Sri Padmavati Navaratna Malika Stuti
śrīmān yasyāḥ priyassan sakalamapi jagajjaṅgamasthāvarādyaṃ
svarbhūpātālabhēdaṃ vividhavidhamahāśilpasāmarthyasiddham ।
rañjan brahmāmarēndraistribhuvanajanakaḥ stūyatē bhūriśō yaḥ
sā viṣṇōrēkapatnī tribhuvanajananī pātu padmāvatī naḥ ॥ 1 ॥
śrīśṛṅgāraikadēvīṃ vidhimukhasumanaḥkōṭikōṭīrajāgra-
dratnajyōtsnāprasāraprakaṭitacharaṇāmbhōjanīrājitārchām ।
gīrvāṇastraiṇavāṇīpariphaṇitamahākīrtisaubhāgyabhāgyāṃ
hēlānirdagdhadainyaśramaviṣamamahāraṇyagaṇyāṃ namāmi ॥ 2 ॥
vidyutkōṭiprakāśāṃ vividhamaṇigaṇōnnidrasusnigdhaśōbhā-
sampatsampūrṇahārādyabhinavavibhavālaṅkriyōllāsikaṇṭhām ।
ādyāṃ vidyōtamānasmitaruchirachitānalpachandraprakāśāṃ
padmāṃ padmāyatākṣīṃ padanalinanamatpadmasadmāṃ namāmi ॥ 3 ॥
śaśvattasyāḥ śrayē’haṃ charaṇasarasijaṃ śārṅgapāṇēḥ purandhryāḥ
stōkaṃ yasyāḥ prasādaḥ prasarati manujē krūradāridryadagdhē ।
sō’yaṃ sadyō’navadyasthiratararuchiraśrēṣṭhabhūyiṣṭhanavya-
stavyaprāsādapaṅktiprasitabahuvidhaprābhavō bōbhavīti ॥ 4 ॥
saundaryōdvēlahēmāmbujamahitamahāsiṃhapīṭhāśrayāḍhyāṃ
puṣyannīlāravindapratimavarakṛpāpūrasampūrṇanētrām ।
jyōtsnāpīyūṣadhārāvahanavasuṣamakṣaumadhāmōjjvalāṅgīṃ
vandē siddhēśachētassarasijanilayāṃ chakrisaubhāgyaṛddhim ॥ 5 ॥
saṃsāraklēśahantrīṃ smitaruchiramukhīṃ sāraśṛṅgāraśōbhāṃ
sarvaiśvaryapradātrīṃ sarasijanayanāṃ saṃstutāṃ sādhubṛndaiḥ ।
saṃsiddhasnigdhabhāvāṃ surahitacharitāṃ sindhurājātmabhūtāṃ
sēvē sambhāvanīyānupamitamahimāṃ sachchidānandarūpām ॥ 6 ॥
siddhasvarṇōpamānadyutilasitatanuṃ snigdhasampūrṇachandra-
vrīḍāsampādivaktrāṃ tilasumavijayōdyōganirnidranāsām ।
tādātvōtphullanīlāmbujahasanachaṇātmīyachakṣuḥ prakāśāṃ
bālaśrīlapravālapriyasakhacharaṇadvandvaramyāṃ bhajē’ham ॥ 7 ॥
yāṃ dēvīṃ maunivaryāḥ śrayadamaravadhūmaulimālyārchitāṅghriṃ
saṃsārāsāravārānnidhitarataraṇē sarvadā bhāvayantē ।
śrīkārōttuṅgaratnaprachuritakanakasnigdhaśuddhāntalīlāṃ
tāṃ śaśvatpādapadmaśrayadakhilahṛdāhlādinīṃ hlādayē’ham ॥ 8 ॥
ākāśādhīśaputrīṃ śritajananivahādhīnachētaḥpravṛttiṃ
vandē śrīvēṅkaṭēśaprabhuvaramahiṣīṃ dīnachittapratōṣām ।
puṣyatpādāravindaprasṛmarasumahaśśāmitasvāśritānta-
stāmisrāṃ tattvarūpāṃ śukapuranilayāṃ sarvasaubhāgyadātrīm ॥ 9 ॥
śrīśēṣaśarmābhinavōpakluptā
priyēṇa bhaktyā cha samarpitēyam ।
padmāvatīmaṅgalakaṇṭhabhūṣā
virājatāṃ śrīnavaratnamālā ॥ 10 ॥
iti śrī padmāvatī navaratnamālikā stutiḥ ।
FAQs
What is Sri Padmavati Navaratna Malika Stuti?
Sri Padmavati Navaratna Malika Stuti is a devotional text available on Bhakti Granth in the selected language or script.
Which language or script is this version in?
This edition is published in English. Use the language selector to view another available edition.
Can I read Sri Padmavati Navaratna Malika Stuti online?
Yes. The imported text is available directly on this page for online reading and recitation.
Can I download Sri Padmavati Navaratna Malika Stuti as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.