Sri Krishna Kavacham (Trailokya Mangala Kavacham)

śrī nārada uvācha –
bhagavansarvadharmajña kavachaṃ yatprakāśitam ।
trailōkyamaṅgaḻaṃ nāma kṛpayā kathaya prabhō ॥ 1 ॥

sanatkumāra uvācha –
śṛṇu vakṣyāmi viprēndra kavachaṃ paramādbhutam ।
nārāyaṇēna kathitaṃ kṛpayā brahmaṇē purā ॥ 2 ॥

brahmaṇā kathitaṃ mahyaṃ paraṃ snēhādvadāmi tē ।
ati guhyataraṃ tattvaṃ brahmamantraughavigraham ॥ 3 ॥

yaddhṛtvā paṭhanādbrahmā sṛṣṭiṃ vitanutē dhruvam ।
yaddhṛtvā paṭhanātpāti mahālakṣmīrjagattrayam ॥ 4 ॥

paṭhanāddhāraṇāchChambhuḥ saṃhartā sarvamantravit ।
trailōkyajananī durgā mahiṣādimahāsurān ॥ 5 ॥

varatṛptān jaghānaiva paṭhanāddhāraṇādyataḥ ।
ēvamindrādayaḥ sarvē sarvaiśvaryamavāpnuyuḥ ॥ 6 ॥

idaṃ kavachamatyantaguptaṃ kutrāpi nō vadēt ।
śiṣyāya bhaktiyuktāya sādhakāya prakāśayēt ॥ 7 ॥

śaṭhāya paraśiṣyāya datvā mṛtyumavāpnuyāt ।
trailōkyamaṅgaḻasyā’sya kavachasya prajāpatiḥ ॥ 8 ॥

ṛṣiśChandaścha gāyatrī dēvō nārāyaṇassvayam ।
dharmārthakāmamōkṣēṣu viniyōgaḥ prakīrtitaḥ ॥ 9 ॥

praṇavō mē śiraḥ pātu namō nārāyaṇāya cha ।
phālaṃ mē nētrayugaḻamaṣṭārṇō bhuktimuktidaḥ ॥ 10 ॥

klīṃ pāyāchChrōtrayugmaṃ chaikākṣaraḥ sarvamōhanaḥ ।
klīṃ kṛṣṇāya sadā ghrāṇaṃ gōvindāyēti jihvikām ॥ 11 ॥

gōpījanapadavallabhāya svāhā’nanaṃ mama ।
aṣṭādaśākṣarō mantraḥ kaṇṭhaṃ pātu daśākṣaraḥ ॥ 12 ॥

gōpījanapadavallabhāya svāhā bhujadvayam ।
klīṃ glauṃ klīṃ śyāmalāṅgāya namaḥ skandhau rakṣākṣaraḥ ॥ 13 ॥

klīṃ kṛṣṇaḥ klīṃ karau pāyāt klīṃ kṛṣṇāyāṃ gatō’vatu ।
hṛdayaṃ bhuvanēśānaḥ klīṃ kṛṣṇaḥ klīṃ stanau mama ॥ 14 ॥

gōpālāyāgnijāyātaṃ kukṣiyugmaṃ sadā’vatu ।
klīṃ kṛṣṇāya sadā pātu pārśvayugmamanuttamaḥ ॥ 15 ॥

kṛṣṇa gōvindakau pātu smarādyaujēyutau manuḥ ।
aṣṭākṣaraḥ pātu nābhiṃ kṛṣṇēti dvyakṣarō’vatu ॥ 16 ॥

pṛṣṭhaṃ klīṃ kṛṣṇakaṃ galla klīṃ kṛṣṇāya dvirāntakaḥ ।
sakthinī satataṃ pātu śrīṃ hrīṃ klīṃ kṛṣṇaṭhadvayam ॥ 17 ॥

ūrū saptākṣaraṃ pāyāt trayōdaśākṣarō’vatu ।
śrīṃ hrīṃ klīṃ padatō gōpījanavallabhapadaṃ tataḥ ॥ 18 ॥

śriyā svāhēti pāyū vai klīṃ hrīṃ śrīṃ sadaśārṇakaḥ ।
jānunī cha sadā pātu klīṃ hrīṃ śrīṃ cha daśākṣaraḥ ॥ 19 ॥

trayōdaśākṣaraḥ pātu jaṅghē chakrādyudāyudhaḥ ।
aṣṭādaśākṣarō hrīṃ śrīṃ pūrvakō viṃśadarṇakaḥ ॥ 20 ॥

sarvāṅgaṃ mē sadā pātu dvārakānāyakō balī ।
namō bhagavatē paśchādvāsudēvāya tatparam ॥ 21 ॥

tārādyō dvādaśārṇō’yaṃ prāchyāṃ māṃ sarvadā’vatu ।
śrīṃ hrīṃ klīṃ cha daśārṇastu klīṃ hrīṃ śrīṃ ṣōḍaśārṇakaḥ ॥ 22 ॥

gadādyudāyudhō viṣṇurmāmagnērdiśi rakṣatu ।
hrīṃ śrīṃ daśākṣarō mantrō dakṣiṇē māṃ sadā’vatu ॥ 23 ॥

tārō namō bhagavatē rukmiṇīvallabhāya cha ।
svāhēti ṣōḍaśārṇō’yaṃ nairṛtyāṃ diśi rakṣatu ॥ 24 ॥

klīṃ hṛṣīkēśa vaṃśāya namō māṃ vāruṇō’vatu ।
aṣṭādaśārṇaḥ kāmāntō vāyavyē māṃ sadā’vatu ॥ 25 ॥

śrīṃ māyākāmatṛṣṇāya gōvindāya dvikō manuḥ ।
dvādaśārṇātmakō viṣṇuruttarē māṃ sadā’vatu ॥ 26 ॥

vāgbhavaṃ kāmakṛṣṇāya hrīṃ gōvindāya tatparam ।
śrīṃ gōpījanavallabhāya svāhā hastau tataḥ param ॥ 27 ॥

dvāviṃśatyakṣarō mantrō māmaiśānyē sadā’vatu ।
kāḻīyasya phaṇāmadhyē divyaṃ nṛtyaṃ karōti tam ॥ 28 ॥

namāmi dēvakīputraṃ nṛtyarājānamachyutam ।
dvātriṃśadakṣarō mantrō’pyadhō māṃ sarvadā’vatu ॥ 29 ॥

kāmadēvāya vidmahē puṣpabāṇāya dhīmahi ।
tannō’naṅgaḥ prachōdayādēṣā māṃ pātuchōrdhvataḥ ॥ 30 ॥

iti tē kathitaṃ vipra brahmamantraughavigraham ।
trailōkyamaṅgaḻaṃ nāma kavachaṃ brahmarūpakam ॥ 31 ॥

brahmaṇā kathitaṃ pūrvaṃ nārāyaṇamukhāchChrutam ।
tava snēhānmayā’khyātaṃ pravaktavyaṃ na kasyachit ॥ 32 ॥

guruṃ praṇamya vidhivatkavachaṃ prapaṭhēttataḥ ।
sakṛddvistriryathājñānaṃ sa hi sarvatapōmayaḥ ॥ 33 ॥

mantrēṣu sakalēṣvēva dēśikō nātra saṃśayaḥ ।
śatamaṣṭōttaraṃ chāsya puraścharyā vidhissmṛtaḥ ॥ 34 ॥

havanādīndaśāṃśēna kṛtvā tatsādhayēddhruvam ।
yadi syātsiddhakavachō viṣṇurēva bhavētsvayam ॥ 35 ॥

mantrasiddhirbhavēttasya puraścharyā vidhānataḥ ।
spardhāmuddhūya satataṃ lakṣmīrvāṇī vasēttataḥ ॥ 36 ॥

puṣpāñjalyaṣṭakaṃ datvā mūlēnaiva paṭhētsakṛt ।
daśavarṣasahasrāṇi pūjāyāḥ phalamāpnuyāt ॥ 37 ॥

bhūrjē vilikhya guḻikāṃ svarṇasthāṃ dhārayēdyadi ।
kaṇṭhē vā dakṣiṇē bāhau sō’pi viṣṇurna saṃśayaḥ ॥ 38 ॥

aśvamēdhasahasrāṇi vājapēyaśatāni cha ।
mahādānāni yānyēva prādakṣiṇyaṃ bhuvastathā ॥ 39 ॥

kaḻāṃ nārhanti tānyēva sakṛduchchāraṇāttataḥ ।
kavachasya prasādēna jīvanmuktō bhavēnnaraḥ ॥ 40 ॥

trailōkyaṃ kṣōbhayatyēva trailōkyavijayī sa hi ।
idaṃ kavachamajñātvā yajēdyaḥ puruṣōttamam ।
śatalakṣaprajaptō’pi na mantrastasya siddhyati ॥ 41 ॥

iti śrī nāradapāñcharātrē jñānāmṛtasārē trailōkyamaṅgaḻakavacham ।