Sri Shashti Devi Stotram

dhyānam
śrīmanmātaramambikāṃ vidhimanōjātāṃ sadābhīṣṭadāṃ
skandēṣṭāṃ cha jagatprasūṃ vijayadāṃ satputra saubhāgyadām ।
sadratnābharaṇānvitāṃ sakaruṇāṃ śubhrāṃ śubhāṃ suprabhāṃ
ṣaṣṭhāṃśāṃ prakṛtēḥ paraṃ bhagavatīṃ śrīdēvasēnāṃ bhajē ॥ 1 ॥

ṣaṣṭhāṃśāṃ prakṛtēḥ śuddhāṃ supratiṣṭhāṃ cha suvratāṃ
suputradāṃ cha śubhadāṃ dayārūpāṃ jagatprasūm ।
śvētachampakavarṇābhāṃ raktabhūṣaṇabhūṣitāṃ
pavitrarūpāṃ paramaṃ dēvasēnā parāṃ bhajē ॥ 2 ॥

stōtram
namō dēvyai mahādēvyai siddhyai śāntyai namō namaḥ ।
śubhāyai dēvasēnāyai ṣaṣṭhīdēvyai namō namaḥ ॥ 1 ॥

varadāyai putradāyai dhanadāyai namō namaḥ ।
sukhadāyai mōkṣadāyai ṣaṣṭhīdēvyai namō namaḥ ॥ 2 ॥

sṛṣṭyai ṣaṣṭhāṃśarūpāyai siddhāyai cha namō namaḥ ।
māyāyai siddhayōginyai ṣaṣṭhīdēvyai namō namaḥ ॥ 3 ॥

sārāyai śāradāyai cha parādēvyai namō namaḥ ।
bālādhiṣṭātṛdēvyai cha ṣaṣṭhīdēvyai namō namaḥ ॥ 4 ॥

kaḻyāṇadāyai kaḻyāṇyai phaladāyai cha karmaṇām ।
pratyakṣāyai sarvabhaktānāṃ ṣaṣṭhīdēvyai namō namaḥ ॥ 5 ॥

pūjyāyai skandakāntāyai sarvēṣāṃ sarvakarmasu ।
dēvarakṣaṇakāriṇyai ṣaṣṭhīdēvyai namō namaḥ ॥ 6 ॥

śuddhasattvasvarūpāyai vanditāyai nṛṇāṃ sadā ।
hiṃsākrōdhavarjitāyai ṣaṣṭhīdēvyai namō namaḥ ॥ 7 ॥

dhanaṃ dēhi priyāṃ dēhi putraṃ dēhi surēśvari ।
mānaṃ dēhi jayaṃ dēhi dviṣō jahi mahēśvari ॥ 8 ॥

dharmaṃ dēhi yaśō dēhi ṣaṣṭhīdēvī namō namaḥ ।
dēhi bhūmiṃ prajāṃ dēhi vidyāṃ dēhi supūjitē ।
kaḻyāṇaṃ cha jayaṃ dēhi ṣaṣṭhīdēvyai namō namaḥ ॥ 9 ॥

phalaśṛti
iti dēvīṃ cha saṃstutya labhētputraṃ priyavratam ।
yaśaśvinaṃ cha rājēndraṃ ṣaṣṭhīdēvi prasādataḥ ॥ 10 ॥

ṣaṣṭhīstōtramidaṃ brahmān yaḥ śṛṇōti tu vatsaram ।
aputrō labhatē putraṃ varaṃ suchira jīvanam ॥ 11 ॥

varṣamēkaṃ cha yā bhaktyā saṃstutyēdaṃ śṛṇōti cha ।
sarvapāpādvinirmuktā mahāvandhyā prasūyatē ॥ 12 ॥

vīraṃ putraṃ cha guṇinaṃ vidyāvantaṃ yaśasvinam ।
suchirāyuṣyavantaṃ cha sūtē dēvi prasādataḥ ॥ 13 ॥

kākavandhyā cha yā nārī mṛtavatsā cha yā bhavēt ।
varṣaṃ śṛtvā labhētputraṃ ṣaṣṭhīdēvi prasādataḥ ॥ 14 ॥

rōgayuktē cha bālē cha pitāmātā śṛṇōti chēt ।
māsēna muchyatē rōgān ṣaṣṭhīdēvi prasādataḥ ॥ 15 ॥

jaya dēvi jaganmātaḥ jagadānandakāriṇi ।
prasīda mama kaḻyāṇi namastē ṣaṣṭhīdēvatē ॥ 16 ॥

iti śrī ṣaṣṭhīdēvi stōtram ।