Sri Krishna Krupa Kataksha Stotram

śrīkṛṣṇa prārthanā
mūkaṃ karōti vāchālaṃ paṅgu laṅghayatē girim।
yatkṛpā tamahaṃ vandē paramānanda mādhavam॥
nāhaṃ vasāmi vaikuṇṭhē yōgināṃ hṛdayē na cha।
madbhaktā yatra gāyanti tatra tiṣṭhāmi nārada॥

atha śrī kṛṣṇa kṛpā kaṭākṣa stōtra ॥

bhajē vrajaikamaṇḍanaṃ samastapāpakhaṇḍanaṃ
svabhaktachittarañjanaṃ sadaiva nandanandanam ।
supichChaguchChamastakaṃ sunādavēṇuhastakaṃ
anaṅgaraṅgasāgaraṃ namāmi kṛṣṇanāgaram ॥

manōjagarvamōchanaṃ viśālalōlalōchanaṃ
vidhūtagōpaśōchanaṃ namāmi padmalōchanam ।
karāravindabhūdharaṃ smitāvalōkasundaraṃ
mahēndramānadāraṇaṃ namāmi kṛṣṇa vāraṇam ॥

kadambasūnakuṇḍalaṃ suchārugaṇḍamaṇḍalaṃ
vrajāṅganaikavallabhaṃ namāmi kṛṣṇadurlabham ।
yaśōdayā samōdayā sagōpayā sanandayā
yutaṃ sukhaikadāyakaṃ namāmi gōpanāyakam ॥

sadaiva pādapaṅkajaṃ madīya mānasē nijaṃ
dadhānamuktamālakaṃ namāmi nandabālakam ।
samastadōṣaśōṣaṇaṃ samastalōkapōṣaṇaṃ
samastagōpamānasaṃ namāmi nandalālasam ॥

bhuvō bharāvatārakaṃ bhavābdhikarṇadhārakaṃ
yaśōmatīkiśōrakaṃ namāmi chittachōrakam ।
dṛgantakāntabhaṅginaṃ sadā sadālisaṅginaṃ
dinē-dinē navaṃ-navaṃ namāmi nandasambhavam ॥

guṇākaraṃ sukhākaraṃ kṛpākaraṃ kṛpāparaṃ
suradviṣannikandanaṃ namāmi gōpanandanam ।
navīna gōpanāgaraṃ navīnakēli-lampaṭaṃ
namāmi mēghasundaraṃ taḍitprabhālasatpaṭam ॥

samasta gōpa mōhanaṃ, hṛdambujaika mōdanaṃ
namāmikuñjamadhyagaṃ prasanna bhānuśōbhanam ।
nikāmakāmadāyakaṃ dṛgantachārusāyakaṃ
rasālavēṇugāyakaṃ namāmikuñjanāyakam ॥

vidagdha gōpikāmanō manōjñatalpaśāyinaṃ
namāmi kuñjakānanē pravṛddhavahnipāyinam ।
kiśōrakānti rañjitaṃ dṛgañjanaṃ suśōbhitaṃ
gajēndramōkṣakāriṇaṃ namāmi śrīvihāriṇam ॥

phalaśṛti
yadā tadā yathā tathā tathaiva kṛṣṇasatkathā
mayā sadaiva gīyatāṃ tathā kṛpā vidhīyatām ।
pramāṇikāṣṭakadvayaṃ japatyadhītya yaḥ pumān
bhavētsa nandanandanē bhavē bhavē subhaktimāna ॥