Sri Neela Sarasvati Stotram

ghōrarūpē mahārāvē sarvaśatrubhayaṅkari ।
bhaktēbhyō varadē dēvi trāhi māṃ śaraṇāgatam ॥ 1 ॥

surā’surārchitē dēvi siddhagandharvasēvitē ।
jāḍyapāpaharē dēvi trāhi māṃ śaraṇāgatam ॥ 2 ॥

jaṭājūṭasamāyuktē lōlajihvāntakāriṇī ।
drutabuddhikarē dēvi trāhi māṃ śaraṇāgatam ॥ 3 ॥

saumyakrōdhadharē rūpē chaṇḍarūpē namō’stu tē ।
sṛṣṭirūpē namastubhyaṃ trāhi māṃ śaraṇāgatam ॥ 4 ॥

jaḍānāṃ jaḍatāṃ hanti bhaktānāṃ bhaktavatsalā ।
mūḍhatāṃ hara mē dēvi trāhi māṃ śaraṇāgatam ॥ 5 ॥

hrūṃ hrūṅkaramayē dēvi balihōmapriyē namaḥ ।
ugratārē namō nityaṃ trāhi māṃ śaraṇāgatam ॥ 6 ॥

buddhiṃ dēhi yaśō dēhi kavitvaṃ dēhi dēvi mē ।
mūḍhatvaṃ cha harērdēvi trāhi māṃ śaraṇāgatam ॥ 7 ॥

indrādivilasadvandvavanditē karuṇāmayi ।
tārē tāradhināthāsyē trāhi māṃ śaraṇāgatam ॥ 8 ॥

aṣṭamyāṃ cha chaturdaśyāṃ navamyāṃ yaḥ paṭhēnnaraḥ ।
ṣaṇmāsaiḥ siddhimāpnōti nā’tra kāryā vichāraṇā ॥ 9 ॥

mōkṣārthī labhatē mōkṣaṃ dhanārthī labhatē dhanam ।
vidyārthī labhatē vidyāṃ tarkavyākaraṇādikam ॥ 10 ॥

idaṃ stōtraṃ paṭhēdyastu satataṃ śraddhayānvitaḥ ।
tasya śatruḥ kṣayaṃ yāti mahāprajñā prajāyatē ॥ 11 ॥

pīḍāyāṃ vāpi saṅgrāmē jāḍyē dānē tathā bhayē ।
ya idaṃ paṭhati stōtraṃ śubhaṃ tasya na saṃśayaḥ ॥ 12 ॥

iti praṇamya stutvā cha yōnimudrāṃ pradarśayēt ॥

iti śrī nīlasarasvatī stōtram ॥