Sri Meenakshi Stotram
śrīvidyē śivavāmabhāganilayē śrīrājarājārchitē
śrīnāthādigurusvarūpavibhavē chintāmaṇīpīṭhikē ।
śrīvāṇīgirijānutāṅghrikamalē śrīśāmbhavi śrīśivē
madhyāhnē malayadhvajādhipasutē māṃ pāhi mīnāmbikē ॥ 1 ॥
chakrasthē’chapalē charācharajagannāthē jagatpūjitē
ārtālīvaradē natābhayakarē vakṣōjabhārānvitē ।
vidyē vēdakalāpamauḻividitē vidyullatāvigrahē
mātaḥ pūrṇasudhārasārdrahṛdayē māṃ pāhi mīnāmbikē ॥ 2 ॥
kōṭīrāṅgadaratnakuṇḍaladharē kōdaṇḍabāṇāñchitē
kōkākārakuchadvayōparilasatprālambahārāñchitē ।
śiñjannūpurapādasārasamaṇīśrīpādukālaṅkṛtē
maddāridryabhujaṅgagāruḍakhagē māṃ pāhi mīnāmbikē ॥ 3 ॥
brahmēśāchyutagīyamānacharitē prētāsanāntasthitē
pāśōdaṅkuśachāpabāṇakalitē bālēnduchūḍāñchitē ।
bālē bālakuraṅgalōlanayanē bālārkakōṭyujjvalē
mudrārādhitadaivatē munisutē māṃ pāhi mīnāmbikē ॥ 4 ॥
gandharvāmarayakṣapannaganutē gaṅgādharāliṅgitē
gāyatrīgaruḍāsanē kamalajē suśyāmalē susthitē ।
khātītē khaladārupāvakaśikhē khadyōtakōṭyujjvalē
mantrārādhitadaivatē munisutē māṃ pāhī mīnāmbikē ॥ 5 ॥
nādē nāradatumburādyavinutē nādāntanādātmikē
nityē nīlalatātmikē nirupamē nīvāraśūkōpamē ।
kāntē kāmakalē kadambanilayē kāmēśvarāṅkasthitē
madvidyē madabhīṣṭakalpalatikē māṃ pāhi mīnāmbikē ॥ 6 ॥
vīṇānādanimīlitārdhanayanē visrastachūlībharē
tāmbūlāruṇapallavādharayutē tāṭaṅkahārānvitē ।
śyāmē chandrakaḻāvataṃsakalitē kastūrikāphālikē
pūrṇē pūrṇakalābhirāmavadanē māṃ pāhi mīnāmbikē ॥ 7 ॥
śabdabrahmamayī charācharamayī jyōtirmayī vāṅmayī
nityānandamayī nirañjanamayī tattvammayī chinmayī ।
tattvātītamayī parātparamayī māyāmayī śrīmayī
sarvaiśvaryamayī sadāśivamayī māṃ pāhi mīnāmbikē ॥ 8 ॥
iti śrīmatparamahaṃsaparivrājakāchāryasya śrīgōvindabhagavatpūjyapādaśiṣyasya śrīmachChaṅkarabhagavataḥ kṛtau mīnākṣī stōtram ।
FAQs
What is Sri Meenakshi Stotram?
Sri Meenakshi Stotram is a devotional text available on Bhakti Granth in the selected language or script.
Which language or script is this version in?
This edition is published in English. Use the language selector to view another available edition.
Can I read Sri Meenakshi Stotram online?
Yes. The imported text is available directly on this page for online reading and recitation.
Can I download Sri Meenakshi Stotram as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.