Sri Venkateswara Mangalashtakam
śrīkṣōṇyau ramaṇīyugaṃ suramaṇīputrō’pi vāṇīpatiḥ
pautraśchandraśirōmaṇiḥ phaṇipatiḥ śayyā surāḥ sēvakāḥ ।
tārkṣyō yasya rathō mahaścha bhavanaṃ brahmāṇḍamādyaḥ pumān
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 1 ॥
yattējō ravikōṭikōṭikiraṇān dhikkṛtya jējīyatē
yasya śrīvadanāmbujasya suṣamā rākēndukōṭīrapi ।
saundaryaṃ cha manōbhavānapi bahūn kāntiścha kādambinīṃ
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 2 ॥
nānāratna kirīṭakuṇḍalamukhairbhūṣāgaṇairbhūṣitaḥ
śrīmatkaustubharatna bhavyahṛdayaḥ śrīvatsasallāñChanaḥ ।
vidyudvarṇasuvarṇavastraruchirō yaḥ śaṅkhachakrādibhiḥ
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 3 ॥
yatphālē mṛganābhichārutilakō nētrē’bjapatrāyatē
kastūrīghanasārakēsaramilachChrīgandhasārō dravaiḥ ।
gandhairliptatanuḥ sugandhasumanōmālādharō yaḥ prabhuḥ
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 4 ॥
ētaddivyapadaṃ mamāsti bhuvi tatsampaśyatētyādarā-
-dbhaktēbhyaḥ svakarēṇa darśayati yaddṛṣṭyā’tisaukhyaṃ gataḥ ।
ētadbhaktimatō mahānapi bhavāmbhōdhirnadīti spṛśan
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 5 ॥
yaḥ svāmī sarasastaṭē viharatō śrīsvāmināmnaḥ sadā
sauvarṇālayamandirō vidhimukhairbarhirmukhaiḥ sēvitaḥ ।
yaḥ śatrūn hanayan nijānavati cha śrībhūvarāhātmakaḥ
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 6 ॥
yō brahmādisurān munīṃścha manujān brahmōtsavāyāgatān
dṛṣṭvā hṛṣṭamanā babhūva bahuśastairarchitaḥ saṃstutaḥ ।
tēbhyō yaḥ pradadādvarān bahuvidhān lakṣmīnivāsō vibhuḥ
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 7 ॥
yō dēvō bhuvi vartatē kaliyugē vaikuṇṭhalōkasthitō
bhaktānāṃ paripālanāya satataṃ kāruṇyavārāṃ nidhiḥ ।
śrīśēṣākhyamahīndhramastakamaṇirbhaktaikachintāmaṇiḥ
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 8 ॥
śēṣādriprabhumaṅgaḻāṣṭakamidaṃ tuṣṭēna yasyēśituḥ
prītyarthaṃ rachitaṃ ramēśacharaṇadvandvaikaniṣṭhāvatā ।
vaivāhyādiśubhakriyāsu paṭhitaṃ yaiḥ sādhu tēṣāmapi
śrīmadvēṅkaṭabhūdharēndraramaṇaḥ kuryāddharirmaṅgaḻam ॥ 9 ॥
iti śrī vēṅkaṭēśa maṅgaḻāṣṭakam ।
FAQs
What is Sri Venkateswara Mangalashtakam?
Sri Venkateswara Mangalashtakam is a Vishnu Stotrams available on Bhakti Granth in the selected language or script.
Which language or script is this version in?
This edition is published in English. Use the language selector to view another available edition.
Can I read Sri Venkateswara Mangalashtakam online?
Yes. The imported text is available directly on this page for online reading and recitation.
Can I download Sri Venkateswara Mangalashtakam as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.