Sri Madhvacharya Kruta Dwadasha Stotra – 5

atha pañchamastōtram

vāsudēvāparimēyasudhāman śuddhasadōdita sundarīkānta ।
dharādharadhāraṇa vēdhuradhartaḥ saudhṛtidīdhitivēdhṛvidhātaḥ ॥ 1॥

adhikabandhaṃ randhaya bōdhā chChindhipidhānaṃ bandhuramaddhā ।
kēśava kēśava śāsaka vandē pāśadharārchita śūraparēśa (śūravarēśa) ॥ 2॥

nārāyaṇāmalatāraṇa (kāraṇa) vandē kāraṇakāraṇa pūrṇa varēṇya ।
mādhava mādhava sādhaka vandē bādhaka bōdhaka śuddha samādhē ॥ 3॥

gōvinda gōvinda purandara vandē skanda sanandana vandita pāda ।
viṣṇu sṛjiṣṇu grasiṣṇu vivandē kṛṣṇa saduṣṇa vadhiṣṇa sudhṛṣṇō ॥ 4॥

viṣṇō sṛjiṣṇō grasiṣṇō vivandē kṛṣṇa saduṣṇavadhiṣṇō sudhṛṣṇō
madhusūdana dānavasādana vandē daivatamōdana (daivatamōdita) vēdita pāda ।
trivikrama niṣkrama vikrama vandē sukrama saṅkramahuṅkṛtavaktra ॥ 5॥ (saṅkrama sukrama huṅkṛtavaktra)
vāmana vāmana bhāmana vandē sāmana sīmana sāmana sānō ।
śrīdhara śrīdhara śandhara vandē bhūdhara vārdhara kandharadhārin ॥ 6॥

hṛṣīkēśa sukēśa parēśa vivandē śaraṇēśa kalēśa balēśa sukhēśa ।
padmanābha śubhōdbhava vandē sambhṛtalōkabharābhara bhūrē ।
dāmōdara dūratarāntara vandē dāritapāraka pāra (dāritapāragapāra) parasmāt ॥ 7॥

ānandasutīrtha munīndrakṛtā harigītiriyaṃ paramādarataḥ ।
paralōkavilōkana sūryanibhā haribhakti vivardhana śauṇḍatamā ॥ 8॥

iti śrīmadānandatīrthabhagavatpādāchārya virachitaṃ
dvādaśastōtrēṣu pañchamastōtraṃ sampūrṇam