Agni Suktam (Rugveda)

(ṛ.vē.1.1.1)

a̠gnimī̍ḻē pu̠rōhi̍taṃ ya̠jñasya̍ dē̠vamṛ̠tvija̍m ।
hōtā̍raṃ ratna̠dhāta̍mam ॥ 1

a̠gniḥ pūrvē̍bhi̠r-ṛṣi̍bhi̠rīḍyō̠ nūta̍nairu̠ta ।
sa dē̠vā।ṇ ēha va̍kṣati ॥ 2

a̠gninā̍ ra̠yima̍śnava̠tpōṣa̍mē̠va di̠vēdi̍vē ।
ya̠śasa̍ṃ vī̠rava̍ttamam ॥ 3

agnē̠ yaṃ ya̠jñama̍dhva̠raṃ vi̠śvata̍ḥ pari̠bhūrasi̍ ।
sa iddē̠vēṣu̍ gachChati ॥ 4

a̠gnir​hōtā̍ ka̠vikra̍tu-ssa̠tyaśchi̠traśra̍vastamaḥ ।
dē̠vō dē̠vēbhi̠rā ga̍mat ॥ 5

yada̠ṅga dā̠śuṣē̠ tvamagnē̍ bha̠dra-ṅka̍ri̠ṣyasi̍ ।
tavēttatsa̠tyama̍ṅgiraḥ ॥ 6

upa̍ tvāgnē di̠vēdi̍vē̠ dōṣā̍vastardhi̠yā va̠yam ।
namō̠ bhara̍nta̠ ēma̍si ॥ 7

rāja̍ntamadhva̠rāṇā̍-ṅgō̠pāmṛ̠tasya̠ dīdi̍vim ।
vardha̍māna̠ṃ svē damē̍ ॥ 8

sa na̍ḥ pi̠tēva̍ sū̠navē-‘gnē̍ sūpāya̠nō bha̍va ।
sacha̍svā na-ssva̠stayē̍ ॥ 9