𑌦𑍍𑌵𑌾𑌦𑌶 𑌆𑌰𑍍𑌯 𑌸𑍍𑌤𑍁𑌤𑌿

𑌉𑌦𑍍𑌯𑌨𑍍𑌨𑌦𑍍𑌯𑌵𑌿𑌵𑌸𑍍𑌵𑌾𑌨𑌾𑌰𑍋𑌹𑌨𑍍𑌨𑍁𑌤𑍍𑌤𑌰𑌾𑌂 𑌦𑌿𑌵𑌂 𑌦𑍇𑌵𑌃 ।
𑌹𑍃𑌦𑍍𑌰𑍋𑌗𑌂 𑌮𑌮 𑌸𑍂𑌰𑍍𑌯𑍋 𑌹𑌰𑌿𑌮𑌾𑌣𑌂 𑌚𑌾𑌽𑌽𑌶𑍁 𑌨𑌾𑌶𑌯𑌤𑍁 ॥ 1 ॥

𑌨𑌿𑌮𑌿𑌷𑌾𑌰𑍍𑌧𑍇𑌨𑍈𑌕𑍇𑌨 𑌦𑍍𑌵𑍇 𑌚 𑌶𑌤𑍇 𑌦𑍍𑌵𑍇 𑌸𑌹𑌸𑍍𑌰𑍇 𑌦𑍍𑌵𑍇 ।
𑌕𑍍𑌰𑌮𑌮𑌾𑌣 𑌯𑍋𑌜𑌨𑌾𑌨𑌾𑌂 𑌨𑌮𑍋𑌽𑌸𑍍𑌤𑍁 𑌤𑍇 𑌨𑌳𑌿𑌨𑌨𑌾𑌥𑌾𑌯 ॥ 2 ॥

𑌕𑌰𑍍𑌮𑌜𑍍𑌞𑌾𑌨𑌖𑌦𑌶𑌕𑌂 𑌮𑌨𑌶𑍍𑌚 𑌜𑍀𑌵 𑌇𑌤𑌿 𑌵𑌿𑌶𑍍𑌵𑌸𑌰𑍍𑌗𑌾𑌯 ।
𑌦𑍍𑌵𑌾𑌦𑌶𑌧𑌾 𑌯𑍋 𑌵𑌿𑌚𑌰𑌤𑌿 𑌸 𑌦𑍍𑌵𑌾𑌦𑌶𑌮𑍂𑌰𑍍𑌤𑌿𑌰𑌸𑍍𑌤𑍁 𑌮𑍋𑌦𑌾𑌯 ॥ 3 ॥

𑌤𑍍𑌵𑌂 𑌹𑌿 𑌯𑌜𑍂𑌋𑌕𑍍𑌸𑌾𑌮𑌃 𑌤𑍍𑌵𑌮𑌾𑌗𑌮𑌸𑍍𑌤𑍍𑌵𑌂 𑌵𑌷𑌟𑍍𑌕𑌾𑌰𑌃 ।
𑌤𑍍𑌵𑌂 𑌵𑌿𑌶𑍍𑌵𑌂 𑌤𑍍𑌵𑌂 𑌹𑌂𑌸𑌃 𑌤𑍍𑌵𑌂 𑌭𑌾𑌨𑍋 𑌪𑌰𑌮𑌹𑌂𑌸𑌶𑍍𑌚 ॥ 4 ॥

𑌶𑌿𑌵𑌰𑍂𑌪𑌾𑌤𑍍 𑌜𑍍𑌞𑌾𑌨𑌮𑌹𑌂 𑌤𑍍𑌵𑌤𑍍𑌤𑍋 𑌮𑍁𑌕𑍍𑌤𑌿𑌂 𑌜𑌨𑌾𑌰𑍍𑌦𑌨𑌾𑌕𑌾𑌰𑌾𑌤𑍍 ।
𑌶𑌿𑌖𑌿𑌰𑍂𑌪𑌾𑌦𑍈𑌶𑍍𑌵𑌰𑍍𑌯𑌂 𑌤𑍍𑌵𑌤𑍍𑌤𑌶𑍍𑌚𑌾𑌰𑍋𑌗𑍍𑌯𑌮𑌿𑌚𑍍𑌛𑌾𑌮𑌿 ॥ 5 ॥

𑌤𑍍𑌵𑌚𑌿 𑌦𑍋𑌷𑌾 𑌦𑍃𑌶𑌿 𑌦𑍋𑌷𑌾𑌃 𑌹𑍃𑌦𑌿 𑌦𑍋𑌷𑌾 𑌯𑍇𑌽𑌖𑌿𑌲𑍇𑌂𑌦𑍍𑌰𑌿𑌯𑌜𑌦𑍋𑌷𑌾𑌃 ।
𑌤𑌾𑌨𑍍 𑌪𑍂𑌷𑌾 𑌹𑌤𑌦𑍋𑌷𑌃 𑌕𑌿𑌂𑌚𑌿𑌦𑍍𑌰𑍋𑌷𑌾𑌗𑍍𑌨𑌿𑌨𑌾 𑌦𑌹𑌤𑍁 ॥ 6 ॥

𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑌪𑍍𑌰𑌤𑌿𑌰𑍋𑌧𑌾𑌨𑍁𑌗𑍍𑌰𑌤𑌾𑌪𑌵𑍇𑌗𑌕𑌰𑌾𑌨𑍍 ।
𑌬𑌂𑌦𑍀𑌕𑍃𑌤𑍇𑌂𑌦𑍍𑌰𑌿𑌯𑌗𑌣𑌾𑌨𑍍 𑌗𑌦𑌾𑌨𑍍 𑌵𑌿𑌖𑌂𑌡𑌯𑌤𑍁 𑌚𑌂𑌡𑌾𑌂𑌶𑍁𑌃 ॥ 𑍭 ॥

𑌯𑍇𑌨 𑌵𑌿𑌨𑍇𑌦𑌂 𑌤𑌿𑌮𑌿𑌰𑌂 𑌜𑌗𑌦𑍇𑌤𑍍𑌯 𑌗𑍍𑌰𑌸𑌤𑌿 𑌚𑌰𑌮𑌚𑌰𑌮𑌖𑌿𑌲𑌮𑍍 ।
𑌧𑍃𑌤𑌬𑍋𑌧𑌂 𑌤𑌂 𑌨𑌳𑌿𑌨𑍀𑌭𑌰𑍍𑌤𑌾𑌰𑌂 𑌹𑌰𑍍𑌤𑌾𑌰𑌮𑌾𑌪𑌦𑌾𑌮𑍀𑌡𑍇 ॥ 𑍮 ॥

𑌯𑌸𑍍𑌯 𑌸𑌹𑌸𑍍𑌰𑌾𑌭𑍀𑌶𑍋𑌰𑌭𑍀𑌶𑍁 𑌲𑍇𑌶𑍋 𑌹𑌿𑌮𑌾𑌂𑌶𑍁𑌬𑌿𑌂𑌬𑌗𑌤𑌃 ।
𑌭𑌾𑌸𑌯𑌤𑌿 𑌨𑌕𑍍𑌤𑌮𑌖𑌿𑌲𑌂 𑌭𑍇𑌦𑌯𑌤𑍁 𑌵𑌿𑌪𑌦𑍍𑌗𑌣𑌾𑌨𑌰𑍁𑌣𑌃 ॥ 𑍯 ॥

𑌤𑌿𑌮𑌿𑌰𑌮𑌿𑌵 𑌨𑍇𑌤𑍍𑌰𑌤𑌿𑌮𑌿𑌰𑌂 𑌪𑌟𑌲𑌮𑌿𑌵𑌾𑌽𑌶𑍇𑌷𑌰𑍋𑌗𑌪𑌟𑌲𑌂 𑌨𑌃 ।
𑌕𑌾𑌶𑌮𑌿𑌵𑌾𑌧𑌿𑌨𑌿𑌕𑌾𑌯𑌂 𑌕𑌾𑌲𑌪𑌿𑌤𑌾 𑌰𑍋𑌗𑌯𑍁𑌕𑍍𑌤𑌤𑌾𑌂 𑌹𑌰𑌤𑌾𑌤𑍍 ॥ 10 ॥

𑌵𑌾𑌤𑌾𑌶𑍍𑌮𑌰𑍀𑌗𑌦𑌾𑌰𑍍𑌶𑌸𑍍𑌤𑍍𑌵𑌗𑍍𑌦𑍋𑌷𑌮𑌹𑍋𑌦𑌰𑌪𑍍𑌰𑌮𑍇𑌹𑌾𑌂𑌶𑍍𑌚 ।
𑌗𑍍𑌰𑌹𑌣𑍀𑌭𑌗𑌂𑌧𑌰𑌾𑌖𑍍𑌯𑌾 𑌮𑌹𑌤𑍀𑌸𑍍𑌤𑍍𑌵𑌂 𑌮𑍇 𑌰𑍁𑌜𑍋 𑌹𑌂𑌸𑌿 ॥ 11 ॥

𑌤𑍍𑌵𑌂 𑌮𑌾𑌤𑌾 𑌤𑍍𑌵𑌂 𑌶𑌰𑌣𑌂 𑌤𑍍𑌵𑌂 𑌧𑌾𑌤𑌾 𑌤𑍍𑌵𑌂 𑌧𑌨𑌂 𑌤𑍍𑌵𑌮𑌾𑌚𑌾𑌰𑍍𑌯𑌃 ।
𑌤𑍍𑌵𑌂 𑌤𑍍𑌰𑌾𑌤𑌾 𑌤𑍍𑌵𑌂 𑌹𑌰𑍍𑌤𑌾 𑌵𑌿𑌪𑌦𑌾𑌮𑌰𑍍𑌕 𑌪𑍍𑌰𑌸𑍀𑌦 𑌮𑌮 𑌭𑌾𑌨𑍋 ॥ 12 ॥

𑌇𑌤𑍍𑌯𑌾𑌰𑍍𑌯𑌾𑌦𑍍𑌵𑌾𑌦𑌶𑌕𑌂 𑌸𑌾𑌂𑌬𑌸𑍍𑌯 𑌪𑍁𑌰𑍋 𑌨𑌭𑌃𑌸𑍍𑌥𑌲𑌾𑌤𑍍𑌪𑌤𑌿𑌤𑌮𑍍 ।
𑌪𑌠𑌤𑌾𑌂 𑌭𑌾𑌗𑍍𑌯𑌸𑌮𑍃𑌦𑍍𑌧𑌿𑌃 𑌸𑌮𑌸𑍍𑌤𑌰𑍋𑌗𑌕𑍍𑌷𑌯𑌶𑍍𑌚 𑌸𑍍𑌯𑌾𑌤𑍍 ॥ 13 ॥

𑌇𑌤𑌿 𑌶𑍍𑌰𑍀𑌸𑌾𑌂𑌬𑌕𑍃𑌤𑌦𑍍𑌵𑌾𑌦𑌶𑌾𑌰𑍍𑌯𑌾𑌸𑍂𑌰𑍍𑌯𑌸𑍍𑌤𑍁𑌤𑌿𑌃 ।