Sri Durga Atharvasheersham

ōṃ sarvē vai dēvā dēvīmupatasthuḥ kāsi tva-mmahādēvīti ॥ 1 ॥

sā-‘bravīdaha-mbrahmasvarūpiṇī ।
mattaḥ prakṛtipuruṣātmaka-ñjagat ।
śūnya-ñchāśūnya-ñcha ॥ 2 ॥

ahamānandānānandau ।
ahaṃ vijñānāvijñānē ।
aha-mbrahmābrahmaṇi vēditavyē ।
aha-mpañchabhūtānyapañchabhūtāni ।
ahamakhila-ñjagat ॥ 3 ॥

vēdō-‘hamavēdō-‘ham ।
vidyā-‘hamavidyā-‘ham ।
ajā-‘hamanajā-‘ham ।
adhaśchōrdhva-ñcha tiryakchāham ॥ 4 ॥

ahaṃ rudrēbhirvasubhiścharāmi ।
ahamādityairuta viśvadēvaiḥ ।
aha-mmitrāvaruṇāvubhau bibharmi ।
ahamindrāgnī ahamaśvināvubhau ॥ 5 ॥

ahaṃ sōma-ntvaṣṭāra-mpūṣaṇa-mbhaga-ndadhāmi ।
ahaṃ viṣṇumurukrama-mbrahmāṇamuta prajāpati-ndadhāmi ॥ 6 ॥

a̠ha-nda̍dhāmi̠ dravi̍ṇaṃ ha̠viṣma̍tē suprā̠vyē̠3 yaja̍mānāya sunva̠tē ।
a̠haṃ rāṣṭrī̍ sa̠ṅgama̍nī̠ vasū̍nā-ñchiki̠tuṣī̍ pratha̠mā ya̠jñiyā̍nām ।
a̠haṃ su̍vē pi̠tara̍masya mū̠rdhanmama̠ yōni̍ra̠psvanta-ssa̍mu̠drē ।
ya ēvaṃ vēda । sa dēvīṃ sampadamāpnōti ॥ 7 ॥

tē dēvā abruvan –
namō dēvyai mahādēvyai śivāyai satata-nnamaḥ ।
namaḥ prakṛtyai bhadrāyai niyatāḥ praṇatā-ssma tām ॥ 8 ॥

tāma̠gniva̍rṇā̠-ntapa̍sā jvala̠ntīṃ vai̍rōcha̠nī-ṅka̍rmapha̠lēṣu̠ juṣṭā̎m ।
du̠rgā-ndē̠vīṃ śara̍ṇa-mprapa̍dyāmahē-‘surānnāśayitryai tē namaḥ ॥ 9 ॥

(ṛ.vē.8.100.11)
dē̠vīṃ vācha̍majanayanta dē̠vāstāṃ vi̠śvarū̍pāḥ pa̠śavō̍ vadanti ।
sā nō̍ ma̠ndrēṣa̠mūrja̠-nduhā̍nā dhē̠nurvāga̠smānupa̠ suṣṭu̠taitu̍ ॥ 10 ॥

kālarātrī-mbrahmastutāṃ vaiṣṇavīṃ skandamātaram ।
sarasvatīmaditi-ndakṣaduhitara-nnamāmaḥ pāvanāṃ śivām ॥ 11 ॥

mahālakṣmyai cha vidmahē sarvaśaktyai cha dhīmahi ।
tannō dēvī prachōdayāt ॥ 12 ॥

aditir​hyajaniṣṭa dakṣa yā duhitā tava ।
tā-ndēvā anvajāyanta bhadrā amṛtabandhavaḥ ॥ 13 ॥

kāmō yōniḥ kamalā vajrapāṇi-
rguhā hasā mātariśvābhramindraḥ ।
punarguhā sakalā māyayā cha
purūchyaiṣā viśvamātādividyōm ॥ 14 ॥

ēṣā-”tmaśaktiḥ ।
ēṣā viśvamōhinī ।
pāśāṅkuśadhanurbāṇadharā ।
ēṣā śrīmahāvidyā ।
ya ēvaṃ vēda sa śōka-ntarati ॥ 15 ॥

namastē astu bhagavati mātarasmānpāhi sarvataḥ ॥ 16 ॥

saiṣāṣṭau vasavaḥ ।
saiṣaikādaśa rudrāḥ ।
saiṣā dvādaśādityāḥ ।
saiṣā viśvēdēvā-ssōmapā asōmapāścha ।
saiṣā yātudhānā asurā rakṣāṃsi piśāchā yakṣā siddhāḥ ।
saiṣā sattvarajastamāṃsi ।
saiṣā brahmaviṣṇurudrarūpiṇī ।
saiṣā prajāpatīndramanavaḥ ।
saiṣā grahanakṣatrajyōtīṃṣi । kalākāṣṭhādikālarūpiṇī ।
tāmaha-mpraṇaumi nityam ।
pāpāpahāriṇī-ndēvī-mbhuktimuktipradāyinīm ।
anantāṃ vijayāṃ śuddhāṃ śaraṇyāṃ śivadāṃ śivām ॥ 17 ॥

viyadīkārasaṃyuktaṃ vītihōtrasamanvitam ।
ardhēndulasita-ndēvyā bījaṃ sarvārthasādhakam ॥ 18 ॥

ēvamēkākṣara-mbrahma yataya-śśuddhachētasaḥ ।
dhyāyanti paramānandamayā jñānāmburāśayaḥ ॥ 19 ॥

vāṅmāyā brahmasūstasmā-thṣaṣṭhaṃ vaktrasamanvitam ।
sūryō-‘vāmaśrōtrabindusaṃyuktaṣṭāttṛtīyakaḥ ।
nārāyaṇēna sammiśrō vāyuśchādharayuktataḥ ।
vichchē navārṇakō-‘rṇa-ssyānmahadānandadāyakaḥ ॥ 20 ॥

hṛtpuṇḍarīkamadhyasthā-mprātassūryasamaprabhām ।
pāśāṅkuśadharāṃ saumyāṃ varadābhayahastakām ।
trinētrāṃ raktavasanā-mbhaktakāmadughā-mbhajē ॥ 21 ॥

namāmi tvā-mmahādēvī-mmahābhayavināśinīm ।
mahādurgapraśamanī-mmahākāruṇyarūpiṇīm ॥ 22 ॥

yasyā-ssvarūpa-mbrahmādayō na jānanti tasmāduchyatē ajñēyā ।
yasyā antō na labhyatē tasmāduchyatē anantā ।
yasyā lakṣya-nnōpalakṣyatē tasmāduchyatē alakṣyā ।
yasyā janana-nnōpalabhyatē tasmāduchyatē ajā ।
ēkaiva sarvatra vartatē tasmāduchyatē ēkā ।
ēkaiva viśvarūpiṇī tasmāduchyatē naikā ।
ata ēvōchyatē ajñēyānantālakṣyājaikā naikēti ॥ 23 ॥

mantrāṇā-mmātṛkā dēvī śabdānā-ñjñānarūpiṇī ।
jñānānā-ñchinmayātītā śūnyānāṃ śūnyasākṣiṇī ।
yasyāḥ paratara-nnāsti saiṣā durgā prakīrtitā ॥ 24 ॥

tā-ndurgā-ndurgamā-ndēvī-ndurāchāravighātinīm ।
namāmi bhavabhītō-‘haṃ saṃsārārṇavatāriṇīm ॥ 25 ॥

idamatharvaśīr​ṣaṃ yō-‘dhītē sa pañchātharvaśīr​ṣajapaphalamāpnōti ।
idamatharvaśīr​ṣamajñātvā yō-‘rchāṃ sthāpayati ।
śatalakṣa-mprajaptvā-‘pi sō-‘rchāsiddhi-nna vindati ।
śatamaṣṭōttara-ñchāsya puraścharyāvidhi-ssmṛtaḥ ।
daśavāra-mpaṭhēdyastu sadyaḥ pāpaiḥ pramuchyatē ।
mahādurgāṇi tarati mahādēvyāḥ prasādataḥ । 26 ॥

sāyamadhīyānō divasakṛta-mpāpa-nnāśayati ।
prātaradhīyānō rātrikṛta-mpāpa-nnāśayati ।
sāya-mprātaḥ prayuñjānō apāpō bhavati ।
niśīthē turīyasandhyāyā-ñjaptvā vāksiddhirbhavati ।
nūtanāyā-mpratimāyā-ñjaptvā dēvatāsānnidhya-mbhavati ।
prāṇapratiṣṭhāyā-ñjaptvā prāṇānā-mpratiṣṭhā bhavati ।
bhaumāśvinyā-mmahādēvīsannidhau japtvā mahāmṛtyu-ntarati ।
sa mahāmṛtyu-ntarati ।
ya ēvaṃ vēda ।
ityupaniṣat ॥ 27 ॥

iti dēvyatharvaśīr​ṣam ।