𑌏𑌕𑌾𑌤𑍍𑌮𑌤𑌾 𑌸𑍍𑌤𑍋𑌤𑍍𑌰𑌮𑍍

𑌓𑌂 𑌸𑌚𑍍𑌚𑌿𑌦𑌾𑌨𑌂𑌦 𑌰𑍂𑌪𑌾𑌯 𑌨𑌮𑍋𑌸𑍍𑌤𑍁 𑌪𑌰𑌮𑌾𑌤𑍍𑌮𑌨𑍇 ।
𑌜𑍍𑌯𑍋𑌤𑌿𑌰𑍍𑌮𑌯 𑌸𑍍𑌵𑌰𑍂𑌪𑌾𑌯 𑌵𑌿𑌶𑍍𑌵𑌮𑌾𑌂𑌗𑌲𑍍𑌯𑌮𑍂𑌰𑍍𑌤𑌯𑍇 ॥

𑌪𑍍𑌰𑌕𑍃𑌤𑌿𑌃 𑌪𑌂𑌚 𑌭𑍂𑌤𑌾𑌨𑌿 𑌗𑍍𑌰𑌹𑌾𑌲𑍋𑌕𑌾𑌃 𑌸𑍍𑌵𑌰𑌾 𑌸𑍍𑌤𑌧𑌾 ।
𑌦𑌿𑌶𑌃 𑌕𑌾𑌲𑌶𑍍𑌚 𑌸𑌰𑍍𑌵𑍇𑌷𑌾𑌂 𑌸𑌦𑌾 𑌕𑍁𑌰𑍍𑌵𑌂𑌤𑍁 𑌮𑌂𑌗𑌳𑌮𑍍‌ ॥

𑌰𑌤𑍍𑌨𑌾𑌕𑌰𑌾 𑌧𑍌𑌤𑌪𑌦𑌾𑌂 𑌹𑌿𑌮𑌾𑌲𑌯 𑌕𑌿𑌰𑍀𑌟𑌿𑌨𑍀𑌮𑍍‌ ।
𑌬𑍍𑌰𑌹𑍍𑌮𑌰𑌾𑌜𑌰𑍍𑌷𑌿 𑌰𑌤𑍍𑌨𑌾𑌢𑍍𑌯𑌾𑌂 𑌵𑌂𑌦𑍇 𑌭𑌾𑌰𑌤 𑌮𑌾𑌤𑌰𑌮𑍍‌ ॥

𑌮𑌹𑍇𑌂𑌦𑍍𑌰𑍋 𑌮𑌲𑌯𑌃 𑌸𑌹𑍍𑌯𑍋 𑌦𑍇𑌵𑌤𑌾𑌤𑍍𑌮𑌾 𑌹𑌿𑌮𑌾𑌲𑌯𑌃 ।
𑌧𑍍𑌯𑍇𑌯𑍋 𑌰𑍈𑌵𑌤𑌕𑍋 𑌵𑌿𑌂𑌧𑍍𑌯𑍋 𑌗𑌿𑌰𑌿𑌶𑍍𑌚𑌾𑌰𑌾𑌵𑌲𑌿𑌸𑍍𑌤𑌧𑌾 ॥

𑌗𑌂𑌗𑌾 𑌸𑌰𑌸𑍍𑌵𑌤𑍀 𑌸𑌿𑌂𑌧𑍁𑌰𑍍‌ 𑌬𑍍𑌰𑌹𑍍𑌮𑌪𑍁𑌤𑍍𑌰𑌶𑍍𑌚 𑌗𑌂𑌡𑌕𑍀 ।
𑌕𑌾𑌵𑍇𑌰𑍀 𑌯𑌮𑍁𑌨𑌾 𑌰𑍇𑌵𑌾 𑌕𑍃𑌷𑍍𑌣𑌾𑌗𑍋𑌦𑌾 𑌮𑌹𑌾𑌨𑌦𑍀 ॥

𑌅𑌯𑍋𑌧𑍍𑌯𑌾 𑌮𑌧𑍁𑌰𑌾 𑌮𑌾𑌯𑌾 𑌕𑌾𑌶𑍀𑌕𑌾𑌂𑌚𑍀 𑌅𑌵𑌂𑌤𑌿𑌕𑌾 ।
𑌵𑍈𑌶𑌾𑌲𑍀 𑌦𑍍𑌵𑌾𑌰𑌿𑌕𑌾 𑌧𑍍𑌯𑍇𑌯𑌾 𑌪𑍁𑌰𑍀 𑌤𑌕𑍍𑌷𑌶𑌿𑌲𑌾 𑌗𑌯𑌾 ॥

𑌪𑍍𑌰𑌯𑌾𑌗𑌃 𑌪𑌾𑌟𑌲𑍀 𑌪𑍁𑌤𑍍𑌰𑌂 𑌵𑌿𑌜𑌯𑌾𑌨𑌗𑌰𑌂 𑌮𑌹𑌤𑍍‌ ।
𑌇𑌂𑌦𑍍𑌰𑌪𑍍𑌰𑌸𑍍𑌧𑌂 𑌸𑍋𑌮𑌨𑌾𑌧𑌃 𑌤𑌧𑌾𑌮𑍃𑌤𑌸𑌰𑌃 𑌪𑍍𑌰𑌿𑌯𑌮𑍍‌ ॥

𑌚𑌤𑍁𑌰𑍍𑌵𑍇𑌦𑌾𑌃 𑌪𑍁𑌰𑌾𑌣𑌾𑌨𑌿 𑌸𑌰𑍍𑌵𑍋𑌪𑌨𑌿𑌷𑌦𑌸𑍍𑌤𑌧𑌾 ।
𑌰𑌾𑌮𑌾𑌯𑌣𑌂 𑌭𑌾𑌰𑌤𑌂 𑌚 𑌗𑍀𑌤𑌾 𑌷𑌡𑍍𑌦𑌰𑍍𑌶𑌨𑌾𑌨𑌿 𑌚 ॥

𑌜𑍈𑌨𑌾𑌗𑌮𑌾 𑌸𑍍𑌤𑍍𑌰𑌿𑌪𑌿𑌟𑌕𑌾 𑌗𑍁𑌰𑍁𑌗𑍍𑌰𑌂𑌧𑌃 𑌸𑌤𑌾𑌂 𑌗𑌿𑌰𑌃 ।
𑌏𑌷𑌃 𑌜𑍍𑌞𑌾𑌨𑌨𑌿𑌧𑌿𑌃 𑌶𑍍𑌰𑍇𑌷𑍍𑌠𑌃 𑌹𑍃𑌦𑌿 𑌸𑌰𑍍𑌵𑌦𑌾 ॥

𑌅𑌰𑍁𑌂𑌧𑌤𑍍𑌯𑌨𑌸𑍂𑌯 𑌚 𑌸𑌾𑌵𑌿𑌤𑍍𑌰𑍀 𑌜𑌾𑌨𑌕𑍀 𑌸𑌤𑍀 ।
𑌦𑍍𑌰𑍌𑌪𑌦𑍀 𑌕𑌣𑍍𑌣𑌗𑍀 𑌗𑌾𑌰𑍍𑌗𑍀 𑌮𑍀𑌰𑌾 𑌦𑍁𑌰𑍍𑌗𑌾𑌵𑌤𑍀 𑌤𑌧𑌾 ॥

𑌲𑌕𑍍𑌷𑍍𑌮𑍀 𑌰𑌹𑌲𑍍𑌯𑌾 𑌚𑍇𑌨𑍍𑌨𑌮𑍍𑌮𑌾 𑌰𑍁𑌦𑍍𑌰𑌮𑌾𑌂𑌬𑌾 𑌸𑍁𑌵𑌿𑌕𑍍𑌰𑌮𑌾 ।
𑌨𑌿𑌵𑍇𑌦𑌿𑌤𑌾 𑌶𑌾𑌰𑌦𑌾 𑌚 𑌪𑍍𑌰𑌣𑌮𑍍𑌯𑌾𑌃 𑌮𑌾𑌤𑍃𑌦𑍇𑌵𑌤𑌾𑌃 ॥

𑌶𑍍𑌰𑍀𑌰𑌾𑌮𑍋 𑌭𑌰𑌤𑌃 𑌕𑍃𑌷𑍍𑌣𑍋 𑌭𑍀𑌷𑍍𑌮𑍋 𑌧𑌰𑍍𑌮 𑌸𑍍𑌤𑌧𑌾𑌰𑍍𑌜𑍁𑌨𑌃 ।
𑌮𑌾𑌰𑍍𑌕𑌂𑌡𑍇𑌯𑌾 𑌹𑌰𑌿𑌶𑍍𑌚𑌂𑌦𑍍𑌰𑌃 𑌪𑍍𑌰𑌹𑍍𑌲𑌾𑌦𑍋 𑌨𑌾𑌰𑌦𑍋 𑌧𑍍𑌰𑍁𑌵𑌃 ॥

𑌹𑌨𑍁𑌮𑌾𑌨𑍍‌ 𑌜𑌨𑌕𑍋 𑌵𑍍𑌯𑌾𑌸𑍋 𑌵𑌶𑌿𑌷𑍍𑌠𑌶𑍍𑌚 𑌶𑍁𑌕𑍋 𑌬𑌲𑌿𑌃 ।
𑌦𑌧𑍀𑌚𑌿 𑌵𑌿𑌶𑍍𑌵𑌕𑌰𑍍𑌮𑌾𑌣𑍌 𑌪𑍃𑌧𑍁 𑌵𑌾𑌲𑍍𑌮𑍀𑌕𑌿 𑌭𑌾𑌰𑍍𑌗𑌵𑌾𑌃 ॥

𑌭𑌗𑍀𑌰𑌧𑌶𑍍𑌚𑍈𑌕𑌲𑌵𑍍𑌯𑍋 𑌮𑌨𑍁𑌰𑍍𑌧𑌨𑍍𑌵𑌂𑌤𑌰𑌿𑌸𑍍𑌤𑌧𑌾 ।
𑌶𑌿𑌬𑌿𑌶𑍍𑌚 𑌰𑌂𑌤𑌿𑌦𑍇𑌵𑌶𑍍𑌚 𑌪𑍁𑌰𑌾𑌣𑍋𑌦𑍍𑌗𑍀𑌤 𑌕𑍀𑌰𑍍𑌤𑌯𑌃 ॥

𑌬𑍁𑌦𑍍𑌧𑍋𑌜𑌿𑌨𑍇𑌂𑌦𑍍𑌰𑌾 𑌗𑍋𑌰𑌕𑍍𑌷𑌃 𑌤𑌿𑌰𑍁𑌵𑌳𑍍𑌳𑍁𑌵𑌰𑌸𑍍𑌤𑌧𑌾 ।
𑌨𑌾𑌯𑌨𑍍𑌮𑌾𑌰𑌾𑌲𑌵𑌾𑌰𑌾𑌶𑍍𑌚 𑌕𑌂𑌬𑌶𑍍𑌚 𑌬𑌸𑌵𑍇𑌶𑍍𑌵𑌰𑌃 ॥

𑌦𑍇𑌵𑌲𑍋 𑌰𑌵𑌿𑌦𑌾𑌸𑌶𑍍𑌚 𑌕𑌬𑍀𑌰𑍋 𑌗𑍁𑌰𑍁𑌨𑌾𑌨𑌕𑌃 ।
𑌨𑌰𑌸𑌿𑌸𑍍𑌤𑍁𑌲𑌸𑍀𑌦𑌾𑌸𑍋 𑌦𑌶𑌮𑍇𑌶𑍋 𑌦𑍃𑌢𑌵𑍍𑌰𑌤𑌃 ॥

𑌶𑍍𑌰𑍀𑌮𑌤𑍍‌ 𑌶𑌂𑌕𑌰𑌦𑍇𑌵𑌶𑍍𑌚 𑌬𑌂𑌧𑍂 𑌸𑌾𑌯𑌣𑌮𑌾𑌧𑌵𑍌 ।
𑌜𑍍𑌞𑌾𑌨𑍇𑌶𑍍𑌵𑌰 𑌸𑍍𑌤𑍁𑌕𑌾𑌰𑌾𑌮𑍋 𑌰𑌾𑌮𑌦𑌾𑌸𑌃 𑌪𑍁𑌰𑌂𑌦𑌰𑌃 ॥

𑌵𑌿𑌰𑌜𑌾 𑌸𑌹𑌜𑌾𑌨𑌂𑌦𑍋 𑌰𑌾𑌮𑌾𑌸𑌂𑌦𑍍𑌸𑍍𑌤𑌧𑌾 𑌮𑌹𑌾𑌨𑍍‌ ।
𑌵𑌿𑌤𑌰𑌸𑍍𑌤𑍁 𑌸𑌦𑍈𑌵𑍈𑌤𑍇 𑌦𑍈𑌵𑍀𑌂 𑌸𑌦𑍍𑌗𑍁𑌣 𑌸𑌂𑌪𑌦𑌮𑍍‌ ॥

𑌭𑌰𑌤𑌰𑍍𑌷𑌿𑌃 𑌕𑌾𑌳𑌿𑌦𑌾𑌸𑌃 𑌶𑍍𑌰𑍀𑌭𑍋𑌜𑍋 𑌜𑌕𑌣𑌸𑍍𑌤𑌧𑌾 ।
𑌸𑍂𑌰𑌦𑌾𑌸𑌸𑍍𑌤𑍍𑌯𑌾𑌗𑌰𑌾𑌜𑍋 𑌰𑌸𑌖𑌾𑌨𑌶𑍍𑌚 𑌸𑌤𑍍𑌕𑌵𑌿𑌃 ॥

𑌰𑌵𑌿𑌵𑌰𑍍𑌮𑌾 𑌭𑌾𑌰𑌤𑌖𑌂𑌡𑍇 𑌭𑌾𑌗𑍍𑌯𑌚𑌂𑌦𑍍𑌰𑌃 𑌸 𑌭𑍂𑌪𑌤𑌿𑌃 ।
𑌕𑌲𑌾𑌵𑌂𑌤𑌶𑍍𑌚 𑌵𑌿𑌖𑍍𑌯𑌾𑌤𑌾𑌃 𑌸𑍍𑌮𑌰𑌣𑍀𑌯 𑌨𑌿𑌰𑌂𑌤𑌰𑌮𑍍‌ ॥

𑌅𑌗𑌸𑍍𑌤𑍍𑌯𑌃 𑌕𑌂𑌬𑍁𑌕𑍌𑌂𑌡𑌿𑌨𑍍𑌯𑍌 𑌰𑌾𑌜𑍇𑌂𑌦𑍍𑌰𑌶𑍍𑌚𑍋𑌲𑌵𑌂𑌶𑌜𑌃 ।
𑌅𑌶𑍋𑌕𑌃 𑌪𑍁𑌷𑍍𑌯𑌮𑌿𑌤𑍍𑌰𑌶𑍍𑌚 𑌖𑌾𑌰𑌵𑍇𑌲𑌾𑌃 𑌸𑍁𑌨𑍀𑌤𑌿𑌮𑌾𑌨𑍍‌ ॥

𑌚𑌾𑌣𑌕𑍍𑌯 𑌚𑌂𑌦𑍍𑌰𑌗𑍁𑌪𑍍𑌤𑍌 𑌚 𑌵𑌿𑌕𑍍𑌰𑌮𑌃 𑌶𑌾𑌲𑌿𑌵𑌾𑌹𑌨𑌃 ।
𑌸𑌮𑍁𑌦𑍍𑌰 𑌗𑍁𑌪𑍍𑌤𑌃 𑌶𑍍𑌰𑍀 𑌹𑌰𑍍𑌷𑌃𑌶𑍈𑌲𑍇𑌂𑌦𑍍𑌰𑍋 𑌬𑌪𑍍𑌪𑌰𑌾𑌵𑌲𑌃 ॥

𑌲𑌾𑌚𑌿𑌤𑍍‌ 𑌭𑌾𑌸𑍍𑌕𑌰𑌵𑌰𑍍𑌮𑌾𑌚 𑌯𑌶𑍋𑌧𑌰𑍍𑌮𑌾 𑌚 𑌹𑍂𑌣𑌜𑌿𑌤𑍍‌ ।
𑌶𑍍𑌰𑍀𑌕𑍃𑌷𑍍𑌣𑌦𑍇𑌵𑌰𑌾𑌯𑌶𑍍𑌚 𑌲𑌲𑌿𑌤𑌾𑌦𑌿𑌤𑍍𑌯 𑌉𑌦𑍍𑌬𑌲𑌃 ॥

𑌮𑍁𑌸𑍁𑌨𑍂𑌰𑌿 𑌨𑌾𑌯𑌕𑌾 𑌤𑍌 𑌪𑍍𑌰𑌤𑌾𑌪𑌃 𑌶𑌿𑌵𑌭𑍂𑌪𑌤𑌿𑌃 ।
𑌰𑌣𑌜𑌿𑌤𑍍‌ 𑌸𑌿𑌂𑌹 𑌇𑌤𑍍𑌯𑍇𑌤𑍇 𑌵𑍀𑌰𑌾 𑌵𑌿𑌖𑍍𑌯𑌾𑌤 𑌵𑌿𑌕𑍍𑌰𑌮𑌾𑌃 ॥

𑌵𑍈𑌜𑍍𑌞𑌾𑌨𑌿𑌕𑌾𑌶𑍍𑌚 𑌕𑌪𑌿𑌲𑌃 𑌕𑌣𑌾𑌦𑌃 𑌶𑍁𑌶𑍍𑌰𑌤 𑌸𑍍𑌤𑌧𑌾 ।
𑌚𑌰𑌕𑍋 𑌭𑌾𑌸𑍍𑌕𑌰𑌾𑌚𑌾𑌰𑍍𑌯𑍋 𑌵𑌰𑌾𑌹𑌮𑌿𑌹𑌰𑌃 𑌸𑍁𑌧𑍀𑌃 ॥

𑌨𑌾𑌗𑌾𑌰𑍍𑌜𑍁𑌨𑍋 𑌭𑌰𑌦𑍍𑌵𑌾𑌜𑌃 𑌆𑌰𑍍𑌯𑌭𑌟𑍍𑌟𑍋 𑌵𑌸𑍁𑌰𑍍𑌭𑍁𑌧𑌃 ।
𑌧𑍍𑌯𑍇𑌯𑍋 𑌵𑍇𑌂𑌕𑌟𑌰𑌾𑌮𑌶𑍍𑌚 𑌵𑌿𑌜𑍍𑌞𑌾 𑌰𑌾𑌮𑌾𑌨𑍁𑌜𑌾𑌦𑌯𑌃 ॥

𑌰𑌾𑌮𑌕𑍃𑌷𑍍𑌣𑍋 𑌦𑌯𑌾𑌨𑌂𑌦𑍋 𑌰𑌵𑍀𑌂𑌦𑍍𑌰𑍋 𑌰𑌾𑌮𑌮𑍋𑌹𑌨𑌃 ।
𑌰𑌾𑌮𑌤𑍀𑌰𑍍𑌧𑍋 𑌰𑌵𑌿𑌂𑌦𑌶𑍍𑌚 𑌵𑌿𑌵𑍇𑌕𑌾𑌨𑌂𑌦 𑌉𑌡𑍍𑌯𑌶𑌾𑌃 ॥

𑌦𑌾𑌦𑌾𑌭𑌾𑌯𑍀 𑌗𑍋𑌪𑌬𑌂𑌧𑍁𑌃 𑌤𑌿𑌲𑌕𑍋 𑌗𑌾𑌂𑌧𑌿𑌰𑌾𑌦𑍃𑌤𑌾𑌃 ।
𑌰𑌮𑌣𑍋 𑌮𑌾𑌲𑌵𑍀𑌯𑌶𑍍𑌚 𑌶𑍍𑌰𑍀 𑌸𑍁𑌬𑍍𑌰𑌹𑍍𑌮𑌣𑍍𑌯 𑌭𑌾𑌰𑌤𑍀 ॥

𑌸𑍁𑌭𑌾𑌷𑌃 𑌪𑍍𑌰𑌣𑌵𑌾𑌨𑌂𑌦𑌃 𑌕𑍍𑌰𑌾𑌂𑌤𑌿𑌵𑍀𑌰𑍋 𑌵𑌿𑌨𑌾𑌯𑌕𑌃 ।
𑌠𑌕𑍍𑌕𑌰𑍋 𑌭𑍀𑌮𑌰𑌾𑌵𑌶𑍍𑌚 𑌪𑍁𑌲𑍇𑌨𑌾𑌰𑌾𑌯𑌣𑍋 𑌗𑍁𑌰𑍁𑌃 ॥

𑌸𑌂𑌘𑌶𑌕𑍍𑌤𑌿𑌃 𑌪𑍍𑌰𑌣𑍇𑌤𑌾𑌰𑍌 𑌕𑍇𑌶𑌵𑍋 𑌮𑌾𑌧𑌵𑌶𑍍𑌤𑌧𑌾 ।
𑌸𑍍𑌮𑌰𑌣𑍀𑌯𑌾 𑌸𑌦𑍈𑌵𑍈𑌤𑍇 𑌨𑌵𑌚𑍈𑌤𑌨𑍍𑌯𑌦𑌾𑌯𑌕𑌾𑌃 ॥

𑌅𑌨𑍁𑌕𑍍𑌤𑌾 𑌯𑍇 𑌭𑌕𑍍𑌤𑌾𑌃 𑌪𑍍𑌰𑌭𑍁𑌚𑌰𑌣 𑌸𑌂𑌸𑌕𑍍𑌤 𑌹𑍃𑌦𑌯𑌾𑌃 ।
𑌅𑌵𑌿𑌜𑍍𑌞𑌾𑌤𑌾 𑌵𑍀𑌰𑌾𑌃 𑌅𑌧𑌿𑌸𑌮𑌰𑌮𑍁𑌦𑍍𑌧𑍍𑌵𑌸𑍍𑌤𑌰𑌿𑌪𑌵𑌃 ॥

𑌸𑌮𑌾𑌜𑍋𑌦𑍍𑌧𑌰𑍍𑌤𑌾𑌰𑌃 𑌸𑍁𑌹𑌿𑌤𑌕𑌰𑌵𑌿𑌜𑍍𑌞𑌾𑌨 𑌨𑌿𑌪𑍁𑌣𑌾𑌃 ।
𑌨𑌮 𑌸𑍍𑌤𑍇𑌭𑍍𑌯𑍋 𑌭𑍂𑌯𑌾𑌤𑍍‌ 𑌸𑌕𑌲 𑌸𑍁𑌜𑌨𑍇𑌭𑍍𑌯𑌃 𑌪𑍍𑌰𑌤𑌿𑌦𑌿𑌨𑌮𑍍‌ ॥

𑌇𑌦𑌮𑍇𑌕𑌾𑌤𑍍𑌮𑌤𑌾𑌸𑍍𑌤𑍋𑌤𑍍𑌰𑌂 𑌶𑍍𑌰𑌦𑍍𑌧𑌯𑌾 𑌯𑌃 𑌸𑌦𑌾 𑌪𑌠𑍇𑌤𑍍‌ ।
𑌸 𑌰𑌾𑌷𑍍𑌟𑍍𑌰 𑌧𑌰𑍍𑌮 𑌨𑌿𑌷𑍍𑌟𑌾𑌵𑌾𑌨𑍍‌ 𑌅𑌖𑌂𑌡𑌂 𑌭𑌾𑌰𑌤𑌂 𑌸𑍍𑌮𑌰𑍇𑌤𑍍‌ ॥