑌛 । 𑌪𑍃॒𑌥𑌿॒𑌵𑍀𑌙𑍍𑌗॑𑌚𑍍𑌛 । 𑌪𑌞𑍍𑌚॑ 𑌪𑍍𑌰॒𑌦𑌿𑌶𑍋॑ 𑌗𑌚𑍍𑌛 । 𑌦𑍇॒𑌵𑌾-𑌨𑍍𑌘॑𑌰𑍍𑌮॒𑌪𑌾-𑌨𑍍𑌗॑𑌚𑍍𑌛 । 𑌪𑌿॒𑌤𑍄-𑌨𑍍𑌘॑𑌰𑍍𑌮॒𑌪𑌾-𑌨𑍍𑌗॑𑌚𑍍𑌛 ॥ 35 ॥
(𑌆॒𑌦𑌿॒𑌤𑍍𑌯𑌵॑𑌤𑍇॒ 𑌸𑍍𑌵𑌾𑌹𑌾॑-𑌹𑌾𑌰𑍍𑌦𑌿𑌵𑌾॒𑌨𑌮𑍍-𑌪𑍃॑𑌥𑌿॒𑌵𑍍𑌯𑌾-+𑌅॒𑌷𑍍𑌟𑍌 𑌚॑) (𑌅. 𑍯)

𑌅𑌨𑍁𑌵𑌾𑌕𑌂 10
𑌇॒𑌷𑍇 𑌪𑍀॑𑌪𑌿𑌹𑌿 । 𑌊॒𑌰𑍍𑌜𑍇 𑌪𑍀॑𑌪𑌿𑌹𑌿 । 𑌬𑍍𑌰𑌹𑍍𑌮॑𑌣𑍇 𑌪𑍀𑌪𑌿𑌹𑌿 । 𑌕𑍍𑌷॒𑌤𑍍𑌰𑌾𑌯॑ 𑌪𑍀𑌪𑌿𑌹𑌿 । 𑌅॒𑌦𑍍𑌭𑍍𑌯𑌃 𑌪𑍀॑𑌪𑌿𑌹𑌿 । 𑌓𑌷॑𑌧𑍀𑌭𑍍𑌯𑌃 𑌪𑍀𑌪𑌿𑌹𑌿 । 𑌵𑌨॒𑌸𑍍𑌪𑌤𑌿॑𑌭𑍍𑌯𑌃 𑌪𑍀𑌪𑌿𑌹𑌿 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾᳚-𑌮𑍍𑌪𑍀𑌪𑌿𑌹𑌿 । 𑌸𑍁॒𑌭𑍂॒𑌤𑌾𑌯॑ 𑌪𑍀𑌪𑌿𑌹𑌿 । 𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌾𑌯॑ 𑌪𑍀𑌪𑌿𑌹𑌿 ॥ 36 ॥

𑌯𑌜॑𑌮𑌾𑌨𑌾𑌯 𑌪𑍀𑌪𑌿𑌹𑌿 । 𑌮𑌹𑍍𑌯॒𑌞𑍍𑌜𑍍𑌯𑍈𑌷𑍍𑌠𑍍𑌯𑌾॑𑌯 𑌪𑍀𑌪𑌿𑌹𑌿 ॥ 𑌤𑍍𑌵𑌿𑌷𑍍𑌯𑍈᳚ 𑌤𑍍𑌵𑌾 । 𑌦𑍍𑌯𑍁॒𑌮𑍍𑌨𑌾𑌯॑ 𑌤𑍍𑌵𑌾 । 𑌇॒𑌨𑍍𑌦𑍍𑌰𑌿॒𑌯𑌾𑌯॑ 𑌤𑍍𑌵𑌾॒ 𑌭𑍂𑌤𑍍𑌯𑍈᳚ 𑌤𑍍𑌵𑌾 । 𑌧𑌰𑍍𑌮𑌾॑-𑌽𑌸𑌿 𑌸𑍁॒𑌧𑌰𑍍𑌮𑌾 𑌮𑍇᳚ 𑌨𑍍𑌯॒𑌸𑍍𑌮𑍇 । 𑌬𑍍𑌰𑌹𑍍𑌮𑌾॑𑌣𑌿 𑌧𑌾𑌰𑌯 । 𑌕𑍍𑌷॒𑌤𑍍𑌰𑌾𑌣𑌿॑ 𑌧𑌾𑌰𑌯 । 𑌵𑌿𑌶॑𑌨𑍍𑌧𑌾𑌰𑌯 ।
𑌨𑍇𑌤𑍍𑌤𑍍𑌵𑌾॒ 𑌵𑌾𑌤॑-𑌸𑍍𑌸𑍍𑌕॒𑌨𑍍𑌦𑌯𑌾᳚𑌤𑍍 ॥ 3𑍭 ॥

𑌅॒𑌮𑍁𑌷𑍍𑌯॑ 𑌤𑍍𑌵𑌾 𑌪𑍍𑌰𑌾॒𑌣𑍇 𑌸𑌾॑𑌦𑌯𑌾𑌮𑌿 । 𑌅॒𑌮𑍁𑌨𑌾॑ 𑌸॒𑌹 𑌨𑌿॑𑌰॒𑌰𑍍𑌥𑌙𑍍𑌗॑𑌚𑍍𑌛 । 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ ।
𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑌪𑍂॒𑌷𑍍𑌣𑍇 𑌶𑌰॑𑌸𑍇॒ 𑌸𑍍𑌵𑌾𑌹𑌾᳚ ।
𑌗𑍍𑌰𑌾𑌵॑𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌪𑍍𑌰॒𑌤𑌿॒𑌰𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॒𑌗𑍍॒ 𑌸𑍍𑌵𑌾𑌹𑌾᳚ ।
𑌪𑌿॒𑌤𑍃𑌭𑍍𑌯𑍋॑ 𑌘𑌰𑍍𑌮॒𑌪𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ॥
𑌰𑍁॒𑌦𑍍𑌰𑌾𑌯॑ 𑌰𑍁॒𑌦𑍍𑌰𑌹𑍋᳚𑌤𑍍𑌰𑍇॒ 𑌸𑍍𑌵𑌾𑌹𑌾᳚ ॥ 3𑍮 ॥

𑌅𑌹॒-𑌰𑍍𑌜𑍍𑌯𑍋𑌤𑌿𑌃॑ 𑌕𑍇॒𑌤𑍁𑌨𑌾॑ 𑌜𑍁𑌷𑌤𑌾𑌮𑍍 । 𑌸𑍁॒𑌜𑍍𑌯𑍋॒𑌤𑌿-𑌰𑍍𑌜𑍍𑌯𑍋𑌤𑌿॑𑌷𑌾॒𑌗𑍍॒ 𑌸𑍍𑌵𑌾𑌹𑌾᳚ । 𑌰𑌾𑌤𑍍𑌰𑌿॒𑌰𑍍𑌜𑍍𑌯𑍋𑌤𑌿𑌃॑ 𑌕𑍇॒𑌤𑍁𑌨𑌾॑ 𑌜𑍁𑌷𑌤𑌾𑌮𑍍 । 𑌸𑍁॒𑌜𑍍𑌯𑍋॒𑌤𑌿-𑌰𑍍𑌜𑍍𑌯𑍋𑌤𑌿॑𑌷𑌾॒𑌗𑍍॒ 𑌸𑍍𑌵𑌾𑌹𑌾᳚ । 𑌅𑌪𑍀॑𑌪𑌰𑍋॒ 𑌮𑌾-𑌽𑌹𑍍𑌨𑍋॒ 𑌰𑌾𑌤𑍍𑌰𑌿॑𑌯𑍈 𑌮𑌾 𑌪𑌾𑌹𑌿 । 𑌏॒𑌷𑌾 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌤𑍍 । 𑌤𑌯𑌾॒ 𑌸𑌮𑌿॑𑌦𑍍𑌧𑍍𑌯𑌸𑍍𑌵 । 𑌆𑌯𑍁॑𑌰𑍍𑌮𑍇 𑌦𑌾𑌃 । 𑌵𑌰𑍍𑌚॑𑌸𑌾 𑌮𑌾-𑌽𑌞𑍍𑌜𑍀𑌃 । 𑌅𑌪𑍀॑𑌪𑌰𑍋 𑌮𑌾॒ 𑌰𑌾𑌤𑍍𑌰𑌿॑𑌯𑌾॒ 𑌅𑌹𑍍𑌨𑍋॑ 𑌮𑌾 𑌪𑌾𑌹𑌿 ॥ 3𑍯 ॥

𑌏॒𑌷𑌾 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌤𑍍 । 𑌤𑌯𑌾॒ 𑌸𑌮𑌿॑𑌦𑍍𑌧𑍍𑌯𑌸𑍍𑌵 । 𑌆𑌯𑍁॑𑌰𑍍𑌮𑍇 𑌦𑌾𑌃 । 𑌵𑌰𑍍𑌚॑𑌸𑌾 𑌮𑌾-𑌽𑌞𑍍𑌜𑍀𑌃 । 𑌅॒𑌗𑍍𑌨𑌿-𑌰𑍍𑌜𑍍𑌯𑍋𑌤𑌿॒-𑌰𑍍𑌜𑍍𑌯𑍋𑌤𑌿॑𑌰॒𑌗𑍍𑌨𑌿-𑌸𑍍𑌸𑍍𑌵𑌾𑌹𑌾᳚ ।
𑌸𑍂𑌰𑍍𑌯𑍋॒ 𑌜𑍍𑌯𑍋𑌤𑌿॒-𑌰𑍍𑌜𑍍𑌯𑍋𑌤𑌿॒-𑌸𑍍𑌸𑍂𑌰𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌭𑍂-𑌸𑍍𑌸𑍍𑌵𑌾𑌹𑌾᳚ । 𑌹𑍁॒𑌤𑌗𑍍𑌮𑍍 𑌹॒𑌵𑌿𑌃 । 𑌮𑌧𑍁॑ 𑌹॒𑌵𑌿𑌃 । 𑌇𑌨𑍍𑌦𑍍𑌰॑𑌤𑌮𑍇॒-𑌽𑌗𑍍𑌨𑍌 ॥ 40 ॥

𑌪𑌿॒𑌤𑌾 𑌨𑍋॑-𑌽𑌸𑌿॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 । 𑌅॒𑌶𑍍𑌯𑌾𑌮॑ 𑌤𑍇 𑌦𑍇𑌵𑌘𑌰𑍍𑌮 ।
𑌮𑌧𑍁॑𑌮𑌤𑍋॒ 𑌵𑌾𑌜॑𑌵𑌤𑌃 𑌪𑌿𑌤𑍁॒𑌮𑌤𑌃॑ । 𑌅𑌙𑍍𑌗𑌿॑𑌰𑌸𑍍𑌵𑌤-𑌸𑍍𑌸𑍍𑌵𑌧𑌾॒𑌵𑌿𑌨𑌃॑ । 𑌅॒𑌶𑍀॒𑌮𑌹𑌿॑ 𑌤𑍍𑌵𑌾॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 ॥ 𑌸𑍍𑌵𑌾𑌹𑌾᳚ 𑌤𑍍𑌵𑌾॒ 𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑍍𑌯𑌃॑ । 𑌸𑍍𑌵𑌾𑌹𑌾᳚ 𑌤𑍍𑌵𑌾॒ 𑌨𑌕𑍍𑌷॑𑌤𑍍𑌰𑍇𑌭𑍍𑌯𑌃 ॥ 41 ॥
(𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌾𑌯॑ 𑌪𑍀𑌪𑌿𑌹𑌿 – 𑌸𑍍𑌕॒𑌨𑍍𑌦𑌯𑌾᳚-𑌦𑍍- 𑌰𑍁॒𑌦𑍍𑌰𑌾𑌯॑ 𑌰𑍁॒𑌦𑍍𑌰𑌹𑍋᳚𑌤𑍍𑌰𑍇॒ 𑌸𑍍𑌵𑌾𑌹𑌾 – 𑌽𑌹𑍍𑌨𑍋॑ 𑌮𑌾 𑌪𑌾𑌹𑍍 – 𑌯॒𑌗𑍍𑌨𑍌 – +𑌸॒𑌪𑍍𑌤 𑌚॑) (𑌅. 10)

𑌅𑌨𑍁𑌵𑌾𑌕𑌂 11
𑌘𑌰𑍍𑌮॒ 𑌯𑌾 𑌤𑍇॑ 𑌦𑌿॒𑌵𑌿 𑌶𑍁𑌕𑍍 । 𑌯𑌾 𑌗𑌾॑𑌯॒𑌤𑍍𑌰𑍇 𑌛𑌨𑍍𑌦॑𑌸𑌿 । 𑌯𑌾 𑌬𑍍𑌰𑌾᳚𑌹𑍍𑌮॒𑌣𑍇 । 𑌯𑌾 𑌹॑𑌵𑌿॒𑌰𑍍𑌧𑌾𑌨𑍇᳚ । 𑌤𑌾𑌨𑍍𑌤॑ 𑌏॒𑌤𑍇𑌨𑌾𑌵॑𑌯𑌜𑍇॒ 𑌸𑍍𑌵𑌾𑌹𑌾᳚ ॥ 𑌘𑌰𑍍𑌮॒ 𑌯𑌾 𑌤𑍇॒-𑌽𑌨𑍍𑌤𑌰𑌿॑𑌕𑍍𑌷𑍇॒ 𑌶𑍁𑌕𑍍 ।
𑌯𑌾 𑌤𑍍𑌰𑍈𑌷𑍍𑌟𑍁॑𑌭𑍇॒ 𑌛𑌨𑍍𑌦॑𑌸𑌿 । 𑌯𑌾 𑌰𑌾॑𑌜॒𑌨𑍍𑌯𑍇᳚ । 𑌯𑌾-𑌽𑌽𑌗𑍍𑌨𑍀᳚𑌦𑍍𑌧𑍍𑌰𑍇 ।
𑌤𑌾𑌨𑍍𑌤॑ 𑌏॒𑌤𑍇𑌨𑌾𑌵॑𑌯𑌜𑍇॒ 𑌸𑍍𑌵𑌾𑌹𑌾᳚ ॥ 42 ॥

𑌘𑌰𑍍𑌮॒ 𑌯𑌾 𑌤𑍇॑ 𑌪𑍃𑌥𑌿॒𑌵𑍍𑌯𑌾𑌗𑍍𑌮𑍍 𑌶𑍁𑌕𑍍 । 𑌯𑌾 𑌜𑌾𑌗॑𑌤𑍇॒ 𑌛𑌨𑍍𑌦॑𑌸𑌿 । 𑌯𑌾 𑌵𑍈𑌶𑍍𑌯𑍇᳚ । 𑌯𑌾 𑌸𑌦॑𑌸𑌿 । 𑌤𑌾𑌨𑍍𑌤॑ 𑌏॒𑌤𑍇𑌨𑌾𑌵॑𑌯𑌜𑍇॒ 𑌸𑍍𑌵𑌾𑌹𑌾᳚ ॥ 𑌅॒𑌗𑍍𑌨𑌿𑌶𑍍𑌚॑ 𑌹𑌵𑍍𑌯॒𑌵𑌾𑌹॑𑌨𑍋॒ 𑌭𑌵॑𑌤𑌾-𑌨𑍍𑌦𑌾॒𑌶𑍁𑌷𑍇॒ 𑌮𑌯𑌃॑ ॥ 𑌅𑌨𑍍𑌵𑌿𑌦॑𑌨𑍁𑌮𑌤𑍇॒ 𑌤𑍍𑌵-𑌮𑍍𑌮𑌨𑍍𑌯𑌾॑𑌸𑍈॒ 𑌶𑌞𑍍𑌚॑𑌨𑌃 𑌕𑍃𑌧𑌿 । 𑌕𑍍𑌰𑌤𑍍𑌵𑍇॒ 𑌦𑌕𑍍𑌷𑌾॑𑌯 𑌨𑍋 𑌹𑌿𑌨𑍁॒ 𑌪𑍍𑌰𑌣॒ 𑌆𑌯𑍂𑌗𑍍𑌮𑍍॑𑌷𑌿 𑌤𑌾𑌰𑌿𑌷𑌃 ॥ 𑌦𑌿॒𑌵𑌸𑍍𑌤𑍍𑌵𑌾॑ 𑌪𑌰॒𑌸𑍍𑌪𑌾𑌯𑌾𑌃᳚ । 𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌤॒𑌨𑍁𑌵𑌃॑ 𑌪𑌾𑌹𑌿 । 𑌪𑍃॒𑌥𑌿॒𑌵𑍍𑌯𑌾𑌸𑍍𑌤𑍍𑌵𑌾॒ 𑌧𑌰𑍍𑌮॑𑌣𑌾 ॥ 43 ॥

𑌵॒𑌯𑌮𑌨𑍁॑𑌕𑍍𑌰𑌾𑌮𑌾𑌮 𑌸𑍁𑌵𑌿॒𑌤𑌾𑌯॒ 𑌨𑌵𑍍𑌯॑𑌸𑍇 ॥ 𑌬𑍍𑌰𑌹𑍍𑌮॑𑌣𑌸𑍍𑌤𑍍𑌵𑌾 𑌪𑌰॒𑌸𑍍𑌪𑌾𑌯𑌾𑌃᳚ । 𑌕𑍍𑌷॒𑌤𑍍𑌰𑌸𑍍𑌯॑ 𑌤॒𑌨𑍁𑌵𑌃॑ 𑌪𑌾𑌹𑌿 । 𑌵𑌿॒𑌶𑌸𑍍𑌤𑍍𑌵𑌾॒ 𑌧𑌰𑍍𑌮॑𑌣𑌾 । 𑌵॒𑌯𑌮𑌨𑍁॑𑌕𑍍𑌰𑌾𑌮𑌾𑌮 𑌸𑍁𑌵𑌿॒𑌤𑌾𑌯॒ 𑌨𑌵𑍍𑌯॑𑌸𑍇 ॥ 𑌪𑍍𑌰𑌾॒𑌣𑌸𑍍𑌯॑ 𑌤𑍍𑌵𑌾 𑌪𑌰॒𑌸𑍍𑌪𑌾𑌯𑍈᳚ । 𑌚𑌕𑍍𑌷𑍁॑𑌷𑌸𑍍𑌤॒𑌨𑍁𑌵𑌃॑ 𑌪𑌾𑌹𑌿 । 𑌶𑍍𑌰𑍋𑌤𑍍𑌰॑𑌸𑍍𑌯 𑌤𑍍𑌵𑌾॒ 𑌧𑌰𑍍𑌮॑𑌣𑌾 । 𑌵॒𑌯𑌮𑌨𑍁॑𑌕𑍍𑌰𑌾𑌮𑌾𑌮 𑌸𑍁𑌵𑌿॒𑌤𑌾𑌯॒ 𑌨𑌵𑍍𑌯॑𑌸𑍇 ॥ 𑌵॒𑌲𑍍𑌗𑍁𑌰॑𑌸𑌿 𑌶𑌂॒-𑌯𑍁𑌁𑌧𑌾॑𑌯𑌾𑌃 ॥ 44 ॥

𑌶𑌿𑌶𑍁॒-𑌰𑍍𑌜𑌨॑𑌧𑌾𑌯𑌾𑌃 ॥ 𑌶𑌞𑍍𑌚॒ 𑌵𑌕𑍍𑌷𑌿॒ 𑌪𑌰𑌿॑ 𑌚॒ 𑌵𑌕𑍍𑌷𑌿॑ ।
𑌚𑌤𑍁॑-𑌸𑍍𑌸𑍍𑌰𑌕𑍍𑌤𑌿॒𑌰𑍍𑌨𑌾𑌭𑌿॑𑌰𑍍-𑌋॒𑌤𑌸𑍍𑌯॑ । 𑌸𑌦𑍋॑ 𑌵𑌿॒𑌶𑍍𑌵𑌾𑌯𑍁॒-𑌶𑍍𑌶𑌰𑍍𑌮॑ 𑌸॒𑌪𑍍𑌰𑌥𑌾𑌃᳚ । 𑌅𑌪॒ 𑌦𑍍𑌵𑍇𑌷𑍋॒ 𑌅𑌪॒ 𑌹𑍍𑌵𑌰𑌃॑ । 𑌅॒𑌨𑍍𑌯𑌦𑍍𑌵𑍍𑌰॑𑌤𑌸𑍍𑌯 𑌸𑌶𑍍𑌚𑌿𑌮 । 𑌘𑌰𑍍𑌮𑍈॒𑌤-𑌤𑍍𑌤𑍇-𑌽𑌨𑍍𑌨॑𑌮𑍇॒𑌤-𑌤𑍍𑌪𑍁𑌰𑍀॑𑌷𑌮𑍍 । 𑌤𑍇𑌨॒ 𑌵𑌰𑍍𑌧॑𑌸𑍍𑌵॒ 𑌚𑌾 𑌚॑ 𑌪𑍍𑌯𑌾𑌯𑌸𑍍𑌵 । 𑌵॒𑌰𑍍𑌧𑌿॒𑌷𑍀॒𑌮𑌹𑌿॑ 𑌚 𑌵॒𑌯𑌮𑍍 । 𑌆 𑌚॑ 𑌪𑍍𑌯𑌾𑌸𑌿𑌷𑍀॒𑌮𑌹𑌿॑ ॥ 45 ॥

𑌰𑌨𑍍𑌤𑌿॒-𑌰𑍍𑌨𑌾𑌮𑌾॑𑌸𑌿 𑌦𑌿॒𑌵𑍍𑌯𑍋 𑌗॑𑌨𑍍𑌧॒𑌰𑍍𑌵𑌃 । 𑌤𑌸𑍍𑌯॑ 𑌤𑍇 𑌪॒𑌦𑍍𑌵𑌦𑍍𑌧॑𑌵𑌿॒𑌰𑍍𑌧𑌾𑌨᳚𑌮𑍍 । 𑌅॒𑌗𑍍𑌨𑌿𑌰𑌦𑍍𑌧𑍍𑌯॑𑌕𑍍𑌷𑌾𑌃 । 𑌰𑍁॒𑌦𑍍𑌰𑍋-𑌽𑌧𑌿॑𑌪𑌤𑌿𑌃 ॥ 𑌸𑌮॒𑌹𑌮𑌾𑌯𑍁॑𑌷𑌾 । 𑌸-𑌮𑍍𑌪𑍍𑌰𑌾॒𑌣𑍇𑌨॑ ।
𑌸𑌂-𑌵𑌁𑌰𑍍𑌚॑𑌸𑌾 । 𑌸-𑌮𑍍𑌪𑌯॑𑌸𑌾 । 𑌸𑌙𑍍𑌗𑍌॑𑌪॒𑌤𑍍𑌯𑍇𑌨॑ । 𑌸𑌗𑍍𑌮𑍍 𑌰𑌾॒𑌯𑌸𑍍𑌪𑍋𑌷𑍇॑𑌣 ॥ 46 ॥

𑌵𑍍𑌯॑𑌸𑍌 । 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ । 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥
𑌅𑌚𑌿॑𑌕𑍍𑌰𑌦॒𑌦𑍍𑌵𑍃𑌷𑌾॒ 𑌹𑌰𑌿𑌃॑ । 𑌮॒𑌹𑌾-𑌨𑍍𑌮𑌿॒𑌤𑍍𑌰𑍋 𑌨 𑌦॑𑌰𑍍𑌶॒𑌤𑌃 । 𑌸𑌗𑍍𑌮𑍍 𑌸𑍂𑌰𑍍𑌯𑍇॑𑌣 𑌰𑍋𑌚𑌤𑍇 ॥ 𑌚𑌿𑌦॑𑌸𑌿 𑌸𑌮𑍁॒𑌦𑍍𑌰𑌯𑍋॑𑌨𑌿𑌃 । 𑌇𑌨𑍍𑌦𑍁॒-𑌰𑍍𑌦𑌕𑍍𑌷॑-𑌶𑍍𑌶𑍍𑌯𑍇॒𑌨 𑌋॒𑌤𑌾𑌵𑌾᳚ । 𑌹𑌿𑌰॑𑌣𑍍𑌯𑌪𑌕𑍍𑌷-𑌶𑍍𑌶𑌕𑍁॒𑌨𑍋 𑌭𑍁॑𑌰॒𑌣𑍍𑌯𑍁𑌃 । 𑌮॒𑌹𑌾𑌨𑍍-𑌥𑍍𑌸॒𑌧𑌸𑍍𑌥𑍇᳚ 𑌧𑍍𑌰𑍁॒𑌵 𑌆𑌨𑌿𑌷॑𑌤𑍍𑌤𑌃 ॥ 4𑍭 ॥

𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 ॥ 𑌵𑌿॒𑌶𑍍𑌵𑌾𑌵॑𑌸𑍁𑌗𑍍𑌮𑍍 𑌸𑍋𑌮 𑌗𑌨𑍍𑌧॒𑌰𑍍𑌵𑌮𑍍 । 𑌆𑌪𑍋॑ 𑌦𑌦𑍃॒𑌶𑍁𑌷𑍀𑌃᳚ । 𑌤𑌦𑍃॒𑌤𑍇𑌨𑌾॒ 𑌵𑍍𑌯𑌾॑𑌯𑌨𑍍𑌨𑍍 । 𑌤𑌦॒𑌨𑍍𑌵𑌵𑍈᳚𑌤𑍍 । 𑌇𑌨𑍍𑌦𑍍𑌰𑍋॑ 𑌰𑌾𑌰𑌹𑌾॒𑌣 𑌆॑𑌸𑌾𑌮𑍍 । 𑌪𑌰𑌿॒ 𑌸𑍂𑌰𑍍𑌯॑𑌸𑍍𑌯 𑌪𑌰𑌿॒𑌧𑍀𑌗𑍍𑌮𑍍 𑌰॑𑌪𑌶𑍍𑌯𑌤𑍍 ॥ 𑌵𑌿॒𑌶𑍍𑌵𑌾𑌵॑𑌸𑍁𑌰॒𑌭𑌿 𑌤𑌨𑍍𑌨𑍋॑ 𑌗𑍃𑌣𑌾𑌤𑍁 । 𑌦𑌿॒𑌵𑍍𑌯𑍋 𑌗॑𑌨𑍍𑌧॒𑌰𑍍𑌵𑍋 𑌰𑌜॑𑌸𑍋 𑌵𑌿॒𑌮𑌾𑌨𑌃॑ ।
𑌯𑌦𑍍𑌵𑌾॑ 𑌘𑌾 𑌸॒𑌤𑍍𑌯𑌮𑍁॒𑌤 𑌯𑌨𑍍𑌨 𑌵𑌿॒𑌦𑍍𑌮 ॥ 4𑍮 ॥

𑌧𑌿𑌯𑍋॑ 𑌹𑌿𑌨𑍍𑌵𑌾॒𑌨𑍋 𑌧𑌿𑌯॒ 𑌇𑌨𑍍𑌨𑍋॑ 𑌅𑌵𑍍𑌯𑌾𑌤𑍍 ॥ 𑌸𑌸𑍍𑌨𑌿॑𑌮𑌵𑌿𑌨𑍍𑌦॒𑌚𑍍𑌚𑌰॑𑌣𑍇 𑌨॒𑌦𑍀𑌨𑌾᳚𑌮𑍍 ।
𑌅𑌪𑌾॑𑌵𑍃𑌣𑍋॒-𑌦𑍍𑌦𑍁𑌰𑍋॒ 𑌅𑌶𑍍𑌮॑𑌵𑍍𑌰𑌜𑌾𑌨𑌾𑌮𑍍 । 𑌪𑍍𑌰𑌾𑌸𑌾᳚-𑌨𑍍𑌗𑌨𑍍𑌧॒𑌰𑍍𑌵𑍋 𑌅॒𑌮𑍃𑌤𑌾॑𑌨𑌿 𑌵𑍋𑌚𑌤𑍍 । 𑌇𑌨𑍍𑌦𑍍𑌰𑍋॒ 𑌦𑌕𑍍𑌷॒-𑌮𑍍𑌪𑌰𑌿॑𑌜𑌾𑌨𑌾𑌦॒𑌹𑍀𑌨᳚𑌮𑍍 ॥ 𑌏॒𑌤𑌤𑍍𑌤𑍍𑌵-𑌨𑍍𑌦𑍇॑𑌵 𑌘𑌰𑍍𑌮 𑌦𑍇॒𑌵𑍋 𑌦𑍇॒𑌵𑌾𑌨𑍁𑌪𑌾॑𑌗𑌾𑌃 ।
𑌇॒𑌦𑌮॒𑌹-𑌮𑍍𑌮॑𑌨𑍁॒𑌷𑍍𑌯𑍋॑ 𑌮𑌨𑍁॒𑌷𑍍𑌯𑌾𑌨𑍍॑ । 𑌸𑍋𑌮॑𑌪𑍀॒𑌥𑌾𑌨𑍁॒ 𑌮𑍇𑌹𑌿॑ । 𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॑𑌣 ॥
𑌸𑍁॒𑌮𑌿॒𑌤𑍍𑌰𑌾 𑌨॒ 𑌆𑌪॒ 𑌓𑌷॑𑌧𑌯-𑌸𑍍𑌸𑌨𑍍𑌤𑍁 ॥ 4𑍯 ॥

𑌦𑍁॒𑌰𑍍𑌮𑌿॒𑌤𑍍𑌰𑌾𑌸𑍍𑌤𑌸𑍍𑌮𑍈॑ 𑌭𑍂𑌯𑌾𑌸𑍁𑌃 । 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ ।
𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑌉𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑌿॒ 𑌪𑌶𑍍𑌯॑𑌨𑍍𑌤𑍋॒ 𑌜𑍍𑌯𑍋𑌤𑌿॒𑌰𑍁𑌤𑍍𑌤॑𑌰𑌮𑍍 । 𑌦𑍇॒𑌵-𑌨𑍍𑌦𑍇॑𑌵॒𑌤𑍍𑌰𑌾 𑌸𑍂𑌰𑍍𑌯॒𑌮𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌮𑍍 ॥ 𑌉𑌦𑍁॒ 𑌤𑍍𑌯-𑌞𑍍𑌜𑌾॒𑌤𑌵𑍇॑𑌦𑌸-𑌨𑍍𑌦𑍇॒𑌵𑌂-𑌵𑌁॑𑌹𑌨𑍍𑌤𑌿 𑌕𑍇॒𑌤𑌵𑌃॑ । 𑌦𑍃॒𑌶𑍇 𑌵𑌿𑌶𑍍𑌵𑌾॑𑌯॒ 𑌸𑍂𑌰𑍍𑌯᳚𑌮𑍍 । 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒-𑌮𑍁𑌦॑𑌗𑌾॒𑌦𑌨𑍀॑𑌕॒-𑌞𑍍𑌚𑌕𑍍𑌷𑍁॑ 𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒-𑌽𑌗𑍍𑌨𑍇𑌃 ॥ 𑌇॒𑌮𑌮𑍂॒ 𑌷𑍁 𑌤𑍍𑌯𑌮॒𑌸𑍍𑌮𑌭𑍍𑌯𑌗𑍍𑌮𑍍॑ 𑌸॒𑌨𑌿𑌮𑍍 । 𑌗𑌾॒𑌯॒𑌤𑍍𑌰𑌨𑍍𑌨𑌵𑍀॑𑌯𑌾𑌗𑍍𑌮𑍍𑌸𑌮𑍍 ।
𑌅𑌗𑍍𑌨𑍇॑ 𑌦𑍇॒𑌵𑍇𑌷𑍁॒ 𑌪𑍍𑌰𑌵𑍋॑𑌚𑌃 ॥ 50 ॥
(𑌯𑌾-𑌽𑌽𑌗𑍍𑌨𑍀᳚𑌦𑍍𑌧𑍍𑌰𑍇॒ 𑌤𑌾𑌨𑍍𑌤𑌾॑ 𑌏॒𑌤𑍇𑌨𑌾𑌵॑𑌯𑌜𑍇॒ 𑌸𑍍𑌵𑌾𑌹𑌾॒ – 𑌧𑌰𑍍𑌮॑𑌣𑌾 – 𑌶𑌂॒-𑌯𑍁𑌁𑌧𑌾॑𑌯𑌾𑌃 – 𑌪𑍍𑌯𑌾𑌸𑌿𑌷𑍀॒𑌮𑌹𑌿॒-𑌪𑍋𑌷𑍇॑𑌣॒-𑌨𑌿𑌷॑𑌤𑍍𑌤𑍋-𑌵𑌿॒𑌦𑍍𑌮-𑌸॑𑌨𑍍-+𑌤𑍍𑌵॒𑌷𑍍𑌟𑍌 𑌚॑) (𑌅. 11)

𑌅𑌨𑍁𑌵𑌾𑌕𑌂 12
𑌮॒𑌹𑍀॒𑌨𑌾-𑌮𑍍𑌪𑌯𑍋॑-𑌽𑌸𑌿॒ 𑌵𑌿𑌹𑌿॑𑌤-𑌨𑍍𑌦𑍇𑌵॒𑌤𑍍𑌰𑌾 ।
𑌜𑍍𑌯𑍋॒𑌤𑌿॒𑌰𑍍𑌭𑌾 𑌅॑𑌸𑌿॒ 𑌵𑌨॒𑌸𑍍𑌪𑌤𑍀॑𑌨𑌾॒𑌮𑍋𑌷॑𑌧𑍀𑌨𑌾॒𑌗𑍍𑌮𑍍॒ 𑌰𑌸𑌃॑ ।
𑌵𑌾॒𑌜𑌿𑌨॑-𑌨𑍍𑌤𑍍𑌵𑌾 𑌵𑌾॒𑌜𑌿𑌨𑍋-𑌽𑌵॑ 𑌨𑌯𑌾𑌮𑌃 ।
𑌊॒𑌰𑍍𑌧𑍍𑌵-𑌮𑍍𑌮𑌨॑-𑌸𑍍𑌸𑍁𑌵॒𑌰𑍍𑌗𑌮𑍍 ॥ 51 ॥ (𑌅. 12)

𑌅𑌨𑍁𑌵𑌾𑌕𑌂 13
𑌅𑌸𑍍𑌕𑌾॒-𑌨𑍍𑌦𑍍𑌯𑍌𑌃 𑌪𑍃॑𑌥𑌿॒𑌵𑍀𑌮𑍍 । 𑌅𑌸𑍍𑌕𑌾॑𑌨𑍃𑌷॒𑌭𑍋 𑌯𑍁𑌵𑌾॒ 𑌗𑌾𑌃 ।
𑌸𑍍𑌕॒𑌨𑍍𑌨𑍇𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾 । 𑌸𑍍𑌕॒𑌨𑍍𑌨𑍋 𑌯॒𑌜𑍍𑌞𑌃 𑌪𑍍𑌰𑌜॑𑌨𑌯𑌤𑍁 ॥ 𑌅𑌸𑍍𑌕𑌾॒𑌨𑌜॑𑌨𑌿॒ 𑌪𑍍𑌰𑌾𑌜॑𑌨𑌿 । 𑌆 𑌸𑍍𑌕॒𑌨𑍍𑌨𑌾𑌜𑍍𑌜𑌾॑𑌯𑌤𑍇॒ 𑌵𑍃𑌷𑌾᳚ ।
𑌸𑍍𑌕॒𑌨𑍍𑌨𑌾-𑌤𑍍𑌪𑍍𑌰𑌜॑𑌨𑌿𑌷𑍀𑌮𑌹𑌿 ॥ 52 ॥ (𑌅. 13)
𑌅𑌨𑍁𑌵𑌾𑌕𑌂 14
𑌯𑌾 𑌪𑍁॒𑌰𑌸𑍍𑌤𑌾᳚-𑌦𑍍𑌵𑌿॒𑌦𑍍𑌯𑍁𑌦𑌾𑌪॑𑌤𑌤𑍍 । 𑌤𑌾𑌨𑍍𑌤॑ 𑌏॒𑌤𑍇𑌨𑌾𑌵॑ 𑌯𑌜𑍇॒ 𑌸𑍍𑌵𑌾𑌹𑌾᳚ । 𑌯𑌾 𑌦॑𑌕𑍍𑌷𑌿𑌣॒𑌤𑌃 । 𑌯𑌾 𑌪॒𑌶𑍍𑌚𑌾𑌤𑍍 । 𑌯𑍋𑌤𑍍𑌤॑𑌰॒𑌤𑌃 । 𑌯𑍋𑌪𑌰𑌿॑𑌷𑍍𑌟𑌾-𑌦𑍍𑌵𑌿॒𑌦𑍍𑌯𑍁𑌦𑌾𑌪॑𑌤𑌤𑍍 । 𑌤𑌾𑌨𑍍𑌤॑ 𑌏॒𑌤𑍇𑌨𑌾𑌵॑ 𑌯𑌜𑍇॒ 𑌸𑍍𑌵𑌾𑌹𑌾᳚ ॥ 53 ॥ (𑌅. 14)

𑌅𑌨𑍁𑌵𑌾𑌕𑌂 15
𑌪𑍍𑌰𑌾॒𑌣𑌾𑌯॒ 𑌸𑍍𑌵𑌾𑌹𑌾᳚ 𑌵𑍍𑌯𑌾॒𑌨𑌾𑌯॒ 𑌸𑍍𑌵𑌾𑌹𑌾॑ 𑌽𑌪𑌾॒𑌨𑌾𑌯॒ 𑌸𑍍𑌵𑌾𑌹𑌾᳚ ।
𑌚𑌕𑍍𑌷𑍁॑𑌷𑍇॒ 𑌸𑍍𑌵𑌾𑌹𑌾॒ 𑌶𑍍𑌰𑍋𑌤𑍍𑌰𑌾॑𑌯॒ 𑌸𑍍𑌵𑌾𑌹𑌾᳚ ।
𑌮𑌨॑𑌸𑍇॒ 𑌸𑍍𑌵𑌾𑌹𑌾॑ 𑌵𑌾॒𑌚𑍇 𑌸𑌰॑𑌸𑍍𑌵𑌤𑍍𑌯𑍈॒ 𑌸𑍍𑌵𑌾𑌹𑌾᳚ ॥ 54 ॥ (𑌅. 15)

𑌅𑌨𑍁𑌵𑌾𑌕𑌂 16
𑌪𑍂॒𑌷𑍍𑌣𑍇 𑌸𑍍𑌵𑌾𑌹𑌾॑ 𑌪𑍂॒𑌷𑍍𑌣𑍇 𑌶𑌰॑𑌸𑍇॒ 𑌸𑍍𑌵𑌾𑌹𑌾᳚ ।
𑌪𑍂॒𑌷𑍍𑌣𑍇 𑌪𑍍𑌰॑𑌪॒𑌤𑍍𑌥𑍍𑌯𑌾॑𑌯॒ 𑌸𑍍𑌵𑌾𑌹𑌾॑ 𑌪𑍂॒𑌷𑍍𑌣𑍇 𑌨॒𑌰𑌨𑍍𑌧𑌿॑𑌷𑌾𑌯॒ 𑌸𑍍𑌵𑌾𑌹𑌾᳚ । 𑌪𑍂॒𑌷𑍍𑌣𑍇-𑌽𑌙𑍍𑌘𑍃॑𑌣𑌯𑍇॒ 𑌸𑍍𑌵𑌾𑌹𑌾॑ 𑌪𑍂॒𑌷𑍍𑌣𑍇 𑌨॒𑌰𑍁𑌣𑌾॑𑌯॒ 𑌸𑍍𑌵𑌾𑌹𑌾᳚ ।
𑌪𑍂॒𑌷𑍍𑌣𑍇 𑌸𑌾॑𑌕𑍇॒𑌤𑌾𑌯॒ 𑌸𑍍𑌵𑌾𑌹𑌾᳚ ॥ 55 ॥ (𑌅. 16)

𑌅𑌨𑍁𑌵𑌾𑌕𑌂 1𑍭
𑌉𑌦॑𑌸𑍍𑌯॒ 𑌶𑍁𑌷𑍍𑌮𑌾᳚-𑌦𑍍𑌭𑌾॒𑌨𑍁𑌰𑍍𑌨𑌾𑌰𑍍𑌤॒ 𑌬𑌿𑌭॑𑌰𑍍𑌤𑌿 । 𑌭𑌾॒𑌰-𑌮𑍍𑌪𑍃॑𑌥𑌿॒𑌵𑍀 𑌨 𑌭𑍂𑌮॑ । 𑌪𑍍𑌰 𑌶𑍁॒𑌕𑍍𑌰𑍈𑌤𑍁॑ 𑌦𑍇॒𑌵𑍀 𑌮॑𑌨𑍀॒𑌷𑌾 । 𑌅॒𑌸𑍍𑌮-𑌥𑍍𑌸𑍁𑌤॑𑌷𑍍𑌟𑍋॒ 𑌰𑌥𑍋॒ 𑌨 𑌵𑌾॒𑌜𑍀 । 𑌅𑌰𑍍𑌚॑𑌨𑍍𑌤॒ 𑌏𑌕𑍇॒ 𑌮𑌹𑌿॒ 𑌸𑌾𑌮॑ 𑌮𑌨𑍍𑌵𑌤 । 𑌤𑍇𑌨॒ 𑌸𑍂𑌰𑍍𑌯॑𑌮𑌧𑌾𑌰𑌯𑌨𑍍𑌨𑍍 ।
𑌤𑍇𑌨॒ 𑌸𑍂𑌰𑍍𑌯॑𑌮𑌰𑍋𑌚𑌯𑌨𑍍𑌨𑍍 । 𑌘॒𑌰𑍍𑌮-𑌶𑍍𑌶𑌿𑌰॒𑌸𑍍𑌤𑌦॒𑌯𑌮॒𑌗𑍍𑌨𑌿𑌃 ।
𑌪𑍁𑌰𑍀॑𑌷𑌮𑌸𑌿॒ 𑌸𑌮𑍍𑌪𑍍𑌰𑌿॑𑌯-𑌮𑍍𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑𑌰𑍍𑌭𑍁𑌵𑌤𑍍 । 𑌪𑍍𑌰॒𑌜𑌾𑌪𑌤𑌿॑𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾 𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 56 ॥ (𑌅. 1𑍭)

𑌅𑌨𑍁𑌵𑌾𑌕𑌂 1𑍮
𑌯𑌾𑌸𑍍𑌤𑍇॑ 𑌅𑌗𑍍𑌨 𑌆॒𑌰𑍍𑌦𑍍𑌰𑌾 𑌯𑍋𑌨॑𑌯𑍋॒ 𑌯𑌾𑌃 𑌕𑍁॑𑌲𑌾॒𑌯𑌿𑌨𑍀𑌃᳚ ।
𑌯𑍇 𑌤𑍇॑ 𑌅𑌗𑍍𑌨॒ 𑌇𑌨𑍍𑌦॑𑌵𑍋॒ 𑌯𑌾 𑌉॒ 𑌨𑌾𑌭॑𑌯𑌃 । 𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌤॒𑌨𑍁𑌵॒ 𑌊𑌰𑍍𑌜𑍋॒ 𑌨𑌾𑌮॑ । 𑌤𑌾𑌭𑌿॒𑌸𑍍𑌤𑍍𑌵𑌮𑍁॒𑌭𑌯𑍀॑𑌭𑌿-𑌸𑍍𑌸𑌂𑌵𑌿𑌁𑌦𑌾॒𑌨𑌃 । 𑌪𑍍𑌰॒𑌜𑌾𑌭𑌿॑𑌰𑌗𑍍𑌨𑍇॒ 𑌦𑍍𑌰𑌵𑌿॑𑌣𑍇॒𑌹 𑌸𑍀॑𑌦 ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 5𑍭 ॥ (𑌅. 1𑍮)

𑌅𑌨𑍁𑌵𑌾𑌕𑌂 1𑍯
𑌅॒𑌗𑍍𑌨𑌿𑌰॑𑌸𑌿 𑌵𑍈𑌶𑍍𑌵𑌾𑌨॒𑌰𑍋॑-𑌽𑌸𑌿 । 𑌸𑌂॒𑌵𑌁॒𑌥𑍍𑌸॒𑌰𑍋॑-𑌽𑌸𑌿 𑌪𑌰𑌿𑌵𑌥𑍍𑌸॒𑌰𑍋॑-𑌽𑌸𑌿 । 𑌇॒𑌦𑌾॒𑌵॒𑌥𑍍𑌸॒𑌰𑍋॑-𑌽𑌸𑍀𑌦𑍁𑌵𑌥𑍍𑌸॒𑌰𑍋॑-𑌽𑌸𑌿 । 𑌇॒𑌦𑍍𑌵॒𑌥𑍍𑌸॒𑌰𑍋॑-𑌽𑌸𑌿 𑌵𑌥𑍍𑌸॒𑌰𑍋॑-𑌽𑌸𑌿 । 𑌤𑌸𑍍𑌯॑ 𑌤𑍇 𑌵𑌸॒𑌨𑍍𑌤-𑌶𑍍𑌶𑌿𑌰𑌃॑ । 𑌗𑍍𑌰𑍀॒𑌷𑍍𑌮𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌵॒𑌰𑍍॒𑌷𑌾𑌃 𑌪𑍁𑌚𑍍𑌛᳚𑌮𑍍 ।
𑌶॒𑌰𑌦𑍁𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌹𑍇॒𑌮॒𑌨𑍍𑌤𑍋 𑌮𑌦𑍍𑌧𑍍𑌯᳚𑌮𑍍 । 𑌪𑍂॒𑌰𑍍𑌵॒𑌪॒𑌕𑍍𑌷𑌾𑌶𑍍𑌚𑌿𑌤॑𑌯𑌃 । 𑌅॒𑌪॒𑌰॒𑌪॒𑌕𑍍𑌷𑌾𑌃 𑌪𑍁𑌰𑍀॑𑌷𑌮𑍍 । 𑌅॒𑌹𑍋॒𑌰𑌾॒𑌤𑍍𑌰𑌾𑌣𑍀𑌷𑍍𑌟॑𑌕𑌾𑌃 । 𑌤𑌸𑍍𑌯॑ 𑌤𑍇॒ 𑌮𑌾𑌸𑌾᳚𑌶𑍍𑌚𑌾𑌰𑍍𑌧𑌮𑌾॒𑌸𑌾𑌶𑍍𑌚॑ 𑌕𑌲𑍍𑌪𑌨𑍍𑌤𑌾𑌮𑍍 ।
𑌋॒𑌤𑌵॑𑌸𑍍𑌤𑍇 𑌕𑌲𑍍𑌪𑌨𑍍𑌤𑌾𑌮𑍍 । 𑌸𑌂॒𑌵𑌁॒𑌥𑍍𑌸॒𑌰𑌸𑍍𑌤𑍇॑ 𑌕𑌲𑍍𑌪𑌤𑌾𑌮𑍍 ।
𑌅॒𑌹𑍋॒𑌰𑌾॒𑌤𑍍𑌰𑌾𑌣𑌿॑ 𑌤𑍇 𑌕𑌲𑍍𑌪𑌨𑍍𑌤𑌾𑌮𑍍 । 𑌏𑌤𑌿॒ 𑌪𑍍𑌰𑍇𑌤𑌿॒ 𑌵𑍀𑌤𑌿॒ 𑌸𑌮𑌿𑌤𑍍𑌯𑍁𑌦𑌿𑌤𑌿॑ ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 5𑍮 ॥
(𑌚𑌿𑌤॑𑌯𑍋॒ 𑌨𑌵॑ 𑌚) (𑌅. 1𑍯)

𑌅𑌨𑍁𑌵𑌾𑌕𑌂 20
𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌊॒𑌰𑍍𑌧𑍍𑌵 𑌊॒ 𑌷𑍁𑌣॑ 𑌊॒𑌤𑌯𑍇᳚ । 𑌊॒𑌰𑍍𑌧𑍍𑌵𑍋 𑌨𑌃॑ 𑌪𑌾॒𑌹𑍍𑌯𑌗𑍍𑌮𑍍𑌹॑𑌸𑌃 ॥
𑌵𑌿॒𑌧𑍁𑌨𑍍𑌦॑𑌦𑍍𑌰𑌾॒𑌣𑌗𑍍𑌮𑍍 𑌸𑌮॑𑌨𑍇 𑌬𑌹𑍂॒𑌨𑌾𑌮𑍍 । 𑌯𑍁𑌵𑌾॑𑌨॒𑌗𑍍𑌮𑍍॒ 𑌸𑌨𑍍𑌤॑-𑌮𑍍𑌪𑌲𑌿॒𑌤𑍋 𑌜॑𑌗𑌾𑌰 । 𑌦𑍇॒𑌵𑌸𑍍𑌯॑ 𑌪𑌶𑍍𑌯॒ 𑌕𑌾𑌵𑍍𑌯॑-𑌮𑍍𑌮𑌹𑌿॒𑌤𑍍𑌵𑌾-𑌽𑌦𑍍𑌯𑌾 𑌮॒𑌮𑌾𑌰॑ । 𑌸 𑌹𑍍𑌯॒-𑌸𑍍𑌸𑌮𑌾॑𑌨 ॥
𑌯𑌦𑍃॒𑌤𑍇 𑌚𑌿॑𑌦𑌭𑌿॒𑌶𑍍𑌰𑌿𑌷𑌃॑ । 𑌪𑍁॒𑌰𑌾 𑌜॒𑌰𑍍𑌤𑍃𑌭𑍍𑌯॑ 𑌆॒𑌤𑍃𑌦𑌃॑ ।
𑌸𑌨𑍍𑌧𑌾॑𑌤𑌾 𑌸॒𑌨𑍍𑌧𑌿-𑌮𑍍𑌮॒𑌘𑌵𑌾॑ 𑌪𑍁𑌰𑍋॒𑌵𑌸𑍁𑌃॑ ॥ 5𑍯 ॥

𑌨𑌿𑌷𑍍𑌕॑𑌰𑍍𑌤𑌾॒ 𑌵𑌿𑌹𑍍𑌰𑍁॑𑌤॒-𑌮𑍍𑌪𑍁𑌨𑌃॑ ॥ 𑌪𑍁𑌨॑𑌰𑍂॒𑌰𑍍𑌜𑌾 𑌨𑌿 𑌵॑𑌰𑍍𑌤𑌸𑍍𑌵॒ 𑌪𑍁𑌨॑𑌰𑌗𑍍𑌨 𑌇॒𑌷𑌾-𑌽𑌽𑌯𑍁॑𑌷𑌾 । 𑌪𑍁𑌨॑𑌰𑍍𑌨𑌃 𑌪𑌾𑌹𑌿 𑌵𑌿॒𑌶𑍍𑌵𑌤𑌃॑ ॥ 𑌸॒𑌹 𑌰॒𑌯𑍍𑌯𑌾 𑌨𑌿 𑌵॑𑌰𑍍𑌤॒𑌸𑍍𑌵𑌾𑌗𑍍𑌨𑍇॒ 𑌪𑌿𑌨𑍍𑌵॑𑌸𑍍𑌵॒ 𑌧𑌾𑌰॑𑌯𑌾 । 𑌵𑌿॒𑌶𑍍𑌵𑌫𑍍𑌸𑍍𑌨𑌿॑𑌯𑌾 𑌵𑌿॒𑌶𑍍𑌵𑌤॒𑌸𑍍𑌪𑌰𑌿॑ ॥ 𑌮𑌾 𑌨𑍋॑ 𑌘𑌰𑍍𑌮 𑌵𑍍𑌯𑌥𑌿॒𑌤𑍋 𑌵𑌿॑𑌵𑍍𑌯𑌥𑍋 𑌨𑌃 । 𑌮𑌾 𑌨𑌃॒ 𑌪𑌰॒𑌮𑌧॑𑌰॒𑌮𑍍𑌮𑌾 𑌰𑌜𑍋॑-𑌽𑌨𑍈𑌃 । 𑌮𑍋𑌷𑍍𑌵॑𑌸𑍍𑌮𑌾𑌗𑍍 𑌸𑍍𑌤𑌮॑𑌸𑍍𑌯𑌨𑍍𑌤॒𑌰𑌾 𑌧𑌾𑌃᳚ । 𑌮𑌾 𑌰𑍁॒𑌦𑍍𑌰𑌿𑌯𑌾॑𑌸𑍋 𑌅॒𑌭𑌿𑌗𑍁॑𑌰𑍍𑌵𑍃॒𑌧𑌾𑌨𑌃॑ ॥ 𑌮𑌾 𑌨𑌃॒ 𑌕𑍍𑌰𑌤𑍁॑𑌭𑌿𑌰𑍍-𑌹𑍀𑌡𑌿॒𑌤𑍇𑌭𑌿॑𑌰॒𑌸𑍍𑌮𑌾𑌨𑍍 । 𑌦𑍍𑌵𑌿𑌷𑌾॑ 𑌸𑍁𑌨𑍀𑌤𑍇॒ 𑌮𑌾 𑌪𑌰𑌾॑𑌦𑌾𑌃 ।
𑌮𑌾 𑌨𑍋॑ 𑌰𑍁॒𑌦𑍍𑌰𑍋 𑌨𑌿𑌰𑍍-𑌋॑𑌤𑌿॒𑌰𑍍𑌮𑌾 𑌨𑍋॒ 𑌅𑌸𑍍𑌤𑌾᳚ ।
𑌮𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌹𑍀॑𑌡𑌿𑌷𑌾𑌤𑌾𑌮𑍍 ॥ 60 ॥

𑌉𑌪॑ 𑌨𑍋 𑌮𑌿𑌤𑍍𑌰𑌾𑌵𑌰𑍁𑌣𑌾𑌵𑌿॒𑌹𑌾𑌵॑𑌤𑌮𑍍 । 𑌅॒𑌨𑍍𑌵𑌾𑌦𑍀᳚𑌦𑍍𑌧𑍍𑌯𑌾𑌥𑌾𑌮𑌿॒𑌹 𑌨॑-𑌸𑍍𑌸𑌖𑌾𑌯𑌾 । 𑌆॒𑌦𑌿॒𑌤𑍍𑌯𑌾𑌨𑌾॒-𑌮𑍍𑌪𑍍𑌰𑌸𑌿॑𑌤𑌿𑌰𑍍𑌹𑍇॒𑌤𑌿𑌃 । 𑌉॒𑌗𑍍𑌰𑌾 𑌶॒𑌤𑌾𑌪𑌾᳚𑌷𑍍𑌠𑌾 𑌘॒ 𑌵𑌿𑌷𑌾॒ 𑌪𑌰𑌿॑𑌣𑍋 𑌵𑍃𑌣𑌕𑍍𑌤𑍁 ॥
𑌇॒𑌮-𑌮𑍍𑌮𑍇॑ 𑌵𑌰𑍁𑌣 𑌶𑍍𑌰𑍁𑌧𑍀॒ 𑌹𑌵॑𑌮॒𑌦𑍍𑌯𑌾 𑌚॑ 𑌮𑍃𑌡𑌯 । 𑌤𑍍𑌵𑌾𑌮॑𑌵॒𑌸𑍍𑌯𑍁𑌰𑌾 𑌚॑𑌕𑍇 ॥ 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒-𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌦𑍍𑌧𑍍𑌯𑍁𑌰𑍁॑𑌶𑌗𑍍𑌮𑍍𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ 𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒ 𑌵𑌰𑍁॑𑌣𑌸𑍍𑌯 𑌵𑌿॒𑌦𑍍𑌵𑌾-𑌨𑍍𑌦𑍇॒𑌵𑌸𑍍𑌯॒ 𑌹𑍇𑌡𑍋-𑌽𑌵॑ 𑌯𑌾𑌸𑌿 𑌸𑍀𑌷𑍍𑌠𑌾𑌃 । 𑌯𑌜𑌿॑𑌷𑍍𑌠𑍋॒ 𑌵𑌹𑍍𑌨𑌿॑ 𑌤𑌮॒-𑌶𑍍𑌶𑍋𑌶𑍁॑𑌚𑌾𑌨𑍋॒ 𑌵𑌿𑌶𑍍𑌵𑌾॒ 𑌦𑍍𑌵𑍇𑌷𑌾𑌗𑍍𑌮𑍍॑𑌸𑌿॒ 𑌪𑍍𑌰𑌮𑍁॑𑌮𑍁𑌗𑍍𑌧𑍍𑌯॒𑌸𑍍𑌮𑌤𑍍 ॥
𑌸 𑌤𑍍𑌵𑌨𑍍𑌨𑍋॑ 𑌅𑌨𑍍𑌗𑍇-𑌽𑌵॒𑌮𑍋 𑌭॑𑌵𑍋॒𑌤𑍀 𑌨𑍇𑌦𑌿॑𑌷𑍍𑌠𑍋 𑌅॒𑌸𑍍𑌯𑌾 𑌉॒𑌷𑌸𑍋॒ 𑌵𑍍𑌯𑍁॑𑌷𑍍𑌟𑍌 । 𑌅𑌵॑ 𑌯𑌕𑍍𑌷𑍍𑌵 𑌨𑍋॒ 𑌵𑌰𑍁॑𑌣॒𑌗𑍍𑌮𑍍॒ 𑌰𑌰𑌾॑𑌣𑍋 𑌵𑍀॒𑌹𑌿 𑌮𑍃॑𑌡𑍀॒𑌕𑌗𑍍𑌮𑍍 𑌸𑍁॒𑌹𑌵𑍋॑ 𑌨 𑌏𑌧𑌿 ॥ 𑌤𑍍𑌵𑌮॑𑌗𑍍𑌨𑍇 𑌅॒𑌯𑌾-𑌽𑌸𑌿॑ । 𑌅॒𑌯𑌾 𑌸𑌨𑍍𑌮𑌨॑𑌸𑌾 𑌹𑌿॒𑌤𑌃 । 𑌅॒𑌯𑌾 𑌸𑌨𑌃𑌅॒𑌵𑍍𑌯𑌮𑍂॑𑌹𑌿𑌷𑍇 । 𑌅॒𑌯𑌾 𑌨𑍋॑ 𑌧𑍇𑌹𑌿 𑌭𑍇𑌷॒𑌜𑌮𑍍 । 𑌇॒𑌷𑍍𑌟𑍋 𑌅॒𑌗𑍍𑌨𑌿𑌰𑌾𑌹𑍁॑𑌤𑌃 । 𑌸𑍍𑌵𑌾𑌹𑌾॑𑌕𑍃𑌤𑌃 𑌪𑌿𑌪𑌰𑍍𑌤𑍁 𑌨𑌃 । 𑌸𑍍𑌵॒𑌗𑌾 𑌦𑍇॒𑌵𑍇𑌭𑍍𑌯॑ 𑌇॒𑌦-𑌨𑍍𑌨𑌮𑌃॑ ॥
𑌉𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑌿॒ 𑌪𑌶𑍍𑌯॑𑌨𑍍𑌤𑍋॒ 𑌜𑍍𑌯𑍋𑌤𑌿॒𑌰𑍁𑌤𑍍𑌤॑𑌰𑌮𑍍 । 𑌦𑍇॒𑌵-𑌨𑍍𑌦𑍇॑𑌵॒𑌤𑍍𑌰𑌾 𑌸𑍂𑌰𑍍𑌯॒𑌮𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌮𑍍 ॥ 𑌉𑌦𑍁॒ 𑌤𑍍𑌯-𑌞𑍍𑌜𑌾॒𑌤𑌵𑍇॑𑌦𑌸-𑌨𑍍𑌦𑍇॒𑌵𑌂-𑌵𑌁॑𑌹𑌨𑍍𑌤𑌿 𑌕𑍇॒𑌤𑌵𑌃॑ । 𑌦𑍃॒𑌶𑍇 𑌵𑌿𑌶𑍍𑌵𑌾॑𑌯॒ 𑌸𑍂𑌰𑍍𑌯᳚𑌮𑍍 । 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒-𑌮𑍁𑌦॑𑌗𑌾॒𑌦𑌨𑍀॑𑌕॒-𑌞𑍍𑌚𑌕𑍍𑌷𑍁॑ 𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒-𑌽𑌗𑍍𑌨𑍇𑌃 ॥
𑌵𑌯॑-𑌸𑍍𑌸𑍁𑌪॒𑌰𑍍𑌣𑌾 𑌉𑌪॑𑌸𑍇𑌦𑍁॒𑌰𑌿𑌨𑍍𑌦𑍍𑌰᳚𑌮𑍍 । 𑌪𑍍𑌰𑌿॒𑌯𑌮𑍇॑𑌧𑌾॒ 𑌋𑌷॑𑌯𑍋॒ 𑌨𑌾𑌧॑𑌮𑌾𑌨𑌾𑌃 । 𑌅𑌪॑ 𑌧𑍍𑌵𑌾॒𑌨𑍍𑌤𑌮𑍂᳚𑌰𑍍𑌣𑍁॒𑌹𑌿 𑌪𑍂॒𑌰𑍍𑌧𑌿 𑌚𑌕𑍍𑌷𑍁𑌃॑ । 𑌮𑍁॒𑌮𑍁॒𑌗𑍍𑌧𑍍𑌯॑𑌸𑍍𑌮𑌾-𑌨𑍍𑌨𑌿॒𑌧𑌯𑍇॑𑌵 𑌬॒𑌦𑍍𑌧𑌾𑌨𑍍 ॥ 61 ॥
(𑌪𑍁॒𑌰𑍋॒𑌵𑌸𑍁॑𑌰𑍍𑌹𑍀𑌡𑌿𑌷𑌾𑌤𑌾𑌗𑍍𑌮𑍍 𑌸𑍁𑌪॒𑌰𑍍𑌣𑌾𑌃) (𑌅. 20)

𑌅𑌨𑍁𑌵𑌾𑌕𑌂 21
𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌮𑌯𑌿॒ 𑌤𑍍𑌯𑌦𑌿॑𑌨𑍍𑌦𑍍𑌰𑌿॒𑌯-𑌮𑍍𑌮॒𑌹𑌤𑍍 । 𑌮𑌯𑌿॒ 𑌦𑌕𑍍𑌷𑍋॒ 𑌮𑌯𑌿॒ 𑌕𑍍𑌰𑌤𑍁𑌃॑ । 𑌮𑌯𑌿॑ 𑌧𑌾𑌯𑌿 𑌸𑍁॒𑌵𑍀𑌰𑍍𑌯᳚𑌮𑍍 । 𑌤𑍍𑌰𑌿𑌶𑍁॑𑌗𑍍𑌘॒𑌰𑍍𑌮𑍋 𑌵𑌿𑌭𑌾॑𑌤𑍁 𑌮𑍇 । 𑌆𑌕𑍂᳚𑌤𑍍𑌯𑌾॒ 𑌮𑌨॑𑌸𑌾 𑌸॒𑌹 ।
𑌵𑌿॒𑌰𑌾𑌜𑌾॒ 𑌜𑍍𑌯𑍋𑌤𑌿॑𑌷𑌾 𑌸॒𑌹 । 𑌯॒𑌜𑍍𑌞𑍇𑌨॒ 𑌪𑌯॑𑌸𑌾 𑌸॒𑌹 । 𑌬𑍍𑌰𑌹𑍍𑌮॑𑌣𑌾॒ 𑌤𑍇𑌜॑𑌸𑌾 𑌸॒𑌹 । 𑌕𑍍𑌷॒𑌤𑍍𑌰𑍇𑌣॒ 𑌯𑌶॑𑌸𑌾 𑌸॒𑌹 । 𑌸॒𑌤𑍍𑌯𑍇𑌨॒ 𑌤𑌪॑𑌸𑌾 𑌸॒𑌹 । 𑌤𑌸𑍍𑌯॒ 𑌦𑍋𑌹॑𑌮𑌶𑍀𑌮𑌹𑌿 ।
𑌤𑌸𑍍𑌯॑ 𑌸𑍁॒𑌮𑍍𑌨𑌮॑𑌶𑍀𑌮𑌹𑌿 । 𑌤𑌸𑍍𑌯॑ 𑌭॒𑌕𑍍𑌷𑌮॑𑌶𑍀𑌮𑌹𑌿 ।
𑌤𑌸𑍍𑌯॑ 𑌤॒ 𑌇𑌨𑍍𑌦𑍍𑌰𑍇॑𑌣 𑌪𑍀॒𑌤𑌸𑍍𑌯॒ 𑌮𑌧𑍁॑𑌮𑌤𑌃 ।
𑌉𑌪॑𑌹𑍂𑌤॒𑌸𑍍𑌯𑍋𑌪॑𑌹𑍂𑌤𑍋 𑌭𑌕𑍍𑌷𑌯𑌾𑌮𑌿 ॥ 62 ॥
(𑌯𑌶॑𑌸𑌾 𑌸॒𑌹 𑌷𑌟𑍍𑌚॑) (𑌅. 21)

𑌅𑌨𑍁𑌵𑌾𑌕𑌂 22
𑌯𑌾𑌸𑍍𑌤𑍇॑ 𑌅𑌗𑍍𑌨𑍇 𑌘𑍋॒𑌰𑌾𑌸𑍍𑌤॒𑌨𑍁𑌵𑌃॑ । 𑌕𑍍𑌷𑍁𑌚𑍍𑌚॒ 𑌤𑍃𑌷𑍍𑌣𑌾॑ 𑌚 । 𑌅𑌸𑍍𑌨𑍁॒𑌕𑍍𑌚𑌾𑌨𑌾॑𑌹𑍁𑌤𑌿𑌶𑍍𑌚 । 𑌅॒𑌶॒𑌨॒𑌯𑌾 𑌚॑ 𑌪𑌿𑌪𑌾॒𑌸𑌾 𑌚॑ । 𑌸𑍇॒𑌦𑌿𑌶𑍍𑌚𑌾𑌮॑𑌤𑌿𑌶𑍍𑌚 । 𑌏॒𑌤𑌾𑌸𑍍𑌤𑍇॑ 𑌅𑌗𑍍𑌨𑍇 𑌘𑍋॒𑌰𑌾𑌸𑍍𑌤॒𑌨𑍁𑌵𑌃॑ ।
𑌤𑌾𑌭𑌿॑𑌰॒𑌮𑍁𑌙𑍍𑌗॑𑌚𑍍𑌛 । 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ ।
𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 63 ॥ (𑌅. 22)

𑌅𑌨𑍁𑌵𑌾𑌕𑌂 23
𑌸𑍍𑌨𑌿𑌕𑍍𑌚॒ 𑌸𑍍𑌨𑍀𑌹𑌿॑𑌤𑌿𑌶𑍍𑌚॒ 𑌸𑍍𑌨𑌿𑌹𑌿॑𑌤𑌿𑌶𑍍𑌚 । 𑌉॒𑌷𑍍𑌣𑌾 𑌚॑ 𑌶𑍀॒𑌤𑌾 𑌚॑ ।
𑌉॒𑌗𑍍𑌰𑌾 𑌚॑ 𑌭𑍀॒𑌮𑌾 𑌚॑ । 𑌸॒𑌦𑌾𑌮𑍍𑌨𑍀॑ 𑌸𑍇॒𑌦𑌿𑌰𑌨𑌿॑𑌰𑌾 । 𑌏॒𑌤𑌾𑌸𑍍𑌤𑍇॑ 𑌅𑌗𑍍𑌨𑍇 𑌘𑍋॒𑌰𑌾𑌸𑍍𑌤॒𑌨𑍁𑌵𑌃॑ । 𑌤𑌾𑌭𑌿॑𑌰॒𑌮𑍁𑌙𑍍𑌗॑𑌚𑍍𑌛 । 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ । 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 64 ॥ (𑌅. 23)

𑌅𑌨𑍁𑌵𑌾𑌕𑌂 24
𑌧𑍁𑌨𑌿॑𑌶𑍍𑌚 𑌧𑍍𑌵𑌾॒𑌨𑍍𑌤𑌶𑍍𑌚॑ 𑌧𑍍𑌵॒𑌨𑌶𑍍𑌚॑ 𑌧𑍍𑌵॒𑌨𑌯𑌗𑍍𑌗𑍍॑𑌶𑍍𑌚 ।
𑌨𑌿॒𑌲𑌿॒𑌮𑍍𑌪𑌶𑍍𑌚॑ 𑌵𑌿𑌲𑌿॒𑌮𑍍𑌪𑌶𑍍𑌚॑ 𑌵𑌿𑌕𑍍𑌷𑌿॒𑌪𑌃 ॥ 65 ॥ (𑌅. 24)

𑌅𑌨𑍁𑌵𑌾𑌕𑌂 25
𑌉॒𑌗𑍍𑌰𑌶𑍍𑌚॒ 𑌧𑍁𑌨𑌿॑𑌶𑍍𑌚 𑌧𑍍𑌵𑌾॒𑌨𑍍𑌤𑌶𑍍𑌚॑ 𑌧𑍍𑌵॒𑌨𑌶𑍍𑌚॑ 𑌧𑍍𑌵॒𑌨𑌯𑌗𑍍𑌗𑍍॑𑌶𑍍𑌚 । 𑌸॒𑌹॒𑌸॒𑌹𑍍𑌵𑌾𑌗𑍍𑌶𑍍𑌚॒ 𑌸𑌹॑𑌮𑌾𑌨𑌶𑍍𑌚॒ 𑌸𑌹॑𑌸𑍍𑌵𑌾𑌗𑍍𑌶𑍍𑌚॒ 𑌸𑌹𑍀॑𑌯𑌾𑌗𑍍𑌶𑍍𑌚 ।
𑌏𑌤𑍍𑌯॒ 𑌪𑍍𑌰𑍇𑌤𑍍𑌯॑ 𑌵𑌿𑌕𑍍𑌷𑌿॒𑌪𑌃 ॥ 66 ॥ (𑌅. 25)

𑌅𑌨𑍁𑌵𑌾𑌕𑌂 26
𑌅॒𑌹𑍋॒𑌰𑌾॒𑌤𑍍𑌰𑍇 𑌤𑍍𑌵𑍋𑌦𑍀॑𑌰𑌯𑌤𑌾𑌮𑍍 । 𑌅॒𑌰𑍍𑌧॒𑌮𑌾॒𑌸𑌾𑌸𑍍𑌤𑍍𑌵𑍋𑌦𑍀᳚-𑌞𑍍𑌜𑌯𑌨𑍍𑌤𑍁 । 𑌮𑌾𑌸𑌾᳚𑌸𑍍𑌤𑍍𑌵𑌾 𑌶𑍍𑌰𑌪𑌯𑌨𑍍𑌤𑍁 । 𑌋॒𑌤𑌵॑𑌸𑍍𑌤𑍍𑌵𑌾 𑌪𑌚𑌨𑍍𑌤𑍁 ।
𑌸𑌂॒𑌵𑌁॒𑌥𑍍𑌸॒𑌰𑌸𑍍𑌤𑍍𑌵𑌾॑ 𑌹𑌨𑍍𑌤𑍍𑌵𑌸𑍌 ॥ 6𑍭 ॥ (𑌅. 26)

𑌅𑌨𑍁𑌵𑌾𑌕𑌂 2𑍭
𑌖𑌟𑍍 𑌫-𑌡𑍍𑌜॒𑌹𑌿 । 𑌛𑌿॒𑌨𑍍𑌧𑍀 𑌭𑌿॒𑌨𑍍𑌧𑍀 𑌹॒𑌨𑍍𑌧𑍀 𑌕𑌟𑍍 ।
𑌇𑌤𑌿॒ 𑌵𑌾𑌚𑌃॑ 𑌕𑍍𑌰𑍂𑌰𑌾॒𑌣𑌿 ॥ 6𑍮 ॥ (𑌅. 2𑍭)

𑌅𑌨𑍁𑌵𑌾𑌕𑌂 2𑍮
𑌵𑌿𑌗𑌾 𑌇॑𑌨𑍍𑌦𑍍𑌰 𑌵𑌿॒𑌚𑌰᳚𑌨𑍍-𑌥𑍍𑌸𑍍𑌪𑌾𑌶𑌯𑌸𑍍𑌵 । 𑌸𑍍𑌵॒𑌪𑌨𑍍𑌤॑𑌮𑌿𑌨𑍍𑌦𑍍𑌰 𑌪𑌶𑍁॒𑌮𑌨𑍍𑌤॑𑌮𑌿𑌚𑍍𑌛 । 𑌵𑌜𑍍𑌰𑍇॑𑌣𑌾॒𑌮𑍁-𑌮𑍍𑌬𑍋॑𑌧𑌯 𑌦𑍁𑌰𑍍𑌵𑌿॒𑌦𑌤𑍍𑌰᳚𑌮𑍍 । 𑌸𑍍𑌵॒𑌪॒𑌤𑍋᳚-𑌽𑌸𑍍𑌯॒ 𑌪𑍍𑌰𑌹॑𑌰॒ 𑌭𑍋𑌜॑𑌨𑍇𑌭𑍍𑌯𑌃 ॥
𑌅𑌗𑍍𑌨𑍇॑ 𑌅॒𑌗𑍍𑌨𑌿𑌨𑌾॒ 𑌸𑌂𑌵𑌁॑𑌦𑌸𑍍𑌵 । 𑌮𑍃𑌤𑍍𑌯𑍋॑ 𑌮𑍃॒𑌤𑍍𑌯𑍁𑌨𑌾॒ 𑌸𑌂𑌵𑌁॑𑌦𑌸𑍍𑌵 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌭𑌗𑌵𑌃 ॥ 𑌸॒𑌕𑍃𑌤𑍍𑌤𑍇॑ 𑌅𑌗𑍍𑌨𑍇॒ 𑌨𑌮𑌃॑ । 𑌦𑍍𑌵𑌿𑌸𑍍𑌤𑍇॒ 𑌨𑌮𑌃॑ । 𑌤𑍍𑌰𑌿𑌸𑍍𑌤𑍇॒ 𑌨𑌮𑌃॑ । 𑌚॒𑌤𑍁𑌸𑍍𑌤𑍇॒ 𑌨𑌮𑌃॑ । 𑌪॒𑌞𑍍𑌚॒𑌕𑍃𑌤𑍍𑌵॑𑌸𑍍𑌤𑍇॒ 𑌨𑌮𑌃॑ ।
𑌦॒𑌶॒𑌕𑍃𑌤𑍍𑌵॑𑌸𑍍𑌤𑍇॒ 𑌨𑌮𑌃॑ । 𑌶॒𑌤॒𑌕𑍃𑌤𑍍𑌵॑𑌸𑍍𑌤𑍇॒ 𑌨𑌮𑌃॑ । 𑌆॒𑌸॒𑌹॒𑌸𑍍𑌰॒𑌕𑍃𑌤𑍍𑌵॑𑌸𑍍𑌤𑍇॒ 𑌨𑌮𑌃॑ । 𑌅॒𑌪॒𑌰𑌿॒𑌮𑌿॒𑌤॒𑌕𑍃𑌤𑍍𑌵॑𑌸𑍍𑌤𑍇॒ 𑌨𑌮𑌃॑ । 𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍𑌮𑍍𑌸𑍀𑌃 ॥ 6𑍯 ॥
(𑌤𑍍𑌰𑌿𑌸𑍍𑌤𑍇॒ 𑌨𑌮॑-𑌸𑍍𑌸॒𑌪𑍍𑌤 𑌚॑) (𑌅. 2𑍮)

𑌅𑌨𑍁𑌵𑌾𑌕𑌂 2𑍯
𑌅𑌸𑍃॑-𑌨𑍍𑌮𑍁𑌖𑍋 𑌰𑍁𑌧𑌿॒𑌰𑍇𑌣𑌾॒𑌵𑍍𑌯॑𑌕𑍍𑌤𑌃 । 𑌯॒𑌮𑌸𑍍𑌯॑ 𑌦𑍂॒𑌤-𑌶𑍍𑌶𑍍𑌵𑌪𑌾॒-𑌦𑍍𑌵𑌿𑌧𑌾॑𑌵𑌸𑌿 । 𑌗𑍃𑌦𑍍𑌧𑍍𑌰॑-𑌸𑍍𑌸𑍁𑌪॒𑌰𑍍𑌣𑌃 𑌕𑍁॒𑌣𑌪॒𑌨𑍍𑌨𑌿𑌷𑍇॑𑌵𑌸𑍇 ।
𑌯॒𑌮𑌸𑍍𑌯॑ 𑌦𑍂॒𑌤𑌃 𑌪𑍍𑌰𑌹𑌿॑𑌤𑍋 𑌭॒𑌵𑌸𑍍𑌯॑ 𑌚𑍋॒𑌭𑌯𑍋𑌃᳚ ॥ 𑍭0 ॥ (𑌅. 2𑍯)

𑌅𑌨𑍁𑌵𑌾𑌕𑌂 30
𑌯𑌦𑍇॒𑌤-𑌦𑍍𑌵𑍃॑𑌕॒𑌸𑍋 𑌭𑍂॒𑌤𑍍𑌵𑌾 । 𑌵𑌾𑌗𑍍 𑌦𑍇᳚𑌵𑍍𑌯𑌭𑌿॒𑌰𑌾𑌯॑𑌸𑌿 । 𑌦𑍍𑌵𑌿॒𑌷𑌨𑍍𑌤॑-𑌮𑍍𑌮𑍇॒-𑌽𑌭𑌿𑌰𑌾॑𑌯 । 𑌤-𑌮𑍍𑌮𑍃॑𑌤𑍍𑌯𑍋 𑌮𑍃॒𑌤𑍍𑌯𑌵𑍇॑ 𑌨𑌯 । 𑌸 𑌆𑌰𑍍𑌤𑍍𑌯𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍁 ॥ 𑍭1 ॥ (𑌅. 30)

𑌅𑌨𑍁𑌵𑌾𑌕𑌂 31
𑌯𑌦𑍀॑𑌷𑌿॒𑌤𑍋 𑌯𑌦𑌿॑ 𑌵𑌾 𑌸𑍍𑌵𑌕𑌾॒𑌮𑍀 । 𑌭॒𑌯𑍇𑌡॑𑌕𑍋॒ 𑌵𑌦॑𑌤𑌿॒ 𑌵𑌾𑌚॑𑌮𑍇॒𑌤𑌾𑌮𑍍 । 𑌤𑌾𑌮𑌿॑𑌨𑍍𑌦𑍍𑌰𑌾॒𑌗𑍍𑌨𑍀 𑌬𑍍𑌰𑌹𑍍𑌮॑𑌣𑌾 𑌸𑌂𑌵𑌿𑌁𑌦𑌾॒𑌨𑍌 ।
𑌶𑌿॒𑌵𑌾𑌮॒𑌸𑍍𑌮𑌭𑍍𑌯॑-𑌙𑍍𑌕𑍃𑌣𑍁𑌤𑌙𑍍𑌗𑍃॒𑌹𑍇𑌷𑍁॑ ॥ 𑍭2 ॥ (𑌅. 31)

𑌅𑌨𑍁𑌵𑌾𑌕𑌂 32
𑌦𑍀𑌰𑍍𑌘॑𑌮𑍁𑌖𑌿॒ 𑌦𑍁𑌰𑍍𑌹॑𑌣𑍁 । 𑌮𑌾 𑌸𑍍𑌮॑ 𑌦𑌕𑍍𑌷𑌿𑌣॒𑌤𑍋 𑌵॑𑌦𑌃 ।
𑌯𑌦𑌿॑ 𑌦𑌕𑍍𑌷𑌿𑌣॒𑌤𑍋 𑌵𑌦𑌾᳚-𑌦𑍍𑌦𑍍𑌵𑌿॒𑌷𑌨𑍍𑌤॒-𑌮𑍍𑌮𑍇-𑌽𑌵॑ 𑌬𑌾𑌧𑌾𑌸𑍈 ॥ 𑍭3 ॥ (𑌅. 32)

𑌅𑌨𑍁𑌵𑌾𑌕𑌂 33
𑌇॒𑌤𑍍𑌥𑌾𑌦𑍁𑌲𑍂॑𑌕॒ 𑌆𑌪॑𑌪𑍍𑌤𑌤𑍍 । 𑌹𑌿॒𑌰॒𑌣𑍍𑌯𑌾॒𑌕𑍍𑌷𑍋 𑌅𑌯𑍋॑𑌮𑍁𑌖𑌃 ।
𑌰𑌕𑍍𑌷॑𑌸𑌾𑌨𑍍𑌦𑍂॒𑌤 𑌆𑌗॑𑌤𑌃 । 𑌤𑌮𑌿॒𑌤𑍋 𑌨𑌾॑𑌶𑌯𑌾𑌗𑍍𑌨𑍇 ॥ 𑍭4 ॥ (𑌅. 33)

𑌅𑌨𑍁𑌵𑌾𑌕𑌂 34
𑌯𑌦𑍇॒𑌤-𑌦𑍍𑌭𑍂॒𑌤𑌾𑌨𑍍𑌯॑𑌨𑍍𑌵𑌾॒𑌵𑌿𑌶𑍍𑌯॑ । 𑌦𑍈𑌵𑍀𑌂॒-𑌵𑌾𑌁𑌚𑌂॑-𑌵𑌁॒𑌦𑌸𑌿॑ । 𑌦𑍍𑌵𑌿॒𑌷𑌤𑍋॑ 𑌨𑌃॒ 𑌪𑌰𑌾॑𑌵𑌦 । 𑌤𑌾-𑌨𑍍𑌮𑍃॑𑌤𑍍𑌯𑍋 𑌮𑍃॒𑌤𑍍𑌯𑌵𑍇॑ 𑌨𑌯 । 𑌤 𑌆𑌰𑍍𑌤𑍍𑌯𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌨𑍍𑌤𑍁 ।
𑌅॒𑌗𑍍𑌨𑌿𑌨𑌾॒-𑌽𑌗𑍍𑌨𑌿-𑌸𑍍𑌸𑌂𑌵𑌁॑𑌦𑌤𑌾𑌮𑍍 ॥ 𑍭5 ॥ (𑌅. 34)
𑌅𑌨𑍁𑌵𑌾𑌕𑌂 35
𑌪𑍍𑌰॒𑌸𑌾𑌰𑍍𑌯॑ 𑌸॒𑌕𑍍𑌥𑍍𑌯𑍌॑ 𑌪𑌤॑𑌸𑌿 । 𑌸॒𑌵𑍍𑌯𑌮𑌕𑍍𑌷𑌿॑ 𑌨𑌿॒𑌪𑍇𑌪𑌿॑ 𑌚 ।
𑌮𑍇𑌹 𑌕॑𑌸𑍍𑌯𑌚॒𑌨𑌾𑌮॑𑌮𑌤𑍍 ॥ 𑍭6 ॥ (𑌅. 35)

𑌅𑌨𑍁𑌵𑌾𑌕𑌂 36
𑌅𑌤𑍍𑌰𑌿॑𑌣𑌾 𑌤𑍍𑌵𑌾 𑌕𑍍𑌰𑌿𑌮𑍇 𑌹𑌨𑍍𑌮𑌿 । 𑌕𑌣𑍍𑌵𑍇॑𑌨 𑌜॒𑌮𑌦॑𑌗𑍍𑌨𑌿𑌨𑌾 ।
𑌵𑌿॒𑌶𑍍𑌵𑌾𑌵॑𑌸𑍋॒-𑌰𑍍𑌬𑍍𑌰𑌹𑍍𑌮॑𑌣𑌾 𑌹॒𑌤𑌃 । 𑌕𑍍𑌰𑌿𑌮𑍀॑𑌣𑌾॒𑌗𑍍𑌮𑍍॒ 𑌰𑌾𑌜𑌾᳚ ।
𑌅𑌪𑍍𑌯𑍇॑𑌷𑌾𑌗𑍍 𑌸𑍍𑌥॒𑌪𑌤𑌿॑𑌰𑍍𑌹॒𑌤𑌃 । 𑌅𑌥𑍋॑ 𑌮𑌾॒𑌤𑌾-𑌽𑌥𑍋॑ 𑌪𑌿॒𑌤𑌾 ।
𑌅𑌥𑍋᳚ 𑌸𑍍𑌥𑍂॒𑌰𑌾 𑌅𑌥𑍋᳚ 𑌕𑍍𑌷𑍁॒𑌦𑍍𑌰𑌾𑌃 । 𑌅𑌥𑍋॑ 𑌕𑍃॒𑌷𑍍𑌣𑌾 𑌅𑌥𑍋᳚ 𑌶𑍍𑌵𑍇॒𑌤𑌾𑌃 । 𑌅𑌥𑍋॑ 𑌆॒𑌶𑌾𑌤𑌿॑𑌕𑌾 𑌹॒𑌤𑌾𑌃 ।
𑌶𑍍𑌵𑍇॒𑌤𑌾𑌭𑌿॑-𑌸𑍍𑌸॒𑌹 𑌸𑌰𑍍𑌵𑍇॑ 𑌹॒𑌤𑌾𑌃 ॥ 𑍭𑍭 ॥ (𑌅. 36)

𑌅𑌨𑍁𑌵𑌾𑌕𑌂 3𑍭
𑌆𑌹॒𑌰𑌾𑌵॑𑌦𑍍𑌯 । 𑌶𑍃॒𑌤𑌸𑍍𑌯॑ 𑌹॒𑌵𑌿𑌷𑍋॒ 𑌯𑌥𑌾᳚ । 𑌤-𑌥𑍍𑌸॒𑌤𑍍𑌯𑌮𑍍 ।
𑌯𑌦॒𑌮𑍁𑌂-𑌯𑌁॒𑌮𑌸𑍍𑌯॒ 𑌜𑌮𑍍𑌭॑𑌯𑍋𑌃 । 𑌆𑌦॑𑌧𑌾𑌮𑌿॒ 𑌤𑌥𑌾॒ 𑌹𑌿 𑌤𑌤𑍍 । 𑌖𑌣𑍍𑌫𑌣𑍍𑌮𑍍𑌰𑌸𑌿॑ ॥ 𑍭𑍮 ॥ (𑌅. 3𑍭)

𑌅𑌨𑍁𑌵𑌾𑌕𑌂 3𑍮
𑌬𑍍𑌰𑌹𑍍𑌮॑𑌣𑌾 𑌤𑍍𑌵𑌾 𑌶𑌪𑌾𑌮𑌿 । 𑌬𑍍𑌰𑌹𑍍𑌮॑𑌣𑌸𑍍𑌤𑍍𑌵𑌾 𑌶॒𑌪𑌥𑍇॑𑌨 𑌶𑌪𑌾𑌮𑌿 । 𑌘𑍋॒𑌰𑍇𑌣॑ 𑌤𑍍𑌵𑌾॒ 𑌭𑍃𑌗𑍂॑𑌣𑌾॒𑌞𑍍𑌚𑌕𑍍𑌷𑍁॑𑌷𑌾॒ 𑌪𑍍𑌰𑍇𑌕𑍍𑌷𑍇᳚ । 𑌰𑍌॒𑌦𑍍𑌰𑍇𑌣॒ 𑌤𑍍𑌵𑌾𑌙𑍍𑌗𑌿॑𑌰𑌸𑌾॒-𑌮𑍍𑌮𑌨॑𑌸𑌾 𑌧𑍍𑌯𑌾𑌯𑌾𑌮𑌿 ।
𑌅॒𑌘𑌸𑍍𑌯॑ 𑌤𑍍𑌵𑌾॒ 𑌧𑌾𑌰॑𑌯𑌾 𑌵𑌿𑌦𑍍𑌧𑍍𑌯𑌾𑌮𑌿 ।
𑌅𑌧॑𑌰𑍋॒ 𑌮-𑌤𑍍𑌪॑𑌦𑍍𑌯𑌸𑍍𑌵𑌾𑌸𑍌 ॥ 𑍭𑍯 ॥ (𑌅. 3𑍮)

𑌅𑌨𑍁𑌵𑌾𑌕𑌂 3𑍯
𑌉𑌤𑍍𑌤𑍁॑𑌦 𑌶𑌿𑌮𑌿𑌜𑌾𑌵𑌰𑌿 । 𑌤𑌲𑍍𑌪𑍇॑𑌜𑍇॒ 𑌤𑌲𑍍𑌪॒ 𑌉𑌤𑍍𑌤𑍁॑𑌦 । 𑌗𑌿॒𑌰𑍀𑌗𑍍𑌮𑍍 𑌰𑌨𑍁॒ 𑌪𑍍𑌰𑌵𑍇॑𑌶𑌯 । 𑌮𑌰𑍀॑𑌚𑍀॒𑌰𑍁𑌪॒ 𑌸𑌨𑍍𑌨𑍁॑𑌦 ।
𑌯𑌾𑌵॑𑌦𑌿॒𑌤𑌃 𑌪𑍁॒𑌰𑌸𑍍𑌤𑌾॑𑌦𑍁॒𑌦𑌯𑌾॑𑌤𑌿॒ 𑌸𑍂𑌰𑍍𑌯𑌃॑ ।
𑌤𑌾𑌵॑𑌦𑌿॒𑌤𑍋॑-𑌽𑌮𑍁𑌨𑍍𑌨𑌾॑𑌶𑌯 । 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ ।
𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑍮0 ॥ (𑌅. 3𑍯)

𑌅𑌨𑍁𑌵𑌾𑌕𑌂 40
𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ ।
𑌭𑍁𑌵𑍋᳚-𑌽𑌦𑍍𑌧𑌾𑌯𑌿॒ 𑌭𑍁𑌵𑍋᳚-𑌽𑌦𑍍𑌧𑌾𑌯𑌿॒ 𑌭𑍁𑌵𑍋᳚-𑌽𑌦𑍍𑌧𑌾𑌯𑌿 ।
𑌨𑍃॒𑌮𑍍𑌣𑌾𑌯𑌿 𑌨𑍃॒𑌮𑍍𑌣-𑌨𑍍𑌨𑍃॒𑌮𑍍𑌣𑌾𑌯𑌿 𑌨𑍃॒𑌮𑍍𑌣-𑌨𑍍𑌨𑍃॒𑌮𑍍𑌣𑌾𑌯𑌿 𑌨𑍃॒𑌮𑍍𑌣𑌮𑍍 । 𑌨𑌿॒𑌧𑌾 𑌯𑍍𑌯𑍋॑-𑌽𑌵𑌾𑌯𑌿 𑌨𑌿॒𑌧𑌾 𑌯𑍍𑌯𑍋॑-𑌽𑌵𑌾𑌯𑌿 𑌨𑌿॒𑌧𑌾 𑌯𑍍𑌯𑍋॑-𑌽𑌵𑌾𑌯𑌿 । 𑌏 𑌅॒𑌸𑍍𑌮𑍇 𑌅॒𑌸𑍍𑌮𑍇 । 𑌸𑍁𑌵॒𑌰𑍍𑌨 𑌜𑍍𑌯𑍋𑌤𑍀𑌃᳚ ॥ 𑍮1 ॥ (𑌅. 40)

𑌅𑌨𑍁𑌵𑌾𑌕𑌂 41
𑌪𑍃॒𑌥𑌿॒𑌵𑍀 𑌸॒𑌮𑌿𑌤𑍍 । 𑌤𑌾𑌮॒𑌗𑍍𑌨𑌿-𑌸𑍍𑌸𑌮𑌿॑𑌨𑍍𑌧𑍇 । 𑌸𑌾-𑌽𑌗𑍍𑌨𑌿𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌤𑌾𑌮॒𑌹𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌸𑌾 𑌮𑌾॒ 𑌸𑌮𑌿॑𑌦𑍍𑌧𑌾 । 𑌆𑌯𑍁॑𑌷𑌾॒ 𑌤𑍇𑌜॑𑌸𑌾 । 𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 । 𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ । 𑌅॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮𑌿॑𑌨𑍍𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ ॥
𑌅॒𑌨𑍍𑌤𑌰𑌿॑𑌕𑍍𑌷𑌗𑍍𑌮𑍍 𑌸॒𑌮𑌿𑌤𑍍 ॥ 𑍮2 ॥

𑌤𑌾𑌂-𑌵𑌾𑌁॒𑌯𑍁-𑌸𑍍𑌸𑌮𑌿॑𑌨𑍍𑌧𑍇 । 𑌸𑌾 𑌵𑌾॒𑌯𑍁𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌤𑌾𑌮॒𑌹𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌸𑌾 𑌮𑌾॒ 𑌸𑌮𑌿॑𑌦𑍍𑌧𑌾 । 𑌆𑌯𑍁॑𑌷𑌾॒ 𑌤𑍇𑌜॑𑌸𑌾 । 𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 । 𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ । 𑌅॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮𑌿॑𑌨𑍍𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ ।
𑌦𑍍𑌯𑍌-𑌸𑍍𑌸॒𑌮𑌿𑌤𑍍 । 𑌤𑌾𑌮𑌾॑𑌦𑌿॒𑌤𑍍𑌯-𑌸𑍍𑌸𑌮𑌿॑𑌨𑍍𑌧𑍇 ॥ 𑍮3 ॥

𑌸𑌾-𑌽𑌽𑌦𑌿॒𑌤𑍍𑌯𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌤𑌾𑌮॒𑌹𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌸𑌾 𑌮𑌾॒ 𑌸𑌮𑌿॑𑌦𑍍𑌧𑌾 । 𑌆𑌯𑍁॑𑌷𑌾॒ 𑌤𑍇𑌜॑𑌸𑌾 । 𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 । 𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ । 𑌅॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮𑌿॑𑌨𑍍𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ ॥ 𑌪𑍍𑌰𑌾॒𑌜𑌾॒𑌪॒𑌤𑍍𑌯𑌾 𑌮𑍇॑ 𑌸॒𑌮𑌿𑌦॑𑌸𑌿 𑌸𑌪𑌤𑍍𑌨॒𑌕𑍍𑌷𑌯॑𑌣𑍀 ।
𑌭𑍍𑌰𑌾॒𑌤𑍃॒𑌵𑍍𑌯॒𑌹𑌾 𑌮𑍇॑-𑌽𑌸𑌿॒ 𑌸𑍍𑌵𑌾𑌹𑌾᳚ ॥ 𑌅𑌗𑍍𑌨𑍇᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑌞𑍍𑌚॑𑌰𑌿𑌷𑍍𑌯𑌾𑌮𑌿 ॥ 𑍮4 ॥

𑌤𑌚𑍍𑌛॑𑌕𑍇𑌯॒-𑌨𑍍𑌤𑌨𑍍𑌮𑍇॑ 𑌰𑌾𑌦𑍍𑌧𑍍𑌯𑌤𑌾𑌮𑍍 । 𑌵𑌾𑌯𑍋᳚ 𑌵𑍍𑌰𑌤𑌪𑌤॒ 𑌆𑌦𑌿॑𑌤𑍍𑌯 𑌵𑍍𑌰𑌤𑌪𑌤𑍇 । 𑌵𑍍𑌰॒𑌤𑌾𑌨𑌾𑌂᳚-𑌵𑍍𑌰𑌁𑌤𑌪𑌤𑍇 𑌵𑍍𑌰॒𑌤𑌞𑍍𑌚॑𑌰𑌿𑌷𑍍𑌯𑌾𑌮𑌿 । 𑌤𑌚𑍍𑌛॑𑌕𑍇𑌯॒-𑌨𑍍𑌤𑌨𑍍𑌮𑍇॑ 𑌰𑌾𑌦𑍍𑌧𑍍𑌯𑌤𑌾𑌮𑍍 ॥ 𑌦𑍍𑌯𑍌-𑌸𑍍𑌸॒𑌮𑌿𑌤𑍍 । 𑌤𑌾𑌮𑌾॑𑌦𑌿॒𑌤𑍍𑌯-𑌸𑍍𑌸𑌮𑌿॑𑌨𑍍𑌧𑍇 । 𑌸𑌾-𑌽𑌽𑌦𑌿॒𑌤𑍍𑌯𑌗𑍍𑌮𑍍 𑌸𑌮𑌿॑𑌨𑍍𑌧𑍇 ।
𑌤𑌾𑌮॒𑌹𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌸𑌾 𑌮𑌾॒ 𑌸𑌮𑌿॑𑌦𑍍𑌧𑌾 । 𑌆𑌯𑍁॑𑌷𑌾॒ 𑌤𑍇𑌜॑𑌸𑌾 ॥ 𑍮5 ॥

𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 । 𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ । 𑌅॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮𑌿॑𑌨𑍍𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ ।
𑌅॒𑌨𑍍𑌤𑌰𑌿॑𑌕𑍍𑌷𑌗𑍍𑌮𑍍 𑌸॒𑌮𑌿𑌤𑍍 । 𑌤𑌾𑌂-𑌵𑌾𑌁॒𑌯𑍁-𑌸𑍍𑌸𑌮𑌿॑𑌨𑍍𑌧𑍇 । 𑌸𑌾 𑌵𑌾॒𑌯𑍁𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌤𑌾𑌮॒𑌹𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌸𑌾 𑌮𑌾॒ 𑌸𑌮𑌿॑𑌦𑍍𑌧𑌾 । 𑌆𑌯𑍁॑𑌷𑌾॒ 𑌤𑍇𑌜॑𑌸𑌾 । 𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 ॥ 𑍮6 ॥

𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ । 𑌅॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮𑌿॑𑌨𑍍𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ । 𑌪𑍃॒𑌥𑌿॒𑌵𑍀 𑌸॒𑌮𑌿𑌤𑍍 । 𑌤𑌾𑌮॒𑌗𑍍𑌨𑌿-𑌸𑍍𑌸𑌮𑌿॑𑌨𑍍𑌧𑍇 । 𑌸𑌾-𑌽𑌗𑍍𑌨𑌿𑌗𑍍𑌮𑍍 𑌸𑌮𑌿॑𑌨𑍍𑌧𑍇 । 𑌤𑌾𑌮॒𑌹𑌗𑍍𑌮𑍍 𑌸𑌮𑌿॑𑌨𑍍𑌧𑍇 ।
𑌸𑌾 𑌮𑌾॒ 𑌸𑌮𑌿॑𑌦𑍍𑌧𑌾 । 𑌆𑌯𑍁॑𑌷𑌾॒ 𑌤𑍇𑌜॑𑌸𑌾 । 𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 ।
𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ ॥ 𑍮𑍭 ॥

𑌅॒𑌨𑍍𑌨𑌾𑌦𑍍𑌯𑍇॑𑌨॒ 𑌸𑌮𑌿॑𑌨𑍍𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑌾 𑌮𑍇॑ 𑌸॒𑌮𑌿𑌦॑𑌸𑌿 𑌸𑌪𑌤𑍍𑌨॒𑌕𑍍𑌷𑌯॑𑌣𑍀 । 𑌭𑍍𑌰𑌾॒𑌤𑍃॒𑌵𑍍𑌯॒𑌹𑌾 𑌮𑍇॑-𑌽𑌸𑌿॒ 𑌸𑍍𑌵𑌾𑌹𑌾᳚ । 𑌆𑌦𑌿॑𑌤𑍍𑌯 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑌮॑𑌚𑌾𑌰𑌿𑌷𑌮𑍍 ।
𑌤𑌦॑𑌶𑌕॒-𑌨𑍍𑌤𑌨𑍍𑌮𑍇॑-𑌽𑌰𑌾𑌧𑌿 । 𑌵𑌾𑌯𑍋᳚ 𑌵𑍍𑌰𑌤𑌪॒𑌤𑍇-𑌽𑌗𑍍𑌨𑍇᳚ 𑌵𑍍𑌰𑌤𑌪𑌤𑍇 । 𑌵𑍍𑌰॒𑌤𑌾𑌨𑌾𑌂᳚-𑌵𑍍𑌰𑌁𑌤𑌪𑌤𑍇 𑌵𑍍𑌰॒𑌤𑌮॑𑌚𑌾𑌰𑌿𑌷𑌮𑍍 । 𑌤𑌦॑𑌶𑌕॒-𑌨𑍍𑌤𑌨𑍍𑌮𑍇॑-𑌽𑌰𑌾𑌧𑌿 ॥ 𑍮𑍮 ॥
(𑌸॒𑌮𑌿𑌥𑍍 – 𑌸𑌮𑌿॑𑌨𑍍𑌧𑍇 – 𑌵𑍍𑌰॒𑌤𑌞𑍍𑌚॑𑌰𑌿𑌷𑍍𑌯𑌾॒ – 𑌮𑍍𑌯𑌾𑌯𑍁॑𑌷𑌾॒ 𑌤𑍇𑌜॑𑌸𑌾॒ – 𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 – 𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨𑌾॒ – +𑌷𑍍𑌟𑍌 𑌚॑) (𑌅. 41)

𑌅𑌨𑍁𑌵𑌾𑌕𑌂 42
𑌶𑌨𑍍𑌨𑍋॒ 𑌵𑌾𑌤𑌃॑ 𑌪𑌵𑌤𑌾-𑌮𑍍𑌮𑌾𑌤॒𑌰𑌿𑌶𑍍𑌵𑌾॒ 𑌶𑌨𑍍𑌨॑𑌸𑍍𑌤𑌪𑌤𑍁॒ 𑌸𑍂𑌰𑍍𑌯𑌃॑ । 𑌅𑌹𑌾॑𑌨𑌿॒ 𑌶-𑌮𑍍𑌭॑𑌵𑌨𑍍𑌤𑍁 𑌨॒-𑌶𑍍𑌶𑌗𑍍𑌮𑍍 𑌰𑌾𑌤𑍍𑌰𑌿𑌃॒ 𑌪𑍍𑌰𑌤𑌿॑𑌧𑍀𑌯𑌤𑌾𑌮𑍍 ॥ 𑌶𑌮𑍁॒𑌷𑌾 𑌨𑍋॒ 𑌵𑍍𑌯𑍁॑𑌚𑍍𑌛𑌤𑍁॒ 𑌶𑌮𑌾॑𑌦𑌿॒𑌤𑍍𑌯 𑌉𑌦𑍇॑𑌤𑍁 𑌨𑌃 । 𑌶𑌿॒𑌵𑌾 𑌨॒-𑌶𑍍𑌶𑌨𑍍𑌤॑𑌮𑌾 𑌭𑌵 𑌸𑍁𑌮𑍃𑌡𑍀॒𑌕𑌾 𑌸𑌰॑𑌸𑍍𑌵𑌤𑌿 । 𑌮𑌾 𑌤𑍇॒ 𑌵𑍍𑌯𑍋॑𑌮 𑌸॒𑌨𑍍𑌦𑍃𑌶𑌿॑ ॥
𑌇𑌡𑌾॑𑌯𑍈॒ 𑌵𑌾𑌸𑍍𑌤𑍍𑌵॑𑌸𑌿 𑌵𑌾𑌸𑍍𑌤𑍁॒𑌮-𑌦𑍍𑌵𑌾᳚𑌸𑍍𑌤𑍁॒𑌮𑌨𑍍𑌤𑍋॑ 𑌭𑍂𑌯𑌾𑌸𑍍𑌮॒ 𑌮𑌾 𑌵𑌾𑌸𑍍𑌤𑍋᳚-𑌶𑍍𑌛𑌿𑌥𑍍𑌸𑍍𑌮𑌹𑍍𑌯 𑌵𑌾॒𑌸𑍍𑌤𑍁-𑌸𑍍𑌸 𑌭𑍂॑𑌯𑌾॒-𑌦𑍍𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥
𑌪𑍍𑌰॒𑌤𑌿॒𑌷𑍍𑌠𑌾-𑌽𑌸𑌿॑ 𑌪𑍍𑌰𑌤𑌿॒𑌷𑍍𑌠𑌾𑌵॑𑌨𑍍𑌤𑍋 𑌭𑍂𑌯𑌾𑌸𑍍𑌮॒ 𑌮𑌾 𑌪𑍍𑌰॑𑌤𑌿॒𑌷𑍍𑌠𑌾𑌯𑌾᳚- 𑌶𑍍𑌛𑌿𑌥𑍍𑌸𑍍𑌮𑌹𑍍𑌯 𑌪𑍍𑌰𑌤𑌿॒𑌷𑍍𑌠𑌃
𑌸 𑌭𑍂॑𑌯𑌾॒-𑌦𑍍𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑌆 𑌵𑌾॑𑌤 𑌵𑌾𑌹𑌿 𑌭𑍇𑌷॒𑌜𑌮𑍍 𑌁𑌵𑌿 𑌵𑌾॑𑌤 𑌵𑌾𑌹𑌿॒ 𑌯𑌦𑍍𑌰𑌪𑌃॑ ।
𑌤𑍍𑌵𑌗𑍍𑌮𑍍 𑌹𑌿 𑌵𑌿॒𑌶𑍍𑌵𑌭𑍇॑𑌷𑌜𑍋 𑌦𑍇॒𑌵𑌾𑌨𑌾᳚-𑌨𑍍𑌦𑍂॒𑌤 𑌈𑌯॑𑌸𑍇 ॥
𑌦𑍍𑌵𑌾𑌵𑌿॒𑌮𑍌 𑌵𑌾𑌤𑍌॑ 𑌵𑌾𑌤॒ 𑌆 𑌸𑌿𑌨𑍍𑌧𑌾॒𑌰𑌾 𑌪॑𑌰𑌾॒𑌵𑌤𑌃॑ ॥ 𑍮𑍯 ॥

𑌦𑌕𑍍𑌷॑-𑌮𑍍𑌮𑍇 𑌅॒𑌨𑍍𑌯 𑌆॒𑌵𑌾𑌤𑍁॒ 𑌪𑌰𑌾॒-𑌽𑌨𑍍𑌯𑍋 𑌵𑌾॑𑌤𑍁॒ 𑌯-𑌦𑍍𑌰𑌪𑌃॑ ॥
𑌯𑌦॒𑌦𑍋 𑌵𑌾॑𑌤 𑌤𑍇 𑌗𑍃॒𑌹𑍇॑-𑌽𑌮𑍃𑌤॑𑌸𑍍𑌯 𑌨𑌿॒𑌧𑌿𑌰𑍍𑌹𑌿॒𑌤𑌃 ।
𑌤𑌤𑍋॑ 𑌨𑍋 𑌦𑍇𑌹𑌿 𑌜𑍀॒𑌵𑌸𑍇॒ 𑌤𑌤𑍋॑ 𑌨𑍋 𑌧𑍇𑌹𑌿 𑌭𑍇𑌷॒𑌜𑌮𑍍 ॥
𑌤𑌤𑍋॑ 𑌨𑍋॒ 𑌮𑌹॒ 𑌆𑌵॑𑌹॒ 𑌵𑌾𑌤॒ 𑌆𑌵𑌾॑𑌤𑍁 𑌭𑍇𑌷॒𑌜𑌮𑍍 ।
𑌶॒𑌮𑍍𑌭𑍂-𑌰𑍍𑌮॑𑌯𑍋॒𑌭𑍂𑌰𑍍𑌨𑍋॑ 𑌹𑍃॒𑌦𑍇 𑌪𑍍𑌰 𑌣॒ 𑌆𑌯𑍂𑌗𑍍𑌮𑍍॑𑌷𑌿 𑌤𑌾𑌰𑌿𑌷𑌤𑍍 ॥ 𑌇𑌨𑍍𑌦𑍍𑌰॑𑌸𑍍𑌯 𑌗𑍃॒𑌹𑍋॑-𑌽𑌸𑌿॒ 𑌤-𑌨𑍍𑌤𑍍𑌵𑌾॒ 𑌪𑍍𑌰𑌪॑𑌦𑍍𑌯𑍇॒ 𑌸𑌗𑍁॒𑌸𑍍𑌸𑌾𑌶𑍍𑌵𑌃॑ । 𑌸॒𑌹 𑌯𑌨𑍍𑌮𑍇॒ 𑌅𑌸𑍍𑌤𑌿॒ 𑌤𑍇𑌨॑ ॥
𑌭𑍂𑌃 𑌪𑍍𑌰𑌪॑𑌦𑍍𑌯𑍇॒ 𑌭𑍁𑌵𑌃॒ 𑌪𑍍𑌰𑌪॑𑌦𑍍𑌯𑍇॒ 𑌸𑍁𑌵𑌃॒ 𑌪𑍍𑌰𑌪॑𑌦𑍍𑌯𑍇॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॒ 𑌪𑍍𑌰𑌪॑𑌦𑍍𑌯𑍇 𑌵𑌾॒𑌯𑍁𑌮𑍍
𑌪𑍍𑌰𑌪॒𑌦𑍍𑌯𑍇-𑌽𑌨𑌾᳚𑌰𑍍𑌤𑌾-𑌨𑍍𑌦𑍇॒𑌵𑌤𑌾॒-𑌮𑍍𑌪𑍍𑌰𑌪॒𑌦𑍍𑌯𑍇 𑌽𑌶𑍍𑌮𑌾॑𑌨𑌮𑌾𑌖॒𑌣-𑌮𑍍𑌪𑍍𑌰𑌪॑𑌦𑍍𑌯𑍇 𑌪𑍍𑌰॒𑌜𑌾𑌪॑𑌤𑍇𑌰𑍍
𑌬𑍍𑌰𑌹𑍍𑌮𑌕𑍋॒𑌶-𑌮𑍍𑌬𑍍𑌰𑌹𑍍𑌮॒ 𑌪𑍍𑌰𑌪॑𑌦𑍍𑌯॒ 𑌓-𑌮𑍍𑌪𑍍𑌰𑌪॑𑌦𑍍𑌯𑍇 ॥
𑌅॒𑌨𑍍𑌤𑌰𑌿॑𑌕𑍍𑌷-𑌮𑍍𑌮 𑌉॒𑌰𑍍𑌵॑𑌨𑍍𑌤𑌰॑-𑌮𑍍𑌬𑍃॒𑌹𑌦॒𑌗𑍍𑌨𑌯𑌃॒ 𑌪𑌰𑍍𑌵॑𑌤𑌾𑌶𑍍𑌚॒ 𑌯𑌯𑌾॒ 𑌵𑌾𑌤॑-𑌸𑍍𑌸𑍍𑌵॒𑌸𑍍𑌤𑍍𑌯𑌾 𑌸𑍍𑌵॑𑌸𑍍𑌤𑌿॒𑌮𑌾𑌨𑍍𑌤𑌯𑌾᳚ 𑌸𑍍𑌵॒𑌸𑍍𑌤𑍍𑌯𑌾 𑌸𑍍𑌵॑𑌸𑍍𑌤𑌿॒ 𑌮𑌾𑌨॑𑌸𑌾𑌨𑌿 ॥
𑌪𑍍𑌰𑌾𑌣𑌾॑𑌪𑌾𑌨𑍌 𑌮𑍃॒𑌤𑍍𑌯𑍋𑌰𑍍𑌮𑌾॑ 𑌪𑌾𑌤॒-𑌮𑍍𑌪𑍍𑌰𑌾𑌣𑌾॑𑌪𑌾𑌨𑍌॒ 𑌮𑌾 𑌮𑌾॑ 𑌹𑌾𑌸𑌿𑌷𑍍𑌟॒-𑌮𑍍𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑍍𑌯॒𑌗𑍍𑌨𑌿 𑌸𑍍𑌤𑍇𑌜𑍋॑ 𑌦𑌧𑌾𑌤𑍁॒ 𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑍀𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑍁॒ 𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑌿॒ 𑌸𑍂𑌰𑍍𑌯𑍋॒
𑌭𑍍𑌰𑌾𑌜𑍋॑ 𑌦𑌧𑌾𑌤𑍁 ॥ 𑍯0 ॥

𑌦𑍍𑌯𑍁॒𑌭𑌿𑌰॒𑌕𑍍𑌤𑍁𑌭𑌿𑌃॒ 𑌪𑌰𑌿॑𑌪𑌾𑌤-𑌮॒𑌸𑍍𑌮𑌾𑌨𑌰𑌿॑𑌷𑍍𑌟𑍇𑌭𑌿-𑌰𑌶𑍍𑌵𑌿𑌨𑌾॒ 𑌸𑍌𑌭॑𑌗𑍇𑌭𑌿𑌃 । 𑌤𑌨𑍍𑌨𑍋॑ 𑌮𑌿॒𑌤𑍍𑌰𑍋 𑌵𑌰𑍁॑𑌣𑍋 𑌮𑌾𑌮𑌹𑌨𑍍𑌤𑌾॒ 𑌮𑌦𑌿॑𑌤𑌿॒-𑌸𑍍𑌸𑌿𑌨𑍍𑌧𑍁𑌃॑ 𑌪𑍃𑌥𑌿॒𑌵𑍀 𑌉॒𑌤 𑌦𑍍𑌯𑍌𑌃 ॥
𑌕𑌯𑌾॑ 𑌨𑌶𑍍𑌚𑌿॒𑌤𑍍𑌰 𑌆𑌭𑍁॑𑌵𑌦𑍂॒𑌤𑍀 𑌸॒𑌦𑌾𑌵𑍃॑𑌧॒-𑌸𑍍𑌸𑌖𑌾᳚ । 𑌕𑌯𑌾॒ 𑌶𑌚𑌿॑𑌷𑍍𑌠𑌯𑌾 𑌵𑍃॒𑌤𑌾 ॥ 𑌕𑌸𑍍𑌤𑍍𑌵𑌾॑ 𑌸॒𑌤𑍍𑌯𑍋 𑌮𑌦𑌾॑𑌨𑌾॒-𑌮𑍍𑌮𑌗𑍍𑌮𑍍𑌹𑌿॑𑌷𑍍𑌠𑍋 𑌮𑌥𑍍𑌸॒𑌦𑌨𑍍𑌧॑𑌸𑌃 ।
𑌦𑍃॒𑌢𑌾 𑌚𑌿॑𑌦𑌾॒𑌰𑍁𑌜𑍇॒ 𑌵𑌸𑍁॑ ॥ 𑌅॒𑌭𑍀 𑌷𑍁 𑌣॒-𑌸𑍍𑌸𑌖𑍀॑𑌨𑌾𑌮𑌵𑌿॒𑌤𑌾 𑌜॑𑌰𑌿𑌤𑍄॒𑌣𑌾𑌮𑍍 । 𑌶॒𑌤-𑌮𑍍𑌭॑𑌵𑌾𑌸𑍍𑌯𑍂॒𑌤𑌿𑌭𑌿𑌃॑ ॥
𑌵𑌯॑-𑌸𑍍𑌸𑍁𑌪॒𑌰𑍍𑌣𑌾 𑌉𑌪॑𑌸𑍇𑌦𑍁॒𑌰𑌿𑌨𑍍𑌦𑍍𑌰॑-𑌮𑍍𑌪𑍍𑌰𑌿॒𑌯𑌮𑍇॑𑌧𑌾॒ 𑌋𑌷॑𑌯𑍋॒ 𑌨𑌾𑌧॑𑌮𑌾𑌨𑌾𑌃 ।
𑌅𑌪॑ 𑌧𑍍𑌵𑌾॒𑌨𑍍𑌤𑌮𑍂᳚𑌰𑍍𑌣𑍁॒𑌹𑌿 𑌪𑍂॒𑌰𑍍𑌧𑌿 𑌚𑌕𑍍𑌷𑍁॑-𑌰𑍍𑌮𑍁𑌮𑍁॒𑌗𑍍𑌧𑍍𑌯॑𑌸𑍍𑌮𑌾-𑌨𑍍𑌨𑌿॒𑌧𑌯𑍇॑𑌵 𑌬॒𑌦𑍍𑌧𑌾𑌨𑍍 ॥ 𑍯1 ॥

𑌶𑌨𑍍𑌨𑍋॑ 𑌦𑍇॒𑌵𑍀𑌰॒𑌭𑌿𑌷𑍍𑌟॑𑌯॒ 𑌆𑌪𑍋॑ 𑌭𑌵𑌨𑍍𑌤𑍁 𑌪𑍀॒𑌤𑌯𑍇᳚ । 𑌶𑌂-𑌯𑍋𑌁𑌰॒𑌭𑌿𑌸𑍍𑌰॑𑌵𑌨𑍍𑌤𑍁 𑌨𑌃 ॥ 𑌈𑌶𑌾॑𑌨𑌾॒ 𑌵𑌾𑌰𑍍𑌯𑌾॑𑌣𑌾॒-𑌙𑍍𑌕𑍍𑌷𑌯॑𑌨𑍍𑌤𑍀𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 । 𑌅॒𑌪𑍋 𑌯𑌾॑𑌚𑌾𑌮𑌿 𑌭𑍇𑌷॒𑌜𑌮𑍍 ॥
𑌸𑍁॒𑌮𑌿॒𑌤𑍍𑌰𑌾 𑌨॒ 𑌆𑌪॒ 𑌓𑌷॑𑌧𑌯-𑌸𑍍𑌸𑌨𑍍𑌤𑍁 𑌦𑍁𑌰𑍍𑌮𑌿॒𑌤𑍍𑌰𑌾𑌸𑍍𑌤𑌸𑍍𑌮𑍈॑ 𑌭𑍂𑌯𑌾𑌸𑍁॒-𑌰𑍍𑌯𑍋᳚-𑌽𑌸𑍍𑌮𑌾𑌨𑍍-𑌦𑍍𑌵𑍇𑌷𑍍𑌟𑌿॒ 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥
𑌆𑌪𑍋॒ 𑌹𑌿 𑌷𑍍𑌠𑌾 𑌮॑𑌯𑍋॒𑌭𑍁𑌵॒𑌸𑍍𑌤𑌾 𑌨॑ 𑌊॒𑌰𑍍𑌜𑍇 𑌦॑𑌧𑌾𑌤𑌨 । 𑌮॒𑌹𑍇 𑌰𑌣𑌾॑𑌯॒ 𑌚𑌕𑍍𑌷॑𑌸𑍇 ॥ 𑌯𑍋 𑌵॑-𑌶𑍍𑌶𑌿॒𑌵𑌤॑𑌮𑍋॒ 𑌰𑌸॒𑌸𑍍𑌤𑌸𑍍𑌯॑ 𑌭𑌾𑌜𑌯𑌤𑍇॒𑌹 𑌨𑌃॑ । 𑌉॒𑌶॒𑌤𑍀𑌰𑌿॑𑌵 𑌮𑌾॒𑌤𑌰𑌃॑ ॥
𑌤𑌸𑍍𑌮𑌾॒ 𑌅𑌰॑-𑌙𑍍𑌗𑌮𑌾𑌮 𑌵𑍋॒ 𑌯𑌸𑍍𑌯॒ 𑌕𑍍𑌷𑌯𑌾॑𑌯॒ 𑌜𑌿𑌨𑍍𑌵॑𑌥 ॥ 𑍯2 ॥

𑌆𑌪𑍋॑ 𑌜॒𑌨𑌯॑𑌥𑌾 𑌚 𑌨𑌃 ॥
𑌪𑍃॒𑌥𑌿॒𑌵𑍀 𑌶𑌾॒𑌨𑍍𑌤𑌾 𑌸𑌾-𑌽𑌗𑍍𑌨𑌿𑌨𑌾॑ 𑌶𑌾॒𑌨𑍍𑌤𑌾 𑌸𑌾 𑌮𑍇॑ 𑌶𑌾॒𑌨𑍍𑌤𑌾 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑍁 ॥ 𑌅॒𑌨𑍍𑌤𑌰𑌿॑𑌕𑍍𑌷𑌗𑍍𑌮𑍍 𑌶𑌾॒𑌨𑍍𑌤-𑌨𑍍𑌤-𑌦𑍍𑌵𑌾॒𑌯𑍁𑌨𑌾॑ 𑌶𑌾॒𑌨𑍍𑌤-𑌨𑍍𑌤𑌨𑍍𑌮𑍇॑ 𑌶𑌾॒𑌨𑍍𑌤𑌗𑍍𑌮𑍍 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑍁 ।
𑌦𑍍𑌯𑍌-𑌶𑍍𑌶𑌾॒𑌨𑍍𑌤𑌾 𑌸𑌾-𑌽𑌽𑌦𑌿॒𑌤𑍍𑌯𑍇𑌨॑ 𑌶𑌾॒𑌨𑍍𑌤𑌾 𑌸𑌾 𑌮𑍇॑ 𑌶𑌾॒𑌨𑍍𑌤𑌾 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑍁 ॥ 𑌪𑍃॒𑌥𑌿॒𑌵𑍀 𑌶𑌾𑌨𑍍𑌤𑌿॑𑌰॒𑌨𑍍𑌤𑌰𑌿॑𑌕𑍍𑌷॒𑌗𑍍𑌮𑍍॒ 𑌶𑌾𑌨𑍍𑌤𑌿॒-𑌰𑍍𑌦𑍍𑌯𑍌-𑌶𑍍𑌶𑌾𑌨𑍍𑌤𑌿॒-𑌰𑍍𑌦𑌿𑌶॒-𑌶𑍍𑌶𑌾𑌨𑍍𑌤𑌿॑ 𑌰𑌵𑌾𑌨𑍍𑌤𑌰𑌦𑌿॒𑌶𑌾-𑌶𑍍𑌶𑌾𑌨𑍍𑌤𑌿॑ 𑌰॒𑌗𑍍𑌨𑌿-𑌶𑍍𑌶𑌾𑌨𑍍𑌤𑌿॑-𑌰𑍍𑌵𑌾॒𑌯𑍁-𑌶𑍍𑌶𑌾𑌨𑍍𑌤𑌿॑ 𑌰𑌾𑌦𑌿॒𑌤𑍍𑌯-𑌶𑍍𑌶𑌾𑌨𑍍𑌤𑌿॑
𑌶𑍍𑌚॒𑌨𑍍𑌦𑍍𑌰𑌮𑌾॒-𑌶𑍍𑌶𑌾𑌨𑍍𑌤𑌿॒-𑌰𑍍𑌨𑌕𑍍𑌷॑𑌤𑍍𑌰𑌾𑌣𑌿॒ 𑌶𑌾𑌨𑍍𑌤𑌿॒ 𑌰𑌾𑌪॒-𑌶𑍍𑌶𑌾𑌨𑍍𑌤𑌿॒ 𑌰𑍋𑌷॑𑌧𑌯॒-𑌶𑍍𑌶𑌾𑌨𑍍𑌤𑌿॒-𑌰𑍍𑌵𑌨॒𑌸𑍍𑌪𑌤॑𑌯॒-𑌶𑍍𑌶𑌾𑌨𑍍𑌤𑌿॒-𑌰𑍍𑌗𑍌-𑌶𑍍𑌶𑌾𑌨𑍍𑌤𑌿॑ 𑌰॒𑌜𑌾 𑌶𑌾𑌨𑍍𑌤𑌿॒ 𑌰𑌶𑍍𑌵॒-𑌶𑍍𑌶𑌾𑌨𑍍𑌤𑌿𑌃॒ 𑌪𑍁𑌰𑍁॑𑌷॒-𑌶𑍍𑌶𑌾𑌨𑍍𑌤𑌿॒-𑌰𑍍𑌬𑍍𑌰𑌹𑍍𑌮॒ 𑌶𑌾𑌨𑍍𑌤𑌿॑-𑌰𑍍𑌬𑍍𑌰𑌾𑌹𑍍𑌮॒𑌣-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॑𑌰𑍇॒𑌵 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॑𑌰𑍍𑌮𑍇 𑌅𑌸𑍍𑌤𑍁॒ 𑌶𑌾𑌨𑍍𑌤𑌿𑌃॑ ॥
𑌤𑌯𑌾॒-𑌽𑌹𑌗𑍍𑌮𑍍 𑌶𑌾॒𑌨𑍍𑌤𑍍𑌯𑌾 𑌸॑𑌰𑍍𑌵𑌶𑌾॒𑌨𑍍𑌤𑍍𑌯𑌾 𑌮𑌹𑍍𑌯॑-𑌨𑍍𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 𑌚॒ 𑌶𑌾𑌨𑍍𑌤𑌿॑-𑌙𑍍𑌕𑌰𑍋𑌮𑌿॒ 𑌶𑌾𑌨𑍍𑌤𑌿॑𑌰𑍍𑌮𑍇 𑌅𑌸𑍍𑌤𑍁॒ 𑌶𑌾𑌨𑍍𑌤𑌿𑌃॑ ॥
𑌏𑌹॒ 𑌶𑍍𑌰𑍀𑌶𑍍𑌚॒ 𑌹𑍍𑌰𑍀𑌶𑍍𑌚॒ 𑌧𑍃𑌤𑌿॑𑌶𑍍𑌚॒ 𑌤𑌪𑍋॑ 𑌮𑍇॒𑌧𑌾 𑌪𑍍𑌰॑𑌤𑌿॒𑌷𑍍𑌠𑌾 𑌶𑍍𑌰॒𑌦𑍍𑌧𑌾 𑌸॒𑌤𑍍𑌯-𑌨𑍍𑌧𑌰𑍍𑌮॑𑌶𑍍𑌚𑍈॒𑌤𑌾𑌨𑌿॒ 𑌮𑍋𑌤𑍍𑌤𑌿॑𑌷𑍍𑌠𑌨𑍍𑌤॒-𑌮𑌨𑍂𑌤𑍍𑌤𑌿॑𑌷𑍍𑌠𑌨𑍍𑌤𑍁॒ 𑌮𑌾 𑌮𑌾॒𑌗𑍍॒ 𑌶𑍍𑌰𑍀𑌶𑍍𑌚॒ 𑌹𑍍𑌰𑍀𑌶𑍍𑌚॒ 𑌧𑍃𑌤𑌿॑𑌶𑍍𑌚॒ 𑌤𑌪𑍋॑ 𑌮𑍇॒𑌧𑌾 𑌪𑍍𑌰॑𑌤𑌿॒𑌷𑍍𑌠𑌾 𑌶𑍍𑌰॒𑌦𑍍𑌧𑌾 𑌸॒𑌤𑍍𑌯-𑌨𑍍𑌧𑌰𑍍𑌮॑𑌶𑍍𑌚𑍈॒𑌤𑌾𑌨𑌿॑ 𑌮𑌾॒ 𑌮𑌾 𑌹𑌾॑𑌸𑌿𑌷𑍁𑌃 ॥
𑌉𑌦𑌾𑌯𑍁॑𑌷𑌾 𑌸𑍍𑌵𑌾॒𑌯𑍁𑌷𑍋𑌦𑍋𑌷॑𑌧𑍀𑌨𑌾॒𑌗𑍍𑌮𑍍॒ 𑌰𑌸𑍇॒𑌨𑍋-𑌤𑍍𑌪॒𑌰𑍍𑌜𑌨𑍍𑌯॑𑌸𑍍𑌯॒ 𑌶𑍁𑌷𑍍𑌮𑍇॒𑌣𑍋𑌦॑𑌸𑍍𑌥𑌾-𑌮॒𑌮𑍃𑌤𑌾॒𑌗𑍍𑌮𑍍॒ 𑌅𑌨𑍁॑ ॥ 𑌤𑌚𑍍𑌚𑌕𑍍𑌷𑍁॑-𑌰𑍍𑌦𑍇॒𑌵𑌹𑌿॑𑌤-𑌮𑍍𑌪𑍁॒𑌰𑌸𑍍𑌤𑌾᳚ 𑌚𑍍𑌛𑍁॒𑌕𑍍𑌰𑌮𑍁॒𑌚𑍍𑌚𑌰॑𑌤𑍍 ।
𑌪𑌶𑍍𑌯𑍇॑𑌮 𑌶॒𑌰𑌦॑-𑌶𑍍𑌶॒𑌤-𑌞𑍍𑌜𑍀𑌵𑍇॑𑌮 𑌶॒𑌰𑌦॑-𑌶𑍍𑌶॒𑌤-𑌨𑍍𑌨𑌨𑍍𑌦𑌾॑𑌮 𑌶॒𑌰𑌦॑-𑌶𑍍𑌶॒𑌤-𑌮𑍍𑌮𑍋𑌦𑌾॑𑌮 𑌶॒𑌰𑌦॑-𑌶𑍍𑌶॒𑌤-𑌮𑍍𑌭𑌵𑌾॑𑌮 𑌶॒𑌰𑌦॑-𑌶𑍍𑌶॒𑌤𑌗𑍍𑌮𑍍 𑌶𑍃॒𑌣𑌵𑌾॑𑌮 𑌶॒𑌰𑌦॑-𑌶𑍍𑌶॒𑌤-𑌮𑍍𑌪𑍍𑌰𑌬𑍍𑌰॑𑌵𑌾𑌮 𑌶॒𑌰𑌦॑-𑌶𑍍𑌶॒𑌤 𑌮𑌜𑍀॑𑌤𑌾-𑌸𑍍𑌸𑍍𑌯𑌾𑌮 𑌶॒𑌰𑌦॑-𑌶𑍍𑌶॒𑌤-𑌞𑍍𑌜𑍍𑌯𑍋𑌕𑍍𑌚॒ 𑌸𑍂𑌰𑍍𑌯॑-𑌨𑍍𑌦𑍃॒𑌶𑍇 ॥ 𑍯3 ॥

𑌯 𑌉𑌦॑𑌗𑌾-𑌨𑍍𑌮𑌹॒𑌤𑍋-𑌽𑌰𑍍𑌣𑌵𑌾᳚-𑌦𑍍𑌵𑌿॒𑌭𑍍𑌰𑌾𑌜॑𑌮𑌾𑌨-𑌸𑍍𑌸𑌰𑌿॒𑌰𑌸𑍍𑌯॒ 𑌮𑌦𑍍𑌧𑍍𑌯𑌾॒𑌥𑍍𑌸 𑌮𑌾॑ 𑌵𑍃𑌷॒𑌭𑍋 𑌲𑍋॑𑌹𑌿𑌤𑌾॒𑌕𑍍𑌷-𑌸𑍍𑌸𑍂𑌰𑍍𑌯𑍋॑ 𑌵𑌿𑌪॒𑌶𑍍𑌚𑌿-𑌨𑍍𑌮𑌨॑𑌸𑌾 𑌪𑍁𑌨𑌾𑌤𑍁 ॥ 𑌬𑍍𑌰𑌹𑍍𑌮॑𑌣॒-𑌶𑍍𑌶𑍍𑌚𑍋𑌤॑𑌨𑍍𑌯𑌸𑌿॒ 𑌬𑍍𑌰𑌹𑍍𑌮॑𑌣 𑌆॒𑌣𑍀 𑌸𑍍𑌥𑍋॒ 𑌬𑍍𑌰𑌹𑍍𑌮॑𑌣 𑌆॒𑌵𑌪॑𑌨𑌮𑌸𑌿 𑌧𑌾𑌰𑌿॒𑌤𑍇𑌯-𑌮𑍍𑌪𑍃॑𑌥𑌿॒𑌵𑍀 𑌬𑍍𑌰𑌹𑍍𑌮॑𑌣𑌾 𑌮॒𑌹𑍀 𑌧𑌾॑𑌰𑌿॒𑌤𑌮𑍇॑𑌨𑍇𑌨 𑌮॒𑌹𑌦॒𑌨𑍍𑌤𑌰𑌿॑𑌕𑍍𑌷॒-𑌨𑍍𑌦𑌿𑌵॑-𑌨𑍍𑌦𑌾𑌧𑌾𑌰 𑌪𑍃𑌥𑌿॒𑌵𑍀𑌗𑍍𑌮𑍍 𑌸𑌦𑍇॑𑌵𑌾𑌂॒-𑌯𑌁𑌦॒𑌹𑌂-𑌵𑍇𑌁𑌦॒ 𑌤𑌦॒𑌹-𑌨𑍍𑌧𑌾॑𑌰𑌯𑌾𑌣𑌿॒ 𑌮𑌾 𑌮𑌦𑍍𑌵𑍇𑌦𑍋-𑌽𑌧𑌿॒ 𑌵𑌿𑌸𑍍𑌰॑𑌸𑌤𑍍 ॥ 𑌮𑍇॒𑌧𑌾॒𑌮॒𑌨𑍀॒𑌷𑍇 𑌮𑌾-𑌽𑌽𑌵𑌿॑𑌶𑌤𑌾𑌗𑍍𑌮𑍍 𑌸॒𑌮𑍀𑌚𑍀॑ 𑌭𑍂॒𑌤𑌸𑍍𑌯॒ 𑌭𑌵𑍍𑌯॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈॒ 𑌸𑌰𑍍𑌵॒𑌮𑌾𑌯𑍁॑𑌰𑌯𑌾𑌣𑌿॒
𑌸𑌰𑍍𑌵॒𑌮𑌾𑌯𑍁॑𑌰𑌯𑌾𑌣𑌿 ॥ 𑌆॒𑌭𑌿-𑌰𑍍𑌗𑍀॒𑌰𑍍𑌭𑌿-𑌰𑍍𑌯𑌦𑌤𑍋॑ 𑌨 𑌊॒𑌨𑌮𑌾𑌪𑍍𑌯𑌾॑𑌯𑌯 𑌹𑌰𑌿𑌵𑍋॒ 𑌵𑌰𑍍𑌧॑𑌮𑌾𑌨𑌃 ।
𑌯॒𑌦𑌾 𑌸𑍍𑌤𑍋॒𑌤𑍃𑌭𑍍𑌯𑍋॒ 𑌮𑌹𑌿॑ 𑌗𑍋॒𑌤𑍍𑌰𑌾 𑌰𑍁॒𑌜𑌾𑌸𑌿॑ 𑌭𑍂𑌯𑌿𑌷𑍍𑌠॒𑌭𑌾𑌜𑍋॒ 𑌅𑌧॑ 𑌤𑍇 𑌸𑍍𑌯𑌾𑌮 ॥ 𑌬𑍍𑌰𑌹𑍍𑌮॒ 𑌪𑍍𑌰𑌾𑌵𑌾॑𑌦𑌿𑌷𑍍𑌮॒ 𑌤𑌨𑍍𑌨𑍋॒ 𑌮𑌾 𑌹𑌾॑𑌸𑍀𑌤𑍍 ॥ 𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥ 𑍯4 ॥
(𑌪॒𑌰𑌾॒𑌵𑌤𑍋॑-𑌦𑌧𑌾𑌤𑍁-𑌬॒𑌦𑍍𑌧𑌾𑌨𑍍-𑌜𑌿𑌨𑍍𑌵॑𑌥-𑌦𑍃॒𑌶𑍇-+𑌸॒𑌪𑍍𑌤 𑌚॑) (𑌅. 42)

(𑌨𑌮𑍋॑ – 𑌯𑍁॒𑌞𑍍𑌜𑌤𑍇॒ – 𑌵𑍃𑌷𑍍𑌣𑍋॒ 𑌅𑌶𑍍𑌵॑𑌸𑍍𑌯॒ – 𑌬𑍍𑌰𑌹𑍍𑌮॑-𑌨𑍍𑌪𑍍𑌰𑌵॒𑌰𑍍𑌗𑍍𑌯𑍇॑𑌣॒ – 𑌬𑍍𑌰𑌹𑍍𑌮॒-𑌨𑍍𑌪𑍍𑌰𑌚॑𑌰𑌿𑌷𑍍𑌯𑌾𑌮𑍋॒ – 𑌦𑌶॒ 𑌪𑍍𑌰𑌾𑌚𑍀॒ – 𑌰𑌪॑𑌶𑍍𑌯𑌙𑍍𑌗𑍋॒𑌪𑌾𑌮𑍍 – 𑌦𑍇॒𑌵𑌸𑍍𑌯॑ – 𑌸𑌮𑍁॒𑌦𑍍𑌰𑌾 – 𑌯𑍇॒𑌷𑍇 𑌪𑍀॑𑌪𑌿𑌹𑌿॒ – 𑌘𑌰𑍍𑌮॒ 𑌯𑌾 𑌤𑍇॑ – 𑌮𑌹𑍀॒𑌨𑌾-𑌞𑍍𑌚॒𑌤𑍍𑌵𑌾 – 𑌰𑍍𑌯𑌸𑍍𑌕𑌾॒𑌨𑍍॒. – 𑌯𑌾 𑌪𑍁॒𑌰𑌸𑍍𑌤𑌾᳚-𑌥𑍍𑌸॒𑌪𑍍𑌤 𑌸॑𑌪𑍍𑌤 – 𑌪𑍍𑌰𑌾॒𑌣𑌾𑌯॒ 𑌤𑍍𑌰𑍀𑌣𑌿॑ – 𑌪𑍂॒𑌷𑍍𑌣𑍇 𑌚॒𑌤𑍍𑌵𑌾-𑌰𑍍𑌯𑍁 – 𑌦॒𑌸𑍍𑌯𑍈𑌕𑌾॑𑌦𑌶॒ – 𑌯𑌾𑌸𑍍𑌤𑍇॑ 𑌸॒𑌪𑍍𑌤𑌾 – 𑌗𑍍𑌨𑌿-𑌰𑍍𑌧𑍍𑌰𑍁॒𑌵𑌸𑍀𑌃॒ 𑌦𑍈𑌕𑌾॒𑌨𑍍𑌨 𑌵𑌿𑌗𑍍𑌮𑍍॑𑌶𑌤𑌿॒–𑌰𑍍 𑌭𑍂𑌰𑍂॒𑌰𑍍𑌧𑍍𑌵 𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌤-𑌦𑍍- 𑌭𑍂-𑌰𑍍𑌮𑌯𑌿॒ 𑌷𑍋𑌡॑𑌶॒ – 𑌯𑌾𑌸𑍍𑌤𑍇॑ 𑌘𑍋॒𑌰𑌾 𑌨𑌵॒ – 𑌸𑍍𑌨𑌿𑌕𑍍𑌚𑌾॒𑌷𑍍𑌟𑍌 – 𑌧𑍁𑌨𑌿॑𑌶𑍍𑌚॒ 𑌦𑍍𑌵𑍇 – 𑌉॒𑌗𑍍𑌰𑌶𑍍𑌚॒ 𑌤𑍍𑌰𑍀𑌣𑍍𑌯॑ – 𑌹𑍋𑌰𑌾॒𑌤𑍍𑌰𑍇 𑌪𑌞𑍍𑌚॒ – 𑌖-𑌟𑍍𑌤𑍍𑌰𑍀𑌣𑌿॒ – 𑌵𑌿𑌗𑌾-𑌸𑍍𑌸॒𑌪𑍍𑌤𑌦॒𑌶𑌾 – 𑌸𑍃॑-𑌨𑍍𑌮𑍁𑌖-𑌶𑍍𑌚॒𑌤𑍍𑌵𑌾𑌰𑌿॒ – 𑌯𑌦𑍇॒𑌤-𑌦𑍍𑌵𑍃॑𑌕॒𑌸𑌃 𑌪𑌞𑍍𑌚॒ – 𑌯𑌦𑍀॑𑌷𑌿॒𑌤 𑌶𑍍𑌚॒𑌤𑍍𑌵𑌾𑌰𑌿॒ – 𑌦𑍀𑌰𑍍𑌘॑𑌮𑍁𑌖𑌿॒ 𑌤𑍍𑌰𑍀𑌣𑍀॒ – 𑌤𑍍𑌥𑌾 𑌚𑍍𑌚॒𑌤𑍍𑌵𑌾𑌰𑌿॒ – 𑌯𑌦𑍇॒𑌤-𑌦𑍍𑌭𑍂॒𑌤𑌾𑌨𑌿॒ 𑌷𑌟𑍍 – 𑌪𑍍𑌰॒𑌸𑌾𑌰𑍍𑌯॒ 𑌤𑍍𑌰𑍀𑌣𑍍𑌯 – 𑌤𑍍𑌰𑌿॑𑌣𑌾॒ 𑌦𑌶𑌾- 𑌹॒𑌰𑌾𑌵॑𑌦𑍍𑌯॒ – 𑌬𑍍𑌰𑌹𑍍𑌮॑𑌣𑌾॒ 𑌷𑌟𑍍-𑌥𑍍𑌷𑌡𑍍 – 𑌉𑌤𑍍𑌤𑍁॑𑌦𑌾॒𑌷𑍍𑌟𑍌 – 𑌭𑍂-𑌷𑍍𑌷𑌟𑍍 – 𑌪𑍃॑𑌥𑌿॒𑌵𑍍𑌯॑𑌷𑍍𑌟 𑌷॑𑌷𑍍𑌟𑌿𑌃॒ – 𑌶𑌨𑍍𑌨॑-𑌸𑍍𑌸॒𑌪𑍍𑌤𑌪॑𑌞𑍍𑌚𑌾॒𑌶-𑌦𑍍𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌤𑍍 )

(𑌨𑌮𑍋॑ 𑌵𑌾॒𑌚𑍇 – 𑌬𑍍𑌰𑌹𑍍𑌮॑-𑌨𑍍𑌪𑍍𑌰𑌵॒𑌰𑍍𑌗𑍍𑌯𑍇॑𑌣॒ – 𑌮𑌯𑌿॒ 𑌰𑍁 – 𑌗॒𑌨𑍍𑌤𑌰𑌿॑𑌕𑍍𑌷𑍇𑌣 – 𑌪𑌿॒𑌤𑌾 𑌨𑍋॑-𑌽𑌸𑌿 – 𑌮𑌹𑍀॒𑌨𑌾 – 𑌮𑍁𑌪॑ 𑌨𑍋॒ – 𑌯𑌦𑍇॒𑌤-𑌦𑍍- 𑌭𑍂–𑌰𑍍 𑌦𑍍𑌯𑍂॒𑌭𑌿 𑌶𑍍𑌚𑌤𑍁॑-𑌰𑍍𑌨𑌵𑌤𑌿𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌚𑌤𑍁𑌰𑍍𑌥𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

प्रायः पृष्टाः प्रश्नाः

What is 4 - 𑌪𑍍𑌰𑌵𑌰𑍍𑌗𑍍𑌯 𑌮𑌨𑍍𑌤𑍍𑌰𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌯𑍁𑌞𑍍𑌜𑌤𑍇 𑌮𑌨𑌃?

4 - 𑌪𑍍𑌰𑌵𑌰𑍍𑌗𑍍𑌯 𑌮𑌨𑍍𑌤𑍍𑌰𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌯𑍁𑌞𑍍𑌜𑌤𑍇 𑌮𑌨𑌃 is a Sri Krishna Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 4 - 𑌪𑍍𑌰𑌵𑌰𑍍𑌗𑍍𑌯 𑌮𑌨𑍍𑌤𑍍𑌰𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌯𑍁𑌞𑍍𑌜𑌤𑍇 𑌮𑌨𑌃 online?

Yes. The imported text is available directly on this page for online reading and recitation.

Can I download 4 - 𑌪𑍍𑌰𑌵𑌰𑍍𑌗𑍍𑌯 𑌮𑌨𑍍𑌤𑍍𑌰𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕 𑌪𑌾𑌠𑌃 - 𑌯𑍁𑌞𑍍𑌜𑌤𑍇 𑌮𑌨𑌃 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु