𑌕𑍃𑌷𑍍𑌣 𑌸𑍍𑌤𑍁𑌤𑌿𑌃 (𑌬𑍍𑌰𑌹𑍍𑌮 𑌕𑍃𑌤𑌾 𑌭𑌾𑌗𑌵𑌤 𑌪𑍁𑌰𑌾𑌣)

𑌬𑍍𑌰𑌹𑍍𑌮𑍋𑌵𑌾𑌚 ।
𑌨𑍌𑌮𑍀𑌡𑍍𑌯 𑌤𑍇𑌽𑌭𑍍𑌰𑌵𑌪𑍁𑌷𑍇 𑌤𑌡𑌿𑌦𑌂𑌬𑌰𑌾𑌯
𑌗𑍁𑌂𑌜𑌾𑌵𑌤𑌂𑌸𑌪𑌰𑌿𑌪𑌿𑌚𑍍𑌛𑌲𑌸𑌨𑍍𑌮𑍁𑌖𑌾𑌯 ।
𑌵𑌨𑍍𑌯𑌸𑍍𑌰𑌜𑍇 𑌕𑌵𑌲𑌵𑍇𑌤𑍍𑌰𑌵𑌿𑌷𑌾𑌣𑌵𑍇𑌣𑍁-
𑌲𑌕𑍍𑌷𑍍𑌮𑌶𑍍𑌰𑌿𑌯𑍇 𑌮𑍃𑌦𑍁𑌪𑌦𑍇 𑌪𑌶𑍁𑌪𑌾𑌂𑌗𑌜𑌾𑌯 ॥ 1 ॥
𑌅𑌸𑍍𑌯𑌾𑌪𑌿 𑌦𑍇𑌵 𑌵𑌪𑍁𑌷𑍋 𑌮𑌦𑌨𑍁𑌗𑍍𑌰𑌹𑌸𑍍𑌯
𑌸𑍍𑌵𑍇𑌚𑍍𑌛𑌾𑌮𑌯𑌸𑍍𑌯 𑌨 𑌤𑍁 𑌭𑍂𑌤𑌮𑌯𑌸𑍍𑌯 𑌕𑍋𑌽𑌪𑌿 ।
𑌨𑍇𑌶𑍇𑌮𑌹𑌿 𑌤𑍍𑌵𑌵𑌸𑌿𑌤𑍁𑌂 𑌮𑌨𑌸𑌾𑌂𑌤𑌰𑍇𑌣
𑌸𑌾𑌕𑍍𑌷𑌾𑌤𑍍𑌤𑌵𑍈𑌵 𑌕𑌿𑌮𑍁𑌤𑌾𑌤𑍍𑌮𑌸𑍁𑌖𑌾𑌨𑍁𑌭𑍂𑌤𑍇𑌃 ॥ 2 ॥
𑌜𑍍𑌞𑌾𑌨𑍇 𑌪𑍍𑌰𑌯𑌾𑌸𑌮𑍁𑌦𑌪𑌾𑌸𑍍𑌯 𑌨𑌮𑌂𑌤 𑌏𑌵
𑌜𑍀𑌵𑌂𑌤𑌿 𑌸𑌨𑍍𑌮𑍁𑌖𑌰𑌿𑌤𑌾𑌂 𑌭𑌵𑌦𑍀𑌯𑌵𑌾𑌰𑍍𑌤𑌾𑌮𑍍 ।
𑌸𑍍𑌥𑌾𑌨𑍇 𑌸𑍍𑌥𑌿𑌤𑌾𑌃 𑌶𑍍𑌰𑍁𑌤𑌿𑌗𑌤𑌾𑌂 𑌤𑌨𑍁𑌵𑌾𑌂𑌮𑌨𑍋𑌭𑌿𑌃
𑌯𑍇 𑌪𑍍𑌰𑌾𑌯𑌶𑍋𑌽𑌜𑌿𑌤 𑌜𑌿𑌤𑍋𑌽𑌪𑍍𑌯𑌸𑌿 𑌤𑍈𑌸𑍍𑌤𑍍𑌰𑌿𑌲𑍋𑌕𑍍𑌯𑌾𑌮𑍍 ॥ 3 ॥
𑌶𑍍𑌰𑍇𑌯𑌃𑌸𑍍𑌰𑍁𑌤𑌿𑌂 𑌭𑌕𑍍𑌤𑌿𑌮𑍁𑌦𑌸𑍍𑌯 𑌤𑍇 𑌵𑌿𑌭𑍋 𑌕𑍍𑌲𑌿𑌶𑍍𑌯𑌂𑌤𑌿 𑌯𑍇 𑌕𑍇𑌵𑌲𑌬𑍋𑌧𑌲𑌬𑍍𑌧𑌯𑍇 ।
𑌤𑍇𑌷𑌾𑌮𑌸𑍌 𑌕𑍍𑌲𑍇𑌶𑌲 𑌏𑌵 𑌶𑌿𑌷𑍍𑌯𑌤𑍇 𑌨𑌾𑌨𑍍𑌯𑌦𑍍𑌯𑌥𑌾 𑌸𑍍𑌥𑍂𑌲𑌤𑍁𑌷𑌾𑌵𑌘𑌾𑌤𑌿𑌨𑌾𑌮𑍍 ॥ 4 ॥
𑌪𑍁𑌰𑍇𑌹 𑌭𑍂𑌮𑌨𑍍 𑌬𑌹𑌵𑍋𑌽𑌪𑌿 𑌯𑍋𑌗𑌿𑌨𑌸𑍍𑌤𑍍𑌵𑌦𑌰𑍍𑌪𑌿𑌤𑍇𑌹𑌾 𑌨𑌿𑌜𑌕𑌰𑍍𑌮𑌲𑌬𑍍𑌧𑌯𑌾 ।
𑌵𑌿𑌬𑍁𑌧𑍍𑌯 𑌭𑌕𑍍𑌤𑍍𑌯𑍈𑌵 𑌕𑌥𑍋𑌪𑌨𑍀𑌤𑌯𑌾 𑌪𑍍𑌰𑌪𑍇𑌦𑌿𑌰𑍇𑌽𑌂𑌜𑍋𑌽𑌚𑍍𑌯𑍁𑌤 𑌤𑍇 𑌗𑌤𑌿𑌂 𑌪𑌰𑌾𑌮𑍍 ॥ 5 ॥
𑌤𑌥𑌾𑌪𑌿 𑌭𑍂𑌮𑌨𑍍 𑌮𑌹𑌿𑌮𑌾𑌽𑌗𑍁𑌣𑌸𑍍𑌯 𑌤𑍇 𑌵𑌿𑌬𑍋𑌦𑍍𑌧𑍁𑌮𑌰𑍍𑌹𑌤𑍍𑌯𑌮𑌲𑌾𑌂𑌤𑌰𑌾𑌤𑍍𑌮𑌭𑌿𑌃 ।
𑌅𑌵𑌿𑌕𑍍𑌰𑌿𑌯𑌾𑌤𑍍𑌸𑍍𑌵𑌾𑌨𑍁𑌭𑌵𑌾𑌦𑌰𑍂𑌪𑌤𑍋 𑌹𑍍𑌯𑌨𑌨𑍍𑌯𑌬𑍋𑌧𑍍𑌯𑌾𑌤𑍍𑌮𑌤𑌯𑌾 𑌨 𑌚𑌾𑌨𑍍𑌯𑌥𑌾 ॥ 6 ॥
𑌗𑍁𑌣𑌾𑌤𑍍𑌮𑌨𑌸𑍍𑌤𑍇𑌽𑌪𑌿 𑌗𑍁𑌣𑌾𑌨𑍍 𑌵𑌿𑌮𑌾𑌤𑍁𑌂 𑌹𑌿𑌤𑌾𑌵𑌤𑍀𑌰𑍍𑌣𑌸𑍍𑌯 𑌕 𑌈𑌶𑌿𑌰𑍇𑌽𑌸𑍍𑌯 ।
𑌕𑌾𑌲𑍇𑌨 𑌯𑍈𑌰𑍍𑌵𑌾 𑌵𑌿𑌮𑌿𑌤𑌾𑌃 𑌸𑍁𑌕𑌲𑍍𑌪𑍈𑌰𑍍𑌭𑍂𑌪𑌾𑌂𑌸𑌵𑌃 𑌖𑍇 𑌮𑌿𑌹𑌿𑌕𑌾 𑌦𑍍𑌯𑍁𑌭𑌾𑌸𑌃 ॥ 𑍭 ॥
𑌤𑌤𑍍𑌤𑍇𑌽𑌨𑍁𑌕𑌂𑌪𑌾𑌂 𑌸𑍁𑌸𑌮𑍀𑌕𑍍𑌷𑌮𑌾𑌣𑍋 𑌭𑍁𑌂𑌜𑌾𑌨 𑌏𑌵𑌾𑌤𑍍𑌮𑌕𑍃𑌤𑌂 𑌵𑌿𑌪𑌾𑌕𑌮𑍍 ।
𑌹𑍃𑌦𑍍𑌵𑌾𑌗𑍍𑌵𑌪𑍁𑌰𑍍𑌭𑌿𑌰𑍍𑌵𑌿𑌦𑌧𑌨𑍍𑌨𑌮𑌸𑍍𑌤𑍇 𑌜𑍀𑌵𑍇𑌤 𑌯𑍋 𑌮𑍁𑌕𑍍𑌤𑌿𑌪𑌦𑍇 𑌸 𑌦𑌾𑌯𑌭𑌾𑌕𑍍 ॥ 𑍮 ॥
𑌪𑌶𑍍𑌯𑍇𑌶 𑌮𑍇𑌽𑌨𑌾𑌰𑍍𑌯𑌮𑌨𑌂𑌤 𑌆𑌦𑍍𑌯𑍇 𑌪𑌰𑌾𑌤𑍍𑌮𑌨𑌿 𑌤𑍍𑌵𑌯𑍍𑌯𑌪𑌿 𑌮𑌾𑌯𑌿𑌮𑌾𑌯𑌿𑌨𑌿 ।
𑌮𑌾𑌯𑌾𑌂 𑌵𑌿𑌤𑌤𑍍𑌯𑍇𑌕𑍍𑌷𑌿𑌤𑍁𑌮𑌾𑌤𑍍𑌮𑌵𑍈𑌭𑌵𑌂 𑌹𑍍𑌯𑌹𑌂 𑌕𑌿𑌯𑌾𑌨𑍈𑌚𑍍𑌛𑌮𑌿𑌵𑌾𑌰𑍍𑌚𑌿𑌰𑌗𑍍𑌨𑍌 ॥ 𑍯 ॥
𑌅𑌤𑌃 𑌕𑍍𑌷𑌮𑌸𑍍𑌵𑌾𑌚𑍍𑌯𑍁𑌤 𑌮𑍇 𑌰𑌜𑍋𑌭𑍁𑌵𑍋 𑌹𑍍𑌯𑌜𑌾𑌨𑌤𑌸𑍍𑌤𑍍𑌵𑌤𑍍𑌪𑍃𑌥𑌗𑍀𑌶𑌮𑌾𑌨𑌿𑌨𑌃 ।
𑌅𑌜𑌾𑌵𑌲𑍇𑌪𑌾𑌂𑌧𑌤𑌮𑍋𑌽𑌂𑌧𑌚𑌕𑍍𑌷𑍁𑌷 𑌏𑌷𑍋𑌽𑌨𑍁𑌕𑌂𑌪𑍍𑌯𑍋 𑌮𑌯𑌿 𑌨𑌾𑌥𑌵𑌾𑌨𑌿𑌤𑌿 ॥ 10 ॥
𑌕𑍍𑌵𑌾𑌹𑌂 𑌤𑌮𑍋𑌮𑌹𑌦𑌹𑌂𑌖𑌚𑌰𑌾𑌗𑍍𑌨𑌿𑌵𑌾𑌰𑍍𑌭𑍂𑌸𑌂𑌵𑍇𑌷𑍍𑌟𑌿𑌤𑌾𑌂𑌡𑌘𑌟𑌸𑌪𑍍𑌤𑌵𑌿𑌤𑌸𑍍𑌤𑌕𑌾𑌯𑌃 ।
𑌕𑍍𑌵𑍇𑌦𑍃𑌗𑍍𑌵𑌿𑌧𑌾𑌵𑌿𑌗𑌣𑌿𑌤𑌾𑌂𑌡𑌪𑌰𑌾𑌣𑍁𑌚𑌰𑍍𑌯𑌾𑌵𑌾𑌤𑌾𑌧𑍍𑌵𑌰𑍋𑌮𑌵𑌿𑌵𑌰𑌸𑍍𑌯 𑌚 𑌤𑍇 𑌮𑌹𑌿𑌤𑍍𑌵𑌮𑍍 ॥ 11 ॥
𑌉𑌤𑍍𑌕𑍍𑌷𑍇𑌪𑌣𑌂 𑌗𑌰𑍍𑌭𑌗𑌤𑌸𑍍𑌯 𑌪𑌾𑌦𑌯𑍋𑌃 𑌕𑌿𑌂 𑌕𑌲𑍍𑌪𑌤𑍇 𑌮𑌾𑌤𑍁𑌰𑌧𑍋𑌽𑌕𑍍𑌷𑌜𑌾𑌗𑌸𑍇 ।
𑌕𑌿𑌮𑌸𑍍𑌤𑌿 𑌨𑌾𑌸𑍍𑌤𑌿𑌵𑍍𑌯𑌪𑌦𑍇𑌶𑌭𑍂𑌷𑌿𑌤𑌂 𑌤𑌵𑌾𑌸𑍍𑌤𑌿 𑌕𑍁𑌕𑍍𑌷𑍇𑌃 𑌕𑌿𑌯𑌦𑌪𑍍𑌯𑌨𑌂𑌤𑌃 ॥ 12 ॥
𑌜𑌗𑌤𑍍𑌤𑍍𑌰𑌯𑌾𑌂𑌤𑍋𑌦𑌧𑌿𑌸𑌂𑌪𑍍𑌲𑌵𑍋𑌦𑍇 𑌨𑌾𑌰𑌾𑌯𑌣𑌸𑍍𑌯𑍋𑌦𑌰𑌨𑌾𑌭𑌿𑌨𑌾𑌲𑌾𑌤𑍍 ।
𑌵𑌿𑌨𑌿𑌰𑍍𑌗𑌤𑍋𑌽𑌜𑌸𑍍𑌤𑍍𑌵𑌿𑌤𑌿 𑌵𑌾𑌂𑌨 𑌵𑍈 𑌮𑍃𑌷𑌾 𑌕𑌿𑌂 𑌤𑍍𑌵𑍀𑌶𑍍𑌵𑌰𑌤𑍍𑌵𑌾𑌨𑍍𑌨 𑌵𑌿𑌨𑌿𑌰𑍍𑌗𑌤𑍋𑌽𑌸𑍍𑌮𑌿 . ।
𑌨𑌾𑌰𑌾𑌯𑌣𑌸𑍍𑌤𑍍𑌵𑌂 𑌨 𑌹𑌿 𑌸𑌰𑍍𑌵𑌦𑍇𑌹𑌿𑌨𑌾𑌮𑌾𑌤𑍍𑌮𑌾𑌸𑍍𑌯𑌧𑍀𑌶𑌾𑌖𑌿𑌲𑌲𑍋𑌕𑌸𑌾𑌕𑍍𑌷𑍀 ।
𑌨𑌾𑌰𑌾𑌯𑌣𑍋𑌽𑌂𑌗𑌂 𑌨𑌰𑌭𑍂𑌜𑌲𑌾𑌯𑌨𑌾𑌤𑍍𑌤𑌚𑍍𑌚𑌾𑌪𑌿 𑌸𑌤𑍍𑌯𑌂 𑌨 𑌤𑌵𑍈𑌵 𑌮𑌾𑌯𑌾 ॥ 14 ॥
𑌤𑌚𑍍𑌚𑍇𑌜𑍍𑌜𑌲𑌸𑍍𑌥𑌂 𑌤𑌵 𑌸𑌜𑍍𑌜𑌗𑌦𑍍𑌵𑌪𑍁𑌃 𑌕𑌿𑌂 𑌮𑍇 𑌨 𑌦𑍃𑌷𑍍𑌟𑌂 𑌭𑌗𑌵𑌂𑌸𑍍𑌤𑌦𑍈𑌵 ।
𑌕𑌿𑌂 𑌵𑌾 𑌸𑍁𑌦𑍃𑌷𑍍𑌟𑌂 𑌹𑍃𑌦𑌿 𑌮𑍇 𑌤𑌦𑍈𑌵 𑌕𑌿𑌂 𑌨𑍋 𑌸𑌪𑌦𑍍𑌯𑍇𑌵 𑌪𑍁𑌨𑌰𑍍𑌵𑍍𑌯𑌦𑌰𑍍𑌶𑌿 ॥ 15 ॥
𑌅𑌤𑍍𑌰𑍈𑌵 𑌮𑌾𑌯𑌾𑌦𑌮𑌨𑌾𑌵𑌤𑌾𑌰𑍇 𑌹𑍍𑌯𑌸𑍍𑌯 𑌪𑍍𑌰𑌪𑌂𑌚𑌸𑍍𑌯 𑌬𑌹𑌿𑌃 𑌸𑍍𑌫𑍁𑌟𑌸𑍍𑌯 ।
𑌕𑍃𑌤𑍍𑌸𑍍𑌨𑌸𑍍𑌯 𑌚𑌾𑌂𑌤𑌰𑍍𑌜𑌠𑌰𑍇 𑌜𑌨𑌨𑍍𑌯𑌾 𑌮𑌾𑌯𑌾𑌤𑍍𑌵𑌮𑍇𑌵 𑌪𑍍𑌰𑌕𑌟𑍀𑌕𑍃𑌤𑌂 𑌤𑍇 ॥ 16 ॥
𑌯𑌸𑍍𑌯 𑌕𑍁𑌕𑍍𑌷𑌾𑌵𑌿𑌦𑌂 𑌸𑌰𑍍𑌵𑌂 𑌸𑌾𑌤𑍍𑌮𑌂 𑌭𑌾𑌤𑌿 𑌯𑌥𑌾 𑌤𑌥𑌾 ।
𑌤𑌤𑍍𑌤𑍍𑌵𑌯𑍍𑌯𑌪𑍀𑌹 𑌤𑌤𑍍𑌸𑌰𑍍𑌵𑌂 𑌕𑌿𑌮𑌿𑌦𑌂 𑌮𑌾𑌯𑌯𑌾 𑌵𑌿𑌨𑌾 ॥ 1𑍭 ॥
𑌅𑌦𑍍𑌯𑍈𑌵 𑌤𑍍𑌵𑌦𑍃𑌤𑍇𑌽𑌸𑍍𑌯 𑌕𑌿𑌂 𑌮𑌮 𑌨 𑌤𑍇 𑌮𑌾𑌯𑌾𑌤𑍍𑌵𑌮𑌾𑌦𑌰𑍍𑌶𑌿𑌤𑌂
𑌏𑌕𑍋𑌽𑌸𑌿 𑌪𑍍𑌰𑌥𑌮𑌂 𑌤𑌤𑍋 𑌵𑍍𑌰𑌜𑌸𑍁𑌹𑍃𑌦𑍍𑌵𑌤𑍍𑌸𑌾𑌃 𑌸𑌮𑌸𑍍𑌤𑌾 𑌅𑌪𑌿 ।
𑌤𑌾𑌵𑌂𑌤𑍋𑌽𑌸𑌿 𑌚𑌤𑍁𑌰𑍍𑌭𑍁𑌜𑌾𑌸𑍍𑌤𑌦𑌖𑌿𑌲𑍈𑌃 𑌸𑌾𑌕𑌂 𑌮𑌯𑍋𑌪𑌾𑌸𑌿𑌤𑌾-
𑌸𑍍𑌤𑌾𑌵𑌂𑌤𑍍𑌯𑍇𑌵 𑌜𑌗𑌂𑌤𑍍𑌯𑌭𑍂𑌸𑍍𑌤𑌦𑌮𑌿𑌤𑌂 𑌬𑍍𑌰𑌹𑍍𑌮𑌾𑌦𑍍𑌵𑌯𑌂 𑌶𑌿𑌷𑍍𑌯𑌤𑍇 ॥ 1𑍮 ॥
𑌅𑌜𑌾𑌨𑌤𑌾𑌂 𑌤𑍍𑌵𑌤𑍍𑌪𑌦𑌵𑍀𑌮𑌨𑌾𑌤𑍍𑌮𑌨𑍍𑌯𑌾𑌤𑍍𑌮𑌾𑌽𑌤𑍍𑌮𑌨𑌾 𑌭𑌾𑌸𑌿 𑌵𑌿𑌤𑌤𑍍𑌯 𑌮𑌾𑌯𑌾𑌮𑍍 ।
𑌸𑍃𑌷𑍍𑌟𑌾𑌵𑌿𑌵𑌾𑌹𑌂 𑌜𑌗𑌤𑍋 𑌵𑌿𑌧𑌾𑌨 𑌇𑌵 𑌤𑍍𑌵𑌮𑍇𑌷𑍋𑌽𑌂𑌤 𑌇𑌵 𑌤𑍍𑌰𑌿𑌨𑍇𑌤𑍍𑌰𑌃 ॥ 1𑍯 ॥
𑌸𑍁𑌰𑍇𑌷𑍍𑌵𑍃𑌷𑌿𑌷𑍍𑌵𑍀𑌶 𑌤𑌥𑍈𑌵 𑌨𑍃𑌷𑍍𑌵𑌪𑌿 𑌤𑌿𑌰𑍍𑌯𑌕𑍍𑌷𑍁 𑌯𑌾𑌦𑌃𑌸𑍍𑌵𑌪𑌿 𑌤𑍇𑌽𑌜𑌨𑌸𑍍𑌯 ।
𑌜𑌨𑍍𑌮𑌾𑌸𑌤𑌾𑌂 𑌦𑍁𑌰𑍍𑌮𑌦𑌨𑌿𑌗𑍍𑌰𑌹𑌾𑌯 𑌪𑍍𑌰𑌭𑍋 𑌵𑌿𑌧𑌾𑌤𑌃 𑌸𑌦𑌨𑍁𑌗𑍍𑌰𑌹𑌾𑌯 𑌚 ॥ 20 ॥
𑌕𑍋 𑌵𑍇𑌤𑍍𑌤𑌿 𑌭𑍂𑌮𑌨𑍍 𑌭𑌗𑌵𑌨𑍍 𑌪𑌰𑌾𑌤𑍍𑌮𑌨𑍍 𑌯𑍋𑌗𑍇𑌶𑍍𑌵𑌰𑍋𑌤𑍀𑌰𑍍𑌭𑌵𑌤𑌸𑍍𑌤𑍍𑌰𑌿𑌲𑍋𑌕𑍍𑌯𑌾𑌮𑍍 ।
𑌕𑍍𑌵 𑌵𑌾 𑌕𑌥𑌂 𑌵𑌾 𑌕𑌤𑌿 𑌵𑌾 𑌕𑌦𑍇𑌤𑌿 𑌵𑌿𑌸𑍍𑌤𑌾𑌰𑌯𑌨𑍍 𑌕𑍍𑌰𑍀𑌡𑌸𑌿 𑌯𑍋𑌗𑌮𑌾𑌯𑌾𑌮𑍍 ॥ 21 ॥
𑌤𑌸𑍍𑌮𑌾𑌦𑌿𑌦𑌂 𑌜𑌗𑌦𑌶𑍇𑌷𑌮𑌸𑌤𑍍𑌸𑍍𑌵𑌰𑍂𑌪𑌂 𑌸𑍍𑌵𑌪𑍍𑌨𑌾𑌭𑌮𑌸𑍍𑌤𑌧𑌿𑌷𑌣𑌂 𑌪𑍁𑌰𑍁𑌦𑍁𑌃𑌖𑌦𑍁𑌃𑌖𑌮𑍍 ।
𑌤𑍍𑌵𑌯𑍍𑌯𑍇𑌵 𑌨𑌿𑌤𑍍𑌯𑌸𑍁𑌖𑌬𑍋𑌧𑌤𑌨𑌾𑌵𑌨𑌂𑌤𑍇 𑌮𑌾𑌯𑌾𑌤 𑌉𑌦𑍍𑌯𑌦𑌪𑌿 𑌯𑌤𑍍𑌸𑌦𑌿𑌵𑌾𑌵𑌭𑌾𑌤𑌿 ॥ 22 ॥
𑌏𑌕𑌸𑍍𑌤𑍍𑌵𑌮𑌾𑌤𑍍𑌮𑌾 𑌪𑍁𑌰𑍁𑌷𑌃 𑌪𑍁𑌰𑌾𑌣𑌃 𑌸𑌤𑍍𑌯𑌃 𑌸𑍍𑌵𑌯𑌂𑌜𑍍𑌯𑍋𑌤𑌿𑌰𑌨𑌂𑌤 𑌆𑌦𑍍𑌯𑌃 ।
𑌨𑌿𑌤𑍍𑌯𑍋𑌽𑌕𑍍𑌷𑌰𑍋𑌽𑌜𑌸𑍍𑌰𑌸𑍁𑌖𑍋 𑌨𑌿𑌰𑌂𑌜𑌨𑌃 𑌪𑍂𑌰𑍍𑌣𑍋𑌽𑌦𑍍𑌵𑌯𑍋 𑌮𑍁𑌕𑍍𑌤 𑌉𑌪𑌾𑌧𑌿𑌤𑍋𑌽𑌮𑍃𑌤𑌃 ॥ 23 ॥
𑌏𑌵𑌂𑌵𑌿𑌧𑌂 𑌤𑍍𑌵𑌾𑌂 𑌸𑌕𑌲𑌾𑌤𑍍𑌮𑌨𑌾𑌮𑌪𑌿 𑌸𑍍𑌵𑌾𑌤𑍍𑌮𑌾𑌨𑌮𑌾𑌤𑍍𑌮𑌾𑌽𑌤𑍍𑌮𑌤𑌯𑌾 𑌵𑌿𑌚𑌕𑍍𑌷𑌤𑍇 ।
𑌗𑍁𑌰𑍍𑌵𑌰𑍍𑌕𑌲𑌬𑍍𑌧𑍋𑌪𑌨𑌿𑌷𑌤𑍍𑌸𑍁𑌚𑌕𑍍𑌷𑍁𑌷𑌾 𑌯𑍇 𑌤𑍇 𑌤𑌰𑌂𑌤𑍀𑌵 𑌭𑌵𑌾𑌨𑍃𑌤𑌾𑌂𑌬𑍁𑌧𑌿𑌮𑍍 ॥ 24 ॥
𑌆𑌤𑍍𑌮𑌾𑌨𑌮𑍇𑌵𑌾𑌤𑍍𑌮𑌤𑌯𑌾𑌽𑌵𑌿𑌜𑌾𑌨𑌤𑌾𑌂 𑌤𑍇𑌨𑍈𑌵 𑌜𑌾𑌤𑌂 𑌨𑌿𑌖𑌿𑌲𑌂 𑌪𑍍𑌰𑌪𑌂𑌚𑌿𑌤𑌮𑍍 ।
𑌜𑍍𑌞𑌾𑌨𑍇𑌨 𑌭𑍂𑌯𑍋𑌽𑌪𑌿 𑌚 𑌤𑌤𑍍𑌪𑍍𑌰𑌲𑍀𑌯𑌤𑍇 𑌰𑌜𑍍𑌜𑍍𑌵𑌾𑌮𑌹𑍇𑌰𑍍𑌭𑍋𑌗𑌭𑌵𑌾𑌭𑌵𑍌 𑌯𑌥𑌾 ॥ 25 ॥
𑌅𑌜𑍍𑌞𑌾𑌨𑌸𑌂𑌜𑍍𑌞𑍌 𑌭𑌵𑌬𑌂𑌧𑌮𑍋𑌕𑍍𑌷𑍌 𑌦𑍍𑌵𑍌 𑌨𑌾𑌮 𑌨𑌾𑌨𑍍𑌯𑍌 𑌸𑍍𑌤 𑌋𑌤𑌜𑍍𑌞𑌭𑌾𑌵𑌾𑌤𑍍 ।
𑌅𑌜𑌸𑍍𑌰𑌚𑌿𑌤𑍍𑌯𑌾𑌽𑌤𑍍𑌮𑌨𑌿 𑌕𑍇𑌵𑌲𑍇 𑌪𑌰𑍇 𑌵𑌿𑌚𑌾𑌰𑍍𑌯𑌮𑌾𑌣𑍇 𑌤𑌰𑌣𑌾𑌵𑌿𑌵𑌾𑌹𑌨𑍀 ॥ 26 ॥
𑌤𑍍𑌵𑌾𑌮𑌾𑌤𑍍𑌮𑌾𑌨𑌂 𑌪𑌰𑌂 𑌮𑌤𑍍𑌵𑌾 𑌪𑌰𑌮𑌾𑌤𑍍𑌮𑌾𑌨𑌮𑍇𑌵 𑌚 ।
𑌆𑌤𑍍𑌮𑌾 𑌪𑍁𑌨𑌰𑍍𑌬𑌹𑌿𑌰𑍍𑌮𑍃𑌗𑍍𑌯 𑌅𑌹𑍋𑌽𑌜𑍍𑌞𑌜𑌨𑌤𑌾𑌽𑌜𑍍𑌞𑌤𑌾 ॥ 2𑍭 ॥
𑌅𑌂𑌤𑌰𑍍𑌭𑌵𑍇𑌽𑌨𑌂𑌤 𑌭𑌵𑌂𑌤𑌮𑍇𑌵 𑌹𑍍𑌯𑌤𑌤𑍍𑌤𑍍𑌯𑌜𑌂𑌤𑍋 𑌮𑍃𑌗𑌯𑌂𑌤𑌿 𑌸𑌂𑌤𑌃 ।
𑌅𑌸𑌂𑌤𑌮𑌪𑍍𑌯𑌂𑌤𑍍𑌯𑌹𑌿𑌮𑌂𑌤𑌰𑍇𑌣 𑌸𑌂𑌤𑌂 𑌗𑍁𑌣𑌂 𑌤𑌂 𑌕𑌿𑌮𑍁 𑌯𑌂𑌤𑌿 𑌸𑌂𑌤𑌃 ॥ 2𑍮 ॥
𑌅𑌥𑌾𑌪𑌿 𑌤𑍇 𑌦𑍇𑌵 𑌪𑌦𑌾𑌂𑌬𑍁𑌜𑌦𑍍𑌵𑌯𑌪𑍍𑌰𑌸𑌾𑌦𑌲𑍇𑌶𑌾𑌨𑍁𑌗𑍃𑌹𑍀𑌤 𑌏𑌵 𑌹𑌿 ।
𑌜𑌾𑌨𑌾𑌤𑌿 𑌤𑌤𑍍𑌤𑍍𑌵𑌂 𑌭𑌗𑌵𑌨𑍍 𑌮𑌹𑌿𑌮𑍍𑌨𑍋 𑌨 𑌚𑌾𑌨𑍍𑌯 𑌏𑌕𑍋𑌽𑌪𑌿 𑌚𑌿𑌰𑌂 𑌵𑌿𑌚𑌿𑌨𑍍𑌵𑌨𑍍 ॥ 2𑍯 ॥
𑌤𑌦𑌸𑍍𑌤𑍁 𑌮𑍇 𑌨𑌾𑌥 𑌸 𑌭𑍂𑌰𑌿𑌭𑌾𑌗𑍋 𑌭𑌵𑍇𑌽𑌤𑍍𑌰 𑌵𑌾𑌨𑍍𑌯𑌤𑍍𑌰 𑌤𑍁 𑌵𑌾 𑌤𑌿𑌰𑌶𑍍𑌚𑌾𑌮𑍍 ।
𑌯𑍇𑌨𑌾𑌹𑌮𑍇𑌕𑍋𑌽𑌪𑌿 𑌭𑌵𑌜𑍍𑌜𑌨𑌾𑌨𑌾𑌂 𑌭𑍂𑌤𑍍𑌵𑌾 𑌨𑌿𑌷𑍇𑌵𑍇 𑌤𑌵 𑌪𑌾𑌦𑌪𑌲𑍍𑌲𑌵𑌮𑍍 ॥ 30 ॥
𑌅𑌹𑍋𑌽𑌤𑌿𑌧𑌨𑍍𑌯𑌾 𑌵𑍍𑌰𑌜𑌗𑍋𑌰𑌮𑌣𑍍𑌯𑌃 𑌸𑍍𑌤𑌨𑍍𑌯𑌾𑌮𑍃𑌤𑌂 𑌪𑍀𑌤𑌮𑌤𑍀𑌵 𑌤𑍇 𑌮𑍁𑌦𑌾 ।
𑌯𑌾𑌸𑌾𑌂 𑌵𑌿𑌭𑍋 𑌵𑌤𑍍𑌸𑌤𑌰𑌾𑌤𑍍𑌮𑌜𑌾𑌤𑍍𑌮𑌨𑌾 𑌯𑌤𑍍𑌤𑍃𑌪𑍍𑌤𑌯𑍇𑌽𑌦𑍍𑌯𑌾𑌪𑌿 𑌨 𑌚𑌾𑌲𑌮𑌧𑍍𑌵𑌰𑌾𑌃 ॥ 31 ॥
𑌅𑌹𑍋 𑌭𑌾𑌗𑍍𑌯𑌮𑌹𑍋 𑌭𑌾𑌗𑍍𑌯𑌂 𑌨𑌂𑌦𑌗𑍋𑌪𑌵𑍍𑌰𑌜𑍌𑌕𑌸𑌾𑌮𑍍 ।
𑌯𑌨𑍍𑌮𑌿𑌤𑍍𑌰𑌂 𑌪𑌰𑌮𑌾𑌨𑌂𑌦𑌂 𑌪𑍂𑌰𑍍𑌣𑌂 𑌬𑍍𑌰𑌹𑍍𑌮 𑌸𑌨𑌾𑌤𑌨𑌮𑍍 ॥ 32 ॥
𑌏𑌷𑌾𑌂 𑌤𑍁 𑌭𑌾𑌗𑍍𑌯𑌮𑌹𑌿𑌮𑌾𑌽𑌚𑍍𑌯𑍁𑌤 𑌤𑌾𑌵𑌦𑌾𑌸𑍍𑌤𑌾-
𑌮𑍇𑌕𑌾𑌦𑌶𑍈𑌵 𑌹𑌿 𑌵𑌯𑌂 𑌬𑌤 𑌭𑍂𑌰𑌿𑌭𑌾𑌗𑌾𑌃 ।
𑌏𑌤𑌦𑍍𑌧𑍃𑌷𑍀𑌕𑌚𑌷𑌕𑍈𑌰𑌸𑌕𑍃𑌤𑍍𑌪𑌿𑌬𑌾𑌮𑌃
𑌶𑌰𑍍𑌵𑌾𑌦𑌯𑍋𑌽𑌂𑌘𑍍𑌰𑍍𑌯𑍁𑌦𑌜𑌮𑌧𑍍𑌵𑌮𑍃𑌤𑌾𑌸𑌵𑌂 𑌤𑍇 ॥ 33 ॥
𑌤𑌦𑍍𑌭𑍂𑌰𑌿𑌭𑌾𑌗𑍍𑌯𑌮𑌿𑌹 𑌜𑌨𑍍𑌮 𑌕𑌿𑌮𑌪𑍍𑌯𑌟𑌵𑍍𑌯𑌾𑌂
𑌯𑌦𑍍𑌗𑍋𑌕𑍁𑌲𑍇𑌽𑌪𑌿 𑌕𑌤𑌮𑌾𑌂𑌘𑍍𑌰𑌿𑌰𑌜𑍋𑌽𑌭𑌿𑌷𑍇𑌕𑌮𑍍 ।
𑌯𑌜𑍍𑌜𑍀𑌵𑌿𑌤𑌂 𑌤𑍁 𑌨𑌿𑌖𑌿𑌲𑌂 𑌭𑌗𑌵𑌾𑌨𑍍 𑌮𑍁𑌕𑍁𑌂𑌦-
𑌸𑍍𑌤𑍍𑌵𑌦𑍍𑌯𑌾𑌪𑌿 𑌯𑌤𑍍𑌪𑌦𑌰𑌜𑌃 𑌶𑍍𑌰𑍁𑌤𑌿𑌮𑍃𑌗𑍍𑌯𑌮𑍇𑌵 ॥ 34 ॥
𑌏𑌷𑌾𑌂 𑌘𑍋𑌷𑌨𑌿𑌵𑌾𑌸𑌿𑌨𑌾𑌮𑍁𑌤 𑌭𑌵𑌾𑌨𑍍 𑌕𑌿𑌂 𑌦𑍇𑌵 𑌰𑌾𑌤𑍇𑌤𑌿 𑌨𑌃
𑌚𑍇𑌤𑍋 𑌵𑌿𑌶𑍍𑌵𑌫𑌲𑌾𑌤𑍍𑌫𑌲𑌂 𑌤𑍍𑌵𑌦𑌪𑌰𑌂 𑌕𑍁𑌤𑍍𑌰𑌾𑌪𑍍𑌯𑌯𑌨𑍍 𑌮𑍁𑌹𑍍𑌯𑌤𑌿 ।
𑌸𑌦𑍍𑌵𑍇𑌷𑌾𑌦𑌿𑌵 𑌪𑍂𑌤𑌨𑌾𑌽𑌪𑌿 𑌸𑌕𑍁𑌲𑌾 𑌤𑍍𑌵𑌾𑌮𑍇𑌵 𑌦𑍇𑌵𑌾𑌪𑌿𑌤𑌾
𑌯𑌦𑍍𑌧𑌾𑌮𑌾𑌰𑍍𑌥𑌸𑍁𑌹𑍃𑌤𑍍𑌪𑍍𑌰𑌿𑌯𑌾𑌤𑍍𑌮𑌤𑌨𑌯𑌪𑍍𑌰𑌾𑌣𑌾𑌶𑌯𑌾𑌸𑍍𑌤𑍍𑌵𑌤𑍍𑌕𑍃𑌤𑍇 ॥ 35 ॥
𑌤𑌾𑌵𑌦𑍍𑌰𑌾𑌗𑌾𑌦𑌯𑌃 𑌸𑍍𑌤𑍇𑌨𑌾𑌸𑍍𑌤𑌾𑌵𑌤𑍍𑌕𑌾𑌰𑌾𑌗𑍃𑌹𑌂 𑌗𑍃𑌹𑌮𑍍 ।
𑌤𑌾𑌵𑌨𑍍𑌮𑍋𑌹𑍋𑌽𑌂𑌘𑍍𑌰𑌿𑌨𑌿𑌗𑌡𑍋 𑌯𑌾𑌵𑌤𑍍𑌕𑍃𑌷𑍍𑌣 𑌨 𑌤𑍇 𑌜𑌨𑌾𑌃 ॥ 36 ॥
𑌪𑍍𑌰𑌪𑌂𑌚𑌂 𑌨𑌿𑌷𑍍𑌪𑍍𑌰𑌪𑌂𑌚𑍋𑌽𑌪𑌿 𑌵𑌿𑌡𑌂𑌬𑌯𑌸𑌿 𑌭𑍂𑌤𑌲𑍇 ।
𑌪𑍍𑌰𑌪𑌨𑍍𑌨𑌜𑌨𑌤𑌾𑌨𑌂𑌦𑌸𑌂𑌦𑍋𑌹𑌂 𑌪𑍍𑌰𑌥𑌿𑌤𑍁𑌂 𑌪𑍍𑌰𑌭𑍋 ॥ 3𑍭 ॥
𑌜𑌾𑌨𑌂𑌤 𑌏𑌵 𑌜𑌾𑌨𑌂𑌤𑍁 𑌕𑌿𑌂 𑌬𑌹𑍂𑌕𑍍𑌤𑍍𑌯𑌾 𑌨 𑌮𑍇 𑌪𑍍𑌰𑌭𑍋 ।
𑌮𑌨𑌸𑍋 𑌵𑌪𑍁𑌷𑍋 𑌵𑌾𑌚𑍋 𑌵𑍈𑌭𑌵𑌂 𑌤𑌵 𑌗𑍋𑌚𑌰𑌃 ॥ 3𑍮 ॥
𑌅𑌨𑍁𑌜𑌾𑌨𑍀𑌹𑌿 𑌮𑌾𑌂 𑌕𑍃𑌷𑍍𑌣 𑌸𑌰𑍍𑌵𑌂 𑌤𑍍𑌵𑌂 𑌵𑍇𑌤𑍍𑌸𑌿 𑌸𑌰𑍍𑌵𑌦𑍃𑌕𑍍 ।
𑌤𑍍𑌵𑌮𑍇𑌵 𑌜𑌗𑌤𑌾𑌂 𑌨𑌾𑌥𑍋 𑌜𑌗𑌦𑍇𑌤𑌤𑍍𑌤𑌵𑌾𑌰𑍍𑌪𑌿𑌤𑌮𑍍 ॥ 3𑍯 ॥
𑌶𑍍𑌰𑍀𑌕𑍃𑌷𑍍𑌣 𑌵𑍃𑌷𑍍𑌣𑌿𑌕𑍁𑌲𑌪𑍁𑌷𑍍𑌕𑌰𑌜𑍋𑌷𑌦𑌾𑌯𑌿𑌨𑍍
𑌕𑍍𑌷𑍍𑌮𑌾𑌨𑌿𑌰𑍍𑌜𑌰𑌦𑍍𑌵𑌿𑌜𑌪𑌶𑍂𑌦𑌧𑌿𑌵𑍃𑌦𑍍𑌧𑌿𑌕𑌾𑌰𑌿𑌨𑍍 ।
𑌉𑌦𑍍𑌧𑌰𑍍𑌮𑌶𑌾𑌰𑍍𑌵𑌰𑌹𑌰 𑌕𑍍𑌷𑌿𑌤𑌿𑌰𑌾𑌕𑍍𑌷𑌸𑌧𑍍𑌰𑍁𑌗𑍍
𑌆𑌕𑌲𑍍𑌪𑌮𑌾𑌰𑍍𑌕𑌮𑌰𑍍𑌹𑌨𑍍 𑌭𑌗𑌵𑌨𑍍 𑌨𑌮𑌸𑍍𑌤𑍇 ॥ 40 ॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑌮𑌹𑌾𑌪𑍁𑌰𑌾𑌣𑍇 𑌦𑌶𑌮𑌸𑍍𑌕𑌂𑌧𑍇 𑌪𑍂𑌰𑍍𑌵𑌾𑌰𑍍𑌧𑍇
𑌚𑌤𑍁𑌰𑍍𑌦𑌶𑌾𑌧𑍍𑌯𑌾𑌯𑌾𑌂𑌤𑌰𑍍𑌗𑌤𑌂 𑌬𑍍𑌰𑌹𑍍𑌮𑌕𑍃𑌤𑌂 𑌶𑍍𑌰𑍀𑌕𑍃𑌷𑍍𑌣𑌸𑍍𑌤𑍁𑌤𑌿𑌃 𑌸𑌮𑌾𑌪𑍍𑌤𑌾 ।

𑌭𑌾𑌗𑌵𑌤𑌪𑍁𑌰𑌾𑌣 . 𑌅𑌧𑍍𑌯𑌾𑌯 10/14/1-40 . ।