𑌕𑌠𑍋𑌪𑌨𑌿𑌷𑌦𑍍 – 𑌅𑌧𑍍𑌯𑌾𑌯 2, 𑌵𑌳𑍍𑌳𑍀 1

𑌅𑌧𑍍𑌯𑌾𑌯 2
𑌵𑌲𑍍𑌲𑍀 1

𑌪𑌰𑌾𑌂𑌚𑌿𑌖𑌾𑌨𑌿 𑌵𑍍𑌯𑌤𑍃𑌣𑌤𑍍𑌸𑍍𑌵𑌯𑌂𑌭𑍂𑌸𑍍𑌤𑌸𑍍𑌮𑌾𑌤𑍍𑌪𑌰𑌾𑌙𑍍𑌪𑌶𑍍𑌯𑌤𑌿 𑌨𑌾𑌂𑌤𑌰𑌾𑌤𑍍𑌮𑌨𑍍।
𑌕𑌶𑍍𑌚𑌿𑌦𑍍𑌧𑍀𑌰𑌃 𑌪𑍍𑌰𑌤𑍍𑌯𑌗𑌾𑌤𑍍𑌮𑌾𑌨𑌮𑍈𑌕𑍍𑌷𑌦𑌾𑌵𑍃𑌤𑍍𑌤𑌚𑌕𑍍𑌷𑍁𑌰𑌮𑍃𑌤𑌤𑍍𑌵𑌮𑌿𑌚𑍍𑌛𑌨𑍍𑌨𑍍 ॥1॥

𑌪𑌰𑌾𑌚𑌃 𑌕𑌾𑌮𑌾𑌨𑌨𑍁𑌯𑌂𑌤𑌿 𑌬𑌾𑌲𑌾𑌸𑍍𑌤𑍇 𑌮𑍃𑌤𑍍𑌯𑍋𑌰𑍍𑌯𑌂𑌤𑌿 𑌵𑌿𑌤𑌤𑌸𑍍𑌯 𑌪𑌾𑌶𑌮𑍍।
𑌅𑌥 𑌧𑍀𑌰𑌾 𑌅𑌮𑍃𑌤𑌤𑍍𑌵𑌂-𑌵𑌿𑌁𑌦𑌿𑌤𑍍𑌵𑌾 𑌧𑍍𑌰𑍁𑌵𑌮𑌧𑍍𑌰𑍁𑌵𑍇𑌷𑍍𑌵𑌿𑌹 𑌨 𑌪𑍍𑌰𑌾𑌰𑍍𑌥𑌯𑌂𑌤𑍇 ॥2॥

𑌯𑍇𑌨 𑌰𑍂𑌪𑌂 𑌰𑌸𑌂 𑌗𑌂𑌧𑌂 𑌶𑌬𑍍𑌦𑌾𑌨𑍍𑌸𑍍𑌪𑌰𑍍​𑌶𑌾𑌂𑌶𑍍𑌚 𑌮𑍈𑌥𑍁𑌨𑌾𑌨𑍍।
𑌏𑌤𑍇𑌨𑍈𑌵 𑌵𑌿𑌜𑌾𑌨𑌾𑌤𑌿 𑌕𑌿𑌮𑌤𑍍𑌰 𑌪𑌰𑌿𑌶𑌿𑌷𑍍𑌯𑌤𑍇। 𑌏𑌤𑌦𑍍𑌵𑍈 𑌤𑌤𑍍 ॥3॥

𑌸𑍍𑌵𑌪𑍍𑌨𑌾𑌂𑌤𑌂 𑌜𑌾𑌗𑌰𑌿𑌤𑌾𑌂𑌤𑌂 𑌚𑍋𑌭𑍌 𑌯𑍇𑌨𑌾𑌨𑍁𑌪𑌶𑍍𑌯𑌤𑌿।
𑌮𑌹𑌾𑌂𑌤𑌂-𑌵𑌿𑌁𑌭𑍁𑌮𑌾𑌤𑍍𑌮𑌾𑌨𑌂 𑌮𑌤𑍍𑌵𑌾 𑌧𑍀𑌰𑍋 𑌨 𑌶𑍋𑌚𑌤𑌿 ॥4॥

𑌯 𑌇𑌮𑌂 𑌮𑌧𑍍𑌵𑌦𑌂-𑌵𑍇𑌁𑌦 𑌆𑌤𑍍𑌮𑌾𑌨𑌂 𑌜𑍀𑌵𑌮𑌂𑌤𑌿𑌕𑌾𑌤𑍍।
𑌈𑌶𑌾𑌨𑌂 𑌭𑍂𑌤𑌭𑌵𑍍𑌯𑌸𑍍𑌯 𑌨 𑌤𑌤𑍋 𑌵𑌿𑌜𑍁𑌗𑍁𑌪𑍍𑌸𑌤𑍇। 𑌏𑌤𑌦𑍍𑌵𑍈 𑌤𑌤𑍍 ॥5॥

𑌯𑌃 𑌪𑍂𑌰𑍍𑌵𑌂 𑌤𑌪𑌸𑍋 𑌜𑌾𑌤𑌮𑌦𑍍𑌭𑍍𑌯𑌃 𑌪𑍂𑌰𑍍𑌵𑌮𑌜𑌾𑌯𑌤।
𑌗𑍁𑌹𑌾𑌂 𑌪𑍍𑌰𑌵𑌿𑌶𑍍𑌯 𑌤𑌿𑌷𑍍𑌠𑌂𑌤𑌂-𑌯𑍋𑌁 𑌭𑍂𑌤𑍇𑌭𑌿𑌰𑍍𑌵𑍍𑌯𑌪𑌶𑍍𑌯𑌤। 𑌏𑌤𑌦𑍍𑌵𑍈 𑌤𑌤𑍍 ॥6॥

𑌯𑌾 𑌪𑍍𑌰𑌾𑌣𑍇𑌨 𑌸𑌂𑌭𑌵𑌤𑍍𑌯𑌦𑌿𑌤𑌿𑌰𑍍𑌦𑍇𑌵𑌤𑌾𑌮𑌯𑍀।
𑌗𑍁𑌹𑌾𑌂 𑌪𑍍𑌰𑌵𑌿𑌶𑍍𑌯 𑌤𑌿𑌷𑍍𑌠𑌂𑌤𑍀𑌂-𑌯𑌾𑌁 𑌭𑍂𑌤𑍇𑌭𑌿𑌰𑍍𑌵𑍍𑌯𑌜𑌾𑌯𑌤। 𑌏𑌤𑌦𑍍𑌵𑍈 𑌤𑌤𑍍 ॥𑍭॥

𑌅𑌰𑌣𑍍𑌯𑍋𑌰𑍍𑌨𑌿𑌹𑌿𑌤𑍋 𑌜𑌾𑌤𑌵𑍇𑌦𑌾 𑌗𑌰𑍍𑌭 𑌇𑌵 𑌸𑍁𑌭𑍃𑌤𑍋 𑌗𑌰𑍍𑌭𑌿𑌣𑍀𑌭𑌿𑌃।
𑌦𑌿𑌵𑍇 𑌦𑌿𑌵𑍇 𑌈𑌡𑍍𑌯𑍋 𑌜𑌾𑌗𑍃𑌵𑌦𑍍𑌭𑌿𑌰𑍍​𑌹𑌵𑌿𑌷𑍍𑌮𑌦𑍍𑌭𑌿𑌰𑍍𑌮𑌨𑍁𑌷𑍍𑌯𑍇𑌭𑌿𑌰𑌗𑍍𑌨𑌿𑌃। 𑌏𑌤𑌦𑍍𑌵𑍈 𑌤𑌤𑍍 ॥𑍮॥

𑌯𑌤𑌶𑍍𑌚𑍋𑌦𑍇𑌤𑌿 𑌸𑍂𑌰𑍍𑌯𑍋𑌽𑌸𑍍𑌤𑌂-𑌯𑌁𑌤𑍍𑌰 𑌚 𑌗𑌚𑍍𑌛𑌤𑌿।
𑌤𑌂 𑌦𑍇𑌵𑌾𑌃 𑌸𑌰𑍍𑌵𑍇𑌽𑌰𑍍𑌪𑌿𑌤𑌾𑌸𑍍𑌤𑌦𑍁 𑌨𑌾𑌤𑍍𑌯𑍇𑌤𑌿 𑌕𑌶𑍍𑌚𑌨। 𑌏𑌤𑌦𑍍𑌵𑍈 𑌤𑌤𑍍 ॥𑍯॥

𑌯𑌦𑍇𑌵𑍇𑌹 𑌤𑌦𑌮𑍁𑌤𑍍𑌰 𑌯𑌦𑌮𑍁𑌤𑍍𑌰 𑌤𑌦𑌨𑍍𑌵𑌿𑌹।
𑌮𑍃𑌤𑍍𑌯𑍋𑌃 𑌸 𑌮𑍃𑌤𑍍𑌯𑍁𑌮𑌾𑌪𑍍𑌨𑍋𑌤𑌿 𑌯 𑌇𑌹 𑌨𑌾𑌨𑍇𑌵 𑌪𑌶𑍍𑌯𑌤𑌿 ॥10॥

𑌮𑌨𑌸𑍈𑌵𑍇𑌦𑌮𑌾𑌪𑍍𑌤𑌵𑍍𑌯𑌂 𑌨𑍇𑌹 𑌨𑌾𑌨𑌾𑌽𑌸𑍍𑌤𑌿 𑌕𑌿𑌂𑌚𑌨।
𑌮𑍃𑌤𑍍𑌯𑍋𑌃 𑌸 𑌮𑍃𑌤𑍍𑌯𑍁𑌂 𑌗𑌚𑍍𑌛𑌤𑌿 𑌯 𑌇𑌹 𑌨𑌾𑌨𑍇𑌵 𑌪𑌶𑍍𑌯𑌤𑌿 ॥11॥

𑌅𑌂𑌗𑍁𑌷𑍍𑌠𑌮𑌾𑌤𑍍𑌰𑌃 𑌪𑍁𑌰𑍁𑌷𑍋 𑌮𑌧𑍍𑌯 𑌆𑌤𑍍𑌮𑌨𑌿 𑌤𑌿𑌷𑍍𑌠𑌤𑌿।
𑌈𑌶𑌾𑌨𑍋 𑌭𑍂𑌤𑌭𑌵𑍍𑌯𑌸𑍍𑌯 𑌨 𑌤𑌤𑍋 𑌵𑌿𑌜𑍁𑌗𑍁𑌪𑍍𑌸𑌤𑍇। 𑌏𑌤𑌦𑍍𑌵𑍈 𑌤𑌤𑍍 ॥12॥

𑌅𑌂𑌗𑍁𑌷𑍍𑌠𑌮𑌾𑌤𑍍𑌰𑌃 𑌪𑍁𑌰𑍁𑌷𑍋 𑌜𑍍𑌯𑍋𑌤𑌿𑌰𑌿𑌵𑌾𑌧𑍂𑌮𑌕𑌃।
𑌈𑌶𑌾𑌨𑍋 𑌭𑍂𑌤𑌭𑌵𑍍𑌯𑌸𑍍𑌯 𑌸 𑌏𑌵𑌾𑌦𑍍𑌯 𑌸 𑌉 𑌶𑍍𑌵𑌃। 𑌏𑌤𑌦𑍍𑌵𑍈 𑌤𑌤𑍍 ॥13॥

𑌯𑌥𑍋𑌦𑌕𑌂 𑌦𑍁𑌰𑍍𑌗𑍇 𑌵𑍃𑌷𑍍𑌟𑌂 𑌪𑌰𑍍𑌵𑌤𑍇𑌷𑍁 𑌵𑌿𑌧𑌾𑌵𑌤𑌿।
𑌏𑌵𑌂 𑌧𑌰𑍍𑌮𑌾𑌨𑍍𑌪𑍃𑌥𑌕𑍍 𑌪𑌶𑍍𑌯𑌂𑌸𑍍𑌤𑌾𑌨𑍇𑌵𑌾𑌨𑍁𑌵𑌿𑌧𑌾𑌵𑌤𑌿 ॥14॥

𑌯𑌥𑍋𑌦𑌕𑌂 𑌶𑍁𑌦𑍍𑌧𑍇 𑌶𑍁𑌦𑍍𑌧𑌮𑌾𑌸𑌿𑌕𑍍𑌤𑌂 𑌤𑌾𑌦𑍃𑌗𑍇𑌵 𑌭𑌵𑌤𑌿।
𑌏𑌵𑌂 𑌮𑍁𑌨𑍇𑌰𑍍𑌵𑌿𑌜𑌾𑌨𑌤 𑌆𑌤𑍍𑌮𑌾 𑌭𑌵𑌤𑌿 𑌗𑍌𑌤𑌮 ॥15॥