Sri Maha Kalabhairava Kavacham

śrīdēvyuvācha ।
dēvadēva mahābāhō bhaktānāṃ sukhavardhana ।
kēna siddhiṃ dadātyāśu kālī trailōkyamōhana ॥ 1॥

tanmē vada dayā”dhāra sādhakābhīṣṭasiddhayē ।
kṛpāṃ kuru jagannātha vada vēdavidāṃ vara ॥ 2॥

śrībhairava uvācha ।
gōpanīyaṃ prayatnēna tattvāt tattvaṃ parātparam ।
ēṣa siddhikaraḥ samyak kimathō kathayāmyaham ॥ 3॥

mahākālamahaṃ vandē sarvasiddhipradāyakam ।
dēvadānavagandharvakinnaraparisēvitam ॥ 4॥

kavachaṃ tattvadēvasya paṭhanād ghōradarśanē ।
satyaṃ bhavati sānnidhyaṃ kavachastavanāntarāt ॥ 5॥

siddhiṃ dadāti sā tuṣṭā kṛtvā kavachamuttamam ।
sāmrājyatvaṃ priyaṃ datvā putravat paripālayēt ॥ 6॥

kavachasya ṛṣirdēvī kālikā dakṣiṇā tathā
virāṭChandaḥ suvijñēyaṃ mahākālastu dēvatā ।
kālikā sādhanē chaiva viniyōgaḥ prakīrttitaḥ ॥ 7॥

ōṃ śmaśānasthō mahārudrō mahākālō digambaraḥ ।
kapālakartṛkā vāmē śūlaṃ khaṭvāṅgaṃ dakṣiṇē ॥ 8॥

bhujaṅgabhūṣitē dēvi bhasmāsthimaṇimaṇḍitaḥ ।
jvalatpāvakamadhyasthō bhasmaśayyāvyavasthitaḥ ॥ 9॥

viparītaratāṃ tatra kālikāṃ hṛdayōpari ।
pēyaṃ khādyaṃ cha chōṣyaṃ cha tau kṛtvā tu parasparam ।
ēvaṃ bhaktyā yajēd dēvaṃ sarvasiddhiḥ prajāyatē ॥ 10॥

praṇavaṃ pūrvamuchchārya mahākālāya tatpadam ।
namaḥ pātu mahāmantraḥ sarvaśāstrārthapāragaḥ ॥ 11॥

aṣṭakṣarō mahā mantraḥ sarvāśāparipūrakaḥ ।
sarvapāpakṣayaṃ yāti grahaṇē bhaktavatsalē ॥ 12॥

kūrchadvandvaṃ mahākāla prasīdēti padadvayam ।
lajjāyugmaṃ vahnijāyā sa tu rājēśvarō mahān ॥ 13॥

mantragrahaṇamātrēṇa bhavēta satyaṃ mahākaviḥ ।
gadyapadyamayī vāṇī gaṅgānirjharitā tathā ॥ 14॥

tasya nāma tu dēvēśi dēvā gāyanti bhāvukāḥ ।
śaktibījadvayaṃ datvā kūrchaṃ syāt tadanantaram ॥ 15॥

mahākālapadaṃ datvā māyābījayugaṃ tathā ।
kūrchamēkaṃ samuddhṛtya mahāmantrō daśākṣaraḥ ॥ 16॥

rājasthānē durgamē cha pātu māṃ sarvatō mudā ।
vēdādibījamādāya bhagamān tadanantaram ॥ 17॥

mahākālāya samprōchya kūrchaṃ datvā cha ṭhadvayam ।
hrīṅkārapūrvamuddhṛtya vēdādistadanantaram ॥ 18॥

mahākālasyāntabhāgē svāhāntamanumuttamam ।
dhanaṃ putraṃ sadā pātu bandhudārānikētanam ॥ 19॥

piṅgalākṣō mañjuyuddhē yuddhē nityaṃ jayapradaḥ ।
sambhāvyaḥ sarvaduṣṭaghnaḥ pātu svasthānavallabhaḥ ॥ 20॥

iti tē kathitaṃ tubhyaṃ dēvānāmapi durlabham ।
anēna paṭhanād dēvi vighnanāśō yathā bhavēt ॥ 21॥

sampūjakaḥ śuchisnātaḥ bhaktiyuktaḥ samāhitaḥ ।
sarvavyādhivinirmuktaḥ vairimadhyē viśēṣataḥ ॥ 22॥

mahābhīmaḥ sadā pātu sarvasthāna vallabham । ?
kālīpārśvasthitō dēvaḥ sarvadā pātu mē mukhē ॥ 23॥

॥ phala śruti॥

paṭhanāt kālikādēvī paṭhēt kavachamuttamam ।
śruṇuyād vā prayatnēna sadā”nandamayō bhavēt ॥ 1॥

śraddhayā’śraddhayā vāpi paṭhanāt kavachasya yat ।
sarvasiddhimavāpnōti yadyanmanasi vartatē ॥ 2॥

bilvamūlē paṭhēd yastu paṭhanād kavachasya yat ।
trisandhyaṃ paṭhanād dēvi bhavēnnityaṃ mahākaviḥ ॥ 3॥

kumārīṃ pūjayitvā tu yaḥ paṭhēd bhāvatatparaḥ ।
na kiñchid durlabhaṃ tasya divi vā bhuvi mōdatē ॥ 4॥

durbhikṣē rājapīḍāyāṃ grāmē vā vairimadhyakē ।
yatra yatra bhayaṃ prāptaḥ sarvatra prapaṭhēnnaraḥ ॥ 5॥

tatra tatrābhayaṃ tasya bhavatyēva na saṃśayaḥ ।
vāmapārśvē samānīya śōbhitāṃ varakāminīm ॥ 6॥

śraddhayā’śraddhayā vāpi paṭhanāt kavachasya tu ।
prayatnataḥ paṭhēd yastu tasya siddhiḥ karē sthitā ॥ 7॥

idaṃ kavachamajñātvā kālaṃ yō bhajatē naraḥ ।
naiva siddhirbhavēt tasya vighnastasya padē padē ।
ādau varma paṭhitvā tu tasya siddhirbhaviṣyati ॥ 8॥

॥ iti rudrayāmalē mahātantrē mahākālabhairavakavachaṃ sampūrṇam॥