𑌬𑌹𑍁𑌰𑍂𑌪 𑌗𑌣𑌪𑌤𑌿 (𑌦𑍍𑌵𑌾𑌤𑍍𑌰𑌿𑌂𑌶𑌦𑍍𑌗𑌣𑌪𑌤𑌿) 𑌧𑍍𑌯𑌾𑌨 𑌶𑍍𑌲𑍋𑌕𑌾𑌃

This Bhakti Granth document is presented in Grantha script, with the original script marks preserved.

1. 𑌶𑍍𑌰𑍀 𑌬𑌾𑌲 𑌗𑌣𑌪𑌤𑌿𑌃
𑌕𑌰𑌸𑍍𑌥 𑌕𑌦𑌲𑍀𑌚𑍂𑌤𑌪𑌨𑌸𑍇𑌕𑍍𑌷𑍁𑌕𑌮𑍋𑌦𑌕𑌮𑍍 ।
𑌬𑌾𑌲𑌸𑍂𑌰𑍍𑌯𑌨𑌿𑌭𑌂 𑌵𑌂𑌦𑍇 𑌦𑍇𑌵𑌂 𑌬𑌾𑌲𑌗𑌣𑌾𑌧𑌿𑌪𑌮𑍍 ॥ 1 ॥

2. 𑌶𑍍𑌰𑍀 𑌤𑌰𑍁𑌣 𑌗𑌣𑌪𑌤𑌿𑌃
𑌪𑌾𑌶𑌾𑌂𑌕𑍁𑌶𑌾𑌪𑍂𑌪𑌕𑌪𑌿𑌤𑍍𑌥𑌜𑌂𑌬𑍂-
-𑌸𑍍𑌵𑌦𑌂𑌤𑌶𑌾𑌲𑍀𑌕𑍍𑌷𑍁𑌮𑌪𑌿 𑌸𑍍𑌵𑌹𑌸𑍍𑌤𑍈𑌃 ।
𑌧𑌤𑍍𑌤𑍇 𑌸𑌦𑌾 𑌯𑌸𑍍𑌤𑌰𑍁𑌣𑌾𑌰𑍁𑌣𑌾𑌭𑌃
𑌪𑌾𑌯𑌾𑌤𑍍 𑌸 𑌯𑍁𑌷𑍍𑌮𑌾𑌂𑌸𑍍𑌤𑌰𑍁𑌣𑍋 𑌗𑌣𑍇𑌶𑌃 ॥ 2 ॥

3. 𑌶𑍍𑌰𑍀 𑌭𑌕𑍍𑌤 𑌗𑌣𑌪𑌤𑌿𑌃
𑌨𑌾𑌰𑌿𑌕𑍇𑌳𑌾𑌮𑍍𑌰𑌕𑌦𑌲𑍀𑌗𑍁𑌡𑌪𑌾𑌯𑌸𑌧𑌾𑌰𑌿𑌣𑌮𑍍 ।
𑌶𑌰𑌚𑍍𑌚𑌂𑌦𑍍𑌰𑌾𑌭𑌵𑌪𑍁𑌷𑌂 𑌭𑌜𑍇 𑌭𑌕𑍍𑌤𑌗𑌣𑌾𑌧𑌿𑌪𑌮𑍍 ॥ 3 ॥

4. 𑌶𑍍𑌰𑍀 𑌵𑍀𑌰 𑌗𑌣𑌪𑌤𑌿𑌃
𑌵𑍇𑌤𑌾𑌲𑌶𑌕𑍍𑌤𑌿𑌶𑌰𑌕𑌾𑌰𑍍𑌮𑍁𑌕𑌚𑌕𑍍𑌰𑌖𑌡𑍍𑌗-
-𑌖𑌟𑍍𑌵𑌾𑌂𑌗𑌮𑍁𑌦𑍍𑌗𑌰𑌗𑌦𑌾𑌂𑌕𑍁𑌶𑌨𑌾𑌗𑌪𑌾𑌶𑌾𑌨𑍍 ।
𑌶𑍂𑌲𑌂 𑌚 𑌕𑍁𑌂𑌤𑌪𑌰𑌶𑍁𑌂 𑌧𑍍𑌵𑌜𑌮𑍁𑌦𑍍𑌵𑌹𑌂𑌤𑌂
𑌵𑍀𑌰𑌂 𑌗𑌣𑍇𑌶𑌮𑌰𑍁𑌣𑌂 𑌸𑌤𑌤𑌂 𑌸𑍍𑌮𑌰𑌾𑌮𑌿 ॥ 4 ॥

5. 𑌶𑍍𑌰𑍀 𑌶𑌕𑍍𑌤𑌿 𑌗𑌣𑌪𑌤𑌿𑌃
𑌆𑌲𑌿𑌂𑌗𑍍𑌯 𑌦𑍇𑌵𑍀𑌂 𑌹𑌰𑌿𑌤𑌾𑌂𑌗𑌯𑌷𑍍𑌟𑌿𑌂
𑌪𑌰𑌸𑍍𑌪𑌰𑌾𑌶𑍍𑌲𑌿𑌷𑍍𑌟𑌕𑌟𑌿𑌪𑍍𑌰𑌦𑍇𑌶𑌮𑍍 ।
𑌸𑌂𑌧𑍍𑌯𑌾𑌰𑍁𑌣𑌂 𑌪𑌾𑌶𑌸𑍃𑌣𑍀 𑌵𑌹𑌂𑌤𑌂
𑌭𑌯𑌾𑌪𑌹𑌂 𑌶𑌕𑍍𑌤𑌿𑌗𑌣𑍇𑌶𑌮𑍀𑌡𑍇 ॥ 5 ॥

6. 𑌶𑍍𑌰𑍀 𑌦𑍍𑌵𑌿𑌜 𑌗𑌣𑌪𑌤𑌿𑌃
𑌯𑌂 𑌪𑍁𑌸𑍍𑌤𑌕𑌾𑌕𑍍𑌷 𑌗𑍁𑌣𑌦𑌂𑌡𑌕𑌮𑌂𑌡𑌲𑍁 𑌶𑍍𑌰𑍀-
-𑌵𑌿𑌦𑍍𑌯𑍋𑌤𑌮𑌾𑌨𑌕𑌰𑌭𑍂𑌷𑌣𑌮𑌿𑌂𑌦𑍁𑌵𑌰𑍍𑌣𑌮𑍍 ।
𑌸𑍍𑌤𑌂𑌬𑍇𑌰𑌮𑌾𑌨𑌨𑌚𑌤𑍁𑌷𑍍𑌟𑌯𑌶𑍋𑌭𑌮𑌾𑌨𑌂
𑌤𑍍𑌵𑌾𑌂 𑌯𑌃 𑌸𑍍𑌮𑌰𑍇𑌤𑍍 𑌦𑍍𑌵𑌿𑌜𑌗𑌣𑌾𑌧𑌿𑌪𑌤𑍇 𑌸 𑌧𑌨𑍍𑌯𑌃 ॥ 6 ॥

𑍭. 𑌶𑍍𑌰𑍀 𑌸𑌿𑌦𑍍𑌧 𑌗𑌣𑌪𑌤𑌿𑌃
𑌪𑌕𑍍𑌵𑌚𑍂𑌤𑌫𑌲𑌪𑍁𑌷𑍍𑌪𑌮𑌂𑌜𑌰𑍀-
-𑌰𑌿𑌕𑍍𑌷𑍁𑌦𑌂𑌡𑌤𑌿𑌲𑌮𑍋𑌦𑌕𑍈𑌃 𑌸𑌹 ।
𑌉𑌦𑍍𑌵𑌹𑌨𑍍 𑌪𑌰𑌶𑍁𑌮𑌸𑍍𑌤𑍁 𑌤𑍇 𑌨𑌮𑌃
𑌶𑍍𑌰𑍀𑌸𑌮𑍃𑌦𑍍𑌧𑌿𑌯𑍁𑌤 𑌹𑍇𑌮𑌪𑌿𑌂𑌗𑌳 ॥ 𑍭 ॥

𑍮. 𑌶𑍍𑌰𑍀 𑌉𑌚𑍍𑌛𑌿𑌷𑍍𑌟 𑌗𑌣𑌪𑌤𑌿𑌃
𑌨𑍀𑌲𑌾𑌬𑍍𑌜𑌦𑌾𑌡𑌿𑌮𑍀𑌵𑍀𑌣𑌾𑌶𑌾𑌲𑍀𑌗𑍁𑌂𑌜𑌾𑌕𑍍𑌷𑌸𑍂𑌤𑍍𑌰𑌕𑌮𑍍 ।
𑌦𑌧𑌦𑍁𑌚𑍍𑌛𑌿𑌷𑍍𑌟𑌨𑌾𑌮𑌾𑌯𑌂 𑌗𑌣𑍇𑌶𑌃 𑌪𑌾𑌤𑍁 𑌮𑍇𑌚𑌕𑌃 ॥ 𑍮 ॥

𑍯. 𑌶𑍍𑌰𑍀 𑌵𑌿𑌘𑍍𑌨 𑌗𑌣𑌪𑌤𑌿𑌃
𑌶𑌂𑌖𑍇𑌕𑍍𑌷𑍁𑌚𑌾𑌪𑌕𑍁𑌸𑍁𑌮𑍇𑌷𑍁𑌕𑍁𑌠𑌾𑌰𑌪𑌾𑌶-
-𑌚𑌕𑍍𑌰𑌸𑍍𑌵𑌦𑌂𑌤𑌸𑍃𑌣𑌿𑌮𑌂𑌜𑌰𑌿𑌕𑌾𑌶𑌰𑌾𑌦𑍍𑌯𑍈𑌃 ।
𑌪𑌾𑌣𑌿𑌶𑍍𑌰𑌿𑌤𑍈𑌃 𑌪𑌰𑌿𑌸𑌮𑍀𑌹𑌿𑌤𑌭𑍂𑌷𑌣𑌶𑍍𑌰𑍀-
-𑌵𑌿𑌘𑍍𑌨𑍇𑌶𑍍𑌵𑌰𑍋 𑌵𑌿𑌜𑌯𑌤𑍇 𑌤𑌪𑌨𑍀𑌯𑌗𑍌𑌰𑌃 ॥ 𑍯 ॥

10. 𑌶𑍍𑌰𑍀 𑌕𑍍𑌷𑌿𑌪𑍍𑌰 𑌗𑌣𑌪𑌤𑌿𑌃
𑌦𑌂𑌤𑌕𑌲𑍍𑌪𑌲𑌤𑌾𑌪𑌾𑌶𑌰𑌤𑍍𑌨𑌕𑍁𑌂𑌭𑌾𑌂𑌕𑍁𑌶𑍋𑌜𑍍𑌜𑍍𑌵𑌲𑌮𑍍 ।
𑌬𑌂𑌧𑍂𑌕𑌕𑌮𑌨𑍀𑌯𑌾𑌭𑌂 𑌧𑍍𑌯𑌾𑌯𑍇𑌤𑍍 𑌕𑍍𑌷𑌿𑌪𑍍𑌰𑌗𑌣𑌾𑌧𑌿𑌪𑌮𑍍 ॥ 10 ॥

11. 𑌶𑍍𑌰𑍀 𑌹𑍇𑌰𑌂𑌬 𑌗𑌣𑌪𑌤𑌿𑌃
𑌅𑌭𑌯𑌵𑌰𑌦𑌹𑌸𑍍𑌤𑌃 𑌪𑌾𑌶𑌦𑌂𑌤𑌾𑌕𑍍𑌷𑌮𑌾𑌲𑌾-
-𑌸𑍃𑌣𑌿𑌪𑌰𑌶𑍁 𑌦𑌧𑌾𑌨𑍋 𑌮𑍁𑌦𑍍𑌗𑌰𑌂 𑌮𑍋𑌦𑌕𑌂 𑌚 ।
𑌫𑌲𑌮𑌧𑌿𑌗𑌤𑌸𑌿𑌂𑌹𑌃 𑌪𑌂𑌚𑌮𑌾𑌤𑌂𑌗𑌵𑌕𑍍𑌤𑍍𑌰𑍋
𑌗𑌣𑌪𑌤𑌿𑌰𑌤𑌿𑌗𑍌𑌰𑌃 𑌪𑌾𑌤𑍁 𑌹𑍇𑌰𑌂𑌬𑌨𑌾𑌮𑌾 ॥ 11 ॥

12. 𑌶𑍍𑌰𑍀 𑌲𑌕𑍍𑌷𑍍𑌮𑍀 𑌗𑌣𑌪𑌤𑌿𑌃
𑌬𑌿𑌭𑍍𑌰𑌾𑌣𑌃 𑌶𑍁𑌕𑌬𑍀𑌜𑌪𑍂𑌰𑌕𑌮𑌿𑌲𑌨𑍍𑌮𑌾𑌣𑌿𑌕𑍍𑌯𑌕𑍁𑌂𑌭𑌾𑌕𑍁𑌶𑌾𑌨𑍍
𑌪𑌾𑌶𑌂 𑌕𑌲𑍍𑌪𑌲𑌤𑌾𑌂 𑌚 𑌖𑌡𑍍𑌗𑌵𑌿𑌲𑌸𑌜𑍍𑌜𑍍𑌯𑍋𑌤𑌿𑌃 𑌸𑍁𑌧𑌾𑌨𑌿𑌰𑍍𑌝𑌰𑌃 ।
𑌶𑍍𑌯𑌾𑌮𑍇𑌨𑌾𑌤𑍍𑌤𑌸𑌰𑍋𑌰𑍁𑌹𑍇𑌣 𑌸𑌹𑌿𑌤𑌂 𑌦𑍇𑌵𑍀𑌦𑍍𑌵𑌯𑌂 𑌚𑌾𑌂𑌤𑌿𑌕𑍇
𑌗𑍌𑌰𑌾𑌂𑌗𑍋 𑌵𑌰𑌦𑌾𑌨𑌹𑌸𑍍𑌤𑌸𑌹𑌿𑌤𑍋 𑌲𑌕𑍍𑌷𑍍𑌮𑍀𑌗𑌣𑍇𑌶𑍋𑌽𑌵𑌤𑌾𑌤𑍍 ॥ 12 ॥

13. 𑌶𑍍𑌰𑍀 𑌮𑌹𑌾 𑌗𑌣𑌪𑌤𑌿𑌃
𑌹𑌸𑍍𑌤𑍀𑌂𑌦𑍍𑌰𑌾𑌨𑌨𑌮𑌿𑌂𑌦𑍁𑌚𑍂𑌡𑌮𑌰𑍁𑌣𑌚𑍍𑌛𑌾𑌯𑌂 𑌤𑍍𑌰𑌿𑌨𑍇𑌤𑍍𑌰𑌂 𑌰𑌸𑌾-
-𑌦𑌾𑌶𑍍𑌲𑌿𑌷𑍍𑌟𑌂 𑌪𑍍𑌰𑌿𑌯𑌯𑌾 𑌸𑌪𑌦𑍍𑌮𑌕𑌰𑌯𑌾 𑌸𑍍𑌵𑌾𑌂𑌕𑌸𑍍𑌥𑌯𑌾 𑌸𑌂𑌤𑌤𑌮𑍍 ।
𑌬𑍀𑌜𑌾𑌪𑍂𑌰𑌗𑌦𑍇𑌕𑍍𑌷𑍁𑌕𑌾𑌰𑍍𑌮𑍁𑌕𑌲𑌸𑌚𑍍𑌚𑌕𑍍𑌰𑌾𑌬𑍍𑌜𑌪𑌾𑌶𑍋𑌤𑍍𑌪𑌲-
-𑌵𑍍𑌰𑍀𑌹𑍍𑌯𑌗𑍍𑌰𑌸𑍍𑌵𑌵𑌿𑌷𑌾𑌣𑌰𑌤𑍍𑌨𑌕𑌲𑌶𑌾𑌨𑍍 𑌹𑌸𑍍𑌤𑍈𑌰𑍍𑌵𑌹𑌂𑌤𑌂 𑌭𑌜𑍇 ॥ 13 ॥

14. 𑌶𑍍𑌰𑍀 𑌵𑌿𑌜𑌯 𑌗𑌣𑌪𑌤𑌿𑌃
𑌪𑌾𑌶𑌾𑌂𑌕𑍁𑌶𑌸𑍍𑌵𑌦𑌂𑌤𑌾𑌮𑍍𑌰𑌫𑌲𑌵𑌾𑌨𑌾𑌖𑍁𑌵𑌾𑌹𑌨𑌃 ।
𑌵𑌿𑌘𑍍𑌨𑌂 𑌨𑌿𑌹𑌂𑌤𑍁 𑌨𑌃 𑌸𑌰𑍍𑌵𑌂 𑌰𑌕𑍍𑌤𑌵𑌰𑍍𑌣𑍋 𑌵𑌿𑌨𑌾𑌯𑌕𑌃 ॥ 14 ॥

15. 𑌶𑍍𑌰𑍀 𑌨𑍃𑌤𑍍𑌤 𑌗𑌣𑌪𑌤𑌿𑌃
𑌪𑌾𑌶𑌾𑌂𑌕𑍁𑌶𑌾𑌪𑍂𑌪𑌕𑍁𑌠𑌾𑌰𑌦𑌂𑌤-
-𑌚𑌂𑌚𑌤𑍍𑌕𑌰𑌾𑌕𑍍𑌲𑍁𑌪𑍍𑌤𑌵𑌰𑌾𑌂𑌗𑍁𑌲𑍀𑌕𑌮𑍍 ।
𑌪𑍀𑌤𑌪𑍍𑌰𑌭𑌂 𑌕𑌲𑍍𑌪𑌤𑌰𑍋𑌰𑌧𑌸𑍍𑌥𑌂
𑌭𑌜𑌾𑌮𑌿 𑌨𑍃𑌤𑍍𑌤𑍋𑌪𑌪𑌦𑌂 𑌗𑌣𑍇𑌶𑌮𑍍 ॥ 15 ॥

16. 𑌶𑍍𑌰𑍀 𑌊𑌰𑍍𑌧𑍍𑌵 𑌗𑌣𑌪𑌤𑌿𑌃
𑌕𑌲𑍍𑌹𑌾𑌰𑌶𑌾𑌲𑌿𑌕𑌮𑌲𑍇𑌕𑍍𑌷𑍁𑌕𑌚𑌾𑌪𑌬𑌾𑌣-
-𑌦𑌂𑌤𑌪𑍍𑌰𑌰𑍋𑌹𑌕𑌗𑌦𑍀 𑌕𑌨𑌕𑍋𑌜𑍍𑌜𑍍𑌵𑌲𑌾𑌂𑌗𑌃 ।
𑌆𑌲𑌿𑌂𑌗𑌨𑍋𑌦𑍍𑌯𑌤𑌕𑌰𑍋 𑌹𑌰𑌿𑌤𑌾𑌂𑌗𑌯𑌷𑍍𑌟𑍍𑌯𑌾
𑌦𑍇𑌵𑍍𑌯𑌾 𑌕𑌰𑍋𑌤𑍁 𑌶𑍁𑌭𑌮𑍂𑌰𑍍𑌧𑍍𑌵𑌗𑌣𑌾𑌧𑌿𑌪𑍋 𑌮𑍇 ॥ 16 ॥

1𑍭. 𑌶𑍍𑌰𑍀 𑌏𑌕𑌾𑌕𑍍𑌷𑌰 𑌗𑌣𑌪𑌤𑌿𑌃
𑌰𑌕𑍍𑌤𑍋 𑌰𑌕𑍍𑌤𑌾𑌂𑌗𑌰𑌾𑌗𑌾𑌂𑌕𑍁𑌶𑌕𑍁𑌸𑍁𑌮𑌯𑍁𑌤𑌸𑍍𑌤𑍁𑌂𑌦𑌿𑌲𑌶𑍍𑌚𑌂𑌦𑍍𑌰𑌮𑍌𑌳𑌿𑌃
𑌨𑍇𑌤𑍍𑌰𑍈𑌰𑍍𑌯𑍁𑌕𑍍𑌤𑌸𑍍𑌤𑍍𑌰𑌿𑌭𑌿𑌰𑍍𑌵𑌾𑌮𑌨𑌕𑌰𑌚𑌰𑌣𑍋 𑌬𑍀𑌜𑌪𑍂𑌰𑌂 𑌦𑌧𑌾𑌨𑌃 ।
𑌹𑌸𑍍𑌤𑌾𑌗𑍍𑌰𑌾𑌕𑍍𑌲𑍁𑌪𑍍𑌤 𑌪𑌾𑌶𑌾𑌂𑌕𑍁𑌶𑌰𑌦𑌵𑌰𑌦𑍋 𑌨𑌾𑌗𑌵𑌕𑍍𑌤𑍍𑌰𑍋𑌽𑌹𑌿𑌭𑍂𑌷𑍋
𑌦𑍇𑌵𑌃 𑌪𑌦𑍍𑌮𑌾𑌸𑌨𑌸𑍍𑌥𑍋 𑌭𑌵𑌤𑍁 𑌸𑍁𑌖𑌕𑌰𑍋 𑌭𑍂𑌤𑌯𑍇 𑌵𑌿𑌘𑍍𑌨𑌰𑌾𑌜𑌃 ॥ 1𑍭 ॥

1𑍮. 𑌶𑍍𑌰𑍀 𑌵𑌰 𑌗𑌣𑌪𑌤𑌿𑌃
𑌸𑌿𑌂𑌦𑍂𑌰𑌾𑌭𑌮𑌿𑌭𑌾𑌨𑌨𑌂 𑌤𑍍𑌰𑌿𑌨𑌯𑌨𑌂 𑌹𑌸𑍍𑌤𑍇 𑌚 𑌪𑌾𑌶𑌾𑌂𑌕𑍁𑌶𑍌
𑌬𑌿𑌭𑍍𑌰𑌾𑌣𑌂 𑌮𑌧𑍁𑌮𑌤𑍍𑌕𑌪𑌾𑌲𑌮𑌨𑌿𑌶𑌂 𑌸𑌾𑌧𑍍𑌵𑌿𑌂𑌦𑍁𑌮𑍌𑌳𑌿𑌂 𑌭𑌜𑍇 ।
𑌪𑍁𑌷𑍍𑌟𑍍𑌯𑌾𑌶𑍍𑌲𑌿𑌷𑍍𑌟𑌤𑌨𑍁𑌂 𑌧𑍍𑌵𑌜𑌾𑌗𑍍𑌰𑌕𑌰𑌯𑌾 𑌪𑌦𑍍𑌮𑍋𑌲𑍍𑌲𑌸𑌦𑍍𑌧𑌸𑍍𑌤𑌯𑌾
𑌤𑌦𑍍𑌯𑍋𑌨𑍍𑌯𑌾𑌹𑌿𑌤 𑌪𑌾𑌣𑌿𑌮𑌾𑌤𑍍𑌤𑌵𑌸𑍁𑌮𑌤𑍍𑌪𑌾𑌤𑍍𑌰𑍋𑌲𑍍𑌲𑌸𑌤𑍍𑌪𑍁𑌷𑍍𑌕𑌰𑌮𑍍 ॥ 1𑍮 ॥

1𑍯. 𑌶𑍍𑌰𑍀 𑌤𑍍𑌰𑍍𑌯𑌕𑍍𑌷𑌰 𑌗𑌣𑌪𑌤𑌿𑌃
𑌗𑌜𑍇𑌂𑌦𑍍𑌰𑌵𑌦𑌨𑌂 𑌸𑌾𑌕𑍍𑌷𑌾𑌚𑍍𑌚𑌲𑌤𑍍𑌕𑌰𑍍𑌣𑌸𑍁𑌚𑌾𑌮𑌰𑌂
𑌹𑍇𑌮𑌵𑌰𑍍𑌣𑌂 𑌚𑌤𑍁𑌰𑍍𑌬𑌾𑌹𑍁𑌂 𑌪𑌾𑌶𑌾𑌂𑌕𑍁𑌶𑌧𑌰𑌂 𑌵𑌰𑌮𑍍 ।
𑌸𑍍𑌵𑌦𑌂𑌤𑌂 𑌦𑌕𑍍𑌷𑌿𑌣𑍇 𑌹𑌸𑍍𑌤𑍇 𑌸𑌵𑍍𑌯𑍇 𑌤𑍍𑌵𑌾𑌮𑍍𑌰𑌪𑌲𑌂 𑌤𑌥𑌾
𑌪𑍁𑌷𑍍𑌕𑌰𑍈𑌰𑍍𑌮𑍋𑌦𑌕𑌂 𑌚𑍈𑌵 𑌧𑌾𑌰𑌯𑌂𑌤𑌮𑌨𑍁𑌸𑍍𑌮𑌰𑍇𑌤𑍍 ॥ 1𑍯 ॥

20. 𑌶𑍍𑌰𑍀 𑌕𑍍𑌷𑌿𑌪𑍍𑌰𑌪𑍍𑌰𑌸𑌾𑌦 𑌗𑌣𑌪𑌤𑌿𑌃
𑌧𑍃𑌤𑌪𑌾𑌶𑌾𑌂𑌕𑍁𑌶𑌕𑌲𑍍𑌪𑌲𑌤𑌾 𑌸𑍍𑌵𑌰𑌦𑌶𑍍𑌚 𑌬𑍀𑌜𑌪𑍂𑌰𑌯𑍁𑌤𑌃
𑌶𑌶𑌿𑌶𑌕𑌲𑌕𑌲𑌿𑌤𑌮𑍌𑌳𑌿𑌸𑍍𑌤𑍍𑌰𑌿𑌲𑍋𑌚𑌨𑍋𑌽𑌰𑍁𑌣𑌶𑍍𑌚 𑌗𑌜𑌵𑌦𑌨𑌃 ।
𑌭𑌾𑌸𑍁𑌰𑌭𑍂𑌷𑌣𑌦𑍀𑌪𑍍𑌤𑍋 𑌬𑍃𑌹𑌦𑍁𑌦𑌰𑌃 𑌪𑌦𑍍𑌮𑌵𑌿𑌷𑍍𑌟𑌰𑍋𑌲𑍍𑌲𑌸𑌿𑌤𑌃
𑌵𑌿𑌘𑍍𑌨𑌪𑌯𑍋𑌧𑌰𑌪𑌵𑌨𑌃 𑌕𑌰𑌧𑍃𑌤𑌕𑌮𑌲𑌃 𑌸𑌦𑌾𑌸𑍍𑌤𑍁 𑌮𑍇 𑌭𑍂𑌤𑍍𑌯𑍈 ॥ 20 ॥

21. 𑌶𑍍𑌰𑍀 𑌹𑌰𑌿𑌦𑍍𑌰𑌾 𑌗𑌣𑌪𑌤𑌿𑌃
𑌹𑌰𑌿𑌦𑍍𑌰𑌾𑌭𑌂 𑌚𑌤𑍁𑌰𑍍𑌬𑌾𑌹𑍁𑌂 𑌕𑌰𑍀𑌂𑌦𑍍𑌰𑌵𑌦𑌨𑌂 𑌪𑍍𑌰𑌭𑍁𑌮𑍍 ।
𑌪𑌾𑌶𑌾𑌂𑌕𑍁𑌶𑌧𑌰𑌂 𑌦𑍇𑌵𑌂 𑌮𑍋𑌦𑌕𑌂 𑌦𑌂𑌤𑌮𑍇𑌵 𑌚 ।
𑌭𑌕𑍍𑌤𑌾𑌭𑌯𑌪𑍍𑌰𑌦𑌾𑌤𑌾𑌰𑌂 𑌵𑌂𑌦𑍇 𑌵𑌿𑌘𑍍𑌨𑌵𑌿𑌨𑌾𑌶𑌨𑌮𑍍 ॥ 21 ॥

22. 𑌶𑍍𑌰𑍀 𑌏𑌕𑌦𑌂𑌤 𑌗𑌣𑌪𑌤𑌿𑌃
𑌲𑌂𑌬𑍋𑌦𑌰𑌂 𑌶𑍍𑌯𑌾𑌮𑌤𑌨𑍁𑌂 𑌗𑌣𑍇𑌶𑌂
𑌕𑍁𑌠𑌾𑌰𑌮𑌕𑍍𑌷𑌸𑍍𑌰𑌜𑌮𑍂𑌰𑍍𑌧𑍍𑌵𑌗𑌾𑌤𑍍𑌰𑌮𑍍 ।
𑌸𑌲𑌡𑍍𑌡𑍁𑌕𑌂 𑌦𑌂𑌤𑌮𑌧𑌃 𑌕𑌰𑌾𑌭𑍍𑌯𑌾𑌂
𑌵𑌾𑌮𑍇𑌤𑌰𑌾𑌭𑍍𑌯𑌾𑌂 𑌚 𑌦𑌧𑌾𑌨𑌮𑍀𑌡𑍇 ॥ 22 ॥

23. 𑌶𑍍𑌰𑍀 𑌸𑍃𑌷𑍍𑌟𑌿 𑌗𑌣𑌪𑌤𑌿𑌃
𑌪𑌾𑌶𑌾𑌂𑌕𑍁𑌶𑌸𑍍𑌵𑌦𑌂𑌤𑌾𑌮𑍍𑌰𑌫𑌲𑌵𑌾𑌨𑌾𑌖𑍁𑌵𑌾𑌹𑌨𑌃 ।
𑌵𑌿𑌘𑍍𑌨𑌂 𑌨𑌿𑌹𑌂𑌤𑍁 𑌨𑌃 𑌶𑍋𑌣𑌃 𑌸𑍃𑌷𑍍𑌟𑌿𑌦𑌕𑍍𑌷𑍋 𑌵𑌿𑌨𑌾𑌯𑌕𑌃 ॥ 23 ॥

24. 𑌶𑍍𑌰𑍀 𑌉𑌦𑍍𑌦𑌂𑌡 𑌗𑌣𑌪𑌤𑌿𑌃
𑌕𑌲𑍍𑌹𑌾𑌰𑌾𑌂𑌬𑍁𑌜𑌬𑍀𑌜𑌪𑍂𑌰𑌕𑌗𑌦𑌾𑌦𑌂𑌤𑍇𑌕𑍍𑌷𑍁𑌚𑌾𑌪𑌂 𑌸𑍁𑌮𑌂
𑌬𑌿𑌭𑍍𑌰𑌾𑌣𑍋 𑌮𑌣𑌿𑌕𑍁𑌂𑌭𑌶𑌾𑌲𑌿𑌕𑌲𑌶𑍌 𑌪𑌾𑌶𑌂 𑌸𑍃𑌣𑌿𑌂 𑌚𑌾𑌬𑍍𑌜𑌕𑌮𑍍 ।
𑌗𑍌𑌰𑌾𑌂𑌗𑍍𑌯𑌾 𑌰𑍁𑌚𑌿𑌰𑌾𑌰𑌵𑌿𑌂𑌦𑌕𑌰𑌯𑌾 𑌦𑍇𑌵𑍍𑌯𑌾 𑌸𑌮𑌾𑌲𑌿𑌂𑌗𑌤𑌃
𑌶𑍋𑌣𑌾𑌂𑌗𑌃 𑌶𑍁𑌭𑌮𑌾𑌤𑌨𑍋𑌤𑍁 𑌭𑌜𑌤𑌾𑌮𑍁𑌦𑍍𑌦𑌂𑌡𑌵𑌿𑌘𑍍𑌨𑍇𑌶𑍍𑌵𑌰𑌃 ॥ 24 ॥

25. 𑌶𑍍𑌰𑍀 𑌋𑌣𑌮𑍋𑌚𑌕 𑌗𑌣𑌪𑌤𑌿𑌃
𑌪𑌾𑌶𑌾𑌂𑌕𑍁𑌶𑍌 𑌦𑌂𑌤𑌜𑌂𑌬𑍁 𑌦𑌧𑌾𑌨𑌃 𑌸𑍍𑌫𑌾𑌟𑌿𑌕𑌪𑍍𑌰𑌭𑌃 ।
𑌰𑌕𑍍𑌤𑌾𑌂𑌶𑍁𑌕𑍋 𑌗𑌣𑌪𑌤𑌿𑌰𑍍𑌮𑍁𑌦𑍇 𑌸𑍍𑌯𑌾𑌦𑍃𑌣𑌮𑍋𑌚𑌕𑌃 ॥ 25 ॥

26. 𑌶𑍍𑌰𑍀 𑌢𑍁𑌂𑌢𑌿 𑌗𑌣𑌪𑌤𑌿𑌃
𑌅𑌕𑍍𑌷𑌮𑌾𑌲𑌾𑌂 𑌕𑍁𑌠𑌾𑌰𑌂 𑌚 𑌰𑌤𑍍𑌨𑌪𑌾𑌤𑍍𑌰𑌂 𑌸𑍍𑌵𑌦𑌂𑌤𑌕𑌮𑍍 ।
𑌧𑌤𑍍𑌤𑍇 𑌕𑌰𑍈𑌰𑍍𑌵𑌿𑌘𑍍𑌨𑌰𑌾𑌜𑍋 𑌢𑍁𑌂𑌢𑌿𑌨𑌾𑌮𑌾 𑌮𑍁𑌦𑍇𑌽𑌸𑍍𑌤𑍁 𑌨𑌃 ॥ 26 ॥

2𑍭. 𑌶𑍍𑌰𑍀 𑌦𑍍𑌵𑌿𑌮𑍁𑌖 𑌗𑌣𑌪𑌤𑌿𑌃
𑌸𑍍𑌵𑌦𑌂𑌤𑌪𑌾𑌶𑌾𑌂𑌕𑍁𑌶𑌰𑌤𑍍𑌨𑌪𑌾𑌤𑍍𑌰𑌂
𑌕𑌰𑍈𑌰𑍍𑌦𑌧𑌾𑌨𑍋 𑌹𑌰𑌿𑌨𑍀𑌲𑌗𑌾𑌤𑍍𑌰𑌃 ।
𑌰𑌕𑍍𑌤𑌾𑌂𑌶𑍁𑌕𑍋 𑌰𑌤𑍍𑌨𑌕𑌿𑌰𑍀𑌟𑌮𑌾𑌲𑍀
𑌭𑍂𑌤𑍍𑌯𑍈 𑌸𑌦𑌾 𑌮𑍇 𑌦𑍍𑌵𑌿𑌮𑍁𑌖𑍋 𑌗𑌣𑍇𑌶𑌃 ॥ 2𑍭 ॥

2𑍮. 𑌶𑍍𑌰𑍀 𑌤𑍍𑌰𑌿𑌮𑍁𑌖 𑌗𑌣𑌪𑌤𑌿𑌃
𑌶𑍍𑌰𑍀𑌮𑌤𑍍𑌤𑍀𑌕𑍍𑌷𑍍𑌣𑌶𑌿𑌖𑌾𑌂𑌕𑍁𑌶𑌾𑌕𑍍𑌷𑌵𑌰𑌦𑌾𑌨𑍍 𑌦𑌕𑍍𑌷𑍇 𑌦𑌧𑌾𑌨𑌃 𑌕𑌰𑍈𑌃
𑌪𑌾𑌶𑌂 𑌚𑌾𑌮𑍃𑌤𑌪𑍂𑌰𑍍𑌣𑌕𑍁𑌂𑌭𑌮𑌭𑌯𑌂 𑌵𑌾𑌮𑍇 𑌦𑌧𑌾𑌨𑍋 𑌮𑍁𑌦𑌾 ।
𑌪𑍀𑌠𑍇 𑌸𑍍𑌵𑌰𑍍𑌣𑌮𑌯𑌾𑌰𑌵𑌿𑌂𑌦𑌵𑌿𑌲𑌸𑌤𑍍𑌸𑌤𑍍𑌕𑌰𑍍𑌣𑌿𑌕𑌾𑌭𑌾𑌸𑍁𑌰𑍇
𑌸𑍍𑌵𑌾𑌸𑍀𑌨𑌸𑍍𑌤𑍍𑌰𑌿𑌮𑍁𑌖𑌃 𑌪𑌲𑌾𑌶𑌰𑍁𑌚𑌿𑌰𑍋 𑌨𑌾𑌗𑌾𑌨𑌨𑌃 𑌪𑌾𑌤𑍁 𑌨𑌃 ॥ 2𑍮 ॥

2𑍯. 𑌶𑍍𑌰𑍀 𑌸𑌿𑌂𑌹 𑌗𑌣𑌪𑌤𑌿𑌃
𑌵𑍀𑌣𑌾𑌂 𑌕𑌲𑍍𑌪𑌲𑌤𑌾𑌮𑌰𑌿𑌂 𑌚 𑌵𑌰𑌦𑌂 𑌦𑌕𑍍𑌷𑍇 𑌵𑌿𑌦𑌤𑍍𑌤𑍇 𑌕𑌰𑍈-
-𑌰𑍍𑌵𑌾𑌮𑍇 𑌤𑌾𑌮𑌰𑌸𑌂 𑌚 𑌰𑌤𑍍𑌨𑌕𑌲𑌶𑌂 𑌸𑌨𑍍𑌮𑌂𑌜𑌰𑍀𑌂 𑌚𑌾𑌭𑌯𑌮𑍍 ।
𑌶𑍁𑌂𑌡𑌾𑌦𑌂𑌡𑌲𑌸𑌨𑍍𑌮𑍃𑌗𑍇𑌂𑌦𑍍𑌰𑌵𑌦𑌨𑌃 𑌶𑌂𑌖𑍇𑌂𑌦𑍁𑌗𑍌𑌰𑌃 𑌶𑍁𑌭𑍋
𑌦𑍀𑌵𑍍𑌯𑌦𑍍𑌰𑌤𑍍𑌨𑌨𑌿𑌭𑌾𑌂𑌶𑍁𑌕𑍋 𑌗𑌣𑌪𑌤𑌿𑌃 𑌪𑌾𑌯𑌾𑌦𑌪𑌾𑌯𑌤𑍍 𑌸 𑌨𑌃 ॥ 2𑍯 ॥

30. 𑌶𑍍𑌰𑍀 𑌯𑍋𑌗 𑌗𑌣𑌪𑌤𑌿𑌃
𑌯𑍋𑌗𑌾𑌰𑍂𑌢𑍋 𑌯𑍋𑌗𑌪𑌟𑍍𑌟𑌾𑌭𑌿𑌰𑌾𑌮𑍋
𑌬𑌾𑌲𑌾𑌰𑍍𑌕𑌾𑌭𑌶𑍍𑌚𑍇𑌂𑌦𑍍𑌰𑌨𑍀𑌲𑌾𑌂𑌶𑍁𑌕𑌾𑌢𑍍𑌯𑌃 ।
𑌪𑌾𑌶𑍇𑌕𑍍𑌷𑍍𑌵𑌕𑍍𑌷𑌾𑌨𑍍 𑌯𑍋𑌗𑌦𑌂𑌡𑌂 𑌦𑌧𑌾𑌨𑍋
𑌪𑌾𑌯𑌾𑌨𑍍𑌨𑌿𑌤𑍍𑌯𑌂 𑌯𑍋𑌗𑌵𑌿𑌘𑍍𑌨𑍇𑌶𑍍𑌵𑌰𑍋 𑌨𑌃 ॥ 30 ॥

31. 𑌶𑍍𑌰𑍀 𑌦𑍁𑌰𑍍𑌗𑌾 𑌗𑌣𑌪𑌤𑌿𑌃
𑌤𑌪𑍍𑌤𑌕𑌾𑌂𑌚𑌨𑌸𑌂𑌕𑌾𑌶𑌶𑍍𑌚𑌾𑌷𑍍𑌟𑌹𑌸𑍍𑌤𑍋 𑌮𑌹𑌤𑍍𑌤𑌨𑍁𑌃
𑌦𑍀𑌪𑍍𑌤𑌾𑌂𑌕𑍁𑌶𑌂 𑌶𑌰𑌂 𑌚𑌾𑌕𑍍𑌷𑌂 𑌦𑌂𑌤𑍁 𑌦𑌕𑍍𑌷𑍇 𑌵𑌹𑌨𑍍 𑌕𑌰𑍈𑌃 ।
𑌵𑌾𑌮𑍇 𑌪𑌾𑌶𑌂 𑌕𑌾𑌰𑍍𑌮𑍁𑌕𑌂 𑌚 𑌲𑌤𑌾𑌂 𑌜𑌂𑌬𑍁 𑌦𑌧𑌤𑍍𑌕𑌰𑍈𑌃
𑌰𑌕𑍍𑌤𑌾𑌂𑌶𑍁𑌕𑌃 𑌸𑌦𑌾 𑌭𑍂𑌯𑌾𑌦𑍍𑌦𑍁𑌰𑍍𑌗𑌾𑌗𑌣𑌪𑌤𑌿𑌰𑍍𑌮𑍁𑌦𑍇 ॥ 31 ॥

32. 𑌶𑍍𑌰𑍀 𑌸𑌂𑌕𑌷𑍍𑌟𑌹𑌰 𑌗𑌣𑌪𑌤𑌿𑌃
𑌬𑌾𑌲𑌾𑌰𑍍𑌕𑌾𑌰𑍁𑌣𑌕𑌾𑌂𑌤𑌿𑌰𑍍𑌵𑌾𑌮𑍇 𑌬𑌾𑌲𑌾𑌂 𑌵𑌹𑌨𑍍𑌨𑌂𑌕𑍇
𑌲𑌸𑌦𑌿𑌂𑌦𑍀𑌵𑌰𑌹𑌸𑍍𑌤𑌾𑌂 𑌗𑍌𑌰𑌾𑌂𑌗𑍀𑌂 𑌰𑌤𑍍𑌨𑌶𑍋𑌭𑌾𑌢𑍍𑌯𑌾𑌮𑍍 ।
𑌦𑌕𑍍𑌷𑍇𑌽𑌂𑌕𑍁𑌶𑌵𑌰𑌦𑌾𑌨𑌂 𑌵𑌾𑌮𑍇 𑌪𑌾𑌶𑌂 𑌚 𑌪𑌾𑌯𑌸𑌂 𑌪𑌾𑌤𑍍𑌰𑌂
𑌨𑍀𑌲𑌾𑌂𑌶𑍁𑌕𑌲𑌸𑌮𑌾𑌨𑌃 𑌪𑍀𑌠𑍇 𑌪𑌦𑍍𑌮𑌾𑌰𑍁𑌣𑍇 𑌤𑌿𑌷𑍍𑌠𑌨𑍍 ॥ 32 ॥
𑌸𑌂𑌕𑌟𑌹𑌰𑌣𑌃 𑌪𑌾𑌯𑌾𑌤𑍍 𑌸𑌂𑌕𑌟𑌪𑍂𑌗𑌾𑌦𑍍𑌗𑌜𑌾𑌨𑌨𑍋 𑌨𑌿𑌤𑍍𑌯𑌮𑍍 ।

𑌶𑍍𑌰𑍀 𑌵𑌲𑍍𑌲𑌭 𑌗𑌣𑌪𑌤𑌿
𑌬𑍀𑌜𑌾𑌪𑍂𑌰 𑌗𑌦𑍇𑌕𑍍𑌷𑍁𑌕𑌾𑌰𑍍𑌮𑍁𑌕𑌭𑍁𑌜𑌾𑌚𑌕𑍍𑌰𑌾𑌬𑍍𑌜 𑌪𑌾𑌶𑍋𑌤𑍍𑌪𑌲
𑌵𑍍𑌰𑍀𑌹𑍍𑌯𑌗𑍍𑌰𑌸𑍍𑌵𑌵𑌿𑌷𑌾𑌣 𑌰𑌤𑍍𑌨𑌕𑌲𑌶 𑌪𑍍𑌰𑍋𑌦𑍍𑌯𑌤𑍍𑌕𑌰𑌾𑌂𑌭𑍋𑌰𑍁𑌹𑌃 ।
𑌧𑍍𑌯𑍇𑌯𑍋 𑌵𑌲𑍍𑌲𑌭𑌯𑌾 𑌚 𑌪𑌦𑍍𑌮𑌕𑌰𑌯𑌾𑌶𑍍𑌲𑌿𑌷𑍍𑌟𑍋 𑌜𑍍𑌵𑌲𑌦𑍍𑌭𑍂𑌷𑌯𑌾
𑌵𑌿𑌶𑍍𑌵𑍋𑌤𑍍𑌪𑌤𑍍𑌤𑌿𑌵𑌿𑌨𑌾𑌶𑌸𑌂𑌸𑍍𑌥𑌿𑌤𑌿𑌕𑌰𑍋 𑌵𑌿𑌘𑍍𑌨𑍋 𑌵𑌿𑌶𑌿𑌷𑍍𑌟𑌾𑌰𑍍𑌥𑌦𑌃 ॥

𑌶𑍍𑌰𑍀 𑌸𑌿𑌦𑍍𑌧𑌿𑌦𑍇𑌵𑍀
𑌪𑍀𑌤𑌵𑌰𑍍𑌣𑌾𑌂 𑌦𑍍𑌵𑌿𑌨𑍇𑌤𑍍𑌰𑌾𑌂 𑌤𑌾𑌮𑍇𑌕𑌵𑌕𑍍𑌤𑍍𑌰𑌾𑌂𑌬𑍁𑌜𑌦𑍍𑌵𑌯𑌾𑌂
𑌨𑌵𑌰𑌤𑍍𑌨𑌕𑌿𑌰𑍀𑌟𑌾𑌂 𑌚 𑌪𑍀𑌤𑌾𑌂𑌬𑌰𑌸𑍁𑌧𑌾𑌰𑌿𑌣𑍀𑌮𑍍 ।
𑌵𑌾𑌮𑌹𑌸𑍍𑌤𑍇 𑌮𑌹𑌾𑌪𑌦𑍍𑌮𑌂 𑌦𑌕𑍍𑌷𑍇 𑌲𑌂𑌬𑌕𑌰𑌾𑌨𑍍𑌵𑌿𑌤𑌾𑌂
𑌜𑌾𑌜𑍀𑌚𑌂𑌪𑌕𑌮𑌾𑌲𑌾𑌂 𑌚 𑌤𑍍𑌰𑌿𑌭𑌂𑌗𑍀𑌂 𑌲𑌲𑌿𑌤𑌾𑌂𑌗𑌿𑌕𑌾𑌮𑍍 ॥
𑌗𑌣𑍇𑌶𑌦𑌕𑍍𑌷𑌿𑌣𑍇 𑌭𑌾𑌗𑍇 𑌗𑍁𑌰𑍁𑌃 𑌸𑌿𑌦𑍍𑌧𑌿𑌂 𑌤𑍁 𑌭𑌾𑌵𑌯𑍇𑌤𑍍 ॥

𑌶𑍍𑌰𑍀 𑌬𑍁𑌦𑍍𑌧𑌿𑌦𑍇𑌵𑍀
𑌦𑍍𑌵𑌿𑌹𑌸𑍍𑌤𑌾𑌂 𑌚 𑌦𑍍𑌵𑌿𑌨𑍇𑌤𑍍𑌰𑌾𑌂 𑌤𑌾𑌮𑍇𑌕𑌵𑌕𑍍𑌤𑍍𑌰𑌾𑌂 𑌤𑍍𑌰𑌿𑌭𑌂𑌗𑌿𑌕𑌾𑌂
𑌮𑍁𑌕𑍍𑌤𑌾𑌮𑌣𑌿𑌕𑌿𑌰𑍀𑌟𑌾𑌂 𑌚 𑌦𑌕𑍍𑌷𑍇 𑌹𑌸𑍍𑌤𑍇 𑌮𑌹𑍋𑌤𑍍𑌪𑌲𑌮𑍍 ।
𑌵𑌾𑌮𑍇 𑌪𑍍𑌰𑌲𑌂𑌬𑌹𑌸𑍍𑌤𑌾𑌂 𑌚 𑌦𑌿𑌵𑍍𑌯𑌾𑌂𑌬𑌰𑌸𑍁𑌧𑌾𑌰𑌿𑌣𑍀𑌂
𑌶𑍍𑌯𑌾𑌮𑌵𑌰𑍍𑌣𑌨𑌿𑌭𑌾𑌂 𑌭𑌾𑌸𑍍𑌵𑌤𑍍𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑌾𑌮𑍍 ॥
𑌪𑌾𑌰𑌿𑌜𑌾𑌤𑍋𑌤𑍍𑌪𑌲𑌾𑌮𑌾𑌲𑍍𑌯𑌾𑌂 𑌗𑌣𑍇𑌶𑍋 𑌵𑌾𑌮𑌪𑌾𑌰𑍍𑌶𑍍𑌵𑌕𑍇
𑌧𑍍𑌯𑌾𑌤𑍍𑌵𑌾 𑌬𑍁𑌦𑍍𑌧𑌿𑌂 𑌸𑍁𑌰𑍂𑌪𑌾𑌂 𑌸𑌮𑌰𑍍𑌚𑌯𑍇𑌦𑍍𑌦𑍇𑌶𑌿𑌕𑍋𑌤𑍍𑌤𑌮𑌃 ॥

प्रायः पृष्टाः प्रश्नाः

What is 𑌬𑌹𑍁𑌰𑍂𑌪 𑌗𑌣𑌪𑌤𑌿 (𑌦𑍍𑌵𑌾𑌤𑍍𑌰𑌿𑌂𑌶𑌦𑍍𑌗𑌣𑌪𑌤𑌿) 𑌧𑍍𑌯𑌾𑌨 𑌶𑍍𑌲𑍋𑌕𑌾𑌃?

𑌬𑌹𑍁𑌰𑍂𑌪 𑌗𑌣𑌪𑌤𑌿 (𑌦𑍍𑌵𑌾𑌤𑍍𑌰𑌿𑌂𑌶𑌦𑍍𑌗𑌣𑌪𑌤𑌿) 𑌧𑍍𑌯𑌾𑌨 𑌶𑍍𑌲𑍋𑌕𑌾𑌃 is a Ganesha Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌬𑌹𑍁𑌰𑍂𑌪 𑌗𑌣𑌪𑌤𑌿 (𑌦𑍍𑌵𑌾𑌤𑍍𑌰𑌿𑌂𑌶𑌦𑍍𑌗𑌣𑌪𑌤𑌿) 𑌧𑍍𑌯𑌾𑌨 𑌶𑍍𑌲𑍋𑌕𑌾𑌃 online?

Yes. The imported text is available directly on this page for online reading and recitation.

Can I download 𑌬𑌹𑍁𑌰𑍂𑌪 𑌗𑌣𑌪𑌤𑌿 (𑌦𑍍𑌵𑌾𑌤𑍍𑌰𑌿𑌂𑌶𑌦𑍍𑌗𑌣𑌪𑌤𑌿) 𑌧𑍍𑌯𑌾𑌨 𑌶𑍍𑌲𑍋𑌕𑌾𑌃 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु