𑌭𑌾𑌵𑌨𑍋𑌪𑌨𑌿𑌷𑌦𑍍

𑌶𑍍𑌰𑍀𑌗𑍁𑌰𑍁𑌃 𑌸𑌰𑍍𑌵𑌕𑌾𑌰𑌣𑌭𑍂𑌤𑌾 𑌶𑌕𑍍𑌤𑌿𑌃 ॥1॥

𑌕𑍇𑌨 𑌨𑌵𑌰𑌂𑌧𑍍𑌰𑌰𑍂𑌪𑍋 𑌦𑍇𑌹𑌃।
𑌨𑌵𑌶𑌕𑍍𑌤𑌿𑌰𑍂𑌪𑌂 𑌶𑍍𑌰𑍀𑌚𑌕𑍍𑌰𑌮।
𑌵𑌾𑌰𑌾𑌹𑍀 𑌪𑌿𑌤𑍃𑌰𑍂𑌪𑌾।
𑌕𑍁𑌰𑍁𑌕𑍁𑌲𑍍𑌲𑌾 𑌬𑌲𑌿𑌦𑍇𑌵𑌤𑌾 𑌮𑌾𑌤𑌾।
𑌪𑍁𑌰𑍁𑌷𑌾𑌰𑍍𑌥𑌾𑌃 𑌸𑌾𑌗𑌰𑌾𑌃।
𑌦𑍇𑌹𑍋 𑌨𑌵𑌰𑌤𑍍𑌨𑌦𑍍𑌵𑍀𑌪𑌃।
𑌆𑌧𑌾𑌰𑌨𑌵𑌕𑌮𑍁𑌦𑍍𑌰𑌾: 𑌶𑌕𑍍𑌤𑌯𑌃।
𑌤𑍍𑌵𑌗𑌾𑌦𑌿𑌸𑌪𑍍𑌤𑌧𑌾𑌤𑍁𑌭𑌿𑌰-𑌨𑍇𑌕𑍈𑌃 𑌸𑌂​𑌯𑍁𑌁𑌕𑍍𑌤𑌾𑌃 𑌸𑌂𑌕𑌲𑍍𑌪𑌾𑌃 𑌕𑌲𑍍𑌪𑌤𑌰𑌵𑌃।
𑌤𑍇𑌜: 𑌕𑌲𑍍𑌪𑌕𑍋𑌦𑍍𑌯𑌾𑌨𑌮𑍍।𑌰𑌸𑌨𑌯𑌾 𑌭𑌾𑌵𑍍𑌯𑌮𑌾𑌨𑌾 𑌮𑌧𑍁𑌰𑌾𑌮𑍍𑌲𑌤𑌿𑌕𑍍𑌤-𑌕𑌟𑍁𑌕𑌷𑌾𑌯𑌲𑌵𑌣𑌭𑍇𑌦𑌾𑌃 𑌷𑌡𑍍𑌰𑌸𑌾𑌃 𑌷𑌡𑍃𑌤𑌵𑌃 ।
𑌕𑍍𑌰𑌿𑌯𑌾𑌶𑌕𑍍𑌤𑌿𑌃 𑌪𑍀𑌠𑌮𑍍।
𑌕𑍁𑌂𑌡𑌲𑌿𑌨𑍀 𑌜𑍍𑌞𑌾𑌨𑌶𑌕𑍍𑌤𑌿𑌰𑍍𑌗𑍃𑌹𑌮𑍍। 𑌇𑌚𑍍𑌛𑌾𑌶𑌕𑍍𑌤𑌿𑌰𑍍𑌮𑌹𑌾𑌤𑍍𑌰𑌿𑌪𑍁𑌰𑌸𑍁𑌂𑌦𑌰𑍀।
𑌜𑍍𑌞𑌾𑌤𑌾 𑌹𑍋𑌤𑌾 𑌜𑍍𑌞𑌾𑌨𑌮𑌗𑍍𑌨𑌿𑌃 𑌜𑍍𑌞𑍇𑌯𑌂 𑌹𑌵𑌿𑌃। 𑌜𑍍𑌞𑌾𑌤𑍃𑌜𑍍𑌞𑌾𑌨𑌜𑍍𑌞𑍇𑌯𑌾𑌨𑌾𑌮𑌭𑍇𑌦𑌭𑌾𑌵𑌨𑌂 𑌶𑍍𑌰𑍀𑌚𑌕𑍍𑌰𑌪𑍂𑌜𑌨𑌮𑍍। 𑌨𑌿𑌯𑌤𑌿𑌸𑌹𑌿𑌤𑌾𑌃 𑌶𑍍𑌰𑍍​𑌋𑌂𑌗𑌾𑌰𑌾𑌦𑌯𑍋 𑌨𑌵 𑌰𑌸𑌾 𑌅𑌣𑌿𑌮𑌾𑌦𑌯𑌃। 𑌕𑌾𑌮𑌕𑍍𑌰𑍋𑌧𑌲𑍋𑌭𑌮𑍋𑌹𑌮𑌦-𑌮𑌾𑌤𑍍𑌸𑌰𑍍𑌯𑌪𑍁𑌣𑍍𑌯𑌪𑌾𑌪𑌮𑌯𑌾 𑌬𑍍𑌰𑌾𑌹𑍍𑌮𑌯𑌾𑌦𑍍𑌯𑌷𑍍𑌟𑌶𑌕𑍍𑌤𑌯𑌃 । 𑌪𑍃𑌥𑌿𑌵𑍍𑌯𑌪𑍍𑌤𑍇𑌜𑍋𑌵𑌾𑌯𑍍𑌵𑌾𑌕𑌾𑌶𑌶𑍍𑌰𑍋𑌤𑍍𑌰𑌤𑍍𑌵𑌕𑍍𑌚𑌕𑍍𑌷𑍁𑌰𑍍𑌜𑌿𑌹𑍍𑌵𑌾𑌘𑍍𑌰𑌾𑌣𑌵𑌾-𑌕𑍍𑌪𑌾𑌣𑌿𑌪𑌾𑌦𑌪𑌾𑌯𑍂𑌪𑌸𑍍𑌥𑌮𑌨𑍋𑌵𑌿𑌕𑌾𑌰𑌾𑌃 𑌷𑍋𑌡𑌶 𑌶𑌕𑍍𑌤𑌯𑌃 ।
𑌵𑌚𑌨𑌾𑌦𑌾𑌨𑌗𑌮𑌨𑌵𑌿𑌸𑌰𑍍𑌗𑌾𑌨𑌂𑌦𑌹𑌾𑌨𑍋𑌪𑍇𑌕𑍍𑌷𑌾𑌬𑍁𑌦𑍍𑌧𑌯𑍋-𑌽𑌨𑌂𑌗𑌕𑍁𑌸𑍁𑌮𑌾𑌦𑌿𑌶𑌕𑍍𑌤𑌯𑍋𑌽𑌷𑍍𑌟𑍌।
𑌅𑌲𑌂𑌬𑍁𑌸𑌾 𑌕𑍁𑌹𑍂𑌰𑍍𑌵𑌿𑌶𑍍𑌵𑍋𑌦𑌰𑍀 𑌵𑌰𑍁𑌣𑌾 𑌹𑌸𑍍𑌤𑌿𑌜𑌿𑌹𑍍𑌵𑌾 𑌯𑌶𑌸𑍍𑌵𑌤𑍍𑌯𑌶𑍍𑌵𑌿𑌨𑍀 𑌗𑌾𑌂𑌧𑌾𑌰𑍀 𑌪𑍂𑌷𑌾 𑌶𑌂𑌖𑌿𑌨𑍀 𑌸𑌰𑌸𑍍𑌵𑌤𑍀𑌡𑌾 𑌪𑌿𑌂𑌗𑌲𑌾 𑌸𑍁𑌷𑍁𑌮𑍍𑌨𑌾 𑌚𑍇𑌤𑌿 𑌚𑌤𑍁𑌰𑍍𑌦𑌶 𑌨𑌾𑌡𑍍𑌯𑌃। 𑌸𑌰𑍍𑌵𑌸𑌂𑌕𑍍𑌷𑍋𑌭𑌿𑌣𑍍𑌯𑌾𑌦𑌿𑌚𑌤𑍁𑌰𑍍𑌦𑌶𑌾𑌰𑌗𑌾 𑌦𑍇𑌵𑌤𑌾𑌃। 𑌪𑍍𑌰𑌾𑌣𑌾𑌪𑌾𑌨𑌵𑍍𑌯𑌾𑌨𑍋𑌦𑌾𑌨𑌸𑌮𑌾𑌨𑌨𑌾𑌗𑌕𑍂𑌰𑍍𑌮𑌕𑍃𑌕𑌰𑌦𑍇𑌵𑌦𑌤𑍍𑌤𑌧𑌨𑌂𑌜𑌯𑌾 𑌇𑌤𑌿 𑌦𑌶 𑌵𑌾𑌯𑌵𑌃 ।
𑌸𑌰𑍍𑌵𑌸𑌿𑌦𑍍𑌧𑌿-𑌪𑍍𑌰𑌦𑌾 𑌦𑍇𑌵𑍍𑌯𑍋 𑌬𑌹𑌿𑌰𑍍𑌦𑌶𑌾𑌰𑌗𑌾 𑌦𑍇𑌵𑌤𑌾𑌃। 𑌏𑌤𑌦𑍍𑌵𑌾𑌯𑍁𑌦𑌶𑌕𑌸𑌂𑌸𑌰𑍍𑌗𑍋𑌪𑌾𑌥𑌿𑌭𑍇𑌦𑍇𑌨 𑌰𑍇𑌚𑌕𑌪𑍂𑌰𑌕𑌶𑍋𑌷𑌕𑌦𑌾𑌹𑌕-𑌪𑍍𑌲𑌾𑌵𑌕𑌾 𑌅𑌮𑍃𑌤𑌮𑌿𑌤𑌿 𑌪𑍍𑌰𑌾𑌣𑌮𑍁𑌖𑍍𑌯𑌤𑍍𑌵𑍇𑌨 𑌪𑌂𑌚𑌵𑌿𑌧𑍋𑌽𑌸𑍍𑌤𑌿 ।
𑌕𑍍𑌷𑌾𑌰𑌕𑍋 𑌦𑌾𑌰𑌕𑌃 𑌕𑍍𑌷𑍋𑌭𑌕𑍋 𑌮𑍋𑌹𑌕𑍋 𑌜𑍃𑌂𑌭𑌕 𑌇𑌤𑍍𑌯𑌪𑌾𑌲𑌨𑌮𑍁𑌖𑍍𑌯𑌤𑍍𑌵𑍇𑌨 𑌪𑌂𑌚𑌵𑌿𑌧𑍋𑌽𑌸𑍍𑌤𑌿 ।
𑌤𑍇𑌨 𑌮𑌨𑍁𑌷𑍍𑌯𑌾𑌣𑌾𑌂 𑌮𑍋𑌹𑌕𑍋 𑌦𑌾𑌹𑌕𑍋 𑌭𑌕𑍍𑌷𑍍𑌯𑌭𑍋𑌜𑍍𑌯𑌲𑍇𑌹𑍍𑌯𑌚𑍋𑌷𑍍𑌯𑌪𑍇𑌯𑌾-𑌤𑍍𑌮𑌕𑌂 𑌚𑌤𑍁𑌰𑍍𑌵𑌿𑌧𑌮𑌨𑍍𑌨𑌂 𑌪𑌾𑌚𑌯𑌤𑌿।
𑌏𑌤𑌾 𑌦𑌶 𑌵𑌹𑍍𑌨𑌿𑌕𑌲𑌾𑌃 𑌸𑌰𑍍𑌵𑌾𑌤𑍍𑌵𑌾𑌦𑍍𑌯𑌂𑌤𑌰𑍍𑌦𑌶𑌾𑌰𑌗𑌾 𑌦𑍇𑌵𑌤𑌾𑌃। 𑌶𑍀𑌤𑍋𑌷𑍍𑌣𑌸𑍁𑌖𑌦𑍁𑌃𑌖𑍇𑌚𑍍𑌛𑌾𑌸𑌤𑍍𑌤𑍍𑌵𑌰𑌜𑌸𑍍𑌤𑌮𑍋𑌗𑍁𑌣𑌾 𑌵𑌶𑌿𑌨𑍍𑌯𑌾𑌦𑌿𑌶𑌕𑍍𑌤𑌯𑍋𑌽𑌷𑍍𑌟𑍌।
𑌶𑌬𑍍𑌦𑌸𑍍𑌪𑌰𑍍​𑌶𑌰𑍂𑌪𑌰𑌸𑌗𑌂𑌧𑌾𑌃 𑌪𑌂𑌚𑌤𑌨𑍍𑌮𑌾𑌤𑍍𑌰𑌾𑌃 𑌪𑌂𑌚 𑌪𑍁𑌷𑍍𑌪𑌬𑌾𑌣𑌾 𑌮𑌨 𑌇𑌕𑍍𑌷𑍁𑌧𑌨𑍁𑌃।
𑌵𑌶𑍍𑌯𑍋 𑌬𑌾𑌣𑍋 𑌰𑌾𑌗𑌃 𑌪𑌾𑌶𑌃।
𑌦𑍍𑌵𑍇𑌷𑍋𑌽𑌂𑌕𑍁𑌶𑌃।
𑌅𑌵𑍍𑌯𑌕𑍍𑌤𑌮𑌹𑌤𑍍𑌤𑌤𑍍𑌤𑍍𑌵𑌮𑌹𑌦𑌹𑌂𑌕𑌾𑌰 𑌇𑌤𑌿 𑌕𑌾𑌮𑍇𑌶𑍍𑌵𑌰𑍀𑌵𑌜𑍍𑌨𑍇𑌶𑍍𑌵𑌰𑍀𑌭𑌗𑌮𑌾𑌲𑌿𑌨𑍍𑌯𑍋𑌽𑌂𑌤𑌸𑍍𑌤𑍍𑌰𑌿𑌕𑍋𑌣𑌾𑌗𑍍𑌨𑌗𑌾 𑌦𑍇𑌵𑌤𑌾𑌃 ।
𑌪𑌂𑌚𑌦𑌶𑌤𑌿𑌥𑌿𑌰𑍂𑌪𑍇𑌣 𑌕𑌾𑌲𑌸𑍍𑌯 𑌪𑌰𑌿𑌣𑌾𑌮𑌾𑌵𑌲𑍋𑌕𑌨𑌸𑍍𑌥𑌿𑌤𑌿𑌃 𑌪𑌂𑌚𑌦𑌶 𑌨𑌿𑌤𑍍𑌯𑌾 𑌶𑍍𑌰𑌦𑍍𑌧𑌾𑌨𑍁𑌰𑍂𑌪𑌾𑌧𑌿𑌦𑍇𑌵𑌤𑌾।
𑌤𑌯𑍋𑌃 𑌕𑌾𑌮𑍇𑌶𑍍𑌵𑌰𑍀 𑌸𑌦𑌾𑌨𑌂𑌦𑌘𑌨𑌾 𑌪𑌰𑌿𑌪𑍂𑌰𑍍𑌣𑌸𑍍𑌵𑌾𑌤𑍍𑌮𑍈𑌕𑍍𑌯𑌰𑍂𑌪𑌾 𑌦𑍇𑌵𑌤𑌾 ॥2॥

𑌸𑌲𑌿𑌲𑌮𑌿𑌤𑌿 𑌸𑍌𑌹𑌿𑌤𑍍𑌯𑌕𑌾𑌰𑌣𑌂 𑌸𑌤𑍍𑌤𑍍𑌵𑌮𑍍 । 𑌕𑌰𑍍𑌤𑌵𑍍𑌯𑌮𑌕𑌰𑍍𑌤𑌵𑍍𑌯𑌮𑌿𑌤𑌿 𑌭𑌾𑌵𑌨𑌾𑌯𑍁𑌕𑍍𑌤 𑌉𑌪𑌚𑌾𑌰𑌃।
𑌅𑌸𑍍𑌤𑌿 𑌨𑌾𑌸𑍍𑌤𑍀𑌤𑌿 𑌕𑌰𑍍𑌤𑌵𑍍𑌯𑌤𑌾 𑌉𑌪𑌚𑌾𑌰𑌃। 𑌬𑌾𑌹𑍍𑌯𑌾𑌭𑍍𑌯𑌂𑌤:𑌕𑌰𑌣𑌾𑌨𑌾𑌂 𑌰𑍂𑌪𑌗𑍍𑌰𑌹𑌣𑌯𑍋𑌗𑍍𑌯𑌤𑌾𑌽𑌸𑍍𑌤𑍍𑌵𑌿𑌤𑍍𑌯𑌾𑌵𑌾𑌹𑌨𑌮𑍍।
𑌤𑌸𑍍𑌯 𑌵𑌾𑌹𑍍𑌯𑌾𑌭𑍍𑌯𑌂𑌤𑌃𑌕𑌰𑌣𑌾𑌨𑌾𑌮𑍇𑌕𑌰𑍂𑌪𑌵𑌿𑌷𑌯𑌗𑍍𑌰𑌹𑌣𑌮𑌾𑌸𑌨𑌮𑍍।
𑌰𑌕𑍍𑌤𑌶𑍁𑌕𑍍𑌲𑌪𑌦𑍈𑌕𑍀𑌕𑌰𑌣𑌂 𑌪𑌾𑌦𑍍𑌯𑌮𑍍।
𑌉𑌜𑍍𑌜𑍍𑌵𑌲𑌦𑌾-𑌮𑍋𑌦𑌾𑌨𑌂𑌦𑌾𑌸𑌨𑌦𑌾𑌨𑌮𑌰𑍍𑌘𑍍𑌯𑌮𑍍।
𑌸𑍍𑌵𑌚𑍍𑌛𑌂 𑌸𑍍𑌵𑌤:𑌸𑌿𑌦𑍍𑌧𑌮𑌿𑌤𑍍𑌯𑌾𑌚𑌮𑌨𑍀𑌯𑌮𑍍। 𑌚𑌿𑌚𑍍𑌚𑌂𑌦𑍍𑌰𑌮𑌯𑍀𑌤𑌿 𑌸𑌰𑍍𑌵𑌾𑌂𑌗𑌸𑍍𑌤𑍍𑌰𑌵𑌣𑌂 𑌸𑍍𑌨𑌾𑌨𑌮𑍍। 𑌚𑌿𑌦𑌗𑍍𑌨𑌿𑌸𑍍𑌵𑌰𑍂𑌪𑌪𑌰𑌮𑌾𑌨𑌂𑌦𑌶𑌕𑍍𑌤𑌿𑌸𑍍𑌫𑍁𑌰𑌣𑌂-𑌵𑌁𑌸𑍍𑌤𑍍𑌰𑌮𑍍। 𑌪𑍍𑌰𑌤𑍍𑌯𑍇𑌕𑌂 𑌸𑌪𑍍𑌤𑌵𑌿𑌂𑌶𑌤𑌿𑌧𑌾 𑌭𑌿𑌨𑍍𑌨𑌤𑍍𑌵𑍇𑌨𑍇𑌚𑍍𑌛𑌾𑌜𑍍𑌞𑌾𑌨-𑌕𑍍𑌰𑌿𑌯𑌾𑌤𑍍𑌮𑌕𑌬𑍍𑌰𑌹𑍍𑌮𑌗𑍍𑌰𑌂𑌥𑌿𑌮𑌦𑍍𑌰𑌸𑌤𑌂𑌤𑍁𑌬𑍍𑌰𑌹𑍍𑌮𑌨𑌾𑌡𑍀 𑌬𑍍𑌰𑌹𑍍𑌮𑌸𑍂𑌤𑍍𑌰𑌮𑍍।
𑌸𑍍𑌵𑌵𑍍𑌯𑌤𑌿𑌰𑌿𑌕𑍍𑌤𑌵𑌸𑍍𑌤𑍁𑌸𑌂𑌗𑌰𑌹𑌿𑌤𑌸𑍍𑌮𑌰𑌣𑌂-𑌵𑌿𑌁𑌭𑍂𑌷𑌣𑌮𑍍। 𑌸𑍍𑌵𑌚𑍍𑌛𑌸𑍍𑌵𑌪𑌰𑌿𑌪𑍂𑌰𑍍𑌣𑌤𑌾𑌸𑍍𑌮𑌰𑌣𑌂 𑌗𑌂𑌧𑌃 ।
𑌸𑌮𑌸𑍍𑌤𑌵𑌿𑌷𑌯𑌾𑌣𑌾𑌂 𑌮𑌨𑌸𑌃 𑌸𑍍𑌥𑍈𑌰𑍍𑌯𑍇𑌣𑌾𑌨𑍁𑌸𑌂𑌧𑌾𑌨𑌂 𑌕𑍁𑌸𑍁𑌮𑌮𑍍 । 𑌤𑍇𑌷𑌾𑌮𑍇𑌵 𑌸𑌰𑍍𑌵𑌦𑌾 𑌸𑍍𑌵𑍀𑌕𑌰𑌣𑌂 𑌧𑍂𑌪𑌃 । 𑌪𑌵𑌨𑌾𑌵𑌚𑍍𑌛𑌿𑌨𑍍𑌨𑍋𑌰𑍍𑌧𑍍𑌵𑌗𑍍𑌵𑌲𑌨𑌸𑌚𑍍𑌚𑌿𑌦𑍁𑌲𑍍𑌕𑌾𑌕𑌾𑌶𑌦𑍇𑌹𑍋 𑌦𑍀𑌪𑌃 । 𑌸𑌮𑌸𑍍𑌤𑌯𑌾𑌤𑌾𑌯𑌾-𑌤𑌵𑌰𑍍𑌜𑍍𑌯𑌂 𑌨𑍈𑌵𑍇𑌦𑍍𑌯𑌮𑍍 । 𑌅𑌵𑌸𑍍𑌥𑌾𑌤𑍍𑌰𑌯𑌾𑌣𑌾𑌮𑍇𑌕𑍀𑌕𑌰𑌣𑌂 𑌤𑌾𑌂𑌬𑍂𑌲𑌮𑍍। 𑌮𑍂𑌲𑌾𑌧𑌾𑌰𑌾𑌦𑌾𑌬𑍍𑌰𑌹𑍍𑌮𑌰𑌂𑌧𑍍𑌰𑌪𑌰𑍍𑌯𑌂𑌤𑌂 𑌬𑍍𑌰𑌹𑍍𑌮𑌰𑌂𑌧𑍍𑌰𑌾𑌦𑌾-𑌮𑍂𑌲𑌾𑌧𑌾𑌰𑌪𑌰𑍍𑌯𑌂𑌤𑌂 𑌗𑌤𑌾𑌗𑌤𑌰𑍂𑌪𑍇𑌣 𑌪𑍍𑌰𑌾𑌦𑌕𑍍𑌷𑌿𑌣𑍍𑌯𑌮𑍍। 𑌤𑍁𑌰𑍍𑌯𑌾𑌵𑌸𑍍𑌥𑌾 𑌨𑌮𑌸𑍍𑌕𑌾𑌰𑌃 ।
𑌦𑍇𑌹𑌶𑍂𑌨𑍍𑌯𑌪𑍍𑌰𑌮𑌾𑌤𑍃𑌤𑌾𑌨𑌿𑌮𑌜𑍍𑌜𑌨𑌂 𑌬𑌲𑌿𑌹𑌰𑌣𑌮𑍍।
𑌸𑌤𑍍𑌯𑌮𑌸𑍍𑌤𑌿 𑌕𑌰𑍍𑌤𑌵𑍍𑌯𑌮𑌕𑌰𑍍𑌤𑌵𑍍𑌯𑌮𑍌𑌦𑌾𑌸𑍀𑌨𑍍𑌯𑌨𑌿𑌤𑍍𑌯𑌾𑌤𑍍𑌮𑌵𑌿𑌲𑌾𑌪𑌨𑌂 𑌹𑍋𑌮𑌃।
𑌸𑍍𑌵𑌯𑌂 𑌤𑌤𑍍𑌪𑌾𑌦𑍁𑌕𑌾-𑌨𑌿𑌮𑌜𑍍𑌜𑌨𑌂 𑌪𑌰𑌿𑌪𑍂𑌰𑍍𑌣𑌧𑍍𑌯𑌾𑌨𑌮𑍍॥3॥

𑌏𑌵𑌂 𑌮𑍁𑌹𑍂𑌰𑍍𑌤𑌤𑍍𑌰𑌯𑌂 𑌭𑌾𑌵𑌨𑌾𑌪𑌰𑍋 𑌜𑍀𑌵𑌨𑍍𑌮𑍁𑌕𑍍𑌤𑍋 𑌭𑌵𑌤𑌿।
𑌤𑌸𑍍𑌯 𑌦𑍇𑌵𑌤𑌾𑌤𑍍𑌮𑍈𑌕𑍍𑌯𑌸𑌿𑌦𑍍𑌧𑌿𑌃।
𑌚𑌿𑌂𑌤𑌿𑌤𑌕𑌾𑌰𑍍𑌯𑌾𑌣𑍍𑌯-𑌯𑌤𑍍𑌨𑍇𑌨 𑌸𑌿𑌦𑍍𑌧𑌯𑌂𑌤𑌿।
𑌸 𑌏𑌵 𑌶𑌿𑌵𑌯𑍋𑌗𑍀𑌤𑌿 𑌕𑌥𑍍𑌯𑌤𑍇 ॥4॥