𑌗𑍋𑌪𑌾𑌲 𑌸𑌹𑌸𑍍𑌰 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍

𑌕𑍈𑌲𑌾𑌸𑌶𑌿𑌖𑌰𑍇 𑌰𑌮𑍍𑌯𑍇 𑌗𑍌𑌰𑍀 𑌪𑌪𑍍𑌰𑌚𑍍𑌛 𑌶𑌂𑌕𑌰𑌮𑍍 ।
𑌬𑍍𑌰𑌹𑍍𑌮𑌾𑌂𑌡𑌾𑌖𑌿𑌲𑌨𑌾𑌥𑌸𑍍𑌤𑍍𑌵𑌂 𑌸𑍃𑌷𑍍𑌟𑌿𑌸𑌂𑌹𑌾𑌰𑌕𑌾𑌰𑌕𑌃 ॥ 1 ॥

𑌤𑍍𑌵𑌮𑍇𑌵 𑌪𑍂𑌜𑍍𑌯𑌸𑍇 𑌲𑍋𑌕𑍈𑌰𑍍𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌸𑍁𑌰𑌾𑌦𑌿𑌭𑌿𑌃 ।
𑌨𑌿𑌤𑍍𑌯𑌂 𑌪𑌠𑌸𑌿 𑌦𑍇𑌵𑍇𑌶 𑌕𑌸𑍍𑌯 𑌸𑍍𑌤𑍋𑌤𑍍𑌰𑌂 𑌮𑌹𑍇𑌶𑍍𑌵𑌰 ॥ 2 ॥

𑌆𑌶𑍍𑌚𑌰𑍍𑌯𑌮𑌿𑌦𑌮𑌤𑍍𑌯𑌂𑌤𑌂 𑌜𑌾𑌯𑌤𑍇 𑌮𑌮 𑌶𑌂𑌕𑌰 ।
𑌤𑌤𑍍𑌪𑍍𑌰𑌾𑌣𑍇𑌶 𑌮𑌹𑌾𑌪𑍍𑌰𑌾𑌜𑍍𑌞 𑌸𑌂𑌶𑌯𑌂 𑌛𑌿𑌂𑌧𑌿 𑌮𑍇 𑌪𑍍𑌰𑌭𑍋 ॥ 3 ॥

𑌶𑍍𑌰𑍀𑌮𑌹𑌾𑌦𑍇𑌵 𑌉𑌵𑌾𑌚-
𑌧𑌨𑍍𑌯𑌾𑌸𑌿 𑌕𑍃𑌤𑌪𑍁𑌣𑍍𑌯𑌾𑌸𑌿 𑌪𑌾𑌰𑍍𑌵𑌤𑌿 𑌪𑍍𑌰𑌾𑌣𑌵𑌲𑍍𑌲𑌭𑍇 ।
𑌰𑌹𑌸𑍍𑌯𑌾𑌤𑌿𑌰𑌹𑌸𑍍𑌯𑌂 𑌚 𑌯𑌤𑍍𑌪𑍃𑌚𑍍𑌛𑌸𑌿 𑌵𑌰𑌾𑌨𑌨𑍇 ॥ 4 ॥

𑌸𑍍𑌤𑍍𑌰𑍀𑌸𑍍𑌵𑌭𑌾𑌵𑌾𑌨𑍍𑌮𑌹𑌾𑌦𑍇𑌵𑌿 𑌪𑍁𑌨𑌸𑍍𑌤𑍍𑌵𑌂 𑌪𑌰𑌿𑌪𑍃𑌚𑍍𑌛𑌸𑌿 ।
𑌗𑍋𑌪𑌨𑍀𑌯𑌂 𑌗𑍋𑌪𑌨𑍀𑌯𑌂 𑌗𑍋𑌪𑌨𑍀𑌯𑌂 𑌪𑍍𑌰𑌯𑌤𑍍𑌨𑌤𑌃 ॥ 5 ॥

𑌦𑌤𑍍𑌤𑍇 𑌚 𑌸𑌿𑌦𑍍𑌧𑌿𑌹𑌾𑌨𑌿𑌃 𑌸𑍍𑌯𑌾𑌤𑍍𑌤𑌸𑍍𑌮𑌾𑌦𑍍𑌯𑌤𑍍𑌨𑍇𑌨 𑌗𑍋𑌪𑌯𑍇𑌤𑍍 ।
𑌇𑌦𑌂 𑌰𑌹𑌸𑍍𑌯𑌂 𑌪𑌰𑌮𑌂 𑌪𑍁𑌰𑍁𑌷𑌾𑌰𑍍𑌥𑌪𑍍𑌰𑌦𑌾𑌯𑌕𑌮𑍍 ॥ 6 ॥

𑌧𑌨𑌰𑌤𑍍𑌨𑍌𑌘𑌮𑌾𑌣𑌿𑌕𑍍𑌯𑌂 𑌤𑍁𑌰𑌂𑌗𑌂 𑌚 𑌗𑌜𑌾𑌦𑌿𑌕𑌮𑍍 ।
𑌦𑌦𑌾𑌤𑌿 𑌸𑍍𑌮𑌰𑌣𑌾𑌦𑍇𑌵 𑌮𑌹𑌾𑌮𑍋𑌕𑍍𑌷𑌪𑍍𑌰𑌦𑌾𑌯𑌕𑌮𑍍 ॥ 𑍭 ॥

𑌤𑌤𑍍𑌤𑍇𑌽𑌹𑌂 𑌸𑌂𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁𑌷𑍍𑌵𑌾𑌵𑌹𑌿𑌤𑌾 𑌪𑍍𑌰𑌿𑌯𑍇 ।
𑌯𑍋𑌽𑌸𑍌 𑌨𑌿𑌰𑌂𑌜𑌨𑍋 𑌦𑍇𑌵𑌶𑍍𑌚𑌿𑌤𑍍𑌸𑍍𑌵𑌰𑍂𑌪𑍀 𑌜𑌨𑌾𑌰𑍍𑌦𑌨𑌃 ॥ 𑍮 ॥

𑌸𑌂𑌸𑌾𑌰𑌸𑌾𑌗𑌰𑍋𑌤𑍍𑌤𑌾𑌰𑌕𑌾𑌰𑌣𑌾𑌯 𑌨𑍃𑌣𑌾𑌂 𑌸𑌦𑌾 ।
𑌶𑍍𑌰𑍀𑌰𑌂𑌗𑌾𑌦𑌿𑌕𑌰𑍂𑌪𑍇𑌣 𑌤𑍍𑌰𑍈𑌲𑍋𑌕𑍍𑌯𑌂 𑌵𑍍𑌯𑌾𑌪𑍍𑌯 𑌤𑌿𑌷𑍍𑌠𑌤𑌿 ॥ 𑍯 ॥

𑌤𑌤𑍋 𑌲𑍋𑌕𑌾 𑌮𑌹𑌾𑌮𑍂𑌢𑌾 𑌵𑌿𑌷𑍍𑌣𑍁𑌭𑌕𑍍𑌤𑌿𑌵𑌿𑌵𑌰𑍍𑌜𑌿𑌤𑌾𑌃 ।
𑌨𑌿𑌶𑍍𑌚𑌯𑌂 𑌨𑌾𑌧𑌿𑌗𑌚𑍍𑌛𑌂𑌤𑌿 𑌪𑍁𑌨𑌰𑍍𑌨𑌾𑌰𑌾𑌯𑌣𑍋 𑌹𑌰𑌿𑌃 ॥ 10 ॥

𑌨𑌿𑌰𑌂𑌜𑌨𑍋 𑌨𑌿𑌰𑌾𑌕𑌾𑌰𑍋 𑌭𑌕𑍍𑌤𑌾𑌨𑌾𑌂 𑌪𑍍𑌰𑍀𑌤𑌿𑌕𑌾𑌮𑌦𑌃 ।
𑌬𑍃𑌂𑌦𑌾𑌵𑌨𑌵𑌿𑌹𑌾𑌰𑌾𑌯 𑌗𑍋𑌪𑌾𑌲𑌂 𑌰𑍂𑌪𑌮𑍁𑌦𑍍𑌵𑌹𑌨𑍍 ॥ 11 ॥

𑌮𑍁𑌰𑌳𑍀𑌵𑌾𑌦𑌨𑌾𑌧𑌾𑌰𑍀 𑌰𑌾𑌧𑌾𑌯𑍈 𑌪𑍍𑌰𑍀𑌤𑌿𑌮𑌾𑌵𑌹𑌨𑍍 ।
𑌅𑌂𑌶𑌾𑌂𑌶𑍇𑌭𑍍𑌯𑌃 𑌸𑌮𑍁𑌨𑍍𑌮𑍀𑌲𑍍𑌯 𑌪𑍂𑌰𑍍𑌣𑌰𑍂𑌪𑌕𑌳𑌾𑌯𑍁𑌤𑌃 ॥ 12 ॥

𑌶𑍍𑌰𑍀𑌕𑍃𑌷𑍍𑌣𑌚𑌂𑌦𑍍𑌰𑍋 𑌭𑌗𑌵𑌾𑌨𑍍 𑌨𑌂𑌦𑌗𑍋𑌪𑌵𑌰𑍋𑌦𑍍𑌯𑌤𑌃 ।
𑌧𑌰𑌣𑍀𑌰𑍂𑌪𑌿𑌣𑍀 𑌮𑌾𑌤𑌾 𑌯𑌶𑍋𑌦𑌾 𑌨𑌂𑌦𑌗𑍇𑌹𑌿𑌨𑍀 ॥ 13 ॥

𑌦𑍍𑌵𑌾𑌭𑍍𑌯𑌾𑌂 𑌪𑍍𑌰𑌯𑌾𑌚𑌿𑌤𑍋 𑌨𑌾𑌥𑍋 𑌦𑍇𑌵𑌕𑍍𑌯𑌾𑌂 𑌵𑌸𑍁𑌦𑍇𑌵𑌤𑌃 ।
𑌬𑍍𑌰𑌹𑍍𑌮𑌣𑌾𑌽𑌭𑍍𑌯𑌰𑍍𑌥𑌿𑌤𑍋 𑌦𑍇𑌵𑍋 𑌦𑍇𑌵𑍈𑌰𑌪𑌿 𑌸𑍁𑌰𑍇𑌶𑍍𑌵𑌰𑌃 ॥ 14 ॥

𑌜𑌾𑌤𑍋𑌽𑌵𑌨𑍍𑌯𑌾𑌂 𑌚 𑌮𑍁𑌦𑌿𑌤𑍋 𑌮𑍁𑌰𑌳𑍀𑌵𑌾𑌚𑌨𑍇𑌚𑍍𑌛𑌯𑌾 ।
𑌶𑍍𑌰𑌿𑌯𑌾 𑌸𑌾𑌰𑍍𑌧𑌂 𑌵𑌚𑌃 𑌕𑍃𑌤𑍍𑌵𑌾 𑌤𑌤𑍋 𑌜𑌾𑌤𑍋 𑌮𑌹𑍀𑌤𑌲𑍇 ॥ 15 ॥

𑌸𑌂𑌸𑌾𑌰𑌸𑌾𑌰𑌸𑌰𑍍𑌵𑌸𑍍𑌵𑌂 𑌶𑍍𑌯𑌾𑌮𑌲𑌂 𑌮𑌹𑌦𑍁𑌜𑍍𑌜𑍍𑌵𑌲𑌮𑍍 ।
𑌏𑌤𑌜𑍍𑌜𑍍𑌯𑍋𑌤𑌿𑌰𑌹𑌂 𑌵𑌂𑌦𑍍𑌯𑌂 𑌚𑌿𑌂𑌤𑌯𑌾𑌮𑌿 𑌸𑌨𑌾𑌤𑌨𑌮𑍍 ॥ 16 ॥

𑌗𑍌𑌰𑌤𑍇𑌜𑍋 𑌵𑌿𑌨𑌾 𑌯𑌸𑍍𑌤𑍁 𑌶𑍍𑌯𑌾𑌮𑌤𑍇𑌜𑌸𑍍𑌸𑌮𑌰𑍍𑌚𑌯𑍇𑌤𑍍 ।
𑌜𑌪𑍇𑌦𑍍𑌵𑌾 𑌧𑍍𑌯𑌾𑌯𑌤𑍇 𑌵𑌾𑌪𑌿 𑌸 𑌭𑌵𑍇𑌤𑍍𑌪𑌾𑌤𑌕𑍀 𑌶𑌿𑌵𑍇 ॥ 1𑍭 ॥

𑌸 𑌬𑍍𑌰𑌹𑍍𑌮𑌹𑌾 𑌸𑍁𑌰𑌾𑌪𑍀 𑌚 𑌸𑍍𑌵𑌰𑍍𑌣𑌸𑍍𑌤𑍇𑌯𑍀 𑌚 𑌪𑌂𑌚𑌮𑌃 ।
𑌏𑌤𑍈𑌰𑍍𑌦𑍋𑌷𑍈𑌰𑍍𑌵𑌿𑌲𑌿𑌪𑍍𑌯𑍇𑌤 𑌤𑍇𑌜𑍋𑌭𑍇𑌦𑌾𑌨𑍍𑌮𑌹𑍀𑌶𑍍𑌵𑌰𑌿 ॥ 1𑍮 ॥

𑌤𑌸𑍍𑌮𑌾𑌜𑍍𑌜𑍍𑌯𑍋𑌤𑌿𑌰𑌭𑍂𑌦𑍍𑌦𑍍𑌵𑍇𑌧𑌾 𑌰𑌾𑌧𑌾𑌮𑌾𑌧𑌵𑌰𑍂𑌪𑌕𑌮𑍍 ।
𑌤𑌸𑍍𑌮𑌾𑌦𑌿𑌦𑌂 𑌮𑌹𑌾𑌦𑍇𑌵𑌿 𑌗𑍋𑌪𑌾𑌲𑍇𑌨𑍈𑌵 𑌭𑌾𑌷𑌿𑌤𑌮𑍍 ॥ 1𑍯 ॥

𑌦𑍁𑌰𑍍𑌵𑌾𑌸𑌸𑍋 𑌮𑍁𑌨𑍇𑌰𑍍𑌮𑍋𑌹𑍇 𑌕𑌾𑌰𑍍𑌤𑌿𑌕𑍍𑌯𑌾𑌂 𑌰𑌾𑌸𑌮𑌂𑌡𑌲𑍇 ।
𑌤𑌤𑌃 𑌪𑍃𑌷𑍍𑌟𑌵𑌤𑍀 𑌰𑌾𑌧𑌾 𑌸𑌂𑌦𑍇𑌹𑌂 𑌭𑍇𑌦𑌮𑌾𑌤𑍍𑌮𑌨𑌃 ॥ 20 ॥

𑌨𑌿𑌰𑌂𑌜𑌨𑌾𑌤𑍍𑌸𑌮𑍁𑌤𑍍𑌪𑌨𑍍𑌨𑌂 𑌮𑌾𑌯𑌾𑌤𑍀𑌤𑌂 𑌜𑌗𑌨𑍍𑌮𑌯𑌮𑍍 ।
𑌶𑍍𑌰𑍀𑌕𑍃𑌷𑍍𑌣𑍇𑌨 𑌤𑌤𑌃 𑌪𑍍𑌰𑍋𑌕𑍍𑌤𑌂 𑌰𑌾𑌧𑌾𑌯𑍈 𑌨𑌾𑌰𑌦𑌾𑌯 𑌚 ॥ 21 ॥

𑌤𑌤𑍋 𑌨𑌾𑌰𑌦𑌤𑌸𑍍𑌸𑌰𑍍𑌵𑌂 𑌵𑌿𑌰𑌳𑌾 𑌵𑍈𑌷𑍍𑌣𑌵𑌾𑌸𑍍𑌤𑌥𑌾 ।
𑌕𑌲𑍌 𑌜𑌾𑌨𑌂𑌤𑌿 𑌦𑍇𑌵𑍇𑌶𑌿 𑌗𑍋𑌪𑌨𑍀𑌯𑌂 𑌪𑍍𑌰𑌯𑌤𑍍𑌨𑌤𑌃 ॥ 22 ॥

𑌶𑌠𑌾𑌯 𑌕𑍃𑌪𑌣𑌾𑌯𑌾𑌥 𑌡𑌾𑌂𑌭𑌿𑌕𑌾𑌯 𑌸𑍁𑌰𑍇𑌶𑍍𑌵𑌰𑌿 ।
𑌬𑍍𑌰𑌹𑍍𑌮𑌹𑌤𑍍𑌯𑌾𑌮𑌵𑌾𑌪𑍍𑌨𑍋𑌤𑌿 𑌤𑌸𑍍𑌮𑌾𑌦𑍍𑌯𑌤𑍍𑌨𑍇𑌨 𑌗𑍋𑌪𑌯𑍇𑌤𑍍 ॥ 23 ॥

𑌓𑌂 𑌅𑌸𑍍𑌯 𑌶𑍍𑌰𑍀𑌗𑍋𑌪𑌾𑌲𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯 𑌶𑍍𑌰𑍀𑌨𑌾𑌰𑌦 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃, 𑌶𑍍𑌰𑍀𑌗𑍋𑌪𑌾𑌲𑍋 𑌦𑍇𑌵𑌤𑌾, 𑌕𑌾𑌮𑍋 𑌬𑍀𑌜𑌂, 𑌮𑌾𑌯𑌾 𑌶𑌕𑍍𑌤𑌿𑌃, 𑌚𑌂𑌦𑍍𑌰𑌃 𑌕𑍀𑌲𑌕𑌂, 𑌶𑍍𑌰𑍀𑌕𑍃𑌷𑍍𑌣𑌚𑌂𑌦𑍍𑌰 𑌭𑌕𑍍𑌤𑌿𑌰𑍂𑌪𑌫𑌲𑌪𑍍𑌰𑌾𑌪𑍍𑌤𑌯𑍇 𑌶𑍍𑌰𑍀𑌗𑍋𑌪𑌾𑌲𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌓𑌂 𑌐𑌂 𑌕𑍍𑌲𑍀𑌂 𑌬𑍀𑌜𑌂, 𑌶𑍍𑌰𑍀𑌂 𑌹𑍍𑌰𑍀𑌂 𑌶𑌕𑍍𑌤𑌿𑌃, 𑌶𑍍𑌰𑍀 𑌬𑍃𑌂𑌦𑌾𑌵𑌨𑌨𑌿𑌵𑌾𑌸𑌃 𑌕𑍀𑌲𑌕𑌂, 𑌶𑍍𑌰𑍀𑌰𑌾𑌧𑌾𑌪𑍍𑌰𑌿𑌯𑌂 𑌪𑌰𑌂 𑌬𑍍𑌰𑌹𑍍𑌮𑍇𑌤𑌿 𑌮𑌂𑌤𑍍𑌰𑌃, 𑌧𑌰𑍍𑌮𑌾𑌦𑌿 𑌚𑌤𑍁𑌰𑍍𑌵𑌿𑌧 𑌪𑍁𑌰𑍁𑌷𑌾𑌰𑍍𑌥𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌨𑍍𑌯𑌾𑌸𑌃 ।
𑌓𑌂 𑌨𑌾𑌰𑌦 𑌋𑌷𑌯𑍇 𑌨𑌮𑌃 𑌶𑌿𑌰𑌸𑌿 ।
𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌸𑍇 𑌨𑌮𑌃 𑌮𑍁𑌖𑍇 ।
𑌶𑍍𑌰𑍀𑌗𑍋𑌪𑌾𑌲𑌦𑍇𑌵𑌤𑌾𑌯𑍈 𑌨𑌮𑌃 𑌹𑍃𑌦𑌯𑍇 ।
𑌕𑍍𑌲𑍀𑌂 𑌕𑍀𑌲𑌕𑌾𑌯 𑌨𑌮𑌃 𑌨𑌾𑌭𑍌 ।
𑌹𑍍𑌰𑍀𑌂 𑌶𑌕𑍍𑌤𑌯𑍇 𑌨𑌮𑌃 𑌗𑍁𑌹𑍍𑌯𑍇 ।
𑌶𑍍𑌰𑍀𑌂 𑌕𑍀𑌲𑌕𑌾𑌯 𑌨𑌮𑌃 𑌫𑌾𑌲𑌯𑍋𑌃 ।
𑌓𑌂 𑌕𑍍𑌲𑍀𑌂 𑌕𑍃𑌷𑍍𑌣𑌾𑌯 𑌗𑍋𑌵𑌿𑌂𑌦𑌾𑌯 𑌗𑍋𑌪𑍀𑌜𑌨𑌵𑌲𑍍𑌲𑌭𑌾𑌯 𑌸𑍍𑌵𑌾𑌹𑌾 𑌇𑌤𑌿 𑌮𑍂𑌲𑌮𑌂𑌤𑍍𑌰𑌃 ।

𑌕𑌰𑌨𑍍𑌯𑌾𑌸𑌃 ।
𑌓𑌂 𑌕𑍍𑌲𑌾𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌕𑍍𑌲𑍀𑌂 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌕𑍍𑌲𑍂𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌕𑍍𑌲𑍈𑌂 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌕𑍍𑌲𑍌𑌂 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌕𑍍𑌲𑌃 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।

𑌹𑍃𑌦𑌯𑌾𑌦𑌿𑌨𑍍𑌯𑌾𑌸𑌃 ।
𑌓𑌂 𑌕𑍍𑌲𑌾𑌂 𑌹𑍃𑌦𑌯𑌾𑌯 𑌨𑌮𑌃 ।
𑌓𑌂 𑌕𑍍𑌲𑍀𑌂 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌓𑌂 𑌕𑍍𑌲𑍂𑌂 𑌶𑌿𑌖𑌾𑌯𑍈 𑌵𑌷𑌟𑍍 ।
𑌓𑌂 𑌕𑍍𑌲𑍈𑌂 𑌕𑌵𑌚𑌾𑌯 𑌹𑍁𑌮𑍍 ।
𑌓𑌂 𑌕𑍍𑌲𑍌𑌂 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌓𑌂 𑌕𑍍𑌲𑌃 𑌅𑌸𑍍𑌤𑍍𑌰𑌾𑌯 𑌫𑌟𑍍 ।

𑌮𑍂𑌲𑌮𑌂𑌤𑍍𑌰𑌨𑍍𑌯𑌾𑌸𑌃 ।
𑌕𑍍𑌲𑍀𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌕𑍃𑌷𑍍𑌣𑌾𑌯 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌗𑍋𑌵𑌿𑌂𑌦𑌾𑌯 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌗𑍋𑌪𑍀𑌜𑌨 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌵𑌲𑍍𑌲𑌭𑌾𑌯 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌸𑍍𑌵𑌾𑌹𑌾 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌕𑍍𑌲𑍀𑌂 𑌹𑍃𑌦𑌯𑌾𑌯 𑌨𑌮𑌃 ।
𑌕𑍃𑌷𑍍𑌣𑌾𑌯 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌗𑍋𑌵𑌿𑌂𑌦𑌾𑌯 𑌶𑌿𑌖𑌾𑌯𑍈 𑌵𑌷𑌟𑍍 ।
𑌗𑍋𑌪𑍀𑌜𑌨 𑌕𑌵𑌚𑌾𑌯 𑌹𑍁𑌮𑍍 ।
𑌵𑌲𑍍𑌲𑌭𑌾𑌯 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌸𑍍𑌵𑌾𑌹𑌾 𑌅𑌸𑍍𑌤𑍍𑌰𑌾𑌯 𑌫𑌟𑍍 ।

𑌧𑍍𑌯𑌾𑌨𑌮𑍍 ।

𑌫𑍁𑌲𑍍𑌲𑍇𑌂𑌦𑍀𑌵𑌰𑌕𑌾𑌂𑌤𑌿𑌮𑌿𑌂𑌦𑍁𑌵𑌦𑌨𑌂 𑌬𑌰𑍍𑌹𑌾𑌵𑌤𑌂𑌸𑌪𑍍𑌰𑌿𑌯𑌂
𑌶𑍍𑌰𑍀𑌵𑌤𑍍𑌸𑌾𑌂𑌕𑌮𑍁𑌦𑌾𑌰𑌕𑍌𑌸𑍍𑌤𑍁𑌭𑌧𑌰𑌂 𑌪𑍀𑌤𑌾𑌂𑌬𑌰𑌂 𑌸𑍁𑌂𑌦𑌰𑌮𑍍 ।
𑌗𑍋𑌪𑍀𑌨𑌾𑌂 𑌨𑌯𑌨𑍋𑌤𑍍𑌪𑌲𑌾𑌰𑍍𑌚𑌿𑌤𑌤𑌨𑍁𑌂 𑌗𑍋𑌗𑍋𑌪𑌸𑌂𑌘𑌾𑌵𑍃𑌤𑌂
𑌗𑍋𑌵𑌿𑌂𑌦𑌂 𑌕𑌲𑌵𑍇𑌣𑍁𑌵𑌾𑌦𑌨𑌪𑌰𑌂 𑌦𑌿𑌵𑍍𑌯𑌾𑌂𑌗𑌭𑍂𑌷𑌂 𑌭𑌜𑍇 ॥ 1 ॥

𑌕𑌸𑍍𑌤𑍂𑌰𑍀𑌤𑌿𑌲𑌕𑌂 𑌲𑌲𑌾𑌟𑌫𑌲𑌕𑍇 𑌵𑌕𑍍𑌷𑌸𑍍𑌸𑍍𑌥𑌲𑍇 𑌕𑍌𑌸𑍍𑌤𑍁𑌭𑌂
𑌨𑌾𑌸𑌾𑌗𑍍𑌰𑍇 𑌵𑌰𑌮𑍌𑌕𑍍𑌤𑌿𑌕𑌂 𑌕𑌰𑌤𑌲𑍇 𑌵𑍇𑌣𑍁𑌂 𑌕𑌰𑍇 𑌕𑌂𑌕𑌣𑌮𑍍 ।
𑌸𑌰𑍍𑌵𑌾𑌂𑌗𑍇 𑌹𑌰𑌿𑌚𑌂𑌦𑌨𑌂 𑌚 𑌕𑌲𑌯𑌨𑍍 𑌕𑌂𑌠𑍇 𑌚 𑌮𑍁𑌕𑍍𑌤𑌾𑌵𑌲𑌿𑌂
𑌗𑍋𑌪𑌸𑍍𑌤𑍍𑌰𑍀𑌪𑌰𑌿𑌵𑍇𑌷𑍍𑌟𑌿𑌤𑍋 𑌵𑌿𑌜𑌯𑌤𑍇 𑌗𑍋𑌪𑌾𑌲𑌚𑍂𑌡𑌾𑌮𑌣𑌿𑌃 ॥ 2 ॥

𑌓𑌂 𑌕𑍍𑌲𑍀𑌂 𑌦𑍇𑌵𑌃 𑌕𑌾𑌮𑌦𑍇𑌵𑌃 𑌕𑌾𑌮𑌬𑍀𑌜𑌶𑌿𑌰𑍋𑌮𑌣𑌿𑌃 ।
𑌶𑍍𑌰𑍀𑌗𑍋𑌪𑌾𑌲𑍋 𑌮𑌹𑍀𑌪𑌾𑌲𑍋 𑌵𑍇𑌦𑌵𑍇𑌦𑌾𑌂𑌗𑌪𑌾𑌰𑌗𑌃 ॥ 1 ॥

𑌕𑍃𑌷𑍍𑌣𑌃 𑌕𑌮𑌲𑌪𑌤𑍍𑌰𑌾𑌕𑍍𑌷𑌃 𑌪𑍁𑌂𑌡𑌰𑍀𑌕𑌃 𑌸𑌨𑌾𑌤𑌨𑌃 ।
𑌗𑍋𑌪𑌤𑌿𑌰𑍍𑌭𑍂𑌪𑌤𑌿𑌃 𑌶𑌾𑌸𑍍𑌤𑌾 𑌪𑍍𑌰𑌹𑌰𑍍𑌤𑌾 𑌵𑌿𑌶𑍍𑌵𑌤𑍋𑌮𑍁𑌖𑌃 ॥ 2 ॥

𑌆𑌦𑌿𑌕𑌰𑍍𑌤𑌾 𑌮𑌹𑌾𑌕𑌰𑍍𑌤𑌾 𑌮𑌹𑌾𑌕𑌾𑌲𑌃 𑌪𑍍𑌰𑌤𑌾𑌪𑌵𑌾𑌨𑍍 ।
𑌜𑌗𑌜𑍍𑌜𑍀𑌵𑍋 𑌜𑌗𑌦𑍍𑌧𑌾𑌤𑌾 𑌜𑌗𑌦𑍍𑌭𑌰𑍍𑌤𑌾 𑌜𑌗𑌦𑍍𑌵𑌸𑍁𑌃 ॥ 3 ॥

𑌮𑌤𑍍𑌸𑍍𑌯𑍋 𑌭𑍀𑌮𑌃 𑌕𑍁𑌹𑍂𑌭𑌰𑍍𑌤𑌾 𑌹𑌰𑍍𑌤𑌾 𑌵𑌾𑌰𑌾𑌹𑌮𑍂𑌰𑍍𑌤𑌿𑌮𑌾𑌨𑍍 ।
𑌨𑌾𑌰𑌾𑌯𑌣𑍋 𑌹𑍃𑌷𑍀𑌕𑍇𑌶𑍋 𑌗𑍋𑌵𑌿𑌂𑌦𑍋 𑌗𑌰𑍁𑌡𑌧𑍍𑌵𑌜𑌃 ॥ 4 ॥

𑌗𑍋𑌕𑍁𑌲𑍇𑌶𑍋 𑌮𑌹𑌾𑌚𑌂𑌦𑍍𑌰𑌃 𑌶𑌰𑍍𑌵𑌰𑍀𑌪𑍍𑌰𑌿𑌯𑌕𑌾𑌰𑌕𑌃 ।
𑌕𑌮𑌲𑌾𑌮𑍁𑌖𑌲𑍋𑌲𑌾𑌕𑍍𑌷𑌃 𑌪𑍁𑌂𑌡𑌰𑍀𑌕𑌃 𑌶𑍁𑌭𑌾𑌵𑌹𑌃 ॥ 5 ॥

𑌦𑍁𑌰𑍍𑌵𑌾𑌸𑌾𑌃 𑌕𑌪𑌿𑌲𑍋 𑌭𑍌𑌮𑌃 𑌸𑌿𑌂𑌧𑍁𑌸𑌾𑌗𑌰𑌸𑌂𑌗𑌮𑌃 ।
𑌗𑍋𑌵𑌿𑌂𑌦𑍋 𑌗𑍋𑌪𑌤𑌿𑌰𑍍𑌗𑍋𑌤𑍍𑌰𑌃 𑌕𑌾𑌳𑌿𑌂𑌦𑍀𑌪𑍍𑌰𑍇𑌮𑌪𑍂𑌰𑌕𑌃 ॥ 6 ॥

𑌗𑍋𑌪𑌸𑍍𑌵𑌾𑌮𑍀 𑌗𑍋𑌕𑍁𑌲𑍇𑌂𑌦𑍍𑌰𑌃 𑌗𑍋𑌵𑌰𑍍𑌧𑌨𑌵𑌰𑌪𑍍𑌰𑌦𑌃 ।
𑌨𑌂𑌦𑌾𑌦𑌿𑌗𑍋𑌕𑍁𑌲𑌤𑍍𑌰𑌾𑌤𑌾 𑌦𑌾𑌤𑌾 𑌦𑌾𑌰𑌿𑌦𑍍𑌰𑍍𑌯𑌭𑌂𑌜𑌨𑌃 ॥ 𑍭 ॥

𑌸𑌰𑍍𑌵𑌮𑌂𑌗𑌳𑌦𑌾𑌤𑌾 𑌚 𑌸𑌰𑍍𑌵𑌕𑌾𑌮𑌵𑌰𑌪𑍍𑌰𑌦𑌃 ।
𑌆𑌦𑌿𑌕𑌰𑍍𑌤𑌾 𑌮𑌹𑍀𑌭𑌰𑍍𑌤𑌾 𑌸𑌰𑍍𑌵𑌸𑌾𑌗𑌰𑌸𑌿𑌂𑌧𑍁𑌜𑌃 ॥ 𑍮 ॥

𑌗𑌜𑌗𑌾𑌮𑍀 𑌗𑌜𑍋𑌦𑍍𑌧𑌾𑌰𑍀 𑌕𑌾𑌮𑍀 𑌕𑌾𑌮𑌕𑌲𑌾𑌨𑌿𑌧𑌿𑌃 ।
𑌕𑌳𑌂𑌕𑌰𑌹𑌿𑌤𑌶𑍍𑌚𑌂𑌦𑍍𑌰𑍋 𑌬𑌿𑌂𑌬𑌾𑌸𑍍𑌯𑍋 𑌬𑌿𑌂𑌬𑌸𑌤𑍍𑌤𑌮𑌃 ॥ 𑍯 ॥

𑌮𑌾𑌲𑌾𑌕𑌾𑌰𑌃 𑌕𑍃𑌪𑌾𑌕𑌾𑌰𑌃 𑌕𑍋𑌕𑌿𑌲𑌸𑍍𑌵𑌰𑌭𑍂𑌷𑌣𑌃 ।
𑌰𑌾𑌮𑍋 𑌨𑍀𑌲𑌾𑌂𑌬𑌰𑍋 𑌦𑍇𑌹𑍀 𑌹𑌲𑍀 𑌦𑍍𑌵𑌿𑌵𑌿𑌦𑌮𑌰𑍍𑌦𑌨𑌃 ॥ 10 ॥

𑌸𑌹𑌸𑍍𑌰𑌾𑌕𑍍𑌷𑌪𑍁𑌰𑍀𑌭𑍇𑌤𑍍𑌤𑌾 𑌮𑌹𑌾𑌮𑌾𑌰𑍀𑌵𑌿𑌨𑌾𑌶𑌨𑌃 ।
𑌶𑌿𑌵𑌃 𑌶𑌿𑌵𑌤𑌮𑍋 𑌭𑍇𑌤𑍍𑌤𑌾 𑌬𑌲𑌾𑌰𑌾𑌤𑌿𑌪𑍍𑌰𑌪𑍂𑌜𑌕𑌃 ॥ 11 ॥

𑌕𑍁𑌮𑌾𑌰𑍀𑌵𑌰𑌦𑌾𑌯𑍀 𑌚 𑌵𑌰𑍇𑌣𑍍𑌯𑍋 𑌮𑍀𑌨𑌕𑍇𑌤𑌨𑌃 ।
𑌨𑌰𑍋 𑌨𑌾𑌰𑌾𑌯𑌣𑍋 𑌧𑍀𑌰𑍋 𑌧𑌰𑌾𑌪𑌤𑌿𑌰𑍁𑌦𑌾𑌰𑌧𑍀𑌃 ॥ 12 ॥

𑌶𑍍𑌰𑍀𑌪𑌤𑌿𑌃 𑌶𑍍𑌰𑍀𑌨𑌿𑌧𑌿𑌃 𑌶𑍍𑌰𑍀𑌮𑌾𑌨𑍍 𑌮𑌾𑌪𑌤𑌿𑌃 𑌪𑍍𑌰𑌤𑌿𑌰𑌾𑌜𑌹𑌾 ।
𑌬𑍃𑌂𑌦𑌾𑌪𑌤𑌿𑌃 𑌕𑍁𑌲𑌂 𑌗𑍍𑌰𑌾𑌮𑍀 𑌧𑌾𑌮 𑌬𑍍𑌰𑌹𑍍𑌮𑌸𑌨𑌾𑌤𑌨𑌃 ॥ 13 ॥

𑌰𑍇𑌵𑌤𑍀𑌰𑌮𑌣𑍋 𑌰𑌾𑌮𑌃 𑌪𑍍𑌰𑌿𑌯𑌶𑍍𑌚𑌂𑌚𑌲𑌲𑍋𑌚𑌨𑌃 ।
𑌰𑌾𑌮𑌾𑌯𑌣𑌶𑌰𑍀𑌰𑌶𑍍𑌚 𑌰𑌾𑌮𑍋 𑌰𑌾𑌮𑌃 𑌶𑍍𑌰𑌿𑌯𑌃𑌪𑌤𑌿𑌃 ॥ 14 ॥

𑌶𑌰𑍍𑌵𑌰𑌃 𑌶𑌰𑍍𑌵𑌰𑍀 𑌶𑌰𑍍𑌵𑌃 𑌸𑌰𑍍𑌵𑌤𑍍𑌰 𑌶𑍁𑌭𑌦𑌾𑌯𑌕𑌃 ।
𑌰𑌾𑌧𑌾𑌰𑌾𑌧𑌯𑌿𑌤𑌾𑌰𑌾𑌧𑍀 𑌰𑌾𑌧𑌾𑌚𑌿𑌤𑍍𑌤𑌪𑍍𑌰𑌮𑍋𑌦𑌕𑌃 ॥ 15 ॥

𑌰𑌾𑌧𑌾𑌰𑌤𑌿𑌸𑍁𑌖𑍋𑌪𑍇𑌤𑍋 𑌰𑌾𑌧𑌾𑌮𑍋𑌹𑌨𑌤𑌤𑍍𑌪𑌰𑌃 ।
𑌰𑌾𑌧𑌾𑌵𑌶𑍀𑌕𑌰𑍋 𑌰𑌾𑌧𑌾𑌹𑍃𑌦𑌯𑌾𑌂𑌭𑍋𑌜𑌷𑌟𑍍𑌪𑌦𑌃 ॥ 16 ॥

𑌰𑌾𑌧𑌾𑌲𑌿𑌂𑌗𑌨𑌸𑌮𑍍𑌮𑍋𑌦𑍋 𑌰𑌾𑌧𑌾𑌨𑌰𑍍𑌤𑌨𑌕𑍌𑌤𑍁𑌕𑌃 ।
𑌰𑌾𑌧𑌾𑌸𑌂𑌜𑌾𑌤𑌸𑌂𑌪𑍍𑌰𑍀𑌤𑍋 𑌰𑌾𑌧𑌾𑌕𑌾𑌮𑌫𑌲𑌪𑍍𑌰𑌦𑌃 ॥ 1𑍭 ॥

𑌬𑍃𑌂𑌦𑌾𑌪𑌤𑌿𑌃 𑌕𑍋𑌕𑌨𑌿𑌧𑌿𑌃 𑌕𑍋𑌕𑌶𑍋𑌕𑌵𑌿𑌨𑌾𑌶𑌨𑌃 ।
𑌚𑌂𑌦𑍍𑌰𑌾𑌪𑌤𑌿𑌶𑍍𑌚𑌂𑌦𑍍𑌰𑌪𑌤𑌿𑌶𑍍𑌚𑌂𑌡𑌕𑍋𑌦𑌂𑌡𑌭𑌂𑌜𑌨𑌃 ॥ 1𑍮 ॥

𑌰𑌾𑌮𑍋 𑌦𑌾𑌶𑌰𑌥𑍀 𑌰𑌾𑌮𑍋 𑌭𑍃𑌗𑍁𑌵𑌂𑌶𑌸𑌮𑍁𑌦𑍍𑌭𑌵𑌃 ।
𑌆𑌤𑍍𑌮𑌾𑌰𑌾𑌮𑍋 𑌜𑌿𑌤𑌕𑍍𑌰𑍋𑌧𑍋 𑌮𑍋𑌹𑍋 𑌮𑍋𑌹𑌾𑌂𑌧𑌭𑌂𑌜𑌨𑌃 ॥ 1𑍯 ॥

𑌵𑍃𑌷𑌭𑌾𑌨𑍁𑌭𑌵𑍋 𑌭𑌾𑌵𑍀 𑌕𑌾𑌶𑍍𑌯𑌪𑌿𑌃 𑌕𑌰𑍁𑌣𑌾𑌨𑌿𑌧𑌿𑌃 ।
𑌕𑍋𑌲𑌾𑌹𑌲𑍋 𑌹𑌲𑍋 𑌹𑌾𑌲𑍀 𑌹𑌲𑍀 𑌹𑌲𑌧𑌰𑌪𑍍𑌰𑌿𑌯𑌃 ॥ 20 ॥

𑌰𑌾𑌧𑌾𑌮𑍁𑌖𑌾𑌬𑍍𑌜𑌮𑌾𑌰𑍍𑌤𑌾𑌂𑌡𑍋 𑌭𑌾𑌸𑍍𑌕𑌰𑍋 𑌰𑌵𑌿𑌜𑍋 𑌵𑌿𑌧𑍁𑌃 ।
𑌵𑌿𑌧𑌿𑌰𑍍𑌵𑌿𑌧𑌾𑌤𑌾 𑌵𑌰𑍁𑌣𑍋 𑌵𑌾𑌰𑍁𑌣𑍋 𑌵𑌾𑌰𑍁𑌣𑍀𑌪𑍍𑌰𑌿𑌯𑌃 ॥ 21 ॥

𑌰𑍋𑌹𑌿𑌣𑍀𑌹𑍃𑌦𑌯𑌾𑌨𑌂𑌦𑍀 𑌵𑌸𑍁𑌦𑍇𑌵𑌾𑌤𑍍𑌮𑌜𑍋 𑌬𑌲𑌿𑌃 ।
𑌨𑍀𑌲𑌾𑌂𑌬𑌰𑍋 𑌰𑍌𑌹𑌿𑌣𑍇𑌯𑍋 𑌜𑌰𑌾𑌸𑌂𑌧𑌵𑌧𑍋𑌽𑌮𑌲𑌃 ॥ 22 ॥

𑌨𑌾𑌗𑍋 𑌜𑌵𑌾𑌂𑌭𑍋 𑌵𑌿𑌰𑍁𑌦𑍋 𑌵𑍀𑌰𑌹𑌾 𑌵𑌰𑌦𑍋 𑌬𑌲𑍀 ।
𑌗𑍋𑌪𑌦𑍋 𑌵𑌿𑌜𑌯𑍀 𑌵𑌿𑌦𑍍𑌵𑌾𑌨𑍍 𑌶𑌿𑌪𑌿𑌵𑌿𑌷𑍍𑌟𑌃 𑌸𑌨𑌾𑌤𑌨𑌃 ॥ 23 ॥

𑌪𑌰𑌶𑍁𑌰𑌾𑌮𑌵𑌚𑍋𑌗𑍍𑌰𑌾𑌹𑍀 𑌵𑌰𑌗𑍍𑌰𑌾𑌹𑍀 𑌸𑍃𑌗𑌾𑌲𑌹𑌾 ।
𑌦𑌮𑌘𑍋𑌷𑍋𑌪𑌦𑍇𑌷𑍍𑌟𑌾 𑌚 𑌰𑌥𑌗𑍍𑌰𑌾𑌹𑍀 𑌸𑍁𑌦𑌰𑍍𑌶𑌨𑌃 ॥ 24 ॥

𑌵𑍀𑌰𑌪𑌤𑍍𑌨𑍀𑌯𑌶𑌸𑍍𑌤𑍍𑌰𑌾𑌤𑌾 𑌜𑌰𑌾𑌵𑍍𑌯𑌾𑌧𑌿𑌵𑌿𑌘𑌾𑌤𑌕𑌃 ।
𑌦𑍍𑌵𑌾𑌰𑌕𑌾𑌵𑌾𑌸𑌤𑌤𑍍𑌤𑍍𑌵𑌜𑍍𑌞𑍋 𑌹𑍁𑌤𑌾𑌶𑌨𑌵𑌰𑌪𑍍𑌰𑌦𑌃 ॥ 25 ॥

𑌯𑌮𑍁𑌨𑌾𑌵𑍇𑌗𑌸𑌂𑌹𑌾𑌰𑍀 𑌨𑍀𑌲𑌾𑌂𑌬𑌰𑌧𑌰𑌃 𑌪𑍍𑌰𑌭𑍁𑌃 ।
𑌵𑌿𑌭𑍁𑌃 𑌶𑌰𑌾𑌸𑌨𑍋 𑌧𑌨𑍍𑌵𑍀 𑌗𑌣𑍇𑌶𑍋 𑌗𑌣𑌨𑌾𑌯𑌕𑌃 ॥ 26 ॥

𑌲𑌕𑍍𑌷𑍍𑌮𑌣𑍋 𑌲𑌕𑍍𑌷𑌣𑍋 𑌲𑌕𑍍𑌷𑍍𑌯𑍋 𑌰𑌕𑍍𑌷𑍋𑌵𑌂𑌶𑌵𑌿𑌨𑌾𑌶𑌕𑌃 ।
𑌵𑌾𑌮𑌨𑍋 𑌵𑌾𑌮𑌨𑍀𑌭𑍂𑌤𑍋 𑌵𑌮𑌨𑍋 𑌵𑌮𑌨𑌾𑌰𑍁𑌹𑌃 ॥ 2𑍭 ॥

𑌯𑌶𑍋𑌦𑌾𑌨𑌂𑌦𑌨𑌃 𑌕𑌰𑍍𑌤𑌾 𑌯𑌮𑌳𑌾𑌰𑍍𑌜𑍁𑌨𑌮𑍁𑌕𑍍𑌤𑌿𑌦𑌃 ।
𑌉𑌲𑍂𑌖𑌲𑍀 𑌮𑌹𑌾𑌮𑌾𑌨𑍋 𑌦𑌾𑌮𑌬𑌦𑍍𑌧𑌾𑌹𑍍𑌵𑌯𑍀 𑌶𑌮𑍀 ॥ 2𑍮 ॥

𑌭𑌕𑍍𑌤𑌾𑌨𑍁𑌕𑌾𑌰𑍀 𑌭𑌗𑌵𑌾𑌨𑍍 𑌕𑍇𑌶𑌵𑍋𑌽𑌚𑌲𑌧𑌾𑌰𑌕𑌃 ।
𑌕𑍇𑌶𑌿𑌹𑌾 𑌮𑌧𑍁𑌹𑌾 𑌮𑍋𑌹𑍀 𑌵𑍃𑌷𑌾𑌸𑍁𑌰𑌵𑌿𑌘𑌾𑌤𑌕𑌃 ॥ 2𑍯 ॥

𑌅𑌘𑌾𑌸𑍁𑌰𑌵𑌿𑌘𑌾𑌤𑍀 𑌚 𑌪𑍂𑌤𑌨𑌾𑌮𑍋𑌕𑍍𑌷𑌦𑌾𑌯𑌕𑌃 ।
𑌕𑍁𑌬𑍍𑌜𑌾𑌵𑌿𑌨𑍋𑌦𑍀 𑌭𑌗𑌵𑌾𑌨𑍍 𑌕𑌂𑌸𑌮𑍃𑌤𑍍𑌯𑍁𑌰𑍍𑌮𑌹𑌾𑌮𑍁𑌖𑍀 ॥ 30 ॥

𑌅𑌶𑍍𑌵𑌮𑍇𑌧𑍋 𑌵𑌾𑌜𑌪𑍇𑌯𑍋 𑌗𑍋𑌮𑍇𑌧𑍋 𑌨𑌰𑌮𑍇𑌧𑌵𑌾𑌨𑍍 ।
𑌕𑌂𑌦𑌰𑍍𑌪𑌕𑍋𑌟𑌿𑌲𑌾𑌵𑌣𑍍𑌯𑌶𑍍𑌚𑌂𑌦𑍍𑌰𑌕𑍋𑌟𑌿𑌸𑍁𑌶𑍀𑌤𑌲𑌃 ॥ 31 ॥

𑌰𑌵𑌿𑌕𑍋𑌟𑌿𑌪𑍍𑌰𑌤𑍀𑌕𑌾𑌶𑍋 𑌵𑌾𑌯𑍁𑌕𑍋𑌟𑌿𑌮𑌹𑌾𑌬𑌲𑌃 ।
𑌬𑍍𑌰𑌹𑍍𑌮𑌾 𑌬𑍍𑌰𑌹𑍍𑌮𑌾𑌂𑌡𑌕𑌰𑍍𑌤𑌾 𑌚 𑌕𑌮𑌲𑌾𑌵𑌾𑌂𑌛𑌿𑌤𑌪𑍍𑌰𑌦𑌃 ॥ 32 ॥

𑌕𑌮𑌲𑍀 𑌕𑌮𑌲𑌾𑌕𑍍𑌷𑌶𑍍𑌚 𑌕𑌮𑌲𑌾𑌮𑍁𑌖𑌲𑍋𑌲𑍁𑌪𑌃 ।
𑌕𑌮𑌲𑌾𑌵𑍍𑌰𑌤𑌧𑌾𑌰𑍀 𑌚 𑌕𑌮𑌲𑌾𑌭𑌃 𑌪𑍁𑌰𑌂𑌦𑌰𑌃 ॥ 33 ॥

𑌸𑍌𑌭𑌾𑌗𑍍𑌯𑌾𑌧𑌿𑌕𑌚𑌿𑌤𑍍𑌤𑌶𑍍𑌚 𑌮𑌹𑌾𑌮𑌾𑌯𑍀 𑌮𑌦𑍋𑌤𑍍𑌕𑌟𑌃 ।
𑌤𑌾𑌟𑌕𑌾𑌰𑌿𑌃 𑌸𑍁𑌰𑌤𑍍𑌰𑌾𑌤𑌾 𑌮𑌾𑌰𑍀𑌚𑌕𑍍𑌷𑍋𑌭𑌕𑌾𑌰𑌕𑌃 ॥ 34 ॥

𑌵𑌿𑌶𑍍𑌵𑌾𑌮𑌿𑌤𑍍𑌰𑌪𑍍𑌰𑌿𑌯𑍋 𑌦𑌾𑌂𑌤𑍋 𑌰𑌾𑌮𑍋 𑌰𑌾𑌜𑍀𑌵𑌲𑍋𑌚𑌨𑌃 ।
𑌲𑌂𑌕𑌾𑌧𑌿𑌪𑌕𑍁𑌲𑌧𑍍𑌵𑌂𑌸𑍀 𑌵𑌿𑌭𑍀𑌷𑌣𑌵𑌰𑌪𑍍𑌰𑌦𑌃 ॥ 35 ॥

𑌸𑍀𑌤𑌾𑌨𑌂𑌦𑌕𑌰𑍋 𑌰𑌾𑌮𑍋 𑌵𑍀𑌰𑍋 𑌵𑌾𑌰𑌿𑌧𑌿𑌬𑌂𑌧𑌨𑌃 ।
𑌖𑌰𑌦𑍂𑌷𑌣𑌸𑌂𑌹𑌾𑌰𑍀 𑌸𑌾𑌕𑍇𑌤𑌪𑍁𑌰𑌵𑌾𑌸𑌵𑌾𑌨𑍍 ॥ 36 ॥

𑌚𑌂𑌦𑍍𑌰𑌾𑌵𑌳𑌿𑌪𑌤𑌿𑌃 𑌕𑍂𑌲𑌃 𑌕𑍇𑌶𑌿𑌕𑌂𑌸𑌵𑌧𑍋𑌽𑌮𑌰𑌃 ।
𑌮𑌾𑌧𑌵𑍋 𑌮𑌧𑍁𑌹𑌾 𑌮𑌾𑌧𑍍𑌵𑍀 𑌮𑌾𑌧𑍍𑌵𑍀𑌕𑍋 𑌮𑌾𑌧𑌵𑍀 𑌵𑌿𑌭𑍁𑌃 ॥ 3𑍭 ॥

𑌮𑍁𑌂𑌜𑌾𑌟𑌵𑍀𑌗𑌾𑌹𑌮𑌾𑌨𑍋 𑌧𑍇𑌨𑍁𑌕𑌾𑌰𑌿𑌰𑍍𑌦𑌶𑌾𑌤𑍍𑌮𑌜𑌃 ।
𑌵𑌂𑌶𑍀𑌵𑌟𑌵𑌿𑌹𑌾𑌰𑍀 𑌚 𑌗𑍋𑌵𑌰𑍍𑌧𑌨𑌵𑌨𑌾𑌶𑍍𑌰𑌯𑌃 ॥ 3𑍮 ॥

𑌤𑌥𑌾 𑌤𑌾𑌳𑌵𑌨𑍋𑌦𑍍𑌦𑍇𑌶𑍀 𑌭𑌾𑌂𑌡𑍀𑌰𑌵𑌨𑌶𑌂𑌕𑌰𑌃 ।
𑌤𑍃𑌣𑌾𑌵𑌰𑍍𑌤𑌕𑍃𑌪𑌾𑌕𑌾𑌰𑍀 𑌵𑍃𑌷𑌭𑌾𑌨𑍁𑌸𑍁𑌤𑌾𑌪𑌤𑌿𑌃 ॥ 3𑍯 ॥

𑌰𑌾𑌧𑌾𑌪𑍍𑌰𑌾𑌣𑌸𑌮𑍋 𑌰𑌾𑌧𑌾𑌵𑌦𑌨𑌾𑌬𑍍𑌜𑌮𑌧𑍂𑌤𑍍𑌕𑌟𑌃 ।
𑌗𑍋𑌪𑍀𑌰𑌂𑌜𑌨𑌦𑍈𑌵𑌜𑍍𑌞𑌃 𑌲𑍀𑌲𑌾𑌕𑌮𑌲𑌪𑍂𑌜𑌿𑌤𑌃 ॥ 40 ॥

𑌕𑍍𑌰𑍀𑌡𑌾𑌕𑌮𑌲𑌸𑌂𑌦𑍋𑌹𑍋 𑌗𑍋𑌪𑌿𑌕𑌾𑌪𑍍𑌰𑍀𑌤𑌿𑌰𑌂𑌜𑌨𑌃 ।
𑌰𑌂𑌜𑌕𑍋 𑌰𑌂𑌜𑌨𑍋 𑌰𑌂𑌗𑍋 𑌰𑌂𑌗𑍀 𑌰𑌂𑌗𑌮𑌹𑍀𑌰𑍁𑌹𑌃 ॥ 41 ॥

𑌕𑌾𑌮𑌃 𑌕𑌾𑌮𑌾𑌰𑌿𑌭𑌕𑍍𑌤𑌶𑍍𑌚 𑌪𑍁𑌰𑌾𑌣𑌪𑍁𑌰𑍁𑌷𑌃 𑌕𑌵𑌿𑌃 ।
𑌨𑌾𑌰𑌦𑍋 𑌦𑍇𑌵𑌲𑍋 𑌭𑍀𑌮𑍋 𑌬𑌾𑌲𑍋 𑌬𑌾𑌲𑌮𑍁𑌖𑌾𑌂𑌬𑍁𑌜𑌃 ॥ 42 ॥

𑌅𑌂𑌬𑍁𑌜𑍋 𑌬𑍍𑌰𑌹𑍍𑌮𑌸𑌾𑌕𑍍𑌷𑍀 𑌚 𑌯𑍋𑌗𑍀 𑌦𑌤𑍍𑌤𑌵𑌰𑍋 𑌮𑍁𑌨𑌿𑌃 ।
𑌋𑌷𑌭𑌃 𑌪𑌰𑍍𑌵𑌤𑍋 𑌗𑍍𑌰𑌾𑌮𑍋 𑌨𑌦𑍀𑌪𑌵𑌨𑌵𑌲𑍍𑌲𑌭𑌃 ॥ 43 ॥

𑌪𑌦𑍍𑌮𑌨𑌾𑌭𑌃 𑌸𑍁𑌰𑌜𑍍𑌯𑍇𑌷𑍍𑌠𑍋 𑌬𑍍𑌰𑌹𑍍𑌮𑌾 𑌰𑍁𑌦𑍍𑌰𑍋𑌽𑌹𑌿𑌭𑍂𑌷𑌿𑌤𑌃 ।
𑌗𑌣𑌾𑌨𑌾𑌂 𑌤𑍍𑌰𑌾𑌣𑌕𑌰𑍍𑌤𑌾 𑌚 𑌗𑌣𑍇𑌶𑍋 𑌗𑍍𑌰𑌹𑌿𑌳𑍋 𑌗𑍍𑌰𑌹𑌿𑌃 ॥ 44 ॥

𑌗𑌣𑌾𑌶𑍍𑌰𑌯𑍋 𑌗𑌣𑌾𑌧𑍍𑌯𑌕𑍍𑌷𑍋 𑌕𑍍𑌰𑍋𑌡𑍀𑌕𑍃𑌤𑌜𑌗𑌤𑍍𑌤𑍍𑌰𑌯𑌃 ।
𑌯𑌾𑌦𑌵𑍇𑌂𑌦𑍍𑌰𑍋 𑌦𑍍𑌵𑌾𑌰𑌕𑍇𑌂𑌦𑍍𑌰𑍋 𑌮𑌥𑍁𑌰𑌾𑌵𑌲𑍍𑌲𑌭𑍋 𑌧𑍁𑌰𑍀 ॥ 45 ॥

𑌭𑍍𑌰𑌮𑌰𑌃 𑌕𑍁𑌂𑌤𑌲𑍀 𑌕𑍁𑌂𑌤𑍀𑌸𑍁𑌤𑌰𑌕𑍍𑌷𑍀 𑌮𑌹𑌾𑌮𑌨𑌾𑌃 ।
𑌯𑌮𑍁𑌨𑌾𑌵𑌰𑌦𑌾𑌤𑌾 𑌚 𑌕𑌾𑌶𑍍𑌯𑌪𑌸𑍍𑌯 𑌵𑌰𑌪𑍍𑌰𑌦𑌃 ॥ 46 ॥

𑌶𑌂𑌖𑌚𑍂𑌡𑌵𑌧𑍋𑌦𑍍𑌦𑌾𑌮𑍋 𑌗𑍋𑌪𑍀𑌰𑌕𑍍𑌷𑌣𑌤𑌤𑍍𑌪𑌰𑌃 ।
𑌪𑌾𑌂𑌚𑌜𑌨𑍍𑌯𑌕𑌰𑍋 𑌰𑌾𑌮𑍀 𑌤𑍍𑌰𑌿𑌰𑌾𑌮𑍀 𑌵𑌨𑌜𑍋 𑌜𑌯𑌃 ॥ 4𑍭 ॥

𑌫𑌾𑌲𑍍𑌗𑍁𑌣𑌃 𑌫𑌲𑍍𑌗𑍁𑌨𑌸𑌖𑍋 𑌵𑌿𑌰𑌾𑌧𑌵𑌧𑌕𑌾𑌰𑌕𑌃 ।
𑌰𑍁𑌕𑍍𑌮𑌿𑌣𑍀𑌪𑍍𑌰𑌾𑌣𑌨𑌾𑌥𑌶𑍍𑌚 𑌸𑌤𑍍𑌯𑌭𑌾𑌮𑌾𑌪𑍍𑌰𑌿𑌯𑌂𑌕𑌰𑌃 ॥ 4𑍮 ॥

𑌕𑌲𑍍𑌪𑌵𑍃𑌕𑍍𑌷𑍋 𑌮𑌹𑌾𑌵𑍃𑌕𑍍𑌷𑍋 𑌦𑌾𑌨𑌵𑍃𑌕𑍍𑌷𑍋 𑌮𑌹𑌾𑌫𑌲𑌃 ।
𑌅𑌂𑌕𑍁𑌶𑍋 𑌭𑍂𑌸𑍁𑌰𑍋 𑌭𑌾𑌵𑍋 𑌭𑌾𑌮𑌕𑍋 𑌭𑍍𑌰𑌾𑌮𑌕𑍋 𑌹𑌰𑌿𑌃 ॥ 4𑍯 ॥

𑌸𑌰𑌳𑌃 𑌶𑌾𑌶𑍍𑌵𑌤𑍋 𑌵𑍀𑌰𑍋 𑌯𑌦𑍁𑌵𑌂𑌶𑌶𑌿𑌵𑌾𑌤𑍍𑌮𑌕𑌃 ।
𑌪𑍍𑌰𑌦𑍍𑌯𑍁𑌮𑍍𑌨𑍋 𑌬𑌲𑌕𑌰𑍍𑌤𑌾 𑌚 𑌪𑍍𑌰𑌹𑌰𑍍𑌤𑌾 𑌦𑍈𑌤𑍍𑌯𑌹𑌾 𑌪𑍍𑌰𑌭𑍁𑌃 ॥ 50 ॥

𑌮𑌹𑌾𑌧𑌨𑍋 𑌮𑌹𑌾𑌵𑍀𑌰𑍋 𑌵𑌨𑌮𑌾𑌲𑌾𑌵𑌿𑌭𑍂𑌷𑌣𑌃 ।
𑌤𑍁𑌲𑌸𑍀𑌦𑌾𑌮𑌶𑍋𑌭𑌾𑌢𑍍𑌯𑍋 𑌜𑌾𑌲𑌂𑌧𑌰𑌵𑌿𑌨𑌾𑌶𑌨𑌃 ॥ 51 ॥

𑌸𑍂𑌰𑌃 𑌸𑍂𑌰𑍍𑌯𑍋 𑌮𑍃𑌕𑌂𑌡𑍁𑌶𑍍𑌚 𑌭𑌾𑌸𑍍𑌵𑌰𑍋 𑌵𑌿𑌶𑍍𑌵𑌪𑍂𑌜𑌿𑌤𑌃 ।
𑌰𑌵𑌿𑌸𑍍𑌤𑌮𑍋𑌹𑌾 𑌵𑌹𑍍𑌨𑌿𑌶𑍍𑌚 𑌬𑌾𑌡𑌬𑍋 𑌬𑌡𑌬𑌾𑌨𑌲𑌃 ॥ 52 ॥

𑌦𑍈𑌤𑍍𑌯𑌦𑌰𑍍𑌪𑌵𑌿𑌨𑌾𑌶𑍀 𑌚 𑌗𑌰𑍁𑌡𑍋 𑌗𑌰𑍁𑌡𑌾𑌗𑍍𑌰𑌜𑌃 ।
𑌗𑍋𑌪𑍀𑌨𑌾𑌥𑍋 𑌮𑌹𑍀𑌨𑌾𑌥𑍋 𑌬𑍃𑌂𑌦𑌾𑌨𑌾𑌥𑍋𑌽𑌵𑌰𑍋𑌧𑌕𑌃 ॥ 53 ॥

𑌪𑍍𑌰𑌪𑌂𑌚𑍀 𑌪𑌂𑌚𑌰𑍂𑌪𑌶𑍍𑌚 𑌲𑌤𑌾𑌗𑍁𑌲𑍍𑌮𑌶𑍍𑌚 𑌗𑍋𑌮𑌤𑌿𑌃 ।
𑌗𑌂𑌗𑌾 𑌚 𑌯𑌮𑍁𑌨𑌾𑌰𑍂𑌪𑍋 𑌗𑍋𑌦𑌾 𑌵𑍇𑌤𑍍𑌰𑌵𑌤𑍀 𑌤𑌥𑌾 ॥ 54 ॥

𑌕𑌾𑌵𑍇𑌰𑍀 𑌨𑌰𑍍𑌮𑌦𑌾 𑌤𑌾𑌪𑍀 𑌗𑌂𑌡𑌕𑍀 𑌸𑌰𑌯𑍂 𑌰𑌜𑌃 ।
𑌰𑌾𑌜𑌸𑌸𑍍𑌤𑌾𑌮𑌸𑌸𑍍𑌸𑌤𑍍𑌤𑍍𑌵𑍀 𑌸𑌰𑍍𑌵𑌾𑌂𑌗𑍀 𑌸𑌰𑍍𑌵𑌲𑍋𑌚𑌨𑌃 ॥ 55 ॥

𑌸𑍁𑌧𑌾𑌮𑌯𑍋𑌽𑌮𑍃𑌤𑌮𑌯𑍋 𑌯𑍋𑌗𑌿𑌨𑌾𑌂 𑌵𑌲𑍍𑌲𑌭𑌃 𑌶𑌿𑌵𑌃 ।
𑌬𑍁𑌦𑍍𑌧𑍋 𑌬𑍁𑌦𑍍𑌧𑌿𑌮𑌤𑌾𑌂 𑌶𑍍𑌰𑍇𑌷𑍍𑌠𑍋 𑌵𑌿𑌷𑍍𑌣𑍁𑌰𑍍𑌜𑌿𑌷𑍍𑌣𑍁𑌃 𑌶𑌚𑍀𑌪𑌤𑌿𑌃 ॥ 56 ॥

𑌵𑌂𑌶𑍀 𑌵𑌂𑌶𑌧𑌰𑍋 𑌲𑍋𑌕𑍋 𑌵𑌿𑌲𑍋𑌕𑍋 𑌮𑍋𑌹𑌨𑌾𑌶𑌨𑌃 ।
𑌰𑌵𑌰𑌾𑌵𑍋 𑌰𑌵𑍋 𑌰𑌾𑌵𑍋 𑌵𑌲𑍋 𑌵𑌾𑌲𑍋 𑌵𑌲𑌾𑌹𑌕𑌃 ॥ 5𑍭 ॥

𑌶𑌿𑌵𑍋 𑌰𑍁𑌦𑍍𑌰𑍋 𑌨𑌲𑍋 𑌨𑍀𑌲𑍋 𑌲𑌾𑌂𑌗𑌲𑍀 𑌲𑌾𑌂𑌗𑌲𑌾𑌶𑍍𑌰𑌯𑌃 ।
𑌪𑌾𑌰𑌦𑌃 𑌪𑌾𑌵𑌨𑍋 𑌹𑌂𑌸𑍋 𑌹𑌂𑌸𑌾𑌰𑍂𑌢𑍋 𑌜𑌗𑌤𑍍𑌪𑌤𑌿𑌃 ॥ 5𑍮 ॥

𑌮𑍋𑌹𑌿𑌨𑍀𑌮𑍋𑌹𑌨𑍋 𑌮𑌾𑌯𑍀 𑌮𑌹𑌾𑌮𑌾𑌯𑍋 𑌮𑌹𑌾𑌸𑍁𑌖𑍀 ।
𑌵𑍃𑌷𑍋 𑌵𑍃𑌷𑌾𑌕𑌪𑌿𑌃 𑌕𑌾𑌲𑌃 𑌕𑌾𑌲𑍀𑌦𑌮𑌨𑌕𑌾𑌰𑌕𑌃 ॥ 5𑍯 ॥

𑌕𑍁𑌬𑍍𑌜𑌾𑌭𑌾𑌗𑍍𑌯𑌪𑍍𑌰𑌦𑍋 𑌵𑍀𑌰𑍋 𑌰𑌜𑌕𑌕𑍍𑌷𑌯𑌕𑌾𑌰𑌕𑌃 ।
𑌕𑍋𑌮𑌲𑍋 𑌵𑌾𑌰𑍁𑌣𑍀 𑌰𑌾𑌜𑌾 𑌜𑌲𑌜𑍋 𑌜𑌲𑌧𑌾𑌰𑌕𑌃 ॥ 60 ॥

𑌹𑌾𑌰𑌕𑌃 𑌸𑌰𑍍𑌵𑌪𑌾𑌪𑌘𑍍𑌨𑌃 𑌪𑌰𑌮𑍇𑌷𑍍𑌠𑍀 𑌪𑌿𑌤𑌾𑌮𑌹𑌃 ।
𑌖𑌡𑍍𑌗𑌧𑌾𑌰𑍀 𑌕𑍃𑌪𑌾𑌕𑌾𑌰𑍀 𑌰𑌾𑌧𑌾𑌰𑌮𑌣𑌸𑍁𑌂𑌦𑌰𑌃 ॥ 61 ॥

𑌦𑍍𑌵𑌾𑌦𑌶𑌾𑌰𑌣𑍍𑌯𑌸𑌂𑌭𑍋𑌗𑍀 𑌶𑍇𑌷𑌨𑌾𑌗𑌫𑌣𑌾𑌲𑌯𑌃 ।
𑌕𑌾𑌮𑌃 𑌶𑍍𑌯𑌾𑌮𑌃 𑌸𑍁𑌖𑌶𑍍𑌰𑍀𑌦𑌃 𑌶𑍍𑌰𑍀𑌪𑌤𑌿𑌃 𑌶𑍍𑌰𑍀𑌨𑌿𑌧𑌿𑌃 𑌕𑍃𑌤𑌿𑌃 ॥ 62 ॥

𑌹𑌰𑌿𑌰𑍍𑌹𑌰𑍋 𑌨𑌰𑍋 𑌨𑌾𑌰𑍋 𑌨𑌰𑍋𑌤𑍍𑌤𑌮 𑌇𑌷𑍁𑌪𑍍𑌰𑌿𑌯𑌃 ।
𑌗𑍋𑌪𑌾𑌲𑌚𑌿𑌤𑍍𑌤𑌹𑌰𑍍𑌤𑌾 𑌚 𑌕𑌰𑍍𑌤𑌾 𑌸𑌂𑌸𑌾𑌰𑌤𑌾𑌰𑌕𑌃 ॥ 63 ॥

𑌆𑌦𑌿𑌦𑍇𑌵𑍋 𑌮𑌹𑌾𑌦𑍇𑌵𑍋 𑌗𑍌𑌰𑍀𑌗𑍁𑌰𑍁𑌰𑌨𑌾𑌶𑍍𑌰𑌯𑌃 ।
𑌸𑌾𑌧𑍁𑌰𑍍𑌮𑌧𑍁𑌰𑍍𑌵𑌿𑌧𑍁𑌰𑍍𑌧𑌾𑌤𑌾 𑌤𑍍𑌰𑌾𑌤𑌾𑌽𑌕𑍍𑌰𑍂𑌰𑌪𑌰𑌾𑌯𑌣𑌃 ॥ 64 ॥

𑌰𑍋𑌲𑌂𑌬𑍀 𑌚 𑌹𑌯𑌗𑍍𑌰𑍀𑌵𑍋 𑌵𑌾𑌨𑌰𑌾𑌰𑌿𑌰𑍍𑌵𑌨𑌾𑌶𑍍𑌰𑌯𑌃 ।
𑌵𑌨𑌂 𑌵𑌨𑍀 𑌵𑌨𑌾𑌧𑍍𑌯𑌕𑍍𑌷𑍋 𑌮𑌹𑌾𑌵𑌂𑌦𑍍𑌯𑍋 𑌮𑌹𑌾𑌮𑍁𑌨𑌿𑌃 ॥ 65 ॥

𑌸𑍍𑌯𑌮𑌂𑌤𑌕𑌮𑌣𑌿𑌪𑍍𑌰𑌾𑌜𑍍𑌞𑌃 𑌵𑌿𑌜𑍍𑌞𑍋 𑌵𑌿𑌘𑍍𑌨𑌵𑌿𑌘𑌾𑌤𑌕𑌃 ।
𑌗𑍋𑌵𑌰𑍍𑌧𑌨𑍋 𑌵𑌰𑍍𑌧𑌨𑍀𑌯𑍋 𑌵𑌰𑍍𑌧𑌨𑍀 𑌵𑌰𑍍𑌧𑌨𑌪𑍍𑌰𑌿𑌯𑌃 ॥ 66 ॥

𑌵𑌾𑌰𑍍𑌧𑌨𑍍𑌯𑍋 𑌵𑌰𑍍𑌧𑌨𑍋 𑌵𑌰𑍍𑌧𑍀 𑌵𑌰𑍍𑌧𑌿𑌷𑍍𑌣𑌸𑍍𑌤𑍁 𑌸𑍁𑌖𑌪𑍍𑌰𑌿𑌯𑌃 ।
𑌵𑌰𑍍𑌧𑌿𑌤𑍋 𑌵𑌰𑍍𑌧𑌕𑍋 𑌵𑍃𑌦𑍍𑌧𑍋 𑌬𑍃𑌂𑌦𑌾𑌰𑌕𑌜𑌨𑌪𑍍𑌰𑌿𑌯𑌃 ॥ 6𑍭 ॥

𑌗𑍋𑌪𑌾𑌲𑌰𑌮𑌣𑍀𑌭𑌰𑍍𑌤𑌾 𑌸𑌾𑌂𑌬𑌕𑍁𑌷𑍍𑌠𑌵𑌿𑌨𑌾𑌶𑌨𑌃 ।
𑌰𑍁𑌕𑍍𑌮𑌿𑌣𑍀𑌹𑌰𑌣𑌪𑍍𑌰𑍇𑌮𑌾 𑌪𑍍𑌰𑍇𑌮𑍀 𑌚𑌂𑌦𑍍𑌰𑌾𑌵𑌲𑍀𑌪𑌤𑌿𑌃 ॥ 6𑍮 ॥

𑌶𑍍𑌰𑍀𑌕𑌰𑍍𑌤𑌾 𑌵𑌿𑌶𑍍𑌵𑌭𑌰𑍍𑌤𑌾 𑌚 𑌨𑌾𑌰𑌾𑌯𑌣 𑌨𑌰𑍋 𑌬𑌲𑍀 ।
𑌗𑌣𑍋 𑌗𑌣𑌪𑌤𑌿𑌶𑍍𑌚𑍈𑌵 𑌦𑌤𑍍𑌤𑌾𑌤𑍍𑌰𑍇𑌯𑍋 𑌮𑌹𑌾𑌮𑍁𑌨𑌿𑌃 ॥ 6𑍯 ॥

𑌵𑍍𑌯𑌾𑌸𑍋 𑌨𑌾𑌰𑌾𑌯𑌣𑍋 𑌦𑌿𑌵𑍍𑌯𑍋 𑌭𑌵𑍍𑌯𑍋 𑌭𑌾𑌵𑍁𑌕𑌧𑌾𑌰𑌕𑌃 ।
𑌶𑍍𑌵𑌃𑌶𑍍𑌰𑍇𑌯𑌸𑌂 𑌶𑌿𑌵𑌂 𑌭𑌦𑍍𑌰𑌂 𑌭𑌾𑌵𑍁𑌕𑌂 𑌭𑌵𑍁𑌕𑌂 𑌶𑍁𑌭𑌮𑍍 ॥ 𑍭0 ॥

𑌶𑍁𑌭𑌾𑌤𑍍𑌮𑌕𑌃 𑌶𑍁𑌭𑌃 𑌶𑌾𑌸𑍍𑌤𑌾 𑌪𑍍𑌰𑌶𑌸𑍍𑌤𑍋 𑌮𑍇𑌘𑌨𑌾𑌦𑌹𑌾 ।
𑌬𑍍𑌰𑌹𑍍𑌮𑌣𑍍𑌯𑌦𑍇𑌵𑍋 𑌦𑍀𑌨𑌾𑌨𑌾𑌮𑍁𑌦𑍍𑌧𑌾𑌰𑌕𑌰𑌣𑌕𑍍𑌷𑌮𑌃 ॥ 𑍭1 ॥

𑌕𑍃𑌷𑍍𑌣𑌃 𑌕𑌮𑌲𑌪𑌤𑍍𑌰𑌾𑌕𑍍𑌷𑌃 𑌕𑍃𑌷𑍍𑌣𑌃 𑌕𑌮𑌲𑌲𑍋𑌚𑌨𑌃 ।
𑌕𑍃𑌷𑍍𑌣𑌃 𑌕𑌾𑌮𑍀 𑌸𑌦𑌾 𑌕𑍃𑌷𑍍𑌣𑌃 𑌸𑌮𑌸𑍍𑌤𑌪𑍍𑌰𑌿𑌯𑌕𑌾𑌰𑌕𑌃 ॥ 𑍭2 ॥

𑌨𑌂𑌦𑍋 𑌨𑌂𑌦𑍀 𑌮𑌹𑌾𑌨𑌂𑌦𑍀 𑌮𑌾𑌦𑍀 𑌮𑌾𑌦𑌨𑌕𑌃 𑌕𑌿𑌲𑍀 ।
𑌮𑍀𑌲𑍀 𑌹𑌿𑌲𑍀 𑌗𑌿𑌲𑍀 𑌗𑍋𑌲𑍀 𑌗𑍋𑌲𑍋 𑌗𑍋𑌲𑌾𑌲𑌯𑍋 𑌗𑍁𑌲𑍀 ॥ 𑍭3 ॥

𑌗𑍁𑌗𑍍𑌗𑍁𑌲𑍀 𑌮𑌾𑌰𑌕𑍀 𑌶𑌾𑌖𑍀 𑌵𑌟𑌃 𑌪𑌿𑌪𑍍𑌪𑌲𑌕𑌃 𑌕𑍃𑌤𑍀 ।
𑌮𑍍𑌲𑍇𑌚𑍍𑌛𑌹𑌾 𑌕𑌾𑌲𑌹𑌰𑍍𑌤𑌾 𑌚 𑌯𑌶𑍋𑌦𑌾 𑌯𑌶 𑌏𑌵 𑌚 ॥ 𑍭4 ॥

𑌅𑌚𑍍𑌯𑍁𑌤𑌃 𑌕𑍇𑌶𑌵𑍋 𑌵𑌿𑌷𑍍𑌣𑍁𑌃 𑌹𑌰𑌿𑌃 𑌸𑌤𑍍𑌯𑍋 𑌜𑌨𑌾𑌰𑍍𑌦𑌨𑌃 ।
𑌹𑌂𑌸𑍋 𑌨𑌾𑌰𑌾𑌯𑌣𑍋 𑌨𑍀𑌲𑍋 𑌲𑍀𑌨𑍋 𑌭𑌕𑍍𑌤𑌿𑌪𑌰𑌾𑌯𑌣𑌃 ॥ 𑍭5 ॥

𑌜𑌾𑌨𑌕𑍀𑌵𑌲𑍍𑌲𑌭𑍋 𑌰𑌾𑌮𑍋 𑌵𑌿𑌰𑌾𑌮𑍋 𑌵𑌿𑌷𑌨𑌾𑌶𑌨𑌃 ।
𑌸𑌿𑌂𑌹𑌭𑌾𑌨𑍁𑌰𑍍𑌮𑌹𑌾𑌭𑌾𑌨𑍁-𑌰𑍍𑌵𑍀𑌰𑌭𑌾𑌨𑍁𑌰𑍍𑌮𑌹𑍋𑌦𑌧𑌿𑌃 ॥ 𑍭6 ॥

𑌸𑌮𑍁𑌦𑍍𑌰𑍋𑌽𑌬𑍍𑌧𑌿𑌰𑌕𑍂𑌪𑌾𑌰𑌃 𑌪𑌾𑌰𑌾𑌵𑌾𑌰𑌃 𑌸𑌰𑌿𑌤𑍍𑌪𑌤𑌿𑌃 ।
𑌗𑍋𑌕𑍁𑌲𑌾𑌨𑌂𑌦𑌕𑌾𑌰𑍀 𑌚 𑌪𑍍𑌰𑌤𑌿𑌜𑍍𑌞𑌾𑌪𑌰𑌿𑌪𑌾𑌲𑌕𑌃 ॥ 𑍭𑍭 ॥

𑌸𑌦𑌾𑌰𑌾𑌮𑌃 𑌕𑍃𑌪𑌾𑌰𑌾𑌮𑍋 𑌮𑌹𑌾𑌰𑌾𑌮𑍋 𑌧𑌨𑍁𑌰𑍍𑌧𑌰𑌃 ।
𑌪𑌰𑍍𑌵𑌤𑌃 𑌪𑌰𑍍𑌵𑌤𑌾𑌕𑌾𑌰𑍋 𑌗𑌯𑍋 𑌗𑍇𑌯𑍋 𑌦𑍍𑌵𑌿𑌜𑌪𑍍𑌰𑌿𑌯𑌃 ॥ 𑍭𑍮 ॥

𑌕𑌮𑌲𑌾𑌶𑍍𑌵𑌤𑌰𑍋 𑌰𑌾𑌮𑍋 𑌰𑌾𑌮𑌾𑌯𑌣𑌪𑍍𑌰𑌵𑌰𑍍𑌤𑌕𑌃 ।
𑌦𑍍𑌯𑍌𑌰𑍍𑌦𑌿𑌵𑍋 𑌦𑌿𑌵𑌸𑍋 𑌦𑌿𑌵𑍍𑌯𑍋 𑌭𑌵𑍍𑌯𑍋 𑌭𑌾𑌗𑍀 𑌭𑌯𑌾𑌪𑌹𑌃 ॥ 𑍭𑍯 ॥

𑌪𑌾𑌰𑍍𑌵𑌤𑍀𑌭𑌾𑌗𑍍𑌯𑌸𑌹𑌿𑌤𑍋 𑌭𑌰𑍍𑌤𑌾 𑌲𑌕𑍍𑌷𑍍𑌮𑍀𑌸𑌹𑌾𑌯𑌵𑌾𑌨𑍍 । [𑌵𑌿𑌲𑌾𑌸𑌵𑌾𑌨𑍍]
𑌵𑌿𑌲𑌾𑌸𑍀 𑌸𑌾𑌹𑌸𑍀 𑌸𑌰𑍍𑌵𑍀 𑌗𑌰𑍍𑌵𑍀 𑌗𑌰𑍍𑌵𑌿𑌤𑌲𑍋𑌚𑌨𑌃 ॥ 𑍮0 ॥

𑌸𑍁𑌰𑌾𑌰𑌿𑌰𑍍𑌲𑍋𑌕𑌧𑌰𑍍𑌮𑌜𑍍𑌞𑍋 𑌜𑍀𑌵𑌨𑍋 𑌜𑍀𑌵𑌨𑌾𑌂𑌤𑌕𑌃 ।
𑌯𑌮𑍋 𑌯𑌮𑌾𑌰𑌿𑌰𑍍𑌯𑌮𑌨𑍋 𑌯𑌮𑍀 𑌯𑌾𑌮𑌵𑌿𑌘𑌾𑌤𑌕𑌃 ॥ 𑍮1 ॥

𑌵𑌂𑌶𑍁𑌲𑍀 𑌪𑌾𑌂𑌶𑍁𑌲𑍀 𑌪𑌾𑌂𑌸𑍁𑌃 𑌪𑌾𑌂𑌡𑍁𑌰𑌰𑍍𑌜𑍁𑌨𑌵𑌲𑍍𑌲𑌭𑌃 ।
𑌲𑌲𑌿𑌤𑌾 𑌚𑌂𑌦𑍍𑌰𑌿𑌕𑌾𑌮𑌾𑌲𑌾 𑌮𑌾𑌲𑍀 𑌮𑌾𑌲𑌾𑌂𑌬𑍁𑌜𑌾𑌶𑍍𑌰𑌯𑌃 ॥ 𑍮2 ॥

𑌅𑌂𑌬𑍁𑌜𑌾𑌕𑍍𑌷𑍋 𑌮𑌹𑌾𑌯𑌕𑍍𑌷𑍋 𑌦𑌕𑍍𑌷𑌶𑍍𑌚𑌿𑌂𑌤𑌾𑌮𑌣𑌿𑌪𑍍𑌰𑌭𑍁𑌃 ।
𑌮𑌣𑌿𑌰𑍍𑌦𑌿𑌨𑌮𑌣𑌿𑌶𑍍𑌚𑍈𑌵 𑌕𑍇𑌦𑌾𑌰𑍋 𑌬𑌦𑌰𑍀𑌶𑍍𑌰𑌯𑌃 ॥ 𑍮3 ॥

𑌬𑌦𑌰𑍀𑌵𑌨𑌸𑌂𑌪𑍍𑌰𑍀𑌤𑍋 𑌵𑍍𑌯𑌾𑌸𑌃 𑌸𑌤𑍍𑌯𑌵𑌤𑍀𑌸𑍁𑌤𑌃 ।
𑌅𑌮𑌰𑌾𑌰𑌿𑌨𑌿𑌹𑌂𑌤𑌾 𑌚 𑌸𑍁𑌧𑌾𑌸𑌿𑌂𑌧𑍁𑌵𑌿𑌧𑍂𑌦𑌯𑌃 ॥ 𑍮4 ॥

𑌚𑌂𑌦𑍍𑌰𑍋 𑌰𑌵𑌿𑌃 𑌶𑌿𑌵𑌃 𑌶𑍂𑌲𑍀 𑌚𑌕𑍍𑌰𑍀 𑌚𑍈𑌵 𑌗𑌦𑌾𑌧𑌰𑌃 ।
𑌶𑍍𑌰𑍀𑌕𑌰𑍍𑌤𑌾 𑌶𑍍𑌰𑍀𑌪𑌤𑌿𑌃 𑌶𑍍𑌰𑍀𑌦𑌃 𑌶𑍍𑌰𑍀𑌦𑍇𑌵𑍋 𑌦𑍇𑌵𑌕𑍀𑌸𑍁𑌤𑌃 ॥ 𑍮5 ॥

𑌶𑍍𑌰𑍀𑌪𑌤𑌿𑌃 𑌪𑍁𑌂𑌡𑌰𑍀𑌕𑌾𑌕𑍍𑌷𑌃 𑌪𑌦𑍍𑌮𑌨𑌾𑌭𑍋 𑌜𑌗𑌤𑍍𑌪𑌤𑌿𑌃 ।
𑌵𑌾𑌸𑍁𑌦𑍇𑌵𑍋𑌽𑌪𑍍𑌰𑌮𑍇𑌯𑌾𑌤𑍍𑌮𑌾 𑌕𑍇𑌶𑌵𑍋 𑌗𑌰𑍁𑌡𑌧𑍍𑌵𑌜𑌃 ॥ 𑍮6 ॥

𑌨𑌾𑌰𑌾𑌯𑌣𑌃 𑌪𑌰𑌂 𑌧𑌾𑌮 𑌦𑍇𑌵𑌦𑍇𑌵𑍋 𑌮𑌹𑍇𑌶𑍍𑌵𑌰𑌃 ।
𑌚𑌕𑍍𑌰𑌪𑌾𑌣𑌿𑌃 𑌕𑌳𑌾𑌪𑍂𑌰𑍍𑌣𑍋 𑌵𑍇𑌦𑌵𑍇𑌦𑍍𑌯𑍋 𑌦𑌯𑌾𑌨𑌿𑌧𑌿𑌃 ॥ 𑍮𑍭 ॥

𑌭𑌗𑌵𑌾𑌨𑍍 𑌸𑌰𑍍𑌵𑌭𑍂𑌤𑍇𑌶𑍋 𑌗𑍋𑌪𑌾𑌲𑌃 𑌸𑌰𑍍𑌵𑌪𑌾𑌲𑌕𑌃 ।
𑌅𑌨𑌂𑌤𑍋 𑌨𑌿𑌰𑍍𑌗𑍁𑌣𑍋 𑌨𑌿𑌤𑍍𑌯𑍋 𑌨𑌿𑌰𑍍𑌵𑌿𑌕𑌲𑍍𑌪𑍋 𑌨𑌿𑌰𑌂𑌜𑌨𑌃 ॥ 𑍮𑍮 ॥

𑌨𑌿𑌰𑌾𑌧𑌾𑌰𑍋 𑌨𑌿𑌰𑌾𑌕𑌾𑌰𑍋 𑌨𑌿𑌰𑌾𑌭𑌾𑌸𑍋 𑌨𑌿𑌰𑌾𑌶𑍍𑌰𑌯𑌃 ।
𑌪𑍁𑌰𑍁𑌷𑌃 𑌪𑍍𑌰𑌣𑌵𑌾𑌤𑍀𑌤𑍋 𑌮𑍁𑌕𑍁𑌂𑌦𑌃 𑌪𑌰𑌮𑍇𑌶𑍍𑌵𑌰𑌃 ॥ 𑍮𑍯 ॥

𑌕𑍍𑌷𑌣𑌾𑌵𑌨𑌿𑌃 𑌸𑌾𑌰𑍍𑌵𑌭𑍌𑌮𑍋 𑌵𑍈𑌕𑍁𑌂𑌠𑍋 𑌭𑌕𑍍𑌤𑌵𑌤𑍍𑌸𑌲𑌃 ।
𑌵𑌿𑌷𑍍𑌣𑍁𑌰𑍍𑌦𑌾𑌮𑍋𑌦𑌰𑌃 𑌕𑍃𑌷𑍍𑌣𑍋 𑌮𑌾𑌧𑌵𑍋 𑌮𑌥𑍁𑌰𑌾𑌪𑌤𑌿𑌃 ॥ 𑍯0 ॥

𑌦𑍇𑌵𑌕𑍀𑌗𑌰𑍍𑌭𑌸𑌂𑌭𑍂𑌤𑍋 𑌯𑌶𑍋𑌦𑌾𑌵𑌤𑍍𑌸𑌲𑍋 𑌹𑌰𑌿𑌃 ।
𑌶𑌿𑌵𑌃 𑌸𑌂𑌕𑌰𑍍𑌷𑌣𑌃 𑌶𑌂𑌭𑍁𑌰𑍍𑌭𑍂𑌤𑌨𑌾𑌥𑍋 𑌦𑌿𑌵𑌸𑍍𑌪𑌤𑌿𑌃 ॥ 𑍯1 ॥

𑌅𑌵𑍍𑌯𑌯𑌃 𑌸𑌰𑍍𑌵𑌧𑌰𑍍𑌮𑌜𑍍𑌞𑍋 𑌨𑌿𑌰𑍍𑌮𑌲𑍋 𑌨𑌿𑌰𑍁𑌪𑌦𑍍𑌰𑌵𑌃 ।
𑌨𑌿𑌰𑍍𑌵𑌾𑌣𑌨𑌾𑌯𑌕𑍋 𑌨𑌿𑌤𑍍𑌯𑍋 𑌨𑍀𑌲𑌜𑍀𑌮𑍂𑌤𑌸𑌨𑍍𑌨𑌿𑌭𑌃 ॥ 𑍯2 ॥

𑌕𑌲𑌾𑌕𑍍𑌷𑌯𑌶𑍍𑌚 𑌸𑌰𑍍𑌵𑌜𑍍𑌞𑌃 𑌕𑌮𑌲𑌾𑌰𑍂𑌪𑌤𑌤𑍍𑌪𑌰𑌃 ।
𑌹𑍃𑌷𑍀𑌕𑍇𑌶𑌃 𑌪𑍀𑌤𑌵𑌾𑌸𑌾 𑌵𑌸𑍁𑌦𑍇𑌵𑌪𑍍𑌰𑌿𑌯𑌾𑌤𑍍𑌮𑌜𑌃 ॥ 𑍯3 ॥

𑌨𑌂𑌦𑌗𑍋𑌪𑌕𑍁𑌮𑌾𑌰𑌾𑌰𑍍𑌯𑍋 𑌨𑌵𑌨𑍀𑌤𑌾𑌶𑌨𑍋 𑌵𑌿𑌭𑍁𑌃 ।
𑌪𑍁𑌰𑌾𑌣𑌃 𑌪𑍁𑌰𑍁𑌷𑌶𑍍𑌰𑍇𑌷𑍍𑌠𑌃 𑌶𑌂𑌖𑌪𑌾𑌣𑌿𑌃 𑌸𑍁𑌵𑌿𑌕𑍍𑌰𑌮𑌃 ॥ 𑍯4 ॥

𑌅𑌨𑌿𑌰𑍁𑌦𑍍𑌧𑌶𑍍𑌚𑌕𑍍𑌰𑌧𑌰𑌃 𑌶𑌾𑌰𑍍𑌙𑍍𑌗𑌪𑌾𑌣𑌿𑌶𑍍𑌚𑌤𑍁𑌰𑍍𑌭𑍁𑌜𑌃 ।
𑌗𑌦𑌾𑌧𑌰𑌃 𑌸𑍁𑌰𑌾𑌰𑍍𑌤𑌿𑌘𑍍𑌨𑍋 𑌗𑍋𑌵𑌿𑌂𑌦𑍋 𑌨𑌂𑌦𑌕𑌾𑌯𑍁𑌧𑌃 ॥ 𑍯5 ॥

𑌬𑍃𑌂𑌦𑌾𑌵𑌨𑌚𑌰𑌃 𑌶𑍌𑌰𑌿𑌰𑍍𑌵𑍇𑌣𑍁𑌵𑌾𑌦𑍍𑌯𑌵𑌿𑌶𑌾𑌰𑌦𑌃 ।
𑌤𑍃𑌣𑌾𑌵𑌰𑍍𑌤𑌾𑌂𑌤𑌕𑍋 𑌭𑍀𑌮𑌸𑌾𑌹𑌸𑍋 𑌬𑌹𑍁𑌵𑌿𑌕𑍍𑌰𑌮𑌃 ॥ 𑍯6 ॥

𑌶𑌕𑌟𑌾𑌸𑍁𑌰𑌸𑌂𑌹𑌾𑌰𑍀 𑌬𑌕𑌾𑌸𑍁𑌰𑌵𑌿𑌨𑌾𑌶𑌨𑌃 ।
𑌧𑍇𑌨𑍁𑌕𑌾𑌸𑍁𑌰𑌸𑌂𑌹𑌾𑌰𑍀 𑌪𑍂𑌤𑌨𑌾𑌰𑌿𑌰𑍍𑌨𑍃𑌕𑍇𑌸𑌰𑍀 ॥ 𑍯𑍭 ॥

𑌪𑌿𑌤𑌾𑌮𑌹𑍋 𑌗𑍁𑌰𑍁𑌸𑍍𑌸𑌾𑌕𑍍𑌷𑍀 𑌪𑍍𑌰𑌤𑍍𑌯𑌗𑌾𑌤𑍍𑌮𑌾 𑌸𑌦𑌾𑌶𑌿𑌵𑌃 ।
𑌅𑌪𑍍𑌰𑌮𑍇𑌯𑌃 𑌪𑍍𑌰𑌭𑍁𑌃 𑌪𑍍𑌰𑌾𑌜𑍍𑌞𑍋𑌽𑌪𑍍𑌰𑌤𑌰𑍍𑌕𑍍𑌯𑌃 𑌸𑍍𑌵𑌪𑍍𑌨𑌵𑌰𑍍𑌧𑌨𑌃 ॥ 𑍯𑍮 ॥

𑌧𑌨𑍍𑌯𑍋 𑌮𑌾𑌨𑍍𑌯𑍋 𑌭𑌵𑍋 𑌭𑌾𑌵𑍋 𑌧𑍀𑌰𑌃 𑌶𑌾𑌂𑌤𑍋 𑌜𑌗𑌦𑍍𑌗𑍁𑌰𑍁𑌃 ।
𑌅𑌂𑌤𑌰𑍍𑌯𑌾𑌮𑍀𑌶𑍍𑌵𑌰𑍋 𑌦𑌿𑌵𑍍𑌯𑍋 𑌦𑍈𑌵𑌜𑍍𑌞𑍋 𑌦𑍇𑌵𑌸𑌂𑌸𑍍𑌤𑍁𑌤𑌃 ॥ 𑍯𑍯 ॥

𑌕𑍍𑌷𑍀𑌰𑌾𑌬𑍍𑌧𑌿𑌶𑌯𑌨𑍋 𑌧𑌾𑌤𑌾 𑌲𑌕𑍍𑌷𑍍𑌮𑍀𑌵𑌾𑌨𑍍 𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌃 ।
𑌧𑌾𑌤𑍍𑌰𑍀𑌪𑌤𑌿𑌰𑌮𑍇𑌯𑌾𑌤𑍍𑌮𑌾 𑌚𑌂𑌦𑍍𑌰𑌶𑍇𑌖𑌰𑌪𑍂𑌜𑌿𑌤𑌃 ॥ 100 ॥

𑌲𑍋𑌕𑌸𑌾𑌕𑍍𑌷𑍀 𑌜𑌗𑌚𑍍𑌚𑌕𑍍𑌷𑍁𑌃 𑌪𑍁𑌣𑍍𑌯𑌚𑌾𑌰𑌿𑌤𑍍𑌰𑌕𑍀𑌰𑍍𑌤𑌨𑌃 ।
𑌕𑍋𑌟𑌿𑌮𑌨𑍍𑌮𑌥𑌸𑍌𑌂𑌦𑌰𑍍𑌯𑍋 𑌜𑌗𑌨𑍍𑌮𑍋𑌹𑌨𑌵𑌿𑌗𑍍𑌰𑌹𑌃 ॥ 101 ॥

𑌮𑌂𑌦𑌸𑍍𑌮𑌿𑌤𑌤𑌨𑍁𑌰𑍍𑌗𑍋𑌪𑌗𑍋𑌪𑌿𑌕𑌾𑌪𑌰𑌿𑌵𑍇𑌷𑍍𑌟𑌿𑌤𑌃 ।
𑌫𑍁𑌲𑍍𑌲𑌾𑌰𑌵𑌿𑌂𑌦𑌨𑌯𑌨𑌶𑍍𑌚𑌾𑌣𑍂𑌰𑌾𑌂𑌧𑍍𑌰𑌨𑌿𑌷𑍂𑌦𑌨𑌃 ॥ 102 ॥

𑌇𑌂𑌦𑍀𑌵𑌰𑌦𑌳𑌶𑍍𑌯𑌾𑌮𑍋 𑌬𑌰𑍍𑌹𑌿𑌬𑌰𑍍𑌹𑌾𑌵𑌤𑌂𑌸𑌕𑌃 ।
𑌮𑍁𑌰𑌳𑍀𑌨𑌿𑌨𑌦𑌾𑌹𑍍𑌲𑌾𑌦𑍋 𑌦𑌿𑌵𑍍𑌯𑌮𑌾𑌲𑌾𑌂𑌬𑌰𑌾𑌵𑍃𑌤𑌃 ॥ 103 ॥

𑌸𑍁𑌕𑌪𑍋𑌲𑌯𑍁𑌗𑌃 𑌸𑍁𑌭𑍍𑌰𑍂𑌯𑍁𑌗𑌳𑌃 𑌸𑍁𑌲𑌲𑌾𑌟𑌕𑌮𑍍 ।
𑌕𑌂𑌬𑍁𑌗𑍍𑌰𑍀𑌵𑍋 𑌵𑌿𑌶𑌾𑌲𑌾𑌕𑍍𑌷𑍋 𑌲𑌕𑍍𑌷𑍍𑌮𑍀𑌵𑌾𑌂𑌛𑍁𑌭𑌲𑌕𑍍𑌷𑌣𑌃 ॥ 104 ॥

𑌪𑍀𑌨𑌵𑌕𑍍𑌷𑌾𑌶𑍍𑌚𑌤𑍁𑌰𑍍𑌬𑌾𑌹𑍁𑌶𑍍𑌚𑌤𑍁𑌰𑍍𑌮𑍂𑌰𑍍𑌤𑌿𑌸𑍍𑌤𑍍𑌰𑌿𑌵𑌿𑌕𑍍𑌰𑌮𑌃 ।
𑌕𑌳𑌂𑌕𑌰𑌹𑌿𑌤𑌃 𑌶𑍁𑌦𑍍𑌧𑍋 𑌦𑍁𑌷𑍍𑌟𑌶𑌤𑍍𑌰𑍁𑌨𑌿𑌬𑌰𑍍𑌹𑌣𑌃 ॥ 105 ॥

𑌕𑌿𑌰𑍀𑌟𑌕𑍁𑌂𑌡𑌲𑌧𑌰𑌃 𑌕𑌟𑌕𑌾𑌂𑌗𑌦𑌮𑌂𑌡𑌿𑌤𑌃 ।
𑌮𑍁𑌦𑍍𑌰𑌿𑌕𑌾𑌭𑌰𑌣𑍋𑌪𑍇𑌤𑌃 𑌕𑌟𑌿𑌸𑍂𑌤𑍍𑌰𑌵𑌿𑌰𑌾𑌜𑌿𑌤𑌃 ॥ 106 ॥

𑌮𑌂𑌜𑍀𑌰𑌰𑌂𑌜𑌿𑌤𑌪𑌦𑌃 𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑌃 ।
𑌵𑌿𑌨𑍍𑌯𑌸𑍍𑌤𑌪𑌾𑌦𑌯𑍁𑌗𑌳𑍋 𑌦𑌿𑌵𑍍𑌯𑌮𑌂𑌗𑌳𑌵𑌿𑌗𑍍𑌰𑌹𑌃 ॥ 10𑍭 ॥

𑌗𑍋𑌪𑌿𑌕𑌾𑌨𑌯𑌨𑌾𑌨𑌂𑌦𑌃 𑌪𑍂𑌰𑍍𑌣𑌚𑌂𑌦𑍍𑌰𑌨𑌿𑌭𑌾𑌨𑌨𑌃 ।
𑌸𑌮𑌸𑍍𑌤𑌜𑌗𑌦𑌾𑌨𑌂𑌦𑌃 𑌸𑍁𑌂𑌦𑌰𑍋 𑌲𑍋𑌕𑌨𑌂𑌦𑌨𑌃 ॥ 10𑍮 ॥

𑌯𑌮𑍁𑌨𑌾𑌤𑍀𑌰𑌸𑌂𑌚𑌾𑌰𑍀 𑌰𑌾𑌧𑌾𑌮𑌨𑍍𑌮𑌥𑌵𑍈𑌭𑌵𑌃 ।
𑌗𑍋𑌪𑌨𑌾𑌰𑍀𑌪𑍍𑌰𑌿𑌯𑍋 𑌦𑌾𑌂𑌤𑍋 𑌗𑍋𑌪𑍀𑌵𑌸𑍍𑌤𑍍𑌰𑌾𑌪𑌹𑌾𑌰𑌕𑌃 ॥ 10𑍯 ॥

𑌶𑍃𑌂𑌗𑌾𑌰𑌮𑍂𑌰𑍍𑌤𑌿𑌃 𑌶𑍍𑌰𑍀𑌧𑌾𑌮𑌾 𑌤𑌾𑌰𑌕𑍋 𑌮𑍂𑌲𑌕𑌾𑌰𑌣𑌮𑍍 ।
𑌸𑍃𑌷𑍍𑌟𑌿𑌸𑌂𑌰𑌕𑍍𑌷𑌣𑍋𑌪𑌾𑌯𑌃 𑌕𑍍𑌰𑍂𑌰𑌾𑌸𑍁𑌰𑌵𑌿𑌭𑌂𑌜𑌨𑌃 ॥ 110 ॥

𑌨𑌰𑌕𑌾𑌸𑍁𑌰𑌸𑌂𑌹𑌾𑌰𑍀 𑌮𑍁𑌰𑌾𑌰𑌿𑌰𑍍𑌵𑍈𑌰𑌿𑌮𑌰𑍍𑌦𑌨𑌃 ।
𑌆𑌦𑌿𑌤𑍇𑌯𑌪𑍍𑌰𑌿𑌯𑍋 𑌦𑍈𑌤𑍍𑌯𑌭𑍀𑌕𑌰𑍋 𑌯𑌦𑍁𑌶𑍇𑌖𑌰𑌃 ॥ 111 ॥

𑌜𑌰𑌾𑌸𑌂𑌧𑌕𑍁𑌲𑌧𑍍𑌵𑌂𑌸𑍀 𑌕𑌂𑌸𑌾𑌰𑌾𑌤𑌿𑌃 𑌸𑍁𑌵𑌿𑌕𑍍𑌰𑌮𑌃 ।
𑌪𑍁𑌣𑍍𑌯𑌶𑍍𑌲𑍋𑌕𑌃 𑌕𑍀𑌰𑍍𑌤𑌨𑍀𑌯𑍋 𑌯𑌾𑌦𑌵𑍇𑌂𑌦𑍍𑌰𑍋 𑌜𑌗𑌨𑍍𑌨𑍁𑌤𑌃 ॥ 112 ॥

𑌰𑍁𑌕𑍍𑌮𑌿𑌣𑍀𑌰𑌮𑌣𑌃 𑌸𑌤𑍍𑌯𑌭𑌾𑌮𑌾𑌜𑌾𑌂𑌬𑌵𑌤𑍀𑌪𑍍𑌰𑌿𑌯𑌃 ।
𑌮𑌿𑌤𑍍𑌰𑌵𑌿𑌂𑌦𑌾𑌨𑌾𑌗𑍍𑌨𑌜𑌿𑌤𑍀𑌲𑌕𑍍𑌷𑍍𑌮𑌣𑌾𑌸𑌮𑍁𑌪𑌾𑌸𑌿𑌤𑌃 ॥ 113 ॥

𑌸𑍁𑌧𑌾𑌕𑌰𑌕𑍁𑌲𑍇 𑌜𑌾𑌤𑍋𑌽𑌨𑌂𑌤𑌃 𑌪𑍍𑌰𑌬𑌲𑌵𑌿𑌕𑍍𑌰𑌮𑌃 ।
𑌸𑌰𑍍𑌵𑌸𑍌𑌭𑌾𑌗𑍍𑌯𑌸𑌂𑌪𑌨𑍍𑌨𑍋 𑌦𑍍𑌵𑌾𑌰𑌕𑌾𑌪𑌟𑍍𑌟𑌣𑌸𑍍𑌥𑌿𑌤𑌃 ॥ 114 ॥

𑌭𑌦𑍍𑌰𑌾𑌸𑍂𑌰𑍍𑌯𑌸𑍁𑌤𑌾𑌨𑌾𑌥𑍋 𑌲𑍀𑌲𑌾𑌮𑌾𑌨𑍁𑌷𑌵𑌿𑌗𑍍𑌰𑌹𑌃 ।
𑌸𑌹𑌸𑍍𑌰𑌷𑍋𑌡𑌶𑌸𑍍𑌤𑍍𑌰𑍀𑌶𑍋 𑌭𑍋𑌗𑌮𑍋𑌕𑍍𑌷𑍈𑌕𑌦𑌾𑌯𑌕𑌃 ॥ 115 ॥

𑌵𑍇𑌦𑌾𑌂𑌤𑌵𑍇𑌦𑍍𑌯𑌃 𑌸𑌂𑌵𑍇𑌦𑍍𑌯𑍋 𑌵𑍈𑌦𑍍𑌯𑍋 𑌬𑍍𑌰𑌹𑍍𑌮𑌾𑌂𑌡𑌨𑌾𑌯𑌕𑌃 ।
𑌗𑍋𑌵𑌰𑍍𑌧𑌨𑌧𑌰𑍋 𑌨𑌾𑌥𑌃 𑌸𑌰𑍍𑌵𑌜𑍀𑌵𑌦𑌯𑌾𑌪𑌰𑌃 ॥ 116 ॥

𑌮𑍂𑌰𑍍𑌤𑌿𑌮𑌾𑌨𑍍 𑌸𑌰𑍍𑌵𑌭𑍂𑌤𑌾𑌤𑍍𑌮𑌾 𑌆𑌰𑍍𑌤𑌤𑍍𑌰𑌾𑌣𑌪𑌰𑌾𑌯𑌣𑌃 ।
𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌸𑍁𑌲𑌭𑌃 𑌸𑌰𑍍𑌵𑌶𑌾𑌸𑍍𑌤𑍍𑌰𑌵𑌿𑌶𑌾𑌰𑌦𑌃 ॥ 11𑍭 ॥

𑌷𑌡𑍍𑌗𑍁𑌣𑍈𑌶𑍍𑌵𑌰𑍍𑌯𑌸𑌂𑌪𑌨𑍍𑌨𑌃 𑌪𑍂𑌰𑍍𑌣𑌕𑌾𑌮𑍋 𑌧𑍁𑌰𑌂𑌧𑌰𑌃 ।
𑌮𑌹𑌾𑌨𑍁𑌭𑌾𑌵𑌃 𑌕𑍈𑌵𑌲𑍍𑌯𑌦𑌾𑌯𑌕𑍋 𑌲𑍋𑌕𑌨𑌾𑌯𑌕𑌃 ॥ 11𑍮 ॥

𑌆𑌦𑌿𑌮𑌧𑍍𑌯𑌾𑌂𑌤𑌰𑌹𑌿𑌤𑌃 𑌶𑍁𑌦𑍍𑌧𑌸𑌾𑌤𑍍𑌤𑍍𑌵𑌿𑌕𑌵𑌿𑌗𑍍𑌰𑌹𑌃 ।
𑌅𑌸𑌮𑌾𑌨𑌃 𑌸𑌮𑌸𑍍𑌤𑌾𑌤𑍍𑌮𑌾 𑌶𑌰𑌣𑌾𑌗𑌤𑌵𑌤𑍍𑌸𑌲𑌃 ॥ 11𑍯 ॥

𑌉𑌤𑍍𑌪𑌤𑍍𑌤𑌿𑌸𑍍𑌥𑌿𑌤𑌿𑌸𑌂𑌹𑌾𑌰𑌕𑌾𑌰𑌣𑌂 𑌸𑌰𑍍𑌵𑌕𑌾𑌰𑌣𑌮𑍍 ।
𑌗𑌂𑌭𑍀𑌰𑌃 𑌸𑌰𑍍𑌵𑌭𑌾𑌵𑌜𑍍𑌞𑌃 𑌸𑌚𑍍𑌚𑌿𑌦𑌾𑌨𑌂𑌦𑌵𑌿𑌗𑍍𑌰𑌹𑌃 ॥ 120 ॥

𑌵𑌿𑌷𑍍𑌵𑌕𑍍𑌸𑍇𑌨𑌃 𑌸𑌤𑍍𑌯𑌸𑌂𑌧𑌃 𑌸𑌤𑍍𑌯𑌵𑌾𑌕𑍍 𑌸𑌤𑍍𑌯𑌵𑌿𑌕𑍍𑌰𑌮𑌃 ।
𑌸𑌤𑍍𑌯𑌵𑍍𑌰𑌤𑌃 𑌸𑌤𑍍𑌯𑌰𑌤𑌃 𑌸𑌤𑍍𑌯𑌧𑌰𑍍𑌮𑌪𑌰𑌾𑌯𑌣𑌃 ॥ 121 ॥

𑌆𑌪𑌨𑍍𑌨𑌾𑌰𑍍𑌤𑌿𑌪𑍍𑌰𑌶𑌮𑌨𑌃 𑌦𑍍𑌰𑍌𑌪𑌦𑍀𑌮𑌾𑌨𑌰𑌕𑍍𑌷𑌕𑌃 ।
𑌕𑌂𑌦𑌰𑍍𑌪𑌜𑌨𑌕𑌃 𑌪𑍍𑌰𑌾𑌜𑍍𑌞𑍋 𑌜𑌗𑌨𑍍𑌨𑌾𑌟𑌕𑌵𑍈𑌭𑌵𑌃 ॥ 122 ॥

𑌭𑌕𑍍𑌤𑌿𑌵𑌶𑍍𑌯𑍋 𑌗𑍁𑌣𑌾𑌤𑍀𑌤𑌃 𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌯𑌕𑌃 ।
𑌦𑌮𑌘𑍋𑌷𑌸𑍁𑌤𑌦𑍍𑌵𑍇𑌷𑍀 𑌬𑌾𑌣𑌬𑌾𑌹𑍁𑌵𑌿𑌖𑌂𑌡𑌨𑌃 ॥ 123 ॥

𑌭𑍀𑌷𑍍𑌮𑌭𑌕𑍍𑌤𑌿𑌪𑍍𑌰𑌦𑍋 𑌦𑌿𑌵𑍍𑌯𑌃 𑌕𑍌𑌰𑌵𑌾𑌨𑍍𑌵𑌯𑌨𑌾𑌶𑌨𑌃 ।
𑌕𑍌𑌂𑌤𑍇𑌯𑌪𑍍𑌰𑌿𑌯𑌬𑌂𑌧𑍁𑌶𑍍𑌚 𑌪𑌾𑌰𑍍𑌥𑌸𑍍𑌯𑌂𑌦𑌨𑌸𑌾𑌰𑌥𑌿𑌃 ॥ 124 ॥

𑌨𑌾𑌰𑌸𑌿𑌂𑌹𑍋 𑌮𑌹𑌾𑌵𑍀𑌰𑌃 𑌸𑍍𑌤𑌂𑌭𑌜𑌾𑌤𑍋 𑌮𑌹𑌾𑌬𑌲𑌃 ।
𑌪𑍍𑌰𑌹𑍍𑌲𑌾𑌦𑌵𑌰𑌦𑌃 𑌸𑌤𑍍𑌯𑍋 𑌦𑍇𑌵𑌪𑍂𑌜𑍍𑌯𑍋𑌽𑌭𑌯𑌂𑌕𑌰𑌃 ॥ 125 ॥

𑌉𑌪𑍇𑌂𑌦𑍍𑌰 𑌇𑌂𑌦𑍍𑌰𑌾𑌵𑌰𑌜𑍋 𑌵𑌾𑌮𑌨𑍋 𑌬𑌲𑌿𑌬𑌂𑌧𑌨𑌃 ।
𑌗𑌜𑍇𑌂𑌦𑍍𑌰𑌵𑌰𑌦𑌃 𑌸𑍍𑌵𑌾𑌮𑍀 𑌸𑌰𑍍𑌵𑌦𑍇𑌵𑌨𑌮𑌸𑍍𑌕𑍃𑌤𑌃 ॥ 126 ॥

𑌶𑍇𑌷𑌪𑌰𑍍𑌯𑌂𑌕𑌶𑌯𑌨𑍋 𑌵𑍈𑌨𑌤𑍇𑌯𑌰𑌥𑍋 𑌜𑌯𑍀 ।
𑌅𑌵𑍍𑌯𑌾𑌹𑌤𑌬𑌲𑍈𑌶𑍍𑌵𑌰𑍍𑌯𑌸𑌂𑌪𑌨𑍍𑌨𑌃 𑌪𑍂𑌰𑍍𑌣𑌮𑌾𑌨𑌸𑌃 ॥ 12𑍭 ॥

𑌯𑍋𑌗𑍀𑌶𑍍𑌵𑌰𑍇𑌶𑍍𑌵𑌰𑌃 𑌸𑌾𑌕𑍍𑌷𑍀 𑌕𑍍𑌷𑍇𑌤𑍍𑌰𑌜𑍍𑌞𑍋 𑌜𑍍𑌞𑌾𑌨𑌦𑌾𑌯𑌕𑌃 ।
𑌯𑍋𑌗𑌿𑌹𑍃𑌤𑍍𑌪𑌂𑌕𑌜𑌾𑌵𑌾𑌸𑍋 𑌯𑍋𑌗𑌮𑌾𑌯𑌾𑌸𑌮𑌨𑍍𑌵𑌿𑌤𑌃 ॥ 12𑍮 ॥

𑌨𑌾𑌦𑌬𑌿𑌂𑌦𑍁𑌕𑌳𑌾𑌤𑍀𑌤𑌶𑍍𑌚𑌤𑍁𑌰𑍍𑌵𑌰𑍍𑌗𑌫𑌲𑌪𑍍𑌰𑌦𑌃 ।
𑌸𑍁𑌷𑍁𑌮𑍍𑌨𑌾𑌮𑌾𑌰𑍍𑌗𑌸𑌂𑌚𑌾𑌰𑍀 𑌦𑍇𑌹𑌸𑍍𑌯𑌾𑌂𑌤𑌰𑌸𑌂𑌸𑍍𑌥𑌿𑌤𑌃 ॥ 12𑍯 ॥

𑌦𑍇𑌹𑍇𑌂𑌦𑍍𑌰𑌿𑌯𑌮𑌨𑌃𑌪𑍍𑌰𑌾𑌣𑌸𑌾𑌕𑍍𑌷𑍀 𑌚𑍇𑌤𑌃𑌪𑍍𑌰𑌸𑌾𑌦𑌕𑌃 ।
𑌸𑍂𑌕𑍍𑌷𑍍𑌮𑌃 𑌸𑌰𑍍𑌵𑌗𑌤𑍋 𑌦𑍇𑌹𑍀 𑌜𑍍𑌞𑌾𑌨𑌦𑌰𑍍𑌪𑌣𑌗𑍋𑌚𑌰𑌃 ॥ 130 ॥

𑌤𑌤𑍍𑌤𑍍𑌵𑌤𑍍𑌰𑌯𑌾𑌤𑍍𑌮𑌕𑍋𑌽𑌵𑍍𑌯𑌕𑍍𑌤𑌃 𑌕𑍁𑌂𑌡𑌲𑍀 𑌸𑌮𑍁𑌪𑌾𑌶𑍍𑌰𑌿𑌤𑌃 ।
𑌬𑍍𑌰𑌹𑍍𑌮𑌣𑍍𑌯𑌃 𑌸𑌰𑍍𑌵𑌧𑌰𑍍𑌮𑌜𑍍𑌞𑌃 𑌶𑌾𑌂𑌤𑍋 𑌦𑌾𑌂𑌤𑍋 𑌗𑌤𑌕𑍍𑌲𑌮𑌃 ॥ 131 ॥

𑌶𑍍𑌰𑍀𑌨𑌿𑌵𑌾𑌸𑌃 𑌸𑌦𑌾𑌨𑌂𑌦𑍋 𑌵𑌿𑌶𑍍𑌵𑌮𑍂𑌰𑍍𑌤𑌿𑌰𑍍𑌮𑌹𑌾𑌪𑍍𑌰𑌭𑍁𑌃 ।
𑌸𑌹𑌸𑍍𑌰𑌶𑍀𑌰𑍍𑌷𑌾 𑌪𑍁𑌰𑍁𑌷𑌃 𑌸𑌹𑌸𑍍𑌰𑌾𑌕𑍍𑌷𑌃 𑌸𑌹𑌸𑍍𑌰𑌪𑌾𑌤𑍍 ॥ 132 ॥

𑌸𑌮𑌸𑍍𑌤𑌭𑍁𑌵𑌨𑌾𑌧𑌾𑌰𑌃 𑌸𑌮𑌸𑍍𑌤𑌪𑍍𑌰𑌾𑌣𑌰𑌕𑍍𑌷𑌕𑌃 ।
𑌸𑌮𑌸𑍍𑌤𑌸𑍍𑌸𑌰𑍍𑌵𑌭𑌾𑌵𑌜𑍍𑌞𑍋 𑌗𑍋𑌪𑌿𑌕𑌾𑌪𑍍𑌰𑌾𑌣𑌵𑌲𑍍𑌲𑌭𑌃 ॥ 133 ॥

𑌨𑌿𑌤𑍍𑌯𑍋𑌤𑍍𑌸𑌵𑍋 𑌨𑌿𑌤𑍍𑌯𑌸𑍌𑌖𑍍𑌯𑍋 𑌨𑌿𑌤𑍍𑌯𑌶𑍍𑌰𑍀𑌰𑍍𑌨𑌿𑌤𑍍𑌯𑌮𑌂𑌗𑌳𑌮𑍍 ।
𑌵𑍍𑌯𑍂𑌹𑌾𑌰𑍍𑌚𑌿𑌤𑍋 𑌜𑌗𑌨𑍍𑌨𑌾𑌥𑌃 𑌶𑍍𑌰𑍀𑌵𑍈𑌕𑍁𑌂𑌠𑌪𑍁𑌰𑌾𑌧𑌿𑌪𑌃 ॥ 134 ॥

𑌪𑍂𑌰𑍍𑌣𑌾𑌨𑌂𑌦𑌘𑌨𑍀𑌭𑍂𑌤𑍋 𑌗𑍋𑌪𑌵𑍇𑌷𑌧𑌰𑍋 𑌹𑌰𑌿𑌃 ।
𑌕𑌲𑌾𑌪𑌕𑍁𑌸𑍁𑌮𑌶𑍍𑌯𑌾𑌮𑌃 𑌕𑍋𑌮𑌲𑌃 𑌶𑌾𑌂𑌤𑌵𑌿𑌗𑍍𑌰𑌹𑌃 ॥ 135 ॥

𑌗𑍋𑌪𑌾𑌂𑌗𑌨𑌾𑌵𑍃𑌤𑍋𑌽𑌨𑌂𑌤𑍋 𑌬𑍃𑌂𑌦𑌾𑌵𑌨𑌸𑌮𑌾𑌶𑍍𑌰𑌯𑌃 ।
𑌵𑍇𑌣𑍁𑌨𑌾𑌦𑌰𑌤𑌃 𑌶𑍍𑌰𑍇𑌷𑍍𑌠𑍋 𑌦𑍇𑌵𑌾𑌨𑌾𑌂 𑌹𑌿𑌤𑌕𑌾𑌰𑌕𑌃 ॥ 136 ॥

𑌜𑌲𑌕𑍍𑌰𑍀𑌡𑌾𑌸𑌮𑌾𑌸𑌕𑍍𑌤𑍋 𑌨𑌵𑌨𑍀𑌤𑌸𑍍𑌯 𑌤𑌸𑍍𑌕𑌰𑌃 ।
𑌗𑍋𑌪𑌾𑌲𑌕𑌾𑌮𑌿𑌨𑍀𑌜𑌾𑌰𑌶𑍍𑌚𑍋𑌰𑌜𑌾𑌰𑌶𑌿𑌖𑌾𑌮𑌣𑌿𑌃 ॥ 13𑍭 ॥

𑌪𑌰𑌂𑌜𑍍𑌯𑍋𑌤𑌿𑌃 𑌪𑌰𑌾𑌕𑌾𑌶𑌃 𑌪𑌰𑌾𑌵𑌾𑌸𑌃 𑌪𑌰𑌿𑌸𑍍𑌫𑍁𑌟𑌃 ।
𑌅𑌷𑍍𑌟𑌾𑌦𑌶𑌾𑌕𑍍𑌷𑌰𑍋 𑌮𑌂𑌤𑍍𑌰𑍋 𑌵𑍍𑌯𑌾𑌪𑌕𑍋 𑌲𑍋𑌕𑌪𑌾𑌵𑌨𑌃 ॥ 13𑍮 ॥

𑌸𑌪𑍍𑌤𑌕𑍋𑌟𑌿𑌮𑌹𑌾𑌮𑌂𑌤𑍍𑌰𑌶𑍇𑌖𑌰𑍋 𑌦𑍇𑌵𑌶𑍇𑌖𑌰𑌃 ।
𑌵𑌿𑌜𑍍𑌞𑌾𑌨𑌜𑍍𑌞𑌾𑌨𑌸𑌂𑌧𑌾𑌨𑌸𑍍𑌤𑍇𑌜𑍋𑌰𑌾𑌶𑌿𑌰𑍍𑌜𑌗𑌤𑍍𑌪𑌤𑌿𑌃 ॥ 13𑍯 ॥

𑌭𑌕𑍍𑌤𑌲𑍋𑌕𑌪𑍍𑌰𑌸𑌨𑍍𑌨𑌾𑌤𑍍𑌮𑌾 𑌭𑌕𑍍𑌤𑌮𑌂𑌦𑌾𑌰𑌵𑌿𑌗𑍍𑌰𑌹𑌃 ।
𑌭𑌕𑍍𑌤𑌦𑌾𑌰𑌿𑌦𑍍𑌰𑍍𑌯𑌶𑌮𑌨𑍋 𑌭𑌕𑍍𑌤𑌾𑌨𑌾𑌂 𑌪𑍍𑌰𑍀𑌤𑌿𑌦𑌾𑌯𑌕𑌃 ॥ 140 ॥

𑌭𑌕𑍍𑌤𑌾𑌧𑍀𑌨𑌮𑌨𑌾𑌃 𑌪𑍂𑌜𑍍𑌯𑍋 𑌭𑌕𑍍𑌤𑌲𑍋𑌕𑌶𑌿𑌵𑌂𑌕𑌰𑌃 ।
𑌭𑌕𑍍𑌤𑌾𑌭𑍀𑌷𑍍𑌟𑌪𑍍𑌰𑌦𑌃 𑌸𑌰𑍍𑌵𑌭𑌕𑍍𑌤𑌾𑌘𑍌𑌘𑌨𑌿𑌕𑍃𑌂𑌤𑌕𑌃 ॥ 141 ॥

𑌅𑌪𑌾𑌰𑌕𑌰𑍁𑌣𑌾𑌸𑌿𑌂𑌧𑍁𑌰𑍍𑌭𑌗𑌵𑌾𑌨𑍍 𑌭𑌕𑍍𑌤𑌤𑌤𑍍𑌪𑌰𑌃 ॥ 142 ॥

[𑌇𑌤𑌿 𑌶𑍍𑌰𑍀𑌰𑌾𑌧𑌿𑌕𑌾𑌨𑌾𑌥 𑌨𑌾𑌮𑍍𑌨𑌾𑌂 𑌸𑌾𑌹𑌸𑍍𑌰𑌮𑍀𑌰𑌿𑌤𑌮𑍍 । ]
𑌸𑍍𑌮𑌰𑌣𑌾𑌤𑍍𑌪𑌾𑌪𑌰𑌾𑌶𑍀𑌨𑌾𑌂 𑌖𑌂𑌡𑌨𑌂 𑌮𑍃𑌤𑍍𑌯𑍁𑌨𑌾𑌶𑌨𑌮𑍍 ॥ 1 ॥

𑌵𑍈𑌷𑍍𑌣𑌵𑌾𑌨𑌾𑌂 𑌪𑍍𑌰𑌿𑌯𑌕𑌰𑌂 𑌮𑌹𑌾𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌨𑌮𑍍 ।
𑌬𑍍𑌰𑌹𑍍𑌮𑌹𑌤𑍍𑌯𑌾𑌸𑍁𑌰𑌾𑌪𑌾𑌨𑌂 𑌪𑌰𑌸𑍍𑌤𑍍𑌰𑍀𑌗𑌮𑌨𑌂 𑌤𑌥𑌾 ॥ 2 ॥

𑌪𑌰𑌦𑍍𑌰𑌵𑍍𑌯𑌾𑌪𑌹𑌰𑌣𑌂 𑌪𑌰𑌦𑍍𑌵𑍇𑌷𑌸𑌮𑌨𑍍𑌵𑌿𑌤𑌮𑍍 ।
𑌮𑌾𑌨𑌸𑌂 𑌵𑌾𑌚𑌿𑌕𑌂 𑌕𑌾𑌯𑌂 𑌯𑌤𑍍𑌪𑌾𑌪𑌂 𑌪𑌾𑌪𑌸𑌂𑌭𑌵𑌮𑍍 ॥ 3 ॥

𑌸𑌹𑌸𑍍𑌰𑌨𑌾𑌮𑌪𑌠𑌨𑌾𑌤𑍍𑌸𑌰𑍍𑌵𑍇 𑌨𑌶𑍍𑌯𑌂𑌤𑌿 𑌤𑌤𑍍𑌕𑍍𑌷𑌣𑌾𑌤𑍍 ।
𑌮𑌹𑌾𑌦𑌾𑌰𑌿𑌦𑍍𑌰𑍍𑌯𑌯𑍁𑌕𑍍𑌤𑍋 𑌵𑍈 𑌵𑍈𑌷𑍍𑌣𑌵𑍋 𑌵𑌿𑌷𑍍𑌣𑍁𑌭𑌕𑍍𑌤𑌿𑌮𑌾𑌨𑍍 ॥ 4 ॥

𑌕𑌾𑌰𑍍𑌤𑌿𑌕𑍍𑌯𑌾𑌂 𑌯𑌃 𑌪𑌠𑍇𑌦𑍍𑌰𑌾𑌤𑍍𑌰𑍌 𑌶𑌤𑌮𑌷𑍍𑌟𑍋𑌤𑍍𑌤𑌰𑌂 𑌕𑍍𑌰𑌮𑌾𑌤𑍍 ।
𑌪𑍀𑌤𑌾𑌂𑌬𑌰𑌧𑌰𑍋 𑌧𑍀𑌮𑌾𑌨𑍍 𑌸𑍁𑌗𑌂𑌧𑍀 𑌪𑍁𑌷𑍍𑌪𑌚𑌂𑌦𑌨𑍈𑌃 ॥ 5 ॥

𑌪𑍁𑌸𑍍𑌤𑌕𑌂 𑌪𑍂𑌜𑌯𑌿𑌤𑍍𑌵𑌾 𑌚 𑌨𑍈𑌵𑍇𑌦𑍍𑌯𑌾𑌦𑌿𑌭𑌿𑌰𑍇𑌵 𑌚 ।
𑌰𑌾𑌧𑌾𑌧𑍍𑌯𑌾𑌨𑌾𑌂𑌕𑌿𑌤𑍋 𑌧𑍀𑌰𑍋 𑌵𑌨𑌮𑌾𑌲𑌾𑌵𑌿𑌭𑍂𑌷𑌿𑌤𑌃 ॥ 6 ॥

𑌶𑌤𑌮𑌷𑍍𑌟𑍋𑌤𑍍𑌤𑌰𑌂 𑌦𑍇𑌵𑌿 𑌪𑌠𑍇𑌨𑍍𑌨𑌾𑌮𑌸𑌹𑌸𑍍𑌰𑌕𑌮𑍍 ।
𑌚𑍈𑌤𑍍𑌰𑍇 𑌕𑍃𑌷𑍍𑌣𑍇 𑌚 𑌶𑍁𑌕𑍍𑌲𑍇 𑌚 𑌕𑍁𑌹𑍂𑌸𑌂𑌕𑍍𑌰𑌾𑌂𑌤𑌿𑌵𑌾𑌸𑌰𑍇 ॥ 𑍭 ॥

𑌪𑌠𑌿𑌤𑌵𑍍𑌯𑌂 𑌪𑍍𑌰𑌯𑌤𑍍𑌨𑍇𑌨 𑌤𑍍𑌰𑍈𑌲𑍋𑌕𑍍𑌯𑌂 𑌮𑍋𑌹𑌯𑍇𑌤𑍍 𑌕𑍍𑌷𑌣𑌾𑌤𑍍 ।
𑌤𑍁𑌲𑌸𑍀𑌮𑌾𑌲𑌯𑌾 𑌯𑍁𑌕𑍍𑌤𑍋 𑌵𑍈𑌷𑍍𑌣𑌵𑍋 𑌭𑌕𑍍𑌤𑌿𑌤𑌤𑍍𑌪𑌰𑌃 ॥ 𑍮 ॥

𑌰𑌵𑌿𑌵𑌾𑌰𑍇 𑌚 𑌶𑍁𑌕𑍍𑌰𑍇 𑌚 𑌦𑍍𑌵𑌾𑌦𑌶𑍍𑌯𑌾𑌂 𑌶𑍍𑌰𑌾𑌦𑍍𑌧𑌵𑌾𑌸𑌰𑍇 ।
𑌬𑍍𑌰𑌾𑌹𑍍𑌮𑌣𑌂 𑌪𑍂𑌜𑌯𑌿𑌤𑍍𑌵𑌾 𑌚 𑌭𑍋𑌜𑌯𑌿𑌤𑍍𑌵𑌾 𑌵𑌿𑌧𑌾𑌨𑌤𑌃 ॥ 𑍯 ॥

𑌪𑌠𑍇𑌨𑍍𑌨𑌾𑌮𑌸𑌹𑌸𑍍𑌰𑌂 𑌚 𑌤𑌤𑌃 𑌸𑌿𑌦𑍍𑌧𑌿𑌃 𑌪𑍍𑌰𑌜𑌾𑌯𑌤𑍇 ।
𑌮𑌹𑌾𑌨𑌿𑌶𑌾𑌯𑌾𑌂 𑌸𑌤𑌤𑌂 𑌵𑍈𑌷𑍍𑌣𑌵𑍋 𑌯𑌃 𑌪𑌠𑍇𑌤𑍍𑌸𑌦𑌾 ॥ 10 ॥

𑌦𑍇𑌶𑌾𑌂𑌤𑌰𑌗𑌤𑌾 𑌲𑌕𑍍𑌷𑍍𑌮𑍀𑌃 𑌸𑌮𑌾𑌯𑌾𑌤𑌿 𑌨 𑌸𑌂𑌶𑌯𑌃 ।
𑌤𑍍𑌰𑍈𑌲𑍋𑌕𑍍𑌯𑍇 𑌤𑍁 𑌮𑌹𑌾𑌦𑍇𑌵𑌿 𑌸𑍁𑌂𑌦𑌰𑍍𑌯𑌃 𑌕𑌾𑌮𑌮𑍋𑌹𑌿𑌤𑌾𑌃 ॥ 11 ॥

𑌮𑍁𑌗𑍍𑌧𑌾𑌃 𑌸𑍍𑌵𑌯𑌂 𑌸𑌮𑌾𑌯𑌾𑌂𑌤𑌿 𑌵𑍈𑌷𑍍𑌣𑌵𑌂 𑌚 𑌭𑌜𑌂𑌤𑌿 𑌤𑌾𑌃 ।
𑌰𑍋𑌗𑍀 𑌰𑍋𑌗𑌾𑌤𑍍𑌪𑍍𑌰𑌮𑍁𑌚𑍍𑌯𑍇𑌤 𑌬𑌦𑍍𑌧𑍋 𑌮𑍁𑌚𑍍𑌯𑍇𑌤 𑌬𑌂𑌧𑌨𑌾𑌤𑍍 ॥ 12 ॥

𑌗𑌰𑍍𑌭𑌿𑌣𑍀 𑌜𑌨𑌯𑍇𑌤𑍍𑌪𑍁𑌤𑍍𑌰𑌂 𑌕𑌨𑍍𑌯𑌾 𑌵𑌿𑌂𑌦𑌤𑌿 𑌸𑌤𑍍𑌪𑌤𑌿𑌮𑍍 ।
𑌰𑌾𑌜𑌾𑌨𑍋 𑌵𑌶𑌤𑌾𑌂 𑌯𑌾𑌂𑌤𑌿 𑌕𑌿𑌂 𑌪𑍁𑌨𑌃 𑌕𑍍𑌷𑍁𑌦𑍍𑌰𑌮𑌾𑌨𑍁𑌷𑌾𑌃 ॥ 13 ॥

𑌸𑌹𑌸𑍍𑌰𑌨𑌾𑌮𑌶𑍍𑌰𑌵𑌣𑌾𑌤𑍍 𑌪𑌠𑌨𑌾𑌤𑍍 𑌪𑍂𑌜𑌨𑌾𑌤𑍍 𑌪𑍍𑌰𑌿𑌯𑍇 ।
𑌧𑌾𑌰𑌣𑌾𑌤𑍍 𑌸𑌰𑍍𑌵𑌮𑌾𑌪𑍍𑌨𑍋𑌤𑌿 𑌵𑍈𑌷𑍍𑌣𑌵𑍋 𑌨𑌾𑌤𑍍𑌰 𑌸𑌂𑌶𑌯𑌃 ॥ 14 ॥

𑌵𑌂𑌶𑍀𑌵𑌟𑍇 𑌚𑌾𑌨𑍍𑌯𑌵𑌟𑍇 𑌤𑌥𑌾 𑌪𑌿𑌪𑍍𑌪𑌲𑌕𑍇𑌽𑌥 𑌵𑌾 ।
𑌕𑌦𑌂𑌬𑌪𑌾𑌦𑌪𑌤𑌲𑍇 𑌶𑍍𑌰𑍀𑌗𑍋𑌪𑌾𑌲𑌸𑍍𑌯 𑌸𑌨𑍍𑌨𑌿𑌧𑍌 ॥ 15 ॥

𑌯𑌃 𑌪𑌠𑍇𑌦𑍍𑌵𑍈𑌷𑍍𑌣𑌵𑍋 𑌨𑌿𑌤𑍍𑌯𑌂 𑌸 𑌯𑌾𑌤𑌿 𑌹𑌰𑌿𑌮𑌂𑌦𑌿𑌰𑌮𑍍 ।
𑌕𑍃𑌷𑍍𑌣𑍇𑌨𑍋𑌕𑍍𑌤𑌂 𑌰𑌾𑌧𑌿𑌕𑌾𑌯𑍈 𑌤𑌯𑌾 𑌪𑍍𑌰𑍋𑌕𑍍𑌤𑌂 𑌪𑍁𑌰𑌾 𑌶𑌿𑌵𑍇 ॥ 16 ॥

𑌨𑌾𑌰𑌦𑌾𑌯 𑌮𑌯𑌾 𑌪𑍍𑌰𑍋𑌕𑍍𑌤𑌂 𑌨𑌾𑌰𑌦𑍇𑌨 𑌪𑍍𑌰𑌕𑌾𑌶𑌿𑌤𑌮𑍍 ।
𑌮𑌯𑌾 𑌤𑌵 𑌵𑌰𑌾𑌰𑍋𑌹𑍇 𑌪𑍍𑌰𑍋𑌕𑍍𑌤𑌮𑍇𑌤𑌤𑍍𑌸𑍁𑌦𑍁𑌰𑍍𑌲𑌭𑌮𑍍 ॥ 1𑍭 ॥

𑌗𑍋𑌪𑌨𑍀𑌯𑌂 𑌪𑍍𑌰𑌯𑌤𑍍𑌨𑍇𑌨 𑌨 𑌪𑍍𑌰𑌕𑌾𑌶𑍍𑌯𑌂 𑌕𑌦𑌾𑌚𑌨 ।
𑌶𑌠𑌾𑌯 𑌪𑌾𑌪𑌿𑌨𑍇 𑌚𑍈𑌵 𑌲𑌂𑌪𑌟𑌾𑌯 𑌵𑌿𑌶𑍇𑌷𑌤𑌃 ॥ 1𑍮 ॥

𑌨 𑌦𑌾𑌤𑌵𑍍𑌯𑌂 𑌨 𑌦𑌾𑌤𑌵𑍍𑌯𑌂 𑌨 𑌦𑌾𑌤𑌵𑍍𑌯𑌂 𑌕𑌦𑌾𑌚𑌨 ।
𑌦𑍇𑌯𑌂 𑌶𑌾𑌂𑌤𑌾𑌯 𑌶𑌿𑌷𑍍𑌯𑌾𑌯 𑌵𑌿𑌷𑍍𑌣𑍁𑌭𑌕𑍍𑌤𑌿𑌰𑌤𑌾𑌯 𑌚 ॥ 1𑍯 ॥

𑌗𑍋𑌦𑌾𑌨𑌬𑍍𑌰𑌹𑍍𑌮𑌯𑌜𑍍𑌞𑌾𑌦𑍇𑌰𑍍𑌵𑌾𑌜𑌪𑍇𑌯𑌶𑌤𑌸𑍍𑌯 𑌚 ।
𑌅𑌶𑍍𑌵𑌮𑍇𑌧𑌸𑌹𑌸𑍍𑌰𑌸𑍍𑌯 𑌫𑌲𑌂 𑌪𑌾𑌠𑍇 𑌭𑌵𑍇𑌦𑍍𑌧𑍍𑌰𑍁𑌵𑌮𑍍 ॥ 20 ॥

𑌮𑍋𑌹𑌨𑌂 𑌸𑍍𑌤𑌂𑌭𑌨𑌂 𑌚𑍈𑌵 𑌮𑌾𑌰𑌣𑍋𑌚𑍍𑌚𑌾𑌟𑌨𑌾𑌦𑌿𑌕𑌮𑍍 ।
𑌯𑌦𑍍𑌯𑌦𑍍𑌵𑌾𑌂𑌛𑌤𑌿 𑌚𑌿𑌤𑍍𑌤𑍇𑌨 𑌤𑌤𑍍𑌤𑌤𑍍𑌪𑍍𑌰𑌾𑌪𑍍𑌨𑍋𑌤𑌿 𑌵𑍈𑌷𑍍𑌣𑌵𑌃 ॥ 21 ॥

𑌏𑌕𑌾𑌦𑌶𑍍𑌯𑌾𑌂 𑌨𑌰𑌃 𑌸𑍍𑌨𑌾𑌤𑍍𑌵𑌾 𑌸𑍁𑌗𑌂𑌧𑌦𑍍𑌰𑌵𑍍𑌯𑌤𑍈𑌲𑌕𑍈𑌃 ।
𑌆𑌹𑌾𑌰𑌂 𑌬𑍍𑌰𑌾𑌹𑍍𑌮𑌣𑍇 𑌦𑌤𑍍𑌤𑍍𑌵𑌾 𑌦𑌕𑍍𑌷𑌿𑌣𑌾𑌂 𑌸𑍍𑌵𑌰𑍍𑌣𑌭𑍂𑌷𑌣𑌮𑍍 ॥ 22 ॥

𑌤𑌤𑌃 𑌪𑍍𑌰𑌾𑌰𑌂𑌭𑌕𑌰𑍍𑌤𑌾𑌸𑍌 𑌸𑌰𑍍𑌵𑌂 𑌪𑍍𑌰𑌾𑌪𑍍𑌨𑍋𑌤𑌿 𑌮𑌾𑌨𑌵𑌃 ।
𑌶𑌤𑌾𑌵𑍃𑌤𑍍𑌤 𑌸𑌹𑌸𑍍𑌰𑌂 𑌚 𑌯𑌃 𑌪𑌠𑍇𑌦𑍍𑌵𑍈𑌷𑍍𑌣𑌵𑍋 𑌜𑌨𑌃 ॥ 23 ॥

𑌶𑍍𑌰𑍀𑌬𑍃𑌂𑌦𑌾𑌵𑌨𑌚𑌂𑌦𑍍𑌰𑌸𑍍𑌯 𑌪𑍍𑌰𑌸𑌾𑌦𑌾𑌤𑍍𑌸𑌰𑍍𑌵𑌮𑌾𑌪𑍍𑌨𑍁𑌯𑌾𑌤𑍍 ।
𑌯𑌦𑍍𑌗𑍃𑌹𑍇 𑌪𑍁𑌸𑍍𑌤𑌕𑌂 𑌦𑍇𑌵𑌿 𑌪𑍂𑌜𑌿𑌤𑌂 𑌚𑍈𑌵 𑌤𑌿𑌷𑍍𑌠𑌤𑌿 ॥ 24 ॥

𑌨 𑌮𑌾𑌰𑍀 𑌨 𑌚 𑌦𑍁𑌰𑍍𑌭𑌿𑌕𑍍𑌷𑌂 𑌨𑍋𑌪𑌸𑌰𑍍𑌗𑌭𑌯𑌂 𑌕𑍍𑌵𑌚𑌿𑌤𑍍 ।
𑌸𑌰𑍍𑌪𑌾𑌦𑌿𑌭𑍂𑌤𑌯𑌕𑍍𑌷𑌾𑌦𑍍𑌯𑌾 𑌨𑌶𑍍𑌯𑌂𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ॥ 25 ॥

𑌶𑍍𑌰𑍀𑌗𑍋𑌪𑌾𑌲𑍋 𑌮𑌹𑌾𑌦𑍇𑌵𑌿 𑌵𑌸𑍇𑌤𑍍𑌤𑌸𑍍𑌯 𑌗𑍃𑌹𑍇 𑌸𑌦𑌾 ।
𑌯𑌦𑍍𑌗𑍃𑌹𑍇 𑌚 𑌸𑌹𑌸𑍍𑌰𑌂 𑌚 𑌨𑌾𑌮𑍍𑌨𑌾𑌂 𑌤𑌿𑌷𑍍𑌠𑌤𑌿 𑌪𑍂𑌜𑌿𑌤𑌮𑍍 ॥ 26 ॥

𑌇𑌤𑌿 𑌶𑍍𑌰𑍀𑌸𑌮𑍍𑌮𑍋𑌹𑌨𑌤𑌂𑌤𑍍𑌰𑍇 𑌹𑌰𑌗𑍌𑌰𑍀𑌸𑌂𑌵𑌾𑌦𑍇 𑌶𑍍𑌰𑍀𑌗𑍋𑌪𑌾𑌲 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌮𑍍 ।