𑌭𑌵𑌾𑌨𑍀 𑌭𑍁𑌜𑌂𑌗 𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌂

This Bhakti Granth document is presented in Grantha script, with the original script marks preserved.

𑌷𑌡𑌾𑌧𑌾𑌰𑌪𑌂𑌕𑍇𑌰𑍁𑌹𑌾𑌂𑌤𑌰𑍍𑌵𑌿𑌰𑌾𑌜-
-𑌤𑍍𑌸𑍁𑌷𑍁𑌮𑍍𑌨𑌾𑌂𑌤𑌰𑌾𑌲𑍇𑌽𑌤𑌿𑌤𑍇𑌜𑍋𑌲𑍍𑌲𑌸𑌂𑌤𑍀𑌮𑍍 ।
𑌸𑍁𑌧𑌾𑌮𑌂𑌡𑌲𑌂 𑌦𑍍𑌰𑌾𑌵𑌯𑌂𑌤𑍀𑌂 𑌪𑌿𑌬𑌂𑌤𑍀𑌂
𑌸𑍁𑌧𑌾𑌮𑍂𑌰𑍍𑌤𑌿𑌮𑍀𑌡𑍇 𑌚𑌿𑌦𑌾𑌨𑌂𑌦𑌰𑍂𑌪𑌾𑌮𑍍 ॥ 1 ॥

𑌜𑍍𑌵𑌲𑌤𑍍𑌕𑍋𑌟𑌿𑌬𑌾𑌲𑌾𑌰𑍍𑌕𑌭𑌾𑌸𑌾𑌰𑍁𑌣𑌾𑌂𑌗𑍀𑌂
𑌸𑍁𑌲𑌾𑌵𑌣𑍍𑌯𑌶𑍃𑌂𑌗𑌾𑌰𑌶𑍋𑌭𑌾𑌭𑌿𑌰𑌾𑌮𑌾𑌮𑍍 ।
𑌮𑌹𑌾𑌪𑌦𑍍𑌮𑌕𑌿𑌂𑌜𑌲𑍍𑌕𑌮𑌧𑍍𑌯𑍇 𑌵𑌿𑌰𑌾𑌜-
-𑌤𑍍𑌤𑍍𑌰𑌿𑌕𑍋𑌣𑍇 𑌨𑌿𑌷𑌣𑍍𑌣𑌾𑌂 𑌭𑌜𑍇 𑌶𑍍𑌰𑍀𑌭𑌵𑌾𑌨𑍀𑌮𑍍 ॥ 2 ॥

𑌕𑍍𑌵𑌣𑌤𑍍𑌕𑌿𑌂𑌕𑌿𑌣𑍀𑌨𑍂𑌪𑍁𑌰𑍋𑌦𑍍𑌭𑌾𑌸𑌿𑌰𑌤𑍍𑌨-
-𑌪𑍍𑌰𑌭𑌾𑌲𑍀𑌢𑌲𑌾𑌕𑍍𑌷𑌾𑌰𑍍𑌦𑍍𑌰𑌪𑌾𑌦𑌾𑌬𑍍𑌜𑌯𑍁𑌗𑍍𑌮𑌮𑍍 ।
𑌅𑌜𑍇𑌶𑌾𑌚𑍍𑌯𑍁𑌤𑌾𑌦𑍍𑌯𑍈𑌃 𑌸𑍁𑌰𑍈𑌃 𑌸𑍇𑌵𑍍𑌯𑌮𑌾𑌨𑌂
𑌮𑌹𑌾𑌦𑍇𑌵𑌿 𑌮𑌨𑍍𑌮𑍂𑌰𑍍𑌧𑍍𑌨𑌿 𑌤𑍇 𑌭𑌾𑌵𑌯𑌾𑌮𑌿 ॥ 3 ॥

𑌸𑍁𑌶𑍋𑌣𑌾𑌂𑌬𑌰𑌾𑌬𑌦𑍍𑌧𑌨𑍀𑌵𑍀𑌵𑌿𑌰𑌾𑌜-
-𑌨𑍍𑌮𑌹𑌾𑌰𑌤𑍍𑌨𑌕𑌾𑌂𑌚𑍀𑌕𑌲𑌾𑌪𑌂 𑌨𑌿𑌤𑌂𑌬𑌮𑍍 ।
𑌸𑍍𑌫𑍁𑌰𑌦𑍍𑌦𑌕𑍍𑌷𑌿𑌣𑌾𑌵𑌰𑍍𑌤𑌨𑌾𑌭𑌿𑌂 𑌚 𑌤𑌿𑌸𑍍𑌰𑍋
𑌵𑌲𑍀𑌰𑌂𑌬 𑌤𑍇 𑌰𑍋𑌮𑌰𑌾𑌜𑌿𑌂 𑌭𑌜𑍇𑌽𑌹𑌮𑍍 ॥ 4 ॥

𑌲𑌸𑌦𑍍𑌵𑍃𑌤𑍍𑌤𑌮𑍁𑌤𑍍𑌤𑍁𑌂𑌗𑌮𑌾𑌣𑌿𑌕𑍍𑌯𑌕𑍁𑌂𑌭𑍋-
-𑌪𑌮𑌶𑍍𑌰𑌿 𑌸𑍍𑌤𑌨𑌦𑍍𑌵𑌂𑌦𑍍𑌵𑌮𑌂𑌬𑌾𑌂𑌬𑍁𑌜𑌾𑌕𑍍𑌷𑌿 ।
𑌭𑌜𑍇 𑌦𑍁𑌗𑍍𑌧𑌪𑍂𑌰𑍍𑌣𑌾𑌭𑌿𑌰𑌾𑌮𑌂 𑌤𑌵𑍇𑌦𑌂
𑌮𑌹𑌾𑌹𑌾𑌰𑌦𑍀𑌪𑍍𑌤𑌂 𑌸𑌦𑌾 𑌪𑍍𑌰𑌸𑍍𑌨𑍁𑌤𑌾𑌸𑍍𑌯𑌮𑍍 ॥ 5 ॥

𑌶𑌿𑌰𑍀𑌷𑌪𑍍𑌰𑌸𑍂𑌨𑍋𑌲𑍍𑌲𑌸𑌦𑍍𑌬𑌾𑌹𑍁𑌦𑌂𑌡𑍈-
-𑌰𑍍𑌜𑍍𑌵𑌲𑌦𑍍𑌬𑌾𑌣𑌕𑍋𑌦𑌂𑌡𑌪𑌾𑌶𑌾𑌂𑌕𑍁𑌶𑍈𑌶𑍍𑌚 ।
𑌚𑌲𑌤𑍍𑌕𑌂𑌕𑌣𑍋𑌦𑌾𑌰𑌕𑍇𑌯𑍂𑌰𑌭𑍂𑌷𑍋-
-𑌜𑍍𑌜𑍍𑌵𑌲𑌦𑍍𑌭𑌿𑌰𑍍𑌲𑌸𑌂𑌤𑍀𑌂 𑌭𑌜𑍇 𑌶𑍍𑌰𑍀𑌭𑌵𑌾𑌨𑍀𑌮𑍍 ॥ 6 ॥

𑌶𑌰𑌤𑍍𑌪𑍂𑌰𑍍𑌣𑌚𑌂𑌦𑍍𑌰𑌪𑍍𑌰𑌭𑌾𑌪𑍂𑌰𑍍𑌣𑌬𑌿𑌂𑌬𑌾-
-𑌧𑌰𑌸𑍍𑌮𑍇𑌰𑌵𑌕𑍍𑌤𑍍𑌰𑌾𑌰𑌵𑌿𑌂𑌦𑌾𑌂 𑌸𑍁𑌶𑌾𑌂𑌤𑌾𑌮𑍍 ।
𑌸𑍁𑌰𑌤𑍍𑌨𑌾𑌵𑌳𑍀𑌹𑌾𑌰𑌤𑌾𑌟𑌂𑌕𑌶𑍋𑌭𑌾𑌂
𑌮𑌹𑌾𑌸𑍁𑌪𑍍𑌰𑌸𑌨𑍍𑌨𑌾𑌂 𑌭𑌜𑍇 𑌶𑍍𑌰𑍀𑌭𑌵𑌾𑌨𑍀𑌮𑍍 ॥ 𑍭 ॥

𑌸𑍁𑌨𑌾𑌸𑌾𑌪𑍁𑌟𑌂 𑌸𑍁𑌂𑌦𑌰𑌭𑍍𑌰𑍂𑌲𑌲𑌾𑌟𑌂
𑌤𑌵𑍌𑌷𑍍𑌠𑌶𑍍𑌰𑌿𑌯𑌂 𑌦𑌾𑌨𑌦𑌕𑍍𑌷𑌂 𑌕𑌟𑌾𑌕𑍍𑌷𑌮𑍍 ।
𑌲𑌲𑌾𑌟𑍇 𑌲𑌸𑌦𑍍𑌗𑌂𑌧𑌕𑌸𑍍𑌤𑍂𑌰𑌿𑌭𑍂𑌷𑌂
𑌸𑍍𑌫𑍁𑌰𑌚𑍍𑌛𑍍𑌰𑍀𑌮𑍁𑌖𑌾𑌂𑌭𑍋𑌜𑌮𑍀𑌡𑍇𑌽𑌹𑌮𑌂𑌬 ॥ 𑍮 ॥

𑌚𑌲𑌤𑍍𑌕𑍁𑌂𑌤𑌲𑌾𑌂𑌤𑌰𑍍𑌭𑍍𑌰𑌮𑌦𑍍𑌭𑍃𑌂𑌗𑌬𑍃𑌂𑌦𑌂
𑌘𑌨𑌸𑍍𑌨𑌿𑌗𑍍𑌧𑌧𑌮𑍍𑌮𑌿𑌲𑍍𑌲𑌭𑍂𑌷𑍋𑌜𑍍𑌜𑍍𑌵𑌲𑌂 𑌤𑍇 ।
𑌸𑍍𑌫𑍁𑌰𑌨𑍍𑌮𑍌𑌳𑌿𑌮𑌾𑌣𑌿𑌕𑍍𑌯𑌬𑌦𑍍𑌧𑍇𑌂𑌦𑍁𑌰𑍇𑌖𑌾-
-𑌵𑌿𑌲𑌾𑌸𑍋𑌲𑍍𑌲𑌸𑌦𑍍𑌦𑌿𑌵𑍍𑌯𑌮𑍂𑌰𑍍𑌧𑌾𑌨𑌮𑍀𑌡𑍇 ॥ 𑍯 ॥

𑌇𑌤𑌿 𑌶𑍍𑌰𑍀𑌭𑌵𑌾𑌨𑌿 𑌸𑍍𑌵𑌰𑍂𑌪𑌂 𑌤𑌵𑍇𑌦𑌂
𑌪𑍍𑌰𑌪𑌂𑌚𑌾𑌤𑍍𑌪𑌰𑌂 𑌚𑌾𑌤𑌿𑌸𑍂𑌕𑍍𑌷𑍍𑌮𑌂 𑌪𑍍𑌰𑌸𑌨𑍍𑌨𑌮𑍍 ।
𑌸𑍍𑌫𑍁𑌰𑌤𑍍𑌵𑌂𑌬 𑌡𑌿𑌂𑌭𑌸𑍍𑌯 𑌮𑍇 𑌹𑍃𑌤𑍍𑌸𑌰𑍋𑌜𑍇
𑌸𑌦𑌾 𑌵𑌾𑌙𑍍𑌮𑌯𑌂 𑌸𑌰𑍍𑌵𑌤𑍇𑌜𑍋𑌮𑌯𑌂 𑌚 ॥ 10 ॥

𑌗𑌣𑍇𑌶𑌾𑌭𑌿𑌮𑍁𑌖𑍍𑌯𑌾𑌖𑌿𑌲𑍈𑌃 𑌶𑌕𑍍𑌤𑌿𑌬𑍃𑌂𑌦𑍈-
-𑌰𑍍𑌵𑍃𑌤𑌾𑌂 𑌵𑍈 𑌸𑍍𑌫𑍁𑌰𑌚𑍍𑌚𑌕𑍍𑌰𑌰𑌾𑌜𑍋𑌲𑍍𑌲𑌸𑌂𑌤𑍀𑌮𑍍 ।
𑌪𑌰𑌾𑌂 𑌰𑌾𑌜𑌰𑌾𑌜𑍇𑌶𑍍𑌵𑌰𑌿 𑌤𑍍𑌰𑍈𑌪𑍁𑌰𑌿 𑌤𑍍𑌵𑌾𑌂
𑌶𑌿𑌵𑌾𑌂𑌕𑍋𑌪𑌰𑌿𑌸𑍍𑌥𑌾𑌂 𑌶𑌿𑌵𑌾𑌂 𑌭𑌾𑌵𑌯𑌾𑌮𑌿 ॥ 11 ॥

𑌤𑍍𑌵𑌮𑌰𑍍𑌕𑌸𑍍𑌤𑍍𑌵𑌮𑌿𑌂𑌦𑍁𑌸𑍍𑌤𑍍𑌵𑌮𑌗𑍍𑌨𑌿𑌸𑍍𑌤𑍍𑌵𑌮𑌾𑌪-
-𑌸𑍍𑌤𑍍𑌵𑌮𑌾𑌕𑌾𑌶𑌭𑍂𑌵𑌾𑌯𑌵𑌸𑍍𑌤𑍍𑌵𑌂 𑌮𑌹𑌤𑍍𑌤𑍍𑌵𑌮𑍍 ।
𑌤𑍍𑌵𑌦𑌨𑍍𑌯𑍋 𑌨 𑌕𑌶𑍍𑌚𑌿𑌤𑍍 𑌪𑍍𑌰𑌪𑌂𑌚𑍋𑌽𑌸𑍍𑌤𑌿 𑌸𑌰𑍍𑌵𑌂
𑌸𑌦𑌾𑌨𑌂𑌦𑌸𑌂𑌵𑌿𑌤𑍍𑌸𑍍𑌵𑌰𑍂𑌪𑌂 𑌭𑌜𑍇𑌽𑌹𑌮𑍍 ॥ 12 ॥

𑌶𑍍𑌰𑍁𑌤𑍀𑌨𑌾𑌮𑌗𑌮𑍍𑌯𑍇 𑌸𑍁𑌵𑍇𑌦𑌾𑌗𑌮𑌜𑍍𑌞𑌾
𑌮𑌹𑌿𑌮𑍍𑌨𑍋 𑌨 𑌜𑌾𑌨𑌂𑌤𑌿 𑌪𑌾𑌰𑌂 𑌤𑌵𑌾𑌂𑌬 ।
𑌸𑍍𑌤𑍁𑌤𑌿𑌂 𑌕𑌰𑍍𑌤𑍁𑌮𑌿𑌚𑍍𑌛𑌾𑌮𑌿 𑌤𑍇 𑌤𑍍𑌵𑌂 𑌭𑌵𑌾𑌨𑌿
𑌕𑍍𑌷𑌮𑌸𑍍𑌵𑍇𑌦𑌮𑌤𑍍𑌰 𑌪𑍍𑌰𑌮𑍁𑌗𑍍𑌧𑌃 𑌕𑌿𑌲𑌾𑌹𑌮𑍍 ॥ 13 ॥

𑌗𑍁𑌰𑍁𑌸𑍍𑌤𑍍𑌵𑌂 𑌶𑌿𑌵𑌸𑍍𑌤𑍍𑌵𑌂 𑌚 𑌶𑌕𑍍𑌤𑌿𑌸𑍍𑌤𑍍𑌵𑌮𑍇𑌵
𑌤𑍍𑌵𑌮𑍇𑌵𑌾𑌸𑌿 𑌮𑌾𑌤𑌾 𑌪𑌿𑌤𑌾 𑌚 𑌤𑍍𑌵𑌮𑍇𑌵 ।
𑌤𑍍𑌵𑌮𑍇𑌵𑌾𑌸𑌿 𑌵𑌿𑌦𑍍𑌯𑌾 𑌤𑍍𑌵𑌮𑍇𑌵𑌾𑌸𑌿 𑌬𑌂𑌧𑍁-
-𑌰𑍍𑌗𑌤𑌿𑌰𑍍𑌮𑍇 𑌮𑌤𑌿𑌰𑍍𑌦𑍇𑌵𑌿 𑌸𑌰𑍍𑌵𑌂 𑌤𑍍𑌵𑌮𑍇𑌵 ॥ 14 ॥

𑌶𑌰𑌣𑍍𑌯𑍇 𑌵𑌰𑍇𑌣𑍍𑌯𑍇 𑌸𑍁𑌕𑌾𑌰𑍁𑌣𑍍𑌯𑌮𑍂𑌰𑍍𑌤𑍇
𑌹𑌿𑌰𑌣𑍍𑌯𑍋𑌦𑌰𑌾𑌦𑍍𑌯𑍈𑌰𑌗𑌣𑍍𑌯𑍇 𑌸𑍁𑌪𑍁𑌣𑍍𑌯𑍇 ।
𑌭𑌵𑌾𑌰𑌣𑍍𑌯𑌭𑍀𑌤𑍇𑌶𑍍𑌚 𑌮𑌾𑌂 𑌪𑌾𑌹𑌿 𑌭𑌦𑍍𑌰𑍇
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌭𑌵𑌾𑌨𑌿 ॥ 15 ॥

𑌇𑌤𑍀𑌮𑌾𑌂 𑌮𑌹𑌚𑍍𑌛𑍍𑌰𑍀𑌭𑌵𑌾𑌨𑍀𑌭𑍁𑌜𑌂𑌗𑌂
𑌸𑍍𑌤𑍁𑌤𑌿𑌂 𑌯𑌃 𑌪𑌠𑍇𑌦𑍍𑌭𑌕𑍍𑌤𑌿𑌯𑍁𑌕𑍍𑌤𑌶𑍍𑌚 𑌤𑌸𑍍𑌮𑍈 ।
𑌸𑍍𑌵𑌕𑍀𑌯𑌂 𑌪𑌦𑌂 𑌶𑌾𑌶𑍍𑌵𑌤𑌂 𑌵𑍇𑌦𑌸𑌾𑌰𑌂
𑌶𑍍𑌰𑌿𑌯𑌂 𑌚𑌾𑌷𑍍𑌟𑌸𑌿𑌦𑍍𑌧𑌿𑌂 𑌭𑌵𑌾𑌨𑍀 𑌦𑌦𑌾𑌤𑌿 ॥ 16 ॥

𑌭𑌵𑌾𑌨𑍀 𑌭𑌵𑌾𑌨𑍀 𑌭𑌵𑌾𑌨𑍀 𑌤𑍍𑌰𑌿𑌵𑌾𑌰𑌂
𑌉𑌦𑌾𑌰𑌂 𑌮𑍁𑌦𑌾 𑌸𑌰𑍍𑌵𑌦𑌾 𑌯𑍇 𑌜𑌪𑌂𑌤𑌿 ।
𑌨 𑌶𑍋𑌕𑌂 𑌨 𑌮𑍋𑌹𑌂 𑌨 𑌪𑌾𑌪𑌂 𑌨 𑌭𑍀𑌤𑌿𑌃
𑌕𑌦𑌾𑌚𑌿𑌤𑍍𑌕𑌥𑌂𑌚𑌿𑌤𑍍𑌕𑍁𑌤𑌶𑍍𑌚𑌿𑌜𑍍𑌜𑌨𑌾𑌨𑌾𑌮𑍍 ॥ 1𑍭 ॥

॥ 𑌇𑌤𑌿 𑌶𑍍𑌰𑍀𑌮𑌚𑍍𑌛𑌂𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌾 𑌭𑌵𑌾𑌨𑍀 𑌭𑍁𑌜𑌂𑌗𑌂 𑌸𑌂𑌪𑍂𑌰𑍍𑌣𑌮𑍍 ॥

प्रायः पृष्टाः प्रश्नाः

What is 𑌭𑌵𑌾𑌨𑍀 𑌭𑍁𑌜𑌂𑌗 𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌂?

𑌭𑌵𑌾𑌨𑍀 𑌭𑍁𑌜𑌂𑌗 𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌂 is a devotional text available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌭𑌵𑌾𑌨𑍀 𑌭𑍁𑌜𑌂𑌗 𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌂 online?

Yes. The imported text is available directly on this page for online reading and recitation.

Can I download 𑌭𑌵𑌾𑌨𑍀 𑌭𑍁𑌜𑌂𑌗 𑌪𑍍𑌰𑌯𑌾𑌤 𑌸𑍍𑌤𑍋𑌤𑍍𑌰𑌂 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु