𑌇𑌂𑌦𑍍𑌰𑌾𑌕𑍍𑌷𑍀 𑌸𑍍𑌤𑍋𑌤𑍍𑌰𑌮𑍍

This Bhakti Granth document is presented in Grantha script, with the original script marks preserved.

𑌨𑌾𑌰𑌦 𑌉𑌵𑌾𑌚 ।
𑌇𑌂𑌦𑍍𑌰𑌾𑌕𑍍𑌷𑍀𑌸𑍍𑌤𑍋𑌤𑍍𑌰𑌮𑌾𑌖𑍍𑌯𑌾𑌹𑌿 𑌨𑌾𑌰𑌾𑌯𑌣 𑌗𑍁𑌣𑌾𑌰𑍍𑌣𑌵 ।
𑌪𑌾𑌰𑍍𑌵𑌤𑍍𑌯𑍈 𑌶𑌿𑌵𑌸𑌂𑌪𑍍𑌰𑍋𑌕𑍍𑌤𑌂 𑌪𑌰𑌂 𑌕𑍌𑌤𑍂𑌹𑌲𑌂 𑌹𑌿 𑌮𑍇 ॥

𑌨𑌾𑌰𑌾𑌯𑌣 𑌉𑌵𑌾𑌚 ।
𑌇𑌂𑌦𑍍𑌰𑌾𑌕𑍍𑌷𑍀 𑌸𑍍𑌤𑍋𑌤𑍍𑌰 𑌮𑌂𑌤𑍍𑌰𑌸𑍍𑌯 𑌮𑌾𑌹𑌾𑌤𑍍𑌮𑍍𑌯𑌂 𑌕𑍇𑌨 𑌵𑍋𑌚𑍍𑌯𑌤𑍇 ।
𑌇𑌂𑌦𑍍𑌰𑍇𑌣𑌾𑌦𑍌 𑌕𑍃𑌤𑌂 𑌸𑍍𑌤𑍋𑌤𑍍𑌰𑌂 𑌸𑌰𑍍𑌵𑌾𑌪𑌦𑍍𑌵𑌿𑌨𑌿𑌵𑌾𑌰𑌣𑌮𑍍 ॥

𑌤𑌦𑍇𑌵𑌾𑌹𑌂 𑌬𑍍𑌰𑌵𑍀𑌮𑍍𑌯𑌦𑍍𑌯 𑌪𑍃𑌚𑍍𑌛𑌤𑌸𑍍𑌤𑌵 𑌨𑌾𑌰𑌦 ।
𑌅𑌸𑍍𑌯 𑌶𑍍𑌰𑍀 𑌇𑌂𑌦𑍍𑌰𑌾𑌕𑍍𑌷𑍀𑌸𑍍𑌤𑍋𑌤𑍍𑌰𑌮𑌹𑌾𑌮𑌂𑌤𑍍𑌰𑌸𑍍𑌯, 𑌶𑌚𑍀𑌪𑍁𑌰𑌂𑌦𑌰 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃, 𑌇𑌂𑌦𑍍𑌰𑌾𑌕𑍍𑌷𑍀 𑌦𑍁𑌰𑍍𑌗𑌾 𑌦𑍇𑌵𑌤𑌾, 𑌲𑌕𑍍𑌷𑍍𑌮𑍀𑌰𑍍𑌬𑍀𑌜𑌂, 𑌭𑍁𑌵𑌨𑍇𑌶𑍍𑌵𑌰𑍀 𑌶𑌕𑍍𑌤𑌿𑌃, 𑌭𑌵𑌾𑌨𑍀 𑌕𑍀𑌲𑌕𑌂, 𑌮𑌮 𑌇𑌂𑌦𑍍𑌰𑌾𑌕𑍍𑌷𑍀 𑌪𑍍𑌰𑌸𑌾𑌦 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌕𑌰𑌨𑍍𑌯𑌾𑌸𑌃
𑌇𑌂𑌦𑍍𑌰𑌾𑌕𑍍𑌷𑍍𑌯𑍈 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌮𑌹𑌾𑌲𑌕𑍍𑌷𑍍𑌮𑍍𑌯𑍈 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌮𑌹𑍇𑌶𑍍𑌵𑌰𑍍𑌯𑍈 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌅𑌂𑌬𑍁𑌜𑌾𑌕𑍍𑌷𑍍𑌯𑍈 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌕𑌾𑌤𑍍𑌯𑌾𑌯𑌨𑍍𑌯𑍈 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌕𑍌𑌮𑌾𑌰𑍍𑌯𑍈 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।

𑌅𑌂𑌗𑌨𑍍𑌯𑌾𑌸𑌃
𑌇𑌂𑌦𑍍𑌰𑌾𑌕𑍍𑌷𑍍𑌯𑍈 𑌹𑍃𑌦𑌯𑌾𑌯 𑌨𑌮𑌃 ।
𑌮𑌹𑌾𑌲𑌕𑍍𑌷𑍍𑌮𑍍𑌯𑍈 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌮𑌹𑍇𑌶𑍍𑌵𑌰𑍍𑌯𑍈 𑌶𑌿𑌖𑌾𑌯𑍈 𑌵𑌷𑌟𑍍 ।
𑌅𑌂𑌬𑍁𑌜𑌾𑌕𑍍𑌷𑍍𑌯𑍈 𑌕𑌵𑌚𑌾𑌯 𑌹𑍁𑌮𑍍 ।
𑌕𑌾𑌤𑍍𑌯𑌾𑌯𑌨𑍍𑌯𑍈 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌕𑍌𑌮𑌾𑌰𑍍𑌯𑍈 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌂𑌧𑌃 ॥

𑌧𑍍𑌯𑌾𑌨𑌮𑍍
𑌨𑍇𑌤𑍍𑌰𑌾𑌣𑌾𑌂 𑌦𑌶𑌭𑌿𑌶𑍍𑌶𑌤𑍈𑌃 𑌪𑌰𑌿𑌵𑍃𑌤𑌾𑌮𑌤𑍍𑌯𑍁𑌗𑍍𑌰𑌚𑌰𑍍𑌮𑌾𑌂𑌬𑌰𑌾𑌮𑍍 ।
𑌹𑍇𑌮𑌾𑌭𑌾𑌂 𑌮𑌹𑌤𑍀𑌂 𑌵𑌿𑌲𑌂𑌬𑌿𑌤𑌶𑌿𑌖𑌾𑌮𑌾𑌮𑍁𑌕𑍍𑌤𑌕𑍇𑌶𑌾𑌨𑍍𑌵𑌿𑌤𑌾𑌮𑍍 ॥
𑌘𑌂𑌟𑌾𑌮𑌂𑌡𑌿𑌤𑌪𑌾𑌦𑌪𑌦𑍍𑌮𑌯𑍁𑌗𑌳𑌾𑌂 𑌨𑌾𑌗𑍇𑌂𑌦𑍍𑌰𑌕𑍁𑌂𑌭𑌸𑍍𑌤𑌨𑍀𑌮𑍍 ।
𑌇𑌂𑌦𑍍𑌰𑌾𑌕𑍍𑌷𑍀𑌂 𑌪𑌰𑌿𑌚𑌿𑌂𑌤𑌯𑌾𑌮𑌿 𑌮𑌨𑌸𑌾 𑌕𑌲𑍍𑌪𑍋𑌕𑍍𑌤𑌸𑌿𑌦𑍍𑌧𑌿𑌪𑍍𑌰𑌦𑌾𑌮𑍍 ॥ 1 ॥

𑌇𑌂𑌦𑍍𑌰𑌾𑌕𑍍𑌷𑍀𑌂 𑌦𑍍𑌵𑌿𑌭𑍁𑌜𑌾𑌂 𑌦𑍇𑌵𑍀𑌂 𑌪𑍀𑌤𑌵𑌸𑍍𑌤𑍍𑌰𑌦𑍍𑌵𑌯𑌾𑌨𑍍𑌵𑌿𑌤𑌾𑌮𑍍 ।
𑌵𑌾𑌮𑌹𑌸𑍍𑌤𑍇 𑌵𑌜𑍍𑌰𑌧𑌰𑌾𑌂 𑌦𑌕𑍍𑌷𑌿𑌣𑍇𑌨 𑌵𑌰𑌪𑍍𑌰𑌦𑌾𑌮𑍍 ॥
𑌇𑌂𑌦𑍍𑌰𑌾𑌕𑍍𑌷𑍀𑌂 𑌸𑌹𑌯𑍁𑌵𑌤𑍀𑌂 𑌨𑌾𑌨𑌾𑌲𑌂𑌕𑌾𑌰𑌭𑍂𑌷𑌿𑌤𑌾𑌮𑍍 ।
𑌪𑍍𑌰𑌸𑌨𑍍𑌨𑌵𑌦𑌨𑌾𑌂𑌭𑍋𑌜𑌾𑌮𑌪𑍍𑌸𑌰𑍋𑌗𑌣𑌸𑍇𑌵𑌿𑌤𑌾𑌮𑍍 ॥ 2 ॥

𑌦𑍍𑌵𑌿𑌭𑍁𑌜𑌾𑌂 𑌸𑍌𑌮𑍍𑌯𑌵𑌦𑌾𑌨𑌾𑌂 𑌪𑌾𑌶𑌾𑌂𑌕𑍁𑌶𑌧𑌰𑌾𑌂 𑌪𑌰𑌾𑌮𑍍 ।
𑌤𑍍𑌰𑍈𑌲𑍋𑌕𑍍𑌯𑌮𑍋𑌹𑌿𑌨𑍀𑌂 𑌦𑍇𑌵𑍀𑌂 𑌇𑌂𑌦𑍍𑌰𑌾𑌕𑍍𑌷𑍀 𑌨𑌾𑌮 𑌕𑍀𑌰𑍍𑌤𑌿𑌤𑌾𑌮𑍍 ॥ 3 ॥

𑌪𑍀𑌤𑌾𑌂𑌬𑌰𑌾𑌂 𑌵𑌜𑍍𑌰𑌧𑌰𑍈𑌕𑌹𑌸𑍍𑌤𑌾𑌂
𑌨𑌾𑌨𑌾𑌵𑌿𑌧𑌾𑌲𑌂𑌕𑌰𑌣𑌾𑌂 𑌪𑍍𑌰𑌸𑌨𑍍𑌨𑌾𑌮𑍍 ।
𑌤𑍍𑌵𑌾𑌮𑌪𑍍𑌸𑌰𑌸𑍍𑌸𑍇𑌵𑌿𑌤𑌪𑌾𑌦𑌪𑌦𑍍𑌮𑌾𑌂
𑌇𑌂𑌦𑍍𑌰𑌾𑌕𑍍𑌷𑍀𑌂 𑌵𑌂𑌦𑍇 𑌶𑌿𑌵𑌧𑌰𑍍𑌮𑌪𑌤𑍍𑌨𑍀𑌮𑍍 ॥ 4 ॥

𑌪𑌂𑌚𑌪𑍂𑌜𑌾
𑌲𑌂 𑌪𑍃𑌥𑌿𑌵𑍍𑌯𑌾𑌤𑍍𑌮𑌿𑌕𑌾𑌯𑍈 𑌗𑌂𑌧𑌂 𑌸𑌮𑌰𑍍𑌪𑌯𑌾𑌮𑌿 ।
𑌹𑌂 𑌆𑌕𑌾𑌶𑌾𑌤𑍍𑌮𑌿𑌕𑌾𑌯𑍈 𑌪𑍁𑌷𑍍𑌪𑍈𑌃 𑌪𑍂𑌜𑌯𑌾𑌮𑌿 ।
𑌯𑌂 𑌵𑌾𑌯𑍍𑌵𑌾𑌤𑍍𑌮𑌿𑌕𑌾𑌯𑍈 𑌧𑍂𑌪𑌮𑌾𑌘𑍍𑌰𑌾𑌪𑌯𑌾𑌮𑌿 ।
𑌰𑌂 𑌅𑌗𑍍𑌨𑍍𑌯𑌾𑌤𑍍𑌮𑌿𑌕𑌾𑌯𑍈 𑌦𑍀𑌪𑌂 𑌦𑌰𑍍𑌶𑌯𑌾𑌮𑌿 ।
𑌵𑌂 𑌅𑌮𑍃𑌤𑌾𑌤𑍍𑌮𑌿𑌕𑌾𑌯𑍈 𑌅𑌮𑍃𑌤𑌂 𑌮𑌹𑌾𑌨𑍈𑌵𑍇𑌦𑍍𑌯𑌂 𑌨𑌿𑌵𑍇𑌦𑌯𑌾𑌮𑌿 ।
𑌸𑌂 𑌸𑌰𑍍𑌵𑌾𑌤𑍍𑌮𑌿𑌕𑌾𑌯𑍈 𑌸𑌰𑍍𑌵𑍋𑌪𑌚𑌾𑌰𑌪𑍂𑌜𑌾𑌂 𑌸𑌮𑌰𑍍𑌪𑌯𑌾𑌮𑌿 ॥

𑌦𑌿𑌗𑍍𑌦𑍇𑌵𑌤𑌾 𑌰𑌕𑍍𑌷
𑌇𑌂𑌦𑍍𑌰 𑌉𑌵𑌾𑌚 ।
𑌇𑌂𑌦𑍍𑌰𑌾𑌕𑍍𑌷𑍀 𑌪𑍂𑌰𑍍𑌵𑌤𑌃 𑌪𑌾𑌤𑍁 𑌪𑌾𑌤𑍍𑌵𑌾𑌗𑍍𑌨𑍇𑌯𑍍𑌯𑌾𑌂 𑌤𑌥𑍇𑌶𑍍𑌵𑌰𑍀 ।
𑌕𑍌𑌮𑌾𑌰𑍀 𑌦𑌕𑍍𑌷𑌿𑌣𑍇 𑌪𑌾𑌤𑍁 𑌨𑍈𑌰𑍃𑌤𑍍𑌯𑌾𑌂 𑌪𑌾𑌤𑍁 𑌪𑌾𑌰𑍍𑌵𑌤𑍀 ॥ 1 ॥

𑌵𑌾𑌰𑌾𑌹𑍀 𑌪𑌶𑍍𑌚𑌿𑌮𑍇 𑌪𑌾𑌤𑍁 𑌵𑌾𑌯𑌵𑍍𑌯𑍇 𑌨𑌾𑌰𑌸𑌿𑌂𑌹𑍍𑌯𑌪𑌿 ।
𑌉𑌦𑍀𑌚𑍍𑌯𑌾𑌂 𑌕𑌾𑌳𑌰𑌾𑌤𑍍𑌰𑍀 𑌮𑌾𑌂 𑌐𑌶𑌾𑌨𑍍𑌯𑌾𑌂 𑌸𑌰𑍍𑌵𑌶𑌕𑍍𑌤𑌯𑌃 ॥ 2 ॥

𑌭𑍈𑌰𑌵𑍍𑌯𑍋𑌰𑍍𑌧𑍍𑌵𑌂 𑌸𑌦𑌾 𑌪𑌾𑌤𑍁 𑌪𑌾𑌤𑍍𑌵𑌧𑍋 𑌵𑍈𑌷𑍍𑌣𑌵𑍀 𑌤𑌥𑌾 ।
𑌏𑌵𑌂 𑌦𑌶𑌦𑌿𑌶𑍋 𑌰𑌕𑍍𑌷𑍇𑌤𑍍𑌸𑌰𑍍𑌵𑌦𑌾 𑌭𑍁𑌵𑌨𑍇𑌶𑍍𑌵𑌰𑍀 ॥ 3 ॥

𑌓𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌇𑌂𑌦𑍍𑌰𑌾𑌕𑍍𑌷𑍍𑌯𑍈 𑌨𑌮𑌃 ।

𑌸𑍍𑌤𑍋𑌤𑍍𑌰𑌂
𑌇𑌂𑌦𑍍𑌰𑌾𑌕𑍍𑌷𑍀 𑌨𑌾𑌮 𑌸𑌾 𑌦𑍇𑌵𑍀 𑌦𑍇𑌵𑌤𑍈𑌸𑍍𑌸𑌮𑍁𑌦𑌾𑌹𑍃𑌤𑌾 ।
𑌗𑍌𑌰𑍀 𑌶𑌾𑌕𑌂𑌭𑌰𑍀 𑌦𑍇𑌵𑍀 𑌦𑍁𑌰𑍍𑌗𑌾𑌨𑌾𑌮𑍍𑌨𑍀𑌤𑌿 𑌵𑌿𑌶𑍍𑌰𑍁𑌤𑌾 ॥ 1 ॥

𑌨𑌿𑌤𑍍𑌯𑌾𑌨𑌂𑌦𑍀 𑌨𑌿𑌰𑌾𑌹𑌾𑌰𑍀 𑌨𑌿𑌷𑍍𑌕𑌳𑌾𑌯𑍈 𑌨𑌮𑍋𑌽𑌸𑍍𑌤𑍁 𑌤𑍇 ।
𑌕𑌾𑌤𑍍𑌯𑌾𑌯𑌨𑍀 𑌮𑌹𑌾𑌦𑍇𑌵𑍀 𑌚𑌂𑌦𑍍𑌰𑌘𑌂𑌟𑌾 𑌮𑌹𑌾𑌤𑌪𑌾𑌃 ॥ 2 ॥

𑌸𑌾𑌵𑌿𑌤𑍍𑌰𑍀 𑌸𑌾 𑌚 𑌗𑌾𑌯𑌤𑍍𑌰𑍀 𑌬𑍍𑌰𑌹𑍍𑌮𑌾𑌣𑍀 𑌬𑍍𑌰𑌹𑍍𑌮𑌵𑌾𑌦𑌿𑌨𑍀 ।
𑌨𑌾𑌰𑌾𑌯𑌣𑍀 𑌭𑌦𑍍𑌰𑌕𑌾𑌳𑍀 𑌰𑍁𑌦𑍍𑌰𑌾𑌣𑍀 𑌕𑍃𑌷𑍍𑌣𑌪𑌿𑌂𑌗𑌳𑌾 ॥ 3 ॥

𑌅𑌗𑍍𑌨𑌿𑌜𑍍𑌵𑌾𑌲𑌾 𑌰𑍌𑌦𑍍𑌰𑌮𑍁𑌖𑍀 𑌕𑌾𑌳𑌰𑌾𑌤𑍍𑌰𑍀 𑌤𑌪𑌸𑍍𑌵𑌿𑌨𑍀 ।
𑌮𑍇𑌘𑌸𑍍𑌵𑌨𑌾 𑌸𑌹𑌸𑍍𑌰𑌾𑌕𑍍𑌷𑍀 𑌵𑌿𑌕𑌟𑌾𑌂𑌗𑍀 (𑌵𑌿𑌕𑌾𑌰𑌾𑌂𑌗𑍀) 𑌜𑌡𑍋𑌦𑌰𑍀 ॥ 4 ॥

𑌮𑌹𑍋𑌦𑌰𑍀 𑌮𑍁𑌕𑍍𑌤𑌕𑍇𑌶𑍀 𑌘𑍋𑌰𑌰𑍂𑌪𑌾 𑌮𑌹𑌾𑌬𑌲𑌾 ।
𑌅𑌜𑌿𑌤𑌾 𑌭𑌦𑍍𑌰𑌦𑌾𑌽𑌨𑌂𑌤𑌾 𑌰𑍋𑌗𑌹𑌂𑌤𑍍𑌰𑍀 𑌶𑌿𑌵𑌪𑍍𑌰𑌿𑌯𑌾 ॥ 5 ॥

𑌶𑌿𑌵𑌦𑍂𑌤𑍀 𑌕𑌰𑌾𑌳𑍀 𑌚 𑌪𑍍𑌰𑌤𑍍𑌯𑌕𑍍𑌷𑌪𑌰𑌮𑍇𑌶𑍍𑌵𑌰𑍀 ।
𑌇𑌂𑌦𑍍𑌰𑌾𑌣𑍀 𑌇𑌂𑌦𑍍𑌰𑌰𑍂𑌪𑌾 𑌚 𑌇𑌂𑌦𑍍𑌰𑌶𑌕𑍍𑌤𑌿𑌃𑌪𑌰𑌾𑌯𑌣𑍀 ॥ 6 ॥

𑌸𑌦𑌾 𑌸𑌮𑍍𑌮𑍋𑌹𑌿𑌨𑍀 𑌦𑍇𑌵𑍀 𑌸𑍁𑌂𑌦𑌰𑍀 𑌭𑍁𑌵𑌨𑍇𑌶𑍍𑌵𑌰𑍀 ।
𑌏𑌕𑌾𑌕𑍍𑌷𑌰𑍀 𑌪𑌰𑌾 𑌬𑍍𑌰𑌾𑌹𑍍𑌮𑍀 𑌸𑍍𑌥𑍂𑌲𑌸𑍂𑌕𑍍𑌷𑍍𑌮𑌪𑍍𑌰𑌵𑌰𑍍𑌧𑌨𑍀 ॥ 𑍭 ॥

𑌰𑌕𑍍𑌷𑌾𑌕𑌰𑍀 𑌰𑌕𑍍𑌤𑌦𑌂𑌤𑌾 𑌰𑌕𑍍𑌤𑌮𑌾𑌲𑍍𑌯𑌾𑌂𑌬𑌰𑌾 𑌪𑌰𑌾 ।
𑌮𑌹𑌿𑌷𑌾𑌸𑍁𑌰𑌸𑌂𑌹𑌰𑍍𑌤𑍍𑌰𑍀 𑌚𑌾𑌮𑍁𑌂𑌡𑌾 𑌸𑌪𑍍𑌤𑌮𑌾𑌤𑍃𑌕𑌾 ॥ 𑍮 ॥

𑌵𑌾𑌰𑌾𑌹𑍀 𑌨𑌾𑌰𑌸𑌿𑌂𑌹𑍀 𑌚 𑌭𑍀𑌮𑌾 𑌭𑍈𑌰𑌵𑌵𑌾𑌦𑌿𑌨𑍀 ।
𑌶𑍍𑌰𑍁𑌤𑌿𑌸𑍍𑌸𑍍𑌮𑍃𑌤𑌿𑌰𑍍𑌧𑍃𑌤𑌿𑌰𑍍𑌮𑍇𑌧𑌾 𑌵𑌿𑌦𑍍𑌯𑌾𑌲𑌕𑍍𑌷𑍍𑌮𑍀𑌸𑍍𑌸𑌰𑌸𑍍𑌵𑌤𑍀 ॥ 𑍯 ॥

𑌅𑌨𑌂𑌤𑌾 𑌵𑌿𑌜𑌯𑌾𑌽𑌪𑌰𑍍𑌣𑌾 𑌮𑌾𑌨𑌸𑍋𑌕𑍍𑌤𑌾𑌪𑌰𑌾𑌜𑌿𑌤𑌾 ।
𑌭𑌵𑌾𑌨𑍀 𑌪𑌾𑌰𑍍𑌵𑌤𑍀 𑌦𑍁𑌰𑍍𑌗𑌾 𑌹𑍈𑌮𑌵𑌤𑍍𑌯𑌂𑌬𑌿𑌕𑌾 𑌶𑌿𑌵𑌾 ॥ 10 ॥

𑌶𑌿𑌵𑌾 𑌭𑌵𑌾𑌨𑍀 𑌰𑍁𑌦𑍍𑌰𑌾𑌣𑍀 𑌶𑌂𑌕𑌰𑌾𑌰𑍍𑌧𑌶𑌰𑍀𑌰𑌿𑌣𑍀 ।
𑌐𑌰𑌾𑌵𑌤𑌗𑌜𑌾𑌰𑍂𑌢𑌾 𑌵𑌜𑍍𑌰𑌹𑌸𑍍𑌤𑌾 𑌵𑌰𑌪𑍍𑌰𑌦𑌾 ॥ 11 ॥

𑌧𑍂𑌰𑍍𑌜𑌟𑍀 𑌵𑌿𑌕𑌟𑍀 𑌘𑍋𑌰𑍀 𑌹𑍍𑌯𑌷𑍍𑌟𑌾𑌂𑌗𑍀 𑌨𑌰𑌭𑍋𑌜𑌿𑌨𑍀 ।
𑌭𑍍𑌰𑌾𑌮𑌰𑍀 𑌕𑌾𑌂𑌚𑌿 𑌕𑌾𑌮𑌾𑌕𑍍𑌷𑍀 𑌕𑍍𑌵𑌣𑌨𑍍𑌮𑌾𑌣𑌿𑌕𑍍𑌯𑌨𑍂𑌪𑍁𑌰𑌾 ॥ 12 ॥

𑌹𑍍𑌰𑍀𑌂𑌕𑌾𑌰𑍀 𑌰𑍌𑌦𑍍𑌰𑌭𑍇𑌤𑌾𑌳𑍀 𑌹𑍍𑌰𑍁𑌂𑌕𑌾𑌰𑍍𑌯𑌮𑍃𑌤𑌪𑌾𑌣𑌿𑌨𑍀 ।
𑌤𑍍𑌰𑌿𑌪𑌾𑌦𑍍𑌭𑌸𑍍𑌮𑌪𑍍𑌰𑌹𑌰𑌣𑌾 𑌤𑍍𑌰𑌿𑌶𑌿𑌰𑌾 𑌰𑌕𑍍𑌤𑌲𑍋𑌚𑌨𑌾 ॥ 13 ॥

𑌨𑌿𑌤𑍍𑌯𑌾 𑌸𑌕𑌲𑌕𑌳𑍍𑌯𑌾𑌣𑍀 𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌯𑌿𑌨𑍀 ।
𑌦𑌾𑌕𑍍𑌷𑌾𑌯𑌣𑍀 𑌪𑌦𑍍𑌮𑌹𑌸𑍍𑌤𑌾 𑌭𑌾𑌰𑌤𑍀 𑌸𑌰𑍍𑌵𑌮𑌂𑌗𑌳𑌾 ॥ 14 ॥

𑌕𑌳𑍍𑌯𑌾𑌣𑍀 𑌜𑌨𑌨𑍀 𑌦𑍁𑌰𑍍𑌗𑌾 𑌸𑌰𑍍𑌵𑌦𑍁𑌃𑌖𑌵𑌿𑌨𑌾𑌶𑌿𑌨𑍀 ।
𑌇𑌂𑌦𑍍𑌰𑌾𑌕𑍍𑌷𑍀 𑌸𑌰𑍍𑌵𑌭𑍂𑌤𑍇𑌶𑍀 𑌸𑌰𑍍𑌵𑌰𑍂𑌪𑌾 𑌮𑌨𑍋𑌨𑍍𑌮𑌨𑍀 ॥ 15 ॥

𑌮𑌹𑌿𑌷𑌮𑌸𑍍𑌤𑌕𑌨𑍃𑌤𑍍𑌯𑌵𑌿𑌨𑍋𑌦𑌨-
𑌸𑍍𑌫𑍁𑌟𑌰𑌣𑌨𑍍𑌮𑌣𑌿𑌨𑍂𑌪𑍁𑌰𑌪𑌾𑌦𑍁𑌕𑌾 ।
𑌜𑌨𑌨𑌰𑌕𑍍𑌷𑌣𑌮𑍋𑌕𑍍𑌷𑌵𑌿𑌧𑌾𑌯𑌿𑌨𑍀
𑌜𑌯𑌤𑍁 𑌶𑍁𑌂𑌭𑌨𑌿𑌶𑍁𑌂𑌭𑌨𑌿𑌷𑍂𑌦𑌿𑌨𑍀 ॥ 16 ॥

𑌶𑌿𑌵𑌾 𑌚 𑌶𑌿𑌵𑌰𑍂𑌪𑌾 𑌚 𑌶𑌿𑌵𑌶𑌕𑍍𑌤𑌿𑌪𑌰𑌾𑌯𑌣𑍀 ।
𑌮𑍃𑌤𑍍𑌯𑍁𑌂𑌜𑌯𑍀 𑌮𑌹𑌾𑌮𑌾𑌯𑍀 𑌸𑌰𑍍𑌵𑌰𑍋𑌗𑌨𑌿𑌵𑌾𑌰𑌿𑌣𑍀 ॥ 1𑍭 ॥

𑌐𑌂𑌦𑍍𑌰𑍀𑌦𑍇𑌵𑍀 𑌸𑌦𑌾𑌕𑌾𑌲𑌂 𑌶𑌾𑌂𑌤𑌿𑌮𑌾𑌶𑍁𑌕𑌰𑍋𑌤𑍁 𑌮𑍇 ।
𑌈𑌶𑍍𑌵𑌰𑌾𑌰𑍍𑌧𑌾𑌂𑌗𑌨𑌿𑌲𑌯𑌾 𑌇𑌂𑌦𑍁𑌬𑌿𑌂𑌬𑌨𑌿𑌭𑌾𑌨𑌨𑌾 ॥ 1𑍮 ॥

𑌸𑌰𑍍𑌵𑍋𑌰𑍋𑌗𑌪𑍍𑌰𑌶𑌮𑌨𑍀 𑌸𑌰𑍍𑌵𑌮𑍃𑌤𑍍𑌯𑍁𑌨𑌿𑌵𑌾𑌰𑌿𑌣𑍀 ।
𑌅𑌪𑌵𑌰𑍍𑌗𑌪𑍍𑌰𑌦𑌾 𑌰𑌮𑍍𑌯𑌾 𑌆𑌯𑍁𑌰𑌾𑌰𑍋𑌗𑍍𑌯𑌦𑌾𑌯𑌿𑌨𑍀 ॥ 1𑍯 ॥

𑌇𑌂𑌦𑍍𑌰𑌾𑌦𑌿𑌦𑍇𑌵𑌸𑌂𑌸𑍍𑌤𑍁𑌤𑍍𑌯𑌾 𑌇𑌹𑌾𑌮𑍁𑌤𑍍𑌰𑌫𑌲𑌪𑍍𑌰𑌦𑌾 ।
𑌇𑌚𑍍𑌛𑌾𑌶𑌕𑍍𑌤𑌿𑌸𑍍𑌵𑌰𑍂𑌪𑌾 𑌚 𑌇𑌭𑌵𑌕𑍍𑌤𑍍𑌰𑌾𑌦𑍍𑌵𑌿𑌜𑌨𑍍𑌮𑌭𑍂𑌃 ॥ 20 ॥

𑌭𑌸𑍍𑌮𑌾𑌯𑍁𑌧𑌾𑌯 𑌵𑌿𑌦𑍍𑌮𑌹𑍇 𑌰𑌕𑍍𑌤𑌨𑍇𑌤𑍍𑌰𑌾𑌯 𑌧𑍀𑌮𑌹𑌿 𑌤𑌨𑍍𑌨𑍋 𑌜𑍍𑌵𑌰𑌹𑌰𑌃 𑌪𑍍𑌰𑌚𑍋𑌦𑌯𑌾𑌤𑍍 ॥ 21 ॥

𑌮𑌂𑌤𑍍𑌰𑌃
𑌓𑌂 𑌐𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌕𑍍𑌲𑍀𑌂 𑌕𑍍𑌲𑍂𑌂 𑌇𑌂𑌦𑍍𑌰𑌾𑌕𑍍𑌷𑍍𑌯𑍈 𑌨𑌮𑌃 ॥ 22 ॥

𑌓𑌂 𑌨𑌮𑍋 𑌭𑌗𑌵𑌤𑍀 𑌇𑌂𑌦𑍍𑌰𑌾𑌕𑍍𑌷𑍀 𑌸𑌰𑍍𑌵𑌜𑌨𑌸𑌮𑍍𑌮𑍋𑌹𑌿𑌨𑍀 𑌕𑌾𑌳𑌰𑌾𑌤𑍍𑌰𑍀 𑌨𑌾𑌰𑌸𑌿𑌂𑌹𑍀 𑌸𑌰𑍍𑌵𑌶𑌤𑍍𑌰𑍁𑌸𑌂𑌹𑌾𑌰𑌿𑌣𑍀 𑌅𑌨𑌲𑍇 𑌅𑌭𑌯𑍇 𑌅𑌜𑌿𑌤𑍇 𑌅𑌪𑌰𑌾𑌜𑌿𑌤𑍇 𑌮𑌹𑌾𑌸𑌿𑌂𑌹𑌵𑌾𑌹𑌿𑌨𑍀 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑍀 𑌹𑌨 𑌹𑌨 𑌮𑌰𑍍𑌦𑌯 𑌮𑌰𑍍𑌦𑌯 𑌮𑌾𑌰𑌯 𑌮𑌾𑌰𑌯 𑌶𑍋𑌷𑌯 𑌶𑍋𑌷𑌯 𑌦𑌾𑌹𑌯 𑌦𑌾𑌹𑌯 𑌮𑌹𑌾𑌗𑍍𑌰𑌹𑌾𑌨𑍍 𑌸𑌂𑌹𑌰 𑌸𑌂𑌹𑌰 𑌯𑌕𑍍𑌷𑌗𑍍𑌰𑌹 𑌰𑌾𑌕𑍍𑌷𑌸𑌗𑍍𑌰𑌹 𑌸𑍍𑌕𑌂𑌦𑌗𑍍𑌰𑌹 𑌵𑌿𑌨𑌾𑌯𑌕𑌗𑍍𑌰𑌹 𑌬𑌾𑌲𑌗𑍍𑌰𑌹 𑌕𑍁𑌮𑌾𑌰𑌗𑍍𑌰𑌹 𑌚𑍋𑌰𑌗𑍍𑌰𑌹 𑌭𑍂𑌤𑌗𑍍𑌰𑌹 𑌪𑍍𑌰𑍇𑌤𑌗𑍍𑌰𑌹 𑌪𑌿𑌶𑌾𑌚𑌗𑍍𑌰𑌹 𑌕𑍂𑌷𑍍𑌮𑌾𑌂𑌡𑌗𑍍𑌰𑌹𑌾𑌦𑍀𑌨𑍍 𑌮𑌰𑍍𑌦𑌯 𑌮𑌰𑍍𑌦𑌯 𑌨𑌿𑌗𑍍𑌰𑌹 𑌨𑌿𑌗𑍍𑌰𑌹 𑌧𑍂𑌮𑌭𑍂𑌤𑌾𑌨𑍍𑌸𑌂𑌤𑍍𑌰𑌾𑌵𑌯 𑌸𑌂𑌤𑍍𑌰𑌾𑌵𑌯 𑌭𑍂𑌤𑌜𑍍𑌵𑌰 𑌪𑍍𑌰𑍇𑌤𑌜𑍍𑌵𑌰 𑌪𑌿𑌶𑌾𑌚𑌜𑍍𑌵𑌰 𑌉𑌷𑍍𑌣𑌜𑍍𑌵𑌰 𑌪𑌿𑌤𑍍𑌤𑌜𑍍𑌵𑌰 𑌵𑌾𑌤𑌜𑍍𑌵𑌰 𑌶𑍍𑌲𑍇𑌷𑍍𑌮𑌜𑍍𑌵𑌰 𑌕𑌫𑌜𑍍𑌵𑌰 𑌆𑌲𑌾𑌪𑌜𑍍𑌵𑌰 𑌸𑌨𑍍𑌨𑌿𑌪𑌾𑌤𑌜𑍍𑌵𑌰 𑌮𑌾𑌹𑍇𑌂𑌦𑍍𑌰𑌜𑍍𑌵𑌰 𑌕𑍃𑌤𑍍𑌰𑌿𑌮𑌜𑍍𑌵𑌰 𑌕𑍃𑌤𑍍𑌯𑌾𑌦𑌿𑌜𑍍𑌵𑌰 𑌏𑌕𑌾𑌹𑌿𑌕𑌜𑍍𑌵𑌰 𑌦𑍍𑌵𑌯𑌾𑌹𑌿𑌕𑌜𑍍𑌵𑌰 𑌤𑍍𑌰𑌯𑌾𑌹𑌿𑌕𑌜𑍍𑌵𑌰 𑌚𑌾𑌤𑍁𑌰𑍍𑌥𑌿𑌕𑌜𑍍𑌵𑌰 𑌪𑌂𑌚𑌾𑌹𑌿𑌕𑌜𑍍𑌵𑌰 𑌪𑌕𑍍𑌷𑌜𑍍𑌵𑌰 𑌮𑌾𑌸𑌜𑍍𑌵𑌰 𑌷𑌣𑍍𑌮𑌾𑌸𑌜𑍍𑌵𑌰 𑌸𑌂𑌵𑌤𑍍𑌸𑌰𑌜𑍍𑌵𑌰 𑌜𑍍𑌵𑌰𑌾𑌲𑌾𑌪𑌜𑍍𑌵𑌰 𑌸𑌰𑍍𑌵𑌜𑍍𑌵𑌰 𑌸𑌰𑍍𑌵𑌾𑌂𑌗𑌜𑍍𑌵𑌰𑌾𑌨𑍍 𑌨𑌾𑌶𑌯 𑌨𑌾𑌶𑌯 𑌹𑌰 𑌹𑌰 𑌹𑌨 𑌹𑌨 𑌦𑌹 𑌦𑌹 𑌪𑌚 𑌪𑌚 𑌤𑌾𑌡𑌯 𑌤𑌾𑌡𑌯 𑌆𑌕𑌰𑍍𑌷𑌯 𑌆𑌕𑌰𑍍𑌷𑌯 𑌵𑌿𑌦𑍍𑌵𑍇𑌷𑌯 𑌵𑌿𑌦𑍍𑌵𑍇𑌷𑌯 𑌸𑍍𑌤𑌂𑌭𑌯 𑌸𑍍𑌤𑌂𑌭𑌯 𑌮𑍋𑌹𑌯 𑌮𑍋𑌹𑌯 𑌉𑌚𑍍𑌚𑌾𑌟𑌯 𑌉𑌚𑍍𑌚𑌾𑌟𑌯 𑌹𑍁𑌂 𑌫𑌟𑍍 𑌸𑍍𑌵𑌾𑌹𑌾 ॥ 23 ॥

𑌓𑌂 𑌹𑍍𑌰𑍀𑌂 𑌓𑌂 𑌨𑌮𑍋 𑌭𑌗𑌵𑌤𑍀 𑌤𑍍𑌰𑍈𑌲𑍋𑌕𑍍𑌯𑌲𑌕𑍍𑌷𑍍𑌮𑍀 𑌸𑌰𑍍𑌵𑌜𑌨𑌵𑌶𑌂𑌕𑌰𑍀 𑌸𑌰𑍍𑌵𑌦𑍁𑌷𑍍𑌟𑌗𑍍𑌰𑌹𑌸𑍍𑌤𑌂𑌭𑌿𑌨𑍀 𑌕𑌂𑌕𑌾𑌳𑍀 𑌕𑌾𑌮𑌰𑍂𑌪𑌿𑌣𑍀 𑌕𑌾𑌲𑌰𑍂𑌪𑌿𑌣𑍀 𑌘𑍋𑌰𑌰𑍂𑌪𑌿𑌣𑍀 𑌪𑌰𑌮𑌂𑌤𑍍𑌰𑌪𑌰𑌯𑌂𑌤𑍍𑌰 𑌪𑍍𑌰𑌭𑍇𑌦𑌿𑌨𑍀 𑌪𑍍𑌰𑌤𑌿𑌭𑌟𑌵𑌿𑌧𑍍𑌵𑌂𑌸𑌿𑌨𑍀 𑌪𑌰𑌬𑌲𑌤𑍁𑌰𑌗𑌵𑌿𑌮𑌰𑍍𑌦𑌿𑌨𑍀 𑌶𑌤𑍍𑌰𑍁𑌕𑌰𑌚𑍍𑌛𑍇𑌦𑌿𑌨𑍀 𑌶𑌤𑍍𑌰𑍁𑌮𑌾𑌂𑌸𑌭𑌕𑍍𑌷𑌿𑌣𑍀 𑌸𑌕𑌲𑌦𑍁𑌷𑍍𑌟𑌜𑍍𑌵𑌰𑌨𑌿𑌵𑌾𑌰𑌿𑌣𑍀 𑌭𑍂𑌤 𑌪𑍍𑌰𑍇𑌤 𑌪𑌿𑌶𑌾𑌚 𑌬𑍍𑌰𑌹𑍍𑌮𑌰𑌾𑌕𑍍𑌷𑌸 𑌯𑌕𑍍𑌷 𑌯𑌮𑌦𑍂𑌤 𑌶𑌾𑌕𑌿𑌨𑍀 𑌡𑌾𑌕𑌿𑌨𑍀 𑌕𑌾𑌮𑌿𑌨𑍀 𑌸𑍍𑌤𑌂𑌭𑌿𑌨𑍀 𑌮𑍋𑌹𑌿𑌨𑍀 𑌵𑌶𑌂𑌕𑌰𑍀 𑌕𑍁𑌕𑍍𑌷𑌿𑌰𑍋𑌗 𑌶𑌿𑌰𑍋𑌰𑍋𑌗 𑌨𑍇𑌤𑍍𑌰𑌰𑍋𑌗 𑌕𑍍𑌷𑌯𑌾𑌪𑌸𑍍𑌮𑌾𑌰 𑌕𑍁𑌷𑍍𑌠𑌾𑌦𑌿 𑌮𑌹𑌾𑌰𑍋𑌗𑌨𑌿𑌵𑌾𑌰𑌿𑌣𑍀 𑌮𑌮 𑌸𑌰𑍍𑌵𑌰𑍋𑌗𑌂 𑌨𑌾𑌶𑌯 𑌨𑌾𑌶𑌯 𑌹𑍍𑌰𑌾𑌂 𑌹𑍍𑌰𑍀𑌂 𑌹𑍍𑌰𑍂𑌂 𑌹𑍍𑌰𑍈𑌂 𑌹𑍍𑌰𑍌𑌂 𑌹𑍍𑌰𑌃 𑌹𑍁𑌂 𑌫𑌟𑍍 𑌸𑍍𑌵𑌾𑌹𑌾 ॥ 24 ॥

𑌓𑌂 𑌨𑌮𑍋 𑌭𑌗𑌵𑌤𑍀 𑌮𑌾𑌹𑍇𑌶𑍍𑌵𑌰𑍀 𑌮𑌹𑌾𑌚𑌿𑌂𑌤𑌾𑌮𑌣𑍀 𑌦𑍁𑌰𑍍𑌗𑍇 𑌸𑌕𑌲𑌸𑌿𑌦𑍍𑌧𑍇𑌶𑍍𑌵𑌰𑍀 𑌸𑌕𑌲𑌜𑌨𑌮𑌨𑍋𑌹𑌾𑌰𑌿𑌣𑍀 𑌕𑌾𑌲𑌕𑌾𑌲𑌰𑌾𑌤𑍍𑌰𑍀 𑌮𑌹𑌾𑌘𑍋𑌰𑌰𑍂𑌪𑍇 𑌪𑍍𑌰𑌤𑌿𑌹𑌤𑌵𑌿𑌶𑍍𑌵𑌰𑍂𑌪𑌿𑌣𑍀 𑌮𑌧𑍁𑌸𑍂𑌦𑌨𑍀 𑌮𑌹𑌾𑌵𑌿𑌷𑍍𑌣𑍁𑌸𑍍𑌵𑌰𑍂𑌪𑌿𑌣𑍀 𑌶𑌿𑌰𑌶𑍍𑌶𑍂𑌲 𑌕𑌟𑌿𑌶𑍂𑌲 𑌅𑌂𑌗𑌶𑍂𑌲 𑌪𑌾𑌰𑍍𑌶𑍍𑌵𑌶𑍂𑌲 𑌨𑍇𑌤𑍍𑌰𑌶𑍂𑌲 𑌕𑌰𑍍𑌣𑌶𑍂𑌲 𑌪𑌕𑍍𑌷𑌶𑍂𑌲 𑌪𑌾𑌂𑌡𑍁𑌰𑍋𑌗 𑌕𑌾𑌮𑌾𑌰𑌾𑌦𑍀𑌨𑍍 𑌸𑌂𑌹𑌰 𑌸𑌂𑌹𑌰 𑌨𑌾𑌶𑌯 𑌨𑌾𑌶𑌯 𑌵𑍈𑌷𑍍𑌣𑌵𑍀 𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑍇𑌣 𑌵𑌿𑌷𑍍𑌣𑍁𑌚𑌕𑍍𑌰𑍇𑌣 𑌰𑍁𑌦𑍍𑌰𑌶𑍂𑌲𑍇𑌨 𑌯𑌮𑌦𑌂𑌡𑍇𑌨 𑌵𑌰𑍁𑌣𑌪𑌾𑌶𑍇𑌨 𑌵𑌾𑌸𑌵𑌵𑌜𑍍𑌰𑍇𑌣 𑌸𑌰𑍍𑌵𑌾𑌨𑌰𑍀𑌂 𑌭𑌂𑌜𑌯 𑌭𑌂𑌜𑌯 𑌰𑌾𑌜𑌯𑌕𑍍𑌷𑍍𑌮 𑌕𑍍𑌷𑌯𑌰𑍋𑌗 𑌤𑌾𑌪𑌜𑍍𑌵𑌰𑌨𑌿𑌵𑌾𑌰𑌿𑌣𑍀 𑌮𑌮 𑌸𑌰𑍍𑌵𑌜𑍍𑌵𑌰𑌂 𑌨𑌾𑌶𑌯 𑌨𑌾𑌶𑌯 𑌯 𑌰 𑌲 𑌵 𑌶 𑌷 𑌸 𑌹 𑌸𑌰𑍍𑌵𑌗𑍍𑌰𑌹𑌾𑌨𑍍 𑌤𑌾𑌪𑌯 𑌤𑌾𑌪𑌯 𑌸𑌂𑌹𑌰 𑌸𑌂𑌹𑌰 𑌛𑍇𑌦𑌯 𑌛𑍇𑌦𑌯 𑌉𑌚𑍍𑌚𑌾𑌟𑌯 𑌉𑌚𑍍𑌚𑌾𑌟𑌯 𑌹𑍍𑌰𑌾𑌂 𑌹𑍍𑌰𑍀𑌂 𑌹𑍍𑌰𑍂𑌂 𑌫𑌟𑍍 𑌸𑍍𑌵𑌾𑌹𑌾 ॥ 25 ॥

𑌉𑌤𑍍𑌤𑌰𑌨𑍍𑌯𑌾𑌸𑌃
𑌕𑌰𑌨𑍍𑌯𑌾𑌸𑌃
𑌇𑌂𑌦𑍍𑌰𑌾𑌕𑍍𑌷𑍍𑌯𑍈 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌮𑌹𑌾𑌲𑌕𑍍𑌷𑍍𑌮𑍍𑌯𑍈 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌮𑌹𑍇𑌶𑍍𑌵𑌰𑍍𑌯𑍈 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌅𑌂𑌬𑍁𑌜𑌾𑌕𑍍𑌷𑍍𑌯𑍈 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌕𑌾𑌤𑍍𑌯𑌾𑌯𑌨𑍍𑌯𑍈 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌕𑍌𑌮𑌾𑌰𑍍𑌯𑍈 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।

𑌸𑌮𑌰𑍍𑌪𑌣𑌂
𑌗𑍁𑌹𑍍𑌯𑌾𑌦𑌿 𑌗𑍁𑌹𑍍𑌯 𑌗𑍋𑌪𑍍𑌤𑍍𑌰𑍀 𑌤𑍍𑌵𑌂 𑌗𑍃𑌹𑌾𑌣𑌾𑌸𑍍𑌮𑌤𑍍𑌕𑍃𑌤𑌂 𑌜𑌪𑌮𑍍 ।
𑌸𑌿𑌦𑍍𑌧𑌿𑌰𑍍𑌭𑌵𑌤𑍁 𑌮𑍇 𑌦𑍇𑌵𑍀 𑌤𑍍𑌵𑌤𑍍𑌪𑍍𑌰𑌸𑌾𑌦𑌾𑌨𑍍𑌮𑌯𑌿 𑌸𑍍𑌥𑌿𑌰𑌾𑌨𑍍 ॥ 26

𑌫𑌲𑌶𑍍𑌰𑍁𑌤𑌿𑌃
𑌨𑌾𑌰𑌾𑌯𑌣 𑌉𑌵𑌾𑌚 ।
𑌏𑌤𑍈𑌰𑍍𑌨𑌾𑌮𑌶𑌤𑍈𑌰𑍍𑌦𑌿𑌵𑍍𑌯𑍈𑌃 𑌸𑍍𑌤𑍁𑌤𑌾 𑌶𑌕𑍍𑌰𑍇𑌣 𑌧𑍀𑌮𑌤𑌾 ।
𑌆𑌯𑍁𑌰𑌾𑌰𑍋𑌗𑍍𑌯𑌮𑍈𑌶𑍍𑌵𑌰𑍍𑌯𑌂 𑌅𑌪𑌮𑍃𑌤𑍍𑌯𑍁𑌭𑌯𑌾𑌪𑌹𑌮𑍍 ॥ 2𑍭 ॥

𑌕𑍍𑌷𑌯𑌾𑌪𑌸𑍍𑌮𑌾𑌰𑌕𑍁𑌷𑍍𑌠𑌾𑌦𑌿 𑌤𑌾𑌪𑌜𑍍𑌵𑌰𑌨𑌿𑌵𑌾𑌰𑌣𑌮𑍍 ।
𑌚𑍋𑌰𑌵𑍍𑌯𑌾𑌘𑍍𑌰𑌭𑌯𑌂 𑌤𑌤𑍍𑌰 𑌶𑍀𑌤𑌜𑍍𑌵𑌰𑌨𑌿𑌵𑌾𑌰𑌣𑌮𑍍 ॥ 2𑍮 ॥

𑌮𑌾𑌹𑍇𑌶𑍍𑌵𑌰𑌮𑌹𑌾𑌮𑌾𑌰𑍀 𑌸𑌰𑍍𑌵𑌜𑍍𑌵𑌰𑌨𑌿𑌵𑌾𑌰𑌣𑌮𑍍 ।
𑌶𑍀𑌤𑌪𑍈𑌤𑍍𑌤𑌕𑌵𑌾𑌤𑌾𑌦𑌿 𑌸𑌰𑍍𑌵𑌰𑍋𑌗𑌨𑌿𑌵𑌾𑌰𑌣𑌮𑍍 ॥ 2𑍯 ॥

𑌸𑌨𑍍𑌨𑌿𑌜𑍍𑌵𑌰𑌨𑌿𑌵𑌾𑌰𑌣𑌂 𑌸𑌰𑍍𑌵𑌜𑍍𑌵𑌰𑌨𑌿𑌵𑌾𑌰𑌣𑌮𑍍 ।
𑌸𑌰𑍍𑌵𑌰𑍋𑌗𑌨𑌿𑌵𑌾𑌰𑌣𑌂 𑌸𑌰𑍍𑌵𑌮𑌂𑌗𑌳𑌵𑌰𑍍𑌧𑌨𑌮𑍍 ॥ 30 ॥

𑌶𑌤𑌮𑌾𑌵𑌰𑍍𑌤𑌯𑍇𑌦𑍍𑌯𑌸𑍍𑌤𑍁 𑌮𑍁𑌚𑍍𑌯𑌤𑍇 𑌵𑍍𑌯𑌾𑌧𑌿𑌬𑌂𑌧𑌨𑌾𑌤𑍍 ।
𑌆𑌵𑌰𑍍𑌤𑌯𑌨𑍍𑌸𑌹𑌸𑍍𑌰𑌾𑌤𑍍𑌤𑍁 𑌲𑌭𑌤𑍇 𑌵𑌾𑌂𑌛𑌿𑌤𑌂 𑌫𑌲𑌮𑍍 ॥ 31 ॥

𑌏𑌤𑌤𑍍 𑌸𑍍𑌤𑍋𑌤𑍍𑌰𑌂 𑌮𑌹𑌾𑌪𑍁𑌣𑍍𑌯𑌂 𑌜𑌪𑍇𑌦𑌾𑌯𑍁𑌷𑍍𑌯𑌵𑌰𑍍𑌧𑌨𑌮𑍍 ।
𑌵𑌿𑌨𑌾𑌶𑌾𑌯 𑌚 𑌰𑍋𑌗𑌾𑌣𑌾𑌮𑌪𑌮𑍃𑌤𑍍𑌯𑍁𑌹𑌰𑌾𑌯 𑌚 ॥ 32 ॥

𑌦𑍍𑌵𑌿𑌜𑍈𑌰𑍍𑌨𑌿𑌤𑍍𑌯𑌮𑌿𑌦𑌂 𑌜𑌪𑍍𑌯𑌂 𑌭𑌾𑌗𑍍𑌯𑌾𑌰𑍋𑌗𑍍𑌯𑌾𑌭𑍀𑌪𑍍𑌸𑍁𑌭𑌿𑌃 ।
𑌨𑌾𑌭𑌿𑌮𑌾𑌤𑍍𑌰𑌜𑌲𑍇𑌸𑍍𑌥𑌿𑌤𑍍𑌵𑌾 𑌸𑌹𑌸𑍍𑌰𑌪𑌰𑌿𑌸𑌂𑌖𑍍𑌯𑌯𑌾 ॥ 33 ॥

𑌜𑌪𑍇𑌤𑍍𑌸𑍍𑌤𑍋𑌤𑍍𑌰𑌮𑌿𑌮𑌂 𑌮𑌂𑌤𑍍𑌰𑌂 𑌵𑌾𑌚𑌾𑌂 𑌸𑌿𑌦𑍍𑌧𑌿𑌰𑍍𑌭𑌵𑍇𑌤𑍍𑌤𑌤𑌃 ।
𑌅𑌨𑍇𑌨𑌵𑌿𑌧𑌿𑌨𑌾 𑌭𑌕𑍍𑌤𑍍𑌯𑌾 𑌮𑌂𑌤𑍍𑌰𑌸𑌿𑌦𑍍𑌧𑌿𑌶𑍍𑌚 𑌜𑌾𑌯𑌤𑍇 ॥ 34 ॥

𑌸𑌂𑌤𑍁𑌷𑍍𑌟𑌾 𑌚 𑌭𑌵𑍇𑌦𑍍𑌦𑍇𑌵𑍀 𑌪𑍍𑌰𑌤𑍍𑌯𑌕𑍍𑌷𑌾 𑌸𑌂𑌪𑍍𑌰𑌜𑌾𑌯𑌤𑍇 ।
𑌸𑌾𑌯𑌂 𑌶𑌤𑌂 𑌪𑌠𑍇𑌨𑍍𑌨𑌿𑌤𑍍𑌯𑌂 𑌷𑌣𑍍𑌮𑌾𑌸𑌾𑌤𑍍𑌸𑌿𑌦𑍍𑌧𑌿𑌰𑍁𑌚𑍍𑌯𑌤𑍇 ॥ 35 ॥

𑌚𑍋𑌰𑌵𑍍𑌯𑌾𑌧𑌿𑌭𑌯𑌸𑍍𑌥𑌾𑌨𑍇 𑌮𑌨𑌸𑌾𑌹𑍍𑌯𑌨𑍁𑌚𑌿𑌂𑌤𑌯𑌨𑍍 ।
𑌸𑌂𑌵𑌤𑍍𑌸𑌰𑌮𑍁𑌪𑌾𑌶𑍍𑌰𑌿𑌤𑍍𑌯 𑌸𑌰𑍍𑌵𑌕𑌾𑌮𑌾𑌰𑍍𑌥𑌸𑌿𑌦𑍍𑌧𑌯𑍇 ॥ 36 ॥

𑌰𑌾𑌜𑌾𑌨𑌂 𑌵𑌶𑍍𑌯𑌮𑌾𑌪𑍍𑌨𑍋𑌤𑌿 𑌷𑌣𑍍𑌮𑌾𑌸𑌾𑌨𑍍𑌨𑌾𑌤𑍍𑌰 𑌸𑌂𑌶𑌯𑌃 ।
𑌅𑌷𑍍𑌟𑌦𑍋𑌰𑍍𑌭𑌿𑌸𑍍𑌸𑌮𑌾𑌯𑍁𑌕𑍍𑌤𑍇 𑌨𑌾𑌨𑌾𑌯𑍁𑌦𑍍𑌧𑌵𑌿𑌶𑌾𑌰𑌦𑍇 ॥ 3𑍭 ॥

𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑍇𑌭𑍍𑌯𑍋 𑌰𑍋𑌗𑌾𑌰𑌾𑌤𑌿𑌮𑍁𑌖𑍈𑌰𑌪𑌿 ।
𑌨𑌾𑌗𑍇𑌭𑍍𑌯𑌃 𑌵𑌿𑌷𑌯𑌂𑌤𑍍𑌰𑍇𑌭𑍍𑌯𑌃 𑌆𑌭𑌿𑌚𑌾𑌰𑍈𑌰𑍍𑌮𑌹𑍇𑌶𑍍𑌵𑌰𑍀 ॥ 3𑍮 ॥

𑌰𑌕𑍍𑌷 𑌮𑌾𑌂 𑌰𑌕𑍍𑌷 𑌮𑌾𑌂 𑌨𑌿𑌤𑍍𑌯𑌂 𑌪𑍍𑌰𑌤𑍍𑌯𑌹𑌂 𑌪𑍂𑌜𑌿𑌤𑌾 𑌮𑌯𑌾 ।
𑌸𑌰𑍍𑌵𑌮𑌂𑌗𑌳𑌮𑌾𑌂𑌗𑌳𑍍𑌯𑍇 𑌶𑌿𑌵𑍇 𑌸𑌰𑍍𑌵𑌾𑌰𑍍𑌥𑌸𑌾𑌧𑌿𑌕𑍇 ।
𑌶𑌰𑌣𑍍𑌯𑍇 𑌤𑍍𑌰𑍍𑌯𑌂𑌬𑌕𑍇 𑌦𑍇𑌵𑍀 𑌨𑌾𑌰𑌾𑌯𑌣𑍀 𑌨𑌮𑍋𑌽𑌸𑍍𑌤𑍁 𑌤𑍇 ॥ 3𑍯 ॥

𑌵𑌰𑌂 𑌪𑍍𑌰𑌦𑌾𑌦𑍍𑌮𑌹𑍇𑌂𑌦𑍍𑌰𑌾𑌯 𑌦𑍇𑌵𑌰𑌾𑌜𑍍𑌯𑌂 𑌚 𑌶𑌾𑌶𑍍𑌵𑌤𑌮𑍍 ।
𑌇𑌂𑌦𑍍𑌰𑌸𑍍𑌤𑍋𑌤𑍍𑌰𑌮𑌿𑌦𑌂 𑌪𑍁𑌣𑍍𑌯𑌂 𑌮𑌹𑌦𑍈𑌶𑍍𑌵𑌰𑍍𑌯𑌕𑌾𑌰𑌣𑌮𑍍 ॥ 40 ॥

𑌇𑌤𑌿 𑌇𑌂𑌦𑍍𑌰𑌾𑌕𑍍𑌷𑍀 𑌸𑍍𑌤𑍋𑌤𑍍𑌰𑌮𑍍 ।

प्रायः पृष्टाः प्रश्नाः

What is 𑌇𑌂𑌦𑍍𑌰𑌾𑌕𑍍𑌷𑍀 𑌸𑍍𑌤𑍋𑌤𑍍𑌰𑌮𑍍?

𑌇𑌂𑌦𑍍𑌰𑌾𑌕𑍍𑌷𑍀 𑌸𑍍𑌤𑍋𑌤𑍍𑌰𑌮𑍍 is a devotional text available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌇𑌂𑌦𑍍𑌰𑌾𑌕𑍍𑌷𑍀 𑌸𑍍𑌤𑍋𑌤𑍍𑌰𑌮𑍍 online?

Yes. The imported text is available directly on this page for online reading and recitation.

Can I download 𑌇𑌂𑌦𑍍𑌰𑌾𑌕𑍍𑌷𑍀 𑌸𑍍𑌤𑍋𑌤𑍍𑌰𑌮𑍍 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु