SrI Durga Sapta Shloki

śiva uvācha ।
dēvī tvaṃ bhaktasulabhē sarvakāryavidhāyini ।
kalau hi kāryasiddhyarthamupāyaṃ brūhi yatnataḥ ॥

dēvyuvācha ।
śṛṇu dēva pravakṣyāmi kalau sarvēṣṭasādhanam ।
mayā tavaiva snēhēnāpyambāstutiḥ prakāśyatē ॥

asya śrī durgā saptaślōkī stōtramantrasya nārāyaṇa ṛṣiḥ, anuṣṭup Chandaḥ, śrī mahākāḻī mahālakṣmī mahāsarasvatyō dēvatāḥ, śrī durgā prītyarthaṃ saptaślōkī durgāpāṭhē viniyōgaḥ ।

jñānināmapi chētāṃsi dēvī bhagavatī hi sā ।
balādākṛṣya mōhāya mahāmāyā prayachChati ॥ 1 ॥

durgē smṛtā harasi bhītimaśēṣajantōḥ
svasthaiḥ smṛtā matimatīva śubhāṃ dadāsi ।
dāridryaduḥkha bhayahāriṇi kā tvadanyā
sarvōpakārakaraṇāya sadārdra chittā ॥ 2 ॥

sarvamaṅgaḻamāṅgaḻyē śivē sarvārthasādhikē ।
śaraṇyē tryambakē gaurī nārāyaṇi namō’stu tē ॥ 3 ॥

śaraṇāgatadīnārtaparitrāṇaparāyaṇē ।
sarvasyārtiharē dēvi nārāyaṇi namō’stu tē ॥ 4 ॥

sarvasvarūpē sarvēśē sarvaśaktisamanvitē ।
bhayēbhyastrāhi nō dēvi durgē dēvi namō’stu tē ॥ 5 ॥

rōgānaśēṣānapahaṃsi tuṣṭā-
ruṣṭā tu kāmān sakalānabhīṣṭān ।
tvāmāśritānāṃ na vipannarāṇāṃ
tvāmāśritā hyāśrayatāṃ prayānti ॥ 6 ॥

sarvabādhāpraśamanaṃ trailōkyasyākhilēśvari ।
ēvamēva tvayā kāryamasmadvairi vināśanam ॥ 7 ॥

iti śrī durgā saptaślōkī ।